🍁പ്രിയമാനസം🍁ഫുൾ പാർട്ട്

🍁പ്രിയമാനസം🍁

ഫുൾ പാർട്ട് 

നീ ആരാണെന്നാടീ നിൻ്റെ വിചാരം? നിനക്ക് വരുന്ന ആലോചനയെല്ലാം ഇങ്ങനെ മുടക്കികളയാൻ മാത്രം എന്താടീ നിൻ്റെ പ്രശ്നം?  നീ ഈ കാണിക്കുന്ന തെമ്മാടിത്തരത്തിന് മുഖമടച്ച് ഒന്നു തരുവാ വേണ്ടത്..പെണ്ണായി പോയി അല്ലെങ്കില്‍ ...

അല്ലെങ്കില്‍ നീ എന്ത് ചെയ്തേനെ..എന്നെ കൊല്ലുവോ? ? എന്നാ ഇന്നാ കൊല്ല്... അല്ല എൻ്റെ കല്ല്യാണം മുടങ്ങുന്നതിന് നിനക്കെന്താ പ്രശ്നം? എനിക്കില്ലാത്ത സങ്കടം നിനക്കെന്തിനാടാ? ഞാൻ നിന്നോട് പറഞ്ഞോ, എനിക്ക് കല്ല്യാണം കഴിക്കണം, ആലോചന കൊണ്ട് വരാൻ..പറഞ്ഞൊന്ന്..ഒരു രക്ഷാധികാരി വന്നേക്കുന്നു...

അതേടീ ....രക്ഷാധികാരി തന്നെയാ, നിന്നെ നോക്കികൊള്ളണം എന്ന് നിൻ്റെ അമ്മ എന്നോട് പറഞ്ഞോ അന്ന് മുതൽ ഞാൻ നിൻ്റെ രക്ഷാധികാരി തന്നെയാ..എടീ നിനക്കറിയില്ലായിരിക്കും, പക്ഷേ നിൻ്റെ കല്ല്യാണം ഒന്ന് നടന്ന് കാണാൻ ആ അമ്മ ഒരുപാട് ആഗ്രഹിക്കുന്നുണ്ട് . അത് നന്നായി അറിയാവുന്നത് കൊണ്ട് തന്നെയാടീ ആ അമ്മയുടെ ആഗ്രഹത്തിന് ഞാൻ വില കൽപ്പിക്കുന്നത്..

നീ എന്തൊക്കെ പറഞ്ഞാലും എനിക്കിപ്പോ കെട്ടാൻ മനസ്സില്ല, ആ കാര്യം പറഞ്ഞോണ്ട് ആരും രക്ഷാധികാരി ചമഞ്ഞ് വരണ്ട, എനിക്കാരെയണോ ഇഷ്ടം അയാളെ ഞാൻ കെട്ടൂ...

കഴിഞ്ഞതൊന്നും മറന്നിട്ടില്ലെങ്കില് നിനക്ക് കൊള്ളാം..ഓർമ്മയുണ്ടല്ലോ എല്ലാം. പ്രേമം, മണ്ണാങ്കട്ട എന്ന് പറഞ്ഞ് ഏതെങ്കിലുമൊരുത്തൻ്റെ തോളിൽ തൂങ്ങി ഇനിയും കരയനാണ് നിൻ്റെ ഭാവമെങ്കിൽ   കൊത്തിനുറുക്കി വാഴക്ക് വളം ഇടും ഞാൻ..

അത്രയും പറഞ്ഞിട്ട് ശ്രീ ദേഷ്യത്തില് എൻ്റെ മുന്നിൽ നിന്നും എഴുന്നേററ് പോയി. അവൻ്റെ ഉച്ചത്തിലുള്ള സംസാരം കേട്ടിട്ടാവണം കാൻൻ്റീനിലിരുന്ന എല്ലാവരും എന്നെ ശ്രദ്ധിക്കുന്നുണ്ടായിരുന്നു. ശ്ശേ ആകെ നാണക്കേടായി. എല്ലാവരും എന്ത് കരുതിയിട്ടാണ്ടാവുമോ എന്തോ?അല്ലെങ്കിലും ദേഷ്യം വന്ന് കഴിഞ്ഞാ ആ പൊട്ടന് ഒരു കൺട്രോളുമില്ല,...സോറി, ഞങ്ങളെ പരിചയപ്പെടുത്തിയില്ല അല്ലേ?  എൻ്റെ പേര് അനുരാധ, ഇപ്പോ ഇവിടുന്ന് ദേഷ്യത്തൊടെ എഴുന്നേറ്റ് പോയത് ശ്രീ വൈഭവ് എന്ന ശ്രീ..ഞങ്ങൾ രണ്ടാളും ഇവിടെ ഈ കൊച്ചിയിലെ പ്രശ്സ്തമായ ഒരു ആർക്കിടെക്ച്ചർ കമ്പനിയിലെ ജൂനിയര്‍ ആർക്കിടെക്റ്റസാ. പക്ഷേ ഞങ്ങള് പരിചയപ്പെടുന്നത് ഇവിടെ വച്ചല്ലാട്ടോ?  

കുറച്ചു വർഷത്തിന് മുൻപ്, കൃത്യമായിട്ടു പറഞ്ഞാ ആറ് വർഷത്തിനു മുൻപാ. അതായത് ഞാൻ ആർക്കിടെക്കച്ചറിന് പഠിക്കുന്ന സമയത്ത്. വീട്ടിൽ നിന്നും മാറി നിന്ന് പഠിക്കാനുള്ള ഇഷ്ടക്കുടുതൽ കാരണം ( സത്യം പറഞ്ഞാല് അങ്ങനെയെങ്കിലും കുറച്ചു സ്വയംപര്യാപ്തത വരട്ടെ എന്ന് വിചാരിച്ച് എൻ്റെ കണ്ണീരിനെ പോലും വകവയ്ക്കാതെ അച്ഛനും അമ്മയും കാണിച്ച കൊടും ക്രൂരതായിരുന്നു അത്)  ഹോസ്റ്റലിലേക്ക് താമസം മാറിയതും, കോളേജിൽ ജോയിൻ ചെയ്തതും ഒരാഴ്ച ലേറ്റായിട്ടാ.. ആദ്യത്തെ ദിവസം തന്നെ ലേറ്റാകരുതല്ലോ എന്ന് വിചാരിച്ച് ( ഒരാഴ്ച ലേറ്റായത് അറ്റൻഡൻസ് രജിസ്റ്ററിൽ ഉണ്ടെങ്കിലും)  ക്ലാസിലേക്ക് നല്ല സ്പീഡിൽ നടക്കുമ്പോഴാ ഠോ...എന്നൊരു ഒച്ച..ദേണ്ടേ കിടക്കുന്നു ഞാൻ താഴേ...ഒരു വിധത്തില് കൈകുത്തി എണീക്കാൻ ശ്രമിച്ചപ്പോഴാ മുകളിൽ നിന്ന് ഒരു കമൻ്ററി കേട്ടത്...

നിനക്കൊന്നും കണ്ണില്ലേടീ...ബാക്കിയുള്ളവൻ്റെ മേത്തോട്ടു വന്നിടിക്കാനായിട്ട്..നീ എന്താ വായു ഗുളിക മേടിക്കാൻ പോകുവാണോ? ഇങ്ങനെ കിടന്ന് ഓടാനായിട്ട്..എഴുന്നേറ്റ് ക്ലാസിൽ പോടീ..

ഈശ്വരാ..ആദ്യ ദിവസം തന്നെ നീ എന്നെ തല്ലുകൊള്ളിക്കും അല്ലേ എന്നാത്മഗതം ചെയ്തോണ്ടു എനിക്കെതിരെ വന്നിടിച്ച ആ മഹത് വ്യക്തിയോട് സോറി ചേട്ടാ,( ഇനിയിപ്പോ ഫ്രഷറാണോ സീനിയറാണോ എന്ന് പറയാൻ പറ്റില്ലല്ലോ)   അറിയാതെ പറ്റിയതാ എന്നൊരു സെൻ്റി ഡയലോഗടിക്കാൻ തുടങ്ങിയതും ദേ വന്നു ദാ പോയി എന്ന് പറയുന്നത് പോലെ ആ മഹാനങ്ങ് പോയി..വീണത് ഭാഗ്യത്തിന് ആരും കാണത്തത് കൊണ്ട് ഞാൻ നൈസായിട്ടു എഴുന്നേറ്റ് ക്ലാസിലേക്ക് പോയി.. 

പീന്നീട് പലതവണ ആ മഹാനെ ഞാൻ കണ്ടു. എപ്പോ നോക്കിയാലും മുഖം നിറച്ച് കലിപ്പ്, ഈ മനുഷ്യന് ചിരിക്കുക സന്തോഷിക്കുക എന്നൊരു വികാരമില്ലേ ദൈവമേ എന്ന് ചിന്തിച്ചോണ്ടിരുന്ന ഒരു ദിവസമാ പുള്ളി എൻ്റെ സെയിം ബ്രാഞ്ചു് ആണെന്നും സീനിയറാണെന്നും ഉള്ള സത്യം ഞാനറിഞ്ഞത്..അതും ഞങ്ങളുടെ ബ്രാഞ്ചിൻ്റെ സിംപോസിയം നടന്ന അന്ന്,. 

അങ്ങനെ ആദ്യത്തെ സെമസ്റ്റർ കഴിഞ്ഞു, ലീവിന് വീട്ടിലേക്ക് പോവാനായി റെയിൽവേ സ്റ്റേഷനിലെത്തിയപ്പോഴാ വീണ്ടും ഈ മഹാനോട് ഞാൻ സംസാരിക്കുന്നത്. ഇൻഡ്യൻ റെയിൽവേ ഒരിക്കലും കൃത്യസമയം പാലിക്കില്ല എന്ന എൻ്റെ വിശ്വാസത്തെ തകർത്ത്കൊണ്ട് കൂവി ഇരമ്പിയാർത്ത് കൃത്യസമയത്തിന് തന്നെ ട്രെയിൻ പ്ലാറ്റ്ഫോമിലെത്തി. ചെവിയിൽ വച്ച ഹെഡ്സെറ്റും ഊരി ബാഗുമെടുത്തോണ്ട് ഓടിയപ്പോഴാ ( ഒരു സീറ്റിനു വേണ്ടി പത്തിരുപത്പേര് ഇടികൂടുന്ന ജനറൽ കംപാർട്ട്മെൻ്റിൽ ഇടിച്ചു കയറണമെങ്കിൽ അത്യാവശ്യം നന്നായി ഓടാനും ചാടാനും പറ്റുമെങ്കിൽ നുഴഞ്ഞുകയറാനും പഠിച്ചിരിക്കണം) കഷ്ടകാലത്തിന് വീണ്ടും പോയി ഈ മൊതലിനെ ഇടിക്കുന്നത്..എന്താ എന്നറിയില്ല,അങ്ങൊട്ടു പോയി ഇടിച്ചാലും താഴെ വീഴുന്നത് ഞാൻ തന്നെയാ..( ഭൂഗുരുത്വ സിദ്ധാന്തം കണ്ടുപിടിച്ച ആളെ കാണാൻ പറ്റിയിരുന്നെങ്കിൽ ഇതിൻ്റെ ഉത്തരം ചോദിക്കാമായിരുന്നു ...ഹ പറഞ്ഞിട്ടു കാര്യമില്ലല്ലോ)  വീണ വീഴച്ചയില് അടുത്തുണ്ടായിരുന്ന തൂണിൽ കൊണ്ട് എൻ്റെ ദുപ്പട്ടയും കീറീ. ( അമ്മ എപ്പോഴും പറയാറുണ്ട് എനിക്ക് നടക്കുമ്പോ കണ്ണ് കാണില്ല എന്ന്..) ഒന്ന് എഴുന്നേക്കാൻ കൈ പോലും തരാതെ ദുഷ്ടന്‍ നേരെ  കംപാർട്ട്മെൻ്റിലേക്ക് പോയി. എങ്ങനെയക്കെയോ എഴുന്നേറ്റ് ഒരു വിധത്തില് അകത്ത് കയറിപ്പറ്റി. ഇരിക്കാനായിട്ട് ഒരു സീറ്റ് കിട്ടുവോ എന്ന് നോക്കി നോക്കി നടക്കുമ്പോഴാ  ആ മുതലിൻ്റെയടുത്ത് ഒരിച്ചിരി സ്ഥലം കണ്ടത്...കഷ്ടിച്ച് ഇരിക്കാനുള്ളതേയുള്ളു. എന്നാലും ഒന്ന് വീണിട്ടു പോലും നോക്കാത്ത ആ സാധനത്തിനോട് എങ്ങനെയാ ചോദിക്കുന്നേ... കൈ്യും കാലും വേദനിച്ചിട്ടും വയ്യ.. ( വിഴ്ച ആവശ്യത്തിന് നല്ല ഒന്നൊന്നര വീഴ്ച തന്നെയാരുന്നേ)  

എൻ്റെ നോട്ടം കണ്ടിട്ടാണേ എന്നറിയില്ല ആള് കുറച്ച് ഒന്ന് നീങ്ങിയിരുന്നു. കിട്ടിയ സ്പേയിസില് ഞാനും അങ്ങ് ഇരുന്നു. കുറച്ചു സമയം കഴിഞ്ഞപ്പോ എന്താണോ എന്തോ സംസാരിക്കാതിരുന്നിട്ട് നാക്ക് അണ്ണാക്കില് ഒട്ടിപ്പിടിക്കുന്നത് പോലെ ഒരു ഫീലിംഗ്...അങ്ങനെ പ്ലിംഗ്സ്യ അടിച്ചിരിക്കുന്ന സമയത്താ ഞാൻ പുള്ളിയെ നോക്കുന്നത്..നോക്കുമ്പോ ദേ കലിപ്പനിരുന്നു ചിരിക്കുന്നു. ഭഗവാനേ ഞാൻ സ്വപ്നം കാണുവാണോ എന്നൊരു സംശയം തീർക്കാനായിട്ടു എൻ്റെ കൈയ്യില് തന്നെ നുള്ളി നോക്കി..ഇല്ല സ്വപ്നമല്ല, നല്ല വേദന..എന്നാലും ഈ കലിപ്പൻ ചിരിച്ചല്ലോ എന്ന സന്തോഷത്തിലിരുന്നപ്പോഴാ എന്നെ പുള്ളി ഞെട്ടിച്ചു കളഞ്ഞത്..

നിനക്കെന്താടീ വട്ടാണോ? ? 

ങ്ങേ ഇതെന്താ സംഭവം..പുള്ളി ഒറ്റയ്ക്കിരുന്ന് ചിരിച്ചിട്ട് ഇപ്പോ എനിക്കായോ വട്ട്...പറ്റില്ല, ഇനിയും വിട്ട്കൊടുത്താ ശരിയാവില്ല , എന്നിലെ പൂട്ടിയിട്ട സിംഹിണിയെ പുറത്തെടുക്കാൻ സമയമായി ( പ്ലസ്ടൂ വരെ കൂടെ പഠിച്ച എല്ലാവരും പറയുന്നത് ഞാൻ ഭയങ്കര സംഭവമാണെന്നാ.. പിന്നെ പുതിയ കോളജല്ലേ കുറച്ച് നന്നാവാം എന്ന് വിചാരിച്ചപ്പോ സമ്മയ്ക്കൂല്ല, ഇങ്ങളെന്നെ നന്നാവാൻ സമ്മയ്ക്കൂല്ല...) 

എനിക്കല്ല ചേട്ടനാ വട്ട്...അതോണ്ടല്ലെ വെറുതെ ഇരുന്ന് ചിരിക്കുന്നത്..ഇങ്ങനെ ഒരു കാര്യവും ഇല്ലാതെ ചിരിക്കുന്നവരെയാ ഞങ്ങളുടെ നാട്ടില് വട്ട് എന്ന് പറയുന്നത്..

(ശ്ശോ ആ മുഖം ഒന്ന് കാണേണ്ടതായിരുന്നു...) 

നീ ആള് കൊള്ളാലോ...സീനിയറെ കേറി വട്ടനെന്ന് വിളിക്കുന്നോ? ? കാണിച്ചു തരാടീ നിനക്ക്...മോളെ ഇത്ര ധൈര്യം ഒന്നും കാണിക്കല്ലേ, അവസാനം പിടിച്ച് നിൽക്കാൻ പറ്റില്ല, 

ഓ ആയിക്കോട്ടെ , സീനിയറും ജൂനിയറും ഒക്കെ അങ്ങ് കോളെജില്, ഇപ്പോ എല്ലാവരും ഒരുപോലെയാ, ഞാനും കാശ് കൊടുത്തിട്ടാ ഇതില് യാത്ര ചെയ്യുന്നേ...അല്ലാതെ ഈയാളുടെ ഔദാര്യത്തില്ലല്ല. 

അങ്ങനെ ഒന്നും രണ്ടും പറഞ്ഞ് ഞങ്ങള് തമ്മില് പൊരിഞ്ഞ വഴക്കായി..പക്ഷേ ആ വഴക്കിൻ്റെ അവസാനം കുറച്ചു കഴിഞ്ഞപ്പോഴേയ്ക്കും ഞങ്ങള് ഫ്രണ്ട്സായി...അങ്ങനെയാ ഞങ്ങള് പരസ്പരം പരിചയപ്പെട്ടത്..അപ്പോഴാ ഞാനറിഞ്ഞത് ഈ കലിപ്പൻ്റെ പേര് ശ്രീ വൈഭവ് ആണെന്ന്. ( ഇപ്പോ എല്ലാവരും കരുതുന്നുണ്ടാവും ഒരു സെമസ്റ്റർ കഴിഞ്ഞിട്ടും സീനിയറിൻ്റെ പേര് മനസ്സിലാക്കിയില്ലേ എന്ന് ...അതിന് കോളെജിൽ ആരെങ്കിലും ഇതിൻ്റെ യഥാർഥ പേര് വിളിച്ചിട്ടു വേണ്ടെ...എല്ലാവരും വിളിക്കുന്നത് മറ്റൊരു പേരാ..അത് പിന്നെ പറഞ്ഞു തരാം) . അങ്ങനെ ആ യാത്ര കൊണ്ട് ഞങ്ങൾ കട്ട ഫ്രണ്ട്സ് ആയി..അപ്പോഴാ പുള്ളി ചിരിച്ചതിൻ്റെ കാരണം പറഞ്ഞത്.

ആരൊടും മിണ്ടാൻ പറ്റാതെ വിഷമിച്ചിരുന്നപ്പോ ഞാൻ സ്വയം എന്തോക്കെയൊ പിച്ചും പേയും ആക്ഷനുമൊക്കെ കാണിച്ചെന്ന്. ( ഛേ...മോശം, മോശം...ഇങ്ങനെയോക്കെ കാണിക്കാവൊ അനൂ..ആത്മഗതം ആണ് ) ചേട്ടാ ചേട്ടാ എന്ന് വിളിക്കുന്നത് കേട്ട് സഹികെട്ടിട്ട് പുള്ളി എന്നോട് ശ്രീ എന്ന് വിളിച്ചോളാൻ പറഞ്ഞു. അല്ല പിന്നെ, ഫ്രണ്ടിനെ ചേട്ടനെന്ന് വിളിക്കാൻ എന്നെ കിട്ടില്ല. അതിനുള്ള സൈക്കോളജിക്കൽ മൂവ്മെൻ്റായിരുന്നു തുടരെ തുടരെയുള്ള ആ ചേട്ടൻ വിളി..അതെന്തായാലും ഏറ്റു. പിന്നെ അങ്ങോട്ട് കോളെജിൽ തകർക്കുവാരുന്നു. അവൻ്റെ ഫ്രണ്ടായത്കൊണ്ട് സൂപ്പർ സീനിയേഴ്സ് വരെ എനിക്ക് കുറച്ചു ഫ്രീഡം തന്നു. എനിക്കും അവനും ഇടയിൽ ഒരു രഹസ്യവുമില്ലാതെ കട്ട ചങ്ക്സായിരുന്ന സമയത്താ അവൻ എന്നോട് മറച്ചു വച്ച ഏറ്റവും വലിയ രഹസ്യം ഞാൻ കണ്ടുപിടിച്ചത്..അഥർവ...അതായിരുന്നു അവൻ എന്നിൽ നിന്നും മറച്ചു വച്ചതും, ഞങ്ങളുടെ ഫ്രണ്ട്ഷിപ്പിലെ ആദ്യത്തെ വഴക്കിൻ്റെ കാരണവും.

പ്രിയമാനസം - 2 

@@@@@@@@

എൻ്റെയും എൻ്റെ ചങ്ക് അല്ല ചങ്കിടിപ്പ് ഫ്രണ്ട് ശ്രീപൊട്ടൻ്റെയും ഫ്രണ്ട്ഷിപ്പ് കണ്ടിട്ട്  കോളെജിലെ പലർക്കും നന്നായിട്ട് അസൂയ ഇങ്ങനെ പൊട്ടി വിടരുന്നുണ്ടായിരുന്നു. എന്നാലും അസൂയ ഉണ്ടെന്ന് വിചാരിച്ച് ഇങ്ങനെയൊക്കെ ചോദിക്കാവോ?  അതും ആ കലിപ്പൻ്റെ മുൻപിൽ വച്ച് തന്നെ. മനസ്സിലായില്ല അല്ലേ...ആദ്യം ആ ചോദ്യം കേട്ടപ്പോ എനിക്കും ഒന്നും മനസ്സിലായില്ല...ചെവിയുടെ ഡയഫ്രം അടിച്ചു പോവാൻ പാവത്തിന് അവൻ്റെ അലർച്ച കേട്ടപ്പോഴാ എനിക്കും സീൻ കോൺട്ര ആണെന്ന് മനസ്സിലായത്..

