🍁വെള്ളക്കൽ മൂക്കുത്തി🍁ഫുൾ പാർട്ട്🍁

🍁വെള്ളക്കൽ മൂക്കുത്തി🍁ഫുൾ പാർട്ട്🍁

അഭിഷേകിന്റെ താലി അമൃതയുടെ കഴുത്തിൽ വീഴവേ   സദസിലിരുന്ന പൂജയുടെ ഉള്ളിലും ഓർമ്മകൾ   ചെങ്കനലുകൾ   കോരിയിട്ടു.....

 കണ്ണീരാകാൻ മാത്രം അവനവളുടെ  കനവിൽ കുറിച്ച പ്രണയാക്ഷരങ്ങൾ  ആ   കനൽചൂടിൽ   വെന്തുമരിച്ചു....

ഒരിത്തിരി കണ്ണീർ തളിയ്ക്കാൻ   മിഴികൾ  ഒരുങ്ങിയെങ്കിലും   മനസിന്റെ ഏതോ  കോണിൽ  നിന്നാരോ    അവരെ   വിലക്കി....

 പകരം പുഞ്ചിരിത്തിരകളെ   അവളുടെ ചുണ്ടിലേക്ക്   പറഞ്ഞുവിട്ടു......മുഖമാകെ

 അതൊരു വാശിയോടെ  ചിന്നിചിതറി....

പൂജ വേദിയിലിരിക്കുന്നത്  അഭിഷേക് കണ്ടെങ്കിലും  അവൻ  അവളെ  ഗൗനിച്ചില്ല......പൂജയും അതിൽ നിന്നൊട്ടും വ്യത്യസ്തമായിരുന്നില്ല.....

പക്ഷെ   പൂജയുടെ ഉള്ള് നീറിപ്പുകഞ്ഞുകൊണ്ടിരുന്നു.....എല്ലാമൊരു

പൊട്ടിക്കരച്ചിലിൽ ഒഴുക്കിക്കളയാൻ പറ്റിയെങ്കിലെന്നവൾ  ഉള്ളാലെ പറഞ്ഞു.....

താനൊരുപാട്  ആഗ്രഹിച്ച.... കൊതിച്ച... അഭിയേട്ടന്റെ താലി ഇന്ന് അയാൾ മറ്റാർക്കോ  ചാർത്തികൊടുത്തിരിക്കുന്നു.... പക്ഷെ  അതോർത്തിനി അയാൾക്ക്‌ മുന്നിൽ  വേദന കാട്ടില്ല...അതിനായിട്ടിത്തിരി നേരം കളിചിരിയുടെ  മുഖപടം അണിയേണ്ടി വരുമായിരിക്കും....

എന്നെ  വഞ്ചിച്ചിട്ടു   പോയതല്ലേ.. നാടൻഭാഷയിൽ പറഞ്ഞാൽ   നല്ല അസ്സല് തേപ്പ്....എന്നുവച്ച്  ഇനി അഭിയേട്ടന്റെ മുന്നിൽ തലകുനിക്കില്ല....ഒന്നും   കെഞ്ചില്ല...ഒരിറ്റു കണ്ണീര് പോലും പൊഴിക്കില്ല.....

അങ്ങനെയൊന്നും   പൂജയെ തളർത്താനാവില്ലെന്നു അയാൾ  മനസിലാക്കട്ടെ......അതിന്  വേണ്ടി മാത്രാ ഇന്നീ കല്യാണത്തിന്   വന്നത് തന്നെ......

എന്റെ   സന്തോഷിക്കുന്ന   മുഖം വേണം എല്ലാരും കാണാൻ.....

ഉള്ളിലുരുകി തുടങ്ങിയ സങ്കടം  മുഖത്തേക്കൊഴുകാതിരിക്കാൻ  അവൾ ശ്രമിച്ചുകൊണ്ടിരുന്നു...അഭിയുടെയും പൂജയുടെയും  പ്രണയം അറിയാമായിരുന്ന പലരും   അവളെ  അത്ഭുതത്തോടെ   നോക്കി..

അവൾ കൂടിരിക്കുന്ന ഒരു കുട്ടിയോട് കളിപറഞ്ഞും അതിന്റെ കൂടെ 

സെൽഫിയെടുത്തും  സമയം നീക്കി.....

""പൂജാ......വരുന്നില്ലേ....

ശബ്ദം കേട്ട് തിരിഞ്ഞു നോക്കിയപ്പോൾ ശ്രദ്ധയാണ്.... അവൾ  പൂജയുടെ അടുത്തേക്ക്

നടന്നു  വന്നുകൊണ്ടിരുന്നു....

ഒന്നിച്ച് കളിച്ചും പഠിച്ചും വളർന്നവൾ...പുറമെ നല്ല സ്നേഹമാണെങ്കിലും   ഉള്ളിൽ എങ്ങനേലും തനിക്കിട്ട് പാരവയ്ക്കാൻ അവസരം നോക്കിനടക്കുന്ന  കുശുമ്പിപ്പാറു..

കൊച്ചിനിന്നു  എന്തോരം സന്തോഷമായിക്കാണുമെന്നോ....എന്റെ ഒരു തുള്ളി കണ്ണീര് കാണുമ്പോൾ മൂപ്പത്തിക്കു പൂത്തിരി കത്തിക്കുന്ന സന്തോഷമാണ്.....

പക്ഷെ എന്ത് ചെയ്യാനാ...ചേട്ടന്റെയും അനിയന്റെയും മക്കളായിപ്പോയെന്ന് മാത്രം...

പൂജയുടെ  ചിന്തകളെ  ശ്രദ്ധയുടെ സാനിധ്യം

ഭേദിച്ചു....

""ഡി.. നമുക്ക് അഭിയേട്ടന് ഗിഫ്റ്റ് കൊടുക്കണ്ടേ.....

    ഇച്ചിരി കൂടി  ധൈര്യം ദൈവം തന്നിരുന്നേൽ ആ പിശ്ശാശ്ശിന്റെ മോന്തയ്ക്ക് തന്നെ ഒരു ഗിഫ്റ്റ് എന്നേ പേസ്റ്റ് ചെയ്തേനെ....

പൂജ മനസിലോർത്തു....

""അഭിയേട്ടൻ....

പെട്ടെന്നവളൊന്ന് നിർത്തി..

ഛെ.. അഭിഷേക് മതി ഇനി ആ

പരട്ടകോഴിയെ  അങ്ങനെ വിളിക്കാവു....

അവളുള്ളിൽ തിരുത്തി.

""പിന്നെന്താ ഇപ്പൊ തന്നെ കൊടുക്കാലോ...അഭിഷേകിന്റെയും പെണ്ണിന്റേം കൂടെ ഒരു ഫോട്ടോയും എടുക്കണം... വാ ശ്രദ്ധേ..തിരക്ക് കൂടുന്നേനു മുന്നേ പോകാം......

പൂജ കസേരയിൽ നിന്നുമെഴുന്നേറ്റ് ശ്രദ്ധയ്ക്ക് പുറകെ നടന്നു...

വേദിയിലേക്ക് കയറിവരുന്നവളെക്കണ്ട്   അഭിഷേകൊന്ന് ഞെട്ടി.....

ശ്രദ്ധ  തന്റെ കയ്യിലിരുന്ന സമ്മാനം  അവന്റെ കയ്യിൽ വച്ചുകൊടുത്തു..... പൂജയുടെ സാനിധ്യം  അവനിൽ  അല്പം പതർച്ചയുണ്ടാക്കിയിരുന്നു.....നെറ്റിത്തടത്തിൽ പൊടിഞ്ഞ  വിയർപ്പ്  തുള്ളികൾ ഭാരം താങ്ങാനാവാതെ  താഴെക്കൂർന്നിറങ്ങി...

""കൺഗ്രാജുലേഷൻസ്.....

പൂജ  അവന് നേരെ കൈനീട്ടി...

""താങ്ക്സ്....

യന്ത്രികമായെന്നോണം   അവനും അവൾക്ക്

കൈകൊടുത്തു..ക്യാമറക്കാരുടെ നിർദേശമനുസരിച്ചവൻ ചിരിക്കാൻ ശ്രമിച്ചെങ്കിലും അത് വിഫലമായി........

ഇരുവരെയും അറിയാവുന്ന പലർക്കും പൂജ ഒരു കൗതുകമായി......എന്തിനേറെപ്പറയണം

അഭിഷേകിന് പോലും .

അവൻ സ്വപ്നത്തിൽ പോലും വിചാരിച്ചിട്ടുണ്ടാവില്ല അവളവിടെ   വരുമെന്ന്..

ഫോട്ടോയ്ക്ക് നിൽക്കുമ്പോൾ മുഴുവൻ അഭിഷേകിന്റെ   ഹൃദയമിടിപ്പ് കൂടിക്കൊണ്ടിരുന്നു... പൂജയെന്തെങ്കിലും അമൃതയോട്   പറയുമോയെന്നു അവനൊന്ന്

പേടിച്ചു....

അവന്റെ പ്രതീക്ഷകളെ  തട്ടിയകറ്റി  അവിടെനിന്നും പൂജയും ശ്രദ്ധയും പുറത്തേക്കിറങ്ങി......

""ശ്രദ്ധേ... നീ വന്നേര് ... ഞാനിപ്പോ പോവാ... അച്ഛൻ  കണ്ടത്തിലോട്ട് പോയേക്കുവാ... ഇന്നവിടെ വെറ്റയ്ക്ക് കമ്പ് നാട്ടാനോ മറ്റോ ജോലിക്കാരൊക്കെ ഉണ്ട്... അതോണ്ട്   അച്ഛന് ചോറ്  കൊണ്ടുപോണം........

""അപ്പൊ നീ  ഉണ്ണുന്നില്ലേ...??

""പിന്നെ എന്റെ പട്ടി വരും.... ഈ   സാധനത്തിനെ   ഒന്ന് കാണാൻ മാത്രാ ഞാനിന്നു വന്നേ.....

""അതെന്തിനാ... എല്ലാം കഴിഞ്ഞയല്ലേ....

""എവിടുന്ന്..?? ഇപ്പൊ എന്നേ കണ്ടപ്പോൾ ഉള്ള

ആ ഭാവം  നീ കണ്ടോ??

""ഞാനൊന്നും കണ്ടില്ല...

""പക്ഷെ ഞാൻ കണ്ടു...അതെനിക്ക് മനസിലാവും...അതിനായി അങ്ങനെ എന്നെ മാത്രം പുള്ളി  കോമാളിയാക്കരുതല്ലോ..... ഇനി ആ പെണ്ണൂടി

അയാളെ തേച്ചിരുന്നേൽ.........

""അപ്പൊ വന്നാൽ  നീ കെട്ടുമോ??

""പിന്നെ... എപ്പ കെട്ടിയെന്നു ചോദിച്ചാമതി..

""ശരിക്കും??

ശ്രദ്ധ ഒന്നൂടെ ഉറപ്പിക്കാൻ ചോദിച്ചു.....

""മംമം... ശരിക്കും....കഴിഞ്ഞയാഴ്ച്ച വിറ്റ  ക്ടാവിന്റെ കയറവിടെ കെടപ്പുണ്ട്... അതെടുത്ത്   തെക്കേ പ്ലാവിന്റെ

ചോട്ടിൽ കെട്ടിയിടും..... എന്നിട്ട്  എരുത്തിലിൽ

കിടക്കുന്ന ചാണകം വാരി മോന്തയ്ക്കൊരു തേപ്പും കൊടുക്കും...അല്ല പിന്നെ....

പൂജയുടെയുത്തരം കേട്ട് ശ്രദ്ധയും ചിരിച്ചു... പക്ഷെ അവളുടെ ചിന്ത മുഴുവൻ   പൂജയ്ക്കെന്താ വിഷമമില്ലാത്തത് എന്നായിരുന്നു... വിഷമിപ്പിക്കാൻ കൂടിയാണ് താനും  ഇടയ്ക്കിടെ  അഭിയെ കുറിച്ച് ചോദിക്കാറുള്ളത്.. എന്നിട്ടും.....

ഇവളെന്തായിങ്ങനെ....

""ഡി... നീയെന്തോന്നാ  ചിന്തിച്ച് കൂട്ടുന്നെ?

ഞാൻ പോവാട്ടോ.....

അവൾ   ഓഡിറ്റോറിയാം വിട്ട് പുറത്തേക്ക് വന്നു... അടച്ചിട്ടേക്കുന്ന  അമ്പലവാതിലിലേക്ക്

വെറുതെയൊന്നു നോക്കി.....

വെള്ളിയാഴ്ചകൾ    തോറും     കത്തിച്ചു

വച്ച       നാരങ്ങാവിളക്കുകളെല്ലാം വെറുതെയായിപ്പോയി  അല്ലെ  ദേവി...ഞാൻ പറഞ്ഞതൊന്നും  കേട്ടില്ലല്ലോ.... എന്നും ഞാൻ വിളിക്കാറില്ലേ... പ്രാർത്ഥിക്കാറില്ലേ... വേണ്ടായിരുന്നു... ഈ പാവം പെണ്ണിന്റെ ഉള്ളിൽ കിനാവുകളെ നീരാട്ടിനിറക്കി കൊല്ലേണ്ടിയിരുന്നില്ല.....അന്ന് കത്തിച്ച

വിളക്കുകളിലെ  ജ്വാലകൾ  ഇപ്പോളൊന്നിച്ചെന്നെ എരിക്കുന്നുണ്ട്... അത്‌   ഞാൻ   മാത്രമേ   അറിയുന്നുള്ളുവെന്നു മാത്രം.

നീർമണികൾ  ഉരുണ്ടുകളിക്കാൻ തുടങ്ങിയ

മിഴികൾ  പിൻവലിച്ചവൾ  റോഡിലേക്കിറങ്ങി.

 പിണങ്ങരുതെന്ന് പറയാനപ്പോൾ ആലിലകൾ

ഞെട്ടറ്റ്  അവൾക്ക്  മേലേക്ക് പറന്നു വീണു...മുകളിലേക്ക്  നോക്കിയപ്പോൾ    കാറ്റിന്റെ കൈ പിടിച്ചാടുന്ന ആലിലകൾ മെല്ലെ കൈവീശുന്നപോലെ അവൾക്ക് തോന്നി........

റോഡിലിറങ്ങി ബസ് നോക്കി നിൽക്കുന്നതിനിടയിൽ    ഒരു ഓട്ടോ വന്നവൾക്ക്   മുന്നിൽ നിന്നു.....

""പൂജമോളെ.. വരുന്നോ...

""ങ്ഹാ... ആരിത്... ജയൻ മാമനോ... കണ്ടിട്ട് കുറെയായല്ലോ... ഇങ്ങോട്ടൊന്നും   വരവില്ലേ..??

""ഓട്ടം വല്ലോം കിട്ടിയാൽ വരും.... അത്രേയുള്ളൂ... നീ കേറ്... പാലത്തൂർ ഏലേടെ

അടുത്ത് വിടാം.. അവിടുന്ന് വീട്ടിലോട്ട് വയലിൽക്കൂടി അക്കരയ്ക്ക് പോവാല്ലോ....

""മം... ഞാൻ റെഡി...

അവൾ വണ്ടിയിലേക്ക്   കയറി....

""നീയാരുടെ കല്യാണത്തിന് പോയതാ...??

""അത് അച്ഛന്റെ ഒരു കൂട്ടുകാരന്റെ   മോന്റെയാ....

"സുരേഷിന്റെ കൂട്ടുകാരനോ... അതാരാ ?? ഞാനറിയുമായിരിക്കുമല്ലോ.....

""ഒരു   ശിവദാസ്  ശ്രീലയം ഗ്രൂപ്പ്‌   എന്നൊരു   കൺസ്ട്രക്ഷൻസ്  കമ്പനിടെ എം ഡി യാ...

അറിയോ??

""പിന്നെ.. അവരെ അറിയാത്ത ആരാ ഈ  നാട്ടില്..... പെണ്ണെവിടുന്നാ..??ജോലിയുള്ളയാണോ??

""ആ.... ടെക്‌നോപാർക്കിലാ വർക്ക്‌ ചെയ്യുന്നേ... കൂടുതലൊന്നും അറിയില്ല... അവൾ ഒട്ടും താല്പര്യം ഇല്ലാതെ പറഞ്ഞു....

അവർ  വീണ്ടും സംഭാഷണം തുടർന്നുകൊണ്ടിരുന്നു......

അവൾക്കിറങ്ങേണ്ട സ്ഥലമെത്തിയപ്പോൾ ഓട്ടോ നിന്നു...

""ഇനി കാണാട്ടോ... വീടിന്റെ അടുത്തെവിടേലും ഓട്ടം വരുവാണേൽ  അങ്ങോട്ട് കേറണേ... ഇല്ലേ.. ഞാനിനി ഈ പാട്ട വണ്ടിയെക്കേറില്ല.....

""ഓഓ... ഉത്തരവ്... വെയില് കൂടുന്നേനു മുന്നേ വീട്ടിലെത്താൻ നോക്ക്.....

അവൾ മെല്ലെ പടത്തിനു നടുക്കൂടെ ഉള്ള വരമ്പത്തൂടെ    മുന്നോട്ട് നടന്നു.... ഇരുവശവും

കാറ്റിലാടിയുലയുന്ന   നെല്ലോലകൾ .

മരതകകാന്തിയിൽ   കാറ്റിന്റെ  മർമ്മരങ്ങൾ കേട്ടതിനൊപ്പം   ഒരേ താളത്തിൽ ചുവടു വയ്ക്കുകയാണെന്നു   തോന്നും......

സൂര്യൻ തന്റെ കരുത്തു കാട്ടാൻ സമയമാകുന്നതേയുള്ളൂ....

പാടം കടന്നാൽ ചെന്നുകയറുന്നത്  ചെറിയൊരു   ഇടവഴിയിലേക്കാണ്... ഇരുവശവും   കുറെയധികം  വീടുകൾ... ഗ്രാമമായതിനാൽ  ഒന്നിനും ഒത്തിരി വലുപ്പമൊന്നുമില്ല... ഇടയ്ക്ക് വാർത്ത ഒരു നിലയും   ഇരുനിലയുമുള്ള വീടുകളും കാണാം......

കാറ്റ് തട്ടിപ്പറപ്പിക്കാൻ  നോക്കുന്ന മുടിയിഴകൾ

കൈകൊണ്ടൊതുക്കി   അവൾ കാലിന്റെ വേഗത അല്പം കൂടി കൂട്ടി നടന്നു....

വീട്ടിലേക്ക് ചെന്നപ്പോൾ  മുറ്റത്ത്‌ തന്നെ പുണ്യ

നിൽപ്പുണ്ട്... ചേച്ചിയെ കണ്ടതും അവൾക്ക് ചിരിവന്നു...

""ഡി മങ്കി... എന്തിനാ കിണിക്കുന്നെ??

""ഏയ്‌.. ചുമ്മാ.... അല്ല.. എങ്ങനുണ്ടായിരുന്നു

കല്യാണം...

""എല്ലാ കല്യാണോം എങ്ങനാണോ... അതുപോലെ തന്നായിരുന്നു... പെണ്ണ്   ചേച്ചിയെക്കാൾ പൊളിയായിരുന്നോ..??

""അങ്ങോട്ട്‌ ചെന്നന്വേഷിക്ക്......

അവളകത്തേക്ക്   കയറി...

""അമ്മാ   അച്ഛന് ചോറെടുത്തോ... വെയിലാവുന്നെനു മുൻപേ കൊണ്ടോയിട്ടു വരാം.......

""നീയിങ്ങ് ഇത്ര പെട്ടെന്ന് വന്നോ?? താമസിക്കുമെന്ന് വിചാരിച്ചു പുണ്യെടെ കയ്യിൽ കൊടുത്തുവിട്ടാരുന്നു....

""മം.. കെട്ട് കഴിഞ്ഞപ്പോൾ ഞാനിങ്ങു പോന്നു.. പിന്നൊന്നിനും നിന്നില്ല....

""അതെന്താടാ... ഊണൊക്കെ കഴിഞ്ഞിട്ട് പോന്നാൽ പോരായിരുന്നോ... ഞാനോ

പുണ്യയൊ  അച്ഛന് ചോറ് കൊടുക്കുമായിരുന്നല്ലോ... ഇനി   അച്ഛനോട്  ദാസ് സാറ്  പരാതി പറയാതിരുന്നാൽ

മതിയാരുന്നു........

""പിന്നെ... ഒരു പരാതി... എനിക്കാ സദ്യ കഴിച്ചാലിറങ്ങില്ല... തൊണ്ടയ്ക്കിരുന്നു കുത്തും.....

മുറിയിലേക്ക് നടക്കുന്നതിനിടയിൽ അവൾ പറഞ്ഞു....

""ഈ പെണ്ണിന് വട്ടാണോ?? അല്ലേലും രണ്ടുമൂന്നു മാസമായിട്ട്  നിന്റെ പിരിയിളകി കിടക്കുവാ....എന്തുവാണോ എന്തോ.....

പൂജ നേരെ  കാർത്യായനി അമ്മേടെ മുറിയിലേക്ക്  ചെന്നു..

""അച്ഛമ്മേ.....

