🍁പരിണയം🍁ഫുൾ പാർട്ട്🍁

❣️❣️പരിണയം ഫുൾ പാർട്ട് ❣️❣️

ഇപ്പൊ  ഇറങ്ങിക്കോണം ഇവളെയും  വിളിച്ചുകൊണ്ട് !!! ഈ നശൂലത്തിന്റെ കൈ പിടിച്ചു  ഈ തറവാട്ടിൽ കാലു കുത്താൻ നിനക്ക്  എങ്ങനെ തോന്നി  ഇന്ദ്രാ ??

ഇവളെ ഇവിടെ  കയറ്റാമെന്നോ കെട്ടിലമ്മയായി  വഴിക്കാമോ എന്ന് വെല്ല വിചാരവും ഉണ്ടങ്കിൽ  മോനെ  ഇന്ദ്രാ ... നീ അമ്മയുടെ  ശവം ഉത്തരത്തിൽ കെട്ടി തൂങ്ങി  നിൽക്കുന്നതും കൂടി കാണേണ്ടി വരും !!! 

അതുകാണെണ്ടങ്കിൽ ,,,ഇവളെ  എവിടെ നിന്നും വിളിച്ചിറക്കി  കൊണ്ട്  വന്നോ  അവിടെ കൊണ്ടുവിട്ടിട്ട്  ഈ പടി. എന്റെ മോൻ ചവിട്ടിയാൽ മതി ...വിശാലാക്ഷി  ഉറഞ്ഞു തുള്ളി ... 

ഇന്ദ്രന്റെ കൈയ്യിൽ  നിന്നും ഉണ്ണിമായ  പിടിവിട്ടു ...തിരിഞ്ഞു നടക്കാൻ തുടങ്ങി ...

ഉണ്ണിമായയുടെ  കണ്ണുകൾ നിറഞ്ഞിരുന്നു ... ഇന്ദ്രൻ അമ്മയെ രൂക്ഷമായി നോക്കി ...

ശേഷം പിറകെ  ചെന്ന് ഉണ്ണിമായയുടെ  കൈയ്യിൽ  പിടുത്തം ഇട്ടു ... 

എന്റെ മായേ ,,

""നിന്നെ  ഞാൻ വിളിച്ചിറക്കികൊണ്ട്  വന്നത് പകുതി വഴി വെച്ച് ഉപേക്ഷിച്ചു പോകുവാനല്ല!!! ... സുഖമായാലും ദുഖമായാലും ഒരുമിച്ചു  ജീവിക്കാൻ തീരുമാനിച്ചവർ അല്ലേ. നമ്മൾ ""

ഇന്ന് മുതൽ ഞാൻ എവിടെ താമസിക്കുന്നോ  അവിടെ  നീയും കാണും ......നിന്നെ ഞാൻ വെറുതെ  ഒരു എടുത്തുചാട്ടത്തിന്  വിളിച്ചിറക്കി കൊണ്ട്  വന്നതല്ലലോ ???

നിയമപരമായി നീ എന്റെ ഭാര്യയല്ലേ !! നിന്നെ സംരക്ഷിക്കേണ്ട ചുമതല  എനിക്ക്  ഉണ്ട് ... അത്കൊണ്ട് ആര്  എന്ത് പറഞ്ഞാലും എനിക്ക്  ഒരു ചുക്കുമില്ല ...

നമ്മൾ ഒരു തെറ്റും ചെയ്തിട്ടില്ല ... ഇപ്പോൾ ഞാൻ എടുത്ത  ഈ തീരുമാനവും ശെരിയാണെന്ന ഉത്തമ ബോദ്യം എനിക്കുണ്ട് ... ഇന്ദ്രന്റെ ശബ്ദം ഉറച്ചതായിരുന്നു ...

പിന്നെ നമ്മൾ ഇങ്ങോട്ട്  പോരുമ്പോൾ തന്നെ  വീട്ടിലെ  പ്രതികരണം  ഇങ്ങനെ  തന്നെയാകും എന്ന് ഞാൻ പ്രതീക്ഷിച്ചതാണ്  .... അത്കൊണ്ട്  എനിക്ക്  വിഷമം ഇല്ല ...

ഇന്ദ്രൻ അമ്മയുടെ നേരെ തിരിഞ്ഞു ....

അമ്മേ എനിക്ക് ഉണ്ണിമായയോടുള്ള ഇഷ്ട്ടം അമ്മ  ഇപ്പോഴല്ലലോ അറിഞ്ഞത് ... അമ്മ കണ്ടെത്തിയ കുട്ടിയെ എനിക്ക് ഇഷ്ടമല്ല ... ഞാൻ കണ്ടെത്തിയ എന്റെ മായയെ നിങ്ങൾക്ക്  അംഗീകരിക്കാൻ കഴിയുന്നില്ല ..

എന്നെ  വിശ്വസിച്ചു എന്റെ കൂടെ ഇറങ്ങി വന്നതാണ്  ഉണ്ണിമായ ... ഞാൻ കെട്ടിയ താലിയാണ് അവളുടെ കഴുത്തിൽ കിടക്കുന്നത് ??

അമ്മക്ക്  ഞങ്ങളെ  അംഗീകരിക്കാൻ കഴിയുന്നില്ലെങ്കിൽ ഇനി  അമ്മയുടെ  കാല്  പിടിക്കാൻ ഇനി  ഈ ഇന്ദ്രനും ഇങ്ങോട്ട് വെരുന്നില്ല .. അമ്മയയോട് എനിക്ക് പിണക്കം ഒന്നുമില്ല കേട്ടോ  ... 

ഞങ്ങൾ ഇറങ്ങുന്നു .....

മോനേ  ഇന്ദ്രാ ....

പിന്നിൽ നിന്നുള്ള  വിളി  അച്ഛൻ  കൃഷ്ണ മേനോന്റെയായിരുന്നു ....

നീ ഈ കുട്ടിയെകൊണ്ട്  എങ്ങോട്ട് പോകാനാണ് ???

ഒന്നും തീരുമാനിച്ചില്ലച്ഛാ !! തൽകാലം വാടകക്ക്  ഒരു വീട്  നോക്കണം ... കടത്തിണ്ണയിൽ പോയി കിടക്കാൻ പറ്റില്ലാലോ ?? എന്നെ  വിശ്വസിച്ചു ഇറങ്ങി  വന്നതല്ലേ ?? ഇന്ദ്രൻ മറുപടി കൊടുത്തത്  അമ്മയുടെ മുഖത്തേക്ക്  നോക്കിയായിരുന്നു ....

നീ ഇവിടെനിന്നും എങ്ങോട്ടും പോകുന്നില്ല ... മായാമോളെയും  വിളിച്ചുകൊണ്ട്  അകത്തേക്ക്  കയറി വരു ....

കൃഷ്ണേട്ടാ ??? വിശാലാക്ഷി ഞെട്ടലോടെ വിളിച്ചു ...

വിശാലം ... നീ പോയി നിലവിളക്ക്  കത്തിച്ചു കൊണ്ട്  വാ ... ആരതി ഉഴിയുവാനുള്ള  താളം ഞാൻ എടുക്കാം .. ഉം,, വേഗം വേണം ...

മറുത്തൊന്നും പറയാൻ നിൽകേണ്ടാ ... മേനോന്റെ ശബ്ദം ഉറച്ചതായിരുന്നു ...

എനിക്ക്  കഴിയില്ല ... !!!

ഇവരെ ഇവിടെ കയറ്റാൻ പറ്റില്ല ...!!

 

എനിക്ക് ജീവനുണ്ടെങ്കിൽ ഇതിന്  ഞാൻ ഇത്‌ 

സമ്മതിക്കില്ല !!!...

 

""💥ഠപ്പേ 💥""""അടുത്ത നിമിഷം  മേനോനോട് കൈ വിശാലത്തിന്റെ  കവിളിൽ  പതിഞ്ഞു ... 

എല്ലാവരും ഒരുപോലെ  ഞെട്ടിത്തരിച്ചു  നിന്നു ...

വിശാലാക്ഷി കവിൾ പൊത്തി നിന്നു ..നീ കാരണം എന്റെ മോനും  അവനെ വിശ്വസിച്ചു  കൂടെ  ഇറങ്ങി വന്ന കുട്ടിയും  ഇവിടെ നിന്നും പോയാൽ നിനക്കും ഈ പടി കടന്ന്  പോകാം ;;; 

ഈ വീട്ടിലോ എന്റെ ജീവിതത്തിലോ. പിന്നെ നിനക്ക്  ഒരു സ്ഥാനം കാണില്ല ... മേനോൻ താക്കിത്  കൊടുത്തു ...

അപ്പോ  എങ്ങനെയാ  വിളക്ക്  എടുക്കുന്നോ  അതോ  പുറത്തു  കടക്കുന്നോ ?? 

മേനോന്റെ ചോദ്യത്തിന്  മറുപടിയില്ലാതെ വിശാലാക്ഷി നിന്നു ...

❣️പരിണയം -2❣️

..നീ കാരണം എന്റെ മോനും  അവനെ വിശ്വസിച്ചു  കൂടെ  ഇറങ്ങി വന്ന കുട്ടിയും  ഇവിടെ നിന്നും പോയാൽ നിനക്കും ഈ പടി കടന്ന്  പോകാം ;;; 

ഈ വീട്ടിലോ എന്റെ ജീവിതത്തിലോ. പിന്നെ നിനക്ക്  ഒരു സ്ഥാനം കാണില്ല ... മേനോൻ താക്കിത്  കൊടുത്തു ...

അപ്പോ  എങ്ങനെയാ  വിളക്ക്  എടുക്കുന്നോ  അതോ  പുറത്തു  കടക്കുന്നോ ?? 

വിശാലാക്ഷി  മേനോനെ സൂക്ഷിച്ചു നോക്കി ...

""നിങ്ങൾ ഈ പീറ പെണ്ണിന്  വേണ്ടി എന്നെ തല്ലി  അല്ലേ ""??

മ്മ് ,, തല്ലി ...

ഈ തല്ല്  നീ ഇരന്നു  വാങ്ങിയതല്ലേ വിശാലം ??

മുറ്റത്തു  നിൽക്കുന്നത്  ആരുതന്നെയും  ആയിക്കോട്ടെ !!! ആ കുട്ടിയുടെ കഴുത്തിൽ കിടക്കുന്നത്  നമ്മുടെ മോൻ  കെട്ടിയ  താലിയാണ് ... 

ഇന്ന് മുതൽ  അവൾ മാളിയേക്കൽ  കൃഷ്ണമേനോന്റെയും  വിശാലാക്ഷിയുടെയും മരുമകൾ  ആണ് ..

ആ  കുട്ടിയെ  ഇങ്ങനെ  വെറുക്കാൻ മാത്രം അവൾ എന്ത്  ദ്രോഹം നിന്നോട്  ചെയ്തു ?? 

 

ഇന്ദ്രൻ ഇന്ന്  രാവിലെ എന്നെ വിളിച്ചിട്ട്  ഒരു പ്രശ്നമുണ്ടെന്നും  ഉണ്ണിമായക്ക്  അവളുടെ വീട്ടിൽ നിൽക്കാൻ പറ്റാത്ത  സാഹചര്യയാണെന്നും പറഞ്ഞു ... ഞാൻ  പറഞ്ഞിട്ടാണ്  ഇന്ദ്രൻ മോളെ  വിളിച്ചിറക്കി കൊണ്ട്  വന്നത് ....

അവരെ  ഇവിടെനിന്നും ഇറക്കിവിട്ടാൽ  മാളിയേക്കൽ കൃഷ്ണൻകുട്ടിയുടെ  വാക്കിന്  വിലയില്ലാതാവും ...

അതുകൊണ്ട് പിള്ളേരെ   നിലവിളക്ക്  കത്തിച്ചു  അകത്തേക്ക്  കയറ്റു  വിശാലം ...

ഓഹോ ,, അപ്പോ  അച്ഛനും മോനും കൂടി ഒത്തുകളിച്ചതാണ്  അല്ലേ ,??, 

നിങ്ങൾ എന്നെ ഇറക്കി വിട്ടാലും  എനിക്ക് ഒരു ചുക്കുമില്ല ... എനിക്ക്  പോകാൻ ഒരു വീട്  വേറെയും ഉണ്ട് ...

ഞാനായിട്ട്  ഇവരെ  വിളക്ക് കത്തിച്ചു കയറ്റുമെന്ന്  നിങ്ങൾ സ്വപ്നം കാണണ്ട ...

നിങ്ങൾ  എന്തേലും കാണിച്ചു  കൂട്ട് ....വിശാലാക്ഷി  ഇന്ദ്രനെയും  ഉണ്ണിമായയെയും  രൂക്ഷമായി നോക്കി  ശേഷം ചവിട്ടിത്തുള്ളി  മുറിയിലേക്ക്  പോയി ...

എന്റെ  മോള്  അവള് പറഞ്ഞതൊന്നും  കാര്യമാക്കണ്ട .....അവൾക്ക് പെട്ടെന്ന്  ദേഷ്യം വരും  ... പിന്നെ  പറയുന്നതും ചെയ്യുന്നതും എല്ലാം  ഏതാണ്ട്  ഇങ്ങനെയൊക്കെയാണ് ... മക്കള് ഇവിടെ  നിൽക്ക് ... അച്ഛൻ വിളക്ക്  കത്തിച്ചു  കൊണ്ട്  വരാം ...

മേനോൻ  പൂജാമുറിയിൽ പോയി  നിലവിളക്ക്  കത്തിച്ചു  കൊണ്ട്  ഉമ്മറത്തേക്ക്  വന്നു ...

ശേഷം  ഉണ്ണിമായയുടെ കയ്യിൽ കൊടുത്തു ..:

"" എന്റെ മോള്  വലതുകാൽ  വച്ച്  കയറി വന്നാട്ടെ"

മേനോൻ വാത്സല്യപൂർവ്വം  പറഞ്ഞു ...

ഉണ്ണിമായ  ഇന്ദ്രനെ  നോക്കി ... ഇന്ദ്രൻ കണ്ണുകൊണ്ട്  മൗനാനുവാദം നൽകി ....

ഉണ്ണിമായ വലതുകാൽ വെച്ച്  മാളിയേക്കൽ തറവാട്ടിലേക്ക്  കയറി ....

പൂജാമുറിയിൽ കയറി നിലവിളക്ക്  വെച്ച്  കണ്ണടച്ച് നിന്നു പ്രാർത്ഥിച്ചു  ഇന്ദ്രനും  ഒപ്പം ഉണ്ടായിരുന്നു ..

ഉണ്ണിമായയുടെ  കണ്ണുകൾ  നിറയുന്നത്  കണ്ടു  ഇന്ദ്രൻ അവളുടെ  തോളിൽ തട്ടി ...

എന്റെ  മായേ ... കുറേക്കാലം  ആയില്ലേ ഈ ദുഃഖപുത്രിയുടെ  വേഷം  അണിയാൻ തുടങ്ങിട്ട് ... ഇനിയെങ്കിലും താൻ  കുറച്ചു  നോർമൽ  ആവാൻ നോക്ക് ....

ഉണ്ണിമായ വിഷാദത്തോടെ ഇന്ദ്രനെ  നോക്കി ... 

ഇന്ദ്രേട്ടാ  ഒരേസമയം  അപ്രതീക്ഷിതമായി  അച്ഛനും അമ്മയും നഷ്ടപെട്ടവൾ ആണ്  ഞാൻ ... 

അവർ ഒരുമിച്ച്  കൈപിടിച്ചു  മരണത്തിലേക്ക്  നടന്നപ്പോഴും  എന്നെ മറന്നു ... 

ഈ ലോകത്ത്‌  ഞാൻ എത്ര മാത്രം തനിക്കാകുമെന്ന്  അവർ ഒരുനിമിഷമെങ്കിലും  ചിന്തിച്ചിരുന്നെങ്കിൽ  എനിക്ക്  ഈ ഗതി  വരില്ലായിരുന്നു ... നിറഞ്ഞു  വന്ന  കണ്ണുകൾ  ഉണ്ണിമായ  ഒപ്പി ..

സാരമില്ല  മായേ ,, മരിച്ചുപോയവർ  ഇനി  തിരിച്ചു വരില്ലലോ ;;

 ആ യാഥാർഥ്യം  ഉൾകൊള്ളാൻ നിനക്ക്  കഴിയണം ... സഹതാപം തോന്നിയിട്ടല്ല  നിന്നെ ഞാൻ കൂടെ  കൂട്ടിയത് എന്ന് നിനക്ക് അറിയാലോ ...

എല്ലാം  നീ മറക്കണം ... 

ഇന്നുമുതൽ നമ്മൾ ഒരുമിച്ചു ജീവിക്കുവാൻ പോവുകയാണെന്ന്  ഒരു ചിന്ത നിനക്കും ഉണ്ടാവണം ... 

പിന്നെ  ,, അമ്മയുടെ  സ്വഭാവം  നിനക്ക്  ഞാൻ പറയാതെ  തന്നെ മനസ്സിലായല്ലോ ,, എല്ലാം നോക്കിയും കണ്ടും അന്ന്  നിന്നെക്കണം .. എന്ന്  കരുതി  നിന്നെ  കുത്തി നോവിക്കാൻ വന്നാൽ  സർവം സഹയായി  ഒന്നും നിൽക്കേണ്ട കാര്യം  ഇല്ല ..

എന്നോട്  എന്ത് ഉണ്ടേലും  തുറന്ന്  പറഞ്ഞേക്കണം ... അല്ലാതെ മനസ്സിൽ  ഭാരം  വെച്ചോണ്ട്  നടന്നേക്കരുത് ... പറഞ്ഞില്ലന്ന്  വേണ്ടാ ... ഉണ്ണിമായയുടെ  കവിളിൽ  അരുമയായി  തലോടിക്കൊണ്ട്  പറഞ്ഞു ...

നീ  വാ  അച്ഛന്റെ  അനുഗ്രഹം  വാങ്ങണം .. പാവം  അച്ഛൻ ഒരാൾ തന്ന  ധൈര്യത്തിലാണ്  ഇന്ന് തന്നെ  ഇങ്ങനെ  ഒരു തീരുമാനം എടുക്കേണ്ടി  വന്നത് ... നേരായ  മാർഗത്തിൽ  നിന്നെ വിവാഹം കഴിക്കാൻ പറ്റില്ലെന്ന് പറഞ്ഞു തന്നതും  അച്ഛനാണ് ...

സ്വീകരണമുറിയിലെ  ചാരുകസേരയിൽ  വിശ്രമിക്കുകയായിരുന്നു  മേനോൻ ...

അച്ഛാ ....

ഇന്ദ്രന്റെ വിളി കേട്ട്  മേനോൻ കണ്ണ്  തുറന്നു ...

ആ,, മക്കളേ  വാ  ഇവിടെ  ഇരിക്ക് !!

അച്ഛൻ ഞങ്ങളെ  അനുഗ്രഹിക്കണം ... ഇന്ദ്രനും ഉണ്ണിമയായും മേനോന്റെ കാലിൽ തൊട്ട്  വണങ്ങി ...

എന്റെ മക്കൾക്ക്  നല്ലതേ  വരു ......ഇന്നു മുതൽ ഇതാണ്  മോളുടെ വീട് ...മോൾക്ക് മാനസികാവസ്ഥ അച്ഛന്  മനസ്സിലാകും ...മോൾക്ക്  എന്ത്  വിഷമം ഉണ്ടെങ്കിലും സ്വന്തം അച്ഛൻ  എന്നപോലെ  തന്നെ  എന്നോട്  പറയാം  കേട്ടോ ...അതിന്  മടിയൊന്നും വിചാരിക്കേണ്ട ....

മോനേ  ഇന്ദ്രാ ...മായാമോൾക്ക്  ഉടുത്തു മാറുവാൻ ഉള്ള  തുണിയൊന്നും  ഇവിടെ കരുതിയിട്ടില്ലല്ലോ ??? 

അതിനെന്താ  അച്ഛാ  !! ഞാൻ ടൗണിൽ  പോയി  ആവശ്യമുള്ളത് വാങ്ങിയിട്ട്  വരാം 

അത്‌  വേണ്ട  മോനേ ,,വന്നു കയറിയ ഉടനെ  വീട്ടിൽ നിന്നും  ഇറങ്ങിപോകേണ്ട ...നീ  അമ്മുവിനെ  വിളിച്ചു നോക്ക് ..കോളേജ്  വിട്ട  സമയമല്ലേ ......അവള് ടൗണിൽ കാണും ....നമ്മുടെ  ടെക്സ്റ്റ്ടൈല്സിൽ വിളിച്ചു  പറയാമെടാ  ... അവള്  വാങ്ങിക്കൊണ്ട്  വരട്ടെ ..മേനോൻ പറഞ്ഞു...

ആരാ  ഈ  അമ്മു ?? ഉണ്ണിമായ  ഇന്ദ്രനോട്  ചോദിച്ചു ...

അനാമിക  !!അച്ഛന്റെ അകന്ന  ബന്ധത്തിൽ ഉള്ള കുട്ടിയാണ് .. വീട്ടിൽ അമ്മുവെന്നാണ്  വിളിപ്പേര് ..അച്ഛന്  പെൺകുട്ടി  ഇല്ലാത്തതിന്റെ  കേട് അവളാണ്  തീർത്തുകൊടുക്കുന്നത് .. ഇവിടെ  അവൾക്ക് സർവ്വ സ്വാതന്ദ്രിയമാണ് ... അവളുടെ  വീട്  ദോ  ആ കാണുന്നതാണ് ............നിന്റെ കാര്യം അവൾക്ക് അറിയാവുന്നതാണ് ...

അമ്മു ഡിഗ്രീ രണ്ടവർഷമാണ് ... ഇന്ദ്രൻ പറഞ്ഞു ... ഒരുവിധത്തിൽ അവൾ എന്റെ അനിയത്തികുട്ടിയാണ്  കേട്ടോ ...മായ  മെല്ലെ തലയാട്ടി ..

ഇന്ദ്രൻ അമ്മുവിനെ വിളിച്ചു കാര്യങ്ങൾ പറഞ്ഞു ...അമ്മു  മായ്ക്ക് വേണ്ടിയത് കൊണ്ടുവരാമെന്നു  ഏറ്റു ..

💓💓💓💓💓💓💓💓💓💓💓

മേനോൻ  വിശാലാക്ഷി കിടന്ന മുറിയിലേക്ക്  കയറിപ്പോയി ...

വിശാലാക്ഷി കട്ടിലിൽ ആ കിടപ്പ്  തന്നെ തുടർന്നു ..

എന്റെ വിശാലം നീ ഇങ്ങനെ തുടങ്ങിയാലോ ???

നമ്മുടെ മോൻ ഒരായിരം വട്ടം ആ  പെങ്കൊച്ചിനെ  ഇഷ്ടമാണെന്ന്  നമ്മളോട്  പറഞ്ഞതല്ലേ ???

എപ്പോഴെങ്കിലും നീ അത്  മുഖവിലയ്ക്ക്  എടുത്തിരുന്നെങ്കിൽ  ഇന്ന്  ഇവിടെ  ഇങ്ങനെ ഒരു രംഗം കാണേണ്ടി  വരില്ലായിരുന്നു ...

ദേ , മനുഷ്യാ  എന്നെ  കൊണ്ട്  ഒന്നും പറയിപ്പിക്കരുത് !!!

എനിക്ക് ഈ ബന്ധം ഇഷ്ടമല്ല ... എനിക്ക് അത്‌ അംഗീകരിക്കാനും കഴിയില്ല ...

ഹാ ,, നീ ഇനിയും  ഇത്‌ പറഞ്ഞുകൊണ്ട് ഇരുന്നിട്ട്  ഒരു കാര്യവും ഇല്ല ......നിനക്ക് എന്താ മായാമോളോട് ഇതിനും മാത്രം വൈരാഗ്യം?? 

അതിന്റെ കാരണം ഞാൻ നിങ്ങൾക്ക്  വിശദീകരിച്ചു തരണോ ??

അവളുടെ  അമ്മയുടെ  ചരിത്രം ഞാൻ പറഞ്ഞു തരണോ ?? ഈ വീട്ടിൽ  ഞാൻ കാലു കുത്തിയ  അന്നുമുതൽ അവളുടെ തള്ള  എനിക്ക്  തലവേദന  ആണ് ...

നിങ്ങളുടെ പഴയ  അടുപ്പക്കാരി അല്ലായിരുന്നോ ആ തുള്ളൽകാരി .... 

ഇപ്പോഴും   ആ മാദകറാണിയെ പറ്റി പറയുമ്പോൾ നിങ്ങളുടെ വായിൽ നിന്ന് തേൻ ഒലിക്കുമല്ലോ ???

അവൾ ചത്തു  മലച്ചപ്പോൾ  മനസ്സുകൊണ്ട്  ആ അധ്യായം  തീർന്നെന്ന്  ഞാൻ ആശ്വസിച്ചതാണ് ...  

അപ്പോൾ ദേ കയറിവന്നിരിക്കുന്നു ... ആ ഒരുമ്പെട്ടോളുടെ  സന്തതി ......എന്റെ വീടും എന്റെ മോന്റെ ജീവിതവും  മുടിപ്പിക്കാനായി !!!

വിശാലം !!!!

ഹാ ,,, ദേ കണ്ടോ  ,,, അവളെ  പറയുമ്പോൾ  നിങ്ങൾക്ക് എന്താ  ഇത്രക്കങ്ങു പൊള്ളുന്നത് ...

മതി നിറുത്തിക്കൊ !!!

അല്ലെങ്കിൽ കുറച്ചു  മുൻപേ കിട്ടിയതിന്റെ ബാക്കി ഇനിയും  നീ എന്റെ കയ്യിൽ നിന്ന്  മേടിച്ചു കൂട്ടും !!!

മേനോൻ താകീത്  കൊടുത്തു ..

അതേ  മനുഷ്യാ ... നിങ്ങൾക്ക്  ദേഷ്യം വരുമ്പോൾ എന്നെ  തല്ലാം ,,,കൊല്ലാം  ... ആരും  ചോദിയ്ക്കാൻ വരില്ല  എന്നൊരു  അഹംഭാവം  നിങ്ങൾക്കുണ്ട് ...

പക്ഷെ  നിങ്ങൾ ഒന്നോർത്തോ !!! 

അവൾ ... ആ നശൂലത്തിന്റെ  മകൾ  എന്റെ  ആജന്മ  ശത്രു തന്നെയാണ് ...

അവളും ഞാനും കൂടി ഒരുമിച്ച്  ഈ വീട്ടിൽ ഒത്തു പോകില്ല ...

നിങ്ങൾ എന്നെ  എത്ര തല്ലിചതച്ചാലും ,,, കൊന്നാലും  എനിക്ക് ഒരു ചുക്കുമില്ല ......എന്റെ മനസ്സ് മാറാനും പോകുന്നില്ല ... 