അന്ന്, ആ ദുരന്തദിനം, കൃത്യമായിട്ട് പറഞ്ഞാ നാലാം സെമസ്റ്ററിലെ ആദ്യത്തെ ക്ലാസിൻ്റെയന്ന്,  രണ്ട് മുട്ടപഫ്സും ലൈം ജ്യൂസും ഓർഡർ ചെയ്തോണ്ട് ആ പൊട്ടനെയും പ്രതീക്ഷിച്ച് ഈച്ചയാട്ടി ഇരിക്കുമ്പോഴായിരുന്നു അത് സംഭവിച്ചത്. ( ആദ്യത്തെ ദിവസം തന്നെ ക്ലാസിൽ കണ്ടില്ലെങ്കിൽ മുട്ടുകാല് തല്ലിയൊടിക്കും എന്ന് പറഞ്ഞ് ഭീഷണി പെടുത്തിയത് കൊണ്ട് മാത്രം അന്ന് തന്നെ കോളെജിലേക്ക് വന്ന എനിക്ക് ഇത് തന്നെ വരണം... അമ്മയോടും അച്ഛനോടും കാല് പിടിച്ചു പറഞ്ഞതാ രണ്ട് ദിവസം കൂടി കഴിഞ്ഞിട്ടു പോവാം, എന്ന്.  ആര് കേൾക്കാൻ..എൻ്റെ വീട്ടുകാരെ വരെ ആ പൊട്ടൻ കൈ്യിലെടുത്തുന്നേ..) 

നല്ല ചൂട് മുട്ട പഫ്സ് ഇങ്ങനെ ഇങ്ങനെ കഴിച്ചോണ്ടിരിക്കുന്നത് ആലോചിച്ചപ്പോഴാ ദേ എൻ്റെ മുന്നിലത്തെ സീറ്റില് കയറി ഒരു കുരിശ് ( വഴിയേ പോയ അടി ഓട്ടോറിക്ഷ വിളിച്ച് കൊണ്ടുവന്ന ആ സാധനത്തിനെ വേറെ എന്ത് പേര് വിളിക്കാൻ)  ഇരുന്നു...ശ്രീലക്ഷമി..ആള് എൻ്റെ സീനിയറാട്ടോ...എന്നാലും ഞാൻ അത്ര മൈൻഡ് ചെയ്യാനൊന്നും പോയില്ല. ഇതെന്തിനാണോ ഇവിടെ ഇരിക്കുന്നത് എന്നായിരുന്നു എൻ്റെ ചിന്ത.

അനു...നീ ഇപ്പോ ഫ്രീയല്ലേ?? 

അതേ ചേച്ചി എന്താ കാര്യം?  ( ഫ്രീ അല്ലാതെ പിന്നെ ഈ കാൻ്റീനില് വന്നിരിക്കാൻ എനിക്കെന്താ തലയ്ക്ക് പ്രാന്താണോ? ? ഇതെവിടുന്നു വരുന്നോ എന്തോ? ? ) 

എനിക്ക് ഒരു കാര്യം ചോദിക്കാനുണ്ടായിരുന്നു..നീ വേറെ ഒന്നും വിചാരിക്കരുത്..

ഏയ്..ഒരിക്കലും ഇല്ല ( വിത്ത് ദശമൂലം ദാമു സ്വാമീയെ മനസ്സിൽ സ്മരിച്ചുകൊണ്ട്)  എന്താ ചേച്ചി കാര്യം?? 

അത് വേറെ ഒന്നുമല്ല, നിൻ്റെ ബെസ്റ്റ് ഫ്രണ്ടല്ലേ രാവണൻ?? ( രാവണൻ...അതാട്ടോ എൻ്റെ കലിപ്പൻ്റെ ഇരട്ടപ്പേര്..കോളെജിൽ എല്ലാവരും അങ്ങനെയാ വിളിക്കുന്നത്...ഇനി ഇവനെങ്ങാനും ഏതേലും സീതയെ തട്ടിക്കോണ്ട് പോയി കാണുമോ എന്ന് ഞാനും പലവട്ടം ചിന്തിച്ചതാ..എവിടുന്ന് പ്രേമം എന്ന് പോയിട്ട് പ്രേ ..എന്ന് പോലും പറയാൻ പറ്റാത്ത സാധാനമാ അത്..) അവനും നീയും തമ്മിൽ വെറും ഫ്രണ്ട്ഷിപ്പ് മാത്രമെയുള്ളു. അല്ല വേറേ ഒന്നും കൊണ്ടല്ല, നിങ്ങള് തമ്മില് ഇഷ്ടത്തിലാണെന്ന് ഒരു ശ്രുതി കേട്ടു...അതോണ്ട് ചോദിച്ചതാട്ടോ...

സത്യാണോ ചേച്ചി...( ഓഹോ അപ്പോ അങ്ങനെയാണ് കാര്യങ്ങളുടെ കിടപ്പ്, മ്...പക്ഷേ ഈ കുരിശിൻ്റെ ലോഹ്യം ചോദിക്കലിലേ ഒരു പ്രേമത്തിൻ്റെ കരിഞ്ഞ മണം ഉണ്ടോ എന്നൊരു സംശയം...ഭഗവാനേ ഇവളിപ്പോ നിറം സിനിമയിലെ ചാക്കോച്ചനെ വളക്കാൻ ശാലിനിയുടെ സഹായം ചോദിച്ച ജോമോളാവാനുള്ള സൈക്കോളജിക്കൽ മൂവ്മെൻ്റാണോ ...ശരിയാക്കിതരാം...) 

ചേച്ചി അറിഞ്ഞത് സത്യമാ..പക്ഷേ ആരോടും ഇത് പറയല്ലേ ചേച്ചി..ആരെങ്കിലും ഇതറിഞ്ഞൂന്നറിഞ്ഞാ ശ്രീയേട്ടനെന്നെ കൊന്ന്കൊല വിളിക്കും...പ്ലീസ് ചേച്ചി..ആരോടും പറയല്ലേ...

ഹോ അത് കേട്ടപ്പോൾ ഉള്ള ആ കുരിശിൻ്റെ മുഖത്തെ ഒരുഭാവമാറ്റം..ഏതാണ്ട് ചെകുത്താൻ കുരിശ് കണ്ടത്പോലെ..നോക്കുമ്പോ ദേ പന്തം കണ്ട പെരുച്ചാഴിയെപോലെ എഴുന്നേറ്റു പോവുന്നു.. ആഹാ അങ്ങനെ വിട്ടാ ശരിയാവില്ലല്ലോ?? 

ചേച്ചി...ഞാനും ശ്രീയെട്ടനും തമ്മില് മുടിഞ്ഞ പ്രേമമാട്ടോ...ആരോടും പറയല്ലേ ( ഭാഗ്യത്തിന് കാൻ്റീനില് അധികം ആരും ഇല്ലത്താണ്ട് രക്ഷപ്പെട്ടു.) എന്ന് അലറി വിളിച്ചത് മാത്രേ ഓർമ്മയുള്ളു. കണ്ണീൽ നിന്ന് പൊന്നീച്ച പാറികഴിഞ്ഞതിന് ശേഷമാ മുൻപിൽ നില്ക്കുന്ന ആളെ ഞാൻ കണ്ടത്. ഹോ...നല്ല വേദന..രണ്ട് പല്ല് ഇളകിയിട്ടുണ്ടെന്നാ തോന്നുന്നേ...എന്തായാലും പറിച്ചു കളയാൻ വച്ചിരുന്ന പല്ല് ആയാ മതിയാരുന്നു...ഹോ...അല്ല ഇവനെപ്പോഴാ വന്നത്? എന്തിനാണോ എന്നെ തല്ലിയത്? ? (പുറം തിരിഞ്ഞ് ഇരുന്നത് കാരണം രാവണൻ വന്നത് ഞാൻ കണ്ടില്ല, എന്നാ കണ്ട ആ കുരിശ് ശ്രീലക്ഷ്മിക്ക് ഒരു സിഗ്നൽ,  അത് തരാനുള്ള മനസ്സലിവ് പോലും കാട്ടിയില്ല..മനസ്സാക്ഷി ഇല്ലാത്ത സാധാനം) 

നീ എന്നാത്തിനാടാ പൊട്ടാ എന്നെ തല്ലിയത്?  ഹൊ എൻ്റെ  പല്ല് രണ്ടണ്ണം പോയെന്നാ തോന്നുന്നേ?? നിനക്കെന്നാടാ പ്രാന്താണോ? ? 

ടീ...നീ എന്തൊക്കെയാടീ ഇവിടെ കിടന്ന് വിളിച്ചു കൂവിയത്?  എന്താന്ന്..

ടാ...നീ ഒച്ച ഉണ്ടാക്കല്ലേ...ദേ എല്ലാവരും ശ്രദ്ധിക്കുന്നുണ്ടേ...വാ നമ്മുക്ക് പോവാം...സ്വസ്ഥമായിരുന്ന് സംസാരിക്കാം...നീ വാ...അവൻ്റെ കൈയ്യിൽ കയറി പിടിച്ചോണ്ടാട്ടോ ഞാൻ പറഞ്ഞത്...

കൈ്യീന്ന് പിടി വിട്...നീ ചോദിച്ചതിന് മറുപടി പറയ്..ഞാൻ നിന്നോട് എപ്പോഴെങ്കിലും ഇഷ്ടമാണെന്ന് പറഞ്ഞോ?? നീ എന്ത് സ്വന്ത്ര്യത്തിൻ്റെ പേരിലാ ഇപ്പോ ഇവിട കിടന്ന് ഈ വിളിച്ചു കൂട്ടിയതൊക്കെ? 

കലിപ്പൻ്റെ മുഖത്തെ ദേഷ്യം നന്നായിട്ട് കൂടിയിട്ടുണ്ട്..ആദ്യായിട്ടാ ഞാൻ അവനെ ഇങ്ങനെ കാണുന്നേ...

ടാ...ഞാൻ തമാശയ്ക്ക്...അല്ലാതെ നീ കരുതുന്നത് പോലെ ഒന്നും...

മതി..ഇനി ഒരക്ഷരം മിണ്ടിപോവരുത്, ദേ ഇവിടെ തിർന്നു. നീയും ഞാനുമായിട്ടുള്ള ഫ്രണ്ട്ഷിപ്പ്..ഇനി എൻ്റെ പിന്നാലെ വന്ന് അടിച്ചു കരണം പുകയ്ക്കും ഞാൻ ....

അവൻ പറയുന്നത് ഒന്നും എൻ്റെ ചെവിയില് കേറുന്നില്ലായിരുന്നു. ആകെ ഒരു മന്ദത...അവൻ ആണങ്കി ദേഷ്യപ്പെട്ടു പോവുകയും ചെയ്തു. അവിടെ മുഴുവൻ ഉണ്ടായിരുന്നവര് എന്നെ തന്നെ നോക്കിനിലക്കുന്നുണ്ടായിരുന്നു. എന്തായാലും ആ സംഭവത്തോടെ ഞങ്ങളുടെ ഫ്രണ്ട്ഷിപ്പ് പൊട്ടി പാളീസായ കാര്യം കോളെജ് മുഴുവൻ അറിഞ്ഞു. അറിഞ്ഞവര് അറിഞ്ഞവര് എന്നെ കാണുമ്പൊ ഒരുമാതിരി ആക്കിയുള്ള ( ദാറ്റ് മീൻസ് പുച്ഛം) നോട്ടവും സംസാരവും. എന്നാലും അവൻ എന്നെ അടിക്കാൻ മാത്രം തെറ്റ് ഒന്നും ഞാൻ ചെയ്തില്ലല്ലോ? ഒരു തമാശ ഒപ്പിച്ചു. ( ഇതിലും എത്രയോ വലിയ കുരുത്തക്കെടുകൾ ചെയ്തിരിക്കുന്നു..) അതിന് ഇങ്ങനെ തല്ലണോ?? ഹോ...കഷ്ടകാലത്തിന് അടികൊണ്ട വശത്തെ പല്ലിന് നല്ല വേദനയും... ഇനി ലവന് വല്ല തേപ്പും കിട്ടികാണുവോ?  ഏയ് ...കോളെജിലുള്ള ഒരു പെണ്ണും അവനെ തേക്കൂല്ല,( അത്രയ്ക്ക് പേടിയാ എല്ലാത്തിനും...തനി രാവണൻ്റെ സ്വഭാവം..ദേഷ്യത്തിൽ പി.എച്ച്.ഡി എടുത്ത അവൻ്റെ സ്വഭാവം നന്നായിട്ട് അറിയാവുന്നത് കാരണം അവനെ തേക്കാൻ പോയിട്ട് പ്രേപ്പോസ് ചെയ്യാൻ പോലും ചെല്ലില്ല.. ) അല്ലെങ്കില്‍ പിന്നെ പ്രേമം എന്ന് കേട്ടാ ഇങ്ങനെ ചാടിക്കടിക്കണോ? ? 

എന്തായാലും ഞാൻ നാണംകെട്ട് പലതവണ ആ പൊട്ടനൊട് മിണ്ടാൻ പോയി..ഒരു ദയാദാക്ഷിണ്യവും ഇല്ലാണ്ട് അവൻ എന്നെ ഓടിച്ചുവിടുകയും ചെയ്തു. എനിക്ക് ഭയങ്കര തൊലിക്കട്ടി ആയത്കൊണ്ട് അതൊന്നും ഏറ്റില്ല എന്ന് മാത്രം. ( ഇതിനിടയില് ഞങ്ങള് തമ്മില് തെറ്റി പിരിഞ്ഞു എന്നറിഞ്ഞ ചില പപ്പാരസികൾ അവിടെ ഇവിടെയെക്കയോ എൻ്റെ നേർക്ക് ആഞ്ഞുകൊത്താനായിട്ട് ശ്രമിക്കുന്നില്ലേ എന്നൊരു സംശയം..) അങ്ങനെ നാണം കെട്ട് പണ്ടാരടങ്ങി ഇരിക്കുന്ന ഒരു ദിവസത്തിലാ അവനും കൂട്ടുകാരും കൂടി ലൈബ്രറിയിൽ വന്നത്...ഇനിയിപ്പൊ ചെന്ന് നേരിട്ട് മാപ്പ് പറഞ്ഞാ ലൈബ്രറിക്ക് പകരം ഇടിമുറി എന്ന് പേര് മാറ്റേണ്ടി വരും. അങ്ങനെ ഇടിമുറി സ്വപ്നം കണ്ടിരുന്നപ്പോഴാ തലയില് ഒരു ബൾബ് കത്തിയത് ( ഐസക്ക് ന്യൂട്ടൺ പോലും ഇത്രയും തെളിച്ചമുള്ള ഒരു ബൾബ് കത്തിയിട്ടുണ്ടാവില്ല,) 

അവൻ്റെ കൂട്ടത്തിലുള്ള ഒരുത്തനെകൊണ്ട് അവൻ്റെ കൈ്യിലിരിക്കുന്ന നോട്ട്ബുക്ക് എടുപ്പിക്കുക..( ലൈബ്രറിയിൽ നിന്നും നോട്ട്സ് എഴുതാനായി കൊണ്ട് വന്നതാണെന്ന് വിചാരിക്കുകയേ വേണ്ട, ചുമ്മാ കൈ്യിലിട്ടു കറക്കാൻ വേണ്ടി കൊണ്ടു വരുന്നതാ) എന്നിട്ട് നല്ല സെൻ്റി അടിച്ച് ഒരു മാപ്പപേക്ഷ എഴുതി സമർപ്പിക്കാം..ഏറ്റാലൊ? അങ്ങനെ ഒരു വിധത്തില് അവൻ്റെ കൂട്ടുക്കാരനെകൊണ്ട് അവൻ്റെ നോട്ട്ബുക്ക് എടുപ്പിച്ചു.( ഒരു ബിരിയാണിയാ അതിനു വേണ്ടി ഓഫർ ചെയ്യേണ്ടി വന്നത്,  കണ്ണിൽ ചോരയില്ലാത്ത ദുഷ്ടൻ). ആ ബുക്ക് മെല്ലെ തുറന്ന് പേജുകൾ മറിച്ചോണ്ടിരുന്നപ്പോഴാ പെട്ടന്ന് ഒരു പേജ് എൻ്റെ കണ്ണിൽപെട്ടത്.. തലക്കെട്ടോടു കൂടിയ കവിതപോലെ എന്തോ ഒന്ന്..ദേവിയെ ഈ രാവണൻ കവിതയും എഴുതുവോ?  എന്നാലും ഈ കാരിരുമ്പ് ഹൃദയത്തിലും കവിതയോ? ? എന്ന് ചിന്തിച്ചുകൊണ്ട് ആ കവിത മുഴുവൻ ഞാൻ വായിച്ചു. ഹോ...രോമാഞ്ചിഫിക്കേഷൻ...എന്ത് ഭംഗിയായിട്ടാ പ്രണയത്തെയും വിരഹത്തെയും കുറിച്ച് എഴുതിയിരിക്കുന്നേ...അടുത്ത പേജില് കണ്ണുടക്കിയതും ബുൾസൈപോലെ എൻ്റെ രണ്ട്കണ്ണും തള്ളി പുറത്തേക്ക് വന്നു. ഒരു സുന്ദരി കൊച്ചിൻ്റെ മുഖം...എന്തൊര് ഐശ്വര്യമാ കാണാനായിട്ട്...ഇനി ഇതാണോ അവൻ സ്നേഹിക്കുന്ന പെൺകുട്ടി??വെറുതെയല്ല അവൻ എന്നെ തല്ലിയത്..അവൻ തല്ലിയതിന് കുറ്റം പറയാൻ പറ്റില്ല, ..എന്നാലും ഒരു ഡൌട്ട്, ഇനി ഇവൾ അവൻ്റെ ലവ്വറ് തന്നെയാണോ? ? ആണന്നറിഞ്ഞാ പിന്നെ ജീവിതത്തിലൊരിക്കലും ഞാൻ അവനോടു മിണ്ടില്ല, .അതോടുകൂടെ മാപ്പപേക്ഷ എന്ന മാർഗം ഞാൻ മാറ്റി വച്ചു. ആ രണ്ട് പേജ് കീറിയെടുത്ത് എൻ്റെ ബുക്കിലേക്ക് നൈനസായിട്ട് ഒളിപ്പിച്ചു വച്ചു..( ഇങ്ങനെയുള്ള പരിപാടിക്ക് പോവുമ്പോ കുറച്ചൊക്കെ എക്സ്പീരിയൻസ് വേണം..അതിനു വേണ്ടിയാണല്ലോ സെം എക്സാം)  വളരെ സിംപിൾ ആൻ്റ് ഹംപിൾ ആയിട്ട് എഴുന്നേറ്റ് ലൈബ്രറിയുടെ പുറത്തേക്ക് പോയി...

പിറ്റേ ദിവസം തന്നെ നല്ല സുന്ദരി കുട്ടിയായിട്ട് നേരെ അവൻ സാധാരണ ഇരിക്കാറുള്ള ഡ്രാക്കുളാസ് എന്ന് ഓമനപ്പേരുള്ള മരത്തിൻ്റെ അടുത്തോട്ടു ചെന്നു. എന്നെ കണ്ടപ്പോ തന്നെ ആശാൻ്റെ മുഖത്ത് ഒരു ക്വിൻ്റല് ദേഷ്യം വന്നു. 

അതേ...എനിക്കൊരു കാര്യം പറയാനുണ്ടാരുന്നു...

എനിക്ക് നീ പറയുന്നത് കേൾക്കാൻ മനസ്സില്ല..വഴിയേ പോവുന്നവരുടെ വാക്ക് കേൾക്കല്ലല്ല എൻ്റെ ജോലി..

ഹ..അതിന് ഇയാള് കേൾക്കണം എന്നാര് പറഞ്ഞു..എനിക്ക് പറയാനുള്ളത് ഞാൻ പറയും. അതിപ്പോ ആരായാലും കൊള്ളാം...അതേ അന്ന് കാൻ്റീനില് വെച്ച് വിളിച്ചു കൂവിയത് ഒരു താമാശയായിട്ടല്ല, സീരിയസായിട്ടു തന്നെയാ...

എന്താടീ നിൻ്റെ ഉദ്ധേശ്യം? ? കിട്ടിയതൊന്നും പോരെ നിനക്ക്? 

നീ ഇനി എന്നെ കൊന്നെന്ന് പറഞ്ഞാലും ശരി എനിക്ക് നിന്നെ ഇഷ്ടമാ...ഐ ലവ് യൂ..ലവ് യൂ ..ലവ് യൂ... നിനക്ക് വേണ്ടി മരിക്കാൻ വരെ ഞാൻ തയ്യാറാ..താമാശയായിട്ടാണെന്ന് നീ കരുതണ്ട, സിൻസിയറായിട്ടാ പറയുന്നത്... നീ ഇല്ലാതെ എനിക്ക് പറ്റില്ലെടാ..നിന്നെ വേറെ ആരെങ്കിലും ആ രീതിയില്‍ നോക്കുന്നത് പോലും എനിക്ക് സഹിക്കില്ല...നിനക്ക് എന്നെ ഇഷ്ടപ്പെടാൻ പറ്റുവോ? ? 

നല്ലൊരു അടി പ്രതീക്ഷിച്ചിരുന്നത്കൊണ്ട് അവൻ എൻ്റെയടുത്തേക്ക് കലിച്ചുകൊണ്ട് വന്നപ്പോ എനിക്ക് പേടിയൊന്നും തോന്നില്ലാട്ടോ..പക്ഷേ എന്നെ തല്ലാനായി കൈ ഉയർത്തിയ അവൻ്റെ മുഖത്തേക്ക് നോക്കി പതിയെ ആ ചോദ്യം ചോദിച്ചതും തല്ലാൻ വേണ്ടി ഉയർത്തിയ ആ കൈകൾ താഴ്ന്നു. 

