🍁ബന്ധനം 🍁ഫുൾ പാർട്ട്🍁

⛓ബന്ധനം⛓ ഫുൾ പാർട്ട് ⛓

അന്നമ്മയും മരുമകൾ  സോഫിയും ഗൈനെക്കോളജിസ്റ് Dr ജയശ്രീയുടെ  ശീതികരിച്ച മുറിയിൽ ഡോക്ടറിന് അഭിമുഖമായി ഇരുന്നു ..

സോഫിയ ജോഷി  ... 24 വയസ്സ് ...

പറയു  സോഫിയ !! എന്താണ്  സോഫിയുടെ പ്രശ്നം ... Dr  ജയശ്രീ ചോദിച്ചു ...

സോഫിയ   അന്നമ്മയുടെ മുഖത്തേക്ക്  നോക്കി ... 

സോഫിയയുടെ പതർച്ച കണ്ടപ്പോൾ അന്നമ്മ  തന്നെ ഡോക്ടറിനോട് സംസാരിച്ചു തുടങ്ങി ...

മാഡം !! എന്റെ മകൻ ജോഷി  ഇവളെ വിവാഹം കഴിച്ചിട്ട് വർഷം രണ്ട് കഴിഞ്ഞു ... പറഞ്ഞിട്ട് എന്ത്  കാര്യം  !! ഇത് വരെ വിശേഷം ഒന്നും ആയിട്ടില്ല ...രണ്ടാളും ഒരു ദിവസം പോലും അകന്നു നിന്നിട്ടില്ല ...വീട്ടുകാരുടെയും നാട്ടുകാരുടെയും ചോദ്യങ്ങൾ കേട്ട്  മടുത്തു ...ഡോക്ടർ ഇവളെ ഒന്ന്  പരിശോധിക്കണം  !! എന്തെങ്കിലും കുഴപ്പം ഉണ്ടെങ്കിൽ നമ്മുക്ക്  ചികിത്സിക്കാമല്ലോ ?? അന്നമ്മ ഒറ്റശ്വാസത്തിൽ പറഞ്ഞു നിറുത്തി ...

Dr  ജയശ്രീ സോഫിയുടേ മുഖത്തേക്ക്  നോക്കി  .. ആ കണ്ണുകളിൽ നിസ്സഹായത നിറഞ്ഞിരുന്നു ...

Dr ജയശ്രീ അന്നമ്മയുടെ മുഖത്തു നോക്കി  ഒന്ന്  ചിരിച്ചു !!

 നിങ്ങളുടെ മരുമകൾ ഇവിടെ വന്നത് നല്ല കാര്യം തന്നെ !! ഞാൻ  പരിശോധിക്കാം... കുഴപ്പമൊന്നുമില്ല ...

പക്ഷെ നിങ്ങളുടെ മകൻ  എവിടെ  ?? അയാൾ അല്ലേ  സോഫിയുടെ കൂടെ എന്നെ കാണാൻ വരേണ്ടത് ?? അതോ  നിങ്ങൾ മുൻപ്  വേറെയേതെങ്കിലും ഡോക്ടറിന്റെ അടുത്ത് പോയി പരിശോധിച്ചിരുന്നോ ?? 

സോഫിയ  ഇല്ലന്ന്  തലയാട്ടി ...ഇങ്ങനെയുള്ള  പരിശോധനക്ക്  വരുമ്പോൾ അമ്മ  കൂടെ വരുന്നതിൽ തെറ്റില്ല  പക്ഷെ ഭാര്യയോടൊപ്പം ഭർത്താവും കൂടെ ഉണ്ടാകുന്നതാണ് ഉത്തമം  .. രണ്ടുപേരെയും ഒരേ സമയം നോക്കാനും വേണമെങ്കിൽ ചികിത്സാ തുടങ്ങാനും  സാധിക്കും ...

Dr ജയശ്രീ  പറഞ്ഞത്  അന്നമ്മക്ക്  അത്ര  രസിച്ചില്ലെങ്കിലും സംയമനം പാലിച്ചു ...

അത്‌  ഡോക്ടറെ  അവന്റെ  അപ്പൻ  മരിച്ചതിന്  ശേഷം അവൻ ആണ്  ബിസിനസ് എല്ലാം നോക്കി നടത്തുന്നത് ... ഒരു ദിവസം പോലും  അവൻ  വിശ്രമം ഇല്ലാതെയാണ്  ഈ കഷ്ടപ്പെടുന്നത് ?? അന്നമ്മ  മകനെ പറ്റി പറയാൻ വളരെ ഉത്സാഹം കാട്ടി ..

ഈ  കാര്യത്തേക്കാൾ വലുതാണോ ബിസിനസ് ?? അങ്ങനെയാണെകിൽ മകന്റെ തിരക്കുകൾ എല്ലാം കഴിഞ്ഞു  സ്വസ്ഥമായിട്ട്  ഒരു ഡോക്ടറിനെ കാണാൻ പോയാൽ  മതിയായിരുന്നല്ലോ  ?? എന്തിന്  ഇപ്പോൾ തിടുക്കപ്പെട്ട്  ഈ കുട്ടിയെ കൂട്ടി ഇവിടെ വന്നു ... Dr  ജയശ്രീ  മയമില്ലാതെ അന്നമ്മയോട്  ചോദിച്ചു ...

അന്നമ്മയുടെ ന്യായവാദങ്ങൾ കേൾക്കാൻ  നിൽക്കാതെ  Dr  ജയശ്രീ  ഇരിപ്പിടത്തു നിന്നും  എഴുന്നേറ്റു ... കുട്ടി അകത്തേക്ക്  വരൂ ... എനിക്ക്  പരിശോധിക്കണം !! സോഫിയ  പതിയെ  എഴുന്നേറ്റു കൂടെ  അന്നമ്മയും !!!

നിങ്ങൾ  എവിടേക്കാണ് ?? എനിക്ക്  സോഫിയെ മാത്രമാണ്  പരിശോധിക്കേണ്ടത് !! നിങ്ങൾ  പുറത്തേക്ക്  ഇരിക്കൂ !! പരിശോധന  കഴിയുമ്പോൾ ഞാൻ വിളിക്കാം !! ഡോക്ടർ കർക്കശ്യത്തോടെ പറഞ്ഞു ...

അന്നമ്മക്ക്  ഡോക്ടർ പറഞ്ഞത്  ഇഷ്ടപ്പെട്ടില്ല !! സോഫിയെ  ഒന്ന് നോക്കിയിട്ട്  അന്നമ്മ പുറത്തേക്ക്  നടന്നു ...

Dr  ജയശ്രീ സോഫിയെ പരിശോധിക്കാനായി കൊണ്ടുപോയി ... 

സോഫിയ !! എന്താണ് തന്റെ യഥാർത്ഥ  പ്രശ്‌നം ??

സോഫിയുടെ മുഖം വായിച്ചെടുത്ത പോലെ  Dr  ജയശ്രീ  ചോദിച്ചു ..

തന്റെ പ്രായത്തിൽ ഒരു മകൾ എനിക്കും ഉണ്ട് !! തനിക്ക്  എന്നോട്  പറയാൻ ബുദ്ധിമുട്ടില്ലെങ്കിൽ ധൈര്യമായി പറയാം !! എന്നെകൊണ്ട്  ചെയ്യാൻ കഴിയുന്ന  എന്തെങ്കിലും സഹായമാണെങ്കിൽ ഞാൻ ചെയ്തുതരാം !! ഡോക്ടർ സോഫിക്ക് ധൈര്യം കൊടുത്തു ..

സോഫിയ  Dr ജയശ്രീയുടെ  മുഖത്തു  പ്രത്യാശയോടെ  നോക്കി ...

എന്തായാലും സോഫിക്ക്  ധൈര്യമായി എന്നോട്  പറയാം ....

ഡോക്ടർ !!! 

അമ്മ  പറഞ്ഞല്ലോ !!എന്റെ വിവാഹം കഴിഞ്ഞിട്ട്  രണ്ട് വർഷമായി .. MCom പരീക്ഷ  കഴിഞ്ഞു  റിസൾട്ട്  കാത്തിരിക്കുന്ന  സമയത്താണ് ജോഷിയുടെ ആലോചന  വന്നത് ... അപ്പച്ചനും അമ്മച്ചിക്കും സ്വപ്നം  കാണാൻ  കഴിയാത്ത  ബന്ധം  ഇടവക  പള്ളിയിലെ  വികാരിയച്ചൻ കൊണ്ടുവന്നതാണ് ......പൊന്നും പണവും  ഒന്നും അവർ  ചോദിച്ചില്ല ... എന്റെ വീട്ടുകാർക്ക് മറുത്തൊന്നും ആലോചിക്കേണ്ടി  വന്നില്ലെന്ന് വേണം പറയാൻ ... അവരെ കുറ്റം പറഞ്ഞിട്ട് കാര്യം ഇല്ലായിരുന്നു  ഡോക്ടറെ !! എനിക്ക് താഴെ  രണ്ട്  പെൺകുട്ടികൾ കൂടി ഉണ്ടായിരുന്നു വീട്ടിൽ ....

എടുപിടിന്ന്  കല്യാണം  കഴിഞ്ഞു ... എല്ലാവരും  എനിക്ക് കിട്ടിയ ബന്ധത്തെ  സൗഭാഗ്യമായി കണ്ട് വാനോളം പുകഴ്ത്തി ... 

