💖 വിടപറയും നേരം 💖 ഫുൾ പാർട്ട് 💖

💖 വിടപറയും നേരം 💖 ഫുൾ പാർട്ട് 💖 

നാന്ദേട്ടാ .... ഇനി ഒന്നും പറഞ്ഞു ഒഴിഞ്ഞുമാറാൻ നോക്കേണ്ട !!!

വസുന്ദരാമ്മ പറഞ്ഞു ഇപ്പോൾ വന്നിരിക്കുന്നത്  നല്ല  ആലോചന ആണെന്നും ജാതകങ്ങൾ തമ്മിൽ നല്ല പൊരുത്തമുണ്ടെന്നും ...ഇനിയും വെച്ച് താമസിപ്പിക്കേണ്ട  എന്നാണ്  എനിക്കും പറയാനുള്ളത് ...അശ്വതി ഒരു ദീർഘനിശ്വാസം എടുത്തു ....

നന്ദൻ  അശ്വതി പറഞ്ഞത് ഗൗനിക്കാതെ  മരുന്നിന്റെ  കുറിപ്പടി  നോക്കുകയായിരുന്നു ...ദേ അച്ചു .....നീ മരുന്നൊന്നും കൃത്യമായി കഴിക്കുന്നില്ലെന്ന് ഇന്ന്  എനിക്ക് മനസ്സിലായി .....ഞാൻ അപ്പച്ചിയെ  ഒന്ന് കാണട്ടെ ...ആൾക്ക്  ഇവിടെ എന്താണ്  എത്ര പണിയെന്നു അറിയണമല്ലോ ??? നിനക്ക്  ഈ മരുന്നുപോലും കൃത്യമായി തരാൻ കഴിയില്ലെങ്കിൽ എന്നോട്  പറയട്ടെ !! ഞാൻ ഒരു  ഹോം നഴ്സിനെ വെക്കാം...ആഴ്ചയിൽ ഒരിക്കൽ വരുമ്പോൾ തന്നെ  കാണുന്നത്  മൊത്തം താളം തെറ്റി കിടക്കുന്നതാണ് ...നന്ദൻ ദേഷ്യപ്പെട്ടു ....

നന്ദേട്ടൻ അമ്മയോട്  ദേഷ്യപ്പെടേണ്ട കാര്യമില്ല ...അമ്മ  കഴിക്കാനുള്ള മരുന്ന്  കൃത്യസമയം തന്നെ എടുത്തുവെക്കാറുണ്ട്  ...കഴിക്കാത്തത്  ഞാനാണ് ...ചിലപ്പോൾ തോന്നും എന്തിനാണ്  ഈ മരുന്നെല്ലാം കഴിക്കുന്നത് എന്ന് ???ഈ മരുന്നുകൊണ്ടൊന്നും  മാറുന്നതല്ല എന്റെ അസുഖമെന്ന്  ഇത്‌  കുറിച്ചുതന്ന ഡോക്ടറിനും അറിയാം എനിക്കും അറിയാം ... കയ്യിലെ പൈസ കളയാൻ വേണ്ടി  വെറുതെ  നന്ദേട്ടൻ ഇനി ഈ മരുന്നുകൾ വാങ്ങേണ്ട കേട്ടോ ...അശ്വതി  നിർവികാരമായി പറഞ്ഞു ...

നന്ദേട്ടൻ ദേഷ്യത്തോടെ അശ്വതിയെ നോക്കി ...

നന്ദേട്ടൻ എന്നെ തുറിച്ചു  നോക്കേണ്ട !! നന്ദേട്ടന്  ഉറപ്പുണ്ടോ എന്റെ അസുഖം ഭേദമാകുമെന്ന് ?? 

മ്മ് ,, ഉറപ്പുണ്ട് !! ആ ഉറപ്പുള്ളത് കൊണ്ടാണല്ലോ  ഞാൻ എന്റെ കാന്താരി പെണ്ണിനെ  കാണാൻ  ആഴ്ചയിൽ ഓടി വരുന്നത് ...

നാന്ദേട്ടാ ...എനിക്ക്  ആ ഉറപ്പില്ല .....കഴിഞ്ഞ ദിവസം വസുന്ദരാമ്മ  എന്നെ കാണാൻ വന്നിരുന്നു ......ഒരു സുന്ദരി കുട്ടിയുടെ ഫോട്ടോയും  കാണിച്ചു ...ആള് നമ്മുടെ യുപി സ്കൂളിലെ  കണക്ക് ടീച്ചർ ആണ് ...നന്ദേട്ടന്  നന്നായി  ചേരുന്ന കുട്ടിയാണെന്ന് ഫോട്ടോ  കണ്ടപ്പോൾ തന്നെ ബോധ്യമായി .. അമ്മയെ വിഷമിപ്പിക്കാതെ  അത്രേടം വരെ പോയി ആ കുട്ടിയെ ഒന്ന് കാണ് നാന്ദേട്ടാ .... അശ്വതി കെഞ്ചി പറഞ്ഞു ...

മ്മ് ....ഞാൻ ഇറങ്ങുവാ !! നന്ദൻ മുറിയിൽ നിന്ന്  ഇറങ്ങാൻ ഒരുങ്ങിയതും  അശ്വതി വിളിച്ചു ...

നന്ദേട്ടൻ ഒന്നും പറഞ്ഞില്ല !!!

പറയാൻ ഉള്ളത്  പറയേണ്ടവരോട്  ഞാൻ പറഞ്ഞോളാം  !! നീ അതോർത്തു ആശങ്കപെടെണ്ടാ കേട്ടോ ??

അശ്വതിയെ ഒന്ന് നോക്കിയ ശേഷം നന്ദൻ മുറി വിട്ട് പോയി ...

💝💝💝💝💝💝💝💝

തുളസിഅപ്പച്ചി !!

നന്ദൻ അടുക്കളയിലേക്ക് നോക്കി നീട്ടി വിളിച്ചു !!! 

ദാ  മോനെ  വരുന്നു !!!

എന്റെ അപ്പച്ചി  എന്തായിത് ??അശ്വതി മരുന്നൊന്നും കൃത്യസമയത്തു കഴിക്കുന്നില്ല  അല്ലേ ?? 

എന്റെ നന്ദാ  അവളുടെ സ്വഭാവം നിനക്ക് ഞാൻ പറഞ്ഞുതരേണ്ട കാര്യം ഉണ്ടോ ??

എനിക്ക്  പറയാനല്ലേ മോനെ പറ്റൂ !!! അവൾക്ക്  ഇപ്പൊ  ആകെ ഒരു മരവിപ്പാണ് !! എനിക്കും നിനക്കും പ്രതീക്ഷ ഉണ്ട് എന്നാൽ അവൾക്ക്  ഇപ്പോൾ പഴയപോലെ ഒരു ആത്മവിശ്വാസം ഇല്ല ...

അപ്പച്ചിയും കൂടി  അറിഞ്ഞിട്ടാണോ അമ്മ എനിക്ക് വിവാഹം ആലോചിച്ചത് ??

എന്റെ മോനെ  നീ  ഏട്ടത്തിയെ ഒന്നും പറയരുത് !! അശ്വതിയുടെ നിർബന്ധം സഹിക്കാൻ വയ്യാതെയാണ്  പാവം ഇങ്ങനെ ഒരു ആലോചന  നോക്കിയത് ... നീ ഏട്ടത്തിയോട്  ദേഷ്യപ്പെടാൻ ഒന്നും പോകരുത് ...

അപ്പോൾ അശ്വതിക്ക്  വേണ്ടി ഓരോ ദിവസവും കാത്തിരിക്കുന്ന  ഞാൻ ഒരു വിഡ്ഢി ആണ്  അല്ലേ  അപ്പച്ചി ??? നന്ദന്റെ കണ്ണ് നിറഞ്ഞു ...

അങ്ങനെയൊന്നും പറയല്ലേ മോനെ !!! എനിക്ക്  നീയും അവളും ഒരുപോലെയാണ് ...നിങ്ങൾ ഒരുമിച്ചു ജീവിക്കുന്നത് കാണാൻ കൊതിച്ചവരാണ്  ഞാനും നിന്റെ അമ്മയും... എന്നാൽ ഇപ്പോൾ  അശ്വതിമോളുടെ  അവസ്ഥ കണ്ടുകൊണ്ട്  നിന്റെ ജീവിതത്തിലേക്ക്  അവളെ പറഞ്ഞുവിടാൻ ഞാൻ ഒരുക്കമല്ല ...നിനക്കെങ്കിലും  ദീർഘയുസ്സുള്ള ഒരു കുടുംബജീവിതം ഉണ്ടാവണമെന്ന് ഞങ്ങൾ ആഗ്രഹിക്കുന്നതിൽ തെറ്റുണ്ടോ നന്ദാ ??? തുളസി നിന്നു വിതുമ്പി ....

ഇല്ല ... നിങ്ങളുടെ ആരുടെ ഭാഗത്തും തെറ്റില്ല  അപ്പച്ചി ...തെറ്റ്  മുഴുവൻ എന്റെ ഭാഗത്തു മാത്രമാണ് ...

അപ്പച്ചി പറഞ്ഞല്ലോ ... ദീർഘയുസ്സുള്ള ഒരു കുടുംബജീവിതം എനിക്ക്  ഉണ്ടായി കാണാൻ എല്ലാവരും ആഗ്രഹിക്കുന്നു എന്ന് ?? ഞാൻ മറ്റൊരു. വിവാഹം കഴിച്ചാൽ അങ്ങനെയൊരു ജീവിതം ഉണ്ടാകുമെന്ന്  അപ്പച്ചിക്ക് ഉറപ്പുണ്ടോ ??

രണ്ടുവർഷം മുൻപ്  എന്റെയും അശ്വതിയുടെയും ജാതകം നോക്കിയപ്പോൾ കണിയാര് ഗണിച്ചു പറഞ്ഞതും ഇതേ ദീർഘയുസ്സുള്ള ദാമ്പത്യ ജീവിതമല്ലേ ?? എന്നിട്ട്  ഇപ്പോൾ പറയുന്നു  അശ്വതിയെ മറന്ന്  മറ്റൊരു കുട്ടിയെ കെട്ടാൻ !! നിങ്ങളെ പോലെയൊന്നും മാറി മാറി ചിന്തിക്കാനും തീരുമാനം എടുക്കാനും എന്നെ കൊണ്ട്  കഴിയില്ല ...

എനിക്ക് ഒരു ജീവിതം ഉണ്ടെങ്കിൽ അത്‌ അശ്വതിയോടൊപ്പം ആയിരിക്കും .....ആ ജീവിതത്തിന്  ഈശ്വരൻ ഒരു ആയുസ്സ് നിശ്ചയിച്ചിട്ടുണ്ടാകും !! അതുവരെ ഞങ്ങൾ ഒന്നായി തന്നെ ജീവിക്കും ...അതിന് ഒരു നീർകുമിളയുടെ ആയുസ്സേ ഉള്ളെങ്കിൽ പോലും എനിക്ക് സന്തോഷമേ ഒള്ളു അപ്പച്ചി .... നന്ദന്റ കണ്ണുകൾ നിറഞ്ഞു ...

ഞാൻ  ഇറങ്ങുന്നു അപ്പച്ചി ...നന്ദൻ പടിപ്പുര  കടന്ന് പോകുന്നത് ജനാലയിൽ കൂടി അശ്വതി കണ്ടു ...

മോളേ ...തുളസി  വിളിച്ചു ....

ആ ...അമ്മേ !! നന്ദേട്ടൻ പോയി  അല്ലേ ??

എന്തിനാ  മോളെ ആ പാവത്തിനെ  ഇങ്ങനെ സങ്കടപെടുത്തുന്നത് ?? നിനക്ക് വയ്യാതായ  നിമിഷം. മുതൽ വിശ്രമം ഇല്ലാതെ ഓടാൻ തുടങ്ങിയതാണ്  എന്റെ നന്ദൻ !! അവന്റെ മനസ്സ് വിഷമിപ്പിക്കാതെ എന്റെ കുട്ടി !!!

അമ്മേ !!! ഞാൻ നന്ദേട്ടനെ വിഷമിപ്പിക്കുകയാണ് എനിക്കറിയാം !!! എന്നാൽ എന്റെ നന്ദേട്ടന് നല്ല ഒരു ജീവിതം കിട്ടാൻവേണ്ടിയല്ലേ അമ്മേ. ഞാൻ ഈ ശ്രമങ്ങൾ ഒക്കെ നടത്തുന്നത് ...

എനിക്ക് തോന്നുന്നില്ല മോളെ  നന്ദന മറ്റൊരു ബന്ധത്തിന് സമ്മതിക്കുമോ എന്ന് ?? തുളസി പറഞ്ഞു ...

