🍁ഡിവോഴ്സ് ഫുൾ പാർട്ട്🍁

🍁ഡിവോഴ്സ് ഫുൾ പാർട്ട്🍁

നമ്മളു തമ്മിൽ പിരിയാൻ തീരുമാനിച്ച സ്ഥിതിക്ക് എൻ്റെ വയറ്റിൽ വളരുന്ന കുഞ്ഞിൽ തനിക്ക് ഒരവകാശവും ഇല്ല

നാളെ ആ കുഞ്ഞ് അവകാശവും പറഞ്ഞ് എന്നെ തേടി വരില്ലന്ന് നിനക്കുറപ്പുണ്ടോ

വരില്ല എൻ്റെ കുട്ടി തന്തയില്ലാതെ തന്നെ വളരും അല്ല വളർത്തും ഞാൻ ആ കുട്ടിയെ .

എന്നെങ്കിലും അവൻ എന്നെ തേടി വന്നാലോ അതാണ് ഞാൻ പറഞ്ഞത് ഇതിനെ നശിപ്പിച്ചതിന് ശേഷം മാത്രം നമുക്ക് - പിരിയാമെന്ന്.

പിരിയാം എന്ന് നിങ്ങൾ പറഞ്ഞ ആ നിമിഷം തന്നെ എന്നിൽ ഒരധികാരവും അവകാശവും ശ്യാമിന് ഇല്ല പിന്നെ ഒരപേക്ഷയുണ്ട് ഒരിക്കലും എന്നെയോ എൻ്റെ കുഞ്ഞിനേയും തേടി ശ്യാമും വരരുത്.ഞാൻ ഇറങ്ങുന്നു

നിറമിഴികളോടെ ശാലു ആ മുറിയിൽ നിന്നിറങ്ങി. കഴിഞ്ഞ രണ്ടു വർഷം പരാതികളും പരിഭവങ്ങളും ഇണക്കങ്ങളും പിണക്കങ്ങളുമായി കഴിഞ്ഞിരുന്ന മുറി ഒന്നാകലിൻ്റേയും പൊട്ടിതെറികളുടെയും സീത്കാരങ്ങൾ എറ്റുവാങ്ങിയ'  നാലു ചുമരുകൾ  കഴിഞ്ഞ ഒരു മാസമായി തേങ്ങികരച്ചിലുകൾക്കു മാത്രമാണ് സാക്ഷ്യം വഹിച്ചത്.

മുറിയിൽ നിന്നിറങ്ങിയ ശാലു വലിയൊരു ബാഗ് തോളിലും മറ്റൊരു ബാഗ് കൈയിലുമേന്തി പൂമുഖത്തേക്ക് നടന്നു.

മോളു പോകാൻ തന്നെ തീരുമാനിച്ചോ.

പോകാതെ പറ്റില്ലമ്മേ

ഞങ്ങൾ മോളെ തടയില്ല മോളെടുത്ത തീരുമാനം നല്ലതായി എന്നേ ഞങ്ങൾ പറയു .

എന്നാൽ ഞാനിറങ്ങട്ടെ

മോൾ എവിടേക്കാണ് പോകുന്നത്.

എൻ്റെ വീട്ടിലേക്കല്ല കാരണം എല്ലാം സഹിച്ചും ക്ഷമിച്ചും ശ്യാമിൻ്റെ ഇഷ്ടത്തിനൊപ്പം ജീവിക്കണം എന്നു പറയുന്ന വീട്ടിലേക്ക് ഞാനില്ല

പിന്നെ എവിടേക്കാണ് മോളു പോകുന്നത്. അതും വയറ്റിലൊരു കുഞ്ഞുമായി.

അത് ആരും അറിയണ്ട. ആരും എന്നെ തിരക്കി വരികയും വേണ്ട.

ഒറ്റക്ക് മോളെങ്ങനെ ജീവിക്കും

ഒറ്റക്ക് ആണന്ന് ആരു പറഞ്ഞു. ഞാൻ റ്റെക്കല്ല എനിക്ക് കുട്ടായി എൻ്റെ കുഞ്ഞുണ്ട് അവന് ഞാനും

ഈ സമയത്ത് മോൾക്ക് എന്തെങ്കിലും ആവശ്യം വന്നാൽ 

അച്ഛൻ കൊടുത്ത നൂറ്റി ഒന്ന് പവനും പത്തുലക്ഷം രൂപയും കാറും ഞാൻ കൊണ്ടു പോകുന്നു. ഞാൻ ഒഴിഞ്ഞു പോകാൻ ശ്യാമും പത്തുലക്ഷം ഓഫർ വെച്ചു. ഞാനത് സ്വീകരിച്ചു.

എന്നാലും മോളെ

ഒരെന്നാലും ഇല്ല ഞാൻ ഇറങ്ങുന്നു.

ശാലു അവിടെ നിന്നിറങ്ങി. പോർച്ചിൽ കിടന്ന കാറിൽ തൻ്റെ ലഗേജുകൾ എടുത്തു വെച്ചു.ശാലു കാറിൽ കയറി കാർ ഗേറ്റ് കടന്നു പോകുന്നത് മുകളിലെ മുറിയിലിരുന്ന ശ്യാം കണ്ടു.

ശ്യാമിന് സന്തോഷമടക്കാനായില്ല. ശ്യാംമുറിയിൽ കിടന്ന് തുള്ളിച്ചാടി.

എത്ര വേഗമാണ് ശാലു ഒഴിഞ്ഞു പോയത്.

 എങ്ങനെ

 ഒഴിവാക്കുമെന്നോർത്തിരുന്നപ്പോളാണ്   അറിയുന്നത് ശാലു ഗർഭിണിയാണന്ന് പിരിയാനൊരു പുതുവഴി മുന്നിൽ കിട്ടിയ സന്തോഷത്തിലാണ് ശ്യാം അന്നു വീട്ടിലെത്തിയത്. 

തൻ്റെ നെഞ്ചോടു ചേർന്നു കിടക്കുന്നവളെ ഒന്നുകൂടി തന്നോട് ചേർത്ത് പിടിച്ചു കൊണ്ടാണതു പറഞ്ഞത്.

ശാലു.

എന്താ ശ്യാം ഇന്ന് പതിവില്ലാത്തൊരു സ്നേഹം'

അത് ശാലു ഞാനൊരു കാര്യം പറഞ്ഞാൽ താനതു കേൾക്കുമോ.

അപ്പോ ഞാനുദ്ദേശിച്ച പോലെ തന്നെ ശ്യാമിന് എന്നെ കൊണ്ട് എന്തോ ആവശ്യമുണ്ടല്ലേ

ചെറിയൊരാവശ്യം

എന്തായാലും ശ്യാം പറ

നമുക്ക് ഈ കുഞ്ഞ് ഇപ്പോ വേണോ ശാലു. ഒരു കുഞ്ഞിൻ്റെ അച്ഛനാകുകാന്നു വെച്ചാൽ ഈ കാലത്ത് അതൊരു വെല്ലുവിളി തന്നെയാണ്.

ശ്യാം ശ്യാമെന്താ പറഞ്ഞത്. ഈ കുഞ്ഞ് നമുക്ക് ഇപ്പോ വേണോന്നോ.ശ്യാമിൽ നിന്ന് അടർന്നു മാറിക്കൊണ് ശാലു ചോദിച്ചു.

അതെ നമുക്ക് ഇത് അബോർട്ട് ചെയ്തു കളയാം

പറ്റില്ല ...പറ്റില്ല.... ഞാനിതിനു സമ്മതിക്കില്ല ശാലു പതുക്കെ എണീറ്റ് തൻ്റെ അടിവയറിൽ കൈത്തലം അമർത്തി കൊണ്ട് അലറി.

നീ ഇതിനു സമ്മതിച്ചില്ലങ്കിൽ എനിക്ക് നിന്നേയും വേണ്ട.

ശ്യാം എന്തൊക്കെയാ ഈ പറയുന്നത്.ശ്യാമിനെന്താ വട്ടു പിടിച്ചോ .?

എനിക്ക് വട്ടൊന്നും ഇല്ല എനിക്ക് കുറച്ച് നാൾ കൂടി അടിച്ചു പൊളിച്ചു നടക്കണം അതിനിടയിൽ ഒരു കുഞ്ഞ് ഞാനാഗ്രഹിച്ചിട്ടില്ല ഞാനിപ്പോ .

കല്യാണം കഴിഞ്ഞിട്ടിപ്പോ രണ്ടു വർഷം കഴിഞ്ഞില്ലേ ഇതുവരെ ശ്യാം അടിച്ചു പൊളിച്ചു തന്നെയല്ലേ ജീവിച്ചത്. കുഞ്ഞുണ്ടായാലും അതിന് തടസ്സമൊന്നും ഉണ്ടാകില്ല

ഞാൻ ഒരച്ഛനാകാൻ മാനസ്സികമായി തയ്യാറായിട്ടില്ല

മാനസികമായി തയ്യാറാകുന്നതുവരെ ശ്യാം എന്തുകൊണ്ട് മുൻകരുതൽ എടുത്തില്ല

എനിക്ക് നിന്നോട് തർക്കിക്കാൻ സമയമില്ല എന്നോടൊപ്പം ജീവിക്കണമെങ്കിൽ നാളെ രാവിലെ ഒരുങ്ങി എൻ്റൊപ്പം വരണം.

കുഞ്ഞുങ്ങളെന്നു വെച്ചാൽ ശാലുവിന് ജീവനാണന്ന് അറിഞ്ഞു കൊണ്ടു തന്നെയാണ് ഈക്കാര്യം അവളോട് ആവശ്യപ്പെട്ടത്.ഗർഭിണി ആണന്നറിഞ്ഞപ്പോൾ ശാലുവിനുണ്ടായ സന്തോഷം താനും നേരിട്ടു കണ്ടതല്ലേ.

