🦋 എന്നെന്നും 🦋 ഫുൾ പാർട്ട് 🦋

🦋 എന്നെന്നും 🦋 ഫുൾ പാർട്ട് 🦋 

മോനെ ..... പാറുവിന്റെ  ഈ  ഇരുപ്പ്  കണ്ടിട്ട്  സഹിക്കുന്നില്ല ....

 എത്ര ചോദിച്ചിട്ടും  എത്ര  ആലോചിച്ചിട്ടും  എന്താ സംഭവിച്ചത്  എന്ന്  മനസ്സിലാകുന്നില്ല ... 

കാവിൽ  അസമയത്തുള്ള  പോക്ക്‌  വേണ്ട  എന്ന്  ഞാൻ  പലപ്പോഴും  താകീത്  കൊടുത്തിട്ടുള്ളതാണ് ....

 ഇനി  വെല്ല  പേടിയും  കിട്ടിയതാണോ  എന്ന്  ആർക്ക്  അറിയാം 

നിന്നോടാകുമ്പോൾ  അവൾ  എല്ലാം  തുറന്നു പറയുമല്ലോ ... 

അതാ  ഞാൻ  നിന്നോട്  അത്യാവശ്യമായി  നാട്ടിൽ  വരാൻ  പറഞ്ഞത് 

അച്ഛനില്ലാത്തതിന്റെ  കുറവ്  അറിയിക്കാതെ  ലാളിച്ചു  വളർത്തിയതാണ് ... 

ഉള്ളിൽ  ആധിയാണ്  മോനേ ....

നിറകണ്ണുകളോടെ  സുഭദ്ര  മകൻ  ഗിരിയോട്  പറഞ്ഞു ....

അമ്മ  ഒന്ന്  സമാധാനപ്പെട്   .... ഞാൻ  പാറുനോട്  സംസാരിച്ചു  നോക്കട്ടെ ... 

അവളുടെ  പ്രശ്നം  എന്താണെന്ന്  അറിഞ്ഞിട്ടേ  ഞാൻ  ഇനി  പോകാത്തൊള്ളൂ .... 

ഗിരി  പകുതി  കുടിച്ച  ചായ  മേശപ്പുറത്തു  വെച്ചിട്ടു  കോണിപ്പടി  കയറി  പോയി ...

സുഭദ്രക്ക്  രണ്ട്  മക്കളാണ്  ഗിരീഷ്  എന്ന ഗിരിയും  ഗൗരി പാർവതി  എന്ന പാറുവും ... 

ഒരപകടത്തിൽ  അവരുടെ  അച്ഛനെ അവർക്കു ചെറുപ്പത്തിലേ  നഷ്ടമായി .... 

ഗിരിയും  പാറുവും  തമ്മിൽ പത്തു  വയസ്സിന്റെ  വത്യാസം  ഉണ്ട് ....

ഗിരിയുടെ  പ്രാണൻ  ആണ്  പാറു .... അനിയത്തി  മാത്രമല്ല  സ്വന്തം  മകളെ  പോലെയാണ്  പാറുവിനെ  ഗിരി  നോക്കിയത് .... 

അച്ഛന്റെ  സ്ഥാനം  തന്നെയാണ്  ഗിരിക്ക്  പാറു നൽകിയിട്ടുള്ളത് ..

പോലീസ്  ട്രെയിനിംഗിനായി കുറച്ചു  നാൾ  വീട്  വിട്ട്  ഗിരിക്ക് നിൽക്കേണ്ടി  വന്നു ...

പക്ഷെ  പാറു  ഒരിക്കൽ പോലും  എന്തെങ്കിലും  പ്രശ്നമുള്ളതായി  തന്നോട്  പറഞ്ഞിട്ടില്ല ....

ഗിരി പാറുവിന്റെ  മുറിയുടെ  വാതിൽ  മുട്ടി ... അല്പസമയത്തിനു  ശേഷം  പാറു  വാതിൽ  തുറന്നു .... 

അവളുടെ  പ്രസരിപ്പില്ലാത്ത  മുഖവും  ഉറക്കം തളം കെട്ടി  നിൽക്കുന്ന  കണ്ണുകളും  അവളുടെ  ക്ഷീണത്തെ  വിളിച്ചുപറയുന്നുണ്ടായിരുന്നു ....

പാറു  ഗിരിയുടെ  മുഖത്ത്  നോക്കി  ഒന്ന്  ചിരിക്കാൻ  ശ്രമിച്ചു ...:

ഗിരി  മുറിക്കുളിലേക്ക്  കയറി  കസേര  നീക്കി  ഇട്ട്  ഇരുന്നു ...

പാറു .... വാതിൽ  അടച്ചേക്ക്  മോളേ ....

പാറു വാതിൽ അടച്ചു .... കട്ടിലിൽ  ചെന്നിരുന്നു ....

എന്താ  എന്റെ  പാറുട്ടിക്ക്  പറ്റിയത് ???അമ്മ  പറഞ്ഞത്  പോലെ  എന്തേലും  കണ്ടു  പേടിച്ചതാണോ? 

എന്തായാലും മോൾടെ  ഏട്ടനോട്  ധൈര്യമായി  പറയു ... നമുക്ക്‌  പരിഹാരം  കാണാം ... ഗിരി  വാത്സല്യത്തോടെ പറഞ്ഞു ...

അത്‌ .... ഏട്ടാ  എനിക്ക്  ഒന്നുമില്ല ... അമ്മ  ചുമ്മാതെ  പറയുന്നതാണ്... പാറു  ഗിരിയെ  നോക്കാതെ  പാറു  പറഞ്ഞൊപ്പിച്ചു ...

മോളെ  നീ  ഇങ്ങനെ  ഒന്നും അല്ല എന്ന്  ഞങ്ങൾക്കു  നന്നായി  അറിയാവുന്നതല്ലേ ??

നീ  കാവിൽ  പോയി  വന്നതിന്  ശേഷമാണ്  ഈ  മാറ്റമെന്നാണ്  അമ്മ  പറയുന്നത് ?? അതിൽ  എന്തേലും  വാസ്‌തവം  ഉണ്ടോ ???

ഗിരിയുടെ  ചോദ്യം  ചെയ്യലിൽ പാറുവിനു  പിടിച്ചു നിൽക്കാനായില്ല .... ഗിരിയുടെ നെഞ്ചിൽ  വീണ്  പാറു കരഞ്ഞു...

ഗിരി  അവളെ നെഞ്ചോട്  ചേർത്ത് ആശ്വസിപ്പിച്ചു .....

🦚🦚🦚🦚🦚🦚🦚🦚🦚🦚🦚

അമ്മേ ഞാൻ  ഒന്ന് കവല  വരെ   പോയിട്ട്  വരാം ...

ഗിരി സുഭദ്രയോട്  പറഞ്ഞിട്ട് ബുള്ളറ്റും എടുത്ത്  കൊണ്ട്  പോയി ....

കവലയിലെ  നാരായണേട്ടന്റെ ചായ കടയിൽ  നിന്നും  ചായ  വാങ്ങി  കുടിച്ചു  നാട്ടുവിശേഷം  പറഞ്ഞുകൊണ്ട്  നിന്ന  സമയത്താണ് ഗിരിയുടെ  സുഹൃത്തും സഹപാഠിയുമായ  പ്രവീൺ  വന്നത് ...

ഗിരിയെ  കണ്ടതും  പ്രവീൺ  സന്തോഷത്തോടെ  പോയി  കെട്ടിപിടിച്ചു ....എന്താടാ  ഒരു മുന്നറിയിപ്പും  ഇല്ലാതെ  നീ  വന്നത് ??

പ്രവീൺ  ചോദിച്ചു ....

ഗിരിയുടെ  മുഖം  മാറി ....അമ്മ  വിളിച്ചിട്ട് വന്നതാടാ ... വീട്ടിൽ ഒരു  ചെറിയ വിഷയം  ഉണ്ട് ...

എന്താടാ  എന്ത് പറ്റി  നിന്റെ മുഖം  വല്ലാതെ  ഇരിക്കുന്നത്  ??? എന്തേലും  കാര്യമായ  പ്രശ്നം  ആണോ ??? പ്രവീൺ  തിരക്കി .....

ഡാ  നീ പറയാതെ തന്നെ  എനിക്ക്  അറിയാം  നിനക്ക്  എന്റെ പാറുവിനോടുള്ള ഇഷ്ട്ടം ... 

അവൾക്കും തിരിച്ചു  നിന്നോട്  ഇഷ്ടമുള്ളതായിട്ടാണ്  എന്റെ അറിവ് ... അവൾക്ക്  എന്തേലും പ്രശ്നമുള്ളതായി നിന്നോട് പറഞ്ഞിരുന്നോ  പ്രവീൺ ... ഗിരി  ചോദിച്ചു ...

ഇല്ല ... എന്നോട്  അവൾ  ഒന്നും  പറഞ്ഞിട്ടില്ല ... പിന്നെ  പരീക്ഷ  അടുക്കുന്ന സമയത്തു അധികം  ഫോൺ വിളിക്കാറില്ല.. 

ഞാൻ പാറുവിനെ അവസാനം  കണ്ടത്  തന്നെ  സർപ്പകാവിലെ ആയില്യ  പൂജയുടെ  അന്നാണ് ...അന്ന്  അവൾ  ആകെ  സന്തോഷത്തിൽ  ആയിരുന്നു ... 

നിനക്ക്  ആദ്യ പോസ്റ്റിങ്ങ്  നമ്മുടെ  നാട്ടിൽ  തന്നെയാവാൻ  അവൾ  പ്രത്യേകം പവഴിപാട്  നടത്തി എന്നാണ് പറഞ്ഞത് ...

ഞാൻ  അവിടെ നിന്നും  പോരാൻനേരവും പാറു  കൂട്ടുകാരുമായി  സർപ്പക്കാവിൽ  തന്നെ  ഉണ്ടായിരുന്നു ....

അന്ന്  രാത്രി  വിളിച്ചപ്പോൾ  അവളുടെ  ഫോൺ  ഓഫ് ആയിരുന്നു ...

പിറ്റേദിവസം  വിളിച്ചപ്പോൾ  പനി  ആയത്  കൊണ്ട്  കോളേജിൽ  പോകുന്നില്ല  എന്ന്  പറഞ്ഞു ....

 പിന്നെ  വിളിക്കുമ്പോൾ ഒക്കെ സുഭദ്രാമ്മ അടുത്ത്  ഉള്ളതായി പറഞ്ഞു  അവൾ  ഒഴിഞ്ഞുമാറി ....

തിരിച്ചു  വിളിച്ചാലും  അധികം ഒന്നും സംസാരിക്കാതെ  പാറു ഫോൺ  വെക്കുമായിരുന്നു ....

എന്തേലും  പ്രശ്നമുള്ളതായി  അവൾ  എന്നോട്  പറഞ്ഞില്ല .... 

ഹമ്മ്  .... ഗിരി ഒന്ന്  മൂളി ....

അപ്പോൾ  അമ്മ  പറഞ്ഞത്  പോലെ  കാവിൽ  നിന്ന്   തിരിച്ചു  വരും വഴി പാറുവിനു  എന്തോ  സംഭവിച്ചിട്ടുണ്ട് ....

പ്രവീൺ .... അന്ന്  കാവിൽ  വെച്ചു  പാറുവിന്റെ  കൂടെ കണ്ടവരെ  നീ  ഇനിയും  കണ്ടാൽ  തിരിച്ചറിയുമോ ??? ഗിരി  ചോദിച്ചു ....

പിന്നെ ... അതെന്തു ചോദ്യമാടാ ??? അവരെയെല്ലാം  പലപ്രാവശ്യം ഞാൻ  പാറുവിനോട്  ഒപ്പം കണ്ടിട്ടുണ്ട് ....

ഗിരി  ഫോൺ  എടുത്ത്  ഗ്യാലറിയിൽ നിന്ന്  ഒരു  ഫോട്ടോ  എടുത്ത്  കാണിച്ചു ...

ആ  കൂട്ടത്തിൽ  ഇവൻ  ഉണ്ടായിരുന്നോ ??? നിനക്ക്  ഇവനെ  കണ്ടു  പരിചയം  ഉണ്ടോ ??? ഗിരി  ചോദിച്ചു ...

