🍁കുറ്റവാളി🍁ഫുൾ പാർട്ട്🍁

🍁കുറ്റവാളി🍁ഫുൾ പാർട്ട്🍁

---------------

 വിനോദിന്റെ സെലക്ഷൻ സൂപ്പർ ആയിട്ടുണ്ട് ...ഓഫീസിൽ നിന്നും ഇറങ്ങി ബസ് സ്റ്റോപ്പിലേക്ക് നടക്കുമ്പോൾ,മായയുടെ പുതിയ ചുരിദാർ കണ്ട അശ്വതി പറഞ്ഞു...  

അതെനിക്കറിയാം അശ്വതി... എനിക്കും വിനുവേട്ടൻ സെലക്ട് ചെയ്തു തരുന്നതു  തന്നെയാണ് ഇഷ്ടം..... അല്ലെങ്കിലും എനിക്ക് ചേരുന്നതും ,എൻറെ ഇഷ്ടങ്ങളും ഇഷ്ടക്കേടുകളും എന്നെക്കാൾ നന്നായി അറിയുന്നത് വിനുവേട്ടന് തന്നെയാ....മായ  പറഞ്ഞു ..

നീയും അവൻറെ സെലക്ഷൻ ആയതു കൊണ്ടാണോ   ഇങ്ങനെ പറയുന്നത്.... ചിരിച്ചുകൊണ്ട് അശ്വതി ചോദിച്ചു ....

പോടീ  അവിടുന്ന്.. അതൊന്നുമല്ല.. വിനുവേട്ടന് എന്നെക്കാൾ നല്ല പെണ്ണിനെ കിട്ടിയേനെ ..പക്ഷേ ദൈവം എന്നെയാണ് ആ പാവത്തിന് വിധിച്ചത്... അതുകൊണ്ട് തന്നെ എന്നെ ഒരുപാട് സഹിക്കുന്നുമുണ്ട് ആ പാവം .....ചിരിയോടെ മായ പറഞ്ഞു ...

വർത്തമാനം പറഞ്ഞു നടന്ന്  രണ്ട് പേരും ബസ്റ്റോപ്പിൽ എത്തി ..കുറച്ചുനേരം കാത്തു നിന്നിട്ടാണ് ബസ് കിട്ടിയത് .....

മായ വിനോദ്......... അശ്വതി അരവിന്ദ് ......

ഒരേ കെട്ടിടത്തിലെ വ്യത്യസ്ത ഓഫീസുകളിലാണ് രണ്ടുപേരും ജോലിചെയ്യുന്നത്... അടുത്തടുത്ത രണ്ട് ഫ്ലാറ്റുകളിൽ ആണ് അവർ കുടുംബമായി താമസിക്കുന്നത്..... ജോലിക്ക് വരുന്നതും പോകുന്നതും ഒരുമിച്ചാണു ....

മായയുടെ  ഭർത്താവ് വിനോദ് ഒരു കൺസ്ട്രക്ഷൻ കമ്പനിയിലെ മാനേജർ ആണ്..... എല്ലാവരോടും നല്ല രീതിയിൽ പെരുമാറുന്ന ഒരാൾ ...ഭാര്യയായ

മായയെ  ഒരുപാട് ഇഷ്ടമാണ് ..വിവാഹം കഴിഞ്ഞിട്ട് രണ്ടു വർഷം കഴിഞ്ഞു.. വിശേഷം ഒന്നും ആകാത്തതിൽ , മായക്കു  വിഷമം ഉണ്ടെങ്കിലും സമയമാകുമ്പോൾ നടക്കും എന്ന് പറഞ്ഞ് ആശ്വസിപ്പിക്കുന്നത് വിനോദ് ആണ്.... മായയുടെ ഇഷ്ടങ്ങളെ മായയേക്കാൾ , മുൻപേ അറിഞ്ഞു നടത്തുന്നവൻ... അതുകൊണ്ടുതന്നെ മായയ്ക്ക്  ജീവനാണ് വിനോദിനെ..........അത്രതന്നെ വിശ്വാസവും......

          അശ്വതിയുടെ ഭർത്താവ് അരവിന്ദ് ഒരു businessman ആണ്..... വലിയ ബിസിനസുകാരൻ ഒന്നും ആയിട്ടില്ലെങ്കിലും , അങ്ങനെ ആകാനുള്ള നിരന്തരമായ ശ്രമത്തിലാണ്... അരവിന്ദിന്റേയും  അശ്വതിയുടെയും വിവാഹം കഴിഞ്ഞിട്ട് ആറുമാസം ആകുന്നതേയുള്ളൂ.. പക്ഷേ ,പുത്തരിയിലെ കല്ലുകടി  പോലെ അവരുടെ ദാമ്പത്യജീവിതത്തിൽ നിസ്സാരമെന്നു തോന്നുന്ന പല പ്രശ്നങ്ങളും ഉടലെടുക്കുന്നുണ്ട് , അവർ പോലുമറിയാതെ .. അരവിന്ദിന്റെ  ബിസിനസ്  മെച്ചപ്പെടുത്താൻ വേണ്ടിയുള്ള നെട്ടോട്ടമാണ് അതിനുള്ള ഒരു കാരണം.. രണ്ടാമത്തേത് ,സിനിമകളിലെല്ലാം കാണുന്ന ജീവിതത്തെ പോലെയുള്ള ,അശ്വതിയുടെ കുറെ സങ്കൽപങ്ങളും...

 മായയും അശ്വതിയും ബസ്സിൽ കയറി.. മുന്നിലും പിന്നിലും ഉള്ള സീറ്റുകളാണ് അവർക്ക് ഇരിക്കാൻ കിട്ടിയത് ...മുന്നിലെ സീറ്റിൽ മായയും പിന്നിലെ സീറ്റിൽ അശ്വതിയും ഇരുന്നു ...സീറ്റിലിരുന്ന പാടെ ,മായയുടെ ഫോൺ  ബെല്ലടിച്ചു.... വിനോദാണ്... സീറ്റ്  കിട്ടിയോ എന്നറിയാൻ വിളിച്ചതാണ്...

കിട്ടി .. വിനുവേട്ടാ ഞാൻ ഇരിക്കുകയാണ് മായ  പറഞ്ഞു...

 അതുകേട്ട് പിന്നിലിരുന്ന അശ്വതി ചെറിയൊരു അസൂയയോടെ ചോദിച്ചു.. വിനോദാണോ...?

 അതെ ..ബസ് കിട്ടിയോ എന്നറിയാൻ ..ഇല്ലെങ്കിൽ വിനുവേട്ടൻ വരാം എന്നുപറയാൻ വിളിച്ചതാണ്...

ഉം ,,അശ്വതി മൂളി ...

ബസ് പൊയ്ക്കൊണ്ടിരുന്നു ...അശ്വതിയുടെ ചിന്തകൾ അരവിന്ദിനെ കുറിച്ചായിരുന്നു ...ആറു മാസം ആയതേയുള്ളൂ വിവാഹം കഴിഞ്ഞിട്ട് ... മധുവിധു ഒന്നും തീരാൻ ഉള്ള സമയം പോലും ആയിട്ടില്ല ...എന്നിട്ടും താൻ വന്നോ  പോയോ, തനിക്ക് എന്തെങ്കിലും വേണോ, തന്റെ ഇഷ്ടങ്ങൾ , ഇഷ്ടക്കേടുകൾ അങ്ങനെ ഒന്നിനെക്കുറിച്ചും , അരവിന്ദ് അന്വേഷിക്കാറില്ല ...എപ്പോ നോക്കിയാലും ഒരു ബിസിനസ് ബിസിനസ്... വീട്ടിൽ വന്നു കയറിയാലും , നിർത്താതെയുള്ള ഫോൺവിളികളും.... സത്യം പറഞ്ഞാൽ മടുത്തു ......ഇങ്ങനെ ഒരു ജീവിതം ഒന്നുമായിരുന്നില്ല ,വിവാഹത്തിനു മുൻപ് താൻ സ്വപ്നം കണ്ടത് ...മായയുടെ ജീവിതം കണ്ടില്ലേ..! രണ്ടുവർഷം കഴിഞ്ഞിട്ടും ഇന്നും പുതുമോടികളെ പോലെയാണ് ജീവിക്കുന്നത്... എന്തൊരു കെയറിങ് ആണ് വിനോദിനു, ഇപ്പോഴും... കൊതിയാകുന്നു അവരുടെ ജീവിതം കണ്ടിട്ട് ...ആലോചനകളിൽ മുഴുകിയതുകൊണ്ട് സ്ഥലം എത്തിയതൊന്നും  അശ്വതി അറിഞ്ഞില്ല....

 അല്ല... അശ്വതി ഇറങ്ങുന്നില്ലേ ...ഉറങ്ങിപ്പോയോ ....? ഹലോ..... മായ അശ്വതിയെ തോളിൽ തട്ടി വിളിച്ചു ...

എത്തിയോ ...? ഞാൻ ...പെട്ടെന്ന് അറിയാതെ ഒന്ന് കണ്ണ് അടഞ്ഞു പോയി ..അശ്വതി വേഗം തന്നെ സീറ്റിൽ നിന്ന് എഴുന്നേറ്റു....

ബസ്  ഇറങ്ങി നടക്കുന്നതിനിടയിൽ കുസൃതിയോടെ ചിരിച്ചുകൊണ്ട് മായ പറഞ്ഞു ...ആ ..കല്യാണം കഴിഞ്ഞു ഇത്രയല്ലേ ആയുള്ളൂ...അതിന്റെയാ ഈ  ഉറക്കക്ഷീണം... അശ്വതിയും ചുമ്മാ ചിരിച്ചു , അവരവരുടെ ഫ്ളാറ്റുകളിലേക്കു   കയറി....

മായ എത്തി കുറച്ചുനേരം കഴിയുമ്പോഴേക്കും വിനോദം വരും... പിന്നെ അവരുടെ  ലോകമാണ് ...കളിയും ചിരിയും പിണക്കവും ഇണക്കവും പ്രണയവും പരിഭവവും മാത്രമുള്ള അവരുടെ ലോകം ...

 ഇതിൽനിന്ന് വ്യത്യസ്തമാണ് അശ്വതിയുടേത് ...    തികച്ചും ഒറ്റപ്പെട്ട ഒരു ലോകം ....രാത്രിയാകും അരവിന്ദ് വരാൻ .. വന്നാൽ തന്നെയും ലാപ്ടോപ്പിലും ഫോണിലും ആയിരിക്കും കൂടുതൽ സമയവും... വർത്തമാനം പറയാൻ ആഗ്രഹിച്ച അശ്വതി വന്നാൽ തന്നെ ചിലപ്പോൾ കേൾക്കും, ചിലപ്പോൾ ബിസി ആണെന്ന് പറയും .... ആദ്യമൊക്കെ ബിസി ആണെന്ന് പറയുമ്പോൾ അശ്വതി അവിടുന്നുമാറി പോകുമായിരുന്നു ...ശല്യപ്പെടുത്തേണ്ട എന്ന് കരുതി... തിരക്കുകൾ കഴിയുമ്പോൾ അവളുടെ അടുത്തേക്ക് അരവിന്ദ് വരും എന്ന് കരുതി അവൾ  കാത്തിരിക്കും ...പക്ഷെ ,പിറ്റേ ദിവസം , എഴുന്നേൽക്കുന്നത് വരെ ആ കാത്തിരിപ്പ് തുടർന്നാലും ,അരവിന്ദ് വരാറില്ല .. അവളെ ശല്യം ചെയ്യാതെ, പലപ്പോഴും എവിടെയെങ്കിലും കിടന്നുറങ്ങും ...

 പക്ഷേ കുറച്ചു കഴിഞ്ഞപ്പോൾ അശ്വതിക്ക് കാര്യം മനസ്സിലായി തുടങ്ങി ...തന്നെ കാത്തിരിപ്പിന്റെ വേദന അനുഭവിക്കാൻ വിടാൻ അല്ലാതെ, തന്നെ തേടി അരവിന്ദ് ഒരിക്കലും വരുന്നില്ല എന്ന് ...അതോടെ സംസാരിക്കാൻ പോകുമ്പോൾ ബിസി ആണെന്ന് പറഞ്ഞ അരവിന്ദ് ഒഴിഞ്ഞുമാറാൻ തുടങ്ങിയാൽ ,അവൾ ദേഷ്യപ്പെടാൻ തുടങ്ങി... ആദ്യമൊക്കെ  അരവിന്ദ് അവഗണിച്ചെങ്കിലും, ഒരിക്കൽ  ദേഷ്യം സഹിക്കാൻ കഴിയാതെ അരവിന്ദന്റെ  ഫോണെടുത്ത് അശ്വതി വലിച്ചെറിഞ്ഞു.... അന്ന് ആദ്യമായി അശ്വതിയെ അരവിന്ദ് തല്ലി...കവിളിലേറ്റ വേദനയെക്കാളും,   അരവിന്ദൻറെ അവഗണനയാണു അശ്വതിയെ വേദനിപ്പിച്ചത് ...അവൾ ഒത്തിരി കരഞ്ഞു..

 പെട്ടെന്നുള്ള ദേഷ്യം കൊണ്ടാണ് അരവിന്ദ് അടിച്ചത്.. പക്ഷേ അവളുടെ  കരച്ചിൽ കണ്ടപ്പോൾ അവനും വിഷമമായി ..മുറിയിൽ ഇരുന്നു കരയുന്ന അശ്വതിയോടു ,അരവിന്ദ് സോറി പറഞ്ഞു ..അതിൽപ്പിന്നെ , അശ്വതി സംസാരിക്കാൻ വന്നാൽ, അരവിന്ദ്  കേൾക്കുന്ന ഭാവത്തിൽ , ചുമ്മാ മൂളിക്കൊണ്ടിരുന്നു ...പക്ഷേ അതും മനസ്സിലായ അശ്വതി, പിന്നീട് അരവിന്ദിനെ  അധികം ശല്യപ്പെടുത്താൻ പോകാറില്ല ...  അവളും ഫോണിൽ തന്നെ ആയിരിക്കും ....

അങ്ങനെയിരിക്കെ ഒരു ഞായറാഴ്ച ,പണികളെല്ലാം കഴിഞ്ഞ് വെറുതെയിരുന്നു ബോറടിച്ചപ്പോൾ അശ്വതി മായയുടെ ഫ്ലാറ്റിലേക്ക് പോയി ...അരവിന്ദ് ഒരു ബിസിനസ് മീറ്റിങ്ങിനു  പോയിരിക്കുകയാണ് ...മായയുടെ ഫ്ലാറ്റിലെത്തി ,കോളിംഗ് ബെല്ലടിച്ചപ്പോൾ, വിനോദാണ് വാതിൽ തുറന്നത് ....വിനോദും  അശ്വതിയും നേരിൽ വല്ലപ്പോഴും കാണാറുണ്ടെങ്കിലും പരസ്പരം ഇതുവരെ സംസാരിച്ചിട്ടില്ല...

 മായ ..............? അശ്വതി ചോദിച്ചു ....

  മുറിയിലുണ്ട് ....മായേ ..മായേ.. വിനോദ് വിളിച്ചു...

 അകത്തേയ്ക്ക് പൊയ്ക്കോളൂ .. വിനോദ് ,വാതിലിന് അടുത്തുനിന്ന് നീങ്ങി ,അശ്വതിക്ക് പോകാൻ വഴിമാറി...... അശ്വതി നേരെ മായ നിൽക്കുന്ന മുറിയിലെത്തി .

മായ ഒരു പുതിയ ചുരിദാർ ഇട്ടു കൊണ്ട് നിൽക്കുകയാണ് ..വേറെ രണ്ടു പുതിയ ചുരിദാറുകൾ ബെഡിൽ കിടക്കുന്നുണ്ട് ...

അശ്വതിയെ കണ്ടതും... ആ അച്ചുവോ ...ഞാൻ ഒരു ഡ്രസ്സ് റിഹേഴ്സലിൽ ആണ് ... മായ പറഞ്ഞു ..

ഡ്രസ്സ് റിഹേഴ്സലോ ....? എന്തിന്റെ ...? അശ്വതി   ചോദിച്ചു ...

ഡ്രസ് റിഹേഴ്സൽ എന്ന് വെച്ചാൽ ,,ഇന്നലെ വിനുവേട്ടൻ എടുത്തുകൊണ്ടുവന്ന് മൂന്നു ചുരിദാറുകളുടെ .....മായ പറഞ്ഞു ...

ഞാൻ എന്താണെന്ന് വിചാരിച്ചു അശ്വതി പറഞ്ഞു, എന്നിട്ട് ബെഡിൽ കിടന്നിരുന്ന ഒരു ചുരിദാർ എടുത്തുകൊണ്ട്  പറഞ്ഞു... ഇത് നല്ല ഭംഗിയുണ്ട് .എനിക്കിഷ്ടമായി.. നല്ല കളർ.....

അശ്വതി കാണിച്ച് ചുരിദാർ കണ്ട് മായ പറഞ്ഞു ..

അച്ചുവിന് ഇഷ്ടായോ ...?എനിക്ക് പക്ഷേ അത്ര ഇഷ്ടമായില്ല ഇത് ...അതുമാത്രമല്ല എനിക്ക് തീരെ പാകം ആകുന്നില്ല... വിനുവേട്ടനും പറഞ്ഞു ,എടുത്തപ്പോൾ വിചാരിച്ച ഭംഗി, ഇട്ടപ്പോൾ തോന്നുന്നില്ല എന്ന് ....

ആണോ ....പക്ഷേ എനിക്കിഷ്ടായി.. നല്ല ഭംഗിയുണ്ട് ...അശ്വതി പറഞ്ഞു.

 കാണാൻ ഭംഗിയൊക്കെ ഉണ്ട് ..പക്ഷെ എനിക്കിത് കേറാൻ ഇത്തിരി പാടാ.. അതുകൊണ്ട് വിനുവേട്ടനോട് ഇത് തിരിച്ചു കൊടുത്ത് വേറെ വാങ്ങാൻ പറഞ്ഞിരിക്കുകയാണ് ഞാൻ.. അച്ചുവിന് ഇത് ഇഷ്ടായിന്നു വെച്ചാ  ഇത് നീയെടുത്തോ  എന്നാൽ ..അപ്പൊ പിന്നെ ആൾക്ക് ഇത്  തിരിച്ചുകൊടുക്കാൻ പോകണ്ടല്ലോ... ഇല്ല്യാച്ചാ,  നാളെ വീണ്ടും അവിടേക്ക് പോകേണ്ടിവരും ...മായ പറഞ്ഞു...