ശരി ..വിശാലം  !!! നീ നിന്റെ നയം വ്യതമാക്കിയതിൽ എനിക്ക്   അതിയായ  സന്തോഷം ഉണ്ട് ...

നീ അവരെ മനഃസമാദാനത്തോടെ  ജീവിക്കാൻ അനുവദിക്കില്ലന്ന്  പറഞ്ഞ  സ്ഥിതിക്ക്  അവർ ഈ വീട്ടിൽ തുടരുന്നതിൽ അർത്ഥമില്ല ... 

എനിക്ക് അറിയാം ഇനി എന്ത്  ചെയ്യണം  എന്ന് ???

മേനോൻ  മുറിവിട്ട്  ഇറങ്ങിയതും  ഭിത്തിയിൽ ചാരി നിന്ന്  കരയുന്ന  ഉണ്ണിമായയെ കണ്ടു ...

ഈശ്വരാ ...."വിശാലം പറഞ്ഞത് മുഴുവൻ  ഈ കുട്ടി കേട്ടുവെന്ന്  തോന്നുന്നു" .....മേനോൻ മനസ്സിൽ പറഞ്ഞു ...

മോള് എന്താ  ഇവിടെ നിൽക്കുന്നത്  ?? ഇന്ദ്രൻ എവിടെ ???

ഇന്ദ്രേട്ടൻ  മുറ്റത്  നിന്ന്  ആരോടോ  ഫോണിൽ  സംസാരിക്കുകയാണ്  അച്ഛാ !! ഉണ്ണിമായ  ഒരുവിധം പറഞ്ഞൊപ്പിച്ചു ...

മ്മ് , മേനോൻ  ഒന്ന് മൂളിയിട്ട്  നടക്കാൻ ആഞ്ഞതും ,, ഉണ്ണിമായ  മേനോൻറെ  കൈകളിൽ പിടുത്തമിട്ടു ...

അച്ഛാ ,,, എന്നോട്  ക്ഷെമിക്കണം ,,,,നിങ്ങൾ രണ്ട്  പേരും മുറിയിൽ നിന്ന് പറഞ്ഞെതെല്ലാം ഞാൻ കേട്ടു ...എന്നെ  പറ്റിയും അമ്മയെപ്പറ്റിയും  പറയുന്നത്  കേട്ടത്  കൊണ്ട്  മാത്രം  നിന്നുപോയതാണ് ...

അമ്മ എന്നെ എന്ത് വേണെങ്കിലും പറഞ്ഞുകൊള്ളട്ടെ !!! എനിക്ക് അതിൽ വിഷമം ഇല്ല ... 

പക്ഷെ,, എന്റെ അറിവിൽ ,,അറിഞ്ഞുകൊണ്ട്  ഒരു ഉറുമ്പിനെ  പോലും നോവിക്കാത്ത ആളായിരുന്നു പാവം  എന്റെ അമ്മ ...

ആ അമ്മയെ പറ്റി  കേൾക്കാൻ  അറക്കുന്ന  രീതിയിൽ ഒരാൾ സംസാരിക്കുന്നത്  ആദ്യമായി  ആണ് ഞാൻ കേൾക്കുന്നത് ......അതിന്റെ കാരണം എന്താണ്  അച്ഛാ ???

എന്റെ അമ്മയെ  ഇതിനും മാത്രം വെറുക്കാൻ  എന്ത് ദ്രോഹം ആണ് ഈ കുടുംബത്തോട്  ചെയ്തത് ??

അച്ഛൻ  എന്നോട്  എന്ത്  തന്നെയായാലും പറയണം ...

എന്റെ മനസ്സിലെ  പൂജാവിഗ്രഹമാണ്  എന്റെ അമ്മ ... ആ അമ്മയെപ്പറ്റി ആര്  പറഞ്ഞാലും  ഞാൻ  ക്ഷമിക്കില്ല ...

പറയു  അച്ഛാ  എന്റെ അമ്മ  എന്താണ് നിങ്ങളോട്  ചെയ്തത് ???

ഉണ്ണിമായയുടെ  കണ്ണുകളിൽ തന്റെ  അമ്മയെ തേജോവധം  ചെയ്ത  വിശാലാക്ഷിയോടുള്ള പക  ആളി  കത്തുകയായിരുന്നു ...

എല്ലാം കേട്ടുകൊണ്ട്  വന്ന ഇന്ദ്രനും ഉണ്ണിമായയെ പോലെ  സത്യങ്ങൾ അറിയാൻ ജിജ്ഞാസ ആയി ...

മേനോൻ ഇന്ദ്രനെയും ഉണ്ണിമായയെയും നോക്കി ....

മേനോൻ ഒരു നിമിഷം നിശബ്ദനായി ...

എന്താ അച്ഛാ  ഇത്‌ ????എനിക്ക് ഒന്നും മനസ്സിലാകുന്നില്ലല്ലോ ???ഇവിടെ എന്തൊക്കെയാണ്  സംഭവിക്കുന്നത് ??ഇന്ദ്രൻ  മേനോനോട്  ചോദിച്ചു ...

എല്ലാം ഞാൻ പറയാം മക്കളെ ....ഇനി എന്ത് ഒളിച്ചു വെക്കാനാണ് ....

മേനോന് പറയാനുള്ളത്  കേൾകുവാനായി ഇന്ദ്രനും ഉണ്ണിമയായും നിന്നു ....,

❣️❣️പരിണയം-3❣️❣️

എന്താ അച്ഛാ  ഇത്‌ ????എനിക്ക് ഒന്നും മനസ്സിലാകുന്നില്ലല്ലോ ???ഇവിടെ എന്തൊക്കെയാണ്  സംഭവിക്കുന്നത് ??ഇന്ദ്രൻ  മേനോനോട്  ചോദിച്ചു ...

എല്ലാം ഞാൻ പറയാം മക്കളെ ....ഇനി എന്ത് ഒളിച്ചു വെക്കാനാണ് ....

മേനോന് പറയാനുള്ളത്  കേൾകുവാനായി ഇന്ദ്രനും ഉണ്ണിമയായും നിന്നു ....,

ഉണ്ണിമായയുടെ അമ്മ ഊർമിള ദേവി എന്റെ അമ്മവീടിന്റെ അയല്പക്കത്തായിരുന്നു  താമസം ......എന്റെ  ബാല്യവും കൗമാരവും  അമ്മാവന്റെ വീട്ടിലായിരുന്നു ...ദേ ഇന്ന്  നമ്മുടെ അമ്മു  ഈ വീട്ടിൽ എങ്ങനെയാണൊ വരുന്നത് ...അതുപോലെയായിരുന്നു  ഉർമിളയും ...

അവൾക്ക്  ആ വീട്ടിൽ സർവ്വ സ്വാതന്ദ്രിയമായിരുന്നു .... മക്കൾ ഇല്ലാത്ത അമ്മാവനും അമ്മയിക്കും ഊർമിള എന്ന് വെച്ചാൽ ജീവനായിരുന്നു ...

പഠിക്കാൻ  വലിയ  മിടുക്കിയൊന്നും  അല്ലായിരുന്നു  ഊർമിള  എന്നാൽ സംഗീതത്തിലും നൃത്തത്തിലും  ജന്മസിദ്ധമായ  കഴിവ്  കിട്ടിയ കുട്ടിയായിരുന്നു .... അങ്ങനെ. അവളുടെ ഇഷ്ടത്തിന്  വീട്ടുകാരും സമ്മതിച്ചതോടെ  അവൾ കലാമണ്ഡലത്തിൽ  പഠിക്കുവാൻ ചേർന്നു ....

അവൾ  എന്ത്  പുതിയതായി എന്ത്  പഠിച്ചാലും ആദ്യം എന്റെ മുന്നിൽ വന്ന്  അവതരിപ്പിച്ചു കാണിക്കുന്ന  സ്വഭാവം ഉണ്ടായിരുന്നു ... എന്റെ ഉള്ളിലും ഉർമിളയോട്  എന്തെന്നില്ലാത്ത ഒരു ഇഷ്ട്ടം എപ്പൊഴോ  ഉടലെടുത്തിരുന്നു ......അവളും മൗനമായി എന്നെ  പ്രണയിക്കുണ്ടായിരുന്നു ...

സാമ്പത്തീകമായി ഏറെ പിന്നിൽ നിന്നിരുന്ന ഉർമിളയുടെ കുടുംബത്തിനെ  അമ്മാവൻ  അകമഴിഞ്ഞ് സഹായിച്ചിരുന്നു ...

അമ്മാവനും അമ്മയിക്കും എന്റെ ഉർമിളയോടുള്ള  സമീപനം കണ്ടു  എന്നോട്  ഉർമിളയെ  ഇഷ്ടമാണോ  എന്ന് ചോദിച്ചു ... ഞാൻ അവരുടെ മുന്നിൽ എന്റെ ഇഷ്ട്ടം തുറന്ന്  സമ്മതിച്ചു ... അവർക്കും  ഈ ബന്ധത്തിനോട്  താല്പര്യം ആയിരുന്നു അത്‌  എന്നെ  കൂടുതൽ സന്തോഷിപ്പിച്ചു ...

അമ്മാവന്റെ ആഗ്രഹമായിരുന്നു  ഉർമിളയുടെ അരങ്ങേറ്റം  ഗുരുവായൂർ വെച്ചു  നടത്തണം എന്നുള്ളത് ...

ചിലങ്ക  അണിയുന്നതിന്  മുൻപ്  അവൾ എന്റെ അടുത്ത് വന്നു നിന്നു ...അന്ന്  ഊർമിള. അവളുടെ ഉള്ളിലെ  സ്നേഹം  എന്നോട്  തുറന്ന്  പറഞ്ഞു ... ഞാനും എന്റെ മനസ്സിൽ ഉള്ള  ഇഷ്ട്ടം പറയാൻ മടിച്ചില്ല ... 

പിന്നീടുള്ള ദിവസങ്ങൾ  ഞങ്ങളുടെ ജീവിതത്തിലെ  ഏറ്റവും മനോഹരമായ  ആത്മാർത്ഥമായ പ്രണയ  നിമിഷങ്ങൾ  ആയിരുന്നു ...

ആ ഇടയ്ക്കാണ്  അച്ഛൻ എന്നെ  അത്യാവശയമായി  തറവാട്ടിലേക്ക്  വിളിപ്പിച്ചത് .....

ആദ്യമായി ഉർമിളയെ കാണാതെ  ഇരുന്നപ്പോൾ മനസ്സിന്റെ ഉള്ളിൽ കൊത്തിവലിക്കുന്ന  ദുഃഖം ഉണ്ടായി ...

അതിലും വലിയ ദുരന്തമാണ്  വീട്ടിൽ എന്നെ  കാത്തിരുന്നത് !!!

 

അച്ഛന്റെ കൂട്ടുകൃഷിയും പങ്കുകച്ചവടവും എല്ലാം നഷ്ടത്തിലായി  ... വീട്ടിൽ നിന്നും ഇറങ്ങി  കൊടുക്കേണ്ട  അവസ്ഥയിലെത്തി  നിൽക്കുകയാണെന്ന്  അവിടെ എത്തിയപ്പോഴാണ്  അറിയാൻ ഇടയായത് ...

എനിക്ക് താഴെ  രണ്ടു  അനിയത്തിമാർ  ഒപ്പം അച്ഛനും അമ്മയും !!!

എല്ലാവരെയും കൊണ്ട്  വീട്ടിൽ നിന്നും ഇറങ്ങിപോകേണ്ട  അവസ്ഥ  വന്നപ്പോൾ .. ബ്രോക്കർ  കരുണാകരൻ  ഒരു കല്യാണാലോചന  കൊണ്ട് വന്നു ... നിന്റെ അമ്മയുടെ  ആലോചന !!!

വിശാലത്തിന്റെ അച്ഛൻ അന്ന്  സിലോണിൽ  ആയിരുന്നു ... അവിടെ നിന്നും ഏറെ സമ്പാദിച്ചുകൊണ്ട്  വന്ന്  നാട്ടിൽ ബിസിനസ്  ചെയ്യാൻ  വേണ്ടി വന്ന  ഇടയ്ക്കാണ് അച്ഛനെ കണ്ടതും  പരിചയത്തിലായതും ... 

അവർ പുതിയതായി തുടങ്ങുവാൻ പോകുന്ന  ബിസിനസ് നോക്കി നടത്താൻ ഒരാള് വേണം ... അത്‌ സ്വന്തം മകളുടെ ഭർത്താവ് കൂടി ആകുമ്പോൾ  പിന്നെ  ഒന്നും  ആലോചിക്കേണ്ടല്ലോ!!! 

 ..പോരാത്തതിന്  വിശാലത്തിന്റെ അച്ഛൻ  വീട്ടിലെ  കടം എല്ലാം നികത്തി  വീടിന്റെ ആധാരവും അച്ഛന്  തിരികെ  കൊടുത്തു ... 

പകരം ചോദിച്ചത്  എന്നെ ആയിരുന്നു ...കച്ചവടത്തിന്  ഇറക്കിയ  ഒരു ഉരുവിന്റ അവസ്ഥയായിപ്പോയി  എന്റേത് ...

എനിക്ക് ഒന്നും ചെയ്യാൻ കഴിയാത്ത  അവസ്ഥ ... അച്ഛന്റെ കാല്  പിടിച്ചു നോക്കി ... എന്നോട്  പത്തുലക്ഷം  രൂപ  ഉണ്ടാക്കി വിശാലത്തിന്റെ അച്ഛന്റെ കടം വീട്ടാൻ ആണ്  പറഞ്ഞത് ... ഇരുപത്തി ആറു വർഷം മുൻപത്തെ  10 ലക്ഷം  ഇന്നത്തെ  ഒരുകോടി  രൂപക്ക്‌  തുല്യമാണെടാ ..

പത്തു ലക്ഷം എനിക്ക്  തന്ന സ്ത്രീധന തുകയായി പറഞ്ഞു അവർ കൈ കൊടുത്തു  പിരിയുമ്പോൾ  എനിക്ക് നിസ്സഹായനായി  നിൽക്കാനേ  കഴിഞ്ഞൊള്ളു ...

ഊർമിള  അത്യാവശ്യം  കുട്ടികൾക്ക്  ഡാൻസ്  ക്ലാസ് ഒക്കെ എടുത്തു തുടങ്ങിയിരുന്നു ... എന്റെ വിവാഹം  ഉറപ്പിച്ച  കാര്യം അമ്മാവൻ വഴി  അറിഞ്ഞ ഊർമിള  എന്നെ  തിരക്കി  വീട്ടിൽ വന്നു ...

എന്റെ അവസ്ഥ  മനസ്സിലാക്കിയ  ഊർമിള  ഒന്നും മിണ്ടാതെ എന്റെ. വീടിന്റെ പടി കടന്ന് പോയപ്പോൾ !!! മനസ്സ്  കൊണ്ടക് മരിച്ചവനെപോലെ  ആയി ഞാൻ ...

വൈകാതെ ഞാനും വിശാലവുമായുള്ള  വിവാഹം കഴിഞ്ഞു !! കുറച്ചു പൊങ്ങച്ചവും  അച്ഛന്റെ  പണത്തിന്റെ ഹുങ്കും  വിശാലാക്ഷിക്കുണ്ടെന്  ഒഴിച്ചാൽ മറ്റെല്ലാം  സഹിക്കാൻ കഴിയുമായിരുന്നു ..പതിയെ  പതിയെ ഞാൻ എല്ലാം മറക്കാൻ ശ്രമിച്ചു ...

വിവാഹശേഷമുള്ള  ആദ്യ  വിരുന്ന്  അമ്മാവന്റെ വീട്ടിൽ ആയിരുന്നു ...അമ്മാവന്റെ വീട്ടിലേക്ക് പോകുവാൻ മടിച്ച  എന്നെ നിർബന്ധിച്ചു കൊണ്ട് പോയത്  വിശാലം  ആയിരുന്നു ..

അമ്മാവന്റെ വീട്ടിൽ പോയ ഞങ്ങൾക്ക്  ഹൃദ്യമായ  സ്വീകരണം തന്നെ അമ്മാവനും അമ്മായിയും ഒരുക്കി ... എന്നാൽ അതിനെല്ലാം ചുക്കാൻ പിടിച്ചത്. ഊർമിള  ആയിരുന്നു .. 

ഉർമിളയുടെ  സംസാരവും പെരുമാറ്റവും എല്ലാം തന്നെ  വിശാലാക്ഷിയെ വല്ലാതെ  ആകർഷിച്ചു ...

എന്നാൽ  എന്റെയടുത്തു ഊർമിള പ്രത്യേകിച്ച്  മിണ്ടുവോ  വെട്ടപ്പെടുവോ  ഒന്നും ചെയ്തില്ല ...

വിശാലാക്ഷിയുടെ  മേനിപറച്ചിലും  കളിയാക്കിയുള്ള  സംസാരവും  ഒന്നും അമ്മായിക്ക്  പിടിച്ചില്ല ...

എന്റെ വിശാലം "" നിന്റെ അച്ഛൻ ഞങ്ങളുടെ  ചുള്ളൻ ചെക്കനെ  വില കൊടുത്തു  നിനക്ക് വാങ്ങി  തന്നതല്ലേ ... അല്ലെങ്കിൽ  ദേ ,, ഈ നിൽക്കുന്ന  ഉർമിളയെ ഞങ്ങൾ കൃഷ്ണന്  വേണ്ടി  ആലോചിച്ചേനെ ""

അമ്മായിയുടെ വെളിപ്പെടുത്തൽ അവിടെയുള്ളവരെ എല്ലാം സമ്മർദ്ദത്തിലാക്കി ...

അത്രെയും നേരം ഉർമിളയെ പറ്റി നല്ലത് മാത്രം  മനസ്സിൽ കരുതിയ വിശാലത്തിന്റെ മനസ്സിലേക്ക്  അമ്മായി സംശയത്തിന്റെ തീപ്പൊരി വിതറി ...

അമ്മായി വിശാലത്തിന്റെ വായടപ്പിക്കാനായി  ഒരു മാലപ്പടക്കത്തിന്  തിരി അവിടെ കൊളുത്തിയിരുന്നു ...

വിശാലത്തിന്റെ മുഖം കടന്നൽ കുത്തിയത്  പോലെയായി ......രണ്ടു ദിവസം അവിടെ താമസിക്കാൻ  ചെന്ന  ഞങ്ങൾ രണ്ടു മണിക്കൂർ തികയുന്നതിന്  മുൻപ്. അവിടെ നിന്നും  ഇറങ്ങേണ്ടി വന്നു ....

പിന്നെ ഞാൻ ഒന്നും പറയേണ്ടല്ലോ ...വിശാലം എന്റെ ജീവിതം ചിക്കി ചികയാൻ തുടങ്ങിയപ്പോൾ  എനിക്ക്  ഉർമിളയോട്  തോന്നിയ  ഇഷ്ട്ടം ഞാൻ തുറന്ന് സമ്മതിച്ചു ...

അതിൽ പിന്നെ കുറേനാളത്തേക്ക് ഞാൻ അമ്മാവന്റെ വീട്ടിലേക്ക്  പോകുവോ  വിളിക്കുവോ  ഒന്നും ചെയ്തില്ല ...

രണ്ട്  വർഷങ്ങൾക്ക്  ശേഷം നിന്റെ ചോറൂണിനു  ഞങ്ങൾ ഗുരുവായൂരിൽ പോയി ...അവിടെ. വെച്ചു ഞങ്ങൾ ഉർമിളയെ കണ്ടു ...ഊർമിള നൃത്തം അഭ്യസിപ്പിക്കുന്ന കുട്ടികളുടെ  അരങ്ങേറ്റത്തിന്  വന്നതായിരുന്നു ....

ഉർമിളക്ക് ഒപ്പം പരിചയം ഇല്ലാത്ത ഒരാൾ കൂടി ഉണ്ടായിരുന്നു ..

അയാളെ കണ്ടപ്പോൾ  വിശാലത്തിന്റെ നോട്ടവും മട്ടും ആകെ മാറുന്നത്  ഞാൻ അറിയുന്നുണ്ടായിരുന്നു ...

വിശാലത്തെ നോക്കി അയാൾ ചിരിച്ചപ്പോൾ  അവളുടെ മുഖം  വിവർണ്ണമായി ....

❣️❣️പരിണയം-4❣️❣️ 

രണ്ട്  വർഷങ്ങൾക്ക്  ശേഷം നിന്റെ ചോറൂണിനു  ഞങ്ങൾ ഗുരുവായൂരിൽ പോയി ...അവിടെ. വെച്ചു ഞങ്ങൾ ഉർമിളയെ കണ്ടു ...ഊർമിള നൃത്തം അഭ്യസിപ്പിക്കുന്ന കുട്ടികളുടെ  അരങ്ങേറ്റത്തിന്  വന്നതായിരുന്നു ....

ഉർമിളക്ക് ഒപ്പം പരിചയം ഇല്ലാത്ത ഒരാൾ കൂടി ഉണ്ടായിരുന്നു ..

അയാളെ കണ്ടപ്പോൾ  വിശാലത്തിന്റെ നോട്ടവും മട്ടും ആകെ മാറുന്നത്  ഞാൻ അറിയുന്നുണ്ടായിരുന്നു ...

വിശാലത്തെ നോക്കി അയാൾ ചിരിച്ചപ്പോൾ  അവളുടെ മുഖം  വിവർണ്ണമായി ....

ഞാൻ ഉർമിളയെ നോക്കി ചിരിച്ചു ...ഊർമിള കൂടെ  നിന്ന ആളിനെ ഞങ്ങൾക്ക്  പരിചയപ്പെടുത്തി ...

കൃഷ്ണേട്ടാ ...ഇത്  ചന്ദ്രദാസ് !! 

ദാസേട്ടാ ....ഇതാണ്  ഞാൻ പറയാറുള്ള  കൃഷ്ണേട്ടൻ ...

ദാസേട്ടൻ കലാമണ്ഡലത്തിൽ എന്റെ  സീനിയർ ആയിരുന്നു ...

രണ്ടായ്ച്ച കഴിഞ്ഞാൽ ഞങ്ങളുടെ വിവാഹമാണ്  ... ഇവിടെ വെച്ചു  ക്ഷണിക്കുന്നത്  ശെരിയല്ലന്ന്  എനിക്ക്  അറിയാം ...എങ്കിലും  മനസ്സിൽ പഴയ പിണക്കമൊന്നും വെച്ചേക്കരുത്  കേട്ടോ ...

ഞാൻ ചന്ദ്രദാസിന്  കൈ കൊടുത്തു ...

ഇതൊന്നും സുഖിക്കാതെ വിശാലം ദഹിപ്പിക്കുന്ന രീതിയിൽ ഞങ്ങളെ നോക്കുന്നുണ്ടായിരുന്നു ...

ഇപ്പോഴും നാട് ചുറ്റം ആടി  നടക്കുവാനോ  ഊർമിളെ ??

വെറുതെ ആളുകളെ കൊണ്ട് ഓരോന്നും പറയിപ്പിക്കാം എന്നല്ലാതെ  എന്ത്  ഗുണം ...

""വിശലത്തിന് എന്നെ ഓർമ്മയുണ്ടോ""-ചന്ദ്രദാസിന്റെ ചോദ്യം കേട്ട്  എല്ലാവരും വിശാലത്തിനെ  നോക്കി ... 

അവളുടെ മുഖം മ്ലാനമായിരുന്നു ...

ചന്ദ്രദാസിന്  വിശാലത്തിനെ എങ്ങനെയാ പരിചയം ??

മേനോൻ  ചോദിച്ചു ...

അത് ഞാൻ ഇവിടെ വെച്ച് പറയണോ ??? ചന്ദ്രദാസിന്റെ  നോട്ടം മുഴുവൻ വിശാലാക്ഷിയെ ആയിരുന്നു ...

ജീവിതത്തിന്റെ തുലാസിൽ   പണത്തിനു മാത്രം പ്രഥമ സ്ഥാനം  കൊടുക്കുന്ന  വിശാലത്തിനെ എനിക്ക്  മറക്കാൻ കഴിയില്ല .. 

ഞങ്ങൾ പരസ്പരം ഇഷ്ടത്തിലായിരുന്നു  ... വിശാലം  ഞങ്ങളുടെ ഇഷ്ട്ടം വീട്ടിൽ അവതരിപ്പിച്ചു  ... സാമ്പത്തീകമായി കുറച്ചു  പിന്നോട്ട്  നിന്ന  എന്റെ വീട്ടുകാരെ  ഇവളുടെ  അച്ഛൻ  ആകുവോളം വീട്ടിൽ വന്ന് പുഛിക്കുകയും കളിയാക്കുകയും ചെയ്തു ...

കടലുകടന്നു  പോയി പത്തു  പുത്തൻ ഉണ്ടാക്കിയപ്പോൾ  വന്ന വഴി ഇവളും  ഇവളുടെ  അച്ഛനും  മറന്നു പോയി എന്ന്  പറയുന്നതാവും  കൂടുതൽ ശെരി ...

സ്നേഹത്തിനു വില കൊടുത്ത  ഞാൻ  ഇവളെ വിളിച്ചിറക്കികൊണ്ട്  വരാൻ തീരുമാനിച്ചു ...അന്ന്  ഇവൾ  ആണ്  എന്നെ  കൂടുതൽ അപമാനിച്ചത് സ്ഥിരമായ  ഒരു ജോലിയോ  വരുമാനമോ  ഇല്ലാത്ത  എന്നെ  വേണ്ട  എന്ന്  ഇവൾ  തീർത്തു  പറഞ്ഞു ....

പിന്നെ ഇവളും കുടുംബവും ഞങ്ങളുടെ നാട്ടിൽ അധികം നിന്നില്ല ...

ചന്ദ്രദാസിന്റെ ശബ്ദം വിറച്ചു ....സാരമില്ല  ഇപ്പോൾ എനിക്ക്  അന്ന്  ഇവൾ എടുത്ത  തീരുമാനം അത്‌ നന്നായി എന്നെ  തോന്നുന്നുള്ളൂ ...

മേനോൻ  വിശാലത്തിനെ  നോക്കി ...

പ്രണയം ഇല്ലാത്ത മനുഷ്യർ വളരെ  വിരലമല്ലെടോ ...ജീവിതത്തിൽ  ഒരിക്കലെങ്കിലും പ്രണയിക്കാത്തവരായി ആരുണ്ട് ?? ചിലർ എന്ത്  വില കൊടുത്തും അത്‌  നേടിയെടുക്കും മറ്റുചിലർ പല രീതിയിൽ  ഉള്ള സമ്മർദ്ദങ്ങൾക്ക്  മുട്ടിൽ അടിയറവ്  പറയുന്നു ......അത് നഷ്ടപ്രണയമായി അവരുടെ ജീവിതാവസാനം വരെ  കൂടെത്തന്നെയുണ്ടാകും ....

