🍁രണ്ടാംതാലി🍁ഫുൾ പാർട്ട്🍁

🍁രണ്ടാംതാലി🍁ഫുൾ പാർട്ട്🍁

""ഇന്നലത്തെ ഒരു രാത്രിയുടെ ആയുസ്സേ നിന്റെ കഴുത്തിൽ കിടക്കുന്ന ഈ താലിക്ക് ഒള്ളൂ..

ഇനി ഇതിന്റെ പേരും പറഞ്ഞു എന്റെ പിന്നാലെ കൂടരുത് എന്നും പറഞ്ഞവൻ അവളുടെ കഴുത്തിലെ താലി ചരട് വലിച്ചു പൊട്ടിക്കുമ്പോൾ ഒന്നും മനസ്സിലാവാതെ അവൾ ഞെട്ടി തരിച്ചു നിന്നു....

"" എന്താടി പെണ്ണേ അന്തം വിട്ട് നിൽക്കുന്നത്.. നിനക്ക് ഒന്നും മനസ്സിലായില്ല അല്ലേ..

അവനത് പറയുമ്പോളേക്കും അവളുടെ മിഴികൾ ഈറനണിഞ്ഞു തുടങ്ങിയിരുന്നു....

"""ഡി പെണ്ണേ കാലം കുറച്ചായി നീ എന്ന മോഹം എന്റെ ഉള്ളിൽ കേറിയിട്ട്..

ഒന്ന് രണ്ടു വട്ടം ഞാൻ ശ്രമിച്ചു നോക്കിയപ്പോൾ മനസ്സിലായി അത്ര പെട്ടെന്ന് ഒന്നും നിന്നെ കിട്ടില്ല എന്ന്..

അതുകൊണ്ട് ആണ് പ്രണയം നടിച്ചു നിന്റെ പിന്നാലെ കൂടി നിന്നെയും നിന്റെ ആ മുത്തശ്ശി തള്ളയേയും വിശ്വസിപ്പിക്കാൻ ഒരു താലിയും വാങ്ങി പൂജാരിക്ക് കുറച്ചു കാശും കൊടുത്തു ഒരു ഫേക്ക് കല്യാണം നടത്തി നിന്റെ കഴുത്തിൽ താലി അണിയിച്ചത്..

അതുകൊണ്ട് ആണല്ലോ മനോഹരമായൊരു രാത്രി നീ എനിക്ക് സമ്മാനിച്ചത്..

സത്യം പറയാലോ ഒരുപാട് പെമ്പിള്ളേരുമായി ഞാൻ കിടക്ക പങ്കിട്ടിട്ടുണ്ട്..

പക്ഷേ എനിക്ക് പൂർണ്ണതൃപ്തി കിട്ടിയത് നിന്നിൽ നിന്നാണ്..

നിന്റെ ഈ ശരീര വടിവും കാച്ചെണ്ണ മണമുള്ള നിന്റെ മുടിയും പിന്നെ നിന്റെ വിയർപ്പിൽ പൊതിഞ്ഞ മുല്ലപ്പൂ വാസനയും എന്നെ മറ്റേതോ  മായിക ലോകത്ത് എത്തിച്ചു..

ഒരിക്കലും നിന്നെ ഞാൻ മറക്കില്ലെടി എന്നും പറഞ്ഞു ചുണ്ടിൽ ഇരുന്ന സിഗരറ്റിന് അവൻ തീ കൊളുത്തുമ്പോൾ എല്ലാം കേട്ടു ഒരു തളർച്ചയോടെ അവൾ താഴേക്ക് ഇരുന്നു പോയി....

താൻ ജീവന് തുല്യം സ്നേഹിച്ചു.. അവന്റെ താലിയും കഴുത്തിൽ അണിഞ്ഞു ഈ ലോകത്തിലെ ഏറ്റവും വലിയ ഭാഗ്യവതി താൻ ആണെന്ന് ഒരൽപ്പം അഹങ്കാരത്തോടെ നിന്നിരുന്ന മനസ്സിനെ ഒരൊറ്റ നിമിഷം കൊണ്ടു അവൻ തകർത്തെറിയുമ്പോൾ ഒരു വാക്കും മിണ്ടാനാവാതെ അവൾ നിശബ്ദതയായി.....

ഉള്ളിലെ വേദന കണ്ണുനീരായി ഒഴുകി തുടങ്ങി.....

തന്റെ അരുകിലായി പൊട്ടി കിടന്നിരുന്ന താലി അവൾ കൈയിൽ എടുത്തു നെഞ്ചോട് ചേർത്തവൾ പൊട്ടി കരഞ്ഞു..

"""ഹേ ഇവിടെ കിടന്നു മോങ്ങല്ലേടി.. അതിന് മാത്രം ഇപ്പോൾ എന്തുണ്ടായി..

ഇതൊക്കെ ഇന്നത്തെ കാലത്ത് സർവ്വസാധാരണമായി നടക്കുന്ന കാര്യമാണ്..

നീ വെറുതെ കിടന്നു കരയാൻ നിൽക്കേണ്ട..

ഒരൽപ്പം ദേഷ്യത്തോടെയാണ് അവൻ അത് പറഞ്ഞത്..

""ശ്യാമേട്ട.. എന്നോട്.. എന്നോട് എന്തിനായിരുന്നു ഈ ചതി..

അത് പറയുമ്പോൾ അവളുടെ ചുണ്ടുകൾ വിതുമ്പി..

""ഇതൊക്കെ ഒരു ചതി ആണോ മോളെ..

ഒരുപാട് മോഹിച്ച നിന്റെ ശരീരം സ്വന്തമാക്കാൻ ഒരൽപ്പം വളഞ്ഞ വഴി എനിക്ക് വേണ്ടി വന്നു എന്നല്ലേ ഒള്ളൂ..

നീ ഇതങ്ങ് മറന്നേക്ക്....

ഇവിടെ ഒന്നും നടന്നിട്ടില്ല എന്നങ്ങു വിചാരിക്ക്....

നിനക്ക് ഞാൻ ശമ്പളം കൂട്ടി തന്നേക്കാം പോരെ....

വേണമെങ്കിൽ ഇപ്പോൾ തത്കാലം കുറച്ചു കാശ് ഞാൻ തരാം

നീ അതും വാങ്ങി പോവാൻ നോക്ക്..

അതും പറഞ്ഞു മേശയിൽ നിന്നും ഒരു നോട്ട് കെട്ടെടുത്തു അവൻ അവൾക്ക് നേരെ നീട്ടി..

ആ ഒരു നിമിഷം അവൾക്ക് സമനില തെറ്റുപോലെ ആണ് തോന്നിയത്..

ഒരു കെട്ട് നോട്ട് നീട്ടി തന്റെ മാനത്തിന് വിലയിട്ടവന്റെ നേരെ അവൾ ചാടി എഴുന്നേറ്റു....

""ചേ നിങ്ങൾ ഇത്രക്ക് ചീപ്പ് ആണെന്ന് ഞാൻ അറിഞ്ഞില്ല..

നിന്നെ പോലൊരു നായയെ ആണല്ലോ ഈ കാലമത്രയും മനസ്സിൽ കൊണ്ടു നടന്നത്..

നീ ഇപ്പോൾ എന്റെ നേർക്ക് നീട്ടിയ ഈ കാശ് നിന്റെ വീട്ടിൽ ഇരിക്കുന്ന. അമ്മക്ക് നേരെ നീട്ടടാ..

ഒരു പെണ്ണിന്റെ മാനത്തിന്റെ വിലയെന്തെന്ന് അവർ നിനക്ക് പറഞ്ഞു തരും..

 ആക്രോശത്തോടെ ധ്വനിയത് പറയുമ്പോൾ കരഞ്ഞു കലങ്ങിയ അവളുടെ കണ്ണുകളിൽ ദേഷ്യം നിറഞ്ഞു നിന്നു....

""എന്ത്‌ പറഞ്ഞടി പന്നപുന്നാര മോളെ എന്നും പറഞ്ഞവൻ ദേഷ്യത്തോടെ അവളുടെ കവിളത്ത് ഒന്ന് പൊട്ടിച്ചു..

അടി കൊണ്ടവൾ ഒരൽപ്പം പിന്നോക്കം മാറി എങ്കിലും അവളുടെ കണ്ണുകളിൽ ദേഷ്യം അഗ്നി പോലെ ആളി കത്തി..

കണ്ണുകൾ തുറിച്ചവൾ അവന്റെ മുഖത്തേക്ക് നോക്കി നിന്നു..

അവളുടെ മുടി ഇഴകൾ മുഖത്തേക്ക് ചിന്നി ചിതറി കിടന്നു..

കവിളത്തടങ്ങളിൽ കൂടെ കണ്ണുനീർ വാർന്നൊഴുകി..

""നീ എന്താടി നോക്കി പേടിപ്പിക്കുവാണോ..??

നിനക്കൊരു ചുക്കും ചെയ്യാൻ പറ്റില്ല..

അതുകൊണ്ട് മര്യാദക്ക് ഇവിടുന്നു പോവാൻ നോക്ക്..

അവള് കെട്ടിയോൾ ആവാൻ നടക്കുന്നു..

അല്ലെങ്കിൽ തന്നെ നിനക്കിത്ര ബുദ്ധി ഇല്ലാതായി പോയോ പാലത്ര തറവാട്ടിലെ ശ്യാമിന്റെ ഭാര്യയാവാൻ നിനക്കെന്ത് യോഗ്യതയാണ് ഉള്ളത്..??

അവൻ പരിഹാസത്തോടെ അത് പറയുമ്പോൾ മറുപടി പറയാൻ ആവാതെ അവൾ നെഞ്ച് പിളർന്നു നിൽക്കുകയായിരുന്നു..

""നിന്ന് വെറുതെ സമയം കളയാതെ ഇറങ്ങി പോവാൻ നോക്കടി..

അല്ല നിനക്കിനി എന്നെ വിട്ടു പോവാൻ ബുദ്ധിമുട്ട് ആണെങ്കിൽ ഇനിയുള്ള കാലം നിനക്ക് ഈ ഗസ്റ്റ്‌ ഹൗസിൽ കഴിയാം

എന്റെ വെപ്പാട്ടിയായി..

""പ്ഫ ചെറ്റേ വെപ്പാട്ടിയാവാൻ നിന്റെ കുടുംബത്തിൽ ഉള്ള ആരെയെങ്കിലും നീ നോക്ക്..

നീ എന്ത് കരുതി നിന്റെ പണവും പത്രാസും കണ്ടാണ് ഞാൻ നിനക്ക് കഴുത്തു നീട്ടി തന്നതെന്നോ..

നിന്റെ സ്നേഹത്തിൽ ഞാൻ വിശ്വസിച്ചു പോയി അതാണ് എനിക്ക് പറ്റിയ തെറ്റ്..

അതിന് എനിക്കിപ്പോ കിട്ടി..

പണവും പിടിപാടും ഉള്ള നിന്നെ പോലെ ഒരുത്തനെ  ഒന്നും ചെയ്യാൻ എനിക്കാവില്ല എന്നറിയാം

പക്ഷേ നീ ഒന്നോർത്തോ നീ ചെയ്തു കൂട്ടിയ ഓരോന്നിനും നീ ശിക്ഷ അനുഭവിച്ചിരിക്കും..

ശ്യാമിന്റെ ഷർട്ടിന്റെ കോളറിൽ പിടിച്ചുലച്ചു കൊണ്ടു ധ്വനി പറഞ്ഞു..

""ഹഹഹ ഇതൊക്ക ഇതിന് മുൻപ് പല അവളുമാരും അടിച്ച ഡയലോഗ് ആണ്..

കേട്ട് ഞാൻ മടുത്തു..

 ഒന്ന് ഇറങ്ങി പോടീ..

ശ്യാമിന്റെ മുഖത്ത് പുച്ഛ ചിരി വിടർന്നു..

അതുകേട്ടവൾ അവനെ രൂക്ഷമായി ഒന്ന് നോക്കി..

സാരിതലപ്പ് കൈയിൽ എടുത്തു കണ്ണീർ തുടച്ചു കൊണ്ട് അവിടെ നിന്നും ഇറങ്ങി..

ഗസ്റ്റ്‌ ഹൗസിൽ നിന്നും ഇറങ്ങുമ്പോൾ ധ്വനിയുടെ മനസ്സിലേക്ക് നടന്ന സംഭവങ്ങൾ ഓരോന്നും ഒരു ചിത്രം പോലെ ഓടിയെത്തി..

കാരശ്ശേരി തറവാട്ടിലെ പദ്നാഭന്റെയും ദേവകിയുടെയും ഏക മകൾ..

ചെറുപ്പത്തിലേ തന്നെ അച്ഛനെയും അമ്മയെയും നഷ്ടമായവളെ വളർത്തിയത് മുത്തശ്ശി ആയിരുന്നു..

മുത്തശ്ശിയും മുത്തശ്ശി പകർന്നു തന്ന ഭക്തിയും വീടിനടുത്തെ കാവും അവിടത്തെ നാഗത്താന്മാരും പിന്നെ അമ്പലവും മുത്തിയമ്മ ദേവിയും ഒക്കെ ആയിരുന്നു തന്റെ ലോകം

അതിനിടയിൽ ആണ്  പ്രശസ്തരായ പാലത്ര തറവാട്ടുകാരുടെ ബിസിനസ് സ്ഥാപനത്തിലേക്ക് അക്കൗണ്ടന്റ് ആയി ജോലി കിട്ടിയത്..

പുതിയ ലോകം പുതിയ ആളുകൾ എല്ലാം നാട്ടിൻപുറത്തുകാരിയായ താൻ അത്ഭുതത്തോടെ ആണ് നോക്കി കണ്ടത്..

നിഷ്കളങ്കമായി സ്നേഹിക്കാൻ മുത്തശ്ശി പഠിപ്പിച്ചത് കൊണ്ടാവും എനിക്ക് കപടത നിറഞ്ഞ സ്നേഹം തിരിച്ചറിയാൻ കഴിയാതെ പോയത്..

"ശ്യാം മനോഹർ"

പാലത്ര തറവാട്ടിലെ ഇളയ പുത്രൻ ..

കാണാൻ സുന്ദരൻ.

ആരെയും മയക്കുന്ന സംസാര ശൈലി..

 സ്നേഹത്തോടെയുള്ള പെരുമാറ്റം.. ഒരിക്കലും മുതലാളി എന്നൊരു ഭാവം അവനിൽ നിന്നും ഉണ്ടായിട്ടില്ല....

മാന്യതോടെയുള്ള പെരുമാറ്റം..

മറ്റുള്ളവരെ സഹായിക്കാൻ മനസ്സുള്ളവൻ എന്നൊക്കെ പലരും പറഞ്ഞു കേട്ടു....

അങ്ങനെ ഒരാൾ ഇഷ്ടം ആണെന്ന് വന്നു പറയുമ്പോൾ എന്ത് മറുപടി കൊടുക്കണം എന്നറിയാതെ മനസ്സ് കുഴങ്ങിയിരുന്നു..

അത്രയും വലിയ തറവാട്ടുകാർ എന്നെ പോലെ അവരുടെ ഓഫീസിലെ ഒരു സ്റ്റാഫിനെ മരുമകൾ ആയി അംഗീകരിക്കില്ല എന്നെനിക്ക് തോന്നിയത് കൊണ്ടു ഞാൻ ഒഴിഞ്ഞു മാറി..

പക്ഷേ എത്ര ആട്ടി പായിച്ചിട്ടും പിന്മാറാതെ നിന്ന് ഒടുക്കം ശ്യാം നേരിട്ടു എന്റെ തറവാട്ടിൽ വന്നു മുത്തശ്ശിയോട് എന്നെ കെട്ടിച്ചു തരുമോ..? 

എന്ന് ചോദിച്ചപ്പോൾ അറിയാതെ എന്റെ മനസ്സും അത് കൊതിച്ചിരുന്നു എന്ന് തോന്നി....

മുത്തശ്ശി സമ്മതം മൂളിയപ്പോൾ വല്ലാത്ത സന്തോഷമായിരുന്നു..

ഇതുവരെ അനുഭവിച്ച കഷ്ടപ്പാടുകൾ ഒക്കെ മാറി ആണൊരുത്തന്റെ ചിറകിൽ ഇനിയൊള്ള ജീവിതം സുരക്ഷിതം ആവുമെന്ന് കരുതി....

അപ്പോഴാണ് നമ്മുടെ കല്യാണത്തിന് തറവാട്ടിൽ ആരും സമ്മതിക്കുന്നില്ല അതുകൊണ്ട് അവർ അറിയാതെ നമുക്ക് രഹസ്യമായി  അമ്പലത്തിൽ വെച്ച് കല്യാണം കഴിക്കാം, പിന്നെ അവരെ പറഞ്ഞു സമ്മതിപ്പിച്ചു കൊള്ളാം എന്നും പറഞ്ഞവൻ വന്നു മുത്തശ്ശിയെയും എന്നെയും സമീപിച്ചപ്പോൾ അവന്റെ വാക്കിൽ ഞങ്ങൾ വിശ്വസിച്ചു പോയി..

അങ്ങനെ അവനൊരുക്കിയ ആ വ്യാജ കല്യാണത്തിൽ തകർന്നത് എന്റെ ജീവിതം ആണ് ..

എല്ലാം ഓർമ്മയിൽ തെളിയുമ്പോൾ ധ്വനിയുടെ മനസ്സ് പിടയുക യായിരുന്നു....

ചുട്ടു പൊള്ളിക്കുന്ന ഓർമ്മകളുമായി ചുടുകണ്ണീർ അവളുടെ കവിളുകളിൽ കൂടി ഒഴുകി താഴേക്ക് വീണു കൊണ്ടിരുന്നു....

ഒരു പെണ്ണിന് വിലപ്പെട്ടത് എന്തോ അതിന്ന് ഒരു ചതിയന് മുന്നിൽ നഷ്ടമായിരിക്കുന്നു....

ഇനി ഞാൻ ജീവിച്ചിരിക്കുന്നതിൽ എന്തർത്ഥം....

ചതിക്കപ്പെട്ട ഏതൊരു പെണ്ണിന്റെ മനസ്സും ആദ്യം സഞ്ചരിക്കുന്ന അതേ വഴിയിലൂടെ ആ നിമിഷം അവളുടെ മനസ്സും സഞ്ചരിച്ചു തുടങ്ങി..

ഒടുവിൽ ഒരുത്തരത്തിൽ അവളെത്തി ചേർന്നു....

"ആത്മഹത്യാ...!

#രണ്ടാംതാലി (2)

കരഞ്ഞു കലങ്ങിയ കണ്ണുകളും ഉഴലുന്ന മനസ്സുമായി നടന്ന കൊണ്ടിരുന്ന ധ്വനിയുടെ ഉള്ളിൽ ആത്മഹത്യാ എന്ന ചിന്ത ഉയർന്നു വന്നു കൊണ്ടിരുന്നു..

ഇനി താൻ ജീവിച്ചിരിക്കുന്നതിൽ അർത്ഥമില്ല എന്നവൾക്ക് തോന്നി..

അവസാനമായി തന്റെ മുത്തശ്ശിയെ ഒരിക്കൽ കൂടെ കാണണം പിന്നെ 

മരിക്കണം എന്നുറപ്പിച്ചു കൊണ്ടാണവൾ കാരശ്ശേരി തറവാടിന്റെ പടി കടന്നത്..

ഉമ്മറത്തു കാപ്പിയും കുടിച്ചു മുറ്റത്തേക്ക് നോക്കിയിരുന്ന മുത്തശ്ശി ധ്വനിയുടെ വരവ് കണ്ടു അത്ഭുതപ്പെട്ടു..

"""എന്താ കുട്ട്യേ എന്തുപറ്റി..??

""മുത്തശ്ശിയുടെ ചോദ്യം കേട്ടതും സകലതും മറന്നവൾ മുത്തശ്ശിയെ ഓടിച്ചെന്നു  കെട്ടിപിടിച്ചു കൊണ്ട് പൊട്ടിക്കരഞ്ഞു..

"" എന്താപ്പോ എന്റെ കുട്ടിക്ക് പറ്റിയെ..??

ആവലാതിയോടെ മുത്തശ്ശി ചോദിച്ചു..

മറുപടി എന്നോണം അവളുടെ തേങ്ങൽ ശബ്ദം മാത്രം മുഴങ്ങി നിന്നു..

അതോടെ മുത്തശ്ശിയുടെ മനസ്സിലും ആധി നിറഞ്ഞു..

അവർ ചുളിവാർന്ന കൈയാലേ മെല്ലെ അവളുടെ മുഖം മുഖം പിടിച്ചുയർത്തി..

വിറയാർന്ന അവരുടെ കൈകൾക്കുള്ളിൽ അവളുടെ കരഞ്ഞു കലങ്ങിയ മുഖം..

കണ്ണുകളിൽ ദയനീയ ഭാവം..

കാര്യമായി എന്തോ നടന്നെന്ന് മുത്തശ്ശിക്ക് മനസ്സിലായി..

""എന്താ എന്റെ മോൾക്ക് പറ്റിയത്..?? മുത്തശ്ശിയോട് പറ..

കരയാതെ കാര്യം പറ മോളെ..

എന്നും പറഞ്ഞു കൊണ്ടവർ അവളുടെ മുഖത്തേക്ക് പാറി വീണ മുടി മാറ്റി നെറുകയിലൂടെ കൈയോടിച്ചു..

""മുത്തശ്ശി അത് ശ്യാമേട്ടൻ..... ശ്യാമേട്ടൻ..

അവളുടെ തേങ്ങി കരച്ചിലുകൾക്ക് ഇടയിൽ വാക്കുകൾ മുറിക്കപ്പെട്ടു..

""മോള് കരയാതെ മുത്തശ്ശിയോട് കാര്യം പറ..

""മുത്തശ്ശി അയാൾ....

അയാൾ എന്നെ ചതിക്കുവായിരുന്നു..

""ആര് ശ്യാം മോനോ..?? ചുളിവ് പടർന്ന മുത്തശ്ശിയുടെ മുഖത്ത് അന്ധാളിപ്പ് നിഴലിച്ചു..

""""മ്മ്മം.. അയാൾ തന്നെ.. അയാൾക്ക് ആവശ്യം എന്നെ ആയിരുന്നില്ല

എന്റെ ശരീരം മാത്രം ആയിരുന്നു..

അതിന് വേണ്ടി അയാൾ നടത്തിയ നാടകം ആയിരുന്നു ആ കല്യാണം..

വിറയാർന്ന ശബ്ദത്തോടെ അവളത് പറയുമ്പോൾ

""എന്റെ ദേവി എന്നും വിളിച്ചു നെഞ്ചത്ത് കൈയും വെച്ച് മുത്തശ്ശി നിലത്തേക്ക് ഇരുന്നു പോയി..

അവരുടെ കണ്ണുകൾ നിറഞ്ഞൊഴുകി..

"""എന്നാലും എന്റെ ദേവി എന്റെ കുഞ്ഞിന് ഇങ്ങനൊക്കെ നടക്കാൻ മാത്രം എന്ത്‌ തെറ്റാണ് ഞങ്ങൾ നിന്നോട് ചെയ്തത് എന്നും പറഞ്ഞവരും കരഞ്ഞു..

നിലത്തേക്ക് തളർന്നിരുന്നു കൊണ്ടു ധ്വനി മുത്തശ്ശിയുടെ തോളിലേക്ക് ചാഞ്ഞു..

മുറ്റത്തു അവരുടെ കരച്ചിൽ ശബ്ദം മുഴങ്ങി..

അയൽവക്കത്തെ ചിലരപ്പോൾ അതും കണ്ടു അവിടേക്ക് വന്നു..

വിവരം അറിഞ്ഞു എല്ലാവരുടെയും മുഖത്തൊരു മ്ലാനത പരന്നു..

സഹതാപ വാക്കുകൾ പറഞ്ഞു ചിലർ അവരെ ആശ്വസിപ്പിക്കാൻ നോക്കിയപ്പോൾ മറ്റു ചിലർ നിന്ന് എന്തൊക്കെയോ അടക്കം പറഞ്ഞു.....

മുത്തശ്ശി പതിയെ എഴുന്നേറ്റു അവളെയും പിടിച്ചു എഴുന്നേൽപ്പിച്ചു കൊണ്ടു തറവാടിന് അകത്തേക്ക് കേറി..

കൂടി നിന്നവർ പതിയെ പതിയെ പൊറു പൊറുത്തു കൊണ്ട് പിരിഞ്ഞു പോയി..

കാരശ്ശേരി തറവാട് അന്നത്തെ ദിവസം ശോക മൂകമായിരുന്നു..

മുത്തശ്ശിയുടെയും ധ്വനിയുടെയും എങ്ങൽ അടികൾ ചുവരുകൾക്കുള്ളിൽ മുഴങ്ങി നിന്നു..

ധ്വനിയുടെ ദുരവസ്ഥയെ കുറിച്ചു ഓർത്ത് ആ വൃദ്ധയുടെ ഹൃദയം നീറി....

അച്ഛനും അമ്മയും ഇല്ലാതെ താൻ പൊന്നു പോലെ വളർത്തി കൊണ്ട് വന്ന പേരകുട്ടിയുടെ അവസ്ഥയിൽ ആ നെഞ്ച് വിങ്ങി പൊട്ടുകയായിരുന്നു.....

ഇവിടെ രണ്ടു ആത്മാക്കൾ കരഞ്ഞു തളർന്നിരിക്കുമ്പോൾ അതിന് കാരണക്കാരൻ ആയവൻ ഗസ്റ്റ്‌ ഹൗസിൽ ഇരുന്നു അടുത്ത ഇരക്കായി വല വിരിക്കുകയായിരുന്നു....

--------------------------------------------------------

നേരം രാത്രി ആയതും മുത്തശ്ശി എഴുന്നേറ്റു പോയി അരി തിളപ്പിച്ച്‌ കഞ്ഞി വെച്ചു....

കൂട്ടാനായി മാങ്ങാച്ചാറും എടുത്തു കഞ്ഞിയും പാത്രത്തിലാക്കി അവർ ധ്വനിക്ക് അരികിലേക്ക് ചെന്നു..

കഞ്ഞി മേശപ്പുറത്തേക്ക് വെച്ചു..

രാവിലെ മുതൽ ഒന്നും കഴിക്കാതെ ജലപാനം ഇല്ലാതെ ഇരിക്കുകയാണ് ധ്വനിയും..

വെയിലേറ്റ് വാടിയ പൂ പോലെ കരഞ്ഞു തളർന്നു കിടക്കുന്ന ധ്വനിയെ അവർ സ്നേഹപൂർവ്വം തലോടി..

""മോളെ എഴുന്നേൽക്ക് വാ ഇത്തിരി കഞ്ഞി കുടിക്കാം..

""വേണ്ട മുത്തശ്ശി.. എനിക്ക് വിശപ്പില്ല

അവൾ മുത്തശ്ശിയുടെ കൈ തട്ടി മാറ്റി കൊണ്ട്  നിരസിച്ചു..

"""അങ്ങനെ പറഞ്ഞാൽ പറ്റില്ല ഇത്തിരി കഞ്ഞി എങ്കിലും എന്റെ കുട്ടി കുടിക്കണം..

ഇല്ലെങ്കിൽ മുത്തശ്ശിയും ഇന്ന് മോൾക്കൊപ്പം പട്ടിണി കിടക്കും..

""എനിക്ക് വേണ്ടാത്ത കൊണ്ടാണ് മുത്തശ്ശി..

"""മോളെ എനിക്ക് മനസ്സിലാവും നിന്റെ വിഷമം..

എല്ലാം വിധി ആണെന്ന് കരുതി നമുക്ക് സമാധാനിക്കാം....

അല്ലാതെ നമ്മൾ എന്ത് ചെയ്യാനാണ്....

മോള്  നാളെ അമ്പലത്തിൽ പോയി ദേവിയെ കണ്ടൊന്നു തൊഴുതു പ്രാത്ഥിക്ക്..

ജോലി തിരക്കും പറഞ്ഞു കുറച്ചു നാളായി അമ്പലത്തിൽ പോക്കൊന്നും ഇല്ലായിരുന്നല്ലോ.

അതിന്റെ ദോഷമാണ് ഇതൊക്കെ..

""മിണ്ടരുത് മുത്തശ്ശി.. ഒരു ദേവിയും നാഗത്താന്മാരും..

ഇത്രയും കാലം പൂജിച്ചു നടന്ന എനിക്ക് സങ്കടങ്ങൾ അല്ലാതെ മറ്റെന്താണ് അവർ തന്നിട്ടുള്ളത്..

കുട്ടിക്കാലത്തെ അച്ഛന്റെയും അമ്മയുടെയും സ്നേഹം എന്നിൽ നിന്നവർ തട്ടി പറിച്ചു..

ഇപ്പോൾ സ്നേഹിച്ചവന്റെ ചതിയും ഏറ്റുവാങ്ങി ഈ അവസ്ഥയിൽ എന്നെ എത്തിച്ചതും ഇവരല്ലേ..

ദൈവങ്ങൾ ആണ് പോലും..

കണ്ണ് കാണാത്ത ദൈവങ്ങൾ..

""അയ്യോ എന്റെ മോളെ അങ്ങനെ ഒന്നും പറയല്ലേ..

ഇതൊക്കെ മോളുടെ ജാതക ദോഷം കൊണ്ട് വല്ലതും ഉണ്ടായത് ആവും.. നാളെ ആ പണിക്കരെ വിളിച്ചൊന്നു ജാതകം നോക്കണം..

അന്ന് ജാതകം നോക്കാൻ അവൻ സമ്മതിച്ചില്ലല്ലോ..

"""ജാതക ദോഷം മണ്ണാംകട്ട .. എനിക്കിപ്പോൾ  ഈ ദൈവത്തിലും ജാതകത്തിലും ഒന്നും ഒട്ടും വിശ്വാസമില്ല..

എങ്ങനെ എങ്കിലും ഒന്ന് മരിച്ചാൽ മതി എന്നേ ഒള്ളൂ..

""അങ്ങനെ ഒന്നും പറയല്ലേ മോളെ നീ മരിച്ചാൽ പിന്നെ ഈ മുത്തശ്ശിക്ക് ആരാ ഉള്ളത്..??

""എനിക്ക് വയ്യ മുത്തശ്ശി എല്ലാവരുടെയും മുന്നിൽ ഒരു ചീത്ത പെണ്ണായി ജീവിക്കാൻ..

അവരുടെ സഹതാപം നിറഞ്ഞ നോട്ടം കാണാനുള്ള ശേഷിയൊന്നും എനിക്കില്ല..

""മോളെ ലോകം അങ്ങനെ ഒക്കെ ആണ്....

സ്വന്തം കുറവ് നോക്കാതെ മറ്റുള്ളവന്റെ കുറവിന്റെ പിന്നാലെ പോവാൻ ആണ് ചിലർക്കിഷ്ടം..

നീ തെറ്റൊന്നും ചെയ്തിട്ടില്ല.. പിന്നെ നീ എന്തിന് മരിക്കണം..??

എന്നേക്കാൾ അറിവുള്ള നീ ഇങ്ങനെ ഒക്കെ ചിന്തിക്കാമോ..??

അവളുടെ മനസ്സിന് ആശ്വാസം പകരനായി മുത്തശ്ശി പലതും പറഞ്ഞു നോക്കി..

""പെണ്ണായി പിറന്നത് തന്നെ ഒരു ശാപം ആയി പോയെന്ന് ഇപ്പോൾ തോന്നുവാ മുത്തശ്ശി..

എന്നും വഞ്ചിക്കാൻ വിധിക്കപ്പെട്ടവരാണല്ലോ പെണ്ണുങ്ങൾ..

""അങ്ങനെ പറയരുത് മോളെ.. ഇതെല്ലാം വിധിയുടെ ഭാഗമാണ്..

പെണ്ണായി പിറന്നാൽ എന്താ കുഴപ്പം..??

നമ്മൾ പൂജിക്കുന്ന ദേവിയും പെണ്ണല്ലേ..

എത്രയോ പെൺകുട്ടികൾ ഇതിനേക്കാൾ അപ്പുറം ഓരോന്ന് സഹിച്ചു അതിജീവിച്ചു വന്നേക്കുന്നു..

മരണത്തോളം എത്തുന്ന പ്രസവവേദന വരെ സഹിക്കുന്നവൾ ആണ് സ്ത്രീകൾ അങ്ങനെ ഉള്ള സ്ത്രീക്കൾക്ക് മറ്റേത് വേദനയേയും അതിജീവിക്കാൻ കഴിയും..

അതുകൊണ്ട് എന്റെ മോള് തോറ്റു പോവരുത്..

മോള് തോറ്റാൽ ഈ മുത്തശ്ശിയാവും തോറ്റു പോവുക..

മരിക്കുന്നതിനെ കുറിച്ചല്ല ഇനി മുന്നോട്ട് ജീവിക്കുന്നതിനെ കുറിച്ച് വേണം എന്റെ മോള് ചിന്തിക്കാൻ..

അവന്റെ മുന്നിൽ മോള് തല ഉയർത്തി ജീവിക്കണം..

അവൻ കാണണം അത്..

അതാണ് അവന് കൊടുക്കാൻ പറ്റിയ വലിയ ശിക്ഷ..

എന്നും പറഞ്ഞു മുത്തശ്ശി അവളുടെ നെറുകയിൽ ചുംബിച്ചു..

മുത്തശ്ശിയുടെ ഓരോ വാക്കുകളും അവളുടെ കാതുകളിൽ മുഴങ്ങി നിന്നു..

മുത്തശ്ശി പറഞ്ഞത് ശെരിയാണ് അല്ലെങ്കിൽ തന്നെ താൻ എന്തിന് മരിക്കണം..?

താനൊരു തെറ്റും ചെയ്തിട്ടില്ല..

തെറ്റ് ചെയ്തവൻ സുഖമായി ജീവിക്കുമ്പോൾ ഒരു തെറ്റും ചെയ്യാത്ത ഞാൻ മരിക്കുന്നത് എന്തിന്..??

ഇരുളടഞ്ഞ അവളുടെ മനസ്സിലേക്ക് പ്രകാശത്തിന്റെ നേരിയ വെട്ടം വീണു തുടങ്ങി..

മരിക്കണമെന്ന ചിന്തയെ അവൾ അതിജീവിച്ചു തുടങ്ങി....

എങ്കിലും അവളുടെ ചിന്തകളെ ഭ്രാന്ത് പിടിപ്പിക്കുവാ നെന്നോണം അവനുമൊത്തുള്ള നിമിഷങ്ങൾ ഇടക്കിടെ ഓർമ്മയിൽ തെളിഞ്ഞു വന്നു കൊണ്ടിരുന്നു..

അവളുടെ തലയിണയെ നനച്ചു കൊണ്ടു കണ്ണീർത്തുള്ളികൾ വാർന്നൊഴുകി കൊണ്ടിരുന്നു..

അവൾ എന്തെങ്കിലും അബദ്ധം കാണിക്കുമോ എന്ന് പേടിച്ചത് കൊണ്ട് ആ രാത്രി മുത്തശ്ശിക്കും ഉറങ്ങാൻ കഴിഞ്ഞില്ല..

ഉറക്കം വരാതെ അവളെ ഓർത്ത് പിടയുന്ന മനസ്സുമായി മുത്തശ്ശി അവൾക്കരികെ കിടന്നു..

---------------------------------------------------------

ദിവസങ്ങൾ കടന്നു പോയി കൊണ്ടിരുന്നു....

കണ്ണീരിൽ കുതിർന്ന ദിവസങ്ങളിൽ നിന്നും 

പതിയെ പതിയെ ധ്വനി ജീവിതത്തിലേക്ക് തിരികെ വന്നു തുടങ്ങി..

അടച്ചിട്ട നാലു ചുവരുകൾ ക്കുള്ളിൽ നിന്നും അവൾ പുറത്തേക്ക് ഒക്കെ ഇറങ്ങി തുടങ്ങി..

ഉള്ളിലെ വിഷമം പൂർണ്ണമായും മാറിയില്ലെങ്കിലും മുത്തശ്ശിക്ക് വേണ്ടി  അവൾക്ക്  സന്തോഷം അഭിനയിക്കേണ്ടി വന്നു.....

അതിനിടയിൽ നാട്ടിൽ ആകെ ഈ കഥ പാട്ടായി കഴിഞ്ഞിരുന്നു ....

പലരും പല രീതിയിൽ ഇതിനെ വ്യാഖാനിച്ചു..

അവളെ മോശക്കാരിയായി വരെ പലരും ചിത്രീകരിച്ചു.....

എല്ലാം അറിഞ്ഞപ്പോൾ ഉള്ളിൽ വല്ലാത്ത സങ്കടം ആയിരുന്നു..

ഒരുപാട് കരഞ്ഞു തളർന്നു..

പുറത്തേക്ക് അവൾ ഇറങ്ങാതെയായി..

 പരസ്പരം ഉള്ളിലെ വേദന പുറത്തു കാട്ടാതെ പുഞ്ചിരി മുഖത്ത് വരുത്തി മുത്തശ്ശിയും ധ്വനിയും തറവാട്ടിനുള്ളിൽ കഴിഞ്ഞു കൂടി....

--------------------------------------------------------

"""കുട്ട്യേ നമുക്കിന്ന് ദീപാരാധന തൊഴാൻ പോയാലോ..?

""വേണ്ട മുത്തശ്ശി ഞാനില്ല..

മുത്തശ്ശി പോയിട്ട് വാ..

"""പറ്റില്ല മോളും വരണം..

എത്ര നാളെന്നു വെച്ചാണ് ഇങ്ങനെ ഇതിനകത്ത് കഴിഞ്ഞു കൂടുന്നത്..

പുറത്തേക്ക് ഒക്കെ ഒന്നിറങ്ങണം..

""വേണ്ട മുത്തശ്ശി ശെരിയാവില്ല..

""എന്താപ്പോ ശെരിയാവാത്തത്..

ആളുകളെ പേടിച്ചിട്ട് ആണോ..?

""അതുപിന്നെ മുത്തശ്ശി അവരോരോന്നു പറയില്ലേ..

അത് കേൾക്കുമ്പോൾ എനിക്ക് സങ്കടം വരും....

എന്തിനാ വെറുതെ..?

""പറയുന്നവർ പറയട്ടെ മോളെ..

നീ ഒരു തെറ്റും ചെയ്തിട്ട് ഇല്ല..

പിന്നെ നീ എന്തിന് പേടിക്കണം..

ഇനി ആരെങ്കിലും എന്തെങ്കിലും പറഞ്ഞോണ്ട് വന്നാൽ നല്ലത് തിരിച്ചു പറഞ്ഞേക്കണം..

തെറ്റ് ചെയ്യാത്തിടത്തോളം ഒരാളുടെ മുന്നിലും തല കുനിക്കേണ്ട കാര്യമില്ല..

""എന്നാലും മുത്തശ്ശി..

""ഒരു എന്നാലും ഇല്ല ഞാൻ കുളിച്ചതാണ്..

നീ പോയി വേഗം കുളിച്ചു വാ എന്നും പറഞ്ഞു മുത്തശ്ശി അവളെ കുളിക്കാനായി പറഞ്ഞു വിട്ടു..

കുറച്ചു കഴിഞ്ഞതും കുളി കഴിഞ്ഞു ഒരുങ്ങി ധ്വനി എത്തി..

അപ്പോഴേക്കും മുത്തശ്ശിയും അമ്പലത്തിൽ പോവാൻ തയ്യാറായി നിന്നിരുന്നു....

അവർ നേരെ അമ്പലത്തിലേക്ക് നടന്നു....

ദേവി ആദിപരാശക്തി മുത്തിയമ്മയായി വാഴുന്ന ക്ഷേത്രമാണ്  ഇവിടെ ഉള്ളത്....

ഗ്രാമത്തിന്റെ ഐശ്വര്യത്തിന് കാരണം ഈ ക്ഷേത്രം ആണെന്നാണ് ജനങ്ങളുടെ വിശ്വാസം..

മുത്തശ്ശിക്കൊപ്പം ഗ്രാമത്തിലെ ടാറിട്ട റോഡിൽ നിന്നും ചെമ്മൺ പാതയിലൂടെ നടക്കുമ്പോൾ ധ്വനിയുടെ നെഞ്ചിടുപ്പ് ഏറുകയായിരുന്നു..

വരും വഴി പലരുടെയും നോട്ടവും ഭാവവും അവളെ അലോസരപ്പെടുത്തി..

എങ്കിലും കണ്ടില്ല എന്ന മട്ടിൽ അവൾ നടന്നു..

റോഡിന്റെ ഇരു വശത്തും പച്ച പരവതാനി വിരിച്ച പോലെ കണ്ണെത്താ ദൂരം നീണ്ടു കിടക്കുന്ന നെൽപാടം..

ആകാശത്ത് ചുവപ്പ് പടർത്തി കൊണ്ടു ചെഞ്ചുവപ്പ് അണിഞ്ഞ സൂര്യൻ അസ്‌തമിക്കാൻ ഒരുങ്ങുന്നു..

വയലിൽ നിന്നും ഇളം കാറ്റ് വീശി അടിക്കുന്നു..

വയൽ കിളികൾ എല്ലാം പാറി പറന്നു നടക്കുന്നുണ്ട് ..

അതും കണ്ടു കൊണ്ട് കുറച്ചു ദൂരം പിന്നീട്ടതും കർപ്പൂരത്തിന്റെയും എണ്ണതിരിയുടെയും ഗന്ധം മൂക്കിൽ അടിച്ചു കേറി..

ക്ഷേത്രത്തിന് മുന്നിൽ എത്തിയിരിക്കുന്നു....

കാറ്റിന്റെ താളത്തിനൊത്തു അലസമായി നൃത്തം വെക്കുന്ന ഇലകളുമായി ഒരു പടുകൂറ്റൻ ആൽമരം ക്ഷേത്രത്തിനു മുന്നിൽ കാവൽ പോലെ നിൽക്കുന്നു..

അതിലേക്ക് ചേക്കേറാനായി പക്ഷി കൂട്ടങ്ങൾ കലപില കൂട്ടുകയാണ് ..

അതിനിടയിൽ കാറ്റിൽ അവയിൽ ചിലതിന്റെ തൂവലുകൾ പാറി പറക്കുന്നുണ്ട്..

ഇലകൾക്ക് ഒപ്പം താഴേക്ക് കൊഴിഞ്ഞു വീഴുന്ന തൂവലുകളെയും  കണ്ടു കൊണ്ടവൾ ക്ഷേത്ര കവാടത്തിന്റെ മുന്നിലെത്തി..

അമ്മേ എന്ന് വിളിച്ചു കൊണ്ട് വലതു കൈ നെഞ്ചിൽ വെച്ച് കൊണ്ട് ഭക്തി നിർഭരമായ ക്ഷേത്രാങ്കണ ത്തിലേക്കു പ്രവേശിച്ചപ്പോൾ ധ്വനിക്ക്  എന്തെന്നില്ലാത്ത ഒരാശ്വാസം തോന്നി..

അപ്പോഴാണ് ശ്രീകോവിൽ നട ശാന്തിക്കാരൻ തുറക്കുന്നത്..

കൈകൾ കൂപ്പി ദേവിയെ ദർശിച്ചു നിൽകുമ്പോൾ ശ്രീകോവിലിനുള്ളിൽ ശാന്തിക്കാരൻ 

ഒന്നിനുപിറകെ ഒന്നായി തട്ടുവിളക്ക്, നാഗപത്തി വിളക്ക്, ഏകാങ്ക വിളക്ക് എന്നിങ്ങനെ വിവിധ വിളക്കുകൾ ഉപയോഗിച്ച് ഭഗവതിയെ ഉഴിഞ്ഞു കൊണ്ടിരുന്നു..

അവസാനം കർപ്പൂര ദീപം കാട്ടി  മണിയടിച്ചു കൊണ്ട് ശാന്തിക്കാരൻ പൂവുഴിഞ്ഞു ദേവിപാദത്തിൽ സമർപ്പിച്ചതോടെ ദീപാരാധന സമാപിച്ചു..

 അതേസമയം തന്നെ ശ്രീകോവിലിനു വെളിയിൽ നിന്ന ഭക്തജനങ്ങൾ പുറത്തുള്ള മണികൾ മുഴക്കുകയും   ശംഖുവിളിക്കുകയും ചെയ്തു..

ആകെ ഭക്തിമയമായ അന്തരീക്ഷം..

മനസ്സ് തുറന്നു ദേവിയോട് പ്രാത്ഥിച്ചു..

അവളുടെ കണ്ണുനീർ നിലത്തേക്ക് വീണു കൊണ്ടിരുന്നു..

ഒടുവിൽ എല്ലാ സങ്കടവും ദേവിയുടെ തൃപാദത്തിൽ സമർപ്പിച്ചു കൊണ്ടു അവിടെ നിന്നും ഇറങ്ങി....

അപ്പോഴേക്കും ഇരുട്ടിയിരുന്നു...

ഇരുളിൽ ദീപലങ്കാരത്തിൽ മുങ്ങി കുളിച്ചു നിൽക്കുന്ന ക്ഷേത്രത്തിന്റെ ഭംഗി എത്ര വർണ്ണിച്ചാലും മതിയാവില്ല..

അതും കണ്ട് പതിയെ 

ചെമ്മൺ പാതയിലൂടെ നടന്നു നീങ്ങുമ്പോൾ ഇരുവശത്തുമായി മിന്നാമിനുങ്ങുകൾ പാറി പറന്നു നടന്നു..

ആകാശത്തു നിന്നുതിർന്നു വീണ കുഞ്ഞു നക്ഷത്രങ്ങളെ പോലെ അവർ വെളിച്ചം കാട്ടി പാറി പറക്കുകയാണ്..

 നേരിയ തണുപ്പുള്ള ഇളം കാറ്റ് വീശുന്നുണ്ട്..

മുത്തശ്ശിയുടെ കൈയും പിടിച്ചവൾ നടന്നു ..

സ്ട്രീറ്റ് ലൈറ്റുകൾ തെളിഞ്ഞു..

എങ്കിലും നേരം ഇരുട്ടിയത് കൊണ്ടു തന്നെ അവർ നടപ്പിന്റെ വേഗം വർദ്ധിപ്പിച്ചു..

അതിനിടയിൽ ആണ് ചിലർ അശ്ലീല ചുവയുള്ള സംസാരവുമായി അവർക്ക് പിന്നാലെ കൂടിയത്..

അതോടെ ധ്വനിയുടെ ഉള്ളിൽ ഭയം നിഴൽ വിരിച്ചു..

മുത്തശ്ശിയുടെ കൈയിൽ അവൾ മുറുകെ പിടിച്ചു..

എന്നാൽ ഒട്ടും കൂസലില്ലാതെ മുത്തശ്ശി അവർക്ക് നേരെ നിന്ന് മറുപടി കൊടുത്തതോടെ അവർ പതിയെ പിന്മാറി....

അതോടെ പിന്നെയും ഞങ്ങൾ നടത്തം ആരംഭിച്ചു..

പൂർണ്ണമായും ഭയം വിട്ടുമാറാത്തതിനാൽ അവൾ മുത്തശ്ശിയെ പിടിച്ചു വലിച്ചു കൊണ്ടു നടപ്പിന്റെ വേഗത ഒന്നൂടി വർദ്ധിപ്പിച്ചു..

ഒടുക്കം നടന്നു വീടെത്താറായതും കാവിലെ ഇരുളിൽ നിന്നും ഒരാൾ അവർക്ക് മുന്നിലേക്ക് വന്നു നിന്നു....

അയാളിൽ നിന്നും മദ്യത്തിന്റെ രൂക്ഷ ഗന്ധം  വമിക്കുന്നുണ്ടായിരുന്നു....

#രണ്ടാംതാലി (3)

കാവിലെ ഇരുളിൽ നിന്നും മുന്നിലേക്ക് വന്നു നിന്ന ആൾരൂപം കണ്ടു മുത്തശ്ശിയും ധ്വനിയും ഒന്ന് ഞെട്ടി....

"""ആരാത്..??

ഭയം പുറത്തു കാട്ടാതെ മുത്തശ്ശി ചോദിച്ചു..

"""ഞാൻ  ഈ വാഴൂർ തറവാട് അന്വേഷിച്ചു വന്നതാണ്..

ഇവിടെത്തിയപ്പോൾ വഴി തെറ്റിയോ എന്നൊരു സംശയം..

പറ്റുമെങ്കിൽ അവിടേക്കുള്ള വഴിയൊന്നു പറഞ്ഞു തരാമോ..?

അവർക്ക് കേട്ടു പരിചിതമല്ലാത്ത ഒരു പുരുഷ ശബ്ദം ആയിരുന്നു അത്..

""നിങ്ങളാരാണ് ..?? എന്താ ഈ നേരത്ത് അവിടേക്ക് ഒരു യാത്ര..

"""അതുപിന്നെ ഞാൻ അവിടത്തെ  ഉണ്ണികൃഷ്ണനില്ലേ

അവന്റെ കൂട്ടുകാരൻ ആണ്....

കുറച്ചു നാൾ അവിടെ താമസിക്കാൻ വന്നതാണ്...

 വഴിയൊക്കെ എനിക്ക് അവൻ പറഞ്ഞു തന്നിരുന്നു പക്ഷേ ഇവിടെത്തി യപ്പോഴേക്കും രാത്രി ആയി പോയി..

പോരാത്തതിന് ഞാൻ ആണെങ്കിൽ ഇത്തിരി കുടിച്ചും പോയി..

അതുകൊണ്ട്  വഴി തെറ്റിയോ എന്നെനിക്കൊരു  സംശയം..

""""ഹേയ് ഇല്ല.. ദേ നേരെ ആ കാണുന്നത് ആണ് വാഴൂർ തറവാട്..

മുത്തശ്ശി അയാളുടെ അടുത്തേക്ക് ചെന്ന് വഴി കാട്ടി കൊടുത്തു..

അയാൾ സംസാരിക്കുമ്പോൾ എല്ലാം മദ്യത്തിന്റെ രൂക്ഷ ഗന്ധം നിറഞ്ഞു നിന്നിരുന്നു..

""ഓ അപ്പോൾ ഈ കാണുന്നത് ആവും കാരശ്ശേരി തറവാട് അല്ലേ..

അയാൾ ഞങ്ങളുടെ തറവാട് ചൂണ്ടി കാണിച്ചു ചോദിച്ചു ..

""അതേ.. ഞങ്ങളുടെ തറവാട് ആണത്....

""ഓ അപ്പോൾ അവിടത്തെ കല്യാണി മുത്തശ്ശി ആണല്ലേ..

മുത്തശ്ശിയോട് ചോദിച്ചാൽ മതി താക്കോൽ തരുമെന്ന് അവൻ പറഞ്ഞിരുന്നു..

"""ആണോ.. എന്നാൽ 

മോൻ വാ താക്കോൽ  ഞാൻ എടുത്തു തരാം എന്നും പറഞ്ഞു മുത്തശ്ശി തറവാട്ടിലേക്ക് നടന്നു.. പിന്നാലെ ഞാനും..

ഞങ്ങൾക്ക് പിന്നാലെ അയാൾ  ആടിയാടി വന്നു മുറ്റത്തു നിന്നു..

ലൈറ്റിന്റെ വെട്ടത്തിൽ ഞാനാ മുഖം കണ്ടു..

അലസമായി കിടക്കുന്ന കുറച്ചു നീണ്ട മുടി..

കറു കറുത്ത കട്ടി താടിയും മീശയും..

ചുണ്ടിൽ ചെറു പുഞ്ചിരി..

മുഖത്ത് വിയർപ്പ് പൊടി ഞ്ഞിരിക്കുന്നു..

ഒരു  നീല ഷർട്ടും മുണ്ടുമാണ് വേഷം..

ഷർട്ട്‌  ആണെങ്കിൽ വിയർപ്പിൽ കുളിച്ചിരിക്കുന്നു..

അയാളുടെ കുഞ്ഞു കണ്ണുകൾ കൊണ്ട് എന്നെ  അടിമുടി ഒന്ന് നോക്കി

പിന്നെ  അയാൾ തല താഴ്ത്തി കൊണ്ട് അവിടെ ശർദ്ധിച്ചു..

""അയ്യേ എന്താടോ ഈ കാണിച്ചത് എന്നും ചോദിച്ചു ഞാൻ അയാൾക്ക് നേരെ ദേഷ്യപ്പെട്ടു..

""സോറി.. സോറി കുറച്ചു വെള്ളം തന്നാൽ ഞാൻ വൃത്തിയാക്കി തരാം....

""ഓ വേണ്ട ഞാൻ ചെയ്തോളാം നിങ്ങളൊന്നു പോയി തന്നാൽ മതി..

ദേഷ്യത്തിൽ തന്നെ ഞാൻ മറുപടി കൊടുത്തു..

അപ്പോഴേക്കും മുത്തശ്ശി താക്കോൽ എടുത്തു കൊണ്ട് വന്നു....

""കണ്ടില്ലേ മുത്തശ്ശി ഇയാൾ കാണിച്ചു വെച്ചേക്കുന്നത്..?

""സോറി.. ഞാൻ വൃത്തിയാക്കാം, വെള്ളം താ എന്നും പറഞ്ഞയാൾ നിന്ന് ആടി കുഴയുക ആയിരുന്നു..

""വേണ്ട മോൻ പൊക്കോ ഇത് ഞങ്ങൾ വൃത്തിയാക്കിക്കോളാം എന്നും പറഞ്ഞു മുത്തശ്ശി അയാൾക്ക് നേരെ താക്കോൽ നീട്ടി..

അതും വാങ്ങി ഞങ്ങളോട് ഒരു നന്ദിയും പറഞ്ഞു  അയാൾ അവിടെ നിന്നും ഇറങ്ങി നടന്നു..

""മാനത്തു ഉദിച്ചു നീക്കണതാരണ്ട..?

ഞാനണ്ട ചന്തിരനാണ്ട....

താഴത്ത് നിൽക്കാത്തത് എന്താണ്ടാ..?

എന്നൊരു പാട്ട് നാക്ക്‌ കുഴഞ്ഞു പാടി കൊണ്ടാണ് അയാൾ നടന്നത്..

അതും കേട്ട് കൊണ്ട് ഞാൻ പോയി അയാൾ ശർദ്ധിച്ചിടത്തു വെള്ളം ഒഴിച്ചു..

"""ഇനി ഇത് ഏത് മാരണം ആവോ..

ഉണ്ണിയേട്ടന് ഇതുപോലത്തെ കുടിയന്മാരും ഒക്കെ ആയിട്ടാണോ കൂട്ട്..

ഒരൽപ്പം ദേഷ്യം കലർത്തി ഞാൻ പറഞ്ഞു..

"""ഉണ്ണിയൊക്കെ ബാംഗ്ലൂർ അല്ലേ കുട്ട്യേ അവിടൊക്കെ ഉള്ളവർ ഇങ്ങനെ ഒക്കെ ആവും..

ആ അല്ലെങ്കിൽ തന്നെ നമ്മൾ എന്തിനാ വേണ്ടാത്ത കാര്യത്തിൽ തലയിടുന്നത്..

അവന്റെ തറവാട്ടിൽ ആര് വരണം എന്ന് അവനല്ലേ തീരുമാനിക്കുന്നത്..

"""മ്മ്മ് അതൊക്ക ശെരി തന്നെ പക്ഷേ ഉണ്ണിയേട്ടൻ വിളിക്കുവാണെങ്കിൽ ഞാൻ പറയും ഇവിടെ നമുക്ക് അയാൾ ശല്യം ഒന്നും ആവരുതെന്ന്..

""ഓ എന്റെ കുട്ട്യേ നീ അതുമിതും പറഞ്ഞു നിൽക്കാതെ വരാൻ നോക്ക് എന്നും പറഞ്ഞു മുത്തശ്ശി എന്റെ കൈയും പിടിച്ചു തറവാട്ടിലേക്ക് നടന്നു കേറി..

എന്റെ തറവാടിന്റെ നേരെ അപ്പുറത്തെ തറവാട് ആണ് വാഴൂർ തറവാട്..

ഉണ്ണിയേട്ടനും അച്ഛനും അമ്മയും ആണ് അവിടെ ഉണ്ടായിരുന്നത്..

ഉണ്ണിയേട്ടൻ ബാംഗ്ലൂർ ജോലി കിട്ടി അവിടെ വീട് എടുത്തു താമസ മായതോടെ അച്ഛനെയും അമ്മയെയും അങ്ങോട്ടേക്ക് കൂട്ടികൊണ്ട് പോയി..

അതോടെ അനാഥമായി ആളും അനക്കവും ഇല്ലാതെ കിടക്കുവാണ് ആ തറവാട്..

വർഷത്തിൽ ഒന്നോ രണ്ടോ തവണ എല്ലാരും കൂടി വന്നു രണ്ടാഴ്ച താമസിക്കാറുണ്ട്..

ഉണ്ണിയേട്ടൻ ആള് ഭയങ്കര ഫ്രണ്ട്‌ലി ആണ്..

എപ്പോഴും ചിരിച്ച മുഖം..

എനിക്ക് എന്റെ സ്വന്തം ഏട്ടനെ പോലെ ആണ്..

അതുപോലെ ആണ് എന്നെ കെയർ ചെയ്യാറുള്ളത്..

എന്റെ കാര്യങ്ങൾ എല്ലാം ഞാൻ ഏട്ടനെ വിളിച്ചു പറഞ്ഞിരുന്നു..

ഏട്ടന്റെ വാക്കുകൾ ആണ് എനിക്ക് കൂടുതൽ ആശ്വാസം പകർന്നത്..

എല്ലാവരുടെയും മുന്നിൽ തല ഉയർത്തി ജീവിക്കണം എന്ന് പറഞ്ഞതും ഏട്ടനായിരുന്നു..

ഉടനെ ഏട്ടൻ വരുമെന്ന് പറഞ്ഞിരുന്നു..

പക്ഷേ ഇങ്ങനെ ഒരാൾ വരുന്ന കാര്യം മാത്രം പറഞ്ഞില്ല..

ഇനി അയാൾ ശെരിക്കും ഉണ്ണിയേട്ടന്റെ ഫ്രണ്ട് തന്നെ ആയിരിക്കുമോ..

നൂറായിരം സംശയങ്ങൾ ധ്വനിയുടെ മനസ്സിൽ ഉയർന്നു വന്നു..

ഉണ്ണിയേട്ടന്റെ ഫോൺ വിളിച്ചു നോക്കിയിട്ട്  ആണെങ്കിൽ സ്വിച്ച് ഓഫ്‌ എന്നാണ് പറയുന്നതും..

രാവിലെ എന്തായാലും ഒന്നൂടി വിളിച്ചു നോക്കണം എന്ന് ധ്വനി മനസ്സിൽ ഉറപ്പിച്ചു..

-----------------------------------------------------

രാത്രി ഭക്ഷണം കഴിച്ചു കുറച്ചു സമയം മുത്തശ്ശിയുമായി സംസാരിച്ചിരുന്നു....

മുത്തശ്ശിയുടെ മടിയിൽ കുറച്ചു നേരം പഴയ കഥകൾ കേട്ടു കിടന്നു..

പിന്നെ ഞാനും മുത്തശ്ശിയും ഉറങ്ങാനായി കിടന്നു..

പതിവ് പോലെ തന്നെ രാത്രിയിൽ ഓർമ്മകൾ വിരുന്നെത്തിയെന്നെ വല്ലാതെ നോവിച്ചു തുടങ്ങി..

മറക്കാൻ ശ്രമിക്കുന്നത് ഓരോന്നും മനസ്സിൽ തെളിഞ്ഞു വന്നു..

അറിയാതെ കണ്ണുകൾ നിറഞ്ഞു തുടങ്ങി..

നെഞ്ചിലാകെ ഒരു പിടച്ചിൽ..

ഉറക്കം വരാതെ  എഴുന്നേറ്റു ഞാൻ ജനലരുകിൽ പോയി നിന്നു..

ഇവിടെ നിന്നും നോക്കിയാൽ വാഴൂർ തറവാട് കാണാം..

ഇരുൾവീണു കിടന്നിരുന്ന തറവാട്ടിൽ കുറച്ചു നാളുകൾക്ക് ശേഷം വെട്ടം വീണിരിക്കുന്നു..

ഉമ്മറ കോലായിലെ ചാരു കസേരയിൽ അയാൾ കിടപ്പുണ്ട്..

മുഖത്തു എന്തോ വെച്ച് മറച്ചിരിക്കുന്നതിനാൽ മുഖം വ്യക്തമായി കാണാൻ കഴിയുന്നില്ല..

പുസ്തകമോ മറ്റോ ആണെന്ന് തോന്നുന്നു..

അറിയാത്തൊരു സ്ഥലത്തു ഈ രാത്രി തന്നെ വരാൻ മാത്രം കിറുക്ക് ഉള്ള ഇയാൾ ആരാണാവോ..

ആ ഇനി ആരെങ്കിലും ആവട്ടെ ഇതൊക്ക ഞാൻ എന്തിനാ അറിയുന്നത്..

ധ്വനി സ്വയം ചോദിച്ചു..

കുറച്ചു നേരം കൂടി ജനലരുകിൽ നിന്ന് ഇളം കാറ്റും കൊണ്ടു പുറത്തെ രാത്രി കാഴ്ചയും ആസ്വദിച്ചു നിന്ന ശേഷം ധ്വനി പോയി കിടന്നു..

ഓരോന്ന് ചിന്തിച്ചു കിടന്നവൾ എപ്പോഴോ ഉറങ്ങി പോയി..

---------------------------------------------------------

 പുലർച്ചെ മുത്തശ്ശി വിളിക്കുമ്പോൾ ആണ് ധ്വനി എഴുന്നേറ്റത്..

കുറച്ചു നാള് കൂടിയാണ് സുഖകരമായ ഒരുറക്കം ഇങ്ങനെ കിട്ടുന്നത്..

അമ്പലത്തിൽ ചെന്ന് മുത്തിയമ്മയുടെ മുന്നിൽ തന്റെ സകല സങ്കടങ്ങളും ഇറക്കി വെച്ച് ഭാരം ഒഴിച്ചത് കൊണ്ടാവും ഇങ്ങനെ ഒരുറക്കം കിട്ടിയതെന്ന് അവൾക്ക് തോന്നി..

മെല്ലെ എഴുന്നേറ്റവൾ മുഖം കഴുകി വന്നു മുറ്റം അടിക്കുമ്പോൾ ആണ് ഇന്നലെ കണ്ട ആളെക്കുറിച്ച് ഓർമ്മ വന്നത്..