ജോഷി !! അദ്ദേഹം ഒരു പ്രത്യേക  സ്വഭാവക്കാരനാണ് ... അധികം ആരോടും മിണ്ടില്ല ... വിവാഹത്തിന്  മുൻപ്  കാണാൻ വന്നപ്പോൾ പോലും  എന്നോട്  തനിയെ ഒന്നും പറയാൻ ഇല്ലന്ന് പറഞ്ഞു ഒഴിഞ്ഞു മാറി ...

വിവാഹത്തിന്റെ  ആദ്യ  നാളുകൾ എങ്കിലും പല  പെൺകുട്ടികള്ക്കും സ്വപ്നതുല്യമാണെന്ന്  ഞാൻ കേട്ടിട്ടുണ്ട് ... എന്നാൽ  അങ്ങനെ  ഒന്നും നിർവചിക്കാൻ മാത്രം ഒന്നും എന്റെ ജീവിതത്തിൽ ഉണ്ടായില്ല ...

വീട്ടുകാരെ ബോധിപ്പിക്കാൻ വേണ്ടി മാത്രം ബന്ധു വീടുകളിൽ വിരുന്നിന്  പോയി ... എന്നോട് ഒന്ന്  തുറന്ന്  സംസാരിക്കാൻ പോലും ജോഷി ശ്രമിച്ചിട്ടില്ല  ഡോക്ടർ ...

ഞാൻ  എന്റെ മനസ്സിൽ ഒരുപാട്‌  കാര്യങ്ങൾ ചിന്തിച്ചു കൂട്ടി ... ജോഷിക്ക് ഇനി  എന്നെ ഇഷ്ടപ്പെടാത്തത്  കൊണ്ടാണോ  അതോ ഇനി വേറെ  വല്ല  ബന്ധവും ഉണ്ടോ !! അങ്ങനെ പലതും ... പക്ഷെ  ഒന്നുമുണ്ടായില്ല ...

അമ്മയോട് ചോദിച്ചപ്പോൾ എന്നോട്  പറഞ്ഞത്  വിചിത്രമായ  ഒരു ന്യായീകരണമാണ് !! ജോഷിയുടെ ഇരുപതാം വയസ്സിൽ  ഹൃദയാഘാതത്തെ തുടർന്ന് അപ്പൻ മരിച്ചു പോയി ... അതിന്  ശേഷം  ഇങ്ങനെയാണ് എല്ലാവരോടും എന്ന്  പറഞ്ഞു  ഒഴിഞ്ഞു ...

പക്ഷെ എനിക്ക്  അത്  വിശ്വസിക്കാൻ  കുറച്ചു  ബുദ്ധിമുട്ടുണ്ടായിരുന്നു ഡോക്ടർ .. അമ്മയും മകനും മാത്രമുള്ളപ്പോൾ  കളിയും ചിരിയും  ഒക്കെയുള്ള മറ്റൊരു  സ്വഭാവമാണ്  ജോഷിയുടേത് !!

മ്മ്  .. ശെരി !!! ഏറെ കുറെ  എനിക്ക് കാര്യം പിടികിട്ടി  സോഫിയ .. അവസാനമായി ഒരുകാര്യം കൂടി  ചോദിക്കട്ടെ ?? നിങ്ങൾ തമ്മിലുള്ള  ശാരീരീരിക  ബന്ധം എങ്ങനെയാണ് ?? Dr  ജയശ്രീ ചോദിച്ചു ...

സോഫിയയുടെ മുഖത്തു  പുച്ഛം  നിറഞ്ഞു ... അയാൾ  ചില  രാത്രികളിൽ  എന്റെ സമ്മതം പോലും ചോദിക്കാതെ എന്തൊക്കെയോ  കാണിച്ചു കൂട്ടും  ഡോക്ടർ  !! അതിനെ ശാരീരിക  ബന്ധം  എന്ന്  വിളിക്കാൻ പറ്റുമോ എന്ന് എനിക്കറിയില്ല ..

തുറന്ന് പറയാല്ലോ ഡോക്ടർ  എനിക്ക്  ഈ വിഷമം ഒന്നും പറയാൻ ആരുമില്ല ... വീട്ടിൽ അമ്മയോട്  ഞാൻ ഒന്നുരണ്ട്  വട്ടം ഇത് സൂചിപ്പിച്ചപ്പോൾ എന്റെ പിടിപ്പുകേട് കൊണ്ടാണെന്ന് പറഞ്ഞു അമ്മ  കുറ്റപ്പെടുത്തി ..

അമ്മയെ  കുറ്റം പറഞ്ഞിട്ട് കാര്യം ഇല്ല .. ഇളയത്തുങ്ങളുടെ  കാര്യമാണ്  ഇപ്പോൾ അവർക്ക് പ്രധാനം ... 

ഈ ബന്ധം എനിക്ക്  ഇപ്പോൾ ഒരു ബന്ധനം  ആണ് ഡോക്ടർ ......നിറഞ്ഞുവന്ന കണ്ണുകൾ  സോഫിയ  തുടച്ചു ..

മ്മ് ,, തളരരുത് മോളേ ... ഈ ലോകം ഇങ്ങനെയാണ്  .. പെൺകുട്ടികൾ സർവംസഹയായി ഒക്കെ  നിന്നിരുന്ന  കാലം  കഴിഞ്ഞു .. ഈശ്വരന്റെ കൃപ  കൊണ്ട്  നിനക്ക് വിദ്യാഭ്യാസം ഉണ്ട് .. നിനക്ക്  പൊരുത്തപ്പെട്ട്  പോകാൻ തീരെ കഴിയുന്നില്ലെങ്കിൽ ആ നിമിഷം നീ ആ പടി ഇറങ്ങിക്കോണം ... ഈ സമൂഹം  നിനക്കെതിരേ വിരൽ ചൂണ്ടും ... അത്  കണ്ടു  നീ തളരരുത് ... നീ ചെറുപ്പമാണ് .. നിനക്ക് ഇപ്പോൾ വേണ്ടത്  ഒരു ജോലിയാണ് ... പിന്നെ  ജീവിതത്തിൽ ഒരു തുണ  വേണം എന്ന്  തോന്നുന്ന  സമയത്തു  ഈശ്വരനായി നിന്റെ മുന്നിൽ തക്ക തുണയെ കൊണ്ടുത്തരും ...

നിനക്ക്  എന്ത്  ആവശ്യമുണ്ടെങ്കിലും  എന്നെ  ഏത്  സമയത്തു  വേണമെങ്കിലും വിളിക്കാം ... ഒരു മടിയും വിചാരിക്കേണ്ട ..:Dr  ജയശ്രീ  പറഞ്ഞു ..

സിസ്റ്റർ ... സോഫിയുടെ  ബെസ്റ്റാൻഡറെ വിളിക്ക് !!

അന്നമ്മ  ഡോക്ടറിന്റെ മുറിയിൽ കയറി വന്നു ...

എന്തായി  ഡോക്ടർ ?? ഇവൾക്ക്  എന്തെങ്കിലും കുഴപ്പമുണ്ടോ ??അന്നമ്മ  ചോദിച്ചു 

ഉണ്ട് !!! പക്ഷെ  അത്  ഇവൾക്കല്ല !! നിങ്ങളുടെ  മോന് !!! അതും തലക്ക്  !! അവനെ ആദ്യം ഒരു മനഃശാസ്ത്ര വിദഗ്ധനെ  കാണിക്ക് !! എന്നിട്ട്  നിങ്ങളുടെ മരുമകൾക്ക്  ആവശ്യമെങ്കിൽ ചികിത്സ  തുടങ്ങാം ...Dr  ജയശ്രീയുടെ ശബ്ദം  ആ മുറിയിൽ ഉയർന്നു ...

നിങ്ങൾ  എന്താ  ഈ  പറഞ്ഞു  വരുന്നത് ?? എന്റെ മോന്  ഭ്രാന്ത് ആണെന്നോ ?? ഇവൾ എന്റെ  കുഞ്ഞിനെപ്പറ്റി എന്തൊക്കെ ഇല്ലാവചനമാണ്  പറഞ്ഞത് എന്ന്  എനിക്ക് അറിയില്ല .. അന്നമ്മ അലാഹം പറഞ്ഞു ..:

സോഫിയ  നിങ്ങളുടെ മകനെപ്പറ്റി  ഒന്നും പറഞ്ഞിട്ടില്ല  !! അതിന്റെപേരിൽ അവളുടെ മേലെ ചാടികേറേണ്ട !! പിന്നെ  ഭ്രാന്ത് ഉള്ളവർ മാത്രമല്ല മനഃശാസ്ത്ര വിദഗ്ധനെ കാണുന്നത് .... അയാൾക്ക്  ഒരു കൗൺസിലിങ്  അത്യാവശ്യമാണ് ...പിന്നെ  അതുകൊണ്ടും ശെരിയായില്ലെങ്കിൽ സോഫിയ  ഞാൻ പറഞ്ഞ  വഴി തന്നെ  തിരഞ്ഞെടുക്കുക ...

