🍁സ്നേഹബന്ധനം🍁ഫുൾ പാർട്ട്🍁

🍁സ്നേഹബന്ധനം🍁ഫുൾ പാർട്ട്🍁 

4 മണിയുടെ അലാറം അടിച്ചു...... അപ്പോഴേക്കും ചാടിയെഴുന്നേറ്റു മീന...... തുമ്പിയുടെ പുതപ്പു ഒന്നുകൂടി പുതപ്പിച്ചിട്ട് എണീറ്റു.......... ഫ്രിഡ്ജിൽ നിന്നും പാലിന്റെ പാത്രം എടുത്തു........ സിങ്കിലേക്കു നോക്കിയതും തല കറങ്ങുംപോലെ തോന്നി......  ഉള്ള പാത്രം മുഴുവനും ഉണ്ട് കഴുകാൻ..... ഇന്നലെ കഴുകാൻ മടിച്ചു ഇട്ടതാ.....

പാൽ തിളക്കാൻ വച്ചിട്ട് പതിയെ പാത്രം കഴുകാൻ തുടങ്ങി....... അതിനിടയിൽ ജനലിൽ വച്ചിരിക്കുന്ന ടൈം പീസ് ഓടുന്നുണ്ടോ.... കറക്റ്റ് ടൈം ആണോന്നു നോക്കാനും മറന്നില്ല.......... 

5 മണിയാകുമ്പോളെങ്കിലും തുമ്പിയെ വിളിച്ചാലേ 6 മണി ആകുമ്പോൾ എണീക്കും....... ഓരോന്നാലോചിച്ചു പാത്രം കഴുകുമ്പോളേക്കും പാൽ തിളച്ചു പൊങ്ങിയിരുന്നു...... ഓടി വന്നു ഗ്യാസ് ഓഫ്‌ ചെയ്യുമ്പോളേക്കും പോകാനുള്ള പാൽ പോയിരുന്നു........ പണ്ടാരം..... സമയം ഇല്ലാത്ത സമയത്താണ്..... ഇനി ഇതും തുടക്കണം...... പാത്രം അവിടിട്ടിട്ട് പാൽ തുടക്കാൻ പോയി...... 

അതു ചെയ്യുമ്പോളും കണ്ണ് സമയം നോക്കാൻ പോയിരുന്നു......... ഓടിപ്പോയി ഒന്നു ഫ്രഷ് ആയി വന്നപ്പോളേക്കും അഞ്ചു മണി........ തുമ്പിയെ തലോടി ഉമ്മ വെച്ചു....... അവൾ പതിയെ കണ്ണു തുറന്നു....... എന്റെ മുഖം കണ്ടിട്ട് അവൾ ഒരു ചിരി ചിരിച്ചു..... ഞാൻ  അറിഞ്ഞു മനസ്സിലെ പേടിയും വിഷമങ്ങളും എല്ലാം മാഞ്ഞു മറയുന്നത്..... അവളെയും എടുത്തു ബാത്‌റൂമിൽ പോയി....... കുറച്ചു  മാസങ്ങൾ കൂടി കഴിഞ്ഞാൽ  മൂന്നു വയസ്സു തികയുവാണ് കള്ളിക്ക്...... 

എല്ലാം കഴിഞ്ഞു കിച്ചണിൽ ടേബിളിൽ കൊണ്ടിരുത്തി അവളെ........ പാലെടുത്തു ആറാൻ വെച്ചു...... അവൾക്കു മാത്രമായി ഒരു കുഞ്ഞു ഗ്ലാസ്സുണ്ട്..... അതിൽ കുറച്ചു കുറച്ചായി ഒഴിച്ചു കൊടുത്തു...... കുടിക്കുമ്പോൾ പകുതിയും ഒലിച്ചു താഴേക്കു വീഴുന്നുണ്ട്...... അവൾ തന്നെ അത് ഉടുപ്പെടുത്തു തുടച്ചു...... എന്നിട്ട് എന്നെ ഒളികണ്ണിട്ടു നോക്കും...... ചിരി വന്നെങ്കിലും കണ്ടില്ലന്നു നടിച്ചു...... 

ഉപ്പുമാവ് ഉണ്ടാക്കി...... റൈസ് കുക്കറിൽ അരി കഴുകി യിട്ടു..... രണ്ടാൾക്കും ചോറു കൊണ്ടുപോകണം...... ഇന്നലെ അരിഞ്ഞു വച്ച ബീൻസ് എടുത്തു മെഴുക്കുവരട്ടി വെച്ചു..... തുമ്പിയെയും കൂട്ടി കുളിക്കാൻ ഓടി......ഒരുമിച്ചു കുളിച്ചിറങ്ങണം........ അവളെ തനിച്ചാക്കി പോകാൻ അത്ര ധൈര്യം ഇല്ല...... . എന്റെ വെപ്രാളം കണ്ടിട്ട് അവൾക്കു ചിരിയാ.... എനിക്കല്ലേ അറിയൂ..... 

എല്ലാം കഴിഞ്ഞു ഒരുങ്ങി ഇറങ്ങിയപ്പോഴേക്കും എട്ടു മണിയായി...... തുമ്പിക്കും വാരിക്കൊടുത്തു ഞാനും കഴിച്ചു വീടു പൂട്ടി ഇറങ്ങി..... 

അടുത്താണ് സ്കൂൾ...... നടന്നു പോകാനുള്ള ദൂരമേയുള്ളൂ..... പതിയെ തുമ്പിയുടെ കയ്യും പിടിച്ചങ്ങു നടക്കും...... അവളുടെ കുഞ്ഞുവായിലെ കൊഞ്ചി കൊഞ്ചിയുള്ള വർത്തമാനം കേട്ട്...... ഇടയിൽ മീന അവൾക്കു ചെറിയ റൈമ്സ് പാടിക്കൊടുക്കും..... അവൾ അത് കയ്യും തലയും ആട്ടി ഏറ്റുപാടും......... സ്കൂളെത്തി..... 

ഒരു ചെറിയ സ്കൂൾ ആണ്.... അവിടെ മീന കമ്പ്യൂട്ടർ ക്ലാസ്സ്‌ ആണ് എടുക്കുന്നത്..... പിന്നെ ടീച്ചേർസ് വരാത്ത സബ്ജെക്ടിന് പോയി ക്ലാസും എടുക്കാറുണ്ട്...... സ്കൂളിനോട് ചേർന്നുള്ള നഴ്സറി യിലാണ് തുമ്പി...... ബുക്സ് എന്താന്നു പോലും അറിയില്ല അവൾക്കു...... എന്നാലും തന്റെ അടുത്തുണ്ടല്ലോന്നുള്ള ആശ്വാസം.... അവളുടെ പ്രധാന പണി കൊണ്ടുവരുന്ന ബിസ്‌ക്കറ് മുഴുവൻ തിന്നുക.... പിന്നെ ഉറക്കം വരുമ്പോൾ ഉറങ്ങുക...... അവൾക്കു ഉമ്മ കൊടുത്തു..... ഇനി അവളുടെ ഊഴമാണ്..... എന്റെ മുഖത്തു പിടിച്ചു കവിളിലും നെറ്റിയിലും എല്ലാം ഉമ്മ തരുവാണ്...... കാണുന്നവർക്ക്  തോന്നും ആദ്യമായിട്ടാ ഞങ്ങൾ തമ്മിൽ കാണുന്നതെന്ന്...... 

മ്മ്..... മതി... മതി....... മീന തുമ്പിയെ അവിടുത്തെ ചേച്ചിയെ ഏൽപ്പിച്ചു...... സ്റ്റാഫ്‌ റൂമിലേക്ക്‌ പോയി......ഇവിടെ കൂടുതലും പാവപ്പെട്ട കുട്ടികളാണ് പഠിക്കുന്നത്...... പണമുള്ളവർ കുറച്ചു ദൂരെ ടൗണിലെ സ്കൂളിൽ  പോയി പഠിക്കും...... 

ഉച്ചക്ക് ചോറുണ്ടിട്ട് പാത്രം കഴുകിക്കൊണ്ടിരിക്കുബോളാണ് മതിലിനു വെളിയിൽ ഒരാൾ തന്നെ നോക്കി നിൽക്കുന്നത് കണ്ടത്....... ആ കറുത്ത കാർ കണ്ടപ്പോഴേ ആളെ മനസ്സിലായി.... അയാളുടെ കണ്ണുകൾ തന്റെ മേലെയാണ്...... 

മീന ഓടി സ്റ്റാഫ്‌റൂമിൽ കയറി...... അവളുടെ സീറ്റിൽ പോയിരുന്ന് അണച്ചു..... അവളുടെ വെപ്രാളം കണ്ടു ഗീത ടീച്ചർ അടുത്തുവന്നു..... 

എന്താ മീന..... എന്തിനാ നീയിങ്ങനെ അണക്കുന്നത്.... ഇന്നാ വെള്ളം കുടിക്ക്.... അതു വാങ്ങി മീന കുടിച്ചു..... 

അയാൾ...... അയാളിവിടെയും വന്നു ഗീത.... 

ഈശ്വരാ.... ഗീത മീനയുടെ അരികിൽ വന്നിരുന്നു..... അവളുടെ വിറയ്ക്കുന്ന കൈകളിൽ പിടിച്ചു.... 

അയാൾ നിന്നെ കണ്ടോ.... 

കണ്ടു...... എന്നെത്തന്നെ നോക്കി നിൽക്കുവായിരുന്നു.... 

ഇനിയെന്തു ചെയ്യും മീന..... 

അറിയില്ല..... എന്തു ചെയ്യണമെന്ന്.... ഇനി വയ്യ.... ഓടി ഓടി മടുത്തു.... എവിടെപോയി ഒളിച്ചാലും അയാൾ കണ്ടു പിടിക്കും.... 

അപ്പോൾ അയാളുടെ കൂടെ നീ പോകുമെന്നാണോ പറയുന്നത്.... 

ഇല്ല ഗീത..... എനിക്ക് ജീവിക്കണം....... തുമ്പിക്ക് ഇനി ഞാൻ മാത്രമേ ഉള്ളൂ...... അയാളുടെ കൂടെ പോയാൽ കൊല്ലും എന്നെ അയാൾ....... അമ്മയെയും ചേച്ചിയെയും കൊന്നതുപോലെ........

നിന്റെ അച്ഛൻ അയാളുടെ കൂടെയല്ലേ........

അതെ..... അച്ഛനെ അയാൾ മയക്കി വെച്ചിരിക്കുവാ...... അയാളെ ഭയങ്കര വിശ്വാസമാണ് അച്ഛന്..........  അയാൾ പറയുന്നതേ കേൾക്കു........ അതുകൊണ്ടല്ലേ ഞാനിങ്ങനെ ഓടേണ്ടി വന്നത്...... എനിക്ക് ആരും ഇല്ലാതാക്കിയത് അയാൾ ഒറ്റ ഒരുത്തനാ........

ഇനി എന്ത് ചെയ്യും നീ........  ഗീത അവളുടെ തോളിൽ പിടിച്ചു..........

അറിയില്ല....... ഇനി എന്ത് വന്നാലും ഫേസ് ചെയ്യുക...... അല്ലാതെന്താ..... മീന മുഖം അമർത്തി തുടച്ചു മനസ്സിൽ എന്തോ തീരുമാനിച്ചുറപ്പിച്ചതു പോലെ ബുക്ക് എടുത്ത് ക്ലാസിലേക്ക് പോയി........

വൈകുന്നേരം  വീട്ടിലേക്ക് നടക്കും വഴി മീന അറിഞ്ഞു......  തന്നെ ആ കറുത്ത  കാർ  പിൻതുടരുന്നുണ്ടെന്ന്....... കാലുകൾ തളരും പോലെ തോന്നി...... തുമ്പിയുടെ കൈയിൽ നിന്നും പിടി വിട്ടു അവളെ വാരിയെടുത്ത് സ്പീഡിൽ നടന്നു.......... വീട് തുറന്ന് അകത്തു കയറിയതും വാതിൽ കൊട്ടിയടച്ചു.........

എപ്പോൾ വേണമെങ്കിലും അയാൾ തന്റെ മുന്നിൽ വരാം......... ഒന്നും ചെയ്യാൻ ഒരു ഉത്സാഹം ഇല്ലാത്തത് പോലെ......... തുമ്പിയെ കുളിപ്പിച്ച് ഭക്ഷണം കൊടുത്തു.......  വൈകുന്നേരം ആയപ്പോൾ ആരോ വാതിലിൽ മുട്ടി........ കൂട്ട് കിടക്കാൻ വന്ന വല്യമ്മ ആയിരിക്കും ........ വീടിന്റെ ഓണറിന്റെ ഒരു അകന്ന ബന്ധു  ആണ്........ മാസാവസാനം എന്തെങ്കിലും കൊടുത്താൽ മതി...... 

കതക് തുറന്നപ്പോഴേ കണ്ടത് മുറ്റത്ത് കിടക്കുന്ന ആ കറുത്ത കാറാണ്......... അവൾ ആകെ വിയർത്തു...... പെട്ടെന്ന് മുന്നിലേക്ക് അയാൾ വന്നു നിന്നു..... കീ വിരലിൽ ഇട്ടു കറക്കുന്നുണ്ട്........ മീന രണ്ടടി പിറകിലേക്ക് മാറി...........

ഇപ്പോഴും ഞാൻ ജയിച്ചു മീനമ്മ......... ഞാൻ നിന്നെ കണ്ടുപിടിച്ചു...... അതും പറഞ്ഞ് അയാൾ അകത്തേക്ക് കടന്നുവന്നു...... അയാൾ അകത്തേക്ക് വരുന്നതിനനുസരിച്ച് മീന പിറകോട്ട് മാറി കൊണ്ടിരുന്നു........ 

തുമ്പിയെ കണ്ടതും അയാൾ അകത്തേക്ക് കയറി അവളെ കൈകളിലെടുത്ത് പൊക്കി........ അച്ഛയുടെ തുമ്പി മോളേ.......... തുമ്പിയുടെ കവിളിൽ ഒരു ഉമ്മ കൊടുത്തു........ മീശ കുത്തിയതിനാലാവണം  തുമ്പി കവിളിൽ കൈവെച്ച് വിതുമ്പി..........

ഓഹോ...... സോറി.... സോറി..... അച്ഛ വേദനിപ്പിച്ചോ തുമ്പിയെ...... 

അവളെയും കൂട്ടി കാറിനരുകിലേക്കു പോയി..... ഒരു  പാക്കറ്റ് കൊടുത്തു....... അവൾക്കുള്ള കൈക്കൂലി കിട്ടിയപ്പോൾ മര്യാദരാമി ആയി.... തിരിച്ചു കട്ടിലിൽ കൊണ്ടിരുത്തി......... തുമ്പി പാക്കറ്റ് പൊട്ടിക്കുന്ന തിരക്കിലാണ്..... 

ഇതാരാ മോളേ....... കൂട്ടുകിടക്കാൻ വന്ന വല്യമ്മയാണ്........ 

ഇത്..... എന്റെ...... മീന ഉത്തരം പറയാനാവാതെ വിഷമിച്ചു....... 

ഹാ...... ഞാൻ ആരാണെന്നു പറ മീനമ്മ...... അയാൾ പറഞ്ഞു.......... 

ഇതെന്റെ ഭർത്താവാണ് അമ്മേ...... മീന തല കുനിച്ചു പറഞ്ഞു...... 

അപ്പോൾ മോൾക്കിന്ന് എന്റെ കൂട്ടു വേണ്ടല്ലോ..... മോനിവിടെ ഉണ്ടാവില്ലേ..... അമ്മ അയാളെ നോക്കി ചോദിച്ചു...... 

അമ്മ പൊയ്ക്കോളൂ..... ഞാനിവിടെ ഉണ്ടാവും ഇവൾക്ക് കൂട്ടായിട്ട്....... മീനയുടെ അടുത്തേക്ക് നീങ്ങിനിന്നു പറഞ്ഞു....... 

അവർ പോയെന്നുറപ്പായപ്പോൾ മീന അയാളിൽ നിന്നും മാറി നിന്നു കൈകൂപ്പി പറഞ്ഞു..... 

എനിക്കിനിയും ഓടാൻ വയ്യ...... തുമ്പിയുള്ളതുകൊണ്ടാണ് ഇല്ലെങ്കിൽ പണ്ടേക്കു പണ്ടേ ഞാനെന്റെ ജീവൻ അവസാനിപ്പിച്ചേനെ......... ഞങ്ങളെ ജീവിക്കാൻ വിടു........ എനിക്കുള്ള സ്വത്തെല്ലാം  ഞാൻ നിങ്ങൾക്ക് തരാമെന്നു പറഞ്ഞതല്ലേ ഞാൻ ....... വെറുതെ വിടു ഞങ്ങളെ...... 

അതെങ്ങനെ ശരിയാകും മീനമ്മേ...... ഭാര്യ ജീവിക്കേണ്ടത് ഭർത്താവിന്റെ കൂടെയല്ലേ...... 

നിങ്ങൾ എന്റെ ഭർത്താവല്ല......... അങ്ങനൊരു ബന്ധം ഉണ്ടാക്കാൻ നോക്കണ്ട...... 

അങ്ങനൊരു ബന്ധം വേണ്ടെങ്കിൽ പിന്നെന്തിനാ നീ ഞാൻ കെട്ടിയ താലി കഴുത്തിലിട്ടു നടക്കുന്നത്....... പൊട്ടിച്ചു കളഞ്ഞുകൂടേ...... 

ഇതെനിക്ക് വേണം..... ഈ സമൂഹത്തിൽ ജീവിക്കാൻ..... അല്ലാതെ നിങ്ങളോടുള്ള ഇഷ്ടം കൊണ്ടൊന്നുമല്ല........ എനിക്കു നിങ്ങളുമായിട്ട് ഒരു ബന്ധവും വേണ്ട....... ഞാനത് ആഗ്രഹിക്കുന്നില്ല....... 

എങ്കിൽ നീ പ്രസവിക്കാത്ത എന്റെ കുഞ്ഞിനെ എന്തിനു കൂടെ കൊണ്ടുനടക്കുന്നു...... അത് ഏതു ബന്ധത്തിന്റെ പേരിലാണ്...... 

മീനയുടെ കണ്ണുകൾ നിറഞ്ഞൊഴുകി...... കൂട്ടി വച്ചിരുന്ന ധൈര്യം എല്ലാം ചോർന്നു പോകുംപോലെ........ ഒന്നും പറയാൻ വയ്യാതായി....... തുമ്പി തന്റെ ബലഹീനതയാണ്......... അവൾ ഭിത്തിയിൽ ചാരി നിന്നു കരഞ്ഞു......... 

ഒരുപാടങ്ങു കരയണ്ട നീ..... കുറച്ചു ബാക്കി വച്ചേക്കു...... ആവശ്യം വരും....... പിന്നൊരു കാര്യം....... നാളെ ഒരു പകൽ തരും നിനക്ക് ഞാൻ......തീർക്കാനുള്ളത് തീർത്തിട്ട് നാളെ വൈകിട്ട് നമ്മൾ ഇവിടം വിടും........ വീട്ടിലേക്കു.... 

ഞാൻ വരില്ല..... ഒരിക്കലും വരില്ല..... മീന പറഞ്ഞു.... 

നീ വരും...... വന്നില്ലെങ്കിൽ കൊണ്ടുപോകാൻ എനിക്കറിയാം....... അല്ലേ തുമ്പിമോളെ....... അയാൾ അവളുടെ കവിളിൽ നുള്ളി പറഞ്ഞു...... 

മീനയുടെ മനസ്സിൽ പേടി തോന്നിത്തുടങ്ങി....... അയാൾ പറയുന്നത് അനുസരിച്ചില്ലേൽ എന്തും ചെയ്യാൻ മടിക്കില്ല അയാൾ....... സ്വന്തം കാര്യമോർത്തു പേടിയില്ല...... പക്ഷേ തുമ്പി....... 

അപ്പോഴെങ്ങനാ....... നാളെ പോകുവല്ലേ....... 

മീന തലയാട്ടി....... തനിക്കിനി പിടിച്ചുനിൽക്കാൻ പറ്റില്ല ന്നു മനസ്സിലായി....... 

അതാണ്...... അതാണ് മീന ജയദേവ്....... അപ്പോൾ കരയുന്നതു നിർത്തി അടുക്കളയിലേക്കു ചെല്ല്...... എനിക്കു നന്നായി വിശക്കുന്നു........ ഇന്ന് നമുക്ക് മൂന്നുപേർക്കും ഒരുമിച്ചിരുന്നു കഴിക്കണം...... ഇനിയതിനു പറ്റിയില്ലെങ്കിലോ..... അല്ലേ പ്രിയതമേ........ മീനയുടെ താടി ചൂണ്ടുവിരൽ കൊണ്ടുപൊക്കി അയാൾ പറഞ്ഞു....... 

അവൾ ഒന്നും മിണ്ടാതെ കിച്ചണിലേക്ക് പോയി........ കയ്യും കാലും തളരുന്നതുപോലെ........ എന്തൊക്കെയോ കാട്ടിക്കൂട്ടി......... ഇടയ്ക്കിടയ്ക്ക് തുമ്പിയെ പോയി നോക്കി......... അയാളുമായിട്ട് ഇരുന്നു  കളിക്കുകയാണ്........അവളുടെ ചിരി കാണുമ്പോൾ പേടി തോന്നുന്നു......... അവൾ വളരെ ഹാപ്പിയാണ്....... 

ഭക്ഷണം എടുത്തു വെച്ചിട്ട് മീന പോയി തുമ്പിയെ എടുത്തു.......... 

കഴിക്കാൻ എടുത്തു വച്ചിട്ടുണ്ട്....... അയാളോട് പറഞ്ഞു......... 

അയാൾക്ക് വിളമ്പിക്കൊടുത്തു.......അയാൾ  അവളുടെ കൈ പിടിച്ച് അടുത്തിരുത്തി....... തുമ്പിയെ  ടേബിളിനു മുകളിൽ  എടുത്തുഇരുത്തി......... കുറച്ചു ചോറ് എടുത്ത് അയാൾ തുമ്പിയുടെ വായിൽ വച്ചു കൊടുത്തു.............

പേടിക്കണ്ട...... ഞാൻ വിഷം  ഒന്നും ചേർത്തിട്ടില്ല.......... മീന പറഞ്ഞു.....

അയാൾ പൊട്ടിച്ചിരിച്ചു.......... നിനക്ക് അങ്ങനെ ഒന്നും ചെയ്യാനാവില്ല ന്ന് എനിക്കറിയാം മീനമ്മാ........ 

അതെ...... ആവില്ല......... ഇപ്പോൾ എനിക്ക് വേണ്ടപ്പെട്ടവരുടെ എല്ലാം  ജീവൻ നിങ്ങളുടെ കയ്യിലല്ലേ...........

അയാൾ വീണ്ടും ചിരിച്ചു.......... അധികം ഒന്നും കഴിക്കാതെ എഴുന്നേറ്റ് കഴുകി.......... തുമ്പി അയാളുടെ നേരെ കൈകൾ നീട്ടി........ 

ഇവിടിരിക്കു തുമ്പി..... അമ്മ ചോറ് വാരി തരാം......... 

അവൾ തലയാട്ടി വേണ്ടന്ന് കാണിച്ചു....... വീണ്ടും അയാൾക്ക് നേരെ കൈകൾ നീട്ടി........ അവളെ കോരിയെടുത്ത് അയാൾ വെളിയിലേക്ക് പോയി............ ചോറ് എടുത്ത് മീന പിറകെയും........ 

ഒന്നും കഴിക്കാതെ കിടന്നാൽ തുമ്പി പാതിരാത്രിയിൽ എണീക്കും......... പിന്നെ അവൾക്ക് തോന്നുന്നത് ഞാൻ ഉണ്ടാക്കി കൊടുക്കേണ്ടിവരും.......... അത് കിട്ടിയില്ലെങ്കിൽ കരയും.......  കിട്ടും വരെ....... 

ഉരുള ഉരുട്ടി അവൾക്ക് വായിൽ വെച്ചുകൊടുത്തു....... അയാളുടെ കണ്ണുകൾ തന്നെ മുഖത്ത് മാത്രമാണെന്ന് അവളറിഞ്ഞു.......... കിടക്കാൻനേരം തുമ്പി അയാളുടെ നെഞ്ചിൽ കയറി കിടന്നു.......... അവളെ തട്ടി ഉറക്കി ബെഡിലേക്കു കിടത്തി....... 

മീന പറഞ്ഞു....... അവളെ ഞാൻ എന്റെ കൂടെ കിടത്തിക്കൊള്ളാം....... 

വേണ്ട....... എന്റെ കുഞ്ഞ് എന്റെ കൂടെ കിടന്നോളും......... ഭാര്യക്കും വേണമെങ്കിൽ ആവാം........ 

അതിനു മറുപടി കൊടുക്കാതെ മീന നിലത്തു ഷീറ്റ് വിരിച്ചു കിടന്നു......... തന്നെ കാത്തിരിക്കുന്ന അപകടങ്ങൾ എന്തെല്ലാമാണെന്നോർത്തു............ 

സ്നേഹബന്ധനം 2

ചോദിച്ചതിന് മറുപടി കൊടുക്കാതെ മീന നിലത്തു ഷീറ്റ് വിരിച്ചു കിടന്നു......... തന്നെ കാത്തിരിക്കുന്ന അപകടങ്ങൾ എന്തെല്ലാമാണെന്നോർത്തു............ 

നിന്റെ ഹരിയേട്ടൻ നിന്നെ വിളിക്കാറില്ലേ മീനമ്മേ....... കുറച്ചു നേരത്തെ മൗനത്തിനു ശേഷം അയാൾ പതിയെ ചോദിച്ചു...... 

എങ്ങനെ വിളിക്കും...... നിങ്ങൾ പേടിപ്പിച്ചു നിർത്തിയേക്കുവല്ലേ........ ഹരിയെന്ന പേര് കേട്ടപ്പോൾ സങ്കടം കുന്നുകൂടി.....

അതേടി....... അങ്ങനിപ്പോൾ എന്റെ ഭാര്യയെ പഴയ കാമുകൻ വിളിക്കണ്ട...... വിളിച്ചു വിളിച്ചു നിനക്ക് അവന്റെ കൂടെ ജീവിക്കണമെന്നും തോന്നിയാലോ.......അയാൾ പുച്ഛത്തോടെ ചോദിച്ചു....... 

അങ്ങനെ ജീവിക്കാതിരിക്കാനല്ലേ എന്റെ കഴുത്തിൽ നിങ്ങളീ കുരുക്ക് മുറുക്കിയിട്ടിരിക്കുന്നത്........ അതും ചേച്ചി മരിച്ചു രണ്ടു വർഷം തികയും മുൻപ്..... തുമ്പിയെ നോക്കാനെന്ന പേരും പറഞ്ഞു......... അവളുടെ ശബ്ദം ഇടറി....... 

എനിക്ക് പണ്ടു മുതലേ മായയേക്കാൾ നിന്നെയാണ് ഇഷ്ടം മീനമ്മാ.... അതു മാറില്ല..... 

ഛീ....... നാണമില്ലേ നിങ്ങൾക്ക് ഇങ്ങനെയൊക്കെ പറയാൻ...... ചേച്ചിക്ക് നിങ്ങളെന്നു വച്ചാൽ ജീവനായിരുന്നില്ലേ... എന്തിനാ ആ പാവത്തിനെ ആക്‌സിഡന്റ് എന്ന പേരിൽ ഇല്ലാതാക്കിയത്...... എനിക്കറിയാം...... കൊന്നതാ നിങ്ങൾ എന്റെ ചേച്ചിയെ....... അനിയത്തിയുടെ സ്ഥാനത്തു കാണണ്ട എന്നെ സ്വന്തമാക്കാൻ..... കൂടെ എന്റെ സ്വത്തും..... അവൾ പറഞ്ഞിട്ട് അണച്ചു...... 

ആഹാ..... മിടുക്കി..എല്ലാം നീ മനസ്സിലാക്കിയോ മീനമ്മാ..... എനിക്കു നിന്നെ അനിയത്തിയായി ഒരിക്കലും കാണാൻ കഴിയില്ല...... ഭാര്യയായിട്ടു തന്നെ വേണം.... ഞാൻ ആഗ്രഹിച്ചതൊന്നും നടക്കാതിരുന്നിട്ടില്ല..... എല്ലാം നടത്തിയാണ് ശീലം....... അയാൾ വാശിയോടെ അവളെ നോക്കി പറഞ്ഞു........ 

അറിയാം...... എല്ലാമറിയാം...... പക്ഷേ.... മുകളിലിരുന്ന് എല്ലാം ഒരാൾ കാണുന്നുണ്ട്......  എന്നെങ്കിലും നിങ്ങളെയും കടപുഴകി വീഴ്ത്തും........ അതിനു വേണ്ടിയാ ഞാൻ കാത്തിരിക്കുന്നത്..... കാണും ഞാൻ നോക്കിക്കോ....... 

നിന്റെ ആഗ്രഹം ഒരിക്കലും നടക്കില്ല പെണ്ണേ....... നീയെന്റെ കൂടെത്തന്നെ ജീവിക്കും.... നീയെനിക്കെന്ന് ദൈവം നേരത്തെ തീരുമാനിച്ചതാണ്....... അയാൾ ചിരിച്ചു... 

അവൾ തിരിഞ്ഞു കിടന്നു...... നാളെ സ്വന്തം വീട്ടിലേക്കു പോകുവാണ്...... പിറകിലേക്ക് ഓർക്കുമ്പോൾ കണ്ണു നനയാതെ ഓർക്കാൻ  ഒരോർമ്മ പോലുമില്ല...... കുറച്ചു വയസ്സു വരെ സന്തോഷം മാത്രമായിരുന്നു..... ഇയാൾ വീട്ടിലേക്കു വരും വരെ...... 

ഞാനും മായേച്ചിയും ഹരിയേട്ടനും ഒരുമിച്ച് കളിച്ചു വളർന്നവരാണ്...... അമ്മാവന്റെ മോനാണ് ഹരിയേട്ടൻ....... മായേച്ചിയും ഹരിയേട്ടനുമായിട്ട് അധികം വയസ്സിനു വിത്യാസമില്ലാത്തതിനാൽ ഹരിയേട്ടന് എന്നെ പറഞ്ഞു വച്ചിരുന്നു അമ്മയും അച്ഛനും.....

പഠിച്ചുകൊണ്ടിരുന്നപ്പോഴാണ് മായേച്ചിക്ക് ഒരാലോചന വന്നത്...... അച്ഛൻ നേരിട്ട് കൊണ്ടുവന്നതാണ്...... അച്ഛന്റെ കൂട്ടുകാരന്റെ മോനാണ്....... അമ്മ നേരത്തെ മരിച്ചു പോയി....... ഈയിടെ അച്ഛനും....... കൂട്ടുകാരൻ മരിച്ചപ്പോൾ അച്ഛന് വലിയ സങ്കടമായിരുന്നു...... മകൻ തനിച്ചായല്ലോന്നോർത്തു..... കാരണം.... കൂട്ടുകാരന്റെ കല്യാണം നടത്തിക്കൊടുത്തത് അച്ഛനായിരുന്നു..... ലവ് മാര്യേജ്...... അതോടെ ബന്ധങ്ങൾ അറ്റു...... ആരുമില്ലാതായി....... അച്ഛനാണ് എല്ലാ സഹായവും ചെയ്തു കൊടുത്തത്........ 

ഞങ്ങൾക്ക് രണ്ടു ഷോപ്പ് ഉണ്ട്..... ടൗണിൽ ആണ്..... നന്നായി പൊയ്ക്കൊണ്ടിരുന്നു..... അച്ഛന് രണ്ടും കൂടി നോക്കി നടത്താൻ ബുദ്ധിമുട്ടാണ്....... ആരെയെങ്കിലും വിശ്വസിച്ചു ഏൽപ്പിക്കാനും പറ്റില്ല........ അതുകൊണ്ടുതന്നെ കൂട്ടുകാരന്റെ മോനെ ഒരു ഷോപ്പ് ഏൽപ്പിച്ചു......  അയാളുടെ നോട്ടം കൊണ്ടും ഭാഗ്യം കൊണ്ടും നല്ല ലാഭം കിട്ടാൻ തുടങ്ങി...... അച്ഛന് ഒന്നുകൂടി ഇഷ്ടം കൂടി....... ആ സ്നേഹം പ്രകടിപ്പിച്ചത് മായേച്ചിയെ അയാളെക്കൊണ്ട് കല്യാണം കഴിപ്പിച്ചായിരുന്നു....... അച്ഛന് രണ്ടായിരുന്നു ഉദ്ദേശം........ മകളും മരുമകനും കൂടെ ഉണ്ടാവും...... പിന്നെ വിശ്വസിച്ചു എല്ലാം ഏല്പിക്കാൻ ഒരാൾ...... ചേച്ചിക്കും പൂർണ്ണ സമ്മതമായിരുന്നു...... കാണാൻ സുമുഖൻ.... വിദ്യാഭ്യാസം ഉണ്ട്...... നല്ല സ്വഭാവം..... ഇതിൽ കൂടുതൽ എന്താ വേണ്ടത്...... 

അവർ രണ്ടാളും നല്ല സന്തോഷത്തോടെ തന്നെയാണ് ജീവിച്ചത്..... ചിരിയും കളിയുമായി....... തുമ്പിയെ ഗർഭിണി ആയിരിക്കുമ്പോൾ മുതലാണ് അയാൾക്ക്‌ മാറ്റം വന്നു തുടങ്ങിയത്....... എന്റെ മേൽ ആവശ്യത്തിൽ കൂടുതൽ ശ്രദ്ധ ചെലുത്തുന്നതു പോലെ..... ആദ്യമൊക്കെ അതൊരു സഹോദര സ്നേഹം ആയിട്ടു കൂട്ടി....... പക്ഷേ പോകെപ്പോകെ അതു എന്റെ സ്വകാര്യ ജീവിതത്തിലേക്കും ആയി....... ഞാനും ഹരിയേട്ടനും സംസാരിക്കാൻ പാടില്ല....... കാണാൻ പാടില്ല...... ഇങ്ങനെ ഒക്കെ പറഞ്ഞപ്പോൾ..... എന്റെ സ്വാതന്ത്ര്യത്തിൽ കൈ കടത്തരുതെന്ന് ഞാനും മുഖത്തു നോക്കി പറഞ്ഞു....... നീ വലിയ പെണ്ണായി..... പേരുദോഷം കേൾപ്പിക്കരുതെന്നായിരുന്നു അയാൾ പറഞ്ഞത്....... കൂടുതലും വിഷമിപ്പിച്ചത് അച്ഛൻ അയാളുടെ കൂടെ നിന്ന് അതെല്ലാം സപ്പോർട്ട് ചെയ്യുന്നതു കണ്ടിട്ടായിരുന്നു........ അച്ഛൻ എന്തോ ഭയക്കുന്ന പോലെ തോന്നുന്നു....... 

ഹരിയേട്ടൻ വീട്ടിലേക്ക് വരുമ്പോൾ ചതുർഥി കാണുംപോലെ ആയിരുന്നു അയാൾക്ക്...... എങ്കിലും തുമ്പി ഉണ്ടായപ്പോൾ ഒക്കെ ഹരി വീട്ടുകാരുടെ കൂടെ വന്നു...... ഒരുപാട് അവഗണന ആയപ്പോൾ ഹരിയേട്ടൻ വീട്ടിലേക്കു വരവു കുറച്ചു..... വെളിയിൽ വെച്ചു മാത്രമായി കൂടിക്കാഴ്ചകൾ...... 

അമ്മയുടെ എന്തോ ഒരു നേർച്ച നടത്താനായിരുന്നു ചേച്ചിയും അമ്മയും തുമ്പിയും കൂടെ ചേട്ടനും കുറച്ചു ദൂരെയുള്ള അമ്പലത്തിലേക്ക് അതിരാവിലെ പോയത്...... ചേട്ടനാണ് കാറോടിച്ചിരുന്നത്...... വണ്ടിയുടെ നിയന്ത്രണം നഷ്ടപ്പെട്ടു പാലത്തിൽ നിന്നും താഴേക്കു വീണെന്നാണ് അറിഞ്ഞത്..... അടിയൊഴുക്കുള്ള സ്ഥലമായതുകൊണ്ട് ആരെയും കിട്ടിയില്ലെന്നാണ് അറിഞ്ഞത്.... അതിന്റെ കൂടെ നിർത്താതെ പെയ്യുന്ന മഴയും...... അച്ഛനും ഹരിയേട്ടനും അങ്ങോട്ടേക്ക് പോയി......  ചേട്ടനും തുമ്പിയും ഹോസ്പിറ്റലിൽ ഉണ്ടെന്നറിഞ്ഞു........ രണ്ടു ദിവസം കഴിഞ്ഞപ്പോൾ അമ്മയുടെ ശരീരം കിട്ടി....... ചേച്ചിയെ കണ്ടുപിടിക്കാൻ സാധിച്ചില്ല...... ആകെ മരവിച്ച അവസ്ഥ....... ഇന്നലെ വരെ കളിച്ചു ചിരിച്ചു കൂടെ ഉണ്ടായിരുന്നവർ ആണ്...... മീന കരഞ്ഞു തളർന്നിരുന്നു......  ചേട്ടനെയും തുമ്പിയെയും കണ്ടപ്പോൾ സങ്കടം സഹിക്കാൻ പറ്റിയില്ല...... തുമ്പിയെ കെട്ടിപ്പിടിച്ചു കുറേനേരം കരഞ്ഞു...... രണ്ടാൾക്കും വലിയ പരുക്കുകൾ ഒന്നുമില്ല....... 

തുമ്പി മാത്രമായി മീനയുടെ ലോകം....... ചേട്ടൻ വീണ്ടും ഷോപ്പിൽ പോയിത്തുടങ്ങി........ ഹരിയേട്ടൻ ഇടയ്ക്കു വരും...... അതു മാത്രമാണ് ഒരാശ്വാസം...... ഹരിയേട്ടൻ വന്നാൽ എന്നെയും തുമ്പിയെയും കൊണ്ടു ആ തൊടി മുഴുവൻ നടക്കും...... ഓരോന്ന് പറഞ്ഞു ആശ്വസിപ്പിക്കും....... തിരിച്ചു വീട്ടിലേക്കു വന്ന സമയം ഒരിക്കൽ അയാളുടെ മുന്നിൽ പെട്ടു..... ഹരിയേട്ടന്റെ കയ്യിൽ നിന്നും തുമ്പിയെ തട്ടിപ്പറിച്ചെടുത്തു....... എന്നെയും ഹരിയേട്ടനെയും സൂക്ഷിച്ചു നോക്കിയിട്ട് അകത്തേക്ക് പോയി....... 

ഹരിയേട്ടൻ പോയിക്കഴിഞ്ഞപ്പോൾ തുമ്പിയെ എടുക്കാൻ അയാളുടെ മുറിയിലേക്ക് പോയി......  അവളെ എടുക്കാൻ തുടങ്ങിയതും അയാൾ പറഞ്ഞു......... വേണ്ട...... അവളെ തൊട്ടുപോകരുത്....... വല്ലവനും എടുത്തു കൊഞ്ചിക്കാനല്ല ഞാൻ എന്റെ മോളെ വളർത്തുന്നത്...... നിനക്ക് നോക്കാൻ പറ്റില്ലെങ്കിൽ പറയാം....... മേലാൽ അവന്റെ കയ്യിൽ എന്റെ കുഞ്ഞിനെ കണ്ടാൽ അവനാവില്ല നിനക്കായിരിക്കും ഞാൻ അതിനുള്ള മറുപടി തരിക..... ഓർത്തോ..... 

ദേഷ്യം കൊണ്ടു വിറക്കുവാണ് അയാൾ....... മീനയ്ക്ക് പേടിയും ദേഷ്യവും തോന്നി അയാളോട്....... അച്ഛനോട് പറഞ്ഞപ്പോൾ അയാളുടെ ഭാഗത്താണ് നിന്നത്...... ആരെക്കാളും തുമ്പിയുടെ മേലുള്ള അവകാശംഅയാൾക്കാണെന്നു....... അവന്റെ ഇഷ്ടത്തിന് തുമ്പിയെ വളർത്തിയാൽ മതിയെന്ന്....... അല്ലെങ്കിൽ തുമ്പിയെയും കൂട്ടി അയാൾ പോയാലോന്നു....... 

തുമ്പിയെ കാണാതെ ഇരിക്കാൻ മീനക്കാവില്ല....  അതോർത്തു മാത്രം ഹരിയേട്ടനോട് വരണ്ടാന്നു പറയേണ്ടി വന്നു..... അച്ഛനാണ് ആദ്യം എന്നോട് ചോദിച്ചത് തുമ്പിയെ സ്വന്തം ആക്കിക്കൂടെ ന്ന്....... മനസ്സിലായില്ല എന്നുള്ള രീതിയിൽ നോക്കിയപ്പോൾ അച്ഛൻ തല താഴ്ത്തി പറഞ്ഞു....... അയാൾ തുമ്പിയെ കൊണ്ടുപോകുകയാണെന്ന്...... അയാൾ ഇവിടെ നിന്നാൽ തന്റെ കല്യാണം നടക്കില്ലെന്ന്...... അല്ലെങ്കിലും ഇനി എന്തിന്റെ പേരിലാണ് അയാളിവിടെ നിൽക്കുന്നതെന്ന്..... 

അച്ഛാ...... ഹരിയേട്ടന് തുമ്പി യും അയാളും എന്റെ ആരാണെന്നു അറിയാം...... പിന്നെന്താ.... 

നിനക്കറിയില്ലേ ഹരിയെ ദേവന് ഇഷ്ടമില്ല...... അപ്പോൾപിന്നെ നിങ്ങൾ തമ്മിലുള്ള കല്യാണം കഴിഞ്ഞാൽ അവനിവിടെ നിൽക്കുമെന്ന് തോന്നുന്നുണ്ടോ....... എത്രയും പെട്ടെന്നു തുമ്പിയുമായ് പോകും..... 

ഞാൻ സമ്മതിക്കില്ല....... തുമ്പിയെ ഞാൻ ആർക്കും കൊടുക്കില്ല....... മീന കരയാൻ തുടങ്ങി........ 

അതിനുള്ള പോംവഴി ആണ് അച്ഛൻ പറഞ്ഞത്........ മോൾ ദേവനുമായിട്ടുള്ള വിവാഹത്തിന് സമ്മതിക്കണം...... 

അച്ഛൻ ഇതെന്താ പറയുന്നത്...... ഹരിയേട്ടനെ അല്ലാതെ വേറൊരാളെ ചിന്തിച്ചിട്ടു പോലുമില്ല ഞാൻ....... ആരെയാ അച്ഛന് പേടിക്കുന്നത്..... 

പേടിയോ..... എന്തിന്..... നിനക്ക് ആരെ വേണമെന്ന് നീയാ തീരുമാനിക്കേണ്ടത് മീനു.... ഹരിയാണോ അതോ തുമ്പിയാണോ ന്ന്..... 

അച്ഛൻ ഹരിയേട്ടനോട് സംസാരിച്ചെന്നു തോന്നുന്നു...... എന്നെ കാണാൻ വന്നിരുന്നു...... കല്യാണത്തിന് സമ്മതിക്കണം ന്നു പറയാൻ..... 

ഒന്നാമതു എനിക്കു സ്ഥിര ജോലിയൊന്നും ശരിയായിട്ടില്ല..... എത്ര നാൾ കാത്തിരിക്കും നീ.... ഇറങ്ങി വരാൻ പോലും പറയാനാവില്ല.... നിനക്ക് വരാനാവില്ലെന്നും അറിയാം.... തുമ്പിയെ വിട്ടു...... അതുമാത്രമല്ല..... തുമ്പിയെ അയാളെ ഏൽപ്പിക്കരുത് മീനു..... എനിക്കു നല്ല സംശയമുണ്ട്.....മായക്കും  നിന്റെ അമ്മക്കും സംഭവിച്ചത് അറിഞ്ഞോണ്ടുള്ള ഒരു ആക്‌സിഡന്റ് അല്ലെന്നു...... അയാൾ ഇല്ലാതാക്കിയതാവില്ലേ..... 

ഹരിയേട്ടൻ എന്തൊക്കെയാ പറയുന്നത്...... അറിഞ്ഞോണ്ട് ഇല്ലാതാക്കുകയോ....... 

അല്ലെങ്കിൽ എങ്ങനെയാ മീനു അയാൾക്കു മാത്രം ഒന്നും സംഭവിക്കാഞ്ഞത്.... നീ സൂക്ഷിക്കണം മീനു....... അങ്ങനെയാണെങ്കിൽ അടുത്തത് നീയും നിന്റെ അച്ഛനുമാവും..... ചിലപ്പോൾ തുമ്പിയും..... 

എന്തിനു വേണ്ടിയാ ഹരിയേട്ടാ ഇങ്ങനെ ഒക്കെ.... 

ചിലപ്പോൾ എല്ലാം കൈപ്പിടിയിൽ ഒതുക്കാനാവും..... മായയുടെ എല്ലാം അയാൾക്കു കിട്ടിയില്ലേ..... 

ഇത്രക്കൊക്കെ ദുഷ്ടനാവാൻ ഒരാൾക്കു പറ്റുമോ...... ചേച്ചിയെ എന്തിഷ്ടമായിരുന്നു അയാൾക്ക്..... 

അതൊക്കെ അഭിനയം ആയിക്കൂടെ മീനു.... 

ഇനിയെന്താ ചെയ്യുക ഞാൻ.... 

എന്തായാലും നീ കല്യാണത്തിന് സമ്മതിക്കു....... അല്ലെങ്കിൽ അയാൾ എന്താ ചെയ്യുക എന്ന് പറയാൻ പറ്റില്ല....... എന്തായാലും ഉടനെ ഒന്നും നിന്നെ അയാൾ ഒന്നും ചെയ്യില്ല........ ആർക്കെങ്കിലും ഒരാൾക്ക് സംശയം തോന്നിയാൽ മതി അവൻ അഴിയെണ്ണാൻ.......

എനിക്ക് പറ്റില്ല ഹരിയേട്ടാ...... വേറൊരാളുടെ താലിക്ക്  തലകുനിക്കാൻ.......എല്ലാവർക്കും എത്ര എളുപ്പത്തിൽ പറയാൻ പറ്റുന്നു ഇങ്ങനൊക്കെ...... 

എനിക്കൊരു ജോലി കിട്ടും വരെ പിടിച്ചുനിൽക്കു മീനു...... എന്തായാലും തുമ്പിയെ വിട്ടുകൊടുക്കരുത്...... ഞാൻ വരും എത്രയും പെട്ടെന്ന്........ അതുവരെ ഒന്ന് സമാധാനിക്കു.... പിന്നെ ഞാൻ ഈ പറഞ്ഞതൊന്നും വേറെ ആരും അറിയരുത്........ നിന്റെ അച്ഛൻ  പോലും...... അയാൾ പറയുന്നതേ പുള്ളിയും  വിശ്വസിക്കു...........

വേറെ ഒരു വഴിയും ഇല്ലാത്തതു കൊണ്ട് മീനയ്ക്ക് സമ്മതിക്കേണ്ടിവന്നു........ വലിയ ആർഭാടം ഒന്നുമില്ലാതെ അമ്പലത്തിൽ വച്ച് താലി കെട്ടി......... ഒരാളെ മനസ്സിൽ വെച്ചുകൊണ്ട് വേറൊരാളുടെ താലി കഴുത്തിൽ ഇട്ടു നടക്കുക........ ശരിക്കും ചത്തു ജീവിക്കും പോലെ.......... മാറി നിന്ന് എല്ലാം കാണുന്ന ഹരിയേട്ടനെ കണ്ടപ്പോൾ ശരിക്കും വിഷമം തോന്നി.......... സ്വന്തം ഗതികേട് ഓർത്തു സ്വയം ശപിച്ചു.........

താലി കഴുത്തിൽ ഇട്ടു എന്ന ഒരു ബന്ധം അല്ലാതെ വേറെ ഒരു ബന്ധവും അയാളുമായി ഇതുവരെ ഉണ്ടായിട്ടില്ല........... ആദ്യരാത്രി പോലും തുമ്പി മോളുമായി വേറൊരു റൂമിലാണ് കിടന്നത്........... അയാളുടെ അടുത്ത് ഇടപഴകാനോ മിണ്ടാനോ  പോയില്ല........

അച്ഛനോടും അയാളോടും കൈ നീട്ടാൻ  മടിയായതുകൊണ്ട് അച്ഛൻ നോക്കിനടത്തുന്ന ഷോപ്പിൽ പോയിരിക്കാൻ തുടങ്ങി..... അച്ഛനോടും ദേഷ്യമായിരുന്നു.... എല്ലാം അറിഞ്ഞിരുന്നിട്ടും ഇങ്ങനെ ഒക്കെ തന്നെ കഷ്ടപ്പെടുത്തുന്നതിന്....... അയാളുടെ വാക്കുകൾ കേൾക്കുന്നതിന്...... അയാളെ സപ്പോർട്ട് ചെയ്യുന്നതിന്....... ഹരിയേട്ടനെ പൂർണ്ണമായും അവഗണിക്കുന്നതിന്...... 

തുമ്പിയെ നോക്കാൻ ഒരു ചേച്ചിയെ ഏർപ്പാടാക്കി....... 

വൈകുന്നേരം വീട്ടിൽ വന്നപ്പോൾ കണ്ടത് ഹരിയേട്ടന്റെ കോളറിനു പിടിച്ചു നിൽക്കുന്ന അയാളെയാണ്..... കയ്യിൽ തുമ്പിയും..... 

ഇതെന്താ നിങ്ങളീ കാണിക്കുന്നത്...... വിട് ഹരിയേട്ടനെ വിടാൻ...... പ്രാന്ത് പിടിച്ചോ നിങ്ങൾക്ക്...... 

അതേ പ്രാന്തു പിടിച്ചു..... ഞാൻ പലവട്ടം പറഞ്ഞിട്ടുണ്ട് ഇവനിവിടെ വരാൻ പാടില്ലെന്ന്.... അങ്ങനെ ഇനിയുമുണ്ടായാൽ നീ തുമ്പിയെ കാണില്ല..... ഓർത്തോ..... അയാൾ മീനയോടായി പറഞ്ഞു..... 

അയാൾ ഒന്നുകൂടി ഹരിയേട്ടനിൽ പിടി മുറുക്കി ....... ഇനി നിന്നെ ഇവിടെ കണ്ടാൽ.....   അത്രയും പറഞ്ഞു ഹരിയെ പിടിച്ചു തള്ളിയിട്ട് തുമ്പിയെയും കൊണ്ട്  അകത്തേക്ക് പോയി...... 

എന്താ ഹരിയേട്ടാ....... എന്താ ഉണ്ടായേ..... 

ഞാൻ നിന്റെ അച്ഛനെ കാണാൻ വന്നതാ മീനു..... തുമ്പിയെ കണ്ടപ്പോൾ ഒന്നെടുത്തു..... അതിനാ അയാൾ....... ഞാനൊന്നു തുമ്പിയെ എടുത്താലെന്താ........മീനു..... നിന്നെയും തുമ്പിയെയും ഓർത്ത് എനിക്ക് വിഷമമുണ്ട്..... പക്ഷേ ഒന്നും ചെയ്യാനും പറ്റുന്നില്ല.......... വളരെ സൂക്ഷിക്കണം നീ.... 

ഹരിയേട്ടൻ പോയിക്കഴിഞ്ഞും ഒരുപാട് ആലോചിച്ചു അയാളുടെ ഉദ്ദേശം എന്താവുമെന്നോർത്തു....... എന്തിനാ അയാൾ എല്ലാവരോടും ഇങ്ങനെ പെരുമാറുന്നത്.... ഓർത്തിട്ടു ഒരു പിടിയുമില്ല........ ചില നേരത്ത് മുറിയിൽ വട്ടു പിടിച്ചതുപോലെ നടക്കുന്നത് കാണാം....... ചിലപ്പോൾ ഒന്നും മിണ്ടാതെ ദൂരേക്ക് നോക്കി ഇരിക്കും...... അയാളുടെ മനസ്സിലെന്താണെന്ന് ഒരു പിടിയും ഇല്ല....... 

രാത്രിയിൽ തുമ്പിയെയും ചേർത്തുപിടിച്ചു കിടക്കുമ്പോൾ അടുത്ത് ആരോ ഉള്ളതുപോലെ തോന്നി....... കണ്ണു തുറന്നപ്പോൾ കണ്ടത് അയാൾ തുമ്പിയെ എടുക്കാൻ ശ്രമിക്കുന്നതാണ്.... ചാടിയെഴുന്നേറ്റു..... 

എന്താ.... നിങ്ങളെന്താ ഇവിടെ..... മീന ചോദിച്ചതിന് മറുപടി പറയാതെ അയാൾ വീണ്ടും തുമ്പിയെ പതിയെ എടുക്കാൻ നോക്കി.... 

പെട്ടെന്ന് ഹരിയേട്ടൻ പറഞ്ഞതാണ് മനസ്സിലേക്ക് വന്നത്..... 

അയാളുടെ കൈ തട്ടി മാറ്റി തുമ്പിയെ ഒന്നുകൂടി ചേർത്തു പിടിച്ചു ...... അയാൾക്ക് ദേഷ്യം വന്നിട്ടു മീനയുടെ കൈകൾ ശക്തിയിൽ എടുത്തു മാറ്റി തുമ്പിയെ ബലമായി എടുക്കാൻ ശ്രമിച്ചു..... തുമ്പി കരയാൻ തുടങ്ങി...... അയാളുടെ കൈകൾ ഒന്നയഞ്ഞു.....മീനു തുമ്പിയെ എടുത്തു ചേർത്ത് പിടിച്ചു...... പതിയെ തട്ടി.....അവൾ കണ്ണടക്കുംവരെ രണ്ടാളും മിണ്ടാതെ നിന്നു....... അവളെ വീണ്ടും ബെഡിലേക്ക് കിടത്തി......  

മീന തുമ്പി ഇന്ന് എന്റെകൂടെ കിടന്നോളും..... അയാൾ പറഞ്ഞു..... 

ഇല്ല.... ഇന്നെന്നല്ല ഒരിക്കലും അവളെ നിങ്ങളുടെ കൂടെ കിടത്തില്ല........ 

അതു നീയല്ല തീരുമാനിക്കുന്നത്..... അവളെന്റെ കുഞ്ഞാണ്....... 

എന്തിനാ.... ഇനി ഇവളെയും കൂടി കൊല്ലാനാണോ.........അതിനാണോ ഈ രാത്രിയിൽ പമ്മിപ്പമ്മി വന്നത്..... ഇറങ്ങിപ്പോ ഇവിടുന്ന് അല്ലെങ്കിൽ ഞാൻ അച്ഛനെ വിളിക്കും...... 

ശ്ശ്....... മിണ്ടരുത്..... അയാൾ ചൂണ്ടുവിരൽ ചുണ്ടിൽ വെച്ചു....... 

നീയാരോടാ ഈ കിടന്നു ചാടുന്നത്...... വിളിക്കെടീ നിന്റെ അച്ഛനെയോ നാട്ടുകാരെയോ അതോ നിന്റെ മറ്റവനെയോ.... ആരെയാന്നു വച്ചാൽ വിളിക്ക്...... ഞാൻ എന്റെ രഹസ്യക്കാരിയുടെ മുറിയിലല്ല ഉള്ളത്..... എന്റെ ഭാര്യയുടെ മുറിയിലാണ്....... പിന്നെ..... ആരെ... എപ്പോൾ... എങ്ങനെ കൊല്ലണമെന്ന് എനിക്കറിയാം..... നീയെന്നെ പഠിപ്പിക്കണ്ട..... കേട്ടല്ലോ...... 

നിങ്ങളോട് പോകാനാ പറഞ്ഞത്...... മീന വെളിയിലേക്ക് കൈ ചൂണ്ടി....... 

അയാൾ മീനയുടെ കയ്യിൽ പിടിച്ചു പിറകിലേക്ക് തിരിച്ചു വെച്ചു......  

വന്നാൽ പോകാനും അറിയാം...... നീയെനിക്കു വഴി കാണിച്ചു തരേണ്ട..... കൂടുതൽ കിടന്നു ചാടിയാൽ ഇന്ന് നിന്റെ കൂടെ ഇവിടെ കിടക്കും ഞാൻ......കാണണോ......  അതും പറഞ്ഞു മീനയുടെ കൈവിട്ടു പിറകിലേക്ക് തള്ളി...... 

