🍁ശ്രീലക്ഷ്മി🍁ഫുൾ പാർട്ട്🍁

🍁ശ്രീലക്ഷ്മി🍁ഫുൾ പാർട്ട്🍁 

"എന്നെ തേച്ചിട്ടു പോയ ഹരിയേട്ടന്റെ തലയിൽ ഇടിത്തീ വീഴണേ എന്റെ ഭഗവതി..

അല്ലെങ്കിൽ വേണ്ട പാവം ഹരിയേട്ടനെ പറഞ്ഞിട്ട് കാര്യമില്ല എല്ലാത്തിനും കാരണം ആ ചൊവ്വയാണ്..

അതിന് വല്ല കാര്യവും ഉണ്ടോ വിളിക്കാതെ എന്റെ ജാതകത്തിൽ വലിഞ്ഞു കേറി വന്നെന്റെ വിവാഹം മുടക്കാൻ..

എന്നാലും എന്റെ ദേവി നിത്യവും നിന്നെ വിളിച്ചു പ്രാത്ഥിക്കുന്ന എനിക്ക് ഈ ഗതി വന്നല്ലോ..

ദേവിയാണെങ്കിലും കുറച്ചൊക്കെ മനുഷ്യത്വം ആവമായിരുന്നു കേട്ടോ....

"ശ്രീ എന്തൊക്കെയാണെടി ദേവിയുടെ തിരുനടയിൽ നിന്ന് നീ വിളിച്ചു പറയുന്നത്....

"ഞാൻ എന്റെ അവസ്ഥ ദേവിയോട്  പറഞ്ഞതാണ് മോളെ  അല്ലാതെ എന്ത് ചെയ്യാനാണ് എന്നും പറഞ്ഞു ശ്രീലക്ഷ്മി അവിടെ നിന്നും നടന്നു..

"അല്ലെടി നിന്റെ ഹരിയേട്ടൻ ഇതൊക്കെ അറിഞ്ഞിട്ട് എന്താണ് പറഞ്ഞത്..

"എന്റെ ജാതകപ്രകാരം  രണ്ടാം വിവാഹമേ എനിക്ക്  വാഴു എന്ന് കേട്ടപ്പോളെ അങ്ങേര് കാലുമാറി..

"അല്ലെടി അങ്ങേര് നല്ല പഠിപ്പും ജോലിയുമൊക്ക ഉള്ള ആളല്ലേ പോരാത്തതിന് പുരോഗമനവാദിയും ആയിരുന്നല്ലോ പിന്നെന്തു പറ്റി..

"തട്ടി പോവുമെന്ന് തോന്നുമ്പോൾ പിന്നെന്തു പുരോഗമനം..

ദുഷ്ടൻ നമുക്ക് പിരിയാം അച്ഛനും അമ്മയ്ക്കും എതിരായി ഞാൻ ഒന്നും ചെയ്യില്ല എന്നും പറഞ്ഞു മുങ്ങി..

"ബെസ്റ്റ് പ്രണയം ബെസ്റ്റ് കാമുകൻ..കുട്ടിക്കാലം തൊട്ടു നീ പ്രേമിച്ചു നടന്നത് ഇത് പോലൊരു പേടിത്തൊണ്ടൻ മുറച്ചെറുക്കനെ ആയിപോയല്ലോടി..

"എന്റെ പൊന്നു മീനു നീ ഒന്ന് നിർത്ത് ഞാൻ അതൊക്കെ മറക്കാൻ ശ്രമിക്കുവാണ്..

"മ്മം നിന്റെ സങ്കടം കണ്ടു പറഞ്ഞു പോയതാടി.. ശെരിയെന്നാൽ ഞാൻ പോവുന്നു നാളെ കാണാം എന്നും പറഞ്ഞു അമ്പലത്തിൽ നിന്നും ഇറങ്ങിയ പാടെ നീതു നടന്നു..

പഴയ ഓർമ്മകളിലേക്ക് ചേക്കേറിയ മനസ്സുമായി ഞാൻ തറവാട്ടിലേക്ക് നടന്നു.....

---------------------------------------------------------

മാനം തൊടാൻ കൊതി പൂണ്ടു നിൽക്കുന്ന കുന്നുകളും മലകളും പച്ച പുതച്ചു നിൽക്കുന്ന വയലുകളും വയലുകൾക്ക് കാവലെന്നോണം കരിമ്പന കൂട്ടങ്ങളും കരയെ തഴുകി കടന്നു പോവുന്ന ചെറുതോണി പുഴയും ചേർന്ന അതിമനോഹരമായ നീലിമംഗലം ദേശത്തെ പ്രശസ്തമായ ആലത്തൂർ തറവാട്ടിലെ ശ്രീധരന്റെയും കുമാരിയുടെയും രണ്ടു മക്കളിൽ മൂത്തവളാണ്  ശ്രീലക്ഷ്മി.. ഡിഗ്രി ഫൈനൽ ഇയർ എക്സാം എഴുതി നിൽക്കുന്നു..

 രണ്ടാമത്തേത് ശ്രീക്കുട്ടി.. ഡിഗ്രി ഫസ്റ്റ് ഇയർ ആണ്..

ശ്രീലക്ഷ്മിയുടെ  അമ്മാവനായ രാഘവന്റെയും ഭാനുമതിയുടെയും ഏക  മകനാണ് ഹരി ..

കുട്ടിക്കാലം തൊട്ടു ഞാൻ ഹരിയേട്ടന്റെയും ഹരിയേട്ടൻ എന്റെയും ആണെന്ന് എല്ലാവരും വാക്കാൽ  പറഞ്ഞു ഉറപ്പിച്ചിരുന്നതിനാൽ ഞങ്ങളുടെ പ്രണയത്തിന് തടസ്സങ്ങൾ ഒന്നുമില്ല എന്ന് സന്തോഷിച്ചു ഇരിക്കുമ്പോൾ ആണ് വില്ലൻ വേഷം അണിഞ്ഞു എന്റെ ജാതകത്തിലേക്കു ചൊവ്വ കടന്നെത്തിയത്..

ഹരിയേട്ടന്റെ സ്വന്ത മാവുന്നതും സ്വപ്നം കണ്ടു ഡിഗ്രി ഫൈനൽ ഇയർ എക്സാം എഴുതി കൂട്ടുകാരോടും കല്യാണക്കാര്യം പറഞ്ഞു നാട്ടിലെത്തിയ എന്നെ കാത്തിരുന്ന ദുരന്തവാർത്ത വന്നത് രാമപ്പണിക്കരുടെ നാവിൽ നിന്നായിരുന്നു..

"ഈ ജാതകങ്ങൾ തമ്മിൽ ചേരില്ല..

മാത്രമല്ല ഈ ജാതകക്കാരിക്ക് രണ്ടാം വിവാഹമേ വാഴു എന്ന് ആവണി പലകയിൽ കവടി നിരത്തി കൊണ്ട് രാമപണിക്കർ പ്രവചിച്ചു..

"എന്താ പണിക്കരെ ഈ പറയുന്നത് താൻ ശെരിക്കും ഒന്നൂടി നോക്കിക്കേ എന്നൊരാധിയോടെ എന്റെ അച്ഛൻ ശ്രീധരൻ ചോദിച്ചു..

"ശ്രീധരാ കവടി നിരത്തി കണ്ടത് തന്നെയാണ് ഞാൻ പറഞ്ഞത്.. ഇനി വീണ്ടും നോക്കേണ്ട കാര്യമില്ല..

അറിയാമല്ലോ ഞാൻ പറഞ്ഞത് ഇന്നേവരെ തെറ്റിയിട്ടില്ല എന്ന്..

"എന്നാലും രാമപണിക്കരെ എന്റെ ഒരു സമാധാനത്തിന് ഒന്നൂടി നോക്കിക്കൂടെ..

"ഇനി എത്രവട്ടം നോക്കിയാലും ഇതിൽ നിന്നും അണുവിട മാറില്ല..

മാത്രമല്ല ഇതിനൊട്ടു പരിഹാരവും പലകയിൽ തെളിയുന്നില്ല

എന്നാൽ പിന്നെ ഞാൻ അങ്ങോട്ട് എന്നും പറഞ്ഞു കൊണ്ട് രാമപണിക്കർ എഴുന്നേറ്റു ദക്ഷിണയും വാങ്ങി യാത്ര തിരിച്ചു....

ശെരിക്കും തറവാട് ആകെ ശോകമൂകമായി മാറി..

മോളെയെന്ന് മുഴുവൻ വിളിക്കാത്ത അമ്മായി പിശാച് കുരിശു കാണുമ്പോലെ എന്ന് പറയാറുള്ളത് പോലെ എന്നെ തുറിച്ചൊന്നു നോക്കി....

അതോടെ എന്റെ ഉള്ളിൽ ആധിയായി..

എന്തൊക്കെ സംഭവിച്ചാലും എന്റെ ഹരിയേട്ടൻ എന്നെ വേണ്ടാന്ന് വെക്കില്ല എന്നെനിക്ക് ഉറപ്പായിരുന്നു.... കാരണം ഹരിയേട്ടന് എന്നെ അത്രക്ക് ഇഷ്ടമായിരുന്നു..

പോരാത്തതിന് മുപ്പർ ഒരു പുരോഗമനവാദി ആയിരുന്നു..

അതുകൊണ്ട് ഇതൊക്കെ അറിയുമ്പോൾ പുള്ളി ചിരിച്ചു തള്ളും എന്നെനിക്ക് തോന്നി..

ആ ഒരു പ്രതീക്ഷയിൽ ആണ് ഞാൻ ഹരിയേട്ടനെ കാണാൻ ചെന്നത്..

ഞാൻ ചെല്ലുമ്പോൾ ഇഞ്ചി കടിച്ച അണ്ണാനെ പോലെ ഉമ്മറപ്പടിയിൽ ഹരിയേട്ടൻ ഇരിപ്പുണ്ടായിരുന്നു..

"ഹരിയേട്ടാ.. ഹരിയേട്ടോ.....

"ഹാ ശ്രീ ഞാൻ നിന്നെ കാണാൻ ഇരിക്കുവായിരുന്നു.. എനിക്ക് കുറച്ചു സംസാരിക്കാനുണ്ട് നീ വാ എന്നും പറഞ്ഞു ഹരിയേട്ടൻ ഉമ്മറത്തു നിന്നും മുറ്റത്തേക്ക് ഇറങ്ങി നടന്നു..

പിന്നാലെ എന്ത്‌ പറയാൻ ആവുമെന്ന ആധിയിൽ ഞാനും നടന്നു....

പതിവിന് വിപരീതമായി ഞങ്ങൾക്ക് ഇടയിൽ ആദ്യമായി മൗനം കൂടുകെട്ടി....

നടന്നു ഞങ്ങൾ തറവാട്ട് കുളത്തിനരികെ എത്തി..

ഹരിയേട്ടൻ കുളത്തിലെ കൽപ്പടവുകൾ ഇറങ്ങി മധ്യത്തിലെ കൽപടവിൽ ഇരുന്നു..

പിന്നാലെ ഞാനും ഹരിയേട്ടന്റെ ഒപ്പം ചെന്നിരുന്നു..

ഹരിയേട്ടൻ എന്താണ് പറയാൻ പോവുന്നതെന്ന് കേൾക്കാനായി ഞാൻ ചെവിയോർത്തു..

കുളത്തിലെ താമരകൾ പോലും ഹരിയേട്ടന്റെ വാക്കുകൾക്ക് ആയി കാതോർത്തു നിൽക്കുന്നത് പോലെയാണ് എനിക്കപ്പോൾ  തോന്നിയത് ..

പുള്ളിക്കാരൻ കൽപടവുകളിൽ കിടന്നിരുന്ന ചെറിയ കല്ലുകൾ പെറുക്കി കുളത്തിലേക്ക് എറിഞ്ഞു കൊണ്ടിരുന്നു..

ആ മുഖം ശോകമൂകമായതു പോലെയായിരുന്നു..

പഴയ ചിരിയൊന്നും ആ മുഖത്തില്ല..

"ഹരിയേട്ടാ.. എന്താണ് എന്തുപറ്റി.. എന്താണ് പറയാനുള്ളത്..

"ശ്രീ.. അതുപിന്നെ എങ്ങനെ പറയണം എന്നെനിക്ക് അറിയില്ല..

നിനക്കറിയില്ലേ എന്റെ അമ്മയുടെ ഇഷ്ടത്തിന് എതിരായി ഞാൻ ഒന്നും ചെയ്യാറില്ല എന്ന്..

"അറിയാം ഏട്ടാ.. അമ്മായി എന്തെങ്കിലും പറഞ്ഞോ..

"മ്മം.. അമ്മക്ക് ഈ കല്യാണത്തിന് താൽപര്യമില്ല.. നമ്മുടെ കല്യാണം നടക്കില്ല ശ്രീ..

ഹരിയേട്ടന്റെ ആ വാക്കുകൾ എന്റെ നെഞ്ചിനെ കീറി മുറിച്ചു കൊണ്ടാണ് കടന്നു പോയത്..

"ഹരിയേട്ടാ.. ഏട്ടൻ എന്തൊക്കെയാണ് ഈ പറയുന്നത്..

"നീയും കേട്ടതല്ലേ രാമപണിക്കർ പറഞ്ഞത്..

"അതുപിന്നെ അങ്ങേര് വായി തോന്നിയത് വല്ലതും വിളിച്ചു പറഞ്ഞെന്നു കരുതി നമ്മളുടെ സ്നേഹം വേണ്ടെന്നു വെക്കാൻ ഹരിയേട്ടന് പറ്റുമോ..

"പറ്റണം ശ്രീ.. നിനക്കറിയില്ലേ രാമ പണിക്കർ കവടി നിരത്തി പറഞ്ഞത് ഇന്നേവരെ തെറ്റിയിട്ടില്ല..

"എന്നുവെച്ചാൽ ഹരിയേട്ടൻ പറഞ്ഞു വരുന്നത് ഞാൻ ഹരിയേട്ടനെ മറക്കണം എന്നാണോ..

"മ്മം മറന്നേ പറ്റൂ ശ്രീ.. അമ്മ ഒരിക്കലും നമ്മുടെ കല്യാണത്തിന് സമ്മതിക്കില്ല.. അമ്മയെ എതിർത്തു നിന്റെ കഴുത്തിൽ താലി കെട്ടാൻ എനിക്കാവില്ല..

ഹരിയേട്ടൻ അത് പറയുമ്പോൾ എന്റെ കണ്ണുകൾ നിറഞ്ഞൊഴുകുകയായിരുന്നു..

"ഹരിയേട്ടാ.. ഏട്ടന് ഇങ്ങനൊക്കെ പറയാൻ എങ്ങനെ കഴിയുന്നു..

ഏതെങ്കിലും ഒരു ജ്യോൽസ്യൻ കവടി നിരത്തി എന്തെങ്കിലും പറഞ്ഞാൽ തീരാവുന്ന ബന്ധമേ നമുക്കിടയിൽ ഉണ്ടായിരുന്നുള്ളോ..

കുട്ടിക്കാലം തൊട്ടു ഹരിയേട്ടൻ എന്റെയും ഞാൻ ഹരിയേട്ടന്റെയും എന്ന് പറഞ്ഞു സ്നേഹിച്ചവർ അല്ലേ നമ്മൾ എന്നിട്ട് ഇപ്പോൾ ജാതകത്തിന്റെ പേരും പറഞ്ഞു എന്നെ വേണ്ടാന്ന് വെക്കല്ലേ ഹരിയേട്ടാ..

ഒരു പൊട്ടികരച്ചിലോടെ ഞാനത് പറയുമ്പോൾ യാതൊരു കുലുക്കവും ഇല്ലാതെ എല്ലാം തീരുമാനിച്ചു ഉറപ്പിച്ചിട്ട് തന്നെ എന്ന മട്ടിൽ ഹരിയേട്ടൻ നിന്നു..

"ശ്രീ ഇത് വിധിയാണ് സ്നേഹിക്കാനും ആഗ്രഹിക്കാനും മാത്രമേ നമുക്ക് അവകാശമുള്ളൂ ഒന്നാവണോ എന്ന് തീരുമാനിക്കേണ്ടത് വിധിയാണ്..

നിർഭാഗ്യവശാൽ വിധി നമുക്ക് എതിരാണ്..

അങ്ങനെ കരുതി സമാധാനിക്കാൻ നോക്ക് എന്ന് ഒരു ഭാവമാറ്റവും ഇല്ലാതെ ഹരിയേട്ടൻ പറയുമ്പോൾ എന്റെ കണ്ണീർത്തുള്ളികൾ കവിൾ തടങ്ങളിലൂടെ ഒലിച്ചിറങ്ങി കൽപടവുകളിലേക്ക് ഇടതടവില്ലാതെ വീണു കൊണ്ടിരിന്നു.....

എന്ത് പറയണമെന്ന് അറിയാതെ വാക്കുകൾ വഴിമുട്ടി..

"നമുക്ക് പിരിയാം ശ്രീ അതാണ് നല്ലതെന്ന് ഏട്ടൻ പറയുമ്പോൾ കുളത്തിലെ താമര പൂക്കൾ പോലും വാടി തളർന്നു നിന്നു..

"ഹരിയേട്ടാ ഇങ്ങനൊന്നും പറയല്ലേ.. എനിക്ക് ഏട്ടനില്ലാതെ ജീവിക്കാൻ പറ്റില്ല എന്നും പറഞ്ഞു പൊട്ടികരഞ്ഞു കൊണ്ട് ഞാൻ ഹരിയേട്ടന്റെ മാറിലേക്ക് ചാഞ്ഞു..

"ശ്രീ നിന്റെ വിഷമം എനിക്ക് മനസ്സിലാവും പക്ഷേ ഇതല്ലാതെ നമുക്ക് മുന്നിൽ വേറെ വഴിയില്ല..

നീ എന്നെ മറക്കണം..

ഞാൻ നാളെ തന്നെ ടൗണിലേക്ക് പോവാണ്..

ഇനി ഇവിടെ നിന്നാൽ ശെരിയാവില്ല..

എന്നും പറഞ്ഞു ഏട്ടനെന്നെ പിടിച്ചു നേരെ നിർത്തിച്ചു..

"നിങ്ങൾ..... നിങ്ങളെന്നെ ചതിക്കുവായിരുന്നു..

ഓരോന്ന് പറഞ്ഞെന്നെ മോഹിപ്പിച്ചത് എന്തിനായിരുന്നു..

നിങ്ങൾ ദുഷ്ടനാണ്..

ഇനി നിങ്ങളുടെ മുന്നിൽ ഞാൻ വരില്ല എന്നും പറഞ്ഞു കരഞ്ഞു കൊണ്ട് ഞാൻ കൽപ്പടവുകൾ ഓടി കയറി എന്റെ തറവാട്ടിലേക്ക് ഓടി..

ഇടവഴിയിൽ കൂടി കണ്ണീരും തുടച്ചു തറവാട് ലക്ഷ്യം വെച്ചു നടന്ന എന്റെ മുന്നിലേക്ക്  രാമപണിക്കർ വന്നുപെട്ടു ..

"അല്ല ആരിത് ശ്രീ ലക്ഷ്മിയോ..

എന്തുണ്ട് മോളെ സുഖമാണോ..

അയാളുടെ ചോദ്യം എന്റെ ഉള്ളിലെ ദേഷ്യം ഇരട്ടിയാക്കിച്ചു..

"ഓരോന്ന് വിളിച്ചു പറഞ്ഞു എന്റെ കല്യാണം മുടക്കിച്ചിട്ട് എനിക്ക് സുഖമാണോന്നോ തന്നെ ഇന്ന് ഞാൻ കൊല്ലുമടോ എന്നും പറഞ്ഞു താഴേ കിടന്നിരുന്ന കമ്പുമായി അയാളുടെ നേരെ ഞാൻ പാഞ്ഞടുത്തു..

എന്റെ വരവ് കണ്ടു പേടിച്ചു രാമപണിക്കർ നൂറേ നൂറിൽ ഉള്ള ജീവനും കൊണ്ട് ഓടി..

 പിന്നാലെ ഞാനും..

വയസ്സാം കാലത്തും ഓട്ടത്തിൽ ചെറുപ്പക്കാരെ തോൽപ്പിക്കുന്ന വേഗമായിരുന്നു പുള്ളി ക്കാരനപ്പോൾ.....

"മോളെ ശ്രീ നീ ഇതെന്താണ് ഈ കാണിക്കുന്നത് എന്നും ചോദിച്ചു കൊണ്ട് അച്ഛൻ എന്റെ മുന്നിലേക്ക് വന്നു..

"അച്ഛാ അതുപിന്നെ ഞാൻ..

"മ്മ്മം നീ ഒന്നും പറയണ്ട തറവാട്ടിലേക്ക്  പോവാൻ നോക്ക് എന്നും പറഞ്ഞു എന്റെ കൈയിൽ നിന്നും അച്ഛൻ കമ്പു വാങ്ങി താഴേക്കു ഇട്ടു..

അതോടെ ഞാൻ തറവാട്ടിലേക്ക് നടന്നു..

വഴിയിൽ കൂടി നടക്കുമ്പോൾ എന്റെ മനസ്സിലേക്ക് ഹരിയേട്ടനുമായുള്ള ഓർമ്മകൾ ഓടിയെത്തി..

ഈ നടവഴിയിൽ കൂടി ആ കൈയിൽ കോർത്തു നൂറായിരം സ്വപ്നങ്ങൾ നെയ്തു ഞങ്ങൾ നടന്നിരുന്നതാണ്....

വഴിയരുകിൽ നിന്നിരുന്ന ചെടികളോടും പൂക്കളോടും കിന്നാരം ചൊല്ലി ഞങ്ങളുടെ പ്രണയത്തെ കുറിച്ച് ആവേശത്തോടെ പറഞ്ഞു നടന്നിരുന്ന എന്റെ കണ്ണുകൾ നിറഞ്ഞൊഴുകുക ആയിരുന്നു..

എനിക്കായ് കാത്തു നിന്നിരുന്ന പൂക്കളൊക്ക എന്റെ പ്രണയം പോലെ വാടി കൊഴിഞ്ഞു വീണു കിടക്കുന്നു..

ഒന്നും മിണ്ടാതെ ഉള്ളു നീറി ഞാൻ തറവാട്ടിൽ എത്തി മുറിയിൽ കയറി  വാതിൽ അടച്ചു കുറ്റിയിട്ടു..

തലയിണയിലേക്ക് മുഖം പൂഴ്ത്തി മെല്ലെ കട്ടിലിൽ കിടന്നു..

ഓർമ്മകൾ മിഴിനീരായി  തലയിണയെ നനച്ചു കൊണ്ടിരുന്നു....

പറഞ്ഞറിയിക്കാൻ ആവാത്തൊരു വിങ്ങൽ ആയിരുന്നപ്പോൾ എന്റെ നെഞ്ച് നിറയെ..

കണ്ടിരുന്ന സ്വപ്നങ്ങൾ എല്ലാം ഒരൊറ്റ നിമിഷം കൊണ്ട് കൈവിട്ടു പോയതെന്നെ ആകെ തളർത്തി കളഞ്ഞു..

ആ ഒരു നിമിഷം മനസ്സ് കൈവിട്ടു ഞാനെന്റെ മരണത്തെ കുറിച്ച് ചിന്തിച്ചു തുടങ്ങിയിരുന്നു ......

ശ്രീലക്ഷ്മി 2

ഇനിയെന്തിനു ജീവിക്കണം.. ഹരിയേട്ടനില്ലാതെ ഒരു നിമിഷം പോലും തനിക്ക്  ജീവിക്കാനാവില്ല എന്ന ചിന്ത ശ്രീലക്ഷ്മിയുടെ  മനസ്സിനെ കീഴടക്കി കൊണ്ടിരുന്നു..

നഷ്ടമായപ്പോളാണ്  ഹരിയേട്ടനെ ഞാൻ ഇത്രയും സ്നേഹിച്ചിരുന്നു എന്നെനിക്ക് മനസ്സിലായത്..

ഞങ്ങൾ ഒരുമിച്ചുള്ള പ്രണയാർദ്രമായ  ഓരോ  നിമിഷങ്ങളും എന്റെ മുന്നിലേക്ക് ഓടിയെത്തി കൊണ്ടിരുന്നു.....

അതിനിടയിൽ അവസാനമായി ഏട്ടൻ പറഞ്ഞ ഓരോ വാക്കുകളും  കാതുകളിൽ വീണ്ടും വീണ്ടും മുഴങ്ങി കേട്ടു കൊണ്ടിരുന്നു....

കവിളുകളിൽ കൂടി ഒലിച്ചിറങ്ങിയ  കണ്ണീരിന്റെ ഉപ്പുരസം ചുണ്ടുകളിലേക്ക്  പടർന്നു..

ഓർമ്മകൾ നോവ് പടർത്തി കൊണ്ടിരുന്ന മനസ്സുമായി മരണമെന്ന വാക്കെന്റെ ഉള്ളിൽ ഇരുന്നാരോ മൊഴിഞ്ഞു..

ഒരാവേശത്തോടെ ഞാൻ ചാടി എഴുന്നേറ്റു....

 അലമാരയിൽ നിന്നും സാരി എടുത്തു അടുത്ത് കിടന്നിരുന്ന സ്റ്റൂളിൽ കേറി ഉത്തരത്തിലേക്ക് സാരി തുമ്പു കെട്ടി കുരുക്കിട്ടു..

പെട്ടെന്ന്  വാതിലിൽ മുട്ടി കൊണ്ട്  അമ്മ വിളിക്കുന്നത് കേട്ടു....

"മോളെ നീ ഇത് എന്തെടുക്കുവാണ്.. എത്ര നേരമായി മുറിയടച്ചു ഇരിക്കുന്നു....

വാതിൽ തുറന്നേ.....

വാതിൽ തുറക്ക് മോളെ.....

അമ്മയുടെ  ആ ശബ്ദം കേട്ടതും കൈവിട്ടു പോയ എന്റെ മനസ്സ് സമനില കൈവരിച്ചു...

 കരഞ്ഞു കലങ്ങിയ കണ്ണുകളുമായി സ്റ്റൂളിൽ നിന്നും ഇറങ്ങി  ഞാൻ  വാതിൽ തുറന്നു..

"എന്താ മോളെ..എന്തുപറ്റി എന്ന അമ്മ ചോദിച്ചതും "അമ്മേ.."എന്ന വിളിയോടെ  പൊട്ടിക്കരഞ്ഞു കൊണ്ട്    അമ്മയെ ഞാൻ കെട്ടിപിടിച്ചു..

"എന്തുപറ്റി മോളെ.. എന്ത് തന്നെ ആയാലും നമുക്ക് പരിഹാരം ഉണ്ടാക്കാം എന്നും പറഞ്ഞു കൊണ്ട് അമ്മ എന്നെ ആശ്വസിപ്പിക്കാൻ ശ്രമിക്കുന്നതിന് ഇടയിലാണ് 

 കാറ്റിൽ ആടി ഉത്തരത്തിൽ കിടക്കുന്ന സാരി അമ്മയുടെ കണ്ണിൽ പെട്ടു..

"മോളെ നീ ഇതെന്താണ് ചെയ്യാൻ പോയത്......

നീ ഈ അമ്മയെയും അച്ഛനെയും നിന്റെ  അനിയത്തിയെയും  കുറിച്ചൊക്കെ  ചിന്തിച്ചോ..??

 നീ പോയാൽ പിന്നെ ഞങ്ങൾക്ക് ആരാ ഉള്ളത്..

എന്നും പറഞ്ഞു അമ്മയുടെ കണ്ണുകൾ കൂടി നിറയാൻ തുടങ്ങി..

"അമ്മേ അതുപിന്നെ ഞാൻ.. 

"മോളെ.. നിന്റെ വിഷമം ഈ അമ്മക്ക് മനസ്സിലാവും....

പക്ഷേ ഈ കാര്യത്തിൽ നമുക്ക് എന്ത്‌ ചെയ്യാൻ പറ്റും..

അച്ഛൻ അവരോടു ഒരുപാട്  പറഞ്ഞു നോക്കി പക്ഷേ നിന്റെ അമ്മായി  സമ്മതിക്കുന്നില്ല.....

അവരെയും  കുറ്റം പറയാൻ പറ്റില്ല ആകെ ഒരൊറ്റ മോനല്ലേ ഉള്ളു..

ഇനിയിപ്പോൾ എന്റെ മോൾ എല്ലാം മറക്കണം അതേ ഇപ്പോൾ  ഈ അമ്മക്ക് പറയാൻ ആവുള്ളൂ.....

"അമ്മേ.. അതെനിക്ക് ഈ ജന്മം കഴിയുമെന്ന് തോന്നുന്നില്ല....

"കഴിയണം മോളെ.. നിന്നെ കൊണ്ടു കഴിയും..

അതിന് വേണ്ടി നീ ശ്രമിക്കണം.. ആഗ്രഹിക്കുന്നത് എല്ലാം കിട്ടണം എന്ന് വാശി പിടിക്കരുത്..

ആഗ്രഹിക്കാനേ നമുക്ക് അവകാശമുള്ളൂ..

അത് തരണമോ വേണ്ടയോ എന്ന് ഈശ്വരൻ ആണ് തീരുമാനിക്കുന്നത്.....

 അതുകൊണ്ട് എന്റെ മോൾ ഇനി  ഇതുപോലെ ഒന്നും ചെയ്യാൻ നിൽക്കരുത്.....

ഇനി  അങ്ങനെ തോന്നൽ ഉണ്ടായാൽ നീ ഞങ്ങളെ കുറിച്ച് ഓർക്കുക എന്നും പറഞ്ഞു എന്റെ കവിളുകളിൽ കൂടി ഒലിച്ചിറങ്ങിയ കണ്ണീർ  തുടച്ചു കൊണ്ട്  നെറുകയിൽ അമ്മ മെല്ലെ ഉമ്മ വെച്ചു..

ആ നിമിഷം അമ്മയുടെ കണ്ണുകളും നിറഞ്ഞു തുളുമ്പിയിരുന്നു.....

പെയ്യാൻ വെമ്പി നിൽക്കുന്ന കാർമേഘം പോലെ നെഞ്ചിൽ ഉരുണ്ടു കൂടിയ സങ്കടങ്ങൾ എല്ലാം അമ്മയുടെ സ്നേഹ സ്പർശത്താൽ പതിയെ കെട്ടടങ്ങി..

എങ്കിലും ഞങ്ങളുടെ കണ്ണുകൾ മാത്രം നിറഞ്ഞൊഴുകി കൊണ്ടിരുന്നു... 

"എന്താണ് അമ്മേ ഇവിടെ എന്നും ചോദിച്ചു കൊണ്ട് അപ്പോഴേക്കും   അനിയത്തി കേറി വന്നു..

"ഒന്നുല്ല മോളെ.....

"ഒന്നുല്ലേ..പിന്നെന്തിനാ ചേച്ചി കരയുന്നത്..??

ഹരിയേട്ടന്റെ കാര്യം ഓർത്താണോ..??

"ശ്രീക്കുട്ടി നീ ഇനി ഓരോന്ന് പറഞ്ഞു അവളെ വിഷമിപ്പിക്കാൻ നിൽക്കരുത്..

"ഇല്ലമ്മേ ഞാൻ ഒന്നും പറയുന്നില്ല.. അല്ലെങ്കിലും ഹരിയേട്ടൻ പോവുന്നെങ്കിൽ പോട്ടെന്നേ  എന്റേച്ചിക്ക് അതിനേക്കാൾ നല്ലൊരാളെ കിട്ടും..

അതും ഒരു രാജകുമാരനെ തന്നെ..

അല്ലേ ചേച്ചി..??

"കുഞ്ഞു നീ ഒന്നു മിണ്ടാതെ പോവുമോ .. ഞാൻ ഇത്തിരി നേരം ഒറ്റക്ക് ഇരുന്നോട്ടെ എന്നും പറഞ്ഞു ഞാൻ അവളുടെ നേരെ ദേഷ്യപ്പെട്ടു..

"കുഞ്ഞു നീ വാ അവൾ ഇത്തിരി നേരം ഒറ്റക്ക് ഇരുന്നോട്ടെ.. എന്നും പറഞ്ഞു അമ്മ അവളുമായി മുറിയിൽ നിന്നും  പുറത്തേക്ക് ഇറങ്ങി....

വാതിൽ അടച്ചു 

ഉത്തരത്തിൽ തൂങ്ങി ആടുന്ന സാരി ഞാൻ അഴിച്ചു മാറ്റി..

അല്ലെങ്കിൽ തന്നെ ഞാൻ എന്തിന് മരിക്കണം ഒന്നും എന്റെ കുറ്റം കൊണ്ട് അല്ലല്ലോ എന്ന ചിന്ത എന്റെ  ഉള്ളിൽ നിറഞ്ഞു തുടങ്ങി..

പക്ഷേ എന്തോ ഉള്ളിലെ നോവിന് പകരമാകാൻ ഒരു ആശ്വാസ വാക്കുകൾക്കും കഴിഞ്ഞില്ല....

നഷ്ടപ്രണയം അങ്ങനെ ആണല്ലോ അതുവരെ നെയ്തു കൂട്ടിയ സ്വപ്‌നങ്ങൾ എല്ലാം കൂടി കൂട്ടി നെഞ്ചിൽ ചിതയൊരുക്കി അഗ്നിക്ക് ഇരയാക്കണം..

ഒടുവിൽ കെടാതെ നീറി നീറി കിടക്കുന്ന കനൽ പോലെ ചില ഓർമ്മകൾ മായിക്കാൻ ശ്രമിച്ചാലും മായാതെ ഉള്ളിൽ നോവ് പടർത്തി കൊണ്ടിരിക്കും.....

വിശപ്പും ദാഹവും അറിയാതെ ഉറക്കം നഷ്ടപ്പെട്ട ദിനരാത്രങ്ങൾ ആയിരുന്നു എനിക്ക് പിന്നീട് അങ്ങോട്ട്..

പുറമെ ചിരി വരുത്തി ഉള്ളിൽ നോവ് പേറുന്ന ഓർമ്മകളുമായി ഒരു ഭ്രാന്തിയെ പോലെ ഞാൻ ദിവസങ്ങൾ  തള്ളി നീക്കി..

ഞങ്ങൾ ഒരുമിച്ച് നടന്നിരുന്ന വഴികളിൽ കൂടി ഒറ്റക്ക് നടന്നു..

സ്വപ്‌നങ്ങൾ നെയ്തു കൂട്ടിയ ഇലഞ്ഞി മരതണലിൽ ഇരുന്നു കൊണ്ട് ആ ഓർമ്മകൾ കുഴിച്ചു മൂടാൻ വെറുതെ  ശ്രമിച്ചു..

പക്ഷേ നോവിന്റെ അഗ്നി ആളി പടർത്താനെ ആ ശ്രമം കൊണ്ട് കഴിഞ്ഞുള്ളൂ.....

---------------------------------------------------------

"അതേ ശ്രീധരേട്ടാ അവളുടെ അവസ്ഥ കണ്ടിട്ട് എനിക്ക് എന്തോ പേടി തോന്നുന്നുണ്ട്..

നമുക്ക് അവളുടെ കല്യാണം നടത്തിയാലോ..

"ഞാനും അത് തന്നെയാണ് ചിന്തിച്ചത്.. ഇങ്ങനെ മുന്നോട്ട് പോയാൽ ശെരിയാവില്ല..

ഹരിയുമായുള്ള കല്യാണം മുടങ്ങിയതിൽ അവൾക്ക് നല്ല വിഷമം ഉണ്ട്..

അതുകൊണ്ട് തന്നെ അവൾ മറ്റൊരു കല്യാണത്തിന് സമ്മതിക്കുമോ..

"അതൊക്കെ ഞാൻ സമ്മതിപ്പിച്ചോളാം നിങ്ങൾ ആ കുറുപ്പിനെ വിളിച്ചു നല്ലൊരു ആലോചന കൊണ്ടുവരാൻ പറ..

"ഡി അതുപിന്നെ നമ്മുടെ മോളുടെ ജാതക ദോഷം ഒരു പ്രശ്നം തന്നെ ആണ്..

അതിന് ചേർന്ന ഒരു ജാതകക്കാരനെ കിട്ടണ്ടേ..

അതിന് അതിന്റെതായ സമയം വേണ്ടി വരും .....

"എന്നാൽ പിന്നെ നമുക്ക് ജാതകം തിരുത്തിയാലോ....??

" മണ്ടത്തരം പറയാതെ നീ എഴുന്നേറ്റു പോവുന്നുണ്ടോ..

ജാതകം ഒക്കെ തിരുത്തിയാൽ പിന്നെ അതിന്റെ പേരിൽ ഉണ്ടാവുന്ന ഭവിഷ്യത്തുക്കൾ നമ്മുടെ മോളും കൂടി  അനുഭവിക്കേണ്ടേ..

അതുകൊണ്ട് അതൊന്നും നടക്കില്ല....

"എന്ന് പറഞ്ഞാൽ  ഇങ്ങനെ എത്രനാൾ മുന്നോട്ടു പോവും..

ഇനി എന്ത്‌ ചെയ്തിട്ട് ആയാലും വേണ്ടില്ല എന്റെ കൊച്ചിന്റെ കല്യാണം നടക്കണം..

പിന്നെ കല്യാണം കഴിഞ്ഞ് മറ്റൊരു വീട്ടിൽ എത്തി കഴിയുമ്പോൾ  അവളുടെ ഈ സങ്കടം ഒക്കെ മാറിക്കോളുമെന്നേ .....

"മ്മം..നീ ധിറുതി പിടിക്കാതെ ഞാൻ ഒന്ന് തിരക്കി നോക്കട്ടെ എന്നും പറഞ്ഞു ശ്രീധരൻ  ഉമ്മറത്തെ ചാരു കസേരയിലേക്ക് ഇരുന്നു..

--------------------------------------------------------

"അതേ ചേച്ചി.. 

ചേച്ചിയെ എത്രയും പെട്ടെന്ന് കെട്ടിച്ചു  വിടാനുള്ള  തയ്യാറെടുപ്പുകൾ നടക്കുന്നുണ്ട് എന്ന് ശ്രീക്കുട്ടി വന്നു പറയുമ്പോൾ എനിക്കെന്തോ ദേഷ്യം വന്നു..

"നിന്നോട് ആര് പറഞ്ഞു..??

"അമ്മയും അച്ഛനും ചർച്ച ചെയ്യുന്നത് ഞാൻ കേട്ടായിരുന്നു......

നമ്മുടെ മേലെടത്തെ ആ കുറുപ്പ് ഒരാലോചന കൊണ്ടു വന്നിട്ടുണ്ട്..

ചെക്കൻ ഏതോ വലിയ തറവാട്ടിലെ ആണ്......

അവർ കുറുപ്പ് വഴി ജാതകം ഒക്കെ നോക്കിച്ചു..

 കുഴപ്പമില്ല എന്നാണ് പറഞ്ഞത്..

മിക്കവാറും ഇത് ഉറപ്പിക്കാൻ ചാൻസ് ഉണ്ട്.....

ഹാ എന്തായാലും  അവർ നാളെ  ചേച്ചിയെ കാണാൻ വരുന്നുണ്ട്..

അതുകേട്ടതും ഞാൻ എഴുന്നേറ്റു നടന്നു  അടുക്കളയിൽ നിന്നിരുന്ന  അമ്മയുടെ അടുത്തെത്തി..

"അമ്മേ ഞാൻ കേട്ടതൊക്ക സത്യമാണോ..

"എന്ത്‌..?? നീ എന്താണ് കേട്ടത്..??

"ഞാൻ അറിയാതെ എന്റെ കല്യാണം ഉറപ്പിക്കാൻ പോവുന്നു എന്ന് ശ്രീക്കുട്ടി വന്നു പറഞ്ഞല്ലോ....

"എന്റെ ഈശ്വരാ ആ പെണ്ണിനെ കൊണ്ടു തോറ്റല്ലോ..

എന്റെ മോളെ ഉറപ്പിച്ചി ട്ടൊന്നുമില്ല..

നല്ലൊരു ആലോചന വന്നിട്ടുണ്ട്..

ചെമ്പകശ്ശേരിയിലെ മാധവന്റെ മകൻ  ശിവ..

കേട്ടിടത്തോളം നല്ലൊരു ആലോചന  ആയി തോന്നിയത് കൊണ്ട് നിന്റെ അച്ഛൻ അവരോടു നാളെ ഇങ്ങോട്ട് ഒന്ന് വരാൻ പറഞ്ഞു അത്രേ ഒള്ളൂ..

"എന്തിന്.. ആരുടേയും മുന്നിൽ അണിഞ്ഞൊരുങ്ങി നിൽക്കാൻ ഒന്നും എന്നെ കിട്ടില്ല.....

മാത്രമല്ല എനിക്കിപ്പോൾ വിവാഹം വേണ്ട..

ഇനി നിങ്ങൾക്കൊക്കെ ഞാനൊരു ഭാരമാണെങ്കിൽ പറഞ്ഞേക്ക്  ഇവിടുന്ന്  ഞാൻ എങ്ങോട്ട് എങ്കിലും പൊക്കോളാം....

"നീ എന്തൊക്കെയാണ് മോളെ ഈ പറയുന്നത്..

നീ ഞങ്ങൾക്ക് എങ്ങനെ ഭാരമാവാനാണ്... 

 അച്ഛനമ്മമ്മാർക്ക് മക്കൾ ഒരിക്കലും  ഭാരമാവാറില്ല..

പിന്നെ കല്യാണപ്രായമെത്തിയ പെൺകുട്ടികൾ ഉള്ള വീട്ടിലെ  അച്ഛനമ്മമാരുടെ ഉള്ളിലെ തീ അതിപ്പോൾ  മോൾക്ക്  മനസ്സിലാവില്ല..

അതിന് നീ നാളെ  ഒരമ്മയാവണം..

"അമ്മ ഇനി എന്തൊക്കെ പറഞ്ഞാലും ശെരി  ഈ വേഷം കെട്ടലിന് എന്നെ കിട്ടില്ല..

"മോളെ നീ  അങ്ങനെ പറയരുത്.. വെറുതെ അച്ഛനെ നാണം കെടുത്തരുത്..

അവരൊന്നു വന്നു കണ്ടിട്ട് പൊക്കോട്ടെ..

നിനക്ക് ഇഷ്ടം ഇല്ലെങ്കിൽ നടത്തുന്നില്ല പോരെ....

"ചേച്ചിക്ക് പറ്റില്ലെങ്കിൽ വേണ്ടമ്മേ ഞാൻ റെഡിയാണ് എന്നും പറഞ്ഞു ശ്രീക്കുട്ടി അവിടേക്ക് വന്നു..

"പോ അസത്തെ അവിടുന്നു..

നിന്നെ ഇപ്പോൾ എങ്ങും കെട്ടിച്ചു വിടുന്നില്ല..

ആദ്യം പഠിത്തം പൂർത്തിയാവട്ടെ എന്നിട്ട് നോക്കാം..

"ഓ എന്തോന്ന് പഠിത്തം..

പഠിച്ചിട്ടും വലിയ കാര്യമൊന്നുമില്ല..

മാത്രമല്ല  പഠിത്തമൊക്കെ ബോറടിച്ചു..