അതോർത്തു അമ്മ തലപുകക്കേണ്ട !!! എനിക്ക് അറിയാം  നന്ദേട്ടനെ കൊണ്ട്  എങ്ങനെ സമ്മതിപ്പിക്കണം എന്ന് !!! അശ്വതി ചിരിച്ചു കൊണ്ട് പറഞ്ഞു ...

💝💝💝💝💝💝💝

നന്ദൻ  വീട്ടിലേക്ക് കയറി വരുന്നത്  കണ്ട്  വസുന്ധര പൂമുഖത്തേക്ക് വന്നു ...

എവിടെയായിരുന്നു  ഇത്രയും നേരം ??

ആകെ ആഴ്ചയിൽ രണ്ടു ദിവസം തികച്ചു അവധി കിട്ടില്ല ......അവധി കിട്ടിയാലോ  നിന്നെ  കാണാൻ കിട്ടില്ല... എന്താ എന്റെ നന്ദുട്ടാ  ഇത് ??വസുന്ധര തിരക്കി ..

ഞാൻ അശ്വതിയെ കാണാൻ പോയതാ  അമ്മേ !!! വല്ലാത്ത പരവേശം ..അമ്മ കുടിക്കാൻ കുറച്ചു വെള്ളം എടുക്ക് !!!

വസുന്ധര വെള്ളവുമായി നന്ദന്റെ അടുത്ത് വന്നു ...അശ്വതി  എന്ത് പറഞ്ഞു ??

അവൾ എന്ത് പറയാൻ ?? ഞാൻ ഒരു പെണ്ണ് കെട്ടണം എന്ന് പറഞ്ഞു ...അമ്മ  ഒരു കുട്ടിയുടെ ഫോട്ടോ കാണിച്ചതിൽ കയറി തൂങ്ങിയിട്ടുണ്ട് ...ആ കുട്ടിയെ കെട്ടണം എന്നാണ് അവളുടെ ഡിമാൻഡ്‌ ..നന്ദൻ പറഞ്ഞു ...

എന്നിട്ട്  നീ എന്ത്  തീരുമാനിച്ചു ??? വസുന്ധര ചോദിച്ചു ....

നന്ദൻ വസുന്ധരയെ നോക്കി !!! എല്ലാവരുടെയും താല്പര്യം അങ്ങനെയാണെങ്കിൽ നാളെ ഞാൻ ആ കുട്ടിയെ പോയി കാണാം ....നന്ദൻ പറഞ്ഞത് കേട്ട്  അതിശയത്തോടെ വസുന്ധര മകനെ നോക്കി ...

അമ്മ എന്താ എന്നെ  ഇങ്ങനെ നോക്കുന്നത് ??? സത്യമാണ് അമ്മേ !!ഞാൻ ഒരു വിഡ്ഢിയാണെന്ന് എനിക്ക് മനസ്സിലായി ..ഈ കാത്തിരിപ്പ് എന്തിനു വേണ്ടിയാണ് അല്ലേ ?? 

അശ്വതി ഉൾപ്പടെ എല്ലാവർക്കും ഞാൻ കല്യാണം കഴിച്ചു കാണണം !! എന്നാൽ പിന്നെ അങ്ങനെ തന്നെ  ആയിക്കോട്ടെ !!

അശ്വതിക്ക് എന്നെ വേണ്ടെങ്കിൽ ഇനിയും അവൾക്ക് വേണ്ടി കാത്തിരിക്കുന്നതിൽ അർത്ഥമില്ലല്ലോ അമ്മേ !!! 

അമ്മ  ആ  കുട്ടിയുടെ വീട്ടിൽ വിളിച്ചു പറഞ്ഞോളൂ ...നാളെ ഉച്ചകഴിഞ്ഞു നമുക്ക്‌ അവിടെവരെ പോയി  ആ കുട്ടിയെ കാണാം ...

നന്ദൻ വെള്ളം കുടിച്ച ഗ്ലാസ് അമ്മയുടെ കയ്യിൽ കൊടുത്തിട്ട് മുറിയിലേക്ക് പോയി ...

വസുന്ധര ഫോൺ എടുത്തിട്ട്  ആദ്യം വിളിച്ചത്  തുളസിയെ ആണ് .....വിവരങ്ങൾ അറിഞ്ഞ  തുളസിക്ക് ഒരുതരം മരവിപ്പായിരുന്നു ...എന്തുവന്നാലും എപ്പോഴും അശ്വതിക്ക്  കൂടെ നന്ദൻ  ഉണ്ടാകുമെന്ന  വിശ്വാസം ആയിരുന്നു ...അത് ഇതോടെ അവസാനിക്കുവാണ് ...

തുളസി  ഫോൺ  ഓഫ് ചെയ്തതിനു ശേഷം അശ്വതിയുടെ മുറിയിൽ പോയി ...

മോളേ  അച്ചു !!!!

ഏട്ടത്തി വിളിച്ചിരുന്നു .....നന്ദൻ വിവാഹത്തിന് താല്പര്യം അറിയിച്ചു എന്ന് ......നാളെ  ഉച്ചകഴിഞ്ഞു  അവര് ആ കുട്ടിയെ കാണാൻ പോകുവാണെന്ന് പറഞ്ഞു ....

സത്യം ആണൊ അമ്മേ !!! അശ്വതി  വിശ്വസമില്ലാതെ അമ്മയെ  നോക്കി ...

മ്മ് ,, അതേ മോളേ !! നന്ദന് ഒരു വിഡ്ഢിയായി ജീവിക്കാൻ താല്പര്യം ഇല്ലന്ന് ഏട്ടത്തിയോട് പറഞ്ഞു ...

ഹാ !!! എല്ലാം വിധിച്ചത് പോലെ നടക്കട്ടെ ...അല്ലാതെന്ത് പറയാൻ !!! തുളസി  അവിടെനിന്നും പോയി ...

അശ്വതിയുടെ കണ്ണുകൾ നിറഞ്ഞു .... നന്നായി നന്ദേട്ടാ !!! ഒടുവിൽ എന്റെ നന്ദേട്ടന് ഒരു നല്ല  ജീവിതം കിട്ടാൻ പോവുകയാണല്ലോ !!! ഈ അച്ചൂന്  അതും കൂടി കണ്ടിട്ട് വേണം ഈ ലോകത്ത്‌ നിന്ന്  വിടപറയാൻ ....അശ്വതി  സങ്കടം സഹിക്കാൻ ആവാതെ മുഖം പൊത്തി കരഞ്ഞു .....

💖വിടപറയും നേരം-2💖

ബാല  നമ്മുക്ക്  ഒന്ന് നടന്നാലോ ?? നന്ദൻ ചോദിച്ചു ...ബാല തലയാട്ടി ...

ശെരിക്കും അപ്രതീക്ഷിതമായി  നടന്ന  ഒന്നാണ്  ഇന്നത്തെ ഈ പെണ്ണുകാണൽ ചടങ്ങ് ... മാനസീകമായി ഞാൻ ഒട്ടും ഒന്നിനും തയ്യാറല്ല ബാല ...

വന്നപ്പോൾ മുതൽ  നന്ദൻ ചേട്ടനെ ഞാനും ശ്രദ്ധിച്ചിരുന്നു ... ചേട്ടന്  വലിയ  താല്പര്യം ഉള്ളതായി എനിക്കും തോന്നിയില്ല ... എന്നെ ഇഷ്ടമായില്ലെങ്കിൽ തുറന്നു പറയാം കേട്ടോ ... എനിക്ക്  അതിൽ വിഷമം ഒന്നും തോന്നില്ല ...

പരസ്പരം എന്തും സംസാരിക്കാനായി വീട്ടുകാർ തരുന്ന ഒരു വിലപ്പെട്ട  പത്തു മിനിറ്റ്  ആണെല്ലോ  നമുക്ക്‌  ഇപ്പോൾ കിട്ടിയിരിക്കുന്നത് ..

എനിക്ക് പറയുവാനുള്ള കാര്യങ്ങൾ പത്തുമിനിട്ടിൽ ചുരുക്കി പറയാൻ  കഴിയുന്നതല്ല  ബാലാ ..

തന്നെ  കണ്ടാലേ  അറിയാം നല്ല  പക്വതയുള്ള  കുട്ടിയാണെന്ന് കാര്യങ്ങൾ തനിക്ക്  പറഞ്ഞാൽ  മനസിലാക്കാവുന്നതേ ഒള്ളു ...നന്ദൻ പറഞ്ഞു ...

വളച്ചുകെട്ടാതെ  ചേട്ടൻ കാര്യം പറഞ്ഞോളൂ ... കൂടെ ജോലി  ചെയ്യുന്ന ആള് വെല്ലതും ആണൊ  കക്ഷി ?? ബാല  ചോദിച്ചു 

ഏയ്‌  അല്ല !!! എന്റെ അപ്പച്ചിയുടെ മോളാണ് .. എന്റെ മുറപ്പെണ്ണ് പേര് അശ്വതി  ..

ആഹാ !! ഇത്  വീട്ടുകാർക്ക് അറിയില്ലേ ?? ബാല തിരക്കി ..

വീട്ടുകാർ ഒരിക്കൽ  കല്യാണ നിശ്ചയം വരെ നടത്താൻ തിയതി നിശ്ചയിച്ചതാണ് ... പക്ഷെ ഒന്നും നടന്നില്ല ...നന്ദൻ ഒന്ന്  നിറുത്തി ...

എന്തുകൊണ്ടാണ്  അത്‌ നടക്കാതിരുന്നത് ?? ബാല  ചോദിച്ചു ....

ആദ്യം  തിയതി നിശ്ചയിച്ച സമയത്തു  എന്റെ അച്ഛൻ മരിച്ചു ... പിന്നെ ഒരു വർഷം ഞങ്ങൾ കാത്തിരുന്നു ... ആ സമയത്താണ്  യഥാർത്ഥ  വില്ലൻ  ക്യാൻസറിന്റെ  വേഷത്തിൽ ഞങ്ങളുടെ ഇടയിൽ വന്നത് ...

തുടർച്ചയായ  ക്ഷീണം അവൾ കാര്യമാക്കിയിരുന്നില്ല എന്നാൽ  മാറിടത്തിൽ വന്ന മുഴ  ആണ്  കാൻസർ എന്ന് സ്ഥിതീകരിച്ചത് ......പിന്നെ പരീക്ഷണങ്ങളുടെ നാളുകൾ ആയിരുന്നു മുഴ നീക്കം ചെയ്തു  റേഡിയോതെറാപ്പിയും കീമോതെറാപ്പിയും മുറപോലെ ചെയ്തു ... അവളെ  ചികിൽസിച്ച ഡോക്ടർ ഞങ്ങൾക്ക്  ഉറപ്പു  തന്നു  ഇനി  ഒരു കുഴപ്പവും ഉണ്ടാകില്ലെന്ന് ......തുദക്കതില് തന്നെ കൃത്യമായ  ചികിത്സാ  നടത്തിയത്  വളരെ ഗുണം ചെയ്തു  എന്നാണ്  അവർ പറഞ്ഞത് ...

പിന്നെ  എന്താണ്  കുഴപ്പം ?? ധൈര്യമായി അശ്വതിയെ വിവാഹം കഴിച്ചുകൂടെ ?? ബാല  സംശയത്തോടെ തിരക്കി ...

അവിടെയാണ്  ബാലാ  കുഴപ്പം .. ഇപ്പോൾ ചികിത്സാ  വേണ്ടത്  അവളുടെ ശരീരത്തിനല്ല  മനസ്സിനാണ് ... അവൾക്ക് എല്ലാത്തിനോടും ഒരു നിരാശയും വിരക്തിയുമാണ് ... എനിക്ക് ഒരു ബാധ്യത  ആകുമെന്ന പേടിയാണ്  അവൾക്ക് ...മരിച്ചു പോകുമോ എന്ന  പേടി ... ഒന്നുരണ്ട് വട്ടം കൗൺസിലിങ്ങിനൊക്കെ പോയി ... ക്ലാസ് കേട്ട് കഴിയുമ്പോൾ ഓക്കെ  ആണ് ... വീട്ടിൽ വന്ന്  ഒറ്റക്കിരിക്കുമ്പോൾ വീണ്ടും പഴയപടി ആകും ...

അശ്വതിക്ക് വേണ്ടി ഒരു വർഷം ഞാൻ ജോലിക്ക്‌  പോകാതെ എല്ലാ  കാര്യത്തിനും കൂടെ തന്നെ നിന്നു .. തനിക്ക് അറിയാമല്ലോ  ഞാൻ ഒരു IT  പ്രൊഫഷണൽ ആണ് ... ഒരു ഗ്യാപ് വന്നാൽ പിന്നെ നല്ല ഒരു ഓഫർ നമ്മളെ തേടി  വരില്ല  അതുകൊണ്ട്  എനിക്ക് കോയമ്പത്തൂരിൽ നിന്ന്  ഒരു ഓഫർ വന്നപ്പോൾ ഞാൻ അവിടെ ജോയിൻ ചെയ്തു ... അശ്വതിയെ വിവാഹം കഴിച്ചു അങ്ങോട്ട്  പോകാമെന്ന്  കരുതിയതാണ്  ഞാൻ  എന്നാൽ  അവൾ ഇപ്പോൾ കരുതുന്നത് അവൾ എനിക്ക് ഒരു ഭാരമായത്  കൊണ്ടാണ്  ഞാൻ ജോലി  നോക്കി പോയത്  എന്ന്  ധരിച്ചു വെച്ചിരിക്കുന്നത് ...

