🍁കൂടെപിറപ്പ്🍁 ഫുൾ പാർട്ട്

🍁കൂടപ്പിറപ്പ്🍁 ഫുൾ പാർട്ട് 

"നിനക്കെന്തെങ്കിലും  വേണോടാ " എന്ന ചോദ്യം  അച്ഛൻ  എപ്പോഴും  ചോദിക്കുമായിരുന്നു...

'ചോദിക്കാതെ  തരേണ്ട  സ്നേഹം  ' മാത്രം  തരാൻ  അച്ഛനു  മടിയായിരുന്നു

എന്നും  വീട്ടിൽ നിന്നും  കേൾക്കുന്നത്  അച്ഛനും  അമ്മയും  തമ്മിലുള്ള  വഴക്ക്  ആയിരുന്നു....

ഒടുവിൽ  വണ്ടിയെടുത്തു  മദ്യപിക്കാൻ  പോകുന്ന അച്ഛനും...ആ  ദേഷ്യം  എന്റെയടുത്തു  കാണിക്കുന്ന  അമ്മയും...

അച്ഛമ്മയായിരുന്നു എന്നെ  നോക്കിയതും  വളർത്തിയതും...

ഒരു  അനിയത്തിക്കുട്ടി  എന്റെ  സ്വപ്നം  ആയിരുന്നു.... കുറുമ്പു കാട്ടാനും  സ്നേഹിക്കാനും  ഒക്കെ  ഒരു  കാന്താരി  മുളക്....

പക്ഷെ.......

മദ്യപിച്ചു  കട്ടിലിന്റെ  അറ്റത്തായി  കിടക്കുന്ന അച്ഛനും  മറുഭാഗത്തു  അമ്മയും....

അവരുടെ  കൂടെകിടക്കാനുള്ള  കൊതി  കൊണ്ട്  ഞാൻ  അവരറിയാതെ  നടുക്ക്  കിടന്നു....

വെളുക്കുവോളം  ഞാൻ  അവിടെ  കിടക്കുന്നുണ്ടെന്നു  പോലും  അവരറിഞ്ഞില്ല  എന്നതായിരുന്നു  നേര്...

പേരെന്റ്സ്  മീറ്റിംഗിന്  വരാൻ  മാത്രം  വല്യമ്മായി  ഉണ്ടായിരുന്നു.... അച്ഛൻ  ഒരിക്കലും  അറിഞ്ഞിരുന്നില്ല... അമ്മയാണെങ്കിൽ  അതൊന്നും  ശ്രദ്ധിച്ചതെ  ഉണ്ടായിരുന്നില്ല...

ഞാൻ  വളരുന്തോരും  അച്ഛനും  അമ്മയും  തമ്മിലുള്ള  അകലവും  കൂടി....

ഒടുവിൽ  അച്ഛൻ  വീട്ടിലേക്ക്  വരാതായി..

പിന്നെ  കേട്ടു....

അച്ഛന്  വേറെ  ഒരു  ബന്ധം  ആയി  എന്നൊക്കെ.....

അച്ഛനോടുള്ള  വെറുപ്പിൽ  എന്തൊക്കെയോ  കാണിച്ചു  വിജയിക്കാൻ  ഉള്ള  തിരക്കിൽ  ആയിരുന്നു  അമ്മ....

അച്ഛൻ  പോയിട്ടും  അമ്മ  ഒരിക്കലും  സങ്കടപ്പെട്ടില്ല.....

പക്ഷെ  എന്നോടുള്ള  വെറുപ്പ്  മാത്രം  കൂടി  വന്നു....

എന്തെങ്കിലും  എതിർത്തു  പറഞ്ഞാൽ

"ആ  വിത്ത്  അല്ലേ.. അതങ്ങനേ  വരൂ " എന്ന്  പറഞ്ഞു  ശകാരിക്കും...

"പെങ്കൊച്ചാന്നാ  എല്ലാരും  പറയണേ " എന്ന്  അച്ഛമ്മ ഒരിക്കൽ  പറഞ്ഞപ്പോൾ  അമ്മ  അവരെ  തിന്നാൻ  ചെന്നു..

"ആയുസെത്താതെ  ഒടുങ്ങും... നോക്കിക്കോ "

എന്ന്  അമ്മ  പറഞ്ഞപ്പോൾ  'അങ്ങനെയൊന്നും  വരുത്തല്ലേ എന്റെ  കുഞ്ഞു  പെങ്ങൾക്ക്  ' എന്ന്  ഈശ്വരനോട്‌  ഞാൻ  പ്രാർത്ഥിച്ചു...

"അതാടാ  നിന്റെ  അച്ഛന്റെ  സെറ്റപ്പ് ..." എന്നൊരിക്കൽ  കൂട്ടുകാരൻ  കാണിച്ചപ്പോൾ  ആണ്  അവരെ  ഞാൻ  കാണുന്നത്..കൂടെ  കൈയിൽ  തൂങ്ങി  ഒരു  പാവാടക്കാരിയും..

മുഖം  തിരിച്ചു നടന്നു  എങ്കിലും..  കുറച്ചു  കഴിഞ്ഞു  ഞാൻ  തിരിഞ്ഞു  നോക്കിയപ്പോൾ  എന്നെ   തിരിഞ്ഞു  നോക്കുന്ന രണ്ടു  കുഞ്ഞികണ്ണുകൾ  എന്റെ  നെഞ്ചുലച്ചു....

കുറച്ചു  നാൾ  കഴിഞ്ഞു.....

അമ്മ  കേസിനു  പോയി  അച്ഛന്റെ  സ്വത്തെല്ലാം  സ്വന്തമാക്കാൻ  ശ്രമിക്കുന്നു  എന്നറിഞ്ഞു  അച്ഛൻ  ഒരിക്കൽ  വീട്ടിൽ  വന്നു..

എല്ലാം  അമ്മയുടെ  പേരിൽ  എഴുതിക്കൊടുക്കാം  എന്ന്  സമ്മതിച്ചു...

കുറച്ചു  ഭാഗം  അവർക്കും  മകൾക്കും  കൊടുക്കണം  എന്ന്  അച്ഛൻ  അമ്മയോടു അപേക്ഷിച്ചു  എങ്കിലും  അമ്മ  അതൊന്നും  ചെവിക്കൊണ്ടില്ല..

"ഞങ്ങൾക്കൊന്നും  വേണ്ട ... ഉള്ളതെല്ലാം  അവർക്ക്  കൊടുത്തേക്ക് "

എന്ന്  പറഞ്ഞ  അവരോട്  ആദ്യമായി  ഒരു  ബഹുമാനം  തോന്നി...