അവിടേക്ക് അവൾ കണ്ണ് പായിച്ചു നോക്കിയെങ്കിലും അവിടെങ്ങും അയാളെ കണ്ടില്ല..

ഇനി ചിലപ്പോൾ  രാത്രി തന്നെ അകത്തു കേറി പോയിരിക്കാം..

"""കുട്ട്യേ നീ ഇത് എന്ത് ആലോചിച്ചാണ് മുറ്റം അടിക്കുന്നത്..

""അതുപിന്നെ മുത്തശ്ശി ഇന്നലെ നമ്മൾ കണ്ട ആള് അവിടുണ്ടോ എന്ന് നോക്കിയതാണ്..

"""ഓ അയാൾ അകത്തെങ്ങാനും കാണും..

നീ വേഗം മുറ്റമടിച്ചു വന്നു ചായ ഇടാൻ നോക്ക്..

""ഓ തീർന്നു മുത്തശ്ശി,ദേ ചായ ഇപ്പോൾ ഇട്ടു തരാട്ടോ..

എന്നും പറഞ്ഞവൾ നേരെ അടുക്കളയിലേക്ക് പോയി..

---------------------------------------------------------

രാവിലത്തെ ജോലിയും തീർത്തു കുളിച്ചു ഭക്ഷണം കഴിച്ചു ഇരിക്കുമ്പോളാണ് ധ്വനിയുടെ ഫോൺ റിങ് ചെയ്തത്..

അവൾ ചെന്ന് ഫോൺ എടുത്തു നോക്കിയതും സ്‌ക്രീനിൽ ഉണ്ണിയേട്ടൻ എന്ന് തെളിഞ്ഞു നിൽക്കുന്നത് കണ്ടു..

അവൾ കോൾ അറ്റൻഡ് ചെയ്തു..

"""ഹലോ ഉണ്ണിയേട്ടാ.. ഉണ്ണിയേട്ടൻ എവിടായിരുന്നു..??

ഞാൻ ഇന്നലെ ഒരുപാട് തവണ വിളിച്ചിരുന്നു..

""ഹാ! ഡി എന്റെ ഫോൺ എന്തോ ഇടക്ക് ഓഫായി പോയി..

അല്ല നീ എന്തിനാ വിളിച്ചത്..??

""അതോ.. അതുപിന്നെ ഉണ്ണിയേട്ടന്റെ ഫ്രണ്ട് ആണെന്നും പറഞ്ഞു ഇന്നലെ ഒരാൾ വന്നിരുന്നു..

"""ഹാ അവനെത്തിയോ അവിടെ.. ഡി അതെന്റെ ഫ്രണ്ട് ആണ്..

ശിവജിത്ത്..

എഴുത്തുകാരൻ ആണ്..

"""മ്മ്മം നല്ല കൂട്ടുകാരൻ, ആള് ഇന്നലെ വന്ന കോലം ഒന്ന് കാണേണ്ടത് ആയിരുന്നു..

"""ഹഹഹ കുടിച്ചിട്ടാവും അല്ലേ വന്നത്..

ആളൊരു പ്രത്യേക ടൈപ്പ് ആണ്..

 എന്നാലും പ്രശ്നക്കാരൻ ഒന്നുമല്ല..

""മ്മ്മം ആവാതെ ഇരുന്നാൽ മതി..

""ഹേയ് പേടിക്കണ്ടടി.. ഞാൻ രണ്ടു ദിവസത്തിനുള്ളിൽ അങ്ങ് വരുന്നുണ്ട്..

പറ്റുമെങ്കിൽ നീ പോയി ആ വീടൊക്കെ അടിച്ചു വൃത്തിയാക്കി ഇട്ടേക്കണേ.

അത് പറയാൻ കൂടിയിട്ടാണ് ഞാൻ ഇപ്പോൾ വിളിച്ചത്..

""ആയിക്കോട്ടെ ഏട്ടാ.. ഞാൻ ചെയ്തോളാം..

"""ശെരി എന്നാൽ കുറച്ചു തിരക്കുണ്ട്.. പിന്നെ വിളിക്കാം.

"""ഓക്കേ ഏട്ടാ ബൈ  എന്നും പറഞ്ഞു അവൾ കോൾ കട്ട്‌ ആക്കി..

"""കുടിച്ചു കറങ്ങി നടക്കുന്ന എഴുത്തുകാരൻ.. കൊള്ളാം 

ഹാ എന്തായാലും ഇനി ഏട്ടൻ പറഞ്ഞ സ്ഥിതിക്ക് തറവാട് അടിച്ചു വാരി ഒന്ന് വൃത്തിയാക്കി ഇട്ടേക്കാം..

എന്ന് മനസ്സിൽ പറഞ്ഞു കൊണ്ടു ധ്വനി വാഴൂർ തറവാട്ടിലേക്ക് നടന്നു..

തറവാട്ട് മുറ്റത്ത്‌ കരിയിലകൾ വീണു കിടക്കുന്നു ..

ആ കരിയിലകൾ ചവിട്ടി മെതിച്ചവൾ  നടക്കുന്നതിന് ഇടയിൽ  അവൾ മിഴികൾ  പാളിച്ചൊന്നു  ചുറ്റിലും  നോക്കി..

അയാളെ അവിടെങ്ങും കണ്ടില്ല..

ഉടുത്തിരുന്ന ദാവണി തുമ്പു വലതു കൈയുടെ ചൂണ്ടു വിരലിൽ ചുറ്റി കൊണ്ട് ഓരോ അടി മുന്നോട്ട് വെക്കുമ്പോഴും അവളുടെ ഉള്ളിൽ ഒരൽപ്പം ടെൻഷൻ ഉണ്ടായിരുന്നു..

വന്നിരിക്കുന്ന ആളെക്കുറിച്ച് വ്യക്തമായ ഒരു ധാരണയില്ല..

ഉണ്ണിയേട്ടൻ അയാൾ പാവമാണെന്ന് പറഞ്ഞെങ്കിലും കുടിച്ചു കഴിഞ്ഞുള്ള മനുഷ്യന്റെ സ്വഭാവം പറയാൻ പറ്റില്ലല്ലോ..

അതുകൊണ്ട് തന്നെ ധ്വനിക്ക് ഉള്ളിൽ തെല്ലു ഭയം ഉണ്ടായിരുന്നു....

അവൾ മന്ദം മന്ദം നടന്നു ഉമ്മറപടിയിലേക്ക് കാല് വെച്ചപ്പോൾ തന്നെ ഒഴിഞ്ഞൊരു മദ്യകുപ്പി നിലത്ത് കിടക്കുന്നത് കണ്ടു..

 നിലത്ത് ആണെങ്കിൽ കുറെ പേപ്പറുകൾ ചുരുട്ടി കൂട്ടി ഇട്ടിരിക്കുന്നു..

അവൾ മെല്ലെ ചെന്ന് അതിലൊന്ന് എടുത്തു തുറന്നു നോക്കി..

കുറച്ചു കുത്തി വരക്കൽ മാത്രം അതിലുണ്ട്..

അവൾ ആകാംഷയോടെ ഓരോ പേപ്പറും എടുത്തു തുറന്നു നോക്കി..

എല്ലാത്തിലും അങ്ങനെ തന്നെ..

എഴുത്തുകാരന് ഭാവന വന്നു കാണില്ല എന്നും പറഞ്ഞവൾ ഊറി ചിരിച്ചു..

പിന്നെ അവിടെ നിന്നും എഴുന്നേറ്റവൾ അകത്തേക്ക് നടന്നു..

അവളുടെ കാൽ കൊലുസ്സിന്റെ നാദം അവിടെ ആകെ മുഴങ്ങി നിന്നു..

അവളുടെ മിഴികൾ അയാളെ തേടി കൊണ്ടിരുന്നു..

"""ശ്ശെടാ ഇയാൾ ഇത് എവിടെ പോയി കിടക്കുന്നു.. 

എന്നും പറഞ്ഞവൾ താഴേക്ക് നോക്കുമ്പോൾ ആണ് നിലത്ത് വീണു കിടക്കുന്ന രക്തത്തുള്ളികൾ അവളുടെ കണ്ണിലുടക്കിയത്....

""എന്റെ ദേവി എന്നും വിളിച്ചവൾ നെഞ്ചിൽ കൈവെച്ചു ഞെട്ടി തരിച്ചു നിന്നു..

#രണ്ടാംതാലി (4)

ധ്വനിയുടെ നെഞ്ചിടുപ്പേറി..

അയാൾക്ക് എന്തെങ്കിലും പറ്റിക്കാണുമോ..??

തെല്ലു ഭയത്തോടെ അവൾ രക്ത തുള്ളികൾ പിന്തുടർന്ന് മുന്നോട്ടു നടന്നു.....

ഓരോ അടി മുന്നോട്ട് വെക്കുമ്പോഴും അവളുടെ നെഞ്ചിടുപ്പിന്റെ വേഗത ഏറി വന്നു....

രക്തത്തുള്ളികൾക്ക് പിന്നാലെ ഉള്ള അവളുടെ നടത്തം അവസാനിച്ചത്  കതക് പാതി ചാരിയ ഒരു മുറിയുടെ മുന്നിലായിരുന്നു..

അവൾ അൽപ്പം ഭയത്തോടെ മെല്ലെ ആ കതക് തുറന്നു  അകത്തേക്ക് നോക്കി....

അയാൾ കട്ടിലിൽ നീണ്ടു നിവർന്നു കിടക്കുന്നു..

അവൾ അയാൾക്കരികിലേക്ക് ചെന്നു..

അയാളുടെ കൈ വെള്ളയിൽ നിന്നും ചെറുതായി ചോര പൊടിച്ചു താഴേക്ക് വീഴുന്നുണ്ട് ..

വേഗം തന്നെ അവൾ അയാളെ കുലുക്കി വിളിച്ചു..

""ഹലോ മാഷേ.. ഒന്ന് എഴുന്നേറ്റേ..

മാഷേ....

ഹലോ!!

എന്റെ ദേവി അനക്കം ഇല്ലല്ലോ ആള് തട്ടിപ്പോയോ..

അവളത് പറയുമ്പോളേക്കും അയാൾ കണ്ണ് തുറന്നു അവളെ നോക്കി..

അപ്പോഴാണ് അവൾക്ക് ശ്വാസം നേരെ വീണത്..

"""ഹോ അപ്പോൾ മരിച്ചില്ലായിരുന്നോ..

മനുഷ്യൻ വെറുതെ പേടിച്ചു പോയി....

ഒരു ദീർഘനിശ്വാസത്തോടെ അവൾ പറഞ്ഞു....

അത് കേട്ട് അയാൾ അവളെ അരിശത്തോടെ ഒന്ന് നോക്കി..

"""നാശം പിടിക്കാൻ മനുഷ്യനെ ഉറങ്ങാനും സമ്മതിക്കില്ല..

നീ ഏതാടി പെണ്ണേ.....??

പാതി മുറിഞ്ഞ ഉറക്കത്തിന്റെ ദേഷ്യം അയാളുടെ വാക്കുകളിൽ പ്രകടമായിരുന്നു....

""ഞാൻ ആരെങ്കിലും ആവട്ടെ മാഷേ ദേ നിങ്ങളുടെ കൈ മുറിഞ്ഞു  ചോര വരുന്നുണ്ട്..

അത് കേട്ട് അയാൾ തന്റെ കൈയിലേക്ക് ഒന്ന് നോക്കി..

""ഓ ഇത് സാരമില്ല ഗ്ലാസ് പൊട്ടി മുറിഞ്ഞത് ആണ്....

വളരെ നിസ്സാരഭാവത്തോടെ അയാൾ പറഞ്ഞു .....

"""ഓ എന്നാൽ അതൊന്ന് കെട്ടിവെക്കാൻ നോക്ക് മാഷേ..

""ഹേയ് അതിന്റെ ആവശ്യമില്ല അതിപ്പോൾ നിന്നോളും എന്നും പറഞ്ഞയാൾ അരികിൽ ഇരുന്ന കുപ്പിയിൽ നിന്നും അൽപ്പം മദ്യം കൈയിലേ മുറിവിലേക്ക് ഒഴിച്ചു....

മദ്യം മുറിവിൽ വീഴുമ്പോൾ അയാളുടെ മുഖത്തെ വ്യത്യാസം അവൾ ശ്രദ്ധിച്ചു..

നീറ്റലിന്റെ വേദന അയാൾ കടിച്ചു പിടിക്കുകയാണെന്ന് അവൾക്ക് മനസ്സിലായി....

""ഓ ഇതെന്തൊരു ജന്മം എന്റെ ഈശ്വരാ..

ധ്വനി മനസ്സിൽ പറഞ്ഞു..

അത് ഒഴിച്ചു കഴിഞ്ഞതും അയാൾ കട്ടിലിൽ കിടന്നിരുന്ന സിഗരറ്റ് പാക്കറ്റിൽ നിന്നും ഒരു സിഗരറ്റു എടുത്തു അയാളുടെ ചുണ്ടത്തു വെച്ചു....

""അതേ മാഷേ ഇവിടെ നിന്ന്  വലിക്കല്ലേ..

ഒന്ന് എഴുന്നേറ്റു പുറത്തേക്ക് പോവുമോ എനിക്ക് ഇവിടൊക്കെ ഒന്ന് തൂത്തുവാരി വൃത്തിയാക്കേണ്ടത് ആണ്.....

"""നീ ഏതാടി പെണ്ണേ.. ഇവിടൊന്നും ചെയ്യണ്ട

നീ പോവാൻ നോക്ക്..

"""ആഹാ ബെസ്റ്റ് അപ്പോൾ എന്നെ ഓർമ്മയില്ലേ....

ഇന്നലെ താക്കോൽ ചോദിച്ചു വന്നതും, താക്കോൽ തന്നതും ഒക്കെ മറന്നു പോയോ..??

"""ഏത് താക്കോൽ.. എന്ത് താക്കോൽ..?

ആര് വാങ്ങി..?

""അടിപൊളി....ഡോ മാഷേ ഇന്നലെ കുടിച്ചു നാല് കാലിൽ വന്നു ഈ തറവാടിന്റെ താക്കോൽ വാങ്ങിയത് എന്റെ തറവാട്ടിൽ നിന്നാണ് ഓർമ്മയില്ലേ..??

""ങ്ങേ ഞാൻ വന്നു താക്കോൽ വാങ്ങിയെന്നോ.??

""അല്ല നിങ്ങളുടെ പ്രേതം..

താക്കോൽ ഇല്ലാതെ പിന്നെ നിങ്ങൾ പൂട്ട് പൊളിച്ചാണോ അകത്തു കേറിയത്.....

അയാളുടെ സംസാരം കേട്ടു ധ്വനിക്ക് ദേഷ്യം പിടിച്ചിരുന്നു....

"""ഓ സോറി സോറി .. ഒന്നും ഓർക്കാൻ പറ്റുന്നില്ല.. ഇന്നലെ നല്ല ഫിറ്റ്‌ ആയിരുന്നു....

എന്നും പറഞ്ഞയാൾ 

കട്ടിലിൽ നിന്നും എഴുന്നേറ്റു.

"""അല്ല മാഷേ.. താങ്കൾക്ക് താങ്കളുടെ കൂട്ടുകാരൻ ഉണ്ണികൃഷ്ണനെ ഓർമ്മയുണ്ടോ ആവോ..??

അൽപ്പം പരിഹാസം കലർത്തി അവൾ ചോദിച്ചു....

""""ഡി പെണ്ണേ ഞാൻ ഇന്നലെ കുറച്ചു ഓവറായി പോയി..

ഇപ്പോൾ കെട്ട് വിട്ടപ്പോൾ ആണെങ്കിൽ ഒന്നും ഓർമ്മയിലും വരുന്നില്ല....

അതാണ് സത്യം..

പിന്നെ നീ ഇതിന്റെ പേരിൽ എന്നെ കൂടുതൽ ആക്കരുത് കേട്ടോ..

അയാളുടെ വാക്കുകളിൽ അവളോടുള്ള ദേഷ്യം പ്രകടമായിരുന്നു..

"""എന്റെ പൊന്നോ ഞാൻ ആരെയും ആക്കാൻ വരുന്നില്ല..

മാഷ് ഇപ്പോൾ തത്കാലം പുറത്തേക്ക് ഇറങ്ങാൻ നോക്ക്....

""എന്തിന്..?? ഇവിടെ ഒന്നും ചെയ്യണ്ടെന്ന് പറഞ്ഞില്ലേ

നീ പോവാൻ നോക്ക്..

"""പിന്നെ ഇവിടെ ഒന്നും ചെയ്യണ്ട എന്ന് മാഷാണോ തീരുമാനിക്കുന്നത്..

ഇതിന്റെ ഉടമസ്ഥൻ ഉണ്ണിയേട്ടൻ ആണ് രാവിലെ എന്നെ വിളിച്ചു പറഞ്ഞു ഇതൊക്ക വൃത്തിയാക്കി ഇടണമെന്ന്..

അതുകൊണ്ട് തന്നെ ഞാൻ അത് ചെയ്തിട്ടേ  പോവു....

വാക്കുകളിൽ ഒരൽപ്പം ഗൗരവം കലർത്തിയവൾ മറുപടി പറഞ്ഞു..

അതുകേട്ടതും നീ എന്തെങ്കിലും കാണിക്ക് എന്നും പറഞ്ഞു പിറു പിറുത്തു കൊണ്ടയാൾ അരിശത്തോടെ പുറത്തേക്ക് നടന്നു ..

അയാൾ അടുത്ത് കൂടി നടന്നു പോയപ്പോൾ മദ്യത്തിന്റെയും വിയർപ്പിന്റെയും രൂക്ഷ ഗന്ധം അവളുടെ മൂക്കിൽ അടിച്ച് കേറി....

"""ഹോ എന്തൊരു നാറ്റമാണ്..

ഇവിടെ കുളവും വെള്ളവും ഒക്കെയുണ്ട്..

പറ്റൂച്ചാൽ ഒന്ന് കുളിച്ചേക്കണേ ഞങ്ങൾ അയൽവക്കത്തുള്ളവർക്കും ഇവിടെ ജീവിക്കണം.....

ചെറിയൊരു പരിഹാസ ചിരിയോടെ അവൾ നീട്ടി വിളിച്ചു പറഞ്ഞു..

അത് ഗൗനിക്കാത്ത മട്ടിൽ അയാൾ എന്തൊക്കെയോ പിറു പിറുത്തു കൊണ്ട് മുറ്റത്തേക്ക് ഇറങ്ങി..

അയാൾ പോയതും നിലത്ത് വീണ രക്തം അവൾ വെള്ളം നനച്ച തുണികൊണ്ട് തൂത്തെടുത്തു....

പിന്നെ അവിടാകെ അടിച്ച് വാരി വൃത്തിയാക്കി..

അങ്ങനെ ഒരുവിധം പണികൾ ഒക്കെ തീർത്തവൾ പുറത്തേക്ക് ഇറങ്ങി....

നേരം കുറച്ചായി അയാളെ ആണെങ്കിൽ അവിടെങ്ങും കാണാനുമില്ല....

അവളുടെ കണ്ണുകൾ ചുറ്റുമൊന്നു പരതി നോക്കി..

""ഹാ ചിലപ്പോൾ ഇനി പുറത്തേക്ക് എങ്ങാനും പോയി കാണും..

എന്നും പറഞ്ഞവൾ കാലും കൈയും കഴുകാനായി കുളത്തിലേക്ക് നടന്നു....

തറവാടിന്റെ വടക്ക് വശത്തായിട്ടാണ് കുളം..

നടന്നു കുളത്തിനടുത്ത് എത്തി..

കുളത്തിലെ വെള്ളത്തിന്‌ കടും പച്ച കലർന്ന നിറം..

കുളത്തിന്റെ നടുക്കായി കുറച്ചു ആമ്പൽ പൂക്കൾ വാടി തളർന്നു നിൽക്കുന്നു....

 അങ്ങിങ്ങായി പായൽ പറ്റി പിടിച്ചിരിക്കുന്ന കൽപടവുകൾ മെല്ലെ  ഇറങ്ങുന്നതിന് ഇടയിലാണ്  അവൾ താഴത്തെ കൽപടവിൽ ഇരിക്കുന്ന അയാളുടെ വസ്ത്രം കണ്ടത്....

ചുറ്റും പാടും അവൾ കണ്ണോടിച്ചു നോക്കി..

വെള്ളത്തിന്‌ ആണെങ്കിൽ ഒരു ചലനവും ഇല്ല..

""ഈ തുണിയും ഇവിടെ വെച്ച് ഇയാളിത് എങ്ങോട്ട് പോയി..

ഇനിയെങ്ങാനും മുങ്ങി ചത്തു കാണുമോ....

നല്ല ആഴമുള്ള കുളമാണ്..

അവൾ വേഗം തന്നെ കൽപടവ് ഇറങ്ങി താഴെ എത്തിയതും അയാൾ വെള്ളത്തിൽ നിന്നും പൊങ്ങി വന്നതും ഒരുമിച്ചായിരുന്നു..

പെട്ടെന്ന് അത് കണ്ടു അവൾ ഞെട്ടി പുറകോട്ടു ഇരുന്ന് പോയി..

"""നിങ്ങൾ എന്താടോ മനുഷ്യാ ആളെ പേടിപ്പിച്ചു കൊല്ലാൻ ഇറങ്ങിയതാണോ..?

""നിന്നോട് ആരാടി ഇങ്ങോട്ട് വരാൻ പറഞ്ഞത്....?

""" ജോലി കഴിഞ്ഞു ഞാനെന്റെ കാലും കൈയും ഒന്ന് കഴുകാൻ വന്നതാണ്..

സാർ നീരാടുന്ന കാര്യം എനിക്ക് അറിയില്ലായിരുന്നു....

അവളുടെ വാക്കുകളിലെ പരിഹാസം അവനെ നന്നായി ദേഷ്യം പിടിപ്പിക്കുന്നുണ്ടായിരുന്നു....

അവളെ ദേഷ്യത്തിൽ കണ്ണുകൾ തുറിച്ചൊരു നോട്ടം നോക്കിയ ശേഷം വെള്ളത്തിൽ നിന്നും കയറി പടവിൽ ഇരുന്ന മുണ്ടെടുത്തു ഉടുത്തു കൊണ്ടു ഉടുത്തിരുന്ന തോർത്ത്‌ അഴിച്ചു മാറ്റി പിഴിഞ്ഞ് തല വേഗം തുവർത്തി കൊണ്ട് അയാൾ കേറി പോയി..

അതെല്ലാം കണ്ട് അവളൊന്ന് ഊറി ചിരിച്ചു..

ദേഷ്യം പിടിച്ചുള്ള അയാളെ കാണാൻ  രസം ഉള്ളത് പോലെ അവൾക്ക് തോന്നി....

അയാൾ പോയതും കാലും കൈയും കഴുകി അവളും തറവാട്ടിലേക്ക് പോയി....

------------------------------------------

ഉച്ച കഴിഞ്ഞു വീട്ടിലെ വീട്ടിലെ ജോലിയൊക്കെ ചെയ്തു  തീർത്തു സന്ധ്യയോടെ കുളിയും കഴിഞ്ഞു വന്നു  ഉമ്മറത്തു വിളക്ക് വെക്കലും നാമം ചൊല്ലലും ഒക്കെ കഴിഞ്ഞവൾ വന്നു ഉമ്മറ പടിയിൽ ഇരുന്നു കൊണ്ട് 

മുറ്റത്തേക്ക് അവൾ നോക്കി..

രാത്രി വിടരാൻ കൊതി പൂണ്ടു നിൽക്കുന്ന നിശാ പുഷ്പങ്ങൾ..

ഇരുളിനെ പ്രണയിക്കുന്നവർ....

അവരിങ്ങനെ ഇളം കാറ്റിൽ  ആടുകയാണ്..

അവൾ ആ പൂ മൊട്ടുകളെ തന്നെ നോക്കിയിരുന്നു..

അകലെ നിന്നും മഴയുടെ ഇരുമ്മൽ ശബ്ദം കേട്ടു..

വളരെ വേഗം തന്നെ ആ മഴ അടുത്തെത്തുകയും ചെയ്തു..

ഭ്രാന്തമായ ആവേശത്തോടെ മഴ തിമിർത്തു പെയ്തു തുടങ്ങി....

മഴത്തുള്ളികൾ മണ്ണിൽ ചിതറി തെറിച്ചു വീണു കൊണ്ടിരുന്നു....

മഴയുടെ ആരവം അതി ശക്തമായി...

ആ മഴയുടെ ശക്തിയിൽ പൂ മൊട്ടുകളിൽ ചിലത് മണ്ണിലേക്ക് അടർന്നു വീണു....

നല്ലൊരു ജീവിതം സ്വപ്നം കണ്ട തന്റെ ജീവിതം പോലെ തന്നെ ആ പൂ മൊട്ടുകൾക്കും പാതി വഴിയിൽ വീണു പോവാനായിരുന്നു വിധി....

തന്റെ ജീവിതത്തെ ആ പൂ മൊട്ടുകളോട് ഉപമിക്കുമ്പോൾ 

അവളുടെ ഉള്ളിലേക്ക് നോവുന്നർത്തുന്ന ഓർമ്മകൾ ഓടിയെത്തി ....

ഇതേ പോലെയുള്ള മഴയത്തു മറ്റു കുട്ടികൾ ഓടി കളിക്കുമ്പോൾ അത് കണ്ടിരിക്കാൻ വിധിക്കപ്പെട്ട കുട്ടിക്കാലം ആയിരുന്നു തന്റേത്....

എനിക്ക് പനി പിടിക്കുമോ എന്ന് മുത്തശ്ശിക്ക് പേടി....

അധികം കൂട്ടുകാരില്ലാതെ കളി ചിരികൾ കുറഞ്ഞൊരു ബാല്യം..

മറ്റുള്ള കുട്ടികൾ അച്ഛനമ്മമാരുടെ വിരൽത്തുമ്പിൽ പിടിച്ചു സ്കൂളിൽ പോവുമ്പോൾ താൻ പോയത് മുത്തശ്ശിയുടെ വിരൽ തുമ്പിൽ പിടിച്ചായിരുന്നു....

അന്നൊക്കെ അച്ഛനെയും അമ്മയെയും വേണമെന്ന് വാശിപിടിച്ചു ഞാൻ ഒരുപാട് കരഞ്ഞിട്ടുണ്ട്....

അന്നൊക്കെ ഓരോ കഥകൾ പറഞ്ഞു പാവം മുത്തശ്ശി എന്നെ സമാധാനിപ്പിച്ചു....

പിന്നീട് വളർന്നപ്പോൾ അച്ഛനും അമ്മയും ഇല്ലാത്തവൾ എന്നുള്ള ചില സഹപാഠികളുടെ കളിയാക്കലുകൾ വല്ലാത്ത മുറിവാണ് എന്റെ ഹൃദയത്തിൽ ഉണ്ടാക്കിയത്..

ഇന്നും ഉറങ്ങാത്ത മുറിവ്..

പലപ്പോഴും അച്ഛന്റെയും അമ്മയുടെയും സ്നേഹം ഞാൻ കൊതിച്ചിട്ടുണ്ട്..

പക്ഷേ അതൊക്കെ ആഗ്രഹിക്കാനും സ്വപ്നം കാണാനും വിധിക്കപ്പെട്ട ജന്മം ആണെന്റെ എന്നെനിക്ക് പിന്നീട് മനസ്സിലായി..

പക്ഷേ ഇന്നിപ്പോൾ അവരുണ്ടായിരുന്നു എങ്കിലെന്ന് വെറുതെ മോഹിച്ചു പോവുന്നു..

ധ്വനിയുടെ മിഴികളിൽ നിന്നും മിഴിനീർ പൊടിഞ്ഞു....

നോവ് പൊള്ളിക്കുന്ന 

ഓർമ്മകൾ പിന്നെയും അവളെ വേട്ടയാടി...

അച്ഛനും അമ്മയും അടക്കം തന്നെ പ്രണയം നടിച്ചു വഞ്ചിച്ച കാമുകൻ വരെ അവളുടെ നോവുന്ന

ഓർമ്മകളിൽ നിറഞ്ഞു....

അവളുടെ ചങ്ക് പിടഞ്ഞു....

ഹൃദയം കീറി മുറിക്കുന്ന പോലെ....

മഴക്കൊപ്പം അവളും കണ്ണീർ പൊഴിച്ചു കൊണ്ടിരുന്നു .....

കവിൾത്തടങ്ങളിലൂടെ ചാലു കീറി പുഴ പോലെ ഒഴുകിയ കണ്ണീർ തുള്ളികൾ താഴേക്ക് വീണു കൊണ്ടിരുന്നു..

പെട്ടെന്ന് ആണ് ആരോ എന്തോ പിറു പിറുക്കുന്ന ശബ്ദം കേട്ടത്....

കണ്ണുനീർ തുടച്ചവൾ 

അങ്ങോട്ടേക്ക് നോക്കിയപ്പോൾ കണ്ടത് 

ഉണ്ണിയേട്ടന്റെ എഴുത്തുകാരൻ ഫ്രണ്ട് കുടിച്ചു ആടിയാടി വരുന്നത് ആണ്....

അയാൾ വാഴൂർ തറവാട്ടിലേക്ക് നടന്നു പോവുകയാണ്....

മഴയത്ത് മുഴുവൻ നനഞ്ഞു കുളിച്ചാണ് ആളുടെ നടപ്പ്...

"'ഇയാൾ എന്തൊരു മനുഷ്യൻ ആണ്.. ഏത് സമയവും മൂക്കറ്റം കുടിച്ചു നടക്കുന്നു..

ഇയാൾക്ക് ചോദിക്കാനും പറയാനും ഒന്നും ആരുമില്ലേ..

 കുടുംബംഒന്നും കാണില്ലേ...

അതോ ഇനി ഇയാളുടെ ഈ കുടി കാരണം അവരെല്ലാം കൂടെ ഓടിച്ചു വിട്ടതാവുമോ..??

ധ്വനിയുടെ ഉള്ളിൽ നൂറായിരം ചോദ്യങ്ങൾ ഉയർന്നു വന്നു..

മഴ നനഞ്ഞു കൊണ്ടവൻ വാഴൂർ തറവാടിന്റെ ഉമ്മറത്തേക്ക് കേറി ചാരു കസേരയിൽ ഒറ്റ ഇരുപ്പായിരുന്നു..

അതും കണ്ടു കൊണ്ട് ഇരിക്കുമ്പോൾ ആണ് മുത്തശ്ശി അവളെ വിളിച്ചു അകത്തു കയറ്റിയത്....

വെള്ളിയാഴ്ച തൃസന്ധ്യക്ക് ഒന്നും ഇങ്ങനെ പുറത്തിറങ്ങി ഇരിക്കാൻ പാടില്ലാത്രെ..

വല്ല യക്ഷിയോ ഗന്ധർവ്വനോ കണ്ടാൽ നമുക്ക് പണികിട്ടുമത്രേ..

മുത്തശ്ശി പറഞ്ഞുള്ള അറിവാണ്..

അന്ധവിശ്വാസം ആവാം..

എങ്കിലും മുത്തശ്ശിയെ എതിർത്തു ഞാൻ ഒന്നും പറയാറും ചെയ്യാറുമില്ല..

അതുകൊണ്ട് തന്നെ മുത്തശ്ശി വിളിച്ചതും ഞാൻ എഴുന്നേറ്റു ചെന്നു..

കുറച്ചു സമയം ഓരോ വിശേഷങ്ങൾ പറഞ്ഞിരുന്നു.അതിനിടയിൽ അയാളെ കുറിച്ചും സംസാരിച്ചു..

പിന്നെ രാത്രിയോടെ ഞങ്ങൾ ഭക്ഷണം കഴിച്ചു കിടന്നു....

രാത്രി ഏറെ വൈകി കാണും ആരോ കതകിൽ തട്ടി വിളിക്കുന്നത്  പോലെ തോന്നി ഞാൻ ഞെട്ടി ഉണർന്നു..

""മുത്തശ്ശി എഴുന്നേറ്റേ..ആരോ നമ്മുടെ കതകിൽ മുട്ടുന്നുണ്ട്..

വെപ്രാളത്തോടെ അവൾ മുത്തശ്ശിയെ വിളിച്ചെഴുന്നേൽപ്പിച്ചു..

"""എന്താ കുട്ട്യേ എന്താ..

""ആരോ കതകിൽ മുട്ടുന്നു..

"""ആര്..?

ഈ പാതിരാത്രിക്ക് ആര് മുട്ടാൻ ആണ്..

എന്തായാലും നീ വാ നമുക്ക് നോക്കാം എന്നും പറഞ്ഞു മുത്തശ്ശി എഴുന്നേറ്റു കതകിനടുത്തേക്ക് നടന്നു പിന്നാലെ ധ്വനിയും..

കതകിൽ പിന്നെയും മുട്ടുകേട്ടു..

""ആരാത്..

മുത്തശ്ശി ഒരൽപ്പം ഗൗരവത്തോടെ ചോദിച്ചു..

""" വാതിൽ തുറക്ക് ഇത് ഞങ്ങളാണ്..

"""ഞങ്ങളോ ഏത് ഞങ്ങൾ..??

""അതൊക്കെ പറയാം നിങ്ങൾ വാതിൽ തുറക്ക്..

"""ഇല്ല.. ആരായാലും കാര്യം പറ എന്നിട്ട് ആവാം വാതിൽ തുറക്കുന്നത്..

"""ധ്വനി നീയൊന്നു വാതിൽ തുറക്ക്.. എത്ര കാശ് വേണമെങ്കിലും  തരാം..

ഒന്ന് തുറക്കടി പെണ്ണേ....

അവരുടെ വാക്കുകൾ കേട്ടതും ഞാനൊന്ന് ഞെട്ടി..

മുത്തശ്ശി എന്നെയൊന്നു നോക്കി..

എന്റെ കണ്ണുകൾ നിറഞ്ഞു തുടങ്ങി..

അത് കണ്ടതും മുത്തശ്ശി ഒരു കൂസലും ഇല്ലാതെ അടുക്കളയിലേക്ക് പോയി വാക്കത്തിയുമായി തിരികെ വന്നു..

""ഇന്നാ മോളെ ഇതും പിടിച്ചു നീ പോയി വാതിൽ തുറക്ക്..

എന്നും പറഞ്ഞു മുത്തശ്ശി എന്റെ നേർക്ക് വാക്കത്തി നീട്ടി..

""അയ്യോ വേണ്ട മുത്തശ്ശി വാതിൽ തുറക്കേണ്ട.. എനിക്ക് പേടിയാവുന്നുണ്ട്..

""എന്റെ കുട്ട്യേ നീ ഇങ്ങനെ പേടിച്ചാൽ എങ്ങനെ ആണ് മുന്നോട്ട് ജീവിക്കുക....

ഇപ്പോഴേ ഇവനെ പോലെ ഉള്ളവന്മാർക്ക് മറുപടി കൊടുത്തില്ലെങ്കിൽ ഇതുപോലെ പല അവന്മാരും പിന്നെ വരാൻ തുടങ്ങും....

നമുക്ക് പിന്നെ സമാധാനമായി ഒരു രാത്രി പോലും ഉറങ്ങാൻ പറ്റില്ല....

മോള് ധൈര്യമായി ചെന്ന് വാതിൽ തുറന്നു നല്ല നാല് വർത്തമാനം പറ..

മുത്തശ്ശി അല്ലേ കൂടെ ഉള്ളത് പിന്നെന്തിനാ പേടിക്കുന്നത്..??

ഇനി ഈ മുറ്റത്ത്‌ കാല് കുത്താൻ അവന്മാർ പേടിക്കണം..

എന്നും പറഞ്ഞു മുത്തശ്ശി എന്റെ കൈയിലേക്ക് വാക്കത്തി വെച്ചു തന്നു..

""ധ്വനി..ഡി വാതിൽ തുറക്ക്.. ആരെങ്കിലും വരും മുൻപ് തുറക്കെടി..

ചോരയും നീരുമുള്ള ആണുങ്ങൾ ആണെടി ഞങ്ങളും....

വാതിൽ മുട്ടുന്നതിനിടയിൽ ആരോ പറഞ്ഞു..

അതും കൂടി കേട്ടപ്പോൾ മനസ്സാകെ പതറി പോയി..

ഒരുതരം ദേഷ്യവും സങ്കടവും കലർന്ന വികാരം മനസ്സിൽ വന്നു നിറഞ്ഞു..

മുത്തശ്ശി പറഞ്ഞത് ശെരിയാണ് പേടിക്കാൻ പോയാൽ ജീവിക്കാൻ ആവില്ല അതുകൊണ്ട് വാതിൽ തുറന്നു നാല് പറയുന്നത് തന്നെ ആണ് ശെരി..

ധ്വനിയുടെ മനസ്സ് മന്ത്രിച്ചു കൊണ്ടിരുന്നു..

പിന്നെ ഒന്നും നോക്കിയില്ല മുത്തശ്ശി ഉള്ള ധൈര്യത്തിൽ അവൾ വാതിൽ തുറന്നു..

നാട്ടിലെ രണ്ടു താന്തോന്നികൾ ആയിരുന്നു അവിടെ നിന്നത്..

മദ്യത്തിന്റെ ലഹരിയിൽ ആയിരുന്നു അവരുടെ നിൽപ്പ്..

""നിനക്കൊക്കെ എന്താടാ വേണ്ടത്..?

ദേഷ്യം അവളുടെ വാക്കുകളിൽ കലർന്നിരുന്നു..

അവളുടെ ആ വാക്കുകൾക്ക് വല്ലാത്ത ഒരു മൂർച്ചയുണ്ടായിരുന്നു..

"""ഞങ്ങൾക്ക് നിന്നെയാണ് വേണ്ടത്..

അതും ഈ ഒരു രാത്രിയിലേക്ക് മാത്രം മതി..

""പ്ഫ.. പോയി നിന്റെ വീട്ടിൽ ഉള്ളവരോട് പറയടാ പട്ടികളെ....

"""ഓ നീയെന്താടി  വല്യ ശീലാവതി ചമയുന്നത്..??

കല്യാണം എന്നും  പറഞ്ഞു നീ നാട്ടുകാരെ പറ്റിച്ചു അഴിഞ്ഞാടിയതൊക്കെ ഞങ്ങൾക്ക് അറിയാം..

അതുകൊണ്ട് പുണ്യാളത്തി ആവാതെ ഞങ്ങൾക്കും കൂടെ ഒരവസരം താ മോളെ..

അത് പറയുമ്പോൾ അവരുടെ മുഖത്ത് പുച്ഛം കലർന്ന ചിരി ഉണ്ടായിരുന്നു....

അത് കേട്ടതും ധ്വനിയുടെ കണ്ണുകൾ ചെറുതായി ഈറനണിഞ്ഞു..

"""എന്താടി നീ ഞങ്ങൾക്കൊന്നും തരില്ലേ..

അതോ കാശുള്ളവർക്ക് മാത്രമേ കൊടുക്കത്തൊള്ളോ ..??

അവരുടെ വാക്കുകളിലെ പരിഹാസം അവളെ കുത്തി നോവിച്ചു കൊണ്ടിരുന്നു..

""നിർത്തെടാ ചെറ്റകളെ നീയൊക്കെ എന്താ വിചാരിച്ചത്.. നട്ടപാതിരക്ക് ആൺ തുണയില്ലാത്ത വീട്ടിൽ വന്നു പെണ്ണുങ്ങളോട് എന്തും ആവാമെന്നോ..??

അതോ നീയൊക്കെ വന്നു മുട്ടിയാൽ ഉടനെ നിന്നെ ഒക്കെ വിളിച്ചു അകത്തു കേറ്റി സൽക്കരിക്കുമെന്നോ..

അങ്ങനെ ഉള്ളവളുമാരെയെ നീയൊക്കെ കണ്ടിട്ടുണ്ടാവൂ..

ഇത് ധ്വനിയാണ്..

നിന്റെ ഒന്നും അഭ്യാസം ഇവിടെ ചെലവാക്കില്ല....

ക്ഷമക്കും ഒരു പരിധി ഉണ്ട്..

പാതിരാത്രി ഇരുളിന്റെ മറപറ്റി ചെറ്റപൊക്കാൻ ഇറങ്ങിയേക്കുന്നു ആണും പെണ്ണും കെട്ടവന്മാർ..

ഇനിയും നീയൊക്കെ ഇവിടെ നിന്നാൽ എന്റെ വാക്കത്തി ആവും നിനക്കൊക്കെ ഉള്ള മറുപടി പറയുക എന്നും പറഞ്ഞവൾ അവർക്ക് നേരെ വാക്കത്തി വീശി..

അതോടെ ഭയന്ന് അവർ പുറകോട്ടു മാറി..

പിന്നെ ഉമ്മറത്തു നിന്നും മുറ്റത്തേക്ക് ഇറങ്ങി നിന്നു....

""ഡി നീ വല്യ ആളൊന്നും ആവേണ്ട നിന്നെ ഞങ്ങൾ എടുത്തോളാം എന്നും പറഞ്ഞവർ ഭീഷണി മുഴക്കി പോയി....

തന്റെ ആത്മാഭി മാനത്തെ തൊട്ടു കളിച്ചാൽ സർവ്വതും ചുട്ടെരിക്കാൻ ശക്തിയുള്ള അഗ്നിയായി മാറും പെണ്ണെന്നു  പറയുന്നത് എത്ര ശെരിയാണ്..

 തന്റെ ഉള്ളിലെ അടക്കിപ്പിടിച്ച ദേഷ്യം ഒരു നിമിഷം പുറത്തേക്ക് വന്നപ്പോൾ എന്തൊക്ക ആണ് താൻ പറഞ്ഞത്..

വല്ലാത്തൊരു മനഃശക്തി ആയിരുന്നു തനിക്കപ്പോൾ....

മുത്തശ്ശിയുടെ വാക്കുകൾ പകർന്നു തന്ന ധൈര്യം ആണ് എല്ലാത്തിനും അടിസ്ഥാനം....

ഇനി ഞാൻ ഇത് പോലെയുള്ള ഒരുത്തനെയും  ഭയക്കില്ല...

ധ്വനി മനസ്സിൽ ഉറപ്പിച്ചു നിൽക്കുമ്പോൾ ആണ്  റോഡിലെ ഇരുളിന്റെ മറവിൽ ഒരു നിഴൽ രൂപം അനങ്ങുന്നത് അവൾ കണ്ടത്....

അവൾ തന്റെ കൈയിലെ വാക്കത്തിയിൽ മുറുകെ പിടിച്ചു....

""ആരാടാ അത്.. ഇരുളിൽ പതിയിരിക്കാതെ വെളിച്ചത്തോട്ട് വാ..

ഉറച്ച ശബ്ദത്തിൽ അവൾ പറഞ്ഞു..

പക്ഷേ മറുപടി ഒന്നും പറയാതെ ആ രൂപം അവിടെ തന്നെ നിന്നു..

അവൾ സംശയത്തോടെ വാഴൂർ തറവാട്ടിലേക്ക് നോക്കി..

ഉണ്ണിയേട്ടന്റെ ഫ്രണ്ട് കുടിച്ചു ബോധമറ്റ് ആവണം ഉമ്മറത്തെ ചാരു കസേരയിൽ തന്നെ കിടപ്പുണ്ട്..

അപ്പോൾ പിന്നെ ഇതാര്..?

ധ്വനിയുടെ നെഞ്ചിടുപ്പേറി വന്നു..

#രണ്ടാംതാലി (5)

ഇരുളിൽ നിന്ന ആള് അവിടെ നിന്ന് പരുങ്ങുന്നത് പോലെ അവൾക്ക് തോന്നി..

"""ആരാത്.. ഇരുട്ടിന്റെ മറപറ്റി നിൽക്കാതെ വെളിച്ചത്തേക്ക് വാ....

അതോ ഞാൻ ഈ വാക്കത്തിയുമായി അങ്ങോട്ട് വരണോ..?

ധ്വനി ധൈര്യം സംഭരിച്ചു ഉറച്ച ശബ്ദത്തിൽ ചോദിച്ചു..

അത് കേട്ടതും ആ രൂപം പതിയെ വെളിച്ചത്തിലേക്ക് വന്നു....

കള്ള് ചെത്തുകാരൻ രാമു..

 തലയിൽ തോർത്തൊക്കെ കെട്ടി വളിച്ച ചിരിയോടെ അയാൾ അവളെ നോക്കി...

""ഹാ ആരിത് രാമു ചേട്ടനോ..? ചേട്ടൻ രാത്രിയും കള്ള് ചെത്താൻ ഇറങ്ങി തുടങ്ങിയോ..?

പരിഹാസത്തോടെ ധ്വനി ചോദിച്ചു..

""അതുപിന്നെ മോളെ ഞാൻ  ഇതുവഴി പോയപ്പോൾ ഒന്ന് മൂത്രമൊഴിക്കാൻ നിന്നത് ആണ്..

""ഉവ്വ ഉവ്വ.. ഈ സമയത്ത് ഇവിടെ വന്നുള്ള മൂത്രമൊഴി അത്ര നല്ലതിന് ആവില്ല..

അതുകൊണ്ട് ചേട്ടൻ വേഗം സ്ഥലം വിടാൻ നോക്ക്..

ഞാൻ ചേച്ചിയോട് ഇതേ കുറിച്ചൊന്ന് പറയുന്നുണ്ട്....

""അയ്യോ മോളെ ചതിക്കല്ലേ.. ഞാൻ ഇനി രാത്രി ഈ വഴി വരത്തെ ഇല്ല..

""മ്മ്മ് അങ്ങനെ ആയാൽ ചേട്ടന് കൊള്ളാം..

ഓരോരോ പകൽ മാന്യമാർ രാത്രി ആവുമ്പോൾ ഇറങ്ങിക്കോളും മനുഷ്യനെ മിനക്കെടുത്താൻ..

ചേട്ടൻ വേഗം പോവാൻ നോക്ക്..

അത് കേട്ടതും അയാൾ വേഗം സ്ഥലം തന്നെ കാലിയാക്കി..

അപ്പോഴാണ് അവൾക്കും ശ്വാസം നേരെ വീണത്..

ഇതുവരെ എവിടുന്നൊക്കെയോ കിട്ടിയ ധൈര്യം കൊണ്ടാണ് ഓരോന്ന് പറഞ്ഞു നിന്നത്..

എന്നാലും എന്നെക്കൊണ്ട് ഇങ്ങനെ സാധിക്കുമെന്ന് ഞാൻ ഒരിക്കലും വിചാരിച്ചില്ല..

ഇനിയെന്തായാലും ഇവനെ പോലെയുള്ള ഞാഞ്ഞൂലുകളെ പേടിക്കില്ല..

ധ്വനി മനസ്സിൽ ഉറപ്പിച്ചു..

""എങ്ങനെ ഉണ്ട് മുത്തശ്ശി എന്റെ പെർഫോമൻസ്..

മുത്തശ്ശിയുടെ കൊച്ചുമോൾ തന്നെ അല്ലേ..

""അതേ നീ എന്റെ കൊച്ചു മോള് തന്നെ....

പെമ്പിള്ളേർ ആയാൽ ഇങ്ങനെ വേണം..

കുറച്ചൊക്കെ തന്റേടം ഇല്ലെങ്കിൽ പെണ്ണിന് സ്വസ്ഥമായി ജീവിക്കാൻ പറ്റില്ല മോളെ ..

 ഇവന്മാർ ഒക്കെ തലയിൽ കേറി അങ്ങ് നിരങ്ങും..

""ഇല്ല മുത്തശ്ശി.. ഇനി ഒരുത്തനും നിരങ്ങില്ല..

ഇനി ഇങ്ങോട്ട് വരട്ടെ അപ്പോൾ ഈ ധ്വനി ആരാണെന്നു അവർ അറിയും..

അവളുടെ വാക്കുകളിൽ ആത്മവിശ്വാസവും ധൈര്യവും കലർന്നിരുന്നു..

അത് കേട്ട് മുത്തശ്ശി അവളെ നോക്കിയൊന്ന് പുഞ്ചിരിച്ചു..

പിന്നെ പോയി കിടന്നു..

ധ്വനി പതിയെ വാതിൽ അടച്ചു കിടന്നു..

തിരിഞ്ഞും മറിഞ്ഞും കിടന്നു നോക്കിയിട്ടും അവൾക്ക് ഉറക്കം വന്നില്ല..

 മറക്കാൻ ശ്രമിച്ച ഓർമ്മകൾ അവളെ വേട്ടയാടി കൊണ്ടിരുന്നു..

താൻ എത്രപ്പെട്ടെന്ന് ആണ് മോശക്കാരി ആയി മാറിയത്..

ഒരു ചതിയിൽ പെട്ടതിന് ഇത്രയേറെ ഒരു പെണ്ണിന് അനുഭവിക്കേണ്ടി വരുമോ..??

ഒളിഞ്ഞും തെളിഞ്ഞും പലരും തന്നെ മോശക്കാരിയാക്കുന്നു..

അവരുടെ നോട്ടവും വാക്കുകളും എല്ലാം വല്ലാതെ നോവിക്കുന്നുണ്ട്..

പക്ഷേ തോറ്റു കൊടുക്കാൻ മനസ്സ് അനുവദിക്കുന്നില്ല..

എനിക്കും ജീവിക്കണം..

തെറ്റ് ചെയ്തവൻ സുഖമായി ജീവിക്കുമ്പോൾ എനിക്കെന്ത് കൊണ്ട് ആയികൂടാ..

അവളുടെ ചിന്തകൾക്ക് തീ പിടിച്ചു....

ഇനിയെന്തായാലും ഒരാണിനെയും വിശ്വസിക്കില്ല....

ഇനി ഒരാളെയും പ്രണയിക്കത്തുമില്ല..

പ്രണയം എന്നത് ഒരു തരം ചതിക്കുഴിയാണ്....

ഒരിക്കൽ വീണു പോയാൽ നശിച്ചു പോവാൻ തക്കവണ്ണം ഉള്ള ചതിക്കുഴി..

ഇന്ന് ഒരു സ്നേഹ ബന്ധത്തിലും ആത്മാർത്ഥയില്ല..

എല്ലാവരും സ്വാർത്ഥർ....

അങ്ങനെ ഉള്ളവരുടെ ലോകമാണിന്ന്....

ഞാനും അവരിലൊരാൾ ആയി മാറണം....

ധ്വനിയുടെ ചിന്തകൾ കാട് കേറി തുടങ്ങി....

ഉറക്കം വരാതെ അവൾ മെല്ലെ എഴുന്നേറ്റു ജനലരുകിൽ പോയി ഇരുന്നു ജനലഴികളിൽ കൂടെ പുറത്തേക്ക് നോക്കി....

ആകാശത്തു പാതിമാഞ്ഞ ചന്ദ്രൻ നേർത്ത വെട്ടം പൊഴിക്കുന്നു..

ആകാശത്തിലെ നക്ഷത്ര പൂക്കൾ മിന്നി മിന്നി തിളങ്ങി നിൽക്കുന്നു...

പറമ്പിലെ തൈമാവിൽ ചുവട്ടിലെ ഇരുളിൽ ഭൂമിയിലെ നക്ഷത്രങ്ങളായ മിന്നാമിനുങ്ങുകൾ പാറി പറക്കുന്നു....

ചീവിടുകളുടെ ശബ്ദം കേൾക്കാം..

ഇലകളെ തഴുകി  കൊണ്ട് ഇളം കാറ്റ് വീശുന്നുണ്ട്..

കാവിലെ ചെമ്പക പൂക്കളുടെ മാസ്മരിക ഗന്ധം ഇടക്കെന്നെ തഴുകിയ കാറ്റിൽ അലിഞ്ഞു ചേർന്നിരുന്നു..

അത് ആസ്വദിച്ചു ഇരിക്കുമ്പോൾ 

മിഴികളുടെ നോട്ടം അറിയാതെ വാഴൂർ തറവാട്ടിലെ ഉമ്മറത്തേക്ക് നീണ്ടു ചെന്നു....

ഉമ്മറ തിണ്ണയിൽ നീണ്ടു നിവർന്നു അയാൾ കിടപ്പുണ്ട്..

കുടിച്ചു ബോധമില്ലാതെയുള്ള കിടപ്പാണെന്ന് തോന്നുന്നു..

ഇവിടെ ഇത്രയൊക്കെ ബഹളം നടന്നിട്ടും അയാൾ വന്നില്ല..

മനപ്പൂർവ്വമോ അതോ ബോധമില്ലാത്തത് കൊണ്ടോ..?

എന്നാലും ഇയാൾ എന്തൊരു മനുഷ്യനാണ്......

എന്തിനാണ് ഇങ്ങനെ അയാൾ കുടിച്ചു നശിക്കുന്നത്..

കുടുംബം നോക്കാതെ കുടിക്കാൻ വേണ്ടി മാത്രം ജീവിക്കുന്ന കുറെ ജന്മങ്ങൾ....

ഇവരെ ഓർത്ത് നോവ് തിന്നാൻ വിധിക്കപ്പെട്ട കുറച്ചു പാവം ജന്മങ്ങൾ..

അവരുടെ വീട്ടുകാർ..

എല്ലാം കൂടി ഓർത്തപ്പോൾ അവൾക്ക് അയാളോട് ദേഷ്യം തോന്നി....

കുറച്ചു നേരം കൂടെ അവിടെ ഇരുന്ന ശേഷം  അവിടെ നിന്നും എഴുന്നേറ്റു അവൾ  ചെന്നു മുറിയിലെ ലൈറ്റ് ഇട്ടു കട്ടിലിൽ ഇരുന്നു....

അപ്പോഴാണ് മേശപ്പുറത്തു ഇരുന്ന ഫോട്ടോയിൽ ഇരുന്നു അച്ഛനും അമ്മയും തന്നെ നോക്കി പുഞ്ചിരിക്കുന്നത് പോലെ അവൾക്ക് തോന്നിയത്....

അവളത് എടുത്തു കൈയിൽ പിടിച്ചു അതിലേക്ക് തന്നെ നോക്കി..

""എന്തിനാ എന്നെ നോക്കി ഇങ്ങനെ  ചിരിക്കുന്നത് 

..

ഭാഗ്യമില്ലാത്ത ജന്മം ആണെന്റെ..

നിങ്ങളുടെ സ്നേഹം നേരെ ചൊവ്വേ കിട്ടാൻ യോഗമില്ലാത്തവൾ..

എന്തിനാ നിങ്ങൾ എന്നെ തനിച്ചാക്കി പോയത്....?

എന്നെ കൂടെ കൂട്ടായിരുന്നില്ലേ..?

എങ്കിൽ ഞാൻ ഇതൊന്നും അനുഭവിക്കേണ്ടി വരില്ലായിരുന്നു..

അല്ലെങ്കിലും എന്നും ഒറ്റപ്പെടാൻ മാത്രം ആണല്ലോ വിധി..

ശാപം കിട്ടിയ ജന്മം....

 അവരുടെ ഫോട്ടോ നോക്കി ഓരോന്ന് പിറു പിറുത്തു കൊണ്ടവൾ അതിനെ ഞെഞ്ചോടു ചേർത്തു പിടിച്ചു വിങ്ങി പൊട്ടി..

മനസ്സാകെ ഒരു പിടച്ചിൽ..

നിറഞ്ഞു തുളുമ്പിയ മിഴിനീർ അവളുടെ കവിളുകളിലൂടെ ഒഴുകി താഴേക്ക് വീണു കൊണ്ടിരുന്നു ....

പുറമെ എത്ര ധൈര്യം കാണിച്ചാലും അവൾ എത്ര ദുർബല ആണെന്ന് അവളുടെ തലയിണക്ക് പറയാൻ ആവും....

കണ്ണീരിൽ മുങ്ങി കുളിച്ച തന്റെ രാത്രിയോർമ്മകൾ അവയോളം തിരിച്ചറിഞ്ഞവ മറ്റൊന്നും ഉണ്ടാവില്ല.....

നെഞ്ചോട് അടക്കി പിടിച്ച ഫോട്ടോ മാറ്റിവെച്ചു കൊണ്ട് അവൾ തലയിണയിലേക്ക് മുഖം പൂഴ്ത്തി....

ആ നാലു ചുവരുകൾക്ക് ഉള്ളിൽ അവളുടെ തേങ്ങൽ ശബ്ദം നിറഞ്ഞു നിന്നു....

ഹൃദയം ചുട്ടു പൊള്ളിക്കുന്ന ഓർമ്മകൾ അവളുടെ മനസ്സിലേക്ക് കടന്നു വന്നപ്പോൾ  ഒഴുകിയ 

കണ്ണീർ കണങ്ങൾ വീണ് തലയിണ നനഞ്ഞു കുതിർന്നു..

ഒരുപാട് കരഞ്ഞതിനാലാവണം  ധ്വനിക്ക് തല വെട്ടി പിളർക്കുന്നത് പോലെ തോന്നി..

അവൾ എഴുന്നേറ്റു ചെന്നു പാരസെറ്റമോൾ ഗുളിക എടുത്തു കഴിച്ചു വെള്ളവും കുടിച്ചു വീണ്ടും വന്നു കിടന്നു..

കുറച്ചു കഴിഞ്ഞതും തുറന്നിട്ട ജനലഴികളിൽ കൂടി ഒരമ്മയുടെ വാത്സല്യത്തോടെ ഇളം കാറ്റു  വന്നു ധ്വനിയെ തഴുകി കൊണ്ടിരുന്നു.....

നേർത്ത തണുപ്പുള്ള ആ കാറ്റിന്റെ തലോടൽ ഏറ്റവൾ മെല്ലെ മെല്ലെ ഉറക്കത്തിലേക് വഴുതി വീണു....

---------------------------------------------------------

അന്തിച്ചുവപ്പണിഞ്ഞ സൂര്യൻ .. ആകാശത്ത് ചുവപ്പ് രാശി പടർത്തിയിരിക്കുന്നു..

സ്വർണ്ണനിറമുള്ള ഇളം വെയിൽ വയലിനെ സ്വർണ്ണ വർണ്ണമാക്കിയിരിക്കുന്നു..

വിളഞ്ഞു നിൽക്കുന്ന നെൽകതിരുകൾ കൊക്കിലൊതുക്കി കുഞ്ഞി കുരുവികൾ പറന്നു പോവുന്നു..

നീണ്ടു നിവർന്നു കിടക്കുന്ന നെൽപാടത്തിന്റെ വരമ്പിലൂടെ നീല ദാവണി അണിഞ്ഞൊരു പെണ്ണ് ദാവണി തുമ്പു കൈയിൽ കറക്കി കൊണ്ടു ചിരിയോടെ നടന്നു വരുകയാണ് ....

അവൾക്ക് തന്റെ അതേ മുഖഛായ..

പിന്നിലേക്ക് തിരിഞ്ഞവൾ ആർക്കോ പുഞ്ചിരി സമ്മാനി ക്കുന്നുണ്ട്....

അത് അവൾക്ക് പിന്നിലായി നിൽക്കുന്ന ഒരു സ്ത്രീക്കും പുരുഷനും ആയിരുന്നു..

അവരുടെ മുഖവും പതിയെ പതിയെ വ്യക്തമായി വന്നു..

തന്റെ അച്ഛനും അമ്മയും.....

അപ്പോൾ അത് താൻ തന്നെ....

ആർക്കോ പിന്നാലെ ആണെന്റെ നടപ്പ്....

മുന്നിൽ നടക്കുന്ന ആരെയോ കൈകാട്ടി നിൽക്കാൻ ആവശ്യപ്പെടുന്നുണ്ട്......

ആരാണ് എന്റെ മുന്നിൽ നടക്കുന്നത്..

പതിയെ പതിയെ ആ ചിത്രം തെളിഞ്ഞു വന്നു....

മുന്നിലായി വെള്ള മുണ്ടും മടക്കി കുത്തി പച്ച കളങ്കളം ഷർട്ട്‌ അണിഞ്ഞൊരാൾ നടപ്പുണ്ട്..

അയാളുടെ മുഖം കാണാൻ ആവുന്നില്ല..

അയാളുടെ പിന്നാലെ ഞാൻ ഓടുകയാണ്..

ഇടക്ക് ഞാൻ ഒന്നൂടി കൈകൊട്ടി വിളിച്ചു.

പെട്ടെന്ന് അയാൾ തിരിഞ്ഞു നോക്കി..

ആ മുഖം തെളിഞ്ഞു വരാൻ തുടങ്ങിയതും തണുപ്പുള്ള ഒരു കൈ  കവിളിൽ തലോടുന്നത് പോലെ തോന്നി ധ്വനി ഞെട്ടി ഉണർന്നു.....

"""എന്തൊരു ഉറക്കാണ് കുട്ട്യേ.. നേരം പുലർന്നത് അറിഞ്ഞില്ലേ..?

മുത്തശ്ശിയുടെ കൈകൾ ആയിരുന്നു അത്..

"""ഇന്നലെ രാത്രി വല്ലാത്ത തലവേദന ആയിരുന്നു..

അതുകൊണ്ട് ഒരു ഗുളിക എടുത്തു ഞാൻ കഴിച്ചിരുന്നു..

അതിന്റെ ക്ഷീണം കൊണ്ട് ഉറങ്ങി പോയതാണ് എന്റെ മുത്തശ്ശിയെ..

"""ശെരി ശെരി എന്നാൽ എന്റെ കുട്ടി എഴുന്നേറ്റു പോയി ചായ കുടിക്ക്..

ഞാൻ ചായ ഇട്ടിട്ടുണ്ട്..

"""അയ്യോ മുത്തശ്ശി ചായ ഇട്ടോ.. എന്നെ വിളിച്ചാൽ പോരായിരുന്നോ.. ഞാൻ ഇട്ടു തരില്ലേ..?

"""മ്മ്മം മോളെ വിളിക്കാൻ വന്നപ്പോൾ നല്ല ഉറക്കം ആയിരുന്നു..

അത് കണ്ടപ്പോൾ എന്തോ വിളിക്കാൻ തോന്നിയില്ല ഉറങ്ങിക്കോട്ടെ എന്ന് ഞാനും വിചാരിച്ചു....

പിന്നെ ഒരു ദിവസം ഞാൻ ചായ ഇട്ടു എന്ന് വെച്ച് ആകാശം ഇടിഞ്ഞു വീഴാൻ ഒന്നും പോവുന്നില്ലല്ലോ.....

""അതില്ല.. എന്നാപ്പിന്നെ എന്നും ഇനി മുത്തശ്ശി ചായ ഇട്ടോളൂ..

എനിക്ക് കിടന്നു ഉറങ്ങാമല്ലോ..

""അമ്പടി കേമി..! ആ വേല കൈയിൽ ഇരിക്കത്തെ ഒള്ളൂ..