എടാ ഇവന്റെ  പേര്  ടോണി .... ഇവന്റെ  അപ്പനെ  ഒരുപക്ഷെ  നീ  അറിയും ... ക്രിമിനൽ  വക്കീൽ  പീറ്റർ  ഐസക്കിന്റെ  ഒറ്റ  മകൻ ....

ഇവൻ  ആള്  ഒരു വെടക്കാണ് ....നീ  ഇപ്പൊ  എന്താ  ഇവനെ  പറ്റി  തിരക്കിയത് ??? പ്രവീണിന്  സംശയമായി 

ഇവൻ  അന്ന്  കാവിൽ  ഉണ്ടായിരുന്നോ ??? 

ഏയ്‌  ഇവനെ  ഞാൻ  ആ  പരിസരത്തു  ഒന്നും കണ്ടതായി  ഓർക്കുന്നില്ല ...

എന്താടാ  ഇപ്പോഴും  നീ  എന്താണ്  കാര്യം  എന്ന്  പറഞ്ഞില്ലല്ലോ ??? പ്രവീൺ  അസ്വസ്ഥനായി 

ഒരാഴ്ചയായി  പാറുവിനു  ആകെ മൊത്തം  ഒരു മാറ്റം , ആരോടും മിണ്ടുന്നില്ല , ഒരു പ്രസരിപ്പില്ല മുറിയിൽ തന്നെ അടച്ചുപൂട്ടി  ഉള്ള  ഇരിപ്പ് ... 

അമ്മക്ക്  ആധി  കയറി  എന്നെ  വിളിച്ചു  വെറുത്തിയതാണ് ...

 അമ്മ  പറയുന്നു  കാവിൽ  നിന്നു വന്ന്  മുറിയിൽ  കയറി ഒരു ഇരുപ്പ്  ഇരുന്നതാണ്  .... പിന്നെ  തൊട്ട് ആണ്  ഈ മാറ്റങ്ങൾ ശ്രദ്ധിച്ചു  തുടങ്ങിയത് .... 

പേടി തട്ടിയതാണെന്ന്  അമ്മ  പറയുന്നു .... അവൾക്ക്  പരിചയം  ഇല്ലാത്ത  കാവും  പരിസരവും  അല്ലല്ലോ പ്രവീണേ ....

അല്ലെങ്കിൽ അമ്മ  പറഞ്ഞത് പോലെ  പാറുവിനു  പേടി  തട്ടിയതായിരിക്കും  അങ്ങനെയെങ്കിൽ  എന്റെ പാറുവിനെ  പേടിപ്പെടുത്തുന്ന  എന്തോ  ഒന്ന്  അന്ന്  സംഭവിച്ചിട്ടുണ്ട് .... 

അത്‌  എന്താണെന്ന്  നമ്മൾ  കണ്ടുപിടിക്കണം .... 

ഞാൻ  പാറുവിനോട്  ചോദിച്ചപ്പോൾ  അവൾ  ഒന്നും  വിട്ടുപറയുന്നില്ല .... 

ആരെയോ  ഭയപ്പെടുന്നത്  പോലെ ഉള്ള  സംസാരവും  പെരുമാറ്റവും  ആണ്  എനിക്കും  തോന്നിയത് .... 

അവൾ  ഉറങ്ങിയ സമയത്തു  അവളുടെ  ഫോൺ ഞാൻ  പരിശോധിച്ചു .... 

ഇവന്റെ വാട്സാപ്പ്  നമ്പറിൽ  നിന്നും പാറുവിനു  കുറച്ചു  മെസ്സജുകൾ  വന്നിട്ടുണ്ട്‌  അതിൽ  പലതിലും  ചില  ഭീഷണിയുടെ  നിഴൽ  ഉണ്ട് ....

എന്തായാലും  ഇതിലെ  സത്യം എന്താണെന്ന്  അറിഞ്ഞിട്ടേ ഇനി  ഒരു മടക്കം  ഒള്ളു  പ്രവീൺ .....

ഭാഗം -2

എന്നോടും  നിന്നോടും  പറയാൻ  മടിക്കുന്ന കാര്യമാണെങ്കിൽ  അത്‌  അത്രെയും  ഗൗരവം  ഉള്ളതാവണം.... 

അത്‌  കണ്ടുപിടിച്ചു പരിഹരിച്ചിട്ടേ ഇനി ഞാൻ  പോകുന്നൊള്ളു പ്രവീൺ ...

അത്‌  മതി  ഗിരി .... എന്തിനും  ഞാൻ  ഉണ്ടടാ  നിന്റെ കൂടെ .... പ്രവീൺ  ഗിരിയെ  ചേർത്ത് പിടിച്ചു  പറഞ്ഞു ....

നിനക്ക് ടോണിയുടെ  വീട്  എവിടെയാണെന്ന് അറിയാമോ ???

 അവനെ പൊക്കിയാൽ കാര്യങ്ങൾ  അറിയാൻ  പറ്റുമെന്ന് മനസ്സ്  പറയുന്നു ...

ഡാ നീ  കരുതുന്നപോലെ  ടോണി  അത്ര നിസ്സാരകാരൻ അല്ല ....

അവന്റ  അപ്പന്റെ പിടിപാട് ഞാൻ പറയാതെ തന്നെ  നിനക്ക്  മനസിലായികാണുമെല്ലോ ....

അവന്റെ  അപ്പൻ  എത്ര കൊമ്പത്തെ ആളായാലും ഈ  ഗിരിക്ക്  പേടിയില്ല ...

എന്റെ പെങ്ങളെ  നോവിക്കുന്ന  എന്തോ  ഒരു സംഭവം  നടന്നിട്ടുണ്ട് ??? 

അവളെ  നോവിച്ചത്  ആരായാലും  അവർ ഈ  ഗിരി  ആരാണെന്ന് ശെരിക്കും  മനസ്സിലാക്കി കൊടുത്തിരിക്കും ...

ടോണിയുടെ  ഒരു  വാലിനെ  എനിക്ക്  അറിയാം  ...അരുൺ  ....

 അവൻ  ആണ്  ടോണിയെ ഇത്രെയും  എരിപിരി  കെട്ടി  ഓരോന്നിൽ എടുത്ത് ചാടിക്കുന്നത് ...

അരുൺ  പാറുവിന്റെ  ക്ലാസ്സിൽ  ആണ്  പഠിക്കുന്നത്  എന്ന്  അറിയാം .... 

ഇപ്പൊ  ഞാൻ  ഓർക്കുന്നു ഗിരി  ... അന്ന്  കാവിൽ  കൂട്ടുകാരോടൊപ്പം  അരുണും  ഉണ്ടായിരുന്നു .... 

ഞാനും  പാറുവും  കൂടി  സംസാരിച്ചപ്പോൾ  ഞങ്ങളെ  അവൻ  ശ്രദിക്കുന്നുണ്ടായിരുന്നു .... 

ഇതിനെ  പറ്റി ഞാൻ  അപ്പോൾ തന്നെ പാറുവിനോട്  പറഞ്ഞപ്പോൾ  അവൻ  ഒരു പ്രേമവിരോധി  ആണെന്ന്  പറഞ്ഞു  ചിരിച്ചു  തള്ളി .....

അവനെ പൊക്കിയാൽ  ചിലപ്പോൾ  കാര്യങ്ങൾ  അറിയാൻ  സാധിക്കുമെന്ന്  എന്റെ മനസ്സ്  പറയുന്നു  ഗിരി ....

ശരി ... എന്നാൽ  അരുണിനെ  പൊക്കാം ... അതിനുള്ള വഴി നോക്കാമെടാ പ്രവീൺ ...ഗിരിയുടെ കണ്ണുകൾ  കുറുകി ....

ഗിരിയുടെ ബുള്ളറ്റിന്റെ  പിറകിൽ  പ്രവീൺ കയറി  ടോണിയുടെ  വീട്  ലക്ഷ്യമാക്കി അവർ പുറപ്പെട്ടു ....

🦚🦚🦚🦚🦚🦚🦚🦚🦚🦚🦚

ഒരു ഇടവഴിയിൽ  കൊണ്ട്  വണ്ടി  നിറുത്തി ....

എടാ  ആ  കാണുന്നതാണ്  ടോണിയുടെ  വീട് .... 

ദേ നീ ആ ബാൽക്കണിയിൽ  നിൽക്കുന്ന  കറുത്ത ടീഷർട്ട്  ഇട്ടു നില്കുന്നവനെ  കണ്ടില്ലേ .... അതാണ് അരുൺ ....

കൂടെ ഫോണിൽ  തോണ്ടികൊണ്ട്  നിൽക്കുന്ന  ചുവന്ന  ഷർട്ട്  ഇട്ടവൻ ആണ്  ടോണി ...

പ്രവീൺ പറഞ്ഞുകൊണ്ടിരുന്നു ....

ഡാ  ഇവിടെ നിന്നു  തന്നെ  നമ്മൾ  അരുണിനെ  പിന്തുടർന്ന്  പിടിക്കണം ....

ഗിരി  അവൻ  ഇറങ്ങുവാനെന്ന് തോന്നുന്നു .... നീ  ബുള്ളറ്റ്  സ്റ്റാർട്ട്  ചെയ്തോ .... പ്രവീൺ  ഗിരിയുടെ  തോളിൽ  തട്ടി ...

അരുൺ  ടോണിയുടെ  വീട്ടിൽ  നിന്നും  ഇറങ്ങിയിരുന്നു ....

മെയിൻ റോഡിൽ കയറിയത്  കൊണ്ട്  അരുൺ  തന്നെ  പിന്തുടരുന്നവരെ  ശ്രദ്ധിച്ചില്ല ....

മെയിൻ റോഡ്  കടന്ന്  അരുണിന്റെ  വണ്ടി  വെളിച്ചക്കുറവുള്ള  ഒരു  ഇടവഴി  കയറി ....

 ഗിരി  ബുള്ളറ്റിന്റെ  സ്പീഡ്  കൂട്ടി  ...

 അരുണിനെ  ഇടിച്ചു  ഇടിച്ചില്ല  എന്ന  രീതിൽ  ഓവർടേക്ക്  ചെയ്തു  ബുള്ളറ്റ്  അരുണിന്റെ

  ബൈക്കിന്റെ  കുറുകെ  കൊണ്ട് നിറുത്തി ..... 

അരുണിന്റെ  കയ്യിൽ  നിന്നും  വണ്ടി  പാളി നിലത്തു  വീണിരുന്നു ....

ആരുടെ  അമ്മക്ക്  വായു  ഗുളിക  വാങ്ങാൻ  ഇറങ്ങിയതാടാ ¥*¥*¥*മക്കളെ .... 

അരുൺ  അസഭ്യം  പറഞ്ഞു  കൊണ്ട്  നിലത്തു  നിന്ന്  ചാടി  എഴുനേറ്റ്  ഗിരിയുടെ  ബുള്ളറ്റിനു  നേരെ  പാഞ്ഞു  ചെന്നു .....

ഗിരി  ശരവേഗത്തിൽ  ബുള്ളറ്റിൽ നിന്ന്  ഇറങ്ങി  അരുണിന്റെ  കഴുത്തിന്  കയറി  പിടിച്ചു .... 

ആരുടെ  അമ്മക്ക്  വായു  ഗുളിക  മേടിക്കേണം  എന്ന്  ഞാൻ  നിനക്ക്  പറഞ്ഞു  തരാമെടാ ....

പെട്ടെന്നുള്ള  ഗിരിയുടെ  പ്രതികരണത്തിൽ  അരുൺ  ഭയന്ന്  പോയിരുന്നു ....

എടൊ  താൻ  ആരാ ???തനിക്ക്  എന്ത്  വേണം  ???

താൻ  എന്തിനാ  എന്നെ  വഴിയിൽ  തടഞ്ഞു  നിർത്തുന്നുന്നത് ???

നിനക്ക്  എന്നെ  അറിയാൻ  വഴിയില്ല .... പക്ഷെ എന്റെ അനിയത്തി  ഗൗരി പാർവതിയെ  നീ അറിയും ... 

എന്താ  നിനക്ക്  ഗൗരിയെ  അറിയില്ലന്നുണ്ടോ ??? ഗിരിയുടെ  കൈകൾ  ഒന്നുകൂടി  മുറുകി ....