""ങ്ഹാ..ഹാ...നീ പെട്ടെന്നിങ്ങു വന്നോ....

""മം... അച്ഛമ്മ പറഞ്ഞപോലെ ഞാൻ എല്ലാം ചെയ്തു.....എന്നാലും...

അവളുടെ കണ്ണുകൾ നിറഞ്ഞു.. അതുവരെ അടക്കി വച്ച സങ്കടമൊക്കെ അണപൊട്ടിയോഴുകി.....

അവളവരുടെ അടുത്തിരുന്നു.....

""അയ്യേ... അച്ഛമ്മേടെ പൂച്ചക്കുട്ടി  കരയുവാണോ..??

""എനിക്ക്  വിധിച്ചിട്ടില്ല അല്ലെ അച്ഛമ്മേ??

""നിനക്കല്ല... അവനാ വിധിയില്ലാത്തെ.. എന്റെ പൊന്നിന്റെ സ്നേഹം   അനുഭവിക്കാൻ.....

""എന്നാലും എന്നെ ഇത്രേം  മോഹിപ്പിച്ചിട്ട്.. വേണ്ടായിരുന്നേൽ   അന്നേ പറഞ്ഞൂടാരുന്നോ.

അച്ഛമ്മയ്ക്കറിയോ.......

ഒരു ചെടിയെ മണ്ണിൽ താങ്ങി നിർത്തുന്നത് വേരുകളാണേൽ   ഒരാളെ മനസ്സിൽ നിലനിർത്തുന്നത്   അയാളുടെ ഓർമ്മകളാണ്..

അത് നല്ലതായാലും ചീത്തയായാലും.......

എത്ര ശക്തിക്ക് പറിച്ചെറിയാൻ നോക്കിയാലും  ഇളകിവരാൻ        കൂട്ടാക്കാത്ത വേരുകളെപ്പോലെ    പല ഓർമ്മകളും  മനസിന്റെ അടിത്തട്ടിൽ 

അള്ളിപ്പിടിച്ചിരിക്കുന്നുണ്ടാകും ......

ഇടയ്ക്കിടെ   മുള്ള് കൊരുത്തുവലിക്കുന്നപോലെ    ചങ്കിലത്

കുത്തിവലിക്കും.... കണ്ണിൽ നിന്ന് ഉപ്പൂറ്റിയെടുക്കും.......

""നീയി ആവശ്യമില്ലാത്തതൊക്കെ വിട്ടേ  കുഞ്ഞേ..... എത്ര ആഴത്തിൽ  പതിഞ്ഞ വേരായാലും  മരം മുറിച്ചുകളഞ്ഞാൽ പിന്നെ

അത് കാലക്രമേണ  ദ്രവിച്ചു പൊയ്ക്കോളും....

എന്റെ  പൊന്നിന്റെ  സ്നേഹത്തിനു അവകാശിയാവേണ്ടത്   മറ്റേതോ രാജകുമാരനാ.....നീ നിറക്കാവിലമ്മയോടും അപ്പൂപ്പനോടുമൊക്കെ   പ്രാർത്ഥിക്ക്  അവനെ   നിന്റെ  മുന്നിൽ  കൊണ്ടുവരാൻ........

"""പിന്നെ.. ഉഗാണ്ടയിലെ  മഹാരാജാവിന്റെ  ഇളയമോനാണോയിനിയതു......

പുണ്യയും   മുറിയിലേക്ക്   വന്നു....

""നിന്നോടാരും അഭിപ്രായം ചോദിച്ചില്ല.....

""ഞാനിനി ആരോടും ഒന്നും പറയണില്ല.... എന്റെ മനസ്സവർക്കറിഞ്ഞൂടെ...??എന്താന്ന് വച്ചാലായിക്കോട്ടെ.... എന്തായാലും പൂജയുടെ

ജീവിതത്തിലിനിയൊരു പ്രണയം ഉണ്ടാകില്ല...

അവളെഴുന്നേൽക്കാൻ   തുടങ്ങിയപ്പോൾ   അവർ പറഞ്ഞു...

""നീയെ  താഴെക്കടവിൽ   കുറച്ചു തുണി നനച്ചു വച്ചിരിപ്പുണ്ട്... അതൊന്നെടുത്തു അയയിൽ    വിരിച്ചേര്.... ഈ അനങ്ങാപ്പാറയോട്   നൂറുവട്ടം ഞാൻ പറഞ്ഞു.

""എന്തുവാ അച്ഛമ്മേ... ആ പടിയിറങ്ങാൻ   എന്റെ കാലന്നേരം   വയ്യാഞ്ഞോണ്ടല്ലേ...

പുണ്യ ചിണുങ്ങി.......

""എന്നാലിപ്പോ  മോള്  എരുത്തിലിന്റെ പടഞ്ഞാറേപ്പറത്ത്  കുറച്ചു  ചുള്ളില് ഞാനോടിച്ചു വച്ചിട്ടുണ്ട്.... അതെടുത്ത്   വിറകു പുരയിലേക്കിട്.......എന്നിട്ട് ആ   പുളിയരി ചരുവം  ഒന്ന്.....

""നിക്ക്..നിക്ക്...ആദ്യത്തേത് മാത്രം ഞാൻ ചെയ്യാം.. ബാക്കി   ചേച്ചി   ചെയ്യട്ടെ.....

""വേണ്ട.. ആരും ചെയ്യണ്ട... ഞാൻ പിന്നെ ചെയ്തോളാം....

""ഈ അച്ഛമ്മേടെയൊരു കാര്യം... അച്ഛമ്മെപ്പിടിച്ചു വല്ല തൊഴിൽവകുപ്പ്   മന്ത്രിയുമാക്കിയാൽ നാട്ടിലെല്ലാർക്കും  ഓരോ ജോലി കൊടുത്തേനെ......

പുണ്യ അതും പറഞ്ഞോണ്ടവിടുന്നു പോയി.....

വൈകുന്നേരം   കടയിൽ പോയി തിരികെ വരുവായിരുന്നു പൂജ..

ഫോൺ നാളെ റീചാർജ് ചെയ്യണം... ഇനി അതിനൊരു 30രൂപ കൂടി വേണം.. ബാക്കി എന്റെ കയ്യിലുണ്ട്.... അതിപ്പോ അമ്മയോട് ചോദിച്ചാൽ   രണ്ട് ദിവസം കഴിയട്ടെന്നു പറയും...ഡേറ്റയില്ലാത്ത ഫോൺ ഉപ്പില്ലാത്ത കഞ്ഞി പോലാ.. അതോണ്ട്   തല്ക്കാലം സാധനങ്ങൾക്ക് അല്പം വില കൂട്ടിയേക്കാം.. അച്ഛമ്മയ്ക്ക് പെൻഷൻ കിട്ടുമ്പോൾ എനിക്ക് തരും... അപ്പോൾ വില കുറയ്ക്കാം........

അവൾ വില കൂട്ടിയും കിഴിച്ചും നടക്കവേ  ഒരു കാറ് വന്ന് അടുത്ത് നിന്നു.....

""കുട്ടീ....

വിൻന്റോ ഗ്ലാസ് അല്പം താഴ്ത്തി കൂളിംഗ് ഗ്ലാസ്‌ വച്ചൊരാൾ വിളിച്ചു....

കുട്ടീന്നുള്ള വിളി അവൾക്കിഷ്ടമേയല്ല.

""കുട്ടിയോ...ഈ കൂളിംഗ്   ഗ്ലാസ്‌ വച്ചാൽ കണ്ണ് കാണില്ലേ?

മനസ്സിൽ വിചാരിച്ചതാണെങ്കിലും   അറിയാതെയതിൽ  ശബ്ദം   കൂട്ടുചേർന്നു..

""അതെന്നാ... ഈ നാട്ടിലൊക്കെ   കണ്ണ് കാണാത്തവരാ  കൂളിംഗ് ഗ്ലാസ്‌ വയ്ക്കുന്നെ?

അയാൾ വിൻഡോ ഗ്ലാസ്‌  മുഴുവനും താഴ്ത്തി

ചോദിച്ചു....

ആളെ തിരിച്ചറിഞ്ഞപ്പോൾ  അവൾ ഒന്ന് നടുങ്ങി...

'ഹർഷിത് ദേവ് '

രാവിലെ ശ്രദ്ധ പറഞ്ഞിരുന്നു  ഷൂട്ടിംഗ് തുടങ്ങാറായി... നടന്മാരൊക്കെ ഇന്ന്   വരുമെന്ന്......

""ഈ പനയ്ക്കൽ ഹൗസ്  ഏതാ??

""അത്.... ഇവിടുന്ന്... അങ്ങോട്ട് പോയിട്ട്... ഇടത്തോട്ട്.. ഏയ്‌ അല്ല... വലത്തോട്ട് ...ആ

വളവ്...

അവൾക്കാകെ വെപ്രാളം ആയി... ഇന്നലെ വരെ സ്‌ക്രീനിൽ കണ്ടൊരാളിപ്പോ നേരിട്ട് മുന്നിൽ....

""മേഡം പൊയ്ക്കോളൂ... ഞങ്ങള് ചോദിച്ചുചോദിച്ചങ്ങു പൊയ്ക്കോളാം.....

അവളുടെ വെപ്രാളം കണ്ടപ്പോൾ  ദേവ് തൊഴുതോണ്ട്  പറഞ്ഞു...

""പിന്നെ ഞങ്ങളിവിടെ കുറച്ചുകാലം കാണും.. അപ്പൊ എവിടെലുമൊക്കെ വച്ച് കാണാം.........

പടിഞ്ഞാറെ ചക്രവാളത്തിൽ തിരിവയ്ക്കാൻ പോകുന്ന മൂവന്തിപ്പെണ്ണിന്റെ  കയ്യിൽ തങ്കസൂര്യ വിളക്കുണ്ടായിരുന്നു. അവളതിൽ

നിന്നൊരുതുള്ളി   പ്രഭയെടുത്ത്   പൂജയുടെ  മൂക്കുത്തിക്കല്ലിലേക്കെറിഞ്ഞു...... ആ കിരണങ്ങളൊരു നിഴൽപ്പാലം   ദേവിന്റെ കണ്ണിലേക്കതിനിടയിൽ  പണിതുവൊ........

കാർ അവളെക്കടന്ന്  മുന്നോട്ട് പോയി.....

വെള്ളക്കൽ മൂക്കുത്തി (2)

കണക്കുകൾ കൂട്ടിയും കുറച്ചും പൂജ    വീട്ടിലേക്ക് നടന്നു... പക്ഷെ  ദേവിനെ കണ്ടതിലും  അറിയാതെ പറഞ്ഞുപോയ വാക്കുകളുടെ ഓർമ്മകളിലും കുടുങ്ങി കണക്കുകൾ   ഏതോ വഴി പോയി..

അവര് ചോദിച്ചത്    സ്വന്തം    ചെറിയമ്മേടെ വീട്ടിലോട്ടുള്ള വഴി....തൊട്ടടുത്ത് തന്നാണല്ലോ  തന്റേം വീട്...ഒരേ മുറ്റം.. എന്നിട്ടും  അത് പോലും പറഞ്ഞു കൊടുക്കാൻ അറിയില്ലെന്നിനി ആരേലും അറിഞ്ഞാൽ?? ഛെ... എന്റെ കാര്യം വല്ലാത്ത കഷ്ടം തന്നെ.....ഇനി   അവിടെങ്ങാനും വച്ചങ്ങേര്   കണ്ടാൽ നാണക്കേടാകും..... എന്തായാലും   ചെറിയമ്മേടെ അടുക്കല്  പോവുമ്പോ ശ്രദ്ധിച്ചാൽ   മതി... ഷൂട്ടിങ് ഇല്ലാത്തപ്പോഴല്ലേ

അദ്ദേഹമവിടെ കാണുള്ളോ... എന്തായാലും വരുന്നത്   വരട്ടെ........

ചിന്തകൾ ചിക്കിയിളക്കി   നടന്ന് പെട്ടെന്ന്   വീടെത്തിയതവളറിഞ്ഞില്ല.......

തൊട്ടപ്പുറത്ത് ആണ് ചെറിയച്ഛനും കുടുംബവും താമസിക്കുന്നത്.....

അവളവിടേക്കു എത്തിനോക്കിയപ്പോൾ ദേവിന്റെ കാർ മുറ്റത്ത്‌ കിടക്കുന്നത് കണ്ടു...പിന്നെന്തൊ ഓർത്തപോലെ അവിടെ നിന്നും   വേഗത്തിൽ വീട്ടിലേക്ക്  നടന്നു..

അകത്തേയ്ക്ക്   കേറിയയുടനെ അമ്മയുടെ വിളിയെത്തി.......

""മോളെ.... പൂജേ......

വിളികേട്ടപ്പഴേ എന്തോ കാര്യം സാധിക്കാനാണെന്ന്     അവൾ   മനസിലോർത്തു.........

""വരുന്നമ്മേ......

അടുക്കളയിലേയ്ക്ക് ചെന്നപ്പോഴേക്കും   എന്തെക്കെയോ സാധനങ്ങൾ   ബിന്ദു  ഒരു കവറിൽ ആക്കി വച്ചിരുന്നു....

"""നീയിത്  ചെറിയമ്മേടെ കയ്യിലേക്ക് കൊടുത്തിട്ടു വാ......

""പുണ്യോട്   പറയമ്മേ... ഞാൻ   തൂത്തുവാരാൻ പോവാ....

""നീയിതാദ്യം കൊണ്ട് കൊടുക്കാൻ നോക്ക് പെണ്ണേ... എന്നിട്ട് മതി തൂക്കലും വാരലും.....

അവൾ   മനസ്സില്ലാമനസോടെ അതെടുത്ത്

ചെറിയമ്മേടെ   അടുക്കലേയ്ക്ക്  പോകാനിറങ്ങി.....

ദേവിനെയും  പിന്നെ കാറിലുണ്ടായിരുന്ന ആളെയും കാണരുതേ എന്ന  പ്രാർത്ഥനയോടെ   അവൾ   അടുക്കള വാതിലിൽ എത്തി.......

"""ചെറിയമ്മോ.....

""ങ്ഹാ....പൂച്ചക്കുട്ടിയോ..??

""ഓ... ഞാൻ പറഞ്ഞിട്ടുണ്ട്.... ഇങ്ങനെ  വിളിക്കല്ലെന്ന്....എന്തൊരു ശല്യമായിത്..??

അവൾ  ചിണുങ്ങിക്കൊണ്ട്  പറഞ്ഞു.....

""ഇത് ലാസ്റ്റാട്ടോ.... ഇനി വിളിക്കില്ല പോരെ ..

""എല്ലാരും എപ്പഴും ഇത് തന്നാ പറയുന്നേ....

""ഇവിടെ പുതിയൊരു  അതിഥിയുണ്ട്... നിനക്കൊക്കെ അറിയാവുന്ന ആളാ......

""ഞാനറിഞ്ഞു... എന്നാ.. ഞാൻ പിന്നെ വരാം..

അവൾക്ക് പെട്ടെന്നിറങ്ങാൻ തുടങ്ങി.....

""ജയാന്റി... തണുത്ത വെള്ളമിരിപ്പുണ്ടോ...??

പൂജ   ഇറങ്ങാൻ തുടങ്ങവേ   ദേവ്   അടുക്കളയിലേയ്ക്ക്   വന്നു.....

ഇരുവരുടെയും   മിഴികൾ ഒന്നിടഞ്ഞു....

അവന് മനസിലായിക്കാണുമല്ലോ   എന്നോർത്തപ്പോൾ   അവൾക്കവിടെ നിന്നും ഓടിയാലോയെന്നു തോന്നി... പക്ഷെ   കാലുകൾ ചലിച്ചില്ല......

""ഉണ്ടല്ലോ മോനെ ഇപ്പൊ എടുത്ത് തരാം....

പിന്നെ... ഇത്   ഞങ്ങടെ   പൂച്ചക്കുട്ടിയാട്ടോ...

പരിചയപ്പെടുത്തിയില്ലെന്നു  വേണ്ട......

""ചെറിയമ്മേ.....

അവളവരെ നോക്കി   കണ്ണുരുട്ടി...

""പൂജാന്ന പേരെങ്കിലും   ഞങ്ങൾക്കൊക്കെ    പൂച്ചാന്ന വായിൽ   വരുന്നേ.....എന്താണോ എന്തോ??..

ദേവ്   നിൽക്കുന്നത് കൊണ്ട്   അതിനുള്ള   മറുപടി പറയണോ വേണ്ടയോ എന്ന സംശയത്തിലായിരുന്നു  അവൾ.......

ഉള്ളിൽ   നുരഞ്ഞു പതയുന്ന ദേഷ്യം മുഴുവനവൾ   മയിൽപ്പീലിക്കണ്ണുകളിൽ  പ്രതിഫലിപ്പിച്ചു....... പക്ഷെ   ജയ അതൊന്നും ശ്രദ്ധിച്ചില്ല....... കണ്ണുകൾ   വീണ്ടും  ദേവിന്റെ മുഖം തേടിച്ചെന്നതും   ചെറുചിരിയോടെ   തന്നെ നോക്കിയുള്ള    നിൽപ്പ് കണ്ടപ്പോൾ

അവളുടെ ദൃഷ്ടി  നിലത്തേക്ക് പൊടുന്നനെ

വീണു......

""ഞങ്ങൾ നേരത്തെയൊന്നു  മീറ്റ് ചെയ്താരുന്നു....

""നിങ്ങളോ?അതെവിടെ വച്ചാ ദേവേ....???

"""റോഡിൽ     വച്ചിങ്ങോട്ടുള്ള  വഴി ഞാൻ  ഇയാളോട് ചോദിച്ചിരുന്നു.....

""ങ്ഹാ..അപ്പൊ അധികം അലയേണ്ടി വന്നില്ലല്ലോ.....ജയ ഫ്രിഡ്ജീന്നു വെള്ളമെടുക്കാൻ അടുത്ത മുറിയിലേക്ക് നടക്കുന്നതിനിടയിൽ പറഞ്ഞു.......

കേട്ടിരുന്നേൽ  നാട് മുഴുവൻ  അലഞ്ഞേനെ....

ജയ  പറഞ്ഞത്  കേട്ടപ്പോൾ   അവൻ    ചിരിയോടെ മനസിലോർത്തു ...അവളെ   നോക്കിയപ്പോൾ  ആകെ ചമ്മി നിൽക്കുന്നു.....പറയട്ടെയെന്നു ശബ്ദമില്ലാതെ   ചുണ്ടുകൾ കൊണ്ട്   ദേവ് ചോദിച്ചു.... പൂജ   വേണ്ടെന്ന്   തലയാട്ടി.....

തലയുടെ ചലനത്തിനനുസരിച്ച്  അവളുടെ മൂക്കുത്തിക്കല്ലിൽ  തിളക്കം ഒളിച്ചുകളിച്ചു....

""എന്നെ അറിയുമായിരിക്കുമല്ലോ   പൂജ ??

ഞാൻ....

പറയുന്നതിനിടയിൽ   അവൻ അവൾക്ക് നേരെ കൈനീട്ടി.....

""അറിയാം.....

മടിച്ചു മടിച്ചവളും  കൈ  കൈകൊടുത്തു....

അടുത്ത നിമിഷത്തിൽ തന്നെ അത് പിൻവലിക്കാൻ അവൾ നോക്കിയെങ്കിലും  അവൻ വിടാൻ കൂട്ടാക്കാതെ  ഒന്ന് കൂടെ മുറുകെ  പിടിച്ചു.....

""വിട്ടെ.....

അവൾ  അവനെ അല്പം ദേഷ്യത്തിൽ  നോക്കി.....

ജയ  വെള്ളമെടുത്തങ്ങോട്ട്

വരുന്ന കാൽപെരുമാറ്റം  കേട്ടപ്പോൾ ദേവ് കൈ പിൻവലിച്ചു..അതിനിടയിൽ ഒരു കള്ളച്ചിരിയോടെ      ഇടത്തെ കണ്ണൊന്നിറുക്കിയടയ്ക്കാനും   അവൻ മറന്നില്ല......

അവനിലെ ഭാവം അവളിൽ എന്തിനെന്നറിയാത്തൊരു  ഭയമുണർത്തി....

ഒരിക്കൽ ധനുമാസകുളിരുപോലെ   കോരിത്തരിപ്പിച്ച് ,..   തുലാമിന്നൽ

 പോലെയുള്ളിലാഴ്ന്നിറങ്ങി അവസാനം   മീനച്ചൂട് പോലെ നെഞ്ചെരിച്ചൊരു  പ്രണയത്തിന്റെ ഭാവം....

അതാണോ ആ  കണ്ണുകളിൽ   നിറഞ്ഞ കുസൃതിയുടെ അർത്ഥം...??

വീണ്ടുമവളാ ആ കണ്ണുകളിലേക്ക്  നോക്കാൻ  തുനിഞ്ഞില്ല... ആരോടുമൊന്നും മിണ്ടാതെ  മുറ്റത്തേക്കിറങ്ങി..........