പിന്നെ  ഞാൻ  ഒരു കാര്യം  പറഞ്ഞേക്കാം !! ഈ കാര്യത്തിന്റെ പേരിൽ സോഫിയെ നിങ്ങൾ മാനസികമോ  ശാരീരികമായോ  പീഡിപ്പിക്കുകയാണെങ്കിൽ  ആ നിമിഷം നിങ്ങളുടെ മുറ്റത്തു പോലീസ് വന്നിരിക്കും ...

സോഫിയ  പറഞ്ഞ കാര്യങ്ങൾ എല്ലാം ഞാൻ നോട്ട് ചെയ്തിട്ടുണ്ട് !!  Dr ജയശ്രീ പറഞ്ഞു ..:

അല്ല  ഇത്  ആശുപത്രിയോ അതോ പോലീസ് സ്റ്റേഷനോ !! അന്നമ്മ  ചൊടിച്ചു ...

ഇത്  ആശുപത്രിയും ഞാൻ ഡോക്ടറും തന്നെയാണ് ... പിന്നെ ഞങ്ങൾ ഡോക്ടർമാർ  ശരീരത്തിന്  മാത്രം ചികിസ നൽകുന്നവർ ആണെന്ന്  നിങ്ങളോട്  ആര്  പറഞ്ഞു ?? പിന്നെ നിങ്ങൾ ചോദിച്ചാലോ പോലീസ്  സ്റ്റേഷൻ ആണൊ എന്ന് ... ഇത്  പോലീസ് സ്റ്റേഷൻ അല്ല  പക്ഷെ  എന്റെ മകളെ  ഒരുപക്ഷെ നിങ്ങൾ  അറിയും  "അഗ്നി ശ്രീകാന്ത് " ഈയിടെ അസിസ്റ്റന്റ്  പോലീസ്  കമ്മീഷണർ ആയി ചാർജ് എടുത്തതെ ഒള്ളു ...

അപ്പോൾ പിന്നെ  ഞാൻ കൂടുതൽ വിശദീകരിച്ചു  തരേണ്ടല്ലോ ...Dr ജയശ്രീ ചിരിച്ചു ..

Dr ജയശ്രീയുടെ  സംസാരം കേട്ട് അന്നമ്മ  ഒന്ന്  പകച്ചു ...

ഞാൻ എല്ലാ ദിവസവും സോഫിയെ വിളിക്കും ... അവൾക്ക്  എന്തെങ്കിലും ബുദ്ധിമുട്ടുണ്ടെന്ന് തോന്നിയാൽ അമ്മയും മകനും പിന്നെ  അകത്താവും ... അതുകൊണ്ട്  മോനേ ആദ്യം ഒന്ന്  ഉപദേശിക്ക്‌ ... എന്നിട്ടും  ശെരിയായില്ലങ്കിൽ  ഒരു മനഃശാസ്ത്ര വിദഗ്ധനെ കാണിക്ക്!! 

അന്നമ്മക്ക്  പിന്നെ അവിടെ നിൽക്കാൻ തോന്നിയില്ല ... കസേരയിൽ  നിന്ന്  എഴുനേറ്റു ... തിരിഞ്ഞു നോക്കാതെ നടന്നു ...

സോഫിയ  എഴുന്നേറ്റു !!! ഡോക്ടർ ...എങ്ങനെ നന്ദി പറയണം എന്ന് അറിയില്ല ....

ഒന്നും ഓർത്തു പേടിക്കേണ്ട !! ധൈര്യമായി  ഇരിക്കൂ !! എല്ലാം  ശെരിയാകും !! ശെരിയാകാതെ  എവിടെ പോകാൻ .... Dr ജയശ്രീ ഹൃദ്യമായി ചിരിച്ചു ..

⛓ബന്ധനം -2⛓

വീട്ടിൽ എത്തുന്നത്  വരെ അന്നമ്മ  സോഫിയോട് ഒന്നും മിണ്ടിയില്ല ..

വീട്ടിൽ ചെന്ന്  കയറിയപ്പോൾ ജോഷി  ടിവിയുടെ മുന്നിൽ ഇരിക്കുന്നു ...

അമ്മ  ഇത്  എവിടെ പോയതാ ?? എവിടേലും പോകുവാണെങ്കിൽ എന്നോട്  ഒരു വാക്ക് പറഞ്ഞിട്ട് പോയാൽ എന്താണ് ?? ചെന്നുകയറിയ  പാടെ  ജോഷി അന്നമ്മയോട് ഇരച്ചു കയറി ..:

ഞാൻ പോകുന്നത് എവിടെയാണെന്ന് നിന്നെ  ബോധിപ്പിക്കേണ്ട  കാര്യം ഉണ്ടെന്ന് എനിക്ക് അറിയില്ലായിരുന്നു !! എന്തായാലും എന്റെ മോൻ ചോദിച്ച സ്ഥിതിക്ക്  അമ്മ  എവിടെ പോയതാണെന്ന്  പറയാം .!!! അന്നമ്മ സോഫിയുടെ മുഖത്തേക്ക് നോക്കി.. 

അമ്മ  എന്താ  എന്നെ  തുറിച്ചു  നോക്കുന്നത് ?? ഞാൻ പറഞ്ഞിട്ടാണോ  അമ്മ  എന്നെ കൊണ്ട്  ഡോക്ടറിന്റെ അടുത്തേക്ക് പോയത് ?? സോഫിയ ആദ്യമായി അന്നമ്മയോട്  പ്രതികരിച്ചു ...

ഡോക്ടറോ ?? ഏത് ഡോക്ടർ ?? ഇവിടെ ഡോക്ടറെ  കാണാനും വേണ്ടി ആർക്കാ  ദീനം ?? ജോഷി സോഫിയയുടെ നേരെ തിരിഞ്ഞു ...

ഞാനാണ്  ഇവളെ  നിർബന്ധിച്ചു  ആശുപത്രിയിൽ കൊണ്ടുപോയത് !!! രണ്ട്  വർഷം ആയില്ലേ  നിങ്ങളുടെ കല്യാണം കഴിഞ്ഞിട്ട് ?? ഇവൾക്കാണ്  കുഴപ്പം എങ്കിൽ അത്‌  പരിഹരിക്കണമെന്നേ  ഞാൻ കരുതിയുള്ളൂ .. അതിന്  വേണ്ടി ഞാൻ  ഇവളെ ഒരു ഗൈനെക്കോളജിസ്റ്റിനെ കൊണ്ട് കാണിച്ചു ...

അന്നമ്മ പറയുന്നത് കേട്ട്  ജോഷി പകച്ചു നിന്നു ...

എന്നിട്ട്  ഡോക്ടർ എന്ത്  പറഞ്ഞു ?? ജോഷി വിക്കി വിക്കി ചോദിച്ചു ...

സോഫിയക്ക്  ഈ സംസാരം അലോസരമായി തോന്നിയത് കൊണ്ട്  അവൾ മുറിയിലേക്ക് പോയി 

അന്നമ്മ സോഫിയ പോകുന്നത് നോക്കിനിന്നു ശേഷം ജോഷിക്ക് നേരെ തിരിഞ്ഞു ...അവര് ആളെ  കളിയാക്കി  വിട്ടു !!! അവര് പറഞ്ഞതൊന്നും നിന്നോട് പറയാൻ കൊള്ളില്ല ...ഇപ്പോൾ  എനിക്ക് അത്രേ പറയാനൊള്ളൂ .. കൂടുതൽ എന്തേലും അറിയണമെങ്കിൽ നിന്റെ ഭാര്യയോട്  ചോദിക്കണം ...

നിങ്ങളുടെ ഇടയിൽ എന്താണ് നടക്കുന്നത് എന്ന് അമ്മക്ക് അറിയില്ല ....പക്ഷെ എന്തോ കല്ലുകടി ഉണ്ടെന്ന് അമ്മക്ക് ഇന്ന് മനസ്സിലായി ...നിങ്ങൾ രണ്ടാളും അത്  പരിഹരിച്ചു മുന്നോട്ട്  പോയാൽ നിങ്ങൾക്ക് കൊള്ളാം ...അത്രേ എനിക്ക് പറയാനൊള്ളൂ ...

ജോഷി മുറിയില്ലേക്ക് കയറിപ്പോയി.. സോഫിയ ബാത്‌റൂമിൽ ആയിരുന്നു ..ജോഷി അവിടെ കട്ടിലിൽ ചെന്നിരുന്നു ...സോഫിയ  ദേഹം കഴുകിയിട്ട് ബാത്‌റൂമിൽ  നിന്ന് ടവൽ പുതച്ചുകൊണ്ട് ഇറങ്ങിവന്നു ...

ജോഷിയെ കണ്ട സോഫിയ ഒന്ന് ഞെട്ടി .. ജോഷിയെ  സോഫിയ മുറിയിൽ പ്രതീക്ഷിച്ചില്ല ..ജോഷിക്കും ലേശം ജാള്യത തോന്നി ..

ജോഷി സോഫിയെ  അടിമുടി നോക്കി ......ജൊഷിയുദെ നോട്ടം നേരിടാൻ വയ്യാതെ  സോഫിയ  നെറ്റി എടുത്തുകൊണ്ട്  ബാത്റൂമിലേക്ക് കയറി ...

വേഷം മാറി വന്ന സോഫിയ അതേ ഇരിപ്പ് ഇരിക്കുന്ന ജോഷിയെ കണ്ട് തെല്ലമ്പരന്നു ...