വേഗം എന്നെ കെട്ടിച്ചു വിടാൻ നോക്ക്...

"അയ്യടാ എന്താ അവളുടെ ഒരു  പൂതി..

ആദ്യം ചേച്ചിയുടെ കല്യാണം അതുകഴിഞ്ഞിട്ടേ നിനക്ക് ഉള്ളൂ..

"ശ്ശെടാ ഈ ചേച്ചി എനിക്ക് പാര ആവുന്ന ലക്ഷണം ഉണ്ടല്ലോ...

ഇനിയിപ്പോൾ ഏതവനെ എങ്കിലും വളച്ചു ഒളിച്ചോടേണ്ടി വരുമോ ആവോ..

"ഈശ്വരാ ഈ പെണ്ണിന്റെ നാക്കിനു ഒരു ലൈസൻസും ഇല്ലേ എന്നമ്മ പറയുമ്പോൾ ശ്രീലക്ഷ്മിയുടെ ചുണ്ടിലും ചെറുതായി ചിരി വിരിഞ്ഞു....

"എന്റെ പൊന്നോ..എന്റെ ചേച്ചി ഒന്ന് ചിരിച്ചു കണ്ടല്ലോ സമാധാനമായി എന്നും പറഞ്ഞു ചാടിത്തുള്ളി കൊണ്ട്  ശ്രീക്കുട്ടി പോയി..

"മോളെ നിന്നെയോർത്തു ഞങ്ങൾ എല്ലാം വിഷമിക്കുന്നുണ്ട് ..

അത് നീ മറക്കരുത് എന്നമ്മ പറയുമ്പോൾ എന്റെ ഉള്ളൊന്നു പിടഞ്ഞു..

എന്തായാലും ഇവർക്കൊക്കെ വേണ്ടി   വരുന്നവന്റെ മുന്നിൽ ഒരുങ്ങി കെട്ടി നിന്നു കൊടുക്കാം എന്ന് ഞാൻ ഉറപ്പിച്ചു..

രാത്രി  കിടന്നപ്പോൾ  ചെറുക്കന് എങ്ങാനും ഇഷ്ടപെട്ടാൽ ഈ വിവാഹലോചന എങ്ങനെ മുടക്കാം എന്നതായിരുന്നു എന്റെ ചിന്ത..

പല വഴികളും ചിന്തിച്ചു ചിന്തിച്ചു കിടന്നു ഒടുവിൽ എപ്പോഴോ ഉറങ്ങിപ്പോയി..

--------------------------------------------------------

"എന്റെ ദേവ്യേ ഈ പെണ്ണുകാണൽ എങ്ങനെ എങ്കിലും മുടക്കി തരണേ എന്ന പ്രാത്ഥനയോടെ ആയിരുന്നു പിറ്റേന്ന് പുലർച്ചെ ഞാൻ  ഉണർന്നത്..

മടി പിടിച്ചു എഴുന്നേറ്റു വന്ന ഞാൻ 

അമ്മയുടെ നിർബന്ധം കാരണം കുളിച്ചു ഒരുങ്ങാനായി  വന്നപ്പോൾ എന്നേക്കാൾ മുന്നേ കണ്ണാടിക്ക് മുന്നിൽ ശ്രീക്കുട്ടി സ്ഥാനം പിടിച്ചിരുന്നു..

"ഡി പെണ്ണേ നീ ഒന്നു മാറി കൊടുക്ക് അവൾ ഒരുങ്ങട്ടെ എന്നമ്മ വന്നു അവളോട്‌  പറഞ്ഞു..

"ഒരു മിനിറ്റ് അമ്മേ ഈ കണ്ണ് കൂടി ഞാൻ  ഒന്ന് എഴുതിക്കോട്ടെ..

"മതി ഒരുങ്ങിയത് നിന്നെയല്ല അവളെയാണ് പെണ്ണ് കാണാൻ വരുന്നത്..

"ചേച്ചിക്ക് താല്പര്യമില്ല എന്നല്ലേ പറഞ്ഞത്..

അപ്പോൾ പിന്നെ അവർക്ക് എന്നെ എങ്ങാനും കണ്ടു ഇഷ്ടപ്പെട്ടാലോ.. എന്നും പറഞ്ഞു അവൾ ചിരിച്ചു..

"എന്റെ ഈശ്വരാ  ഇങ്ങനെ പോയാൽ ഇവൾ വേലി ചാടുമെന്നാണ് തോന്നുന്നത് എന്നമ്മ പറയുമ്പോൾ എന്റെ ചുണ്ടിലും ചിരി വിരിഞ്ഞു..

"അമ്മേ എന്റെ ചേച്ചികുട്ടി ഒരുങ്ങി ഇല്ലെങ്കിലും സുന്ദരി തന്നെയാണ്..

അപ്പോൾ പിന്നെ ചേച്ചിക്കൊപ്പം പിടിച്ചു നിൽക്കാൻ എനിക്ക് അൽപ്പം ഒരുങ്ങണ്ടേ..

"ഉവ്വ ഉവ്വ നീ ഇങ്ങ് വാ അടുക്കളയിൽ കുറച്ചു പണിയുണ്ട്..

"പിന്നെ എന്നെക്കൊണ്ടൊന്നും പറ്റില്ല ഞാൻ ഒരുങ്ങി പോയി..

"മര്യാദക്ക് വാടി പെണ്ണേ എന്നും പറഞ്ഞു അമ്മ അവളുടെ കൈയും പിടിച്ചു പുറത്തേക്ക് ഇറങ്ങി....

കുറച്ചു കുസൃതിയും നാക്കിനു ലൈസൻസില്ലെന്നും  മാത്രമേ ഒള്ളൂ അവൾ പാവമാണ്..

ഞാനെന്നു വെച്ചാൽ ജീവനാണ് അവൾക്ക്..

 എനിക്ക് അവളും..

അവളുടെ കാര്യം ചിന്തിച്ചു ഇരിക്കുന്നതിന് ഇടയിൽ 

മുറ്റത്തൊരു കാർ വന്നു നിൽക്കുന്ന ശബ്ദം ഞാൻ കേട്ടു.....

അവരാകും.. പെണ്ണ് കാണാൻ വന്നവർ..

ജനലഴികളിൽ കൂടി ഞാൻ പുറത്തേക്ക് നോക്കി..

കാറിലെ പിൻ സീറ്റിൽ നിന്നും ഐശ്വര്യം തുളുമ്പുന്ന മുഖവുമായി ഒരമ്മ  ആദ്യം ഇറങ്ങി..

പിന്നാലെ അപ്പുറത്തെ സൈഡിൽ നിന്നും ഒരു ചെറുപ്പക്കാരനും..

 നീല ഷർട്ടും വെള്ള മുണ്ടും അണിഞ്ഞു മീശയും കട്ട താടിയും നെറ്റിയിൽ ചുവന്ന കുറിയും അണിഞ്ഞൊരു ചെക്കൻ..

ആ മുഖം മുൻപ് എവിടെയോ കണ്ട് മറന്നത് പോലൊരു തോന്നൽ എന്റെ ഉള്ളിൽ ഉണ്ടായി....

എവിടെ വെച്ച് ആയിരിക്കും..

എത്ര ആലോചിട്ടും എനിക്ക് പിടികിട്ടിയില്ല.....

പക്ഷേ ആ മുഖം മുൻപ് എവിടെയോ വെച്ച് കണ്ടിട്ടുണ്ടെന്ന്  മനസ്സ് വീണ്ടും  മന്ത്രിച്ചു കൊണ്ടിരുന്നു....

ശ്രീലക്ഷ്മി -3

അയാളെ എവിടെ വെച്ചാവും കണ്ടതെന്ന് ഞാൻ ചിന്തിച്ചു കൊണ്ടിരിക്കുന്ന തിനിടയിൽ ശ്രീക്കുട്ടി ഓടി കിതച്ചു മുറിയിലെത്തി....

"ശ്രീയേച്ചി ഒരുങ്ങിയില്ലേ ദേ അവരിങ്ങെത്തി..

ചെക്കനെ ഞാൻ കണ്ടു സൂപ്പറാ യിട്ടുണ്ട്....

"മ്മ്മം നീ പൊക്കോ ഞാൻ വന്നോളാം..

"ഈ കോലത്തിലോ....?

"മ്മ്മം അതേ.. അവരെന്നെ  ഇങ്ങനെ കണ്ടു ഇഷ്ടപ്പെടുന്നെങ്കിൽ ഇഷ്ടപ്പെട്ടാൽ മതി....

"ഓ എന്റെ പൊന്നു ശ്രീയേച്ചി ആ കണ്ണെങ്കിലും ഒന്നെഴുത്....

"കുഞ്ഞു നീ പോവാൻ നോക്ക് എന്നും പറഞ്ഞു ഞാൻ അവളുടെ നേരെ ദേഷ്യപ്പെട്ടു..

"ശ്ശെടാ ഇതെന്ത് കൂത്ത്..  ഞാനെന്ത് ചെയ്തു എന്നും പറഞ്ഞു ദേഷ്യപ്പെട്ടു തറയും  ചവിട്ടി മെതിച്ചവൾ   കടന്നു പോയി....

"എന്റെ ഭഗവതി എന്തിനാണ് എന്നോട് ഈ പരീക്ഷണം..

ഇത് എങ്ങനെ എങ്കിലും മുടക്കി തന്നൂടെ നിനക്ക്..

ഒരു കാരണവശാലും വന്നവർക്ക് എന്നെ ഇഷ്ടപ്പെടരുതേ ഭഗവതി  എന്നായിരുന്നു ഉള്ളു നിറയെ  അപ്പൊഴെന്റെ പ്രാത്ഥന.....

അതുകൊണ്ട് തന്നെ കണ്ണ് പോലും എഴുതാതെ നനഞ്ഞ ഈറൻ മുടി അഴിച്ചിട്ടു കൊണ്ട്  ഉടുത്തിരുന്ന ഡ്രസ്സ്‌ മാറ്റാതെ തന്നെ ഞാൻ അടുക്കളയിലേക്ക് ചെന്നു..

എന്നെ കണ്ടതും അമ്മയൊന്ന്  അമ്പരന്നു ....

"ഇതെന്താ മോളെ ഈ കോലത്തിൽ.. നിനക്കൊന്നു ഒരുങ്ങി വന്നൂടെ....??

"ഞാനും ഇത് ചേച്ചിയോട്  പറഞ്ഞതാണമ്മേ  എന്ന് ശ്രീക്കുട്ടി അത് ഏറ്റുപിടിച്ചു കൊണ്ട് പറഞ്ഞു..

"ഒരുങ്ങാൻ ഒന്നും എന്നെ കിട്ടില്ല..

അവരെന്നെ ഇങ്ങനെ കണ്ട് ഇഷ്ടപ്പെടുന്നെങ്കിൽ ഇഷ്ടപ്പെട്ടാൽ മതി എന്നും പറഞ്ഞു ചായയുമായി ഞാൻ അവരുടെ മുന്നിലേക്ക്‌ ചെന്നു....

എന്റെ കോലം കണ്ടു അച്ഛനും ഒന്ന് അമ്പരന്നു പോയി.....

ചായ എടുത്ത് കൊണ്ട് ഞാൻ വന്നവരുടെ മുഖത്തേക്ക്  ഒന്ന് നോക്കി.....

ആ അമ്മ എന്നെ നോക്കി യൊന്നു  പുഞ്ചിരിച്ചു..

ചെക്കന്റെ മുഖത്ത് ആണെങ്കിൽ ചെറിയൊരു  ഗൗരവ ഭാവം..

ഞങ്ങൾ പരസ്പരം നോക്കി..

"ഇനിയിപ്പോൾ ചെക്കനും പെണ്ണിനും എന്തെങ്കിലും ചോദിക്കാനോ  പറയാനോ  മറ്റോ ഉണ്ടെങ്കിലോ.... എന്തായാലും നമുക്ക്  അങ്ങോട്ട്‌ മാറി കൊടുക്കാം എന്ന്  പെട്ടെന്ന് കുറുപ്പ് കേറി പറഞ്ഞു....

"ഹേയ് അതിന്റെ ഒന്നും ആവശ്യമില്ല പെണ്ണിനെ ഞങ്ങൾക്ക് ഇഷ്ടമായി എന്ന് ആ അമ്മ  പറയുമ്പോൾ ഞാനൊന്നു ഞെട്ടി....

"ഈശ്വരാ കാര്യങ്ങൾ കൈവിട്ടു പോവുമോ ഇനി ....

പിന്നെ ഒന്നും നോക്കിയില്ല..

എനിക്ക് ചെക്കനോട് സംസാരിക്കാൻ ഉണ്ടെന്ന് ഞാൻ കേറിയങ്ങു  പറഞ്ഞു.....

അതുകേട്ടു അച്ഛനെന്നെ സംശയത്തോടെ  ഒന്ന് നോക്കി....

അച്ഛന് മനസ്സിലായി കാണും  ഞാൻ ഇത് മുടക്കാനുള്ള പ്ലാൻ ആണെന്ന്..

"എന്നാപ്പിന്നെ നമുക്ക് അങ്ങ് മാറി കൊടുക്കാം..

അവർ സംസാരിക്കട്ടെ എന്നും പറഞ്ഞു കുറുപ്പ് എഴുന്നേറ്റു....

"ഹേ വേണ്ട ഞങ്ങൾ പുറത്തു ഇറങ്ങി സംസാരിച്ചോളാം എന്നും പറഞ്ഞു ഞാൻ മുറ്റത്തേക്ക് ഇറങ്ങി....

പിന്നാലെ ചെക്കനും കസേരയിൽ നിന്നും എഴുന്നേറ്റു വന്നു .....

ഞാൻ നടന്നു നേരെ കിഴക്ക് വശത്ത് തണൽ വിരിച്ചു നിന്നിരുന്ന ഇലഞ്ഞി മരത്തിന്റെ കീഴിൽ  പോയി നിന്നു....

 ഗൗരവം വിടാതെ തന്നെ  ചുറ്റുപാടും ഒക്കെ ഒന്ന് നോക്കി കൊണ്ട് ചെക്കനും എന്റെ അടുത്ത് വന്നു നിന്നു..

അവിടെ വെച്ച് ചാടിക്കേറി സംസാരിക്കാൻ ഉണ്ടെന്ന് പറഞ്ഞെങ്കിലും ചെക്കൻ അടുത്ത് വന്നപ്പോൾ എനിക്കെന്തോ മിണ്ടി തുടങ്ങാൻ ഒരു മടി തോന്നി..

പുള്ളിക്കാരൻ ആണെങ്കിൽ  ഗൗരവം വിടാതെ  എന്റെ മുഖത്തേക്ക് തന്നെ  നോക്കി നിൽക്കുകയാണ്..

ഞാൻ എന്താണ് പറയാൻ പോവുന്നത് എന്ന ആകാംഷ ആ മുഖത്ത് നിന്നെനിക്ക് വായിച്ചെടുക്കാൻ കഴിഞ്ഞു....

ചുറ്റും വെറുതെ  ഞാൻ കണ്ണോടിച്ചു നോക്കി..

കിഴക്ക് വശത്തുള്ള മുറിയുടെ ജനലഴികളിൽ കൂടി അമ്മയും ശ്രീക്കുട്ടിയും നോക്കി നിൽക്കുന്നുണ്ട്....

ഞാൻ എന്താണ് പറയാൻ പോവുന്നത് എന്നൊരു ടെൻഷൻ  അവരുടെ ഉള്ളിലും കാണും ....

പെട്ടെന്ന്  ഇലഞ്ഞി പൂക്കളുടെ സുഗന്ധം പേറുന്നൊരു നനുത്ത കാറ്റ് ഞങ്ങൾക്ക് ഇടയിലൂടെ  കടന്നു പോയി....

ഇനിയും മിണ്ടാതിരുന്നാൽ ശെരിയാവില്ല എന്ന് തോന്നിയത് കൊണ്ട് 

മൗനത്തിന്റെ അതിർവരമ്പുകൾ ഭേദിച്ചു കൊണ്ട് ഞാൻ പതിയെ സംസാരിച്ചു തുടങ്ങി.....

"അതേ മാഷേ .. തുറന്ന് പറയുന്നത് കൊണ്ടൊന്നും തോന്നരുത്..

എനിക്ക് ഇപ്പോൾ കല്യാണത്തിന് താല്പര്യമില്ല..

മാത്രമല്ല എനിക്ക് മാഷിനെ സ്നേഹിക്കാനും കഴിയില്ല....

വേറൊന്നും കൊണ്ടല്ല എനിക്ക് മറ്റൊരാളെ ഇഷ്ടമാണ്..

എന്റെ ഹരിയേട്ടനെ...

ആളെന്റെ  മുറച്ചെറുക്കൻ ആണ്..

പോരാത്തതിന് കുട്ടിക്കാലം തൊട്ടുള്ള പ്രണയമാണ് ഞങ്ങളുടേത്..

പിന്നെ എന്റെ ജാതകത്തിലെ ദോഷം കാരണം ഞങ്ങളുടെ വിവാഹത്തിന് ഇപ്പോൾ ചെറിയ  തടസ്സങ്ങൾ വന്നു.. 

എങ്കിലും 

എനിക്ക് ഉറപ്പുണ്ട് ഹരിയേട്ടൻ എന്നെ തന്നെയെ  കല്യാണം കഴിക്കാത്തൊള്ളൂ എന്ന്..... അതുകൊണ്ട് മാഷ്  എന്തെങ്കിലും പറഞ്ഞു ഇതിൽ നിന്നും ഒഴിവാകണം......

പ്ലീസ് ഇതൊരു അപേക്ഷയാണ് എന്നും പറഞ്ഞു ഞാൻ അയാളുടെ നേരെ കൈകൂപ്പി..

എല്ലാം കേട്ടിട്ട് യാതൊരു ഭാവ വ്യത്യാസവും ഇല്ലാതെ പുള്ളി നിന്നത് എന്നെ അത്ഭുതപ്പെടുത്തി.....

"ഈശ്വരാ ഇനി ഇയാൾക്ക് ചെവി കേട്ടൂട എന്നുണ്ടോ ആവോ....

എന്റെ ഭഗവതി അങ്ങനെ എങ്ങാനും  ആണെങ്കിൽ വായിലെ വെള്ളം വറ്റിച്ചു ഞാൻ  ഈ പറഞ്ഞതൊക്കെ വെറുതെ ആവുമല്ലോ.....

"ഹലോ മാഷേ ഞാൻ പറഞ്ഞത് വല്ലതും  കേട്ടോ..

"ശ്ശെടാ ഇയാൾക്ക് ചെവി ഒട്ടും കേട്ടു കൂടാന്നു തോന്നുന്നു..

ഇനി ഇയാളെ എങ്ങനെ കാര്യം പറഞ്ഞു മനസ്സിലാക്കും എന്ന് ഞാൻ ചിന്തിച്ചു കൊണ്ട് നിന്നപ്പോളാണ്  കുറുപ്പിന്റെ വിളി വന്നത്....

"മോനെ സംസാരിച്ചു മതിയായില്ലേ..?? ബാക്കിയൊക്കെ  ഇനി കെട്ടു കഴിഞ്ഞു സംസാരിക്കാം..

ഇപ്പോൾ ഇങ്ങ് പോര്..

"അത് കേട്ടു ചെക്കൻ എന്നെ നോക്കി  ചെറിയൊരു ചിരി ചിരിച്ചു കൊണ്ട് തറവാട്ടിലേക്ക് കേറി പോയി....

"ങേ..അപ്പോൾ അയാൾക്ക് ചെവി കേൾക്കാ മായിരുന്നോ.....

പിന്നെന്താണ് ഞാൻ പറഞ്ഞത് കേട്ടിട്ടും കേൾക്കാത്ത ഭാവം നടിച്ചു നിന്നത്.....

എനിക്കൊന്നും മനസ്സിലാവു ന്നില്ലല്ലോ എന്റെ ഭഗവതി എന്ന് ഞാൻ പറയുബോളേക്കും വീശിയടിച്ച കാറ്റിൽ ഇലഞ്ഞി പൂക്കൾ എന്റെ മേൽ പമ്പരം പോലെ കറങ്ങി വീണു കൊണ്ടിരുന്നു.....

ഒന്നും മനസ്സിലാവാതെ ഞാനാ ഇലഞ്ഞി മരച്ചുവട്ടിൽ തന്നെ നിന്നു....

അൽപ്പസമയം കഴിഞ്ഞതും അവർ ഇറങ്ങി വന്നു..

അമ്മ എന്നെ നോക്കി ചിരിച്ചു....

പിന്നവർ കാറിൽ കേറി യാത്ര തിരിച്ചു .....

അവർ പോയ ഉടനെ ശ്രീക്കുട്ടി എന്റെ അടുക്കലേക്ക് ഓടി വന്നു..

"ചേച്ചി.. ചേച്ചി എന്താ ആ  ഏട്ടനോട്  പറഞ്ഞത്....??

ഹരിയേട്ടന്റെ കാര്യം വല്ലതും പറഞ്ഞോ..

ഇല്ലല്ലോ അല്ലേ..??

അതുകേട്ടു ഞാനൊന്നും മിണ്ടിയില്ല.....

"എന്താ ചേച്ചി ഒന്നും മിണ്ടാത്തെ..?? ചേച്ചിക്ക് ആ ഏട്ടനെ ഇഷ്ടമായോ..??

എനിക്കും അച്ഛനും അമ്മയ്ക്കും ഒക്കെ ഇഷ്ടമായി..

കണ്ടിട്ട് ആൾ നല്ലതാണെന്നു തോന്നുന്നു..

എന്തായാലും ചേച്ചിക്ക് അയാൾ ചേരും എന്നും പറഞ്ഞവൾ പുഞ്ചിരിച്ചപ്പോൾ 

 ഹരിയേട്ടനോടുള്ള ഇഷ്ടം ഇപ്പോളും മനസ്സിൽ ഉള്ളതു കൊണ്ടാവും എന്റെ ഉള്ളിൽ ദേഷ്യം ഇരച്ചു കയറി....

"നീ ഒന്നു പോവാൻ നോക്ക് പെണ്ണേ.. എനിക്ക് പറയാനുള്ളതെല്ലാം ഞാൻ അയാളോട് പറഞ്ഞിട്ടുണ്ട് എന്നും പറഞ്ഞു ദേഷ്യപ്പെട്ടു കൊണ്ട് ഞാൻ അവിടെ നിന്നും മുറിയിലേക്ക് നടന്നു.....

ഞാൻ മുറിയിൽ എത്തി കുറച്ചു കഴിഞ്ഞതും  അച്ഛന്റെയും അമ്മയുടെയും ഒപ്പം ശ്രീക്കുട്ടിയുടെയും അടക്കിപ്പിടിച്ച സംസാരം കേട്ടു ഞാൻ വാതിലിൽ വെറുതെ  ചെവിയോർത്തു....

"കുഞ്ഞു  ചേച്ചി എന്തെങ്കിലും പറഞ്ഞോടി ....??

"ഇല്ലമ്മേ.. ഞാൻ ചോദിച്ചപ്പോൾ എന്നെ കടിച്ചു കീറാൻ വന്നു..

"ഈശ്വരാ അവളെന്തായിരിക്കുമോ ആ ചെക്കനോട് പറഞ്ഞിട്ടുണ്ടാവുക.....

"എന്തെങ്കിലും ആവട്ടെ കുമാരി.. ഇത്  നടക്കാൻ വിധി ഉണ്ടെങ്കിൽ നടക്കുമെന്ന്  അച്ഛൻ പറയുന്നതും  കേട്ടു..

"അമ്മേ.. എനിക്ക് തോന്നുന്നത് ചേച്ചിയുടെ മനസ്സിൽ  ഇപ്പോഴും ഹരിയേട്ടൻ തന്നെയാണെന്ന് ആണ്....

 അതുകൊണ്ട് തീർച്ചയായും  ഹരിയേട്ടന്റെ കാര്യം തന്നെയാവും ചേച്ചി പറഞ്ഞിട്ടുണ്ടാവുക....

"പാവം എന്റെ കുട്ടി അവനെ ഒരുപാട് മോഹിച്ചു പോയി..

"അതുപിന്നെ കുട്ടിക്കാലം തൊട്ടു അവൻ അവൾക്കുള്ളത് ആണെന്ന് നമ്മളൊക്കെ പറഞ്ഞിരുന്ന തല്ലേ കുമാരി..

അത് ഒടുവിൽ ഇങ്ങനെ ഒക്കെ ആയി തീരും എന്ന് ആര് കരുതി..

ഞാൻ എന്തായാലും ഒന്ന് പുറത്തേക്ക് പോയി വരാം എന്നും പറഞ്ഞു അച്ഛൻ പോയി..

പാവം അച്ഛൻ എന്നെ ഓർത്തു  ഒരുപാട് വിഷമിക്കുന്നുണ്ടാവും പക്ഷേ ഒന്നും പുറത്ത് കാണിക്കുന്നില്ല എന്നേ ഒള്ളൂ.....

ഹരിയേട്ടന് പകരം മറ്റൊരാളെ സ്നേഹിക്കാൻ എനിക്ക് കഴിയില്ല  അച്ഛാ എന്നോട് ക്ഷെമിക്ക് എന്ന് ഞാൻ മനസ്സിൽ പറഞ്ഞു..

-------------------------------------------------------

പെണ്ണ് കണ്ടു പോയവരെ കുറിച്ച് ഒരു വിവരവും ഇല്ലാത്തത് കൊണ്ട് തന്നെ ആ ആലോചന ഞാൻ ആഗ്രഹിച്ചത് പോലെ തന്നെ മുടങ്ങി എന്നെനിക്ക് തോന്നി..

പക്ഷേ അതിനിടയിൽ ആണ് എന്നെ കണ്ണീരിലാഴ്ത്തി കൊണ്ട് ഹരിയേട്ടന്റെ കല്യാണം ഉറപ്പിച്ചു എന്നൊരു വാർത്ത ഞാൻ കേട്ടത്..

അമ്മായിയുടെ അകന്ന ബന്ധത്തിൽ പെട്ട കുട്ടിയാണത്ര....

 പത്തിൽ ഒൻപതു പൊരുത്തവും ഉള്ളത് കൊണ്ട് പെട്ടെന്ന് തന്നെ കല്യാണം നടത്താൻ അവർ തീരുമാനിച്ചു..

കേട്ടപ്പോൾ എനിക്കെന്തോ വിശ്വസിക്കാൻ തോന്നിയില്ല....

ഹരിയേട്ടന് അത്ര പെട്ടെന്ന് എന്നെ മറക്കാൻ പറ്റുമോ..??

മറ്റൊരു പെണ്ണിനെ ഭാര്യയായി കാണാൻ പറ്റുമോ..??

"ഹേയ് ഇല്ല.. ഹരിയേട്ടൻ സമ്മതിച്ചു കാണില്ല.. എന്റെ ഹരിയേട്ടന് അതിനൊന്നും കഴിയില്ല..

എങ്കിലും നെഞ്ചിലൊരു വിങ്ങൽ ആയിരുന്നു ഇനി അത് സത്യമാണെങ്കിലോ..??

"എന്റെ ദേവി അങ്ങനെ ഒന്നും ഉണ്ടാവരുതേ എന്ന് ഞാൻ മനസ്സുരുകി പ്രാത്ഥിച്ചു....

പക്ഷേ എന്റെ പ്രാത്ഥന വിഫലമാക്കി കൊണ്ട് ആ വാർത്തയുമായി അമ്മായിയും അമ്മാവനും നേരിട്ടെത്തി.....

ഹരിയേട്ടന്റെ കല്യാണം ഉറപ്പിച്ചു വരുന്ന തിങ്കളാഴ്ച രാവിലെ പത്തിനും പത്തരക്കും ഇടയിലുള്ള ശുഭമുഹൂർത്തത്തിൽ അമ്പലത്തിൽ വെച്ചാണ് താലികെട്ട്..

പെണ്ണിന്റെ പേര് ഹേമ..

ഡിഗ്രി കംപ്ലീറ്റ് ചെയ്തു നിൽക്കുന്നു..

അമ്മായി വിശദ വിവരങ്ങൾ പറയുബോൾ എല്ലാം കേട്ടന്റെ നെഞ്ച് പിടയുക യായിരുന്നു 

ഞാൻ വിശ്വസിച്ചു പ്രാത്ഥിച്ച ഭഗവതിയും എന്നെ കൈവിട്ടല്ലോ..

എന്റെ ഉള്ള് പിടയുമെന്ന് അറിയുന്നത് കൊണ്ടാവും ശ്രീക്കുട്ടി എന്റെ അരികിലേക്ക് വന്നിരുന്നു..

"ചേച്ചി എന്ന അവളുടെ ഒറ്റ വിളിയിൽ തന്നെ  അതുവരെ ഉള്ളിൽ അടക്കി പിടിച്ചിരുന്ന സങ്കടങ്ങൾ എല്ലാം കൂടി ഒരു പൊട്ടിക്കരച്ചിലായി  മാറി..

അവളെ കെട്ടിപിടിച്ചു കൊണ്ട് ഞാനാ തോളിൽ മുഖം വെച്ചു..

എന്റെ കണ്ണുകളിൽ നിന്നും കണ്ണീർത്തുള്ളികൾ ചെറു ചാലു തീർത്തു  ഒഴുകി കൊണ്ടിരുന്നു..

"എന്താ ചേച്ചി ഇത്..?

എന്തിനാണ് എന്റെ ചേച്ചിപ്പെണ്ണ് ഇങ്ങനെ  കരയുന്നത്..??

ചേച്ചിക്ക് ഞാനില്ലേ.. അമ്മയും അച്ഛനും ഒക്കെയില്ലേ....

പിന്നെന്തിനാണ് കരയുന്നത്..

 ഇങ്ങനെ കരയല്ലേ ചേച്ചി.. കുഞ്ഞുന്ന് സങ്കടമാവുട്ടോ....

എന്നും പറഞ്ഞവളെന്നെ ആശ്വസിപ്പിക്കാൻ ശ്രമിച്ചു കൊണ്ടിരുന്നു..... 

പക്ഷേ അതിനിടയിൽ അവളുടെ കണ്ണുകളും നിറഞ്ഞിരുന്നു..

എന്റെ എല്ലാ കാര്യങ്ങളും ഞാൻ ആദ്യം തുറന്നു പറയുന്നത് അവളുടെ അടുത്തായിരുന്നു..

അതുകൊണ്ട് തന്നെ എന്റെ പ്രണയത്തിന്റെ ആഴം.. എന്റെ സങ്കടം..

ഒക്കെ മറ്റാരേക്കാളും നന്നായി മനസ്സിലാക്കാൻ അവൾക്ക്   കഴിയുമായിരുന്നു......

--------------------------------------------------------

അന്ന് രാത്രി എത്ര ശ്രമിച്ചിട്ടും എനിക്ക് ഉറക്കം വന്നില്ല....

പല ചിന്തകളും എന്റെ മനസ്സിലൂടെ കടന്നു പോയി കൊണ്ടിരുന്നു..

ഉത്തരം കിട്ടാത്ത നൂറായിരം  ചോദ്യങ്ങൾ  എന്റെ മനസ്സിൽ നിറഞ്ഞു..

ശെരിക്കും ഹരിയേട്ടന്  ഈ കല്യാണത്തിന് ഇഷ്ടം ആയിരിക്കുമോ..??

അതോ അമ്മായി എന്തെങ്കിലും പറഞ്ഞു ഹരിയേട്ടന്റെ മനസ്സ്  മാറ്റിച്ചത് ആവുമോ..??

എന്ത് തന്നെ ആണെങ്കിലും സത്യം അറിയണമെങ്കിൽ എങ്ങനെ എങ്കിലും ഹരിയേട്ടനെ നേരിട്ട്  കണ്ടാലേ പറ്റുള്ളൂ..

പക്ഷേ ഞാൻ നേരിട്ട് ചെന്നാൽ ചിലപ്പോൾ ഏട്ടനോട്  സംസാരിക്കാൻ അമ്മായി സമ്മതിച്ചെന്ന് വരില്ല....

അപ്പോൾ പിന്നെ  എന്താ ഒരു വഴി എന്ന് ചിന്തിച്ചു കൊണ്ട് തല പുകഞ്ഞിരിക്കുമ്പോളാണ്  കൂർക്കം വലിയുടെ ശബ്ദം കേട്ടത്.....

ശ്രീക്കുട്ടിയാണ്..

ഞാൻ എന്തെങ്കിലും അബദ്ധം ചെയ്യുമോ എന്ന് പേടിയുള്ളത് കൊണ്ട്  പാവം അമ്മ  എന്നെ  ശ്രദ്ധിക്കാൻ വേണ്ടി കൂടെ കിടത്താൻ  വിട്ടവളാണ് പോത്തു പോലെ ഈ  കൂർക്കം വലിച്ചു കിടന്നുറങ്ങുന്നത്.....

എന്തൊരു കൂർക്കം വലിയാണെന്റെ ഈശ്വരാ..

മിക്കവാറും എന്റെ  ചെവിയിൽ പഞ്ഞി വെക്കേണ്ടി വരുമല്ലോ എന്നോർത്ത് ഇരിക്കുമ്പോളാണ്.....

 എനിക്കൊരു ഐഡിയ തോന്നിയത്..

പക്ഷേ അത് നടക്കണ മെങ്കിൽ ഇവൾ തന്നെ ശരണം.....

 ഹരിയേട്ടനോട് നാളെ വൈകുന്നേരം     അമ്പല പറമ്പിലെ ആൽത്തറയിൽ വരാൻ ഇവളെ കൊണ്ട് പറയിക്കാം..

ഇവൾ ആവുമ്പോൾ എങ്ങനെ എങ്കിലും  അമ്മായിയുടെ കണ്ണ് വെട്ടിച്ചു ഏട്ടനോട്  കാര്യം പറഞ്ഞോളും....

ഒരു പക്ഷേ ഞാൻ നേരിട്ട് ഒന്നൂടി സംസാരിച്ചാൽ ഹരിയേട്ടന്റെ മനസ്സ് മാറിയാലോ....

എന്റെ ഉള്ളിൽ പ്രതീക്ഷയുടെ വർണ്ണ  പൂക്കൾ വിടർന്നു....

ശ്രീലക്ഷ്മി 4

കുട്ടിക്കാലം തൊട്ടുള്ള സ്നേഹം വേണ്ടാന്ന് വെച്ച് പോവാൻ ഹരിയേട്ടന് കഴിയില്ല എന്നെന്റെ മനസ്സ് പറഞ്ഞു....

സങ്കടങ്ങൾ മെല്ലെ പ്രതീക്ഷക്കൾക്ക്  വഴിമാറി..

ഉറക്കത്തിൽ  നിന്നും ഇവളെ വിളിച്ചു പറഞ്ഞിട്ട് കാര്യമില്ല..

അതുകൊണ്ട് തന്നെ പുലരും വരെ കാത്തിരുന്നേ മതിയാവൂ..

എത്രയും പെട്ടെന്ന് നേരം പുലർന്നാൽ മതിയായിരുന്നു....

ഒരു ഭ്രാന്തിയെ പോലെ ഞാൻ മുറിയിലൂടെ അങ്ങോട്ടും ഇങ്ങോട്ടും നടന്നു..

ഇടക്കിടെ സമയം നോക്കി..

"ശ്ശോ ഇതെന്താ സമയം പോവാത്തത്..

ഈ രാത്രിക്ക് എന്താണ് ഇത്രയും നീളം....

എനിക്ക് ആകെ ദേഷ്യം വന്നു തുടങ്ങിയിരുന്നു....

ഒടുവിൽ ജനൽ പാളികൾ തുറന്നിട്ട്‌ കൊണ്ട് ജനലരികിൽ ചെന്നു ഞാൻ ഇരുന്നു..

അമാവാസിയുടെ കറുപ്പിൽ നിന്നും ചന്ദ്രൻ മെല്ലെ മറ നീക്കി പുറത്ത് വന്നിരുന്നു..

പ്രിയതമന്റെ മുഖം പൂർണ്ണമായി കാണാൻ കൊതിപൂണ്ട് നക്ഷത്രകുമാരിമ്മാർ കണ്ണുകൾ ചിമ്മി നിൽക്കുന്നു....

ഇതൊന്നും ഗൗനിക്കാതെ തങ്ങളാണ് ഇരുട്ടിൽ പ്രകാശം പരത്തുന്നതെന്ന് അഹങ്കരിച്ചു കൊണ്ടാവണം മിന്നാ മിനുങ്ങുകൾ മുറ്റത്ത്‌ പാറി കളിച്ചു നടക്കുന്നു....

രാത്രിയെ പ്രണയിച്ചു കൊണ്ട് ഇലഞ്ഞി പൂക്കൾ വിരിഞ്ഞെന്നു തോന്നുന്നു..

ജനലഴികളിൽ കൂടി കടന്ന് വന്ന കാറ്റിന് ഇലഞ്ഞി പൂക്കളുടെ മാദക ഗന്ധമുണ്ടായിരുന്നു.....

രാവിന്റെ കാഴ്ചകൾ ജനലഴികളിൽ കൂടി കണ്ടിരുന്നു എപ്പോഴോ ഞാൻ ഒന്ന് മയങ്ങി.....

പുലർച്ചെ കലപില കൂട്ടുന്ന പക്ഷികളുടെ ശബ്ദം കേട്ടാണ് ഞാൻ ഉണർന്നത്....

നേർത്ത വെട്ടം വീണു തുടങ്ങിയതേ ഉള്ളൂ..

ഉറക്കത്തിന്റെ ആലസ്യം വെടിഞ്ഞു പുലരിയെ വരവേറ്റു കൊണ്ട് പക്ഷികൾ പാറി നടക്കുന്നു..

ഞാൻ നോക്കുമ്പോൾ ഇതൊന്നും അറിയാതെ ചുരുണ്ടു കൂടി പുതപ്പിനുള്ളിൽ കൂർക്കം വലിച്ചു ശ്രീക്കുട്ടി നല്ല ഉറക്കം തന്നെ ആയിരുന്നു....

അവൾ ഉണരുന്നത് കാത്തിരിക്കാനുള്ള ക്ഷെമ തീരെ ഇല്ലാതായത് കൊണ്ട് അവളെ വിളിച്ചു ഉണർത്തി കാര്യം പറയാൻ ഞാൻ തീരുമാനിച്ചു.....

"കുഞ്ഞു.. ഡി എഴുന്നേൽക്കടി നേരം വെളുത്തു..

"ഒന്ന് ചുമ്മാതിരി ചേച്ചി ഞാൻ ഇച്ചിരി നേരം കൂടി കിടക്കട്ടെ ....

"പറ്റില്ല എഴുന്നേറ്റേ.. എനിക്ക് നിന്നോട് ഒരു കാര്യം പറയാൻ ഉണ്ട്..

"മ്മം പറഞ്ഞോ ഞാൻ കേട്ടോളാം എന്നവൾ പാതി മയത്തിൽ പറഞ്ഞു....

"ഡി പെണ്ണേ നീ മര്യാദക്ക് എഴുന്നേറ്റു വരുന്നുണ്ടോ അതോ ഞാൻ വെള്ളം കോരി ഒഴിക്കണോ..

അതിനവൾ മറുപടി ഒന്നും പറഞ്ഞില്ല ....

"ഡി നീ എഴുന്നേറ്റ് വന്നിലെങ്കിൽ ഞാൻ ഇപ്പോൾ കെട്ടി തൂങ്ങി ചാവുമെ....

"ഓൾ ദി ബെസ്റ്റ് ചേച്ചി.... എന്റെ പുതപ്പ് എടുക്കരുത്..

സാരി അലമാരയിൽ കാണും..

"ഡി ദുഷ്ടേ അപ്പോൾ നിനക്ക് ഞാൻ ചത്താലും കുഴപ്പമില്ല അല്ലേ എന്നും പറഞ്ഞു ഞാൻ അവൾക്കിട്ട് ഒരിടി കൊടുത്തു....

"അയ്യോന്ന് കാറി കൊണ്ടവൾ എഴുന്നേറ്റിരുന്നു..

"ചേച്ചിക്ക് ഇപ്പോൾ എന്താ വേണ്ടത്..

"ഡി അതുപിന്നെ നീ എനിക്കൊരു ഉപകാരം ചെയ്യണം..

"ഈ കൊച്ചു വെളുപ്പാൻ കാലത്ത് എന്ത് ഉപകാരം ചെയ്യാനാണ് ചേച്ചി.. കുറച്ചു കഴിഞ്ഞിട്ട് പോരെ..

"മതി.. പക്ഷേ നീ ഞാൻ ആദ്യം പറയുന്നത് ഒന്ന് കേൾക്ക്..

"പണ്ടാരമടങ്ങാൻ പറഞ്ഞു തൊലക്ക്.....

"നീ ദേഷ്യപ്പെടല്ലേ ഞാൻ പറയാം..

നീ രാവിലെ തന്നെ പോയി ഹരിയേട്ടനെ എങ്ങനെയെങ്കിലും  ഒന്ന് കണ്ട് വൈകുന്നേരം അമ്പലത്തിൽ വരാൻ പറയണം....

എനിക്ക് ഹരിയേട്ടനോട് അത്യാവശ്യമായി കുറച്ചു സംസാരിക്കാൻ ഉണ്ടെന്ന് പറ....

"ഹരിയേട്ടനോടോ.. എന്നെക്കൊണ്ടൊന്നും പറ്റില്ല..

ആ പൂതനയമ്മായി അവിടെ കാണും..

എനിക്ക് വയ്യ രാവിലെ അവരുമായി അങ്കം വെട്ടാൻ..

"ചേച്ചിയുടെ പൊന്നല്ലേ പ്ലീസ്..

ചേച്ചി എന്ത് വേണമെങ്കിലും  വാങ്ങിത്തരാം ..

ഞാൻ ചെന്നാൽ അമ്മായി പിന്നെ എന്റെ പുറകിൽ നിന്നും മാറില്ല..

ഹരിയേട്ടനോട് സംസാരിക്കാനും കഴിഞ്ഞെന്ന് വരില്ല അതുകൊണ്ടാണ്..

"മ്മ്മം.. ശെരി ഞാൻ പോയി പറയാം..

ഈശ്വരാ..ആ പൂതനയമ്മായി എന്നെ കൊല്ലാതിരുന്നാൽ മതിയായിരുന്നു..

"ഹഹഹ ഹേ അങ്ങനെ ഒന്നും ഉണ്ടാവില്ലെടി.. എന്നും പറഞ്ഞു ഞാൻ അവളെ ഒന്ന് സപ്പോർട്ട് ചെയ്തു കൊടുത്തു..

അവളും അമ്മായിയും പണ്ട് തൊട്ടേ അടിയാണ്..

അമ്മായി ഒന്ന് പറഞ്ഞാൽ അവൾ പത്തു പറയും..

അതുകൊണ്ട് തന്നെ അമ്മായിക്ക് അവളെ ഒരൽപ്പം പേടിയും ഉണ്ട്..

അതുകൊണ്ട് തന്നെയാണ് ഈ ദൈത്യം ഞാൻ അവളെ ഏൽപ്പിച്ചത്....

എന്തായാലും ഇന്ന് എന്തെങ്കിലും ഒക്കെ നടക്കും.....

