അമ്മുക്കുട്ടി
❤അമ്മുക്കുട്ടി❤
""അമ്മു... ""
കണ്ണാടിയുടെ മുമ്പിൽ നിന്ന് ഒരുങ്ങുന്ന അമ്മുവിനെ പിന്നിൽ നിന്നും മായ വിളിച്ചത് കേട്ട് അവൾ തിരിഞ്ഞു നോക്കി..
""ആഹ് നീ വന്നോ.. നന്നായി..""
""ഒരുങ്ങി കഴിഞ്ഞില്ലേ നീ..""
""എന്റെ മായ കുട്ടി ആദ്യയിട്ടല്ലേ ഒരാൾ എന്നെ പെണ്ണ് കാണാൻ വരണത്... നന്നായി ഒരുങ്ങണ്ടെ.. ""
""മ്മ് വേണം വേണം.. ""
വീണ്ടും കണ്ണാടിയിൽ ഒന്ന് നോക്കി സെറ്റ് സാരിയുടെ ഞൊറി ഒതുക്കി.. അലമാര തുറന്ന് മുത്തശ്ശി തന്ന പാലക്കാ മാല എടുത്തു.. കഴുത്തിൽ ഇട്ടു..
""നോക്ക് മായേ ഇപ്പൊ നല്ല ചന്തം ഇല്ലേ എന്നെ കാണാൻ..""
""ന്റെ അമ്മു നീ ഒരുങ്ങി ഇല്ലെങ്കിലും സുന്ദരി അല്ലെ... ""
""അതെനിക്ക് സുഖിച്ചു ട്ടോ...""
അവർ പരസ്പരം ഒന്ന് നോക്കി ചിരിച്ചിട്ട് അമ്മു വീണ്ടും കണ്ണാടിയിലേക്ക് നോട്ടം തുടർന്നു മായ കട്ടിലിൽ ഇരുന്ന് അവളെ നോക്കി...
""മോളെ അമ്മു... ഒരുങ്ങി കഴിഞ്ഞില്ലെ അവര് എത്താറായി.. ഇപ്പൊ വിളിച്ചു പറഞ്ഞു...""
""ആഹ് കഴിഞ്ഞു... ഇനി അമ്മായി വിളിച്ചാ മതി.. ""
അമ്മു എന്തോ ആലോചിച്ചു നഖം കടിക്കാൻ തുടങ്ങിയതും മായ അവളുടെ കൈ വലിച്ചു..
""എന്താടി പെണ്ണെ നഖം കടിക്കുന്നത്..""
""എല്ലാർക്കും ഇഷ്ടായാൽ കല്യാണം പെട്ടന്ന് ഉണ്ടാവില്ലേ.. ""
""ഓഹ് അതാണോ.. കല്യാണം നടക്കാനല്ലേ പെണ്ണ് കാണാൻ വരുന്നത്.. നീ എന്തൊക്കെയാ പറയുന്നത്.. കല്യാണം അല്ലല്ലോ പെണ്ണ് കാണൽ അല്ലെ അമ്മു... ""
""എനിക്ക് ഇഷ്ടല്ല മായേ.. ""
""അയാൾ വന്നു കണ്ടില്ല അപ്പോഴേക്കും ഇഷ്ടല്ലന്നോ..""
""അയാൾ ഗൗരി ഗ്രൂപ്പ് ഓഫ് കമ്പനീസ്ന്റെ എം ഡിയാ.. അമ്മാവൻ പറഞ്ഞത് കേട്ടതാ..""
""അത് നിന്റെ ഭാഗ്യം അല്ലെ...""
""എനിക്ക് ആ ഭാഗ്യം വേണ്ടാ മായേ...""
""അതെന്താ എന്റെ സങ്കൽപം സ്വപ്നം അത് ഇതുപോലെ വലിയൊരു പണച്ചാക്കിനെ കെട്ടുന്നത് അല്ല.. ""
""ഒന്ന് പോയെ അമ്മു.. നിന്റെ ഭാഗ്യം അല്ലെ.. ""
""പക്ഷെ... ""
അമ്മു കട്ടിലിൽ ഓരം ചേർന്ന് തല കുനിച്ചുകൊണ്ട് ഇരുന്നു.. മായ അവളുടെ തോളിൽ കൈ വെച്ചു കൊണ്ടു ചോദിച്ചു..
""എന്താ അമ്മു നിനക്ക്.. ഇത്രയും നേരം തിരക്ക് കൂട്ടി ഒരുങ്ങിയ നിനക്ക് പെട്ടന്ന് എന്താ പറ്റിയത്.. ""
""കണ്ണാടിയിൽ വീണ്ടും വീണ്ടും നോക്കുമ്പോൾ എന്റെ സ്വപ്നങ്ങളിലെ പുരുഷൻ അല്ല വരുന്നത് എന്ന് മനസ് പറയും പോലെ..""
""ഞാൻ അറിയാതെ നിനക്ക് പ്രണയം ഒന്നും ഇണ്ടാവില്ല അതെനിക്ക് അറിയാം.. അതുകൊണ്ട് നിന്റെ സങ്കൽപം എന്താ ഒന്ന് കേൾക്കട്ടെ.. ""
""നിന്നോട് എത്രയോ തവണ ഞാൻ പറഞ്ഞിട്ടുണ്ട്.. അതെങ്ങനെയാ നിഖിലേട്ടന് മെസ്സേജ് അയച്ചോണ്ട് അല്ലെ എന്റെ സംസാരം കേൾക്കാൻ നിക്കാറു പിന്നെ അത് വല്ലതും കേൾക്കുവോ..""
""ഓഹ് സോറി നീ സങ്കല്പത്തിലേ ആളെ കുറിച്ച് പറ... ""
അമ്മു വിടർന്ന കണ്ണുകൾ കൊണ്ട് മായയെ ഒന്ന് നോക്കി ചിരിച്ചു.. എന്നിട്ട് ഒരു നാണത്തോടെ പറഞ്ഞു തുടങ്ങി...
""സിറ്റിയിൽ ഉള്ള പയ്യന്മാർ അവരെ എനിക്ക് ഇഷ്ടല്ല നമ്മുടെ നാട്ടിൻ പുറംകാരൻ ഒരാൾ.. കൃഷി ചെയ്തു ജീവിക്കുന്ന ഒരു പ്രാരാബ്ദക്കാരൻ.. ഒരുപാട് വിദ്യാഭ്യാസം ഇല്ലെങ്കിലും സാമാന്യം അറിവുള്ള ആൾ..""
""ന്റെ അമ്മു കൊള്ളാലോ കഴിഞ്ഞോ... ""
""ഇല്ല... പണം കൊണ്ടല്ലാതെ മനസു കൊണ്ട് എല്ലാം അളക്കുന്ന നാലൊരു വ്യക്തി.. ""
""മതി അമ്മു നിർത്തുന്നുണ്ടോ നീ.. അഥവാ അങ്ങനെ ഒരാളെ കെട്ടിയാൽ എങ്ങനെ ജീവിക്കും... ""
""അളവില്ലാത്ത സ്നേഹം മതി എനിക്ക്.. ""
""അല്ല അമ്മു അപ്പൊ മറ്റുള്ള പയ്യന്മാർ ഒക്കെ സ്നേഹം ഇല്ലാത്തവർ ആണെന്നാണോ നീ പറയുന്നത്.. ""
""അങ്ങനെ അല്ല.. ഇപ്പൊ പൊതുവെ എല്ലാ ആൺകുട്ടികൾക്കും തിരിച്ചും ഇതുപോലെ ഉള്ള സങ്കൽപം അല്ലെ.. ""
""അതിന്.. ""
""എനിക്കും അതുപോലെ.. ""
പുറത്ത് വണ്ടിയുടെ ശബ്ദം കേട്ട് അമ്മുവും മായയും ജനലിനരികിലേക്ക് ഓടി അത് വഴി പുറത്തേക്ക് നോക്കി..
""ആഹ് ഇതേ അമ്മു വന്ന് ട്ടോ നിന്റെ ചെക്കൻ... ""
""ഒന്ന് പോയെ മായേ.. ""
""നാണം വന്നോ പെണ്ണിന്... ""
കാറിൽ നിന്നും മൂന്ന് ചെക്കന്മാർ ഇറങ്ങി അച്ഛനും അമ്മാവനും അവരെ അകത്തേക്ക് കൂട്ടി കൊണ്ടു പോയി..
കുറച്ചു കഴിഞ്ഞു താഴെ നിന്നും അമ്മായിടെ മോള് വിളിക്കാൻ മുറിയിലേക്ക് വന്നു ..
""അമ്മു ചേച്ചി വിളിക്കണുണ്ട്.. താഴേക്ക് ചെല്ലാൻ ... ""
മായയും അമ്മുവും അടുക്കളയിൽ ചെന്ന് ചായയും പലഹാരവും എടുത്തു ചെക്കന്റെ അടുത്തേക്ക് നടന്നു..
""മോളെ അതാ പയ്യൻ ആദ്യം അവന് കൊടുക്ക്... ""
ബ്രോക്കർ നാണപ്പൻ ചേട്ടൻ പറഞ്ഞത് കേട്ട് അമ്മു ഇടതു വശത്തെ കസേരയിൽ ഇരിക്കുന്ന ആൾക്ക് നേരെ ചായ നീട്ടി കൊടുത്തു ട്രേയിൽ നിന്ന് അയാൾ ചായ ഗ്ലാസ് എടുത്തതും അവൾ അടുത്ത ആൾക്ക് നേരെ തിരിഞ്ഞു... നാണം കൊണ്ടോ എന്തോ അവൾക്ക് തല ഉയർത്തി അവനെ നോക്കാൻ കഴിഞ്ഞില്ല...
ചായ കൊടുത്തു കഴിഞ്ഞു മായയുടെ പുറകിൽ അവൾ നാണത്തോടെ ഒളിച്ചു..
""കുട്ട്യോൾക്ക് സംസാരിക്കണേൽ ആവാ ട്ടോ.. ""
വല്യമ്മാവൻ അത് പറഞ്ഞോന്നു ചിരിച്ചിട്ട് അവളെ നോക്കി.. അമ്മു മുകളിലേ മുറിയിലേക്ക് നടന്നു ... ചെക്കൻ മെല്ലെ എഴുന്നേറ്റ് അവളുടെ പിന്നാലെ നടന്നു...
മുറിയിൽ ജനൽ അഴിയിൽ പിടിച്ചു വിദൂരതയിൽ നോക്കി നിൽക്കുന്ന അമ്മുവിനെ അയാൾ വിളിച്ചു..
""ഹലോ.. അമൃത അതല്ലേ പേര്.. അമ്മു എന്ന് വിളിക്കും അല്ലെ ""
അവൾ അവനെ നോക്കി തലയാട്ടിയിട്ട് ഒന്ന് ചിരിച്ചു..
""എന്റെ പേര് അതുൽ.. ""
""മ്മ്... ""
""കുട്ടിയ്ക്ക് എന്നെ ഇഷ്ടായോ..""
കുറച്ചു നേരം അവൾ മൗനമായി അവനെ നോക്കിയിട്ട് പറഞ്ഞു..
""ഇഷ്ടായില്ല.. എന്റെ സങ്കൽപത്തിൽ ഉള്ള ആൾ ഇതല്ല.. എന്നോട് വിരോധം തോന്നരുത് എന്നെ ഇഷ്ടായില്ല എന്ന് പറയണം... ""
""എനിക്ക് ഇഷ്ടായി... എന്റെ സങ്കൽപം അതുപോലെ തന്നെ എന്റെ മുമ്പിൽ നിൽക്കും പോലെ.. . പക്ഷെ എനിക്ക് മാത്രം ഇഷ്ടായിട്ട് കാര്യം ഇല്ലല്ലോ.. ഓക്കെ ഫൈൻ.. ഞാൻ പറഞ്ഞോളാം..""
നിരാശയോടെ അവൻ കോണി പടികൾ ഇറങ്ങി നടന്നു.. എല്ലാവരുടെയും മുഖത്ത് കണ്ട സന്തോഷത്തിന്റെ അർത്ഥം മനസിലാക്കി അതുൽ പറഞ്ഞു..
""ഞാൻ വിളിക്കാം.. ഇറങ്ങട്ടെ.. ""
എല്ലാവരോടും യാത്ര പറഞ്ഞു അതുൽ ഇറങ്ങി..
വൈകിട്ട് അവൻ പറഞ്ഞത് പോലെ വിളിച്ചു..
ഫോൺ എടുത്തു അച്ഛൻ സംസാരിക്കുന്നത് കേട്ടതും അമ്മു ചെവി കൂർപ്പിച്ചു കൊണ്ടു അവിടെ ചുറ്റി പറ്റി നിന്നു...
അച്ഛൻ സന്തോഷം നിറഞ്ഞ മുഖവുമായി അമ്മുവിനെ വിളിച്ചു..
""മോളെ പയ്യന് നിന്നെ ഇഷ്ടായിന്ന്.. പെട്ടന്ന് ഇതങ്ങു നടത്താന്ന് പറഞ്ഞു... ""
അമ്മു രണ്ട് ഉണ്ടക്കണ്ണുകൾ പുറത്തു വരും വണ്ണം അച്ഛനെ നോക്കി..
""നീ കേട്ടോ അമ്മു.. ""
അമ്മു സ്വബോധം വീണ്ടെടുത്ത് അച്ഛന്റെ ഫോൺ വാങ്ങി മുറിയിലേക്ക് ഓടി ....
""ഓഹ് ഈ കുട്ടിയുടെ കാര്യം... ""
അമ്മുക്കുട്ടി...
ഭാഗം 2
അമ്മു മുറിയിൽ കയറി വാതിൽ കുറ്റിയിട്ട് അച്ഛൻ വിളിച്ച നമ്പറിൽ വിളിച്ചു..
"""ഹലോ.... എടോ ചതിയാ...""
അവളുടെ ശബ്ദം മനസിലായതും ഒരു കുസൃതി ചിരിയോടെ അവൻ പറഞ്ഞു.
""ഇതാരാ അമ്മുകുട്ടിയോ..""
""അല്ലടോ കരടികുട്ടി.. തനിക്ക് എന്നെ ശെരിക്ക് അറിയില്ല.. ചതിയാ.. കാട്ടുകള്ളാ...""
ഫോണിന്റെ മറുതലയ്ക്കൽ നിന്നും അതുൽ അവളോട് പറഞ്ഞു...
""എന്തൊരു ചൂടാഡോ ഒന്ന് കൂൾ ആവു...""
""എടാ മഹാപാപി തന്നോട് ഞാൻ പറഞ്ഞില്ലേ എനിക്ക് ഇഷ്ടല്ലാന്ന് പിന്നെ എന്തിനാ അച്ഛനോട് ഇഷ്ടായി പറഞ്ഞത്.. ""
""എനിക്ക് ഇഷ്ടായത് കൊണ്ട് അങ്ങനെ പറഞ്ഞു. .. നിനക്ക് എന്നെ ഇഷ്ടായില്ലെങ്കിൽ ഞാനാണോ പറയേണ്ടത് നീ അല്ലേടി കരടി കുട്ടി ...."
""ഡോ നിന്നെ ഞാൻ... ""
അമ്മു വഴക്ക് പറയാൻ വീണ്ടും ഒരുങ്ങവെ മുറിയുടെ വാതിലിൽ ആരോ മുട്ടുന്നത് കേട്ട് ഫോൺ കട്ട് ചെയ്ത് അവൾ വാതിലിന് അരികിലേക്ക് നടന്നു..
""മോളെ വാതിൽ തുറന്നെ.."".
""ആഹ് .. ഇതാ വരണു""
വാതിൽ തുറന്നതും മുമ്പിൽ അച്ഛൻ.. അവളുടെ നേരെ കൈ നീട്ടികൊണ്ട് ചോദിച്ചു
""മോളെ അച്ഛന് ഒന്ന് രണ്ട് ആളെ വിളിക്കാൻ ഉണ്ട് ഫോൺ തന്നെ...""
""മ്മ്.. ഇതാ.."".
അവൾ ഫോൺ കൊടുത്തിട്ട് മുഖം വീർപ്പിച്ചു വീണ്ടും മുറിയിലെ കട്ടിലിൽ ഇരുന്നു..
അച്ഛൻ നടന്നു പോകവേ തിരിഞ്ഞു നിന്ന് വീണ്ടും അവളെ വിളിച്ചു..
""മോളെ അമ്മു... മോന്റെ വിസിറ്റിംഗ് കാർഡ് താഴെ മേശയുടെ മുകളിൽ ഉണ്ട് നീ അതിൽ നമ്പർ ഉണ്ട് വിളിച്ചോ.. കല്യാണത്തിന് മുൻപ് ഫോണിൽ സംസാരിക്കുന്നത് അത്ര വല്യ തെറ്റൊന്നും അല്ല.. ""
"""അച്ഛാ.......... ""
അമ്മു ദേഷ്യം കൊണ്ട് അലറി അച്ഛൻ അവളെ മിഴിച്ചു നോക്കി.. എന്നിട്ട് ഒന്നും മിണ്ടാതെ താഴേക്ക് കോണി പടികൾ ഇറങ്ങി പോയി..
""ഈ അച്ഛൻ... എന്റെ ഭഗവതി ഞാൻ എങ്ങനെ പറഞ്ഞു മനസിലാക്കും അച്ഛനെ.. അച്ഛൻ ഒക്കെ ഉറപ്പിച്ച മട്ടാ...""
അമ്മു നഖം കടിച്ചുകൊണ്ട് കട്ടിലിൽ തന്നെ ഇരുന്നു.. കുറച്ചു നേരം ആലോചിച്ചിട്ട് അവൾ ഫോൺ എടുത്തു മായയെ വിളിച്ചു..
""ഹലോ മായേ എനിക്ക് അയാളെ ഇഷ്ടായില്ല.. ""
""ഒന്ന് പോടീ അമ്മു.. അയാൾക്ക് എന്താ കുറവ് നല്ല മൊഞ്ചൻ അല്ലെ...""
""എനിക്ക് ഇഷ്ടായില്ല.. ഇതൊന്ന് മുടക്കി താടി പ്ലീസ്..""
""അമ്മു നീ കളിക്കല്ലേ.. നിന്റെ അച്ഛന് അയാളെ ഇഷ്ടയില്ലേ പിന്നെ എന്താ.. ""
""അത് എന്റെ സങ്കൽപം...""
""സങ്കൽപം മാങ്ങാത്തൊലി... നീ വെച്ചിട്ട് പോ അമ്മു നിഖിൽ ഏട്ടൻ വിളിക്കാൻ സമയം ആയി.. ""
""മ്മ്... ""
അമ്മു ഒന്ന് മൂളിയിട്ട് കാൾ കട്ട് ചെയ്തു വീണ്ടും ആലോചന തുടങ്ങി...
""എന്നാലും അയാൾക്ക് എങ്ങനെ തോന്നി... ""
കൊറേ നേരത്തെ ആലോചനയിൽ നിന്നും തലയ്ക്ക് മുകളിൽ തെളിഞ്ഞ ബൾബുമായി അവൾ താഴേക്ക് ചെന്നു...
മേശയുടെ മുകളിൽ നിന്നും വിസിറ്റിംഗ് കാർഡ് എടുത്തു ഫോണിൽ നമ്പർ ഡയൽ ചെയ്തു...
ഒളിക്കണ്ണിട്ട് അച്ഛൻ ആ പരിസരത്ത് ഉണ്ടോ നോക്കി കാർഡ് തിരികെ മേശ മേൽ വെച്ച് അവൾ കോണി പടികൾ കയറി.. അപ്പോഴേക്കും അതുൽ ഫോൺ എടുത്തു...
""ഹലോ... ആരാ... ""
അമ്മു ശബ്ദത്തിന് കുറച്ചു കനം കൊടുത്തു കൊണ്ട് പറഞ്ഞു..
""ഇത് അതുൽ അല്ലെ.. ""
""അതേ ആരാ.. ""
""മോനോട് ഒരു പ്രധാനപെട്ട കാര്യം പറയാൻ വിളിച്ചതാ...""
""എന്ത്... ""
"''മോനിന്ന് കാണാൻ പോയ കുട്ടി ഇല്ലേ അമ്മു ആ പെണ്ണ് വളരെ മോശം കുട്ടിയാ.. നാട്ടിൽ പല കഥകളും കേൾക്കുന്നുണ്ട്... ""
""എന്ത് കഥ... ഒന്ന് കേൾക്കട്ടെ ""
""അവൾക്ക് ഒരുപാട് പയ്യന്മാരുമായി അടുപ്പം ഉണ്ട്.. പിന്നെ കള്ള് കുടിയും വലിയും ഒന്നും പറയണ്ട... വളരെ മോശം കുട്ടി... ഞാൻ മോന്റെ നന്മയ്ക്കു വേണ്ടി പറഞ്ഞതാ.. ഇനി ഒക്കെ മോന്റെ ഇഷ്ടം.. ആ കുട്ടിയെ അങ്ങ് വേണ്ടാന്ന് വെക്കുന്നതല്ലെ നല്ലത്... ""
""മ്മ് ഇത്രയും അറിഞ്ഞ സ്ഥിതിക്ക് എനിക്ക് ആലോചിക്കാൻ ഒന്നും ഇല്ല..
അവളെ ഞാൻ..""
അവൻ പറഞ്ഞു തീരും മുന്പേ അമ്മു ഫോൺ കയ്യിൽ പിടിച്ചു തുള്ളിചാടി എന്നിട്ട് നേരെ നിന്നു കൊണ്ട് പറഞ്ഞു..
""അവളെ ഒഴിവാക്കി എന്നല്ലേ നല്ല തീരുമാനം...""
""അയ്യോ അതല്ല അവളെ ഞാൻ എത്രയും വേഗം കെട്ടാൻ പോകുവാന്ന്...""
""അതെങ്ങനെ ശെരിയാവും.....'"
""അത് എനിക്ക് അങ്ങനെ ഒരു കുട്ടിയെ ആണ് വേണ്ടത്.. ""
""തനിക്ക് ഉളുപ്പില്ലേഡോ""
""ഇല്ലല്ലോ ""
അമ്മു ഫോൺ കട്ടിലിൽ എറിഞ്ഞു കണ്ണാടിയുടെ മുമ്പിൽ നിന്നു.. എന്നിട്ട് ദേഷ്യം നിറഞ്ഞ മുഖത്തു നോക്കി അവൾ പറഞ്ഞു...
""എന്തൊരു കാലമാടൻ ആണോ എന്തോ.. അയാൾക്ക് ഇത്രയും കേട്ടിട്ടും...""
""അമ്മു ...... ""
അച്ഛന്റെ വിളി കേട്ടുകൊണ്ട് അവൾ അടുക്കളയിലേക്ക് നടന്നു..
""മോളെ ചായ കുടിക്കണ്ടേ..".
""മ്മ്... ഞാൻ ചായ ഇടാം അച്ഛൻ ഇരിക്കു..""
അടുക്കളയിലെ മേശയുടെ മുമ്പിൽ കസേര നീക്കി വെച്ച് അയാൾ ഇരുന്നു..
""മോളെ അമ്മു... ""
""എന്തോയ്യ്""
""അമ്മ നമ്മളെ വിട്ട് പോയതിൽ പിന്നെ ഇത്രയും കാലം ജീവിച്ചത് നിനക്ക് വേണ്ടി മാത്ര.. അവൾക്ക് ഒന്നും കാണാൻ ഭാഗ്യം ഇല്ലാതെ പോയല്ലോ.. പിന്നെ മോളുടെ കല്യാണം കഴിഞ്ഞു വേണം അച്ഛന് ഒരു യാത്ര പോകാൻ..""
""ഇതേ കാർണോരെ ഒരുമാതിരി സെന്റി ഡയലോഗ് പറയല്ലേ അമ്മുന് ദേഷ്യം വരും...""
അയാൾ അവളെ നോക്കി ഒന്ന് ചിരിച്ചു.. അറിയാതെ ആ മിഴികളും നിറഞ്ഞു അവൾ കാണാതെ അയാൾ കണ്ണുകൾ തുടച്ചു.. അമ്മു ചായയും പലഹാരങ്ങളും മേശയിൽ വെച്ച് അവളും ഇരുന്നു...
""അച്ഛാ... ഞാൻ പോയാൽ എന്റെ അച്ഛൻ ഇവിടെ തനിച് എങ്ങനെ.. ""
""അതൊന്നും ഓർത്ത് ന്റെ മോള് സങ്കടാവണ്ട.. ""
""അച്ഛാ... എന്തിനാ കല്യാണം കഴിഞ്ഞു പെൺകുട്ടികൾ വീട് വിട്ട് പോകുന്നത്... ഞങ്ങൾ പെൺകുട്ടികൾ എന്തൊക്കെ നഷ്ടപെടുത്തിയാ മറ്റൊരു വീട്ടിൽ പോകുന്നത് അല്ലെ...""
അയാൾ അവൾക്ക് മറുപടി നൽകാതെ വേഗം ചായ കുടിച്ചിട്ട് പറഞ്ഞു..
""നീ ചായ കുടിച്ചിട്ട് അത്താഴം ഒരുക്കാൻ നോക്ക്.. എനിക്ക് പറമ്പിലെ തേങ്ങ വിറ്റ കണക്ക് നോക്കാനുണ്ട്..""
""മ്മ്... '""
അമ്മു ചായ കുടിച് ചപ്പാത്തി കുഴക്കാനുള്ള പൊടി എടുത്തു.. ആഹാരം എല്ലാം ഒരുക്കി മേശ മേൽ മൂടി വെച്ചിട്ട് അവൾ മുറിയിലേക്ക് കയറി..
കട്ടിലിൽ കിടന്ന് ചിലക്കുന്ന ഫോൺ എടുത്തു നോക്കി..
"""അതുലോ... അയാൾ ഇപ്പൊ എന്തിനാ വിളിക്കുന്നത്...""
അവൾ കാൾ എടുത്തു ഫോൺ
ചെവിയോട് ചേർത്തു വെച്ചു.. ശബ്ദം മാറ്റി ചോദിച്ചു..
""തീരുമാനം മാറ്റിയോ മോനെ... ""
""എടി കരടി കുട്ടി ശബ്ദം മാറ്റിയ ഞാൻ കണ്ട് പിടിക്കില്ലെന്ന് കരുതിയോ...""
അമ്മു ഉള്ളിലെ ചമ്മൽ മറച്ചു കൊണ്ട് പറഞ്ഞു..