അശ്വതിക്ക് വേണ്ടി മാത്രം ഞാൻ എല്ലാ  ആഴ്ചയിലും  അവളെ കാണാൻ ഓടി എത്തുന്നത് ... ഈയിടെയായി അവൾ മരുന്നൊന്നും കൃത്യസമയത്  കഴിക്കാറില്ല ... ഒരു തരം വല്ലാത്ത ഒരു മാനസീക അവസ്ഥയാണ് ...

എനിക്ക്  എന്താ ചെയ്യേണ്ടതെന്ന് ഒരു പിടിയും കിട്ടുന്നില്ല  ബാല !!! എന്റെ വിഷമങ്ങൾ പോലും ഞാൻ ആരോടും പറയാതെ ഉള്ളിൽ ഒതുക്കി  നീറി കഴിയുകയാണ് ...എല്ലാവരുടെയും  നിർബന്ധം  സഹിക്കാൻ  വയ്യാതെയാണ് ഇപ്പോൾ  തന്നെ കാണാൻ വന്നത് .. നിറഞ്ഞു വന്ന കണ്ണുകൾ നന്ദൻ തുടച്ചു ...

ഏയ്‌ ... എന്തായിത്  ഏട്ടാ ... ഇത്രെയും നാൾ എല്ലാ കാര്യങ്ങളും  ഏട്ടൻ ഭംഗിയായി  നോക്കിയില്ലേ ?? എല്ലാവരുടെയും ജീവിതത്തിൽ ഒരു തരത്തിൽ അല്ലെങ്കിൽ മറ്റൊരു തരത്തിൽ പരീക്ഷണങ്ങൾ ഉണ്ടാകും ...ഏട്ടന്  എന്നോട്  എല്ലാം തുറന്ന് പറയാം ......എന്റെ എന്ത് സഹായം വേണമെങ്കിലും പറഞ്ഞാൽ മതി ...

പിന്നെ ഒരു കാര്യം ഞാൻ ഏട്ടനോട് പറയുന്നത് കൊണ്ട് ഒന്നും തോന്നരുത് .. അശ്വതിയുടെ സ്ഥാനത്തു ഞാൻ ആണെങ്കിലും ചിലപ്പോൾ ഇങ്ങനെയൊക്കെ  ചിന്തിക്കുകയും പെരുമാറുകയും ഒള്ളു ......അവരുദെ കൂടെ നിന്ന്  അവർക്ക് ധൈര്യം കൊടുക്കുക ... മരുന്നിനെക്കാളും പലപ്പോഴും രോഗിക്ക് വേണ്ടത്  മനസ്സമാധാനം ആണ്  ഏട്ടാ...

അശ്വതിയുടെ ആരോഗ്യം തൃപ്തികരമാണെങ്കിൽ  അവൾക്ക്  ഇഷ്ടമുള്ള  സ്ഥലങ്ങളിൽ അവളെ കൊണ്ടുപോവുക , ഇഷ്ടമുള്ള ഭക്ഷണം വാങ്ങി കൊടുക്കുക ... നിങ്ങൾ മാത്രമായി ചിലവിട്ട  നല്ല നിമിഷങ്ങൾ അവൾക്ക്  തിരികെ കൊടുക്കുക ... അതിൽ നിന്നും കിട്ടുന്ന ഒരു ഉന്മേഷം അവളെ ഏട്ടന്റെ  പഴയ അശ്വതി ആക്കും ....

ജീവിക്കണം എന്നുള്ള  വാശി അശ്വതിയുടെ മനസ്സിൽ നമ്മളായി നിറയ്ക്കണം ... എന്നിട്ട് ഒരു ഉഗ്രൻ പണിയുണ്ട് ... അത്‌ ഞാൻ കൃത്യസമയത് പ്രയോഗിച്ചോളാം ...ബാല  ചിരിച്ചു ..

എനിക്ക് ഒന്നും മനസ്സിലായില്ല ?? നന്ദൻ  ചോദ്യഭാവത്തിൽ  ബാലയെ നോക്കി ..

തൽകാലം ഇത്രെയും മനസ്സിലാക്കിയാൽ മതി !!!

നമുക്ക്‌ അനുവദിച്ചു തന്ന പത്തു മിനിറ്റ് കഴിഞ്ഞു കേട്ടോ !! ബാല പറഞ്ഞു ..

അപ്പോൾ എല്ലാം പറഞ്ഞത് പോലെ  ബാല നന്ദന് കൈ കൊടുത്തു പിരിഞ്ഞു ....

💖💖💖💖💖💖💖💖

നീ എന്താ മോനെ ബാലമോളെ കണ്ടിട്ട്  അഭിപ്രായം ഒന്നും പറഞ്ഞില്ലല്ലോ ?? വസുന്ധര  ചോദിച്ചു ...കൂടേ തുളസിയും അശ്വതിയും ഉണ്ടായിരുന്നു .

എന്ത് പറയാനാണ് അമ്മേ !! ബാലയെ പറ്റിയാണെങ്കിൽ എനിക്ക്  പറയാൻ ഒന്നുമില്ല  .. സംസാരിച്ചടത്തോളം നല്ല കുട്ടിയായി തന്നെയാണ് എനിക്ക് തോന്നുന്നത് ... പിന്നെ  ആൾക്ക്  ഒരു മൂന്ന് മാസത്തെ സമയം വേണെമെന്ന് മാത്രം എന്നോട് പറഞ്ഞു ....അതിന്റെ കാര്യം ഒന്നും തിരക്കാൻ ഞാൻ പോയില്ല ... മൂന്ന് മാസം എന്ന് പറയുന്നത്  കണ്ണടച്ച് തുറക്കുന്ന വേഗത്തിൽ പോകും ...

ഞാൻ ഒരാഴ്ചത്തെ അവധിക്ക്  കൊടുത്തിട്ടുണ്ട് പെൻഡിങ് ഉള്ളത്  ഇവിടെത്തന്നെ ഇരുന്ന്  ചെയ്തു കൊടുക്കാമെന്ന് കരുതുവാണ്‌ ...

അമ്മ  വീടിന്റെ താക്കോൽ  ഇങ്ങു തന്നേക്ക്‌ ... ഞാൻ പോയി  ഒന്ന്  കിടക്കട്ടെ ...

പെട്ടെന്ന്  നന്ദന്റെ ഫോൺ  ബെൽ അടിച്ചു ...

നന്ദൻ ഫോണിലേക്ക് നോക്കി ചിരിച്ചു ...

ആരാ  മോനേ ?? വസുന്ധര  തിരക്കി ...

ബാലയാണ് അമ്മേ !!! 

നന്ദൻ ഫോൺ എടുത്തു  !!! തനിക്ക് നൂറ് ആയുസ്സാണ് കേട്ടോ ......തന്നെ പറ്റി ഞാൻ അമ്മയോട് ഇപ്പോൾ പറഞ്ഞതെ ഒള്ളൂ ...

നന്ദൻ  അശ്വതിയെ ഒളികണ്ണിട്ട് നോക്കി ...ആ മുഖം വിവർണ്ണമായിരുന്നു ...

നന്ദന് അവിടെ നിൽക്കാൻ തോന്നിയില്ല ...ബാലയോട്  സംസാരിച്ചുകൊണ്ട്  നന്ദൻ നടന്നകന്നു ...

💖💖💖💖💖💖💖💖

അശ്വതി .....ടെ അച്ചൂട്ടി ....

ങ്ങാ ...നന്ദേട്ടനോ ?? എന്താ നന്ദേട്ടാ ?? നന്ദേട്ടൻ എവിടെയെങ്കിലും പോകാനായി ഇറങ്ങിയതാണോ ??

മ്മ്  അതെ ... പോകാനായി ഇറങ്ങിയതാണ്  !! പക്ഷെ ഒറ്റക്കല്ല  കേട്ടോ  കൂടെ നീയും ഉണ്ട് ...

ഒത്തിരി നാളായില്ലേ നമ്മൾ ഒന്നിച്ചു  പുറത്തു പോയിട്ട് ... ഇങ്ങനെ അടച്ചുപൂട്ടി ഇരുന്നാൽ തന്നെ വട്ടുപിടിക്കും പെണ്ണെ ... വേഗം നല്ല മിടുക്കിക്കുട്ടിയായി റെഡി ആയി വാ ഞാൻ താഴെ വെയിറ്റ് ചെയ്യാം കേട്ടോ ...

ഞാൻ  ... ഞാനില്ല നന്ദേട്ടാ !!! നന്ദേട്ടന്റെ കൂടെ ഞാൻ ഇനി വന്നാൽ !!! അത്‌  ശെരിയാകില്ല !!!

മ്മ് എന്താ ??ഇതിൽ എന്ത്  കുഴപ്പം ഇരിക്കുന്നു അച്ചു ???

നന്ദേട്ടന്റെ വിവാഹം ഉറക്കുവല്ലേ ?? ഈ സമയത്തു  ഞാൻ കൂടെ വരുന്നത് ശെരിയല്ല ..:

എന്റെ വിവാഹം  തീരുമാനിക്കാൻ പോകുന്നതല്ലേ ഒള്ളു ?? കഴിഞ്ഞിട്ടൊന്നും ഇല്ലല്ലോ ?? പിന്നെ നിനക്കെന്താ  പ്രശ്നം ??? നന്ദൻ തിരക്കി ...

ഒന്നും രണ്ടും പറഞ്ഞു യാത്ര മുടക്കാൻ നിൽക്കാതെ മര്യാദക്ക് ഒരുങ്ങി വാ പെണ്ണെ !!! നന്ദൻ അശ്വതിയെ ഒന്ന് നോക്കിയിട്ട്. താഴേക്ക് പോയി ...

കുറച്ചു സമയം കഴിഞ്ഞും അശ്വതിയെ കാണാതായപ്പോൾ നന്ദൻ മുറിയിലേക്ക് അശ്വതിയെ അന്വേഷിച്ചു വന്നു ...

നീ ഇത് എന്താ ആലോചിച്ചു നിൽകുവാ  അച്ചു ...

നീ എന്താ കണ്ണെഴുതാത്തത് ??

നന്ദൻ  കണ്മഷി എടുത്ത്  അശ്വതിയുടെ കയ്യിൽകൊടുത്തു  മ്മ് ... കണ്ണെഴുതിക്കേ ഉണ്ടക്കണ്ണി ...

അശ്വതി കണ്ണുകൾ കണ്മഷി കൊണ്ടെഴുതി ... ഇനി ഒരു പൊട്ടുകൂടി ആകാം .... കണ്ണാടിയിൽ ഒട്ടിച്ചു വെച്ചിരുന്ന  ഒരു ചുവന്ന പൊട്ടെടുത്തു നന്ദൻ അശ്വതിയുടെ നെറ്റിയിൽ തൊട്ടു കൊടുത്തു ...

അശ്വതിയുടെ കണ്ണുകൾ നിറഞ്ഞിരുന്നു .... നന്ദൻ അശ്വതിയുടെ കണ്ണുകളിലേക്ക് നോക്കി നിന്നു ...

പെട്ടെന്നാണ്  നന്ദന്റെ ഫോണിലേക്ക് ബാലയുടെ കാൾ വന്നത് ...

ബാലയുടെ പേര് ഫോണിന്റെ ഡിസ്‌പ്ലേയിൽ കണ്ട അശ്വതിക്ക് ആകെ ഒരു അസ്വസ്ഥത അനുഭവപെട്ടു ....

💖വിടപറയും  നേരം -3💖

നിന്റെ മുഖമെന്താ വാടി  ഇരിക്കുന്നത്  അച്ചു ?? നന്ദൻ തിരക്കി ...

ഏയ്‌. ഒന്നുമില്ല നന്ദേട്ടാ !!! ആരാ വിളിച്ചത് ?? അശ്വതി ഒന്നും അറിയാത്ത  മട്ടിൽ ചോദിച്ചു ...

അതോ ... അത്‌  ബാല ആയിരുന്നു !!! ആള്  കൂട്ടുകാരോടൊപ്പം പുറത്തു പോകുന്നുണ്ട്  ഞാൻ ഫ്രീ ആണെങ്കിൽ  വരുന്നുണ്ടോ എന്ന് അറിയാൻ വിളിച്ചതാണ് ... കൂട്ടുകാർക്ക് ഒക്കെ പരിചയപ്പെടുത്തി കൊടുക്കാൻ ആണെന്ന് പറഞ്ഞു ... നന്ദൻ ഒഴുക്കൻ മട്ടിൽ പറഞ്ഞു ....