നാളെ മുതൽ രാവിലെ എഴുന്നേറ്റോണം..

അല്ലെങ്കിൽ തന്നെ കെട്ടിച്ചു വിടാൻ പ്രായമായ പെണ്ണാണ് മൂട്ടിൽ വെയിൽ ഉദിക്കും വരെ ഇങ്ങനെ കിടക്കുന്നത്....

അത് കേട്ടതും മുത്തശ്ശിയെ നോക്കി ഇളിഞ്ഞ ചിരി പാസ്സാക്കി ഞാൻ എഴുന്നേറ്റു....

---------------------------------------------------------

പല്ല് തേച്ചു മുഖം കഴുകി ഫ്രഷായി വന്നു ഉമ്മറത്ത് ചായ കുടിച്ചിരി ക്കുമ്പോൾ ആണ്  ഉണ്ണിയേട്ടന്റെ കോൾ വന്നത്....

"""ഹലോ..എന്താ ഉണ്ണിയേട്ടാ രാവിലെ തന്നെ ഒരു വിളി....

""ഞാൻ വെറുതെ വിളിച്ചതാടി....

പിന്നെ ശിവജിത്ത് അവിടെ ഉണ്ടല്ലോ അല്ലേ..

ഞാൻ വിളിച്ചിട്ട് അവൻ ഫോൺ എടുത്തില്ല..

""അങ്ങേര് എവിടെ പോവാൻ.. കുടിച്ചു ബോധമില്ലാതെ എവിടെങ്കിലും കിടപ്പുണ്ടായിരിക്കും....

"""മ്മ്മം എന്ത്‌ ചെയ്യാനാ പറഞ്ഞിട്ട് കാര്യമില്ല..

ആ കുഴപ്പം മാത്രമേ അവനുള്ളു..

ആള് നല്ലൊരു എഴുത്തുകാരൻ ആണ്..

പക്ഷേ ഇങ്ങനെ കുടിച്ചു നശിക്കുവാണ്....

ഞങ്ങളൊക്ക ഒരുപാട് ഉപദേശിച്ചു നോക്കിയതാണ്  പക്ഷേ അവൻ കേൾക്കാത്ത ഭാവം നടിച്ചു നടക്കും..

ആളൊരു പ്രത്യേക ടൈപ്പ് ആണ്....

ആര് പറഞ്ഞാലും കൂസാക്കാത്ത പ്രകൃതം....

"""അല്ല ഏട്ടാ 

ഇങ്ങേർ കല്യാണം കഴിച്ചത് ആണോ ..??

അയാൾക്ക് കുടുംബം ഒന്നുമില്ലേ..?

"""നല്ലൊരു കുടുംബത്തിൽ ജനിച്ചതും 

 കല്യാണം കഴിച്ചതും ഒക്കെ ആണ് 

പക്ഷേ ഇപ്പോൾ അവൻ അനാഥൻ ആണ്..

അവന്റെ അച്ഛനും അമ്മയും മരിച്ചു..

കൂട്ടത്തിൽ ഭാര്യയും ഇട്ടിട്ടു പോയി..

അത് ഒക്കെ തന്നെ ആണ് ഈ കുടിയുടെ കാരണവും.....

""അതെന്താ ഏട്ടാ..എന്തിനാ ഭാര്യ ഇട്ടിട്ട് പോയത്....?

"""അതൊക്ക പറയാൻ പോയാൽ ഒരുപാട് കാര്യങ്ങൾ പറയേണ്ടി വരും..

എന്തായാലും ഞാൻ വന്നിട്ട്  എല്ലാം പറഞ്ഞു തരാം..

പിന്നെ അയാളുടെ മേൽ നിന്റെ ഒരു കണ്ണ് വേണം....

ആളൊരു സഞ്ചാരിയാണ്..

എപ്പോൾ വേണമെങ്കിലും അവിടുന്നു പോവാം..

അങ്ങനെ എന്തെങ്കിലും ഉണ്ടായാൽ എന്നെ ഒന്ന് വിളിച്ചു പറഞ്ഞേക്കണേ....

"""ഓ ആയിക്കോട്ടെ ഏട്ടാ ഞാൻ വിളിച്ചു പറയാം....

പിന്നെ അങ്ങനെ പോവാതെ ഇരിക്കാൻ അങ്ങേരുടെ കാല് വല്ലതും ഞാൻ തല്ലി ഒടിച്ചു ഇടണോ..?

""ഹഹഹ നീ ഒന്ന് ചെന്നു നോക്ക്.. അവൻ നിന്റെ കാല് തല്ലി ഒടിക്കാതെ വിട്ടാൽ ഭാഗ്യം..

""ഓ പിന്നെ അയാള് ഞൊട്ടും..

ധ്വനി പഴയ ധ്വനി അല്ല മോനെ..

ഞാൻ ആള് മാറി..

""ഉവ്വ ഉവ്വേ എനിക്ക് അറിഞ്ഞൂടെ എന്റെ തൊട്ടാവാടി പെണ്ണിനെ..

""തൊട്ടാവാടിക്കും മുള്ളുണ്ട് ഏട്ടാ അത് മറക്കണ്ട..

""ഓ എന്റെ പൊന്നോ നിന്നോട് തർക്കിക്കാൻ ഞാനില്ല..

ഞാൻ പോണ്..

പിന്നെ ഞാൻ മുത്തശ്ശിയെ തിരക്കി എന്ന് പറഞ്ഞേക്ക് ..

എന്നും പറഞ്ഞവൻ കോൾ കട്ട്‌ ആക്കി....

ഉണ്ണി കോൾ കട്ട്‌ ആക്കിയതും ധ്വനിയുടെ മനസ്സിൽ ചില ചോദ്യങ്ങൾ ഉയർന്നു വന്നു....

അങ്ങേരുടെ ഭാര്യ എന്തിന് അയാളെ ഉപേക്ഷിച്ചു പോയി..?

ഇനി ഇങ്ങേരുടെ കുടി കാരണം ആവുമോ..?

ഇങ്ങനെ നൂറായിരം ചോദ്യങ്ങൾ അവളുടെ മനസ്സിൽ തെളിഞ്ഞു വന്നു.....

എന്തായാലും ഏട്ടൻ പറഞ്ഞ സ്ഥിതിക്ക് അവിടേക്ക് ഒന്ന് പോയി നോക്കാം..

ആള് ഇനി അവിടെ തന്നെ കാണുമോ അതോ ഏട്ടൻ പറഞ്ഞത് പോലെ വല്ലയിടത്തും പോയി കാണുമോ എന്ന് നോക്കാമല്ലോ എന്നും പറഞ്ഞവൾ 

വാഴൂർ തറവാട്ടിലേക്ക് നടന്നു....

മുറ്റത്തെത്തിയതും അവൾ ചുറ്റും കണ്ണോടിച്ചു നോക്കി..

അവിടെങ്ങും അയാളെ കണ്ടില്ല..

അവൾ നടന്നു ഉമ്മറത്തേക്ക് കേറി..  ചാരു കസേരക്ക് അരികിലായി നിലത്ത് കുറച്ചു പേപ്പറുകൾ ചുരുട്ടി കൂട്ടി ഇട്ടിരിക്കുന്നു..

അതിലൊന്നവൾ എടുത്തു തുറന്നു നോക്കി..

 ചുണ്ടിൽ വഞ്ചനയുടെ ചായം പുരട്ടി പുഞ്ചിരിക്കുന്നവൾ പെണ്ണ് എന്നെഴുതി അതിന് മുകളിൽ കുറെ വെട്ടലും കുത്തലും മാത്രം അതിൽ ഉണ്ട്....

അതിനിടയിൽ ആണ് ചാരു കസേരയുടെ അപ്പുറത്തായി നിലത്ത് കിടക്കുന്ന പേപ്പറുകൾക്ക് ഇടയിൽ കിടക്കുന്ന ഫോട്ടോ അവളുടെ കണ്ണിലുടക്കിയത് .....

#രണ്ടാംതാലി (6)

നിലത്ത് കിടന്നിരുന്ന ഫോട്ടോയിലേക്ക് ധ്വനി കൗതുകത്തോടെ നോക്കി..

അതിനരികിലേക്ക് ചെന്നവൾ 

ആ ഫോട്ടോ കൈ നീട്ടി എടുത്തു....

ഒരു പെൺകുട്ടിയുടെ ഫോട്ടോയാണ്..

ഒരു സുന്ദരി കുട്ടി..

ഇനി ഇതാവുമോ ഇയാളുടെ ഭാര്യ..??

ആവും..!

ധ്വനി മനസ്സിൽ ഉറപ്പിച്ചു....

എന്ത്‌ ഭംഗിയാണ് ഇവളുടെ കണ്ണുകൾക്ക്..

""നീയെന്താടി നിന്ന് പിറു പിറുക്കുന്നത്..??

 ഗാംഭീര്യം നിറഞ്ഞ ആ പുരുഷ ശബ്ദം കേട്ടവൾ ഒന്ന് ഞെട്ടി..

കൈയിൽ ഇരിക്കുന്ന ഫോട്ടോ മറക്കാൻ അവൾ പാട് പെട്ടു കൊണ്ടിരുന്നു .....

"""എന്താടി നിന്റെ കൈയിൽ..??

""അത്.. അതുപിന്നെ ദേ ഈ ഫോട്ടോ..

എന്നും പറഞ്ഞവൾ ഫോട്ടോ അവന് നേരെ നീട്ടി.....

"""നിന്നോട് ആരാണ് ഇതൊക്ക എടുക്കാൻ പറഞ്ഞത്..??

അയാളുടെ ശബ്ദത്തിൽ ദേഷ്യം നിറഞ്ഞു നിന്നിരുന്നു....

അയാളുടെ മുഖം ദേഷ്യം കൊണ്ട് ചുവന്നു..

"""അതുപിന്നെ ഇവിടെ കിടക്കുന്നത് കണ്ട്  ഞാൻ വെറുതെ എടുത്തു നോക്കിയതാണ്....

""മ്മ്മ്മം.. ഇനി മേലാൽ ഇങ്ങോട്ട് വന്നേക്കരുത് കേട്ടല്ലോ ..

എനിക്ക് ഇവിടെ സമാധാനം വേണം..

""അതിന് ഞാൻ നിങ്ങൾക്ക് സമാധാനക്കേട് ഉണ്ടാക്കാനൊന്നും വന്നതല്ല ..

ഉണ്ണിയേട്ടൻ വിളിച്ചിട്ട് പറഞ്ഞിരുന്നു ഇടക്ക് ഇവിടെ വന്നു നിങ്ങളെ ഒന്ന് അന്വേഷിക്കണം എന്ന് 

അതുകൊണ്ട് ഒന്ന് വന്നു പോയതാണ് ഞാൻ ....

""""ഓ ഉണ്ണിയെന്നല്ല ഇനി ആര് പറഞ്ഞതായാലും വേണ്ട എന്നെ അന്വേഷിച്ചു ഒരാളും വരണ്ട 

എനിക്ക് അത് ഇഷ്ടമല്ല....

പിന്നെ ഉണ്ണിയോട് ഞാൻ വിളിച്ചു പറഞ്ഞോളാം എന്റെ സുഖവിവരം അന്വേഷിക്കാൻ ഒരാളെയും ഇനി ഇങ്ങോട്ട് വിടണ്ട എന്ന്.....

നീ ഇപ്പോൾ പോവാൻ നോക്ക്..

അയാൾ ദേഷ്യത്തോടെ സംസാരിച്ചു നിർത്തി..

""""ഓ ഞാൻ പോവാണ്.. അല്ലെങ്കിലും ഇവിടെ താമസിക്കാൻ ഒന്നും വന്നതല്ല....

ഉണ്ണിയേട്ടൻ കാരണം വന്നു പോയതാണ്..

ഇനിയൊട്ട് വരാനും പോവുന്നില്ല..

ഇനി ഞാൻ കാരണം നിങ്ങളുടെ സമാധാനം ഉരുകി പോവണ്ട..

എന്നും പറഞ്ഞു ധ്വനി അവിടെ നിന്നും ഇറങ്ങി നടന്നു....

അയാളുടെ സംസാരം കേട്ടു ധ്വനിക്ക് ദേഷ്യം വന്നിരുന്നു....

""ഇതെന്തൊരു കാട്ടുപോത്തു ആണെന്റെ ദേവ്യേ..

വെറുതെ കടിച്ചു കീറാൻ വരുന്നു..

ഇനി വല്ല പിരിയിളകിയ കേസും ആണോ..

ചിലപ്പോൾ എഴുതി എഴുതി വട്ടായതാവും..

ധ്വനി ഓരോന്ന് പിറു പിറുത്തു കൊണ്ട് അവളുടെ തറവാട്ടിൽ എത്തി....

""എന്താ കുട്ട്യേ എന്തുപറ്റി.. നീയെന്താ ഒറ്റക്ക് പിറു പിറുത്തോണ്ട് വന്നത് ..?

""അതുപിന്നെ ഒന്നും പറയേണ്ട മുത്തശ്ശി..

ഉണ്ണിയേട്ടന്റെ വീട്ടിൽ താമസിക്കുന്ന ആ എഴുത്തുകാരൻ ഇല്ലേ..

ആ മുഴുകുടിയൻ..

ഞാൻ അങ്ങേര് അവിടെ ഉണ്ടോന്ന് അറിയാൻ ഒന്ന് അന്വേഷിക്കാൻപോയതാണ്..

അതിന് ആ കാട്ടാളൻ എന്നെ കടിച്ചു കീറാൻ വന്നു..

""ഹഹഹ.. അല്ല നീയിപ്പോൾ എന്തിനാ അയാളെ അന്വേഷിച്ചു പോയത്..?

""അത് ഉണ്ണിയേട്ടൻ പറഞ്ഞിട്ട് ആണ്..

""മ്മ്മം നീ അത് പറഞ്ഞില്ലേ..

""പറഞ്ഞു.. പക്ഷേ അതൊന്നും അയാൾക്ക് വിഷയമല്ല..

എന്നോട്  ഇറങ്ങി പോവാൻ പറഞ്ഞു..

മേലാൽ അങ്ങോട്ട് ചെല്ലരുതെന്നും..

അത് അങ്ങേരുടെ തറവാട് ആണെന്നാണ് ഭാവം.....

""പോട്ടെ മോളെ.. 

ഓരോരുത്തർക്ക് ഓരോ സ്വഭാവം അല്ലേ.. മാത്രമല്ല അയാൾ ഒരെഴുത്തുക്കാരൻ എന്നല്ലേ പറഞ്ഞത് അപ്പോൾ അയാൾക്ക് നീ ഇങ്ങനെ ചെല്ലുന്നത് കൊണ്ട് എഴുതാൻ പറ്റുന്നുണ്ടാവില്ല അതാവും ദേഷ്യപ്പെട്ടത്....

"""ഉവ്വ അതിന് അങ്ങേർക്ക് ബോധം ഉണ്ടെങ്കിൽ അല്ലേ വല്ലതും എഴുതാൻ പറ്റൂ..

ഇരുപത്തി നാല് മണിക്കൂറും അങ്ങേര് വെള്ളത്തിലാണ്.....

""അയാൾ കുടിക്കുകയോ വലിക്കുകയോ എഴുതുകയോ എന്താണെന്നു വെച്ചാൽ ചെയ്യട്ടെ.. നമ്മൾ അതൊന്നും അറിയണ്ട കാര്യമില്ല....

""ഞാൻ അതിന് ഒന്നിനും പോയില്ല മുത്തശ്ശി..

ഉണ്ണിയേട്ടൻ പറഞ്ഞത് കേട്ട് അവിടൊന്നു പോയി നോക്കിയതേ ഒള്ളൂ ..

ഇനി പോവില്ല..

""ആ അതാണ് നല്ലത്..

എന്തിനാ വെറുതെ ഓരോ പ്രശ്നം ഉണ്ടാക്കുന്നത്....

മോള് പോയി കറി ഉണ്ടാക്കാൻ നോക്ക്..

ഞാൻ ചോറ് വെച്ചിട്ടുണ്ട്..

"""ശെരി മുത്തശ്ശി.. എന്നും പറഞ്ഞു ധ്വനി അകത്തേക്ക് കേറി പോയി..

---------------------------------------------------------

വൈകുന്നേരമായപ്പോഴേക്കും അകത്തെ പണികൾ ഒക്കെ ഒരുവിധം ഒതുക്കി തീർത്തു..

മുറ്റം അടിച്ചു വാരി കിണറിൽ നിന്നും വെള്ളം കോരിയെടുത്തു മുറ്റത്ത് ആകെ ഒന്ന് തളിച്ചു..

പിന്നെ കിണ്ടിയിൽ വെള്ളം നിറച്ചു ഉമ്മറത്ത് കൊണ്ടു പോയി വെച്ചിട്ട് ധ്വനി കുളിക്കാനായി പോയി...

പകൽ സന്ധ്യക്ക്‌ വഴിമാറി തുടങ്ങി..

സൂര്യൻ പടിഞ്ഞാറു അസ്തമിച്ചു കൊണ്ടിരുന്നു....

ഇരുൾ വീണു തുടങ്ങി....

""നേരം സന്ധ്യ ആയത് കണ്ടില്ലേ കുട്ട്യേ.... ഉമ്മറത്തു വിളക്ക് വെക്കാൻ നോക്ക്..

മുത്തശ്ശി അകത്തേക്ക് നോക്കി നീട്ടി വിളിച്ചു പറഞ്ഞു..

""ദേ വരണ് മുത്തശ്ശ്യേ.. ഞാൻ കുളിച്ചു ഡ്രസ്സ്‌ മാറി വന്നതേ ഒള്ളു....

അവൾ വേഗം ചെന്നു വിളക്കെടുത്തു എണ്ണ ഒഴിച്ചു കിഴക്ക് പടിഞ്ഞാറ് ആവത്തക്ക വിധം രണ്ടു തിരിയും നീട്ടി വിളക്ക് കത്തിച്ചു....

പതിയെ അത് കൈയിൽ എടുത്തു ദീപം ദീപം എന്നുരുവിട്ട് കൊണ്ട് ഉമ്മറത്തേക്ക് നടക്കുമ്പോൾ അവളുടെ ഈറൻ മുടി തുമ്പിൽ നിന്നും വെള്ളം ഇറ്റിറ്റു താഴേക്ക് വീണു കൊണ്ടിരുന്നു....

ഉമ്മറത്തു കൊണ്ടു വന്നു വിളക്ക് വെച്ചവൾ പ്രാത്ഥിച്ചു കൈകൂപ്പി അകത്തേക്ക് പോവാൻ തുടങ്ങി..

""മോളെ അവിടെ നിന്നേ..

നീ ഇന്ന് നമ്മുടെ 

കാവിലും പോയൊന്നു വിളക്ക്  വെക്കാൻ നോക്ക്....

"""എന്തിനാ മുത്തശ്ശി.. എന്നെ കൊണ്ടു വയ്യ..

 ""നീ ഞാൻ പറയുന്നത് കേൾക്ക് മോളെ..

ഒരുപാട് നാളായില്ലേ നീ വിളക്ക്  വെച്ച് പ്രാത്ഥിച്ചിട്ട്....

ഒരുപക്ഷേ അതിന്റെ ദോഷം ആവും എന്റെ കുട്ടിക്ക് ഈ ദുരിതങ്ങൾ ഒക്കെ വരാൻ കാരണം .....

മോള് മനസ്സ് നൊന്തു വിളിച്ചാൽ തീർച്ചയായിട്ടും നാഗത്താൻമാർ വിളി കേൾക്കാതെ ഇരിക്കില്ല....

അതുകൊണ്ട് മുത്തശ്ശി പറയുന്നത് കേൾക്ക്.....

""മ്മ്മ്മം ശെരി...എന്നവൾ മൂളി.

മുത്തശ്ശി പറഞ്ഞത് ശെരിയാണ് കാവിൽ  ഞാൻ ഇപ്പോൾ വിളക്ക് വെക്കാറേ ഇല്ല....

ഉള്ളിലെ വിശ്വാസങ്ങൾ ഇപ്പോൾ പഴയത് പോലെ ഒന്നുമില്ല....

കാവിലെ നാഗത്താൻമ്മാരും നാഗ യക്ഷിയുമൊക്കെ നെഞ്ചോട് ചേർത്തു പിടിച്ച എന്റെ വിശ്വാസങ്ങളുടെ ഭാഗമായിരുന്നു..

പക്ഷേ ഇപ്പോൾ എന്തോ എല്ലാത്തിൽ നിന്നും അകന്നു പോയത് പോലെ..

എന്നാലും മുത്തശ്ശി പറയുമ്പോൾ തള്ളി കളയാൻ ആവുന്നില്ല ....

ധ്വനി അകത്തേക്ക് പോയി കാവിലേക്കുള്ള വിളക്കും എടുത്തു കൊണ്ട് വന്നു നിലവിളക്കിൽ നിന്നും കത്തിച്ചു കൊണ്ട് കാവിലേക്ക് നടന്നു....

ചെമ്പകം പൂക്കുന്ന കാവ്....

കാവിനെ ചുറ്റിവരുന്ന കാറ്റിൽ പോലും ഉണ്ട് ചെമ്പക പൂക്കളുടെ ഉന്മാദ ഗന്ധം....

നടന്നവൾ കാവിന് മുന്നിൽ എത്തി..

കാവിനുള്ളിൽ ഇരുൾ വീണു കിടക്കുന്നു..

കാവ് നിറയെ ചെമ്പക മരങ്ങളും 

 പടുകൂറ്റൻ വൃക്ഷങ്ങളും വള്ളി ചെടികളും....

 ഒരു തരി വെട്ടമില്ലാതെ ഇരുൾ വീണ് കിടക്കുന്ന കാവിലേക്ക് അവൾ കേറി....

ഓരോ അടി മുന്നോട്ട് വെക്കുബോഴും അവളുടെ കാൽ പാദത്തിന് അടിയിൽ കിടന്നു കരിയിലകൾ ഞെരിഞ്ഞു അമരുന്ന ശബ്ദം കേൾക്കാ മായിരുന്നു.....

നേർത്ത തണുപ്പോടെ വീശുന്ന കാറ്റിൽ കൈയിൽ പിടിച്ചിരുന്ന വിളക്കിലെ ദീപം  അണയാതെ അവൾ സൂക്ഷിച്ചു പിടിച്ചു....

ചുറ്റിലും ഉള്ള ചീവിടുകളുടെ അലോസര പെടുത്തുന്ന ശബ്ദം അവളുടെ കാതുകളിൽ തുളച്ചു കേറി....

പക്ഷേ ചെമ്പക പൂക്കളുടെ വാസന അവളെ മുന്നോട്ട് നയിച്ചു കൊണ്ടിരുന്നു....

ഒടുക്കം നടന്നു അവൾ നാഗത്തറക്ക് മുന്നിൽ എത്തി

മെല്ലെ വിളക്ക് കൊളുത്തി ....

ഇരുളിന് മീതെ പ്രകാശം പരന്നതും നാഗത്തറയിലെ കരിങ്കൽ വിഗ്രഹങ്ങൾ കണ്മുന്നിൽ തെളിഞ്ഞു....

നാഗരാജാവും നാഗയക്ഷിയും..

വിഗ്രഹങ്ങളിലേക്ക് നോക്കി അവൾ കൈ കൂപ്പി..

"""നാഗയക്ഷി അമ്മേ കുട്ടിക്കാലം തൊട്ടു നിങ്ങളുടെ മടിത്തട്ടിൽ വളർന്ന കുട്ടിയാണ് ഞാൻ....

അറിവ് വന്ന കാലം മുതൽ ഞാൻ ഇവിടെ വിളക്ക് വെക്കുന്നു എന്നിട്ടും....

എന്നിട്ടും  വിഷമങ്ങൾ അല്ലാതെ മറ്റെന്താണ് നിങ്ങൾ എനിക്ക് തന്നിട്ടുള്ളത്..?

എന്തിനാണ് എന്നോട് ഈ ക്രൂരത..?

ഇത്രയേറെ ശാപം കിട്ടിയൊരു ജന്മം ഈ ഭൂമിയിൽ വേറെ ഉണ്ടാവില്ല..

അച്ഛനും അമ്മക്കും ഒപ്പം എന്റെ ജീവനും കൂടി നിങ്ങൾക്ക് എടുത്തു കൂടായിരുന്നോ....

ഈ ജീവിതം തന്നെ എനിക്ക് മടുത്തു..

ചുറ്റും പരിഹാസങ്ങളും 

ചൂഴ്ന്നുള്ള നോട്ടങ്ങളും ..

കാമം മൂത്ത് നടക്കുന്ന കുറെ കഴുകന്മാർ..

ചിലപ്പോഴൊക്കെ മനസ്സ് വല്ലാതെ പതറുന്നുണ്ട്..

 ഈ ദുരിതങ്ങൾക്ക് ഇടയിൽ നിന്നും എന്റെ ജീവൻ എടുത്തെന്നെ നിങ്ങൾക്കൊന്ന് രക്ഷിച്ചു കൂടെ.....

ഉള്ളിലെ വേദനകൾ ഓരോന്നായി പറയുബോൾ 

അവളുടെ കണ്ണുകൾ നിറഞ്ഞൊഴുകുക ആയിരുന്നു....

കവിൾതടങ്ങളിലൂടെ കണ്ണുനീർ ഒഴുകി കാവിലെ മണ്ണിലേക്ക് പതിച്ചു.....

പൊടുന്നനെ ഒരു സീൽക്കാര ശബ്ദം കേട്ടവൾ നോക്കുമ്പോൾ നിലത്തു കൂടെ ഇഴഞ്ഞൊരു സർപ്പം ചെന്നു വിഗ്രത്തിൽ ചുറ്റി പിണഞ്ഞു കിടന്നു കൊണ്ട് അവളെ നോക്കി പത്തി വിടർത്തി....

പെട്ടെന്ന് ചെറിയൊരു കാറ്റ് വീശിയടിച്ചതും നാഗത്തറക്ക് പിന്നിൽ നിന്ന ചെമ്പക മരത്തിൽ നിന്നും ചെമ്പക പൂക്കൾ അവളുടെ മേലാകെ പൊഴിഞ്ഞു വീണു....

വെള്ള ചെമ്പക പൂക്കൾ..

അവൾ അതിലൊരെണ്ണം കൈയിൽ എടുത്തു നാഗത്തറയിലേക്ക് നോക്കി..

ആ സർപ്പത്തെ അവിടെങ്ങും കാണാനില്ല..

ഇത്ര പെട്ടെന്ന് അത് എവിടേക്ക് പോയി....

എന്തായാലും ഇനി ഇവിടെ നിൽക്കേണ്ട വന്നിട്ട് നേരം കുറച്ചായി പോയേക്കാം എന്നും പറഞ്ഞവൾ കൊണ്ടു വന്ന വിളക്കുമായി തിരികെ നടന്നു തുടങ്ങി..

അപ്പോഴേക്കും നന്നേ ഇരുൾ വീണു കഴിഞ്ഞിരുന്നു..

വിളക്കിലെ ദീപത്തിന്റെ പ്രകാശത്തിൽ അവൾ മുന്നോട്ട് നടന്നു....

പെട്ടെന്ന്  വീശിയ  കാറ്റിൽ അവളുടെ കൈയിൽ ഇരുന്ന വിളക്കിലെ ദീപം  അണഞ്ഞു പോയി..

ചുറ്റും ആകെ ഇരുൾ പരന്നു....

അതൊന്നും കാര്യമാക്കാതെ ധ്വനി മുന്നോട്ട് നടന്നു....

പെട്ടെന്ന് ആരോ തന്റെ പിന്നിൽ ഉള്ള പോലെ അവൾക്കൊരു തോന്നൽ..

കാവിലെ കരിയിലകൾ ഞെരിഞ്ഞ് അമരുന്ന ശബ്ദം അവൾ കേട്ടു....

അതിനൊപ്പം പാദസ്വരത്തിന്റെ കിലുക്കവും അവളുടെ കാതുകളിൽ പതിഞ്ഞു....

ധ്വനിയുടെ ഉള്ളിൽ ചെറുതായി ഭയം നിറഞ്ഞു തുടങ്ങി..

അവൾ മുന്നോട്ട് വേഗം നടന്നു തുടങ്ങി....

അവളുടെ വേഗതക്ക് അനുസരിച്ചു കൊലുസ്സ് ശബ്ദവും അവളെ പിൻ തുടർന്നു..

അതോടെ ധ്വനി നടത്തം നിർത്തി ചുറ്റിലും നോക്കി..

ഇരുളിൽ ആരെയും കാണാൻ കഴിയുന്നില്ല....

"""ആരാത്.. ഉള്ളിലെ ഭയം അടക്കി പിടിച്ചവൾ ചോദിച്ചു..

മറുപടി ഒന്നും വന്നില്ല..

ഭയം തോന്നിയവൾ  വേഗം തന്നെ അവിടെ നിന്നും പോവാൻ തുടങ്ങിയതും പെട്ടെന്ന് അവളുടെ പിന്നിലേക്ക് ആരോ വന്നു നിന്നു..

ഒരു ഞെട്ടലോടെ അവൾ തിരിഞ്ഞു നോക്കി....

""എന്താടി പെണ്ണേ പേടിച്ചു പോയോ..??

ഭയപ്പാടോടെ തിരിഞ്ഞു നോക്കിയ ധ്വനി ഇരുളിൽ ആ ശബ്ദത്തിന് ഉടമയെ തിരിച്ചറിഞ്ഞു..

തന്റെ കളികൂട്ടുകാരി ദേവിക..

""നീയായിരുന്നോടി ദുഷ്ടേ..ഹോ ഞാനങ്ങ് പേടിച്ചു പോയി..

ദീർഘനിശ്വാസം വിട്ടു കൊണ്ടവൾ പറഞ്ഞു..

"""ഹഹഹ വെറുതെ ഒരു രസത്തിന് പണ്ടത്തെ പോലെ ഒന്ന് പേടിപ്പിക്കാൻ നോക്കിയതാ..

"""ഉവ്വ ഉവ്വ..

എന്റെ പാതി ജീവനങ്ങ് പോയി..

അല്ല നീയിത് എപ്പോൾ വന്നു..?

""ഓ ഒന്നും പറയണ്ട മോളെ വന്നിട്ട് ഒരു മണിക്കൂർ ആയിക്കാണും....

വീട്ടിലെത്തി കുളിയും കഴിഞ്ഞു ഒരു ചായയും കുടിച്ചു നിന്നെ കാണാൻ ചെന്നപ്പോൾ ആണ് മുത്തശ്ശി പറഞ്ഞത് നീ വിളക്ക് വെക്കാൻ പോന്നിട്ടുണ്ടെന്നു ....

പിന്നെ ഒന്നും നോക്കിയില്ല നേരെ ഇങ്ങോട്ട് വെച്ച് പിടിച്ചു..

ഇവിടെ വന്നപ്പോൾ നീ നല്ല പ്രാത്ഥനയിൽ ആയിരുന്നു....

എന്നാൽ പ്രാത്ഥന കഴിയട്ടെ എന്ന് കരുതി ഞാൻ നിന്നു..

അത് കഴിഞ്ഞപ്പോൾ ആണ് പെട്ടെന്ന് മനസ്സിൽ തോന്നിയത്

നിന്നെ ഒന്ന് പേടിപ്പിക്കാമെന്ന്..

""മ്മ്മം ..ഹാ എന്തായാലും നീ വന്നല്ലോ എനിക്ക് സമാധാനമായി..

ഇപ്പോൾ ഒരു കൂട്ടായല്ലോ....

"ഞാനിനി ഇനി കുറച്ചു നാൾ ഇവിടെ ഉണ്ടാവുമെടി ..

""ഓഹോ അപ്പോൾ ഉണ്ണിയേട്ടനും ഉടനെ എത്തും അല്ലേ..

ധ്വനി ചിരിയോടെ ചോദിച്ചു..

"""മ്മ്മ് ഉണ്ണിയേട്ടൻ നാളെ കഴിഞ്ഞു വരും..

""'അമ്പടി അപ്പോൾ രണ്ടും കൂടിയുള്ള ഒത്തുകളി ആണല്ലേ ഈ വരവും..

""അങ്ങനെയും പറയാം.. ഒരുപാട് നാളായില്ലേടി ഇങ്ങോട്ട് വന്നിട്ട്..

ഉണ്ണിയേട്ടന് ആണെങ്കിൽ എപ്പോഴും തിരക്കാണ്..

ഞാൻ ഫ്രീ ആവുമ്പോൾ അങ്ങേര് ഫ്രീ ആവില്ല..

അങ്ങേര് ആവുമ്പോൾ എനിക്കും പറ്റില്ല..

അതുകൊണ്ട് ഇത്തവണ എന്തായാലും ലീവ് എടുത്തു ഞങ്ങൾ ഇങ്ങോട്ട് പോന്ന് ഇവിടെ കുറച്ചു ദിവസം ചിലവഴിക്കാമെന്ന് വിചാരിച്ചു ....

""അതെന്തായാലും നന്നായി..

അല്ല എന്താ രണ്ടിന്റെയും ഉദ്ദേശം..

ഇങ്ങനെ പ്രേമിച്ചു നടന്നാൽ മതിയോ കല്യാണം കഴിക്കുന്നില്ലേ

..??

""എന്റെ പൊന്നോ അങ്ങേരോട് ഞാനത് പറഞ്ഞു മടുത്തു..

എന്റെ അച്ഛനോട് പെണ്ണ് ചോദിക്കാൻ അങ്ങേർക്ക് പേടി..

സ്വന്തം വീട്ടുകാരെ അതിനേക്കാൾ പേടി..

പിന്നെ എനിക്ക് എന്ത് ചെയ്യാൻ പറ്റും....

""ബെസ്റ്റ് അപ്പോൾ പിന്നെ ഇങ്ങനെ എത്ര നാൾ പോവാനാണ് ഉദ്ദേശം..??

""ഇനി എന്തായാലും ഒത്തിരി മുന്നോട്ട് പോവില്ല..

ഇത്തവണ അങ്ങേരെ കൊണ്ട് ഞാൻ ഒരു തീരുമാനം എടുപ്പിക്കും നോക്കിക്കോ..

""ഇങ്ങ് വരട്ടെ ഞാനും പറയുന്നുണ്ട്..

രണ്ടിന്റെയും ഒളിച്ചു കളി നിർത്തി മര്യാദക്ക് എനിക്ക് ഒരില ചോറ് തരാൻ....

"""ഒരില ആക്കുന്നത് എന്തിന്

രണ്ടില ചോറ് വേണമെങ്കിലും തന്നേക്കാം നീ എങ്ങനെ എങ്കിലും അങ്ങേരെ പറഞ്ഞൊന്നു സമ്മതിപ്പിച്ചാൽ മതി..

"""ഹഹഹ ഞാൻ ഏറ്റു..

നീ വേഗം വാ നേരം ഇരുട്ടി...

ഇനി താമസിച്ചാൽ മുത്തശ്ശിയുടെ വഴക്ക് കേൾക്കേണ്ടി വരും..

"""മ്മ്മ് ശെരിയാ....

അവർ അവിടെ നിന്നും നടന്നു തുടങ്ങി..

""അല്ലെടി ഇവിടൊരു എഴുത്തുകാരൻ വന്നിട്ടില്ലേ..

അങ്ങേരെ നീ പരിചയപ്പെട്ടോ..

""ഒരു എഴുത്തുകാരൻ വന്നേക്കുന്നു..

എന്നെക്കൊണ്ട് ഒന്നും പറയിക്കരുത്..

ഇരുപത്തിനാലു മണിക്കൂറും വെള്ളത്തിൽ ആണല്ലോ ആശാൻ..

പോരാത്തതിന് കാട്ടു പോത്തിന്റെ സ്വഭാവവും....

""എന്താടി അങ്ങേര് വല്ലതും പറഞ്ഞൊ..??

""ഹേയ് അങ്ങനെ കാര്യമായൊന്നും പറഞ്ഞില്ല..

ഇന്ന് രാവിലെ ഉണ്ണിയേട്ടൻ വിളിച്ചിട്ട് പറഞ്ഞു അങ്ങേരെ പോയി ഇടക്കൊന്ന് അന്വേഷിക്കണമെന്ന്..

അതും കേട്ടു അങ്ങോട്ട് ഞാൻ ഒന്ന് ചെന്ന് പോയി..

എന്റെ പൊന്നോ വെളിച്ചപ്പാട് ഉറഞ്ഞു തുള്ളും പോലെ അല്ലേ ആള് എന്റെ നേർക്ക് വന്നത്..

മേലാൽ അങ്ങോട്ട് ചെല്ലരുതെന്നും പറഞ്ഞു..

""ഹഹഹ അങ്ങേര് ഒരു സ്പെഷ്യൽ ക്യാരക്റ്റർ ആണ്..

ഭയങ്കര മുൻകോപിയാണ്..

""

ഉവ്വ..അല്ല അയാളെ നിനക്ക് പരിചയം ഉണ്ടോ..?

"""പരിചയം ഉണ്ടോ എന്ന് ചോദിച്ചാൽ.. ഉണ്ട്

ഉണ്ണിയേട്ടൻ വഴി അറിയാം..

ഏട്ടന്റെ അവിടത്തെ കൂട്ടുകാരൻ ആണ്..

പിന്നെ അയാൾ ഇങ്ങനെ ഒക്കെ ആവാൻ കാരണം ആ ഭാര്യ തന്നെ ആണ്..

""ങ്ങേ ഭാര്യയോ.. മനസ്സിലായില്ല..

""ഡി അയാൾ ഡിവോഴ്സ്ഡ് ആണ്..

അയാളുടെ ഭാര്യ അയാളെ ഉപേക്ഷിച്ചു പോയി..

"""ഓ എങ്ങനെ പോവാതെ ഇരിക്കും ഇങ്ങനെ കുടി ആയിരു ന്നിരിക്കണം ..

""ഹേയ് അല്ലടി.. അയാൾ മുൻപ് കുടിക്കാറൊന്നും ഇല്ലായിരുന്നു എന്നാണ് ഏട്ടൻ പറഞ്ഞത്..

അയാൾ മാമ്പള്ളി തറവാട്ടിലെ ഏക സന്തതിയാണ് ....

ധാരാളം സ്വത്തും കാശുമൊക്കെ ഉള്ള കുടുംബം..

പിന്നെ പ്രേമിച്ചാണ് അയാൾ വിവാഹം കഴിച്ചതും..

പക്ഷേ പിന്നെ എന്തുണ്ടായി എന്നറിയില്ല അയാളുടെ അച്ഛനും അമ്മയും മരിച്ച ശേഷം അവൾ അയാളെ ഇട്ടേച്ചു പോയി..

അതോടെ ആണ് അയാൾ ഇങ്ങനെ ആയത്..

ഒരു തരം ഭ്രാന്ത് കേറി ഇങ്ങനെ കുടിച്ചു നടക്കുവാണ്..

എല്ലാവരും കുറെ ഉപദേശിച്ചു നോക്കി നടന്നില്ല..

അയാളുടെ ജീവിതം മിക്കവാറും ഇങ്ങനെ കുടിച്ചു തീരും.

ദേവിക പറഞ്ഞു നിർത്തി....

"""കഷ്ടം! ഒരു സങ്കടം വന്നാലും സന്തോഷം വന്നാലും ഉടനെ കുടിക്കാൻ പോയിക്കോളും കുറെ എണ്ണം....

പെൺകുട്ടികൾക്കും ഇതുപോലെ സങ്കടം വരാറുണ്ട് എന്നിട്ട് നമ്മൾ ആരും കുടിക്കാൻ പോവാറില്ലല്ലോ..

""ഇത് എന്റെ മോളെ ഇത് നീ നേരെ ചെന്ന് അങ്ങേരോട് പറ .. മറുപടി അവിടുന്ന് കിട്ടും..

""എന്റെ പൊന്നോ ഞാനില്ല.. ഇനി ആ കാട്ടുപോത്തിന്റെ വായിലേക്ക് ഞാനില്ല..

ധ്വനിയുടെ മറുപടി കേട്ട് ദേവിക പൊട്ടി ചിരിച്ചു..

അപ്പോഴേക്കും നടന്നവർ തറവാട്ടിൽ എത്തിയിരുന്നു....

"""ശെരി എന്നാൽ ഞാൻ കേറുന്നില്ല നമുക്ക് രാവിലെ കാണാടി എന്നും പറഞ്ഞു കൊണ്ട് ദേവിക അവളുടെ വീട്ടിലേക്ക് പോയി..

മുത്തശ്ശി അവളെ കാത്ത് ഉമ്മറത്ത് ഇരുപ്പുണ്ടായിരുന്നു....

""വിളക്ക് വെക്കാൻ പോയിട്ട് നീയെന്താ കുട്ട്യേ ഇത്ര വൈകിയത്..??

""ഒന്നും പറയണ്ട മുത്തശ്ശി ഞാൻ ആ ദേവൂവും ആയി സംസാരിച്ചു സമയം പോയതറിഞ്ഞില്ല..

""എനിക്ക് തോന്നിയിരുന്നു അതാണ് ഞാൻ പിന്നെ തിരക്കി വരാതെ ഇരുന്നത്..

മോളെന്തായാലും പോയി ഇത്തിരി ചുക്ക് കാപ്പി ഇട്ടു താ..

ചെറിയൊരു പനിക്കോള് ഉണ്ട്..

"""അയ്യോ ചൂടുണ്ടോ എന്നും പറഞ്ഞവൾ നെറ്റിയിൽ കൈവെച്ചു നോക്കി..

""നല്ല ചൂടുണ്ടല്ലോ.. അല്ല എന്താ ഇപ്പോൾ പെട്ടെന്ന് പനിക്കാൻ കാരണം..

നമുക്ക് വേഗം ഹോസ്പിറ്റലിൽ പോയാലോ....?

""വേണ്ട മോളെ നീ ഇത്തിരി കാപ്പി ഇട്ടു തന്നാൽ മതി അത് മാറിക്കോളും....

""ശെരി മുത്തശ്ശി എന്നും പറഞ്ഞവൾ അകത്തേക്ക് പോയി..

കുറച്ചു കഴിഞ്ഞു ചുക്ക് കാപ്പിയുമായി വന്ന അവൾ കണ്ടത് നിലത്തു വീണ് കിടക്കുന്ന മുത്തശ്ശിയെ ആണ്..

അവളുടെ കൈയിൽ നിന്നും കാപ്പി ഗ്ലാസ് താഴേക്ക് വീണു..

മുത്തശ്ശി എന്നും വിളിച്ചവൾ ഓടി ചെന്ന് മുത്തശ്ശിയുടെ അടുത്തിരുന്നു..

മുത്തശ്ശിയുടെ മുഖം മടിയിലേക്ക് എടുത്തു വെച്ചു കുലുക്കി വിളിച്ചു നോക്കി..

പക്ഷേ മുത്തശ്ശിക്ക് അനക്കം ഉണ്ടായിരുന്നില്ല....

#രണ്ടാംതാലി (7)

മുത്തശ്ശിയെ വിളിച്ചിട്ട് അനങ്ങുന്നില്ല എന്ന് കണ്ടതോടെ അവളാകെ ഭയന്നു പോയി....

 കണ്ണുകൾ  നിറഞ്ഞു ഒഴുകി ..

എന്ത് ചെയ്യണം എന്നറിയാതെ ഒരു തരം വെപ്രാളം ആയിരുന്നു അവൾക്കപ്പോൾ

..

സഹായത്തിനായി ആരെയെങ്കിലും വിളിക്കാം എന്നോർത്ത് കൊണ്ടവൾ മുറ്റത്തേക്ക് ഇറങ്ങി..

അപ്പോഴാണ് പാട്ടൊക്കെ പാടി ആടി കുഴഞ്ഞു വരുന്ന ശിവജിത്തിനെ അവൾ കണ്ടത്....

 വേഗം അവൾ അവന്റെ അടുത്തേക്ക്

ഓടി ചെന്നു..

"""അതേ മാഷേ ഒന്ന് സഹായിക്കണേ അവിടെ എന്റെ 'മുത്തശ്ശി....മുത്തശ്ശി '

കിതച്ചു കൊണ്ടവൾ പറഞ്ഞു..

"""മുത്തശ്ശിക്ക് എന്തുപറ്റി..?

"""മുത്തശ്ശി ഉമ്മറത്തു വീണ് കിടക്കുവാ..

വിളിച്ചിട്ട് അനങ്ങുന്നില്ല..

മുത്തശ്ശിയെ ആശുപത്രിയിൽ കൊണ്ടു പോവാൻ ഒന്ന് സഹായിക്കാമോ..?

""""മ്മ്മ്  നീ പോയി വണ്ടി വിളിക്ക് ഞാൻ നോക്കിക്കോളാം എന്നു നാവ് കുഴഞ്ഞു പറഞ്ഞവൻ മുത്തശ്ശിയുടെ അടുത്തേക്ക് പോവുന്നതും കണ്ടു ധ്വനി ഓട്ടോ വിളിക്കാനായി ഓടി..

അവിടെ നിന്നും കുറച്ചു മാറിയുള്ള ഓട്ടോ ഓടിക്കുന്ന കുറുപ്പേട്ടന്റെ വീട്ടിലേക്ക് അവൾ ചെന്നു..

കിതച്ചു കൊണ്ട് ഒരുവിധം അയാളെ കാര്യം പറഞ്ഞു മനസ്സിലാക്കി..

പെട്ടെന്ന് തന്നെ അയാൾ ഓട്ടോ സ്റ്റാർട്ട് ആക്കി ധ്വനിയുമായി തറവാട്ടിൽ എത്തുമ്പോൾ കണ്ടത് ഉമ്മറത്തെ നടയിൽ കിടക്കുന്ന ശിവജിത്തിനെ ആണ്..

അവൾ ഓട്ടോയിൽ നിന്നും ഇറങ്ങി ഓടി ചെന്നു നോക്കുമ്പോൾ അയാൾ എന്തൊക്കെയോ കിടന്നു പിറു പിറുക്കുന്നുണ്ട്..

മദ്യത്തിന്റെ രൂക്ഷ ഗന്ധം അയാളിൽ നിന്നും വരുന്നുണ്ട്....

അയാൾക്ക് കുടിച്ചു ബോധം ഇല്ലെന്ന് അവൾക്ക് മനസ്സിലായി..

അവൾ വേഗം മുത്തശ്ശി കിടന്നിടത്തേക്ക് നോക്കി..

മുത്തശ്ശി അതേപടി തന്നെ കിടക്കുകയാണ്..

അവൾ വേഗം ചെന്നു മുത്തശ്ശിയെ പിടിച്ചു എഴുന്നേൽപ്പിക്കാൻ ഒരു ശ്രമം നടത്തി..

ധ്വനിയുടെ നിസ്സഹായ അവസ്ഥ കണ്ട കുറുപ്പേട്ടൻ ചെന്നു മുത്തശ്ശിയെ താങ്ങി പിടിച്ചു....

രണ്ടു പേരും കൂടി മുത്തശ്ശിയെ എഴുന്നേൽപ്പിച്ചു..

പിന്നെ അയാൾ മുത്തശ്ശിയെ കൈകളിൽ കോരി എടുത്തു ഓട്ടോയിൽ കയറ്റി കിടത്തിച്ചു ധ്വനിയെയും കേറ്റി ഇരുത്തി കൊണ്ടു ഹോസ്പിറ്റലിലേക്ക് പോയി..

മുത്തശ്ശിയെ മടിയിൽ ഇരിക്കെ ധ്വനിയുടെ കണ്ണുകൾ നിറഞ്ഞൊഴുകി..

ശരീരമാകെ വിയർപ്പ് പൊടിഞ്ഞു ..

ഭയം കൊണ്ട് അവളുടെ നെഞ്ചിടിപ്പ് എറി വന്നു..

മുത്തശ്ശിക്ക് ഒന്നും വരുത്തല്ലേ ഈശ്വരന്മാരെ എന്നവൾ ഉള്ളുരുകി പ്രാത്ഥിച്ചു കൊണ്ടിരുന്നു....

""""മോള് പേടിക്കണ്ട മുത്തശ്ശിക്ക് ഒന്നും വരില്ല എന്നും കുറുപ്പേട്ടൻ വണ്ടി ഓടിക്കുന്നതിന് ഇടയിൽ അവളെ പറഞ്ഞു ആശ്വസിപ്പിക്കാൻ നോക്കി....

പക്ഷേ ആ വാക്കുകൾക്ക് ഒന്നും ധ്വനിയുടെ ഉള്ളിലെ ഭയം മാറ്റാൻ തക്കവണ്ണം കഴിവില്ലായിരുന്നു....

വളരെ വേഗം തന്നെ ഓട്ടോ ഓടിച്ചു അയാൾ ഹോസ്പിറ്റലിൽ എത്തിച്ചു..

അയാൾ തന്നെ മുത്തശ്ശിയെ കൈകളിൽ കോരി ഡോക്ടറുടെ അടുത്തേക്ക് എടുത്തു കൊണ്ടു പോയി....

പെട്ടെന്ന് തന്നെ ഡോക്ടർ പരിശോധന ആരംഭിച്ചു....

ടെൻഷൻ നിറഞ്ഞ നിമിഷങ്ങൾ..

നേഴ്സ് ഒക്കെ ഓടി നടക്കുന്നു..

എന്തോ ഒരു ഇൻജെക്ഷൻ അവർ മുത്തശ്ശിക്ക് കൊടുത്തു..

പിന്നെ ഡ്രിപ് ഇട്ടു....

എല്ലാം കണ്ടു ആകെ തകർന്ന് നിൽക്കുകയാണ് ധ്വനി..

അവളുടെ കണ്ണുകൾ കരഞ്ഞു കലങ്ങി....

മുത്തശ്ശി ഇല്ലാത്തൊരു ലോകത്തെ കുറിച്ചവൾക്ക് സങ്കൽപ്പിക്കാൻ പോലും ആവില്ല....

മുത്തശ്ശി ആണ് തന്റെ എല്ലാം..

ആ മുത്തശ്ശിക്ക് എന്തെങ്കിലും സംഭവിച്ചാൽ പിന്നെ താനും ഉണ്ടാവില്ല....

അവളുടെ മനസ്സ് പറഞ്ഞു കൊണ്ടിരുന്നു..

നീറുന്ന മനസ്സോടെ അവൾ ആശുപത്രിയിൽ നിൽക്കുകയാണ്..

ഡോക്ടർ പരിശോധന പൂർത്തിയാക്കി പുറത്തേക്ക് വന്നു..

""""ഈ പേഷ്യന്റിന്റെ കൂടെ വന്നത് നിങ്ങളാണോ..??

""""അതേ ഡോക്ടർ എന്റെ മുത്തശ്ശിയാണ്..??

മുത്തശ്ശിക്ക് എന്തെങ്കിലും..

""""ഹേയ് പേടിക്കാൻ ഒന്നുമില്ല.. പനി കൂടിയതിന്റെ ചെറിയ തല ചുറ്റൽ..

പ്രായമുള്ള ആളല്ലേ പഴയ ആരോഗ്യം ഒന്നുമില്ലല്ലോ കുറച്ചു കഴിയുമ്പോൾ ബോധം വന്നോളും..

ഇപ്പോൾ എന്തായാലും ഡ്രിപ് ഇട്ടിട്ടുണ്ട്..

എന്തായാലും പനി കുറഞ്ഞിട്ടു ഇവിടുന്നു പോയാൽ മതി.. അതുകൊണ്ട് ഇവിടെ അഡ്മിറ്റ്‌ ആക്കുവാണ് ..

"'""ഓക്കേ ഡോക്ടർ....

ഡോക്ടറുടെ വാക്കുകൾ കേട്ടതും അവളുടെ ഉള്ളിൽ ആശ്വാസത്തിന്റെ കണികകൾ വീണു..

അവൾക്ക് അപ്പോഴാണ് ശ്വാസം നേരെ വീണത്..

എന്തായാലും മുത്തശ്ശിക്ക് കുഴപ്പം ഒന്നുമില്ലല്ലോ..

ഈശ്വരന്മാർക്ക് മനസ്സ് കൊണ്ടവൾ നന്ദി പറഞ്ഞു....

മുത്തശ്ശിയുടെ അടുത്തിരുന്നവൾ ആ തലയിൽ മെല്ലെ തഴുകി....

"""മോളെ ഇപ്പോൾ നിനക്ക് സമാധാനം ആയില്ലേ.. ഇനി ടെൻഷൻ ആവണ്ട..

""""ഇപ്പോൾ ആണ് കുറുപ്പേട്ട എനിക്ക് സമാധാനം കിട്ടിയത് ഞാൻ ശെരിക്കും പേടിച്ചു പോയി..

"""അല്ല മോളെ വാഴൂർ തറവാട്ടിൽ താമസിക്കാൻ വന്ന ആളെന്താ  അവിടെ വന്നു കിടന്നത്..

""""ഓ ഒന്നും പറയണ്ട കുറുപ്പേട്ട മുത്തശ്ശിയെ പിടിച്ചു എഴുന്നേൽപ്പിക്കാൻ ഞാൻ സഹായത്തിനു വിളിച്ചത് ആണ് പക്ഷേ കണ്ടില്ലേ കോലം..

"""നീ അല്ലാതെ ആരെങ്കിലും ഇതുപോലെ കുടിച്ചു ബോധം ഇല്ലാത്തവനെയൊക്ക സഹായത്തിന് വിളിക്കുമോ..

""""അതുപിന്നെ ആ സമയത്ത് വല്ലാത്ത വെപ്രാളം ആയിരുന്നു..

സഹായത്തിന് ആരെയെങ്കിലും വിളിക്കാമെന്ന് കരുതി ഇറങ്ങിയപ്പോൾ മുന്നിൽ പെട്ടത് അയാൾ ആയിരുന്നു....

ഇങ്ങനെ ആവുമെന്ന് ഞാനും വിചാരിച്ചില്ല....

""""എന്തായാലും കൊള്ളാം.. എന്നാൽ പിന്നെ ഞാൻ പൊക്കോട്ടെ എന്തെങ്കിലും ആവശ്യമുണ്ടെങ്കിൽ ഈ നമ്പറിൽ വിളിച്ചാൽ മതി എന്നും പറഞ്ഞു അയാൾ ഒരു പേപ്പറിൽ തന്റെ നമ്പർ എഴുതി കൊടുത്തു..

""""ഓക്കേ ചേട്ടാ.. ഫോൺ ഒക്കെ എടുക്കാൻ മറന്നു..

കുറുപ്പേട്ടൻ ഒരുപകാരം കൂടി ചെയ്യാമോ..??

""""എന്താ മോളെ പറഞ്ഞോളൂ..

"""""അതുപിന്നെ ബുദ്ധിമുട്ട് ആവില്ലെങ്കിൽ തറവാടിന്റെ വാതിൽ ഒന്ന് ചെന്നു കുറ്റി ഇട്ടിട്ട് ..

  ആ ദേവികയോട് ഞാൻ ഹോസ്പിറ്റലിൽ ആണെന്നുള്ള കാര്യം ഒന്ന് പറഞ്ഞേക്കാവോ....

""""അതിനെന്താ മോളെ ഞാൻ പറഞ്ഞോളാം എന്നും പറഞ്ഞയാൾ  യാത്ര പറഞ്ഞു ഇറങ്ങി..

അപ്പോഴേക്കും മുത്തശ്ശിക്ക് ബോധം വന്നു....

മെല്ലെ ആ കണ്ണുകൾ തുറന്നു മുത്തശ്ശി എന്നെ നോക്കി..

""""ഹോ മനുഷ്യനെ വെറുതെ പേടിപ്പിച്ചു കളഞ്ഞല്ലോ മുത്തശ്ശി..

എന്റെ നല്ല ജീവനങ്ങ് പോയി....

അത് കേട്ട് മുത്തശ്ശിയുടെ ചുണ്ടത്തൊരു പുഞ്ചിരി വിടർന്നു..

"""അയ്യടാ എന്തൊരു പാൽ പുഞ്ചിരി..

ഇനി ഇങ്ങനെ പേടിപ്പിച്ചേക്കരുത്..

മുത്തശ്ശി അല്ലാതെ 

എനിക്ക് വേറെ ആരാ ഉള്ളത്..

അവൾ അത് പറഞ്ഞതും മുത്തശ്ശിയുടെ ചുണ്ടിലെ പുഞ്ചിരി മാഞ്ഞു..

ആ മുഖത്തു വിഷാദ ഭാവം നിറഞ്ഞു..

അവരുടെ വലം കൈ ഉയർത്തി വിറയാർന്ന കൈ കൊണ്ട് അവളുടെ കവിളിലൂടെ മെല്ലെ തഴുകി..

ആ മിഴികൾ മെല്ലെ നിറഞ്ഞു തുടങ്ങി..

"""അയ്യേ എന്റെ ചട്ടമ്പി കല്യാണി കരയുവാണോ..

ഞാൻ വെറുതെ പറഞ്ഞതാണ്.. എനിക്ക് അറിയാം എന്നെ തനിച്ചാക്കി എന്റെ മുത്തശ്ശി എവിടെയും പോവില്ലെന്ന്..

അതും പറഞ്ഞവൾ മുത്തശ്ശിയുടെ നെറ്റിയിൽ ഉമ്മവെച്ചു..

അതിനിടയിൽ അവളുടെ മിഴികളും ഈറനണിഞ്ഞു....

---------------------------------------------------------

പിറ്റേന്ന് രാവിലെ എഴുന്നേറ്റവൾ ഫ്രഷായി വന്നു മുത്തശ്ശിക്ക് ചായയും കഴിക്കാൻ ഉള്ളതും ഒക്കെ വാങ്ങി കൊടുത്തു അവളും കഴിച്ചു ഡോക്ടർക്ക് വേണ്ടി കാത്തിരിക്കുമ്പോൾ ആണ് പുഞ്ചിരിയോടെ വാർഡിലേക്ക് കടന്നു വന്ന ഡോക്ടർ അവളുടെ കണ്ണിൽ പെട്ടത്..

ആള് വെളുത്തിട്ട് ഒരു ചെറുപ്പക്കാരൻ ആണ്..

ചെറുതായി ചുരുണ്ട മുടി..

ട്രിമ് ചെയ്ത മീശയും താടിയും..

അയാളുടെ മുഖത്ത് പ്രസന്ന ഭാവം..

രോഗികളോട് ചിരിച്ചു കൊണ്ടാണ് വർത്തമാനം പറയുന്നത്..

അവർ തിരിച്ചും അയാളോട് സ്നേഹത്തോടെ ചിരിച്ചു സംസാരിക്കുന്നു..

ഓരോരുത്തരെയും നോക്കി നോക്കി അയാൾ ധ്വനിക്കും മുത്തശ്ശിക്കും അരികിലെത്തി..

"""എന്താ മുത്തശ്ശി ഇപ്പോൾ കുഴപ്പം ഒന്നുമില്ലല്ലോ അല്ലേ..?

"""ഇല്ല.. ഇപ്പോൾ കുഴപ്പമില്ല.. ഇന്ന് പോവാൻ പറ്റില്ലേ ഡോക്ടറെ..

"""ആഹാ മുത്തശ്ശിക്ക് പോവാൻ ധിറുതി ആയോ..

ഒരു നിമിഷം ഞാനൊന്ന് നോക്കട്ടെ എന്നും പറഞ്ഞയാൾ മുത്തശ്ശിയെ തൊട്ടൊക്കെ നോക്കി..

പിന്നീട് പ്രഷർ ഒക്കെ നോക്കി..

"""എല്ലാം നോർമൽ ആണല്ലോ മുത്തശ്ശി..

എന്നാലും രണ്ടു ദിവസം കൂടി ഇവിടെ കിടക്ക് അത് കഴിഞ്ഞു നമുക്ക് ഡിസ്ചാർജ് ചെയ്തേക്കാം എന്താ പോരെ..

"""മ്മ്മം.. എന്ന് മൂളിക്കൊണ്ട് മുത്തശ്ശി പുഞ്ചിരിച്ചു..

""ഇതാരാ മുത്തശ്ശിയുടെ കൊച്ചുമോളാണോ..

എന്നെ നോക്കികൊണ്ട്‌ ഡോക്ടർ മുത്തശ്ശിയോട് ചോദിച്ചു..

""""അതേ എന്റെ കൊച്ചുമോളാണ്..

"ധ്വനി"

അത് കേട്ട് ഡോക്ടർ എന്നെ നോക്കി ഒന്ന് പുഞ്ചിരിച്ചു..

തിരിച്ചു ഞാനും..

പിന്നെ അയാൾ അടുത്ത രോഗിയുടെ അടുത്തേക്ക് പോയി..

അവിടെ നിന്ന് സംസാരിക്കുന്നതിനിടയിൽ ഇടക്കിടെ അയാളെന്നെ പാളി നോക്കുന്നുണ്ടായിരുന്നു....

ഡോക്ടർ ആളൊരു വായിനോക്കി ആണെന്ന് തോന്നുന്നു..

ധ്വനി മനസ്സിൽ പറഞ്ഞു..

അപ്പോഴേക്കും ദേവികയും അവളുടെ അമ്മയും അങ്ങോട്ടേക്ക് വന്നു..

"""എന്താടി എന്താ മുത്തശ്ശിക്ക് പറ്റിയത്..?

""ഒന്നുല്ലടി  പനി കൂടി ബോധം പോയതായിരുന്നു ..

ഞാൻ വല്ലാതെ പേടിച്ചു പോയി..

"""മ്മ്മ് കുറുപ്പേട്ടൻ ഇന്നലെ വന്നു മുത്തശ്ശി ഹോസ്പിറ്റലിൽ ആണെന്ന് പറഞ്ഞപ്പോൾ ഞങ്ങളും ആദ്യം പേടിച്ചു..

പിന്നെ പേടിക്കാനില്ല എന്ന് പുള്ളിക്കാരൻ പറഞ്ഞപ്പോൾ ആണ് സമാധാനം ആയത്..

"""മ്മ്മ് കുറുപ്പേട്ടൻ ഇന്നലെ ഉണ്ടായിരുന്നത് കൊണ്ട് എനിക്ക് വലിയ സഹായം ആയിരുന്നു..

""""പിന്നെ ദേ നിന്റെ ഫോൺ.. ഞാൻ തറവാട്ടിൽ കേറി അത് എടുത്തു കൊണ്ട് പോന്നു..

ദേവിക ഫോൺ ബാഗിൽ നിന്നും എടുത്തു ധ്വനിക്ക് നേരെ നീട്ടി..

അവളത് വാങ്ങി..

""അല്ല മോളെ ഡോക്ടർ എന്ത് പറഞ്ഞു..?

ദേവികയുടെ അമ്മ ചോദിച്ചു..