""ഓഹ് വല്യ കാര്യായി പോയി.. ഇത്രയും നേരം വേണ്ടി വന്നില്ലേ കണ്ട് പിടിക്കാൻ.. ""
""ഡി പെണ്ണെ ഞാനൊരു കാര്യം പറഞ്ഞേക്കാം.."".
""ആഹ് പറഞ്ഞു തുലയ്ക്ക്..".
""ഐ റിയലി ലവ് യു.. ""
""എടോ... താൻ""
അമ്മുവിന്റെ ചുണ്ടുകൾ എന്തു കൊണ്ടോ വിറച്ചു അവൾക്ക് മറുപടി പറയാൻ കഴിഞ്ഞില്ല അവൾ ഫോൺ കട്ട് ചെയ്തു കട്ടിലിൽ അങ്ങനെ ഇരുന്നു... അപ്പോഴും അവളുടെ മനസ്സ് പറഞ്ഞു കൊണ്ടിരുന്നു ..
"""എനിക്ക് ഇഷ്ടല്ല.. എന്റെ സങ്കൽപം... ""
.....തുടരും......
അമ്മുക്കുട്ടി...
ഭാഗം 3...
""മനസ്സിന് ഇഷ്ടവാത്ത ആൾക്കൊപ്പം ജീവിക്കുന്നത് എങ്ങനെയാ.. ""
രാത്രി അത്താഴം കഴിക്കുമ്പോൾ മനസ്സിൽ മുഴുവൻ എങ്ങനെ കല്യാണം മുടക്കും എന്നായിരുന്നു...
""എന്താ അമ്മു ആലോചിച്ച് ഇരിക്കണത്.. വേഗം കഴിച്ചിട്ട് കിടക്കാൻ നോക്ക്.. ""
അമ്മു വേഗം ഭക്ഷണം കഴിച്ചു.. പാത്രവുമായി അടുക്കളയിലേക്ക് നടന്നു..
പാത്രം കഴുകി എല്ലാം ഒതുക്കി വെച്ച് അവൾ മുറിയിലേക്ക് നടന്നു...
മുറിയിൽ കയറി വാതിൽ അടച്ചു കുറ്റിയിട്ട് കിടക്കയിൽ മലർന്ന് കിടന്ന് വീണ്ടും ആലോചന തുടങ്ങി..
""ഒരു വഴിയും തെളിയുന്നില്ലല്ലോ ന്റെ ഭഗവതി.. ""
ആലോചനകൾ പരാജയത്തിൽ എത്തിയപ്പോൾ അവൾ എപ്പോഴോ മയങ്ങി.. രാവിലെ പതിവ് സമയം എഴുന്നേറ്റ് കുളിച്ചു ഭക്ഷണം ഒരുക്കി...
""അച്ഛാ ഞാനും മായയും അമ്പലത്തിൽ പോയിട്ട് വരാം ഒക്കെ ഒരുക്കി വെച്ചിട്ടുണ്ട്.. അച്ഛൻ എടുത്തു കഴിക്കണേ."".
""മ്മ്.. മോള് പോയിട്ട് വാ... ""
അമ്മുവിനെ കാത്ത് മായ ഉമ്മറത്ത് ഇരിക്കുന്നുണ്ടായിരുന്നു.. അവർ ഇരുവരും ഒരുമിച്ച് ഇറങ്ങി അമ്പലം ലക്ഷ്യമാക്കി നടന്നു...
""എടി മായേ..""
"നിർത്ത് അമ്മു.. കല്യാണം മുടക്കുന്ന കാര്യം ആണെങ്കിൽ പറയണം എന്നില്ല എനിക്ക് കേൾക്കണ്ട.. ""
അത് കേട്ടപ്പോൾ അമ്മു മായയെ നിഷ്കളങ്കമയോന്നു നോക്കിയിട്ട് ചിണുങ്ങികൊണ്ട് പറഞ്ഞു..
""മായേ.. എടി നീയല്ലേ എനിക്കുള്ളൂ ഞാൻ വേറെ ആരോട് പറയാനാ.. ""
""നീ അവനോട് പറ അതുലിനോട്.. ""
""ഞാൻ പറഞ്ഞു.. അപ്പൊ ആ കൊരങ്ങൻ പറയാ ഐ ലവ് യു ന്ന്.. ""
മായ കണ്ണു മിഴിച്ചു അമ്മുവിനെ നോക്കി എന്നിട്ട് ചിരിച്ചു...
""നീ എന്തിനാ കിണിക്കുന്നെ..""
""പിന്നെ ഞാൻ എന്ത് ചെയ്യാനാ.. ""
""എടി എന്റെ കയ്യിന്ന് പോയി.. ഒരു വഴി പറ.. ""
""ഇതേ അമ്പലം എത്തി.. ദേവിയോട് തന്നെ വഴി കാണിച്ചു തരാൻ പറ... ""
തൊഴാൻ കയറുന്നതിനു മുൻപ് ചെരുപ്പഴിച്ചു വെച്ച് കുളത്തിലേക്ക് കാലു കഴുകാൻ പടവിലേക്ക് ഇറങ്ങുമ്പോൾ മുമ്പിൽ അതുൽ കാലു കഴുകി കയറി വരുന്നു.. അമ്മു അവന് മുമ്പിൽ മുഖം വീർപ്പിച്ചു അങ്ങനെ നിന്നു...
അവൻ നിറഞ്ഞ ചിരിയോടെ അവളെ നോക്കി..
""ആരാ ഇത് കരടി കുട്ടിയോ.. അമ്പലത്തിലൊക്കെ വരാറുണ്ടോ.. ""
അമ്മു പല്ലു കടിച്ചു കൊണ്ട് അവന് മറുപടി കൊടുത്തു..
""എന്തെ എനിക്ക് വരാൻ പാടില്ലേ.. ""
""അതല്ല കുടിയും വലിയും ഉള്ള ആളല്ലേ അപ്പൊ സാധനം വാങ്ങാൻ പോകണ്ടേ.. ""
മായ ഒന്നും മനസിലാവാതെ അമ്മുവിന്റെ മുഖത്തു നോക്കി...
""കുടിയും വലിയൊ സാധനോ എന്ത്.. ""
അമ്മു ചമ്മിയ ചിരി കൊടുത്തു അവളിൽ നിന്നും മുഖം പിൻവലിച്ചു വീണ്ടും അവനെ നോക്കി...
""ഡോ വഴിന്ന് മാറിയേ.. ഓരോന്ന് പറഞ്ഞു ദേഷ്യം പിടിപ്പിക്കാനായിട്ട്.. ""
അമ്മു വേഗം അവനിൽ നിന്നും ഒഴിഞ്ഞു മാറി കുളത്തിലെ വെള്ളത്തിൽ കാലു നനച്ചു... അതുൽ രണ്ട് പടവുകൾ കയറി തിരിഞ്ഞു നിന്ന് അവളെ നോക്കി ...
""നിന്നെയും കൊണ്ടേ ഈ അതുൽ പോകു മോളെ.."".
അമ്മു കാലു കഴുകി തിരിഞ്ഞതും അവളെ നോക്കി നിക്കുന്ന അവനെയാണ് കണ്ടത്...
""എന്താടോ നോക്കി നിൽക്കുന്നത്... പോയില്ലേ ഇനിയും ""
""എന്തായാലും നിന്നെ അല്ല നോക്കുന്നത്... ""
അവൻ അവിടെ നിന്നും നടന്നു നീങ്ങവെ മായ അമ്മുവിനോട് ചോദിച്ചു...
"""എന്നാലും അമ്മു എന്താ അയാൾ അങ്ങനെ പറഞ്ഞത്..""
""അയാൾക്ക് വട്ടാ.. നീ വന്നേ മായേ.. ""
""അതല്ല അമ്മു.. ""
""ഒന്നും ഇല്ലേ നീ വാ... ""
അമ്പലത്തിൽ കയറി ഭഗവതിയുടെ മുമ്പിൽ കൈ കൂപ്പി നിന്ന് അവൾ പ്രാർത്ഥിച്ചു.. അതുൽ അവളുടെ ഇടതു വശത്തു നിന്ന് ഇടം കണ്ണിട്ട് അവളെ നോക്കി... മായ അമ്മുവിന്റെ തൊട്ട് പുറകിലായി ആയിരുന്നു നിന്നത്.. മായ അവരെ രണ്ടു പേരെയും നോക്കി ചുണ്ടിൽ ചിരി പൊഴിച്ചു... അവൾ മനസ്സിൽ പറഞ്ഞു...
""ഇയാൾ എന്റെ അമ്മുവിനേം കൊണ്ടേ പോകു..""
അമ്മു കണ്ണുകൾ തുറന്ന് വലം വെക്കാനായി നടന്നു മായയും പുറകിലായി അതുലും..
വലം വെക്കുമ്പോൾ മായ അമ്മുവിനോട് ചേർന്ന് നടന്നു പതിഞ്ഞ സ്വരത്തിൽ പറഞ്ഞു..
""അമ്മു എന്തായാലും നിങ്ങൾ രണ്ടാളും നല്ല ചേർച്ചയുണ്ട് ട്ടോ.. ""
"""ഇതേ മായേ അമ്പലം ആണെന്ന് നോക്കില്ല ഞാൻ.."".
""നീ എന്നെ കൊല്ലണ്ട ഞാനൊരു സത്യം പറഞ്ഞതല്ലേ... ""
""അവളുടെ സത്യം മിണ്ടരുത് നീ.. ""
പെട്ടന്ന് വലം വെച്ച് പ്രസാദം വാങ്ങി... അമ്മു നെറ്റിയിൽ തൊട്ടു.. അതുൽ അവളുടെ ഓരോ ചലനങ്ങളും കണ്ട് ആസ്വദിച്ചു..
അമ്പലത്തിൽ നിന്ന് ഇറങ്ങി നടക്കവെ അവൾ അവനോട് പറഞ്ഞു...
""എന്റെ പിന്നാലെ നടന്നു ശല്യം ചെയ്താ എന്റെ സ്വഭാവം മാറും ട്ടോ... ""
""ഒന്ന് പോടീ കരടി കുട്ടി... നിന്റെ പുറകെ വന്നാൽ എന്റെ കാർ ആരാ ഓടിക്കുന്നത്... വേണെങ്കിൽ കയറിക്കോ ഞാൻ കൊണ്ടു വിടാം... ""
""വേണ്ടാ... ""
അതുൽ കാറിൽ കയറി അവൾക്ക് അരികിലൂടെ പോയി.. കാറിന്റെ സൈഡ് മിററിലൂടെ അവളെ നോക്കി അവൻ പോയി... അമ്മു മുഖം വീർപ്പിച്ചു കാർ കണ്ണിൽ നിന്നും മായും വരെ നോക്കി നിന്നു..
""ടി അമ്മു.. എന്താ സൈലന്റ് ആയിപോയത്... ചമ്മിയതു കൊണ്ടാണോ... ""
""ഞാനൊന്നും ചമ്മിയില്ല.. അവൻ അവന് അറിയില്ല എന്നെ.. ""
""ഒന്ന് പോയെ അമ്മു ചിരിപ്പിക്കല്ലേ നീയ്യ്.. ""
അമ്മു ഒന്നും മിണ്ടാതെ നടന്നു.. മായയുടെ ഫോണിൽ നിഖിൽ വിളിച്ചതും അവൾ പിന്നെ അവനോട് സംസാരിക്കുന്ന തിരക്കായി.. അമ്മു വീട്ടിൽ എത്തും വരെ പൂവിനോടും പുൽകൊടിയോടും പരിഭവം പറഞ്ഞു നടന്നു..
വീട്ടിൽ എത്തിയതും അവൾ അച്ഛനോട് എല്ലാം തുറന്ന് പറയാം എന്ന് മനസ്സിൽ ഉറപ്പിച്ചു...
ഉമ്മറത്തു കയറിയതും അച്ഛനെ ഉറക്കെ വിളിച്ചു കൊണ്ട് ചാരി ഇട്ട വാതിൽ അവൾ തള്ളി തുറന്നു..
""അച്ഛാ.... അച്ഛാ.. ""
""എന്തിനാ കിടന്ന് കൂവുന്നത്..""
""അച്ഛൻ ഇതെങ്ങോട്ടാ ഒരുങ്ങിയിട്ട്... ""
""ഞാൻ വേഗം വരാം... വന്നിട്ട് കാര്യം പറയാം.. ഇപ്പൊ എന്റെ മോള് ഊണ് ഉണ്ടാകാനുള്ള പരുപാടി തുടങ്ങിക്കോ... ""
""എനിക്കൊരു കാര്യം പറയാൻ ഉണ്ടായിരുന്നു.. ""
""അതൊക്കെ വന്നിട്ട്... ""
മുറ്റത്ത് ഒരു കാർ വന്ന് നിർത്തിയ ശബ്ദം കേട്ടതും അച്ഛൻ വേഗം അച്ഛന്റെ കാലൻ കുട കയ്യിൽ എടുത്ത് കുഞ്ഞു ബാഗും എടുത്തു മുറ്റത്തെക്ക് നടന്നു പുറകെ അമ്മുവും...
""ഇത് അയാളുടെ കാർ അല്ലെ.. അച്ഛൻ ഇയാളുടെ കൂടെ എങ്ങോട്ടാ... ""
അയാൾ വേഗം കാറിന്റെ ഡോർ തുറന്ന് കയറി ഇരുന്നു..
""പോകാം മോനെ... ""
""മ്മ്.. ""
അതുൽ ഒന്ന് പുഞ്ചിരിച്ചിട്ട് മൂളി..
അമ്മു മുറിയിൽ കയറി വസ്ത്രം മാറി അടുക്കളയിൽ കയറി യുദ്ധം തുടങ്ങി..
പച്ചക്കറികൾ അറിഞ്ഞു കൊണ്ട് അവൾ തനിയെ സംസാരിച്ചു..
""അച്ഛൻ വന്നിട്ട് വേണം എല്ലാം പറയാൻ... അവന്റെ അഹങ്കാരം ഞാൻ മാറ്റി കൊടുക്കുന്നുണ്ട്.. കള്ള പന്നി.. കാട്ടുമാക്കാൻ .... ""
ഊണ് ഒരുക്കി അമ്മു അച്ഛന്റെ മുറിയിൽ കയറി അവിടെ ഉള്ള അലമാരയിൽ നിന്നും ഒരു പുസ്തകം എടുത്തുകൊണ്ട് അവളുടെ മുറിയിൽ കയറി...
കട്ടിലിൽ ഇരുന്ന് പുസ്തകം വായിച്ചു പകുതി ആയതും കാറിന്റെ ശബ്ദം കേട്ട് അവൾ ജനലിനരികിൽ ചെന്നു നോക്കി...
""ഓഹ് കാർണോർ വന്നോ.."".
അയാൾ പോകാൻ ഒരുങ്ങിയ അതുലിനെ നിർബന്ധിച്ചു അകത്തേക്ക് ക്ഷണിച്ചു..
""വാ മോനെ ഊണ് കഴിച്ചിട്ട് പോകാം.. ഇനി ഇത് വേറെ വീടായി കാണണ്ട... ""
അമ്മു അത് കണ്ടുകൊണ്ട് ദേഷ്യത്തോടെ താഴെയ്ക്ക് ചെന്നു...
""മോളെ അമ്മു... ""
""ഇതാ വന്നു...""
അമ്മു അവരെ രണ്ടാളെയും മാറി മാറി നോക്കി മുഖം ചുളിച്ചു...
""നോക്കി നിക്കാതെ ഭക്ഷണം എടുത്തു വെക്ക് മോളെ.. ""
""മ്മ്... ""
അമ്മു കടുപ്പത്തിൽ ഒന്ന് മൂളിയിട്ട് അടുക്കളയിൽ കയറി ഭക്ഷണം എല്ലാം മേശ മേൽ കൊണ്ടു വെച്ചു..
അച്ഛനും അതുലും കൈ കഴുകി വന്നിരുന്നു..
അവർക്ക് എല്ലാം വിളമ്പി കൊടുത്തിട്ട് അമ്മു അടുക്കളയിലേക്ക് ചെന്നു..
അപ്പോഴാണ് വീണ്ടും അച്ഛൻ അവളെ വിളിച്ചത്..
""മോളെ അമ്മു ആ കണ്ണിമാങ്ങ അച്ചാർ എടുത്തേ...""
""അച്ഛനോട് അച്ചാർ കഴിക്കരുത് പറഞ്ഞിട്ടില്ലേ..""
""എനിക്കല്ല മോനാ.. ""
""അയ്യടാ ഒരു മോൻ... ""
അമ്മു അച്ചാർ ഭരണി എടുത്തു ചെറിയ പാത്രത്തിൽ അത് വിളമ്പി അവന് കൊണ്ടു കൊടുക്കാൻ എടുത്തു നടന്നതും പെട്ടന്ന് നിന്ന് തിരികെ വന്നു അതിൽ കുറച്ചു കൂടി മുളക് പൊടി ഇട്ടു നന്നായി ഇളക്കി കൂടെ കുറച്ച് വിമ്മുo...
""ഇന്ന് നിന്റെ കാര്യം പോക്കാ മോനെ അതുലെ... ചീമ പന്നി.. ""
അമ്മു ഒരു ചിരിയോടെ അവനരികിൽ നിന്ന് പാത്രത്തിൽ ഒരു വശത്തായി അച്ചാർ വിളമ്പി..
""കഴിക്ക് ഏട്ടാ... ""
അവളുടെ ഭാവ മാറ്റം കണ്ട് അച്ഛനും അതുലും അത്ഭുതത്തോടെ അവളെ നോക്കി...
""കേട്ടോ മോളെ ഞങ്ങൾ കണിയാനെ കാണാൻ പോയതാ ജാതകം നോക്കി.. രണ്ട് ദിവസം കഴിഞ്ഞു നിശ്ചയം അത് കഴിഞ്ഞു ഒരു മാസം കഴിഞ്ഞു കല്യാണം അങ്ങനെയാ ഉറപ്പിച്ചത്..""
അമ്മു വാടിയ മുഖത്തോടെ എല്ലാം കേട്ടു.. അതുൽ അവളുടെ മുഖം ഭാവം നോക്കി ചിരിച്ചിട്ട് ഒരു കണ്ണിമാങ്ങാ എടുത്തു വായിൽ വച്ചതും അവന്റെ മുഖ ഭാവം മാറി..
""എന്താ മോനെ അച്ചാർ ഇഷ്ടയില്ലേ... പറമ്പിലെ കണ്ണിമാങ്ങായാ ""
അതുൽ ആ മാങ്ങാ വിഴുങ്ങിയിട്ട് ഗ്ലാസിലെ വെള്ളം വായിൽ കമഴ്ത്തി..
"'"ഇല്ല അച്ഛാ നന്നായിട്ട് ഉണ്ട്""
എന്നിട്ട് അവളെ കലിപ്പോടെ ഒന്ന് നോക്കി അവൾ അവനെ നോക്കി മുഴുവൻ പല്ലും കാണിച്ചു കൊണ്ട് ഇളിച്ചു..
അവൻ പെട്ടന്ന് ഭക്ഷണം കഴിച്ചു എഴുന്നേറ്റ് അവന്റെ പുറകെ അമ്മുവും ചെന്നു കൈ കഴുകാൻ ഒരുങ്ങവെ വയറിൽ ഒരു അസ്വസ്ഥത തോന്നി...
""ടി കരടി കുട്ടി ടോയ്ലറ്റ് എവിടെയാ... ""
""എന്തിനാ... ""
""നിന്റെ അമ്മാവനെ കെട്ടിക്കാൻ ഒന്ന് പറയെടി.."".
അവൾ നേരെ ചൂണ്ടി കാണിച്ചു ചിരിച്ചു..
ഇത് കണ്ടു കൊണ്ട് വന്ന അച്ഛൻ അവളെ തുറിച്ചു നോക്കി... അവൾ വേഗം അവിടുന്ന് അടുക്കളയിലേക്ക് പോയി..
സമയം ഒരുപാട് കഴിഞ്ഞതും അതുൽ യുദ്ധം കഴിഞ്ഞു അവശനായവനെ പോലെ അകത്തു മുറിയിൽ ഇരുന്നു..
"""മോനെ അവൾ ഒരു കുറുമ്പിയാ... ഒന്ന് ഷെമിക്ക്..
അവളെ ഇന്ന് ഞാൻ... ""
അതുൽ അച്ഛന്റെ കൈ പിടിച്ചു തടഞ്ഞു...
""സാരമില്ല.. ""
""മോനിന്ന് പോകണ്ട.. വിരോധം ഇല്ലെങ്കിൽ ഇവിടെ കിടന്നോ... ""
അതുൽ തിരിച്ചു അവൾക്ക് എന്ത് പണി കൊടുക്കും എന്ന് ആലോചിച്ചു അവിടെ കിടന്നു..
രാത്രി ഊണ് കഴിക്കുമ്പോൾ അവൾ അവനെ നോക്കി കളിയാക്കി ചിരിച്ചു കൊണ്ടിരുന്നു...
""എടി ഭൂതനെ നിനക്ക് ഞാൻ വെച്ചിട്ടുണ്ട്.. ഇച്ചിരി നേരം കൂടി കഴിയട്ടെ.. ""
അതുൽ അവളെ നോക്കി മനസ്സിൽ പറഞ്ഞു.. സമയം നിരങ്ങി നീങ്ങി ഒടുവിൽ രാത്രി ആയി.. എല്ലാവരും കിടന്ന നേരം അച്ഛൻ ഉറങ്ങി എന്ന് ഉറപ്പ് വരുത്തി അതുൽ കോണി പടികൾ കയറി അവളുടെ മുറിയുടെ മുമ്പിൽ എത്തി..
തുടരും....
അമ്മുക്കുട്ടി ....
ഭാഗം 4...
അമ്മുവിന്റെ മുറിയുടെ മുമ്പിൽ കുറച്ചു സമയം നിന്നിട്ട് അതുൽ തിരികെ കോണി പടികൾ ഇറങ്ങി മുറിയിൽ എത്തി കിടക്കയിൽ കിടന്നു..
"""വേണ്ടാ ഒരുപാട് ചീപ്പ് ആയി പോകും... നാളെ രാവിലെ അവൾക്ക് ഇട്ടു പണി കൊടുക്കാം..""
അതുൽ ഫോൺ എടുത്ത് അവളുടെ ഫോട്ടോയിൽ നോക്കി..
""കഴിഞ്ഞ രണ്ട് മസായിട്ട് ഈ മൊതലിനെ ആണല്ലോ ഞാൻ പ്രേമിച്ചതെന്റെ ഭഗവാനെ..""
അവൻ ഒരു ചിരിയോടെ ആദ്യമായി അവളെ കണ്ട നാൾ ഓർത്തു..
അതുലിന്റെ അമ്മയുടെ പിറന്നാൾ ദിവസം അന്നദാനത്തിനു അമ്പലത്തിൽ സദ്യ വട്ടം ഒരുക്കുന്ന ദിവസം അമ്മയുടെ കൈ കൊണ്ട് തന്നെ വരുന്നവർക്ക് വിളമ്പി കൊടുക്കണം അതൊരു നേർച്ച പോലെ അമ്മ വർഷാ വർഷം ചെയ്യും അന്ന് അമ്പലത്തിൽ വലം വെച്ച് ഇറങ്ങിയ ആ ദാവണിക്കാരി പെൺകൊടി എന്തോ അവന് വല്ലാതെ ബോധിച്ചു ... അവളെ നോക്കി നിൽക്കുന്ന അതുലിനെ അമ്മ വിളിച്ചു..
""ആരെയാ നോക്കി നിക്കണത് കുട്ടാ... ""
""അത് അമ്മേ... ഒന്നുല്ലാ... ""
ഉച്ചയ്ക്ക് അന്നദാനം എല്ലാർക്കും വിളമ്പുമ്പോൾ അവളും ഉണ്ടായിരുന്നു... അതുൽ അവൾക്കായി സാമ്പാർ വിളമ്പാൻ അരികിൽ ചെന്നതും അവൾ വിടർന്ന കണ്ണുകൾ കൊണ്ട് അവനെ നോക്കി..
കരിമഷി കറുപ്പുള്ള ആ മിഴികളുകളുടെ നോട്ടം അവന്റെ നെഞ്ചിൽ തുളച്ചു കയറി....
അവളോട് നേരിട്ട് പറയാതെ ഒരു കല്യാണ ആലോചനയായി അവളുടെ അടുത്ത് എത്തി.. പക്ഷെ ഇഷ്ടമല്ലെന്ന് പറഞ്ഞപ്പോൾ തകർന്നു പോയി..
ആർക്കും അവളെ വിട്ട് കൊടുക്കാനും മനസു വന്നില്ല പിന്നീട് അവളുടെ ദേഷ്യം നിറഞ്ഞ സംസാരവും കുറുമ്പും അവൻ ആസ്വദിച്ചു...
പക്ഷെ ഇന്ന് ആ കുറുമ്പ് കുറച്ച് കൂടുതൽ ആണ്. ..
തന്റെ ആദ്യ പ്രണയത്തിന്റെ ഓർമകളെ തലോലിച്ചു കൊണ്ട് അതുൽ ഉറക്കത്തിലേക്ക് വീണു...
""മോനെ എണീക്ക്... ""
രാവിലെ അച്ഛൻ തട്ടി വിളിച്ചതും അവൻ എഴുന്നേറ്റ് കട്ടിലിൽ ഇരുന്നു...
""ഇപ്പൊ വയറിന്റെ അസുഖം ഒക്കെ മാറിയില്ലേ... ""
അതുൽ നല്ലൊരു ചമ്മിയ ചിരി പാസ്സാക്കിയിട്ട് മാറി എന്ന് പറഞ്ഞു..
"'എന്നാ പല്ലൊക്കെ തേച് കുളിച്ചിട്ട് വാ.. ചായ എടുത്തു വെക്കാം... ""
""അയ്യോ വീണ്ടും പരീക്ഷണം..
വേണ്ട ചായ കുടിക്കാൻ സമയം ഇല്ല.. ഇന്ന് ഓഫീസിൽ അര്ജന്റ് മീറ്റിംഗ് ഉണ്ട്...""
അവൻ പറയുന്നത് മുറിയുടെ പുറത്ത് നിന്ന് കേട്ടിട്ട് അമ്മു ചിരിക്കുന്നുണ്ട്...