എന്നാൽ നമുക്ക്‌ പിന്നെ ഒരിക്കൽ പുറത്തു പോകാം നാന്ദേട്ടാ !!! ആ കുട്ടി ആദ്യമായി നന്ദേട്ടനോട്  ഒരു കാര്യം പറഞ്ഞിട്ട്  അത്  വേണ്ടന്ന് വെക്കേണ്ടയിരുന്നു ..അശ്വതി  മനസ്സില്ലാമനസ്സോടെ പറഞ്ഞു ...

ഏയ്‌  അത്‌  സാരമില്ല  അച്ചു ... നമ്മൾ  എന്തായാലും പോകാൻ തീരുമാനിച്ചതല്ലേ  ... അതിന് ഇനി മാറ്റം ഒന്നും  വരേണ്ട !!

സമയം കളയാതെ ഇറങ്ങാൻ വാരാൻ നോക്ക് ... നന്ദൻ  താഴേക്ക് പോയി ...

അപ്പച്ചി ... ഞാൻ അച്ചുവിനെകൊണ്ട്  ഒന്ന്  പുറത്തു  പോയിട്ട്  വരാം ... അപ്പച്ചിക്ക് എന്തെങ്കിലും വാങ്ങണോ ???

എനിക്ക്  ഒന്നും വേണ്ട മോനേ !!! നിങ്ങൾ പോയിട്ട്  വേഗം വന്നാൽ മതി ... 

അപ്പച്ചി  ... ഞങ്ങൾ  പുറത്തു നിന്നാണ്  ഭക്ഷണം കഴിക്കുന്നത് ...വൈകിട്ട്  കഴിക്കാൻ ഒന്നും ഒരുക്കേണ്ട  കേട്ടോ !!! നന്ദൻ അപ്പച്ചിയോട്‌  പറഞ്ഞിട്ട് മുറ്റത്തേക്ക് ഇറങ്ങി  കാറിൽ കയറി ...

അശ്വതി കോണിപ്പടി ഇറങ്ങി വരുന്നത്  കണ്ടു അതിശയത്തോടെ തുളസി അടിമുടി നോക്കി ...

അമ്മ  എന്താ  എന്നെ ആദ്യമായി  കാണുന്നത് പോലെ നോക്കുന്നത് ?? അശ്വതി ചോദിച്ചു ...

എത്ര  നാളിനു ശേഷമാ  എന്റെ കുട്ടി  ഒന്ന്‌  അണിഞ്ഞൊരുങ്ങി  ഞാൻ കാണുന്നത് !!! അമ്മ അതുകൊണ്ട്  അങ്ങ്  നോക്കി നിന്നതാ  !! എന്റെ മോള്  സന്തോഷത്തോടെ പോയി വാ ... തുളസി  ചിരിച്ചു ...

അശ്വതി കാറിന്റെ മുൻസീറ്റിൽ  കയറി ഇരുന്നു ... നന്ദൻ അശ്വതിയെ നോക്കി ചിരിച്ചു ...

നമുക്ക്‌  പോകാം !!!! നന്ദൻ ചോദിച്ചു ...

അശ്വതി  തലയാട്ടി ......

ആദ്യം  അവർ പോയത്  സ്ഥിരം പോകാറുള്ള  പാർക്കിൽ ആയിരുന്നു ... ആളൊഴിഞ്ഞ  ബെഞ്ചിൽ  പോയി രണ്ടാളും ഇരുന്നു ....

നാന്ദേട്ടാ !!! നന്ദേട്ടന്  എന്താ പറ്റിയത് ??  അശ്വതി ചോദിച്ചു ...

എനിക്ക് എന്ത്  പറ്റിയെന്നാ ?? നന്ദൻ ചോദ്യഭാവത്തിൽ അശ്വതിയെ നോക്കി ...

അല്ല !! ഒരു സൂചന പോലും തരാതെ പെട്ടെന്ന്  ഇങ്ങനെ ഒരു ഔട്ടിങ്  പ്ലാൻ  ചെയ്തത് കൊണ്ട്  ചോദിച്ചതാണ് ...

ഇത്  ആദ്യമായി ഒന്നും അല്ലലോ !!!ഇതിന്  മുൻപും നമ്മൾ ഇങ്ങനെ വരാറുണ്ടായിരുന്നല്ലോ ?? 

പിന്നെ നമ്മൾ ഇങ്ങനെ ഒരുമിച്ചു ഇറങ്ങിയിട്ട് കുറെ കാലം ആയി എന്നത്  സത്യമാണ് .. അതിന്റെ കാരണം ഞാൻ അല്ലലോ നീയല്ലേ  അച്ചു !! നന്ദൻ പ്രതികരിച്ചു ...

ശെരിയാണ്  നന്ദേട്ടാ !! എനിക്ക്  ഈ അസുഖം  വന്നപ്പോഴും ഞാൻ എന്നെപ്പറ്റി  ഒരു നിമിഷം പോലും       വിഷമിച്ചില്ല ... എന്റെ അമ്മ ഒറ്റക്കായി പോകുമല്ലോ  എന്ന് ഓർത്തു ഞാൻ സങ്കടപ്പെട്ടു .. പിന്നെ എന്റെ ചിന്ത  മുഴുവൻ ....എന്റെ ...അല്ല ,,,നന്ദേട്ടനെ പറ്റി ആയിരുന്നു ... 

എന്നെ ഓർത്തു  വിഷമിച്ചിരുന്ന നന്ദേട്ടനെ  കാണാൻ ഞാൻ ഇഷ്ടപ്പെട്ടിരുന്നില്ല ... എനിക്ക്  വേണ്ടി ശിഷ്ടകാലം ജീവിച്ചു  തീർക്കുന്നത്  കാണാൻ എനിക്ക് വയ്യായിരുന്നു നന്ദേട്ടാ ... അതാണ്  അതുകൊണ്ട്  മാത്രമാണ് ഞാൻ അമ്മായിയോട്  പറഞ്ഞു നന്ദേട്ടന് മറ്റൊരു പെൺകുട്ടിയെ  കണ്ടുപിടിക്കണമെന്ന് പറഞ്ഞത് ...അശ്വതി  പറഞ്ഞു ...

നന്ദന്റെ ഉള്ളിൽ ഒരു പിടച്ചിൽ ഉണ്ടായി ....

ബാല  എങ്ങനെയുണ്ട്  നന്ദേട്ടാ ??? അശ്വതി തിരക്കി ...

ബാല !!!!!

അവൾ നല്ല കുട്ടിയാണെന്ന്  തോന്നുന്നു ... വരും പത്തു മിനിറ്റ്  സംസാരം കൊണ്ട് മാത്രം ഒരാളെ ഇങ്ങനെ മനസ്സിലാക്കും  അച്ചു .... എങ്കിലും സംസാരിച്ചിടത്തോളം  ആള്  വലിയ കുഴപ്പക്കാരിയാണെന്ന് തോന്നുന്നില്ല ...

നന്ദേട്ടന്  ബാലയെ  ഇഷ്ടമായോ ???അശ്വതി  ഒരു വിങ്ങലോടെ ചോദിച്ചു ...

അങ്ങനെ  ചോദിച്ചാൽ .... ആർക്കും ബാലയെ  ഒറ്റനോട്ടത്തിൽ ഇഷ്ടമാകും !! പിന്നെ സംസാരിച്ചപ്പോൾ  വലിയ കുഴപ്പം ഒന്നും 

തോന്നിയില്ല ... പിന്നെ കണക്ക് ടീച്ചർ അല്ലേ ?? അതിന്റെ ഒരു സ്മാർട്നെസ്സ്  ആൾക്കുണ്ട് ..നന്ദൻ ഉഷാറോടെ  പറയുന്നത്  കേട്ട്  അശ്വതി ഒരു വാടിയ  ചിരി ചിരിച്ചു ...

ദേ  അച്ചു ........എനിക്ക് നിന്നോട് ഒരു കാര്യം പറയാനുണ്ട് ......നിനക്ക് ഇപ്പോൾ ഒരു കുഴപ്പവും  ഇല്ല ... ആ മുറിയിൽ അടച്ചു പൂട്ടി ഇരുന്നാൽ തന്നെ   ഇല്ലാത്ത  അസുഖം കൂടി ഉണ്ടാകും  അതുകൊണ്ട്  എത്രെയും പെട്ടെന്ന്  ഒരു ജോലിക്ക്  ശ്രമിക്കണം ...

നിനക്ക് താല്പര്യം ആണെങ്കിൽ എന്റെ കമ്പനിയിൽ തന്നെ  ഒരു  നല്ല ഒഴിവ് വരുന്നുണ്ട്‌ ...നമുക്ക് നോക്കാമെടാ !! നന്ദൻ  തോളിൽ തട്ടി പറഞ്ഞു ...

അശ്വതി  ഒന്ന് ചിരിച്ചു ....

എനിക്ക് നല്ല വിശപ്പ്  ... ഇനി എവിടേലും കയറി കഴിച്ചിട്ട്  മതി ബാക്കി കാര്യം .…നന്ദൻ  അശ്വതിയെ  വിളിച്ചുകൊണ്ട്  അവർ  സ്ഥിരം പോകാറുള്ള  ആര്യാസിൽ കയറി ... 

നീ  അപ്പച്ചിയെ വിളിച്ചിട്ട്  പാർസൽ കൊണ്ടുവരാം എന്ന് പറ ...

മ്മ്... ശെരി !!!

രണ്ടു പേരും മസാലദോശയും ബ്രൂ കോഫിയും ഓർഡർ ചെയ്തു ...

നിനക്ക് ഓർമ്മയുണ്ടോ  അശ്വതി നമ്മൾ ഇവിടെ അവസാനം വന്നത് എന്നാണെന്ന് ??

മ്മ് ... അത്‌  നീരജ് അവധിക്ക്  വന്നപ്പോൾ അല്ലേ ?? അവൻ അല്ലേ ഇവിടെനിന്നും ദോശ കഴിക്കണമെന്ന് ആഗ്രഹം പറഞ്ഞത് ...

നിനക്ക്  ഓർമ്മയുണ്ട്  അല്ലേ !! അതുമതി ... 

മറക്കാൻ പറ്റില്ലാലോ നന്ദേട്ടാ  അന്നല്ലേ  അവന്റെ ചുറ്റിക്കളി നമ്മൾ  കയ്യോടെ പൊക്കിയത് ??

അതുകൊണ്ട്  എന്താ  അവൻ ഇപ്പോൾ സ്വാതിയുമായി സുഖമായി കഴിയുന്നു ....നന്ദൻ ചിരിച്ചു ...

സംസാരിച്ചുകൊണ്ടിരിക്കെ  അവർ ഓർഡർ ചെയ്ത ഫുഡ് വന്നു ...

രണ്ടുപേരും ആവോളം ആസ്വദിച്ചു കഴിച്ചു ...

ഹലോ  നന്ദേട്ടാ !!!!

"നാന്ദേട്ടാ " എന്ന  വിളി കേട്ട്  നന്ദൻ നോക്കിയതും ബാല  കയ്യും കെട്ടി  മുന്നിൽ നില്കുന്നു !!

ങേ !!! ഇത്‌ ആര്  ബാലയോ ??? ഇത്  ഭയങ്കര  അതിശയം ആയല്ലോ ??? താൻ എന്താ ഇവിടെ ??? നന്ദൻ ചോദിച്ചു ...

അത്‌  എന്ത്  ചോദ്യമാ  നാന്ദേട്ടാ ?? ആര്യാസിൽ  ആരും മാറ്റിനിക്ക്  വരില്ലലോ ??? നല്ല  ചൂട്‌  മസാല ദോശ കഴിക്കാൻ തന്നെ ഇറങ്ങിയതാണ് ...

ഞാൻ മുൻപ്  വിളിച്ചപ്പോൾ തിരക്കാണെന്ന് പറഞ്ഞു  ഒഴിഞ്ഞ ആള്  ദേ  ഇപ്പൊ പൂച്ചയെ പോലെയിരുന്നു ദോശ കഴിക്കുന്നു ...

ബാല  അശ്വതിയെ  ഇടങ്കണ്ണിട്ട് നോക്കി !!!

ഇത്  !!! ഇത്‌ ആരാ നന്ദേട്ടാ ??

ബാല  തിരക്കി !!!

ഓ സോറി !! ഞാൻ പരിചയപ്പെടുത്താൻ മറന്നു ... ബാല  ഇത്‌  അശ്വതി  !! എന്റെ അപ്പച്ചിയുടെ മകളാണ് ...

അശ്വതി ഇതാണ് ഞാൻ പറഞ്ഞ  ബാല !!!

