തേപ്പ് കാരൻ

❤"തേപ്പുകാരൻ"❤
ഫുൾ പാർട്ട്‌

അമ്മൂട്ടിയെ...... അച്ഛന്റെ നീട്ടിയുള്ള വിളികേട്ടിട്ടാ ഉമ്മറത്തേക്ക് ചെന്നത്.......
ന്തേ അച്ഛേ..... ചായയോ വെള്ളമോ വേണോ?
ഒന്നും വേണ്ട..... ന്റെ മോളു ഇവിടിരുന്നെ..... അച്ഛൻ ഒരു കാര്യം സംസാരിക്കാനാ വിളിച്ചത്......
ന്തേ അച്ഛേ.....
അത്.... നാളെ ഒരൂട്ടർ വരുന്നുണ്ട്.....  പഴയൊരു ചങ്ങാതിന്റെ മോൻ ആ
ഓഹ് അതിനാണോ ഇത്ര ബിൽടപ്..... ഭക്ഷണം ഉണ്ടാക്കണം.... അത്രല്ലേയുള്ളു.... ലിസ്റ്റ് ഉം സാധനങ്ങളും പൊന്നോട്ടെ..... നമുക്കൊരു സദ്യ തന്നെ വച്ചളയാം.... ന്തേ.... ന്നാ പോയ്‌  വാങ്ങിവാ ഞാൻ ബിഗ്‌ഷോപ്പർ എടുത്തുവരാം.....
അമ്മുവേ..... അച്ഛൻ പറഞ്ഞു തീർന്നില്ല.....
ന്തേ അച്ഛേ ഇത്രയും വളക്കുന്നെ.... നമ്മൾ രണ്ടാളല്ലേ ഇവിടുള്ളു.... എന്താണേലും പറഞ്ഞൂടെ അച്ചക്കെന്നോട്..... ഇതുവരെ എന്തേലും എതിർത്ത് പറഞ്ഞിട്ടുണ്ടോ.... പിന്നെന്തേ
അവർ വരണത് നിന്നെ കാണാൻ ആ .... വയസ്സ്‌ 26കഴിഞ്ഞില്ലേ....... നിന്റെ പ്രായത്തിൽ നിന്റെ ചേച്ചിക്ക്‌ കുട്ടികൾ 2ആയ്..... ഇത്രനാളും വന്ന ആലോജനയൊക്കെ ഞാൻ ഒറ്റക്കാവുമെന്ന് പറഞ്ഞു നീ മുടക്കി..... ഇനി അത് വേണ്ടട്ടോ.... നിന്റെ അമ്മയുടെ ന്റെ മിനിടെ മോഹായിരുന്നു രണ്ടു കുട്ടികളുടേം വിവാഹം.... നീ വരുന്ന കല്യാണമെല്ലാം മുടക്കിയാൽ അതും ന്റെ പേരുപറഞ്ഞ് അവളുടെ ആത്മാവ് പൊറുക്കില്ല.... എന്റെ കുട്ടി മുടക്കൊന്നും പറയല്ലേ😢
ഇല്ല.... മുടക്കൊന്നും പറയില്ല.... 😔😔
ന്ന മോളുപോയി ഒരു ചായ എടുത്തെ..... നല്ല കടുപ്പത്തിൽ
ആഹ്...... (കല്യാണം... അതിനെക്കുറിച്ചു ആലോചിച്ചിട്ടുണ്ട്... സ്വപ്‌നോം കണ്ടിട്ടുണ്ട്... പക്ഷെ... അച്ഛന്റെ കാര്യം ആലോചിക്കുമ്പോൾ.... ഞാൻകൂടെ ഇല്ലേൽ ഒറ്റക്കെങ്ങനെ.... 10.. 20വർഷം ഗൾഫിൽ ഒറ്റക്ക് നിന്നിട്ടുണ്ട് അച്ഛൻ.... അപ്പോൾ പക്ഷെ നാട്ടിൽ ഞങ്ങൾ ഉണ്ടായിരുന്നു...ഇതിപ്പോൾ)
ഹോ..... ആലോജിച്ചാൽ വട്ടാവും എന്തായാലും നാളെ വരട്ടെ.... അച്ഛന് ചായയും കൊടുത്തു തൊടിയിലിറങ്ങി ന്റെ കുഞ്ഞു അടുക്കളത്തോട്ടത്തിലെ പയറിനോടും പാവളത്തോടും കുശലംപറഞ്ഞു നേരം പോയതറിഞ്ഞില്ല.... അച്ഛന്റെ നീട്ടിയുള്ള വിളിയാ അവിടുന്നും ഉണർത്തിയെ......
അമ്മൂ..... മോളെ നീ എവിടെ
അച്ഛേ... ഞാൻ ഇവിടുണ്ട്......
പുല്ലിനോടും പുഴുവിനോടും പിന്നെ വർത്താനം പറയാ.... മോൾ പോയ്‌ വിലക്കുകൊളുത്തിക്കെ.... നേരം ഒരുപാടായ്‌....
ആം...... വിലക്കുകൊളുത്തി... നാമം ജപിച്ച് വന്ന് അച്ഛനോട് വാർത്താനോം പറഞ്ഞ് ഇരുന്നു.... അത് പതിവാട്ടോ.... TV വയ്ക്കൽ കുറവാണ്.... പിന്നെ അത്താഴം എടുക്കണനേരത്ത് അച്ഛ വാർത്ത കാണും.... പിന്നെ ഏതേലും സിനിമ .... ഒക്കെ കഴിഞ്ഞ് കിടന്നപ്പോളെക്കും മണി 10കഴിഞ്ഞു..... എന്തൊക്കെയോ ചിന്തിച്ചു കിടന്ന് ഉറങ്ങിപ്പോയി...... (പണിയൊന്നും ഇല്ലാതെ വീട്ടിൽ ഇരിക്കാൻ തുടങ്ങിയെപ്പിന്നെ whatsapp facebook ഒക്കെ കേറി മുഖപുസ്തകത്തിലെ കഥയും കവിതയുമൊക്കെ വായിച്ചു നേരം 1മണി കഴിയും ഉറങ്ങാൻ.... കഥയെന്താ അറിയില്ല അന്നത്തെ ദിവസം ഞാൻ മൊബൈൽ എടുത്തേയില്ല എന്താണാവോ ഇത്ര ആലോജിക്കാൻ 😎 ദൈവമേ കയ്യിന്ന് പോയോ😝😝😝) അലാം അടിച്ചപ്പോൾ എണീറ്റ്‌പതിവ് പണിയൊക്കെ കഴിഞ്ഞ് ഇരിപ്പായി.... എന്തോ വല്ലാത്ത ടെൻഷൻ.......
അച്ഛേ..... അച്ഛേ.... ഇങ്ങേരിതെവിടെ.....
എന്തിനെ അമ്മു നീ ഇങ്ങനെ വിളിച്ച് കൂവാൻ.... ഞാൻ എവിടെ ഉണ്ട്......
അവരോട് വരണ്ടാ പറയ് അച്ഛേ.... നിക്ക് കല്യാണം വേണ്ട....
ദേ അമ്മു... പോത്തുപോലെ ആയിന്നോർക്കില്ലട്ടോ നല്ല വീക്ക് വച്ച് തരും ഞാൻ.... 😠
😔😔😔😔😔😔😔...... പതിവ് പോലെ മുഖം കുനിച്ച് അവിടെ നിന്നും പിൻവാങ്ങി... മുറിയിൽ പോയ്‌ ഇരുന്നു.....
ഉമ്മറത്ത് ആൾക്കാരുടെ ശബ്ദം കേട്ട് ഞാൻ കാതോർത്തു.... മാരണങ്ങൾ വന്നോ.... 😏
ഹേയ്.... പരിചയമുള്ള ശബ്ദമാണല്ലോ....... ആലോചിച്ചിരിക്കാലെ വാതിലിൽ ഒരു മുട്ടും പിന്നെ ചിറ്റേ.... എന്നു നീട്ടിയൊരു വിളിയും..... ഹോ.... സന്തോഷംകൊണ്ടു എന്ത് ചെയ്യണന്ന് അറിഞ്ഞൂടാ..... ന്റെ കാന്താരികൾ വന്നോ.... എന്നു കണ്ടതാ..... രണ്ടുപേരേം നെഞ്ചോട്‌ചേർത്ത് നിൽക്കുമ്പോൾ ചേച്ചീടെ വക ബോംബ്.......
ടി കഴുതെ.... നീ ഇങ്ങനാണോ അവരെ മുന്നിൽച്ചെന്ന് നിൽക്കുന്നെ..... പോയ്‌ ഒരുങ്ങി വാ.... മക്കളെ പിന്നെ കളിപ്പിക്കാം ഇപ്പോഴും കൊച്ചു കുട്ടിയന്നാ ഭാവം😡
😏😏😏😏😏ഈ ബാധ.... കുട്ടികളേം കളിപ്പിക്കാൻ സമ്മതിക്കില്ല..... 😠😠😠 ഉള്ളിലുള്ള ഈർഷ മുഴുവൻ കാണിക്കും വിധം വാതിൽ കൊട്ടി അടച്ചു.... ഒരുങ്ങേ.... എങ്ങിനെ.... എന്തിന്.... ഉള്ളതിൽ ഞാനിട്ടാൽ കൊള്ളാത്ത ഒരു ചുരിദാർ എടുത്തിട്ടു.... ചെറിയൊരു പൊട്ടും മുടി വിരിച്ചിട്ടു..... കണ്ണാടിനോക്കി സ്വയം പറഞ്ഞു ഇത് മതി പൊന്നും കുടത്തിനെന്തിനാ പൊട്ട്..... 😉
അമ്മുവേ.... നീ എങ്ങിറങ്ങുന്നുണ്ടോ.....  അവരൊക്കെ വന്നൂട്ടോ...
അമ്മായിയോ......😦 ഇതിപ്പോൾ ലാൻഡ് ചെയ്താവോ.....😓 പുറത്ത് എന്നെ കണ്ട അവർ പരസ്പരം നോക്കി കണ്ണിറുക്കി.... ഇപ്പോൾ എന്തായിന്ന ഭാവത്തിൽ..... കയ്യിൽ കരുതിയ മുല്ലപ്പൂ ന്റെ മുടിയിൽ വച്ചിട്ട്... ഞാൻ തൊട്ട് ചെറിയ പൊട്ടുമാറ്റി.... ആ സ്ഥാനത്ത് കല്ലിന്റെ തിളങ്ങുന്ന പൊട്ട് വച്ചു ഇട്ടിരുന്ന ചുരിദാർ മാറ്റി പകരം വിഷുവിന് എടുത്ത പുത്തൻ ദാവണി..... കയ്യിലും കഴുത്തിലും വളകളും മാലകളും..... എല്ലാം അമ്മയുടേതാ.... ഇതെന്തിനാ പെണ്ണ് കാണാൻ വരുമ്പോൾ ഇത്ര ഒരുക്കം... കണ്ടാൽ മണവാട്ടിയെപോലുണ്ട്. വീട് നിറയെ ബന്ധുക്കളും ഇതെന്താ ഇപ്പൊ കഥ 😳😳😳
അങ്ങനെ ഞാൻ.... ചെറുക്കന്റെ മുന്നിലേക്ക് ആനയിക്കപ്പെട്ടു..... പതിവ് പെണ്ണുകണലിൽ നിന്നും വിപരീതമായി ചായ പിടിച്ചതും പലഹാരം കൊണ്ടുകൊടുത്തതും ഒക്കെ ചേച്ചിയും അമ്മായിയും അനിയത്തിമാരും ഏറ്റെടുത്തു...... ഞാൻ അവിടെ അച്ഛൻന്റെ കസേരയുടെ പിന്നിൽ നിലയുറപ്പിച്ചു.....
പെണ്ണിനെ നല്ലോണം നോക്കിക്കോ അഖിലേ....പിന്നെ കണ്ടില്ലന്ന് പറയല്ലേ അയാടെ ഏട്ടത്തിടെ കമെന്റ്....
ഓഹ് നല്ലോണം നോക്കിക്കാണാൻ ഞാനെന്താ വല്ല ...... 😏😏😏 പൊന്തിവന്ന അമർഷം ഉള്ളിൽ ഒതുക്കി ഒരുചിരി ഫിറ്റ് ചെയ്ത് അങ്ങനെ നിന്നു..... ശോ.... ചെറുക്കനെ കാണണമല്ലോ.... ഒളികണ്ണിട്ട് നോക്കന്നെ..... പെരുകിട്ടി.... അഖിൽ..... 🙂 കുഴപ്പമില്ല.... ചിന്തിച്ചോണ്ട് നിക്കാലെ തൊട്ട് മുന്നിനൊരു ചോദ്യം
ആ കൈയൊന്ന് നീട്ടാവോ.......
😳😳😳😳😳😳 അയ്യോ.... ഇതെന്താ.....(തുടരും)