അത് കണ്ടതും അച്ഛൻ അവളെ സൂക്ഷിച്ചു നോക്കി...
""അമ്മു.... അടുക്കളയിൽ പോയെ... ""
അമ്മു ചിരി നിർത്തി അടുക്കളയിലേക്ക് പോയി...
""മോനെ അവൾ ഇന്നലെ..."".
""അത് സാരമില്ല.. ഒരു തമാശയ്ക്ക് ചെയ്തതാവും.. അമ്മ അറിയില്ല ഞാൻ ഇവിടെ ഉണ്ടെന്ന് അറിഞ്ഞാൽ നല്ല പോലെ കേൾക്കാം കല്യാണത്തിന് മുൻപ്...""
""ഒക്കെ അവളുടെ കുരുത്തക്കേട് കാരണ.. മോൻ എന്തായാലും പോകാൻ നോക്കിക്കോ.. ""
""മ്മ്... ""
അതുൽ കട്ടിലിൽ നിന്നും എഴുന്നേറ്റ് കുളിമുറിയിൽ കയറി... പെട്ടന്ന് ഒരുങ്ങി പോകാൻ ഇറങ്ങി...
""അച്ഛാ... ഞാനെന്നാൽ ഇറങ്ങായി... ""
അമ്മു പുറകിൽ നിന്നും വിളിച്ചു പറഞ്ഞു...
""ഹലോ സാറെ വിമ് ഇട്ട ചായ കുടിച്ചിട്ട് പോകാം..""
""നീ പോടീ കരടി കുട്ടി... ""
അതുൽ കാറിൽ കയറി പോയതും അച്ഛൻ അവളുടെ മുമ്പിൽ നിന്നു അവളുടെ മുഖം അടച്ചോന്ന് കൊടുത്തു.. അമ്മു കവിളിൽ കൈ വെച്ച് നിറ കണ്ണുകളോടെ അയാളെ നോക്കി...
""നിന്റെ കുരുത്തക്കേട് കുറച്ചു കൂടുതലാ .."".
""അച്ഛാ അത്... ""
""മിണ്ടരുത് നീ... അമ്മ ഇല്ലെന്ന് കരുതി ഞാൻ വല്ലാതെ വഷളാക്കി നിന്നെ.. അവനോട് ക്ഷമ പോലും ചോദിക്കാനുള്ള മര്യാദ നിനക്ക് ഇല്ലാതെ പോയി.. ""
അമ്മു കരഞ്ഞു കൊണ്ട് മുറിയിലേക്ക് ഓടി.. കിടക്കയിൽ കമഴ്ന്നു വീണു കൊണ്ട് അവൾ കരഞ്ഞു... കുറച്ച് കഴിഞ്ഞു എഴുന്നേറ്റ് ഇരുന്ന് നഖം കടിച്ചു കൊണ്ട് പറഞ്ഞു...
""ആ ദുഷ്ടൻ കാരണം ആദ്യയിട്ട് അച്ഛൻ എന്നെ അടിച്ചു... എന്റെ ഭഗവാനെ എങ്ങനെ അയാളുടെ കൂടെ ഞാൻ ജീവിക്കും... നോക്കിക്കോ ടാ നിന്നെ സമാധാനായി ജീവിക്കാൻ ഞാൻ വിടില്ല.. ""
അമ്മു അവനെ ക്രൂഷിക്കാൻ ഉള്ളതെല്ലാം ആലോചിച്ചു കണ്ട് പിടിക്കുമ്പോൾ അതുൽ അവന്റെ വീട്ടിൽ എത്തി കാർ നിർത്തി കാറിൽ നിന്നും ഇറങ്ങി.. കാറിന്റെ ശബ്ദം കേട്ടുകൊണ്ട് അമ്മ ഉമ്മറത്തു വന്നു...
""കുട്ടാ നീ ഇന്നലെ എവിടെയായിരുന്നു...""
""അമ്മേ ഞാൻ വിളിച്ചു പറഞ്ഞതല്ലെ ആദർശിന്റെ വീട്ടിൽ... ""
""മ്മ്.. അകത്തേക്ക് കയറി വാ എന്റെ മോൻ... ""
അമ്മയുടെ വിളിയിൽ വശ പിശക് തോന്നി അവൻ പയ്യെ അമ്മയുടെ പിന്നാലെ അകത്തേക്ക് കയറി... അകത്ത് എത്തിയതും അവന്റെ ഒന്ന് ഞെട്ടിയിട്ട് അമ്മയെ നോക്കി പല്ല് മുഴുവൻ കാണിച്ച് അസ്സല് ചിരി നൽകിയിട്ട് പറഞ്ഞു...
""അമ്മേ ആദർശ്... ഇവിടെ എപ്പോ ""
ആദർശ് മേശയുടെ മുമ്പിൽ ഇരുന്ന് ഇഡ്ഡലിയും സാമ്പാറും വായിൽ തള്ളി കയറ്റുന്ന തിരക്കിൽ ആണ്.. അതിനിടയിൽ അവൻ അതുലിനെ നോക്കി...
""ആഹ് അളിയൻ വന്നോ... നീ എവിടെ ആയിരുന്നു.. ""
""അത് പിന്നെ.... ""
അവനെ നോക്കി അതുൽ പിറുപിറുത്തു...
""കാലമാടൻ വന്ന ദിവസം കൊള്ളാം.. അതും ഇത്രയും നേരത്തെ.. ""
""എന്താടാ കുട്ടാ നോക്കി നിക്കുന്നത്.. അവനോട് പറ അമ്മേന്റെ പുന്നാര മോൻ എവിടെ ആയിരുന്നു ഇന്നലെന്ന്.. ""
""അതമ്മേ ഞാൻ ഓഫീസിൽ ആയിരുന്നു.. ഒരു വർക്ക് ഉണ്ടായിരുന്നു.. ""
""അതിന് ഇന്നലെ നീ ലീവ് അല്ലെ.. കല്യാണ തിയ്യതി കുറിക്കാൻ പോയതല്ലേ.. ""
""അമ്മേ ഞാൻ... ""
""നിന്ന് വിയർക്കണ്ട.. രാമൻ നായർ അമ്മുവിന്റെ അച്ഛൻ എന്നെ വിളിച്ചിരുന്നു.. ""
അതുൽ ഒന്നും മിണ്ടാതെ മേശയുടെ അരികിൽ ചെന്നു പാത്രങ്ങൾ ഓരോന്നും തുറന്ന് നോക്കി..
""അമ്മേ ചമ്മന്തി പൊടി ഇല്ലേ.. ""
സാമ്പാർ കൂട്ടി കഴിച്ച നിനക്ക് ഇറങ്ങില്ലെ..
""എന്റമ്മോ ഞാൻ ഒന്നും പറഞ്ഞില്ല.. ""
""അളിയാ നല്ല സാമ്പാർ ആഹ് നീ കഴിക്ക്.. ""
""ഞാൻ കഴിച്ചോളാം.. അളിയൻ കുറച്ച് വെള്ളം കൂടി കുടിക്ക് ഇല്ലെങ്കിൽ ചത്തു പോകും.. ""
ആദർശ് അവനെ നോക്കി ചിരിച്ചിട്ട് വീണ്ടും തന്റെ പ്രവർത്തിയിൽ മുഴുകി..
അതുൽ ഭക്ഷണം കഴിച്ചു കഴിഞ്ഞു.. മുറിയിലേക്ക് നടന്നു.. കൂടെ ആദർശും..
"""ടാ അളിയാ ഞാൻ അറിഞ്ഞു..""
""എന്ത്... ""
"""നീ ഇന്നലെ അവളുടെ വീട്ടിൽ ആയിരുന്നു അല്ലെ... എന്നിട്ട് അവള് വല്ലോം തന്നോ.. ""
""അഹ് തന്നത് മുഴുവൻ അവിടെ കളഞ്ഞിട്ടാ വന്നത്..""
""അത് മോശായി പോയി... ""
അതുൽ അവന് മറുപടി കൊടുക്കാതെ അവനെ നോക്കിയിട്ട് മനസ്സിൽ പറഞ്ഞു..
""ഓഹ് ഇവനെ ഞാൻ... ""
എന്നിട്ട് ഫോൺ എടുത്ത് ആരുടെയൊക്കെയോ സ്റ്റാറ്റസ് നോക്കി വെറുതെ ഇരുന്നു...
""അളിയാ പറ.. ""
""എടാ നിനക്ക് എന്താ വേണ്ടത്.. ""
""ഇന്നലെ ഉണ്ടായതു പറ... ""
"" ഒന്ന് പോയെ നീ..
ആദർശ് മുഖം ചുളിച്ച് അവന്റെ ഫോൺ എടുത്തു അതിൽ തല പൂഴ്ത്തി ഇരുന്നു...
അതുലിന്റെ മനസ്സിൽ ഒരു ചിന്ത മാത്രമേ ഉണ്ടായിരുന്നുള്ളൂ..
""ആ കാന്താരിക്ക് എങ്ങനെ പണി കൊടുക്കാം"" എന്ന്..
ആലോചന മൂർധന്യവസ്ഥയിൽ എത്തിയതും അവൻ മയങ്ങി പോയി... നേരം അങ്ങനെ ഓരോന്ന് ചിന്തയിൽ പോയി.. രണ്ടു ദിവസം കഴിഞ്ഞു നിശ്ചയം ആയി... എല്ലാരും ഓരോ തിരക്കിൽ.. പെണ്ണിന്റെ വീട്ടിൽ ആയിരുന്നു പരുപാടി... അതുൽ അമ്മയും വേണ്ടപെട്ടവരും ആയി അവിടെ എത്തി..
അമ്മു അണിഞ്ഞു ഒരുങ്ങി എല്ലാവരുടെയും മുമ്പിലേക്ക് വന്നു.. അവളിൽ നിന്ന് കണ്ണ് എടുക്കാതെ അതുൽ അവളെ നോക്കി..
അത് കണ്ട് ആദർശ് അവന്റെ കയ്യിൽ നുള്ളി..
""എന്താടാ... ""
"""വാ അടച്ചു വെച്ച് നോക്കെടാ.. ""
""ഓ... ""
""മ്മ്.. ""
അവർ ഇരുവരും പരസ്പരം മോതിരം മാറി എല്ലാവരെയും നോക്കി ചിരിച്ചു..
""ജാനകി മക്കൾ നല്ല ചേർച്ച ഉണ്ടല്ലേ... ""
അവരെ കണ്ടിട്ട് അതുലിന്റെ അമ്മയോട് അവരുടെ സഹോദരി പറഞ്ഞു..
""മ്മ്... രാമനും സീതയും പോലെ.. ""
""കണ്ണ് കിട്ടും കുട്ട്യോൾക്ക്.. ""
അത്രയും പറഞ്ഞിട്ട് അവർ അവരെ വിണ്ടും നോക്കി.. സദ്യ കഴിഞ്ഞു.. എല്ലാവരും തിരികെ പോയി.. അമ്മയെ വീട്ടിൽ കൊണ്ടു വിട്ടിട്ട് ഫോൺ മറന്നു എന്ന് പറഞ്ഞു അതുൽ തിരികെ അവളുടെ വീട്ടിലേക്ക് പോയി... അമ്മ അവനെ ഒരു സംശയത്തോടെ നോക്കി അവനൊന്നു കണ്ണിറുക്കി കാണിച്ചു വേഗം കാർ തിരിച്ചു... അച്ഛൻ പന്തലുകാർക്ക് പൈസ കൊടുത്തു കണക്കു പറയുന്ന തിരക്കാണ് അതുൽ വഴി അരികിൽ വണ്ടി നിർത്തി അച്ഛന്റെ കണ്ണ് വെട്ടിച്ചു അകത്തു കയറി...
അമ്മു മുറിയിൽ കയറി സാരി മാറാൻ ഒരുങ്ങവെ..
വാതിലിൽ ആരോ മുട്ടുന്ന ശബ്ദം കേട്ടു വാതിൽ തുറന്നു അതുലിനെ പ്രതീക്ഷിക്കാതെ കണ്ടപ്പോൾ അവളൊന്നു ഞെട്ടി...
അവളെ ഉള്ളിലേക്ക് പതിയെ തള്ളിയിട്ട് അവൻ വാതിൽ കുറ്റിയിട്ടു..
""ഡോ വാതിൽ തുറക്ക് പുറത്ത് ഇറങ്ങു... ""
""ടി കരടി കുട്ടി... ""
അവൻ ഇടതു കൈ കൊണ്ട് അവളെ ചുറ്റി പിടിച്ചിട്ട് അവളുടെ വലതു കൈ കൊണ്ട് വായ പൊത്തി പിടിച്ചു...
""നിനക്ക് ഒരു സമ്മാനം തരാൻ വന്നതാ തന്നിട്ട് പൊയ്ക്കോളാം... ""
അവൾ അവനെ തുറിച്ചു നോക്കി...
""ഇങ്ങനെ നോക്കല്ലേടി ഉണ്ടക്കണ്ണി.. സഹിക്കാൻ വയ്യ..
നിനക്ക് എന്ത് പണി തരണം എന്നാലോചിച്ചു രണ്ട് ദിവസം ഞാൻ ഉറങ്ങിയില്ല.. എന്തോ നിന്നെ വേദനിപ്പിക്കാൻ എനിക്ക് കഴിയില്ല... പകരം ഈ സമ്മാനം നീ വാങ്ങണം.. ""
അവൻ അവളെ അവനിലേക്ക് ചേർത്തു നിർത്തി അവളുടെ ചുണ്ടുകൾ സ്വന്തമാക്കി...
അമ്മു അവനിൽ നിന്നും മാറാൻ ശ്രെമിച്ചു ഒടുവിൽ കണ്ണുകൾ ഇറുക്കി അടച്ചു നിന്നു.. അവൻ അവളെ പതിയെ വിട്ടിട്ട് മുറിയിൽ നിന്നും ഇറങ്ങി.. അമ്മു ദേഷ്യത്തോടെ കട്ടിലിൽ ഇരുന്നു.. അവളുടെ കണ്ണുകൾ നിറഞ്ഞു.. പല്ല് കടിച്ചു കൊണ്ട് അവൾ വാതിലേക്ക് നോക്കി...
അതുൽ നിറഞ്ഞ ചിരിയോടെ അവിടെ നിന്നും ഇറങ്ങി.. അച്ഛൻ കാണാതെ കാറിന്റെ അടുത്ത് എത്തി.. കാറിൽ കയറി സ്റ്റാർട്ട് ചെയ്തതും മുമ്പിൽ അച്ഛൻ നിൽക്കുന്നു...
തുടരും....
അമ്മുക്കുട്ടി...
ഭാഗം 5
""അച്ഛൻ...""
അയാൾ കാറിനു അടുത്തേക്ക് പോയതും അതുൽ കാറിന്റെ സൈഡ് ഗ്ലാസ് താഴ്ത്തി അച്ഛനെ നോക്കി... അച്ഛൻ അവന്റെ അരികിൽ ചെന്നിട്ട് ചോദിച്ചു...
""എന്താ മോനെ... ഇങ്ങോട്ട് വന്നതാണോ.... ""
""ഓഹ് ഭാഗ്യം അച്ഛൻ ഉള്ളിൽ കയറിയത് കണ്ടില്ലെന്ന് തോന്നണു... ""
""എന്താ ആലോചിക്കണേ.""
""അത് ഞാൻ ഫ്രണ്ടിന് ഒരു ഗിഫ്റ്റ് കൊടുക്കാൻ വന്നതാ അവന്റെ എൻഗേജ്മെന്റും ഇന്നായിരുന്നു... എന്നിട്ട് പോയി വരണ വഴി ഇങ്ങോട്ട് കയറി""
""ആഹ്.. അതേതായാലും നന്നായി തിരക്കിലും മറക്കാതെ അതും ഇന്ന് തന്നെ പോയില്ലേ ഫ്രണ്ടിന് സന്തോഷം ആയിട്ടുണ്ടാകും""
""ആ ഭൂതനയുടെ മുഖം കണ്ടിട്ട് സന്തോഷം അവൾക്ക് ഗിഫ്റ്റ് കിട്ടിയ സന്തോഷം ഒന്നുല്ലല്ലോ""
അതുൽ വീണ്ടും ആലോചനയിൽ വീണു..
""മ്മ് എന്നാ ശെരി മോൻ വീട്ടിലേക്ക് പൊയ്ക്കോ.. അച്ഛൻ ഇച്ചിരി തിരക്കാ.. കല്യാണത്തിന് അധിക ദിവസോന്നും ഇല്ലല്ലോ...""
""മ്മ്.. എന്നാ ശെരി അച്ഛാ....""
അതുൽ ഒരു കള്ള ചിരിയോടെ കാർ എടുത്തു വീട്ടിലേക്ക് കുതിച്ചു.. അച്ഛൻ വീട്ടിൽ കയറി.. കൂജയിലെ തണുത്ത വെള്ളം എടുത്തു കുടിച്ചിട്ട് അമ്മുവിനെ വിളിച്ചു..
""മോളെ അമ്മു.. ""
""എന്തോ...""
""ഒന്ന് താഴേക്ക് വന്നേ..""
അമ്മു കോണി പടികൾ ഇറങ്ങി അച്ഛന്റെ അരികിൽ ചെന്നു നിന്നു..
""മോളെ ലീല ഏടത്തിയെ ഒന്ന് പിന്നാംപുറത്ത് ജോലിക്ക് സഹായിക്കു.. പണി കഴിഞ്ഞില്ല.. സന്ധ്യ അവറായില്ലെ വിളക്ക് വെക്കുന്നെന് മുൻപ് ആവട്ടെ..""
""മ്മ് ശെരി അച്ഛാ..""
അമ്മു അടുക്കളയിലേക്ക് നടക്കവേ വീണ്ടും അവളെ വിളിച്ചു...
""അമ്മു... നീ വസ്ത്രം മാറിയില്ലല്ലോ.. ചെല്ല് ഇതൊക്കെ മാറിയിട്ട് മതി..""
"മ്മ്..""
അമ്മു ഒന്ന് മൃദുവായി മൂളിയിട്ട് മുറിയിലേക്ക് പോയി.. അയാൾ ഓരോ ജോലികളിൽ ശ്രെദ്ധിച്ചു..
അമ്മു മുറിയിൽ എത്തി.. വാതിൽ അടച്ചു കണ്ണാടിയുടെ മുമ്പിലായി നിന്നു.. മെല്ലെ ചുണ്ടിൽ തൊട്ടു.. ദേഷ്യം കൊണ്ട് അവൾക്ക് അലറാൻ തോന്നി... അവൾ അലമാര തുറന്ന് വസ്ത്രം എടുത്തു എല്ലാം മാറിയിട്ട് താഴേക്ക് ചെന്നു ജോലികൾ തീർക്കാനുള്ള തിരക്കായി..
അതുൽ വീട്ടിൽ എത്തിയതും കാർ പോർച്ചിൽ നിർത്തി കാറിൽ നിന്നും ഇറങ്ങി കീ ചെയിൻ വിരലിൽ ഇട്ട് കറക്കി ചിരിച്ചു കൊണ്ട് അകത്തേക്ക് കയറാൻ ഒരുങ്ങവേ ആദർശ് കൈ കെട്ടി വാതിൽ പടി മുകളിൽ നിന്നുകൊണ്ട് അവനെ നോക്കി...
""സത്യം പറ ടാ... എങ്ങോട്ട് പോയതാ.. ""
""അത് പിന്നെ.. ഞാൻ..""
""നിന്ന് പരുങ്ങണ്ട.. കൊടുത്തല്ലേ കൊച്ചു കള്ളാ.""
അതുൽ നാണത്തോടെ ഒന്ന് ചിരിച്ചു കൊണ്ട് അതേ എന്ന അർത്ഥത്തിൽ തലയാട്ടി ...
പിറ്റേന്ന് അതുൽ കല്യാണം വിളിക്കാനുള്ള പരുപാടികൾക്ക് മാറ്റി വെച്ചു അമ്മയുടെ ഒപ്പം വേണ്ടപ്പെട്ടവരുടെ വീട്ടിലേക്ക് പിന്നെ ആദർശിന്റെ കൂടെ സുഹൃത്തുക്കളുടെ അടുത്തും.. അമ്മു ഒന്നിനോടും ഉത്സാഹം കാണിക്കാതെ ഒരേ ഇരിപ്പായിരുന്നു...
അടുക്കളയിലെ ബെഞ്ചിൽ ഇരുന്ന് ആലോചിക്കുന്ന അവളെ പെട്ടന്ന് അച്ഛൻ തോളിൽ തൊട്ട് വിളിച്ചു.. അവൾ ഞെട്ടി അച്ഛനെ നോക്കി..
""അമ്മു ...""
""പേടിച്ചു പോയല്ലോ അച്ഛാ..""
""മനസ്സ് ഇവിടെ ഒന്നും അല്ലല്ലോ അമ്മു...""
""അങ്ങനെ ഒന്നും ഇല്ല... അയാൾ.. ""
""നീ മോനെ ആണോ അയാൾ എന്ന് ഉദ്ദേശിച്ചത്.. ഏട്ടൻ എന്ന് വിളിക്ക്.. ബഹുമാനം ഇല്ലാതെ വിളിക്കുന്നോ അടിച്ചു കരണം പൊളിക്കും ഞാൻ...""
അമ്മു.. പല്ലുകൾ കടിച്ചു കൊണ്ട് ദേഷ്യത്തിൽ മൗനമായി നിന്നു...
""ഇനി അങ്ങനെ വിളിക്കരുത് കേട്ടോ... ""
""ഇല്ല അച്ഛാ... ""
""അച്ഛൻ ഒന്ന് പുറത്ത് പോകുവാ.. ക്ഷണക്കത്ത് അടിച്ചു വെച്ചിട്ടുണ്ട് നാരായൺ ഇപ്പൊ വിളിച്ചു.. ഞാനത് പോയി വാങ്ങി വരാം..""
""മ്മ് ശെരി...""
""ആഹ് മോളെ അച്ഛൻ ഒരുപാട് വൈകും.. വരും വഴി ചെറിയച്ഛന്റെ വീട്ടിലൊക്കെ കല്യാണം പറയാൻ ഉള്ളതാ..""
"അപ്പൊ ഊണ്...""
""ഒരു നേരത്തെ ഊണ് തരാൻ എന്റെ പെങ്ങളുടെ വീടില്ലെ.. അവിടുന്ന് കഴിച്ചോളാം...""
അയാൾ പോയതും അമ്മു വാതിൽ അടച്ചു അടുക്കളയിൽ കയറി ഊണിനുള്ള കാര്യങ്ങൾ ഒരുക്കി..
അച്ഛൻ ചിലപ്പോൾ ഊണ് കഴിക്കാൻ വന്നെങ്കിൽ എന്ന് കരുതി ഭക്ഷണം ഒരുക്കി അവൾ സമാധാനമായി മുറിയിൽ ചെന്നിരുന്നു.. മുറിയിലെത്തി മേശയുടെ മുകളിൽ വെച്ച അമ്മയുടെ ഫോട്ടോയിൽ കുറച്ചു നേരം നോക്കിയിരുന്നു അറിയാതെ അവളുടെ കണ്ണുകൾ നിറഞ്ഞു..
""കണ്ണു നിറയെ കാണാനുള്ള ഭാഗ്യം ഇണ്ടായില്ലല്ലോ അമ്മേ ഈ മോൾക്ക്... ""
അവൾ ആ ഫോട്ടോ കയ്യിൽ എടുത്തു നെഞ്ചോടു ചേർത്തു കണ്ണുകൾ അടച്ചു.. അപ്പോൾ ഒരു ഇളം തെന്നൽ അവളെ മെല്ലെ തഴുകി മെല്ലെ പോയി.. അവളുടെ ചുണ്ടുകൾ മന്ത്രിച്ചു..
""അമ്മ...""
കുറച്ച് നേരം കഴിഞ്ഞ് പുറത്ത് ആരോ വാതിൽ മുട്ടുന്നത് കണ്ണുകൾ തുടച്ചു ഫോട്ടോ എടുത്തു കേട്ട് താഴേക്കു ചെന്നു..
""എനിക്കറിയാം ഊണിനു അച്ഛനും ഉണ്ടാവുംന്ന്..""
അമ്മു തനിയെ പറഞ്ഞു വാതിൽ തുറന്നു നോക്കിയതും അതുലും ആദർശും...
""ഓഹ് നിങ്ങളോ... അച്ഛൻ ഇവിടില്ല..""
""അത് കുഴപ്പമില്ല.""
""എന്താണാവോ വരവിന്റെ ഉദ്ദേശം""
""ഞങ്ങൾ കല്യാണം ക്ഷണിക്കാൻ ഇതുവഴി പോകായിരുന്നു.. സമയം ഒരുപാട് ആയില്ലേ വല്ലാത്ത വിശപ്പ് ഊണ് ആയോ...""
അമ്മു മറുപടി പറയാൻ ഒരുങ്ങവേ അതുൽ ആദർശിനോട് ബൈക്ക് മാറ്റി നിർത്തിയിടാൻ പറഞ്ഞു താക്കോൽ കൊടുത്തു..
""ഇപ്പൊ നിർത്തിയ സ്ഥലത്തിന് എന്താ കുഴപ്പം..""
""നിന്നോട് പറഞ്ഞ അത് ചെയ്യ്.. ചെല്ലെടാ പ്ലീസ്...""
""ആഹ് നടക്കട്ടെ...""
ആദർശ് പോയതും അവൻ അകത്തു കയറി..
""എന്റെ പൊന്ന് അമ്മു ഇച്ചിരി ചോറ് താടി.. അവനോട് ഞാൻ വെറുതെ പറഞ്ഞുപോയി നിന്റെ അസ്സല് കൈപുണ്യന്ന് കേട്ടപാതി കേൾക്കാത്ത പാതി ആ തീറ്റ പ്രാന്തൻ വണ്ടി ഇങ്ങോട്ട് കൊണ്ട് വന്നു... പോരാത്തതിന് നല്ല വിശപ്പും..""
അത് കേട്ടപ്പോൾ അമ്മുവിന്റെ ചുണ്ടിൽ ചെറു പുഞ്ചിരി വിടർന്നു..
""ഞാൻ അവനെ വിളിച്ചോട്ടെ..""
""മ്മ്... ""
അവൾ മൂളിയതും അവൻ ആദർശ്നെ വിളിച്ചു...