മീന അടുത്തുള്ള മേശമേൽ തട്ടി നിന്നു കൈ തിരുമ്മിക്കൊണ്ടിരുന്നു....... അയാൾ അവളെയും തുമ്പിയെയും മാറി മാറി നോക്കിയിട്ട് ഇറങ്ങിപ്പോയി....... 

അയാൾ തുമ്പിയെ എന്തെങ്കിലും ചെയ്താലൊന്നു പേടിച്ചു ഷോപ്പിൽ പോകാതെയായി....... പകലും രാത്രിയിലും തുമ്പിക്ക് കാവലായി ഇരുന്നു.......... പേടി കാരണം ഒന്നിനും പറ്റില്ലാന്ന് മനസ്സിലായി..... കതകിനു കുറ്റി ഇട്ടു കിടന്നു ഒരിക്കൽ....... പിറ്റേന്ന് ഇടാൻ കുറ്റി ഉണ്ടായിരുന്നില്ല...... പല രാത്രികളിലും അയാളുടെ ഗന്ധവും സാമീപ്യവും അറിഞ്ഞു ഞെട്ടി ഉണരാൻ തുടങ്ങി....... ഇനിയും ഇവിടെ തനിക്ക് സുരക്ഷിതമായി നിൽക്കാൻ പറ്റില്ലെന്ന് മീനക്ക് മനസ്സിലായി......... ആരുമില്ല ഒരു രക്ഷയ്ക്ക്........... ഒച്ച കേട്ടാൽ പോലും അച്ഛൻ എണീറ്റ് വരുമെന്ന് തോന്നുന്നില്ല........... അന്ന് ഇറങ്ങിയതാണ് വീട്ടിൽനിന്ന്.......... പലയിടത്തും പോയി കൂട്ടുകാരുടെ വീട്ടിൽ....... ബന്ധുവീട്ടിൽ........ അയാളുടെ സാമീപ്യം അറിയുമ്പോൾ അവിടം വിടും.... അവസാനം ഇവിടെയും എത്തി ഇനിയും ഓടാൻ വയ്യ.........മടുത്തു..... 

സ്നേഹബന്ധനം  3

അന്ന് ഇറങ്ങിയതാണ് വീട്ടിൽനിന്ന്.......... പലയിടത്തും പോയി കൂട്ടുകാരുടെ വീട്ടിൽ....... ബന്ധുവീട്ടിൽ........ അയാളുടെ സാമീപ്യം അറിയുമ്പോൾ അവിടം വിടും.... അവസാനം ഇവിടെയും എത്തി ഇനിയും ഓടാൻ വയ്യ.........മടുത്തു..... 

എന്തിനും ഏതിനും തയ്യാറാകണമെന്ന് മനസ്സുകൊണ്ട് തീർച്ചപ്പെടുത്തി...... മരണം വരെ തുമ്പിയെ സംരക്ഷിക്കും...... അവൾക്കൊന്നും സംഭവിക്കാൻ സമ്മതിക്കില്ല ഞാൻ..... മീന എഴുന്നേറ്റു കട്ടിലിലേക്കു നോക്കി...... തുമ്പിയെ കെട്ടിപ്പിടിച്ചു കണ്ണും തുറന്നു തന്നെ നോക്കി കിടക്കുകയാണ് അയാളിപ്പോഴും.... പിരികം പൊക്കി എന്താന്നു ചോദിച്ചു അയാൾ ....... മീന തിരിഞ്ഞു കിടന്നു..... 

ഞാൻ രാത്രിയിൽ തുമ്പിയെ എടുത്തോണ്ട് എങ്ങോട്ടെങ്കിലും പോയാലൊന്നോർത്താവും അവളെ മുറുക്കി പിടിച്ചു കിടക്കുന്നത്.... തന്നെ വരച്ച വരയിൽ നിർത്താനുള്ള അയാളുടെ ആയുധമാണ് തുമ്പി..... അവൾക്കുവേണ്ടി ജീവൻ കളയാനും താൻ തയ്യാറാണെന്ന് അയാൾക്കറിയാം..... 

രാവിലെ തന്നെ സ്കൂളിൽ പോകാൻ തയ്യാറായി..... തുമ്പിയെ എടുത്തു റെഡിയാക്കാൻ തുടങ്ങിയപ്പോൾ അയാൾ പറഞ്ഞു കൊണ്ടു വിടാമെന്ന്.... വേണ്ടാന്ന് പറയുമ്പോളേക്കും അയാൾ തുമ്പിയെ കയ്യിലെടുത്തിരുന്നു..... 

എങ്കിൽ നീ തനിയെ പോയിട്ടു വരൂ..... ഞാനും എന്റെ മോളും ഇവിടെ ഉണ്ടാവും...... 

മീനയുടെ നെഞ്ചിടിച്ചു പോയി..... അയാളുടെ കൂടെ തുമ്പിയെ തനിയെ നിർത്താനോ..... ഒരിക്കലുമില്ല...... പരുന്തിന്റെ കണ്ണിൽ നിന്നും തള്ളക്കോഴി കുഞ്ഞിനെ കാക്കുന്ന പോലെ കൊണ്ടു നടന്നതാണ് ഇതുവരെ..... അവസാനം പരുന്തിന്റെ മുന്നിലേക്ക് തന്നെ അവളെ ഇട്ടു കൊടുക്കാനോ..... ഒരിക്കലുമില്ല...... 

ഇല്ല...... ഒരുമിച്ച് പോകാം..... മീന പറഞ്ഞു... 

അതാണ്... അതാണെന്റെ മീനമ്മ...... ഞാൻ പോയി റെഡിയാവട്ടെ...... തുമ്പിയുടെ കവിളിൽ നുള്ളിയിട്ടു അയാൾ പോയി.... 

ആ കറുത്ത കാറിൽ അയാൾക്കൊപ്പം ഇരിക്കുമ്പോൾ യമദേവന്റെ കൂടെ അദ്ദേഹത്തിന്റെ വാഹനത്തിൽ പോകുന്ന പോലെ...... അയാൾ എന്തെല്ലാമോ പറയുന്നുണ്ട്..... ഒന്നും കേൾക്കാൻ ചെവിക്കോ ഉൾക്കൊള്ളാൻ മനസ്സിനോ കഴിയുമായിരുന്നില്ല..... 

ഗീതയെ കെട്ടിപ്പിടിച്ചു യാത്ര പറയുമ്പോൾ അവൾ പറഞ്ഞു എന്തു സഹായം വേണമെങ്കിലും അവളെ വിളിക്കണമെന്ന്..... 

നിനക്കെന്നെ സഹായിക്കാനാവില്ല ഗീത.... അയാൾ ബുദ്ധിപൂർവമാണ് കരുക്കൾ നീക്കുന്നത്.... എന്റെ തുമ്പിമോളെ മുന്നിൽ നിർത്തി അയാളെന്നെ ശരിക്കും പൂട്ടി..... തിരിച്ചിറങ്ങാൻ പറ്റാത്ത വിധം..... എന്നെ രക്ഷിക്കാൻ ദൈവം നേരിട്ടിറങ്ങേണ്ടി വരും...... 

മീന പറഞ്ഞു...... 

തുമ്പിയെയും കൂട്ടി അയാളുടെ കൂടെ വീട്ടിലേക്കു പോകുമ്പോൾ പലവിധ ചിന്തകൾ ആയിരുന്നു...... ഇനിയെന്ത്... ന്ന് ഉള്ളത് ഒരു വലിയ ചോദ്യചിഹ്നമായി നിൽക്കുന്നു.... 

മീനമ്മ.... നീയറിഞ്ഞോ..... നിന്റെ ഹരിയേട്ടന് ജോലി കിട്ടിയെന്ന്..... വലിയ ജോലിയൊന്നുമല്ല.... എന്നാലും കാര്യങ്ങളൊക്കെ ഓടും..... പക്ഷേ ഉടനെ അതും നഷ്ടമാകും....... 

നിങ്ങൾ ഇനിയുമെന്തിനാ ആ പാവത്തിനെ ഉപദ്രവിക്കുന്നത്...... എന്തു ചെയ്തിട്ടാ നിങ്ങളെ ഹരിയേട്ടൻ ...... 

അവൻ ഒരു കരക്കെത്തിയാൽ ആ നിമിഷം നീയെനിക്ക് നഷ്ടമാവും........ അതുകൊണ്ട് അവൻ പതിയെ കരകയറിയാൽ മതി...... നിന്നെ ഞാൻ നേടുംവരെ...... ഇനി എല്ലാം നിന്റെ കയ്യിലാ മീനമ്മാ........ 

എനിക്കുള്ളതെല്ലാം തരാമെന്നു പറഞ്ഞാലും ഒഴിഞ്ഞു പോകില്ല....... പിന്നെ എന്താ നിങ്ങളുടെ ഉദ്ദേശം....... തുമ്പി ആണെങ്കിൽ അതങ്ങു മറന്നേക്കൂ........ അവളെ കിട്ടിയതുകൊണ്ട് നിങ്ങൾക്കൊരു പ്രയോജനവും ഇല്ലല്ലോ...... പിന്നെന്താ വേണ്ടേ...... മീന ദേഷ്യത്തോടെ ചോദിച്ചു....... 

അങ്ങനെ ആരുടേയും ദയ എനിക്കു വേണ്ട...... എനിക്കുള്ളത് എടുക്കാൻ എനിക്കറിയാം..... എനിക്കു നിന്നെയും തുമ്പിയെയും വേണം..കൂടെ നിന്റെ സ്വത്തും വേണമെന്ന് വെച്ചോളൂ ....... 

എന്റെ അച്ഛന് പറ്റിയ ഏറ്റവും വലിയ തെറ്റാണ് നിങ്ങൾ....... എന്തിന്റെ പേരിലാണെങ്കിലും ഞാൻ നിങ്ങൾക്ക് മുന്നിൽ കഴുത്തു നീട്ടരുതായിരുന്നു....... നിങ്ങളോടുള്ള സ്നേഹം കൊണ്ടല്ല ഇതു പൊട്ടിച്ചെറിയാത്തത്....... താലിക്ക് ഞാൻ കൊടുക്കുന്ന മര്യാദയാണത് ...... എനിക്കു സഹിക്കാൻ പറ്റാതെ വന്നാൽ ഈ ബന്ധനത്തിൽ നിന്നും വെളിയിൽ വരണമെന്ന് തോന്നിയാൽ...... നോക്കിക്കോ ഞാൻ ഇതു വെറും സ്വർണ്ണമായിട്ടു മാത്രം കാണും..... പൊട്ടിച്ചെറിയും ഞാൻ..... എല്ലാവരെയും സമർത്ഥമായി പറ്റിച്ചു മുന്നേറുവാണ് നിങ്ങൾ...... അധികമൊന്നും ആയുസ്സില്ല ഇതിനു......ഓർത്തു വച്ചോ ..... 

അയാൾ കാറൊതുക്കി നിർത്തി....... മീനയ്ക്ക് പേടി തോന്നി...... റോഡിൽ ആരുമില്ല...... ഒരു ദേഷ്യം വന്നപ്പോൾ പറഞ്ഞുപോയതാണ്..... തനിച്ചാണെന്നും തുമ്പി കൂടെയുണ്ടെന്നും ഓർത്തില്ല........ അവൾ തുമ്പിയെ ചേർത്ത് പിടിച്ചു....... 

നീയെന്താ പറഞ്ഞത് മീനമ്മാ....... അയാൾ ചിരിച്ചു ചോദിച്ചു....... അതു തനിക്കു വേണ്ടിയുള്ള കൊലച്ചിരി ആണെന്ന് മീനയ്ക്ക് മനസ്സിലായി........ അയാളുടെ കൈ തുമ്പിക്കു നേരെ വരുന്നുണ്ട്......... അവൾ തുമ്പിയെ ഒന്നുകൂടി പൊതിഞ്ഞു പിടിച്ചു....... അയാളുടെ കൈ നീണ്ടത് തനിക്കു നേരെയായിരുന്നു..... താലി എടുത്തു കയ്യിൽ പിടിച്ചു വലിച്ചു....... വലിക്കുന്നതിനനുസരിച്ചു മാല പൊട്ടാതിരിക്കാൻ മീനയും  ആഞ്ഞു വന്നു..... 

ഇനിയും വലിക്കാതിരിക്കാൻ അയാളുടെ കയ്യിൽ പിടിച്ചു...... 

തുമ്പിക്ക് നീ കൊടുക്കുന്ന അതേ ഇഷ്ടം ഇതിനും നീ കൊടുക്കുന്നുണ്ടെന്ന് ഇപ്പോ മനസ്സിലായോ....... ഇതെങ്ങാനും പൊട്ടിക്കാൻ ശ്രമിച്ചാൽ ജയദേവിന്റെ വേറൊരു മുഖം കാണും നീ..... എല്ലാം നശിപ്പിച്ചു കളയും ഞാൻ........ നിന്റെ  മരണം വരെ മീന എന്ന  പേരിന് കൂട്ടായിട്ട് എന്റെ പേരു മാത്രമേ ഉണ്ടാവു..... മരണത്തിനു ശേഷവും...... അതിനൊരു മാറ്റവും ഉണ്ടാവില്ല...... അല്ലെങ്കിൽ ഞാൻ നിന്നെ വേണ്ടാന്നു വക്കണം...... അതൊരിക്കലും സംഭവിക്കുന്ന കാര്യമല്ല.... എന്നും ഇങ്ങനെ എന്റെ കയ്യിൽ പിടിച്ചു നീയും തുമ്പിയും കൂടെ വേണമെന്നാണ് എന്റെ ആഗ്രഹം........ നീയെന്നെ ക്രൂരനാക്കരുത് മീനമ്മാ........ 

അവൾ പെട്ടെന്നു കൈ തിരിച്ചെടുത്തു..... 

ഇത് പെണ്ണിന്റെ കഴുത്തിൽ കിടക്കുമ്പോളാണ് അതു താലിയെന്ന പേരിൽ അറിയപ്പെടുന്നത്...... അതുവരെ അത് ഒരു തുണ്ടു സ്വർണ്ണം മാത്രമാണ്..... കഴുത്തിൽ ഇട്ടതുകൊണ്ട് മാത്രമായില്ല.... അതിനു അതിന്റെതായ മര്യാദയും ബഹുമാനവും കൊടുക്കണം...... അല്ലാതെ സ്വന്തം ഭർത്താവിന്റെ താലി കഴുത്തിലും മനസ്സിൽ പഴയ കാമുകനും ആണേൽ പൊട്ടിക്കാനും വലിച്ചെറിയാനുമൊക്കെ തോന്നും..... അയാൾ താലിയിൽ നിന്നും കയ്യെടുത്തു പറഞ്ഞു...... 

അയാളെന്നെയും ഹരിയേട്ടനെയും  കൊള്ളിച്ചു പറഞ്ഞതാ...... എന്തും സഹിക്കാം...... ആ വഷളൻ ചിരി കാണുമ്പോൾ ദേഷ്യം ഇരച്ചു കയറും........ മീന വെളിയിലേക്കു നോക്കിയിരുന്നു...... അയാൾ വണ്ടിയെടുത്തു...... വീടെത്തുംവരെ ഒന്നുംതന്നെ മിണ്ടിയില്ല രണ്ടാളും...... 

പാതിരാത്രി കഴിഞ്ഞിരുന്നു വീട്ടിലെത്തുമ്പോൾ.... ആരെയും കാണാൻ നിന്നില്ല...... നേരെ പോയിക്കിടന്നു സ്വന്തം റൂമിൽ...... ആരോ ഈ റൂം ഉപയോഗിക്കുന്നുണ്ട്....... നല്ല വൃത്തിയിലാണുള്ളത്....... വാതിൽക്കൽ അയാൾ നിൽക്കുന്നത് കണ്ടു..... കുറച്ചു കഴിഞ്ഞു പോകുന്നതും കണ്ടു...... സ്വന്തം വീടിന്റെ ഗന്ധം ശ്വസിച്ചു സുഖമായിട്ട് ഉറങ്ങി..... 

രാവിലെ തുമ്പി തട്ടി വിളിച്ചപ്പോഴാണ് എഴുന്നേറ്റത്...... 

ആഹാ.... ബെഡ് മുഴുവൻ നനച്ചു വച്ചിട്ടുണ്ട്...... കൂടെ എന്നെയും....... അവളെ ഒന്നു സൂക്ഷിച്ചു നോക്കി...... 

അമ്മല്ലേ ......കൈ ചൂണ്ടി പിടിച്ചിട്ടുണ്ട്...... ചുണ്ടെല്ലാം കൂർത്തു വരുന്നുണ്ട്..... കരയാനുള്ള തുടക്കമാണ്..... 

ശരി...... ശരി....... തുമ്പിയല്ലാട്ടോ...... അമ്മയാണേ........ ശ്ശേ.... ഈ അമ്മക്കൊരു നാണവുമില്ല അല്ലേ...... തുമ്പിയെ നോക്കി ചോദിച്ചു........ മുഖം തെളിഞ്ഞു...... അതെന്നു തലയാട്ടി..... എന്നിട്ട് എന്നെ കളിയാക്കുവാ മൂക്കത്തു വിരൽ വച്ചു .......... കള്ളിപ്പാറു...... 

ഒരു ചിരി കേട്ട് തിരിഞ്ഞു നോക്കി...... അയാളാണ്...... എല്ലാം നോക്കിനിൽക്കുവാ..... എല്ലാം കേട്ടുകാണും...... 

മീന പെട്ടെന്ന് തുമ്പിയെ എടുത്തു കൂടെ ഷീറ്റും...... എന്നിട്ട് നേരെ ബാത്റൂമിലേക്ക് പോയി........ 

കുളിയെല്ലാം കഴിഞ്ഞപ്പോഴേക്കും വിശപ്പിന്റെ വിളി  തുടങ്ങിയിരുന്നു......... ഇന്നലെ രാത്രി അയാളോടുള്ള വാശിക്ക് ഒന്നും കഴിച്ചില്ല......... വാശി അയാളോടും അത് തീർക്കുന്നത് എന്റെ വയറിനോടും.......  ഗതികേട് അല്ലാതെന്തു.......... 

അടുക്കളയിൽ ചെന്നപ്പോൾ ഒരു ചേച്ചി ഉണ്ടായിരുന്നു........ പുതിയ ആളാണ്...... എനിക്കറിയില്ല അവരെ......... ആ ചേച്ചിയെ പരിചയപ്പെട്ടു....... തുമ്പിക്ക് ദോശ കൊടുത്തു....... 

ഇവിടുത്തെ മോളെ നോക്കാൻ വന്നതാണ് എന്നാ പറഞ്ഞത്....... ഏതു മോളെ.......ആാാ..... 

അച്ഛനെ കാണാൻ മുറിയിലേക്ക് പോയി...... അവിടെ കണ്ടില്ല........ മുറിയിൽ നിന്നിറങ്ങിയപ്പോൾ കണ്ടു പൂജാമുറിയിൽ നിന്നും ഇറങ്ങിവരുന്ന അച്ഛനെ............. എന്നെ കണ്ടതും മുഖത്ത് നല്ല പ്രകാശം......... എനിക്കും അതേ സന്തോഷം തോന്നിയെങ്കിലും..... സ്വന്തം മകളേക്കാൾ മരുമകനെ വിശ്വസിക്കുന്ന അച്ഛൻ ആണല്ലോ എന്നോർത്തപ്പോൾ അത് അവസാനിച്ചു............ നന്നായിട്ട് ക്ഷീണിച്ചു....... എന്നാലും മുഖത്തെ ഐശ്വര്യം അതുപോലെ ഉണ്ട്........

എന്റെ മീനു നീ എവിടെയായിരുന്നു ഇത്രയും നാൾ........ എവിടെയൊക്കെ അന്വേഷിച്ചു നിന്നെ......... നിന്റെ വാശി അച്ഛനോട് തീർക്കേണ്ടത് ഇങ്ങനെയായിരുന്നില്ല മോളെ.......  നിന്റെ നല്ലതിനു വേണ്ടി മാത്രമാണ് അച്ഛനിങ്ങനെയൊക്കെ ചെയ്തത്......... നീയും തുമ്പിയും ഇവിടം വിട്ടു പോയതിനു ശേഷം ജയദേവ് ഉറങ്ങിയിട്ടില്ല....... നിന്നെ അന്വേഷിച്ചു എവിടെയെല്ലാം അലഞ്ഞു...........

അതയാൾക്ക് എന്നോടുള്ള സ്നേഹം ആയിട്ടാണ് അച്ഛൻ വിചാരിച്ചു വെച്ചിരിക്കുന്നത്......... പാവം....... അയാൾ ശരിക്കും അച്ഛനെ അയാളുടെ വശത്താക്കി വെച്ചിരിക്കുകയാണ്.......... മീന മനസ്സിലോർത്തു.......

ഇവിടുത്തെ വിശേഷം ഒക്കെ അറിഞ്ഞോ....... അച്ഛൻ ചോദിച്ചു...... 

എന്ത്... എന്ന രീതിയിൽ അച്ഛനെ നോക്കി.... 

ജയദേവ് ഒന്നും പറഞ്ഞില്ലേ നിന്നോട്..... 

അവളുടെ ആ നോട്ടത്തിൽ നിന്നും അയാൾക്ക് മനസ്സിലായി അവൾക്കൊന്നും അറിയില്ല എന്ന്............ 

വാ...... അവളുടെ കൈയ്യും പിടിച്ചു നടന്നു....... മുറിയുടെ വാതിൽ തുറന്നു........ അകത്ത് ചെറുതായിട്ട് പുക ഉയരുന്നുണ്ട്........ അതിൽ രാമച്ചത്തിന്റെയും കർപ്പൂരത്തിന്റെയും  നല്ല മണം........... കട്ടിലിൽ ആരോ കിടക്കുന്നുണ്ട്...... വ്യക്തമല്ല........ മീന സൂക്ഷിച്ചുനോക്കി........

മീനയുടെ ചുണ്ടിൽ നിന്നും ആ പേര് വെളിയിലേക്കു വന്നു......... 

മായേച്ചി.......... 

സ്നേഹബന്ധനം  4

മായേച്ചി അല്ലേ ഇത്....... ഈശ്വരാ...... മീന ഓടി ചെന്നു...... ചാരി ഇരിക്കുവാണ്...... പാതി ഷീറ്റുകൊണ്ട് പുതച്ചിട്ടുണ്ട്...... മുടി വിടർത്തി ഇട്ടിരിക്കുന്നു........ മുടിയിലേക്ക് അടിക്കുന്ന രീതിയിലാണ് ആ പുകച്ചുരുൾ ഉയരുന്നത്..... നെറ്റിയിൽ ഭസ്മം തൊട്ടിട്ടുണ്ട്...... മുഖത്തു ചെറിയ ഉണങ്ങിയ പാടുകൾ....... 

മായ കൈനീട്ടി വിളിച്ചു ....... മീനു..... 

മീന മായയുടെ നെഞ്ചിലേക്ക് വീണു..... രണ്ടാളും നിശബ്ദം കരഞ്ഞു....... പെറ്റമ്മയെ നഷ്ടമായെങ്കിലും പോറ്റമ്മയെ തിരിച്ചു കിട്ടിയിരിക്കുന്നു..... മീന ഓർത്തു....... 

തുമ്പിയെവിടെ........ മായ ചോദിച്ചു.... 

അപ്പോളേക്കും അച്ഛന്റെ കൈ പിടിച്ചു അകത്തേക്ക് വന്നു..... തുമ്പിയെ അടുത്തിരുത്തി ആ കുഞ്ഞുമുഖം കയ്യിലെടുത്തു ഒരുപാട് ഉമ്മ കൊടുത്തു..... 

ദാ...... ഇതു കഴിക്ക്..... ജയദേവിന്റെ ശബ്ദമാണ് മീനയെ മായയിൽ നിന്നും മാറ്റിയത്...... 

രണ്ടു മൂന്നു കറുത്ത ടാബ്ലറ്റും വെളളവും അയാൾ കയ്യിൽ കൊടുത്തു.... മായയുടെ ചുണ്ടിൽ നിന്നും ഒലിച്ചിറങ്ങിയ വെള്ളം മുണ്ടിന്റെ അറ്റം കൊണ്ട് തുടച്ചുകൊടുത്തു ജയദേവ്...... മായ അയാളെ സ്നേഹത്തോടെ നോക്കി....... 

ഞാൻ പൊക്കോട്ടെ...... മീനയുണ്ടല്ലോ ഇവിടെ..... എന്തെങ്കിലും കൊണ്ടുവരണോ.... അയാൾ മായയുടെ കവിളിൽ തട്ടി ചോദിച്ചു..... 

മ്മ്..... വേണ്ട.... മായ തലയാട്ടി..... അയാൾ മുറി വിട്ടുപോകും വരെ മീന അയാളെ തന്നെ നോക്കിയിരുന്നു....... 

മീനയ്ക്ക് കഴുത്തിൽ എന്തോ പൊള്ളുന്നതുപോലെ തോന്നി..... അയാളുടെ താലി...... ഇത്രയും നേരം സന്തോഷത്തോടെ ഇരുന്ന മുഖം പെട്ടെന്നു മങ്ങി...... ഒരിക്കലും അനുഭവിക്കാത്ത ഒരു വികാരം മനസ്സിലേക്ക് വന്നു..... സ്വന്തം ഭർത്താവ് അനിയത്തിക്കും കൂടി അവകാശപ്പെട്ടതാണെന്ന് ചേച്ചി അറിഞ്ഞാൽ........ ഒരു ഭാര്യക്കും സഹിക്കാൻ പറ്റാത്ത കാര്യം....... 

മീന പെട്ടെന്നു അവിടെ നിന്നും എഴുന്നേറ്റു റൂമിലേക്കു പോയി...... മായ അപ്പോഴും തുമ്പിയെ സ്നേഹിക്കുന്ന തിരക്കിലായിരുന്നു..... എന്തു ചെയ്യണമെന്നറിയാതെ ഇരുന്ന മീനയുടെ തോളിൽ ആരോ പിടിച്ചു തിരിച്ചു നിർത്തി.... 

അയാളുടെ കൈ തട്ടി മാറ്റി മീന..... 

എന്തായിത്..... എന്താ ഇവിടെ നടക്കുന്നത്..... മായേച്ചി എങ്ങനെ....... പിന്നെന്തിനാ എന്നെ ഇങ്ങോട്ടേക്കു കൊണ്ടുവന്നത്...... കരച്ചിൽ തൊണ്ടയിൽ കുരുങ്ങി ശബ്ദം വെളിയിലേക്കു വന്നില്ല...... ഒന്നു കണ്ണടച്ച് നിന്നിട്ട് പറഞ്ഞു.... 

എന്നെക്കൊണ്ടാവില്ല ആ പാവത്തിനെ വിഷമിപ്പിക്കാൻ...... എല്ലാം അറിഞ്ഞാൽ ചേച്ചി ക്ഷമിക്കില്ല എന്നോട്...... 

അതിനു മായ അറിയാതിരുന്നാൽ പോരേ മീനമ്മ...... അയാൾ ചോദിച്ചു..... 

നിങ്ങൾ എന്ത് ദുഷ്ടനാ..... എങ്ങനെ തോന്നുന്നു ഭാര്യയെ ഇങ്ങനെ വഞ്ചിക്കാൻ....... 

അതേ...... ഞാൻ ദുഷ്ടനാ..... ദുഷ്ടൻ അല്ല... ക്രൂരൻ... ഈ പേരാണ്  എനിക്കിഷ്ടം.....  മായയും...... എന്റെ ഭാര്യയും.... ഒരുമിച്ച് ഒരു വീട്ടിൽ....... എന്തു രസമാ.... അല്ലേ മീനമ്മാ...... 

അയാളൊരു ചിരി ചിരിച്ചു....... 

മീനയുടെ തോളിൽ പിടിച്ചു ചേർത്തു നിർത്തി..... 

മാറി നില്ക്കു..... തൊടരുത് എന്നെ.... 

ഓ.. പിന്നേ... ഞാനിപ്പോ നിന്നെ പേടിച്ചു അനുസരിക്കാം.....പറഞ്ഞതും അയാൾ പിടി മുറുക്കി.... 

നിനക്ക് ടെൻഷൻ അടിക്കാൻ ഞാനൊരു കാര്യം പറയട്ടെ.......  ഞാൻ നിന്നെ കെട്ടുമ്പോൾ എനിക്ക് അറിയാമായിരുന്നു മായ ജീവിച്ചിരുപ്പുണ്ടെന്ന കാര്യം ... എങ്ങനുണ്ട്...... അടിപൊളി അല്ലേ..... ഒന്നു ഞെട്ടിയില്ലേ..... 

കൈ വീശി ഒരടിയായിരുന്നു മീന അയാളെ..... വീണ്ടും ദേഷ്യത്തിൽ കൈ വീശിയപ്പോൾ അയാൾ കൈ രണ്ടും കൂട്ടി പിടിച്ചു...... 

ഒരടി ഞാൻ കൊള്ളും...... കാരണം നീയെനിക്കു പ്രിയപ്പെട്ടവൾ ആയതുകൊണ്ട്....... രണ്ടാമത്തെ അടി കൈ കൊണ്ടാവരുത്..... ചുണ്ടു കൊണ്ടാവുന്നതാണ് എനിക്കേറെയിഷ്ടം...... 

എന്താ നിങ്ങളുടെ ഉദ്ദേശം...... ചേച്ചിക്കും  എനിക്കും ഒപ്പം  ഒരുമിച്ച് ജീവിക്കാനാണോ..... ഞാൻ സമ്മതിക്കില്ല...... 

അതിനു നിന്റെ സമ്മതം ആരെങ്കിലും ചോദിച്ചോ മീനമ്മാ...... നീയാണ് എന്റെ ഭാര്യ..... ഇനിയങ്ങോട്ട് അങ്ങനെ തന്നെയാവും...... 

നടക്കില്ല..... 

അതു മാത്രമേ നടക്കു.... 

മീന എന്തോ പറയാൻ തുടങ്ങവേ തുമ്പി അകത്തേക്ക് കയറി വന്നു..... അവളെ എടുത്തു അയാളുടെ നേരെ നിന്നു..... 

ഇത് നിങ്ങളുടെ കുഞ്ഞല്ലേ....... അകത്തു വയ്യാതെ കിടക്കുന്നത് സ്വന്തം ഭാര്യയല്ലേ..... അല്ലാന്നു പറയാൻ കഴിയുമോ നിങ്ങൾക്ക്..... 

അയാൾ മിണ്ടാതെ നിന്നു...... 

ഒരിക്കലും പറയാൻ പറ്റില്ല നിങ്ങളെക്കൊണ്ട്...... അപ്പോൾ പിന്നെ ഞാൻ എന്തിനാ നിങ്ങൾക്കിടയിൽ..... എന്നെ വെറുതെ വിട്ടുകൂടെ..... ഇല്ലെങ്കിൽ ഞാൻ എങ്ങോട്ടെങ്കിലും ഇറങ്ങി പോകും.... എന്താ വേണ്ടതെന്നു എനിക്കറിയാം...... മീന പറഞ്ഞു...... തുമ്പി മീനയുടെ ദേഷ്യം കണ്ടു പേടിച്ചിരിക്കുവാ...... 

ഇല്ല മീനമ്മാ...... നിന്റെ ജീവനും ജീവിതവും എന്റെ കയ്യിലാ..... വിടില്ല ഞാൻ...... നീ എന്തൊക്കെ പറഞ്ഞാലും എന്റെ അടുത്തുനിന്നൊരു ഒളിച്ചോട്ടം ഇനി നിനക്ക് സാധ്യമല്ല...... അങ്ങനെ എന്തെങ്കിലും നിന്റെ ഭാഗത്തു നിന്നും ഉണ്ടായാൽ...... അയാൾ ചൂണ്ടു വിരൽ ചൂണ്ടി പറഞ്ഞു..... എന്നിട്ട് മീനയുടെ കയ്യിലിരുന്ന തുമ്പിമോളുടെ രണ്ടു കവിളിലും ഉമ്മ വച്ചു.... ആ വഴി മീനയെ ചേർത്തു പിടിച്ചു പറഞ്ഞു..... 

ഹ..... പിടക്കാതെ മീനമ്മാ...... ഇതുമാത്രം ഓർത്തുവച്ചോ ..... നിന്റെയും തുമ്പിയുടെയും ഇപ്പോൾ മായയുടെയും ജീവനും ജീവിതവും എന്റെ ഈ കൈക്കുള്ളിലാ.....എങ്കിൽ ഞാൻ പോയിട്ടു വരാം..... നിന്റെ ചേച്ചിയെ നന്നായിട്ടു നോക്കിക്കോണം കേട്ടോ.... അവളെ തന്റെ കയ്യിൽ നിന്നും മോചിപ്പിച്ചിട്ട് അയാൾ വെളിയിലേക്കു പോയി...... 

കുറച്ചു നേരം തുമ്പിയുമായി മുറിയിൽ ഇരുന്നു....... പിന്നെ അച്ഛന്റെ അടുത്തേക്ക് നടന്നു..... 

അച്ഛാ..... ചേച്ചി എങ്ങനെ ഇവിടെ..... എന്താ ചേച്ചിക്ക് പറ്റിയത്...... 

അവളെ കൊണ്ടുവന്നത് ജയദേവ് ആണ്........ ആരോ അവനെ വിളിച്ചറിയിച്ചു എന്നാ പറഞ്ഞത്..... ഏതോ ഒരു ഹോസ്പിറ്റലിൽ ആയിരുന്നു..... നാവനക്കാൻ ആയപ്പോൾ ജയദേവിന്റെ പേരാണ് പറഞ്ഞത്..... ഇവിടെ വരുമ്പോൾ ഇങ്ങനെ ആയിരുന്നില്ല.... കാലുകൾ പതിയെ അനക്കിത്തുടങ്ങണം ഇനി...... ദേവനാണ് ആയുർവേദം മതിയെന്ന് പറഞ്ഞത്..... അതാവും അലോപ്പതിയെക്കാൾ നല്ലതെന്ന് എനിക്കും തോന്നി...... വേഗം സുഖമാവില്ലെങ്കിലും....... സുഖമാവുമ്പോൾ പൂർണ്ണ ആരോഗ്യം ഉണ്ടാവും..... ഡോക്ടർ ആഴ്ചയിൽ വരും...... വൈദ്യർ ന്നു വിളിക്കുന്നതാ അദ്ദേഹത്തിന് ഇഷ്ടം..... നല്ല മനുഷ്യനാ.... ഇനിയിപ്പോൾ നീയുണ്ടാവുമല്ലോ അവളുടെ കൂടെ..... 

അച്ഛനിപ്പോൾ ഷോപ്പിലേക്കൊന്നും പോകാറില്ലേ...... 

ഇടയ്ക്കു മാത്രം...... ജയദേവ് ഉണ്ടല്ലോ...... എല്ലാം നല്ല രീതിയിൽ അവൻ നോക്കിക്കൊള്ളും..... 

അയാളുടെ പേരുപോലും കേൾക്കാൻ ഇഷ്ടപ്പെടാത്തതുപോലെ അവൾ വിഷയം മാറ്റി...... 

ഹരിയേട്ടൻ വരാറുണ്ടോ അച്ഛാ..... എനിക്കൊന്നു കാണണം..... 

എന്തിനു..... ഇത്രയും നേരം സൗമ്യമായിരുന്ന അച്ഛന്റെ മുഖം പെട്ടെന്ന് കറുത്തു...... 

എനിക്കൊന്നു സംസാരിക്കണമായിരുന്നു...... 

നീയിപ്പോൾ ആ പഴയ മീനു അല്ല..... ജയദേവിന്റെ ഭാര്യ ആണ്.... ഓർമ്മയുണ്ടാവണം...... 

നല്ല ഓർമയുണ്ട് അച്ഛാ...... അപ്പോൾ അകത്തു കിടക്കുന്ന മായേച്ചി ആരുടെ ഭാര്യ ആണ്..... അതുകൂടി പറഞ്ഞുതരൂ...... 

അച്ഛൻ ഒന്നും മിണ്ടാതെ തിരിഞ്ഞു പോയി...... 

ചേച്ചിയുടെ കാര്യങ്ങൾ എല്ലാം ഞാൻ ഏറ്റെടുത്തു...... ആ വർത്തമാനത്തിൽ നിന്നും മനസ്സിലാവും..... ഭർത്താവിനെ എത്ര മാത്രം സ്‌നേഹിക്കുന്നുണ്ടെന്ന്........ എന്റെയും അയാളുടെയും കല്യാണം നടന്ന കാര്യമൊന്നും ആരും പറഞ്ഞിട്ടില്ല ചേച്ചിയോട്..... മുടി മാറ്റി നെറ്റിയിലെ സിന്ദൂരം പാടേ മായിച്ചു കളഞ്ഞു..... എങ്കിലും ഒരു ചുവപ്പ് അവിടെയുണ്ടായിരുന്നു.....താലിയെടുത്തു സാരിക്കുള്ളിലിട്ടു...... അയാളെപ്പറ്റി വാ തോരാതെ ചേച്ചി പറഞ്ഞുകൊണ്ടിരിക്കുമ്പോളും ഇഷ്ടമില്ലെങ്കിൽ കൂടി കേട്ടിരുന്നു........ കിടപ്പ് ചേച്ചിയുടെ മുറിയിലേക്കാക്കി..... തുമ്പിയെ പിരിഞ്ഞു കിടക്കാൻ വയ്യ......അടുത്ത കട്ടിലിൽ അവളുണ്ടല്ലോന്ന് സമാധാനിക്കും...... 

അച്ഛനും അയാളും ഇല്ലാതിരുന്ന നേരം തുമ്പിയെ ചേച്ചിയെ ഏല്പിച്ചിട്ട് ഹരിയേട്ടനെ കാണാൻ പോയി..... അച്ഛന്റെ മൊബൈലിൽ നിന്നും നമ്പർ കാണാതെ എടുത്തു വിളിച്ചു പറഞ്ഞിരുന്നു...... തന്നെ കണ്ടപ്പോൾ ആ മുഖം ഒന്നുകൂടി തെളിഞ്ഞു...... കുറച്ചു നേരം രണ്ടാളും ഒന്നും മിണ്ടിയില്ല....... മീനു തന്നെ തുടക്കമിട്ടു..... 

ഒരുപാട് ക്ഷീണിച്ചു ഹരിയേട്ടൻ...... 

അലച്ചിലാണ് മീനുട്ടി........ സുഖമാണോ നിനക്ക്....... 

മ്മ്...... സുഖം... പരമസുഖം..... 

എന്നെ ഒരിക്കൽ പോലും ഒന്നു വിളിച്ചില്ല ഹരിയേട്ടൻ...... ഞാൻ ജീവിച്ചിരിപ്പുണ്ടോ ഇല്ലയോ എന്നറിയാൻ പോലും..... 

എന്നും ഓർക്കും മീനു...... പിന്നെ വിളിച്ചിട്ട് എന്തു പറയാൻ..... നിനക്ക് സന്തോഷം തരാൻ പറ്റുന്ന ഒരു കാര്യവും ഉണ്ടായിരുന്നില്ല..... നീയെങ്കിലും സുഖമായി ഇരിക്കട്ടെന്നു വിചാരിച്ചു...... ഒരു ജോലി കിട്ടിയിട്ട് കുറച്ചായി.... പക്ഷേ..... ഒന്നുമങ്ങ് എത്തുന്നില്ല...... കഷ്ടിച്ച് ഒരു മാസം തികയ്ക്കാൻ കിട്ടും..... ഇതിനിടയിലേക്ക് നിന്നെ വിളിക്കാനും പറ്റിയില്ല...... 

മ്മ്..... വീട്ടിലെ കാര്യങ്ങൾ അറിഞ്ഞോ...... 

അറിഞ്ഞു...... അമ്മയും അച്ഛനും വന്ന കൂടെ ഞാനും വന്നിരുന്നു....... എന്താ സംഭവിച്ചതെന്ന് മായയോട് ഒന്ന് ചോദിക്കാൻ കൂടി പറ്റിയില്ല..... ജയദേവ് കൂടെയുണ്ടായിരുന്നു...... തുമ്പി എവിടെ...... 

മായേച്ചിയുടെ അടുത്ത്..... അവളെ കാണാതിരിക്കാൻ പറ്റില്ലെന്നായി ചേച്ചിക്ക്...... ഞാൻ ഒരു കാര്യം അറിയാൻ വന്നതാ ഹരിയേട്ടാ....... 

എന്താ..... 

എനിക്കു അയാളുടെ ഭാര്യാ പദവി വേണ്ട..... പറ്റില്ല എനിക്കു ചേച്ചിയെ മണ്ടിയാക്കാൻ..... ഒന്നുമറിയാതെ പാവം ഇപ്പോളും അയാളെ സ്നേഹിച്ചുകൊണ്ടിരിക്കുവാണ്...... എന്താ ഞാൻ ചെയ്യേണ്ടത് അയാളിൽ നിന്നും പിരിയാൻ...... 

ഇത്രയും പെട്ടെന്നു വേണോ മീനു...... മായ എഴുന്നേറ്റിട്ടു പോരേ...... 

പറ്റില്ല ഹരിയേട്ടാ...... മടുത്തു....... ഉടനെ ഒന്നും ഞാൻ ഹരിയേട്ടനോട് എന്നെ ഏറ്റെടുക്കാൻ പറയില്ല........ അതോർത്തിട്ടാണെങ്കിൽ പേടിക്കണ്ട.... 

അതുകൊണ്ടല്ല മീനു....... നീയിങ്ങനെ ചെയ്തുന്നറിഞ്ഞാൽ അയാൾ വെറുതെ ഇരിക്കില്ല..... 

പേടിച്ചോടാൻ ഇനി വയ്യ..... ഹരിയേട്ടൻ ഇതിനെപ്പറ്റി അറിഞ്ഞിട്ട് എന്നെ അറിയിക്കണം..... ഞങ്ങൾ രെജിസ്റ്റർ ചെയ്തിട്ടില്ല..... പക്ഷേ ഇവിടെ അമ്പലത്തിൽ അതിനുള്ള രേഖകളുമുണ്ട്..... പിന്നെ കുറച്ചു ഫോട്ടോസ് ഉണ്ട് അന്നെടുത്തത് .... അത് അയാളുടെ കയ്യിലാ...... ഇത്രയുമേ എനിക്കറിയൂ...... എനിക്ക് ഇനി എന്ന് വെളിയിൽ ഇറങ്ങാൻ പറ്റുമെന്ന് അറിയില്ല..... അയാളുടെ കണ്ണുകൾ എന്റെ പിറകെ ഉണ്ടെന്നറിയാം എനിക്ക്..... ഞാൻ എപ്പോഴെങ്കിലും വിളിച്ചോളാം........ 

തന്നെ നോക്കിനിൽക്കുന്ന ഹരിയോട് മീന പറഞ്ഞു....... മടുത്തു ഹരിയേട്ടാ...... എന്നെ ഇതിൽ നിന്നും ഒന്നു രക്ഷിക്കുവോ പ്ലീസ്....... 

നിന്റെ ഈ അവസ്ഥ ക്കു ഞാനും കാരണക്കാരനാ..... സാരമില്ല...... കരയണ്ട...... എല്ലാം ശരിയാകും...... ആരെങ്കിലും കാണും... വാ.. പോകാം...... എല്ലാം ഞാൻ തിരക്കിയിട്ടു പറയാം.....എത്രയും പെട്ടെന്ന് ...... നിന്നെ ഞാൻ കൊണ്ടു വിടട്ടേ മീനു.... 

വേണ്ട ഹരിയേട്ടാ...... ഞാൻ പൊയ്ക്കോളാം..... ഇനി ഇത് അറിഞ്ഞാൽ അയാൾ എന്തു ഭൂകമ്പം ഉണ്ടാക്കുമെന്ന് അറിയില്ല..... 

മീന ഒരു ഓട്ടോ യിൽ കയറി അത് മറയുംവരെ ഹരി നോക്കി നിന്നു......... 

ചേച്ചിയുടെയും തുമ്പിയുടെയും ഉറക്കം കാണാൻ തന്നെ ഒരു ഭംഗിയാണ്..... അവരെയും നോക്കി ഇരിക്കുമ്പോഴാണ് കതകു തുറന്നു അയാൾ കയറി വന്നത്...... അയാൾ വന്നു മീനയുടെ കയ്യിൽ പിടിച്ചു വലിച്ചു..... അവൾ തിരിച്ചും...... 

എനിക്കു സംസാരിക്കാനുണ്ട്..... വാ.. 

വെളിയിലേക്ക്...... 

എനിക്കൊന്നും സംസാരിക്കാൻ ഇല്ല..... ഉറങ്ങണം എനിക്കു..... അവൾ പതിയെ പറഞ്ഞു..... 

എങ്കിൽ ഞാൻ ഇവിടെ നിന്നു സംസാരിക്കാം..... എനിക്ക് നിന്നോടൊന്നു സംസാരിച്ചാൽ മതി.... അത് എവിടെ നിന്നായാലും..... ആരു കേട്ടാലും കുഴപ്പമില്ല....... അയാൾ മായയെ നോക്കിപ്പറഞ്ഞു....... 

മീന ബലം പ്രയോഗിച്ചിരുന്ന കൈകൾ പതിയെ അയച്ചു...... അയാൾ അവളെയും കൂട്ടി മുറിക്ക് വെളിയിലേക്കിറങ്ങി..... സ്വന്തം റൂമിൽ കൊണ്ടുപോയി കതകടച്ചു കുറ്റിയിട്ടു...... അവളോട്‌ ചോദിച്ചു........ 

നീയിന്നു ആരെയെങ്കിലും കാണാൻ പോയിരുന്നോ...... 

മീന ഒന്നു ഞെട്ടി..... അയാൾ അതും അറിഞ്ഞിരിക്കുന്നു....... 

തല കുനിച്ചു നിൽക്കുന്ന മീനയുടെ അടുത്തു വന്നു പറഞ്ഞു..... കാമുകനെ കാണാൻ പോയിരുന്നോന്ന്..... 

പോയി..... അതിനെന്താ....... 

എന്തിനു..... 

അത് നിങ്ങൾ അറിയണ്ട...... 

അറിയണമല്ലോ...... പ്രത്യേകിച്ചും അത് എന്നെക്കൂടി ബാധിക്കുന്ന കാര്യമായതുകൊണ്ട് ഞാൻ തീർച്ചയായും അറിഞ്ഞിരിക്കണം...... 

നിന്റെ മറ്റവൻ എന്നെയും നിന്നെയും പിരിക്കാനുള്ള വഴി അന്വേഷിക്കുന്നുണ്ടെന്ന് ഞാൻ അറിഞ്ഞു....... നടക്കില്ല മീനമ്മാ.... എന്നെ ഉപേക്ഷിച്ചു അവന്റെ കൂടെ ജീവിക്കാമെന്ന് സ്വപ്നത്തിൽ കൂടി നീ വിചാരിക്കണ്ട..... നടത്തില്ല...... 

നടക്കും..... നോക്കിക്കോ നിങ്ങൾ.... ഇത് ഹരിയേട്ടന്റെ കൂടെ ജീവിക്കാനൊന്നുമല്ല..... എന്റെ ചേച്ചിയോട്  ദ്രോഹം ചെയ്യാൻ കഴിയില്ല എനിക്കു..... നിങ്ങളെ എന്തിഷ്ടമാ ആ പാവത്തിന്...... എപ്പോഴും ആ വായിൽ നിന്നും നിങ്ങളുടെ പേര് മാത്രമേ വരൂ..... മായേച്ചിക്ക് വേണ്ടി ഞാൻ ഇത്രയെങ്കിലും ചെയ്യണ്ടേ..... അതിനി എത്ര കഷ്ടപ്പെട്ടിട്ടാണെങ്കിലും.... 

ഓഹോ....... അവന്റെ നമ്പർ അച്ഛനോട് ചോദിച്ചപ്പോഴേ ഞാൻ ഊഹിച്ചു...... എന്തെങ്കിലും എനിക്കെതിരെ ഉണ്ടാവും എന്ന്...... എന്തായാലും ഇത് ഒരിക്കലും നടക്കില്ല......... നിനക്ക് മോചനം എന്റെ മരണത്തിലൂടെ മാത്രമേ ഉണ്ടാവൂ...... കേട്ടല്ലോ..... പിന്നെ നിയമപരമായി നമ്മൾ ഭാര്യഭർത്താക്കന്മാർ ഒന്നുമല്ല......... അതുകൊണ്ട് ഇനി വക്കീലിനെ കാണാൻ പോയി ബുദ്ധിമുട്ടേണ്ട......... പിന്നെ ഞാൻ കെട്ടിയ താലി ഞാൻ അഴിച്ചു മാറ്റാതെ നീ അതിൽ തൊടില്ലെന്ന് അറിയാം......... കാരണം നിന്റെ ഇഷ്ടദൈവത്തിന്റെ  മുന്നിൽവച്ച് കെട്ടിയതാണ് ഞാനത്.......ദൈവകോപം ഉണ്ടാവും മീനമ്മാ...... അയാൾ ചിരിച്ചു കൊണ്ടു പറഞ്ഞു.... 

അവൾ ഒന്നും മിണ്ടാതെ പോയി കതകു തുറന്നു........ പെട്ടെന്ന് കറങ്ങി തിരിഞ്ഞു അയാളെ ഇടിച്ചു നിന്നു...... എന്താ സംഭവിച്ചതെന്ന് മനസ്സിലാക്കുന്നതിനു മുന്നേ അയാൾ അയാളുടെ കൈക്കുള്ളിൽ ബന്ധിച്ചിരുന്നു അവളെ....... എതിർക്കാൻ വയ്യാത്ത വിധം..... 

മീന ഒരു കരച്ചിലോടെ അയാളോട് പറഞ്ഞു..... ഞാൻ ഒരു ദ്രോഹവും നിങ്ങളോട് ചെയ്തിട്ടില്ല 

....പിന്നെന്തിനാ എന്നോട് ഇങ്ങനെ പെരുമാറുന്നത്..... എനിക്കു കഴിയില്ല നിങ്ങളെ ഭർത്താവായി കാണാൻ.... മായേച്ചിയുടെ മുന്നിൽ അഭിനയിക്കാനും വയ്യ..... ഒന്നു മനസ്സിലാക്കൂ..... പ്ലീസ്..... ഞാൻ കാലു പിടിക്കാം...... ഒരിക്കലും ഞാൻ നിങ്ങളുടേത് ആവില്ല..... ബലം പ്രയോഗിച്ചു നേടിയെടുക്കാനാണെങ്കിൽ പിന്നെ ഞാൻ ഉണ്ടാവില്ല..... സത്യം...... 

എനിക്കു നിന്നെ നേടാൻ ആരുടേയും... എന്തിനു നിന്റെ പോലും സമ്മതം വേണ്ട...... പിന്നെ ഞാൻ ഇതിനു കുറച്ചു മര്യാദ കൊടുക്കുന്നുണ്ട്........ അതുകൊണ്ട് മാത്രം..... അവളുടെ താലിമാല വെളിയിലേക്ക് എടുത്തിട്ടു....... 

പിന്നെ...... ഇനി മേലാൽ ഹരിയെ കാണുകയോ ..... സംസാരിക്കുകയോ ചെയ്തുന്നു ഞാൻ അറിഞ്ഞാൽ ഇതായിരിക്കില്ല എന്റെ പ്രതികരണം..... ശിക്ഷ അതികഠിനമാകും.... അവളുടെ ശരീരത്തിലെ പിടി ഒന്നുകൂടി മുറുക്കി.... 

ശരീരം വേദനിക്കുന്നതിനേക്കാൾ ഏറെ മനസ്സ് വേദനിച്ചപ്പോൾ മീന പറഞ്ഞു..... ഒരു മനുഷ്യനും ഇത്രയ്ക്ക് ദുഷ്ടൻ ആവാൻ സാധിക്കില്ല....... ഞാൻ ജീവിച്ചിരിപ്പുണ്ടെങ്കിൽ അല്ലേ നിങ്ങൾക്ക് എന്നെ ദ്രോഹിക്കാൻ സാധിക്കു.......

ഞാൻ പറഞ്ഞില്ലേ.....നിന്റെ ജീവനും ജീവിതവും എന്റെ കയ്യിലാ മീനമ്മാ...... പിന്നെ നിന്നെ എനിക്ക് ശരിക്കും അറിയാം......... തുമ്പിയും മായയും ജീവിച്ചിരിക്കുമ്പോൾ സ്വയം ജീവനൊടുക്കാൻ തയ്യാറാവില്ല നീ.......  അത്ര മണ്ടിയല്ല എന്റെ മീനമ്മ....... പിന്നെന്തിനാ വാക്കുകൾകൊണ്ട് ഒരു യുദ്ധം...... 

ഓർത്തു വച്ചോ...... എന്നെ നീ തേടിവരും...... വന്നു  കാൽക്കൽ വീഴും......  എന്റെ കൂടെ ജീവിക്കാൻ വേണ്ടി നീ പലതും ചെയ്യും........ അതിനു വേണ്ടി എന്തും ഞാനും  ചെയ്യും...... ഏതറ്റംവരെയും പോകും...... അത് ആരുടെയെങ്കിലും ജീവൻ എടുക്കേണ്ടി വന്നിട്ടാണെങ്കിൽ അങ്ങനെ......

മീനയുടെ കണ്ണുനീർ താടിയിലൂടെ ഒലിച്ചിറങ്ങി അയാളുടെ കൈകളിലേക്ക് ഇറ്റിറ്റു  വീണു.......

വെറുത്ത് വെറുത്ത് വെറുപ്പിന്റെ  പരകോടിയിൽ നീ എത്തുമ്പോൾ നിന്റെ മനസ്സിന്റെ അങ്ങേയറ്റത്തു  ഒരു തരി ഈ ജയദേവ് ഉണ്ടാവും ... എന്നെങ്കിലുമൊരിക്കൽ ......ഓർത്തിരുന്നോ നീ....അതിനു വേണ്ടിയുള്ള കാത്തിരിപ്പാണ് മീനമ്മ ഞാൻ..... അയാൾ പറഞ്ഞു.......

മീനയുടെ തോളിലേക്ക് ചുണ്ടുകൾ അമർത്തി.....  കുത്തി നോവിച്ചതുപോലെ പോലെ മീന പിടഞ്ഞു മാറാൻ ശ്രമിച്ചു..... അവളെ അങ്ങനെ തന്നെ പിടിച്ചു മുറിക്കു വെളിയിലേക്ക് കൊണ്ടുവിട്ടു...... തിരിഞ്ഞുനോക്കുന്നതിനു മുൻപേ അയാൾ കതക്  അടച്ചിരുന്നു.......

അയാൾ  എന്താവും അങ്ങനെ പറഞ്ഞത്........ മീന ചിന്തിച്ചുകൊണ്ട് റൂമിൽ ശബ്ദമുണ്ടാക്കാതെ പോയി കിടന്നു....

കണ്ണുകളടച്ച് കിടന്നിരുന്ന  മായയുടെ കൺകോണിൽ നിന്നും രണ്ട് തുള്ളി താഴേക്ക് ഒലിച്ചിറങ്ങി......

സ്നേഹബന്ധനം  5

മീനു മുറിയിൽ വന്നതും കിടന്നതും അറിഞ്ഞു മായ പതിയെ കണ്ണു തുറന്നു...... കണ്ണുനീർ കൈ കൊണ്ടു തുടച്ചു...... മീനുവിന്റെ കയ്യും പിടിച്ചു എന്തിനാവും ദേവേട്ടൻ വെളിയിലേക്ക് പോയത്....... എത്ര നേരം കഴിഞ്ഞാണ് അവൾ തിരിച്ചു വന്നത്...... അവർ തമ്മിൽ എന്തെങ്കിലും....... ഏയ്...... അങ്ങനെയൊന്നും ഉണ്ടാവില്ല...... ദേവേട്ടൻ എന്നെയും തുമ്പിയെയും മറന്ന് അങ്ങനെ ഒന്നും ചെയ്യില്ല.... എല്ലാം തന്റെ തെറ്റിദ്ധാരണ ആണ്........ അനക്കാൻ പറ്റാത്ത കാൽ കണ്ടപ്പോൾ മായയ്ക്ക് ദേഷ്യം തോന്നി...... മായ തിരിഞ്ഞു മീനുവിനെ നോക്കി....... മീനു തിരിഞ്ഞു കിടക്കുവാണ്...... 