എന്തായാലും സാരമില്ല  ... കഴിഞ്ഞതൊക്കെ കഴിഞ്ഞു ... രണ്ടു കൂട്ടർക്കും നല്ല ജീവിതം ഈശ്വരൻ തന്നില്ലേ !!! അതിനു ദൈവത്തോട്  നന്ദി പറയുക ....മേനോൻ  വിഷയം ലഖൂകരിക്കാനായി പറഞ്ഞു ....

💓💓💓💓💓💓💓💓💓💓💓

വൈകാതെ  ഊർമിളയുടെയും  ചന്ദ്രദാസിന്റെയും വിവാഹം കഴിഞ്ഞ വിവരം അമ്മാവൻ വഴി അറിഞ്ഞു...

അവൾക്കും ഒരു നല്ല ജീവിതം കിട്ടിയതിൽ ഞാൻ വളരെയധികം സന്തോഷിച്ചു ...

നാളുകൾ കടന്ന് പോയി ....വിശാലത്തിന്റെ അച്ഛൻ മരിച്ചതോടെ  ഇല്ല കാര്യങ്ങളും ഞാൻ ഏറ്റെടുത്തു  ചെയ്യുവാൻ തുടങ്ങി ...ഈശ്വരാനുഗ്രഹം പോലെ എല്ലാം നല്ലരീതിയിൽ തന്നെ നടത്തികൊണ്ട്  പോകുവാൻ എനിക്ക്  കഴിഞ്ഞു ....

ബിസിനസ് ആവശ്യങ്ങൾക്കായി ഞാൻ കൊച്ചിയിൽ പോകുന്ന  പതിവുണ്ടായിരുന്നു ...ഒരിക്കൽ  ഞാൻ ചന്ദ്രദാസിനെ കാണുവാൻ  ഇടയായി ...

ഊർമിള  ഗർഭിണി ആണെന്നും ഡാൻസ് സ്കൂൾ ഒറ്റക്ക്  തൽകാലം കൊണ്ടുപോകുവാൻ തനിക്ക്  കഴിയുന്നില്ലെന്നും പറഞ്ഞു അയാൾ വിഷമിക്കുന്നത്  ഞാൻ കണ്ടു ...

നമ്മുടെ കമ്പനിയിൽ ജോലി  ഒഴിവ്  ഉണ്ടായിരുന്നു ... ഞാൻ  ദാസിന്  എന്റെ വിസിറ്റിംഗ് കാർഡ് കൊടുത്തിട്ട്  എന്താവശ്യം ഉണ്ടെങ്കിലും പറയണം  എന്ന് പറഞ്ഞു ...

നിന്റെ അമ്മയോട്  ഒന്നും പറയാൻ പോയില്ല  ... പറഞ്ഞാൽ പിന്നെ ഒരു ഭൂകമ്പം ഉണ്ടാകുമെന്ന്  അറിയാലോ ...അവൾ കമ്പനി കാര്യത്തിലൊന്നും ഇടപെടാത്തത്  എനിക്ക് ഒരു ആശ്വാസം ആയിരുന്നു ...

ചന്ദ്രദാസ്  നമ്മുടെ കമ്പനിയിൽ  ജോലിക്ക്‌  കയറി ... ഉർമിളക്ക്  സുഖമില്ലാതെ ഇരുന്നത് കൊണ്ടും ഒറ്റക്കാകുവാൻ ഉള്ള ബുദ്ധിമുട്ട്  കൊണ്ടും  ചന്ദ്രദാസ് നമ്മുടെ നാട്ടിൽ വാടക വീട്  അന്വേഷിച്ചു ...

ഞാൻ തന്നെ  എല്ലാം ശെരിയാക്കി കൊടുത്തു .. പോരാതെ  വീട്ടുവാടക  ഞാൻ മുൻകൂറായി അടച്ചത്  കൊണ്ട്  അവർക്ക്  അത്‌ ഒരു ആശ്വാസമായി ... 

പക്ഷെ ഒന്നും അധികനാൾ മറച്ചു വെക്കാൻ കഴിയില്ലലോ ??

വിശാലം നിന്നെക്കൊണ്ട്  ആശുപത്രിൽ വാക്‌സിൻ എടുക്കാൻ വേണ്ടി പോയ സമയത്തു  ഉർമിളയെയും  ചന്ദ്രദാസിനെയും കണ്ടു ... ഉർമിളക്ക്  ചെക്കപ്പ് ഉണ്ടായിരുന്നു ..

ഊർമിള  ഞാൻ അവർക്ക് ചെയ്തുകൊടുത്ത  സഹായം എല്ലാം നന്ദിയോടെ പറഞ്ഞപ്പോൾ ... വിശാലത്തിന്റെ ഉള്ളിൽ എന്തെന്നില്ലാത്ത അമർഷവും വെറുപ്പും നിറഞ്ഞു ...

അവൾ അവരോട് ഒന്നും പറഞ്ഞില്ലെങ്കിലും  അന്ന് വൈകിട്ട്  വീട്ടിൽ വന്ന എന്നെ  സ്വീകരിച്ചത്  മുൻപെങ്ങും  കണ്ടിട്ടില്ലാത്ത  ഒരു വിശാലത്തിനെ  ആയിരുന്നു ... അവൾ എന്നോട്  പൊട്ടിത്തെറിച്ചത്  ഞാൻ സഹിച്ചു .. കാര്യം ഞാൻ അവളോട്. എല്ലാം  മറച്ചു  വെച്ചു ......അത് എന്റെ തെറ്റായി തന്നെ ഞാൻ കണ്ടു ....

പക്ഷെ അവൾ വളച്ചൊടിച്ചു  ഉർമിളയെ പറ്റി മനസ്സിൽ പോലാണ് നിനക്കാത്ത കാര്യം പറഞ്ഞു ... എന്റെ പഴയ സംബന്ധം  ഊട്ടിഉറപ്പിക്കാനാണ്  ഞാൻ. ഇതെല്ലാം  ചെയ്തതെന്ന്  പറഞ്ഞപ്പോൾ  എന്റെ  സകല നിയന്ത്രങ്ങളും വിട്ടു ... ആദ്യമായി വിശാലത്തിനെ  എനിക്ക്  തല്ലേണ്ടി വന്നു ...

എന്റെ വീട്ടിലെ അവസ്ഥ കണ്ടു മനസ്സിലാക്കി സ്വയം എന്റെ ജീവിതത്തിൽ നിന്നു മാറിയ  ഉർമിളയോട്  എനിക്ക്  സ്നേഹവും ബഹുമാനവും തന്നെയാണ്  ...

പക്ഷെ. ആ പവിത്രമായ  ബന്ധത്തിന്  വേറെ നിറവും അർത്ഥങ്ങളും  കണ്ടത്തുന്നത്  ആരായാലും  എനിക്ക്  അത്‌  സഹിക്കാൻ കഴിയില്ല ........അത് ആരായാലും ...

മേനോൻ കണ്ണ്  തുടച്ചു ... ഇന്ദ്രനും ഉണ്ണിമയായും  പരസ്പരം നോക്കി ...

ഒന്നും അവിടെ കൊണ്ട്  തീർന്നില്ല ... ഒന്നിന് പിറകെ  ഒന്നായി  ദുരന്തങ്ങളുടെ  ഒരു ഘോഷയാത്ര  തന്നെയായിരുന്നു  ഉർമിളയുടെ ജീവിതം ...

മേനോൻ വീണ്ടും തന്റെ. പഴയ  ഓർമകളിലേക്ക്  പോയി ...

ഇന്ദ്രനും ഉണ്ണിമയായും. മേനോന്  പറയുവാൻ ഉള്ളത്  കേൾകുവാനായി  അവിടെ നിന്നു ....

❣️❣️പരിണയം-5❣️❣️

പിന്നീടുള്ള  കാര്യങ്ങൾ ഏറെ കുറെ  മോൾക്ക്  അറിയാവുന്നതാണ് ... ഊർമിള  ബാങ്കിൽ നിന്നും വായ്പ്പ  എടുത്ത് ഡാൻസ് സ്കൂൾ  തുടങ്ങി ... 

അത്യാവശ്യം നല്ല  രീതിയിൽ നടത്തികൊണ്ട്  പോയ സമയത്താണല്ലോ  ചന്ദ്രദാസും  ഉർമിളയും  സഞ്ചരിച്ച  സ്കൂട്ടർ  എതിരെ  വന്ന കാറുമായി  ആക്സിഡന്റ്  ആയതും ഉർമിളയുടെ  കാലിന്  പരുക്ക് പറ്റിയതും .... 

കുറേനാളത്തേക്ക്  ഉർമിളക്ക്  ഡാൻസ് സ്കൂൾ നടത്തികൊണ്ട്  പോകുവാൻ കഴിഞ്ഞില്ല  ... അപ്പോഴേക്കും ബാങ്കിന്റെ  തിരിച്ചടവ്  മുടങ്ങിയിരുന്നു ... 

ഒരു വിധത്തിൽ ശ്രമപ്പെട്ട്  വീണ്ടും ഊർമിള  ഡാൻസ്  സ്കൂൾ പുനരാരംഭിച്ചു ... എന്നാൽ  വിധി  ഉർമിളയെ  വീണ്ടും തോൽപിച്ചു ... 

ആക്‌സിഡന്റിന് ശേഷം  ഇടയ്ക്കിടെ  ഉണ്ടാക്കുന്ന  കാലുവേദന  ഉർമിളയുടെ നൃത്ത  ജീവിതത്തിന്  ഒരു തടസ്സമായി ... 

അവസാനം ഡോക്ടർമാർ ആ കാലുകളിൽ ഇനി ചിലങ്ക  അണിയാൻ പാടില്ല  എന്ന്  വിധി  എഴുതിയപ്പോൾ അവളുടെ  സ്വപ്നവും  പ്രതീക്ഷയും  എന്നേക്കുമായി  അവസാനിക്കുകയായിരുന്നു ...

പിന്നീട്   വായ്‌പയുടെ കുടിശ്ശിക  അടക്കാൻ നെട്ടോട്ടം ഓടുന്ന  ചന്ദ്രദാസിനെനെയും ഉർമിളയെയും ആണ്  കാണുവാൻ സാധിച്ചത് ......

പലപ്പൊഴും ഞാൻ സഹായിക്കാനായി  ചെന്നപ്പോൾ സ്നേഹപൂർവ്വം ഊർമിള  എന്നെ  ഒഴിവാക്കിയിരുന്നു ......

ഊർമിള  എന്നെ  ഒഴിവാക്കിയത്  എന്റെ കുടുംബജീവിതം  സമാധാനമായി  പോകുവാൻ  വേണ്ടിയായിരുന്നു  എന്ന് എനിക്ക്  അറിയാമായിരുന്നു ...

ഇതിനിടയിൽ  ഇന്ദ്രൻ വന്ന്  മോളെ  ഇഷ്ടമാണെന്നും വിവാഹം കഴിക്കുവാൻ താല്പര്യം ഉണ്ടെന്നും ഞങ്ങളോട്  പറഞ്ഞു ......അന്ന് വിശാലം  ഇവിടെ ഒരു ഭൂകമ്പം ഉണ്ടാക്കി ... 

കഴുത്തോളം കടക്കെണിയിൽ നില്കുന്നടത്തു നിന്നും സംബന്ധം വേണ്ടന്ന്  പറഞ്ഞു  വിശാലം  ഇന്ദ്രനെ  വിലക്കിയെങ്കിലും  യഥാർത്ഥ  കാരണം അതല്ല  എന്ന്  എനിക്ക്  വ്യക്തമായി  അറിയാമായിരുന്നു 

നാട്ടുകാരും  നിങ്ങളുടെ വീട്ടിലെ അവസ്ഥയെ പറ്റി സംസാരിക്കാൻ ഇടയായപ്പോൾ എനിക്ക്  ഒരുപാട്‌  വിഷമം ആയി മോളേ ... 

ചന്ദ്രദാസ്  നിസ്സഹായനായി നോക്കിനിൽകുന്നത് കണ്ടപ്പോൾ ർഖണ്ഡും കല്പിച്ചു  ഞാൻ നിങ്ങളെ  സഹായിക്കാൻ  ഇറങ്ങിത്തിരിച്ചത് ....

മോളെയും കൊണ്ട്  ആ വീടുവിട്ട്  ഇറങ്ങിപോകുന്നത്  കാണാൻ  എനിക്ക്  ഇഷ്ടമില്ലാത്തത്  കൊണ്ട്  തന്നെ  ഞാൻ ബാങ്കിൽ പോയി  മുഴുവൻ തുകയും അടച്ചു  വീടിന്റെ പ്രമാണം തിരികെ  എടുത്ത്  ചന്ദ്രദാസിനെ  ഏല്പിക്കാൻ പോയി ....എന്നാൽ ഊർമിള  അത്‌  സ്വീകരിക്കാൻ തയ്യാറായില്ല ...

ഞാൻ ആകെ  ധർമ്മസങ്കടത്തിലായി ......എന്റെ വിഷമം കണ്ട്  ചന്ദ്രദാസ് പ്രമാണം  വാങ്ങി ...എന്നാൽ  കാട്ടുതീ  പോലെ  ഈ വാർത്ത  നാട്ടിൽ പരന്നു ... അവസാനം  അത്‌  വിശാലത്തിന്റെ ചെവിയിലും എത്തി ... 

ഞാൻ. പോലും അറിയാതെ വിശാലം നിങ്ങളുടെ വീട്ടിൽ വന്ന്  ഉർമിളയെ വായിൽ തോന്നിയത്  ഒക്കെ പറഞ്ഞു ......

ചന്ദ്രദാസിനെയും  വിശാലം വെറുതെ വിട്ടില്ല ... ഉർമിളയെ  അഴിഞ്ഞാടാൻ വിട്ടതിന്റെ  പ്രതിഭലമായിട്ടല്ലേ  വീടിന്റെ  പ്രമാണം നിങ്ങൾ നേടിയെടുത്തത്  എന്ന്  ചന്ദ്രദാസിനോട് വിശാലം ചോദിച്ചു ...

ഉർമിളയും  ചന്ദ്രദാസും അപമാനിതനായി എല്ലാവരുടെയും മുന്നിൽ നിന്നപ്പോൾ ഒരു വിജയിയെപോലെ വിശാലം അവിടെ നിന്നും വന്നു ...

എന്നാൽ അധികം വൈകാതെ  ഉർമിളയും ചന്ദ്രദാസും വീടിന്റെ പ്രമാണവുമായി ഈ മുറ്റത്  വന്നു നിന്നു ... എന്നോട്  ഈ പ്രമാണം തിരികെ വാങ്ങണം എന്ന് പറഞ്ഞു ...

ഞാൻ ഒരു വിധത്തിലും പ്രമാണം വാങ്ങുന്നില്ലന്ന്  കണ്ടതും  ഊർമിള  ആ പ്രമാണം വലിച്ചു കീറി വിശാലത്തിന്റെ  മുഖത്തേക്ക് വലിച്ചെറിഞ്ഞു ....

തെരുവിൽ പോയി കിടന്നാലും നമ്മുടെ ഔദാര്യം  വേണ്ടന്ന്  പറഞ്ഞു  ഇവിടെനിന്നും  ഇറങ്ങിപോയതാണ്  രണ്ടുപേരും ... 

പിറ്റേ ദിവസം നേരം പുലർന്നത് തന്നെ ചന്ദ്രദാസിന്റെയും ഊർമിളയുടെയും മരണവാർത്ത കേട്ടുകൊണ്ടാണ് ...മേനോൻ  കണ്ണുകൾ ഒപ്പി ...

അഭിമാനികളുയരുന്നു അറിഞ്ഞോ  അറിയാതയോ  ഞാൻ കൂടിയാണ്  ആ മരണങ്ങൾക്ക്  ഉത്തരവാദി എന്ന്  ഓർക്കുമ്പോൾ എന്റെ നെഞ്ചിൽ ഒരു നെരിപ്പോട്  എരിയുകയാണ് മക്കളേ ....

അച്ഛന്റെയും  അമ്മയുടെയും മരണകാരണം ഹോസ്റ്റലിൽ നിന്ന്  പഠിച്ച  മോൾക്ക്  അറിയില്ലെന്ന്  എനിക്ക്  അറിയാമായിരുന്നു .. 

ഇനി  മുന്നോട്ടാണെങ്കിലും മോള് 

എത്ര  കാലം  ഒറ്റക്ക് ജീവിക്കും ...എന്നായാലും  എന്റെ മോൾക്ക്  ഒരു കൂട്ട്  വേണ്ടേ ??

മോൾക്കും  തിരിച്ചു ഇന്ദ്രനെ  ഇഷ്ടമാണെന്ന്  അറിഞ്ഞത് കൊണ്ടാണ്  അച്ഛൻ  മോളെ 

ഇങ്ങോട്ട് കൂട്ടികൊണ്ട്  വരാൻ പറഞ്ഞത് ....

ഉണ്ണിമായയുടെ  കണ്ണുകൾ  നിറഞ്ഞു ...

മോൾക്ക്  ഈ അച്ഛനോട്  വെറുപ്പ്  തോന്നുന്നുണ്ടോ ??മേനോൻ ഉണ്ണിമായയോട് ചോദിച്ചു ...

ഇല്ല അച്ഛാ !!! എന്റെ അച്ഛനെ  ഞാൻ എന്ത് കാരണം കൊണ്ടാണ്  വെറുക്കേണ്ടത് ?? എന്റെ അച്ഛന്റെ മനസ്സിന്റെ നന്മ  ഈ ചുരുങ്ങിയ  സമയം കൊണ്ട്  തന്നെ  എനിക്ക് മനസ്സിലായതാണ്  ... 

അച്ഛൻ എന്നും എന്റെ അച്ഛൻ തന്നെയാണ് ... ഞാൻ അച്ഛന്റെ മോളും ... ഉണ്ണിമായയുടെ ശബ്ദം ഇടറി ... മേനോനെ  കെട്ടിപിടിച്ചു കരഞ്ഞു ....

മോനേ  ഇന്ദ്രാ!! ഇന്ന്  മോള്  വന്ന ദിവസം അല്ലേ !! മോൾക്ക്  ഇന്ന്  റസ്റ്റ്  കൊടുക്കാം ... അത്താഴം നമുക്ക്‌  പാകം  ചെയ്യാം !!! മേനോൻ ഉഷാറോടെ പറഞ്ഞു ..:

എല്ലാം അച്ഛന്റെ ഇഷ്ട്ടം പോലെ നടക്കട്ടെ ... ഇന്ദ്രൻ സമ്മതിച്ചു ...

അഹാ !!! എല്ലാവരും ഒറ്റ  ഫ്രെമിൽ  ഉണ്ടല്ലോ ??? അമ്മു  ഉണ്ണിമായക്കുള്ള തുണിയുമായി  വന്നു ...

നീ  എന്താടി ..കാന്താരി  വൈകിയത് ... ഇന്ദ്രൻ തിരക്കി ...

"തുണി തിരഞ്ഞെടുക്കാൻ അല്പം സമയമെടുത്തു ബ്റോ " അമ്മു ഒരു പഞ്ചിൽ പറഞ്ഞു ..

ഇന്ദ്രന്റെന്റെ പെണ്ണിന്  സൂപ്പറാണ്  കേട്ടോ ... നല്ല സെലെക്ഷൻ ...

അതെ. ഞാൻ കുറച്ചു തിരക്കിലാണ്  മായേച്ചി ... നാളെ കഴിഞ്ഞാൽ പിന്നെ രണ്ട് ദിവസം അവധിയാണ് ... അപ്പോൾ വിശദമായി  സംസാരിക്കാം  കേട്ടോ .. അമ്മു പറഞ്ഞു ..

ഉണ്ണിമായ തലയാട്ടി ...

അമ്മു പോയി ... മേനോനും  ഇന്ദ്രനും കൂടി അടുക്കളയിലേക്ക് നടന്നു ...

ഉണ്ണിമായ തുണിയുമായി ഇന്ദ്രന്റെ മുറിയിലേക്ക് നടന്നതും ... പിന്നിൽ നിന്നാരോ കൈകൊട്ടി വിളിക്കുന്നത്  കേട്ടു ... നോക്കിയപ്പോൾ 

കതകിൽ ചാരി വിശാലാക്ഷി നിന്നു ...

വിശാലാക്ഷിയെ കണ്ടതും മേനോൻ മുൻപ് പറഞ്ഞ  കാര്യങ്ങളെലാം ഉണ്ണിമായയുടെ മനസ്സിലേക്ക്  ഓടി വന്നു ...

തന്റെ വീട്ടുകാർ ഇല്ലാതാവാൻ കരണഭൂതയായവൾ  തന്നോട്  മത്സരത്തിന്  ഇറങ്ങിയിരിക്കുന്നത് ... മുന്നിൽ നില്കുന്നത് തന്റെ ആജന്മ  ശത്രുവായി ഉണ്ണിമായക്ക്  തോന്നി ...

മ്മ്, എന്താ  എന്ത് വേണം ?? ഉണ്ണിമായ  തിരക്കി ???

എന്താടി  നിനക്ക്  ഒരു നിഗളം ??? നീ ഇരിക്കേണ്ട ഒരു സ്ഥാനം ഈ വീട്ടിലുണ്ട് !!!!അത് എവിടെയാണെന്ന്  ഞാൻ നിനക്ക്  കാണിച്ചു തരാം ?? ഇവിടെ അടിച്ചുതളിക്കൊരാളെ ആവശ്യം  ഉണ്ട് ... എന്തായാലും നീ വന്നത്  കൊണ്ട്  പുറത്തു നിന്ന്  ആരെയും ഇനി വിളിക്കേണ്ടല്ലോ ??

വിശാലാക്ഷിയുടെ കണ്ണുകൾ കുറുകി ,,,,നീ ഇവിടെ കെട്ടിലമ്മയായി  വാഴാമെന്ന് വിചാരിക്കേണ്ട ??

ഉണ്ണിമായയുടെ ചുണ്ടിൽ ഒരു പരിഹാസച്ചിരി ഉണ്ടായി ...

ഹോ ,, ഈ അമ്മയുടെ ഒരു കാര്യം !! ഇപ്പോഴും പതിനെട്ടാം നൂറ്റാണ്ടിൽ ജീവിക്കുന്ന  നിങ്ങളോടൊന്നും സംസാരിച്ചിട്ട് കാര്യമില്ല ...

ഇവിടെ അടിച്ചുതളിക്ക്  തന്നെയാണ്  ഞാൻ വന്നത്  !!! പക്ഷെ ഈ വീടല്ല ആദ്യം ശുദ്ധികലശം  ചെയ്യേണ്ടത് ആകെമൊത്തം  ചെളിയിൽ മുങ്ങി നിൽക്കുന്ന  നിങ്ങളെയാണ് ....അദ്യം നിങ്ങളിൽ നിന്ന്  തന്നെ തുടങ്ങാം അടിച്ചുതളി ....

നീ  എന്താടി  പറഞ്ഞത് ???വിശാലം കൈ ഓങ്ങി കൊണ്ട്  ഉണ്ണിമായയുടെ അടുക്കലേക്ക്  പാഞ്ഞു  ചെന്നു ...

ഉണ്ണിമായ  തന്നെ അടിക്കാൻ ഓങ്ങിയ  വിശാലത്തിന്റെ കൈ തടഞ്ഞു ....

കഴിഞ്ഞ ഇരുപത്  വർഷം ഓരോകാരണങ്ങളാൽ  ഉരുകി തീർന്ന  പെണ്ണാണ്  ഞാൻ  ... 

എന്നാൽ ഇന്ന് എന്റെ വീട്ടുകാരുടെ ദുരവസ്ഥക്ക്  ഒരു പരിധിവരെ നിങ്ങളാണ്  കാരണം എന്ന് അറിഞ്ഞപ്പോൾ എനിക്ക്  ജീവിക്കാൻ തോന്നി ...

ഞാൻ ജീവിക്കും.... എന്റെ ഇന്ദ്രട്ടന്റെയും , സ്നേഹനിധിയായ അച്ഛന്റേയുമൊപ്പം ഈ വീട്ടിൽ ഞാൻ ജീവിക്കും ... അവരെ ഞാൻ എന്റെ കൂടെ തന്നെ നിർത്തും ....,

എന്തിനാണെന്നല്ലേ ......നിങ്ങളുടെ നാശം കാണാൻ !!! അതെ ഇനി ഈ ഉണ്ണിമായ  ജീവിക്കുന്നത്  നിങ്ങളുടെ സർവ്വനാശം കാണുവാനായിരിക്കും ....

ഇന്നുമുതൽ നിങ്ങളുടെ കാലകേട് തുടങ്ങുവാണ്  വിശാലാക്ഷിയമ്മേ !!!!

ഉണ്ണിമായ ദഹിപ്പിക്കുന്ന വിധം വിശാലാക്ഷിയെ നോക്കി ...

❣️❣️പരിണയം -6❣️❣️

ഉണ്ണിമായ  തന്നെ അടിക്കാൻ ഓങ്ങിയ  വിശാലത്തിന്റെ കൈ തടഞ്ഞു ....

കഴിഞ്ഞ ഇരുപത്  വർഷം ഓരോകാരണങ്ങളാൽ  ഉരുകി തീർന്ന  പെണ്ണാണ്  ഞാൻ  ... 

എന്നാൽ ഇന്ന് എന്റെ വീട്ടുകാരുടെ ദുരവസ്ഥക്ക്  ഒരു പരിധിവരെ നിങ്ങളാണ്  കാരണം എന്ന് അറിഞ്ഞപ്പോൾ എനിക്ക്  ജീവിക്കാൻ തോന്നി ...

ഞാൻ ജീവിക്കും.... എന്റെ ഇന്ദ്രട്ടന്റെയും , സ്നേഹനിധിയായ അച്ഛന്റേയുമൊപ്പം ഈ വീട്ടിൽ ഞാൻ ജീവിക്കും ... അവരെ ഞാൻ എന്റെ കൂടെ തന്നെ നിർത്തും ....,

എന്തിനാണെന്നല്ലേ ......നിങ്ങളുടെ നാശം കാണാൻ !!! അതെ ഇനി ഈ ഉണ്ണിമായ  ജീവിക്കുന്നത്  നിങ്ങളുടെ സർവ്വനാശം കാണുവാനായിരിക്കും ....

ഇന്നുമുതൽ നിങ്ങളുടെ കാലകേട് തുടങ്ങുവാണ്  വിശാലാക്ഷിയമ്മേ !!!!

ഉണ്ണിമായ ദഹിപ്പിക്കുന്ന വിധം വിശാലാക്ഷിയെ നോക്കി ...