# പ്രിയമാനസം - 3 

 എൻ്റെ ചോദ്യം കേട്ട് അമ്പരന്ന്, കൈ താഴ്ത്തിയ അവനെ കണ്ടപ്പോ സത്യം പറഞ്ഞ സങ്കടവും, ചിരിയും ഒന്നിച്ചാ വന്നത്..എങ്കിലും എൻ്റെ സങ്കടം അവനെ കാണിച്ചില്ലാട്ടോ..നല്ല നൈസായിട്ട് ചിരിച്ചോണ്ട് നിന്നു. അവൻ്റെ മുഖത്താണെങ്കിൽ ചോര വാർന്ന മീനിൻ്റെ ഭാവവും. ഒന്നും മിണ്ടാതെ തിരിഞ്ഞു നടന്ന അവൻ്റെ ഷർട്ടിൽ പിടിച്ചു വലിച്ച് ഞാൻ എൻ്റെ നേരെ നിർത്തി. ഭയങ്കര കലിപ്പു കാണിച്ചു വന്നവനാ ഇപ്പോ ദേ, നല്ല അനുസരണയുള്ള കുട്ടിയെപ്പോലെ എൻ്റെ മുന്നില് നില്ക്കുന്നു. ഇനിയും ഇവൻ വീരശൂര പരാക്രമി രാവണൻ ആവുന്നതിന് മുൻപ് അങ്ങോട്ടു കയറി ആക്രമിച്ചേ മതിയാവൂ..

ടാ....നിന്നോടാ ഞാൻ ചോദിച്ചത്?  മറുപടി പറയ്...അത് കിട്ടാതെ നിന്നെ ഞാൻ വിടില്ല ശ്രീ...പറയ്...എന്താ നിനക്ക് പറയാനുള്ളത്? 

നിനക്കെന്താ അനു വേണ്ടത്...എന്നെയൊന്ന് വെറുതെ വിട്..

വിടാം...നിന്നെ വിടാതിരിക്കാൻ ഞാൻ പിടിച്ചു വച്ചിട്ടൊന്നുമില്ലല്ലോ?? നിനക്ക് പോവാം..പക്ഷേ മറുപടി കിട്ടാതെ ഞാൻ പിൻമാറും എന്ന് മാത്രം നീ വിചാരിക്കണ്ട...നിൻ്റെ പിന്നാലെ തന്നെയുണ്ടാവും...

അവൻ യാതൊന്നും പറയാതെ എന്നെ മറികടന്ന് പോയപ്പോ എൻ്റെ കണ്ണ് നിറഞ്ഞൊഴുകിട്ടോ... എന്നാലും അവനെ അങ്ങനെ വെറുതെ വിടാൻ പാടില്ലല്ലോ?? ഒരു ഗമയ്ക്ക് അവന്‍റെ പിന്നാലെ ഉണ്ടാവൂന്ന് പറഞ്ഞും പോയി..ഇനിയിപ്പോ അങ്കം കുറിച്ച സ്ഥിതിക്ക് ഒന്നെങ്കിൽ വിജയം അല്ലെങ്കില്‍ മരണം...ദൈവമേ വിജയിപ്പിച്ചേക്കണേ മരിക്കാൻ പേടിയായത് കൊണ്ടല്ലാട്ടോ ഇല്ലെങ്കില്‍ ഇപ്പോ പോയ രാവണൻ തന്നെ എന്നെ കൊന്നോളും..

എന്തായാലും അന്നത്തെ ആ ചോദ്യത്തിനു ശേഷം കലിപ്പൻ വലിയ കലിപ്പ് ഒന്നും എന്നോട് കാണിച്ചിട്ടില്ലാട്ടോ എങ്കിലും എന്നെ കാണുമ്പോഴെല്ലാം ആശാൻ ഒഴിഞ്ഞു മാറി നടക്കും..ഒരാഴ്ചയായി അവന്റെ മറുപടിക്ക് വേണ്ടി കാത്തിരിക്കാൻ തുടങ്ങിയിട്ട്. ഇപ്പോ പറയും നാളെ പറയും എന്ന് കരുതി ഇരുന്ന് ഇരുന്ന് വേര് ഉറയ്ക്കും എന്നാ തോന്നുന്നത്...ഇനി എന്താ ദൈവമേ വഴി എന്നാലോചിപ്പോളാ കൂനിൻമേൽ കുരു എന്ന കണക്കിന് ദേ മുന്നിൽ വന്നു നില്ക്കുന്നു ഒരവതാരം... മഹേഷ് ശ്രീധർ..ഫൈനൽ ഇയർ സ്റ്റുഡൻ്റ്..കാണാൻ അത്യാവശ്യം നല്ലതാണെങ്കിലും കൈ്യിലിരുപ്പ് മഹാമോശം...കോഴി എന്ന് പറഞ്ഞാ നല്ല അസ്സല് കാട്ടൂ പൂവൻ കോഴി. പെൺപിള്ളേരെ വലവീശി പിടിക്കല പ്രധാനജോലി. ഈ പൂവൻകോഴി എന്തിനാണോ എൻ്റെയടുത്ത് വന്നത്? 

ഹായ്...അനൂ...ഇതെന്താ ഇവിടെ ഒറ്റയ്ക്കിരിക്കുന്നേ?? ആരെയെങ്കിലും കാത്തിരിക്കുവാണോ?  

ഓ..പൂവൻകോഴി കൂവാൻ തുടങ്ങിയിട്ടുണ്ട്, ഇനി ഇതിനെകൂടി സഹിക്കണല്ലോ...എത്രയും വേഗം ഓടിച്ചു വിടുന്നതാ ബുദ്ധി. ഇല്ലെങ്കില്‍ ടാറ് ഒട്ടുന്നത് പോലെ അങ്ങ് കേറി ഒട്ടും. 

അതേ...അനൂ അല്ല അനുരാധ..അങ്ങനെ വിളിച്ചാ മതി.. 

ഓ...ശരി..അനുരാധ ആരെയെങ്കിലും കാത്തിരിക്കുവാണോ? ? അല്ല ഒറ്റയ്ക്ക് ഇങ്ങനെ ഇവിടെ ഇരിക്കുന്നത്കൊണ്ട് ചോദിച്ചതാ..പിന്നെ അനുരാധ വേറെയൊന്നും വിചാരിക്കില്ലെങ്കിൽ എനിക്കൊരു കാര്യം പറയാനുണ്ടായിരുന്നു. 

മ്..എന്താ പറഞ്ഞോളൂ..

അത്...എങ്ങനെയാ പറയേണ്ടത് എന്നറിയില്ല ...എനിക്ക് തന്നെ ഒരുപാടിഷ്ടമാ...ഐ ഹോപ്പ് യൂ...

അതേ...ഒന്ന് നിർത്തിക്കേ..ചേട്ടന് ഇതല്ലാതെ വേറെ ഒരു പണിയുമില്ലെ? ഈ സെയിം ഡയലോഗ് ഇവിടെയുള്ള എത്രപേരോട് പറഞ്ഞിട്ടുണ്ട്. ചേട്ടനെ കുറിച്ച് എനിക്ക് നന്നായിട്ട് അറിയാം..അതുകൊണ്ട് ഈ വേല എൻ്റെയടുത്ത് ഇറക്കാൻ നോക്കണ്ട, ചേട്ടൻ പോ...

എടോ...അങ്ങനെയല്ല, ഞാൻ പറയുന്നത് ഒന്ന് മനസ്സിലാക്ക്..

ചേട്ടനോട് പോവാനാ പറഞ്ഞത്..ഇല്ലെങ്കില്‍ ഇനി മറ്റൊരു രീതിയിലാവും ഞാൻ പെരുമാറുന്നത്..സീനിയറെ തല്ലി എന്ന് പുറത്തറിഞ്ഞാ നാണക്കേട് ചേട്ടന് തന്നെയാ...

ഹോ...ഇത്രയും പറഞ്ഞില്ലെങ്കില്‍ ഒരു സമാധാനം ഉണ്ടാവില്ല..അവിടെ ഒരുത്തൻ മറുപടി പറയാതെ നടക്കുന്നു. ഇവിടെ ഒരുത്തൻ മറുപടി കിട്ടിയിട്ടേ പോകൂ എന്ന് പറഞ്ഞിരിക്കുന്നു..ഇനിയും ഇവിടെ ഇരുന്നാ ശരിയാവില്ല സ്ക്കൂട്ടാവുന്നതാ ബുദ്ധി.. അവനെ ഒന്ന് കലിപ്പിച്ചു നോക്കിയിട്ട് ബാഗുമെടുത്ത് പുറത്തേക്ക് ഇറങ്ങിയതും ദേ പോയി ഇടിച്ചു... 

നീ ഇപ്പോഴും നേരെ നോക്കി നടക്കാൻ പഠിച്ചില്ലേടീ അമൂലേ...

 നോക്കുമ്പൊ ദേ നില്ക്കുന്നു നല്ല ക്ലോസപ്പ് പുന്ചിരിയുമായിട്ട് എൻ്റെ കലിപ്പൻ..ഇവനിതെപ്പൊ വന്നു. ഭഗവാനേ എന്നെ പാത്ത് ഒളിച്ചു നടന്നവനാ,  ഇവന് ബോധോദയം ഉണ്ടായോ? എന്നാലും വിട്ടുകൊടുക്കാൻ പറ്റില്ലല്ലോ?  

ഹൂ....മനുഷ്യൻ്റെ നെറ്റി ഇടിച്ച് പൊളിച്ചതും പോരാ, അമൂല് നിൻ്റെ കുഞ്ഞമ്മ... 

ടീ...എൻ്റെ കുഞ്ഞമ്മയെ പറഞ്ഞാലുണ്ടല്ലോ? കൂട്ടുക്കാരിയാണെന്ന് ഉള്ള കാര്യം ഞാൻ മറക്കും..

അതിന് കൂട്ടുകാരിയാണെന്ന് നീ മാത്രം തീരുമാനിച്ചാ മതിയോ?  എനിക്ക് നീ കൂട്ടുകാരനല്ലെങ്കിലോ?? 

ഓഹോ...ഡീ പൊട്ടി ,അമൂൽ ബേബി...നേരെ നടക്കാൻ പോലും അറിയാത്ത നീ ഇങ്ങനത്തെ കടുത്ത തീരുമാനം ഒന്നും എടുക്കല്ലേ...നീ വാ ...എനിക്ക് കുറച്ചു സംസാരിക്കാനുണ്ട്

എനിക്ക് ഒന്നും സംസാരിക്കിനില്ല, ഞാൻ ചോദിച്ചതിനുള്ള മറുപടിയല്ലാതെ മറ്റൊന്നും എനിക്ക് കേൾക്കയും വേണ്ട, മുൻപിന്ന് മാറ്, എനിക്ക് പോവണം...

ശരി...നിനക്ക് നീ ചോദിച്ചതിനുള്ള മറുപടി വേണം, അല്ലേ...തരാം... അതിനുവേണ്ടി തന്നെയാ നിന്നോട് എൻ്റെ കൂടെ വരാൻ പറഞ്ഞത്...ഇവിടെ വച്ച് പറഞ്ഞാല് ശരിയാവില്ല...ഇനിയും നിന്നോട് അത് പറയാതിരുന്ന വലിയ തെറ്റായി പോവും...

മ്...ഞാൻ വരാം....

അങ്ങനെ ഞാൻ എൻ്റെ കലിപ്പൻ്റെ കൂടെ കോളെജിൽ നിന്നും ഇറങ്ങി. ക്ലാസ് കട്ട് ചെയ്ത് പോയതാണെന്ന് കരുതണ്ട, ക്ലാസ് കഴിഞ്ഞ സമയത്താ  ആ പൊട്ടൻ എന്നെ അന്വേക്ഷിച്ച് വന്നത്...ആ പൊട്ടൻ എന്നെ നേരെ കൊണ്ട്പോയത് അധികം തിരക്കൊന്നുമില്ലാത്ത ഒരു റെസ്റ്റോറൻ്റിലേക്കാ...ഇങ്ങനെയുള്ള സിറ്റ്വേഷന് നല്ലത് വല്ല ബീച്ചോ പാർക്കോ ആയിരുന്നു, പറഞ്ഞിട്ടെന്താ...

നിനക്കെന്താ കുടിക്കാൻ വേണ്ടത്? അവൻ എൻ്റെ നേരെ നോക്കി ചോദിച്ചു. ദുഷ്ടൻ ആ മെനുകാർഡ് ഒന്ന് നോക്കാൻ പോലും തന്നില്ല, ഇനി ആവേശത്തിന് എല്ലാം കേറി ഓർഡർ ചെയ്താലോ എന്ന് വിചാരിച്ചിട്ടാവും.

എനിക്കൊന്നും വേണ്ട, നിൻ്റെ ട്രീറ്റ് മേടിക്കാൻ വന്നതല്ല ഞാൻ..

ശരി...ചേട്ടാ ഒരു കോഫി, ഒരു കട്ലൈറ്റ്....

ദുഷ്ടൻ ഒറ്റയ്ക്ക് കഴിക്കാനുള്ള പുറപ്പാടാ...ഒരുതവണ കൂടി ചോദിച്ചൂടാരുന്നോടാ ദുഷ്ട, എന്നാലും അവൻ്റെ മറുപടി അറിയാതെ തോറ്റ് കൊടുക്കുന്ന പ്രശ്നമില്ല...

ശരി...ചോദിക്ക് എന്താ നിനക്കറിയണ്ടേത്?  

അന്ന് ഞാൻ ചോദിച്ചത് തന്നെ? ദാ ഇതാരാണെന്ന്?? അവൻ്റെ മുൻപിലേക്ക് ആ കവിതയും, ചിത്രവും നീട്ടി വച്ചുകൊണ്ട് ഞാൻ പറഞ്ഞു. ആരാ  ഈ അഥർവ...കവിതയിൽ മുഴുവൻ വർണ്ണിച്ചു വച്ചിരിക്കുന്നുണ്ടല്ലോ?? പറയെടാ ആരാ ഇത്? ഈ ചിത്രത്തിൻ്റെ താഴെ മത്തങ്ങ വലുപ്പത്തിൽ എഴുതി വച്ചിട്ടുണ്ടല്ലോ അഥർവ എന്ന്..ഇങ്ങനെ വർണ്ണിക്കാനും വരയ്ക്കാനും മാത്രം അവൾ ആരാ ? 

ഒരുനിമിഷം അവൻ്റെ ചുണ്ടിൽ ഒരു പുന്ചിരി വിരിഞ്ഞു. ഹും...മറുപടി പറയാതെ ഇരുന്നു ചിരിക്കുവാ...ഈ ചിരിയുടെ പിന്നിൽ എന്നെ കൊല്ലാനുള്ള എന്തോ ഒന്നൊളിച്ചിരിപ്പുണ്ടോ എന്ന് എനിക്ക് സംശയം ഇല്ലാതില്ല. 

അഥർവ...അവളെക്കുറിച്ച് എന്താ ഞാൻ നിന്നോട് പറയണ്ടേ?? നീ എന്നോട് ചോദിച്ചിട്ടില്ലേ ഈ രാവണന് ഏതെങ്കിലും സീതയെ അടിച്ചോണ്ട് വരാൻ പ്ലാനുണ്ടോ എന്ന്? അന്നെല്ലാം നിൻ്റെ ചോദ്യത്തെ ഞാൻ അവഗണിച്ചിട്ടേയുള്ളു. നീ എന്നെ ഇഷ്ടമാണെന്ന് പറഞ്ഞ അന്ന് നിന്നോട് ദേഷ്യപ്പെട്ടതിൻ്റെയും കാരണം അതാ...അഥർവാ..ആദീ...ആദ്യമായും അവസാനമായും തോന്നീയ പ്രണയം.. പ്ലസ്ടൂവില് പഠിക്കുമ്പോ കൂടെ പഠിക്കുന്ന ഉണ്ടക്കണ്ണിയോട് തോന്നിയൊരു ഇഷ്ടം...ആ ഇഷ്ടം പിന്നെ അവളുടെ പേരിനോടായി...

ഓ...അപ്പോ ഞാൻ ഊഹിച്ചത് ശരിയാ..എന്നാലും ഇത്രയും നാള് കൂടെ നടന്നിട്ടും ഈ കാര്യം ..ഈ കാര്യം മാത്രം എന്നോടെന്തിനാ നീ മറച്ചു വച്ചത്?? ഇതെല്ലാം അറിഞ്ഞിരുന്നെങ്കിൽ ഞാൻ...

എത്ര പറഞ്ഞിട്ടും അനുസരിക്കാത്ത എൻ്റെ  കണ്ണും, പുറത്തേക്ക് വന്ന ശബ്ദത്തിൻ്റെ ഇടർച്ചയും അവനെ നന്നായി വേദനിപ്പിക്കുന്നുണ്ടായിരുന്നു.

ടീ...നീ കരയല്ലേ...എല്ലാവരും ശ്രദ്ധിക്കും..പ്ലീസ് കണ്ണ് തുടയ്ക്ക്..നിൻ്റെ മനസ്സില് എന്നോട് ഇങ്ങനെ ഒരു ഇഷ്ടം ഉണ്ടന്ന് എനിക്കറിയില്ലാരുന്നു. അറിഞ്ഞിരുന്നുവെങ്കിൽ ഇങ്ങനെയൊന്നും നടക്കാൻ ഞാൻ സമ്മതിക്കില്ലായിരുന്നു...നിന്നെ ഞാൻ എപ്പോഴും എൻ്റെ നല്ല ഫ്രണ്ടായി മാത്രേ കണ്ടിട്ടുള്ളു...

എന്നാലും നിനക്ക് എന്നോട് മുൻപേ എല്ലാം പറയാരുന്നു. അറിയാതൊരു ഇഷ്ടം തോന്നിപ്പോയി നിന്നോട്...ഒരു കൂട്ടുകാരനപ്പുറം മറ്റെന്തെക്കയോ?? നിൻ്റെ ഈ ദേഷ്യസ്വഭാവം കൊണ്ടാ തുറന്നു പറയാൻ മടിച്ചത്..സാരല്ല...ഞാൻ എൻ്റെ മനസ്സിനെ പറഞ്ഞു പഠിപ്പിച്ചോളാം..നീ മറ്റൊരാൾക്ക് അവകാശപ്പെട്ടതാണെന്ന്..ഞാൻ..ഞാൻ പോകുവാ...മനസ്സില് ഒരിഷ്ടം വച്ചുകൊണ്ട് കൂട്ടുക്കാരാണ് എന്ന് പറഞ്ഞ് നടക്കാൻ എനിക്ക് പറ്റില്ല..ഇനിയൊരിക്കലും നിൻ്റെ പഴയ ഫ്രണ്ടാവാനും...ബൈ..

ഒന്ന് ആശ്വസിപ്പിക്കാൻ പോലും ആവാതെ വാക്കുകൾക്ക് വേണ്ടി തിരയുന്ന അവൻ്റെ മുൻപിൽ നിന്നും എഴുന്നേറ്റ് ഞാൻ വാതിലിനരുകിലേക്ക് നീങ്ങീ...

# പ്രിയമാനസം -4

ഡോറിനരുകിലേക്ക് നടന്നു നീങ്ങുമ്പോൾ ഒഴുകി നിറഞ്ഞ കണ്ണുകൾ എനിക്ക് തുടയ്ക്കേണ്ടി വന്നു. ഒരുതവണ കൂടി ഞാനവനെ തിരിഞ്ഞു നോക്കി. തല കുനിച്ചിരുന്ന അവനെ കണ്ടപ്പോള്‍ എന്തോ ....

എടാ...പോത്തേ....കള്ളാ....നീയെന്നടാ വിചാരിച്ചേ?? ഞാനിപ്പോ തന്നെ നിന്നോട് യാത്രയും പറഞ്ഞ് പോകുന്നോ?? അതിനേ ഈ അനുരാധ ഇനിയും ജനിക്കണം...ഇത് ഇനം വേറെയാ മോനെ....തിരിഞ്ഞോടി ചെന്ന് അവൻ്റെ മുതുകിനിട്ട് ഇടിച്ചുകൊണ്ട് ഇത് പറഞ്ഞപ്പോ ദേ ആ പൊട്ടൻ കണ്ണും മിഴിച്ച് നോക്കുന്നു. അവന് വേറൊരു പെൺകൊച്ചിനെ ഇഷ്ടമാണെന്ന് പറഞ്ഞപ്പോ എനിക്ക് വട്ടായി പോയോ എന്നായിരിക്കും അവൻ്റെ വിചാരം...എന്തായാലും നല്ല രസമുണ്ട് അവൻ്റെ കണ്ണും തള്ളിയുള്ള ആ ഇരിപ്പ് കാണാൻ...

എന്താടാ പൊട്ടാ ഇങ്ങനെ കണ്ണുംമിഴിച്ച് ഇരിക്കുന്നേ? നീ എന്താ എന്നെ ആദ്യാമായിട്ട് കാണുവാണോ?? 

ടീ...നിനക്കെന്താ പറ്റിയേ?? 

കുന്തം...ആദ്യം എനിക്ക് കഴിക്കാൻ എന്തെങ്കിലും മേടിച്ചു താടാ കഴുതേ...നീ എന്താ കരുതിയേ? എനിക്ക് നിന്നോട് മുടിഞ്ഞ പ്രേമം ആണന്നോ? കഷ്ടം...നിന്നെപ്പോലെ ഒരു ചൂടനെ കേറി പ്രേമിക്കുന്നതിലും നല്ലത് ഞാൻ വല്ല കുർള എക്സ്പ്രസിനും തലവയ്ക്കുന്നതല്ലേടാ...