നീ ആശുപത്രിയിൽ പോകുന്ന കാര്യം എന്ത്കൊണ്ട് എന്നോട്  പറഞ്ഞില്ല ?? ജോഷി മുഷിച്ചിലോടെ തിരക്കി ..

സോഫിയ അതിന്  മറുപടി പറയാൻ പോയില്ല ..

സോഫി!!! ഞാൻ നിന്നോട്  ചോദിച്ചത് ??

സോഫിയ  ജോഷിക്ക് നേരെ തിരിഞ്ഞു ...

ഞാനായിട്ട് ആരോടും എന്നെ ആശുപതിയിൽ കൊണ്ടുപോകാൻ പറഞ്ഞിട്ടില്ല !! അമ്മക്ക്   ടൗണിൽ  പോകണം ഞാനും കൂടെ പോന്നേക്കണം എന്ന് രാവിലെ പറഞ്ഞു ....അങനെ കൂടെ പോയതാണ് ..ടൗണിൽ  എത്തിയപ്പോളാണ്  നമ്മൾ പോകുന്നത് ആശുപത്രിയിലേക്കാണ് എന്ന് അമ്മ പറഞ്ഞത് ..എനിക്ക് പോകാതെ  വേറെ നിവർത്തി ഇല്ലായിരുന്നു ..

പിന്നെ നമ്മുടെ ഇടയിൽ  ഒരു കൊച്ചുണ്ടാവാൻ വേണ്ടിയൊന്നും ഈ രണ്ടുവർഷത്തിനിടയിൽ സംഭവിച്ചിട്ടില്ലെന്ന് എനിക്ക് അമ്മയോട് പറയാൻ ലേശം ബുദ്ധിമുട്ടുണ്ട് ...സോഫിയുടെ സംസാരം കേട്ട് ജോഷിക്ക് ദേഷ്യം വന്നെങ്കിലും ഒന്നും മിണ്ടാതെ  നിന്നു ...

ജോഷിക്ക്  എന്നോട് ഒന്നും സംസാരിക്കാൻ ഉണ്ടാകില്ലെന്ന്  എനിക്കറിയാം ......ഈക്കലമത്രെയും ഭാര്യാ പദവി  ഒരു അലങ്കാരമായിമറ്റുള്ളവരുടെ മുന്നിൽ ഞാൻ കൊണ്ട് നടക്കുകയായിരുന്നു ...

നമ്മുടെ ഇടയിലെ ഈ മൗനം എന്നെ വീർപ്പുമുട്ടിക്കുന്നു ...ജോഷിക്ക്  ശെരിക്കും എന്താണ്  കുഴപ്പം ??? എന്താണെകിലും എന്നോട് തുറന്ന്  പറയരുതോ ?? പരിഹരിക്കാൻ കഴിയുന്നതാണെങ്കിൽ നമുക്ക്‌ പരിഹരിച്ചു മുന്നോട്ട് പോകാം ...

ഏയ്‌ .. എന്ത്  പ്രശ്നം ??അങ്ങനെ  പ്രശ്നമൊന്നും ഇല്ല ..ജോഷി നിഷേധിച്ചു ...

ശെരി  ജോഷിക്ക്  പ്രശ്നമൊന്നും ഇല്ലങ്കിൽ പിന്നെ  എന്താണ്  നമ്മുടെ ഇടയിൽ നടക്കുന്നത് എന്ന്  എനിക്ക് വ്യക്തമായ ഒരു മറുപടി ജോഷി തരണം ...ജോഷി  ഇനിയും അത്‌ മറച്ചുവെച്ചാൽ ഞാനും ചില  ഉറച്ച തീരുമാനങ്ങൾ മനസ്സിൽ എടുത്തിട്ടുണ്ട് ...അത്  ഞാൻ ചെയ്തിരിക്കും ....

സോഫിയുടെ അപ്രതീക്ഷിതമായ  സംസാരം കേട്ട്  ജോഷി ഒരു നിമിഷം പകച്ചു നിന്നു ...

അമ്മയോട് ചോദിച്ചാൽ ഉടനെ  അപ്പൻ മരിച്ചതിന്  ശേഷം നിങ്ങൾ  ഇങ്ങനെയാണെന്ന് പറഞ്ഞൊഴിയും ... എന്നാൽ  അമ്മയോട്  നിങ്ങൾക്ക് തമാശ പറയാനും മിണ്ടാനും ഒക്കെ നന്നായി കഴിയുന്നുണ്ടല്ലോ ??

അപ്പോൾ എന്നോട് മാത്രമേ ഒള്ളു  നിങ്ങളുടെ ഈ പ്രത്യേക  രീതി ... അത്  ഇനി എന്റെയടുത്തു നടക്കില്ല ...സത്യം പറയാമല്ലോ ജോഷി എനിക്ക്  ഈ ജീവിതം മടുത്തു തുടങ്ങി ... അല്ല  എനിക്ക്  തന്നെ സംശയമാണ് ഇതാണോ  ഒരു ജീവിതം ?? ഇങ്ങനെ ജീവിക്കുന്നതിലും നല്ലത് എല്ലാം അവസാനിപ്പിച്ച്  പിരിഞ്ഞു  പോകുന്നതാണ് ...

സോഫിയ !!!

എന്താണ്  നിന്റെ  പ്രശ്നം ?? ജോഷി പതിയെ  ചോദിച്ചു ..

ഞാൻ ഇത്രെയൊക്കെ സംസാരിച്ചിട്ടും ജോഷിക്ക് മനസ്സിലായില്ലെങ്കിൽ  നിങ്ങൾ നല്ലയൊരു ഡോക്ടറിനെ പോയി കാണുന്നതാണ്  നല്ലത് ?? നിങ്ങൾക്ക്  ഒരു ദാമ്പത്തിക ജീവിതം എങ്ങനെ നന്നായി  കൊണ്ടുപോകണം എന്ന് അറിയില്ല .: രണ്ടുവർഷം ആയി നമ്മുടെ വിവാഹം കഴിഞ്ഞിട്ട് ?? ഈ നിമിഷം വരെ ഓർത്ത് വെക്കാൻ  എന്തെങ്കിലും ഒരു കാര്യം നമ്മുടെ ജീവിതത്തിലുണ്ടായിട്ടുണ്ടോ ??

പലപ്പോഴും  നിങ്ങളുടെ ഈ കിടപ്പറയിലെ പേക്കുത്തുകളും ഞാൻ സഹിച്ചത് എനിക്ക്  പ്രതികരിക്കാൻ അറിയാൻ മേലാത്തത് കൊണ്ടല്ല ... സോഫിയ  പറഞ്ഞു നിറുത്തി ...

ഇനി  നിങ്ങൾക്ക്  തീരുമാനിക്കാം ..: ഈ ജീവിതം മുന്നോട്ട് കൊണ്ടുപോകണോ അതോ അവസാനിപ്പിക്കണോ ... എന്തായാലും  എല്ലാം നിങ്ങളുടെ ഇഷ്ടത്തിന്  ഞാൻ  വിട്ടുതരുന്നു ....

സോഫിയ  മുറിയിൽ നിന്ന് ഇറങ്ങിപ്പോയി ...

ജോഷി ഒരു നിമിഷം അവിടെ തറഞ്ഞു നിന്നു ...

സോഫിയ പറഞ്ഞ  ഓരോ കാര്യങ്ങളും ജോഷി ആലോചിച്ചു ...

ഇനിയും സോഫിയോട്  ഒന്നും മറച്ചുവെച്ചിട്ട് കാര്യമില്ല ... എല്ലാം അവളോട്  തുറന്ന് പറയണം ... എല്ലാം കേട്ടിട്ട് അവൾ തന്നെ തീരുമാനിക്കട്ടെ .. ബന്ധം തുടരണോ  അതോ  അവസാനിപ്പിക്കാനോ എന്ന് ....ജോഷി മനസ്സിൽ ഒരു തീരുമാനം എടുത്തു ..

വൈകുന്നേരം കുടിക്കാനുള്ള  ചായ  തയ്യാറാക്കി  സോഫിയ അന്നമ്മക്കും  ജോഷിക്കും കുടിക്കുവാനായി കപ്പിലേക്ക് പകർന്നു ...

ചായയുമായി  വന്ന സോഫിയ  കണ്ടത്  പുറത്തേക്ക് പോകാൻ തയ്യാറായി വന്ന ജോഷിയെ  ആണ് ..

സോഫിയ !!! താൻ വേഗം റെഡി ആക് ....നമ്മുക്ക്  ഒന്ന് പുറത്തു പോയിട്ട് വരാം !! ജോഷി പറഞ്ഞു ....

സോഫിയക്ക് അതിശയമായി ....അവൾ അന്നമ്മയെ നോക്കി ...

നീ എന്താ  കൊച്ചേ  എന്നെ  ഇങ്ങനെ നോക്കുന്നത് ?? അവൻ വിളിച്ചത് നിന്നെയല്ലേ ?? കണ്ണ്   മിഴിച്ചു നിൽക്കാതെ  വേഗം ഒരുങ്ങി പോകാൻ നോക്ക് ...

സോഫിയ  വേഗം തന്നെ ഒരുങ്ങി  ജോഷിയോടൊപ്പം. കാറിൽ പുറപ്പെട്ടു ...:

ജോഷി സോഫിയോട്‌ ഒന്നും സംസാരിച്ചില്ല ... അധികം  താമസിക്കാതെ  അവർ  ഒരു. ആളൊഴിഞ്ഞ  പാർക്കിൽ എത്തി ...