പിറ്റേന്ന് ചായ കൊടുക്കുമ്പോൾ മായ ചോദിച്ചു..... ഇന്നലെ രാത്രി നീയെവിടെപ്പോയതാ മീനു.... ഞാൻ എണീറ്റപ്പോൾ നിന്നെ കണ്ടില്ലല്ലോ...... 

അത് അച്ഛന് കുറച്ചു ഷോപ്പിലെ കാര്യങ്ങൾ പറയാനുണ്ടെന്ന് ചേട്ടൻ വന്നു പറഞ്ഞു.... അച്ഛന്റെ മുറിയിൽ ഉണ്ടായിരുന്നു ഞാൻ..... ഷോപ്പിലെ കാര്യങ്ങൾ സംസാരിക്കുവായിരുന്നു ഞങ്ങൾ......

മായ ദീർഘമായി ശ്വസിച്ചു.... മീനയ്ക്ക് മനസ്സിലായിരുന്നു മായയ്ക്ക് എന്തോ സംശയം ഉണ്ടായിരുന്നതായി...... കാരണം രാവിലെ മുതൽ ചെറിയ ദേഷ്യവും പിണക്കവും കാണിച്ചിരുന്നു....... തന്നോടും ഭക്ഷണത്തിനോടും..അപ്പോഴേ ഒരു കള്ളം മനസ്സിനെ  പറഞ്ഞു പഠിപ്പിച്ചിരുന്നു ഈയൊരു നിമിഷത്തിന് വേണ്ടി ....... പോകെപ്പോകെ ഇനിയെത്ര കള്ളങ്ങൾ പറയേണ്ടതാണ്...... 

അയാൾ മരുന്നുംകൊണ്ട് ചേച്ചിയുടെ അടുത്തേക്ക് വന്നു.... മായേച്ചിയുടെ അരികിലായി ബെഡിലിരുന്നു..

ഇനി ഞാൻ കൊടുത്തോളാം മെഡിസിൻ എല്ലാം ....... എന്താണെന്നും ഏതാണെന്നും പറഞ്ഞാൽ മതി....... മീന അയാളോട് പറഞ്ഞു..... 

എന്റെ മീനുട്ടി ആകെ മരുന്നു തരാൻ മാത്രമാണ് ദേവേട്ടൻ ഈ റൂമിലേക്ക്‌ വരുന്നത്....ഒന്ന് കണ്ണു നിറച്ചു കാണുന്നതും ഈയൊരു സമയത്തു മാത്രവാ.....ബാക്കി സമയം മുഴുവനും ഷോപ്പിലാ.....  അതുകൂടി നീ ഇല്ലാതാക്കരുതേ മീനു..... മായ പറഞ്ഞു...... 

മീനക്കതു കേട്ടപ്പോൾ വിഷമമായെങ്കിലും.... ചിന്തകൾ പലതായിരുന്നു......... എന്തൊക്കെയോ ടാബ്ലറ്റ്സ് അയാൾ ചേച്ചിക്ക് കൊടുക്കുന്നുണ്ട്....... ആയുർവേദം ആയതുകൊണ്ട് പേരും കണ്ടുപിടിക്കാൻ പറ്റുന്നില്ല....... അതുകൊണ്ടു തന്നെയാവും ഇത് തന്നെ തിരഞ്ഞെടുത്തത്........ ഇതു തളർത്താനാണോ അതോ നടത്താനാണോന്ന് അറിയില്ലലോ ദൈവമേ...... അടുത്ത വട്ടം ഡോക്ടർ വരുമ്പോൾ കൂടെ നിന്നു മനസ്സിലാക്കണം എല്ലാം...... 

മീനു...... എനിക്കൊന്നു ഏട്ടനോട് സംസാരിക്കണം..... ആലോചിച്ചു നിന്ന മീനുവിനോട് മായ പറഞ്ഞു... 

മ്മ്... മീന വെളിയിലേക്കിറങ്ങി...... 

ജയദേവിന്റെ കയ്യിൽ കൈ ചേർത്തു മായ പറഞ്ഞു..... ദേവേട്ടാ... നമുക്ക് എത്രയും പെട്ടെന്നു  മീനുവിന്റെ കല്യാണം നടത്തണം.... അല്ലെങ്കിൽ വീണ്ടും ജോലിയുടെ പേരും പറഞ്ഞു അവളിവിടുന്നു മുങ്ങും...... ചിന്തയും ആലോചനയും പെണ്ണിന് കൂടിയിട്ടുണ്ട്...... രാത്രിയിൽ ഉറക്കവും ഇല്ല അവൾക്കു.... ഇതിനുമാത്രം ചിന്തിക്കാൻ എന്താ ഉള്ളത് അവൾക്കു..... അച്ഛനോട് പറയു..... അവൾക്കു ഇഷ്ടമുള്ളത് എന്താന്നുവച്ചാൽ നടത്തിക്കൊടുക്കാൻ...... ദേവേട്ടൻ പറഞ്ഞാൽ അച്ഛൻ സമ്മതിക്കും...

മ്മ്...... ഞാൻ പറയാം..... മായ ഇപ്പോൾ കിടന്നോളു.......അധികം സംസാരിക്കേണ്ട..മായയെ പിടിച്ചു കിടത്താൻ തുടങ്ങവേ ഉറങ്ങിക്കിടന്നിരുന്ന തുമ്പിക്ക് അനക്കം വെച്ചു...... കണ്ണും തിരുമ്മി എണീറ്റിരുന്നു...... ചുറ്റും നോക്കി.... അമ്മ..... അമ്മ..... എന്നു പറഞ്ഞു ചിണുങ്ങാൻ തുടങ്ങി.... മീനുവിനെയാണ് നോക്കുന്നതെന്ന് അവർക്കു മനസ്സിലായി..... 

ഇവളെന്താ ദേവേട്ടാ എന്നെ അമ്മേന്നു വിളിക്കാത്തത്..... മീനു മാത്രം മതി ഇവൾക്ക്.... എന്തിഷ്ടമാ അവളെ..... തുമ്പിയെ അടുത്തു പിടിച്ചിരുത്തി മായ ചെറിയ വിഷമത്തോടെ പറഞ്ഞു..... 

അവൾക്കു അവളുടെ അമ്മ മീനയാണ്...... കുഞ്ഞിലേ മുതൽ മീനയെ കണ്ടല്ലേ വളർന്നത്.... അതാവും...... ജയദേവ് പറഞ്ഞു......

സത്യമാണ്..എങ്കിലും...... ഒരു വിഷമം......

മായയെ പിടിച്ചു കിടത്തി... തുമ്പിയെ എടുത്തു വെളിയിലേക്ക് നടന്നു അയാൾ....അടുക്കളയിൽ നിൽക്കുന്ന മീനയുടെ കയ്യിലേക്ക് തുമ്പി ചാടിച്ചെന്നു... കഴുത്തിൽ കയ്യിട്ടു തോളിലേക്ക് ചാഞ്ഞു തുമ്പി...അവർ തമ്മിലുള്ള സ്നേഹം കുറച്ചു നേരം ദേവൻ നോക്കി നിന്നു.......

നിന്റെ ചേച്ചി പറയുന്നത് നിന്റെ കല്യാണം ഉടനെ നടത്തണമെന്നാ..... അച്ഛനോട് പറയണമെന്ന് നിന്റെ ഇഷ്ടം നടത്തിക്കൊടുക്കാൻ...... പക്ഷേ..ആ ഇഷ്ടം ഒരിക്കലും നടക്കില്ലെന്ന് മായയ്ക്ക് അറിയില്ലല്ലോ.... പാവം..... 

എന്റെ ഇഷ്ടം നടക്കുമോ ഇല്ലയോന്നു ഞാൻ തീരുമാനിച്ചോളാം...... പിന്നെ ചേച്ചിക്കുള്ള മറുപടി നിങ്ങൾ തന്നെ കൊടുത്താൽ മതി.... അതാവും നല്ലത്......

ആഹാ...... നിനക്കു വീണ്ടും നാവു പൊങ്ങാൻ തുടങ്ങിയല്ലോ.... മായയോട് മറുപടി ഞാൻ പറഞ്ഞോളാം..... പറയാൻ മാത്രമല്ല അതു നടത്താനും അറിയാം......

പിന്നെ തുമ്പിക്ക് നിന്നെ ജീവനാണെന്നാണ് മായ പറയുന്നത്........എനിക്കും എന്റെ മീനമ്മ ജീവന്റെ ജീവനാണെന്ന് അവൾക്കറിയില്ലല്ലോ.....  അയാൾ അടുത്തേക്ക് വന്നു...... 

രാത്രിയിൽ ആരെയോർത്തിരിക്കുവാ..... ഉറക്കം തീരെയില്ലെന്നു..... ചിന്ത കൂടുതലാണെന്ന് മായ പറഞ്ഞു...... എന്നെ ഒതുക്കി എങ്ങനെ ഹരിയെ കെട്ടാമെന്നാണോ...... നടക്കില്ല എന്റെ മീനമ്മാ.... തുമ്പിമോൾക്ക് ഉമ്മ കൊടുക്കുന്ന രീതിയിൽ മീനയുടെ കവിളിൽ മൂക്കുരസി അയാൾ പറഞ്ഞിട്ട് പോയി....... 

ഇയാളെ അടക്കി നിർത്തണം.... തന്റെയടുത്തു സ്വാതന്ത്ര്യം കുറച്ചു കൂടുതൽ കാട്ടുന്നുണ്ട്.... മീന ഓർത്തു.....

നീ കല്യാണത്തിന് സമ്മതിക്കുന്നില്ലെന്ന് ദേവേട്ടൻ പറഞ്ഞു..... കാര്യമെന്താ...... അതോ പഴയ ഇഷ്ടമൊക്ക മറന്നോ.....  അടുത്തിരിക്കുന്ന മീനുവിനോട് മായ ചോദിച്ചു.... 

ആരാ പറഞ്ഞത് എനിക്കു സമ്മതമല്ലന്ന്..... പൂർണ്ണസമ്മതമാ എനിക്ക് ഹരിയേട്ടനെ കെട്ടാൻ..... അച്ഛനോടും ചേട്ടനോടും പറഞ്ഞു ചേച്ചി തന്നെ നടത്തിതാ ഞങ്ങളുടെ വിവാഹം..... അതും എത്രയും പെട്ടെന്ന്..... നാളെയെങ്കിൽ നാളെ തന്നെ...അയാൾ മായയെ കാണാൻ മുറിയിലേക്ക് വന്നപ്പോഴായിരുന്നു മീനയുടെ മറുപടി..... അതും അയാൾ കേൾക്കാൻ വേണ്ടി തന്നെ..... എന്നിട്ട്  അയാളെ നോക്കി ഒന്നു ചിരിച്ചു....

ഏട്ടനല്ലേ പറഞ്ഞത് ഇവൾ കല്യാണത്തിന് സമ്മതിക്കുന്നില്ലെന്ന്...... ഇപ്പോൾ റെഡിയാ പെണ്ണ് ഹരിയെ കെട്ടാൻ..... മായ പറഞ്ഞു....

അയാൾ മീനയെ ഒന്നു സൂക്ഷിച്ചു നോക്കിയിട്ട് മുറി വിട്ടു പോയി...... മീനയ്ക്ക് കുറച്ചൊരു ആശ്വാസം തോന്നി..... എപ്പോഴും അങ്ങനെ അയാൾ മാത്രം ജയിച്ചാൽ പോരല്ലോ..... അയാളുടെ വണ്ടിയുടെ ശബ്ദം അകന്നു പോയതിനു ശേഷം മാത്രമാണ് മീന മായയുടെ റൂമിൽ നിന്നും വെളിയിലേക്ക് വന്നത്.... അല്ലെങ്കിൽ അയാൾ തനിക്കുള്ള ശിക്ഷ തരും.... അവൾ കവിളിൽ കൈ വെച്ചു...... വഷളൻ.....

തിരിച്ചു മുറിയിൽ വന്നപ്പോൾ മേശപ്പുറത്തു ഒരു പേപ്പർ മടക്കി വച്ചിരിക്കുന്നു പറന്നു പോകാതിരിക്കാൻ ഗ്ലാസ്‌ എടുത്തു വച്ചിട്ടുണ്ട്.....മീന അതെടുത്തു തുറന്നു നോക്കി..... 

നിനക്കു ഇപ്പോൾ തന്നെ ഹരിയെ കെട്ടി ജീവിക്കണം അല്ലേ......ഇപ്പോൾ കെട്ടിച്ചു തരാം .......  നിന്റെ വായിൽ നിന്നും അവന്റെ പേരുപോലും വരരുതെന്ന് ഞാൻ പറഞ്ഞിട്ടുണ്ട് മീനമ്മാ ..... ഇപ്പോൾ തീരെ സമയം ഇല്ലാഞ്ഞിട്ടാ..... വൈകിട്ട് വരുമ്പോൾ മോൾ ഒരുങ്ങിയിരുന്നോ ശിക്ഷ ഏറ്റുവാങ്ങാൻ.... വീണ്ടും വീണ്ടും തെറ്റ് ആവർത്തിച്ചാൽ ശിക്ഷയുടെ രീതി മാറും..... കാഠിന്യം കൂടും..... നിന്റെ മാത്രം ദേവേട്ടൻ...

അതു വായിച്ചതും ഇന്നിനി ഒരുകാരണവശാലും മായേച്ചിയുടെ മുറി വിട്ടു പുറത്തിറങ്ങരുതെന്ന് മീന തീരുമാനിച്ചു...

അച്ഛാ ഞാൻ ഇനി എന്താ ചെയ്യേണ്ടത്....... മായേച്ചി പൂർണ്ണ സുഖമായിട്ട് വരുവാ.......  മാത്രമല്ല എന്റെയും ഹരിയേട്ടനും കല്യാണം നടത്തണമെന്ന വാശിയിലാണ് ആള്....... ഞാനിപ്പോൾ എന്താണ് ചെയ്യേണ്ടത്..... അച്ഛൻ അയാളോട് ഒന്ന് സംസാരിക്കു എന്നെ ഒഴിവാക്കാൻ പറയു...... അല്ലെങ്കിലും എനിക്ക് അയാളുടെ മേൽ യാതൊരു അവകാശവും നിൽക്കുന്നില്ല........ കാരണം ആദ്യഭാര്യ ഇപ്പോഴും ജീവിച്ചിരിപ്പുണ്ട്........ അച്ഛന് ചായ കൊടുക്കുമ്പോൾ മീന പറഞ്ഞു......

നീ അതൊന്നും ഇപ്പോൾ ആലോചിക്കേണ്ട....... ആദ്യം മായയൊന്നു  എഴുന്നേറ്റ് നടന്നോട്ടെ...... അതിനു ശേഷം തീരുമാനിക്കാം എന്ത് വേണമെന്ന്....... 

അത്രയും നാൾ ഈ താലിയും ഇട്ടുകൊണ്ട്  ചേച്ചിയുടെ മുന്നിൽ കൂടി നടക്കാൻ എനിക്ക് വിഷമം ഉണ്ട് അച്ഛാ........ എന്റെ അവസ്ഥ ഒന്നു മനസ്സിലാക്കൂ........അച്ഛൻ എന്താ എന്റെ വിഷമം കണ്ടില്ലെന്ന് നടിക്കുന്നത്..... ആർക്കു വേണ്ടിയാ ഇങ്ങനെ......

അപ്പോൾ ജയദേവ് പറയും പോലെ നിനക്ക് ഹരിയുമായി എത്രയും പെട്ടെന്ന് കല്യാണം കഴിക്കണം....... അതിനല്ലേ ഇത്രയും തിടുക്കം കാട്ടുന്നത്...... 

അച്ഛൻ എന്തൊക്കെയാണ് പറയുന്നത്....... മീന ഒന്ന് ഞെട്ടി.......ഞാൻ ഇങ്ങനെ ഒന്നും വിചാരിച്ചതു  പോലുമില്ല........ അച്ഛൻ ഒന്നാലോചിച്ചുനോക്കൂ..... ചേച്ചിക്കും അനിയത്തിക്കും ഒരു ഭർത്താവ്...... ആലോചിക്കുമ്പോൾ തന്നെ എന്നോട് അറപ്പ് തോന്നുന്നു........

എന്തൊക്കെയായാലും ശരി മായ എണീറ്റ് നടന്നതിനു ശേഷമേ എന്തും തീരുമാനിക്കൂ............ ഞാൻ ജയദേവിന്റെ കൂടെയാണ്..... അവൻ പറയുന്നതാണ് ശരി...... ഈ അച്ഛനു വേണ്ടിയെങ്കിലും നീ ഒന്ന് സമാധാനിക്കു  മീനു..... അതും പറഞ്ഞ് അച്ഛൻ പോയി..... 

ശ്ശേ......  അച്ഛൻ എന്താ ഇങ്ങനെ...... ഇതെന്താ പഴയകാലം വല്ലതുമാണോ പാതിയെ പങ്കിട്ടെടുക്കാൻ.........മീന ആലോചിച്ചു....... ഹരിയേട്ടനെ ഒന്നു കാണാൻ പറ്റിയിരുന്നെങ്കിൽ........ എന്റെ സൈഡിൽ നിന്ന് ചിന്തിക്കാനും ആശ്വസിപ്പിക്കാനും ഹരിയേട്ടനെ ഉള്ളൂ...... ഒന്നു കാൾ ചെയ്താൽ പോലും അയാൾ അറിയും...... അതെങ്ങനെ വീട്ടിനകത്തു തന്നെ ചാരന്മാരല്ലേ..... മീന മാല കയ്യിൽ ചുറ്റി ഓർത്തു.... 

തുമ്പി രാവിലെ മുതലേ വഴക്കാണ്...... ഇന്ന് ഇടത്തോട്ടാ എണീച്ചതെന്നു തോന്നുന്നു...... ഒന്നും കഴിക്കുന്നില്ല...... ഏതുനേരവും ഞാൻ എടുത്തു നടക്കണം...... മായേച്ചിയുടെ അടുത്തുപോലും ഇരിക്കുന്നില്ല...... എടുത്തു മടുക്കുമ്പോൾ മീന ഇരിക്കും..... അതും പാടില്ല.... എടുത്തോണ്ട് നടന്നോണം.... കുറച്ചു മാത്രമാണ് കഴിച്ചത്...... പനിയൊന്നുമില്ല...... പിന്നെന്തു പറ്റി....... വാശി..വേറെന്താ...... അയാൾടെയല്ലേ മോള്....... ഉച്ചക്കൊന്ന് ഉറങ്ങിയപ്പോൾ മാത്രമാണ് മീന ഫ്രീ ആയത്..... അച്ഛനോട് ഹോസ്പിറ്റലിൽ പോകുന്ന കാര്യം പറഞ്ഞപ്പോൾ തുമ്പിയെ തൊട്ടു നോക്കിയിട്ട്... അയാൾ വന്നിട്ട് നോക്കാം എന്നു പറഞ്ഞു..... അച്ഛന്റെ ഒരു കാര്യം.... തൊട്ടതിനും പിടിച്ചതിനും ഒക്കെ അയാൾ വേണം...... ഇനി വല്ല കൂടോത്രം ചെയ്തു വശത്താക്കി വച്ചിരിക്കുവാണോ...... ഈശ്വരാ..ഈ പെണ്ണൊന്നു എവിടെയെങ്കിലും ഇരുന്നിരുന്നെങ്കിൽ..... കയ്യൊടിഞ്ഞു.....

വൈകുന്നേരം ആയപ്പൊളേക്കും തുമ്പിക്ക് ചെറിയ മൂക്കൊലിപ്പ് തുടങ്ങിയിരിന്നു...... പനിക്കാനായിരുന്നു..... പാവം..... ഉള്ളിൽ പനിയുണ്ടായിരുന്നിരിക്കണം..... അതാണ് മിണ്ടാട്ടം പോലും ഇല്ലാതിരുന്നത്.... അല്ലേൽ നാവിനു നല്ല നീളമാണ്..... നെഞ്ചിൽ  പറ്റിച്ചേർന്നു കിടക്കുവാണ്.... മായേച്ചിയുടെ മുറിയിലേക്ക് കൊണ്ടുപോയില്ല..... പകരേണ്ട..... 

കുറച്ചു മാത്രം കഞ്ഞി കുടിച്ചു സിറപ്പ് കൊടുത്തു കിടത്തി..... കൂടെ കിടന്നു..... പാതി രാത്രിയിൽ എഴുന്നേറ്റു...... പനി കുറഞ്ഞിട്ടുണ്ട്.... എടുത്തു പുറത്തു തട്ടി ഉറക്കുമ്പോളാണ് അയാൾ കയറി വന്നത്.... ഇങ്ങേർക്ക് ഉറക്കവും ഇല്ലേ..

കുറഞ്ഞില്ലേ...... തുമ്പിയെ തൊട്ടു നോക്കി ദേവൻ ചോദിച്ചു .... 

ശബ്ദം കേട്ടതും അവൾ കണ്ണു തുറന്നു.... അയാളെ കണ്ടതും അങ്ങോട്ടു ചാടി...... 

അച്ഛേടെ തുമ്പിക്കുഞ്ഞിന് എന്താ പറ്റിയെ.... ഉവ്വാവാണോ...... 

മ്മ്..... തലയാട്ടി...... 

എവിടാ ഉവ്വാവ്...... 

ഇടെ വേനയാ...... തലയിൽ തൊട്ടു കാണിക്കുന്നുണ്ട്..... പിന്നെ അവിടെയും ഇവിടെയും ഒക്കെ തൊട്ടുകാണിക്കുന്നുണ്ട്..... 

ആഹാ.... ഇവൾക്ക് നാവുണ്ടായിരുന്നോ..... ഇതൊക്കെ തന്നെയല്ലേ ഞാനും ചോദിച്ചത്.... മീന ഓർത്തു....... അവൾക്കു അയാളോടുള്ള പെരുമാറ്റം കണ്ടപ്പോൾ മീന ചിന്തിച്ചു തന്നേക്കാൾ തുമ്പിക്ക് അയാളോടാണോ ഇഷ്ടം.......ആവും.... സ്വന്തമല്ലേ.......  മീനയ്ക്ക് നെഞ്ചിൽ ഒരു വേദന തോന്നി..... 

അവൾ വേദനയാണെന്നു പറയുന്നിടത്തെല്ലാം അയാൾ ഉമ്മ കൊടുക്കുന്നുണ്ട്..... ഉമ്മ കിട്ടാൻ വേണ്ടി വീണ്ടും വീണ്ടും തൊട്ടു കാണിക്കുവാ..... കുട്ടികൊരങ്...... അവൾക്കു ഉമ്മ വേണമായിരുന്നെങ്കിൽ ഞാൻ കൊടുക്കില്ലായിരുന്നോ..... അതിനു കൊല്ലാൻ നടക്കുന്ന ഈ രാക്ഷസന്റെ തന്നെ വേണമായിരുന്നോ...... ഇതെല്ലാം അയാൾ തന്നെ കാണിക്കാൻ കാട്ടിക്കൂട്ടുന്നതാണ്.... തുമ്പിയെ സ്‌നേഹിക്കുന്നുണ്ടെന്ന് കാണിക്കാൻ...... ദേഷ്യത്തിൽ നോക്കി നിൽക്കുന്ന മീനയുടെ അടുത്തേക്ക് അയാൾ വന്നു....... 

അച്ഛേടെ തുമ്പിയെ........ അമ്മേടെ മുഖം എന്താ ഇങ്ങനെ ഇരിക്കുന്നത്...... കടന്നൽ കുത്തിയ പോലെ...... അമ്മയോട് പറഞ്ഞേക്ക് ഇന്ന് അച്ഛ ക്ഷമിച്ചു വിട്ടിരിക്കുന്നുവെന്ന്..... അതും എന്റെ തുമ്പിമോൾക്ക് വയ്യാത്തത് കൊണ്ടുമാത്രം..... നാളെ ഇതാവില്ല സ്ഥിതി......

അവൾ തല വെട്ടിച്ചു പുറത്തേക്കു പോയി..... മായേച്ചി നല്ല ഉറക്കമാണ്..... ശല്യം ചെയ്തില്ല..... സമാധാനം ഇല്ലാതെ 

കുറച്ചു കഴിഞ്ഞു വീണ്ടും മുറിയിലേക്ക് പോയി.... തുമ്പി അയാളുടെ നെഞ്ചിൽ തല വച്ചു ഉറങ്ങുന്നുണ്ട്....... അയാൾ കണ്ണടച്ചു കിടക്കുവാണ്... പക്ഷേ ഉറങ്ങിയിട്ടില്ല.... ഒരു കൈ കൊണ്ടു തുമ്പിയെ ചേർത്തു പിടിച്ചു കയ്യിൽ താളം പിടിക്കുന്നുണ്ട്.... ചിലപ്പോളൊക്കെ തോന്നാറുണ്ട് തുമ്പിയെ അയാൾ സ്നേഹിക്കുന്നത് ആത്മാർത്ഥമായിട്ടാണെന്ന്..... ചിലപ്പോൾ എനിക്കെതിരെ ഉള്ള ആയുധം ആക്കും അവളെ...... അയാൾ പതിയെ  കണ്ണു തുറന്നു.......മീനയെ നോക്കിക്കിടക്കുവാണ്......ആ നോട്ടം ഹൃദയത്തിലേക്ക്  ആഴ്ന്നിറങ്ങി വേദനിപ്പിക്കുന്നു........  എന്തു ചെയ്യണമെന്ന് അറിയാതെ നിന്നു കുറച്ചു നേരം...... അയാളിൽ നിന്നും കണ്ണൊന്നു തിരിച്ചു വലിക്കാൻ പറ്റാതെ മീന നിന്നു..........അയാൾ മറുകൈ നീട്ടി ..... മീനയെ വിളിക്കും പോലെ..... അടുത്തേക്ക് വരാൻ പറയും പോലെ..... ആ നോട്ടം അയാളുടെ അടുത്തേക്ക് തന്നെ അടുപ്പിക്കുന്നു..... കണ്ണുകൾ കാന്തം പോലെ ...... മുഖം ശാന്തമാണ്.... മീന മുറുക്കി കണ്ണടച്ചു...... പെട്ടെന്നു തിരിഞ്ഞു നടന്നു........

നടന്നു ചെന്നെത്തിയത് അയാളുടെ മുറിയിലാണ്..... ശരീരം തളരും പോലെ..... കട്ടിലിന്റെ അറ്റത്തു ഇരുന്നു...... എന്തോ ഒരു മാറ്റം പോലെ...... മനസ്സിന്...... അയാൾ കൈ നീട്ടിയപ്പോൾ തുമ്പിയെ പോലെ ആ നെഞ്ചിൽ തല ചായ്ക്കാൻ തോന്നിയത് എന്തുകൊണ്ടാണ്..... ആ മുഖത്തു  കണ്ടത് തന്നോടുള്ള സ്നേഹം മാത്രമായിരുന്നു..... മീന കണ്ണടച്ചു തുറന്നു...... 

ഈശ്വരാ... എന്തൊക്കെയാണ് ഞാൻ ചിന്തിക്കുന്നത്...... മായേച്ചിയെ ഓർക്കാതെ.... മായേച്ചിക്ക് സ്വന്തവും തനിക്ക് അന്യനുമാണ്  അയാൾ ....... മാലയിൽ ചുറ്റിപ്പിടിച്ചു...... അരുതാത്തതൊന്നും മനസ്സിൽ തോന്നിപ്പിക്കരുതേ ഈശ്വരാ..... 

അങ്ങനെ ഒന്നും ചിന്തിക്കുക പോലുമരുത്  എന്ന് മനസ്സിനെ പറഞ്ഞു പഠിപ്പിച്ചു.... 

മായേച്ചിയുടെ മുറിയിൽ പോയി ചേച്ചിയെ കെട്ടിപ്പിടിച്ചു കിടന്നു..... ഒരു നിമിഷത്തേക്കെങ്കിലും മനസ്സു കൊണ്ടു  ചെയ്തു പോയ തെറ്റിനു  കണ്ണീരു കൊണ്ടു മാപ്പപേക്ഷിച്ചു... 

കരയുന്നുണ്ടോ മീനൂട്ടി നീ...... മായേച്ചി ചോദിച്ചു..... 

ഇല്ല ചേച്ചി...... പെട്ടെന്ന് അമ്മയെ ഓർത്തു..... അതാ..... 

ഞാനില്ലേ നിനക്കു..... 

മ്മ്..... അതുമതി....... എന്നും............ മനസ്സിൽ നിന്നും എല്ലാം മായിച്ചു കളഞ്ഞിട്ടു മീനു പതിയെ കണ്ണടച്ചു...

സ്നേഹബന്ധനം 6

ഇപ്പോൾ അലാറം വക്കേണ്ടതില്ല തനിക്ക് ..... അല്ലാതെ തന്നെ രാവിലെ എഴുന്നേൽക്കും... അതിനു ഉറങ്ങിയിട്ടു വേണ്ടേ.....മീനു ഓർത്തു.......

മായേച്ചിയെ ഉണർത്താതെ തുമ്പിയെ നോക്കാൻ പോയി...... രണ്ടുപേരും നല്ല ഉറക്കം..... കാലും കയ്യും എല്ലാം അയാളുടെ മേൽ ആണുള്ളത്...... നെറ്റിയിൽ തൊട്ടു നോക്കി..... ചൂട് ഉണ്ട്... എന്നാലും ഇന്നലത്തേതിലും കുറവുണ്ട്...... അവളുടെ കുഞ്ഞിക്കൈ എടുത്തു ഒരുമ്മ കൊടുത്തു.....

ഇങ്ങോട്ടും ആവാം ഇടയ്ക്കൊക്കെ ..... അയാൾ കൈ നീട്ടി....

ഒന്നു മുറിയിലേക്ക് പോകുവോ...... ഇതെന്റെ റൂമാണ്..... എനിക്ക് കുറച്ചു പണിയുണ്ട്..... മീന പറഞ്ഞു......

നിന്റെ റൂം ആയിരിക്കാം.... പക്ഷേ ഇതിനകത്തുള്ളത് എല്ലാം എന്റെ സ്വത്താണ്..... ഞാൻ എനിക്ക് ഇഷ്ടമുള്ളത് ചെയ്യും..... എനിക്ക് ഇനിയും ഉറങ്ങണം...... എന്റെ കുഞ്ഞ് എണീക്കും വരെ..... ദേ... ഇങ്ങനെ കെട്ടിപ്പിടിച്ചു..........തുമ്പിയെ ചേർത്തു പിടിച്ചു പറഞ്ഞു......

എന്തു വേണമെങ്കിലും ചെയ്‌തോ........ മീന ദേഷ്യത്തിൽ തിരിഞ്ഞു നടന്നു ......

അച്ഛാ...... തുമ്പിയെ ഒന്നു ഡോക്ടറെ കാണിക്കണം...... ഇടവിട്ട് പനിക്കുന്നുണ്ട്..... ഇനി രാത്രിയിൽ എങ്ങാനും കൂടിയാലോ.......

നീ ദേവനോട് പറഞ്ഞില്ലേ മീനു.... അവൻ കൊണ്ടുപോകുമല്ലോ ഹോസ്പിറ്റലിൽ....

അതിനും ഞാൻ അയാളെ ആശ്രയിക്കണോ ദൈവമേ....... വേണ്ട...... ഞാൻ തനിയെ കൊണ്ടുപോയ്ക്കോളാം.....

ഹോസ്പിറ്റലിൽ പോകാൻ റെഡി ആയി വന്നപ്പോളേക്കും കാർ സ്റ്റാർട്ട്‌ ചെയ്തു നിൽപ്പുണ്ടായിരുന്നു അയാൾ..... കയറേണ്ടി വന്നു...... തുമ്പി മിണ്ടാതെ മീനുവിന്റെ നെഞ്ചിൽ ചേർന്ന് ഇരിക്കുവാണ്...... അയാൾ ഇടയ്ക്കു എന്തേലും ചോദിച്ചാൽ മാത്രം അവൾ മറുപടി ഒരു മൂളലിൽ ഒതുക്കും.... വയ്യാഞ്ഞിട്ടാവും പാവം...... അയാളുടെ കൈ എപ്പോഴും അവളുടെ കവിളിൽ തഴുകിക്കൊണ്ടിരുന്നു...... അവൾ സ്നേഹത്തോടെ ഒരു നോട്ടം കൊടുക്കും....അയാൾ കണ്ണടച്ചു കാണിക്കും...... അവൾ ചിരിക്കും..... അവളുടെ ചിരി കാണാൻ വീണ്ടും അയാൾ കണ്ണടച്ചു കാണിക്കും...... രണ്ടിന്റെയും സ്നേഹം കണ്ടിട്ട് കുശുമ്പു കൊണ്ടാ..... അയാളോട് ദേഷ്യത്തിൽ പറഞ്ഞു.... ഒന്നു നേരെ നോക്കി വണ്ടിയോടിക്കുവോ...... 

അപ്പോഴാണെന്നു തോന്നുന്നു ഞാൻ അവിടെ ഇരിക്കുന്നത് രണ്ടും കണ്ടത്.... രണ്ടിന്റെയും ചിരി നിന്നു...ഹാവൂ... എന്തോ ഒരു സമാധാനം കിട്ടിയതു പോലെ തോന്നി മീനയ്ക്ക് ....

ആളുകൾ കുറച്ചുണ്ട് ഡോക്ടറെ കാണാൻ...... കുറച്ചു വെയിറ്റ് ചെയ്യേണ്ടി വരും...... അയാളും കൂടെയിരുന്നു ഒരു കാൾ വരും വരെ......

എനിക്കു ഒന്ന് ഷോപ്പിൽ പോകണം.... ഒരു അത്യാവശ്യമുണ്ട്........ ഇറങ്ങുമ്പോൾ ഒരു ടാക്സി വിളിച്ചു പൊക്കോ........ തുമ്പിയെ തൊട്ടു നോക്കി മീനയോട് പറഞ്ഞിട്ട് ധൃതിയിൽ നടന്നു ......

ഉറക്കം വരുന്നുണ്ട് തുമ്പിക്ക്..... അവളെ എടുത്തു തോളത്തിട്ടു നടന്നു...... ടോക്കൺ നമ്പർ ആവാൻ ഇനിയുമുണ്ട് രണ്ടുമൂന്നു പേർ കൂടെ.....

മീനു........

വിളി കേട്ടു തിരിഞ്ഞപ്പോൾ ഹരിയേട്ടൻ നിൽക്കുന്നു പിറകിൽ.....

നീയെന്താ ഇവിടെ...... എന്തുപറ്റി...... 

തുമ്പിക്ക് പനിയാ ഹരിയേട്ടാ..... അവളെ കാണിക്കാൻ വന്നതാ...... എന്താ ഇവിടെ....

എന്റെ കൂട്ടുകാരൻ ഇവിടെ അഡ്മിറ്റ്‌ ആണ്..... ഒന്നു കണ്ടിട്ട് പോകും വഴിയാണ്.....ചുറ്റുമൊന്ന് നോക്കിയിട്ട് തുമ്പിയെ എടുത്തു തോളത്തു കിടത്തി ഹരിയേട്ടൻ പറഞ്ഞു......

മീന കൈ കുടഞ്ഞു...... ഇന്നലെ കയറിയതാ തോളത്തു...... നിലത്തു നിന്നിട്ടില്ല ഇതുവരെ....

ഇനിയും സമയമെടുക്കുമോ ഡോക്ടറെ കാണാൻ..... 

.... രണ്ടു പേർ കൂടി കഴിയണം..... ഹരിയേട്ടന് തിടുക്കം ഉണ്ടോ പോകാൻ...... അത്യാവശ്യമായി ഒന്നു കാണണമെന്ന് വിചാരിച്ചിരുന്നു......

ഇല്ല..... പോയിട്ടു വല്യ അത്യാവശ്യം ഇല്ല.... എന്താ കാര്യം മീനു......

ഹരിയേട്ടാ....മായേച്ചി നിർബന്ധം പിടിക്കാൻ തുടങ്ങിയിരിക്കുന്നു.... ഞാനും ഹരിയേട്ടനും തമ്മിലുള്ള വിവാഹത്തിന്...... എന്തൊക്കെയോ സംശയം ഉള്ള പോലെ....... മായേച്ചിയുടെ മുന്നിൽ ചെന്നു നിൽക്കുമ്പോൾ ചങ്കിടിക്കുവാ ശരിക്കും...... ടെൻഷൻ അടിച്ചു ഞാൻ ഇല്ലാണ്ടാവും ഹരിയേട്ടാ.....ഇപ്പോൾ മനസ്സും കൈവിട്ടു തുടങ്ങി...... എന്നെ എങ്ങനെയെങ്കിലും ഒന്നു രക്ഷിക്കാൻ പറ്റുവോ ഹരിയേട്ടാ .... കണ്ണു നിറച്ചു മുഖത്തേക്ക് നോക്കി മീന ചോദിച്ചപ്പോൾ ഹരിയുടെ കണ്ണും നിറഞ്ഞു.....

ഒരു നേഴ്സ് വന്നു തുമ്പിയുടെ പേര് വിളിച്ചു.... എന്റെ കൂടെ ഹരിയേട്ടനും കയറി ഡോക്ടറുടെ റൂമിൽ...... അവളെ പരിശോധിച്ചു കൊണ്ടിരുന്നപ്പോൾ ഉറക്കത്തിനു ഭംഗം വന്നതുകൊണ്ട് അവൾ ചിണുങ്ങാൻ തുടങ്ങി....... ഹരിയേട്ടൻ വന്നു  കയ്യിലെ കീയിൽ കിടന്നിരുന്ന ഡോൾ കാണിച്ച് സമാധാനിപ്പിക്കാൻ നോക്കുന്നുണ്ട്....... 

ആഹാ...... അമ്മയെക്കാൾ ടെൻഷൻ ആണല്ലോ അച്ഛന്....... അച്ഛൻ  മോളാണോ...... തുമ്പിയെ നോക്കി ചിരിയോടെ ഡോക്ടർ ചോദിച്ചു.....

ഞാൻ ചമ്മലോടെ ഹരിയേട്ടനെ മുഖത്തേക്ക് നോക്കി........ അവിടെയും അതെ അവസ്ഥ..... മരുന്നു വാങ്ങിയതും ബിൽ പേ  ചെയ്തതും ഹരിയേട്ടനാണ്......... വേണ്ട.... എന്ന് പറഞ്ഞിട്ടും കേട്ടില്ല.......

ഇതൊക്കെ ചെയ്യാനുള്ള സാലറി ഇപ്പോൾ എനിക്ക് കിട്ടുന്നുണ്ട് മീനു ........... ഒരു വിധം ഞാൻ കരകയറി വരുന്നു.......

എല്ലാം ശരിയാകും ഹരിയേട്ടാ.... തുടക്കത്തിൽ അങ്ങനെയൊക്കെ ഉണ്ടാവും..........

ഞാൻ കൊണ്ടുവിടട്ടെ മീനു..... ഇനി ഒരുപാട് നിൽക്കണ്ട...... ഹരി അവളുടെ മറുപടിക്കായി കാത്തു....

മ്മ്...... ശരി.....

ഹരിയുടെ കൂടെ ബൈക്കിൽ കയറി തുമ്പിയെ ചേർത്ത് പിടിച്ചു..... സാരിത്തുമ്പെടുത്തു തുമ്പിയെ മൂടി...... 

പോകാം...... ഹരി ചോദിച്ചു.... 

മ്മ്..... പോകാം....... 

വളരെ പതിയെയാണ് ഹരി വണ്ടിയോടിച്ചത്..... ഇടയ്ക്കു സംസാരിക്കുന്നുണ്ട്....... അന്നങ്ങിനെ ഒരാക്സിഡന്റ് നടന്നില്ലായിരുന്നുവെങ്കിൽ ഈ യാത്ര സത്യമായേനെ...... മീന ഓർത്തു ...... ജയദേവിനെ പറ്റി ഓർത്തപ്പോൾ കണ്ണു നിറഞ്ഞു വന്നു..... മുൻപിൽ ഒരു കാർ കുറുകെ വന്നു നിന്നു..... ഹരിയേട്ടൻ ചാടി ബ്രേക്ക്‌ പിടിച്ചു..... പെട്ടെന്നു മുന്നോട്ടാഞ്ഞ മീനയെ ഹരി പിറകിലേക്ക് കൈ നീട്ടി വീഴാതെ പിടിച്ചു.....

 അയാളാണ്.. കണ്ണു രണ്ടും ദേഷ്യത്തിൽ ചുവന്നിരിക്കുന്നു.....മുന്നിലെ ഡോർ തുറന്നു പിടിച്ചു എന്നെ നോക്കി ദഹിപ്പിക്കുന്നുണ്ട്...... കൂടെ ഹരിയേട്ടനെയും...... 

ഹരിയേട്ടനോട് കണ്ണുകൊണ്ടു യാത്ര പറഞ്ഞു പോയി കാറിൽ കയറി...... എന്നോടുള്ള ദേഷ്യം മുഴുവനും ആ കാറിനോട് കാണിക്കുന്നുണ്ട് അയാൾ...... തുമ്പിയെ ചേർത്തു പിടിച്ചു ഞാൻ..... വീട്ടിലെത്തിയതും ദേഷ്യത്തിൽ ഡോർ അടച്ചിട്ടു അയാൾ അകത്തേക്കു പോയി.....

പതിയെ തുമ്പിയെ എടുത്തു മുറിയിലേക്ക് പോയി....... കതകടക്കുന്ന ശബ്ദം കേട്ടു തിരിഞ്ഞു....... അയാൾ തന്റെ കയ്യിലിരുന്ന് ഉറങ്ങുന്ന തുമ്പിയെ എടുത്തു ബെഡിൽ കിടത്തി...... എന്റെ നേർക്കു നടന്നു വന്നു.......

ഞാനൊന്നു മാറാൻ കാത്തിരുന്നു അല്ലേ കാമുകനെ വിളിക്കാൻ..... എന്നിട്ട് എന്നെ കൊല്ലാനാണോ അതോ രണ്ടും കൂടി ഒളിച്ചോടാനാണോ പ്ലാൻ ഇട്ടിരിക്കുന്നത് ...... എന്തായി തീരുമാനം.... 

അതിനു നിങ്ങളെപ്പോലെ ദുഷ്ടനാണ്  ഹരിയേട്ടൻ എന്നു വിചാരിച്ചോ..... കൊല്ലാനും തിന്നാനുമൊന്നും ഹരിയേട്ടനെക്കൊണ്ട് ആവില്ല......

ആയിക്കോട്ടെ...... ഞാൻ ദുഷ്ടനാ..... നല്ല ഒന്നാം ക്ലാസ്സ്‌ ക്രൂരൻ..... കഴിഞ്ഞ ദിവസമേ ഞാൻ പറഞ്ഞതാണ് നിന്നോട് അവനെ കാണാനോ സംസാരിക്കാനോ പോകരുതെന്ന്... എത്ര പ്രാവിശ്യം പറയണം ഒരേ കാര്യം.... അതു തെറ്റിച്ചാൽ ശിക്ഷ കഠിനമാവുമെന്നു ഞാൻ പറഞ്ഞതുമാണ്...... അപ്പോൾ ആ തെറ്റിനുള്ള ശിക്ഷ വേണ്ടേ.... അയാൾ ഒരു തലയിണ എടുത്തു തുമ്പിയുടെ നേർക്ക് അടുത്തു..... 

മീനുവിന് പേടി തോന്നി..... ഓടി അയാൾക്ക് മുന്നിൽ വന്നുനിന്നു..... 

തുമ്പിയെ ഒന്നും ചെയ്യരുത്..... 

അയാൾ അവളെ ഒന്ന് സൂക്ഷിച്ചു നോക്കിയിട്ട് ആ തലയിണ തുമ്പിയുടെ സൈഡിൽ ചേർത്തു വെച്ചു.......... 

ആശ്വസിച്ചു നിന്ന മീനയെ തോളിൽ പിടിച്ചു ഭിത്തിയിൽ ചേർത്തു നിർത്തി......

നീയെന്താ എന്നെപ്പറ്റി വിചാരിച്ചു വച്ചിരിക്കുന്നത്...... എന്റെ തുമ്പിയെ ഞാൻ എന്തു ചെയ്യുമെന്നാണ് നീ പറയുന്നത് ...... കുറച്ചു നാളായി എന്റെ അടുത്തു നിന്നും തുമ്പിയെ നീ മനഃപൂർവം മാറ്റുന്നു..... കാര്യം എന്താ.... പറ...

മറുപടി പറയാൻ ആവാതെ മീനു കണ്ണടച്ചു പിടിച്ചു...... അയാളെ തള്ളി മാറ്റാൻ ശ്രമിച്ചു..... അയാൾ ഒന്നുകൂടി ചേർന്നു നിന്നു.....

മീനമ്മാ...... ക്ഷമിക്കുന്നതിന് ഒരു പരിധിയുണ്ട്....... മുൻപേ ചിലരൊക്കെ എന്റെ നെഞ്ചിൽ ഒരാണി കുത്തിയിറക്കിയിട്ടുണ്ട്..... നീയത് വീണ്ടും വീണ്ടും ആഴത്തിൽ അടിച്ചിറക്കുവാണ്...... ഞാനും ഒരു മനുഷ്യനാണ്..... എനിക്കും വേദനിക്കും..... പ്രത്യേകിച്ച് നിന്റെ കൈ കൊണ്ടാവുമ്പോൾ..... അയാൾ പറഞ്ഞു......

കുറച്ചു നേരത്തെ മൗനത്തിനു ശേഷം മീന തല കുനിച്ചു പറഞ്ഞു......... ഞാൻ വിളിച്ചു വരുത്തിയതല്ല ഹരിയേട്ടനെ...... ആ ഹോസ്പിറ്റലിൽ ഉണ്ടായിരുന്നു......ഞാൻ പറയുന്നത്  സത്യമാണ്...... 

എനിക്ക് വിശ്വാസമാണ് എന്റെ മീനമ്മയെ.......  പക്ഷേ ഇനി ഇത് ആവർത്തിക്കരുത്........  നീയവനെ ഒന്നു നോക്കുന്നത് പോലും എനിക്ക് സഹിക്കില്ല മീനമ്മാ....

 അയാളുടെ നിറഞ്ഞ കണ്ണുകളിലേക്ക് മാറി മാറി നോക്കി മീനു..... അയാൾ മീനയുടെ മുഖം കയ്യിലെടുത്തു .....നെറ്റിയിൽ ചുണ്ടമർത്തി നിന്നു കുറച്ചു നേരം ......പിന്നെ രണ്ടു കവിളിലും മാറി മാറി വേദനിപ്പിക്കാതെ .... മീനക്ക് ശരീരം തളരും പോലെ തോന്നി....... വീഴുമെന്നായപ്പോൾ അയാളുടെ രണ്ടു കയ്യിലും കയറിപ്പിടിച്ചു........... കണ്ണുനീരിന്റെ രുചി അറിഞ്ഞിട്ടാവണം അയാൾ മീനയെ നോക്കി  .....

ഞാൻ ചെയ്യുന്നത് തെറ്റല്ല...... എനിക്ക് അവകാശപ്പെട്ടതിനോടാണ് ഞാനീ സ്വാതന്ത്ര്യം കാണിക്കുന്നത്....... നിന്റെ മനസിലുള്ള ജയദേവൻ അല്ല ശരിക്കുള്ള ജയദേവ്...... മനസ്സിലാക്കാൻ നീ ശ്രമിക്കുന്നില്ല... അതാണ് സത്യം...... കരയണ്ട.....നീ കരയുന്നത് എനിക്കിഷ്ടമല്ല മീനമ്മാ....... അന്നും ഇന്നും.......സാവധാനം കണ്ണുനീർ തുടച്ചു കൊടുത്തു....... അവളിൽ നിന്നും മാറി മുറിക്കു വെളിയിലേക്കു നടന്നു.....

അവൾ താഴേക്ക് ഊർന്നിരുന്നു...... മുട്ടിലേക്ക് മുഖം ചേർത്തു വച്ചു....... കണ്ണുനീർ തോരും വരെ........ എഴുന്നേറ്റപ്പോൾ തല വെട്ടിപ്പൊളിക്കും പോലെ..... കണ്ണിനു വല്ലാത്ത ഭാരം...... കരഞ്ഞിട്ടാവുമെന്നു വിചാരിച്ചു...... 

മായേച്ചിയുടെ മുറിയിൽ പോയിരുന്നു....... 

നിനക്കെന്തുപറ്റി മീനു...... മുഖമൊക്കെയെന്താ വല്ലാതെ......

ഒന്നുമില്ല ചേച്ചി....... മായയുടെ മടിയിലേക്ക് തല വെച്ചു....... മായ മീനുവിന്റെ മുടിയിൽ തലോടി..... മുഖത്തു കൈ ചേർത്തു വെച്ചു പറഞ്ഞു...... 

നല്ല ചൂടുണ്ടല്ലോ മീനു....... തുമ്പിയുടെ പനി നിനക്കും കിട്ടിയോ...... ദേ... ദേവേട്ടാ.... മീനുവിനും പനി പിടിച്ചു കേട്ടോ .....

ദേവൻ എന്ന പേരു കേട്ടതും മീനു മായയുടെ മടിയിലേക്ക് മുഖം മറച്ചു പിടിച്ചു .....

പനിയുടെ മരുന്നു കൊടുക്കണേ ദേവേട്ടാ.... അവൾ കഴിച്ചിട്ടേ അടുത്തു നിന്നും മാറാവു..... നാവിനടിയിൽ വച്ചിട്ട് തുപ്പിക്കളയുന്നവളാ....... കള്ളിയാ.. മായയുടെ പതിഞ്ഞ ചിരി കേട്ടു.....

തുമ്പിയുടെ ബഹളം കേട്ടപ്പോൾ മീന എഴുന്നേറ്റു ആരെയും നോക്കാതെ മുറിയിലേക്ക് പോയി..... അവളെയും കൂട്ടി അടുക്കളയിൽ നിന്നപ്പോഴാണ് അയാൾ വന്നത്....... കയ്യിൽ ടാബ്ലറ്റ് ഉണ്ടായിരുന്നു കൂടെ ഒരു ഗ്ലാസ്‌ വെള്ളവും...... വാങ്ങാതെ മടിച്ചു നിന്നപ്പോൾ കൂടുതൽ അടുത്തേക്ക് വന്നു.... മീന അതു വാങ്ങി ........ തുമ്പിയെ അയാൾ എടുത്തു......

പേടിച്ചു പനി പിടിച്ചതാണോ മീനമ്മാ...... അയാൾ ചിരിച്ചു ചോദിച്ചു......

പേടിയോ.... എന്തിനു....... നിങ്ങളെ കാണുന്നത് പോലും എനിക്കു വെറുപ്പാണ്.....മനസ്സിന് ഇഷ്ടമില്ലാത്തത് നടക്കുമ്പോൾ ശരീരം പ്രതികരിക്കും..... അത്രേ ഉള്ളൂ........ മീന ദേഷ്യത്തിൽ പറഞ്ഞു..,

ഇതു തന്നെയല്ലേ ഞാനും ചെയ്തുള്ളൂ മീനമ്മാ...... എന്റെ മനസ്സിന് ഇഷ്ടമില്ലാത്തത് കാണേണ്ടി വന്നപ്പോൾ ഞാൻ ശരീരം കൊണ്ടു പ്രതികരിച്ചു..... അതിലെന്താ തെറ്റ്‌..... എന്നോടുള്ള ദേഷ്യത്തിൽ ഇനിയും നീ തെറ്റുകൾ ചെയ്യണം..... എന്നാലല്ലേ എനിക്കു ശിക്ഷയും തരാൻ പറ്റു...... പോയി കിടന്നുറങ്ങിക്കോ..... ഞാൻ തുമ്പിയെ അച്ഛനെ ഏൽപ്പിച്ചോളാം..... പേടിക്കണ്ട...... 

മീന അയാളിൽ നിന്നും പെട്ടെന്ന് നടന്നു നീങ്ങി.... തർക്കിക്കാൻ വയ്യ.... നല്ല തലവേദന..... 

ചേച്ചി പതിയെപ്പതിയെ കാലുകൾ നിലത്തു കുത്താൻ തുടങ്ങി...... ഞാനും അയാളും കയ്യിൽ പിടിച്ചു പതിയെ നടത്താൻ ശ്രമിക്കും .... കുറച്ചു നടന്നു കഴിയുമ്പോൾ തളരും...... അയാളുടെ നെഞ്ചിലേക്ക് തല ചേർക്കും...... അതു കാണുമ്പോൾ എന്തോപോലെയാണ് ...... സങ്കടം വരും....... അത് ചേച്ചിയെ ഓർത്തു മാത്രമാണ്..... അങ്ങനെ ചേച്ചി അയാളിലേക്ക് ചായുമ്പോൾ എന്റെ നേർക്ക് നോക്കില്ല അയാൾ..... ദൂരേക്ക് നോക്കി നില്കും..... പഠിച്ച കള്ളനാണ് അയാൾ..... ചേച്ചിക്ക് കുറച്ചു കാലുറച്ചപ്പോൾ ഞാൻ സ്വയം ഒഴിഞ്ഞു മാറി..... ഇപ്പോൾ അയാളാണ് ചേച്ചിയെ നടത്തുന്നത്......

അയാൾക്ക് ചേച്ചിയെ ഇഷ്ടമാണോ..... അല്ലെങ്കിൽ സുഖമാകാൻ വേണ്ടി ഇങ്ങനെ കഷ്ടപ്പെടുന്നത് എന്തിനാ..... പിന്നെ തന്നോടെന്തിനാ  ഇങ്ങനെ പെരുമാറുന്നത്..... അയാളുടെ മനസ്സിലിരിപ്പ് മനസ്സിലാകുന്നതേയില്ല...... എന്തായാലും കുറച്ചു ദിവസങ്ങൾക്കു ശേഷം ചേച്ചി തനിയെ നടക്കാറാവും..... അതുവരെയെ ഈ ഒളിച്ചു കളി ഉള്ളൂ.....അവസാനിപ്പിക്കണം എല്ലാം....

തുമ്പിയുടെ ചിരി കേട്ടിട്ട് എന്താണെന്ന് നോക്കാൻ വന്നതാണ് റൂമിൽ ...... അയാൾ അവളെ പൊക്കി പിടിച്ചു കറക്കും..... അവൾ പൊട്ടിപ്പൊട്ടി ചിരിച്ചിട്ട് ..... ഇനീം ന്നു പറയും..... വീണ്ടും അയാൾ അങ്ങനെ ചെയ്യും........ എന്നെ കണ്ടതും.... അവൾ കൈചൂണ്ടി പറഞ്ഞു.... ഇനി അമ്മേനെ..... 

അയാൾ അവളെ ബെഡിൽ ഇരുത്തി.... മീന തിരിഞ്ഞു ഓടാൻ പോയതും അയാൾ വട്ടം പിടിച്ചു എടുത്തു കറക്കിയതും ഒരുമിച്ചായിരുന്നു.... തല കറങ്ങുന്നു.... നിർത്താൻ പറഞ്ഞിട്ടും അയാൾ കേട്ടില്ല..... തുമ്പി കൈകൊട്ടി ചിരിക്കുന്നുണ്ട്.... അയാൾ താഴെ നിർത്തി..... ചുറ്റിനും കറങ്ങുന്നു...... താഴെ വീഴാതിരിക്കാൻ അയാളെ മുറുക്കെ പിടിച്ചു..... തല തോളിലേക്ക് ചായ്ച്ചു..... വീഴാതിരിക്കാൻ ദേവൻ അവളെ ചേർത്തു പിടിച്ചു....ഒരുവിധം തല ഒന്നു നേരെയായപ്പോൾ അയാളെ തള്ളി മാറ്റി മാറിനിന്നു..... അയാളെയൊന്നു സൂക്ഷിച്ചു നോക്കി..ദേഷ്യം വന്നെങ്കിലും ഒന്നും പറഞ്ഞില്ല..... ദേഷ്യപ്പെട്ടാൽ ഇതിലും വലുത് ചെയ്യും...... തന്നെ നോക്കി ചിരിക്കുവാണ് ദുഷ്ടൻ.....

മതിയോ അച്ഛേടെ തുമ്പിക്ക്......സന്തോഷായോ.....അയാൾ തുമ്പിയോടായി ചോദിച്ചു.....

അവൾ ഹാപ്പി ആണ്..... പ്രതിഫലം ആയിട്ട് അയാൾക്ക് നിറയെ ഉമ്മയൊക്കെ കൊടുക്കുന്നുണ്ട്.... ഊട്ടി വിടുന്നത് ഞാനും കൂറ് അയാളോടും..... നീയിനി വാടി കുട്ടിക്കൊരങ്ങേ....