പിന്നെ നീ ഇവിടെ ഇരുന്ന് കരഞ്ഞതോ? നിനക്കെന്നെ ഇഷ്ടാമാണെന്ന് പറഞ്ഞതോ?? നിനക്ക് തലയ്ക്ക് എന്തെങ്കിലും പ്രോബ്ലം ഉണ്ടോടീ?? സത്യം പറയ്..

പാവം, എനിക്ക് എന്തോ പ്രോബ്ലം ഉണ്ടെന്ന് അവനും തോന്നി തുടങ്ങി. എങ്ങനെ തോന്നാതിരിക്കും, അമ്മാതിരി അഭിനയം അല്ലാരുന്നോ കുറച്ചു മുൻപ് ഇവിടെ...ശരിക്കും ഒരു ഓസ്ക്കാറൊക്കെ തരാം...

എനിക്കൊരു പ്രോബ്ളവും ഇല്ല,നീ എന്നോട് ചെയ്തതിന് ഇത്രയെങ്കിലും ഞാൻ ചെയ്തില്ലങ്കിലേ, ദൈവം പോലും എന്നോട് ക്ഷമിക്കില്ല, ചങ്കാണ് ചങ്കിടിപ്പാണ് എന്നൊക്കെ പറഞ്ഞിട്ട് ഇത്രയും വലിയ കാര്യം നീ എൻ്റടുത്തുന്ന് മറച്ചു വച്ചില്ലേ? അപ്പോ പിന്നെ ഞാൻ നിന്നോട് എന്താടാ ചെയ്യണ്ടേ? ഒന്ന് ഇഷ്ടമാണെന്ന് പറഞ്ഞതിന് എന്തൊക്കെ പുകിലായിരുന്നു. മിണ്ടാതിരിക്കുന്നു. ഞാൻ മിണ്ടാൻ വന്നാ മാറി നടക്കുന്നു..എന്തൊരു ഷോ ആയിരുന്നു.. അവസാനം ഞാനീ കവിതയും, പടവും കണ്ടുപിടിച്ചപ്പോ അല്ലേ പലരുടെയും തനിനിറം മനസ്സിലായത്....ഹോ എന്തൊക്കെയാരുന്നു... 

എല്ലാ കള്ളത്തരവും കൈ്യൊടെ പിടിക്കപ്പെട്ട ഒരു കള്ളൻ്റെ ആ നിഷ്കളങ്കമായ മുഖമാ ഇപ്പോ അവനെ കാണുമ്പോ തോന്നൂന്നേ...ഹി ഹി ...സി.ഐ.ഡി അനുരാധയോടാ അവൻ്റെ കളി...

ഓ....അപ്പോ എല്ലാം അഭിനയം ആയിരുന്നല്ലേ?? ശ്ശേ...ഞാൻ വെറുതെ കൊതിച്ചു..ഇങ്ങനെയെങ്കിലും ഈ കുരിശ് എന്നെ വിട്ടു പോകുവല്ലോ എന്ന് കരുതിയപ്പോ...ഇല്ല ജീവിതകാലം മുഴുവൻ നീ എന്നെ ദ്രോഹിക്കാനായിട്ട് കൂടെ തന്നെ ഉണ്ടാവൂന്ന് ഇപ്പോ മനസ്സിലായി... എന്നാലും നിനക്ക് ഒരു ഓസ്ക്കാറ് തരണം...ഗ്ലിസറിൻ പോലും ഇല്ലാതെയല്ലേ കരഞ്ഞത്?  ഇതൊക്കെ എങ്ങനെ സാധിക്കുന്നു.?? 

പോടാ പട്ടീ...അത് അഭിനയം ഒന്നും അല്ല, സീരിയസായിട്ട് കരച്ചില് വന്നതാ..നീ ഇത്രയും നാളായിട്ട് ഇതൊക്കെ എന്നോട് മറച്ചു വച്ചല്ലോ എന്നോർത്തപ്പോ പിന്നെ കരയാണ്ട് ഞാൻ നിന്ന് ചിരിക്കണോ?? നിന്നെ കൊല്ലാനാ ആദ്യം തോന്നിയത്..പിന്നെ ഓർത്തു എല്ലാം നിന്നെക്കൊണ്ട് തന്നെ പറയിക്കണം എന്ന്..അതാ ഞാൻ ഇങ്ങനെയൊക്കെ കാണിച്ചേ...

പോട്ടെടീ....ക്ഷമിക്ക്...അവളുടെ കാര്യം നിന്നോട് പറയനായിട്ട് പലതവണ ഞാൻ ഒരുങ്ങിയതാ..പിന്നെ നിൻ്റെ വായിൽ നിന്നെങ്ങാനും അറിയാതെ വീണുപോയ അത് അവൾക്ക് പ്രശ്നാവും...എൻ്റെ പെണ്ണിൻ്റെ കണ്ണൊന്ന് നിറഞ്ഞാ അത് എനിക്ക് സഹിക്കാൻ പറ്റില്ലാടീ...അതുകൊണ്ടാ നിന്നോട് പോലും എല്ലാം മറച്ചു വച്ചത്...

പിന്നേ അവൻ്റെ പറച്ചില് കേട്ടാ തോന്നും അവന് മാത്രേ പ്രേമമുള്ളൂന്ന്...ഹും..എനിക്കും വരും അവസരം...എന്നെയും ആരെങ്കിലുമൊക്കെ പ്രേമിക്കും...അപ്പോ കാണിച്ചു തരാം...ദേവിയേ കാണൂല്ലോ അല്ലേ?? അതോ ഞാൻ ഇങ്ങനെ നിക്കേണ്ടി വരുവോ?? 

ടീ നീ എന്താ ആലോചിക്കുന്നത്? നിൻ്റെ കിളിപോയോ?? 

ഒന്ന് പോടെ...അല്ല ഞാനിപ്പോ അവളെക്കുറിച്ച് അറിഞ്ഞിരുന്നില് എന്താ ഇപ്പോ പ്രശ്നം?? ഞാൻ എല്ലാവരോടും മൈക്ക് വച്ച് പറയാൻ പോകുവല്ലേ നിനക്ക് ആരോടോ പ്രേമമാണെന്ന്...

എടീ...നീ കരുതുന്നത്പോലെ അല്ല കാര്യങ്ങള്, നിനക്ക് ഫൈനൽ ഇയറിൽ പഠിക്കുന്ന സൂധീറിനെ അറിയോ?? 

ആ...ആ പൂച്ചക്കണ്ണൻ ചേട്ടനല്ലെ? നല്ല ജിമ്മൻ..എന്നാ ഒരു ലുക്കാ ആ ചേട്ടായിയെ കാണാനായിട്ട്...ഹോ ആ ചേട്ടനെ കെട്ടുന്ന പെണ്ണിൻ്റെ ഭാഗ്യം...

ഹോ..വായ്നോക്കി..നിനക്കിപ്പോഴും ഇതിനൊരു കുറവുമില്ലേടീ....

ഹലോ മിഷ്ടർ ...വായ്നോട്ടം ഒരു കലയാണ്..ആ കലാസാഗരത്തിൻ്റെ മുൻപിൽ അന്തം വിട്ട് കുന്തം വിഴുങ്ങി നില്ക്കാതെ ഞാനൊന്ന് നീന്തി തുടിച്ചൊട്ടെ...പ്ലീസ്...

നീ നന്നാവില്ല....

അത് നീ പറഞ്ഞില്ലേലും എല്ലാവര്‍ക്കും അറിയാം, അതുകൊണ്ട് അത് വിട്, സൂധീറ് ചേട്ടൻ്റെ കാര്യം പറയ്?? 

മ്...ഈ സൂധീറ് എന്ന് പറയുന്നതേ, അഥർവയുടെ അമ്മായിയുടെ മോനാ..അതായത് അവളുടെ മുറചെറുക്കൻ...ഇവനെകൊണ്ട് കെട്ടിക്കനാ അവളുടെ വീട്ടുകാരുടെ പ്ലാൻ..അത്യാവശ്യം സ്ട്രികറ്റാ അവളുടെ വീട്ടുകാര്? ഞാനുമായുള്ള ബന്ധം അറിഞ്ഞാ അവളെ തല്ലികൊല്ലും...നിൻ്റെ വായിൽ നിന്ന് അബദ്ധത്തില്‍ മറ്റൊരാൾ വഴി സൂദീർ അറിഞ്ഞാൽ അത് അവളെ എങ്ങനെ ബാധിക്കും എന്ന് പറയാൻ പറ്റില്ലാടീ..

ശ്ശോ...ആ കൊച്ചിന് ഇത്ര വിവരം ഇല്ലാതായി പോയല്ലോ? നല്ലൊരു സ്റ്റൈലൻ, മൊന്ചൻ ചെക്കനെ വിട്ടിട്ട്, നിന്നെ പ്രേമിക്കാൻ ആ കൊച്ചിന് എങ്ങനെ തോന്നിയെടാ...മോശം വളരെ മോശം...ഞാനായിരുന്നുങ്കിൽ ആ ചേട്ടായിയോട് എപ്പോഴെ ഇഷ്ടാണെന്ന് പറഞ്ഞേനെ...

കലിപ്പൻ്റെ മുഖം മാറുന്നുണ്ട്, ആഹാ എന്ത് രസം, എന്ത് സുഖം,...അല്ലെങ്കില്‍ തന്നെ എനിക്കിത്തിരി വായ്നോട്ടം കൂടുതലാണെന്നാ അവൻ്റെ പറച്ചില്, എപ്പോഴും ഇല്ലെങ്കിലും ആഴ്ചയിൽ ആറ് ദിവസവും ഏതെങ്കിലും ഒരുത്തനെ ചുമ്മാ, വെറുതെ ഒന്ന് നോക്കും എന്നല്ലാതെ വായ്നോട്ടം എന്താന്ന് പോലും അറിയാത്താ എന്നെയാ അവൻ വായ്നോക്കി എന്ന് വിളിച്ചത്..

എന്നിട്ട്, ഇപ്പോ എന്തായി നിൻ്റെയും നിൻ്റെ കൊച്ചിൻ്റെയും പ്രേ....മം...?? വിളിക്കാറുണ്ടോടാ? എന്നെക്കുറിച്ച് അവൾക്കറിയോ?? എവിടെ നീ അല്ലേ ആള് ....ഒന്നും പറഞ്ഞിട്ടുണ്ടാവില്ല...

പോടീ കഴുതേ, നിന്നെക്കുറിച്ച് അവൾക്കെല്ലാം അറിയാം, വിളിക്കുമ്പോ എല്ലാം നിന്നെ തിരക്കാറുണ്ട്,അത് ഞാൻ നിന്നോട് പറയാറില്ല എന്ന് മാത്രം..നിൻ്റെ വാ അല്ലേ...പറയാൻ പറ്റില്ല...

മ്....ഇനിയിപ്പോ ഞാനും അവളെ തിരക്കി എന്ന് പറഞ്ഞേക്ക്, ആഹ്..വാ എന്ന് പറഞ്ഞപ്പോഴാ ഓർത്തത്...വിശക്കുന്നുടെ..കഴിക്കാൻ വാങ്ങിച്ചു താടേ...

അതൊക്കെ വാങ്ങിച്ചു തരാം..അതിനുമുൻപ് ആരും കാണാതെ സൂക്ഷിച്ച ഈ കാര്യം നീ എങ്ങനെയാ അറിഞ്ഞതെന്ന് പറയ്..

അത് പറയില്ല, നീ അറിയണ്ട...

പറയെടീ...പറഞ്ഞാ നിനക്ക് എന്ത് വേണേലും ഞാൻ വാങ്ങിച്ചു തരാം...എൻ്റെ ചക്കരയല്ലേ പറയ്.

കൂടുതൽ സോപ്പിടല്ലേ...ഞാൻ രാവിലെ നന്നായിട്ട് കുളിച്ചതാ..നീയായിട്ട് കൂടുതൽ പതപ്പിക്കണ്ട,...പതയില്ല..

അത് എനിക്കറിയില്ലേ, നീ മാസത്തിലൊരിക്കലെ കുളിക്കാറുള്ളു, അന്ന് മാത്രേ നീ തേച്ചുരച്ച് കുളിക്കുള്ളു എന്ന്..നീ പറയെടി...

അത് ഒരു കൈക്കൂലി ഓഫർ ചെയ്തപ്പോ,  നമ്മുടെ കിച്ചുചേട്ടനില്ലേ, ചേട്ടായി സഹായിച്ചതാ, അന്ന് ലൈബ്രറിയില് വച്ച്, നിൻ്റെ ബുക്കെടുത്ത് എനിക്ക് തന്നു. അപ്പോഴാ ഈ കള്ളകുറുക്കൻ്റെ കോഴിക്കുഞ്ഞിനെ ഞാൻ കണ്ടുപിടിച്ചത്....ഒരു ബിരിയാണിയാ നീ കാരണം എനിക്ക് കൈക്കുലി കൊടുക്കേണ്ടി വന്നത്...

ഒരു ബിരിയാണിക്ക് വേണ്ടി നീ എന്നെ ഒറ്റികൊടുത്തല്ലേടാ യൂദാസ് കിച്ചു, അവനുള്ളത് ഞാൻ വച്ചിട്ടുണ്ട്..

ഓ...അത് കൊടുക്കുവോ വാങ്ങുവോ എന്തായാലും കൊള്ളാം...എനിക്ക് വിശക്കുന്നെന്ന്...

നിൻ്റെ വയറ്റില് കൊക്ക പുഴുവാണോടീ ?? 

അല്ലട...നല്ല രാജവെമ്പാലയാ...എന്തേ?? 

അയ്യോ...ഒന്നൂല്ല...എന്താ വേണടതെന്ന് വച്ചാ ഓർഡർ ചെയ്തോടീ?? ചേട്ടാ...അവൻ വെയിറ്ററെ വിളിച്ചു വരുത്തി...

ചേട്ടാ, രണ്ട് മുട്ട പഫ്സ്, ഒരു കട്ലൈറ്റ്, ഒരു മീറ്റ് റോൾ, ഒരു വെജ് റോൾ, ഒരു ഫലൂദ,...

ഓർഡർ എടുത്ത് ആ ചേട്ടൻ പോയതും ഞാൻ കലിപ്പനെ നോക്കി. 

ടീ ഒരു കാര്യം ചോദിക്കാൻ ഞാൻ മറന്നു. ഞാൻ നിന്നെ വിളിക്കാൻ വരുമ്പോ അവിടെ ആ മഹേഷിനെ കണ്ടല്ലോ?? എന്താരുന്നു അവിടെ? അവനെന്താ നിന്നോട് പറഞ്ഞത്? 

ഓ...അതാരുന്നോ...ആ കാട്ടുകോഴി ഒരു പ്രെപ്പൊസലും കൊണ്ട് വന്നതാ.. 

എന്നിട്ട് നീ എന്ത് പറഞ്ഞു?? 

എന്ത് പറയാനാ സ്വഭാവം നന്നായിട്ട് അറിയാവുന്നതോണ്ട് നല്ല മറുപടി കൊടുത്തു...ആ കാട്ടുകോഴി വേറെതെങ്കിലും അരിമണി തേടിപോയിക്കാണും.

അല്ലെങ്കിലും കാട്ടുകോഴിക്കൊന്നും ദുരന്തം സംഭവിക്കില്ല എന്ന് അവൻ പറഞ്ഞതും എൻ്റെ ആഹാര സമാഗ്രികൾ എത്തിയതും ഒന്നിച്ചായിരുന്നു...ആഹാരം കണ്ടുകഴിഞ്ഞാ പിന്നെ ഞാൻ ബാലൻ കെ. നായർ ആവും.

ഇത്രയും സാധാനം ഒന്നിച്ചു നീ കഴിക്കുവോടീ...ആകെ ഈർക്കിലിൻ്റെ അത്രേ ഉള്ളൂ...ഇതൊക്കെ എങ്ങോട്ട് പോവൂന്നു?? 

അതേ ,ആഹാരത്തിന് കണക്ക് പറയുന്നത് അത്ര നല്ല ശീലമല്ല, പിന്നേ എന്നും പറഞ്ഞ് ഞാൻ കഴിക്കുന്ന ആഹാരത്തിൻ്റെ കണക്ക് കൃത്യമായിട്ട് ആ ബില്ല് തരുമ്പോ കൊടുത്തോണം..കേട്ടല്ലോ?? 

എൻ്റെ പറച്ചില് കേട്ട്, മിക്കവാറും ഞാനിന്ന് ഇവിടെ പ്ലേറ്റ് കഴുകേണ്ടി വരും എന്ന് പറഞ്ഞ് തലയ്ക്ക് കൈകൊടുത്തിരിക്കുന്ന അവനെ നോക്കി മുട്ട പഫ്സിനെ ബലാല്‍സംഗം ചെയ്യുന്പോള്‍ സന്തോഷം കൊണ്ട് എൻ്റെ കണ്ണ് നിറഞ്ഞിരുന്നോട്ടോ...

അന്നത്തെ ആ സംഭവത്തിന് ശേഷം, ഞങ്ങള് വീണ്ടും കട്ട ചങ്ക്സായി. അതറിഞ്ഞ ചിലരെങ്കിലും വീണ്ടും അസൂയകൊണ്ട് മൂക്കത്ത് വിരൽ വച്ചു. അവനും ഞാനും ഒന്നായി എന്നറിഞ്ഞതിൽ പിന്നെ മഹേഷ് കാട്ടുകോഴിയുടെ ഉപദ്രവം അങ്ങ് തീർന്നുകിട്ടി. അവൻ മാത്രമല്ലാട്ടോ അഥർവയും എൻ്റെ കട്ടചങ്കായി...അതോടെ എനിക്ക് ഇരട്ടി പണിയും കിട്ടിന്നൂ പറഞ്ഞാ മതില്ലോ? രണ്ടും കൂടി പിണങ്ങിയാ പിന്നെ ഒന്നിപ്പിക്കാൻ നടക്കണം, രണ്ടുപേരയും ഒന്നിപ്പിക്കാൻ ഞാൻ പെടുന്ന പാട് എനിക്കും ഭഗവാനും മാത്രമേ അറിയൂ, ഇതിലും ഭേദം വല്ല കടലിലും ചാടി ചാവുന്നതാ...അതിനേക്കാളും എന്നെ വിഷമിപ്പിച്ചത് വേറെ ഒരു കാര്യാന്നേ..കലിപ്പനുമായി പിണങ്ങിയെന്നറിയപ്പോ ചില മൊന്ചൻമാരു പ്രെപ്പോസ് ചെയ്യാൻ വന്നതാ...കാട്ടുകൊഴി അല്ലാട്ടൊ, ഇത് വേറെ...എന്ത് പറയാനാ, ഞങ്ങളുടെ ഫ്രണ്ട്ഷിപ്പ് റീസ്റ്റാർട്ട് എന്നറിഞ്ഞതിൽ പിന്നെ ഒരുത്തനും എന്നെ ഒരു മൈൻഡും ഇല്ല, പേരിനു പോലും ഒരു പ്രേമമില്ലാതെ ഇങ്ങനെ നിന്നുപോവാനാണോ ദൈവമേ എൻ്റെ വിധി...ഒരുത്തൻ ഒറ്റ ഒരുത്തന്‍ പോലും നോക്കുന്നില്ലെന്നേ...

അങ്ങനെ കുറേനാള് കടന്നു പോയി..കലിപ്പൻ ഫൈനലിയറിലായി..അവൻ്റെ തൊട്ടു താഴെ ജൂനിയറായിട്ട് ഞാനും. മനസമാധനത്തൊടെ ഒന്നു ഉഴപ്പാം എന്ന് വച്ചാ അപ്പോ തുടങ്ങും കലിപ്പൻ്റെ ഉപദേശം...കഴിഞ്ഞ ജന്മത്തിൽ ഞാനെന്തോ വലിയ പാപം ചെയ്തിട്ടുണ്ടെന്നാ തോന്നുന്നത്..അല്ലെങ്കില്‍ പിന്നേ ഇത്ര കൃത്യമായിട്ട് ഇവനെ തന്നെ എൻ്റെ ചങ്കായിട്ട് കിട്ടുവോ? അതിനു ചേർന്നൊരു അവൻ്റെ പ്രണയിനിയും. രണ്ടും കണക്കാ...

ഒടുവില്‍ അതും എത്തി...സെമസ്റ്റർ എക്സാമേ...അതിൻ്റെ മുൻപുള്ള സ്റ്റഡിലീവിൻ്റെ  തിരക്കിനിടയില് പഠിച്ചുകൊണ്ടിരുന്നപ്പോഴാ കലിപ്പൻ്റെ കോൾ വന്നത്... 

ഹലോ....എന്താടാ കൊരങ്ങാ?? പഠിക്കാനും സമ്മതിക്കത്തില്ലേ? 

ടീ...അനൂ...എനിക്ക് നിന്നെ കാണണം ഇപ്പോ തന്നെ...പറ്റില്ല എന്ന് നീ പറയരുത്...ഞാനിപ്പോ നിൻ്റെ ഹോസ്റ്റലിലെ വിസിറ്റർ റൂമിലുണ്ട്...

എന്താടാ...എന്താ ഒച്ച ഇടറിയിരിക്കുന്നേ ? എന്താടാ പ്രശ്നം? ? 

എല്ലാം പറയാം...നീ ഒന്ന് വാ...പ്ലീസ് ടീ...

ശരി...ദേ വരുവാ...

ഫോൺ കട്ട് ചെയത് എൻ്റെ കലിപ്പൻ്റെ അടുത്തേക്ക് ഓടുമ്പോ മനസ്സിലെന്തെക്കയോ കുമിഞ്ഞു കൂടുന്നുണ്ടായിരുന്നു. വിസിറ്റിംഗ് റൂമിൽ എന്നെ കാത്തിരിക്കുന്നവരെ കണ്ടപ്പോള്‍ ഞാൻ ഒരു നിമിഷം പകച്ചു നിന്നു. അതിനേക്കാളാധികം എന്നെ അമ്പരപ്പിച്ചത് കണ്ടയുടനെ എന്നെ കെട്ടിപ്പിടിച്ച് കരയാൻ തുടങ്ങിയ കലിപ്പൻ്റെ മുഖമായിരുന്നു. 