ഞാൻ നിർബദ്ധിക്കും തോറും അവളിൽ വാശി കൂടി വന്നു.ആദ്യമൊക്കെ കരഞ്ഞ് അവളുടെ എതിർപ്പ് പ്രകടിപ്പിച്ചിരുന്നെങ്കിൽ ദിവസങ്ങൾ കഴിഞ്ഞപ്പോൾ അവളൊരു തീരുമാനമെടുത്തു.

പിരിയുക മ്യൂച്ചൽ ആയി ഒപ്പിട്ടു പിരിയുക.

വിവരങ്ങളെല്ലാം അറിഞ്ഞ് അച്ഛനും അമ്മയും ആകെ തകർന്നു.

അബോർഷനിൽ നിന്ന് എന്നെ പിന്തിരിപ്പിക്കാൻ അവരും ശ്രമിച്ചു.

ആണും പെണ്ണുമായി ആകെയുള്ള ഒരു മകനാണ് ഞാൻ പക്ഷേ അവരുടെ കണ്ണീര് ഞാൻ കണ്ടില്ലന്ന് നടിച്ചു.അതിന് കാരണമുണ്ട്.

ശാലു സാധാരണ ഒരു നാട്ടിൻ പുറത്തുകാരി മുട്ടൊപ്പം മുടിയും നീട്ടി വളർത്തി. നെറുകയിൽ സിന്ദൂരവും വാരി പൊത്തി. നെറ്റിയിൽ നീളത്തിലൊരു കുറിയും വരച്ച് സാരിയും വലിച്ചു ചുറ്റി നടക്കുന്നൊരു ശാലീന സുന്ദരി. 

പെണ്ണു കണ്ടു എൻ്റെ സങ്കല്പത്തിലെ പെൺകുട്ടിയല്ല ശാലു എങ്കിലും അവളുടെ സൗന്ദര്യം അതെന്നെ ഭ്രമിപ്പിച്ചു.അങ്ങനെയാണ് ഈ വിവാഹം നടന്നത്.

അവളോടുള്ള ഭ്രമം തീരാൻ അധികനാൾ വേണ്ടി വന്നില്ല. ആദ്യത്തെ വിവാഹ വാർഷികം ആഘോഷമാക്കി അന്ന് തൻ്റെ ഓഫീസിലെ സ്റ്റാഫും തൻ്റെ കൂട്ടുകാരെല്ലാം വന്നിരുന്നു.

ഞങ്ങളോർത്തത്  ശ്യാമിൻ്റെ ഭാര്യ ശ്യാമിനേപോലൊരു മോഡേൺ ആണന്നാ. ഇതൊരു മാതിരി അമ്പലവാസി പോലുണ്ടല്ലോ.

കൂട്ടുകാരുടെ അന്നത്തെ കളിയാക്കൽ തൻ്റെ ഹൃദയത്തിലാണ് വന്നു പതിച്ചത്.

ആ സമയത്താണ് ഓഫീസിൽ പുതിയൊരു കുട്ടി ജോയിൻ ചെയ്തതു

സ്ലീവ് ലെസ് ടോപ്പും അരയോട് ചേർന്ന് ഇറുകി കിടക്കുന്ന ജീൻസും തോളൊപ്പം വെട്ടി ഷാംമ്പു ഇട്ട് അഴിച്ചിട്ട മുടിയും ലിപ്സ്റ്റിക്ക് ഇട്ട് ചുവപ്പിച്ച ചുണ്ടുകൾ അഹാ സൂപ്പർ  തൻ്റെ സങ്കല്പത്തിലെ പെൺകുട്ടി. അവളെ കണ്ടമാത്രയിൽ തന്നെ എൻ്റെ മനസ്സിലൊരു പുതുമഴ പെയ്തപ്പോലെ

ആവശ്യത്തിനും അല്ലാതെയും അവളെ എൻ്റെ ക്യാമ്പനിലേക്ക് വിളിക്കുന്നത് പതിവാക്കി. കമ്പ്യൂട്ടർ സെക്ഷനിൽ നിന്ന് എൻ്റെ പ്രൈവറ്റ് സെക്രട്ടറി ആയി മാറാൻ അവൾക്കധികം ദിവസം വേണ്ടി വന്നില്ല.

ഞങ്ങളുടെ കൂടികാഴ്ചകൾ അതിരുവിടുന്നതു അറിയുന്നുണ്ടായിരുന്നു. ഓഫീസ് ടൂറെന്നും പറഞ്ഞ് ഞങ്ങൾ പലയിടത്തും കറങ്ങി നടന്നു. പക്ഷേ.കറങ്ങി നടന്നതു മാത്രം മിച്ചം. 

അവൾ മിത്ര അവളൊരിക്കലും എൻ്റെ ഇഷ്ടത്തിന് കൂട്ടുനിന്നില്ല എൻ്റെ പ്രണയം മഴയായ് പെയ്തിറങ്ങാൻ മിത്ര സമ്മതിച്ചില്ല.

അവളൊരു ഡിമാൻ്റ് വെച്ചു അവളെ വിവാഹം ചെയ്യുക. അതിന് ആദ്യം ശാലുവിനെ ഡിവോഴ്സ് ചെയ്യണമായിരുന്നു.

അച്ഛൻ്റേയും അമ്മയുടെയും പ്രിയങ്കിയായ അവളെ ഒഴിവാക്കുക അത്ര എളുപ്പമായിരുന്നില്ല. ശാലുവിനെ ഒഴിവാക്കി മിത്രയെ വിവാഹം കഴിക്കുക അതുമാത്രമായിരുന്നു എൻ്റെ ലക്ഷ്യം അതിനു വേണ്ടിയാണ് അബോർഷൻ എന്ന കാര്യത്തിൽ പിടിച്ച് വഴക്ക് തുടങ്ങിയത്.

ഇന്നലെ ശാലു കണ്ടു പിടിച്ചു ഞാനും മിത്രയും തമ്മിലുള്ള ബന്ധം.

അബോർഷനു നിർബന്ധിക്കാൻ കാരണം മനസ്സിലാക്കി അവൾ സ്വയം ഒഴിഞ്ഞു തരാൻ തയ്യാറായി.

ശാലു ഒപ്പിട്ട മ്യൂച്ചൽ ഡിവോഴ്സിൻ്റെ പേപ്പർ ശ്യാം കയ്യിലെടുത്തു. അതിൽ തുരുതുരാന്ന് ഉമ്മവെച്ചു.

ആ സമയത്താണ് ശ്യാമിൻ്റെ മാതാപിതാക്കൾ ആ മുറിയിലേക്ക് കടന്നുവന്നത്.

നിനക്കിപ്പോ സന്തോഷമായി കാണുമല്ലോ അല്ലേ.

സന്തോഷമായോന്നോ സന്തോഷമായി ഒത്തിരി സന്തോഷം നിങ്ങളു നോക്കീക്കോ അവളുപോയെങ്കിൽ അവളേക്കാളും സുന്ദരിയായവൾ നാളെ ഈ വീടിൻ്റെ പടി കയറി വരും.

ഇത് എൻ്റെ വീടാ ഇതിനകത്തോട്ട് ഒരുത്തിയേയും വിളിച്ചോണ്ട് വരാൻ ഞാൻ സമ്മതിക്കില്ല.

2

ലോക്കപ്പിൻ്റെ തണുത്ത സിമൻ്റു തറയിൽ ഇരുന്ന് കഴിഞ്ഞ കാര്യങ്ങൾ ഓരോന്നായി ഓർത്തെടുക്കുകയാണ് ശ്യാം.

അന്ന് അച്ഛൻ്റെയും അമ്മയുടെയും വാക്കുകൾ ധിക്കരിച്ച് ബുള്ളറ്റിൻ്റെ ചാവിയും വിരലിൽ ഇട്ടു കറക്കി തുള്ളിച്ചാടിയാണ് കാർപോർച്ചിലേക്ക് വന്നത്. കാർപോർച്ചിൽ നിന്ന് ബുള്ളറ്റുമെടുത്ത് പോയത് മിത്രയുടെ ഫ്ലാറ്റിലേക്കായിരുന്നു.

ഡോർബെല്ലടിച്ച് കാത്തുനിൽക്കാനുള്ള ക്ഷമ ഉണ്ടായിരുന്നില്ല. വാതിൽ തുറന്ന കത്ത് കയറി.

ഹാളിലും കിച്ചണിലും മിത്രയെ കാണാതെ വന്നപ്പോളാണ് ബെഡ്റൂമിലേക്ക് ചെന്നത്. അപ്പോ കുളി കഴിഞ്ഞിറങ്ങിയ മിത്ര ടർക്കി മാറിന് മുകളിലായി ചുറ്റി മുടി ഉണക്കുകയായിരുന്നു

മിത്രയെ അങ്ങനെ കണ്ടതും എൻ്റെ സിരകളിൽ വികാരത്തിൻ്റെ വേലിയേറ്റമുണ്ടായി. പതുങ്ങി ചെന്ന് കെട്ടിപ്പിടിച്ചു. ഞെട്ടി പോയ മിത്ര പെട്ടന്ന് തിരിഞ്ഞു നോക്കി എന്നെ അവിടെ കണ്ടതും മിത്ര കട്ടിലിൽ കിടന്ന ഡ്രസ്സ് എടുത്ത് മാറോട് ചേർത്തു പിടിച്ചു.

എന്താ ശ്യാം ഇത്. ഞാൻ പേടിച്ചു പോയല്ലോ

പെട്ടന്ന് മിത്രയെ ഇങ്ങനെ കണ്ടപ്പോൾ സോറി മിത്ര

ശ്യാം എന്താ ഇപ്പോ ഇവിടെ.