സോഫി ഇറങ്ങു ... 

സോഫിയ  കാറിൽ നിന്ന് ഇറങ്ങി ...

ജോഷി കാർ. ലോക്ക് ചെയ്തിട്ട്. സോഫിയയുടെ ഒപ്പം നടന്നു ..

സോഫിയ !! നീ സംശയിക്കുന്നത് പോലെ എനിക്ക്  വേറെ പ്രേമമോ  അന്യ  ബന്ധങ്ങളൊന്നും ഇല്ല  എന്നാൽ  എന്റെ ജീവിതത്തിൽ ഞാൻ പോലും മറക്കാൻ ആഗ്രഹിക്കുന്ന ചില കാര്യങ്ങൾ ഉണ്ട് ... എല്ലാം എനിക്ക് നിന്നോട്  തുറന്ന്  പറയണം... എല്ലാം കേട്ടിട്ട് നിനക്ക് എന്ത് വേണമെങ്കിലും തീരുമാനിക്കാം ...ഞാൻ  ഇത്രെയും നാൾ ഇതെല്ലാം മറച്ചു വെച്ചത്  നിന്നെ എനിക്ക് നഷ്ടപ്പെടുമോ എന്ന പേടികൊണ്ട്  മാത്രമാണ് ...

സോഫിയ  ചോദ്യഭാവത്തിൽ ജോഷിയെ  നോക്കി ...

ബന്ധനം-3

സോഫിയ !! നീ സംശയിക്കുന്നത് പോലെ എനിക്ക്  വേറെ പ്രേമമോ  അന്യ  ബന്ധങ്ങളൊന്നും ഇല്ല  എന്നാൽ  എന്റെ ജീവിതത്തിൽ ഞാൻ പോലും മറക്കാൻ ആഗ്രഹിക്കുന്ന ചില കാര്യങ്ങൾ ഉണ്ട് ... എല്ലാം എനിക്ക് നിന്നോട്  തുറന്ന്  പറയണം... എല്ലാം കേട്ടിട്ട് നിനക്ക് എന്ത് വേണമെങ്കിലും തീരുമാനിക്കാം ...ഞാൻ  ഇത്രെയും നാൾ ഇതെല്ലാം മറച്ചു വെച്ചത്  നിന്നെ എനിക്ക് നഷ്ടപ്പെടുമോ എന്ന പേടികൊണ്ട്  മാത്രമാണ് ...

സോഫിയ  ചോദ്യഭാവത്തിൽ ജോഷിയെ  നോക്കി ...

നിന്നോട്  അത് എങ്ങനെ പറഞ്ഞുതുടങ്ങണം എന്ന്  എനിക്കറിയില്ല  സോഫിയ ..ജോഷിയുടെ നെറ്റിയിൽ നിന്ന് വിയർപ്പ് പൊടിയുന്നത് കണ്ടിട്ട് സോഫിയ  സംശയത്തോടെ നോക്കി ...

ജോഷി !! എന്റെ ക്ഷമയെ പരീക്ഷിക്കരുത്  !!കുറച്ചുനേരമായി ജോഷി എങ്ങും തൊടാതെ സംസാരിക്കുന്നു ... എന്തായാലും പറയു !! സോഫിയ  ക്ഷമ നശിച്ചു ജോഷിയോട്‌ പറഞ്ഞു ...

തനിക്കറിയാമല്ലോ ഞാൻ ബോർഡിങ്ങിൽ നിന്നാണ്  പഠിച്ചത് !! അവിടുത്തെ പഠനത്തേക്കാൾ കഠിനമാണ്  അവിടുത്തെ ശിക്ഷണം .. നരകം ഇതിലും എത്രയോ ഭേദമാണെന്ന്  ഇടക്ക് തോന്നും ...

അവിടെ നിന്നപ്പോൾ പല രീതിയിലുള്ള പീഡനങ്ങളും നേരിട്ടിട്ടുണ്ട് ...ആൺകുട്ടികളെ  പീഡിപ്പിക്കുമോ  എന്ന് എല്ലാവരും ചോദിക്കുന്ന  കാലമായിരുന്നു സോഫി അത് ..അതുകൊണ്ട്  ആരോടും പറഞ്ഞിട്ട് കാര്യമില്ലായിരുന്നു ..കൂടുതൽ ശല്യം ഹോസ്റ്റൽ  വാർഡിന്റെ വക  ആയിരുന്നു ...

വീട്ടിൽ ഞാൻ അപ്പനോട്  പറഞ്ഞപ്പോൾ അപ്പൻ അത് കാര്യമാക്കിയില്ല സോഫിയ .. ക്രെമേണ എനിക്ക് സെക്സ് എന്ന് കേൾക്കുന്നത് അറപ്പും വെറുപ്പുമായി ...

പ്രകൃതിവിരുദ്ധ പീഡനം എന്നൊക്കെ ഇപ്പോൾ വാർത്ത കാണുമ്പോൾ എനിക്ക് ഒരു പുതുമ  തോന്നുന്നില്ല ..സർവ്വസാധാരണ വാർത്തകളിൽ ഒന്നാണല്ലോ !!

നമ്മുടെ വിവാഹം  ഉറപ്പിച്ചപ്പോൾ പോലും എനിക്ക് എങ്ങനെ നിന്നെ ഇങ്ങനെ ഫേസ് ചെയ്യണം എന്ന് അറിയില്ലായിരുന്നു ..

ജോഷിക്ക്  ഇതെല്ലാം എന്നോട്  നേരത്തെ പറയാമായിരുന്നില്ലേ ?? പ്രീ മാരിറ്റൽ കൗൺസിലിംഗിന് നമ്മൾ ഒരുമിച്ചു പോയതല്ലേ ?? അന്ന് എന്തുകൊണ്ട്  ഈ പ്രശ്നം പറഞ്ഞില്ല ??

അത്‌ പോട്ടേ !! ഇതാണ്  ജോഷിയുടെ  പ്രശ്നമെങ്കിൽ  പല അവസരങ്ങളും നമ്മുടെ ഇടയിൽ ഉണ്ടായിരുന്നില്ലേ ?? അന്നൊന്നും എന്തെ  എന്നോട്  ഇത് പറഞ്ഞില്ല ?? 

എന്റെ സമ്മതമോ താല്പര്യമോ നോക്കാതെ  ബെഡ്‌റൂമിൽ കാണിച്ചു കൂട്ടിയ അതിക്രമങ്ങൾ  ഒക്കെ ഞാൻ സഹിച്ചപ്പോൾ  മജ്ജയും  മാംസവും  ഉള്ള  ഒരു മനുഷ്യജീവിയാണെന്ന് ഞാനെന്ന ഒരു പരിഗണന  ജോഷി എനിക്ക് തന്നിരുന്നോ?? സോഫിയയുടെ ഓരോ ചോദ്യങ്ങളും ജോഷിയുടെ മനസ്സിൽ തറഞ്ഞുകയറി ...

ഞാൻ പറഞ്ഞല്ലോ  സോഫി ... പലപ്പോഴും നിന്നെ സമീപിക്കുമ്പോൾ മനസ്സിൽ പഴയ ഓർമ്മകൾ നുരഞ്ഞു പൊന്തി വരും ... പിന്നെ ഞാൻ കാണിച്ചുകൂട്ടുന്നത്  എന്താണെന്ന് എനിക്ക് തന്നെ അറിയില്ല. ..അങ്ങനെ സംഭവിച്ചു പോകുന്നതാണ് ...അല്ലാതെ നിന്നെ വേദനിപ്പിക്കണം എന്ന് കരുതിയില്ല ...പിന്നെ  എല്ലാം  കഴിയുമ്പോൾ  നിന്നെ ഫേസ്  ചെയ്യാൻ പറ്റാതെ  പോകും ...അതാണ് ഞാൻ നിനക്ക് മുഖം തരാതിരുന്നത് ..

ഇനി  നിനക്ക് എന്ത്  വേണേലും തീരുമാനിക്കാം... ഒന്നിനും ഞാൻ  എതിര് പറയില്ല ...ജോഷി പറഞ്ഞു ...

മ്മ് .. അതെ  ഇനിയെല്ലാം. എന്റെ  തീരുമാനം തന്നെയാണ് ... എനിക്കറിയാം എന്ത് ചെയ്യണമെന്ന് ... സോഫി  ജോഷിയുടെ മുഖത്തു നോക്കി പറഞ്ഞിട്ട് ഫോൺ എടുത്തു ഒരു നമ്പറിൽ വിളിച്ചു ...

കുറച്ചുനേരത്തെ സംസാരത്തിനു ശേഷം സോഫിയ  ഫോൺ  ഓഫ് ചെയ്തിട്ട് ജോഷിയുടെ അടുത്തേക്ക്  പോയി .. 

എന്തായാലും ഇനി ഈ പ്രശ്നത്തിന്  ഒരു പരിഹാരം കണ്ടിട്ട് വീട്ടിലേക്ക് പോകുന്നുള്ളു ..

ജോഷി എന്റെ കൂടെ ഒരു സ്ഥലം വരെ വാരാൻ തയ്യാറാണോ ??

എവിടേക്ക് ???