അനൂ...അവള്...എൻ്റെ ആദീ....അവൻ്റെ വാക്കുകൾ ഇടറുന്നതിനിടയിൽ എന്നിലുള്ള അവൻ്റെ കെട്ടിപ്പിടുത്തവും മുറുകുന്നുണ്ടായിരുന്നു. 

പ്രിയമാനസം -5 

@@@@@@@@@@@@

  കലിപ്പൻ്റെ കെട്ടിപിടുത്തം മുറുകുംതോറും എൻ്റെ ഉള്ളിലെ ചോദ്യങ്ങളും വളരുകയായിരുന്നു. അവൻ്റെ കണ്ണുനീര് എൻ്റെ ചുമലിലേക്ക് വീണപ്പൊ പൊള്ളിപോവുന്നത് പോലെയാ എനിക്ക് തോന്നിയത്, എല്ലാവരുടെയും മുൻപിൽ രാവണനാണെങ്കിലും അവൻ്റെ മനസ്സ് ഞങ്ങൾക്ക് കുറച്ച് പേർക്കേ അറിയുള്ളു. പാവാമാ..ശുദ്ധപാവം, പുറമെ കാണിക്കുന്ന ഈ ദേഷ്യവും വഴക്കുമെല്ലാം ചുമ്മാതെയാ...ഒരു കൊച്ചുകുഞ്ഞിനെപ്പൊലെ അവൻ എന്നെ ചുറ്റിപ്പിടിച്ച് കരയുമ്പോ എൻ്റെ മനസ്സ് നീറുവായിരുന്നു. 

ടാ...നീ ഇങ്ങനെ കരയല്ലേ.. നീ കരഞ്ഞാ ഞങ്ങൾക്ക് അത് സഹിക്കാൻ പറ്റില്ലെടാ...കരയല്ലേടാ...

അവനെ എന്നിൽ നിന്നും അക്റ്റി എനിക്കഭിമുഖമായി നിർത്തുമ്പോ ഞങ്ങൾക്ക് മൂന്ന്പേർക്കും കരയാതിരിക്കാൻ കഴിഞ്ഞില്ല...

ഞാനെന്താടീ ചെയ്യണ്ടേ, ഞാൻ ജീവനാണെന്ന് പറഞ്ഞവളാ ഇപ്പോ എന്നെ ഉപേക്ഷിച്ചു പോയത്..ഞാനില്ലാതെ ജീവിക്കില്ല എന്ന് പറഞ്ഞവളാ ഇപ്പോ മറ്റൊരുത്തൻ്റെ താലിക്ക് കഴുത്തു നീട്ടികൊടുക്കാൻ തീരുമാനിച്ചത്, മരിക്കെണ്ടി വന്നാലും മറ്റൊരാളുടേത് ആവില്ല എന്ന് പറഞ്ഞ് സ്നേഹിച്ചിട്ട് ഇപ്പോ ഞാൻ അവളുടെ ആരുമല്ലയെന്ന് അവള് തന്നെ എന്നൊട് പറയുമ്പോ ഞാനെന്താടീ ചെയ്യണ്ടേ?? 

എൻ്റെ കലിപ്പൻ്റെ വാക്കുകള് കേട്ടപ്പോ തലയ്ക്കകത്ത് വണ്ടുമൂളുന്നത് പോലെയാ എനിക്ക് തോന്നിയത്, ആദീ...അവള് മറ്റൊരാളെ വിവാഹം കഴിക്കാൻ സമ്മതിച്ചൂന്നോ? ശ്രീയല്ലാതെ മറ്റൊരാൾ എൻ്റെ ജീവിതത്തില്‍ ഉണ്ടാവില്ല അനു, ശ്രീയെ സ്നേഹിച്ചത് പോലെ വേറെ ഒരാളെ സ്നേഹിക്കാൻ എനിക്കോ ശ്രീക്കോ കഴിയില്ല, എന്ന് പറഞ്ഞ ആദീ ഇങ്ങനെ ചെയ്തൂന്ന് വിശ്വസിക്കാൻ പറ്റണില്ല..പക്ഷേ എൻ്റെ കലിപ്പൻ്റെയും കൂടെ വന്ന കിച്ചുവേട്ടൻ്റെയും മുഖത്തേക്ക് നോക്കുമ്പോ വിശ്വസിക്കാതിരിക്കാനും കഴിയുന്നില്ല. 

ടാ...ശ്രീ...എനിക്ക് ആദിയെ ഒന്ന് കാണണം..നമ്മുക്ക് ഒന്ന് സംസാരിച്ച് നോക്കാം, ഞാൻ സംസാരിക്കാം അവളോട്, എന്ത് പ്രശ്നമാണെങ്കിലും നമ്മുക്ക് സംസാരിച്ച് തീർക്കാം...നീ അവളെ വിളിച്ച് താ ഞാൻ സംസാരിക്കാം...

ഇല്ല അനു, അവളുടെ ഫോൺ സ്വിച്ചഡോഫാ...ഇന്നലെ അവള് ഈ കാര്യം പറഞ്ഞ് മെസേജ് അയച്ചു കഴിഞ്ഞപ്പോ മുതല് ഇവനും ഞാനും മാറി മാറി വിളിക്കുന്നതാ, ഇന്നലെ രാത്രി തന്നെ അവളെ കാണണം, സംസാരിക്കണം എന്ന് പറഞ്ഞ് ഭ്രാന്ത്പിടിച്ചു നടക്കുവാരുന്നു ഇവൻ..ഒരുപോളാ കണ്ണടച്ചിട്ടില്ല ഞാൻ, ഇവനെന്തെങ്കിലും ചെയ്യുമോ എന്ന് പേടിച്ചിട്ട്,....ഇനിയെന്താ വേണ്ടെ നീ പറയ്...

കിച്ചുവേട്ടനത് പറയുമ്പോ എൻ്റെ കലിപ്പൻ കൈകൾ കൊണ്ട് മുഖം പൊത്തി കരയുകയായിരുന്നു. അവൻ്റെ മനസ്സ് എനിക്കറിയാം...ചിന്നിചിതറിയിരിക്കുവാ, അത്രയ്ക്ക് സനേഹിച്ചതാ അവളെ..അവന് വേണ്ടി,എൻ്റെ കലിപ്പന് വേണ്ടി എന്തെങ്കിലും ചെയ്തേ പറ്റൂ...

അവളുടെ വീട്ടിലെ നന്പര്‍ അറിയാവോ നിനക്ക്?? കിച്ചുവേട്ടാ അവൻ്റെ ഫോണിംഗ് താ...

അത്കൊണ്ടൊന്നും കാര്യമില്ല അനൂ, ആ വഴിയും ഞങ്ങൾ ട്രൈ ചെയ്തതാ, രണ്ട് തവണയും അവള് ഫോൺ കട്ട് ചെയ്തു കളഞ്ഞു. പിന്നെ വിളിച്ചു നോക്കിയപ്പോ കിട്ടുന്നില്ല, ഇന്ന് രാവിലെ ഇവൻ്റെ അവസ്ഥ കണ്ട് സഹിക്കാതെ ഞാൻ ഇവനെയും കൂട്ടി അവളുടെ വീട്ടിൽ ചെന്നു..

എന്നിട്ട്, അവളെ കണ്ടോ? സംസാരിച്ചോ?? എന്താ അവള് പറഞ്ഞത്?? 

ഇല്ല...അവിടെ ചെന്നപ്പോ വീട് പൂട്ടികിടക്കുവാ, അയൽക്കാരോട് അന്വേക്ഷിച്ചപ്പോ അവർക്ക് ഒന്നും അറിയില്ല, ആരൊടും എങ്ങോട്ട് പോവുകയാണെന്ന് പോലും പറഞ്ഞിട്ടില്ല...

എന്നിട്ടെന്താ ഇന്നലെ തന്നെ എന്നെ വിളിച്ച് ഒന്നും പറയാതിരുന്നത്, അവളുടെ മാര്യേജ് ഉറപ്പീച്ചൂന്ന് ആരാ പറഞ്ഞത്? 

സൂധീർ..അവളുടെ മുറചെറുക്കൻ തന്നെയാ പറഞ്ഞത്. ഇവൻ്റെ കരച്ചില് കാണാൻ വയ്യാത്തത്കൊണ്ട്, അവളെക്കുറിച്ച് എന്തെങ്കിലും അറിയാൻ കഴിയുവോ എന്നറിയാനാ ഞാനവന് എഫ്.ബിയില് മെസേജ് അയച്ചേ? അപ്പോഴാ അറിഞ്ഞത് അവൻ്റെ മാര്യേജ് നിശ്ചയിച്ചെന്നും അവൻ്റെ മുറപെണ്ണാണ് വധുവെന്നും. പേര് ചോദിച്ചപ്പോഴാ അധർവ എന്ന് പറഞ്ഞത്...അതറിഞ്ഞപ്പൊ തൊട്ട് ഇവൻ കുടിക്കാൻ തുടങ്ങിയതാ, ഒരുവിധത്തില് കൂട്ടികൊണ്ട് പോന്നപ്പോഴാ നിന്നെ കാണണം എന്ന് പറഞ്ഞ് കരയാൻ തുടങ്ങിയത്..എനിക്കെന്ത് ചെയ്യണം എന്നറിയില്ല അനൂ, ഇവനെ ഈ അവസ്ഥയിൽ ആൻ്റിയുടെയും അങ്കിളിൻ്റെയും മുൻപിലേക്ക് കൊണ്ടുചെന്നാ അവരുടെ കണ്ണ് നിറയുന്നത് കൂടി കാണേണ്ടി വരും.. 

കിച്ചുവേട്ടൻ പറഞ്ഞത് ശരിയാ, ഇവൻ്റെ ഈ അവസ്ഥ കണ്ട പാവം അമ്മയ്ക്കും അച്ഛനും സഹിക്കാൻ പറ്റില്ല, അത്രമാത്രം അവര് ഇവനെ സ്നേഹിക്കുന്നുണ്ട്, ഇവൻ്റെ ഒരാഗ്രഹത്തിനും അവര് രണ്ടാളും എതിര് നിന്നിട്ടില്ല,അവര് ഇതെങ്ങെനയാ സഹിക്കുന്നേ?? 

ഹോസ്റ്റലിലെ വാർഡൻ്റെ പെർമിഷൻ വാങ്ങി, എൻ്റെ കലിപ്പനൊടൊപ്പം അവൻ്റെ വീട്ടിലേക്ക് പോവുമ്പോ ഒരു കുഞ്ഞിനെ പോലെ അവൻ എൻ്റെ തോളിലേക്ക് തല ചായ്ച്ചു കിടക്കുകയായിരുന്നു. അന്നാ ആദ്യമായിട്ട് ഒരാണ് പെണ്ണിന് വേണ്ടി കരയുന്നത് ഞാൻ കണ്ടത്, എല്ലാവരും പറയും, ആണ് പെണ്ണിനെ ചതിക്കും, പെണ്ണ് ആണിനെ ചതിക്കും, ഇനിയിപ്പോ രണ്ടാളും ചതിച്ചില്ലെങ്കിൽ ദൈവം ചതിക്കും എന്ന്..ഇവിടെയിപ്പോ അവളോടും ദൈവത്തിനോടും വെറുപ്പാ എനിക്ക് തോന്നിയത്...അത്രമാത്രം...അത്രമാത്രം എൻ്റെ കലിപ്പൻ വിഷമിക്കുന്നുണ്ട്, എൻ്റെ തോളിലൂടെ ഒഴുകിയിറങ്ങുന്ന ഓരോ കണ്ണുനീരിലും അവൻ്റെ ദുഃഖം എന്ത് മാത്രം ഉണ്ടെന്ന് എനിക്കറിയാം...എൻ്റെ കലിപ്പനെ അമ്മയേയും അച്ഛനെയും, കിച്ചുവേട്ടനെയും ഏല്പ്പിച്ച് ഹോസ്റ്റലിലേക്ക് മടങ്ങുമ്പോ ഒരു തീരുമാനം മാത്രേ എൻ്റെ മനസ്സിൽ ഉണ്ടായിരുന്നുള്ളു. 

അന്നത്തെ ആ സംഭവത്തിനു ശേഷം എൻ്റെ കലിപ്പൻ ആകെ മാറിപോയി, ആരോടും സംസാരിക്കാതെ, ഒറ്റയ്ക്ക് അവൻ്റെ മുറിയിൽ തന്നെ ഇരിക്കും..ഞാനോ കിച്ചുവേട്ടനോ വിളിച്ചാ എന്തെങ്കിലും സംസാരിച്ചെന്ന് വരുത്തി പെട്ടെന്ന് കോൾ കട്ട് ചെയ്യും..സെമസ്റ്റർ എക്സാം പോലും അവൻ എഴുതിയില്ല, അടുത്ത സെമ്മില് വിരലിൽ എണ്ണാവുന്ന ദിവസങ്ങളില്‍ മാത്രമാ അവൻ കോളെജിൽ വന്നത്...സത്യം പറഞ്ഞാ അവൻ്റെ ഈ മാറ്റം കണ്ട്,കോളെജിലെ എല്ലാവര്‍ക്കും അത്ഭുതമായിരുന്നു. ചോദ്യങ്ങൾ മുഴുവൻ ഏറ്റ് വാങ്ങിയത് ഞാനും. എത്രയൊക്കെ ഒളിപ്പിച്ചു വച്ചിട്ടും,അവസാനം കാരണമെന്തെന്ന് ചിലരെങ്കിലും അറിഞ്ഞു. അവൻ സ്നേഹിച്ച പെണ്ണിനെയാണ് സൂധീർ കെട്ടുന്നതെന്നറിഞ്ഞ് ചിലരെങ്കിലും അയാളോട് അത് സൂചിപ്പിച്ചു. ആ വഴിയെങ്കിലും അഥർവയെക്കുറിച്ചുള്ള വിവരങ്ങൾ മനസ്സിലാക്കാം എന്ന് കരുതിയ ഞങ്ങൾക്ക് നിരാശയായിരുന്നു ഫലം...കൂടെ അവനെ തളർത്തിയ മറ്റൊരു വാർത്തയും, അവരുടെ വിവാഹം കഴിഞ്ഞെന്നും, അവര് വിദേശത്തേയ്ക്ക് പോയി എന്നും. അത് വീണ്ടും അവനെ തളർത്തുകയാ ചെയ്തത്..

പീന്നീട് ഒരുപാട് പ്രാർത്ഥനയ്ക്കും, വഴിപാടിനും, കാത്തിരിപ്പുകൾക്കും ഒടുവിലാ ഞങ്ങളുടെ കലിപ്പനെ, എൻ്റെ പഴയ കലിപ്പനായി തിരിച്ചു കിട്ടിയത്..അറ്റൻ്ഡൻസ് കുറവായത് കാരണം എൻ്റെ കലിപ്പന് വീണ്ടും ഒരു വർഷം കൂടി പഠിക്കേണ്ടി വന്നു. അതും എൻ്റെ ക്ലാസ്മേറ്റായിട്ട്...അങ്ങനെ സംഭവ ബഹുലമായ ഞങ്ങളുടെ കോളെജ് ലൈഫിന് വിരാമം ഇട്ട്കൊണ്ട് ലാസ്റ്റ് ഇയറും കഴിഞ്ഞ്, ക്യാംപസ് പ്ലെസ്മെൻ്റിൽ ഒരേ കമ്പനിയിൽ തന്നെ ഞങ്ങൾക്ക് ജോലിയുമായി...

@@@@@@@@@@@@@@@@

പഠിത്തമെല്ലാം കഴിഞ്ഞല്ലോ, ജോലിയുമായി, ഇനിയിപ്പോ സമാധാനമായിട്ട് അടിച്ചുപൊളിക്കാം എന്ന് കരുതിയപ്പോഴാ ഈ പൊട്ടൻ, ഞാൻ പോലും അറിയാതെ എനിക്കിട്ട് നല്ല ഉഗ്രൻ പണിതന്നത്...എന്നെ കെട്ടിച്ചു വിടണം പോലും, ഈ ഒരു കാര്യത്തില് എൻ്റ അമ്മയും അച്ഛനും ദേ ഈ കലിപ്പനും ഒരേകൈ ആണന്നേ...ഇപ്പോ ഇവരുടെ മൂന്ന്പേരുടെയും ഏകലക്ഷ്യം എന്നെ കെട്ടിച്ചു വിടുക എന്നതാ...ഞാനിനി ഏതെങ്കിലും ഒരുത്തനെ വളച്ച്, മതില് ചാടുമോ എന്നൊരു സംശയം ചിലപ്പോ ഈ മൂന്നാൾക്കും കാണും. പ്രത്യെകിച്ച് അവന്...കാരണം എൻ്റെ വായ്നോട്ടത്തിലുള്ള മാസ്റ്റർ ഡിഗ്രിയെക്കൂറിച്ച് അറിയാവുന്നത് അവന് മാത്രമാ...ആ പേടി ഉള്ളത്കൊണ്ടാണോ എന്നറിയില്ല തകൃതിയായി ആലോചനകൾ നടക്കുന്നുണ്ട്, ഇപ്പോ നാല് പെണ്ണ്കാണല് കഴിഞ്ഞു. 

എൻ്റെ എല്ലാ ആണ്കാണലിനും, എൻ്റെ കലിപ്പൻ വീട്ടിലുണ്ടാവും..ആണ്കാണൽ എന്ന് പറഞ്ഞത് വേറേ ഒന്നും കൊണ്ടല്ലാട്ടോ എന്നെ ആര് പെണ്ണ് കാണാൻ വന്നാലും അവൻ പറയുന്നത് അത് ആണ് കാണലാണെന്നാ...എന്നിട്ട് കുറേ ഉപദേശവും...അങ്ങനെ നടക്കണം, ഇങ്ങനെ സംസാരിക്കണം, എൻ്റെ സ്റ്റാൻഡേർഡ് ഇല്ലാത്ത ചളി അടിക്കരുത്, വരുന്നവരെ വെറുപ്പിക്കരുത് etc...പക്ഷേ ഇവൻ പറഞ്ഞതൊന്നും ഞാൻ അനുസരിക്കാറില്ല, ചെറുക്കന് ചായ കൊടുത്ത് തിരിയുമ്പോ തൊട്ട് കലിപ്പനെ എന്നെ നോക്കും..അത് വേറെ ഒന്നും അല്ല, പറഞ്ഞതെല്ലാം ഓർമ്മയുണ്ടല്ലോ എന്നാ...എന്താന്നറിയില്ല,ഞാനും ചെറുക്കനും തമ്മില് തനിച്ച് സംസാരിച്ച് തുടങ്ങുമ്പോഴെ എന്നിലെ നാഗവല്ലി നല്ല ചളിയടിക്കാൻ തുടങ്ങും...അതൊടെ ചെറുക്കൻ്റെ കാര്യത്തില്‍ തീരുമാനവും ആവും..അത്പൊലൊരു പെണ്ണ് കാണല് കഴിഞ്ഞ് ആ ആലോചനയും മുടങ്ങി പോയതിൻ്റെ ദേഷ്യമാ ആദ്യം നിങ്ങള് കണ്ടത്... 

അവൻ്റെ പറച്ചില്‍ കേട്ടാ തോന്നും, ഞാനന്തോ ചെയ്തിട്ടാ ആലോചനകള് മുടങ്ങുന്നതെന്ന്...എന്നാ പിന്നെ ആരെയെങ്കിലും വളച്ച് കെട്ടാം എന്ന് പറഞ്ഞാ അപ്പോ അവൻ വാളെടുക്കും...

ഇനിയിപ്പോ അവനോട് വാശി കാണിച്ചു ഇരിക്കാനും പറ്റത്തില്ല, രണ്ടായിരത്തി നാന്നൂറ് രൂപയുടെ ബില്ലാ ദേ എൻ്റെ മുൻപിലിരുന്ന് ഇളിച്ചു കാണിക്കുന്നേ...ശ്ശോ ...ആ പൊട്ടൻ്റെ കൂടെയല്ലെ വന്നത്, അതോണ്ട് പേഴ്സ് പോലും എടുത്തില്ല..അവനെ വിളിക്കാം, കുറച്ചു തെറി കേട്ടാലും നാണംകെടാതിരിക്കൂല്ലോ...പറഞ്ഞു തീർന്നില്ല, ദേ വിളിക്കുന്നു പട്ടീ..

ഹലോ...എവിടെയാടാ പോത്തേ?? ബില്ലടയ്ക്കാതെ നീ എങ്ങോട്ടാടാ പോയത്?? ബ്ലഡീ ഫൂൾ...

നീ പോടീ കഴുതേ, നിന്നോടാരാടീ പേഴ്സ് എടുക്കാതെ ഇറങ്ങാൻ പറഞ്ഞത്? 

ആഹാ...ഇപ്പോ എനിക്കായോ കുറ്റം, ഹോസ്റ്റലിലെ നല്ല സമ്പാറും കൂട്ടി ചോറ് കഴിക്കാനിരുന്ന എന്നെ വിളിച്ച് ഇവിടെ കൊണ്ട് വന്ന് ഫുഡ് ഓർഡർ ചെയതത് ആരാ?? അപ്പോ ബില്ലടയ്ക്കേണ്ട ഉത്തരവാദിത്വം ആർക്കാ?? പറയെടാ...

ഓ...നിന്നോട് തർക്കിച്ച് ജയിക്കാൻ പറ്റില്ല, ഒരു മിനിറ്റ് ഞാൻ ദേ വരുന്നു. നീ വെയിറ്റ് ചെയ്യ്...