"നിനക്ക്  വേണ്ടത്  ഞാൻ  തന്നു... നിനക്കും  വീട്ടുകാർക്കും  വേണ്ടതും  അതായിരുന്നല്ലോ?"

എന്നുള്ള  അച്ഛന്റെ  ചോദ്യം  പോലും  അമ്മ  ഗൗനിച്ചതേ  ഇല്ല...

"ആരായിരുന്നു  ശരി..."

ഞാൻ  ചിന്തിച്ചു..

എന്റെ  ചോദ്യങ്ങൾക്ക്  ആദ്യം അച്ഛമ്മ ഒഴിഞ്ഞു മാറി എങ്കിലും പിന്നീട്  എല്ലാം  പറഞ്ഞു.. 

അച്ഛനു  പണ്ടൊരു  പ്രണയം  ഉണ്ടായിരുന്നു  എന്നും അമ്മാവന്റെ  മോളായ  അമ്മയോട്  അതൊക്കെ  പറഞ്ഞിരുന്നു  എന്നും...

ആദ്യമൊക്കെ  അവരുടെ  പ്രണയത്തിനു  കൂട്ടു  നിന്നതും  അമ്മ  ആയിരുന്നു 

പക്ഷെ  അമ്മാവന്റെ  ഉപദേശത്തിൽ അമ്മ  പതിയെ  മാറി.... അമ്മയുടെ  കണ്ണും  അച്ഛന്റെ  സ്വത്തിൽ  പതിയാൻ  തുടങ്ങി ..

അവരുടെ  പ്രണയത്തെ  സംബന്ധിക്കുന്ന എന്തോ  കാര്യം  പറയാൻ  എന്ന വ്യാജന അച്ഛനെ  വിളിച്ചു  അമ്മ  മുറിയിൽ  കേറ്റി..

അച്ഛൻ  കാലുപിടിച്ചു  അപേക്ഷിച്ചിട്ടും  അമ്മ  വാതിൽ  തുറന്നില്ല...

ഒടുവിൽ  അമ്മാവൻ  നാട്ടുകാരെ  മുഴുവൻ  വിളിച്ചു  കൂട്ടി  അത്  കാണിച്ചു  കൊടുത്തു..

 അങ്ങനെ  അച്ഛന്  അമ്മയെ കല്യാണം  കഴിക്കേണ്ടി  വന്നു....

അച്ഛനെ  സ്വന്തമാക്കി  എങ്കിലും  'സംശയം'  അമ്മയുടെയും  അച്ഛന്റെയും  ദാമ്പത്യം  തകർത്തിരുന്നു...

തൊട്ടതിനും  പിടിച്ചതിനും  ഒക്കെ  നിയന്ത്രണങ്ങളുമായി  വന്ന അമ്മയെ  ഒരിക്കലും  അച്ഛൻ  അംഗീകരിച്ചിരുന്നില്ല...

ആ  സമയത്ത്  അച്ഛന്  അവരുമായി  യാതൊരു  ബന്ധവും  ഇല്ലാതിരുന്നിട്ടു  കൂടി  അമ്മ  അച്ഛനെ  വിശ്വസിച്ചിരുന്നില്ല  എന്നതായിരുന്നു  നേര്...കൂടെ  അമ്മാവന്റെ  ഉപദേശവും കൂടെ  ആയപ്പോൾ  ആ  ബന്ധം  ആടിയുലഞ്ഞു..

പതിയെ... മദ്യപാനത്തിലേക്ക്  അച്ഛൻ  കൂപ്പുകുത്തി....

അപ്പോഴാണ്  അച്ഛന്റെ  കാമുകി  ഇപ്പോഴും  ഒറ്റക്കാണെന്ന സത്യം  അച്ഛൻ  അറിഞ്ഞത്... ആദ്യം  അവർ  വിലക്കിയെങ്കിലും  അച്ഛന്റെ  അവസ്ഥ  അറിഞ്ഞു  കൂടെ  നിന്നു...

പരസ്പരസമ്മതത്തോടെ  വിവാഹമോചനം  ആവശ്യപ്പെട്ടെങ്കിലും  അമ്മ  സമ്മതിച്ചില്ല....

അച്ഛന്റെ  സ്വത്ത്‌  മുഴുവനായും  ലഭിക്കില്ല  എന്നതായിരുന്നു  കാരണം...

ആ  വാശിക്ക്  അച്ഛൻ  അവരുടെ  കൂടെ  താമസം  തുടങ്ങി....

"ചതിച്ചു  സ്വന്തമാക്കിയത്  നിലനിൽക്കില്ല  കുട്ടി "

അച്ഛമ്മ  പറഞ്ഞു  നിർത്തി...

"അപ്പൊ  ഇതിന്റെ  ഇടക്ക്  ഞാൻ  ഉള്ള  കാര്യം  എല്ലാവരും മറന്നല്ലേ "

എന്നുള്ള  ചോദ്യത്തിന്  അച്ഛമ്മ  എന്നെ  ചേർത്തു  പിടിച്ചു...

അപ്പോഴേക്കും  അമ്മ  തീർത്തും  മറ്റൊരാളായി  മാറിയിരുന്നു... കയ്യിൽ  വന്ന പണത്തോടെ  കൂടുതൽ  അഹങ്കാരിയായി  മാറി.... രാത്രി  ഒരുപാട്  വൈകി  പാർട്ടി  ഒക്കെ  കഴിഞ്ഞു മദ്യപിച്ചു  വീട്ടിലെത്താൻ  പോലും  അമ്മക്ക്  യാതൊരു  മടിയും  ഇല്ലെന്നായി..

എല്ലാം  എതിർത്ത  അച്ഛമ്മയോട്  പോലും  തട്ടിക്കേറാൻ  തുടങ്ങി...

ആയിടക്കാണ്  അച്ഛന്  ഒരു ആക്സിഡന്റ് പറ്റുന്നത്.....ഇടിച്ച വണ്ടിയാവട്ടെ  നിറുത്താതെ  പാഞ്ഞു  പോയി....

ആ  അപകടത്തിൽ പോലും  എല്ലാവരുടെയും  സംശയമുനകൾ  അമ്മയിലേക്ക്  നീണ്ടു..

"കൊന്നു  കളഞ്ഞോടീ  എന്റെ  കൊച്ചിനെ "

എന്ന്  ചോദിച്ചു  അച്ഛമ്മ  വന്നെങ്കിലും ..അമ്മ ഒന്നും  മിണ്ടാതെ  അകത്തേക്ക്  പോയി

"പിശാചാ  കൂടിയിരിക്കുന്നെ  അവൾക്ക്... എന്തും  ചെയ്യും  മോനെ.... " അച്ഛമ്മ  നെടുവീർപ്പിട്ടു...