നീ ആരെയാടി  ഉണ്ടകണ്ണ്  ഉരുട്ടി കാണിക്കുന്നത് ???

നിന്റെ വെരിട്ടലൊന്നും എന്റെ അടുത്ത് ചിലവാകില്ലടീ ...ഈ വിശാലാക്ഷി ജീവിതം കുറെ കണ്ടതാടീ ...നിന്റെ  അമ്മ  വിചാരിച്ചിട്ട്  ഈ വിശാലാക്ഷിയെ  ഒന്നും ചെയ്യാൻ കഴിഞ്ഞിട്ടില്ല ....പിന്നെയാണ് ഇന്നലെ പെയ്ത മഴയത്തു കുരുത്ത  നീ !!! വിശാലം  ഉണ്ണിമായയെ  നോക്കി  പുച്ഛിച്ചു ...

അധികം  നിഗളിക്കേണ്ട  വിശാലാക്ഷിയമ്മേ !!!

!"നീർക്കോലി കടിച്ചാലും  അത്താഴം  മുടങ്ങും" അത്‌ നിങ്ങളും മറക്കാതിരുന്നാൽ നന്ന് ....

പിന്നെ പറഞ്ഞല്ലോ  ഞാൻ ഇന്നലെ പെയ്ത  മഴയത്തു  കുരുത്തതാണെന്ന് ...അങ്ങനെ എന്നെ എഴുതി തള്ളേണ്ട ...അമ്മയുടെ  സ്വഭാവം  അച്ഛനും  ഏട്ടനും  നന്നായി  അറിയാം ...അത്കൊണ്ട്  ഞാൻ എന്ത് പറഞ്ഞാലും  അവര് എന്നെ വിശ്വസിക്കത്തൊള്ളൂ ...എന്ന് പറഞ്ഞു നിങ്ങളെ ദ്രോഹിക്കാനൊന്നും ഞാൻ ഇല്ല ......പക്ഷെ എന്നെ കൊത്താൻ ഉള്ള വരവാണെങ്കിൽ ആ  പത്തി നോക്കി  ഒന്ന്  ഞാനും തരും ....ഉണ്ണിമായ  താക്കീത്  കൊടുത്തു ..

ഉണ്ണിമായ  വിശാലത്തിനെ  സൂക്ഷിച്ചു  നോക്കിയിട്ട്  മുറിയിലേക്ക്  കയറിപ്പോയി ...

 

ഇവൾ  എന്നോട്  പയറ്റാൻ തന്നെ കച്ച  കെട്ടി  ഇറങ്ങിയിരിക്കുകയാണ് ..........സൂക്ഷിക്കണം!!!

വിശാലം മനസ്സിൽ ഓർത്തു ...

ഉണ്ണിമായ  അമ്മു കൊണ്ടുകൊടുത്ത  തുണികൾ  ഓരോന്നായി  നോക്കി ......പാവം അച്ഛൻ  എല്ലാം കണ്ടറിഞ്ഞു ആവശ്യത്തിലേറെ  വാങ്ങി  തന്നു ....തന്റെ അച്ഛനും  ഇതുപോലെ  തന്നെയായിരുന്നല്ലോ എന്ന്  ഓർത്തപ്പോൾ അറിയാതെ ഉണ്ണിമായയുടെ കണ്ണുകൾ  നിറഞ്ഞു ...

ഉണ്ണിമായ  മുഖം കഴുകി ... ഉടുത്തിരുന്ന  സാരിയും മാറി ... അമ്മു കൊണ്ടുകൊടുത്ത  വസ്ത്രത്തിൽ നിന്നും ഒരെണ്ണം എടുത്ത് ധരിച്ചശേഷം  നേരെ അടുക്കളയിലേക്ക് പോയി ...

അവിടെ അച്ഛനും മകനും തകൃതിയായി  പാചകത്തിൽ മുഴുകി നിൽക്കുന്നത്  ഉണ്ണിമായ  കണ്ടു .. 

അച്ഛനും ഇന്ദ്രേട്ടനും  പോയ്കൊള്ളു  ... എനിക്ക് ചെയ്യുവാനുള്ള  പണിയേ  ഇവിടെ ഒള്ളു ...ഉണ്ണിമായ  പറഞ്ഞു ...

മോള്  വിശാലത്തിനെ കണ്ടിരുന്നോ?? മേനോൻ  ചോദിച്ചു ....

ഉവ്വ്‌ അച്ഛാ !!! കണ്ടിരുന്നു !!! എന്നെ ഇവിടെ വാഴിക്കില്ലന്ന് ഭീഷണി  ഉണ്ട് ... ഉണ്ണിമായ  ചിരിച്ചു കൊണ്ട്  പറഞ്ഞു ...

അഹാ ,,, ഇതിന്റെ  ഇടയിൽ  ഭീഷണി  ഒക്കെ  കഴിഞ്ഞോ ?? ഇന്ദ്രൻ ചോദിച്ചു ...

അതെന്നെ ,, ഞാൻ എന്തിനാ  ഏട്ടാ കള്ളം പറയുന്നത് ?? ഞാനും വിട്ടുകൊടുത്തില്ല ... പയറ്റാൻ  ഞാനും തയ്യാറാണെന്ന്  പറഞ്ഞു ധരിപ്പിച്ചിട്ടാണ്  ഇങ്ങോട്ട്  വന്നത് ....ഉണ്ണിമായ  പറഞ്ഞു ...

അതേയോ ...മിടുമിടുക്കി !!! പെൺകുട്ടികളായാൽ കുറച്ചൊക്കെ  ഉശിര്‌  വേണം  ...അവളുടെ. അടുത്ത്  താണുകൊടുക്കാൻ പോയാൽ  മോൾക്ക്  ഇവിടെ നിലനിന്നു പോകുവാൻ കഴിയില്ല ...മേനോൻ  പറഞ്ഞു ...

എന്റെ അച്ഛാ !! അച്ഛൻ വെറുതെ  ഇവളെ  എരി പിരി  കയറ്റാതെ ... അവസാനം  രണ്ടുപേരുടെയും നടുവിൽ  നമ്മൾ നെട്ടോട്ടം ഓടേണ്ടി  വരും ....ഇന്ദ്രൻ പറഞ്ഞു ....

അങ്ങനെ ഒന്നും വരില്ലടാ  മോനേ !!! പണ്ടേ  അവളെ അടക്കി നിറുത്താൻ എനിക്ക് അറിയാൻ വയ്യാത്തത്  കൊണ്ടല്ല നിന്നെ  ഓർത്തും നമ്മുടെ കുടുംബത്തു സമാധാനം  ഉണ്ടാവണമെല്ലോ  എന്ന് ഓർത്തുമാണ്  ഞാൻ എല്ലാം സഹിച്ചത് ,,, എന്ന് കരുതി  കണ്ട  ദുരന്ത  സീരിയലുകൾ  കണ്ടു വന്നു കയറിയ  പെങ്കൊച്ചിനെ  കണ്ണീര് കുടിപ്പിക്കാനാണ്  ഭാവമെങ്കിൽ  അവൾ  ഈ മേനോൻ ആരാണെന്ന്  നന്നായി അറിയും ...

വേണ്ട അച്ഛാ ......ദയവു ചെയ്ത്  അച്ഛനായി  ഒന്നിനും പോകരുത് ... അമ്മ  എന്ത് പറഞ്ഞാലും ചെയ്താലും ഈ നാലു ചുവരിനുള്ളിൽ നിൽക്കണം ... അല്ലെങ്കിൽ ചുറ്റുമുള്ളവർ വന്ന്  കയറിയ  എന്നെ  പഴി  പറയും ...ഉണ്ണിമായ  പറഞ്ഞു ....

അത്താഴത്തിനുള്ളതെല്ലാം റെഡി ആണ്  മോളെ ... ഞങ്ങൾ കുളിച്ചിട്ട്  വരാം ... പിന്നെ  കറികൾ എല്ലാം ഒന്ന് രുചിച്ചു  നോക്കികൊള്ളൂ ... ആ തീയൽ മാത്രം തൊടേണ്ട  കേട്ടോ  ... അത്‌ വിശലത്തിന്  മാത്രം ഉള്ള സ്പെഷ്യൽ ആണ് ...മേനോൻ ചിരിച്ചുകൊണ്ട്  പറഞ്ഞു.....ഉണ്ണിമായ  പതിയെ തലയാട്ടി ...

💓💓💓💓💓💓💓💓💓💓💓💓💓💓

വിശാലം .... വരൂ  ... അത്താഴം റെഡി ആണ് ... നമ്മുക്ക് ഒരുമിച്ചിരുന്ന് കഴിക്കാം ...മേനോൻ വിശാലത്തിനെ  മുറിയിൽ ചെന്ന്  വിളിച്ചു ...

ആ അസത്തു പിടിച്ച പെണ്ണിന്റെ കൂടെ വന്നിരുന്ന് ഞാൻ കഴിക്കില്ല ... വിശാലം ദുർമുഖം കാണിച്ചു ...

ദേ നിന്നോട്  ഞാൻ നേരത്തെ  ഒരു കാര്യം പറഞ്ഞു ....മായയും  ഇനി ഈ വീട്ടിലെ കുട്ടിയാണ് ...നീ ഒരു കാര്യം ഓർത്താൽ നന്ന്  നിന്റെ മോൻ  കാര്യപ്രാപ്തി ഉള്ളവൻ ആണ് ...അവൻ അവളെയും വിളിച്ചുകൊണ്ട്  ഒരു വാടകവീട്ടിൽ പോയി താമസിച്ചാൽ  പിന്നെ അവൾ വരച്ച വരയിൽ അവൻ ജീവിക്കും ...മേനോൻ  വിശാലത്തെ പാളി  നോക്കി ...വിശാലത്തിന്റെ ഇരിപ്പ് കണ്ടു മേനോന് ചിരി വന്നു ..

നിന്നോട്  പറയേണ്ടല്ലോ വിശാലം -

" പെണ്ണൊരുമ്പെട്ടാൽ  ബ്രഹ്മനും  തടുക്കാൻ  പറ്റില്ലെന്ന് " ഇപ്പൊ നമ്മുടെ മോൻ നമ്മുടെ കൂടെയുണ്ട്  ... നമ്മൾ ഇടംതിരിവ്‌  കാണിച്ചാൽ അതോടെ  എല്ലാം വെള്ളത്തിൽ വരച്ച  വരയാകും ...

ഈക്കണ്ട  എല്ലാ  സ്വത്തിന്റെയും  സ്ഥാപനങ്ങളുടെയും ഏക  അവകാശിയാണ്  നമ്മുടെ മോൻ എന്ന കാര്യം നീ മറക്കേണ്ട  വിശാലം ...

എന്ന് പറഞ്ഞു എനിക്ക്  ഒന്നും മറക്കാൻ കഴിയില്ല ... വിശാലം നിക്ഷേധിച്ചു കൊണ്ട്  പറഞ്ഞു ...

വേണ്ട  നീ ഒന്നും മറക്കേണ്ട  ... നിന്റെ വാശിയും വൈരാഗ്യവും എല്ലാം കെട്ടിപിടിച്ചു കൊണ്ട്  ഇവിടെ ഇരുന്നോ ..,..,എനിക്ക് എന്തായാലും എന്റെ മോനും അവന്റെ പെണ്ണും ഈ വീട്ടിൽ തന്നെ ഉണ്ടാവണം എന്ന് നിർബന്ധം ഉണ്ട് ...

നീ കഴിക്കാൻ വരുന്നെങ്കിൽ വാ ... എനിക്ക് നല്ല  വിശപ്പുണ്ട് ... പിന്നെ ഈ വീട്ടിൽ  എല്ലാവരും ഒരുമിച്ചിരുന്ന്  ഭക്ഷണം  കഴിച്ചാൽ മതി ....രണ്ട്  പന്തിക്ക്  വിളമ്പുന്ന  ഏർപ്പാട്  ഇവിടെ വേണ്ട ... നീ കഴിക്കാൻ വന്നില്ലെങ്കിൽ നിന്റെ ആഹാരം  ഞാൻ  ചവറിൽ  ഇടും  കേട്ടോ ......പിന്നീട്  വന്ന് കട്ട് തിന്നാമെന്ന്  കരുതേണ്ട ....മേനോൻ  വിശാലത്തിനെ  ഒരു നിമിഷം നോക്കി ... പിന്നെ മുറിയിൽ നിന്നില്ല ...

എല്ലാവരും കൂടെ എന്നെ  തോൽപിക്കാൻ ഒറ്റകെട്ടായി  ഇറങ്ങിയിരിക്കുകയാണ് ... വിശാലം കടപ്പല്ലുകൾ ഞെരിച്ചു ....

💓💓💓💓💓💓💓💓💓💓💓💓💓

ഉണ്ണിമായ. ഭക്ഷണം എല്ലാം  എടുത്ത്  ടേബിളിൽ വെച്ചു ...

ഇന്ദ്രൻ അച്ഛനായി കാത്തിരുന്നു ........അചന്റെ പിന്നാലെ  അമ്മയും വരുന്നത് കണ്ടപ്പോൾ  ഉണ്ണിമായയുടെ ചുണ്ടിൽ ചിരി മിന്നി ...

വിശാലം ഉണ്ണിമായയെ ശ്രദ്ധിക്കാൻ പോയില്ല...

എല്ലാർക്കും വിളമ്പി കൊടുത്തിട്ട്  ഉണ്ണിമയായും ഇരുന്നു ...

മായ മോളേ ......നിന്റെ BCom  പഠനം  പൂർത്തിയാക്കേണ്ടെ ?? ഇനി അധിക നാൾ ഇല്ലല്ലോ  ഫൈനൽ ഇയർ പരീക്ഷക്ക് ..ഹോസ്റ്റലിൽ  നിന്ന്  പഠിക്കേണ്ട .. ഇവിടെ നിന്നും പോയി വരാല്ലോ ?? ഇന്ദ്രാ ... നീ എന്ത്  പറയുന്നു??? മേനോൻ ചോദിച്ചു ...

അച്ഛന്റെ  അഭിപ്രായം തന്നെയാണ്  എന്റെയും ... എനിക്ക് കൊണ്ടുവിടാൻ പറ്റുന്ന  ദൂരം  അല്ലേ ഒള്ളു ... മായയെ  കൊണ്ടുവിട്ടിട്ട്  കമ്പനിയിൽ പോയാൽ മതിയല്ലോ അച്ഛാ ... തിരിച്ചു  വരുമ്പോൾ വേണമെങ്കിൽ അമ്മുവിനോടൊപ്പം ടൗണിൽ നിന്നും വരാമെല്ലോ ......ഇണ്ട്രനും മേനോനെ  അനുകൂലിച്ചു സംസാരിച്ചു ...

അത്  ശെരിയാവില്ല !!! ഇവൾ ഇവിടെ  നിന്നും രാവിലെ  കെട്ടും കെട്ടി  പോയാൽ ഇവിടുത്തെ  കാര്യം ആര് നോക്കും ?? വിശാലം ചോദിച്ചു ...

ആര്  നോക്കാൻ ??? ഇത്രെയും കാലം ആര് നോക്കിയോ അവർ തന്നെ മുന്നോട്ട്  നോക്കും ... ഒരു കൈസഹായത്തിന്  വേണെങ്കിൽ ആളെ  നിറുത്താം  .... മേനോൻ  പറഞ്ഞു ..:

അതേ .... നിങ്ങൾക്കും മോനും വെച്ച്  വിളമ്പി തരുന്നത്‌  കൊണ്ട്  എനിക്ക് ഒന്നുമില്ല  ... എന്നാൽ  ഇവളെ  എനിക്ക്  അങ്ങനെ  ഊട്ടി ഉറക്കാൻ  ഒരു ആഗ്രഹവും ഇല്ല ...

വിശാലം ഉണ്ണിമായയെ  തുറിച്ചു  നോക്കി ...

അയ്യോ ... അമ്മ എന്നെ പ്രതി വിഷമിക്കേണ്ട  ... ഞാൻ രാവിലെ  പണിയൊക്കെ  ഒതുക്കി  വെച്ചിട്ട്  ക്ലാസ്സിന് പൊയ്ക്കൊള്ളാം ......എന്നെ പ്രതി ആരും വഴക്കിടേണ്ട ... എന്നെ എന്റെ അമ്മ എല്ലാം പഠിപ്പിച്ചു  തന്നിട്ടുണ്ട്  അമ്മേ ...

അമ്മ  എന്നെ  ഊട്ടി  ഉറക്കേണ്ട ... അമ്മ അങ്ങനെ  ചെയ്യുമെന്ന്  ഞാൻ കരുതുന്നുമില്ല ... പക്ഷെ  എന്റെ അമ്മക്ക് നാളെ  അങ്ങനെ  ഒരു ഗതികേട്  വന്നാൽ  ആര്  നോക്കിയില്ലെലും ഞാൻ നോക്കും ...ഉണ്ണിമായ പറഞ്ഞു ...

അയ്യടീ  ആർക്കു വേണം  നിന്റെ  സേവനം  ... ചവാൻ കിടന്നാലും  നിന്റെ  കയ്യിൽ  നിന്ന്  ഞാൻ വെള്ളം വാങ്ങി  കുടിക്കില്ലെടി ... വിശാലാക്ഷി  ചീറി ...

വിശാലാക്ഷി  അത്‌  പറഞ്ഞതും  വയറിന്  അസ്വസ്ഥത  തോന്നി ... അവർ കസേരയിൽ നിന്നും എഴുനേറ്റ്  വാഷ്  ബേസനിനരികെ  ഓടി  ഛർദിക്കാൻ തുടങ്ങി ...മേനോൻ  പിന്നാലെ  ചെന്നു പുറം തടവി  കൊടുത്തു ..

വിശാലാക്ഷി തളർച്ചയുടെ മേനോന്റെ കൈകളിലേക്ക്  കുഴഞ്ഞു വീണു ....

ഇന്ദ്രനും ഉണ്ണിമയായും  ഞെട്ടിത്തരിച്ചു  നിന്നു ...  

❣️❣️പരിണയം -7❣️❣️

കാഷ്യുവാലിറ്റിയുടെ  മുന്നിലെ  കസേരയിൽ മേനോനും , ഇന്ദ്രനും , ഉണ്ണിമയായും ഇരുന്നു ...

വിശാലാക്ഷിയെ  ഡോക്ടർ പരിശോധിച്ച ശേഷം  മേനോനെ  ഡോക്ടർ വിളിപ്പിച്ചു ...

വിശാലാക്ഷിയുടെ  ഹസ്ബൻഡ്  ആണല്ലേ ??

ഡോക്ടർ ചോദിച്ചു ...

അതെ  ഡോക്ടർ , വിശലത്തിന്  ഇപ്പോൾ  എങ്ങനെ ഉണ്ട് ??

ഏയ്‌ , പേടിക്കാൻ ഒന്നുമില്ല ...വിശാലാക്ഷി പറഞ്ഞത്  വയറിനു  പിടിക്കാത്തത് കഴിച്ചത്  കൊണ്ട്  ഛർദിച്ചതാണെന്ന്  ആണ് ... ചിലപ്പോൾ ആയിരിക്കാം ......

എങ്കിലും എനിക്ക്  കുറച്ചു  സംശയങ്ങൾ ഉണ്ട് .. ഞാൻ  രക്തം പരിശോധിക്കാൻ അയച്ചിട്ടുണ്ട് ......

ഒപ്പം നാളെ രാവിലെ തന്നെ  വയറിന്റെ  ഒരു  അൾട്രാസൗണ്ട് സ്കാനിംഗ് കൂടി  ചെയ്ത്  നോക്കാം ...ഡോക്ടർ പേപ്പർ വെയ്റ്റ് തിരിച്ചു കൊണ്ട്  പറഞ്ഞപ്പോൾ  മേനോന്  ഉള്ളിൽ ആശങ്ക ഉണ്ടായി ...

ഡോക്ടർ  എന്താണ്  പറഞ്ഞു  വരുന്നത് ??? എനിക്ക് ഒന്നും മനസ്സിലാകുന്നില്ല ??? 

മേനോൻ ചോദിച്ചു ..

വിശാലാക്ഷി  ഇവിടെ  വന്നപ്പോൾ രണ്ടു വട്ടം  ഛർദിച്ചു ...രണ്ടാം വട്ടത്തെ  ഛർദിയിൽ  രക്തതിന്റെ  മയം കണ്ടതായി  നേഴ്സ് പറഞ്ഞു ...

എന്തായാലും ഇവിടെ വന്ന  സ്ഥിതിക്ക് എല്ലാം പരിശോധിച്ചിട്ട് പോകുന്നതല്ലേ നല്ലത് ?? ഡോക്ടർ ചോദിച്ചു ...

മതി.. അത്‌ മതി ഡോക്ടർ ...എന്താണേലും എല്ലാം നോക്കിയിട്ട്  ഡിസ്ചാർജ്  ചെയ്താൽ മതി ...മേനോൻ ഡോക്ടറിന്റെ  അഭിപ്രായത്തെ  പിന്താങ്ങി ...

ഇതെല്ലാം  കെട്ട്  വിശാലാക്ഷി വിയർക്കാൻ തുടങ്ങി 

ഇപ്പോൾ ഡ്രിപ് പൊക്കോണ്ടിരിക്കുകയാണ് .... ശേഷം റൂമിലേക്ക്  മാറ്റാം ......ഡോക്ടർ  പറഞ്ഞു ...

മേനോൻ തലയാട്ടി ...

ഡോക്ടറിന്റെ മുറിയിൽ നിന്നും പുറത്തിറങ്ങിയ മേനോൻ  ഇന്ദ്രനോടും , മായയോടും കാര്യങ്ങൾ പറഞ്ഞു ...

അവരും മേനോന്റെ  അഭിപ്രായത്തെ  അനുകൂലിച്ചു ...

ഇന്ദ്രൻ പോയി മുറി ബുക്ക് ചെയ്തു ...

താമസിക്കാതെ വിശാലാക്ഷിയെ മുറിയിലേക്ക്  മാറ്റി ....

ഇവിടെ  അഡ്മിറ്റ്  അകാൻ വേണ്ടി മാത്രം  എനിക്ക്  ഒന്നുമില്ല ... ഞാൻ  കഴിച്ച ഭക്ഷണത്തിൽ  ആരോ തന്ത്രത്തിൽ മായം ചേർത്തു ..അത്കൊണ്ട്  മാത്രമാണ്  ഞാൻ ഛര്ദിച്ചത് ... അതിന്റെ പേരിൽ എന്നെ ഇവിടെ  അഡ്മിറ്റ് ആക്കേണ്ട കാര്യം ഇല്ല ...

അതെ  കാര്യം ഉണ്ടോ  ഇല്ലയോ എന്ന്  ഡോക്ടർ  തീരുമാനിക്കും ... നീ അവിടെ അടങ്ങി കിടക്കാൻ നോക്ക് ... പിന്നെ നീ കഴിച്ച  ഭക്ഷണം  ഉണ്ടാക്കിയത്  ഞാനാണ് ..അതിൽ  ഞാൻ ഒരു മായവും  ചേർത്തിട്ടില്ല ..മേനോൻ  പറഞ്ഞു ..

നിങ്ങൾ  ചേർത്തെന്ന്  ഞാൻ  പറഞ്ഞോ??  ഇല്ലല്ലോ !!

എനിക്ക് മറ്റുചിലരെയാണ്  സംശയം  !!! വിശാലാക്ഷി  ഉണ്ണിമായയെ  തന്നെ  നോക്കികൊണ്ട്  പറഞ്ഞു ...

അമ്മക്ക്  എന്നെയാണ്  സംശയം എന്ന്  അമ്മയുടെ നോട്ടത്തിൽ നിന്ന് തന്നെ മനസ്സിലായി ......എന്ത് ദേഷ്യമുണ്ടെങ്കിലും അത്‌ ഭക്ഷണത്തോട്  കാണിക്കരുത്  എന്ന് എന്റെ അച്ഛൻ എന്നെ പഠിപ്പിച്ചു  തന്നിട്ടുണ്ട് ... എനിക്ക്  അമ്മയുടെ  വയറിളക്കിയിട്ട്  ഒന്നും കിട്ടാനില്ല ...

പിന്നെ  ഞാൻ അടുക്കളയിൽ കയറി ഒന്നും ഉണ്ടായിട്ടില്ല ... എല്ലാം അച്ഛനും  ഇന്ദ്രേട്ടനും കൂടി ആണ്  ചെയ്തത് ...

ഇനി അതല്ല  അമ്മക്ക്  ആ കുറ്റം എന്റെ  തലയിൽ തന്നെ വെക്കണം  എന്നാണെങ്കിൽ എനിക്ക് ഒരു കുഴപ്പവും  ഇല്ല ... ഉണ്ണിമായ പറഞ്ഞു ...

നീ  കൂടുതൽ മാലാഖ  ആവാൻ  നോക്കല്ലേ ... നീ കാലെടുത്തു  വെച്ച  അന്ന്  തന്നെ  കണ്ടില്ലേ  ... ഒരാൾ ആശുപത്രിയിൽ ആയി ... ഇനി  മുന്നോട്ട് എന്തൊക്കെ  സഹിക്കണോ എന്തോ ?? വിശാലാക്ഷി  പുച്ഛത്തോടെ  പറഞ്ഞു ...

ഉണ്ണിമായയുടെ കണ്ണുകൾ നിറഞ്ഞു ..

ഹോ ,, എന്റെ അമ്മേ  ഒന്ന്  നിർത്തുന്നുണ്ടോ ?? വന്നുകയറിയ  സമയം തൊട്ട്  കേൾക്കുന്നതാണ്  ഈ കുറ്റപ്പെടുത്തലും  പ്രാക്ക് പറച്ചിലും ... ഇനി  ഇത്‌  കേട്ട് സഹിച്ചു  നില്ക്കാൻ  എനിക്ക്  മനസ്സില്ല ....

അച്ഛാ !!! അച്ഛനെ  ഓർത്തു മാത്രമാണ്  ഞാൻ ഉണ്ണിമായയെ കൊണ്ട്  വീട്ടിലേക്ക് വന്നത് ...

ഞങ്ങൾ  എവിടെയെങ്കിലും പോയി  സ്വസ്ഥമായി കഴിഞ്ഞോളാം .. എന്തിനാ  അമ്മയുടെ വായിലെ  ശാപവാക്കുകൾ  കേൾക്കുന്നത് ???

അമ്മ  ഉണ്ണിമായയുടെ  അച്ഛനോടും അമ്മയോടും  ചെയ്തപോലൊന്നും  അവൾ  തിരിച്ചു  ചെയ്തില്ലല്ലോ ???