അവളുടെ കൂടെ തന്നെ നിന്നു ഒരുക്കി കഴിപ്പിച്ചു അവളെ പറഞ്ഞു വിട്ടപ്പോൾ ആണ് എനിക്ക് സമാധാനം ആയത്..

എന്റെ സ്നേഹപ്രകടനം അവൾക്ക് ചിരിയും വന്നു..

"ചേച്ചി എന്നെ ഇങ്ങനെ സ്നേഹിച്ചു കൊല്ലല്ലേ എന്നവൾ പറയുകയും ചെയ്തു..

കാര്യം കാണാൻ കഴുതക്കാലും പിടിക്കണമല്ലോ..

---------------------------------------------------------

അമ്മായിയുടെ വീട്ടിൽ നിന്നും അവൾ ഉച്ചയോടെ തിരിച്ചെത്തി..

ഹരിയേട്ടനോട് പറഞ്ഞിട്ടുണ്ടെന്നും ഏട്ടൻ വരാമെന്ന് പറഞ്ഞെന്നും അവൾ വന്നു പറയുമ്പോൾ എന്റെ ഉള്ളിൽ സന്തോഷം അലയടിക്കുക യായിരുന്നു....

നോവ് പടർന്നിരുന്ന നെഞ്ചിൽ പ്രതീക്ഷയുടെ മഞ്ഞ മന്ദാര പൂക്കൾ വിരിഞ്ഞു..

വൈകുന്നേരമാവാനായി ഞാൻ കൊതിയോടെ കാത്തിരുന്നു..

ഹരിയേട്ടൻ ഏറെ ഇഷ്ടപ്പെട്ടിരുന്ന നീല ദാവണി അണിഞ്ഞു പലവട്ടം കണ്ണാടിയുടെ മുന്നിൽ നിന്ന് ഭംഗി നോക്കി..

ഹരിയേട്ടനെ കാര്യം പറഞ്ഞു മനസ്സിലാക്കിക്കാൻ ആവുമെന്ന്  വിശ്വാസം ഉണ്ടായിരുന്നത് 

കൊണ്ടാവും ഉള്ളിൽ പ്രണയത്തിന്റെ മനോഹര പുഷ്പങ്ങൾ വീണ്ടും പൂവിട്ടത്....

പ്രതീക്ഷകളുടെ സ്വപ്നങ്ങളും പേറി

വൈകുന്നേരത്തോടെ ഞാൻ അമ്പലപറമ്പിലെ ആൽത്തറക്ക് മുന്നിൽ എത്തി....

അമ്പലത്തിലെ  ചന്ദനത്തിന്റെയും കർപ്പൂരത്തിന്റെയും സുഗന്ധം പേറുന്ന കാറ്റെന്നെ തഴുകി കടന്നു പോയി കൊണ്ടിരുന്നു..

കാറ്റിന്റെ താളത്തിനൊത്തു ആലിലകൾ നൃത്തം വെക്കുകയാണ്....

ഈ ആൽത്തറയിൽ മണിക്കൂറുകളോളം പ്രണയം പങ്കിട്ടു ഞാനും ഹരിയേട്ടനും ഇരുന്നിട്ടുണ്ട്....

ഏട്ടന്റെ തോളോട് തോൾ ചേർന്നു കഥകളും തമാശകളും  പൊട്ടിച്ചിരികളുമായി നേരം പങ്കിട്ടിരുന്നപ്പോൾ അന്ന് ഈ ആൽമരക്കൊമ്പിൽ ഇരുന്നിരുന്ന കിളികൾക്ക് പോലും ഞങ്ങളോട് അസൂയയായിരുന്നു....

ആ പ്രണയകാലം ഒരിക്കൽ കൂടി തിരികെ  വന്നിരുന്നെങ്കിലെന്ന് വെറുതെ ആശിച്ചു  പോവുന്നു....

ഓരോന്ന് ഓർത്തു നേരം പോയതറിഞ്ഞില്ല....

ആകാശത്തു ചെഞ്ചുവപ്പു പടർത്തി കൊണ്ടു സൂര്യൻ രാവിന് വഴിമാറി കൊടുക്കാൻ ഒരുങ്ങുകയാണ് ..

ഹരിയേട്ടനെ കാണുന്നില്ലല്ലോ ഭഗവതി..

"ഇനി ഏട്ടൻ വരാതെങ്ങാനും  ഇരിക്കുമോ..??

ഹേയ് ഇല്ല വരും.. അമ്മായിയുടെ കണ്ണിൽ പെടാതെ വരാൻ ഇരിക്കുന്നത് കൊണ്ടാവും ഈ താമസം..

എന്നിങ്ങനെ ഓരോന്ന് മനസ്സിൽ ചിന്തിച്ചു കൊണ്ട് ഞാൻ നിൽക്കുമ്പോളേക്കും ദൂരെ നിന്നും ഹരിയേട്ടൻ വരുന്നത് കണ്ടു..

ഏട്ടനെ കണ്ടതും പതിവില്ലാതെ എന്റെ നെഞ്ചിടിപ്പിന് വേഗതയേറി..

ഓടിച്ചെന്നു ഒന്ന് കെട്ടിപിടിച്ചാലോ എന്ന് വരെ ചിന്തിച്ചു..

മനസ്സിന്റെ നിയന്ത്രണം കൈവിട്ടു പോവുമ്പോലെ..

മനസ്സിൽ ഓരോ ചിന്തകൾ നിറഞ്ഞപ്പോഴേക്കും ഹരിയേട്ടൻ ഇങ്ങെത്തി..

ഞാൻ എന്താണ് പറയാൻ പോവുന്നത് എന്നറിയാത്തത് കൊണ്ടാവും ആ മുഖത്ത് ഒരു പരിഭ്രമം പടരുന്നത് ഞാൻ കണ്ടു..

അൽപ്പ സമയത്തേക്ക് ഞങ്ങൾ ഒന്നും മിണ്ടിയില്ല പരസ്പരം മുഖത്തോട് മുഖം നോക്കി നിന്നു..

ഒടുവിൽ മൗനത്തെ ഭേദിച്ചു കൊണ്ട് ഏട്ടൻ സംസാരിച്ചു തുടങ്ങി..

"നീ എന്തിനാണ് കാണണം എന്ന് പറഞ്ഞത്..

ഏട്ടന്റെ വാക്കുകളിൽ പതിവില്ലാത്ത ഒരു ഗൗരവഭാവം കലർന്നിരുന്നു..

"അതുപിന്നെ ഏട്ടാ ഞാൻ കേട്ടതൊക്ക സത്യമാണോ..??

ഏട്ടന്റെ കല്യാണം ഉറപ്പിച്ചോ..??

"സത്യമാണ്.. അതുകൊണ്ട് ആണല്ലോ അമ്മയും അച്ഛനും വന്നു കല്യാണം വിളിച്ചത്..

"എനിക്ക് അറിയേണ്ടത് ഏട്ടന്റെ പൂർണ്ണ സമ്മതത്തോടെയാണോ ഈ കല്യാണം എന്നാണ്..??

"മ്മ്മം അതേ.. എന്റെ സമ്മതത്തോടെ തന്നെയാണ് എന്നെന്റെ മുഖത്തേക്ക് നോക്കികൊണ്ട്‌ തന്നെ ഹരിയേട്ടൻ പറഞ്ഞു..

"ഏട്ടാ.. ഏട്ടന് ഇതിന് എങ്ങനെ കഴിഞ്ഞു..??

ഇത്രവേഗം എന്നെ മറക്കാൻ.. എന്റെ സ്നേഹം വേണ്ടെന്ന് വെക്കാൻ  ഏട്ടനായോ..??

നിറഞ്ഞു തുളുമ്പിയ കണ്ണുകളുമായി ഞാൻ ചോദ്യശരങ്ങൾ തൊടുത്തു വിട്ടപ്പോൾ അതൊന്നും കാര്യമാക്കാതെ ഒരു കൂസലുമില്ലാതെ  ഹരിയേട്ടൻ നിന്നു..

"ഏട്ടനെന്താ ഒന്നുമിണ്ടാത്തത്.. പറ

"ഞാനെന്ത് പറയാനാണ്..

 നിന്നെ കെട്ടി ജീവിതം തൊലക്കാൻ ഞാനില്ല..

അതുകൊണ്ട് തന്നെ പിരിയുന്നതാണ്  നമുക്ക് നല്ലത്..

പിന്നെ ഓരോന്ന് പറഞ്ഞു ഇനി  നീ വെറുതെ പ്രശ്നം ഉണ്ടാക്കാൻ നിക്കരുത് എന്നെന്റെ മുഖത്തടിച്ചത് പോലെ ഹരിയേട്ടൻ പറയുമ്പോൾ 

 നോവ് പടർത്തിക്കൊണ്ട്  ആ വാക്കുകൾ എന്റെ നെഞ്ചിലേക്ക് ആഴ്ന്നിറങ്ങി..

വാക്കുകൾക്ക് ആയുധത്തേക്കാൾ മൂർച്ചയുണ്ടെന്നു പറയുന്നത് സത്യമാണെന്നു ആ നിമിഷം  ഞാൻ തിരിച്ചറിഞ്ഞു......

തിരിച്ചൊന്നും പറയണവാതെ വാക്കുകൾ നെഞ്ചിൽ വിങ്ങലായി മാറിയപ്പോൾ  കവിൾത്തടങ്ങളിലൂടെ ഒഴുകി വീഴുന്ന കണ്ണീരുമായി  ഞാൻ നിന്നു..

"ഞാൻ പോവുന്നു.. പിന്നെ പഴയതെല്ലാം നീ മറക്കണം..

ഈ ജന്മം ഒന്നാവാൻ നമുക്ക് വിധിയില്ല എന്ന് കരുതിയാൽ മതി എന്ന് പറഞ്ഞു കൊണ്ട് ഹരിയേട്ടൻ നടന്നു....

അതുവരെ ഞാൻ  നെയ്തു കൂട്ടിയ സ്വപ്നങ്ങളും പ്രതീക്ഷകളും വാക്കുകൾ കൊണ്ട് അഗ്നിക്കിര യാക്കി ഓർമ്മകളുടെ ഭാരം പേറുന്ന ചാരം എന്നിൽ അവശേഷിപ്പിച്ചു കൊണ്ട് ഹരിയേട്ടൻ നടന്നകലുന്നതു കണ്ണീരിന്റെ നനവോടെ നോക്കി നിൽക്കാനേ എനിക്ക് കഴിഞ്ഞുള്ളു.....

--------------------------------------------------------

നഷ്ടപ്രണയത്തിന്റെ ഭ്രാന്ത് പേറിയാണ് ഞാൻ തിരിച്ചു തറവാട്ടിൽ എത്തിയത്..

എന്നോട് തന്നെ വെറുപ്പ് തോന്നുന്ന ഭ്രാന്തമായൊരാവസ്ഥ..

മുറിയിൽ എത്തിയപ്പാടെ ഹരിയേട്ടൻ എനിക്ക് എഴുതി അയച്ചിരുന്ന കത്തുകളും ഗിഫ്റ്റുകളും എല്ലാം എടുത്തു കൊണ്ടു മുറ്റത്തിട്ട് കത്തിച്ചു....

കുട്ടിക്കാലം തൊട്ട് മനസ്സിൽ കൊണ്ട് നടന്നിരുന്ന  എന്റെ  പ്രണയത്തെ  അഗ്നിക്ക് ഇരയാക്കുമ്പോൾ  എന്റെ ജീവിതത്തിൽ  ഇനിയൊരു പ്രണയമില്ലെന്നു അഗ്നിസാക്ഷിയായി ഞാൻ പ്രതിജ്ഞ എടുത്തു..

എല്ലാം കത്തിയമർന്നു ഒരുപിടി ചാരമായി മാറിയ പ്പോളേക്കും ഹരിയേട്ടനെ ഓർത്തുള്ള അവസാനത്തുള്ളി കണ്ണീരും എന്റെ കവിൾത്തടങ്ങളിൽ കൂടി ഒഴുകി മണ്ണിലേക്കു പതിച്ചു..

ഇനിയൊരിക്കലും ഏട്ടനെ ഓർത്തു കരയില്ല എന്നുറപ്പിച്ചു കണ്ണീർ തുടച്ചു കൊണ്ട്  ഞാൻ തിരിയുബോൾ എല്ലാം കണ്ടു കൊണ്ട് അമ്മയും ശ്രീക്കുട്ടിയും ഉണ്ടായിരുന്നു..

അവർക്ക് പുഞ്ചിരി സമ്മാനിച്ചു കൊണ്ട് ഞാൻ അകത്തേക്ക് കേറി പോയി..

--------------------------------------------------------

പുറമെ എത്ര ശ്രമിച്ചാലും അണയാതെ കനൽ പോലെ ചില ഓർമ്മകൾ  നെഞ്ചിൽ നീറി നീറി പുകഞ്ഞു കൊണ്ടിരുന്നു..

അങ്ങനെ ഹരിയേട്ടന്റെ കല്യാണദിവസം വന്നെത്തി..

കല്യാണത്തിന് പോവാൻ തറവാട്ടിൽ മറ്റാരേക്കാളും ഉത്സാഹം എനിക്കായിരുന്നു.....

എന്റെ ഉത്സാഹം കണ്ട് അവർക്കൊക്കെ അത്ഭുതം തോന്നി..

കരഞ്ഞു കലങ്ങിയ കണ്ണുകളുമായി ഞാൻ മുറിയിൽ അടച്ചു പൂട്ടി ഇരിക്കുമെന്നായിരുക്കും അവർ ഓർത്തത്....

പക്ഷേ എനിക്ക് അതിന് ആവില്ല....

സ്വന്തമെന്നു കരുതി സ്വപ്നം കണ്ടു നടന്നായാളെ മറ്റൊരാൾ സ്വന്തമാക്കുന്ന കാഴ്ച്ച എനിക്ക് നേരിൽ കാണണമായിരുന്നു.....

മറ്റൊന്നിനും വേണ്ടിയല്ല ഇനിയൊരിക്കലും അത് സ്വന്തമല്ല.. സ്വന്തമാവില്ല എന്ന് നേരിൽ കണ്ടു ഉറപ്പിക്കാൻ വേണ്ടി മാത്രം.....

അണിഞ്ഞൊരുങ്ങി ഞങ്ങൾ അമ്പലത്തിൽ എത്തുമ്പോൾ മുഹൂർത്തം ആവാറായിരുന്നു.....

ഹരിയേട്ടന്റെ മുഖത്ത് സന്തോഷം പടർന്നു പന്തലിച്ചു നിൽക്കുന്നത് പോലെ എനിക്ക് തോന്നി.....

എന്നെ കണ്ടിട്ടും കാണാത്ത ഭാവം നടിച്ചാണ് നിൽപ്പ്..

അതിനിടയിൽ മുഹൂർത്തമായെന്നു ആരോ വിളിച്ചു പറഞ്ഞു..

പൂജാരി പൂജിച്ചു നൽകിയ താലി ഹരിയേട്ടൻ കൈകളിൽ എടുക്കുമ്പോൾ ആ കണ്ണുകൾ എന്റെ മേൽ പതിച്ചു..

 ആ താലി ഏട്ടൻ എന്റെ കഴുത്തിൽ അണിയിച്ചിരുന്നു എങ്കിലെന്ന് ഒരു നിമിഷം ഞാൻ ആശിച്ചു പോയി .....

ശ്രീലക്ഷ്മി 5

ഉള്ളിൽ സങ്കട കടൽ അലയടിച്ചു കൊണ്ടിരുന്നെങ്കിലും അതൊന്നും പുറമെ കാട്ടാതെ മുഖത്തൊരു പുഞ്ചിരി വരുത്തി ഞാൻ ഹരിയേട്ടനെ നോക്കി നിന്നു....

സത്യത്തിൽ എന്റെ മനസ്സപ്പോൾ ഒരുതരം മരവിച്ച അവസ്ഥയിൽ ആയിരുന്നു....

എന്നെ നോക്കി കൊണ്ടു തന്നെ ഹരിയേട്ടൻ ആ പെണ്ണിന്റെ കഴുത്തിൽ താലി അണിയിച്ചു.....

കൂടി നിന്ന പലരുടെയും കണ്ണുകൾ അപ്പോൾ എന്റെ മേൽ ആയിരുന്നു..

യാതൊരു ഭാവ വ്യത്യാസങ്ങളും ഇല്ലാതെയുള്ള എന്റെ നിൽപ്പ് അവരെ ശെരിക്കും അത്ഭുതത്തിൽ ആഴ്ത്തി..

ഒരുപക്ഷെ ഹരിയേട്ടനെ പോലും.....

കണ്ണീരിന്റെ നനവില്ലാതെ പുഞ്ചിരിച്ച മുഖവുമായി ഏട്ടന്റെ കല്യാണം കൺനിറയെ കണ്ടു ഞാൻ തറവാട്ടിലേക്ക് മടങ്ങി....

ഞാൻ എന്തെങ്കിലും അബദ്ധം ചെയ്യുമോ എന്ന് പേടിച്ചാവും ശ്രീക്കുട്ടിയും  എന്റെ ഒപ്പം വന്നു.....

തറവാട്ടിൽ ചെന്നപാടെ മുറിയിൽ കയറി ഞാൻ കുറ്റിയിട്ടതും ശ്രീക്കുട്ടി ഒന്ന് ഭയന്നു.....

"ചേച്ചി വാതിൽ തുറക്കെന്നും പറഞ്ഞവൾ മുട്ടി വിളിച്ചു കൊണ്ടിരുന്നു.....

"നിനക്ക് എന്താടി പെണ്ണേ മനുഷ്യനെ ഉടുപ്പ് മാറാനും സമ്മതിക്കില്ലേ എന്നും ചോദിച്ചു കൊണ്ട്  ഞാൻ വാതിൽ തുറന്നു.....

"ഹോ ഉടുപ്പ് മാറാൻ ആയിരുന്നോ..?? ഞാൻ വെറുതെ പേടിച്ചു പോയി..

"ഹഹഹ എന്തിന് ഞാൻ ആത്മഹത്യ ചെയ്യുമെന്ന് ഓർത്തോ..

അങ്ങനിപ്പോൾ ഞാൻ മരിച്ചിട്ട് നീ സുഖിക്കണ്ട എന്നും പറഞ്ഞു ഞാൻ അവളുടെ കവിളത്തൊരു നുള്ള് വെച്ച് കൊടുത്തു.....

 അവളുടെ മുഖത്തൊരു പുഞ്ചിരി വിരിഞ്ഞെങ്കിലും  ഉള്ളിലെ ഭയം കെട്ടടങ്ങിയില്ല എന്നെനിക്ക് മനസ്സിലായി.....

എന്നെയോർത്തു വിഷമിക്കുന്ന ഇവരുടെ സന്തോഷത്തിന് വേണ്ടിയെങ്കിലും 

ഇനിയുള്ള കാലം  

 പഴയ കുസൃതിയും കുറുമ്പും നിറഞ്ഞ കാന്താരി പെണ്ണായി മാറാൻ ഞാൻ ശ്രമിച്ചു തുടങ്ങണം എന്നൊരു തീരുമാനം ഞാൻ എടുത്തു..

--------------------------------------------------------

ദിവസങ്ങൾ മുന്നോട്ട് പോവും തോറും  തറവാട്ടിൽ പഴയ കളിയും ചിരിയും വന്നു ചേർന്നു കൊണ്ടിരുന്നു..

എന്റെയും ശ്രീക്കുട്ടിയുടെയും കളി ചിരികളാൽ അച്ഛന്റെയും അമ്മയുടെയും സങ്കടം പതിയെ സന്തോഷത്തിന് വഴിമാറി.....

പക്ഷേ രാത്രിയുടെ നിശബ്ദതയിൽ ചില ഓർമ്മകൾ എന്നെ മുറിവേൽപ്പിച്ചു കൊണ്ടിരുന്നത് എനിക്കും തലയിണക്കും മാത്രം അറിയാവുന്ന രഹസ്യമായി ഞാൻ നിലനിർത്തി.....

കണ്ണീരിന്റെ നനവ് പടർന്ന തലയിണയും കെട്ടിപിടിച്ചു കൊണ്ടായിരുന്നു ഓരോ രാവും ഞാൻ കഴിച്ചു കൂട്ടിയത്.....

മറക്കാൻ ശ്രമിക്കും തോറും തിരമാല കണക്കിന് വാശിയോടെ ഓർമ്മകൾ എന്നിലേക്ക് ആഞ്ഞടിച്ചു കൊണ്ടിരുന്നു....

അതിനിടയിൽ ഹരിയേട്ടൻ ഭാര്യയുമായി വീട്ടിൽ വിരുന്നിനെത്തി....

ഹരിയേട്ടന്റെ മുഖത്ത് നിറഞ്ഞിരുന്ന സന്തോഷം കണ്ടപ്പോൾ തന്നെ എനിക്ക്  മനസ്സിലായി ആ മനസ്സിലിപ്പോൾ ഞാനില്ല എന്ന്....

"ഇവളെ കിട്ടിയത് എന്റെ ഭാഗ്യമാണ്.. നിന്നെ പോലെ അല്ല നല്ല വിവരം ഉള്ള കുട്ടിയാണ്..

പോരാത്തതിന് മോഡേണും ആണ്..

പിന്നെ നീ എന്നെ ഓർത്തു കഴിയരുത് വേറെ കല്യാണം ഒക്കെ കഴിക്കണം എന്നൊക്ക ഒരു  പുച്ഛ ചിരിയോടെ അവളെ നിർത്തികൊണ്ട് ഏട്ടൻ പറയുമ്പോൾ എന്റെ ഉള്ളൊന്നു പിടഞ്ഞു..

മറുപടി ഒന്നും പറയാതെ ഞാൻ പുഞ്ചിരിച്ചു....

ഇങ്ങനെ ഒരുത്തനെ ആണല്ലോ ഭഗവതി  ഇത്രയും കാലം സ്നേഹിച്ചത് .....

എത്ര പെട്ടെന്നാണ്  ഏട്ടൻ മാറിയത് എന്ന് ഞാൻ ഓർത്തു....

സ്നേഹമൂറുന്ന വാക്കുകളുമായി നീ ഇല്ലെങ്കിൽ ഞാനില്ല പെണ്ണേ എന്ന് പറഞ്ഞു നടന്നിരുന്ന ആളാണ് ഇപ്പോൾ മറ്റൊരു പെണ്ണിനേയും കെട്ടി എന്റെ മുന്നിൽ ഒരു കൂസലുമില്ലാതെ നിന്നത്.....

ഏട്ടൻ പറഞ്ഞിരുന്ന ഓരോ കാര്യങ്ങളും ഒരു നിമിഷം എന്റെ മനസ്സിലൂടെ മിന്നി മറഞ്ഞു..

ഒടുവിൽ വിരുന്നും കഴിഞ്ഞു ചിരി കളികളോടെ അവർ യാത്രയാവുന്നതും നോക്കി ജനലരികിൽ ഞാൻ നിന്നു....

--------------------------------------------------------

ഇല കൊഴിയും പോലെ  പിന്നെയും ദിവസങ്ങൾ കടന്നു പോയി കൊണ്ടിരുന്നു....

ഇതിനിടയിൽ  എന്റെ കല്യാണക്കാര്യം അമ്മയും അച്ഛനും പല തവണ എടുത്തിട്ടെങ്കിലും വളരെ സമൃദ്ധമായി ഞാൻ അതിൽ നിന്നെല്ലാം ഒഴിഞ്ഞു മാറി..... കാരണം 

ഇനിയൊരു പ്രണയമോ വിവാഹ ജീവിതമോ വേണ്ടെന്നുള്ള ഒരു തരം വാശിയായിരുന്നു എന്റെ ഉള്ളിൽ.....

പിന്നെ അതിനുമപ്പുറമായി  കേവലം ജാതകത്തിന്റെ പേരിൽ സ്നേഹിച്ചവൻ  പാതി വഴിയിൽ ഉപേക്ഷിച്ചു പോയപ്പോൾ എന്തോ  ആത്മാർത്ഥമായ  സ്നേഹത്തിൽ ഉള്ള വിശ്വാസം ഒക്കെ തന്നെ എനിക്ക് നഷ്ടമായിരുന്നു.....

അങ്ങനെ ഉള്ള എനിക്ക്  എങ്ങനെ ഒരാളെ  സ്നേഹിക്കാൻ കഴിയും.....

അതുകൊണ്ട് തന്നെ  ഇനിയുള്ള കാലം പഠിത്തത്തിന്റെ ഒക്കെ കാര്യം പറഞ്ഞു ഇങ്ങനെ തന്നെ അങ്ങ് ജീവിച്ചു പോവാം എന്ന് ഞാൻ തീരുമാനിച്ചിരുന്നു....

പക്ഷേ എന്റെ കണക്ക് കൂട്ടലുകൾക്ക്  അധികം ആയുസ്സ് ഉണ്ടായിരുന്നില്ല..

എനിക്ക് പാരയായി പഴയ പ്രൊപോസലുമായി കുറുപ്പേട്ടൻ വീണ്ടും വന്നു....

അവർക്ക് എന്നെ ഇഷ്ടമായി.. സ്ത്രീധനം ഒന്നും വേണ്ട പെണ്ണിനെ മാത്രം  മതി എന്നവർ പറഞ്ഞത്രേ....

അത് കൂടി കേട്ടതോടെ അച്ഛനും അമ്മയ്ക്കും ഒരുപാട് സന്തോഷമായി....

പണത്തിന്റെയും സ്വർണ്ണത്തിന്റെയും ത്രാസ്സിൽ വെച്ച് പെണ്ണിനെ അളക്കാത്ത ഒരു കുടുംബത്തിലേക്ക് തങ്ങളുടെ മോളെ കെട്ടിച്ചു വിടാൻ കഴിഞ്ഞാൽ അത് വലിയ ഭാഗ്യം തന്നെയാണെന്ന് അവർ കുറുപ്പേട്ടനോട് പറയുന്നത്  ഞാൻ കേട്ടു....

"എന്നാലും എന്റെ ഭഗവതി എന്നോട് ഈ ചതി വേണ്ടായിരുന്നു....

ഇനി ഇതെന്റെ തലയിൽ ആവാതെ ഇരിക്കാണെങ്കിലും നീ ഒന്ന് കൂടെ നിന്നേക്കണേ എന്ന് ഞാനാ നിമിഷം പ്രാത്ഥിച്ചു പോയി.....

അല്ല എന്നാലും എല്ലാം തുറന്നു പറഞ്ഞിട്ടും  കുറുപ്പേട്ടൻ വഴി വീണ്ടും ഈ പ്രൊപോസൽ കുത്തി പൊക്കി  കൊണ്ട് വരണം എങ്കിൽ എന്തായിരിക്കും അവന്റെ ഉദ്ദേശം....

എത്ര ആലോചിച്ചു നോക്കിയിട്ടും  എനിക്കൊരു എത്തും പിടിയും കിട്ടിയില്ല....

എന്ത്‌ തന്നെ ആയാലും അവന്റെ ഒരു ഉദ്ദേശവും എന്റെ അടുത്ത് നടക്കാൻ പോവുന്നില്ല....

എന്ത്‌ ചെയ്തിട്ട് ആണെങ്കിലും വേണ്ടില്ല  ഈ പ്രൊപോസൽ  ഞാൻ മുടക്കും എന്ന് തീരുമാനിച്ചു കൊണ്ട് 

അതിനുള്ള വഴികളെ കുറിച്ച് ഞാൻ ചിന്തിച്ചു തുടങ്ങി.... 

--------------------------------------------------------

"മോളെ അന്ന് വന്നു നിന്നെ കണ്ടിട്ട് പോയ ആ തറവാട്ടുകാർക്ക് നിന്നെ ഇഷ്ടമായി കല്യാണത്തിന് താല്പര്യമുണ്ട് എന്നൊക്കെ കുറുപ്പ്  വഴി അറിയിച്ചിട്ടുണ്ട്..

ഞാൻ അന്വേഷിച്ചു അറിഞ്ഞിടത്തോളം  അവർ നല്ല കൂട്ടരാണ്..

അത് കൊണ്ട് തന്നെ നിന്റെ സമ്മതം ചോദിക്കാതെ തന്നെ അച്ഛൻ അവർക്ക് വാക്ക് കൊടുത്തു പോയി എന്ന് അച്ഛൻ വന്നു പറയുബോൾ ഞാനാകെ ഞെട്ടി പോയി..

"അച്ഛനോട് ആര് പറഞ്ഞു എന്റെ സമ്മതമില്ലാതെ പോയി അവർക്ക് വാക്ക് കൊടുക്കാൻ....??

എനിക്കിപ്പോൾ കല്യാണമൊന്നും വേണ്ട..

എനിക്കിനിയും പഠിക്കണം..

"മോളെ അതുപിന്നെ നീ  അച്ഛന്റെ ഇഷ്ടത്തിന്  എതിര് നിൽക്കില്ല എന്നോർത്ത് അച്ഛൻ വാക്ക് കൊടുത്തു പോയതാണ്....

പിന്നെ പഠിത്തം  അത് കല്യാണം കഴിഞ്ഞും ആവാമല്ലോ....

"അതൊന്നും ശെരിയാവില്ല അച്ഛാ.. ഈ കല്യാണം നടക്കില്ല..

"മോളെ നിന്റെ മനസ്സിൽ എന്താണെന്നു അച്ഛനറിയാം..

പക്ഷേ ഈ അച്ഛന്റെ മനസ്സ് കൂടി മോൾ മനസ്സിലാക്കണം..

കെട്ടുപ്രായം എത്തിയ പെണ്മക്കൾ ഉള്ള ഏതൊരു അച്ഛനമ്മാരു ടെയും നെഞ്ചിൽ  അവരെ നല്ലൊരാളുടെ കൈ പിടിച്ചു കൊടുക്കും വരെ തീയായിരിക്കും....

ഇപ്പോൾ തന്നെ പുറത്തേക്ക് ഇറങ്ങുമ്പോൾ എല്ലാവർക്കും ചോദിക്കാനുള്ളത് നിന്നെ കുറിച്ചാണ്....

നിന്റെ കല്യാണത്തെക്കുറിച്ച്....

അവരുടെ ഒക്കെ ചോദ്യങ്ങൾക്ക് മറുപടി പറഞ്ഞു ഞങ്ങൾ മടുത്തു..

പിന്നെ ഇതിപ്പോൾ മറ്റൊന്നും ചിന്തിച്ചില്ല നല്ല ബന്ധം ആണെന്ന് തോന്നിയത് കൊണ്ട്  അച്ഛൻ അവർക്ക് വാക്കും കൊടുത്തു പോയി..

ഇനി ആ വാക്ക് മാറ്റി പറയേണ്ടി വന്നാൽ പിന്നെ ഈ അച്ഛനെ നീ ജീവനോടെ കാണില്ല....

"അച്ഛാ..അച്ഛൻ  എന്തൊക്കെയാണ് ഈ പറയുന്നത്...

എനിക്ക് ഇഷ്ടമില്ലാത്ത ഒരാളെ ഞാൻ കല്യാണം കഴിക്കണോ..??

"മോളെ നിന്റെ മനസ്സിൽ ഇപ്പോളും ഹരിയാണെന്ന് എനിക്ക് അറിയാം..

അതുകൊണ്ടല്ലേ  നീ കല്യാണത്തിന് സമ്മതിക്കാത്തത്..

"ഹേ അല്ല അച്ഛാ.. സത്യമായും 

എനിക്ക് അയാളെ ഇഷ്ടപ്പെടാത്തത് കൊണ്ടാണ്..

"മോളെ അതൊക്കെ ഇപ്പോഴത്തെ നിന്റെ അവസ്ഥ കൊണ്ട്  തോന്നുന്നതാണ് ..

എനിക്ക് ഉറപ്പുണ്ട് കല്യാണം കഴിയുബോൾ തൊട്ടു  നിനക്ക് അവനെ ഇഷ്ടമാവുമെന്ന്.. 

എന്നു പറഞ്ഞു കൊണ്ട് അച്ഛൻ ഉമ്മറത്തേക്ക് പോയി..

"മോളെ.. നീ എന്താടി ഇങ്ങനെ..??

അച്ഛൻ ഒരുപാട് വിഷമം ആയിക്കാണും എന്നും പറഞ്ഞു കൊണ്ട്  അപ്പോഴേക്കും  അമ്മയും  എന്റെ അടുത്ത് വന്നു..

"ഓ ഒരാൾ പോയ ഉടനെ തന്നെ  അടുത്തയാളും വന്നല്ലോ..

"മോളെ എന്താ നിന്റെ ഉദ്ദേശം..??

കല്യാണക്കാര്യം പറയുമ്പോളുള്ള നിന്റെ ഒഴിഞ്ഞുമാറ്റം പലപ്പോഴും ഞാൻ ശ്രദ്ധിച്ചിട്ടുണ്ട്....

നീ ഇപ്പോഴും പഴയത് എല്ലാം ഓർത്തു നടക്കുവാണോ..??

മോളെ അവൻ കല്യാണം ഒക്കെ കഴിച്ചു സുഖമായല്ലേ ജീവിക്കുന്നത്..

പിന്നെ നീ എന്തിനാണ് അവനെ ഓർത്തു കഴിയുന്നത്..??

"അമ്മയിത് എന്തൊക്കെയാണ് ഈ പറയുന്നത്..??

ഞാൻ പഴയതൊന്നും ഓർക്കാറുപോലും ഇല്ല..

പിന്നെ ഹരിയേട്ടനെ കുറിച്ച് ഞാൻ ചിന്തിക്കാറേ ഇല്ല..

"മോളെ നീ കള്ളം പറയണ്ട..

ഒരു  മകളുടെ മനസ്സ് വായിക്കാൻ അമ്മയോളം കഴിവ് മറ്റാർക്കും തന്നെ  ഉണ്ടാവില്ല..

എന്തായാലും അമ്മക്ക് ഒന്നേ പറയാനുള്ളൂ അച്ഛന്റെ തല കുനിക്കാൻ  നീ ഇടവരുത്തരുത്..

അത് താങ്ങാനുള്ള കരുത്തു അച്ഛനുണ്ടാവില്ല....

ഇതിന്റെ പേരിൽ അച്ഛന് എന്തെങ്കിലും സംഭവിച്ചാൽ പിന്നെ നീ ഈ അമ്മയെയും ജീവനോടെ കാണില്ല....

"എന്തിനാണ് അമ്മേ എല്ലാരും കൂടി  ഇങ്ങനൊക്കെ സംസാരിക്കുന്നത്.. എന്നെ എന്താ ആരും മനസ്സിലാക്കാത്തത്....??

"നിന്നെ ഞങ്ങൾക്ക് മനസ്സിലാവും അതുപോലെ അച്ഛനമ്മമാരുടെ മനസ്സ് മക്കളും മനസ്സിലാക്കണം എന്നും പറഞ്ഞു  കൊണ്ടു അമ്മയും  എഴുന്നേറ്റു പോയി..

അമ്മ പോയതും അവർ പറഞ്ഞതിനെ കുറിച്ച് ഞാൻ ചിന്തിച്ചു നോക്കി....

 അച്ഛനും അമ്മയും പറഞ്ഞ വാക്കുകൾ എന്റെ കാതിൽ വീണ്ടും വീണ്ടും  മുഴങ്ങി കൊണ്ടിരുന്നു....

ഇല്ല അവരുടെ മനസ്സ് വേദനിപ്പിക്കാൻ എനിക്ക് ആവില്ല..

ഞാൻ കാരണം ഇനി അവർക്ക് ഒന്നും സംഭവിക്കാൻ പാടില്ല 

അതുകൊണ്ട് തന്നെ വേറെ വഴിയില്ലാതെ വിവാഹത്തിന് സമ്മതം മൂളാൻ  തന്നെ ഞാൻ ഒടുവിൽ തീരുമാനിച്ചു....

--------------------------------------------------------

വിവാഹത്തിന് ഞാൻ സമ്മതം മൂളിയതും പിന്നെ എല്ലാം പെട്ടെ ന്നായിരുന്നു....

ഒരാഘോഷം പോലെ തന്നെ ഈ വിവാഹം നടത്തണമെന്ന് അച്ഛന് വാശിയായിരുന്നു..

അതിന് വേണ്ടി പാവം ഒരുപാട് കഷ്ടപ്പെട്ടു..

അച്ഛൻറെയും അമ്മയുടെയും മുഖത്ത് വിരിഞ്ഞ സന്തോഷം പറഞ്ഞറിയിക്കാൻ ആവാത്തത് ആയിരുന്നു..

പക്ഷേ എന്റെ മനസ്സ് അപ്പോഴും വിങ്ങുകയായിരുന്നു..

ഇഷ്ടമില്ലാത്ത ഒരു വിവാഹത്തിന് വീട്ടുകാർക്ക് വേണ്ടി സമ്മതം മൂളേണ്ടി വന്ന പെണ്ണിന്റെ മനസ്സ് കാറും കോളും നിറഞ്ഞു കലുഷിതമായത് ആയിരിക്കും..

ഒരു പുഞ്ചിരി കൊണ്ടു അവളതിനെ മറച്ചു പിടിക്കും....

വിവാഹത്തിന്റെ ഒരുക്കങ്ങൾ തകൃതിയായി നടന്നു കൊണ്ടിരുന്നു..

ഒരു തവണ കൂടി ശിവയെ കണ്ട് എന്റെ അവസ്ഥ പറഞ്ഞാലോ എന്ന് പല തവണ ആലോചിച്ചു എങ്കിലും പിന്നീട് വേണ്ടെന്നു വെച്ചു..

മുൻപ് എല്ലാം തുറന്നു പറഞ്ഞിട്ടും എന്നെ മനസ്സിലാക്കാത്ത അവൻ ഇനി മനസ്സിൽ ആക്കുമെന്ന് ചിന്തിക്കുന്നത് തന്നെ വിഡ്ഢിത്തരം ആണെന്ന് എനിക്ക് തോന്നി....

ഇനിയെല്ലാം വിധി പോലെ നടക്കട്ടെ എന്ന് ഞാനും വിചാരിച്ചു..

അതിനിടയിൽ ആണ് ഹരിയേട്ടന്റെ ഭാര്യ മറ്റൊരുത്തന്റെ കൂടെ ഒളിച്ചോടി എന്ന വാർത്ത ഞാൻ കേട്ടത്....

അവൾക്ക് മറ്റൊരുത്തനുമായി ബന്ധം ഉണ്ടായിരുന്നെന്നും 

വീട്ടുകാരുടെ നിർബന്ധം കാരണം ആണ് ഹരിയേട്ടനെ  കെട്ടിയതെന്നും  അറിയാൻ കഴിഞ്ഞു..

ഹരിയേട്ടനോട് ദേഷ്യം ഉണ്ടായിരു ന്നെങ്കിലും പെട്ടെന്ന് അങ്ങനെ കേട്ടപ്പോൾ എനിക്കെന്തോ ഒരു സങ്കടം തോന്നി .....

"ജാതകം പൊരുത്തം എന്നൊക്കെ പറഞ്ഞു കെട്ടിയിട്ടു അവസാനം എന്തായി..

എന്റെ ചേച്ചിയുടെ മനസ്സ് വേദനിപ്പിച്ചതിനുള്ള ശിക്ഷയാണ് ഇതെന്നും പറഞ്ഞു ശ്രീക്കുട്ടി ചിരിച്ചു.....

എല്ലാം കേട്ട് ഞാൻ മിണ്ടാതെ ഇരുന്നതേ ഒള്ളൂ..

മറ്റൊരാളുടെ സങ്കടത്തിൽ സന്തോഷിക്കാൻ എനിക്ക് ആവുമായിരുന്നില്ല അതും ഞാൻ സ്നേഹിച്ച പുരുഷന്റെ സങ്കടത്തിൽ....

ഭാര്യ പോയ സങ്കടം കാരണമോ നാണക്കേട് കാരണമോ എന്നറിയില്ല വീട് വിട്ടു പുറത്തേക്ക് ഇറങ്ങാതെ ആയി....

--------------------------------------------------------

അങ്ങനെ വിവാഹ ദിവസം വന്നെത്തി....

വെറ്റിലയും അടക്കയും നാണയും നൽകി കൊണ്ട് മുതിർന്നവരുടെ കാല് തൊട്ടു വന്ദിച്ചു അനുഗ്രഹം വാങ്ങി..

അപ്പോഴേക്കും കല്യാണചെക്കനും കൂട്ടരും വിവാഹ വേദിയിൽ എത്തിയിരുന്നു..

അമ്മയും അമ്മായിയും വിളക്ക് കൊളുത്തി  നെറ്റിയിൽ ചന്ദനം തൊട്ടു തലയിൽ അരിയും പൂവും വിതറി വരനെ സ്വീകരിച്ചു..

പിന്നീട് കാല് കഴുകിച്ചു കല്യാണ മണ്ഡപത്തിൽ വലതു ഭാഗത്തായി ഇരുത്തി....

അതിന് ശേഷം അച്ഛൻ വന്നു നാദസ്വരത്തിന്റെ അകമ്പടിയോടെ  എന്നെയും കൂട്ടി മണ്ഡപത്തിൽ എത്തി.. 

കൈയിൽ വിളക്കേന്തി മണ്ഡപത്തിന് വലം വെച്ചു വരന്റെ ഇടതു ഭാഗത്തായി ഞാനിരുന്നു....

എല്ലാവരുടെയും കണ്ണുകൾ ഞങ്ങളുടെ നേർക്ക് ആയി..

അതിനിടയിൽ മുഹൂർത്തം ആയെന്ന് ആരോ പറഞ്ഞു..

അതോടെ താലത്തിൽ ഇരുന്ന മഞ്ഞ ചരടിൽ കോർത്ത താലി ശിവ കൈയിൽ എടുത്തു..

ഞാൻ ആ മുഖത്തേക്ക് നോക്കി..

അവന്റെ മുഖത്ത് ചെറു പുഞ്ചിരി നിറഞ്ഞു നിന്നിരുന്നു..

അത് കണ്ടപ്പോൾ എനിക്ക് ദേഷ്യമാണ് തോന്നിയത്..

എല്ലാം തുറന്നു പറഞ്ഞിട്ടും പിന്മാറാതെ ഇപ്പോൾ എന്നെ ഇങ്ങനെ ഒരവസ്ഥയിൽ എത്തിച്ച അയാളോട്  മറ്റെന്താണ് തോന്നുക....

ആ താലി തട്ടി എറിഞ്ഞാലോ എന്ന് വരെ ഒരു നിമിഷം ഞാൻ ചിന്തിച്ചു പോയി.....

മുഹൂർത്തം സമയമായി ചുറ്റും വെറുതെ  ഞാൻ ഒന്ന് കണ്ണോടിച്ചു  നോക്കിയതും എന്റെ കണ്ണുകൾ ഒരാളിൽ ചെന്നു പതിച്ചു..

അകലെ നിന്നും മുണ്ടും മടക്കി കുത്തി കല്യാണ മണ്ഡപം ലക്ഷ്യമാക്കി നടന്നു വരുന്ന ഹരിയേട്ടനിൽ....

#ശ്രീലക്ഷ്മി 6 

അപ്രതീക്ഷിതമായുള്ള ഹരിയേട്ടന്റെ വരവ് എന്നെ ശെരിക്കും ഞെട്ടിച്ചു....