❤തേപ്പുകാരൻ ll Part

(ഓർമകളിൽ മുഴുകിനിന്ന ഞാൻ, പെട്ടന്ന് മുന്നിൽ നിന്നുകേട്ട "ആ കൈയൊന്ന് നീട്ടാവോ" എന്ന ചോദ്യത്തിൽ    പരിസരബോധം വീണ്ടെടുക്കുന്നു)_

*_കഥ ഇതുവരെ..... തുടർന്ന് വായിക്കൂ....._*

നോക്കുബോളതാ മുന്നിൽ ഒരു ആചാനബാഹു കയ്യിൽ  കനമുള്ള ഒരു സ്വർണവളയും കൊണ്ട് നിൽക്കുന്നു..... അന്തം വിട്ട് കുന്തം വിഴുങ്ങി നിന്നിരുന്ന എന്നോട് അയാൾ ഒന്നൂടെ ചേർന്ന് നിന്ന് ചെവിയിൽ പറഞ്ഞു.....

"ആ വായൊന്നടക്കു ഈച്ച കേറും".....
പെട്ടന്ന് ഞാൻ സമനില വീണ്ടെടുത്ത് ആ മുഖത്തേക്ക് നോക്കി....
(ഇപ്പോൾ മുഖം നന്നേ അടുത്ത് കാണാം..... വെളുത്തിട്ടാ..... കാണാൻ ഒരു ആനചന്തമൊക്കെ ഉണ്ട്..... കട്ടിമീശയെ പ്രണയിച്ചരുന്ന എനിക്ക് നല്ല വമ്പൻ അടികിട്ടി... അവനു പൊടിമീശയെ ഉള്ളു ....തലയിൽ മുടി അല്പം കുറവാണോ! ) ആഹ് ഇനി ആലോചിച്ചിട്ടെന്താ!!!!!!

അക്കീ.... നീ എന്താ നോക്കി നിൽക്കണേ.... ആ വളയങ് കുട്ടിടെ കയ്യിൽ ഇട്ടുകൊടുക്കു.... മുഹൂർത്തം കഴിയാണ്‌...... സംസാരിക്കാൻ പിന്നീട് അവസരം തരാം.... ഏട്ടത്തി പിന്നേം ഗോൾ അടിച്ചു.......