ഗൗരി എന്റെ  ക്ലാസ്സ്‌മേറ്റ് ആണ് ...ഞങ്ങൾ  നല്ല  കൂട്ടുകാർ  ആണ്  .... 

ഗൗരിയുടെ  ഏട്ടൻ  എന്തിനാ  എന്നെ  വഴിയിൽ  തടയുന്നത് ....അരുൺ  ചോദിച്ചു ....

ഞാൻ  നിന്നെ  എന്തിനാ  തടഞ്ഞു  നിർത്തിയിരിക്കുന്നത്  എന്ന് നിനക്ക്  അറിയില്ലേടാ ???

പാറുവിനു  എന്താ  പറ്റിയത് ???

നീ അവസാനമായി  പാറുവിനെ  കണ്ടത്  എന്നാണ് ???? ഗിരിയുടെ  ചോദ്യം  ചെയ്യലിൽ അരുൺ പതറി ....

അത്‌  ഏട്ടാ  ഞാൻ അവളെ  കഴിഞ്ഞ  വെള്ളിയാഴ്ച്ച  കോളേജിൽ  വെച്ച്  കണ്ടതാണ്.... 

ഈ  ആഴ്ച  അവൾ  കോളേജിൽ വന്നില്ല .... 

കൂട്ടുകാരോട്  ചോദിച്ചപ്പോൾ  അവൾക്ക് പനിയായത് കൊണ്ട്  വന്നില്ലെന്ന്  അറിയാൻ  കഴിഞ്ഞു .... അരുൺ  ഗിരിയോട്  പറഞ്ഞു .....

നീ. ഇപ്പോൾ  പറഞ്ഞതിൽ  പകുതി സത്യവും  പകുതി  കള്ളവുമാണ് .... 

അവളെ  നീ അവസാനം  കണ്ടത്  കോളേജിൽ  വെച്ച്  അല്ലെന്നു  എനിക്ക്  അറിയാം ....

നീയും  കൂട്ടുകാരും  അവളോടൊപ്പം  ആയില്യ പൂജക്ക്  സർപ്പക്കാവിൽ  ഉണ്ടായിരുന്നതിന്റെ  തെളിവ്  എന്റെ പക്കൽ  ഉണ്ട് ... 

എന്താ  നിനക്ക്  തെളിവ്  വേണോ ???.... നിനക്ക്  ഇവനെ  അറിയുമോ ??? ഇവൻ നിന്നെ  പാറുവിന്റെ കൂടെ സർപ്പക്കാവിൽ  വെച്ച്  കണ്ടതാണ് ....പ്രവീണിനെ ചൂണ്ടി  ഗിരി  പറഞ്ഞു 

നീ  എന്തിനാ  കള്ളം  പറഞ്ഞത് ??? ആരെ  രക്ഷിക്കാൻ  ആണ്  നീ  ശ്രമിക്കുന്നത് ???

വെറുതെ  എന്റെ കൈ  മെനക്കെടുത്താതെ സത്യം പറയുന്നതാണ്  നിനക്ക് നല്ലത് ...

അല്ലെങ്കിൽ  നീ  നല്ല രീതിയിൽ  വീട്ടിൽ  എത്തില്ല ....

ഇപ്പോഴാ  ഞാൻ  ഓർത്തത്  ഞാൻ  ഗൗരിയെ  കാവിൽ വെച്ചു  കണ്ടിരുന്നു ഓപ്പണ് കൂട്ടുകാരും  ഉണ്ടായിരുന്നു ... പെട്ടെന്ന്  ഓർത്തില്ല ...

അരുൺ ഗിരിയുടെ  മുന്നിൽ  പിടിച്ചുനിൽക്കാൻ  ഒരു  ശ്രമം  നടത്തി ....

നിന്നോട്  മര്യാദയ്ക്ക് ചോദിച്ചാൽ  നീ പറയില്ല  അല്ലേടാ .... ഗിരി അരുണിന്റെ  ഇരു  കവിളത്തും  മാറി  മാറി  തല്ലി ... 

നിന്റെ  ബോസ് ടോണിക്ക്  എന്റെ  പാറുവുമായി  എന്താ  ഇടപാട് ??? 

ഈ തവണ  അരുൺ  ശെരിക്കും  ഞെട്ടിപോയിരുന്നു 

ഇനി നീ  സത്യം  പറഞ്ഞോ  എല്ലാം  പാറുവിൽ  നിന്ന്  ഞാൻ  അറിഞ്ഞിട്ടാണ്   വരുന്നത് ... 

നീ എന്നിൽ നിന്നും  എന്ത് മറച്ചു  വെച്ചാലും  സത്യം  പറയുന്നത്  വരെ  നിന്റെ  ശരീരം  ഞാൻ നോവിച്ചു  കൊണ്ട്  ഇരിക്കും  .... നിനക്ക്  അത്‌  താങ്ങാൻ  ആകില്ല  അരുൺ ....

അരുൺ  ഗിരിയുടെ  മുന്നിൽ  നിസ്സഹായൻ  ആയി ....

ഇനി  എന്നെ  ഉപദ്രവിക്കരുത് .... ഞാൻ  സത്യം  പറയാം  ...

ഗൗരി  എന്റെ  ചുരുക്കം  ചില  നല്ല  കൂട്ടുകാരിൽ  ഒരാളാണ് ...

 ഞാനും  ഗൗരിയും  തമ്മിലുള്ള  ചങ്ങാത്തവും  ക്ലാസ്സിലെ  തമാശകളും  ഞാൻ  ടോണിയോട് പങ്ക്  വെക്കാറുണ്ട് ...

ടോണിയുടെ  നിഴൽ  തന്നെ  ആണ്  ഞാൻ ... പെണ്ണ്  വിഷയത്തിൽ  ടോണിക്ക്  ഒരു പ്രത്യേക  താല്പര്യം  ഉണ്ട് .... അതിനോട്  എന്നും  ഞാൻ  ടോണിയോട്  എതിരാണ് .... 

ഗൗരി ഞങ്ങളുടെ  സ്ഥിരം സംസാരവിഷയം  ആയപ്പോൾ  ടോണിക്ക്  ഗൗരിയോട്  താല്പര്യം തോന്നി തുടങ്ങി ....

ടോണി  ഗൗരിയുടെ  പിന്നാലെ  പ്രണയാഭ്യര്ഥനയുമായി  കുറെ  നടന്നു ....

ഗൗരി  നഖശികാന്തം എതിർത്തു .... ഗൗരിക്ക്  ഒരിഷ്ടം  ഉണ്ടെന്നും  , ജീവനുണ്ടെങ്കിൽ  അയാളെ  മാത്രമേ  കല്യാണം കഴിക്കത്തൊള്ളൂ എന്ന്  കട്ടായം പറഞ്ഞു ....

പതിയെ  പതിയെ  ടോണിക്ക്  ഗൗരിയോടുള്ള  താല്പര്യം പകയായി  മാറി ... 

എങ്ങനെയും  അവളെ  സ്വന്തമാക്കണം  എന്ന്  അവൻ  എന്നോട്  പറഞ്ഞു ...

ഞാൻ  ടോണിയയോട്  ഗൗരിയെ  പറ്റി  വിശദമായി  പറഞ്ഞു കൊടുത്തു ....

 അവന്റെ  ഇഷ്ട്ടം  വരും  ഗൗരിയുടെ  ശരീരം  സ്വന്തമാക്കാനാണെന്ന്  അറിഞ്ഞതോടെ  ഞാൻ  ടോണിയെ ഇതിൽ  നിന്നും  പിന്തിരിപ്പിക്കാൻ  ശ്രമിച്ചു ...

ഞാൻ  ടോണിയെ  എതിർത്തു  സംസാരിച്ചപ്പോൾ  അവൻ എനിക്ക്  നേരെ  തിരിഞ്ഞു .... 

അവൻ  ഏത്‌  വഴിക്കും  ഗൗരിയെ സ്വന്തമാക്കും  എന്ന്  വെല്ലുവിളിച്ചു .....

അതിനായി അവൻ  ഗൗരിയുടെ  ചിത്രം മോർഫ്  ചെയ്ത്  കുറെ  വ്യാജ വീഡിയോസ്  ഉണ്ടാക്കി  എന്നെ  കാണിച്ചു ....

ആരും  അത്‌  ഗൗരി  അല്ലെന്ന്  പറയില്ല  ... അതുപോലെ  വിശ്വസിക്കും തരത്തിൽ  ഉള്ള  വീഡിയോസ്  ആയിരുന്നു  അത്‌.....

ഒരിക്കലും  എനിക്ക്  ഗൗരിയെ ചതിക്കണം  എന്നില്ല ...

എങ്ങനെയും  ഗൗരിയെ  ഇതിൽ നിന്ന്  രക്ഷിക്കാനാണ്  ഞാൻ  അന്ന്  കാവിൽ  വന്നതും  അവളോട്  എല്ലാം  തുറന്ന്  പറഞ്ഞതും ....

അവൾക്ക്  ഞാൻ  ഒരു മുന്നറിയിപ്പ്  കൊടുത്തതാണ് ....

ഇത്‌  അറിഞ്ഞ ഗൗരി  അന്ന്  ഒരുപാട്‌  കരഞ്ഞു ...എനിക്ക്  പിന്നെ  അവിടെ നില്ക്കാൻ  തോന്നിയില്ല ...

ഗൗരി  കോളേജിൽ വരാതെ  ഇരുന്നപ്പോൾ  എനിക്ക്  പേടി തോന്നി ... 

കൂട്ടുകാരെ  കൊണ്ട്  വിളിപ്പിച്ചപ്പോൾ  പനിയാണ്  എന്ന് അറിയാൻ കഴിഞ്ഞു ....

ടോണിയുടെ  നീക്കങ്ങൾ  അറിയാൻ വേണ്ടി മാത്രമാണ്  ഇപ്പോൾ  ഞാൻ  അവന്റെ കൂടെ  നില്കുന്നത് ....

ഞാൻ  അവന്റെ  പദ്ധതി വെല്ലതും  ആരോടേലും  പറഞ്ഞാൽ  അവൻ  എന്നെ  തീർത്തു  കളയും  എന്ന  ഭീഷണി ഉണ്ട് ....

ഞാൻ കൊള്ളരുതാത്തവൻ  ആണ്  സമ്മതിച്ചു .... 

പക്ഷെ  ഒരു പെണ്ണുങ്ങളോടും  ഈ  അരുൺ  ഇന്നേവരെ  അപമര്യാദയായി പെരുമാറിയിട്ടില്ല ....

എനിക്കും  ഒരു  അനിയത്തി  ഉള്ളതാണ്  ചേട്ടാ ...

ടോണിയോട്  ഇടയാൻ  കൊള്ളില്ല ....

 അവന്റെ  അപ്പൻ  അവനെക്കാളും കൊള്ളരുതാത്തവൻ  ആണ് ....  അരുൺ  ഗിരിയോട് പറഞ്ഞു നിറുത്തി ....

നീ  പറഞ്ഞത്  ഞാൻ  എങ്ങനെ  വിശ്വസിക്കും .... ഗിരി അരുണിനോട്  ചോദിച്ചു ....

ഞാൻ  ഏട്ടന്റെ കൂടെ  വരാം ... എന്റെ മുന്നിൽ  വെച്ചു  ഏട്ടൻ  ഗൗരിയോട്  ചോദിച്ചു  നോക്കികൊള്ളൂ .... അരുൺ പറഞ്ഞു ....

ഗൗരിയെ  ഈ കുരുക്കിൽ നിന്നും  രക്ഷപെടുത്താൻ  നിങ്ങൾക്കൊപ്പം  ഞാനുമുണ്ട് ....

ഗിരി  അരുണിന്റെ  ചുമലിൽ തട്ടി ......

എന്നോട് ക്ഷെമിക്ക്  അരുൺ ....കാര്യം  അറിയാതെയാണ് നിന്നെ  ഞാൻ  തല്ലിയത് ...

 

ടോണിയുടെ  സൂക്കേട് എങ്ങനെ പരിഹരിക്കണം എന്ന്  എനിക്ക്  അറിയാം ... 