ഹരിയേട്ടൻ ഒരിക്കലും വരില്ല എന്നായിരുന്നു ഞാൻ വിചാരിച്ചിരുന്നത്.....

പക്ഷേ ഏട്ടൻ വന്നു..

മണ്ഡപത്തിന് അരികിൽ എത്തിയതും മുണ്ടിന്റെ മടക്കി കുത്തൊക്ക അഴിച്ചു നിന്നു കൊണ്ട് ഹരിയേട്ടൻ എന്റെ മുഖത്തേക്കൊന്നു  നോക്കി....

അതുകണ്ടു ഒരു പുച്ഛചിരിയോടെ ഞാൻ ഹരിയേട്ടനെ നോക്കി..

എന്റെ നോട്ടം കണ്ടതും  ആ മുഖത്ത് പതിയെ  വിഷാദ ഭാവം നിറയുന്നത് ഞാൻ കണ്ടു....

ഒരുപക്ഷേ ആ മനസ്സിൽ  എന്നോട് ചെയ്ത തെറ്റോർത്തു കുറ്റബോധം തോന്നി കാണും..

എന്തോ തുറന്നു പറയാനായി ആ മനസ്സ് വെമ്പൽ കൊള്ളുന്നത് പോലെ എനിക്ക് തോന്നി.....

പെട്ടെന്ന് കൊട്ടും കുരവയും ടെയും ശബ്ദം ഉച്ചത്തിലായി.....

നിമിഷാർദ്ധങ്ങൾ ക്കുള്ളിൽ  തന്നെ  മഞ്ഞചരടിൽ കോർത്ത താലി ശിവ എന്റെ കഴുത്തിൽ അണിയിച്ചു....

കണ്ണീരിന്റെ നനവോടെ നിന്നു കൊടുക്കാനെ എനിക്കപ്പോൾ  കഴിഞ്ഞുള്ളൂ.....

അപ്പോഴേക്കും ശിവ  മന്ത്രകോടി എനിക്ക്  സമ്മാനിച്ച ശേഷം  സിന്ദൂരമെന്റെ സീമന്ത രേഖയിൽ ചാർത്തി തന്നു ....

അതിന് ശേഷം എന്നെ മരുമകളായി സ്വീകരിച്ചു കൊണ്ട് ശിവയുടെ അമ്മ വന്നു  എന്റെ കഴുത്തിലേക്ക്  സ്വർണ്ണമാല അണിയിച്ചു....

അതോടെ മോതിരം പരസ്പരം അണിയിച്ചു കൊണ്ടു ഞാനും ശിവയും തുളസിപൂമാല കഴുത്തിൽ അണിയിച്ചു.....

അത് കഴിഞ്ഞതും ഉടനെ തന്നെ എന്റെ അച്ഛൻ വന്നു  ഞങ്ങളുടെ അടുത്ത് നിന്നു എന്റെ കൈ പിടിച്ചു ഒരു വെറ്റില വെച്ചു ശിവയുടെ കൈയിലേക്ക് കൊടുത്തു കൊണ്ട് കന്യാദാനം എന്ന ചടങ്ങും പൂർത്തിയാക്കി.....

പിന്നെ കൈ ചേർത്തു പിടിച്ചു കൊണ്ട് വിവാഹ മണ്ഡപത്തിലെ അഗ്നിക്ക് ചുറ്റും ഞങ്ങൾ മൂന്നു വട്ടം വലം വെച്ചു കൊണ്ടു 

അഗ്നിസാക്ഷിയായ വിവാഹമെന്ന  ചടങ്ങും പൂർത്തിയാക്കി....

പിന്നീട് വിഭവ സമൃദ്ധമായ സദ്യയുടെ സമയം ആയിരുന്നു....

ചോറ്, സാമ്പാര്, പരിപ്പ്, അവിയല്, കാളന്, തോരന്, പച്ചടി, കിച്ചടി, ഓലന്, കൂട്ടുകറി, അച്ചാറ്, ഇഞ്ചിക്കറി, പപ്പടം, ശര്ക്കരവരട്ടി, കായ വറുത്തത്, രണ്ട് കൂട്ടം പായസം, പഴം തുടങ്ങി കുറഞ്ഞത് പത്തിരുപത് വിഭവങ്ങളെങ്കിലും സദ്യക്ക് ഉണ്ടായിരുന്നു....

എല്ലാവരും സദ്യയോട് മൽപ്പിടുത്തം ആരംഭിക്കാൻ തുടങ്ങിയതും ഹരിയേട്ടൻ അവിടെ നിന്നും നടന്നു പോവാൻ തുടങ്ങുന്നത് കണ്ടു ശ്രീക്കുട്ടി ഓടി ചെന്നു ഹരിയേട്ടന്റെ കൈയിൽ പിടിച്ചു കൊണ്ടു വന്നു ശിവക്ക് ഹരിയേട്ടനെ പരിചയപ്പെടുത്തി കൊടുത്തു.. ഹരിയേട്ടന്റെ മുഖം അപ്പോൾ ആകെ വിളറി വെളുത്തിരുന്നു.....

"ശെരി എന്നാൽ ഞാൻ പോവാണ് കുറച്ചു തിരക്ക് ഉണ്ടെന്ന് പറഞ്ഞ ഹരിയേട്ടനോട് എന്താ ഇത്ര തിരക്ക് മുറച്ചെറുക്കൻ ആണെന്ന് പറഞ്ഞു നടന്നിട്ട് കാര്യമില്ല കല്യാണം നന്നായി നടത്തേണ്ടത് ഏട്ടന്റെ കടമയാണ് എന്നും പറഞ്ഞു ശ്രീക്കുട്ടി ഒരു സാമ്പാർ ബക്കറ്റ് എടുത്തു ഹരിയേട്ടന്റെ കൈയിൽ കൊടുത്തു....

ഹരിയേട്ടൻ ദയനീയ ഭാവത്തോടെ അവളെ ഒന്ന് നോക്കി..

അത് കണ്ടു സത്യം പറഞ്ഞാൽ എനിക്ക് ചിരി വന്നു പോയി..

ശ്രീക്കുട്ടി മനഃപൂർവം ഏട്ടനിട്ട് പണി കൊടുത്തത് ആണെന്ന് എനിക്ക് മനസ്സിലായി..

ഞാൻ ചുറ്റും ഒന്നും  കണ്ണോടിച്ചു അവിടെ കൂടിയിരുന്ന എല്ലാവരുടെയും മുഖത്ത് സന്തോഷം നിറഞ്ഞു തുളുമ്പിയിരുന്നു....

പക്ഷേ എനിക്കെന്തോ ഉള്ളു നിറഞ്ഞു സന്തോഷിക്കാനായില്ല....

ഞാൻ ശിവയുടെ മുഖത്തേക്ക് ഒന്ന് നോക്കി..

ആഗ്രഹിച്ചത് നേടിയെടു ത്തവന്റെ ചിരി  ആ മുഖത്ത് നിറഞ്ഞു നിന്നിരുന്നത് പോലെയാണ് എനിക്കപ്പോൾ തോന്നിയത്.....

എല്ലാം തുറന്നു പറഞ്ഞിട്ടും പിന്നെയും  മാസങ്ങൾ കഴിഞ്ഞു തിരികെ വന്നു ഈ കല്യാണം നടത്താൻ തീരുമാനിച്ചതിന് പിന്നിൽ ഇനി  എന്തെങ്കിലും ദുരുദ്ദേശം ഉണ്ടായിരിക്കുമോ..??

എനിക്ക് ആണെങ്കിൽ ശിവയെ എവിടെയോ വെച്ച് കണ്ടു നല്ല പരിചയം തോന്നുന്നുണ്ട് പക്ഷേ  എവിടെ വെച്ചാണ് എന്ന് മാത്രം ഒരെത്തും  പിടിയും  കിട്ടുന്നില്ല....

എന്ത് തന്നെ ആയാലും എന്റെ കണക്ക് കൂട്ടലുകൾ എല്ലാം തെറ്റിച്ചു കൊണ്ട്     എന്റെ ജീവിതത്തിലേക്ക് കടന്നു വന്ന ശിവയോട് എനിക്കെന്തോ ദേഷ്യമാണ് തോന്നിയത്....

ഇനിയെന്റെ  മുന്നോട്ടുള്ള ജീവിതം എന്തായി തീരുമെന്ന് ഒരെത്തും പിടിയുമില്ല....

ഇഷ്ടമില്ലാത്ത ഒരാളുടെ കൂടെ ഞാൻ എങ്ങനെ ജീവിക്കാൻ ആണ്..

 ജീവിതത്തിൽ ഇനി എന്തൊക്ക പരീക്ഷണങ്ങൾ ഞാൻ  നേരിടേണ്ടി വരുമോ..

എന്റെ ഭഗവതി നീ എന്റെ ജീവിതം ഇതെങ്ങോട്ടാണ് കൊണ്ടു പോവുന്നത്..

മനസ്സിൽ ഉത്തരം കിട്ടാത്ത നൂറായിരം ചോദ്യങ്ങളുമായി ഞാൻ അവിടെ നിന്നു..

--------------------------------------------------------

കല്യാണത്തിന്റെ സകല ചടങ്ങുകളും പൂർത്തിയാക്കി അച്ഛനോടും അമ്മയോടും ശ്രീക്കുട്ടിയോടും യാത്ര പറഞ്ഞു കണ്ണീരിന്റെ നനവോടെ ശിവക്കൊപ്പം തറവാട്ടിൽ നിന്നിറങ്ങി കാറിൽ കേറി യാത്ര തിരിക്കുമ്പോൾ മനസ്സ് ശൂന്യമായിരുന്നു.....

ഞാൻ ഓടി കളിച്ചു നടന്നിരുന്ന വഴിത്താരകൾ പിന്നിട്ടു കാർ നീങ്ങുമ്പോൾ വെറുതെ പാവ കണക്കിന് കാഴ്ചകൾ കണ്ട് ഞാനിരുന്നു..

താല്പര്യമില്ലാതെ കല്യാണം കഴിച്ചത് കൊണ്ടാവും എന്നിലെ ഞാൻ മരിച്ചപോലൊരു ഫീൽ ആയിരുന്നു എനിക്കപ്പോൾ....

കുറെ ദൂരം പിന്നിട്ടു കഴിഞ്ഞതും  അതിമനോഹരമായ ഗ്രാമ വഴിയിലേക്ക്  കാർ എത്തി....

നിറയെ മരങ്ങളും ചെടികളും വയലുകളും ചെറു തോടുകളും നിറഞ്ഞൊരു ഗ്രാമം.....

നെൽവയലുകൾക്ക്  നടുവിലൂടെ ഉള്ള  ഗ്രാമത്തിലെ മൺപാതയിലൂടെ പൊടി പറത്തി കൊണ്ട് കാർ ചീറി പാഞ്ഞു ഒരു തറവാടിന്റെ മുറ്റത്ത്‌ ചെന്നു നിന്നു....

പഴമയുടെ ഭംഗി വിളിച്ചോതുന്ന ഓടിട്ട ഒരു വലിയ തറവാട്..

വീടിന് മുന്നിലായി  ഒരു തുളസിത്തറ..

മാവ്, പ്ലാവ്, ആഞ്ഞിലി തേക്ക് തുടങ്ങിയ മരങ്ങളും പിന്നെ കുറെയധികം ചെടികളും പറമ്പിൽ തണൽ വിരിച്ചു കൊണ്ട്  നിൽക്കുന്നു..

ഞാൻ മുറ്റത്തേക്ക് ഇറങ്ങി ചുറ്റും ഒന്ന്  കണ്ണോടിച്ചു നോക്കി..

കണ്ണെത്താ ദൂരം നീണ്ടു കിടക്കുന്ന പച്ച പുതച്ച നെൽവയലുകൾ കാണാം..

എന്റെ ഗ്രാമം പോലെ സുന്ദരമായൊരു ഗ്രാമം....

ആ ഗ്രാമീണ ഭംഗി കണ്ണുകളാൽ ഒപ്പി എടുക്കുന്ന തിനിടയിൽ 

"മോളെ സമയമായി വന്നു കേറൂ എന്ന് ശിവയുടെ അമ്മ നിലവിളക്കുമായി വന്നു  പറഞ്ഞതും ഞാൻ അങ്ങോട്ടേക്ക് ചെന്നു..

അമ്മ പുഞ്ചിരിയോടെ 

എനിക്ക് നേരെ നീട്ടിയ വിളക്ക് വാങ്ങി ഞാൻ വലതു കാൽ വെച്ചു അകത്തേക്ക് കയറി....

ചുറ്റും പുഞ്ചിരിച്ച മുഖങ്ങൾ ആയിരുന്നു എങ്കിലും എനിക്കെന്തോ  വല്ലാത്തൊരു വീർപ്പു മുട്ടലായിരുന്നു ....

അതിനിടയിൽ ബന്ധുക്കൾ പലരും വന്നു എന്നെ പരിചയപ്പെട്ടു പോയി..

അവരുടെ മുന്നിൽ പുറമെ ഒരു പുഞ്ചിരി സമ്മാനിച്ചു ഞാൻ നിന്നു..

വൈകുന്നേരത്തോടെ  എല്ലാവരും യാത്ര പറഞ്ഞു  പോയി..

അതോടെ  ശിവയും അമ്മയും  മാത്രമാണ് ആ വലിയ തറവാട്ടിലെ താമസക്കാർ എന്നെനിക്ക് മനസ്സിലായി....

ആകാശത്തു ചെഞ്ചുവപ്പ്  പടർത്തി കൊണ്ടു സൂര്യൻ മറഞ്ഞു തുടങ്ങി....

പകൽ പതിയെ  രാത്രിക്ക് വഴിമാറി കൊടുത്തു....

ഞങ്ങൾ എല്ലാം ഒന്നിച്ചിരുന്നു തന്നെ  ഭക്ഷണം കഴിച്ചു..

ശിവയും അമ്മയും വളരെ സ്നേഹത്തോടെ ചിരിയോടെ എന്നോട് ഓരോന്ന് സംസാരിച്ചെങ്കിലും ഞാൻ പുഞ്ചിരി മാത്രമാണ് മറുപടിയായി  കൊടുത്തത്...

ഭക്ഷണം കഴിഞ്ഞു ആദ്യരാത്രിയുടെ ചടങ്ങും പേറി ഒരു ഗ്ലാസിൽ പാലുമായി  മുറിയിലെത്തിയ ഞാൻ കാണുന്നത് മുല്ലപ്പൂക്കൾ വാരി വിതറിയ കട്ടിലിൽ എന്നെയും പ്രതീക്ഷിച്ചു ചെറു പുഞ്ചിരിയോടെ ഇരിക്കുന്ന ശിവയെയാണ്....

മുല്ലപൂക്കളുടെ വശ്യമായ സുഗന്ധം മുറിയിലാകെ നിറഞ്ഞു നിന്നിരുന്നു....

അതെല്ലാം കണ്ടപ്പോൾ എനിക്കെന്തോ ദേഷ്യമാണ് തോന്നിയത്..ഇഷ്ടമില്ലാത്ത ഒരുത്തനെ കെട്ടി അവനോടൊപ്പം ആദ്യരാത്രി മുറിയിൽ ഇരിക്കുന്ന പെണ്ണിന്റെ അവസ്ഥ പറഞ്ഞറിയിക്കാൻ ആവില്ല..

ആദ്യരാത്രിയുടെ നാണം കലർന്ന മുഖവുമായി വരുന്ന പെണ്ണിനെ പ്രതീക്ഷിച്ച ശിവ ദേഷ്യം കലർന്ന എന്റെ മുഖഭാവം കണ്ടൊന്നു  പരിഭ്രമിച്ചു എന്നെനിക്ക് തോന്നി....

പാൽ ഗ്ലാസ്സ് നേരെ മേശപ്പുറത്തു വെച്ച് ഞാൻ കട്ടിലിന്റെ അപ്പുറത്തെ വശത്ത് പോയി ഇരുന്നു....

"ശ്രീ .. പതിഞ്ഞ സ്വരത്തിൽ ശിവ എന്നെ വിളിച്ചു..

അത് കേട്ടു ദേഷ്യത്തിൽ ഞാൻ അയാളെ ഒന്ന് നോക്കി..

"എന്നോട് ദേഷ്യമാണോ..??

"അതേ തന്നെ കൊല്ലാനുള്ള ദേഷ്യം എനിക്കിപ്പോൾ ഉണ്ട്..

എടോ തന്നോട്  ഞാൻ എല്ലാം തുറന്നു പറഞ്ഞതല്ലേ..

പിന്നെയും എന്തിനാണ് എന്റെ ജീവിതത്തിലേക്ക് വീണ്ടും വന്നത്...??

എനിക്കൊരിക്കലും തന്നെ സ്നേഹിക്കാൻ കഴിയില്ല....

പിന്നെ എന്റെ അച്ഛനെയും അമ്മയെയും ഓർത്തു മാത്രമാണ് ഞാൻ ഈ വിവാഹത്തിന് സമ്മതിച്ചത്..

അതുകൊണ്ട് തന്നെ ഒരു കാര്യം പറഞ്ഞേക്കാം  ഭർത്താവ് എന്നൊരു സ്ഥാനം ഉണ്ടെന്നും പറഞ്ഞു അതിന്റെ  അധികാരം സ്ഥാപിക്കാൻ എന്റെ അടുത്ത് വന്നേക്കരുത് എന്നും പറഞ്ഞു ബെഡ് ഷീറ്റ്  എടുത്തു നിലത്തേക്ക് വിരിച്ചു തലയിണയും അതിന് മുകളിൽ വെച്ചു ഞാൻ നിലത്തേക്ക് കിടന്നു.....

അത്  കണ്ടു ശിവ ചിരിച്ചോണ്ട് നിന്നു..

 അത് കണ്ടപ്പോൾ സത്യത്തിൽ എനിക്ക് ദേഷ്യം കൂടുകയാണ് ചെയ്തത്....

"ശ്രീ..തന്റെ മനസ്സിലിപ്പോഴും ഹരിയുണ്ടോ..??

"അതേ എന്റെ മനസ്സിൽ ആരുണ്ട് ഇല്ല എന്നൊന്നും തന്നെ ബോധിപ്പിക്കേണ്ട കാര്യം എനിക്കില്ല..

"ആയിക്കോട്ടെ....അതേ ശ്രീ തന്റെ  ഹരിയുടെ കല്യാണം കഴിഞ്ഞെന്നു ഞാൻ അറിഞ്ഞിരുന്നു അതുകൊണ്ടാണ് ഞാൻ വീണ്ടും ഈ  പ്രൊപോസലുമായി വന്നത്.....

എനിക്ക് തന്നെ അത്രക്ക് ഇഷ്ടം ആണ്....

"ഓ അപ്പോൾ എല്ലാം അറിഞ്ഞു കൊണ്ടാണ് ഇരുന്നതല്ലേ..??

ഞാൻ സമ്മതിക്കില്ല എന്ന് ഉറപ്പുള്ളത് കൊണ്ടാവും ഇത്തവണ എന്റെ അച്ഛനെ പറഞ്ഞു സമ്മതിപ്പിച്ചു വാക്ക് മേടിച്ചത്.....

താൻ ആള് കൊള്ളാം..

എന്തായാലും താൻ ആഗ്രഹിച്ചത് പോലെ തന്നെ എന്റെ കഴുത്തിൽ താലി കെട്ടാൻ തനിക്ക് കഴിഞ്ഞു പക്ഷേ എന്റെ മനസ്സിൽ സ്ഥാനം നേടാൻ തനിക്ക് ഒരിക്കലും കഴിയില്ല....

"ഹഹഹ.. അതുകേട്ടു എന്നും പറഞ്ഞു ശിവ ചിരിച്ചു..

"താൻ കൂടുതൽ ചിരിക്കേണ്ട നിങ്ങൾ ആണുങ്ങൾ എല്ലാം സ്വാർത്ഥത ഉള്ളവരാണ് ..

നിങ്ങൾക്ക്  നിങ്ങളുടെ കാര്യം  മാത്രമാണ് വലുത്....

അതിനിടയിൽ ഒരു പെണ്ണിന്റെ മനസ്സറിയാൻ എവിടുന്ന് നേരം..

"നീ പറഞ്ഞത് ശെരിയാണ് ശ്രീ  നിന്നെ സ്വന്തമാക്കണം എന്ന് ഞാൻ ആഗ്രഹിച്ചിരുന്നു....

ഒരുപക്ഷേ അതെന്റെ സ്വാർത്ഥത ആയിരിക്കാം പക്ഷേ നീ ഒന്നറിയണം  അതൊക്കെ നിന്നോടുള്ള ഇഷ്ടം കൊണ്ട് തന്നെയാണ്..

അല്ലാതെ മറ്റൊന്നും ഇല്ല..

പിന്നെ നിനക്ക് ഒരു കുറവും വരുത്താതെ ഞാൻ നോക്കിക്കോളാം പോരെ....

"താൻ എന്താടോ വിചാരിച്ചു വെച്ചിരിക്കുന്നത് ഭക്ഷണവും വസ്ത്രവും ഒക്കെ വാങ്ങി തന്നു നോക്കുന്നത് ആണ് സ്നേഹമെന്നോ..??

തനിക്കൊന്നും ഒരിക്കലും ഒരു പെണ്ണിന്റെ മനസ്സ് വായിക്കാൻ കഴിയില്ല....

"ശ്രീ.. ഞാൻ ഒന്ന് പറയട്ടെ..

"താൻ കൂടുതൽ ഒന്നും പറയണ്ട എനിക്ക് കേൾക്കാൻ താല്പര്യമില്ല..

എനിക്ക് ഉറക്കം വരുന്നു

ഞാൻ ഉറങ്ങാൻ പോവാണ്..

പിന്നെ ഭർത്താവിന്റെ അധികാരം കൊണ്ട് എന്റെ അടുത്തേക്ക് എങ്ങാനും വന്നാൽ ഈ ആദ്യരാത്രി തന്റെ അവസാന രാത്രി ആയിരിക്കും ഓർത്തോ എന്നും പറഞ്ഞു ഞാൻ തിരിഞ്ഞു കിടന്നു....

അൽപ്പം കഴിഞ്ഞു ഞാൻ നോക്കുമ്പോൾ കണ്ടത്  ജനലരികിൽ സിഗരറ്റ് വലിച്ചു കൊണ്ട്  പുറത്തേക്ക് നോക്കി നിൽക്കുന്ന ശിവയെയാണ്.....

ഹരിയേട്ടനെ ഒരുപാട് സ്നേഹിച്ചു പോയിരുന്നത് കൊണ്ടാവാം ശിവയെ ഭർത്താവായി അംഗീകരിക്കാൻ എനിക്കെന്തോ കഴിയുണ്ടാ യിരുന്നില്ല.....

വെറുപ്പോ ദേഷ്യമോ എന്നറിയാത്തൊരു വികാരമായിരുന്നു എനിക്ക് ശിവയോട്..

ഭർത്താവാണെന്ന പരിഗണന പോലും കൊടുക്കാതെ വാക്ക് കൊണ്ടും പ്രവർത്തി കൊണ്ടും ഞാൻ  ശിവയെ വേദനിപ്പിച്ചു കൊണ്ടിരുന്നു..

അപ്പോഴും  ഒരു  പുഞ്ചിരിയോടെ നിന്നതല്ലാതെ ഒരു നോട്ടം കൊണ്ടു പോലും എന്നെ വേദനിപ്പിക്കാത്ത ശിവയുടെ പെരുമാറ്റം ശെരിക്കും  എന്നെ അത്ഭുതപ്പെടുത്തി..

ദിവസങ്ങൾ ആഴ്ചകൾക്ക് വഴിമാറിയപ്പോഴും ഞങ്ങൾക്ക് ഇടയിലെ അകലത്തിന് മാത്രം കുറവുണ്ടായില്ല.....

അതിനിടയിൽ എന്നിലേക്ക്‌ അടുക്കാൻ ശ്രമിച്ചു കൊണ്ടിരുന്ന  ശിവയെ  പെരുമാറ്റം കൊണ്ട് ഞാൻ പരമാവധി    വെറുപ്പിക്കാൻ ശ്രമിച്ചു കൊണ്ടേയിരുന്നു .....

-------------------------------------------------------

"അമ്മേ ഞാൻ കൂട്ടുകാരുടെ കൂടെ ഒന്ന് പുറത്ത് പോവാണ്..

വരാൻ ചിലപ്പോൾ കുറച്ചു താമസിക്കും കേട്ടോ..

"മ്മ്മം ഒരുപാട് താമസിക്കരുത്..

പിന്നെ നീ അവളോട് പോവുന്ന കാര്യം  പറഞ്ഞിരുന്നോ..??

"ഹാ പറഞ്ഞിരുന്നു അമ്മേ എന്നൊരു കള്ളവും പറഞ്ഞു കൊണ്ട് ശിവ പോവുന്നതും  നോക്കി ഞാൻ ജനലരികിൽ നിന്നു....

--------------------------------------------------------

 രാത്രിയോടെ വാതിലിൽ അമ്മേ വാതിൽ തുറക്കെന്നും പറഞ്ഞുള്ള  മുട്ടുന്നത് കേട്ടാണ് ഞാൻ ഉണർന്നത്....

അമ്മ നല്ല ഉറക്കം ആയിരുന്ന തിനാൽ  ഉറക്കച്ചടവോടെ തന്നെ എഴുന്നേറ്റു പോയി ഞാൻ  വാതിൽ തുറന്നതും മദ്യത്തിന്റെ രൂക്ഷഗന്ധം എന്റെ  മൂക്കിലേക്ക് അടിച്ചു കേറി....

 എന്നെ നോക്കി ചിരിച്ചു കൊണ്ട് ആടി കുഴഞ്ഞു നിൽക്കുന്ന ശിവയെ കണ്ടപ്പോൾ തന്നെ ആൾ  നല്ല വണ്ണം കുടിച്ചിട്ടുണ്ടെന്ന് എനിക്ക് മനസ്സിലായി.....

ശിവ അകത്തേക്ക്  കേറിയതും 

ഒന്നും മിണ്ടാതെ ശിവയെ തുറിച്ചൊന്ന് നോക്കിയിട്ട് വാതിൽ അടച്ചു ഞാൻ മുറിയിൽ പോയി കിടന്നു..

പിന്നാലെ ശിവയും മുറിയിലേക്ക് എത്തി

നിലത്ത് എന്റെ അരുകിലേക്ക്  വന്നിരുന്നു....

"ശ്രീ.. ഞാൻ എന്ത്‌ തെറ്റാടി  നിന്നോട് ചെയ്തത് ..??

എന്തിനാണ്  നീ എന്നെ ഇങ്ങനെ  അവോയ്ഡ് ചെയ്യുന്നത്..??

ശിവ പറയുന്നത് കേട്ടിട്ടും കേൾക്കാത്ത ഭാവം നടിച്ചു ഞാൻ കിടന്നു....

"ഡി നിന്നോടാണ് ചോദിച്ചത് എന്നും പറഞ്ഞു ശിവ എന്റെ കൈയിൽ കേറി പിടിച്ചു..

"എന്റെ കൈയിൽ നിന്ന് വിട്..??

"ഇല്ല നീ മറുപടി തരാതെ ഞാൻ വിടില്ല...

"ശിവ എന്റെ കൈയിൽ നിന്നു  വിടാൻ ആണ്  ഞാൻ പറഞ്ഞത്..

എന്റെ ദേഹത്തു തൊടരുത് എന്ന് ഞാൻ തന്നോട് പറഞ്ഞിട്ടില്ലേ..

"ഓ ഞാൻ ഒന്ന് തൊട്ടെന്നും വെച്ചു നീ ഉരുകി പോകാത്തൊന്നും ഇല്ലല്ലോ..

മാത്രമല്ല നീ എന്റെ ഭാര്യയാണ് അത് മറക്കണ്ട..

"ഹും ഭാര്യ പോലും..

താലി കെട്ടിയതിന്റെ അധികാരം കാണിക്കാൻ എന്റെ അടുത്തോട്ടു വരരുത് എന്ന് തന്നോട് ഞാൻ പറഞ്ഞിട്ടില്ലേ..??

"നിന്റെ കഴുത്തിൽ കിടക്കുന്ന ഈ താലി ഞാൻ അണിയിച്ചത് ആണെങ്കിൽ അതിന്റെ അധികാരം ഞാൻ കാണിച്ചിരിക്കും എന്നും പറഞ്ഞു ശിവ എന്നെ കേറി പിടിച്ചതും ഞാൻ ശിവയെ തള്ളി മാറ്റി ചാടി എഴുന്നേറ്റു .....

ദേഷ്യം കൊണ്ട് എനിക്ക് ആ സമയം എന്നെ തന്നെ നിയന്ത്രിക്കാൻ കഴിഞ്ഞില്ല..

"താൻ കെട്ടിയ ഈ താലി എന്റെ കഴുത്തിൽ കിടക്കുന്നത് കൊണ്ടല്ലേ എന്റെ മേൽ  അധികാരം കാണിക്കാൻ താൻ വന്നത്..

അതുകൊണ്ട് തന്നെ  ഇനി ഇതെനിക്ക് വേണ്ട എന്നും പറഞ്ഞു ഞാൻ ആ താലി വലിച്ചു പൊട്ടിച്ചു..

"ഡി എന്നും വിളിച്ചു  എഴുന്നേറ്റ് വന്നു ശിവയെന്റെ  കരണത്തൊന്നു പൊട്ടിച്ചു....

ഓഹ്..കണ്ണിൽ കൂടി പൊന്നീച്ചകൾ പാറി പോയി ....

അത്രയും നാൾ സൗമ്യനായി കണ്ട ശിവയുടെ മറ്റൊരു മുഖമായിരുന്നു പിന്നെ ഞാൻ അവിടെ കണ്ടത്..

ദേഷ്യം കേറി ഒരു ഭ്രാന്തനെ പോലെ എല്ലാം തട്ടിമറിച്ചിട്ടു...

"നിന്റെ മനസ്സിൽ ഇപ്പോഴും അവനായിരിക്കുമല്ലേ....??

ശെരി നീ ഇനി അവന്റെ കൂടെ തന്നെ ജീവിച്ചോളു....

എനിക്കിനി നിന്നെ വേണ്ട.....

നാളെ തന്നെ ഡിവോഴ്സിനുള്ള കാര്യങ്ങൾ ചെയ്തു തന്നേക്കാം..

നീ  അവന്റെ കൂടെ പോയി സുഖമായി ജീവിക്ക് എന്നും പറഞ്ഞു ഒരു ഭ്രാന്തനെ പോലെ വാതിൽ വലിച്ചു തുറന്നു കൊണ്ട് ശിവ പുറത്തേക്ക് ഇറങ്ങി....

ശ്രീലക്ഷ്മി 7

പെട്ടെന്നതാ അമ്മ മുന്നിൽ നിൽക്കുന്നു..

ഞങ്ങളുടെ മുറിയിലെ ശബ്ദം  കേട്ടിട്ട്  അമ്മ എഴുന്നേറ്റു വന്നതായിരുന്നു..

അമ്മയെ കണ്ടതും ഞാനും ശിവയും ഒന്ന് ഷോക്ക് ആയി പോയി..

അമ്മ എല്ലാം കേട്ട് കാണുവോ എന്നതായിരുന്നു എന്റെ പേടി....

"എന്താടാ ഇതൊക്കെ..??

 നിനക്കിത് എന്തുപറ്റി എന്നും ചോദിച്ചു കൊണ്ട്  അമ്മ ശിവയുടെ അടുത്തേക്ക് ചെന്നതും ഒന്നും മിണ്ടാതെ ശിവ അവിടെ നിന്നും നടന്നു ചെന്നു ഉമ്മറ വാതിൽ തുറന്നു പുറത്തേക്ക് പോയി ....

അതോടെ അമ്മ എന്നെ നോക്കി..

ഞാൻ ആ മുഖത്തേക്ക് നോക്കാനാവാതെ തല കുനിച്ചു നിന്നു..

"എന്താ മോളെ എന്താണ് പ്രശ്നം എന്നും ചോദിച്ചു അമ്മ എന്റെ അടുത്തേക്ക് വന്നു..

അമ്മയുടെ ചോദ്യത്തിന് മുന്നിൽ എന്ത് മറുപടി പറയണം  എന്നറിയാതെ ഞാൻ മനസ്സുരുകി നിന്നു..

"എനിക്ക് മനസ്സിലായി മോളെ..

 അവൻ കുടിച്ചിരുന്നു അല്ലേ..?

അതിന്റെ പേരിൽ  നീ വല്ലതും പറഞ്ഞതിന്റെ ദേഷ്യം ആയിരിക്കും അവൻ ഈ കാണിച്ചത്..

സാരമില്ല പോട്ടെ മോളെ ..

മുൻപ് അവൻ ഇങ്ങനെ ഒന്നും ആയിരുന്നില്ല..

പക്ഷേ ഇപ്പോൾ അവന് എന്താണ് പറ്റിയതെന്ന് അറിയില്ല..

എന്തായാലും എന്റെ  മോള്  ഇതൊന്നും കാര്യമാക്കേണ്ട അമ്മ അവനോട് സംസാരിക്കാം കേട്ടോ....

ഇപ്പോൾ മോള് കിടന്നോളൂ 

എന്നും പറഞ്ഞു കൊണ്ട്  എന്റെ തലയിൽ ഒന്ന് തഴുകി തന്നു കൊണ്ട് അമ്മയും  പോയി....

അപ്പോഴാണ്  ഞാൻ പൊട്ടിച്ച താലി നിലത്ത് കിടക്കുന്നത് എന്റെ കണ്ണിൽ പെട്ടത്..

അത് കണ്ടപ്പോൾ എനിക്ക് എന്തോ ഒരു കുറ്റബോധം തോന്നി തുടങ്ങി....

പെട്ടെന്നുള്ള ദേഷ്യത്തിൽ ചെയ്തു പോയതാണ് എങ്കിലും ഇതൽപ്പം കൂടി പോയി എന്നെനിക്കും തോന്നി....

ഒരായുഷ്കാലം ഒന്നിച്ചു ഒരു മനസ്സോടെ ജീവിക്കാം എന്ന ഉറപ്പാണ് ഓരോ താലിയിലും ഉള്ളത്..

അതാണ് ഞാൻ പൊട്ടി ച്ചെറിഞ്ഞത്.....

എന്തിന്റെ പേരിൽ ആണെങ്കിലും ഇത് ന്യായീകരിക്കാൻ ആവാത്ത തെറ്റ് തന്നെയാണ്..

എന്തായാലും അതിന്റെ പേരിൽ എനിക്ക് കിട്ടിയ അടി ഞാൻ അർഹിച്ചത് തന്നെയാണ്....

ഇനി ചെയ്തു പോയ  ഈ തെറ്റിന്റെ പേരിൽ ശിവയോട് മാപ്പ് പറഞ്ഞാലോ....

അല്ലെങ്കിൽ വേണ്ട എല്ലാം ഇങ്ങനെ അവസാനിക്കുന്നെങ്കിൽ അങ്ങ് അവസാനിക്കട്ടെ എന്നോർത്ത് കൊണ്ട്  ഞാൻ കിടന്നു.....

കല്യാണം തൊട്ടുള്ള ഓരോ സംഭവങ്ങളും എന്റെ മനസ്സിലൂടെ മിന്നി മറഞ്ഞു..

ശിവയുമായി എനിക്ക് ഒരിക്കലും ഒത്തുപോവാൻ ആവില്ല..

ശിവ എന്നെ സ്നേഹിക്കു ന്നുണ്ടാവും പക്ഷേ ശിവയോട് പൊരുത്തപെടാൻ എന്റെ മനസ്സിന് കഴിയുന്നില്ല 

അപ്പോൾ പിന്നെ പിരിയുന്നത് തന്നെയാണ് നല്ലതെന്നു എനിക്കും തോന്നി....

പൊട്ടിയ കണ്ണാടി പോലെയാണ് ചേരാത്ത മനസ്സുകൾ..

എത്ര ചേർത്ത്  വെച്ചാലും ഭംഗി ഉണ്ടാവില്ല..

ചേർച്ചയും ഉണ്ടാവില്ല....

അങ്ങനെ ഓരോന്ന് ചിന്തിച്ചു കൂട്ടി ഞാൻ  ഒരുവിധം നേരം വെളുപ്പിച്ചു.....

--------------------------------------------------------

രാവിലെ എഴുന്നേറ്റു പതിവ് കുളി പാസ്സാക്കി കണ്ണാടിയുടെ മുന്നിൽ നിൽക്കുമ്പോളാണ് ശിവയുടെ അടി കിട്ടിയ കവിൾ ഭാഗം ചുവന്നു കിടക്കുന്നത് കണ്ടത് .....

കാലമാടൻ എന്തൊരു അടിയായിരുന്നു..

ഇപ്പോഴും ചെറിയ വേദനയുണ്ട് എന്ന് ഞാൻ പറഞ്ഞു കൊണ്ടു നിൽക്കുമ്പോഴേക്കും ശിവ മുറിയിലേക്ക്  കേറി വന്നു....

"ഞാൻ ഇപ്പോൾ കുളിച്ചു വരാം.. നീ വേഗം ഒരുങ്ങി നിൽക്ക് നമുക്ക്  വക്കീലിനെ കാണാൻ പോവാം എന്നും പറഞ്ഞു തോർത്തും എടുത്തു ശിവ അവിടെ നിന്നും പുറത്തേക്കു ഇറങ്ങി.....

"ഓഹ്...അപ്പോൾ ആശാൻ വെള്ളത്തിന്റെ പുറത്ത് പറഞ്ഞതല്ല സീരിയസ് ആയിരുന്നല്ലേ..

എന്തായാലും നന്നായി എന്നും പറഞ്ഞു ഞാൻ  വേഗം ഒരുങ്ങാൻ നോക്കി ....

അൽപ്പം കഴിഞ്ഞതും ശിവയും വന്നു ഒരുങ്ങി കഴിഞ്ഞതും 

ഞങ്ങൾ പുറത്തേക്ക് പോവാനായി ഇറങ്ങി....

അപ്പോഴേക്കും അമ്മ അവിടേക്ക് വന്നു....

"അമ്മേ ഞാൻ ഇവളുമായി പുറത്തൊക്കെ ഒന്ന് പോയി വരാം..

"മ്മം..നിൽക്ക് പോവാൻ വരട്ടെ  നിന്നോട് ഒരു കാര്യം ചോദിക്കാനുണ്ട്..

നീ ഇന്നലെ കുടിച്ചിരുന്നോ..??

അമ്മയുടെ ചോദ്യം കേട്ടതും ശിവ മെല്ലെ  തല താഴ്ത്തി..

"ഡാ നിന്നോടാണ് ചോദിച്ചത് കുടിച്ചിരുന്നോന്നു ..??

"അതുപിന്നെ അമ്മേ അവന്മാർ എല്ലാം കൂടി നിർബന്ധിച്ചപ്പോൾ അൽപ്പം കഴിച്ചു പോയി..

"അൽപ്പം കഴിച്ചതിന്റെ പരാക്രമം ആണോ  ഇന്നലെ നീയാ  കാണിച്ചു കൂട്ടിയതൊക്കെ....

അതൊക്കെ പോട്ടെ  അവളെ നീ  തല്ലിയാ യിരുന്നോ ..??

അതുകേട്ടു ശിവ എന്റെ മുഖത്തേക്ക് ഒന്ന് നോക്കി....

"നീ അവളെ നോക്കി പേടിപ്പിക്കാൻ ഒന്നും നിൽക്കേണ്ട..

അവൾ  എന്നോട് ഒന്നും പറഞ്ഞിട്ടില്ല  പക്ഷേ രാവിലെ അവളുടെ മുഖത്തു കിടക്കുന്ന പാട് കണ്ടപ്പോൾ എനിക്ക് മനസ്സിലായി നീ തല്ലിയെന്നു..

മോനെ നിനക്കിത്  എന്താണ്  പറ്റിയത്..??

എന്തിനാണ് അവളെ തല്ലിയത്..

പാവമല്ലേ അവൾ..

 നിന്നെ വിശ്വസിച്ചു കഴുത്തു നീട്ടി തന്ന ഒരു പെണ്ണിനോട് ഇങ്ങനെ ഒന്നും ചെയ്യാൻ പാടില്ല....

ഇനി മേലാൽ ഇങ്ങനെ ഒന്നും ഉണ്ടാവരുത്..

നിങ്ങൾ സന്തോഷമായി ഇരിക്കുന്നത് കാണാനാണ് അമ്മക്ക് ഇഷ്ടം..

"ശെരി എന്നാൽ ഇനി താമസിക്കേണ്ട നിങ്ങൾ പോയിട്ട് വാ....

"ശെരിയമ്മേ എന്നും പറഞ്ഞു കൊണ്ട് ശിവ ബൈക്ക് സ്റ്റാർട്ട്‌ ചെയ്തു..

"സൂക്ഷിച്ചു പോയിട്ട് വാ മോളെ എന്നും പറഞ്ഞു കൊണ്ട് അമ്മ എന്റെ നെറുകയിൽ ചുംബിച്ചപ്പോൾ എന്റെ മനസ്സൊന്നു പിടഞ്ഞു....

പാവം അമ്മ അറിയു ന്നില്ലല്ലോ ഞങ്ങൾ പിരിയാൻ പോവുകയാണെന്ന്.....

ഞാൻ വലതു കാൽ വെച്ചു ഈ തറവാട്ടിലേക്ക് വന്നു കേറിയ നാൾ മുതൽ അമ്മായിയമ്മ എന്നതിനും  ഉപരിയായി ഒരമ്മയുടെ വാത്സല്യവും സ്നേഹവുമാണ് ശിവയുടെ അമ്മ എനിക്ക് പകർന്നു നൽകിയത്..

അതോർത്തപ്പോൾ അറിയാതെ എന്റെ കണ്ണുകൾ  നിറഞ്ഞു....

അമ്മ അത് കാണാതെ ഇരിക്കാനായി ഞാൻ വേഗം ബൈക്കിലേക്ക് കേറി....

ഉടനെ തന്നെ  ശിവ ബൈക്ക് മുന്നോട്ട് എടുത്തു....

"മോനെ പതുക്കെ പോയാൽ മതി എന്നു  പറഞ്ഞു കൊണ്ടു അമ്മ ഞങ്ങളെ യാത്രയാക്കി.....

---------------------------------------------------------

മൺപാതയിൽ നിന്നും താറിട്ട റോഡിലേക്ക് ബൈക്ക് പ്രവേശിച്ചു..

യാത്രക്കിടയിൽ പരസ്പരം ഞങ്ങൾ ഒന്നും മിണ്ടിയില്ല....

രണ്ടു അപരിചിതരെ പോലെയാണ്  ബൈക്കിൽ ഞങ്ങൾ ഇരുന്നത് 

കുറേ ദൂരം പിന്നിട്ടതും  ഒരു വീടിന്റെ ഗേറ്റിനു മുന്നിൽ ചെന്നു ബൈക്ക് നിന്നു..

അപ്പോഴേക്കും ഒരാൾ വന്നു ഗേറ്റ് തുറന്നു തന്നു..

ബൈക്കിൽ  ഞങ്ങൾ ആ വീടിന്റെ മുറ്റത്തേക്ക് പ്രവേശിച്ചു..