അമ്മക്ക് ചിലപ്പോൾ ഉണ്ണിമായയെ  പേടി കാണും ... അമ്മയെ  ദ്രോഹിക്കുമെന്ന് ... എങ്കിൽ  അമ്മക്ക് അവിടെ തെറ്റി ...

ഉണ്ണിമായയെ  എനിക്ക്  നല്ലത്പോലെ അറിയാം .... അത്കൊണ്ട്  തന്നെ എനിക്ക്  അവളെ  വിശ്വസമാണ് അമ്മേ ... ഇന്ദ്രൻ പറഞ്ഞു ...

മോനേ ... ഇത്‌ നിങ്ങളുടെ ജീവിതമാണ് ... എന്ത് തീരുമാനം എടുക്കുവാനുള്ള  സ്വാതന്ദ്ര്യം നിങ്ങൾക്കുണ്ട് ... 

പിന്നെ അച്ഛന്റെ ആഗ്രഹമാണ്  നിങ്ങൾ രണ്ടുപേരും നമ്മുടെ  വീട്ടിൽ തന്നെ ഉണ്ടാവണം  എന്നുള്ളത് ... ബാക്കി എല്ലാം നിങ്ങളുടെ ഇഷ്ട്ടം  ഇനി  അച്ഛൻ നിങ്ങളെ  തടയില്ല ... 

ജീവിതത്തിൽ ഏറ്റവും വേണ്ടത്  മനസമാധാനം ആണ് .. അതില്ലാതെ  എന്ത്  ഉണ്ടായിട്ടും  ഒരു പ്രയോജനവും  ഇല്ലടാ മോനേ ....മേനോന്റെ. ശബ്ദം ഇടറുന്നത്  ഇന്ദ്രൻ  അറിഞ്ഞു ....

അച്ഛൻ ആ വിഷയം  വിട്ടേക്ക് ......അചന്റെ മനസ്സ് വിഷമിച്ചെങ്കിൽ  മാപ്പ് ...

നമ്മൾ  ഇങ്ങോട്ട്  വന്നത്  അമ്മ അഡ്മിറ്റ്  ആകുമെന്ന്  വിചാരിച്ചല്ലല്ലോ !!! അമ്മയുടെ തുണിയും മറ്റ് സാധനങ്ങളും കൊണ്ടുവരേണ്ടേ അച്ഛാ ???...

വേണം മോനേ .... മേനോൻ പറഞ്ഞു ...

അച്ഛാ ... ഉണ്ണിമായ  വിളിച്ചു ...

നിങ്ങൾ രണ്ടാളും വീട്ടിൽ പോയ്കൊള്ളു .....ഈ രാത്രി  ഞാൻ മാത്രം മതി ... ഞാൻ അമ്മയെ നോക്കിക്കൊള്ളാം... നാളെ  രാവിലേ  വരുമ്പോൾ  അമ്മക്ക്  മാറുവാനുള്ള വസ്ത്രം കൊണ്ടുവന്നാൽ  മതിയല്ലോ ??ഉണ്ണിമായ പറഞ്ഞു ...

അതുമതിയോ  വിശാലം ??? മേനോൻ  ചോദിച്ചു ...

എന്നോട്  എന്തിനാ ചോദിക്കുന്നത് ??? എല്ലാം ഇപ്പോൾ തീരുമാനിക്കുന്നത്  നിങ്ങൾ അല്ലേ ??? വിശാലാക്ഷി  പറഞ്ഞു ...

എന്നാൽ ശെരി  മോളെ ....ഞങ്ങൾ പോയിട്ട് രാവിലെ  വരാം ....എന്തേലും  ആവശ്യമുണ്ടെങ്കിൽ  മോള്  വിളിച്ചാൽ മതി ...

ശെരി അച്ഛാ ... നിങ്ങൾ പോയിട്ട്  വാ ...

ഉണ്ണിമായ  പറഞ്ഞു ....

മേനോനും  ഇന്ദ്രനും ആശുപത്രിയിൽ നിന്നും ഇറങ്ങി ...

എടാ  മോനേ  ഇന്ദ്രാ ......കീരിയെയും പാമ്പിനെയും കൂടി  ഒരു മുറിയിൽ  ആകിയിട്ടാണ്  നമ്മൾ ഇറങ്ങിയത് ....ഈ രാത്രി  എന്താകുമോ  എന്തോ ??

അച്ഛൻ  എന്തിനാ  പേടിക്കുന്നത്  ??? എല്ലാം അച്ഛന്റെ  പ്ലാനിംഗ്  പോലെ  തന്നെ  നടക്കുന്നില്ലേ ...

ഇനിയുള്ള  കാര്യം  ഉണ്ണിമായക്ക്  വിട്ടേക്ക് ... അവൾ  നമ്മുടെ  വിശാലത്തിനെ  നേരെയാക്കികൊള്ളും ....

നേരെയാക്കിയാൽ മതി ... ഇല്ലങ്കിൽ വിശാലം നമ്മളെ  കെട്ട് കെട്ടിക്കും ...

മേനോനും  ഇന്ദ്രനും  കൂടി  ഒരുമിച്ചു ആർത്തുചിരിച്ചു ....

❣️❣️പരിണയം -8❣️❣️

ഉണ്ണിമായ മുറിയുടെ വാതിൽ കുറ്റിയിട്ടു ...

അമ്മക്ക്  കുടിക്കാൻ ചായ  വേണോ ???....ഞാൻ വേണെങ്കിൽ വാങ്ങിയിട്ട്  വരാം ...

അയ്യോ ....വേണ്ടായേ ...ഇപ്പൊ  ചെയ്തത് പോരാഞ്ഞിട്ട്  ഇനി ചായക്കകത്തു എന്ത്  കലക്കി തരാൻ ആണെടീ ..വിശാലം  ചിറി  കോട്ടി ...

ദേ , ഞാൻ  മനസ്സിൽ പോലും ആലോചിക്കാത്ത കാര്യം പറഞ്ഞാലുണ്ടല്ലോ  എന്റെ വിധം മാറും ...എപ്പോഴും പഴി  കേട്ടുകൊണ്ട് ഇരിക്കുമെന്ന്  കരുതേണ്ട ...

അച്ഛനാണ്  അമ്മ കഴിച്ച തീയൽ ഉണ്ടാക്കിയത്  !!! അമ്മ  എന്തെ  അച്ഛനെ  സംശയികാത്തത് ?? അപ്പോൾ എന്നെ മനഃപൂർവം  പഴി പറഞ്ഞുകൊണ്ട്  ഇരിക്കുന്നത്  അല്ലേ 

അല്ലേലും അമ്മക്ക്  മുഴുവൻ എടുത്തുചാട്ടം ആണ് ... ഒന്നും മനസ്സിലാക്കാതെയാണ്  പറയുന്നതും പെരുമാറുന്നതും ........എന്റെ അച്ഛനെയും അമ്മയെയും സമാധാനത്തോടെ ജീവിക്കാൻ അനുവദിക്കാതെ പുറകെ നടന്ന്  ശല്യപ്പെടുത്തുക  അല്ലായിരുന്നോ ???അവർ എപ്പോഴെങ്കിലും  നിങ്ങളുടെ  അടുത്ത് എന്തേലും  ശല്യത്തിന്  വന്നിട്ടുണ്ടോ ???

വിശാലം  ഉണ്ണിമായയെ  തന്നെ  നോക്കി .. 

അമ്മ പറഞ്ഞല്ലോ  ഞാൻ എരണം  കെട്ടവൾ ആണെന്ന് !!! ഞാൻ ആ കുടുംബത്തു  കാൽ  എടുത്ത് വെച്ചപ്പോൾ  തൊട്ടാണ്  എല്ലാ  കുഴപ്പങ്ങൾക്കും കാരണം എന്ന് ??? അങ്ങനെ ആണോ എന്ന് അമ്മ ഒന്ന് ചിന്തിച്ചു  നോക്ക് ..

അമ്മ  എന്റെ അച്ഛനോടും അമ്മയോയോടും ചെയ്തുകൂട്ടിയതിന്  പകരം വീട്ടാൻ ഇത്രയും  നിസ്സാര മാർഗം  ഞാൻ ഉപയോഗിക്കില്ല ...ഞാൻ  അമ്മയോട്  ഒരു പ്രതികാരത്തിനും ഇല്ല അച്ഛൻ  എല്ലാം  പറഞ്ഞു കഴിഞ്ഞപ്പോൾ മനസ്സിൽ അപ്പോൾ തോന്നിയ  ദേഷ്യത്തിന്  ഞാൻ പറഞ്ഞുപോയതാണ് ...

പക്ഷെ  അമ്മ എന്റെ പിറകെ  നടന്ന്  ഉപദ്രവിക്കാൻ ആണ് ഭാവമെങ്കിൽ ഞാനും അടങ്ങിയിരിക്കുമെന്ന് അമ്മ കരുത്തേണ്ട !!!ഉണ്ണിമായ പറഞ്ഞു ....

നീ എന്നെ  എന്ത്  ചെയ്യുമെന്നാടീ ?? വിശാലം തിരിച്ചടിച്ചു ...

അത്‌  അന്നേരത്തെ  ഉചിതം പോലെ എന്ത്  വേണേലും ആകാം ...ഉണ്ണിമായ കൈയ്യും കെട്ടി നിന്ന്  പറഞ്ഞു ...അമ്മ  ഇപ്പോൾ ഉറങ്ങാൻ നോക്ക് ...രാവിലെ സ്കാനിംഗ് ഉള്ളതാണ് ..

വിശാലം പിന്നെ ഉണ്ണിമായയോട്‌ തർക്കിക്കാൻ പോയില്ല ...

ഉണ്ണിമായ. ലൈറ്റ് ഓഫ് ചെയ്ത്  കിടന്നു ....

💓💓💓💓💓💓💓💓💓💓💓💓

രാവിലെ തന്നെ മേനോനും  ഇന്ദ്രനും ആശുപത്രിയിൽ വന്നു ......അപ്പൊഴെക്കും വിശാലത്തിനെ  സ്കാനിങ്ങിനു കയറ്റിയിരുന്നു ...

സ്കാനിങ്ങിനു ശേഷം വിശാലത്തിനെ മുറിയിലേക്ക് കൊണ്ടുപോയി ..

മേനോനും ഇന്ദ്രനും  Dr  വരുണിന്റെ  മുറിയിൽ ഇരുന്നു ... എന്താ  വരുൺ  വെല്ല  പ്രശ്നവും  ഉണ്ടോ ???

സ്കാനിംഗ് റിപ്പോർട്ട് തന്നെ നോക്കികൊണ്ട്  ഇരുന്ന  Dr  വരുണിനോട്  ഇന്ദ്രൻ ചോദിച്ചു ...

മ്മ് , ഈ നിമിഷം വരെ നമ്മൾ മൂന്നുപേരും കൂടി കളിച്ചത്  നാടകം ആണെങ്കിലും  ഇപ്പോൾ കഥയുടെ ദിശ  മാറി  ഇന്ദ്രാ .... Dr  വരുണിന്റെ  സംസാരം കേട്ട്  ഒന്നും മനസിലാവാതെ  മേനോനും ഇന്ദ്രനും പരസ്പരം നോക്കി ..:

എന്താ  മോനെ ഈ പറഞ്ഞുവരുന്നത് ?? മേനോൻ ആശങ്കയോടെ തിരക്കി ...

അത്‌ അങ്കിൾ  സ്കാൻ  റിസൾട്ടിൽ  അമ്മയുടെ  വയറ്റിൽ  ഒരു  മുഴ കാണുന്നുണ്ട് ... അത്യാവശ്യം വലിയ  ഒന്ന് തന്നെയാണ് ... 

ഒന്നുകൂടി വിശദമായി നോക്കണം  ഇപ്പോൾ തന്നെ  ഒരു CT സ്കാൻ ചെയ്യാം ... 

അയ്യോ  മോനേ  ... നീ കാര്യമായിട്ടാണോ  ഈ പറയുന്നത് ?? മേനോൻ  വിഷമത്തോടെ  ചോദിച്ചു ...

അതേ അങ്കിൾ  സ്കാൻ  റിപ്പോർട്ടിൽ  അത്‌  റേഡിയോളോജിറ്റ്  എഴുതിയിട്ടുണ്ട് ... അങ്കിൾ ഇത്  വായിച്ചു  നോക്കു ... Dr  വരുൺ സ്കാൻ റിപ്പോർട്ട് മേനോന്  നേരെ നീട്ടി ...

മേനോൻ അത്  നോക്കിയിട്ട്  ഇന്ദ്രന് കൊടുത്തു ...

വരുൺ ... ഇനി വൈകിക്കേണ്ട  എത്രയും പെട്ടെന്ന്  സ്കാൻ ചെയ്തോളു ഇന്ദ്രൻ  പറഞ്ഞു ...

വിശാലത്തിനെ  CT സ്കാനിനും  വിധേയമാക്കി .....

CT റിപ്പോർട്ടിൽ നോക്കിയ Dr വരുണിന്റെ മുഖത്തെ  ആശങ്ക  കണ്ടു  മേനോനും ഇന്ദ്രനും പന്തികേട്  മണത്തു ...

അങ്കിൾ  കാര്യങ്ങൾ നമ്മൾ വിചാരിച്ചത്ര  നിസ്സാരമല്ല ...നമ്മുക്ക്  ആ. മുഴ  ഒരു സർജറി  കൊണ്ട്  റീമൂവ് ചെയ്യാം  ...ബട്ട്  അത്‌  എത്ര മാത്രം വ്യാപിച്ചിട്ടുണ്ടെന്ന്  സർജറി  കഴിഞ്ഞതിന്  ശേഷമേ  പറയുവാൻ കഴിയൂ ...

മോനെ ...ഈ വ്യാപിക്കുക  എന്ന് മോൻ ഉദ്ദേശിച്ചത്  കാൻസർ  ആണോ ??? മേനോൻ പതർച്ചയോടെ ചോദിച്ചു ...

വരുൺ അതേ  എന്ന അർത്ഥത്തിൽ  തലയാട്ടി ...

വിശലത്തിന്  ഇടയ്ക്കിടെ  വയറു വേദന  വരുമ്പോഴൊക്കെ  ഞാൻ ആശുപത്രിയിൽ  കൊണ്ടുപോകാം എന്ന് പറഞ്ഞാൽ  അവൾ അനുസരിക്കില്ല ... കുറച്ചു  വേദന സംഹാരി  കഴിക്കും  അല്ലെങ്കിൽ  ഗ്യാസ്  ആണെന്ന്  പറഞ്ഞു  അതിനുള്ള  സിറപ്പ് കുടിക്കും ....മേനോൻ ഇരുന്നു  പരിതപിച്ചു ...

അങ്കിൾ മിക്ക  ആൾക്കാരും എങ്ങനെയൊക്കെയാണ് ... ഒരു പരിധി വരെ  സ്വയം  ചികിൽസിക്കാൻ  നോക്കും... എല്ലാ. വഴിയും അടയുമ്പോൾ ഡോക്ടറെ  സമീപിക്കുന്ന  എത്രയോ പേരെ  ഞാൻ എന്നും കാണുന്നതാണ് ...

ആന്റിയുടെ  വിഷയത്തിൽ  നമുക്ക്‌  ചികിൽസിച്ചു  ഭേദം ആക്കാൻ കഴിയുമെന്നാണ്  എന്റെ പ്രതീക്ഷ ...

ഇത് അമ്മയോട്  എങ്ങനെ  അവതരിപ്പിക്കും ?? അതാണ്  അടുത്ത  പ്രശ്നം ??ഇന്ദ്രൻ  പറഞ്ഞു ..

എന്തായാലും പറഞ്ഞേ പറ്റൂ ... എല്ലാം ഒക്കെ ആണെങ്കിൽ നാളെത്തന്നെ  സർജറി ചെയ്യണം ...

വിശാലത്തിനോട്  ഞാൻ തന്നെ കാര്യം അവതരിപ്പിക്കാം ...മേനോൻ പറഞ്ഞു ....

അവർ വിശാലത്തിനോട്  കാര്യങ്ങൾ  അവതരിപ്പിക്കാൻ തീരുമാനിച്ചു ...

എല്ലാം അറിഞ്ഞ വിശാലാക്ഷി പൊട്ടിക്കരഞ്ഞു ... യാഥാർഥ്യങ്ങളോട്  പൊരുത്തപ്പെടാൻ  വിശാലാക്ഷിക്ക് കഴിഞ്ഞില്ല ...

ഉണ്ണിമായ വിശാലാക്ഷിയുടെ  അടുത്ത് പോയി  ഇരുന്നു ...

അമ്മേ ... അമ്മക്ക്  ഒന്നുമില്ല ... ദൈവം  ഇത്  കൃത്യസമയത്തു  നമുക്ക്‌ കാണിച്ചു  തന്നതായി  ഓർത്താൽ മാത്രം മതി ..

നമ്മുക്ക്  ഡോക്ടർ പറയുന്നത് പോലെ ട്രീറ്റ്മെന്റ്  ചെയ്താൽ  മതി ... എല്ലാം ശെരിയാവും അമ്മേ ...

ഉണ്ണിമായയുടെ  അലിവോടെയുള്ള  സംസാരം കേട്ട്  വിശാലാക്ഷി  ആദ്യമായി അവളെ  കാണുന്നത്  പോലെ  നോക്കി ...

നിന്നെ ഞാൻ ഇത്രെയൊക്കെ  പറഞ്ഞിട്ടും  വിഷമിപ്പിച്ചിട്ടും നിനക്ക്  എന്നോട്  ദേഷ്യമൊന്നും ഇല്ലേ ....വിശാലാക്ഷി  ഉണ്ണിമായയോട്‌  ചോദിച്ചു ...

ഉണ്ണിമായയുടെ  മുഖത്തെ  ഭാവം മാറി ....

❣️❣️പരിണയം -9❣️❣️

നിന്നെ ഞാൻ ഇത്രെയൊക്കെ  പറഞ്ഞിട്ടും  വിഷമിപ്പിച്ചിട്ടും നിനക്ക്  എന്നോട്  ദേഷ്യമൊന്നും ഇല്ലേ ....വിശാലാക്ഷി  ഉണ്ണിമായയോട്‌  ചോദിച്ചു ...

ഉണ്ണിമായയുടെ  മുഖത്തെ  ഭാവം മാറി ....

ആര്  പറഞ്ഞു എനിക്ക് ദേഷ്യമില്ലന്ന് ?? എനിക്ക്  അമ്മ ചെയ്തതൊന്നും മറക്കാനോ  പൊറുക്കാനോ  കഴിയുന്നതല്ല ......

അമ്മ എന്റെ അച്ഛനോടും അമ്മയോടും ചെയ്ത് കൂട്ടിയത് ഓർത്തു പശ്ചാത്തപിക്കാൻ  കിട്ടിയ  ഒരു അവസരം തന്നെയാണ്  ഇത് .. 

അമ്മ ചെയ്തുകൂട്ടിയത്  പോലെ  പൂഴിയിൽ പൂണ്ട്  നില്കുന്നവനെ  വീണ്ടും ചവിട്ടി  താഴ്ത്തി  മനഃസന്തോഷം കാണുവാൻ എനിക്ക്  കഴിയില്ല ...

എന്നെ  എന്റെ  വീട്ടുകാർ അങ്ങനെ  ഒന്നും പഠിപ്പിച്ചു  തന്നിട്ടില്ല  അമ്മേ ...

അതുകൊണ്ട് എന്റെ പ്രതികാരം അത്‌ എന്ത് തന്നെയും ആയിക്കോട്ടെ  ഞാൻ അത്‌ സമയവും സന്ദർഭവും  പോലെ  നോക്കി  പകരം വീട്ടിക്കൊള്ളാം ...

ഈ സമയത്തു  ഞാൻ ഒന്നിനും വരുന്നില്ല ... അമ്മ ആരോഗ്യം വീണ്ടെടുത്ത് പഴയത് പോലെ  ജാൻസി റാണി  ആയിട്ട്  നമുക്ക്‌  അംഗം വെട്ടാം ...അതല്ലേ  അതിന്റെ  ശെരി  അച്ഛാ ??

ഉണ്ണിമായ  മേനോന്റെ  മുഖത്തേക്ക്  നോക്കി  ചോദിച്ചു ..

മേനോൻ ഉണ്ണിമായയെ നോക്കി ചിരിച്ചു ... മോള് ഇന്നലെ രാത്രി തൊട്ട് ഇവൾക്ക്  കാവൽ ഇരിക്കുവല്ലേ ?? 

ഇന്ദ്രന്റെ കൂടെ വീട്ടിലേക്ക് പോയ്കൊള്ളു ...രാത്രി വന്നാൽ മതി ... ഇവിടെ ഞാൻ നിന്നോളാം ... മേനോൻ  ഉണ്ണിമായയെ  നിർബന്ധിച്ചു ഇന്ദ്രന്റെ കൂടെ പറഞ്ഞുവിട്ടു ....

💓💓💓💓💓💓💓💓💓💓💓

വിശാലം  !!  മേനോൻ ആര്‍ദ്രമയി  വിളിച്ചു 

ഈ  ലോകത്ത്‌ എല്ലാവരും നിന്നെ പോലെയാണെന്ന്  നീ കരുതിയെങ്കിൽ നിനക്ക്  തെറ്റി ...

ആ കുട്ടിയെ നീ ഭയക്കുന്നുണ്ടെങ്കിൽ അതിന്റെ അർഥം നീ  തെറ്റ്  ചെയ്തു  എന്നല്ലേ ??? 

നിനക്ക് തെറ്റ്  ചെയ്‌തു എന്നൊരു കുറ്റബോധം തോന്നുന്ന. ആ നിമിഷം മനസ്സറിഞ്ഞു ആ കുട്ടിയോടും അതിന്റെ വീട്ടികാരോടും   ചെയ്ത് പോയതിനെല്ലാം  മാപ്പ്  ചോദിക്ക് ...

നീ. മാപ്പ്  ചോദിച്ചത് കൊണ്ട്  അല്പം പോലും ആരുടെയും മുന്നിൽ താണു പോകില്ല മറിച്ചു  നിന്റെ വില  അവിടെ  ഉയരത്തെ ഒള്ളു വിശാലം!!!

ആ പാവത്തിന്  ഒരേ സമയം അച്ഛനും അമ്മയും നഷ്ടമായതാണ് ....അതിന് ഒരു പരിധി വരെ  നീയാണ്  കാരണം ......

അവർ മരിച്ചു കാണാൻ വേണ്ടി  നീ അങ്ങനെ  ചെയ്തതാണെന്ന്  ഞാൻ ഒരിക്കലും  പറയില്ല .. 

പക്ഷെ  നീ അവരെ അപമാനിച്ചതിന്റെ  വിഷമം താങ്ങാൻ  ആവാതെ ആ കടുംകൈ  ചെയ്തപ്പോൾ  ഈ ഭൂമിയിൽ  ഒറ്റപ്പെട്ട്  പോയവൾ ആണ്  ആ കുട്ടി ... 

അവിടെയാണ്  നമ്മുടെ മോന്റെ  മനസ്സിന്റെ നന്മ  നീ. കാണേണ്ടത്  വിശാലം !! ആ  കുട്ടി ഒറ്റക്ക്  എത്രനാൾ  ആ വീട്ടിൽ പിടിച്ചു  നിൽക്കും ?? ചുറ്റും ആയിരം  കഴുകൻ കണ്ണുകൾ  വട്ടമിട്ടു പറക്കുന്ന  ഇടത്തു നിന്നും  പ്രാണരക്ഷാർത്ഥം  നമ്മുടെ മോന്റെ കൈപിടിച്ചു  വീട്ടിലേക്ക്  കയറി വന്ന ആ കുട്ടിയെ  നീ ഈ നിമിഷം വരെ പഴിച്ചതല്ലാതെ  ഒരു നല്ലവാക്ക്  പറഞ്ഞോ ??

വിശാലത്തിന്റെ  കണ്ണുകൾ  നിറഞ്ഞു .....മേനോൻ  തുടർന്നു 

നീ ചെയ്തുപോയ  ചേതികളിൽ  നിനക്ക്  കുറ്റബോധം തോന്നുന്നുവെങ്കിൽ നിനക്ക്  ആ കുട്ടിയോട് മാപ്പ്  ചോദിക്കാം ... ആരും കേൾക്കാതെ  നീയും അവളും  മാത്രമുള്ളപ്പോൾ മതി ...

നീ അവളെ  ചേർത്തുപിടിച്ചു  നമ്മുടെ മകളെപ്പോലെ  സ്നേഹിച്ചുനോക്ക്  അതിൽപരം ഒരു പ്രായശ്ചിത്തം  നിനക്ക്  ചെയ്യാൻ കഴിയില്ല വിശാലം ...

എനിക്ക്  നിന്നെ വേണം  വിശാലം ......നിന്റെ എടുത്തു ചാട്ടവും  മുൻകോപവും ഒക്കെ  ഞാൻ  സഹിക്കും ക്ഷമിക്കും  .... കാരണം  നിന്നെ എനിക്ക്  ഇഷ്ടമാണ് ......എന്നാൽ മറ്റാരും ഇപ്പോഴും  അത്‌  ക്ഷമിക്കണം എന്നില്ല ...ഒരു വിധിക്കും നിന്നെ ഞാൻ പറഞ്ഞു  വീടില്ല വിശാലം  ... നാളത്തെ  സർജറി കഴിഞ്ഞു  നീ വീണ്ടും പഴയ  ജീവിതത്തിലേക്ക്  മടങ്ങി  വരുന്നത് എനിക്ക്  കാണണം ...

നമുക്ക്‌  ഈശ്വരൻ ആണായും പെണ്ണായും  ഒന്നിനെ  തന്നിട്ടൊള്ളു ...അവന്  നമ്മളോട് ഇഷ്ട്ടം  തന്നെയാണ്  .. എന്നാൽ ഇപ്പോൾ അവന്റെ ജീവിതത്തിൽ മാറ്റങ്ങൾ  വന്നു ......അവന്റെ മനസ്സിൽ അവന്റെ അമ്മ ഒരു മനസ്സലിയില്ലാത്തവൾ  ആണെന്ന്  തോന്നിയാൽ  അവനും നിന്നെ വെറുത്തു  തുടങ്ങും ...

ഇന്ന് നിന്നെ  ഞാൻ ഇങ്ങനെ  ചേർത്ത് പിടിച്ചത്  പോലെ  അവൻ  മായാമോളെ ചേർത്തുപിടിച്ചു  നമ്മുടെ വീട്  വിട്ട്  പോകാൻ നമ്മളായിട്ട്  ഇടവരുത്തരുത് ...

ഞാൻ  പറയുന്നത്  എന്റെ  വിശാലത്തിന് മനസ്സിലാകുന്നുണ്ടോ ??

മ്മ് , വിശാലം ഒന്ന് മൂളി ..