ഇനി ഒരിക്കലും  ഒരു പെണ്ണുങ്ങളോടും  അവൻ  ഒരു  കന്നംതിരിവും  കാട്ടാൻ  പറ്റാത്തതു  പോലെ അവനെ  നമുക്ക്‌  ശെരിയാക്കാം ....

ഗിരിയുടെ  മനസ്സിൽ എന്താണെന്ന്  മനസിലാകാതെ  പ്രവീണും  അരുണും  പരസ്പരം നോക്കി ....

ഭാഗം -3

അരുണിന്  അറിയുമോ  ഞാൻ  ഇപ്പോൾ നാട്ടിൽ വന്നത്  അമ്മ  വിളിച്ചിട്ടാണ്... 

അന്ന്  കാവിൽ നിന്നും  വന്നതിൽ  പിന്നെ  പാറു  ആകെ  മാറിപ്പോയി ....

ആരോടും  മിണ്ടുന്നില്ല , സമയത്തു  ഭക്ഷണം  ഇല്ല  ഉറക്കം  ഇല്ല  അമ്മ പറഞ്ഞു  അവൾക്ക്  പേടി  കിട്ടിയതാണെന്ന് ...

പക്ഷെ  ഞാൻ  അത്‌  വിശ്വസിക്കാൻ  കൂട്ടാക്കിയില്ല കാരണം  അത്  ഞങ്ങളുടെ  കുടുംബക്ഷേത്രവും  കാവുമാണ് .... അവിടുത്തെ  നാഗത്താന്മാർ  എന്റെ പാറുവിനെ പേടിപ്പെടുത്തേണ്ട  കാര്യം  ഇല്ല ...

എന്നോട്  പാറു  ഒന്നും  പറഞ്ഞിട്ടില്ല  ഞാൻ  ചോദിച്ചപ്പോൾ  മറുപടി  ഒരു കരച്ചിൽ  മാത്രമായിരുന്നു ....

അവൾ  ഉറങ്ങിയതിന് ശേഷം  ഞാൻ  അവളുടെ  ഫോൺ  പരിശോധിച്ചപ്പോൾ  ആണ്  എനിക്ക്  ടോണിയെ  സംശയം  ആയത് ....

ഇപ്പോൾ  കാര്യങ്ങളുടെ  യഥാർത്ഥ  രൂപം  തെളിഞ്ഞു  വന്ന  സ്ഥിതിക്ക്  എത്രയും  പെട്ടെന്ന്  ഇതിന്  ഒരു അവസാനം  കാണണം ....

🦚🦚🦚🦚🦚🦚🦚🦚🦚🦚

ഗിരി  തിരികെ വീട്ടിൽ എത്തി  .... അമ്മേ  പാറു  വെല്ലതും  കഴിച്ചോ ??? ഗിരി സുഭദ്രയോട്  തിരക്കി ...

എനിക്ക്  പറയാൻ  അല്ലെ  പറ്റൂ  ഗിരി  .... കഴിക്കില്ലെന്ന്  വാശി  പിടിച്ചാൽ  എന്ത്  ചെയ്യാനാണ് .... സുഭദ്ര  നിസ്സഹായതയോടെ  പറഞ്ഞു ....

അമ്മ  കഴിക്കാൻ  ഉള്ളത് എടുത്ത്  വെക്ക് .... ഞാൻ  പാറുവിനെയും  കൂട്ടികൊണ്ട്  വരാം ....

ഗിരി  പാറുവിനെ  വിളിച്ചു .... പാറു  മെല്ലെ വാതിൽ  തുറന്നു ....

പാറു  വെറുതെ  നീ  അമ്മയെ  വിഷമിപ്പിക്കാതെ  വന്നു  ഭക്ഷണം  കഴിക്കാൻ  നോക്ക് ........ഗിരി പാറുവിനോട്  പറഞ്ഞു 

എനിക്ക്  സത്യമായും  വിശപ്പില്ല  ഏട്ടാ .... 

പാറു പറഞ്ഞു .... 

നിന്റെ  വിശപ്പില്ലായ്മയുടെ  കാര്യം  അറിഞ്ഞിട്ടാണ് ഞാൻ വന്നേക്കുന്നത് ....

ഞാനും പ്രവീണും  കൂടി  നിന്റെ കൂട്ടുകാരൻ  അരുണിനെ  കണ്ടിട്ടാണ്  വരുന്നത് ....

പാറു  ഞെട്ടലോടെ ഗിരിയെ  നോക്കി 

നീ  ഏട്ടനോട്  പറയാൻ  മടിച്ച  കാര്യം  അവന്റെ ശരീരം  വേദനിച്ചപ്പോൾ  ഞങ്ങളോട്  പറഞ്ഞു ...

എന്റെ പാറു  ആരോടും  ഒരു തെറ്റും  ചെയ്തിട്ടില്ലാലോ .... പിന്നെ  എന്തിനാ  നീ  ഇങ്ങനെ  പേടിക്കുന്നത് ...

ആണായാലും  പെണ്ണായാലും  സ്വന്തം  കാര്യം  വരുമ്പോൾ  കുറച്ചു  ധൈര്യവും  തന്റേടവും  വേണം ....

നിന്നെ  ഞാൻ  പുലിക്കുട്ടിയെ  പോലെ  അല്ലെ  പാറു വളർത്തിയത് ....

ഏതേലും  ഒരു വൃത്തികെട്ടവൻ  എന്തേലും  കാട്ടികൂട്ടിയാൽ  പോകുന്നതല്ല  പെണ്ണിന്റെ   മാനവും  അഭിമാനവും  .... അത്‌ എന്റെ  മോള്  മനസിലാക്കണം ....

നീ കുറച്ചു  ധൈര്യവും  തന്റേടവും  കാട്ടിയാൽ  തീരുന്ന  പ്രശ്നമേ  ഒള്ളു .....

അതുകൊണ്ട്  ഇനി  നീ  ടോണി  അയക്കുന്ന  എല്ലാ  മെസ്സേജിനും  അവനെ പിണക്കാതെ  രീതിയിൽ  റിപ്ലൈ  കൊടുക്കണം .... 

അവന്റെ മനസ്സിൽ  ഉള്ളത്  അവനായിട്ട്  തുറന്ന്  പറയട്ടെ ...

അവൻ  പോലും  അറിയാതെ  അവനെ  നമ്മൾ  കെണിയിലാക്കണം ....

അരുൺ വഴിയല്ലേ  നീ  ഈ വിഡിയോസിന്റെ കാര്യം അറിഞ്ഞത് ....

ടോണി  ഇതുവരെ  നിന്നോട്  വിഡിയോസിനെ പറ്റി പറഞ്ഞിട്ടില്ല ....

 അത്‌  അവന്റെ  അറ്റ കൈ  പ്രയോഗത്തിന് വെച്ചിരിക്കുന്ന  ഒരു  ബോംബ്  ആണ് ....

അതുകൊണ്ട്  നീ  ടെൻഷൻ  ഒന്നും  അടിക്കേണ്ട  കാര്യം  ഇല്ല  ഞങ്ങളെല്ലവരും  നിന്റെ  കൂടെ ഉണ്ട് ....

ഏട്ടാ  ഏട്ടന്  ടോണിയെ  അറിയില്ല ... അവൻ  കാരണം  ഒരുപാട്‌  പെൺകുട്ടികളുടെ  ഭാവി നശിച്ചിട്ടുണ്ട് ... 

പല പ്രശ്നങ്ങളും  അവന്റെ  അപ്പന്റെ  പിടിപ്പും  സ്വാധീനവും  കൊണ്ട്  തേച്ചു  മായ്ച്ചു കളഞ്ഞിട്ടുണ്ട് ....

എന്തേലും  ഒരു  കൈപ്പിഴ  സംഭവിച്ചാൽ  ഈ സമൂഹത്തിന്റെ  മുന്നിൽ  ഞാൻ  ഒരു  പരിഹാസ കഥാപാത്രം  ആവില്ലേ  ഏട്ടാ ....

എന്റെ  പാറു ...ഈ പ്രശ്നം അത്  വരെ നമ്മൾ  നീട്ടികൊണ്ട് പോകില്ല  .... നിനക്ക്  ഞാൻ  ഉറപ്പ്  തരുന്നു ....

ടോണി  വിളിച്ചാൽ  നീ ഇനി  ഫോൺ എടുത്ത്  സംസാരിക്കണം  .... കഴിയുന്നതും  സോഫ്റ്റ് ആയിട്ട് ... 

അതുപോലെ  കാൾ  നീ  റെക്കോർഡിങ്  ഓപ്ഷനിൽ ഇട്ടേക്കണം അവൻ  എന്ത്  പറഞ്ഞാലും  അതിനുള്ള  തെളിവായി  എന്തേലും  നമ്മുടെ  പക്കലും  വേണ്ടേ ....

അവന്റെ  അപ്പൻ നിയമം  കൊണ്ട്  കളിക്കുന്നവൻ ആണെല്ലോ ...

പിന്നെ  ഞാൻ  ഒന്നും  അമ്മയോട്  പറഞ്ഞിട്ടില്ല .... തൽകാലം  അറിയിക്കേണ്ട ....

അമ്മ അറിഞ്ഞാൽ  ചിലപ്പോൾ  നമ്മുടെ  പ്ലാൻ  നടത്താൻ  സമ്മതിക്കില്ല ...

എന്റെ  പാറു മുഖം  ഒക്കെ  കഴുകി താഴെ  വന്ന്  ഭക്ഷണം  കഴിക്ക് ...

ഏട്ടൻ പൊക്കോളൂ ....ഞാൻ  വന്നേക്കാം .... പാറു പറഞ്ഞു ...

ഇല്ല  നിന്നെയും  കൊണ്ടേ  ഞാൻ  പോകുന്നൊള്ളു ....ഗിരി  വാശി  പിടിച്ചു ....

ഹോ  ഈ ഏട്ടന്റെ  ഒരു കാര്യം ........പരു മുഖം  കഴുകി ഗിരിയുടെ  കൂടെ ഭക്ഷണം കഴിക്കാൻ  ഇറങ്ങി  ചെന്നു .....

പാറുവിന്റെ  വത്യാസം കണ്ടു സുഭദ്രക്ക്  ആശ്വാസമായി ....

അമ്മേ  ഇന്ന്  ഞാൻ  പാറുവിന്റെ  മുറിയിൽ ഉണ്ടാകും ..

. അവൾക്ക്  പരീക്ഷയല്ലേ  വരുന്നത്  ........

ഞാനും  അവളുടെ  കൂടെ ഇരിക്കാൻ  തീരുമാനിച്ചു ... അമ്മ  കുറച്ചു  ചുക്ക്  കാപ്പി  ഇട്ട്  ഒരു ഫ്ലാസ്കിൽ  ഒഴിച്ചു  തന്നേക്കണേ ....

അല്ലേലും  പാറുവിനു പരീക്ഷ  വന്നാൽ  ആധി  മൊത്തം നിനക്കാണെല്ലോ  .....സുഭദ്ര  ഗിരിയെ നോക്കി  പറഞ്ഞു ...

ഭക്ഷണം  കഴിച്ചു  കഴിഞ്ഞു  പാറുവും  ഗിരിയും മുറിയിലേക്ക്  പോയി ...

പാറു ഫോൺ  എടുത്ത്  നോക്കിയപ്പോൾ പതിവുപോലെ  തന്നെ  ടോണിയുടെ  മെസ്സേജ് വന്നിട്ടുണ്ട്‌ ....

ഏട്ടാ  ടോണിയുടെ  മെസ്സേജ്  വന്നിട്ടുണ്ട്‌ ...ടോണി   രണ്ട്  തവണ വിളിച്ചിട്ടുമുണ്ട് ...

ഫോൺ നോക്കികൊണ്ട്  പാറു പറഞ്ഞു ... പെട്ടെന്നു  പാറുവിന്റെ ഫോണിൽ  പ്രവീണിന്റെ കാൾ  വന്നു ....

ആരാടാ ടോണി  ആണൊ ??? ഗിരി ചോദിച്ചു ....

അല്ല  പ്രവീണേട്ടൻ  ആണ് .....നീ സംസാരിച്ചോ  ഞാൻ മാറിത്തന്നേക്കാം ...