അവൾ പറയുന്നതെന്തും അയാൾ കേൾക്കും.........നടത്തിയും കൊടുക്കും....... എത്ര ബുദ്ധിമുട്ട് ഉള്ളതാണെങ്കിൽ പോലും.....അത് ഇവിടെ വന്നു കുറച്ചു ദിവസം കൊണ്ടെനിക്ക് മനസ്സിലായി....... . 

ഇനിയും ആ  കുരിപ് എന്തെങ്കിലും പറഞ്ഞാലൊന്നു പേടിച്ചു ചേച്ചിയുടെ മുറിയിലേക്ക് പോയി....... ചേച്ചിയുടെ കണ്ണെല്ലാം കലങ്ങിയിരിക്കുന്നു.....

എന്താ ചേച്ചി..... എന്തിനാ കരയുന്നത്....

ഒന്നും മിണ്ടിയില്ല.... കണ്ണുമാത്രം നിറഞ്ഞൊഴുകുന്നു.....

കാര്യം പറ ചേച്ചി..... എന്തെങ്കിലും വിഷമം തോന്നുന്നുണ്ടോ..... അതോ...... എന്താ വേണ്ടതെന്നു പറയു.... എന്നെ ഇങ്ങനെ ടെൻഷൻ അടിപ്പിക്കാതെ..... 

കുറച്ചു നേരം മായ മിണ്ടാതെ ഇരുന്നിട്ട് മീനയോട് പറഞ്ഞു....

ഞാനെന്തു പറഞ്ഞാലും നീ അനുസരിക്കില്ലേ മീനു.... 

അതെന്തു ചോദ്യമാ മായേച്ചി.... ഉറപ്പായിട്ടും അനുസരിക്കും..... കാര്യം പറ.... 

എനിക്കു എന്റെ താലി തിരിച്ചു വേണം... എന്റെ ദേവേട്ടനെ തിരിച്ചു വേണം... 

മീന ഒന്നു ഞെട്ടി.... ഇനി ചേച്ചി എല്ലാം അറിഞ്ഞിരിക്കുമോ.....

ഞാൻ കണ്ടു മീനു.... നിങ്ങൾ രണ്ടാളും റൂമിൽ... 

മീനയ്ക്ക് എന്താ ചെയ്യണ്ടതെന്ന് അറിയാതെ ഇരുന്നു.....

നിന്റെ കല്യാണ കാര്യം പറയുമ്പോൾ ദേവേട്ടൻ എന്തിനാണ് തടസ്സം പറയുന്നതെന്ന് ഇപ്പോഴാ മനസ്സിലായത്......... എനിക്ക് എന്റെ ദേവേട്ടനെ  തിരികെ എന്റെതാക്കാൻ കഴിയും........ ഇപ്പോൾ കണ്ടത് മറക്കാനും...........പക്ഷേ നീ.........

ഞാൻ എന്താ ചേച്ചി ചെയ്യേണ്ടത്...... പറഞ്ഞോളൂ....... ഞാൻ ചേട്ടനെ ആ ഒരു കണ്ണിൽ കണ്ടിട്ടില്ല....... ചേച്ചിയെ  മറന്ന് ഒരിക്കലും ഞാൻ അങ്ങനെ ചെയ്യില്ല....... ചേച്ചി പറയുന്നത് എന്തും അനുസരിക്കാൻ തയ്യാറാണ് ഞാൻ........പറഞ്ഞോളൂ....

എനിക്കറിയാം മീനു നിന്നെ......... ഒരു നിമിഷം ദേവേട്ടന്  തോന്നിയ ഒരു തെറ്റായിട്ട് എനിക്കിത്  കാണാൻ പറ്റും...... ക്ഷമിക്കാനും...... കാരണം ഞാൻ ഒരുപാട് സ്നേഹിച്ചു പോയി...... എനിക്ക് വേണം ഏട്ടനും ഞാനും തുമ്പിയുമായുള്ള ജീവിതം........

അത് നടക്കും ചേച്ചി..... അത് മാത്രമേ നടക്കു...... ഞാൻ ഉറപ്പുതരുന്നു......മീനു മായയുടെ കയ്യെടുത്തു പിടിച്ചു...

എങ്കിൽ എത്രയും പെട്ടെന്ന് ഹരിയുമായിട്ടുള്ള വിവാഹത്തിന് നീ തയ്യാറാവണം..........

ഒന്നുമാലോചിക്കാതെ മീന പറഞ്ഞു...... ഞാൻ തയ്യാറാണ്......

എനിക്ക് ഹരിയെ ഒന്നു കാണണം........ നീയൊന്നു പറയുമോ ഇവിടെ വരെ ഒന്നു വരാൻ....... 

മ്മ്...... ഞാൻ കൊണ്ടുവരാം.....

നിനക്ക് ദേഷ്യം ഒന്നും തോന്നരുത് എന്നോട്..... എത്രയൊക്കെ ചെയ്താലും സ്വന്തം ഭർത്താവിനെ  ഒരു ഭാര്യക്കും സ്നേഹിക്കാതിരിക്കാൻ ആവില്ല....... നിനക്കത് ഒരു താലി കഴുത്തിൽ വീഴുമ്പോൾ മനസ്സിലാകും.......മീന സങ്കടത്തിൽ മായയെ ഒന്നു നോക്കി....

നിന്നെ ഇവിടുന്ന് ഓടിച്ചു വിടുവാണെന്ന് വിചാരിക്കരുത് മീനു........  ഇത്രയും നാൾ ഞാൻ ദേവേട്ടനുമായി അകന്നുനിന്നു...... ഇനിയും ആ സ്നേഹം കാണാതിരിക്കാനാവില്ല എനിക്ക് ....... എനിക്കൊന്നു സുഖപ്പെടാൻ  വേണ്ടി ദേവേട്ടൻ കിടന്നു പാടുപെടുന്നത് നീയും കാണുന്നില്ലേ.......

മ്മ്....

എങ്കിൽ പോയി ഹരിയോട് എത്രയും പെട്ടെന്നു എന്നെ വന്നു കാണാൻ പറയു......

മീന എല്ലാം കേട്ടു തലയാട്ടി..... മുറിക്കു പുറത്തിറങ്ങി...... പുറത്തു അയാൾ എല്ലാം കേട്ടു നിൽപ്പുണ്ട്..... മീനയെ സൂക്ഷിച്ചു നോക്കി....... നടക്കില്ല എന്നുള്ള രീതിയിൽ തല ചലിപ്പിച്ചു......... എന്തോ ഒരു ക്രൂരഭാവം..... അയാൾ എന്തോ പറയാൻ ഉദ്ദേശിക്കുന്നുണ്ട്..... പക്ഷേ.. ഒന്നും മിണ്ടാതെ വെളിയിലേക്ക് പോകുകയാണ് ചെയ്തത്...... ആ സമയം കൊണ്ട് മീനു ഹരിയെ വിളിച്ച് കാര്യം പറഞ്ഞു....... നാളെ വരാം എന്ന് പറയുകയും ചെയ്തു....... എങ്കിലും വലിയൊരു സത്യം മായേച്ചി അറിയാതെ ഇപ്പോഴും മറഞ്ഞു കിടക്കുകയാണ്...... ഞാൻ അയാളുടെ ഭാര്യ ആണെന്നുള്ള സത്യം.........

സ്നേഹബന്ധനം  7

തന്നെ അയാൾ കല്യാണം കഴിച്ചുവെന്നുള്ളത് മായേച്ചി അറിയാതിരിക്കാൻ ഞാൻ എന്തും ചെയ്യും..... പോകെപ്പോകെ അറിഞ്ഞാലും കുഴപ്പമില്ല..... കൂടെ ആശ്വസിപ്പിക്കാൻ ആളുണ്ടാവുമല്ലോ...മീനു ഓർത്തു സമാധാനിച്ചു.....

രാത്രിയിൽ അയാൾ ഒരുപാട് താമസിച്ചാണ് വന്നത്..... വാതിൽ തുറന്നു കൊടുത്തപ്പോൾ കുറച്ചു നേരം എന്റെ മുഖത്തു നോക്കി നിന്നു...... ഈ നോട്ടം മാത്രം സഹിക്കാൻ പറ്റില്ല..... കണ്ണുകൾ കൊണ്ട് ഒരുപാട് സംസാരിക്കാറുണ്ട് അയാൾ........

നിന്നു ബുദ്ധിമുട്ടണ്ട..... മീനമ്മ പോയിക്കിടന്നോളു..... ഉടനെ ഒരു കല്യാണം കഴിക്കണ്ടതല്ലേ..... നിന്നു ക്ഷീണിക്കണ്ട.....മീനയുടെ നിൽപ്പ് കണ്ടപ്പോൾ ദേവൻ പറഞ്ഞു.......

മീന ഒന്നും പറയാതെ മുറിയിലേക്ക് പോയി.... എന്തെങ്കിലും പറഞ്ഞു വഴക്കുണ്ടാക്കാൻ പിറകെ വരുമെന്ന് വിചാരിച്ചു..... അതുണ്ടായില്ല.... അല്ലെങ്കിലും എന്തിനു ഞാൻ അങ്ങനെ ചിന്തിക്കണം..... അയാൾ ആരാ തന്റെ.....തുമ്പിയെ ചേർത്തു പിടിച്ചു കണ്ണടച്ച് കിടന്നു ......

രാവിലെ തുമ്പിയെ കുളിപ്പിച്ചു.... ചുണ്ട് തണുത്തിട്ടു കിടുകിടാന്ന്‌ അടിക്കുന്നുണ്ട്..... ടവലിൽ പൊതിഞ്ഞെടുത്തു അവളെ...... അമ്പലത്തിൽ പോയി രണ്ടാളും..... എല്ലാം നേരെയാക്കിത്തരേണമേയെന്നു ദേവിയോട് പ്രാർത്ഥിച്ചു..... ദേവിയുടെ കഴുത്തിൽ കിടക്കുന്ന താലി കണ്ടപ്പോൾ അറിയാതെ സ്വന്തം മാലയിൽ പിടിച്ചു പോയി..... ഈ നടയിൽ നിന്നാണ് അയാൾ ഇതു എന്റെ കഴുത്തിൽ കെട്ടിയത്..... ഇതിപ്പോൾ ശരിക്കും ഒരു ബന്ധനം തന്നെയാണ്..... മുൻപെല്ലാം അങ്ങനെ തോന്നിയപ്പോഴും ഇത് ഊരിവെക്കാനോ പൊട്ടിച്ചെറിയാനോ തോന്നിയിട്ടില്ല..... അപ്പോഴൊക്കെ ഈ താലിയിൽ തന്റെ ജീവനും കൂടി ബന്ധിച്ചിട്ടുണ്ടെന്നു തോന്നാറുണ്ട്..... 

ചേച്ചിക്ക് അർഹതപ്പെട്ടത് ഞാൻ തിരിച്ചു നൽകാൻ പോകുവാണ് അമ്മേ.... ക്ഷമിക്കണം...... എനിക്കിങ്ങനെ ചിന്തിക്കാനേ പറ്റു..... ഇതിന്റെ അവകാശി ഞാനല്ല.....ചെയ്യുന്നത് തെറ്റാണെങ്കിൽ പൊറുക്കണം...കണ്ണു നിറഞ്ഞൊഴുകുന്നത് എന്തിനാന്നു മാത്രം മീനയ്ക്ക് അറിയില്ലായിരുന്നു...... തുമ്പിയെയും കൊണ്ടു തിരിച്ചു വീട്ടിലേക്കു നടക്കുമ്പോൾ അവൾ എന്തൊക്കെയോ ചോദിക്കുകയും പറയുകയും ചെയ്യുന്നുണ്ട്.... മീന മൂളിക്കേൾക്കുന്നുണ്ട്.... മനസ്സിവിടെയെങ്ങും അല്ല.....

മുറ്റത്തു നിന്നും അകത്തേക്ക് കാലെടുത്തു വച്ചതും അകത്തു നിന്ന് വലിയ ശബ്ദം കേൾക്കുന്നു..... എന്തൊക്കെയോ തട്ടിമറിയുന്നു...... ചേച്ചിയുടെ മുറിയിൽ നിന്നാണ്..... തുമ്പിയെയും എടുത്തു ഓടിപ്പോയി നോക്കിയപ്പോൾ കണ്ടത് ഹരിയേട്ടനെ തലങ്ങും വിലങ്ങും അടിക്കുന്ന അയാളെയാണ്.....ഹരി അയാളുടെ അടി തടുക്കാനാവാതെ നിൽപ്പുണ്ട്.....ചേച്ചി താഴെ വീണു കിടപ്പുണ്ട്..... മീന തുമ്പിയെ വിട്ടു മായയുടെ അടുത്തേക്ക് പോയി.... ചേച്ചീന്നു വിളിച്ചു മായയുടെ തലയെടുത്തു മടിയിലേക്ക് വെച്ചു.......ഞരങ്ങുന്നുണ്ട് ......  ബോധം പോയതാ ന്നു തോന്നുന്നു...... മീനയ്ക്ക് ശ്വാസം നേരെ വീണു..... മായയെ താഴെ കിടത്തി അയാളുടെ അടുത്തേക്ക് ചെന്നു...... അയാളുടെ കൈകൾ ഹരിയേട്ടന്റെ കഴുത്തിലാണ് ഭിത്തിയിൽ ചേർത്ത്....... 

വിട്....... എന്തായീ കാണിക്കുന്നേ.... അയാളുടെ കൈകൾ ഹരിയുടെ കഴുത്തിൽ നിന്നും വിടുവിക്കാൻ ആവുന്നത് ശ്രമിച്ചു...... സാധിക്കുന്നില്ല...... വീണ്ടും ശക്തിയിൽ അയാളുടെ കയ്യിൽ പിടിച്ചു........ അയാൾക്ക് അസാമാന്യ ശക്തി ആണെന്ന് തോന്നിപ്പോയി........... 

മാറി നിക്ക്..... ഞാനിന്ന് ഇവനെ കൊല്ലും...... അയാളുടെ കണ്ണിൽ തീയാണ്....... മീനയെ അയാൾ ഒരു കൈ കൊണ്ടു തട്ടിമാറ്റി...ടേബിളിൽ ഇടിച്ചു മീന നിന്നു..... ഹരിയുടെ കണ്ണെല്ലാം തുറിച്ചു വന്നു...അയാൾ ഹരിയേട്ടനെ കൊല്ലും...... ഹരിയേട്ടന്റെ കയ്യെല്ലാം തളർന്നു തൂങ്ങി...... എന്നിട്ടും അയാൾ പിടി വിട്ടില്ല..... മീനയ്ക്ക് ഹരിയുടെ അവസ്ഥ കണ്ടിട്ട് സഹിക്കാൻ പറ്റിയില്ല..... സമനില തെറ്റിയതുപോലെ  കൈയിൽ  തടഞ്ഞത് എടുത്തു  അയാളുടെ ശരീരത്തിലേക്ക് കുത്തിയിറക്കി...... 

മീനയ്ക്ക് സ്വന്തം ശരീരത്തിൽ കൂടി എന്തോ ഒന്ന് പാഞ്ഞുപോയതുപോലെ തോന്നി.... കയ്യിൽ നനവ് തോന്നി...... നോക്കിയപ്പോൾ ചോര..... അവൾ കൈ ആഞ്ഞുവലിച്ചു...... കുറച്ചു നേരത്തേക്ക് അവൾക്കൊന്നും മനസ്സിലായില്ല...... അയാൾ വയറു പൊത്തിപ്പിടിച്ചിരിക്കുന്നു...... അയാൾ മീനക്കരികിലേക്ക് കൈനീട്ടി വന്നു........ അരികിൽ എത്തുന്നതിനു മുൻപേ അയാൾ ബെഡിലേക്ക് വീണിരുന്നു........ ഹരിയേട്ടൻ ഊർന്ന് താഴേക്കു വീണിരുന്നു..... ആരെ താങ്ങണം എന്നറിയാതെ നിന്നു മീന...... 

മീന ഹരിയുടെ അരികിൽ വന്നു.... ഉറക്കെ വിളിച്ചു......മുഖത്ത് തട്ടി നോക്കി..അനക്കമില്ല..... അയാൾ ഇതെല്ലാം നോക്കി കിടപ്പുണ്ട്...... തുമ്പി കട്ടിലിൽ വലിഞ്ഞുകയറി അയാളെ വിളിക്കുന്നുണ്ട്..... വേദനിച്ചിട്ടാണെന്നു തോന്നുന്നു അയാളുടെ രണ്ടു കണ്ണും നിറഞ്ഞൊഴുകുന്നുണ്ട്..... തുമ്പി വലിയ വായിൽ കരയാൻ തുടങ്ങി...... അയാളുടെ കണ്ണുകൾ തന്റെ മേലെയാണ്..... ഒരു കൈ കൊണ്ട് തുമ്പിയെ പിടിച്ചിട്ടുണ്ട്..... ഹരിയേട്ടനെയാണ് താങ്ങിയതെങ്കിലും കണ്ണും മനസ്സും അയാളുടെ അടുത്താണ്...... 

മീന ഉറക്കെ ഉറക്കെ അച്ഛനെ വിളിച്ചു.... അച്ഛൻ തിടുക്കത്തിൽ ഓടി വന്നു.....  എല്ലാം കണ്ടു അന്തം വിട്ടു നിൽപ്പുണ്ട്....... മോനെ... ദേവാ.... ഇതെന്താ..... എന്തുപറ്റി....... അയാളുടെ അടുത്തേക്കാണ് അച്ഛൻ ആദ്യം പോയത്.... 

അച്ഛൻ ആരെയോ വിളിക്കുന്നുണ്ട്..... വണ്ടി വന്നു നിന്നതും അയാളെ  താങ്ങിപ്പിടിച്ചു കൊണ്ടുപോയതും ഹരിയേട്ടനെ കൊണ്ടുപോയതും എല്ലാം അച്ഛനും ഡ്രൈവറും ചേർന്നാണ്..... ആ സമയത്താണ് ചേച്ചിയെ നോക്കുന്ന സ്ത്രീ വന്നത്.... തുമ്പിയെയും ചേച്ചിയെയും അവരെ ഏല്പിച്ചിട്ട് മീനയും വണ്ടിയിൽ കയറി....... അച്ഛൻ ഹരിയേട്ടനെ വീഴാതെ ചുറ്റിപ്പിടിച്ചിട്ടുണ്ട്.... അയാൾ സീറ്റിലേക്ക് ചാരി ഇരുപ്പുണ്ട്..... വയറിൽ അമർത്തി പിടിച്ചിട്ടുണ്ട്..അയാളുടെ അടുത്ത് പോയിരുന്നു മീന.... ഇടക്കിടക്ക് മീനയുടെ തോളിൽ മുഖം അമർത്തി..... നല്ല വേദന വരുമ്പോൾ..... പിന്നെ ബോധം വരും പോലെ എടുത്തു മാറ്റും.... വേദന കാരണം അയാൾക്ക് അതിനും സാധിക്കാതായി..... ആരോ ഉള്ളിലിരുന്നു പറഞ്ഞതു പോലെ അവൾ അയാളെ പിടിച്ചു മടിയിലേക്ക് കിടത്തി...... അയാൾ അവളെ ഒന്നു നോക്കി...... ആ മുറിവിൽ സാരിത്തുമ്പു കൊണ്ടു അമർത്തി പിടിച്ചു..... അവളുടെ കൈ അയാൾ തട്ടിമാറ്റി........ എഴുന്നേൽക്കാൻ ശ്രമിക്കുന്നുണ്ട്...... പക്ഷേ സാധിക്കുന്നില്ല...... തന്റെ ശരീരത്തിൽ നിറയെ രക്തമാണ്..... അയാളുടെ ചോര.... മീനയുടെ കണ്ണുകൾ നിറഞ്ഞൊഴുകി...... നെഞ്ചിൽ എന്തോ ഒന്ന് പൊള്ളുന്നത് പോലെ...... അവളുടെ കണ്ണുനീർ തുള്ളിതുള്ളിയായി അയാളുടെ മുഖത്തു വീണുകൊണ്ടിരുന്നു...... 

ഹരിയേട്ടനെ ആ അവസ്ഥയിൽ കണ്ടപ്പോൾ സഹിക്കാൻ പറ്റിയില്ല..... എന്തെങ്കിലും ഉടനെ ചെയ്തില്ലെങ്കിൽ അയാൾ ഹരിയെ കൊല്ലുമെന്ന് തോന്നി..... ആരെയും ഇതുവരെ മനസ്സുകൊണ്ട് പോലും ദ്രോഹിച്ചിട്ടില്ല....... എന്നിട്ടാണ് ഇന്ന് ഒരാളുടെ ശരീരത്തിൽ കത്തി കുത്തിയിറക്കിയത്...... അതും സ്വന്തം ഭർത്താവിന്റെ........ ഇന്നലെ മായേച്ചിക്ക് ഫ്രൂട്ട്സ്  മുറിക്കാൻ താനാണ് അതു റൂമിൽ കൊണ്ടു കൊടുത്തത്..... ഇതിനായിരുന്നോ ഈശ്വരാ ഞാനത്........ മീനയ്ക്ക് ഓർത്തപ്പോൾ അവളോട്‌ തന്നെ ദേഷ്യം തോന്നിപ്പോയി..... അയാളുടെ മുഖത്തു നോക്കാനുള്ള ശക്തി ഇല്ല...... 

അയാളെ ചേർത്തുപിടിച്ചു...... തുമ്പിയെ പിടിക്കും പോലെ...... മടിയിൽ മുഖം ഇട്ട് അങ്ങോട്ടുമിങ്ങോട്ടും ഉരുട്ടുകയാണ് വേദനയാൽ........ ആമുഖം എടുത്ത് നെഞ്ചിൽ ചേർത്തുപിടിച്ചു മീന........ അയാൾ മാറാൻ ശ്രമിക്കുന്നുണ്ട്........ മീന പിടിവിട്ടില്ല...... അയാളുടെ ശക്തി കുറഞ്ഞു വരുന്ന പോലെ തോന്നി........മീനക്ക് മനസ്സിൽ  ഭയം എന്ന വികാരം നിറഞ്ഞുകഴിഞ്ഞു...... അയാൾ ഇടയ്ക്കിടയ്ക്ക് കണ്ണു വലിച്ചു തുറന്നു മീനയെ  നോക്കുന്നുണ്ട്....... ഉള്ള ശക്തിയിൽ അയാൾ അവളുടെ കൈ മുറിവിൽ നിന്നും വിടുവിച്ചു........ അവളോടുള്ള വെറുപ്പ് മീനയ്ക്ക് അയാളുടെ മുഖത്ത് നിന്ന് കാണാൻ പറ്റി......... അവളുടെ മടിയിൽ നിന്നും ഒരുവിധം അയാൾ എണീറ്റു........ മുന്നിലെ സീറ്റിൽ തല ചേർത്തു വെച്ചു....... മീനയ്ക്ക് അയാളുടെ അവഗണന സഹിക്കാൻ പറ്റിയില്ല.....അതിലുപരി ഒരാളെ തന്റെ കയ്യാലേ വേദനിപ്പിക്കേണ്ടി വന്നല്ലോ എന്നോർത്തും പൊട്ടിക്കരഞ്ഞു പോയി..... സ്വയം നിയന്ത്രിക്കാൻ പോലുമാവാതെ മീന മുഖം പൊത്തി......അവളുടെ കരച്ചിൽ കേട്ടെങ്കിലും അവളെയൊന്നു നോക്കാൻ തോന്നിയില്ല അയാൾക്കും.....

ഹോസ്പിറ്റലിൽ ഹരിയേട്ടനെ ഐസിയുവിലേക്ക് കൊണ്ടുപോകുമ്പോഴും......... അയാളെ ഓപ്പറേഷൻ തീയേറ്ററിലേക്ക് കൊണ്ടുപോയപ്പോഴും കാലുകൾ ചലിച്ചത് അയാൾക്ക് പിന്നാലെയാണ്.......... അയാളെ ഓപ്പറേഷൻ തിയേറ്ററിൽ കയറ്റി ഡോറടയും വരെ അയാളുടെ കണ്ണുകൾ മീനയുടെ നിറഞ്ഞൊഴുകുന്ന കണ്ണുകളിലേക്ക് ആയിരുന്നു....... 

അച്ഛനോട് ഡോക്ടർ എന്തൊക്കെയോ ചോദിക്കുന്നതും പറയുന്നതും കണ്ടു..... അച്ഛൻ എന്നെയൊന്നു നോക്കിയിട്ട് നടന്നു പോയി..... ഹരിയേട്ടനെ നോക്കാനാവും....... 

താലിയിൽ മുറുക്കിപ്പിടിച്ചു പ്രാർത്ഥിച്ചു..... ഒന്നും വരുത്തരുതേ അമ്മേ..... അറിയാതെ ചെയ്ത തെറ്റാണ്....... എന്റെ ജീവനെടുത്തോ..... പകരം ആ ജീവനിങ്ങ് തരണേ...... കാലുകൾ അങ്ങോട്ടോ ഇങ്ങോട്ടോ ആനക്കാനാവാതെ ഒരേ നിൽപ്പു നിന്നു മീന അയാളുടെ ജീവനുവേണ്ടി പ്രാർത്ഥിച്ചു കൊണ്ടു.....

കുറച്ചു മണിക്കൂറിനു ശേഷം ഡോക്ടർ വെളിയിലേക്ക് വന്നു...... അച്ഛനെ നോക്കി പറഞ്ഞു...... മുറിവ് ആഴത്തിൽ തന്നെയുണ്ട്.... പക്ഷേ പേടിക്കാനൊന്നുമില്ല.....കുറച്ചു  സ്റ്റിച് ഉണ്ട് ഉള്ളിലും വെളിയിലും...... നിങ്ങളുടെ അപേക്ഷ ഞാൻ തള്ളിക്കളയുന്നില്ല..... സഹോദരങ്ങൾ തമ്മിലുള്ള വഴക്കായതുകൊണ്ടും മുറിവ് അത്ര ഡേഞ്ചർ അല്ലാത്തതുകൊണ്ടും ഞാൻ പോലീസിനെ അറിയിക്കുന്നില്ല..... നന്നായി കെയർ ചെയ്യണം..... ഇൻഫെക്ഷൻ ആവാതെ നോക്കണം..... ഇന്നൊരു ദിവസം ഒബ്സർവേഷനിൽ കിടക്കണം ..... നാളെ റൂമിലേക്കു മാറ്റമൊന്ന് നോക്കാം.... 

മീനയ്ക്ക് വീണ്ടും ജീവൻ തിരിച്ചു കിട്ടിയതുപോലെ തോന്നി..... അച്ഛന്റെ മൊബൈൽ വാങ്ങി വീട്ടിലേക്കു വിളിച്ചു...... ചേച്ചി ഉണർന്നെന്നും  തുമ്പി യുമായി അടുത്തു തന്നെ  ഇരിപ്പുണ്ട് എന്നും പറഞ്ഞു...... ഒന്നും മിണ്ടുന്നില്ല...... ഒന്നും കഴിച്ചുമില്ല.... നടന്നതൊന്നും ചേച്ചിയോട് പറയരുതെന്ന് അവരോടു പറഞ്ഞേൽപ്പിച്ചു..... അച്ഛൻ മൊബൈൽ വാങ്ങി അവരോടു എന്തൊക്കെയോ പറയുന്നതു കേട്ടു...... കുറച്ചു കഴിഞ്ഞു ആ ഡ്രൈവർ ചേട്ടൻ ഒരു കവർ അച്ഛനെ ഏൽപ്പിച്ചു പോയി..... 

വാ..... എന്നെ വിളിച്ചു മുൻപിൽ നടന്നു.... ഒരു പാവയെപ്പോലെ ഞാൻ പിറകെയും...... റൂമിലേക്കാണ് പോയത്...... ആ കവർ ചൂണ്ടിയിട്ട് പറഞ്ഞു...... 

പോയി കുളിച്ചു ഡ്രസ്സ് ഒക്കെ മാറ്റി വാ.... നിറയെ ചോരയാണ്.... 

അപ്പോഴാണ് അവൾ സ്വയം ശരീരത്തിലേക്ക് നോക്കിയത്...... അയാളുടെ ചോര കയ്യിലും കഴുത്തിലും സാരിയിലും ....... അവൾ ഡ്രസ്സ് എടുത്തു കുളിക്കാൻ പോയി...... പൈപ്പ് തുറന്നു വെച്ചു....... ആ സാരി എടുത്ത് മുഖംപൊത്തി ഉറക്കെ കരഞ്ഞു........ മനസ്സ് ശാന്തമായപ്പോൾ കരച്ചിൽ നിർത്തി കുളിച്ചു ഇറങ്ങി......... തന്നെ റൂമിൽ നിർത്തിയിട്ട് അച്ഛൻ വീട്ടിലേക്ക് പോയി...... ഉടനെ വരാം.... എന്ന് പറഞ്ഞു..... അറിയാം എന്തിനാണെന്ന്..... മായേച്ചിയെ നോക്കാനാണ്....... പാവം... നിറയെ ദുരിതങ്ങൾ മാത്രമാണ് കൂട്ട്...അച്ഛൻ പോകുന്നതും നോക്കി നിന്ന മീനു ഓർത്തു.....

വിശപ്പും ഉറക്കവും ഇല്ലാതെ അയാൾക്കു വേണ്ടി മീന കാത്തിരുന്നു..... പിറ്റേന്നാണ് അയാളെ റൂമിലേക്ക് മാറ്റിയത് നല്ല വേദനയാണെന്ന് ആ മുഖത്തു നിന്നും അറിയാൻ പറ്റുന്നുണ്ട്....... ഒന്നു  കൈ അനക്കിയാൽ  പോലും മുഖം ചുളുങ്ങുന്നുണ്ട്......  ആ നേഴ്സ് എന്നോട് എന്തൊക്കെയോ പറഞ്ഞു തരുന്നുണ്ട്...... എന്റെ നോട്ടം അയാളുടെ മുഖത്തേക്ക് മാത്രമാണ്........ ഇല്ല... അയാൾ തന്നെ നോക്കുന്നില്ല....... മീനയ്ക്ക് മനസ്സിനുള്ളിൽ എന്തോ വേദന പോലെ തോന്നി........ 

മാപ്പുപറയണം....... ആസമയം അറിയാതെ ചെയ്തു പോയതാണെന്ന് പറഞ്ഞു കാലിൽ വീഴണം....... ആരും റൂമിൽ ഇല്ലാതിരുന്ന സമയം അയാൾ തന്നെ അടുത്തേക്ക് വിളിച്ചു...... 

മീന....... 

അവൾ അത്‍ഭുതത്തോടെ അയാളെ നോക്കി..... ഇതുവരെ മീനമ്മാ ന്നു മാത്രമേ വിളിച്ചിട്ടുള്ളു...... ഇത് ആദ്യമായാണ് ഇങ്ങനെ...... അവൾ അടുത്തേക്ക് ചെന്നു..... മുഖത്തു നോക്കാതെ താഴേക്കു നോക്കി നിന്നു..... 

ഞാൻ.... മനഃപൂർവം അല്ല....... 

കേൾക്കാൻ താല്പര്യം ഇല്ലാത്ത രീതിയിൽ അയാൾ കൈകൊണ്ടു തടഞ്ഞു...... 

മായയ്ക്ക് എങ്ങനുണ്ട് ഇപ്പോൾ ..... 

ചത്തിട്ടില്ല.....കൊല്ലാൻ നോക്കിയിട്ട് ഇപ്പോൾ എങ്ങനെയുണ്ടെന്നോ......  മീന ദേഷ്യത്തിൽ ചോദിച്ചു...... 

ആരാ കൊല്ലാൻ നോക്കിയത്

..... ഞാനോ..... മീന  കണ്ടോ ഞാൻ മായയെ കൊല്ലാൻ ശ്രമിക്കുന്നത്...... 

പെട്ടെന്നു തന്നെ ദേവൻ മിണ്ടാതെ ഇരുന്നു..... വേദന എടുക്കുന്നുണ്ട് അതാണ്......

പിന്നെങ്ങനെയാ മായേച്ചി നിലത്ത് വീണു കിടന്നത്.......

അതിന് ഞാൻ മാത്രമായിരുന്നില്ലല്ലോ ആ റൂമിൽ ഉണ്ടായിരുന്നത്...... ആണോ...... 

ആരുടെ കാര്യമാണ് നിങ്ങൾ ഈ പറയുന്നത്...... ഹരിയേട്ടൻ ആണോ........ ഹരിയേട്ടൻ എന്തിന്  ഇങ്ങനെ ചെയ്യണം...... അങ്ങനെ ചെയ്യാനൊന്നുമാവില്ല ഹരിയേട്ടന് ഒരിക്കലും.......

അവളെ അയാൾ ഒന്നു നോക്കി..... കുറച്ചു നേരം കണ്ണടച്ച് കിടന്നു...... 

ഞാൻ പറയുന്നത് കേൾക്കാൻ പറ്റുമെങ്കിൽ കേൾക്കുക..... എനിക്ക് കുറച്ചേ സംസാരിക്കാൻ പറ്റു......... നല്ല വേദനയുണ്ട്..... ഇനിയൊരു തിരിച്ചു വരവ് ഉണ്ടാകുമെന്ന് കരുതിയതല്ല...... എങ്കിലും എന്റെ അവസാനം മീനയുടെ മടിയിൽ ആവരുതെന്ന് ഞാൻ ഇന്നലെ ആഗ്രഹിച്ചിരുന്നു...... 

അവളെ  ആ വാക്കുകൾ ശരിക്കും വേദനിപ്പിച്ചു....... എന്തോ പെട്ടെന്നു കണ്ണു നിറഞ്ഞു..... അയാൾ വെറുക്കാൻ തുടങ്ങിയിരിക്കുന്നു തന്നെ...... അയാളുടെ സ്നേഹവും തനിക്ക് വേദനയാണ്.... വെറുപ്പും വേദനയാണ്....

മീനയ്ക്ക് ചുറ്റും എന്താ നടക്കുന്നതെന്ന് മീന അറിഞ്ഞിരിക്കണം..... വേറാരും അത് പറയില്ല.... ആർക്കുമാവില്ല അതൊന്ന് മീനയോട് പറയാൻ.... ഇപ്പോഴാണ് പറ്റിയ സമയം എന്നു എനിക്ക് തോന്നുന്നു..... ഇത്രയും നാൾ വേദനിപ്പിക്കാൻ മനസ്സു തോന്നിയില്ല.....അതാണ്‌ ഞാൻ പറയാതിരുന്നത് പക്ഷേ  ഇനി ആർക്കു വേണ്ടിയാണെന്ന് തോന്നി... അതാ..... 

മീന ഒന്നും മനസ്സിലാവാത്തത് പോലെ അയാളെ നോക്കി........

മീന.... മായ നിന്റെ സ്വന്തം ചേച്ചിയല്ല..... മായയുടെ അച്ഛനും അമ്മയും നിന്റെ സ്വന്തവുമല്ല..... 

എന്തൊക്കെയാ നിങ്ങളീ പറയുന്നത്..... മീന ദേഷ്യത്തിൽ മുന്നോട്ട് വന്നിട്ട് ചോദിച്ചു.....

അതേ..... സത്യമാണ്..... മായയുടെ അച്ഛന്റെ അനിയന്റെ മോളാണ് നീ..... നിന്റെ അച്ഛനും അമ്മയും തുമ്പിയുടെ പ്രായത്തിൽ നിന്നെ വിട്ടു പോയതാണ്..... സ്വയം ഇല്ലാതായതാണ് .....വിശ്വസ്തർ ചതിച്ചപ്പോൾ.. കടം കയറി എല്ലാം നശിക്കുമെന്നായപ്പോൾ......

തനിച്ചായ നിന്നെ ഏറ്റെടുത്തതും.. ചതിച്ചവർക്കെതിരെ കേസ് കൊടുത്തു എല്ലാം തിരിച്ചു പിടിച്ചതും മായയുടെ അച്ഛൻ ആണ് ...... 

മ്മ്..... ഞാനിതെല്ലാം വിശ്വസിക്കണമെന്നാണോ പറഞ്ഞു വരുന്നത്....... കേട്ടിട്ടു കൂടിയില്ലാത്ത കാര്യങ്ങളാണ്....... ഇതെല്ലാം അടുത്ത അടവാണ് നിങ്ങളുടെ...... പണത്തിനു വേണ്ടി നിങ്ങൾ എന്തും ചെയ്യും.... ആരെ കൊല്ലാനും മടിക്കില്ല........ ദുഷ്ടനാ...... അവളുടെ ശബ്ദം വിറച്ചു.......

ഞാനെന്തിനാ മീനയോട് അടവെടുക്കുന്നത്.....അതിന്റെ ആവശ്യമെന്താ എനിക്ക്......പിന്നെ മറ്റുള്ളവരെ കൊന്നു പണമുണ്ടാക്കേണ്ട ഗതികേട് ഇന്നേ വരെ ദേവന് ഉണ്ടായിട്ടില്ല.......  എനിക്ക് സ്വന്തമായി ആവശ്യത്തിന് സമ്പത്തുണ്ട് മീന.... ഒരുപക്ഷേ നിന്റെതിനേക്കാൾ കൂടുതൽ....എന്റെ അപ്പാ അധ്വാനിച്ചു സമ്പാദിച്ചത്......എന്റെ  മണ്ണും വീടും ഇന്നും അവിടുണ്ട്..... കൂടെ അനാഥമായ രണ്ടു അസ്ഥിത്തറയും ........ അതെല്ലാം ഇട്ടെറിഞ്ഞു പുതിയ ബന്ധം തേടിയിറങ്ങിയതിനുള്ള ശിക്ഷയാണ് ഇന്നിവിടെ ഇങ്ങനെ കിടക്കേണ്ടി വന്നത്...... ആരുമില്ലാതെ....... അങ്ങനെയൊരു തിരിച്ചറിവ് ഉണ്ടാക്കിത്തന്നത് നന്ദി .... 

മീന തല കുനിച്ചു..... ഇത് തന്നെ കൊള്ളിച്ചു പറഞ്ഞതാണ്....... നന്നായിട്ടു കൊള്ളുകയും ചെയ്തു...... 

പിന്നെ എന്തിനാ നിങ്ങൾ ഇങ്ങനെയൊക്കെ ചെയ്തത്....... അമ്മയെ കൊന്നത്...... മായേച്ചിയേയും  കൊല്ലാൻ നോക്കിയത്...... ഇപ്പോൾ ഹരിയേട്ടനെയും....... മീന ദയനീയമായി ചോദിച്ചു.......

ആര് ഞാനോ.... അത് മീന സ്വയം ചിന്തിച്ചു കൂട്ടിയതാണ്.....ആദ്യം കണ്ണു കൊണ്ടുള്ള ചിന്ത നിർത്തൂ മീന ........ കാർ ആക്സിഡന്റ് ആയത് സത്യമാണ്...... പക്ഷേ അങ്ങനെയൊരു ആക്‌സിഡന്റ് ആയിരുന്നില്ല അവർ ഉദ്ദേശിച്ചത്........ ദൈവം മുന്നേ കണക്കു കൂട്ടി വച്ചിരുന്നു പലതും..... അന്ന് വെള്ളത്തിൽ വീണപ്പോൾ മറ്റാരേക്കാളും കൂടുതൽ ഞാൻ തുമ്പിയെ സ്നേഹിച്ചതിനാൽ ആവും അവളെ മാത്രമേ ഞാൻ കണ്ടുള്ളൂ..... രക്ഷിച്ചതും അവളെ മാത്രമാണ്...... 

അവരോ...... ആര്......മീനയുടെ നെറ്റി ചുളിഞ്ഞു....

നിന്റെ അമ്മയും അമ്മാവനും പിന്നെ........

കള്ളം പറയുമ്പോൾ മനുഷ്യൻ വിശ്വസിക്കുന്ന രീതിയിൽ പറയൂ.....

എടുത്തു ചാടാതെ മുഴുവൻ കേൾക്കു മീന....ദേവൻ ദേഷ്യപ്പെട്ടു...

അയാൾ ഒന്നനങ്ങി കിടന്നു..... നല്ല വേദനയുണ്ട്..... മുഖമെല്ലാം വലിഞ്ഞു മുറുകി.....കണ്ണിൽ നിന്നും വെള്ളം ചാടി........ . ഒന്നു ശ്വാസം വിട്ടു..... 

മീനയ്ക്ക് എന്തോ പോലെ തോന്നി..... അത് കണ്ടുനിൽക്കാൻ പറ്റുന്നുണ്ടായിരുന്നില്ല..... കണ്ണുനീർ തുടച്ചു കൊടുക്കാൻ തോന്നി.... പിന്നെ വേണ്ടാന്നു വെച്ചു........ പക്ഷേ അറിയണം എനിക്ക് എല്ലാം...... ചുറ്റിനും നടക്കുന്നതെന്തെന്ന്....... എന്തിനാ ഹരിയേട്ടനെ ഇങ്ങനെ ആക്കിയതെന്നു..... 

മീനയുടെ സ്വത്തെല്ലാം തിരികെ നിന്നെ ഏൽപ്പിക്കാൻ  തീരുമാനിച്ചു മായയുടെ അച്ഛൻ...... ഉള്ളതിന്റെ മുക്കാൽ ഭാഗം നിന്റെയാണ്..... അപ്പോൾ മുതലാണ് നിന്റെ അമ്മയുടെ സ്വഭാവം മാറിത്തുടങ്ങിയത്.... നിനക്കു പ്രായപൂർത്തി ആയതിനു ശേഷമല്ലേ ഹരിയുമായി കല്യാണം നേരത്തെ ഉറപ്പിച്ചു വച്ചതാണെന്നു എല്ലാവരോടും  പറഞ്ഞത്..... അതിനു മുൻപ് അങ്ങനെ ഒരു സംസാരം നീ കേട്ടിട്ടുണ്ടോ ആരെങ്കിലും പറഞ്ഞ്........ഇല്ല.... കളവായിരുന്നു എല്ലാം .... അങ്ങനെയൊന്നും ആരും പറഞ്ഞുറപ്പിച്ചിട്ടിരുന്നില്ല..... നിന്റെ അമ്മയുടെയും അമ്മാവന്റെയും ബുദ്ധിയായിരുന്നു ഇതിന്റെ പിറകിൽ......  എന്നെക്കൊണ്ട് മായയെ കെട്ടിച്ചത് നിന്റെ അച്ഛനാണ്...നല്ല മനസ്സോടെ......... പക്ഷേ അതിനു ചരടുവലി നടത്തിയത് അവരും..... അച്ഛൻ ഒന്നും അറിഞ്ഞിട്ടുണ്ടായിരുന്നില്ല...... 

എനിക്കൊന്നും മനസ്സിലാവുന്നില്ല......എന്തിനു അങ്ങനെ ചെയ്യണം......ആർക്കു വേണ്ടി......   നിങ്ങളെ വിശ്വസിക്കാൻ  പറ്റില്ല...... 

എന്നെ വിശ്വസിക്കാൻ ഞാൻ പറഞ്ഞില്ല..... അല്ലെങ്കിലും അങ്ങനെയൊന്നു നിനക്കു എന്നോട് തോന്നിയിട്ടുണ്ടോ ഇതുവരെ...... വിശ്വസിക്കുകയോ വിശ്വസിക്കാതിരിക്കുകയോ  അതൊക്കെ മീനയുടെ ഇഷ്ടം...... എനിക്ക് പറയാനുള്ളത് ഞാൻ പറയും....

പിന്നെ നീ പറയും പോലെ ഞാൻ മായയെയും മീനയെയും ഒരുമിച്ചു കൂടെ കൂട്ടിയിട്ടില്ല...... മായയെ ഞാൻ മനസ്സുകൊണ്ട് ഉപേക്ഷിച്ചിട്ട് നാളേറെയായി..... അതിനു ശേഷമാണ് ഞാൻ എന്റെ ജീവിതത്തിലേക്ക് നിന്നെ കൂട്ടിയത് ....

കൊള്ളാം....ഭാര്യ വയ്യാതാവും വരെയേ ഉള്ളോ നിങ്ങളുടെ സ്നേഹം...... നാളെ എനിക്കും വയ്യാതായാൽ ഇതാവില്ലേ സ്ഥിതി.... മീന ചോദിച്ചു .... 

ഇനി എനിക്കും നിനക്കുമിടയിൽ നാളെ എന്നൊന്നില്ല മീന .....അവസാനിച്ചു എല്ലാം.... ഇന്നലെ കൊണ്ട്.......

മീന ഒന്നു ഞെട്ടി നോക്കി അയാളെ.... 

പിന്നെ മായ..,.. അവൾ എനിക്ക് പേരിനു മാത്രമായിരുന്നു ഭാര്യ...... കല്യാണം കഴിഞ്ഞ നാളുകളിൽ എന്നോട് പറഞ്ഞിരുന്നു ഒരു ബന്ധത്തെപ്പറ്റി...... അതൊരു പഴയ കഥ ആവുമെന്ന് ഞാൻ കരുതി...... സമയം കൊടുത്തു മറക്കാൻ...... പഴയത് മറക്കാൻ ശ്രമിക്കും പോലെ അവളും എന്റെ കൂടെ നിന്നു........പിന്നീട് ഞാൻ അവളെ പൂർണമായും വിശ്വസിച്ചു....... അല്ലെങ്കിൽ അവളെ മാത്രം ആയിരുന്നു ഞാൻ വിശ്വസിച്ചിരുന്നത്........... ആരുമില്ലാത്ത എനിക്ക് അമ്മയും അച്ഛനും കൂട്ടുകാരിയും എല്ലാം ആകും എന്ന് വിശ്വസിച്ചു........സ്നേഹത്തിന്റെ പൂർണ്ണത രണ്ടു ശരീരം തമ്മിൽ ചേരുന്നത് മാത്രമല്ലല്ലോ....... ഞാൻ കാത്തിരുന്നു....അവളുടെ സ്നേഹം എന്നെങ്കിലും എന്റേത് മാത്രമാകുമെന്നു വിശ്വസിച്ചു........പക്ഷേ അവൾ എന്നെ വിദഗ്ധമായി പറ്റിച്ചു......... പുറമേ സ്നേഹിച്ചു അകമേ ദ്രോഹം ചെയ്യുവായിരുന്നു അവൾ എന്ന് വൈകിയാണെങ്കിലും മനസ്സിലായി..... 

ഒരിക്കൽ രാത്രിയിൽ ആരോടോ അവൾ ഫോണിൽ സംസാരിക്കുന്നത് കേട്ടു...... അവൾ പ്രെഗ്നന്റ് ആണത്രേ..... ഉടനെ  കാണാമെന്നുള്ള ഉറപ്പിൽ രണ്ടാളും സംസാരം അവസാനിപ്പിച്ചു.......  അതാരാണെന്നുള്ള ആകാംക്ഷ എനിക്കുമുണ്ടായി..... അതുകൊണ്ട് ഒന്നുംതന്നെ ചോദിച്ചില്ല അവളോട്‌...... സ്വയം മണ്ടനായി എന്നറിഞ്ഞിട്ടും കൂടി.....

നിങ്ങളുടെ ഭാഗം ക്ലിയർ ആക്കാൻ വേണ്ടിയാണെങ്കിൽ കൂടി ഇങ്ങനെയൊന്നും പറയരുത്...... ഞാൻ കണ്ടിട്ടുള്ളതല്ലേ നിങ്ങൾ തമ്മിലുള്ള സ്നേഹം...... എന്നെ വിഡ്ഢിയാക്കണ്ട നിങ്ങൾ........ അതു പറയുമ്പോൾ മീനയുടെ കണ്ണു നിറഞ്ഞൊഴുകി..... 

വിഡ്ഢി ഞാനാണ് മീന...... അവൾ ഗർഭിണിയാണെന്നും ക്ഷമിക്കണമെന്നും എന്നോട് ഏറ്റു പറഞ്ഞപ്പോൾ എനിക്കുണ്ടായ വിഷമം എത്രത്തോളം ആണെന്ന് നിനക്കറിയാമോ....... ആഗ്രഹത്തോടെ വിരൽ തുമ്പിൽ പോലും സ്പർശിച്ചിട്ടില്ല ഞാൻ മായയേ....... എന്നിട്ടും വല്ലവന്റെയും കുഞ്ഞിന്റെ തന്തയായി ഞാൻ.......ആരാണെന്നു മാത്രം അവൾ മറച്ചുവച്ചു..... മായ അവനെ കാണാൻ ഉറപ്പിച്ച ദിവസം ഷോപ്പിൽ  പോകാതെ അവളെ ഫോളോ ചെയ്തു....... അവളെ തേടി വന്നവൻ ആരാണെന്ന് നിനക്ക് അറിയണ്ടേ........ മായയുടെ കാമുകൻ...... തുമ്പിയുടെ അച്ഛൻ....... അതു നിന്റെ ഹരിയേട്ടൻ ആയിരുന്നു............

ദേ..നിങ്ങൾ ഹോസ്പിറ്റലിൽ ആണെന്നോ  വയ്യാതെ കിടക്കുകയാണെന്നോ  ഞാൻ നോക്കില്ല....... പറയുമ്പോൾ കുറിച്ച് വിശ്വസിക്കുന്ന തരത്തിൽ പറയൂ....... ഞാൻ ഇന്നും ഇന്നലെയും കാണാൻ തുടങ്ങിയതല്ല അവരെ രണ്ടാളെയും.....ഹരിയേട്ടൻ  ഒരിക്കലും എന്നെ ചതിക്കില്ല........

മായയ്ക്ക് എന്നെയും ചതിക്കാൻ ആവില്ല എന്ന് വിശ്വസിച്ചിരുന്നവനാണ് ഞാനും.... അതുപോലെ...... അല്ലേ.....അയാൾ തിരിച്ചു ചോദിച്ചു.....

മായയോട് ചോദിച്ചിട്ട് ഹരിയുടെ പേര് പറയാൻ അവൾ തയ്യാറായില്ല...... എന്തൊക്കെയോ മറയ്ക്കുന്നുണ്ട് അവൾ..... ഇവർ തമ്മിൽ ഇങ്ങനൊരു ബന്ധം ഉണ്ടെങ്കിൽ പിന്നെ നിന്നെയും എന്നെയും ഇതിനിടയിൽ എന്തിനു കൊണ്ടുവന്നു..... ഹരിയുമായ് നിന്റെ കല്യാണം നടത്താൻ തിടുക്കം കാണിക്കുന്നത് എന്തിനാ..... എന്താ ഇവർ ഉദ്ദേശിക്കുന്നത്...... ഈ സംശയം എല്ലാം തീർക്കാൻ ഞാൻ മായയോട് ക്ഷമിച്ചു സ്നേഹിക്കും പോലെ കൂടെ നിന്നു..... കുഞ്ഞ് എന്റേതല്ലെന്ന് അവൾക്കും എനിക്കും അറിയാം....... എങ്കിലും  അവളോട് പൊറുത്തു  കൂടെ ഉണ്ടായിരുന്നു..... 

നീ ഹരിയെ സ്നേഹിച്ചിരുന്നപ്പോഴും ഹരി നിന്നെ സ്നേഹിക്കുന്നുണ്ട്ന്ന് നീ വിശ്വസിച്ചിരുന്നപ്പോഴും അവർ തമ്മിൽ പരസ്പരം സ്നേഹിക്കാൻ മത്സരിക്കുകയായിരുന്നു....... ഹരി വീട്ടിൽ വന്നിരുന്നത് നിന്നെ കാണാൻ ആയിരുന്നില്ല മീനാ...... അത് തുമ്പിയേയും മായയെയും  കാണാൻ ആയിരുന്നു........ അതാണ് നീ അവനുമായി അടുക്കുന്നതിന് ഞാൻ ഇത്ര ദേഷ്യം കാണിച്ചിരുന്നത്.......എനിക്ക് പറ്റിയ ചതി നിനക്ക് സംഭവിക്കരുതെന്ന് ഞാൻ ആഗ്രഹിച്ചു.....,.അല്ലാതെ അന്നൊന്നും  എനിക്ക് നിന്നോട് അങ്ങനെയൊരു ഇഷ്ടം തോന്നിയിട്ടില്ല........ സത്യം അറിഞ്ഞു കഴിഞ്ഞു അച്ഛനോട് എല്ലാം പറഞ്ഞു തിരിച്ചു പോകണമെന്ന് വിചാരിച്ചിരുന്നവനാണ് ഞാൻ.........

സ്വന്തം ഭാര്യക്ക്  വേറൊരുത്തനിൽ  ഉണ്ടായ കുഞ്ഞിനെ സ്നേഹിച്ചു......  ഇന്നും ജീവനെപ്പോലെ സ്നേഹിക്കുന്നു....... എനിക്ക് തുമ്പിയെ വെറുക്കാൻ കഴിയാത്തത് സ്വന്തമായി ആരുമില്ല എന്നുള്ള തോന്നൽ ഉള്ളതിനാലാവും..... പക്ഷേ ഇതെല്ലാം അവർ എന്തിന് ചെയ്യുന്നുവെന്ന് മാത്രം അറിയില്ലായിരുന്നു...... ആ ആക്സിഡന്റ് കഴിയുംവരെ.............

മായയെ ഞാൻ അന്വേഷിക്കില്ല എന്നു നീ വിചാരിച്ചോ....... അവളെ ദൂരെയുള്ള ഹോസ്പിറ്റലിൽ ആക്കിയത് ഞാനാണ്.... ജീവിതത്തിലേക്ക് തിരിച്ചു വരുവോ ഇല്ലയോ എന്നറിഞ്ഞിട്ടു എല്ലാവരെയും അറിയിക്കാമെന്ന് വിചാരിച്ചു....... മായ മരിച്ചു പോയി എന്നത് അങ്ങനെ ഇരിക്കട്ടെന്ന് തോന്നി.... പക്ഷേ അച്ഛനോട് മാത്രം ഞാൻ എല്ലാം പറഞ്ഞിരുന്നു...... ഹോസ്പിറ്റലിൽ നിന്നും മായക്ക്  ബോധം വന്നു എന്നുള്ള ഫോൺ വന്നപ്പോൾ അങ്ങോട്ടേക്ക് ഓടുകയായിരുന്നു ഞാൻ....... അവസാന നിമിഷം മരണം മുന്നിൽ കണ്ടതുപോലെ മായ പാതി ബോധത്തിൽ എന്നോട് എല്ലാം ഏറ്റു പറഞ്ഞു.......മാപ്പു ചോദിച്ചു.........  എന്റെ സംശയത്തിനുള്ള മറുപടിയും തന്നു........

സ്നേഹബന്ധനം 8

അമ്മയുടെയും അമ്മാവന്റെയും സമ്മതത്തോടു കൂടിയായിരുന്നു ഹരിയുടെയും മായയുടെയും ബന്ധം വളർന്നത്.....ഒറ്റമക്കളുടെ ഇഷ്ടമായിരുന്നു അവർക്ക് പ്രധാനം..... . അതിനിടയിലാണ് നിന്റെ പേരിലേക്ക് നിന്റെ സ്വത്തെല്ലാം അച്ഛൻ നിയമപരമായി മാറ്റിയത്...... അതും ആരോടും പറയാതെ തന്നെ..

അതിനു ശേഷമാണ് നിന്റെയും ഹരിയുടെയും വിവാഹം നടത്താൻ ആഗ്രഹമുണ്ടെന്ന് പറഞ്ഞു ഹരിയുടെ വീട്ടുകാർ വരുന്നത്....... അല്ലാതെ....ഉണ്ടായപ്പോഴോ വളർന്നപ്പോഴോ പറഞ്ഞു വെച്ചിട്ടുണ്ടായിരുന്നില്ല......

അതിനെന്താ ഇങ്ങനൊരു നാടകം.... നേരിട്ടു ഹരിയേട്ടനെക്കൊണ്ട് മായേച്ചിയെ കല്യാണം കഴിപ്പിച്ചാൽ പോരായിരുന്നോ...... ഇടയ്ക്ക് ഞാൻ എന്തിനാ....,.മീന ചോദിച്ചു......

അപ്പോൾ നിന്റെ സ്വത്തെല്ലാം.........നീ വേറൊരാളെ കല്യാണം കഴിച്ചാൽ പിന്നെ നിന്റെ സ്വത്തെല്ലാം ഇവരുടെ കയ്യിൽ നിന്നും നഷ്ടപ്പെടില്ലേ.......