രണ്ട് വീടുകളെയും  വേർതിരിക്കാൻ ഒരു മതിലുണ്ടെങ്കിലും  അതിൽ ഒരു ചെറിയ ഗേറ്റ്

നിർമ്മിച്ചിട്ടുണ്ട്...      ഇരുവീട്ടുകാർക്കും  സുഗമമായി       അങ്ങോട്ടുമിങ്ങോട്ടും   സഞ്ചരിക്കാൻ   അത് തന്നെ ധാരാളം..

ആ ഗേറ്റ് കടക്കുന്നതിനിടയിൽ   വെറുതെ പൂജ ഒന്ന് തിരിഞ്ഞുനോക്കി......

അടുക്കളയുടെ കട്ടിളപ്പടിമേൽ   നിന്ന്  തനിക്ക് നേരെ കണ്ണയക്കുന്നവനെ കണ്ടപ്പോൾ  തിരിഞ്ഞു നോക്കേണ്ടിയിരുന്നില്ലെന്നു പൂജയ്ക്ക് തോന്നി.......

പക്ഷെ   ഒന്നുനോക്കണെന്നു  അവൾ തിരിഞ്ഞിറങ്ങിയ   നിമിഷം മുതൽ   കാത്തിരുന്ന   ദേവിന് ,  അതേതോ പുലരിമഞ്ഞിൽ   വിരിഞ്ഞ   മഴവില്ല്  കാണുന്ന നിറവായിരുന്നു........

 ആ മഴവില്ലിനറ്റം   ചെന്നു മുട്ടുന്ന   പൂവാകയിൽ   പറ്റിപ്പിടിച്ചിരിക്കുന്ന മഞ്ഞുതുള്ളിയായ് അവളുടെ  മൂക്കിൻ തുമ്പത്തെ   വെള്ളക്കല്ലവന്   തോന്നി....

ഒരിക്കലാ വാകപ്പൂവിനെ സ്വന്തമാക്കണം..... അതിലെ മഞ്ഞുതുള്ളിയെ ചുംബനചൂടാലുരുക്കണം.........

""വെള്ളം വേണ്ടേ??

""എടുത്തോ ആന്റി..?? ഞാനന്നാ അങ്ങോട്ട് ചെല്ലട്ടെ??

""മം.... കുറെ യാത്ര ചെയ്തു വന്നയല്ലേ ഒന്ന് റെസ്റ്റെടുക്ക്.....

അവൻ ഒരു മൂളിപ്പാട്ടിന്റെ അകമ്പടിയോടെ

മുറിയിലേക്ക്  ചുവടുകൾ  വച്ചു ....

""ദേവേട്ടാ...??

അവൻ     മുറിയിലേക്ക്    കാലെടുത്തു വച്ചതും പുറകിൽ നിന്നും ആരോ വിളിച്ചു...

തിരിഞ്ഞു നോക്കിയപ്പോൾ ശ്രദ്ധ  ചിരിയോടെ ഫോണും പിടിച്ചുകൊണ്ട്    വരുന്നു.....

""ഒരു സെൽഫിയെടുത്തോട്ടെ .....

"""എന്തിനാ ഒന്നാക്കുന്നെ?? ഇഷ്ടം പോലെടുക്കാമല്ലോ... നമുക്കൊരു കുഴപ്പോമില്ലേ.......

ഇരുവരും ചേർന്ന്  കുറച്ചു ഫോട്ടോകളെടുത്ത

ശേഷം പിരിഞ്ഞു...

മുറിയിലേക്ക്  കയറിയപ്പോൾ    കാർത്തിക്ക് ലാപ്ടോപ്പിൽ എന്തോ   ചെയ്തു കൊണ്ടിരിക്കുകയാണ്...

""ഹലോ ഡയറക്ടർ സാറെ..... തന്റെ നാട് എനിക്കിഷ്ടമായിട്ടോ....പിന്നെ.....

പൂജയുടെ മുഖമുള്ളിൽ   മൗനവീണ മീട്ടി  എത്തിയെങ്കിലും ......

അത്‌  പറയാതെയവൻ    നിർത്തി......

""പിന്നെ.. എന്റെ  നാട് പൊളിയല്ലേ... ശരിക്കും എന്റെ കയ്യിൽ ഈ സിനിമേടെ സ്ക്രിപ്റ്റ് കിട്ടുമ്പോൾ പോലും ഞാനെന്റെ നാടിനെ ലൊക്കേഷൻ ആക്കുന്നേനെ പറ്റി ചിന്തിച്ചിരുന്നില്ല....ഞാൻ ഇവിടെ ജനിച്ചു ഒരഞ്ചാറ്  വയസ്സ് വരെയിവിടെ നിന്നിട്ടുള്ളൂ...പിന്നെ അച്ഛന്റെ കൂടെ ഡൽഹിക്ക് പോയി....ഇവിടുത്തെ സ്ഥലമൊക്കെ   വിറ്റു...

പിന്നെ.... സുദേവനങ്കിളും അമ്മയും ഒന്നിച്ച് പഠിച്ചവരാ... ആ   വഴിയാണ് നമ്മളിപ്പോ ഇവിടെത്തിയത്......

ഒരു ദിവസം  വെറുതേ വാട്സ്സ് ആപ് സ്റ്റാറ്റസ്സ്  നോക്കിയിരിക്കുമ്പോളാ

നമ്മുടെ ശ്രദ്ധേടെ ഒരു സ്റ്റാറ്റസ് കാണുന്നെ......

ഒരു പാറയുടെ   മുകളിൽ നിന്നുള്ള ദൃശ്യം... അതിന് മ്യൂസിക് ഒന്നും ഇല്ലെങ്കിലും   വല്ലാത്തൊരാകർഷണം   ഈ നാടിനോട് തോന്നി...അങ്ങനെയാ  ഞാൻ ജയ ആന്റിയുടെ യുമായി ബന്ധപ്പെട്ട്   ഷൂട്ടിങ് നുള്ള സെറ്റപ്പൊക്കെ   റെഡിയാക്കിയത്......

എനിക്കും ആ പാറമുകളിലൊന്നു പോണമല്ലോ......

നാളെയാട്ടെടാ.... രാവിലെ  തൊട്ടൊരുച്ചവരെ കുറച്ചു ഷൂട്ടുണ്ട്.... നീയും കൂടുള്ള സീനാ.... അത് കഴിഞ്ഞ് വൈകിട്ട്   നീ പൊയ്ക്കോ...

""നീ വരുന്നില്ലേ??

""ഞാൻ വന്നാൽ ശരിയാവില്ല.... നാളെക്കൊണ്ട്  ചിലരുടെ സീനുകൾ തീർക്കണം.ഒറ്റദിവസത്തെ  കാര്യമേയുള്ളൂ.......

ഇവിടെ നിർത്തിയാലേ  ചുമ്മാ കാശിറക്കേണ്ടി വരും...സെറ്റൊക്കെ  കംപ്ലീറ്റ് ആയിട്ടുണ്ട്......

""മം..... നീ സ്ഥലം കാണിച്ചു തന്നാൽ മാത്രം മതി....

""നമ്മുടെ മിറ്റത്തു നിന്നാൽ കാണാം... പിന്നാട്ടെ.... ങ്ഹാ... പിന്നെ നിനക്കാറ്റിൽ കുളിക്കണേൽ    അപ്പുറത്തൊരു കടവുണ്ട്..... അങ്ങോട്ട് പോവാം.......

""വേണോന്നോ എന്തൊരു ചോദ്യമാടാ..... അല്ല നീ കുളിച്ചല്ലോ.....

""ഞാനെന്റെ കാര്യമല്ലല്ലോ  നിന്റെ കാര്യമല്ലേ ചോദിച്ചേ......

"""ഞാനിന്നിനി കുളിയില്ല... വരുന്നേ മോൻ വാ....ഇരുട്ടുന്നേനു  മുന്നേ വരാം..... ദൂരെ പോണോ..?? ആൾക്കാരൊക്കെ കണ്ടാൽ......

""ഓ... എന്റെ സെലിബ്രേറ്റി മാൻ... അപ്പുറത്തെ വീട് കണ്ടോ... ഇവിടുത്തെ  സതീശൻ അങ്കിളിന്റെ  അനിയന്റെ വീടാ... പണ്ടിതൊക്കെ   ഒരു കുടുംബമായിരുന്നു..... പിന്നെ വീതം വച്ചപ്പോ ഓരോരുത്തരും   ഇപ്പൊ ഓരോ വീട്ടിലായി...... അങ്ങനെ ആ കടവ്   അവരുടെ സ്ഥലത്തായിപ്പോയി......

അപ്പുറത്തോട്ടിറങ്ങാൻ  കുഞ്ഞൊരു ഗേറ്റുണ്ട്... വേറെ ആരും കാണാനോ  ശല്യം ചെയ്യാനോ ഒന്നും  അവിടെ   വരില്ല....

സ്ഥലം കാണിച്ചു തരാം.....നീ പോയി കുളിച്ചോ.

ഉടനെ സുദേവൻ അവരുടെ   അടുത്തേയ്ക്ക്

വന്നു......

""കാർത്തിക്കെ ഒന്നിങ്ങു വന്നേ......

സുദേവനൊപ്പം   കാർത്തിക് പുറത്തേയ്ക്ക് ചെന്നു.......

""ഞാൻ പറഞ്ഞ   കാര്യം   എന്തായി??ഹർഷിത് ദേവിനോട് പറഞ്ഞോ??

""ഏയ്‌ ഇല്ല... ഞാൻ സമയം പോലെ   പറഞ്ഞോളാം........അങ്കിൾ ഒന്നും മിണ്ടാനേ പോവണ്ട.....

""എങ്ങനെയെങ്കിലും   നീയീ   കല്യാണം നടത്തിയേക്കണം......

""അത് പിന്നെ ഞാനേറ്റില്ലേ??

""ദേവിനെക്കൊണ്ട്     ശ്രദ്ധയെ കെട്ടിക്കണം എന്നൊരു   ആഗ്രഹം കൊണ്ട് മാത്രാ ഞാൻ തന്റെ സിനിമയ്ക്ക്   പണമിറക്കാൻ   തീരുമാനിച്ചേ..... അതോർമ്മ വേണം......

""അങ്കിൾ   ഒന്നുകൊണ്ടും   പേടിക്കണ്ട.... ഈ കല്യാണം നടത്തുന്നകാര്യം   ഞാനേറ്റു........

""അത് മാത്രം എനിക്ക് കേട്ടാൽ മതി...ഇറക്കുന്ന പണം കിട്ടുവാണേൽ അടുത്ത പടത്തിന്റെയും  പ്രൊഡ്യൂസർ കുപ്പായം ഞാനിട്ടോളാം.......കൊന്നപ്പള്ളിയിൽ വിൽക്കാനുള്ള   സ്ഥലത്തിന്റെ   എഗ്രിമെന്റായിട്ടുണ്ട്......

""എന്റെ പടം എന്തായാലും നഷ്ടം ഉണ്ടാക്കില്ല.

ആ കാര്യത്തിൽ നൂറുശതമാനം ഉറപ്പ്......

""ആ നൂറുശതമാനം   കല്യാണക്കാര്യത്തിലും ഉണ്ടാവണം.......

അത്രയും പറഞ്ഞിട്ട്   അയാൾ അവിടെ നിന്നും പോയി......

കാർത്തിക് ദേവിനെയും കൂട്ടി   കുളിക്കടവിലേക്കു പോകാനിറങ്ങി.......

"ഞാൻ അങ്ങോട്ട് വിട്ടേക്കാം... തനിയെ ഇങ്ങ് വരുമല്ലോ... എനിക്ക്  പ്രൊഡക്ഷൻ കൺട്രോളറുമായി   ചിലതൊക്കെ   സംസാരിക്കാനുണ്ട്.....

""ഞാൻ കൊച്ചു കുഞ്ഞൊന്നുമല്ലല്ലോ.... നീ കാണിച്ചു തന്നേച്ചാൽ   മതി.....

കാർത്തിക്കും   ദേവും പൂജയുടെ വീട്ടുമുറ്റത്തേക്കിറങ്ങി.....

അവരെ കണ്ടുടനെ പുണ്യ ഇറങ്ങി വന്നു.... പിറകെ   ബിന്ദുവും സുരേഷും.......

ദേവിന്റെ കണ്ണുകൾ തിരഞ്ഞത്   പൂജയെ ആയിരുന്നു..... പക്ഷെ അവൾ മാത്രം വന്നില്ല...

വിശേഷങ്ങൾ    പറഞ്ഞ ശേഷം എല്ലാവരും  കാർത്യാനിയമ്മ കിടക്കുന്ന മുറിയിലേക്ക്   ചെന്നു....

ദേവ് എല്ലാവരുടെയും പിന്നിലായിട്ടാണ്   നടന്നത്... മുറിയിലേക്ക്     നടക്കുന്നതിനിടയിൽ അവനാവിടെയാകെ പൂജയെ   തിരഞ്ഞു........ പക്ഷെ  നിരാശയായിരുന്നു  ഫലം........

അധികം സമയം  ആ സംഭാഷണം നീണ്ടു നിന്നില്ല.....

ദേവിനെ    കുളിക്കടവിലേക്കിറക്കി വിട്ടിട്ട്   അവൻ ഫോണിലാരുടെയോ നമ്പർ  എടുത്ത് ചെവിയോട് ചേർത്തു കൊണ്ട്   സുദേവന്റെ വീട്ടിലേക്ക്    നടന്നു......

ദേവ്   കുളികഴിഞ്ഞ്       കയറിവന്നപ്പോഴേക്കും  ആകാശം   ചെമ്പട്ടുരിഞ്ഞ്   നക്ഷത്രമുത്ത്   പതിപ്പിച്ച   പുതിയ ഉടയാട അണിയാൻ   തുടങ്ങുകയായിരുന്ന.......കൂടണയാൻ  താമസിച്ചുപോയ   ചില കിളികൾ അതിവേഗത്തിൽ    പായുന്നു.......

പൂജയെ കണ്ടിരുന്നെങ്കിലെന്ന പ്രതീക്ഷയോടെ    അവൻ    കല്പടവുകളൊരോന്നും   കയറി....

എരുത്തിലിന്റെ   അടുക്കലെത്താറായപ്പോൾ

ആരോ   ഒരു ബക്കറ്റും കൊണ്ടവിടേക്ക്   കയറുന്നതവൻ  കണ്ടു.... പൂജയാണെന്നു മനസ്‌   മന്ത്രിച്ചെങ്കിലും  ഒരു സംശയത്തോടെ

അവനവിടേക്ക്   നടന്നു.......

അടുത്തെത്തിയപ്പോൾ    പൂജ തന്നെയാണെന്ന്   മനസിലായി......

""ഡോ.... പൂജ...

അവൾ തിരിഞ്ഞു നോക്കിയപ്പോൾ   ചിരിയോടെ ദേവ്   നിൽക്കുന്നു.....

ഇത്രയും നേരം  പോട്ടെ വല്യൊരു നാടനാന്നൊക്കെ  മനസ്സിൽ   കരുതിയതാ... കൂടെ ജന്മസിദ്ധമായി കിട്ടിയ    ഇത്തിരി പേടിയും ഉണ്ടായിരുന്നുവെന്നു മാത്രം..... ഇനിയും വിട്ടുകൊടുത്താൽ   മിക്കവാറും   ഇയാളും എവിടേലും തേച്ചൊട്ടിച്ചു  വച്ചേച്ചു പോകും... ഇതുവരെയുള്ള പുള്ളീടെ നീക്കുപോക്കനുസരിച്ച്     അതിനുള്ളൊരു   ചാൻസ്സില്ലാതില്ല......

""ഏയ്യ് പൂച്ചക്കുട്ടി... ചെവികേൾക്കില്ലന്നുണ്ടോ ??

""ഏത് പൂച്ചക്കുട്ടി...?? എന്റെ പേര് പൂജാന്നാ...

നാക്കിന് വഴങ്ങില്ലേൽ   കാലത്തെഴുന്നേൽക്കുമ്പോൾ    ഇങ്ങോട്ട്  വന്നാ മതി.. നാക്ക്‌ വടിക്കാൻ നല്ല പച്ചയീർക്കിൽ   എടുത്ത്   തരാം.....

ഉള്ളിലെ പതർച്ച   പുറത്ത് കാട്ടാക്കാതെയവൾ പറഞ്ഞു......

അതുകേട്ടപ്പോളവനൊന്നു   ഞെട്ടി... ഇതുവരെ        ശരിക്കും പൂച്ചയെ പോലിരുന്നവളുടെ   വായീന്നാണോയിത്രയും   വന്നതെന്ന്   വിശ്വസിക്കാൻ   അവനല്പം    സമയം എടുത്തു..

  3

      

""നീയാരാ  നാഗവല്ലീടെ   അനിയത്തിയാ..??

""അല്ല ചേട്ടത്തിയാ... ഇയാൾക്കതിൽ കുഴപ്പമൊന്നുമില്ലല്ലോ.......

അവളും   വിട്ടുകൊടുക്കാൻ പോയില്ല.  അതിനിടയിൽ പൂജ പശുവിന്റെ മുന്നിലേയ്ക്ക്   ബക്കറ്റ് നീക്കിവച്ചുകൊടുത്തും അതിനെ തലോടിക്കൊണ്ടുമിരുന്നു.........

അവൻ തിരിഞ്ഞ്   വീടിനുള്ളിലേക്ക്   നോക്കി..

ആരെയും കാണാനില്ലായിരുന്നു... ടിവിടെ  ശബ്ദം   മാത്രം  കേൾക്കാം.......

പൂജയുടെ   മുഖത്താണെങ്കിൽ   അവനടുത്തുണ്ടെന്ന   ഭാവം പോലും  ഇല്ല...

ഇരുട്ടിന്റെ   മറവിൽ   അവളിലെ  മൂക്കുത്തിക്കിത്തിരി   ചന്തം കൂടുതലായി അവന്    തോന്നി.....

ഇരുട്ടിന്റെ മേട്ടിൽ   പാറിപ്പറക്കുന്ന   മിന്നാമിനുങ്ങിനെപ്പോലെ   അവളുടെ   മൂക്കുത്തിക്കല്ലിലെ  തിളക്കം  ഒളിച്ചുകളി തുടർന്നു.......

ദേവ് പതിയെ  അവൾ  നിന്നിടത്തേക്ക്    കയറി......

""ഡോ..ഒന്ന് നിന്നേ...തന്നോടാരാ ഇങ്ങോട്ട് കയറാൻ പറഞ്ഞെ??

""ദാ.. ഈ   പശു   കിടന്നു തലയാട്ടി  എന്നെ വിളിക്കുന്നത്   കണ്ടില്ലേ??

""പിന്നെ... പശുവിന്  വിളിക്കാൻ പറ്റിയൊരാള്..... നിങ്ങളെ   വിളിച്ചത്  ദോ ആ കൂട്ടിൽ കിടക്കുന്ന    കോഴികളാകും... ചെന്നങ്ങോട്ട്  വർഗ സ്നേഹം  പ്രകടിപ്പിക്ക്....

""നീയുള്ളപ്പോൾ പിന്നെ ഞാനെന്തിനാ...?? അല്ലേലും ഉപ്പോളം വരില്ലല്ലോ ഉപ്പിലിട്ടത്.....

""ഇയാള്   പുറത്തോട്ട്   ഇറങ്ങിക്കാട്ടെ.....

""ഇല്ലേലിപ്പോ  നീയെടുത്തെന്നെ  വിഴുങ്ങുമോ?

""ഞാനിവിടെക്കിടന്നിപ്പോ  ഒച്ച വയ്ക്കും.......

""ഓഹോ... അത്രയ്ക്കായോ....??

എങ്കിലൊന്നത് കേട്ടിട്ട് തന്നെ കാര്യം....

ദേവ്   അവളുടെ   അടുത്തേയ്ക്ക്   കുറച്ചുകൂടി   നീങ്ങിനിന്നു.....

തെല്ലും കൂസലില്ലാതെ പറയുന്നവനെ   കണ്ടപ്പോൾ അവൾക്കതിശയം തോന്നി...

എന്ന് മാത്രമല്ല ഓരോ തന്റടുക്കലേക്കു ഓരോ അടിയും വയ്ക്കുന്നവനെ   കണ്ടപ്പോൾ കുറച്ചു പരിഭ്രമവും അവളിൽ   ഉടലെടുത്തു......

അവളിൽ   നിറയുന്ന   ഭാവങ്ങളൊക്കെ  അവനിൽ  ചിരിയുണർത്തി.......

""ഏയ്യ്... താനെന്തിനുള്ള   പുറപ്പാടാ.....??

""നീ ഒച്ചവയ്ക്കുമെന്നല്ലേ    പറഞ്ഞെ.... അതൊന്ന് കേൾക്കട്ടെ... അപ്പൊ   കാര്യങ്ങളൊക്കെ   എളുപ്പമാകുമല്ലോ....

""എന്തു കാര്യം??

""നമ്മുടെ കല്യാണക്കാര്യം.....

അവളത് കേട്ട നിമിഷം തന്നെ  നടുങ്ങി.......