മേനോൻ വിശാലത്തിനെ  ചേർത്ത് പിടിച്ചു  നിറുകയിൽ  ചുംബിച്ചു ...

വിശാലം മേനോന്റെ മാറിൽ  ചാരി ഇരുന്നു  ....

മേനോൻ  പറഞ്ഞ  ഓരോ കാര്യങ്ങളും തന്റെ ചുറ്റിനും അലതല്ലുന്നതായി  വിശലത്തിന്  തോന്നി ....

💓💓💓💓💓💓💓💓💓💓💓💓

ഇന്ദ്രനും  ഉണ്ണിമായയും വീട്ടിലേക്ക്  ഉള്ള  യാത്രയിൽ ആയിരുന്നു ..

മായേ  നീ ഒക്കെ ആണോ ?? ഇന്ദ്രൻ ഡ്രൈവിങ്ങിൽ    ശ്രദ്ധിച്ചു  കൊണ്ട്  തന്നെ  ഉണ്ണിമായയോട്‌  ചോദിച്ചു ..

പെട്ടെന്ന്  ഉണ്ണിമായയുടെ കണ്ണുകൾ നിറഞ്ഞു ... 

അമ്മക്ക്  ഇങ്ങനെ  വന്നത്  ഞാൻ ആ വീട്ടിൽ കയറി വന്നത് കൊണ്ട് ആണെന്നാണല്ലോ  അമ്മ പറയുന്നത് ... ശാപം കിട്ടിയ ജന്മമാണ്  എന്റേത്  !! 

അല്ലെങ്കിൽ  എന്റെ ജീവിതത്തിൽ മാത്രം എന്താ  ഇങ്ങനെ  ഒഴിയാബാധ  പോലെ  ഒന്നിന്  പിറകെ  ഒന്നായി  വിഷമങ്ങൾ മാത്രം  ഈശ്വരൻ തരുന്നത് ??

ആഹാ ,, ബെസ്റ്റ്  ... എടി  പൊട്ടിക്കാളി ... അമ്മക്ക്  ഇന്ന്  ഇന്നലെ  ഉച്ചകഴിഞ്ഞു പുതിയതായി വയറ്റിൽ ഉണ്ടായിവന്ന  മുഴ  ആണോ അത് ?? അല്ലല്ലോ ??

ഇന്നലെ  രാത്രി അവിടെ അങ്ങനെയൊക്കെ  സംഭവിച്ചപ്പോൾ  അച്ഛൻ എന്റെ കൂട്ടുകാരൻ  Dr  വരുണിനെ  വിളിച്ചു ഒരു നാടകം  പ്ലാൻ  ചെയ്തതാണ് ... അത്  മറ്റൊന്നുമല്ല രണ്ട് ദിവസം  അമ്മയെ  ഇവിടെ  കിടത്തി  ഒപ്പം  നിന്നെയും  കൂടി  നിറുത്തി ......

നിന്റെ കരുതലും  സ്നേഹവും  എല്ലാം  മനസ്സിലാക്കി  ആ മനസ്സിന്  ഒരു അലിവ്  വരട്ടെ  എന്നേ  ഞങ്ങൾ കരുതിയുള്ളൂ ...എന്നാൽ ഇന്ന്  രാവിലെ  കാര്യങ്ങൾ ഇങ്ങനെ  തകിടം  മറിയുമെന്നു  ഞങ്ങൾ  സ്വപ്നത്തിൽ  പോലും  കരുതിയില്ല ... 

അമ്മക്ക്  ഒന്നും സംഭവിക്കില്ല ... 

കാര്യം എന്റെ അമ്മ തന്നെയാണ് ... പറയാൻ പാടില്ലാത്തതാണ് ... ചെയ്ത് കൂട്ടിയ  തെറ്റുകൾ  എല്ലാം  ഓർക്കാൻ  ദൈവം  ഒരു അവസരം കൊടുത്തതാവണം ... അമ്മക്ക്  മനസ്സുണ്ടെങ്കിൽ  എല്ലാം  തിരുത്തട്ടെ ...

മായേ !! ഞാൻ  നിന്നോട്   ഒരു കാര്യം ചോദിച്ചാൽ  സത്യം  പറയുമോ ?? ഇന്ദ്രൻ ചോദിച്ചു ...

നിനക്ക്  എന്റെ അമ്മയോട്  ദേഷ്യമുണ്ടോ ???

മായ  ചെറുതായി  ഒന്ന്  ചിരിച്ചു .....

ഇന്ദ്രേട്ടാ!! ഏട്ടന്റെ  ചോദ്യത്തിന്  ഞാൻ ഉത്തരം തരുന്നതിന് മുൻപ് ഞാൻ ഒരു ചോദ്യം തിരിച്ചു  ചോദിക്കട്ടെ ???

ഇന്ദ്രേട്ടനായിരുന്നു എന്റെ സ്ഥാനത്തെങ്കിൽ ഏട്ടന്  അമ്മയോട്  എന്താണ്  തോന്നുക ?? ദേഷ്യമാണോ  അതോ സ്വന്തം അച്ഛനെയും അമ്മയെയും  ദ്രോഹിച്ച  ആളോട്  ഏട്ടൻ ക്ഷമിക്കുമോ ???

ഇന്ദ്രൻ കാർ  റോഡ് സൈഡിലേക്ക്  ഒതുക്കി  നിറുത്തി കാർ ഓഫ് ചെയ്തു ....

ഇന്ദ്രൻ ഉണ്ണിമായയെ നോക്കി ...

ഇന്ദ്രന്റെ ഉത്തരത്തിനായി  ഉണ്ണിമായ  കാത്തു .....

❣️❣️പരിണയം -10❣️❣️

ഇന്ദ്രേട്ടനായിരുന്നു എന്റെ സ്ഥാനത്തെങ്കിൽ ഏട്ടന്  അമ്മയോട്  എന്താണ്  തോന്നുക ?? ദേഷ്യമാണോ  അതോ സ്വന്തം അച്ഛനെയും അമ്മയെയും  ദ്രോഹിച്ച  ആളോട്  ഏട്ടൻ ക്ഷമിക്കുമോ ???

ഇന്ദ്രൻ കാർ  റോഡ് സൈഡിലേക്ക്  ഒതുക്കി  നിറുത്തി കാർ ഓഫ് ചെയ്തു ....

ഉണ്ണിമായയെ നോക്കി ...

ഇന്ദ്രന്റെ ഉത്തരത്തിനായി  ഉണ്ണിമായ  കാത്തു .....

തന്റെ സ്ഥാനത്  ഞാൻ എന്നല്ല  ആര്  തന്നെ ആയാലും  ക്ഷമിക്കില്ലടോ !!!

പക്ഷെ എത്രയൊക്കെ പറഞ്ഞാലും അത്  എന്റെ അമ്മയല്ലേടാ ?? എനിക്ക്  ക്രൂരമായി  ചിന്തിക്കാൻ കഴിയില്ല ...

സത്യം പറഞ്ഞാൽ അച്ഛൻ പറഞ്ഞപ്പോൾ  ആണ്  അമ്മയ്ക്കും അച്ഛനും  ഇങ്ങനെ  ഒരു ഭൂതകാലം ഉണ്ടെന്ന്  പോലും ഞാൻ അറിഞ്ഞത് ...

ഇത്രെയും നാളായിട്ട് എന്റെ മുന്നിൽ വെച്ച് യാതൊരു രീതിയിലുള്ള  സംസാരവും ഉണ്ടായിട്ടില്ല ...

അമ്മക്ക്  കുറച്ചു പിടിവാശി  ഉണ്ടെന്നല്ലാതെ  ഇങ്ങനെയൊക്കെ  അമ്മ ചെയ്യുമെന്ന്  എനിക്ക് ഇപ്പോഴും വിശ്വസിക്കാൻ കഴിയുന്നില്ല മായാ !!!

നിനക്ക്  ഞാൻ അമ്മയെ  ന്യായീകരിക്കുന്നതായി  തോന്നുന്നുണ്ടെങ്കിൽ  സോറി കേട്ടോ ???

ഇന്ദ്രേട്ടൻ  എന്നോട്  എന്തിനാ  സോറി പറയുന്നത് !!! ഓരോരുത്തർക്കും അവരുടേതായ അഭിപ്രായങ്ങളും  കാഴ്ചപ്പാടുകളും ഉണ്ട് .. ഇന്ദ്രേട്ടന്റെ മനസ്സിൽ ഉള്ളത് തുറന്ന്  പറയുന്നത്  കൊണ്ട്  എനിക്ക്  സന്തോഷമേ  ഒള്ളു ...

അച്ഛനായാലും അമ്മയായാലും  ഞാൻ നന്നായി തന്നെ  നോക്കും ... മനുഷ്യൻ പകരം വീട്ടാൻ ഇറങ്ങിയാൽ  അത്‌ കുറഞ്ഞു പോകും ..

എല്ലാം മുകളിൽ ഇരിക്കുന്നവൻ  കാണുന്നും അറിയുന്നും ഉണ്ടല്ലോ ... ആ ശക്തി തീരുമാനിക്കട്ടെ അമ്മയുടെ  വിധി  എന്താവുമെന്ന് ...ഉണ്ണിമായ  അത്‌  പറഞ്ഞവസാനിപ്പിക്കുമ്പോൾ  അവളുടെ  കണ്ണുകൾ നിറഞ്ഞൊഴുകിയിരുന്നു ...

പോട്ടെ  നീ കരയാതെ .... ഞാൻ ഒരു കാര്യം പറയാം !!! നമ്മൾ ജീവിതം തുടങ്ങിയിട്ടേ ഒള്ളു ... അത്  ബോറാക്കാതെ  പരമാവധി  നല്ലരീതിയിൽ തന്നെ  ആഘോഷമാക്കി  ജീവിക്കണം ....

ഉണ്ണിമായ  ചിരിച്ചു ...

ഇന്ദ്രനും ഉണ്ണിമയായും വൈകാതെ  വീട്ടിൽ എത്തി ...

താൻ പോയി കുളിച്ചു  ഫ്രഷ് ആയിക്കോ ... ഞാൻ പോയി  ചായ  ഇടാം ....ഇന്ദ്രൻ പറഞ്ഞു ...

ഉണ്ണിമായ  കുളിച്ചു വന്നപ്പോഴേക്കും  ഇന്ദ്രൻ ചായ  ഉണ്ടാക്കി ... 

ദോശ  മാവ്  ഫ്രിഡ്ജിൽ  ഉണ്ട് ..നീ  ദോശ  ചുടുമ്പോഴേക്കും  ഞാൻ തെങ്ങാ ചമന്തിക്കുള്ളത്  റെഡി  ആക്കാം ......നീ കഴിച്ചിട്ട്  പോയി  കിടന്നോ ....ഉറക്ക ക്ഷീണം ഉള്ളതല്ലേ ...

ആഹാ ..എന്നെ  ഉറക്കിയിട്ട്  സാർ  എങ്ങോട്ട്  മുങ്ങാൻ ആണ് ?? ഉണ്ണിമായ  ചായ കുടിച്ചു കൊണ്ട്  ചോദിച്ചു ...

ഞാൻ എവിടെ പോകാൻ ??? ഇവിടെത്തന്നെ  കാണും ...ഇന്ദ്രൻ പറഞ്ഞു ...

എന്തോ ഒരു കള്ളത്തരം മണക്കുന്നുണ്ടല്ലോ ?? എളിയിൽ  കൈയും  കുത്തി നിന്ന്  ഉണ്ണിമായ  ചോദിച്ചു ...

ഹാഹാ !! നിനക്ക്  അങ്ങനെ  തോന്നിയോ  മായകുട്ടി ??.... കള്ളച്ചിരിയോടെ  ഇന്ദ്രൻ  അവളുടെ  അരികത്തേക്ക്  ചെന്നു ...

ഉവ്വ്‌ ... തോന്നി ... കാള  വാല്  പൊക്കുന്നത് കണ്ടാലേ അറിയില്ലേ ?? ഉണ്ണിമായ ഇന്ദ്രന്റെ മീശ പിരിച്ചുകൊണ്ട്  പറഞ്ഞു ..

അഹാ  നിനക്ക്  ഇത്രക്ക്  വിവരം ഉണ്ടല്ലോ ... അതുമതി ... അപ്പൊ  കാര്യങ്ങൾ  ഒക്കെ  എങ്ങനെയാ ?? ഇന്ദ്രൻ കുറുമ്പൊടെ  ഉണ്ണിമായയുടെ ചെവിയിൽ  ചോദിച്ചു ...

അത്  ഇന്ദ്രേട്ടൻ പറഞ്ഞത്  പോലെ  തന്നെ .. ഞാൻ ദോശ  ഉണ്ടാക്കുന്നു .. ഇന്ദ്രേട്ടൻ  തേങ്ങ  ചമ്മതിയും !!! അങ്ങനെയല്ലേ കരാർ !!!

തേങ്ങ !!!!!

ഹോ  ഇവൾ  നശിപ്പിച്ചു !!! ഞാൻ പോണു ... രണ്ടും നീ തന്നെ  ഉണ്ടാക്കി  കഴിച്ചോ ??? ഇന്നലെ  തൊട്ട്  ഞാൻ  ഇവിടെ  നിലാവത്തു അഴിച്ചു വിട്ട കോഴിയെപോലെ  നടക്കുവാ  അതുവെല്ലതും നീ അറിയുന്നുണ്ടോ ??? ഇന്ദ്രൻ  ചിറി കോട്ടി ചോദിച്ചു ...

കോഴി  ആണെന്ന്  എനിക്ക്  കുറച്ചു  കാലമായി  അറിയാം  !!! പക്ഷെ  ഇന്നലെ നിലാവത്തു  ഞാൻ  ഇപ്പോഴാണ്  അറിഞ്ഞത് കേട്ടോ !!! സോറി .. ഉണ്ണിമായ  വീണ്ടും കളിയാക്കി ...

ആടി ...  ഞാൻ കോഴി തന്നെയാ  ... പക്ഷെ നല്ല  ഡീസന്റ് കോഴിയായിരുന്നു ... കാരണം  ഞാൻ നിന്നെ മാത്രമേ വായുന്നോക്കിയിട്ടൊള്ളു  ...നിന്റെ  പിറകെ  മാത്രമേ നടന്നിട്ടും  ഒള്ളു ... നീ ഇവിടെ ഒറ്റക്ക്  ഇരുന്നോ .... ഞാൻ  പോകുന്നു ...ഇന്ദ്രൻ  നടക്കാൻ ആഞ്ഞതും ... ഉണ്ണിമായ  ഇന്ദ്രന്റെ  കൈകളിൽ  പിടുത്തമിട്ടു ..

ഹാ ,, ഒരുമാതിരി  കൊച്ചുപിള്ളാരെ പോലെ  പിണങ്ങി  പോയാലോ ?? 

നിനക്ക് ഇപ്പൊ  എന്നെ  വേണ്ടല്ലോ ?? ഞാൻ കോഴി  ആണെന്നല്ലേ  നീ പറഞ്ഞത് ??

 ഞാൻ ഒരു തമാശ പറഞ്ഞതല്ലേ ഇന്ദ്രേട്ടാ !!! എനിക്ക്  അറിയില്ലേ  എന്റെ  ഇന്ദ്രേട്ടനെ  ...

ഇന്ദ്രൻ  ഉണ്ണിമായയെ  തന്നിലെക്ക്  അടുപ്പിച്ചു ... ഉണ്ണിമയായുടെ  മുഖം നാണതാൽ  ചുവന്നു ..അവളുടെ  ശ്വാസഗതി  വർധിച്ചു ...

ഇന്ദ്രൻ  അവളുടെ  അധരങ്ങൾ കവരാനായി  അടുത്തതും  കാളിങ്  ബെൽ മുഴങ്ങി ....

ഹോ  നാശം  പിടിക്കാൻ !!  ഈ നേരത്തു ഇതാരാ  ഇങ്ങോട്ട്  കെട്ടിയെടുത്തത് !! ഇന്ദ്രൻ ഉണ്ണിമായയുടെ  പിടി വിട്ടിട്ട് പിറുപിറുത്തു കൊണ്ട്  പോയി ...

ഇന്ദ്രന്റെ ദേഷ്യം കണ്ട ഉണ്ണിമായക്കു ചിരി അടക്കാനായില്ല ...

 ഇന്ദ്രൻ പോയി വാതിൽ തുറന്നു  ....

ഇന്ദ്രന് കണ്ടു പരിചയം ഇല്ലാത്ത ഒരാളായിരുന്നു അത്!!‌ 

ഇതല്ലേ  മേലേപ്പാട്ട് തറവാട് ??

അതേ !! 

നിങ്ങൾ ആരാണ് ?? ഇവിടെ ആരെ കാണാൻ വന്നതാണ് ???ഇന്ദ്രൻ തിരക്കി ...

ഞാൻ രാജേന്ദ്രൻ !!

ഞാൻ  ആരാണെന്ന്  വിശദമായി പരിചയപ്പെടുത്തി തരാം  ... അതിനു മുൻപേ എനിക്ക്  അവളെ നീ കാരക്കോണത്തു നിന്നും ഇന്നലെ ഇവിടെ കൊണ്ടുവന്ന  ഒരു മുതലുണ്ടല്ലോ  "ഉണ്ണിമായ" അവളെ  ഒന്ന് കാണണം ...

അവളെ കാണാതെ ഞാൻ ഇവിടെനിന്നും  പോകില്ല !!

ഇന്ദ്രന്  അയാളെ  കണ്ടിട്ട്  എന്തോ  പന്തികേട്  തോന്നി ...

ഇന്ദ്രൻ അവിടെ നിന്നുകൊണ്ട്  തന്നെ ഉണ്ണിമായയെ  വിളിച്ചു ...

ഉണ്ണിമായ അടുക്കളയിൽ നിന്നും ഇറങ്ങി വന്നു ...

മായേ  നിന്നെ കാണാൻ ഒരു രാജേന്ദ്രൻ വന്നിരിക്കുന്നു ...

രാജേന്ദ്രൻ !!! ഉണ്ണിമായ പതിയെ ആ പേര്  ഉരുവിട്ടു 

ഉണ്ണിമായയുടെ തലക്കുള്ളിൽ  ഒരു പ്രകമ്പനം ഉണ്ടായി ....

ഉണ്ണിമായ  പൂമുഖത്തേക്ക്  വന്നപ്പോൾ  പടിക്കൽ അയാൾ  നിൽക്കുന്നു ... അയാളുടെ വെറ്റിലകറയുള്ള  പല്ലുകാട്ടി  ഒരു വഷളൻ  ചിരി  അവൾക്ക്  സമ്മാനിച്ചു ...

ഉണ്ണിമായ  എന്ത്  പറയണം എന്ന് അറിയാതെ   അവിടെ  നിന്ന്  പരുങ്ങി ......അവളുടെ  നെറ്റിയിൽ നിന്ന്  വിയർപ്പ്  പൊടിയാൻ തുടങ്ങി ...

ആഹാ , ദേ വന്നല്ലൊ ,,,എന്താ  മായാമോളെ  നീ ഈ രാജേട്ടനോട്  ഒരു വാക്ക്  പറയാതെ നീ കണ്ടവനോടൊപ്പം  ഇറങ്ങി  പോണില്ലേ ??? രാജേട്ടൻ മോളോട്  പിണക്കമാ ...

അല്ലേലും ഒരു നല്ലകാലം വരുമ്പോൾ  നമ്മളെ ഒക്കെ  പിന്നെ എന്തിനാ  അല്ലേ ???

എന്നാലും  എന്നോട്  കാണിച്ചത്  ഭയങ്കര മോശമായി പോയി  മായാമോളെ !!! 

രാജേന്ദ്രൻ ഉണ്ണിമായയുടെ അടുക്കലേക്ക്  ചെന്നു ...വാനോളം  ആശ  തന്നിട്ട്  തൊലിവെളുപ്പുള്ളവനെ കണ്ടപ്പോൾ നീ  നിന്റെ തനി    സ്വഭാവം കാണിച്ചു ... അല്ലേടി ...

ഞാൻ ആർക്കും ആശ  തന്നിട്ടില്ല .. ആരെയും ആശിപ്പിക്കാൻ ഞാൻ പിറകെ  വന്നിട്ടില്ല ... അപ്പച്ചി വീട്ടിൽ എന്നെ  പെണ്ണ് ചോദിച്ചു വന്നപ്പോൾ തന്നെ എന്റെ അച്ഛൻ അപ്പച്ചിയോട്‌   പറഞ്ഞതാണ് ഈ വിവാഹം നടക്കില്ലന്ന്.....അത് തന്നെ രാജേട്ടനോട്  അച്ഛൻ പറയുന്നത് ഞാൻ കേട്ടിട്ടുള്ളതാണ് ... 

ഞാൻ ആരെയും പറഞ്ഞു പറ്റിച്ചിട്ടില്ല ...രാജേട്ടന്  എന്നാണ്  എന്നോട് ആത്മാർത്ഥ  സ്നേഹം പൊട്ടിമുളച്ചത് ??? 

വെറുതെ  വീട്ടിൽ കയറിവന്ന് വായിൽതോന്നുന്നത്  വിളിച്ചു കൂവിയാൽ  എന്റെ  സ്വഭാവവും മാറും ...

ഉണ്ണിമായയുടെ  സ്വരം മാറുന്നത് ഇന്ദ്രൻ  ശ്രദ്ധിച്ചു ...

രാജേന്ദ്രൻ ഉണ്ണിമായയെ  സൂക്ഷിച്ചു നോക്കി ...

❣️❣️പരിണയം- 11❣️❣️

ഞാൻ ആരെയും പറഞ്ഞു പറ്റിച്ചിട്ടില്ല ...രാജേട്ടന്  എന്നാണ്  എന്നോട് ആത്മാർത്ഥ  സ്നേഹം പൊട്ടിമുളച്ചത് ??? 

വെറുതെ  വീട്ടിൽ കയറിവന്ന് വായിൽതോന്നുന്നത്  വിളിച്ചു കൂവിയാൽ  എന്റെ  സ്വഭാവവും മാറും ...

ഉണ്ണിമായയുടെ  സ്വരം മാറുന്നത് ഇന്ദ്രൻ  ശ്രദ്ധിച്ചു ...

രാജേന്ദ്രൻ ഉണ്ണിമായയെ  സൂക്ഷിച്ചു നോക്കി ...

നിനക്ക്  ഇപ്പോൾ എന്നെ  കാണുന്നത്  പുച്ഛം ആണ് അല്ലേ ??  എന്നുതൊട്ടാടി  നിനക്ക്  എന്നെ  കണ്ണിന് പിടിക്കാതായത് ?? രാജേന്ദ്രന്റെ   ശബ്ദത്തിന്  മൂർച്ഛയേറി  വന്നു ...

എന്ന് മുതൽക്കാണെന്നു ഞാൻ നിങ്ങൾക്ക് പറഞ്ഞു തരണമെങ്കിൽ പറഞ്ഞുതരാം രാജേട്ടാ ???

നിങ്ങളെ എന്റെ  കൂടെപ്പിറപ്പായി  ഒരു ഏട്ടനായിട്ടാണ്  ഞാൻ എന്നും കണ്ടിട്ടുള്ളത് ... എന്നാൽ  നിങ്ങൾക്ക് എന്നോട് തോന്നിയ അടുപ്പം ഞാൻ മുളയിലേ  നുള്ളിക്കളയാൻ ശ്രമിച്ചു ... എന്നാൽ നിങ്ങൾ അതിബുദ്ധി കാണിച്ചു  അപ്പച്ചിയെ  എരിപിരി കയറ്റി  വീട്ടിലേക്ക്  പെണ്ണാലോചിച്ചു  വിട്ടു ...

എനിക്ക്  പറയാൻ ഉള്ളത്  തന്നെ അച്ഛൻ അപ്പച്ചിയോട്‌  പറഞ്ഞപ്പോൾ  നിങ്ങൾക്ക് രണ്ടാൾക്കും  പിന്നെ അത്‌  ഒരു വാശി  ആയി ...

എങ്ങനെയും  എന്നെ  വരുതിയിൽ ആകണം എന്ന  അപ്പച്ചിയുടെ  ഉപദേശവും കേട്ട്  നിങ്ങൾ  എന്നെ  കാണാൻ  വന്നു ......അതും എന്റെ അച്ഛന്റെയും അമ്മയുടെയും ചിതയിലെ കനൽ അണയും  മുൻപ്  തന്നെ നിങ്ങൾ നിങ്ങളുടെ മനസ്സിലെ  വൃത്തികെട്ട  ആഗ്രഹം  പറഞ്ഞപ്പോൾ  ഈ ഭൂമിയിൽ പെണ്ണായി  പിറന്നു പോയ സമയത്തിനെ ഞാൻ ആദ്യമായി  ശപിച്ചു ....

നിങ്ങളെ  പേടിച്ചാണ്  ഞാൻ  എന്റെ  വീട്ടിൽ നിന്നും ഇറങ്ങി പോയത് ...ആ യാത്ര വന്ന് അവസാനിച്ചത്  ഈ മുറ്റത്താണ് .....

മാനം വിറ്റ്  ജീവിക്കേണ്ട  ഗതികേടൊന്നും ഈ ഉണ്ണിമായക്ക്  ഈ നിമിഷം വരെ വന്നിട്ടില്ല…അങ്ങനെ  ഒരു ഗതികേട് വന്നാൽ  ആ നിമിഷം  ഈ ജീവിതം  ഞാൻ  അങ്ങ്  അവസാനിപ്പിക്കും ...

മായേ !!! ഇന്ദ്രൻ  ഉണ്ണിമായയുടെ  സംസാരം തടഞ്ഞു ...നീ എന്തൊക്കെയാണ്  ഈ പറഞ്ഞുകൂട്ടുന്നത്  എന്ന്. വല്ല ബോധവും നിനക്ക് ഉണ്ടോ ???

നിനക്ക്  പറയാൻ ഉള്ളത്  പറഞ്ഞല്ലോ !!! ഇനി  നീ അകത്തേക്ക്  കയറി പോകാൻ നോക്ക് ...ഇന്ദ്രൻ ശാസനയോടെ പറഞ്ഞു ...

ഉണ്ണിമായ  രാജേന്ദ്രന്റെ  അടുക്കലേക്ക്  ചെന്നു ...

സഹിക്കാവുന്നതിന്റെ പരമാവധി  സഹിച്ചിട്ടാണ്  ഞാൻ ആ വീടിന്റെ പടി  ഇറങ്ങിയത് ... അപ്പച്ചിയും പൊന്നുമോനും  ഇനി  മേലാൽ  എന്റെ ജീവിതത്തിൽ  അധികാരം കാണിക്കാൻ  വന്നേക്കരുത് ....ഒരു ബന്ധവും സ്വന്തവും പറഞ്ഞു  ഇങ്ങോട്ട്  ഇനി  വന്നേക്കരുത് !!! ഉണ്ണിമായ രൂക്ഷമായി  രാജേന്ദ്രനെ  നോക്കിയിട്ട്  അകത്തേക്ക്  കയറി പോയി ...