""ടാ അളിയാ നീ എന്തോന്ന് വണ്ടി കൊണ്ട് കളിക്കുന്നത്.. വാ...""
അതുൽ കൈ കഴുകാൻ അമ്മുവിന്റെ പുറകെ പോയതും അവൾ അവനോട് പറഞ്ഞു..
""കല്യാണത്തിന് മുൻപ് ഇങ്ങനെ ഇടക് ഇടക് വരണത് ശെരിയല്ല ട്ടോ... ആർക്കും അത്ര ദഹിക്കില്ല.. ""
""ഓഹ്.. ഇനി വരില്ല.. അടിയന്റെ ആ കുരുത്തംകേട്ട കൂട്ടുകാരൻ കാരണ തമ്പുരാട്ടി വന്നത്.. ഇനി ഇങ്ങനെ ഇണ്ടാവില്ല..""
അവൾ കയ്യിലെ ഫോട്ടോ മേശ മേൽ വെച്ചിട്ട് അടുക്കളയിൽ പോയി ഭക്ഷണം എടുത്തു മേശയുടെ മേലെ ഒരുക്കി വെച്ചു...
കഴിച്ചു കൊണ്ടിരിക്കുമ്പോൾ അതുൽ ചോദിച്ചു..
""അതേ ആ കണ്ണിമാങ്ങാ അച്ചാർ ഉണ്ടെങ്കിൽ ഇച്ചിരി ഇവനും കൂടി കൊടുക്ക്..""
അമ്മു അടുക്കളയിൽ ചെന്നു അച്ചാർ എടുത്ത് അവർക്ക് മുമ്പിൽ വെച്ചു... ആദർശ് മുഴുവൻ കഴിച്ചു കഴിഞ്ഞു അവളെ നോക്കി പറഞ്ഞു...
""പെങ്ങളെ ഊണ് അടിപൊളി.. ഇവൻ ഭാഗ്യം ഉളോനാ..""
അത് കേട്ടു അവൾ ഒന്ന് ചിരിച്ചു.. ഉള്ളിൽ പറഞ്ഞു..
""നല്ല ഭാഗ്യം...""
അവർ ഇരുവരും എഴുന്നേറ്റ് കൈ കഴുകി അതുൽ അവളെ ചുറ്റി പറ്റി നിന്നു.. ആദർശ് അവനെ വിളിച്ചു..
""അളിയാ പോകാം.. ""
""അമ്മു ഞങ്ങൾ എന്നാൽ..""
""മ്മ്... ""
""അമ്മു ഒരു നിമിഷം... അമ്മുനെ കാണാൻ അമ്മുവിന്റെ അമ്മയെ പോലെ തന്നെ ഉണ്ട്.. ""
""അമ്മ... നിങ്ങൾക്ക് എങ്ങനെ.. ""
""അത് ഫോട്ടോയിൽ കണ്ടതാ.. ദാ ആ മേശയുടെ മുകളിൽ.. ""
അമ്മുവിന്റെ കണ്ണുകൾ വീണ്ടും ഈറനണിഞ്ഞു.. വിണ്ടും എന്തെങ്കിലും പറഞ്ഞാൽ അവൾ ഒരുപാട് സങ്കടപെടും എന്ന് കരുതി അവൻ ഒന്നും മിണ്ടിയില്ല..
യാത്ര ചോദിച്ച് ഇറങ്ങി...
""വാതിൽ അടച്ചോ അമ്മു..""
അമ്മു മേശ വൃത്തിയാക്കി.. എന്നിട്ട് ഫോട്ടോ എടുത്തു നോക്കി.
""അമ്മയെ പോലെ ഉണ്ടത്രേ എന്നെ കാണാൻ.. ""
അവൾ ചിരിച്ചു കൊണ്ട് അടുക്കളയിലെ ബെഞ്ചിന്റെ മുകളിൽ ഇരുന്നു ഭക്ഷണം കഴിച്ചു.. എന്നിട്ട് ഒരു ഉറക്കവും പാസ്സാക്കി
വൈകിട്ട് അച്ഛനെ കുറെ നേരം കാത്തിരുന്നു ഒടുവിൽ സന്ധ്യയ്ക്ക് ദീപം തെളിച്ചു ഉമ്മറത്തു ഇരുന്ന് ദൂരെ വഴിയിലേക്ക് നോക്കി.
അവളുടെ മനസ്സ് ആകെ തളർന്നു..
""ഫോണിൽ വിളിച്ചിട്ട് അച്ഛൻ ഫോണും എടുക്കുന്നില്ല.. ഇതെവിടെ പോയി.. ബാക്കി നാളെ വിളിച്ചാൽ പോരെ.. ""
നിലവിളക്കിൽ കരിന്തിരി കത്തി തുടങ്ങി അവളത് അണച്ചു എന്നിട്ട് പൂജ മുറിയിൽ കൊണ്ടു വെച്ചു.
ഫോണിൽ ഒന്ന് കൂടി അച്ഛനെ വിളിച്ചിട്ട് അവൾ കസേരയിൽ ഇരുന്നു.. പിന്നെ ആലോചനകൾക്ക് ഒടുവിൽ അതുലിന്റെ നമ്പറിൽ വിളിച്ചു..
""എന്താടി കരടി കുട്ടി... ഈ നേരത്ത്..""
""അത് അച്ഛൻ... ""
മറുപടി ആയി അവൾ കരഞ്ഞു.. അവന്റെ ഉള്ളോന്ന് പിടഞ്ഞു..
""എന്താ അമ്മു.. കരയല്ലേ അച്ഛന് എന്താ...""
""അച്ഛൻ ഇത്രയും നേരായിട്ട് എത്തിയില്ല.. ഒന്ന് അന്വേഷിച്ചു നോക്ക്.. പേടിയാവാ..""
""അമ്മു നീ പേടിക്കണ്ട.. അച്ഛൻ ഇപ്പൊ വരും വണ്ടി ഒന്നും കിട്ടി കാണില്ല അതാവും.. ഞാൻ അന്വേഷിക്കാം...""
അമ്മുവിന്റെ കാൾ കട്ട് ചെയ്ത് അതുൽ പെട്ടന്ന് വസ്ത്രം മാറി കാറിന്റെ കീ എടുത്ത് അമ്മയെ വിളിച്ചു...
""അമ്മേ ഒന്നിങ്ങു വായോ..""
""എന്താടാ..""
""അമ്മു വിളിച്ചു.. അച്ഛൻ ഇത്രയും നേരായിട്ട് എത്തിയില്ലത്രെ.. അവൾ അവിടെ തനിച്ച അമ്മയെ അവളുടെ അടുത്ത് ആക്കിയിട്ടു ഞാനൊന്ന് പോയി നോക്കട്ടെ...""
""ഈശ്വരാ... വേഗം വാ..""
അതുൽ അമ്മയെ അവളുടെ അരികിൽ ആക്കിയിട്ടു അയാളെ തിരഞ്ഞു.. അമ്മു വരുമ്പോൾ തന്ന കുടുംബക്കാരെ വിളിച്ചു ചോദിച്ചു.. എല്ലാവരും വന്നിട്ട് പോയെന്ന് മാത്രമാണ് പറഞ്ഞത്.. അതുൽ അറിയുന്ന വഴി പോയി.. ആദർശിനെ വിളിച്ചു കാര്യങ്ങൾ പറഞ്ഞു..
കുറച്ചു കഴിഞ്ഞ് ആദർശ് അവനെ വിളിച്ചു..
""ആഹ് ടാ പറ.. ""
""അളിയാ നീയൊന്നു സിറ്റി ഹോസ്പിറ്റൽ വരെ വേഗം വന്നേ..""
ആദർശ് പറയുന്നത് മുഴുവൻ കേൾക്കും മുന്പേ അതുലിന്റെ ഫോൺ ഓഫ് ആയിരുന്നു..
""ചെഹ് ചാർജ് തീരാൻ കണ്ട സമയം""..
അതുൽ വേഗത്തിൽ കാർ ഓടിച്ചു ഹോസ്പിറ്റലിന്റെ മുമ്പിൽ നിർത്തി.. ആദർശ് അവനെ കാത്ത് ഹോസ്പിറ്റലിന്റെ മുമ്പിൽ തന്നെ നിക്കുന്നുണ്ട്...
""ടാ അളിയാ... ""
തുടരും.....
അമ്മുക്കുട്ടി....
അവസാന ഭാഗം...
""ആദർശ് അച്ഛൻ....""
""നിന്നെ ഞാൻ ഒരുപാട് വിളിച്ചു ഫോൺ ഓഫ് ആണല്ലോ.. ""
""ആഹ് ചാർജ് ഇല്ല.. നീ അച്ഛൻ എവിടെ പറ...""
""പേടിക്കാൻ ഒന്നുല്ലടാ.. ബി പി കൂടി തല കറങ്ങി ഒന്ന് വീണു... വഴിയിൽ കണ്ടവർ ഇങ്ങോട്ട് കൊണ്ടുവന്നു.. ട്രിപ്പ് കഴിഞ്ഞ കൊണ്ടു പോകാം... നീ വിളിച്ചപ്പോ ഞാൻ ഇവിടെ ഉണ്ടായിരുന്നു എന്റെ ഒരു ഫ്രണ്ട്നെ കാണാൻ ഇറങ്ങുമ്പോഴ അച്ഛനെ കണ്ടത്..""
അതുൽ ശ്വാസം നേരെ വിട്ടിട്ട് അവനെ നോക്കി...
""എടാ ഒന്ന് ഫോൺ താ.. എന്റെ പെണ്ണിനെ വിളിച്ചു പറയട്ടെ അവൾ തീ തിന്നണുണ്ടാവും..""
ആദർശിന്റെ ഫോണിൽ അതുൽ അമ്മുവിനെ വിളിച്ചു..
""ഹലോ... ഇത് ഞാനാടി കരടി കുട്ടി... അച്ഛൻ എന്റെ കൂടെ ഉണ്ട്.. എന്തോ കൂട്ടുകാരനെ കല്യാണം വിളിക്കാൻ എന്നതാ വണ്ടി കിട്ടിയില്ല അതാ ലേറ്റ് ആയത്..""
""സത്യാണോ... അച്ഛനോന്ന് ഫോൺ കൊടുക്ക്... ""
""ഞങ്ങൾ എത്താറായി.. നേരിട്ട് സംസാരിക്കാലോ.... നീ വിഷമിക്കണ്ട ട്ടോ..""
""മ്മ്... ""
""അമ്മക്ക് ഒന്ന് ഫോൺ കൊടുക്ക്... ""
അമ്മു ഫോൺ അമ്മയുടെ കയ്യിൽ കൊടുത്തു..
""ആഹ് കുട്ടാ... രാമൻ നായരേ കണ്ടോ... ""
""ഉവ്വ് അമ്മേ ഞങ്ങൾ ഇപ്പൊ എത്തും.. ഇനി കരയണ്ടാന്ന് പറഞ്ഞേക്ക് പെണ്ണിനോട്... ""
അമ്മയോന്ന് ചിരിച്ചിട്ട് അവളെ നോക്കി.. സന്തോഷം കൊണ്ട് എന്താ ചെയ്യണ്ടേന്ന് അറിയാത്ത അവസ്ഥ..
""നിങ്ങള് വേഗം വന്ന മതി... ""
""ശെരി അമ്മേ... ""
അതുൽ ഫോൺ വെച്ച്.. ഹോസ്പിറ്റലിന്റെ അകത്തേക്ക് നടന്നു ആദർശ് അതുലിനു മുമ്പിലായി നടന്നു.. പോകുന്ന വഴി ആദർശ് ചോദിച്ചു...
""എന്താടാ അവളോട് ഹോസ്പിറ്റലിൽ ആണെന്ന് പറയാഞ്ഞത് .. ""
""പുറമെ ഉള്ള ധൈര്യവും കുറുമ്പും മാത്രെ ഉള്ളു.. അവൾക്ക് ചെറിയ കാര്യങ്ങൾ കൂടി സഹിക്കാൻ കഴിയില്ല.. ഇപ്പൊ ഞാനില്ലേ. അതാ അങ്ങനെ പറഞ്ഞത്...""
""മ്മ്... അത് നന്നായി... അളിയൻ സൂപ്പറാ... ആഹ് എത്തിയല്ലോ അച്ഛൻ ഇവിടെ ഉണ്ട്..""
അതുൽ ദൂരെയായി കട്ടിലിൽ കിടക്കുന്ന അച്ഛനെ നോക്കി.. അയാൾ നല്ല മയക്കത്തിൽ ആണ് അവൻ അച്ഛൻ കിടക്കുന്ന കട്ടിലിനോട് ചേർന്ന് കസേരയിൽ ഇരുന്നു.. കുറച്ചു സമയം കഴിഞ്ഞു അയാൾ കണ്ണുകൾ തുറന്നു നോക്കി ...
""അച്ഛൻ എഴുന്നേറ്റോ... ""
അതുൽ അയാളുടെ കൈയിൽ മുറുകെ പിടിച്ചു..
""മോനെ അമ്മു.. ""
അവൾ വീട്ടിൽ കൂടെ അമ്മയും ഉണ്ട്.. പേടിക്കണ്ട.. ഡോക്ടർ പറഞ്ഞു പോകാം പേടിക്കണ്ട എന്ന്...
""മ്മ്.. പോകാം.. ""
ഹോസ്പിറ്റലിൽ നിന്ന് ഇറങ്ങി ആദർശ് പോയതും അവർ കാറിൽ കയറി ഇരുന്നു... അയാൾ നിശബ്ദനായി പുറത്തേക്ക് നോക്കി....
""അച്ഛാ.. ""
അതുൽ വിളിച്ചത് കേട്ട് അയാൾ അവനെ നോക്കി..
""എന്താ മോനെ...""
""അച്ഛാ ഇനി മുതൽ അച്ഛൻ തനിച് എങ്ങും പോകണ്ട.. ഞാനും വരാം... നമ്മുക്ക് രണ്ടു പേർക്കും ഒന്നിച്ചു പോകാം എനിക്ക് കല്യാണം വിളിക്കാൻ ഉള്ളവരെയും അച്ഛന് വിളിക്കാൻ ഉള്ളവരെയും ഒന്നിച്ചു പോയി കാണാം...""
""പക്ഷെ മോനെ...""
""ഒരു പക്ഷെയും ഇല്ല.. ഇനി മുതൽ അച്ഛന്റെ മകൻ കൂടിയ ഞാൻ.. മാത്രല്ല തനിച് പോയിട്ട് എന്തെങ്കിലും ഉണ്ടായാൽ എന്റെ പെണ്ണിന്റെ സങ്കടം കൂടി ഞാനല്ലേ കാണണ്ടത്..""
അയാളുടെ കണ്ണുകൾ നിറയുന്നുണ്ടായിരുന്നു.. അവൻ കാണാതെ തൃതിയിൽ കണ്ണുകൾ തുടച്ചു ചുണ്ടിൽ ഒരു പുഞ്ചിരിയുമായി അവനെ നോക്കി .. കാർ വീടിന്റെ മുറ്റത്ത് എത്തിയതും അമ്മു ശബ്ദം കേട്ട് ഉമ്മറത്തേക്ക് ഓടി വന്നു..
അയാൾ കാറിൽ നിന്നും ഇറങ്ങി അവളുടെ അടുത്തേക്ക് നടന്നു...
"""മോളെ....""
""അച്ഛാ....""
നിറ കണ്ണുകളോടെ അവൾ അയാളെ കെട്ടിപിടിച്ചു.. അയാൾ അവളുടെ മുടിയിൽ തലോടികൊണ്ട് പറഞ്ഞു...
""പേടിച്ചു പോയോ എന്റെ അമ്മുക്കുട്ടി... ""
അയാൾ അവളെ നെഞ്ചിൽ നിന്നും അടർത്തി മാറ്റി കണ്ണുകൾ തുടച്ചു കൊടുത്തു.. അപ്പോൾ അവളെക്കാൾ സന്തോഷം അതുലിന്റെ മുഖത്തായിരുന്നു.. അമ്മ നിറ ചിരിയോടെ അവരെ നോക്കി നിന്നു... പിന്നിൽ നിന്ന് അച്ഛനെ അതുൽ വിളിച്ചു..
""അച്ഛാ... ഞാനും അമ്മയും എന്നാൽ ഇറങ്ങട്ടെ...""
അവന് മറുപടി നൽകിയത് അമ്മു ആയിരുന്നു..
"""അത്താഴം കഴിച്ചിട്ട് പോകാം സമയം 11 ആയില്ലേ..""
അതുൽ കണ്ണു മിഴിച്ചുകൊണ്ട് അവളെ തന്നെ നോക്കി അവൾ വീണ്ടും തുടർന്നു..
"" അമ്മ പറഞ്ഞു കഴിക്കാൻ തുടങ്ങുമ്പോളാ ഞാൻ വിളിച്ചത് എന്ന്.. നേരെ ഇങ്ങോട്ട് വന്നതാന്ന്. ""
അമ്മ അവളുടെ അരികിൽ ചെന്നു പറഞ്ഞു...
""വേണ്ടാ മോളെ ഇനി ഒരുപാട് അവസരങ്ങൾ ഉണ്ടല്ലോ.. അവിടെ ഉണ്ടാക്കിയത് അങ്ങനെ ഉണ്ട്.. നിങ്ങൾക്ക് രണ്ട് പേർക്ക് ഉണ്ടാക്കിയതല്ലേ.. മോള് അച്ഛന് കൊടുക്ക്.. ""
അമ്മു നിരാശയോടെ തല താഴ്ത്തി...
അതുൽ ഒന്ന് ചിരിച്ചിട്ട് കാറിൽ കയറി കൂടെ അമ്മയും.. അമ്മു അച്ഛനോപ്പം അകത്തു കയറി... ഭക്ഷണം ഒക്കെ കഴിച്ചു മുറിയിൽ കയറി.. ഫോൺ എടുത്തു അതുലിന്റെ നമ്പറിൽ വിളിച്ചു..
അതുൽ വന്നപാടെ ഫോൺ മുറിയിൽ ചാർജ് ചെയ്ത് ഓണാക്കിയിട്ട്... ഭക്ഷണം കഴിക്കാൻ ഇരുന്നു.. അവൾ വിളിച്ചത് അവൻ കേട്ടിരുന്നില്ല.. അമ്മു ഫോൺ കിടക്കയിൽ വെച്ച്.. അവൻ പെണ്ണ് കാണാൻ വന്നതും ഓരോ കുറുമ്പുകളും ഓർത്തു ചിരിച്ചു... പെട്ടന്നായിരുന്നു ഫോൺ റിങ്ങ് ചെയ്യുന്ന ശബ്ദം കേട്ടത്...
അവൾ ഫോൺ എടുത്തു ചെവിയോട് ചേർത്തു വെച്ചു..
""എന്താടി കരടി കുട്ടി ഫോൺ എടുത്തിട്ട് മിണ്ടാത്തത്... ""
""ഞാൻ വിളിച്ചിട്ട് എന്തെ എടുത്തില്ല... ""
""അത് ഭക്ഷണം കഴിക്കുവായിരുന്നു.. ""
""മ്മ് .. എന്നാ ശെരി.. കഴിച്ചൊന്ന് അറിയാൻ വിളിച്ചതാ... ""
""ആണോ.. എന്നിട്ട് ഫോൺ വെച്ചിട്ട് പോകുവാണോ.. ""
""മ്മ്... കുട്ടേട്ടൻ പോയി കിടന്നോ നേരം ഒരുപാടായി..""
""എന്താ വിളിച്ചത്... ""
""അത്... പിന്നെ അമ്മ പറഞ്ഞു കുട്ടൻ എന്നാ എല്ലാരും വിളിക്കാറ് എന്ന് അതാ... ""
""പക്ഷെ നീ അങ്ങനെ ആണോ..""
""പോയി കിടക്കു മനുഷ്യ.. ഗൂഡ് നൈറ്റ്...""
""ഗുഡ് നൈറ്റ്...""
അതുൽ ഫോൺ വെച്ച് സന്തോഷം കൊണ്ട് തുള്ളി ചാടി... കൂവി... എന്തെക്കെയോ കോപ്രായങ്ങൾ കാണിച്ചു... ശബ്ദം കേട്ടു മുറിയുടെ പുറത്ത് നിന്ന് അമ്മ വിളിച്ചു പറഞ്ഞു ..
"""കുട്ടാ എന്താ ശബ്ദം അടങ്ങി കിടന്നില്ലേങ്കിൽ. പോത്ത് പോലെ വലുതായി നോക്കില്ല.. കിട്ടും നല്ലത്.. ""
""അമ്മേ ഞാൻ കിടന്നു... ദാ ഇപ്പോ ഉറങ്ങി.. ""
പിറ്റേന്ന് അതുൽ കാറുമായി വന്ന് അച്ഛനെ കൂട്ടി പോയി.. അമ്മു ഉമ്മറത്തു തൂണിന്റെ മറവിൽ ഒളിച്ചു നിന്ന് അവളെ നോക്കി.. അങ്ങനെ ദിവസങ്ങൾ ഓരോന്ന് കഴിഞ്ഞു കല്യാണ പന്തൽ ഉയർന്നു മണ്ഡപം ഒരുങ്ങി.. വരൻ മണ്ഡപത്തിൽ ഇരുന്നു.. അമ്മുക്കുട്ടി ഇടതു വശത്തായി ഇരുന്നു അവൻ താലി അവളുടെ കഴുത്തിൽ ചാർത്തി.. അച്ഛൻ നിറഞ്ഞ മനസ്സോടെ അവളെ കൈ പിടിച്ച് അവനെ ഏല്പിച്ചു..
നിലവിളക്കുമായി അവൾ വലതു കാൽ വെച്ച് അവന്റെ പെണ്ണായി വീട്ടിൽ കയറി..
ആദ്യരാത്രിയിൽ അവൾക്കായി കാത്തു നിന്നു.. നാണത്തോടെ പാൽ ഗ്ലാസുമായി അവൾ മുറിയിൽ കയറി.. അവളുടെ കൈയിൽ നിന്ന് പാൽ ഗ്ലാസ് വാങ്ങി മേശയുടെ മുകളിൽ വെച്ചിട്ട് അവൻ വാതിൽ കുറ്റിയിട്ടു..
എന്നിട്ട് കട്ടിലിൽ ഇരുന്നു..
""നിക്കാതെ നീയും ഇവിടെ ഇരിക്ക് അമ്മു... ""
""മ്മ്... '"
അമ്മു അവനരികിൽ ഇരുന്നു..
""അമ്മു ഞാനൊരു കാര്യം ചോദിക്കട്ടെ... ""
""അമ്മുവിന്റെ സങ്കൽപ്പങ്ങൾ ഒക്കെ നശിപ്പിച്ച ആളല്ലേ ഞാൻ.. ഇതുവരെ ഞാൻ അതിനെ കുറിച്ച് ചോദിച്ചിട്ടില്ല... ഇപ്പൊ പറ.. ""
"""അത്... ""
""മടിക്കേണ്ട.. പറഞ്ഞോ.. ""
""നിങ്ങള് ആൺകുട്ടികൾ പാവപെട്ട വീട്ടിലെ കുട്ടികളെയും നാട്ടിൻ പുറംകാരി പെണ്ണിനേം അല്ലെ ഇഷ്ടം.. ഒരുപാട് പേര് പറയണത് കേട്ടു.. അതാ ഞാൻ തിരിച്ചു ചിന്തിച്ചു... മാത്രല്ല എല്ലാ കഥകളിലും വായിച്ചിട്ടുണ്ട് പണക്കാർക്ക് കുടുംബത്തേ സ്നേഹിക്കാൻ നേരം കിട്ടില്ല... ""
""എടി മണ്ടുസേ ... കരടി കുട്ടി..""
""എന്തെ സത്യല്ലേ...""
""കുറച്ചു സാമ്പത്തികം ഒക്കെ പിള്ളേർ പാവപെട്ട വീട്ടിലെ കുട്ടികളെ നോക്കുന്നത് അവരെ കാൽചുവട്ടിൽ അടിമയാക്കി വെക്കാൻ അല്ല.. അങ്ങനെ ഒരു കുട്ടിയുടെ സ്വപ്നങ്ങൾ നടത്തി കൊടുക്കുമ്പോൾ കിട്ടുന്ന ഒരു സുഖം അത് അനുഭവിക്കാൻ ആണ്.. അവൾക്കൊരു ബെറ്റർ ലൈഫ് കൊടുക്കാൻ ആണ്.. പിന്നെ കഥകൾ ഒക്കെ സത്യാവണം എന്നുണ്ടോ.. ചിലർ ഉണ്ടാവാം അങ്ങനെ എല്ലാരും ഒരുപോലെ ആവില്ല..""
""അത് കുട്ടേട്ടാ..""
""മതി.. ഇനി ഒന്നും പറയണ്ടാ നീ ആ പാൽ എടുക്ക്... നല്ലൊരു രാത്രി കളയണ്ടാ.""
""അത് പിന്നെ പാല് ..""
""എന്താ പാല് വേണ്ടേ...""
""പാലിൽ ഞാൻ കുറച്ചു വിമ് ഇട്ടു...""
""എടി നിന്നെ ഞാൻ...""
അതുൽ അവളെ പിടിക്കാൻ ഒരുങ്ങിയതും അവൾ കട്ടിലിൽ നിന്നും എഴുന്നേറ്റു.. അതുൽ അവളുടെ അടുത്തേക്ക് ചെന്ന് അവളെ കൈകളിൽ കോരി എടുത്തു.. അവന്റെ കഴുത്തിലൂടെ കൈകൾ ഇട്ടിട്ട് അവൾ പറഞ്ഞു...
""കുട്ടേട്ടാ... എനിക്ക് കുറച്ചു കാലം ഇയാളെ പ്രേമിക്കണം.. എന്നിട്ട് മതി.. ഫസ്റ്റ് നൈറ്റ്..""
അതുൽ അവളെ താഴെ ഇറക്കിയിട്ട് ഒന്ന് ആലോചിച്ചു...
""അത് വേണോ കരടി കുട്ടി...""
""മ്മ് വേണം...""
""നിന്റെ ഇഷ്ടം.... ""
അമ്മുവിന്റെയും അതുലിന്റെയുംജീവിതം ഇവിടെ തുടങ്ങുന്നേ ഉള്ളു.. വലിച്ചു നീട്ടി എഴുതി മുഷിപ്പിക്കുന്നില്ല..