അയ്യോ  ഏട്ടൻ പോകേണ്ട ....പാറു പ്രവീണിന്റെ  കാൾ എടുത്തു സ്‌പീക്കറിൽ  ഇട്ടു ....

എന്റെ പാറു  എന്തേലും  പ്രശ്നം  ഉണ്ടോ  എന്ന്  നിന്നോട് ഞാൻ  പലവട്ടം  ചോദിച്ചില്ലേ  ??? 

അപ്പോളൊക്കെ  നീ  പരീക്ഷയുടെ  കാര്യം  പറഞ്ഞു  ഒഴിഞ്ഞില്ലേ ??? നിനക്ക്  ഞാൻ  ആരും  അല്ലാതെ  ആയി പോയോ  പാറു???പ്രവീൺ  ചോദിച്ചു ...

അയ്യോ , അങ്ങനെ അല്ല  പ്രവീണേട്ടാ , എനിക്ക് എങ്ങനെ  ഇത്  പറയണം  എന്ന്  അറിയില്ലായിരുന്നു .... 

പിന്നെ  പ്രവീണേട്ടനോട്  പറഞ്ഞാൽ  ആ  നിമിഷം  അത്‌  ഗിരിയേട്ടൻ അറിയില്ലേ  ..... പേടിച്ചിട്ടാണ് .... 

പാറു  സങ്കടത്തോടെ  പറഞ്ഞു ...

നീ ധൈര്യമായി  ഇരിക്ക്  പാറു  ഞങ്ങൾ  എല്ലാവരും  നിന്റെ ഒപ്പം ഉണ്ട് കേട്ടോ.. 

സംസാരം  അധികം  നീട്ടാതെ  പ്രവീൺ   അവസാനിപ്പിച്ചു ....

ഗിരി  ഒന്നും  മിണ്ടാതെ  പാറുവിന്റെ  പുസ്തകങ്ങളിലൂടെ  വിരൽ ഓടിച്ചു ....

പാറു  എന്ത്  പറയണം എന്ന് അറിയാതെ  നിന്നു ...

ഏട്ടാ ഞാൻ  പെട്ടെന്ന്  ടോണിയോട്  സോഫ്റ്റായി സംസാരിച്ചാൽ  അവനു  സംശയം  തോന്നിയാലോ ???

നീ  അവനോട്  ആദ്യം  സംസാരിക്ക് .... ബാക്കി  വരുന്നടത്തു വെച്ചു  കാണാം ...

അവർ സംസാരിച്ചുകൊണ്ടിരിക്കെ  ടോണിയുടെ  കാൾ  വന്നു ....ഗിരി  ഫോൺ എടുക്കാൻ ആംഗ്യം  കാട്ടി ....

ടോണിയുടെ. കാൾ പാറു എടുത്തു ...

ഹലോ  ഇത്  ടോണിയാണെ  വിളിക്കുന്നത് .... തനിക്ക്  എന്റെ കാൾ കാണുമ്പോൾ  എടുക്കാൻ നല്ല ബുദ്ധിമുട്ട്  ഉണ്ട്  അല്ലെ ???

ഏയ്‌,അങ്ങനെ ഒന്നുമില്ല ടോണി ..... 

ടോണിക്ക്  ഒരുപാട്‌  നേരമ്പോക്കിൽ ഒന്ന്  മാത്രം  ആണ്  ഞാൻ  എന്ന്  തോന്നിയത് കൊണ്ടാണ്  ഫോൺ  എടുക്കാത്ത  ഇരുന്നത് ...

പാറു പറഞ്ഞൊപ്പിച്ചു ....

അപ്പോൾ  ഇപ്പൊ  തനിക്ക് ആ  തോന്നൽ  മാറിയോ ??? അല്ല ഫോൺ  എടുത്തത്  കൊണ്ട്  ചോദിച്ചതാണ് .... 

അത്‌  ടോണിക്ക്  എന്താണ്  എന്നോട്  പറയാൻ ഉള്ളത്  എന്ന്  അറിയണം  എന്ന്  തോന്നി ... അതുകൊണ്ടാണ്  ഫോൺ  എടുത്തത് ....

തന്നോടെനിക്ക്  തോന്നിയത്  വെറും  ഒരു ഭ്രമമായി  കാണരുത്  ഗൗരി ....എനിക്ക്  ശെരിക്കും  തന്നെ ഇഷ്ടമായിട്ടാണ് ....

എനിക്ക്  അത്‌  എങ്ങനെ  പ്രകടിപ്പിക്കണം  എന്ന്  അറിയാത്തത്  കൊണ്ടാണ് തന്നോട്  പലപ്പോഴും  ദേഷ്യപ്പെട്ടത് .....

താൻ  ഫോൺ  എടുത്താലോ  എനിക്ക്  സന്തോഷമായി ........

തന്നെ എന്നാണ്  ഒന്ന് കാണാൻ  പറ്റുന്നത് ....

സ്റ്റഡി  ലീവ്  ആയതുകൊണ്ട്  ഭയങ്കരമായി  മിസ്സ്  ചെയ്യുന്നു ഗൗരി ...

ദൂരെ നിന്നെങ്കിലും  ഒന്ന്  കണ്ടാൽ മതിയഡോ .... ഞാൻ  തന്റെ  വീടുവഴി ഒന്ന് കറങ്ങിയാലോ  എന്ന്  കരുതുവാണ്‌ ....

പാറു  ഗിരിയെ  കന്നുകാണിച്ചു ....ഗിരി  സംസാരം  തുടരാൻ  ആംഗ്യം  കാട്ടി ...

അയ്യോ  ടോണി  ഈ  രാത്രിയിലോ ??? വേണ്ട  എന്റെ ഏട്ടൻ  സ്ഥലത്തുണ്ട് ........പുള്ളിക്കാരൻ എന്തേലും  മണത്തു  അറിഞ്ഞാൽ  പ്രശ്നമാണ്  ....

നമുക്ക്‌  പുറത്തു  എവിടെയെലും  വെച്ച്  കാണാം ...

ഗൗരി  ടോണിയോട്  ചോദിച്ചു ...

എനിക്ക്  വിശ്വസിക്കാൻ  കഴിയുന്നില്ല ഗൗരി .... താൻ  തന്നെയാണോ  ഈ സംസാരിക്കുന്നത് ???

അതെ ടോണി ........എനിക്കും ടോണിയെ  ഒറ്റക്ക്  കണ്ട്  സംസാരിച്ചാൽ  കൊള്ളാമെന്ന്  ഉണ്ട് .... 

പക്ഷെ  ഒരു കണ്ടീഷൻ  ഉണ്ട് .... ഒരിക്കലും  നമ്മുടെ  ഈ കൂടിക്കാഴ്ച അരുൺ  അറിയരുത് .... 

അരുൺ അറിഞ്ഞാൽ  പിന്നെ  കോളേജ്  മൊത്തം  ഫ്ലാഷ്  ആകും ....

ടോണിക്ക്  ഒന്നുകൂടെ  വിശ്വാസം  ആകുന്ന രീതിയിൽ  പാറു സംസാരിച്ചു ....

അങ്ങനെയാണെങ്കിൽ   നമുക്ക്‌  എന്റെ  പപ്പയുടെ  ഗസ്റ്റ് ഹൌസിൽ  പോയാലോ ???

ആരേലും  അറിഞ്ഞാലോ  ടോണി .... എനിക്ക്  പേടിയാണ് .... പാറു പേടി അഭിനയിച്ചു  പറഞ്ഞു ....

ആരും അറിയില്ലന്നേ ........അപ്പൊ നാളെ രാവിലെ  കോളേജിന്റെ  മുന്നിലെ ബസ് സ്റ്റോപ്പിൽ  വരണം ........ഞാൻ കാറുമായി വന്നോളാം ...

ടോണി പറഞ്ഞു ....

പാറു  സമ്മതം  പറഞ്ഞു ....

ഒരു പുതിയ ഇര  വലയിൽ  വീണ സന്തോഷത്തിൽ  ടോണി മനസ്സിൽ  കണക്ക്  കൂട്ടി ...

എന്റെ ഏട്ടാ എന്റെ  കയ്യും  കാലും വിറച്ചിട്ട്  വയ്യാ ....

എന്തേലും  കുഴപ്പം ആകുമോ ... പാറു  ഗിരിയയോട് ചോദിച്ചു ....

ഒന്നുമില്ല  എന്റെ മോള്  സമാധാനത്തോടെ  കിടന്നോ ...

നാളെ  അവൻ  പറഞ്ഞത്  പോലെ  നീ  കോളേജ്  ബസ് സ്റ്റോപ്പിൽ  നിന്നും  അവന്റെ  കൂടെ  പോകുന്നു .....

ഗിരിയുടെ മനസ്സിലും  കണക്ക്  കൂട്ടലുകൾ നടന്നു ....

നാളെ  ടോണിയെന്ന സ്രാവിനെ  മുഖാമുഖം  കാണാൻ പോകുന്നു ....

ഭാഗം -4

പാറുവിന്റെ  മുഖത്തെ  പരിഭ്രമം  കണ്ടു  ഗിരി  അവളെ ആശ്വസിപ്പിച്ചു....മോളെ  നീ  ഒന്നുകൊണ്ടും പേടിക്കേണ്ട ...

നമ്മൾ  പ്ലാൻ  ചെയ്തതു പോലെ തന്നെ  എല്ലാം നടക്കും ........ആ ടോണിയെ  നമുക്ക്  ഒറ്റക്ക്  കിട്ടണം ....

നീ  കൃത്യം 9 മണിക്ക്  കോളേജിന്റെ  മുന്നിലെ  ബസ് സ്റ്റോപ്പിൽ  കാത്തു  നിൽക്കണം ....ദേ  ഈ  ഫോൺ കൂടി  നീ  കയ്യിൽ വെച്ചെക്കേണം ........നീ കാറിൽ  കയറുന്നതിന്  തൊട്ട്  മുൻപ്  എന്നെ  ഈ  ഫോണിൽ  നിന്ന്  വിളിക്കണം ...നീ  ഓൺ  ചെയ്ത്  ഹാൻഡ്ബാഗിനുള്ളിൽ  വെച്ചാൽ  മതി ....

ഞങ്ങൾ  നിങ്ങളുടെ  പിന്നാലെ  തന്നെ  ഉണ്ടാകും .... എന്റെ മോള്  ധൈര്യമായി  ഇരിക്ക് ....

ഗിരി  പാറുവിനു  ചെയ്യേണ്ട  കാര്യങ്ങളെ പറ്റി പറഞ്ഞു  ധരിപ്പിച്ചു ....

പാറു  ഗിരി കൊടുത്ത  ഫോൺ  ബാഗിൽ ഭദ്രമായി  സൂക്ഷിച്ചു ...

പാറു  അവളുടെ  നിറത്തിന്  ഇണങ്ങുന്ന  പിങ്ക് ചുരിദാർ ധരിച്ചു ..... വസ്ത്രത്തിനു  ഇണങ്ങിയ മാലയും  കമ്മലും  വളയും  അണിയാൻ പാറു മറന്നില്ല ....അത്യാവശ്യം ഒരുങ്ങി  കഴിഞ്ഞു .. കണ്ണാടിയിൽ നോക്കി വിലയിരുത്തി ....

ഇപ്പൊ  ആര്  കണ്ടാലും  എന്റെ  പാറുവിനെ  നോക്കി  നിന്നു പോകും ... പാറുവിന്റെ ഒരുക്കം  സസൂക്ഷ്മം  കണ്ടുകൊണ്ട്  ഗിരി  കമന്റ്  പാസ് ആക്കി ....

ഏട്ടാ ........ഒന്നു ചുമ്മാതെ  ഇരിക്കുവോ ......എന്നെ കൊണ്ട്  ഈ കോലം  ഒക്കെ  കെട്ടിച്ചിട്ട്  ഇപ്പൊ കളിയാക്കുന്നോ ??????പരു ഗിരിയോട്  പരിഭവിച്ചു ....