അച്ഛനെ  കൊല്ലാൻ ശ്രമിക്കാൻ മാത്രം  അമ്മ  ഇത്രക്ക്  അധഃപതിച്ചോ.... അതിനുള്ള  ഉത്തരം  വൈകാതെ  എനിക്ക്  കിട്ടി....

 ആകസ്മികമായി ഞാൻ  അമ്മയുടെ  ഫോൺ  സംഭാഷണം  കേൾക്കാൻ  ഇടയായി

"അച്ഛൻ  എന്തിനാ  ഈ  പണിക്ക്  നിന്നെ... ഉള്ളതെല്ലാം  നമ്മുടെ  പേരിൽ  അല്ലേ?.... പിന്നെ  അച്ഛൻ  പറഞ്ഞപോലെ  ഏട്ടൻ  സ്വത്തു  തിരികെ  ചോദിക്കാൻ  ഒന്നും  മുതിരില്ല "

അപ്പൊ  അമ്മയുടെ  അച്ഛൻ  ആണ്  അച്ഛനെ  ഇല്ലാതാക്കാൻ  നോക്കിയത്...മൗനമായി  അമ്മയും  അതിന്  കൂട്ടാണ്

അച്ഛനെപ്പോലും  ഇല്ലാതാക്കി  എന്നെ  വെറുത്തു  അമ്മ  എന്താണ്  നേടാൻ  പോകുന്നത്  ഞാൻ  ചിന്തിച്ചു..

അമ്മ  വെറും   കളിപ്പാവ ആയിരുന്നു  അമ്മയുടെ  വീട്ടിൽ എന്നതായിരുന്നു  നേര് .... അമ്മയുടെ  അച്ഛനും ചേട്ടനും  അമ്മയെ  നന്നായി  ഉപയോഗപ്പെടുത്തി...

കാലിന്റെ  അടിയിൽ  നിന്നും  മണ്ണ്  ഒലിച്ചു  പോകുന്നത്  അമ്മ  അറിഞ്ഞില്ല.....

 സ്വത്തിൽ  നിന്നും  നല്ലൊരു  പങ്ക്  അവർ  സ്വന്തം  പേരിൽ  ആക്കി.... അമ്മയെ  തഴയാനും   തുടങ്ങി..പക്ഷെ  അതൊന്നും  അമ്മ  അത്രക്ക്  കാര്യമായി  എടുത്തില്ല...  അപ്പോഴും  എന്നോട്  കാണിച്ച വെറുപ്പിന്  യാതൊരു  കുറവും  ഇല്ലായിരുന്നു

"കൊള്ളിവയ്ക്കാൻ  ഒള്ളതിനെ തള്ളിക്കളഞ്ഞാൽ  നീ  അവസാനം  കരയേണ്ടി  വരും  നോക്കിക്കോ "എന്ന്  അച്ഛമ്മ  പറഞ്ഞെങ്കിലും  അമ്മ  പുച്ഛിച്ചു  തള്ളി..

"ഞാൻ  ചത്താൽ  ഈ  നാശം  എനിക്ക്  കൊള്ളിവയ്‌ക്കേണ്ട.. എന്റെ  ചേട്ടന്റെ  മോൻ  ഉണ്ട്.. അതൊക്കെ  ചെയ്യാൻ  ".. ഒരു മകനായി  പോലും  എന്നെ  പരിഗണിക്കുന്നില്ല  എന്ന്  വേദനയോടെ  ഞാൻ മനസ്സിലാക്കി..

പക്ഷെ..... 

ആ  ആക്‌സിഡന്റോടെ  അച്ഛൻ  കിടപ്പിലായി..അതോടെ  ആ  കുടുംബം  ആകെ  പട്ടിണിയിൽ  ആയി

ഒരിക്കൽ  വഴിയരികിൽ  നിന്നു "ഏട്ടാ" എന്ന്  അവൾ  വിളിച്ചെങ്കിലും ഞാൻ  കേൾക്കാത്ത  പോലെ   നടന്നു...

തിരിഞ്ഞു  നോക്കാൻ  മനസ്സുവെമ്പി  എങ്കിലും  എന്തോ  ഒന്നെന്നെ  പിന്നോട്ടു  വലിച്ചു 

"ആ  പെണ്ണ്  പഠിത്തം  നിർത്തി... പണിക്ക്  പോകുവാന്ന്....അവൻ  ഒരിക്കൽ  വന്നപ്പോൾ  പറഞ്ഞിരുന്നു  മോനെ... നന്നായി  പഠിക്കുന്ന  കുട്ടിയാണെന്ന് "

അച്ഛമ്മ  പറഞ്ഞപ്പോൾ  ആണ്  എന്റെ  കുഞ്ഞു  പെങ്ങളും  അവരും കൂടി   തൊഴിലുറപ്പിനു  പോയി  ആണ്  കുടുംബം  നോക്കുന്നത്  എന്നെനിക്  മനസ്സിലായത്...

"ചിലപ്പോൾ  എന്തെങ്കിലും  സഹായം  പ്രതീക്ഷിച്ചു  ആയിരിക്കാം  അവൾ  അന്നെന്നെ  വിളിച്ചേ.. എന്തായിരുന്നു  എന്നെങ്കിലും  ഒന്ന്  ചോദിക്കാമായിരുന്നു  "...  ഞാൻ  ഓർത്തു

ആഗ്രഹിച്ച പെങ്ങളൂട്ടി  കയ്യകലത്തിൽ ഉണ്ടായിട്ടും  നെഞ്ചോടു  ചേർക്കാനാവാതെ  ഞാൻ  വിങ്ങി...

"കുറ്റോം  കൊറവും  പറയാൻ  കൊറേ  നാട്ടുകാരും  ബന്ധുക്കളും  ഉണ്ട്... അവരെ  പേടിച്ചു  നിന്റെ  മനസ്സാക്ഷിക്ക്  ശരി  എന്ന്  തോന്നുന്നത്  ചെയ്യാതിരിക്കരുത്... "

അച്ഛമ്മ  പറഞ്ഞു  നിർത്തി..

"ആ  ഉപദേശിക്കു  തള്ളേ... മോന്റെ  അവിഹിതത്തിനു  കൂട്ടു  നിൽക്കുന്ന കിളവി... ഇപ്പോ  കൊച്ചുമോനെ  സഹായിക്കാൻ  പറഞ്ഞു  വിടുന്നു "

അച്ഛമ്മയെ  പറഞ്ഞപ്പോൾ  എനിക്ക്  നൊന്തു....