മായയെ ആരോരുമില്ലാത്ത എന്നെ ഏൽപ്പിക്കുമ്പോൾ ആ അച്ഛനും ഇതിനുപിന്നിൽ നടക്കുന്നതൊന്നും അറിയാൻ പറ്റിയില്ല.....എന്നെ ഇല്ലാതാക്കാൻ അവർ തീരുമാനിച്ചിരുന്നു..... ചോദിക്കാനും പറയാനും ആരും ചെല്ലില്ലെന്ന് അവർക്ക് നന്നായിട്ടറിയാം...പക്ഷേ അവർക്കു മുന്നേ ദൈവം വേറെന്തോ തീരുമാനിച്ചിരുന്നു...... എന്നെ ഇല്ലാതാക്കി മായ വിധവയുടെ വേഷം സ്വീകരിക്കും...... ശേഷം ഹരി നിന്നെ കല്യാണം കഴിക്കും...... പതിയെ എന്നെ ഇല്ലാതാക്കിയതുപോലെ നിന്നെയും...... പിന്നെ ആർക്കും സംശയം തോന്നാത്ത വിധത്തിൽ സഹതാപത്തിന്റെ പുറത്തു ഹരി മായയെ കെട്ടും....... അങ്ങനെ സ്വത്തും.. അവർ ഉദ്ദേശിച്ച ജീവിതവും അവരുടെ കയ്യിലെത്തും..... ആർക്കുമൊരു സംശയം തോന്നാത്ത വിധത്തിൽ....... 

സ്വയം എല്ലാം എന്നോടു തുറന്നു പറഞ്ഞ കാര്യം മായയ്ക്ക് ഇതുവരെ അറിയില്ല....... മരുന്നിനോട് പ്രതികരിക്കാൻ തുടങ്ങിയപ്പോൾ അച്ഛനും ഞാനും കൂടിയാണ് എല്ലാം നോക്കിയിരുന്നത്...... എല്ലാം അറിയാവുന്ന അച്ഛൻ തന്നെയാണ് നിന്നെ എനിക്കു തന്നത്.....  അവൾ വീണ്ടും സുഖമായി വരുമ്പോൾ നിന്നെ അപകടപ്പെടുത്താൻ ശ്രമിച്ചാലോന്ന് ഉള്ള ഭയം കാരണം........ ആ ഒരവസ്ഥയിൽ അദ്ദേഹത്തിന് നിന്നെ വിശ്വസിച്ചു ഏല്പിക്കാൻ ഞാൻ മാത്രമേ ഉണ്ടായിരുന്നുള്ളു.....

മനസ്സിൽ ഇന്നലെ  വരെ  എന്റെ ഭാര്യ നീ മാത്രമായിരുന്നു  ....... മായയെ പൂർണ്ണമായും ഞാൻ ഉള്ളിൽ നിന്നും കളഞ്ഞിരുന്നു.......അങ്ങനെ മനസ്സിനെ ആക്കിയെടുത്തതിന് ശേഷം മാത്രമാണ് നിന്നെ തൊടാൻ പോലും ഒന്നു തുടങ്ങിയത്..... അതു പറയുമ്പോളേക്കും അയാളുടെ കണ്ണു നിറഞ്ഞു വന്നിരുന്നു......

നിന്നോടെല്ലാം പറഞ്ഞിരുന്നെങ്കിൽ ഉടനെ ഹരിയോട് നീ സത്യമാണോന്ന് ചോദിച്ചേനെ..... കാരണം അന്നും ഇന്നും മീനയുടെ വിശ്വാസത്തിന്റെ മറുപേര് ഹരിയാണ് ......

തുമ്പിയെ ഹരി എടുക്കുന്നതോ കൊഞ്ചിക്കുന്നതോ ഇന്നും എനിക്കിഷ്ടമല്ല..... അവൾ എന്റെയാണ്...... എന്റെ മാത്രം..... എന്നേക്കാൾ ഞാൻ എന്തിനെയെങ്കിലും സ്നേഹിക്കുന്നുണ്ടെങ്കിൽ അത് അവളെ മാത്രമാണ്...... അയാൾ കിടന്ന് അണച്ചു.....

ഇന്നലെ ഹരി മായയെ ഉപദ്രവിക്കുന്നത് കണ്ടിട്ട് സഹിക്കാൻ പറ്റിയില്ല..... ഞാൻ ഇത്രയും കാലം കഷ്ടപ്പെട്ടത് ഒക്കെയും വെറുതെയാകുമെന്നു തോന്നി..... ഞാൻ അറിഞ്ഞിരുന്നു മായക്ക് എന്നോടുള്ള മനോഭാവം മാറിവരുന്നത്...... എന്നെ സ്നേഹിക്കുന്നത്..... ഞാൻ അതു പ്രോത്സാഹിപ്പിച്ചിട്ടില്ല........ കണ്ടില്ലന്നു നടിക്കാനും പറ്റിയിരുന്നില്ല....... എന്റെ അവസ്ഥ അതായിരുന്നു..മായയുടെ മനസ്സു തളർന്നാൽ ആ കിടപ്പിൽ അങ്ങനെ തന്നെ കിടക്കും.....മുന്നോട്ട് ജീവിക്കാൻ ഒരു പ്രതീക്ഷ ഉണ്ടെങ്കിൽ മാത്രമേ ഒരു തിരിച്ചു വരവ് ഉണ്ടാവൂ ന്ന് ഡോക്ടർ പറഞ്ഞു..... മായയുടെ ആ പ്രതീക്ഷ ഞാനും തുമ്പിയുമായിരുന്നു......... അതു തകർക്കാൻ തോന്നിയില്ല.....  വർഷങ്ങൾ കൊണ്ടുള്ള എന്റെ കഷ്ടപ്പാട് ഒരു നിമിഷം കൊണ്ട് ഹരി തകർക്കുന്നത് കണ്ടപ്പോൾ ദേഷ്യം നിയന്ത്രിക്കാൻ പറ്റിയില്ല........ പക്ഷേ  അതിനു മീന  എന്നെ ഒരു കത്തിമുനയാൽ ഇല്ലാതാക്കുമെന്ന് ഞാനൊരിക്കലും കരുതിയില്ല....... മനസ്സിൽ എവിടെയെങ്കിലും ഒരിഷ്ടം ഉണ്ടാവുമെന്ന് വിചാരിച്ചു....... പക്ഷേ.... ഇല്ലാന്ന് മനസ്സിലായി.... ഇനിയും കഷ്ടപ്പെടുത്തുന്നില്ല...... ഇന്നലെ ഒഴുകിയ   ചോരക്കൊപ്പം നഷ്ടപ്പെട്ടത് എനിക്ക് മീനയോടുള്ള വിശ്വാസവും സ്നേഹവും കൂടിയാണ്....... മായ സുഖമാകുമ്പോൾ മീനയാണ് എന്റെ ഭാര്യ....... അവളുടെ കൂടെ എനിക്ക്  ജീവിക്കണം..... എന്നു പറയണമെന്ന് ആഗ്രഹിച്ചു.......എല്ലാം അറിയുമ്പോൾ മീന എന്നോട് ക്ഷമിക്കും..... സ്നേഹിക്കും എന്നെനിക്കു തോന്നി......വെറുതെയാ...ഇനി ഒരിക്കൽ കൂടി വിഷമിക്കാൻ വയ്യാ....... തുമ്പി വലുതാകുമ്പോൾ അവളും എന്നെ ഒറ്റപ്പെടുത്തും....... ഇനിയും ഇങ്ങനെ വേദനിക്കാൻ എനിക്കു പറ്റില്ല.... സഹിക്കാൻ കഴിയുന്നില്ല.... ഇനിയങ്ങോട്ട് എനിക്ക് ഞാൻ ആർക്കും ഒരു ഭാരമാവരുതെന്ന് ഉണ്ട്.... അതുകൊണ്ട്.. അതുകൊണ്ട്...ഞാൻ കെട്ടിയ താലി എനിക്കു തിരിച്ചു വേണം......വേറൊന്നും ഞാൻ ആഗ്രഹിക്കുന്നില്ല....... എതിർത്തു പറയരുത്.... എന്നിൽ നിന്നും ഞാൻ മീനയ്ക്ക് മോചനം തരികയാണ്.....

ദേവൻ പറഞ്ഞു.....

മീന എല്ലാം കേട്ടു നിൽക്കുവാണ്..... ദേവനെ നോക്കി..... അയാളുടെ കണ്ണു രണ്ടും നിറഞ്ഞൊഴുകുന്നുണ്ട്.......മീന കണ്ണു തുടച്ചു കൊടുത്തു...... ആ കൈ തട്ടിമാറ്റി അയാൾ പറഞ്ഞു...... 

എനിക്ക് ആരുടേയും സഹതാപം ആവശ്യമില്ല..... അതു വേണ്ടിയിരുന്നപ്പോൾ ആരുമത് തന്നിട്ടില്ല..... ഇനി എനിക്കതിന്റെ ആവശ്യമില്ല...... 

മീന കൈ വലിച്ചു.... ഇനിയും താൻ കാരണം ഈ പാവം മനുഷ്യൻ വേദനിക്കാൻ ഇടയാവരുത്...... ഇത്രയും തനിക്കു വേണ്ടി സഹിച്ചില്ലേ..... ക്ഷമിച്ചില്ലേ.... മതി..അവൾ പതിയെ താലി മാല കയ്യിലെടുത്തു........ കണ്ണടച്ചു..... കഴുത്തിലൂടെ ഊരിയെടുത്തു....... ബെഡിൽ വെച്ചിരുന്ന അയാളുടെ കയ്യിലേക്ക് വെച്ചു കൊടുത്തു...... മീന അയാളെ നോക്കാതെ വെളിയിലേക്കു പോയി......

മീന തരില്ലെന്നാണ് ദേവൻ വിചാരിച്ചത്...... പക്ഷേ..... ദേവൻ കയ്യിലിരുന്ന മാല അമർത്തി പിടിച്ചു.....ദേഷ്യത്തിൽ കൈചുരുട്ടി ബെഡിൽ ഇടിച്ചു.. പിന്നീട് കണ്ണുകൾക്ക് മീതെ കൈ വെച്ചു..... 

മീന വെളിയിലുള്ള ഒരു ചെയറിൽ പോയിരുന്നു....... ജീവനില്ലാത്തതുപോലെ 

........അയാൾ പറഞ്ഞതൊന്നും കള്ളമല്ല......പക്ഷേ...ആരെയാ താനൊന്ന് വിശ്വസിക്കുക..... ആരും ഇല്ലാത്തവളാണോ താൻ..... സ്വന്തം എന്നു കരുതിയതെല്ലാം എത്ര പെട്ടെന്നാ അന്യമായത്...... ഒന്നുമോർക്കാൻ ഇഷ്ടപ്പെടാതെ മീന കണ്ണടച്ചു..... കുറച്ചു കഴിഞ്ഞു റൂമിലേക്ക്‌ പോയി...... അയാൾ ഉറക്കമാണ്....... ആ മുഖത്തേക്ക് നോക്കിയിരുന്നു....... 

എത്രമാത്രം വിഷമിപ്പിച്ചിരിക്കുന്നു........ എന്നിട്ടും തേടി വന്നു..... ആട്ടിയകറ്റി....... എന്നിട്ടും തന്നെ സ്നേഹിച്ചു...... മതി..... ഇത്രയും വിഷമിച്ചത് മതി....... ഇനി ഞാൻ കൂടെയുണ്ടാവില്ല..... വേദനിപ്പിക്കാൻ.... അല്ലെങ്കിലും ഇനി തന്നോട് ഇഷ്ടം തോന്നില്ല ഒരിക്കലും...... അദ്ദേഹത്തിന്റെ ശരീരത്തിലാണ് കത്തിയിറക്കിയതെങ്കിലും മനസ്സിലാണ് മുറിവേറ്റത്....... അതൊരിക്കലും ഉണങ്ങില്ല..... 

ഓരോന്ന്  ആലോചിച്ചു ഇരുന്നപ്പോൾ അച്ഛന്റെ കൂടെ തുമ്പി  വന്നു...... നൂറായുസ്സാണ് തുമ്പിക്ക്.....ഒന്നു കാണണമെന്ന് വിചാരിച്ചതേ ഉള്ളൂ...... അത്രക്കും മനസ്സിൽ വേദന നിറഞ്ഞിരുന്നു.....

എന്റെ മീനു...... എനിക്കു വയ്യ ഈ പെണ്ണിനെ കൊണ്ട്....... ഇന്നലെ തുടങ്ങിയ കരച്ചിലാണ്.... വല്ല അസുഖവും വരും........ മായയുടെ അടുത്ത് ഇരിക്കുന്നില്ല.... നിന്നെ തേടി ആ വീടു മുഴുവൻ കരഞ്ഞോണ്ട് നടക്കും....... ഞാൻ ഒരാളല്ലേ ഉള്ളൂ പിറകെ ഓടാൻ...... മടുത്തു....

മീനയെ കണ്ടപ്പോൾ അവളുടെ കയ്യിലേക്ക് ചാടി....... തുമ്പിയെ ചേർത്തു പിടിച്ചു..... മീനയുടെ നെഞ്ചിൽ കടിച്ചു.....ഒരു കൈകൊണ്ടു കവിളിൽ നുള്ളിപ്പറിക്കുന്നുണ്ട്...... ഇന്നലെ തനിച്ചാക്കിയതിന്റെ ദേഷ്യം തീർക്കുവാണ്......  മീനയുടെ മുഖം ചുളിഞ്ഞു...... 

തുമ്പീ.... അമ്മക്കു വേദനിക്കുന്നു...... അവളതു പറഞ്ഞപ്പോൾ തുമ്പി പതിയെ വിട്ടു.... ഉമ്മ കൊടുക്കുന്നുണ്ട്...... സ്നേഹപ്രകടനമൊക്കെ കഴിഞ്ഞപ്പോൾ ചുറ്റിനും നോക്കാൻ തുടങ്ങി..... ഇപ്പോഴാണ് എന്നെ കണ്ടത്...... മുഖം തെളിഞ്ഞു....... ഒരു കൈ നീട്ടി...... മീന അവളെയും കൊണ്ട് അടുത്തേക്ക് വന്നു...... ഒന്നമ്പരന്നു...... കെട്ടൊക്കെ കണ്ടപ്പോൾ...... കുറച്ചു കഴിഞ്ഞു അടുത്തിരുന്നു മിണ്ടാൻ തുടങ്ങി....... അതും മടുത്തപ്പോൾ ആ റൂമിൽ കിടന്നു ഓടാനും ചാടാനും തുടങ്ങി..... 

ഉച്ചയായപ്പോൾ തുമ്പി കിടന്നുറങ്ങി..... ദേവനും...... മീന വെളിയിൽ വന്നിരുന്നു..... തോളിൽ ആരോ പിടിച്ചു..... അച്ഛനാണ്..... 

അച്ഛാ...... ഞാൻ ആരുമില്ലാത്തവളാ അല്ലേ.... അച്ഛൻ എന്റെ സ്വന്തമല്ല അല്ലേ.....കൂടുതൽ ചോദിക്കാൻ കഴിയാതെ മീനയുടെ ശബ്ദം വിറച്ചു......

അങ്ങനെയാണോ ഞാൻ നിന്നെ വളർത്തിയത് മീനു....... മായയേക്കാൾ സ്നേഹം തന്നല്ലേ ഞാൻ നിന്നെ നോക്കിയത്...... എന്റെ സഹോദരന്റെ കുഞ്ഞെങ്ങനെ എനിക്ക് അന്യയാവും...... മായക്കും അവളുടെ അമ്മയ്ക്കും പറ്റിയ ഒരു തെറ്റ്‌...... അതിനു ദൈവം അവർക്കു ശിക്ഷ കൊടുക്കുകയും ചെയ്തു......അതോടെ മായ ആകെ മാറിയിരിക്കുന്നു..... പിന്നെ നിനക്ക് സ്വന്തമെന്നു പറയാൻ ഇപ്പോൾ ദേവൻ ഇല്ലേ..... അവനെ എനിക്ക് നല്ല വിശ്വാസമാണ്.......... നിന്നെ നന്നായി നോക്കും അവന്റെ ജീവൻ കളഞ്ഞാണെങ്കിൽ കൂടി..... നിന്റെ കൂടെ നിൽക്കാൻ ഈ അച്ഛനെങ്കിലും ഉണ്ട്...... പക്ഷേ ദേവന് നീ മാത്രമേ ഉള്ളൂ..... നീയും കൂടി ഉപേക്ഷിച്ചു അവനെ പൂർണ്ണമായും തളർത്തരുത്...... അനാഥനെന്ന തോന്നൽ ഉണ്ടാക്കരുത്..അച്ഛൻ ഒന്നു തലോടി.... മീന ഒന്നും മിണ്ടാനാവാതെ നിലത്തു നോക്കിയിരുന്നു...... 

വൈകുന്നേരം മിട്ടായി മേടിച്ചു തരാമെന്നും പറഞ്ഞു അച്ഛൻ തുമ്പിയെ കൊണ്ടുപോയി..... നാളെയേ വരൂ ഇനി.....

അച്ഛനോടും നഴ്സിനോടും ഒക്കെ ചിരിച്ചു കളിച്ചു സംസാരിക്കുന്നുണ്ട്...... തന്നെ ഒന്നു നോക്കുന്നുകൂടിയില്ല..... മീനയ്ക്ക് വിഷമം തൊണ്ടക്കുഴിയിൽ വന്നു തടഞ്ഞു നിന്നു..... ബാത്‌റൂമിൽ പോയി കരഞ്ഞു തീർത്തു...... കണ്ണാടിയിൽ ഒഴിഞ്ഞ കഴുത്തു കണ്ടപ്പോൾ സഹിക്കാൻ പറ്റിയില്ല...... അതിനെ താനിത്രയും സ്നേഹിച്ചിരുന്നോ...... ഇല്ലാതായപ്പോഴാണ് അത് മനസ്സിലാകുന്നത്.....

തന്റെ കയ്യിൽ നിന്നും പറ്റിയ ഒരു പിഴവാണ്..... അതു ഭേദമാകുംവരെ കൂടെ നിൽക്കണം..... അതുകഴിഞ്ഞു അദ്ദേഹം തീരുമാനിക്കട്ടെ........ എന്തായാലും തന്നെ ഇനി അദ്ദേഹത്തിന് വേണ്ടാ.......... ഇനിയും വേദന കൊടുക്കാൻ താൻ കൂടെ ഉണ്ടാവേണ്ട..... അതു ഞാനും തീരുമാനിച്ചു കഴിഞ്ഞു.....

ദേവൻ വീട്ടിൽ പൊക്കോളാൻ പറഞ്ഞാൽ കൂടി മീന പോകില്ല.....സഹായം വേണ്ടാന്നു ദേവൻ പറഞ്ഞാലും  ഒന്നും മിണ്ടാതെ എല്ലാ കാര്യങ്ങളും ചെയ്യുന്നുണ്ട്...... മുഖം ഉയർത്തുന്നതേയില്ല...... ഇടയ്ക്കിടെ ദേവൻ അവളെ ഒന്നുനോക്കും...... എപ്പോഴും തല താഴ്ത്തി ഒരു നടപ്പാണ്...... ആ കണ്ണുകൾ കലങ്ങിയിരിക്കും എപ്പോഴും...... നോക്കരുതെന്നു മനസ്സ് പറഞ്ഞാലും കണ്ണുകൾ അവൾക്കു പിന്നാലെ തന്നെയാണ്...... പണ്ടത്തെ പോലെ..

ദേവൻ പതിയെ പിടിച്ചു നടക്കും...... താങ്ങാൻ മീന ചെന്നാലും കൈ കൊണ്ട് തടയും..... കൂടെ നടക്കുന്നത് ഇഷ്ടമില്ലെങ്കിൽ കൂടി അവൾ ഒപ്പമുണ്ടാകും..... താങ്ങാൻ തയ്യാറായി..... 

ഒരു ദിവസം കുറച്ചു നടന്നപ്പോൾ  വേദന കൊണ്ട് ദേവൻ ഭിത്തിയിൽ അള്ളി പിടിച്ചു നിന്നു ........ മീന ചെന്നു കയ്യിൽ പിടിച്ചു......

വിട്..... ആരുമെന്നെ പിടിക്കേണ്ട....... ഈ വേദന ഞാൻ അനുഭവിക്കണം......ഓർക്കണം ഞാൻ എന്നും .... നിന്നെ സ്നേഹിച്ചുപോയതിന് നീ തന്ന ശിക്ഷ........ അതിനുവേണ്ടിയാണ് ജീവൻ പോകുന്ന വേദന ഉണ്ടായിട്ടും പെയിൻകില്ലർ കഴിക്കാതിരിക്കുന്നത്...... മീനയുടെ മുഖത്തു നോക്കി ദേവൻ ദേഷ്യത്തിൽ പറഞ്ഞു..... അവളുടെ മൗനം അത്രയ്ക്ക് ദേഷ്യം പിടിപ്പിക്കുന്നുണ്ട് തന്നെ...

ദേവൻ നടന്നു പോയിട്ടും മീന അവിടെനിന്നും അനങ്ങാതെ നിന്നു...... മുറിയുടെ വാതിൽ കടന്ന് അകത്തു കയറും മുൻപ് ദേവൻ തിരിഞ്ഞു നോക്കി...... മീന ഇപ്പോഴും അവിടെത്തന്നെ നില്ക്കുവാണ്....... 

സ്നേഹബന്ധനം 9

ഹോസ്പിറ്റലിൽ നിന്നും വീട്ടിലെത്തിയാൽ അദ്ദേഹം എടുക്കുന്ന എന്തു തീരുമാനവും കൈ നീട്ടി സ്വീകരിക്കാൻ മീന മനസ്സുകൊണ്ട് തയ്യാറായി...... 

ഹരിയേട്ടനെ മുറിയിലേക്ക് മാറ്റിയെന്നറിഞ്ഞു.....

ഒരുദിവസം നടന്നു നടന്നു ചെന്നത് ഹരിയേട്ടന്റെ റൂമിനു മുന്നിലാണ്....... പിറകെ നടന്നു ചെന്ന ഞാൻ ആദ്യം ഒന്നു ഞെട്ടി...... എന്തിനാവും ഇങ്ങോട്ടു വന്നത്........ വീണ്ടും വഴക്കിടാൻ എങ്ങാനും ആണോ.....എന്റെ അതേ ഭാവമായിരുന്നു ഹരിയേട്ടന്റെ മുഖത്തും....... പക്ഷേ അദ്ദേഹത്തിന്റെ മുഖം ശാന്തമായിരുന്നു . .....   പോയി ഹരിയേട്ടന്റെ അടുത്തിരുന്നു...... ഹരിയേട്ടനു കഴുത്തിൽ ബെൽറ്റ്‌ ഇട്ടിട്ടുണ്ട്...... സംസാരിക്കാൻ നല്ല ബുദ്ധിമുട്ടുണ്ട്.......

എന്നോട് ഒന്നും തോന്നരുത് ഹരിക്ക്..... അപ്പോൾ അങ്ങനെയൊരവസ്ഥയിൽ എനിക്കു വേറൊന്നും തോന്നിയില്ല...... എത്ര നാളത്തെ എന്റെ കഷ്ടപ്പാടാണ് ഒരൊറ്റ നിമിഷം കൊണ്ട് ഹരി ഇല്ലാതാക്കാൻ നോക്കിയത്.........ഇനിയും ഒരപകടം മായയ്ക്ക് താങ്ങാൻ പറ്റിയെന്നു വരില്ല......  മായ രക്ഷപ്പെട്ടാൽ മാത്രമേ എല്ലാവർക്കും ഒരു ജീവിതം ഉണ്ടാവു..... എന്നോട് ചെയ്തതെല്ലാം ഞാൻ മറന്നു കഴിഞ്ഞു ...... ക്ഷമിച്ചു എല്ലാം ..... മായ സുഖപ്പെട്ടു കഴിഞ്ഞാൽ ഹരിയെ ഏൽപ്പിക്കാൻ തന്നെയായിരുന്നു എന്റെയും  തീരുമാനം..... ഹോസ്പിറ്റലിൽ നിന്നും ഇറങ്ങിയാൽ വീട്ടിലേക്കു വരൂ..... നമുക്കൊരു തീരുമാനം ഉണ്ടാക്കാം....... അച്ഛനെ ഞാൻ പറഞ്ഞു മനസിലാക്കാം....

ഹരി സ്നേഹത്തോടെ അദ്ദേഹത്തിനെ നോക്കുന്നുണ്ട്.....കണ്ണുകളിൽ കുറ്റബോധം നിറഞ്ഞു നിൽക്കുന്നുണ്ട്..... പതിയെ ഹരിയേട്ടൻ സംസാരിച്ചു തുടങ്ങി... വ്യക്തത ഇല്ലായിരുന്നു...

ഇത്രയും നാൾ ഞാൻ എല്ലാത്തിനും കൂട്ടുനിന്നത് മായയെ അതുപോലെ സ്നേഹിച്ചതു കൊണ്ടാണ്........പക്ഷേ ഇപ്പോൾ അവൾക്കു കുറ്റബോധം തോന്നിത്തുടങ്ങിയിരുന്നു..... ജയദേവിനെ ഇനി വിഷമിപ്പിക്കാൻ വയ്യാന്നു..... നിങ്ങളെ സ്നേഹിച്ചു ഇനിയുള്ള കാലം അവളുടെ  പാപം കഴുകിക്കളയണമെന്ന്....... കഴിഞ്ഞതെല്ലാം ഞാൻ  മറക്കണമെന്നു..... എങ്ങനെ കഴിഞ്ഞു അവൾക്കതിനു...... ആ നിമിഷം ഭ്രാന്ത് കയറി അടിച്ചതാ അവളെ.......ഇത്രയും കാലം എല്ലാത്തിനും കൂട്ടു നിന്നിട്ട് അവസാനം എന്നെ വേണ്ടാന്നു പറഞ്ഞാൽ...... എന്റെ തുമ്പിയുടെ കൂടെ ഒരു ദിവസം കൂടി കഴിഞ്ഞിട്ടില്ല ഞാൻ.....അവളെ ഒന്ന് ചേർത്തു പിടിക്കാൻ പോലുമായിട്ടില്ല ഇന്നേവരെ...സഹിച്ചില്ല എനിക്ക്....... അതാ അങ്ങനെ........ ഹരി കഴുത്തിൽ കൈ വെച്ചു...... 

സംസാരിക്കാൻ ബുദ്ധിമുട്ട് ഉണ്ടെന്നു തോന്നുന്നു........ 

മായയ്ക്ക് കുറ്റബോധവും എന്നോടുള്ള സഹതാപവും കൊണ്ട്  മാത്രമാണ് ഹരിയെ തഴഞ്ഞത് ..... അല്ലാതെ അതെന്നോടുള്ള  സ്നേഹം അല്ല .....സഹതാപത്തിന്റെയും കടപ്പാടിന്റെയും പുറത്തുള്ള സ്നേഹം...അതൊരിക്കലും ശാശ്വതമല്ല... അത് മനസ്സിൽ നിന്നും മായുമ്പോൾ സ്നേഹവും കുറയും....... ആരുടെയും സഹതാപം എനിക്കാവശ്യമില്ല...... ദേവൻ മീനയെ നോക്കിപ്പറഞ്ഞു...... 

അദ്ദേഹം പോകാനിറങ്ങിയപ്പോൾ പിറകെ പോകാനിറങ്ങിയ മീനയോട് ഒന്നു സംസാരിക്കണമെന്ന് അടഞ്ഞ ശബ്ദത്തിൽ ഹരി പറഞ്ഞു..... അത് ശ്രദ്ധിക്കാതെ മീന ദേവന്റെ കൂടെ പോയി.....

എന്റെ കൂടെ വരുന്നത് എന്തിനാ ..... ഞാൻ പറഞ്ഞു ആരുടേയും ദയ എനിക്കാവശ്യമില്ല..... പോയി സംസാരിക്ക്..... പോ..... ദേവൻ കൂടെ നടന്ന മീനയോട് പറഞ്ഞു.......

ആരോട്... എപ്പോൾ സംസാരിക്കണമെന്ന് എനിക്കറിയാം.... ആരുമെന്നോട് ആജ്ഞാപിക്കണ്ട..... മീന ദേഷ്യത്തോടെ പറഞ്ഞു.....

ആജ്ഞാപിക്കാനും അനുസരിപ്പിക്കാനും ഞാൻ ആരാ..... ആരുമല്ല..... ചോദ്യവും ഉത്തരവും അയാൾ തന്നെ പറഞ്ഞു....

മീന ഒന്നും മിണ്ടാതെ കൂടെ നടന്നു..... തലയും കുനിച്ചു...... ഒന്നു പറഞ്ഞാൽ പത്തു തിരികെ പറയുന്നവളാ...... ഇതെന്താ ഇങ്ങനെ.... ദേവൻ ഓർത്തു.....റൂം വരെ ദേവനൊപ്പം മീനയും കൂടെ നടന്നു .....

.ഞാൻ ഒന്ന് ഹരിയേട്ടനെ കണ്ടിട്ട് വരാം......പറഞ്ഞത് അച്ഛനോടാണെങ്കിലും നോക്കിയത്  ദേവനെയാണ് ...... ദേവൻ മുഖം തിരിച്ചു കളഞ്ഞു....... കേൾക്കാൻ ഇഷ്ടമല്ലാത്ത രീതിയിൽ....

ഹരിക്കു മുഖം കൊടുക്കാതെ വെളിയിലേക്ക് നോക്കി നിന്നു മീനു ...... 

എങ്ങനെ നിന്നോട് മാപ്പു പറയുമെന്ന് എനിക്കറിയില്ല...... നിന്നെ കബളിപ്പിക്കുവായിരുന്നു ഞാൻ..... മായയുടെ സ്നേഹം എന്റെ കണ്ണു മൂടിക്കെട്ടിയിരുന്നു...... അതുകൊണ്ട് ചെയ്യുന്നതെല്ലാം നല്ലതിനു വേണ്ടിയെന്ന് കണ്ണുമടച്ചു വിശ്വസിച്ചു..... എന്റെ തുമ്പിയെ നോക്കുന്നതു കാണുമ്പോൾ പലപ്പോഴും പറയാൻ തുടങ്ങിയതാണ് ..... പക്ഷേ...... കഴിഞ്ഞില്ല...... നീയെങ്ങനെ പ്രതികരിക്കുമെന്ന് പേടിയുണ്ടായിരുന്നു..... എന്നോട് നീ ക്ഷമിക്കണം...... അത്രയും പറഞ്ഞൊപ്പിക്കാൻ ഹരി കുറച്ചു പാടുപെട്ടു........

ജയദേവ് നിന്നെ ഒരുപാട് സ്നേഹിക്കുന്നുണ്ട്..... അയാൾ നല്ലവനാണ്.... നിനക്കു ചേർന്നതും അയാളാണ്......  

ഒന്നും മിണ്ടാതെ തല കുനിച്ചു മീന ഇറങ്ങിപ്പോയി....... 

തിരിച്ചു വന്നപ്പോൾ മുതൽ ജയദേവ് ശ്രദ്ധിക്കുന്നുണ്ട് മീനയെ..... ഒരു മിണ്ടാട്ടം ഇല്ല.....എന്തോ ആലോചനയിലാണ് കുറച്ചു നേരമായിട്ടു....... ഒഴിഞ്ഞ കഴുത്തു കണ്ടപ്പോൾ വിഷമം തോന്നി.....

രാത്രിയിൽ ഉറങ്ങാതെ തിരിഞ്ഞും മറിഞ്ഞും  കിടക്കുകയായിരുന്നു മീന ....... ചിലപ്പോൾ എഴുന്നേറ്റു വന്നു വെളിയിലേക്ക് നോക്കി നിൽക്കും .... മനസ്സ് ആകെ ശൂന്യമാണ്..... ദേഷ്യമാണോ സങ്കടമാണോ സന്തോഷമാണോ എന്നറിയാതെ.... കുറച്ചു നാൾ മുൻപ് വരെയെങ്കിലും ഒരു സൂചന തനിക്കു കിട്ടിയിരുന്നെങ്കിൽ ഇങ്ങനെ അദ്ദേഹത്തിനെ ദ്രോഹിക്കില്ലായിരുന്നു...... അവൾ ജനാലക്കമ്പിയിൽ പിടിച്ചു തല ചേർത്തുവച്ചു..... ഒന്നു കണ്ണടച്ചാൽ ചോരയിൽ കുതിർന്നു  പിടയുന്ന ജയദേവിനെയാണ് ഓർമ്മ വരുന്നത്..... അദ്ദേഹം ചെയ്ത തെറ്റെന്താണ്..... തന്നെ ഇത്രയും കാലം കാത്തുസൂക്ഷിച്ചതോ..... അതിനു എന്താ ഞാൻ തിരിച്ചു കൊടുത്തത്..... ഒരിക്കലും പൊറുക്കില്ല ദൈവം എന്നോട്...... ഇങ്ങനൊരു ജന്മം വേണ്ടിയിരുന്നില്ല..... മീന ആകാശത്തേക്ക് നോക്കി..... നക്ഷത്രങ്ങൾക്കിടയിലേക്ക് നോക്കി മനസ്സിൽ ചോദിച്ചു..... രണ്ടാളും പോയപ്പോൾ കൂടെ കൂട്ടമായിരുന്നില്ലേ..... ഇവിടെ ഇപ്പോ ഞാൻ തനിച്ചായില്ലേ.... കൈകൾ പതിയെ കഴുത്തിൽ പരതി..... ഇല്ല..... അങ്ങനെ പോലും ആശ്വസിക്കാൻ പാടില്ല എന്നാവും...... എത്രനേരം അങ്ങനെ നിന്നുവെന്നു അറിയില്ല..... തിരിച്ചു വന്നു കിടന്നപ്പോഴും ഉറക്കം അടുത്തുപോലും വന്നില്ല..... 

ജയദേവ് ഇതെല്ലാം നോക്കി കാണുകയായിരുന്നു....... അവൾക്ക് ഇപ്പോൾ ആരും ഇല്ലാതായിരിക്കുന്നു........ ഇത്രയും കാലം തുമ്പിയെ സ്നേഹിച്ചിരുന്നപ്പോഴും മനസ്സിൽ സ്വന്തം ചോരയുടെ കുഞ്ഞ് എന്ന ബോധ്യമുണ്ടായിരുന്നു....... ഇന്നതെല്ലാം അവൾക്ക് അന്യമായിരിക്കുന്നു...... താനും കൂടി അവളെ ഒറ്റപ്പെടുത്തരുതായിരുന്നു.... പാവമാണ്......

ഹോസ്പിറ്റലിൽ കൊണ്ടുവന്നപ്പോഴും ഹരിയുടെ കൂടെ പോകും എന്നാണ് വിചാരിച്ചത്.......... പക്ഷേ തന്റെ  കൂടെയാണ് വന്നത്....... കണ്ണുതുറന്നപ്പോഴും അവളെ കുറിച്ചാണ് കൂടെ നിന്ന നേഴ്സിനോട് ചോദിച്ചത്..........വെളിയിൽ നിൽപ്പുണ്ട്  എന്ന് കേട്ടപ്പോൾ മനസ്സിനു സന്തോഷം ആയിരുന്നു...... എന്തായാലും ഇനി ഒരു തിരിച്ചുവരവ് ഉണ്ടെങ്കിൽ ആദ്യം അവളെ എല്ലാം അറിയിക്കണം എന്നുണ്ടായിരുന്നു........ എല്ലാം പറഞ്ഞപ്പോഴും അവൾക്ക് വിശ്വാസം ഉണ്ടായിരുന്നില്ല........... അപ്പോഴും അവളുടെ മനസ്സിൽ ഹരിയാണെന്ന് തോന്നി....... ഹരി അങ്ങനെ ചെയ്യില്ലത്രേ...തന്നോട് സഹതാപവും........ സഹതാപത്തിന്റെ പുറത്തൊരു സ്നേഹം എനിക്ക് വേണ്ട....... അതുകൊണ്ടാണ് താലി തിരിച്ചു മേടിച്ചതു........ പക്ഷേ ഒരിക്കലും വിചാരിച്ചില്ല അവള് തരുമെന്ന്.......... വഴക്കുണ്ടാക്കുമെന്നു വിചാരിച്ചു.......ചിലപ്പോൾ ആ താലി ഉള്ളത് കൊണ്ടു മാത്രം തന്നെ സഹിച്ചു കൂടെ നിന്നെന്നു വരും.., അത് വേണ്ട.....

മനസ്സിൽ നിന്നും എടുത്തു കളയാൻ പറ്റുന്നില്ല ഈ ഒരു മുഖം....... പക്ഷേ വേണ്ട....... എന്നെങ്കിലും  മനസ്സ് തുറന്ന് എന്നെ മാത്രം സ്നേഹിക്കാൻ പറ്റുമെങ്കിൽ......... അവൾ വരും വരെ കാത്തിരിക്കും...... എത്രനാൾ കഴിഞ്ഞാലും....... അതിനവൾ തന്നെ വിചാരിക്കണം...അയാൾ പതിയെ കണ്ണുകൾ അടച്ചു.........

രാവിലെ എഴുന്നേറ്റപ്പോൾ മീനയെ ബെഡിൽ കണ്ടില്ല.......... ചുറ്റിനും നോക്കി റൂമിൽ എങ്ങുമില്ല......... ഇനി ബാത്റൂമിൽ എങ്ങാനും ഉണ്ടോ......... ഇല്ല.... അവിടെയും ഇല്ല....... ശബ്ദം ഒന്നും കേൾക്കുന്നില്ല....... ഇന്നലെ രാത്രി അവളുടെ ചിന്തയും  തനിച്ചുള്ള ഇരിപ്പും കണ്ടപ്പോഴേ വിഷമം തോന്നിയതാണ്...... ഇപ്പോൾ മിണ്ടാട്ടമേയില്ല  മീനക്ക് ആരോടും ......തന്നോട് പറയാതെ പോയോ ഇനി...... പലതും ചിന്തിച്ചു പതിയെ എണീറ്റു പോയി ഫ്രഷ് ആയി..... 

അച്ഛൻ രാവിലെ വന്നിട്ടുണ്ട്...... മീന എവിടെപ്പോയി എന്ന് ചോദിക്കാൻ നാവ് പലവട്ടം ഒരുങ്ങിയതാണ്.......അടക്കി നിർത്തി..... പോക്കറ്റിൽ കിടന്ന താലിയിൽ മുറുകെ പിടിച്ചു........ അവളെ കാണാതെ മനസ്സ് ശാന്തമാവില്ല  എന്ന് നിർബന്ധം പിടിക്കും പോലെ........കണ്ണടച്ച് കിടന്നു......

അടുത്ത ആരോ നിൽക്കും പോലെ തോന്നി...... കണ്ണുതുറന്നപ്പോൾ മുൻപിൽ മീന ഉണ്ടായിരുന്നു........ നെറ്റിയിൽ ചന്ദനക്കുറി ഉണ്ട്......... കഴുത്തിൽ ഒന്നും ഉണ്ടായിരുന്നില്ല....... ആ സാരിയിൽ അതൊരു കുറവായി തോന്നിയതുമില്ല....... അവൾ ചന്ദനം എടുത്തു നെറ്റിയിൽ തൊടാൻ വന്നതും കൈതട്ടി മാറ്റി............ഇത്രയും നേരം അവളെ കാണാതിരുന്നപ്പോൾ കാണിച്ച മനസ്സമാധാനക്കേട് അവളെ കാണുമ്പോൾ എന്താ വാശിയായിട്ട് മാറുന്നത്..... ഒരക്ഷരം മിണ്ടാതെ കയ്യിലിരുന്ന ചന്ദനം മീന കഴുകിക്കളയുന്നതു കണ്ടു..... ഇത്രയും നേരം അനുഭവിച്ച ടെൻഷൻ പറഞ്ഞറിയിക്കാൻ പറ്റില്ല..... മനസ് അടുത്തുവേണമെന്ന് ശഠിക്കുമ്പോളും ശരീരം അവളെ ആട്ടിപ്പായിക്കുവാണ്...... അവളിൽ നിന്നും കണ്ണെടുക്കാൻ തോന്നുന്നില്ല....... ഒരു പൊട്ടിന്റെ  കുറവുണ്ട്........ കുറച്ചു സിന്ദൂരത്തിന്റെയും....... മുഖത്ത് എന്തോ തീരുമാനിച്ചുറപ്പിച്ച പോലെയുണ്ട്...... തന്നെ വേണ്ടാന്ന് വെക്കാൻ ആവും......എന്താവും ആ മനസ്സിൽ......ഒന്നറിയാൻ പറ്റിയിരുന്നെങ്കിൽ....അവളൊന്നു മിണ്ടിയിരുന്നെങ്കിൽ..... ഈ ദേവനെ വേണമെന്ന് ഒന്നു പറഞ്ഞിരുന്നെങ്കിൽ.....

ഡിസ്ചാർജ് ആയി തിരിച്ച് വീട്ടിൽ പോകുമ്പോഴും വണ്ടിയിൽ ഇരുന്നു വെളിയിലേക്ക് നോക്കിയിരിക്കുന്നതല്ലാതെ  മീന ഒന്നും മിണ്ടിയില്ല........ വീട്ടിലെത്തിയപ്പോൾ തുമ്പി ഓടി വന്നു........ അച്ഛേന്ന് വിളിച്ചു...... എടുക്കാൻ പറ്റില്ല..... ചേർത്തുപിടിച്ചു...... ഹരി വരും വരെ ഉള്ളൂ ഈ സ്നേഹവും...... അത് കഴിഞ്ഞാൽ തുമ്പി മോൾ തനിക്ക് ആരുമല്ല......

മായയുടെ റൂമിലേക്കാണ് തുമ്പിയെയുംകൊണ്ട് നടന്നുപോയത്.......... മുറിയുടെ ഡോർ അടയും മുൻപ്  ഒന്ന് തിരിഞ്ഞു നോക്കി....... മീന തലതാഴ്ത്തി അവളുടെ മുറിയിലേക്ക് നടക്കുന്നത് കണ്ടു......... അവളുടെ മനസ്സിൽ എന്താണെന്ന് ഒരു പിടിയും കിട്ടിയില്ല........

മായയ്ക്ക് പറയാനുള്ളതെല്ലാം കേട്ടു...... മാപ്പു പറച്ചിലും കരച്ചിലും എല്ലാം കഴിഞ്ഞപ്പോൾ സമയം കുറെയായി..... മീനയെ കാണണമെന്നു പറഞ്ഞു...... 

മീനയെ നോക്കി അവളുടെ മുറിയിൽ ചെന്നു.....  എന്തോ ആലോചിച്ചു  കിടപ്പുണ്ട്...... കൈ മുഖം മറച്ചു വെച്ചിട്ടുണ്ട്..,....മീനാ..... 

മ്മ്..... മൂളിക്കൊണ്ട് ചാടിയെഴുന്നേറ്റു.... 

മായ വിളിക്കുന്നു.....

മ്മ്....... അവൾ ആ റൂമിൽ നിന്നു പോയിട്ടും ജയദേവ് അവിടെത്തന്നെ നിന്നു..... മീന ഒന്നു മിണ്ടാതിരുന്നാൽ തീരുന്നതേയുള്ളോ തന്റെ ദേഷ്യവും വാശിയുമെല്ലാം..... തനിക്ക് അവളോടുള്ള സ്നേഹം തിരിച്ചു ഇങ്ങോട്ടു ഇല്ലെങ്കിലോ.......... തന്നെ ശുശ്രുഷിക്കുന്നത് ചെയ്ത തെറ്റിനുള്ള പ്രായശ്ചിത്തം ആയിക്കൂടെ.... അവൾ അന്നും ഇന്നും തന്നെ സ്നേഹിച്ചിട്ടില്ല..... അല്ലെങ്കിൽ ഒരുപ്രാവശ്യമെങ്കിലും താലി തിരിച്ചു വേണമെന്ന് പറഞ്ഞോ.......ചോദിക്കാൻ നോക്കിയിരുന്നത് പോലെ അത് ഊരിതന്നില്ലേ അവൾ.......... ഞാനാണ് ഓരോന്ന് വെറുതെ ആശിക്കുന്നത്...... ആഗ്രഹിക്കും പോലെ എല്ലാം നടക്കില്ലല്ലോ.... . അങ്ങനെ നടന്നാൽ മനുഷ്യനും ദൈവവും തമ്മിൽ എന്താ വിത്യാസം......... 

സ്നേഹബന്ധനം 10

മീന ഒന്നു മിണ്ടാതിരുന്നാൽ തീരുന്നതേയുള്ളോ തന്റെ ദേഷ്യവും വാശിയുമെല്ലാം..... തനിക്ക് അവളോടുള്ള സ്നേഹം തിരിച്ചു ഇങ്ങോട്ടു ഇല്ലെങ്കിലോ.......... തന്നെ ശുശ്രുഷിക്കുന്നത് ചെയ്ത തെറ്റിനുള്ള പ്രായശ്ചിത്തം ആയിക്കൂടെ.... അവൾ അന്നും ഇന്നും തന്നെ സ്നേഹിച്ചിട്ടില്ല..... അല്ലെങ്കിൽ ഒരുപ്രാവശ്യമെങ്കിലും താലി തിരിച്ചു വേണമെന്ന് പറഞ്ഞോ....... ഇല്ല..... ഞാനാണ് ഓരോന്ന് ആശിക്കുന്നത്...... ആഗ്രഹങ്ങൾ എല്ലാം നടക്കില്ലല്ലോ.... . അങ്ങനെ നടന്നാൽ മനുഷ്യനും ദൈവവും തമ്മിൽ എന്താ വിത്യാസം.........മീന പോകുന്നതും നോക്കി ദേവൻ ആലോചിച്ചു നിന്നു.....

മീന മായയുടെ അരികിലേക്ക് ചെന്നു..... 

എന്താ മായേച്ചി വിളിച്ചത്..... 

മായ അവളുടെ കവിളിൽ തലോടി.....നിനക്കെന്നോട് ഒട്ടും ദേഷ്യം തോന്നുന്നില്ലേ മീനു....... എങ്ങനെ കഴിയുന്നു ആ പഴയ സ്നേഹത്തോടെ മായേച്ചിന്ന് വിളിക്കാൻ..... ഞങ്ങൾ നിന്നോടും ദേവേട്ടനോടും  ചെയ്തത് വലിയ തെറ്റാണ്..... അതിനുള്ള ശിക്ഷയാവും ഇങ്ങനെ..... മരിച്ചു ജീവിച്ചത്....... ഇപ്പോൾ ഹരി അനുഭവിക്കുന്നതും...... 

എനിക്കൊരു ദേഷ്യവുമില്ല മായേച്ചി ആരോടും.... ഞാൻ സ്വയം കണ്ണടച്ച് ഇരുട്ടാക്കുകയായിരുന്നു.... ആരും ആർക്കും സ്വന്തമല്ലെന്നു പറയുന്നത് വലിയൊരു സത്യമാണ്..... ഞാൻ ഇന്നത് മനസിലാക്കുന്നു.... ഇത്രയൊക്കെ എല്ലാവരുടെയും മനസ്സിൽ ഉണ്ടായിരുന്നിട്ടും അതൊന്നും പുറമെ കാട്ടാതെ എന്നെ സ്നേഹിക്കും പോലെ എനിക്കു അനുഭവപ്പെട്ടില്ലേ.... എനിക്കതു മാത്രം മതി..... ഇനിയാണെങ്കിലും നിങ്ങളൊക്കെയല്ലേ എനിക്കുള്ളൂ....

അങ്ങനെയൊന്നും പറയല്ലേ മീനു..... നിന്റെ കൂടെ ഞാൻ എന്നുമുണ്ടാവും.... നിനക്ക് ഞങ്ങളോട് പൊറുക്കാൻ കഴിയുമെങ്കിൽ....... എന്റെ അനിയത്തിയെ സ്നേഹിക്കണം ഇനിയെനിക്ക് ഈ ജീവൻ പോകും വരെ .....

മീന കേട്ടിരുന്നതല്ലാതെ മറുപടി പറഞ്ഞില്ല.... 

കുറച്ചു നേരം അവിടെ ഇരുന്നിട്ട് എഴുന്നേറ്റു പോയി തുമ്പിയെ തിരക്കി....... ഒരുപാട് വിഷമം വരുമ്പോൾ അവൾ അടുത്തു വേണം..... ആകെയുള്ള ഒരാശ്വാസം ആണ് ഇനി.... എത്ര കാലം എന്നറിയില്ല...... കണ്ണു നിറയാതിരിക്കാൻ ശ്രമിച്ചു....... കണ്ണുനീർ സൂക്ഷിച്ചു വച്ചോളു.... ഇനിയും ആവശ്യം വരും മീനമ്മാ..... ദേവൻ പണ്ട് പറഞ്ഞത് ഓർത്തു ......

തുമ്പിയെ എടുത്തു മുറിയിലേക്ക് പോയി...... ചേർത്തുപിടിച്ചു കിടന്നു..... 

തുമ്പി..... 

അവൾ മുഖത്തേക്ക് നോക്കി..... ആ കുഞ്ഞിക്കണ്ണിലേക്കു നോക്കി ചോദിച്ചു.... 

അമ്മയെ വിട്ടു പോകുവോ തുമ്പി..... 

ഇല്ല.... അവൾ തലയാട്ടി പറഞ്ഞു.... 

അമ്മയെ അല്ലേ തുമ്പിക്ക് ഏറെയിഷ്ടം..... 

ഹാ..... 

ആരെങ്കിലും വന്നു വിളിച്ചാൽ പോകുവോ... അവരുടെ കൂടെ..... 

മ്മ് ഹും...... ഇല്ല...... 

ഒരിക്കലും........ 

അവൾക്ക് ഒന്നും മനസ്സിലായില്ല..... എങ്കിലും നിറഞ്ഞു വന്ന കണ്ണുകൾ തുടച്ചു തന്നു..... രണ്ടു കവിളിലും ഉമ്മ തന്നു..... അവളെ ചേർത്തുപിടിച്ചു..... ആരും തുമ്പിയെ തന്റെയടുത്തുനിന്നും പിരിക്കരുതെന്നു പ്രാർത്ഥിച്ചു...... ഒരിക്കലും നടക്കുന്ന കാര്യമല്ലെന്ന് അറിയാമെങ്കിൽ കൂടി..... തുമ്പി പറ്റിച്ചേർന്നു കിടന്നുറങ്ങി...... അവളെങ്കിലും സമാധാനത്തോടെ ഉറങ്ങട്ടെന്നു കരുതി മീന ശല്യം ചെയ്യാതെ കൂടെ കിടന്നു..... 

ജയദേവിനുള്ള ഭക്ഷണം റൂമിൽ കൊണ്ടു കൊടുത്തു......

നമ്മുടെ കല്യാണം നടന്ന കാര്യം ഞാൻ മായയോട് പറഞ്ഞിട്ടില്ല.... അല്ലെങ്കിലും അതൊരു കല്യാണം ആയിരുന്നില്ലല്ലോ....... അതുകൊണ്ട് പറയേണ്ട ആവശ്യമില്ല എന്നു തോന്നി.....

എന്റെ വാശിക്കും നിർബന്ധത്തിനും മീന വഴങ്ങി തന്നു.., അത്രേയല്ലേ ഉള്ളൂ.,..

മീന ദേവന് ഭക്ഷണം കൊടുക്കുന്നതിൽ മാത്രം ശ്രദ്ധിച്ചു..... പറയുന്നതൊന്നും കേൾക്കുന്നു കൂടിയില്ല എന്നു തോന്നുന്നു..... ഒന്നും മിണ്ടാതെ നിൽക്കുന്ന മീനയെ കണ്ടപ്പോൾ ദേവന് ദേഷ്യം വന്നു.....

എനിക്കു ആരുടേയും സഹായം വേണ്ട...... തനിയെ എടുക്കാൻ എനിക്കറിയാം...

അതു കേട്ടതും മീന വിളമ്പിക്കൊടുക്കുന്നതു നിർത്തി.... ടാബ്ലറ്റ് എടുത്തു മേശപ്പുറത്തു വച്ചിട്ട് വെളിയിലേക്കു നടന്നു..... 

വന്ന ദേഷ്യത്തിന് എല്ലാം കൂടി വലിച്ചെറിയാനാണ് തോന്നിയത്....... സ്വയം നിയന്ത്രിച്ചു...... ഒരു വാശിക്ക് ഭക്ഷണവും ടാബ്ലെറ്റും കഴിച്ചില്ല..... കയറിക്കിടന്നു.....

ഇത്രയൊക്കെ നടന്നിട്ടും പറഞ്ഞിട്ടും ഇവൾക്ക് ഒരുതരി ഇഷ്ടം എന്നോട് തോന്നുന്നില്ലേ..... എന്താവും  മീനയുടെ മനസ്സിൽ........ പെണ്ണിന്റെ മനസ്സ് ഒരു പടുകുഴിയാണെന്നു പറയുന്നത് എന്തു സത്യമാണ്..... എത്ര ആഴമുണ്ടെന്നോ ഉള്ളിൽ എന്താണെന്നോ അറിയാൻ പറ്റുന്നില്ല.....

ആരോ തട്ടിവിളിച്ചു...... കണ്ണു തുറന്നപ്പോൾ തുമ്പിയാണ്.... ആകെയൊരു കള്ളലക്ഷണം...... കയ്യും പിന്നിൽ കെട്ടി നിൽക്കുവാണ്...

എന്താടീ കള്ളി പെണ്ണേ......

ആ...... അവൾ വാ തുറന്നു കാട്ടിയിട്ട് എന്നോട് തുറക്കാൻ പറഞ്ഞു..... ഞാനും വാ പൊളിച്ചു..... ആ.....

വായിലോട്ടു എന്തോ ഇട്ടു.... അതുശരി... ടാബ്ലറ്റ് ആണ്..... വെള്ളം വായിലൊഴിച്ചു തന്നതും തുമ്പിയാണ്....... എന്നിട്ട് തിരിഞ്ഞു നിന്നു വാ പൊത്തി ചിരിച്ചു..... വാതിലിനരികിൽ മീന...... താൻ നോക്കുന്നതു കണ്ടപ്പോൾ തിരിഞ്ഞു പോയി..... തുമ്പിയെ എതിർക്കില്ലന്നു അവൾക്കറിയാം..... 

അച്ഛേ...... ഉവ്വാവ് പോയോ.......

കുറച്ചു കൂടി ഉണങ്ങാനുണ്ട്...... അവളുടെ കുഞ്ഞിക്കൈ എടുത്തു മുഖത്തു വെച്ചു...... 

വേന ഒന്തോ ..... 

കുറച്ചു.....

ഇനീം തുത്തിവെച്ചുവോ .......

അങ്ങനെ ആരു പറഞ്ഞു......

അമ്മ...... തുളിക തയിച്ചില്ലേൽ തുത്തിവെച്ചുന്ന്.......

പിന്നെയെന്തൊക്കെ പറഞ്ഞു നിന്റെ അമ്മ..... 

അച്ഛക്ക് അമ്മേനെ മേന്താന്നു......

ഏതമ്മയാ പറഞ്ഞേ.....

തുമ്പി സംശയത്തോടെ എന്റെ മുഖത്തു് നോക്കിയിരുന്നു...... അറിയാനുള്ള ആകാംക്ഷ കൊണ്ട് ചോദിച്ചതാ....... മീന ആണോന്നറിയാൻ......... ഒന്നുകൂടി ചോദിച്ചു....... മീനമ്മയാണോ.... അതോ മായമ്മയാണോ...... അവൾക്കു  തന്നെ സംശയമായി...... ആ കുഞ്ഞു മുഖത്ത് ആകെ ഒരു ചിന്ത...... 

ആരാണെന്നറിയാതെ ഞാൻ ഇങ്ങനെ ഇവൾക്ക്  മറുപടി കൊടുക്കും.......... മീനയാണ് ചോദിച്ചിരുന്നെങ്കിൽ പറയാമായിരുന്നു..... അമ്മയ്ക്കല്ലേ  അച്ഛയെ  വേണ്ടാത്തതെന്ന്.... പക്ഷേ മായയാണ്  ചോദിച്ചത് എങ്കിൽ ഞാൻ ഈ മറുപടി എങ്ങനെ പറയും....... ആ കുഞ്ഞു മുഖത്തിലെ ആകാംക്ഷ എന്റെ മുഖത്തേക്ക് കൂടി  പടർന്നു......

അച്ഛക്ക് ഗുളിക തരാൻ ആരാ പറഞ്ഞത്....

അമ്മ.....