നന്ദൻ രണ്ടുപേരെയും പരിചയപ്പെടുത്തി ....

അശ്വതി ബാലയെ അടിമുടി നോക്കി !!! കണക്ക് ടീച്ചറിന്റെ ഗൗരവം ഒന്നും ആ മുഖത്തു അശ്വതി കണ്ടില്ല ... പ്രസരിപ്പുള്ള  മുഖം ... ഹൃദ്യമായ സംസാരം ...  ഷോൾഡർ  വരെ മാത്രം നീളമുള്ള  മുടി ...ബാല  അണിഞ്ഞിരുന്ന  ഇളം പച്ച  കുർതീയും കറുത്ത  ജീൻസും  അവൾ  അല്പം മോഡേൺ ആണെന്ന്  വിളിച്ചു പറയുന്ന  ഒന്നായിട്ട് അശ്വതിക്ക് തോന്നി ...

ബാല  ഫോട്ടോയിൽ കണ്ടതിലും സുന്ദരിയും മിടുക്കിയും ആണ് ...നന്ദേട്ടന് ബാലയെ ഇഷ്ടപെട്ടതിൽ അത്ഭുതം ഒന്നും പറയാനില്ല ... അശ്വതി ചിന്തിച്ചു ...

ഹലോ  ... അശ്വതി !!!  ഒരു  മൂന്ന്  മാസം കൂടി  ഇദ്ദേഹത്തോടൊപ്പം കറങ്ങി നടന്നോളു ... അതുകഴിഞ്ഞാൽ പിന്നെ ആള്  നമ്മുടെ കസ്റ്റഡിയിൽ ആകും ... പിന്നെ ഇങ്ങനെ കറങ്ങാൻ ഇറങ്ങുമ്പോൾ ഒപ്പം ഞാനും കാണും കേട്ടോ ......ബല ചിരിയോടെ പറഞ്ഞു ...

അശ്വതിയുടെ മനസ്സിൽ ഒരു ഭാരം അനുഭവപെട്ടു ...

താൻ  ഇരിക്കെടോ !! ഞങ്ങളോടൊപ്പം ഇരുന്നു ഭക്ഷണം കഴിക്കാൻ തനിക്ക് ബുദ്ധിമുട്ടുണ്ടോ ??

നന്ദൻ ബാലയെ അവരോടൊപ്പം ഇരിക്കാൻ ക്ഷണിച്ചു ..

ഏയ്‌  എന്ത്  ബുദ്ധിമുട്ട് !!! ഞാനും ഒറ്റക്കല്ല ഫ്രണ്ട്‌സ് ഉണ്ട്  കൂടെ ...നമ്മുക്ക്  പിന്നീടൊരിക്കൽ കൂടാം !! അപ്പോൾ ശെരി നന്ദേട്ടാ !! ഞാൻ വൈകിട്ട്  ഫോൺ  വിളിക്കാം ...അശ്വതി !!! നേരിൽ കണ്ടതിൽ വളരെ സന്തോഷം !!! ബാല അവിടെ നിന്നും നടന്നു പോയി ....

നന്ദൻ ബാലയെ തന്നെ നോക്കി ഇരുന്നു ...ബാല  ഇടക്ക് ഒന്ന് തിരിഞ്ഞു നോക്കാൻ മറന്നില്ല ......രണ്ടുപെരും കണ്ണുകൊണ്ട് യാത്ര പറഞ്ഞു ......നണ്ടന്റെ മുഖത്തെ ചിരിയും , ഉത്സാഹവും കണ്ടിട്ട് അശ്വതിക്ക് അവിടെ നിന്നും വീട്ടിൽ പോയാൽ മതിയെന്നായി ...

ചുരുങ്ങിയ സമയം കൊണ്ട്  ബാല നന്ദേട്ടന്റെ മനസ്സിൽ കയറികൂടിയെന്ന ബോദ്യം അശ്വതിക്കുണ്ടായി ...

ഇനിയും തനിക്ക് നന്ദേട്ടന്റെ അടുത്ത് പഴയ സ്വാതന്ത്ര്യം എടുക്കാൻ കഴിയില്ലല്ലോ എന്ന് ഓർത്തു ആദ്യമായി അശ്വതിക്ക് വീർപ്പുമുട്ടൽ അനുഭവപെട്ടു ...

അശ്വതി !!! നീയിത് എന്ത് ആലോചിച്ചിരിക്കുവാ !!! പോയി കൈ കഴുകിയിട്ട് വാ !! ദേ അപ്പച്ചിക്കുള്ള പാർസൽ വന്നു ...

അശ്വതി എഴുനേറ്റ് പോയി കൈ കഴുകി ....

💖💖💖💖💖💖💖

കാറിൽ കയറിയ അശ്വതി ഒന്നും മിണ്ടാതെ ഇരിക്കുന്നത് കണ്ട്  നന്ദൻ കാര്യം തിരക്കി ....

കാര്യമൊന്നുമില്ലന്ന് പറഞ്ഞു  അശ്വതി ഒഴിഞ്ഞുമാറി.. 

അശ്വതി !!!!

നിനക്ക് എന്റെ ബാലയെ ഇഷ്ടയോ ??? നന്ദൻ മനഃപൂർവം ചോദിച്ചു ...

""നന്ദേട്ടന്റെ ബാലയോ ??""....അശ്വതി  മനസ്സിൽ ഉരുവിട്ടു …

നീയെന്താ ഒന്നും പറയാത്തത് ???

എനിക്ക് ഇഷ്ടമായി നന്ദേട്ടാ ??നല്ല സ്മാർട്ട് കുട്ടി ...നന്ദേട്ടന്  നന്നായി ചേരും ...അശ്വതി പതിയെ പറഞ്ഞു ...

പക്ഷെ ഇപ്പോഴേ ബാല നന്ദേട്ടന്റെ മേൽ ഒരധികാരം സ്ഥാപിക്കാൻ ശ്രമിക്കുന്നില്ലേ   എന്നൊരു തോന്നൽ?? അശ്വതി പറഞ്ഞു ....

നന്ദൻ ചോദ്യഭാവത്തിൽ അശ്വതിയെ നോക്കി ....

💖വിടപറയും നേരം -4💖

വിവാഹത്തിന്  മുൻപേ  ബാല  നന്ദേട്ടന്റെ  അടുത്ത് അധികാരം കാണിക്കുന്നത് കണ്ടത് കൊണ്ട് ഞാൻ പറഞ്ഞു എന്നെ ഒള്ളു നന്ദേട്ടാ !!! നന്ദന്റെ നോട്ടത്തിനുള്ള മറുപടി  അശ്വതി കൊടുത്തു ...

ഏയ്‌ !!! എനിക്ക് അങ്ങനെ തോന്നിയില്ല. അച്ചു ... ബാല നിന്നോട് നല്ല രീതിയിൽ അല്ലേ സംസാരിച്ചത് ... പിന്നെ വിവാഹം കഴിഞ്ഞാൽ ബാല എന്നോടൊപ്പം എപ്പോഴും  കൂടെ കാണും ...

 അത്‌ അല്ലേലും അങ്ങനെയല്ലേ ?? 

അവൾ  പറഞ്ഞത്  അവളും കൂടി നമ്മുടെ കൂടെ വരുമെന്ന് അല്ലെ ?? അല്ലാതെ  നമ്മൾ തമ്മിൽ കാണരുത് എന്ന് അവൾ പറഞ്ഞില്ലല്ലോ !! നന്ദൻ ബാലയെ ന്യായീകരിച്ചു സംസാരിച്ചു ...

നന്ദന്റെ സംസാരം കേട്ട്  അശ്വതിക്ക് ദേഷ്യം വന്നു !!!

എങ്കിൽ. ഞാൻ ഒരു കാര്യം തുറന്ന്  ചോദിക്കട്ടെ  നന്ദേട്ടാ ???

വിവാഹം കഴിഞ്ഞു ബാല  നന്ദേട്ടനോട് എന്നെ കാണാനും മിണ്ടാനും പാടില്ലെന്ന് പറഞ്ഞാൽ നന്ദേട്ടൻ. എന്ത്  ചെയ്യും ??? ബാലയെ അനുസ്സരിക്കുമോ അതോ എതിർക്കുമോ ??

നന്ദൻ കാർ റോഡിൻറെ സൈഡിൽ ഒതുക്കി നിറുത്തി ...

അശ്വതി !!! നീ ഇപ്പോൾ ചോദിച്ച. ചോദ്യത്തിന്റെ പ്രസക്തി എത്രമാത്രം ആണെന്ന് എനിക്ക് അറിയാം ... ഇപ്പോൾ എനിക്ക് ബാല വിവാഹം ആലോചിച്ച. ഒരു കുട്ടി മാത്രമാണ് ...

 നാളെ അവൾ എന്റെ ജീവിതത്തിൽ  ഭാര്യയായി വന്നാൽ തീർച്ചയായും അവളുടെ വാക്കിന് ഞാൻ വില കല്പിക്കും ... ന്യായമായ  കാര്യമാണെങ്കിൽ ഞാൻ അത്  അനുസരിക്കും ...

നിന്നെ കാണേണ്ട  മിണ്ടണ്ട  എന്ന്  ബാല പറഞ്ഞാൽ അതിന്റെ തക്കതായ  കാരണം എനിക്ക് അറിയണം ... 

അവൾ പറയുന്ന  ന്യായങ്ങൾ എനിക്കും കൂടി ബോധ്യമായാൽ ചിലപ്പോൾ എനിക്ക് നിന്നെ അകറ്റി നിറുത്തേണ്ടി വരും ... നന്ദൻ മറുപടി പറഞ്ഞു ...

നീയെന്റെ മുറപെണ്ണാണെന്ന് ബാലക്ക് അറിവുള്ള കാര്യമാണ് ... നമ്മുടെ കാര്യമെല്ലാം ഞാൻ ബാലയോട് തുറന്ന് പറഞ്ഞതാണ് ... ബാലക്ക് അതൊന്നും വലിയ കാര്യമല്ല  എന്ന് എന്നോട് പറഞ്ഞിരുന്നു ...

പിന്നെ നിന്റെ ഈ ആശങ്കകൾ ഒക്കെ ആസ്ഥാനത്തുള്ളതാണ് ....അല്ലെങ്കിലും നീ എന്തിനാ ആശങ്കപ്പെടുന്നത് ?? നിന്റെ നിർബന്ധം കൊണ്ടല്ലേ ഞാൻ ബാലയെ പോയി കണ്ടത് !!! എന്നിട്ട് ഇപ്പോൾ കുറെ കൊനിഷ്ട്  ചോദ്യവുമായി വന്നേക്കുന്നു ...

അശ്വതി തല താഴ്ത്തി ഇരുന്നു ...

നീ വിഷമിക്കാൻ പറഞ്ഞതല്ല !!! നീ ഒരു കാര്യം മനസ്സിലാക്കണം അശ്വതി  .... 

ഇനി ബാലയെന്നല്ല  ആരെ ഞാൻ കല്യാണം കഴിച്ചാലും അവർ  തങ്ങളുടെ ആണുങ്ങളുടെ മേൽ ഒരു കടിഞ്ഞാൺ  ഇടാൻ നോക്കും ... അത്‌ സംശയരോഗം ഒന്നുമല്ല .. അവരുടെ കുടുംബം ഭദ്രമാക്കുന്നതാണ് ...നന്ദൻ പറഞ്ഞു ....

ഇനി ഒന്നും പറയേണ്ട ….എനിക്ക് മനസ്സിലാകും നന്ദേട്ടാ !! 

നന്ദൻ പിന്നെ ഒന്നും പറയാൻ പോയില്ല ... കാർ സ്റ്റാർട്ട് ചെയ്തു  പോയി ....

💖💖💖💖💖💖💖💖

നന്ദന്റെ കൂടെ ഉത്സാഹത്തോടെ  പോയ ആൾക്ക് ഇത്  എന്ത് പറ്റി ?? മുഖം വാദി ഇരികുന്നല്ലോ ??

വീട്ടിൽ വന്ന പാടെ മുറിയിലേക്ക് കയറി പോയ  അശ്വതിയെ തിരക്കി വന്നതാണ് thulasi...

എന്താ. മോളേ ??? നന്ദനുമായി വഴക്കിട്ടോ ??

തുളസി തിരക്കി ..

ഏയ്‌ ഒന്നുമില്ല അമ്മേ ??? നന്ദേട്ടന് പെട്ടെന്ന് എന്തോ  ഒരുപാട്‌ മാറ്റം വന്നത്  പോലെ തോന്നി അമ്മേ ??  

വിവാഹം കൂടി കഴിഞ്ഞാൽ എനിക്ക് പഴയത് പോലെ നന്ദേട്ടനോട്  ഇടപെടാൻ ആകില്ല  അല്ലേ അമ്മേ ?? അശ്വതി നിറകണ്ണുകളൊടെ തുളസിയോട് ചോദിച്ചു ...