ഗിരി  ഫോൺ എടുത്ത്  പ്രവീണിനെ  വിളിച്ചു ....അളിയാ  ഞങ്ങൾ  റെഡി ആണ്  ...നീ  ഇങ്ങോട്ട്  പോര് ........നമുക്ക് ഒരുമിച്ച്  ഇറങ്ങാം 

ഗിരിയും പാറുവും  ഒരുങ്ങി ഹാളിലേക്ക്  വന്നതും  സുഭദ്ര  അതിശയത്തോടെ  പാറുവിനെ  നോക്കി ....

ഇവളിതെങ്ങോട്ടാ  മോനെ എത്ര  സുന്ദരിയായിട്ട്  അണിഞ്ഞൊരുങ്ങി  പോകുന്നത് ???

അമ്മേ കോളേജിൽ  എന്തോ  സീനിയർസ്‌ അവതരിപ്പിക്കുന്ന  പരുപാടി ഉണ്ട് ...അതിന് പോകാനായി  റെഡി  ആയതാണ് ........പരു അബദ്ധം ഒന്നും പറയാതിരിക്കാൻ  ഗിരി  ഇടയിൽ കയറി പറഞ്ഞു ....

ഏതായാലും  പാറുട്ടി  സുന്ദരിയായിട്ടുണ്ട്  അല്ലെ അമ്മേ ഗിരി  ഒളികണ്ണിട്ടു  പാറുവിനെ നോക്കി  പറഞ്ഞു .....

എന്റെ മോള്  സുന്ദരിക്കുട്ടി  തന്നെയാണ്  പക്ഷെ ഈ അമ്മയുടെ അത്രെയും  വരില്ല  ....സുഭദ്ര  പറഞ്ഞു ....

പിന്നേ  ഒരു സുന്ദരിക്കോത  വന്നിരിക്കുന്നു ......പരു അമ്മയെ കളിയാക്കി ....

അവർ സംസാരിച്ചുകൊണ്ട് ഇരിക്കുന്നതിനിടയിൽ  പ്രവീൺ അവിടേക്ക്  വന്നു ....

പാറുവിനെ  കണ്ടു  പ്രവീണും  അതിശയത്തോടെ  നോക്കി ....പാറു  ചോദ്യഭാവത്തിൽ  പുരികം ഉയർത്തി ....

പ്രവീൺ  ഒന്നുമില്ലന്നു  കണ്ണ്  അടച്ചു കാണിച്ചു ...

വാ  ഇറങ്ങാം  സമയം  പോകുന്നു .....ഗിരി  ധിറുതി  കാട്ടി .....

അവർ മൂന്നുപേരും  കൂടി പ്രവീണിന്റെ കാറിൽ കയറി യാത്രയായി .....

മോളേ  പാറു  നീ  ടോണിക്ക്  ഒരു മെസ്സേജ് അയക്ക് ....

അയക്കുമ്പോൾ  പറയണം  ഏട്ടന്റെ കൂടെയാണ്  ഇപ്പൊ ഉള്ളത്  ....ഞാൻ പറഞ്ഞ  സമയത്തു  തന്നെ ബസ്  സ്റ്റോപ്പിൽ  എത്താം  എന്ന് കൂടി  ചേർത്ത് ടൈപ്പ്  ചെയ്തോ .....

എടാ  ഗിരി  അങ്ങനെ  പറഞ്ഞാൽ  ടോണിക്ക് സംശയം തോന്നിയിട്ട്  വരാതെ  ഇരുന്നാലോ ???

ഒരു  സംശയവും  തോന്നില്ല  പ്രവീൺ ...അവൻ  ഒരു അവസരത്തിനായി  കാത്തിരിക്കുവാണ് ....

പാറു ഗിരി  പറഞ്ഞത്  പോലെ മെസ്സേജ് അയച്ചു ....തിരിച്ചു  ടോണിയുടെ മറുപടി ഇമോജിയും 👍 വന്നു .....

പാറുവിനെ  ബസ്റ്റോപ്പിൽ ഇറക്കി വിട്ടു  കുറച്ചു  മുന്നോട്ട്  പോയി  പ്രവീൺ കാർ പാർക്ക്  ചെയ്തു ....

പാറു ടോണിയെ  വിളിച്ചു ..... 

ടോണി  അധികം  വൈകാതെ  ബസ്റ്റോപ്പിൽ  കാറുമായി  എത്തി ....

കാറിലൂടെ  പാറുവിനെ  കണ്ട്  ടോണി വെള്ളം ഇറക്കി .... എന്റെ  ദൈവമേ  ഇവൾ  ഇത്ര  സുന്ദരിയായിട്ട്  ഇതിന്  മുൻപെങ്ങും  കണ്ടിട്ടില്ലല്ലോ ...

ഇന്ന്  എനിക്ക്  എല്ലാം  കൊണ്ടും ആഘോഷിക്കണം .... ടോണിയുടെ  മനസ്സ്  കാട് കയറി .....

ഹലോ  ടോണി  ....ഇത്‌  എന്ത്  ആലോചിച്ചു കൊണ്ട്  ഇരിക്കുവാ ?????? ടോണിയുടെ  കൈയ്യിൽ  തട്ടി  ചോദിച്ചു ....

ടോണി  പാറുവിനെ  നോക്കി  ചിരിച്ചു  …..

സത്യം  പറയാമെല്ലോ ഗൗരി .....എനിക്ക്  വിശ്വസിക്കാൻ  കഴിയുന്നില്ല..... താൻ  ഞാൻ  വിളിച്ചപ്പോൾ  വന്നല്ലൊ?? ...

ടോണി  ഗൗരിയെ  അടിമുടി  നോക്കികൊണ്ട്‌  പറഞ്ഞു ....

എനിക്ക്  ടോണിയോട്  ഇഷ്ടക്കേട് ഒന്നും  ഇല്ലായിരുന്നു ....

എനിക്ക് ഒരാളെ  ഇഷ്ടമായിരുന്നു  എന്ന്  ഞാൻ  പറഞ്ഞത്  സത്യം  തന്നെയാണ് ....പക്ഷെ  ഞാൻ  ടോണിയുടെ  വിഷയം  അയാളോട്  പറഞ്ഞപ്പോൾ  മുതൽ എന്നെ  സംശയവും  മുനവെച്ചുള്ള സംസാരവും ....അവസാനം  ഞാൻ  ആ ബന്ധം അങ്ങു അവസാനിപ്പിച്ചു.....

പാറു ടോണിയെ പാളി  നോക്കി...... ടോണിയുടെ മുഖം  കണ്ടിട്ട്  പറഞ്ഞ  കാര്യം  വിശ്വസിച്ചത്  പോലെ  പാറുവിനു  മനസ്സിലായി ....

നമ്മൾ എങ്ങോട്ടാണ്  ഇപ്പൊ പോകുന്നത് ???

പാറു ചോദിച്ചു ....നമ്മൾ എന്റെ അപ്പൻ പുതിയതായി  വാങ്ങിയ  ഒരു വീടുണ്ട്  .... അങ്ങോട്ടാണ്  പോകുന്നത് ....

നമ്മൾ  എന്തിനാ  അങ്ങോട്ട് പോകുന്നത്  ടോണി ?? നമുക്ക്‌  ഇവിടെ  ടൗണിൽ  എവിടെയെലും  ഒരു കോഫി  ഷോപ്പിൽ പോയാൽ  പോരെ ?? പാറു  ചോദിച്ചു 

ടോണി  ഒന്ന്  ചിരിച്ചു .... ഗൗരി ... ആ വീട്  അപ്പൻ എന്റെ  പേരിൽ  വാങ്ങിയതാണ് .... എനിക്ക്  ഒരുപാട്‌  ഇഷ്ടപ്പെട്ടു  സ്വന്തമാക്കണമെന്ന്  ആഗ്രഹം  തോന്നിയ വീടായിരുന്നു  അത്‌ ..... അത്‌  എനിക്ക്  സ്വന്തമായി ....

ഇപ്പോൾ ഞാൻ  ഏറെ  ഇഷ്ടപെടുന്ന  താനും  എന്നോടൊപ്പം  ഉണ്ടല്ലോ .... കുറച്ചു  സമയം  അവിടെ  ചിലവിടാൻ  ഒരാഗ്രഹം മനസ്സിൽ തോന്നി  അതാണ്  അങ്ങോട്ട് പോകുന്നത് .... പാറുവിനെ പാളി നോക്കി  ടോണി  paranju....

ടോണിയെ  വിശ്വസിച്ച  പോലെ തന്നെ പാറുവും  അഭിനയിച്ചു ...

ടോണിയുടെ കാർ പ്രവീണും  ഗിരിയും  പിന്തുടര്ന്നുണ്ടായിരുന്നു ...ടോണിയുടെ സംസാരം  പാറുവിനു  കൊടുത്ത  ഫോൺ വഴി  രണ്ടുപേരും  കേട്ടുകൊണ്ട്  ഇരുന്നു ....

ടൗണിൽ നിന്നും. കുറച്ചു ഉള്ളിലേക്ക്  മാറിയായിരുന്നു  ടോണിയുടെ വീട് ....

ടോണിയും  പാറുവും  വീട്ടിലേക്ക്  വണ്ടി  ഓടിച്ചു  കയറി .....

അടുത്തൊന്നും  വീടുകൾ  ഒന്നും ഇല്ലാതെ  ഒറ്റപെട്ടു കിടക്കുന്ന സ്ഥലം ....

ഞാൻ  ഒന്ന് രണ്ടു  വട്ടം  അരുണിനെ  കൊണ്ട്  ഇവിടെ  വന്നിട്ടുണ്ട്‌ .... ടോണി കാറിൽ നിന്നും  ഇറങ്ങി  വീടിന്റെ വാതിൽ  തുറന്നു ....

പാറുവിന്റെ മനസ്സിൽ  ഭീതി  ഉണ്ടായി ...

ഹാ  അവിടെ തന്നെ  നിൽക്കാതെ  കയറി വരു  ഗൗരി ....

ടോണി ഗൗരിയെ വീട്ടിലേക്ക്   വിളിച്ചു ....

പാറു ചുറ്റും  നോക്കി ... ഒന്ന്  മടിച്ചെങ്കിലും  പതിയെ  പാറു വീട്ടിലേക്ക്  കയറി ...

കൊട്ടാരസദ്ര്യശ്യമായായിരുന്നു  ആ വീടിന്റെ  സ്വീകരണ  മുറി ....

എന്റെ വീട്ടിലെ  എന്ത്  ആഘോഷങ്ങളും  നടക്കുന്നത്  എവിടെയാണ് .... അടുത്തൊന്നും  വേറെ  വീടോ  താമസക്കാരോ  ഇല്ലാത്തത്  കൊണ്ട്  ആർക്കും ശല്യവും  പരാതിയും  ഇല്ല .....

ഗൗരി  കയറിയതും ടോണി  പതിയെ  വാതിൽ  അടച്ചു ....

ഇന്ന്  മൊത്തം നമ്മുക്ക്  ഇവിടെ  കൂടിയാലോ  ഗൗരി ....

ടോണി  വന്യമായ  ചിരിയോടെ  ചോദിച്ചു ...

അയ്യോ  ടോണി  ... എന്താ  ഈ പറയുന്നത് ??? ടോണി  വിളിച്ചപ്പോൾ  വന്നു  എന്നത്‌ സത്യമാണ് ....  ഞാൻ  വീട്ടിൽ  കള്ളം  പറഞ്ഞിട്ടാണ്  വന്നത് ... ടോണി ദയവു ചെയ്ത്  അബദ്ധം  ഒന്നും കാണിക്കരുത് ....

കൈകൂപ്പി  ഗൗരി  പറഞ്ഞു ....

relax  ഗൗരി .... താൻ  എന്തിനാ ഇങ്ങനെ  ടെൻഷൻ  അടിക്കുന്നത് ...

ഞാൻ  തനിക്ക്  കുടിക്കാൻ  എന്തേലും  എടുക്കാം  ... താൻ  ഇവിടെ  ഇരിക്ക് .... ടോണി പറഞ്ഞു ..

വേണ്ട ടോണി  ... ഇപ്പൊ ഒന്നും  വേണ്ട ........ഞന് ഓക്കെ ആണ് ... പാറു പറഞ്ഞു .....

ഗൗരി .... വളച്ചുകെട്ടില്ലാതെ  നമ്മുക്ക്  കാര്യത്തിലേക്ക് വരാം  അല്ലേ ....