അതു മീനയാണെന്നു മനസ്സിലായി..... അവൾ മുറിവിൽ പതിയെ തൊട്ടുനോക്കുന്നുണ്ട്...... തുമ്പിയുടെ മുഖത്തു നോക്കി ദേവൻ ...... അവളുടെ മുഖത്തെ വേദന കണ്ടപ്പോൾ ജയദേവന്റെ  കണ്ണുകൾ നിറഞ്ഞു....... മനസ്സിനുള്ളിൽ ആകെ  വേദന....... ഹരിയാണ്  അച്ഛൻ എന്നറിയുമ്പോൾ തീരില്ലേ  ഈ സ്നേഹം......... സ്വന്തം ചോരയല്ല എന്ന് അറിയാമെങ്കിൽ കൂടെയും മകളാണ്  മനസ്സിൽ........മീനയുമായുള്ള പ്രശ്നങ്ങളിൽ ഒരു പരിധിവരെ വിഷമങ്ങൾ മറക്കുന്നത് തുമ്പിയുടെ സാന്നിധ്യം ഉള്ളതുകൊണ്ട് മാത്രമാണ്.......... തുമ്പിയെ ചേർത്തുപിടിച്ചു...... മുറിവിൽ മുട്ടാതിരിക്കാൻ അവൾ ശ്രദ്ധിക്കുന്നുണ്ട്.......... പ്രായത്തിനേക്കാൾ പക്വത തോന്നിക്കാറുണ്ട്  ഇടയ്ക്ക്..........അതങ്ങനെയല്ലേ വരൂ....  അവളെ വളർത്തിയത് മീനയല്ലേ...... 

ജീവിതത്തിലും ഒരു റീവൈൻഡ് ബട്ടൺ ഉണ്ടായിരുന്നെങ്കിൽ......... മായയ്ക്ക് പകരം മീന ആയിരുന്നെങ്കിൽ...... ഇനി ഒന്നും പറഞ്ഞിട്ട് കാര്യമില്ല....... എല്ലാം കൈവിട്ടു പോയി..... നെഞ്ചിൽ ചൂടുപറ്റി കിടക്കുന്ന തുമ്പി പോലും.....

മാതാപിതാക്കളെ കാട്ടി കൊതിപ്പിച്ചു.... അതും തിരിച്ചെടുത്തു...... ഒരു ഭാര്യയെ തന്നു.... അതും  സ്വന്തമല്ല എന്നറിഞ്ഞു....... സ്വന്തമല്ലെങ്കിലും ഒരു മകളെ തന്നു..... അതും ശാശ്വതമല്ല എന്നറിഞ്ഞു......പിന്നെ ജീവനിൽ  ചേർത്തുപിടിക്കാൻ ഒരു പെണ്ണിനെയും കൂടി  തന്നു.....  അവളുടെ മനസ്സിൽ മറ്റൊരാൾ ആണെന്നറിഞ്ഞിട്ടും.... നെഞ്ചിൽ ഒട്ടിക്കിടക്കുന്ന താലിയിൽ അവൾ തന്റെ  സ്വന്തം എന്ന് മനസ്സ് പറഞ്ഞു......... ഇപ്പോൾ അതും ഒരു ഓർമ്മ ആവുകയാണ്........

ഇവിടെ നിന്നാൽ  പലതും കണ്ടുകൊതിക്കും...... എന്നെ ഒഴിവാക്കാൻ ആവില്ലേ മീന  മൗനം കാണിക്കുന്നത്........ അതിലും നല്ലത് സ്വയം ഒഴിയുന്നത് ആയിരിക്കും........ അവൾ അറിയുന്നില്ല ഈ മൗനത്തിനാണ് മുറിവിനെക്കാൾ വേദനയെന്നു..... 

ഓർത്തിരുന്ന്  തുമ്പിയുടെ കൂടെ മയങ്ങിപ്പോയി......... അച്ഛൻ വന്നു വിളിച്ചപ്പോഴാണ് എഴുന്നേറ്റത്......

തുമ്പി കിടന്നു മുള്ളില്ലേ  ദേവാ..... മുറിവിൽ വീണാൽ ഇൻഫെക്ഷൻ ആവില്ലേ.... കുഞ്ഞിന് അറിയില്ലല്ലോ......

സാരമില്ല അച്ഛാ...... അവളോട് വർത്തമാനം പറഞ്ഞു ഉറങ്ങിപ്പോയി..... അറിഞ്ഞില്ല.....

കുറച്ചുനേരം ഷോപ്പിലെ കാര്യങ്ങളെല്ലാം സംസാരിച്ചു........

ഞാൻ നോക്കിയാൽ ഒന്നും ശരിയാവില്ല........ എത്രയും പെട്ടെന്ന് സുഖപ്പെട്ടു വരൂ.......നിന്നെ എല്പിച്ചിട്ടു വേണം എനിക്ക് വിശ്രമിക്കാൻ..

അച്ഛൻ പറഞ്ഞതിനു മറുപടി പറയാനായില്ല ജയദേവന്......... സ്നേഹിച്ചിട്ടേയുള്ളൂ.. ഒരു മകനെ പോലെ...... സ്വന്തം മകൾ ചെയ്യുന്നത് തെറ്റാണെന്ന് അറിഞ്ഞു തന്റെ കൂടെ നിന്ന ആളാണ്....... ആദ്യത്തെ മകൾ ചെയ്തതിനു പ്രായശ്ചിത്തമെന്നോണം രണ്ടാമത്തെ മകളെ കൈ പിടിച്ചു തന്നതാണ്........ കൂടെ അവളുടെ സ്വത്തിന്റെ  നടത്തിപ്പവകാശവും....... ഒരുപാട് ആലോചിച്ചു എടുത്ത തീരുമാനം ആയിരുന്നു മീനയെ  തന്നെ ഏൽപ്പിക്കുക എന്നത്.........

അച്ഛന്  വേറെ ആരെയും വിശ്വാസമില്ലാത്തതുപോലെ....... അതുപോലെ ആയിരുന്നല്ലോ അനുഭവവും....... സ്വന്തം അനിയന്റെ മകളാണ് എന്ന് പറയുമ്പോൾ ഞാൻ കണ്ടതാണ് ആ വേദന.......... അവളോടുള്ള സ്നേഹം........

ഇപ്പോൾ ഞാൻ അനുഭവിക്കുന്ന വേദനയും അതുതന്നെയാണ്...... തുമ്പി ഹരിയുടെ മകൾ ആണല്ലോ എന്നോർക്കുമ്പോൾ.....

മീന തുമ്പിയെ വന്നു വിളിച്ചു ...... തുമ്പിക്കും മീനക്കും ഒരേ മണമാണ്......അവർ രണ്ടാളും അടുത്തുള്ള നിമിഷം തനിക്കും അതേ മണമാണ്..... ദേവൻ ഓർത്തു ........ തുമ്പിയോട് മാത്രം മീന ചിരിക്കും.....സംസാരിക്കും ......... ചാടി അവളുടെ തോളിൽ കയറി തുമ്പി.....കുട്ടിക്കൊരങ്ങു........ ഒന്നു നോക്കുക കൂടി ചെയ്യാതെ മീന അവളെയുമെടുത്തു പോയി......

ശരിക്കും നീ എന്നെ വിഷമിപ്പിക്കുന്നു മീന.....  ഒന്നുകൂടി ആഞ്ഞു കുത്താൻ പാടില്ലായിരുന്നോ  നിനക്ക്........ ഈ ഒറ്റപ്പെടുത്തൽ സഹിക്കാവുന്നതിലും അപ്പുറമാണ്.......

നാളെ ഹരി വരും എന്ന് പറഞ്ഞിട്ടുണ്ട്........ ആദ്യം അച്ഛനെ പറഞ്ഞു സമാധാനിപ്പിക്കണം......ആ  കിടപ്പിൽ മകളോട് ക്ഷമിക്കേണ്ടി വന്നു..... പക്ഷേ ഹരിയോട് ദേഷ്യം അതുപോലെ ഉണ്ട്...... അത് മീനയെ കബളിപ്പിച്ചതിലാണ്..... അച്ഛന്റെ മുറിയിലേക്ക് നടന്നു പോകുമ്പോൾ കാലുകൾ അറിയാതെ മീനയുടെ മുറിയുടെ മുന്നിൽ നിന്നു പോയി...... എന്തോ ആലോചനയിലാണ്........തുമ്പി അടുത്തിരുന്നു കളിക്കുന്നുണ്ട്...... ഇവൾക്കെന്താ ഇത്രക്ക്   ആലോചിക്കാൻ.......

ഹരിയും ഹരിയുടെ അച്ഛനും അമ്മയും ആണ് വന്നത്....... ഹരിയുടെ അച്ഛന് മീനയുടെ അച്ഛനെ നോക്കാൻ വലിയ ബുദ്ധിമുട്ടായിരുന്നു.........ഹരിയുടെ അമ്മക്ക് ഇതൊന്നും അറിയില്ലായിരുന്നു എന്നു തോന്നുന്നു...... അവർ ഇടയ്ക്കിടെ മീനയെ നോക്കുന്നുണ്ട്....... മരുമകളായി കണ്ടത് അവളെയല്ലേ..... അതാവും..... അവരുടെ മുഖത്ത് ആ ഒരു വാത്സല്യം കാണുന്നുണ്ട്....

ഹരിയെയും  മായയെയും ഒരുമിപ്പിക്കാൻ തീരുമാനിച്ചു....... ആൾക്കാർ അറിഞ്ഞാൽ എന്തൊക്കെ പറഞ്ഞു പരത്തും എന്ന് അറിയില്ല.......... അത് ഓർത്തിട്ട് എല്ലാവർക്കും നല്ല ടെൻഷൻ ഉണ്ട്....... അവർക്ക് പുതിയത് വേറെ കിട്ടുമ്പോൾ ഈ കാര്യം നിർത്തിക്കോളും എന്ന്  ദേവൻ ആശ്വസിപ്പിച്ചു....... അതിനു മുൻപ് അച്ഛൻ ദേവന്റെയും മായയുടെയും  ഒപ്പു വാങ്ങി ഡിവോഴ്സ് പേപ്പറിൽ....... ഒപ്പിടുമ്പോൾ ദേവന്റെ കണ്ണുകൾ മീനയിലായിരുന്നു....... ഇവിടെ നടക്കുന്നതൊന്നും തന്നെ ബാധിക്കുന്ന കാര്യമേ അല്ല എന്നുള്ള രീതിയിൽ നിൽപ്പുണ്ട്......അവരുടെ  കാര്യത്തിന് ഒരു തീരുമാനം ആയപ്പോൾ അടുത്തത്  തുമ്പിയുടെയും മീനയുടെയും കാര്യമായി....... അവരെ തമ്മിൽ പിരിക്കാൻ കുറച്ചു പാടാണ്...... അതിന് അച്ഛൻ പറഞ്ഞ മറുപടി.... തുമ്പി ഇവിടെ നിൽക്കട്ടെ എന്നാണ്...... മീനയോട് അവർ ചെയ്തതിന്  ഒരു പ്രായശ്ചിത്തം ആയിട്ട്......... പതിയെ അടർത്തി മാറ്റാം........

ഇനി മീനയുടെയും ദേവന്റെയും കല്യാണം രജിസ്റ്റർ ചെയ്യണം.......അച്ഛൻ പറയുന്നത് കേട്ടപ്പോൾ ദേവൻ മീനയുടെ മുഖത്തേക്ക് നോക്കി...... മീന നിലത്തേക്ക് തന്നെ നോക്കി നിൽക്കുവാണ്........

മായ എല്ലാവരുടെയും മുഖത്തേക്ക് നോക്കി........ ഹരിയാണ് പറഞ്ഞത് അവളോട് എല്ലാകാര്യവും........ അവളാകെ അന്തംവിട്ടു നിൽക്കുകയാണ്......... നീ സുഖമാകാൻ കാത്തിരുന്നതാണ് എല്ലാവരും നിന്നെ സത്യം അറിയിക്കാൻ.........  മായ ഓർത്തു....... സ്വന്തം താലി തിരികെ വാങ്ങുന്നതിനു വേണ്ടി മീനയോട് സംസാരിച്ചത്......... എന്നിട്ടും അവൾ ഒന്നും മിണ്ടിയില്ല........ ഈ അനിയത്തിയെ ആണല്ലോ ഞാൻ കുറച്ച് സ്വത്തിനുവേണ്ടി ഇല്ലാതാക്കാൻ തീരുമാനിച്ചത്............ആ  അവൾ തന്നെ വേണ്ടി വന്നു തന്റെ കുഞ്ഞിനെ സ്വന്തം അമ്മയേക്കാൾ നന്നായി നോക്കാൻ.......  മീനയുടെ മുഖത്തേക്ക് നോക്കാൻ സാധിച്ചില്ല മായയ്ക്കു........

എല്ലാവർക്കും ചായ എടുക്കാൻ മീന അടുക്കളയിലേക്ക് പോയി....... ഹരിയുടെ അമ്മ അവൾക്കൊപ്പം പോയി.......

മീനു.. നിനക്ക് ആരോടും ദേഷ്യം തോന്നുന്നില്ലേ മോളെ..... എനിക്ക് അറിയില്ലായിരുന്നു ഒന്നും.... അറിഞ്ഞിരുന്നെങ്കിൽ ഞാൻ നിനക്ക് ഒരു സൂചനയെങ്കിലും തന്നേനെ........ സാരമില്ല..... ഇതിപ്പോൾ ഹരിയേക്കാൾ നല്ലവൻ തന്നെയാണ് ജയദേവ്......... നിന്നെ പൊന്നുപോലെ നോക്കും....... ഒന്നും ഓർത്ത് വിഷമിക്കരുത് കേട്ടോ.........

മീന എല്ലാം കേട്ട് തലയാട്ടി എന്നല്ലാതെ മറുപടി ഒന്നും തന്നെ പറഞ്ഞില്ല......ഇതെല്ലാം കേട്ടുകൊണ്ടും കണ്ടുകൊണ്ടും ജയദേവ് നിൽപ്പുണ്ടായിരുന്നു....... മീനയുടെ മൗനവ്രതം അയാളെ ശരിക്കും ദേഷ്യം പിടിപ്പിക്കുന്നുണ്ട്..... ഹരിയുടെ അമ്മ അവൾക്കരികിൽ നിന്നും മാറിയപ്പോൾ ജയദേവ് മീനയുടെ അരികിലേക്ക് ചെന്നു..... 

ഹരിയെ പിരിഞ്ഞതിലുള്ള വിഷമം ആണോ ഈ കാണിക്കുന്നത്....... അതോ ഞാൻ സ്വാതന്ത്രയാക്കിയല്ലോ എന്നുള്ള സന്തോഷമാണോ ഈ മിണ്ടാതിരിരിക്കുന്നതിന്റെ കാരണം..... 

ഒന്നും മിണ്ടാതെ മീന ചായയും എടുത്തു പോയി...... ദേഷ്യം വന്ന ദേവൻ വാതിൽപ്പടിയിൽ ആഞ്ഞടിച്ചു...... വയറിനു സൈഡിലൂടെ ഒരു കൊള്ളിയാൻ മിന്നിപ്പോയി...... വയറിൽ കൈ പൊത്തിപിടിച്ചു നിന്നുപോയി കുറച്ചു നേരം....

കണ്ണുതുറന്നപ്പോൾ മീന ചായയും കൊണ്ട് അടുത് നിൽപ്പുണ്ടായിരുന്നു.... തലയും കുനിച്ചു....... ചായ നീട്ടി....

എനിക്ക് വേണ്ട.....

അതും പറഞ്ഞു അവളെ കടന്നു പോയി....... എങ്ങോട്ടെങ്കിലും ഇറങ്ങി പോവാൻ തോന്നുന്നു....... മുറിയിൽ പോയി കിടന്നു......

ഹരിയുടെ വീട്ടുകാർ ഉണ്ടായിരുന്നതുകൊണ്ട് മാത്രം മനസ്സിലെ വിഷമം മുഖത്ത് കാട്ടാതെ അവരുമായി പോയിരുന്ന ഒരുമിച്ച് ചോറുണ്ടു......... ചോറുവിളമ്പി തന്നത് മീനയാണ്......... എതിർക്കാനും പറ്റിയില്ല........ തുമ്പി ഇരുന്നതും തന്റെ കൂടെയാണ്.........ചോറു വാരിക്കൊടുത്തു...... ഇടയ്ക്കു തനിക്കും തരുന്നുണ്ട്....... ഇടയിൽ മീനയുടെ കയ്യിലേക്ക് പോകും...... പിന്നെയും തന്റെ മടിയിൽ വരും..... തുമ്പി മീനയുടെ കൈ പിടിച്ചു ദേവന്റെ അടുത്ത് നിർത്തി......

അച്ഛേ ഇനി അമ്മത്ത് .... എപ്പോഴത്തെയും പോലെ തുമ്പി മീനയെ ചൂണ്ടിക്കാണിച്ചു ...... 

ഈശ്വരാ ചതിച്ചു....... ഈ പെണ്ണിന്റെ കാര്യം...... ദേവൻ മീനയെ നോക്കി........ അവൾ ആകെ ഞെട്ടിനിൽക്കുവാണ് .... കൈ വിടുവിക്കാൻ നോക്കുന്നുണ്ട്..... തുമ്പി വിടുന്നില്ല........ അതെല്ലാം നോക്കി ബാക്കിയുള്ളവരും.....

അടി വാങ്ങും തുമ്പി നീ...... മര്യാദക്ക് കഴിച്ചിട്ട് പോ........ മീന ദേഷ്യത്തിൽ കൈ വിടുവിച്ചു പറഞ്ഞു...... 

ഞാനെന്നാ ചെയ്തേ...... അമ്മയെ സ്നേഹിച്ചതല്ലേ.... എന്നുള്ള രീതിയിൽ മീനയെയും ദേവനെയും മാറി മാറി നോക്കുന്നുണ്ട്....... എല്ലാവരുടെയും മുന്നിൽ വച്ചു വഴക്കു പറഞ്ഞതിന്റെ വിഷമം വേറെ..... 

തുമ്പിയുടെ ചുണ്ടെല്ലാം വിതുമ്പി വരുന്നുണ്ട്..... കരയാൻ തയ്യാറായി.......... ദേവൻ ദേഷ്യത്തിൽ മീനയെ നോക്കി.......

സാരമില്ല..... കരയണ്ടാട്ടോ...... അച്ഛ അമ്മയെ വഴക്കു പറഞ്ഞോളാം.........

മ്മ്...... അച്ചണ്ട ഛേ...തുമ്പി ഒന്നാശ്വസിച്ചു...... ദേവന്റെ നെഞ്ചിലേക്ക് ചേർന്നു....... 

ഹരിയുടെ നോട്ടം മുഴുവൻ തുമ്പിയിലും മീനയിലും ആയിരുന്നു........ തുമ്പിയെ നോക്കിക്കോട്ടെ.......... പക്ഷേ എന്തിനാണ് മീനയെ നോക്കുന്നത്........ അതു കാണുമ്പോൾ തനിക്ക് എന്തിനാണ് ദേഷ്യം തോന്നുന്നത്...... ദേവൻ ഓർത്തു...... പോകുന്നതിനു മുൻപ് ഹരി എന്തൊക്കെയോ മീനയോട് പറയുന്നുണ്ടായിരുന്നു....... എല്ലാം കേട്ട് കുനിഞ്ഞു  നിൽപ്പുണ്ട്.......

ഹരി മീനയോട് മിണ്ടുന്നതു സഹിക്കാൻ കഴിയുന്നില്ല...... ഇവൾക്ക് ഹരിയുടെ അടുത്തു നിന്നും മാറിപ്പൊയ്ക്കൂടെ...... മനുഷ്യനെ വെറുതെ വിഷമിപ്പിക്കാൻ...... മീന പെട്ടെന്നു ദേവന്റെ മുഖത്തേക്ക് നോക്കി..... അവിടെ ദേഷ്യം കണ്ടതുകൊണ്ടാവും അവൾ അകത്തേക്ക് പോയി...... മീന ഹരിയെ ഒന്ന് തിരിഞ്ഞു പോലും നോക്കാതെ കടന്നുപോയപ്പോൾ ദേവന്റെ മനസ്സിൽ ചെറിയൊരാശ്വാസം പോലെ തോന്നി.......മനസ്സ് തെളിഞ്ഞു... ഇനി ഇതാണോ പെണ്ണിന്റെ മാത്രം കുത്തക ആണെന്ന് പറയപ്പെടുന്ന  കുശുമ്പ് എന്ന വികാരം ....... ദേവൻ ഓർത്തു....... 

സ്നേഹബന്ധനം 11

തുമ്പി മാത്രമാണ് ദേവന്റെ ഏക ആശ്രയം..... ഇടയ്ക്കു മായ വരും മുറിയിലേക്ക് ......കുറച്ചു നേരം സംസാരിച്ചിരിക്കും........ പഴയതെല്ലാം മറന്ന് ദേവനും........  വേദന നന്നായിട്ടു മാറി വരുന്നുണ്ട്...... തുമ്പിയാണ് ഇപ്പോഴും മരുന്ന് തരുന്നത്...... മീന തരുമ്പോൾ വാങ്ങാറില്ല...... ആദ്യം നിന്റെ മൗനത്തിനു കാരണം പറ...... എന്നിട്ട് വാങ്ങാം..... എങ്കിലും ഒന്ന് നിർബന്ധിച്ചു കഴിപ്പിച്ചു കൂടെ ഇവൾക്ക്..... അതുമില്ല........ 

തുമ്പിയുടെ കുഞ്ഞുവായിൽ നിന്നും അവളുടെ അമ്മയുടെ കാര്യങ്ങൾ കേൾക്കാൻ രസമാണ്.....  മായയെ അമ്മ എന്നു വിളിക്കില്ല അവൾ...... മായമ്മയാണ് മായ........ അമ്മ അവളു കണ്ടു വളർന്ന മീന തന്നെയാണ്..... സ്നേഹവും കൂടുതൽ അവളോട്‌ തന്നെ....... കുറച്ചു നേരം പോലും കാണാതിരിക്കാൻ പറ്റില്ല.... തേടിച്ചെല്ലും......

അങ്ങനെ പറഞ്ഞുകൊണ്ടിരുന്നപ്പോഴാണ് അമ്മ ഇന്നലെ കരഞ്ഞെന്നു പറഞ്ഞത്...... 

എന്തിനാ നിന്റെ അമ്മ കരഞ്ഞത്.....

ആ......അരിയൂല ..... അവൾ കൈ മലർത്തി കാണിച്ചു..... 

ഇനി അമ്മ കരഞ്ഞാൽ തുമ്പി കെട്ടിപ്പിടിച്ചു പറയണം... കരയണ്ട.... അമ്മക്ക് ഞാനില്ലേന്ന്.... പറയുവോ.....

മ്മ്.... തലയാട്ടി..... അപ്പോ അച്ഛ ഇല്ലേ......

അച്ഛയും ഉണ്ട്....... എന്നാലും തുമ്പിയോടല്ലേ അമ്മക്ക് ഏറെയിഷ്ടം......

മ്മ്..... അതിനും തലയാട്ടി..... എത്ര ഉമ്മ കൊടുത്താലും മതിയാവില്ല കള്ളിപ്പാറുവിന്.....

ഒരു രാത്രി മായയുടെ കൂടെ കിടക്കാൻ ചെന്ന മീനയെ മായ തടഞ്ഞു.....

നിനക്കു എങ്ങനെ കഴിയുന്നു മീനു.... എന്നെ വിശ്വസിച്ചു കൂടെ കിടക്കാൻ.....വിശ്വസിച്ചു ഒന്ന് കണ്ണടയ്ക്കുവാൻ......നിന്റെ സ്നേഹം കാണുമ്പോൾ വിഷമം കൂടി വരികയാണ്..... ചിലപ്പോൾ തോന്നാറുണ്ട് തുമ്പിയിലൂടെ നിന്നോട് ചെയ്തതിനെല്ലാം പ്രായശ്ചിത്തം ചെയ്യണം ന്ന്.......

നീ ഭാഗ്യം ചെയ്തവളാണ് മീനു .... ഇതുപോലെ നിന്നെ സ്നേഹിക്കുന്ന ഒരാളെ നിനക്ക് വേറെ കിട്ടില്ല മോളെ...... അത്രയും കാലം കൂടെ കഴിഞ്ഞിട്ടും ഒന്നു തൊട്ടിട്ടു കൂടിയില്ല എന്നെ...... ഇത്രയൊക്കെ ചെയ്തിട്ടും എന്റെ തുമ്പിയെ സ്വന്തം പോലെയല്ലേ നോക്കുന്നത്.........

ഇനിയും ഞാൻ നിങ്ങളെ രണ്ടാളെയും പിരിക്കുന്നില്ല .... പോയി ദേവേട്ടന്റെ കൂടെ കിടന്നോളൂ.... എനിക്കിപ്പോൾ ഒരു കുഴപ്പവുമില്ല..... പൊക്കോളു...... മായ നിർബന്ധിച്ചു മീനുവിനെ പറഞ്ഞ് വിട്ടു..... 

മീനു വെളിയിലേക്ക് നടന്നു..... തൂണിൽ ചാരിയിരുന്നു...... പിരിയണ്ടന്നോ...... എപ്പോഴേ പിരിഞ്ഞു കഴിഞ്ഞു......... ശരിക്കും വിഡ്ഢിവേഷം കെട്ടിയത് ഞാനല്ലേ......എല്ലാവരും അവരവരുടെ സ്വാർത്ഥത ക്കുവേണ്ടി തന്നെ ഒരു വിഡ്ഢി ആക്കുവായിരുന്നു..... അച്ഛന് പറയാമായിരുന്നു...... എന്തിനു.... അദ്ദേഹത്തിന് പറയാമായിരുന്നു..... ഒന്നും പറയാതെ കൊണ്ടു നടന്നിട്ട് അവസാനം എന്നെക്കൊണ്ട് ഒരു കൊടുംപാതകവും ചെയ്യിച്ചു..... ഇന്നും ഓർക്കുമ്പോൾ ശരീരം വിറക്കും...... കയ്യിൽ ചോര ഉണ്ടെന്നു തോന്നും..... ഉറങ്ങിയിട്ടില്ല സമാധാനത്തോടെ...... അതിനു ശേഷം....

ദേവേട്ടൻ ഒന്ന് പറഞ്ഞിരുന്നെങ്കിൽ ഞാൻ വിശ്വസിക്കുന്നില്ലെങ്കിലും കുറച്ചെങ്കിലും മറുത്തൊന്നു  ചിന്തിക്കാൻ പറ്റിയേ നെ........ അന്ന് പറഞ്ഞത് എത്ര ശരിയാണ്... വെറുപ്പ് അവസാനിക്കുമ്പോൾ മനസ്സിൽ   കുറച്ചെങ്കിലും ജയദേവ് ഉണ്ടാകുമെന്ന്....... ശരിയാണ്....... കുറച്ചല്ല...... ഇപ്പോൾ മുഴുവനും ജയദേവ് ആണ്......... ആ മനസ്സിൽ പക്ഷെ എന്നോട് ദേഷ്യം ആവും ഉണ്ടാവുക ........ ഞാൻ കണ്ടതാണല്ലോ..... ഒന്ന് തൊടാൻ കൂടി സമ്മതിച്ചിട്ടില്ല....... അല്ലെങ്കിൽ തന്റെ അനക്കം പോലും മനസ്സിലാക്കി മുതലെടുക്കുന്നയാളാണ്.......ഒളിഞ്ഞും തെളിഞ്ഞും തന്നെ ചേർത്തു പിടിക്കാനുള്ള  അവസരങ്ങൾ ഒന്നും കളയാത്ത ആളാണ്‌............  ഇനി അതൊന്നുമുണ്ടാവില്ല........ താലിയുടെ ബലത്തിലാണ്   അങ്ങനെയൊക്കെ ദേവേട്ടൻ ചെയ്തതെന്നറിയാം..... അറിയാതെ കഴുത്തിലേക്ക് കൈകൾ കഴുത്തിലേക്ക് നീണ്ടു........ ഒരിക്കൽ അതൊരു ബന്ധനം ആയിട്ടു തോന്നിയതാണ്...... ഇന്ന് അതിനു വേണ്ടി കൊതിക്കുകയാണ്......

തന്നോട് നല്ല ദേഷ്യമുണ്ട്...... അത് കൂട്ടണ്ടാന്നു  വെച്ചാണ് മിണ്ടാതിരിക്കുന്നത്....... അടുത്തേക്ക് ചെല്ലാത്തത്......  ക്ഷമിക്കാൻ ആവില്ല എന്നോട് ഒരിക്കലും....... മുറിയിലേക്ക് നടന്നു..... ഷെൽഫിൽ നിന്നും ഒരു കവറിൽ സൂക്ഷിച്ചുവച്ചിരുന്ന ആ സാരി എടുത്തു......ദേവന്റെ രക്തം തുടച്ച സാരി.....എടുത്തു മുഖത്തേക്ക് ചേർത്ത് വച്ചു കരഞ്ഞു...... നെഞ്ചിൽ ചേർത്തുവച്ചു നിലത്തു കിടന്നു...... അറിയാതെ മയങ്ങി.......

തുമ്പി ദേവേട്ടന്റെ കൂടെയാണ്.... ഉറക്കത്തിൽ കാലെടുത്തു ദേഹത്തിടും...... മുറിവിൽ തട്ടിയാലോ......... മീന എണീറ്റു ദേവന്റെ മുറിയിലേക്ക് നടന്നു....... ദേവന്റെ കയ്യിൽ തല വെച്ചു സുഖമായി ഉറങ്ങുവാണ് അവൾ...... കുറച്ചു നേരം നോക്കി നിന്നു മീന..... അന്നത്തെ പോലെ കൈ നീട്ടി തന്നെയും കൂടിയൊന്നു സ്വീകരിച്ചിരുന്നുവെങ്കിൽ.....

തുമ്പിയെ അദ്ദേഹത്തിൽ നിന്നും അകറ്റാൻ താനും നോക്കിയതാണ്..... തനിച്ചാക്കിയതിൽ ഒരു കാരണക്കാരി ഞാൻ കൂടിയാണ്..... ആ വേദന എനിക്കിപ്പോൾ മനസ്സിലാവുന്നുണ്ട്.... എല്ലാവരും ഉണ്ടായിട്ടും  ഒറ്റപ്പെട്ട അവസ്ഥ...... നമ്മൾ ചെയ്യുന്നതിന്റെ ഫലം നമുക്കും ഒരിക്കൽ അനുഭവിക്കേണ്ടി വരും.....

സമ്മതിച്ചാൽ ഒരിക്കലെങ്കിലും കാലിൽ വീണു മാപ്പു ചോദിക്കണം..... കൂടെ ജീവിക്കാൻ അനുവദിക്കുമെങ്കിൽ.... ആ താലി ബന്ധനവും ബാധ്യതയുമല്ലാതെ നെഞ്ചോടു ചേർത്തിടണം........... ഒരു പുണ്യം പോലെ..... നെറ്റിയിലെ സിന്ദൂരക്കറ മായാതെ ഒന്നുകൂടി ചുവപ്പിക്കണം..... 

തുമ്പിയെ എടുക്കാൻ വന്നതാണെങ്കിൽ വേണ്ട........ അവളിന്ന് എന്റെ കൂടെ കിടന്നോളും.........  ശബ്ദം കേട്ടു ചിന്തയിൽ നിന്നും മാറി മീന ദേവനെ നോക്കി  ...... ദേവൻ ബെഡിൽ എഴുന്നേറ്റിരുന്നു..... മീന അയാളുടെ കാൽക്കീഴിൽ വന്നിരുന്നു....... ബെഡിലേക്ക് മുഖം അമർത്തി പറഞ്ഞു...... 

എന്നോട് ഒരിക്കലും ക്ഷമിക്കാൻ പറ്റില്ലെന്നറിയാം...... ഇപ്പോൾ വെറുപ്പാണെന്നും അറിയാം..... എങ്കിലും ആ നിമിഷം അറിയാതെ ചെയ്തു പോയതാണ്..... അന്ന്... അങ്ങനെ ഒരവസ്ഥയിൽ ഹരിയേട്ടനെ കാണാൻ പറ്റാഞ്ഞിട്ടാ ഞാൻ....... 

ഓഹ്.... അന്നും കാമുകനെ രക്ഷിക്കാനായിരുന്നു ധൃതി...... മീന ഒന്നോർത്തില്ല...... അപ്പോഴും ഞാൻ നിന്റെ ഭർത്താവായിരുന്നു.......എന്നെ ഏതൊരാവസ്ഥയിലും നിനക്കു കാണാൻ പറ്റും അല്ലേ.....എനിക്കറിയാം അന്നും ഇന്നും നിന്റെ മനസ്സിൽ ഹരിയാണ്..... എന്തിനു ഇപ്പോഴും മനസ്സിൽ അവൻ തന്നെയല്ലേ......

മീന ദേഷ്യത്തിൽ ദേവനെ നോക്കി...... അന്നും ഇന്നും ഞാൻ വേറൊരു പെണ്ണിന്റെ ഭർത്താവിനെ ആഗ്രഹിച്ചിട്ടില്ല.... അത്  നിങ്ങളെക്കാൾ നന്നായി വേറെയാർക്കും അറിയുകയുമില്ല.... മാത്രമല്ല ഞാൻ അന്നൊന്നും നിങ്ങളെ ഭർത്താവായി കണ്ടിട്ടില്ല..... മീന മുഖം വെട്ടിച്ചു പറഞ്ഞു...

എല്ലാം പറഞ്ഞിട്ടുകൂടി നീയെന്നെ അങ്ങനെ കാണാൻ തയ്യാറല്ല......... അന്ന് മാത്രമല്ല.... ഇന്നും.... എന്നും.....അതുകൊണ്ടല്ലേ താലി വേണമെന്നു പറഞ്ഞപ്പോൾ ഒരു മടിയും കൂടാതെ തിരിച്ചു തന്നത്...... ഒരു പെണ്ണും ചെയ്യാത്ത...... മടിക്കുന്ന കാര്യം.....ചോദിക്കാൻ കാത്തിരിക്കും പോലെ...,ദേവൻ ദേഷ്യത്തിൽ മുഖം തിരിച്ചു......

മീന വിഷമത്തോടെ ദേവന്റെ മുഖത്തേക്ക് നോക്കി പറഞ്ഞു.......

ഒരിക്കലുമില്ല...... ആ താലിയെക്കാൾ നിങ്ങളുടെ കണ്ണുനീരിനു വില കൊടുത്തതുകൊണ്ടു മാത്രമാണ് അന്നത് തന്നത്..... അല്ലാതെ.....

മീന അന്നു മാത്രമേ ഞാൻ കരയുന്നത് കണ്ടുള്ളൂ..... ഈ വീട്ടിൽ വന്നു കയറിയപ്പോൾ മുതൽ കരയുന്നതാണ് ഞാൻ..... പിന്നീട് മീനയെ ഓർത്തായി.... അല്ലെങ്കിൽ പറ എനിക്കു സന്തോഷിക്കാൻ എന്തെങ്കിലും നിന്റെ ഭാഗത്തു നിന്നും ഉണ്ടായിട്ടുണ്ടോ....... 

അന്ന് എന്റെയരികിൽ ഓടി വരുമെന്ന് ഞാൻ പ്രതീക്ഷിച്ചു.... ഞാൻ ആഗ്രഹിച്ചത് ആ സമയത്തു നീയെന്നെ ചേർത്തു പിടിക്കണമെന്നായിരുന്നു...... പക്ഷേ നിന്റെ മടിയിൽ ഹരിയുടെ ശരീരമായിരുന്നു.... കൈകളിൽ അവന്റെ മുഖമായിരുന്നു...... മുറിവിനെക്കാൾ വേദന ആയിരുന്നു ആ കാഴ്ച്ചക്ക്.....എനിക്കു സ്വന്തം എന്നു വിശ്വസിക്കുന്ന രണ്ടു പേരും ഞാൻ വെറുക്കുന്നവന് സ്വന്തം..... എന്റെ മനസ്സിൽ അന്നു തുടങ്ങിയ വെറുപ്പാണ് നിന്നോട്.... അതിന്നും ഓർക്കുമ്പോൾ കൂടി വരുന്നു..... കുറച്ചു നേരം ദേവൻ മിണ്ടാതെ ഇരുന്നു.........

ഒരുപക്ഷേ എന്നെയൊന്നു ചേർത്തു പിടിച്ചിരുന്നെങ്കിൽ ഞാൻ നിന്നോട് ക്ഷമിച്ചേനെ..... പിന്നീട് ഉണ്ടായിരുന്നത് സഹതാപത്തിന്റെ പേരിലുള്ള ശുശ്രുഷ ആയിരുന്നു..... അന്ന് ഞാൻ കരഞ്ഞത് അവസാനമായാണ്....ഇനി നിന്നെയോർത്തു കരയാൻ എനിക്കു മനസ്സില്ല മീന ..... ഉപേക്ഷിച്ച ബന്ധങ്ങൾ ഒക്കെയും അങ്ങനെ തന്നെ ഇരിക്കട്ടെ..... ജീവിതത്തിൽ ഏറ്റവും ആവശ്യം പണമോ പദവിയോ അല്ല.... സമാധാനമാണ്..... അതെനിക്ക് വേണം...... ഇനിയെങ്കിലും...... ദേവൻ മനസ്സിലുണ്ടായിരുന്ന ദേഷ്യമെല്ലാം മീനയോട് പറഞ്ഞു തീർത്തു..... 

ഞാനായിട്ട് ആരുടേയും സമാധാനം കളയില്ല.... ജീവിതത്തിലേക്ക് തിരിച്ചു വിളിക്കാനും പറയില്ല.... അറിയാം എന്നിലുള്ള വിശ്വാസം നഷ്ടപ്പെട്ടെന്ന്..... എന്നോട് ക്ഷമിക്കണമെന്നു പറയാൻ മാത്രമാണ് വന്നത്.... ഒന്നും ഞാൻ അറിഞ്ഞിരുന്നില്ല....... ഒന്നും...... അറിഞ്ഞിരുന്നെങ്കിൽ....... മീനയുടെ വാക്കുകൾ മുറിഞ്ഞു.....

അറിഞ്ഞിരുന്നെങ്കിൽ....... അറിഞ്ഞിരുന്നെങ്കിലെന്താ...... ഒന്നുകൂടി ആഴത്തിൽ കുത്തിയിറക്കിയേനെ അല്ലേ..... ദേവൻ ഒച്ചയുയർത്തി ചോദിച്ചു.....

മീന ദയനീയമായി ഒന്നു നോക്കി.... എഴുന്നേറ്റു.... ഒന്നും പറയാതെ പോയി.... 

ഞാൻ അവളോട്‌ ക്ഷമിച്ചാൽ മാത്രം മതിയെന്ന്...... കൂടെ ജീവിക്കാൻ ഇഷ്ടമില്ലെന്നല്ലേ അതിനു അർത്ഥം.... ഞാൻ വീണ്ടും വിഡ്ഢി ആകുവാണോ..... കേട്ടറിവുള്ള നരകത്തിനേക്കാൾ ഭയാനകമാണ് പെണ്ണിന്റെ ചതി..... ഏതവസ്ഥയിലേക്കാണ് അത് കൊണ്ടുപോകുന്നതെന്ന് നമുക്കു പോലും അറിയാൻ പറ്റില്ല.......

മായയ്ക്ക് ഇങ്ങനെ ഒരപകടം നടന്നില്ലായിരുന്നുവെങ്കിൽ ഒരിക്കലും ഞാൻ ക്ഷമിക്കില്ലായിരുന്നു..... മീന അറിയാതെ ചെയ്തതാണെങ്കിലും .... എല്ലാം അറിഞ്ഞിട്ടും കൂടി അവളുടെ രീതികൾ എന്നെ ഭയപ്പെടുത്തുന്നു.... ഇനി ഒരു പരീക്ഷണം വയ്യ.... 

മീന മുറിയിൽ കണ്ണടച്ചു കിടന്നു...... ദേവൻ പറഞ്ഞതെല്ലാം ഓർത്തു..... ആരുടെയും മുന്നിൽ നിന്ന് പൊട്ടിക്കരഞ്ഞു ശീലമില്ല.... അതുകൊണ്ടാണ് പെട്ടെന്നു ഇങ്ങ് പോന്നത്..... എല്ലാം പറഞ്ഞു തീർക്കാമെന്നു കരുതി പോയതാണ്..... ക്ഷമിക്കുമെന്ന് കരുതി പക്ഷേ...... ഒരിക്കലും ദേവന് താൻ ഒരു ശല്യമാകരുതെന്ന് മനസ്സിൽ തീരുമാനിച്ചു ഉറപ്പിച്ചു  മീന ആ രാത്രിയിൽ .......

പിറ്റേന്ന് ദേവന് മീനയെ ഒന്നു കാണാൻ കൂടി കിട്ടിയില്ല...... തുമ്പി ഇടയ്ക്കിടെ വന്നുപോകും..... അവളോട്‌ പറഞ്ഞുവിട്ടു അമ്മയെ ഒന്നു വിളിക്കാൻ.... ഞാൻ വിചാരിച്ചു ഉടനെ വരുമെന്ന്..... ആ കുഞ്ഞിപ്പാറു കളിച്ചു ചിരിച്ചു നടന്നിട്ട് അവൾക്ക് തോന്നിയപ്പോഴാ പോയി പറഞ്ഞത്..... ആഹാ.... ചാകാൻ കിടക്കുമ്പോൾ അവളോടു വെള്ളം ചോദിക്കരുതെന്ന് അവൾ പറയാതെ പറഞ്ഞു..... ദേവൻ ചിരിച്ചു നോക്കിയത് മീനയുടെ മുഖത്തേക്കാണ്..... ചിരി മാഞ്ഞു..... അവൾ മേശയിൽ ചാരി നിലത്തേക്ക് നോക്കി നിന്നു .... 

ഞാൻ നാളെ പോകും......

എവിടെ എന്നുള്ള രീതിയിൽ മീന ദേവന്റെ മുഖത്തേക്ക് നോക്കി...

ഇനിയിവിടെ ഏത് ബന്ധത്തിന്റെ പേരിൽ നിൽക്കുവാ ഞാൻ..... അച്ഛനോട് പോയിട്ടു വരുമെന്നേ പറയു......അദ്ദേഹത്തിനെ വിഷമിപ്പിക്കാൻ വയ്യ....... കൂടെ നിന്നത് അദ്ദേഹം മാത്രമാണ്..,.. സ്നേഹത്തിനുമപ്പുറം നന്ദിയാണ് അദ്ദേഹത്തോട്.......മീന പറഞ്ഞതുപോലെ ഈ ബന്ധത്തിന് ആയുസ്സ് തീരെ കുറവായിരുന്നു.......... അതിനു ജനിക്കാത്ത ബന്ധത്തിന് എങ്ങനാ ആയുസ്സ് ഉണ്ടാവുക ല്ലേ ...മീന നിന്നു ബുദ്ധിമുട്ടണമെന്നില്ല ... പൊയ്ക്കോളൂ ...... അവളുടെ നിൽപ്പു കണ്ടപ്പോൾ അങ്ങനെ പറയാനാണ് തോന്നിയത്..... ഒന്നും മിണ്ടാതെ അവളും പോയി...... 

*********--***********-*-********************

ഒരു യാത്ര കഴിഞ്ഞു വന്ന് വീട് തുറന്നതും നിലത്തു കിടക്കുന്ന ഒരു ലെറ്റർ ആണ് കണ്ണിൽ പെട്ടത്...... തിരിച്ചു നോക്കി..... അച്ഛനാണ്....... ഒരു വർഷം ആകുന്നു  അവിടെ നിന്നും പോന്നിട്ട്....... വല്ലാത്തൊരു ആഗ്രഹത്തോടെ അതു പൊട്ടിച്ചു......... 

ദേവന്... 

സുഖമാണോ നിനക്കു...... ഇവിടെ നിന്നും പോകുമ്പോൾ തിരിച്ചു വരും എന്നാണ് നീ പറഞ്ഞത്...... കുറച്ചു ദിവസങ്ങൾ കഴിഞ്ഞപ്പോൾ മനസ്സിലായി അതു വെറുതെ ആണെന്ന്...... അല്ലെങ്കിൽ നീ നിന്റെ മൊബൈൽ നമ്പർ മാറ്റില്ലായിരുന്നല്ലോ..... പക്ഷേ നീ വെറുതെ പറഞ്ഞതാണെങ്കിലും അതു വിശ്വസിച്ചു ഒരാൾ ഇവിടെ ഇരുപ്പുണ്ട് വഴിയിലേക്ക് നോക്കി..... മീനു....... ഇനിയും പറഞ്ഞില്ലെങ്കിൽ അവളുണ്ടാവില്ലന്നു തോന്നി.... അവളുടെ ജീവനും ജീവിതവും  തുമ്പിയിലേക്കു മാത്രം ഒതുങ്ങിയിരിക്കുന്നു.....എനിക്കു പേടിയുണ്ട് മോനേ .... തുമ്പി തിരിച്ചറിവിലേക്ക് വരുമ്പോൾ മീനു തനിച്ചാവില്ലേ..... മുഴുഭ്രാന്തിയായി മാറും.....  ഇന്നലെയാണ് ഞാൻ അറിഞ്ഞത് അവൾക്കുള്ളതെല്ലാം മായയുടെയും ഹരിയുടെയും പേരിൽ ആക്കിയെന്ന്..... അവൾ പറഞ്ഞില്ല എന്നോട് ഇതുവരെ...... അഭിപ്രായം പോലും ചോദിച്ചില്ല എന്നോട്....സ്വയം ശിക്ഷിക്കും പോലെയാണ് അവളുടെ ഓരോ പ്രവർത്തിയും......അവളെ സ്വീകരിക്കാൻ പറയില്ല അച്ഛൻ....... നിനക്കു ക്ഷമിക്കാൻ ആവില്ലായിരിക്കും...... എങ്കിലും അവളോട്‌ ഒന്നു സംസാരിക്കണം നീ.....ആ മനസ്സൊന്നു തണുപ്പിക്കാൻ നിന്നെക്കൊണ്ടേ കഴിയു.....ഞാൻ ഇല്ലാതായാൽ ആരുമുണ്ടാവില്ല അവൾക്ക്..... ശരീരത്തിന് ക്ഷീണമില്ലെങ്കിലും പലതും കാണുമ്പോൾ മനസ്സ് തളരുന്നു..... അങ്ങോട്ട്‌ നിന്നെ കാണാൻ വന്നാൽ ആ ദിവസങ്ങളിൽ മീനു തനിച്ചാവും...... അച്ഛന്  പേടിയുണ്ട് ......... നീ വരുമെന്ന് അച്ഛൻ വിശ്വസിക്കുവാ ദേവാ .......

 നിർത്തുന്നു..... 

ദേവൻ ആ പേപ്പർ പിടിച്ചു ഒരേ നില്പു നിന്നു.... 

മീനമ്മാ....... നീയെന്നെ വീണ്ടും വീണ്ടും തോൽപ്പിക്കുവാണോ....  ദേവൻ മനസ്സിൽ ചോദിച്ചു......... 

സ്നേഹബന്ധനം 12

ആ ലെറ്ററും നെഞ്ചിൽ വെച്ചു ദേവൻ ഓർത്തു....അവിടെ നിന്നും പോന്നതിനു ശേഷം മീനയെയും തുമ്പിയെയും മറക്കാൻ കൂടി വേണ്ടിയാണു യാത്രകൾ പോകാൻ തുടങ്ങിയത്...... കുറച്ചു നാൾ കറങ്ങിത്തിരിഞ്ഞു...... കുറച്ചേറെ കാഴ്ചകൾ കണ്ടു........ മനസ്സ് കൈവിട്ടു പോകുമ്പോൾ ഇങ്ങനെ ഒരു ലോങ്ങ്‌ ഡ്രൈവ് നടത്തും....... എങ്കിലും തുമ്പിയുടെ പ്രായത്തിലുള്ള കുഞ്ഞുങ്ങളെ കാണുമ്പോൾ ഒരു വിങ്ങലാണ്..... മനസ്സ് നീറും...അതു ചെന്നെത്തുന്നത് മീനയിലും...... അവർ അവിടെ എന്താ എങ്ങനാ എന്നൊന്നും അറിയാൻ ശ്രമിച്ചില്ല...... അവർക്ക് സുഖമാണോ എന്നു പോലും അന്വേഷിച്ചിട്ടില്ല..... ഒരു തിരിഞ്ഞു നോട്ടം ഉണ്ടായാൽ അതിൽ നിന്നും പിൻന്തിരിയാൻ ബുദ്ധിമുട്ടാണ്..... ദൂരെയാണെങ്കിലും മനസ്സു മുഴുവൻ ആ രണ്ടു പെണ്ണുങ്ങളാണ്.... തനിച്ചിരിക്കാൻ തീരെ ഇഷ്ടപ്പെടാറില്ല..... മനസ്സ് അവരിലേക്ക് പോകും..... പിന്നെ ശരീരം ഞാൻ പറയുന്നത് അനുസരിക്കില്ല..... 

ഈ ഒളിച്ചുകളി അവസാനിപ്പിക്കണം....... അവർ രണ്ടാളും ഇല്ലാതെ ദേവൻ ഇല്ല.... തനിച്ചു മടുത്തു.....കാന്താരിയെയും അവളുടെ അമ്മയെയും കാണണം.....ഒന്നുമറിയാതെ ചെയ്തുകൂട്ടിയതിന് താനും കൂടിച്ചേർന്ന് മീനയെ ശിക്ഷിച്ചു...... അങ്ങനെയൊരവസ്ഥയിൽ അവളോട്‌ താഴാനും തോന്നിയില്ല.... ഒരു ചെറിയ അകൽച്ച മാത്രമേ ഉദ്ദേശിച്ചുള്ളൂ...... പക്ഷേ ഇതു കുറച്ചു കൂടിപ്പോയി..... കുറച്ചല്ല.... ഒരുപാട്.... അവൾ ക്ഷമിക്കുമോന്ന് അറിയില്ല... എങ്കിലും കാണണം.......

ഉറക്കം കാടാക്ഷിച്ചതെയില്ല.....രാവിലെ തന്നെ ഇറങ്ങി....... കഷ്ടതകൾ മാത്രം തന്ന നാട്ടിലേക്ക്....... ഒന്നു പൊളിച്ചെഴുതാൻ....... ഡ്രൈവ് ചെയ്തിട്ടു എങ്ങും എത്താത്തതുപോലെ...... ദൂരം കൂടിയതുപോലെ...... കാഴ്ചകൾ എല്ലാം പിന്നോട്ടു പോകും പോലെ ദേവനും ഓർമ്മകളും  കുറച്ചു പിന്നോട്ടു പോയി......... 

പോകുവാണെന്നു പറഞ്ഞ അന്ന് അച്ഛൻ ചോദിച്ചു..... മോനെ...സത്യം പറയണം......  നിനക്ക് മീനുവിനോട് ദേഷ്യമുണ്ടോ...... അതുകൊണ്ടാണോ പോകുന്നത്...... കഴിഞ്ഞ കുറച്ചു ദിവസമായിട്ടു അവളുടെ സ്വഭാവത്തിലെ മാറ്റവും നിന്റെ വിഷമവും ഞാൻ ശ്രദ്ധിക്കുന്നുണ്ട്......... അവൾക്ക് പറ്റിയ ഒരബദ്ധം ആയിട്ട് നിനക്കതു കാണാൻ പറ്റില്ലേ..... അറിഞ്ഞുകൊണ്ട് ആരെയും എന്റെ കുഞ്ഞ് ഉപദ്രവിക്കില്ല....... ദ്രോഹിച്ചവരെയും സ്നേഹിക്കാനേ അറിയൂ അവൾക്ക്...... ഭാര്യയുടെ അസ്ഥിത്തറക്കു മുൻപിൽ വിളക്കു വയ്ക്കുന്ന മീനുവിനെ നോക്കി പറഞ്ഞു.....

ഒരിക്കലും അല്ല അച്ഛാ..... അതുകൊണ്ടൊന്നുമല്ല ഞാൻ പോകുന്നത് ......... എനിക്കു വീട്ടിൽ ഒന്നു പോകണം..... അച്ഛനെയും അമ്മയെയും ഒന്നു കാണണം..... ഒരുപാട് ആയില്ലേ പോയിട്ട്...... ഇപ്പോൾ അവരെ ഒന്ന് കാണാൻ തോന്നുന്നു...... അത്രേയുള്ളൂ...

വൈകിട്ട് ദേവൻ അച്ഛനോട് സംസാരിക്കുന്നതു കേട്ടു വിളക്ക് വെച്ചിട്ട് കയറിയ മീനയുടെ കണ്ണിൽ നിന്നും രണ്ടുതുള്ളി അടർന്നു വീണു...... രണ്ടു അസ്ഥിത്തറ അവളുടെ മനസ്സിലേക്ക് വന്നു.... അന്ന് ദേവൻ പറഞ്ഞതാണ്.... പോട്ടെ..... അവരുടെ ശാപം ഉണ്ടാവേണ്ട....... ഇത്രയും നാൾ തന്നെ സംരക്ഷിച്ചതിന് ഞാൻ കൂലി കൊടുത്തു കഴിഞ്ഞു........ ഒരിക്കൽ തട്ടിപ്പറിച്ചു കളഞ്ഞതാണ് ആ  സ്നേഹം...... വിളക്കിച്ചാലും കൂട്ടിച്ചേർക്കാൻ പറ്റാത്ത വിധം..... അവൾ പെട്ടെന്നു തുമ്പിയെയും എടുത്തു മുറിയിലേക്ക് പോയി..... അവളെ ചേർത്തുപിടിച്ചു കരഞ്ഞു...... അവൾ ആകെ അന്തംവിട്ടു നോക്കുന്നുണ്ട്........ കരയുന്നതു കണ്ടിട്ടാവും ചേർന്നു മിണ്ടാതെ കിടക്കുന്നുണ്ട്....... തലയിൽ ആ കുഞ്ഞിക്കൈകൾ കൊണ്ട് പതിയെ തട്ടി ആശ്വസിപ്പിക്കുന്നുമുണ്ട്...,.

പിറ്റേന്ന് പോകാനിറങ്ങിയപ്പോൾ ഹരിയും ഉണ്ടായിരുന്നു വീട്ടിൽ..... ഉടനെ വരുമെന്ന് പറഞ്ഞതിനാൽ ആരോടും വല്യ യാത്ര പറച്ചിൽ ഉണ്ടായിരുന്നില്ല..... തുമ്പിയെ ചേർത്തുപിടിച്ചു ഒരുപാട് ഉമ്മ കൊടുത്തു....... അടുത്തു നിന്നിട്ടും മീനയെ നോക്കാൻ പോയില്ല...... നോക്കിയാൽ ചിലപ്പോൾ തനിക്ക് പോകാൻ തോന്നിയില്ലെങ്കിലോ...... പറയാൻ പറ്റില്ല ചിലപ്പോൾ ഞാൻ കൊണ്ടുപോയിക്കളയും അവളെ........

 മായയുടെ കണ്ണൊക്കെ നിറഞ്ഞു......മുഖത്ത് കുറ്റബോധം നിറഞ്ഞു നിൽക്കുന്നു.....ഒന്നുമില്ലെന്ന് ഉള്ള രീതിയിൽ ചിരിച്ചു കണ്ണടച്ചു കാണിച്ചു...... തുമ്പി കൈവീശി കാണിക്കുന്നുണ്ട്..... കൂടെ ഫ്ലയിങ് കിസ്സും....അവളുടെ വിചാരം ഞാൻ ഷോപ്പിൽ പോകുവാണെന്നാണ്........ തിരിഞ്ഞൊന്നു നോക്കാതെ കാറിൽ കയറി......കുറച്ചു ദൂരം കഴിഞ്ഞു വണ്ടി ഒതുക്കി നിർത്തി...... സ്റ്റിയറിങ്ങിൽ തല വെച്ച് കിടന്നു....... മനസ്സ് വിട്ടു പോരുന്നില്ല ആ വീട്ടിൽ നിന്നും...... ശരീരത്തിന്റെ ഒരു ഭാഗം നഷ്ടപ്പെട്ടതുപോലെ....... മനസ്സിൽ മായയോട് ഇപ്പോൾ ദേഷ്യമൊന്നുമില്ല..... പക്ഷേ മീനയെക്കുറിച്ചു ഓർക്കുമ്പോൾ ദേഷ്യം തോന്നുന്നു......... ഒന്നു പോകണ്ടാന്നു പറഞ്ഞു കൂടായിരുന്നോ........ അല്ലെങ്കിൽ ഞാനുംകൂടി വരട്ടേന്ന് ചോദിച്ചു കൂടായിരുന്നോ എന്നോട്...... ആരും വേണ്ട......... ബന്ധങ്ങൾ എല്ലാം വേദന തരാനുള്ളത് മാത്രമാണ് ഉള്ളത് .......... തനിച്ചുള്ള ജീവിതമാണ് നല്ലത്...... വേദനിക്കാൻ ഞാനുണ്ടെങ്കിലല്ലേ അവൾക്ക് വേദനിപ്പിക്കാൻ  കഴിയു......... ഒരു തീരുമാനം എടുത്തത് പോലെ ദേവൻ വണ്ടി സ്റ്റാർട്ട്‌ ചെയ്തു...... 