""""കുഴപ്പമില്ല ആന്റി.. രണ്ടു ദിവസം കഴിഞ്ഞു ഡിസ്ചാർജ് ചെയ്യാമെന്നാണ് ഡോക്ടർ പറഞ്ഞത്..

"""മ്മ്മം കഴിച്ചോ നിങ്ങൾ..

"""ഹാ ആന്റി ചായ കുടിച്ചു..

"""അപ്പോൾ ഉച്ചക്ക് എങ്ങനെ ആണ് ഞാൻ ഇവളുടെ കൈയിൽ ഭക്ഷണം കൊടുത്തു വിടാം..

""ഹേയ് അതൊന്നും വേണ്ട ആന്റി..

""നീ ഒന്ന് മിണ്ടാതിരി പെണ്ണേ ഞാൻ ഫുഡും ആയി വരും.. മര്യാദക്ക് അത് കഴിച്ചോണം..

ദേവിക ചാടി കേറി പറഞ്ഞു..

എല്ലാം കേട്ട് പുഞ്ചിരിയോടെ കിടക്കുവാണ് മുത്തശ്ശി..

""അതേ മുത്തശ്ശി ഇവിടിങ്ങനെ കിടന്നാൽ മതിയോ നമുക്ക് തറവാട്ടിലേക്ക് പോവണ്ടേ..?

""പോണം മോളെ ഡോക്ടർ വിടണ്ടേ..?

""നമുക്ക് ഡോക്ടർകിട്ട് ഒന്ന് കൊടുത്താലോ..?

""എന്റെ പൊന്നു ദേവൂ ഡോക്ടർ കേൾക്കും അങ്ങേര് അവിടെ നിൽപ്പുണ്ട്..

""എവിടെ..?

""ദോ അവിടെ നിൽക്കുന്നു എന്ന് ഞാൻ ഡോക്ടറെ ചൂണ്ടി കാണിച്ചു കൊണ്ട് പറഞ്ഞു..

""ആഹാ കൊള്ളാമല്ലോ ആള്..

ചുള്ളൻ ചെക്കൻ ആണല്ലോ..

അയാളെ നോക്കികൊണ്ട്‌ ദേവിക പറഞ്ഞു..

"""എന്തേ നീ നോക്കുന്നോ..?

"""ആ ഒന്ന് ട്രൈ ചെയ്തു നോക്കാം..

എന്നും പറഞ്ഞു ദേവിക ചിരിച്ചു..

""""ഉവ്വ അപ്പോൾ എന്റെ പാവം ഉണ്ണിയേട്ടനെ തേക്കാനുള്ള പ്ലാൻ ആണല്ലേടി ദുഷ്ടേ..?

"""ഓ ഒന്ന് പതുക്കെ പറയടി അമ്മ കേൾക്കും..

"""ഓഹോ എങ്കിൽ ഉണ്ണിയേട്ടൻ വരട്ടെ ഏട്ടനോട് ഞാൻ പറഞ്ഞോളാം..

""എന്റെ പൊന്നുമോളെ ചതിക്കല്ലേ.. ഞാൻ വെറുതെ തമാശ പറഞ്ഞതാണ്..

അല്ലെങ്കിൽ തന്നെ അങ്ങേര് കല്യാണം നീട്ടാൻ ഒരു കാരണം നോക്കി ഇരിക്കുവാണ്..

ഇനി ഈ പേരും പറഞ്ഞു അടിയുണ്ടാക്കി കുറച്ചു കാലം നീട്ടാൻ നോക്കും..

""അങ്ങനെ വഴിക്ക് വാ..

ധ്വനി ചിരിച്ചു കൊണ്ട് പറഞ്ഞു..

"""മോളെ ധ്വനി ആ ഡോക്ടർ സാറിന് നിന്റെ മേൽ ഒരു കണ്ണുള്ള പോലെ തോന്നുന്നു..

ഇടക്കിടെ ഇങ്ങോട്ടേക്ക് തന്നെ നോക്കുന്നു..

"""മ്മ്മ് ഞാനും ശ്രദ്ധിച്ചിരുന്നു .. എന്നെ കണ്ടപ്പോൾ തൊട്ടു വല്ലാത്തൊരു നോട്ടം ആണ് ..

"""ആഹാ എന്നാൽ ഒന്ന് മുട്ടി നോക്കടി..

"""എന്റെ പൊന്നോ വേണ്ട മോളെ.. ഒന്ന് പ്രേമിച്ചതിന്റെ ക്ഷീണം മാറിയില്ല..

ഇനി എന്തായാലും എന്റെ ജീവിതത്തിൽ ഞാൻ ആരെയും പ്രേമിക്കില്ല..

"""ഡി ഒരുത്തൻ അങ്ങനെ ആണെന്ന് കരുതി എല്ലാവരും അങ്ങനെ ആവുമോ..?

"""അതില്ല.. പക്ഷേ എനിക്ക് ഇപ്പോൾ പ്രണയത്തോട് പോലും പുച്ഛം ആണ്..

എല്ലാം വെറും സ്വാർത്ഥത മാത്രം..

""അങ്ങനെ അടച്ചു പ്രണയത്തെ കുറ്റം പറയല്ലേ..

ഞാനും ഉണ്ണിയേട്ടനും എത്ര വർഷമായി പ്രണയിക്കുന്നു..

""""നിങ്ങളെ പോലെ അപൂർവ്വം ചിലരുണ്ട് പ്രണയമെന്ന വാക്കിന് അർത്ഥമേകുന്നവർ..

എന്തായാലും എനിക്ക് ആ ഭാഗ്യം കിട്ടിയിട്ടില്ല.

"""വരുമടി നിന്റെ ജീവിത ത്തിലേക്കും ഒരാൾ.. കാത്തിരിക്ക് നീ..

"""എന്റെ പൊന്നു മോളെ എനിക്ക് ആരെയും വേണ്ട..

എനിക്ക് മുത്തശ്ശിയും, മുത്തശ്ശിക്ക് ഞാനും മതി..

ഞങ്ങൾക്ക് ഇടയിലേക്ക് ഇനി ഒരാളും വേണ്ട..

"""അതൊക്ക കണ്ടറിയാം..

"""അതേ രണ്ടും കൂടി സ്വകാര്യം പറഞ്ഞു കഴിഞ്ഞെങ്കിൽ പോവാം..

ദേവൂന്റെ അമ്മ ആയിരുന്നു അത് പറഞ്ഞത്..

"""സ്വകാര്യം ഒന്നുമില്ലേ..നമുക്ക് പോയേക്കാം എന്നും പറഞ്ഞു ദേവൂ അമ്മയുടെ അടുത്തേക്ക് ചെന്നു..

പിന്നാലെ ഞാനും..

"""എന്നാൽ ശെരി ഞങ്ങൾ പോട്ടെ മുത്തശ്ശി എന്നവൾ പറഞ്ഞതും മുത്തശ്ശി തലയാട്ടി..

"""ഡി ഞാൻ ഉച്ചക്ക് ചോറും കൊണ്ട് വരാം എന്നും പറഞ്ഞവൾ എന്റെ കൈയിൽ കുറച്ചു കാശും പിടിച്ചു ഏൽപ്പിച്ചു അമ്മക്കൊപ്പം അവിടെ നിന്നും ഇറങ്ങി..

ദേവൂ പോയതും ഞാൻ മുത്തശ്ശിക്ക് അരികിൽ ഇരുന്നു..

അപ്പോഴേക്കും സിസ്റ്റർ വന്നു ഡോക്ടർ എന്നെ തിരക്കുന്നുണ്ട് എന്ന് വന്നു പറഞ്ഞു..

എന്താണ് കാര്യം എന്നറിയാത്ത കൊണ്ട് ഒരൽപ്പം ടെൻഷനോടെ ഡോക്ടറുടെ അടുത്തേക്ക് നടന്നു..

ഡോക്ടറുടെ ക്യാമ്പിന് അടുത്ത് എത്താറായതും അവിടെ നിന്നും ഡോക്ടർ പുറത്തേക്ക്  ഇറങ്ങുന്നത് കണ്ടു..

അതിന് പിന്നാലെ ക്യാമ്പിനിൽ നിന്നും മറ്റൊരാളും ചിരിച്ചു കൊണ്ട് ഇറങ്ങി വരുന്നു..

ആ മുഖം കണ്ടു ധ്വനി ഒരു നിമിഷം ഞെട്ടി തരിച്ചു നിന്നു പോയി..

"ശ്യാം...."

അവളുടെ ചുണ്ടുകൾ ആ പേര് മന്ത്രിച്ചു.

#രണ്ടാംതാലി ( 8 )

അപ്രതീക്ഷിതമായി ശ്യാമിനെ കണ്ടതും ധ്വനി ഒന്ന് പതറി..

അവൾ അവൻ കാണാതെ മാറി നിന്നു..

ഡോക്ടറുമായി ചിരിയോടെ സംസാരിച്ചവൻ പോവുന്നത് അവൾ നോക്കി നിന്നു..

ശ്യാമും ഡോക്ടറും തമ്മിലുള്ള സംസാരം കണ്ടതോടെ ധ്വനിയുടെ ഉള്ളിൽ പല സംശയങ്ങളും ഉണർന്നു....

എന്നെ കണ്ടത് മുതൽ ആളിന്റെ നോട്ടവും ഭാവവും ശെരി യല്ലായിരുന്നു..

എന്തായാലും ഡോക്ടർ വിളിച്ച സ്ഥിതിക്ക് ചെല്ലാതെ ഇരുന്നാൽ ശെരിയാവില്ല..

അതുകൊണ്ട് രണ്ടും കൽപ്പിച്ചവൾ ഡോക്ടറുടെ ക്യാമ്പിനിലേക്ക് ചെന്നു..

"""ഹാ വാടോ ഇരിക്കടോ..

അവളെ കണ്ടതും പുഞ്ചിരിയോടെ ഡോക്ടർ പറഞ്ഞു.

"""എന്താ ഡോക്ടർ.. എന്തിനാ എന്നെ വിളിച്ചത്..?

മുത്തശ്ശിക്ക് എന്തെങ്കിലും..?

""ഹേയ് മുത്തശ്ശിക്ക് കുഴപ്പം ഒന്നുമില്ല..

ഞാൻ തന്നെ വെറുതെ വിളിച്ചത് ആണ്..

""""വെറുതെയോ എന്തിന്..?

"""അതുപിന്നെ ധ്വനി എനിക്ക് തന്നെ നേരത്തെ കണ്ടു പരിചയം ഉണ്ട്..

താൻ പാലത്ര തറവാട്ടുകാരുടെ ഓഫീസിൽ ജോലി ചെയ്തിരുന്നില്ലേ..

"""മ്മ്മം.. അവൾ ഒന്ന് ഇരുത്തി മൂളി.

""അവിടെ വെച്ച് തന്നെ ഞാൻ കണ്ടിട്ടുണ്ട്..

പക്ഷേ താൻ എന്നെ ശ്രദ്ധിക്കാൻ വഴിയില്ല..

എന്തായാലും അന്ന് പരിചയപ്പെടാൻ പറ്റിയില്ല..

അതുകൊണ്ട് ഇന്ന് പരിചയപ്പെട്ടേക്കാം

എന്റെ പേര് രാഹുൽ..

ഇവിടെ ടൗണിന് അടുത്ത് തന്നെ ആണ് താമസം..

വീട്ടിൽ അമ്മയും അച്ഛനും ഞാനും മാത്രം ആണുള്ളത്..

പിന്നെ തന്റെ കാര്യങ്ങൾ ഒക്കെ എനിക്ക് അറിയാം..

""എങ്ങനെ അറിയാം..?

"""എന്നോട് തന്നെക്കുറിച്ച് ശ്യാം പറഞ്ഞിട്ടുണ്ട്.. ശ്യാം മനോഹർ അവനെന്റെ സുഹൃത്ത് ആണ്..

ശ്യാമിന്റെ പേര് കേട്ടതോടെ അവളുടെ മുഖത്ത് വിഷാദ ഭാവം നിറഞ്ഞു..

""എന്താടോ എന്തുപറ്റി..? താനെന്താ വല്ലാതായത്..?

"""ഒന്നുമില്ല ഞാൻ പോവുന്നു..

എന്നും പറഞ്ഞവൾ കസേരയിൽ നിന്നും എഴുന്നേറ്റു..

""ഹേ ധ്വനി പോവല്ലേ.. എനിക്ക് അറിയാം തനിക്ക് എന്താ പറ്റിയതെന്ന്..

ശ്യാം.. ശ്യാം മനോഹർ..

ആ പേരല്ലേ തന്റെ ഈ ഭാവമാറ്റത്തിന് കാരണം..

ഡോക്ടറുടെ ചോദ്യം കേട്ടവളുടെ ഉള്ളിലെ ദേഷ്യം  വാക്കുകളിലൂടെ പുറത്തേക്ക് വന്നു..

""അതേ ഡോക്ടറെ.. ഡോക്ടർക്ക് നാണമില്ലേ അവനെ പോലെ ഒരുത്തന്റെ ഫ്രണ്ട് ആണെന്ന് പറഞ്ഞു നടക്കാൻ ....

പെണ്ണിന്റെ മാനത്തിന് വിലയിടാൻ നടക്കുന്ന ചെറ്റയാണ് അവൻ..

""ഹേയ് ധ്വനി.. താൻ ചൂടാവല്ലേ..

താൻ അവിടെ ഇരിക്ക്..

തന്റെ ദേഷ്യത്തിന്റെ കാരണം എനിക്ക് മനസ്സിലാവും..

""അവന്റെ പേരും പറഞ്ഞു ആര് വന്നാലും എനിക്ക് ദേഷ്യം വരും.. അതിപ്പോൾ ഡോക്ടർ ആയാലും..

""""മ്മ്മ് എനിക്ക് അറിയാം അവന്റെ കൈയിലിരുപ്പ് എന്താണെന്ന്..

ഞാൻ ഒരുപാട് വട്ടം ഉപദേശിച്ചത് ആണ് പക്ഷേ നന്നാവില്ല....

എന്ത് ചെയ്യാൻ ആണ്

""കൊല്ലണം.. അവനെയൊക്കെ ഇഞ്ചു ഇഞ്ചായി കൊല്ലണം

അതാണ് ചെയ്യേണ്ടത്..

എത്ര പെൺകുട്ടികളുടെ ജീവിതം അവൻ തകർത്തിട്ടുണ്ടാവും..??

ധ്വനിയുടെ ചോദ്യത്തിന് മുന്നിൽ ഡോക്ടർക്ക് മറുപടി ഉണ്ടായിരുന്നില്ല..

""എന്താ ഡോക്ടറെ കൂട്ടുകാരനെ പറഞ്ഞത് ബോധിച്ചില്ല എന്നുണ്ടോ..?

""ഹേയ് അതല്ല ധ്വനി തന്റെ ചോദ്യങ്ങൾക്കുള്ള ഉത്തരം എന്റെ പക്കൽ ഇല്ല..

കുട്ടിക്കാലം തൊട്ടു കാശ് കണ്ട്   കാശാണ് സ്നേഹ ബന്ധങ്ങളെക്കാൾ വലുതെന്നു കരുതി വളർന്നു വന്ന അവനിൽ നിന്ന് ഇതൊക്കെ അല്ലാതെ മറ്റെന്തു പ്രതീക്ഷിക്കാൻ..?

"""ഓഹോ ഡോക്ടർ അയാളെ ന്യായീകരിക്കാൻ നോക്കുവാണോ..?

""""ഹേ അല്ല ധ്വനി ഞാൻ അവനെ ഒരിക്കലും ന്യായീകരിക്കില്ല..

അവൻ ചെയ്യുന്നത് തെറ്റ് തന്നെ ആണ്..

ധ്വനിയോട് ചെയ്തതും....

അത് കേട്ടതും അവളൊന്ന് ഞെട്ടി....

""""എനിക്ക് എല്ലാം അറിയാം ധ്വനി..

അവൻ എല്ലാ കാര്യവും എന്നോട് പറഞ്ഞിട്ടുണ്ട്..

""""ഓ അപ്പോൾ നടന്നതെല്ലാം അറിഞ്ഞു കാണുമല്ലോ..

ഇനി അതൊന്നും കേൾക്കാനും ഓർക്കാനും എനിക്ക് താല്പര്യമില്ല..

 അതുകൊണ്ട് ഞാൻ പോവുന്നു..

എന്നും പറഞ്ഞവൾ ഡോക്ടറുടെ റൂമിൽ  നിന്നും ഇറങ്ങി..

പിന്നാലെ ധ്വനി ഒന്ന് നിൽക്കടോ ഞാൻ ഒന്ന് പറയട്ടെ എന്നും പറഞ്ഞു ഡോക്ടറും ചെന്നു....

""എന്താ ഡോക്ടർക്ക് ഇപ്പോൾ വേണ്ടത്..?

""""എനിക്കൊന്നും വേണ്ട.. അവനോടുള്ള ദേഷ്യം എന്നോട് കാണിക്കാതെ ഇരുന്നാൽ മതി..

നമുക്ക് നല്ല ഫ്രണ്ട്സായി  ഇരുന്നൂടെ  എന്നും പറഞ്ഞു ഡോക്ടർ അവൾക്ക് നേരെ കൈ നീട്ടി..

""അതേ ഡോക്ടറെ എനിക്ക് ഡോക്ടറുമായി  എന്നല്ല ഒരാളുമായും  ഫ്രണ്ട്ഷിപ്പിന് താല്പര്യമില്ല..

അതുകൊണ്ട് എന്നെ വെറുതെ വിട്ടേക്ക്..

""ഞാൻ അവന്റെ ഫ്രണ്ട് ആയി പോയത് കൊണ്ടാണോ എന്നോടും ഈ ദേഷ്യം..

""എനിക്ക് ആരോടും ദേഷ്യമില്ല.. എന്നെ ഒന്ന് ജീവിക്കാൻ അനുവദിച്ചാൽ മതി..

""ഡോ ഞാൻ..

""ഡോക്ടർ കൂടുതൽ ഒന്നും പറയണ്ട മുത്തശ്ശി ഒറ്റക്കാണ് കിടക്കുന്നത്.. എന്നെ തിരക്കും ഞാൻ പോണ്..

ഇനി ഇതും പറഞ്ഞു എന്റെ അടുത്തേക്ക് വരരുത് എന്നൊരു താക്കീതും ഡോക്ടർക്ക് നൽകി അവൾ മുത്തശ്ശിക്ക് അരുകിലേക്ക് പോയി....

നിരാശ പടർന്നു പിടിച്ച മുഖ ഭാവത്തോടെ ഡോക്ടർ ക്യാബിനിലേക്കും പോയി....

മുത്തശ്ശിക്ക് അരികിൽ എത്തിയതും ധ്വനിയുടെ കണ്ണുകൾ നിറഞ്ഞിരുന്നു....

""എന്താ മോളെ എന്തുപറ്റി..? എന്താ നിന്റെ മുഖം വല്ലാതെ ഇരിക്കുന്നത്‌..?

""ഹേയ് ഒന്നുമില്ല മുത്തശ്ശി..

""ഒന്നുമില്ലെന്നോ.. പിന്നെന്തിനാ നിന്റെ കണ്ണുകൾ നിറയുന്നത്..

""ഹേയ് അത് പൊടി പോയതാവും മുത്തശ്ശി..

എന്നും പറഞ്ഞവൾ തോർത്ത്‌ കൊണ്ട് മുഖം തുടച്ചു..

""കള്ളം പറയണ്ട നീ.. നിന്റെ മുഖം കണ്ടാൽ എനിക്ക് മനസ്സിലാവും എന്തോ ഉണ്ടായെന്ന്..

എന്തിനാ ഡോക്ടർ നിന്നെ വിളിച്ചത്..

എന്ന് മുത്തശ്ശി ചോദിച്ചതും അവൾ വിങ്ങി പൊട്ടി..

""""എന്താ മോളെ എന്താണെന്നു വെച്ചാൽ മോള് ഈ മുത്തശ്ശിയോട് പറ.....

""""ജീവിതത്തിൽ ഇനി ഒരിക്കലും കാണരുതെന്ന് വിചാരിച്ച ആളെ ഞാൻ ഇന്ന് ഇവിടെ വെച്ച്  കണ്ടു മുത്തശ്ശി....

""""ആരെയാ മോളെ..?

""""ശ്യാമിനെ.....

""""ശ്യാമിനെയോ..?

മുത്തശ്ശി ആകാംഷയോടെ ചോദിച്ചു..

""""അതേ.. അയാളെ തന്നെ..

ഡോക്ടറുടെ ക്യാമ്പിനിൽ നിന്നും അയാൾ ഇറങ്ങി പോവുന്നത് ഞാൻ കണ്ടു..

""""എന്നിട്ട് അവൻ നിന്നെ കണ്ടോ..?

""ഇല്ല.. അയാളെ കണ്ടതും ഞാൻ അവിടെ നിന്നും മാറി നിന്നു....

""""എന്തിന്..? നീ എന്തിനാ അവനെ പേടിക്കുന്നത്..

അവന്റെ മുന്നിൽ അന്തസ്സായി തല ഉയർത്തി തന്നെ നിൽക്കണം അല്ലാതെ ഇങ്ങനെ ഒഴിഞ്ഞു മാറരുത്..

""""എന്തോ പെട്ടെന്ന് കണ്ടപ്പോൾ അങ്ങനെ അങ്ങ് ആയിപ്പോയി.....

"""മ്മ്മം അല്ല അവനെന്തിനാ ഡോക്ടറെ കാണാൻ വന്നത്..?

"""അതുപിന്നെ അയാൾ ഡോക്ടറുടെ  ഫ്രണ്ട് ആണത്രെ..

ഡോക്ടർ എന്നോട് പറഞ്ഞു..

"""ഓ അപ്പോൾ അത് പറയാൻ ആണോ ഡോക്ടർ നിന്നെ വിളിപ്പിച്ചത്..

അവന് വേണ്ടി വക്കാലത്തു പറയാൻ ആയിരിക്കും....

"""ഹേയ് അല്ല മുത്തശ്ശി ഡോക്ടർ എന്റെ സൈഡ് നിന്നാണ് സംസാരിച്ചത്....

""മ്മ്മം എന്നാലും മോള് ആരെയും വിശ്വസിക്കാൻ പോവണ്ട..

ചിരിച്ചു കൊണ്ട് കഴുത്ത് അറക്കുന്നവരാണ് മോളെ നമുക്ക് ചുറ്റിലും ഉള്ളവരിൽ പലരും..

അതുകൊണ്ട് ആരെയും വിശ്വസിക്കാൻ പറ്റില്ല..

""""അറിയാം മുത്തശ്ശി..

ഒരിക്കൽ വിശ്വസിച്ചതിന് ഞാൻ അനുഭവിച്ചു..

ഇനി ആരെയും വിശ്വസിക്കില്ല..

""""പിന്നെ ഇനി എന്റെ മോളുടെ കണ്ണ് നിറയാൻ പാടില്ല കേട്ടോ..

ഇതുപോലെ ഉള്ളവർക്ക് വേണ്ടി ഒഴുക്കി കളയാൻ ഉള്ളതല്ല നമ്മുടെ കണ്ണുനീർ..

അതിന് അതിന്റെതായ വില ഉണ്ട്..

""""ഇല്ല മുത്തശ്ശി ഞാൻ ഇനി അയാളെ ഓർത്തു കരയില്ല..

 ഇത് ഞാൻ മുത്തശ്ശിക്ക് തരുന്ന വാക്കാണ്.....

"""മിടുക്കി.. അങ്ങനെ വേണം ഇനി അങ്ങോട്ട്..

മുത്തശ്ശി അത് പറയുമ്പോൾ അവളുടെ ചുണ്ടിൽ പുഞ്ചിരി വിടർന്നു..

അന്നത്തെ ദിവസം ഇടക്ക് ഡോക്ടർ വന്നു അവളോട് സംസാരിക്കാൻ ശ്രമിച്ചെങ്കിലും ധ്വനി പിടി കൊടുക്കാതെ ഒഴിഞ്ഞു മാറി..

---------------------------------------------------------

രാഹുൽ പിന്നെയും ധ്വനിയോട് സംസാരിക്കാൻ ശ്രമിച്ചെങ്കിലും അവൾ ദേഷ്യത്തോടെ ഒഴിഞ്ഞു മാറി..

ഒടുവിൽ മുത്തശ്ശിയെയും ഡിസ്ചാർജ് ചെയ്തു പോവാൻ ഇറങ്ങി വഴിയിൽ എത്തി നിൽക്കുമ്പോൾ രാഹുൽ അവളുടെ അടുത്തേക്ക് വന്നു..

""ധ്വനി എനിക്ക് പറയാനുള്ളത് ഒന്ന് കേട്ട് കൂടെ..

ഇയാളെന്നെ വല്ലാതെ തെറ്റിദ്ധരി ച്ചിരിക്കുവാണ്..

""എനിക്ക് ഒരു തെറ്റിദ്ധാരണയും ഇല്ല ഡോക്ടറെ.. ശരിയായ ധാരണയെ ഒള്ളൂ..

"""ധ്വനി എനിക്ക് പറയാൻ ഉള്ളത് തനിക്കൊന്ന് കേട്ടു കൂടെ....

"""എന്റെ പൊന്ന് ഡോക്ടറെ എന്നെ ഒന്ന് വെറുതെ വിട്ടേക്ക്..

ഞാൻ ഇത്രയൊക്കെ പറഞ്ഞിട്ടും

നിങ്ങൾക്ക് ഒരു നാണവും ഇല്ലേ..

ഇനിയും ഇങ്ങനെ എന്റെ പിന്നാലെ വന്നാൽ ഈ ധ്വനിയുടെ മറ്റൊരു മുഖം ഡോക്ടർക്ക് കാണേണ്ടി വരും.....

ദേഷ്യത്തോടെ അവൾ ഡോക്ടറെ നോക്കി പറഞ്ഞു..

പിന്നെ അവൾ അവിടെ കിടന്ന ഓട്ടോ വിളിച്ചു മുത്തശ്ശിയുമായി അതിൽ കേറി തറവാട്ടിലേക്ക് പോയി..

""നീ എത്രയൊക്കെ ആട്ടി പായിച്ചാലും ഞാൻ നിന്നെയും കൊണ്ടേ പോവൂ ധ്വനി..

ഈ ജീവിതത്തിൽ എനിക്കൊരു പെണ്ണുണ്ടെങ്കിൽ അത് നീ ആയിരിക്കും..

അവൾ പോവുന്നതും നോക്കി കൊണ്ട് രാഹുൽ പറഞ്ഞു....

ധ്വനിയും മുത്തശ്ശിയും തറവാട്ടിൽ എത്തിയതും അവിടെ ദേവിക അവരെ കാത്തു നിൽപ്പുണ്ടായിരുന്നു....

""ആഹാ നീ ഇവിടെ ഉണ്ടായിരുന്നോ....?

""""ഹാ നിങ്ങൾ രാവിലെ ഡിസ്ചാർജ് വാങ്ങി വരുമെന്ന് പറഞ്ഞത് കൊണ്ടാണ് അങ്ങോട്ട് വരാതെ ഞാൻ ഇവിടെ കാത്തു നിന്നത്..

""""എന്തായാലും നന്നായി നിന്നോട് കുറച്ചു കാര്യങ്ങൾ പറയാനുണ്ട് ഞാൻ അകത്തു പോയി ഡ്രസ്സ്‌ മാറി വരാം..

""ഓക്കേ ഡി....

മുത്തശ്ശിയെ ഹോസ്പിറ്റലിൽ പോയി വന്നപ്പോൾ ഒന്നൂടി ചെറുപ്പം ആയെന്ന് തോന്നുന്നു..

ദേവിക മുത്തശ്ശിയോടായി പറഞ്ഞു..

""ഒന്ന് പോയേടി പെണ്ണേ കളിയാക്കാൻ നിൽക്കാതെ....

""കളിയാക്കിയതല്ല.. ഇപ്പോൾ മുത്തശ്ശിയെ ആര് കണ്ടാലും മധുര പതിനേഴെന്നേ പറയൂ..

"""പതിനേഴു അല്ലടി പതിനാറ് ആണ്..

എന്നും പറഞ്ഞു ധ്വനിയും ചിരിച്ചു..

പിന്നെ അവൾ പോയി ഡ്രസ്സ്‌ മാറി വന്നു..

ശ്യാമിനെ കണ്ടത് അടക്കമുള്ള കാര്യങ്ങൾ ധ്വനി ദേവികയോട് പറഞ്ഞു..

അപ്പോഴാണ് അവിടേക്ക് ശിവജിത്ത് വന്നത്..

തലയൊക്ക അൽപ്പം താഴ്ത്തി മുഖത്ത് നോക്കാൻ മടിയോടെ എന്ന പോലെ ആണ് ആള് വന്നു നിന്നത്....

കണ്ടിട്ട് കുടിച്ചിട്ടില്ല എന്ന് തോന്നി 

""എന്താ എന്ത് വേണം.. വാക്കുകളിൽ ദേഷ്യം കലർത്തി ധ്വനി ചോദിച്ചു....

"""ഞാൻ മുത്തശ്ശിയെ ഒന്ന് കാണാൻ വന്നതാണ്..

വളരെ സൗമ്യതയോടെ ആണ് അയാൾ മറുപടി പറഞ്ഞത്..

""മുത്തശ്ശി ചത്തോ എന്നറിയാൻ ആണോ.... ചത്തിട്ടില്ല..

""ഹാ നീയെന്താടി ധ്വനി ഇങ്ങനൊക്കെ പറയുന്നത്..

ധ്വനിയുടെ വാക്കുകൾ കേട്ട് ദേവിക ഇടക്ക് കേറി..

""അല്ല പിന്നെ ഇയാളോടൊക്കെ ഞാൻ പിന്നെ എന്ത് പറയണം..

ഒരു സഹായത്തിന് വിളിച്ചപ്പോൾ കുടിച്ചു ബോധമില്ലാതെ വന്നു ഈ മുറ്റത്ത് കിടന്നു....

അന്ന് എന്റെ മുത്തശ്ശിക്ക് എന്തെങ്കിലും സംഭവിച്ചിരുന്നു എങ്കിലോ..??

""പോട്ടെടി മുത്തശ്ശിക്ക് ഒന്നും വന്നില്ലല്ലോ....

""""എന്തെങ്കിലും വന്നിരുന്നു എങ്കിൽ ഇയാളെ ഞാൻ കൊന്നേനെ..

ഭൂമിക്ക് ഭാരമായി ആർക്കും വേണ്ടാതെ കുടിച്ചു നശിക്കുന്ന കുറെ ജന്മങ്ങൾ..

അന്നത്തെ ദേഷ്യം മുഴുവൻ വാക്കുകളിൽ കൂടെ അയാളോട് ഞാൻ തീർക്കുക ആയിരുന്നു..

എല്ലാം കേട്ടു ഒരക്ഷരം മിണ്ടാതെ അയാൾ നിന്നു..

"""ശിവേട്ടാ.. ഒന്നും തോന്നരുത് അവൾ ദേഷ്യത്തിൽ ഓരോന്ന് പറയുന്നത് ആണ്..

ദേവിക അയാളോടായി പറഞ്ഞു..

മറുപടി ഒന്നും പറയാതെ അയാൾ എന്നെ ഒന്ന് നോക്കി പിന്നെ ഇറങ്ങി പോയി..

മുത്തശ്ശി ആണെങ്കിൽ ചെന്നുടനെ കേറി കിടന്നു ഉറങ്ങിയതിനാൽ ഇതൊന്നും അറിഞ്ഞതും ഇല്ല..

"""ഡി നീ പറഞ്ഞത് ഇത്തിരി കൂടി പോയി..

ഇങ്ങനെ ഒക്കെ പറയാൻ മാത്രം ശിവേട്ടൻ എന്ത് തെറ്റ് ചെയ്തു..

"""അവളുടെ ഒരു ശിവേട്ടൻ.. അങ്ങേരെ സപ്പോർട്ട് ചെയ്യാൻ ആണ് ഉദ്ദേശം എങ്കിൽ പൊന്നു മോൾ എന്റെ വായിൽ ഇരിക്കുന്നത്‌ മുഴുവൻ കേൾക്കും..

"""എന്റെ പൊന്നോ വേണ്ടേ.

 ഞാൻ പോവാണ്..

എന്നും പറഞ്ഞു ചിരിച്ചു കൊണ്ട് ദേവിക പോയി... അത് കണ്ടു ധ്വനിക്കും ചിരി വന്നു പോയി...

---------------------------------------------------------

നേരം രാത്രിയായി.. മുത്തശ്ശിക്ക്  കഞ്ഞിയും മരുന്നും കൊടുത്തു ധ്വനിയും കഴിച്ച ശേഷം ഉമ്മറത്തു കുറച്ചു നേരം കാറ്റ് കൊണ്ടിരിക്കാൻ നേരത്താണ് ശിവജിത്ത് കുടിച്ച് തെന്നി തെറിച്ചു നടന്നു വരുന്നത് അവൾ കണ്ടത്....

അവൻ നേരെ വന്നത് അവളുടെ അടുത്തേക്ക് ആയിരുന്നു..

അവൻ അടുത്ത് വന്നപ്പോൾ തന്നെ മദ്യത്തിന്റെ രൂക്ഷ ഗന്ധം അടിച്ചു തുടങ്ങി..

""ഹോ എന്തൊരു നാറ്റമാണ്.. താൻ എന്തിനാടോ ഇങ്ങോട്ട് കേറി വന്നത്..

ഇവിടല്ല താൻ താമസിക്കുന്നത്..

"""എനിക്ക് മുത്തശ്ശിയെ ഒന്ന് കാണണം.. നാവു കുഴഞ്ഞവൻ പറഞ്ഞു..

""മുത്തശ്ശിയെ ഒന്നും ഇപ്പോൾ കാണാൻ പറ്റില്ല..

താൻ ഒന്ന് പോയെ..

""മുത്തശ്ശിയെ കണ്ടു മാപ്പ് പറയാതെ ഞാൻ ഇവിടുന്ന് പോവില്ല..

പിടിവാശിയോട് പറഞ്ഞവൻ അവിടെ തന്നെ കൈ കെട്ടി നിന്നു..

""ദേ മര്യാദക്ക് താൻ ഇവിടുന്ന് പോയില്ലെങ്കിൽ ഞാൻ ആളെ വിളിച്ചു കൂട്ടും കേട്ടോ..

"""വിളിച്ചോ.. ആരെ വിളിച്ചു കൂട്ടിയാലും ശെരി  മുത്തശ്ശിയെ കാണാതെ ഞാൻ പോവില്ല..

ശിവജിത്ത് അത് പറഞ്ഞു നിർത്തുമ്പോളേക്കും മുത്തശ്ശി അകത്ത് നിന്നും ഇറങ്ങി വന്നു..

"""എന്താ മോളെ പ്രശ്നം..?

""ദാണ്ടെ അങ്ങോട്ട് ചോദിക്ക് എന്താ പ്രശ്നം എന്ന്..

ധ്വനി ശിവജിത്തിനെ നോക്കി പറഞ്ഞു..

""എന്താ മോനെ പ്രശ്നം പറ....

""""മുത്തശ്ശി എന്നോട് ക്ഷമിക്കണം..

അന്ന് ഞാൻ കുടിച്ച് ഓവറായി പോയി..

അതുകൊണ്ട് ആണ് എനിക്ക് മുത്തശ്ശിയെ ഹോസ്പിറ്റലിൽ കൊണ്ടു പോവാൻ പറ്റാതെ പോയത്....

""""ഓ അത് സാരമില്ല മോനെ..

മോൻ ഇപ്പോൾ പോവാൻ നോക്ക്..

""""ഇല്ല..മുത്തശ്ശി എനിക്ക് മാപ്പ് തരാതെ ഞാൻ പോവില്ല....

കുറ്റബോധം കൊണ്ട് എനിക്ക് സമാധാനം കിട്ടുന്നില്ല..

ഞാൻ വലിയ തെറ്റാണ് മുത്തശ്ശിയോട് ചെയ്തത് എന്നും പറഞ്ഞു കൊണ്ട് അവൻ ഉമ്മറത്തേക്ക് കേറി ചെന്നു മുത്തശ്ശിയുടെ കാൽക്കലേക്ക് വീണു.....

"""ഹാ എന്താ മോനെ എഴുന്നേൽക്ക്..

"""ഇല്ല മുത്തശ്ശി മാപ്പ് തരാതെ ഞാൻ എഴുന്നേൽക്കില്ല..

എന്നും പറഞ്ഞവൻ മുത്തശ്ശിയുടെ കാലിൽ പിടിച്ചു..

മുത്തശ്ശി ദയനീയതയോടെ ധ്വനിയെ നോക്കി..

ധ്വനിയുടെ മുഖം ദേഷ്യം കൊണ്ട് ചുവന്നിരുന്നു..

"""ശെരി മോനെ..മോൻ എഴുന്നേൽക്ക് ഞാൻ ക്ഷമിച്ചു എന്നും പറഞ്ഞു മുത്തശ്ശി അവനെ തട്ടി വിളിച്ചു..

പക്ഷേ അനക്കം ഉണ്ടായില്ല..

"""മുത്തശ്ശി..

മാപ്പ് ചോദിച്ചു ചോദിച്ചു അങ്ങേരുടെ ബോധം പോയെന്നാണ് തോന്നുന്നത്....

"""ഇനിയിപ്പോൾ എന്ത്‌ ചെയ്യും കുട്ട്യേ..??

""""എന്ത് ചെയ്യാൻ.. ഞാൻ പോയി ഒരു കുടം വെള്ളം കൊണ്ടുവന്നു ഇയാളുടെ തലയിൽ കമഴ്ത്തി നോക്കാം..

"""അയ്യോ അതൊന്നും വേണ്ട.. കുടിച്ച് ബോധം ഇല്ലാതെ കിടക്കുവല്ലേ എഴുന്നേറ്റു വല്ല പ്രശ്നവും ഉണ്ടാക്കിയാലോ..?

"""ഉണ്ടാക്കിയാൽ ഇയാളുടെ തലമണ്ട ഞാൻ അടിച്ചു പൊട്ടിക്കും..

"""ഒന്നും വേണ്ട മോളെ.. ഇനിയിപ്പോ ഇവിടെ കിടക്കട്ടെ രാവിലെ എഴുന്നേറ്റു പൊക്കോളും..

""""മുത്തശ്ശി ഇത് എന്താ ഈ പറയുന്നത്..

ആരെങ്കിലും കണ്ടാൽ ഉള്ള അവസ്ഥ അറിയാലോ..

അല്ലെങ്കിൽ തന്നെ ചീത്തപ്പേരാണ്..

ഇനി ഇതും കൂടി കണ്ടാൽ..?

""""കണ്ടാൽ എന്താ..?

നമ്മൾ തെറ്റ് ചെയ്യാത്തിടത്തോളം ആരെയും പേടിക്കണ്ട കാര്യം ഇല്ല..

നീ വാ മോളെ..

എന്നും പറഞ്ഞു മുത്തശ്ശി അകത്തേക്ക് പോയി..

ശിവജിത്തിനെ ദേഷ്യത്തിൽ തുറിച്ചു നോക്കിയ ശേഷം ധ്വനിയും അകത്തേക്ക് പോയി..

പിറ്റേന്ന് നേരം പരു പര വെളുത്തതും ധ്വനി എഴുന്നേറ്റു വാതിൽ തുറക്കുമ്പോൾ കണ്ടത് ഉമ്മറത്തു വായും പൊളിച്ചു മലർന്നടിച്ചു കിടക്കുന്ന ശിവയെയാണ്..

"""ആഹാ ബെസ്റ്റ് കണി..

കിടക്കുന്ന കിടപ്പ് കണ്ടില്ലേ..

ചെന്നു കാല് മടക്കി ഒരെണ്ണം കൊടുത്താലോ..

അല്ലെങ്കിൽ വേണ്ട വേറെ വഴിയുണ്ട് എന്നും പറഞ്ഞവൾ അകത്തേക്ക് പോയി പിന്നെ ഒരു ബക്കറ്റ് വെള്ളവുമായി വന്നു അവന്റെ ദേഹത്തേക്ക് ഒരൊറ്റ ഒഴി ആയിരുന്നു......

#രണ്ടാംതാലി (9)

നല്ല ഉറക്കത്തിൽ ആയിരുന്ന ശിവ വെള്ളം വീണതും ഞെട്ടി എഴുന്നേറ്റ് നോക്കുമ്പോൾ കണ്ടത് ബക്കറ്റും പിടിച്ചു കൊണ്ട് ചുരിദാറിന്റെ മുകളിലൂടെ അരക്കെട്ടിൽ ഷോളും ചുറ്റി കെട്ടി ദേഷ്യത്തോടെ നിൽക്കുന്നത് ആണ്....

"""നീ ഇത് എന്ത് കോപ്പാടി കാണിച്ചത്..

മനുഷ്യന്റെ ഉറക്കം കളയാനായിട്ട്..

അവന്റെ ശബ്ദത്തിൽ ദേഷ്യം കലർന്നിരുന്നു....

"""അതേ തനിക്ക് ഉറങ്ങാനുള്ളത് അല്ല എന്റെ തറവാട്..

എഴുന്നേറ്റ് പോവാൻ നോക്കടോ....

"""നിന്റെ തറവാടോ..?

"""ആ എന്റെ തറവാട് തന്നെ.....

അപ്പോഴാണ് അവൻ ചുറ്റും ഒന്ന് നോക്കിയത്..

"""ങ്ങേ..ഞാൻ ഇതെങ്ങനെ ഇവിടെ വന്നു..

"""അയ്യോ സാറിന് ഒന്നും ഓർമ്മയില്ലേ..

ഇന്നലെ വാഴൂർ തറവാട്ടിൽ നിന്ന് ഞാൻ തന്നെ ഇവിടെ എടുത്തു കൊണ്ടുവന്നു കിടത്തിയതാണ്.....

പരിഹാസത്തോടെ അവൾ പറഞ്ഞു......

അത് കേട്ടവൻ അവളെ രൂക്ഷമായൊന്നു നോക്കി....

"""അയ്യോ ഇങ്ങനെ നോക്കി പേടിപ്പിക്കല്ലേ....

ഞാൻ പേടിക്കും....

കുടിച്ച് ബോധം ഇല്ലാതെ വന്ന് മുത്തശ്ശി മ്യാപ്പ്.... മുത്തശ്ശി മ്യാപ്പ് എന്നും പറഞ്ഞു മുത്തശ്ശിയോട് മാപ്പും ചോദിച്ചു ഇവിടെ കിടന്നു ഉറങ്ങിയിട്ട് ഇപ്പോൾ ഓർമ്മയില്ല പോലും.....

"""ഓ സോറി..ഞാൻ ഇന്നലെ കുറച്ചു ഓവറായി പോയി......

"""ഓ അല്ലെങ്കിൽ തന്നെ മാഷ് എന്നാണ് ഓവർ അല്ലാത്തത്..

ഇനി മേലാൽ കുടിച്ചിട്ട് ഇങ്ങോട്ട് വന്നേക്കരുത് പറഞ്ഞേക്കാം.....

എന്റെ ഒച്ച കേട്ടിട്ട് ആവണം അകത്തു നിന്നും മുത്തശ്ശി എഴുന്നേറ്റു ഉമ്മറത്തേക്ക് വന്നു....

"""എന്താ മോളെ എന്താ ഇവിടെ ഒരു ബഹളം.....

ങ്ങേ.. ഇതെന്താ ഈ മോൻ ഇങ്ങനെ നനഞ്ഞു കുളിച്ചു ഇരിക്കുന്നത്..?

"""ഞാൻ വെള്ളം കോരി ഒഴിച്ചിട്ട്.....

"""വെള്ളം കോരി ഒഴിച്ചെന്നോ എന്തിന്..?

"""പിന്നെ.. നട്ടുച്ച വരെ ഇയാളെ ഇവിടെ കിടത്തി ഉറക്കണോ ഞാൻ....?

"""എന്റെ പൊന്നു മുത്തശ്ശി ഞാൻ ഇന്നലെ കുടിച്ചു വന്ന് അറിയാതെ ഇവിടെ കിടന്നു ഒന്ന് ഉറങ്ങി പോയതാണ്..

അത് ഈ തലക്ക് വെളി വില്ലാത്തതിനോട് പറഞ്ഞിട്ട് മനസ്സിലാവുന്നില്ല..

കണ്ടില്ലേ കാണിച്ചു വെച്ചത്.....

"""തലക്ക് വെളിവില്ലാത്തത് തന്റെ കെട്ടിയോൾക്ക്..

ദേ എന്നെക്കൊണ്ട് ഒന്നും പറയിക്കല്ലേ.....

"""നീ എന്ത്‌ കോപ്പ് പറയാൻ ആണ്..

വന്ന അന്ന് തൊട്ടു കാണുന്നത് ആണ് അവളുടെ ഒരു  കോപ്പിലെ ഷോ..

അത് എന്റെ അടുത്തോട്ടു വേണ്ട....

ശിവജിത്തും വിട്ടു കൊടുത്തില്ല....

"""ഓ രണ്ടും ഒന്ന് നിർത്തുന്നുണ്ടോ.. എന്റെ പൊന്നു മോനെ നീയൊന്ന് പോവാൻ നോക്ക്..

അവൾ എന്തെങ്കിലും തെറ്റ് ചെയ്തെങ്കിൽ ഞാൻ ക്ഷമ ചോദിക്കുന്നു പോരെ.....

"""അയ്യേ എന്തിനാ മുത്തശ്ശി ഈ കള്ളു കുടിയനോട് ഒക്കെ ക്ഷമ ചോദിക്കുന്നത്....

"""ഡി കള്ള് കുടിയൻ നിന്റെ......

അവൻ ബാക്കി വാചകം പൂർത്തിയാക്കിയില്ല..

"""" അതേ മുത്തശ്ശി ഇവിടെ നിൽക്കുന്നത് കൊണ്ട് ഞാൻ കൂടുതൽ ഒന്നും പറയുന്നില്ല..

എന്തായാലും ഞാൻ പോണ്എന്നും പറഞ്ഞു അവൻ നിലത്ത് നിന്നും എഴുന്നേറ്റു മുറ്റത്തേക്ക് ഇറങ്ങി....

"""അതേ പോവുന്നത് ഒക്കെ കൊള്ളാം ഇനി മാപ്പും കോപ്പും ഒന്നും ചോദിച്ചു ഇങ്ങോട്ട് വന്നേക്കല്ലേ.... ഇനി കിണറ്റിലാവും ഞാൻ എടുത്തിടുക....

 അവൻ കേൾക്കാനായി അവൾ നീട്ടി വിളിച്ചു പറഞ്ഞു.....

അവൻ തിരിഞ്ഞു നോക്കാതെ എന്തോ പൊറു പൊറുത്തു കൊണ്ട് നടന്നു നീങ്ങി....

"""നീ എന്തിനാടി മോളെ  വെറുതെ ആ ചെറുക്കനോട് ഇങ്ങനെ വഴക്കിന് നിൽക്കുന്നത്....

"""വെറുതെയോ..  കുടിച്ചു നടക്കുന്നവനെ ഞാൻ പിന്നെ എന്റെ മടിയിൽ ഇരുത്തി ലാളിക്കണോ..?

"""അവൻ കുടിക്കുന്നതിന് നിനക്കെന്താ..?

"""എനിക്കൊന്നുമില്ല..

കുടിച്ചിട്ട് ഇങ്ങോട്ട് വരാതെ ഇരുന്നാൽ മതി....

"""അവൻ ഇനി വരില്ല..

വന്നതിന് ഇപ്പോൾ മാപ്പും പറഞ്ഞില്ലേ പോരെ..

"""മ്മ്മം അല്ലെങ്കിലും ഈ മുത്തശ്ശി 

എപ്പോഴും അയാളെ സപ്പോർട്ട് ആണ്.....

""ഞാൻ ആരെയും സപ്പോർട്ട് ചെയ്തത് അല്ല മോളെ..

അയാൾ മറ്റൊരു നാട്ടിൽ നിന്ന് നമ്മുടെ നാട്ടിൽ വന്ന ആളല്ലേ..

അപ്പോൾ അതിന്റെ ഒരു മര്യാദ നമ്മൾ കൊടുക്കണം.

"""ഹാ.. അതേ മര്യാദ ഇങ്ങോട്ടും ഉണ്ടാവണം.....

"""നിന്നോട് തർക്കിക്കാൻ ഞാനില്ല ഞാൻ പോവുന്നു എന്നും പറഞ്ഞു മുത്തശ്ശി അകത്തേക്ക് കേറി പോയി പിന്നാലെ ഞാനും..

---------------------------------------------------------

വൈകുന്നേരം ഞാനും ദേവൂവും കൂടെ അമ്പലത്തിൽ പോയി തിരികെ ഓരോ തമാശകളും പറഞ്ഞു വരുമ്പോൾ ആണ് വഴിയിൽ വെച്ചു ഉണ്ണിയേട്ടൻ നടന്നു വരുന്നത് കണ്ടത്..

"""ദേ ഡി  നോക്ക് ഉണ്ണിയേട്ടൻ വരുന്നു.....

എന്ന് ഞാൻ പറയുമ്പോൾ ആണ് അവളും ഉണ്ണിയേട്ടനെ കാണുന്നത്..

പതിയെ ഉണ്ണിയേട്ടൻ നടന്നു ഞങ്ങളുടെ അടുത്തെത്തി..

ചുരുണ്ട മുടിയും കട്ടി മീശയും പൂച്ചക്കണ്ണും.....

കാതിൽ ഒരു കടുക്കൻ ഉണ്ട്.

മുടി ഒക്കെ കളർ ചെയ്തിട്ട് ഉണ്ട്.....

""""ഉണ്ണിയേട്ടൻ ഇതെപ്പോൾ വന്നു..?

"""ഞാനിപ്പോൾ വന്നതേ ഒള്ളൂ....

""""അല്ല ഇതെന്ത് കോലമാ ഉണ്ണിയേട്ടാ....

"""ചുമ്മാ ഒരു ചേഞ്ച്‌ വേണ്ടേ മോളെ.....

"""ഉവ്വ നല്ല ബെസ്റ്റ് കോലം..

പാടത്തു കാക്കയെ ഓടിക്കാൻ നിർത്താം....

പരിഹാസത്തോടെ ധ്വനി പറഞ്ഞു..

അത് കേട്ട് ദേവികയും ചിരിച്ചു..

"""അതേ നീ കൂടുതൽ കളിയാക്കാൻ ഒന്നും നിൽക്കേണ്ട.

ഈ പട്ടിക്കാട്ടിൽ കിടക്കുന്ന നിനക്ക് ഫാഷനെ കുറിച്ച് എന്തറിയാം.....

"""'അയ്യോ എനിക്കൊന്നും അറിഞ്ഞൂടെ.....

നിങ്ങളൊക്കെ വലിയ ആളുകൾ നമ്മൾ പാവങ്ങൾ..

ധ്വനിയും വിട്ടു കൊടുത്തില്ല.....

"""അതേ നിന്നോട് തർക്കിച്ചു നിൽക്കാൻ ഇപ്പോൾ നേരമില്ല.. ഞാനെന്റെ കൊച്ചുമായി ഇത്തിരി സൊള്ളട്ടെ എന്നും പറഞ്ഞു ഉണ്ണിയേട്ടൻ അവളുടെ അടുത്തേക്ക് നീങ്ങി നിന്നു.....

"""മൂട്ടിൽ തീപ്പിടിച്ച പോലുള്ള ആ വരവ് കണ്ടപ്പോളെ എനിക്ക് തോന്നി കാമുകിയെ കാണാനുള്ള വരവാണെന്ന്....

"""അല്ലാതെ പിന്നെ നിന്നെ കാണാൻ എന്റെ പട്ടി വരും.. ഒന്ന് പോടീ..

"""മോനെ ഉണ്ണിയേട്ടാ കൂടുതൽ ഡയലോഗ് അടിച്ചാൽ ഞാൻ നേരെ ചെന്നു ഇവളുടെ അച്ഛന്റെ അടുത്ത് കാര്യം പറയും പിന്നെ എന്താവും അറിയാമല്ലോ....

""""ഇതാണ് ഇവളുടെ കുഴപ്പം ഒരു തമാശ പറയാൻ പറ്റില്ല..

അപ്പോഴേക്കും സീരിയസ് ആവും കൊച്ചു കള്ളി....

വളിച്ച ചിരിയോടെ ഉണ്ണി പറഞ്ഞു..

"""അതേ പൊന്നുമോൻ അധികം കിടന്നു ഉരുളണ്ട വേഗം സംസാരിച്ചു വാ.....

ഞങ്ങൾക്ക് പോണം..

""""ഓ ആയിക്കോട്ടെ....

വാടി എന്നും പറഞ്ഞു ഉണ്ണിയേട്ടൻ ദേവുവുമായി ഇടവഴിയിൽ നിന്ന് അൽപ്പം മാറിയുള്ള മാവിന്റെ ചുവട്ടിൽ നിന്ന് സംസാരിക്കാൻ തുടങ്ങി..

ഒരു കാവലെന്നോണം ആരെങ്കിലും വരുന്നുണ്ടോ എന്ന് നോക്കി ഇടവഴിയിൽ ഞാനും നിന്നു.....

ആരെങ്കിലും വരുന്നത് കണ്ടാൽ അപ്പോൾ  തന്നെ സിഗ്നൽ കൊടുക്കണം..

അങ്ങനെ വിചാരിച്ചു നിൽക്കുമ്പോൾ ആണ് ശിവജിത്ത് നടന്നു വരുന്നത് കണ്ടത്....

"""ഉണ്ണിയേട്ടോ ഒരു കാട്ട് പോത്ത് വരുന്നുണ്ട് വേഗം വരാൻ നോക്ക്..

അത് കേട്ടതും ഏട്ടനും ദേവൂവും കൂടെ നിന്നിടത്തു നിന്നും ഓടി എന്റെ അടുത്തെത്തി....

"""ആരാടി..?

 ഓടി കിതച്ചു വന്നു കൊണ്ട് ഏട്ടൻ ചോദിച്ചു....

""""ദോ വരണ കണ്ടോ എന്നും പറഞ്ഞു ഞാൻ ശിവജിത്തിനെ കൈ ചൂണ്ടി കാണിച്ചു..

"""ഓ അവനാണോ ഞാൻ വെറുതെ പേടിച്ചു..

കാട്ടുപോത്തു വരുന്നുണ്ട് എന്ന് കേട്ടപ്പോൾ ഞാൻ ഓർത്തു ഇവളുടെ അച്ഛനാണ് വരുന്നതെന്ന്..

ഉണ്ണിയേട്ടൻ പറഞ്ഞു നിർത്തിയതും ദേവിക ഏട്ടന്റെ കൈയിൽ ഒരു നുള്ള് കൊടുത്തു.....

അപ്പോഴേക്കും ശിവ അടുത്തെത്തിയിരുന്നു..

"""വന്ന ഉടനെ തുടങ്ങിയോ രണ്ടിന്റെയും ചുറ്റിക്കളി..

ഉണ്ണിയേ നോക്കി കൊണ്ട് ശിവ ചോദിച്ചു..

"""ഹേ ഇല്ല അളിയാ..

ഞാൻ ഇങ്ങോട്ട് വന്നപ്പോൾ ഇവരെ വഴിയിൽ വെച്ച് കണ്ടതാണ്..

"""ഉവ്വ ഉവ്വേ.. ഡി പെങ്കൊച്ചേ  ചുറ്റിക്കളി നിർത്തി വേഗം കല്യാണം കഴിക്കാൻ നോക്ക് രണ്ടും.....

വെറുതെ നാട്ടുകാരെ കൊണ്ട് അതുമിതും പറയിക്കാൻ നിൽക്കാതെ..

ദേവികയോടായി ശിവ പറഞ്ഞു..

"""ഓ നാട്ടുകാരെ കൊണ്ട് പറയിക്കാത്ത ഒരാള്....

കുടിയൻമ്മാരുടെ ഉപദേശം ഒന്നും ഇവിടെ ആർക്കും വേണ്ട എന്ന് ഞാൻ ചാടിക്കേറി പറഞ്ഞു..

അത് കേട്ടതും ശിവ എന്നെ ദേഷ്യത്തിൽ തുറിച്ചു നോക്കി..

"""നിന്നോട് ഞാൻ ഒന്നും പറഞ്ഞില്ല..

വെറുതെ എന്റെ നെഞ്ചത്തോട്ട് കേറാൻ നിൽക്കേണ്ട.....

""""പിന്നെ കേറാൻ പറ്റിയൊരു നെഞ്ച്....

കുടിച്ച് മൊത്തം വാടി കരിഞ്ഞു കാണുമല്ലോ....

""""ഹാ കാണും അതിന് നിനക്കെന്താണ്..?

""""എനിക്കൊന്നും ഇല്ലേ....

"""എന്നാൽ പിന്നെ എനിക്കിട്ട് വെറുതെ ചൊറിയാൻ നിക്കരുത്....

എന്റെ സ്വഭാവം മാറും..

"""പിന്നെ സ്വഭാവം മാറി താൻ എന്നെ അങ്ങ് വലിച്ചു മൂക്കിൽ കേറ്റും..

 ഒന്ന് പോടോ......

"""ഡാ ഉണ്ണി ഇതുപോലെ ഉള്ള വയ്യാവേലികൾ ഉള്ള നാടിനെ കുറിച്ചാണോ നീ ഇത്രയും പൊക്കി പറഞ്ഞത്....

"""വയ്യാവേലി തന്റെ....

ഞാൻ ഇടക്ക് കേറി പറഞ്ഞു..

"""എന്റെ.....നീ ബാക്കി കൂടെ പറയടി..

ഞാൻ വന്ന അന്ന് തുടങ്ങിയ ചൊറിച്ചിലാണ് നിനക്കെന്നോട്..

ഇന്ന് ഞാൻ അത് തീർത്തു തരാം എന്നും പറഞ്ഞു ശിവ മുന്നോട്ടു ആഞ്ഞതും ഉണ്ണി കേറി ഇടയിൽ നിന്നു..

""'"അളിയാ വേണ്ട..

അവൾ വെറുതെ ഓരോന്ന് പറയുന്നത് ആണ്..

നീ കാര്യം ആക്കണ്ട..

""""വെറുതെ അല്ല കാര്യം ആയിട്ട് തന്നെ ആണ്..

ഉണ്ണിയേട്ടൻ അങ്ങ് മാറിക്കെ 

 അയാൾ എന്നെ എന്താണ് ചെയ്യുന്നത് എന്ന് എനിക്ക് കാണണമല്ലോ....

"""എന്റെ പൊന്ന് ധ്വനി നീയൊന്ന് മിണ്ടാതെ ഇരിക്ക്.....

"""ഓ ഞാൻ ഒന്നും പറയുന്നില്ല....

"""ദേവൂ നീ ഇവളുമായി പോവാൻ നോക്ക്....

ഉണ്ണിയേട്ടൻ ദേവുവിനെ നോക്കി പറഞ്ഞു..

 ഞാൻ നോക്കുമ്പോൾ അയാൾ എന്നെ തുറിച്ചു നോക്കി മീശ പിരിക്കുന്നത് ആണ്.....

""""അതേ പതുക്കെ പിരിക്ക് ഇല്ലെങ്കിൽ പിന്നെ പിരിക്കാൻ ആ മീശ കാണില്ല..

"""ഇവളെ ഇന്ന് ഞാൻ എന്നും പറഞ്ഞു ശിവ വീണ്ടും മുന്നോട്ട് ആഞ്ഞു..

"""എന്റെ പൊന്നു ദേവൂ നീ അവളെയും വിളിച്ചോണ്ട് പോവാൻ നോക്ക്..

ഉണ്ണി ശിവയെ പിടിച്ചു കൊണ്ട് വിളിച്ചു പറഞ്ഞു....

"""നീ ഒന്ന് മിണ്ടാതെ വാ ധ്വനി എന്നും പറഞ്ഞു ദേവൂ ധ്വനിയെ കൈയിൽ പിടിച്ചു വലിച്ചു കൊണ്ടു പോയി..

"""എന്തിനാടി നീ അങ്ങേരോട് വഴക്കിന് നിൽക്കുന്നത്..

അങ്ങേര് നിന്നോട് ഒന്നിനും വന്നില്ലല്ലോ..

"""എന്താണെന്നു അറിയില്ല എനിക്ക് അയാളെ കാണുമ്പോൾ അങ്ങ് ചൊറിഞ്ഞു കേറും.....

"""ഓ അത് അയാളുടെ കൈയിൽ നിന്നും രണ്ടെണ്ണം വാങ്ങുമ്പോൾ മാറിക്കോളും..

"""പിന്നെ അപ്പോൾ എന്റെ കൈ മാങ്ങാ പറിക്കാൻ പോവുമല്ലോ..

ഒന്ന് പോയേടി.....

"""എന്റെ ഭഗവതി ഇത് എവിടെ ചെന്നു അവസാനിക്കുമോ എന്തോ..?

"""മിക്കവാറും അയാളുടെ അവസാനം എന്റെ കൈകൊണ്ടു ആയിരിക്കും.....

""""ഉവ്വ ഇനി സിനിമയിലെ ഒക്കെ പോലെ വഴക്ക് പിടിച്ചു അവസാനം രണ്ടും പ്രേമത്തിൽ ആവാൻ ആണ് ചാൻസ്....

"""പിന്നെ പ്രേമം മണ്ണാങ്കട്ട.. അതും ആ കുടിച്ചു വെളിവില്ലാതെ നടക്കുന്നവനോട്.....

എന്റെ തലക്ക് ഭ്രാന്തൊന്നും ഇല്ല..

""""മ്മ്മം കണ്ടറിയാം എന്നും പറഞ്ഞു ദേവൂ മുന്നോട്ട് നടന്നു..

അപ്പോഴാണ് പിന്നിൽ നിന്നും ഒരു ബൈക്കിന്റെ ഹോണടി ശബ്ദം കേട്ടത്....

ഞാൻ സൈഡ് ഒതുങ്ങി ദേവുവിന്റെ നടന്നപ്പോളേക്കും ആ ബൈക്ക് എന്റെ അടുത്ത് കൊണ്ട് വന്നു നിർത്തി.....

ഞാൻ ആരാവും എന്ന ആകാംഷയോടെ അയാളെ നോക്കി.....

അയാൾ മെല്ലെ ഹെൽമെറ്റ്‌ ഊരിയതും അപ്രതീക്ഷിതമായി ആ മുഖം കണ്ട് ഞാനൊന്ന് ഞെട്ടി.....