അമ്മൂട്ടി നീ എന്താ ഇങ്ങനെ നോക്കി നിൽക്കുന്നെ. ... ഇപ്പോൾ കല്യാണം വേണ്ടാന്ന് പറഞ്ഞിട്ട്ല??? ക്ഷണം കണ്ടിട്ട് ഇപ്പോൾ തന്നെ കൂടെ പോകുന്ന മട്ടുണ്ടല്ലോ..... ന്റെ ചേച്ചീടെ വക next ഗോൾ... പിന്നെ അവിടെ കേട്ടത് ഒരു കൂട്ടച്ചിരിയാ... ഞാൻ പിന്നേം ശശി...
ഹോ.... പെണ്ണുകാണൽ എന്നുവച്ചാൽ ഇത്ര ബോറൻ പരിവാടിയാണോ...???  ഞാൻ പിന്നേം ചിന്തിച്ചു കാടുകേറുന്നസമയം അയാൾ ന്റെ കൈ പിടിച്ച് വളയിട്ടു...... "മുഹൂർത്തം.... വള".... അന്നേരം ഒന്നെനിക്ക് മനസിലായി ഞാൻ പെട്ടു.... പെണ്ണുകാണൽ അല്ല നിശ്ചയമാ നടക്കുന്നെ.... വന്ന ആലോജനകളെല്ലാം മുടക്കിയ എനിക്ക് അച്ഛനും ചേച്ചിയും കൂടിതന്ന എട്ടിന്റെ പണി.... "നല്ല മിനുസമുള്ള കൈ ഇങ്ങേർക്ക് എന്താണാവോ പണി???? ഇനി പണിയൊന്നുമില്ലേ???? കൈ തോട്ടിട്ട് വല്യ പണിയൊന്നും എടുക്കുന്ന ലക്ഷണമില്ല.... ആഹ് എന്തായാലും പെട്ടു... ഇനി എന്ത് വന്നാലും അനുഭവിക്കന്നെ"

അങ്ങനെ രംഗം 1കഴിഞ്ഞു..... ഇനി രംഗം2 പയ്യനും പെണ്ണും ഒറ്റക്ക് സംസാരിക്കുവാട്ടോ ....

മുറ്റത്തെ പുളിമരത്തിന്റെ തണലിൽ കക്ഷി ആദ്യമേ നിലയുറപ്പിച്ചു.... ഞാൻ ചെന്ന് നിന്നതൊന്നും പുള്ളി അറിഞ്ഞമട്ടില്ല..... ശോ..... ഇനി എങ്ങനെ ഇയാളെ ഒന്ന്‌ തിരിക്കും.... പുള്ളി പുളിയിലയുടെ കണക്കെടുക്കുന്ന തിരക്കിലാണെന്നാ തോന്നുന്നെ..... ഞാൻ അതും ഓർത്ത് നിൽക്കുമ്പോഴേക്കും അങ്ങേര് തിരിഞ്ഞുനോക്കി.... കൂടെ ഒരു ചോദ്യവും
"യ്യ്‌ സ്വപ്നജീവിയാണോ? എത്താ ഇങ്ങനെ ആലോയ്ച്ചുകൂട്ടാൻ?"

അയ്യേ...... ഇതെന്ത് ഭാഷ.... !!!!

ധാ പിന്നേം ആലോയ്ക്കണ്... ബല്ലാത്ത ജാത്യാ ഇജ്ജ്..

ന്റെ മുരുകാ..... ഞാൻ ഇത് ഏത് ഗ്രഹത്തിലാ...? ഇതെന്ത് ഭാഷ....                

എത്താ അന്റെ പേര് അമ്മു ന്നാ!!!!അമ്മുന്നു പെരേല് വിളിക്കണതാ????

അതുകൂടി കേട്ടപ്പോ ന്റെ ഉള്ള കിളി കൂടി പറന്ന് പോയ്‌.... എന്റെ നിൽപ്പും മതിരീം കണ്ടിട്ടാവണം പിന്നെ പുള്ളി കൂടുതലൊന്നും ചോദിക്കാൻ നിന്നില്ല..... അങ്ങനെ ആ രംഗത്തിനുംതിരശീല വീണു..... അഖിലിന്റെ വീട്ടുകാർ സംസാരിച്ചപ്പോഴും  ഭക്ഷണം കഴിക്കാൻ ഇരുന്നപ്പോഴും ഞാൻ മൗനത്തെ കൂട്ടുപിടിച്ചു്..... അവരെ ഇഷ്ടപ്പെടാഞ്ഞിട്ടല്ലാട്ടോ.... പറയണതൊന്നും മനസിലാവാഞ്ഞിട്ടാ. യാത്ര പറയാൻനേരം എന്റെ നമ്പർ സേവ് ചെയ്യുന്നതിനിടെ പുള്ളിടെ അടുത്ത ചോദ്യം
"അണക്കെന്തേ ന്നെ പിടിച്ചിലെ..... അതോണ്ടാ ജ്ജ് മിണ്ടാത്തെ... "
ഇപ്രാവശ്യം എന്റെ കണ്ണ് ചാടി നിലത്തു വീഴുമെന്ന അവസ്ഥയായി... ഞാൻ അങ്ങാനൊന്നുമില്ലന്ന അർഥത്തിൽ തലചലിപ്പിച്ചു ചുണ്ടിലൊരു പുഞ്ചിരിയും ഫിറ്റ് ചെയ്‌ത് അവരെ യാത്രയാക്കി.... കാർ കണ്ണിൽനിന്നും മാഞ്ഞപ്പോൾ ഞാൻ റൂമിൽകേറി ഡ്രസ് പോലും മാറാതെ കട്ടിലിലേക്ക് വീണു.... (തുടരും)

❤തേപ്പുകാരൻ lll part

എത്ര നേരം അങ്ങിനെ കിടന്നുന്ന്അറിയില്ല..... പുറത്ത് എന്തോ ഭാരം കയറ്റി വച്ചപോലെ ഒരു ഫീൽ... സാധാരണ മുല്ലപ്പൂ വച്ചാൽ ഭാരം തലക്കാ തോന്നാറ്.... ഇന്നെന്താ നടുവിന്.... ഹമ്മ... ഇന്നെല്ലാം എനിക്ക് തലത്തിരിവണല്ലോ.... പെട്ടന്ന് തലക്കൊരു അടികിട്ടിയപോലെ...... തോന്നാലാണോ.... കയ്യിലൊന്നു നുള്ളിനോക്കി...
ഹൗവ്വ്..... അയ്യോ സ്വപ്നമല്ല.... കമഴ്ന്ന് കിടക്കുന്നകാരണം പുറത്തെ ഭാരം എന്താണെന്ന് അറിയാനും ഒക്കുന്നില്ലല്ലോ... ദൈവമേ ഇനി ഈ ഇടിത്തീ എന്നുപറയണത് ഇതാണോ ?പെട്ടന്നാ അശരീരി പോലെ ആ സ്വരം കാതുകളിൽ വന്നലച്ചത്.....
"ഇറ്റെ....  ഇറ്റെടെ പൊത്ത് ഞാം ഇച്ചേനട്ടാ"
ആഹ് ഇത് ഇടിത് ഇടിതതീയല്ല... അതിലും വലിയതാ....... ഇണക്കാനും പിണക്കാനും കൊള്ളില്ല.. ചേച്ചീന്റെ ഇളയ സന്താനം!
ആഹാ... ഇറ്റെന്റെ കുട്ടി ഒന്നിറങ്ങുവോ.... ഇറ്റ ഒരൂട്ടം തരാ....
ന്റാ.... താ.... ഞാം ഇങ്ങി......
ന്തിനെ വാവ ഇറ്റെനെ തല്ലീത്.....
ഞാ പൂ പരിച്ചതാ ഇറ്റേടെ തലേമെന്ന്
ആഹാ.... മിടുക്കി.....
നീ ഇവിടെ എന്നാ എടുക്കുവാ അമ്മുവേ..... അച്ഛ തിരക്കി നിന്നെ..... അപ്പർത്തേക്ക് ചെല്ലു..... വാവേ ഇവിടെവാ.... കുഞ്ഞുചേച്ചി അപ്പം തിന്നാണ് അടുക്കളേൽ... മോന് വേണ്ട.....
അപ്പംമന്ന് മുഴുവൻ കേട്ടില്ല.... കുട്ടി കാന്താരി അപ്രത്യക്ഷമായി......
ചേച്ചി എപ്പോഴും അങ്ങനെതന്നെ... ഒന്നും മുഴുവുപ്പിക്കാൻ സമ്മതിക്കില്ല..... മനസിൽ തോന്നിയ തെറിയും വിളിച്ച് റൂമിൽ കേറി കെട്ടിച്ചമയങ്ങളെല്ലാം അഴിച്ചുമാറ്റി ചെറിയൊരു കുളിയും പാസാക്കി അച്ഛന്റെടുക്കലേക്ക്ചെന്നു......
ആഹാ അണിയറയിലും ആരങ്ങത്തും പ്രവർത്തിച്ചവർ ഒക്കെ ഉണ്ടല്ലോ.... ഇനിയെന്താണാവോ? അല്ല ആരാ ഇതിന്റെയൊക്കെ സൂത്രധാരൻ..... വന്നവരൊക്കെ എവിടുന്നവന്നു എന്നെങ്കിലും പറയുമോ.... അതോ.......