ഇതുപോലെയൊരിക്കലൊപ്പം   കൂടിയ കുറെ ഓർമകളെ    ഉള്ളിലിട്ട്     ചുട്ടെരിച്ചതേയുള്ളൂ. അതിന്റെ  കനലിപ്പോഴും അണഞ്ഞിട്ടുണ്ടോന്നു  സംശയമാണ്..........

"ഡോ... താനൊരു  പത്ത് പേരറിയുന്ന നടനാണല്ലോന്ന്   കരുതിയാ   ഇത് വരെ സംസാരിച്ചത്.....എനിക്ക് ദേഷ്യം   വന്നാലുണ്ടല്ലോ.......ഞാനാണേ..ഒരു   പിശ്ശാശ്ശിന്റെ മോന്തയ്ക്കിട്ട്  ഒന്നു പൊട്ടിക്കാൻ   കഴിയാത്തതിന്റെ    സങ്കടത്തിൽ കൂടി ഇരിക്കുവാ..  അതിനി  ...ഇയാൾക്കിട്ട് കിട്ടണ്ടേൽ.... ഇനി മേലിൽ ഈ ശൃംഗാരോം കൊണ്ട് എന്റടുത്തേക്ക്   വന്നേക്കല്ല്.....

അവളുടെ ഓരോ വാക്കും അവനിൽ ചിരിയുണർത്തിയതല്ലാതെ   മറ്റൊന്നും തോന്നിപ്പിച്ചില്ല.......അവനും   വായിൽ തോന്നിയതൊക്കെ പറഞ്ഞു....

""പിന്നെ... ശൃംഗരിക്കാൻ  പറ്റിയൊരയിറ്റം..

ദേവ് പുച്ഛത്തോടെ പറഞ്ഞു........

മോളിങ്ങോട്ട്   തല്ലാൻ വന്നേച്ചാൽ മതി...എനിക്ക് ഫൈറ്റ് സീൻ  സിനിമയിൽ ചെയ്തു മാത്രമല്ല ശീലം.... അത്യാവശ്യം  ചൊറിയാൻ   വരുന്നവർക്കിട്ടു  രണ്ടെണ്ണം കൊടുക്കാൻ    റിയൽ ലൈഫിലും എനിക്കറിയാം.......നിനക്കൊരു വിചാരമുണ്ട്.. നീയേതോ ഭൂലോക രംഭയാണെന്ന്......

""രംഭയല്ല   തിലോത്തമ...... ഞാൻ  ചുമ്മാ നിങ്ങളോട്   ഒടക്കാൻ   വേണ്ടി   പറയുന്നതല്ല.

സീരിയസ് ആയിട്ട്    തന്നാ ചിലതു പറയുന്നേ.... എനിക്ക്   നിങ്ങളുടെ   മനസിലിരിപ്പൊന്നും  ഗണിച്ചു കണ്ടുപിടിക്കാനറിയില്ല....... എങ്കിലും  എന്റെ മനസ്സിൽ    തോന്നിയ     ചിന്തകൾ   ശരിയാണെങ്കിൽ.... എന്നെ വെറുതെ കോമാളിയാക്കാൻ    വരരുത്.......

""പൂജയെന്താ ഉദ്ദേശിക്കുന്നെ??

""നിങ്ങൾക്കിവിടെ   കുറച്ച് നാളത്തെ ഷൂട്ടുണ്ടാകും..

അതിനിടയ്ക്ക്   ടൈംപാസ്സിനൊരു   പെണ്ണിനെ വേണമെന്നുണ്ടെങ്കിൽ   വേറെ

ആരെയെങ്കിലും   നോക്കിക്കോളാൻ... പൂജേ അതിന് കിട്ടില്ല.....അത്രേ  ഉദ്ദേശിച്ചുള്ളു.....

""ദേ.... നാക്കിന് എല്ലില്ലെന്നു കരുതി  ചുമ്മാ    അധികപ്രസംഗം പറഞ്ഞാലുണ്ടല്ലോ ......

ദേവിൽ  അതുവരെയുണ്ടായിരുന്ന ശാന്തത രാവിലുലാത്താനിറങ്ങിയ   കാറ്റ്  പതിയെ കവർന്നുകൊണ്ട് പോയിരുന്നു ....

""താൻ  എല്ലാരേയും  ഇങ്ങനെ അവിശ്വസിക്കാനേ പഠിച്ചിട്ടുള്ളോ ...??

""അത്‌ പഠിക്കാൻ   കഴിയാതെ പോയതാ എന്റെ   നഷ്ടം....

""ഇയാൾക്ക്  ഞാൻ പറഞ്ഞതൊക്കെ അധികപ്രസംഗമായി   തോന്നുന്നെങ്കിൽ അങ്ങനെ തന്നിരിക്കട്ടെ......ഇനി എന്നെക്കൊണ്ട്   കൂടുതൽ   പ്രസംഗിപ്പിക്കാൻ

വരണ്ടാ......

അത്രയും    പറഞ്ഞിട്ട്   പശുവിന്റെ   മുന്നിലിരുന്ന ബക്കറ്റുമെടുത്തു  പോകാനിറങ്ങി.

അവളുടെ  വാക്കുകൾ  ദേവിന്റെ   ഹൃദയത്തിൽ പോറൽ   വീഴ്ത്തിയിരുന്നു....

പൂജ   നടന്നകലാൻ തുടങ്ങവേ.. ദേവ്  അവളുടെ കയ്യിൽ പിടുത്തമിട്ടു....

""ഒന്ന് നിന്നേ....,..

""ഓ.... ഇയാൾക്ക്   മലയാളം   പറഞ്ഞാൽ    മനസിലാവില്ലേ...,....കാടിവെള്ളം എടുത്ത് ഞാൻ തലയിൽക്കൂടെ    ഒഴിക്കണ്ടേൽ    കയ്യീന്നു വിട്ടേ......

""തനിക്കിത് എടുത്തെന്റെ   മേലെ ഒഴിക്കാനുള്ള   കപ്പാസിറ്റിയുണ്ടോ?? എങ്കിൽ   അതൊന്നു   കാണട്ടെ.....

""ഈ നാശത്തിനെ ഞാനെന്തോ ചെയ്യും..

അവൾ പിറുപിറുത്തു.........

""ഒരു മിനിറ്റ്... ഞാൻ   പറയുന്നത് ഒന്ന്..........

"""എന്തൊരു  ശല്യമായിത്... ഞാനിനി   വീട്ടുകാരോട്  പറയണോ.......

ഉള്ളിലൊരു നോവ് മാത്രം ബാക്കിയാക്കി

അവൻ പൂജയെ   സ്വാതന്ത്രയാക്കി......

പിന്നൊരു നിമിഷം പോലും   പാഴാക്കാതെ   സുദേവന്റെ   വീട്ടിലേയ്ക്ക്    നടന്നു.....

നടന്നകലുന്നവനെ   നോക്കിയപ്പോൾ   താൻ പറഞ്ഞതൊക്കെ   ഇത്തിരി കൂടിപ്പോയോന്ന്

അവളോർക്കാതിരുന്നില്ല......

പക്ഷെ   ചില  വേദനിപ്പിക്കലുകൾ   നമ്മളെ മറ്റു പല വേദനകളിൽപെടാതിരിക്കാൻ  സഹായിക്കും.....അത് മതി... ഇനിയും വെറുതെ മോഹത്തേരുകളിലേറി   ചതുപ്പുനിലങ്ങളിൽ     പതിച്ചാൽ..... അവിടുന്നിനിയും   കര കയറുക   പ്രയാസമായിരിക്കും............

ചിന്തകൾക്ക്   വിരാമമിട്ടവൾ   അകത്തേയ്ക്ക്

കടന്നു .......

ദേവ് മുറിയിലെത്തിയപ്പോൾ    കാർത്തിക്ക്  ആരോടോ  സംസാരിച്ചുകൊണ്ട്   ബാൽക്കണിയിൽ   നിൽപ്പുണ്ട്......

ദേഷ്യത്തിലോ  പരിഭ്രമത്തിലോ   ഒക്കെ അവനാരോടെക്കെയോ  സിനിമ സംബന്ധിച്ച്

കാര്യങ്ങൾ   പറയുന്നു..... എന്തോ  പ്രേശ്നമുണ്ടെന്ന്  ദേവിന്   തോന്നി അവനും അവിടേക്ക്  ചെന്നു....,..

""ഡാ.. കാർത്തി... എന്താ  പ്രോബ്ലം??

""അത്‌... നമ്മളിപ്പോ  ഒരു  പൊല്ലാപ്പിൽ പെട്ട്...

ദേവിന്റെ    തോളിൽ   കയ്യിട്ടുകൊണ്ട് കാർത്തി    തിരികെ   മുറിയിലേക്ക്   നടക്കുന്നതിനിടയിൽ

പറഞ്ഞു.....

ദേവ്    മനസിലാകാതെയവനെ   നോക്കി....

""നമ്മുടെ   സിനിമയിൽ   നിന്ന് നായിക   പിന്മാറി.... അവളെയിനി   നോക്കണ്ടാ.... പകരം   ഇനി   ആരെ  വിളിക്കും..?? ഞാനാകെ   കൺഫ്യൂഷനിലാ......

""അതെന്താ ശ്രീനിത  പിന്മാറിയത് ??

""അവള്   വേറൊരു  പുതിയ  ഡയറക്ടറുടെ സിനിമയ്ക്ക്   നേരത്തെ ഡേറ്റ് കൊടുത്തിരുന്നു... എന്റെ സിനിമയ്ക്ക്  വിളിച്ചപ്പോ   മറ്റേതു   വേണ്ടെന്ന് വച്ച് ഇതിനു ഡേറ്റ് തന്നു... ഇപ്പൊ  അയാള്  സംഘടനാ തലത്തിൽ   പരാതി  കൊടുത്തപ്പോ  ആ ഫിലിം കംപ്ലീറ്റ് ചെയ്തിട്ട് എന്റെ സിനിമയിൽ അഭിനയിച്ചാൽ മതിയെന്നാ  അവര് പറയുന്നേ......

""അപ്പൊ.. ഷൂട്ട്‌ തുടങ്ങിയ സ്ഥിതിക്ക്  നിർത്തി വയ്ക്കണോ...?? സെറ്റെല്ലാം   റെഡിയാക്കിയതല്ലേ  .....?? വേറൊരു നായികേ

നോക്കാം......

""ചുമ്മാ ആരേലും പിടിച്ച് അഭിനയിപ്പിക്കുന്നത്

എനിക്കിഷ്ടമല്ല... ഞാനിതുവരെ   അങ്ങനെ ചെയ്തിട്ടില്ല... എനിക്ക് എന്റെ കഥാപാത്രത്തെ

ഉൾക്കൊള്ളാൻ   കഴിയുന്ന ഒരാളെയാണ്   വേണ്ടത്.....ആദ്യ കാഴ്ച്ചയിൽ തന്നെ പ്രേക്ഷകന്   ആ കഥാപാത്രത്തെ   കുറിച്ച്

ഒരു ധാരണ കിട്ടണം......എങ്കിലേ   ഡയലോഗുകൾക്ക്    പ്രസക്തിയുണ്ടാവു......

""പിന്നെ... എല്ലാരും ഇപ്പൊ   നിന്റെ തിയറി

അല്ലെ ഫോളോ   ചെയ്യുന്നേ......ഞാനന്ന് പറഞ്ഞ നടിയുടെ കാര്യം നോക്കിയാലോ??

""ആര്...? ദിവ്യപ്രിയയൊ....?? അത് വേണ്ട...

""അതെന്താ നോക്ക്യാല്..?? നല്ല സ്റ്റാർ വാല്യൂ ഉണ്ടല്ലോ...??

""എങ്കിൽ   നീ കൂടി കാശിറക്ക്....

നിനക്കവളെ   നായികയായിട്ടു ഞാൻ തരാം...

""എനിക്കിനി അതിന്റെ കുറവേയുള്ളു.......

നീ എന്താന്ന് വച്ചാൽ   ചെയ്യ്.... ഞാൻ എന്റെ ഡേറ്റിനി നീട്ടിത്തരില്ല.... ഇത് കഴിയുമ്പോ എനിക്കൊരു തമിഴ് പടം ചെയ്യാനുണ്ട്......

ദേവ്   ഫോണുമെടുത്തു   ബാൽക്കണിയിലേക്ക്   നടന്നു......

ആകാശത്തിലെ  നക്ഷത്രങ്ങളെ നോക്കി നിൽക്കവേ  അവന്റെ  ചിന്തകളൊരു വെള്ളക്കൽ മൂക്കുത്തിയുടെ   തിളക്കത്തിലേക്കു തെന്നി  വീണു....... കനവുകൾ  കൊരുത്ത മുത്തുമാലപോലെ 

  പ്രണയിനിയുടെ ഭാവങ്ങൾ പലതും

  അവനുള്ളിൽ    ഒന്നിന് പിറകെയൊന്നായി

  ഹൃദയതന്ത്രിമീട്ടിയെത്തി........

  പൂജയുടെ മുഖമുള്ളിൽ നിറയവേ   പ്രണയപ്പിറാവുകൾ നിലാവിന്റെ ചില്ലയിൽ ചിറകടിച്ചിറങ്ങി...കൊക്കുരുമി മെല്ലെയവ   കുളിരിൻ പുതപ്പണിഞ്ഞ   രാവിന്   അഴകിൻ 

  അലഞൊറിഞ്ഞു.............

കുറച്ച് സമയത്തിന്   ശേഷം   ദേവ്   ചില കണക്കുകൂട്ടലുകളോടെ   കാർത്തിക്കിന്റെ

അടുക്കലേയ്ക്ക്  ചെന്നു......

""ഡാ... ഞാനൊരു കാര്യം പറയട്ടെ... നമുക്കൊരു പുതുമുഖ നായികയെ   അവതരിപ്പിച്ചാലോ....??

""ഓഡിഷനൊക്കെ    നടത്തി ഇനി  ഏത് കാലത്ത്   ശരിയാക്കാനാ    അത്..??

""അതിന്റെയൊന്നും   ആവശ്യമില്ല....നമ്മുടെ

അടുത്തുള്ള ഒരു കുട്ടിയാ.......

""ആരാ..? ശ്രദ്ധയോ...??

""അല്ലെടാ...ആ പൂജയില്ലേ... ആ  കൊച്ച്......

ദേവ് പ്രതീക്ഷയോടെ   കാർത്തിക്കിന്റെ

മുഖത്തേയ്ക്ക്    നോക്കി......

""ഡാ.. അത്   നമ്മുടെ  സുദേവനങ്കിളിന്റെ ചേട്ടന്റെ   മോളല്ലേ.....

""മം മം....

അവനല്പം  ആലോചിച്ചശേഷം   ദേവിനോട് പറഞ്ഞു....

""എങ്കിൽ നീ   വാ... നമുക്ക് സുദേവനങ്കിളിനോട്‌    ഒന്ന് സംസാരിക്കാം......

അവര് രണ്ടുപേരും   സുദേവന്റെ   മുറിയിലെത്തി.... ഇത് വരെയുണ്ടായ കാര്യങ്ങൾ    വിശദീകരിച്ചു.....

""നിങ്ങളുടെ  നിർദേശം   എനിക്കിഷ്ടമായി..

അവള്   ഞങ്ങടെ കൊച്ചല്ലേ..... പിന്നെ   അവളുടെയും   അമ്മയുടേം അച്ഛന്റെമൊക്കെ

സമ്മതം   വേണമാദ്യം.......

""അങ്കിൾ   പറഞ്ഞാൽ മതി..... അവരെല്ലാം സമ്മതിക്കും.....

നമുക്ക്  നാളെ   നേരം   പുലരട്ടെ.... എന്നിട്ട്

എല്ലാം തീരുമാനിക്കാം....

അവർ   തമ്മിലുള്ള      സംഭാഷണങ്ങൾ

കേട്ടപ്പോൾ    ശ്രദ്ധ   ആകെ തകർന്നു ...

പൂജയുടെ   നായകനായി   ദേവ്..... ഇല്ല

ഞാനൊരിക്കലും  അനുവദിക്കില്ല....  

അവർ   എഴുന്നേറ്റെന്ന്   മനസ്സിലായപ്പോൾ

ശ്രദ്ധ   വാതിൽക്കൽ നിന്ന് പെട്ടെന്ന് തന്നെ

മാറി  അവളുടെ   മുറിയിലേയ്ക്ക്  നടന്നു...

    

                       

വെള്ളക്കൽ മൂക്കുത്തി(4)

പൂജയൊരിക്കലും   ദേവിന്റെ   നായികയാവരുത്.....

ശ്രദ്ധ മനസിലുറപ്പിച്ചു.

അച്ഛനോട്  എത്രയും പെട്ടെന്ന് പറഞ്ഞെപറ്റു..

എങ്ങനെയെങ്കിലും   ഇതിൽ നിന്നുമവളെ   മാറ്റണം .......

അച്ഛനോടെങ്ങനെഅവതരിപ്പിക്കണം  എന്ന   ചിന്തയോടെ  അവൾ  മുറിയിലെ ജനാലയ്ക്കരികിൽ  പോയി നിന്നു......

കാർത്തിക്       അത്യധികം

സന്തോഷത്തോടെയാണ്   മുറിയിലെത്തിയത്.

""ഡാ...ദേവേ... സുദേവനങ്കിളിനു   സമ്മതമാ..

നമുക്ക് പൂജേ  ഫിക്സ്  ചെയ്യാം... അവളുടെ  വീട്ടുകാരും സമ്മതിക്കും....പ്രൊഡ്യൂസർ അവരുടെ    സ്വന്തം ആളല്ലേ.... എന്തായാലും   നമുക്കിപ്പോ ഒന്നങ്ങോട്ട്   പോയി  സംസാരിച്ചാലോ... ദൂരെയൊന്നുമല്ലല്ലോ.....

""ഞാൻ റെഡി... വാ....

""അവർ   രണ്ടുപേരും   പൂജയുടെ  വീട്ടിലേക്ക് നടന്നു.....

ഇരുവരുടെയും  മനസ്   വിഘ്നമൊന്നും ഉണ്ടാവല്ലെന്ന   പ്രാർത്ഥനയിലായിരുന്നു...

വാതിൽക്കൽ  ചെന്നപ്പോൾ  തന്നെ ഉമ്മറത്തിരിക്കുന്ന  സുരേഷിനെ കണ്ടു.....

""ങ്ഹാ.. നിങ്ങളോ... എന്താ ഇപ്പൊ   ഈ രാത്രിയില്.....

""മുടക്കൊന്നും  പറയല്ലേ  സുരേഷ്ങ്കിളെ...

  ""ഞാനോ... എന്തിന്..? ബുദ്ധിമുട്ടില്ലേൽ  നിങ്ങള്  വന്ന കാലേൽ നിൽക്കാതെ  അകത്തോട്ടു കയറിയിരിക്ക്.....എന്നിട്ട് നമുക്ക് സംസാരിക്കാം.........

""ഞങ്ങൾക്കെന്തു ബുദ്ധിമുട്ട്.... മീഡിയയ്ക്ക്

മുന്നിലൊക്കെ  ഇത്തിരി പവർ ഉണ്ടന്നേയുള്ളു.

നമുക്കും പിടിച്ചു നിൽക്കണ്ടേ......

""വാഡേ..

കാർത്തിക് ദേവിന്റെ കയ്യും പിടിച്ചുകൊണ്ടകത്തേയ്ക്ക്   കയറി......

""നിങ്ങടെ ഷൂട്ടൊക്കെ തുടങ്ങിയല്ലോ അല്ലെ..?

""മം.. പക്ഷെ  ഞങ്ങൾ ഇപ്പൊ ഒരു പ്രശ്നത്തിൽ പെട്ടിരിക്കുവാ...നിങ്ങളുടെയൊക്കെ   സഹായം   ഉണ്ടെങ്കിൽ   എനിക്കിതിൽ നിന്ന് രക്ഷപെടാം......

""ഞങ്ങളുടെ സഹായമോ..?? ഞങ്ങളൊക്കെ  നിങ്ങളെ   എങ്ങനാ സഹായിക്കാ... വേണേ സിനിമ  തിയേറ്ററിൽ വന്ന്    കണ്ട്.........

""ഹേയ്യ്.... അങ്ങനൊന്നുമല്ല.... അങ്കിളിന്റെ മകളെ   എന്റെ  സിനിമയിൽ   നായികയാക്കണം...... ദൂരെയൊന്നും   ഷൂട്ടില്ല...

നമ്മുടെ   നാട്ടിൽ തന്നാ   ഷൂട്ട്... പിന്നെ... കുറച്ചു പാട്ടിന്റെ   സീനൊക്കെയുള്ളു  വേറെ ചെയ്യുന്നേ... അതെല്ലാം   സ്റ്റുഡിയോയിലാ.....

""നായികയായിട്ട്  എന്റെ മോളോ..?

സുരേഷ് വിശ്വാസം  വരാതവരെ   നോക്കി...

""അതേ.... പൂജ സുരേഷിനെ   നായികയായിട്ട്

ഞങ്ങള്   തീരുമാനിച്ചു..... സുദേവങ്കിളിനും

സമ്മതമാ... ഇനി ഇവിടുള്ളവരും   കൂടെ   സമ്മതിച്ചാൽ   മലയാള സിനിമയ്ക്ക്   പുതിയൊരു   നായികയെ   ഞങ്ങൾക്ക്   സമ്മാനിക്കാമായിരുന്നു.......