രാജേന്ദ്രൻ മുറുക്കാൻ  മുറ്റത്തേക്ക്  നീട്ടി  തുപ്പി ...നീ. ഇപ്പോൾ എന്റെ മുന്നിൽ  നിന്ന്  പ്രസംഗിക്കാറായി എന്ന്  എനിക്ക്  അറിയില്ലായിരുന്നു ...ഇപ്പോൾ  രാജേന്ദ്രൻ വരും കറിവേപ്പില ... അതെങ്ങെനയാ !! പുളിങ്കൊമ്പ് കയറി  അല്ലേ  ഉടുമ്പ്  പിടിച്ചിരിക്കുന്നത്  പോലെ  നീ പിടിച്ചെക്കുന്നത് ...ഇപ്പോൾ  നീ കൊച്ചമ്മ  ആയി പോയില്ലേ ...നമ്മളൊക്കെ  വെറും  അടിയാളന്മാരും ... നടക്കട്ടെ  നടക്കട്ടെ ....

രാജേന്ദ്രൻ പോകാനായി  തിരിഞ്ഞു  നടന്നു ...

ഡോ ,, താൻ  അവിടെ ഒന്ന്  നിന്നെ !! ഇന്ദ്രൻ വിളിച്ചു ...

മ്മ് ,, ഇനി തനിക്ക്  എന്താ പറയാൻ ഉള്ളത് ?? രാജേന്ദ്രൻ ചോദിച്ചു ...

എനിക്ക്  പറയാൻ അല്ല ഉള്ളത് ... രണ്ട്  പൂശ്  പൂശാനാണ്  ഉള്ളത് ... അത് പറഞ്ഞു കൊണ്ട് ഇന്ദ്രൻ  രാജേന്ദ്രന്റെ ഇരുകവിളത്തും രണ്ട് പൊട്ടിച്ചു ...

ഞാൻ എത്ര ചോദിച്ചിട്ടും മായാ തന്റെ  പേര്  എന്നോട് പറഞ്ഞിട്ടില്ല ...താൻ  ഒരു മനുഷ്യനാനോടോ ???

തനിക്ക്  അവളോട്  ആത്മാർത്ഥ  സ്നേഹം  അരുന്നെങ്കിൽ അടുത്ത്  നിന്ന്  ആശ്വസിപ്പിക്കേണ്ട  സമയത്തു  താൻ  വെറും ഒരു വേട്ടപ്പട്ടിയെ പോലെ  മണത്തു  ചെന്നിരിക്കുന്നു ...കഷ്ടം ...

നിങ്ങൾ  പറഞ്ഞല്ലോ  അവൾ പുളിങ്കൊമ്പ്  നോക്കിയാണ്  പിടിച്ചത്  എന്ന് ...തനിക്ക് അറിയുമോ  അവൾക്ക് ഞാൻ വിവാഹം  ആലോചിച്ചു  ചെന്ന  നിമിഷം മാത്രമാണ് എനിക്ക്  ഈക്കണ്ട  സ്വത്തുക്കൾ ഒക്കെയുണ്ടെന്ന് അറിയുന്നത് ...

അന്ന് എന്റെ അമ്മ ഈ വിവാഹത്തിന്  എതിർത്തപ്പോൾ  അവൾ  എന്നോട്  ഉപേക്ഷിച്ചു  പോകാൻ പറഞ്ഞവളാണ് ..അവളെ  എന്റെ  കൂടെ  ചേർത്ത്  നിറുത്തിയതും  അതുകൊണ്ട് തന്നെയാണ് ... 

ഉണ്ണിമായ  ഇപ്പോൾ എന്റെ ഭാര്യയാണ്  .. ഈ വീടിന്റെ മരുമകൾ  ആണ്  .. ഇനി താൻ തന്റെ പീറ അവകാശവും  പറഞ്ഞുകൊണ്ട്  ഈ വഴി  വന്നേക്കരുത് ..ഇന്ദ്രൻ  താക്കിത്  കൊടുത്തു ..

രാജേന്ദ്രൻ  ഇന്ദ്രനെ ഒന്ന്  നോക്കിയിട്ട്  നടന്നുപോയി ...

💓💓💓💓💓💓💓💓💓💓💓💓

മുറിയിലേക്ക്  കയറി ചെന്ന  ഇന്ദ്രൻ  കട്ടിലിൽ  കിടന്ന്  കരയുന്ന  ഉണ്ണിമായയെ ആണ്  കണ്ടത് ..

ആഹാ  ,, നീ  അയാളോട്  നല്ല  കിണ്ണം കാച്ചിയ മറുപടി കൊടുത്തിട്ട്  ഇവിടെ കിടന്ന്  കരയുവാനോ ???

വാ ... വന്നേ  എനിക്കാണേൽ  വിശന്നിട്ട്  വയ്യ ... നമുക്ക്‌  ഇനി  ഒന്നും ഉണ്ടാക്കാൻ  നിൽക്കേണ്ട ... ആര്യാസിൽ  പോയി വെല്ലതും  കഴിക്കാം ....ഇന്ദ്രൻ  ഉണ്ണിമായയെ  തട്ടി  വിളിച്ചു ...

എടി  പെണ്ണെ... ഇനി  അയാൾ ഒരു ശല്യത്തിനും  വരില്ല ... അഥവാ  വന്നാലും  അയാളെ എങ്ങനെ  ഒതുക്കണം  എന്ന്  നമുക്ക്‌  അറിയാം ... 

ഉണ്ണിമായ  ചിരിക്കാൻ  ശ്രമിച്ചു ...

വാ .. വേഗം  റെഡി ആവ് ...

ഇന്ദ്രൻ  പറഞ്ഞതനുസരിച്ചു  ഉണ്ണിമായ  റെഡി ആയി  ... അവർ ഒരുമിച്ചു  പുറത്തു പോയി ഭക്ഷണം കഴിച്ചു ...

കഴിച്ചു കൊണ്ടിരുന്നപ്പോൾ  അവർക്ക്  മേനോന്റെ  ഫോൺ  വന്നു ...

ഇന്ദ്രൻ അച്ഛനോട്  സംസാരിച്ചു ...

മായേ ... നാളെത്തന്നെ  അമ്മക്ക്  സർജറി കാണും .... ടെസ്റ്റ്  എല്ലാം ഓക്കെ  ആണെന്ന്  പറയാൻ ആണ്  അച്ഛൻ വിളിച്ചത് ...

നമുക്ക്‌  വൈകിട്ട്  അങ്ങോട്ട് പോകാം ഇന്ദ്രേട്ടാ ... രാത്രി ഞാൻ കൂട്ടിരുന്നോളാം ...

മ്മ്  ശെരിയെടാ ...

അവർ  ഭക്ഷണം കഴിച്ചു അവിടെനിന്നും  ഇറങ്ങി ...

വൈകുന്നേരം  അവർ ഒരുമിച്ചു  ആശുപത്രിയിലേക്ക്  പോയി ..

അമ്മക്ക്  ആഹാരം ഒന്നും കഴിക്കാൻ  കൊടുക്കേണ്ട  എന്ന്  ഡോക്ടർ  പറഞ്ഞിട്ടുണ്ട് ... 

നാളെത്തെ  ആദ്യത്തെ  കേസ്  അമ്മയുടേതാണ്  ... 

ഞങ്ങൾ രാവിലെ  തന്നെ എത്തിയേക്കാം  കേട്ടോ .. എന്തേലും ഉണ്ടെങ്കിൽ  മോള്  വിളിച്ചേക്കണം ...

മേനോൻ  കാര്യങ്ങൾ  എല്ലാം ഉണ്ണിമായയെ  പറഞ്ഞേല്പിച്ചു  ഇന്ദ്രനോടൊപ്പം വീട്ടിലേക്ക്  തിരിച്ചു ....

യാത്രക്കിടെ വീട്ടിൽ രാജേന്ദ്രൻ വന്നതും പിന്നീടുണ്ടായ  സംഭവങ്ങളും മേനോനോട്  ഇന്ദ്രൻ പറഞ്ഞു ...

ഇതേ  സമയം  ആശുപത്രിയിൽ  കാലത്തേക്കുള്ള സർജറിക്കുള്ള  ഒരുക്കങ്ങൾ  തുടങ്ങിയിരുന്നു ...

വിശാലത്തിന്റെ  മുഖത്തെ  ഉത്കണ്ഠയും  പേടിയും  ഉണ്ണിമായക്ക്  വായിച്ചെടുക്കൻ പറ്റുന്നതായിരുന്നു ....

നഴ്സ്  മുറിയിൽ നിന്ന്  പോയതിന്  ശേഷം  ഉണ്ണിമായ  വിശാലത്തിന്റെ  അടുക്കൽ  പോയി  ഇരുന്നു ...

അമ്മക്ക്  പേടിയുണ്ടോ?? ഉണ്ണിമായ ചോദിച്ചു ...

വിശാലം  അതിന് മറുപടി  ഒന്നും പറഞ്ഞില്ല ....

വിശാലം  ഒന്നും മിണ്ടുന്നില്ലന്ന്  കണ്ട ഉണ്ണിമായ  പതിയെ  എഴുന്നേറ്റു ... പെട്ടെന്ന് വിശാലം ഉണ്ണിമായയുടെ  കയ്യിൽ  കയറി പിടിച്ചു ....

ഉണ്ണിമായ  വിശാലത്തിനെ നോക്കി .... വിശാലത്തിന്റെ  കണ്ണുകൾ  നിറഞ്ഞിരുന്നു ...

നിനക്ക് എന്നോട്  ക്ഷമിക്കാൻ പറ്റുമോ  മോളേ ??? വിങ്ങലോടെ  വിശാലം  ഉണ്ണിമായയോട് ചോദിച്ചു ...

ഉണ്ണിമായ  ആദ്യമായി  കാണുന്നത്  പോലെ  വിശാലത്തിനെ  നോക്കി ...

നാളെ. ഞാൻ  ആ ഓപ്പറേഷൻ  മുറിയിൽ  നിന്ന്  ജീവനോടെ  തിരിച്ചു  വരുമെന്ന്  എനിക്ക്  ഒരു  ഉറപ്പും  ഇല്ല ... അതുകൊണ്ട്  തന്നെ  ഞാൻ മോളോട്  ഈ നിമിഷം  ചെയ്ത് പോയ എല്ലാ തെറ്റിനും  മാപ്പ്  ചോദിക്കുവാ !!!

മോൾക്ക് ഈ അമ്മയോട്  ക്ഷമിക്കാൻ  കഴിയില്ലേ ??

ക്ഷമാപണത്തോടെയുള്ള  വിശാലത്തിന്റെ നോട്ടം  ഉണ്ണിമായയുടെ ഉള്ളുലച്ചു ....

ഞാൻ  തെറ്റ്  ചെയ്തു  പൊറുക്കാനാവാത്ത  തെറ്റ് തന്നെയാണ്  ചെയ്തത് ... 

ഇന്ദ്രന്റെ  അച്ഛൻ  മോളുടെ അമ്മയോട്  കാണിച്ച  അടുപ്പവും സ്നേഹവും  എന്റെ മനസ്സിനെ  എന്നും  അസ്വസ്ഥ  ആക്കി ... അതാണ്  ഞാൻ ഒരു മനസ്സലിവ്  അവരോട്  കാണിക്കാതെ  പോയത് ...

ഞാൻ ചെയ്ത് കൂട്ടിയ തെറ്റുകൾക്ക്  ഈശ്വരൻ  തന്നെ  എനിക്ക് പകരം  തന്നതായി  ഞാൻ കണക്കാക്കികൊള്ളാം ...

പക്ഷെ  മോള്  എന്നോട്  ക്ഷമിച്ചു  എന്ന്  ഒരു വാക്ക്  പറഞ്ഞാൽ  എന്റെ മനസ്സിന്  അത്‌  വലിയ  ഒരു ആശ്വാസം ആകും ...

മോള്  എന്നോട്  ക്ഷമിക്കില്ലേ ??? വിശാലം ഉണ്ണിമായയെ  നോക്കി ...

ഉണ്ണിമായയുടെ  മറുപടിക്കായി  വിശാലം  കാത്തു ....

❣️❣️പരിണയം -12❣️❣️

ഞാൻ ചെയ്ത് കൂട്ടിയ തെറ്റുകൾക്ക്  ഈശ്വരൻ  തന്നെ  എനിക്ക് പകരം  തന്നതായി  ഞാൻ കണക്കാക്കികൊള്ളാം ...

പക്ഷെ  മോള്  എന്നോട്  ക്ഷമിച്ചു  എന്ന്  ഒരു വാക്ക്  പറഞ്ഞാൽ  എന്റെ മനസ്സിന്  അത്‌  വലിയ  ഒരു ആശ്വാസം ആകും ...

മോള്  എന്നോട്  ക്ഷമിക്കില്ലേ ??? വിശാലം ഉണ്ണിമായയെ  നോക്കി ...

ഉണ്ണിമായയുടെ  മറുപടിക്കായി  വിശാലം  കാത്തു ...

അമ്മേ  ... അമ്മയുടെ മകൻ രാവിലെ എന്നോട്  ചോദിച്ചു .. അമ്മയോട്  എനിക്ക് ദേഷ്യമുണ്ടോ  എന്ന് .. അപ്പോൾ ഞാൻ ഒരു മറുചോദ്യം ഇന്ദ്രേട്ടനോട്  ചോദിച്ചു ... ഏട്ടൻ  ആണ്  എന്റെ സ്ഥാനത്തെങ്കിൽ  അമ്മയോട്  ക്ഷമിക്കിമോ  എന്ന് ??

അപ്പോൾ എനിക്ക് അമ്മയുടെ  മകൻ തന്ന മറുപടി  എന്റെ  സ്ഥാനത്  ആരായാലും ക്ഷമിക്കില്ലന്ന്  ആയിരുന്നു ...

വിശാലത്തിന്റെ കണ്ണുകൾ നിറഞ്ഞു ...

പക്ഷെ  ഒരാൾ ദുഃഖം അനുഭവിക്കുമോൾ ,, അവരുടെ ജീവിതത്തിലേ  വെളിച്ചത്തിന്റെ  മുകളിൽ കരിനിഴൽ  വീഴുമ്പോൾ  പകരം ചോദിയ്ക്കാൻ ഇറങ്ങുന്നത് ശെരിയല്ലലോ അമ്മേ ...

അമ്മയോട്  ഞാൻ ഇപ്പോൾ എങ്ങനെ ,എന്ത് പ്രതികാരം  ചെയ്യാനാണ് ??... അമ്മ  ചെയ്തുകൂട്ടിയത് ഒക്കെ അമ്മക്ക്  തെറ്റായി തോന്നിയെങ്കിൽ  അമ്മ  എന്റെ അച്ഛന്റെയും അമ്മയുടെയും ആത്മാവിനോട് മാപ്പ്  ചോദിക്ക് ...

അവരുടെ  ആത്മാവിന്  ശാന്തി  കിട്ടാൻ പ്രാർത്ഥിക്ക് ...

അമ്മയോട്  എനിക്ക്  പൊറുക്കാൻ  കഴിയുന്നില്ല  അമ്മേ ,,, പക്ഷെ അമ്മയോട്  എനിക്ക് വെറുപ്പില്ല ... എന്റെ അമ്മയെ  നോക്കുന്നത് പോലെ  തന്നെ  ഞാൻ അമ്മയെ  നോക്കും ... അത്‌ അമ്മയുടെ പശ്ചാത്താപം  കണ്ടിട്ടല്ല ... എന്റെ ഇന്ദ്രേട്ടന്റെ അമ്മ ആയത്  കൊണ്ട്  മാത്രമാണ് ...

അമ്മ  ഉറങ്ങാൻ കിടന്നോളു ... ഞാൻ ലൈറ്റ്  ഓഫ് ചെയ്യാം ...ഉണ്ണിമായ  പിന്നീട്  ഒന്നും സംസാരിക്കാൻ ആഗ്രഹിച്ചില്ല ...ലൈറ്റ് ഓഫ് ചെയ്തിട്ട്  കിടന്നു ..:

വിശാലാക്ഷി  ഉറങ്ങിയിട്ടില്ലന്ന്  ഉണ്ണിമായക്ക് മനസ്സിലായി ... എങ്കിലും  ഉണ്ണിമായ  ഒന്നും സംസാരിക്കാൻ പോയില്ല ... എന്തോ  ?? അവളുടെ മനസ്സിൽ  ഓരോ  ഓർമ്മകൾ തികട്ടി  വന്നു ...അച്ഛന്റെയും  അമ്മയുടെയും ചിരിക്കുന്ന  മുഖവും പിന്നീട്  വെള്ള പുതപ്പിച്ചു  കിടത്തിയ  രംഗവും  ഓർത്തപ്പോൾ  അവളുടെ ചങ്ക് നീറി ....

ഓരോന്ന്  ആലോചിച്ചു  കിടന്ന് എപ്പൊഴോ  ഉണ്ണിമായ  ഉറങ്ങി  പോയി ....

💓💓💓💓💓💓💓💓💓💓💓

പുലർച്ച തന്നെ മേനോനും  ഇന്ദ്രനും  ആശുപത്രിയിലേക്ക്  വന്നു ... അധികം താമസിക്കാതെ  തന്നെ  വിശാലത്തിനെ  സർജറിക്ക്  കയറ്റി ..

മേനോന്റെ  കണ്ണ്  നിറയുന്നത്  ഇന്ദ്രനും  ഉണ്ണിമയായും  കണ്ടു ...

അയ്യേ , അച്ഛൻ ഒരുമാതിരി കൊച്ചു പിള്ളേരെ പോലെ  തുടങ്ങിയാലോ ?? അച്ഛൻ എല്ലാവർക്കും ധൈര്യം കൊടുത്തിട്ട്  അവസാനം  അച്ഛൻ  നിന്ന്  കരയുന്നത്  കണ്ടോ  മായേ ??

മോനേ  ഇന്ദ്രാ !!! നിന്റെ അമ്മ എന്നും എന്നെ  സ്നേഹിച്ചിട്ടേ  ഒള്ളു ,, സ്വാർത്ഥത  കലർന്ന  ഒരു സ്നേഹം  ആയിരുന്നു  അവളുടേത് ... ഈ ലോകത്ത്‌  ഞാൻ കഴിഞ്ഞേ  അവൾക്ക്  എന്തും ഒള്ളു എന്ന് എനിക്ക്  അറിയാം ...മായാമോളുടെ  അമ്മയോട്  ഉണ്ടായ  വെറുപ്പും ദേഷ്യവും  എന്നോടുള്ള  സ്നേഹകൂടുതൽ  കൊണ്ട്  തന്നെ  ആയിരുന്നു …

അവളെ  ഞാൻ ന്യായീകരിക്കുവല്ല ... അവൾ ചെയ്തത് തെറ്റ്  തന്നെയാണ് ...

വെറും  കൃഷ്ണ മേനോൻ  ആയിരുന്ന  എന്നെ  പ്രതാപിയായ  മേലേടത്തെ  കൃഷ്ണ  മേനോൻ  ആക്കിയെടുത്ത്  വിശാലം  ആയിരുന്നു ... എന്റെ വാക്കിന്  എന്നും വിധേയ  ആയി ജീവിച്ച അവൾ  എന്നെ  എപ്പോഴെങ്കിലും എതിർത്തിട്ടുണ്ടെങ്കിൽ അത്  ഉർമിളയുടെ  വിഷയത്തിൽ മാത്രം ആയിരുന്നു ...

അവൾക്ക്  ഒന്നും സംഭവിക്കുന്നത്  എനിക്ക്  മനസ്സിൽ പോലും ചിന്തിക്കാൻ പറ്റുന്ന കാര്യമല്ലടാ  മക്കളെ ?? മേനോൻ കണ്ണ് തുടച്ചു ...

അച്ഛൻ വിഷമിക്കാതെ !! അമ്മക്ക്  ഒന്നും സംഭവിക്കില്ല ... പരിപൂർണ ആരോഗ്യവതിയായി  അച്ഛന്റെ  സ്വന്തം വിശാലത്തിനെ  ഈശ്വരൻ ഈ കൈകളിൽ  തിരികെ ഏല്പിക്കും ..ഉണ്ണിമായ  മേനോന്റെ കയ്യിൽ പിടിച്ചുകൊണ്ട്  പറഞ്ഞു ..

സമയം ഇഴഞ്ഞുപോകുന്നതായി മേനോന് തോന്നി ഓപ്പറേഷൻ തിയേറ്ററിന്റെ  മുന്നിലെ കാത്തിരിപ്പിന്  വിരാമം ഇട്ടുകൊണ്ട് Dr വരുൺ അവരുടെ  അടുക്കലേക്ക്  വന്നു ...

അങ്കിൾ ... പേടിക്കാനൊന്നുമില്ല ... സർജറി വിജയകരമായി കഴിഞ്ഞു ... സാമ്പിൾ  ബിയോപ്സിക്ക് അയച്ചിട്ടുണ്ട് .. ആന്റിയെ  ഇന്ന്  ഐസിയുവിൽ  ഒബ്സെർവഷനിൽ  ആയിരിക്കും ... കുഴപ്പം ഒന്നുമില്ലെങ്കിൽ നാളെ മുറിയിലേക്ക് മാറ്റാം ...

വിശാലത്തിനെ  ഒന്ന് കയറി കാണാൻ പറ്റുമോ  മോനേ ?? മേനോൻ തിരക്കി ..

അതിനെന്താ ... ഐസുവിന്റെ  മുന്നിൽ ചെന്ന്  ചോദിച്ചാൽ മതി .ആർക്കെങ്കിലും  ഒരാൾക്ക്  കയറി കാണാം .. ഇപ്പോൾ  ആന്റി സെഡേഷന്റെ  മയക്കത്തിൽ ആവും ...Dr വരുൺ അവിടെ നിന്നും പോയി ...

ഇപ്പൊ അച്ഛന്  സമാധാനം ആയോ ?? ഇന്ദ്രൻ ചോദിച്ചു ...

മേനോൻ ഒന്ന് ചിരിക്കാൻ ശ്രമിച്ചു ...

💓💓💓💓💓💓💓💓💓💓💓💓💓

വിശാലാക്ഷിയെ മുറിയിലേക്ക് കൊണ്ട് വന്നു ... വിശാലത്തിന്റെ  എല്ലാ  കാര്യങ്ങളും വളരെ ശ്രദ്ധാപൂർവം  ഉണ്ണിമായ നോക്കി ...ഉണ്ണിമായ  ഒരു കുറവും  വരാതെയാണ്  നോക്കുന്നതെന്ന് ഇന്ദ്രനും മേനോനും ബോധ്യമായി ...

താമസിക്കാതെ  വിശാലത്തിനെ ഡിസ്ചാർജ്  ചെയ്തു ...

ഉണ്ണിമായ വീട്ടിലെയും ഒപ്പം വിശാലത്തിന്റെയും എല്ലാ കാര്യങ്ങളും ഒരു പോലെ  നോക്കുന്നത്  മേനോനും  ഇന്ദ്രനും ആശ്വാസമായി ... ഇന്ദ്രൻ പഴയത്  പോലെ. ബിസിനെസ്സിൽ ശ്രദ്ധിച്ചു  തുടങ്ങി ...

എല്ലാവരെയും അതിശയിപ്പിച്ചത്  വിശാലത്തിനു  വന്ന മാറ്റം ആയിരുന്നു ... പഴയ പോലുള്ള വാശിയൊ  ദേഷ്യമോ ഒന്നുമില്ല ....ഉന്നിമയയുദെ സ്‌നേഹപൂർവമായ  സമീപനം  വിശലത്തിന് ഒരുപാട്‌  മാറ്റങ്ങൾ ഉണ്ടാക്കി ..ഉണ്ണിമായ വിശാലത്തിന്റെ ആരോഗ്യ കാര്യങ്ങളിൽ ഏറെ  ശ്രദ്ധ  കൊടുത്തു ...

ബിയോപ്സി റിസൾട്ട്  വന്നപ്പോൾ വിശാലത്തിനു കാര്യമായ  വിഷമം ഒന്നും തോന്നിയില്ല ..കാൻസറിന്റെ തുടക്കം ആയതുകൊണ്ട് തന്നെ ചികിൽസിച്ചു  ഭേദം  ആക്കാമെന്ന് ഡോക്ടർ ഉറപ്പ്  കൊടുത്തിരുന്നു ...

പതിവ്‌  പോലെ  ഭക്ഷണം കഴിക്കാൻ എല്ലാവരും കൂടി ഊണ് മേശയുടെ ചുറ്റും കൂടി ...

ഉണ്ണിമായ എല്ലാവർക്കും ഉള്ള ആഹാരം വിളമ്പി വെച്ചിട്ട്  കഴിക്കുവാൻ  ഇരുന്നു ...

എനിക്ക്  എല്ലാവരോടുമായി  സംസാരിക്കാൻ  ഉണ്ട് !! വിശാലാക്ഷി  ആമുഖമായി പറഞ്ഞു ...

എല്ലാവരും വിശാലത്തിനെ  നോക്കി ???

ഡോക്ടർ പറഞ്ഞതനുസരിച്ചു എന്റെ കീമോതെറാപ്പി  അടുത്ത ആഴ്ച  തൊട്ട്  തുടങ്ങും  അതുകഴിഞ്ഞാൽ പിന്നെ  അടുത്ത ട്രീറ്റ്മെന്റ് ... ഇങ്ങനെ  ഒന്നിന്  പിറകെ ഒന്നായി ഒരു ഘോഷയാത്ര  പോലെയാകും ഇനിയുള്ള  എന്റെ ഓരോ  കാര്യങ്ങളും !! ചിരിച്ചുകൊണ്ടാണ് വിശാലാക്ഷി അത്‌ പറഞ്ഞതെങ്കിലും  ബാക്കിയുള്ളവരുടെ മനസ്സിന്  അതൊരു നോവുണ്ടാക്കി ...

ശ്ശെ ,, താൻ ഇത്‌ എന്തൊക്കെയാടോ  ഈ പറയുന്നത് ?? ട്രീറ്റ്മെന്റ് കൃത്യ സമയത്തു നമ്മൾ  എടുക്കണം ..എന്നാലേ അതിന്റെ ഫലം  കിട്ടുവോള്ളു ...മേനോൻ പറഞ്ഞു 

അതൊക്കെ എനിക്ക്. അറിവുള്ളതല്ലെ  കൃഷ്ണേട്ടാ !! ഞാൻ പറഞ്ഞു  വരുന്നത്  മായാമോളുടെ  കാര്യമാണ് ...