എനിക്ക് ഗൗരിയെ  ഇഷ്ടമാണ് .... ഒരുപാട്‌  ഇഷ്ടമാണ് ... പക്ഷെ നീ ഓരോവട്ടവും  അപമാനിച്ചപ്പോൾ  എനിക്ക് നിന്നോട് തോന്നിയത് ഇഷ്ടത്തെക്കാൾ  ഏറെ  നിന്നെ സ്വന്തമാക്കുവാനുള്ള  വാശിയും  പകയുമാണ് ....

നിന്നെ  വേണെങ്കിൽ  ഒരുത്തനും  അറിയാത്ത തൂക്കി  എടുത്തുകൊണ്ട് വന്ന്  എന്റെ ആഗ്രഹം  സാധിക്കാൻ  എനിക്ക്‌  കഴിവില്ലാത്തത് കൊണ്ടല്ല .... അതിനു  ഒരു ത്രില്ല്  ഇല്ല ...

ഇപ്പൊ  കണ്ടില്ലേ  .... നീയായിട്ട് ഒരുങ്ങി  എന്റെ കൂടെ  ... ഞാൻ  ഏറ്റവും  ഇഷ്ടപെടുന്ന  സ്ഥലത്തു ... നമ്മൾ  മാത്രമായി .... ഒരു ബലം  പിടുത്തവും  വാശിയും  ഒന്നും വേണ്ട ...

എനിക്ക്  നിന്നെ  വേണം  നിന്റെ  പൂർണ  സമ്മതത്തോടെ തന്നെ എനിക്ക്  നിന്നെ വേണം  എന്നാലേ.  രണ്ടുപേർക്കും  ഒരുപോലെ ഈ നല്ല നിമിഷങ്ങൾ ആസ്വദിക്കാൻ  പറ്റൂ ....

എന്താ  ഗൗരി  നിനക്ക്  ഞാൻ പറഞ്ഞതിനോട്  സമ്മതം  അല്ലെ 

ടോണി മെല്ലെ  പാറുവിന്റെ  അടുക്കലേക്ക്  നടന്നു ....

പാറു  എന്ത് ചെയ്യണം  എന്ന്  അറിയാതെ നിന്നു  വിഷമിച്ചു ...

അത്‌  ടോണി .... വേണ്ട എനിക്ക്  ... എനിക്ക് ഇതിനോട്  യോജിക്കാൻ  കഴിയില്ല ....

ഇതാണ്  ടോണിയുടെ  മനസ്സിലിരുപ്പ്  എങ്കിൽ  എന്നെ തിരിച്ചു കൊണ്ട്  വിടുന്നതായിരിക്കും  നല്ലത് .... പാറു നിന്നു  കിതച്ചു ....

ബലം  പിടുത്തം  ഇല്ലാതെ  ഒരു കാര്യത്തിന്  ഇറങ്ങാം  എന്ന്  വിചാരിച്ചാൽ  നീ  അത്  സമ്മതിക്കില്ല  അല്ലെ .... 

ടോണി  പോക്കറ്റിൽ  ഇരുന്ന  ഒരു സിഗരറ്റ്  എടുത്ത്  ചുണ്ടത്ത്‌  വെച്ച്  തീ  കത്തിച്ചു ........ഒരു പുക ആഞ്ഞു  ഉള്ളിലേക്ക് വലിച്ചു .....

ശേഷം  ആ പുക  പാറുവിന്റെ  മുഖത്തേക്ക്  ഊതി ....

സിഗരറ്റിന്റെ  മണം ഇഷ്ടപ്പെടാതെ  പാറു  മുഖം പൊത്തി ....

പാറുവിന്റെ  കണ്ണ്  നിറഞ്ഞു .... ദൈവമേ  ഏട്ടൻ  ഇത്‌ ഇവിടെ  പോയി കിടക്കുവാ ??? ഒന്ന് വേഗം  വന്നിരുന്നു  എങ്കിൽ ........

നീ എന്നെത്തേക്കാളും  സുന്ദരിയായിട്ടുണ്ട്  ഇന്ന് ....

ടോണി  പാറുവിന്റെ  അടുക്കെലേക്ക്  നടന്നടുത്തു ..... പിറകോട്ടു  നടന്ന  പാറു  ചുവരിൽ  ഇടിച്ചു  നിന്നു ....

അടുത്ത  നിമിഷം  തനിക്ക് എന്തും സംഭവിക്കാം .... പാറു  ഉള്ളുരുകി  കണ്ണുകൾ  ഇറുക്കി അടച്ചു  നിന്നു ...

ടോണിയുടെ  കൈകൾ  പതിയെ  ഗൗരിയുടെ  അടുക്കലേക്ക്  നീങ്ങി ....

ഭാഗം 5

ടോണി  പ്ളീസ് .... ദയവു  ചെയ്ത്  എന്നെ  ഒന്നും  ചെയ്യരുത് .....

നിന്നെ  വിശ്വസിച്ചു  കൂടെ വന്നതാണോ  ഞാൻ  ചെയ്ത  തെറ്റ് ???

ദയവു  ചെയ്ത്  എന്റെ അപമാനിക്കരുത് ???

നീ  പേടിക്കേണ്ട  ഗൗരി  ... നിന്നെ  ഞാൻ  കല്യാണം  കഴിച്ചോളാം ....ഞാൻ  വാക്കു  തരുന്നു  അപ്പൊ  പ്രശ്നം  തീർന്നല്ലോ ടോണി പറഞ്ഞു ....

ടോണി  ചിരിച്ചു  കൊണ്ട് പാറുവിന്റെ  തോളിൽ കൈ  വെച്ചു ....

കൈയെടുക്കടാ .....ച്ചി കൈയെടുക്കടാ ... പാറുവിന്റെ  മുഖം  ദേഷ്യം  കൊണ്ട്  ചുവന്നു ....

പെട്ടെന്നുള്ള  പാറുവിന്റെ  ഭാവമാറ്റം  ടോണിയെ  തെല്ലൊന്ന്  അമ്പരപ്പിച്ചു ....

നീ എന്താടാ  എന്നെക്കുറിച്ചു  കരുതിയത് ????....

നീ വിരൽ  ഞൊടിച്ചാച്ചാൽ  വളയുന്ന പെണ്ണാണെന്നോ ... എങ്കിൽ  നിനക്ക്  തെറ്റി  ടോണി ...

നീ  വിരൽ  ഞൊടിച്ചാൽ വരുന്ന  ഒരുപാട്  പെൺപിള്ളേരെ  നീ  കണ്ടിട്ടുണ്ടാവും  ....

എന്നാൽ  ഈ  ഗൗരിയെ  നീ ആ ഗണത്തിൽ  കൂട്ടേണ്ട .....

നീ ഈ പറയുന്നത്  എല്ലാം  ലൈവ് ആയി  എത്തേണ്ട  ചെവിയിൽ  എത്തിയിട്ടുണ്ട് ...

നിന്റെ  അപ്പൻ  നിയമം  കൊണ്ട്  അമ്മാനം  ആടുന്ന  ആളല്ലെ .... തെളിവുകൾ  എന്റെ  കയ്യിൽ  ഉള്ളതും  നല്ലതല്ലേ ....

കൈ കെട്ടി നിന്നു കൊണ്ട്  പാറു ചോദിച്ചു ....

നീ ... നീ എന്നെ  ചതിക്കുവാരുന്നു അല്ലെ ???

അതെ നീ അടിച്ച  അതേ  നാണയത്തിൽ  ഞാനും  തിരിച്ചു  തരേണ്ടേ  ടോണി ....എന്നാലല്ലേ  സമാസമം ആകുവോള്ളു ....

ടോണി ഒന്നും മനസ്സിലാകാതെ നിന്നു ....

നിനക്ക്  ഞാൻ  പറഞ്ഞത് എന്താണെന്ന്  മനസിലായില്ല  അല്ലേ ???

ഞാൻ  പറഞ്ഞു  തരാം ....പാറു പറഞ്ഞു ...

പെട്ടെന്നാണ്  വീടിന്റെ  കാളിങ് ബെൽ  മുഴങ്ങിയത് ....

ടോണി  ഞെട്ടിപോയിരുന്നു ....

വാതിൽ  തുറക്കുന്നതാണ്  ടോണി നിനക്ക്  നല്ലത്  .... അല്ലെങ്കിൽ  പുറത്തു  നിൽക്കുന്നവർ  വാതിൽ പൊളിച്ചു  അകത്തു  കയറി വരും ....

ടോണിയായിട്ട്  വാതിൽ  തുറക്കുന്നോ അതോ  ഞാൻ  പോയി  തുറക്കണോ ?? പാറു ചോദിച്ചു ....

മടിച്ചു  മടിച്ചു  ടോണി  പോയി  വാതിൽ  തുറന്നു ....

ഗിരിയെയും  പ്രവീണിനെയും  കണ്ട  ടോണി  എന്ത്  ചെയ്യണം എന്നറിയാതെ  നിന്ന്  പരുങ്ങി .....

ഇവൾ  എന്നെ  എന്റെ വീട്ടിൽ തന്നെ കുടിക്കിയിരിക്കുന്നു .....

ടോണിക്ക്  എന്നെ  മനസ്സിലായോ ???? ഞാൻ  ഗിരി  .... ഗൗരിയുടെ  ഏട്ടനാണ് ....

ഇത്  പ്രവീൺ  .... ഗൗരിയുടെ  പ്രതിശ്രുത  വരൻ  എന്ന്  വേണെങ്കിൽ  പറയാം ....

ഞങ്ങൾ  വന്നത്  നിന്റെ എല്ലാ  സൂക്കേടിനും  ഉള്ള  മരുന്ന്  തരാൻ  ആണ് ....

അതിനു മുൻപ്  നിന്റെ ഫോൺ ഞങ്ങൾക്കു  വേണം ....ടോണിക്ക്  എന്തെങ്കിലും  ചെയ്യാൻ  കഴിയുന്നതിന്  മുൻപ്  തന്നെ  പ്രവീൺ  വേഗം  ടോണിയുടെ  പോക്കറ്റിൽ  നിന്നും  ഫോൺ  തട്ടി  എടുത്തു....

സോറി ഗൗരി ....പ്ളീസ്  ഇവിടെ  നിങ്ങൾ  ഒരു പ്രശ്നം  ഉണ്ടാക്കരുത് ....എല്ലാത്തിനും  മാപ്പ്  ..... ഞാൻ  ഇനി  ഒരു ശല്യത്തിനും  വരില്ല  ....ഉറപ്പ്  തരുന്നു ....

ദയവു  ചെയ്ത്  നിങ്ങൾ  ഗൗരിയെ വിളിച്ചുകൊണ്ട് പോകണം  പ്ളീസ് .... ടോണി  പറഞ്ഞു  മുഴുമിപ്പിക്കും  മുൻപേ  ... ഗിരി ടോണിയുടെ  കരണത്തു  തല്ലി ....

ഇപ്പൊ എന്തിനാ  നിന്നെ  തല്ലിയത്  എന്നല്ലേ  നീ ഓർക്കുന്നത് ???അതിനുള്ള  ഉത്തരം നിന്റെ  ഫോണിൽ  കിടപ്പുണ്ട് ....

പ്രവീൺ ബലമായി ടോണിയെ  കൊണ്ട്  ഫോണിന്റെ സെൻസറിൽ  വിരൽ പതിപ്പിച്ചു .....

പ്രവീൺ വേഗം  ഗ്യാലറിയിൽ  പരതി ...അതിൽ  ഗൗരി  എന്ന പേരിൽ  ഒരു ഫയൽ  സേവ് ചെയ്തിട്ടുണ്ടായിരുന്നു ....

പ്രവീൺ  അത്‌  ഓപ്പൺ  ചെയ്ത്  നോക്കിയപ്പോൾ  അരുൺ പറഞ്ഞത്  പോലെ  തന്നെ  ആരും  വിശ്വസിച്ചു  പോകുന്ന  കുറച്ചു  വീഡിയോസ്  കണ്ടു ....

പ്രവീൺ  അത്‌  ഗിരിയെയും  പാറുവിനെയും  കാണിച്ചു .....

ഗിരിയുടെ  നിയന്ത്രണം  വിട്ടു  ടോണിയെ  കൈത്തരിപ്പ്  തീരും വരെ  തല്ലി ...