അമ്മുകുട്ടി
""അമ്മു... ""
കണ്ണാടിയുടെ മുമ്പിൽ നിന്ന് ഒരുങ്ങുന്ന അമ്മുവിനെ പിന്നിൽ നിന്നും മായ വിളിച്ചത് കേട്ട് അവൾ തിരിഞ്ഞു നോക്കി..
""ആഹ് നീ വന്നോ.. നന്നായി..""
""ഒരുങ്ങി കഴിഞ്ഞില്ലേ നീ..""
""എന്റെ മായ കുട്ടി ആദ്യയിട്ടല്ലേ ഒരാൾ എന്നെ പെണ്ണ് കാണാൻ വരണത്... നന്നായി ഒരുങ്ങണ്ടെ.. ""
""മ്മ് വേണം വേണം.. ""
വീണ്ടും കണ്ണാടിയിൽ ഒന്ന് നോക്കി സെറ്റ് സാരിയുടെ ഞൊറി ഒതുക്കി.. അലമാര തുറന്ന് മുത്തശ്ശി തന്ന പാലക്കാ മാല എടുത്തു.. കഴുത്തിൽ ഇട്ടു..
""നോക്ക് മായേ ഇപ്പൊ നല്ല ചന്തം ഇല്ലേ എന്നെ കാണാൻ..""
""ന്റെ അമ്മു നീ ഒരുങ്ങി ഇല്ലെങ്കിലും സുന്ദരി അല്ലെ... ""
""അതെനിക്ക് സുഖിച്ചു ട്ടോ...""
അവർ പരസ്പരം ഒന്ന് നോക്കി ചിരിച്ചിട്ട് അമ്മു വീണ്ടും കണ്ണാടിയിലേക്ക് നോട്ടം തുടർന്നു മായ കട്ടിലിൽ ഇരുന്ന് അവളെ നോക്കി...
""മോളെ അമ്മു... ഒരുങ്ങി കഴിഞ്ഞില്ലെ അവര് എത്താറായി.. ഇപ്പൊ വിളിച്ചു പറഞ്ഞു...""
""ആഹ് കഴിഞ്ഞു... ഇനി അമ്മായി വിളിച്ചാ മതി.. ""
അമ്മു എന്തോ ആലോചിച്ചു നഖം കടിക്കാൻ തുടങ്ങിയതും മായ അവളുടെ കൈ വലിച്ചു..
""എന്താടി പെണ്ണെ നഖം കടിക്കുന്നത്..""
""എല്ലാർക്കും ഇഷ്ടായാൽ കല്യാണം പെട്ടന്ന് ഉണ്ടാവില്ലേ.. ""
""ഓഹ് അതാണോ.. കല്യാണം നടക്കാനല്ലേ പെണ്ണ് കാണാൻ വരുന്നത്.. നീ എന്തൊക്കെയാ പറയുന്നത്.. കല്യാണം അല്ലല്ലോ പെണ്ണ് കാണൽ അല്ലെ അമ്മു... ""
""എനിക്ക് ഇഷ്ടല്ല മായേ.. ""
""അയാൾ വന്നു കണ്ടില്ല അപ്പോഴേക്കും ഇഷ്ടല്ലന്നോ..""
""അയാൾ ഗൗരി ഗ്രൂപ്പ് ഓഫ് കമ്പനീസ്ന്റെ എം ഡിയാ.. അമ്മാവൻ പറഞ്ഞത് കേട്ടതാ..""
""അത് നിന്റെ ഭാഗ്യം അല്ലെ...""
""എനിക്ക് ആ ഭാഗ്യം വേണ്ടാ മായേ...""
""അതെന്താ എന്റെ സങ്കൽപം സ്വപ്നം അത് ഇതുപോലെ വലിയൊരു പണച്ചാക്കിനെ കെട്ടുന്നത് അല്ല.. ""
""ഒന്ന് പോയെ അമ്മു.. നിന്റെ ഭാഗ്യം അല്ലെ.. ""
""പക്ഷെ... ""
അമ്മു കട്ടിലിൽ ഓരം ചേർന്ന് തല കുനിച്ചുകൊണ്ട് ഇരുന്നു.. മായ അവളുടെ തോളിൽ കൈ വെച്ചു കൊണ്ടു ചോദിച്ചു..
""എന്താ അമ്മു നിനക്ക്.. ഇത്രയും നേരം തിരക്ക് കൂട്ടി ഒരുങ്ങിയ നിനക്ക് പെട്ടന്ന് എന്താ പറ്റിയത്.. ""
""കണ്ണാടിയിൽ വീണ്ടും വീണ്ടും നോക്കുമ്പോൾ എന്റെ സ്വപ്നങ്ങളിലെ പുരുഷൻ അല്ല വരുന്നത് എന്ന് മനസ് പറയും പോലെ..""
""ഞാൻ അറിയാതെ നിനക്ക് പ്രണയം ഒന്നും ഇണ്ടാവില്ല അതെനിക്ക് അറിയാം.. അതുകൊണ്ട് നിന്റെ സങ്കൽപം എന്താ ഒന്ന് കേൾക്കട്ടെ.. ""
""നിന്നോട് എത്രയോ തവണ ഞാൻ പറഞ്ഞിട്ടുണ്ട്.. അതെങ്ങനെയാ നിഖിലേട്ടന് മെസ്സേജ് അയച്ചോണ്ട് അല്ലെ എന്റെ സംസാരം കേൾക്കാൻ നിക്കാറു പിന്നെ അത് വല്ലതും കേൾക്കുവോ..""
""ഓഹ് സോറി നീ സങ്കല്പത്തിലേ ആളെ കുറിച്ച് പറ... ""
അമ്മു വിടർന്ന കണ്ണുകൾ കൊണ്ട് മായയെ ഒന്ന് നോക്കി ചിരിച്ചു.. എന്നിട്ട് ഒരു നാണത്തോടെ പറഞ്ഞു തുടങ്ങി...
""സിറ്റിയിൽ ഉള്ള പയ്യന്മാർ അവരെ എനിക്ക് ഇഷ്ടല്ല നമ്മുടെ നാട്ടിൻ പുറംകാരൻ ഒരാൾ.. കൃഷി ചെയ്തു ജീവിക്കുന്ന ഒരു പ്രാരാബ്ദക്കാരൻ.. ഒരുപാട് വിദ്യാഭ്യാസം ഇല്ലെങ്കിലും സാമാന്യം അറിവുള്ള ആൾ..""
""ന്റെ അമ്മു കൊള്ളാലോ കഴിഞ്ഞോ... ""
""ഇല്ല... പണം കൊണ്ടല്ലാതെ മനസു കൊണ്ട് എല്ലാം അളക്കുന്ന നാലൊരു വ്യക്തി.. ""
""മതി അമ്മു നിർത്തുന്നുണ്ടോ നീ.. അഥവാ അങ്ങനെ ഒരാളെ കെട്ടിയാൽ എങ്ങനെ ജീവിക്കും... ""
""അളവില്ലാത്ത സ്നേഹം മതി എനിക്ക്.. ""
""അല്ല അമ്മു അപ്പൊ മറ്റുള്ള പയ്യന്മാർ ഒക്കെ സ്നേഹം ഇല്ലാത്തവർ ആണെന്നാണോ നീ പറയുന്നത്.. ""
""അങ്ങനെ അല്ല.. ഇപ്പൊ പൊതുവെ എല്ലാ ആൺകുട്ടികൾക്കും തിരിച്ചും ഇതുപോലെ ഉള്ള സങ്കൽപം അല്ലെ.. ""
""അതിന്.. ""
""എനിക്കും അതുപോലെ.. ""
പുറത്ത് വണ്ടിയുടെ ശബ്ദം കേട്ട് അമ്മുവും മായയും ജനലിനരികിലേക്ക് ഓടി അത് വഴി പുറത്തേക്ക് നോക്കി..
""ആഹ് ഇതേ അമ്മു വന്ന് ട്ടോ നിന്റെ ചെക്കൻ... ""
""ഒന്ന് പോയെ മായേ.. ""
""നാണം വന്നോ പെണ്ണിന്... ""
കാറിൽ നിന്നും മൂന്ന് ചെക്കന്മാർ ഇറങ്ങി അച്ഛനും അമ്മാവനും അവരെ അകത്തേക്ക് കൂട്ടി കൊണ്ടു പോയി..
കുറച്ചു കഴിഞ്ഞു താഴെ നിന്നും അമ്മായിടെ മോള് വിളിക്കാൻ മുറിയിലേക്ക് വന്നു ..
""അമ്മു ചേച്ചി വിളിക്കണുണ്ട്.. താഴേക്ക് ചെല്ലാൻ ... ""
മായയും അമ്മുവും അടുക്കളയിൽ ചെന്ന് ചായയും പലഹാരവും എടുത്തു ചെക്കന്റെ അടുത്തേക്ക് നടന്നു..
""മോളെ അതാ പയ്യൻ ആദ്യം അവന് കൊടുക്ക്... ""
ബ്രോക്കർ നാണപ്പൻ ചേട്ടൻ പറഞ്ഞത് കേട്ട് അമ്മു ഇടതു വശത്തെ കസേരയിൽ ഇരിക്കുന്ന ആൾക്ക് നേരെ ചായ നീട്ടി കൊടുത്തു ട്രേയിൽ നിന്ന് അയാൾ ചായ ഗ്ലാസ് എടുത്തതും അവൾ അടുത്ത ആൾക്ക് നേരെ തിരിഞ്ഞു... നാണം കൊണ്ടോ എന്തോ അവൾക്ക് തല ഉയർത്തി അവനെ നോക്കാൻ കഴിഞ്ഞില്ല...
ചായ കൊടുത്തു കഴിഞ്ഞു മായയുടെ പുറകിൽ അവൾ നാണത്തോടെ ഒളിച്ചു..
""കുട്ട്യോൾക്ക് സംസാരിക്കണേൽ ആവാ ട്ടോ.. ""
വല്യമ്മാവൻ അത് പറഞ്ഞോന്നു ചിരിച്ചിട്ട് അവളെ നോക്കി.. അമ്മു മുകളിലേ മുറിയിലേക്ക് നടന്നു ... ചെക്കൻ മെല്ലെ എഴുന്നേറ്റ് അവളുടെ പിന്നാലെ നടന്നു...
മുറിയിൽ ജനൽ അഴിയിൽ പിടിച്ചു വിദൂരതയിൽ നോക്കി നിൽക്കുന്ന അമ്മുവിനെ അയാൾ വിളിച്ചു..
""ഹലോ.. അമൃത അതല്ലേ പേര്.. അമ്മു എന്ന് വിളിക്കും അല്ലെ ""
അവൾ അവനെ നോക്കി തലയാട്ടിയിട്ട് ഒന്ന് ചിരിച്ചു..
""എന്റെ പേര് അതുൽ.. ""
""മ്മ്... ""
""കുട്ടിയ്ക്ക് എന്നെ ഇഷ്ടായോ..""
കുറച്ചു നേരം അവൾ മൗനമായി അവനെ നോക്കിയിട്ട് പറഞ്ഞു..
""ഇഷ്ടായില്ല.. എന്റെ സങ്കൽപത്തിൽ ഉള്ള ആൾ ഇതല്ല.. എന്നോട് വിരോധം തോന്നരുത് എന്നെ ഇഷ്ടായില്ല എന്ന് പറയണം... ""
""എനിക്ക് ഇഷ്ടായി... എന്റെ സങ്കൽപം അതുപോലെ തന്നെ എന്റെ മുമ്പിൽ നിൽക്കും പോലെ.. . പക്ഷെ എനിക്ക് മാത്രം ഇഷ്ടായിട്ട് കാര്യം ഇല്ലല്ലോ.. ഓക്കെ ഫൈൻ.. ഞാൻ പറഞ്ഞോളാം..""
നിരാശയോടെ അവൻ കോണി പടികൾ ഇറങ്ങി നടന്നു.. എല്ലാവരുടെയും മുഖത്ത് കണ്ട സന്തോഷത്തിന്റെ അർത്ഥം മനസിലാക്കി അതുൽ പറഞ്ഞു..
""ഞാൻ വിളിക്കാം.. ഇറങ്ങട്ടെ.. ""
എല്ലാവരോടും യാത്ര പറഞ്ഞു അതുൽ ഇറങ്ങി..
വൈകിട്ട് അവൻ പറഞ്ഞത് പോലെ വിളിച്ചു..
ഫോൺ എടുത്തു അച്ഛൻ സംസാരിക്കുന്നത് കേട്ടതും അമ്മു ചെവി കൂർപ്പിച്ചു കൊണ്ടു അവിടെ ചുറ്റി പറ്റി നിന്നു...
അച്ഛൻ സന്തോഷം നിറഞ്ഞ മുഖവുമായി അമ്മുവിനെ വിളിച്ചു..
""മോളെ പയ്യന് നിന്നെ ഇഷ്ടായിന്ന്.. പെട്ടന്ന് ഇതങ്ങു നടത്താന്ന് പറഞ്ഞു... ""
അമ്മു രണ്ട് ഉണ്ടക്കണ്ണുകൾ പുറത്തു വരും വണ്ണം അച്ഛനെ നോക്കി..
""നീ കേട്ടോ അമ്മു.. ""
അമ്മു സ്വബോധം വീണ്ടെടുത്ത് അച്ഛന്റെ ഫോൺ വാങ്ങി മുറിയിലേക്ക് ഓടി ....
""ഓഹ് ഈ കുട്ടിയുടെ കാര്യം... ""
അമ്മുക്കുട്ടി...
ഭാഗം 2
അമ്മു മുറിയിൽ കയറി വാതിൽ കുറ്റിയിട്ട് അച്ഛൻ വിളിച്ച നമ്പറിൽ വിളിച്ചു..
"""ഹലോ.... എടോ ചതിയാ...""
അവളുടെ ശബ്ദം മനസിലായതും ഒരു കുസൃതി ചിരിയോടെ അവൻ പറഞ്ഞു.
""ഇതാരാ അമ്മുകുട്ടിയോ..""
""അല്ലടോ കരടികുട്ടി.. തനിക്ക് എന്നെ ശെരിക്ക് അറിയില്ല.. ചതിയാ.. കാട്ടുകള്ളാ...""
ഫോണിന്റെ മറുതലയ്ക്കൽ നിന്നും അതുൽ അവളോട് പറഞ്ഞു...
""എന്തൊരു ചൂടാഡോ ഒന്ന് കൂൾ ആവു...""
""എടാ മഹാപാപി തന്നോട് ഞാൻ പറഞ്ഞില്ലേ എനിക്ക് ഇഷ്ടല്ലാന്ന് പിന്നെ എന്തിനാ അച്ഛനോട് ഇഷ്ടായി പറഞ്ഞത്.. ""
""എനിക്ക് ഇഷ്ടായത് കൊണ്ട് അങ്ങനെ പറഞ്ഞു. .. നിനക്ക് എന്നെ ഇഷ്ടായില്ലെങ്കിൽ ഞാനാണോ പറയേണ്ടത് നീ അല്ലേടി കരടി കുട്ടി ...."
""ഡോ നിന്നെ ഞാൻ... ""
അമ്മു വഴക്ക് പറയാൻ വീണ്ടും ഒരുങ്ങവെ മുറിയുടെ വാതിലിൽ ആരോ മുട്ടുന്നത് കേട്ട് ഫോൺ കട്ട് ചെയ്ത് അവൾ വാതിലിന് അരികിലേക്ക് നടന്നു..
""മോളെ വാതിൽ തുറന്നെ.."".
""ആഹ് .. ഇതാ വരണു""
വാതിൽ തുറന്നതും മുമ്പിൽ അച്ഛൻ.. അവളുടെ നേരെ കൈ നീട്ടികൊണ്ട് ചോദിച്ചു
""മോളെ അച്ഛന് ഒന്ന് രണ്ട് ആളെ വിളിക്കാൻ ഉണ്ട് ഫോൺ തന്നെ...""
""മ്മ്.. ഇതാ.."".
അവൾ ഫോൺ കൊടുത്തിട്ട് മുഖം വീർപ്പിച്ചു വീണ്ടും മുറിയിലെ കട്ടിലിൽ ഇരുന്നു..
അച്ഛൻ നടന്നു പോകവേ തിരിഞ്ഞു നിന്ന് വീണ്ടും അവളെ വിളിച്ചു..
""മോളെ അമ്മു... മോന്റെ വിസിറ്റിംഗ് കാർഡ് താഴെ മേശയുടെ മുകളിൽ ഉണ്ട് നീ അതിൽ നമ്പർ ഉണ്ട് വിളിച്ചോ.. കല്യാണത്തിന് മുൻപ് ഫോണിൽ സംസാരിക്കുന്നത് അത്ര വല്യ തെറ്റൊന്നും അല്ല.. ""
"""അച്ഛാ.......... ""
അമ്മു ദേഷ്യം കൊണ്ട് അലറി അച്ഛൻ അവളെ മിഴിച്ചു നോക്കി.. എന്നിട്ട് ഒന്നും മിണ്ടാതെ താഴേക്ക് കോണി പടികൾ ഇറങ്ങി പോയി..
""ഈ അച്ഛൻ... എന്റെ ഭഗവതി ഞാൻ എങ്ങനെ പറഞ്ഞു മനസിലാക്കും അച്ഛനെ.. അച്ഛൻ ഒക്കെ ഉറപ്പിച്ച മട്ടാ...""
അമ്മു നഖം കടിച്ചുകൊണ്ട് കട്ടിലിൽ തന്നെ ഇരുന്നു.. കുറച്ചു നേരം ആലോചിച്ചിട്ട് അവൾ ഫോൺ എടുത്തു മായയെ വിളിച്ചു..
""ഹലോ മായേ എനിക്ക് അയാളെ ഇഷ്ടായില്ല.. ""
""ഒന്ന് പോടീ അമ്മു.. അയാൾക്ക് എന്താ കുറവ് നല്ല മൊഞ്ചൻ അല്ലെ...""
""എനിക്ക് ഇഷ്ടായില്ല.. ഇതൊന്ന് മുടക്കി താടി പ്ലീസ്..""
""അമ്മു നീ കളിക്കല്ലേ.. നിന്റെ അച്ഛന് അയാളെ ഇഷ്ടയില്ലേ പിന്നെ എന്താ.. ""
""അത് എന്റെ സങ്കൽപം...""
""സങ്കൽപം മാങ്ങാത്തൊലി... നീ വെച്ചിട്ട് പോ അമ്മു നിഖിൽ ഏട്ടൻ വിളിക്കാൻ സമയം ആയി.. ""
""മ്മ്... ""
അമ്മു ഒന്ന് മൂളിയിട്ട് കാൾ കട്ട് ചെയ്തു വീണ്ടും ആലോചന തുടങ്ങി...
""എന്നാലും അയാൾക്ക് എങ്ങനെ തോന്നി... ""
കൊറേ നേരത്തെ ആലോചനയിൽ നിന്നും തലയ്ക്ക് മുകളിൽ തെളിഞ്ഞ ബൾബുമായി അവൾ താഴേക്ക് ചെന്നു...
മേശയുടെ മുകളിൽ നിന്നും വിസിറ്റിംഗ് കാർഡ് എടുത്തു ഫോണിൽ നമ്പർ ഡയൽ ചെയ്തു...
ഒളിക്കണ്ണിട്ട് അച്ഛൻ ആ പരിസരത്ത് ഉണ്ടോ നോക്കി കാർഡ് തിരികെ മേശ മേൽ വെച്ച് അവൾ കോണി പടികൾ കയറി.. അപ്പോഴേക്കും അതുൽ ഫോൺ എടുത്തു...
""ഹലോ... ആരാ... ""
അമ്മു ശബ്ദത്തിന് കുറച്ചു കനം കൊടുത്തു കൊണ്ട് പറഞ്ഞു..
""ഇത് അതുൽ അല്ലെ.. ""
""അതേ ആരാ.. ""
""മോനോട് ഒരു പ്രധാനപെട്ട കാര്യം പറയാൻ വിളിച്ചതാ...""
""എന്ത്... ""
"''മോനിന്ന് കാണാൻ പോയ കുട്ടി ഇല്ലേ അമ്മു ആ പെണ്ണ് വളരെ മോശം കുട്ടിയാ.. നാട്ടിൽ പല കഥകളും കേൾക്കുന്നുണ്ട്... ""
""എന്ത് കഥ... ഒന്ന് കേൾക്കട്ടെ ""
""അവൾക്ക് ഒരുപാട് പയ്യന്മാരുമായി അടുപ്പം ഉണ്ട്.. പിന്നെ കള്ള് കുടിയും വലിയും ഒന്നും പറയണ്ട... വളരെ മോശം കുട്ടി... ഞാൻ മോന്റെ നന്മയ്ക്കു വേണ്ടി പറഞ്ഞതാ.. ഇനി ഒക്കെ മോന്റെ ഇഷ്ടം.. ആ കുട്ടിയെ അങ്ങ് വേണ്ടാന്ന് വെക്കുന്നതല്ലെ നല്ലത്... ""
""മ്മ് ഇത്രയും അറിഞ്ഞ സ്ഥിതിക്ക് എനിക്ക് ആലോചിക്കാൻ ഒന്നും ഇല്ല..
അവളെ ഞാൻ..""
അവൻ പറഞ്ഞു തീരും മുന്പേ അമ്മു ഫോൺ കയ്യിൽ പിടിച്ചു തുള്ളിചാടി എന്നിട്ട് നേരെ നിന്നു കൊണ്ട് പറഞ്ഞു..
""അവളെ ഒഴിവാക്കി എന്നല്ലേ നല്ല തീരുമാനം...""
""അയ്യോ അതല്ല അവളെ ഞാൻ എത്രയും വേഗം കെട്ടാൻ പോകുവാന്ന്...""
""അതെങ്ങനെ ശെരിയാവും.....'"
""അത് എനിക്ക് അങ്ങനെ ഒരു കുട്ടിയെ ആണ് വേണ്ടത്.. ""
""തനിക്ക് ഉളുപ്പില്ലേഡോ""
""ഇല്ലല്ലോ ""
അമ്മു ഫോൺ കട്ടിലിൽ എറിഞ്ഞു കണ്ണാടിയുടെ മുമ്പിൽ നിന്നു.. എന്നിട്ട് ദേഷ്യം നിറഞ്ഞ മുഖത്തു നോക്കി അവൾ പറഞ്ഞു...
""എന്തൊരു കാലമാടൻ ആണോ എന്തോ.. അയാൾക്ക് ഇത്രയും കേട്ടിട്ടും...""
""അമ്മു ...... ""
അച്ഛന്റെ വിളി കേട്ടുകൊണ്ട് അവൾ അടുക്കളയിലേക്ക് നടന്നു..
""മോളെ ചായ കുടിക്കണ്ടേ..".
""മ്മ്... ഞാൻ ചായ ഇടാം അച്ഛൻ ഇരിക്കു..""
അടുക്കളയിലെ മേശയുടെ മുമ്പിൽ കസേര നീക്കി വെച്ച് അയാൾ ഇരുന്നു..
""മോളെ അമ്മു... ""
""എന്തോയ്യ്""
""അമ്മ നമ്മളെ വിട്ട് പോയതിൽ പിന്നെ ഇത്രയും കാലം ജീവിച്ചത് നിനക്ക് വേണ്ടി മാത്ര.. അവൾക്ക് ഒന്നും കാണാൻ ഭാഗ്യം ഇല്ലാതെ പോയല്ലോ.. പിന്നെ മോളുടെ കല്യാണം കഴിഞ്ഞു വേണം അച്ഛന് ഒരു യാത്ര പോകാൻ..""
""ഇതേ കാർണോരെ ഒരുമാതിരി സെന്റി ഡയലോഗ് പറയല്ലേ അമ്മുന് ദേഷ്യം വരും...""
അയാൾ അവളെ നോക്കി ഒന്ന് ചിരിച്ചു.. അറിയാതെ ആ മിഴികളും നിറഞ്ഞു അവൾ കാണാതെ അയാൾ കണ്ണുകൾ തുടച്ചു.. അമ്മു ചായയും പലഹാരങ്ങളും മേശയിൽ വെച്ച് അവളും ഇരുന്നു...
""അച്ഛാ... ഞാൻ പോയാൽ എന്റെ അച്ഛൻ ഇവിടെ തനിച് എങ്ങനെ.. ""
""അതൊന്നും ഓർത്ത് ന്റെ മോള് സങ്കടാവണ്ട.. ""
""അച്ഛാ... എന്തിനാ കല്യാണം കഴിഞ്ഞു പെൺകുട്ടികൾ വീട് വിട്ട് പോകുന്നത്... ഞങ്ങൾ പെൺകുട്ടികൾ എന്തൊക്കെ നഷ്ടപെടുത്തിയാ മറ്റൊരു വീട്ടിൽ പോകുന്നത് അല്ലെ...""
അയാൾ അവൾക്ക് മറുപടി നൽകാതെ വേഗം ചായ കുടിച്ചിട്ട് പറഞ്ഞു..
""നീ ചായ കുടിച്ചിട്ട് അത്താഴം ഒരുക്കാൻ നോക്ക്.. എനിക്ക് പറമ്പിലെ തേങ്ങ വിറ്റ കണക്ക് നോക്കാനുണ്ട്..""
""മ്മ്... '""
അമ്മു ചായ കുടിച് ചപ്പാത്തി കുഴക്കാനുള്ള പൊടി എടുത്തു.. ആഹാരം എല്ലാം ഒരുക്കി മേശ മേൽ മൂടി വെച്ചിട്ട് അവൾ മുറിയിലേക്ക് കയറി..
കട്ടിലിൽ കിടന്ന് ചിലക്കുന്ന ഫോൺ എടുത്തു നോക്കി..
"""അതുലോ... അയാൾ ഇപ്പൊ എന്തിനാ വിളിക്കുന്നത്...""
അവൾ കാൾ എടുത്തു ഫോൺ
ചെവിയോട് ചേർത്തു വെച്ചു.. ശബ്ദം മാറ്റി ചോദിച്ചു..
""തീരുമാനം മാറ്റിയോ മോനെ... ""
""എടി കരടി കുട്ടി ശബ്ദം മാറ്റിയ ഞാൻ കണ്ട് പിടിക്കില്ലെന്ന് കരുതിയോ...""
അമ്മു ഉള്ളിലെ ചമ്മൽ മറച്ചു കൊണ്ട് പറഞ്ഞു..