ഒന്നു വേഗം വാടാ...ഇല്ലെങ്കില്‍ ഞാനിവിടെ പ്ലേറ്റ് കഴുകേണ്ടി വരും...പ്ലീസ് ഹെൽപ്പ് മീ ഫ്രം ദിസ് പ്ലേറ്റ് കഴുകൽ ടാ...എനിക്കീ പരിപാടി അറിയില്ലഡെ...

അത് എനിക്കറിയാല്ലോ...ഒരു ജോലിയും അറിയില്ലാന്ന്...നിന്നെ കെട്ടുന്നവൻ്റെ കഷ്ടകാലം അല്ലാതെ എന്ത് പറയാൻ? നീ ഫോൺ വയ്ക്കെടി...പിന്നേ ആ ബില്ല് എടുത്തോണ്ട് കൌണ്ടറിനരുകിലേക്ക് വാ, ഞാൻ ദേ എത്തി. 

മ്... ഫോൺ കട്ട് ചെയ്തിട്ട് ബില്ല് എടുത്തോണ്ട് ഞാൻ കൌണ്ടറിനരുകിലെക്ക് ചെന്നു. ഹോ ദേ വരുന്നുണ്ട്, കലിപ്പൻ....എന്നെ സസി ആക്കിയതിലുള്ള സന്തോഷം ആ ചിരി കണ്ടാ അറിയാം...വൃത്തികെട്ടവൻ...വരട്ടെ കാണിച്ചു കൊടുക്കാം...

എത്രയായെടീ....

ദേ...ബില്ല്...നീ കൊടുത്തോ, ഞാൻ പുറത്ത് വെയിറ്റ് ചെയ്യാട്ടോ...ബില്ല് കണ്ട് അവൻ ഞെട്ടും എന്ന് എനിക്കുറപ്പാ, ഭഗവാനേ കാത്തോളണേ...ആഹ്...ദാ ബില്ല് കൊടുത്തു. സമാധാനം...

നീ എന്നതാടീ ഓർഡർ ചെയ്തത്?? ഇക്കണക്കിന് എൻ്റെ അക്കൌണ്ട് നീ കാലിയാക്കുവല്ലോ? ? 

എന്നോടൊ ....ബാലാ....ഈ എന്നോടോ?? എന്നാലും...

മതിയെടി മതി...ഇനി മേലിൽ നീ ചളിയടിക്കനായിട്ട് വാ തുറന്നാ, ഇടിച്ചു കൂട്ടി മൂലയ്ക്കിടും ഞാൻ...

ഹും...ഒന്നു പോടാ...ഒരു ഇന്ത്യൻ പൌര എന്ന നിലയിൽ ചളിയടിക്കുക എന്നുള്ളതെ എൻ്റെ മൌലിക അവകാശം ആ,,നിനക്കിഷ്ടപ്പെട്ടില്ലെങ്കിൽ നീ എങ്ങോട്ടെങ്കിലും പൊക്കോ..

അതിൻ്റെ ആവശ്യം വരില്ല മോളെ.

നിന്നെ ഒരുത്തൻ്റെ കൈ്യിൽ കൊടുത്താൽ പിന്നെ അവൻ സഹിച്ചാ മതിയല്ലോ?? ഞാൻ രക്ഷപെടുമല്ലോ? 

ഓഹോ...അപ്പോ അതാണ്,...അല്ലാതെ എന്നെ കെട്ടിച്ചു വിടാനുള്ള ആഗ്രഹം കൊണ്ടല്ല അല്ലേ ..നടക്കില്ല മിഷ്ടർ....

അങ്ങനെ നീ രക്ഷപ്പെടണ്ട, അതിലും നല്ല ഒരു വഴിയുണ്ട്...

ഏതെങ്കിലും ഒരുത്തനെ പ്രേമിക്കാനായിരിക്കും...

അല്ലടാ പൊട്ടാ...ഞാൻ നിന്നെ അങ്ങ് കെട്ടിയാ പ്രശ്നം തീർന്നില്ലേ?? എങ്ങനെ?? 

പ്രിയമാനസം-6

@@@@@@@@

നീ എന്താ പറഞ്ഞത്?? ഒന്നൂടെ പറഞ്ഞേ...

നിനക്ക് എന്നെ കെട്ടിയാലെന്താന്ന്?? 

നിന്നെ...ഞാൻ....കെട്ടാൻ....

ഹും, എന്തോ വലിയ കോമഡി കേട്ടത് പൊലെ നിന്നു ചിരിക്കുവാ ദുഷ്ടൻ. ഇതിനു മാത്രം ചിരിക്കാൻ ഞാൻ അത്ര വലിയ കോമഡി ഒന്നും പറഞ്ഞിലല്ലോ? എന്നെ കെട്ടാൻ പറ്റുവോ എന്ന് ചോദിച്ചു...അതിനാ...ബ്ലഡി ഗ്രാമവാസി...എന്നെക്കാളും  ഇത്രയും നല്ല അടക്കവും,ഒതുക്കവും,വിനയവും,വിശാല ഹൃദയവും ഉള്ള ഒരു പെണ്ണിനെ ഈ ലോകത്തിൽ വേറെ കിട്ടുവോ?? 

അതിനെന്തിനാടാ നീ കിടന്നു ചിരിക്കുന്നേ?? ഞാനന്താ കോമഡി സ്റ്റാർസിലെ കോമഡി വല്ലതുമാണോ പറഞ്ഞത്, ഇങ്ങനെ കിടന്ന് ചിരിക്കാൻ...

ആ കോമഡിയൊക്കെ ഇതിനു മുൻപിൽ എന്ത്? ഇതല്ലേടി കഴുതേ ഏറ്റവും വലിയ കോമഡി...നിന്നെ ഞാൻ കെട്ടുന്നത് ആലോചിച്ചിട്ട് ചിരി സഹിക്കാൻ പറ്റണില്ലെടി..അതിലും ഭേദം ഞാൻ ട്രെയിനു തല വയ്ക്കുന്നതാ...

ഓ...എൻ്റെ ഡയലോഗ് എനിക്ക് തന്നെ തിരിച്ചടിക്കുന്നോ? കഷ്ടം സ്വന്തമായിട്ട് ഒരു മാസ് ഡയലോഗ് പോലും പറയാൻ പറ്റാത്തവനെയൊക്കെ ആണല്ലോ ഭഗവാനേ നീ എൻ്റെ ചങ്കാക്കിയത്...

അതേ....പുതിയ ഏതെങ്കിലും ഡയലോഗ് പറയ് മിഷ്ടർ...എൻ്റെ ഡയലോഗ് എനിക്ക് തിരിച്ചു തരല്ലേ...

ഓ...ആയിക്കോട്ടെ,,ഡയലോഗടിക്കുന്ന കാര്യത്തിൽ നിന്നെക്കഴിഞ്ഞിട്ടല്ലേ ആളുള്ളു....

സമ്മതിച്ചു തന്നല്ലോ ഇപ്പോഴെങ്കിലും...അത് മതി...തൃപ്തിയായി ബാലേട്ടാ...തിരുപ്പതിയായി..

ചളി ഡയലോഗടിക്കുന്നതിന് ഇങ്ങനെ അഹങ്കരിക്കണോടി...ഹോ ചളി അടിക്കുന്നതിനു വരെ അഹങ്കാരം...കാലം പോയൊരു പോക്കെ..

ഇയാള് കൂടുതല് ഒന്നും പറയണ്ട, ചളി ആണെങ്കിലും ഞാൻ സ്വന്തമായിട്ട് ഡയലോഗെങ്കിലും പറയുന്നുണ്ടേ?? നിനക്ക് അത് പോലും അറിയില്ലല്ലോ?? നിന്നോട് കെട്ടാമോ എന്ന് ചോദിച്ച എന്നെ വേണം ചെരുപ്പൂരി അടിക്കാൻ..

ഇല്ലെടി...ഞാന് അത് ചെയ്യില്ല, അത് മാത്രം ഞാൻ ചെയ്യില്ല...എൻ്റെ ചെരുപ്പിന് ഒരു മിനിമം യോഗ്യതയുണ്ട് മോളെ...

ഹും...പോടാ പട്ടീ...പാവം ചെക്കനല്ലേ ഒരു ജീവിതം കൊടുക്കാല്ലോ എന്ന് വച്ചപ്പോ എന്നെ കളിയാക്കുന്നു ല്ലേ...വിഷമമായെടാ...ഫീലായി ഉണ്ണി ശരിക്കും ഫീലായി... 

നിന്ന് കിണുങ്ങാതെ വണ്ടിയിൽ കേറെടി..നിന്നെ ആക്കിയിട്ടു വെണം എനിക്ക് കിച്ചൂൻ്റെ അടുത്ത് പോവാൻ..നല്ലൊരു ഞായാറാഴ്ചയാ നീ കാരണം കുളമായത്...ദ്രോഹീ... 

ആ ഹോസ്റ്റലിൽ വെറുതെ ഇരുന്ന എന്നെ, പ്രലോഭിപ്പിച്ച്, ഇവിടെ കൊണ്ടുവന്നിട്ട് ഈ ദുഷ്ടൻ പറയുന്നത് കേട്ടൊ ഞാൻ അവൻ്റെ ദിവസം നശിപ്പിച്ചൂ എന്ന്...മര്യാദയ്ക്ക് ഏതെങ്കിലും ഒരു കുളക്കോഴിയെ എങ്കിലും കുറച്ച് അരിമണി വിതറി, ഞാൻ കൈ്യിലെടിത്തു വളച്ചു കുപ്പിയിലാക്കില്ലാരുന്നൊ?? എൻ്റെ അത്രയും വിലപ്പെട്ട സമയം ഇവിടെ കൊണ്ട് വന്ന് കളഞ്ഞിട്ടാ പൊട്ടൻ ഇങ്ങനെയൊക്കെ പറയുന്നത്..അൺസഹിക്കബിൾ..

ഒരു മറുപടി പോലും അവന് കൊടുക്കാതെ, ഞാൻ അവൻ്റെ ഹീറോയുടെ പുറകിൽ സ്ഥാനം പിടിച്ചു. ഒരു ബുള്ളറ്റ് വാങ്ങാൻ പറഞ്ഞതിന്, അത് നിൻ്റെ കെട്ടിയോനൊട് പോയി പറയനാ ഇവൻ പറഞ്ഞത്, പിന്നെ എൻ്റെ കെട്ടിയോൻ ബുള്ളറ്റ് വാങ്ങാൻ നടക്കുവല്ലെ? ഞങ്ങള് ഹെലികോപ്റ്റർ വാങ്ങും, ഹെലികോപ്റ്റർ..ഈ കലിപ്പൻ്റെ കൂടെ ബൈക്കില് പോവുന്നതിലും നല്ലത് വല്ല പ്ലെയിനിലും പോവുന്നതാ..പാറയിൽ അള്ളി പിടിച്ചിരിക്കുന്നത് പോലെ ഇവനെ പിടിച്ചിരുന്നാ ജീവനോടെ ഹോസ്റ്റലിലും എത്താം...ഇല്ലെങ്കില്‍ എപ്പോ ഞാൻ പറന്നു പോയിന്ന് ചോദിച്ചാ മതി...

ടീ...എന്തൊന്ന് ആലോചിച്ച് ഇരിക്കുവാ...ഇറങ്ങി പോടി പിത്താക്കാളി...

നീ പോടാ കഴുതേ...ഒരു പൊട്ട ബൈക്കും, കണ്ണ് ചീഞ്ഞളിഞ്ഞത് മറക്കാനൊരു സൺ ഗ്ലാസും ഇട്ടൊണ്ട് എറങ്ങിയേക്കുവാ...ഹോ വല്യ ദുൽഘർ സൽമാൻ ആണെന്നാ വിചാരം.... നീ ഈ ഹോസ്റ്റലില് എന്നെ വിളിക്കാൻ വരുന്നതും കൊണ്ടാക്കുന്നതും എന്തിനാണെന്ന് എനിക്കറിയാടാ പട്ടീ...

ഹ ഹ അറിയാല്ലോ...പിന്നെന്താടീ ചക്കരെ നീ ഈ ചേട്ടനെ ഹെൽപ്പ് ചെയ്യാത്തേ?? ഏതെങ്കിലും ഒരു നല്ല, കൊച്ചിനെ സെറ്റാക്കി താടീ...ബ്രൊക്കർ ഫീസ് തരാടീ...

നീ...പോടാ........ബ്രോക്കർ നിൻ്റെ അമ്മായിഅപ്പൻ...തെണ്ടി...നോക്കിയിരുന്നോ ഇപ്പോ വരും ഐശ്വര്യറായ്...

ഓ...നമ്മുക്ക് ഐശ്വര്യ റായ് ഒന്നും വേണ്ടെടി...അഭിഷേക് ബച്ചന് അതൊരു ബുദ്ധിമുട്ടായാലോ?? അതോണ്ട് അത് വേണ്ട, ഉം....നമ്മുക്ക് വല്ല നായൻതാരയോ, ഹൻസികയോ മതി...

പോടാ ഊളേ...ഞാനൊന്ന് കെട്ടാന്ന് പറഞ്ഞപ്പോ എന്തൊക്കെയായിരുന്നു...വായ്നോക്കി..അല്ലെങ്കിലും നിന്നെ കെട്ടാൻ എനിക്ക് ഒരു താല്പര്യവും ഇല്ല, പിന്നെ കൂട്ടുകാരനല്ലേ, പാവമല്ലേ എന്നോർത്തപ്പോ ഒരു ജീവിതം തരാന്ന് തോന്നി...അപ്പൊ നിനക്ക് കോമഡി...നീ നോക്കിക്കോടാ...നല്ല ഒരു മൊന്ചൻ ചുള്ളനെ നോക്കി, ഞാൻ കെട്ടും, എന്നിട്ട് നിൻ്റെ മുൻപിൽ കൂടെ ദേ ഇങ്ങനെ ഇങ്ങനെ നടക്കും...ഹും...വീട്ടില് പോടാ ...വായ്നോക്കി...

എൻ്റെ കലിപ്പനെ രണ്ടു ചീത്തയും പറഞ്ഞ് തിരിച്ചയച്ചപ്പോ ഹാവൂ മനസിനൊരാശ്വാസം ആയി...അല്ലെങ്കിലും ഇപ്പോ ഇവിടെ കുറച്ചു വായിനോക്കികളെ കാണം...എൻ്റെ കലിപ്പനെ വായ്നോക്കുന്ന ചിലരുണ്ട് എൻ്റെ ഈ ഹോസ്റ്റലില്,അതെങ്ങനെയാ ഒരു തേപ്പ് കിട്ടികഴിഞ്ഞാ ഈ ആൺപിള്ളാരൊക്കെ മുടിഞ്ഞ ലുക്കാവും എന്ന് പറയുന്നത് വെറുതയല്ല..ഇപ്പോ പോയ ലോ ദവൻ ഒടുക്കത്തെ ലുക്കായി പോയന്നേ...

ഇപ്പോ എല്ലാരും കരുതും അവൻ്റെ ലുക്ക് കണ്ടിട്ടാണ് ഞാൻ അവനോട് കെട്ടാൻ പറഞ്ഞതെന്ന്...അല്ല..ഒരിക്കലും അല്ല, എൻ്റെ കലിപ്പൻ എന്നും എൻ്റെ കലിപ്പൻ തന്നെയാ..പിന്നെ ഈ കിടന്ന് കാറിയതും വിളിച്ചു പറഞ്ഞതുമൊക്കെ അവൻ്റെ മനസ്സില് ഇപ്പോഴും അവളുണ്ടോ എന്നറിയാനായിരുന്നു...എന്ന് വച്ച് എനിക്ക് കലിപ്പനോട് ഇഷ്ടം ഇല്ല എന്നല്ലാട്ടോ...ഒരുപാട് ഇഷ്ടമാ എനിക്ക് എൻ്റെ കലിപ്പനെ...പക്ഷേ അവന് ഞാൻ നല്ലൊരു സുഹൃത്ത് മാത്രമാ...എന്നെ മറ്റൊരാളുടെ കൈയ്യിൽ പിടിച്ചേൽപ്പിക്കുന്നതാ അവനിഷ്ടം...അവൻ്റെ സന്തോഷം എന്താണോ അതാണ് എൻ്റെ സന്തോഷം...ഞാൻ കാരണം ദുഃഖിച്ച് അവൻ്റെ കണ്ണ് നിറയുന്നതിലും നല്ലതല്ലേ ഞാനൊരിത്തിരി സങ്കടപ്പെട്ടാലും അവൻ സന്തോഷിക്കുന്നത്...

@@@@@@@@@@@@@

അനൂ...നീ...എന്നോട് ക്ഷമിക്കണം,ഇങ്ങനെയൊന്നും ആവൂമെന്ന് ഞാൻ ഒരിക്കലും കരുതിയിട്ടില്ല, ഇപ്പോ നിൻ്റെ മനസ്സില് എന്നോടുള്ള വെറുപ്പാണെന്ന് അറിയാം...നീ ഒരുപാട് ആഗ്രഹിച്ച ഒരു ജീവിതമാണ് ഞാൻ കാരണം...എന്നോട് ക്ഷമിക്ക് അനൂ...

എൻ്റെ മുൻപിൽ മുട്ടുകുത്തി നിന്ന് കരയുന്ന കലിപ്പൻ്റെ കണ്ണുകളെ നേരിടാൻ എനിക്ക് ഒട്ടും പറ്റുന്നുണ്ടായിരുന്നില്ല, സത്യം പറഞ്ഞാ ഇന്ന് എൻ്റെ ഈ മുറിയിൽ കലിപ്പനു പകരം മറ്റൊരാൾ ആയിരുന്നു ഉണ്ടാവേണ്ടിയിരുന്നത്. ആദീകേശവ്...ആദീയായിരിന്നു ഇന്ന് ഇവൻ്റെ സ്ഥാനത്ത് എന്നോടൊപ്പം ഈ ബെഡ്റൂമിൽ ഉണ്ടാവേണ്ടിയിരുന്നത്...എൻ്റെയും ആദീയുടെയും കളിചിരികൾ മുഴങ്ങേണ്ടിയിരുന്ന മണിയറയാ ഇപ്പോ ശ്രീയുടെ കണ്ണുനീര് കൊണ്ട് നിറഞ്ഞിരിക്കുന്നത്...

ഒരു വാക്ക് പോലും പറയാതെ, അവൻ്റെ മുഖത്തേക്ക് ഒന്നു നോക്കുക പോലും ചെയ്യാതെ എഴുന്നേറ്റ്, ജനാലയുടെ അരുകിലേക്ക് നീങ്ങി നില്ക്കുന്പോള്‍ മനസ്സ് വിങ്ങുകയായിരുന്നു....

അല്ല പിന്നെ, ഇപ്പോഴാന്നേ ഒന്ന് മനസമാധാനമായത്...എത്ര ദിവസങ്ങളായിട്ട് ഊണും ഉറക്കവും നഷ്ട്ടപ്പെട്ടാതാണെന്ന് അറിയോ? അന്ന് ഇല്ലേ അന്ന്, എന്നെ ഹോസ്റ്റലിൽ ഇറക്കിയിട്ട് കലിപ്പൻ പോയ ദിവസം, അതിൻ്റെ പിറ്റേ ആഴ്ച എന്നെ പെണ്ണ് കാണാനായിട്ട് ഒര് കൂട്ടര് വന്നു. ചെറുക്കൻ്റെ പേര്, ആദീ കേശവ്, വല്യ സോഫ്ററ് വെയർ എന്ചീനിയറാ, പുള്ളിക്കാരന് കണ്ടപ്പഴ എന്നെ ഇഷ്ടമായി..എനിക്ക് ഇഷ്ടാമായോ എന്ന് ചോദിച്ചാ, എല്ലാവരുടെയും കൂടെയിരുന്ന് ചിരിച്ചു സംസാരിക്കുന്ന കലിപ്പനെ കണ്ടപ്പോ അവൻ്റെ സമാധാനവും സന്തോഷവും കളയണ്ടാന്ന് തോന്നി....അങ്ങനെയാ ഞാൻ വിവാഹത്തിന് സമ്മതമാണെന്ന് പറഞ്ഞതും  ഞങ്ങളുടെ വിവാഹം നിശ്ചയിച്ചതും

അപ്പോഴെങ്കിലും  ഈ കലിപ്പന് എന്നോട് ഒരിഷ്ടം മനസ്സിലുണ്ടാവൂന്ന് കരുതി, എവിടെ ഈ കലിപ്പൻ്റെ മനസ്സ് ഇങ്ങനെ മണിചിത്രത്താഴ് ഇട്ട് പൂട്ടി വച്ചിരിക്കുവല്ലേ?? ഒരു ഇഷ്ടം...ഒരു തരി പ്രേമം...ങ്ഹൂം...സാധാരണ സിനിമയിലൊക്കെ കാണുന്നത് പോലെ, ഇഷ്ടമാണെന്ന് പറഞ്ഞ പെണ്ണിൻ്റെ അഥവാ കൂട്ടുകാരിയുടെ വിവാഹ നിശ്ചയം, തലേ ദിവസം അതിൻ്റെ സന്തോഷം ആഗ്രഹിക്കുന്ന നായകൻ, പെട്ടന്ന് എവിടെയോ ഹൃദയത്തിൻ്റെ വടക്ക് കിഴക്ക് തേക്കെ മൂലയിൽ ഒരു സ്പാർക്ക്, നായികയെ താൻ പ്രണയിച്ചിരുന്നു എന്ന് തിരിച്ചറിയുന്ന നായകൻ, പിന്നെ നായികയേ കാണാൻ പോവുന്നൂ,  ചെയ്സ്, ഫൈറ്റ്, കത്തി,കുത്ത്...അവസാനം എല്ലാം മറന്ന് ഒന്നാവുന്ന നായകനും നായികയും...അത് തന്നെ, ഹണീബീ സിനിമ പോലൊരു ക്ലൈമാകസ് തന്നില്ലെങ്കിലും,  അവസാന നിമിഷമെങ്കിലും കലിപ്പൻ്റെയുള്ളില് എന്നോട് ഇഷ്ടമുണ്ടെങ്കിൽ അത് ഒന്ന് അറിയാനുള്ള അനുഗ്രഹം തരണേ ഭഗവാനേ എന്ന് പ്രാർത്ഥിച്ച എന്നോട് അതിലും വലിയ ചതിയാ പുള്ളിക്കാരൻ ചെയ്തത്...