 എന്നാ ഞാൻ ഇതൊന്ന് ഇട്ടു നോക്കാം... പാകമാണെങ്കിൽ ഞാൻ എടുത്തോളാം ..അതും പറഞ്ഞ് അശ്വതി ആ ചുരിദാർ എടുത്തു ബാത്ത്  റൂമിൽ പോയി ഇട്ടുനോക്കി ...പുറത്തുവന്നു , മായ്ക്ക്  കാണിച്ചുകൊടുത്തു ...

ആഹാ .. കറക്റ്റ് പാകമാണല്ലോ ...നന്നായിട്ടുണ്ട്...അച്ചുവിനിത്  നന്നായി ചേരുന്നുണ്ട്...മായ  പറഞ്ഞു ..നീ ഇത് എടുത്തോ ..

  എന്നാൽ പിന്നെ എടുക്കാലേ ,എന്നും പറഞ്ഞ് അശ്വതി അത് കയ്യിൽ പിടിച്ചു ,ഇതിനെ എത്രയാ എന്ന് ചോദിച്ചു..........

 പൈസയൊന്നും തരണ്ട അച്ചു.. അത് നീ എടുത്തോ....... പിന്നെ ആദ്യമായിട്ടാ വിനുവേട്ടൻ എനിക്കായി വാങ്ങിയ ഒരു സാധനം വേറൊരാൾക്ക് ഞാൻ കൊടുക്കുന്നത്. അതിൽ ഒരു ചെറിയ പരിഭവമുണ്ട്.. എന്നാലും സാരമില്ല... എന്തായാലും, നാളെ ഇത് കടയിൽ കൊണ്ടുപോയി മാറ്റിയാൽ വേറെ ആരെങ്കിലും എടുക്കും ഇതാവുമ്പോൾ ഒന്നുമില്ലെങ്കിൽ എനിക്ക് കാണാലോ ...... ചിരിയോടെ മായ പറഞ്ഞു അതുകേട്ട് അശ്വതിയും ചിരിച്ചു.........

മുറിയിൽ നിന്നും പുറത്തുവന്ന മായ വിനോദിനോട് പറഞ്ഞു ..ഈ ചുരിദാർ എനിക്ക് പാകമില്ല ..ഇത് അച്ചുവിന് നന്നായി ചേരുന്നുണ്ട്.. ഇത് അവൾ എടുത്തോട്ടെ  വിനുവേട്ടാ ...ഇല്ലെങ്കിൽ പിന്നെ ഇതിനായി നാളെ വിനുവേട്ടൻ തന്നെ പോകേണ്ടി വരില്ലേ...

 നിന്റെ ഇഷ്ടം എന്നും പറഞ്ഞുകൊണ്ട് വിനോദ് ഫോണിൽ തന്നെ  നോക്കിയിരുന്നു.......

 നാളെ കാണാം എന്നു പറഞ്ഞുകൊണ്ട് അശ്വതിയും പോയി.....

 അശ്വതി പോയി കഴിഞ്ഞപ്പോൾ മായ വിനോദിനോട്  ചോദിച്ചു ,വിനുവേട്ടന് വിഷമമായോ ഞാൻ അത് അച്ചുവിന് കൊടുത്തത് ...അത് അവൾക്ക് നല്ല ഭംഗിയുണ്ട് ..എനിക്ക് അത്ര പോരാ ..അതുകൊണ്ടാണ് ..

വിനോദ് പറഞ്ഞു ,നീ അത് ആർക്കു കൊടുത്താലും എനിക്കെന്താ .......

പിന്നെന്താ മുഖം മാറിയതുപോലെ........? മായ ചോദിച്ചു.

 നിനക്ക് വെറുതെ തോന്നണതാ ..  നീ പോയി ചായ കൊണ്ടുവാ ..ചിരിച്ചുകൊണ്ട് വിനോദ് പറഞ്ഞു..

മുറിയിൽ തിരിച്ചെത്തിയ അശ്വതി, പക്ഷേ, ഭയങ്കര സന്തോഷത്തിലായിരുന്നു...... വിനോദിന്റെ  സെലക്ഷൻ കാണുമ്പോൾ എല്ലാം ആഗ്രഹിക്കാറുണ്ട്, അരവിന്ദൻ എപ്പോഴെങ്കിലും ഇതുപോലെ ഒന്ന് വാങ്ങി തന്നെങ്കിൽ എന്ന് ... അരവിന്ദിന് ,പക്ഷെ , സെലക്ട് ചെയ്യാനും  അറിയില്ല,.. സർപ്രൈസ് പോലെ  വാങ്ങിത്തരാനും  അറിയില്ല ....അതുകൊണ്ടുതന്നെ വിനോദ്  വാങ്ങിയ ആ ചുരിദാർ അശ്വതി നെഞ്ചോട് ചേർത്തുപിടിച്ചു....

 

പിറ്റേ ദിവസം ,ഓഫീസിൽ പോകാനായി ,അശ്വതി മായയെ  വിളിക്കാൻ പോയി...മായ  ഇന്നലെ കൊടുത്ത ചുരിദാർ ഇട്ടാണ് ഇന്ന് ഓഫീസിൽ പോകുന്നത് ...മായയുടെ ഫ്ലാറ്റിലെത്തി.. ബെല്ലടിച്ചു ...വാതിൽ തുറന്നത് പക്ഷേ, വിനോദ് ആയിരുന്നു ...അതുകണ്ട് അശ്വതി അമ്പരന്നു നോക്കി...

 ഞങ്ങൾക്ക് മുന്നേ പോകുന്നത് ആണല്ലോ...? എന്തുപറ്റി ?എന്ന് അശ്വതി  മനസ്സിൽ ഓർത്തുകൊണ്ട്, മായ എന്ന് ചോദിച്ചു...

 വിനോദും നോക്കുകയായിരുന്നു, അശ്വതിയെ........താൻ മായക്ക് വേണ്ടി   വാങ്ങിയ ചുരിദാറിട്ട്  മറ്റൊരു പെണ്ണ് തന്റെ  മുന്നിൽ നിൽക്കുന്നത് ,ഇത് ആദ്യമായാണ്... മായ പറഞ്ഞത് സത്യമാണെന്ന് വിനോദിനും തോന്നി.. ഈ ചുരിദാർ മായയേക്കാൾ  ഭംഗി അശ്വതിക്ക് തന്നെയാ...

മായ ....?അശ്വതി വീണ്ടും ചോദിച്ചു ...

ഇപ്പോ വരും ...മായേ നിന്നെ ദേ അച്ചു  വിളിക്കുന്നു ....വിനോദ് അടുക്കളയിലേക്ക് നോക്കി പറഞ്ഞു..........

അച്ചു ...വിനോദിന്റെ നാവിൽ നിന്നും ആ വിളി കേട്ട അശ്വതിക്ക് ഒത്തിരി  സന്തോഷം തോന്നി ...തനിക് അച്ചു എന്ന  വിളിപ്പേരുണ്ടെന്നു അറിഞ്ഞിട്ടും അരവിന്ദ് പോലും ഇതുവരെ തന്നെ അങ്ങനെ വിളിച്ചിട്ടില്ല ....താൻ ആഗ്രഹിച്ചിട്ടുണ്ട് ,പലപ്പോഴും ....സങ്കടത്തോടെ ,ചിലപ്പോഴൊക്കെ ഓർമപ്പെടുത്തിയിട്ടുമുണ്ട്...പക്ഷെ ,അരവിന്ദ് പലപ്പോഴും തിരക്കിൽപ്പെട്ടു എല്ലാം മറന്നു പോകും....

ന്നാലും ആദ്യമായിട്ടാണ് വിനോദ് തന്നെ എന്തെങ്കിലും വിളിക്കുന്നത്  ....അതും തന്റെ ചെല്ലപ്പേര് ....മനസ്സിൽ വന്ന സന്തോഷം മുഖത്തൊരു ചിരിയായി വന്നു അശ്വതിക്ക് .....

അപ്പോഴേക്കും മായ ബാഗുമെടുത്ത കിതച്ചു കൊണ്ട് വരുന്നുണ്ട് ....

സോറി അച്ചു ...കുറച്ചു ലേറ്റ് ആയി ..വിനുവേട്ടന് ചെറിയൊരു പനി..ഇന്ന് ഓഫീസിൽ പോകുന്നില്ല ....അതുകൊണ്ടു എല്ലാം ശരിയാക്കി വന്നപ്പോഴേക്കും ഇത്തിരി വൈകി ...

പോട്ടെ വിനുവേട്ടാ ,..എന്തെങ്കിലും ആവശ്യമുണ്ടായാൽ വിളിക്കണം ട്ടോ ...ലീവ് അധികം ഇല്ലാത്തതുകൊണ്ടാ ..ഇല്ലേൽ ഞാനും ഇന്ന് പോകില്ലായിരുന്നു ...അവിടെ എല്ലാം എടുത്തു വെച്ചിട്ടുണ്ട് ..മരുന്നും ഭക്ഷണവുമൊന്നും കഴിക്കാൻ മറക്കരുത് ട്ടാ ..മായ വിനോദിനോട് ഇത് പറയുന്നതിനിടയിൽ ,ചെരുപ്പിട്ട് ,അശ്വതിയുടെ കൈ പിടിച്ചു ഇറങ്ങാൻ തുടങ്ങി ...

സ്റ്റെപ് ഇറങ്ങുന്നതിനിടയിൽ ,പോയിട്ട് വരാം വിനുവേട്ടാ എന്ന് ഒരിക്കൽ കൂടി പറഞ്ഞു ..

ഉം എന്ന് വിനോദ് മൂളി...

പക്ഷെ ,ഇതിനിടയിൽ അശ്വതി തിരിഞ്ഞു ,മായ കാണാതെ വിനോദിനെ നോക്കി ....വിനോദും അപ്പോൾ അശ്വതിയെ തന്നെ നോക്കുകയായിരുന്നു ....രണ്ടു പേരുടെയും മുഖത്തു ,ആദ്യമായി ഒരു ചിരി വിരിഞ്ഞു ...

ബസിൽ പോകുമ്പോഴും ,ഓഫീസിൽ ഇരിക്കുമ്പോഴും എല്ലാം അശ്വതിയുടെ മനസ്സിൽ ,വിനോദിന്റെ നോട്ടവും ചിരിയും തന്നെ ആയിരുന്നു ...അതോർക്കുമ്പോഴെല്ലാം അശ്വതിയും ചിരിക്കുന്നുണ്ടായിരുന്നു ...മറ്റുള്ളവർ തന്നെ ശ്രദ്ധിക്കുന്നുണ്ടോ   എന്നൊന്നും അശ്വതി ശ്രദ്ധിച്ചിരുന്നില്ല ..

എന്നാൽ ,തിരിച്ചു വരുമ്പോൾ മായ ചോദിച്ചു ...പെണ്ണിനെന്താ ...ഇന്ന് പതിവില്ലാതെ ഒരു മാറ്റം  ...ഈ ലോകത്തൊന്നും അല്ലെ ...

ഏയ് അങ്ങനെയൊന്നും ഇല്ലാ.  എന്ന് അശ്വതി ചിരിച്ചു കൊണ്ട് പറഞ്ഞു ...

രണ്ടു ദിവസം കഴിഞ്ഞപ്പോൾ ,ഓഫീസിൽ നിന്നും വന്ന് ഫ്ലാറ്റിൽ എത്തി കുറച്ചു കഴിഞ്ഞപ്പോൾ ,മായ , അശ്വതിയുടെ അടുത്ത് വന്നു , മൊബൈൽ ചാർജർ ഉണ്ടോ എന്ന് ചോദിച്ചു ...'അമ്മ വിളിച്ചിരുന്നു ...തിരിച്ചു വിളിക്കാൻ നോക്കിയപ്പോൾ ,ചാർജ് കഴിയാറായി ...ചാർജർ ചിലപ്പോൾ വിനുവേട്ടന്റെ ബാഗിൽ ആകും ..അതവിടെ കാണാനും ഇല്ലാ ...മായ പറഞ്ഞു ...അശ്വതി ചാർജർ എടുത്തു മായക്ക് കൊടുത്തു ...

 

വിനോദ് ഓഫീസിൽ നിന്നും വന്നു ഫ്ലാറ്റിൽ കയറാൻ തുടങ്ങുമ്പോഴേക്കും മായ ഓടി വന്നു ,അശ്വതിയുടെ ചാർജർ അവന്റെ കൈയിൽ കൊടുത്തിട്ട് ,  വിനുവേട്ടാ , ഈ ചാർജർ ഒന്ന് അച്ചുവിന് കൊടുത്തിട്ട് വരോ ...? ചാർജ് ഇല്ലാത്തതുകൊണ്ട് ഞാൻ പോയി വാങ്ങിയിട്ട് വന്നതാ ...വിനുവേട്ടൻ ഇതൊന്നു കൊടുത്തു വരുമ്പോഴെക്കും,ഞാൻ ചായ എടുത്തു വെക്കാം ...മായ പറഞ്ഞു ...

 

നാളെയെങ്ങാനും ,നിനക്കു തന്നെ കൊടുത്താൽ പോരെ മായെ ..? വിനോദ് ചോദിച്ചു ..

അവൾക് ആവശ്യം ഉണ്ടായാലോ വിനുവേട്ടാ ..പ്ളീസ് ...ഒന്ന് കൊടുത്തിട്ട് വാ..എനിക്ക് അടുക്കളയിൽ ഇത്തിരി തിരക്കുണ്ട് ,...അതല്ലേ .....

 

ചാർജർ കൊടുക്കാൻ വിനോദ് അശ്വതിയുടെ ഫ്ലാറ്റിലേക്ക് പോയി ...ബെല്ലടിച്ചു...വാതിൽ തുറന്നു നോക്കിയപ്പോൾ, വിനോദിനെ കണ്ട  അശ്വതി അത്ഭുതപ്പെട്ടു... ചാർജർ അശ്വതിയുടെ നേരെ നീട്ടിക്കൊണ്ട് ,വിനോദ് പറഞ്ഞു..ചാർജർ  തരാൻ വന്നതാ .. മായ അടുക്കളയിൽ പണിയിലാണ്..അതാ  ഞാൻ വന്നത് ..താങ്ക്സ് ...ചിരിച്ചുകൊണ്ട് വിനോദ് പറഞ്ഞു..

 അശ്വതി വെറുതെ ചിരിക്കുക മാത്രം ചെയ്തു കൊണ്ട് കയ്യിൽ നിന്നും ചാർജർ വാങ്ങി  ....

പോകാനായി തിരിഞ്ഞ് വിനോദ് ,അശ്വതിയെ നോക്കി പുഞ്ചിരിച്ചു കൊണ്ട് പറഞ്ഞു,... അന്നത്തെ ആ  ചുരിദാർ ,മായയെക്കാളും  ,അച്ചുവിന് തന്നെയാണ് ചേരുന്നത് ..നല്ല ഭംഗിയുണ്ടായിരുന്നു ട്ടോ ...അതും പറഞ്ഞു വിനോദ് തിരിച്ചുപോയി

അശ്വതി സന്തോഷംകൊണ്ട് എന്തുചെയ്യണമെന്നറിയാത്ത അവസ്ഥയിലായിരുന്നു ... കേൾക്കാൻ ആഗ്രഹിച്ച പോലെ ഒരു അഭിനന്ദനം ,അതും  വിനോദിൽ നിന്ന്...അതിൽപ്പിന്നെ ,അശ്വതി  ഒരു സ്വപ്ന ലോകത്ത് ആയിരുന്നു ... വിനോദുമൊത്തുള്ള ഒരു സ്വപ്ന ലോകത്തു ... അരവിന്ദിനോടുള്ള എല്ലാ ഉത്തരവാദിത്തങ്ങളും വളരെ യാന്ത്രികമായി അശ്വതി , ചെയ്തു കൊണ്ടിരുന്നു .. അരവിന്ദും , കൂടുതലൊന്നും ശ്രദ്ധിക്കുക അവസ്ഥയിലായിരുന്നില്ല....

 കുറച്ചു ദിവസങ്ങൾ കഴിഞ്ഞപ്പോൾ, ഓഫീസിൽ നിന്നും ഇറങ്ങി നടക്കുന്നതിനിടയിൽ, മായ ഒന്ന് തല കറങ്ങി വീണു ...അശ്വതി വേഗം തന്നെ മായയെയും കൊണ്ട് ഹോസ്പിറ്റലിൽ പോയി..പ്രഷർ കുറഞ്ഞത് കൊണ്ടുള്ള തലകറക്കം ആയിരുന്നു.... വീട്ടിലെത്തിയിട്ടും മായയെ കാണാതായപ്പോ ആണ് , വിനോദ് മായയുടെ , ഫോണിലേക്ക് വിളിച്ച് എന്താണ് പറ്റിയത് എന്ന് ചോദിക്കുന്നത്... അപ്പോഴേക്കും ഓർമ്മ വന്ന മായ, ഉണ്ടായ വിവരങ്ങൾ വിനോദിനോട്   പറഞ്ഞു ...

അശ്വതി കൂടെയുണ്ട്, ഞങ്ങൾ വീട്ടിലേക്ക് വന്നു കൊണ്ടിരിക്കുകയാണെന്നും മായ പറഞ്ഞു...

 ഫ്ലാറ്റിലെ വാതിൽക്കൽ തന്നെ അവരെ കാത്തുകൊണ്ട് വിനോദ് നിന്നിരുന്നു..

മായയെ കണ്ടപ്പോൾ ഒരു അല്പം ദേഷ്യത്തോടെ തന്നെ വിനോദ്  ചോദിച്ചു ...ഇങ്ങനെ എന്തെങ്കിലും പറ്റിയാൽ അപ്പോൾ തന്നെ അറിയിക്കണ്ടെ മായെ .. എല്ലാം കഴിയുമ്പോൾ ആണോ  പറയുന്നത്...?

 

 എങ്ങനെ അറിയിക്കാനാ വിനുവേട്ടാ ... എന്റെ ഫോൺ ആണേൽ ലോക്ക്...അച്ചുവിന്റെ കൈയിൽ വിനുവേട്ടന്റെ നമ്പർ ഇല്ലല്ലോ .. വിനുവേട്ടന്  അവളുടെ നമ്പറും  അറിയില്ല... പിന്നെ എന്തു ചെയ്യും ...?മായ പറഞ്ഞു..