""ഞാനിപ്പോ.. എന്താ പറയ്യാ.... അവളെ   വിളിക്കട്ടെ....

സുരേഷിന്റെയുള്ളിൽ   ഏതോ നിധി കിട്ടിയ അനുഭൂതിയായിരുന്നു.....

""ബിന്ദൂ.. പൂജാ... ഒന്നിങ്ങു   വന്നേ....

വിളികേട്ട്  പൂജയും അമ്മ ബിന്ദുവും  ഇറങ്ങി വന്നു... പുറകെ   പുണ്യയും  എത്തി...

എല്ലാവരും  ആശ്ചര്യത്തോടെ  ദേവിനെയും കാർത്തിക്കിനെയും  നോക്കി....

"ഇവര്  വന്നതെന്തിനാണെന്നറിയോ....?

നമ്മുടെ   വീട്ടീന്നൊരു നായികയെ  തേടിയാ..

""നായികയേയൊ??

ബിന്ദു  സംശയത്തോടെ  അവരെ  നോക്കി... പൂജയും   അവരെ   നോക്കിയെങ്കിലും അതൊരിക്കലും  ദേവിലേക്കെത്താതിരിക്കാൻ

കണ്ണുകളെ   പറഞ്ഞു പഠിപ്പിച്ചിരുന്നു........

പക്ഷെ   ഇടയ്ക്കെപ്പഴോ  മിഴികൾ   അനുസരണക്കേട്   കാട്ടിയപ്പോൾ 

തന്നെ തേടി വരുന്ന മിഴികൾ കണ്ടവൾ മുഖത്തല്പം ദേഷ്യം  വരുത്തി..... പക്ഷെ   ദേവിന്റെ   മുഖത്തപ്പോഴും   ഒരു പുഞ്ചിരി തത്തിക്കളിക്കുന്നുണ്ടായിരുന്നു.....,.

""ആന്റി.. ഞങ്ങൾക്ക്  പൂജയെ   ഇപ്പൊ  ചെയ്തുകൊണ്ടിരിക്കുന്ന   സിനിമയിൽ  നായികയായിട്ട്   വേണം.... അതിൽ   അഭിനയിക്കാനേറ്റിരുന്ന  നടിക്ക്   വേറെ ഒരു സിനിമ കംപ്ലീറ്റ് ചെയ്തിട്ടേ   ഇതിലഭിനയിക്കാൻ പറ്റൂ,...അപ്പോഴേക്കും ലേറ്റാകും... സൊ.. പൂജയെ   നായികയാക്കാൻ ഞങ്ങള്  തീരുമാനിക്കുകയായിരുന്നു......

""ആരും   അഭിപ്രായമൊന്നും പറഞ്ഞില്ലല്ലോ...

എന്തു പറയുന്നു..ആന്റിയും  അങ്കിളും...??

കാർത്തിക്  പറഞ്ഞു നിർത്തിയ  ഉടനെ   ദേവ് ചോദിച്ചു.....

""ഞങ്ങളെന്തു   പറയാനാ..??പൂജ പറയട്ടെ....

എല്ലാവരുടെയും   കണ്ണുകൾ   പൂജയിലേക്കായി.....

അവളുടെ ഉള്ളം ശൂന്യമായിരുന്നു..... എന്തുപറയണം   എന്നത്   സംബന്ധിച്ചു   പ്രത്യേക ധാരണയൊന്നും   അവളിലില്ലായിരുന്നു.......

""ഞാനിപ്പോ എന്തു പറയാനാ... എനിക്ക് അഭിനയിക്കാനൊന്നും    അറിയില്ല.....സിനിമ ചെയ്യാനും താല്പര്യം ഇല്ല... വേറെ   ഒരുപാട്   നടികളില്ലേ... അവരെയാരേലും   നോക്ക്... എനിക്കിത്   ശരിയാവുമെന്ന്   തോന്നണില്ല.....

""അതിന്   കാരക്റ്റർ  ഏതാന്നോ എന്താണെന്നോ ഒന്നും  ഞാൻ പറഞ്ഞില്ലല്ലോ...

കാർത്തിക്  പൂജയോട്   പറഞ്ഞു.....

""എനിക്ക്   അഭിനയിക്കാനറിയില്ല   അതാ ഞാൻ പറഞ്ഞെ.....

""ഞങ്ങളൊക്കെ  കൂടെ ഉണ്ടല്ലോ... എല്ലാരും ഫിലിം ഇൻസ്റ്റിറ്റ്യൂട്ടിൽ  പോയി പഠിച്ചിട്ടല്ലല്ലോ   അഭിനയിക്കുന്നെ.... ചിലർക്ക്    ജന്മനാ കഴിവുണ്ടാകും... മറ്റു ചിലരാകട്ടെ  അനുഭവങ്ങളിലൂടെ അതങ്ങ് സ്വയത്തമാക്കും.

""അവൾക്കിഷ്ടമുണ്ടെകിൽ   മതി....

പൂജയുടെ     മുഖം  കണ്ടപ്പോൾ  സുരേഷ് സുരേഷ് പറഞ്ഞു....

""പ്ലീസ്   പൂജ  തനിക്ക്   ഒന്ന്   ഞങ്ങളെ  ഹെല്പ്

ചെയ്തൂടെ..... വേറെ   നടിമാരൊന്നും   ഇല്ലാത്തോണ്ടൊന്നുമല്ല...... തന്നെ   എന്റെ   കാരക്റ്ററിനു   അനുയോജ്യമായി  തോന്നി... അതുകൊണ്ടാ...

ഇനി... ഇഷ്ടമല്ലെങ്കിൽ    ഞങ്ങളാരും   നിർബന്ധിപ്പിക്കുന്നില്ല..... ഇന്നിയാളൊന്നാലോചിക്ക്.... നാളെ   ഇതുപോലെ സമയത്ത്    പറഞ്ഞാൽ   മതി....

കാർത്തിക്   പറഞ്ഞു  നിർത്തിയിട്ട്    എല്ലാവരെയും   നോക്കി....

""മം.... അവളാലോചിക്കട്ടെ... എന്നിട്ട്   നാളെപ്പറയാം... അതല്ലേ   നല്ലത്..??

സുരേഷ്  കാർത്തിക്കിനോടും   ദേവിനോടുമായി   പറഞ്ഞു....

""ഷൂട്ടൊക്കെ   തുടങ്ങിയല്ലോ അല്ലെ...??

ഇതുവരെയൊന്നും മിണ്ടിയില്ലല്ലോ എന്നതോർത്തപ്പോൾ   ബിന്ദു ചോദിച്ചു...

""തുടങ്ങി.. കുറേശ്ശയായി  നടക്കുന്നു... അതിനിടയിലാ   ഈ പ്രശ്നം   വന്നത്.....

""നിങ്ങള്   വിഷമിക്കണ്ട... നമുക്ക്   എല്ലാം  പരിഹരിക്കാം.....

അവർ പോകാനിറങ്ങുമ്പോളും  പൂജയുടെ മനസ്‌   അഭിനയിക്കണോ   വേണ്ടയോ എന്ന പിടിവലിയിലായിരുന്നു .....

ദേവിനോട്‌   കുറെ   ദേഷ്യപ്പെട്ടതല്ലേ... എന്നിട്ടും എന്നോടൊപ്പം   അഭിനയിക്കാൻ   തയാറായോ? ഇനി ആരെയും കിട്ടാഞ്ഞ കൊണ്ട്   സഹിക്കാൻ   തീരുമാനിച്ചതാവും....

""ഞാൻ വല്ലോം ആയിരിക്കണം...എപ്പഴേ പോയി അഭിനയിച്ചേനെ.... ഒരുത്തിയെ വന്നവര്   വിളിച്ചപ്പോ ഒടുക്കത്തെ ജാഡ...

എന്നെയൊന്നു മുഖം കാണിക്കാനായിട്ടേലും  വിളിച്ചിരുന്നേൽ.....

പുണ്യ സങ്കടത്തോടെ    സുരേഷിനെയും ബിന്ദുവിനെയും നോക്കി......

അവരും അല്പം സങ്കടം മുഖത്ത് വരുത്തി പൂജയെ നോക്കി....

പക്ഷെ അവൾക്കൊരു കൂസലും ഇല്ലായിരുന്നു.....

അത്താഴം കഴിച്ച് കഴിഞ്ഞ്   പൂജ    അവളുടെ അച്ഛമ്മയുടെ   അടുത്തേക്ക്   ചെന്നു...

""എന്താടാ  എന്റെ പൂച്ചക്കുട്ടിക്ക്...??മോക്ക് ആ പടത്തില്   ഒന്നഭിനയിച്ചൂടെ...?? നിന്റെ ചെറിയച്ഛൻ അല്ലെ കാശൊക്കെ   മുടക്കുന്നെ?

""എനിക്കെന്തോ ഈ   സിനിമ ഫീൽടൊന്നും അങ്ങോട്ട്   പിടിക്കുന്നില്ല....

""അതിന്  മോളീ   പടം മാത്രം ചെയ്താൽ പോരെ..?? വേറെ ഒന്നും ചെയ്യണമെന്നാരും

പറഞ്ഞില്ലല്ലോ....

""എന്നാലും....

അവളുടെ ചിന്ത മുഴുവൻ      ഹർഷിത് ദേവിൽ കുടുങ്ങികിടക്കുകയായിരുന്നു... തിരകൾ അറിയാതെ താനെ  തീരം തേടിപ്പോകുന്നപോലെ   അവളുടെ   മനസിടയ്ക്കിടെ   അവന്റെ ചിന്തകളിലേക്ക്   ഊളിയിട്ടു പോകുന്നു .....

  കടവിലേക്ക്  ഒരു     തോണിയെ  ആരോ വലിച്ചടുപ്പിക്കുന്നപോലെ അവന്റെ കണ്ണുകൾ

തന്റെ   മനസതോണിയെ  ആ    കനവിൻ കരയിലേക്ക്   വലിച്ചടുപ്പിക്കുന്നുവോ...??

""ഏതെലിയെ   കുരുക്കിട്ട് പിടിക്കുന്ന  കാര്യമാ ഈ  പൂച്ചക്കുട്ടി  ആലോചിക്കുന്നേ.......

""ങ്‌ഹേ... എലിയോ.. ഏത്... ഈ അച്ഛമ്മേടെ ഒരു കാര്യം.....

അവൾ   അവരുടെ രണ്ടു കവിളിലും നുള്ളിക്കൊണ്ട്   ചിരിയോടെ   മൊഴിഞ്ഞു.....

""പിന്നെ... എന്റെ   പൂച്ചക്കുട്ടി ഏതോ ഒരു കലമുടയ്ക്കാൻ   പ്ലാനിടുന്നത്   ഞാനിന്നലെ

സ്വപ്നത്തിൽ    കണ്ടല്ലോ......

""അത്‌   കലമൊന്നുമായിരിക്കില്ല... നമ്മുടെ ബിന്ദുക്കൊച്ചിന്റെ   മീഞ്ചട്ടി വല്ലോം ആയിരിക്കും..... ഇപ്പൊ എന്നും എന്നെക്കൊണ്ടാ  അച്ഛമ്മേ തേപ്പിക്കുന്നെ...

ആ   മടിച്ചി പുണ്യെക്കൊണ്ട്   ചെയ്യിച്ചാലെന്താ

കുഴപ്പം...?

""പിന്നെ... നിനക്കാണേൽ  തേപ്പ് കിട്ടിയതിന്റെ എക്സ്പീരിയൻസ്   ഉണ്ടല്ലോ...

പുണ്യ   രണ്ടുകയ്യിലും ഉപ്പേരിയുമായി പൂജയെ ട്രോളിക്കൊണ്ട്     അങ്ങോട്ട്‌ വന്നു....

""നീ പോടീ പിശാശ്ശെ...... എന്നെ ഒരാളല്ലേ തേച്ചുള്ളോ.. നിന്നെ അറ്റ്ലീസ്റ്റ്  ഒരു   പത്തുപേരേലും തേയ്‌ക്കും...... ഇതെന്റെ ശാപമാടി.... പരട്ട.....

"""ഓ... എനിക്ക്   ഇവിടെ   സമാധാനത്തോടെ ഇരിക്കാൻ   പറ്റുമോ...?? രണ്ടെണ്ണവും കൂടെന്റെ   സ്വഭാവം   മാറ്റല്ലേ.......

കാർത്യായനിയമ്മ   രണ്ടുപേരെയും  മുഖം കൂർപ്പിച്ചുനോക്കി.......

""പാതിരാത്രിക്ക്   ഉപ്പേരി തീറ്റി...ഇവള് തിന്നാനായിട്ട് ജനിച്ചയാണോ   അച്ഛമ്മേ....?

""പിന്നെ....

പുണ്യ എന്തോ പറയാൻ വന്നെങ്കിലും   ഉടനെ

അച്ഛമ്മയുടെ   മുഖഭാവം   കണ്ട്  പൂജ   അവളുടെ   കയ്യിൽ   പിടിച്ചോണ്ട്   പുറത്തേയ്ക്കോടി.....

രണ്ടുപേരുടെയും   ഓട്ടം കണ്ടപ്പോൾ അറിയാതവരുടെ   ചുണ്ടിലും   പുഞ്ചിരി   തെളിഞ്ഞു........

🌹🌹🌹🌹🌹🌹🌹🌹🌹🌹🌹🌹🌹🌹

പൂജയെ   സിനിമയിൽ   നിന്നും  മാറ്റുന്നതിനായി   ശ്രദ്ധ   പരമാവധി സുദേവന്റെ അടുക്കൽ  ശ്രമം   നടത്തിയിരുന്നു...... പക്ഷെ   ദേവിനെക്കൊണ്ട്

വിവാഹം   കഴിപ്പിക്കാം   എന്ന   വാഗ്ദാനം അച്ഛനിൽ നിന്നും കിട്ടിയപ്പോൾ അവളൊന്നടങ്ങി....അതിനൊപ്പം   മറ്റൊരു  സമ്മാനം കൂടെ   മകൾക്കയാൾ   കരുതി വച്ചിരുന്നു....

കാർത്തിക് സംവിധാനം  ചെയ്യുന്ന അടുത്ത ഹർഷിത് ദേവ്  പടത്തിൽ   നായികയാവാനുള്ള   അവസരം......

അതുകൊണ്ട് തന്നെ   പൂജ   ഇതിലങ്ങഭിനയിച്ചോട്ടെ   എന്ന്   ശ്രദ്ധ  ചിന്തിച്ചു......അല്ലാതെ വേറെ വഴിയൊന്നും അവൾക്കു മുന്നിൽ ഉണ്ടായിരുന്നില്ല....

എന്തൊക്കെയായാലും  ചേട്ടന്റെയും അനിയന്റെയും   മക്കളല്ലേ..... എല്ലാവരും നല്ല സൗഹൃദത്തിലുമാണ്..........

ശ്രദ്ധയൊഴിച്ച്  എല്ലാവരുടെയും നിർദേശം പൂജ  അഭിനയിക്കണം   എന്നു തന്നെയായിരുന്നു.അവർക്കെല്ലാം  അതിൽ സന്തോഷം  മാത്രമേ  ഉണ്ടായിരുന്നുള്ളൂ..

പക്ഷെ   ശ്രദ്ധ   മാത്രം  അതിനെ   മനസ്സില്ലാമനസോടെ   പിന്തുണയ്ക്കുന്നതായി

ഭാവിച്ചു....

പൂജ വൈകിട്ട് കാർത്തിക് ഷൂട്ട്‌ കഴിഞ്ഞെത്തുമ്പോൾ  തീരുമാനം അറിയിക്കാമെന്ന്  ആയിരുന്നു    പറഞ്ഞിരുന്നത്.... അതെന്താവും എന്ന കാത്തിരിപ്പിലാണെല്ലാവരും........

        ▪️▪️▪️▪️▪️▪️▪️▪️▪️▪️▪️▪️▪️

വൈകുന്നേരം    കാർത്തിക്   പറഞ്ഞത് പ്രകാരം  ദേവ്   അടുത്തുള്ള   പാറയുടെ മുകളിൽ   പോകാനും   കാഴ്ചകൾ   കാണാനും തീരുമാനിച്ചു......കൂടെ   അവിടെ    അപ്പുപ്പൻ  എന്ന സങ്കല്പത്തിൽ ആരാധന  ഉള്ള  മഹാദേവനോട്   ചിലത്   പ്രാർത്ഥിക്കുകയും വേണം  എന്ന്  മനസിലുറപ്പിച്ചു......

പാറയുടെ  ചുവട്ടിലെത്തിയപ്പോൾ   മുകളിലേക്ക്   കയറിപ്പോകുന്ന   പൂജയെ കണ്ട് അവന്റെ ചുണ്ടിലേക്കൊരു   പുഞ്ചിരിയോളം തുള്ളിയെത്തി..... മേലെ മാനത്തെ    വെള്ളിമേഘശകലങ്ങൾ  ഒന്നിന് പിറകെയൊന്നായി  കാറ്റിൻ   ചിറകേറിപ്പായുമ്പോളും     അവന്റെയുള്ളിൽ

മേഘരാഗങ്ങൾ   മൗനവീണമീട്ടിയെത്തുകയായി......

എന്തിനെന്നറിയാതെ   മന്ദഗതിയിലായിരുന്ന അവന്റെ   ഹൃദയതാളം ദ്രുതഗതിയിലേക്ക്   ശ്രുതിമാറ്റി............

 

വെള്ളക്കൽ മൂക്കുത്തി(5)

പൂജ   വളരെ വേഗത്തിൽ തന്നെ   മുകളിൽ  എത്തിയിരുന്നു...... പിറകോട്ടു തിരിഞ്ഞു നോക്കാത്തതിനാൽ    ദേവ് കയറിവരുന്നത് അവൾ കണ്ടിരുന്നില്ല...,...അവളുടെ കണ്ണിൽ പെടാതെയിരിക്കാൻ  

മുൻകരുതലോടെയാണവൻ   ഓരോ അടിയുംമുന്നോട്ട്   വച്ചത്..... 

പാറയുടെ മുകളിൽ ഒരാലും മാവും   നിൽപ്പുണ്ട്.... ആൽമരത്തിന്റെ   ചുവട്ടിലാണ് 

അപ്പുപ്പൻ   എന്ന സങ്കല്പത്തിൽ   ശിവനെ   ആരാധിക്കുന്നത്...... കുറെ കുഞ്ഞുവിളക്കുകളും മണികളും അവിടവിടെയായി   നിരത്തി  വച്ചിട്ടുണ്ട്......

പലരും അവിടെ   ആഗ്രഹം   സഫലമാകാൻ മണികൾ   കെട്ടിയിടാറുണ്ട്.... ചിലരാകട്ടെ കുഞ്ഞു വിളക്കുകളും മുറുക്കാനും ഒക്കെ അപ്പൂപ്പന്   സമർപ്പിക്കാറുണ്ട്.......

കരിയിലകൾ   നിലത്തെല്ലാം വീണുകിടപ്പുണ്ട്...

എല്ലാം   തൂത്തുവാരിയെങ്കിൽ മാത്രമേ  ഇനി വിളക്ക്   വച്ചു പ്രാർത്ഥിക്കാൻ പറ്റൂ.....

ദൂരെയൊരു   മരത്തിന്റെ കീഴെ നനയാത്ത രീതിയിൽ   ഷീറ്റിന്റെ  ഒരു കഷ്ണം കൊണ്ട് മറച്ച് ഒരു  ചൂല് വച്ചിരുന്നു......അവളതെടുത്തു 

തൂത്തു തുടങ്ങി........

സമയം   മെല്ലെ യാത്ര തുടർന്നുകൊണ്ടിരുന്നു..

അവളുടെ   കണ്ണു വെട്ടിച്ചവനും  ഏതെക്കെയോ  മരത്തിന്റെ മറവുപറ്റി     അവിടെയെത്തി....

താഴേക്കു   നോക്കവേ   ആ   ഗ്രാമം ഒന്നാകെ തന്റെ   മുന്നിൽ ഒരു ഫോട്ടോയിലെന്നപോലെ  കിടക്കുന്നത്   കണ്ടപ്പോൾ ദേവിന്  അത്ഭുതം തോന്നി........ എന്തു മനോഹരമാണിത്.... ഗ്രാമത്തിന്റെ   ഭംഗി മുഴുവൻ   അറിയണമെങ്കിൽ ഇവിടെ നിന്നുതന്നെ   നോക്കണം....

അവന്റെ   ക്യാമറക്കണ്ണുകൾ    ആ   കാഴ്ചകൾ ഒപ്പിയെടുത്തു........

മുകളിലേയ്ക്ക്   കയറണമെന്ന്   തോന്നിയിരുന്നെങ്കിലും    അവൻ പൂജ അവിടുള്ളകാരണം   അല്പം കൂടി കഴിയട്ടെയെന്നു   കരുതി   കാത്തിരിക്കാൻ തീരുമാനിച്ചു........