"അമ്മ എന്നെ  മോനായി  ഒരിക്കൽ  എങ്കിലും  കണ്ടിട്ടുണ്ടോ? ഞാൻ  എന്ത്  തെറ്റ്  ചെയ്തിട്ടാ? വെറുപ്പ്  മാത്രം  വിളമ്പുന്ന  അമ്മയ്ക്ക്  ഉപദേശിക്കാൻ  ഒരു  യോഗ്യതയും  ഇല്ല...  "...ഞാൻ  പറഞ്ഞു

ആ  ദേഷ്യത്തിൽ   അമ്മ  താമസം അമ്മേടെ  വീട്ടിലേക്ക്  മാറ്റി....

അതോടെ  ഒരിക്കൽ  അമ്മ  നേരെയാകും  എന്നുള്ള  എന്റെ  പ്രതീക്ഷകളും  അസ്തമിച്ചു...

"ഒന്ന്  അച്ഛനെ  പോയി  കണ്ടാലോ  " ഞാൻ  അച്ഛമ്മയോട്  ചോദിച്ചു

"അച്ഛനെയെയാണോ  അതോ  നിന്റെ  കൂടപ്പിറപ്പിനെയാണോ " എന്റെ  മനസ്സറിഞ്ഞതു  പോലെ  അച്ഛമ്മ പറഞ്ഞു  നിർത്തി....

"ഒന്ന്  കണ്ണു  നിറച്ചു  കണ്ടിട്ടില്ല  അച്ഛമ്മേ " ഞാൻ  പറഞ്ഞു...

"നല്ല  കൊച്ചായിരിക്കും.... അവളുടെ  മോളല്ലേ..... നിന്റെയമ്മ  തള്ളിക്കളഞ്ഞതിനെയാണ്  അവൾ  കൂടെക്കൂട്ടിയത്.... അല്ലാതെ  ആരുടെ  ജീവിതവും  അവൾ  തകർത്തിട്ടില്ല..."

ഒടുവിൽ  ഞാൻ  അവിടെ  എത്തി....

ഒളിഞ്ഞു  നോക്കിയ ആ  കുഞ്ഞു  പാവാടകാരിയുടെ  സ്ഥാനത്തു   മെലിഞ്ഞു  സുന്ദരിയായ  ഒരു  പെണ്ണായി  അവൾ 

" ഏട്ടാ  എന്ന്  വിളിച്ചു  ഓടി  വരുമെന്ന്  പ്രതീക്ഷിച്ചത്  മാത്രം  എനിക്ക്  തെറ്റി "

"കയറിവാ " ........

എന്ന്  വിളിക്കാൻ  അവർ  മാത്രം..കണ്ണുനീർത്തുള്ളികൾ  കൊണ്ട്  അച്ഛൻ  പ്രായശ്ചിത്തം ചെയ്യുകയാണെന്ന്  തോന്നി....

കൊണ്ടു  വച്ച  കട്ടൻകാപ്പിയും  ചെറുപഴവും  അവിടെത്തന്നെയിരുന്നു

പോകാൻ  നേരത്ത്....

"എന്നോട്  മിണ്ടാതെ  പോകുവാ  അല്ലേ "

എന്നൊരു  അശരീരി  ഞാൻ  കേട്ടു....

കണ്ണു  നിറഞ്ഞു  ഞാനവളെ  മാടിവിളിച്ചു..

"നാളെ  മുതൽ  സ്കൂളിൽ  പോണോട്ടാ... ഇവിടുത്തെ  കാര്യം  ഞാൻ  നോക്കിക്കോളാം.... "ഞാൻ  പറഞ്ഞു  നിർത്തി 

പിന്നീട്  അങ്ങോട്ടുള്ള  എന്റെ  സന്ദർശനം പതിവായി...

അധികം  വൈകാതെ  അച്ഛൻ  പോയി...

അച്ഛന്റെ  വേർപാടിലും  അവർക്ക്  താങ്ങായതും  ഞാൻ  ആയിരുന്നു... അതിൽ  പോലും  ഒന്ന്  തിരിഞ്ഞു  നോക്കാത്ത  അമ്മയെ  മനസ്സുകൊണ്ട്  ഞാൻ  ഉപേക്ഷിച്ചു....

 പിന്നീട്  ഞാൻ  അനിയത്തിയെയും  മറ്റും  വീട്ടിലേക്ക്  കൊണ്ടു  പോന്നു...

കുറച്ചു  വൈകി  എങ്കിലും  കുറുമ്പത്തി ആയ  അനിയത്തിക്കുട്ടിയെ  എനിക്ക്  കിട്ടിയിരിക്കുന്നു....

നമ്മൾ  ആത്മാർത്ഥതയോടെ ആഗ്രഹിക്കുന്നതൊന്നും   വെറുതെ  ആകില്ലല്ലോ....

ഞാൻ  കൊതിച്ചതിനേക്കാൾ  സ്നേഹം  തരുന്ന  അമ്മയെ  ബോണസ്  ആയും 

കുളിച്ചു  വരുമ്പോൾ  ഒന്ന്  തുമ്മിയാൽ  "നന്നായി  തോർത്തേണ്ടേ മോനെ " എന്ന്  പറയുന്ന......

"അവനിഷ്ടം അതാ  അതേ ഇവിടെ  വയ്ക്കൂ"

എന്ന്  പറഞ്ഞു    എനിക്കിഷ്ടമുള്ള  മാമ്പഴ പുളിശ്ശേരി ഉണ്ടാക്കുന്ന  എനിക്ക്  ജന്മം  നല്കാത്ത  എന്റെ  അമ്മയെ....

"ഓഹ്... മോനെ  കിട്ടിയതിൽ  പിന്നെ  ആരേം  അമ്മക്ക്  വേണ്ട "

എന്ന്  കുറുമ്പു കാട്ടുന്ന  ഒരു  ഒന്നൊന്നര  കൂടപ്പിറപ്പ്  ആയ എന്റെ  കുഞ്ഞനുജത്തിയും

അച്ഛമ്മ പറഞ്ഞ പോലെ....

"വരേണ്ടത്  എന്നായാലും  നമ്മളിലേക്ക്  തന്നെ  വന്നു  ചേരും "

അപ്പോഴാണ്  അമ്മയെക്കുറിച്ച്  കേട്ട  കാര്യം  അച്ഛമ്മ  പറയുന്നത്..

എന്താ അച്ഛമ്മേ.. വളച്ചു കെട്ടില്ലാതെ  പറ..

"അതല്ലടാ ".....

അച്ഛമ്മയുടെ  വിക്കലിൽ നിന്നും  പറയാൻ  പോകുന്നത്  അമ്മയെക്കുറിച്ചുള്ള  കാര്യമാണെന്ന്  എനിക്ക്  മനസിലായി

"എന്താ  ഇനി  ഈ  വീടും  കൂടി  കൊടുത്താലേ  ആർത്തി  തീരുവോള്ളോ "

അതല്ലടാ ...