അമ്മുവേ..... ന്റെ കുട്ടിയൊന്ന് അടങ്.... അച്ഛ പറയട്ടെ..... വിരുന്ന് കഴിക്കണമെന്നൊന്നും വിചാരിച്ചില്ല.... ഇന്നലെ രാത്രിവരെ.... നിനക്ക് അച്ഛേടൊപ്പം ദുബായിൽ ഉണ്ടായിരുന്ന മോഹനേട്ടനെ അറിയില്ലേ? അവന്റെ ഇളയ മോൻ ആ.... മോഹനൻ ഒന്നുരണ്ടുവട്ടം ഇവിടെ വന്നിട്ടുണ്ടല്ലോ.... നിന്നെ കണ്ടിട്ടുമുണ്ട്.... ആവനാ പറഞ്ഞേ ഒന്നുരണ്ടുവട്ടം വരവും പോക്കും വേണ്ട രണ്ടുംകൂടി ഒന്നിച്ചാക്കാമെന്ന്..... അവർ അത്ര ദൂരെന്ന് ഒന്നുരണ്ടുവട്ടം വരണ്ടെ....
എത്ര ദൂരെന്ന്.... അവർ എവിടുത്ത് കാരാ? മ്മ.... ഞാൻ വിചാരിച്ചപോലെതന്നെ... ഏതോ കാട്ടീന്നാ...
മലപ്പുറം ജില്ലയിൽ നിലമ്പൂർ.....
മലപ്പുറമോ.... അത് ..... അത്ര ദൂരെ..... അച്ഛേ... ഒന്നൂടെ ആലോചിച്ചിട്ട്.......
അമ്മൂ.... നിർത്തിക്കൊ... നീ ഉടക്കുമെന്ന് അറിയാവുന്നുണ്ടാ ഞാൻ അവൻ അങ്ങിനെ പറഞ്ഞപ്പോൾ സമ്മതിച്ചത്.... ഇനി ഒന്നും പറയണ്ട.. കേറിപ്പോ നീ... നല്ല പയ്യനാ... തപസ്സിരുന്നാൽ കിട്ടില്ല... ഒരു കെട്ടസ്വഭാവോം ഇല്ല.....
രംഗം അങ്ങു മൂത്ത് നിൽക്കണ സമയത്താ കുഞ്ഞു(ചേച്ചീന്റെ മൂത്തകുട്ടി) എന്റെ ഫോണുമായി രംഗപ്രവേശം ചെയ്തത്...
"ചിറ്റേടെ ഫോണ് എത്രനേരംകൊണ്ട് ബെല്ലടിക്കണ്... ഒന്നും കേട്ട്കൂടെ...." കൊച്ചാണെലും മുഖത്തെ ഭാവം കണ്ടാൽ ഞാൻ അവളുടെ എന്തോ കട്ടെടുത്തപോലെ
ഇവിടെത്താ.....
നോക്കുമ്പോൾ നമ്മുടെ അന്യഗ്രഹജീവിയാ അഖിൽ.... ആ കോൾ കണ്ടപ്പോൾ എന്തോ.... നമ്മുടെ നസ്രിയ പറഞ്ഞപോലെ... അടിവയറ്റിൽ മഞ്ഞുവീണ പോലെ.... കോൾ റിസീവ് ചെയ്‌ത് ചെവിയോട്‌ചേർത്തു.....

ഇജ്ജോടെ.... എത്ര നേരംകൊണ്ട ബിളിക്കണ് എത്താ അണക്കാടെ പണി....

സംസാരം കേട്ടപ്പോൾ അടിവയറ്റിലെ മഞ്ഞോക്കെ ഉരുകിപ്പോയി....
ഞാൻ.... അച്ഛ.... അവിടെ... കല്യാണം....

എത്താ... ഈ പേറേണ്.... അനക്ക് ബിക്കൊണ്ടാ...