 അവരുടെ സംഭാഷണം കേട്ട് അശ്വതി അവിടെ തന്നെ നിൽക്കുകയായിരുന്നു ...

പെട്ടെന്ന് മായ അശ്വതിയെ നോക്കി ചോദിച്ചു..അച്ചുവിന്  ബുദ്ധിമുട്ടില്ലെങ്കിൽ നിൻറെ നമ്പർ വിനുവേട്ടനു കൊടുത്തോട്ടെ ..?വിനുവേട്ടന്റെ നമ്പർ നീയും സേവ് ചെയ്യോ ..? എന്തെങ്കിലും ആവശ്യം ഉണ്ടായാൽ അറിയിക്കാലോ..? മായ   തന്നെ രണ്ടുപേർക്കും നമ്പർ കൊടുത്തു ,സേവ് ചെയ്യിപ്പിച്ചു ....

വിനോദിന്റെ നമ്പർ കിട്ടിയപ്പോൾ ,അശ്വതി വളരെ സന്തോഷത്തിലായിരുന്നു... വാട്ട്സ്ആപ്പ് തുറന്നു  ഇടയ്ക്കിടെ വിനോദിന്റെ dp യും സ്റ്റാറ്റസ് ഉം   എല്ലാം നോക്കിയിരിക്കും.. പലപ്പോഴും ഒരു മെസ്സേജ് വിട്ടാലോ എന്ന് ആലോചിച്ചെങ്കിലും മായയെ  ഓർക്കുമ്പോൾ വേണ്ടാന്ന് വയ്ക്കും..

പക്ഷേ അശ്വതിയെ ഞെട്ടിച്ചുകൊണ്ട് ,ഒരിക്കൽ, അശ്വതിക്ക് ,വിനോദിന്റെ ഒരു മെസ്സേജ് വന്നു ..അതും വാട്സ്ആപ്പ് പ്രൊഫൈൽ ഫോട്ടോ നന്നായിട്ടുണ്ടെന്ന് പറഞ്ഞു ...അതിനു താങ്ക്സ് എന്ന് പറഞ്ഞ് അശ്വതി മറുപടി കൊടുത്തു...

 അതൊരു തുടക്കമായിരുന്നു...

രണ്ടാം ഭാഗം

-------------------

പിറ്റേ  ദിവസം,മായയെ കണ്ടപ്പോൾ  അശ്വതി വിചാരിച്ചു ,ഇന്നലെ വിനോദ്, തനിക്ക് മെസ്സേജ് അയച്ച കാര്യം ,മായ തന്നോട് പറയുമെന്നു ..പക്ഷെ മായ  അങ്ങനെയൊരു കാര്യം അറിഞ്ഞത് പോലുമില്ലാത്ത ഭാവത്തിലാണ് സംസാരിച്ചത് ...അശ്വതി അത് വിനോദിനോട്  മെസ്സേജ് അയച്ചു ചോദിക്കുകയും ചെയ്തു ..മായയോട്  പറഞ്ഞില്ലേ എന്ന് ....

 ഇല്ല എന്ന് വിനോദിന്റെ മറുപടി അശ്വതിയെ ഒന്ന് സന്തോഷിപ്പിച്ചു ...

പിന്നീടങ്ങോട്ടുള്ള ദിവസങ്ങളിൽ സമയം കിട്ടുമ്പോൾ എല്ലാം അവർ ചാറ്റ് ചെയ്യുമായിരുന്നു .. മായയോ അരവിന്ദോ അറിയാതെ ...തുടക്കത്തിലെ ജാള്യത എല്ലാം മറന്ന് ,എല്ലാം പങ്കുവെക്കുന്ന തരം  ബന്ധത്തിലേക്ക് അവർ വളരുകയായിരുന്നു...

 രാത്രികളിലെ ചാറ്റിങ്ങിന് വേണ്ടി അശ്വതി കാത്തിരിക്കുമായിരുന്നു..ആ ചാറ്റിങ് ,വിനോദിൽ നിന്നും , വിനുവേട്ടനിലേക്ക് മാറാൻ അധികം സമയമെടുത്തില്ല ...

ഇന്ന് തമാശയ്ക്ക് പോലും, മായയുടെ വിനുവേട്ടൻ ആണെന്ന് പറഞ്ഞാൽ, മുഖം വീർപ്പിച്ച് പിണങ്ങിയിരിക്കുന്ന,  അച്ചുവിന്റെ വിനുവേട്ടനിലേക്കു , വിനോദും മാറി..

 എല്ലാ ദിവസവും പരസ്പരം കാണാനുള്ള സാഹചര്യങ്ങൾ, മായ കൂടെയില്ലാതെ ,അശ്വതിയോടു മാത്രമായി സംസാരിക്കാനുള്ള അവസരം, എല്ലാം അവർ സാധിച്ചെടുക്കുമായിരുന്നു...

അരവിന്ദ് വീട്ടിൽ ഇല്ലാത്ത ദിവസങ്ങളിൽ രാത്രി വൈകിയും അശ്വതിയെ ഓൺലൈനിൽ കണ്ടുതുടങ്ങിയപ്പോൾ, ഒരിക്കൽ അരവിന്ദ് അശ്വതിയോട് ,അത് ചോദിച്ചു, .... സുഹൃത്തുക്കളോട് ആണ് എന്ന് ഒരു ഒഴുക്കൻ മട്ടിൽ അശ്വതിയും പറഞ്ഞൊഴിഞ്ഞു... അരവിന്ദ് കൂടുതൽ ചോദ്യം ചെയ്യലിനു  പോയില്ല ..അത്തരം സംശയത്തിനുള്ള സാഹചര്യം ഒന്നും കണ്ടിരുന്നില്ല, അവളുടെ പെരുമാറ്റത്തിൽ ...

വിനോദിനോടു ഈ സംഭവം , അശ്വതി പങ്കുവെച്ചപ്പോൾ പുതിയൊരു ഫോൺ നമ്പറും എടുത്ത് വിനോദ് ആ പ്രശ്നം പരിഹരിച്ചു ...പിന്നീടുള്ള ദിവസങ്ങളിൽ പുതിയ നമ്പറിൽ നിന്നായിരുന്നു അവരുടെ ചാറ്റ്..

 

പക്ഷേ ഇതിനിടയിൽ ,അരവിന്ദ് അശ്വതിയെ ശ്രദ്ധിച്ചില്ലെങ്കിലും, മായ വിനോദിനെ ശ്രദ്ധിക്കാൻ തുടങ്ങിയിരുന്നു, വിനോദ് അറിയാതെ....അതിനു  കാരണമായത്, അശ്വതിയുടെ വിനോദിനെ കുറിച്ചുള്ള കൂടുതൽ കൂടുതൽ അന്വേഷണങ്ങളും....

 അതുകൊണ്ടുതന്നെ,അശ്വതിയെയും മായ ഒന്ന് ശ്രദ്ധ വെച്ചിരുന്നു ...മായയും വിനോദും തമ്മിൽ രാത്രികളിൽ സംസാരിച്ചിരുന്ന പല കാര്യങ്ങളും ഓഫീസിലേക്ക് പോകുന്ന വഴിയിൽ അശ്വതിയോട്  സംസാരിക്കുമ്പോൾ, മുൻപ് കേട്ടിട്ടുള്ള പോലെ മറുപടി അശ്വതി നൽകിയിരുന്നു.. അതുമാത്രമല്ല ചിലപ്പോൾ മായ പറയാൻ വിട്ടു പോയ കാര്യങ്ങൾ പോലും ,അശ്വതി മായയോട്  ചോദിചിരുന്നു..

 

 അശ്വതിയുടെ ആ ചോദ്യങ്ങളും അന്വേഷണങ്ങളും, വിനോദിന്റെ മായ യോടുള്ള ചില കാര്യങ്ങളിൽ ഉള്ള മറവിയും , എല്ലാം മായയെ കൊണ്ടെത്തിച്ചത് ഉത്തരങ്ങളിലേക്കു  ആയിരുന്നില്ല... മറുചോദ്യങ്ങളിലേക്കാണ്   , വിനുവേട്ടനും അച്ചുവും , എന്തെങ്കിലും ഒളിക്കുന്നുണ്ടോ ...?  ആ ചോദ്യം ഒരു കുറ്റാന്വേഷകയെപ്പോലെ ചിന്തിക്കാൻ മായയെ പ്രേരിപ്പിച്ചു...

മായയ്ക്ക് മറ്റാരേക്കാളും വിശ്വാസമായിരുന്നു  വിനോദിനെ .....അതുകൊണ്ടുതന്നെ ഇത്രനാളും വിനോദിന്റെ ,ഫോൺ ഒന്ന് പേരിനുപോലും എടുത്തു നോക്കണം , എന്ന് അവൾക്ക് തോന്നിയിട്ടില്ല ..പക്ഷേ ,ഈയിടെയായി, അവസരം കിട്ടിയാൽ മായ ,വിനോദിനെ  വളരെ സൂക്ഷ്മമായി പരിശോധിക്കാൻ തുടങ്ങിയിരുന്നു, വിനോദ് അറിയാതെ..... താൻ ഒരു സംശയരോഗി എന്നതിനപ്പുറം, ഒരു മാനസിക രോഗി എന്ന അവസ്ഥയിലേക്ക് മാറുമോ എന്ന് ചിലപ്പോഴൊക്കെ മായ പേടിച്ചു ...മായയുടെ ചിലപ്പോഴത്തെ  ഭാവമാറ്റം, വിനോദ് കൈയ്യോടെ പിടികൂടി ചോദ്യം ചെയ്തിരുന്നു, ഓഫീസിലെ  ചില പ്രശ്നങ്ങൾ പറഞ്ഞ് മായ അത് മറച്ചു വെച്ചു....

 

ഒരു ദിവസം, രാത്രിയിൽ, വിനോദ് കുളിക്കാൻ പോയ സമയത്ത് മായ  വിനോദിന്റെ ഫോൺ എടുത്തു നോക്കി ...സാധാരണ അശ്വതിയുടെ കൂടെയുള്ള ചാറ്റിങ് എല്ലാം വിനോദ് അപ്പപ്പോൾ തന്നെ ഡിലീറ്റ് ആക്കാറുള്ളതാണ്... പക്ഷേ, ഇന്ന് വിനോദ് അത് മറന്നു പോയി..

 ഫോൺ തുറന്നു വാട്സ്ആപ്പ് നോക്കിയ മായയ്ക്ക്, പേര് സേവ് ചെയ്തിട്ടില്ലാത്ത നമ്പറിൽ നിന്നും നടന്ന ചാറ്റിങ് വായിച്ചു നോക്കിയപ്പോൾ ബോധം നഷ്ടപ്പെട്ടു പോകുന്ന അവസ്ഥ പോലെ തോന്നി ...അച്ചുവും വിനുവേട്ടനും ,തമ്മിൽ ഇത്ര അടുപ്പം ഉണ്ടായിരുന്നോ ! ഈശ്വരാ..! എന്നവൾ  ചിന്തിച്ചു ....

ചില സംഭാഷണങ്ങൾ വായിച്ചപ്പോൾ അവൾക്ക് അറപ്പു തോന്നി ...ഇത്രയും മോശപ്പെട്ട ഒരു ബന്ധം അവർക്കിടയിൽ ,....

കണ്ണുകളിൽ ഇരുട്ട് കയറുന്നത് പോലെ തോന്നി മായയ്ക്ക്.. കുളി കഴിഞ്ഞ് വിനോദ് വരുമ്പോഴേക്കും,അവൾ ഫോൺ  തിരിച്ച് അതുപോലെ തന്നെ വെച്ചു....

പാത്രം കഴുകാൻ നിൽക്കുമ്പോഴും മായയുടെ കണ്ണുകൾ നിറഞ്ഞൊഴുകുകയായിരുന്നു

കുളികഴിഞ്ഞ് വിനോദ് നേരെ അടുക്കളയിലേക്ക് വന്നു ... മായയുടെ  പുറകിലൂടെ വന്ന് ,അവളെ തന്നോട് ചേർത്തു നിർത്തി ...ഒന്നും പറയാതെ, പക്ഷേ, മായ വിനോദിന്റെ ,കൈകൾ പതുക്കെ തട്ടിമാറ്റി....

 എന്തുപറ്റി എന്റെ പെണ്ണിനു ...? ഇത് പതിവില്ലാത്തതാണല്ലോ .... എന്നുപറഞ്ഞ് വിനോദ് മുൻപിലേക്ക് വന്നു അവളുടെ മുഖത്തേക്ക് നോക്കി ...കരഞ്ഞു കലങ്ങിയ മായയുടെ കണ്ണുകൾ കണ്ട വിനോദ്  പരിഭ്രമത്തോടെ ചോദിച്ചു...

 എന്താ മോളെ ...?എന്തുപറ്റി നിനക്ക്...?

 വിനോദിന്  മുഖം കൊടുക്കാതെ മറുപടിപറയാൻ ,മായ ആഗ്രഹിച്ചെങ്കിലും അങ്ങനെ ഇതുവരെ ചെയ്തിട്ടില്ലാത്തതുകൊണ്ട്, മായ മുഖത്ത് ഒരു കുസൃതിച്ചിരി കൊണ്ട് തന്നെ പറഞ്ഞു

പിന്നെ ....കണ്ണിൽ സോപ്പ്  പോയാൽ കണ്ണ് കലങ്ങില്ലേ..?അതും  100 ചെറുനാരങ്ങയുടെ ശക്തി ഉള്ള സോപ്പ്...!

ഹോ... അതായിരുന്നു... ഞാൻ പേടിച്ചുപോയി ..എന്നും പറഞ്ഞ് വിനോദ് ഒരിക്കൽ കൂടി അവളെ തന്നിലേക്ക് അടുപ്പിച്ചു ...

അപ്പോഴും അവൾ അവനെ തട്ടിമാറ്റിക്കൊണ്ട്, ചിരി വിടാതെ തന്നെ പറഞ്ഞു,,... ഞാൻ കുളിച്ചിട്ടില്ല വിനുവേട്ടാ .. അതൊന്നും സാരമില്ല പെണ്ണെ എന്നും പറഞ്ഞു അവളുടെ കവിളിൽ ഒരു ഉമ്മ നൽകി വിനോദ് ഹാളിലേക്ക് പോയി ..

മുൻപ് സന്തോഷിച്ചിരുന്ന ഈ സ്നേഹപ്രകടനത്തിൽ ,മായയ്ക്ക് ഇപ്പോൾ അറപ്പും വെറുപ്പും തോന്നി.. തന്നെ മാത്രം ചേർത്ത് നിർത്തിയിരുന്ന ഈ നെഞ്ചിലേക്ക് മറ്റൊരുവളെ കൂടി ...ആലോചിക്കും തോറും മായയ്ക്ക് സങ്കടം കൂടി കൂടി വന്നു ...

 

പണികളെല്ലാം കഴിഞ്ഞ് ബെഡ്റൂമിലേക്ക് മായ വരുമ്പോഴും, വിനോദ് ഫോണിൽ തന്നെ ആയിരുന്നു..... അത് എന്താണെന്ന് അറിയാൻ ആഗ്രഹിച്ചെങ്കിലും, കണ്ടഭാവം നടിക്കാതെ, മായ കുളിച്ചിട്ടു വരാം വിനുവേട്ടാ എന്നും പറഞ്ഞ് കുളിമുറിയിലേക്ക് പോയി ..കുളി കഴിഞ്ഞു വരുന്ന മായയെ കാത്ത് , ഉറങ്ങാതെ വിനോദ് ബെഡിൽ ഇരിക്കുന്നുണ്ടായിരുന്നു... തന്നെ നോക്കി ചിരിക്കുന്ന വിനോദിനെ, പക്ഷേ മായ ശ്രദ്ധിച്ചില്ല......

 എന്തുപറ്റി ഈ പെണ്ണിന് ...?ഇന്ന് എന്താ ഇത്ര ഗൗരവം…. ചിരിയോടെ തന്നെ വിനോദ് ചോദിച്ചു ...കുളിക്കുമ്പോഴും , കുളി കഴിഞ്ഞ് ഇറങ്ങുമ്പോഴും  എല്ലാം ചിന്തയിൽ തന്നെ ആയിരുന്ന, മായ വിനോദിന്റെ  ചോദ്യം കേട്ട് ഒന്ന് പരിഭ്രമിച്ചു....

 ഒന്നൂല്യ വിനുവേട്ടാ ...ഭയങ്കര ക്ഷീണം ....രണ്ടുദിവസമായി ഇപ്പോൾ ഇങ്ങനെ..പ്രഷർ വീണ്ടും കുറയുണ്ടാവും ,മായ അത് പറഞ്ഞു  കൊണ്ട് ലൈറ്റ് ഓഫ് ചെയ്തു ബെഡിന്റെ  ഒരുവശത്തായി കിടന്നു.....

എല്ലാ പ്രശ്നങ്ങളും ഞാനിപ്പോ ശരിയാക്കി തരാമെന്നും പറഞ്ഞു കൊണ്ട് വിനോദ് , അവളെ അവനിലേക്ക് വലിച്ചടുപ്പിച്ചു... ഇന്നലെവരെ വിനോദിന്റെ ഒരു ഇഷ്ടത്തിനും  എതിര് നിന്നിട്ടില്ലാത്ത , മായ,ഇന്ന് അവനെ  നിരുത്സാഹപ്പെടുത്താൻ ശ്രമിച്ചു ...പക്ഷേ ,മായയുടെ കുസൃതി ആകാം അതെന്നു തെറ്റിദ്ധരിച്ച അവൻ പൂർവ്വാധികം ശക്തിയോടെ അവളെ ചേർത്ത് പിടിച്ചു ...അവന്റെ കൈ വിരലുകൾ അവളുടെ ശരീരത്തെ തഴുകുമ്പോൾ , അവളുടെ കണ്ണുനീർ ,കവിളിലേക്ക്  ഒഴുകുകയായിരുന്നു ...തന്നെയല്ല , അച്ചുവിനെയാണ് , വിനുവേട്ടൻ ഈ അറിയുന്നതെന്ന ചിന്ത ,അവളുടെ സങ്കടത്തിനു ആക്കം കൂട്ടി ..വിനോദ്  അവളിൽ നിന്നും മാറുന്നതുവരെ ,മായ ഒരു ജീവച്ഛവം കണക്കെ കിടന്നു ...