"ഇന്ന്  എന്റെ  കണ്ണുകാണിക്കാൻ  ആശുത്രി  പോയല്ലോ... അവളെ  കണ്ടിരുന്നു..കാലിൽ  എന്തോ  വെച്ചു  കേട്ടിയിട്ടുണ്ട്...സഹായത്തിനു  ആരെയും  കണ്ടില്ല... തന്നെ  ഏങ്ങി  വലിഞ്ഞു  നടക്കുന്ന കണ്ടപ്പോൾ  എനിക്കെന്തോ  പോലെ  ആയി...

വല്ലാതെ  കഷ്ടപ്പെടുന്നുണ്ട്... എന്ന്  തോന്നി

മുഖത്തിന്റെ  ചൈതന്യമൊക്കെ  പോയി  ആകെ  കോലംകേട്ടിട്ടുണ്ട്..

എന്റെ  കൂടെ  അവളെയും  മോളെയും  കൂടെ  കണ്ടപ്പോൾ ഒന്ന്  നോക്കി  നിന്നു..."

"ഇനീപ്പോ .... ആരും  ഇല്ലാതായാലും  ആരാ  കാരണം "

ഞാൻ  ചോദിച്ചു......

'ചെയ്തതിൻെറയാ  കുഞ്ഞേ'...

പലകാര്യങ്ങളും  നിന്നോട്  പറഞ്ഞിട്ടില്ല... അറിഞ്ഞാൽ  വെറുപ്പ്‌  കൂടുമല്ലോ  എന്നോർത്തു...

"നിന്നെ  കിട്ടിയത്  പോലും  ഭാഗ്യം  കൊണ്ടാ... ഒരിക്കൽ  അവൾ  നിന്റെ  കയ്യിൽ  നാണയം  തന്നിട്ട്  മാറി  നിന്നിട്ടുണ്ട്.... നീ  അറിയാതെ  അതെടുത്തു  വായിൽ  ഇട്ടു...കണ്ണു  മിഴ്ച്ചിരുന്ന  നിന്നെ  തലകീഴാക്കി  നാണയം എടുത്തത്  എങ്ങനെ  ആണെന്ന്  എനിക്കിപ്പോഴും  അറിയില്ല "...

പിന്നീട്  ഒരിക്കൽ  നീ  റോഡിലേക്ക്  നടന്നു  പോകുന്നത്  അവൾ  നോക്കി  നിന്നിട്ടുണ്ട്...

പോകുന്ന വഴി തട്ടി  വീണു  നീ കരഞ്ഞതു  കൊണ്ട് അന്ന്  ഞാൻ  അറിഞ്ഞു 

അതിൽ  പിന്നെ  അവളുടെ  അടുത്ത്  കുഞ്ഞിനെ  എൽപിക്കാൻ  എനിക്ക്  പേടിയായിരുന്നു..

എന്നിട്ടു വീണ്ടും  ഒരിക്കൽ ചാമ്പക്ക വീണ്ടും  നീ  വായിൽ  ഇട്ടു...

നീ  ഇഴഞ്ഞു വന്നു   സാരിത്തുമ്പിൽ  പിടിച്ചാലും  അവൾ  തട്ടിയെറിയും,

കരഞ്ഞു  കരഞ്ഞു  തുപ്പൽ  വറ്റിയാലും ഒരിറ്റു  മുലപ്പാൽ  അവൾ  തന്നിട്ടില്ല..

മര്യാദക്ക്  മുലപ്പാൽ  പോലും  നീ  കുടിച്ചിട്ടില്ല...

പാല്  പിഴിഞ്ഞു  കളഞ്ഞാൽ  പോലും  നിനക്ക്  തരില്ല  എന്ന വാശി  പോലേ തോന്നി...

"കൊച്ചിന്  കൊടുത്തില്ലേൽ  മുല  കല്ലച്ചു വരും  " എന്ന്  പറഞ്ഞാലും  അവൾ  പുല്ലുവില  തന്നില്ല

പലപ്പോഴും  നിനക്ക്  വെള്ളം  തരുമ്പോൾ  എന്റെ കണ്ണുകൾ  നിറഞ്ഞിട്ടുണ്ട്...

ഒടുവിൽ  ഇവിടുത്തെ  പശു  പെറ്റപ്പോൾ  ഞാൻ  അവളുടെ  പാല്  തരാൻ  തുടങ്ങി... 

നീ കുടിച്ചത്  കൂടുതൽ  ഇവിടുത്തെ  കറുമ്പി പശൂന്റെ  പാൽ  ആണ്....

നിന്നെ  കാണുമ്പോഴേ  അവൾ  ചുരത്തുമായിരുന്നു....അവളുടെ  അകിട്ടിൽ  നിന്നും  നീ  നേരിട്ട്  പാല്  ആർത്തിയോടെ  കുടിച്ചിട്ടുണ്ട് 

"വല്ല  സൂക്കേടും  വരും " എന്ന്  എല്ലാരും  പറഞ്ഞെങ്കിലും  നിനക്കന്ന് നല്ല  കൊതിയായിരുന്നു...

കൊതിയോടെ  നീ  കറുമ്പിയുടെ  പാല്  കുടിക്കുമ്പോൾ  പോലും  അവളുടെ  മനസ്സലിഞ്ഞില്ല

നിന്റെ  അച്ഛനും  അവളോട്  വല്ലാത്ത വെറുപ്പ്  തോന്നിത്തുടങ്ങിയത്  അപ്പോൾ  മുതൽ  ആയിരുന്നു 

പുറകിൽ  നിന്നും  ഒരു  തേങ്ങൽ  ഞാൻ  കേട്ടു... അതവളുടെ  അമ്മ  ആയിരുന്നു

"നീ  എന്താടാ  അമ്മ  എന്ന്  വിളിക്കാത്തെ "

അച്ഛമ്മ ചോദിച്ചു 

"അമ്മേ... എന്ന്  വിളിച്ചാൽ  എനിക്കവരുടെ  മുഖം  ഓർമ്മ  വരും  അച്ഛമ്മേ...."

അർഹതപ്പെട്ട  മുലപ്പാൽ  പോലും  നിഷേധിച്ച അമ്മയെ  ഓർക്കാൻ  പോലും  എനിക്കിഷ്ടമല്ല  അച്ഛമ്മേ 

"സ്വന്തം  അല്ലല്ലോ  അതാവും  അമ്മേ.. അവൻ  'അമ്മ ' എന്ന്  വിളിക്കാൻ  മടിക്കുന്നെ..."

എന്നൊരിക്കൽ  അവൾ  പറഞ്ഞിരുന്നു..