അതുപിന്നെ  അങ്ങനെയല്ലേ  മോളേ !!! കയറി വരുന്ന  പെങ്കൊച്ചിന്റെ സ്വഭാവം ആശ്രയിച്ചിരിക്കും ... 

എന്നാലും  നന്ദന്റെ വിവാഹം കഴിഞ്ഞാൽ എന്റെ മോള്   നന്ദനോട് അധികം സ്വാതന്ദ്ര്യം ഒന്നും കാണിക്കാൻ ചെന്നേക്കരുത് !!! അത് ചിലപ്പോൾ വന്നു കയറുന്നവൾക്ക് ഇഷ്ടപ്പെടണം എന്നില്ല ... 

അല്ലേലും  എന്റെ കുട്ടിയായി  വേണ്ടന്ന് വെച്ചതല്ലേ  നന്ദനെ ...ഇനിയെന്തിനാ  അതോർത്തു വിഷമിക്കുന്നത് ??? തുളസി തിരക്കി ...

ഇല്ലമ്മേ  ഇനി  ഞാൻ ഈ വിഷയം ഓർക്കാൻ പോലും ശ്രമിക്കില്ല ...ഞാൻ കുറച്ചു നേരം കിടക്കട്ടെ !!! പതിവില്ലാതെ യാത്ര ചെയ്തത് കൊണ്ടാവും എനിക്ക് തലവേദന എടുക്കുന്നു ... അശ്വതി നെറ്റിയിൽ കൈ  അമർത്തികൊണ്ട്  പറഞ്ഞു ...

ശരി ... അമ്മ പോകുവാ !! എന്തേലും വേണെങ്കിൽ അമ്മയെ വിളിച്ചേക്കണം !!!! തുളസി പിന്നെ അവിടെ നിന്നില്ല ...

അശ്വതി വാതിൽ അടച്ചതിന് ശേഷം കട്ടിലിൽ പോയി ഇരുന്നു ... എനിക്ക് എന്താണ്  പറ്റിയത് ???

 ഞാനാണ്  നന്ദേട്ടനോട് മറ്റൊരു വിവാഹം കഴിക്കാൻ നിർബന്ധം പിടിച്ചത്  ... എന്നിട്ട് ഇപ്പോൾ അതേ കാരണം ഓർത്തു ഞാൻ വിഷമിക്കുന്നു ... 

നന്ദേട്ടന്റെ മേൽ മറ്റാരും അധികാരം സ്ഥാപിക്കുന്നത്  എനിക്ക് ഇഷ്ടമല്ല !!! നന്ദേട്ടൻ  ഇത്രെയും കാലം എന്റെ മാത്രമായിരുന്നു .... ഇനിയും എന്റെ മാത്രമാണ്  !!! അങ്ങനെ  ഒരുത്തിയും വന്ന്  അധികാരം കാണിക്കാൻ നോക്കേണ്ട !!!

അശ്വതി മിഴികൾ അമർത്തി തുടച്ചു ... ശേഷം  ഫോൺ  എടുത്ത്  നന്ദനെ വിളിച്ചു ....

എന്നാൽ നന്ദന്റെ ഫോൺ ബിസി ആയിരുന്നു ... 

അശ്വതിക്ക് നിരാശ്ശ തോന്നി ... കുറേനേരം വിളിച്ചിട്ടും കിട്ടാതായതോടെ  അശ്വതി വസുന്ധരയെ വിളിച്ചു ...

അമ്മായി  !!! നന്ദേട്ടൻ   അവിടെയില്ലേ ??? കുറേനേരമായി വിളിക്കുന്നു ......വിലിചിട്ട് കിട്ടുന്നില്ല ... അശ്വതി തിരക്കി ...

ഹാ ... എന്റെ അച്ചുമോളെ  നന്ദൻ ഫോണിലാണ് ... ബാല  മോള്  വിളിക്കുവാ .. അവർക്ക് നിശ്ചയം പെട്ടെന്ന് നടത്തിയാൽ കൊള്ളാമെന്നുണ്ട് ... അതിന്റെ കാര്യം സംസാരിക്കുകയാണ് ...

അച്ചുമോൾക്ക്  അത്യാവശ്യം ഒന്നും ഇല്ലെങ്കിൽ നന്ദനോട്  ഞാൻ രാവിലെ വിളിക്കാൻ പറയാം കേട്ടൊ !!! അശ്വതിയുടെ മറുപടിക്ക് കാത്തുനിൽക്കാതെ വസുന്ധര ഫോൺ ഓഫ് ചെയ്തു ...

അശ്വതിക്ക്  തന്റെ സങ്കടം നിയന്ത്രിക്കാനായില്ല .... കയ്യിൽ ഇരുന്ന ഫോൺ  വലിച്ചെറിഞ്ഞിട്ട്. ഏങ്ങലടിച്ചു കരഞ്ഞു ...

💖💖💖💖💖💖💖💖

നമ്മുടെ പദ്ധതി ഏതാണ്ട്  ഫലം കണ്ടു എന്നാണ് തോന്നുന്നത്  ബാല !!! നന്ദൻ ബാലയോട് പറഞ്ഞു ...

പിന്നെ ഫലം കാണാതെ എവിടെ പോകാൻ ?? നന്ദേട്ടൻ. അശ്വതിയെ എത്രമാത്രം അവഗണിക്കുന്നവോ  അത്രമാത്രം അശ്വതി നന്ദട്ടനെ  നേടാനായി ആഗ്രഹിക്കും !! ആ ആഗ്രഹം അവളുടെ മനസ്സിൽ വന്നത്  കൊണ്ടാണ്  നന്ദേട്ടനോട്  എന്റെ പേര്  പറഞ്ഞു  തർക്കിച്ചത് ... അവളെ  താമസിക്കാതെ നമ്മുടെ വരുതിയിൽ കൊണ്ടുവരാൻ കഴിയും നന്ദേട്ടാ !!!

അവളുടെ  മനസ്സ്  നന്ദേട്ടന്റെ കൂടെ. ജീവിക്കാൻ കൊതിക്കണം ... നന്ദേട്ടനെ  ആർക്കും വിട്ടുകൊടുക്കില്ലെന്ന  വാശി അവളുടെ മനസ്സിൽ വളർത്തി എടുക്കണം ...അടുത്ത  കളി അതിന്  വേണ്ടി ഉള്ളതാവണം  നന്ദേട്ടാ...ബാല  പറഞ്ഞു ....

ബാല !!!! നന്ദി തന്നോട് എത്ര നന്ദി. പറഞ്ഞാലും മതിയാവില്ല ..താൻ എന്നെ മനസ്സിലാക്കി എന്നെ സഹായിക്കാൻ കൂടെ നിൽക്കുന്നതിന് ... നന്ദൻ പറഞ്ഞു ...

നന്ദി ഒക്കെ കയ്യിൽ വെച്ചേക്ക്‌ നന്ദേട്ടാ !!! ഒരു പാലം ഇട്ടാൽ  അങ്ങോട്ടും  ഇങ്ങോട്ടും  എന്നല്ലേ  ... ഈ ചെയ്തു തരുന്നതൊന്നും. വെറുതെയല്ല എനിക്ക്  നന്ദേട്ടന്റെ ഒരു വലിയ സഹായം വേണം ... ബാല പറഞ്ഞു ....

ഞാൻ എന്ത് സഹായമാണ് തനിക്ക് തിരിച്ചു ചെയ്യേണ്ടത് ??? നന്ദൻ ചോദിച്ചു ...

ബാല  തന്റെ ആവശ്യം പറഞ്ഞു !!! ബാലക്ക്  പറയാൻ ഉള്ളത് കേട്ട്  നന്ദൻ ഒരു നിമിഷം മിണ്ടാതെ ഇരുന്നു ....

💖വിടപറയും നേരം -5💖

നന്ദേട്ടൻ  എന്താ ഒന്നും മിണ്ടാത്തത് ?? ബാല ചോദിച്ചു ... എന്നെ  സഹായിക്കാൻ പറ്റില്ലാന്നുണ്ടോ ??

ഒന്നുമില്ല  ബാല !! നീ പറഞ്ഞത് എല്ലാം ഞാൻ ആലോചിക്കുകയായിരുന്നു ...

നമ്മുടെ രണ്ടുപേരുടെയും പ്രശ്നങ്ങൾ ഒരേ സമയം തന്നെ പരിഹരിക്കാവുന്ന ഒന്നാണ് ...

ബാല  ഒന്നും ഓർത്തു  ഭാരപ്പെടേണ്ട !! എല്ലാം ഞാൻ നോക്കിക്കൊള്ളാം ...

അപ്പോൾ ഗുഡ് നൈറ്റ് !! ബാല ഫോൺ  വെച്ചു ..

നന്ദൻ  ബാല പറഞ്ഞതിനെ പറ്റി ആലോചിച്ചു ....

പെട്ടെന്നാണ്  അപ്പച്ചിയുടെ ഫോൺ വന്നത് ..നന്ദൻ ഫോൺ എടുത്തു ...

എന്താ അപ്പച്ചി ഈ നേരത്തു ?? നന്ദൻ ചോദിച്ചു ...

മോനെ  നന്ദാ !!  നിങ്ങൾ തമ്മിൽ പിണങ്ങിയോ ?? അവൾ ഇവിടെ വന്ന സമയം മുതൽ ആകെ  വല്ലാതെ ഇരിക്കുവാ !! ഇവിടെ നിന്നും പോയ  അച്ചുവല്ല ഇപ്പോൾ ?? തുളസി പറഞ്ഞു ...

ഏയ്‌ ഒന്നുമില്ല അപ്പച്ചി ... പുറത്തു പോയപ്പോൾ ബാലയെ കണ്ടു ...

അതിന് ശേഷം അച്ചു എന്നോട്  ചില കാര്യങ്ങൾ ചോദിച്ചു ... അതിനുള്ള മറുപടി കേട്ട സമയം മുതൽ ആണ് ഇങ്ങനെ ??? അശ്വതിയുടെ നിർബന്ധം സഹിക്കാൻ വയ്യാതെയാണ് ബാലയെ പോയി കണ്ടത് ... കല്യാണ ശേഷം അച്ചുവിനോട്  എനിക്ക് പഴയത് പോലെ ഇടപെടാൻ കഴിയില്ല .. അതിന് അവൾ ഇപ്പഴേ മുഖം വീർപ്പിച്ചാൽ എനിക്ക്  ഒന്നുമില്ല ...

അശ്വതി കൊച്ചു കുട്ടിയൊന്നുമല്ലല്ലോ അപ്പച്ചി ... ആരും അവളുടെ പിണക്കം  കാര്യമാക്കാതെ വരുമ്പോൾ അവൾ താനേ  ശെരിയാകും ...ഇതിൽ കൂടുതലൊന്നും ഇപ്പൊ എനിക്ക് പറയില്ല അപ്പച്ചി ... നന്ദൻ സംഭാഷണം നിറുത്തി ...

നന്ദൻ പറഞ്ഞതിലും കാര്യമുണ്ട് ... പലകാര്യങ്ങൾക്കും ഇപ്പോഴും അച്ചുവിന്  ചെറിയ  കുട്ടികളുടെ പിടിവാശി ആണ് ......എന്തനെന്ന് വച്ചാൽ നടക്കട്ടെ  അല്ല  പിന്നെ ... തുളസി സ്വയം പറഞ്ഞു ...

💖💖💖💖💖💖💖💖

അടുത്ത താങ്കളാഴ്ച്ച  നന്ദന്റെയും ബാലയുടെയും വിവാഹ നിശ്ചയമാണ്... ചടങ്ങ് ലളിതമായി നടത്തിയാൽ മതിയെന്ന്  നന്ദൻ പറഞ്ഞിരുന്നു ... എന്നാൽ  ബാലയുടെ അച്ഛൻ  സുധീന്ദ്രന് നിശ്ചയം ആർഭാടമായി തന്നെ നടത്തണം എന്ന   നിർബന്ധപൂർവം പറഞ്ഞു ..

നന്ദൻ  എന്ത് പറഞ്ഞാലും എന്റെ മോളുടെ വിവാഹം എന്റെ സ്വപ്നമാണ് ... ആകെ  എനിക്ക് പറയാൻ അവൾ മാത്രമേ ഒള്ളു ... അതുകൊണ്ട്  നന്ദൻ എതിരൊന്നും പറയരുത് ... സുധീന്ദ്രൻ  പറഞ്ഞു ...

നന്ദൻ പിന്നെ എതിർത്തൊന്നും പറഞ്ഞില്ല ...

നിശ്ചയത്തിനുള്ള വസ്ത്രങ്ങൾ  ഒരുമിച്ചെടുക്കുവാനായി  ഇരുവീട്ടുകാരും തീരുമാനിച്ചു ...