ബാത്റൂമിലേക്ക് പോയ മായയെ അതിശയത്തോടെ നോക്കുകയായിരുന്നു വിനോദ് ....എന്താ ഇവൾക്...? ക്ഷീണം ആയിരിക്കാമെന്നു ചിന്തിച്ചു ....

ഷവറിൽ നിന്നും വീണ് വെള്ളത്തുള്ളികൾ തൻറെ ശരീരത്തിന് നൽകുന്ന തണുപ്പ് ,പക്ഷേ മായ അറിയുന്നുണ്ടായിരുന്നില്ല... കാരണം മനസ്സും ശരീരവും, എല്ലാം അവളുടെ മരവിച്ചു പോയിരുന്നു. കവിളിലേക്ക് ഒഴുകിയിറങ്ങുന്ന കണ്ണുനീരിന്റെ , ചൂട് മാത്രമാണ് അവൾ അറിഞ്ഞിരുന്നത് ..

 പിറ്റേദിവസം ,അടുക്കളയിലും മറ്റും പണികളെല്ലാം ചെയ്യുമ്പോഴും മായയുടെ  ശ്രദ്ധ മുഴുവനും വിനോദിൽ  തന്നെയായിരുന്നു ...അവൻ കുളിക്കാൻ പോകാൻ അവളുടെ മനസ്സ് വെമ്പി .. ഓഫീസിൽ പോകാൻ സമയമായപ്പോൾ വിനോദ് കുളിക്കാൻ പോയി.. ആ തക്കത്തിന് മായ വിനോദിന്റെ ഫോൺ ഒന്നു കൂടി എടുത്തു നോക്കി... പക്ഷേ ഇന്നലെ ,മറന്നത് പോലെ ,ഇന്ന് വിനോദ് മറന്നില്ല. വാട്ട്സ്ആപ്പ് ചാറ്റ് ഡിലീറ്റ് ചെയ്യാൻ .. നിരാശയോടെ മായ അതെ സ്ഥലത്തു തന്നെ ഫോൺ  തിരിച്ചു വച്ചു...

ഓഫീസിൽ പോകേണ്ട സമയം ആയപ്പോൾ അശ്വതി വന്നു ,മായയെ വിളിച്ചു ..ചിരിച്ചുകൊണ്ട് മാത്രം അശ്വതിയെ  നോക്കിയിരുന്ന മായയ്ക്ക്   പക്ഷേ ,ഇപ്പോൾ അതിനു   കഴിയുന്നുണ്ടായിരുന്നില്ല ...അശ്വതിയെ കാണുമ്പോൾ വല്ലാത്തൊരു ദേഷ്യം മായയെ കീഴടക്കുന്നു ...പക്ഷേ കൂടുതൽ അറിയാതെ അത് പ്രകടിപ്പിക്കാൻ കഴിയാത്തതുകൊണ്ട് ,കുറെയൊക്കെ മായ അഭിനയിച്ചു നടന്നു..

 അശ്വതിയാണെങ്കിൽ ഓരോ ദിവസവും കൂടുതൽ കൂടുതൽ സന്തോഷവതി  ആയി മാറിയിരിക്കുന്നു..

മായയുടെ ഓഫീസിലെ പ്യൂൺ  രാമേട്ടൻ , വിനുവേട്ടനെയും അച്ചുവിനെയും പുറത്തു ,   വച്ച് കണ്ടിരുന്നു എന്ന് മായയോട്  പറയുമ്പോൾ, നൂറായിരം ചോദ്യങ്ങൾ അവളുടെ മനസ്സിൽ ഉയർന്നു,,...എന്തിനു  കണ്ടു, എവിടെവച്ച് ,എപ്പോ ,എത്രനേരം എന്നൊക്കെയുള്ള ചോദ്യങ്ങൾക്ക് പക്ഷേ പലതിനും ഉത്തരം കൊടുക്കാൻ രാമേട്ടന്  കഴിഞ്ഞില്ല.......

രാമേട്ടൻ പറഞ്ഞ കാര്യം മായ രണ്ടുപേരോടും ചോദിച്ചില്ല.. അവരുടെ ഉള്ളിൽ അത്ര  കള്ളത്തരം ഇല്ലെങ്കിൽ ,ആരെങ്കിലും ഒരാൾ എങ്കിലും അത് പറയുമെന്ന് മായ കരുതി.. പക്ഷേ വിനോദോ അശ്വതിയോ  അങ്ങനെയൊരു സംഭവം അറിയാത്ത മട്ടിൽ ആണ് മായയോട്  പെരുമാറിയത്.. അശ്വതിയോട് കുറച്ചെങ്കിലും ക്ഷമിക്കാൻ തനിക്കു കഴിയും.. പക്ഷേ  വിനുവേട്ടന്റെ  ഈ ചതി, വിശ്വാസ വഞ്ചന ,ഞാനൊരിക്കലും ക്ഷമിക്കില്ല...... പലതും തീരുമാനിച്ചുറച്ച് മനസ്സോടെ ആയിരുന്നു മായ പിന്നീട് അങ്ങോട്ട് ........

വിനോദ് കുളിക്കാൻ പോകുന്നത് വരെ ക്ഷമയോടെ കാത്തു നിന്നു മായ അവൻറെ ഫോൺ പരിശോധിക്കുകയായിരുന്നു ,എന്നും ....പക്ഷേ ,അന്ന് മറന്നതുപോലെ പിന്നീട് ഒരിക്കലും വിനോദ്  ചാറ്റ് ഡിലീറ്റ് ചെയ്യാൻ മറന്നില്ല....

 

ഓരോ ദിവസങ്ങൾ കടന്നു പോകുമ്പോഴും  വിനോദും  അശ്വതിയും കൂടുതൽ കൂടുതൽ അടുത്തു തുടങ്ങി.. പക്ഷേ ,ആ ബന്ധം കൈയ്യോടെ പിടികൂടാൻ ഉള്ള തെളിവുകൾ കിട്ടാതെ മായ വിഷമിച്ചു  കൊണ്ടിരുന്നു ...ഇൻറർനെറ്റിൽ സെർച്ച് ചെയ്തപ്പോൾ മറ്റൊരാൾ അറിയാതെ അയാളുടെ വാട്സ്ആപ്പ് ചാറ്റ് എങ്ങനെ കണ്ടുപിടിക്കാം എന്നു മായ മനസ്സിലാക്കി .. അത് പ്രകാരം അന്ന് രാത്രിയിൽ  വിനോദ് കുളിക്കാൻ  പോയപ്പോൾ അവൻറെ മൊബൈൽ എടുത്ത് മായയുടെ ലാപ്ടോപ്പിലേക്ക് Web.whatsapp   ഓപ്പൺ ചെയ്ത്  കോഡ് സ്കാൻ ചെയ്തു ...വിനോദിന്റെ ഫോൺ തുറക്കാതെ തന്നെ ,അവരുടെ ചാറ്റ് കാണാൻ സാധിക്കും ,മായയുടെ ലാപ്ടോപ്പിൽ ...

പകൽ ,വിനോദും അശ്വതിയെ ഫോണിലൂടെ ചാറ്റ് ചെയ്യുന്നതു മുഴുവൻ  ലാപ്ടോപ്പിൽ  ഇരുന്നു മായ കാണാനും അറിയാനും തുടങ്ങി.. മനസ്സിലുണ്ടായിരുന്ന, വെറും  സംശയത്തിന്റെ  മാത്രം ആഴമല്ല ,അവരുടെ ബന്ധത്തിനെന്നു,     ഓരോ വാക്കുകളിൽ നിന്നും മായ മനസിലാക്കി തുടങ്ങി ...ഓഫീസ് ആയതുകൊണ്ടുമാത്രം കരയാതെ പിടിച്ചു നിൽക്കുകയായിരുന്നു മായ.... വീട്ടിൽ എത്തിക്കഴിഞ്ഞാൽ വിനോദിന്റെ ഫോൺ  പരിശോധിക്കുമ്പോൾ എല്ലാം ഡിലീറ്റ് ആക്കി ഇരിക്കുന്നത് കാണുമ്പോൾ,  മായയ്ക്ക് അവർ  തന്നോട് കാണിച്ചു കൊണ്ടിരിക്കുന്ന ചതിയുടെ ആഴം കൂടി മനസ്സിലായി തുടങ്ങുകയായിരുന്നു........

 

    മനസ്സു കലുഷിതമായ കൊണ്ടാകാം , ഒരു ദിവസം, ഓഫീസിൽ വച്ച് തന്നെ, പ്രഷർ കുറഞ്ഞു മായ വീണ്ടും ബോധംകെട്ടുവീണു ..ഹോസ്പിറ്റലിൽ എത്തിച്ച മായയുടെ  കൂടെ അശ്വതി ആയിരുന്നു കൂട്ടിന്... അശ്വതി വിവരമറിയിച്ചതനുസരിച്ച് വിനോദ് ഹോസ്പിറ്റലിൽ എത്തി..മുറിയുടെ വാതിലിൽ   തട്ടിയപ്പോൾ, അശ്വതിയാണ് വാതിൽ തുറന്നത് ..മുറിയിലേക്ക് കയറിയ  വിനോദ് കട്ടിലിൽ  കിടന്നു മയങ്ങുകയായിരുന്ന മായയെ കണ്ടു...

എങ്ങനെയുണ്ട്... ഇപ്പൊ .....? വിനോദ് അശ്വതിയോട്  ചോദിച്ചു...

 കുഴപ്പമില്ല...സെഡേഷനിൽ ആണ് .. ബോധം വരാൻ സമയം ആകുന്നതേയുള്ളൂ...ഈ ഡ്രിപ് കൂടി  കഴിഞ്ഞാൽ വീട്ടിൽ പോകാം എന്ന് ഡോക്ടർ പറഞ്ഞു ..

ഫ്ലാസ്കിൽ  ഇരുന്ന ചായ  , വിനോദിന് വേണ്ടി ഗ്ലാസിൽ പകർത്തുന്നതിനിടയിൽ  അശ്വതി പറഞ്ഞു....

ബോധം വരാൻ സമയമെടുക്കും എന്നറിഞ്ഞ വിനോദ് , അശ്വതിയുടെ നേരെ നടന്നു ചെന്ന്.. ഷെൽഫിന്റെ അടുത്തു നിൽക്കുകയായിരുന്ന ,അശ്വതിയുടെ പുറകിലൂടെ ചെന്ന്, വയറിൽ കൈചുറ്റി ,അവളെ അവനിലേക്ക് ചേർത്തുനിർത്തി, അവളുടെ കഴുത്തിൽ ഒരു ഉമ്മ വെച്ചു...

ശോ ..വിട്..വിനുവേട്ടാ ...മായ എങ്ങാനും പെട്ടെന്ന് എഴുന്നേൽക്കും ...വിട് .. എന്നും പറഞ്ഞു ,അശ്വതി വിനോദിനെ തള്ളി മാറ്റാൻ ശ്രമിച്ചു ....പക്ഷെ ,വിനോദ് കൂടുതൽ അവളെ മുറുകെ പിടിച്ചു ....കഴുത്തിലും മുഖത്തുമെല്ലാം തെരുതെരെ ചുംബിക്കാൻ തുടങ്ങി ....കുതറി മാറാൻ ശ്രമിച്ച ,അശ്വതിയും ,അവനിലേക്ക്‌ ചേർന്ന് നില്ക്കാൻ തുടങ്ങി ....

പരിസരം മറന്നുള്ള അവരുടെ വികാര പ്രകടനങ്ങളുടെ അടക്കിപ്പിടിച്ച ശബ്ദങ്ങൾ മായയുടെ മയക്കം വിടാൻ കാരണമായി..  സെഡേഷനിൽ  നിന്നും ,കണ്ണ് പതിയെ പതിയെ തുറക്കാൻ ശ്രമിക്കുന്ന മായക്ക് ,ആരൊക്കെയോ മുറിയിൽ  ഉള്ളത് പോലെ തോന്നി ...ക്ഷീണിതയായതു  കൊണ്ടാകാം ,ശരീരം അനക്കാൻ അവൾക്  പറ്റുന്നില്ല.. പക്ഷേ, പതുക്കെ അവൾ കണ്ണു തുറന്നു ..പാതി തുറന്ന കണ്ണുകളോടെ ,മുറിയിൽ നോക്കിയ മായ ,അവിടെ കണ്ട കാഴ്ചയിൽ തന്റെ  ബോധവും  ഓർമ്മയും എന്നെന്നേക്കുമായി പോയിരുന്നെങ്കിൽ എന്ന് ആശിച്ചു.........

 

തൻറെ മുൻപിൽ വച്ച് തന്നെ, വിനുവേട്ടനും  അശ്വതിയും,............ പാതിതുറന്ന കണ്ണുകളുടെ കാഴ്ച, കണ്ണുനീർ മൂടി  മറഞ്ഞു പോയി... ഒരു നിമിഷം സ്വപ്നലോകത്തിൽ ആയിരിക്കണേ താനെന്നു മായ   പ്രാർത്ഥിച്ചു.. കണ്ടതൊന്നും സത്യം ആകരുതേ.........

എന്നോടീ ചതി ചെയ്യാൻ ,ഇവർക്ക്  എങ്ങനെ തോന്നി ഈശ്വരാ ....പക്ഷെ ,ഒന്നും കാണാത്ത ഭാവത്തിൽ , മായ പതുക്കെ ,  ശബ്ദമുണ്ടാക്കിക്കൊണ്ട് കണ്ണുകൾ തുറക്കാൻ ശ്രമം നടത്തി ..കട്ടിലിൽനിന്നും മായ അനങ്ങുന്ന ശബ്ദം കേട്ടപ്പോഴാണ് വിനോദിനും അശ്വതിക്കും പരിസര ബോധമുണ്ടായത്.. പെട്ടെന്ന് തന്നെ അവർ അകന്നു മാറി....

വിനോദ് വേഗം,  മായയുടെ അരികിലായി ,ബെഡിൽ ഇരുന്നു...

 എന്തുപറ്റി ..മോളൂ നിനക്കു  ..എന്ന് ചോദിച്ചു....?

അടക്കി നിർത്താൻ  ആഗ്രഹിച്ചെങ്കിലും ,അതിനു കഴിയാതെ മായയുടെ കണ്ണുകൾ നിറഞ്ഞൊഴുകി..

 പതുക്കെ, തന്റെ   വിരലുകൾ കൊണ്ട് അവളുടെ കണ്ണീർ തുടച്ച ശേഷം വിനോദ് മായയേ ആശ്വസിപ്പിച്ചു....

 അയ്യേ...എന്തായിത് ... കൊച്ചുകുട്ടികളെപ്പോലെ... കരയുന്നേ ..നിനക്കൊന്നുമില്ല എന്റെ   പെണ്ണെ ...നീ എപ്പോഴും പറയുന്ന പ്രഷർ variation   മാത്രം... അത്രയേ ഉള്ളൂ...അതിനാണോ ഈ കരച്ചിൽ  ....?

 എന്നിട്ട് തിരിഞ്ഞു അശ്വതിയെ നോക്കി  പറഞ്ഞു ...

കണ്ടോ അച്ചു ... ഇത്രയേ ഉള്ളൂ ഇവൾ ..ഒരു  പൊട്ടിപ്പെണ്ണ്......

 അതുകേട്ട് അശ്വതിയും മായയെ നോക്കി ചിരിച്ചുകൊണ്ട് പറഞ്ഞു ..

.അതെ ഒരു പൊട്ടിപ്പെണ്ണ്...........

 അശ്വതിയുടെയും വിനോദിന്റെയും  ചിരിയിലും വാക്കിലും ഒളിച്ചുനിന്ന ഗൂഢത  , മായ  അപ്പോൾ അറിയുകയായിരുന്നു....

മൂന്നാം ഭാഗം

വീട്ടിൽ തിരിച്ചെത്തിയ മായയ്ക്ക്  പിന്നീടോരിക്കലും പക്ഷേ ,പഴയതുപോലെ  വിനോദിനെ  സ്നേഹിക്കാൻ കഴിഞ്ഞിരുന്നില്ല... വിനോദും അതുപോലെതന്നെ ആയിരിക്കുന്നു...... മായയുടെ കാര്യങ്ങളിൽ ആദ്യമുണ്ടായിരുന്ന മറവികൾ ,പിന്നീട് മനഃപൂർവം ഉള്ള അവഗണനകളിലേക്കു  വഴിമാറി....

വിനോദിന്  തന്നോടുള്ള അകൽച്ച യെ പറ്റി ,ഒരിക്കൽ മായ തന്റെ  അമ്മയോട് പറഞ്ഞിരുന്നു ..

സാരമില്ല മോളെ..... എല്ലാം ശരിയാകും... എന്ന   അമ്മമാരുടെ സ്ഥിരം പല്ലവി തന്നെ ആയിരുന്നു മായയ്ക്ക്  കിട്ടിയ ആദ്യത്തെ മറുപടി .....അതവളെ  വിഷമിപ്പിച്ചു എങ്കിലും ,കൂട്ടത്തിൽ അമ്മ പറഞ്ഞു നിർത്തിയ ഒരു കാര്യം വളരെ ഗൗരവത്തോടെ ചിന്തിച്ചു ....ഒരു കുഞ്ഞു ഉണ്ടായിരുന്നുവെങ്കിൽ, ചിലപ്പോൾ ഇങ്ങനെ ഒന്നും ഉണ്ടാവുകയില്ല എന്ന  അമ്മയുടെ വാക്കുകളിൽ, നഷ്ടപ്പെട്ടു പോകുമായിരുന്ന പ്രതീക്ഷയെ അവൾ വീണ്ടെടുത്ത് ..

അമ്മ പറഞ്ഞത് അനുസരിച്ച് ഒരു ജ്യോത്സനെ , പോയി കാണാൻ മായ തീരുമാനിച്ചു..

പിറ്റേദിവസം ഓഫീസിലേക്ക് പോവുമ്പോൾ മായ, അശ്വതി യോട്, ഇന്ന് ഞാൻ കുറച്ചു നേരത്തെ ഓഫീസിൽ നിന്ന് പോകും ...എന്ന് പറഞ്ഞു  എവിടേക്കാ... മായ...? അശ്വതി ചോദിച്ചു...