ഞാൻ ഫ്രീ ആയി° മിത്ര അവളു പോയി മ്യൂച്ചൽ ഡൈവോഴ്സിന് സമ്മതിച്ച് ഒപ്പിട്ടു തന്നു.

സത്യമാണോ ശ്യാം

സത്യമാണ് മിത്ര ദാ നോക്ക് അവളൊപ്പിട്ട പേപ്പർ.

മിത്ര ആ പേപ്പർ വാങ്ങി പേപ്പറിലൂടെ കണ്ണോടിച്ചു. മിത്രയുടെ ചുണ്ടിൽ ഒരു പുഞ്ചിരി വിടർന്നു.

നിനക്ക് വിശ്വാസമായില്ലേ ഇനി തടസ്സമൊന്നും പറയരുത് എന്നും പറഞ്ഞ് ശ്യാം മിത്രയുടെ തോളിൽ പിടിച്ചു

ശ്യാം ഒരു ഡിമാൻ്റ് കൂടിയുണ്ട്. അതും കുടി അംഗികരിച്ചാൽ ആ നിമിഷം ഞാൻ ശ്യാമിൻ്റെതായി മാറും.

പറയു മിത്ര ഇനി എന്താ തൻ്റെ ഡിമാൻ്റ്

2 വർഷം ഭാര്യയായി ഇരുന്നവളെ എനിക്ക് വേണ്ടി നീ ഉപേക്ഷിച്ചില്ലെ അതുപോലെ മറ്റൊരുവളെ കാണുമ്പോൾ നീ എന്നെ ഉപേക്ഷിക്കില്ലന്ന് ആരു കണ്ടു അതു കൊണ്ട് നിൻ്റെ പേരിലുള്ള ആ കമ്പനി എൻ്റെ പേരിൽ എഴുതി തരണം എന്നിട്ട് വാ ഞാൻ നിനക്ക് വഴങ്ങി തരാം.

രണ്ടാമതൊന്ന് ആലോചിക്കേണ്ടി വന്നില്ല ശ്യാമിന് പിറ്റേന്നു തന്നെ കമ്പനി മിത്രയുടെ പേരിലാക്കി രജിസ്റ്റർ ചെയ്തു.

ഫ്ലാറ്റ് വാടകയ്ക്ക് എടുത്ത് ജീവിതമാരംഭിച്ചു.വിവാഹം രജിസ്റ്റർ ചെയ്തില്ല .താലി കെട്ടിയില്ല ലിവിംഗ് ടുഗതർ അതാണ് നല്ലതെന്ന് മിത്ര പറഞ്ഞു. തൻ്റെ സങ്കല്പത്തിലെ സുന്ദരിക്കൊപ്പം അടിച്ചു പൊളിച്ചു ജീവിതം. താൻ ആഗ്രഹിച്ച പോലെ  ജീവിച്ചു. ആരുടെയും നിയന്ത്രണങ്ങളില്ലാതെ ഞാനും മിത്രയും പാറി പറന്നു. ഈ ലോകത്തിലെ ഏറ്റവും വലിയ ഭാഗ്യവാൻ ഞാനാണന്ന് അഹങ്കരിച്ചു.

മാസങ്ങൾ കഴിഞ്ഞു. മിത്ര ഗർഭിണി ആണന്നറിഞ്ഞപ്പോൾ വളരെയധികം സന്തോഷിച്ചു. വീട്ടിലേക്ക്  തിരിച്ചു ചെല്ലാനുള്ള ഒരവസരമായി ഞാൻ കണ്ടു.

എന്നാൽ എൻ്റെ പോലും അനുവാദമില്ലാതെ മിത്ര അതിനെ അബോർട്ട് ചെയ്തു അതിനെ കുറിച്ച് ചോദിച്ചപ്പോൾ ഒരമ്മയാകാൻ അവൾ മാനസികമായി ഒരുങ്ങില്ലെന്ന് പറഞ്ഞു. ഞാനതിന് മറുപടി ഒന്നും പറഞ്ഞില്ല

ദിവസങ്ങൾ കഴിയുംതോറും മിത്രയുടെ ആവശ്യങ്ങളും ആഡംബരങ്ങളും കൂടി കൂടി വന്നു.ഓരോ ആവശ്യങ്ങൾ പറഞ്ഞ് ബാങ്കിലെ നിക്ഷേപം പിൻവലിക്കാൻ നിർബന്ധിച്ചു കൊണ്ടിരുന്നു. കമ്പനിയുടെ ഉത്തരവാദിത്വം പൂർണ്ണമായും മിത്ര ഏറ്റെടുത്തു. എൻ്റെ പേരിൽ അച്ഛൻ വാങ്ങിയ സ്ഥലം വിറ്റ് ഒരു ഫ്ലാറ്റ് വാങ്ങി അതും മിത്രയുടെ പേരിൽ എനിക്ക് അത്രക്ക് വിശ്വാസവും സ്നേഹവും ആയിരുന്നു മിത്രയെ

എന്തിനും ഏതിനും ഞാൻ മിത്രയെ ആശ്രയിക്കേണ്ടുന്ന അവസ്ഥയിലായി കാര്യങ്ങൾ അപ്പോഴും ഞാൻ വിശ്വസിച്ചു മിത്രയെ. എൻ്റെ അമിതമായ ദുർ ചിലവുകൾക്ക് ഒരു കൺട്രോൾ ആയല്ലോ എന്നോർത്ത് സമാധാനിച്ചു.

വർഷം ഒന്നു കഴിഞ്ഞു. മിത്രയിൽ ചില മാറ്റങ്ങൾ കണ്ടുതുടങ്ങി. ബെഡ് റൂമിലെ എതിർപ്പുകൾ ഞാൻ ക്ഷമിച്ചു. പല കൂട്ടുകാരും മിത്രയെ പാർക്കിലും ബീച്ചിലും മാളുകളിലും മറ്റൊരാൾക്കൊപ്പം കണ്ടു എന്നു പറഞ്ഞപ്പോൾ ഞാനതെല്ലാം പുച്ഛിച്ചു തള്ളി.അസൂയക്കാർ ഓരോന്ന് പറഞ്ഞു പരത്തുന്നതാണന്ന് ഞാൻ വിശ്വസിച്ചു.

ഒരു ദിവസം ഞാൻ ഈക്കാര്യം മിത്രയോട് പറഞ്ഞു. എന്നാൽ യാതൊരു കൂസലും ഇല്ലാതെ അവളു പറഞ്ഞ മറുപടി കേട്ട് ഞാൻ ഞെട്ടി.

അവരു കണ്ടതും പറഞ്ഞതുമൊക്കെ ശരിയാണ് ശ്യാം എൻ്റെ ബോയ് ഫ്രണ്ടാണ് അവൻ പേര് രാകേഷ്

മിത്ര നീ എന്താ ഈ പറയുന്നത്.

അതെ ശ്യാം 

അതിൻ്റെ പേരിൽ വഴക്കുണ്ടായി. ഇന്നലെ പുറത്തു പോയ ഞാൻ സന്ധ്യ മയങ്ങിയ നേരത്താണ് ഫ്ലാറ്റിലെത്തിയത്.അല്പം മദ്യപിച്ചിട്ടുമുണ്ടായിരുന്നു.

ഫ്ലാറ്റിലെത്തി ബെല്ലടിച്ചു കാത്തു നിന്നില്ല ചാരിയിട്ടുരുന്ന വാതിൽ തുറന്നകത്തു ' കയറി.

ബെഡ്റൂമിലേക്ക് പോകനായി തുടങ്ങിയ ഞാൻ മറ്റൊരു റൂമിൽ നിന്നും അടക്കിപിടിച്ച സംസാരങ്ങളും പൊട്ടിച്ചിരികളും കേട്ട് ആ റൂമിൻ്റെ വാതിക്കലെത്തി ഡോറിൽ തട്ടി -

ഡോർ തുറന്ന് പുറത്തിറങ്ങിയ മിത്രയെക്കാപ്പം മറ്റൊരു ചെറുപ്പക്കാരൻ. അതു കണ്ട് നിയന്ത്രണം വിട്ട ഞാൻ മിത്രയുടെ കവിള് നോക്കി ഒന്നു കൊടുക്കാനായി കൈ വീശി എന്നാൽ അവളെൻ്റെ കൈയിൽ പിടിച്ച് ആ അടി തടഞ്ഞു.

ഇതെൻ്റെ ഫ്ലാറ്റാണ് ഇവിടെ എനിക്കിഷ്ടമുള്ളതു ചെയ്യുമെന്നും പറഞ്ഞ് വാക്കേറ്റമായി വാക്കേറ്റ് മൂത്ത് ഞാൻ മിത്രയെ പിടിച്ചു തള്ളി.അവളുടെ തല മേശമേൽ ഇടിച്ച് ചോര വന്നു. മിത്ര ഉടൻ തന്നെ പോലീസിൽ വിളിച്ചറിയിച്ചതിനെ തുടർന്ന് അവരെത്തി അവരു വരുമ്പോളും ഞാൻ എൻ്റെ പരാക്രമം നിർത്തിയിരുന്നില്ല.

ഒറ്റക്ക് താമസിക്കുന്ന യുവതിയുടെ വീട്ടിൽ കയറി അവരെ ആക്രമിക്കാൻ ശ്രമിച്ചു എന്നതായിരുന്നു കുറ്റം. അവരെന്നെ രാത്രി തന്നെ അറസ്റ്റ് ചെയ്തു ഇവിടെ കൊണ്ടുവന്നു.