""രാഹുൽ.. "

#രണ്ടാംതാലി (10)

രാഹുലിനെ കണ്ട് ധ്വനിയൊന്നു പതറി..

"""ഹായ് ധ്വനി എന്തുണ്ട് വിശേഷം..?

അവൾ മറുപടി പറയാതെ അന്ധാളിപ്പോടെ അവനെ നോക്കി നിൽക്കുകയാണ്....

""എന്താടോ ഇങ്ങനെ കണ്ണ് മിഴിച്ചു നോക്കി നിൽക്കുന്നത്.... തനിക്കെന്നെ മനസ്സിലായില്ലേ..??

ഞാൻ രാഹുൽ..

എന്നെ ഇത്ര പെട്ടെന്ന് മറന്നു പോയോ..?

ചെറു ചിരിയോടെ അവൻ ചോദിച്ചു..

"""മറന്നിട്ടില്ല..

അല്ല ഡോക്ടർ എന്താണ് ഇവിടെ..?

"""ഞാൻ വെറുതെ ഇങ്ങോട്ടൊക്കെ ഒന്ന് ഇറങ്ങിയത് ആണ്....

"""വെറുതെയോ..?

""" വെറുതെ ആണോന്ന് തറപ്പിച്ചു ചോദിച്ചാൽ അങ്ങനെ അല്ല ഇവിടെ വരെ വരേണ്ട ആവശ്യം ഉണ്ടായിരുന്നു..

അങ്ങനെ വന്നതാണ്....

"""ഓക്കേ ഡോക്ടർ ഞാൻ പോണ് നേരം വൈകി എന്നും പറഞ്ഞു ധ്വനി നടക്കാൻ തുടങ്ങി....

എല്ലാം കണ്ടു ചിരിച്ചു കൊണ്ട് ദേവിക നിൽക്കുകയാണ്.....

"""ഹലോ ധ്വനി.. അങ്ങനെ അങ്ങ് പോവാണോ.. നിക്കടോ.....

ഇവിടെ എവിടെയാണ് ധ്വനിയുടെ വീട്.....?

"""ഇവിടെ നിന്നും കുറച്ചു കൂടി പോണം....

"""ആഹാ എന്നിട്ട് എന്താണ് എന്നെ വീട്ടിലേക്ക് ക്ഷെണിക്കാത്തത്....

"""എന്തിന്...?

അതിന്റെ ആവശ്യമില്ല..

അതിന് തക്ക ബന്ധം ഒന്നും നമ്മൾ തമ്മിൽ ഇല്ലല്ലോ.....

""""അല്ല എന്നാലും പരിചയം ഉള്ള സ്ഥിതിക്ക് ഒരു ചായ കുടിച്ചിട്ട് പോവാം എന്നെങ്കിലും പറയാമായിരുന്നു....

""""ഇവിടെ നിന്ന് കുറച്ചു കൂടെ മുന്നോട്ട് പോയാൽ ഒരു ചായ കട ഉണ്ട് ഡോക്ടർ അവിടെ പോയി കുടിച്ചോളൂ..

നല്ല സൂപ്പർ ചായ ആണ്..

 നല്ല കടിയും കിട്ടും..

ധ്വനിയുടെ മറുപടി കേട്ട് രാഹുൽ ഒന്ന് ചമ്മി....

"""അതേ ഡോക്ടറെ എനിക്ക് അസുഖം ഒന്നുമില്ല അതുകൊണ്ട് ചികിത്സ വേണ്ട പോവാൻ നോക്ക്.....

എടുത്തടിച്ചത് പോലെ അവളത് ദേഷ്യത്തോടെ പറയുമ്പോൾ രാഹുൽ ആകെ പതറി പോയി....

ഇനി നിന്നാൽ ശെരിയാവില്ല എന്നറിയാവുന്നത് കൊണ്ട് അവൻ അവളോട് ബൈ പറഞ്ഞു ബൈക്ക് സ്റ്റാർട്ട്‌ ചെയ്ത് പോയി....

"""മോളെ ആ ഡോക്ടർ നിന്നെയും കൊണ്ടേ പോവുകയുള്ളു..

ദേവിക ചിരിയോടെ പറഞ്ഞു....

"""ഉവ്വ അതിനുള്ള കപ്പാസിറ്റി അയാൾക്കില്ല..

എന്റെ ജീവിതത്തിൽ ഇനിയൊരു പ്രണയം ഉണ്ടാവില്ല മോളെ....

"""മ്മ്മം.. മ്മ്മം  നമുക്ക് കാണാം....

"""ആാാാ കാണാം.....

പരസ്പരം പിന്നെയും ഓരോന്ന് പറഞ്ഞു കൊണ്ടവർ തറവാട്ടിലേക്ക് നടന്നു.....

---------------------------------------------------------

"""ഡാ അളിയാ നീ എന്തിനാടാ അവളോട് വഴക്കിന് നിൽക്കുന്നത്..

അവൾ പാവമാട....

"""പാവം അല്ല പാവയ്ക്ക ആണ്.. ദേ ഉണ്ണി നീ അവൾക്ക് സപ്പോർട്ട് ചെയ്യാനുള്ള പുറപ്പാട് ആണെങ്കിൽ ആ സംസാരം ഇവിടം കൊണ്ട് നിർത്തിക്കോ എനിക്കൊന്നും കേൾക്കണ്ട....

"""അളിയാ ശിവാ എനിക്ക് കുട്ടിക്കാലം തൊട്ട് അറിയാവുന്ന പെണ്ണാട അവൾ.....

പാവം ഒരുപാട് സങ്കടം അനുഭവിച്ചിട്ടുണ്ട്..

കുട്ടിക്കാലത്തെ അച്ഛനും അമ്മയും മരിച്ച അവളെ വളർത്തിയത് ഒക്കെ അവളുടെ മുത്തശ്ശി ആണ്....

പണ്ട് തൊട്ടേ സങ്കടങ്ങൾ അവളുടെ കൂടെ പിറപ്പാണ്....

ഇപ്പോൾ ആണെങ്കിൽ അവൾ വിശ്വസിച്ചു സ്നേഹിച്ചവനും ചതിച്ചു....

ഒരു ഉടായിപ്പ് കല്യാണം നടത്തി ആ ചെറ്റ അവളെ ചതിച്ചു..

അവന് ആവശ്യം അവളുടെ ശരീരം മാത്രം ആയിരുന്നു....

അത് കീഴടക്കിയതും അവളെ അവൻ തള്ളി കളഞ്ഞു.....

ആ സമയം ശെരിക്കു പറഞ്ഞാൽ ഒരു തരം ഭ്രാന്തുമായി ആത്മഹത്യയുടെ വക്കിൽ ആയിരുന്നു അവൾ....

 ഞാനും ദേവൂവും  കൂടെ ഒരുവിധം ആണ് അവളെ സമാധാനിപ്പിച്ചു ഓക്കേ ആക്കിയത്.....

പുറമെ കാണുന്ന ഈ എടുത്തു ചാട്ടവും ദേഷ്യവും ഒക്കെ ഉണ്ടെന്നേ ഒള്ളു ആള്  വെറും പാവമാണ്....

സത്യം പറഞ്ഞാൽ സന്തോഷം എന്തെന്ന് അനുഭവിക്കാൻ വിധിക്കപ്പെടാത്ത ഒരു ജന്മം.....

ഒരുപക്ഷേ എന്നേക്കാൾ കൂടുതൽ അവളുടെ ഇപ്പോഴത്തെ അവസ്ഥ മനസ്സിലാക്കാൻ നിനക്ക് കഴിയും.....

ഉണ്ണി പറഞ്ഞു നിർത്തി....

എല്ലാം ശ്രദ്ധയോടെ കേട്ടിരുന്ന ശിവയുടെ മനസ്സിൽ ഉണ്ണി അവസാനം പറഞ്ഞ വാക്കുകൾ തറച്ചു കേറി.....

അവളുടെ അവസ്ഥ മനസ്സിലാക്കാൻ എനിക്ക് കഴിയുമത്രേ....

ശെരിയാണ് എനിക്ക് കഴിയും.....

ഇന്ന് ഞാനും അവളും ഒരേ അവസ്ഥയിൽ ആണ്....

ഒരു വ്യത്യാസം മാത്രം അവൾക്ക് കൂട്ടിനൊരു മുത്തശ്ശി ഉണ്ട്......

എനിക്കോ..??

ആരുമില്ല.... ഒരു അനാഥൻ മാത്രമാണ് ഞാനിന്ന്....

ഒരു പ്രണയം കൊണ്ട് എല്ലാം നഷ്ടമായവൻ....

എന്നിൽ നിന്ന് സന്തോഷം പടിയിറങ്ങിയിട്ട് കാലം കുറച്ചു ആവുന്നു....

ഓരോന്നും ഓർമ്മയിൽ വന്നപ്പോൾ ശിവയുടെ ഉള്ള് പിടഞ്ഞു....

അവന്റെ മിഴികൾ ഈറനണിഞ്ഞു .....

"""ഡാ അളിയാ നീ എന്താണ് ആലോചിച്ചു ഇരിക്കുന്നത്....?

""""ഹേയ് ഒന്നുമില്ല.. നീ പറഞ്ഞപ്പോൾ ഞാൻ ഒരു നിമിഷം പലതും ഓർത്തു പോയി....

""""മ്മ്മം  അതേ നീ കൂടുതൽ ഒന്നും ഓർക്കാൻ നിൽക്കേണ്ട..

ഇനി അതെല്ലാം  മറക്കാൻ ശ്രമിക്ക്.....

പിന്നെ ആ ധ്വനിയുമായി നീ ഇനി വെറുതെ വഴക്കിന് ഒന്നും നിൽക്കേണ്ട..

"""ഹേയ് ഇല്ല.. ഞാൻ ആയിട്ട് ഒന്നിനും പോണില്ല....

പിന്നെ നീ പറയുമ്പോലെ അവൾ അത്ര പാവമൊന്നും അല്ല....

ഒരടിയുടെ കുറവ് അവൾക്ക് ഉണ്ട്....

"""ഹഹഹ അത് അങ്ങനെയേ തോന്നു പക്ഷേ ശെരിക്കും ആള് പാവം തന്നെ.....

പിന്നെ എനിക്ക് തോന്നുന്നു നിന്നോട് മാത്രമാണ് ഇങ്ങനെ എന്ന്....

ഒരുപക്ഷെ നിന്റെ ഈ കുടിയൊക്കെ കൊണ്ടാവും.....

""" അതിന് ഞാൻ കുടിച്ചാൽ അവൾക്കെന്താ....

"""അത് അവളോട്‌ തന്നെ ചോദിക്കേണ്ടി വരും....

""""മ്മ്മം ആയിക്കോട്ടെ..... എന്തായാലും കൊള്ളാം ഞാനായിട്ട് ഒന്നിനും പോവില്ല പോരെ.....

എന്നും പറഞ്ഞു ശിവ അവിടെ നിന്നും നടന്നു തുടങ്ങി....

""""അളിയാ എങ്ങോട്ടാണ്..??

"""ഷാപ്പിലേക്ക്.. നാട്ടിൻപുറം ആയത് ഇവിടെ കിട്ടുന്ന കള്ള് നല്ല സൂപ്പർ ആണ് ....

ഷാപ്പിലെ കള്ളും ബീഫ് ഫ്രൈയും ഹാ അടാർ കോമ്പിനേഷൻ ആണ്....

""""ഹാ ശെരിയാണ്.. ഞങ്ങളുടെ നാട്ടിലെ കള്ള് അല്ലെങ്കിലും സൂപ്പർ ആണ്....

""""എന്നാൽ നീയും വാടാ ഒരെണ്ണം അടിച്ചിട്ട് നമുക്ക് ഒരുമിച്ചു പോരാം....

"""ഹേയ് ഞാനില്ല....ദേവൂ എങ്ങാനും അറിഞ്ഞാൽ പിന്നെ വിഷയമാവും....

"""പിന്നെ നീ കുടിക്കുന്നതും നോക്കി ഇരിക്കുവാണല്ലോ അവൾ.....

കെട്ടും മുന്നേ തന്നെ ഇങ്ങനെ പേടിക്കല്ലേടാ പോത്തേ....

""""ഹേ പേടിയൊന്നും ഇല്ല....

അവൾ അറിഞ്ഞാൽ ചെവിതല കേൾപ്പിക്കില്ല....

അതുകൊണ്ട് ആണ്.....

എന്തായാലും നീ പോയിട്ട് വാ.....

"""ഹാ നിനക്ക് വേണ്ടെങ്കിൽ വേണ്ട.. ഞാൻ പോവാണ്.....

ഒരു ഗ്ലാസ് കള്ള് അടിച്ചിട്ട് കുരുമുളക് അങ്ങട് വാരി വിതറി വരട്ടിയ ബീഫ് ഫ്രൈ എടുത്തു നാവിൻ തുമ്പിൽ വെക്കുമ്പോൾ ഹോ എന്റെ പൊന്നോ.....

ശിവ ഉണ്ണിയെ  കൊതിപ്പിക്കാനായി ഒന്ന് മൂപ്പ് കേറ്റി നോക്കി.....

""""വെറുതെ കൊതിപ്പിക്കാൻ നിൽക്കാതെ പോവാൻ നോക്കെടാ....

"""മ്മ്മം ശെരി ശെരി..

ശിവ ചിരിച്ചു കൊണ്ട് പറഞ്ഞു.

""""അതേ ഡാ അല്ലെങ്കിൽ  നിൽക്ക് ഞാനും അവിടെ വരെ  വരാം....

അടിക്കുന്നില്ല....

ചുമ്മാ വന്നിരിക്കാം.....

"""ഹേ അതിന്റെ ആവശ്യമില്ല..  ഷാപ്പിൽ ഒറ്റക്ക് പോവാൻ ഒക്കെ എനിക്ക് അറിയാം.....

"""ആക്കല്ലേ അളിയാ..ഞാൻ വരാം ഇന്നത്തെ ചിലവ് എന്റെ വക....

ഇനി എന്റെ നാട്ടിൽ വന്നിട്ട് നിന്നെ ഞാൻ സൽകരിച്ചില്ല എന്ന് വേണ്ട...

അതുകൊണ്ട് വാ അളിയാ എന്നും പറഞ്ഞു ഉണ്ണി ശിവയുടെ കൈയിൽ പിടിച്ചു വലിച്ചു കൊണ്ട് മുന്നോട്ടു നടന്നു......

ഷാപ്പിൽ എത്തി ശിവ രണ്ടു കുപ്പി കള്ളും ഒരു ബീഫ് ഫ്രൈയും മേടിച്ചു ബഞ്ചിൽ ഇരുന്നു 

ഉണ്ണിയെ നോക്കി കള്ളൊഴിച്ചു കുടിച്ച് ബീഫ് ഫ്രൈ വായിൽ വെച്ചു ആസ്വദിച്ചു കഴിച്ചു കാണിച്ചു.....

"""ഹാ എന്തൊരു ടേസ്റ്റ് ആണെടാ ഇതിന്..

കണ്ടോ കാണാൻ തന്നെ എന്താ ഭംഗി..

സവാളയും വറുത്ത കറിവേപ്പിലയും ഒക്കെ അതിന് മുകളിൽ കിടക്കുന്ന കിടപ്പ് കണ്ടോ.....

"""അതേ അളിയാ ഒരു കഷ്ണം ഇങ്ങ് കാണിച്ചേ എന്നും പറഞ്ഞു ഉണ്ണി അതിൽ നിന്നും ഒരു കഷ്ണം എടുത്തു കഴിച്ചു....

"""അയ്യോ എന്തൊരു എരിവ് ആണെടാ.. നീ ഒരു ഗ്ലാസ്സ് കള്ള് ഇങ്ങ് ഒഴിച്ചേ....

"""ഹേയ് വേണ്ട വേണ്ട അവൾ എങ്ങാനും അറിഞ്ഞാലോ....

ശിവ ഊറി ചിരിച്ചു കൊണ്ട് പറഞ്ഞു..

""""പിന്നെ ഒരു ഗ്ലാസ്സ് കള്ള് കുടിച്ചാൽ ഒന്നും അവൾ അറിയാൻ പോണില്ല....

എരിവ് സഹിക്കാൻ പറ്റാത്ത കൊണ്ടാണ്..

നീ ഇങ്ങ് കാണിക്ക് അളിയാ എന്നും പറഞ്ഞു ഉണ്ണി കുപ്പി വാങ്ങി ഒരു ഗ്ലാസ്സ് കള്ള് ഒഴിച്ച് അടിച്ചു..

പിന്നാലെ വീണ്ടും ബീഫ് ഫ്രൈ എടുത്തു കഴിച്ചു.....

"""നീ പറഞ്ഞത് ശെരിയാ അളിയാ സംഭവം സൂപ്പർ തന്നെ  ഞാൻ ഒന്നൂടി അടിക്കാം....എന്നും പറഞ്ഞു അവൻ വീണ്ടും അടിച്ചു.....

"""ഉണ്ണി വേണ്ട അവളെങ്ങാനും അറിഞ്ഞാൽ പ്രശ്നം ആവുമേ....

"""പിന്നെ അവൾ അറിഞ്ഞാൽ എനിക്ക് കോപ്പാണ്.....

ഞാൻ വരച്ച വരക്ക് അപ്പുറം അവൾ പോവില്ല എന്നെ അത്രക്ക് പേടിയാണ്.....

അതും പറഞ്ഞു ഉണ്ണി പിന്നെയും കുടിച്ചു....

കുപ്പികൾ ഓരോന്നായി മേശപ്പുറത്തു വന്നു കൊണ്ടിരുന്നു....

ശിവയെ കാഴ്ചക്കാരൻ ആക്കി കൊണ്ട് ഉണ്ണി കള്ളടിച്ചു 

ഒടുവിൽ  ഓഫായി മേശപ്പുറത്തേക്ക് തല വെച്ച് കിടന്നു....

"""ഡാ ഉണ്ണി എഴുന്നേൽക്ക് വാ പോവാം..

"""എങ്ങോട്ട് പോവാൻ നമുക്ക് ഇന്ന് ഇവിടെ കിടക്കാം....

ഇന്ന് ഇതാണ് നമ്മുടെ തറവാട്.....

നാവ് കുഴഞ്ഞാണ് ഉണ്ണി അത് പറഞ്ഞത്....

"""" ഈ ഷാപ്പിൽ കിടക്കാനോ..

പോടാ അവിടുന്ന്  നീ എഴുന്നേറ്റു വാ എന്നും പറഞ്ഞു ഉണ്ണിയെ ശിവ പതിയെ പിടിച്ചു എഴുന്നേൽപ്പിച്ചു....

"""അളിയാ.. അളിയൻ പറഞ്ഞതാണ് ശെരി..

ഇവിടത്തെ കള്ളും ബീഫും സൂപ്പറാണ്....

അളിയന് ഇനിയും വേണോ ഈ ഞാൻ വാങ്ങി തരും.....

വേണമെങ്കിൽ ഈ ഷാപ്പ് തന്നെ ഞാൻ അളിയന് വാങ്ങി തരും...

അളിയനെ എനിക്ക് അത്രക്ക് ഇഷ്ടാ....

അളിയൻ മുത്താണ് ഉമ്മ്മ്മാ..

എന്നും പറഞ്ഞു ഉണ്ണി ശിവയെ കെട്ടിപിടിച്ചു കവിളത്തു ഉമ്മ കൊടുത്തു....

""""അടങ്ങി നടക്കെട..

എനിക്ക് ചിലവ് തരാമെന്ന് പറഞ്ഞു എന്നെയും കൊണ്ട് പോയിട്ട് അവസാനം ഉള്ളതെല്ലാം വലിച്ചു കേറ്റി അടിച്ചു പൂക്കുറ്റി ആയത് നീ.....

"""അത് സ്നേഹം കൊണ്ടു കുടിച്ചതല്ലേ.....

""എന്റെ പൊന്നോ എന്നെ നീ ഇങ്ങനെ സ്നേഹിക്കല്ലേ......

എന്തായാലും ഇതിപ്പോൾ എനിക്ക് പാര ആയി.....

ശിവ മനസ്സിൽ പറഞ്ഞു....

ഒരുവിധം അവൻ ഉണ്ണിയെയും പിടിച്ചിറക്കി തറവാട്ടിലേക്ക് നടന്നു....

വരും വഴി പാട്ടും സംസാരവും ഒക്കെ ആയി ഉണ്ണി ആകെ നിറഞ്ഞാടി എന്ന് പറയാം....

അടിച്ച കെട്ടും വിട്ട അവസ്ഥയിൽ അവനെ താങ്ങി പിടിച്ചു കൊണ്ടു ശിവക്ക് നടക്കേണ്ടി വന്നു ....

---------------------------------------------------------

"""മുത്തശ്ശിയെ പാട്ടൊക്കെ കേൾക്കുന്നുണ്ട് ഉണ്ണിയേട്ടൻ ആ കുടിയനെയും കൂട്ടി വരുന്നുണ്ടെന്ന് തോന്നുന്നു....

ധ്വനി ഉമ്മറത്തു ഇരുന്നു അകത്തേക്ക് നോക്കി മുത്തശ്ശിയോടായി പറഞ്ഞു..

പാട്ടിന്റെ ശബ്ദം അടുത്തെത്തിയപ്പോൾ ആണ് അവൾ അത് കണ്ടത്..

ആടി കുഴഞ്ഞു നടക്കുന്ന ഉണ്ണിയെ താങ്ങി പിടിച്ചു നടക്കുക ആണ് ശിവ....

"""ധ്വനി.. ഉണ്ണിയേട്ടന്റെ മുത്തേ... എന്നും വിളിച്ചു ധ്വനിയെ കണ്ടു ഉണ്ണി അങ്ങോട്ടേക്ക് നടന്നു....

അവനെ താങ്ങി പിടിച്ചു ശിവയും..

""""അളിയാ ഇതാണ് എന്റെ ധ്വനി കൊച്ച്..

എന്റെ പെങ്ങളൂട്ടി..

എന്റെ ഈ പാവം കൊച്ചിനെ ഒരു നാറി ചതിച്ചു..

അവനെ ഞാൻ വെറുതെ വിടാനൊന്നും പോവുന്നില്ല....

അവനുള്ള പണി ഞാൻ കൊടുത്തിരിക്കും....

എന്റെ കൊച്ചിനെ കരയിച്ച ഒരാളെയും ഞാൻ വെറുതെ വിടില്ല....

 ഉമ്മറത്തേക്ക് ഇരുന്നു നാവ് കുഴഞ്ഞു കൊണ്ട് ഉണ്ണി പറഞ്ഞു....

അപ്പോഴേക്കും മുത്തശ്ശിയും ഇറങ്ങി വന്നു..

"""വാ കല്യാണി കുട്ട്യേ...

അളിയാ ഇതാണ് ഞങ്ങളുടെ കല്യാണി മുത്തശ്ശി....

മുടിയൊക്കെ നരച്ചെങ്കിലും 

 കണ്ടില്ലേ ആളിപ്പോഴും തക്കുടു വാവയായല്ലേ ഇരിക്കുന്നത്‌.....

"""ഉണ്ണിയേട്ടാ എന്താണ് ഇത്..

കണ്ട കള്ളു കുടിയന്മാരുടെ കൂടെ കൂടി ഉണ്ണിയേട്ടനും കുടിച്ച് തുടങ്ങിയോ....?

ശിവയെ തറപ്പിച്ചു ഒന്ന് നോക്കിയിട്ട് ധ്വനി കേറി ചോദിച്ചു....

"""ഡി പെണ്ണേ കള്ളു കുടിയൻ നിന്റെ...

എന്നെ കൊണ്ടൊന്നും പറയിക്കല്ലേ..

നിനക്ക് എന്നെ കാണുമ്പോൾ  മാത്രം എന്താടി ഇത്ര ചൊറിച്ചിൽ..?

ശിവ അവളുടെ നേരെ ചൂടായി കൊണ്ട് ചോദിച്ചു.....

"""ധ്വനി....മോളുസേ അവനെ ഒന്നും പറയല്ലേ അവൻ പാവമാണ്..

എന്റെ ചങ്കാണ്......

"""ദേ ഉണ്ണിയേട്ടാ എന്നെ കൊണ്ടൊന്നും പറയിക്കല്ലേ..

മര്യാദക്ക് ചങ്കിനെയും മത്തങ്ങയെയും കൊണ്ട് ഇവിടെ നിന്നും 

പോവാൻ നോക്ക്.....

"""നീ പറഞ്ഞോടി മോളെ.... നിനക്കെന്നെ എന്തും പറയാം.... എനിക്ക് പ്രശ്നമില്ല..

നീ എന്റെ ചക്കര മുത്താണ്.....

"""ഉവ്വ മുത്തും പവിഴവും ഒക്കെ മോന് ഞാൻ നാളെ രാവിലെ കാണിച്ചു തരാം..

ഈ കെട്ട് വിടട്ടെ.....

""""ഡാ ഉണ്ണി ഷോ ഇറക്കാതെ വാ എഴുന്നേൽക്ക് നമുക്ക് പോവാം....

ശിവ അൽപ്പം ദേഷ്യം കലർത്തി പറഞ്ഞു....

"""അളിയാ അളിയൻ പറഞ്ഞാൽ ഞാൻ കേൾക്കും.....

കാരണം അളിയനെ എനിക്ക് അത്ര ഇഷ്ടം ആണ്.....

എന്റെ അളിയൻ പാവമാണ്....

അളിയനെ ഇട്ടിട്ട് പോയ അവളെ എങ്ങാനും എന്റെ കൈയിൽ കിട്ടിയാൽ....

""""ഹാ മതി മതി നീ എഴുന്നേൽക്ക് എന്നും പറഞ്ഞു ശിവ ഉണ്ണിയെ പിടിച്ചു എഴുന്നേൽപ്പിച്ചു.....

അതിനിടയിൽ ശിവ ധ്വനിയെ ഒന്ന് നോക്കി..

അവളാകെ ദേഷ്യം കേറി നിൽക്കുക ആണെന്ന് അവന് മനസ്സിലായി.....

പതിയെ ഉണ്ണിയെ പിടിച്ചു  കൊണ്ട് അവൻ അവിടെ നിന്നും നടന്നു....

""""കണ്ടില്ലേ മുത്തശ്ശി ഉണ്ണിയേട്ടന്റെ കോലം..

അയാളുടെ കൂടെ കൂടിയത് കൊണ്ടാണ് ഉണ്ണിയേട്ടനും ഇങ്ങനെ....

"""മ്മ്മം ഇപ്പോൾ ഒന്നും പറഞ്ഞിട്ട് കാര്യമില്ല അവന്റെ കെട്ട് വിടട്ടെ നാളെ ഞാൻ നല്ലത് പറയുന്നുണ്ട്.....

"""പറഞ്ഞാൽ മാത്രം പോരാ ഒരെണ്ണം കൊടുക്കണം മുത്തശ്ശി..

മുത്തശ്ശി ആവുമ്പോൾ അതിന് കുഴപ്പമില്ല.....

"”""മ്മ്മം എന്തായാലും നേരം വെളുക്കട്ടെ അവനെ ഞാൻ ഒന്ന് കാണുന്നുണ്ട്..

നീ വാതിൽ അടച്ചു വരാൻ നോക്ക് എന്നും പറഞ്ഞു മുത്തശ്ശി അകത്തേക്ക് പോയി പിന്നാലെ ധ്വനിയും.....

--------------------------------------------------------

പിറ്റേന്ന് നേരം പുലർന്ന്  കഴിഞ്ഞു ശിവ വന്നു വിളിക്കുമ്പോൾ ആണ്  ഉറക്കത്തിൽ നിന്നും ഉണ്ണി ഉണരുന്നത്....

"""ഡാ ഉണ്ണി നീയൊന്നു വേഗം എഴുന്നേറ്റേ....

""""എന്താ അളിയാ ഇത്ര രാവിലെ തന്നെ..

കുറച്ചു നേരം കൂടെ കഴിഞ്ഞു എഴുന്നേൽക്കാം....

"""ജീവൻ വേണമെങ്കിൽ എന്റെ പൊന്നു മോൻ ഇപ്പോൾ എഴുന്നേറ്റോ അല്ലെങ്കിൽ പിന്നെ നിന്റെ പൊടി പോലും കിട്ടില്ല.....

വലിയൊരു സുനാമി വരുന്നുണ്ട്....

""""സുനാമിയോ..?

"""ഓ സുനാമി തന്നെ.. നീയാ ജനലിൽ കൂടെ നോക്ക്.....

ശിവ പറഞ്ഞത് കേട്ടതും ഉണ്ണി ചാടി എഴുന്നേറ്റു ജനലിൽ കൂടെ നോക്കുമ്പോൾ കണ്ടത് ദേവുവിനെയും ധ്വനിയെയും ആയിരുന്നു....

""""എന്റെ അളിയാ വരുന്നത് സുനാമി അല്ല ഭൂകമ്പം തന്നെ ആണ്.....

നീ മാറിക്കെ ഇപ്പോൾ എന്നെ ദേവുവിന്റേ കൈയിൽ കിട്ടിയാൽ പിന്നെ പൊടി പോലും കാണില്ല.....

"""അല്ല അളിയാ നിനക്ക് അവളെ പേടിയില്ല എന്ന് പറഞ്ഞിട്ട്..

ശിവ ചിരിച്ചു കൊണ്ട് ചോദിച്ചു....

"""അത് കള്ള് ഉള്ളിൽ ഉള്ളപ്പോൾ ഇപ്പോൾ കെട്ട് വിട്ടില്ലേ.....

നീ മാറ് അളിയാ 

എന്നും പറഞ്ഞു പുതപ്പും മാറ്റി ഉടുത്തിരുന്ന മുണ്ട് പറിച്ചെടുത്തു ഒന്നൂടി ശെരിക്ക് ഉടുത്തു കൊണ്ട് ഉണ്ണി അടുക്കളയിലേക്ക് ഒരൊറ്റ ഓട്ടമായിരുന്നു.....

അടുക്കള വാതിൽ തുറന്നു പുറത്തേക്ക് ചാടി ഇറങ്ങിയ 

ഉണ്ണി ചെന്നു നിന്നത് കലി തുള്ളി നിന്ന ദേവികയുടെ മുന്നിൽ ആയിരുന്നു.....

#രണ്ടാംതാലി (11)

കലിതുള്ളി തന്നെ തുറിച്ചു നോക്കുന്ന ദേവികയെ കണ്ടപ്പോൾ തന്നെ ഫ്യൂസ് അടിച്ചു പോയവനെ പോലെ ആയി ഉണ്ണി.....

അവളെ നോക്കി ചമ്മിയ ഒരു ചിരിയൊക്കെ ചിരിച്ചു കൊണ്ട് അവൻ മെല്ലെ തല ചൊറിഞ്ഞു.....

പിന്നെ ഓടനായി ഭാവിച്ചതും ദേവൂ അവിടെ കിടന്ന കല്ലെടുത്തു....

""""ഉണ്ണിയേട്ടാ ഓടരുത് ഞാൻ കല്ലിന് ഏറിയും ഓർത്തോ.....

അത് കേട്ടതും അവൻ അവിടെ തന്നെ നിന്നു.....

"""മോൻ എന്നെ കണ്ടാൽ ഇതുവഴി തന്നെ ചാടി ഓടുമെന്ന് എനിക്ക് ഉറപ്പുണ്ടായിരുന്നു അതുകൊണ്ട്  തന്നെ ആണ് ഉമ്മറത്തു ധ്വനിയെ നിർത്തി ഞാൻ ഇങ്ങോട്ട് വന്നത്....

""" നിന്നെ കണ്ടിട്ടോ.. ഒന്ന് പോടീ അവിടുന്ന്....

ഞാൻ പല്ല് തേക്കാൻ ഇറങ്ങിയത് ആണ്.....

അല്ലെങ്കിൽ തന്നെ നിന്നെ കണ്ടിട്ട് ഞാനെന്തിനാ ഓടുന്നത്....?

"""അച്ചോടാ പാവം.... ഒന്നും അറിഞ്ഞൂടാ....

മോൻ ഇന്നലെ കള്ള് കുടിച്ചോ..?

"""കള്ള് കുടിച്ചെന്നോ.. ആര് ഞാനോ....?

എന്റെ ഈശ്വരാ ആരാണ് ഈ നട്ടാ കുരുക്കാത്ത നുണയൊക്കെ നിന്നോട് പറഞ്ഞത്.....

"""ഞാൻ ആണ് പറഞ്ഞത് എന്നും പറഞ്ഞു അവിടേക്ക് അപ്പോൾ ധ്വനി വന്നു.....

ധ്വനിയെ കണ്ടതും ഉണ്ണി ഒന്നും പറയല്ലേ എന്ന മട്ടിൽ ദയനീയതയോടെ ധ്വനിയെ നോക്കി.....

"""അവളെ എന്തിനാ നോക്കുന്നത്..

സത്യം പറ നിങ്ങൾ കുടിച്ചോ.....

"""ഹേയ് ഇല്ലടി.. ഞാൻ കുടിച്ചില്ല അവൾ വെറുതെ തമാശ പറയുന്നതാണ്....

"""അല്ല ദേവൂ ഇന്നലെ ആ കുടിയന്റെ ഒപ്പം കുടിച്ച് നാല് കാലിൽ ആയിരുന്നു ഉണ്ണിയേട്ടന്റെ വരവ്.... ഞാൻ മാത്രമല്ല 

മുത്തശ്ശിയും കണ്ടതാണ്....

"""ഈശ്വരാ ഈ പിശാശ് എന്നെ കൊലക്ക് കൊടുക്കുമല്ലോ എന്ന് ഉണ്ണി മനസ്സിൽ പറഞ്ഞു....

"""ധ്വനി നിനക്കെന്തിന്റെ കേടാണ് വെറുതെ ഓരോന്ന് പറയല്ലേ....

"""നിങ്ങൾ അവളോട് ചൂടാവാൻ ഒന്നും നിൽക്കേണ്ട....

നിങ്ങൾ കുടിച്ചില്ലെങ്കിൽ പിന്നെ ആ മുറ്റത്താകെ ശർദ്ധിച്ചു വെച്ചിരിക്കുന്നത് ആരാണ്..?

"""ഭഗവാനെ.... അപ്പോൾ ഇന്നലെ വാള് വെച്ചായിരുന്നല്ലേ ഒന്നും ഓർമ്മയില്ല..

ഇവളോട് ഇനി എന്ത്‌ പറയും എന്നോർത്ത് ഉത്തരം മുട്ടി ഉണ്ണി നിൽക്കുമ്പോഴാണ് ശിവ ചെറു ചിരിയോടെ അങ്ങോട്ടേക്ക് വന്നത്.....

"""എന്റെ പൊന്ന് ദേവൂ അതാണോ... അതിന്നലെ നമ്മുടെ ദേ ഈ ശിവ വാള് വെച്ചതാണ്....

എന്നും പറഞ്ഞു ഉണ്ണി ശിവയെ നോക്കി ചിരിച്ചു.....

അത് കേട്ട് ശിവ അന്തം വിട്ടൊരു നിൽപ്പായിരുന്നു.....

ഒന്നും മിണ്ടല്ലേ എന്നൊരു ആംഗ്യം ദയനീയ ഭാവത്തോടെ ശിവയെ നോക്കി കാണിച്ചു....

അത് കണ്ട് ശിവക്കും ചിരി വന്നു....

"""അതേ മോനെ കിടന്നു ഉരുളണ്ട ശിവേട്ടൻ അല്ലെന്ന് എനിക്ക് നല്ല ഉറപ്പുണ്ട്.....

ധ്വനി കണ്ടിരുന്നു നിങ്ങൾ ശർദ്ധിച്ചത് ഒക്കെ.....

എന്തായാലും നാട്ടിൽ ആയത് കൊണ്ട് ഞാൻ കൂടുതൽ ഒന്നും പറയുന്നില്ല....

ദേവിക പറഞ്ഞു നിർത്തി..

അത് കേട്ടതും ഉണ്ണിയുടെ മുഖത്തൊരു വളിച്ച ചിരി വിടർന്നു....

"""കൂടുതൽ ഇളിക്കല്ലേ.. നിങ്ങളെ അങ്ങനെ വെറുതെ വിടാൻ എനിക്ക് എന്തായാലും ഉദ്ദേശം ഇല്ല.....

""""ദേവൂ ഞാൻ ഒലക്ക എടുത്തു തരാം നീ അത് കൊണ്ട് ഒരെണ്ണം ഉണ്ണിയേട്ടനിട്ട് കൊടുക്ക്.....

എങ്കില്ലേ ഏട്ടൻ നന്നാവൂ.....

"""ധ്വനി....ഡി പുല്ലേ നീ എന്റെ പുക കണ്ടേ അടങ്ങുള്ളോ.....

ഉണ്ണി പറയുന്നത് കേട്ടപ്പോൾ ധ്വനി അറിയാതെ ചിരിച്ചു പോയി....

"""ഇങ്ങനെ പോയാൽ മിക്കവാറും നിങ്ങളുടെ പുക ഞാൻ കാണിക്കും....

ദേവിക ഉണ്ണിയെ നോക്കി ദേഷ്യത്തിൽ പറഞ്ഞു......

"""ചൂടാവല്ലേ പൊന്നെ.. നീ ഇങ്ങ് വന്നേ.. ഏതായാലും വന്നതല്ലേ രാവിലെ ഫോണിൽ തരുന്നത് നേരിട്ട് ഇങ്ങ് തന്നേക്ക്....

"""ആ തരുന്നുണ്ട് ഞാൻ വൈകുന്നേരം ആവട്ടെ......

പല്ലിറുമ്മി കൊണ്ടവൾ പറഞ്ഞു.....

ഈശ്വരാ എന്റെ കാര്യത്തിൽ ഒരു തീരുമാനം ആയി..

ഉണ്ണി മനസ്സിൽ പറഞ്ഞു.

"""ശെരി എന്നാൽ വൈകുന്നേരം കാണാം ഞാൻ പോണ്.....

"""അങ്ങനെ പോവല്ലേടി....

എതെക്കെ ആയാലും നീ ഇവിടെ വരെ വന്നതല്ലേ ഏട്ടന് ഒരു കാപ്പി ഇട്ടു തന്നിട്ട് പോടീ....

"""ഓ ഏട്ടന് കാപ്പി.. കൂപ്പിയ  നിങ്ങൾക്ക് ഞാൻ ഇട്ടു തരാൻ പോണത്.....

എനിക്ക് വേറെ പണിയുണ്ട്.....

രാവിലെ വിളിച്ചിട്ട് കോൾ എടുക്കാത്തത് കൊണ്ട് അന്വേഷിച്ചു വന്നതാണ്.....

അപ്പോഴാണ് ഇവൾ  കാര്യം പറഞ്ഞത് .....

എനിക്കും തോന്നിയിരുന്നു കുടിച്ചു കാണുമെന്നു അല്ലെങ്കിൽ നിങ്ങൾ കോൾ എടുക്കാതെ ഇരിക്കില്ലല്ലോ.....

"""ഡി അതുപിന്നെ ഫോൺ സൈലന്റ് ആയി പോയി....

"""മ്മ്മം ഇങ്ങനെ പോയാൽ ഞാൻ വയലന്റും ആവും.....

അത് ഓർത്താൽ മോന് നല്ലത്....

എന്നാൽ ശെരി ഞാൻ വീട്ടിലോട്ട് ചെല്ലട്ടെ.....

 താമസിച്ചാൽ പ്രശ്നം ആവും എന്നും പറഞ്ഞു ദേവിക നടന്നു....

"""കാപ്പി ഞാൻ ഇട്ടു തന്നാൽ മതിയോ ഉണ്ണിയേട്ടാ..

ഒരു കള്ള ചിരിയോടെ ധ്വനി ചോദിച്ചു.....

""""ഡി മരപ്പട്ടി.. നീ എന്റെ ശവം കണ്ടേ അടങ്ങത്തൊള്ളോ..

ഞാൻ കുടിച്ച കാര്യം നീ എന്തിനാടി പിശാശ്ശെ അവളോട്  പറഞ്ഞത്..

എന്തോ ഭാഗ്യത്തിന് ആണ് അവളെന്നെ  ഭിത്തിയിൽ തേച്ച് ഒട്ടിക്കാഞ്ഞത്.....

നിനക്കറിയില്ലേ അവളുടെ സ്വഭാവം ചെവിതല കേൾപ്പിക്കില്ല.....

"""അറിയാം.. അത് അറിയാവുന്ന കൊണ്ട് തന്നെ ആണ് പറഞ്ഞതും......

ഇനി മേലാൽ ഏട്ടൻ ഇങ്ങനെ കുടിക്കരുത്.....

""""ഉവ്വ...... അല്ലെടി സത്യത്തിൽ ഇന്നലെ ഞാൻ അത്രക്ക് ഓവർ ആയിരുന്നോടി....

"""ആണോന്നോ ഓവർ ആയി മുത്തും പവിഴവും വിളിയൊക്കെ വാരി വിതറുകയായിരുന്നു.....

ഏട്ടനെ മുത്തശ്ശിയും കാണാൻ ഇരിക്കുവാണ്....

""""ഈശ്വരാ ഇനി അവിടുന്നും കിട്ടാനുണ്ടോ.....

പുല്ല് ഒരുപാട് നാള് കൂടി കുടിച്ചത് കൊണ്ടാവും ഫിറ്റ്‌ ആയി പോയി.....

"""ആാാ കുടിയന്മാരുടെ കൂടെ കൂടിയാൽ ഇങ്ങനെ കുടിച്ചില്ലെങ്കിലേ അത്ഭുതം ഒള്ളൂ....

ധ്വനി ശിവയെ നോക്കി പറഞ്ഞു....

അത് കേട്ടവൻ അവളെ ദേഷ്യത്തിൽ തുറിച്ചു നോക്കിയിട്ട് അകത്തേക്ക് പോയി.....

"""നീ എന്തിനാടി വെറുതെ അവനെ ചൊറിയാൻ നിൽക്കുന്നത്..?

"""ചൊറിഞ്ഞതല്ല ഒരു സത്യം പറഞ്ഞത് ആണ്....

""""എന്ത്‌ സത്യം..? ഡി ഇന്നലെ അവനെന്നെ നിർബന്ധിച്ചു കുടിപ്പിച്ചത് അല്ല..

ഇടക്ക് അവൻ നിർത്താം എന്ന് പറഞ്ഞിട്ടും കേൾക്കാതെ വലിച്ചു കേറ്റിയത് ആണ്....

അതുവരെ എനിക്ക് ഓർമ്മയുണ്ട്..

"""എന്തായാലും രണ്ടു കൂട്ടുകാരും ചേരും..

കുടിയൻസ്....

"""നീ രാവിലെ തന്നെ ചൊറിയാൻ നിൽക്കാതെ കാപ്പി ഇട്ടു താടി..

എത്ര നാളായി നിന്റെ കൈകൊണ്ടു ഒരു കാപ്പി കുടിച്ചിട്ട് ....

പിന്നെ അവനും കൂടി ചേർത്ത് രണ്ടു കാപ്പി ആയിക്കോട്ടെ....

"""പിന്നെ അതൊന്നും പറ്റില്ല വേണമെങ്കിൽ ഏട്ടന് മാത്രം ഇട്ടു തരാം അയാൾക്ക് വേണ്ടി ഇടാൻ എന്റെ പട്ടി വരും....

"""അവൻ പാവമല്ലേടി.. അവനും കൂടെ ഇടാൻ നോക്ക്....

""മ്മ്മം ശെരി ശെരി..

എന്നും പറഞ്ഞു അവൾ അടുക്കളയിലേക്ക്  കേറി പോയി....

കാപ്പിയൊക്കെ ഇട്ടവൾ അതുമായി ഉമ്മറത്തേക്ക് വരുമ്പോൾ ഉണ്ണി പത്രം വായിച്ച് ഇരിക്കുവായിരുന്നു....

""""ഇന്നാ ഉണ്ണിയേട്ടാ കാപ്പി.... അങ്ങേര് എന്തിയെ..?

"""അവൻ അമ്പലത്തിൽ പോവാൻ ഒരുങ്ങുന്നു.....

""""അമ്പലത്തിൽ പോവാനോ.. അയാളോ..

അവൾ അത്ഭുതത്തോടെ ചോദിച്ചു..

"""അതെന്താടി അവന് അമ്പലത്തിൽ പൊക്കൂടെ....

"""ഹേ അങ്ങനെ അല്ല ഉണ്ണിയേട്ടാ.. വന്ന അന്ന് മുതൽ കുടിച്ചു കറങ്ങി നടന്ന ഒരാൾ രാവിലെ എഴുന്നേറ്റ് അമ്പലത്തിൽ പോവുന്നു എന്ന് പറഞ്ഞപ്പോൾ എനിക്ക് അത്ഭുതം തോന്നി.....

"""അതോ ഇന്നവന്റെ അച്ഛന്റെയും അമ്മയുടെയും ആണ്ടാണ്.....

അതുകൊണ്ട് അവൻ ബലിയിടാൻ പോവാണ്....

അപ്പോൾ അമ്പലത്തിൽ കേറി പ്രാത്ഥിച്ചിട്ട് പോവാൻ വേണ്ടിയാണ്.....

"""അല്ല ആ അച്ഛനും അമ്മയും എങ്ങനെ ആണ് മരിച്ചത്....

"""അറ്റാക്ക് ആയിരുന്നു....

ഭാഗ്യം ചെയ്ത ജന്മങ്ങൾ ഒരുമിച്ചു മരിച്ചു....

"""ശെരിയാ അങ്ങനെ ഒരുമിച്ചു മരിക്കാനും വേണം ഭാഗ്യം .....

""""മ്മ്മം.. പക്ഷേ അവർ മരിക്കാനും ഇവൻ ഇങ്ങനെ ആവാനും കാരണം അവൾ ഒറ്റ ഒരുത്തിയ..

ആ അശ്വതി....

"""അശ്വതിയോ അതാരാണ്....?

"""അവന്റെ ഭാര്യ....അവൻ പ്രണയിച്ചു കെട്ടിയ പെണ്ണ്....

"""അല്ല ഉണ്ണിയേട്ടാ സത്യത്തിൽ എന്തായിരുന്നു പ്രശ്നം....?

"""പ്രശ്നം വേറൊന്നുമല്ല അവൾക്ക് ആവശ്യം പണവും സ്വത്തും ഒക്കെ ആയിരുന്നു....

അതിന് അവൾ ഇവനെ കരുവാക്കി.....

"”"എന്നുവെച്ചാൽ എനിക്കൊന്നും മനസ്സിലായില്ല....

"""""അതുപിന്നെ അവൾ..

ഉണ്ണി പറയാനായി തുടങ്ങിയതും അകത്തു നിന്നും ശിവ ഇറങ്ങി വന്നു.....

കുളിച്ചൊരുങ്ങി വെള്ള മുണ്ടും കറുപ്പ് കളർ ഷർട്ടും അണിഞ്ഞു ആള് ആകെ ഒരു മാറിപ്പോയി....

ഇപ്പോൾ കണ്ടാൽ ആള് എന്തൊരു സുന്ദരൻ ആണ്....

ധ്വനിയുടെ മനസ്സ് പറഞ്ഞു....

"""ഹാ അളിയാ നീ പോവാൻ ഇറങ്ങുവാണോ....

ദേ നീയീ കാപ്പി കുടിച്ചിട്ട് പോ....

""""ഹേയ് വേണ്ടെടാ.. ഞാൻ പോവുന്നു എന്നും പറഞ്ഞു ധ്വനിയെ ഒന്ന് നോക്കിയ ശേഷം ശിവ ഇറങ്ങി നടന്നു.....

"""പാവം എങ്ങനെ നടന്നവൻ ആണ്.. ഇന്ന് സ്വയം ജീവിതം നശിപ്പിക്കുകയാണ്....

""""അല്ല ഏട്ടാ എന്താണ് നടന്നതെന്ന് ഏട്ടൻ പറഞ്ഞില്ല....

"""ഡി അതുപിന്നെ കൃത്യമായി എനിക്കും അറിയില്ല അവൻ ആരോടും ഒന്നും വിട്ടു പറഞ്ഞിട്ടില്ല.....

അവൾ ആണ് ആ വീട്ടിൽ ഓരോ പ്രശ്നം ഉണ്ടാക്കിയെന്നറിയാം....

ഒടുക്കം 

മ്യുച്ചുവൽ ഡിവോഴ്സ് വാങ്ങി

അവന്റെ കൈയിൽ നിന്നു കുറെ കാശും വാങ്ങി പോയെന്നും അറിയാം....

എന്തായാലും ഒന്നറിയാം അവന്റെ ഭാഗത്തെ തെറ്റ് കൊണ്ട് ആവില്ല..

കാരണം അവനവളെ ഒരുപാട് ഇഷ്ടായിരുന്നു.....

"""എന്തായാലും കഷ്ടം ആയി പോയി....

അതിനാണോ ഇങ്ങേർ ഇങ്ങനെ കുടിച്ചു നടക്കുന്നത്....

"""മ്മ്മം നിനക്കറിയുമോ ആ അച്ഛനും അമ്മയും മരിക്കാൻ കാരണം തന്നെ അവളാണ്....

അവൾ ആ വീട്ടിൽ ഉണ്ടാക്കിയ ഓരോ പ്രശ്നങ്ങൾ കാരണം ചങ്ക് പൊട്ടിയാണ് രണ്ടു പേരും മരിച്ചത്.....

അത് താങ്ങാൻ ആവാതെ വന്നപ്പോൾ തന്നെ ആണ് അവളും ഡിവോഴ്സ് വാങ്ങി പോയത്....

അതോടെ അവനാകെ തകർന്നു പോയി....

തീർത്തും ഒറ്റപ്പെട്ടു പോയപ്പോൾ അവൻ അഭയം തേടിയത് മദ്യത്തിൽ ആയിരുന്നു....

ഞങ്ങൾ ഒക്കെ കുറെ ഉപദേശിച്ചു നോക്കി പക്ഷേ അവൻ കേട്ടില്ല....

കുറച്ചു കാലമായി എഴുത്തും ഇല്ലായിരുന്നു....

ഒടുവിൽ എല്ലാരുടെയും നിർബന്ധം കാരണം അവൻ എഴുതമെന്ന് സമ്മതിച്ചു....

അപ്പോൾ ഞാൻ ആണ് പറഞ്ഞത് അവിടെ നിന്നും നമ്മുടെ നാട്ടിലേക്ക് പോരാൻ....

ഈ ഗ്രാമവും ഇവിടുത്തെ ശാന്തതയും ഒക്കെ അവനെ മാറ്റിയെടുക്കും എന്ന് ഞാൻ വിചാരിച്ചു.....

എന്തായാലും അവനെ കൊണ്ട് കഥ എഴുതിച്ചിട്ടേ ഞാൻ അവനെ ഇവിടെ നിന്നും വിടൂ....

പിന്നെ നീ ഇനി അവനെ അധികം ചൊറിയാൻ നിൽക്കേണ്ട......

ആള് വെറും പാവമാണ്....

""""മ്മ്മം ഞാനായിട്ട് ഒന്നിനും പോവില്ല പോരെ....

"""അതുമതി.. നീ നിൽക്ക് നിനക്ക് ഞാൻ ഒരു കൂട്ടം തരാം എന്നും പറഞ്ഞു ഉണ്ണി എഴുന്നേറ്റു അകത്തേക്ക് കേറി പോയി....

ഉണ്ണി എന്ത്‌ തരാൻ ആണെന്ന് അറിയാനായി ആകാംഷയോടെ ധ്വനി അകത്തേക്ക് നോക്കി നിന്നു....

അൽപ്പ സമയത്തിനുള്ളിൽ തന്നെ ഉണ്ണി തിരികെ ഉമ്മറത്തെത്തി....

അവന്റെ കൈ രണ്ടും പിന്നിലേക്ക് മറച്ചു പിടിച്ചിരുന്നു.....

"""എന്താ ഉണ്ണിയേട്ടാ അത്.... സസ്പെൻസ് ഇടാതെ കാണിക്ക്....

"""നീ കണ്ണടച്ച് കൈ നീട്ട് തരാം....

"""മ്മ്മം ശെരി എന്നും പറഞ്ഞു കണ്ണടച്ച് ധ്വനി കൈ നീട്ടി നിന്നു....

ഉണ്ണി കൈയിൽ പിടിച്ചിരുന്ന സമ്മാനം അവളുടെ കൈയിലേക്ക് വെച്ച് കൊടുത്തു.....

പെട്ടെന്ന് ധ്വനി കണ്ണ് തുറന്നു നോക്കി.....

അതൊരു ബുക്ക്‌ ആയിരുന്നു....

ബുക്കിന്റെ പേര്

""രണ്ടാം താലി ""

എഴുതിയ ആളിന്റെ പേര് പുറം ചട്ടയുടെ അവസാന ഭാഗത്തു കുറിച്ചിട്ടുണ്ട്....

അവൾ ആ പേര് വായിച്ചു..

ശിവജിത്ത് നാരായണൻ....

""""ഉണ്ണിയേട്ടാ ഇത്....

"""ഇത് ഇപ്പോൾ ഇവിടുന്നു പോയ നമ്മുടെ ശിവ എഴുതിയ കഥ തന്നെ.....

അവൻ എഴുതിയതിൽ ഏറ്റവും കൂടുതൽ കോപ്പികൾ വിറ്റഴിച്ച കഥയാണ് നീ വായിച്ചു നോക്ക് നിനക്ക് ഇഷ്ടമാവും....

"""മ്മ്മ് എന്നാലും ഒരൂട്ടം വെച്ചിട്ടുണ്ട് എന്ന് പറഞ്ഞപ്പോൾ ഞാൻ ഓർത്തു വല്ല ചുരിദാറൊ സാരിയോ മറ്റോ ആവുമെന്ന്.....

"""അത് നമുക്ക് ഇവിടുന്നു വാങ്ങിയാൽ പോരെ..

എപ്പോഴും അവിടെ നിന്ന് കൊണ്ടു വരുന്നതല്ലേ ഇത്തവണ ഒരു ചേഞ്ച്‌ ആയിക്കോട്ടെ......

"""ഉവ്വ വാങ്ങാൻ മറന്നു പോയി അതിനാണ് ഈ മൊടന്തൻ ന്യായം....

ധ്വനി അൽപ്പം പരിഭവം കലർത്തി പറഞ്ഞു....

"""ഹേയ് മറന്നതല്ല പെണ്ണെ.... നിന്റെ കാര്യം ഞാൻ മറക്കുമോ എനിക്ക് ആകെ കൂടെ ഉള്ള പെങ്ങൾ അല്ലേ....

"""ഉവ്വാ എന്താ സോപ്പിങ്..... ഇതൊക്ക ദേവൂന്റെ അടുത്ത് ചിലവാകും എന്റെ അടുത്ത് നടക്കില്ല.....

"""എന്റെ പൊന്നോ നിന്നോട് ഞാൻ ഒന്നും പറയാനില്ല പോരെ....

എന്നും പറഞ്ഞു ഉണ്ണി അവളെ നോക്കി കൈകൂപ്പി....

അത് കണ്ടു 

ധ്വനിക്ക് ചിരി വന്നു.....

"""പിന്നെ ഉണ്ണിയേട്ടാ അവനെ തല്ലാനും കൊല്ലാനും ഒന്നും പോവണ്ട കേട്ടോ....

""""തല്ലാനും കൊല്ലാനുമോ... ആരെ....??

"""ഓ ആ ശ്യാമിനെ.. ഇന്നലെ രാത്രി പറഞ്ഞില്ലേ അവനിട്ടു ഒരു പണി കൊടുക്കുമെന്ന്....

"""ങേ ഞാൻ അങ്ങനൊക്കെ പറഞ്ഞൊ....

"""ആ ബെസ്റ്റ് അപ്പോൾ കള്ളും പുറത്തു പറഞ്ഞതാണോ....?

"""ഹേയ് പറഞ്ഞത് കള്ളും പുറത്തു ആണെങ്കിലും.....

അവനിട്ടു ഒരു പണി ഞാൻ കൊടുത്തിരിക്കും.....

"""വേണ്ട ഉണ്ണിയേട്ടാ ഞാനിപ്പോൾ എല്ലാം മറന്നു സന്തോഷത്തോടെ ജീവിക്കാൻ തുടങ്ങി..

ഇനി വീണ്ടും ഇത് കുത്തി പൊക്കി എനിക്ക് കരയാൻ ഇടവരുത്തരുത്.....

"”""ഓ അപ്പോൾ നിന്നോട് ഇങ്ങനെ ചെയ്ത അവനെ വെറുതെ വിടണോ ഉണ്ണി ദേഷ്യത്തോടെ ചോദിച്ചു....

""""എന്റെ ഉണ്ണിയേട്ടാ എനിക്കിനിയും ആളുകളുടെ മുന്നിൽ പരിഹാസ കഥാപാത്രം ആവാൻ വയ്യ.....

എല്ലാരും എല്ലാം മറന്നു തുടങ്ങുമ്പോൾ വീണ്ടും അത് ഓർമ്മിപ്പിക്കണോ......

പിന്നെ അവനുള്ള ശിക്ഷ അത് ദൈവം കൊടുത്തോളും....

എനിക്കത് ഉറപ്പുണ്ട്.....

"""പിന്നെ നോക്കി ഇരുന്നോ ദൈവം ഇപ്പോൾ കൊടുക്കും....

നിന്നെയൊന്നും പറഞ്ഞിട്ട് ഒരു കാര്യവുമില്ല.....

എന്നും പറഞ്ഞു ദേഷ്യത്തോടെ ഉണ്ണി അകത്തേക്ക് കേറി പോയി....

ഇനി വല്ലതും പറയാൻ പോയാൽ ഉണ്ണി ദേഷ്യത്തിൽ വല്ലതുമൊക്കെ പറയും എന്ന് തോന്നിയത് കൊണ്ട് ധ്വനി പിന്നെ ഒന്നും മിണ്ടാതെ അവിടെ നിന്നും ഇറങ്ങി....

---------------------------------------------------------

നീറുന്ന മനസ്സോടെയാണ് ശിവ പുഴക്കരയിൽ ചെന്ന് നിന്നത്.....

കാറ്റിൽ ചെറു ഓളങ്ങളോടെ പുഴ ശാന്തമായി ഒഴുകുന്നു....

ഈ പുഴ പോലെ ആണിന്നെന്റെ ജീവിതവും.....

എങ്ങോട്ടെന്ന് അറിയാതെ ഒഴുകി കൊണ്ടിരിക്കുന്നു.....

ജന്മം നൽകിയവരുടെ മുഖം പല ഓർമ്മകളും സമ്മാനിച്ചു കൊണ്ട് അവന്റെ മനസ്സിലൂടെ മിന്നി മാഞ്ഞു .....

അറിയാതെ തന്നെ അവന്റെ മിഴികൾ ഈറനണിഞ്ഞു.......

തനിക്ക് ജന്മം നൽകി തന്നെ ജീവനായി കണ്ടവർക്ക് ബലിയിടാനാണ് താൻ ഇന്ന് വന്നിരിക്കുന്നത്.....

തന്നെ അനാഥരാക്കി അവർ പോയിട്ട് ഒരു വർഷം കഴിയുകയാണ് ....

അന്ന് മരണം കവർന്നത് അവരുടെ ജീവൻ മാത്രം ആയിരുന്നില്ല എന്റെ സന്തോഷങ്ങൾ കൂടെ ആയിരുന്നു.....

എല്ലാം ഓർത്തെടുത്തു കൊണ്ട് പുഴക്കരയിൽ ബലിയിടാൻ ഇരിക്കുമ്പോൾ ശിവയുടെ മനസ്സ് വേദന കൊണ്ട് ഉരുകുക ആയിരുന്നു ....

ആ നിമിഷം അവിടത്തെ കാറ്റ് പോലും അവനെ ചുട്ടു പൊള്ളിക്കുന്നതാ

യി അവന് തോന്നി.....

തെക്കോട്ടു തിരിഞ്ഞ് ഇരുന്നു തെക്കിന്റെ അധിപനായ യമനെ മനസ്സിൽ ധ്യാനിച്ചു കൊണ്ട് തുടങ്ങി

വാഴയിലയിൽ ബലിച്ചോർ ഉരുട്ടി വെക്കുമ്പോൾ അവന്റെ കണ്ണീർ തുള്ളികളും അതിൽ നിറഞ്ഞിരുന്നു.....

അപ്പോഴേക്കും പതിയെ ആകാശം ഇരുണ്ടു കൂടി നേർത്ത മഴ പൊഴിച്ചു....

മോക്ഷം കിട്ടിയ ആ രണ്ട് ആത്മാക്കളുടെ സന്തോഷമാവാം ആ മഴ......

മുകളിലേക്ക് നോക്കി പിതൃക്കളെ മനസ്സിൽ ഓർത്തു നാരായണ മന്ത്രം ചൊല്ലി ആ ബലിപിണ്ടം ഇലയോടെ എടുത്തു കൊണ്ടു പോയി പുഴയിൽ ഒഴുക്കുമ്പോൾ നിറഞ്ഞൊഴുകിയ അവന്റെ കണ്ണീരും പുഴയിലെ ജലത്തിൽ അലിഞ്ഞു ചേർന്നു.....

ഓർമ്മകൾ ചുട്ടു പൊള്ളിച്ച വേദനയുമായി പുഴയിൽ നിന്നും മുങ്ങി നിവർന്നു കരക്കെത്തിയവൻ ഡ്രസ്സ് മാറി തൊഴാനായി അമ്പലത്തിലേക്ക് പോയി.....

മഹാദേവന് മുന്നിൽ തൊഴുതു സങ്കടങ്ങൾ എല്ലാം കണ്ണീരോടെ ആ തിരു മുൻപിൽ സമർപ്പിച്ചു അവൻ പുറത്തേക്ക് ഇറങ്ങിയതും തന്റെ നേരെ നടന്നു വരുന്ന ആളെ കണ്ട് അവനൊന്നു ഞെട്ടി......

ഒരിക്കൽ എല്ലാമായിരുന്നു പിന്നീട് തന്റെ സന്തോഷം തന്നെ ഇല്ലാതാക്കിയവൾ....

അശ്വതി.....

എന്തിനാവും അവളുടെ ഈ വരവ്..

അവന്റെ ഉള്ളിൽ നൂറു സംശയങ്ങൾ ഉയർന്നു വന്നു .....

#രണ്ടാംതാലി (12)

അപ്രതീക്ഷിതമായി അശ്വതിയെ കണ്ടു ശിവ ആകെ ഒന്ന് പതറി നിൽക്കുകയാണ്....

അവളുടെ മുഖത്തും ഒരു പരിഭ്രമം കാണാമായിരുന്നു.....