അവളാകട്ടെ   അവിടെ കരിയില കിടക്കുന്ന സ്ഥലമൊക്കയവൾ    തൂത്തു തുടങ്ങി.......

"മഞ്ഞുകാലം നോൽക്കും കുഞ്ഞുപൂവിൻ കാതിൽ കാറ്റുമൂളും പാട്ടിൻ പേരെന്ത്............"

പൂജയുടെ   ചുണ്ടിൽ   ഒരു മൂളിപ്പാട്ടും സ്ഥാനം പിടിച്ചിരുന്നു......

പാട്ട്   വേണമായിരുന്നോ   കൊച്ചേ... ചുമ്മാ എന്നെ വെറുപ്പിക്കാൻ.... ഇനി എന്നെ കണ്ടിട്ട് ഇവിടുന്ന്   ഓടിക്കാൻ വേണ്ടിയാണോ ഈ പിശാശ്  പാടുന്നെ .......ഓന്തിന്റെ മനുഷ്യജന്മമായോണ്ട്   ഒന്നും   പറയാൻ പറ്റില്ല........

ദേവ്  ചിരിയോടെ ഓർത്തു......

പക്ഷെ   പൂജ അവനെ കണ്ടിരുന്നില്ല........

""പാട്ട് പാടാൻ   പറ്റിയ സൂപ്പർ സ്ഥലം....ആരുടെയും   പുച്ഛം ഇരന്നുവാങ്ങേണ്ടല്ലോ.....

ഒറ്റയ്ക്കാവുമ്പോൾ   മാത്രേ പാടാറുള്ളു... അപ്പോഴാവട്ടെ    പാട്ട് കേട്ടാൽ ചിത്രെടെയോ സുജാതടെയോ ഒക്കെ പോലിരിക്കും ... പക്ഷെ വേറെ വല്ലോരും   കേൾക്കുമ്പോളാ  ബഹുരസം..... എനിക്ക്  ഈ സൗണ്ടെന്താ അപ്പൊ വരാത്തെ...??

പൂജക്കൊച്ച്  ആത്മഗതമായി പറഞ്ഞു......

ദേവിനത്   കേട്ടപ്പോൾ  ചിരിയാണ്   വന്നത്......

ബെസ്റ്റ് കണ്ണാ ബെസ്റ്റ്... ഇപ്പൊ   ഇത്ര   ഭീകരമായി   പാടുമെങ്കിൽ... ആരുടേലും   മുന്നിൽ   വച്ചായാലോ...... അവരെപ്പോ   എഴുന്നേറ്റു വല്ല  വണ്ടിക്ക്  തലവെച്ചെന്നു ചോദിച്ചാൽ   മതി.... എന്നാലും   ഈ പൊട്ടിക്കെന്താ    ഇതൊന്നും   മനസിലാകാത്തെ....???ഏതെക്കെയോ പിരി അല്പം ലൂസായികിടക്കുകയാണ്... ഇനി അതൊക്കെ   ഞാൻ പതിയെ മുറുക്കിക്കോളാം........

അവൻ തന്റെ ചിന്തകൾക്ക്   ബ്രേക്കിട്ടപ്പോഴും പൂജ  പാട്ടിന്    ബ്രേക്കിട്ടിരുന്നില്ല... അവളാരാടോ ഉള്ള പ്രതികാരം തീർക്കാനെന്നപോലെ   പാട്ട് തുടർന്നു.......

ഇതിങ്ങനെ പോയാലിന്നിവിടെ  ഒരു പേമാരിയും ഉരുൾപൊട്ടലുമൊക്കെ ഉണ്ടാകാനുള്ള   ചാൻസുണ്ട്.... നിർത്തിച്ചേ പറ്റു....... എന്നോർത്തു കൊണ്ടവൻ     ഇരുന്നിരുന്ന മരത്തിനു   താഴേക്ക് അല്പം കൂടി  മാറിയിരുന്നു.....എന്നിട്ട് പൂച്ചയുടെ   ശബ്ദം അനുകരിച്ചു.......

""മ്യാവു.. മ്യാവു..... ങ്യാ.. മ്യാവു...

പൂജയുടനെ  പാട്ട് നിർത്തി    പൂച്ചയുടെ   ശബ്ദം  കേട്ടിടത്തേക്കു  ശ്രദ്ധിച്ചു.. ....

""ദേ... നാശം പിടിച്ച പൂച്ചേ എങ്ങോട്ടെന്നു വച്ചാ പൊയ്ക്കോണം.... നിന്നെ എനിക്ക്  കണ്ടുകൂടാന്നു    അറിഞ്ഞുകൂടെ.... ചുമ്മാ   മനുഷ്യന്റെ   പേര് കളയാൻ.... ഈ  ജന്തുവില്ലായിരുന്നേൽ എല്ലാരും പൂജേന്നല്ലേ  എന്നെ   വിളിക്കൂ... ഇപ്പൊ..... ഓ...ഒന്നും പറയണ്ട..... എന്തോന്ന്   വേണേലും    എന്റെ തലയിലോട്ട്  വന്ന് ചാടിക്കോളും........കോളേജിൽ   പോയപ്പോ  ക്ലാസ്സ്‌ കട്ട്‌ ചെയ്ത്    ക്രിക്കറ്റ് കളി കാണാൻ   ഗ്രൗണ്ടിൽ പോയതാ.... അന്നൊരു കൊരങ്ങൻ   വന്ന് മുന്നിൽ     വീണു.... അയ്യോ പാവം എന്ന് വിചാരിച്ചു   ഓടിച്ചെന്നിത്തിരി  വെള്ളം   കൊടുത്തു...... പിന്നെ കണ്ടപ്പോൾ ഞാൻ തന്നെ പോയി   ആ മരമാക്രിയോട്   വിശേഷം ചോദിച്ചു..... എന്നിട്ടെന്തായി....മുടിഞ്ഞ പ്രേമം... അവസാനം   എന്നേക്കാൾ   പഠിപ്പും പത്രാസ്സുമൊക്കെയുള്ളൊരു  പെണ്ണിനെ കണ്ടപ്പോ   അങ്ങോട്ട്   പോയേക്കുന്നു.. ഇപ്പഴെങ്ങാനും   എന്റെ  കയ്യിൽ കിട്ടിയാരുന്നേൽ    അവന്റെ മോന്ത പിടിച്ചീ പാറപ്പുറത്തിട്ടൊരയ്ക്കാമായിരുന്നു..........

ഇപ്പൊ   അടുത്തൊരു   സാധനം   വന്ന് ചാടിയിട്ടുണ്ട്... അതിനി  എന്നേം കൊണ്ട് പോകുമോ   എന്റെ കയ്യീന്ന് കൊണ്ടിട്ടു പോകുമോന്ന   കാര്യത്തിലാ ഇപ്പൊ ഡൌട്ട്....

എനിക്കും  എന്തോ  ഇനി അങ്ങേരോടുണ്ടോ....ആ.... ആർക്കറിയാം... എന്തായാലും   ഇനിയും ശശിയാവാൻ   ഞാനില്ല.........ആർക്കായാലും ഒരബദ്ധമേ പറ്റൂ... എന്റെ കാര്യത്തിലും അങ്ങനെ ആയാൽ മതിയാരുന്നു.......

ആത്മാഗതം   നിർത്തിയിട്ടവൾ   തൂത്തുകൂട്ടിയ    കരിയിലകൾ    വാരിക്കൊണ്ടു  കളയാനായി അവനിരുന്നതിന്റെ എതിർവശത്തേക്ക്   പോയി.......

ഞെട്ടലോടെയാണ്    ദേവെല്ലാം കേട്ടത്....

അപ്പൊ  മോക്ക്   തേപ്പ് കിട്ടിയതാണല്ലേ..... ഇനി അതായിരിക്കും കൊച്ചിങ്ങനെ എന്നോട് അൺ റൊമാന്റിക് ആയിപ്പോയത്..... സാരമില്ല  മോളൂസേ   ദേവേട്ടനതൊക്കെ   ശരിയാക്കിക്കോളാം......മോള് പറഞ്ഞപോലെ   നിന്നേം കൊണ്ടേ   ഞാൻ പോവുള്ളൂ..... വേണേ ഒന്ന് കയ്യീന്ന് കൊണ്ടിട്ടായാലും   ശരി....

പിന്നെ   എന്തുവാങ്ങിയാലും    തിരിച്ചുകൊടുക്കുന്ന    ശീലം ഉള്ളോണ്ട്.... വഴിയേ  ഞാനതങ്ങു   മുതലും പലിശയും   ചേർത്തു   തന്നോളാം.........ഇവളായോണ്ട്  തിരിച്ചു തല്ലാതിരുന്നാൽ ഭാഗ്യം....

എഴുന്നേറ്റു ഭവതിയുടെ  മുന്നിൽ   പ്രത്യക്ഷപെട്ടാലോ..?? കുറച്ച്   സമയോം കൂടി നോക്കാം... ഇനിയും എന്തെങ്കിലും നഗ്നസത്യങ്ങൾ    ആ തിരുവായിൽ നിന്ന് വന്നുകൂടെന്നില്ലല്ലോ .......

അവനവിടെത്തന്നിരുന്നു.... ഏകദേശം ഒരു മിനിറ്റിനുള്ളിൽ    തന്നെ    പൂജ തിരികെ വന്നു..

ബാക്കികിടന്ന കുറച്ചുകരിയിലകളും   മറ്റും കൂടി തൂത്തു  വാരി...കുറച്ചല്ലേയുള്ളു..... ഇവിടങ്ങു കളയാം... ആ പേട്ടുപൂച്ച   പോയില്ലേൽ   അതിന്റെ   തലേ വീഴെട്ടെ........

അവിടെക്കിടന്നതുമുഴുവൻ   അവൾ   ദേവിരുന്ന മരത്തിന്റെ താഴെക്കിട്ടു.....

""ഡീ....

അവൻ പെട്ടെന്ന്  ചാടിയെഴുന്നേറ്റു.....

""ഹ്ഹയ്യോ........

ഓർക്കാപ്പുറത്തായതിനാൽ പൂജ   പേടിച്ചു നിലവിളിച്ചു...... അതിനിടയിൽ  ബാലൻസ് തെറ്റി കാല്   വഴുതി  താഴേക്കു പതിച്ചു....

പക്ഷെ വീണത്    ദേവിന്റെ   അടുത്തേയ്ക്കായതിനാൽ   അവനവളെ   ഇരുകയ്യും   ചേർത്തു പിടിച്ചു തന്നോട്  ചേർത്തു നിർത്തി.... അതുകൊണ്ട്   മാത്രം അവൾ താഴേക്കുപതിച്ചില്ല...........

""വിടെടോ......തനിക്കെന്തുവാ ഇവിടെ കാര്യം....???

അവനെക്കണ്ട ഞെട്ടലൊന്നടങ്ങിയപ്പോൾ അവൾ  ചോദിച്ചു...... അവനപ്പോളും  അവളിൽ നിന്നും പിടിവിട്ടിരുന്നില്ല.......

""എനിക്കെന്താ ഇവിടെ വന്നാൽ..?? ഭൂതം പിടിക്കുമോ...??

""കോഴികളെ  തിന്നുന്ന ഭൂതങ്ങളുണ്ടോ...??

ചിലപ്പോ   കാടൻ വല്ലോം വന്നാലപ്പഴേ

പിടിച്ചോണ്ട്  പോകും......

""ഉവ്വോ.....

ദേവവളുടെ   താടിയിൽ   പിടിച്ചുയർത്തിക്കൊണ്ട് ചോദിച്ചു....

""അങ്ങോട്ട്‌ വിട്ടെ...

അവൾ കൈ തട്ടിമാറ്റി......

""ഞാനിവിടില്ലായിരുന്നേൽ   അങ്ങ് താഴേന്നു നിന്നെ പറക്കിയെടുക്കേണ്ടി വരുമായിരുന്നു.....

""പിന്നെ... ഇയാളിവിടെ   വന്നിരുന്ന്  തൊള്ള തുറന്നിട്ടല്ലേ   ഞാൻ പേടിച്ച്  ബാലൻസ് തെറ്റി വീഴാൻ   പോയെ....

""പിന്നെ നിന്റെ പാട്ടും സഹിച്ചു ഇവിടിരുന്നെന് എനിക്ക് സമാധാനത്തിനുള്ള  നോബൽ സമ്മാനം തരണം.....

പാട്ടിന്റെ കാര്യം കേട്ടതും അവളൊന്ന് ചമ്മി... എങ്കിലും പതറാതെ പറഞ്ഞു...

""എന്റെ പാട്ടിന് എന്തുവാ കുഴപ്പം.... ഞാൻ പാട്ട് പഠിച്ചില്ലന്നേയുള്ളു....

""പിന്നെ... അങ്ങോട്ട് ചെന്നേച്ചാലും മതി  ഇപ്പൊ പഠിപ്പിക്കും.....പട്ടീടെ കൊരയ്ക്ക് പോലും ഇതിലും താളമുണ്ട്.....

""താൻ പട്ടിക്കൂട്ടിലാണോ   കിടക്കുന്നെ....??

""അങ്ങനൊന്നുമില്ല... വേണേ ഈ പൂച്ചേടെ കൂട്ടിലും....

""ദേ... ഒരു ചവിട്ട് തന്നാലുണ്ടല്ലോ.....

""നല്ല തണുപ്പൊക്കെയല്ലേയിപ്പോ... ഒരു ഹെല്പ് ചെയ്യാമെന്ന് വച്ചപ്പോ   കുറ്റം... 

""ഈ കണക്കിന് പോയാൽ  എന്റെ കയ്യീടെ ചൂടിയാൾ അറിയും.....

""ഓഹോ... ജാഡ പാർട്ടി... ഞാൻ പോവാ.""..

എന്നും പറഞ്ഞ്   ദേവ്     എങ്ങനെയൊക്കെയോ    വലിഞ്ഞു മുകളിൽ   കയറി.....പൂജയപ്പോഴും    താഴെത്തന്നെ നിൽക്കുകയായിരുന്നു......

അവിടുന്ന് കയറാൻ   നല്ല   ബുദ്ധിമുട്ടാണ്......

എന്തായാലും   അവളുടെ വിളിയെത്തുമെന്ന പ്രതീക്ഷയിൽ   അവൻ   കയ്യിലിരുന്ന

ക്യാമറയെടുത്ത്   ഓരോ  ദിശയിലേക്ക്      ഫോക്കസ്   ചെയ്തു  കൊണ്ടിരുന്നു......

അവളാകട്ടെ   അവിടെ നിന്നെങ്ങനെ   കയറുമെന്ന ചിന്തയിലായിരുന്നു... ഒപ്പം   അതിനുള്ള ശ്രമവും    തുടർന്നു... പക്ഷെ  അതൊക്കെ വിഫലമായിക്കൊണ്ടിരുന്നു......

അവസാനം   അവനെ വിളിച്ചാലോ എന്നവൾക്ക് തോന്നി..... പക്ഷെ എങ്ങനെ.. എന്തു വിളിക്കും.....

കാര്യം കാണാൻ  കഴുതക്കാലും പിടിക്കണമെന്നല്ലേ.....ഇച്ചിരി   സോപ്പിട്ടു പതപ്പിച്ചേക്കാം....

""ഹേയ്.... ഹർഷി..ഛെ..... ദേവേട്ടാ...ഒന്ന് ഹെല്പ് ചെയ്യാമോ...???

വല്യ ജാഡ എടുത്തോണ്ട് നിന്നയല്ലേ...ഒന്നൂടെ വിളിക്കട്ടെ എന്നിട്ട് പോകാം...

എന്നോർത്ത്  പൂജയുടെ വിളി  കേൾക്കാത്ത പോലെ  അവൻ   നിന്നു.....

ഓ... ഈ   കാലമാടന്  ചെവികേട്ടൂടെ....പിന്നെയും വിളിപ്പിക്കാനുള്ള  അടവ്.... കൊക്കെത്ര കുളം കണ്ടതാ.... ഒന്നും ഞമ്മക്ക് മനസിലാവില്ലെന്നാ   ചൂപ്പർ ചാറിന്റെ വിചാരം.... ആവശ്യം നമ്മടെയായിപ്പോയ സ്ഥിതിക്ക്    വിളിക്കാതെ പറ്റില്ലല്ലോ... സോപ്പിന്റെ പത  പോരെന്നു തോന്നുന്നു... ഇത്തിരി കൂടി പതപ്പിച്ചേക്കാം.....

""ദേവേട്ടാ.....ഒന്ന് വര്യോ.... 

അവൾ  കുറച്ചുകൂടി സോഫ്റ്റായി  വിളിച്ചു.......

ആ വിളിയിൽ   കലർന്നിരുന്ന  ഭാവം സ്നേഹത്തിന്റെ  ആയിരുന്നുവോ.....അവന്റെ   ആഗ്രഹം അതായിരുന്നത്   കൊണ്ട്   അങ്ങനെ തന്നെ ചിന്തിക്കാൻ   ആയിരുന്നു ദേവിനിഷ്ടവും......

ദേവ്   അവൾക്കരികിലേക്ക്   ചെന്നു   പതിയെ മുട്ടുകുത്തിയിരുന്നു... വലത് കൈ   നീട്ടിയവൾക്ക്   കൊടുത്തു .......

""പിന്നെ   പിടിച്ചു കയറ്റണമെങ്കിൽ ഒരു കണ്ടീഷൻ  ഉണ്ട്......

""അതെന്താ.....

""എന്റെ സിനിമയിൽ     അഭിനയിക്കണം...ഇപ്പൊ   സത്യം ചെയ്യാമെങ്കിൽ  മാത്രേ   ഞാൻ   പിടിച്ചു   കയറ്റൂ......

""ഞാൻ അഭിനയിക്കില്ലാന്ന്   പറഞ്ഞില്ലല്ലോ...

കാർത്തിക്കേട്ടനെന്നെ  കുറച്ചു മുൻപ് വിളിച്ചാരുന്നു... അന്നേരം ഞാൻ ഓക്കേ ആണെന്ന് പറഞ്ഞല്ലോ....കാർത്തിക്കേട്ടൻ പറഞ്ഞില്ലേ...???

അവന്  കാർത്തിക്കേട്ടൻ എന്ന വിളി ഒട്ടും ഇഷ്ടപ്പെട്ടില്ല..... ബാക്കിയുള്ളവൻ എത്ര വട്ടം പൊറകെ നടന്നു... എന്നിട്ടിപ്പഴാ ഒന്ന്   വിളിച്ചത്... അതും ഗതികെട്ടപ്പോ....

""അതെ....ഈ ഡയറക്ടറെ കേറി ചേട്ടാന്നൊന്നും വിളിക്കണ്ട... സാറെന്ന് വിളിച്ചാൽ മതി....

കാർത്തിക്കിനെ ചേട്ടാന്നു വിളിച്ചത് മൂപ്പർക്ക്പിടിച്ചില്ലല്ലേ.... അവളോർത്തു....

""എന്നോട് പറഞ്ഞല്ലോ ചേട്ടാന്നു വിളിച്ചോളാൻ... ഇനി മാറ്റണെൽ  കാർത്തിക്കേട്ടൻ  പറയട്ടെ.......

പറഞ്ഞതിഷ്ടപെട്ടില്ലെങ്കിലും കൂടുതലൊന്നും പറയാതെ ദേവ് കൈ നീട്ടി....

""അപ്പൊ      കൈ കൊട്....

ആ   കൈൽ  പൂജ   തന്റെ   വലത്   കരവും ചേർത്തു വച്ചു....... അവനാക്കൈ   മുറുകെ  പിടിച്ചുകൊണ്ട്  എഴുന്നേറ്റു    നിന്ന്  കയറാൻ  സഹായിച്ചു ...

അവസാനത്തെ    ചുവടും   വച്ചവൾ   അവന്റെ     നെഞ്ചിലേക്ക്    വന്നു വീണു.....

പൂജ  നോക്കിയതും  ദേവ്   ഒരു   കണ്ണൊന്നു ഇറുക്കിയടച്ചു......

""   വിടുന്നുണ്ടോ....ദേവിന്റെ കൈൽ   പിടിച്ചുകൊണ്ട്   ചോദിച്ചു.......

""മം... ഞാനിപ്പോ  വിടാം..... പക്ഷെ  എന്നെ വിട്ടേച്ചു പോകല്ലേ.....

പൂജ മറുപടിയൊന്നും   പറയാതെ   ദൂരേക്ക്   കണ്ണുകളയച്ചു   നിന്നു.....

എങ്കിലും   അവളുടെ   മുഖത്തെ  ഭാവം  കണ്ടപ്പോൾ   അവളുടെ    ഉത്തരം  ദേവ്  ഊഹിച്ചിരുന്നു.......

""പെണ്ണെ....

അവന്റെ   നോട്ടം  നേരിടാനാവാത്തത് കൊണ്ടോ എന്തോ   അവൾ   മുഖമുയർത്തിയില്ല......

അത് മനസിലാക്കിയെന്നോണം   ദേവ്   ഇടത്തെ കൈ കൊണ്ടവളെ   ഒന്നൂടെ   അടുത്തേയ്ക്ക്   അടുപ്പിച്ചു നിർത്തിയിട്ട് പറഞ്ഞു....