ഇപ്പോൾ തന്നെ  എന്നെ  ശുശ്രുഷിച്ചു  ഇവളുടെ ഒന്നൊന്നര  മാസം വെറുതെ  പോയി .. ഇങ്ങനെ  പോയാൽ അവളുടെ  പഠിപ്പ് അവതാളത്തിലാകും ..അതുകൊണ്ട്  കൃഷ്ണേട്ടൻ  എനിക്ക്  ഒരു ഹോംനഴ്സിനെ  ഏർപ്പാടാക്കി തന്നിട്ട്  മായക്ക്  കോളേജിൽ പോകുവാനുള്ള  കാര്യങ്ങൾ  ഒക്കെ  ശെരിയാക്കി  കൊടുക്കണം ....വിശാലാക്ഷി മായയെ നോക്കി പറഞ്ഞു ...

ഞാൻ തൽകാലം എങ്ങും പോകുന്നില്ല...അമ്മ  പരിപൂർണമായി  സുഖം ആയിട്ട്  ഞാൻ അതിനെ  പറ്റി ആലോചിക്കാം ...

ഞാൻ  അമ്മക്ക് എന്തെങ്കിലും കുറവ് വരുത്തിയോ ?? ഇല്ലല്ലോ ...അമ്മയെ തൽകാലം  ഒരു ഹോംനഴ്‌സും നോക്കണ്ട ......അത് എനിക്ക് ഇഷ്ടമല്ല ...എവിടെ. തൽകാലം എനിക്ക് നോക്കാവുന്ന കാര്യങ്ങളെ  ഒള്ളു ...എനിക്ക്  പറ്റാതെ  ആകുമ്പോൾ ഞാൻ പറയാം !!അപ്പോൾ അതിനെപ്പറ്റി ആലോചിച്ചാൽ മതി ....

പിന്നെ എന്റെ പഠിപ്പിന്റെ  കാര്യം ...പരീക്ഷക്ക്  ഇനി അധിക  സമയം ഒന്നുമില്ല ...ഞാൻ. വീട്ടിൽ ഇരുന്നുകൊണ്ട്  തന്നെ  പഠിച്ചു  പരീക്ഷ എഴുതിക്കൊള്ളാം ...ഇന്ദ്രേട്ടൻ ഒരാഴ്ച്ച  മുൻപ്  വീട്ടിൽപോയി  എന്റെ  പുസ്‌തകങ്ങൾ  എല്ലാം  എടുത്തുകൊണ്ട്  വന്നിരുന്നു ...അച്ഛന്  സാധിക്കുമെങ്കിൽ  എനിക്ക് ഒരു മെഡിക്കൽ  സർട്ടിഫിക്കറ്റ്  എവിടുന്നെങ്കിലും തയ്യാറാക്കി തന്നാൽ  അത്‌ കോളേജിൽ കൊടുക്കാം ....ഇത്രെയും  ദിവസം പോകാതെ  ഇരുന്നതല്ലേ !!!അവരുടെ  പ്രത്യേക  അനുവാദം  ഉണ്ടങ്കിലേ  പരീക്ഷ  എഴുതാൻ പറ്റുവൊള്ളൂ ....ഉണ്ണിമായ  പറഞ്ഞു ...

അത്‌ ഓർത്തു മോള്  വിഷമിക്കേണ്ട  ... നമുക്ക്‌  എത്ര  സർട്ടിഫിക്കറ്റ്  വേണമെങ്കിലും ഒപ്പിക്കാം മോളേ ...മേനോൻ ഉഷാറായി പറഞ്ഞു ...

ആഹാ ...അപ്പോൾ  ആ കാര്യത്തിലും ഒരു തീരുമാനം  ഉണ്ടായി ...ഇന്ദ്രൻ  പറഞ്ഞു ചിരിച്ചു ...

മോളേ  !!എന്നെ  നോക്കണം ,, വീട്ടിലെ  കാര്യം  ,,, പഠിപ്പ്  എല്ലാം  കൂടി  എന്റെ  മോളെകൊണ്ട്  നടക്കുമോ ?? വിശാലാക്ഷി  ആശങ്ക  അറിയിച്ചു ...

വീട്ടിലെ  കാര്യം  ഞാൻ ഒറ്റക്കല്ലല്ലൊ  നോക്കുന്നത് ?? അച്ഛനും  ഇന്ദ്രേട്ടനും കട്ടക്ക്  എന്റെ കൂടെ  ഉണ്ട്  അമ്മേ !! 

പിന്നെ  അമ്മയുടെ  കാര്യം  !! അതിൽ കൈ കടത്താൻ  ഞാൻ ആരെയും സമ്മതിക്കില്ല ... എന്തിന് !! ഈ അച്ഛനെപോലും സമ്മതിക്കില്ല ...

എന്തിനാ മോളേ  ഈ പിടിവാശി ?? ഊണും  ഉറക്കവും  ഇല്ലാതെയുള്ള  നിന്റെ ഈ കഷ്ടപ്പാട്  എനിക്ക് മനസ്സിലാകുന്നുണ്ട് ..വിശാലാക്ഷിയുടെ  കണ്ണ്  നിറഞ്ഞു ..

അയ്യേ ,, ദേ  അച്ഛാ  നോക്കിക്കേ  അമ്മ  കരയുന്നു !!

ഉണ്ണിമായ  വിശാലാക്ഷിയുടെ  കണ്ണ്  തുടച്ചു ... ദേ നമ്മൾ  തമ്മിലുള്ള  കരാർ  അമ്മ  മറന്ന്  പോയോ ??

അമ്മ  പൂർണ്ണ ആരോഗ്യവതിയായി  പഴയ ജാൻസി റാണി  ആയാലല്ലേ  എനിക്ക്  പഴയതിനൊക്കെ പ്രതികാരം വീട്ടാൻ പറ്റൂ ...

അതുകൊണ്ട്  തൽകാലം  എന്റെ വിശാലാക്ഷിയമ്മ  ഒന്നും ഓർത്തു  ഭാരപ്പെടണ്ട കേട്ടോ !! ഉണ്ണിമായ  അരുമയായി  വിശാലത്തിന്റെ  കവിളിൽ  തലോടി  .. ശേഷം  ആ നെറ്റിയിൽ  ആദ്യമായി അവൾ  ചുംബിച്ചു ... അവളുടെ മനസ്സിൽ ചിരിച്ചുകൊണ്ട്  ഇരിക്കുന്ന  അവളുടെ അമ്മയുടെ  മുഖം  ഓർമ്മ വന്നു ...

ഉണ്ണിമായ മുഖം പൊത്തി  അവിടെ  നിന്നും കരഞ്ഞുകൊണ്ട്  ഓടിപോയി ...

ഇന്ദ്രനും മേനോയും  വിശാലവും  ഞെട്ടി  തരിച്ചു  നിന്നു ...

ഇന്ദ്രൻ  കൈ കഴുകി  ഉണ്ണിമായയുടെ  പിന്നാലെ  പോയി ....

ഇന്ദ്രൻ  മുറിയിലേക്ക്  കയറാൻ  ഒരുങ്ങിയതും ഉണ്ണിമായ  വിങ്ങലോടെ  അമ്മയുടെ ഫോറ്റി നോക്കി സംസാരിക്കുന്നത്  കേട്ടു ...

ഇല്ലമ്മേ !! എനിക്ക്  ആരോടും പ്രതികാരം ഇല്ലമ്മേ !!!

അല്ലെങ്കിലും  ഞാൻ എന്തിന്  ഇവിടുത്തെ  അമ്മയോട്  പ്രതികാരം ചെയ്യണം !! ആരെങ്കിലും എന്തെങ്കിലും പറയുന്നത്  കേട്ട്  ആത്മഹത്യ  ചെയ്യാൻ  നിങ്ങളോട്  ആര് പറഞ്ഞു ...

എനിക്കറിയാം ,, അന്ന് ഇവിടുത്തെ  അമ്മ  അങ്ങനെ. ചെയ്തില്ലെങ്കിൽ കൂടി നിങ്ങൾ ഈ കടുംകൈ  ചെയ്യാൻ നേരത്തെ  തന്നെ  തീരുമാനിച്ചതല്ലേ ???

പിന്നെ ഇങ്ങനെ  എല്ലാം  ഇവിടുത്തെ  അമ്മയുടെ  കുറ്റമാകും???

ഇവുടുത്തെ അച്ഛനും അമ്മയും  ഇപ്പോൾ എന്റെ  സ്വന്തമാണ്  !!! ഈ ലോകത്ത്‌  ഇനി എനിക്ക് ആരെങ്കിലും  ഉണ്ടെന്ന്  പറയാൻ  ഉണ്ടെങ്കിൽ അത്‌  ഇവര്  മാത്രമാണ് ...

ഇന്ദ്രന്റെ പിന്നാലെ  വന്ന മേനോനും വിശാലവും ഉണ്ണിമായ  പറയുന്നത്  കേട്ടു ...

മായേ  നീ  പറഞ്ഞതൊക്കെ ഞങ്ങൾ കേട്ടു ...നീ  ഇപ്പോൾ പറഞ്ഞതിന്റെ പൊരുൾ  എന്താണ് ??ഇന്ദ്രൻ ചോദിച്ചു 

അവർ മുറിക്കുള്ളിലേക്ക്  കയറി ചെന്നു ...

എല്ലാം  ഞാൻ പറയാം  ഇന്ദ്രേട്ടാ ??ഒരുപാട്  വൈകി  അറിഞ്ഞ  കുറച്ചു യാഥാർഥ്യങ്ങൾ  ഉണ്ട് ... 

അമ്മ അന്ന്  പറഞ്ഞതും പ്രവർത്തിച്ചതും ഒക്കെ  എന്റെ അച്ഛനെയും  അമ്മയെയും വിഷമിച്ച  കാര്യങ്ങൾ തന്നെയാണ് ... എന്നാൽ അവരുടെ മരണത്തിന്റെ യഥാർത്ഥ  കാരണം  വളരെ വൈകിയാണ്  ഞാൻ അറിഞ്ഞത് !!!

ഉണ്ണിമായയുടെ  വെളിപ്പെടുത്തൽ  കെട്ട്  സ്തബ്ധരായി മൂന്നുപേരും നിന്നു ....

ഉണ്ണിമായ  സംസാരിച്ചു  തുടങ്ങി ....

❣️❣️പരിണയം-13❣️❣️

അമ്മ അന്ന്  പറഞ്ഞതും പ്രവർത്തിച്ചതും ഒക്കെ  എന്റെ അച്ഛനെയും  അമ്മയെയും വിഷമിച്ച  കാര്യങ്ങൾ തന്നെയാണ് ... എന്നാൽ അവരുടെ മരണത്തിന്റെ യഥാർത്ഥ  കാരണം  വളരെ വൈകിയാണ്  ഞാൻ അറിഞ്ഞത് !!!

ഉണ്ണിമായയുടെ  വെളിപ്പെടുത്തൽ  കെട്ട്  സ്തബ്ധരായി മൂന്നുപേരും നിന്നു ....

വീട്ടിൽ  അമ്മക്ക്  കാലിന് വയ്യാതായതോടെ  ഡാൻസ്  സ്കൂളിന്റെ  കാര്യങ്ങൾ ഒക്കെ അവതാളത്തിൽ ആയ കാര്യം അറിയാമായിരുന്നല്ലോ ........എന്റെ അച്ഛന്റെ വീട്ടിൽ അമ്മയുമായുള്ള വിവാഹത്തിന് വലിയ താല്പര്യം. കാണിച്ചിരുന്നില്ല ......ആകെ അച്ഛന് ഉണ്ടായിരുന്ന  ബന്ധം  അപ്പച്ചിയോട്‌ മാത്രമായിരുന്നു .... 

അച്ഛന്  കിട്ടേണ്ട  സ്വത്തിലാണ്  അപ്പച്ചിയുടെ  കണ്ണെന്ന്  അമ്മ  ഒരിക്കൽ  അച്ഛനോട്  പറഞ്ഞപ്പോൾ  അച്ഛനും അമ്മയും തമ്മിൽ  വലിയ  വഴക്കായി ...

അമ്മ  അച്ഛനെ  അച്ഛന്റെ വീട്ടുകാരിൽ  നിന്ന്  അകറ്റാൻ  ശ്രമിക്കുകയാണ്  എന്ന്  പോലും  അച്ഛൻ പറഞ്ഞപ്പോൾ അമ്മ  പിന്നെ അച്ഛനോട്  ഒന്നും മിണ്ടാൻ പോയില്ല ...

എന്നാൽ  അപ്പച്ചി  എന്നെ  വിവാഹം ആലോചിച്ചു  ഒന്നുരണ്ട്  വട്ടം  അച്ഛനെ  സമീപിച്ചപ്പോൾ  അനുകുലമായ  മറുപടി  അച്ഛൻ  അപ്പച്ചിക്ക്  കൊടുത്തില്ല .. അപ്പച്ചിയുടെ  മകൻ രാജേന്ദ്രനെ  പറ്റി ആർക്കും നല്ല അഭിപ്രായം  ആയിരുന്നില്ല ...

എന്നെ  വിവാഹം കഴിച്ചാൽ  അച്ഛന്റെ സ്വത്ത്  കൈക്കലാക്കാം എന്ന അവരുടെ  പദ്ധതി  ആയിരുന്നു അത്  .. എന്നാൽ അച്ഛൻ  അച്ഛന്റെ സ്വത്ത്  എങ്ങനെയും  വിറ്റ്  നിലവിലുള്ള  കടം വീട്ടാൻ  തീരുമാനിച്ചു ...

അച്ഛന്  അവകാശമായ  സ്വത്ത്  കിട്ടാതിരിക്കുവാൻ വേണ്ടി  അപ്പച്ചി  പല  കളികളും  നടത്തി അതിൽ അവസാനം  അപ്പച്ചി തന്നെ വിജയം  കണ്ടു ...അച്ഛന്  അവകാശപ്പെട്ട  സ്ഥലത്തു  തർക്കം  നടക്കുന്നതിനാൽ  വിൽക്കാൻ കഴിയില്ലെന്ന ബോധ്യം  അച്ഛനിൽ  നിരാശ ഉണ്ടാക്കി ...

എല്ലാ  വഴിയും  അടഞ്ഞ  സമയത്താണ്  ഇവിടുത്തെ  അച്ഛൻ  സഹായം  കൊടുക്കാനായി  മുന്നിട്ട്  ഇറങ്ങിയത് ... അച്ഛൻ  വീടിന്റെ  ആധാരം കൊണ്ട്  കൊടുത്തതും ... അമ്മ വീട്ടിൽ പോയി വഴക്കുണ്ടാക്കിയതും അതിന്റെ ദേഷ്യത്തിന്  ആധാരം  വലിച്ചു  കീറി  കളഞ്ഞതും  എല്ലാം അറിയാമല്ലോ ... 

അന്ന്  വൈകിട്ട്  അപ്പച്ചിയും  രാജേന്ദ്രനും കൂടി  വീട്ടിൽ  വന്നു ... മനസ്സ് തകർന്നിരുന്ന  അച്ഛനെയും അമ്മയെയും കുത്തി  നോവിച്ചു ... വീണ്ടും രാജേന്ദ്രന് വേണ്ടി  എന്നെ  അവർ ആലോചിച്ചു ...അമ്മ  അവരെ  എതിർത്തു  സംസാരിച്ചു ...

അമ്മയുടെ  സംസാരം മാറിയപ്പോൾ  അവരുടെ  സംസാരത്തിലും  ഭീഷണി  കലർന്നു ...

അപ്പച്ചി  എന്റെ അമ്മയെ വെല്ലുവിളിച്ചു ... രാജേന്ദ്രനുമായി  എനിക്ക്  വഴിവിട്ട ബന്ധം  ഉണ്ടെന്ന്  പറഞ്ഞു പരത്തുമെന്നും അതോടെ  എന്റെ  ജീവിതം  വഴിമുട്ടി പോകുമെന്നും പറഞ്ഞു പരിഹസിച്ചു  അവർ ഇറങ്ങിപ്പോയി ...

സ്വന്തം രക്തത്തിൽ പിറന്ന  കൂടപ്പിറപ്പ്  എന്തും ചെയ്യാൻ മടിക്കാത്തവൾ  ആണെന്നു  ഒത്ത അച്ഛന്  അത്‌  വല്ലാത്ത  ഒരു വേദന  ഉണ്ടാക്കി ...

നാളെ  വീട്  വിട്ട്  ഭാര്യയെയും മോളെയും കൊണ്ട് ഇറങ്ങേണ്ട ഗതികേടിനെ പറ്റി  ഓർക്കാൻ കൂടി  അച്ഛന്  കഴിഞ്ഞില്ല ...

ആത്മഹത്യ  അല്ലാതെ  വരെ  വഴിയൊന്നുമില്ലന്ന് അവർക്ക്  തോന്നി ...

ഒരു നിമിഷത്തെ  അരുതാത്ത  ചിന്ത  അവരുടെ  ജീവൻ  എന്നേക്കുമായി  നിലക്കാൻ കാരണമായി ....

ഉണ്ണിമായ  കണ്ണുകൾ  തുടച്ചു ...

മോള്  ഇപ്പോൾ  ഇതൊക്കെ  എങ്ങനെ  അറിഞ്ഞു ??.മേനോൻ  ചോദിച്ചു 

അത് അച്ഛാ ,, കഴിഞ്ഞ  ആഴ്ച്ച  ഇന്ദ്രേട്ടൻ  എന്റെ  പുസ്തകങ്ങൾ  എടുക്കുവാനായി വീട്ടിൽ പോയിരുന്നു ...

പുസ്തകങ്ങളുടെ കൂട്ടത്തിൽ  അമ്മ  എഴുതാറുള്ള  ഡയറിയും ഉണ്ടായിരുന്നു ... ആ ഡയറിക്കകത്  നിന്നും  കിട്ടിയതാണ് ഈ ആത്മഹത്യ  കുറിപ്പ്  ...

ഉണ്ണിമായ ഡയറി  തുറന്ന്  ഈ കടലാസ്സ്  എടുത്തു  മേനോന്  നേരെ നീട്ടി ...

മേനോൻ  അത്‌  വാങ്ങി  ... അതിലൂടെ  കണ്ണോടിച്ചു ...

"ഇത്‌  ഈശ്വരനായിട്ട്  എന്റെ കൈകളിൽ  ഏല്പിച്ചത് പോലെയാണ്  എനിക്ക്  ഇപ്പോൾ തോന്നുന്നത് " ... അമ്മയെ  നമ്മൾ എല്ലാം  തെറ്റിദ്ധരിച്ചില്ലേ ??അല്ലെങ്കിലും  അച്ഛനും  അമ്മയും  എന്തിന്  ഈ കടുംകൈ  ചെയ്തു ... ആത്മഹത്യ ശെരിക്കും  ഒരു ഒളിച്ചോട്ടമല്ലേ ??

അവർ എല്ലാത്തിൽ  നിന്നും രക്ഷപെടാനായി  കണ്ട ഒരു ഉപായമല്ലേ  ഈ ആത്മഹത്യ !! അവർ അതിൽ വിജയിച്ചു ...ഉണ്ണിമായ  പറഞ്ഞു ..

മോളേ !! നീ അങ്ങനെയൊന്നും  പറയരുത് ?? ആരും മരിക്കാൻ ആഗ്രഹിക്കുന്നില്ല  മോളേ !!! നിരാശയുടെ  പടുകുഴിൽ  വീഴുമ്പോൾ മനസ്സിന്  വരുന്ന  ഒരു ചാഞ്ചാട്ടത്തിന്റെ  അനന്തരഫലമാണ്  ഈ ആത്മഹത്യ ... ചിലർ അതിൽ  വിജയിക്കും ... മറ്റുചിലർ  പരാജയപ്പെടും ... മേനോൻ പറഞ്ഞു ..

ഇല്ല  അച്ഛാ !!! എനിക്ക് ഇപ്പോൾ ഒരു അനുകമ്പയും അവരോട്  തോന്നുന്നില്ല ... എല്ലാ  ഭാരങ്ങളിൽ നിന്നും രക്ഷപെടാൻ അവർ ആത്മഹത്യയിൽ അഭയം കണ്ടെത്തിയപ്പോൾ ... തനിച്ചായിപ്പോകുന്ന  എന്റെ  അവസ്ഥ  മരിക്കുന്നതിന്  മുൻപ്  അവർ ഓർത്തോ ?? ഈ വീട്ടിൽ ഞാൻ വന്നുകയറുവാൻ  ഉണ്ടായ അവസ്ഥ  എന്താണെന്ന് അച്ഛന്  അറിയാമല്ലോ !!

എന്റെ  മാനത്തിന്  രാജേന്ദ്രൻ വിലയിടാൻ വരുമെന്ന  അവസ്ഥ ഉണ്ടായപ്പോൾ ആണ്  ഞാൻ ഇന്ദ്രേട്ടന്റെ കൈ പിടിച്ചു ഇവിടേക്ക്  വന്നത് ....നിറഞ്ഞുവന്ന കണ്ണുകൾ  ഉണ്ണിമായ തുടച്ചു ...

സാരമില്ല  മോളേ ...കഴിഞ്ഞത്  കഴിഞ്ഞു .. എല്ലാത്തിനും  ഒരു വ്യക്തത  വന്നല്ലൊ ... എന്റെ മോള്  എല്ലാം  മറക്കണം .. ഞങ്ങൾ  എല്ലാം  മോൾടെ  കൂടെ ഉണ്ടല്ലോ ..മോള്  ഇനി ഒന്നും ഓർത്തു  വിഷമിക്കരുത് ....നീ  ഞങ്ങളുടെ മകളാണ് ... അങ്ങനെ കാണാൻ തന്നെയാണ്  ഞങ്ങൾക്ക്  ഇഷ്ട്ടം .... വിശാലാക്ഷി  ഉണ്ണിമായയെ  ചേർത്തുപിടിച്ചു  പറഞ്ഞു ....ഉണ്ണിമായ  ചിരിച്ചു ...

മേലേടത്തു തറവാട്ടിൽ വീണ്ടും സന്തോഷത്തിന്റെ  നാളുകൾ  ആയിരുന്നു ... കൃത്യമായ  ചികിസയിലൂടെ വിശാലാക്ഷി  പഴയ  ആരോഗ്യം  തിരിച്ചുപിടിച്ചു ...ഉണ്ണിമായയുടെ  നിസ്സ്വാർത്ഥമായ സ്നേഹവും കരുതലും  പരിചരണവുമാണ്  വിശാലാക്ഷിയുടെ ഈ. മാറ്റങ്ങൾക്കു കാരണം  എന്ന് എല്ലാവർക്കും അറിയാമായിരുന്നു ...

ഉണ്ണിമയായും  ആകെ  മാറിയിരുന്നു … അവൾ തികച്ചും മേലേടത്തെ  മരുമകൾ  ആയി മാറി ... പഠനം  പൂർത്തിയാക്കിയ  ഉണ്ണിമായ  അവരുടെ ഓഫീസിലെ  തന്നെ  അക്കൗണ്ട്സ് ഫിനാൻസ്  കാര്യങ്ങൾ  എല്ലാം  കൈകാര്യം ചെയ്യുവാൻ പഠിച്ചു ...

മേനോനും വിശാലാക്ഷിയും  വിശ്രമജീവിതം  ഏറെ  ആസ്വദിച്ചു ... അതികമധുരമായി അവർക്ക് ഓമനിക്കാൻ  ഒരു കൊച്ചുമകളെ  കൂടി ഈശ്വരൻ കൊടുത്തു ...

ഒരിക്കൽ  എല്ലാവരും കൂടി  സന്ധ്യക്ക്  ഒത്തുകൂടിയ  നേരത്തു  ഇന്ദ്രൻ  തമാശക്ക്   വിശാലാക്ഷിയോട്  ചോദിച്ചു ... അമ്മേ  !! അമ്മ  എപ്പോഴെങ്കിലും അച്ഛനെ  സംശയിച്ചിട്ടുണ്ടോ  എന്ന് ??

വിശാലാക്ഷി  മേനോനെ  നോക്കി ....എന്നിട്ട്  ഹൃദ്യമായി  ഒന്ന്  ചിരിച്ചു ...

എടാ  മോനെ ... നീ ഇനിയും  കാർ  ഓടിക്കുന്ന  സമയത്തു നിന്റെ കൂടെ മുന്നിൽ ഇരിക്കുന്ന  നിന്റെ  അച്ഛനെ  ഒന്ന്  ശ്രദ്ധിക്കണം ...ഒരൊറ്റ  പെണ്ണുങ്ങളെ വിടാതെ  വായ്‌നോക്കുന്ന മനസ്സു കൊണ്ട് മധുര പതിനേഴിൽ എത്തി  നിൽക്കുന്ന  സാക്ഷാൽ  കള്ള കൃഷ്ണനെ  നിനക്ക്  കാണാൻ  പറ്റും ... ആദ്യമൊക്കെ  എന്നോട്  അവളെ  കണ്ടോ  ഇവളെ  കണ്ടോ എന്നൊക്കെ  പറയുമായിരുന്നു ... പിന്നെ  ഞാൻ  അത്യാവശ്യം  അടിതടകൾ ഒക്കെ  പുറത്തു  എടുത്തപ്പോൾ  ഒന്ന്  അടങ്ങിയതാണ് വിശാലാക്ഷി  പറഞ്ഞു 

അമ്മേ  അമ്മ എന്തിനാ  അച്ഛനെ  മാത്രം ഇങ്ങനെ  അടച്ചാക്ഷേപിക്കുന്നത് ... വായ്‌നോട്ടത്തിന്റെ  കാര്യത്തിൽ  അമ്മയുടെ  പൊന്നുമോൻ  അച്ഛനെ  കടത്തി വെട്ടും ...ഉണ്ണിമായ  ഇന്ദ്രന്  ഇട്ട്  ഒരു  തട്ട്  വെച്ച് കൊടുത്തു ...

മോനെ  ഇന്ദ്രാ  ... നീ  ഈ അച്ഛനിട്ടു പണിയാൻ  നോക്കിയിട്ട്  ... നിനക്ക്  തന്നെ  പണിയായി  അല്ലേ ,,, അതിന്റെ  ക്ഷീണം  തീർക്കാൻ  നമുക്ക്‌ ഓരോ നാരങ്ങ വെള്ളം  അങ്ങട് കാച്ചിയാലോ ???

ഇന്ദ്രൻ  ഒരു ചമ്മിയ  ചിരി  ചിരിച്ചു ...

ഇന്ദ്രന്റെ ഇരുപ്പ്  കണ്ട്  എല്ലാവരും കൂടി ആർത്തുചിരിച്ചു ....

ശുഭം 🙏

📝 SHEROON4S

DOWNLOAD FOR PDF STORY CLICK HERE