""ഓഹ് വല്യ കാര്യായി പോയി.. ഇത്രയും നേരം വേണ്ടി വന്നില്ലേ കണ്ട് പിടിക്കാൻ.. ""
""ഡി പെണ്ണെ ഞാനൊരു കാര്യം പറഞ്ഞേക്കാം.."".
""ആഹ് പറഞ്ഞു തുലയ്ക്ക്..".
""ഐ റിയലി ലവ് യു.. ""
""എടോ... താൻ""
അമ്മുവിന്റെ ചുണ്ടുകൾ എന്തു കൊണ്ടോ വിറച്ചു അവൾക്ക് മറുപടി പറയാൻ കഴിഞ്ഞില്ല അവൾ ഫോൺ കട്ട് ചെയ്തു കട്ടിലിൽ അങ്ങനെ ഇരുന്നു... അപ്പോഴും അവളുടെ മനസ്സ് പറഞ്ഞു കൊണ്ടിരുന്നു ..
"""എനിക്ക് ഇഷ്ടല്ല.. എന്റെ സങ്കൽപം... ""
.....തുടരും......
അമ്മുക്കുട്ടി...
ഭാഗം 3...
""മനസ്സിന് ഇഷ്ടവാത്ത ആൾക്കൊപ്പം ജീവിക്കുന്നത് എങ്ങനെയാ.. ""
രാത്രി അത്താഴം കഴിക്കുമ്പോൾ മനസ്സിൽ മുഴുവൻ എങ്ങനെ കല്യാണം മുടക്കും എന്നായിരുന്നു...
""എന്താ അമ്മു ആലോചിച്ച് ഇരിക്കണത്.. വേഗം കഴിച്ചിട്ട് കിടക്കാൻ നോക്ക്.. ""
അമ്മു വേഗം ഭക്ഷണം കഴിച്ചു.. പാത്രവുമായി അടുക്കളയിലേക്ക് നടന്നു..
പാത്രം കഴുകി എല്ലാം ഒതുക്കി വെച്ച് അവൾ മുറിയിലേക്ക് നടന്നു...
മുറിയിൽ കയറി വാതിൽ അടച്ചു കുറ്റിയിട്ട് കിടക്കയിൽ മലർന്ന് കിടന്ന് വീണ്ടും ആലോചന തുടങ്ങി..
""ഒരു വഴിയും തെളിയുന്നില്ലല്ലോ ന്റെ ഭഗവതി.. ""
ആലോചനകൾ പരാജയത്തിൽ എത്തിയപ്പോൾ അവൾ എപ്പോഴോ മയങ്ങി.. രാവിലെ പതിവ് സമയം എഴുന്നേറ്റ് കുളിച്ചു ഭക്ഷണം ഒരുക്കി...
""അച്ഛാ ഞാനും മായയും അമ്പലത്തിൽ പോയിട്ട് വരാം ഒക്കെ ഒരുക്കി വെച്ചിട്ടുണ്ട്.. അച്ഛൻ എടുത്തു കഴിക്കണേ."".
""മ്മ്.. മോള് പോയിട്ട് വാ... ""
അമ്മുവിനെ കാത്ത് മായ ഉമ്മറത്ത് ഇരിക്കുന്നുണ്ടായിരുന്നു.. അവർ ഇരുവരും ഒരുമിച്ച് ഇറങ്ങി അമ്പലം ലക്ഷ്യമാക്കി നടന്നു...
""എടി മായേ..""
"നിർത്ത് അമ്മു.. കല്യാണം മുടക്കുന്ന കാര്യം ആണെങ്കിൽ പറയണം എന്നില്ല എനിക്ക് കേൾക്കണ്ട.. ""
അത് കേട്ടപ്പോൾ അമ്മു മായയെ നിഷ്കളങ്കമയോന്നു നോക്കിയിട്ട് ചിണുങ്ങികൊണ്ട് പറഞ്ഞു..
""മായേ.. എടി നീയല്ലേ എനിക്കുള്ളൂ ഞാൻ വേറെ ആരോട് പറയാനാ.. ""
""നീ അവനോട് പറ അതുലിനോട്.. ""
""ഞാൻ പറഞ്ഞു.. അപ്പൊ ആ കൊരങ്ങൻ പറയാ ഐ ലവ് യു ന്ന്.. ""
മായ കണ്ണു മിഴിച്ചു അമ്മുവിനെ നോക്കി എന്നിട്ട് ചിരിച്ചു...
""നീ എന്തിനാ കിണിക്കുന്നെ..""
""പിന്നെ ഞാൻ എന്ത് ചെയ്യാനാ.. ""
""എടി എന്റെ കയ്യിന്ന് പോയി.. ഒരു വഴി പറ.. ""
""ഇതേ അമ്പലം എത്തി.. ദേവിയോട് തന്നെ വഴി കാണിച്ചു തരാൻ പറ... ""
തൊഴാൻ കയറുന്നതിനു മുൻപ് ചെരുപ്പഴിച്ചു വെച്ച് കുളത്തിലേക്ക് കാലു കഴുകാൻ പടവിലേക്ക് ഇറങ്ങുമ്പോൾ മുമ്പിൽ അതുൽ കാലു കഴുകി കയറി വരുന്നു.. അമ്മു അവന് മുമ്പിൽ മുഖം വീർപ്പിച്ചു അങ്ങനെ നിന്നു...
അവൻ നിറഞ്ഞ ചിരിയോടെ അവളെ നോക്കി..
""ആരാ ഇത് കരടി കുട്ടിയോ.. അമ്പലത്തിലൊക്കെ വരാറുണ്ടോ.. ""
അമ്മു പല്ലു കടിച്ചു കൊണ്ട് അവന് മറുപടി കൊടുത്തു..
""എന്തെ എനിക്ക് വരാൻ പാടില്ലേ.. ""
""അതല്ല കുടിയും വലിയും ഉള്ള ആളല്ലേ അപ്പൊ സാധനം വാങ്ങാൻ പോകണ്ടേ.. ""
മായ ഒന്നും മനസിലാവാതെ അമ്മുവിന്റെ മുഖത്തു നോക്കി...
""കുടിയും വലിയൊ സാധനോ എന്ത്.. ""
അമ്മു ചമ്മിയ ചിരി കൊടുത്തു അവളിൽ നിന്നും മുഖം പിൻവലിച്ചു വീണ്ടും അവനെ നോക്കി...
""ഡോ വഴിന്ന് മാറിയേ.. ഓരോന്ന് പറഞ്ഞു ദേഷ്യം പിടിപ്പിക്കാനായിട്ട്.. ""
അമ്മു വേഗം അവനിൽ നിന്നും ഒഴിഞ്ഞു മാറി കുളത്തിലെ വെള്ളത്തിൽ കാലു നനച്ചു... അതുൽ രണ്ട് പടവുകൾ കയറി തിരിഞ്ഞു നിന്ന് അവളെ നോക്കി ...
""നിന്നെയും കൊണ്ടേ ഈ അതുൽ പോകു മോളെ.."".
അമ്മു കാലു കഴുകി തിരിഞ്ഞതും അവളെ നോക്കി നിക്കുന്ന അവനെയാണ് കണ്ടത്...
""എന്താടോ നോക്കി നിൽക്കുന്നത്... പോയില്ലേ ഇനിയും ""
""എന്തായാലും നിന്നെ അല്ല നോക്കുന്നത്... ""
അവൻ അവിടെ നിന്നും നടന്നു നീങ്ങവെ മായ അമ്മുവിനോട് ചോദിച്ചു...
"""എന്നാലും അമ്മു എന്താ അയാൾ അങ്ങനെ പറഞ്ഞത്..""
""അയാൾക്ക് വട്ടാ.. നീ വന്നേ മായേ.. ""
""അതല്ല അമ്മു.. ""
""ഒന്നും ഇല്ലേ നീ വാ... ""
അമ്പലത്തിൽ കയറി ഭഗവതിയുടെ മുമ്പിൽ കൈ കൂപ്പി നിന്ന് അവൾ പ്രാർത്ഥിച്ചു.. അതുൽ അവളുടെ ഇടതു വശത്തു നിന്ന് ഇടം കണ്ണിട്ട് അവളെ നോക്കി... മായ അമ്മുവിന്റെ തൊട്ട് പുറകിലായി ആയിരുന്നു നിന്നത്.. മായ അവരെ രണ്ടു പേരെയും നോക്കി ചുണ്ടിൽ ചിരി പൊഴിച്ചു... അവൾ മനസ്സിൽ പറഞ്ഞു...
""ഇയാൾ എന്റെ അമ്മുവിനേം കൊണ്ടേ പോകു..""
അമ്മു കണ്ണുകൾ തുറന്ന് വലം വെക്കാനായി നടന്നു മായയും പുറകിലായി അതുലും..
വലം വെക്കുമ്പോൾ മായ അമ്മുവിനോട് ചേർന്ന് നടന്നു പതിഞ്ഞ സ്വരത്തിൽ പറഞ്ഞു..
""അമ്മു എന്തായാലും നിങ്ങൾ രണ്ടാളും നല്ല ചേർച്ചയുണ്ട് ട്ടോ.. ""
"""ഇതേ മായേ അമ്പലം ആണെന്ന് നോക്കില്ല ഞാൻ.."".
""നീ എന്നെ കൊല്ലണ്ട ഞാനൊരു സത്യം പറഞ്ഞതല്ലേ... ""
""അവളുടെ സത്യം മിണ്ടരുത് നീ.. ""
പെട്ടന്ന് വലം വെച്ച് പ്രസാദം വാങ്ങി... അമ്മു നെറ്റിയിൽ തൊട്ടു.. അതുൽ അവളുടെ ഓരോ ചലനങ്ങളും കണ്ട് ആസ്വദിച്ചു..
അമ്പലത്തിൽ നിന്ന് ഇറങ്ങി നടക്കവെ അവൾ അവനോട് പറഞ്ഞു...
""എന്റെ പിന്നാലെ നടന്നു ശല്യം ചെയ്താ എന്റെ സ്വഭാവം മാറും ട്ടോ... ""
""ഒന്ന് പോടീ കരടി കുട്ടി... നിന്റെ പുറകെ വന്നാൽ എന്റെ കാർ ആരാ ഓടിക്കുന്നത്... വേണെങ്കിൽ കയറിക്കോ ഞാൻ കൊണ്ടു വിടാം... ""
""വേണ്ടാ... ""
അതുൽ കാറിൽ കയറി അവൾക്ക് അരികിലൂടെ പോയി.. കാറിന്റെ സൈഡ് മിററിലൂടെ അവളെ നോക്കി അവൻ പോയി... അമ്മു മുഖം വീർപ്പിച്ചു കാർ കണ്ണിൽ നിന്നും മായും വരെ നോക്കി നിന്നു..
""ടി അമ്മു.. എന്താ സൈലന്റ് ആയിപോയത്... ചമ്മിയതു കൊണ്ടാണോ... ""
""ഞാനൊന്നും ചമ്മിയില്ല.. അവൻ അവന് അറിയില്ല എന്നെ.. ""
""ഒന്ന് പോയെ അമ്മു ചിരിപ്പിക്കല്ലേ നീയ്യ്.. ""
അമ്മു ഒന്നും മിണ്ടാതെ നടന്നു.. മായയുടെ ഫോണിൽ നിഖിൽ വിളിച്ചതും അവൾ പിന്നെ അവനോട് സംസാരിക്കുന്ന തിരക്കായി.. അമ്മു വീട്ടിൽ എത്തും വരെ പൂവിനോടും പുൽകൊടിയോടും പരിഭവം പറഞ്ഞു നടന്നു..
വീട്ടിൽ എത്തിയതും അവൾ അച്ഛനോട് എല്ലാം തുറന്ന് പറയാം എന്ന് മനസ്സിൽ ഉറപ്പിച്ചു...
ഉമ്മറത്തു കയറിയതും അച്ഛനെ ഉറക്കെ വിളിച്ചു കൊണ്ട് ചാരി ഇട്ട വാതിൽ അവൾ തള്ളി തുറന്നു..
""അച്ഛാ.... അച്ഛാ.. ""
""എന്തിനാ കിടന്ന് കൂവുന്നത്..""
""അച്ഛൻ ഇതെങ്ങോട്ടാ ഒരുങ്ങിയിട്ട്... ""
""ഞാൻ വേഗം വരാം... വന്നിട്ട് കാര്യം പറയാം.. ഇപ്പൊ എന്റെ മോള് ഊണ് ഉണ്ടാകാനുള്ള പരുപാടി തുടങ്ങിക്കോ... ""
""എനിക്കൊരു കാര്യം പറയാൻ ഉണ്ടായിരുന്നു.. ""
""അതൊക്കെ വന്നിട്ട്... ""
മുറ്റത്ത് ഒരു കാർ വന്ന് നിർത്തിയ ശബ്ദം കേട്ടതും അച്ഛൻ വേഗം അച്ഛന്റെ കാലൻ കുട കയ്യിൽ എടുത്ത് കുഞ്ഞു ബാഗും എടുത്തു മുറ്റത്തെക്ക് നടന്നു പുറകെ അമ്മുവും...
""ഇത് അയാളുടെ കാർ അല്ലെ.. അച്ഛൻ ഇയാളുടെ കൂടെ എങ്ങോട്ടാ... ""
അയാൾ വേഗം കാറിന്റെ ഡോർ തുറന്ന് കയറി ഇരുന്നു..
""പോകാം മോനെ... ""
""മ്മ്.. ""
അതുൽ ഒന്ന് പുഞ്ചിരിച്ചിട്ട് മൂളി..
അമ്മു മുറിയിൽ കയറി വസ്ത്രം മാറി അടുക്കളയിൽ കയറി യുദ്ധം തുടങ്ങി..
പച്ചക്കറികൾ അറിഞ്ഞു കൊണ്ട് അവൾ തനിയെ സംസാരിച്ചു..
""അച്ഛൻ വന്നിട്ട് വേണം എല്ലാം പറയാൻ... അവന്റെ അഹങ്കാരം ഞാൻ മാറ്റി കൊടുക്കുന്നുണ്ട്.. കള്ള പന്നി.. കാട്ടുമാക്കാൻ .... ""
ഊണ് ഒരുക്കി അമ്മു അച്ഛന്റെ മുറിയിൽ കയറി അവിടെ ഉള്ള അലമാരയിൽ നിന്നും ഒരു പുസ്തകം എടുത്തുകൊണ്ട് അവളുടെ മുറിയിൽ കയറി...
കട്ടിലിൽ ഇരുന്ന് പുസ്തകം വായിച്ചു പകുതി ആയതും കാറിന്റെ ശബ്ദം കേട്ട് അവൾ ജനലിനരികിൽ ചെന്നു നോക്കി...
""ഓഹ് കാർണോർ വന്നോ.."".
അയാൾ പോകാൻ ഒരുങ്ങിയ അതുലിനെ നിർബന്ധിച്ചു അകത്തേക്ക് ക്ഷണിച്ചു..
""വാ മോനെ ഊണ് കഴിച്ചിട്ട് പോകാം.. ഇനി ഇത് വേറെ വീടായി കാണണ്ട... ""
അമ്മു അത് കണ്ടുകൊണ്ട് ദേഷ്യത്തോടെ താഴെയ്ക്ക് ചെന്നു...
""മോളെ അമ്മു... ""
""ഇതാ വന്നു...""
അമ്മു അവരെ രണ്ടാളെയും മാറി മാറി നോക്കി മുഖം ചുളിച്ചു...
""നോക്കി നിക്കാതെ ഭക്ഷണം എടുത്തു വെക്ക് മോളെ.. ""
""മ്മ്... ""
അമ്മു കടുപ്പത്തിൽ ഒന്ന് മൂളിയിട്ട് അടുക്കളയിൽ കയറി ഭക്ഷണം എല്ലാം മേശ മേൽ കൊണ്ടു വെച്ചു..
അച്ഛനും അതുലും കൈ കഴുകി വന്നിരുന്നു..
അവർക്ക് എല്ലാം വിളമ്പി കൊടുത്തിട്ട് അമ്മു അടുക്കളയിലേക്ക് ചെന്നു..
അപ്പോഴാണ് വീണ്ടും അച്ഛൻ അവളെ വിളിച്ചത്..
""മോളെ അമ്മു ആ കണ്ണിമാങ്ങ അച്ചാർ എടുത്തേ...""
""അച്ഛനോട് അച്ചാർ കഴിക്കരുത് പറഞ്ഞിട്ടില്ലേ..""
""എനിക്കല്ല മോനാ.. ""
""അയ്യടാ ഒരു മോൻ... ""
അമ്മു അച്ചാർ ഭരണി എടുത്തു ചെറിയ പാത്രത്തിൽ അത് വിളമ്പി അവന് കൊണ്ടു കൊടുക്കാൻ എടുത്തു നടന്നതും പെട്ടന്ന് നിന്ന് തിരികെ വന്നു അതിൽ കുറച്ചു കൂടി മുളക് പൊടി ഇട്ടു നന്നായി ഇളക്കി കൂടെ കുറച്ച് വിമ്മുo...
""ഇന്ന് നിന്റെ കാര്യം പോക്കാ മോനെ അതുലെ... ചീമ പന്നി.. ""
അമ്മു ഒരു ചിരിയോടെ അവനരികിൽ നിന്ന് പാത്രത്തിൽ ഒരു വശത്തായി അച്ചാർ വിളമ്പി..
""കഴിക്ക് ഏട്ടാ... ""
അവളുടെ ഭാവ മാറ്റം കണ്ട് അച്ഛനും അതുലും അത്ഭുതത്തോടെ അവളെ നോക്കി...
""കേട്ടോ മോളെ ഞങ്ങൾ കണിയാനെ കാണാൻ പോയതാ ജാതകം നോക്കി.. രണ്ട് ദിവസം കഴിഞ്ഞു നിശ്ചയം അത് കഴിഞ്ഞു ഒരു മാസം കഴിഞ്ഞു കല്യാണം അങ്ങനെയാ ഉറപ്പിച്ചത്..""
അമ്മു വാടിയ മുഖത്തോടെ എല്ലാം കേട്ടു.. അതുൽ അവളുടെ മുഖം ഭാവം നോക്കി ചിരിച്ചിട്ട് ഒരു കണ്ണിമാങ്ങാ എടുത്തു വായിൽ വച്ചതും അവന്റെ മുഖ ഭാവം മാറി..
""എന്താ മോനെ അച്ചാർ ഇഷ്ടയില്ലേ... പറമ്പിലെ കണ്ണിമാങ്ങായാ ""
അതുൽ ആ മാങ്ങാ വിഴുങ്ങിയിട്ട് ഗ്ലാസിലെ വെള്ളം വായിൽ കമഴ്ത്തി..
"'"ഇല്ല അച്ഛാ നന്നായിട്ട് ഉണ്ട്""
എന്നിട്ട് അവളെ കലിപ്പോടെ ഒന്ന് നോക്കി അവൾ അവനെ നോക്കി മുഴുവൻ പല്ലും കാണിച്ചു കൊണ്ട് ഇളിച്ചു..
അവൻ പെട്ടന്ന് ഭക്ഷണം കഴിച്ചു എഴുന്നേറ്റ് അവന്റെ പുറകെ അമ്മുവും ചെന്നു കൈ കഴുകാൻ ഒരുങ്ങവെ വയറിൽ ഒരു അസ്വസ്ഥത തോന്നി...
""ടി കരടി കുട്ടി ടോയ്ലറ്റ് എവിടെയാ... ""
""എന്തിനാ... ""
""നിന്റെ അമ്മാവനെ കെട്ടിക്കാൻ ഒന്ന് പറയെടി.."".
അവൾ നേരെ ചൂണ്ടി കാണിച്ചു ചിരിച്ചു..
ഇത് കണ്ടു കൊണ്ട് വന്ന അച്ഛൻ അവളെ തുറിച്ചു നോക്കി... അവൾ വേഗം അവിടുന്ന് അടുക്കളയിലേക്ക് പോയി..
സമയം ഒരുപാട് കഴിഞ്ഞതും അതുൽ യുദ്ധം കഴിഞ്ഞു അവശനായവനെ പോലെ അകത്തു മുറിയിൽ ഇരുന്നു..
"""മോനെ അവൾ ഒരു കുറുമ്പിയാ... ഒന്ന് ഷെമിക്ക്..
അവളെ ഇന്ന് ഞാൻ... ""
അതുൽ അച്ഛന്റെ കൈ പിടിച്ചു തടഞ്ഞു...
""സാരമില്ല.. ""
""മോനിന്ന് പോകണ്ട.. വിരോധം ഇല്ലെങ്കിൽ ഇവിടെ കിടന്നോ... ""
അതുൽ തിരിച്ചു അവൾക്ക് എന്ത് പണി കൊടുക്കും എന്ന് ആലോചിച്ചു അവിടെ കിടന്നു..
രാത്രി ഊണ് കഴിക്കുമ്പോൾ അവൾ അവനെ നോക്കി കളിയാക്കി ചിരിച്ചു കൊണ്ടിരുന്നു...
""എടി ഭൂതനെ നിനക്ക് ഞാൻ വെച്ചിട്ടുണ്ട്.. ഇച്ചിരി നേരം കൂടി കഴിയട്ടെ.. ""
അതുൽ അവളെ നോക്കി മനസ്സിൽ പറഞ്ഞു.. സമയം നിരങ്ങി നീങ്ങി ഒടുവിൽ രാത്രി ആയി.. എല്ലാവരും കിടന്ന നേരം അച്ഛൻ ഉറങ്ങി എന്ന് ഉറപ്പ് വരുത്തി അതുൽ കോണി പടികൾ കയറി അവളുടെ മുറിയുടെ മുമ്പിൽ എത്തി..
തുടരും....
അമ്മുക്കുട്ടി ....
ഭാഗം 4...
അമ്മുവിന്റെ മുറിയുടെ മുമ്പിൽ കുറച്ചു സമയം നിന്നിട്ട് അതുൽ തിരികെ കോണി പടികൾ ഇറങ്ങി മുറിയിൽ എത്തി കിടക്കയിൽ കിടന്നു..
"""വേണ്ടാ ഒരുപാട് ചീപ്പ് ആയി പോകും... നാളെ രാവിലെ അവൾക്ക് ഇട്ടു പണി കൊടുക്കാം..""
അതുൽ ഫോൺ എടുത്ത് അവളുടെ ഫോട്ടോയിൽ നോക്കി..
""കഴിഞ്ഞ രണ്ട് മസായിട്ട് ഈ മൊതലിനെ ആണല്ലോ ഞാൻ പ്രേമിച്ചതെന്റെ ഭഗവാനെ..""
അവൻ ഒരു ചിരിയോടെ ആദ്യമായി അവളെ കണ്ട നാൾ ഓർത്തു..
അതുലിന്റെ അമ്മയുടെ പിറന്നാൾ ദിവസം അന്നദാനത്തിനു അമ്പലത്തിൽ സദ്യ വട്ടം ഒരുക്കുന്ന ദിവസം അമ്മയുടെ കൈ കൊണ്ട് തന്നെ വരുന്നവർക്ക് വിളമ്പി കൊടുക്കണം അതൊരു നേർച്ച പോലെ അമ്മ വർഷാ വർഷം ചെയ്യും അന്ന് അമ്പലത്തിൽ വലം വെച്ച് ഇറങ്ങിയ ആ ദാവണിക്കാരി പെൺകൊടി എന്തോ അവന് വല്ലാതെ ബോധിച്ചു ... അവളെ നോക്കി നിൽക്കുന്ന അതുലിനെ അമ്മ വിളിച്ചു..
""ആരെയാ നോക്കി നിക്കണത് കുട്ടാ... ""
""അത് അമ്മേ... ഒന്നുല്ലാ... ""
ഉച്ചയ്ക്ക് അന്നദാനം എല്ലാർക്കും വിളമ്പുമ്പോൾ അവളും ഉണ്ടായിരുന്നു... അതുൽ അവൾക്കായി സാമ്പാർ വിളമ്പാൻ അരികിൽ ചെന്നതും അവൾ വിടർന്ന കണ്ണുകൾ കൊണ്ട് അവനെ നോക്കി..
കരിമഷി കറുപ്പുള്ള ആ മിഴികളുകളുടെ നോട്ടം അവന്റെ നെഞ്ചിൽ തുളച്ചു കയറി....
അവളോട് നേരിട്ട് പറയാതെ ഒരു കല്യാണ ആലോചനയായി അവളുടെ അടുത്ത് എത്തി.. പക്ഷെ ഇഷ്ടമല്ലെന്ന് പറഞ്ഞപ്പോൾ തകർന്നു പോയി..
ആർക്കും അവളെ വിട്ട് കൊടുക്കാനും മനസു വന്നില്ല പിന്നീട് അവളുടെ ദേഷ്യം നിറഞ്ഞ സംസാരവും കുറുമ്പും അവൻ ആസ്വദിച്ചു...
പക്ഷെ ഇന്ന് ആ കുറുമ്പ് കുറച്ച് കൂടുതൽ ആണ്. ..
തന്റെ ആദ്യ പ്രണയത്തിന്റെ ഓർമകളെ തലോലിച്ചു കൊണ്ട് അതുൽ ഉറക്കത്തിലേക്ക് വീണു...
""മോനെ എണീക്ക്... ""
രാവിലെ അച്ഛൻ തട്ടി വിളിച്ചതും അവൻ എഴുന്നേറ്റ് കട്ടിലിൽ ഇരുന്നു...
""ഇപ്പൊ വയറിന്റെ അസുഖം ഒക്കെ മാറിയില്ലേ... ""
അതുൽ നല്ലൊരു ചമ്മിയ ചിരി പാസ്സാക്കിയിട്ട് മാറി എന്ന് പറഞ്ഞു..
"'എന്നാ പല്ലൊക്കെ തേച് കുളിച്ചിട്ട് വാ.. ചായ എടുത്തു വെക്കാം... ""
""അയ്യോ വീണ്ടും പരീക്ഷണം..
വേണ്ട ചായ കുടിക്കാൻ സമയം ഇല്ല.. ഇന്ന് ഓഫീസിൽ അര്ജന്റ് മീറ്റിംഗ് ഉണ്ട്...""
അവൻ പറയുന്നത് മുറിയുടെ പുറത്ത് നിന്ന് കേട്ടിട്ട് അമ്മു ചിരിക്കുന്നുണ്ട്...