അതിനിടയിൽ മതിലിൽ ഇരുന്ന അഡ്വക്കേറ്റ് രാജൻ എന്ന ബോർഡ്‌ എന്റെ കണ്ണിൽ പെട്ടിരുന്നു.....

വളരെ മനോഹരമായ ഒരു വീട്..

മുറ്റത്തു നിറയെ റോസാ പൂക്കൾ വിരിഞ്ഞു നിൽക്കുന്നു..

വാതിൽ തുറന്നു കിടന്നിരുന്നത് കൊണ്ട് 

ബൈക്കിൽ നിന്നും ഇറങ്ങി ഞങ്ങൾ ആ വീട്ടിലേക്ക് കേറി..

പെട്ടെന്ന്

 "ഹാ അല്ല ഇതാരൊക്കെയാ വന്നേക്കുന്നത് " എന്നും ചോദിച്ചു കൊണ്ട് കുറച്ചു പ്രായം തോന്നിക്കുന്ന ഒരാൾ വന്നു...

"അങ്കിളെ ആന്റി എന്തിയെ..??

"ഇവിടുണ്ട്  അവൾ അടുക്കളയിൽ ആണ് ഞാൻ വിളിക്കാം..

"സുധേ.. ഡി ഇത് ആരൊക്കെയാണ് വന്നേക്കുന്നത് എന്ന് നോക്കിക്കേ.." എന്നും പറഞ്ഞു ആ അങ്കിൾ നീട്ടി വിളിച്ചതും 

"ആഹാ ഇതാരൊക്കെയാണ്.. മണവാളനും മണവാട്ടിയും ഇപ്പോഴാണോ ഞങ്ങളെ ഒക്കെ ഓർത്തത് എന്നും ചോദിച്ചോരു സ്ത്രീയും അവിടേക്ക് വന്നു..

ഞാൻ രണ്ടു പേരെയും മാറി മാറി നോക്കി..

"മോൾക്ക് ഞങ്ങളെ ഒന്നും മനസ്സിലായി കാണില്ല അല്ലേ..??

ഞാൻ ഇവന്റെ അച്ഛന്റെ ഒരു സുഹൃത്തു ആണ്..

പേര് രാജൻ.. അഡ്വക്കേറ്റ് ആണ്..

ഇതെന്റെ ഭാര്യ സുധ ഹൗസ് വൈഫ് ആണ്..

"ഇവൻ ഞങ്ങളെ പറ്റിയി ട്ടൊന്നും പറഞ്ഞു കാണില്ല അല്ലേ..??

എന്തായാലും വന്ന കാലിൽ തന്നെ നിൽക്കാതെ രണ്ടാളും  ഇരിക്കാൻ നോക്ക്....

"സുധേ നീ പോയി ഇവർക്ക് കുടിക്കാൻ എന്തെങ്കിലും എടുക്ക്..

"ഓ ശെരി ഞാൻ ഇപ്പോൾ എടുത്ത് കൊണ്ട് വരാം എന്നും പറഞ്ഞു ആന്റി അടുക്കളയിലേക്ക് പോയി....

"പിന്നെ പറ എന്തൊക്കെ ഉണ്ട് മോനെ  വിശേഷം..??

നിങ്ങൾ  വന്നപ്പോൾ തൊട്ടു ഞാൻ ശ്രദ്ധിക്കുന്നു എന്താണ് രണ്ടുപേരുടെയും മുഖത്തൊരു വാട്ടം....??

"അതുപിന്നെ അങ്കിൾ.... എനിക്കൊരു സഹായം ചെയ്തു തരണം..

പക്ഷേ ഈ കാര്യം നടക്കും വരെ അമ്മ ഒരു കാരണവശാലും അറിയരുത്....

"മ്മം..എന്ത് സഹായം നീ പറ..??

"അതുപിന്നെ അങ്കിൾ എനിക്ക് ഡിവോഴ്സ് വേണമെന്ന് 

ശിവ  പറഞ്ഞതും അങ്കിൾ പൊട്ടിച്ചിരിച്ചു..

"നീ നിന്റെ കുസൃതിയും തമാശയും ഒന്നും ഇതുവരെ മാറ്റിയിട്ടില്ല അല്ലേ....??

"അല്ല അങ്കിൾ ഞാൻ സീരിയസ് ആയിട്ടാണ്  പറഞ്ഞത്.....

"ശെരിയാണോ മോളെ എന്ന് അങ്കിൾ എന്നോട്  ചോദിച്ചതും ആണെന്ന മട്ടിൽ ഞാൻ തലയാട്ടി..

"കല്യാണം കഴിഞ്ഞിട്ട്  ഒരു മാസം ആവുന്നല്ലേ ഒള്ളൂ  അതിനിടയിൽ ഡിവോഴ്സ് ചെയ്യാൻ മാത്രം എന്ത് പ്രശ്നം ആണ് ഉണ്ടായത്..??

"അതുപിന്നെ അങ്കിൾ എനിക്ക് ഇവളോടൊപ്പം ഇനി ഒരു നിമിഷം പോലും ജീവിച്ചു പോവാൻ പറ്റില്ല  അത് തന്നെ കാരണം..

"അതാണ് ഞാനും  ചോദിച്ചത് അതിന് മാത്രം എന്താണ് ഉണ്ടായതെന്ന്..

"അതുപിന്നെ ഞാൻ ആഗ്രഹിച്ച പോലൊരു പെണ്ണല്ല ഇവൾ..

"ഓഹോ കെട്ടി കഴിഞ്ഞപ്പോൾ ആണോ  നിനക്ക് അത് തോന്നിയത്..??

കല്യാണമെന്നത് നിനക്കൊക്കെ കുട്ടിക്കളിയാണോ..??

എന്നും ചോദിച്ചു കൊണ്ട്  അങ്കിൾ ശിവയുടെ നേരെ  ദേഷ്യപ്പെട്ടു....

അപ്പോഴേക്കും ആന്റി ജ്യൂസും  ആയി അങ്ങോട്ട്‌ വന്നു മുന്നിലിരുന്ന ടേബിളിൽ അത് വെച്ചു....

"എന്താ പിള്ളേരെ ഇത്.. നിങ്ങൾക്ക് ഇതെന്തുപറ്റി..?? എന്നും ചോദിച്ചു ആന്റി എന്റെ അടുത്ത് വന്നിരുന്നു..

എന്ത് പറയണം എന്നറിയാതെ ഞാൻ തല താഴ്ത്തി ഇരുന്നു..

"അങ്കിളെ ഞാൻ ആഗ്രഹിക്കുന്ന പോലൊരു ഭാര്യയാവാൻ അവൾക്ക് കഴിയില്ല എന്നെനിക്ക് തോന്നി അതല്ലാതെ  വേറെ പ്രശ്നം ഒന്നുമില്ല എന്ന്  ശിവ ഇടക്ക് കേറി  പറഞ്ഞു..

"മോനെ കല്യാണം കഴിഞ്ഞു ഒരുമാസം ആയതല്ലേ ഒള്ളൂ അതിനിടയിൽ അവൾ നീ ആഗ്രഹിക്കുന്നത് പോലെ ആവണം എന്നൊക്ക വാശി പിടിച്ചാൽ നടക്കുമോ..??

അവൾക്ക് കുറച്ചു കൂടി സമയം നീ കൊടുക്കണം എന്ന് ആന്റി കേറി പറഞ്ഞു..

"ഇല്ല ആന്റി ശെരിയാവില്ല....

 അവൾ എനിക്കൊരിക്കലും  ചേരില്ല..

എന്തിനാണ് വെറുതെ അവളുടെ ജീവിതം കൂടി കളയുന്നത് എന്നും പറഞ്ഞു ശിവ എല്ലാത്തിനും കാരണം താൻ തന്നെയാണ് എന്ന് സ്വയം  വരുത്തി തീർക്കാനായി ശ്രമിച്ചു കൊണ്ടിരുന്നു..

"കല്യാണം കഴിക്കും മുൻപ് ഇതൊക്കെ തോന്നണ മായിരുന്നു..

ഡിവോഴ്സ് എന്നും പറഞ്ഞു പൊടിയും തട്ടി നീ പോവും പക്ഷേ ഇവളുടെ കാര്യം നീ ചിന്തിച്ചു നോക്കിയിട്ടുണ്ടോ..??

എത്ര ആഗ്രഹിച്ചും സ്വപ്നം കണ്ടും ആവും അവൾ വിവാഹത്തിന് സമ്മതം മൂളിയത്..

അതെല്ലാം ഇല്ലാതാക്കി നീ എന്താണ് നേടാൻ പോവുന്നത്..??

ഒന്ന് പറയാം ഇവളുടെ കണ്ണീരിന്റെ ശാപം അത്  നീ എവിടെ കൊണ്ടു പോയി തീർക്കും..

എന്നൊക്കെ പറഞ്ഞു കൊണ്ട് അങ്കിൾ എന്നെ സപ്പോർട്ട് ചെയ്തു സംസാരിക്കുമ്പോൾ ശെരിക്കും ഞാൻ ഇരുന്നു ഉരുകുക യായിരുന്നു.....

തെറ്റ് എല്ലാം എന്റെ ഭാഗത്താണല്ലോ..

 പക്ഷേ  എല്ലാ കുറ്റവും  സ്വയം ഏറ്റെടുത്തു അവരുടെ മുന്നിൽ പോലും  കുറ്റക്കാരൻ  ആയി ശിവ നിൽക്കുന്നത് കണ്ടപ്പോൾ എനിക്കെന്തോ ഒരു കുറ്റബോധം തോന്നി.....

"അങ്കിൾ നിങ്ങൾ എന്തൊക്ക പറഞ്ഞാലും എനിക്ക് ഡിവോഴ്സ് വേണം..

"മ്മം.. ശിവ നിന്റെ ഈ എടുത്തു ചാട്ടം നല്ലതിനല്ല..

പിന്നെ നീ  ചോദിച്ച ഉടനെ എടുത്തു തരാൻ ഇത് ചക്കയോ മാങ്ങയോ ഒന്നുമല്ല..

ഒരു കാര്യം ചെയ്യൂ.. നിങ്ങൾ ഒരു ആറേഴ് മാസം കൂടി ഒന്നിച്ചു ജീവിക്ക്....

എന്നിട്ട് അപ്പോഴും ഇതേ തീരുമാനം തന്നെ ആണെങ്കിൽ  നമുക്ക് ഡിവോഴ്സ് ചെയ്യാനുള്ള വഴി നോക്കാം..

"ഏഴ് മാസമോ..?? അതൊന്നും നടക്കില്ല അങ്കിൾ..

"ഡാ നിനക്ക് ഡിവോഴ്സ് വേണമെങ്കിൽ ഞാൻ പറയുന്നത് കേട്ടേ പറ്റൂ..

"മ്മം ശെരി....

"എന്നാൽ വാ കഴിച്ചിട്ട് പോവാം..

"വേണ്ട അങ്കിൾ ഇനി ഒരിക്കൽ ആവാം എന്നും പറഞ്ഞു ശിവ പോവാനായി ഇറങ്ങി..

ഒരു ഊമയെ കണക്കിന് എല്ലാം കേട്ടിരുന്നു  ഒന്നും മിണ്ടാതെ ഞാനും എഴുന്നേറ്റു..

"മോളെ നിങ്ങളുടെ പ്രശ്നം എന്താണെന്നു ആന്റിക്ക് അറിയില്ല..

നിങ്ങൾ കുട്ടികൾ ആണ് അതിന്റെ എടുത്തുചാട്ടം ആണ് ഇതൊക്കെ..

ഒരുപാട് ജീവിതം കണ്ട അനുഭവം വെച്ച് പറയുക യാണെന്ന് കൂട്ടിക്കോ ദാമ്പത്യ ജീവിതത്തിൽ  ക്ഷമ അത്യാവശ്യം വേണ്ട ഒന്നാണ്..

പിന്നെ അവൻ ഈ കാണുന്നത് പോലെ ഒന്നുമല്ല  ആൾ പാവമാണ്..

പുറമെ ഇത്തിരി ദേഷ്യവും എടുത്തു ചാട്ടവും ഉണ്ടെന്നേ ഉള്ളു..

നീ അത് കാര്യമാക്കേണ്ട എന്ന് 

ആന്റി എന്നെ മാറ്റി നിർത്തി പറയുമ്പോൾ ഞാൻ അവരെ നോക്കി പുഞ്ചിരിച്ചു..

ഒടുവിൽ അവരോട് യാത്ര പറഞ്ഞു ഞങ്ങൾ ഇറങ്ങുമ്പോൾ  തൊട്ടു ചെയ്തു പോയതിനെ കുറിച്ച് ഓർത്തു  എന്റെ  ഉള്ളിൽ എവിടെയോ ഒരു കുറ്റബോധം ഉടലെടുത്തു തുടങ്ങിയിരുന്നു..

---------------------------------------------------------

തിരികെ എന്നെ തറവാട്ടിൽ കൊണ്ട് വന്നു ആക്കിയിട്ടു  ശിവ പുറത്ത് എവിടെയോ പോയി..

കുറച്ചു സമയം കഴിഞ്ഞതും 

"മോളെ   നിന്നോട് എനിക്കൊരു കാര്യം ചോദിക്കാനുണ്ട് എന്നും പറഞ്ഞു ശിവയുടെ അമ്മ മുറിയിലേക്ക് വന്നു....

"എന്താണ് അമ്മേ ചോദിച്ചോളൂ..

"മോളെ നിങ്ങൾ തമ്മിൽ എന്താണ് ശെരിക്കും  പ്രശ്നം..??

പ്രശ്നം ഒന്നുമില്ലെന്നുള്ള   കള്ളം പറയാനൊന്നും നീ  നിൽക്കേണ്ട..

നിങ്ങൾക്കിടയിൽ എന്തോ ഒരു പ്രശ്നം ഉള്ളത് പോലെ എനിക്ക് പലപ്പോഴും  തോന്നിയിട്ടുണ്ട്  പക്ഷേ 

ഞാൻ അത് കാര്യമാക്കിയില്ല..

പരസ്പരം പരിചയം ഇല്ലാത്ത രണ്ടുപേർ തമ്മിൽ കല്യാണം കഴിച്ചത് കൊണ്ടുള്ള ചെറിയ പ്രശ്നങ്ങൾ ആയിരിക്കു മെന്നാണ്  ഞാൻ വിചാരിച്ചിരുന്നത്....

പക്ഷേ ഇതിപ്പോൾ അവൻ നിന്നെ തല്ലിയെങ്കിൽ അതിന് തക്കതായ എന്തെങ്കിലും പ്രശ്നം ഉണ്ടായിട്ടുണ്ടാവും 

അല്ലാതെ അവൻ അങ്ങനെ ചെയ്യില്ല എനിക്കുറപ്പുണ്ട്  എന്നമ്മ പറഞ്ഞു നിർത്തുമ്പോൾ എന്ത്‌ പറയുമെന്ന് അറിയാതെ ഞാൻ കുഴങ്ങി..

താലി പൊട്ടിച്ച കാര്യം എങ്ങാനും അമ്മയോട് പറഞ്ഞാൽ അമ്മ അത് എങ്ങനെ എടുക്കുമെന്ന് അറിയില്ല..

പക്ഷേ എല്ലാം തുറന്നു പറയണം എന്നെന്റെ മനസ്സ് പറഞ്ഞു കൊണ്ടിരുന്നു....

"മോൾക്ക് അമ്മയോട് തുറന്നു പറയാൻ ബുദ്ധിമുട്ട് ആണെങ്കിൽ വേണ്ട.....

പക്ഷേ മോളോട് കുറച്ചു കാര്യങ്ങൾ അമ്മക്ക് പറയാനുണ്ട്....

നീ വിചാരിക്കും പോലെ ഞാൻ അവന്റെ പെറ്റമ്മ അല്ല മോളെ പോറ്റമ്മയാണ്.....

അതുകേട്ടു ഞാനൊന്ന് ഞെട്ടി.. അമ്മ പറഞ്ഞതിന്റെ അർത്ഥം എനിക്ക് പെട്ടെന്ന് പിടികിട്ടിയില്ല.. കാരണം ഇത് ശിവയുടെ  സ്വന്തം അമ്മ തന്നെ ആണെന്നാണ് ഞാൻ വിചാരിച്ചിരുന്നത്....

"മോൾക്ക് മനസ്സിലായി കാണില്ല അല്ലേ.. മോളെ എന്റെ ആങ്ങളയുടെ മകനാണ് ശിവ..

പിഞ്ചു കുഞ്ഞായിരുന്ന അവനെ എന്നെ ഏൽപ്പിച്ചു കൊണ്ട്  ഒരു ബന്ധുവിന്റെ മരണാനന്തര  ചടങ്ങിൽ പങ്കെടുക്കാൻ പോയ അവരുടെ മരണ വാർത്തയാണ് പിന്നെ ഞാൻ കേട്ടത്....

യാത്ര മധ്യേ ഉണ്ടായ ആക്‌സിഡന്റിൽ  അവിടെ വെച്ചു  തന്നെ രണ്ടു പേരും മരിച്ചു.....

അതുകേട്ടു ആകെ തകർന്ന ഞാൻ പിന്നെ ഒന്നുമറിയാത്ത ആ പിഞ്ചു കുഞ്ഞിനേയും കൊണ്ട് ജീവിച്ചു തുടങ്ങി..

അവന്റെ കളിയിലും ചിരിയിലും ഞാനെന്റെ സങ്കടങ്ങൾ മറന്നു..

പിന്നീട് ഞാൻ അവന്റെ അച്ഛനും അമ്മയും ആയി  സ്വയം മാറുക യായിരുന്നു....

എനിക്ക് അവന് വേണ്ടി  എന്റെ വിവാഹം പോലും വേണ്ടെന്ന് വെക്കേണ്ടി വന്നു.....

ഞാനല്ലാതെ മറ്റാരും അവനെ നോക്കാനുണ്ടാവില്ല എന്നെനിക്ക് അറിയാമായിരുന്നു....

അതുകൊണ്ട്  തന്നെ അന്ന്  എനിക്ക് അങ്ങനെ ഒരു തീരുമാനം എടുക്കേണ്ടി വന്നു....

അതോടെ അന്ന് തൊട്ടു ഇന്നോളം ഞാൻ അവന് അമ്മയും അവൻ എനിക്ക് മകനുമായി മാറി..

സ്വന്തം അമ്മയല്ലെന്ന് അറിയാ മായിരുന്നിട്ടും

ഒരമ്മയെ പോലെ തന്നെ കണ്ടാണ് അവനിപ്പോളും എന്നെ  സ്നേഹിക്കുന്നത്..

എന്റെ മനസ്സ് വേദനിപ്പിക്കുന്നത് ഒന്നും അവൻ ഇന്നോളം ചെയ്തിട്ടില്ല.. ഞാനെന്നു വെച്ചാൽ അവനത്രക്ക് ജീവനാണ്..

അവന്റെ ഈ സ്നേഹം കാണുബോൾ എനിക്ക് പേടിയാണ് മോളെ..

നാളെ എനിക്കെന്തെങ്കിലും സംഭവിച്ചാൽ പിന്നെ എന്റെ കുട്ടി  തനിച്ചായി പോവും..

അതറിയാവുന്നത് കൊണ്ട്  വിവാഹം കഴിക്കാൻ കുറച്ചു നാളായി ഞാനവനെ നിർബന്ധിക്കുന്നു..

പക്ഷേ അപ്പോഴൊക്കെ ഓരോന്ന് പറഞ്ഞു അവൻ ഒഴിഞ്ഞ് മാറിക്കൊണ്ടിരുന്നു.....

ഞാൻ അതിന്റെ പേരിൽ ദേഷ്യപ്പെടുമ്പോൾ  നമുക്കിടയിൽ ആരും വേണ്ട അമ്മേ എന്നും പറഞ്ഞു ചിരിക്കും..

അങ്ങനെ ഇരിക്കെയാണ് ആ   കുറുപ്പ് മോളുടെ ഫോട്ടോയും ആയി ഇവിടെ വന്നത്....

എന്തോ മോളുടെ ഫോട്ടോ കണ്ടപ്പോൾ തന്നെ അവനിഷ്ടമായി.....

പെണ്ണുകാണാൻ പോവാമെന്ന് അവൻ സമ്മതവും  മൂളി..

ശെരിക്കും ഒരുപാട് സന്തോഷത്തോടെ ആണ് ഞങ്ങൾ അന്ന്  മോളെ പെണ്ണ് കാണാൻ വന്നത്.....

പിന്നെ എന്തുപറ്റി എന്നറിയില്ല കുറച്ചു കാലം കഴിഞ്ഞു കല്യാണത്തെ കുറിച്ച് ചിന്തിക്കാം എന്നും പറഞ്ഞു അവൻ ഒഴിഞ്ഞ് മാറി..

പിന്നെ പെട്ടെന്ന് ഒരു സുപ്രഭാതത്തിൽ വന്നു മോളെ ഇഷ്ടം ആണെന്നും കല്യാണത്തിന് സമ്മതം ആണെന്നും എല്ലാം പെട്ടെന്ന് ആയിക്കോട്ടെയെന്നും അവൻ പറഞ്ഞപ്പോൾ  ഞാൻ പിന്നെ  ഒന്നും നോക്കിയില്ല മോളുടെ അച്ഛനെ വിളിച്ചു കാര്യങ്ങൾ ഒക്കെ സംസാരിച്ചു..

അങ്ങനെ ആണ് നിങ്ങളുടെ കല്യാണം തന്നെ നടന്നത്.....

ഒരു കാര്യം എനിക്കറിയാം അവന് മോളെ ഒരുപാട് ഇഷ്ടം ആണെന്ന്....

മോളെ അവൻ പൊന്നുപോലെ നോക്കിക്കോളും..

"മോളോട് അമ്മക്ക് ഒന്നേ പറയാനുള്ളൂ 

അവന്റെ മനസ്സ് ഒരിക്കലും വേദനിപ്പിക്കരുത് 

അവന് എല്ലാവരെയും  സ്നേഹിക്കാനേ അറിയൂ ആരെയും വേദനിപ്പിക്കാൻ അറിയില്ല....

എന്നും പറഞ്ഞു  കൊണ്ട് അമ്മ എന്റെ കവിളിൽ തലോടുമ്പോൾ ആ കണ്ണുകൾ നിറഞ്ഞൊഴുകുക യായിരുന്നു..

അമ്മയോട് തിരിച്ചൊന്നും പറയാൻ ആവാതെ മനസ്സിൽ ഒരു വിങ്ങലോടെ എല്ലാം കേട്ടു കണ്ണുകൾ നിറച്ചു നിൽക്കാനേ എനിക്കും  കഴിഞ്ഞുള്ളൂ.....

അപ്പോഴാണ്  ഞങ്ങളെ ഞെട്ടിച്ചു കൊണ്ട് ശിവക്ക് ആക്‌സിഡന്റ് സംഭവിച്ചു എന്നും പറഞ്ഞൊരു ഫോൺ കോൾ തറവാട്ടിലേക്ക് വന്നത്.....

കേട്ടപാതി അമ്മ ബോധം കെട്ടു വീണു.....

എന്ത് ചെയ്യണം എന്നറിയാതെ പകച്ചു നിന്നൊരാ നിമിഷം  ഞാനെന്റെ ജാതക ദോഷത്തെ കുറിച്ച് ഓർത്തുപോയി....

ശ്രീലക്ഷ്മി 8

" എന്റെ ജാതക ദോഷം കൊണ്ടു ശിവക്ക് ഒന്നും പറ്റരുതേ എന്റെ ഭഗവതി എന്ന് അവിടെ നിന്ന് മനസ്സുരുകി ഞാൻ പ്രാത്ഥിച്ചു..

അപ്പോഴാണ് അമ്മ ബോധം കെട്ടു കിടക്കുന്നതിനെ കുറിച്ച് ഞാൻ ഓർത്തത് തന്നെ..

പേടിച്ചിട്ട് ആകെ ഒരുതരം വെപ്രാളമായിരുന്നു..

പിന്നെ വേഗം  ഓടിപ്പോയി ഒരു ഗ്ളാസ്സിൽ വെള്ളവുമെടുത്തു കൊണ്ട് വന്നു അമ്മയുടെ മുഖത്തു ചെറുതായി തളിച്ചു..

അതോടെ  അമ്മ മെല്ലെ കണ്ണ് തുറന്നു എന്നെ നോക്കി .....

"അമ്മേ എഴുന്നേൽക്കമ്മേ എന്നും പറഞ്ഞു കൊണ്ട് ഞാൻ അമ്മയെ പതിയെ പിടിച്ചു എഴുന്നേൽപ്പിച്ചു അടുത്തുണ്ടായിരുന്ന  കസേരയിൽ ഇരുത്തി..

"മോളെ അവനെന്തോ അപകടം പറ്റിയിട്ടുണ്ട്..

എന്റെ മനസ്സിന് ഒരു സമാധാനവും കിട്ടുന്നില്ല..

 എനിക്കിപ്പോൾ അവനെ കാണണം മോളെ എന്നും പറഞ്ഞു അമ്മ കരഞ്ഞു തുടങ്ങി..

അമ്മയുടെ കണ്ണുകൾ നിറയുന്നത് കണ്ടപ്പോൾ എന്റെയും കണ്ണുകൾ നിറഞ്ഞു തുളുമ്പി..

"അമ്മേ.. അമ്മ കരയാതെ അമ്മേ  ഏട്ടന് ഒന്നും വരില്ല..

വെറുതെ ഓരോന്ന് ചിന്തിച്ചു കൂട്ടി അമ്മ  ടെൻഷൻ അടിക്കാതെ ഇരിക്ക്.....

"മോളെ  അവനെ കാണാതെ എന്റെ മനസ്സിന് ഒരു സമാധാനവും കിട്ടില്ല..

എവിടെ ഉണ്ടെങ്കിലും എനിക്ക് അവനെ കണ്ടേ പറ്റൂ എന്നമ്മ പറയുബോഴേക്കും 

വീണ്ടും കോൾ  വന്നു..

ഞാൻ വേഗം പോയി  ഫോൺ എടുത്തു കൊണ്ട്  മനസ്സിൽ 

ഒരൽപ്പം ഭയത്തോടെ തന്നെ  ഞാൻ ഹലോ വെച്ചു..

"ഹലോ ഇതാരാ  ശ്രീലക്ഷ്മി ആണോ..??  ഞാൻ ശിവയുടെ ഫ്രണ്ട് അരുൺ ആണ്..

"ഹാ പറ ചേട്ടാ..

"ആ ലക്ഷ്മി ശിവക്ക് ചെറിയൊരു ആക്‌സിഡന്റ് പറ്റി..

നീ പേടിക്കുവൊന്നും വേണ്ട..

 വലിയ കുഴപ്പമൊന്നുമില്ല പിന്നെ  ഇടതു കാലിന് ചെറിയൊരു പൊട്ടൽ ഉണ്ട്.. 

ഇപ്പോൾ  ആ കാലിൽ പ്ലാസ്റ്റർ ഇട്ടുകൊണ്ട് ഇരിക്കുവാണ്..

അത് കഴിയുമ്പോളേക്കും  ഞങ്ങൾ അങ്ങോട്ട്‌ വന്നോളാം....

പിന്നെ  നീ അമ്മയോട് പറഞ്ഞേക്ക് വെറുതെ  പേടിക്കണ്ട എന്ന്..

നേരത്തെ ഞാൻ  മുഴുവൻ പറയും മുൻപ് കോൾ കട്ട്‌ ആയി പോയി അതാണ് ഞാൻ വീണ്ടും വിളിച്ചത് എന്നും പറഞ്ഞു കൊണ്ട് അരുൺ കോൾ കട്ട്‌ ആക്കി......

സത്യം പറഞ്ഞാൽ അപ്പോഴാണ്  എന്റെ  ശ്വാസം നേരെ വീണത്..

അതുവരെ എന്റെ ഉള്ളിലും ടെൻഷൻ ആയിരുന്നു.....

ആദ്യമായി ശിവയെ കുറിച്ച് ഓർത്തെന്റെ മനസ്സ് പിടഞ്ഞത് ഞാൻ തിരിച്ചറിയുക ആയിരുന്നു..

"ആരാ മോളെ വിളിച്ചേ..?? അവനെന്തെങ്കിലും കുഴപ്പമുണ്ടോ..??

അമ്മയുടെ മുഖത്താകെ പരിഭ്രമം പടർന്നു പന്തലിച്ചിരുന്നു..

"ഹേ ഇല്ലമ്മേ.. പേടിക്കാൻ ഒന്നുമില്ല അരുൺ ആണ് വിളിച്ചത്..

പിന്നെ ഏട്ടന്റെ  കാലിന് ചെറിയൊരു പൊട്ടൽ ഉണ്ടത്രേ..

ഇപ്പോൾ പ്ലാസ്റ്റർ ഇട്ടു കൊണ്ടിരിക്കുവാണ് ..

അത്  കഴിഞ്ഞു അവർ ഇങ്ങോട്ട്  വരാമെന്ന് പറഞ്ഞു....

"മോളെ നീ സത്യം തന്നെയാണോ പറയുന്നത്..??

എന്റെ മനസ്സ് എന്തോ വല്ലാതെ പിടക്കുന്നു..

"സത്യമാണ് അമ്മേ....

അമ്മ വെറുതെ ടെൻഷൻ ആവാതെ ഇരിക്ക്..

ഏട്ടൻ ഇപ്പോൾ ഇങ്ങ് വരും എന്നു പറഞ്ഞു ഞാൻ അമ്മയെ ആശ്വസിപ്പിച്ചു കൊണ്ടിരുന്നു....

നേരം വൈകും തോറും എന്റെ ഉള്ളിലും ചെറിയൊരു ഭയം പടർന്നിരുന്നു..

ശിവയെ നേരിൽ കാണാതെ എന്റെ ഉള്ളിലെ പിടച്ചിൽ മാറില്ല എന്നെന്റെ മനസ്സ് മന്ത്രിച്ചു കൊണ്ടിരുന്നു..

---------------------------------------------------------

സന്ധ്യയോടെ മുറ്റത്തു ഒരു കാർ വന്നു നിന്നു....

വണ്ടിയുടെ ശബ്ദം കേട്ടു 

ഞാനും അമ്മയും കൂടി ഓടി ഉമ്മറത്തു വന്നു നോക്കുമ്പോൾ കാറിൽ നിന്നും ശിവയെ പതിയെ പിടിച്ചു ഇറക്കുന്നത് ആണ് കണ്ടത്..

ശിവയുടെ തലയിലും കൈയിലും ചെറിയ കെട്ടുകളുണ്ട്..

ഇടതു കാലിൽ പ്ലാസ്റ്റർ ഇട്ടിരിക്കുന്നു....

ശിവയെ കണ്ടതും മോനെ എന്നും വിളിച്ചു കൊണ്ട്  അമ്മ അങ്ങോട്ടേക്ക് ഓടി ചെന്നു..

"എന്താ മോനെ പറ്റിയത്..??

"ഒന്നുമില്ല അമ്മേ ചെറിയൊരു ആക്‌സിഡന്റ് അത്രേ ഉള്ളൂ എന്നും പറഞ്ഞു അരുണിന്റെ തോളിൽ കൂടി കൈയിട്ടു  ശിവ മുന്നോട്ടു ഞൊണ്ടി ഞൊണ്ടി  നടക്കാനായി   തുടങ്ങി..

കുറ്റബോധം ഉള്ളിൽ നിറഞ്ഞത് കൊണ്ടാവും അപ്പോൾ ആ മുഖത്തേക്ക് നോക്കാൻ എനിക്കായില്ല..

പക്ഷേ ശിവയെ കണ്ടപ്പോൾ എന്റെ മനസ്സോന്ന് പിടഞ്ഞു..

കണ്ണുകൾ അറിയാതെ നിറഞ്ഞു തുടങ്ങി..

അരുൺ ഒരുവിധത്തിൽ ശിവയെ നടത്തി കട്ടിലിൽ കൊണ്ടു പോയി കിടത്തിച്ചു..

പിന്നാലെ ഞാനും മുറിയിലേക്ക് ചെന്നു...

"അതേ ശ്രീലക്ഷ്മി ഇത് ഇവന് കൊടുക്കാനുള്ള മരുന്നാണ്.. വേദനക്ക് മറ്റും  ഉള്ളതാണ്.. സമയത്ത് കൊടുത്തേക്കണം...

പിന്നെ  ഒരു കാര്യം ഇവനോട് ഇനി മേലാൽ ഇങ്ങനെ കുടിച്ചിട്ട് വണ്ടി ഓടിക്കരുത് എന്ന് പറഞ്ഞേക്കണം  എന്നും പറഞ്ഞു  ഒരു കൂട്ടം മരുന്നു എന്നെ ഏൽപ്പിച്ചു ഞങ്ങളോട് യാത്രയും  പറഞ്ഞു അരുൺ ഇറങ്ങി....

ഞാൻ ശിവയുടെ മുഖത്തേക്ക് ഒന്നു നോക്കി..

വേദനക്കിടയിലും തനിക്കൊന്നും ഇല്ലെന്നു കാണിക്കാൻ അമ്മക്ക് വേണ്ടി പുഞ്ചിരിക്കാൻ ശ്രമിക്കുന്ന മകന്റെ സ്നേഹമാണ് ഞാനാ മുഖത്തപ്പോൾ കണ്ടത്....

"അമ്മേ എനിക്ക് ദാഹിക്കുന്നുണ്ട്..  കുടിക്കാൻ കുറച്ചു വെള്ളം എടുത്തു കൊണ്ടുവാ..

ശിവ അത് പറഞ്ഞതും അമ്മ ഇവിടെ ഇരുന്നോളു  ഞാൻ പോയി എടുത്തു കൊണ്ടു വരാം എന്നും പറഞ്ഞു ഞാൻ വേഗം പോയി വെള്ളം എടുത്തു കൊണ്ടു വന്നു..

ഗ്ലാസിലുള്ള വെള്ളം ഏട്ടന് നേരെ നീട്ടുമ്പോൾ എന്റെ കൈ വിറക്കുന്നു ണ്ടായിരുന്നു..

ആ മുഖത്തേക്ക് നോക്കുമ്പോൾ  കുറ്റബോധം കൊണ്ടെന്റെ മനസ്സ് നീറുകയായിരുന്നു..

എല്ലാത്തിനും കാരണക്കാരി ഞാനാണ്..

എന്റെ ദോഷം കൊണ്ടാവും ഏട്ടന് ഇങ്ങനൊക്കെ ഉണ്ടായത്..

ശിവ  വെള്ളം കുടിച്ചു കഴിഞ്ഞതും ഗ്ലാസ്സ് ഞാൻ മേശപ്പുറത്തേക്ക് വെച്ചു. 

"അമ്മേ ഏട്ടൻ കുറച്ചു സമയം കിടന്നോട്ടെ നമുക്ക് അപ്പുറത്തേക്ക് പോവാം എന്ന് പറയുമ്പോൾ ശിവ എന്നെ ഒന്ന് തുറിച്ചു നോക്കി..

കാരണം അന്ന് ആദ്യമായിട്ടാണ് ഞാൻ ഏട്ടൻ എന്നു വിളിക്കുന്നത് പുള്ളി കേൾക്കുന്നത്....

ഞാൻ ശിവയെ  നോക്കി മെല്ലെ പുഞ്ചിരിച്ചു..

ആ മുഖത്തപ്പോൾ നിറഞ്ഞു നിന്നിരുന്നത് അത്ഭുതമായിരുന്നു..

"ശെരിയാ മോളെ.. അവൻ കുറച്ചു നേരം ഉറങ്ങിക്കോട്ടെ..

 നമുക്ക് അവന് കഴിക്കാൻ കഞ്ഞിയോ മറ്റോ  ഉണ്ടാക്കാം എന്നും പറഞ്ഞു അമ്മ എന്നെയും വിളിച്ചു കൊണ്ട്  അടുക്കളയിലേക്ക് പോയി..

---------------------------------------------------------

അടുക്കളയിൽ കയറിയപ്പോൾ പതിവില്ലാത്തൊരു ആവേശമായിരുന്നു എനിക്ക്..

അമ്മയെ കാഴ്ചക്കാരിയാക്കി കൊണ്ട് എല്ലാ പണികളും ഞാൻ തന്നെ ചെയ്തു..

ഏട്ടനെ കുറിച്ചുള്ള ചിന്തകൾ മാത്രമായിരുന്നു എന്റെ മനസ്സിലപ്പോൾ..

പണിക്ക്  ഇടക്ക്  ഞാൻ പോയി നോക്കുമ്പോൾ മരുന്നിന്റെ എഫക്ട് കൊണ്ടാവും  ആൾ നല്ല ഉറക്കമായിരുന്നു....

ഒടുവിൽ 

കഞ്ഞിയൊക്കെ റെഡിയാക്കി അതുമായി ഞാനും അമ്മയും കൂടി  മുറിയിലെത്തി ഏട്ടനെ വിളിച്ചു എഴുന്നേൽപ്പിച്ചു ഇരുത്തി....

ഏട്ടന് കൈക്ക് നല്ല വേദന ഉണ്ടെന്ന് പറഞ്ഞത് കൊണ്ട്  അമ്മ  ഓരോ സ്പൂൺ  കഞ്ഞി  വീതം കോരി കൊടുത്തു കൊണ്ടിരുന്നു..

ഏട്ടൻ അതിനിടയിൽ എന്നെ ഒന്നു നോക്കി..

മുഖത്തൊരു ചെറു പുഞ്ചിരി വിടർത്തി കൊണ്ടു ഞാനും ആ മുഖത്തേക്ക് നോക്കി..

അതിനിടയിൽ ഞാൻ പോയി   കുടിക്കാൻ വെള്ളം എടുത്തു കൊണ്ടു വരാം അതുവരെ മോള് ഇവന് കഞ്ഞി  കൊടുക്ക് എന്നും പറഞ്ഞു അമ്മ പാത്രം എന്നെ ഏൽപ്പിച്ചു  അടുക്കളയിലേക്ക് പോയി....

ഞാൻ കൊടുത്താൽ ഏട്ടന് ഇഷ്ടമാവുമോ..

ഏട്ടൻ  എങ്ങനെ പെരുമാറും എന്നൊന്നും അറിയാത്ത കൊണ്ട് ഒരൽപ്പം ഭയത്തോടെ  ഞാൻ പതിയെ അടുത്തിരുന്നു കൊണ്ട് സ്പൂൺ കഞ്ഞിയിൽ ഇട്ടു ഇളക്കി കൊണ്ടിരുന്നു..

"അതേ നീ ബുദ്ധിമുട്ടണ്ട ഇങ്ങ് തന്നേക്ക് ഞാൻ കോരി കുടിച്ചോളാം എന്നും പറഞ്ഞു ഏട്ടൻ എന്റെ നേരെ കൈനീട്ടി..

"ഹേ എനിക്കൊരു ബുദ്ധിമുട്ടും ഇല്ല  കൈ വയ്യാത്ത അല്ലേ ഞാൻ കോരി തരാം എന്നും പറഞ്ഞു ഞാൻ കഞ്ഞി കോരി കൊടുത്തു..

അതിനിടയിൽ ഞങ്ങളുടെ കണ്ണുകൾ തമ്മിൽ പരസ്പരം കോർത്തു..

ആ നോട്ടം എന്റെ ഹൃദയത്തിലേക്ക് ആഴ്ന്നിറങ്ങുന്ന പോലെ എനിക്ക് തോന്നി..

ആ നോട്ടത്തിൽ നിന്നും ഒഴിഞ്ഞു മാറാൻ എനിക്കായില്ല..

മനസ്സിനുള്ളിൽ ഒരു തിരയിളക്കം പോലെ..

ആ കണ്ണുകളിൽ ഞാൻ നിറഞ്ഞു നിന്നിരുന്നു..

പെട്ടെന്ന് അമ്മ അങ്ങോട്ടേക്ക് കേറി വന്നു..

ഞാൻ വേഗം ചാടി എഴുന്നേറ്റു....

"ഹാ എഴുന്നേൽക്കണ്ട മോളെ നീ  കഞ്ഞി കൊടുത്തോളു..

"വേണ്ടമ്മേ എനിക്ക് മതിയായി എന്നപ്പോൾ  ഏട്ടൻ കേറി പറഞ്ഞു..

"ഇത്തിരി കൂടി കഴിക്കെടാ..

"വേണ്ടമ്മേ ഒട്ടും വിശപ്പില്ല..

"മ്മം ശെരി.. എന്നാൽ പിന്നെ മരുന്ന് കൂടി കഴിച്ചിട്ട് മോൻ ഉറങ്ങിക്കോ..

മോളെ ഏതാണെന്നു വെച്ചാൽ ആ മരുന്ന് എടുത്തു കൊടുത്തേക്ക് എന്നും പറഞ്ഞു അമ്മ പോയി..

അമ്മ പോയതും ഏട്ടന് കഴിക്കാനുള്ള മരുന്നൊക്കെ കൊടുത്തു ഞാൻ പോയി  മുറിയുടെ വാതിൽ അടച്ചു  ലൈറ്റ് അണച്ചു നിലത്തു പായിട്ട് കിടന്നു....

കിടന്നിട്ടു ഉറക്കം വരുന്നുണ്ടാ യിരുന്നില്ല..

ഞാൻ കാരണം ആയിരിക്കും  ഏട്ടന് ഇങ്ങനൊക്കെ പറ്റിയത് എന്നൊരു കുറ്റബോധം എന്നെ വല്ലാതെ കീഴ്പ്പെടുത്തി കൊണ്ടിരുന്നു..

 വാക്കുകൾ കൊണ്ട് ആ  പാവത്തിനെ ഒരുപാട് ഞാൻ വേദനിപ്പിച്ചു..

ആ സ്നേഹം തിരിച്ചറിയാൻ എനിക്ക് കഴിഞ്ഞില്ല..

എല്ലാം എന്റെ തെറ്റാണ്..

എന്റെ എടുത്തു ചാട്ടവും വാശിയും ഒക്കെയാണ് ഈ പ്രശ്നങ്ങൾക്ക് ഒക്കെ കാരണം..

ഇനി ഇങ്ങനെ ഒന്നും ഉണ്ടായിക്കൂടാ..

ഇനിയും ആ മനസ്സ് വേദനിപ്പിച്ചാൽ ദൈവം പോലും  എന്നോട് പൊറുക്കില്ല എന്നെനിക്ക് തോന്നി..

അങ്ങനെ ഓരോന്ന് ചിന്തിച്ചു കൊണ്ട് ഉറക്കം വരാതെ എഴുന്നേറ്റു ഞാൻ ജനലരികിൽ പോയി നിന്നു..

തുറന്നിട്ട ജനലഴികളിൽ കൂടി ഞാൻ പുറത്തേക്ക് നോക്കി..

തൊടിയിലാകെ നിലാവെട്ടം പരന്നു കഴിഞ്ഞു..

മിന്നാമിനുങ്ങുകൾ പാറി പറന്നു നടപ്പുണ്ട്..

തൊടിയിൽ നിന്നിരുന്ന തെങ്ങിന്റെ ഇളം കാറ്റിൽ ആടുന്ന  ഓലത്തുമ്പിൽ രണ്ടു ഇണക്കുരുവികൾ ഇരുപ്പുണ്ട്..