 ഒരു ജ്യോത്സനെ  കാണാൻ ..മായ പറഞ്ഞു....

 എന്തുപറ്റി...? എന്തെങ്കിലും പ്രശ്നം ഉണ്ടോ.......? ചെറിയൊരു ആശങ്കയോടെ അശ്വതി ചോദിച്ചു.......

 അമ്മയെ വിളിച്ചിരുന്നു ഇന്നലെ ...അമ്മയാ  പറഞ്ഞത് ,ഒരു ജ്യോത്സ്യനെ കണ്ടു, കുഞ്ഞുങ്ങൾ ഉണ്ടാകാൻ ഉള്ള എന്തെങ്കിലും പൂജാകർമ്മങ്ങൾ ചെയ്യിക്കാൻ ....  മായ പറഞ്ഞു .

ഹോ .അതായിരുന്നോ  കാര്യം....... ആത്മഗതം പോലെ അശ്വതി പറഞ്ഞു....

 മായ അത് കേട്ടെങ്കിലും ,കേൾക്കാത്ത പോലെ നടന്നു ....

അല്ല ..മായെ ...  ഒരു സംശയം...? അശ്വതി പറഞ്ഞു ...

 എന്താ......?ഇഷ്ടക്കേടുള്ള  മുഖഭാവത്തോടെ മായ ചോദിച്ചു.........

ഈ ജ്യോത്സൻ,  കുഞ്ഞുങ്ങൾ ഉണ്ടാകാൻ ഉള്ള മരുന്നു മാത്രമേ കൊടുക്കുള്ളു ...? അതോ വേറെ കാര്യത്തിനുമുള്ള  മരുന്നുകളും കൊടുക്കുമോ...? അശ്വതി ചോദിച്ചു..

 അതെന്തു കാര്യം...? നിനക്കിപ്പോ എന്തിൻറെ മരുന്നാ  വേണ്ടത് ...? അല്പം ദേഷ്യത്തോടെ മായ ചോദിച്ചു ..

വശീകരണ മരുന്ന് ........!!!!!! കുസൃതിച്ചിരിയോടെ അശ്വതി പറഞ്ഞു.....

 വശീകരണ മരുന്നോ....???   ആരെയാ നിനക്കിപ്പോ  വശീകരിക്കേണ്ടത് ...? അരവിന്ദിനെയാണോ ...? അങ്ങേരു നിന്റെ ഭർത്താവല്ലേ ....അതോ വേറെ വല്ല ആണുങ്ങളെയും വശീകരിച്ചാൽ കൊള്ളാമെന്നുണ്ടോ ...?അമ്പരപ്പോടെ മായ ചോദിച്ചു ......

അരവിന്ദേട്ടനെ  തന്നെയാ ......അല്ലാതെ വേറെ ആണുങ്ങളെ ഒന്നുമല്ല... ഒരു ചിരിയോടെ അശ്വതി പറഞ്ഞു .....

ഭർത്താവിനെ വശീകരിക്കാൻ മന്ത്രവും മരുന്നും ഒന്നും ആവശ്യമില്ല ...മനസ്സറിഞ്ഞു സ്നേഹിച്ചാൽ മതി... മായ പറഞ്ഞു...

 അതൊക്കെ പണ്ട്. ഇപ്പോ ,നമ്മൾ മനസ്സറിഞ്ഞ് സ്നേഹിച്ചാലും, ഭാര്യമാരുടെ മനസിനേക്കാളും , വലിപ്പമുള്ള മനസ്സുമായി വരുന്ന ,പെണ്ണുങ്ങളെ കണ്ടാൽ, ഇവന്മാർ അപ്പോ പറന്നുപോകും ....കള്ളച്ചിരിയോടെ അശ്വതി പറഞ്ഞു ...

അവളുടെ വാക്കുകളിൽ ഒളിഞ്ഞിരിക്കുന്ന വഞ്ചന മനസ്സിലാക്കിയ മായ ഗൗരവം വിടാതെ തന്നെ  പറഞ്ഞു.....

 എങ്കിലേ ആ പറന്നുയരുന്ന ചിറക് ,  അങ്ങട് അരിഞ്ഞു കളയാ.... പിന്നെ പറക്കില്ലല്ലോ......

 അത്രയും ക്രൂരത കാണിക്കണോ  മായെ ....എന്നും  ചോദിച്ചു അശ്വതിയും മായയും അവരവരുടെ ഓഫീസുകളിലേക്ക് പോയി ...

ഓഫീസിൽ നിന്നും, നേരത്തെ ഇറങ്ങിയ മായ അശ്വതിയെ യും കൂട്ടി , ജോത്സ്യനെ കാണാനായി പോയി.. ഓഫീസിൽ നിന്നും കുറച്ചു ദൂരെയാണ് ജ്യോത്സ്നറെ  സ്ഥലം.. ഒറ്റയ്ക്ക് ഒറ്റയ്ക്ക് ആണ് രണ്ടുപേരും ജോത്സ്യനെ കണ്ടത് ..രണ്ടു പേരുടെയും പ്രശ്നങ്ങൾ കേട്ട ജോത്സ്യൻ അതിനുള്ള പരിഹാരവും നൽകിയാണ് അവരെ പറഞ്ഞയച്ചത് ....തിരിച്ചിറങ്ങിയപ്പോൾ മായയുടെയും അശ്വതിയുടെയും കൈകളിൽ ഓരോ പൊതി  ഉണ്ടായിരുന്നു..മായയ്ക്ക്  കുഞ്ഞുങ്ങൾ ഉണ്ടാകാൻ ഉളള മരുന്നും ,അശ്വതിക്ക് വശീകരണത്തിനുള്ള മരുന്നും....

മായയുടെ മുഖത്ത് അത്ര സന്തോഷം ഒന്നും കണ്ടില്ലെങ്കിലും അശ്വതിയുടെ മുഖത്ത് ഗൂഢമായ ഒരു സന്തോഷം ഉണ്ടായിരുന്നു .....

ജ്യോത്സന്റെ   അടുത്ത് പോകുന്നത് പറഞ്ഞിരുന്നത് കൊണ്ട്, വീട്ടിലെത്തി കഴിഞ്ഞപ്പോൾ വിനോദ് മായയോട്  അവിടെ പോയിരുന്നോ  എന്ന് ചോദിച്ചു ...

പോയി........... മായ മറുപടി പറഞ്ഞു .....

തനിച്ചു പോകേണ്ടി ഇരുന്നില്ല..... ഞാൻ കൂടെ വന്നേനെ  ലോ..... വിനോദ് പറഞ്ഞു ........

ഞാൻ തനിച്ചല്ല പോയത് ...അശ്വതിയും ഉണ്ടായിരുന്നു കൂടെ... മായ പറഞ്ഞു...

അച്ചുവോ ...? എന്തിനു ...? അതിശയത്തോടെ വിനോദ്  ഓർത്തു .....

വസ്ത്രം മാറി കഴിഞ്ഞ, മായ അടുക്കളയിൽ പോയ തക്കത്തിന്  വിനോദ് ഉടനെ അശ്വതിക്ക് മെസ്സേജ് അയച്ചു ചോദിച്ചു ....

വിനോദ് :- മായയുടെ  കൂടെ പോയിരുന്നോ അച്ചു ...? എന്നിട്ട് എന്നോട്

                   എന്ത്യേ പറയാതിരുന്നത് .........

അശ്വതി :- ഒരു സർപ്രൈസ് തരാൻ ആയിരുന്നു വിനുവേട്ടാ ..

വിനോദ് :- എന്ത് സർപ്രൈസ് ..? നീയും  വാങ്ങിച്ചോ, കുഞ്ഞുങ്ങൾ ഉണ്ടാകാൻ

                 ഉള്ള മരുന്നു...?

അശ്വതി:- ഏയ് .. അതൊന്നുമല്ല ...അതൊന്നും ഞാനിപ്പോ    ആഗ്രഹിക്കുന്നില്ല ..എനിക്കിനിയും വിനുവേട്ടനെ  മാത്രമായി   സ്നേഹിക്കണം മാത്രമായി സ്നേഹിക്കണം ...വിനുവേട്ടൻ എന്നെ  മാത്രമായി സ്നേഹിക്കണം ...

വിനോദ് :- എന്നിട്ട്, അതിനിപ്പോ എന്താ അവിടുന്ന്   കിട്ടിയത് ...?

അശ്വതി:-  അത് സർപ്രൈസ് ആണെന്ന്  പറഞ്ഞില്ലേ ……

വിനോദ്:- അച്ചു ..എന്നോട് ഒളിക്കല്ലേ പെണ്ണെ ..ഇന്നിനി    എനിക്ക്

                ഉറങ്ങാൻ കഴിയില്ല അത് അറിയാതെ ....എന്താണെന്ന് പറ....

അശ്വതി :- പിണങ്ങേണ്ട വിനുവേട്ടാ ...ഉറക്കവും കളയണ്ട ..ഞാൻ പറയാം ..അത് ..വശീകരണ മന്ത്രം ചൊല്ലിയിട്ടുള്ള   ഒരു മരുന്ന്  ആണ് ...വിനുവേട്ടനെ എന്റേത് മാത്രമായ് കിട്ടാൻ  വേണ്ടിയുള്ള മരുന്ന്..

 വിനോദ് :- എടീ ...ഭയങ്കരി ..ആളു കൊള്ളാലോ നീ പെണ്ണെ ...നിനക്കിനി  വശീകരണ മരുന്നിൻറെ കൂടെ ആവശ്യമുണ്ടോ എന്നെ വശീകരിച്ചെടുക്കാൻ ...    അല്ലാതെ തന്നെ ഞാൻ ഇപ്പോൾ നിൻറെ മായാവലയത്തിൽ അല്ലെ ..

അശ്വതി : - mmmm…

വിനോദ് :- ഞാൻ   തന്നെ ചിലപ്പോഴൊക്കെ വിചാരിക്കാറുണ്ട്.. മായയെ  മാത്രമേ സ്നേഹിക്കു  എന്ന് വിശ്വസിച്ചിരുന്ന ,അവളെ മാത്രമേ ഇഷ്ടപ്പെടാൻ കഴിയു എന്ന്  ചിന്തിച്ചിരുന്ന, എൻറെ മനസ്സ് എത്ര   പെട്ടെന്നാണ് നീ കീഴ്പ്പെടുത്തിയത് എന്ന് ...ഇപ്പോൾ നീ മാത്രമാണ് എൻറെ മനസ്സ് നിറയെ   ..ഇനിയപ്പോ ആ മരുന്നും കൂടി, നീ എന്നെ കൊണ്ട് കഴിപ്പിച്ചു  കഴിഞ്ഞാൽ ,മായയെ എനിക്ക് ഓർമ്മ പോലും കാണുമോ...?

അശ്വതി:- അതുതന്നെയാ ഞാനും ആഗ്രഹിക്കുന്നത് ..എന്നെ അല്ലാതെ വേറെ ആരെയും വിനുവേട്ടൻ, ഇനി ഓർക്കണ്ട ...വിനുവേട്ടൻ എൻറെയ എന്റെ  മാത്രം...

 വിനോദ് :- പേടിക്കേണ്ട അച്ചു  .. ഞാൻ ഇനി നിന്റേതു  മാത്രമാണ് ...

അശ്വതി:-  നാളെ ഞാൻ ഓഫീസിൽ പോകില്ല... വയ്യന്ന് പറഞ്ഞു

ലീവ്  എടുക്കും ...അരവിന്ദേട്ടൻ ഓഫീസിൽ പോയി കഴിയുമ്പോൾ, ഞാൻ മെസ്സേജ് അയക്കാം ,,,വിനുവേട്ടൻ വരണം ,,,..

വിനോദ്:-  എന്തിനാ.....?

 അശ്വതി:-ഓ .. ഒന്നും അറിയില്ല ലെ കള്ളാ ......മായ  ഓഫീസിൽ പോയി കഴിയുമ്പോൾ വിനുവേട്ടൻ വരണം ..അതോ അവൾ തന്ന മരുന്ന് കഴിച്ച് എന്നെ മറന്നു കളയോ ...?

  വിനോദ്:-  ഇല്ല പെണ്ണെ ...ഒരിക്കലും എൻറെ അച്ചുവിനെ ഞാൻ മറക്കില്ല പോരേ ...എന്നാ  നാളെ കാണാം ..ഞാൻ ആദ്യം ഓഫീസിലേക്ക് പോകാം ..മായ  ഓഫീസിൽ എത്തിക്കഴിഞ്ഞു എന്ന് ബോധ്യപ്പെട്ടതിനുശേഷം ഞാൻ വരാം എൻറെ അച്ചുന്റെ  അടുത്തേക്ക്..ഇപ്പൊ ഉറങ്ങിക്കോ ട്ടാ മുത്തേ ...ഉമ്മ ...  

അശ്വതി :- ഉമ്മ ..good night

വിനോദിന്റെയും അശ്വതിയുടെയും ചാറ്റിങ് നടക്കുന്നതിനിടയിൽ ,മായ അടുക്കളപ്പണി കഴിഞ്ഞു ,കുളിക്കാനായി ബാത്‌റൂമിൽ   പോയിരുന്നു ..മുൻപെല്ലാം ,മായയുടെ ഓരോ പ്രവൃത്തികളും   വിനോദ് നോക്കുമായിരുന്നു ,അറിയുമായിരുന്നു.. .

ഇന്നിപ്പോ മായ അവിടെ ഉണ്ടോ എന്നുള്ളത് പോലും, ഭക്ഷണം കഴിക്കുമ്പോഴോ  രാത്രി കിടക്കാൻ നേരത്ത് ഒക്കെയാണ്, വിനോദ് അന്വേഷിക്കുന്നത് ...അതുകൊണ്ട് തന്നെ പരിസരം മറന്നു വിനോദ്  ചാറ്റ് ചെയ്യുന്നത് കണ്ട് മായ ,അവളുടെ ലാപ്ടോപ്പ് കൂടി എടുത്താണ് ബാത്റൂമിൽ പോയത് ..ലാപ്ടോപ്പ് സ്‌ക്രീനിൽ  അവരുടെ ചാറ്റ് കണ്ട മായ  കരച്ചിലടക്കാൻ പാടുപെടുകയായിരുന്നു .......

തന്നെ വഞ്ചിക്കുന്നതിൽ  തെല്ലു കുറ്റബോധം പോലും രണ്ടു  പേർക്കും  ഇല്ല  എന്നറിഞ്ഞ മായയ്ക്ക് , സങ്കടം   സഹിക്കാൻ കഴിഞ്ഞില്ല...എത്ര നേരം അങ്ങനെ തന്നെ ,അവിടെ ഇരുന്നു എന്ന് മായയ്ക്ക് അറിയില്ല ...

കഴിഞ്ഞില്ലേ നിൻറെ കുളി ഇതുവരെ..? എത്ര നേരമായി പോയിട്ട് ..എനിക്ക് വിശക്കുന്നു...എന്നാ വിനോദിന്റെ ചോദ്യമാണ് ,മായയെ ഉണർത്തിയത് ....

ഇപ്പൊ വരാം വിനുവേട്ടാ .....വിനുവേട്ടൻ ഭക്ഷണം കഴിച്ചു തുടങ്ങിക്കോ ...മായ പറഞ്ഞു ...

അതുകേട്ട് വിനോദ് ഭക്ഷണം കഴിക്കാനായി ഡൈനിങ്ങ് റൂമിലേക്ക് പോയി ...

മായ കുളിച്ചു എന്നു വരുത്തി വേഗം തന്നെ ഇറങ്ങി ലാപ്ടോപ്പ് എല്ലാം എടുത്തു അതേ സ്ഥലത്തു തന്നെ വെച്ചു ..

ഭക്ഷണം കഴിക്കാനായി, വിനോദിന്റെ അടുത്തേക്ക് പോയി.. അപ്പോഴേക്കും വിനോദ് ഭക്ഷണം കഴിച്ച് എഴുന്നേറ്റിരുന്നു ..

കഴിച്ചു കഴിഞ്ഞോ വിനുവേട്ടാ ...? മായ ഒരൽപം പരിഭവത്തിൽ തന്നെ ചോദിച്ചു ...

ആ ..കഴിഞ്ഞു... ഇന്ന് എന്തോ നല്ല വിശപ്പ് ...പിന്നെ നിൻറെ കുളി കഴിയാനും ഇന്ന് നേരം എടുത്തല്ലോ ...അതും പറഞ്ഞു വിനോദ് എഴുന്നേറ്റ് കൈകഴുകാൻ പോയി...

 അതുകണ്ട് മായയ്ക്ക്    സങ്കടം വന്നു ...നിറഞ്ഞ കണ്ണുകളോടെ മായ കഴിക്കാനായിരുന്നു... അതുപക്ഷേ വിനോദ് ശ്രദ്ധിച്ചില്ല .. ശ്രദ്ധിക്കാതിരുന്നത് ,മനപൂർവം ആണെന്നും മനസ്സിലായ മായ ചില കാര്യങ്ങൾ തീരുമാനിച്ചുറപ്പിച്ചു ...

 

മായ കിടക്കയിൽ  വന്നു കിടന്നതു  വിനോദ് അറിഞ്ഞെങ്കിലും അവളെ ഒന്ന് തൊടാൻ  പോലും  വിനോദ് ആഗ്രഹിച്ചില്ല.. ഇപ്പൊ , അവന്റെ മനസ്സ് നിറയെ ,അച്ചുവുമൊത്തുള്ള നാളത്തെ ദിവസത്തെ കുറിച്ചുള്ള ചിന്തകൾ ആയിരുന്നു...

 

തന്റെ എല്ലാ ദുഃഖങ്ങളും പരാതികളും സങ്കടങ്ങളും എല്ലാം മറക്കാൻ തന്നെ വിനുവേട്ടൻ, ഒന്ന് കെട്ടി പിടിച്ചിരുന്നെങ്കിൽ എന്ന്  മായ ആഗ്രഹിച്ചു.... കണ്ണീരോടെ തന്നെ മായ വിനോദിന്റെ  നോക്കി ...പക്ഷേ വിനോദ് , അപ്പോഴേക്കും ഉറങ്ങിയിരുന്നു.. അവളുടെ മനസ്സിൽ വിനോദിനോട് ഉള്ള വെറുപ്പ് ഉടലെടുത്തു.. ഇതുവരെ വിനോദും  അശ്വതിയും തന്നോട് ചെയ്ത ചതികൾ ആലോചിച്ച് സമയം പോയതറിഞ്ഞില്ല ...ഓരോ ചിന്തകളും അവരോടുള്ള വെറുപ്പ് കൂട്ടി കൂട്ടി  അവസാനം അത് മായയെ ,ഒരുതരം പ്രതികാരബുദ്ധിയിൽ എത്തിച്ചു ....ഇടക്കെപ്പോഴോ അവൾ   ഉറങ്ങിപ്പോയി........