ശ്യാം ശ്യാമിനെ കാണാൻ ഒരാൾ വന്നിട്ടുണ്ട്

തലയും കുമ്പിട്ട് ഇരുന്ന ശ്യാമിനെ വിളിച്ച് കോൺസ്റ്റബിൾ അറിയിച്ചു.

തലയുയർത്തി നോക്കിയ ശ്യാം കണ്ടത് തന്നെ തന്നെ നോക്കി നിൽക്കുന്ന അച്ഛനെയാണ് -

അച്ഛൻ അച്ഛാ ഞാൻ

ഒന്നും പറയണ്ട എല്ലാം എനിക്കു മനസ്സിലായി.

ഞാനൊരു തെറ്റും ചെയ്തില്ല.

നീ ഒരു തെറ്റും ചെയ്തില്ലേ നീ ശരിക്കുമൊന്ന് ആലോചിച്ച് നോക്ക്. വക്കീൽ ഇപ്പോ എത്തും. നിന്നെ ജാമ്യത്തിൽ ഇറക്കാൻ പറ്റുമോന്ന് നോക്കട്ടെ.

ജാമ്യം കിട്ടി അച്ഛനോടൊപ്പം വീടിൻ്റെ പടി കയറുമ്പോൾ കുറ്റബോധം എന്നെ വേട്ടയാടാൻ തുടങ്ങിയിരുന്നു.

റൂമിലെത്തി കതകടച്ചിരുന്നു. ശാലു ശാലുവിൻ്റെ മുഖം ഓർമ്മയിൽ തെളിഞ്ഞു വന്നു

ശ്യാമേട്ടാ ദേ ചായ ശ്യാമേട്ടാ കുളിക്കുന്നില്ലേ ശ്യാമേട്ടാ ഓഫീസിൽ പോകാൻ സമയമായി ശ്യാമേട്ടാ വാ കഴിക്കാം ശ്യാമേട്ടാ ഇന്ന് ദാ ഈ ഡ്രസ്സ് ഇട്ടാൽ മതി. ഓഫീസിൽ പോകും വരെ ഒരു നൂറു ശ്യാമേട്ടാ വിളി വിളിക്കും പലപ്പോഴും അലോസരപ്പെടുത്തിയിട്ടുണ്ട് ആ വിളി .

വൈകുന്നേരം വന്നാലോ ഇതു തന്നെ ശ്യാമേട്ടാ കിടക്കുന്നില്ലേ പാതിരാ വരെ ഈ ഫോണും തോണ്ടി ഇരുന്നാൽ വല്ല അസുഖവും വരുട്ടോ. ഉറങ്ങണ്ട സമയത്ത് ഉറങ്ങണം അതും പറഞ്ഞ് അവളുറങ്ങും അവളു ഉറങ്ങാൻ കാത്തിരിക്കും മിത്രയെ വീഡിയോ കോൾ ചെയ്യാൻ.

ശാലുവിനെ ഒന്നു കാണാൻ തോന്നുന്നു. അവളിപ്പോ എവിടായിരിക്കും കുഞ്ഞുണ്ടായി കാണും എന്തു കുട്ടി ആയിരിക്കും ഓരോന്ന് ഓർത്ത് ശ്യാമിന് വട്ടു പിടിക്കുന്ന പോലെ തോന്നി.

ശ്യാം ഫോണെടുത്ത് ശാലുവിൻ്റെ അച്ഛനെ വിളിച്ചു. എന്നാൽ ആ നമ്പർ നിലവിൽ ഇല്ലന്ന്

ഒരു വിധം നേരം വെളുപ്പിച്ചു. അച്ഛൻ്റെ കാറുമെടുത്ത് ശാലുവിൻ്റെ വീട് ലക്ഷ്യമാക്കി പാഞ്ഞു. എന്നാൽ ആ വീട്ടിൽ ആരും താമസമുണ്ടായിരുന്നില്ല തിരിച്ച് വീട്ടിലെത്തിയ ശ്യാം  മുറിയിൽ കയറി വാതിലടച്ചു.

അമ്മ നിർബന്ധിക്കുമ്പോൾ മാത്രം പുറത്തിറങ്ങും ഭക്ഷണം കഴിക്കും.

മാസങ്ങൾ കടന്നു പോയി

മകൻ്റെ ഈ പോക്കു കണ്ട് മനസ്സു തകർന്ന അമ്മ മകനായി മറ്റൊരു വിവാഹം ആലോചിച്ചു.

അന്ന് അത്താഴം കഴിച്ചു കൊണ്ടിരുന്നപ്പോളാണ് അമ്മ ആ വിഷയം അവതരിപ്പിച്ചത്.

മോനെ അച്ഛനും അമ്മക്കും പ്രായം കൂടി വരികയാണ്. ഒരു മകനുള്ള നീയോ കിട്ടിയ ജീവിതം തട്ടി പറപ്പിച്ച് കളഞ്ഞിട്ട് മറിയിൽ കയറി വാതിലടച്ചിരിക്കുന്നു

ഞാനിപ്പോ എന്തു വേണമെന്നാ അമ്മ പറഞ്ഞു വരുന്നത്.

കഴിഞ്ഞതൊക്കെ കഴിഞ്ഞു. നീ മറ്റൊരു വിവാഹം കഴിക്കണം. നിനക്ക് ഒരു കുഞ്ഞിക്കാല് കണ്ടിട്ട് വേണം ഞങ്ങൾക്കൊന്നു കണ്ണടയ്ക്കാൻ .

അമ്മേ ശാലു അവളിപ്പോ എവിടെയുണ്ടന്ന് നിങ്ങൾക്കറിയാമോ.

ഇല്ല മോനെ ആ കുട്ടി ഇവിടുന്ന് ഇറങ്ങിയപ്പോളെ പറഞ്ഞു അവളെ തിരക്കി ആരും ചെല്ലരുതെന്ന്

അമ്മേ അവളിവിടുന്ന് പോകുമ്പോൾ അവൾ രണ്ടു മാസം ഗർഭിണി ആയിരുന്നു. ആ കുട്ടി എൻ്റേതാണ് നിങ്ങളുടെ പേരക്കുട്ടി

വേണ്ട ഇനി അതിനെ കുറിച്ച് ഒരന്വേഷണം വേണ്ട. നീ ആയിട്ട് വേണ്ടെന്ന് വെച്ചതാ. നീ അവളെ അന്വേഷിച്ചു കണ്ടെത്തിയാലും അവളു വരില്ല നിനക്കൊപ്പം അത്രക്കും വേദനിപ്പിച്ചാ നീ അവളെ ഇവിടുന്ന് ഇറക്കിവിട്ടത്.

ശരിയാ അന്ന് ഞാനൊരു സ്വപ്നലോകത്തായിരുന്നു

ഇനിയെങ്കിലും ഞങ്ങൾ പറയുന്നതനുസരിക്ക് എൻ്റെയൊരു കൂട്ടുകാരിയുടെ മകൾ അപർണ കല്യാണം കഴിഞ്ഞപ്പോൾ ആ കുട്ടീടെ ഭർത്താവ് ആ കുട്ടിയെ ഉപേക്ഷിച്ച് മറ്റൊരുത്തിയുടെ കൂടെ പോയി. നമുക്ക് ആ മോളെ നിനക്കായിട്ട് ഒന്നാലോചിച്ചാലോ.

ശ്യാം ഒന്നും മിണ്ടാതെ ഭക്ഷണം കഴിക്കൽ നിർത്തി എഴുന്നേറ്റു പോയി.

ഓരോ ദിവസവും അമ്മ ഈ കാര്യവും പറഞ്ഞ് ശ്യാമിനെ സമീപിച്ചു. മനസ്സില്ലാ മനസ്സോടെ ശ്യാം അമ്മയുടെ ആഗ്രഹത്തിന് സമ്മതം മൂളി.

അമ്മയോടൊപ്പം ശ്യാം അപർണയെ പെണ്ണു കാണാൻ പോയി. സുന്ദരി എന്നു പറയാൻ പറ്റില്ല. ഇരുനിറം ചുരുണ്ട മുടി മെല്ലിച്ച ശരീരം. എന്നാലും മുഖ ഐശ്വര്യമുള്ളൊര്യ പെൺകുട്ടി കണ്ടാൽ കുഴപ്പം ഇല്ല എന്നു വേണമെങ്കിൽ പറയാം.

അമ്മയുടെ ആഗ്രഹപ്രകാരം ആ വിവാഹം നടന്നു. ദിവസങ്ങളും മാസങ്ങളും പൊയ്കൊണ്ടിരുന്നു. യാതൊരു പരാതിയും പരിഭവവും ഇല്ലാത്തൊരു പെൺകുട്ടി. അമ്മക്കും അച്ഛനും പ്രിയങ്കരിയായ മരുമോൾ എൻ്റെ എല്ലാ കഥകളും അറിഞ്ഞ അവൾ എപ്പോഴും എന്നോട് ഒരകലം പാലിച്ചു നിന്നു് എൻ്റെ എല്ലാകാര്യവും ക്രിത്യമായി ചെയ്തു തരുമ്പോളും ഞങ്ങളുടെ ഇടയിൽ ഒരകലം സൂക്ഷിച്ചിരുന്നു അവൾ.

മാസങ്ങൾ വർഷങ്ങൾ കടന്നു പോയി. പഴയതെല്ലാം മറന്ന് ഞാനൊരു നല്ല ഭർത്താവായി.2 വർഷം കഴിഞ്ഞിട്ടും അവൾക്ക് വിശേഷമാകാത്തത് എല്ലാവരിലും വിഷമം ഉണ്ടാക്കി.

അങ്ങനെയാണ് ഒരു ഡോക്ടറെ കാണാൻ തീരുമാനിച്ചത്.