നിലാവിന്റെ ഭംഗി ആസ്വദിച്ചു കൊണ്ട്  അവർ കൊക്കൊരുമ്മി പ്രണയം പങ്കിടുകയാണെന്ന് എനിക്ക് തോന്നി...

അവരുടെ പിന്നിലായി ചന്ദ്രൻ നാണിച്ചു നിൽക്കുന്നു..

രാവിനെ മനോഹരമാക്കാൻ വീശിയടിച്ച ഇളം കാറ്റിൽ മുറ്റത്ത്‌ നിന്നിരുന്ന നിശാഗന്ധി പൂവിന്റെ വശ്യമായ ഗന്ധം നിറഞ്ഞിരുന്നു..

ഏതോ സ്വപ്ന ലോകത്തേക്ക് എന്റെ മനസ്സ് മെല്ലെ സഞ്ചരിക്കാൻ ഒരുങ്ങവെ ഏട്ടന്റെ ശബ്ദം കേട്ടു ഞാൻ വേഗം പോയി  ലൈറ്റ് ഇട്ടു.. പതിയെ അടുത്ത് ചെന്നു നോക്കിയപ്പോൾ കണ്ടത് ഏട്ടൻ  പനിച്ചു വിറക്കുന്നത് ആണ്.... അതിനിടയിൽ അമ്മയെ വിളിക്കുന്നും ഉണ്ട്....

ഞാൻ കൈവെച്ചു ഏട്ടന്റെ നെറ്റിയിൽ മെല്ലെ തൊട്ട് നോക്കി പൊള്ളുന്ന ചൂടായിരുന്നു..

പിന്നെ ഒന്നും ആലോചിച്ചില്ല പെട്ടെന്ന് തന്നെ  പോയി തണുത്ത വെള്ളം എടുത്തു കൊണ്ടു വന്നു ഏട്ടന്റെ  നെറ്റിയിൽ ഞാൻ  തുണി നനച്ചിട്ടു കൊടുത്തു...

അമ്മ നല്ല ഉറക്കം ആയതു കൊണ്ട് വെറുതെ വിളിച്ചു എഴുന്നേൽപ്പിക്കണ്ട എന്നെനിക്ക്  അപ്പോൾ തോന്നി..

അടുത്തിരുന്നു കൊണ്ട് ഇടക്കിടെ തുണി നനച്ചിട്ട് കൊടുത്തത് കൊണ്ടാവും കുറച്ചു കഴിഞ്ഞപ്പോൾ ഏട്ടന് ഒരൽപ്പം ആശ്വാസം കിട്ടി എന്ന് തോന്നി..

ക്ഷീണം മൂലമുള്ള ഉറക്കത്തിന്റെ ആലസ്യത്തിൽ ആവാം  അമ്മേ എന്നും പറഞ്ഞു കൊണ്ട്  ഏട്ടൻ എന്റെ മടിയിലേക്ക് തല വെച്ചപ്പോൾ എതിർക്കാൻ എനിക്ക് കഴിഞ്ഞില്ല....

പതിയെ ഞാനാ മുടി ഇഴകളെ തഴുകി കൊടുത്തു കൊണ്ടിരുന്നു..

ഒരു കൊച്ചു കുഞ്ഞിനെ പോലെ ശാന്തമായി ഏട്ടൻ എന്റെ മടിയിൽ കിടന്നു ഉറങ്ങുന്നത് കണ്ണിമ വെട്ടാതെ കുറെ നേരം ഞാൻ നോക്കിയിരുന്നു....

പിന്നീട്  എപ്പോഴോ ഞാനും ഉറങ്ങി പോയി.....

പുലർച്ചെ ഞാനുണരുമ്പോൾ ഏട്ടൻ എന്റെ മടിയിൽ തലവെച്ചു തന്നെ കിടക്കുക ആയിരുന്നു..

നല്ല ഉറക്കത്തിൽ ആണെന്ന് തോന്നിയത് കൊണ്ട് മൂപ്പരെ ഉണർത്താതെ മടിയിൽ നിന്നും  പതിയെ തല ബെഡിലേക്ക് വെച്ചു കൊണ്ടു  എഴുന്നേറ്റു ഞാൻ  പുറത്തേക്ക് ഇറങ്ങി..

പിന്നെ കുളിയും അടുക്കള പണിയും തീർത്തു ചായയുമായി ഞാൻ ചെല്ലുമ്പോളും ആൾ നല്ല ഉറക്കത്തിൽ തന്നെ ആയിരുന്നു..

അത് കണ്ടപ്പോൾ വിളിക്കണോ വേണ്ടയോ എന്ന ചിന്തയിൽ ഞാൻ അൽപനേരം  നിന്നു..

ഒടുവിൽ  ഏട്ടനെ വിളിച്ചുണർത്താൻ തന്നെ ഞാൻ തീരുമാനിച്ചു..

"ഏട്ടാ.. ഏട്ടാ എഴുന്നേൽക്ക് ദേ ചായ എന്നും പറഞ്ഞു ഞാൻ ഏട്ടനെ വിളിച്ചു എഴുന്നേൽപ്പിച്ചു..

കണ്ണ് തുറന്നു ശിവ എന്നെ അത്ഭുതത്തോടെ ഒന്നു നോക്കി..

ഇത് സ്വപ്നമാണോ യാഥാർഥ്യമാണോ എന്നറിയാത്ത കൊണ്ടാവും പുള്ളിക്കാരൻ സ്വയം നുള്ളി നോക്കുന്നത് കണ്ടു എനിക്ക് ചിരി വന്നു... 

സാധാരണ ഞാൻ ചായ മേശപ്പുറത്തു വെച്ചിട്ട്  പോവാറാണ് പതിവ് ഇതിപ്പോൾ ഏട്ടാന്ന് പറഞ്ഞു വിളിച്ചു എഴുന്നേൽപ്പിച്ചു ചായ ഒക്കെ കൊടുത്തപ്പോൾ മൂപ്പർ ഓർത്തു കാണും സ്വപ്നം വല്ലതും കാണുവാണെന്ന്..

"അതേ ശ്രീ.. നീ അമ്മയെ ഒന്ന് വിളിക്കുമോ എനിക്കൊന്നു ബാത്‌റൂമിൽ പോണം..

"അമ്മ അടുക്കളയിൽ ആണ്.. വാ  ഞാൻ കൊണ്ടു പോവാം..

"വേണ്ട അത് ശെരിയാവില്ല.. 

"അതെന്താ ശെരിയാവാത്തെ..?? ഞാൻ കൊണ്ടു പോയാൽ എന്താ കുഴപ്പം..??

"കുഴപ്പമൊന്നുമില്ല.. പക്ഷേ 

ഒരു കാര്യത്തിനും മറ്റുള്ളവരെ ബുദ്ധിമുട്ടിക്കുന്നത് എനിക്ക് ഇഷ്ടമല്ല..

"ഓ അപ്പോൾ പിന്നെ അമ്മയെ വിളിക്കുന്നതോ..??

"അതെന്റെ അമ്മയാണ്.. അമ്മക്ക് ഞാൻ ഒരിക്കലും ബുദ്ധിമുട്ട് ആവില്ല എന്നെനിക്ക് അറിയാം..

പിന്നെ ഇപ്പോൾ നീ  ഈ കാണിക്കുന്ന  സഹതാപം അതെനിക്ക്  ഇഷ്ടമല്ല..

അതുകൊണ്ട് നീ അമ്മയെ വിളിച്ചാൽ മതി എന്ന് ശിവേട്ടൻ പറയുമ്പോൾ എന്തോ ആ വാക്കുകൾ എന്നെ വല്ലാതെ വേദനിപ്പിച്ചു....

ഏട്ടനെന്നെ അകറ്റി നിർത്തുന്നത് പോലെ എനിക്ക് തോന്നി..

ഒരിക്കൽ ഒരുപാട് അകറ്റി നിർത്താൻ കൊതിച്ചിരുന്ന ഒരാളിലേക്ക് മനസ്സ് അടുത്ത് കൊണ്ടിരിക്കുന്നത് പോലൊരു തോന്നൽ..

അതുകൊണ്ടാവും ഏട്ടന്റെ ഈ അവഗണന എന്നെ വേദനിപ്പിച്ചത്.....

ഒരൽപ്പം സങ്കടത്തോടെ ഞാൻ പോയി  അമ്മയെ വിളിച്ചു കൊണ്ട് വന്നു..

അവളുള്ളപ്പോൾ എന്തിനാണ് എന്നെ വിളിച്ചത് എന്നും ചോദിച്ചു കൊണ്ട് അമ്മ ഏട്ടന്റെ നേരെ ദേഷ്യപ്പെട്ടെങ്കിലും അമ്മക്ക്    മറുപടി യെന്നോണം  ഒരു പുഞ്ചിരി മാത്രം  ഏട്ടൻ  സമ്മാനിച്ചു....

ആ പുഞ്ചിരിക്ക് പിന്നിൽ ഒരു നൂറായിരം മറുപടികൾ മറഞ്ഞിരി ക്കുന്നുണ്ടാവും എന്നെനിക്ക് തോന്നി....

ഒരുപക്ഷേ താലി ചരടിൽ കോർത്തിണക്കിയ ഞങ്ങളുടെ  ബന്ധം എന്നുന്നേക്കുമായി അവസാനിച്ചു എന്ന മറുപടി..

ശ്രീലക്ഷ്മി 9

ഒരു എടുത്തു ചാട്ടത്തിന് താലി പൊട്ടിച്ചതിനെ കുറിച്ച് ഓർത്തെന്റെ മനസ്സ് നീറി..

ഏട്ടന്റെ ഇപ്പോളുള്ള ഈ അവഗണന പോലും ഞാൻ വരുത്തി വെച്ചത് ആണ്..

അത്രയേറെ ഞാൻ ഏട്ടനെ വേദനിപ്പിച്ചിട്ടുണ്ട്..

കുറ്റബോധം കൊണ്ടാവും ഏട്ടനോട് തോന്നിയ ദേഷ്യത്തിന്റെ മഞ്ഞു എന്റെ ഉള്ളിൽ  ഉരുകി തുടങ്ങി എന്നെനിക്ക് മനസ്സിലായി..

ഉള്ളിൽ ഇതുവരെ തോന്നാത്ത എന്തൊക്കെയോ പറഞ്ഞറിയിക്കാൻ ആവാത്ത ഫീൽ ഏട്ടനോട് തോന്നുന്നുണ്ട്..

ഇനി എന്തായാലും എന്റെ ഭാഗത്ത്‌ നിന്നും ഏട്ടന്റെ മനസ്സ് വേദനിപ്പിക്കുന്ന ഒന്നും ഉണ്ടാവരുത് എന്നു മനസ്സിൽ പറഞ്ഞു കൊണ്ടു നിൽക്കുമ്പോഴാണ് മുറ്റത്തു ഒരു കാർ വന്നു നിന്ന ശബ്ദം കേട്ടത്..

ആരെന്നറി യാനായി ഞാൻ പോയി നോക്കിയപ്പോൾ കണ്ടത് അച്ഛനെയും അമ്മയെയും ശ്രീക്കുട്ടിയെയും ആണ്..

ഏട്ടന് ആക്‌സിഡന്റ് പറ്റിയ കാര്യം ഞാൻ അവരെ വിളിച്ചു പറഞ്ഞിരുന്നു..

അത്  കൊണ്ട് അവർ ഏട്ടനെ കാണാൻ വന്നതാവും....

അവരെ കണ്ടതും സന്തോഷം കൊണ്ട് ഞാൻ അവരുടെ അടുത്തേക്ക് ഓടി ചെന്നു..

"അതേ കൂടുതൽ സ്നേഹപ്രകടനം ഒന്നും വേണ്ട ഞങ്ങൾ ഏട്ടനെ കാണാൻ ആണ് വന്നത്..

അല്ലാതെ ഭവതിയെ അല്ല എന്നും പറഞ്ഞു ശ്രീക്കുട്ടി എന്റെ നേരെ ദേഷ്യപ്പെട്ടു..

"അതെന്താടി നീ അങ്ങനെ പറഞ്ഞത്..??

"പിന്നെങ്ങനെ പറയണം..??

 കല്യാണം കഴിഞ്ഞു ഇങ്ങോട്ട് വന്നതിൽ പിന്നെ  ഒരിക്കൽ എങ്കിലും ചേച്ചി അങ്ങോട്ട്‌ ഒന്ന് വന്നോ.. ഇല്ലല്ലോ..??

ഇടക്ക് എങ്കിലും ഞങ്ങളെ വന്നൊന്ന് അന്വേഷിക്കാ മായിരുന്നു..

"ഡി അതുപിന്നെ ഓരോരോ തിരക്ക് കാരണം ഞാൻ വരാഞ്ഞത് ആണ്..

"ഓ എന്ത് തിരക്ക്..?? എന്നിട്ട് ഏട്ടൻ വരാറുണ്ടാ യിരുന്നല്ലോ..

ഏട്ടന് ഇല്ലാത്ത എന്ത് തിരക്ക് ആണ് ചേച്ചിക്ക് ഉണ്ടായിരുന്നത്..??

"ആര് ശിവേട്ടനോ..??

"അതേ ശിവേട്ടൻ തന്നെ അല്ലാതെ വേറെ ഏത് ഏട്ടൻ വരാനാണ്..

അവൾ പറയുന്നത് കേട്ടപ്പോൾ ശെരിക്കും ഞാൻ അത്ഭുതപ്പെട്ടു പോയി കാരണം നാട്ടിൽ പോയ കാര്യം ഒന്നും  ഒരിക്കൽ പോലും  ഏട്ടൻ  പറഞ്ഞിട്ടില്ല..

പലപ്പോഴും നമുക്ക്  നിന്റെ  നാട്ടിലൊക്കെ ഒന്ന് പോയി വരാം എന്ന് പറഞ്ഞിരുന്നു..

പക്ഷേ അപ്പോളൊക്കെ നാട്ടിലേക്ക് പോയാൽ അവിടെ വെച്ച് എങ്ങാനും  ഹരിയേട്ടനെ കാണേണ്ടി വന്നാലോ എന്നോർത്ത്  ഞാൻ ഒഴിഞ്ഞു മാറിയിരുന്നു..

പക്ഷേ അതിന്റെ പേരിൽ ഏട്ടൻ എന്നെക്കൂടാതെ ഒറ്റക്ക്  പോവുമെന്ന് ഞാൻ കരുതിയില്ല....

"അതേ വന്നു കേറിയപ്പോൾ തന്നെ രണ്ടും  അടി കൂടി നിൽക്കാതെ അകത്തേക്ക് വരാൻ നോക്കെന്നും പറഞ്ഞു അമ്മ ഞങ്ങളെ വിളിച്ചു....

അത് കേട്ടതും 

"മാറിക്കേടി ചേച്ചി ഞാൻ എന്റെ ഏട്ടനെ കാണട്ടെ എന്നും പറഞ്ഞു കൊണ്ട്  അവളെന്നെ തള്ളി അകത്തേക്ക് ഓടി..

ഞങ്ങൾ മുറിയിൽ ചെല്ലുമ്പോൾ ശിവേട്ടൻ കട്ടിലിൽ പേപ്പർ വായിച്ചു കിടപ്പുണ്ടായിരുന്നു.....

പെട്ടെന്ന് അച്ഛനെയും അമ്മയെയും ശ്രീക്കുട്ടിയെയും കണ്ടപ്പോൾ സന്തോഷം കൊണ്ട്  ഏട്ടന്റെ മുഖത്തൊരു  പുഞ്ചിരി വിടരുന്നത് ഞാൻ കണ്ടു..

"ഹാ എല്ലാവരും ഉണ്ടല്ലോ..

ഡി കുരിപ്പേ നീയും വന്നോ..??

"പിന്നെ എന്റെ ഏട്ടനെ  കാണാൻ ഞാൻ വരാതെ പിന്നെ മറ്റാര് വരാനാണ്.. എന്നും പറഞ്ഞു ശ്രീക്കുട്ടി ഏട്ടന്റെ അടുത്തേക്ക് ചെന്നു ....

"ഉവ്വ ഉവ്വേ.."

"അല്ല ശിവേട്ടാ .. സത്യം പറ ഇത് ആക്‌സിഡന്റ് ആണോ അതോ എന്റെ  ചേച്ചി തല്ലി ഒടിച്ചത് ആണോ..?

"ഒന്ന് പോടീ പെണ്ണേ ആക്‌സിഡന്റ് തന്നെയാണ് എന്നും പറഞ്ഞു ഏട്ടൻ ചിരിച്ചു..

"പക്ഷേ കണ്ടിട്ട് ആക്‌സിഡന്റ് ആണെന്ന് തോന്നുന്നില്ല അതു കൊണ്ട് ചോദിച്ചത് ആണ് എന്നും പറഞ്ഞു ശ്രീക്കുട്ടി ചിരിച്ചു..

"ഓ ഈ പെണ്ണിന്റെ നാക്കിന് ഒരു ലൈസൻസും ഇല്ലല്ലോ ഈശ്വരാ..

ഇവളെ കെട്ടാൻ പോവുന്നവന്റെ  കാര്യം ഓർക്കുമ്പോളാണ്  എനിക്ക് സങ്കടം തോന്നുന്നത് എന്നു ഞങ്ങളുടെ അമ്മ ഇടക്ക് കേറി പറഞ്ഞു..

"ഹേ അമ്മ പേടിക്കണ്ട ഇതുപോലെ കെട്ടിയവന്റെ ഒരു കാലായിട്ട് ഞാൻ  മിച്ചം വെക്കില്ല ഒടിക്കുന്നേൽ  രണ്ടു കാലും ഉറപ്പായും തല്ലി ഒടിച്ചിരിക്കും എന്നും പറഞ്ഞു അവൾ ഇളിഞ്ഞ ചിരി പാസ്സാക്കി..

അത് കേട്ട് എല്ലാവരും ചിരിച്ചു പോയി..

പിന്നെ എല്ലാവരും കൂടി വിശേഷങ്ങൾ ഒക്കെ പങ്കു വെച്ചു തുടങ്ങി..

ഉച്ച ഭക്ഷണം ഒക്കെ കഴിച്ചു വൈകുന്നേരത്തോടെ അച്ഛനും അമ്മയും ശ്രീക്കുട്ടിയും പോവാനായി ഇറങ്ങി....

രണ്ടു ദിവസം കഴിഞ്ഞു പോവാം എന്ന് ഞാനും ഏട്ടനും അമ്മയും ഒക്കെ കൂടി  നിർബന്ധിച്ചു...

ഒടുവിൽ എനിക്ക് കൂട്ടായി കുറച്ചു ദിവസം വേണമെങ്കിൽ ശ്രീക്കുട്ടി ഇവിടെ നിൽക്കട്ടെ എന്നും പറഞ്ഞു അവളെ നിർത്തിയിട്ടു അവർ യാത്ര പറഞ്ഞു ഇറങ്ങി..

ഒരു തരത്തിൽ പറഞ്ഞാൽ  ശ്രീക്കുട്ടി കൂടെ നിൽക്കാൻ തയ്യാറായതിൽ എനിക്ക് ആശ്വാസം തോന്നി..

മനസ്സ് തുറന്നു സംസാരിക്കാൻ ഒരാളായല്ലോ..

വായാടി പെണ്ണായത് കൊണ്ട് തന്നെ വന്നപ്പോൾ മുതൽ നാട്ടിലെ വിശേഷങ്ങൾ പറഞ്ഞു കൊണ്ട് വാ  തോരാതെ അവൾ സംസാരിച്ചു കൊണ്ടേയിരുന്നു..

ഞാനും അമ്മയും ഏട്ടനും കൂടി അതെല്ലാം കേട്ടിരുന്നു....

അതിനിടയിൽ  അവളെ ദേഷ്യം പിടിപ്പിക്കാനായി  ഓരോന്ന് പറഞ്ഞു ഏട്ടൻ അവളെ കളിയാക്കുകയും ചെയ്തു..

അവൾ ആണെങ്കിൽ അതിനൊക്കെ  തക്ക  മറുപടിയും കൊടുത്തു..

ചുരുക്കം പറഞ്ഞാൽ അവൾ വന്നതോടെ  കളിയും ചിരിയുമായി  തറവാട്ടിൽ ഒരാളനക്കം ഉണ്ടായെന്നു തന്നെ പറയാം..

--------------------------------------------------------

വന്ന അന്ന് മുതൽ എന്റെ ഏട്ടന്റെ കാര്യം ഞാൻ നോക്കിക്കോളാം എന്നും പറഞ്ഞു ഉത്തരവാദിത്തം ഏറ്റെടുത്തു ഏട്ടന് മരുന്നും ഭക്ഷണവും ഒക്കെ കൊടുത്തത് അവളായിരുന്നു....

എന്നെ കൊണ്ടൊന്നും ചെയ്യിച്ചില്ല..

അതുകൊണ്ട് ഇപ്പോൾ എന്തിനും ഏതിനും ഏട്ടന്  അവൾ മതി....

അവൾ വന്നതിൽ പിന്നെ ഏട്ടന് ആകെ ഒരു മാറ്റം പോലെ എനിക്ക്  തോന്നി....

അവളോട്‌ ഓരോന്ന് പറഞ്ഞു കളിയാക്കിയപ്പോഴും അവളുടെ കുട്ടിത്തരങ്ങൾക്കു ഇരുന്നു കൊടുത്തപ്പോളും ഇതുവരെ ഞാൻ കണ്ട ശിവേട്ടനിൽ നിന്നും കളിയും ചിരിയും കുസൃതിയും നിറഞ്ഞ മറ്റൊരു ശിവേട്ടനെ എനിക്കപ്പോൾ കാണാൻ കഴിഞ്ഞു....

അധികം സംസാരിക്കാത്ത പുറമെ ഗൗരവക്കാരൻ എന്ന് തോന്നിയ ആളിന്റെ ഉള്ളിലെ കുട്ടിത്തം മാറാത്ത മനസ്സ് ഞാൻ ആദ്യമായി കണ്ടു..

പിന്നെ അവളുമായി കളിച്ചു ചിരിച്ചു സംസാരിക്കുമ്പോളും എന്റെ അടുക്കൽ മാത്രം ഏട്ടൻ  ഗൗരവം വെച്ചു പുലർത്തിയത്  മാത്രം എന്തോ എനിക്ക്  ഇഷ്ടമായില്ല..

അതും പോരാത്തതിന് ഇതൊക്കെ കാണുമ്പോൾ ഉള്ളിൽ ചെറിയൊരു കുശുമ്പും തോന്നി തുടങ്ങിയോ എന്നൊരു സംശയവും വന്നു..

അങ്ങനെ ഇരിക്കുമ്പോൾ ആണ് ശ്രീക്കുട്ടി എന്റെ അടുത്തേക്ക് വന്നത്..

"ചേച്ചി ശിവേട്ടനുള്ള ഭക്ഷണം എന്തിയെ..??

മരുന്ന് കൊടുക്കേണ്ടതല്ലേ വേഗം താ....

"അതേ എന്റെ കെട്ടിയോന് എപ്പോൾ ഭക്ഷണം കൊടുക്കണം മരുന്ന് കൊടുക്കണം എന്നൊക്ക എനിക്ക് അറിയാം നീ പഠിപ്പിക്കേണ്ട കേട്ടോ..

"അതെന്താ ചേച്ചി അങ്ങനെ പറഞ്ഞത്..

 "ആ ഇപ്പോൾ അങ്ങനെ പറയാൻ തോന്നി പറഞ്ഞു..

നീ മാറിക്കെ ഞാൻ പോയി ഏട്ടന് ഭക്ഷണം കൊടുക്കട്ടെ എന്നും പറഞ്ഞു അവളെ മാറ്റി നിർത്തി ഭക്ഷണവുമായി ഞാൻ മുറിയിലെത്തി..

"ഇന്നെന്താ ഭക്ഷണവുമായി നീ വന്നത്..  ശ്രീക്കുട്ടി എന്തിയെ..??

"അവൾ അപ്പുറത്ത്‌ ഉണ്ട്..

അല്ല  ഞാൻ ഭക്ഷണം കൊണ്ട് വന്നെന്ന് കരുതി  എന്താണ് കുഴപ്പം..?? ഭക്ഷണം തൊണ്ടയിൽ നിന്നും ഇറങ്ങത്തില്ലേ..??

"ഹേ അങ്ങനെ ഒന്നുമില്ല പിന്നെ  അവളുമായി ഓരോന്ന് സംസാരിച്ചിരുന്നു കഴിക്കാൻ ഒരു പ്രത്യേക സുഖമാണ്..

"ഓ എന്ത് ചുകം..?? നിങ്ങൾക്ക് വേണമെങ്കിൽ കഴിക്ക് അവൾക്ക് അടുക്കളയിൽ പണിയുണ്ട്  ..

ഇങ്ങോട്ട് വന്ന്  നിങ്ങളെ കഴിപ്പിക്കാൻ ഒന്നും പറ്റില്ല എന്നും പറഞ്ഞു ഞാൻ ഏട്ടന്റെ നേരെ ദേഷ്യപ്പെട്ടു..

"ഹാ ശെരി എന്നാൽ  നീ ഭക്ഷണം മേശപ്പുറത്ത് വെച്ചേക്ക്  ഞാൻ അവൾ വന്നിട്ട്  കഴിച്ചോളാം..

"ഓ അവൾ വന്നാലേ ഭക്ഷണം ഇറങ്ങ ത്തൊള്ളായിരിക്കും അല്ലേ..??

നിങ്ങൾ എന്താണെന്ന് വെച്ചാൽ ചെയ്യ് എന്നും പറഞ്ഞു ദേഷ്യം കേറി മേശപ്പുറത്തു ഭക്ഷണം വെച്ചു  ഞാൻ അവിടെ നിന്നും പുറത്തേക്ക് ഇറങ്ങി....

എല്ലാം കണ്ടു ചിരിച്ചു കൊണ്ട് ശ്രീക്കുട്ടി നിൽപ്പു ണ്ടായിരുന്നു....

"എന്താടി നിന്ന് കിണിക്കുന്നത്..??

"ഹേ ഒന്നുമില്ല.. അല്ല ചേച്ചിക്ക് വല്ല കാര്യവും ഉണ്ടായിരുന്നോ ഞാൻ അപ്പോഴേ  പറഞ്ഞതല്ലേ ഭക്ഷണം ഞാൻ  കൊണ്ടു പോയി കൊടുക്കാമെന്നു എന്നിട്ട് കേട്ടില്ലല്ലോ.. 

"ഓ നീയും നിന്റെ ഒരു ഏട്ടനും..

 ഒരു കാല് ഒടിഞ്ഞിരുന്നിട്ടും അങ്ങേർക്ക് അഹങ്കാരത്തിനു ഒരു കുറവും ഇല്ല..

ഇങ്ങനെ പോയാൽ മിക്കവാറും അങ്ങേരുടെ  മറ്റേ കാൽ ഞാൻ തല്ലി ഒടിക്കും..

"ഹഹഹ എന്തേ എന്റെ ചേച്ചിപ്പെണ്ണിന് ദേഷ്യം വരുന്നുണ്ടോ..??

എന്നു ചോദിച്ചു കൊണ്ടവൾ എന്റെ കവിളിൽ നുള്ളി..

"ദേ പെണ്ണേ എന്നോട്  കളിക്കാൻ നിൽക്കാതെ പോവാൻ നോക്ക്..

നീ പോയി തമ്പ്രാന് ഭക്ഷണം കൊടുക്കാൻ നോക്ക്  എനിക്ക് അടുക്കളയിൽ പണിയുണ്ട് എന്നും പറഞ്ഞു ഞാൻ അടുക്കളയിലേക്ക് നടന്നു....

---------------------------------------------------------

"ശിവേട്ടോ ഇവിടെ ചിലർക്കൊക്കെ കുശുബ് തോന്നി തുടങ്ങിയിട്ടുണ്ട് കേട്ടോ..

"കുശുമ്പോ.. ആർക്ക്..?? എന്തിന്..

"അതുപിന്നെ ഞാൻ തന്നാലേ  ഏട്ടൻ കഴിക്കൂ എന്ന് പറഞ്ഞത്  കേട്ട് ചിലർക്ക് ഒക്കെ  ഭ്രാന്ത് ഇളകിയിട്ടുണ്ട്..

"നീ എന്തൊക്കെയാടി പെണ്ണേ ഈ പറയുന്നത്.. ഭ്രാന്തോ ആർക്ക്..??

"അതുപിന്നെ ഏട്ടാ  ഞാൻ ശ്രീയേച്ചിയുടെ  കാര്യമാണ് പറഞ്ഞത്..

ഞാൻ വന്നാലേ കഴിക്കൂ എന്ന് ഏട്ടൻ പറഞ്ഞത് ചേച്ചിക്ക്  അത്ര ഇഷ്ടമായിട്ടില്ല..

എന്തോ ചെറിയൊരു കുശുമ്പ് ഉള്ളതു പോലെ എനിക്ക് തോന്നി..

പിന്നെ ഏട്ടൻ പറഞ്ഞിരുന്ന പോലെ ഒന്നും  അല്ല ചേച്ചിക്ക് ഇപ്പോൾ  ഒരു മാറ്റമൊക്കെ  ഉണ്ട്....

"അതൊക്കെ നിന്റെ തോന്നൽ ആണ് ശ്രീക്കുട്ടി.. 

അവൾക്ക് ഒരു മാറ്റവും ഇല്ല.. ചെറിയൊരു സിംപതി ഉണ്ട് അത്രേ ഒള്ളൂ..

"അല്ല ഏട്ടാ.. ചേച്ചിക്ക് ഏട്ടനോട് ചെറിയ ഇഷ്ടം തോന്നി തുടങ്ങിയെന്നാണ് എനിക്ക് തോന്നുന്നത്.....

"ഉവ്വ..  ഇഷ്ടം മണ്ണാങ്കട്ട.. അവൾക്ക് എന്നെ സ്നേഹിക്കാൻ ഒന്നും ആവില്ല..

പിന്നെ ഇനി എന്തായാലും അതൊന്നും പറഞ്ഞിട്ട് കാര്യവുമില്ല  മോളെ..

മനസ്സ് കൊണ്ട് ഞാനൊരു തീരുമാനം എടുത്തു കഴിഞ്ഞു ഇനി അത് മാറ്റത്തില്ല..

ഞാൻ കെട്ടിയ താലി പൊട്ടി ച്ചെറിഞ്ഞവളെ എങ്ങനെയാണ്  ഞാനിനി സ്നേഹിക്കുന്നത്..

ഇനി എന്നെക്കൊണ്ട്  അതിന് കഴിയില്ല....

അതുകൊണ്ട്  മോളെ ഇനി അതിനെ കുറിച്ചൊരു സംസാരം നമുക്കിടയിൽ വേണ്ട.....

"ഏട്ടാ അങ്ങനെ പറയല്ലേ..

"പിന്നെ എങ്ങനെ പറയണം..

താലിയുടെ മഹത്വം അറിയാതെ അത് പൊട്ടിച്ചെറിഞ്ഞവളെ ഞാൻ പൂവിട്ടു പൂജിക്കണോ..

"ഏട്ടാ അതുപിന്നെ ചേച്ചി പെട്ടെന്നുള്ള ദേഷ്യത്തിൽ ചെയ്തു പോയതാവും.... ഏട്ടന് അതൊന്ന്  ക്ഷെമിച്ചു കൂടെ..??

"പറ്റില്ല മോളെ..മറ്റെന്തെങ്കിലും ആയിരുന്നെങ്കിൽ  പോലും ഞാൻ ക്ഷെമിച്ചേനെ പക്ഷേ ഇതൊരിക്കലും എനിക്ക്  ക്ഷെമിക്കാൻ ആവില്ല....

"ഏട്ടാ.. ഏട്ടൻ വിചാരിക്കുന്നത് പോലെ അല്ല..

എന്റെ ചേച്ചി ഒരു പാവമാണ്....

ചേച്ചിയെ ഒരിക്കലും വേണ്ടാന്ന് വെക്കരുതേ എന്നു പറഞ്ഞു   കണ്ണുകൾ നിറച്ചവൾ മുറിക്ക് പുറത്തേക്ക് ഇറങ്ങിയതും എല്ലാം കേട്ടുകൊണ്ട്  നിറകണ്ണുകളോടെ നിൽക്കുന്ന എന്നെയാണ് അവൾ കണ്ടത്.....

"ഹാ ചേച്ചി ഇവിടെ നിൽപ്പു ണ്ടായിരുന്നോ....?

"മ്മം ഞാനിപ്പോൾ വന്നതേയുള്ളു..

അല്ല നീ എന്തിനാടി കരഞ്ഞത്....??

"കരഞ്ഞോ..ഹഹഹ  ആര്?? എന്തിന്..??

"കരഞ്ഞില്ലേ പിന്നെന്താ നിന്റെ കണ്ണ് നിറഞ്ഞിരിക്കുന്നത്..??

"ഓ അത് എന്റെ കണ്ണിൽ പൊടി പോയതാണ് ചേച്ചി..

അല്ല ചേച്ചിയുടെ കണ്ണെന്താണ് നിറഞ്ഞിരിക്കുന്നത് ....??

"ഓ അതും പൊടി പോയതാണ്....

"ഹഹഹ..പിന്നെ ചേച്ചി എനിക്കൊരു കാര്യം ചോദിക്കാനുണ്ട് എന്നും പറഞ്ഞു കൊണ്ട് അവളെന്റെ  കൈയും പിടിച്ചു കൊണ്ട് നടന്നു.. ഞങ്ങൾ നേരെ തറവാട്ട് കുളത്തിന്റെ കൽപടവിൽ ചെന്നിരുന്നു..

നിലാവിൽ വിരിയാൻ കൊതി പൂണ്ട് നിറയെ ആമ്പൽ കുളത്തിൽ മൊട്ടിട്ട് നിൽക്കുന്നു..

അവളെന്റെ മുഖത്തേക്ക്  ഒന്ന് സൂക്ഷിച്ചു നോക്കി..

"എന്താടി പെണ്ണേ..എന്താണ് നിനക്ക് ചോദിക്കാൻ ഉള്ളത്..??

"അതുപിന്നെ ഞാൻ ഒരു കാര്യം ചോദിച്ചാൽ  ചേച്ചി സത്യം പറയണം.....

"ഹാ പറയാം നീ ചോദിച്ചോ..

"അതുപിന്നെ ചേച്ചിക്ക് ശിവേട്ടനെ ഇഷ്ടമാണോ..??

പെട്ടെന്നുള്ള  അവളുടെ ചോദ്യം കേട്ട് എന്ത് പറയണമെന്ന് അറിയാതെ ഞാൻ കുഴങ്ങി....

"ഒന്ന് പോയേടി പെണ്ണേ എനിക്ക് വേറേ പണിയുണ്ട് എന്നും പറഞ്ഞു കൊണ്ട്  ഞാൻ എഴുന്നേറ്റു പോവാനൊരുങ്ങി..

"ചേച്ചി പോവല്ലേ.. സത്യം പറ ചേച്ചിക്ക് ശിവേട്ടനെ ഇഷ്ടമാണോ..??

"ഇഷ്ടം മാങ്ങാത്തൊലി.. അല്ല നിനക്കിപ്പോൾ അത് അറിഞ്ഞിട്ട് എന്തിനാണ്..??

"അതുപിന്നെ എനിക്ക് അത് ഇപ്പോൾ  അറിയേണ്ട കാര്യമുണ്ട്....

അപ്പോൾ ചേച്ചിക്ക് ശിവേട്ടനെ ഇഷ്ടം അല്ല അല്ലേ..

 ചേച്ചിയുടെ മനസ്സിൽ അപ്പോൾ ഇപ്പോഴും ഹരിയേട്ടൻ ആണല്ലേ....??

"ആ എനിക്ക് അറിയില്ല..

"ഓ അപ്പോൾ പിന്നെ ചേച്ചിക്ക്  ശിവേട്ടനെ ഇഷ്ടമില്ലാത്ത സ്ഥിതിക്ക്  ഏട്ടനോട് ചേച്ചിയെ ഡിവോഴ്സ് ചെയ്തു ആ പെണ്ണിനെ കെട്ടിക്കോളാൻ പറഞ്ഞേക്കാം....

"ആ പെണ്ണോ.. ഏത് പെണ്ണ്  ..??  ശ്രീക്കുട്ടി പറയുന്നത് കേട്ട് ഞാനൊന്ന് ഞെട്ടി..

"ഓ അതുപിന്നെ ശിവേട്ടൻ ഒരു പെണ്ണിനെ സ്നേഹിച്ചിരുന്നു അവളുടെ കാര്യമാണ് പറഞ്ഞത്.. 

"ങേ.. ഏട്ടന് പ്രേമമോ ആരോട്..??

അവൾ പറയുന്നത് കേട്ടപ്പോൾ എനിക്ക് അത്ഭുതമാണ് തോന്നിയത്..

അങ്ങനെ ഒരു പ്രണയം ഉണ്ടായിരുന്ന പിന്നെ  ആൾ എന്തിന് എന്നെ കെട്ടി എന്നൊരു ചോദ്യം എന്റെ ഉള്ളിൽ അപ്പോൾ  ഉയർന്നു വന്നു..

"മ്മം.. ഏട്ടനും ഉണ്ടായിരുന്നു ചേച്ചി ഒരു പ്രണയം..

അവൾ പറയുന്നത് കേട്ടപ്പോൾ എന്റെ ഉള്ളിൽ അതാരാണെന്ന് അറിയാനുള്ള ആകാംഷ കൂടി കൂടി വന്നു..

" ഒന്ന് വേഗം പറഞ്ഞു തൊലക്കടി എന്നും പറഞ്ഞു ക്ഷെമ നശിച്ചു ഞാൻ അവളുടെ നേരെ ദേഷ്യപ്പെട്ടു..

എന്റെ ദേഷ്യം കണ്ടു പുഞ്ചിരിയോടെ ഞാൻ പറയാം ചേച്ചി  എന്നവൾ പറയുമ്പോൾ  ആ പ്രണയകഥ കേൾക്കാനായി  കൗതുകത്തോടെ   ഞാൻ  ചെവിയോർത്തു....

ശ്രീലക്ഷ്മി -10

ഒരു നിമിഷത്തേക്ക് അവൾ മൗനമായി ഇരുന്നു കുളത്തിലേക്ക് നോക്കി കൊണ്ടിരുന്നു..

പിന്നെ പതിയെ മൗനം വെടിഞ്ഞവൾ  സംസാരിച്ചു തുടങ്ങി..

"ചേച്ചി ഏട്ടൻ സ്വന്തമാക്കാൻ കൊതിച്ചിരുന്ന ഒരു പെണ്ണുണ്ട്..

 ഡിഗ്രി ഫൈനൽ ഇയർ പഠിക്കുമ്പോഴാണ് ഏട്ടൻ  അവളെ ആദ്യമായി ബസിൽ വെച്ച് കണ്ടത്..

നീല ചുരിദാർ അണിഞ്ഞു പാറി പറക്കുന്ന മുടിയിഴകളെ വിരലുകളാൽ കോതി ഒതുക്കി കൊണ്ട് നിൽക്കുന്ന  കറുത്ത വട്ടപ്പൊട്ടു കുത്തിയ ആ സുന്ദരി പെണ്ണ് ആദ്യ കാഴ്ച്ചയിൽ തന്നെ ഏട്ടന്റെ മനസ്സിൽ പതിഞ്ഞത്രേ....

അന്ന് തൊട്ടു പിന്നെ എന്നും  അവളെ കാണാൻ മാത്രമായി ഏട്ടൻ ആ ബസിൽ കേറാൻ തുടങ്ങി....

പക്ഷേ അവൾ ഒരിക്കൽ പോലും ഏട്ടനെ ശ്രദ്ധിച്ചിരുന്നില്ല..

എന്നിട്ടും ഏട്ടൻ പതിവ് കാഴ്ച്ച മുടക്കിയില്ല..

ഓരോ ദിവസം കഴിയും തോറും മനസ്സിൽ അവളോടുള്ള ഇഷ്ടം  കൂടി കൂടി വന്നു കൊണ്ടേയിരുന്നു....

പക്ഷേ അത് തുറന്നു പറയാനുള്ള ധൈര്യം മാത്രം ഏട്ടന് അന്ന് ഇല്ലാതെ പോയി.....

അങ്ങനെ അവളുടെ പേരോ നാളോ ഒന്നുമറിയാതെ  അവളെ സ്നേഹിച്ചു കൊണ്ടിരിക്കുന്നതിന്  ഇടയിലാണ് ഒരു ദിവസം  ഏട്ടന്റെ കൂട്ടുകാരി രശ്മിയെ അവളോടൊപ്പം  ബസിൽ വെച്ച്  ഏട്ടൻ കണ്ടത്..

അതോടെ രശ്മി വഴി ആ പെണ്ണിനെ കുറിച്ച് എല്ലാം ഏട്ടൻ അറിഞ്ഞു..

അന്ന് ഏട്ടന്റെ ഹൃദയം തകർക്കുന്ന ഒരു കാര്യം കൂടി രശ്മി ഏട്ടനോട് പറഞ്ഞു..

ആ ആ പെണ്ണിന് മറ്റൊരു പ്രണയം ഉണ്ടെന്ന്.....

പെണ്ണിന്റെ മുറച്ചെറുക്കനുമായി തന്നെ.. മാത്രമല്ല അവരുടെ കല്യാണം കുട്ടിക്കാലം തൊട്ടു വീട്ടുകാർ വാക്കാൽ പറഞ്ഞു ഉറപ്പിച്ചിരുന്നത് ആണെന്നു കൂടി അറിഞ്ഞതോടെ  ആ പ്രണയം തന്റെ  മനസ്സിനുള്ളിൽ കുഴിച്ചു മൂടാൻ ഏട്ടൻ ശ്രമിച്ചു..

പക്ഷേ അത് അത്ര എളുപ്പമല്ല എന്ന് ഏട്ടൻ തിരിച്ചറിഞ്ഞു..

കാരണം അത്രമേൽ ആഴത്തിൽ മനസ്സിനുള്ളിലേക്ക്  വേരിറങ്ങിയ പ്രണയമായിരുന്നു അവളോട്‌ ഏട്ടന്......

അതുകൊണ്ട് തന്നെ അവളുടെ ഓരോ കാര്യങ്ങളും രശ്മി വഴി ഏട്ടൻ അറിഞ്ഞു കൊണ്ടിരുന്നു..

അതിനിടയിൽ ആണ് ജാതക ദോഷത്തിന്റെ പേരിൽ ആ പെണ്ണിന്റെ കല്യാണം മുടങ്ങി എന്നറിഞ്ഞത്..

പിന്നെ ഒന്നും ആലോചിച്ചില്ല കുറുപ്പ് വഴി ആ പെണ്ണിന്റെ ജാതകം വാങ്ങിപ്പിച്ചു ഒത്തുനോക്കിച്ചു  ചേർച്ച വരുത്താനായി  സ്വന്തം ജാതകം പോലും തിരുത്തിച്ചു..

എന്നിട്ടാണ് ആ പെണ്ണിനെ പെണ്ണ് കാണാൻ വന്നതും ഒടുവിൽ അവളെ സ്വന്തമാക്കിയതും..

"ഡി നീയി പറഞ്ഞു വരുന്നത്....