ദേ  ""  എനിക്ക്  വിളിക്കുവാനും കൊണ്ടുപോകുവാനും ഒന്നും അധികം ആരുമില്ലെന്ന് അറിയാല്ലോ ""- അതുകൊണ്ട്  മുഖം വീർപ്പിച്ചു നിൽക്കാതെ നീയും അപ്പച്ചിയും  ഞങ്ങളോടൊപ്പം വരണം-- നന്ദൻ അശ്വതിയോട് പറഞ്ഞു ...

ഇല്ല  നന്ദേട്ടാ  നിങ്ങൾ പോയിട്ട്  വാ ... ഞാൻ വരുന്നില്ല !!! അശ്വതി ഒഴിഞ്ഞു മാറി ...

മോളെ  നീ  ഇതിന് മുടക്കം പറയരുത് !!! അവന്റെ ജീവിതത്തിലെ പ്രധാനപ്പെട്ട ഒരു ദിവസം അല്ലേ വാരാൻ പോകുന്നത് !!! നമ്മൾ എല്ലാത്തിനും കൂടെവേണം എന്ന് അവൻ ആഗ്രഹിക്കുന്നതിൽ എന്താ   തെറ്റ് !!!!വസുന്ധര  പറഞ്ഞു ...

ശെരി അമ്മായി !!! ഞാനായി ഒന്നും പറഞ്ഞു മുടക്കുനില്ല !!! അശ്വതി. അവരുടെ കൂടെ പോകാനായി ഇറങ്ങി ..

💖💖💖💖💖💖💖💖💖

തുണി കടയിൽ നല്ല തിരക്കുണ്ടായിരുന്നു ... 

അശ്വതിയെ കണ്ടതും ബാല ഓടി ചെന്ന് അശ്വതിയുടെ കയ്യിൽ പിടിച്ചു ... താൻ  വരുമെന്ന് ഞാൻ തീരെ പ്രതീക്ഷിച്ചില്ല കേട്ടോ .... എനിക്ക് ഒരുപാട്‌ സന്തോഷമയടാ ...എനിക്ക്  സഹോദരങ്ങൾ ആരും ഇല്ല അച്ചു ... അതുകൊണ്ട്  താൻ വേണം എനിക്ക്  ചേരുന്ന സാരി. എടുത്തു തരാൻ " ബാല  ചിരിച്ചു കൊണ്ട്  പറഞ്ഞു ...

അതിനല്ലേ  ഞാൻ  അശ്വതിയെ നിർബന്ധിച്ചു കൂടെ കൂട്ടിയത് !! അവരുടെ സംഭാഷണം കേട്ടുകൊണ്ട് വന്ന  നന്ദൻ പറഞ്ഞു ...

ബാല  അശ്വതിയെ  കൂട്ടി ശരി നോക്കാനായി പോയി ... കുറെ തിരഞ്ഞതിന് ശേഷം ബാലക്ക് ഇണങ്ങിയ ഒരു പട്ടുസാരി  എടുത്തു ...

ഇനി അച്ചുവിന് ഞാൻ ഒരു സാരി വാങ്ങി  തരാം ... തിങ്കളാഴ്ച  താൻ ഞാൻ വാങ്ങി തരുന്ന സാരി  ഉടുക്കണം കേട്ടോ !! ബാല പറഞ്ഞു ..

അശ്വതി നീരസം പുറത്തു കാണിക്കാതെ തലയാട്ടി ...

ബാല  കൂടുതലും അച്ചുവിനോട് സംസാരിച്ചു ... നന്ദന്റെ ഇഷ്ടങ്ങൾ ഒക്കെ ചോദിച്ചു ... അശ്വതിക്ക്  ബാലയുടെ സംസാരം  ഒന്നും  അശ്വതിക്ക് ഇഷ്ടമാകുന്നില്ലെന്ന്  ബാലക്ക് മനസ്സിലായെങ്കിലും  ബാലക്ക്  അശ്വതിയെ വിടാൻ ഉദ്ദേശമുണ്ടായിരുന്നില്ല ...

നന്ദനും രണ്ടുപേരെയും ഇടക്ക്  ശ്രദിക്കുന്നുണ്ടായിരുന്നു ...

ഷോപ്പിങ് കഴിഞ്ഞു എല്ലാവരും ഒരുമിച്ചു ഭക്ഷണവും കഴിച്ചാണ് അന്നത്തെ ദിവസം പിരിഞ്ഞത് ...

💖💖💖💖💖💖💖💖

ഇന്നാണ്  കല്യാണ  നിശ്ചയം !!!!

എല്ലാവരുടെയും  സൗകര്യം നോക്കി  ചടങ്ങ്  ടൗണിലെ ഓഡിറ്റോറിയത്തിൽ നടത്തുവാൻ നേരത്തെ തീരുമാനിച്ചിരുന്നു ...

ഇരുകൂട്ടരും നേരത്തെ തന്നെ എത്തിയിരുന്നു ....

ബാല കൊടുത്ത സാരിത്തന്നെയാണ് അശ്വതി  ഉടുത്തിരുന്നത് ... എന്നാൽ എല്ലാം നഷ്ടപ്പെട്ട് പോകുവാണെന്നുള്ള ചിന്ത അശ്വതിയെ അലട്ടിക്കൊണ്ടിരുന്നു ...

മുഹൂർത്തമായി !!!

നന്ദനും ബാലയും വേദിയിലേക്ക് കയറി നിന്നു ...

അശ്വതിക്ക് അവിടെ നിന്നും ഇറങ്ങി പോയാൽ മതിയെന്നായി ....

നന്ദനും ബാലയും പരസ്പരം നോക്കി ....

വിവാഹത്തീയതി  എല്ലാവരെയും അറിയിക്കുവാനായി ബാലയുടെ അച്ഛൻ  സുധീന്ദ്രൻ വേദിയിലേക്ക് കടന്ന്  വന്ന്  തിയതി അറിയിക്കുവാനായി തുടങ്ങിയതും ....  

ഒരാൾ മുന്നോട്ട് നടന്ന്  വരുന്നത് സുധീദ്രൻ കണ്ടു ഞെട്ടി തരിച്ചു നിന്നു ...

മഹി !!!! സുധീന്ദ്രൻ  മെല്ലെ മന്ത്രിച്ചു ...

എന്തെ ബാലയുടെ അച്ഛൻ   നിറുത്തി  കളഞ്ഞത്  !! എല്ലാവരെയും മൈക്കിൽ കൂടി തിയതി അറിയിക്ക് !!

എന്നിട്ട്  വേണം ഈ കൂടി വന്നിരിക്കുന്നവരോട്  എനിക്കും ചിലത്  പറയാൻ !!! മഹി  പറഞ്ഞു ...

എന്താ !!! എന്താ  സുധീന്ദ്രാ ?? ആരാ ഇയാൾ ??

 

സുധീന്ദ്രന്റെ ജേഷ്ഠൻ സതീശൻ  അവിടേക്ക് വന്നു ...

ഞാൻ മഹി !!  ഇവിടെ എന്നെ അറിയാവുന്ന ചിലരുണ്ട് !!! എനിക്ക് പറയാനുള്ളത് ഞാൻ ഇവിടെ പറയും !!! എനിക്ക് ആരെയും പേടിയില്ല !!! 

ഒന്നുമാത്രം എല്ലാവരും അറിയിക്കുന്നു !!! ഈ വിവാഹം നടക്കില്ല !!! ഈ മഹി ജീവനോടെ ഇരിക്കുമ്പോൾ നടത്തില്ല !!!

മഹിയുടെ ഉറച്ച ശബ്ദം അവിടെ പ്രതിധ്വനിച്ചു ....

💖വിടപറയും നേരം-6💖

ഞാൻ മഹി !!  ഇവിടെ എന്നെ അറിയാവുന്ന ചിലരുണ്ട് !!! എനിക്ക് പറയാനുള്ളത് ഞാൻ ഇവിടെ പറയും !!! എനിക്ക് ആരെയും പേടിയില്ല !!! 

ഒന്നുമാത്രം എല്ലാവരും അറിയിക്കുന്നു !!! ഈ വിവാഹം നടക്കില്ല !!! ഈ മഹി ജീവനോടെ ഇരിക്കുമ്പോൾ നടത്തില്ല !!!

മഹിയുടെ ഉറച്ച ശബ്ദം അവിടെ പ്രതിധ്വനിച്ചു ....

ദേ ... താൻ എന്തൊക്കെ പിച്ചും പേയുമാണ് ഈ പറയുന്നത് !! വെറുതെ വെളിവില്ലാതെ വല്ലതും വിളിച്ചു കൂവിയാൽ  ഞങ്ങളുടെ വിധം മാറും ... സതീശൻ പറഞ്ഞു ...

എനിക്ക് നല്ല  വെളിവും  ബോധവുമുണ്ട്  ചേട്ടാ !!  നേരും  നെറിയും  ഓർമ്മക്കുറവും ഉള്ളത്  നിങ്ങളുടെ അനിയൻ  ദോ  ആ നിൽക്കുന്ന  ബാലയുടെ  അച്ഛനാണ് !!!

എല്ലാവരുടെയും നോട്ടം  സുധീന്ദ്രന്റെ നേർക്കായി ...

എന്താ  സുധീന്ദ്രാ ഇതൊക്കെ ?? ഇയാൾ  ആരാണ് ?? ഇയാൾ  ഇത്ര ധൈര്യത്തോടെ ഇവിടെ വന്ന്  നിൽക്കണമെങ്കിൽ എന്തെങ്കിലും കാരണം ഇല്ലാതിരിക്കില്ല ... സതീശൻ  സുധീന്ദ്രന്റെ നേരെ തിരിഞ്ഞു ...

അച്ഛന് പറയാൻ ബുദ്ധിമുട്ടുണ്ടാകും  വല്യച്ചാ !!! ഞാൻ പറയാം !!! ബാല  മഹിയുടെ അടുത്തേക്ക് നടന്ന്  ചെന്നു ...

ഇത്  മഹേഷ് !!! എല്ലാവരും മഹി എന്ന് വിളിക്കും ..... ഞങ്ങൾ പരസ്പരം ഇഷ്ടത്തിലായിട്ട്  വർഷങ്ങളായി ... ഞങ്ങളുടെ ബന്ധം അച്ഛനും അമ്മയ്ക്കും അറിയാവുന്നതാണ് ... 

എന്നാൽ  അച്ഛന്  മഹിയുമായുള്ള ബന്ധത്തിന്  ഇഷ്ടമല്ലായിരുന്നു ...അതിന്  അച്ഛൻ  കണ്ടുപിടിച്ച ന്യായങ്ങൾ കുറച്ചു  വിചിത്രമായിരുന്നു .. 

മഹി അനാഥനാണ് ... ബന്ധുബലം  ഇല്ലെന്നായിരുന്നു അച്ഛന്റെ ആദ്യത്തെ കണ്ടെത്തൽ .. രണ്ടാമത്‌  മഹിയുടെ ജോലി ... ആള്  എയർപോർട്ടിൽ  പ്രീപെയ്ഡ് ടാക്സി ഡ്രൈവർ ആണ് ...അച്ഛന് ആ ജോലി ഒരു കുറച്ചിൽ ആണ് ...

എന്നെപോലെതന്നെ  വിദ്യാഭ്യാസം ഉള്ള ആളാണ് മഹി ... പിന്നെ ഇന്ന ജോലിയെ  ചെയ്യുവോള്ളു എന്ന വാശി ഒന്നും മഹിക്ക് ഇല്ലായിരുന്നത് കൊണ്ട്   സ്റ്റാറ്റസ് ഉള്ള  ജോലിക്ക്‌ വേണ്ടി കാത്തിരുന്നില്ല ...

എനിക്ക് അത്‌ ഒരു കുറച്ചിലായി തോന്നുന്നതും ഇല്ല ...

അച്ഛന്റെ കാല് പിടിച്ചു ഞാൻ പറഞ്ഞതാണ്  എനിക്ക് ഒരു കല്യാണം വേണ്ട ... അഥവാ  ഒരു ജീവിതം ഉണ്ടെങ്കിൽ അത്‌  ഈ നിൽക്കുന്ന  മഹിയോടൊപ്പം ആയിരിക്കും എന്ന് .. അപ്പോൾ അച്ഛൻ അച്ഛന്റെ അവസാനത്തെ അടവായ  ആത്മഹത്യ  ഭീഷണിയുമായി രംഗത്ത് വന്നു ...

എനിക്ക് മഹി  ഇല്ലാതെ  ജീവിക്കാൻ ആവില്ല വല്യച്ചാ !! ഈ ഒരു പ്രശ്നം ഇവിടെ വരെ എത്തിക്കണം എന്ന് ഞാൻ കരുതിയതല്ല ... എന്നാൽ അച്ഛൻ ഒരാളുടെ പിടിവാശിയുടെ മുന്നിൽ എന്റെ സ്വപ്‌നങ്ങൾ ഹോമിച്ചുകളയാൻ എനിക്ക്  വയ്യാ ... 