അതേയ്... മാഷേ... വിക്കും വിലക്കും ഒന്നുമില്ല.... നിങ്ങടെ ഭാഷ തന്നെയാ പ്രശ്നം.... അത് കേൾക്കുമ്പോൾ എന്തോ . ഇതുവരെ ഞാൻ കേൾക്കാത്ത സ്ലാങ് ആ.... പിന്നെ ഒന്നും മനസിലാവുന്നുമില്ല..... അല്ലാതെ.... ഹാവ്... പറയാനുളത്തൊക്കെ ഒറ്റശ്വാസത്തിൽ പറഞ്ഞുതീർത്തപ്പോ എന്ത് സമാധാനം....
ഹ ഹഹ... അണക്കെന്റെ വർത്താനം പുടികിട്ടാഞ്ഞിട്ടാ ഇജ്ജ് അങ്ങനെ നിന്നാ?
മ്മമ്.........
ഞങ്ങള് മലപ്പർത്താര് ഇങ്ങനാവർത്താനം പറയ്യാ
ആഹ് ഇതിത്തിരി കടുപ്പമാട്ടോ......
സാരല്ല്യ... ഇജ്ജ് ആദ്യായിട്ട് കേൾക്കല്ലേ കൊറച്ച് കയിഞ്ഞാ ശെരിയായ്ക്കോളും
മ്മമ്........
ന്നിട്ട് പറ ന്താ വർത്താനം
ഒന്നുല്ല.... അങ്ങനെ പോണു.....
പിന്നെ എപ്പോഴാ അവിടെത്തിയെ?
ദാ വണ്ടീന്ന് ഇപ്പൊ എറങ്ങിയേ ഒള്ളു
മ്മമ്......
വണ്ടീന്ന് അന്നെ വിളിച്ചാൽ എല്ലാംകൂടി ന്നെ മക്കാറക്കും.... ബല്ലാത്ത ആൾക്കാരാ, വളയിടാൻ നിന്നപ്പോ ഉണ്ടാക്കിയ പുകില് ജ്ജ് കേട്ടതല്ലേ?
ആഹ്..... ഏട്ടത്തി നല്ല കമ്പനിയാല്ലേ.... ഒത്തിരി ഇഷ്ടായി.... പിന്നെ ആ ബാർബി ഡോൾ പോലുള്ള കുട്ടിയേം....(പുള്ളിന്റെ ഏട്ടന്റെ കുട്ടിയാണ് പേര് മായ... 1വയസ്സ് കഴിഞ്ഞതെയുള്ളൂ..)
അനക്ക് കുട്ടിനെ ഇഷ്ട്ടയുള്ളു.. മ്മളെ ഇഷ്ട്ടായില്ലേ
മ്മമ്.......
മ്മക്ക് അന്നെ പെരുത്തിഷ്ട്ടായിക്ക്‌ണ്‌ ട്ടോ അമ്മുട്ടി(കുറച്ച് തമാശ പോലെ പുള്ളി അത് പറഞ്ഞപ്പോ ഞാനും വിട്ടുകൊടുത്തില്ല... അവരുടെ സ്ലാങ്ങിൽ ഞാനും കൊടുത്തു മറുപടി.. അങ്ങനെ തോറ്റുകൊടുക്കാൻ ഒക്കുവോ)
ഇക്കും....... (മറുഭാഗത്തുന്ന് ചെറിയൊരു ചിരിയുടെ അല കാതിൽ വീണു)
ആഹാ അടിച്ചല്ലോ ലോട്ടറി, ന്നാപ്പിന്നെ കാര്യങ്ങളൊക്കെ വേഗം നോക്കാൻ വീട്ടരോടു പറയാം ല്ലേ
ആഹ്......
നിന്നേം തെരഞ്ഞു ഇത്രകാലം നടന്നുലെ, ഞ്ഞു കാത്തിക്കാൻ വയ്യ
എന്നെയോ.... അതെപ്പോ?? ഞാനറിഞ്ഞില്ലല്ലോ!
ഈന്റെ മറുപടി ഞാൻ കെട്ടിന്റന്ന് തരാട്ടോ.....
മ്മമ്.....
ഇന്റെ കുട്ടിപോയ്‌ അവിടെ വല്ലോം വച്ചുണ്ടാക്കി തിന്നിരിക്ക്‌.....
ന്നാ ഞാൻ പോയിട്ടൊ... മിസ്സ് യൂ....
(പിന്നീട് അങ്ങോട്ടുള്ള ദിവസങ്ങൾ വളരെപ്പെട്ടെന്ന് കടന്നുപോയി...... അവനിലൂടെ തുടങ്ങുന്ന ദിനരാത്രങ്ങൾ.... fb... whats app ഒക്കെ നോക്കാൻതന്നെ മറന്നു.... എന്തിനേറെ പറയുന്നു അച്ഛയേ ലോകം എന്നുപറഞ്ഞ് അച്ഛേടെ പിറകേ നടന്ന ഞാനിപ്പോൾ അഖിലെന്ന അക്കീന്റെ പിറകെ ആയി നടത്തം..... പ്രണയം.... അതൊരു അനുഭവംതന്നെയാ.... മാസങ്ങൾ കളർഫുൾ ആയി കടന്നുപോയി.... അങ്ങനെ ആ ദിവസം വന്നെത്തി.... നാളെ ഞങ്ങടെ കല്യാണമാട്ടോ കൂട്ടുകാരെ.....)
അങ്ങനെ കൊച്ചിക്കാരി മലബാറിന്റെ മരുമകളാവുന്നു.....
(തുടരും)