 

പിറ്റേദിവസം, വിനോദ് പതിവിലും ഉത്സാഹത്തോടെ ഓഫീസിൽ പോകാനായി തയ്യാറെടുത്തു ....വെറുപ്പോടെ മായ അത് നോക്കി നിന്നു... വിനോദ് ഓഫീസിലേക്ക് പോയി...

അപ്പോഴേക്കും അശ്വതി ,മായയെ വിളിച്ചു, ഞാൻ ഇന്ന് വരുന്നില്ല.. വയ്യ ..ലീവ് എടുക്കാണ് എന്ന് പറഞ്ഞു ...അതുകേട്ട് മായ ദേഷ്യത്തോടെയാണ്   ഫോൺ വെച്ചത് ..

 

 കോളിങ് ബെൽ അടിക്കുന്ന ശബ്ദം കേട്ട് ,അശ്വതി അടുക്കളയിൽ നിന്നും വന്നു...വിനുവേട്ടൻ   ഇത്ര നേരത്തെ വന്നോ ..?ആകാൻ   വഴിയില്ല ..മായ  പോകാനുള്ള സമയം ആകുന്നതേയുള്ളൂ... പിന്നെ ആരായിരിക്കും ഈ നേരത്ത് ...? ഇനി അരവിന്ദേട്ടൻ എങ്ങാനും തിരിച്ചുവന്നോ ..?

 സംശയത്തോടെയാണ് അശ്വതി വാതിൽ തുറന്നത് ..

മായയെ കണ്ടപ്പോൾ സത്യത്തിൽ അശ്വതി ഒന്ന് പരിഭ്രമിച്ചു..

എന്താ ...  മായ... അശ്വതി ചോദിച്ചു

 ഒന്നുല്ല..  നിനക്ക് വയ്യ എന്ന് പറഞ്ഞില്ലേ.. എന്താണ് അറിയാൻ വന്നതാ ...ഇന്നലെ ഒരു കുഴപ്പവും ഉണ്ടായിരുന്നില്ലല്ലോ ...പെട്ടെന്ന് എന്താ പറ്റിയതെന്ന് എന്നറിയാനാ..... ഒരല്പം പരിഹാസത്തോടെ മായ  പറഞ്ഞു ...

 

ആ.. അതോ ..ഒന്നൂല്യ മായ .. ഭയങ്കര തലവേദന ..ഓഫീസിൽ പോയാലും സിസ്റ്റത്തിൽ നോക്കി  വർക്ക് ചെയ്യാൻ ബുദ്ധിമുട്ടാകും ..അതാ ഞാൻ പിന്നെ ലീവ് എടുത്തത് ..പരിഭ്രാന്തിയോടെ അശ്വതി   പറഞ്ഞൊപ്പിച്ചു ...

അത്രയേ ഉള്ളല്ലേ.. മായ അത് പറയുന്നതിനിടയിൽ, അശ്വതി ,പാലുകാച്ചാൻ അടുപ്പത്ത് വെച്ചിട്ട് ഞാൻ വന്നത് .....എന്നും പറഞ്ഞു അടുക്കളയിലേക്ക് നടക്കാൻ തുടങ്ങി... മായയും അവളോടൊപ്പം അടുക്കളയിലേക്ക് നടന്നു .അവർ അവിടെ എത്തുമ്പോഴേക്കും പാൽ തിളച്ചു തൂവി പോയിരുന്നു.... അശ്വതി വേഗം തന്നെ ഗ്യാസ് ഓഫ് ചെയ്തു ......പാല് പോയതെല്ലാം തുടച്ച് വൃത്തിയാക്കാൻ തുടങ്ങി ..അപ്പോഴാണ് മായ ,അത് ശ്രദ്ധിച്ചത്..ഗ്ലാസ്സുകളുടെ  അടുത്തു, ഒരു പൊതി ..ഇന്നലെ ജോത്സ്യൻ തന്ന മരുന്നിൻറെ പൊതി ..

അതുകണ്ട് മായയ്ക്ക് ദേഷ്യം വന്നു.. അപ്പൊ വിനുവേട്ടന് കൊടുക്കാൻ വേണ്ടിയാണ്, ഇവൾ പാലൊക്കെ തിളപ്പിച്ചു വെച്ചത്...!

 ഉള്ളിലെ ദേഷ്യം മായയുടെ മുഖത്തും കാണാമായിരുന്നു.. അശ്വതി പക്ഷേ ,അതൊന്നും ശ്രദ്ധിക്കുന്നുണ്ടായിരുന്നില്ല .......അടുക്കള വൃത്തിയാക്കുന്ന തിരക്കിലായിരുന്നു അവൾ ...... അതുകൊണ്ടുതന്നെ മായയും അധികനേരം അവിടെ നിന്നില്ല....

 ഞാനിറങ്ങാ അച്ചു... നീ തിരക്കിൽ അല്ലേ.. മായ അതും പറഞ്ഞ് പുറത്തേക്ക് നടന്നു ...

ശരി.. മായ ...... ലേറ്റ് ആകണ്ട ഓഫീസിൽ ...., അശ്വതിയും അവളോടൊപ്പം നടന്നു, മായ പോയി കഴിഞ്ഞപ്പോൾ പുച്ഛ ഭാവത്തിൽ അവളെ നോക്കി നിന്നു കൊണ്ട് വാതിലടച്ചു

അശ്വതി കുളിയൊക്കെ കഴിഞ്ഞ് വിനോദിനെ കാത്തിരിക്കാൻ തുടങ്ങി .....വിനോദ് മായയെ  വിളിച്ചു ഓഫീസിൽ എത്തിയോ എന്ന്  കുശലാന്വേഷണവും  നടത്തി ,അവൾ അവിടെ എത്തി.. എന്ന് ഉറപ്പുവരുത്തി.....മായാ  ഓഫീസിൽ തന്നെയാണ് എന്ന് അറിഞ്ഞ വിനോദ് സമയം കളയാതെ അശ്വതിയെ വിളിച്ച് താൻ വന്നുകൊണ്ടിരിക്കുകയാണ് ,ഒരുങ്ങിയിരുന്നോ  എന്ന് അറിയിച്ചു.....

 

അശ്വതിയുടെ ഫ്ലാറ്റിലെത്തി കാളിങ് ബെൽ അടിച്ചു ,വിനോദ് കാത്തുനിന്നു, അവൻറെ പ്രണയ സാക്ഷാത്കാരത്തിനായി..... ഇതുവരെ അശ്വതിയെ പൂർണ്ണമായി അറിയാൻ ഒരു അവസരം കിട്ടിയില്ല.. ഇന്ന്  പക്ഷേ, അവളുടെ വീട്ടിൽ ,അവളുടെ മുറിയിൽ ,വെച്ച് തന്നെ ഞാൻ അവളെ അറിയാൻ തുടങ്ങുകയാണ്... അനുഭവിക്കാൻ പോവുകയാണ്.. വാതിൽ തുറക്കുന്ന ശബ്ദം കേട്ടു , ചിന്തയിൽ നിന്നുണർന്ന വിനോദ് , മുന്നിൽ നിൽക്കുന്ന അശ്വതിയെ കണ്ട ശൃംഗാര  ചിരിയോടെ ചോദിച്ചു... എവിടെയായിരുന്നു എന്റെ പെണ്ണെ..! എത്ര നേരമായി ഞാൻ വന്നിട്ട്.

 ആരെങ്കിലും കാണുന്നതിനു മുൻപ് ഇങ്ങോട്ട് കേറൂ വിനുവേട്ടാ ....  എന്നും പറഞ്ഞ് അശ്വതി വിനോദിന്റെ കയ്യിൽ പിടിച്ച് അകത്തേക്ക് വലിച്ചു... വാതിലടച്ചു കുറ്റിയിട്ടു...

വിനോദ്  അവളെ തന്നെ നോക്കി കൊണ്ട് നിൽക്കുകയായിരുന്നു ... വാതിലടച്ചു തിരിഞ്ഞ, അശ്വതി ,അവൻറെ നോട്ടം കൊണ്ട്

ഇങ്ങനെ നോക്കല്ലേ  വിനുവേട്ടാ  എന്ന് നാണത്തോടെ   പറഞ്ഞു.... വിനുവേട്ടൻ  ഇരിക്ക് ,ഞാനിപ്പോ വരാം  എന്നും പറഞ്ഞു, അടുക്കളയിലേക്കു പോകാൻ ഒരുങ്ങി ...

 

ഇത് കണ്ട വിനോദ് ,അവളെ അവന്റെ നെഞ്ചിലേക്ക് ചേർത്ത് നിർത്തി കൊണ്ട് പറഞ്ഞു ...വശീകരണ മരുന്ന് തരാൻ ആണോ ..? നീയിങ്ങനെ എന്നോട് ചേർന്ന് നിന്നാൽ ,പിന്നെ എനിക്ക് മറ്റൊന്നും വേണ്ട ...!നിന്റെയീ മണവും ചൂടും മാത്രം മതി..,എന്നെ മത്തു പിടിപ്പിക്കാൻ ...

അവന്റെ ചുണ്ടിൽ ഒരുമ്മ നൽകി കൊണ്ട് അശ്വതി പറഞ്ഞു ..എനിക്ക് വേണ്ടി വിനുവേട്ടൻ  അത് കുടിക്കണം ...

നിന്റെ ഇഷ്ടം ...ചിരിയോടെ വിനോദ്  പറഞ്ഞു ....

വിനുവേട്ടൻ മുറിയിലേക്ക്  ചെന്നോളൂ, എന്നു പറഞ്ഞ് അശ്വതി അടുക്കളയിൽ പോയി ..ഗ്ലാസിൽ  പാലൊഴിച്ചു മരുന്നു കലക്കി ....

 

 ഗ്ലാസ്സുമായി മുറിയിലെത്തിയപ്പോൾ ,വിനോദ് ബെഡിൽ ഇരിക്കുകയായിരുന്നു ..അശ്വതി നീട്ടിയ പാൽ ഗ്ലാസ് കയ്യിൽ  വാങ്ങി വിനോദ്, അവളെ തന്നോട് ചേർത്തു നിർത്തി കൊണ്ട് ,അവളോട് കുടിക്കാൻ പറഞ്ഞു..

 വേണ്ട..ഇത് മുഴുവനും വിനുവേട്ടൻ തന്നെ കുടിക്കണം ..എന്നാലേ   ഫലമുണ്ടാകു... അശ്വതി പറഞ്ഞു...

 അവളുടെ  നിർബന്ധത്തിൽ വിനോദ്  അതു മുഴുവനും കുടിച്ചു .. ഗ്ലാസ് അശ്വതിയെ ഏൽപ്പിച്ചു...

അതെടുത്തു വെക്കാൻ അടുക്കളയിലേക്കു  പോയപ്പോൾ, അശ്വതിയുടെ ഫോൺ ബെല്ലടിച്ചു ..

ആരാ അച്ചു ..വിനോദ് ചോദിച്ചു ...

 അരവിന്ദേട്ടനാ..ഫോൺ കയ്യിലെടുത്ത അശ്വതി ,മിണ്ടല്ലേ എന്ന് ആംഗ്യഭാവത്തിൽ ,വിനോദിനോട്  പറഞ്ഞു....

അശ്വതി:- ഹലോ അരവിന്ദേട്ടാ ..

അരവിന്ദ് :- ഹലോ   അശ്വതി.. എന്ത് ചെയ്യാ

അശ്വതി:-  ഇവിടെയുണ്ട് ...എന്താ അരവിന്ദേട്ടാ

അരവിന്ദ് :-  ഞാൻ വിളിച്ചത് .എന്റെ .ഓഫീസിലെ ഒരു document  അലമാരയുടെ ഡ്രോയിൽ വെച്ചിട്ടുണ്ട്... അത് അവിടെ ഉണ്ടോ എന്ന് നോക്കിയേ..... ഇവിടെ കാണാനില്ല ......

അശ്വതി :- ഒരു മിനിറ്റ് ..ഞാൻ നോക്കട്ടെ..

 അശ്വതി document നോക്കാനായി   മുറിയിലേക്ക് ചെന്നപ്പോൾ, വിനോദ് ബെഡിൽ കിടക്കുകയായിരുന്നു..

 അശ്വതി :- ഹലോ അരവിന്ദേട്ടാ   ഇവിടെയുണ്ട് ആ document ..

 അരവിന്ദ്:- ആണോ ,അതെടുത്തു  മേശപ്പുറത്ത് വയ്ക്കു.. ഞാൻ കുറച്ചു കഴിയുമ്പോൾ വന്ന് എടുത്തുകൊള്ളാം..

 അശ്വതി:- ഇപ്പൊ വരുന്നുണ്ടോ ഇങ്ങോട്ടു ....  വിറയലോടെ അശ്വതി ചോദിച്ചു

അരവിന്ദ്:-  ഒരു 10 മിനിറ്റ് കഴിയുമ്പോൾ ഞാൻ വരാം..

 അശ്വതി:- ഓകെ അരവിന്ദേട്ടാ ...

അതും പറഞ്ഞ് അവൾ ഫോൺ  വെച്ചു.. പരിഭ്രമത്തോടെ അശ്വതി മുറിയിലേക്ക് ഓടി, വിനോദിനെ  വിളിക്കാനായി ..ബെഡിൽ കിടക്കുകയായിരുന്ന വിനോദിന്റെ  അടുത്തെത്തി, അശ്വതി അവനെ തട്ടി വിളിച്ചു ...

വിനുവേട്ടാ ....എണീക്കു... അരവിന്ദേട്ടനാ   വിളിച്ചത് ...ആള് കുറച്ചുകഴിയുമ്പോൾ ഇങ്ങോട്ട് വരും എന്ന് പറയുന്നു... വിനോദിന്റെ നെഞ്ചിൽ തട്ടിക്കൊണ്ട് ,അശ്വതി അവനെ വിളിച്ചു കൊണ്ടിരുന്നു...

 വിനുവേട്ടാ എണീക്ക്..... വിനോദ് പക്ഷെ  എഴുന്നേറ്റില്ല.....

  അല്പം ദേഷ്യത്തോടെ തന്നെ അശ്വതി വിനോദിനെ വിളിക്കാൻ തുടങ്ങി ഉറങ്ങാണോ..?   ഇതെന്താ ഇപ്പൊ ഉറങ്ങുന്നതെന്ന്... എണീക്ക് വിനുവേട്ടാ ...

പക്ഷേ അശ്വതിയുടെ വിളിക്കു , ഉത്തരം നൽകാതെ വിനോദ്  അപ്പോഴും കിടക്കുകയായിരുന്നു ....

അശ്വതിയുടെ മുഖത്തെ ദേഷ്യം ,പേടിയിലേക്ക് മാറി ..  ഭയത്തോടെ  അശ്വതി, വിനോദിനെ  ശക്തിയായി കുലുക്കി വിളിച്ചു .. വിനുവേട്ടാ വിനുവേട്ടാ എണീക്കു....

 

  ഒരിക്കലും എഴുന്നേൽക്കാത്ത ഉറക്കത്തിലാണ് വിനോദ് , എന്ന സത്യം അശ്വതി പതുക്കെ തിരിച്ചറിയുകയായിരുന്നു... നിലവിളിയോടെ ,അശ്വതി വിനോദിന്റെ  മൂക്കിന് താഴെ വിരലുകൾ വെച്ചു നോക്കി.. അവൻ തൻറെ അവസാന ശ്വാസവും വലിച്ചു കഴിഞ്ഞെന്നു അവൾ മനസ്സിലാക്കി ...പൾസ് നോക്കാനായി  പിടിച്ച , കൈകൾ അശ്വതിയുടെ കയ്യിൽ നിന്നും താഴെ വീണു..

 ഒരലർച്ചയോടെ അശ്വതി പുറകിലോട്ടു മാറി..

വിനോദ് മരിച്ചെന്ന സത്യം അശ്വതി മനസ്സിലാക്കി..... ഭയവും ,ഉൽക്കണ്ഠയും ,കരച്ചിലും, എല്ലാം അവളെ ഒരുതരം  ഉന്മാദവസ്ഥയിൽ എത്തിച്ചു... എന്തു ചെയ്യണമെന്നറിയാതെ അവൾ പകച്ചുനിന്നു..

 അരവിന്ദ് മടങ്ങിവരുമ്പോൾ, വിനോദിനെ ഈ മുറിയിൽ കണ്ടാൽ ,...

ഇവിടെ വെച്ചാണ് , വിനോദ് മരിച്ചതെന്ന് ആളുകൾ അറിഞ്ഞാൽ ,.....

 മായ ഈ സത്യങ്ങൾ മനസ്സിലാക്കിയാൽ,..........

 എല്ലാ ചിന്തകളും അവളെ ഒരു നിമിഷം ഭ്രാന്തിന്റെ  വക്കിൽ എത്തിച്ചു.... അരവിന്ദിന്റെയും ,മായയുടെയും മുഖങ്ങൾ അശ്വതിയെ ഭയപ്പെടുത്തി....... താൻ എങ്ങനെ രക്ഷപ്പെടും .....ഈശ്വരാ.... അറിയാവുന്ന എല്ലാ ദൈവങ്ങളെയും വിളിച്ച് അശ്വതി പ്രാർത്ഥിച്ചു ....ഒരു ഭ്രാന്തിയെ പോലെ അവൾ അലറി... മുറിയിൽ അങ്ങോട്ടുമിങ്ങോട്ടും നടന്നു............

അവളുടെ ഉറക്കെയുള്ള നിലവിളി മറ്റ് ഫ്ളാറ്റുകാരും കേട്ട് ..  കോളിംഗ് ബെല്ലിന്റെ ശബ്ദവും, വാതിലിൽ തട്ടുന്ന ശബ്ദവും, അവളെ ചിന്തകളിൽ നിന്നുണർത്തി.... പുറത്ത് ആളുകൾ കൂടി .....വാതിൽ തള്ളിത്തുറക്കാൻ ഉള്ള ശ്രമങ്ങൾ നടന്നു ...അപ്പോഴേക്കും അശ്വതി വാതിൽ തുറന്നു .....