പരിശോധനകൾക്ക് ശേഷം ആ ഡോക്ടർ പറഞ്ഞതു കേട്ട് ഞാനും അവളും ഞെട്ടി.

അപർണക്ക് ഒരിക്കലും ഒരമ്മയാകാൻ കഴിയില്ലന്ന് .ഇതു കേട്ട് തകർന്ന അവളെ ഞാൻ ചേർത്തു പിടിച്ചു.

വിവരം അറിഞ്ഞ അമ്മ 

5 വർഷം മുൻപ് ഇവിടുന്ന് ഇറങ്ങി പോയ ആ കുട്ടീടെ കണ്ണീരാ അനുഭവിച്ചോ നീ.

,,+++++++++++++++++++++++++++++++++

സ്നേഹാലയത്തിലെ ഓഫീസ് മുറിയിലിരുന്ന് ഡോക്ടർ വിശാലുമായി സംസാരിച്ചിരിക്കുകയാണ് സ്നേഹ .ആ സമയത്താണ് സ്നേഹാലയത്തിൻ്റെ ഗേറ്റു കടന്ന് ഒരു ഓട്ടോ മുറ്റത്ത് വന്ന് നിന്നത്. സ്നേഹ ഓഫീസിൽ മുറിയിൽ നിന്നിറങ്ങി സ്നേഹാലയത്തിൻ്റെ പ്രധാന വാതിൽ തുറന്ന് പുറത്തിറങ്ങി ഒപ്പം ഡോക്ടർ വിശാലും.

ഓട്ടോയിൽ നിന്നിറങ്ങിയ യുവാവും യുവതിയും മുറ്റത്ത് കളിച്ചു കൊണ്ടിരുന്ന കുഞ്ഞുങ്ങളെ തന്നെ നോക്കി നിൽക്കുകയാണ് സ്നേഹയേയും വിശാലിനേയും കണ്ട അവർ അവർക്കരികിലേക്ക് നടന്നു.

ആരാ മനസ്സിലായില്ല

ഞങ്ങൾ സ്നേഹമാഡത്തിനെ കാണാൻ വന്നതാണ് മാഡത്തിനെ ഒന്നു കാണാൻ പറ്റുമോ

ഞാനാണ് സ്നേഹ നിങ്ങൾ മിസ്റ്റർ ശ്യാം ആണോ.

അതെ മാഡം ഞാൻ ശ്യാം ഇതെൻ്റെ ഭാര്യ അപർണ ശ്യാം കൈകൾ കൂപ്പി കൊണ്ട് പറഞ്ഞു. അപർണയും അവരെ നോക്കി കൈകൂപ്പി

വരു അകത്തിരുന്ന് സംസാരിക്കാം.

സ്നേഹയോടൊപ്പം അവരും ഓഫീസ് റൂമിലേക്ക് കയറി.

ഇരിക്കു

സ്നേഹ ചൂണ്ടി കാണിച്ച കസേരകളിൽ അവരിരുന്നു.

ഞങ്ങൾക്ക് ഒരു കുട്ടിയെ അഡോപ്റ്റ് ചെയ്യാൻ ആഗ്രഹം ഉണ്ട് അതിനെ കുറിച്ച് അറിയാൻ വേണ്ടിയാണ് ഞങ്ങൾ വന്നത്.

അഡോപ്ഷനെ കുറിച്ചുള്ള വിശദ വിവരങ്ങൾ സ്നേഹ വിവരിച്ചു.

ഈ സമയത്താണ് ഡോക്ടർ വിശാൽ അങ്ങോട്ടു വന്നത്  വിശാലിനൊപ്പം നിറ വയറുമായി ഒരു യുവതിയും

സ്നേഹ ഞങ്ങറിങ്ങുന്നു 

ഇപ്പഴോ? ശാലു ഞാൻ ദാ വരണു ഇവരെ പറഞ്ഞു വിട്ട് ഞാൻ ഉടനെ വരാം ലഞ്ച് കഴിഞ്ഞിട്ട് പോകാം.

ശാലു എന്ന് പേരുകേട്ടതും ശ്യാം തിരിഞ്ഞു നോക്കി.

അതെ അവൾ തന്നെ തൻ്റെ ശാലു.

ശ്യാമിനെ കണ്ടതും ശാലുവിൻ്റെ മുഖം ഇരണ്ടു.

ശാലു എൻ്റെ കുഞ്ഞ് അവനെവിടെ എനിക്കൊന്നു കാണണം

നിങ്ങളാരാണ്?

ശാലു ഞാൻ ശ്യാം നിൻ്റെ ഭർത്താവ് -

എൻ്റെ ഭർത്താവോ? ഇത് ഇതാണെൻ്റെ ഭർത്താവ്.ഡോക്ടർ വിശാൽ.

എൻ്റ കുഞ്ഞ് എവിടെ ?

ഏതു കുഞ്ഞ് നിങ്ങൾക്കാവശ്യമില്ലാത്ത ആ കുഞ്ഞിനെ ഞാൻ അന്നേ നശിപ്പിച്ചു

ഇല്ല നീ അതിനെ നശിപ്പിച്ചിട്ടില്ല എനിക്കറിയാം. എവിടെ എൻ്റെ കുഞ്ഞ് ഒരു വട്ടം ഒറ്റത്തവണ എനിക്കൊന്നു കാണിച്ചു തന്നാൽ മതി. ശ്യാം ശാലുവിൻ്റെ മുന്നിൽ യാചിച്ചു.

ആ കുഞ്ഞിനെ കാണാൻ നിനക്ക് എന്തു യോഗ്യതാണുള്ളത്.

പ്ലീസ് ശാലു ഞാൻ നിൻ്റെ കാലു പിടിക്കാം എനിക്കെൻ്റെ കുഞ്ഞിനെ ഒരു വട്ടം കാണിച്ചു താ. പ്ലീസ്.

ശാലു വിശാലിൻ്റെ നേരെ നോക്കി. വിശാൽ കണ്ണു കൊണ്ട് എന്തോ പറഞ്ഞു.

വരൂ. ശാലു ശ്യാമിനെ പുറത്തേക്കു ക്ഷണിച്ചു.

ആർത്തിയോടെ ശ്യാം ശാലുവിനെ അനുഗമിച്ചു. പിന്നാലെ അപർണയും. വിശാലും സ്നേഹയും.

ഓരേപോലത്ത് ഉടുപ്പിട്ട നൂറിലധികം കുട്ടികൾ മുറ്റത്തുകളിച്ചുകൊണ്ടിരിക്കുന്നു.

അവരുടെ നേരെ ശാലുവിൻ്റെ വിരൽ നീണ്ടു.

ശ്യാമിൻ്റെ കണ്ണുകൾ ശാലു വിരൽ ചൂണ്ടിയിടത്തേക്കു നോക്കി.

ആ നൂറ് പേരിൽ ഒരാൾ നിങ്ങളുടെ കുട്ടിയാണ് നിങ്ങൾക്ക് കണ്ടു പിടിക്കാൻ പറ്റുമെങ്കിൽ കണ്ടു പിടിച്ചോളൂ.

ശ്യാം അവരിലേക്ക് നോക്കി. ഏകദേശം ഒരേ പ്രായം. ഒരേ കളറുള്ള ഡ്രസ്സ്.ഇവരിൽ ആൺകുട്ടികളും പെൺകുട്ടികളും ഉണ്ട്. എങ്ങനെ തിരിച്ചറിയും.

എൻ്റെ കുഞ്ഞ് ആണോ പെണ്ണോ.?

നാണമില്ലേടോ തനിക്ക് - താൻ കൊന്നുകളയാൻ പറഞ്ഞ കുഞ്ഞ് ആണോ പെണ്ണോ എന്നറിയാൻ വന്നിരിക്കുന്നു. വിശാൽ ശ്യാമിനോടായി പറഞ്ഞു.

ഈ നൂറു പേരിൽ ഒരാൾ എൻ്റെ കുട്ടിയാണ് ആ ഓർമ്മ ശ്യാമിൻ്റെ ഹൃദയത്തെ പൊള്ളിച്ചു. അന്നു താൻ ചെയ്ത തെറ്റിൻ്റെ ആഴം എത്ര യുണ്ടന്ന് ശ്യാമിന് ബോധ്യപ്പെട്ടു. തൻ്റെ കുട്ടി തൻ്റെ മുന്നിൽ ഉണ്ടായിട്ടും അതിനെ തിരിച്ചറിയാൻ കഴിയാത്ത ജന്മത്തെ സ്വയം പഴിച്ച് ശ്യാം സ്നേഹാലയത്തിൻ്റെ പടികളിറിങ്ങി പിറകെ അപർണയും.

3

സ്നേഹ, ഞങ്ങളിറങ്ങുന്നു.

അങ്ങനെയങ്ങ് പോയാലോ എത്ര നാളു കൂടി കാണുന്നതാ ഒരുമിച്ചിരുന്ന് ലഞ്ച് കഴിച്ചിട്ട് പോകാം.

സ്നേഹാ അയാളു വരുന്ന വിവരം നിനക്ക് അറിയാമായിരുന്നെങ്കിൽ ഒന്നു പറയാമായിരുന്നു. എങ്കിൽ എൻ്റെ ഇന്നത്തെ ഇങ്ങോട്ടുള്ള യാത്ര മാറ്റി വേച്ചേനെ.

യാത്രയല്ലേ ശാലു മാറ്റി വെയ്ക്കാൻ പറ്റു മോൻ്റെ ബർത്ത്ഡേ മാറ്റിവെയ്ക്കാൻ പറ്റുമായിരുന്നോ? കഴിഞ്ഞ നാലു പിറന്നാളിനും നീയ് അവനോടൊപ്പം ഇവിടെയല്ലേ കേക്ക് മുറിച്ചത്.