❤തേപ്പുകാരൻ part IV

നാളെ എന്റെ കല്യാണം...... ഞാൻ പുതിയൊരു വീട്ടിലേക്ക്... പുതിയൊരു ചുറ്റുപാടിലേക്ക്..... പുതിയ ജീവിത സാഹചര്യത്തിലേക്ക്.... പറിച്ചുനടപ്പെടുന്നു....എന്തുകൊണ്ടോ എല്ലാ പെൺകുട്ടികളെയും പോലെ എനിക്ക് പേടിയോ പരിഭ്രമമോ ഒന്നും ഉണ്ടായിരുന്നില്ല..... കാരണം ചുരുങ്ങിയനാളോണ്ട് അക്കീന്റെ വീട്ടുകാരോട് നല്ലരീതിയിൽ ഒരു അടുപ്പം ഞാൻ ഉണ്ടാക്കിയെടുത്തിരുന്നു.... ഏട്ടൻ ഗൾഫിൽ ആയിരുന്നത്കൊണ്ട് ചേച്ചി വീട്ടിൽ വന്നുനിൽക്കും.... അച്ഛ ഒറ്റക്കാവുമെന്ന പ്രശ്‌നത്തിന് അങ്ങനെ പരിഹാരമായിരുന്നു..... അമ്മയുടെ ആഭരണം മിനുക്കി എടുത്തതും പിന്നെ ചേചിതന്നതും ഒക്കെയായി സ്വർണവും ഒരുക്കി..... അക്കീന്റെ വീട്ടുകാർ സ്വർണമോ പണമോ ആവശ്യപ്പെട്ടിരുന്നില്ല.. പിന്നെ ഒരു പ്രശ്നം കല്യാണചിലവുകൾ ആയിരുന്നു..... അച്ഛ ഗൾഫിൽ ആയിരുന്നേലും പറയത്തക്ക സമ്പാദ്യമൊന്നും ഉണ്ടായിരുന്നില്ല.... ചേച്ചിയുടെ കല്യാണത്തോടുകൂടി അച്ഛന്റെ കീശ കാലിയായിരുന്നു.... അതിനൊരു പരിഹാരവുമായി വന്നത് എന്റെ കൂട്ടുകാർ ആയിരുന്നു.... ആണ്മക്കളില്ലാത്ത അച്ഛയ്ക്ക് അവർ തുണയായി നിന്നു.... പന്തലുപണി മുതൽ കലവറയിലെ മേൽ്നോട്ടംവരെ ഓരോ കാര്യങ്ങളും അവർ സ്വയം ഏറ്റെടുത്തുനടത്തി...... ചിലപ്പോഴൊക്കെ രക്തബന്ധങ്ങളേക്കാൾ നമുക്ക് ഉപകാരപ്പെടുന്നത് സ്നേഹബന്ധങ്ങളാകും എന്നുപറയുന്നത് എന്റെ കാര്യത്തിൽ സത്യമാണ്..... ഇങ്ങനെ ഓരോന്ന് ചിന്തിച്ചിരുന്ന എന്നെ ഓർമയിൽനിന്നും ഉണർത്തീത് മൊബൈൽ റിങ് ആണ്.... ഡിസ്‌പ്ലേ നോക്കിപ്പോൾ അക്കിയാ വിളിക്കണെ... റിസീവ് ബട്ടൻ ഞെക്കി ഫോണും ചെവിയോടുചേർത്ത് ഞാൻ ടെറസ്സിലേക്കുള്ള പടികൾ ഓരോന്നായി കയറി.....
എത്താ പാഡ് അമുവേ......
ഇവിടെന്താ അക്കീ....  നാളെ നീവന്ന് താലികെട്ടി കൂടെ കൂട്ടേണ്ട കലാപരിപാടിയുംകൂടെയെ ബാക്കിയുള്ളൂ.... വേറൊക്കെ ഒക്കെ.......
ഹി ഹി ഹി..... എത്താ മോളെ അണക്കിത്ര സന്തോഷം
ഡോ പൊട്ടാ.... അന്റെ കൂടെ ജീവിക്കാൻ പൂതികൂടിക്കണ്
ആഹാ... പെണ്ണ് ഉസാറായിക്കണല്ലോ.... ഇപ്പ ഇജ്ജ് മ്മടെ മലബാറിപ്പെണ്ണായില്ലോ..
എത്താ ഈ അങ്ങനെ പറഞ്ഞെ അക്കീ....
അല്ല അന്റെ വർത്താനം കേട്ട് പറഞ്ഞതാ....
ഓഹ് അങ്ങനെ..... എന്തായി അവിടുത്തെ ഒരുക്കങ്ങൾ...
അവിടുത്തപ്പോലെ ഇവിടേം.... ഹിഹിഹി... ഒരു മാറ്റം.... ഇനി ഒന്നു കുളിച്ച് അങ്ങോടിക്ക് വണ്ടികേറേണ്ട താമസ്സേ ഉള്ളു പെണ്ണെ....
ആണോ.... എങ്കിൽ വേം വാ ചെക്കാ....
Diiiii ഇജ്ജ് വാങ്ങും ട്ടൊ.... ഈ രാത്രികൂടെ കഴിഞ്ഞാൽ ന്റെ നേജിലുറങ്ങേണ്ട പെണ്ണാ.... തമാസ പറയ്യ ഇയ്യ്‌.... പൊട്ടൻ.... ചെക്കൻ....... hmm
അതുകൊണ്ടാ.... വിളിക്കേണ്ടതൊക്കെ ഇന്നേ വിളിച്ച് ആശ തീർക്കണേ
അതെന്തേ നീ അങ്ങനെ പറേണ്
ഇന്നീരാത്രി കഴിഞ്ഞാൽ എന്റെ സ്ഥാനം മാറിയില്ലെ.... ഒരു ഭാര്യയ്ക്ക് ഭർത്താവിനെ അങ്ങനൊന്നും വിളിക്കാൻ ഒക്കില്ലല്ലോ.....
ആഹ് അത്താണ്.... അന്ത ഭയരിക്ട്ടും....
അയ്യ വന്നേക്കുന്നു ഒരാള്.... അതൊക്കെ ഇരിക്കട്ടെ അക്കീ ഞാൻ ഒരൂട്ടം ചോദിച്ചാൽ നീ എന്നെ കളിയാക്കുമോ.....?
എത്താടി......
ഈ ചോദ്യം ഇന്നത്തെ ദിവസം ചോദിക്കുന്ന ആദ്യത്തെ  പെണ്ണ് ചിലപ്പോൾ ഞാനാവും
നീ ചോദിക്ക്.... എന്നിട്ടല്ലേ കളിയാക്കലും കാര്യംപറച്ചിലും
അതേ.... അക്കീ......
എത്താ പെണ്ണേ... നിന്ന് കോഞ്ഞാണ്ട് കാര്യം പറ ഇയ്യ്‌...
നീ എന്താ ചെയ്യുന്നെ?
അതാണോ.... ഇത്ര കളിയാക്കാനുള്ള കാര്യം.... ഞാൻ ധാ നമ്മുടെ കട്ടിലേൽ കിടക്കുവാ
അയ്യ.... ഞാൻ അതല്ല ചോതിച്ചെ... നീ എന്ത് ജോലിയാണ് ചെയ്യുന്നെന്ന്......