"അതേ ചേച്ചി.. ഏട്ടൻ സ്നേഹിച്ചിരുന്ന ആ പെണ്ണ് മാറ്റാരുമല്ല ചേച്ചി തന്നെ ആയിരുന്നു..

ഒരിക്കൽ അവിടെ വന്നപ്പോൾ ആണ്  ഏട്ടൻ എന്നോട് എല്ലാം തുറന്നു പറഞ്ഞത്.....

ചേച്ചി ഓരോന്ന് പറഞ്ഞു വേദനിപ്പിക്കുമ്പോഴും ആ പാവം ചേച്ചിയെ സ്നേഹിച്ചു കൊണ്ട് തന്നെ അല്ലേ ഇരുന്നത്..

ഒരിക്കൽ എങ്കിലും വാക്കു കൊണ്ടെങ്കിലും വേദനിപ്പിച്ചിരുന്നോ.. ഇല്ലല്ലോ..??

എല്ലാം തുറന്നു പറയാൻ ഞാൻ അന്നേ  ഏട്ടനോട്  പറഞ്ഞതാണ് പക്ഷേ ഏട്ടൻ കേട്ടില്ല എന്നു മാത്രമല്ല പറയാൻ എന്നെകൊണ്ട് ഒട്ടു  സമ്മതിച്ചുമില്ല....

എന്നെങ്കിലും ഒരിക്കൽ ചേച്ചി ഏട്ടനെ സ്നേഹിച്ചു തുടങ്ങുമെന്നും  അന്ന് എല്ലാം തുറന്നു പറഞ്ഞോളാം എന്നാണ് ഏട്ടൻ പറഞ്ഞത്..

 പക്ഷേ അതിനോട് ഇടക്ക് നിങ്ങൾക്കിടയിൽ ഇങ്ങനെ ഒക്കെ ഉണ്ടാവും എന്ന്  ഒരുപക്ഷേ ഏട്ടൻ പോലും കരുതി കാണില്ല.....

എല്ലാത്തിനും കാരണം ചേച്ചിയുടെ എടുത്തു ചാട്ടവും ദേഷ്യവുമാണ്......

അവളത് പറയുമ്പോളേക്കും എന്റെ കണ്ണുകൾ നിറഞ്ഞു തുടങ്ങിയിരുന്നു....

"പിന്നെ ചേച്ചി ഞാൻ നാളെ പോവുട്ടോ.. ഇനി എന്ത് വേണമെന്ന് ചേച്ചി തീരുമാനിക്ക്..

ഒന്ന് പറയാം ഏട്ടനൊരു പാവമാണ് അതിനെ ഇനിയും വേദനിപ്പിക്കരുത് എന്നും പറഞ്ഞു കൊണ്ട് ശ്രീക്കുട്ടി നടന്നു....

അവൾ നടന്നകലു മ്പോളേക്കും എന്റെ കണ്ണുകൾ നിറഞ്ഞു ഒഴുകി തുടങ്ങിയിരുന്നു.....

എത്ര അവഗണിച്ചിട്ടും ആട്ടിപ്പായിച്ചിട്ടും എന്നെ നെഞ്ചോട് ചേർത്തു പിടിക്കാൻ കൊതിച്ചിരുന്ന സ്നേഹത്തെയാണല്ലോ ഭഗവതി ഞാൻ മുറിവേൽപ്പിച്ചത്....

ആ മനസ്സ് വേദനിപ്പിച്ചതിന് എന്ത്‌ പരിഹാരമാണ് എനിക്ക് ഇനി ചെയ്യാനാവുക..

എല്ലാം അറിഞ്ഞും മനസ്സിലാക്കിയും വന്നപ്പോളേക്കും ഒരുപാട് വൈകി പോയിരിക്കുന്നു..

ഇനിയിപ്പോൾ ആ  കാൽക്കൽ വീണൊന്നു മാപ്പ് പറയാതെ എന്റെ  മനസ്സിന് ഒരു സമാധാനം കിട്ടില്ല എന്നെനിക്ക് തോന്നി..

കുറ്റബോധം നെഞ്ചിലൊരു വിങ്ങലായി എന്നിലേക്ക് പടർന്നു കയറുക യായിരുന്നു.....

മനസ്സ് പിടഞ്ഞു കൊണ്ടിരുന്നു..

എന്റെ സ്നേഹത്തിന് ഒട്ടും അർഹത ഇല്ലാത്ത ഒരാൾക്ക് വേണ്ടി കണ്ണീർ പൊഴിക്കുന്ന തിനിടയിൽ എന്റെ സ്നേഹത്തിനായി കൊതിച്ച ഏട്ടന്റെ  മനസ്സ് ഞാൻ കാണാതെ പോയി..

ഇനിയും ആ സ്നേഹം കണ്ടില്ലെന്ന് നടിക്കാൻ എനിക്കാവില്ല എന്നെന്റെ മനസ്സ് പറഞ്ഞു..

കവിളിൽ കൂടി ഒലിച്ചിറങ്ങിയ കണ്ണീർത്തുള്ളികൾ  മെല്ലെ തുടച്ചു കൊണ്ടു ഞാൻ മുറിയിലേക്ക് നടന്നു..

ചാരിയിട്ടിരുന്ന മുറിയുടെ  വാതിൽ തുറന്നു ഞാൻ മുറിക്കുള്ളിലേക്ക്  കടന്നു..

ഏട്ടൻ നല്ല ഉറക്കത്തിൽ ആയിരുന്നു....

കുറച്ചു സമയം ഞാനാ മുഖത്തേക്ക് നോക്കി നിന്നു കൊണ്ട് ചെയ്തു പോയ തെറ്റുകളെ കുറിച്ച് ഓർത്തു മനസ്സ്  കൊണ്ട് ഒരായിരം വട്ടം ഞാൻ മാപ്പ് ചോദിച്ചു..

പതിയെ  ആ കാലുകളിൽ  തൊട്ടതും ഏട്ടൻ കണ്ണ് തുറന്നു എന്നെ  നോക്കി..

"എന്താടി കാലുവാരാൻ നോക്കുവാണോ..??

"അല്ല നിങ്ങളുടെ ഈ കാൽ  എങ്ങനെ ഒടിക്കാം എന്ന് ചിന്തിച്ചു നിന്നതാണെന്ന് 

ചെറിയൊരു ദേഷ്യം നടിച്ചു ഞാൻ മറുപടി കൊടുത്തു..

"എനിക്കറിയാം നീ അതും ചെയ്യും അതിൽ അപ്പുറവും ചെയ്യും.....

"ഓഹോ അപ്പോൾ പിന്നെ എനിക്ക് കാര്യങ്ങൾ എളുപ്പമായല്ലോ ഇനി ധൈര്യമായി ഒടിക്കാല്ലോ.. എന്നും പറഞ്ഞു ഞാൻ ചിരിച്ചു..

"കൂടുതൽ കിണിക്കല്ലേ.. നീ ആ  ശ്രീക്കുട്ടിയെ ഇങ്ങ് വിളിക്ക് എനിക്കൊന്നു എഴുന്നേറ്റു നടക്കണം..

"എന്തിനാണ് ശ്രീക്കുട്ടിയെ വിളിക്കുന്നത് ഞാൻ പോരെ..??

"പോരാ നിന്നെ എനിക്ക് തീരെ വിശ്വാസം ഇല്ല....

"ഓ ചിലരെ പോലെ ബസിൽ വെച്ച് കണ്ടു പരിചയമുള്ള പെണ്ണിന് വേണ്ടി ജാതകം വരെ തിരുത്തി അവളെ കെട്ടുന്ന കള്ളത്തരം ഒന്നും നമുക്ക് അറിയില്ലേ എന്നും പറഞ്ഞു ഞാൻ ഏട്ടനെ ഏറു കണ്ണിട്ട് ഒന്ന് നോക്കി....

അതുകേട്ടു ഏട്ടൻ ആദ്യം ഒന്ന് ഞെട്ടി എങ്കിലും 

കാര്യങ്ങൾ എല്ലാം ഞാൻ അറിഞ്ഞല്ലോ എന്ന ചമ്മൽ ആയിരുന്നു പിന്നീട് ആ മുഖത്ത്....

അതുകണ്ടു എനിക്ക് ചിരി വന്നെങ്കിലും ഞാൻ ഒരുവിധം  ചിരി അടക്കി പിടിച്ചു നിന്നു..

"അതേ വാ ഞാൻ എഴുന്നേൽ പ്പിക്കാം എന്നും പറഞ്ഞു ഞാൻ ശിവേട്ടനെ പിടിച്ചു എഴുന്നേൽപ്പിച്ചു..

ആ കൈയെടുത്തു എന്റെ തോളിൽ വെച്ചു കൊണ്ട് പതുക്കെ നടത്തിച്ചു....

അതിനിടയിൽ ഞങ്ങളുടെ കണ്ണുകൾ തമ്മിൽ ഉടക്കി....

ആ കണ്ണിൽ ഞാനെന്റെ മുഖം കണ്ടു....

എന്റെയുള്ളിൽ ഞാനറിയാതെ എവിടെയോ പ്രണയത്തിന്റെ പുതുനാമ്പുകൾ കിളിർത്തു തുടങ്ങിരുന്നു..

"ഹലോ എന്താ ഇവിടെ രണ്ടും കൂടി  കണ്ണിൽ കണ്ണിൽ നോക്കി കളിക്കുവാണോ എന്നും ചോദിച്ചു കൊണ്ട്  ശ്രീക്കുട്ടി വന്നപ്പോഴാണ് ഞങ്ങൾ നോട്ടം മാറ്റിയത്..

"ഡി കുരുപ്പേ  നിന്നെ ഞാൻ കാണാൻ ഇരിക്കു വായിരുന്നു..

നിന്നോട് എന്തെങ്കിലും പറഞ്ഞാൽ ഉടനെ നീ അത് ലോകം മുഴുവൻ പബ്ലിസിറ്റി ആക്കുമ ല്ലോടി..

"ഞാനോ.. ഞാനെന്ത് ചെയ്തു ശിവേട്ടാ..

"നീ എന്നെക്കൊണ്ടൊന്നും പറയിക്കരുത്....

ഇനി മേലാൽ നിന്നോട് ഒരു കാര്യവും ഞാൻ പറയില്ല..

"അയ്യോ ശിവേട്ടാ പിണങ്ങല്ലേ..

ഞാൻ ഏട്ടന്റെ പാവം അനിയത്തി കുട്ടിയല്ലേ..

"ഉവ്വ കൂടുതൽ സോപ്പൊന്നും വേണ്ട..

"ഓ ഞാൻ സോപ്പിടാൻ ഒന്നുമില്ലേ..

പിന്നെ  ചിലർക്കൊക്കെ എന്തോ ഒരു മാറ്റം ഞാൻ കാണുന്നുണ്ട് എന്നും പറഞ്ഞു ശ്രീക്കുട്ടി എന്റെ മുഖത്തേക്ക് നോക്കിയതും ഞാൻ അവളെ നോക്കി കണ്ണുരുട്ടി..

"അതേ ശിവേട്ടാ ഞാൻ ഇനി ഇവിടെ നിന്നാൽ ശെരിയാവില്ല..

അല്ലെങ്കിൽ തന്നെ നിങ്ങൾ ഭാര്യയും ഭർത്താവും തമ്മിൽ ഒരുമിച്ചു നിൽക്കുന്നിടത്ത് എനിക്കെന്ത് കാര്യം എന്നും പറഞ്ഞവൾ ചിരിച്ചു കൊണ്ട്  നടക്കാനൊരുങ്ങി..

"ഏത് ഭാര്യ..??ഏത് ഭർത്താവ്..??

നീ ഇവിടെ നിൽക്കെടി എന്നും പറഞ്ഞു  കൊണ്ട് ഏട്ടൻ അവളെ പിടിച്ചു നിർത്തി..

"അതെന്താ ശിവേട്ടാ ഏട്ടൻ അങ്ങനെ പറഞ്ഞത് എന്നും ചോദിച്ചു ശ്രീക്കുട്ടി അടുത്തേക്ക് വന്നു..

"മോളെ മനസ്സ് കൊണ്ടു ആയില്ലെങ്കിലും പോലും താലി ചരട് കൊണ്ടെങ്കിലും ഭാര്യയും ഭർത്താവും എന്നൊരു ബന്ധം ഞങ്ങൾക്ക് ഇടയിൽ  ഉണ്ടായിരുന്നു..

അതും  പൊട്ടിച്ചെറി ഞ്ഞതോടെ എല്ലാ ബന്ധവും അവിടെ അവസാനിച്ചു എന്നും പറഞ്ഞു കൊണ്ട് ഏട്ടൻ എന്റെ മുഖത്തേക്ക് നോക്കി..

മറുപടി ഒന്നും പറയാനാവാതെ ചെയ്തു പോയ തെറ്റിനെ കുറിച്ച്  ഓർത്തു  തല താഴ്ത്തി ഞാൻ നിന്നു..

"ഏട്ടാ തെറ്റ് പറ്റാത്തവരായി ആരും തന്നെ ഇല്ല..

പിന്നെ  ഏട്ടനെ ഉപദേശിക്കാൻ ഞാൻ ആളല്ല..

എങ്കിലും പറയുവാണ് വാശിയും എടുത്തു ചാട്ടവും കുടുംബ ജീവിതത്തിൽ ഉണ്ടാവരുത്.. അതിന്റെ അവസാനം പിന്നെയൊരു  ദുരന്തം ആയി മാറും..

"ഹേ ഇല്ല മോളെ ഞാൻ ഒരു തീരുമാനം എടുത്തു കഴിഞ്ഞു.. അതാണ് എല്ലാവർക്കും നല്ലതെന്ന് എനിക്ക്  തോന്നുന്നത് എന്ന് പറഞ്ഞു കൊണ്ട്  ശിവേട്ടൻ എന്റെ മുഖത്തേക്ക്  നോക്കിയപ്പോൾ  എന്റെ മനസ്സൊന്നു പതറി..

കാറ്റു പിടിച്ച പട്ടം പോലെ പല ചിന്തകളും മനസ്സിലൂടെ പാറി പറന്നു.....

ഒരുപക്ഷേ ഡിവോഴ്സ് തന്നെയാവും ഏട്ടന്റെ മനസ്സിൽ ഉള്ളത്..

മുൻപ് എപ്പോഴോ ഞാനും അത് ആഗ്രഹിച്ചിരുന്നത് ആണ് പക്ഷേ ഇപ്പോൾ എനിക്ക് അതിന് കഴിയുമെന്ന് തോന്നുന്നില്ല....

 ഉള്ളിൽ എന്തോ ഒരു വിഷമം പോലെ....

നെഞ്ചിൽ ആകെ ഒരു നീറ്റൽ..

ഒന്നും മിണ്ടാതെ ഞാൻ ഏട്ടനുമായി മുറ്റത്തേക്ക് ഇറങ്ങി..

അതിനിടയിൽ ആണ് 

മുറ്റത്തിന്  കിഴക്ക് വശത്തായി നിന്നിരുന്ന മുല്ലയിൽ നിന്നും വിടരാനായി കൊതി പൂണ്ടു നിന്നിരുന്ന മുല്ല മൊട്ടുകൾ നിലത്ത് വീണു കിടക്കുന്നത് ഞാൻ കണ്ടത്....

ഏട്ടനുമായി പതിയെ അങ്ങോട്ടേക്ക് നടന്നു..

താഴെ കിടന്നിരുന്ന മുല്ലമൊട്ടുകൾ കുനിഞ്ഞു ഞാൻ  കൈയിലെടുത്തു മണത്തു നോക്കി..

ഇനിയും അതിന്റെ സുഗന്ധം പോയിട്ടില്ല..

പുതു സ്വപ്നങ്ങളും നെഞ്ചിലേറ്റി വിടരാൻ കൊതിച്ച ആ പൂക്കളെ പോലെയാവുമോ ഇനി എന്റെ ജീവിതവും.....

മനസ്സിന്റെ താളം തെറ്റിക്കുന്ന ചിന്തകൾ വീണ്ടും എന്റെയുള്ളിൽ നിറഞ്ഞു....

"അതേ പൂവും പിടിച്ചു നിന്നു കൊണ്ട് നീ സ്വപ്നം കാണുവാണോ..

മഴ പെയ്യും മുൻപ് എന്നെ ഒന്ന് അകത്തേക്ക് കേറ്റു എന്ന് ഏട്ടൻ പറയുമ്പോൾ ആണ് എന്റെ ചിന്തകളിൽ നിന്നും ഞാൻ ഉണർന്നത്..

"മഴയോ എവിടെ..??

"എന്റെ നെഞ്ചത്ത്..  സ്വപ്നം കണ്ടു കൊണ്ട് നിൽക്കാതെ നീ ആകാശത്തേക്ക് ഒന്ന് നോക്കെടി  കാർമേഘം കണ്ടില്ലേ..

മിക്കവാറും ഉടനെ തന്നെ നല്ലൊരു മഴ പെയ്യും....

"ഓ കാർമേഘം ഉണ്ടെന്ന് കരുതി മഴ പെയ്യണം എന്നുണ്ടോ..??

ഹാ എന്തായാലും ഇനി കാലാവസ്ഥ നിരീക്ഷകൻ പറഞ്ഞത് കേട്ടില്ല എന്ന് വേണ്ട എന്നും പറഞ്ഞു ഞാൻ ഏട്ടനെ പിടിച്ചു അകത്തേക്ക് കയറ്റിയതും  മഴക്ക് വഴിയൊരുക്കി കൊണ്ട് തണുത്ത കാറ്റ് മെല്ലെ വീശി..

തണുപ്പിന്റെ കുളിരണിയിച്ചു കൊണ്ട്  മഴത്തുള്ളികൾ മെല്ലെ  മണ്ണിൽ പതിച്ചു തുടങ്ങി..

മിന്നലിന്റെ അകമ്പടിയോടെ മഴ ശക്തി പ്രാപിച്ചു കൊണ്ട്  തിമിർത്തു പെയ്തു തുടങ്ങി..

"ഹും ഞാൻ പറഞ്ഞില്ലേ മഴ പെയ്യുമെന്ന്..  എന്നിട്ടിപ്പോൾ എന്തായി.....

ഇപ്പോൾ കേറിയില്ലാ യിരുന്നു എങ്കിൽ കാണാമായിരുന്നു  വയ്യാത്ത കാലും വെച്ചു ഞാൻ ഈ മഴ  മുഴുവൻ നനയേണ്ടി വന്നേനെ..

"ഓ പിന്നെ ഈ മഴ നനഞ്ഞെന്ന് വെച്ചു എന്താണ് കുഴപ്പം..??

സർ ഉരുകി പോവാത്തൊന്നും ഇല്ലല്ലോ..??

"ദേ പെണ്ണേ വെറുതെ എന്നെ ചൊറിയാൻ വരരുത്..

"ചൊറിഞ്ഞാൽ ഇയാളെന്നെ മൂക്കിൽ കയറ്റുമോ.... 

"ഡി കോപ്പേ എന്റെ കാലൊന്ന് ശെരിയാവട്ടെ എന്നിട്ട് നിന്നെ  കാണിച്ചു തരാമെടി..

"പിന്നെ ഇയാൾ എന്നെ  അങ്ങ് ഒലത്തും  ഒന്ന് പോ മനുഷ്യാ എന്നും പറഞ്ഞു ഞാൻ ചിരിച്ചു..

സത്യത്തിൽ ഏട്ടനെ വെറുതെ  ഒന്ന് ദേഷ്യം പിടിപ്പിക്കാൻ വേണ്ടി സംസാരിച്ചത് ആണ്..

ഏട്ടന്  അപ്പോൾ ശെരിക്കും ദേഷ്യം വന്നെന്ന് തോന്നി.. എന്നെ തുറിച്ചൊന്നു  നോക്കി അപ്പോഴേക്കും അമ്മ വന്നത് കൊണ്ടാവും പിന്നെ ഏട്ടൻ ഒന്നും മിണ്ടിയില്ല..

"എന്താ ഇവിടെ രണ്ടും കൂടി ഒരു ബഹളം..

"ഒന്നൂല്ല അമ്മേ ചുമ്മാ തമാശക്ക് ഓരോന്ന്  പറഞ്ഞതാണ്..

"മ്മ്മം അല്ല മോളെ ഞാനിപ്പോൾ ആണ് ശ്രദ്ധിച്ചത്  നിന്റെ കഴുത്തിൽ  കിടന്ന താലി എന്തിയെ..??

അപ്രതീക്ഷിതമായുള്ള അമ്മയുടെ ആ  ചോദ്യം കേട്ട്  ശെരിക്കും ഞാൻ ഞെട്ടി പോയി..

അമ്മയോട്  എന്ത് പറയണമെന്ന് അറിയാതെ  ഞാൻ കുഴങ്ങി നിന്നു....

താലി ഞാൻ പൊട്ടിച്ചെറിഞ്ഞു എന്നറിഞ്ഞാൽ പിന്നെ അമ്മയും എന്നെ വെറുക്കും ഒരുപക്ഷേ എന്നെ ഇവിടെ നിന്നും ഇറക്കി വിട്ടെന്നും ഇരിക്കും..

എന്റെ ഭഗവതി സത്യം ഞാൻ എങ്ങനെ അമ്മയോട് പറയും..

നിസ്സഹായത നിറഞ്ഞ കണ്ണുകളോടെ ഞാൻ ശിവേട്ടനെ ഒന്ന് നോക്കി..

ദേഷ്യം കലർന്ന ഭാവത്തിൽ തന്നെ ഏട്ടൻ എന്നെ നോക്കി ഇരിക്കുവാണ്..

ആ ഒരു നിമിഷം എല്ലാം അവസാനിക്കാൻ പോവാണെന്നു എനിക്ക് തോന്നി..

എന്റെ ഹൃദയമിടിപ്പിന് വേഗതയേറി തുടങ്ങി ..

ശ്രീലക്ഷ്മി 11

"മോളെ നിന്നോട് ആണ് ചോദിച്ചത് താലി എന്തിയെ എന്ന്..??

"അത് അമ്മേ മാലയുടെ കൊളുത്തു വിട്ടു പോയപ്പോൾ ഞാനാണ് പറഞ്ഞത് താലി ഊരി വെച്ചോളാൻ എന്ന് എന്റെ നിസ്സഹായ അവസ്ഥ കണ്ടാവണം  ശിവേട്ടൻ കേറി പറഞ്ഞു..

"കൊളുത്തു പോയാൽ അത് കടയിൽ കൊടുത്തു ശെരിയാക്കി കൂടെ..

കല്യാണം കഴിഞ്ഞു പെൺകുട്ടികൾ ഇങ്ങനെ  താലിമാല ഇല്ലാതെ നടക്കുന്നത് ശെരിയല്ല..

"ഓ എന്റമ്മേ അതൊക്കെ വെറും പഴഞ്ചൻ ചിന്താഗതി അല്ലേ.. താലി ഇട്ടില്ലെന്നു വെച്ചിപ്പോൾ എന്താ കുഴപ്പം..??

"ഏട്ടന്റെ ആ ചോദ്യം കേട്ടതും അമ്മയുടെ മുഖമാകെ ദേഷ്യം കൊണ്ടു ചുവന്നു..

അമ്മയുടെ ഭാവമാറ്റം കണ്ടു ഞാനും ഒന്ന് ഭയന്നു....

വന്നനാൾ തൊട്ട് ഇന്നേവരെ അമ്മയുടെ മുഖത്തു ഇങ്ങനെ ദേഷ്യം നിറയുന്നത് ഞാൻ കണ്ടിട്ടുണ്ടാ യിരുന്നില്ല 

"ഡാ ഈ താലി എന്നാൽ നിനക്കൊക്കെ കുട്ടിക്കളി ആണോ അതിന്റെ മഹത്വം എന്താണെന്ന് നിനക്കറിയുമോ..??എന്നും ചോദിച്ചു കൊണ്ട് അമ്മ ഏട്ടന്റെ നേരെ ദേഷ്യപ്പെട്ടു..

"താലി വെറും ആഭരണം മാത്രമല്ല വിവാഹിതയായ ഒരു പെണ്ണിന്റെ പ്രതീക്ഷകളുടെയും സ്നേഹത്തി ന്റെയും വിജയകരമായ ദാമ്പത്യത്തിന്റെയും പ്രതീകം കൂടിയാണ് താലി..

ആ താലി അവളുടെ ശരീരത്തിന്റെ ഭാഗം കൂടിയായി മാറും..

അതിനെയാണ് നീ പുച്ഛിച്ചത്..

ചുമ്മാതല്ല ഈ അപകടം ഉണ്ടായത് എന്നമ്മ പറയുബോൾ ഞാൻ നിന്ന് ഉരുകുക ആയിരുന്നു..

എന്നെ രക്ഷിക്കാൻ വേണ്ടിയാണ് ഏട്ടൻ ഇങ്ങനൊക്കെ പറഞ്ഞത് എന്നെനിക്ക് മനസ്സിലായി..

"അതേ മോളെ അവന് വിവരം ഇല്ലെന്ന് വിചാരിക്കാം പക്ഷേ നിനക്കെങ്കിലും ഈ കാര്യത്തിൽ വിവരം ഉണ്ടാവും എന്നാണ് ഞാൻ കരുതിയത്..

"അതുപിന്നെ അമ്മേ ഞാൻ..

"ഹാ സാരമില്ല നാളെ തന്നെ പോയി നമുക്ക് അത് ശെരിയാക്കാം എന്നും പറഞ്ഞു അമ്മ അകത്തേക്ക് പോയപ്പോൾ ആണ് എന്റെ ശ്വാസം നേരെ വീണത്..

ഞാൻ നേരെ ഏട്ടന്റെ അടുത്തേക്ക് ചെന്നു നിന്നു..

"അതേ ഏട്ടാ താങ്ക്സ്....

"താങ്ക്സോ എന്തിന്..??

"അല്ല ഞാൻ താലി പൊട്ടിച്ച കാര്യം അമ്മയോട് പറയാത്തതിന്..??

"ഓ അതോ.. അത് നിന്നോടുള്ള സ്നേഹം കൊണ്ടൊന്നുമല്ല....

നിന്നെ അമ്മക്ക് ഒരുപാട് ഇഷ്ടമാണ് അതുകൊണ്ട് തന്നെ നീ ഇങ്ങനൊക്കെ ചെയ്‌തെന്ന് അറിഞ്ഞാൽ പിന്നെ അമ്മയുടെ മനസ്സ് വല്ലാതെ വേദനിക്കും അതുകൊണ്ടാണ് ഞാൻ കള്ളം പറഞ്ഞത്.. അല്ലാതെ മറ്റൊന്നും ഇല്ല..

"ഓ ആയിക്കോട്ടെ മാഷേ.. എന്തായാലും ഒരു താങ്ക്സ് പറഞ്ഞു പോയില്ലേ ഇനി അത് അവിടെ കിടന്നോട്ടെ എന്നും പറഞ്ഞു ഞാൻ ചിരിച്ചു..

ദിവസങ്ങൾ കഴിയും തോറും ഞാൻ ഏട്ടനോട് കൂടുതൽ അടുത്തു കൊണ്ടിരുന്നു..

കാലു വയ്യാതെ ഇരുന്നത് കൊണ്ടാവും ദേഷ്യം ഉണ്ടായിട്ടും ഒരു കൊച്ച് കുട്ടിയെ പോലെ ഞാൻ പറയുന്നത് എല്ലാം ഏട്ടൻ അനുസരിച്ചു കൊണ്ടിരുന്നു..

അതുകണ്ടു  എനിക്ക് തന്നെ പലപ്പോഴും ചിരി വന്നു പോയിട്ടുണ്ട്..

--------------------------------------------------------

ദിവസങ്ങൾ ഇലകൾ പോലെ കൊഴിഞ്ഞു പോയി കൊണ്ടിരുന്നു..

ഏട്ടന്റെ കാലിലെ പ്ലാസ്റ്റർ ഒക്കെ മാറ്റി..

അതിനിടയിൽ ആണ് ഇവിടെ നിന്നും കുറച്ചു മാറിയുള്ള നാഗക്കാവിൽ ഞങ്ങൾ രണ്ടു പേരും പോയി തൊഴണം എന്നമ്മ വാശിപിടിച്ചത്..

പ്രണയ സാഫല്യത്തിനും 

നല്ലൊരു ദാമ്പത്യ ജീവിതത്തിനുമായി  നിരവധി പേരാണത്ര അവിടെ ദിവസവും  വന്നു പോവുന്നത്..

ഇപ്പോൾ ആണെങ്കിൽ അവിടെ ഉത്സവവും കൊടിയേറി കഴിഞ്ഞു..

നാഗദേവത നാഗമ്മയായി വാഴുന്ന ആ കാവിൽ ഭാര്യയും ഭർത്താവും ഒരുമിച്ചു വിളക്ക് വെച്ചു പ്രാത്ഥിച്ചാൽ അവരുടെ ജീവിതത്തിൽ  എന്ത്‌ ദോഷം ഉണ്ടെങ്കിലും അതൊക്കെ മാറി നല്ലൊരു ദാമ്പത്യ ജീവിതം അവർക്ക് കിട്ടുമെന്നാണ് വിശ്വാസം..

അതുകൊണ്ട് തന്നെ ഞങ്ങൾക്ക് ഇടയിൽ എന്തൊക്കെയോ ദോഷങ്ങൾ ഉള്ളത് കൊണ്ടാണ് ഓരോ പ്രശ്നങ്ങൾ ഉണ്ടാവുന്നത് എന്നും  അതൊക്കെ  മാറാൻ അവിടെ പോയി വിളക്ക് ഒരുമിച്ചു വിളക്ക് കത്തിച്ചു പൊട്ടിയ താലി അവിടെ വെച്ച് കെട്ടാനും  പറഞ്ഞു അമ്മ ഞങ്ങളെ നിർബന്ധിച്ചു ആ കാവിലേക്ക് അയച്ചു..

സന്ധ്യയോടെ ആണ് ഞങ്ങൾ കാവിന് അടുത്ത് എത്തിയത്..

കണ്ണെത്താ ദൂരം നീണ്ടു കിടക്കുന്നു വയലുകൾക്ക് നടുവിലൂടെ ഉള്ള മൺപാതയിലൂടെ ബൈക്കിൽ യാത്ര ചെയ്യുമ്പോൾ വയലുകളിൽ പാറി പറന്നു നടക്കുന്ന മിന്നാ മിനുങ്ങുകൾ സന്ധ്യയുടെ മാറ്റു കൂട്ടി..

ദീപാലങ്കരത്താൽ പ്രഭ ചൊരിഞ്ഞു നിൽക്കുന്ന കാവ് ആദ്യ കാഴ്ച്ചയിൽ തന്നെ എന്റെ മനസ്സിൽ പതിഞ്ഞു....

നിരവധി ആളുകൾ വന്നു പോവുന്നു..

നാഗമ്മയെ കൺകുളിർക്കേ കണ്ടു സങ്കടങ്ങൾ ഇറക്കിയെന്ന ആശ്വാസം പലരുടെയും മുഖത്തു കാണാം..

കാവിന്റെ ഭംഗി ആസ്വദിച്ചു കൊണ്ട്  നടന്നു ഞങ്ങൾ കാവിനുള്ളിലേക്ക് കയറി..

കാവിനുള്ളിൽ ദീപങ്ങൾക്ക് പിന്നിലായി മഞ്ഞൾ അഭിഷേകത്തിൽ മുങ്ങി കുളിച്ചു നിൽക്കുന്നു നാഗവിഗ്രഹങ്ങൾക്ക് നടുവിലായി നാഗമ്മയുടെ വിഗ്രഹം ഭക്തർക്ക് അനുഗ്രഹം ചൊരിഞ്ഞു നിൽക്കുന്നു..

ഞാനും ഏട്ടനും അതിന് മുന്നിലായി കൈ തൊഴുതു നിന്നു കണ്ണടച്ച് പ്രാത്ഥിച്ചു..

"എന്റെ നാഗമ്മേ കല്യാണം കഴിഞ്ഞ നാൾ മുതൽ ഏട്ടന്റെ മനസ്സ് ഞാൻ വേദനിപ്പിച്ചിട്ടേ ഒള്ളൂ..

 അതുകൊണ്ട് ഇനിയുള്ള കാലം ആ മനസ്സ് ആഗ്രഹിക്കുന്ന പോലെ സ്നേഹം കൊടുത്തു ജീവിക്കാൻ എന്നെ അനുഗ്രഹിക്കണേ എന്ന് മനസ്സുരുകി ഞാൻ പ്രാത്ഥിച്ചു കൊണ്ടിരി ക്കുമ്പോൾ

"ശിവേട്ടാ.." എന്നാരോ വിളിക്കുന്നത് കേട്ടു..

 കണ്ണ് തുറന്നു ഞാൻ  നോക്കുമ്പോൾ ഞങ്ങളുടെ അടുത്തേക്ക് നീല സാരി ഉടുത്തു ചുണ്ടിൽ ചെറു പുഞ്ചിരിയുമായി ഒരു പെൺകുട്ടി നടന്നു  വരുന്നത് കണ്ടു..

അവളെ കണ്ടതും ഏട്ടന്റെ മുഖത്തൊരു പുഞ്ചിരി വിടർന്നു..

"ഹായ് ശിവേട്ടാ..

"ഹാ ഡി നീ വന്നോ..

"മ്മ്മം വരുന്ന വഴിയാണ് ഞാൻ താമസിച്ചില്ലല്ലോ അല്ലേ..??

"ഹേ ഇല്ല..

"ഇതാണോ ഏട്ടാ ശ്രീലക്ഷ്മി..??

"അതേ ഇത് തന്നെയാണ് ആൾ....

"ഹായ് ലക്ഷ്മി എന്നെ മനസ്സിലായി കാണില്ല അല്ലേ..

എന്റെ പേര് വേണി കോളേജിൽ ശിവേട്ടന്റെ  ജൂനിയർ ആയിരുന്നു..

ഞങ്ങളുടെ ഒക്കെ ആരാധന കഥാപാത്രം ആയിരുന്നു ഏട്ടൻ..

അതുകേട്ടു

"ഒന്ന് പോയേടി അവിടുന്നു.. എന്നും പറഞ്ഞു ഏട്ടൻ ചിരിച്ചു..

ആ പെണ്ണിന്റെ സംസാരം എനിക്കെന്തോ അത്ര പിടിച്ചില്ല..

"ഏട്ടാ വിളക്ക് വെച്ചിട്ട് നമുക്ക് പോവാം അമ്മ ഒറ്റക്കല്ലേ ഒള്ളൂ എന്ന് ഞാൻ അവരുടെ സംസാരത്തിന് ഇടക്ക്  കേറി പറഞ്ഞു..

അത് കേട്ടതും ഏട്ടനെന്നെ രൂക്ഷഭാവത്തിൽ ഒന്ന് നോക്കി പിന്നീട് ഞാൻ നോക്കി നിൽക്കെ അവളുടെ കൈയും പിടിച്ചു പോയി അവർ ഒരുമിച്ചു വിളക്ക് വെച്ചു..

ആ നിമിഷം അവരുടെ മുഖത്ത് നിറഞ്ഞു നിന്ന സന്തോഷത്തിന് ഒരായിരം അർത്ഥങ്ങൾ ഉണ്ടെന്ന് എനിക്ക് തോന്നി..

സങ്കടമാണോ ദേഷ്യമാണോ എന്നറിയാത്തൊരു വികാരം എന്നിൽ നിറഞ്ഞെങ്കിലും ഞാൻ അവിടെ വെച്ചു ഏട്ടനോടു ഒന്നും മിണ്ടിയില്ല..

എന്റെ കൈയിൽ ഇരുന്നിരുന്ന താലിയിൽ ഞാൻ മുറുകെ പിടിച്ചു..

വിളക്ക് വെച്ച ശേഷം ചിരിയോടെ അവർ എന്റെ അരികിലേക്ക് വന്നു..

 അവരെ ഞാൻ ദേഷ്യത്തോടെ  നോക്കിയതും അവർ എന്നെ നോക്കി പുഞ്ചിരിച്ചു..

"ശെരിയേട്ടാ ഇനി നിന്നാൽ ശെരിയാവില്ല  നാളെ കാണാം എന്നും പറഞ്ഞവൾ യാത്ര പറഞ്ഞു പോയി..

പിന്നാലെ ഞങ്ങളും കാവിൽ നിന്നും ഇറങ്ങി..

അവളെ കുറിച്ച് എനിക്ക് ഏട്ടനോട് ചോദിക്കണം എന്നുണ്ടായിരുന്നു എങ്കിലും ഞാൻ അവിടെ വെച്ച് ഒന്നും മിണ്ടിയില്ല..

തിരികെ ബൈക്കിൽ യാത്ര ചെയ്യുമ്പോൾ മൗനം ഞങ്ങൾക്ക് ഇടയിൽ കൂടു കൂട്ടിയിരുന്നു..

ഒന്നും മിണ്ടാതെ മനസ്സിൽ ഒരായിരം ചോദ്യങ്ങളുമായി പിന്നിൽ ഞാനിരുന്നു..

തറവാട്ടിൽ എത്തിയതും അമ്മ അടുത്തേക്ക് വന്നു..

"മോളെ കാവിൽ പോയിട്ട് വിളക്ക് വെച്ചോ..?

അതുകേട്ടു എനിക്ക് ദേഷ്യം വന്നു ഞാൻ ഏട്ടന്റെ മുഖത്തേക്ക് നോക്കി....

ഒന്നുമറിയാത്ത ഭാവത്തിൽ ഏട്ടൻ നിൽക്കുകയാണ്..

"എന്താ മോളെ എന്തുപറ്റി..??

"വിളക്ക് വെച്ചോ എന്ന് അമ്മയുടെ മോനോട് തന്നെ ചോദിക്ക്....

ഏതോ ഒരുത്തിയുമായി കൊഞ്ചി കുഴഞ്ഞു അവർ ഒരുമിച്ച് ആണ് വിളക്ക് വെച്ചത്..

"ഏതോ ഒരുത്തിയോ അതാരാടാ..??

"അത് പിന്നെ അമ്മേ  അവൾ വേറാരും അല്ല ഞാൻ കെട്ടാൻ പോവുന്ന പെണ്ണാണ്..

അതുകേട്ടപാടെ ഞാനും അമ്മയും ഒരു നിമിഷം ഷോക്കടിച്ച പോലെ നിന്നു പോയി..

"നീ എന്താടാ ഈ പറയുന്നത്.. വെറുതെ തമാശ പറയല്ലേ ശിവ..

"തമാശയല്ല അമ്മേ ഞാൻ അവളെ കല്യാണം കഴിക്കാൻ തീരുമാനിച്ചു..

"നീ എന്തൊക്കെയാടാ ഈ പറയുന്നത്..??

നീ താലി കെട്ടിയ പെണ്ണൊരുത്തി ഇവിടെ നിൽക്കുന്നത് കണ്ടില്ലേ..

"ഹും താലി കെട്ടിയ പെണ്ണ്..

എന്നിട്ട് ഞാൻ കെട്ടിയ താലി ഇപ്പോൾ അവളുടെ കഴുത്തിൽ ഉണ്ടോ എന്ന് അമ്മ നോക്ക്..

അമ്മക്ക് അറിയുമോ അതിന്റെ കൊളുത്തും കോപ്പും പോയതല്ല താലി അവൾ പൊട്ടിച്ചെറിഞ്ഞത് ആണ്..

അതുകേട്ടു അമ്മയൊരു ഞെട്ടലോടെ എന്നെ നോക്കി..

"ഞാൻ കേട്ടത് ശെരിയാണോ മോളെ..?? എന്നമ്മ ചോദിച്ചതും 

 ഉത്തരം പറയാനാവാതെ ഞാൻ തലകുനിച്ചു നിന്നു..

"അവൾ പറയില്ല അമ്മേ..

അമ്മക്ക് അറിയുമോ ഇത്രയും കാലം ഞാൻ എല്ലാം സഹിക്കുവായിരുന്നു..

എനിക്ക് ഒരുപാട് ഇഷ്ടമായിരുന്നു ഇവളെ  നല്ലൊരു ജീവിതം ഞാൻ ഇവൾക്കൊപ്പം സ്വപ്നം കണ്ടിരുന്നു..

പക്ഷേ താലി കെട്ടിയ അന്ന് മുതൽ ഇവളെന്റെ മനസ്സ് വേദനിപ്പിച്ചിട്ടേ ഒള്ളൂ.....

ഒടുക്കം ഞാൻ കെട്ടിയ താലി പോലും അവൾ പൊട്ടിച്ചെറിഞ്ഞു ..

ഇതൊക്കെ ഇനിയും ഞാൻ സഹിക്കണോ..

അമ്മ വിചാരിക്കും പോലെ അല്ല അവളുടെ മനസ്സിൽ ഞാനില്ല അമ്മേ..

അവൾക്കൊരിക്കലും എന്നെ സ്നേഹിക്കാനും  കഴിയില്ല..

കാരണം അവളുടെ ഉള്ളിൽ ഇപ്പോഴും ഹരിയാണ്..

അവൾ സ്നേഹിച്ച അവളുടെ മുറച്ചെറുക്കൻ..

അതുകൊണ്ടാണ്  എനിക്ക് ഇങ്ങനെ ഒരു തീരുമാനം എടുക്കേണ്ടി വന്നത്....

ഇവളോടുള്ള സ്നേഹം മൂത്തു ഭ്രാന്ത് പിടിച്ചു നടന്നത് കൊണ്ടാവും വേണിയുടെ സ്നേഹം ഞാൻ അറിയാതെ പോയി..

ഇനി അവളെ  വേദനിപ്പിക്കാനോ ആ സ്നേഹം കണ്ടില്ലെന്ന് നടിക്കാനോ എനിക്കാവില്ല..

 അതുകൊണ്ട് അവളെ വിവാഹം കഴിക്കാൻ ഞാൻ തീരുമാനിച്ചു കഴിഞ്ഞു  എന്ന് ഏട്ടൻ പറഞ്ഞു നിർത്തുമ്പോഴേക്കും  എന്റെ കണ്ണുകൾ നിറഞ്ഞൊഴുകുക ആയിരുന്നു.....

"മോനെ ശിവ നീ എന്തൊക്കെയാണ് ഈ പറയുന്നത്..

എടുത്തുചാട്ടം നല്ലതല്ല

ഇവളുടെ ഭാഗത്ത്‌ തെറ്റുകൾ ഉണ്ടായിട്ടുണ്ടാവും അതൊക്കെ തിരുത്താൻ അവൾക്ക് നീ ഒരവസരം കൊടുത്തൂടെ..

മനസ്സ് തുറന്നു സംസാരിച്ചാൽ തീരാവുന്ന പ്രശ്നങ്ങളെ നിങ്ങൾക്ക് ഇടയിൽ ഉള്ളൂ എന്നാണ് എനിക്ക് തോന്നുന്നത്..

പിന്നെ അവളിപ്പോഴും നിന്റെ ഭാര്യ തന്നെ യാണെന്നുള്ള കാര്യം നീ മറക്കരുത്.....

"ഭാര്യ പോലും.. എന്റെ താലി കഴുത്തിൽ കിടന്നിട്ടും മറ്റൊരുത്തനെ മനസ്സിൽ കൊണ്ടു നടക്കുന്ന ഇവളെ ഞാൻ എങ്ങനെ ഇനി സ്നേഹിക്കും....