തെളിച്ചമില്ലാത്ത മുഖഭാവത്തോടെ അവളവന്റെ നേരെ നടന്നടുത്തു.....

അവന്റെ മുഖത്തേക്ക് നോക്കാൻ അവൾക്ക് പ്രയാസമുള്ളത് പോലെ തോന്നി....

അവളവന്റെ മുന്നിൽ വന്നു നിൽക്കുമ്പോൾ 

ആ മുഖത്ത് വിഷാദം തളം കെട്ടി നിന്നിരുന്നു....

അവനെ നോക്കി കൊണ്ട്  മെല്ലെ പുഞ്ചിരിക്കാൻ അവൾ ശ്രമിച്ചു....

അത് കണ്ടതും ശിവയുടെ കണ്ണുകൾ ദേഷ്യം കൊണ്ട് അഗ്നി പോലെ ജ്വലിച്ചു.....

അവന്റെ തീക്ഷണമായ നോട്ടത്തിൽ ഭയന്ന് അവൾ പെട്ടെന്ന് മുഖം താഴ്ത്തി നിന്നു.....

"""എന്തിനാടി ഇപ്പോൾ എന്റെ അടുത്തോട്ടു കെട്ടിയെടുത്തു  വന്നത്.....?

ഇനിയും നിനക്കെന്താണ് വേണ്ടത്....?

ദേഷ്യം കലർന്ന ഭാവത്തിൽ അവൻ ചോദിച്ചു.....

"""അത് ഞാൻ.... ഞാൻ..

വിക്കി വിക്കി അവൾ വാചകം പൂർണ്ണമാക്കാതെ തല താഴ്ത്തി നിന്നു.....

"""ഓ  എന്റെ ബാക്കിയുള്ള സ്വത്തുക്കൾക്ക് വേണ്ടിയിട്ട് ആവുമല്ലേ ഈ വരവ്.....

അതോ ഇനി എന്റെ ശവം കൂടി കണ്ടാലേ സമാധാനം ആവൂ എന്നുണ്ടോ....? 

"""അല്ല.. എനിക്കൊന്നും വേണ്ട..... ഞാൻ  നിങ്ങളെ തേടി വന്നതൊന്നും അല്ല.....

ഇവിടെ വെച്ച് നിങ്ങളെ കാണുമെന്നു സ്വപ്നത്തിൽ പോലും പ്രതീക്ഷിച്ചതും അല്ല.....

ഞാനും അമ്മയും ഇവിടെ നിന്നും കുറച്ചു മാറി ഒരു വാടക വീട്ടിൽ ആണ് താമസം....

 മിക്കവാറും ഞാൻ ഇവിടെ തൊഴാൻ വരാറുണ്ട്.....

അങ്ങനെ വന്നതാണ് അല്ലാതെ........

"""പുതിയ കഥയാവും അല്ലേ....?

""എനിക്ക് അറിയാം ഞാൻ പറയുന്നതൊന്നും  നിങ്ങൾക്ക് വിശ്വാസം ആവില്ലെന്ന്.....

 ഒരുപാട് തെറ്റുകൾ ഞാൻ നിങ്ങളോട് ചെയ്തിട്ടുണ്ട്.....

മാപ്പർഹിക്കുന്ന തെറ്റൊന്നും അല്ല അതെന്നും അറിയാം എങ്കിലും കഴിയുമെങ്കിൽ എനിക്ക് മാപ്പ് തരണം എല്ലാത്തിനും.....

നിങ്ങളോട് അന്ന് ചെയ്തതിന്റെ ഒക്കെ ശാപം ആവും ഇപ്പോൾ എന്നെ വേട്ടയാടുന്നത്.....

"""ഹും....മാപ്പ്.. അതും നിന്നെ പോലെ ഒരുത്തിക്ക്......

 ഈശ്വരൻ പോലും നിനക്ക് മാപ്പ് തരില്ലെടി .....

നീ ഒറ്റൊരുത്തി കാരണം ആണ് എനിക്കെന്റെ അച്ഛനെയും അമ്മയെയും നഷ്ടമായത്.....

അവരെന്ത് തെറ്റാടി നിന്നോട് ചെയ്തത്....

മരുമകൾ ആയിട്ടല്ല മകളായിട്ട് കണ്ടല്ലേ അവർ നിന്നെ സ്നേഹിച്ചത്.....

എന്നിട്ടും ആ സ്നേഹത്തിന്  പകരം നീ അവർക്ക് കൊടുത്തത് മരണം ആയിരുന്നു....

കല്യാണം കഴിഞ്ഞു വീട്ടിൽ വന്ന് കേറിയ അന്ന് മുതൽ എന്നെങ്കിലും നീ അവർക്ക് ഒരു തരിമ്പ് എങ്കിലും സമാധാനം കൊടു ത്തിട്ടുണ്ടോ....?

നിനക്കറിയുമോ സങ്കടം സഹിക്കാതെ ചങ്ക് പൊട്ടിയാണ് അവർ മരിച്ചത്.....

എന്നെ നൊന്തു പ്രസവിച്ചു വളർത്തി വലുതാക്കിയവർക്ക് ഞാനിപ്പോൾ ബലിച്ചോർ കൊടുത്തിട്ടാണ് വരുന്നത്.... അങ്ങനെ ഒരവസ്ഥ എനിക്കുണ്ടാക്കിയ നിനക്ക് ഞാൻ മാപ്പ് തരണം അല്ലേ....??

 കാഷിനും സ്വത്തിനും വേണ്ടി പ്രണയം നടിച്ചു വന്നു എന്റെ ഭാര്യയായി ഒടുവിൽ എന്റെ സ്വത്തിന്റെ ഒരു വീതവും കൈക്കലാക്കി ഡിവോഴ്സും വാങ്ങി മറ്റൊരുത്തന്റെ കൂടെ പോയതും ഞാൻ മറക്കണോ.....?

ശിവയുടെ  മിഴികൾ നിറഞ്ഞു തുളുമ്പിയിരുന്നു.....

""""ഏട്ടാ ഞാൻ.....

"""ഹും..ഏട്ടൻ.. വിളിക്കരുത് നീ ഇനി എന്നെ അങ്ങനെ....

മറ്റൊരുത്തന്റെ കാമുകി ആയിരിക്കെ തന്നെ അവനുമായി ചേർന്നു പ്രണയ നാടകം നടത്തി എന്റെ ജീവിതം തൊലച്ചവൾ ആണ് നീ.....

എന്റെ മുന്നിൽ പോലും വരാനുള്ള യോഗ്യത ഇന്ന് നിനക്കില്ല....

പക്ഷേ നിന്റെ തൊലിക്കട്ടി ഞാൻ സമ്മതിച്ചു തന്നിരിക്കുന്നു....

ഇത്രയൊക്കെ ചെയ്തിട്ടും ഒരു ഉളുപ്പും ഇല്ലാതെ എന്റെ മുന്നിൽ വന്നു ഇങ്ങനെ നിൽക്കുന്നില്ലേ.....

അതും പറഞ്ഞു നിലത്തേക്ക് അവൻ കാർക്കിച്ചു തുപ്പി.....

നിന്നെ കാണുന്നത് പോലും എനിക്കിപ്പോൾ വെറുപ്പാണ്....

ഇനി നിന്നാൽ  സമനില തെറ്റി ഞാൻ വല്ലതും പറഞ്ഞു പോവും അതുകൊണ്ട് ഞാൻ പോവുന്നു....

എന്നും പറഞ്ഞു അവൻ നടക്കുമ്പോൾ നിറ മിഴികളോട് അശ്വതി അവനെ നോക്കി നിന്നു.....

ഉള്ളിലെ കുറ്റബോധം അവളെ പൊള്ളിച്ചു തുടങ്ങിയിട്ട് നാളുകൾ കുറച്ചായി കഴിഞ്ഞിരുന്നു.....

പക്ഷേ അവൾക്ക് പറയാനുള്ളത് കേൾക്കാൻ പോലും കൂട്ടാക്കാതെ ശിവ നടന്നു നീങ്ങുമ്പോൾ തടയാൻ അവൾക്ക് കഴിഞ്ഞില്ല....

കാരണം ഇതെല്ലാം താൻ അർഹിക്കുന്നത് ആണെന്ന് അവൾക്ക് അറിയാമായിരുന്നു.....

അവളുടെ കണ്ണുനീർ തുള്ളികൾ കവിൾ തടങ്ങളിലൂടെ ഒഴുകി മണ്ണിലേക്ക് വീണു കൊണ്ടിരുന്നു......

അശ്വതിയെ കണ്ടതും ശിവയുടെ മനസ്സ് ആകെ അസ്വസ്ഥമായിരുന്നു.....

ബസിൽ ഇരിക്കുമ്പോൾ ഓർമ്മകൾ പലതും അവനെ വേട്ടയാടി തുടങ്ങി.....

അക്ഷരങ്ങളെ പ്രണയിച്ചു തുടങ്ങിയ കാലം കഥകളും കവിതകളും കൊണ്ട് അനേകം ഹൃദയങ്ങൾ കീഴടക്കി നടക്കുന്നതിന് ഇടയിലാണ്.....

തന്റെ കഥകളുടെ ആരാധികയായി അവൾ വന്നത്....

"അശ്വതി.."

കുറുമ്പ് കലർത്തിയുള്ള അവളുടെ സംസാരവും പെരുമാറ്റവും കൊണ്ട് അവൾ പതിയെ പതിയെ എന്റെ മനസ്സ് കീഴടക്കുക ആയിരുന്നു.....

പ്രണയം ആദ്യം തുറന്നു പറഞ്ഞതും അവളായിരുന്നു.....

മനസ്സിൽ ആഗ്രഹിച്ച പോലൊരു പെണ്ണിനെ കിട്ടിയ സന്തോഷം ആയിരുന്നു എനിക്ക് അന്ന്.....

പ്രണയം പൂത്തു തളിർത്തു നിൽക്കുന്ന സമയത്താണ് ഞാൻ ഈ കാര്യം വീട്ടിൽ പറഞ്ഞതും അവരുടെയും അവളുടെ വീട്ടുകാരുടെയും സമ്മതത്തോടെ അവളുടെ കഴുത്തിൽ ഞാൻ താലി കെട്ടിയത്....

പക്ഷേ താലി ചരട് കഴുത്തിൽ വീണ ശേഷമുള്ള ആദ്യരാത്രി മുതൽ അവളുടെ സ്വഭാവത്തിൽ ആകെ ഒരു മാറ്റം ആയിരുന്നു.....

എന്നും ഇല്ലാത്ത കാരണങ്ങൾ ഉണ്ടാക്കി അവൾ വഴക്കിട്ടു.....

അച്ഛനോടും അമ്മയോടും പോലും മോശമായി സംസാരിച്ചു.....

പലപ്പോഴും അവളുടെ സംസാരം അതിര് കടന്നു....

അതിന്റെ പേരിൽ പലപ്പോഴും ഞങ്ങൾ തമ്മിൽ വഴക്കിട്ടു.....

താലി കഴുത്തിൽ ചാർത്തി യെങ്കിലും ഞങ്ങൾ ഒരിക്കൽ പോലും ഭാര്യ ഭർത്താക്കന്മാർ ആയി ജീവിച്ചിട്ടില്ല.....

എങ്ങനെ ഒക്കെയോ ഒരു വർഷം വരെ നീണ്ടു പോയ വിവാഹ ജീവിതം ഒടുവിൽ മ്യുച്ചുവൽ ഡിവോഴ്സിലേക്ക് നീങ്ങി തുടങ്ങി....

അതറിഞ്ഞതോടെ ആണ് അച്ഛനും അമ്മയും ആകെ തകർന്നത്.....

അവർ അവളുടെ കാല് വരെ പിടിച്ചു നോക്കിയിരുന്നു.....

അന്ന് അവൾ ആവശ്യപ്പെട്ട പ്രകാരം അവളുടെ പേരിലേക്ക് കുറച്ചു സ്വത്തുക്കളും അവരെഴുതി കൊടുത്തിരുന്നു.....

പക്ഷേ സ്വത്തുക്കൾ പേരിലായതോടെ അവൾ തറവാട് വിട്ടിറങ്ങി....

അതോടെ ഞാൻ ആകെ തകർന്നു....

മദ്യത്തിലേക്ക് ഞാൻ അഭയം പ്രാപിച്ചു......

എന്റെ ജീവിതം അങ്ങനെ നശിക്കുന്നത് കണ്ടാവും അച്ഛനും അമ്മയും മാനസികമായി തകർന്നു....

ഒടുവിൽ എന്നെ ഓർത്തു നീറി നീറി കഴിഞ്ഞവർ ഒരുമിച്ചു മരണത്തിന് കീഴടങ്ങി......

അവരുടെ മരണാനന്തര ചടങ്ങ് പൂർത്തിയാക്കിയതിന്റെ പിറ്റേന്ന് തന്നെ ഡിവോഴ്സ് ആവശ്യവുമായി അവളെന്നെ തേടിയെത്തി.....

അവളുടെ കാമുകന്റെ ഒപ്പം....

അന്ന് അവളുടെ മുഖത്ത് കണ്ട പരിഹാസ ചിരി ഇന്നും എന്റെ മനസ്സിൽ നിന്നും മാഞ്ഞിട്ടില്ല.....

ഒടുവിൽ ഡിവോഴ്സ് പേപ്പറിൽ ഒപ്പിട്ടു അവളുടെ മുഖത്തേക്ക് വലിച്ചെറിയുമ്പോൾ മനസ്സിൽ ഒരു തരം ഭ്രാന്തായിരുന്നു ....

വിഡ്ഢിയാക്കപ്പെട്ടവന്റെ ഭ്രാന്ത്....

--------------------------------------------------------

സാറേ സ്റ്റോപ്പ് എത്തി ഇറങ്ങുന്നില്ലേ.....?

കണ്ടക്ടർ വിളിക്കുമ്പോൾ ആണ് ശിവ ഓർമ്മകളിൽ നിന്നും ഉണർന്നത്.....

അവൻ എഴുന്നേറ്റു ചെന്നു സ്റ്റോപ്പിൽ ഇറങ്ങി നേരെ പോയത് അമ്പലത്തിന് മുന്നിൽ ഉള്ള ആൽത്തറയിലേക്ക് ആയിരുന്നു.....

 ആൽത്തറയിൽ ചെന്നു നടു നിവർത്തി മുകളിലേക്ക് നോക്കി കിടക്കുമ്പോൾ അവന്റെ മനസ്സാകെ കലുഷിതമായിരുന്നു.....

അശ്വതിയുടെ മുഖം മനസ്സിൽ നിന്ന് മായുന്നില്ല.....

ഒരിക്കൽ പ്രണയം കൊണ്ട് മനസ്സിൽ വരച്ചിട്ട മുഖമാണത്.....

എത്ര വെറുത്താലും അത് അത്ര പെട്ടെന്നു മനസ്സിൽ നിന്ന് പറിച്ചു മാറ്റാൻ കഴിയില്ല.....

മറക്കാൻ ശ്രമിക്കുമ്പോൾ ഓർമ്മപ്പെടുത്താനായി വീണ്ടും അവൾ വന്നു......

അവന്റെ മനസ്സ് നിശബ്ദമായി തേങ്ങുക ആയിരുന്നു......

നേരം കടന്നു പോയി കൊണ്ടിരുന്നു....

സൂര്യൻ മെല്ലെ ഓടിയൊളിച്ചു .....

നേരം സന്ധ്യ ആയിരിക്കുന്നു....

 അവിടെ നിന്നും എഴുന്നേറ്റവൻ വാഴൂർ തറവാട്ടിലേക്ക് നടന്നു.....

കാവിന് മുന്നിൽ എത്തിയതും ചെമ്പക പൂക്കളുടെ മാദക ഗന്ധം അവനെ കാവിലേക്ക് മാടി വിളിച്ചു....

പക്ഷേ അതിനുള്ളിലേക്ക്  കേറാൻ അവന്റെ മനസ്സ് അനുവദിച്ചില്ല.......

കാവിന് പുറത്ത് നിന്ന് കൊണ്ട് തന്നെ കണ്ണടച്ച് പിടിച്ചു നാഗത്താന്മാരെ  തൊഴുതു പ്രാത്ഥിക്കുമ്പോൾ ആണ് കാവിൽ നിന്ന് വിളക്കുമായി ധ്വനി ഇറങ്ങി വരുന്നത്.....

"""അതേ മാഷേ ഈ കാവിനുള്ളിൽ വിശ്വാസം ഉള്ള ആർക്കും കേറാം..

ഇങ്ങനെ പുറത്ത് നിന്ന് തൊഴണം എന്നില്ല കേട്ടോ .....

അവളുടെ ശബ്ദം കേട്ട് അവൻ കണ്ണ് തുറന്നു നോക്കുമ്പോൾ  കണ്ടത് ചെറിയൊരു ചിരിയോടെ വിളക്കും പിടിച്ചു നിൽക്കുന്ന ധ്വനിയെ ആണ്......

അവളെ കണ്ടതും അവൻ അവിടെ നിന്നും പോവാൻ തുടങ്ങി.....

"""പോവല്ലേ മാഷേ.... അതേ ഇന്ന് ബലിയിടാൻ പോയതാണോ....

അല്ല ഈ ബലിയിട്ടാൽ മരിച്ചു പോയവർക്ക് സന്തോഷം കിട്ടുമോ....?

അവളുടെ ചോദ്യം കേട്ടവൻ ദേഷ്യത്തോടെ അവളെ നോക്കി......

"""നോക്കി ദഹിപ്പിക്കല്ലേ മാഷേ ഞാൻ വെറുതെ അറിയാൻ വേണ്ടി ചോദിച്ചത് ആണ്......

"""മ്മ്മം.. ഇതൊരു വിശ്വാസത്തിന്റെ ഭാഗമാണ്.....

ഗൗരവം കലർത്തിയവൻ മറുപടി നൽകി....

"""അല്ല മാഷേ നമ്മൾ ഇങ്ങനെ വിഷമിച്ചു നടന്നു ജീവിതം നശിപ്പിച്ചാൽ അവർക്ക് സന്തോഷിക്കാൻ കഴിയുമോ..?

"""ആ എനിക്ക് അറിയില്ല.. അല്ല നിനക്കിപ്പോൾ എന്താ വേണ്ടത്....?

ദേഷ്യത്തോടെ അവൻ ചോദിച്ചു..

"""എനിക്കൊന്നും വേണ്ട മാഷേ....

 മാഷ് ഇങ്ങനെ കുടിച്ചു കറങ്ങി നടന്നു ജീവിതം നശിപ്പിക്കുന്നത് കാണുമ്പോൾ  ഇനിയെത്ര എത്ര ബലിയിട്ടാലും ആ അച്ഛന്റെയും അമ്മയുടെയും ആത്മാക്കൾ ഒരിക്കലും സന്തോഷിക്കില്ല.....

മാഷിനെ പോലെ അറിവുള്ള ഒരാളെ ഉപദേശിക്കാൻ ഒന്നും ഞാൻ ആളല്ല.....

എന്നാലും പറയുവാ പോയവർ പോയി അതോർത്തു നമ്മുടെ ജീവിതം ഇങ്ങനെ നശിപ്പിക്കുന്നത് ശെരിയല്ല.....

നഷ്ടങ്ങളുടെ വില മറ്റാരേക്കാളും നന്നായി അറിയുന്ന ഒരു പെണ്ണിന്റെ വാക്കുകൾ ആണിത്.....

ധ്വനിയുടെ വാക്കുകൾ ശിവയുടെ മനസ്സിൽ തട്ടി....

"""എന്റെ കാര്യങ്ങൾ ഒക്കെ നീ എങ്ങനെ അറിഞ്ഞു.. ഉണ്ണി പറഞ്ഞൊ..?

സ്വരം അൽപ്പം താഴ്ത്തി അവൻ ചോദിച്ചു..

"""മ്മ്മം ഉണ്ണിയേട്ടൻ പറഞ്ഞു.....

പിന്നെ..  മാഷ് വിചാരിക്കും പോലെ എനിക്ക് മാഷിനോട് അങ്ങനെ ദേഷ്യം ഒന്നുമില്ല കേട്ടോ....

പക്ഷേ എന്താണെന്ന് അറിയില്ല കുടിച്ചു ജീവിതം നശിപ്പിക്കുന്നവരെ കാണുമ്പോൾ എന്തോ വല്ലാത്തൊരു ഒരു ഇറിറ്റേഷൻ ആണ്....

അതുകൊണ്ട് ആണ് ഞാൻ ഓരോന്ന് പറഞ്ഞത് .....

""""മ്മ്മം....

അവൻ പതുക്കെ മൂളി.....

"""പിന്നെ മാഷിന്റെ രണ്ടാം താലി സ്റ്റോറി എനിക്ക് ഉണ്ണിയേട്ടൻ തന്നു....

 വായിച്ചില്ല വായിച്ചിട്ട് അഭിപ്രായം പറയാം  കേട്ടോ.....

"""ആയിക്കോട്ടെ എന്നും പറഞ്ഞവൻ നടന്നു തുടങ്ങി പിന്നാലെ അവളും....

തറവാട് എത്തും വരെ അവർക്കിടയിൽ പിന്നെ മൗനം മാത്രം തളം കെട്ടി നിന്നു....

""""അതേ മാഷേ ഇന്നെന്തായാലും കുടിക്കാത്തത് കൊണ്ട് ആണെന്ന് തോന്നുന്നു കാണാൻ ഒരു ഐശ്വര്യം ഒക്കെ ഉണ്ട്......

എന്നും പറഞ്ഞു അവനെ നോക്കിയൊരു പുഞ്ചിരി സമ്മാനിച്ചവൾ  അവളുടെ തറവാട്ടിലേക്ക് കേറി പോയി.....

മൗനത്തിൽ പൊതിഞ്ഞൊരു നോട്ടം മാത്രം മറുപടിയായി നൽകി കൊണ്ടവൻ  നേരെ നടന്നു വാഴൂർ തറവാട്ടിൽ എത്തി....

""""ഇതെന്താ അളിയാ ഇത്രയും താമസിച്ചത്..?

നിന്റെ മുഖം എന്താ വല്ലാതെ ഇരിക്കുന്നത്‌....

"""ഹേയ് ഒന്നുമില്ല....

""അങ്ങനെ അല്ല എന്തോ ഉണ്ട്....

നീ കാര്യം പറ....

"""അതുപിന്നെ.. ഡാ.. ഞാൻ ഇന്നവളെ കണ്ടു..

""""ആരെ.....?

"""അശ്വതിയെ..

""""അവളെയോ.. എവിടെ വെച്ചു.. അവളെങ്ങനെ ഇവിടെ വന്നു.....

ഉണ്ണി അത്ഭുതവും ആകാംഷയും കലർന്നു ചോദിച്ചു.....

""""അവളും അമ്മയും ഞാൻ ബലിയിടാൻ പോയ പുഴക്കരയിൽ ഉള്ള ക്ഷേത്രത്തിന്റെ അടുത്തോ മറ്റോ വാടകക്ക് താമസിക്കുന്നു എന്നാണ് പറഞ്ഞത്....

ഞാൻ കൂടുതൽ ഒന്നും ചോദിച്ചില്ല..

അവളെ കണ്ടതും എന്റെ സമനില ആകെ തെറ്റി പോയിരുന്നു......

""""ഓ ഈ പിശാശ് നിന്നെ ജീവിക്കാനും സമ്മതിക്കില്ലേ..

നിനക്ക് ആ പുന്നാര മോളെ പച്ച തെറി വിളിച്ചൂടായിരിന്നോ.....?

"""ഹാ എനിക്കപ്പോൾ വായിൽ തോന്നിയ എന്തൊക്കെയോ അവളെ പറഞ്ഞു....

"""അതെന്തായാലും നന്നായി....

അവളെന്തായാലും അത്ര പെട്ടെന്ന് ഒന്നും നിന്നെ വിടുന്ന ലക്ഷണം ഇല്ല..

ബാക്കിയുള്ള സ്വത്തും സ്വന്തമാക്കാൻ പുതിയ കഥയും മെനഞ്ഞവൾ ഇനിയും വരും.....

"""അതിനി അവളുടെ സ്വപ്നം മാത്രം..

പൊട്ടി വീണ കണ്ണാടി എത്ര കൂട്ടി ചേർത്തു വെക്കാൻ നോക്കിയാലും ചേരില്ല....

അതുപോലെ ആണ് അവളോട് എനിക്ക് തോന്നിയ പ്രണയവും വിശ്വാസവും അത് എന്നേ എനിക്ക് നഷ്ടമായിരിക്കുന്നു.....

""""മ്മ്മം..അങ്ങനെ തന്നെ ആവണം.. ഇനി ഒരിക്കലും അവൾ നിന്റെ ജീവിതത്തിൽ ഉണ്ടാവരുത്.....

"""ഇല്ലടാ അവളെന്റെ മനസ്സിൽ മരിച്ചു കഴിഞ്ഞു.....

അല്ല  നീ ഇതെങ്ങോട്ടാണ്..?

"""ഞാൻ വെറുതെ കാറ്റ് കൊള്ളാൻ ഇറങ്ങിയത് ആണ്.....

"""ഉവ്വ ഉവ്വേ അവളുടെ അച്ഛൻ നിന്റെ കാറ്റ് ഊരാതെ നോക്കിക്കോ എന്നും പറഞ്ഞു ശിവ ചെറുതായി ചിരിച്ചു....

""""ഓ ആ കരിനാക്ക് എടുത്തു വളക്കാതെ അളിയാ....

അങ്ങേരുടെ മോന്ത ഓർക്കുമ്പോൾ തന്നെ മുട്ടിടിക്കും....

എന്തായാലും ഞാൻ അവളെ പോയൊന്നു കണ്ടിട്ട് വരട്ടെ....

എന്നും പറഞ്ഞു ഉണ്ണി പോയി....

---------------------------------------------------------

രാത്രി ഭക്ഷണം കഴിഞ്ഞു മുറിയിൽ എത്തിയ ധ്വനിയുടെ കണ്ണുകൾ ജനലരികിലെ മേശപ്പുറത്ത് ഇരുന്ന ബുക്കിൽ പതിഞ്ഞു....

ശിവജിത്ത് എഴുതിയ രണ്ടാം താലി.....

അവൾ അതിനരുകിലേക്ക് ചെന്ന് കസേരയിൽ ഇരുന്ന് കൊണ്ട് മെല്ലെ ആ ബുക്ക്‌ എടുത്തു തുറന്നു.....

ജനലഴികളിൽ കൂടെ തണുത്ത കാറ്റ് അവളെ തഴുകി കടന്നു പോയി....

പാറി പറന്ന മുടിയിഴകളെ കോതി വിരലുകളാൽ കോതി ഒതുക്കി കൊണ്ട് അവളുടെ കണ്ണുകൾ മെല്ലെ അക്ഷരങ്ങളിലേക്ക് ഊളിയിട്ടു....

ഓരോ ഭാഗവും വായിക്കുമ്പോൾ കൗതുകത്തിന് ഒപ്പം ആകാംഷയും അവളുടെ ഉള്ളിൽ നിറഞ്ഞു.....

പലപ്പോഴും അതിലെ നായിക താൻ ആണോ എന്നവൾക്ക് തോന്നി തുടങ്ങി......

മനോഹരമായ വരികളിലൂടെ അവൻ തീർത്ത എഴുത്തിന്റെ മായാജാല കാഴ്ചകളിലൂടെ അവൾ ഓരോ കഥാപാത്രങ്ങളിലൂടെയും സഞ്ചരിച്ചു....

ഒടുവിൽ ഒറ്റയിരുപ്പിൽ കഥ വായിച്ചു പൂർത്തിയാവുമ്പോൾ പ്രണയത്തിന്റെ താൻ അറിയാത്തൊരു വശം അവൾ തിരിച്ചറിയുക ആയിരുന്നു.....

വീണ്ടും വീണ്ടും വായിക്കാൻ തോന്നുന്ന  സുന്ദരമായൊരു പ്രണയ കഥ.....

ഇത്രയും കഴിവുള്ള എഴുത്തുകാരൻ ആയിരുന്നോ അയാൾ....

ബുക്ക്‌ മടക്കി അവൾ ജനലിൽ കൂടെ പുറത്തേക്ക് നോക്കി.....

വാഴൂർ തറവാട്ടിലെ ഉമ്മറത്തെ ചാരു കസേര അവൻ ഇരുപ്പുണ്ടായിരുന്നു......

പെട്ടെന്ന് ആണ് അവളുടെ ഫോൺ ബെല്ലടിച്ചത്....

അവൾ ഫോൺ എടുത്തു നോക്കി....

പരിചയം ഇല്ലാത്ത നമ്പർ.....

 അവൾ കട്ട്‌ ആക്കി വിട്ടു..

അപ്പോഴേക്കും വീണ്ടും കോൾ എത്തി....

"""ശല്യം ഈ നേരത്ത് ഇത് ആരെന്നും  പറഞ്ഞവൾ കോൾ അറ്റൻഡ് ചെയ്തു....

"""ഹലോ ധ്വനി.. ഡി ഇത് ഞാൻ ആണെടി..

ആ ശബ്ദം കേട്ടവൾ ഞെട്ടി....

"ശ്യാം.... "

"""എന്താടി മിണ്ടാത്തത്.. എന്റെ ശബ്ദം ഇത്ര വേഗം നീ മറന്നോ.....

ഒരു പരിഹാസ ചിരിയോടെ അവൻ പറഞ്ഞു.....

"""നിനക്കെന്താടാ വേണ്ടത്..?

അവൾ ദേഷ്യത്തോടെ ചോദിച്ചു..

"""എനിക്ക് വേണ്ടത് നിന്നെയാണ്....

ഇന്ന് രാഹുൽ വിളിച്ചു നിന്നെ കുറിച്ച് ഓരോന്ന് പറഞ്ഞപ്പോൾ

അന്നത്തെ സുന്ദരമായ നിമിഷങ്ങൾ ഓർമ്മയിൽ വന്നു.....

നിന്റെ മുടിയിലെ കാച്ചെണ്ണയുടെ മണവും വടിവൊത്ത ആ ശരീരവും ഓർത്തപ്പോൾ വീണ്ടും ഒരു മോഹം തോന്നി....

ഒരിക്കൽ കൂടെ എനിക്ക് നിന്നെ വേണം....

അടുത്താഴ്ച ഞാൻ നാട്ടിൽ എത്തും അപ്പോഴേക്കും നീ നമ്മുടെ ഗസ്റ്റ്‌ ഹൗസിലേക്ക് ഒന്ന് വരണം....

"""ഫ്പാ ചെറ്റേ.. നിന്റെ വീട്ടിൽ ഉള്ള പെണ്ണുങ്ങളോട് പോയി പറ അവർ വരും....

"""ഡി പന്ന പുന്നാര മോളെ നീ കൂടുതൽ തിളക്കല്ലേ.....

നീ വരും നിന്നെ ഞാൻ വരുത്തും.....

അതിനുള്ള വഴി എനിക്ക് അറിയാം  കാത്തിരുന്നോ നീ....

എന്നും പറഞ്ഞവൻ കോൾ കട്ട്‌ ചെയ്തു....

#രണ്ടാംതാലി (13)

ശ്യാമിന്റെ വാക്കുകൾ കേട്ട് ധ്വനിയൊന്ന് ഭയന്നു ....

അവളുടെ ഹൃദയമിടിപ്പ് വേഗത്തിലായി.....

"""എന്റെ നാഗത്താന്മാരെ എന്തിനാണ് എന്നെ ഇങ്ങനിട്ട് പരീക്ഷിക്കുന്നത്.....

എല്ലാം മറന്നു ജീവിക്കാൻ തുടങ്ങുമ്പോൾ എന്തിനാണ് അവനെ വീണ്ടും വീണ്ടും എന്റെ അടുത്തേക്ക് എത്തിക്കുന്നത്......

ഇതിന് മാത്രം എന്ത്‌ തെറ്റാണ് ഞാൻ ചെയ്തേക്കുന്നത്.....

അവളുടെ മിഴികൾ നിറഞ്ഞൊഴുകി.....

"""ഇനി ആ ദുഷ്ടൻ എന്താവും ചെയ്യാൻ പോവുക അറിയില്ല.....

എന്തോ ഒരു പേടി തോന്നുന്നു....

മുത്തശ്ശിയോട് പറഞ്ഞു വെറുതെ ആ പാവത്തിനെ കൂടി പേടിപ്പിക്കാൻ നിൽക്കേണ്ട.....

നേരം വെളുക്കട്ടെ ഉണ്ണിയേട്ടനോട് പറയാം അതാണ് നല്ലത് എന്നവളുടെ മനസ്സ് മന്ത്രിച്ചു....

കസേരയിൽ നിന്നെഴുന്നേറ്റ് അവൾ വാഴൂർ തറവാട്ടിലേക്ക് പാളി നോക്കി.....

ഉമ്മറത്ത് ശിവ ഉണ്ടായിരുന്നില്ല....

അവൻ ഉറങ്ങാൻ പോയി കാണും

എന്നും ചിന്തിച്ചു കൊണ്ടവൾ കട്ടിലിൽ പോയി കിടന്നു....

ധ്വനിയുടെ കാതുകളിൽ ശ്യാമിന്റെ വാക്കുകൾ വീണ്ടും വീണ്ടും മുഴങ്ങി കേട്ടു....

അവന്റെ പ്ലാൻ എന്തായിരിക്കും....

ഓർത്തിട്ട് ഒരെത്തും പിടിയും കിട്ടുന്നില്ല....

ടെൻഷൻ അടിച്ചു ഉറക്കം വരാതെ അവൾ തിരിഞ്ഞും മറിഞ്ഞും കിടന്നു ഒടുക്കം നേരം പുലറാവുമ്പോൾ ആണ് അവൾ മയങ്ങിയത്......

രാവിലെ മുത്തശ്ശി വിളിക്കുമ്പോൾ ആണവൾ ഉണർന്നത്....

പെട്ടെന്ന് തന്നെ എഴുന്നേറ്റവൾ രാവിലത്തെ പണികൾ ഒക്കെ തീർത്തു കുളിച്ചൊരുങ്ങി ഉണ്ണിയെ കാണാനായി വാഴൂർ തറവാട്ടിലേക്ക് ചെന്നു......

""""ഉണ്ണിയേട്ടാ..... ഉണ്ണിയേട്ടോ....

ഉമ്മറത്തു നിന്ന് കൊണ്ട് അകത്തേക്ക് നോക്കിയവൾ നീട്ടി വിളിച്ചു.....

പക്ഷേ ഉണ്ണിക്ക് പകരം അകത്ത് നിന്നും ഇറങ്ങി വന്നത് ശിവ ആയിരുന്നു.....

"""ഉണ്ണിയേട്ടൻ ഇല്ലേ ഇവിടെ..?

"""ഇല്ല അവൻ രാവിലെ അഞ്ചു മണിക്ക് എഴുന്നേറ്റു ഏതോ കൂട്ടുകാരനെ കാണണം എന്നും പറഞ്ഞു പോയി....

"""കൂട്ടുകാരനെ കാണാനോ

....എങ്ങോട്ട്....?

"""അതെനിക്ക് അറിയില്ല....

എന്താ അവനോട് എന്തെങ്കിലും പറയാൻ ആണോ ....?

""""ഹേയ് ഒന്നുമില്ല ഞാൻ വെറുതെ വന്നെന്നേ ഒള്ളൂ എന്നും പറഞ്ഞവൾ പോകാൻ തുനിഞ്ഞു.....

"""അല്ല എന്തെങ്കിലും പറയാൻ ഉണ്ടെങ്കിൽ എന്നോട് പറഞ്ഞോളൂ....

അവൻ വരുമ്പോൾ ഞാൻ പറഞ്ഞോളാം....

അവൻ ഫോൺ എടുക്കാതെ ആണ് പോയത്.....

അത് കേട്ടവളുടെ മുഖം വാടി.....

"""എന്താടോ എന്തെങ്കിലും പ്രശ്നം ഉണ്ടോ.....?

"""ഹേയ് പ്രശ്നം ഒന്നുമില്ല.... ഞാൻ വെറുതെ വന്നതാണ് എന്നും പറഞ്ഞു അവൾ അവിടെ നിന്നും ഇറങ്ങി..

അവളുടെ മുഖത്തെ പരിഭ്രമത്തിൽ നിന്നും അവൾക്കെന്തോ പ്രശ്നം ഉണ്ടെന്ന് ശിവക്ക് തോന്നി....

തന്നോട് പറയാൻ പറ്റാത്ത എന്തോ ഒന്ന് ആണെന്ന് അവന് മനസ്സിലായി.....

---------------------------------------------------------

രാത്രി ഉണ്ണി വന്നതും ധ്വനി അന്വേഷിച്ചു വന്നിരുന്ന കാര്യം ശിവ ഉണ്ണിയോട് പറഞ്ഞു.....

രാത്രി ഏറെ വൈകിയതിനാൽ രാവിലെ തിരക്കാം എന്നും പറഞ്ഞു ഉണ്ണി പോയി കിടന്നു.....

പിറ്റേന്ന് പുലർന്നതും ഉണ്ണിയെ കാണാനായി ധ്വനി അങ്ങോട്ടേക്ക് ചെന്നു....

ഉമ്മറത്തു ചായയും കുടിച്ചു ഇരുപ്പുണ്ടായിരുന്നു ഉണ്ണിയപ്പോൾ....

"""ഹാ ഉണ്ണിയേട്ടൻ എഴുന്നേറ്റോ..

ഇതാരാണ് ചായ ഉണ്ടാക്കിയത്....

"""അവൻ ഉണ്ടാക്കിയത് ആണ്....

"""ങ്ങേ അയാൾക്ക് അതൊക്ക അറിയുമോ..?

"""പിന്നെ എന്നുവെച്ചാൽ ചായ ഉണ്ടാക്കാൻ ഭയങ്കര പാടുള്ള കാര്യം ആണല്ലോ ഒന്ന് പോയേടി അവിടുന്നു....

"""ഉവ്വ അതാവും സാർ പണ്ട് ഒരു ഗ്ലാസ്സ് ചായ ഇടാൻ ഒരു ഗ്ലാസ്സ് ചായപ്പൊടി ഇട്ടത്.....

"""ഓ അതുപിന്നെ ഏത് പോലീസുകാരനും ഒരബദ്ധം ഒക്കെ പറ്റും.....

"""ഉവ്വ ഉവ്വേ.... ഇത് ഉണ്ണിയേട്ടന് പറ്റുന്നത് മൊത്തോം അബദ്ധങ്ങൾ ആണല്ലോ....

"""രാവിലെ എനിക്കിട്ട് ഗോൾ അടിക്കാൻ വന്നതാണോ നീ....

വന്ന കാര്യം പറയെടി....

അല്ല ഇന്നലെ നീ എന്നെ തിരക്കി വന്നെന്ന് ശിവ പറഞ്ഞു....

എന്താടി കാര്യം.....?

ഉണ്ണിയുടെ ചോദ്യം കേട്ടതും അവളുടെ മുഖത്തെ പുഞ്ചിരി മാഞ്ഞു....

വാടി തളർന്ന പൂ പോലെ അവൾ നിന്നു......

"""എന്താടി..എന്തുപറ്റി..?

അവളുടെ മിഴിയിണകൾ പതിയെ ഈറനണിഞ്ഞു.....

""""എന്താടി.. എന്തിനാ നീയിപ്പോൾ കരയുന്നത്....?

ഉണ്ണി ഉമ്മറത്ത് നിന്നും എഴുന്നേറ്റു അവളുടെ അരികിലേക്ക് ചെന്നു.....

""""ഉണ്ണിയേട്ടാ അവൻ....

അവൾ വിങ്ങി പൊട്ടി..

"""അവനോ.. ഏതവൻ..? എന്താണെന്നു വെച്ചാൽ നീ തെളിച്ചു പറ..

"""അതുപിന്നെ ഉണ്ണിയേട്ടാ അവൻ വിളിച്ചിരുന്നു....

ആ ശ്യാം....

"""ശ്യാമോ.... എന്തിന്..?

മറുപടി പറയാതെ അവൾ നിന്നു വിതുമ്പി കരഞ്ഞു.....

"""ഡി നിന്ന് മോങ്ങാതെ കാര്യം പറ....

"""അവന്.... അവന് എന്നെ ഒന്നൂടി കാണണം എന്ന്..

അവന്റെ ഗസ്റ്റ്‌ ഹൗസിൽ വെച്ച്......

എന്നെ അവൻ ജീവിക്കാൻ സമ്മതിക്കില്ല ഉണ്ണിയേട്ടാ.....

വിതുമ്പി കൊണ്ടവൾ പറഞ്ഞു....

"""ആ പന്ന പുന്നാര മോനെ ഇന്ന് ഞാൻ ശെരിയാക്കും....

എവിടെ ആണ് അവന്റെ ഗസ്റ്റ്‌ ഹൗസ്....

ഉണ്ണി ദേഷ്യം കൊണ്ടു വിറച്ചു.....

"""ഇപ്പോൾ അവൻ അവിടെ ഇല്ല.. വേറെ എവിടെയോ ആണ് അടുത്താഴ്ച വരുമെന്ന് ആണ് പറഞ്ഞത്.....

"""മ്മം വരട്ടെ അവനുള്ള പണി ഞാൻ വെച്ചിട്ടുണ്ട്..

ഇനി ഒരിക്കലും അവൻ നിന്റെ അടുത്ത് വരില്ല..

അവന്റെ സകല സൂക്കേടും ഞാൻ തീർത്തു കൊടുക്കും....

നീ ധൈര്യമായി ഇരിക്കെടി....

എന്തിനും പോന്നൊരു ആങ്ങള അല്ലേടി നിനക്കുള്ളത്.....

അതും പറഞ്ഞവൻ അവളുടെ കവിളുകളിൽ കൂടെ ഒഴുകിയ കണ്ണുനീർ വിരലുകൾ കൊണ്ട് തുടച്ചു.....

ഉണ്ണിയുടെ വാക്കുകൾ കേട്ടപ്പോൾ ആശ്വാസത്തോടൊപ്പം ധൈര്യവും ധ്വനിയുടെ ഉള്ളിൽ നിറഞ്ഞു.....

കൂടെ പിറക്കാതെ കൂടെ പിറപ്പായാവാൻ....

അവളുടെ മനസ്സ് പറഞ്ഞു....

അപ്പോഴാണ് ശിവ അകത്ത് നിന്നും ഇറങ്ങി വന്നത്....

ശിവയെ കണ്ടതും ധ്വനി മുഖം തുടച്ചു ചെറിയൊരു പുഞ്ചിരി വിടർത്തി നിന്നു....

"""ഹാ മാഷ് ഇവിടെ ഉണ്ടായിരുന്നോ....?

അല്ല മാഷേ ഇന്ന് രാവിലെ നോർമൽ ആണല്ലോ എന്തേ  കുടിച്ചില്ലേ....

കുപ്പി തീർന്നോ....?

"""നേരം വെളുത്തല്ലേ ഉള്ളൂ ആശാൻ തുടങ്ങാൻ പോണേ ഉള്ളൂ....

ഉണ്ണി ചിരിയോടെ പറഞ്ഞു....

അത് കേട്ട് ശിവയൊന്ന് പുഞ്ചിരിച്ചു......

"""ഞാൻ കുടി നിർത്തി.....

ശിവ പറഞ്ഞത് കേട്ട് ഉണ്ണിയും ധ്വനിയും അമ്പരന്നു നിന്നു .....

""""അളിയാ രാവിലെ അടിക്കും മുന്നേ തന്നെ തമാശ തുടങ്ങിയോ....

"""തമാശ അല്ലെടാ....

എനിക്ക് നഷ്ടമായത് തിരികെ കിട്ടി....

"""നഷ്ടമായതോ..... എന്ത്‌..?

ഉണ്ണി അത്ഭുതത്തോടെ ചോദിച്ചു....

"""സന്തോഷം..

ഉണ്ണി ചെറു ചിരിയോടെ പറഞ്ഞു....

"""എന്റെ പൊന്നളിയ എന്തെങ്കിലും പറയാൻ ഉണ്ടെങ്കിൽ മനുഷ്യന് മനസ്സിൽ ആവുന്ന ഭാഷയിൽ പറ....

"""ഹഹഹ.... ഇന്നലെ ഞാൻ അശ്വതിയെ കണ്ടെന്നു പറഞ്ഞില്ലേ......

ആ കൂടിക്കാഴ്ച എനിക്ക് എന്റെ സന്തോഷം തിരികെ തന്നു.....

"""ഓ നീ പിന്നെയും ആ പിശാശിന്റെ പുറകെ പോവാനുള്ള ഉദ്ദേശം ആണോ....?

ഉണ്ണി ദേഷ്യത്തോടെ ചോദിച്ചു....

ധ്വനിയും ശിവയുടെ മറുപടി കേൾക്കാനായി അവന്റെ മുഖത്തേക്ക് നോക്കി നിൽക്കുവാണ്.....

"""ഹേ അതൊന്നും അല്ല .... ഇന്നലെ അവളെന്റെ മുന്നിൽ വന്നു മാപ്പ് ചോദിച്ചത് ഓർത്തപ്പോൾ എന്തോ മദ്യത്തെക്കാൾ വലിയൊരു ലഹരി ഉള്ളിൽ നിറയുന്നത് പോലെ തോന്നി.....

നമ്മളെ തേച്ചു പോയവർ തെറ്റ് പറ്റി പോയി എന്നും പറഞ്ഞു പിന്നീട് വന്ന് നമ്മളോട് മാപ്പ് ചോദിക്കുമ്പോൾ കിട്ടുന്ന ഫീൽ ഒന്ന് വേറെ തന്നെ.....

പിന്നെ എന്റെ കുടി കാരണം ഇനി എന്റെ അച്ഛന്റെയും അമ്മയുടെയും ആത്മാക്കൾക്ക് ശാന്തി കിട്ടാതെ ഇരിക്കേണ്ട.....

ധ്വനിയെ നോക്കി കൊണ്ട് ശിവ പറഞ്ഞു.....

"""ഓ അങ്ങനെ ആ പിശാശ്ശിനെ കൊണ്ട് ഒരുപകാരം ഉണ്ടായി....

നിന്റെ തീരുമാനം നന്നായി അളിയാ....

അത് കേട്ട് പുഞ്ചിരിച്ചു കൊണ്ട് ശിവ ധ്വനിയെ നോക്കി....

അവളുടെ ചുണ്ടിലും പുഞ്ചിരി വിരിഞ്ഞിരുന്നു ....

"""ഉണ്ണിയേട്ടാ ഞാൻ പൂവാട്ടോ എനികിത്തിരി പണിയുണ്ട് എന്നും പറഞ്ഞവൾ അവിടെ നിന്നും പോയി.....

"""ഉണ്ണി അവളെന്തിനാടാ വന്നത്....?

"""ഹേയ് ഒന്നുമില്ലെടാ....

"""നീ ഒളിക്കേണ്ട ഞാൻ എല്ലാം കേട്ടു......

"""മ്മ്മം...ആ ചെറ്റക്ക് ഞാൻ പണി കൊടുക്കും അളിയാ....

അവന് നല്ലൊരു പണിയുടെ കുറവ് ഉണ്ട്.....

""""മ്മ്മം നിന്റെ കൈയിൽ അവന്റെ ഫോട്ടോ വല്ലതും ഉണ്ടോ....? ആ മുതലിനെ ഒന്ന് കണ്ടിരിക്കാൻ ആണ്....

"""നോക്കട്ടെ.. മുൻപൊരിക്കൽ ധ്വനി എനിക്ക് അവന്റെ ഫോട്ടോ അയച്ചു തന്നിരുന്നു.....

എന്നും പറഞ്ഞു ഉണ്ണി ഫോൺ എടുത്തു ഗാലറിയിൽ നോക്കി.....

"""ദേ ഇതാ അളിയാ അവന്റെ ഫോട്ടോ....

ആള് കാണാൻ ഡീസന്റ് ആണ് പക്ഷേ കൈയിലിരുപ്പ് ശെരിയല്ല.....

ശിവ ഉണ്ണിയുടെ കൈയിൽ നിന്നും ഫോൺ വാങ്ങി നോക്കി.....

"""ഇവനെ ഞാൻ എവിടെയോ വെച്ച് കണ്ടിട്ടുണ്ട്......

മിക്കവാറും ബാറിൽ വെച്ചാവാൻ ആണ് സാധ്യത....

"""ഇനി ഈ ചെറ്റയെ എവിടെങ്കിലും വെച്ച് കണ്ടാൽ എന്നോട് പറയണം അവനൊരു വിരുന്ന് ഞാൻ കൊടുക്കു ന്നുണ്ട്.....

ഉണ്ണി പറഞ്ഞത് കേട്ട് ശിവ ചിരിച്ചു....

""""ഇവൻ കാരണം എത്ര പെൺകുട്ടികളുടെ ജീവിതം പോയി കാണും.....

ഇവനെ ഒക്കെ വെടിവെച്ചു കൊല്ലണം അളിയാ.....

അതാണ് വേണ്ടത്....

ഉണ്ണിയുടെ വാക്കുകളിൽ ശ്യാമിനോടുള്ള ദേഷ്യം പ്രകടമായിരുന്നു......

അപ്പോഴാണ് ദേവികയുടെ കോൾ വന്നത്.....

ഉണ്ണി കോൾ അറ്റൻഡ് ചെയ്തു അവളോട്‌ സംസാരിച്ചു കൊണ്ട് തൊടിയിലേക്ക് നടന്നു.....

അവിടെ നിന്ന മരത്തിന്റെ തൊലിക്കിട്ട് ചുരണ്ടി കൊണ്ടവൻ പഞ്ചാര അടിച്ചു നിൽക്കുന്ന കാഴ്ചയും കണ്ടു ശിവ അകത്തേക്കും പോയി....

---------------------------------------------------------

സന്ധ്യക്ക്‌ വിളക്ക് വെക്കാനായി കാവിൽ എത്തിയ ധ്വനി നേരിയ നിലാവെട്ടത്തിൽ നാഗത്തറക്ക് മുന്നിൽ ഒരാൾ നിൽക്കുന്നത് കണ്ടൊന്ന് ഞെട്ടി.....

തെല്ലു ഭയത്തോടെ അവൾ വിളക്കുമായി അങ്ങോട്ടേക്ക് ചെന്നു....

അടുത്തെത്തിയതും വിളക്കിന്റെ വെളിച്ചത്തിൽ അവൾ ആ മുഖം കണ്ടു....

""ശിവ....""

നാഗത്തറക്ക് മുന്നിൽ അവൻ കൈകൂപ്പി പ്രാത്ഥിച്ചു നിൽക്കുകയാണ്....

അവൾ ഒന്നും മിണ്ടാതെ മെല്ലെ വിളക്ക് തെളിച്ചു കൈകൾ കൂപ്പി പ്രാത്ഥിച്ചു....

പെട്ടെന്ന് നാഗത്തിന്റെ സീൽക്കാര ശബ്ദം കേട്ടവർ രണ്ടും കണ്ണ് തുറന്നു നോക്കി.....

നാഗ വിഗ്രഹത്തെ ചുറ്റിയൊരു സർപ്പം തങ്ങളുടെ നേരെ ഫണം വിടർത്തി നിൽക്കുന്നു.....

അത് കണ്ടു ശിവ രണ്ടടി പിന്നോട്ട് വെച്ചു......

"""എന്താ മാഷേ ഭയന്നു പോയോ...പേടിക്കണ്ട അതൊന്നും ചെയ്യില്ല....

അവൾ ചെറു ചിരിയോടെ പറഞ്ഞു....

അത് കേട്ടവനും പുഞ്ചിരിച്ചു....

"""മാഷിന് ആകെ ഒരു മാറ്റം ഉണ്ട് കേട്ടോ....

"''"അതുപിന്നെ നിങ്ങളുടെ നാട്ടിൽ വന്നിട്ട് ഇവിടെ ഒന്ന് കേറി പ്രാത്ഥിക്കാതെ ഇരിക്കുന്നത് മോശമല്ലേ.....

ഉണ്ണി ഒരുപാട് പറഞ്ഞിട്ട് ഉണ്ട് ഈ കാവിനെ കുറിച്ച്.....

ചെമ്പകം പൂക്കുന്ന കാവ്.....

ഇവിടുത്തെ ചെമ്പക പൂക്കളുടെ സുഗന്ധം മനം മയക്കുന്നത് ആണെന്ന് അവൻ എപ്പോഴും പറയാറുണ്ടായിരുന്നു.....

"""മ്മ്മ്മം.. എന്നിട്ട് ഇപ്പോൾ മാഷിന് അത് ബോധ്യമായില്ലേ....

"""മ്മ്മ്മം.. ഒരുപാട് ഇഷ്ടമായി എനിക്ക് ഈ ചെമ്പക പൂക്കളുടെ കാവിനെ....

രാത്രിയെ പ്രണയിക്കുന്ന നിശാഗന്ധി പൂക്കളെ പോലെയാണ് ഈ ചെമ്പക പൂക്കളും.....

അവരും ഈ തൃസന്ധ്യയെ പ്രണയിക്കുക യാണ്.....

നിലത്ത് വീണു കിടന്നിരുന്ന ചെമ്പക പൂവിനെ കൈയിലെടുത്ത് കൊണ്ടവൻ പറഞ്ഞു....

"""ആഹാ മാഷ് സാഹിത്യം തുടങ്ങിയല്ലോ.....

"""ഹേയ് എന്തോ ഇവിടെ വന്നപ്പോൾ വല്ലാത്തൊരു ഉന്മേഷം തോന്നുന്നു....

ഈ രാത്രിയിൽ ചെമ്പക പൂക്കളുടെ സുഗന്ധത്തിൽ കാറ്റിനൊപ്പം  അലിഞ്ഞു ചേർന്ന് ഇവിടെ ഇരിക്കാൻ കൊതി തോന്നി പോവുന്നു .....

"""ഹഹഹ അത് കൊള്ളാമല്ലോ.... എന്തായാലും കുടി നിർത്തി മാഷ് അങ്ങ് സ്മാർട്ട്‌ ആയിട്ടോ.....

പുഞ്ചിരിയോടെ അവൾ പറഞ്ഞു....

""""അതിന് നിന്നോട് ആണെനിക്ക് നന്ദി പറയേണ്ടത്.....

നിന്റെ വാക്കുകൾക്ക് എന്തോ ഒരു മാന്ത്രികതയുണ്ട്.....

അതിന്നലെ എന്നെ ഇരുത്തി ചിന്തിപ്പിച്ചു....

അപ്പോഴാണ് നീ പറയുന്നത് ശെരി ആണെന്ന് എനിക്കും തോന്നിയത് ....

എന്റെ കുടിയാണ് എന്റെ അച്ഛനെയും അമ്മയെയും ഏറെ വേദനിപ്പിച്ചത്....

അതുകൊണ്ട് ഇനിയും ആ ആത്മാക്കളെ വേദനിപ്പിക്കാൻ എനിക്ക് ആവില്ല.....

അവന്റെ വാക്കുകൾക്ക് ദൃഢനിച്ഛയത്തിന്റെ ശക്തി ഉണ്ടായിരുന്നു....

സത്യം പറഞ്ഞാൽ എങ്ങനെയാണ് നിന്നോട് നന്ദി പറയേണ്ടത് എന്നറിയില്ല.....

"""നന്ദിയോ.. എന്നോടോ..? ഒന്ന് പോ മാഷേ....

സത്യം പറഞ്ഞാൽ മാഷിനോട് ഞാൻ ആണ് ക്ഷമ ചോദിക്കേണ്ടത്....

മാഷിനെ കുറിച്ച് ഒന്നും അറിയാതെ....

മാഷിന്റെ അവസ്ഥ പോലും മനസ്സിലാക്കാതെ ആണ് ഞാൻ വെറുതെ ഓരോന്ന് പറഞ്ഞു വഴക്കിട്ടത്....

"""ഹേയ് അതൊന്നും സാരമില്ലെടോ....

കുടിച്ചു ബോധം ഇല്ലാതെ നടക്കുന്ന ഒരുത്തനോട് അങ്ങനെയല്ലേ ആളുകൾ പെരുമാറൂ.....

"""എന്നാലും.....

"""താൻ അത് വിടെടോ.. തന്റെ കാര്യങ്ങൾ ഒക്കെ ഇപ്പോഴാണ് ഞാനും അറിയുന്നത്.....

ശിവ അത് പറയുമ്പോൾ ഒരു ഞെട്ടലോടെ അവളവനെ നോക്കി.....

"""ഉണ്ണി എന്നോട് എല്ലാം പറഞ്ഞു..

ഒരു കണക്കിന് പറഞ്ഞാൽ പ്രണയത്തിന്റെ ചതിയിൽ പെട്ട രണ്ടു പേരാണ് നമ്മൾ...

രണ്ട് രീതിയിൽ ആണെന്ന് മാത്രം....

"""ശെരിയാണ് മാഷേ.....

"പ്രണയം"

അത് വെറും കളവാണ് മാഷേ.....

സ്വാർത്ഥ താല്പര്യങ്ങൾ പൂർത്തിയാക്കാൻ മനുഷ്യൻ ഉപയോഗിക്കുന്ന കളവാണ് ഇന്ന് പ്രണയം....

""സത്യം..... വെറുത്തു പോവുന്നു വിഡ്ഢിയാക്കപ്പെട്ട ആ നിമിഷത്തെ പോലും....

"""പ്രണയത്തെ പറ്റി പറഞ്ഞപ്പോഴാണ് ഓർത്തത് മാഷിന്റെ രണ്ടാം താലി ഞാൻ വായിച്ചു കേട്ടോ....

സൂപ്പർ ആയിട്ടുണ്ട്....

അതിലെ നായിക ഞാൻ ആണോന്ന് പോലും ഓർത്തു പോയി....

"""ഹേയ് അത്രക്ക് ഒക്കെ നന്നായിരുന്നോ......

"""മ്മ്മം ശെരിക്കും സൂപ്പറായിരുന്നു.....

പുതിയ കഥ എഴുതുന്നില്ലേ..?

"""എഴുതണം..... അടുത്ത കഥയിൽ നിന്നെ നായിക ആക്കി എഴുതിയാലോ.....

"""ഹഹഹ അതെന്താ മാഷ് ഹൊറർ സ്റ്റോറി ആണോ എഴുതാൻ പോവുന്നത്....

ചിരിയോടെ അവൾ ചോദിച്ചു....

അത് കേട്ടവനും ചിരിച്ചു....

"""അല്ല മാഷേ സംസാരിച്ചു നിന്ന് നേരം വൈകിയത് അറിഞ്ഞില്ല ഞാൻ പൂവാട്ടോ....

"""നിൽക്ക് ഞാനും വരുന്നു....

എന്നും പറഞ്ഞു അവനും അവൾക്കൊപ്പം കാവിൽ നിന്നും ഇറങ്ങി നടന്നു.....

ഓരോന്ന് സംസാരിച്ചു കൊണ്ടവർ നടന്നു തറവാടിന് മുന്നിൽ എത്തി.....

പരസ്പരം ചിരിയോടെ അവർ പിരിയുമ്പോൾ എല്ലാം കണ്ടുകൊണ്ട് ഉമ്മറത്ത് ഉണ്ണി നിൽപ്പുണ്ടായിരുന്നു.....

ശിവ നടന്നു ഉണ്ണിക്ക് അരുകിൽ എത്തി....

"""എന്താടാ ഇങ്ങനെ സൂക്ഷിച്ചു നോക്കുന്നത്....

"""അല്ലളിയാ ഈ കീരിയും പാമ്പും തമ്മിൽ ഒന്നിച്ചു നടക്കുമോ.....

"""ങ്ങേ കീരിയും പാമ്പുമോ.... നിനക്കെന്താടാ പറ്റിയെ..?

"""എനിക്കൊന്നും പറ്റിയില്ല പക്ഷേ ചിലർക്കൊക്കെ എന്തോ പറ്റിയിട്ടുണ്ട്......

"""ഡാ കോപ്പേ നീ വളച്ചു ചുറ്റി പറയാതെ നേരെ ചൊവ്വേ പറ....

"""പറയാം.. സമയം ആയിട്ടില്ല.. കീരിയും പാമ്പും എവിടെ വരെ പോവുമെന്ന് അറിയട്ടെ.....

ഉണ്ണി ശിവയെ നോക്കി കൊണ്ട് പറഞ്ഞു....

""""സത്യം പറ നീ ഏത് ബ്രാൻഡ് ആണ് അടിച്ചേ.....

"""ഞാൻ അടിച്ചില്ല അളിയാ.. ചില അത്ഭുതങ്ങൾ കണ്ടു കിളി പോയതാണ്....

"""അത്ഭുതങ്ങളോ....?

എന്ത് അത്ഭുതങ്ങൾ.....

നിനക്ക് ഭ്രാന്തായോ..?

അതോ അവളുടെയോ അവളുടെ അച്ഛന്റെയോ കൈയിൽ നിന്നും തലക്കിട്ട് വല്ലതും കിട്ടിയോ .....

എങ്കിൽ കുറച്ചു കഴിയുമ്പോൾ ശെരിയാവും എന്നും പറഞ്ഞു ചിരിച്ചു കൊണ്ട് ശിവ അകത്തേക്കു കേറി പോയി.....

പിറ്റേന്ന് ഉച്ചയോടു അടുത്ത് ധ്വനി തൊടിയിൽ നിന്ന മാവിൽ നിന്നും മാങ്ങാ പറിച്ചു കൊണ്ടിരിക്കെയാണ് പിന്നിൽ ഒരു സ്ത്രീ ശബ്ദം കേട്ടത്....

അവൾ തിരിഞ്ഞ് നോക്കി....

ചുവപ്പ് കളർ ചുരിദാർ അണിഞ്ഞൊരു പെൺകുട്ടി വഴിയരുകിൽ അവളെ നോക്കി നിൽക്കുന്നു....

ധ്വനി അവൾക്ക് അരുകിലേക്ക് ചെന്നു.....

അവളെ സൂക്ഷിച്ചു ഒന്ന് നോക്കി....

മുഖത്ത് ഒരു വിഷാദ ഭാവം....

"""അതേ ഇവിടെ എവിടാണ് വാഴൂർ തറവാട്.....?

പതിഞ്ഞ ശബ്ദത്തിൽ ആ പെൺകുട്ടി ചോദിച്ചു....

"""ദേ ആ കാണുന്നത് ആണ്..

ധ്വനി വാഴൂർ തറവാട് ചൂണ്ടി കൊണ്ട് പറഞ്ഞു.....

""താങ്ക്സ്  ""

എന്നും പറഞ്ഞു ആ പെണ്ണ് അവിടേക്ക് നടന്നു....