സന്തോഷത്തോടെയാ ഞാനോടി വന്നത് ഇങ്ങോട്ട് - എൻ്റെ എല്ലാം സന്തോഷവും പോയി. അയാളെ കണ്ടപ്പോ

നിൻ്റെ സന്തോഷമൊന്നും പോയില്ല നമ്മുടെ സന്തോഷം നമ്മുടെ കൈയിലാശാലു. നീ വിശാലിനേയും വിളിച്ചോണ്ട് വാ നമുക്ക് - കഴിക്കാം.

മറിയ ചേടത്തി ലഞ്ചിനുള്ള ബെല്ലടിക്ക്.

 സ്നേഹ മറിയ ചേടത്തിയെ വിളിച്ചു പറഞ്ഞിട്ട് അകത്തേക്കു പോയി.

വാടോ താൻ എന്തിനാ വിഷമിക്കുന്നത്. കഴിച്ചിട്ടു നമുക്ക് ഇറങ്ങാം വൈകുന്നേരത്തിന് മുൻപ് വീട്ടിലെത്തണം.

കുട്ടികളോപ്പം ലഞ്ചു കഴിച്ച് എല്ലാവരോടും യാത്ര പറഞ്ഞ് വിശാലും ശാലുവും മകൻ നീരവും സ്നേഹാലയത്തിൽ നിന്നിറങ്ങി.

വിശാൽ അയാൾ എൻ്റെ മോനെ തേടി നമ്മുടെ അടുത്ത് എത്തുമോ എനിക്ക് പേടിയാകുന്നു.

ശാലു അവൻ വന്നാൽ ഉടൻ നമ്മളിവനെ വിട്ടു കൊടുക്കുമോ.? നമ്മുടെ മോൻ നമ്മളെ വിട്ട് അവരോടൊപ്പം പോകുമോ.?

ആരുടെ കാര്യമാ അച്ഛാ ഈ പറയുന്നത്.

ഒന്നുമില്ല മോനെ  നമുക്ക് വേഗം വീടെത്തണ്ടേ ഫംഗഷന് ആളുകൾ എത്തുംമുൻപ് നമുക്ക് വീട്ടിലെത്തണം

ഇന്ന് നീരവിൻ്റെ അഞ്ചാം പിറന്നാൾ ആണ്.പിറന്നാൾ കേക്കു മുറിക്കാനാണ് ഇന്ന് സ്നേഹാലയത്തിൽ വന്നത്  കഴിഞ്ഞ നാലു പിറന്നാളും സ്നേഹാലയത്തിലെ കുട്ടികളോടൊപ്പം ആയിരുന്നു. ഈ വർഷവും അങ്ങനെത്തന്നെ വേണമെന്ന് എനിക്കായിരുന്നു വാശി.

ഈവനിംഗ് നീരവിൻെറ ബർത്തഡേ പാർട്ടി വിശാലിൻ്റെ വീട്ടിൽ വെച്ച് നടത്തുന്നുണ്ട്. അതിന് മുൻപ് വീടെത്തണം. 

4 മണിയോടു കൂടി വിശാലിൻ്റെ കാർ വീടിനു മുന്നിലെത്തി. കാർ നിർത്തിയതും നീരവ് കാറിൽ നിന്നിറങ്ങിയോടി.പൂമുഖത്തിരിക്കുന്ന മീരയുടെ അടുത്തേക്ക്.

അമ്മൂമ്മേ

അമ്മുമ്മേടെ പൊന്നുമോൻ വന്നല്ലോ കൂട്ടുകാരെയൊക്കെ കണ്ടോ?

കണ്ടു കേക്കുമുറിച്ചു പിന്നെ അവരോടൊപ്പം കളിച്ചു.

.

താൻ ഇനി ഓരോന്നോർത്ത് ടെൻഷനടിക്കണ്ടാ ട്ടോ. അയാൾ വന്നാലും ഞാനെൻ്റെ മോനെ വിട്ടു കൊടുക്കില്ല അവനാ എന്നെ ആദ്യമായി അച്ഛാ എന്നു വിളിച്ചത്. ഞാനില്ലേ തൻ്റെ കൂടെ താൻ ധൈര്യമായിരിക്ക് വാ ഇറങ്ങ് ഇന്ന് മോൻ്റെ ദിവസമാണ്. താനിങ്ങനെ വിഷമിച്ചിരുന്നാലെങ്ങനെയാ.

വിശാലിനൊപ്പം ശാലുവും കാറിൽ നിന്നിറങ്ങി വീടിനകത്തേക്കു കയറി പോയി.

ഫംഗഷന് വിളിച്ച അതിഥികൾ ഓരോരുത്തരായി വരാൻ തുടങ്ങി. എല്ലാവരേയും സ്വീകരിച്ചിരുത്തിയും കുശലം പറഞ്ഞും ശാലു തിരക്കിലായി.

പിറ്റേന്ന് രാവിലെ സ്നേഹാലയത്തിൻ്റെ മുന്നിൽ ഒരു കാർ വന്നു നിന്നു കാറിൽ നിന്ന് മദ്യവയ്സ്കരായ ഭാര്യയും ഭർത്താവും ഇറങ്ങുന്നത് സ്നേഹ തൻ്റെ ഓഫീസിൽ റൂമിൽ ഇരുന്ന് കണ്ടു.

വന്നവർ മറിയ ചേടത്തിയോട് എന്തോ ചോദിക്കുന്നതും മറിയ ചേടത്തി ഓഫീസ് മുറി കാണിച്ചു കൊടുക്കുന്നതും സ്നേഹ കാണുന്നുണ്ടായിരുന്നു.

റൂമിലേക്ക് കയറി വന്ന ആ ദമ്പതിമാരോട് ഇരിക്കാൻ പറഞ്ഞിട്ട് സ്നേഹയും തൻ്റെ ചെയറിൽ ഇരുന്നു.

അല്ല. ആരാന്ന് മനസ്സിലായില്ല

ഞങ്ങൾ ഇത്തിരി ദൂരെ നിന്നാണ്. ഇന്നലെ ഇവിടെ വന്ന ശ്യാമിൻ്റെ അച്ഛനും അമ്മയും ആണ്.

ഓ അതു ശരി ശ്യാമിൻ്റെ അച്ഛനും അമ്മയും ആണല്ലേ? എന്താണ്  ഇപ്പോ ഇവിടെ. അഡോപഷനെ കുറിച്ചറിയാനാണങ്കിൽ ഞാൻ ഇന്നലെ ശ്യാമിനോട് എല്ലാം വിശദികരിച്ചതാണല്ലോ.

ഞങ്ങൾ അതിനല്ല മാഡം വന്നത്.

പിന്നെ?

ഇന്നലെ ശ്യാമും അപർണയും ഇവിടെ വന്നപ്പോൾ ശാലുവിനെ കണ്ട കാര്യം പറഞ്ഞു. ശ്യാമിൻ്റെ മകൻ ഞങ്ങളുടെ പേരക്കുട്ടി ഇവിടെ ഉണ്ടന്നറിഞ്ഞ് വന്നതാ. ഞങ്ങൾക്ക് ശ്യാമിൻ്റെ കുട്ടിയെ ഒന്നു കാണണം. അതുമല്ല ശ്യാമിൻ്റെ  കുട്ടി ഇവിടെ ഉണ്ടെങ്കിൽ ഞങ്ങൾ കൂട്ടികൊണ്ടു പൊയ്ക്കോളാം ആ കുട്ടി അനാലാലയത്തിൽ വളരേണ്ട കുട്ടിയല്ല'

നിങ്ങൾ എന്തൊക്കെയാണ് ഈ പറയുന്നത്. ആ കുട്ടി ഇവിടെയാണ് വളരുന്നതെന്ന് ആരാണ് നിങ്ങളോട് പറഞ്ഞത്

ശ്യാം ശ്യാമാണ് പറഞ്ഞത് ശാലുവിനെ കണ്ടന്നും ശാലുവിൻ്റെ പുനർവിവാഹം കഴിഞ്ഞെന്നും ശാലു ഇപ്പോൾ ഗർഭിണി ആണന്നും ശ്യാമിൻ്റെ കുട്ടി അനാഥ കുട്ടികൾക്കൊപ്പം കളിക്കുകയാണന്നും ആ കുട്ടി അനാഥാലയത്തിലാ വളരുന്നതെന്നും.

ആ കുട്ടിയെ അനാഥയാക്കി തള്ളിക്കളയാനായിരുന്നെങ്കിൽ ശാലു ഇത്ര കഷ്ടപ്പാടു സഹിച്ച് പ്രസവിക്കേണ്ട കാര്യം ഉണ്ടായിരുന്നോ.? നിങ്ങളുടെ മകൻ ആവശ്യപ്പെട്ടപ്പോൾ തന്നെ ഉദരത്തിൽ വെച്ചു തന്നെ കൊന്നുകളഞ്ഞാൽ പോരായിരുന്നോ.? കഥകളൊക്കെ നിങ്ങൾക്കും അറിയാവുന്നതല്ലേ.തൻ്റെ കുഞ്ഞിൻ്റെ ജീവൻ രക്ഷിക്കാൻ വേണ്ടിയല്ലേ ശ്യാം ആവശ്യപ്പെട്ട ഡൈവോഴ്സ് പേപ്പറിൽ ഒപ്പിട്ട് അവൾ അവിടുന്ന് ഇറങ്ങിയത്.