അത് കണ്ടതും അച്ഛൻ അവളെ സൂക്ഷിച്ചു നോക്കി...
""അമ്മു.... അടുക്കളയിൽ പോയെ... ""
അമ്മു ചിരി നിർത്തി അടുക്കളയിലേക്ക് പോയി...
""മോനെ അവൾ ഇന്നലെ..."".
""അത് സാരമില്ല.. ഒരു തമാശയ്ക്ക് ചെയ്തതാവും.. അമ്മ അറിയില്ല ഞാൻ ഇവിടെ ഉണ്ടെന്ന് അറിഞ്ഞാൽ നല്ല പോലെ കേൾക്കാം കല്യാണത്തിന് മുൻപ്...""
""ഒക്കെ അവളുടെ കുരുത്തക്കേട് കാരണ.. മോൻ എന്തായാലും പോകാൻ നോക്കിക്കോ.. ""
""മ്മ്... ""
അതുൽ കട്ടിലിൽ നിന്നും എഴുന്നേറ്റ് കുളിമുറിയിൽ കയറി... പെട്ടന്ന് ഒരുങ്ങി പോകാൻ ഇറങ്ങി...
""അച്ഛാ... ഞാനെന്നാൽ ഇറങ്ങായി... ""
അമ്മു പുറകിൽ നിന്നും വിളിച്ചു പറഞ്ഞു...
""ഹലോ സാറെ വിമ് ഇട്ട ചായ കുടിച്ചിട്ട് പോകാം..""
""നീ പോടീ കരടി കുട്ടി... ""
അതുൽ കാറിൽ കയറി പോയതും അച്ഛൻ അവളുടെ മുമ്പിൽ നിന്നു അവളുടെ മുഖം അടച്ചോന്ന് കൊടുത്തു.. അമ്മു കവിളിൽ കൈ വെച്ച് നിറ കണ്ണുകളോടെ അയാളെ നോക്കി...
""നിന്റെ കുരുത്തക്കേട് കുറച്ചു കൂടുതലാ .."".
""അച്ഛാ അത്... ""
""മിണ്ടരുത് നീ... അമ്മ ഇല്ലെന്ന് കരുതി ഞാൻ വല്ലാതെ വഷളാക്കി നിന്നെ.. അവനോട് ക്ഷമ പോലും ചോദിക്കാനുള്ള മര്യാദ നിനക്ക് ഇല്ലാതെ പോയി.. ""
അമ്മു കരഞ്ഞു കൊണ്ട് മുറിയിലേക്ക് ഓടി.. കിടക്കയിൽ കമഴ്ന്നു വീണു കൊണ്ട് അവൾ കരഞ്ഞു... കുറച്ച് കഴിഞ്ഞു എഴുന്നേറ്റ് ഇരുന്ന് നഖം കടിച്ചു കൊണ്ട് പറഞ്ഞു...
""ആ ദുഷ്ടൻ കാരണം ആദ്യയിട്ട് അച്ഛൻ എന്നെ അടിച്ചു... എന്റെ ഭഗവാനെ എങ്ങനെ അയാളുടെ കൂടെ ഞാൻ ജീവിക്കും... നോക്കിക്കോ ടാ നിന്നെ സമാധാനായി ജീവിക്കാൻ ഞാൻ വിടില്ല.. ""
അമ്മു അവനെ ക്രൂഷിക്കാൻ ഉള്ളതെല്ലാം ആലോചിച്ചു കണ്ട് പിടിക്കുമ്പോൾ അതുൽ അവന്റെ വീട്ടിൽ എത്തി കാർ നിർത്തി കാറിൽ നിന്നും ഇറങ്ങി.. കാറിന്റെ ശബ്ദം കേട്ടുകൊണ്ട് അമ്മ ഉമ്മറത്തു വന്നു...
""കുട്ടാ നീ ഇന്നലെ എവിടെയായിരുന്നു...""
""അമ്മേ ഞാൻ വിളിച്ചു പറഞ്ഞതല്ലെ ആദർശിന്റെ വീട്ടിൽ... ""
""മ്മ്.. അകത്തേക്ക് കയറി വാ എന്റെ മോൻ... ""
അമ്മയുടെ വിളിയിൽ വശ പിശക് തോന്നി അവൻ പയ്യെ അമ്മയുടെ പിന്നാലെ അകത്തേക്ക് കയറി... അകത്ത് എത്തിയതും അവന്റെ ഒന്ന് ഞെട്ടിയിട്ട് അമ്മയെ നോക്കി പല്ല് മുഴുവൻ കാണിച്ച് അസ്സല് ചിരി നൽകിയിട്ട് പറഞ്ഞു...
""അമ്മേ ആദർശ്... ഇവിടെ എപ്പോ ""
ആദർശ് മേശയുടെ മുമ്പിൽ ഇരുന്ന് ഇഡ്ഡലിയും സാമ്പാറും വായിൽ തള്ളി കയറ്റുന്ന തിരക്കിൽ ആണ്.. അതിനിടയിൽ അവൻ അതുലിനെ നോക്കി...
""ആഹ് അളിയൻ വന്നോ... നീ എവിടെ ആയിരുന്നു.. ""
""അത് പിന്നെ.... ""
അവനെ നോക്കി അതുൽ പിറുപിറുത്തു...
""കാലമാടൻ വന്ന ദിവസം കൊള്ളാം.. അതും ഇത്രയും നേരത്തെ.. ""
""എന്താടാ കുട്ടാ നോക്കി നിക്കുന്നത്.. അവനോട് പറ അമ്മേന്റെ പുന്നാര മോൻ എവിടെ ആയിരുന്നു ഇന്നലെന്ന്.. ""
""അതമ്മേ ഞാൻ ഓഫീസിൽ ആയിരുന്നു.. ഒരു വർക്ക് ഉണ്ടായിരുന്നു.. ""
""അതിന് ഇന്നലെ നീ ലീവ് അല്ലെ.. കല്യാണ തിയ്യതി കുറിക്കാൻ പോയതല്ലേ.. ""
""അമ്മേ ഞാൻ... ""
""നിന്ന് വിയർക്കണ്ട.. രാമൻ നായർ അമ്മുവിന്റെ അച്ഛൻ എന്നെ വിളിച്ചിരുന്നു.. ""
അതുൽ ഒന്നും മിണ്ടാതെ മേശയുടെ അരികിൽ ചെന്നു പാത്രങ്ങൾ ഓരോന്നും തുറന്ന് നോക്കി..
""അമ്മേ ചമ്മന്തി പൊടി ഇല്ലേ.. ""
സാമ്പാർ കൂട്ടി കഴിച്ച നിനക്ക് ഇറങ്ങില്ലെ..
""എന്റമ്മോ ഞാൻ ഒന്നും പറഞ്ഞില്ല.. ""
""അളിയാ നല്ല സാമ്പാർ ആഹ് നീ കഴിക്ക്.. ""
""ഞാൻ കഴിച്ചോളാം.. അളിയൻ കുറച്ച് വെള്ളം കൂടി കുടിക്ക് ഇല്ലെങ്കിൽ ചത്തു പോകും.. ""
ആദർശ് അവനെ നോക്കി ചിരിച്ചിട്ട് വീണ്ടും തന്റെ പ്രവർത്തിയിൽ മുഴുകി..
അതുൽ ഭക്ഷണം കഴിച്ചു കഴിഞ്ഞു.. മുറിയിലേക്ക് നടന്നു.. കൂടെ ആദർശും..
"""ടാ അളിയാ ഞാൻ അറിഞ്ഞു..""
""എന്ത്... ""
"""നീ ഇന്നലെ അവളുടെ വീട്ടിൽ ആയിരുന്നു അല്ലെ... എന്നിട്ട് അവള് വല്ലോം തന്നോ.. ""
""അഹ് തന്നത് മുഴുവൻ അവിടെ കളഞ്ഞിട്ടാ വന്നത്..""
""അത് മോശായി പോയി... ""
അതുൽ അവന് മറുപടി കൊടുക്കാതെ അവനെ നോക്കിയിട്ട് മനസ്സിൽ പറഞ്ഞു..
""ഓഹ് ഇവനെ ഞാൻ... ""
എന്നിട്ട് ഫോൺ എടുത്ത് ആരുടെയൊക്കെയോ സ്റ്റാറ്റസ് നോക്കി വെറുതെ ഇരുന്നു...
""അളിയാ പറ.. ""
""എടാ നിനക്ക് എന്താ വേണ്ടത്.. ""
""ഇന്നലെ ഉണ്ടായതു പറ... ""
"" ഒന്ന് പോയെ നീ..
ആദർശ് മുഖം ചുളിച്ച് അവന്റെ ഫോൺ എടുത്തു അതിൽ തല പൂഴ്ത്തി ഇരുന്നു...
അതുലിന്റെ മനസ്സിൽ ഒരു ചിന്ത മാത്രമേ ഉണ്ടായിരുന്നുള്ളൂ..
""ആ കാന്താരിക്ക് എങ്ങനെ പണി കൊടുക്കാം"" എന്ന്..
ആലോചന മൂർധന്യവസ്ഥയിൽ എത്തിയതും അവൻ മയങ്ങി പോയി... നേരം അങ്ങനെ ഓരോന്ന് ചിന്തയിൽ പോയി.. രണ്ടു ദിവസം കഴിഞ്ഞു നിശ്ചയം ആയി... എല്ലാരും ഓരോ തിരക്കിൽ.. പെണ്ണിന്റെ വീട്ടിൽ ആയിരുന്നു പരുപാടി... അതുൽ അമ്മയും വേണ്ടപെട്ടവരും ആയി അവിടെ എത്തി..
അമ്മു അണിഞ്ഞു ഒരുങ്ങി എല്ലാവരുടെയും മുമ്പിലേക്ക് വന്നു.. അവളിൽ നിന്ന് കണ്ണ് എടുക്കാതെ അതുൽ അവളെ നോക്കി..
അത് കണ്ട് ആദർശ് അവന്റെ കയ്യിൽ നുള്ളി..
""എന്താടാ... ""
"""വാ അടച്ചു വെച്ച് നോക്കെടാ.. ""
""ഓ... ""
""മ്മ്.. ""
അവർ ഇരുവരും പരസ്പരം മോതിരം മാറി എല്ലാവരെയും നോക്കി ചിരിച്ചു..
""ജാനകി മക്കൾ നല്ല ചേർച്ച ഉണ്ടല്ലേ... ""
അവരെ കണ്ടിട്ട് അതുലിന്റെ അമ്മയോട് അവരുടെ സഹോദരി പറഞ്ഞു..
""മ്മ്... രാമനും സീതയും പോലെ.. ""
""കണ്ണ് കിട്ടും കുട്ട്യോൾക്ക്.. ""
അത്രയും പറഞ്ഞിട്ട് അവർ അവരെ വിണ്ടും നോക്കി.. സദ്യ കഴിഞ്ഞു.. എല്ലാവരും തിരികെ പോയി.. അമ്മയെ വീട്ടിൽ കൊണ്ടു വിട്ടിട്ട് ഫോൺ മറന്നു എന്ന് പറഞ്ഞു അതുൽ തിരികെ അവളുടെ വീട്ടിലേക്ക് പോയി... അമ്മ അവനെ ഒരു സംശയത്തോടെ നോക്കി അവനൊന്നു കണ്ണിറുക്കി കാണിച്ചു വേഗം കാർ തിരിച്ചു... അച്ഛൻ പന്തലുകാർക്ക് പൈസ കൊടുത്തു കണക്കു പറയുന്ന തിരക്കാണ് അതുൽ വഴി അരികിൽ വണ്ടി നിർത്തി അച്ഛന്റെ കണ്ണ് വെട്ടിച്ചു അകത്തു കയറി...
അമ്മു മുറിയിൽ കയറി സാരി മാറാൻ ഒരുങ്ങവെ..
വാതിലിൽ ആരോ മുട്ടുന്ന ശബ്ദം കേട്ടു വാതിൽ തുറന്നു അതുലിനെ പ്രതീക്ഷിക്കാതെ കണ്ടപ്പോൾ അവളൊന്നു ഞെട്ടി...
അവളെ ഉള്ളിലേക്ക് പതിയെ തള്ളിയിട്ട് അവൻ വാതിൽ കുറ്റിയിട്ടു..
""ഡോ വാതിൽ തുറക്ക് പുറത്ത് ഇറങ്ങു... ""
""ടി കരടി കുട്ടി... ""
അവൻ ഇടതു കൈ കൊണ്ട് അവളെ ചുറ്റി പിടിച്ചിട്ട് അവളുടെ വലതു കൈ കൊണ്ട് വായ പൊത്തി പിടിച്ചു...
""നിനക്ക് ഒരു സമ്മാനം തരാൻ വന്നതാ തന്നിട്ട് പൊയ്ക്കോളാം... ""
അവൾ അവനെ തുറിച്ചു നോക്കി...
""ഇങ്ങനെ നോക്കല്ലേടി ഉണ്ടക്കണ്ണി.. സഹിക്കാൻ വയ്യ..
നിനക്ക് എന്ത് പണി തരണം എന്നാലോചിച്ചു രണ്ട് ദിവസം ഞാൻ ഉറങ്ങിയില്ല.. എന്തോ നിന്നെ വേദനിപ്പിക്കാൻ എനിക്ക് കഴിയില്ല... പകരം ഈ സമ്മാനം നീ വാങ്ങണം.. ""
അവൻ അവളെ അവനിലേക്ക് ചേർത്തു നിർത്തി അവളുടെ ചുണ്ടുകൾ സ്വന്തമാക്കി...
അമ്മു അവനിൽ നിന്നും മാറാൻ ശ്രെമിച്ചു ഒടുവിൽ കണ്ണുകൾ ഇറുക്കി അടച്ചു നിന്നു.. അവൻ അവളെ പതിയെ വിട്ടിട്ട് മുറിയിൽ നിന്നും ഇറങ്ങി.. അമ്മു ദേഷ്യത്തോടെ കട്ടിലിൽ ഇരുന്നു.. അവളുടെ കണ്ണുകൾ നിറഞ്ഞു.. പല്ല് കടിച്ചു കൊണ്ട് അവൾ വാതിലേക്ക് നോക്കി...
അതുൽ നിറഞ്ഞ ചിരിയോടെ അവിടെ നിന്നും ഇറങ്ങി.. അച്ഛൻ കാണാതെ കാറിന്റെ അടുത്ത് എത്തി.. കാറിൽ കയറി സ്റ്റാർട്ട് ചെയ്തതും മുമ്പിൽ അച്ഛൻ നിൽക്കുന്നു...
തുടരും....
അമ്മുക്കുട്ടി...
ഭാഗം 5
""അച്ഛൻ...""
അയാൾ കാറിനു അടുത്തേക്ക് പോയതും അതുൽ കാറിന്റെ സൈഡ് ഗ്ലാസ് താഴ്ത്തി അച്ഛനെ നോക്കി... അച്ഛൻ അവന്റെ അരികിൽ ചെന്നിട്ട് ചോദിച്ചു...
""എന്താ മോനെ... ഇങ്ങോട്ട് വന്നതാണോ.... ""
""ഓഹ് ഭാഗ്യം അച്ഛൻ ഉള്ളിൽ കയറിയത് കണ്ടില്ലെന്ന് തോന്നണു... ""
""എന്താ ആലോചിക്കണേ.""
""അത് ഞാൻ ഫ്രണ്ടിന് ഒരു ഗിഫ്റ്റ് കൊടുക്കാൻ വന്നതാ അവന്റെ എൻഗേജ്മെന്റും ഇന്നായിരുന്നു... എന്നിട്ട് പോയി വരണ വഴി ഇങ്ങോട്ട് കയറി""
""ആഹ്.. അതേതായാലും നന്നായി തിരക്കിലും മറക്കാതെ അതും ഇന്ന് തന്നെ പോയില്ലേ ഫ്രണ്ടിന് സന്തോഷം ആയിട്ടുണ്ടാകും""
""ആ ഭൂതനയുടെ മുഖം കണ്ടിട്ട് സന്തോഷം അവൾക്ക് ഗിഫ്റ്റ് കിട്ടിയ സന്തോഷം ഒന്നുല്ലല്ലോ""
അതുൽ വീണ്ടും ആലോചനയിൽ വീണു..
""മ്മ് എന്നാ ശെരി മോൻ വീട്ടിലേക്ക് പൊയ്ക്കോ.. അച്ഛൻ ഇച്ചിരി തിരക്കാ.. കല്യാണത്തിന് അധിക ദിവസോന്നും ഇല്ലല്ലോ...""
""മ്മ്.. എന്നാ ശെരി അച്ഛാ....""
അതുൽ ഒരു കള്ള ചിരിയോടെ കാർ എടുത്തു വീട്ടിലേക്ക് കുതിച്ചു.. അച്ഛൻ വീട്ടിൽ കയറി.. കൂജയിലെ തണുത്ത വെള്ളം എടുത്തു കുടിച്ചിട്ട് അമ്മുവിനെ വിളിച്ചു..
""മോളെ അമ്മു.. ""
""എന്തോ...""
""ഒന്ന് താഴേക്ക് വന്നേ..""
അമ്മു കോണി പടികൾ ഇറങ്ങി അച്ഛന്റെ അരികിൽ ചെന്നു നിന്നു..
""മോളെ ലീല ഏടത്തിയെ ഒന്ന് പിന്നാംപുറത്ത് ജോലിക്ക് സഹായിക്കു.. പണി കഴിഞ്ഞില്ല.. സന്ധ്യ അവറായില്ലെ വിളക്ക് വെക്കുന്നെന് മുൻപ് ആവട്ടെ..""
""മ്മ് ശെരി അച്ഛാ..""
അമ്മു അടുക്കളയിലേക്ക് നടക്കവേ വീണ്ടും അവളെ വിളിച്ചു...
""അമ്മു... നീ വസ്ത്രം മാറിയില്ലല്ലോ.. ചെല്ല് ഇതൊക്കെ മാറിയിട്ട് മതി..""
"മ്മ്..""
അമ്മു ഒന്ന് മൃദുവായി മൂളിയിട്ട് മുറിയിലേക്ക് പോയി.. അയാൾ ഓരോ ജോലികളിൽ ശ്രെദ്ധിച്ചു..
അമ്മു മുറിയിൽ എത്തി.. വാതിൽ അടച്ചു കണ്ണാടിയുടെ മുമ്പിലായി നിന്നു.. മെല്ലെ ചുണ്ടിൽ തൊട്ടു.. ദേഷ്യം കൊണ്ട് അവൾക്ക് അലറാൻ തോന്നി... അവൾ അലമാര തുറന്ന് വസ്ത്രം എടുത്തു എല്ലാം മാറിയിട്ട് താഴേക്ക് ചെന്നു ജോലികൾ തീർക്കാനുള്ള തിരക്കായി..
അതുൽ വീട്ടിൽ എത്തിയതും കാർ പോർച്ചിൽ നിർത്തി കാറിൽ നിന്നും ഇറങ്ങി കീ ചെയിൻ വിരലിൽ ഇട്ട് കറക്കി ചിരിച്ചു കൊണ്ട് അകത്തേക്ക് കയറാൻ ഒരുങ്ങവേ ആദർശ് കൈ കെട്ടി വാതിൽ പടി മുകളിൽ നിന്നുകൊണ്ട് അവനെ നോക്കി...
""സത്യം പറ ടാ... എങ്ങോട്ട് പോയതാ.. ""
""അത് പിന്നെ.. ഞാൻ..""
""നിന്ന് പരുങ്ങണ്ട.. കൊടുത്തല്ലേ കൊച്ചു കള്ളാ.""
അതുൽ നാണത്തോടെ ഒന്ന് ചിരിച്ചു കൊണ്ട് അതേ എന്ന അർത്ഥത്തിൽ തലയാട്ടി ...
പിറ്റേന്ന് അതുൽ കല്യാണം വിളിക്കാനുള്ള പരുപാടികൾക്ക് മാറ്റി വെച്ചു അമ്മയുടെ ഒപ്പം വേണ്ടപ്പെട്ടവരുടെ വീട്ടിലേക്ക് പിന്നെ ആദർശിന്റെ കൂടെ സുഹൃത്തുക്കളുടെ അടുത്തും.. അമ്മു ഒന്നിനോടും ഉത്സാഹം കാണിക്കാതെ ഒരേ ഇരിപ്പായിരുന്നു...
അടുക്കളയിലെ ബെഞ്ചിൽ ഇരുന്ന് ആലോചിക്കുന്ന അവളെ പെട്ടന്ന് അച്ഛൻ തോളിൽ തൊട്ട് വിളിച്ചു.. അവൾ ഞെട്ടി അച്ഛനെ നോക്കി..
""അമ്മു ...""
""പേടിച്ചു പോയല്ലോ അച്ഛാ..""
""മനസ്സ് ഇവിടെ ഒന്നും അല്ലല്ലോ അമ്മു...""
""അങ്ങനെ ഒന്നും ഇല്ല... അയാൾ.. ""
""നീ മോനെ ആണോ അയാൾ എന്ന് ഉദ്ദേശിച്ചത്.. ഏട്ടൻ എന്ന് വിളിക്ക്.. ബഹുമാനം ഇല്ലാതെ വിളിക്കുന്നോ അടിച്ചു കരണം പൊളിക്കും ഞാൻ...""
അമ്മു.. പല്ലുകൾ കടിച്ചു കൊണ്ട് ദേഷ്യത്തിൽ മൗനമായി നിന്നു...
""ഇനി അങ്ങനെ വിളിക്കരുത് കേട്ടോ... ""
""ഇല്ല അച്ഛാ... ""
""അച്ഛൻ ഒന്ന് പുറത്ത് പോകുവാ.. ക്ഷണക്കത്ത് അടിച്ചു വെച്ചിട്ടുണ്ട് നാരായൺ ഇപ്പൊ വിളിച്ചു.. ഞാനത് പോയി വാങ്ങി വരാം..""
""മ്മ് ശെരി...""
""ആഹ് മോളെ അച്ഛൻ ഒരുപാട് വൈകും.. വരും വഴി ചെറിയച്ഛന്റെ വീട്ടിലൊക്കെ കല്യാണം പറയാൻ ഉള്ളതാ..""
"അപ്പൊ ഊണ്...""
""ഒരു നേരത്തെ ഊണ് തരാൻ എന്റെ പെങ്ങളുടെ വീടില്ലെ.. അവിടുന്ന് കഴിച്ചോളാം...""
അയാൾ പോയതും അമ്മു വാതിൽ അടച്ചു അടുക്കളയിൽ കയറി ഊണിനുള്ള കാര്യങ്ങൾ ഒരുക്കി..
അച്ഛൻ ചിലപ്പോൾ ഊണ് കഴിക്കാൻ വന്നെങ്കിൽ എന്ന് കരുതി ഭക്ഷണം ഒരുക്കി അവൾ സമാധാനമായി മുറിയിൽ ചെന്നിരുന്നു.. മുറിയിലെത്തി മേശയുടെ മുകളിൽ വെച്ച അമ്മയുടെ ഫോട്ടോയിൽ കുറച്ചു നേരം നോക്കിയിരുന്നു അറിയാതെ അവളുടെ കണ്ണുകൾ നിറഞ്ഞു..
""കണ്ണു നിറയെ കാണാനുള്ള ഭാഗ്യം ഇണ്ടായില്ലല്ലോ അമ്മേ ഈ മോൾക്ക്... ""
അവൾ ആ ഫോട്ടോ കയ്യിൽ എടുത്തു നെഞ്ചോടു ചേർത്തു കണ്ണുകൾ അടച്ചു.. അപ്പോൾ ഒരു ഇളം തെന്നൽ അവളെ മെല്ലെ തഴുകി മെല്ലെ പോയി.. അവളുടെ ചുണ്ടുകൾ മന്ത്രിച്ചു..
""അമ്മ...""
കുറച്ച് നേരം കഴിഞ്ഞ് പുറത്ത് ആരോ വാതിൽ മുട്ടുന്നത് കണ്ണുകൾ തുടച്ചു ഫോട്ടോ എടുത്തു കേട്ട് താഴേക്കു ചെന്നു..
""എനിക്കറിയാം ഊണിനു അച്ഛനും ഉണ്ടാവുംന്ന്..""
അമ്മു തനിയെ പറഞ്ഞു വാതിൽ തുറന്നു നോക്കിയതും അതുലും ആദർശും...
""ഓഹ് നിങ്ങളോ... അച്ഛൻ ഇവിടില്ല..""
""അത് കുഴപ്പമില്ല.""
""എന്താണാവോ വരവിന്റെ ഉദ്ദേശം""
""ഞങ്ങൾ കല്യാണം ക്ഷണിക്കാൻ ഇതുവഴി പോകായിരുന്നു.. സമയം ഒരുപാട് ആയില്ലേ വല്ലാത്ത വിശപ്പ് ഊണ് ആയോ...""
അമ്മു മറുപടി പറയാൻ ഒരുങ്ങവേ അതുൽ ആദർശിനോട് ബൈക്ക് മാറ്റി നിർത്തിയിടാൻ പറഞ്ഞു താക്കോൽ കൊടുത്തു..
""ഇപ്പൊ നിർത്തിയ സ്ഥലത്തിന് എന്താ കുഴപ്പം..""
""നിന്നോട് പറഞ്ഞ അത് ചെയ്യ്.. ചെല്ലെടാ പ്ലീസ്...""
""ആഹ് നടക്കട്ടെ...""
ആദർശ് പോയതും അവൻ അകത്തു കയറി..
""എന്റെ പൊന്ന് അമ്മു ഇച്ചിരി ചോറ് താടി.. അവനോട് ഞാൻ വെറുതെ പറഞ്ഞുപോയി നിന്റെ അസ്സല് കൈപുണ്യന്ന് കേട്ടപാതി കേൾക്കാത്ത പാതി ആ തീറ്റ പ്രാന്തൻ വണ്ടി ഇങ്ങോട്ട് കൊണ്ട് വന്നു... പോരാത്തതിന് നല്ല വിശപ്പും..""
അത് കേട്ടപ്പോൾ അമ്മുവിന്റെ ചുണ്ടിൽ ചെറു പുഞ്ചിരി വിടർന്നു..
""ഞാൻ അവനെ വിളിച്ചോട്ടെ..""
""മ്മ്... ""
അവൾ മൂളിയതും അവൻ ആദർശ്നെ വിളിച്ചു...
""ടാ അളിയാ നീ എന്തോന്ന് വണ്ടി കൊണ്ട് കളിക്കുന്നത്.. വാ...""