കല്യാണം ഉറപ്പിച്ച്, നിശ്ചയവും കഴിഞ്ഞ് കല്യാണത്തിൻ്റെ തലേദിവസം, അതായത് ഇന്നലെയാ  ആദീകേശവിൻ്റെ വീട്ടിൽ നിന്ന്, അവര് ഈ വിവാഹത്തിൽ നിന്ന് പിൻമാറുവാണെന്ന് വിളിച്ചു പറഞ്ഞത്..കാരണമെന്താണെന്ന് ചോദിച്ചിട്ടും അവര് ഒന്നും പറഞ്ഞില്ല, കാര്യം തിരക്കാൻ പോയത് അമ്മാവൻമാരും, കലിപ്പനും കൂടിയാ, അവിടെ ചെന്നപ്പോ ദാണ്ടേ കിടക്കുന്നു,ചെറുക്കനും വീട്ടുകാർക്കും എൻ്റെ സ്വഭാവ ശുദ്ധിയിലും, പരിശുദ്ധിയിലും സംശയമുണ്ടെന്ന്... ആരോ വിളിച്ചു പറഞ്ഞത്രേ ഞാനും കലിപ്പനും തമ്മിൽ പുറത്ത് പറയാൻ പാടില്ലാത്ത ബന്ധമുണ്ടെന്ന്, ഞാൻ അവൻ കാരണം രണ്ടു തവണ അബോർഷൻ ആയതാണെന്ന്...അത് കേട്ടതോടെ കലിപ്പൻ വീണ്ടും പഴയ രാവണനായി... 

എന്നെക്കുറിച്ച് മോശമായി സംസാരിച്ച ആദീയുടെ ഏതോ ഒരു തല നരച്ച അമ്മാവൻ്റെ ചെകിട്ടത്തിട്ട് അവൻ ഒന്ന് പൊട്ടിച്ചു. കെട്ടാൻ പോവുന്ന പെണ്ണിൻ്റെ പരിശുദ്ധിയെ ഏതോ ഒരുത്തൻ്റെ വാക്ക് കേട്ട്, സംശയിച്ച് വേണ്ട എന്ന് വച്ചതിന് ആദിക്കും കൊടുത്തു,  നല്ല മറുപടി...നട്ടെല്ലിന് പകരം റബറ് വച്ച് കെട്ടി നടക്കുന്ന നിന്നെ കെട്ടുന്നതിനേക്കാളും നല്ലത്, അവൾ ,ഈ ഞാൻ കെട്ടി തൂങ്ങി ചാവുന്നതാണത്രേ...തെണ്ടി...എന്നെ ഇനി കെട്ടി തൂക്കാത്തതിൻ്റെ കുറവേയുള്ളു. എല്ലാം തകർന്ന്, നാട്ടുകാരുടെയും സ്വന്തക്കാരുടെയും മുൻപിൽ തല കുനിച്ചിരിക്കുന്ന അച്ഛനെയും, എൻ്റെ ജീവിതം തകർന്നെന്ന് പറഞ്ഞ് നെന്ചത്തടിച്ചു കരയുന്ന അമ്മയുടെയും സങ്കടം കാണാൻ വയ്യാത്തോണ്ട് ഞാൻ റൂമില് കയറി വാതിലടച്ചു. അത് കണ്ടപ്പോ ഏതോ ഒരു വല്യമ്മ അലമുറയിട്ടു കരയാൻ തുടങ്ങി...ഞാൻ ആത്മഹത്യ ചെയ്യാൻ പോകുവാണെന്ന്...ആത്മഹത്യയേ...അതും ഈ ഞാൻ...ഇപ്പോ തന്നെ ചെയ്യും. ആത്മഹത്യ എന്ന് പോയിട്ട് വേദന എന്ന് കേൾക്കുന്നതെ എനിക്ക് പേടിയാ..ആ ഞാനാണ്....

അത്കൂടി കേട്ടപ്പോ അമ്മ വീണ്ടും ഉച്ചത്തില് കരയാൻ തുടങ്ങി. എല്ലാവരുടെയും ചോദ്യം പറച്ചില് കേൾക്കാതിരിക്കാനും, വാരിചുറ്റിയ സാരിയും, സ്വർണ്ണവും ഊരിമാറ്റി ഒന്ന് ഫ്രഷാവല്ലോ എന്ന് കരുതി റൂമില് കയറിയ ഞാനാരായി??

പിന്നെ അവിടെ നടന്നതെല്ലാം ഭയങ്കര വേഗത്തിലായിരുന്നു. ഞാൻ ആത്മഹത്യ ചെയ്യാൻ ശ്രമിച്ചെന്ന് ഏതോ ഒരു മഹതി പറഞ്ഞത് കേട്ട്, വന്ന കലിപ്പൻ,എനിക്ക് വേണ്ടി സ്വന്തം ജീവിതം ത്യാഗം ചെയ്തു. 

ഇന്ന് രാവിലെ, പറഞ്ഞ് ഉറപ്പിച്ച മൂഹുർത്തത്തില് എൻ്റെ കഴുത്തില് അവൻ താലി കെട്ടി. എൻ്റെ കഴുത്തിലേക്ക് അവൻ്റെ താലി കയറിയപ്പോ സകല ദൈവങ്ങളെയും മനസ്സുകൊണ്ട്, ഞാൻ നന്ദി പറഞ്ഞു. സന്തോഷം വന്നാലും കരയുന്നത് കൊണ്ട് പ്രശ്നമുണ്ടാവൂന്ന് ഇന്നാ എനിക്ക് മനസ്സിലായത്..സന്തോഷം കൊണ്ട് എൻ്റെ കണ്ണ് നിറഞ്ഞൊഴുകിയപ്പോ എൻ്റെ കലിപ്പൻ കരുതിയത് ആദീകേശവനെന്ന ആനക്കുട്ടിയെ..സോറി രക്ഷകനെ കെട്ടാൻ പറ്റാത്തതിലുള്ള വിഷമമാണെന്നാ...അതോടെ അവൻ്റെ മനസ്സിലും സങ്കടമായന്നേ...അത് എന്നോടുള്ള പ്രേമം കൊണ്ടാണെന്ന് തെറ്റിദ്ധരിക്കരുത്...അവൻ കാരണം എൻ്റെ ജീവിതം തകർന്നു എന്നുള്ള സങ്കടം കൊണ്ടാരുന്നൂട്ടൊ..

രാവിലത്തെ കെട്ടും ബഹളവും എല്ലാം ഒന്ന് ഒതുങ്ങി ദേ ഇപ്പോഴാ ഞങ്ങള് ഫ്രീയായത്...നോക്കണ്ട, ഞങ്ങളുടെ ഫസ്റ്റ് നൈറ്റ് ആണന്നേ...എത്രയോ സിനിമകളിൽ കണ്ട് പരിചയമുള്ള സീനായത് കൊണ്ട് വളരെ കൂളായിട്ട് കൈയിലൊരു ഗ്ലാസു പാലുമായിട്ട് ഞാൻ ദേ ഇങ്ങനെ ഇങ്ങനെ മന്ദം മന്ദം നടന്ന് ഞങ്ങളുടെ റൂമീലെത്തി. സാധാരണ സിനിമയിലൊക്കെ അമ്മയോ, അമ്മായിമ്മയോ, ആരെങ്കിലുമൊക്കെ സന്തോഷത്തൊടെ, തമാശ പറഞ്ഞാ പുതുപെണ്ണിനെ മണിയറയിലേക്ക് പറഞ്ഞു വിടുന്നത്...സിനിമയിൽ കണ്ടിട്ടുള്ളതാണേ...എൻ്റെയൊരു യോഗം...ഏതാണ്ട് യുദ്ധക്കളത്തിലേക്ക്, മരിക്കാൻ പോവുന്ന പോരാളിയെ പറഞ്ഞു വിടുന്നത് പോലെയാ എല്ലാവരും കൂടി എന്നെ പറഞ്ഞു വിട്ടത്...ആകെ ഒരു ശമ്ശാന മൂകത...എന്നാലും ധൈര്യം കൈവിടാതെയാ ഞാൻ റൂമിലേക്ക് പോയത്...

ഭാര്യയെ പ്രേമപൂർവം കാത്തിരിക്കുന്ന ഭർത്താവിനെ പ്രതീക്ഷിച്ച് മുറിയിലെത്തിയ ഞാൻ കണ്ടതോ ഏതോ ദുരന്ത കഥയിലെ നായികയെ നഷ്ട്ടപ്പെട്ട,നായകനെപ്പോലെ വീദൂരതയുടെ അന്തയുടെ ബഹിർഗമണത്തെ നോക്കി സിഗററ്റും വലിച്ചിരിക്കുന്ന എൻ്റെ കലിപ്പനെ...പാല് ഗ്ലാസ് അവിടെയുള്ള ഒരു ടേബിളിൽ വച്ച് വാതിൽ കുറ്റിയിട്ടപ്പോഴാ കലിപ്പൻ തിരിഞ്ഞു നോക്കിയത്..പെട്ടന്ന് അവൻ തിരിഞ്ഞു നോക്കിയപ്പൊ ശരീരം ആകെ വിറയ്ക്കുന്നത് പോലെ, എങ്ങോട്ടേലും എടുത്ത് ഓടിയാലോ എന്ന് വിചാരിച്ചതാ..പക്ഷേ അതിനു മുൻപേ ഞാൻ കട്ടിലിലേക്ക് ഇരുന്നു പോയി...ഇല്ലെങ്കിൽ ഫസ്റ്റ് നൈറ്റിൽ ബോധം കെട്ട് വീണ എന്നെക്കുറിച്ച് ആരെങ്കിലും ട്രോളിയാലോ...അവനെ നോക്കാൻ കഴിയാത്തതിൻ്റെ പരവശ്യം കൊണ്ട് കണ്ണടച്ചപ്പോഴാ അവൻ എൻ്റെ മുൻപിൽ വന്ന് മുട്ട്കുത്തി സോറി പറയാൻ തുടങ്ങിയത്...

ഈ പൊട്ടനോട് എങ്ങനെയാന്നേ ഒന്ന് ഇഷ്ടാമാണെന്ന് പറയുന്നേ...കണ്ടാമൃഗം ആയതോണ്ട് ഇഷ്ടാമാണെന്ന് പറഞ്ഞാ ഫസ്റ്റ് നൈറ്റ് ആണെന്ന് പോലും ഓർക്കാതെ  അവൻ എന്നെ ഇടിച്ചു കൂട്ടും...ഇനിയിപ്പോ എന്താ വഴി...

ടീ....

ദേവിയേ ഇത്ര പെട്ടന്ന് കലിപ്പൻ്റെ മനസ്സ് മാറിയോ?? കൊച്ചു കള്ളൻ...അപ്പോ ഇഷ്ടമൊക്കെ മനസ്സില് ഒളിപ്പിച്ചു വച്ചിരിക്കുവാരുന്നല്ലേ, ഇനിയിപ്പോ തിരിഞ്ഞു നോക്കണോ? ശ്ശോ നാണമാണോ, പേടിയാണോ എന്നറിയില്ല, തല ഒന്ന് തിരിച്ച് നോക്കാൻ കൂടി പറ്റണില്ലല്ലോ ദേവി...എന്നാലും തിരിഞ്ഞു നോക്കാതിരിക്കാൻ പറ്റില്ലല്ലോ?? 

എന്താടീ ഇത്?? എന്താന്ന്?? 

ദേവിയേ,  ഇതിപ്പോ ദുൽഘർ സൽമാൻ്റെ റൊമാൻസ് പ്രതീക്ഷിച്ചിടത്ത്, ഒരുമാതിരി ഷാജികൈലാസിൻ്റെ സ്റ്റണ്ട് പടം പോലാവൂന്നാ തോന്നൂന്നാ..എന്തായാലും എൻ്റെ കലിപ്പൻ്റെ അടുത്തേക്ക് പോവുന്നതാ നല്ലത്...പ്രേമിക്കാനായാലും കൊല്ലനായാലും എൻ്റെ കലിപ്പന് ഇനി ഞാനല്ലേ ഉള്ളൂ...

നിന്നോടാ ചോദിച്ചത്...ഇത് എന്താണെന്ന്? ? കലിപ്പൻ്റെ കൈ്യിലിരിക്കുന്ന എൻ്റെ ഫോണിലേക്ക് നോക്കിയതും,  അയ്യോൻ്റെ അമ്മേ എന്ന് വിളിച്ച് എൻ്റെ കണ്ണ് രണ്ടും തള്ളി പുറത്ത് വന്നു. 

പ്രിയമാനസം -7 

@@@@@@@@@

നിന്നോട് കണ്ണ്മിഴിച്ച് നോക്കാനല്ല പറഞ്ഞത്...ഈ വന്നിരിക്കുന്ന മെസജ് എന്താണെന്ന് വായിക്കാനാ..

ഭഗവാനേ പെട്ടു. എല്ലാം പൊളിഞ്ഞെന്ന തോന്നൂന്നേ.,ആദ്യരാത്രിയിൽ തന്നെ ഡിവോഴ്സാവേണ്ടി വരുമോ എന്തൊ. ഞാനെന്താ ഭഗവാനേ ഇവനൊടിപ്പോ പറയണ്ടേ, ഈ ഭൂമി ഇടിഞ്ഞ് പെട്ടന്ന് പാതാളത്തിലോട്ടു പോകുന്നതായിരുന്നു ഇതിലും ഭേദം.

നിൻ്റെ വാ എന്താ അടഞ്ഞു പോയോ? അല്ലെങ്കില്‍ നാക്കിട്ടലയ്ക്കാൻ ഭയങ്കര കഴിവാണല്ലോ?? നിൻ്റെ വാ കൊണ്ട് തന്നെ എനിക്കിത് വായിച്ച് കേൾക്കണം..വായിക്കെടി...

കലിപ്പൻ നല്ല ചൂടിലാ, ഇനിയും വായിക്കാതിരുന്നാ ഇവിടെയിന്ന് കാളരാത്രി ആവും. രണ്ടടി കിട്ടിയാലും സാരമില്ല, വായിക്കുന്നതാ എൻ്റെ ആരോഗ്യത്തിനു നല്ലത്..പോയാ രണ്ട് പല്ലല്ലേ പോവൂ...ഇല്ലെങ്കില്‍ പോവുന്നത് എൻ്റെ ജീവനായിരിക്കും. 

അനൂ, നീ ആഗ്രഹിച്ചത് പോലെ ശ്രീയെ നിനക്ക് കിട്ടിയല്ലേ, അവൻ്റെ സന്തോഷത്തിന് വേണ്ടി നിനക്കിഷ്ടമല്ലാതിരുന്നിട്ടു കൂടി നീ കല്യാണത്തിന് സമ്മതിച്ചെന്നറിഞ്ഞപ്പോ ഏത് വിധത്തിലെങ്കിലും നിന്നെ സഹായിക്കണം എന്ന് തോന്നി. അതുകൊണ്ടാ ആ ചെറുക്കൻ്റെ അഡ്രസ്സ് ഞാൻ വാങ്ങിയതും അവൻ്റെ വീട്ടിൽ നിങ്ങളെ രണ്ടാളെയും കുറിച്ച് മോശമായി സംസാരിച്ചതും..എന്തായാലും ആ വിവാഹം നടക്കില്ല എന്ന് ഞാൻ നിനക്ക് തന്ന വാക്ക് പാലിച്ചു. ഇനിയിപ്പോ നീങ്ങള് രണ്ടാളും കൂടി സന്തോഷായിട്ട് ജീവിക്ക്...

വായിച്ചു തീർന്നില്ല, അതിനു മുൻപേ കലിപ്പൻ്റെ കൈ എൻ്റെ കവിളിലിരുന്നു. ഇത് എനിക്ക് കിട്ടെണ്ടതാ, അമ്മാതിരി പണിയാ ഞാൻ കലിപ്പനോട് ചെയ്തേ, കലിപ്പനല്ല, അവൻ്റെ സ്ഥാനത്ത് ആരായാലും അടിച്ചു പോവൂം...എന്നാലും ഒന്നു പതുക്കെ അടിച്ചൂടേ..കണ്ണീന്നാണോ കാതിൽ നിന്നാണൊ പൊന്നിച്ചയും വണ്ടും പറക്കുന്നത് എന്നറിയില്ല...ഹൂ....ആദ്യരാത്രിയിലെ ഭർത്താവിൻ്റെ ആദ്യ സമ്മാനം...ഇങ്ങനെയാണെങ്കിൽ ഈ കലിപ്പൻ്റെ കൂടെയുള്ള ജീവിതത്തിൽ ഇനിയും ഒരുപാട് പൊന്നീച്ച എനിക്ക് ചുറ്റും തക ധിമി തോം തക ധിമി തോം തോം തോം തോം കളിക്കുന്നുള്ള കാര്യത്തില് ഒരു സംശയവും വേണ്ട, 

കിച്ചു നിനക്ക് ഇങ്ങനെ ഒരു മെസേജ് അയക്കണമെങ്കില്,  ഈ കല്യാണം മുടങ്ങിയതിൻ്റെ പിന്നില് അവനായിരിക്കും,അതിന് നീയും കൂട്ടു നിന്നു. നീ ....നീ ....ഒരു പെണ്ണാണ്ണോടി...കെട്ടാൻ പോവുന്ന ചെറുക്കൻ്റെയും വീട്ടുകാരുടെയും മുൻപില് നീ നിന്നെ അധപതിച്ചവളക്കിയില്ലേ?? അതിലേക്ക് എൻ്റെ പേര് കൂടിചേർത്ത് വലിച്ചിഴച്ചില്ലേ...അച്ഛനെയും അമ്മയെയും കുറിച്ച് ഓർക്കാതെ നീയും അവനും കൂടി നടത്തിയ നാടകത്തില് ഞങ്ങളെയൊക്കെ പൊട്ടൻമാരാക്കി മാറ്റിയില്ലേ...

ടാ....ഞാനൊന്ന് പറഞ്ഞോട്ടെ...പ്ലീസ്... 

നീ  ഇനി ഒരക്ഷരം  പറയരുത്..അതിനുള്ള അവകാശമോ യോഗ്യതയോ നിനക്കില്ല,നിനക്ക് ആ വിവാഹം വേണ്ടാ എന്നായിരുന്നുവെങ്കിൽ അത് എന്നോട് തുറന്നു പറയാമായിരുന്നു. നിനക്ക് നല്ലൊരു ജീവിതം ഉണ്ടായിക്കാണണം എന്ന് കരുതിയാ നിന്നെ നഷ്ടപ്പെടും എന്നറിഞ്ഞിട്ടും മറ്റൊരാളെ വിവാഹം കഴിക്കാൻ ഞാൻ നിന്നോട്  പറഞ്ഞത്, നിനക്ക് തരുന്ന അതേ സ്നേഹം എനിക്കും തരുന്ന നിൻ്റെ അച്ഛനെയും അമ്മയേയും ഒരർത്ഥത്തിലും വേദനിപ്പിക്കരുതെന്ന് കരുതിയാ, മനസ്സ് നീറിയിട്ടും , അതൊന്നും പുറത്ത് കാണിക്കാതെ എല്ലാറ്റിനും മുൻപിൽ നിന്നത്...പക്ഷേ നീ കളിച്ച ഈ നാടകത്തില് അഭിമാനം നഷ്ട്ടപ്പെട്ടത് നിൻ്റെ അച്ഛനും അമ്മയ്ക്കും എനിക്കും മാത്രമാ, സ്വന്തം മകളെ പരിശുദ്ധിയില്ലാത്തവൾ എന്ന് മുദ്രകുത്തി നിശ്ചയിച്ച കല്യാണം മുടങ്ങുമ്പോ ഒരമ്മയുടെയും അച്ഛൻ്റെയും മനസ്സിലെ വേദന നിനക്ക് മനസിലാവില്ല, ഇത്രയും പേരെ ഒന്നിച്ചു വന്ചിച്ച നിനക്ക് ഒരിക്കലും എന്നെ ആത്മാർത്ഥമായി സ്നേഹിക്കാൻ കഴിയില്ല...

അങ്ങനെ പറയല്ലെ ടാ..നിന്നോടുള്ള ഇഷ്ടം കൊണ്ടാ ഞാൻ..നിന്നെ നഷ്ടപ്പെടരുത് എന്ന ഒറ്റ ആഗ്രഹം കൊണ്ടാ...