ഹഹഹ..... ശരിയാ മോളെ.... ഈ ചോദ്യം ഇന്ന് ചോദിച്ച ഒരേ ഒരു പെണ്ണ് നീ തന്നെ.....
എന്താ അക്കീ ഇതിനിത്ര ചിരിക്കാൻ.... പെണ്ണുകാണാൻ വന്നപ്പോൾ ചോദിക്കാൻ പറ്റിയില്ലല്ലോ.... പക്ഷെ വളയിടാൻ എന്റെ കൈപിടിച്ചപ്പോൾ ആ കയ്യുടെ മിനുസമറിഞ്ഞപ്പോൾ മനസിൽ ആലോചിച്ചു എന്താവും നിന്റെ ജോലിയെന്ന്..... പിന്നെ പലപ്പോഴും വിളിച്ചപ്പോൾ ചോദിക്കാനും വിട്ടുപോയി
എത്താ ഇപ്പൊ ജോലി അറിഞ്ഞിട്ടു?
ചുമ്മ..... പറയ്
ഒരു പെണ്ണിനെ പട്ടിണിക്കിടാതെ നോക്കാൻ കയ്യുന്നൊരു പണിണ്ട്.... എത്താ അത്രേം അറിഞ്ഞാൽ പോരെ അനക്ക്....
പോ..... അതൊക്കെ എനിക്കറിയാം.... വേലേം കൂലിയും ഒന്നുമില്ലാത്തവനെ എനിക്കായി എന്റെ അച്ഛ കണ്ടെത്തില്ല...  ഒന്നു പറ അക്കി.... എന്താ ചെയ്യണത്......
പ്ലാസ്റ്ററിങ് ആ ചെയ്യണെ... അതാണ് എന്റെ പണി.... ഒരീസം 850 കൂലി കിട്ടും.... പറയത്തക്ക ദുശീലങ്ങൾ ഒന്നുമില്ല... അതോണ്ട് ചിലവും കുവാ... വീട്ടുകാര്യങ്ങൾ നോക്കണത് ഏട്ടൻ ആ.... പിന്നെ രണ്ട് മൂന്നു ചിട്ടിയുണ്ട്....  അന്നെ കൊണ്ടൊന്നാൽ പട്ടിണിക്കിടൂല്ല... പോരെ...
ഞാൻ അക്കീനോട് ജോലിയല്ലേ ചോതിച്ചെ... അതിനിത്ര നീളമുള്ള വിവരണം എന്തിനാ? ജോലി എന്നിട്ടും പറഞ്ഞില്ല... ഈ പ്ലാസ്റ്ററിങ്‌ എന്താ?
ഡി... ഈ വീടിന്റെയൊക്കെ പ്ലാസ്റ്ററിങ്‌ഇല്ലേ.... ചുമർ ഉണ്ടാക്കുന്നത് കണ്ടിട്ടില്ലേ.....
You mean തേപ്പ്?
Mean തെപ്പോന്നുമല്ല.... ചുമരാ തേക്കുന്നെ
ഹിഹിഹിഹി.... നീ തേപ്പുകാരനാ.....
അതേ... അതിനിപ്പ നീ ഇങ്ങനെ കിനിക്കണതെന്തിനാ?
തേപ്പുകാരൻ.... ഹിഹിഹിഹിഹി.... അപ്പോൾ എന്നേം തെച്ചിട്ടു പോകുമോ?????? മറുവശത്തൂന്ന് അനക്കമൊന്നുമില്ല......
അക്കീ.... അക്കീ.... ദേ... നീ പിണങ്ങിയോ... ഞാൻ ചുമ്മ പറഞ്ഞതാ.... അക്കീ please...... മിണ്ടൂ.... sorry..... ഞാൻ അറിയാതെ ചിരിച്ചതാ....
മ്മമ്....
അക്കീ.....
നിനക്ക് ഞാൻ ചേരില്ലാന്ന് തോന്നുന്നുണ്ടോ?
ഹേയ്.... നീ എന്താ അക്കീ അങ്ങനെ പറയണേ.... ഞാൻ ചുമ്മാ പറഞ്ഞതാ.... നീ  കാര്യമാക്കിയോ.... ഈ തേപ്പുകാരന്റെ നല്ലപാതിയായി ഒരു നൂറുകൊല്ലം ജീവിക്കാൻ ഈ അമ്മു എന്നേ ഒരുങ്ങിയിരിക്കുവാ.... ഒന്ന്‌ചിരിച്ചേ.... ന്റെ പൊന്നല്ലേ
നീ ഇവിടെ വാടി കാന്താരി.... അണക്ക്‌ ഞാൻ വച്ചിട്ടുണ്ട്.
പെട്ടന്നാ താഴെന്ന് ചേച്ചി വിളിച്ചത്...
അക്കീ... ചേച്ചി വിളിക്കുന്നു ഞാൻ എന്താന്ന് തിരക്കട്ടെ....എന്നിട്ട് വന്നിട്ട് വിളിക്കാട്ടോ...
വക്കണോ.... നീ ഫോൺ കട്ട് ആക്കണ്ട... കയ്യിൽ പിടിച്ചോ...
എന്നാൽ ഞാൻ ഓടിപ്പോയെച്ചുവരാവേ.... ഇവിടെത്തന്നെ നിന്നോ..
പറഞ്ഞു കഴിഞ്ഞ് തിരിഞ്ഞൊരു ഓട്ടമായിരുന്നു.. വേഗം പോയെച്ചുവന്നിട്ട് അക്കിനോട് സംസാരിക്കാനുള്ള തിടുക്കം എന്നെക്കൊണ്ടെത്തിച്ചത് മറ്റൊരിടത്തേക്കായിരുന്നു.... തലേന്ന് പെയ്ത മഴയിൽ വെള്ളംകെട്ടി പായലായി കിടന്നിരുന്ന സ്റ്റപ്പിൽ തെന്നി ഞാൻ വീണത് താഴെ കൂട്ടിയിട്ട കരിങ്കല്ലിന് മേളിലായിരുന്നു... തലക്കുപിൻഭാഗം പാറയിൽ ശക്തിയായി അടിച്ചാണ് വീണത്.... ബോധം മറയുമ്പോൾ എന്റെ അടുക്കലേക്ക് ഓടിയടുക്കുന്ന കാൽപ്പദനത്തേക്കാൾ ഉറച്ച് ഞാൻ കേട്ടത് എന്റെ തേപ്പുകാരന്റെ അമ്മൂട്ടി മോളെ എന്ന അലർച്ചയാണ്..... ആരൊക്കെയോ താങ്ങിടുത്ത് എന്നെ ഏതോ വണ്ടിയിലേക്ക് കയറ്റുകയാ.... പാതിബോധത്തിലും വിടാതെ നെഞ്ചോടുചേർത്ത മൊബൈൽ ആരൊക്കെയോ പിടിച്ചുവാങ്ങി... അപ്പോഴും അവ്യക്തമായി ഞാൻ പറഞ്ഞുകൊണ്ടിരുന്നു.... അക്കീ... പോവല്ലട്ടോ.... ഞാൻ ഇപ്പൊ വരാം..... (തുടരും)