 

വാതിൽക്കൽ നിൽക്കുന്ന ആളുകൾക്കിടയിൽ , അരവിന്ദിനെ കണ്ട   അശ്വതി പേടിയോടെ അരവിന്ദിന്റെ  കൈപിടിച്ചു... അശ്വതിയുടെ മുഖഭാവം കണ്ട്, അരവിന്ദ് അടക്കം എല്ലാവരും അമ്പരപ്പോടെ മുറിയിലേക്ക് കണ്ണോടിച്ചു...... പക്ഷേ അസ്വാഭാവികമായി ഒന്നും കാണാൻ ആർക്കും സാധിച്ചില്ല...... അപ്പോഴേക്കും അരവിന്ദ് അശ്വതിയുടെ, കൈപിടിച്ച് ഫ്ലാറ്റിലേക്ക് കയറി..... അശ്വതി അവരുടെ  ബെഡ്റൂമിലേക്ക് കൈ ചൂണ്ടി ....ആശങ്കയോടെ അരവിന്ദ് മുറിയിലേക്ക് നടന്നു..

 

മുറിയിൽ എത്തിയ അരവിന്ദിന് തന്റെ കണ്ണുകളെ വിശ്വസിക്കാൻ കഴിഞ്ഞില്ല ...തന്റെയും അശ്വതിയുടെയും കിടക്കയിൽ , അതാ ,വിനോദ് കിടന്നുറങ്ങുന്നു ....

സംശയത്തോടെ അശ്വതിയെ നോക്കിയ അരവിന്ദിനോട് ,അശ്വതി കരച്ചിലോടെ പറഞ്ഞു ...

 

വിനോദ് മരിച്ചു ....!!!!!

മരിക്കുകയോ ...? അരവിന്ദ് ചോദിച്ചു ....നീയെന്താ അശ്വതി ഈ പറയുന്നത് ...അവൻ എങ്ങനെ മരിച്ചു ...അതും ഇവിടെ വെച്ച് ...

അവസാന ഭാഗം 

വിനോദ് മരിച്ചു ....!!!!!

മരിക്കുകയോ ...? അരവിന്ദ് ചോദിച്ചു ....നീയെന്താ അശ്വതി ഈ പറയുന്നത് ...അവൻ എങ്ങനെ മരിച്ചു ...അതും ഇവിടെ വെച്ച് ...

അപ്പോഴേക്കും പുറത്തു നിന്നിരുന്ന   ആളുകൾ ,വീട്ടിനുള്ളിലേക്ക് കയറി, വിനോദ് മരിച്ചുകിടക്കുന്നത് കണ്ട, അവർ അമ്പരപ്പോടെ പരസ്പരം നോക്കി പിറുപിറുത്തുകൊണ്ടിരുന്നു..... അതിനിടയിൽ  ,ആരൊക്കെയോ പൊലീസിനെ വിവരം അറിയിച്ചു ,..ഇപ്പോൾ തന്നെ  സ്‌ഥലത്തെത്താം  എന്നാണ് അവർ പറഞ്ഞത്..

 മായയുടെ ഓഫീസിലേക്കും കാര്യങ്ങൾ വിളിച്ചറിയിക്കപ്പെട്ടു ...വാർത്ത അറിഞ്ഞ സഹപ്രവര്ത്തകര് മായയുടെ ക്യാബിനിൽ എത്തി.. സഹതാപത്തിന്റെ ഒരു ഭാവം ആയിരുന്നു എല്ലാവരുടെയും മുഖത്തു ...

എന്താ ..എല്ലാരും കൂടി ..മായാ ചോദിച്ചു ..

എന്ത് പറയണം എന്നറിയാതെ എല്ലാരും വിഷമിച്ചു ...

അത് കുഞ്ഞേ ...വിനോദ് ...വിനോദിന് ...പ്യൂൺ രാമേട്ടൻ പറഞ്ഞു തുടങ്ങി ...

വിനുവേട്ടനോ ...?വിനുവേട്ടന് എന്ത് പറ്റി..? എന്താ   രാമേട്ടാ ...എന്താണെങ്കിലും പറയു ...മായ പറഞ്ഞു ....

 അറിഞ്ഞ വിവരങ്ങൾ എല്ലാം രാമേട്ടൻ പറയുന്നതിനിടയിൽ മായ തല കറങ്ങി വീണു ...ബോധം വന്ന മായയെ ,അവർ ഫ്ലാറ്റിലേക്ക് കൂട്ടികൊണ്ടു പോയി...

തടിച്ചു കൂടിയ ജനക്കൂട്ടത്തിനിടയിൽ കൂടി ,കടന്നു പോകുന്ന മായയെ സഹതാപത്തോടെയും , സങ്കടത്തെയും നോക്കി കൊണ്ട് ആളുകൾ എന്തൊക്കെയോ പറഞ്ഞു കൊണ്ടിരുന്നു ....

അശ്വതിയുടെ ഫ്ളാറ്റിലേക്കു തന്റെ  സഹപ്രവർത്തകർ തന്നെ കൂട്ടി  കൊണ്ട് പോകുന്നത് കണ്ട് ,മായ അമ്പരപ്പോടെ അവരെ നോക്കി ....അശ്വതിയുടെയും അരവിന്ദൻറെയും ,ബെഡ്റൂമിൽ മരിച്ചുകിടക്കുന്ന വിനോദിനെ ,കണ്ടു മായ ആർത്തലച്ചു കരഞ്ഞു... മായയെ കണ്ട, അശ്വതി, പേടിയോടെ ബാൽക്കണിയിലേക്ക് ഓടിപ്പോയി........

വിനോദിന്റെ  നെഞ്ചിൽ വീണ പൊട്ടിക്കരയുന്ന  മായയേ, എന്ത് പറഞ്ഞ് ആശ്വസിപ്പിക്കും എന്ന് അറിയാതെ കൂടിയിരുന്നവർ വിഷമിക്കുകയായിരുന്നു  .........അൽപസമയം കഴിഞ്ഞപ്പോൾ അരവിന്ദ് ,മായയെ , വിനോദിന്റെ നെഞ്ചിൽ നിന്നും അടർത്തി... അരവിന്ദനെ കണ്ട മായ , അവൻറെ  ഷർട്ടിൽ  പിടിച്ചു വലിച്ചുകൊണ്ട്, എന്തിനാ ഇത് ചെയ്തതെന്ന് ചോദിച്ചു കരഞ്ഞുകൊണ്ടിരുന്നു..........

മായയുടെ ചോദ്യത്തിന് ഉത്തരം നൽകാൻ കഴിയാതെ അരവിന്ദ്, മുഖം തിരിച്ചപ്പോൾ , കൂടിനിന്നവരിൽ ഒരു സ്ത്രീ  മായയോട്  പറഞ്ഞു ....

ഇവൻ അല്ല ഈ ചെയ്തത് ...ഇവന്റെ ഭാര്യയില്ലെ   അവളാ ഈ     പണി ഒപ്പിച്ചത് ..എന്തായിരുന്നു   കാരണം എന്ന് ആർക്കറിയാം....? എന്തായാലും അത്ര നല്ല കാരണം ഒന്നും ആയിരിക്കില്ല എന്ന് , ഏതു കണ്ണുപൊട്ടനും മനസ്സിലാകും .. അല്ലെ പിന്നെ ഇവരുടെ മുറിയിൽ എങ്ങനെയാ, ഇവൻ വന്നു  ചത്തു കിടക്കുന്നെ ...എന്തായിരുന്നു ബന്ധമെന്ന്  എന്ന് ആർക്കറിയാം .........

ആ സ്ത്രീയുടെ വാക്കുകളിൽ നിറഞ്ഞു നിന്ന  പരിഹാസവും ദേഷ്യവും കുറ്റപ്പെടുത്തലുമെല്ലാം മായയെ  മാത്രമല്ല അരവിന്ദിനെയും പൊള്ളിച്ചു കൊണ്ടിരുന്നു ......

ആ സ്ത്രീ പറഞ്ഞു നിർത്തിയതും  മായ ,അരവിന്ദിനെ  തള്ളി മാറ്റിക്കൊണ്ട് ,മുറിയിൽ നിന്നും പുറത്തിറങ്ങി... ആരെയോ  തേടിക്കൊണ്ടിരുന്നു .. എല്ലായിടത്തും അന്വേഷിച്ചിട്ടും കാണാതെ വന്നപ്പോൾ ഒരു ഭ്രാന്തിയെപ്പോലെ മായ അലറിവിളിച്ചു.......

 അശ്വതി.............

 അവളുടെ അലർച്ചയിൽ പേടിച്ചുപോയ അശ്വതി ബാൽക്കണിയിലേക്ക് ഒന്നുകൂടി ഒതുങ്ങിക്കൂടി... അവിടെനിന്ന് ആരോ കൈ ചൂണ്ടിയത് കണ്ടു ,മായ ബാൽക്കണിയിലേക്കു  ഓടിച്ചെന്നു.  കാർട്ടനുകൾക്കിടയിൽ  മറഞ്ഞു  നിൽക്കുന്ന അശ്വതിയുടെ  കയ്യിൽ ആഞ്ഞു വലിച്ച്, അവളെ മായയുടെ മുന്നിൽ നിർത്തി...

മായയുടെ നോട്ടത്തിനു മുന്നിൽ ,സിംഹത്തിന്റെ മുമ്പിൽ അകപ്പെട്ട മാൻപേടയെ പോലെ അശ്വതി പേടിച്ചരണ്ടു.....ഒന്നും പറയാൻ കഴിയാതെ നിൽക്കുന്ന അശ്വതിയുടെ ഇരുകവിളിലും  മായ ,മാറി  മാറി അടിച്ചു .... 

വേദനകൊണ്ട് പുളഞ്ഞെങ്കിലും , മായയെ തടയാൻ അശ്വതി ഒരുങ്ങിയില്ല... അവൾ അടിക്കുന്ന ഓരോ അടിയും തനിക് അർഹതപ്പെട്ടതാണ് എന്ന  കുറ്റബോധം അവളെ വേട്ടയാടി..

   ആ കാഴ്ച കണ്ട് ഓടി വന്ന അരവിന്ദ് ,മായയെ  തള്ളി മാറ്റി, അശ്വതിയെ ചേർത്തുനിർത്തി ...മായേ  നീയെന്തു ഭ്രാന്താ  ഈ കാണിക്കുന്നേ.... അരവിന്ദ് ദേഷ്യത്തോടെ ചോദിച്ചു...

 ഭ്രാന്തോ ..എനിക്കോ ... മായ പറഞ്ഞു കൊണ്ടിരുന്നു..

 എനിക്കാണോ ഭ്രാന്ത്...ഇവൾക്കല്ലേ ...അതെന്തു ഭ്രാന്താണെന്ന്  മനസ്സിലായില്ലേ ...മറ്റൊരു സ്ത്രീയുടെ ഭർത്താവിനെ, സ്വന്തം കിടപ്പറയിലേക്ക് വിളിച്ചു കേറ്റുന്നത്  ഏതുതരം ഭ്രാന്താണെന്ന് അരവിന്ദേട്ടനു  അറിയില്ലേ...

മായയുടെ ആ ചോദ്യത്തിൽ തല താഴ്ത്തേണ്ടി വന്നെങ്കിലും ,അശ്വതിയെ   ചേർത്തുപിടിച്ച് അരവിന്ദ് പറഞ്ഞു ..

ഇല്ല...ഇവൾ  അങ്ങനെ ചെയ്യില്ല ...അത്തരമൊരു മൂന്നാം കിട പെണ്ണല്ല എന്റെ ഭാര്യ ..  എനിക്കറിയാം ഇവളെ...

അരവിന്ദൻറെ ആ വാക്കുകൾ കേട്ട് അശ്വതി നടുങ്ങി പോയി ...

ഈശ്വരാ അരവിന്ദേട്ടനു തന്നെ അത്ര  വിശ്വാസമായിരുന്നോ ....? ഞാൻ ,ഞാനെങ്ങനെ സംഭവിച്ചതെല്ലാം പറയും ....ഞാൻ കാണിച്ച സ്നേഹം മുഴുവനും കാപട്യം ആയിരുന്നു എന്ന് അറിഞ്ഞാൽ  അരവിന്ദേട്ടനും  തന്നെ വെറുത്തു പോകും ........

കൂടി നിൽക്കുന്നവരുടെ മുഖങ്ങളിൽ കണ്ട് ചോദ്യഭാവങ്ങളും, പരിഹാസ ചിരികളും, കുറ്റപ്പെടുത്തലും എല്ലാം അശ്വതിയെ മറ്റൊരു വഴിക്ക് ചിന്തിക്കാൻ പ്രേരിപ്പിച്ചു.....

 

മാനം നഷ്ടപ്പെട്ട ജീവിക്കുന്നതിനേക്കാൾ നല്ലത് അഭിമാനത്തോടെ ജയിലിൽ കഴിയുന്നത് ആണെന്ന ചിന്ത അവളിൽ  ഉടലെടുത്തു ...വിനോദിനെ   കൊന്നത് താനല്ല എന്ന് അറിഞ്ഞാൽ, വിനോദ് എന്തിന് ,എങ്ങനെ ഇവിടെ വന്നു... എന്നെല്ലാം താൻ  വിശദീകരിക്കേണ്ടി വരും..താനും വിനോദുമായുള്ള   അവിഹിത ബന്ധം ,പുറത്തു വന്നാൽ ഇപ്പോൾ തന്നെ വിശ്വാസത്തോടെ ചേർത്ത് പിടിച്ച  അരവിന്ദേട്ടൻ പോലും വെറുപ്പോടെ തന്നെ മാറ്റി നിർത്തും ..

 പാടില്ല.... അത് സംഭവിച്ചു കൂടാ....... ഒരു പിഴച്ചവൾ ആയി ആരും തന്നെ കാണാതിരിക്കാൻ ,താൻ ഈ കുറ്റം ഏൽക്കുകയാണ് ...

സ്വന്തം മാനത്തിന് വില പറഞ്ഞവനു , ഒരു പെണ്ണ് കൊടുക്കുന്ന ശിക്ഷയായി മാത്രം, ഈ കൊലപാതകത്തെ, ലോകം അറിഞ്ഞാൽ മതി ..

അഭിമാനം രക്ഷിക്കാൻ വേണ്ടി ,ചെയ്തു പോയതാണെന്ന ഒരു പെണ്ണിന്റെ  നിസ്സഹായാവസ്ഥ, തന്നെ ഇതിൽ നിന്നും രക്ഷിക്കും...

 തന്നെ നോക്കി പുലമ്പികൊണ്ടിരിക്കുന്ന മായയുടെ വാക്കുകൾക്കപ്പുറം ,എങ്ങനെ അഭിമാനത്തോടെ ഈ കുറ്റം ഏറ്റെടുക്കാമെന്ന ചിന്തയിലായിരുന്നു അശ്വതി..........

അപ്പോഴേക്കും പോലീസ് വന്നു മൃതദേഹം ഇൻക്വസ്റ്റ് നടത്തി തുടർനടപടികൾക്കായി കൊണ്ടുപോയി... ചോദ്യം ചെയ്യാനായി പൊലീസ് അശ്വതിയെ കൊണ്ടുപോയി... ഉള്ളിലെ പേടി മുഖത്ത് കാണുന്നുണ്ടെങ്കിലും, ആലോചിച്ചെടുത്ത കാര്യങ്ങളിൽ നിന്നും ധൈര്യം സംഭരിച്ചു കൊണ്ട്, അശ്വതി, ആ കുറ്റം ഏറ്റെടുത്തു.......

 അതെ .....ഞാൻ തന്നെയാണ്, അത് ചെയ്തത്...... എന്നോടുള്ള വിനോദിന്റെ മാറ്റമാണ്, എന്നെക്കൊണ്ട്  ഈ കടുകൈ  ചെയ്യിപ്പിച്ചത്.....

---------------------------**********************************

 

ചോദ്യംചെയ്യൽ ,..വിചാരണ .. കോടതി മുറികൾ ,..  ശിക്ഷാവിധി,.. ജയിൽ .......

പിന്നീടങ്ങോട്ടുള്ള നാളുകൾ ,അശ്വതിയെ കാത്തിരുന്നത് ഇവയൊക്കെ ആയിരുന്നു ...രണ്ടു ദിവസത്തേക്ക് മാത്രം പ്രാധാന്യം നല്കപ്പെടുന്ന വാർത്തയിലേക്ക് അങ്ങനെ ഈ വാർത്തയും മാറി ...  ശിക്ഷാവിധി കേട്ട് വന്ന അശ്വതിയുടെ മനസ്സ് ,സന്തോഷിച്ചു ....കാരണം പിഴച്ചവൾ എന്ന പേര് ,തനിക് വിശേഷണം ആയി ആരും നൽകിയില്ല ...മറിച്ചു,ആത്മാഭിമാനമുള്ള ഒരു പെണ്ണായി സമൂഹം അവളെ വാഴ്ത്തി..

അവളെ പ്രശംസിച്ച ആ വാർത്തകളിൽ എല്ലാം, അശ്വതിയുടെ ജീവിതത്തിലെ ജാരനോ ,കാമുകനോ ആയി വിനോദ് ഉണ്ടായിരുന്നില്ല ...   മറിച്ചു ,സ്ത്രീയുടെ ശരീരത്തെ മോഹിച്ചു ,അവളെ സ്വന്തമാക്കാൻ ആഗ്രഹിച്ച ഒരു സ്ത്രീലമ്പടൻ ആയി വിനോദ് മാറി ...

 അതുകൊണ്ടുതന്നെ ,  അശ്വതിയെ മാപ്പുസാക്ഷിയാക്കി ,കോടതി ശിക്ഷാ കാലാവധി കുറച്ചു കൊടുത്തു.......

------------------------------**********************************

 

വിധവ എന്ന അവസ്ഥയെകാളും, മായയെ  വേദനിപ്പിച്ചത്, സഹതാപത്തോടെയുള്ള മറ്റുള്ളവരുടെ നോട്ടമായിരുന്നു ....പക്ഷെ ,ഇന്ന് ആ വേദനകളെ പുഞ്ചിരിയോടെ അവഗണിക്കാൻ  മായയ്ക്ക്  കഴിയും ...അതുകൊണ്ടാണ്, നാളുകൾക്കുശേഷം തന്നെ കാണണമെന്ന ആഗ്രഹം, അശ്വതി പറഞ്ഞു എന്നറിഞ്ഞപ്പോൾ ,അവളെ കാണാനായി മായ ജയിലിലേക്ക് പോയത്.........