അതൊക്കെ കാർ സ്റ്റാർട്ട്. ചെയ്തിട്ട് പറയാം ..

വാ  സമയം കളയാതെ വേഗം പോകണം ...

സോഫിയ  കാറിൽ കയറി ..ജോഷിക്ക് ഒന്നും മനസ്സിലായില്ല ... എങ്കിലും അയാൾ സോഫിയെ അനുസരിച്ചു ...

🌿🌿🌿🌿🌿🌿🌿🌿🌿🌿🌿

ജോഷി !!! 

ഞാൻ Dr  ജയശ്രീ !! ഇന്ന് രാവിലെ  സോഫിയും നിങ്ങളുടെ അമ്മയും കൂടി എന്നെ കാണാൻ വന്നിരുന്നു ...ജോഷി സോഫിയെ നോക്കി ...

നിങ്ങളുടെ പ്രശ്നം എല്ലാം സോഫിയ  എന്നെ വിളിച്ചു പറഞ്ഞിരുന്നു ..

ഇതൊന്നും വലിയ  പ്രശ്‌നമില്ലെന്ന് ഞാൻ പറയില്ല  കാരണം  ഇത്തരം തിക്താനുഭവങ്ങൾ ചിലരുടെ ജീവിതത്തിൽ ഉടനീളം വേട്ടയാടും ... ജോഷിയുടെ ജീവിതത്തിലും അതാണ് സംഭവിച്ചിരിക്കുന്നത് ..

ജോഷിയുടെ മനസ്സിലെ സങ്കർഷങ്ങൾ കാണാനും കേൾക്കാനും അന്ന് മാതാപിതാക്കൾ  മുതിർന്നിരുനെങ്കിൽ ഇന്ന്  തനിക്ക് എന്റെ മുന്നിൽ വന്ന് ഇരിക്കേണ്ടി  വരില്ലായിരുന്നു ...

പെൺകുട്ടികൾ പീഡനം  അനുഭവിക്കുന്ന  അതെ അനുപാതത്തിൽ ആൺകുട്ടികളും പീഡനം അനുഭവിക്കുന്നുടെന്നുള്ളത് ഒരു വസ്തുത തന്നെയാണ് ...

ജോഷി ഒന്നുകൊണ്ടും പേടിക്കേണ്ട !! ജോഷിയുടെ ഈ പ്രശ്നം നമ്മുക്ക്  പെട്ടെന്ന്. തന്നെ പരിഹരിക്കാം ... നിങ്ങൾ രണ്ടാളും നാളെ തന്നെ  ഞങ്ങളുടെ ഹോസ്പിറ്റലിൽ ഉള്ള  സൈക്കോളജിസ്റ്റിനെ കാണണം ... അദ്ദേഹം നല്ലയൊരു ഫാമിലി കൗൺസെല്ലർ കൂടിയാണ് ... 

ജോഷി സംശയത്തോടെ Dr ജയശ്രീയെ നോക്കി ...

ജോഷിയുടെ നോട്ടത്തിന്റെ അർഥം എനിക്ക് മനസ്സിലായി ... 

എടൊ !! ഇതും ഒരുതരത്തിൽ ഒരു മാനസീക  പ്രശ്നമാണ് ... അതുകൊണ്ടാണ്  സോഫിയെ  സമീപിക്കുമ്പോൾ പഴയ  ഓർമ്മ എല്ലാം  തന്നെ  വേട്ടയാടുന്നത് .. അത്‌  മരുന്ന്  കഴിച്ചാലൊന്നും പോകുന്ന  ഒന്നല്ല ... അതിനെ വേരോടെ പിഴുതെടുത്തു കളയണമെങ്കിൽ കുറച്ചു കൗൺസിലിങ്  ക്ലാസുകൾ അറ്റൻഡ്  ചെയ്യണം ...

ഞാൻ പറയുന്നത്  രണ്ടാൾക്കും മനസ്സിലായോ ...

സോഫിയ  ഇനി ഒന്ന്  പുറത്തിരിക്കണം !! എനിക്ക് ജോഷിയോട്‌  മാത്രമായി  സംസാരിക്കണം ... Dr ജയശ്രീ പറഞ്ഞു ...

സോഫിയ  ജോഷിയെ ഒന്ന് നോക്കിയിട്ട്  അവിടെനിന്നും എഴുനേറ്റ്  പോയി ....

ജോഷി !!

ഭാര്യാഭർത്തൃബന്ധത്തെ  ദൃഡപെടുത്തുന്ന  ഒരു സുപ്രധാന ഘടകമാണ് ലൈംഗീകത !! എന്നാൽ സൂക്ഷ്മതയോടെ കൈകാര്യം ചെയ്തില്ലെങ്കിൽ ജീവിതം പാളി പോകും ... സോഫിയ  നല്ല കുട്ടിയായത് കൊണ്ടല്ലേ ജോഷി  താൻ ഇത്രെയൊക്കെ  അവളെ അവഗണിച്ചിട്ടും തന്നെ വിട്ടുപോകാതെ ഇരുന്നത് ...ജോഷി  ഒരിക്കലും ഒരു ഭോഗവസ്തുവായി  തന്റെ ഭാര്യയെ കാണുകയോ സമീപിക്കുവോ  ചെയ്യരുത് ... അത്  വളരെ തെറ്റായ  ഒരു ചിന്തയാണ് ... അവളെ  മനസ്സ് നിറഞ്ഞു സ്നേഹിക്കുക ഒപ്പം മനസ്സിൽ ഒന്നും കൊണ്ടുനടക്കാതെ അവളോട് എല്ലാം  തുറന്നു പറയുക ... അവൾ  തനിക്ക്  ഈശ്വരൻ തന്ന  ഏറ്റവും വലിയ സമ്മാനമായി കണ്ട് ജീവിതം മുന്നോട്ട്  കൊണ്ടുപോവുക ....

നാളെ തന്നെ  ഞാൻ. പറഞ്ഞതുപോലെ  കൗൺസിലിങ് അറ്റൻഡ് ചെയ്തോളു ... എല്ലാം ശെരിയാകും ...

ഇനിയെനിക്ക് സംസാരിക്കാനുള്ളത് സോഫിയോടാണ് ..ജോഷി പുറത്തുപോയിട്ട്  സോഫിയെ  ഇങ്ങോട്ട് പറഞ്ഞുവിടു ...

ജോഷി  എഴുനേറ്റ് പോയി ... സോഫിയോട് ഡോക്ടർ വിളിക്കുന്ന  കാര്യം പറഞ്ഞു ...

സോഫിയ  ഡോക്ടർക്ക്  അഭിമുഖമായി ഇരുന്നു ....

ജോഷിയുടെ യഥാർത്ഥ  പ്രശ്നം എന്താണെന്ന്  സോഫിക്ക് ഇപ്പോൾ മനസ്സിലായല്ലോ ?? മുൻപ് ഞാൻ പറഞ്ഞത് പോലെ  അത്‌ ലളിതമായി പരിഹരിക്കാവുന്ന  ഒന്നാണ് ...പിന്നെ  പെട്ടെന്ന് അതിന്റെ ഫലം ചിലപ്പോൾ കണ്ടില്ലെന്ന് വരാം ..സോഫിയ  കുറച്ചു കാത്തിരിക്കേണ്ടി വരും .. അതിന്  മോള് തയ്യാറാണോ ?? Dr  ജയശ്രീ  ചോദിച്ചു ...

അതെ  മാഡം !! ഞാൻ കാത്തിരിക്കാൻ തയ്യാറാണ് ...ജോഷിയുടെ പ്രശ്നം  എന്നോട്  നേരത്തെ തന്നെ  പറയാമായിരുന്നു ...അത്  പറയാതിരുന്നതിൽ ഉള്ള  പരാതി  മാത്രമേ  എനിക്ക് ഇപ്പോൾ ജോഷിയോടൊള്ളു ...

മ്മ് ....നല്ല കാര്യം  അപ്പോൾ  ഞാൻ പറഞ്ഞത്  പോലെ രണ്ടാളും നാളെ തന്നെ കൗൺസിലിങ്  അറ്റൻഡ് ചെയ്തോളു ...

മാഡം !!! എങ്ങനെ നന്ദി  പറയണമെന്ന് അറിയില്ല !! മാഡം  എന്റെ കാര്യം  ഒരുപാട്‌ പേർസണൽ ആയി  എടുത്തത്  കൊണ്ടും  മാഡം എനിക്ക്  തന്ന ധൈര്യം കൊണ്ടുമാണ്   ഇത്രെയും എളുപ്പത്തിൽ  യഥാർത്ഥ  പ്രശ്നം എനിക്ക് കണ്ടെത്താനായത് ...സോഫി  നന്ദിയോടെ Dr  ജയശ്രീയുടെ  മുഖത്തേക്ക് നോക്കി ...

മോളെ ... പെൺകുട്ടികൾ അടക്കവും  ഒതുക്കവും ഉള്ളവർ ആകുന്നതിൽ തെറ്റില്ല ...നല്ലത് തന്നെ  അതിന്റെ കൂടെ തന്നെ അവർക്ക്  ധൈര്യവും എന്ത്  പ്രശ്നം വന്നാലും നേരിടാൻ ഉള്ള  ചങ്കുറ്റവും വേണം ...എന്നാലേ ഈ സമൂഹത്തിൽ ജീവിക്കാൻ പറ്റൂ ......നിനക്ക് വേണ്ടി സംസാരിക്കാൻ നീ മാത്രമേ ഒള്ളു എന്ന ബോദ്യം ഉണ്ടാകുന്ന  ആ നിമിഷം നിന്റെ ഉള്ളിൽ  ആ കരുത്ത് ആർജ്ജിക്കണം ...