ഇവൾക്ക് ഒരിക്കലും ഞാൻ ചേരില്ല..

ഇവൾ അവന്റെ  കൂടെ തന്നെ ജീവിക്കട്ടെ..

"മതി നിർത്ത് ശിവേട്ടാ എന്നും പറഞ്ഞു ഞാൻ ദേഷ്യപ്പെട്ടു..

"നിങ്ങൾ പറഞ്ഞത് ശെരിയാണ് നിങ്ങൾക്ക് ഞാൻ ചേരില്ല..

 നാളെ തന്നെ ഞാൻ ഇവിടുന്ന്  പൊക്കോളാം പോരെ..

"മോളെ നീ എന്തൊക്കെയാണ് ഈ പറയുന്നത്..

അവനെന്തോ ദേഷ്യത്തിൽ എന്തൊക്കെയോ വിളിച്ചു പറഞ്ഞു എന്ന് കരുതി നീയും കൂടി ഇങ്ങനെ തുടങ്ങല്ലേ എന്നും പറഞ്ഞു അമ്മ കരഞ്ഞു തുടങ്ങി..

"ഏട്ടൻ പറയുന്നത് ആണമ്മേ ശെരി.. ഞാൻ ഏട്ടനെ ഒരുപാട് വേദനിപ്പിച്ചിട്ടുണ്ട്..

ഏട്ടനെ സ്നേഹിക്കാൻ എനിക്ക് ആവില്ല..

ഞാൻ ഇവിടുന്ന് പോവുന്നത് തന്നെയാണ് നല്ലത് എന്നും പറഞ്ഞു കരഞ്ഞു കൊണ്ട് ഞാൻ അകത്തേക്കു ഓടി പോയി..

പിന്നാലെ അമ്മയും വന്നു..

ഓരോന്ന് പറഞ്ഞെന്നെ സമാധാനിപ്പിക്കാൻ അമ്മ ശ്രമിച്ചു കൊണ്ടിരുന്നു എങ്കിലും എന്റെ മനസ്സ് ശാന്തമായില്ല.....

ആ രാത്രി ഞങ്ങൾക്ക്  എല്ലാം കണ്ണീരിൽ കുതിർന്ന ഉറക്കമില്ലാ രാവായി തീർന്നു..

---------------------------------------------------------

പുലർച്ചയോടെ ഞാൻ ബാഗ് പാക്ക് ചെയ്തു എന്റെ തറവാട്ടിലേക്ക്  പോവാനായി ഇറങ്ങി..

എല്ലാം കണ്ടു ഒന്നും മിണ്ടാതെ ഉമ്മറത്തെ ചാരു കസേരയിൽ ഏട്ടൻ കിടപ്പുണ്ടായിരുന്നു..

കരഞ്ഞു കലങ്ങിയ കണ്ണുകളുമായി നീ  പോവരുത് എന്ന് പറഞ്ഞു കൊണ്ട് അമ്മ എന്റെ പിന്നാലെ വന്നു..

ഒന്നും മിണ്ടാതെ അമ്മയെ കെട്ടിപിടിച്ചു കരഞ്ഞു കൊണ്ടു ഞാനാ തറവാടിന്റെ പടികൾ ഇറങ്ങി നടന്നു..

ഒരു പിൻവിളിക്കായി ഞാൻ കാതോർ ത്തെങ്കിലും അതുണ്ടായില്ല..

നിരാശയും സങ്കടവും നെഞ്ചിൽ നിറച്ചു കൊണ്ടു കരഞ്ഞു കലങ്ങിയ കണ്ണുകളുമായി ഞാൻ എന്റെ തറവാട്ടിൽ ചെന്നു കേറി..

"എന്തുപറ്റി എന്ന് ചോദിച്ചു കൊണ്ടു അച്ഛനും അമ്മയും ശ്രീക്കുട്ടിയും എന്റെ അടുത്തേക്ക്  വന്നെങ്കിലും ഒന്നും മിണ്ടാതെ ഞാൻ മുറിയിൽ കയറി വാതിൽ അടച്ചു ഒരു പൊട്ടിക്കരച്ചിലോടെ കട്ടിലിലേക്ക് കിടന്നു..

"എന്തിനാണ് ഭഗവതി നീ എന്നെ ഇങ്ങനെ പരീക്ഷിക്കുന്നത്..

ഏട്ടനെ ഞാൻ സ്നേഹിച്ചു തുടങ്ങിയ പ്പോഴേക്കും തന്നെ   നീ എന്നിൽ നിന്നും ഏട്ടനെ പിരിച്ചില്ലേ..

എന്നെ ഇത്രമാത്രം  വേദനിപ്പിക്കാൻ  എന്ത് തെറ്റാണ് ഞാൻ നിന്നോട് ചെയ്തത് എന്നും പറഞ്ഞു ഞാൻ കരഞ്ഞു കൊണ്ടിരുന്നു..

അമ്മയും അച്ഛനും ശ്രീക്കുട്ടിയും കൂടി  കാര്യം അറിയാനായി വാതിലിൽ മുട്ടിക്കൊണ്ടിരുന്നു..

ഞാൻ കണ്ണുകൾ തുടച്ചു എഴുന്നേറ്റു പോയി വാതിൽ തുറന്നു..

"എന്താ നിങ്ങൾക്ക് വേണ്ടത് എനിക്ക് കുറച്ച് സമാധാനം വേണം ഒന്ന് പോയി തരുവോ എന്നും പറഞ്ഞു അവരുടെ നേരെ ഞാൻ ദേഷ്യപ്പെട്ടു..

അതുകേട്ടു ഒന്നും മിണ്ടാതെ അവർ അവിടെ നിന്നും പോയി..

അൽപ്പം കഴിഞ്ഞതും ശ്രീക്കുട്ടി എന്റെ അടുത്തേക്ക് വന്നു..

"ചേച്ചി എന്തുപറ്റിയെന്ന്  എന്നോട് എങ്കിലും പറ..

"ഒന്നൂല്ല നീ പൊക്കോ..

"ഇല്ല.. എനിക്ക് അറിയണം എന്തുപറ്റി എന്ന്..

ചേച്ചി ഇങ്ങനെ സങ്കടപ്പെട്ട് ഇരിക്കുന്നത് എനിക്ക് സഹിക്കില്ല എന്നും പറഞ്ഞു അവളെന്റെ തോളിലേക്ക് കൈവെച്ചു..

ആ നിമിഷം അവളുടെ തോളിലേക്ക് ചാഞ്ഞു കൊണ്ട് ഞാൻ പൊട്ടികരഞ്ഞു..

"എന്താ ചേച്ചി ഇത് കരയാതെ കാര്യം പറ..

ശിവേട്ടൻ വഴക്ക് വല്ലതും പറഞ്ഞോ..

"മോളെ കുഞ്ഞു.. ഈ ചേച്ചി ഒരു പാഴ്ജന്മം ആണ്..

ആരുടേയും സ്നേഹം കിട്ടാൻ യോഗമില്ലാത്തവൾ...

"എന്തൊക്കെയാണ് ചേച്ചി ഈ പറയുന്നത്..

കാര്യം എന്താണെന്ന് വെച്ചാൽ പറ..

എന്ത് പ്രശ്നം ആണെങ്കിലും നമുക്ക് പരിഹരിക്കാം എന്നവൾ പറഞ്ഞതോടെ ഞാൻ നടന്നതെല്ലാം അവളോട് തുറന്നു പറഞ്ഞു..

"ചേച്ചി പറഞ്ഞത് പോലെ ഒന്നും ആവില്ല ഏട്ടൻ അങ്ങനെ വേറേ കെട്ടാനൊന്നും പോവുന്നില്ല..

മിക്കവാറും ചേച്ചിയെ വെറുതെ കളിപ്പിച്ചതാവും..

"അല്ല മോളെ ഞാൻ അവളെ കണ്ടിരുന്നു എന്ന് ഞാൻ പറയുമ്പോൾ ഫോൺ ബെല്ലടിച്ചു..

ശ്രീക്കുട്ടി ഓടിപ്പോയി ഫോൺ എടുത്തു..

"ചേച്ചി ദേ ശിവേട്ടൻ വിളിക്കുന്നു എന്നവൾ പറഞ്ഞതും ചാടി എഴുന്നേറ്റ് ഞാൻ ഫോണിന് അടുത്തേക്ക് ഓടി ചെന്നു..

റീസീവർ ചെവിയോട് ചേർത്ത് ആ ശബ്ദത്തിനായി കാതോർത്തു..

"ഹലോ ശ്രീ.. നിന്നെ എനിക്ക് വേദനിപ്പിക്കേണ്ടി വന്നു എന്നോട് ക്ഷെമിക്കണം നീ..

ഇതല്ലാതെ എനിക്ക് വേറേ വഴിയില്ലായിരുന്നു..

നിനക്കൊരിക്കലും എന്നെ സ്നേഹിക്കാൻ ആവില്ല എന്ന് തിരിച്ചറിയാൻ ഞാൻ ഒരുപാട് വൈകി പോയി..

ഇനിയും നിന്നെ എന്റെ ജീവിതത്തിൽ പിടിച്ചു നിർത്തുന്നതിൽ അർത്ഥമില്ല എന്നെനിക്ക് തോന്നി..

അപ്പോൾ പിന്നെ നമ്മൾ  പിരിയുന്നത് തന്നെയാണ് നല്ലത്....

ഡിവോഴ്സിന്റെ കാര്യങ്ങൾ ഒക്കെ ഞാൻ അങ്കിളിനോട് സംസാരിച്ചിട്ടുണ്ട് എത്രയും പെട്ടെന്ന് എല്ലാം ശെരിയാക്കി തരാമെന്നാണ് അങ്കിൾ പറഞ്ഞത്..

ഇനി നീ ആഗ്രഹിച്ച ജീവിതം നിനക്ക് തിരികെ കിട്ടും നിന്റെ ഹരിയോടൊപ്പം എന്ന് പറയുബോൾ ഏട്ടന്റെ ശബ്ദം വല്ലാതെ പതറുന്നു ണ്ടായിരുന്നു..

പിന്നെ ശ്രീ നാളെ നാഗക്കാവിൽ വെച്ചു വേണിയുടെ കഴുത്തിൽ ഞാൻ താലി ചാർത്തും..

നല്ലൊരു മുഹൂർത്തം ഉണ്ടെന്നു ജ്യോൽസ്യനെ കൊണ്ട് നോക്കിച്ചു അവൾ വിളിച്ചു പറഞ്ഞിരുന്നു..

ഇനിയെന്തിനാണ് അത് വെച്ച് താമസിപ്പിക്കുന്നത്....

ആഗ്രഹിച്ച ജീവിതം കിട്ടാത പോയ എനിക്കിനി എന്ത്‌ നോക്കാൻ അല്ലേ എന്നും പറഞ്ഞു ഏട്ടൻ കോൾ കട്ട്‌ ചെയ്തു....

നെഞ്ച് പിളരുന്ന വേദനയോടെ എല്ലാം കേട്ടു ഞാൻ നിന്നു..

കോൾ കട്ട്‌ ആയതും  എന്റെ കൈയിൽ നിന്നും റീസീവർ വഴുതി താഴേക്ക്  വീണു..

കണ്ണുനീർ പുഴപോലെ കവിളിൽ കൂടി  ഒഴുകി തുടങ്ങി..

"എന്താ ചേച്ചി എന്തുപറ്റി..?? ഏട്ടൻ എന്ത് പറഞ്ഞു..

അവളുടെ ചോദ്യത്തിന് മറുപടി നൽകിയത് അപ്പോൾ  എന്റെ കണ്ണീരായിരുന്നു..

"ചേച്ചി കാര്യം പറ എന്നും പറഞ്ഞവൾ നിർബന്ധിച്ചു കൊണ്ടേ ഇരുന്നു..

അപ്പോഴേക്കും "ശ്രീ "എന്നുള്ളൊരു വിളി കേട്ടു ഞാൻ നോക്കുമ്പോൾ മുന്നിലായി ഹരിയേട്ടൻ നിൽക്കുന്നു.....

ശ്രീലക്ഷ്മി 12 (അവസാന ഭാഗം )

അപ്രതീക്ഷിതമായി ഹരിയേട്ടനെ കണ്ടു എനിക്ക് അത്ഭുതം തോന്നി..

"ഇയാളിപ്പോൾ എന്തിനാണ് ഇങ്ങോട്ട് കെട്ടി എടുത്തത് എന്നും പറഞ്ഞു ശ്രീക്കുട്ടി പിറു പിറുത്തു..

ഹരിയേട്ടന്റെ മുഖത്താകെ പരിഭ്രമം പടർന്നു പന്തലിച്ചു നിന്നിരുന്നു..

"ശ്രീ എനിക്ക് നിന്നോട് ഒന്ന് സംസാരിക്കണം..

"ഹരിയേട്ടാ ഏട്ടനിപ്പോൾ പൊക്കോ.. സംസാരിക്കാൻ പറ്റിയ മൂഡില്ലല്ല ചേച്ചി എന്ന്  ശ്രീക്കുട്ടി കേറി പറഞ്ഞു..

"ശ്രീക്കുട്ടി ഒരു അഞ്ചു മിനിറ്റ് മതി അവളോട്‌  സംസാരിച്ചിട്ട് ഞാൻ പൊക്കോളാം..

"ഹരിയേട്ടന് ഇപ്പോൾ എന്താ വേണ്ടത് എന്നും ചോദിച്ചു ഒരൽപ്പം ദേഷ്യത്തോടെ തന്നെ ഞാൻ ഏട്ടന്റെ അടുത്തേക്ക് ചെന്നു..

"ശ്രീ ഞാൻ പറയുന്നത് ക്ഷമയോടെ  കേൾക്കാനുള്ള മനസ്സ് നീ കാണിക്കണം..

"പണ്ടാരം അടങ്ങാൻ പറഞ്ഞു തൊലക്ക്..

അപ്പോഴേക്കും ഞങ്ങൾക്കിടയിൽ നിന്നും ശ്രീക്കുട്ടി മാറി തന്നു..

"ശ്രീ എനിക്ക് അറിയാം നിനക്കെന്നോട് ദേഷ്യം ആണെന്ന്..

നിന്നെ ഞാൻ കുറ്റം പറയില്ല കാരണം നിന്നോട് ഞാൻ ചെയ്തത് വലിയ ചതി തന്നെ ആയിരുന്നു..

ജാതകത്തിന്റെ പേരിൽ നിന്റെ സ്നേഹം ഞാൻ കണ്ടില്ലെന്ന് നടിച്ചു ഒടുവിൽ ജാതകം നോക്കി പൊരുത്തം ഉറപ്പിച്ചു  കെട്ടിയവൾ മറ്റൊരുത്തന്റെ കൂടെ പോയി..

നിന്നെ വേദനിപ്പിച്ചതിന് ദൈവം എനിക്ക് തന്ന  ശിക്ഷയാണത്..

നിന്റെ സ്നേഹത്തിന്റെ ആഴം ഞാൻ തിരിച്ചറിയാതെ പോയി ക്ഷെമിക്കടി.. തെറ്റ് പറ്റി പോയി..

ആ തെറ്റ് തിരുത്താൻ എനിക്ക് ഒരു അവസരം തന്നു കൂടെ..

"ഹരിയേട്ടൻ എന്താണ് പറഞ്ഞു വരുന്നത്.. എനിക്ക് മനസ്സിലായില്ല..

"അതുപിന്നെ കഴിഞ്ഞ ദിവസം നിന്റെ കൂട്ടുകാരി ഹേമയെ ഞാൻ കണ്ടിരുന്നു..

അവളാണ് എന്നോട് പറഞ്ഞത് നിന്റെ മനസ്സിൽ ഇപ്പോഴും ഞാൻ ആണെന്നും ശിവയുമായി നിനക്ക് ഒരുമിച്ച് ജീവിക്കാൻ ആവില്ലെന്നും നീ  അവളോട് പറഞ്ഞിരുന്നു എന്ന്....

അതുകേട്ടു ശെരിക്കും ഞാൻ തകർന്നു പോയി..

നിന്നെ അവിടെ വന്നു കണ്ടു എല്ലാം തുറന്നു പറഞ്ഞു മാപ്പ് പറഞ്ഞു എന്റെ ജീവിതത്തിലേക്ക് ക്ഷെണിക്കാൻ ഇരുന്നത് ആണ് അപ്പോഴേക്കും നീ ഇങ്ങോട്ട് വന്നെന്ന് അറിഞ്ഞു..

അതു കൊണ്ട് ഇത് തുറന്നു പറയാൻ ആണ് ഞാൻ വന്നത്..

നിനക്കെന്നോട് ക്ഷമിക്കാൻ കഴിയില്ലേ ശ്രീ..??

"ഡോ മനുഷ്യാ താൻ എന്നെക്കുറിച്ച് എന്താണ് വിചാരിച്ചു വെച്ചേക്കുന്നത്....

താൻ അങ്ങ് വന്നു മാപ്പ് പറഞ്ഞ ഉടൻ തന്റെ പിന്നാലെ വാലും ചുരുട്ടി വരുമെന്നോ..??

തനിക്ക് നാണമുണ്ടോടോ.. അന്ന് ഞാൻ തന്റെ മുന്നിൽ പട്ടിയെ പോലെ നിന്ന് കരഞ്ഞു പറഞ്ഞതാണ് എന്നെ ഉപേക്ഷിക്കരുത് എന്നും പറഞ്ഞു എന്നിട്ട് താൻ കേട്ടോ ഇല്ലല്ലോ എന്നിട്ടിപ്പോൾ വന്നിരിക്കുന്നു ക്ഷെമ പറഞ്ഞു കൂടെ കൂട്ടാൻ.. കഷ്ടം

പിന്നെ ഒരുത്തന്റെ താലി കഴുത്തിൽ ഇട്ടു മറ്റൊരുത്തന്റെ കൂടെ പോവുന്ന സ്വഭാവം തന്റെ ഭാര്യ ആയിരുന്നവളെ പോലെ എനിക്കില്ല..

ഞാൻ ഇപ്പോഴും ശിവേട്ടന്റെ ഭാര്യ തന്നെ ആണ്....

ആ സ്നേഹം തിരിച്ചറിഞ്ഞ നിമിഷം മുതൽ എന്റെ മനസ്സിലിപ്പോൾ ശിവേട്ടനെ ഉള്ളൂ..

പിന്നെ ഹേമയോട് ഞാൻ പറഞ്ഞിരുന്നു എന്ന് പറഞ്ഞത് എന്റെ  ഏട്ടന്റെ സ്നേഹം തിരിച്ചറി യുന്നതിന് മുൻപ് ആയിരുന്നു....

അതും കേട്ട് കുറ്റിയും പറിച്ചു ഒരു നാണവും ഇല്ലാതെ എന്റെ മുന്നിൽ ഇങ്ങനെ വന്നു നിൽക്കുന്ന തന്നോട് എനിക്കിപ്പോൾ തോന്നുന്നത് പുച്ഛം മാത്രം ആണ്..

ഇനി മേലിൽ ഇതും പറഞ്ഞു എന്റെ കണ്മുന്നിൽ പോലും കണ്ടു പോവരുത് ഇറങ്ങി പോടോ എന്നും പറഞ്ഞു കൊണ്ട് ഞാൻ ഹരിയേട്ടന്റെ നേരെ ദേഷ്യപ്പെട്ടു..

എന്നിൽ നിന്നും ഇങ്ങനെ ഒരു പ്രതികരണം  ഒരിക്കലും ഹരിയേട്ടൻ പ്രതീക്ഷിച്ചു കാണില്ല..

അതു കൊണ്ടാവും ആൾ അന്തം വിട്ട് എന്നെ നോക്കി നിന്നു..

"എന്താടോ നോക്കി നിൽക്കുന്നെ ഇനിയും  ഇവിടെ നിന്നാൽ ഹരിയേട്ടൻ എന്ന് വിളിച്ച നാവു കൊണ്ട് ഞാൻ വേറെ വല്ലതും ഒക്കെ വിളിച്ചു പോവും..

 അതുകൊണ്ട്  എത്രയും  വേഗം പോവാൻ നോക്ക്

ഒന്നാമത്  ഞാൻ ആകെ ആകെ സമനില തെറ്റി നിൽക്കുവാ  എന്ന് കൂടി ഞാൻ എന്ന് പറഞ്ഞതും

ഒന്നും മിണ്ടാതെ പ്രതീക്ഷകൾ എല്ലാം  വാടി കരിഞ്ഞ  മുഖഭാവത്തോടെ ഹരിയേട്ടൻ അവിടെ നിന്നും നടന്നകന്നു..

പെട്ടെന്ന് കലക്കി ചേച്ചി എന്നും പറഞ്ഞു കൈയടിച്ചു  കൊണ്ട് ശ്രീക്കുട്ടി എന്റെ അടുത്തേക്ക് വന്നു.....

"ചേച്ചി ഇപ്പോൾ ആണെന്റെ  കാന്താരി കുട്ടി ആയത്.. 

അയാൾക്ക് അത് തന്നെ വേണം.. ഒരു കരിയേട്ടൻ  എന്നും പറഞ്ഞവൾ ചിരിക്കുമ്പോൾ എന്റെ കണ്ണുകൾ നിറഞ്ഞൊഴുകുക ആയിരുന്നു....

"എന്താ ചേച്ചി എന്തുപറ്റി..??

"എനിക്ക് ശിവേട്ടനില്ലാതെ പറ്റില്ലെടി എന്നും പറഞ്ഞു ഞാൻ അവളെ കെട്ടിപിടിച്ചു പൊട്ടിക്കരഞ്ഞു..

"അയ്യേ എന്റെ ചേച്ചിപ്പെണ്ണ് എന്തിനാണ് കരയുന്നത്..

ഏട്ടൻ ചേച്ചിയുടെ തന്നെ ആണ്..

നമുക്ക് എല്ലാം സംസാരിച്ചു ശെരിയാക്കാം..

"ഇല്ല മോളെ എല്ലാം കൈവിട്ടു പോയി.. ആ സ്നേഹം മനസ്സിലാക്കാൻ ഞാൻ ഒരുപാട് വൈകി പോയി..

"ചേച്ചി എന്തൊക്കെയാണ് ഈ പറയുന്നത്.. ഒന്നും വൈകിയിട്ടില്ല..

ചേച്ചി ഇപ്പോളെങ്കിലും ഏട്ടനെ മനസ്സിലാക്കിയല്ലോ.....

ഇതറിയുമ്പോൾ ഏട്ടന് ഒരുപാട് സന്തോഷമാവും നോക്കിക്കോ..

"ഇല്ല മോളെ ഇനി ഇതൊക്കെ അറിഞ്ഞിട്ടും കാര്യമില്ല നാളെ ഏട്ടന്റെ കല്യാണമാണ്..

"ഏട്ടന്റെ കല്യാണമോ..?? ചേച്ചി എന്തൊക്കെയാണ് ഈ പറയുന്നത് എനിക്കൊന്നും മനസ്സിലാവുന്നില്ല  എന്നവൾ പറഞ്ഞതും കണ്ണീരിന്റെ നനവോടെ എല്ലാം ഞാൻ അവളോട് തുറന്നു പറഞ്ഞു .....

എല്ലാം കേട്ട് കഴിഞ്ഞതും ശ്രീക്കുട്ടിയുടെ മുഖംഭാവം ആകെ മാറി..

"ഇതങ്ങനെ വിട്ടു കൊടുക്കാൻ പറ്റില്ല ചേച്ചി.. നിയമ പ്രകാരം ചേച്ചി ഇപ്പോഴും ശിവേട്ടന്റെ  ഭാര്യയാണ്..

അങ്ങനെ ഉള്ളപ്പോൾ മറ്റൊരുത്തിയെ എങ്ങനെ കെട്ടും..??

വേണി ആയാലും കൊള്ളാം ഏണി ആയാലും കൊള്ളാം എന്റെ ചേച്ചിയുടെ മനസ്സ് വേദനിപ്പിച്ചാൽ അവളുടെ എല്ലു ഞാൻ ഊരും..

നമുക്ക് നാളെ തന്നെ അങ്ങോട്ട്‌ പോണം ചേച്ചി..

"വേണ്ട മോളെ എന്തിനാണ് വെറുതെ..

ഏട്ടന്റെ ഇഷ്ടം അതാണെങ്കിൽ അത് നടക്കട്ടെ..

"ഓ അപ്പോൾ ഏട്ടൻ മറ്റൊരു പെണ്ണിനെ കെട്ടി ജീവിക്കുന്നതും കണ്ടു ചേച്ചി സന്തോഷത്തോടെ ഇരിക്കുമോ ഇല്ലല്ലോ..??

വെറുതെ ത്യാഗി കളിച്ചു ജീവിതം കളയല്ലേ എനിക്കറിയാം ചേച്ചിയുടെ മനസ്സ്..

ഇപ്പോൾ ആ മനസ്സ് നിറയെ ശിവേട്ടനോടുള്ള സ്നേഹമാണ് അതൊന്ന് തുറന്നു പറഞ്ഞു കൂടെ..

ഒരുപക്ഷേ ചേച്ചിക്ക് ഇഷ്ടമല്ല എന്ന് കരുതിയാവും ഏട്ടൻ ഇങ്ങനൊക്കെ ചെയ്യുന്നത്..

ഇനിയെങ്കിലും ഞാൻ പറയുന്നത് കേൾക്ക് ചേച്ചി കൂടുതൽ ആലോചിക്കാൻ ഒന്നുമില്ല നാളെ രാവിലെ തന്നെ അച്ഛനെയും അമ്മയെയും കൂട്ടി  നമ്മൾ പോവുന്നു  എന്നും പറഞ്ഞവൾ അച്ഛന്റെയും അമ്മയുടെയും അടുത്തേക്ക് പോയി....

അവൾ പറയുന്നത് ശെരിയാണ് എന്നെനിക്കും തോന്നി..

എന്തായാലും ശെരി മനസ്സിലുള്ളത് ഏട്ടനോട് തുറന്നു പറയണം വേദമിപ്പിച്ചതിന്  ക്ഷെമ ചോദിക്കണം ബാക്കിയൊക്കെ ഏട്ടൻ തീരുമാനിക്കട്ടെ എന്നും ചിന്തിച്ചു ഞാൻ കിടന്നു..

ഉറക്കം വരാതെ തിരിഞ്ഞും മറിഞ്ഞും കിടന്നു ഞാൻ ഒരുവിധം നേരം വെളുപ്പിച്ചു....  

പിറ്റേന്ന് പുലർച്ചെ തന്നെ കുളിച്ചു റെഡിയായി ഞങ്ങൾ കാവിലേക്ക് യാത്ര തിരിച്ചു..

മനസ്സിലാകെ എന്തെന്നില്ലാത്ത ഭയം നിറഞ്ഞു....

നെഞ്ചിടിപ്പിന്റെ വേഗതയേറി കൊണ്ടിരുന്നു..

മുഹൂർത്തിന് മുൻപ് അങ്ങ് എത്തി ചെല്ലാൻ ആവുമോ ഈശ്വരാ എന്നതായിരുന്നു എന്റെ ചിന്ത..

ഒടുവിൽ പ്രതീക്ഷിച്ചതിനേക്കാൾ മുന്നേ ഞങ്ങൾ  അവിടെ എത്തി ചേർന്നു..

കാറിന്റെ ഡോർ തുറന്നു ഞാൻ കാവിലേക്ക് ഓടി ചെന്നു നോക്കുമ്പോൾ  റോസ് കളർ സാരി ഉടുത്തു തലയിൽ മുല്ലപ്പൂവും ചൂടി നാഗത്തറക്കു മുന്നിലായി വേണി നിൽക്കുന്നു..

അവൾക്ക് എതിരായി കൈയിൽ താലിയും പിടിച്ചു  ഏട്ടൻ നിൽക്കുന്നു..

ഏട്ടന്റെ അടുത്തായി അമ്മയും ഉണ്ട്.....

ഒരു ഞെട്ടലോടെ ആണ് ഞാനാ കാഴ്ച്ച കണ്ടത്....

ഒടുവിൽ അമ്മയും ഇതിന് കൂട്ടു നിന്നോ ഭഗവതി എന്ന്  മനസ്സിൽ പറഞ്ഞു കൊണ്ട് നിറ കണ്ണുകളോടെ ഞാൻ അവർ ക്കരുകിലേക്ക് ചെന്നു....

അപ്രതീക്ഷിതമായി എന്നെ കണ്ടത് പോലെ ഏട്ടൻ അത്ഭുതത്തോടെ എന്നെ നോക്കി..

അമ്മ നിറ കണ്ണുകളോടെ എന്നെ നോക്കി..

ഒരൽപ്പ സമയം ഞങ്ങൾക്ക് ഇടയിൽ നിശബ്ദത തളം കെട്ടി നിന്നു..

നിശബ്ദത ഭേദിച്ചു കൊണ്ട് ഞാൻ സംസാരിച്ചു തുടങ്ങി..

"ഏട്ടാ എനിക്ക് ഏട്ടനോട് കുറച്ചു സംസാരിക്കാൻ ഉണ്ട്..

"എനിക്കൊന്നും കേൾക്കണ്ട ശ്രീ..

"അങ്ങനെ പറഞ്ഞാൽ പറ്റില്ല ഏട്ടൻ ഇത് കേട്ടേ പറ്റൂ....

"മ്മം ശെരി സമയം പോവുന്നു വേഗം പറ.. മൂഹൂർത്തം ആവാറായി..

"ഏട്ടാ അതുപിന്നെ ഞാൻ ഏട്ടനെ ഒരുപാട് വേദനിപ്പിച്ചിട്ടുണ്ട്..

വെറുപ്പിച്ചിട്ടുണ്ട് പക്ഷേ അന്നൊന്നും ഏട്ടന്റെ സ്നേഹം ഞാൻ തിരിച്ചറിഞ്ഞി രുന്നില്ല പക്ഷേ ഇപ്പോൾ  ആ സ്നേഹത്തിന്റെ ആഴം ഞാൻ അറിയുന്നുണ്ട്....

"ശ്രീ നീ അറിഞ്ഞു വന്നപ്പോഴേക്കും ഒരുപാട് വൈകി പോയി....

"അങ്ങനെ പറയല്ലേ ഏട്ടാ.. എല്ലാത്തിനും ഏട്ടന്റെ കാലുപിടിച്ചു ഞാൻ മാപ്പ് പറയാം എന്നോട് ക്ഷമിച്ചൂടെ..

എനിക്ക് ഇനി ഏട്ടനില്ലാതെ ജീവിക്കാൻ പറ്റില്ല ഏട്ടാ.....

"ശ്രീ എനിക്കൊന്നും കേൾക്കണ്ട മൂഹൂർത്തം ആവാറായി എനിക്ക് താലി കെട്ടണം..

"പറ്റില്ല ഞാൻ സമ്മതിക്കില്ല..

"അതിന് എനിക്ക് നിന്റെ സമ്മതം വേണ്ട..

"വേണം എന്റെ സമ്മതം വേണം ഞാനിപ്പോഴും നിങ്ങളുടെ ഭാര്യയാണ്....

ഞാൻ ജീവനോടെ ഉള്ളപ്പോൾ മറ്റൊരു പെണ്ണിന്റെ കഴുത്തിൽ താലി കെട്ടാൻ നിങ്ങളെ ഞാൻ സമ്മതിക്കില്ല എന്നും പറഞ്ഞു കരഞ്ഞു കൊണ്ട് തന്നെ  ഏട്ടന്റെ ഷർട്ടിൽ കേറി ഞാൻ പിടിച്ചു ഉലച്ചു......

ആ നിമിഷം ഏട്ടൻ എന്റെ കഴുത്തിലേക്ക് താലി ചാർത്തി..

പെട്ടെന്ന് വേണി താഴെ ഇരുന്നിരുന്ന പൂക്കൾ എല്ലാം കൈയിൽ എടുത്തു കൊണ്ട്  ഞങ്ങളുടെ ദേഹത്തേക്ക് എറിഞ്ഞു......

ഒന്നും മനസ്സിലാവാതെ ഞാൻ ഏട്ടനെ നോക്കുമ്പോൾ ഏട്ടൻ നിന്ന് ചിരിക്കുവായിരുന്നു ....

ഞാൻ ചുറ്റും നോക്കി  എന്റെ അമ്മയും അച്ഛനും ശ്രീക്കുട്ടിയും ഏട്ടന്റെ അമ്മയും എല്ലാവരുടെയും  മുഖത്ത് ചിരി വിരിഞ്ഞു....

"ഡി പൊട്ടിക്കാളി നിനക്ക് തോന്നുന്നുണ്ടോ ഞാൻ മറ്റൊരു പെണ്ണിനെ കേട്ടുമെന്ന്..??

ഈ കാലമത്രയും നിന്നെ നെഞ്ചിൽ കൊണ്ടു നടന്നത് പാതി വഴിയിൽ ഇട്ടിട്ട് പോവാനല്ല മരണം വരെ കൂടെ കൂട്ടാൻ തന്നെ ആണ്..

പിന്നെ നീ എന്നെ ഒരുപാട് വേദനിപ്പിച്ചു അതിന് ചെറിയൊരു മധുരപ്രതികാരം ചെയ്യണം എന്ന് തോന്നി..

നിനക്കെന്നെ ഇഷ്ടം ആയി തുടങ്ങി എന്നെനിക്ക് അറിയാം പക്ഷേ അത് നീ ഒരിക്കലും തുറന്നു പറയില്ല അതുകൊണ്ട് ആണ് ഇങ്ങനെ ഒരു നാടകം കളിച്ചത് എന്നും പറഞ്ഞു ഏട്ടൻ ചിരിക്കുമ്പോൾ എനിക്ക് ദേഷ്യമാണ് വന്നത്..

"അതേ ചേച്ചി.. ഞങ്ങൾ ചേച്ചിയെ ഒന്ന്  ദേഷ്യം പിടിപ്പിക്കാൻ ആണ് അന്ന് ഒരുമിച്ചു വിളക്ക് വെച്ചത്..

അതും നിങ്ങൾ എന്നും ഒന്നായിരിക്കണേ എന്ന പ്രാത്ഥനയോടെ ആയിരുന്നു എന്ന് വേണി പറയുമ്പോൾ വിഡ്ഢിയായി പോയതിന്റെ ചെറിയൊരു ദേഷ്യം കൂടി  എന്നിൽ നിറഞ്ഞു..

"ഓഹോ അപ്പോൾ നിങ്ങൾ എന്നോട് പകരം വീട്ടുവായിരുന്നു അല്ലേ..??

"എന്റെ പൊന്നു ശ്രീ നീ ഇങ്ങനെ  നോക്കി പേടിപ്പിക്കല്ലേ..

നീ വിചാരിക്കും പോലെ ഇതൊന്നും എന്റെ ഐഡിയ അല്ല..

ഞാനും വേണിയും ഒക്കെ വെറും അഭിനേതാക്കൾ മാത്രം..

ഇതിന്റെ കഥ,തിരക്കഥ,സംഭാഷണം ഒക്കെ നിന്റെ പൊന്നനിയത്തി ശ്രീക്കുട്ടിയാണ്..

ഈ നിൽക്കുന്ന വേണി അവളുടെ കൂടെ കോളേജിൽ പഠിക്കുന്ന കുട്ടിയാണ്.. അവളുടെ കൂട്ടുകാരി..

അതുകേട്ടതും ഞാൻ ശ്രീക്കുട്ടിയെ തുറിച്ചൊന്നു നോക്കി..

എന്നെ നോക്കി അവളൊരു ഇളിഞ്ഞ ചിരി പാസ്സാക്കി..

"ശ്രീയേച്ചി....ചേച്ചിയെ കൊണ്ടു ഇഷ്ടം തുറന്നു പറയിക്കണമെന്നും   പറഞ്ഞു ഏട്ടൻ എന്റെ പിന്നാലെ വന്നപ്പോൾ പെട്ടെന്ന്  എന്റെ കുരുട്ടു ബുദ്ധിയിൽ തോന്നിയ ഒരു ഐഡിയ ഞാൻ പറഞ്ഞു കൊടുത്തു എന്നേ ഒള്ളൂ...... അല്ലാതെ ഒരു തെറ്റും ഞാൻ ചെയ്തിട്ടില്ല....

"മോളെ ഞങ്ങൾക്ക് ആർക്കും ഇതിൽ ഒരു പങ്കുമില്ല ഇവിടെ വന്നപ്പോൾ  ആണ് ഞങ്ങളും എല്ലാം അറിയുന്നത് .....

ഇതെല്ലാം ഇവർ  ഒപ്പിച്ച പണിയാണ് എന്നു പറഞ്ഞു കൊണ്ട് അച്ഛനും അമ്മയും ഏട്ടന്റെ അമ്മയും തടി തപ്പി.....

എന്റെ മുഖഭാവം കണ്ടപ്പോളെ സംഗതി പന്തി അല്ലെന്ന് അവർക്ക് മനസ്സിലായി..

"ഒന്ന് ക്ഷമിക്കെടോ.. തന്നെ വേദനിപ്പിച്ചതിന് സോറി എന്നും പറഞ്ഞു കൊണ്ട് ഏട്ടൻ എത്തമിട്ടപ്പോൾ അറിയാതെ എനിക്ക് ചിരി വന്നു പോയി..

"ഓ നീ ഒന്ന് ചിരിച്ചു കണ്ടല്ലോ വാ നമുക്കൊരുമിച്ച് വിളക്ക് കത്തിക്കാം എന്നും പറഞ്ഞു ഏട്ടൻ എന്റെ കൈയിലേക്ക് വിളക്ക് നീട്ടി തന്നു..

ഞാനാ വിളക്ക് വാങ്ങി ഞങ്ങൾ ഒരുമിച്ച് ആ നാഗത്തറയിൽ വിളക്ക് വെക്കുമ്പോൾ മനസ്സ് കൊണ്ട് നാഗമ്മയോട് ഒരായിരം നന്ദി ഞാൻ പറഞ്ഞു കൊണ്ടിരുന്നു....

"ഓ  അങ്ങനെ എന്തായാലും എന്റെ ഐഡിയ  കാരണം നിങ്ങളുടെ പ്രശ്നങ്ങൾ എല്ലാം സോൾവ് ആയില്ലേ എന്ന് ചോദിച്ചു കൊണ്ട്  ശ്രീക്കുട്ടി എന്റെ അടുത്തേക്ക് വന്നു....

"എന്റെ പൊന്നു ശ്രീ ഇവളൊറ്റ ഒരുത്തിയുടെ കുരുട്ടു ബുദ്ധി കാരണം ആണ് നിനക്ക് കരയേണ്ടി വന്നത്..

ഞാൻ അപ്പോഴേ പറഞ്ഞത് ആണ് ഇതൊന്നും വേണ്ട എന്ന്....

"ഡാ ദുഷ്ടാ..കാലു മാറി.. കാര്യം നടന്നു കഴിഞ്ഞപ്പോൾ എനിക്കിട്ട് പണിയുന്നോ എന്നും ചോദിച്ചു ശ്രീക്കുട്ടി ഏട്ടന്റെ അടുത്തേക്ക് ചെല്ലാൻ ഒരുങ്ങി..

പെട്ടെന്ന് 

"നിന്നെ ഇന്ന് ഞാൻ ശെരിയാക്കി തരാമെടി..

നിന്റെ ഒടുക്കത്തെ  ഒരു കുരുട്ടു ബുദ്ധി എന്നും പറഞ്ഞു ഞാൻ അവളുടെ ചെവിയിൽ പിച്ചാനായി കൈ നീട്ടിയതും 

"വേണി ജീവൻ വേണമെങ്കിൽ ഓടിക്കോടി..

 ഇനി ഇവിടെ നിന്നാൽ നമ്മുടെ കാര്യം പോക്കാണ് എന്നും പറഞ്ഞു കൊണ്ട്  എന്റെ കൈ തട്ടി മാറ്റി കൊണ്ട് അവൾ ഓടി.....

അതു കണ്ട് നിന്ന  എല്ലാവരുടെയും മുഖത്ത് ചിരി വിടർന്നു..

അപ്പോഴേക്കും വലതു കൈയാൽ അരക്കെട്ടിൽ ചുറ്റി പിടിച്ചു കൊണ്ട് ഏട്ടനെന്നെ ചേർത്ത് നിർത്തി..

നഷ്ടപ്പെട്ടെന്ന് കരുതിയ സ്നേഹം തിരികെ കിട്ടിയ സന്തോഷത്തിൽ കണ്ണീരിന്റെ ചെറിയൊരു  നനവോടെ ഞാനാ മാറിലേക്ക് മുഖം പൂഴ്ത്തി നിന്നു.....

ഞങ്ങൾക്ക് അനുഗ്രഹം ചൊരിഞ്ഞു കൊണ്ട്  ആവണം കാവിലെ ദീപങ്ങൾ കാറ്റിൽ അണയാതെ ജ്വലിച്ചു നിന്നു...

-----------------------ശുഭം -------------------------

ജാതകം പലരുടെയും ജീവിതത്തിൽ വില്ലൻ വേഷം അണിയാറുണ്ടെങ്കിലും ശ്രീലക്ഷ്മിയുടെ ജീവിതത്തിൽ നന്മയുടെ പരിവേഷം അണിഞ്ഞു..

സ്വാർത്ഥത നിറഞ്ഞ ഹരിയുടെ പ്രണയത്തെ തുറന്നു കാട്ടി ശിവയുടെ ആത്മാർത്ഥ പ്രണയം അവൾക്ക് മുന്നിൽ എത്താൻ ജാതകദോഷം  വഴിവെച്ചു..

രണ്ടാം വിവാഹമേ വാഴു എന്ന അവളുടെ ജാതകം പൂർത്തിയാവാനുള്ള വിധിയുടെ വിളയാട്ടം ആവാം ശ്രീയെ കൊണ്ട്  താലി പൊട്ടിക്കാൻ ഇടയാക്കിയത്....

ജാതകം തിരുത്തി കെട്ടിയിട്ടും വിധി പോലെ  വീണ്ടും അവളുടെ കഴുത്തിൽ താലി അണിയിക്കാൻ ശിവക്ക് ആയത്  ആത്മാർത്ഥ പ്രണയത്തിന് ദൈവം കൂട്ടു നിന്നത് കൊണ്ടാവാം..

ജാതക പൊരുത്തങ്ങളേക്കാൾ വിവാഹത്തിന് ആവശ്യം മനപ്പൊരുത്തം ആണെന്ന് ഞാൻ വിശ്വസിക്കുന്നു....

യഥാർത്ഥ ജീവിതത്തിൽ ജാതകത്തിനും  

ജാതക ദോഷങ്ങൾക്കും കൊടുക്കുന്ന പരിഗണന വിശ്വാസമോ അന്ധവിശ്വാസമോ എന്ന് നിങ്ങൾക്ക് തീരുമാനിക്കാം....

  ആത്മാർത്ഥമായി പ്രണയിക്കുന്ന വരുടെ പ്രണയങ്ങൾ പൂവണിയാൻ ഈശ്വരൻ അനുഗ്രഹിക്കട്ടെ എന്ന പ്രാത്ഥനയോടെ....

DOWNLOAD PDF STORY CLICK HERE

📝ശിവ