."സങ്കടമുണ്ട്  എന്ന്  തോന്നുന്നു... പക്ഷെ  പണ്ടും  ഇപ്പോഴും ഒന്നിനും  അവൾക്കൊരു  പരാതിയും  ഇല്ല "

പണ്ട്  നിന്റച്ഛൻ  പറഞ്ഞിട്ടുണ്ട് "അവളുടെ  അച്ഛൻ  പണ്ടേ  ഉപേക്ഷിച്ചു  പോയിരുന്നു.. വളരെ  കഷ്ടപ്പെട്ടാണ്  അവൾ  വളർന്നത്... ഒരുപാട്  കഷ്ടപ്പെട്ടാണ്  അവൻ  അവളെക്കൊണ്ട്  സമ്മതിപ്പിച്ചത്  എന്ന്.... അവൾക്ക്  പേടിയായിരുന്നു  സ്വത്ത്‌  കണ്ട്  കൂടിയതാന്ന്  നാട്ടുകാർ  പറയും  എന്ന് 

ഒരു  പൊട്ടിപ്പെണ്ണ്  ആയിരുന്നു "

"ആരും  സമ്മതിക്കില്ല "എന്ന്  എപ്പോഴും  പറയുമായിരുന്നു... പക്ഷെ  എനിക്കിഷ്ടം  ആയിരുന്നെടാ...

"ഇങ്ങോട്ടു  കൂട്ടിക്കൊണ്ട് വരാൻ  പറഞ്ഞിട്ടുമുണ്ട്"

പക്ഷെ  നിന്റമ്മ കൂടെ  നിന്ന്  ചതിക്കുവായിരുന്നു....

അച്ഛമ്മ പറഞ്ഞു  നിർത്തി.....

പിറ്റേന്ന്‌  ഓഫീസിൽ നിന്നും  വന്ന എന്നെക്കാത്തു  രാജി  ഉണ്ടായിരുന്നു....   വല്യമ്മാമ്മേടെ  മോൾ  ആയിരുന്നു  രാജി....മാത്രവുമല്ല  രാജി എന്റെ  പെങ്ങളുടെ  ഒറ്റ  കൂട്ടും  ആയിരുന്നു

രാജിയുടെ  ഇഷ്ടം  പലപ്പോഴും  അവൾ  എന്നെ  അറിയിച്ചിട്ടുണ്ട്...

അമ്മാവനോടുള്ള  ദേഷ്യം  ഉള്ളത്  കൊണ്ട്  ഞാൻ  മനഃപൂർവം  അവളെ  ഒഴിവാക്കുമായിരുന്നു

"ഞാൻ  എന്ത്  ചെയ്തിട്ടാ" എന്നുള്ള  ചോദ്യതിന്നു  ഞാൻ  മൗനം  പാലിച്ചു  പോന്നു 

"ആ  കുടുംബത്തിന്റെ  ഒരു  സ്വഭാവോം  ആ  കൊച്ചിന്  കിട്ടിയിട്ടില്ല "

അച്ഛമ്മ  പറഞ്ഞു  വരുന്നത്  എന്താണെന്ന്  മനസ്സിലായിട്ടും  ഞാൻ  ഒന്നുമറിയാത്ത  പോലെ  നിന്നു

അല്ലെങ്കിലും  എല്ലാം  മനസ്സിലാക്കാൻ  അച്ഛമ്മയോളം  കഴിവ്  മറ്റാർക്കും  ഇല്ലല്ലോ 

"അമ്മായിടെ  കാല്  മുറിക്കണോന്നു " അവൾ  അച്ഛമ്മയോടായി  പറഞ്ഞു

"എന്ത്  പറ്റീ "..........അച്ഛമ്മ  ചോദിച്ചു

"ഷുഗർ  കൂടി  ആദ്യം  വിരൽ  മുറിച്ചു.. പക്ഷെ  പഴുപ്പ്  മുകളിലേക്ക്  കയറിത്തുടങ്ങി...നല്ല  ആശൂത്രി കൊണ്ടോയാ  ചിലപ്പോൾ മുറിക്കാതെ  കഴിക്കാം...ഇപ്പോ  തന്നെ  ഇത്രയും  വഷളായത്  ആരും നോക്കാഞ്ഞിട്ടാ... കിടപ്പ്  കൂടിയായാൽ ... "

അവൾ  മുഴുമിച്ചില്ല...

"മോനെ " എന്ന്  വിളിച്ചു  കൊണ്ടുള്ള  ആ  വരവ്  എന്തിനാണെന്ന്  എനിക്ക്  മനസ്സിലായി.....

"അമ്മ  ഒന്നും  പറയേണ്ട... തന്നിഷ്ടത്തിന്  ഇറങ്ങിപ്പോയതല്ലേ...."

'അമ്മ ' എന്ന വിളിയിൽ  അവരുടെ  മുഖം  തെളിഞ്ഞു  എങ്കിലും...പറയാൻ  വന്ന കാര്യം  ഞാൻ  അംഗീകരിക്കാത്ത കൊണ്ട്  ഒരു  നീരസം  ഞാൻ  കണ്ടു....

"നിന്നെ  വെറുത്തതിലും  ചെയ്തു  കൂട്ടിയതിനും  ഒരു  കാരണം  ഉണ്ട്‌..." അമ്മ  പറഞ്ഞത്  കേട്ട്  ഞാനും  അച്ഛമ്മയും  മുഖത്തോട്  മുഖം  നോക്കി

"ഭ്രാന്തമായി  സ്നേഹിച്ച ആള്  കൈ വിട്ടു  പോയാൽ  എല്ലാരും ഇങ്ങനെ  ആവും  അമ്മേ "

അവളുടെ  ജീവനും  ജീവിതവും  ഒക്കെ  അവൻ  ആയിരുന്നു..... കണ്ണൻ.... എന്റെ  ചെറിയമ്മേടെ  മോൻ.....ഒരു  അയ്യോ  പാവം...

അവനെ  ആരെങ്കിലും  നോക്കിയാൽ  നെഞ്ചു  പൊള്ളുന്ന  പെണ്ണ്  ആയിരുന്നു  അവൾ..

വളർത്തു  ദോഷം  ഒരുപാട്  ഉണ്ടായിരുന്നു  എങ്കിലും  കണ്ണന്റെ  മുന്നിൽ  വെറും  തൊട്ടാവാടി  ആയിരുന്നു...

അവൻ  "വേണ്ട " എന്നൊരു  കാര്യം  പറഞ്ഞാൽ  ഒരിക്കലും  അവൾ  ചെയ്യില്ലായിരുന്നു....

ഏറ്റവും  തീവ്ര  ബന്ധം  ആയിരുന്നത്  കൊണ്ട്  ആരും  അറിയാതെ  അവർ  മുന്നോട്ട്  പോയി...