മീനു നിന്ന നിൽപ്പിൽ നിന്നും അനങ്ങിയില്ല........മനസ്സ് ദേവേട്ടനെ പിടിച്ചു നിർത്താൻ പറയുന്നു...... പക്ഷേ തന്നെക്കൊണ്ടാവുന്നില്ല....... പോയപ്പോൾ എന്നെ ഒന്നു നോക്കുക കൂടി ചെയ്തില്ല....... കുറച്ചു ദിവസങ്ങൾ കൊണ്ടു  ദേവേട്ടൻ തന്നെ ഒരുപാട് വെറുത്തതുപോലെ........ നോട്ടത്തിൽ പോലും ആ പഴയ ഇഷ്ടം കാണാൻ പറ്റുന്നില്ല...... നേരിട്ട് നോക്കുന്നില്ലന്നെ ഉള്ളൂ..... ഒളിഞ്ഞു നോട്ടമാണ് കൂടുതലും...ഒന്നും പറയാതെ ദേവേട്ടൻ ഇറങ്ങിയപ്പോൾ അറിയാതെ കണ്ണുരണ്ടും നിറഞ്ഞൊഴുകി..... മായേച്ചി വന്നു ആശ്വസിപ്പിച്ചു ഉടനെ വരുമെന്ന് പറഞ്ഞു...... പക്ഷേ എനിക്കല്ലേ അറിയൂ.... ഇനി ഒരിക്കലും എന്റെ ജീവിതത്തിലേക്ക് ദേവേട്ടൻ കയറിവരില്ലന്ന്....... എല്ലാം അറുത്തു മുറിച്ചു പോകുവാണ്....... താലിയും ബന്ധങ്ങളും എന്റെ മനസ്സും എല്ലാം....... 

രാത്രിയിൽ തുമ്പിയെയും എടുത്തു ദേവന്റെ മുറിയിലേക്ക്  പോയി....... എല്ലായിടത്തും നോക്കി തനിക്കു വേണ്ടി എന്തെങ്കിലും ഒരോർമ്മ വച്ചിട്ടുണ്ടോന്ന്....... ഒന്നുമില്ല..... ആ ബെഡിൽ കിടന്നു....... മീന സ്വന്തം മുറിയിൽ നിന്നും ആവശ്യത്തിനുള്ള സാധനങ്ങൾ എടുത്തു ദേവന്റെ മുറിയിലേക്ക് മാറി...... ആ മുറിയിൽ നിന്നു  മാത്രമാണ് കുറച്ചു ആശ്വാസം കിട്ടുന്നത് അവൾക്ക്..... 

ഒരു വർഷം മീനയിലും ഒരുപാട് മാറ്റങ്ങൾ വരുത്തിയിരുന്നു...... മായ ഹരിയുടെ വീട്ടിലാണ്....... എന്നും വരും തുമ്പിയെ കാണാൻ...... തുമ്പി ഇപ്പോൾ പ്ലേ സ്കൂളിൽ പോകുന്നുണ്ട്....... സമയം പോകാൻ ബുദ്ധിമുട്ടുള്ളപ്പോൾ ഷോപ്പിൽ പോയിരിക്കും..... ഇപ്പോൾ സ്വന്തം അല്ലെങ്കിൽ കൂടിയും ..... ഹരിയേട്ടനും മായേച്ചിയും ഒന്നും സ്വീകരിച്ചിട്ടില്ല ഇതുവരെ...... ദേവേട്ടൻ ഒറ്റപ്പെടുത്തി പോയപ്പോളെ തീരുമാനിച്ചതാണ് ഈ കാര്യം....... തുമ്പിയും വിട്ടു പോകുമെന്നറിയാം..... എങ്കിലും അവൾക്കു വേണ്ടി മാത്രമാണ് ഈ ജീവിതം..... ഒന്നുമില്ലാതെ..... ആരുമില്ലാതെ.... വെറുതെ ഒരു ജീവിതം......

തുമ്പി സ്കൂളിൽ നിന്നു വരുന്നതിനു മുൻപ് വന്നതാണ് മീന...... വെളിയിൽ ഒരു കാർ കിടക്കുന്നു...... അച്ഛനോട് ആരാണെന്നു ചോദിച്ചു......... നിന്നെയും എന്നെയും കാണാൻ വന്നതാണെന്ന് പറഞ്ഞു..... അതു ഗൗനിക്കാതെ മീന മുറിയിലേക്ക് പോയി..... ആരെയും കാണാനോ മിണ്ടാനോ മീന ഇഷ്ടപ്പെടുന്നില്ല...... നേരെ മുറിയിലേക്ക് പോയി കിടന്നു ..... തുമ്പി വരാൻ ഇനിയും സമയമുണ്ട്..... ഒന്നു കണ്ണടച്ചു.....

ഒരു കൈ ശരീരത്തു ചുറ്റുന്നതറിഞ്ഞു മീന..... തുമ്പി ഇത്ര പെട്ടെന്നു വന്നോ..... കൈകളിൽ പിടിച്ചു...... തുമ്പിയല്ല...... തിരിഞ്ഞു നോക്കാൻ പറ്റുന്നില്ല...... അത്രക്കും കൈകൾ മുറുക്കിയിട്ടുണ്ട്...... തന്നെ ഒന്നുകൂടി വലിച്ചടുപ്പിച്ചു ചേർത്തു പിടിച്ചു...... ആ നെഞ്ചിടിപ്പ്.... അതു നല്ല പരിചയം..... അവൾ ആ കൈകളിലേക്ക് നോക്കി..... മീനയ്ക്ക് മനസ്സിലായി ആരാണെന്നു....... തന്നെ ആദ്യമായിട്ടും അവസാനമായിട്ടും ചേർത്തു പിടിച്ച അതേ കൈകൾ........... എന്നും ഈ കൈകൾക്കുള്ളിൽ ചേരാൻമനസ്സ് കൊതിക്കുന്നതാണ്..... മീന ബലപ്രയോഗം നടത്തി....... കൈ വിടുവിക്കാൻ ആവുന്നത് നോക്കി.... വീണ്ടും ഒന്നുകൂടി ആ നെഞ്ചിലേക്ക് തന്നെ വലിച്ചു ചേർത്തതല്ലാതെ കയ്യുടെ ബലം കുറയുന്നില്ലെന്ന് മീനയറിഞ്ഞു......

മീനമ്മാ.......

മീന അനങ്ങാതെ കിടന്നു..... ആ ശബ്ദം ഉള്ളിലേക്ക് എത്തിയത് പോലെ... ഇത്രയും നാൾ താൻ കേൾക്കാൻ ആഗ്രഹിച്ച ശബ്ദം.......ഇത്രയും സ്നേഹത്തോടെ തന്റെ പേര് വേറാരും വിളിച്ചിട്ടുമില്ല..... ഇനിയൊട്ട് ആരും വിളിക്കുകയുമില്ല.....

മീനമ്മാ......

ദേവന്റെ വിളിക്ക് മറുപടി ഉണ്ടായിരുന്നില്ല.... അവൾ തലയിണയിൽ മുഖം മറച്ചു വച്ചിരിക്കുവാണ്..... പതിയെ ഒരു കയ്യാൽ മുഖം പിടിച്ചു തിരിക്കാൻ നോക്കി ദേവൻ...... മീന അതിലേറെ ബലം പ്രയോഗിച്ചു...... മുഖം കാണണ്ട എന്നുള്ള വാശിയിൽ.......

ശരി...... നീ നോക്കണ്ട.... ഇത്രയും നാൾ ഞാൻ ഈ മുഖം കാണാതിരുന്നില്ലേ.... കുറച്ചു നേരം കൂടി സാധിക്കും എനിക്കു...... കുറച്ചു നേരം കൂടി മാത്രം.... 

ആവർത്തിച്ചു പറഞ്ഞിട്ട് അവളുടെ മുടിയിലേക്ക് മുഖം മറച്ചു ദേവൻ.....

മീനമ്മാ..... ഒരിക്കൽ കൂടി നിരാശനാവാൻ പറ്റില്ല എനിക്കു....വേദനിക്കാനും....അതുകൊണ്ട് തുറന്നു പറയണം...... ഈ ജയദേവ് നിന്റെ കൂടെ വേണോ... വേണ്ടയോന്ന്..... വേണ്ടായെന്നാണെങ്കിൽ ഞാൻ പൊക്കോളാം..... പരാതിയില്ല..പിന്നൊരു തിരിച്ചു വരവ് ഉണ്ടാവില്ല.... ഉറപ്പ്..

മീന ദേവന്റെ കൈത്തണ്ടയിൽ പിടിച്ചു ശക്തിയിൽ  നഖം അമർത്തി...... ഇഷ്ടപ്പെടാത്ത രീതിയിൽ..

എനിക്കു വേദനിക്കുന്നു മീനമ്മാ...... ഞാൻ പണ്ടേ പറഞ്ഞിട്ടുണ്ട്...... ആദ്യത്തെ വേദന ഞാൻ സഹിക്കും..... രണ്ടാമത്തേത് എങ്ങനെ വേണമെന്നും.... നിനക്ക് സമ്മതമെങ്കിൽ വേദനിപ്പിച്ചോ.... 

ദേവന്റെ പതിഞ്ഞ ചിരി കേട്ടപ്പോൾ അവൾ പെട്ടെന്നു കൈ വലിച്ചു.... 

ദേവൻ അവളുടെ മുടി മാറ്റി തോളിൽ താടി ചേർത്തു വെച്ചു...... മീന ഒന്നുകൂടി മുഖം മറച്ചു പിടിച്ചു...... 

മീനമ്മാ..... കുറെയായി ഞാൻ ക്ഷമിക്കുന്നു.... നിന്റെയീ മൗനമാണ് അന്നും ഇന്നും എന്നും എനിക്ക് ദേഷ്യം..... ആരോടാ നിന്റെയീ വാശി.... ഇത്രയും നാൾ എന്റെ ഉറക്കം കളഞ്ഞ ആ മുഖം ഒന്നു കാണാൻ ഓടി വന്നതാണ് ഞാൻ.... എന്നെ ദേഷ്യം പിടിപ്പിക്കരുത് നീ..... ഒന്നു നോക്ക് മീനമ്മാ...  ദേവന് ദേഷ്യം വരാൻ തുടങ്ങിയെന്നു മീനയ്ക്ക് മനസ്സിലായി...... 

മുഖം തിരിക്കാൻ കൈ ഒന്നയച്ചതും പിടി വിടുവിച്ചു മീന ചാടിയെഴുന്നേറ്റു..... മുടിയിലാണ് ദേവന് പിടുത്തം കിട്ടിയത്...... തിരിയാതെ തന്നെ അവൾ അതു വിടുവിച്ചു...... വീണ്ടും നടക്കാൻ തുടങ്ങിയതും സാരിയുടെ തുമ്പിൽ പിടുത്തമിടാൻ തുടങ്ങിയ ദേവന്റെ കൈ തട്ടിമാറ്റി വെളിയിലേക്ക് പോയി മീന..... ദേവന്റെ ചുണ്ടിൽ ഒരു ചിരി വിടർന്നു...... 

പില്ലോയിൽ വീണു മറഞ്ഞ നീർത്തുള്ളിയിൽ തലോടി ദേവൻ...നിന്റെ ഉള്ളിൽ മൂടി വെച്ചിരിക്കുന്ന എന്നോടുള്ള ഇഷ്ടം ഞാനറിയുന്നുണ്ട് മീനമ്മാ..... ഇനിയത് വെളിയിൽ കൊണ്ടുവരും ഞാൻ.... നിന്നെ സ്നേഹം കൊണ്ടു മൂടാം ഞാൻ.... പക്ഷേ അതു നീ സമ്മതിച്ചാൽ മാത്രം .......... 

സ്നേഹബന്ധനം 13

മീനയെ കാത്തിരുന്നു മയങ്ങിപ്പോയി ദേവൻ.......നെഞ്ചിൽ എന്തോ ഭാരം തോന്നി....... കണ്ണിൽ എന്തോ കുത്തുന്നു... മീശയിൽ പിടിച്ചു വലിക്കുന്നു... മെല്ലെ കണ്ണു തുറന്ന ദേവൻ കണ്ടത് നെഞ്ചിൽ കിടക്കുന്ന തുമ്പിയെയാണ്..... സ്കൂളിൽ നിന്നും വന്ന വഴിയാണ്...... യൂണിഫോം ഇട്ട ഒരു ടെഡി ബെയർ എടുത്തു നെഞ്ചിൽ വച്ചാൽ എങ്ങനിരിക്കും.....ദേ ഇങ്ങനിരിക്കും.....

അച്ഛേടെ തുമ്പിയെ.........വളരെയധികം സ്നേഹത്തോടെ വിളിച്ചു........

അവളൊന്നു നോക്കി..... നാണിച്ചു ചിരിച്ചു.....പെട്ടെന്ന് മുഖം വാടി..ദേഷ്യം കാണിച്ചു ......  പിന്നെ ഇത്രയും നാൾ കാണാതിരുന്നതിന്റെ എല്ലാ വിഷമവും കൂട്ടി ഒരു കടി തന്നു...... കവിളിൽ.. രണ്ടിനും സ്നേഹം കൂടിയാൽ ശരീരം വേദനിപ്പിക്കും...... അമ്മക്കു പറ്റിയ മോൾ തന്നെ.......

അച്ഛക്ക് വേദനിക്കുന്നു തുമ്പി കുഞ്ഞേ........ അച്ഛ കരയുവേ.....

അവൾ പതിയെ കുഞ്ഞിക്കൈ വെച്ചു തിരുമ്മി തരുന്നുണ്ട്...... ഉണ്ടക്കണ്ണ് മുഴുമിപ്പിച്ചു മുഖത്തേക്ക് നോക്കി ചോദിച്ചു...... 

അച്ഛ ഇനി പോകുവോ മോളേം അമ്മേം വിട്ട് ....... 

ആ കുഞ്ഞിന്റെ ചോദ്യത്തിന് ഉത്തരം പറയാനായില്ല ദേവന്....... ആ ചോദ്യത്തിലുണ്ടായിരുന്നു രണ്ടാളും ഇത്രയും നാൾ തന്നെ കാണാതിരുന്നതിലുള്ള വിഷമവും പരിഭവവും എല്ലാം........ 

ദേവൻ അവളെ നെഞ്ചിൽ ചേർത്തു പിടിച്ചു..... കുഞ്ഞികൈ എടുത്തു ചുണ്ടിൽ ചേർത്തു വെച്ചു മുത്തി ...... ഇല്ലെന്ന് കണ്ണു ചിമ്മി കാണിച്ചു...

തുമ്പീടെ പെറന്നാളിന് എന്നാ വരാഞ്ഞേ.......മോളും അമ്മേം നോച്ചിയിരുന്നു മടുത്തു.... അച്ഛ മിട്ടായി മാങ്ങിയോ...... മോളെ നാളെ ചൂളില് കൊണ്ടുവിടുവോ..... മിന്നു എന്നും അവടെ അച്ഛേന്റെ വണ്ടിച്ചാ വരുന്നേ......അമ്മോട് ചോയിക്കുമ്പോ അച്ഛ ഒടനെ വരു ന്ന് പയഞ്ഞു മോളെ എന്നും കളിപ്പിച്ചും....... ഇനി പോവല്ലേ.,., കേത്തോ....കുഞ്ഞിക്കൈ രണ്ടും കവിളിൽ വെച്ചു പറഞ്ഞു......നൂറു ചോദ്യങ്ങൾ ചോദിച്ചു വിഷമിപ്പിച്ചു ദേവനെ തുമ്പി........ എവിടുന്നു തുടങ്ങണമെന്നറിയാതെ ദേവനും.......

ഇനി തുമ്പിയെ എന്നും അച്ഛയാ കൊണ്ടുവിടുന്നത്..... കേട്ടോ......ഇനി അച്ഛ തുമ്പീനെ വിട്ട് പോവില്ല.... പോരേ...

മ്മ്...... തലയാട്ടി......അതിനു നന്ദിയായിട്ട് അവൾ ദേവന്റെ കവിളിൽ ഉമ്മ കൊടുത്തു....... ദേവൻ തിരിച്ചും....... വിശേഷങ്ങൾ പറഞ്ഞിട്ടും പറഞ്ഞിട്ടും തീരുന്നില്ല തുമ്പിക്ക്..... ഏറെയും സ്കൂളിലെ കാര്യങ്ങൾ....... അവളുടെ അമ്മയുടെ കാര്യങ്ങൾ......അവൾ പറയുന്നതെല്ലാം കേട്ടുകൊണ്ടിരുന്നപ്പോഴാണ് മീന മുറിയിലേക്ക് വന്നത്.......... എന്തോ ചെയ്യുവാണ്... തിരിഞ്ഞു നിന്ന്...... ശ്രദ്ധ അങ്ങോട്ട് മാറുമ്പോൾ തുമ്പി മുഖം അവളുടെ നേർക്ക് തിരിച്ചു വെപ്പിക്കും...

മീനമ്മാ....... ദേവൻ വിളിച്ചു......ചെയ്തിരുന്ന പണി നിർത്തി മീനു അനങ്ങാതെ നിന്നു....

അമ്മേ...... അച്ഛ വിച്ചുന്ന കേത്തില്ലേ..... തുമ്പിയുടെ ചോദ്യത്തിനും മറുപടി ഉണ്ടായിരുന്നില്ല.....,. ദേവൻ വീണ്ടും വിളിച്ചു..... മീനമ്മാ.....

ആ വിളിച്ചത് കേൾക്കാതിരിക്കാനായില്ല മീനയ്ക്ക്....... മ്മ്മ്........ മൂളിക്കേട്ടു..... എന്നിട്ട് തിരിഞ്ഞു നിന്നു നോക്കി ദേവനെ......കുറച്ചു നേരം രണ്ടാളും കണ്ണു നിറയെ നോക്കി നിന്നു....

കാത്തിരുന്നത് പോലെ ദേവൻ നീട്ടിയ കൈക്കുള്ളിലേക്ക് ഓടിവന്നു ചേർന്നു മീന ........ രണ്ടുപേരെയും കൈക്കുള്ളിൽ ചേർത്ത് നെഞ്ചോരം ബന്ധിച്ചു ദേവൻ....... ഒന്നും മനസ്സിലാവാതെ തുമ്പി പൊട്ടിപ്പൊട്ടി ചിരിക്കുന്നുണ്ട്.........

നെഞ്ചു നനയുന്നത് ദേവൻ അറിഞ്ഞു....പിണക്കം മാറിയോ എന്റെ മീനമ്മയുടെ........ ദേവൻ മീനയുടെ നെറുകയിൽ ചുണ്ടമർത്തി ചോദിച്ചു.......

അതിനുള്ള മറുപടി മീന കൊടുത്തത് ദേവന്റെ രണ്ടു കവിളിലും മാറി മാറി ഉമ്മ വച്ചുകൊണ്ടായിരുന്നു.... ദേവന്റെ മുഖം മീനയുടെ കണ്ണുനീരിനാൽ നനഞ്ഞു..... ദേവന്റെ കണ്ണും നിറഞ്ഞൊഴുകി....... മീന കരയുന്നതു കണ്ടപ്പോൾ തുമ്പിയും വിതുമ്പാൻ തുടങ്ങി..... ദേവൻ രണ്ടു മുഖങ്ങളും നെഞ്ചിൽ ചേർത്തു വെച്ചു....... മീനയുടെ ഏങ്ങലടികൾ ദേവൻ അറിഞ്ഞു..... 

നന്നായി കരഞ്ഞോ...... ഇനി കണ്ണുനീർ മിച്ചം വച്ചേക്കരുത്..... ഇന്നു കൊണ്ട് തീർത്തോണം...... ഞങ്ങൾക്കിഷ്ടമില്ല മീനമ്മാ നീ കരയുന്നത്....... കണ്ടിട്ട് സഹിക്കാൻ പറ്റുന്നില്ല...... ദേവൻ പറഞ്ഞു.......

മീന രണ്ടു കണ്ണും അമർത്തി തുടച്ചു....... എങ്കിലും വീണ്ടും വീണ്ടും ഒഴുകിക്കൊണ്ടേയിരുന്നു....... രണ്ടാളെയും മാറി മാറി നോക്കുകയാണ് തുമ്പി....... അവളും മീനയുടെ കണ്ണു തുടച്ചു കൊടുക്കുന്നുണ്ട്.......

ഏങ്ങലടികൾ അവസാനിച്ചപ്പോൾ മീന ദേവനിൽ നിന്നും മെല്ലെ അകന്നു മാറാൻ നോക്കി...... തുമ്പിയും ദേവനും അവളെ വിടാതെ പിടിച്ചു വെച്ചു..... തുമ്പി സന്തോഷവതി ആണ്...... ഞങ്ങളുടെ കൂടെ ഇരിക്കുന്നതാണ് അവളുടെ സ്വർഗം എന്നു തോന്നും വിധത്തിലാണ് അവളുടെ ഓരോ പ്രവൃത്തിയും ...... മീന ദേവന്റെ കണ്ണിലേക്കു നോക്കി.......ദേവന്റെ നോട്ടം നേരിടാനാവാതെ മുഖം ദേവന്റെ നെഞ്ചിൽ ഒളിപ്പിച്ചു കളഞ്ഞു മീനു.......അവളുടെ പരാതികളും പരിഭവങ്ങളും എല്ലാം ഒളിപ്പിച്ചു വച്ചിരിക്കുന്നത് ആ കണ്ണുകളിലാണെന്ന് തോന്നി ദേവന്.........

എനിക്കെന്റെ താലി തിരിച്ചു തരുവോ ദേവേട്ടാ..... അവൾ തല താഴ്ത്തി ചോദിച്ചു......

ഒരു വർഷത്തിനു ശേഷം ആദ്യായി അവളുടെ ശബ്ദം കേട്ടു....... ഇതായിരിക്കണം മീനമ്മ ആദ്യമായ് തന്നോട് ചോദിക്കേണ്ടതെന്ന് ദേവൻ ഏറെ ആഗ്രഹിച്ചതാണ് ........  ദേവൻ രണ്ടാളെയും ചേർത്ത് പിടിച്ചു എഴുന്നേറ്റിരുന്നു ഷർട്ടിന്റെ രണ്ടു ബട്ടൺ തുറന്നു........ നെഞ്ചിൽ ഒരു ലോക്കറ്റിന്റെ കൂടെ ചേർന്നു കിടക്കുന്ന തന്റെ താലി മീന കണ്ടു...... അവളുടെ മുഖം തിളങ്ങി..

എനിക്ക് പ്രതീക്ഷ ഉണ്ടായിരുന്നു നീയിതു ചോദിക്കുമെന്ന്....  അതുകൊണ്ട് ഊരി മാറ്റിവെക്കാൻ ഇതുവരെ തോന്നിയിട്ടില്ല..... ഇതിങ്ങനെ നെഞ്ചിൽ ചേർന്ന് കിടക്കുമ്പോൾ നീ അടുത്തുള്ളപോലെ തോന്നും....... നിന്റെ ഓർമകളിൽ നിന്നും ഓടിയൊളിക്കാൻ ശ്രമിച്ചപ്പോഴും കൂടുതൽ കൂടുതൽ നിന്നിലേക്ക് എന്നെ വലിച്ചടിപ്പിക്കുകയായിരുന്നു ഇത് .... 

ദേവൻ മാലയൂരാൻ തുടങ്ങവേ മീന തടഞ്ഞു......

ഇപ്പോ വേണ്ടാ.....അമ്മയുടെ മുന്നിൽ വെച്ചു മതി ഇനിയെനിക്കതു....... ഒരിക്കലും തിരിച്ചു വാങ്ങില്ലെന്നുള്ള വാക്കും..... 

അവളുടെ നിറഞ്ഞു വന്ന കണ്ണുകളിൽ ദേവൻ ചുണ്ടുകൾ ചേർത്തു...... 

എനിച്ചും....... തുമ്പി കണ്ണിൽ കൈവച്ചു കാണിച്ചു..... 

അച്ഛേടെ  തുമ്പിക്കുഞ്ഞിന് അച്ഛ ഒരുപാട് ഉമ്മ തരാലോ...... ഇതു അമ്മക്കു മാത്രമുള്ളതല്ലേ....... മീനയെ നോക്കി ദേവൻ പറഞ്ഞു....... അവളുടെ മുഖത്തു ആദ്യമായി  വിരിഞ്ഞ നാണം  ദേവൻ ആസ്വദിച്ചു.......

പോകുവോ ഇനി ഞങ്ങളെ ഇട്ടേച്ചു...., മീന ദേവന്റെ മുഖത്തേക്ക് നോക്കി ചോദിച്ചു.......... മറുപടി കേൾക്കാനായി മീനയും തുമ്പിയും കാത്തിരുന്നു.....

എന്റെ ജീവൻ പോകാതെ നിങ്ങളിൽ നിന്നും ഇനിയൊരു മടക്കമില്ല.,..ദേവൻ അവരെ മുറുക്കി പിടിച്ചു പറഞ്ഞു...

വെളിയിൽ ഒരു വണ്ടി വന്നു നിന്ന സൗണ്ട് കേട്ടു... ദേവന്റെ കൈ വിടുവിച്ചു മീന പറഞ്ഞു...... ഹരിയേട്ടനും മായേച്ചിയുമാണ്....... എന്നും വരും തുമ്പിയെ കാണാൻ...... വൈകിട്ട് ചിലപ്പോൾ പോകും അല്ലെങ്കിൽ പിറ്റേന്നെ പോകു.............

ദേവന്റെ മുഖത്തു കണ്ടിരുന്ന ചിരിയുടെ ഭംഗി കുറയുന്നത് മീന അറിഞ്ഞു....... അയാളുടെ കൈയ്യെടുത്തു സ്വന്തം കൈക്കുള്ളിലാക്കി നെഞ്ചിൽ ചേർത്തു വെച്ചു .......

അവരിപ്പോൾ എനിക്ക് ചേട്ടനും ചേച്ചിയുമാണ്.... തനിച്ചാക്കി പോയപ്പോൾ ഓർത്തായിരുന്നോ ഈയുള്ളവൾ ഇവിടെ തനിച്ചായിരുന്നുവെന്ന്...... ജീവിക്കാൻ പ്രേരിപ്പിച്ചതും അവരാണ്...... 

ദേവന്റെ മുഖം കറുത്തു....... ദേവന്റെ കവിളിൽ കൈ ചേർത്ത് വെച്ചു മീനു പറഞ്ഞു ...

ദേവേട്ടാ.... പ്ലീസ്...... പിണങ്ങല്ലേ...... എന്താണെങ്കിലും എന്നോട് ആയിക്കോ...... ദേഷ്യവും പിണക്കവും എല്ലാം....... പക്ഷേ മറ്റുള്ളവരോട് അതു കാണിക്കരുതേ...... 

മീനയുടെ മുഖം കണ്ടപ്പോൾ ദേവന് ചിരി വന്നു...... 

മീന ചിരിച്ചു കൊണ്ട് പറഞ്ഞു....... പോയി അവരോടു മിണ്ടു....... ഞാൻ ഇവളെ കുളിപ്പിച്ചെടുത്തിട്ട് വരാം........ ആ സ്കൂളിലെ മുഴുവൻ പൊടിയുമുണ്ട്.........

കുളി എന്നു കേട്ടപ്പോൾ തുമ്പി ഓടാൻ തയ്യാറെടുത്തു....... മീന അടുത്ത് വന്നപ്പോഴേക്കും ഓടി കളഞ്ഞിരുന്നു അവൾ...... ദേവന്റെ ചുറ്റിലും കിടന്നു ഓടുവാ..... മീന ഓടി തളർന്നപ്പോൾ ദേവൻ വാരിയെടുത്തു തുമ്പിയെ.....

എന്റമ്മോ.... എന്നാ കനവാടി തുമ്പിപ്പെണ്ണേ നിനക്ക്...... അച്ഛേടെ കയ്യൊടിഞ്ഞു......നിന്റെ അമ്മ നിനക്കു മാത്രമേ ഈ വീട്ടിൽ ഭക്ഷണം തരുന്നുള്ളോ......അതിനുള്ള മറുപടിയും ഒരു കടിയായിരുന്നു...... 

മീനയുടെ കൈകളിൽ അവളെ ഏൽപ്പിച്ചു ദേവൻ വെളിയിലേക്കു പോയി.....

തുമ്പിയെയും റെഡിയാക്കി മീനു വന്നപ്പോഴേക്കും മായ ചായ ഉണ്ടാക്കിയിരുന്നു..... തുമ്പി ഓടിവന്നു ദേവന്റെ മടിയിൽ കയറി...... അവൾക്ക് പേടിയുള്ളതുപോലെ ഇനിയും ഇട്ടിട്ടു പോയാലോന്നു.......... ദേവൻ ചായ ഊതിയൂതി കൊടുത്തു......അവൾ പറയുന്നതെല്ലാം അതേപടി ചെയ്തു കൊടുക്കുന്നുണ്ട്........  ഇടയ്ക്കിടെ ദേവന് ഉമ്മയും കൊടുക്കുന്നുണ്ട്..,. അതെല്ലാം കണ്ടിരുന്ന ഹരിയുടെ മുഖം വിഷമം കൊണ്ടു നിറഞ്ഞു...... മായയെ നോക്കി.... രണ്ടാളും വിഷമത്തോടെ ചിരിച്ചു......

എല്ലവരും കൂടിയിരിക്കുന്നതു കണ്ടു അച്ഛന്റെ മുഖത്തു സന്തോഷം ആണ്......രണ്ടു പെണ്മക്കളുടെയും സന്തോഷം കണ്ണു നിറച്ചു കാണുകയായിരുന്നു അദ്ദേഹം.....അധിക നേരം നിന്നില്ല ഹരിയും മായയും...... തുമ്പിക്ക് ദേവനോടുള്ള സ്നേഹം കാണുമ്പോൾ ഹരിക്ക് എത്രയും പെട്ടെന്ന് അവിടെ നിന്നും പോയാൽ മതിയെന്നെ ഉണ്ടായിരുന്നുള്ളു....... കുറച്ചു നാളുകൾ കൊണ്ട് ഒന്ന് അടുത്തു വന്നതായിരുന്നു തന്നോടവൾ........ എങ്കിലും അവൾ ഒരിക്കലും അച്ഛാ ന്ന് വിളിച്ചിരുന്നില്ല...... ഒന്നങ്ങനെ വിളിക്കുമോന്നു ഒരിക്കൽ ചോദിച്ചപ്പോൾ അവൾ തന്ന മറുപടി ഇന്നും കുത്തിനോവിക്കുന്നുണ്ട് മനസ്സിനെ........ "മോൾടെ അച്ഛ ഇതല്ലാന്ന്...മോളെ കാണാൻ ഉടനെ വരുമെന്ന്".....

ദേവിയുടെ മുന്നിൽ വച്ചു വീണ്ടും താലി മീനയുടെ കഴുത്തിലിട്ടു കൊടുത്തു ദേവൻ.... നെറ്റിയിൽ സിന്ദൂരം തൊട്ടുകൊടുത്തു...... തന്റെ മാത്രം സ്വന്തമെന്ന് ഉറപ്പിച്ചു അവിടെ ചുണ്ടും ചേർത്തു ..... ദേവീചൈതന്യം തന്റെ മീനമ്മയിലേക്കും വ്യാപിച്ചതുപോലെ തോന്നി ദേവന്..........മീനു പൂർണ്ണയായതു പോലെ....

ചന്ദനം തൊട്ടു നക്കി തിന്നുകൊണ്ടിരുന്ന തുമ്പിയെ കയ്യിലെടുത്തു മറുകയ്യിൽ മീനയുടെ കയ്യും പിടിച്ചു അമ്പലത്തിന്റെ പടിക്കെട്ടിറങ്ങി...... തിരിച്ചു പോന്നപ്പോൾ മാലയിൽ കയ്യും ചുറ്റി എന്തോ ആലോചിക്കുവാണ് മീന..... തുമ്പി മടിയിൽ ഇരുപ്പുണ്ട്......അവൾടെ കുഞ്ഞുവായ പൂട്ടാറില്ല.............. പാവം മീനമ്മ..  ഈ ആലോചിക്കുന്നതെല്ലാം നടന്നാൽ മതിയായിരുന്നു...... ദേവൻ ചിരിച്ചു കൊണ്ട് ഓർത്തു......

തുമ്പിയെ ഉറക്കിയിട്ട് ദേവന്റെ നെഞ്ചിൽ തല ചേർത്തു കിടക്കുമ്പോൾ മീനയുടെ കൈ ദേവന്റെ വയറിൽ പരതി........ ഒരു തടിപ്പിൽ കൈയെത്തിയപ്പോഴേക്കും ദേവന്റെ നെഞ്ച് നനഞ്ഞിരുന്നു....... 

ദേവന്റെ മുഖം കൈകളിൽ എടുത്തു മീന പറഞ്ഞു....... എന്നോട് ക്ഷമിക്കില്ലേ ദേവേട്ടാ...... ഞാൻ.......

മീനയുടെ വാ പൊത്തി ദേവൻ പറഞ്ഞു...... ഇനി പഴയതൊന്നും നമുക്കിടയിൽ ഇല്ല മീനമ്മാ..... തുമ്പി അല്ലാതെ...... ഒരു സ്വപ്നം പോലെ എല്ലാം മറന്നു കള........

അരികിൽ കിടന്ന തുമ്പിയുടെ കവിളിൽ തലോടി മുടിയെല്ലാം ഒതുക്കിവെച്ചു ദേവൻ........

എങ്കിലും എങ്ങനെ തോന്നി ദേവേട്ടാ എന്നെയും തുമ്പിയെയും തനിച്ചാക്കി  ഒരു വർഷം....... ആരുമില്ലാത്തവളാണ് ഞാനെന്ന് അറിയില്ലായിരുന്നോ.....മീന കരച്ചിലിന്റെ ഇടയിൽ ചോദിച്ചു.......

മീനമ്മാ...... ദേവൻ അലിവോടെ വിളിച്ചു......

എന്തു ചെയ്താലും നീയെന്നോട് ക്ഷമിക്കും എന്നറിയാം...... അതുകൊണ്ടുതന്നെ നിനക്കു പൊറുക്കാൻ പറ്റുന്ന തെറ്റുകൾ  ചെയ്യാൻ ഒരു സുഖമാണ്........ നിന്നെ ഞാൻ തനിച്ചാക്കിയായിരുന്നില്ല പോയത്..    എന്റെ തുമ്പി നിന്നെ ഒരു നിമിഷം തനിച്ചാക്കില്ലന്നു എനിക്കു വിശ്വാസമുണ്ടായിരുന്നു...... കാരണം അവളുടെ രണ്ടാം ജന്മം നിനക്കു വേണ്ടി മാത്രമായിരുന്നു....... നിനക്കു വേണ്ടി മാത്രം മീനമ്മാ...... 

...... അവളെ പിരിഞ്ഞു ഒരു നിമിഷം ജീവിക്കാനും വയ്യ.......തുമ്പി എന്റെ ജീവനാണ്......ദേവേട്ടൻ എന്റെ ജീവിതവും.....  രണ്ടും രണ്ടാണ് ദേവേട്ടാ.......... അവളൊരിക്കലും ദേവേട്ടനു പകരം ആവുമായിരുന്നില്ല..... ഞാൻ ഉരുകി തീരുകയായിരുന്നു ഇത്രയും നാൾ...... എന്നോട് ഒന്നു ക്ഷമിച്ചു എന്നു കൂടി പറയാതെയാണ് അന്ന് പോയത്....... എനിക്ക് തിരഞ്ഞു വരാനും പേടിയായിരുന്നു...... ആട്ടിയിറക്കിയാൽ........  പിന്നെ തുമ്പി കരയേണ്ടി വരും.... എനിക്കു വേണ്ടി...... അതാണ് ഞാൻ...... അല്ലെങ്കിൽ എന്നേ വന്നേനെ........ ഈ മുഖമൊന്നു കാണാൻ എത്ര കൊതിച്ചുവെന്നറിയാമോ...,... മീനമ്മാ ന്നുള്ള വിളി കേൾക്കാനും..,.മീന ബാക്കി പറയാതെ ദേവന്റെ നെഞ്ചിലേക്ക് മുഖം ചേർത്തു.......

എന്റെ മീനമ്മാ ചങ്കിൽ കൊള്ളുന്ന വർത്തമാനം പറയരുത് നീ..... ഞാൻ ചെയ്തത് തെറ്റാണ്..... നിന്നെ വിട്ടിട്ടു പോകരുതായിരുന്നു....... അന്നെനിക്ക് അങ്ങനെയാണ് തോന്നിയത്.... നീയില്ലാതെ പറ്റില്ലാന്നു മനസ്സ് പറഞ്ഞപ്പോഴും ഒരുതരം വാശി ആയിരുന്നു.... എന്നോട് തന്നെ....... നിന്നെ കാണാൻ ഒരു കാരണം തേടുവായിരുന്നു ഞാൻ ഇത്രയും നാൾ ........ അപ്പോഴാണ് അച്ഛന്റെ  കത്ത് വന്നത്....... സാരമില്ല..ഈ ഒരു വർഷം ദേവനും മീനക്കും തമ്മിൽ  തിരിച്ചറിയാൻ അവസരം കിട്ടിയെന്നു വിചാരിച്ചാൽ മതി.......... അതങ്ങനെ കാണാനാ എനിക്കിഷ്ടം......

മീനയുടെ താടി പിടിച്ചുയർത്തി ദേവൻ പറഞ്ഞു....... മതി കരഞ്ഞത് ..... ഇനി നമുക്കിടയിൽ സ്നേഹം മാത്രം മതി........ പരാതിക്കും പരിഭവങ്ങൾക്കും ക്ഷമ പറച്ചിലിനും  പടിക്കപ്പുറത്താണ് സ്ഥാനം...... കുറച്ചേറെയായി എന്റെ മീനമ്മയെ ഞാനൊന്നു സ്നേഹിച്ചിട്ട്.....

ദേവന്റെ കണ്ണുകളിലെ സ്നേഹം താങ്ങാനാവാതെ മീന മുഖം മറച്ചു........... കൈകൾ പിടിച്ചു മാറ്റി അവളെ തന്നിലേക്ക് ചേർക്കവേ മീന പറഞ്ഞു.......

ദേവേട്ടാ....... എന്നോട് ദേഷ്യം തോന്നരുത്..... ഞാൻ ഒരു കാര്യം പറഞ്ഞോട്ടെ......

തീർന്നില്ലേ ന്റെ മീനമ്മേ ........ ദേവൻ പരിഭവത്തോടെ ചോദിച്ചു...........

എനിക്ക് നമ്മുടെ വീട്ടിൽ പോകണം....... ഇനി അവിടെയായിരിക്കണം ബാക്കിയുള്ള കാലം ..... ഞാനും ദേവേട്ടനും തുമ്പിയും......... നമ്മുടെ അച്ഛന്റെയും അമ്മയുടെയും അസ്ഥിത്തറയിൽ തിരി വച്ചു പ്രാർത്ഥിക്കണം...... അവരുടെ അനുഗ്രഹം വാങ്ങണം....... എന്നിട്ട് ....... 

എന്നിട്ട്.........

എന്നിട്ട്...... ദേവേട്ടന്റെ മാത്രം മീനമ്മയായി  മാറണം എനിക്ക് ..... 

അവളുടെ നെറ്റിയിൽ സ്വന്തം ചുണ്ടു  മുട്ടിച്ചു ദേവൻ പറഞ്ഞു..... നിനക്കെപ്പോൾ പോകണമെന്ന് പറഞ്ഞാൽ മതി...... പോകാം....

വന്നാൽ ..... അച്ഛനെയും  കൂട്ടി മറ്റന്നാൾ പോകാം ദേവേട്ടാ ......

മ്മ്...... ശരി..... എന്നാലും വലിയ ചതിയായിപ്പോയി മീനമ്മേ....... അവളുടെ കവിളിൽ വിരലോടിച്ചു പറഞ്ഞു......

വഷളൻ ദേവേട്ടൻ....... ചിരിച്ചു മീന തിരിഞ്ഞു കിടന്നു.....

എന്റെ തുമ്പി തന്നെ ശരണം....... വാടി അച്ഛേടെ തുമ്പിക്കുഞ്ഞേ...... നമുക്ക് കെട്ടിപ്പിടിച്ചു കിടക്കാം..... തുമ്പിയുടെ കയ്യെടുത്തു നെഞ്ചിൽ വക്കവേ ദേവൻ എന്തോ ഓർത്തത് പോലെ തിരിഞ്ഞു മീനയെ പിടിച്ചു തിരിച്ചു കിടത്തി ....

നീ ശരിക്കും ആലോചിച്ചിട്ടാണോ ഇങ്ങനൊരു തീരുമാനം എടുത്തത് മീനമ്മാ ...... ദേവൻ ചോദിച്ചു.... 

എന്താ ദേവേട്ടാ..... എന്തു പറ്റി....... മീന ഒന്നും മനസ്സിലാവാതെ ചോദിച്ചു...... 

സ്നേഹബന്ധനം 14

തുമ്പിയുടെ കയ്യെടുത്തു നെഞ്ചിൽ വെയ്ക്കവേ ദേവൻ എന്തോ ഓർത്തത് പോലെ തിരിഞ്ഞു മീനയെ പിടിച്ചു തിരിച്ചു കിടത്തി ....

നീ ശരിക്കും ആലോചിച്ചിട്ടാണോ ഇങ്ങനൊരു തീരുമാനം എടുത്തത് മീനമ്മാ ...... ദേവൻ ചോദിച്ചു.... 

എന്താ ദേവേട്ടാ..... എന്തു പറ്റി....... മീന ഒന്നും മനസ്സിലാവാതെ ചോദിച്ചു......

വീട്ടിലേക്കു പോകുമ്പോൾ തുമ്പിയും നമ്മുടെ കൂടെയുണ്ടാവുമോ........ ഉറപ്പാണോ നിനക്കു......

പിന്നെ അവളെ കൂട്ടാതെ പോകാനോ....... പറഞ്ഞു തീരും മുൻപ് തന്നെ മീനയുടെ കണ്ണ് നിറഞ്ഞു..........

അതല്ല മീനമ്മാ....... നീ അടുത്തുള്ളതുകൊണ്ടല്ലേ അവർ നിന്റെ കൂടെ തുമ്പിയെ നിർത്താൻ സമ്മതിച്ചത്...... വീട്ടിലേക്കു പോയാൽ....... ഇത്രയും ദൂരം..... അവർ വിടുമോ....... നമ്മുടെ കൂടെ......എനിക്ക് തോന്നുന്നില്ല....

മായേച്ചി എനിക്കു തന്നതല്ലേ തുമ്പിയെ..... ഇനി തിരിച്ചു ചോദിക്കുമോ...... മീന സംശയത്തോടെ ചോദിച്ചു.......

അവർ അതിനു സമ്മതിച്ചത് തുമ്പി അവരുടെ അടുത്തുണ്ടല്ലോ എന്നുള്ള വിശ്വാസത്തിലാണ്..... ഓടിയെത്തിയാൽ കാണാൻ പറ്റും എന്നവർക്കറിയാം..... എനിക്കു തോന്നുന്നില്ല ഹരി ഇതിന് സമ്മതിക്കുമെന്ന്......

ഞാൻ ആർക്കും കൊടുക്കില്ല ദേവേട്ടാ അവളെ....... എനിക്കറിയാം എന്നെങ്കിലും സത്യം അറിയുമ്പോൾ  അവൾ നമ്മളെ ഉപേക്ഷിച്ചു പോകുമെന്ന്...... എങ്കിലും അത്രയും നാൾ സ്നേഹിക്കാമല്ലോ....... എന്റെയല്ലേ അവൾ...

എനിക്കും അവൾ കൂടെ വേണമെന്നു തന്നെയാ...... പക്ഷേ...... നമ്മുടെ കൂടെ അവളെ കൊണ്ടുപോയാലും തിരിച്ചറിവെത്തുമ്പോൾ അവൾ ആദ്യം വെറുക്കുന്നത് നമ്മളെയാവും മീനമ്മാ......... അവളെ അവളുടെ അച്ഛന്റെയും അമ്മയുടെയും അടുത്തു നിന്ന് പിരിച്ചതിന്.....

അതിനു പിരിച്ചതല്ലല്ലോ നമ്മൾ...... ഞാനല്ലേ അവളെ വളർത്തിയതും...... അവളുടെ അമ്മയും...... പിന്നെ മനസ്സോടെ എനിക്കു തന്നതല്ലേ അവർ തുമ്പിയെ.......

അതൊന്നും മനസ്സിലാക്കാൻ അവൾക്ക് സാധിച്ചെന്നു വരില്ല........ പിന്നെ മനസ്സോടെയാ അവർ തുമ്പിയെ നിനക്കു തന്നതെന്നു ഉറപ്പിച്ചു പറയാൻ പറ്റുമോ നിനക്കു...... അവർ ചെയ്തതിനൊക്കെ ഒരു പ്രായശ്ചിത്തം അത്രേ ഉള്ളൂ...... അങ്ങനെയാണ് അതിനെ കാണേണ്ടതും.......

ഞാൻ കൊടുക്കില്ല തുമ്പിയെ....... അവൾ എന്റെ കൂടെ ഉണ്ടാവും..... എന്നും......

ഇല്ല മീനമ്മാ...... അവൾ നിന്റെ കൂടെ ഉണ്ടാവില്ല....... അവർ വിട്ടു തരില്ലെന്നാണ് എന്റെ മനസ്സു പറയുന്നത്......

തുമ്പിയെ കിട്ടാൻ ഏതറ്റം വരെയും പോകും ഞാൻ.......

മീനയുടെ സ്വാർത്ഥത ചുവയോടെയുള്ള സംസാരം കേട്ടു ദേവൻ ഒന്നമ്പരന്നു....... ആദ്യമായിട്ടാ ഇങ്ങനെ മീന സംസാരിക്കുന്നത്......

നീ പറയുന്നത് കേസ് പറഞ്ഞു തുമ്പിയെ വാങ്ങാമെന്നാണോ...... നീയെന്തൊരു മണ്ടിയാ മീനമ്മാ..... വിവരമില്ലാത്തതുപോലെ സംസാരിക്കാതെ....... സ്വന്തം അച്ഛന്റെയും അമ്മയുടെയും കൂടെയല്ലാതെ അവളെ വേറാരുടെയും കൂടെ കോടതി വിടില്ല..... നിനക്കു കിട്ടില്ല പെണ്ണേ....... വെറുതെ ആരുമായിട്ടും വഴക്കു വേണ്ട നമുക്ക്.......... ദേവൻ അവളെ സമാധാനിപ്പിച്ചു....

അപ്പോൾ തുമ്പിയെ വിട്ടിട്ടു പോകണോ....... ദേവേട്ടനു എങ്ങനെ പറയാൻ തോന്നുന്നു ഇങ്ങനെ.....എന്റെ കുഞ്ഞ് എന്റെ കുഞ്ഞ് എന്നൊക്കെ പറഞ്ഞത് വെറുതെ ആയിരുന്നോ...... ഇപ്പോഴെന്താ തുമ്പിയോടുള്ള ഇഷ്ടമൊക്ക പോയോ...... ഓഹ്....... എന്നെ സ്വന്തമായി കിട്ടിയല്ലോ അല്ലേ..... പിന്നെ എന്തിനാ തുമ്പിയെ ഇനി..... അല്ലേ..... 

മീനയെ ഒന്നു നോക്കുക കൂടി ചെയ്യാതെ ദേവൻ ഒന്നും മിണ്ടാതെ വെളിയിലേക്കു പോയി...... ഇരുട്ടിലേക്ക് നോക്കി കുറച്ചു നേരം തനിയെ ഇരുന്നു...... തുമ്പിയെ നഷ്ടപ്പെടും എന്നായപ്പോൾ മീനയ്ക്ക് സഹിക്കാൻ പറ്റുന്നില്ല എന്ന് ദേവന് മനസ്സിലായി....... സത്യം ഉൾക്കൊള്ളാൻ അവളുടെ മനസ്സ് സമ്മതിക്കുന്നില്ല... തനിക്കു മനസ്സിലാവും അവളെ.... അതുപോലെ മറ്റുള്ളവർ മനസ്സിലാക്കണമെന്നില്ല....

ചിന്തിച്ചിരുന്ന ദേവന്റെ കഴുത്തിലൂടെ കൈകൾ ചുറ്റി മീന...... കവിളിൽ കവിൾ മുട്ടിച്ചു പറഞ്ഞു....സോറി ദേവേട്ടാ......സോറി..ഞാൻ വീണ്ടും വിഷമിപ്പിച്ചു അല്ലേ....... എനിക്ക് തുമ്പിയെ പിരിഞ്ഞു ഇരിക്കാൻ പറ്റില്ല...... അതുകൊണ്ടാ...... വാ... അകത്തു....... തനിച്ചിരിക്കണ്ട..... ഞാൻ ഉള്ളപ്പോൾ....... ഇനി അങ്ങനെ പറയില്ല...... മനഃപൂർവം അല്ല...

വേണ്ട... നീ പൊക്കോളൂ...... ഞാൻ വന്നോളാം......

ഞാനിങ്ങനെ ആയിപ്പോയി ദേവേട്ടാ...... എന്നെ സ്നേഹിക്കുന്നവരുടെ വിഷമം ഞാൻ കാണാൻ ശ്രമിക്കാറില്ല ....... നശിച്ച ജന്മമാണ്....... മീനയുടെ വാക്കുകളുടെ പതർച്ച ദേവന് മനസ്സിലായി....... 

ദേവൻ മീനയെ പിടിച്ചു മടിയിലേക്കിരുത്തി....... നീയങ്ങനെ പറഞ്ഞപ്പോൾ എനിക്കു നല്ല ദേഷ്യമാണ് വന്നത്  ...... എന്തു തോന്നിവാസവും പറയാമെന്നു ആയോ നിനക്ക് മീനമ്മാ ........ നിന്നെ കിട്ടാൻ വേണ്ടിയല്ല ഞാൻ തുമ്പിയെ സ്നേഹിക്കുന്നത്..... ഇപ്പോഴും.....ഇതൊക്കെ നിനക്ക് എന്നാണ്  മനസ്സിലാവുക........  

.തുമ്പിയുടെ കാര്യത്തിൽ കുറച്ചൊക്കെ പ്രാക്ടിക്കൽ ആവൂ...... അല്ലെങ്കിൽ നിനക്കു തന്നെയാണ് ബുദ്ധിമുട്ട് ഉണ്ടാവുക..... നമ്മൾ അവളെ സ്നേഹിക്കാൻ തുടങ്ങിയപ്പോഴേ ഇതിന്റെ അവസാനം ഇങ്ങനെയേ ഉണ്ടാവുന്നു അറിയില്ലായിരുന്നോ........ രക്ത ബന്ധം വലുതാണ് മീനമ്മാ........ ആര് എതിർത്താലും......

മീന തല താഴ്ത്തി........ ദേവൻ അവളുടെ മുഖം പിടിച്ചുയർത്തി......

നിനക്ക് തുമ്പിയെ കൂടെ വേണമെങ്കിൽ ഇവിടെ നിൽക്കണം...... അവരും സമ്മതിക്കുമായിരിക്കും....പക്ഷേ ഞാൻ കൂടെ ഉണ്ടാവില്ല..എനിക്കിപ്പോൾ അവിടുത്തെ ജോബ് ഉപേക്ഷിക്കാനും പറ്റില്ല....... ഞാൻ ഇടയ്ക്കു വന്നുപോകാം....... മതിയോ....... ഇതേയുള്ളു പോംവഴി.....

ഇല്ല...... ഇനിയും ദേവേട്ടനെ പിരിഞ്ഞിരിക്കാൻ എന്നെക്കൊണ്ടാവില്ല...... ഒരു നിമിഷം പോലും....... ദേവന്റെ മടിയിലിരുന്ന് കഴുത്തിൽ കൈ ചുറ്റിപ്പിടിച്ചു പറഞ്ഞു.....

പിരിഞ്ഞിരിക്കാൻ എനിക്കും ഇനി കഴിയുമെന്ന് തോന്നുന്നില്ല മീനമ്മാ........... 

നീ എല്ലാം മായയുടെയും ഹരിയുടെയും പേരിൽ കൊടുത്തപ്പോഴേ വിചാരിച്ചതാ ഇനി ഇവിടെ നിന്നെ നിർത്തില്ലന്ന്...... നിന്നെ കൊണ്ടുപോകാൻ തന്നെയായിരുന്നു എന്റെയും തീരുമാനം........ അപ്പോഴും  തുമ്പിയുടെ കാര്യത്തിൽ ഒരു ഉറച്ച തീരുമാനം എടുക്കാൻ എന്നെക്കൊണ്ടായിട്ടില്ല......

എന്തു ചെയ്യും ദേവേട്ടാ ഞാൻ ...... അവൾ എന്നെ പിരിഞ്ഞു ഇരിക്കില്ല...... എനിക്കും കഴിയില്ല.....

നീ വിഷമിക്കാതെ....... നമുക്ക് ഒന്നു ചോദിച്ചു നോക്കാം....... അവർക്കു സമ്മതമെങ്കിൽ തുമ്പി എന്നും നമ്മുടെ കൂടെയുണ്ടാകും...... നമ്മുടെ മകളായിട്ട്...... തീരുമാനം എന്തായാലും അത് ഉൾക്കൊള്ളാൻ ശ്രമിക്കണം...... എന്നെയും കൂടി വിഷമിപ്പിക്കരുത്........ തനിച്ചാണ് വന്നത് നിന്റെ ഓർമ്മകൾ മാത്രമേ കൂടെ ഉണ്ടായിരുന്നുള്ളു..... പോകുമ്പോൾ എന്റെ കൂടെ നീയുണ്ടാവണം .......... അതും പഴയ മീനമ്മയായിട്ട്......... ഉണ്ടാവില്ലേ.....

മ്മ്...... ഉണ്ടാവും...... മീന ഉറപ്പിച്ചു പറഞ്ഞു....... മനസ്സിലെ വിഷമം രണ്ടാളും മറച്ചു വച്ചു..... തുമ്പി എന്ന വിഷമം....... 

അപ്പോൾ മുൻപ് എന്നെ വിഷമിപ്പിച്ചതിനുള്ള ശിക്ഷ വേണ്ടേ....... മീനമ്മക്ക്...... അവളുടെ മറുപടിക്ക് കാത്തുനിന്നില്ല ദേവൻ......

ദേവന്റെ മുഖത്തു നിന്നും കൈകളിൽ നിന്നും വേർപിരിയുമ്പോൾ മീന പറഞ്ഞു...... ഒരു മാറ്റവുമില്ല ദേവേട്ടന്...... പണ്ടത്തെ അതേ വഷളൻ തന്നെ........

നിന്റെ അടുത്തു വരുമ്പോൾ ഞാൻ എന്നും വഷളൻ ആയിരിക്കും മീനമ്മാ....... അവളെ രണ്ടു കയ്യിലും കോരിയെടുത്തു മുറിയിലേക്ക് നടക്കുമ്പോൾ ദേവൻ പറഞ്ഞു...... 

മീന തുമ്പിയെ ചേർത്തു പിടിച്ചു കിടന്നു  ....... അവരെ രണ്ടുപേരെയും ചേർത്തുപിടിച്ചു ദേവനും........ രണ്ടാളും ഉറങ്ങിയില്ല...... മനസ്സിൽ നിറയെ തുമ്പിയായിരുന്നു......

രാവിലെ മീന എഴുന്നേറ്റു പോകുന്നത് ദേവൻ അറിഞ്ഞു.....ദേവന്റെ കൈകൾ ബന്ധിച്ചു കവിളിൽ ഒരുമ്മ കൊടുത്തു അവൾ ...... വഷളൻ ദേവേട്ടൻ.... അവൾ ചെവിയിൽ പറയുന്നതു കേട്ടു ദേവൻ ചിരിച്ചു....... 