മനസ്സിലായോ ....

ഇനി  രണ്ടാളും എന്റെ മുന്നിൽ വരേണ്ടത്  തന്റെ അമ്മായിയമ്മ ഇവിടെ എന്റെ മുന്നിൽ നിന്നെ കൊണ്ടുവന്നു നിറുത്തിയതിന്റെ മറുപടി  കൊടുക്കാനാവണം  കേട്ടോ ...അത്  മാത്രമല്ല  ചെറുതാണെങ്കിലും ഒരു ജോലി  നേടാൻ മോള്  ശ്രമിക്കണം .. അപ്പോൾ  നീ മിടുമിടുക്കി ആകും ...

സോഫിയ  ചിരിച്ചുകൊണ്ട് തലയാട്ടി ...

🌿🌿🌿🌿🌿🌿🌿🌿🌿🌿🌿🌿

Dr ജയശ്രീയുടെ നിർദേശ പ്രകാരം ജോഷിയും സോഫിയയും കൗൺസിലിങ്ങിന്  വിധേയരായി .. പതിയെ പതിയെ ജോഷിയിൽ മാറ്റങ്ങൾ കണ്ടുതുടങ്ങി ...സോഫിയുടെ സ്നേഹപരമായ  കരുതലും ഇടപെടലും ജോഷിക്ക്  മാനസീകമായ ഉണർവുണ്ടായി ...

പരസ്പരം മത്സരിച്ചു അവർ സ്നേഹിച്ചു .. എല്ലാകാര്യങ്ങളും പരസപരം തുറന്നുപറഞ്ഞും പങ്കുവെച്ചും അവർ ജീവിതം ആസ്വദിക്കാൻ തുടങ്ങി ...മക്കളുടെ  സന്തോഷകരമായ ദാമ്പത്യ ജീവിതം  കണ്ട് അന്നമ്മ  മനസ്സാൽ ആനന്ദിച്ചു ...

🌿🌿🌿🌿🌿🌿🌿🌿🌿🌿🌿🌿

മൂന്നുമാസത്തിനു ശേഷമുള്ള  ഒരു സായാഹ്നം ... 

Dr ജയശ്രീ  ചായ കപ്പിൽ പകരുകയായിരുന്നു ...

പെട്ടെന്ന് ഫോൺ  ബെൽ അടിച്ചു .. Dr ജയശ്രീ ഫോണിൽ  നോക്കി ....

സോഫിയ ജോഷി  കാളിങ് !!!!

Dr ജയശ്രീ ഫോൺ  എടുത്തു ...

പറയു  സോഫിയ വിശേഷങ്ങൾ ....സുഖമാണോ ???

അതെ മാഡം  സുഖമായിരിക്കുന്നു ... കൗൺസിലിങ് എല്ലാ  അർത്ഥത്തിലും ഫലം കണ്ടു ...ജോഷി ആകെ  മാറി മാഡം ... മാത്രമല്ല  ഇപ്പോൾ ജോഷി നടത്തുന്ന  ബിസിനസ്   അക്കൗണ്ട്സ് എല്ലാം  എന്നെയാണ്  നോക്കാൻ ഏൽപ്പിച്ചിരിക്കുന്നത് ......അതൊരു ജോലിയായി തന്നെ എനിക്ക് അദ്ദേഹം തന്നു  ... സാലറിയും ഉണ്ട് ... 

അപ്പോൾ  നീ ഹാപ്പി ആണ് ...അത്രെയും മതി ......എനിക്ക് സന്തോഷമായി മോളെ ...

മാഡം !! പിന്നെ ഞാൻ വിളിച്ചത് ...എനിക്ക്  രണ്ട്  ദിവസമായി ചില  സംശയങ്ങൾ ഉണ്ടായിരുന്നു ... പീരിയഡ്‌സ് മുടങ്ങിയിട്ട്  പത്തു ദിവസം ആയിരുന്നു ...ഞാൻ ഇപ്പോൾ ഒന്ന്  ടെസ്റ്റ് ചെയ്തു നോക്കി ...നാളെ  ഞങ്ങൾ മാഡത്തിനെ ഹോസ്പിറ്റലിൽ വന്ന്  കാണട്ടെ ??

ആഹാ !! അത്  എന്ത്  ചോദ്യമാണ്  സോഫി ??? ഇത്  ഇപ്പോൾ ഇരട്ടി  സന്തോഷമായല്ലോ!!! നാളെ രാവിലെ തന്നെ രണ്ടാളും എന്റെ അടുത്ത്  വന്നേക്കണം കേട്ടോ !!!

Dr  ജയശ്രീ  ഫോൺ  ഓഫ് ചെയ്തിട്ട്  ചിരിച്ചു ...

എന്താ  അമ്മേ  നല്ല സന്തോഷത്തിലാണെല്ലോ ?? എന്തുപറ്റി ?? യൂണിഫോമിൽ  വന്ന് കയറിയ  അഗ്നി   തിരക്കി ..

ആഹാ ...നീ ഇന്ന് പതിവിലും നേരത്തെ  ആണെല്ലോ ?? നീ പോയി വേഷം മാറി വാ 

...അമ്മ ചായ  എടുക്കാം ...Dr ജയശ്രീ  എഴുന്നേറ്റു ..

ചായ ഒക്കെ എടുക്കാൻ വരട്ടെ  അമ്മേ !! അമ്മയുടെ ഇപ്പോഴത്തെ സന്തോഷത്തിന്റെ കാരണം എന്നോട് കൂടെ പറഞ്ഞിട്ട് പോയാൽ മതി ...

നിന്നോട് ഞാൻ  എന്നെ കാണാൻ വന്ന ഒരു സോഫിയയുടെ കാര്യം പറഞ്ഞിട്ടില്ലേ ?? ഹസ്ബൻഡ് കുറച്ചു  വൈകാരിക  പ്രശ്നങ്ങൾ ഉള്ള  ഒരു ആള് ...Dr  ജയശ്രീ  പറഞ്ഞു ...

മ്മ് ...എനിക്ക് ഓർമ്മയുണ്ട് അമ്മേ ...

ഞാൻ പറഞ്ഞത്  പോലെ അവർ കൗൺസിലിങ് ഒക്കെ അറ്റൻഡ് ചെയ്ത്  ജീവിതം തിരിച്ചു പിടിച്ചു ...ഇന്ന് രണ്ടാളും ഹാപ്പി ആണ് ......ഒപ്പം സോഫിയക്ക്‌  വിശേഷം ഉണ്ട് ...അത്  പറയാനും കൂടി വിളിച്ചതാണ് ...Dr  ജയശ്രീ പറഞ്ഞു ...

അത് കലക്കിയല്ലോ അമ്മേ ...അമ്മ  ശെരിക്കും ഒരു ഓൾ റൗണ്ടർ ആണ് കേട്ടോ ...

മോളെ  അഗ്നി !!! ഞാൻ ഇതെല്ലാം ചെയ്യുന്നത് ആർക്കുവേണ്ടിയാണെന്ന്  നിനക്കറിയില്ലേ ???

Dr  ജയശ്രീ കണ്ണട ഊരി  നിറഞ്ഞു വന്ന  കണ്ണുകൾ ഒപ്പി ...

അഗ്നി  പതിയെ  തിരിഞ്ഞു  ചുവരിലേക്ക് നോക്കി ... മാലയിട്ട്  വിളക്കിന്റെ പ്രകാശത്തിൽ ജ്വലിച്ചു നിൽക്കുന്ന അവളുടെ ചേച്ചിയുടെ  മുഖത്തേക്ക്  "അഖില"...

അമ്മേ അമ്മ എപ്പോഴും പഴയ കാര്യങ്ങൾ ഓർത്തു കരയാതെ !!! അമ്മ കരഞ്ഞാൽ ചേച്ചീ തിരിച്ചു വരില്ലെന്ന് അമ്മക്ക് അറിയില്ലേ ?? നിറകണ്ണുകളോടെ അഗ്നി ജയശ്രീയോട്  ചോദിച്ചു ...

അറിയാം മോളെ !!! ഞാനെന്നല്ല ...ആര്  വിളിച്ചാലും വരാത്തത്ര  ദൂരത്തേക്ക്  അല്ലേ  അവൾ പോയത് ?? എന്റെ പൊന്നുമോളുടെ ജീവിതം ഒരു മുഴം കയറിൽ അവസാനിപ്പിക്കാൻ കാരണക്കാരി ഞാനും കൂടിയല്ലേ മോളേ ?? ജയശ്രീ മുഖം പൊത്തി നിന്ന് വിതുമ്പി ...

വലിയ  പ്രതീക്ഷയോടെ എന്റെ അഖില മോളെ നിന്റെ അച്ഛനും ഞാനും  വിവാഹം കഴിച്ചുവിട്ടത് ...അവൾക്ക് കിട്ടാവുന്നതിൽ വെച്ച് ഏറ്റവും നല്ല ബന്ധമെന്ന്  വിശ്വസിച്ചു ഞാനും ശ്രീയേട്ടനും കൂടി അവർ ചോദിച്ചതിലും കൂടുതൽ സ്ത്രീധനം കൊടുത്തു അവളെ സന്തോഷത്തോടെ പറഞ്ഞുവിട്ടു ...