അവളുടെ  വീട്ടുകാരെയും അവൾ  വല്ലാതെ  ഭയന്നിരുന്നു  ..... ആരോടും  പറയാൻ  എന്തിന്  നിന്റെ  അച്ഛനോട്  പോലും  പറയാൻ  എനിക്ക്  അനുവാദം  ഇല്ലായിരുന്നു 

ഞങ്ങളുടെ  പ്രണയത്തിനു  കൂട്ടു  നിന്നതും  അവൻ  പറഞ്ഞിട്ടായിരുന്നു....

നിന്റെ  അച്ഛനെക്കൊണ്ട്  അവളെ  കെട്ടിക്കാൻ  വീട്ടിൽ  ആലോചിച്ചപ്പോൾ  തന്നെ  അവളുടെ  സമനില  തെറ്റി...

കണ്ണന്   ഒരിക്കലും  അവളെ  വിളിച്ചിറക്കികൊണ്ടുവരാൻ  ഉള്ള  ധൈര്യവും ഇല്ലായിരുന്നു...

അവളുടെ  പൊട്ട ബുദ്ധി  ആയിരുന്നു  അന്നത്തെ  നാടകം ..

അന്നവൾ  അതു  പറയുമ്പോൾ  ഞാനും  കണ്ണനും  എതിർത്തിരുന്നു....വേറെ  ഒരു  മാർഗം പറഞ്ഞു  കൊടുക്കാൻ   ഞങ്ങളുടെ  പക്കൽ  ഇല്ലായിരുന്നു താനും  ....

 പേരുദോഷം  വന്ന പെണ്ണിനെ ആരും  കേട്ടില്ലല്ലോ.... സാമ്പത്തിക  ശേഷി  കുറഞ്ഞ കണ്ണനെ  അല്ലെങ്കിൽ  അവളുടെ  വീട്ടുകാർ  ഒരിക്കലും  അംഗീകരിക്കാൻ  പോകില്ലായിരുന്നു..

ഞങ്ങൾ  തമ്മിൽ  സ്നേഹം  ആയിരുന്ന കൊണ്ട്  അച്ഛൻ  ഒരിക്കലും  വിവാഹത്തിന്  സമ്മതിക്കില്ല  എന്ന്  കരുതി...

പക്ഷെ.....

അവളുടെ  അച്ഛൻ  അത്  ഉപയോഗപ്പെടുത്തി കല്യാണം  നടത്തി...

കല്യാണം  കഴിഞ്ഞു  എങ്കിലും  അവർ  തമ്മിൽ  ബന്ധം  തുടർന്നിരുന്നു.... നിന്റെ  അച്ഛനെ  അകറ്റി  നിർത്തിയതും  കണ്ണനുമായുള്ള  ജീവിതം  കൊതിച്ചായിരുന്നു....

കണ്ണൻ  പറഞ്ഞാണ്  ഞാൻ  ഇതെല്ലാം  അറിഞ്ഞത്....

പിന്നീട്  ഞാൻ  കേൾക്കുന്നത്  കണ്ണൻ  നാട്  വിട്ടു  എന്നാണ്..

താൻ  കാരണമാണ്  അതു  സംഭവിച്ചത്  എന്നോർത്തുള്ള  കുറ്റബോധത്തിൽ അവൾ  നീറിപ്പിടുങ്ങിയിരിക്കാം..

അവളെ  ഉപയോഗപ്പെടുത്തി  സ്വത്ത്‌  മുഴുവനും  കൈക്കലാക്കിയത്    വീട്ടുകാരുടെ  ബുദ്ധി  ആണ്....

  "സ്വന്തം  ജീവിതം  കൈവിട്ടു  പോയവരോട്  ഇനിയും  വാശി  വേണ്ട  മോനെ... ഇവിടെ  ഞാനും  മോളും  ഉണ്ടല്ലോ ..ഞങ്ങൾക്ക്  നോക്കാലോ...   "

"അവൾ  വരൂവെങ്കിൽ  കൊണ്ടുവാടാ "

 എന്ന്  അച്ഛമ്മ കൂടി  പറഞ്ഞപ്പോൾ   ഞാനായിട്ട്  എതിർക്കേണ്ട  എന്ന്  തോന്നി..

അമ്മ കിടക്കുന്ന  മുറിയിൽ  കേറിയപ്പോഴേ    രൂക്ഷ  ഗന്ധം  നിറഞ്ഞു. മുറിവ്  വൃത്തിയാകാതെ  പഴുപ്പ്  നിറഞ്ഞിരുന്നു

"പുഴുത്തു  ചാകുമെന്നൊക്കെ  " ആള്ക്കാര്  പ്രാകി  കേട്ടിട്ടുണ്ട്...

കുറച്ചു  കൂടി  കഴിഞ്ഞെങ്കിൽ  അമ്മയുടെ  അവസ്ഥയും  അതു  തന്നെ  ആയേനെ.

"നീ  ഒരുത്തിയെ  അവിടെ  കുടിയിരുത്തിയിട്ടുണ്ടല്ലോ.. അവളെ  പറഞ്ഞു  വിട് "....

എന്ന്  പറഞ്ഞു  വല്യമ്മാവൻ  വന്നെങ്കിലും  ഞാൻ  ഗൗനിച്ചില്ല

"വാ  അമ്മേ "....................................എന്ന്  വിളിച്ചപ്പോൾ  കണ്ണുകൾ  നിറഞ്ഞൊഴുകുന്നത്  കാണാമായിരുന്നു...

അല്ലെങ്കിലും  അടി  തെറ്റി  വീഴുമ്പോൾ  മാത്രം  പാഠം  പഠിക്കുന്ന  ജീവിയാണ്  മനുഷ്യൻ... അതു  കഴിഞ്ഞാൽ  മറക്കുകയും  ചെയ്യും

വീട്ടിൽ  അമ്മയെ  നന്നായിതന്നെ  നോക്കി.... കുഞ്ഞു  പെങ്ങൾ ആണ്  അമ്മയുമായി  കൂടുതൽ  അടുത്തത് ....

അവൾ  കോളേജിൽ  നിന്നു  വരുന്ന സമയം  ആയാൽ  ആരുടെ  കാലൊച്ച  കേട്ടാലും  അമ്മ  കഴുത്ത്  പൊന്തിച്ചു  നോക്കും.....

എന്റെ  കാര്യങ്ങൾ  എല്ലാം  നന്നായിട്ട് 'അമ്മ ' നോക്കി  ചെയ്യുന്നതു  കണ്ടിട്ട്  നിറഞ്ഞു  തൂവിയ  കണ്ണുകളിൽ  നഷ്ടബോധം  നിഴലിച്ചിരുന്നു... കുറച്ചൊന്നു  മനസ്സിലാക്കട്ടെ  എന്ന്  ഉറപ്പിച്ചു  അമ്മയെ  കാണിക്കാൻ  ഞാനും  ശ്രമിച്ചിരുന്നു...