മീനമ്മാ.... കുറച്ചു നേരം കൂടി... പ്ലീസ്......

അയ്യടാ എനിക്കു പണിയുണ്ട്....... എണീറ്റു വരുവാണേൽ ചായ തരും...... മീന തിരിഞ്ഞു നടന്നു.....

നീ പോടീ...... എനിക്കെന്റെ തുമ്പിയുണ്ട്...... മീന തിരിഞ്ഞു ദേവനെ നോക്കി......... ഇത്രയും നേരം സന്തോഷത്തോടെ ഇരുന്ന മുഖങ്ങളിൽ  പെട്ടെന്നു വിഷമം നിറഞ്ഞു ........ മീന പോയിക്കഴിഞ്ഞും ദേവന്റെ ചിന്ത എങ്ങനെ ഹരിയോട് ഈ കാര്യം അവതരിപ്പിക്കും എന്നോർത്തായിരുന്നു....... 

അച്ഛനോട് പറഞ്ഞപ്പോളും അദ്ദേഹത്തിന്റെ കയ്യിലും ആശ്വസിപ്പിക്കുന്ന തരത്തിലുള്ള ഒരു തീരുമാനം ഇല്ലായിരുന്നു..... അദ്ദേഹം മീനയോട് ചോദിച്ചു......

എന്തിനാ മീനു നിനക്കുള്ളതെല്ലാം മായയ്ക്ക് കൊടുത്തത്...... ഇനി നിനക്കായിട്ട് എന്തുണ്ട്.....അതെങ്കിലും ഓർക്കണമായിരുന്നു നീ.....

എനിക്കുള്ളതെല്ലാം ഇവരാണ് അച്ഛാ...... ദേവനെയും തുമ്പിയെയും നോക്കി പറഞ്ഞു...... ദേവേട്ടൻ ഉള്ളിടത്തോളം കാലം എനിക്ക് ആരെയും ആശ്രയിക്കേണ്ടി വരില്ലെന്ന് ഉറപ്പുണ്ട്....... ഇനി ഞാൻ ജീവിക്കേണ്ടത് അവിടെയാണ്....... എനിക്കും അതാണിഷ്ടം....... 

ദേവന് മീനമ്മയിൽ നിന്നും കണ്ണെടുക്കാൻ തോന്നിയില്ല...... ഇനി താൻ സൂക്ഷിക്കണം....... അവൾ തന്നെ സ്നേഹിച്ചു തുടങ്ങിയിരിക്കുന്നു...... അവളുടെ മുന്നിൽ പിടിച്ചു നിൽക്കാൻ തന്നെക്കൊണ്ടാവുമോ...... ആ...... ദേവൻ മുകളിലേക്കു നോക്കി..... കൂടെ കയ്യിലിരുന്ന് തുമ്പിയും......

അച്ഛനും വരണം എന്റെ കൂടെ....... ഇവിടെ തനിച്ചു നിൽക്കണ്ട.....എനിക്കൊരു സമാധാനവും ഉണ്ടാവില്ല.....

ഇല്ല മീനു........ ഇപ്പോൾ അച്ഛൻ വരുന്നില്ല..... എങ്കിലും എന്റെ മോളെ കാണാൻ തോന്നുമ്പോൾ ഞാൻ ഓടിവരും...... പിന്നെ ഇവിടെ ഞാൻ തനിച്ചല്ലല്ലോ...... മായയും ഹരിയുമില്ലേ.......

ഒരു വണ്ടി  വെളിയിൽ വന്നു നിൽക്കുന്ന ശബ്ദം കേട്ടു....... മീന ദേവനെ നോക്കി......ദേവൻ തിരിച്ചും...അത് ഹരിയും മായയും ആയിരുന്നു...... ദേവൻ വിളിച്ചു വരുത്തിയത്.......

മീന എല്ലാവർക്കുമുള്ള ചായ എടുത്തു കൊണ്ട് വന്നു....... എല്ലാവരും മൂകമായിരിക്കുന്നതു കണ്ടപ്പോഴേ മീനയ്ക്ക് മനസ്സിലായി ദേവേട്ടൻ കാര്യം അവതരിപ്പിച്ചെന്ന്.......

ഇതിനാണോ മീനു നീ നിനക്കുള്ളതെല്ലാം ഞങ്ങൾക്ക് തന്നത്...... തുമ്പിയെ സ്വന്തമാക്കുന്നതിനുള്ള പ്രതിഫലം...... മായ മീനയോട് ചോദിച്ചു......

മായേ..... നീയിത് എന്തൊക്കെയാ പറയുന്നത്...... മീനുവിന് അറിയാമായിരുന്നോ ദേവൻ അവളെ കൂട്ടാൻ വരുമെന്ന്...... അവന്റെ കൂടെ പോകേണ്ടി വരുമെന്ന്...... തുമ്പിയെ അവൾ എത്രമാത്രം സ്‌നേഹിക്കുന്നുണ്ടെന്ന് ഞാൻ പറയാതെ തന്നെ നിനക്കറിയില്ലേ..... അച്ഛൻ പറഞ്ഞു.......

മീനുവിനോടും ദേവനോടും ഒരുപാട് നന്ദിയും സ്നേഹവും കടപ്പാടുമുണ്ട്...... പക്ഷേ...... അതിനു പകരം തുമ്പിയെ തരാൻ സാധിക്കില്ല.... ഒരു രാത്രി പോലും അവളെ ചേർത്തുപിടിച്ചു ഉറങ്ങാൻ എനിക്ക് സാധിച്ചിട്ടില്ല...... മീനുവിനെ ഓർത്തു മാത്രമാണ് ഞാൻ സഹിച്ചത്.....നോക്കിയാൽ കാണാവുന്ന ദൂരത്തു അവളുണ്ടല്ലോന്ന് ആശ്വസിച്ചു..... ഇത് ഇത്രയും ദൂരം...... പറ്റില്ല........ ഹരി തീർത്തു പറഞ്ഞു......... 

എന്നെങ്കിലും അവൾ എല്ലാം മനസ്സിലാക്കി തിരിച്ചു വരുമെന്ന് ഒരു പ്രതീക്ഷയുണ്ട്...... അതിലാണ് ജീവിക്കുന്നതും....... കുറച്ചു ദിവസം അവൾ കരയുമായിരിക്കും...... ആശ്വസിപ്പിക്കാൻ ഞങ്ങളെക്കൊണ്ടാവും..... ഇപ്പോൾ ചെറിയ ഒരകലം മാത്രമേ ഉള്ളൂ തുമ്പിക്കും ഞങ്ങൾക്കുമിടയിൽ....... ഇനിയും അതു കൂട്ടരുതേ മീനു....... ദയവു ചെയ്തു തുമ്പിയെ ഞങ്ങളിൽ നിന്നും പിരിക്കരുത് മീനു......... മായ കരഞ്ഞു കൈകൂപ്പി പറഞ്ഞു.......

ഇല്ല മായേച്ചി....... ഒരിക്കലുമില്ല...... ഞാൻ തുമ്പിക്കു പകരമായല്ല ഒന്നും തന്നത്....... അവൾക്കു പകരം വക്കാൻ ഒന്നിനും ആവില്ല..... ഞാൻ ഒരിക്കലും പിരിക്കില്ല തുമ്പിയെ നിങ്ങളിൽ നിന്നും...... എന്തും കൊടുത്തേ എനിക്കു ശീലമുള്ളൂ...... പിടിച്ചു വാങ്ങില്ല...... ഒരു അവകാശം സ്ഥാപിക്കാനും ഞാൻ വരില്ല..... വൈകുന്നേരം ഞങ്ങൾ പോകും...... അവൾ ഉറങ്ങി എഴുന്നേൽക്കുന്നതിനു മുൻപ്..... അവൾ കരയുന്നതു കണ്ടാൽ ചിലപ്പോൾ പോകാൻ തോന്നിയില്ലെങ്കിലോ........

നിനക്കു പോകാതിരുന്നു കൂടെ മീനു.......ഇവിടെ നിന്നുകൂടെ..മായ ചോദിച്ചു.....

ഇല്ല മായേച്ചി....... പോകണം...... അവിടെ രണ്ടാത്മാക്കളുണ്ട് ഞങ്ങളുടെ വരവും കാത്ത്...... പിന്നെ ഞാൻ ഇവിടെ നിന്നാൽ ദേവേട്ടനുമായിട്ട് പിരിഞ്ഞു നിൽക്കേണ്ടി വരും....... ഇനിയും അദ്ദേഹത്തിനെ വിഷമിപ്പിക്കാൻ എന്നെക്കൊണ്ട് പറ്റില്ല...... ഈ വീടിനു വേണ്ടിയും എല്ലാവർക്കും വേണ്ടിയും ഒരുപാട് സഹിച്ചതാണ്........ ഇനി വേണ്ട......

ഞാൻ പാക്ക് ചെയ്യട്ടെ.... എന്നുപറഞ്ഞു ആരെയുമൊന്ന് നോക്കാതെ മീന മുറിയിലേക്ക് പോയി...... 

മീനയെ പിറകിലൂടെ ചെന്നു ചേർത്തു പിടിച്ചു ആശ്വസിപ്പിച്ചു ദേവൻ...... മീനയുടേത് ഉറച്ച തീരുമാനമാണെന്ന് ദേവന് തോന്നി.... എങ്കിലും അവൾ കരയാതെ പിടിച്ചു നിന്നല്ലോ........ വല്ലാത്ത പെണ്ണു തന്നെ...... ഇതെല്ലാം ഒരു പേമാരിയായി തന്റെ നെഞ്ചിൽ വീഴുമെന്ന് അറിയാം......... ദേവൻ ഓർത്തു........

അപ്പോഴും തനിക്കു ചുറ്റിനും നടക്കുന്നത് ഒന്നുമറിയാതെ തുമ്പി ദേവന്റെയും മീനയുടെയും ഇടയിലേക്ക്  നുഴഞ്ഞു കയറുന്നുണ്ടായിരുന്നു......... 

സ്നേഹബന്ധനം 15

മീനയെ പിറകിലൂടെ ചെന്നു ചേർത്തു പിടിച്ചു ആശ്വസിപ്പിച്ചു ദേവൻ...... മീനയുടേത് ഉറച്ച തീരുമാനമാണെന്ന് ദേവന് തോന്നി.... എങ്കിലും അവൾ കരയാതെ പിടിച്ചു നിൽക്കുന്നുണ്ടല്ലോ........ വല്ലാത്ത പെണ്ണു തന്നെ...... ഇതെല്ലാം ഒരു പേമാരിയായി തന്റെ നെഞ്ചിൽ വീഴുമെന്ന് അറിയാം......... ദേവൻ ഓർത്തു........

അപ്പോഴും തനിക്കു ചുറ്റിനും നടക്കുന്നത് ഒന്നുമറിയാതെ തുമ്പി ദേവന്റെയും മീനയുടെയും ഇടയിലേക്ക്  നുഴഞ്ഞു കയറുന്നുണ്ടായിരുന്നു.........

മീന തുമ്പിയുടെ മുഖത്തു നോക്കാതെ അവളെ വാരിയെടുത്തു..ദേവന്റെ നെഞ്ചിലേക്ക് ചേർന്നു........

ഇനിയെന്നാ ദേവേട്ടാ ഇങ്ങനെ.... നമ്മൾ മൂന്നു പേരും..... ഒരുമിച്ച്....... വിട്ടുകൊടുക്കാൻ തോന്നുന്നില്ല......എന്റെയല്ലേ.....ഇങ്ങനെ ഒരു വേർപിരിയൽ സഹിക്കാൻ പറ്റുന്നില്ല എനിക്ക് .......

എങ്കിൽ രണ്ടു ദിവസം കഴിഞ്ഞു പോയാൽ പോരേ...... ഇന്നു തന്നെ വേണോ മീനമ്മാ..... എനിക്കും പെട്ടെന്നു ഉൾക്കൊള്ളാൻ പറ്റുന്നില്ല........തുമ്പിയെ കണ്ടു കൊതി തീർന്നില്ല.....

വേണം...... പോകണം.......ഇനി ചിലപ്പോൾ രണ്ടു ദിവസം കൊണ്ടു എന്റെ മനസ്സു മാറിയാലോ..... വിട്ടുകൊടുക്കാൻ തോന്നിയില്ലെങ്കിലോ എനിക്കു..,.... ദേവേട്ടൻ പറയുംപോലെ ഒരു വഴക്കു വേണ്ടാ.....ഇനിയുള്ള കുറച്ചു മണിക്കൂർ എനിക്കു പിടിച്ചു നിൽക്കാനുള്ള ശക്തി തരണേന്നേ ഇപ്പോൾ പ്രാർത്ഥിക്കുന്നുള്ളു.....

തുമ്പിയെ ദേവനെ ഏൽപ്പിച്ചു വീണ്ടും പാക്ക് ചെയ്യാൻ തുടങ്ങി....... മീനയുടെ സാരി എല്ലാം എടുത്തു വെക്കുന്നത് കണ്ടപ്പോൾ തുമ്പി അവളുടെ ഉടുപ്പും പാവയും കൊണ്ടു കൊടുത്തു...... അതുമെടുത്തു മീന അടുക്കി വെച്ചു.......അവളുടെ ശ്രദ്ധ മാറുമ്പോൾ തിരിച്ചു എടുത്തു വെക്കും..... തുമ്പിയുടെ ഫ്രെയിം ചെയ്തു വച്ചിരുന്ന ഫോട്ടോയും സാരിക്കിടയിലേക്ക് എടുത്തു വെച്ചു ...... 

ദേവൻ മീനയെ നോക്കി കിടക്കുകയാണ് ...... അവൾ എങ്ങും നോക്കുന്നില്ല...... എപ്പോൾ വേണമെങ്കിലും പെയ്യാൻ തയ്യാറായി നിൽക്കുവാണ്......

തുമ്പിയെ പിടിച്ചു കിടത്തി ഉറക്കാൻ നോക്കിയിട്ട് ജന്മം ചെയ്താൽ ഉറങ്ങുന്നില്ല...... അല്ലെങ്കിൽ ബെഡ് കണ്ടാൽ ഉറക്കം തൂങ്ങുന്നവളാ....... ഇന്നിപ്പോൾ കളിക്കുവാണ് ദേവന്റെ കൂടെ....... മീന തോളിൽ കിടത്തി തട്ടി...... എവിടെ....... അവൾ ചിരിച്ചു കണ്ണും കൊണ്ടു കളിക്കുവാ ദേവനോട്....... മീന ദേവനെ നോക്കി കണ്ണുരുട്ടി......... ദേവൻ പതിയെ കണ്ണടച്ച് കിടന്നു...... തുമ്പി മീനയുടെ കയ്യിൽ നിന്നും ചാടിയിറങ്ങി ദേവന്റെ കൂടെ പോയി കിടന്നു..... മീനയും തുമ്പിയുടെ സൈഡിൽ വന്നു കിടന്നു........ മിണ്ടാതെ തുമ്പി കിടക്കുന്നതു കണ്ടപ്പോഴേ മീനയ്ക്ക് മനസ്സിലായി ഉറങ്ങാനാണെന്നു........... അവളുടെ മുടിയിൽ തഴുകി...... കണ്ണു രണ്ടും നിറഞ്ഞൊഴുകി...... കുഞ്ഞിക്കൈ എടുത്തു നെഞ്ചിൽ വെച്ചു എങ്ങി കരഞ്ഞു...... ദേവന് മീനയുടെ അവസ്ഥ കണ്ടിട്ട് സഹിക്കാൻ കഴിയുന്നുണ്ടായിരുന്നില്ല........ തുമ്പിയെ പതിയെ മാറ്റി കിടത്തി എണീറ്റു മീനയെ എണീപ്പിച്ചു..... കണ്ണു തുടച്ചു കൊടുത്തു......

വാ..... പോകാം..... ഇല്ലെങ്കിൽ ശരിയാവില്ല...... ഇതെനിക്ക് സഹിക്കാൻ പറ്റുന്നില്ല...... ഇങ്ങനെ ചങ്കുപൊട്ടി കരയുന്നത്...

ദേവൻ തുമ്പിയെ ഒന്നു നോക്കി.....അടുത്തു ചെന്നു നെറ്റിയിൽ ചുണ്ടു ചേർത്തു........പതിയെ ബാഗ് എടുത്തു വെളിയിലേക്കു നടന്നു....... ഒരു കയ്യിൽ സ്വന്തം മീനമ്മയെയും പിടിച്ചു....... അവൾ ഒന്നുകൂടി തിരിഞ്ഞു നോക്കി തുമ്പിയെ .....

മീനമ്മാ.... ഞാൻ ഒരിക്കൽ കൂടി ചോദിക്കുവാ നിനക്കു ഇവിടെ തുമ്പിയുടെ കൂടെ നിൽക്കാൻ ആഗ്രഹമുണ്ടോ..... എന്നെങ്കിലും ഒരിക്കൽ നിന്റെ വായിൽ നിന്നു ഞാൻ കേൾക്കരുത് എനിക്കു വേണ്ടിയാണു തുമ്പിയെ ഉപേക്ഷിച്ചതെന്ന്...... എനിക്കു സഹിക്കാൻ പറ്റിയെന്നു വരില്ല...... ദേവൻ ചോദിച്ചു.....

മീന കണ്ണുകൾ അമർത്തി തുടച്ചു..... ഇല്ല ദേവേട്ടാ..... ഒരിക്കലും ഞാൻ അങ്ങനെ പറയില്ല....... തുമ്പിയെ അവകാശപ്പെട്ടവർക്കു തന്നെയാ കൊടുക്കുന്നത്..... ഇനിയും ഞാൻ കാരണം അവർ പിരിഞ്ഞിരിക്കാൻ പാടില്ല..... അവൾ പതിയെ എല്ലാം മറന്നോളും..... ഈ അമ്മയെയും .....

ഇല്ല മീനമ്മാ...... അവൾ നിന്നെ എന്നെങ്കിലും തേടി വരും....... എനിക്കുറപ്പുണ്ട്..... നിന്റെ സ്നേഹം സത്യമായിരുന്നു.., അത് തള്ളിക്കളയാനോ മറക്കാനോ അവൾക്കു സാധിക്കില്ല.....

മ്മ്..... പോകാം ദേവേട്ടാ..... മീന പറഞ്ഞു.....

വാ..... അവളെയും ചേർത്തു പിടിച്ചു വെളിയിൽ ഇറങ്ങി...... ഹരിയും മായയും അച്ഛനും വണ്ടിയുടെ അടുത്തു വന്നു...... അച്ഛൻ ദേവേട്ടനോട് കണ്ണുകൊണ്ട് എന്തൊക്കെയോ പറയുന്നുണ്ട്....... അത് മനസ്സിലാക്കിയത് പോലെ അദ്ദേഹത്തിന്റെ കയ്യിൽ അമർത്തി പിടിച്ചിട്ടുണ്ട്.......

മായേച്ചിയോട് പൊറുക്കു മോളെ..... എന്നെക്കൊണ്ട് പറ്റുന്നില്ല..... നിന്നെ വീണ്ടും വിഷമിപ്പിക്കേണ്ടി വന്നു...... ക്ഷമിക്കണം എന്നോട് ..... മീനയെ കെട്ടിപ്പിടിച്ചു മായ പറഞ്ഞു..

അതൊന്നും സാരമില്ല ചേച്ചി...... എന്നായാലും ഈയൊരു അവസ്ഥ ഞാൻ നേരിടേണ്ടതല്ലേ ......... ഇത്രയും പെട്ടെന്ന് ആയത് നന്നായി... അവൾ കുഞ്ഞല്ലേ.... മറക്കാൻ എളുപ്പമാണ്....തുമ്പി ഇടയിൽ എഴുന്നേൽക്കും മായേച്ചി .... ഒന്നു തട്ടിക്കൊടുത്താൽ മതി...... എഴുന്നേൽക്കുമ്പോൾ പാൽ നിർബന്ധം ആണ് അവൾക്ക്..... ഞാൻ അത് തിളപ്പിച്ചു വച്ചിട്ടുണ്ട്..... ഒന്നാലോചിച്ചു മീനു പറഞ്ഞു.....വേറെ...... വേറെയൊന്നുമില്ല...... പറ്റിയാൽ അച്ഛന്റെ കൂടെ വന്നു നിൽക്കണം...... നിർബന്ധിച്ചു ടാബ്ലറ്റ് ഒക്കെ കഴിപ്പിക്കണം......

അച്ഛനെ പിടിച്ചു യാത്ര പറഞ്ഞു..... കാണാൻ വരണേ അച്ഛാ.,...... മീനു ഒന്നു വിതുമ്പി...,. അച്ഛന്റെ കണ്ണു നിറഞ്ഞു തുടങ്ങിയപ്പോഴേ ആരെയുമൊന്നു തിരിഞ്ഞു നോക്കാതെ വന്നു കാറിൽ കയറി.......

തുമ്പിയുടെ അമ്മേന്നുള്ള വിളി കേട്ടു മീന..... അവൾ എഴുന്നേറ്റെന്നു തോന്നുന്നു...... മീന ചെവി രണ്ടും പൊത്തിപ്പിടിച്ചു ദേവനെ നോക്കി....... പോകാം ദേവേട്ടാ......

ദേവൻ വണ്ടി സ്റ്റാർട്ട്‌ ചെയ്തു ആ വീടിന്റെ മുറ്റം കടന്നു പോയി...... കുറച്ചു മുൻപോട്ടു പോയതിനു ശേഷം വണ്ടി ഒതുക്കി നിർത്തി...... ഇപ്പോഴും മീന കണ്ണും അടച്ചു ചെവി രണ്ടും പൊത്തിപ്പിടിച്ചിരിക്കുവാണ്..... ദേവൻ അവളുടെ രണ്ടു കയ്യും പിടിച്ചു മാറ്റി....... മീന കണ്ണു തുറന്നു ചുറ്റിലും നോക്കി....... 

എന്താ ഇവിടെ ദേവേട്ടാ...... എന്തിനാ നിർത്തിയെ...

നീ ഇങ്ങനെ ഇരുന്നാൽ ഞാൻ എങ്ങനെ സമാധാനത്തോടെ വണ്ടി ഓടിക്കും മീനമ്മാ ....... ഒന്നുകിൽ എന്നോട് മിണ്ടു...... ഇല്ലെങ്കിൽ കണ്ണു തുറന്നെങ്കിലും ഇരിക്ക്...... ഞാൻ പറഞ്ഞില്ലേ സാഹചര്യം ആയി പൊരുത്തപ്പെടണമെന്ന്....

മീന ദേവന്റെ തോളിലേക്ക് ചാഞ്ഞു..... കയ്യിൽ കെട്ടിപ്പിടിച്ചു........ തുമ്പി ഇപ്പോൾ എന്നെ തേടുന്നുണ്ടാവില്ലേ ദേവേട്ടാ.......കരയുന്നുണ്ടാവുമോ..

മ്മ്...... സാരമില്ല..... മായയും ഹരിയും ഇല്ലേ അവിടെ..... അവർ നോക്കിക്കോളും......കുറച്ചു കരയും.., പിന്നെ എല്ലാം ഓക്കേ ആയിക്കോളും... അവളുടെ നെറുകയിൽ തലോടി പറഞ്ഞു....

എങ്കിലും ദേവന് ശരിക്കറിയാം തുമ്പി ഉറക്കം കഴിഞ്ഞ് എഴുന്നേൽക്കുമ്പോൾ മീനയെ തന്നെ കാണണംന്ന് ... അല്ലേൽ അവൾ വീടു തിരിച്ചു വക്കും...... തനിക്കുപോലും ആ സമയത്തു അവളെ ആശ്വസിപ്പിക്കാൻ പറ്റില്ല.....  തന്റെ കൂടെ ഒരിക്കൽ കിടന്നപ്പോൾ രാത്രിയിൽ ലൈറ്റ് പോലും ഇടാതെ തനിയെ തേടിച്ചെന്നതാണ് തുമ്പി മീനയെ..... അവൾക്ക് മീനയില്ലാതെ പറ്റില്ലെന്ന് മറ്റാരേക്കാളും നന്നായി തനിക്കറിയാം...... മീനയുടെ കണ്ണുനീർ വീണു ഷർട്ടിന്റെ ഒരു ഭാഗം നനഞ്ഞു..... അവളുടെ കവിളിൽ പതിയെ തട്ടി ആശ്വസിപ്പിച്ചു...... അനക്കം ഒന്നുംതന്നെ കാണാഞ്ഞപ്പോൾ ദേവൻ തല ചെരിച്ചു നോക്കി...... ഉറങ്ങിയിരിക്കുന്നു മീന....... പാവം..... ഇന്നലെ ഉറങ്ങിയിരുന്നില്ല..... നോക്കുമ്പോളെല്ലാം തിരിഞ്ഞും മറിഞ്ഞും കിടക്കുന്നുണ്ടായിരുന്നു....... ഉറങ്ങട്ടെ......  ഇനിയും താമസിച്ചാൽ വീടെത്തുമ്പോൾ പാതിരാത്രി ആവും..... മീനയെ ഉണർത്താതെ സീറ്റിൽ കിടത്തി.... സീറ്റ് ബെൽറ്റ്‌ ഇട്ടുകൊടുത്തു..... മീനയുടെ നാടിനോട് വിട പറഞ്ഞു......

ഇടയ്ക്ക് മീനു എഴുന്നേറ്റപ്പോൾ വഴിയിൽ നിർത്തി ഒരു ചായ നിർബന്ധിപ്പിച്ചു കുടിപ്പിച്ചു....,. കാഴ്ചകൾ കണ്ടുകൊണ്ട് വെളിയിലേക്ക് നോക്കി ഇരിക്കുകയാണ്..... മനസ്സിൽ നിറയെ തുമ്പി ആണെന്ന് അറിയാം.... വീടെത്തിയപ്പോൾ ഇരുട്ടിയിരുന്നു..... ദേവൻ താക്കോൽ എടുത്തു മീനയുടെ കയ്യിൽ വെച്ചു കൊടുത്തു.....

പോയി തുറക്ക്...... എന്നിട്ട് വലതുകാൽ വെച്ചു അകത്തോട്ടു കയറിക്കോ എന്റെ മീനമ്മ.....

മീന താക്കോൽ വാങ്ങി.... പക്ഷേ അവളുടെ കണ്ണുകൾ എന്തോ തേടുവാണ്....ചുറ്റും നോക്കുന്നുണ്ട്..... അത് മനസ്സിലായതുപോലെ ദേവൻ വെളിയിലെ ലൈറ്റ് ഇട്ടു..... എന്നിട്ട് മീനയുടെ കയ്യും പിടിച്ചു വീടിന്റെ സൈഡിലേക്ക് നടന്നു....

അമ്മേ..... അപ്പായെ...... ദേ നിങ്ങളുടെ മോൾ...... ഇനി  കാണിച്ചില്ല.... കൊണ്ടുവന്നില്ല.... എന്നൊന്നും പരിഭവം പറഞ്ഞേക്കരുത്....... 

മീനയെമുന്നോട്ട് പിടിച്ചു നിർത്തി ദേവൻ പറഞ്ഞു...... 

മീന മുട്ടുകുത്തിയിരുന്നു കെട്ടിയിട്ടിരിക്കുന്ന തറയിൽ കൈ വെച്ചു കരഞ്ഞു..... ദേവൻ അവൽക്കരികിൽ ഇരുന്നു തോളിൽ ചേർത്തു പിടിച്ചു...

എന്റെ മീനമ്മാ.... ഇതെപ്പോഴാ ഒന്നു പെയ്തു തോരുന്നത്....... എന്റെ അമ്മക്ക് പെൺകുട്ടികൾ കരയുന്നത് ഇഷ്ടമില്ല.... അറിയുമോ നിനക്ക്....... അതും സ്വന്തം മരുമകൾ......

അമ്മയുടെ മോനെ വേദനിപ്പിച്ചതിന് എന്നോട് ക്ഷമിക്കുവോ ദേവേട്ടാ...... മീനു ദേവന്റെ മുഖത്തേക്ക് നോക്കി ചോദിച്ചു...

അമ്മയ്ക്കും അപ്പാക്കും ആരോടും ദേഷ്യപ്പെടാൻ അറിയില്ല മീനമ്മാ..... അത്രയും പാവങ്ങളായിരുന്നു........ എന്നും നിന്റെ കൈകൊണ്ട് ഒരു തിരി വച്ചാൽ മതി..... അവർക്ക് അതു മതി സന്തോഷിക്കാൻ......വാ......

ദേവൻ മീനയുടെ കയ്യും പിടിച്ചു വീട്ടിലേക്കു കയറി.........  വലതുകാൽ വെച്ചു ........

വീടിന് ആകെയൊരു ഉന്മേഷം വന്നതു പോലെ...... അമ്മ പോയതിനു ശേഷം ഇങ്ങനൊരു ഫീലിംഗ് ആദ്യമായിട്ടാണ്..... ദേവന്റെ എന്തോ ഓർത്തുള്ള നിൽപ്പ് കണ്ടിട്ട് മീന വന്നു ചേർന്നു നിന്നു.....

വാ വീട് മുഴുവൻ കാണിച്ചു തരാം.......

വേണ്ട..... എന്റെ വീടല്ലേ..... ഞാൻ തനിയെ പരിചയപ്പെട്ടോളാം........ ഇപ്പോൾ അടുക്കള കാണിച്ചു തന്നാൽ മതി...... ചുറ്റുമൊന്ന് നോക്കിയിട്ട് മീന പറഞ്ഞു....

മീന പെട്ടെന്നു കഴിക്കാൻ ഉണ്ടാക്കി..... കൂടെ ദേവനും ഉണ്ടായിരുന്നു സഹായത്തിനു...... മീന എന്തോ ചിന്തയിലാണ് എപ്പോഴും...... തുമ്പിയാണ് മനസ്സിൽ എന്നു മനസ്സിലായി ദേവന്....... അവളെ കൂടുതൽ സന്തോഷിപ്പിക്കാൻ ശ്രമിച്ചു കൊണ്ടിരുന്നു ദേവൻ.......

അപ്പയുടെയും അമ്മയുടെയും ഫോട്ടോ കണ്ടപ്പോൾ മീനയ്ക്ക് മനസ്സിലായി ദേവേട്ടനു എവിടുന്ന് കിട്ടിയതാണ്  ഈ പാവത്തരംന്ന് .... ഡ്രസ്സ്‌ എടുക്കാൻ നേരം തുമ്പിയുടെ ഉടുപ്പും പാവയും കണ്ടപ്പോൾ വീണ്ടും സങ്കടം അണപൊട്ടി മീനയ്ക്ക്....... എല്ലാം കരഞ്ഞു തീർക്കട്ടെയെന്ന് ദേവനും വിചാരിച്ചു അതുകൊണ്ട് ആശ്വസിപ്പിക്കാൻ പോയില്ല ......

തുമ്പി ഉറങ്ങിക്കാണുവോ ദേവേട്ടാ...... എന്റെയോ ദേവേട്ടന്റെയോ കൂടെയല്ലാതെ അവൾ ഉറങ്ങില്ല...... കുറച്ചൊന്നു മാറിക്കിടന്നാൽ തപ്പിവരും അവളെന്നെ...... കണ്ണു തുറന്നാൽ ആദ്യം നോക്കുക ഞാനുണ്ടോന്നാ...... അത് കുഞ്ഞിലേ തുടങ്ങിയ ശീലമാണ്...... അവളില്ലാതെ എനിക്കും ഉറങ്ങാൻ പറ്റുമെന്ന്  തോന്നുന്നില്ല ദേവേട്ടാ..... നെഞ്ചിൽ വല്ലാത്ത ഭാരം....... മീന ദേവനിൽ നിന്നും എഴുന്നേറ്റിരുന്നു........

ദേവനും തോന്നി തുമ്പിയില്ലാതെ മീന പൂർണ്ണയാവില്ലെന്ന്......

അവളിപ്പോൾ ഹരിയുടെ നെഞ്ചിൽ കിടന്നുറങ്ങിയിട്ടുണ്ടാവും മീനമ്മാ.....

അങ്ങനെ പറഞ്ഞെങ്കിലും ദേവനും ഒന്നുമങ്ങോട്ട് ഉൾക്കൊള്ളാൻ പറ്റുന്നുണ്ടായിരുന്നില്ല....... തുമ്പി ഹരിയുടെ നെഞ്ചിൽ കിടക്കുന്നത് ചിന്തിക്കാൻ പോലുമാവില്ല ദേവന്......ഉള്ളിലെ സ്വാർത്ഥത അതിനു അനുവദിച്ചില്ല......

ഇല്ല ദേവേട്ടാ..... അവളുറങ്ങില്ല....... കണ്ണടച്ചാൽ അമ്മേന്നു വിളിച്ചു കരയുന്ന തുമ്പിയുടെ മുഖമാണ് മനസ്സിൽ....... ഈശ്വരാ..ഞാൻ എത്ര കാലം ഈ വേദന സഹിക്കണം.....മീന മുഖം പൊത്തി....... 

ദേവൻ മീനയെ പിടിച്ചു ചേർത്തു കിടത്തി..... 

ഒന്നും ആലോചിക്കണ്ട......  സുഖമായി ഒന്നുറങ്ങു..... എല്ലാം ശരിയാകും..... നിന്റെ കരഞ്ഞു കലങ്ങിയ കണ്ണുകൾ കാണുമ്പോൾ എനിക്കു പറ്റുന്നില്ല മീനമ്മാ.....

ദേവനെ കൂടുതൽ വിഷമിപ്പിക്കാൻ വയ്യാത്തതു കൊണ്ടു മീന കണ്ണടച്ച് ദേവന്റെ നെഞ്ചിലെ താളം കേട്ടു കിടന്നു...... കൈ വയറിലെ മുറിപ്പാടിലേക്ക് ചേർത്തു വെച്ചു ദേവനെ നോക്കി......

എന്താ... ന്നുള്ള രീതിയിൽ ദേവൻ പിരികം പൊക്കി ചോദിച്ചു...... 

മീന എത്തി വലിഞ്ഞു ദേവന്റെ കവിളിൽ ഉമ്മ വച്ചു...... എന്നിട്ട് അതേപടി തിരിച്ചു കിടന്നു...... ദേവന്റെ കൈക്കുള്ളിൽ മീനയെ ചേർക്കുമ്പോളും ഇടക്കു നഷ്ടപ്പെട്ട  കുഞ്ഞുചിരിയും കുഞ്ഞികൈകളും രണ്ടാൾക്കും ശരിക്കും വിഷമമുണ്ടാക്കി......... തുമ്പിയുടെ ഓർമ്മയിൽ കണ്ണടക്കാതെ രണ്ടാളും കിടന്നു.........

അമ്മേന്നുള്ള വിളി കേട്ടു മീന ചാടിയെഴുന്നേറ്റു......... ചുറ്റും നോക്കി...

എന്താ മീനമ്മാ..... എന്തു പറ്റി ...... ദേവൻ ചോദിച്ചു..... 

ദേവേട്ടാ..... തുമ്പിയുടെ ശബ്ദം കേട്ടതു പോലെ....... 

നീ അവളെത്തന്നെ ആലോചിച്ചു ഇരിക്കുന്നതു കൊണ്ടു തോന്നുന്നതാ..... നേരം വെളുത്തു ഇനി  കിടക്കേണ്ട......ഒന്ന് ഫ്രഷ് ആയി വാ... ഞാൻ ചായ ഇടാം.....

ശ്ശ്..... ദേവേട്ടാ തുമ്പി ഇവിടെ ഉള്ളതു പോലെ ...... എന്റെ തോന്നലല്ല...മീന എണീറ്റു സാരി നേരെയിട്ടു....... വാതിൽ തുറന്നു മുറിക്കു വെളിയിലിറങ്ങി...... പിറകെ ദേവനും...... വെളിയിലേക്കുള്ള വാതിൽ തുറന്നു ദേവൻ....... മിറ്റത്തു നിൽക്കുന്നവരെ കണ്ടപ്പോൾ ദേവനും മീനയും ഒന്നു ഞെട്ടി...... 

അച്ഛനും ഹരിയും മായയും........ മായയുടെ കയ്യിൽ ഷാളിൽ പൊതിഞ്ഞു തുമ്പിയും........

മീന ഓടിപ്പോയി തുമ്പിയുടെ അടുത്തേക്ക്........ കുഞ്ഞിക്കൈ എടുത്തു മുഖത്തു ചേർത്ത്...... ഒരുപാട് ഉമ്മ കൊടുത്തു...... അവൾ ഉറക്കമാണ്....... 

എല്ലാവരെയും അകത്തേക്ക് വിളിച്ചിരുത്തി ദേവൻ....... 

മായയാണ് പറഞ്ഞു തുടങ്ങിയത്....... 

തുമ്പിയെ ഞങ്ങൾക്ക് നന്നായി നോക്കാൻ സാധിക്കുമെന്നും ..... ഒരു നല്ല അച്ഛനും അമ്മയും ആകാൻ കഴിയുമെന്നും വിശ്വസിച്ചു...... അത് തെറ്റാണെന്ന് ഒരു രാത്രി കൊണ്ടു ഇവൾ മനസ്സിലാക്കി തന്നു...... മീനു..... നിന്നെ കാണാഞ്ഞു കരയാൻ തുടങ്ങിയതാണ്..... ഇതുവരെ നിർത്തിയിട്ടില്ല..... ആ വീട് മുഴുവൻ നിന്നെ തിരഞ്ഞു നടക്കുവായിരുന്നു....... കരഞ്ഞിട്ട് പനി കൂടി രാത്രിയിൽ ഹോസ്പിറ്റലിൽ ആയിരുന്നു...... അമ്മേന്നു വിളിച്ചു കരയുമ്പോൾ കൂടെ ഉണ്ടായിരുന്നിട്ടു കൂടി ആശ്വസിപ്പിക്കാൻ പറ്റിയില്ല എനിക്കു..... എന്റെ ആശ്വാസവാക്കുകൾ ഒന്നും തന്നെ അവൾ സ്വീകരിച്ചില്ല..     അവൾക്ക് എന്നും നീയാ അമ്മ..... ഞാൻ മായമ്മയാണ് അവൾക്ക്.... തുമ്പി ജീവനോടെ ഉണ്ടായാൽ മാത്രം മതി ഞങ്ങൾക്ക്.....അത് എവിടെ ആയാലും... ഇപ്പോൾ മരുന്നു കഴിച്ചതുകൊണ്ട് മാത്രം ഉറങ്ങുവാണു.......

തുമ്പിയെ മീനയുടെ കയ്യിലേക്ക് വെച്ചു കൊടുത്തു മായ........ മീന ദേവനെ നോക്കി..... ആ മുഖത്തു സന്തോഷം മാത്രമാണ്...... തുമ്പിയെ നെഞ്ചിൽ ചേർത്തു പിടിച്ചു മീന .......

ഇത് ചിലപ്പോൾ ദൈവം നേരിട്ടു തന്ന ശിക്ഷ ആവും ഞങ്ങൾക്ക് ...... ഇനി പിരിക്കാൻ നോക്കില്ല മീനു ഇവളെ നിന്നിൽ നിന്നും..... അവൾക്കു എന്ന് ഞങ്ങളെ തിരിച്ചറിയാൻ പറ്റുന്നുവോ അന്നറിഞ്ഞാൽ മതി...... 

മീന തുമ്പിയെയും എടുത്തു മുറിയിലേക്ക് പോയി....... 

ആരെയും അന്ന് പോകാൻ ദേവൻ സമ്മതിച്ചില്ല....... ക്ഷീണം മാറാൻ അവരെ റൂമിൽ വിട്ടിട്ടു മീനയുടെയും തുമ്പിയുടെയും അടുത്തേക്ക് പോയി...... തുമ്പിയെ കെട്ടിപ്പിടിച്ചു കിടക്കുകയാണ് മീന........ ആ കുഞ്ഞു ശരീരം മുഴുവനും മീനയുടെ കൈകൾ തലോടിക്കൊണ്ടിരുന്നു........ ആദ്യമായി കാണും പോലെ....

ഞാനൊരിക്കലും ഇങ്ങനെ എന്റെ ജീവിതത്തിൽ നടക്കുമെന്ന് വിചാരിച്ചില്ല ദേവേട്ടാ..... എനിക്കിപ്പോൾ സന്തോഷം കാരണം എന്താ ചെയ്യേണ്ടതെന്നറിയില്ല ..... അടുത്തു വന്നിരുന്ന ദേവനോട് മീന പറഞ്ഞു.....

ഞാൻ പറഞ്ഞില്ലേ മീനമ്മേ നിന്റെ സ്നേഹം അവൾക്ക് തള്ളിക്കളയാനാവില്ലെന്ന്....... അവിടെ മായയും ഹരിയും ആകെ വിഷമിച്ചിരിക്കുവാ....... നമുക്ക് ഇത്രയും വിഷമം ഉണ്ടായെങ്കിൽ അവർക്കു എത്രമാത്രം ഉണ്ടാവും....... ഒന്നുമല്ലെങ്കിലും സ്വന്തം അച്ഛനും അമ്മയും അല്ലേ...,.

എനിക്കും അറിയാം..... പക്ഷേ ഞാനെന്താ ചെയ്യുക...... ഇനി ഞാൻ നഷ്ടപ്പെടുത്തില്ല ദേവേട്ടാ..... പറ്റാഞ്ഞിട്ടാ.....

തുമ്പിക്ക് അനക്കം വെച്ചു തുടങ്ങി...... കണ്ണു തിരുമ്മി തുറന്നതും ഞങ്ങളെ കണ്ടപ്പോൾ ഒന്നമ്പരന്നു...... മാറി മാറി നോക്കി..,.. പിന്നെ ചിരിച്ചു....... പെട്ടെന്ന് മീനയെ നോക്കി ചുണ്ടെല്ലാം വിതുമ്പി വന്നു...... ഒരു കരച്ചിൽ പുറത്തു ചാടും മുൻപ് മീന അവളെ ചേർത്തു പിടിച്ചു.........മുഖം ഉമ്മകൾ കൊണ്ടു മൂടി.......  ദേവൻ രണ്ടാളെയും..... 

കുറച്ചു നേരം മീനയുടെ ചൂടു പറ്റി കിടന്നിട്ട് ദേവന്റെ നെഞ്ചിലോട്ട് വലിഞ്ഞു കയറി.......

അമ്മ പോയി....... ഇട്ടേച്ചു പോയി..... തുമ്പി മീനുവിന് നേർക്ക് വിരൽ ചൂണ്ടി ദേവനോട് പരാതിയുടെ കെട്ടഴിച്ചു.......

നമുക്ക് അമ്മക്കിട്ടു നല്ല അടി കൊടുക്കാലോ..... ഇനി തുമ്പിയെ ഇട്ടേച്ചു പോവില്ല കേട്ടോ......

അച്ചണ്ട  ഛേ... പാവല്ലേ...മുത്തായി തൊടുത്തണ്ട ..... എന്നിട്ട് ദേവനെ പറ്റിച്ചേർന്നു......... 

ഞാനും കൂടി ......... മീനയും ചേർന്നു അവരുടെ കൂടെ......... മൂന്നാളുടെയും ചിരിയിൽ റൂമിന് ഒരു ഉണർവ്വ് വന്നു...

മായയും ഹരിയും പോകും വരെ തുമ്പി ദേവന്റെ കഴുത്തിൽ അള്ളിപ്പിടിച്ചിരുന്നു...... അവൾക്കു പേടിയുണ്ടായിരുന്നു ഇനിയും അവർ കൊണ്ടുപോയാലോന്നോർത്തു........ ഒന്നു നോക്കാൻ കൂടി കൂട്ടാക്കിയില്ല അവൾ.....

മായയോട് മീനു പറഞ്ഞു..... വിഷമിക്കണ്ട മായേച്ചി...... തുമ്പി വരും നിങ്ങളുടെ അരികിൽ....... കുറച്ചു കൂടി ക്ഷമിക്കു........ ഇങ്ങോട്ട് ഇനിയും വരണം മായേച്ചി.... ഞങ്ങൾക്ക് നിങ്ങളൊക്കെയേ ഉള്ളൂ......

ഉറപ്പായും വരും മോളെ......മായ മീനയെ കെട്ടിപ്പിടിച്ചു യാത്ര പറഞ്ഞു....... രണ്ടാളുടെയും കണ്ണുകൾ തുമ്പിക്ക് മേലെയായിരുന്നു....... മീനുവിന് വിഷമം വന്നെങ്കിലും മായയെ ആശ്വസിപ്പിച്ചു വിട്ടു ...... അച്ഛന്റെ മുഖത്ത് പാതി സന്തോഷവും പാതി വിഷമവും നിറഞ്ഞു നിന്നു........

സന്ധ്യക്ക്‌ മീനയും തുമ്പിയും വച്ച ദീപത്തിന് ഒരിക്കലുമില്ലാത്ത തെളിച്ചം തോന്നി ദേവന്......അപ്പയും അമ്മയും ഒരുപാട് സന്തോഷിക്കും പോലെ...... തിരികൾ കെടാൻ മടിച്ചു ശാന്തതയോടെ കത്തി നിന്നു...........തുമ്പിയുടെ കുഞ്ഞിക്കാൽ പതിയാത്ത ഒരു സ്ഥലവും ബാക്കിയില്ല ആ വീട്ടിൽ......... എല്ലാം ഓടിച്ചാടി നടന്നു കാണുകയാണ് അവൾ.......... അതിനിടയിൽ ആ മണ്ണിനടിയിൽ ഉള്ളത് അച്ഛച്ചനും അച്ഛമ്മയും ആണെന്ന് മനസ്സിലാക്കിയെടുത്തു അവൾ........ ഇടയിൽ അവരോട് വിശേഷം പറയാനും മടിക്കുന്നില്ല അവൾ ........ അത് കാണുമ്പോൾ ദേവൻ അറിയാതെ എങ്കിലും കൊതിച്ചു പോയി അവർ ഇപ്പോ ജീവനോടെ ഉണ്ടായിരുന്നെങ്കിൽ എന്ന്......തുമ്പിക്കൊപ്പം... എനിക്കും മീനമ്മയ്ക്കുമൊപ്പം........ ദേവന്റെ കഴുത്തിൽ കൈ ചുറ്റി കവിളിൽ പതിയെ കടിച്ചു മീനു........ എന്നിട്ട് ഒന്നുകൂടി ഇറുക്കി പിടിച്ചു "ഞാനില്ലേ കൂടെ " എന്ന രീതിയിൽ......

അങ്ങുമിങ്ങും കിടന്നിരുന്ന മുല്ലവള്ളികൾ മീന  ഒതുക്കിവച്ചു........ വീടിന്റെ അകവും പുറവും മീനയുടെ കൈകളെത്തിയപ്പോൾ ജീവൻ വച്ച പോലെ........ തുമ്പിയും ആകെ സന്തോഷത്തിലാണ്......... ഓടിച്ചാടി നടക്കുവാണ്...... പിറകെ അവൾ വീഴാതെ നോക്കി ദേവനും ഉണ്ട്......... കൈവിട്ടു പോയ ജീവിതം തിരിച്ചു പിടിച്ചതിന്റെ സന്തോഷത്തിലാണ് മൂന്നു പേരും.......

തുമ്പിയെയും ചേർത്തുപിടിച്ചു ദേവനെ ചേർന്ന് കിടക്കുന്ന മീനയോട് ദേവൻ ചോദിച്ചു.... 

ഞാനൊരു കാര്യം ചോദിക്കട്ടെ നിന്നോട്...... ഒരുപക്ഷേ ഞാൻ തിരിച്ചു വന്നില്ലായിരുന്നുവെങ്കിൽ നീയെന്തു ചെയ്തേനെ മീനമ്മാ......... വേറൊരു ജീവിതം.....,.. മീന ദേവന്റെ വാ പൊത്തിപ്പിടിച്ചു........

കുറച്ചു നേരത്തെ മൗനത്തിനു ശേഷം മീന തിരിച്ചു ചോദിച്ചു........ അങ്ങനെയായിരുന്നെങ്കിൽ ദേവേട്ടൻ എന്തു  ചെയ്തേനെ........ 

എനിക്കു വരാതിരിക്കാൻ കഴിയുമായിരുന്നില്ല...... നീയില്ലാതെ എനിക്ക് അതിൽ കൂടുതൽ ആവുമായിരുന്നില്ല....... ഒരു കാരണം തേടിയിരിക്കുവായിരുന്നു ഞാൻ...... എന്റെ ജീവിതത്തിലേക്ക് നീ  വന്നില്ലായിരുന്നുവെങ്കിൽ ഞാൻ പിടിച്ചു കെട്ടി കൊണ്ടുവന്നേനെ നിന്നെ....... അത്രയ്ക്ക് ഇഷ്ടപ്പെട്ടു പോയി മീനമ്മാ നിന്നെ...... ജീവനിൽ നിന്നും അടർത്തി മാറ്റാൻ പറ്റാത്ത വിധം...... തനിച്ചായ ദിവസങ്ങളിൽ നിന്നെ ഓർത്തതുപോലെ വേറാരെയും ഞാൻ ഓർത്തിട്ടില്ല...... അതിനു വേറാരും എന്റെ മനസ്സിൽ ഉണ്ടായിരുന്നുമില്ല ....... 

ഇതു തന്നെയാണ് എന്റെയും ഉത്തരം ദേവേട്ടാ....... ദേവന്റെ മുഖത്തു നോക്കി മീന പറഞ്ഞു....... എന്നെങ്കിലും വരുമെന്ന വിശ്വാസത്തിൽ ജീവിച്ചേനെ...... എത്ര കാലം ആയാലും....... കാത്തിരുന്നേനെ ഞാൻ...... 

അത്രയും ഇഷ്ടമുണ്ടായിരുന്നുവെങ്കിൽ ഞാൻ പോകാൻ ഇറങ്ങിയപ്പോൾ നീയെന്താ ഒന്ന് വിളിക്കാഞ്ഞത്..... പോകരുതെന്ന് പറയാഞ്ഞത്........ 

ഞാൻ പറഞ്ഞിരുന്നെങ്കിൽ പോവില്ലായിരുന്നോ........ ദേവേട്ടൻ..... 

അറിയില്ല...... അന്ന് നിന്നോട് കുറച്ചു വാശിയുണ്ടായിരുന്നു....... എങ്കിലും ഞാൻ ആശിച്ചിരുന്നു ഒന്നു വിളിച്ചിരുന്നെങ്കിൽ എന്ന്..... 

അന്ന് ഞാൻ പറഞ്ഞാലും ദേവേട്ടൻ നിൽക്കില്ലന്നു തോന്നി...... അറിയോ ദേവേട്ടന്...... ഞാൻ ദേവേട്ടനെ എന്നു മുതലാണ് സ്നേഹിച്ചു തുടങ്ങിയതെന്ന്.... 

മ്മ്...... ഞാൻ ആ വീട്ടിൽ നിന്നും പോന്നതിനു ശേഷം...... പിരിഞ്ഞു നിന്നപ്പോൾ...... നിനക്ക് ആരുമില്ലെന്ന് അറിഞ്ഞപ്പോൾ............. 

അല്ല...... എനിക്കും അറിയില്ല..... എപ്പോഴെന്ന്...... പക്ഷേ.. തുമ്പിയെ സ്നേഹിക്കുന്നത് ആത്മാർത്ഥമായി ആണെന്ന് തോന്നിത്തുടങ്ങിയപ്പോൾ...... എന്റെ സ്നേഹം വേണമെന്ന് പിടിവാശി കാണിക്കാൻ തുടങ്ങിയപ്പോൾ...... മനസ്സിൽ എവിടെയോ ദേവേട്ടൻ ഉണ്ടായിരുന്നു....... ഈ നോട്ടം സഹിക്കാൻ പറ്റുന്നുണ്ടായിരുന്നില്ല..... പക്ഷേ പെട്ടെന്നു തന്നെ ഓർക്കും ചേച്ചിയുടെ ഭർത്താവ് ആണല്ലോന്ന്.... അപ്പോൾ വന്ന സ്നേഹം തിരിച്ചിറങ്ങിപ്പോകും....... അന്ന് എന്റെ കൈ കൊണ്ടു ഞാൻ വേദനിപ്പിച്ചപ്പോൾ ദേവേട്ടനെക്കാൾ എന്റെ ശരീരവും മനസ്സുമാണ് വേദനിച്ചത്....... അന്ന് ഞാൻ  ദൈവത്തിനെ വിളിച്ച പോലെ ഒരിക്കലും  വിളിച്ചിട്ടില്ല..... ചേർത്തുപിടിച്ചത് സ്നേഹത്തോടെ തന്നെയാ.....ഞാനൊഴുക്കിയ കണ്ണുനീരും സത്യമായിരുന്നു...... പിന്നെ താലി തിരിച്ചു തന്നത്...... ഞാൻ കാരണം ഇനിയും ദേവേട്ടൻ വേദനിക്കാൻ പാടില്ലെന്ന് തോന്നിയതു കൊണ്ടാണ് ......മീനയുടെ കണ്ണ് നിറഞ്ഞു.....

ഇനി ഇതിന്റെ പേരിൽ മഴ പെയ്യിക്കണ്ട....... ഇനി നമ്മുടെ ജീവിതത്തിൽ സന്തോഷവും  സ്നേഹവും മാത്രം മതി മീനമ്മാ ...... ഞാൻ നിന്നെ തനിച്ചാക്കരുതായിരുന്നു.... ...... എനിക്കു മാത്രം ശരിയെന്നു തോന്നിയ തെറ്റായിരുന്നു അതെന്ന് ഇപ്പോഴാണ് മനസ്സിലായത്....... ഇനി ഒരിക്കലും  തനിച്ചാക്കില്ല....... എന്നും കൂടെയുണ്ടാവും......... മീനയുടെ മുഖം സ്വന്തം മുഖത്തേക്ക് അടുപ്പിച്ചു  ദേവൻ പറഞ്ഞു........ 

മീനയുടെ വയറിൽ മുഖം അമർത്തി ദേവൻ ചോദിച്ചു .......ഇനിയെന്നാണോ ഇതൊന്നു നിറഞ്ഞു കാണുന്നത്....... 

മീന ചിരിയോടെ ദേവന്റെ മുഖം ഒന്നുകൂടി അമർത്തി പിടിച്ചു........

അച്ഛേ നിച്ചും.........

ദേവനും മീനയും ഞെട്ടി മാറി നോക്കി....... 

ഈശ്വരാ.... ഉടുപ്പും പൊക്കിപ്പിടിച്ചു കുഞ്ഞിവയറും കാണിച്ചു നിക്കുവാ കടുക്...... 

ദേവൻ തുമ്പിയുടെ കുഞ്ഞി വയറിൽ മുഖം ചേർത്ത് ശബ്ദം ഉണ്ടാക്കി....... ഇക്കിളി എടുത്തു ചിരിച്ചു മടുത്തപ്പോൾ തുമ്പി വയർ പൊത്തിപ്പിടിച്ചു മീനയെ ചൂണ്ടി പറഞ്ഞു....... അച്ഛേ... ഇനി അമ്മേനെ............ അത് കേട്ടതും ദേവൻ മുണ്ടു മടക്കി കുത്തി റെഡിയായി.............

അയ്യേ...... ഈ പെണ്ണ്...... മീന തുമ്പിയെ രണ്ടു കൈകൊണ്ടും ഇറുക്കി ചേർത്തു പിടിച്ചു.......  പിന്നെ പതിയെ ഉറങ്ങുവാൻ വേണ്ടി  അവർക്കു മാത്രം സ്വന്തമായ ഇടത്തേക്ക് നീങ്ങി.......  ദേവന്റെ നെഞ്ചിലേക്ക്........

😍😍അവസാനിപ്പിച്ചു ഞാൻ ....,..😍😍

അവർ ജീവിക്കട്ടെ.... തുമ്പിക്കും ഇനി വരാനിരിക്കുന്ന തുമ്പിയുടെ സഹോദരങ്ങൾക്കും നല്ലൊരു അച്ഛയും അമ്മയും ആയിട്ട്......... ജീവിതം എന്നാൽ നേടിയെടുക്കാൻ മാത്രമല്ല വിട്ടുകൊടുക്കുന്നതും കൂടിയാണെന്ന് തുമ്പിയെ മനസ്സിലാക്കിക്കൊടുത്തുകൊണ്ട് ....... ദേവന്റെ മീനമ്മയായും....... മീനയുടെ ദേവേട്ടൻ ആയും......

💕💕💕💕

DOWNLOAD PDF STORY CLICK HERE

📝 രോഹിണി ആമി