ചെന്നുകയറിയതിന്റെ പിറ്റേ ദിവസം മുതൽ അഖില മോള് ഓരോ പ്രശ്നങ്ങൾ പറഞ്ഞു വിളിക്കുവാൻ തുടങ്ങി ...വീട്ടിൽ നിന്ന് ആദ്യമായി മാറി നിൽക്കുന്നതിന്റെ  ബുദ്ധിമുട്ടായി ഞങ്ങൾ തെറ്റിദ്ധരിച്ചു ..അഖിലയുടെ ഭർത്താവ് ശ്യാമെന്ന്  പറയുന്ന ആ ചെകുത്താൻ എന്റെ മോളെ കൊല്ലാതെ കൊല്ലുവാണെന്ന് അറിയാൻ ഞങ്ങൾ വൈകിപ്പോയി മോളെ ......പകപൊഴും അഖിലമോൾ ഓരോ ബുദ്ധിമുട്ടുകളും പറഞ്ഞപ്പോൾ ഞങ്ങൾ അത് കാര്യമാക്കിയില്ലന്ന് വേണം പറയാൻ ...

ഒരു ദിവസം രാത്രി ......അ നശിച്ച  രാത്രി .....അവള് ഇനി ജീവിച്ചിരിക്കില്ലന്ന്  പറഞ്ഞു കരഞ്ഞുകൊണ്ട്  ഞങ്ങളെ  വിളിച്ചു ......ഞങ്ങൾ അവിടെ എത്തുമ്പോഴേക്കും എല്ലാം  കഴിഞ്ഞിരുന്നു ......പൊന്നുപൊലെ വളർത്തിയ കുഞ്ഞിന്റെ ശരീരം ചേതനയറ്റു ഫാനിൽ  തൂങ്ങിയാടുന്നത് കണ്ട്  കുഴഞ്ഞുവീണ  എന്റെ ശ്രീയേട്ടൻ പിന്നെ  ഉണർന്നില്ല .. 

അഖിലമോളെ  തനിച്ചുവിടാൻ ആ മനസ്സിന്  തോന്നിക്കാണില്ല ...അതാണ്  മോളോടൊപ്പം അച്ഛനും നമ്മളെ തനിച്ചാക്കി  പോയത് ...ജയശ്രീ  പറഞ്ഞുകൊണ്ടിരുന്നു ...

എല്ലാം കഴിഞ്ഞ കാര്യം തന്നെയാണ് മോളേ ...അത് ഈ അമ്മക്കറിയാം ..

മോള് ഇപ്പോൾ പറഞ്ഞില്ലെ അമ്മ ഓൾ റൗണ്ടർ ആണെന്ന് ...

എന്റെ മുന്നിൽ വന്ന്  നിസ്സഹായതയോടിരിക്കുന്ന ഓരോ പെൺകുട്ടിയിലും ഞാൻ എന്റെ അഖില മോളെ കാണുന്നുണ്ട് ......ഒരു ഡോക്ടറെക്കളെന്നതിലുപരി ഞാൻ പലപ്പോഴും അവർക്ക് ഒരു വഴികാട്ടിയാകുന്നത് വീണ്ടും എന്റെ മോളുടെ  ദുർഗതി  ആർക്കും വരാതിരിക്കാൻ വേണ്ടിയാണ് ..

അമ്മ ചെയ്യുന്നത്  വലിയ  കാര്യം തന്നെയാണ് ... മറ്റൊരു ലോകത്തിരുന്നു  അഖില ചേച്ചീ  ഇതെല്ലാം കണ്ട് സന്തോഷിക്കുന്നുണ്ടാവും ......അഗ്നി ജയശ്രീയെ  ആശ്വസിപ്പിച്ചു ...

ഇതെല്ലാം  മനുഷ്യരുടെ  ഓരോ അന്ധ വിശ്വാസങ്ങൾ അല്ലെ മോളെ !!!!അവിടെയാണ് മോളെ നമ്മൾ മനുഷ്യർക്ക് തെറ്റുപറ്റുന്നത് ...ജീവിച്ചിരിക്കുമ്പോൾ സ്നേഹിക്കാതെയും ,കരുതാത്തയും ,

തിരിഞ്ഞുനോക്കാതെ ഉപേക്ഷിക്കുകയും ചെയ്തിട്ട്  മരിച്ചു  നമ്മളെ  വിട്ട്  നമ്മുടെ പ്രീയപെട്ടവർ പോയതിന് ശേഷം  കുറെ ബലി ചോറ് കാക്കയെ കഴിപ്പിച്ചിട്ട് എന്ത്  പ്രയോജനം ??

നീ ജീവിച്ചിരിക്കുമ്പോൾ സ്നേഹത്തോടെ ..മനസ്സോടെ ഒരു ഉരുള  ചോറ്  നിന്റെ പ്രീയപെട്ടവർക്ക് കൊടുക്ക് ..അവർ മനസ്സ് നിറഞ്ഞു  നിനക്കും നിന്റെ തലമുറക്കും  വേണ്ടി  ഈശ്വരനോട് പ്രാർത്ഥിക്കും ...ആ പുണ്യം മതി  ഒരു ആയുഷ്കാലം മുഴുവൻ സംതൃപ്തിയോടെ ജീവിക്കാൻ ...Dr ജയശ്രീ  പറഞ്ഞു ...

പിന്നെ  എന്റെ അഖിലമോളെ  ഇല്ലാതാക്കിയ ആ ചെകുത്താൻ !!! അവനുള്ള ശിക്ഷ ഞാൻ മുടങ്ങാതെ ഉപാസിക്കുന്ന  എന്റെ ശ്രീപരമേശ്വരൻ കൊടുത്തോളും മോളെ ....

മതി  അമ്മ പറഞ്ഞത് !!! എനിക്ക് വേഗം ചായ എടുക്ക് ... ഞാൻ ആകെ ക്ഷീണിച്ചാണ് വന്നിരിക്കുന്നത് ......അഗ്നി വിഷയം മാറ്റി  ജയശ്രീയെ അടുക്കളയിലേക്ക് പറഞ്ഞുവിട്ടു ...

അഗ്നി  അഖിലയുടെ ചിത്രത്തിന്റെ അരികിൽ പോയി നിന്നു ... അഗ്നി  അഖിലയുടെ  കണ്ണുകളിലേക്ക് നോക്കി ... ആ കണ്ണുകൾ തന്നോട്  നന്ദി പറയുന്നതായി അഗ്നിക്ക് തോന്നി ...

ചേച്ചീ  എന്റെ ചേച്ചിക്ക്  നീതി വാങ്ങിത്തരാൻ വേണ്ടിയാണ് ഈ അഗ്നി കഷ്ടപ്പെട്ട് ഈ കാക്കി കുപ്പായം നേടിയെടുത്തത് ...

രണ്ടുകൊല്ലം  മുൻപ്  നടന്ന  ഒരു വ്യാജ ഏറ്റുമുട്ടലിൽ ശ്യാം ഉൾപ്പടെ  ആറുപേരെ  എൻകൗണ്ടർ ചെയ്തത്  അഗ്നി ശ്രീകാന്ത് IPS  എന്ന  ചേച്ചിയുടെ സ്വന്തം അഗ്നിയാണ് ചേച്ചീ ...

ശ്യാമിനോടൊപ്പം കൊല്ലപ്പെട്ടവരും  പല പെൺകുട്ടികളെ മൃഗീയമായി പീഡിപ്പിക്കുകയു അരുംകൊല ചെയ്തവരുമാണ് ... അവർ യാതൊരു വിധത്തിലും ഉള്ള ദയ അർഹിക്കുന്നില്ല ചേച്ചീ ...

ഇവർ  ജയിലിൽ കിടന്ന്  പത്തും പതിനാലും  വർഷം തിന്നു കൊഴുക്കത്തെ ഒള്ളു  എന്ന്  നല്ല  ബോദ്യം ഉള്ളത്  കൊണ്ടാണ്  ഒരു അവസരം ഒപ്പിച്ചു  ഇവരെ പുറത്തുചാടിച്ചതും ആരും അറിയാതെ തീർത്തു കളഞ്ഞതും ...

ഈ ആറുപേരെ കൊന്നുകളഞ്ഞത് കൊണ്ട് നമ്മുടെ നാട്  നന്നാവില്ലന്ന് അറിയാം ... എങ്കിലും അവന്മാരുടെ കൈകളിൽ കിടന്ന് പിടഞ്ഞ  പാവം ജീവനുകൾ ഉണ്ടല്ലോ ... അവരുടെ ആത്മാക്കൾ അലഞ്ഞുതിരിഞ്ഞു  നടക്കാതിരിക്കാൻ വേണ്ടി  മാത്രമായി ചെയ്തു ....

അഗ്നി ...തിരിഞ്ഞു  മുറിയിലേക്ക് നടന്നു ... അഖിലയുടെ മുന്നിലെ  കെടാവിളക്ക് ശോഭയോടെ ജ്വലിച്ചു നിന്നു ....

ശുഭം

📝SHEROON4S