അപ്പോൾ ഞങ്ങളുടെ പേരക്കുട്ടി ഇവിടെ ഇല്ലന്നാണോ മാഡം പറഞ്ഞു വരുന്നത്. ഞങ്ങളെ ആ കുട്ടിയെ കാണിക്കാതിരിക്കൻ കള്ളം പറയുന്നതല്ലല്ലോ അല്ലേ

ഞാനെന്തിന് കള്ളം പറയണം?  .ഇന്നലെ ആ കുട്ടി നീരവ് കൃഷ്ണ ഇവിടെ വന്നിരുന്നു. അവൻ്റെ അച്ഛനും അമ്മയ്ക്കും ഒപ്പം അവൻ്റെ പിറന്നാളിന് അവൻ്റെ കൂട്ടുകാർക്ക് മധുരം നൽകാനായി.

ഇന്നലെ മോൻ്റെ പിറന്നാൾ ആയിരുന്നോ.? എൻ്റെ മോൻ ശാലുവിനോട് ചെയ്തതു പൊറുക്കാൻ പറ്റാത്ത തെറ്റാണ്. എന്നാലും അവന് അവൻ്റെ മോനെ ഒന്നു 'കാണിച്ചു കൊടുക്കാമായിരുന്നു.

എന്തിന് ? എന്ത് അർഹതയാണ് ശ്യാമിനുള്ളത് ആ കുട്ടിയെ കാണാൻ? ആ കുഞ്ഞിന് വേണ്ടി ശാലു അനുഭവിച്ച കഷ്ടപ്പാട് നിങ്ങറിഞ്ഞാൽ നിങ്ങളിതുപറയില്ല അവളന്ന് ആ കുഞ്ഞിനെ പ്രസവിച്ചില്ലായിരുന്നെങ്കിൽ അയാളെ എങ്ങനെ കാണിച്ചു കെടുക്കുമായിരുന്നു

അവൾ പറഞ്ഞ് എനിക്ക് നിങ്ങളെ നന്നായി അറിയാം നിങ്ങളവളെേ സ്നേഹിച്ചതും സപ്പോർട്ട് ചെയ്തതും എല്ലാം.

ശ്യാം കുഞ്ഞിനെ അബോർട്ട് ചെയ്യണം എന്നും പറഞ്ഞ് നിർബന്ധിച്ചപ്പോൾ അവൾ എന്നെയാണ് ആദ്യം വിളിച്ചത് ഞാനാണ് അവൾക്ക് ധൈര്യം നൽകിയത്.

ഡൈവോഴ്സിന് ഒപ്പിട്ടു നൽകി അവിടുന്ന് ഇറങ്ങിയ അവൾ നേരെ വന്നത് ഇങ്ങോട്ടായിരുന്നു. ഞാനും മറിയ ചേടത്തിയും ഇരു കൈകളും നീട്ടി അവളെ സ്വീകരിച്ചു.

അവളുടെ ക്ലാസ്സ്മേറ്റ് മാത്രമായിരുന്നു ഞാൻ. എൻ്റെ പപ്പയും മമ്മിയും ഒരു കാർ ആക്സിഡൻറിൽ മരിച്ചപ്പോൾ എൻ്റെ പപ്പ നടത്തികൊണ്ടു പോകുന്ന സ്നേഹാലയത്തിൻ്റെ നടത്തിപ്പു ഞാൻ എറ്റെടുത്തു. ആ സ്നേഹാലയത്തിലെ പുതിയൊരു അന്തേവാസിയായി ശാലുവും കൂടി .

മാസാമാസം തോറുമുള്ള അവളുടെ ചെക്കപ്പിന് ഞാനും കൂടെ പോകുമായിരുന്നു അന്ന് അവളെ പരിശോധിച്ചിരുന്ന ഗൈനക്കോളജിസ്റ്റ് മീരാ മാഡം അവളുടെ കഥകളെല്ലാം അറിഞ്ഞ് ഒരമ്മയെ പോലെ സ്നേഹിച്ചു. അവൾക്ക് ധൈര്യം നൽകി.

ഇളയ മകൾ വിവാഹമോചിതയായി നാടുവിട്ടതിൽ നാണക്കേടായ ശാലുവിൻ്റെ മാതാപിതാക്കൾ സ്റ്റേറ്റിസിലുള്ള മൂത്ത മോളുടെ അടുത്തേക്ക് അന്നു പോയതാ പിന്നീട് തിരിച്ചു വന്നിട്ടില്ല.

നൂറോളം കുട്ടികൾക്ക് ഭക്ഷണം കൊടുക്കാൻ പലപ്പോഴും ബുദ്ധിമുട്ടിയിട്ടുണ്ട്.ഒരു മടിയും കൂടാതെ ശാലു തൻ്റെ സമ്പാദ്യം എന്നെ ഏൽപ്പിച്ച്  അവളിവിടെ എൻ്റെ കൂടെ കൂടി അനാഥ കുട്ടികൾക്ക് അമ്മയായി ചേച്ചി ആയി അവൾ സന്തോഷം കണ്ടെത്തി.

ശാലു പ്രസവിച്ചു. തങ്കക്കുടം പോലെ ഒരു മകനെ ഇതിനോടകം ശാലുവും മീരാ മാഡവുമായി നല്ലൊരു ആത്മബന്ധം ഉണ്ടായി. മോൻ്റെ നൂല് കെട്ടിന് മീരാ മാഡത്തിനൊപ്പം വിശാലും ഉണ്ടായിരുന്നു. മീരാ മാഡം ആണ് കുഞ്ഞിന് നൂല് കെട്ടി ചെവിയിൽ നീരവ് കൃഷണ എന്ന പേരു വിളിച്ചതും .

ഒരു പെണ്ണു കാരണം തൻ്റെ മകൻ്റെ ജീവിതം തകർന്നതിൻ്റെ സങ്കടത്തിലായിരുന്നു. മീരാ മാഡം. MBBS കഴിഞ്ഞ് ഹൗസ് സർജൻസി ചെയ്യുന്ന സമയത്താണ് Dr വിശാൽ ഒരു പാവപ്പെട്ട വീട്ടിലെ പെൺകുട്ടിയെ പരിചയപ്പെടുന്നത്. അമ്മയുടെ ഹോസ്റ്റലിലെ റിസപ്ഷനിസ്റ്റ് ആയി വർക്ക് ചെയ്തിരുന്ന പെൺകുട്ടി. പരിചയം പ്രണയമായി മാറി. തൻ്റെ പ്രണയനിയെ അമ്മയുടെ എതിർപ്പിനെ അവഗണിച്ച് Dr വിശാൽ തൻ്റെ ജീവിത സഖിയാക്കി മാറ്റി.എന്നാൽ ഒരുമിച്ച് ജീവിതം ആരംഭിച്ച് കുറച്ചു നാൾ കഴിഞ്ഞപ്പോളാണ് താൻ ചതിക്കപ്പെടുകയായിരുന്നു എന്ന് Dr വിശാലിന് മനസ്സിലായത് ഭാര്യയായി എത്തിയവൾക്ക് തൻ്റെ സ്വത്തുക്കളുടെ മേലാണ് കണ്ണെന്നു മനസ്സിലായതും അവരു തമ്മിൽ വഴക്ക് പതിവായി. ഇതിനിടയിൽ Dr വിശാൽ ഒരച്ഛനാകാൻ പോകുന്നെന്നറിഞ്ഞ് മീരാ മാഡം വാശിയും പിണക്കമെല്ലാം മാറ്റി വെച്ച് വിശാലിൻ്റെ ഫ്ലാറ്റിലെത്തി.എന്നാൽ ആ പെൺകുട്ടി വിശാലിൻ്റെ സമ്മതം പോലും ചോദിക്കാതെ അതിനെ അബോർട്ട് ചെയ്തു.ഇതിനെ ചോദ്യം ചെയ്ത വിശാലിനും മീരാ മാഡത്തിനും എതിരായി ആ പെൺകുട്ടി കേസ് കൊടുത്തു. അങ്ങനെ ആ പെൺകുട്ടി ചോദിച്ച നഷ്ടപരിഹാരം നൽകി കേസിൽ നിന്നും ഒഴിവായി.ആ പെൺകുട്ടി ഡിവേഴ്സ് വേണമെന്നാവശ്യപ്പെട്ടു. അവളാവശ്യപ്പെട്ട ഡിവോഴ്സ് നൽകി 

ഒരു ദിവസം ഞങ്ങളെല്ലാവരും കൂടി മീരാ മാഡത്തിൻ്റെ വീട് സന്ദർശിച്ചു. ആ സമയത്താണ് Dr വിശാലിൻ്റെ ആൽബത്തിൽ വിശാലിൻ്റെ ഭാര്യയുടെ ഫോട്ടോ കാണുന്നത്.

അവൾ ശാലുവിൻ്റെ ജീവിതം തകരാൻ കാരണക്കാരിയായ മിത്ര അവളാണ് Dr വിശാലിൻ്റെ ജീവിതവും തകർത്തതെന്നറിഞ്ഞ മീരാ മാഡമാണ് ശാലുവിനെ തൻ്റെ മകൻ്റെ ജീവിതത്തിലേക്ക് ക്ഷണിച്ചത്.

ആദ്യമൊക്കെ ഈ വിവാഹത്തിന് എതിർത്ത ശാലു നീരവിനോടുള്ള വിശാലിൻ്റെയും മീരാമാഡത്തിൻ്റെയും  വാത്സല്യവും സ്നേഹവും കണ്ടപ്പോൾ ശാലുവിന് പകുതി സമ്മതമായി ഞങ്ങളുടെ നിർബന്ധം കൂടി ആയപ്പോൾ ശാലു ഈ വിവാഹത്തിന് സമ്മതം മൂളി.