അച്ഛൻ പറഞ്ഞ എന്തേലും കാര്യങ്ങൾ ന്യായീകരിക്കാൻ കഴിയുന്നതായിരുന്നെങ്കിൽ ഒരുപക്ഷെ ഞാൻ അനുസരിച്ചേനെ !! ബാല പറഞ്ഞു ...

നീ  പറഞ്ഞത്  ഒക്കെ ശെരി തന്നെ !! പക്ഷെ ഇതൊന്നും അറിയാതെ  ഒരു കുടുംബം ഇന്ന്  ഇവിടെ വന്ന് നാണം കെട്ടില്ലെ ?? അതിന്റെ വിഷമം ഇങ്ങനെ നിനക്ക്  നികത്താനാകും ?? സതീശൻ ബാലയോട്  ചോദിച്ചു ...

വല്യച്ചാ !! ഒരു മനുഷ്യൻ ഈ ഭൂമിയിൽ ജനിച്ചു വീഴുമ്പോൾ തന്നെ ആ ജീവിതത്തിൽ എന്തൊക്കെ നടക്കണം എന്തൊക്കെ നടക്കേണ്ട  എന്ന്  ഈശ്വരൻ എഴുതി വെച്ചിട്ടുണ്ട് .. 

ഇന്നാർക്ക് ഇന്നയാൾ എന്ന്  ഈശ്വരൻ ചേർത്തുവെക്കും ... ദൈവമായി ചേർത്തുവെക്കുവാൻ ആഗ്രഹിക്കുന്നവരെ മനുഷ്യരായി വേർപെടുത്താൻ പാടില്ല !! 

പിന്നെ ആ നിൽക്കുന്ന  നന്ദേട്ടൻ !!! പുള്ളിക്കാരൻ പഠിച്ച  കള്ളൻ ആണ് !!! ഞാൻ ഈ വിവാഹത്തിന്  സമ്മതിച്ചാലും അദ്ദേഹത്തിന്  എന്നെ വിവാഹം കഴിക്കാൻ ഒരു താല്പര്യവും ഇല്ല  വല്യച്ചാ !!!

ദോ ... ആയിരിക്കുന്ന  സുന്ദരിക്കുട്ടിയെ  കണ്ടോ !!! അതാണ്  നന്ദേട്ടന്റെ പെണ്ണ് !! ബാല  അശ്വതിയെ ചൂണ്ടിക്കൊണ്ട്  പറഞ്ഞു !!!

അശ്വതി  അമ്പരപ്പോടെ ബാലയെ നോക്കി ..

ബാല അശ്വതിയുടെ അടുക്കൽ പോയി ... എനിക്ക് നിന്റെ നന്ദേട്ടനെ വേണ്ട !! ഞാൻ ഏട്ടാ  എന്ന്  വിളിച്ചത്  എന്റെ സഹോദരനായി കണ്ടുകൊണ്ട് ആണ് കേട്ടോ !!! 

എന്നെ കാണാൻ വന്ന അന്ന് തന്നെ തന്റെ കാര്യം എന്നോട് പറഞ്ഞു .. തന്റെ നിർബന്ധം സഹിക്കാൻ വയ്യാത്തത്  കൊണ്ട് എന്നെ വന്ന് കണ്ടതാണെന്നും  താൻ ഇല്ലാതെ നന്ദേട്ടന്  ജീവിക്കാൻ ആവില്ലെന്നും എന്നോട് പറഞ്ഞിരുന്നു ..

പിന്നീടുള്ള ദിവസങ്ങൾ നിന്റെ മനസ്സിന്റെ നോവ് ഞങ്ങൾ മനസ്സിലാക്കുകയായിരുന്നു ...നമ്മൾ സ്നേഹിക്കുന്നവർ നമ്മളിൽ നിന്ന് അകന്ന് പോകുമ്പോഴേ നമ്മൾ അവരെ എത്ര ആഴത്തിലാണ് സ്നേഹിച്ചത് എന്ന് അറിയാൻ പറ്റുവൊള്ളൂ  അച്ചു ...

അതുകൊണ്ട്  ഇനി ആവശ്യമില്ലാത്ത ശാഠ്യവും വാശിയും മാറ്റി  വെച്ചു  നന്ദേട്ടന്റെ നല്ല പാതയായി ജീവിക്കാൻ നോക്ക് ...

അശ്വതിയുടെ മിഴികൾ നിറഞ്ഞു .... ബാലയുടെ മുന്നിൽ കൈകൾ കൂപ്പി  നിന്നു കൊണ്ട്  വിതുമ്പി ...

അയ്യേ  എന്താ  അച്ചു ഇത് !!! സത്യത്തിൽ ഞാനല്ലേ  തന്നോട് മാപ്പ്  പറയേണ്ടത് ... ഒന്ന് പരീക്ഷിക്കാൻ ആണെങ്കിലും ഈ മനസ്സ് വിഷമിപിച്ചതിന്  മാപ്പ്... ബാലയുടെ ശബ്ദവും ആര്‍ദ്രമയി ...

സുധീദ്രൻ ബാലയെ  സൂക്ഷിച്ചു നോക്കി !!!

എന്റെ മോള് എല്ലാവരുടെയും മുന്നിൽ എന്നെ തോൽപിച്ചു അല്ലേ !! സുധീന്ദ്രൻ ചോദിച്ചു ..

അച്ഛനെ  തോൽപിക്കാൻ വേണ്ടി ഞാൻ ഒന്നും ചെയ്തില്ല ... പക്ഷെ അച്ഛൻ ഒന്ന് ചിന്തിക്കണം അച്ഛന്  ജയിക്കാൻ വേണ്ടി സ്വന്തം മകളുടെ ആഗ്രഹങ്ങളും മോഹങ്ങളും ഹോമിക്കണം എന്ന് പറയുന്നത്തിൽ  എന്ത്  യുക്തി  ആണ് ഉള്ളത് അച്ഛാ ??

മഹിയുടെ തെറ്റുകൊണ്ടാണോ മഹി  അനാഥൻ ആയത് ?? 

മഹിയുടെ പരിമിതിയിൽ നിന്നുകൊണ്ട്  തന്നെ നല്ല  വിദ്യാഭ്യാസം നേടി എടുത്തില്ലേ ?? പിന്നെ ഒരു ജോലി  !!! അത്‌ മഹിക്ക്  ഇന്നല്ലെങ്കിൽ നാളെ കിട്ടും !! ജോലിയില്ലെന്ന് പറഞ്ഞു വെറുതെ സമയം കളയുന്നില്ലല്ലോ??? എനിക്ക് സ്കൂളിൽ  നിന്ന്  കിട്ടുന്നതിലും കൂടുതൽ  മഹി  വണ്ടി  ഓടിച്ചു  സമ്പാദിക്കുന്നുണ്ട്‌ ...

ബാലയുടെ സംഭാഷണം കേട്ട് കൊണ്ട്  നന്ദൻ അവിടേക്ക് വന്നു ...

ബാല എന്നോട്  എല്ലാം പറഞ്ഞിരുന്നു ... ബാല  എടുക്കുന്ന  ഈ തീരുമാനം ഉചിതമാണ്  അങ്കിൾ ... അതുകൊണ്ട്  അങ്കിൾ ഈ വിവാഹത്തിന്  സമ്മതം പറയണം ...

ഇവർക്ക് രണ്ടാൾക്കും വേണെങ്കിൽ പോയി വിവാഹം രജിസ്റ്റർ ചെയ്യാമായിരുന്നല്ലോ ??? അങ്ങനെ  ചെയ്യാതിരുന്നത്  അങ്കിൾ ബാലയുടെ ആഗ്രഹം മനസ്സറിഞ്ഞു അനുഗ്രഹിച്ചു നടത്തികൊണ്ടുക്കുവാൻ ബാല അതിയായി ആഗ്രഹിക്കുന്നത് കൊണ്ടല്ലേ !! 

അതുകൊണ്ട് അങ്കിൾ ഇനി ഒരു  എതിരും പറയാതെ  ബാലയെ മഹിയുടെ കൈകളിൽ ഏൽപ്പിക്കണം ...

അത്‌  മാത്രവുമല്ല ........എന്റെയും അശ്വതിയുടെയും വിവാഹം അച്ഛന്റെ സ്ഥാനത്തു  നിന്ന് നടത്തി തരാൻ മനസ്സുണ്ടാകണം ...

സുധീന്ദ്രൻ ഒന്നും മിണ്ടിയില്ല !! നന്ദൻ  പറഞ്ഞത്  ശെരിയല്ലേ  സുധീന്ദ്രാ ?? നിന്റെ മോള്  ഇറങ്ങിപ്പോയി രജിസ്റ്റർ കല്യാണം ചെയ്തിരുന്നു എങ്കിൽ നിനക്ക് എന്തേലും ചെയ്യാൻ പറ്റുമായിരുന്നോ ?? പിള്ളാര്  ആഗ്രഹിച്ചത് പോലെ അങ്  സമ്മതിക്ക്‌ സുധീന്ദ്രാ !! സതീശൻ  പറഞ്ഞു ...

ഒടുവിൽ എല്ലാവരുടെയും നിർബന്ധത്തിന് മുന്നിൽ സുധീന്ദ്രൻ വിവാഹത്തിന്  സമ്മതിച്ചു ...

നന്ദൻ അശ്വതിയെ നോക്കി !!! അവൾ നന്ദനെ തന്നെ നോക്കി നിൽക്കുന്നത് കണ്ട്  നന്ദൻ അശ്വതിയുടെ അരികിലേക്ക് പോയി ... 

എന്താടി  കണ്ണുമിഴിച്ചു നോക്കുന്നത്  ഉണ്ടക്കണ്ണി !! നന്ദൻ അടക്കത്തിൽ ചോദിച്ചു ...

എന്നാലും രണ്ടാളും കൂടി എന്നെ പറ്റിക്കുകയായിരുന്നു അല്ലേ !! അശ്വതി നന്ദന്റെ കയ്യിൽ നുള്ളി !!

അതെ  പറ്റിക്കുകയായിരുന്നു !! ഞാൻ പോയാലും നിനക്ക്  വിഷമം എന്തേലും ഉണ്ടോ എന്ന് അറിയണമല്ലോ  അതാ  ഈ വിദ്യ  പ്രയോഗിച്ചത് ...

എന്റെ അച്ചൂസിനെ  ഒരു വിധിക്കും ഞാൻ വിട്ടുകൊടുക്കില്ല  കേട്ടോ !!! നന്ദൻ അശ്വതിയെ ചേർത്ത് പിടിച്ചു ... ആ രംഗം കണ്ട  വസുന്ധരയുടെയും തുളസിയുടെയും കണ്ണുകളിൽ ഈറൻ അണിഞ്ഞു ...

നന്ദൻ  ബാലയെ  നോക്കി  !!! ബാല  കണ്ണുകൾ ചിമ്മി കാണിച്ചു ...

ബാലയും മഹിയും നന്ദന്റെ അരികിലേക്ക് പോയി ... താങ്ക്സ്  നന്ദേട്ടാ !!! അച്ചുവിന്റെ  കാര്യത്തിൽ ഞാൻ  ബുദ്ധി  പ്രയോഗിച്ചപ്പോൾ മഹിയുടെ  കാര്യം  നന്ദേട്ടൻ ഏറ്റെടുത്തിരുന്നു... നന്ദേട്ടൻ തക്ക സമയത്തു തന്നെ മഹിയെ പോയി കാണുകയും ഇവിടെ വന്നു കല്യാണം നടത്തില്ലെന്ന് ധൈര്യമായി പറഞ്ഞുകൊള്ളാൻ ഉള്ള ധൈര്യം കൊടുത്തതിനും ഒക്കെ ഞങ്ങൾ നന്ദേട്ടനോട് കടപ്പെട്ടിരിക്കുന്നു !!! ബാല  നന്ദിയോടെ പറഞ്ഞു ...

എന്തായാലും ബാലയുടെ അച്ഛൻ  നേരത്തെ പറഞ്ഞത് പോലെ മൂന്ന്  മാസം കഴിഞ്ഞു  കല്യാണം ... പക്ഷെ ഒന്നല്ല  രണ്ട്  കല്യാണം ആണെന്ന്  മാത്രം....നന്ദൻ പറഞ്ഞു ......എല്ലാവരുടെയും മുഖത്തു  സന്തോഷം അലതല്ലി ....

അപ്പോൾ നമുക്കും അവരുടെ വിവാഹത്തിനായി ഒരു മൂന്ന്  മാസം കാത്തിരിക്കാം അല്ലേ 💖✍✍🙏🙏

ശുഭം 🙏🙏❣️

📝SHEROON4S