അതുൽ കൈ കഴുകാൻ അമ്മുവിന്റെ പുറകെ പോയതും അവൾ അവനോട് പറഞ്ഞു..
""കല്യാണത്തിന് മുൻപ് ഇങ്ങനെ ഇടക് ഇടക് വരണത് ശെരിയല്ല ട്ടോ... ആർക്കും അത്ര ദഹിക്കില്ല.. ""
""ഓഹ്.. ഇനി വരില്ല.. അടിയന്റെ ആ കുരുത്തംകേട്ട കൂട്ടുകാരൻ കാരണ തമ്പുരാട്ടി വന്നത്.. ഇനി ഇങ്ങനെ ഇണ്ടാവില്ല..""
അവൾ കയ്യിലെ ഫോട്ടോ മേശ മേൽ വെച്ചിട്ട് അടുക്കളയിൽ പോയി ഭക്ഷണം എടുത്തു മേശയുടെ മേലെ ഒരുക്കി വെച്ചു...
കഴിച്ചു കൊണ്ടിരിക്കുമ്പോൾ അതുൽ ചോദിച്ചു..
""അതേ ആ കണ്ണിമാങ്ങാ അച്ചാർ ഉണ്ടെങ്കിൽ ഇച്ചിരി ഇവനും കൂടി കൊടുക്ക്..""
അമ്മു അടുക്കളയിൽ ചെന്നു അച്ചാർ എടുത്ത് അവർക്ക് മുമ്പിൽ വെച്ചു... ആദർശ് മുഴുവൻ കഴിച്ചു കഴിഞ്ഞു അവളെ നോക്കി പറഞ്ഞു...
""പെങ്ങളെ ഊണ് അടിപൊളി.. ഇവൻ ഭാഗ്യം ഉളോനാ..""
അത് കേട്ടു അവൾ ഒന്ന് ചിരിച്ചു.. ഉള്ളിൽ പറഞ്ഞു..
""നല്ല ഭാഗ്യം...""
അവർ ഇരുവരും എഴുന്നേറ്റ് കൈ കഴുകി അതുൽ അവളെ ചുറ്റി പറ്റി നിന്നു.. ആദർശ് അവനെ വിളിച്ചു..
""അളിയാ പോകാം.. ""
""അമ്മു ഞങ്ങൾ എന്നാൽ..""
""മ്മ്... ""
""അമ്മു ഒരു നിമിഷം... അമ്മുനെ കാണാൻ അമ്മുവിന്റെ അമ്മയെ പോലെ തന്നെ ഉണ്ട്.. ""
""അമ്മ... നിങ്ങൾക്ക് എങ്ങനെ.. ""
""അത് ഫോട്ടോയിൽ കണ്ടതാ.. ദാ ആ മേശയുടെ മുകളിൽ.. ""
അമ്മുവിന്റെ കണ്ണുകൾ വീണ്ടും ഈറനണിഞ്ഞു.. വിണ്ടും എന്തെങ്കിലും പറഞ്ഞാൽ അവൾ ഒരുപാട് സങ്കടപെടും എന്ന് കരുതി അവൻ ഒന്നും മിണ്ടിയില്ല..
യാത്ര ചോദിച്ച് ഇറങ്ങി...
""വാതിൽ അടച്ചോ അമ്മു..""
അമ്മു മേശ വൃത്തിയാക്കി.. എന്നിട്ട് ഫോട്ടോ എടുത്തു നോക്കി.
""അമ്മയെ പോലെ ഉണ്ടത്രേ എന്നെ കാണാൻ.. ""
അവൾ ചിരിച്ചു കൊണ്ട് അടുക്കളയിലെ ബെഞ്ചിന്റെ മുകളിൽ ഇരുന്നു ഭക്ഷണം കഴിച്ചു.. എന്നിട്ട് ഒരു ഉറക്കവും പാസ്സാക്കി
വൈകിട്ട് അച്ഛനെ കുറെ നേരം കാത്തിരുന്നു ഒടുവിൽ സന്ധ്യയ്ക്ക് ദീപം തെളിച്ചു ഉമ്മറത്തു ഇരുന്ന് ദൂരെ വഴിയിലേക്ക് നോക്കി.
അവളുടെ മനസ്സ് ആകെ തളർന്നു..
""ഫോണിൽ വിളിച്ചിട്ട് അച്ഛൻ ഫോണും എടുക്കുന്നില്ല.. ഇതെവിടെ പോയി.. ബാക്കി നാളെ വിളിച്ചാൽ പോരെ.. ""
നിലവിളക്കിൽ കരിന്തിരി കത്തി തുടങ്ങി അവളത് അണച്ചു എന്നിട്ട് പൂജ മുറിയിൽ കൊണ്ടു വെച്ചു.
ഫോണിൽ ഒന്ന് കൂടി അച്ഛനെ വിളിച്ചിട്ട് അവൾ കസേരയിൽ ഇരുന്നു.. പിന്നെ ആലോചനകൾക്ക് ഒടുവിൽ അതുലിന്റെ നമ്പറിൽ വിളിച്ചു..
""എന്താടി കരടി കുട്ടി... ഈ നേരത്ത്..""
""അത് അച്ഛൻ... ""
മറുപടി ആയി അവൾ കരഞ്ഞു.. അവന്റെ ഉള്ളോന്ന് പിടഞ്ഞു..
""എന്താ അമ്മു.. കരയല്ലേ അച്ഛന് എന്താ...""
""അച്ഛൻ ഇത്രയും നേരായിട്ട് എത്തിയില്ല.. ഒന്ന് അന്വേഷിച്ചു നോക്ക്.. പേടിയാവാ..""
""അമ്മു നീ പേടിക്കണ്ട.. അച്ഛൻ ഇപ്പൊ വരും വണ്ടി ഒന്നും കിട്ടി കാണില്ല അതാവും.. ഞാൻ അന്വേഷിക്കാം...""
അമ്മുവിന്റെ കാൾ കട്ട് ചെയ്ത് അതുൽ പെട്ടന്ന് വസ്ത്രം മാറി കാറിന്റെ കീ എടുത്ത് അമ്മയെ വിളിച്ചു...
""അമ്മേ ഒന്നിങ്ങു വായോ..""
""എന്താടാ..""
""അമ്മു വിളിച്ചു.. അച്ഛൻ ഇത്രയും നേരായിട്ട് എത്തിയില്ലത്രെ.. അവൾ അവിടെ തനിച്ച അമ്മയെ അവളുടെ അടുത്ത് ആക്കിയിട്ടു ഞാനൊന്ന് പോയി നോക്കട്ടെ...""
""ഈശ്വരാ... വേഗം വാ..""
അതുൽ അമ്മയെ അവളുടെ അരികിൽ ആക്കിയിട്ടു അയാളെ തിരഞ്ഞു.. അമ്മു വരുമ്പോൾ തന്ന കുടുംബക്കാരെ വിളിച്ചു ചോദിച്ചു.. എല്ലാവരും വന്നിട്ട് പോയെന്ന് മാത്രമാണ് പറഞ്ഞത്.. അതുൽ അറിയുന്ന വഴി പോയി.. ആദർശിനെ വിളിച്ചു കാര്യങ്ങൾ പറഞ്ഞു..
കുറച്ചു കഴിഞ്ഞ് ആദർശ് അവനെ വിളിച്ചു..
""ആഹ് ടാ പറ.. ""
""അളിയാ നീയൊന്നു സിറ്റി ഹോസ്പിറ്റൽ വരെ വേഗം വന്നേ..""
ആദർശ് പറയുന്നത് മുഴുവൻ കേൾക്കും മുന്പേ അതുലിന്റെ ഫോൺ ഓഫ് ആയിരുന്നു..
""ചെഹ് ചാർജ് തീരാൻ കണ്ട സമയം""..
അതുൽ വേഗത്തിൽ കാർ ഓടിച്ചു ഹോസ്പിറ്റലിന്റെ മുമ്പിൽ നിർത്തി.. ആദർശ് അവനെ കാത്ത് ഹോസ്പിറ്റലിന്റെ മുമ്പിൽ തന്നെ നിക്കുന്നുണ്ട്...
""ടാ അളിയാ... ""
തുടരും.....
അമ്മുക്കുട്ടി....
അവസാന ഭാഗം...
""ആദർശ് അച്ഛൻ....""
""നിന്നെ ഞാൻ ഒരുപാട് വിളിച്ചു ഫോൺ ഓഫ് ആണല്ലോ.. ""
""ആഹ് ചാർജ് ഇല്ല.. നീ അച്ഛൻ എവിടെ പറ...""
""പേടിക്കാൻ ഒന്നുല്ലടാ.. ബി പി കൂടി തല കറങ്ങി ഒന്ന് വീണു... വഴിയിൽ കണ്ടവർ ഇങ്ങോട്ട് കൊണ്ടുവന്നു.. ട്രിപ്പ് കഴിഞ്ഞ കൊണ്ടു പോകാം... നീ വിളിച്ചപ്പോ ഞാൻ ഇവിടെ ഉണ്ടായിരുന്നു എന്റെ ഒരു ഫ്രണ്ട്നെ കാണാൻ ഇറങ്ങുമ്പോഴ അച്ഛനെ കണ്ടത്..""
അതുൽ ശ്വാസം നേരെ വിട്ടിട്ട് അവനെ നോക്കി...
""എടാ ഒന്ന് ഫോൺ താ.. എന്റെ പെണ്ണിനെ വിളിച്ചു പറയട്ടെ അവൾ തീ തിന്നണുണ്ടാവും..""
ആദർശിന്റെ ഫോണിൽ അതുൽ അമ്മുവിനെ വിളിച്ചു..
""ഹലോ... ഇത് ഞാനാടി കരടി കുട്ടി... അച്ഛൻ എന്റെ കൂടെ ഉണ്ട്.. എന്തോ കൂട്ടുകാരനെ കല്യാണം വിളിക്കാൻ എന്നതാ വണ്ടി കിട്ടിയില്ല അതാ ലേറ്റ് ആയത്..""
""സത്യാണോ... അച്ഛനോന്ന് ഫോൺ കൊടുക്ക്... ""
""ഞങ്ങൾ എത്താറായി.. നേരിട്ട് സംസാരിക്കാലോ.... നീ വിഷമിക്കണ്ട ട്ടോ..""
""മ്മ്... ""
""അമ്മക്ക് ഒന്ന് ഫോൺ കൊടുക്ക്... ""
അമ്മു ഫോൺ അമ്മയുടെ കയ്യിൽ കൊടുത്തു..
""ആഹ് കുട്ടാ... രാമൻ നായരേ കണ്ടോ... ""
""ഉവ്വ് അമ്മേ ഞങ്ങൾ ഇപ്പൊ എത്തും.. ഇനി കരയണ്ടാന്ന് പറഞ്ഞേക്ക് പെണ്ണിനോട്... ""
അമ്മയോന്ന് ചിരിച്ചിട്ട് അവളെ നോക്കി.. സന്തോഷം കൊണ്ട് എന്താ ചെയ്യണ്ടേന്ന് അറിയാത്ത അവസ്ഥ..
""നിങ്ങള് വേഗം വന്ന മതി... ""
""ശെരി അമ്മേ... ""
അതുൽ ഫോൺ വെച്ച്.. ഹോസ്പിറ്റലിന്റെ അകത്തേക്ക് നടന്നു ആദർശ് അതുലിനു മുമ്പിലായി നടന്നു.. പോകുന്ന വഴി ആദർശ് ചോദിച്ചു...
""എന്താടാ അവളോട് ഹോസ്പിറ്റലിൽ ആണെന്ന് പറയാഞ്ഞത് .. ""
""പുറമെ ഉള്ള ധൈര്യവും കുറുമ്പും മാത്രെ ഉള്ളു.. അവൾക്ക് ചെറിയ കാര്യങ്ങൾ കൂടി സഹിക്കാൻ കഴിയില്ല.. ഇപ്പൊ ഞാനില്ലേ. അതാ അങ്ങനെ പറഞ്ഞത്...""
""മ്മ്... അത് നന്നായി... അളിയൻ സൂപ്പറാ... ആഹ് എത്തിയല്ലോ അച്ഛൻ ഇവിടെ ഉണ്ട്..""
അതുൽ ദൂരെയായി കട്ടിലിൽ കിടക്കുന്ന അച്ഛനെ നോക്കി.. അയാൾ നല്ല മയക്കത്തിൽ ആണ് അവൻ അച്ഛൻ കിടക്കുന്ന കട്ടിലിനോട് ചേർന്ന് കസേരയിൽ ഇരുന്നു.. കുറച്ചു സമയം കഴിഞ്ഞു അയാൾ കണ്ണുകൾ തുറന്നു നോക്കി ...
""അച്ഛൻ എഴുന്നേറ്റോ... ""
അതുൽ അയാളുടെ കൈയിൽ മുറുകെ പിടിച്ചു..
""മോനെ അമ്മു.. ""
അവൾ വീട്ടിൽ കൂടെ അമ്മയും ഉണ്ട്.. പേടിക്കണ്ട.. ഡോക്ടർ പറഞ്ഞു പോകാം പേടിക്കണ്ട എന്ന്...
""മ്മ്.. പോകാം.. ""
ഹോസ്പിറ്റലിൽ നിന്ന് ഇറങ്ങി ആദർശ് പോയതും അവർ കാറിൽ കയറി ഇരുന്നു... അയാൾ നിശബ്ദനായി പുറത്തേക്ക് നോക്കി....
""അച്ഛാ.. ""
അതുൽ വിളിച്ചത് കേട്ട് അയാൾ അവനെ നോക്കി..
""എന്താ മോനെ...""
""അച്ഛാ ഇനി മുതൽ അച്ഛൻ തനിച് എങ്ങും പോകണ്ട.. ഞാനും വരാം... നമ്മുക്ക് രണ്ടു പേർക്കും ഒന്നിച്ചു പോകാം എനിക്ക് കല്യാണം വിളിക്കാൻ ഉള്ളവരെയും അച്ഛന് വിളിക്കാൻ ഉള്ളവരെയും ഒന്നിച്ചു പോയി കാണാം...""
""പക്ഷെ മോനെ...""
""ഒരു പക്ഷെയും ഇല്ല.. ഇനി മുതൽ അച്ഛന്റെ മകൻ കൂടിയ ഞാൻ.. മാത്രല്ല തനിച് പോയിട്ട് എന്തെങ്കിലും ഉണ്ടായാൽ എന്റെ പെണ്ണിന്റെ സങ്കടം കൂടി ഞാനല്ലേ കാണണ്ടത്..""
അയാളുടെ കണ്ണുകൾ നിറയുന്നുണ്ടായിരുന്നു.. അവൻ കാണാതെ തൃതിയിൽ കണ്ണുകൾ തുടച്ചു ചുണ്ടിൽ ഒരു പുഞ്ചിരിയുമായി അവനെ നോക്കി .. കാർ വീടിന്റെ മുറ്റത്ത് എത്തിയതും അമ്മു ശബ്ദം കേട്ട് ഉമ്മറത്തേക്ക് ഓടി വന്നു..
അയാൾ കാറിൽ നിന്നും ഇറങ്ങി അവളുടെ അടുത്തേക്ക് നടന്നു...
"""മോളെ....""
""അച്ഛാ....""
നിറ കണ്ണുകളോടെ അവൾ അയാളെ കെട്ടിപിടിച്ചു.. അയാൾ അവളുടെ മുടിയിൽ തലോടികൊണ്ട് പറഞ്ഞു...
""പേടിച്ചു പോയോ എന്റെ അമ്മുക്കുട്ടി... ""
അയാൾ അവളെ നെഞ്ചിൽ നിന്നും അടർത്തി മാറ്റി കണ്ണുകൾ തുടച്ചു കൊടുത്തു.. അപ്പോൾ അവളെക്കാൾ സന്തോഷം അതുലിന്റെ മുഖത്തായിരുന്നു.. അമ്മ നിറ ചിരിയോടെ അവരെ നോക്കി നിന്നു... പിന്നിൽ നിന്ന് അച്ഛനെ അതുൽ വിളിച്ചു..
""അച്ഛാ... ഞാനും അമ്മയും എന്നാൽ ഇറങ്ങട്ടെ...""
അവന് മറുപടി നൽകിയത് അമ്മു ആയിരുന്നു..
"""അത്താഴം കഴിച്ചിട്ട് പോകാം സമയം 11 ആയില്ലേ..""
അതുൽ കണ്ണു മിഴിച്ചുകൊണ്ട് അവളെ തന്നെ നോക്കി അവൾ വീണ്ടും തുടർന്നു..
"" അമ്മ പറഞ്ഞു കഴിക്കാൻ തുടങ്ങുമ്പോളാ ഞാൻ വിളിച്ചത് എന്ന്.. നേരെ ഇങ്ങോട്ട് വന്നതാന്ന്. ""
അമ്മ അവളുടെ അരികിൽ ചെന്നു പറഞ്ഞു...
""വേണ്ടാ മോളെ ഇനി ഒരുപാട് അവസരങ്ങൾ ഉണ്ടല്ലോ.. അവിടെ ഉണ്ടാക്കിയത് അങ്ങനെ ഉണ്ട്.. നിങ്ങൾക്ക് രണ്ട് പേർക്ക് ഉണ്ടാക്കിയതല്ലേ.. മോള് അച്ഛന് കൊടുക്ക്.. ""
അമ്മു നിരാശയോടെ തല താഴ്ത്തി...
അതുൽ ഒന്ന് ചിരിച്ചിട്ട് കാറിൽ കയറി കൂടെ അമ്മയും.. അമ്മു അച്ഛനോപ്പം അകത്തു കയറി... ഭക്ഷണം ഒക്കെ കഴിച്ചു മുറിയിൽ കയറി.. ഫോൺ എടുത്തു അതുലിന്റെ നമ്പറിൽ വിളിച്ചു..
അതുൽ വന്നപാടെ ഫോൺ മുറിയിൽ ചാർജ് ചെയ്ത് ഓണാക്കിയിട്ട്... ഭക്ഷണം കഴിക്കാൻ ഇരുന്നു.. അവൾ വിളിച്ചത് അവൻ കേട്ടിരുന്നില്ല.. അമ്മു ഫോൺ കിടക്കയിൽ വെച്ച്.. അവൻ പെണ്ണ് കാണാൻ വന്നതും ഓരോ കുറുമ്പുകളും ഓർത്തു ചിരിച്ചു... പെട്ടന്നായിരുന്നു ഫോൺ റിങ്ങ് ചെയ്യുന്ന ശബ്ദം കേട്ടത്...
അവൾ ഫോൺ എടുത്തു ചെവിയോട് ചേർത്തു വെച്ചു..
""എന്താടി കരടി കുട്ടി ഫോൺ എടുത്തിട്ട് മിണ്ടാത്തത്... ""
""ഞാൻ വിളിച്ചിട്ട് എന്തെ എടുത്തില്ല... ""
""അത് ഭക്ഷണം കഴിക്കുവായിരുന്നു.. ""
""മ്മ് .. എന്നാ ശെരി.. കഴിച്ചൊന്ന് അറിയാൻ വിളിച്ചതാ... ""
""ആണോ.. എന്നിട്ട് ഫോൺ വെച്ചിട്ട് പോകുവാണോ.. ""
""മ്മ്... കുട്ടേട്ടൻ പോയി കിടന്നോ നേരം ഒരുപാടായി..""
""എന്താ വിളിച്ചത്... ""
""അത്... പിന്നെ അമ്മ പറഞ്ഞു കുട്ടൻ എന്നാ എല്ലാരും വിളിക്കാറ് എന്ന് അതാ... ""
""പക്ഷെ നീ അങ്ങനെ ആണോ..""
""പോയി കിടക്കു മനുഷ്യ.. ഗൂഡ് നൈറ്റ്...""
""ഗുഡ് നൈറ്റ്...""
അതുൽ ഫോൺ വെച്ച് സന്തോഷം കൊണ്ട് തുള്ളി ചാടി... കൂവി... എന്തെക്കെയോ കോപ്രായങ്ങൾ കാണിച്ചു... ശബ്ദം കേട്ടു മുറിയുടെ പുറത്ത് നിന്ന് അമ്മ വിളിച്ചു പറഞ്ഞു ..
"""കുട്ടാ എന്താ ശബ്ദം അടങ്ങി കിടന്നില്ലേങ്കിൽ. പോത്ത് പോലെ വലുതായി നോക്കില്ല.. കിട്ടും നല്ലത്.. ""
""അമ്മേ ഞാൻ കിടന്നു... ദാ ഇപ്പോ ഉറങ്ങി.. ""
പിറ്റേന്ന് അതുൽ കാറുമായി വന്ന് അച്ഛനെ കൂട്ടി പോയി.. അമ്മു ഉമ്മറത്തു തൂണിന്റെ മറവിൽ ഒളിച്ചു നിന്ന് അവളെ നോക്കി.. അങ്ങനെ ദിവസങ്ങൾ ഓരോന്ന് കഴിഞ്ഞു കല്യാണ പന്തൽ ഉയർന്നു മണ്ഡപം ഒരുങ്ങി.. വരൻ മണ്ഡപത്തിൽ ഇരുന്നു.. അമ്മുക്കുട്ടി ഇടതു വശത്തായി ഇരുന്നു അവൻ താലി അവളുടെ കഴുത്തിൽ ചാർത്തി.. അച്ഛൻ നിറഞ്ഞ മനസ്സോടെ അവളെ കൈ പിടിച്ച് അവനെ ഏല്പിച്ചു..
നിലവിളക്കുമായി അവൾ വലതു കാൽ വെച്ച് അവന്റെ പെണ്ണായി വീട്ടിൽ കയറി..
ആദ്യരാത്രിയിൽ അവൾക്കായി കാത്തു നിന്നു.. നാണത്തോടെ പാൽ ഗ്ലാസുമായി അവൾ മുറിയിൽ കയറി.. അവളുടെ കൈയിൽ നിന്ന് പാൽ ഗ്ലാസ് വാങ്ങി മേശയുടെ മുകളിൽ വെച്ചിട്ട് അവൻ വാതിൽ കുറ്റിയിട്ടു..
എന്നിട്ട് കട്ടിലിൽ ഇരുന്നു..
""നിക്കാതെ നീയും ഇവിടെ ഇരിക്ക് അമ്മു... ""
""മ്മ്... '"
അമ്മു അവനരികിൽ ഇരുന്നു..
""അമ്മു ഞാനൊരു കാര്യം ചോദിക്കട്ടെ... ""
""അമ്മുവിന്റെ സങ്കൽപ്പങ്ങൾ ഒക്കെ നശിപ്പിച്ച ആളല്ലേ ഞാൻ.. ഇതുവരെ ഞാൻ അതിനെ കുറിച്ച് ചോദിച്ചിട്ടില്ല... ഇപ്പൊ പറ.. ""
"""അത്... ""
""മടിക്കേണ്ട.. പറഞ്ഞോ.. ""
""നിങ്ങള് ആൺകുട്ടികൾ പാവപെട്ട വീട്ടിലെ കുട്ടികളെയും നാട്ടിൻ പുറംകാരി പെണ്ണിനേം അല്ലെ ഇഷ്ടം.. ഒരുപാട് പേര് പറയണത് കേട്ടു.. അതാ ഞാൻ തിരിച്ചു ചിന്തിച്ചു... മാത്രല്ല എല്ലാ കഥകളിലും വായിച്ചിട്ടുണ്ട് പണക്കാർക്ക് കുടുംബത്തേ സ്നേഹിക്കാൻ നേരം കിട്ടില്ല... ""
""എടി മണ്ടുസേ ... കരടി കുട്ടി..""
""എന്തെ സത്യല്ലേ...""
""കുറച്ചു സാമ്പത്തികം ഒക്കെ പിള്ളേർ പാവപെട്ട വീട്ടിലെ കുട്ടികളെ നോക്കുന്നത് അവരെ കാൽചുവട്ടിൽ അടിമയാക്കി വെക്കാൻ അല്ല.. അങ്ങനെ ഒരു കുട്ടിയുടെ സ്വപ്നങ്ങൾ നടത്തി കൊടുക്കുമ്പോൾ കിട്ടുന്ന ഒരു സുഖം അത് അനുഭവിക്കാൻ ആണ്.. അവൾക്കൊരു ബെറ്റർ ലൈഫ് കൊടുക്കാൻ ആണ്.. പിന്നെ കഥകൾ ഒക്കെ സത്യാവണം എന്നുണ്ടോ.. ചിലർ ഉണ്ടാവാം അങ്ങനെ എല്ലാരും ഒരുപോലെ ആവില്ല..""
""അത് കുട്ടേട്ടാ..""
""മതി.. ഇനി ഒന്നും പറയണ്ടാ നീ ആ പാൽ എടുക്ക്... നല്ലൊരു രാത്രി കളയണ്ടാ.""
""അത് പിന്നെ പാല് ..""
""എന്താ പാല് വേണ്ടേ...""
""പാലിൽ ഞാൻ കുറച്ചു വിമ് ഇട്ടു...""
""എടി നിന്നെ ഞാൻ...""
അതുൽ അവളെ പിടിക്കാൻ ഒരുങ്ങിയതും അവൾ കട്ടിലിൽ നിന്നും എഴുന്നേറ്റു.. അതുൽ അവളുടെ അടുത്തേക്ക് ചെന്ന് അവളെ കൈകളിൽ കോരി എടുത്തു.. അവന്റെ കഴുത്തിലൂടെ കൈകൾ ഇട്ടിട്ട് അവൾ പറഞ്ഞു...
""കുട്ടേട്ടാ... എനിക്ക് കുറച്ചു കാലം ഇയാളെ പ്രേമിക്കണം.. എന്നിട്ട് മതി.. ഫസ്റ്റ് നൈറ്റ്..""
അതുൽ അവളെ താഴെ ഇറക്കിയിട്ട് ഒന്ന് ആലോചിച്ചു...
""അത് വേണോ കരടി കുട്ടി...""
""മ്മ് വേണം...""
""നിന്റെ ഇഷ്ടം.... ""
അമ്മുവിന്റെയും അതുലിന്റെയുംജീവിതം ഇവിടെ തുടങ്ങുന്നേ ഉള്ളു.. വലിച്ചു നീട്ടി എഴുതി മുഷിപ്പിക്കുന്നില്ല..
അമ്മുകുട്ടി
Comments
Post a Comment