ഈ മുഖം കണ്ടു നല്ല പരിചയം.. ഞാൻ ഈ മുഖം ഇതിന് മുൻപ് എവിടെയോ കണ്ടിട്ടുണ്ടല്ലോ.....

എവിടെ വെച്ചാണ്....

ധ്വനി ആ മുഖം ഓർത്തെടുക്കാൻ ശ്രമിച്ചു....

നിമിഷങ്ങൾക്കുള്ളിൽ അവളുടെ ചുണ്ടുകൾ ആ പേര് മന്ത്രിച്ചു....

"അശ്വതി....."

#രണ്ടാംതാലി (14)

ഒരിക്കൽ അവളുടെ ഫോട്ടോ താൻ കണ്ടിരുന്നത് ധ്വനി ഓർത്തെടുത്തു.....

ഡിവോഴ്സ് വാങ്ങി പോയവൾ പിന്നെയും ഈ വന്നത് എന്തിന് വേണ്ടി ആയിരിക്കും....?

പാവം മാഷ് ജീവിതത്തിലേക്ക് തിരിച്ചു വരാൻ തുടങ്ങിയതേ ഒള്ളു അപ്പോഴേക്കും വന്നു ഓരോ മാരണങ്ങൾ.....

ധ്വനി നിന്ന് പൊറു പൊറുത്തു....

"""നീ എന്താ കുട്ട്യേ നിന്ന് പൊറു പൊറുക്കുന്നത്.....

"""ഒന്നുല്ല മുത്തശ്ശി....

"""മതി മാങ്ങാ പറിച്ചത്.. നീ ഇങ്ങ് പോര്.....

"""മ്മ്മം ദാ വരണ്..... എന്നും പറഞ്ഞവൾ നിലത്തേക്ക് പറിച്ചിട്ടിരുന്ന മാങ്ങാ പെറുക്കി എടുത്തു കൊണ്ടു ചെന്നു.....

"""ഇത് കുറച്ചു അരിഞ്ഞു അച്ചാറിടാം.... ബാക്കി അരിഞ്ഞു ഉണങ്ങി വെക്കാം....

""ആയിക്കോട്ടെ മുത്തശ്ശിയെ..

എന്നും പറഞ്ഞവൾ അകത്തേക്ക് കേറി പോയി.....

---------------------------------------------------------

തന്നെ കാണുമ്പോൾ ശിവയുടെ പ്രതികരണം എന്താവുമെന്നോർത്ത് ഭയന്നാണ് അശ്വതി വാഴൂർ തറവാട്ടിലേക്ക് ഓരോ ചുവടും നടന്നടുത്തത് .....

അവളുടെ കണ്ണുകൾ ചുറ്റും അവനെ പരതി നോക്കി എങ്ങും കണ്ടില്ല.....

അവൾ  ഉമ്മറത്തേക്ക് മെല്ലെ കേറാൻ ഒരുങ്ങിയതും നിൽക്കടി അവിടെ എന്നും പറഞ്ഞു ഉണ്ണി അകത്ത് നിന്നും ഇറങ്ങി വന്നു....

അവന്റെ മുഖത്ത് അവളോടുള്ള ദേഷ്യം പ്രകടമായിരുന്നു.....

"""എന്തിനാടി നിന്നെയിപ്പോ ഇങ്ങോട്ട് കെട്ടിയെടുത്തത്....

അവന്റെ ജീവിതം ഇനിയും തുലക്കാൻ ആണോ....?

 """ഞാൻ.. ഞാൻ ശിവേട്ടനെ.. ചുണ്ടുകൾ വിറച്ച് കൊണ്ടവളുടെ വാക്കുകൾ മുറിഞ്ഞു പോയി....

"""ശിവേട്ടനോ ഏത് ശിവേട്ടൻ.. മര്യാദക്ക് ഇവിടുന്നു പോവാൻ നോക്ക്....

ഉണ്ണി അവൾക്ക് നേരെ കയർത്തു സംസാരിച്ചു......

""""എന്താടാ ഇവിടൊരു ബഹളം എന്നും ചോദിച്ചു കൊണ്ടപ്പോൾ ശിവ അകത്ത് നിന്നും ഇറങ്ങി വന്നു....

 അപ്രതീക്ഷിതമായി അശ്വതിയെ കണ്ടു ശിവയൊന്ന് അമ്പരന്നു....

ദയനീയതയോടെ അവൾ ശിവയെ നോക്കി....

"""നീയെന്താടി ഇവിടെ....? നിന്നോടാരാണ് പറഞ്ഞത് ഞാൻ ഇവിടെ ഉണ്ടെന്ന്....

ഒരൽപ്പം ദേഷ്യം കലർത്തി ശിവ ചോദിച്ചു..

""അത്.. ഞാൻ വെറുതെ....

"""ഞാൻ ചോദിച്ചതിന് ഉത്തരം കിട്ടിയില്ല....

നിന്നോട് ആരാണ് പറഞ്ഞത് ഞാൻ ഇവിടുണ്ടെന്ന്.....

"""അത് ഞാൻ നിങ്ങളുടെ കൂട്ടുകാരൻ അനീഷിനെ വിളിച്ചു ചോദിച്ചപ്പോൾ അവനാണ് പറഞ്ഞത് ഉണ്ണിക്കൊപ്പം ഏട്ടൻ ഇവിടെ ഉണ്ടെന്ന്.....

അവനാണ് ഇങ്ങോട്ടുള്ള വഴിയും പറഞ്ഞു തന്നത്....

"""നീയെന്തിനാ എന്നെ തിരക്കി അവനെ വിളിച്ചത്....

ഇവിടെയും എന്നെ സമാധാനത്തോടെ ജീവിക്കാൻ സമ്മതിക്കില്ലേ....?

"""ഏട്ടാ..... ഞാൻ ഏട്ടനെ ശല്യപ്പെടുത്താൻ വന്നതല്ല.. ചെയ്തു പോയ തെറ്റിന് മാപ്പ് ചോദിക്കാൻ വന്നതാണ്....

നിറ മിഴികളോടെ അവൾ പറഞ്ഞു....

"""മാപ്പ് ചോദിക്കാനോ കൊള്ളാമല്ലോ....

ഒരിക്കൽ ചോദിച്ചപ്പോൾ അതിനുള്ള മറുപടി ഞാൻ തന്നതല്ലേ പിന്നെയും വലിഞ്ഞു കേറി വന്നത് എന്തിനാണ്....?

""""പുതിയ കഥ പറയാൻ വന്നതാവും അളിയാ....

ഇവളെ പോലെ ഉള്ളവർക്ക് കള്ള കഥ മെനഞ്ഞു ആളെ പറ്റിക്കാൻ നല്ല മിടുക്ക് ആയിരിക്കും.....

ഉണ്ണി ഇടക്ക് കേറി പറഞ്ഞു..

"""എനിക്ക്...... എനിക്ക് ശിവേട്ടനോട് കുറച്ചു കാര്യം പറയാൻ ഉണ്ട്..

അത് പറഞ്ഞിട്ട് ഞാൻ പൊക്കോളാം പിന്നെ ഒരിക്കലും വരില്ല....

""നീ ഒരു കോപ്പും പറയണ്ട പോവാൻ നോക്ക്....

"""ശിവേട്ടാ പ്ലീസ് എനിക്ക് പറയാൻ ഉള്ളത് ഒന്ന് കേൾക്ക്....

"""പണ്ടാരം അടങ്ങനായിട്ട് എന്താണെന്ന് വെച്ചാൽ പറഞ്ഞു തുളച്ചിട്ട് പോ....

"""അതുപിന്നെ എനിക്ക് ഏട്ടനോട് മാത്രമായി തനിച്ചു സംസാരിക്കണം.....

"""മ്മ്മം.. ഉണ്ണി നീ അകത്തേക്ക് പൊക്കോ അവൾക്ക് പറയാൻ ഉള്ളത് പറഞ്ഞിട്ട് പോട്ടെ....

ശിവ ഉണ്ണിയെ നോക്കി പറഞ്ഞു..

"""അല്ലെങ്കിലും ഞാൻ കേറി പോവാണ് ഇവളെ കണ്ടപ്പോൾ തന്നെ ചൊറിഞ്ഞു കേറി ഇരിക്കുവാണ്....

ഇനി ഇവളുടെ സംസാരം കൂടി കേട്ടോണ്ട് നിന്നാൽ ഞാൻ വല്ലതും ഒക്കെ വിളിച്ചു പറഞ്ഞു പോവും..

എന്നും പറഞ്ഞു ഉണ്ണി അകത്തേക്ക് കേറി പോയി.....

"""അവൻ പോയി ഇനിയെന്താണെന്ന് വെച്ചാൽ നീ പറ.....

"""അതുപിന്നെ ഞാൻ....

"""അതേ വല്ലതും പറയാൻ ഉണ്ടെങ്കിൽ വേഗം പറ എനിക്ക് വേറെ പണിയുണ്ട്....

"""ഏട്ടാ എനിക്കറിയാം ഏട്ടനെന്നോട് ദേഷ്യമാണെന്ന്....

അത്ര വലിയ തെറ്റാണ് ഞാൻ ഏട്ടനോട് ചെയ്തത്....

എല്ലാത്തിനും കാരണം അവനായിരുന്നു....

"അനന്തു.."

അഞ്ചു വർഷത്തെ പ്രണയമായിരുന്നു ഞങ്ങളുടേത്....

മനസ്സ് കൊണ്ടും ശരീരം കൊണ്ടും ഒന്നായ പ്രണയം....

ഒരു സുപ്രഭാതത്തിൽ എന്നെ വേണ്ട എന്നും പറഞ്ഞവൻ പോയപ്പോൾ ഞാൻ ആകെ തകർന്നു പോയി...

ആ സമയത്താണ് ഞാൻ ശിവേട്ടനുമായി സൗഹൃദത്തിൽ ആവുന്നത്.....

എന്തോ അന്നെനിക്ക് വലിയ ആശ്വാസം ആയിരുന്നു ശിവേട്ടൻ....

ഏട്ടനോട് സംസാരിക്കുമ്പോൾ മനസ്സിന് വല്ലാത്തൊരു സന്തോഷം കിട്ടിയിരുന്നു.....

എപ്പോഴോ ഞാൻ അറിയാതെ ഏട്ടനെ സ്നേഹിച്ചു തുടങ്ങി....

ഏട്ടനും ഇഷ്ടം ആണെന്ന് അരിഞ്ഞപ്പോൾ ഞാൻ എത്ര സന്തോഷിച്ചു എന്നറിയാമോ....?

പക്ഷേ ആ സന്തോഷത്തിന് ആയുസ്സ് ഇല്ലാതെ പോയി....

നമ്മുടെ കല്യാണത്തിന്റെ തലേന്ന് അനന്തു എന്നെ കാണാൻ വന്നിരുന്നു....

അവന്റെ കൈയിലെ മൊബൈലിൽ ഞങ്ങൾ ഒരുമിച്ചുള്ള കുറെ ഫോട്ടോസും വീഡിയോസും വെച്ചു അവനെന്നെ ഭീഷണി പെടുത്തി....

അവനാവശ്യം കാശായിരുന്നു......

അത് കൊടുത്തില്ലെങ്കിൽ എല്ലാം ഏട്ടനെയും നാട്ടുകാരെയും കാണിക്കും എന്നൊക്ക പറഞ്ഞപ്പോൾ വേറെ വഴിയില്ലാതെ അവൻ പറയുന്നത് ഒക്കെ എനിക്ക് അനുസരിക്കേണ്ടി വന്നു.....

ഒരുതരം ഭ്രാന്ത് പിടിച്ച അവസ്ഥയിൽ ആയിരുന്നു ഞാൻ....

ആ ഭ്രാന്തിൽ എന്തൊക്കെയോ ഞാൻ ഏട്ടനോടും വീട്ടുകാരോടും ചെയ്തു കൂട്ടി....

സഹികെട്ടു ചിലപ്പോൾ 

മരിച്ചാലോ എന്ന് വരെ ചിന്തിച്ചു പോയിട്ടുണ്ട്.....

പക്ഷേ അതിനുള്ള ധൈര്യം എനിക്കില്ലാതെ പോയി....

പിന്നെ ഏട്ടന്റെ കൂടെ ജീവിക്കാൻ യോഗ്യത ഇല്ലാത്തത് കൊണ്ടാണ് ഞാൻ അന്ന് ഡിവോഴ്സ് വാങ്ങി പോയത്.....

അല്ലാതെ വെറുത്തിട്ടല്ല....

എനിക്ക് ഏട്ടനെ അത്രക്ക് ഇഷ്ടമാണ്.....

ഞാൻ ആത്മാർത്ഥമായി തന്നെ ആണ് ഏട്ടനെ സ്നേഹിച്ചത്....

അല്ലെന്ന് പറയാൻ ഏട്ടന് പറ്റുമോ.....

എന്നും പറഞ്ഞു കരഞ്ഞു കൊണ്ടവൾ ശിവയുടെ കാൽക്കലേക്ക് വീണു.....

അവളുടെ കണ്ണീർ അവന്റെ പാദങ്ങളിലേക്ക് വീണു കൊണ്ടിരുന്നു....

"""ശ്ശെ നീയെന്താ ഈ കാണിക്കുന്നത്....

എഴുന്നേൽക്ക് എന്നും പറഞ്ഞു ശിവ പിന്നോട്ട് അൽപ്പം മാറി....

തേങ്ങി കരഞ്ഞവൾ അവന്റെ നേരെ കൈ കൂപ്പി പിടിച്ചു നിലത്ത് ഇരിക്കുവാണ്.....

ശിവ അടുത്തേക്ക് ചെന്നു അവളെ പതിയെ പിടിച്ചു എഴുന്നേൽപ്പിച്ചു.....

""നിനക്ക് ഞാൻ മാപ്പ് തരാം പകരം എനിക്ക് നഷ്ടമായതൊക്ക തിരികെ തരാൻ നിനക്ക് ആവുമോ....

എന്റെ അച്ഛനെയും അമ്മയെയും തിരികെ തരാൻ കഴിയുമോ....

അതിനുള്ള ശക്തി ഉണ്ടോ ഇപ്പോൾ നീ ഒഴുക്കുന്ന ഈ കണ്ണീരിന്.....

അത് കേട്ടവൾ അവന്റെ മുഖത്തേക്ക് നിസ്സഹായതയോടെ നോക്കി....

"""എന്തേ പറ്റില്ല അല്ലേ....?

എന്തൊക്ക ന്യായീകരണം നിരത്തിയാലും നീ ചെയ്ത തെറ്റ് തെറ്റല്ലാതെ ആവുന്നില്ല.....

നിനക്ക് എല്ലാം എന്നോട് തുറന്നു പറയാമായിരുന്നു.....

പക്ഷേ നീ അത് ചെയ്തില്ല.....

എന്നിട്ടിപ്പോൾ മാപ്പും ചോദിച്ചു വന്നേക്കുന്നു.....

എന്റെ നഷ്ടങ്ങളുടെ വില അത് നിനക്കൊരിക്കലും മനസ്സിലാവില്ല....

ദയവ് ചെയ്തു കുറ്റ ബോധത്തിന്റെ തരിമ്പ് എങ്കിലും ആ മനസ്സിൽ ഉണ്ടെങ്കിൽ ഇനി മേലാൽ എന്റെ മുന്നിലേക്ക് വരരുത്....

അത്രക്ക് വെറുത്തു പോയി നിന്നെ ഞാൻ.....

"""ഏട്ടാ ഞാൻ....

"""നിനക്ക് പറയാനുള്ളത് ഒക്കെ പറഞ്ഞു കഴിഞ്ഞില്ലേ ഇനി പോവാൻ നോക്ക്.....

"""മ്മ്മ്മം ശെരി ഏട്ടാ ഞാൻ പൂവാണ്.....

ഇനി ഒരിക്കലും  ഏട്ടനെ തേടി ഞാൻ വരില്ല......

ആ സ്നേഹം ജീവിത കാലം മുഴുവൻ കിട്ടാൻ ഭാഗ്യമില്ലാത്ത ജന്മം ആണെന്റെ....

എന്നെ ഏട്ടനോളം സ്നേഹിച്ച മറ്റാരും ഇല്ല.....

ഏട്ടൻ തന്ന നല്ല കുറെ നിമിഷങ്ങൾ ഉണ്ട് മനസ്സിൽ.....

ഇനി അതും നെഞ്ചിലേറ്റി ജീവിക്കാൻ ആണെന്റെ ഉദ്ദേശം.....

എന്നും പറഞ്ഞവൾ ഇറങ്ങാൻ നേരം ധ്വനി അവിടേക്ക് വന്നു....

ഇരുവരും പരസ്പരം ഒന്ന് നോക്കി....

അശ്വതി ധ്വനിയെ തറപ്പിച്ചൊന്ന് നോക്കി കൊണ്ട് മുന്നോട്ടു നടന്നു....

ഇടക്കിടെ അവൾ തിരിഞ്ഞു നോക്കുന്നുണ്ടായിരുന്നു.....

"""ഹാ ധ്വനിയോ.....കേറി വാ

ശിവ അവളെ കണ്ടു ചിരിച്ചു കൊണ്ട് പറഞ്ഞു..

"""മാഷേ അത്.....

"""അതാണ് അശ്വതി.. എന്റെ ഭാര്യ ആയിരുന്നവൾ....

നീ മുൻപൊരിക്കൽ അവളുടെ ഫോട്ടോ കണ്ടതല്ലേ....?

"""മ്മ്മം ഞാൻ ഓർക്കുന്നുണ്ട്....

അല്ല ഇവൾ ഡിവോഴ്സ് വാങ്ങി പോയതല്ലേ പിന്നെ എന്തിനാ വന്നത്.....?

"""അതോ.... എന്നോട് മാപ്പ് ചോദിച്ചു വന്നതാണ്.....

"""ആഹാ എന്നിട്ട് മാഷ് മാപ്പ് കൊടുത്തോ.....

"""പിന്നെ എന്റെ കൈയിൽ ഉണ്ടായിരുന്ന മാപ്പ് മൊത്തം കൊടുത്തു വിട്ടു.....

അവൻ ചിരിച്ചു കൊണ്ട് പറഞ്ഞു....

അത് കേട്ട് അവളും ചിരിച്ചു.....

""""ഹാ എന്താ ഇവിടെ ഒരു ചിരി രണ്ടും കൂടെ എന്നും ചോദിച്ചു കൊണ്ടപ്പോൾ ഉണ്ണി ഇറങ്ങി വന്നു....

"""ഹേയ് ഒന്നുമില്ലെടാ....

"""അല്ല ആ പിശാശ് പോയോ....?

""""പോയി....

കുറെ കരഞ്ഞു മാപ്പും ചോദിച്ചു ഇപ്പോൾ പോയതേ ഒള്ളൂ......

"""മാപ്പ്.. കോപ്പ്.... ശിവ നീ ഇത്ര പൊട്ടൻ ആയി പോയല്ലോ.... എന്തിനാ അതൊക്ക കേട്ടു നിന്നത്....

ഇതും അവളുടെ അടവ് ആയിരിക്കും ഞാൻ വല്ലതും ആയിരു ന്നെങ്കിൽ അവളുടെ കരണം നോക്കി ഒന്ന് പൊട്ടിച്ചു വിട്ടേനെ.....

"""എന്തിന്.. പോട്ടെടാ വിട്ട് കള.....

ഇനിയെന്തായാലും അവൾ വരില്ല.. പിന്നെ അവൾ ചെയ്തു കൂട്ടിയതിന് എന്നെങ്കിലും അവൾ അനുഭവിക്കും നോക്കിക്കോ ....

""""ഓ ഒരു പുണ്യാളൻ വന്നേക്കുന്നു.. നിന്നെയൊന്നും പറഞ്ഞിട്ട് ഒരു കാര്യവും ഇല്ല.....

ഉണ്ണി ദേഷ്യത്തോടെ പറഞ്ഞു.....

"""മാഷേ ഉണ്ണിയേട്ടൻ പറഞ്ഞത് ആണ് ശെരി.....

അവളെ പോലെ ഉള്ളവരെ കുടിച്ച വെള്ളത്തിൽ പോലും വിശ്വസിക്കാൻ പറ്റില്ല.....

"""അറിയാം ധ്വനി..... അവൾ പറഞ്ഞതൊന്നും ഞാൻ വിശ്വസിക്കുന്നില്ല.....

ഇനി അവൾക്കെന്റെ ജീവിതത്തിൽ ഒരു സ്ഥാനം ഉണ്ടാവാനും പോവുന്നില്ല.....

അത് ഉറപ്പാണ്.....

"""എങ്കിൽ നിനക്ക് കൊള്ളാം....

ഉണ്ണി ഇടക്ക് കേറി പറഞ്ഞു....

അത് കേട്ട് ശിവ അവനെയും ധ്വനിയെയും നോക്കി പുഞ്ചിരിച്ചു കൊണ്ട് അകത്തേക്ക് കേറി പോയി.....

---------------------------------------------------------

അശ്വതി വീട്ടിൽ എത്തിയതും അവളെ കാത്ത് അനന്തു ഉണ്ടായിരുന്നു.....

"""ഡി പോയ കാര്യം എന്തായി സംഭവം വർക്ക്‌ ഔട്ട്‌ ആയോ.....?

അവൻ ആകാംഷയോടെ ചോദിച്ചു....

"""എവിടുന്ന് അയാൾ അമ്പിനും വില്ലിനും അടുക്കുന്ന ലക്ഷണം ഇല്ല....

'""ഓ നിന്നോട് ഞാൻ പറഞ്ഞതല്ലേ സെന്റി വാരി വിതറാൻ എങ്കിലേ അവൻ വീഴൂ....

"""ഞാൻ നോക്കിയെട.... പക്ഷേ ഏറ്റില്ല..

അയാളുടെ ചില ചോദ്യങ്ങൾ കേട്ടെനിക്ക് ഉത്തരം മുട്ടിപ്പോയി.....

ഇനി അയാളെ വീഴ്ത്താൻ പറ്റുമെന്നു എനിക്ക് തോന്നുന്നില്ല....

"""എന്ന് പറഞ്ഞാൽ എങ്ങനെ ആണ് നമുക്ക് കാശിന് ആവശ്യമുണ്ട്....

"""ഞാൻ പിന്നെ എന്ത്‌ ചെയ്യാൻ ആണ്....

ഇനി ഒരു അടവും അയാളുടെ അടുത്ത് ചിലവാകില്ല....

അന്ന് മൊത്തത്തിൽ വാങ്ങി എടുത്തിട്ട് ഡിവോഴ്സ് ചെയ്താൽ മതി ആയിരുന്നു....

അപ്പോൾ നിന്റെ ഒടുക്കത്തെ ഒരു ധിറുതി 

കാരണം ആണ് എല്ലാം പൊളിഞ്ഞത്....

"""അത് പിന്നെ അന്ന് അങ്ങനെ പറ്റിപ്പോയി....

നീ ഒന്നൂടി ശ്രമിച്ചു നോക്കെടി ചിലപ്പോൾ വീണാലോ....?

"""എനിക്കെന്തോ അങ്ങനെ വീഴുമെന്ന് തോന്നുന്നില്ല.....

"""നിനക്ക് അത്ര ഉറപ്പാണെങ്കിൽ നമുക്ക് അടുത്ത ആളെ നോക്കാം....

"""ഇനിയും വേറെ ആളോ....

ഒന്ന് പോടാ അവിടുന്നു എനിക്ക് മടുത്തു എന്നെക്കൊണ്ട് പറ്റില്ല.....

ഉള്ളത് കൊണ്ട് ജീവിക്കാം......

""""അങ്ങനെ പറഞ്ഞാൽ എങ്ങനെ ആണ്....

ഇത് എനിക്ക് വേണ്ടി മാത്രം അല്ലല്ലോ നിനക്കും കൂടെ വേണ്ടിയിട്ട് അല്ലേ....

എന്നും പറഞ്ഞു അവൻ അശ്വതിയെ ചേർത്തു പിടിച്ചു നെറുകിൽ ഉമ്മ വെച്ചു......

"""ഈ ഒരൊറ്റ തവണ കൂടെ മതി....

നമുക്ക് ലൈഫ് ലോങ്ങ്‌ സെറ്റിൽ ആവാനുള്ളത് ഒപ്പിക്കാം.....

അതിന് പറ്റിയ ഇരയെ ഞാൻ കണ്ടുപിടിച്ചു വരാം എന്നും പറഞ്ഞു അനന്തു പോയി....

പുതിയ ഇരക്കായി വല വിരിക്കാൻ അവളും തയ്യാറായി.....

---------------------------------------------------------

വൈകുന്നേരം കുളിച്ചൊരുങ്ങി ശിവ പുറത്തേക്ക് പോവാനായി ഇറങ്ങി.....

"""അളിയാ നീ ഇതെങ്ങോട്ടാണ്....?

"""ഞാൻ വെറുതെ പുറത്തേക്ക് ഇറങ്ങിയത് ആണ്....

സ്വബോധത്തോടെ ഈ നാടൊക്കെ ഒന്ന് കാണാമെന്നു വിചാരിച്ചു....

"""ഹഹഹ അതെന്തായാലും നന്നായി....

 ശെരി എന്നാൽ അളിയൻ പോയിട്ട് വാ....

"""നീ വരുന്നോ..?

""ഹേയ് ഞാനില്ല കുറച്ചു ഓൺലൈൻ വർക്ക്‌ ഉണ്ട്......

"""ഹാ എന്നാൽ പിന്നെ ഞാൻ പോയി വരാം എന്നും പറഞ്ഞു ശിവ ഇറങ്ങി.....

സൂര്യൻ പടിഞ്ഞാറ് അസ്തമയിച്ചു തുടങ്ങി.....

നാണത്താൽ കവിളത്തു കുങ്കുമ ചുവപ്പണിഞ്ഞ പെണ്ണിനെ പോലെ ആകാശമാകെ ചുവപ്പ് രാശി പടർത്തി നിൽക്കുകയാണ്....

പക്ഷികൾ കൂടാണയാനായി ചിറകടിച്ചു പറന്നു പോവുന്നു.....

സ്വർണ്ണ ശോഭ പടർത്തുന്ന ഇളവെയിൽ നെൽപാടത്തിന് കൂടുതൽ മിഴിവേകി....

വീശിയടിക്കുന്ന കാറ്റിൽ കർപ്പൂര ഗന്ധം നിറഞ്ഞു നിൽക്കുന്നു....

മനോഹരമായ സായാഹ്ന കാഴ്ചകളും കണ്ടു കൊണ്ട് ശിവ പതിയെ നടന്നു ....

"""ഹലോ മാഷേ ഒന്ന് നിൽക്കണേ ഞാനും കൂടെ വരുന്നു....

എന്നും പറഞ്ഞു പിന്നിൽ നിന്നുള്ള വിളി കേട്ടവൻ തിരിഞ്ഞു നോക്കി....

ധ്വനി ആയിരുന്നു....

""""മാഷ്  ഇത് എങ്ങോട്ടാണ്....?

"""ഞാൻ വെറുതെ നടക്കാൻ ഇറങ്ങിയത് ആണ്....

നീ ഇതെങ്ങോട്ടാണ്....?

""" ഞാൻ അമ്പലത്തിലേക്ക് ആണ്.... ദീപാരാധന തൊഴാൻ....

മാഷ് പോരുന്നോ തൊഴുതു വരാം...

""മ്മം എന്നാൽ ഞാനും വരാം....

ഒരുപാട് കാലമായി ദീപാരാധന തൊഴുതിട്ട്....

"""എന്നാൽ പോര് മാഷേ.....

ദേവിയുടെ മുന്നിൽ എല്ലാ സങ്കടങ്ങളും മനസ്സ് തുറന്നു പറഞ്ഞാൽ ആശ്വാസം കിട്ടും.....

"""മ്മ്മം....

നിങ്ങളുടെ നാട് കാണാൻ എന്തൊരു ഭംഗിയാണ്......

കാവും കുളവും പുഴകളും വയലുകളും കൊണ്ട് മനോഹരമായ കൊച്ചു ഗ്രാമം....

അന്തി ചുവപ്പ് അണിഞ്ഞു നിൽക്കുന്നത് കാണാൻ തന്നെ എന്താ ഭംഗി....

"""ആഹാ മാഷിന് ഞങ്ങളുടെ നാട് അത്ര ഇഷ്ടമായോ എങ്കിൽ ഇവിടെ തന്നെ അങ്ങ് കൂടിക്കോ....

ചെറു പുഞ്ചിരിയോടെ അവൾ പറഞ്ഞു....

""മ്മ്മ്മം ഞാനും അതാണ് ആലോചിക്കുന്നത് ഇവിടെ അങ്ങ് കൂടിയാലോ എന്ന്....

ശാന്ത സുന്ദരമായ സ്ഥലം..

നല്ല ആളുകൾ..

പിന്നെ പോരാത്തതിന് എഴുതാൻ ഒക്കെ പറ്റിയ അന്തരീക്ഷവും ....

"""എഴുതാൻ മാത്രം അല്ല വേണമെങ്കിൽ കുടിക്കാനും അല്ലേ മാഷേ....

അതും പറഞ്ഞവൾ ചിരിച്ചു..

അത് കേട്ട് അവന്റെ മുഖത്തും ചിരി വിരിഞ്ഞു....

ഓരോന്ന് പറഞ്ഞു നടന്നവർ അമ്പലത്തിൽ എത്തി....

ഒരുമിച്ചു അമ്പലത്തിലേക്ക് കേറിയവർ നടന്നു ശ്രീകോവിലിനു മുന്നിൽ ചെന്ന് നിന്ന് തൊഴുതു പ്രാത്ഥിച്ചു കൊണ്ടിരുന്നു......

അൽപ്പം സമയം കഴിഞ്ഞതും ശിവ മെല്ലെ കണ്ണ് തുറന്നു അവളെ പാളി നോക്കി....

ധ്വനി കണ്ണടച്ച് പിടിച്ചു പ്രാത്ഥനയിൽ തന്നെ ആണ്.....

ചെറു പുഞ്ചിരിയോടെ അവളെ നോക്കി കൊണ്ടവൻ പുറത്തേക്ക് ഇറങ്ങി ദീപപ്രഭയിൽ മുങ്ങി നിൽക്കുന്ന കൽ മണ്ഡപത്തിന് മുന്നിൽ എത്തി.....

അവിടെ നിന്ന് കൊണ്ടവൻ ക്ഷേത്രത്തെ അടിമുടി നോക്കി......

ദീപ പ്രഭയിൽ മുങ്ങി കുളിച്ചു നിൽക്കുന്ന ക്ഷേത്രത്തിന്റെ ഭംഗി അവൻ ആസ്വദിച്ചു കൊണ്ടിരുന്നു.....

"""ആഹാ മാഷ് ഇവിടെ നിൽപ്പുണ്ടായിരുന്നോ.....?

ഞാൻ ഓർത്തു പോയി കാണുമെന്നു..

"""ഹേ ഞാൻ ഈ ക്ഷേത്രത്തിന്റെ ഭംഗി ആസ്വദിച്ചു നിൽക്കുവായിരുന്നു....

"""ആഹാ എന്നിട്ട് കവി ഭാവന ഉണർന്നോ....

കുസൃതി ചിരിയോടെ അവൾ ചോദിച്ചു......

മറുപടി എന്നോണം കുസൃതി നിറഞ്ഞൊരു നോട്ടം അവനവൾക്ക് സമ്മാനിച്ചു.....

അവരുടെ മിഴികൾ തമ്മിൽ ഇടഞ്ഞു .....

അവ എന്തോ മൊഴിഞ്ഞു കൊണ്ടിരുന്നു ....

 ഇളം കാറ്റിൽ അവളുടെ മുടിയിഴകൾ പാറി പറന്നു....

അവളുടെ മൂക്കിൻ തുമ്പിലെ കുഞ്ഞു നക്ഷത്രം ദീപങ്ങളുടെ വെളിച്ചത്തിൽ തട്ടി പത്തരമാറ്റേകി തിളങ്ങി നിന്നു ....

അത് കണ്ടാവണം ഇളം കാറ്റ് വന്നു  ദീപങ്ങളോട് എന്തോ സ്വകാര്യം പറഞ്ഞു കൊണ്ടിരുന്നു.....

കർപ്പൂര ഗന്ധം പേറുന്ന ആ കാറ്റിൽ പ്രണയവും കലർന്നിരുന്നോ....?

കണ്ണിമ ചിമ്മാതെ അവർ സ്വയം മറന്നെന്നോണം നോക്കി നിൽക്കുകയാണ്.....

ഇരുവരുടെയും ചുണ്ടുകളിൽ പുഞ്ചിരി വിരിഞ്ഞു......

പെട്ടെന്ന് ആണ്  ""ധ്വനി "" എന്നൊരു വിളി കേട്ടു അവൾ ഞെട്ടലോടെ തിരിഞ്ഞു നോക്കിയത്......

"" രാഹുൽ...."

അവളുടെ ചുണ്ടുകൾ പതിയെ ആ പേര് മന്ത്രിച്ചു.....

പുഞ്ചിരിയോടെ അവനവളെ നോക്കി.....

#രണ്ടാംതാലി (15)

രാഹുലിനെ കണ്ടു ധ്വനിയാകെ അമ്പരന്ന് നിൽക്കുകയാണ്.....

"""എന്താ ധ്വനി ഇങ്ങനെ അമ്പരന്ന് നോക്കുന്നത്....?

എന്നെ ഇവിടെ തീരെ പ്രതീക്ഷിച്ചു കാണില്ല അല്ലേ.....?

""ഇല്ല ഡോക്ടർ എന്താ ഇവിടെ.....?

""ഹഹഹ നല്ല ചോദ്യം അമ്പലത്തിൽ എന്തിനാ എല്ലാവരും വരുക....

അതിന് തന്നെയാണ് ഞാനും വന്നത്.....

"""ശെരിയെന്നാൽ ഡോക്ടർ പോയി പ്രാത്ഥിക്കാൻ നോക്ക് ഞാൻ പോവുന്നു....

"""ഹാ അങ്ങനെ പോവല്ലേടോ..

ഞാൻ തന്നെ കാണാൻ വേണ്ടി കൂടെ വന്നതാണ്....

"""എന്നെ കാണാനോ എന്തിന്....?

""അതുപിന്നെ ധ്വനി എനിക്കൊരു കാര്യം പറയാൻ ഉണ്ട്....

ബുദ്ധിമുട്ട് ഇല്ലെങ്കിൽ നമുക്ക് കുറച്ചു അങ്ങ് മാറി നിന്നു സംസാരിക്കാം.....

ഒരഞ്ചു മിനിറ്റ് മതി.....

പ്ലീസ്....

"""മ്മ്മം ശെരി.. നടക്ക്.....

മാഷേ പോവല്ലേ ഞാൻ ഇപ്പോൾ വരാം എന്നവൾ ശിവയോട് പറഞ്ഞിട്ട് നടന്നു.....

എല്ലാം കണ്ടു ഒന്നും മനസ്സിലാവാതെ നിൽക്കുകയാണ് ശിവ......

"""ആരാ ധ്വനി അത്....?

ശിവയെ നോക്കി കൊണ്ട് രാഹുൽ ചോദിച്ചു....

"""അത് ആരെങ്കിലും ആയിക്കോട്ടെ ഡോക്ടർ വന്ന കാര്യം പറ.....

"""അതുപിന്നെ ധ്വനി ഉള്ള കാര്യം തുറന്നു പറയാം.....

എനിക്ക് ധ്വനിയെ ഇഷ്ടമാണ്....

അന്ന് അവന്റെ ഓഫീസിൽ വെച്ച് ആദ്യമായി കണ്ടപ്പോൾ മുതൽ ഇഷ്ടം തോന്നിയിരുന്നു.....

അത് പറയാൻ ഇരുന്നത് ആണ് 

പക്ഷേ അതിനോട് ഇടക്ക് നിങ്ങൾ തമ്മിൽ അങ്ങനൊക്ക നടന്നു....

പിന്നെ തന്നെ വന്നു ഫേസ് ചെയ്യാൻ മടി ആയിരുന്നു....

പക്ഷേ വളരെ അപ്രതീക്ഷിതമായി അന്ന് തന്നെ ഹോസ്പിറ്റലിൽ വെച്ച് കണ്ടപ്പോൾ വല്ലാത്ത സന്തോഷം തോന്നി....

ശ്യാമിന്റെ ഫ്രണ്ട് ആയതിന്റെ പേരിൽ താൻ എന്നെ തെറ്റിദ്ധരിക്കരുത്....

സത്യമായും എനിക്ക് തന്നെ ഇഷ്ടമാണ് ....

ഞാൻ എന്റെ അമ്മയെയും കൂട്ടി വീട്ടിലോട്ട് വന്നോട്ടെ....

 """എന്റെ പൊന്നു ഡോക്ടറേ എനിക്ക് അറിയാൻ വയ്യാഞ്ഞിട്ട് ചോദിക്കുവാ  നിങ്ങൾക്ക് ഹോസ്പിറ്റലിൽ ജോലി ഒന്നുമില്ലേ....

ഇങ്ങനെ എന്റെ പിന്നാലെ നടന്നു വെറുതെ സമയം കളയണ്ട....

 ഡോക്ടറുടെ ഒരു ഉദ്ദേശവും എന്റെ അടുക്കൽ നടക്കില്ല.....

"""അയ്യോ ധ്വനി ദുരുദ്ദേശം ഒന്നും എനിക്കില്ല....

എനിക്ക് ശെരിക്കും തന്നെ ഇഷ്ടമാണ്.....

"""മ്മ്മം ഡോക്ടറെ ആ ഹോസ്പിറ്റലിൽ ഞരമ്പ് ചികിത്സ ചെയ്യുന്ന ആരെങ്കിലും ഉണ്ടെങ്കിൽ ഒന്ന് കാണിച്ചോളു....

ഡോക്ടർക്ക് ഇപ്പോൾ അത് അത്യാവശ്യം ആണ്....

ധ്വനിയുടെ പരിഹാസം നിറഞ്ഞ മറുപടി കേട്ടു രാഹുലിന്റെ മുഖം വാടി......

"""ധ്വനി ഇയാൾക്കെന്നെ വിശ്വാസം ആയില്ല എന്നെനിക്ക് മനസ്സിലായി....

സാരമില്ല എനിക്ക് മനസ്സിലാവും എന്ത്‌ കൊണ്ടാണെന്നു.....

"""മനസ്സിലായല്ലോ എങ്കിൽ ഡോക്ടർ ചെല്ലാൻ നോക്ക് നേരം വൈകി ഞാൻ പോണ് എന്നും പറഞ്ഞു ധ്വനി ശിവക്ക് അരുകിലേക്ക് നടന്നു.....

"""മാഷേ വാ പോവാം....

"""ആരാടോ അത്....?

"""അത് ഡോക്ടർ ആണ് പേര് രാഹുൽ....

ഡോക്ടർക്ക് എന്നെ കണ്ടപ്പോൾ മുതൽ ഞരമ്പിന് എന്തോ തകരാർ പറ്റി.....

മിക്കവാറും എന്റെ കൈയുടെ ചൂടറിയുമ്പോൾ ശെരി ആയിക്കോളും....

"""ഡോക്ടറോ.... ആള് കാണാനും കൊള്ളാമല്ലോ..

നല്ല ആളാണെങ്കിൽ നോക്കടോ നമുക്ക് കല്യാണം അങ്ങ് നടത്തിയേക്കാം.....

"""ഒന്ന് നടന്നതിന്റെ ഞാൻ അനുഭവിച്ചു കൊണ്ടിരിക്കുവാണ്.... ഇനി വയ്യ....

പിന്നെ ആ ഡോക്ടർ ശ്യാമിന്റെ ഫ്രണ്ട് കൂടെ ആണ്....

""ഏത്..മറ്റേ ആ ശ്യാമിന്റെയോ......

"""മ്മം അവന്റെ തന്നെ....

"""അത് കൊള്ളാമല്ലോ.. ഇനി ഇതും മറ്റവന്റെ പ്ലാൻ ആയിരിക്കുമോ....?

""അറിയില്ല മാഷേ.. എന്തായാലും ഇനി എനിക്ക് അബദ്ധം പറ്റില്ല....

അല്ല മാഷിന് എന്താ എന്നെ കെട്ടിച്ചു വിടാൻ ഇത്ര താല്പര്യം......?

""""എന്റെ പൊന്നോ നല്ല ആലോചന ആവുമെന്ന് കരുതി പറഞ്ഞു പോയതാണ് അല്ലാതെ ഒന്നുമില്ല..

"""ഉവ്വ വാ വേഗം നടക്ക്..

ഇനി താമസിച്ചാൽ മുത്തശ്ശി വഴക്ക് പറയും എന്നും പറഞ്ഞു അവൾ നടന്നു..

കൂടെ ശിവയും......

---------------------------------------------------------

രണ്ടു പേരും ചിരിച്ചു കളിച്ചു വർത്തമാനം പറഞ്ഞു വരുന്നത് കണ്ടു  ഉണ്ണി ഉമ്മറത്തു അമ്പരന്നു നിന്നു.....

""ഈശ്വരാ കീരിയും പാമ്പും ഒന്നായോ....

ഇത് അത് തന്നെ....

ഉണ്ണി നിന്ന് പിറു പിറുത്തു......

ധ്വനിയോട് ബൈ പറഞ്ഞു ശിവ വാഴൂർ തറവാട്ടിലേക്ക് നടന്നു ചെന്നു ....

"""അളിയോ എന്താ ഒരു ചിരിയും കളിയുമൊക്കെ....

"""ചിരിയും കളിയുമോ.. ആര്..?

"""അയ്യോടാ ഒന്നും അറിയാത്ത വാവ.....

നീയും ധ്വനിയും തമ്മിൽ ചിരിച്ചു കളിച്ചു വരുന്നത് കണ്ടല്ലോ.....

"""ഓ അതോ ഞങ്ങൾ വെറുതെ ഓരോ തമാശ പറഞ്ഞു വന്നതാണ്.....

"""ഓഹോ എങ്കിൽ ആ തമാശ എന്നോടും കൂടെ പറ ഞാനും ചിരിക്കട്ടെ....

""ഒന്ന് പോയെടാ അവിടുന്ന്.... എനിക്ക് വേറെ പണിയുണ്ട്....

എന്നും പറഞ്ഞു ശിവ അകത്തേക്ക് കേറി പോയി....

""ആ പൊക്കോ പൊക്കോ രണ്ടിന്റെയും ഒളിച്ചു കളി ഞാൻ കൈയോടെ പൊക്കുന്നുണ്ട്.....

ഉണ്ണി അകത്തേക്ക് നോക്കി നീട്ടി വിളിച്ചു പറഞ്ഞു....

ഉണ്ണി നേരെ ഫോൺ എടുത്തു ദേവികയെ വിളിച്ചു.....

"""ഹലോ.. ദേവൂ ഡി ഞാൻ നിന്നോട് പറഞ്ഞിരുന്നില്ലേ കീരിയും പാമ്പും തമ്മിൽ ലവ് ആയോന്ന് സംശയം ഉണ്ടെന്ന്.....

ഇപ്പോൾ അത് ഏകദേശം ഉറപ്പായി.....

""കീരിയും പാമ്പുമോ.. ഏത് കീരിയും പാമ്പും.....?

""നിന്റെ കുഞ്ഞമ്മയും മാപ്പിളയും അല്ല പിന്നെ ....

ഡി മരപോത്തേ നമ്മുടെ ധ്വനിയും ശിവയും തമ്മിൽ എന്തോ ഉണ്ടെന്നൊരു സംശയം......

ഇന്നും രണ്ടും ചിരിച്ചു കളിച്ചു വരുന്നത് കണ്ടു...

"""അതിനിപ്പോൾ എന്താ അവർക്ക് ചിരിച്ചു കൂടെ....

""കോപ്പ് ഈ പൊട്ടിയോട് പറഞ്ഞ എന്നെ പറഞ്ഞാൽ മതിയല്ലോ.....

ഡി കോപ്പേ രണ്ട് പേരും തമ്മിൽ എപ്പോൾ കണ്ടാലും വഴക്ക് അല്ലായിരുന്നോ....

ഇപ്പോൾ അതൊക്ക മാറി.....

""അത് നല്ല കാര്യം അല്ലെ...

""അതേ നീ ഫോൺ വെച്ചോ നിന്നോട് വിളിച്ചു പറയാൻ പോയ എന്നെ പറഞ്ഞാൽ മതി എന്നും പറഞ്ഞു ഉണ്ണി കോൾ കട്ട്‌ ആക്കി.....

------------------------------------------

"""ഈ താമര പൂക്കൾക്ക് എന്ത്‌ ഭംഗിയാ അല്ലേ മാഷേ....

അമ്പലത്തിന് അടുത്തുള്ള കുളത്തിന്റെ കൽപടവിൽ ഇരുന്നു കൊണ്ട് ധ്വനി അരികിൽ ഇരിക്കുന്ന ശിവയോടായി പറഞ്ഞു....

"""ശെരിയാണ്.. അവളുടെ കാമുകനെ കണ്ട നാണത്താൽ ചുവന്നു പൂത്തത് ആവും....

"""ഹഹഹ താമരയുടെ കാമുകനോ അതാരാണ്..?

ചിരിയോടെ അവൾ ചോദിച്ചു....

"""സൂര്യൻ.... അവന്റെ കിരണങ്ങളുടെ തലോടൽ ഏറ്റാണ് അവൾ ഇങ്ങനെ ചുവന്നത്....

"""ഓ സാഹിത്യം..

"""മ്മ്മം.. ചെറു ചിരിയോടെ അവൻ ഇരുത്തി മൂളി....

അവളപ്പോൾ തന്റെ കാലുകൾ വെള്ളത്തിലേക്ക് നീട്ടി വെച്ചു കൊടുത്തു....

കുളത്തിലെ കുഞ്ഞു മീനുകൾ ഓടി വന്നു അവളുടെ കാലിൽ കൊത്തി തുടങ്ങി.....

കുസൃതിയോടെ അവൾ അത് കണ്ട് പുഞ്ചിരിച്ചു.....

എല്ലാം കണ്ടു ശിവ അവളുടെ മുഖത്തേക്ക് തന്നെ നോക്കി ഇരുന്നു....

അവളുടെ മുഖത്ത് മിന്നി മറയുന്ന കുസൃതിയുടെ ഭാവങ്ങൾ ചെറു

പുഞ്ചിരിയോടെ അവൻ കണ്ണിമ ചിമ്മാതെ നോക്കി ഇരുന്നു.....

പെട്ടെന്നാണ് ധ്വനി ശിവയുടെ മുഖത്തേക്ക് പാളി നോക്കിയത്....

"""എന്താ മാഷേ ഇങ്ങനെ നോക്കുന്നത്....

കൗതുകത്തോടെ അവൾ ചോദിച്ചു.....

"""ഹേയ് ഒന്നുമില്ല.... നിന്റെ കവിളുകളിലും താമരയുടെ ചുവപ്പ് പടരുന്നുണ്ടോ എന്നൊരു സംശയം....

"""അതിന് എനിക്ക് കാമുകൻ ഇല്ലല്ലോ മാഷേ....

കുസൃതി ചിരിയോടെ അവൾ പറഞ്ഞു..

അതിന് മറുപടി എന്നോണം നേർത്ത പുഞ്ചിരി അവൾക്ക് സമ്മാനിച്ചു കൊണ്ടവൻ അവളുടെ മിഴികളിലേക്ക് നോക്കി....

കരിമഷി എഴുതിയ അവളുടെ കണ്ണുകളിൽ എവിടെയോ പ്രണയം അലതല്ലുന്നതായി അവന് തോന്നി....

അവരുടെ മിഴികൾ തമ്മിൽ ഇടഞ്ഞു....

ചെമ്പക വാസനയോടെ ഇളം കാറ്റ് അവരെ തഴുകി കടന്നു പോയി.....

അവന്റെ രണ്ടു കൈകളും അവളുടെ കവിളത്തു വെച്ചു കൊണ്ട് മെല്ലെ അവനവളുടെ നെറുകിൽ ചുംബിച്ചു....

പെട്ടെന്ന് ഒരു ഞെട്ടലോടെ ധ്വനി ചാടി എഴുന്നേറ്റു ചുറ്റും നോക്കി.....

നേരം പരപരാന്ന് വെളുത്തു തുടങ്ങുന്നതേ ഒള്ളൂ....

താൻ കണ്ടത് സ്വപ്നം ആയിരുന്നല്ലേ....

ശ്ശെ എന്നാലും എന്തായിപ്പോ ഇങ്ങനൊക്കെ കണ്ടത്......

അവൾക്കുള്ളിൽ നാണം തോന്നി....

എന്നാലും മാഷും ഞാനും ....

ധ്വനി അറിയാതെ അവളുടെ ഉള്ളിൽ ശിവയോട് തോന്നിയ  ഇഷ്ടം പുറത്ത് വരാൻ തുടങ്ങുക ആയിരുന്നു.....

ശിവയുടെ അവസ്ഥയും മറിച്ചായിരുന്നില്ല.....

ദിവസങ്ങൾ കഴിയും തോറും ധ്വനിയുമായുള്ള സൗഹൃദം പ്രണയമായി അവന്റെ ഉള്ളിലും ചേക്കേറി തുടങ്ങിയിരുന്നു.....

പക്ഷേ ഇരുവരും അവരുടെ ഉള്ളിലെ പ്രണയത്തെ വാക്കുകൾ കൊണ്ട് പറയാതെ മനസ്സിന്റെ ഒരു കോണിൽ ഒളിപ്പിക്കാൻ ആണ് ശ്രമിച്ചത്.....

എങ്കിലും നോട്ടം കൊണ്ടും ഭാവം കൊണ്ടും പ്രണയം അവർ പരസ്പരം പങ്കുവെച്ചു.....

അവളുടെ കരിമഷി എഴുതിയ കണ്ണുകളിൽ ശിവയോടുള്ള പ്രണയം തുളുമ്പി നിന്നു.....

ശിവയാവട്ടെ തന്റെ ഡയറിയിൽ അക്ഷരങ്ങൾ കൊണ്ടൊരു പ്രണയകാവ്യം തന്നെ അവൾക്കായി തീർത്തു.....

പക്ഷേ ഒരിക്കൽ പ്രണയത്തിന്റെ കയ്പ്നീര് കുടിച്ചത് കൊണ്ടാവാം പരസ്പരം പ്രണയം തുറന്നു പറയാൻ അവർക്ക് കഴിഞ്ഞില്ല....

--------------------------------------------------------------

"""മുത്തശ്ശി ഞാൻ ജോലിക്ക് പൊക്കോട്ടെ എത്ര നാളെന്നു വെച്ചാണ് ഇങ്ങനെ കുത്തിപിടിച്ചു ഇവിടിങ്ങനെ ഇരിക്കുന്നത്.....

"""എന്തിനാ ഇപ്പോൾ ഒരു ജോലി നിനക്ക് ഇവിടുത്തെ പറമ്പിൽ നിന്നുമൊക്ക നമുക്ക് രണ്ടുപേർക്കും ജീവിക്കാനുള്ള വരുമാനം കിട്ടുന്നില്ലേ....

പോരാത്തതിന് നിന്റെ പേരിൽ നല്ലൊരു തുക ബാങ്കിലും ഉണ്ട്.....

പിന്നെ എന്തിനാ എന്റെ കുട്ടിക്ക് ഇപ്പോൾ ഒരു ജോലി.....

"""അതല്ല മുത്തശ്ശി ഇങ്ങനെ ഇവിടുത്തെ കാര്യം മാത്രം നോക്കി നടന്നു ബോറടിച്ചു.....

ഒരു ജോലിക്ക് പോയി തിരക്കൊക്കെ മനസ്സൊക്കെ ഒന്ന് ഫ്രഷ് ആവുമല്ലോ.....

"""വേണ്ട നീ ഇനി എവിടെയും പോവണ്ട....

എന്റെ കണ്ണടയും മുൻപ് നല്ലൊരുത്തന്റെ കൈയിൽ നിന്നെ ഏൽപ്പിക്കണം.....

അത് മാത്രമേ ഇപ്പോൾ ഈ വൃദ്ധയുടെ മനസ്സിൽ ഉള്ളൂ.....

അല്ലെങ്കിൽ എനിക്കെന്തെങ്കിലും സംഭവിച്ചാൽ എന്റെ കുട്ടി തനിച്ചായി പോവും....

അതും പറഞ്ഞു മുത്തശ്ശി വിതുമ്പി കരഞ്ഞു.....

"""അയ്യേ എന്തിനാ ഇപ്പോൾ എന്റെ കല്യാണി കുട്ടി കരയുന്നത്.....

ഞാൻ വെറുതെ പറഞ്ഞത് ആണ് ഞാൻ ഒരിടത്തും പോണില്ല പോരെ.....

എന്തായാലും എന്റെ മക്കളെയും അവരുടെ മക്കളെയും കാണാതെ ഈ കാണാതെ കല്യാണി കുട്ടിക്ക് ഒന്നും വരില്ല....

വരാൻ ഞാൻ സമ്മതിക്കില്ല....

എന്നും പറഞ്ഞു മുത്തശ്ശിയെ കെട്ടിപിടിക്കുമ്പോൾ അവളുടെ കണ്ണുകളും നിറഞ്ഞിരുന്നു......

---------------------------------------------------------

വൈകുന്നേരം ധ്വനി കടയിൽ പോയി തിരികെ വരും നേരം കാർ അവളുടെ അടുത്ത് കൊണ്ട് വന്നു നിർത്തി.....

അതിൽ നിന്നും ഇറങ്ങി വന്ന ആളെ കണ്ട് അവൾ ഞെട്ടി....

""ശ്യാം..""

""ഹാ ഞാൻ നിന്റെ തറവാട്ടിലേക്ക് വരാൻ ഇരുന്നത് ആണ്..

എന്തായാലും ഇവിടെ വെച്ച് കണ്ടത് നന്നായി....

"""നിനക്കെന്താടാ വേണ്ടത്....

ധ്വനി വാക്കുകളിൽ അവനോടുള്ള ദേഷ്യം മുഴുവൻ പ്രകടം ആയിരുന്നു.....

"""ഹഹഹ ഞാൻ പറഞ്ഞി രുന്നില്ലേ എനിക്ക് വേണ്ടത് നിന്നെയാണ്....

എന്തായാലും അന്നത്തെക്കാളും നീ സുന്ദരി ആയിട്ടുണ്ട്......

അവളെ നോക്കി ചിരിച്ചു കൊണ്ടവൻ പറഞ്ഞു....

ധ്വനി ദേഷ്യത്തിൽ അവനെ ഒന്ന് തറപ്പിച്ചു നോക്കിയിട്ട് പോവാൻ തുടങ്ങിയതും ശ്യാം അവളുടെ കൈയിൽ കേറി പിടിച്ചു....

""ഹാ അങ്ങനെ അങ്ങ് പോയാലോ നീ വാ കാറിൽ കേറ് ഞാൻ കൊണ്ട് പോയി വിടാം.....

"""കൈ എടുക്കെടാ ചെറ്റേ എന്നും പറഞ്ഞു അവൾ അവനെ അടിക്കാനായി വലതു കൈ ഓങ്ങിയതും ഇടം കൈകൊണ്ടു അവൻ തടുത്തു.....

"""അടങ്ങി നിക്കടി പെണ്ണേ..

എന്റെ കൈയിൽ നിന്ന് രക്ഷപ്പെടാം എന്ന് നീ വിചാരിക്കേണ്ട.....

ആഗ്രഹിച്ചത് ഞാനെന്നും സ്വന്തമാക്കിയിട്ടേ ഒള്ളൂ.....

നിനക്കത് നന്നായിട്ട് അറിയാമല്ലോ എന്നും പറഞ്ഞവൻ ചിരിച്ചു.....

പെട്ടെന്ന് ആയിരുന്നു അവന്റെ തോളത്തു ഒരു കൈ വന്നു പതിച്ചത്....

തിരിഞ്ഞവൻ നോക്കിയതും അവന്റെ കവിളത്തു കരണം പുകയുന്ന ഒരടി കിട്ടി.....

കണ്ണിൽ നിന്നു പൊന്നീച്ച പാറും പോലെ ശ്യാമിന് തോന്നി പോയി.....

വന്ന ആളെ കണ്ട്  ധ്വനിയുടെ ചുണ്ടിൽ പുഞ്ചിരി വിടർന്നു.....

""മാഷ്.."

അവളുടെ ചുണ്ടുകൾ ഉരുവിട്ടു....

"""ആരാടാ നീ..

ശ്യാം ശിവയുടെ നേരെ അലറി കൊണ്ട് ചോദിച്ചു....

ശിവയുടെ മുഖം ദേഷ്യം കൊണ്ട് നിറഞ്ഞിരുന്നു....

അവന്റെ കണ്ണുകളിൽ ദേഷ്യം അഗ്നിപോൽ ആളിപ്പടർന്നു.....

ശിവ ശ്യാമിന്റെ കഴുത്തിനു കുത്തിപിടിച്ചു വഴിയരികിലെ ഭിത്തിയോട് ചേർത്തു നിർത്തി....

ആ പിടിയിൽ ശ്വാസം കിട്ടാതെ ശ്യാം ഒന്ന് പിടഞ്ഞു.....

"""പുന്നാര മോനെ ഇനി ഇവളുടെ പിന്നാലെ എന്നല്ല ഇവളുടെ നിഴൽ വെട്ടത്തിൽ നിന്നെ കണ്ടാൽ പിന്നെ ഒരു സൂര്യോദയം നീ കാണില്ല....

ശിവയാണ് പറയുന്നത് ഓർത്തോ.....

അതും പറഞ്ഞു ശ്യാമിന്റെ കഴുത്തിലെ പിടി അവൻ അൽപ്പം അയച്ചു.....

ശ്യാം പെട്ടെന്ന് വെപ്രാളത്തോടെ  ശ്വാസം എടുക്കാൻ പ്രയാസപ്പെട്ടു നിന്നു .....

"""നിന്നെക്കുറിച്ചു അറിഞ്ഞ നാൾ മുതൽ നിന്നെ കൈയിൽ കിട്ടാൻ ഞാൻ നോക്കി ഇരിക്കുവായിരുന്നു......

ഇത് കൊണ്ട് ഒന്നും അവസാനിച്ചെന്ന് നീ കരുതേണ്ട ഇനിയും ഇതുപോലെ തരികിട നമ്പറും ആയെങ്ങാനും നീ വന്നാൽ....

ഞാൻ പറഞ്ഞത് മറക്കണ്ട....

അതുകൊണ്ട് പോവാൻ നോക്ക്....

അവൾക്കിപ്പോൾ ചോദിക്കാനും പറയാനും ആളുണ്ട്......

എന്നും പറഞ്ഞു ശ്യാമിനെ പിടിച്ചു കാറിന്റെ അടുത്തേക്ക് തള്ളി വിട്ടു.....

ശ്യാം ധ്വനിയെ ദേഷ്യത്തിൽ തറപ്പിച്ചു നോക്കി.....

ധ്വനിയുടെ മുഖത്ത് പരിഹാസം കലർന്നൊരു പുഞ്ചിരി വിരിഞ്ഞിരുന്നു.....

ദേഷ്യത്തിൽ അവളെ നോക്കി കൊണ്ട് കാറിന്റെ ഡോർ തുറന്നതും ശിവ അവനെ കേറി പിടിച്ചു വലിച്ചു നേരെ നിർത്തി.....

""നീ അങ്ങനങ്ങു പോയാലോ  എന്തോ ഒരു കുറവ് ഉണ്ട്.....?

ശിവ എന്താണ് ഉദ്ദേശിക്കുന്നത് എന്ന് മനസ്സിലാവാതെ ശ്യാം ഒന്ന് ഭയന്നു.....

""നീയെന്താടി വായി നോക്കി നിൽക്കുന്നത്.....

നമ്മുടെ ശ്യാമേട്ടന്റെ കവിളിന് ചുവപ്പ് അത്ര പോരാ.....

നീയാ കൈ നീട്ടി ഒരെണ്ണം കൊടുത്തേ....

ശിവ ധ്വനിയെ നോക്കി പറഞ്ഞു....

അത് കേട്ടിട്ടും ധ്വനി മടിച്ചു മടിച്ചു നിന്നു....

""ഡി നിന്നോടല്ലേ പറഞ്ഞത് ഇവന്റെ മോന്ത നോക്കി ഒരെണ്ണം കൊടുക്കാൻ....

എന്നുള്ള ശിവയുടെ ഗാഭീര്യം നിറഞ്ഞ വാക്കുകൾ ഉയർന്നതും ധ്വനിയൊന്ന് ഞെട്ടി....

അവൾ ഇതുവരെ കാണാത്ത ശിവയുടെ മുഖഭാവം ആയിരുന്നു അപ്പോൾ അവിടെ അവൾ കണ്ടത്.....

ശിവ ധ്വനിയെ രൂക്ഷ ഭാവത്തിൽ തന്നെ നോക്കി നിന്നു

"ഡി "

എന്നൊരു വിളി കൂടെ വിളിച്ചതോടെ 

പെട്ടെന്ന് എവിടെ നിന്നോ കിട്ടിയ ധൈര്യത്തിൽ അവൾ ചെന്നു ശ്യാമിന്റെ കവിൾ നോക്കി ഒരെണ്ണം കൊടുത്തു.....

"""അടി പോരാ കവിൾ ചുവന്നില്ല ഒന്നൂടി കൊടുക്കെടി.....

ശിവ പറഞ്ഞു തീർന്നതും ധ്വനിയുടെ അടുത്ത അടിയും ശ്യാമിന്റെ കവിളത്തു പതിഞ്ഞിരുന്നു.....

"""ദേ ഇപ്പോൾ ആ കുറവ് അങ്ങ് മാറി.....

ഇനി ചേട്ടൻ വണ്ടി വിട്ടോ എന്നും പറഞ്ഞു ശ്യാമിനെ തള്ളി കാറിനുള്ളിലേക്ക് കേറ്റിയിട്ട് ശിവ ഡോർ അടച്ചു.....

ശ്യാമിന്റെ കണ്ണുകൾ ദേഷ്യം കൊണ്ടു ചുവന്നിരുന്നു....

ധ്വനി പരിഹാസ ചിരിയോടെ അവനെ നോക്കി നിന്നു....

"""എന്നാ പിന്നെ നമുക്ക് പോയേക്കാം എന്നും പറഞ്ഞു ശിവ മുന്നോട്ട് നടന്നു....