""എന്നെ   ഇട്ടിട്ട്  പോവില്ലെന്നു പറ......

""ആദ്യം   എന്നെ   വിട്...... എന്നിട്ട്   ഞാനാലോചിക്കാം.....

""എങ്കിലിവിടെ  നിന്നോ ഞാൻ വിടില്ല....

""പിന്നെ ... ദേ... ആരേലും   കണ്ടാലുണ്ടല്ലോ...

""കാണുന്നേൽ  കാണട്ടെ....

അവൻ    ചിരിയോടെ പറഞ്ഞു....

""അങ്ങോട്ട്   വിടാൻ... എന്തൊരു ശല്യമായിത്.... മനുഷ്യനെ ആ കുഴിയിൽ ചാടിച്ചതും പോരാ... എന്നിട്ടിപ്പോ  ചീഞ്ഞ റൊമാൻസും കൊണ്ട് വന്നേക്കുന്നു.....ദേഷ്യപ്പെടണ്ട പോട്ടെന്ന് വച്ചപ്പോ   സമ്മതിക്കില്ല... അല്ലെ.....???

""നോ ഡിയർ.... എന്റെ ചോദ്യത്തിനുത്തരം   തന്നിട്ടേയുള്ളു   ബാക്കി കാര്യം....

""വിളക്ക്   വയ്ക്കാൻ   സമയമാകുന്നു......

പ്ലീസ്....എന്റെ   സ്വഭാവം   ഇനി താനായിട്ട് മാറ്റല്ലേ....

""നിന്റെ സ്വഭാവം    മാറ്റാനല്ലേ   ഞാനീ പാട് പെടുന്നെ....

""തനിക്ക്   മലയാളം പറഞ്ഞാൽ മനസിലാവില്ലേ...??

 ""മലയാളത്തിലായാലും ഇംഗ്ലീഷിലായാലും....

""അയ്യോ.. അച്ഛൻ....

പെട്ടെന്ന്   ദേവ് അവളെ വിട്ടു....

""ഹ്ഹഹ്ഹ പറ്റിച്ചേ.....ഇനി ഡയലോഗൊക്കെ ക്യാമറടെ മുന്നിൽ മതി..സ്ഥലം കാലിയാക്ക്.....

നീ വിളക്ക് വയ്ക്ക് എനിക്കൊരുകൂട്ടം പ്രാർത്ഥിക്കാനുണ്ട്......

അവനെ പുച്ഛത്തോടൊന്നു നോക്കിയിട്ടവൾ കയ്യും കാലുമൊക്കെ   ദൂരെ ചെന്നു കഴുകിയിട്ടു വന്ന്  വിളക്ക് വച്ചു....

തൊഴുതിട്ടവൾ   അവനെ നോക്കുകപോലും ചെയ്യാതെ   താഴെക്കിറങ്ങി....

അവനും   പ്രാർത്ഥിക്കുന്നതിനായി ചെന്നു...

""എനിക്കൊന്നേ പ്രാർത്ഥിക്കാനുള്ളു... ഈ പോയ പൂച്ചയ്ക്കൊരു മിന്ന് കെട്ടാൻ സാധിച്ചാൽ   ഞാൻ അന്നിവിടെയൊരു  മണി കെട്ടിയിടാം.......

          🌹🌹🌹🌹🌹🌹🌹🌹🌹

അവൾ   വീട്ടിലേക്ക്    കയറിചെന്നപ്പോൾ   അമ്മയും  അച്ഛനും  പുണ്ണ്യയും കൂടി  ഏതോ   കാര്യം   ചർച്ച   ചെയ്യുകയാണെന്നവൾക്ക്

മനസിലായി......

എന്താ അമ്മേ  എന്നേക്കൂട്ടാതൊരു വട്ടമേശ  സമ്മേളനം....??

""നിന്റെ   കാര്യം  തന്നാ....

നാളെ നിനക്കൊരു  സർപ്രൈസ്   ഞങ്ങളൊരുക്കി   വച്ചിട്ടുണ്ട്.........

""ഓഹോ... അപ്പൊ   നമ്മളോട്  ഒന്നും പറയില്ലെയാരും... എങ്കി   ഞാൻ   പോവാ...

അവൾ  ചിണുങ്ങിക്കൊണ്ടകത്തേയ്ക്ക്   നടന്നു ...

പുണ്യ  ഉടനെ   അവളുടെ  പിറകെ ചെന്ന് പൂജയെ   പിടിച്ചു   നിർത്തിയിട്ട്   പറഞ്ഞു....

""നാളെ   നിന്നെ   പെണ്ണ് കാണാൻ   ഒരാള്  വരുന്നുണ്ട്......

""എന്നെക്കാണാനോ...??

"മം. ദാ... ഈ  ചേട്ടനാ......

അവൾ ഫോൺ  പൂജയ്ക്ക്   നീട്ടി..... സ്ക്രീനിലെ   ഫോട്ടോ  കണ്ടതും അവളൊന്ന് നടുങ്ങി....

'സിദ്ധാർഥ്......

അവളറിയാതെ   ചുണ്ടുകൾ ആ പേര് ഉരുവിട്ടു...

                    

വെള്ളക്കൽ മൂക്കുത്തി (6)

""ഇയാളോ...

അവളത്ഭുതത്തോടെ   ചോദിച്ചു......

""ചേച്ചിക്കറിയാവുന്ന ആളാണെന്നാ മൂപ്പര് പറഞ്ഞെ....

""അറിയാം.... പക്ഷെ എനിക്കിയാളെ വേണ്ട...

""അതെന്താ അറിയുന്ന ആളല്ലേ....??

""അതെ അറിയാവുന്ന ആളായത് കൊണ്ടാ ഞാൻ വേണ്ടാന്ന് പറഞ്ഞെ.....

അച്ഛനോട് ഞാൻ പറഞ്ഞോളാം.....

അവൾ  സുരേഷിന്റെ അടുക്കലേയ്ക്ക്   നടന്നു.......

""അച്ഛാ....    എനിക്കൊരു കാര്യം പറയാനുണ്ട് 

ഈ   കല്യാണം... അതെനിക്ക്   വേണ്ട....

""വേണ്ടെന്നോ...?? എന്താ മോളെയിത്?? സിദ്ധാർഥ്   നല്ല പയ്യനാണല്ലോ.......

പിന്നെ......നാളെ രാവിലെ വന്ന് കെട്ടിക്കൊണ്ട് പോകുന്ന കാര്യം ഒന്നുമല്ല.... നീ അഭിനയിക്കുന്ന   സിനിമ  ഒക്കെ കംപ്ലീറ്റ് ചെയ്തിട്ടുമതി... അവന് അതൊക്കെ സമ്മതമാ.....

""അയാളെ എനിക്ക് പരിചയമുണ്ട്.... അതാ ഞാൻ പറഞ്ഞെ.....കോളേജിൽ  അത്ര നല്ല ഇമേജൊന്നുമല്ല സിദ്ധാർദ്ധിന്  ഉണ്ടായിരുന്നത്.......

""എന്റെ കുഞ്ഞേ കോളേളേജിലൊക്കെ കൂട്ടുകാര്  കൂടുമ്പോൾ  എന്തേലുമൊക്കെ കാണിക്കും... എന്ന് വച്ച്   എപ്പോഴും അങ്ങനെയായിരിക്കുമോ...?? കഴിഞ്ഞകാലമൊക്കെ  നീ   വിട്....

""എന്നാലും.....

""ഒരെന്നാലുമില്ല...ഞാനവനെക്കുറിച്ചു അന്വേഷിച്ചു... നീ പറഞ്ഞ പോലെ കുഴപ്പമൊന്നുമില്ല......

""അച്ചന് ആരെങ്കിലും പറഞ്ഞുള്ള അറിവല്ലേയുള്ളൂ..... പക്ഷെ എനിക്ക് അങ്ങനെയല്ല....

ഞാനെന്റെ കണ്ണുകൊണ്ടു കണ്ടിട്ടുള്ളതും കേട്ടിട്ടുള്ളതും  ആണ്... അതൊന്നും വിസ്മരിക്കാൻ പറ്റില്ല........

""ദേ ഞാൻ ഒരു കാര്യം പറഞ്ഞേക്കാം.... ഒരു സിമിമേല് മോന്ത കാണിച്ചുവെന്ന്   വച്ച് എന്നെക്കേറി ഭരിക്കാൻ വരല്ലേ...... സിദ്ധാർഥ് എന്തൊക്കെ പറഞ്ഞാലും   നമുക്കന്യനല്ല..... അകന്ന ബന്ധത്തില് ഉള്ള പയ്യനാ.... നമ്മുടെ കുടുംബവുമായി   ബന്ധമുള്ളോരാളല്ലേ എപ്പോഴും നല്ലത്......

""അച്ഛാ പ്ലീസ്... എനിക്കയാളെ  ഇഷ്ടമല്ല...നിനക്ക് പിന്നാരെയാ ഇഷ്ടം...??

സുരേഷ് ദേഷ്യത്തോടെ ചോദിച്ചു....??

ആരെയെങ്കിലും ഇഷ്ടമാണെന്നു പറഞ്ഞാൽ ഒരു പക്ഷെ ഇതിൽ നിന്നും രക്ഷപെടാൻ സാധിക്കും... പക്ഷെ... അങ്ങനൊരാളില്ലല്ലോ...

പെട്ടെന്ന് അവളുടെ ഉള്ളിലേക്ക്   ദേവിന്റെ മുഖമോർമ്മ വന്നു...

പക്ഷെ   ആ പേര് പറയാനുള്ള ധൈര്യം തനിക്കില്ലെന്നു അപ്പോൾ തന്നവൾ തീരുമാനിച്ചു.... ചിലപ്പോഴൊക്കെ ഇഷ്ടപെട്ടാലോ എന്ന്   വിചാരിച്ചിരുന്നു....

""ഡി.. നിന്നോടാ ചോദിച്ചേ....ഏതവനെയാ നിനക്ക് വേണ്ടതെന്ന്...??

""അത്‌.. അത്... ഞാൻ.. പിന്നെ പറയാമച്ഛാ....

""ഇപ്പൊ എന്താ പറഞ്ഞാല്...??

അതിനവൾക്ക് അച്ഛനോട് എന്തു മറുപടി പറയണമെന്ന് അറിയില്ലായിരുന്നു..... അതുകൊണ്ടവൾ ഒന്നും പറയാതെ   തിരികെ  മുറിയിലേക്ക്     പോയി......

പുണ്യയും  ബിന്ദുവും എല്ലാം കേട്ടുകൊണ്ടപ്പുറത്തു നിൽപ്പുണ്ടായിരുന്നു.... തങ്ങളെന്തെങ്കിലും പറഞ്ഞാൽ  സുരേഷിന്റെ ദേഷ്യം കൂടുകെയുള്ളുവെന്നറിയാമായിരുന്നത്കൊണ്ട്

അവരൊന്നും മിണ്ടിയില്ല... പക്ഷെ   പൂജയ്ക്കൊപ്പം   ചെല്ലാനും മറന്നില്ല....

അമ്മയുടനെ  ചോദ്യം ചെയ്യനെത്തുമെന്നു  പൂജ മനസിലോർത്തു... അച്ഛനോട് ഉത്തരം പറയാതെ   രക്ഷപെട്ടുവെങ്കിലും.... അമ്മയോട് ഉത്തരം   പറഞ്ഞെ മതിയാകുവെന്നു അവൾക്കറിയാമായിരുന്നു.......ദേവിന്റെ മുഖം അവൾക്കുള്ളിൽ വേലിയേറ്റം   തീർത്തുകൊണ്ടിരുന്നു.....ദേവേട്ടനോടിപ്പോ ഇഷ്ടമാണോ എന്നറിയില്ല.... എന്തോ ആ മുഖം കാണാതൊരു ദിവസവും   പറ്റില്ലെന്ന് തോന്നിയിട്ടുണ്ടിപ്പോ... എന്നിരുന്നാലും അതൊരിക്കലും   തുറന്നു സമ്മതിക്കാൻ മനസിന്‌ കഴിഞ്ഞിട്ടില്ല............

ശരിക്കും നിനക്കിഷ്ടമാണോ ദേവിനെ???

അവൾ സ്വയം ചോദിച്ചു.....

മനസിന്റെ മറുപടിയായി   ഒരു ചിരി ചുണ്ടിൽ വിരിഞ്ഞു.........

ഒരു പക്ഷെ.... ദേവിന് തന്നോടുള്ളത് വെറുമൊരു അട്രാക്ഷൻ മാത്രമാണെങ്കിൽ.....?

വർഷങ്ങളോളം   ദിവ്യപ്രണയം എന്ന് പറഞ്ഞ് കൊണ്ടിനടന്നതിന്റെ   കാര്യം   അറിയാവുന്നതാണ്.....എങ്കിൽ ഇന്നലെ തോന്നിയൊരു പ്രണയത്തിന്റെ ആയുസ് എത്ര കാണും.......??

""മോളെ...... പൂജേ.....

""അമ്മ... ഞാൻ ഇത്തിരി നേരം ഒറ്റയ്ക്കിരുന്നോട്ടെ....ചോദ്യങ്ങൾക്കൊക്കെ പിന്നുത്തരം   നൽകാം.........

""എന്തിനാ  പിന്നത്തേക്ക് ആക്കുന്നെ........

ഇപ്പോൾ പറഞ്ഞാലെന്താ   കുഴപ്പം.....???

അവന്റെ മുഖം തന്നോട്  "എന്നെയാണിഷ്ടം" എന്ന്   പറയാൻ ആവശ്യപ്പെടുന്നപോലെ അവൾക്കു തോന്നി..... ഇനി ദേവിനോട് ചോദിക്കാതെ   പറഞ്ഞാൽ ഇനിയും  പ്രശ്നം ആകുമോ...?? അയാൾക്കെല്ലാം   തമാശ ആണെങ്കിൽ   വീണ്ടും താൻ   വിഡ്ഢിവേഷം ആടേണ്ടി വരും........

എല്ലാം മനസിലുറപ്പിച്ചിട്ടവൾ പറഞ്ഞു.....

""എനിക്കിത്തിരി സാവകാശം വേണം.... ഞാനെല്ലാം എല്ലാരോടും  പറയാം.... എല്ലാരേം ഇട്ടേച്ച് സ്വന്തം ഇഷ്ടത്തിനിറങ്ങി പോകാനൊന്നും   പൂജയില്ല....ഞാൻ കാരണം അമ്മയ്ക്കും അച്ഛനുമൊന്നും ചീത്തപ്പേരും കേൾക്കേണ്ടി   വരില്ല......

ഞാൻ കാത്തിരുന്നോളാം... പക്ഷെ എനിക്കിഷ്ടമല്ലാത്തൊരു   ജീവിതം എന്റെ മേലിൽ  അടിച്ചേൽപ്പിക്കാൻ   നോക്കിയാൽ

എന്നെ ആരും   ജീവനോടെ  കാണില്ല......

""നീയെന്തൊക്കെയാ പെണ്ണേ ഈ പറയുന്നേ??കാള പെറ്റെന്ന്   കേട്ടുടനെ കയറെടുക്കാനിരുന്നോളും... നിനക്ക് വല്ല വീണ്ടുവിചാരോം ഉണ്ടോ???

ബിന്ദുവിനു ദേഷ്യവും സങ്കടവും ഒന്നിച്ച് വന്നു........

""ആർക്കോവേണ്ടി  ജീവിക്കാൻ എനിക്ക് പറ്റില്ല... അതുകൊണ്ടാ.... എന്നെ മനസിലാക്കാൻ   പറ്റുമെങ്കിൽ അങ്ങനെ....

അല്ലെങ്കിൽ  നിങ്ങളുടെയെല്ലാം   ഇഷ്ടത്തിനനുസരിച്ചു    തിരക്കഥ    തയാറാക്കിക്കോ...പക്ഷെ എന്റെ റോൾ ചെയ്യാൻ  ഞാൻ കാണില്ല.....

""അമ്മേ പ്ലീസ് ചേച്ചിക്കിഷ്ടമല്ലേൽ   പിന്നെന്തിനാ   ആ ചേട്ടനെ നോക്കുന്നെ....

പുണ്യയ്ക്കും   പൂജയുടെ  നിലപാടിനോട്   തന്നാരുന്നു യോജിപ്പ്.....

""ഞാൻ അച്ഛനോട്   സംസാരിക്കാം... പിന്നെ  നീ   സിദ്ധാർത്ഥിനെ  ഇഷ്ടമല്ലെന്നു  പറയാനെന്താ   കാരണം...??

അവനത്രയ്ക്ക്   മോശമാണോ....??

""എന്ന് ചോദിച്ചാൽ   എന്റെ കണ്ണിൽ അത്ര ശരിയല്ലായിരുന്നു......ക്യാമ്പസ്സിൽ   കുടിച്ചിട്ട് വന്നും അല്ലാതെയുമൊക്കെ   അവിടെ ഉണ്ടാക്കാത്ത   പ്രശ്നങ്ങളില്ല...... പിന്നെ..പറയാനാണേൽ   കിടക്കുന്നതേയുള്ളു .... ആ ക്യാമ്പസിലെ ഒറ്റ പെണ്ണും  അവനെ   ഇഷ്ടപ്പെടില്ല... അത്രയ്ക്ക് നല്ല സ്വാഭാവമാ.......

"""അച്ഛനിപ്പോ   നല്ല ദേഷ്യത്തിലാ... ഞാൻ പിന്നെ ഞാൻ   പറയാം...... നീയിപ്പോ തർക്കുത്തരമൊന്നും പറഞ്ഞ് അച്ഛനെ ശുണ്ഠി   പിടിപ്പിക്കണ്ട.....

ബിന്ദു മുറിയിൽ നിന്നുമിറങ്ങിയെങ്കിലും   പുണ്യ അവിടെത്തന്നെ നിന്നു.....

""ഡീ   നീ   ഒരാളെ ഇഷ്ടമാണെന്നു   പറഞ്ഞത് സത്യമാണോ...?? എന്നിട്ട്  ഇതുവരെ എന്നോട് ഒന്നും പറഞ്ഞില്ലല്ലോ......

""പിന്നെ.. നിന്നോടെല്ലാം പറയണമെന്ന്   നിയമമെന്തേലുമുണ്ടോ??

""ഓഹോ.. പുച്ഛമാണല്ലേ....... ഞാൻ  എല്ലാം ശരിയാക്കാം.....

പുണ്യ റൂമിൽ   നിന്നും  പോകാൻ തുടങ്ങി....

""ഡി.. ചുമ്മാ പണിയൊന്നും ഒപ്പിക്കല്ലേ... ഞാൻ നിന്നോടെല്ലാം   പറയാം.....

""അങ്ങനെ വഴിക്ക് വാ മോളേ........

പൂജ   ദേവിന്റെ   കാര്യമെല്ലാം   പുണ്യേ ധരിപ്പിച്ചു....

""പാവം  ദേവേട്ടൻ...അങ്ങേർക്കെന്താടി കൊരങ്ങി കുഴപ്പം...???

ചുമ്മാ  ആ   പാവത്തിനെ  ഇട്ട്....നിനക്ക്   വെറുതെയല്ലൊരു തേപ്പ് കിട്ടിയത്.....

""ആ കാര്യമെന്നോട് മിണ്ടിയേക്കരുതിനി.....

""ഇല്ല മിണ്ടില്ല... പക്ഷെ നീ  ദേവേട്ടനോട്   ഇഷ്ടമാണെന്ന്   പറഞ്ഞോണം.... അല്ലെ ഞാനീ കുടുംബക്കാരെ മുഴുവൻ തേപ്പ് കഥയും

ദേവേട്ടന്റെ കാര്യവുമെല്ലാം   അറിയിക്കും.... നിനക്കറിയാലോ   ഞാനൊരു   ലോക്കൽ ന്യൂസ്‌ ചാനലാന്ന്..... ദേവേട്ടന്റെ   കാര്യവും കൂടി കിട്ടുമ്പോ  എനിക്ക് പബ്ലിസിറ്റി കൂടാൻ ചാൻസുണ്ട്.......

""ഒന്നിവിടുന്നു പോകാമോ....

""ഓക്കേ.. മേഡം....

അവൾ  റൂമിൽ നിന്നുമിറങ്ങിപ്പോയി.....

പൂജയുടെ   മനസിലേക്ക് ഉത്തരം കിട്ടാത്ത ചോദ്യമായി  ദേവ് വീണ്ടും വന്നു......

            🌷🌷🌷🌷🌷🌷🌷🌷

രാവിലെ മുതൽ   ഷൂട്ട്‌ തുടങ്ങി......

പൂജയ്ക്കിതുവരെ   ദേവുമായുള്ള   സീനൊന്നും   ചെയേണ്ടി വന്നില്ലായിരുന്നു.....

അവൾക്ക്   നേരത്തെ   ഷൂട്ടിങ് കണ്ട പരിചയം പോലുമില്ലാത്തതിനാൽ     ചെറിയ ചെറിയ   സീനുകൾ  മാത്രേ   ചെയ്തിരുന്നുള്ളു......