അവസാനം  പ്രവീണും  ഗൗരിയും  കൂടി ചേർന്ന്  ഗിരിയെ  പിടിച്ചു  മാറ്റി ....

ടോണി  എഴുനേൽക്കാൻ  ആകാതെ  നിലത്തു കിടന്നു ....

ഡാ  പ്രവീണേ  അവന്റെ  ഫോണിൽ  നിന്നും  അവന്റെ അപ്പനെയും  അമ്മയെയും  കൂടി  വിളിച്ചിട്ട്  ഇങ്ങോട്ട്  വരാൻ പറ ....സല്പുത്രന്റെ  സ്വഭാവം  അവരും  കൂടി അറിഞ്ഞിരിക്കട്ടെ ....

ഗിരി പറഞ്ഞു .....

ടോണി ഗിരിയുടെ കാലിൽ  വീണ്  കെഞ്ചി  പറഞ്ഞിട്ടും  ഗിരിയുടെ  മനസ്സ്. അലിഞ്ഞില്ല ...

അല്പസമയത്തിനകം   ടോണിയുടെ  അപ്പൻ  പീറ്ററും  അമ്മ  വിമലയും  കൂടി  അവിടേക്ക് വന്നു ....

സ്വന്തം  മകന്റെ കിടപ്പ്  കണ്ടു വാ  വിട്ടു വിമല  കരഞ്ഞുകൊണ്ട്  ടോണിയെ  കെട്ടിപിടിച്ചു ....

പീറ്ററും  ടോണിയുടെ അവസ്ഥ  കണ്ടു  മരവിച്ചു  നിന്നു 

നിങ്ങൾ ഒക്കെ  ആരാണ് ???? എന്താ ടോണിയുമായിട്ട്  പ്രശ്നം ??? അവനെ ഇങ്ങനെ  തല്ലി  പരിക്കേൽപിക്കാൻ അവൻ  എന്ത്  തെറ്റാണ്  ചെയ്തത് ???

പീറ്റർ  ഗിരിയുടെ നേരെ  തിരിഞ്ഞു കൊണ്ട്  ചീറി ...

സാറെ പണം  ഉണ്ടാക്കാൻ  നെട്ടോട്ടം  ഓടുന്ന  എല്ലാ  അപ്പനമ്മമാർക്ക്  സംഭവിക്കുന്നത്  ആണ്  നിങ്ങൾക്കും  ഇവിടെ സംഭവിച്ചത് ....

നിങ്ങൾ  നിങ്ങളുടെ മകനെ  ശാസിച്ചും  ശിക്ഷിച്ചും  വളർത്തേണ്ടതിനു  പകരം  കുറെ  പൈസയും കയ്യിൽ കൊടുത്തു  എല്ലാ  സുഖങ്ങളും  വാഗ്ദാനം  ചെയ്യുമ്പോൾ  നഷ്ടമാകുന്നത്  നിങ്ങളുടെ മനഃസമാദാനം  ആണെന്ന  കാര്യം  നിങ്ങൾ  മറക്കരുത് ....

നിങ്ങളുടെ മകൻ കാട്ടികൂട്ടിയത്  എന്താണെന്ന്  ഞാൻ പറയുന്നില്ല .... നിങ്ങൾ  ഒരു വകീൽ  അല്ലെ .... തെളിവ് തരാം ....

പ്രവീണേ  ടോണിയുടെ  ഫോണിലെ  വീഡിയോസ്  കാണിച്ചു  കൊടുക്ക് ....

എന്റെ  പെങ്ങളുടെ അശ്ലീല  വീഡിയോ ഉണ്ടാക്കിയതിന്  ആണ്  ഇവന്റെ മേൽ  ഞങ്ങൾ  കൈ  വെച്ചത്‌ ...

ഇത്  ഇവൻ എന്റെ  പെങ്ങളോട്  മാത്രം അല്ല  കാണിച്ചിരിക്കുന്നത് .....ഇതുപോലെ തന്നെ പല  പെൺകുട്ടികളുടെയും  വ്യാജ  വീഡിയോസ്  ഉണ്ടാക്കി  അല്പനേരത്തെ  സുഖത്തിനു  വേണ്ടി  അവൻ ഒരുപാട്‌  പെൺകുട്ടികളെ  നശിപ്പിച്ചിട്ടുണ്ട് .....

ടോണിയുടെ  അമ്മ  ഇവിടെ  നിൽക്കുന്നത്  കൊണ്ട്  ഞാൻ  കൂടുതൽ  ഒന്നും  വിശദീകരിക്കുന്നില്ല ...

ഞങ്ങൾ  ഇത്‌  കേസ്  ആകാൻ  പോയാൽ  മകൻ. എത്ര  കൊല്ലം  ഇരുമ്പഴിക്കുള്ളിൽ ആകുമെന്ന്  ഞാനായി  സാറിനോട്  പറഞ്ഞു  തരേണ്ടല്ലോ ...

ഞാനും  നിയമം പഠിച്ചവനാ .... അധികം  താമസിക്കാതെ  സബ് ഇൻസ്‌പെക്ടർ ആയി  ജോലിക്ക്‌  കേറുകയും  ചെയ്യും ....

ഇനി  സാർ  പറ  .... ഞങ്ങൾ  ചെയ്തതിൽ  എന്താണ്  തെറ്റ് ....

ഇവൻ  ബ്ലാക്‌മെയ്ൽ  ചെയ്യാനുള്ള  പദ്ധതി തയ്യാറാക്കിയപ്പോൾ  തൊട്ട്   എന്റെ പെങ്ങളുടെ  മാനസികാവസ്ഥ  നിങ്ങൾ  ആരെങ്കിലും  ചിന്തിച്ചിട്ടുണ്ടോ ???....

ഇവൾ  എന്തേലും  കടുംകൈ  ചെയ്തിരുന്നെങ്കിൽ ആര്  സമാധാനം പറഞ്ഞേനെ ????

അമ്മ  ഇത്രെയും  നേരം  അനുകൂലിച്ചു  പറഞ്ഞ  അമ്മയുടെ  ഈ  മകൻ  നാളെ  അമ്മയോട്  ഇതു തന്നെ ചെയ്താലും  തെറ്റ് പറയാൻ  പറ്റില്ല ....

അത്രെയും  നേരം  മകനെ  അനുകൂലിച്ചു  നിന്ന  വിമല  ടോണിയെ  രൂക്ഷമായി  നോക്കി ....

ടോണി  ഈ  പറയുന്നതിൽ  എന്തെങ്കിലും സത്യമുണ്ടൊ??  അവർ തെളിവ്  കാണിചിട്ടും  ഞാൻ  വീണ്ടും  നിന്നോട്  ചൊദികുന്നത്  നിന്റെ  വായിൽ  നിന്ന്  തന്നെ  അത്‌  അറിയാൻ  വേണ്ടി  തന്നെയാണ് ....

ടോണി ഒന്നും മിണ്ടാതെ  നിന്നു  .... ഈ തവണ  ടോണിയെ  തല്ലിയത്  വിമല അയിരുന്നു ... പീറ്റർ തടയാൻ  പോയില്ല ...

പീറ്റർ  ഗൗരിയുടെ  മുന്നിൽ  പൊയിനിന്നു  കണ്ണാടി  ഊരി  കണ്ണുകൾ  തുടച്ചു ....

ഗൗരിക്ക്  ഇത്‌ കേസ്  ആക്കണം എന്നാണ്  എങ്കിൽ  ഞാനും  മോളോടൊപ്പം  ഉണ്ടാകും ... എന്റെ മോൻ ആണ്  എതിര്ഭാഗതെന്നു  ഞാൻ  ഒര്‍ക്കില്ല ....

മകനെ  വളർത്തി  നശിപ്പിച്ച  ഒരു അപ്പന്റെ കുറ്റസമ്മതം ആണ്  ഇത് ...

ഏട്ടാ  ഇത്‌  നമുക്ക്‌  ഇവിടെ  കൊണ്ട്  അവസാനിപ്പിക്കാം .... ഗൗരി  പറഞ്ഞു ....

ഇനി  മേലാൽ  എനിക്ക്  ടോണിയുടെ  ഉപദ്രവം  ഉണ്ടാകരുത് ... ഒരു രീതിയിലും .... ആ ഒരു വാക്കു  അങ്കിൾ  എനിക്ക്  തരണം ....

വാ  ഏട്ടാ  .... നമുക്ക്‌  പോകാം .....

ഗിരിയും  പ്രവീണും  പാറുവും  കൂടി  അവിടെ നിന്നുപോയി ....

പാറു    പഴയത് പോലെ  കോളേജിൽ  പോകുവാൻ  തുടങ്ങി .... പാറുവിന്റെ  പ്രാർത്ഥന പോലെ  തന്നെ  ഗിരിയുടെ  ആദ്യ  പോസ്റ്റിങ്ങ്  ടൗണിൽ തന്നെ  കിട്ടി ....

വീട്ടിൽ  എല്ലാവരും  ഉള്ളതിന്റെ സന്തോഷം  സുഭദ്രയിലും ഉണ്ടായി ....

പ്രവീണിന്റെ  കാര്യം   ഗിരി  തന്നെ  സുഭദ്രയോട് പറഞ്ഞു .... സുഭദ്രക്കും  സമ്മതം  ആയിരുന്നു ....

എന്നാൽ  പാറുവിനു ജോലി കിട്ടിയതിനു ശേഷം വിവാഹം മതിയെന്ന് വാശി  പിടിച്ചു .... എല്ലാവരും  അവളുടെ  വാശിക്ക് മുന്നിൽ  അടിയറവു  പറഞ്ഞു ....

നായുടെ  വാൽ  കുഴലിൽ ഇട്ടാലും  വളഞ്ഞുതന്നെ ഇരിക്കുവോള്ളു എന്ന് കാരണവന്മാർ പറയുന്നത്  അന്വർത്ഥം  ആക്കികൊണ്ടു .....

പഞ്ചനക്ഷത  ഹോട്ടലിലെ  പോലീസ്  എൻഫോഴ്‌സ്‌മെന്റ്  റെയിഡിൽ  ടോണി  അടക്കം  എട്ടു  പേരെ  പ്രായപൂർത്തി ആകാത്ത  പെൺകുട്ടിയെ  പീഡിപ്പിക്കാൻ  ശ്രമിച്ചതിന്  അറസ്റ്റിൽ  ആയി ....

ടോണിയും  കൂട്ടരെയും  കോടതി  പതിനാലു  ദിവസത്തേക്ക്  റിമാൻഡ്  ചെയ്തു ....

ന്യൂസ്  കണ്ടുകൊണ്ടിരുന്ന  പാറുവിന്റെ  തലക്കിട്ട്  ഒരു കിഴുക്ക്  വെച്ച്  കൊടുത്തു  ഗിരി  അടുക്കൽ  ചെന്നിരുന്നു ....

സത്യം പറ  ഏട്ടാ .... ഇതിൽ  ഏട്ടന്റെ കറുത്ത കരങ്ങൾ ഇല്ലേ ???

ഒന്ന്  പോടീ  അവിടുന്ന് ... നീ കൂടുതൽ ഇൻവെസ്റ്റിഗേഷൻ  നടത്താതെ  നിന്റെ  കാര്യം  നോക്ക് ....

ഗിരി  പതിയെ മുറിയിലേക്ക്  കയറി  പോയി .....

ഗിരി കട്ടിലിൽ പോയി  നിവർന്നു  കിടന്നു  കണ്ണുകൾ അടച്ചു ...

എന്റെ  പെങ്ങളുടെ  മാനത്തിന് വില  പറഞ്ഞവൻ  .... അവൻ  ഏത് കൊമ്പത്തെ ആളായാലും .... അവൻ  ഇനി  പുറം  ലോകം  കാണില്ല ....ഗിരിയുടെ  ചുണ്ടിന്റെ കോണിൽ  ഒരു ചിരി  മിന്നി ........തന്റെ കണക്ക് കൂട്ടലുകൾ  എവിടെയും  പിഴച്ചില്ല..... ഇവിടെയും ....

 ( അവസാനിച്ചു )

DOWNLOAD PDF STORY CLICK HERE

📝 ഷെറൂണ്