ഒരു കൊമ്പന്റെ തലയെടുപ്പോടെ നെഞ്ച് വിരിച്ചു നടക്കുന്ന ശിവയുടെ ഓരം പറ്റി ധ്വനിയും നടന്നു.....

ആ നിമിഷം അവളുടെ സന്തോഷത്തിന് അതിരുകൾ ഇല്ലായിരുന്നു.....

 അവളുടെ ഉള്ളിൽ സന്തോഷം നിറയുമ്പോൾ മറ്റൊരാളുടെ മനസ്സിൽ പക എരിയുകയായിരുന്നു......

 ഇതിനുള്ള പണി ഞാൻ രണ്ടിനും തരുന്നുണ്ട് എന്ന് അവരെ നോക്കി കവിൾ തടവി പറഞ്ഞ ശേഷം  ശ്യാം വണ്ടി സ്റ്റാർട്ട്‌ ചെയ്തു പോയി......

#രണ്ടാംതാലി (16)

ശിവക്കൊപ്പം നടക്കുമ്പോൾ അവൾക്ക് എന്തെന്നില്ലാത്ത അഹങ്കാരം തോന്നി.....

ആണൊരുത്തന്റെ ചിറകിൽ അഭയം കിട്ടിയ സുഖം ആ മനസ്സിൽ നിറഞ്ഞു....

തറവാട് എത്തും വരെ പരസ്പരം അവരൊന്നും മിണ്ടിയില്ല....

മൗനം അവർക്കിടയിൽ കൂടു കൂട്ടി....

പക്ഷേ ഇടക്കിടെ അവരുടെ മിഴികൾ തമ്മിൽ ഇടഞ്ഞു.....

മനസ്സിൽ ഒളിപ്പിച്ച പ്രണയം അവരുടെ കണ്ണുകളിൽ നിന്ന് വായിച്ചെടുക്കാ മായിരുന്നു......

തറവാട് എത്തിയതും ശിവക്ക് ഒരു പുഞ്ചിരി സമ്മാനിച്ചവൾ കേറി പോയി....

അവളുടെ ആ പുഞ്ചിരിയും നോട്ടവും അവന്റെ ഉള്ളിലും പ്രണയത്തിന്റെ ലഹരി പടർത്തി....

ചെറു ചിരിയോടെ ശിവ വാഴൂർ തറവാട്ടിൽ ചെന്ന് കേറുമ്പോൾ ഉണ്ണി പാട്ടും കേട്ട് ഉമ്മറത്തു ഇരിപ്പുണ്ടായിരുന്നു.....

"""ഇപ്പോൾ വരാമെന്ന് പറഞ്ഞു പോയിട്ട് നീ എന്താ അളിയാ താമസിച്ചത്.....

""അതുപിന്നെ വരുന്ന വഴിക്ക് ചെറിയൊരു പ്രശ്നം ഉണ്ടായി അതാണ് താമസിച്ചത്....

""പ്രശ്നമോ എന്ത്‌ പ്രശ്നം....?

ഉണ്ണി പാട്ട് നിർത്തി കൊണ്ട് ചോദിച്ചു....

""അതുപിന്നെ ആ ശ്യാമില്ലേ അവൻ വഴിയിൽ വെച്ച് ധ്വനിയുടെ കൈക്ക് പിടിച്ചു ഉപദ്രവിക്കാൻ നോക്കി....

അത് കേട്ടതും ഉണ്ണി ചാടി എഴുന്നേറ്റു.....

""എന്നിട്ട്....?

"""എന്നിട്ടെന്താ അവന്റെ ചെവിക്കല്ല് നോക്കി ഒരെണ്ണം ഞാൻ കൊടുത്തു....

പിന്നെ ധ്വനിയെ കൊണ്ടും രണ്ടെണ്ണം കൊടുപ്പിച്ചു ഒരു വാണിംഗും കൊടുത്തു ഞങ്ങൾ ഇങ്ങ് പോന്നു....

"""ശ്ശെ കഷ്ടം ആയി പോയി.... നിനക്കവന്റെ കൈയും കാലും കൂടെ തല്ലി ഒടിച്ചു കൂടായിരുന്നോ....?

"""അതിന് ഇനിയും സമയം ഉണ്ടല്ലോ....

അവൻ ഇനി വന്നാൽ പിന്നവൻ രണ്ടു കാലിൽ നടക്കില്ല.....

"""ശ്ശെ എന്നാലും ആ സമയത്ത് ഞാൻ അവിടെ ഉണ്ടായിരുന്നെങ്കിൽ.....

""വിട്ട് കളയെടാ ഇനി അവൻ വന്നാൽ അല്ലേ നമുക്ക് അപ്പോൾ നോക്കാം......

എന്തായാലും ഇനി അവൻ നമ്മുടെ ധ്വനിയുടെ പിന്നാലെ വരുമെന്ന് തോന്നുന്നില്ല....

""എന്താ പറഞ്ഞത് നമ്മുടെ ധ്വനിയോ....

ഉണ്ണി ചെറു ചിരിയോടെ ചോദിച്ചു....

"""അങ്ങനെ അല്ല ധ്വനിയുടെ പിന്നാലെ എന്നാണ് ഞാൻ ഉദ്ദേശിച്ചത്.....

ചമ്മിയ ചിരിയോടെ ശിവ അവനെ നോക്കി പറഞ്ഞു....

"""അളിയോ എന്താ ഉദ്ദേശം പ്രണയത്തിന്റെ ഒരു സ്മെൽ അടിക്കുന്നുണ്ട്.....

""പ്രണയം മണ്ണാങ്കട്ട ഒന്ന് പോടാ അവിടുന്ന്.....

എന്നും പറഞ്ഞു ശിവ പോവാൻ തുടങ്ങി .....

"""നിന്നെ മൗനം കൊണ്ട് ഞാൻ ഇന്ന് പ്രണയിക്കുകയാണ് ..

പക്ഷേ ഇനിയും എന്നിലെ പ്രണയത്തെ മൂടിവെക്കാൻ എനിക്കാവുകയില്ല ....

ഞാൻ കുറിച്ച പ്രണയാക്ഷരങ്ങളിൽ നിറഞ്ഞു നിന്ന നിന്നെയെന്തെ നീ തിരിച്ചറിഞ്ഞില്ല.....

ഇലത്തുമ്പിൽ ഊറുന്ന മഞ്ഞുതുള്ളി പോലെ നിന്നെ കുളിരണിയിക്കുന്ന പ്രണയമാവാൻ ഞാനെത്ര കൊതിച്ചിരുന്നെന്നോ .....

കൈയിലെ ഇല കീറിൽ നിന്നും എന്റെ നെറ്റിത്തടത്തിൽ നീ ചന്ദനം തൊടുവിക്കുന്നത് എത്രയോ വട്ടം ഞാൻ സ്വപ്നം കണ്ടിരിക്കു ന്നെന്നോ ....

ആ കരിമഷി എഴുതിയ കണ്ണുകളുടെ നോട്ടം കിട്ടാൻ ഞാനെത്ര കൊതിച്ചിരുന്നെന്നോ....

നിന്റെ മൂക്കിൻ തുമ്പിലെ ആ ഒറ്റക്കൽ മൂക്കുത്തിയെ ചുംബനം കൊണ്ടു പൊതിയുവാൻ ഞാൻ എത്ര വട്ടം മോഹിച്ചെന്നോ.....

നിന്റെ കാൽ ചിലങ്കയുടെ താളം എന്റെ നെഞ്ചിടുപ്പിൻ താളമായത് നീ അറിഞ്ഞിരുന്നോ....

നീ എഴുതിയ വരികളിലെ പ്രണയമാവാൻ ഞാൻ എത്രയേറെ മോഹിച്ചിരുന്നു....

പറയാതെ നീ അറിയാതെ നിന്നോടുള്ള പ്രണയത്തെ ഞാൻ നെഞ്ചോട് അടക്കി പിടിച്ചു.....

ഇനിയും കാത്തിരിക്കാൻ വയ്യെന്റെ പെണ്ണേ....

പ്രണയത്തിൽ കൊരുത്ത താലിയിൽ നീയെന്ന സ്വപ്നത്തെ സ്വന്തമാക്കണം എനിക്ക്....

എന്നിൽ പ്രണയമായി നീ പെയ്തിറങ്ങണം....

കാത്തിരിക്കുന്നു ഞാൻ ഏകനായി നിനക്കായി മാത്രം....

നിന്റേത് ആവാനായി മാത്രം.....

ശിവയുടെ ഡയറി കൈയിൽ പിടിച്ചു അതിലെഴുതിയ വരികൾ ഉണ്ണി ഉറക്കെ വായിച്ചു....

അത് കേട്ട് ഞെട്ടലോടെ  അകത്തേക്ക് പോവാൻ തുടങ്ങിയ ശിവ അവിടെ തന്നെ നിന്നു.....

"""എന്റെ ഡയറി..... ആരോട് ചോദിച്ചിട്ട് ആണെടാ നീ ഇത് എടുത്തത്....

""കണ്ടപ്പോൾ വെറുതെ എടുത്തത് ആണ്.....

അല്ല അളിയാ ഈ മൗനം കൊണ്ടുള്ള പ്രണയം ഇങ്ങനെ നീട്ടികൊണ്ട് പോണോ നേരിട്ട് അങ്ങ് പറഞ്ഞു കൂടെ....

ഉണ്ണി നേർത്ത ചിരിയോടെ ചോദിച്ചു.....

"""ആരോട് എന്ത്‌....

നിനക്കെന്താ ഉണ്ണി ഭ്രാന്തുണ്ടോ....

ഞാൻ വെറുതെ ഓരോന്ന് എഴുതിയത് ആണ്....

""ഓഹോ അപ്പോൾ ഈ ഡയറിയിൽ വരച്ചിട്ടിരിക്കുന്ന കണ്ണുകൾ നമ്മുടെ ധ്വനിയുടെ അല്ല അല്ലേ....?

അത് കേട്ടതും ശിവയൊന്ന് പതറിയെങ്കിലും അത് പുറത്ത് കാട്ടാതെ അവൻ ഉണ്ണിയിൽ നിന്നും ഡയറി പിടിച്ചു വാങ്ങി കൊണ്ട് അകത്തേക്ക് പോയി......

ഉണ്ണിയുടെ  പുഞ്ചിരിയോടെ അത് നോക്കി നിന്നു....

---------------------------------------------------------

"""ഉണ്ണിയേട്ടൻ പറയുന്നത് സത്യമാണോ ധ്വനിയും ശിവേട്ടനും തമ്മിൽ ഇഷ്ടത്തിൽ ആണോ....?

ആൽമര ചുവട്ടിൽ നിന്നു കൊണ്ട് ദേവിക കൗതുകത്തോടെ ചോദിച്ചു.....

"""മ്മ്മം രണ്ടിന്റെയും ഉള്ളിൽ ഇഷ്ടം ഉണ്ടെന്നുള്ള കാര്യം ഉറപ്പാണ് പക്ഷേ രണ്ടും തുറന്നു പറയുന്ന ലക്ഷണം ഇല്ല....

"""അതെന്താ അവർ പറയാത്തത്.....?

""നല്ല കട്ട തേപ്പ് കിട്ടിയ രണ്ട് പേരല്ലേ അതിന്റെ ഒരു ബുദ്ധിമുട്ട് ആവും....

ആരെങ്കിലും ഒരാൾ മനസ്സ് തുറന്നാൽ തീരുന്ന പ്രശ്നമേ ഒള്ളൂ.....

"""എങ്കിൽ നമുക്ക് ഇടപെട്ടാലോ....

""വേണ്ട ഇപ്പോൾ ശെരിയാവില്ല....

അവർ തന്നെ തുറന്നു പറയണം....

പറയേണ്ട സാഹചര്യം ദൈവം ആയിട്ട് ഒരുക്കി തരും നോക്കിക്കോ.....

"""മ്മ്മ്മം രണ്ടു പേരും തമ്മിൽ നല്ല ചേർച്ച ഉണ്ട്....

അവരൊന്നിച്ചാൽ മതിയായിരുന്നു....

""എന്റെയും ആഗ്രഹം അതാണ്.... ധ്വനിയെ അവൻ പൊന്നു പോലെ നോക്കുമെന്ന് എനിക്കുറപ്പാണ് ....

"""മ്മ്മം അല്ല അവർ ഒന്നിക്കുന്ന കാര്യം അവിടെ നിക്കട്ടെ എപ്പോഴാണ് നമ്മുടെ കല്യാണം.....

"""അതിന് ഇനിയും സമയം ഉണ്ടല്ലോ.....

നീ ഇപ്പോൾ ഒരുമ്മ തന്നേടി....

എത്ര ദിവസമായി ഒരെണ്ണം കിട്ടിയിട്ട്.....

"""അയ്യടാ ഇതിന് മാത്രം ഒരു കുറവില്ലല്ലോ....

ഞാൻ തരില്ല നിങ്ങൾ ആദ്യം പോയി എന്റെ അച്ഛനോട് കാര്യം പറ എന്നിട്ട് ആവാം ഉമ്മയും കിമ്മയും ഒക്കെ....

"""ഓ ഞാൻ പറഞ്ഞോളാം നീയിപ്പോൾ താടി.....

"""അത് പറയുബോൾ ഒരു ഒഴിഞ്ഞു മാറ്റം ആണ്....

നിങ്ങൾക്കെന്താ എന്റെ അച്ഛനെ പേടിയാണോ....?

""പിന്നെ എന്ന് വെച്ചാൽ നിന്റെ അച്ഛൻ ആര് ജില്ലാ മജിസ്‌ട്രേട്ടോ.. ഒന്ന് പോയേടി അവിടുന്ന്....

ഈ ഉണ്ണി ഒന്ന് നേരെ നോക്കിയാൽ മതി അങ്ങേര് നിന്നു വിറക്കും.....

"""അയ്യോ ദേ അച്ഛൻ വരുന്നു ....

""പിന്നെ അവളുടെ ഒരച്ഛൻ.... അച്ഛനല്ല നിന്റെ അപ്പൂപ്പൻ വന്നാലും എനിക്ക് പ്രശ്നമില്ല....

 മര്യാദക്ക് ഉമ്മ താടി....

"""ഓ എന്റെ മന്ദബുദ്ധി.. കളിപ്പിക്കാൻ പറഞ്ഞതല്ല നോക്ക് അത് കണ്ടോ അച്ഛൻ വരുന്നത്....

നമ്മളെ കണ്ടെന്നാണ് തോന്നുന്നത്.....

എന്നും പറഞ്ഞു ദേവിക ഉണ്ണിയെ തിരിച്ചു നിർത്തി അച്ഛൻ വരുന്നത് കാണിച്ചു കൊടുത്തു....

"""ശെരിയാടി അങ്ങേര്  നമ്മളെ കണ്ടെടി....

 ഒന്നും നോക്കണ്ട ഓടിക്കോ....

""അയ്യടാ അങ്ങനെ ഇപ്പോൾ എന്നെ കൊലക്ക് കൊടുത്തിട്ട് ഓടി രക്ഷപ്പെടാം എന്ന് വിചാരിക്കേണ്ട.....

അച്ഛൻ വരുമ്പോൾ ഉള്ള കാര്യം പറ....

"'"ഡി അത് പിന്നെ പറയാം ഇപ്പോൾ നീ പിടിവിട് ഇല്ലെങ്കിൽ നിന്നെ കെട്ടാൻ ഞാൻ മിച്ചം ഉണ്ടാവില്ല....

"""ഹാ അത് ഞാൻ അങ്ങ് സഹിച്ചു....

അച്ഛൻ കണ്ട സ്ഥിതിക്ക് ഇന്ന് ഇതിനൊരു തീരുമാനം ഉണ്ടാവട്ടെ.....

എന്നും പറഞ്ഞു ദേവിക ഉണ്ണിയുടെ കൈയിലെ പിടി മുറുക്കി.....

ദേവികയുടെ അച്ഛൻ അടുത്തെത്തിയതും വെപ്രാളത്തോടെ ഉണ്ണി നിന്ന് വിയർത്തു.....

അയാളുടെ കൊമ്പൻ മീശയും ചുവപ്പ് പടർന്ന കണ്ണുകൾ കൊണ്ടുള്ള തുറിച്ചു നോട്ടവും കൂടെ ആയപ്പോൾ  സർവ്വഞാടി ഞരമ്പുകൾ തളർന്ന പോലെ ആയി ഉണ്ണിയുടെ നിൽപ്പ്.....

""എന്താ രണ്ടും ഇവിടെ....

പരുക്കൻ ശബ്ദത്തിൽ അയാൾ ചോദിച്ചു....

"""എന്റെ പൊന്ന് അമ്മാവാ എനിക്കിവളെ ഇഷ്ടമാണ്....

എനിക്ക് ഇവളെ കെട്ടിച്ചു തരണം എന്നും പറഞ്ഞു അടുത്ത നിമിഷം ഉണ്ണി അയാളുടെ കാൽക്കലേക്ക് വീണു......

ഉണ്ണിയുടെ കിടപ്പ് കണ്ടു ദേവുവിന് ചിരി വന്നു.....

"""അയ്യേ എന്താടാ ഈ കാണിക്കുന്നത്....

ഉണ്ണി മോനെ എഴുന്നേൽക്ക്....

എന്നും പറഞ്ഞു അയാൾ ഉണ്ണിയെ പിടിച്ചു എഴുന്നേൽപ്പിച്ചു....

"""മോനെ ഉണ്ണി നിന്റെ അച്ഛനും അമ്മയും എന്നെ വിളിച്ചിരുന്നു....

ഞങ്ങൾ എല്ലാരും കൂടി നിങ്ങളുടെ കല്യാണക്കാര്യം സംസാരിച്ചു....

അവർ ഉടനെ വരുന്നുണ്ട് വന്ന ഉടനെ നിങ്ങളുടെ കല്യാണം നടത്താൻ ആണ് ഉദ്ദേശം......

അയാൾ പറയുന്നത് കേട്ട് വിശ്വസിക്കാനാവാതെ അന്തം വിട്ട് ഉണ്ണി വായും പൊളിച്ചു നിന്നു....

""ങ്ങേ ശെരിക്കും....

അവൻ ചോദിച്ചു..

"""മ്മ്മം ആണെടാ.... അതേ ഞങ്ങൾ കല്യാണകാര്യം പറഞ്ഞു എന്ന് വെച്ച് രണ്ടും കൂടെ കറങ്ങി നടക്കാം എന്ന് വിചാരിക്കേണ്ട.....

വേഗം വീട്ടിൽ പോവാൻ നോക്ക് രണ്ടും.....

 അതും പറഞ്ഞു അയാൾ ചിരിയോടെ നടന്നു....

സന്തോഷം കൊണ്ട് ഉണ്ണി ആ നിമിഷം ദേവുവിനെ എടുത്തു ഉയർത്തിയ ശേഷം താഴെ നിർത്തി  അവളുടെ നെറുകയിൽ ചുംബനം കൊണ്ട് പൊതിഞ്ഞു....

------------------------------------------

"""അറിഞ്ഞോ മുത്തശ്ശി നമ്മുടെ ഉണ്ണിയേട്ടനും ദേവൂവും തമ്മിലുള്ള കല്യാണം ഉറപ്പിക്കാൻ പോവാണ്....

ഉണ്ണിയേട്ടന്റെ അച്ഛനും അമ്മയും നാളെ കഴിഞ്ഞു വരുന്നുണ്ട് ഉറപ്പിക്കാൻ....

"""ആഹാ അതെന്തായാലും നന്നായി....

രണ്ടിന്റെയും ചുറ്റിക്കളി നിന്നോളുമല്ലോ....

"""അതെയതെ....

"""ഇനി നിന്റെ കല്യാണവും എത്രയും വേഗം നടത്തണം....

"""പിന്നെ ഇപ്പോൾ അതൊന്നും വേണ്ട..

"""എന്ന് പറഞ്ഞാൽ എങ്ങനെ ആണ്....

ഞാനിനി എത്ര കാലം എന്ന് വെച്ചാണ്.....

എനിക്കെന്തെങ്കിലും സംഭവിച്ചാൽ പിന്നെ നിനക്ക് ആരാണ് ഉള്ളത്.....

""ദേ മുത്തശ്ശി സെന്റി അടിക്കാൻ ആണെങ്കിൽ വേണ്ട നിർത്തിക്കോ....

എന്തായാലും ഇപ്പോൾ കല്യാണത്തിന് എനിക്ക് താല്പര്യമില്ല....

""അത് നീയല്ല തീരുമാനിക്കുന്നത്....

നിന്റെ ഇഷ്ടത്തിന് ഒന്ന് നടന്നിട്ട് അങ്ങനെ ആയി....

ഇത്തവണ ഞാൻ പറയുന്നത് കേട്ടാൽ മതി നീ....

മുത്തശ്ശിയുടെ വാക്കുകളിൽ ഗൗരവം നിറഞ്ഞു....

"""നല്ല ആലോചന വന്നാൽ ഞാൻ നടത്തും.....

മുത്തശ്ശി തീർത്തു പറഞ്ഞു....

അപ്പോഴാണ് മുറ്റത്ത് ഒരു കാർ വന്നു നിന്നത്.....

ആരാവും എന്നറിയാനായി മുത്തശ്ശിയും ധ്വനിയും കൂടെ ഉമ്മറത്തേക്ക് വന്നു നോക്കി .....

ബ്ലാക് കളർ വാഗനർ കാറിൽ നിന്നും പ്രായമുള്ള ഒരു സ്ത്രീ ഡോർ തുറന്നു ഇറങ്ങി.....

അവർക്ക് കാഴ്ചയിൽ ഏകദേശം അമ്പതിനു മുകളിൽ പ്രായം തോന്നിച്ചു....

ധ്വനിയെയും മുത്തശ്ശിയെയും നോക്കി അവർ പുഞ്ചിരിക്കുമ്പോൾ മറ്റേ ഡോർ തുറന്നു രാഹുലും ഇറങ്ങി....

രാഹുലിനെ കണ്ട് ധ്വനി അമ്പരന്ന് നിന്നു......

പതിയെ അവർ രണ്ടും കൂടെ നടന്നു ഉമ്മറത്തേക്ക് കേറി....

"""മുത്തശ്ശി എന്നെ ഓർമ്മയില്ലേ ഞാൻ ഡോക്ടർ രാഹുൽ....

ഇതെന്റെ അമ്മ രാഗിണി.....

""ഓ....

ഓർമ്മയുണ്ട് മോനെ വാ ഇരിക്ക് എന്നും പറഞ്ഞു മുത്തശ്ശി അവരെ വിളിച്ചിരുത്തി....

ഒന്നും മനസ്സിലാവാതെ ധ്വനി അന്തം വിട്ട് നിൽക്കുകയാണ്....

"""മോളല്ലേ ധ്വനി....

ഇവനെന്നും മോളെ കുറിച്ച് പറയാനേ നേരമുള്ളൂ....

അങ്ങനെ കേട്ടു കേട്ട് മോളെ കാണാൻ ആഗ്രഹം തോന്നി വന്നതാണ്....

വന്നു കണ്ടപ്പോൾ ഇവനെ പോലെ എനിക്കും മോളെ ഇഷ്ടമായി....

ആ സ്ത്രീ പുഞ്ചിരിയോടെ ധ്വനിയെ നോക്കി പറഞ്ഞു.....

"""മോളെ ഇവർക്ക് കുടിക്കാൻ എന്തെങ്കിലും എടുക്ക്....

മുത്തശ്ശി ധ്വനിയോടായി പറഞ്ഞു....

അത് കേട്ടതും ധ്വനി അകത്തേക് പോയി അടുക്കളയിൽ ചെന്ന് ചായ ഇട്ടു....

ഉമ്മറത്തപ്പോൾ ഭയങ്കര സംസാരവും ചിരിയും കേൾക്കാമായിരുന്നു....

ഒരൽപ്പം മുഷിവോടെ അവൾ ചായയുമായി ഉമ്മറത്തേക്ക് വന്നതും ശിവ അവിടേക്ക് വന്നു.....

ശിവയെ കണ്ടതും ധ്വനിയുടെ കണ്ണുകൾ വിടർന്നു.....

അവളുടെ ചുണ്ടിൽ പുഞ്ചിരി വിടർന്നു.....

""മോളെ നോക്കി നിൽക്കാതെ അവർക്ക് ചായ കൊടുക്ക്.....

മുത്തശ്ശി പറഞ്ഞതും അവൾ അവർക്ക് നേരെ ട്രേയിൽ ഇരുന്നു ചായ നീട്ടി....

രാഹുലും അമ്മയും ചായ എടുത്തു.....

എല്ലാം കണ്ടു കൊണ്ട് ശിവ ഉമ്മറത്തേക്ക് കേറി വന്നു.....

"""ഹാ വാ മോനെ എന്തായാലും നീ വന്നത് നന്നായി ഇവരോട് കാര്യങ്ങൾ സംസാരിക്കാൻ ഒരാൾ ആയല്ലോ....

മുത്തശ്ശി ശിവയെ നോക്കി പറഞ്ഞു.....

"""എന്താ മുത്തശ്ശി കാര്യം....?

ശിവ ഒന്നും മനസ്സിലാവാതെ ചോദിച്ചു....

""മോനെ ഇത് രാഹുലും അവന്റെ അമ്മയുമാണ്....

നമ്മുടെ ധ്വനിയെ പെണ്ണ് കാണാൻ വന്നതാണ്....

ആള് ഡോക്ടർ ആണുട്ടോ.....

മുത്തശ്ശി പറഞ്ഞത് കേട്ട് ശിവയും ധ്വനിയും ഒരുപോലെ ഞെട്ടി.....

ശിവയുടെ ചുണ്ടിലെ പുഞ്ചിരി മാഞ്ഞു....

വിഷാദഭാവം അവന്റെ മുഖത്ത് നിറഞ്ഞു....

"""ഇതാരാണ് മനസ്സിലായില്ല....

രാഹുലിന്റെ അമ്മ ശിവയെ നോക്കി കൊണ്ട് മുത്തശ്ശിയോട് ചോദിച്ചു....

"""ഇവിടെ വാഴൂർ തറവാട്ടിൽ താമസിക്കാൻ വന്നതാണ്.....

അവിടുത്തെ ഉണ്ണിയുടെ കൂട്ടുകാരൻ ആണ്.....

പിന്നെ ആളൊരു എഴുത്തുകാരൻ ആണ്.....

"""ധ്വനിയുടെ ഫ്രണ്ട് ആണമ്മേ ....

രാഹുൽ ഇടക്ക് കേറി പറഞ്ഞു.

ശിവ അവരെ നോക്കി ചെറുതായി ചിരിച്ചു....

""""ശെരി മുത്തശ്ശി ഞാൻ ഇറങ്ങുവാ കാര്യങ്ങൾ നടക്കട്ടെ.....

എനിക്കൽപ്പം തിരക്കുണ്ട് എന്നും പറഞ്ഞു ശിവ അവിടെ നിന്നും ഇറങ്ങി.....

അതിനിടയിൽ ധ്വനിയെ അവനൊന്നു പാളി നോക്കി....

രണ്ട് പേരുടെയും മുഖത്ത് വിഷാദം കലർന്നിരുന്നു......

ശിവ നടന്നു നീങ്ങുന്നതും നോക്കി ധ്വനി നിന്നു....

ശിവയുടെ ഉള്ള് പിടഞ്ഞു....

അവന്റെ മിഴികൾ നിറഞ്ഞു....

തിരിഞ്ഞു നോക്കാനാവാതെ അവൻ നടന്നു.....

ശിവ കൺവെട്ടത്ത് നിന്നും മറഞ്ഞതും ധ്വനി അകത്തേക്ക് കേറി പോയി....

കുറച്ചു കഴിഞ്ഞതും മുത്തശ്ശി അവളെ ഉമ്മറത്തേക്ക് വിളിച്ചെങ്കിലും അവൾ ഇറങ്ങി ചെന്നില്ല....

അൽപ്പം കഴിഞ്ഞു കാർ സ്റ്റാർട്ട്‌ ചെയ്തു പോവുന്ന. ശബ്ദം കേട്ടു.....

പിന്നാലെ മുത്തശ്ശി അകത്തേക്ക് കേറി വന്നു....

"""നീയെന്താ മോളെ ഞാൻ വിളിച്ചിട്ട് വരാതെ ഇരുന്നത്.....

അവര് പോവാൻ നേരം നിന്നെ തിരക്കി .....

"""എന്തിന്....? എനിക്ക് അവരെ കാണേണ്ട കാര്യം ഇല്ല....

"""അതെന്താ നീ അങ്ങനെ പറഞ്ഞത്....

നല്ലൊരു കാര്യത്തിന് ആണല്ലോ അവർ വന്നത്....

ഇത് എന്തായാലും നമ്മുടെ ഭാഗ്യം ആണ്.....

"""എന്ത്‌ ഭാഗ്യം....? മുത്തശ്ശി എന്താ പറഞ്ഞു വരുന്നത്....

"""അതുപിന്നെ മോളെ എന്റെ കണ്ണടയും മുൻപ് നിന്നെ മറ്റാരെ എങ്കിലും കൈ പിടിച്ചു ഏൽപ്പിക്കണം എന്നുണ്ടായിരുന്നു.....

ഇപ്പോൾ ദൈവം ആയിട്ട് നല്ലൊരു ആലോചന കൊണ്ടുവന്നു....

അവൻ നല്ല പയ്യനാണ്....

നല്ല തറവാട്ടുകാരാണ്....

പോരാത്തതിന് ഡോക്ടറും....

"""അതുകൊണ്ട്.... അയാൾ ആ ശ്യാമിന്റെ ഫ്രണ്ട് ആണ് അതറിയുമോ മുത്തശ്ശിക്ക്.....

"""അറിയാം എന്നോട് പറഞ്ഞിരുന്നു....

കൂട്ടുകാരൻ അങ്ങനെ ആയി പോയി എന്ന് കരുതി ആ കൊച്ച് എന്ത്‌ പിഴച്ചു.....

മാത്രമല്ല എല്ലാം അറിഞ്ഞല്ലേ അവൻ നിന്നെ സ്വീകരിക്കാൻ തയ്യാറായത്....

""" അതുകൊണ്ട് ഞാൻ അയാളെ കെട്ടണം എന്നാണോ മുത്തശ്ശി പറഞ്ഞു വരുന്നത്....

നടക്കില്ല മുത്തശ്ശി എനിക്ക് അയാളെ വേണ്ട....

"""അത് നീ മാത്രം തീരുമാനിച്ചാൽ പോരല്ലോ..

ഞാൻ ഒരു തീരുമാനം എടുത്തു കഴിഞ്ഞു.....

ഞാൻ ജീവനോടെ ഉണ്ടെങ്കിൽ നിന്റെ കല്യാണം ഞാൻ നടത്തും എന്ന് തറപ്പിച്ചു പറഞ്ഞു കൊണ്ട് മുത്തശ്ശി ഉമ്മറത്തേക്ക് ഇറങ്ങി....

#രണ്ടാംതാലി (17)

(അവസാന ഭാഗം )

മുത്തശ്ശിയുടെ വാക്കുകൾ ധ്വനിയുടെ നെഞ്ച് പിളർക്കാൻ തക്ക ശക്തിയുള്ളതായിരുന്നു....

എന്ത് ചെയ്യും എന്നറിയാതെ അവളുടെ മനസ്സാകെ കുഴങ്ങി.....

മുത്തശ്ശിയെ എതിർക്കാൻ തനിക്ക് ആവില്ല....

എല്ലാം മുത്തശ്ശിയോട് തുറന്നു പറയാമെന്നു വെച്ചാൽ മാഷിന്റെ മനസ്സിൽ താനുണ്ടോ എന്ന് ഉറപ്പിച്ചു പറയാനും ആവില്ല....

ആ നോട്ടങ്ങളും ഭാവങ്ങളിലും പ്രണയം അനുഭവിച്ചറിയാൻ ആയെങ്കിലും വാക്ക് കൊണ്ട് മാഷ് ഇതുവരെ എന്നെ ഇഷ്ടമാണെന്നു പറഞ്ഞിട്ടില്ല.....

അപ്പോൾ പിന്നെ എന്ത് ഉറപ്പിച്ചു തന്റെ ഉള്ളിലെ ഇഷ്ടം തുറന്നു പറയും....

പക്ഷേ എന്തൊക്ക നടന്നാലും രാഹുലിന് മുന്നിൽ ഞാൻ തല കുനിക്കില്ല....

മാഷിനെ അല്ലാതെ മറ്റൊരാളെയും സ്നേഹിക്കാനും ഇനി എനിക്ക് ആവില്ല.....

അവളുടെ മനസ്സ് ഉരുവിട്ടു....

അവളുടെ കണ്ണുനീർ തുള്ളികൾ കവിൾത്തടങ്ങളിലൂടെ താഴേക്ക് വീണു കൊണ്ടിരുന്നു.....

നെഞ്ച് നീറുന്ന വേദനയോടെ കരഞ്ഞു കലങ്ങിയ കണ്ണുമായി അവൾ കട്ടിലിൽ ചെന്ന് കിടന്ന് തലയിണയിലേക്ക് മുഖം പൂഴ്ത്തി....

തലയിണ അവളുടെ കണ്ണുനീരിൽ കുതിർന്നു.....

--------------------------------------------------------

അന്ന് രാത്രി ശിവയുടെ മനസ്സ് നീറി പുകഞ്ഞു....

എന്ത് ചെയ്യണം എന്നറിയാതെ മുറിയിലൂടെ അവൻ അങ്ങോട്ടും ഇങ്ങോട്ടും നടന്നു.....

സിഗരറ്റുകൾ ഓരോന്നായി അവന്റെ ചുണ്ടിൽ ഇരുന്നു എരിഞ്ഞു തീർന്നു കൊണ്ടിരുന്നു.....

ധ്വനിയുടെ പുഞ്ചിരിക്കുന്ന മുഖം അവന്റെ മനസ്സാകെ നിറഞ്ഞു നിന്നു....

എല്ലാം തുറന്നു പറഞ്ഞാലോ എന്നുവരെ അവൻ ചിന്തിച്ചു....

പക്ഷേ മുത്തശ്ശി....

ആരോരും ഇല്ലാത്ത ഒരു അനാഥ ചെക്കന് പെണ്ണ് തരാൻ ഏതൊരാളും മടിക്കും.....

അല്ലെങ്കിൽ തന്നെ അവളെ പോലൊരു പെണ്ണിനെ കിട്ടാനുള്ള ഭാഗ്യം ഒന്നും എനിക്കില്ല.....

അവൾ മറ്റൊരാളുടെ ആവുന്നത് കണ്ടു നിൽക്കാൻ തനിക്കാവില്ല.....

ഇനിയും ഇവിടെ നിന്നാൽ ഒരുപക്ഷേ തനിക്ക് ഭ്രാന്ത് പിടിക്കും....

താൻ ഇവിടെ നിന്ന് പോവുന്നത് തന്നെയാണ് നല്ലത് എന്ന് അവന് തോന്നി.....

പിറ്റേന്ന് പുലർച്ചെ തന്നെ തന്റെ ഡ്രെസ്സും മറ്റും എടുത്തു അവിടെ നിന്നും പോവാനായി അവൻ ഇറങ്ങി....

"""അളിയാ ഒന്ന് നിന്നേ.... നീ ഇതെങ്ങോട്ടാണ് ഇത്ര വെളുപ്പിനെ....?

എന്നും ചോദിച്ചു ഉണ്ണി അവന്റെ അടുത്തെത്തി.....

"""അതുപിന്നെ ഞാൻ...... എനിക്ക്....

എനിക്ക് അത്യാവശ്യമായി നാട്ടിൽ പോവേണ്ട ഒരു കാര്യം ഉണ്ട്.....

"""ഓ എന്താ ഇത്ര അത്യാവശ്യം..?

""അതുപിന്നെ എനിക്ക് പല അത്യാവശ്യങ്ങളും കാണും അതെല്ലാം നിന്നോട് പറയാൻ പറ്റുമോ....?

""അളിയാ ഞാൻ വെറുതെ ചോദിച്ചു എന്നല്ലേ ഒള്ളൂ നീ അതിന് ചൂടാവുന്നത് എന്തിനാ.....

എന്തായാലും നീ എന്റെ കല്യാണം കൂടിയിട്ട് പോയാൽ മതി....

""നിന്റെ കല്യാണത്തിന് ഞാൻ ഉറപ്പായും വരാം പക്ഷേ ഇപ്പോൾ എനിക്ക് പോയെ പറ്റൂ.....

"""ഓ അങ്ങനെ ആണെങ്കിൽ പോവും മുൻപ് നീ നമ്മുടെ ധ്വനിയോടും മുത്തശ്ശിയോടും ഒക്കെ യാത്ര പറഞ്ഞിട്ട് പോയാൽ മതി....

""വേണ്ട അതിന്റെ ആവശ്യം ഇല്ല.....

""അതെന്താ.... നിന്റെ ബെസ്റ്റ് ഫ്രണ്ട് അല്ലേ ധ്വനി.....

എന്നിട്ട് അവളോട്‌ പറയാതെ പോവുന്നത് മോശമല്ലേ....

""എന്ത് മോശം.... ഞാൻ ആരോടും പറഞ്ഞിട്ട് അല്ല വന്നത്....

പോവുന്നതും അങ്ങനെ തന്നെ.....

""നീയെന്താ ഇങ്ങനൊക്കെ പറയുന്നത്....

ഇങ്ങനൊക്കെ പറയാൻ മാത്രം ഇപ്പോൾ എന്തുണ്ടായി....

""ഒന്നുമില്ല ഞാൻ ഇറങ്ങുന്നു....

""അതേ അളിയാ നീ അവരെ കണ്ടിട്ട് പോയാൽ മതി എന്നും പറഞ്ഞു ഉണ്ണി ശിവയുടെ കൈയിൽ പിടിച്ചു വലിച്ചു കൊണ്ടു കാരശ്ശേരി തറവാട്ടിൽ എത്തി....

"""മുത്തശ്ശിയെ ഒന്നിങ്ങു വന്നേ ഒരു കാര്യം പറയാനുണ്ട് എന്നും പറഞ്ഞു ഉണ്ണി അകത്തേക്ക് നോക്കി നീട്ടി വിളിച്ചു.....

ഉണ്ണിയുടെ ശബ്ദം കേട്ട് മുത്തശ്ശിക്കൊപ്പം ധ്വനിയും ഇറങ്ങി വന്നു.....

ധ്വനിയുടെയും ശിവയുടെയും മിഴികൾ തമ്മിൽ ഇടഞ്ഞു.....

നിരാശയിൽ ആണ്ടു പോയ മിഴികളിൽ പ്രതീക്ഷകൾ അസ്തമിച്ച ഭാവം തുളുമ്പി നിന്നു....

വിഷാദം നിറഞ്ഞ മുഖത്തോടെ അവർ നിന്നു....

""എന്താ മോനെ എന്തുപറ്റി .....?

മുത്തശ്ശി പരിഭ്രമത്തോടെ ചോദിച്ചു....

""ഒന്നുമില്ല മുത്തശ്ശി ഇവൻ നാട്ടിലേക്ക് പൂവാണെന്ന്....

അതിന് മുൻപ് നിങ്ങളോട് ഒക്കെ യാത്ര ചോദിക്കാൻ വന്നതാണ്.....

ശിവയെ ചൂണ്ടി കൊണ്ട് ഉണ്ണി പറഞ്ഞു.....

അത് കേട്ട് ധ്വനി ദയനീയതയോടെ ശിവയെ നോക്കി.....

പോവരുത് എന്നവളുടെ മിഴികൾ പറയാതെ പറയുന്നുണ്ടായിരുന്നു.....

"""നാട്ടിൽ പോവുനെന്നോ....? എന്താ പെട്ടെന്ന്....

മോൻ കല്യാണം കഴിഞ്ഞു പോയാൽ മതി....

ശിവയെ നോക്കി കൊണ്ട് മുത്തശ്ശി പറഞ്ഞു....

""പറ്റില്ല മുത്തശ്ശി എനിക്ക് ഇപ്പോൾ പോയെ പറ്റൂ....

തീർച്ചയായും ഞാൻ  പിന്നെ വരും.....

ഈ ഗ്രാമവും മുത്തശ്ശിയും പിന്നെ.....

പിന്നെ......

അവൻ ധ്വനിയെ ഒന്ന് നോക്കി....

പിന്നെ വാക്കുകൾ തുടർന്നു..

എല്ലാവരും എനിക്ക് ഒരുപാട് പ്രിയപ്പെട്ടതാണ്.....

ആരോരുമില്ലാത്ത എനിക്ക് എല്ലാം ആരൊക്കെയോ ഉണ്ടെന്ന് ഒരു തോന്നൽ തന്നത് നിങ്ങളൊക്കെ ആണ്.....

മറക്കില്ല മരിക്കുവോളം ഈ നെഞ്ചിൽ നിങ്ങളുണ്ടാവും...

അത് പറയുമ്പോൾ അവൻ വാക്കുകൾ ഇടറുന്നുണ്ടായിരുന്നു.....

""ആരോരും ഇല്ലാത്തവനോ അപ്പോൾ പിന്നെ ഞങ്ങളൊക്ക പിന്നെ മോന്റെ ആരാണ്....

മുത്തശ്ശിയുടെ ചോദ്യം കേട്ടവൻ തല താഴ്ത്തി.....

""" മോന് പോണം എന്നാണെങ്കിൽ പോയി വാ ഈ മുത്തശ്ശി ഒരിക്കലും തടയില്ല.....

പക്ഷേ കല്യാണം കഴിഞ്ഞു പോയാൽ പോരെ....

""പോവാതെ ഇരിക്കാൻ പറ്റാത്ത കൊണ്ടാണ് മുത്തശ്ശി....

ഞാൻ പോയി വരാം എന്നും പറഞ്ഞു ശിവ പോവാൻ തുടങ്ങി....

"""അല്ല നീ മുത്തശ്ശിയോട് മാത്രമേ യാത്ര പറയുന്നുള്ളോ....

ധ്വനിയോട് എന്താ ഒന്നും മിണ്ടാതെ പോവുന്നത്.....

ഉണ്ണി ശിവയെ തടഞ്ഞ് കൊണ്ട് ചോദിച്ചു.....

ധ്വനി ഒന്നും മിണ്ടാതെ നിറമിഴികളോട് നിൽക്കുകയാണ്.....

തന്നോട് എന്തെങ്കിലും ഒരുവാക്ക് അവൻ മിണ്ടുമെന്ന് അവളുടെ മനസ്സ് വെറുതെ മോഹിച്ചു.....

പക്ഷേ തിരിഞ്ഞൊന്ന് നോക്കുക പോലും ചെയ്യാതെ ഉണ്ണിയുടെ ചോദ്യത്തിന് മറുപടിയും പറയാതെ ശിവ മുന്നോട്ട് നടന്നു.....

""അളിയാ ശിവ അങ്ങനെ അങ്ങു പോയാലോ എന്റെ പെങ്ങളുടെ കണ്ണീരിന് സമാധാനം പറഞ്ഞിട്ട് പോ.....

ശിവയെ തടഞ്ഞു കൊണ്ട് ഉണ്ണി പറഞ്ഞു....

ഒന്നും മനസ്സിലാവാതെ ശിവ ഉണ്ണിയുടെ മുഖത്തേക്ക് നോക്കി.....

""ഡാ പൊട്ടാ മുത്തശ്ശി ഇത്രയും നേരം പറഞ്ഞത് നിന്റെയും ധ്വനിയുടെയും കല്യാണത്തെ കുറിച്ചാണ്....

അത് കഴിഞ്ഞിട്ട് പോയാൽ പോരെ എന്നാണ് മുത്തശ്ശി ചോദിച്ചത്....

ഉണ്ണി പറയുന്നത് കേട്ട് ശിവയും ധ്വനിയും അമ്പരന്ന് നിന്നു....

"""മുത്തശ്ശി രണ്ടിനും ഒന്നും മനസ്സിലായില്ല കണ്ടില്ലേ ഇഞ്ചി കടിച്ച കുരങ്ങിന്റെ കൂട്ട് രണ്ടും നിൽക്കുന്നത് .....

ഉണ്ണി ചിരിയോടെ പറഞ്ഞു....

""മോനെ രാഹുൽ വന്നിട്ട് പോയത് അറിഞ്ഞു ഇന്നലെ രാത്രി ഉണ്ണി എന്നെ വന്നു കണ്ടിരുന്നു.....

ധ്വനി മോളും മോനും തമ്മിലുള്ള ഇഷ്ടത്തിന്റെ കാര്യം അവനാണ് എന്നോട് പറഞ്ഞത്....

മോനെക്കുറിച്ച് എല്ലാം അവനെന്നോട് പറഞ്ഞിരുന്നു....

എനിക്ക് മോനെ ഒരുപാട് ഇഷ്ടമാ....

നിങ്ങളുടെ മനസ്സിൽ ഇങ്ങനെ ഒരിഷ്ടം ഉണ്ടെങ്കിൽ അത് ഈ മുത്തശ്ശിയോട് ഒന്ന് തുറന്നു പറഞ്ഞാൽ പോരായിരുന്നോ....

ഞാൻ നടത്തി തരില്ലേ നിങ്ങളുടെ കല്യാണം....

എനിക്കെന്റെ കുട്ടിയുടെ സന്തോഷത്തേക്കാൾ വലുതല്ല മറ്റൊന്നും .....

നിങ്ങളുടെ കല്യാണത്തിന് ഈ മുത്തശ്ശിക്ക് നൂറുവട്ടം സമ്മതമാണ്.....

 ഈ കാര്യം ഇന്ന് നിങ്ങളോട് സംസാരിക്കാൻ ഇരുന്നതാണ് ഞാനും ഉണ്ണിയും....

 എന്ന് കൂടെ 

മുത്തശ്ശി  പറയുമ്പോൾ ശിവയുടെയും ധ്വനിയുടെയും കണ്ണുകളിൽ ഒരു നീർതിളക്കം കണ്ടു....

ഒന്നും വിശ്വസിക്കാനാവാത്ത പോലെ അവർ അമ്പരന്ന് നിന്നു....

"""അളിയാ ശിവ ഈ മൗന പ്രണയം ഒക്കെ നല്ലതാണ് ഒരു പരിധി വരെ....

പക്ഷേ ആൺകുട്ടികൾ ആയാൽ ഉള്ളിലെ സ്നേഹം തുറന്നു പറയാനുള്ള ചങ്കൂറ്റം വേണം....

അല്ലാതെ ഒളിച്ചോടി പോവുകയല്ല വേണ്ടത്....

"""ഡാ ഞാൻ....

ശിവ വാക്കുകൾ പൂർത്തി യാക്കിയില്ല....

"""എനിക്കറിയാം രണ്ടും സ്വന്തം കുറവുകൾ കണ്ടെത്തി ഉള്ളിലെ ഇഷ്ടം തുറന്നു പറയാതെ ഇരുന്നു.....

പക്ഷേ നിങ്ങൾ ഒന്ന് മറന്നു പരസ്പരം സ്നേഹിക്കാൻ ഉള്ള മനസ്സുണ്ടെങ്കിൽ പിന്നെ അവിടെ കുറവുകൾക്ക് ഒന്നും ഒരു സ്ഥാനവുമില്ല.....

നിങ്ങൾ പരസ്പരം മനസ്സിലാക്കി പ്രണയിക്കുന്നവർ ആണ് നിങ്ങൾ തന്നെ ആണ് ഒരുമിക്കേണ്ടത് എന്നും പറഞ്ഞു ഉണ്ണി ശിവയെ ചേർത്തു പിടിച്ചു....

എന്ത്‌ പറയണം എന്നറിയാതെ അത് വരെ ഉള്ള് നീറി നിന്ന ധ്വനി ഓടി വന്ന് മുത്തശ്ശിയെ കെട്ടിപിടിച്ചു പൊട്ടി കരഞ്ഞു ഉമ്മകൾ കൊണ്ട് പൊതിഞ്ഞു.....

""അളിയാ നീ വേണമെങ്കിൽ എന്നെ കെട്ടിപിടിച്ചോളൂ എന്നും പറഞ്ഞു ഉണ്ണി ചിരിക്കുമ്പോൾ സന്തോഷത്തോടെ ശിവ അവനെ കെട്ടി പിടിച്ചു.....

ശിവയുടെ കണ്ണിൽ നിന്നും സന്തോഷത്തിന്റെ നനവ് പടർത്തി കൊണ്ട് കണ്ണുനീർ ഒഴുകി....

--------------------------------------------------------

പിന്നീട് എല്ലാം പെട്ടെന്ന് ആയിരുന്നു....

ഉണ്ണിയുടെ അച്ഛനും അമ്മയും എത്തിയതോടെ ഇരു വിവാഹങ്ങളുടെയും മുഹൂർത്തം നിച്ഛയിച്ചു.....

ഒരേ ദിവസം ഒരു പന്തലിൽ വെച്ച്  തന്നെ ഇരു കല്യാണങ്ങളും അവർ നടത്തി.....

അഗ്നിസാക്ഷിയായി ധ്വനിയുടെ കൈ പിടിച്ചു ശിവ വലം വെക്കുമ്പോൾ

മുത്തശ്ശിയുടെ കണ്ണുകൾ സന്തോഷം കൊണ്ട് നിറഞ്ഞു തുളുമ്പി.....

കാൽക്കൽ വീണു അനുഗ്രഹം വാങ്ങാൻ തുടങ്ങിയ അവരുടെ നെറുകിൽ ചുംബിച്ചു കൊണ്ട് മുത്തശ്ശി മനസ്സ് നിറഞ്ഞ് അനുഗ്രഹിച്ചു.....

അതിനിടയിൽ ശിവക്കും ധ്വനിക്കും വിവാഹശംസകൾ നേർന്നു കൊണ്ട് രാഹുൽ എത്തിയത് ഏവരെയും അമ്പരപ്പിച്ചു....

കല്യാണ പന്തലിൽ നിന്നും യാത്ര പറഞ്ഞു ഇറങ്ങുമ്പോൾ നഷ്ടപ്രണയത്തിന്റെ നോവറിഞ്ഞു അവന്റെ മിഴികൾ ഈറനണിഞ്ഞിരുന്നു.....

ആദ്യരാത്രി നാണം കലർന്ന പുഞ്ചിരിയോടെ മുറിയിലെത്തിയ ധ്വനിയുടെ കണ്ണുകൾ ശിവയുടെ ഡയറിയിൽ പതിഞ്ഞു....

കൗതുകത്തോടെ അവളത് എടുത്തു വായിച്ചു തുടങ്ങിയതും അവളുടെ കണ്ണുകൾ വിടർന്നു....

അതിൽ എഴുതിയ ഓരോ വരികളിലും നിറഞ്ഞു നിന്ന തന്നോടുള്ള അവന്റെ പ്രണയം അവൾ തിരിച്ചറിയുക ആയിരുന്നു....

"" നിന്നിലെ പ്രണയമെന്ന ഭ്രാന്താവണമെനിക്ക് .....

ആ ഭ്രാന്ത് നീ എന്നിലേക്ക് പകരുമ്പോൾ ഒരു മഞ്ഞ ചരടിൽ കോർത്തെടുത്ത താലി നിൻ കഴുത്തിൽ അണിയിച്ചു നിൻ സീമന്തരേഖയിൽ ചുവപ്പണിയി ക്കണമെനിക്ക് .....

പുലർകാലെ നിന്റെ അധരങ്ങൾ നെറ്റിത്തടങ്ങളിൽ തരുന്ന ചുംബനമേറ്റ് ഉണരണമെനിക്ക് .....

രാവുകളിൽ ഒരു പുതപ്പിനുള്ളിൽ പരസ്പരം കെട്ടിപ്പുണർന്ന് കൊണ്ട് പ്രണയം പങ്കിടണം......

പ്രണയം കാമത്തിൻ അതിരുകൾ പങ്കിടുമ്പോൾ നിന്റെ നെറുകയിലെ സിന്ദൂര ചുവപ്പിലൂടെ ഉതിരുന്ന വിയർപ്പ് തുള്ളിയെ ചുംബനം കൊണ്ടു പൊതിയണമെനിക്ക് ....

എന്നും ആ മാറിൽ മുഖം പൂഴ്ത്തി നിൻ നെഞ്ചിടുപ്പിൻ താളത്തിൽ സ്വയം അലിയണ മെനിക്ക് ......

ഇങ്ങനെ എന്നുമെന്നും എന്നിലെ അവസാന ശ്വാസം വരെയും നിന്റേത് മാത്രമായി നിന്നെ പ്രണയിച്ചെന്റെ ജീവിതം പങ്കു വെക്കണം എന്നിലെ പാതിയായ നിനക്കായ് .....

അവൻ അവസാനമായി കുറിച്ചിട്ട ഈ വരികൾ വായിച്ചു തീർന്നതും പിന്നിലൂടെ രണ്ട് കൈകൾ അവളുടെ വയറിൽ ചുറ്റി വരിഞ്ഞു കൊണ്ടു അവളുടെ പിൻ കഴുത്തിൽ ചുംബനം കൊണ്ട് പൊതിഞ്ഞു.....

ശിവയുടെ ദീർഘനിശ്വാസം അവളുടെ കാതുകളിൽ തൊടുമ്പോൾ അവൾ അവനിലേക്ക് ചേർന്നു നിന്നു .....

നാണം കൊണ്ട് ചുവന്ന അവളുടെ കവിളുകളെ ചുംബനം കൊണ്ടവൻ ചുവപ്പിക്കുമ്പോൾ

പ്രണയത്തിൽ പൊതിഞ്ഞ ആ രാവിന്റെ കുളിരിൽ അവർ പരസ്പരം അലിഞ്ഞു ചേർന്നു....

അവരുടെ വിയർപ്പ് തുള്ളികളും പ്രണയത്താൽ അലിഞ്ഞു ഒന്നായി ചേർന്നു ഒഴുകി.....

ഒടുവിൽ ഒരു കിതപ്പോടെ അവനവളിൽ നിന്നും അടർന്നു മാറുമ്പോൾ കുസൃതിയോടെ അവന്റെ മാറിലേക്ക് മുഖം പൂഴ്ത്തിയവൾ ആ നെഞ്ചിലെ രോമത്തിൽ വിരലോടിച്ചു കിടന്നു .....

പിറ്റേന്ന് മുത്തശ്ശിയുടെ നിർദ്ദേശപ്രകാരം ഉണ്ണിയും ദേവികയും ശിവയും ധ്വനിയും കൂടെ ദീർഘമംഗല്യ സൗഭാഗ്യത്തിനായി പ്രാത്ഥിക്കാനും വഴിപാട് കഴിക്കാനുമായി കുറച്ചു ദൂരെയുള്ള ദേവി ക്ഷേത്രത്തിലേക്ക് പുറപ്പെട്ടു.....

ക്ഷേത്രത്തിൽ എത്തി ദേവിയെ തൊഴുതു നിൽക്കുമ്പോൾ അനുഗ്രഹം ചൊരിഞ്ഞുള്ള ദേവിയുടെ തലോടൽ പോലെ കർപ്പൂര ഗന്ധം പേറുന്ന നേർത്ത തണുപ്പുള്ള കാറ്റ് അവരെ തഴുകി കടന്നു പോയി.....

മനസ്സ് നിറഞ്ഞു ദേവിയോട് പ്രാത്ഥിച്ചു വഴിപാട് കഴിച്ചു അവിടെ നിന്നും കിട്ടിയ കുങ്കുമം ശിവ ധ്വനിയുടെ കഴുത്തിലെ താലിയിൽ തൊടുവിച്ചു പതിയെ അവളുടെ നെറുകയിൽ ചാർത്തുമ്പോൾ അവരുടെ മിഴികൾ തമ്മിൽ കോർത്തു....

ചുണ്ടിൽ ചെറു പുഞ്ചിരിയോടെ പ്രണയം അവരുടെ മിഴികളിൽ അലതല്ലി.....

""അതേ രണ്ടും ഈ കണ്ണിൽ കണ്ണിൽ നോക്കി കഥ പറയുന്ന പരുപാടി ഇനിയെങ്കിലും നിർത്തി കൂടെ.....

 ഇപ്പോൾ ലൈസൻസ് ആയില്ലേ.. ഇനി കുറച്ചു പഞ്ചാര ഒക്കെ അടിക്കാൻ നോക്ക്....

ഉണ്ണി കളിയായി പറഞ്ഞത് കേട്ടു അവർ പുഞ്ചിരിച്ചു.....

"""കെട്ടിപിടിക്കുന്നതും ഉമ്മവെക്കുന്നതും മാത്രം ആണോടാ പ്രണയം....

അത് രണ്ട് മനസ്സുകൾ തമ്മിലുള്ള കൂടിച്ചേരൽ ആണ്....

 എന്ന് ശിവ പുഞ്ചിരിയോടെ മറുപടി നൽകി 

""അയ്യാ ഇങ്ങനെ കിണിക്കല്ലേ.... രണ്ടിനെയും ഒന്നാക്കിയത് ഞാനാണ്....

അത് മറക്കേണ്ട.....

അതുകൊണ്ട് നിങ്ങൾക്ക് ഉണ്ടാവുന്ന കുട്ടിക്ക്  മര്യാദക്ക് എന്റെ പേരിട്ടോണം ....

ആണാണെങ്കിൽ ഉണ്ണിക്കുട്ടൻ..

പെണ്ണാണെങ്കിൽ ഉണ്ണിമോൾ.....

നടക്കുന്നതിന് ഇടയിൽ ഉണ്ണി പറഞ്ഞു.....

""അയ്യടാ അത്രക്ക് ദാരിദ്ര്യം പിടിച്ച പേരൊന്നും ഞങ്ങളുടെ കുട്ടിക്ക് വേണ്ട അല്ലേ മാഷേ....

ധ്വനി ചാടി കേറി പറഞ്ഞതും അവിടൊരു കൂട്ട ചിരി മുഴങ്ങി....

അവൾ നാണത്തോടെ ശിവയുടെ കൈകളിൽ മുറുകെ പിടിച്ചു.....

അവർ നാലു പേരും ക്ഷേത്രത്തിന് വെളിയിൽ എത്തിയതും അവർക്ക് മുന്നിലായി ഒരു വണ്ടി വന്നു നിന്നു....

അതിൽ നിന്നും ഇറങ്ങിയവരെ കണ്ടു അവരാകെ അമ്പരന്ന് പോയി....

അശ്വതിയും ശ്യാമും....

കഴുത്തിൽ തുളസിമാലയൊക്കെ ഇട്ടു വരന്റെയും വധുവിന്റെയും വേഷത്തിൽ ആയിരുന്നു ഇരുവരും.....

ഏതോ രജിസ്റ്റർ ഓഫീസിൽ വെച്ച് കല്യാണം നടത്തി തൊഴാനായി അമ്പലത്തിൽ വന്നതാവാം.....

അപ്രതീക്ഷിതമായി ധ്വനിയെയും ശിവയെയും കണ്ട് അശ്വതിയുടെയും ശ്യാമിന്റെയും മുഖം വിളറി വെളുത്തു....

അവർ ഒരു പരുങ്ങലോടെ നിന്നു...

അത് കണ്ട് ധ്വനിയുടെയും ശിവയുടെയും മുഖത്ത്  പുഞ്ചിരി വിടർന്നു....

അവർ കാണാനായി ധ്വനി തന്റെ താലി പിടിച്ചു സാരിക്ക് മുകളിലൂടെ നേരെ ഇട്ടു.....

പ്രണയത്തിന്റെ നൂലിഴയയിൽ കോർത്ത ആ താലി സൂര്യ കിരണമേറ്റ് മിന്നി തിളങ്ങി....

 ശിവ മെല്ലെ ധ്വനിയുടെ തോളിലേക്ക് കൈവെച്ചു അവളെ തന്നിലേക്ക് ചേർത്തു പിടിച്ചു പുച്ഛം കലർന്നൊരു നോട്ടം അവർക്ക് നേരെ പായിച്ചു കൊണ്ട് മുന്നോട്ട് നടന്നു കാറിലേക്ക് കേറി....

പിന്നാലെ ഉണ്ണിയും ദേവികയും ചെറു ചിരിയോടെ വന്നു കേറി....

"""ചേരേണ്ടവർ തമ്മിൽ ചേർന്നല്ലേ അളിയാ.....

ഇനി ഇതിൽ ആര് ആരെ ചതിക്കുമോ എന്ന് കണ്ടറിയാം....

എന്തായാലും രണ്ടിന്റെയും ശല്യം ഇതോടെ തീരും.....

ഉണ്ണി പരിഹാസ രൂപേണ പറയുമ്പോൾ കാറിനുള്ളിൽ നിന്നും കൂട്ട ചിരി ഉയർന്നു....

കണ്ണ് നീരിന്റെ കയ്പ് അറിഞ്ഞ ധ്വനി അനാഥത്വത്തിന്റെ നോവറിഞ്ഞ ശിവയുടെ പാതിയായി എത്തിയതോടെ ഇനി അവർക്ക് സന്തോഷത്തിന്റെയും പ്രണയത്തിന്റെയും നാളുകൾ......

നഷ്ടപ്രണയത്തിന്റെ നോവറിഞ്ഞ

രാഹുലിന്റെ ജീവിതത്തിലേക്ക് മറ്റൊരു പ്രണയത്തെ വൈകാതെ ചേർത്തു വെക്കുമെന്ന് പ്രതീക്ഷിക്കാം.....

പിന്നെ നമ്മുടെ ഉണ്ണി പറഞ്ഞത് പോലെ തന്നെ ശ്യാം അശ്വതിയെ ചതിക്കുമോ

അതോ

അശ്വതി ശ്യാമിനെ ചതിക്കുമോ

ഇനി രണ്ടും കൂടെ ഒടുവിൽ അനന്തുവിനെ ചതിക്കുമോ എന്നത് അവർക്ക് തന്നെ വിട്ടു കൊടുക്കാം ......

കാലം ഒരുക്കി വെച്ച കണക്കുകൾക്ക് അവർ ഉത്തരം പറയേണ്ടി വരുക തന്നെ ചെയ്യും.....

പ്രണയം ചിലപ്പോഴേക്കെ ഇങ്ങനെ ആണ് ചതിയുടെ പടുകുഴിയിൽ വീഴ്ത്തും പക്ഷേ അവിടെ നിന്നും നമ്മളെ കൈപിടിച്ച് കയറ്റാൻ നമുക്ക് വിധിക്കപ്പെട്ട പ്രണയം എത്തുക തന്നെ ചെയ്യും....

കാത്തിരിക്കുക ആ പ്രണയത്തിനായി.....

-💕ശുഭം 💕-

 📝 ശിവ

DOWNLOAD PDF STORY CLICK 

HERE

READ MORE STORIES CLICK HERE