വിവാഹം ശേഷം വിശാലും ശാലും നീരവും കൂടി യുക്കെക്ക് പോയി. വിശാല് അവിടെ ഒരു ഹോസ്പിറ്റലിൽ വർക്ക് ചെയ്യുന്നു. ഇന്നലെയാണ് അവർ നാട്ടിലെത്തിയത്. മോൻ്റെ പിറന്നാൾ പ്രമാണിച്ചാണ് അവർ നാട്ടിലെത്തിയത്. ശാലു ഗർഭിണിയാണ് പ്രസവം നാട്ടിൽ വേണമെന്ന ശാലുവിന് നിർബദ്ധം പ്രസവം കഴിഞ്ഞാലുടൻ അവർ തിരികെ പോകും.

ശാലുവിനെ കുറിച്ച് സ്നേഹപറഞ്ഞതു കേട്ടിരുന്ന ശ്യാമിൻ്റെ അച്ഛനും അമ്മയും സ്നേഹയുടെ മുന്നിൽ കൈകൂപ്പി യാചിച്ചു.

ഞങ്ങളുടെ മോൻ ചെയ്ത തെറ്റിന് അവൻ ശിക്ഷ അനുഭവിച്ച് കഴിഞ്ഞു. ശാലുവിന് നല്ലൊരു ജീവിതം കിട്ടിയതിൽ ഞങ്ങൾക്കും സന്തോഷമുണ്ട് ഞങ്ങൾക്കൊരപേക്ഷയുണ്ട് മോളതു സാധിച്ചു തരണം.

എനിക്കു പറ്റുന്നതാണെങ്കിൽ സാധിച്ചു തരാം.

മോൾക്കും മക്കളൊക്കെയുള്ളതല്ലേ. 

സ്നേഹ വെറുതെ ഒന്നു പുഞ്ചിരിച്ചു.

എന്താ മോളെ ചിരിച്ചത്

അമ്മ ചോദിച്ചില്ലേ എനിക്കും മക്കളൊക്കെയില്ലേന്ന്. ഉണ്ട് നൂറോളം മക്കളുണ്ട് അവരുടെ അമ്മയാണ് ഞാൻ

മോൾടെ സ്വന്തം മക്കൾ

എൻ്റെ സ്വന്തം മക്കളാണവർ.പിന്നെ അമ്മ ഉദ്ദേശിച്ചതെന്താന്ന് എനിക്കു മനസ്സിലായി. എൻ്റെ വിവാഹം കഴിഞ്ഞിട്ടില്ലമ്മേ വിവാഹം കഴിഞ്ഞാലും ഞാൻ പ്രസവിക്കുകയും ഇല്ല.

അതെന്താ മോളെ പ്രസവം മോൾക്കു പേടിയാണോ അതോ ?

പ്രസവിക്കണമെങ്കിൽ ഗർഭപാത്രം വേണ്ടേ എനിക്ക് അതിനുള്ള ഭാഗ്യം ഇല്ലമ്മേ ഇരുപത്തിയൊന്നാം വയസ്സിൽ എൻ്റെ യൂട്രസ് റീമൂവ് ചെയ്തതാണ്.

മോളെ ......

അമ്മ വിഷമിക്കണ്ട ഇനി എൻ്റെ അവസ്ഥയെല്ലാം അറിഞ്ഞ് ഒരാൾ എന്നെ സ്വീകരിക്കാൻ തയ്യാറായാൽ ഞാനും തയ്യറാണ്.. ഞാൻ പ്രസവിച്ചില്ലങ്കിലും അമ്മയുടെ സങ്കടം എനിക്കു മനസ്സിലാകും കേട്ടോ ഇനി പറ എന്താ അമ്മയുടെ ആഗ്രഹം

ഞങ്ങളുടെ പേരക്കുട്ടിയെ കാണാനുള്ള കൊതി കൊണ്ട് ചോദിക്കുകയാണ്. ഞങ്ങൾക്കവനെ ഒന്നു കാണണം. അതിന് ശാലു മോൾടെ കാലു പിടിക്കാനും തയ്യറാണ് ഞങ്ങൾ

കാലൊന്നും പിടിക്കണ്ടമ്മേ ശാലു മനസ്സാക്ഷി ഇല്ലാത്തവളൊന്നുമല്ല  അമ്മയുടെ ഈ ആഗ്രഹം ഞാനവളോട് പറയാം. അവൾ എന്താണ് പറയുക എന്നെനിക്കറിയില്ല ഞാനൊന്നു വിളിച്ചു നോക്കട്ടെ.

സ്നേഹ ഫോണെടുത്ത് ശാലുവിനെ വിളിച്ച് ശ്യാമിൻ്റെ അമ്മയുടെ ആഗ്രഹം അറിയിച്ചു.

വിശാലിനോടും മീരാമ്മയോടും ചോദിക്കാതെ ഞാനൊരു തീരുമാനവും എടുക്കില്ല സ്നേഹ് ഞാൻ അവരോട് ചോദിച്ചിട്ട് അങ്ങോട്ട് വിളിക്കാം.

 മീരാമ്മയുടെ സമ്മതവും വാങ്ങി വിശാൽ നീരവിനെയും കൊണ്ട് സ്നേഹാലയത്തിലെത്തി. കുട്ടിയെ അവരെ കാണിച്ച് വേഗം തന്നെ അവിടെ നിന്നും മടങ്ങി -

ഒരു പാട് നന്ദിയുണ്ട് സ്നേഹ ഞങ്ങൾക്ക് മരിക്കും മുൻപ് ഞങ്ങളുടെ പേരക്കുട്ടിയെ കാണാനൊരു അവസരം തന്നതിന്.

സ്നേഹയോട് യാത്ര പറഞ്ഞവർ അവിടെ നിന്നും ഇറങ്ങി.

++++++±++++++++++++++++++++++++

പ്രധാന വാർത്തകൾ.

NH ൽ ഉണ്ടായ വാഹനാപകടത്തിൽ ഒരു മരണം വാഹനത്തിലുണ്ടായിരുന്ന യുവാവ് ആണ് മരണപ്പെട്ടത്.കൂടെ ഉണ്ടായിരുന്ന യുവതിയുടെ രണ്ടു കാലുകളും മുട്ടിനു താഴെ വെച്ച് ചതഞ്ഞരഞ്ഞ നിലയിലാണ് ആശുപത്രിയിലെത്തിച്ചത്.

കൂടുതൽ വിവരങ്ങളുമായി കിരൺ മേത്ത നമ്മോടൊപ്പം ചേരുന്നു.

കിരൺ മേത്ത എന്താണ് കാറിലുണ്ടായിരുന്ന മിത്രയുടെ അവസ്ഥ ഒന്നു വിവരിക്കാമോ.

ഇരുകാലുകളും മുട്ടിന് താഴെ വെച്ചു മുറിച്ചു മാറ്റണം എന്നാണ് ഡോക്ടർമാരുടെ തലവൻ Dr വിശാൽ അറിയിച്ചത് 

ഈ യുവതി വിവാഹത്തട്ടിപ്പു നടത്തി പലരിൽ നിന്നും സ്വർണ്ണവും പണവും സ്വത്തുക്കളും തട്ടി എടുത്തിട്ടുള്ളതായി അറിയാൻ കഴിഞ്ഞിട്ടുണ്ട്.

ബിസിനസ്സമാനായിരുന്ന  ആനന്ദ് കൃഷണനാണ് യുവതി മിത്ര യോടൊപ്പം കാറിലുണ്ടായിരുന്നത്. ഈ ആനന്ദ് കൃഷണൻ തത്ക്ഷണം മരിച്ചു.ആനന്ദിൻ്റെ കാമുകിയാണ് മിത്ര എന്നാണ് ആനന്ദിൻ്റെ ബന്ധുക്കൾ പറയുന്നത്.ഇവരുടെ വിവാഹം ഉറപ്പിച്ചിരിക്കുകയായിരുന്നു.

മിത്രയുടെ അപകട വാർത്തയറിഞ്ഞ് നിരവധി പേർ മിത്രക്കെതിരെ രംഗത്തുവന്നിട്ടുണ്ട്. മിത്രയുടെ ആരോഗ്യസ്ഥിതി മെച്ചപ്പെട്ടാൽ ഉടൻ തന്നെ മിത്രയെ അറസ്റ്റു ചെയ്യുമെന്നാണ് പോലീസ് പറയുന്നത് 

ഇത്രയും വിവരങ്ങളാണ് ഹണി ഇപ്പോൾ അറിയാൻ കഴിഞ്ഞത്

താങ്ക്സ് കിരൺ മേത്ത വിവരങ്ങൾ പങ്കുവെച്ചതിന്

വാർത്ത കണ്ടുകൊണ്ടിരുന്ന ശ്യാം റ്റി.വി ഓഫ് ചെയ്ത് അവിടെ നിന്നും എഴുന്നേറ്റു പോയി.

ഒരു മാസം കഴിഞ്ഞൊരു ദിവസം സ്നേഹാലയത്തിലെ ഫോൺ ബെല്ലടിച്ചു.

ഹലോ സ്നേഹ ഇതു ഞാനാണ് വിശാൽ

എന്താണ് വിശാൽ വിശേഷം

പുതിയൊരു വിശേഷമുണ്ട് അതു പറയാനാണ് ഇപ്പോ വിളിച്ചത്.ശാലു പ്രസവിച്ചു.രണ്ടു പെൺകുട്ടികൾ

കൺഗ്രാസ് വിശാൽ ഞാനുടെയെത്താം.

4 മാസങ്ങൾക്ക് ശേഷം .

വിശാലിൻ്റെ കൈയിൽ  നീരവും  മീരയുടെയും ശാലുവിൻ്റേയും കൈകളിൽ കൈ കുഞ്ഞുങ്ങളുമായി. വിമാനം പറന്നുയർന്നു യു.കെയിലേക്ക്. 

(അവസാനിച്ചു.)

📝 സ്നേഹ