 

-------------------------

******************************

സന്ദർശകർക്ക് അനുവദിച്ച സ്ഥലത്ത് വന്ന് മായ കാത്തുനിന്നു .....

വിനുവേട്ടന്റെ മരണത്തിന് അന്നാണ് അവസാനമായി അശ്വതിയോടു  സംസാരിക്കുന്നത്....നീണ്ട  ഇടവേളയ്ക്കു ശേഷം, ഇന്ന് വീണ്ടും താൻ അവളെ കാണുകയാണ് ...

എന്തിനായിരിക്കും ..?അശ്വതി കാണണമെന്ന് പറഞ്ഞത് ...ആലോചനയിൽ  ഇരിക്കെ ,മായെ ..... എന്നൊരു വിളികേട്ടു ,മായ തലയുയർത്തി നോക്കി...

 

 ജയിൽ വേഷത്തിൽ ,വിഷാദ ഭാവത്തിൽ, നിറഞ്ഞ കണ്ണുകളോടെ അശ്വതി .......അശ്വതിയെ കണ്ട മായ, എഴുന്നേറ്റ് അവളുടെ അടുത്തേക്ക് നടന്നു.....

പരസ്പരം ഒരു നിമിഷം നോക്കിനിന്നു ,അവർ... ഉള്ളിലെ കുറ്റബോധം മൂലം മായയെ , അശ്വതിക്ക് ഏറെനേരം നോക്കാൻ കഴിഞ്ഞില്ല..അവൾക്  മുഖം കൊടുക്കാതെ ,ശൂന്യതയിലേക്ക് നോക്കി നിന്നു, അശ്വതി......

 എന്നാൽ മായ ,അശ്വതിയിൽ  നിന്നും കണ്ണുകൾ എടുത്തില്ല .....അടിമുടി അശ്വതിയെ നോക്കിക്കൊണ്ടിരുന്നു... ദേഷ്യമായിരുന്നില്ല ,പക്ഷെ,മായയുടെ മുഖത്തു ...പുഞ്ചിരിക്കുകയായിരുന്നു അവൾ..മായയ്ക്ക്   മാത്രമറിയുന്ന ഒരു കാരണത്തിന്റെ പുഞ്ചിരി...

 നീയെന്താ എന്നെ കാണണമെന്ന് പറഞ്ഞത് ...മായ ചോദിച്ചു

അത്... അത്... വാക്കുകൾ കിട്ടാതെ അശ്വതി നിശബ്ദയായി..

എന്താ ..അച്ചു , കാര്യം ...? പറയ്‌...

 

മായയുടെ അച്ചു എന്ന വിളി ,അശ്വതിക്ക് ഒരല്പം പ്രതീക്ഷയും ധൈര്യവും കൊടുത്തു ...ഇടറിയ വാക്കുകളോടെ കരഞ്ഞുകൊണ്ട് അശ്വതി പറഞ്ഞുതുടങ്ങി ...

മായേ.... മാപ്പ് പറയാൻ മാത്രമേ എനിക്ക് കഴിയൂ... പൊറുക്കാൻ കഴിയാത്ത തെറ്റുകൾ ഞാൻ നിന്നോട് ചെയ്തിട്ടുണ്ട് ..നിന്നെ ചതിച്ചതിന്  ,ദൈവം തന്ന ശിക്ഷ ആയിട്ടെ , ഞാൻ ഈ വിധിയെ കാണുന്നുള്ളൂ ... എനിക്ക്  മാപ്പു  നൽകണം നീ ....അറിഞ്ഞു കൊണ്ട് ചെയ്തുപോയ തെറ്റായിരുന്നു ,വിനോദുമായുള്ള  ബന്ധം ...പക്ഷേ.. ....

വാക്കുകൾ നിർത്തി അശ്വതി മായയെ നോക്കി ...

പക്ഷേ......? മായ ചോദ്യഭാവത്തിൽ അശ്വതിയെ നോക്കി .....

പക്ഷേ ,...വിനോദിന്റെ മരണത്തിന് ഞാനല്ല ഉത്തരവാദി ...കരഞ്ഞുകൊണ്ട് അശ്വതി പറഞ്ഞു...

 

ഞാൻ അല്ല ആ കുറ്റവാളി .....ഞാൻ അല്ല .....

ആ മരുന്നു മാത്രമേ ഞാൻ കൊടുത്തിരുന്നുള്ളൂ.. മരുന്നിൻറെ പ്രശ്നമാണോ അതോ വിനോദിന് തന്നെ സംഭവിച്ച ഏതെങ്കിലും  ശാരീരിക അസ്വസ്ഥതയാണോ  കാരണം എന്ന് എനിക്കറിയില്ല ....വിനോദിനെ കൊല്ലണം എന്ന് കരുതി ഞാൻ ഒന്നും കൊടുത്തിട്ടില്ല ...എന്നെ വിശ്വസിക്കണം ...പ്രഷർ മരുന്നിന്റെ ഡോസ് കൂടിപ്പോയതാണ് മരണകാരണമെന്ന് പോസ്റ്റ്മോർട്ടം റിപ്പോർട്ട് വന്നപ്പോൾ ,വേറെ നിവൃത്തിയില്ലാതെ ഞാൻ സമ്മതിച്ചു പോയതാണ് ,അരവിന്ദൻറെ പ്രഷർ മരുന്ന് ഞാൻ കൊടുത്തതാണെന്ന്........ പക്ഷേ സത്യമായിട്ടും, ഞാൻ അത് ചെയ്തിട്ടില്ല ....എനിക്ക് അറിയില്ല... അത് എങ്ങനെ സംഭവിച്ചുവെന്ന് ...  അങ്ങനെയൊക്കെ സംഭവിക്കുമെന്ന് ഞാൻ ഒരിക്കലും കരുതിയില്ല....

പൊറുക്കണം എന്നോട് ....മാപ്പു തരണം എനിക്ക് ...ഞാനല്ല ആ കുറ്റവാളി ...മുഖം താഴ്ത്തി ,കൈകൾ കൂപ്പി കരഞ്ഞു കൊണ്ട് അശ്വതി പറഞ്ഞു .....

 

 നീയല്ല ആ കുറ്റവാളി...

 ഉറച്ച ശബ്ദത്തിൽ ഉള്ള മായയുടെ ആ വാക്കുകൾ കേട്ട് അശ്വതി മുഖമുയർത്തി..

 എനിക്കറിയാം അശ്വതി, നീ അല്ല അത് ചെയ്തതെന്ന്... എൻറെ വിനുവേട്ടനെ  കൊല്ലാൻ നിനക്ക് ഒരിക്കലും കഴിയില്ല എന്ന് എനിക്കറിയാം .....കാരണം ,നീ വിനുവേട്ടനെ  സ്നേഹിച്ചതിനെക്കാളും ,വിനുവേട്ടൻ നിന്നെ സ്നേഹിച്ചിരുന്നു എന്ന് നിനക്കറിയാം.. നിനക്ക് മാത്രമല്ല നിങ്ങളുടെ ആ ബന്ധം എനിക്കും അറിയാമായിരുന്നു

ഞെട്ടലോടെയാണ്  അശ്വതി മായയുടെ വാക്കുകൾ കേട്ടത് .

ഞാനും വിനോദ്മായുള്ള ബന്ധം, മായയ്ക്ക് അറിയാമായിരുന്നെന്നോ ...!!എന്നിട്ട് ഒരിക്കൽ പോലും, ഞങ്ങൾക്ക് അത് മനസ്സിലായില്ലല്ലോ..? അപ്പോൾ എല്ലാമറിഞ്ഞിട്ടും ,ഞങ്ങളുടെ മുൻപിൽ ഞങ്ങളെക്കാൾ നന്നായി അഭിനയിക്കുകയായിരുന്നു... ഇവൾ...

അശ്വതി  ചോദ്യഭാവത്തിൽ മായയെ നോക്കി ...

അപ്പോൾ ....വിനോദിനെ കൊന്നത് .......!!!??  അശ്വതി ചോദിച്ചു..

 

ഞാനാണ് ....!!! നിർവികാരതയോടെ മായ പറഞ്ഞു..

 ഞാനാണ് ആ കുറ്റവാളി .........

മായെ ...നീ ....?????? അമ്പരപ്പോടെ അശ്വതി വിളിച്ചു...

അതെ..എന്റേത്  മാത്രം ആകും എന്ന് ഞാൻ കരുതിയ എന്റെ വിനുവേട്ടൻ, എന്നെക്കാളും മറ്റൊരു പെണ്ണിനെ സ്നേഹിക്കുന്നു എന്നറിഞ്ഞപ്പോൾ ഞാൻ വേദനിച്ചു ..പക്ഷേ , ആ വേദനയുടെ ആഴം കൂടിയത് ,  അത് നീയും  ആയിട്ടാണെന്നറിഞ്ഞപ്പോൾ  ആയിരുന്നു ....ഭർത്താവും, സുഹൃത്തും ഓരോ നിമിഷവും എന്നെ വഞ്ചിച്ചു കൊണ്ടിരിക്കുകയാണ് എന്നറിഞ്ഞപ്പോൾ , എനിക്ക്  ഉണ്ടായ സങ്കടം, എന്റെ  മാനസികാവസ്ഥ നിനക്ക്  മനസ്സിലാവോ  അശ്വതി ....? നീയും ഒരു പെണ്ണല്ലേ....

 അരവിന്ദ് മറ്റൊരു പെണ്ണിനെ ആഗ്രഹിക്കുന്നു എന്ന് അറിഞ്ഞാൽ നീ സഹിക്കോ ....? ഇല്ല ..അല്ലേ ...?

അപ്പൊ ,എന്റെ  കൺമുന്നിൽ വച്ച് പോലും അഴിഞ്ഞാടിയ  നിങ്ങളുടെ ബന്ധത്തെ   ഞാൻ സ്വീകരിക്കും എന്നു നീ കരുതിയോ.....?

ഇല്ല അശ്വതി ...ഒരു പെണ്ണും അത് ചെയ്യില്ല....

 

പകരം വെക്കാൻ  കഴിയുന്ന ഒരേയൊരു ബന്ധമേ ഉള്ളൂ ,ഈ ലോകത്തിൽ അത് ഭാര്യഭർതൃ ബന്ധം ആണ്... പക്ഷേ എനിക്ക് പകരക്കാരി ആകാൻ ആഗ്രഹിച്ചപ്പോൾ നീ  അറിയാതെ പോയ ഒരു സത്യമുണ്ട്... മറ്റൊരാൾക്ക് പകരമാകാൻ  നമുക്കാർക്കും കഴിയില്ല ...നമുക് പകരം നമ്മൾ  മാത്രമേ ഉള്ളൂ എന്ന്.....

ചതിക്കപ്പെടാൻ  നമ്മൾ നിന്നു കൊടുത്താലേ , മറ്റുള്ളവർക്ക് നമ്മളെ ചതിക്കാൻ സാധിക്കു, എന്ന് കേട്ടിട്ടുണ്ട്... ഞാനും നിങ്ങൾക്ക് അതിനായി നിന്ന് തരികയായിരുന്നു..അത്  പക്ഷേ, ..ചതി ഏറ്റുവാങ്ങാൻ ആയിരുന്നില്ല ...ചതിക്കപെടുമ്പോൾ , ഉള്ള വേദന എന്താണെന്ന് നിങ്ങളെ കൂടി അറിയിക്കാൻ …

എല്ലാം മറന്നു നിങ്ങളോടു ക്ഷമിച്ചേനേ   ഞാൻ.... എനിക്കൊരു കുഞ്ഞു ഉണ്ടായിരുന്നെങ്കിൽ ,വിനുവേട്ടൻ ഒരിക്കലും എന്നെ കൈവിടില്ല എന്ന് ഉറപ്പുണ്ടായിരുന്നു എനിക്ക് .........അതിനാണ് ഞാൻ ജോത്സ്യനെ കണ്ടതും മരുന്ന് വാങ്ങിയതും ........ പക്ഷേ ,അവിടെയും നീ എന്നെ തോൽപ്പിക്കാൻ ശ്രമിച്ചു..അരവിന്ദിന്  കൊടുക്കാൻ വാങ്ങിയതെന്ന് തെറ്റിദ്ധരിപ്പിച്ച്, നീ എൻറെ വിനുവേട്ടനെ  സ്വന്തമാക്കാനാണ് ആ മരുന്നു വാങ്ങുന്നതെന്നു  അറിഞ്ഞപ്പോൾ മുതൽ എൻറെ മനസ്സിൽ ഉണ്ടായത് പ്രതികാര ചിന്ത ആയിരുന്നു ............

 

ഇതൊക്കെ ഞാൻ എങ്ങനെ മനസ്സിലാക്കി എന്നായിരിക്കും ..പ്രണയിക്കുന്ന മനസ്സുകൾക്ക് പഴക്കമുണ്ടെങ്കിലും ,പ്രയോഗിക്കുന്ന ടെക്നോളജി എല്ലാം പുതിയത് ആയിരുന്നു എന്ന്  നിങ്ങൾ ഓർത്തില്ല .......ഞാൻ അറിയാതെ , പുതിയ നമ്പറിൽ നിന്നും നടത്തിയിരുന്ന  ചാറ്റിങ് എല്ലാം, ഞാൻ അപ്പപ്പോൾ തന്നെ അറിയുന്നുണ്ടായിരുന്നു എൻറെ ലാപ്ടോപ്പിലൂടെ..

  വയ്യായ്ക അഭിനയിച്ചു   നീ ലീവ് എടുത്തപ്പോൾ , ഞാനറിഞ്ഞിരുന്നു അത് വിനുവേട്ടന് വേണ്ടിയുള്ള കാത്തിരിപ്പിനാണെന്നു ... അന്ന് നിൻറെ വീട്ടിൽ വന്നപ്പോൾ ഒരു ക്ഷീണവും ഞാൻ  നിന്നിൽ  കണ്ടില്ല... മറിച്ചു ,പതിവില്ലാത്ത ഒരു സന്തോഷം ഉത്സാഹം ഒക്കെ ആയിരുന്നു.....

അടുക്കളയിലേക്ക് നിൻറെ കൂടെ വന്നപ്പോൾ ഞാൻ കണ്ടു, വിനുവേട്ടന് കൊടുക്കാൻ വേണ്ടി നീ മാറ്റി വെച്ച ആ മരുന്നു ...നിൻറെ വശീകരണമരുന്ന് ..... അതു കണ്ടപ്പോൾ എൻറെ ഉള്ളം പിടഞ്ഞത്  നീ അറിഞ്ഞില്ല...... സങ്കടം ആയിരുന്നില്ല,പക ആയിരുന്നു  അപ്പോൾ നിങ്ങളോട് തോന്നിയത്... അതുകൊണ്ടാണ് തുണി വിരിക്കാൻ , നീ ബാൽക്കണിയിൽ പോയപ്പോൾ ,എൻറെ ബാഗിൽ ഉണ്ടായിരുന്ന പ്രഷറിന്റെ  ഗുളികകൾ മുഴുവനും ,ഞാൻ ആ പാലിൽ ഇട്ടത് .....ഞാൻ പിടിക്കപ്പെട്ടാലും , പിന്നീടുള്ള ജീവിതം അഴികൾക്കുള്ളിൽ ആകേണ്ടി വന്നാലും , ആ വിധികളെ സന്തോഷത്തോടെ സ്വീകരിക്കും എന്ന് കരുതി തന്നെയാണ് ഞാനത് ചെയ്തത്.......

നിങ്ങൾ രണ്ടുപേരും അത് കുടിക്കും എന്നാ  ഞാൻ കരുതിയത് ...രണ്ടുപേരെയും ഒരുമിച്ച് ഇല്ലാതാക്കാനാ ഞാൻ  ആഗ്രഹിച്ചതും ... പക്ഷേ, വിധി മറ്റൊന്നായിരുന്നു....

 

 താലി കെട്ടിയ പെണ്ണിനെ ചതിച്ചതിന് , വിനുവേട്ടന്  ദൈവം നൽകിയത് ,മരണശിക്ഷ ആണെങ്കിൽ, ആ ചതിക്കു  കൂട്ടുനിന്നതിന് നിനക്ക് കിട്ടിയത് ഈ ജയിലറയും.......   പുച്ഛ ഭാവത്തിൽ മായ പറഞ്ഞു .

 

തൃപ്തിയായി എനിക്ക്....... ഈ കാഴ്ചകൾ എനിക്ക് തരുന്ന ഒരു സന്തോഷം ,നിനക്ക് അത് ഊഹിക്കാൻ കഴിയുമോ അച്ചു .....പരിഹാസരൂപേണ മായ പറഞ്ഞു ...

ഒന്നും പറയാനാവാതെ നിന്ന  അശ്വതിയെ നോക്കി മായ തുടർന്നു...

 

നിയമത്തിൻറെ മുൻപിൽ ഞാൻ ആയിരിക്കാം കുറ്റവാളി.... പക്ഷേ മനസ്സാക്ഷിയുടെ മുന്നിൽ നീ  മാത്രമാണ് അശ്വതി ആ കുറ്റവാളി......

 

 മരവിച്ചു നിൽക്കുന്ന അശ്വതിയെ ഒന്നു നോക്കി, മായ തിരിഞ്ഞുനടന്നു..... കരയാൻ പോലും മറന്ന് അശ്വതിയും.........

 അവരുടെ ആ യാത്രകൾ ഇനിയും നീ നീതിപീഠത്തിലേക്കായിരിക്കുമോ ..!!!!!!!

 കാലം കാത്തുവെച്ച നീതിക്കുവേണ്ടി അശ്വതിയും, മറച്ചു വച്ചാലും മറഞ്ഞിരിക്കാൻ കഴിയാത്ത സത്യങ്ങളിൽ മായയും, ഒരിക്കൽകൂടി വിധിക്കു വേണ്ടി

 കാത്തിരിക്കുമോ ........??

 

*ശുഭം*

DOWNLOAD FOR PDF STORY CLICK👇

📝നിമ്മി സേവ്യർ