നിർത്തെടീ...എൻ്റെ പേര് ഉച്ചരിക്കാനുള്ള അവകാശം നിനക്കില്ല, ഈ താലിചരടിൻ്റെ പേരിലാണ് നിൻ്റെ അവകാശമെങ്കിൽ അത് വെറും ചരട് മാത്രമാ എൻ്റെ കാഴ്ചപ്പാടിൽ...നിൻ്റെ കഴുത്തിൽ ഞാൻ താലി കെട്ടിയപ്പോ ഞാൻ കാരണം ജീവിതം നഷ്ട്ടപ്പെട്ട നിനക്ക് ഒരു ജീവിതം നല്കണം, നിൻ്റെ പരിശുദ്ധിയെ സംശയിച്ചവരുടെ മുൻപിൽ നിൻ്റെ തല ഉയർന്നു നില്ക്കണം എന്നൊരാഗ്രഹം മാത്രമായിരുന്നു. അച്ഛൻ്റെയും അമ്മയുടെയും കണ്ണീര് കാണാൻ വയ്യാത്തത് കൊണ്ട് മാത്രം, ... ഒരവകാശവമോ അധികാരമോ സ്നേഹമോ നിനക്ക് എന്നിൽ നിന്ന് കിട്ടില്ല...ഒരുത്തി എന്നെ ചതിച്ച് മറ്റൊരുത്തൻ്റെ കൂടെ ജീവിച്ചപ്പോ ഞാൻ കരുതിയത് അവളാണ് ഏറ്റവും വലിയ ചതി ചെയ്തതെന്നാ.  ...പക്ഷേ ഇന്ന് മനസ്സിലായി അതിലും വലിയ വിഷമാ നീ...അവൾക്ക് മാപ്പു കൊടുത്താലും നിനക്ക് ഞാൻ മാപ്പ് തരില്ല...

എന്നോടുള്ള ദേഷ്യമത്രയും വാക്കുകൾ കൊണ്ട് തള്ളിയിട്ട് കലിപ്പൻ മുറി തുറന്ന് പുറത്തേക്ക് പോയി.  അവനെ കുറ്റം പറയാൻ പറ്റില്ലല്ലോ? കുറച്ചു നിമിഷത്തേക്കാണെങ്കിലും എല്ലാവരുടെയും മുൻപിൽ അച്ഛനെയും അമ്മയെയും അവനെയും ഞാൻ നാണം കെടുത്തിയില്ലേ. ഒന്നും മനപ്പൂര്‍വ്വം അല്ലാന്നേ...അന്ന് ആ വിവാഹം ഉറപ്പിച്ചപ്പോഴും കല്യാണ നിശ്ചയം കഴിഞ്ഞപ്പോഴും എല്ലാം എൻ്റെ മനസ്സില് എവിടെയോ ഒരു പ്രതീക്ഷ ഉണ്ടായിരുന്നു. എൻ്റെ കലിപ്പൻ ഒരിക്കലെങ്കിലും ഇഷ്ടമാണെന്ന് ഒരു വാക്ക് പറയും എന്ന്...പക്ഷേ എൻ്റെ കല്യാണത്തിന് വേണ്ടി അവൻ ഓടിനടക്കുന്നത് കണ്ടപ്പോ എടാ പൊട്ടാ എനിക്ക് നിന്നെ ഒരുപാടിഷ്ടാമാ, നീയില്ലാതെ എനിക്ക് ജീവിക്കാൻ പറ്റില്ലെടാന്ന് വിളിച്ചു പറയാൻ പലതവണ തുനിഞ്ഞതാ ഞാൻ. 

അപ്പോഴെക്കെ അവൻ എന്നോട് കാണിക്കുന്ന സ്നേഹം കൂടി നഷ്ട്ടപെടും എന്ന സങ്കടമായിരുന്നു. അങ്ങനെ ഇരുന്നപ്പോഴാ കിച്ചുവേട്ടൻ വിളിക്കുന്നതും, മനസ്സിൽ അടക്കിപിടിച്ച സങ്കടം മുഴുവൻ കിച്ചുവേട്ടനോട് പറഞ്ഞപ്പോ കിച്ചുവേട്ടനാ എല്ലാം ശരിയാവും, കലിപ്പനെ എനിക്ക് തന്നെ കിട്ടും എന്ന് പറഞ്ഞത്. അത് കേട്ടപ്പൊ എൻ്റെ കലിപ്പനെ എനിക്ക് തന്നെ കിട്ടൂല്ലോ എന്നോർത്തപ്പോ ഒരു നിമിഷത്തെ പൊട്ടബുദ്ധിക്ക് കിച്ചുവേട്ടൻ്റെ നാടകത്തിന് ഞാനും കൂട്ടുനിന്നു. 

എൻ്റെ കലിപ്പനെ നഷ്ടപ്പെടുത്താതിരിക്കാനായിട്ട് കളിച്ച നാടകം തന്നെ ഇപ്പോ അവനെ എന്നിൽ നിന്നും അകറ്റൂന്നാ തോന്നുന്നേ... ഇപ്പോ അവൻ്റെ മനസ്സിൽ എനിക്കുണ്ടായിരുന്ന സ്ഥാനം ഞാനായിട്ടു തന്നെ നഷ്ടപ്പെടുത്തിയില്ലേ ..ഇതിപ്പൊ അവനെ സ്വന്തമാക്കിയിട്ട് എരിഞ്ഞ് ജീവിക്കാനാ എൻ്റെ വിധി..ഇവനോട് എനിക്ക് എന്ത്മാത്രം ഇഷ്ടമുണ്ടെന്ന് ഇവനെ പറഞ്ഞ് മനസ്സിലാക്കാനും പറ്റണില്ല, ഞാനിനീ എന്താ വേണ്ടെ ഭഗവാനേ? ഇതിലും നല്ലത് എന്നെ അങ്ങ് കൊല്ലുന്നതായിരിന്നു.

@@@@@@@@

ശ്രീ....ഇത് വരെ, ഈ നിമിഷം വരെ നിന്നെ ചതിക്കണം എന്ന് ഞാൻ വിചാരിച്ചിട്ടില്ല, നിന്നെ നഷ്ടപ്പെടുന്നത് സഹിക്കാൻ പറ്റാതെ വന്നപ്പോ തെറ്റാണെന്നറിഞ്ഞിട്ടും,എനിക്കും കിച്ചുവേട്ടനും നാടകം കളിക്കേണ്ടി വന്നു. ശരിയാ...തെറ്റാ ഞങ്ങള് ചെയ്തത്...പക്ഷേ അതിലും വലിയ ശരി എനിക്ക് നിന്നോടുള്ള ഇഷ്ടം ആരുന്നു. പലതവണ ഞാൻ നിന്നോട് ചോദിച്ചിട്ടില്ലെ എന്നെ കല്യാണം ചെയ്യാമോ എന്ന്, അപ്പഴെല്ലാം നീ അത് തമാശയായിട്ട് അല്ലേ കണ്ടേ....അത്കൊണ്ടാ ഞാൻ....

നീ...കൂടുതൽ ഒന്നും പറയണ്ട, ഇത് അമ്പലമായത് കൊണ്ട് മാത്രമാ, ഞാനിപ്പോ നിൻ്റെ കൂടെ നിൽക്കുന്നതും,സംസാരിക്കുന്നതും, നിൻ്റെ കൂടെ, ഈ പുണ്യസ്ഥലം കൂടി അശുദ്ധമാക്കരുത് എന്ന് കരുതിയതാ, പക്ഷേ നിൻ്റെ അമ്മയുടെ നിർബന്ധം കൊണ്ട് മാത്രമാ ഞാനിപ്പോ നിൻ്റെ കൂടെ ഇവിടേക്ക് വന്നത്....

മ്....എനിക്കിപ്പോ മനസ്സിലായി ശ്രീ, നിനക്കൊരിക്കലും എന്നെ സ്നേഹിക്കാൻ പറ്റില്ല, സാരമില്ല.....എല്ലാം എൻ്റെ തെറ്റല്ലെ...നീ ഇങ്ങനെ കഷ്ടപ്പെട്ടു എൻ്റെ കൂടെ ജീവിക്കണ്ട,ശ്രീ...ഈ തിരുനടയിൽ വച്ച് നീ കെട്ടിയതാ ഈ താലി, ഇന്ന് ഇവിടെ വച്ച് നിനക്ക് തന്നെ അതെഴിച്ചെടുക്കാം...ആരും നിന്നെ തടയില്ല...ഇതിൻ്റെ പേരില് ആരും നിന്നെ കുറ്റപ്പെടുത്തില്ല...

കൃഷ്ണൻ്റെ നടയിൽ വച്ച് കലിപ്പനോടു താലി അഴിച്ചെടുക്കാൻ പറഞ്ഞെങ്കിലും മനസ്സുകൊണ്ട് അവനത് അഴിക്കല്ലെ എന്നായിരുന്നൂട്ടോ എൻ്റെ പ്രാർത്ഥന. ഇഷ്ട്ടത്തൊടെയല്ലെങ്കിലും അവൻ കെട്ടിയ താലി അല്ലേ...പക്ഷേ അവൻ താലി അഴിച്ചു തരാൻ പറഞ്ഞ് കൈനീട്ടിയപ്പോ ഞാനും പകച്ചുപോയി. ഇത്രയൊക്കെ കരഞ്ഞു പറഞ്ഞിട്ടും അവന് എൻ്റെ സ്നേഹം മനസ്സിലായില്ലല്ലോ??? ഇത്തിരി സെൻ്റിയടിച്ചാലെങ്കിലും അവൻ്റെ മനസ്സ് മാറൂന്ന് കരുതി ഒരു ലാസ്റ്റ് അറ്റമ്റ്റ് നടത്തിയതാ...പറഞ്ഞിട്ട് നോ രക്ഷ ചീറ്റി പോയി.. ഒരു കൂസലുമില്ലാതെ അവൻ കൈനീട്ടിപിടിച്ചോണ്ട് നില്ക്കുവാ..ഇവന് മനസാക്ഷി എന്നൊന്ന് ഇല്ലേ ആവോ...അതില്ലാന്ന് ഇന്നലെ ഒറ്റരാത്രി കൊണ്ട് എനിക്ക് മനസ്സിലായതാ...ആ ബെഡ്റൂമില് എന്നെ തനിച്ചാക്കിയിട്ട് പുറത്ത്പോയിരുന്ന് രാത്രി വെളുപ്പിച്ചവനാ. രാവിലെ ചായയും കൊണ്ട് ചെന്ന് ഉണർത്തിയപ്പൊ പാമ്പിനെപോലെയാ ചീറ്റികൊണ്ട് വന്നത്...പിന്നെ അമ്മ നിർബന്ധിച്ചത് കൊണ്ട് മാത്രം എൻ്റെ കൂടെ അമ്പലത്തിൽ വന്നയാളിൽ നിന്ന് ഇതിൽ കൂടുതൽ പ്രതീക്ഷിക്കുന്നത് ശരിയല്ല...

എന്നാലും മിഷ്ടർ ഭഗവാൻ, ഒന്ന് എൻ്റെ കൂടെ നില്ക്കായിരുന്നു. ഒന്നുമില്ലെങ്കിലും സ്നേഹിച്ചു പോയാളെ നഷ്ടപ്പെടാതിരിക്കാൻ അല്ലേ ഞാനങ്ങനെ നാടകം കളിച്ചത്...ഈ പറയുന്ന ആൾക്കും ഉണ്ടായിരുന്നല്ലേ പ്രേമം..എവിടെ?? എൻ്റെ രാധ എൻ്റെ രാധ എന്ന് പറഞ്ഞ് നടന്നിട്ട് ആ രാധയെ തന്നെ തനിച്ചാക്കി പോയ നിന്നോടും പറഞ്ഞിട്ട് കാര്യമില്ല. നീയും കണക്കാ, കലിപ്പനും കണക്കാ..

അവൻ കെട്ടിയ താലി അഴിക്കാനായി കൈയ്യിലേക്ക് എടുത്തപ്പോ തന്നെ, മുല്ലപെരിയാറിലെ അണക്കെട്ട് തുറന്നത് പോലെ കണ്ണീര് വരാൻ തുടങ്ങി...എനിക്കെന്തോ ഇപ്പോ ശനി ദശയാണെന്ന തോന്നൂന്നേ,അല്ലെങ്കില്‍ പിന്നെ ഇത്പോലെ കരണം നോക്കി അടി കിട്ടുവോ? കണ്ണില് ഇരുട്ട് കയറിയിട്ട് ചുറ്റും ഉള്ളതൊന്നും കാണാനും വയ്യ..തലയ്ക്കകത്ത് ഇതെന്തോന്ന്?? ശിങ്കാരി മേളം ആണെന്നാ തോന്നൂന്നേ..അല്ല ഇവനെന്തിനാ ഇപ്പോ തല്ലിയത്?? ഇവന് ഇത് തന്നെയാണോ പണി...ഒരു കാര്യവുമില്ലാതെ വന്ന് തല്ലാൻ ഞാൻ വഴിയില് കിടക്കുന്ന ചെണ്ടയോ മറ്റൊ ആണോ?? 

നിനക്ക് ഞാൻ കെട്ടിയ താലി അഴിച്ചെടുക്കണം, അല്ലേ?? ഇനി ഒരു തവണ കൂടി  ഇത്പോലെ പറഞ്ഞാ  നിൻ്റെ നാവ് ഞാൻ പിഴുതെടുക്കും...നീ എന്താ കരുതിയത്, താലി അഴിച്ചെടുക്കാൻ പറഞ്ഞാ ഉടനെ ഞാൻ അഴിച്ചെടുക്കൂന്നോ??...

ഭഗവാനെ...എൻ്റെ കലിപ്പൻ തന്നെയാണോ ഈ പറയുന്നത്? അവാസനം നീ എൻ്റെ പ്രാർത്ഥന കേട്ടല്ലെ? എനിക്കറിയാം നീ എൻ്റെ പ്രാർത്ഥന കേൾക്കാതിരിക്കില്ലെന്ന്...ലവ് യൂ ട്ടാ....

നീ എന്താടീ നിന്ന് ആലോചിക്കുന്നേ...ഈ താലി നിനക്കുള്ള ശിക്ഷയാ....ജീവിതകാലം മുഴുവൻ നീ ഈ ശിക്ഷ അനുഭവിച്ചേ പറ്റൂ...നീ ചെയ്ത തെറ്റിന് നിനക്ക് നല്കാവുന്ന ഏറ്റവും വലിയ ശിക്ഷയാ നിൻ്റെ കഴുത്തില് കിടക്കുന്ന താലി..അത് ഊരി തന്ന് എൻ്റെയടുത്തൂന്ന് രക്ഷപെടാന്ന് നീ കരുതണ്ട, 

കലിപ്പൻ ദേഷ്യത്തോടെ അതും പറഞ്ഞ് കാറിനരുകിലെക്ക് പോയി. വെറുതെയാണെങ്കിലും കുറച്ചു സമയത്തേക്ക് കൊതിച്ചതൊക്കെ വെള്ളത്തിൽ വരച്ച വര പോലെയും ആയി പോയി...പറഞ്ഞ ലവ് യൂ ഞാൻ തിരിച്ചെടുത്തു കേട്ടോ ഭഗവാനേ...ഓഹ് ദേ കിടന്ന് ഹോണടിക്കുന്നു. ഇനിയിപ്പോ വേഗം ചെല്ലാത്തതിന് ആവൂം അടുത്ത അടി...ഇനിയും അടി  കൊള്ളാൻ വയ്യ...ഇതിലും ഭേദം നീ ഈ പണി ആ ആദിക്ക് കൊടുക്കുന്നതായിരുന്നൂട്ടോ...

എനിക്കിതല്ല, ഇതിനപ്പുറവും കിട്ടണം, അവളുടെ വാക്ക് കേട്ട്, അവനെ കെട്ടിയേ അടങ്ങൂ എന്ന് വാശി പിടിച്ച് പാവം കിച്ചുവേട്ടനെ കൊണ്ട് നാടകത്തിന് തിരക്കഥ എഴുതിപ്പിച്ചപ്പോൾ വരാനിരുന്ന ദുരന്തം മൂൻകൂട്ടി കാണാൻ പറ്റിയില്ല...അവളെ ...ആദീയെ കുറ്റം പറയാനും പറ്റില്ല, സ്വന്തം മുറചെറുക്കൻ്റെ കൈയ്യിൽ ഞെരിഞ്ഞമർന്ന അവളുടെ പരിശുദ്ധിയെ ഓർത്ത് കലിപ്പനെ വേണ്ടാന്ന് വച്ച് പോയപ്പോ അവളും ഒരുപാട് കരഞ്ഞിട്ടുണ്ടാവും. പാവം...കാരണം അറിയാതെ ഞാനും അവളെ ഒരുപാട് കുറ്റപ്പെടുത്തിയതാ..കല്യാണത്തിന് ഒരാഴ്ച മുൻപ് അവളുടെ ഫോൺകോൾ എന്നെ തേടിയെത്തുന്നത് വരെ മാത്രം...ഒന്ന് മാത്രേ അവള് ആവശ്യപ്പെട്ടുള്ളു. കലിപ്പനെ ഒരിക്കലും ഒറ്റയ്ക്കാക്കരുതെന്ന്..അവനെപൊലെ ഒരാളെ വേറെ കിട്ടില്ലാന്ന്. അന്ന് അവൾക്ക് വാക്ക് കൊടുത്തതാ, എൻ്റെ കലിപ്പനെ തനിച്ചാക്കി ഞാൻ എവിടേക്കും പോവില്ലാന്ന്,അതോടൊപ്പം തന്നെ അവൻ ഒരിക്കലും ഈ സത്യങ്ങളൊന്നും അറിയില്ലാന്നും...

@@@@@@@@@@@@@@@@

ടീ...എത്ര നേരാമായെടി ഒരു ചായ ചോദിച്ചിട്ട്?? ഒരു മണിക്കൂർ ആയല്ലോ?? 

എന്തിനാടാ അവളോട് ചോദിക്കൂന്നേ?? നിനക്ക് പോയി എടുത്തു കുടിച്ചാലെന്താ... വയ്യാത്ത കുട്ടിയാ..ഇനി അതിനെ ഇവിടെ വരെ നടത്തിക്കണോ? നീ കിച്ചണിൽ ചെന്ന് കുടിച്ചാ മതി.. 

അതൊക്കെ അവളുടെ അടവ് അല്ലേ അമ്മേ?? അവളുടെ വയ്യായ്ക ഇപ്പോ മാറ്റി കാണിച്ചു തരാം..

ദേവിയേ ദേ വരുന്നുണ്ട്, കലിപ്പൻ...കിടന്നിട്ട് മടുത്തത് കൊണ്ടാ, സഹായിക്കാനൊന്നും അല്ലെങ്കിലും വെറുതെ അമ്മയുടെ കൂടെ അടുക്കളയിൽ കയറിയത്, അപ്പോ തുടങ്ങിയതാ ചായ ചായ എന്ന് പറഞ്ഞ്..

ടീ...നീ ഇവിടെ വെറുതെ നില്ക്കുവല്ലേ, നിനക്കെന്താടീ ഒരു ചായ ഇട്ട് കൊണ്ടുവന്ന് തന്നാല്...നീ എന്താ വിചാരിച്ചേ?  അമ്മ വന്ന് രണ്ട് ചീത്ത പറഞ്ഞാ ഞാനങ്ങ് പേടിച്ചു വരും എന്നോ??

ദേ....വെറുതെ എൻ്റെ വായിലിരിക്കുന്നത് കേൾക്കല്ലെ...നിൻ്റെ ഈ സമ്മാനവും വച്ചോണ്ട് ചായ ഇട്ടു തരണമെങ്കിലേ കുറച്ച് സമയം എടുക്കും. 

എന്താടീ എൻ്റെ സമ്മാനത്തിന് ഒരു കുറവ്?? 

അയ്യോ ഒരു കുറവുവില്ല,കൂടുതലെ ഉള്ളൂ, അതാണല്ലോ രണ്ട് സമ്മാനം അകത്തെ മുറിയിലും  ബാക്കിയുള്ള ഒരു ട്രോഫീ ദേ ഈ വയറ്റിലും കിടക്കുന്നേ..

ഞാൻ നിന്നോട് അന്ന്  പറഞ്ഞതല്ലേടീ, നിനക്കുള്ള ശിക്ഷയാണ് ഇനിയുള്ള ലൈഫ് എന്ന്...ഇതില് നിന്ന് രക്ഷപ്പെടാന്ന് നീ സ്വപ്നം പോലും കാണാണ്ടാന്ന്..

പിന്നേ...ഞാനറിഞ്ഞോ ഇതാണ് നിൻ്റെ ശിക്ഷയെന്ന്...ശിക്ഷിച്ച് ശിക്ഷിച്ച് ഇപ്പോ പിള്ളേര് മൂന്നായി..ഇനി ശിക്ഷയെന്നും പറഞ്ഞ് വന്നാ ചവുട്ടി കൂട്ടി മൂലയ്ക്കിടും ...ഓർത്തോ...

അന്ന് ഈ പൊട്ടൻ ഉദ്ധേശിച്ച ശിക്ഷ ഇതാണെന്ന് അറിഞ്ഞിരുന്നെങ്കിൽ, അവൻ്റെ കാല് പിടിച്ചിട്ടാണെങ്കിലും ഞാൻ ഡിവൊഴ്സ് വാങ്ങിച്ചേനെ..ഇനി പറഞ്ഞിട്ടെന്താ..

ടീ....അമൂൽ ബേബി, നിനക്ക് ഞാൻ വിധിച്ചിരിക്കുന്നതേ ജീവപര്യന്തമല്ല...മരണം വരെ കൊലകയർ ആണേ....

ഛേ ,നാണമില്ലാത്തവൻ...അമ്മ അപ്പുറത്ത് ഉണ്ടെന്ന് പോലും ഓർക്കാതെയാ ഓരോന്ന് പറഞ്ഞിട്ട് ഓടുന്നേ...ഇവനെ ഇന്ന് ഞാൻ....അപ്പോ ശരി റ്റാറ്റാ ബൈ ബൈ കേട്ടൊ..അവനിപ്പൊ പറഞ്ഞതിനുള്ള മറുപടി ചെന്ന് കൊടുക്കട്ടെ...ബൈ. 

അവസാനിച്ചു. 

കീർത്തികദേവ്

DOWNLOAD FOR PDF STORY CLICK HERE