ചികിത്സയുടെ  ഫലമായി  ഒരു  മുടന്തു  മാത്രം  അവശേഷിപ്പിച്ചു  അമ്മ  ഉഷാറായി...

"അമ്മ  ഇന്ത്യയും  ഏട്ടൻ  പാകിസ്താനുമായി  നിന്നാ  ശരിയാവില്ല  എന്ന്  പറഞ്ഞു  ഒരിക്കൽ  അനിയത്തി  ഞങ്ങളെ  കൂട്ടിമുട്ടിച്ചു...

എന്റെ  കാല്പാദങ്ങളിൽ  തൊടാനൊരുങ്ങിയ  അമ്മയെ  ഞാൻ  വിലക്കി..നെഞ്ചോടു  ചേർത്തു..

"എന്നെ  ഇത്രക്ക്  വെറുക്കാൻ  മാത്രം  എന്തായിരുന്നു  അമ്മേ?...."ഞാൻ  ചോദിച്ചു 

"ക്ഷമിക്കേടാ ..... ഒരിക്കലും  ഒരമ്മക്ക്  മോനോട്  പറയാൻ  പറ്റാത്ത  കാര്യം ആണത് "അമ്മ  പറഞ്ഞു  നിർത്തി 

വേണ്ട  അറിയേണ്ട ..... ഞാൻ  പറഞ്ഞു...

അമ്മയ്ക്കറിയില്ലല്ലോ  അച്ഛൻ  അവസാനമായി  എന്നോടത്  പറഞ്ഞിരുന്നു  എന്ന്....

"അമ്മ  അച്ഛനുമായുള്ള  വിവാഹത്തിന്  മുന്നേ  ഗർഭിണി  ആയിരുന്നു.... അച്ഛൻ  ചേർത്ത്  നിർത്താൻ  നോക്കിയപ്പോ  ഒഴിഞ്ഞു  മാറിയതും  അതായിരുന്നു...

പക്ഷെ.... അമ്മയുടെ  കാമുകൻ  അതൊരിക്കലും  അംഗീകരിച്ചില്ല....സ്വന്തം  ജീവിതം  വന്നപ്പോൾ  അയാൾ  അമ്മയെ  തള്ളിക്കളഞ്ഞു...

അമ്മ  ഗർഭിണി  ആയപ്പോൾ  മുതലാണ്  അച്ഛൻ  ആത്മാർത്ഥമായി സ്നേഹിച്ചു  തുടങ്ങിയത്..... പക്ഷെ  മറ്റൊരാളുടെ  കുഞ്ഞ്  എന്ന സത്യം  കേട്ടപ്പോൾ  അച്ഛനും  അംഗീകരിചില്ല..അവരുടെ  ജീവിതം  തകർന്നതും  അതു  കാരണം  ആയിരുന്നു ... അത്ര  ജീവനായി  സ്നേഹിച്ചിട്ടും  കളഞ്ഞിട്ടു  പോയ കാമുകനോടുള്ള  വൈരാഗ്യം  ആണ്  അമ്മ  എന്നിൽ  കാട്ടിയത്....  "

ഞാനൊരിക്കലും  ഇത്  ആരോടും  പറയില്ല.... 

കാരണം  ഇപ്പൊ  സ്വന്തമെന്നു  കരുതുന്ന എന്റെ  അച്ഛമ്മ, കുഞ്ഞു  പെങ്ങൾ  ഒക്കെ..... ചിലപ്പോൾ  എനിക്ക്  നഷ്ടപ്പെട്ടേക്കാം..

അതെന്നോടൊപ്പം  മണ്ണിൽ  അലിയട്ടെ...

"ഞങ്ങൾ  വീട്ടിലേക്ക്  പൊക്കോളാം " എന്ന് അമ്മയും  പെങ്ങളും  വേണ്ടെന്നു  പറഞ്ഞതും    മറ്റാരും  ആയിരുന്നില്ല...

"നീ  എന്റെ  അമ്മേ  എടുത്തോ.... ഈ  അമ്മേ  എനിക്ക്  വേണമെന്നു"  പെങ്ങൾ  പറഞ്ഞപ്പോൾ  പൊട്ടിച്ചിരിക്കുന്ന  അമ്മയുടെ  ചിരി  കണ്ട്  എന്റെ  മനസ്സും  നിറഞ്ഞു....

"ഇപ്പൊ  അച്ഛൻ  ജീവിച്ചിരുന്നെങ്കിൽ.. പണി  പാളിയേനെ " എന്ന്  ഞാൻ  മനസ്സിലോർത്തു....

"മോനെ  ഇവിടെ  ഒരുപാട്  ആവശ്യങ്ങൾ  ഇല്ലേ... അവൾക്കൊരാളെ  കണ്ട്  പിടിക്കേണ്ട ... എന്റെ  മൊതല്  മുഴുവൻ  അവര്  തട്ടിയെടുത്തു.... അത്  തിരിച്ചു  കിട്ടാൻ  കേസിനു  പോകാം " എന്ന്  അമ്മ  പറഞ്ഞപ്പോൾ 

ഞാൻ  കണ്ണിറുക്കിക്കൊണ്ട്  പറഞ്ഞു  നിർത്തി

"ഒരു  കേസിനും  പോകേണ്ട... പോയതെല്ലാം  ഇവിടെ  തന്നെ  തിരികെയെത്തും "

എന്റെ  കള്ളച്ചിരി മനസ്സിലാക്കിയ  പോലെ  അച്ഛമ്മ  ഒന്നു മൂളി.....

'ഇന്ദു '  വല്യമ്മാമ്മ യുടെ  ഒറ്റ  മോൾ...അപ്പോൾ  എന്റെ  മനസ്സിൽ  വേരുറപ്പിച്ചു  കഴിഞ്ഞിരുന്നു...

ഒന്നിനു പകരം  രണ്ടമ്മമാരുടെ  സ്നേഹം  ആണ്  ഇപ്പോൾ..... കൂടെ  ജീവന്റെ  ജീവനായ  കൂടപ്പിറപ്പും....

അലെങ്കിലും  ഒന്നും  കാണാതെയല്ല  മുകളിൽ  ഇരിക്കുന്നയാൾ  ഓരോന്നും  ഒപ്പിച്ചു  വയ്ക്കുന്നെ... അല്ലേ

അവസാനിച്ചു

📝മഞ്ജു ജയകൃഷ്ണൻ 

DOWNLOAD FOR PDF STORY CLICK HERE

READ AND ENJOY