എങ്കിലും   ഓരോ ദിവസവും കഴിയുംതോറും അവൾ   റീറ്റേക്കുകളുടെ   എണ്ണം   കുറച്ചുകൊണ്ട്  വന്നു......

ദേവ്   ശ്രദ്ധയുമായി     ചങ്ങാത്തത്തിൽ ആയതോടെയൊ      പൂജയുടെ പിറകെ നടന്ന്   ചെരുപ്പ് തേഞ്ഞത് കൊണ്ടോയെന്തോ  അവനിപ്പോ   പൂജയെ  വല്യ മൈൻഡില്ല......

ഷൂട്ടിങ്  പുരോഗമിച്ചുകൊണ്ടിരുന്നു.....

ഇന്ന് ദേവിനൊപ്പമുള്ള കുറച്ച് സീനുകൾ എടുക്കണമെന്ന്   കാർത്തിക് ഇരുവരോടും പറഞ്ഞു.....

ദേവിനിയും തന്നോട്  ഇഷ്ടമാണോയെന്ന്  ചോദിച്ചിരുന്നെങ്കിൽ   ഓക്കേ പറയാമെന്നവൾ  അപ്പോഴേയ്ക്കും തീരുമാനിച്ചിരുന്നു....നേരിട്ട് ചെന്ന് പറയാനുള്ള ധൈര്യം   അവൾക്കിനിയും ഇല്ല.....

ഇരുവരും   തമ്മിലുള്ള  സീനുകൾ ചിത്രീകരിച്ചു തുടങ്ങി.. പക്ഷെ   സിനിമയിലെ ഡയലോഗുകൾക്കപ്പുറം   അവനവളോടൊന്നും മിണ്ടാൻ   നിന്നില്ല.... കാർത്തിക് നൽകുന്ന നിർദേശങ്ങൾക്ക് അനുസരിച്ചു ഇരുവരും ചെയ്തു... ചിലപ്പോഴൊക്കെ  പൂജയുടെ  കൈപ്പിഴകൊണ്ട്  റിറ്റേക്കെടുക്കാമെന്നു  കാർത്തിക് പറയുമ്പോൾ   ദേവിൽ നീരസം പ്രകടമായിരുന്നത്   പൂജയെ വിഷമിപ്പിച്ചു......

ഷൂട്ട്‌ കഴിയുമ്പോൾ   അങ്ങോട്ട് കയറി മിണ്ടണോ വേണ്ടയോ എന്ന ചിന്തയിൽ   പുതിയൊരു സീനിനു വേണ്ടി മേക്കപ് ചെയ്യാനായി  അവൾ   റൂമിലേക്ക്‌ നടന്നു..

വെള്ളക്കൽ മൂക്കുത്തി

(Last part)

വൈകുന്നേരം  ഷൂട്ടിങ്  തിരക്കൊഴിഞ്ഞപ്പോൾ     കാർത്തിക്   സുദേവനെ   കാണാനെത്തി......

""അങ്കിൾ... എന്നോട്  ക്ഷമിക്കണം......

അവൻ സങ്കടത്തോടെ  പറഞ്ഞു.....

താൻ പറയാൻ പോകുന്നതിനോടൊക്കെ  സുദേവൻ എങ്ങനെ   പ്രതികരിക്കുമെന്ന് അവൻ മുൻകൂട്ടി   ചിന്തിച്ചിരുന്നില്ല....

ഇനിയും വൈകിയാൽ തനിക്ക്  മാത്രല്ല.. ദേവിനും  പൂജയ്ക്കും   ദുഃഖമാകും കൂട്ട്....

""എന്താ കാർത്തിക്കെയിത്...?? നീയെന്നോടെന്തു   ചെയ്തു...??

""അത്....അങ്കിളിനു  തന്നവാക്കെനിക്ക് പാലിക്കാൻ  പറ്റില്ല... ദേവിന്   ശ്രദ്ധയെ  വിവാഹം കഴിക്കാൻ  പറ്റില്ലങ്കിളെ... കാരണം  അവൻ സ്നേഹിച്ചത്  പൂജയെ  ആണ്...

ആ മനസിലേക്കിനി ശ്രദ്ധയെ   അടിച്ചേൽപ്പിക്കാൻ   കഴിയുന്നത്   എങ്ങനാ..??

"സ്നേഹം ഒരിക്കലും   പിടിച്ചുവാങ്ങാൻ  കഴിയില്ല   കാർത്തിക്കെ.... അതെനിക്കറിയാം......പൂജയ്ക്കാണ്  അവനെ വിധിച്ചതെങ്കിൽ   അങ്ങനെയാവട്ടെ... അവളും  എനിക്ക്  മോളേപോലെയാണ്......

പക്ഷെ   ഞാനെന്റെ ശ്രദ്ധക്കുഞ്ഞിനോട് മോളോട്   എന്തു പറയും ??

""ഞാനൊരു  കാര്യം കൂടി ചോദിച്ചോട്ടെ.... എനിക്ക്   അവളെ  തരുമോ....???

ഉള്ളിൽ  ഒരുപാട്  കാലമായി കൊണ്ടുനടന്ന ചോദ്യം... അവൻ  സുദേവന്  മുന്നിൽ വച്ചു....

കണ്ണിൽ  നിറയുന്ന   സ്നേഹയാചന കണ്ടില്ലെന്നു  നടിക്കാൻ  അയാൾക്കായില്ല..

""അത്.... എനിക്ക് കുഴപ്പമൊന്നുമില്ല... പിന്നെ അവളിതൊക്കെ   എങ്ങനെ സ്വീകരിക്കുമെന്നാ എനിക്കറിയാത്തത്.....

അത്   കേട്ടപ്പോൾ കാർത്തിക്കിന്  പ്രശ്നമായിതോന്നിയില്ല കാരണം... അവനപ്പോ   തക്കതായ  ഒരു  കാരണം കണ്ടെത്തി   വച്ചിട്ടുണ്ടായിരുന്നു,....അതുകൊണ്ട്  തന്നെ   അവൻ   ധൈര്യത്തോടെ   പറഞ്ഞു....

""'അങ്കിൾ   ഞാൻ   പറയുന്നപോലെ പറഞ്ഞാൽ മതി.... എല്ലാവരും   വിശ്വസിക്കും.....

""എങ്കിൽ   നീ പറ...

""അത്‌... ശ്രദ്ധയുടെയും  ദേവിന്റെയും  ജാതകങ്ങൾ   നോക്കിച്ചു... അപ്പൊ  നാള് പോലും   ചേരില്ല... പിന്നെ കൂട്ടത്തിൽ  പൂജയുടെ   ജാതകോം നോക്കാൻ  കൊടുത്തിട്ടുണ്ടായിരുന്നു... അതുമായിട്ട്   ദേവിന്റെ നാള് ചേരും  നല്ല   പൊരുത്തവുമുണ്ട്.....അത് കണ്ടപ്പോ  ദേവിനോടും  പൂജയോടും  ചോദിച്ചു... അവര്  സമ്മതിച്ചു.... ഇതറിഞ്ഞപ്പോ   ഞാൻ ശ്രദ്ധയുടെ   കാര്യം അങ്കിളിനോട്   തിരക്കി...

അങ്കിൾ  സമ്മതിച്ചു..... അത്രേയുള്ളൂ.... ഇതിപ്പോ എല്ലാവരും  വിശ്വസിക്കും.... പ്ലീസ്...

""ഞാൻ എല്ലാവരെയും   ഇതറിയിക്കാം.... പോരെ.....

പിന്നെ... വേറൊരു കാര്യം കൂടെ നടത്തണം എന്നുണ്ടെനിക്ക്..... ഒരു ചടങ്ങായിട്ടു മതി...

എന്താണ് സുദേവൻ   പറയുന്നതെന്നറിയാൻ കാർത്തിക് ആകാംക്ഷയോടെ നിന്നു...

""വേറൊന്നുമല്ല   നിങ്ങളുടെയെല്ലാം നിശ്ചയം കൂടി നടത്തണം....... ഞാൻ  ആദ്യം  വീട്ടുകാരോട്  എല്ലാമൊന്നു സംസാരിക്കട്ടെ..... എന്നിട്ട്   ബാക്കിയൊക്കെ    തീരുമാനിക്കാം....

""എന്തായാലും   എളുപ്പന്ന് വേണം... ഇനി  ബാക്കി   ഷൂട്ട്‌   ഇനി തൊടുപുഴയിലേയ്ക്ക്  മാറ്റണം....

""നീ  ടെൻഷൻ ഒന്നും അടിയ്ക്കണ്ട... ഞാനെല്ലാം ശരവേഗത്തിൽ   നടത്തിക്കോളാം........

സുദേവൻ  മുന്നിൽ നിന്നും നടന്നകലുമ്പോൾ   പ്രതീക്ഷയുടെ   തിരിനാളങ്ങൾ  കാർത്തിക്കിന്റെ  മുഖത്ത്   പ്രകാശം   പരത്തി.......

                 🌹🌹🌹🌹🌹🌹

ദിവസങ്ങൾ   വേഗം   കടന്നുപോയി ....

ഇന്ന്   ദേവുമായി പൂജയുടെയും  കാർത്തിക്കുമായി   ശ്രദ്ധയുടെയും നിശ്ചയം  നടത്താൻ  തീരുമാനിച്ച   ദിവസമാണ്..........

സുദേവൻ  മുൻകൈയെടുത്ത്  എല്ലാവരുടെയും     സമ്മതം   വാങ്ങിയിരുന്നു....

പൂജയ്ക്കിഷ്ടമല്ലാത്തതിനാൽ   സിദ്ധാർഥ് മായുള്ള  വിവാഹം  വേണ്ടെന്ന് സുരേഷ്   മനസ്സില്ലാമനസോടെ, ബിന്ദുവിന്റെ   നിർബന്ധപ്രകാരം   തീരുമാനിച്ചിരിക്കുന്നതിനിടയിലാണ്   ദേവിന്റെ കാര്യം   സുദേവൻ    അയാൾക്ക്‌   മുന്നിൽ  അവതരിപ്പിച്ചത് ........

ദേവിനെപ്പോലൊരാളെ   തന്റെ  മകൾക്കു  കിട്ടുന്നത്   ഒരു ഭാഗ്യമായിട്ടേ   സുരേഷിനപ്പോൾ  തോന്നിയുള്ളു........

ശ്രദ്ധയ്ക്ക്   കാർത്തിക്കിനെ  പൂർണ്ണമായും   ഉൾക്കൊള്ളാൻ   കഴിയുന്ന   ഒരു  മാനസികാവസ്ഥയിൽ   ആയിരുന്നില്ലവളപ്പോഴും...,.. എങ്കിലും  കാർത്തിക്കിനോട്   പ്രത്യേകിച്ച്   ദേഷ്യമൊന്നും   ഇല്ലാത്തതിനാൽ   അവനെ  ഇനി   സ്നേഹിച്ചു തുടങ്ങാൻ    മനസ് തയാറായി വരുന്നതേയുള്ളായിരുന്നു..... കാർത്തിക്കിനും  കാര്യങ്ങളെല്ലാം   അറിയാമായിരുന്നത്  കൊണ്ട്    അവളെ   അവനും   മനസിലാകുന്നുണ്ടായിരുന്നു ........

                             ""ഡി പിള്ളാരെ... ഇങ്ങോട്ട് വന്നേ .....

""ഓ സമയമില്ലാത്ത   നേരത്ത് ഈ  അച്ഛമ്മയ്ക്ക്   എന്തുവാ.....""  എന്നും പറഞ്ഞ് പുണ്യ ഓടി  വന്നു......

""നീയെ ഈ സെറ്റൊന്ന്  ഉടുക്കാൻ

 സഹായിച്ചേ..... ഞാനുടുത്തിട്ടു അങ്ങോട്ട്   ശരിയാവുന്നില്ല .....

""ഈ വയസ്സാം കാലത്തിനി ഇത്രയൊക്കെ  ശരിയായാൽ  മതി....ഇനി മോഡിഫയി  ചെയ്‌തു കൊളമാക്കാതിരുന്നാൽ  മതി....ഞാനാണേൽ  ഒരുങ്ങാൻ  തുടങ്ങിയതേയുള്ളു ......

""ഒരു പൊങ്ങച്ചക്കാരി വന്നേക്കുന്നു..... എന്റെ  പൂജക്കൊച്ചായിരുന്നേൽ എല്ലാം ചെയ്‌തു തന്നേനെ.....

""ഓഹോ... ഇനി   പൂജക്കൊച്ചിവിടുന്നു ഔട്ടാകാനുള്ള  ടൈം അടുക്കാറായി... ഇനിയെങ്കിലും   എന്നെ  സ്നേഹിച്ചോണം... ഞാനെ ഇവിടുള്ളു......

""നീയുള്ളതും  ഇല്ലാത്തതും  കണക്കാ... ഇനി പറഞ്ഞിട്ട് കാര്യമില്ല.......

""ഇന്നത്തേക്ക്  പോട്ടെന്ന് വച്ച്  അച്ഛമ്മയെ സഹായിച്ചേക്കാം   എന്ന്   വിചാരിച്ചതാ... ബട്ട്‌  ഇനിയില്ല... ഞാൻ പോവാ....

ഇനിയവളെ  പിണക്കേണ്ടെന്നു  കരുതി  അവരല്പം   വിട്ടുകൊടുത്തേക്കാം  എന്ന്  വിചാരിച്ചു...

""ഞാൻ ചുമ്മാ  പറഞ്ഞതല്ലേ... എനിക്ക് രണ്ടാളും  ഒരുപോലാ..... പിന്നെ നിന്നെയിത്തിരി  ചൂടാക്കാനല്ലേ  ഞാനിതൊക്കെ   പറയുന്നേ.... അവളോട്‌ എന്തേലും പറഞ്ഞാലുടൻ   സങ്കടമാകും... തൊട്ടാവാടിയാ.... എന്റെ   പുണ്യക്കുട്ടി അങ്ങനൊന്നുമല്ല...... നല്ല  മിടുക്കിയല്ലേ...??

""അമ്മേയെന്തിനാ  രാവിലെ സോപ്പ് ഇത്രയ്ക്കിട്ടു പതപ്പിക്കുന്നെ..""എന്നും  ചോദിച്ചു കൊണ്ടപ്പോൾ  ബിന്ദുവും മുറിയിലേയ്ക്ക്  വന്നു....

""എന്റെ  മോളേ... ഇതൊന്നു   ശരിയാക്കാനിവളോട്   പറഞ്ഞതാ.....

"""നിന്നെ പൂജ വിളിക്കുന്നു... അങ്ങോട്ട് ചെല്ല്... ഞാൻ അമ്മയുടെ  കാര്യം നോക്കിക്കോളാം.....

""അല്ലേലും ഞാൻ പോവാ...""എന്നുപറഞ്ഞു കൊണ്ട് പുണ്യ പോയപ്പോൾ   ഇരുവരും ചിരിച്ചു........

""ഞാൻ നിന്നെ വെറുതേ പറ്റിക്കാനല്ലേ പിണക്കം  നടിച്ചത്.... ദേഷ്യവും സങ്കടവും ഒക്കെ വരുമ്പോൾ   ഈ മുഖത്ത്   പടരുന്ന  ചുവപ്പിൽ    ഈ   വെള്ളക്കൽ മൂക്കുത്തി കാണാൻ  എന്തു ഭംഗിയാണെന്നറിയാമോ?""

                             

                                     ""പൂജേ... ഇപ്പൊ നിന്നെക്കാണാനൊരു  ചേലൊക്കെയുണ്ട്.""....

                                    

പുണ്യ ചിരിച്ചുകൊണ്ടത് പറയുമ്പോൾ   കണ്ണാടി  ചില്ലിലെ മൂക്കുത്തിയുടെ പ്രതിബിംബത്തിൽ നോക്കിയിരുന്ന്  ദേവിന്റെ വാക്കുകളോർത്തിരുന്ന പൂജ പെട്ടെന്ന് ഞെട്ടിയുണർന്നു......

""ദേവേട്ടനൊക്കെ   വീട്ടീന്നിറങ്ങി....

""മം.. ഞാൻ പോയി   ശ്രദ്ധേച്ചിയെ ഒന്ന് കണ്ടിട്ട്  വരാം.... ആരാ കൂടുതൽ സുന്ദരിയെന്നു   നോക്കട്ടെ......

""ഓ... ഇനി   നിന്റെ  സൗന്ദര്യപ്പട്ടം കൂടി ഇല്ലാത്തേന്റെ   കുറവേയെനിക്കുള്ളു....""പൂജ  പുച്ഛത്തോടെ   പറഞ്ഞപ്പോൾ   പുണ്യ അവളെ കൊഞ്ഞനം കുത്തി കാണിച്ചിട്ട്   നേരെ ശ്രദ്ധയുടെ   മുറി ലക്ഷ്യമാക്കി   നടന്നു....

     ▪️▪️▪️▪️▪️🌷🌷🌷🌷▪️▪️▪️▪️▪️▪️

 ഒരേ   വേദിയിൽ   മംഗള കർമത്തിന്   തിരി തെളിഞ്ഞു..... അടുത്ത   ബന്ധുക്കളും   ഷൂട്ടിങ് സെറ്റിലുണ്ടായിരുന്നവരും  മാത്രമാണ്    ചടങ്ങിന്   എത്തിയത്...... കാർത്തിക്കും ശ്രദ്ധയും    ആയിരുന്നു   ആദ്യം   വേദിയിൽ എത്തിയത്.... തുടർന്ന്    പൂജയും ദേവും  വേദിയിൽ  എത്തി.......

ചടങ്ങുകൾ     വളരെ  ലളിതമായും മനോഹരമായും   നടന്നു.....

ആഹാരം കഴിച്ച്   എല്ലാവരും   പിരിഞ്ഞു പോയി.....

ശ്രദ്ധയും കാർത്തിക്കും  ഫോട്ടോ കളെടുക്കുന്ന തിരക്കിലായിരുന്നു 

""എനിക്കൊരാഗ്രഹമുണ്ട്  ധൃതിയില്ലെങ്കിൽ ഒന്ന്  സാധിച്ചു തരുമോ.....???

ദേവ്  അച്ഛനെയും   ചേട്ടനെയും   നോക്കി ചോദിച്ചപ്പോൾ   എന്തായിരിക്കും  എന്ന ആകാംക്ഷയോടെ എല്ലാവരും  അവന്റെ   വാക്കുകൾക്ക്   കാതോർത്തു........

""ഞങ്ങൾക്കൊക്കെ  എന്തു ധൃതി...??നീ  കാര്യം  പറയെടാ.....

ദേവിന്റെ   ഏട്ടന്റെ   പിന്തുണ കൂടി കിട്ടിയപ്പോൾ  അവൻ പറഞ്ഞു തുടങ്ങി.....

""വേറൊന്നുമല്ല.... എനിക്കാ പാറയുടെ മുകളിൽ പോയി ഒരു  കടം  വീട്ടാനുണ്ട്.....എനിക്കീ പൂച്ചക്കുട്ടിയെ കിട്ടിയാൽ   ഒരു   മണി സമർപ്പിക്കാമെന്ന് ഞാൻ അന്നൊരിക്കൽ   പറഞ്ഞിരുന്നു..... അതെനിക്ക്   നിറവേറ്റണം..........

""നീ പോയിട്ടുവാ.. അവളെയും കൂട്ടിക്കോ... ഇനി കല്യാണം കഴിയാനൊന്നും നോക്കിയിരിക്കണ്ട.... ഇപ്പൊ തന്നെ ആ കടമങ്ങു തീർത്തേര്.... അല്ലെ...??

ദേവിന്റെ അച്ഛനും അവനെ പിന്തുണച്ചു.....

""വരുന്നോ...?

പൂജയുടെ   നേരെ തിരിഞ്ഞു കൊണ്ടവൻ ചോദിച്ചു...

""ഹ്മ്...

അവൾ   അവനൊപ്പം  ചിരിയോടെ   നടന്നു.... എല്ലാവരുടെയും   കണ്ണിൽ  നിന്നും മറഉടനെ ദേവ്   പൂജയുടെ കൈകൾ  ചേർത്തു   പിടിച്ചിരുന്നു........... ഇനിയൊരിക്കലും   പിരിയില്ലെന്ന ഉറപ്പോടെ...

സ്വപ്നങ്ങളെ   ഒന്നിച്ച് ആ കൈകളിൽ കൊരുക്കാമെന്ന   മോഹത്തോടെ..........

 എവിടോ നിന്ന് പാഞ്ഞെത്തിയ  കാറ്റിന്റെ കയ്യിൽ  ഒരു  മേഘക്കുടം  ഉണ്ടായിരുന്നു... അതിൽ നിന്നും മഴമുത്തുകൾ അവരുടെ  മേലേക്ക്   പതിച്ചു...... മഴ പകർന്ന കുളിരിൽ ഇരുഹൃദയങ്ങളും   കുറുകവേ അവരുടെ ഉള്ളിൽ നിറഞ്ഞ പ്രണയം   വെള്ളക്കൽ മൂക്കുത്തി പോലെ   തിളങ്ങുന്നുണ്ടായിരുന്നു....

(അവസാനിച്ചു )

📝 ശ്രീതു ശ്രീ