❤തേപ്പുകാരൻ part V

പിന്നീട് ഓർമവരുമ്പോൾ ഞാൻ ഏതോ ഹോസ്പിറ്റൽ ബെഡിൽ ആ.... കാലുകൾ അനക്കാൻ വയ്യ.... തലയ്ക്ക് നല്ല ഭാരംതോന്നുന്നു..... മേലാസകാലം നുറുങ്ങുന്ന വേദന.... കണ്ണുകൾ തുറക്കാൻ ശ്രമിക്കുംതോറും വേദനയുടെ കാഠിന്യം കൂടിവരുന്നു..... പതിയെ ഇമവെട്ടിവെട്ടി ഞാൻ കണ്ണുകൾ മെല്ലെ തുറന്നു..... ചുറ്റുംനോക്കി.... ഞാൻ ഇതെവിടെ..... AC യുടെ നേരിയ തണുപ്പ് ശരീരത്തെ തൊട്ടുതലോടിക്കൊണ്ടിരിക്കുന്നു.... ഇതാണോ മണിയറ..... കല്യാണം..... ഇതെന്താ എനിക്ക് എണീക്കാൻ കഴിയത്തെ..... നൂറായിരം ചിന്തകൾ മനസ്സിലൂടെ കയറിയിറങ്ങിക്കൊണ്ടിരുന്നു..... ആകെ ഓർമയിൽ ഉള്ളത് അക്കീനോട് സംസാരിച്ചു ടെറസ്സിൽ നിന്നതാണ്.....
എത്താ അമ്മൂട്ടിയെ അന്റെ ആലോചന ഇതുവരേക്കും കഴിഞ്ഞില്ലേ...??
ഓർമയിൽ നിന്നും ഞെട്ടയെണീറ്റഞാൻ കണ്ടത് മുന്നിൽ ഒരു തെളിഞ്ഞ ചിരിയോടെ കയ്യിൽ ഒരു ഫ്ലാസ്‌ക്കുമായി നിൽക്കുന്ന അക്കീനെയാ........
അക്കീ.... ഞാൻ.... ഞാനിതെവിടെയാ? എനിക്ക് എന്താ പറ്റിയെ?
അയ്യോ..... ന്റെ കുട്ടി അടങ്ങിക്കിടക്കുറട്ടൊ... ഒന്നും പറ്റിയില്ലല്ലോ..... ഒരു ചെറിയ പനി... അത്രേയുള്ളൂ....
മേലാകെ വേദനിക്കുന്നു.... എണീക്കാൻ പറ്റണില്ലല്ലോ......
ഒന്നൂല്യ മുത്തേ...... അതും പറഞ്ഞ് അക്കിവന്നെന്റെ അരികിലിരുന്നു..... കയ്യിലിരുന്ന ഫ്ലാസ്കിൽനിന്നും പാൽ ഗ്ലാസിൽ ഒഴിച്ച് സ്പൂണിൽ കോരി പതിയെ ഊതിആറ്റി എന്റെ ചുണ്ടോടടുപ്പിച്ചു.....
അയ്യേ.... ഞാനെന്താ കൊച്ചുകുട്ടിയാ.... ഇങ്ങനെ കിടത്തി കോരിത്തരാൻ?
അതേല്ലോ.... ഇയ്യ്‌ പ്പോ ന്റെ കുട്ടിന്നെയാ....
അയ്യോടാ..... ഞാൻ എണീട്ടിരുന്നു കുടിച്ചോളാം ഇങ്ങുതാ.... പറഞ്ഞതും എണീറ്റതും ഒപ്പമായതോണ്ടു അക്കിക്കെന്നെ പിടിക്കാൻ പറ്റിയില്ല..... അയ്യോ... അമ്മെന്നുള്ള എന്റെ അലർച്ചകെട്ടാണ് ചേച്ചിയും അച്ഛനും റൂമിക്ക് വന്നത്.....
എന്താ മോനെ.... എന്താ പറ്റിയെ.... ന്റെ മോളേന്തിനാ കരയണേ?
ഒന്നൂല്യ അച്ഛേ..... ഓൾ ഒന്നെണീക്കാൻ നോക്കിതാ... പെട്ടെന്ന് ആയോണ്ട് യ്ക്ക് പിടിക്കാനും കഴിഞ്ഞില്ല.....
ഓഹ് ..... ന്തിനെ അമ്മു.... അടങ്ങിക്കിടന്നൂടെ നിനക്ക്.... ന്റെ മോളെ.... എത്ര നാളത്തെ പ്രാർത്ഥനയാന്നറിയോ നിന്നെ ഇങ്ങനെലും ഞങ്ങൾക്ക് മടക്കിക്കിട്ടിയെ.....
മ്മമ്..... എന്താ ഇവിടെ നടക്കുന്നെ? അന്ന് ആ ഫോൺവിളിക്ക് ശേഷം എന്തോ കാര്യമായി സംഭവിച്ചിട്ടുണ്ട്..... ഒന്നും ഓർമ കിട്ടുന്നില്ലല്ലോ..... എന്താവും.... നടുവിന്റെ വേദന അസ്ഥിതുളച്ചു കേറിയിട്ടും ഞാൻ ഓർമയിൽ മുഴുകി
ന്താ ഇവിടെ ഒരു ചർച്ച... എന്നെ കൂട്ടുമോ ചർച്ചയിൽ.... എന്നെ നോക്കുന്ന ഡോക്ടർ ആണെന്നുതോന്നുന്നു... ഞങ്ങക്കിടയിലേക്ക് കടന്നുവന്നു....
ആഹ്..... ഡോക്ടർ ഓഹ്... കൂടിക്കോളൂ....
എന്താ അക്കീ.... നിന്റെ അമ്മൂട്ടി കണ്ണുതുറന്നില്ലേ... സംസാരിച്ചില്ലേ.... സന്തോഷമായോ?
ഇതെന്താ കഥ.... ഒന്നും മനസിലാകാതെ ഞാൻ ആക്കിയേം ഡോക്ടറേം മാറി മാറി നോക്കി.....
നിറഞ്ഞ മിഴി ഉയർത്തി അക്കി നന്ദിപൂർവം ഡോക്ടറെ നോക്കുന്നു.....
Be cool  Mr Akhil..... Everything will be alright soon....
നന്ദിയുണ്ട് എല്ലാറ്റിനും.... അക്കിയും അച്ചയും ചേച്ചിയും ഒരുപോലെ ഡോക്ടർക്ക് നേരെ കൂപ്പുകൈകളോടെ നോക്കുന്നു.... എല്ലാകണ്ണുകളും ഈറനണിഞ്ഞിട്ടുണ്ട് .....
എണീറ്റ്‌നടക്കണേൽ കുറച്ച് താമസമുണ്ടാകും.... വീഴ്ചയിൽ സ്പൈനൽക്കോടിനേറ്റ അടിയിൽ അസ്ഥിക്ക് നേരിയ പൊട്ടലുണ്ട്‌..... സാവകാശം ശരിയാവും.....
അമ്മുക്കുട്ടി..... വീട്ടിൽ ചെന്നാലും ഇങ്ങനെ അനങ്ങാതെ കിടക്കണം.... മരുന്നെല്ലാം സമയത്തിന് കഴിക്കണം..... നമുക്ക് പുതുപെണ്ണായി അക്കീടെ വീട്ടിലേക്ക് പോവണ്ടേ?...
ഹേ.... അപ്പൊ കല്യാണം കഴിഞ്ഞില്ലേ....? ഞാൻ പിന്നെയുംചിന്തകളുടെ കൂടുംപിടിച്ചു കാടുകയറി....അച്ഛയും ചേച്ചിയും ഡോക്ടറുടെ കൂടെ പുറത്തേക്കുപോയി....
അമ്മുവേ... നീ ഇങ്ങനെ സ്‌ട്രൈൻ ചെയ്യല്ലേ... തലക്ക് ഓപ്പറേഷൻ കഴിഞ്ഞതാ rest വേണം നല്ലോണം.... ഞാൻ പറയാം നടന്നതൊക്കെ... ഇപ്പോളല്ല പിന്നെ.... മോളിപ്പോൾ ഒന്നും ആലോചിക്കേണ്ട... ഈ പാൽ കുടിക്ക്.... ഞാൻ അക്കിയുടെ മുഖത്തേക്ക്‌നോക്കി... ആഴ്ചകളുടെ വളർച്ചയെത്തിയ താടിരോമങ്ങൾ.... മുടി അലസമായി നെറ്റിയിലേക്ക് വീണുകുടക്കുന്നു.... അവയ്ക്കുമുണ്ട് വളർച്ച... ഉറക്കക്ഷീണം കൊണ്ടോ എന്തോ കണ്ണുകൾക്കുചുറ്റും കരുപ്പുരാശി പടർന്നിരുന്നു... ക്ഷീണിച്ച ശരീരം.... ആകെ കണ്ടാൽ വിഷമം തോന്നുന്നു.... പിന്നെ ഒന്നും ആലോജിക്കാൻ നിന്നില്ല...അനുസരണയുള്ള കുഞ്ഞായി അക്കി തന്ന പാൽ മുഴുവനും ഞാൻ കുടിച്ചു.... സമ്മാനമായി എനിക്കൊരു മുത്തവും കിട്ടി നെറ്റിയിൽ.... എനിക്ക് കിട്ടിയ ആദ്യ ചുബനം.... അതിന്റ നിർവൃതിയിൽ എന്റെ വേദനകളൊക്കെ അലിഞ്ഞില്ലാതെയായി..... പിന്നെ ഒരാഴ്ച കൂടി ഞാൻ ആ ആശുപത്രിയിൽ കഴിച്ചുകൂട്ടി... അതിനിടയിൽ അക്കി പറഞ്ഞുതന്നു.... എന്റെ വീഴ്ചയും... അതിനുശേഷം ഉണ്ടായ സംഭവങ്ങളും..... തലക്കും നട്ടെല്ലിനും രണ്ടു മേജർ സർജറി... കൂടാതെ 1 സർജെറി കൂടി.... നീണ്ടുചുരുണ്ട് ഇടതൂർന്ന എന്റെ ചെമ്പൻ മുടി ഒരു കരുനായില്ലാതെ വടിച്ചു മാറ്റപ്പെട്ടിരുന്നു.... കൂടാതെ തുള്ളിക്കളിച്ചുനടന്നിരുന്ന എന്റെ പാദങ്ങൾ കുറച്ചുകാലത്തേക്കെങ്കിലും നിശ്ചലമായി..... അതിലോക്കയും എന്നെ ആശ്ചര്യപ്പെടുത്തിയത് രണ്ടു മാസത്തോളമായി ഞാൻ ആ ആശുപത്രിയിൽ കിടക്കാൻ തുടങ്ങിട്ടെന്നതാണ്....കൂട്ടുകാരും വീട്ടുകാരുമായി ഒരുപാടുപേർ എന്നെ കാണാൻ വന്നെങ്കിലും അക്കിയുടെ അമ്മയെയോ യേടത്തിയെയോ ഒരിക്കൽപ്പോലും കണ്ടില്ലല്ലോ എന്ന സങ്കടം ഞാൻ മറന്നത് ഊണും ഉറക്കവും വെടിഞ്ഞ് എന്നെ ശുസ്രൂശിക്കുന്ന അക്കിയേകണ്ടാണ്.... അങ്ങിനെ വീടെത്തി.... എന്റെ മുറിയിൽ എന്നോട്‌ചേർന്നിരുന്ന് അക്കീ എന്നോട് യാത്രപറയുകയാ.......
അമ്മൂ... നിന്നെ ഒറ്റയ്ക്കാക്കി പോവാൻ മനസ്സുണ്ടായിട്ടല്ല മുത്തേ.... പോണം.... പോവാതിരുന്നാൽ ശരിയാവില്ല.... പാറ്റുമ്പോളൊക്കെ ഞാൻ ഓടിവരാട്ടോ.... വിഷമിക്കരുത്... മരുന്നൊക്കെ സമയത്തിന് കഴിക്കണം....
ഒരു പുഞ്ചിരിയിലൂടെ എല്ലാത്തിനും സമ്മതമറിയിച്ചു....
അങ്ങനെ അക്കി പോയി.... പിന്നേയും ആഴ്ചകളും മാസങ്ങളും കടന്നുപോയി.... കൂട്ടുകാരും അച്ചയും അക്കിയും എല്ലാവരും തന്ന ആത്മധൈര്യത്തിൽ ഞാൻ പതുക്കെ പതുക്കെ നടക്കാൻ തുടങ്ങിയിരുന്നു..... വാടിച്ചുകളഞ്ഞ മുടി തോളൊപ്പം വളർന്നു.... ശരീരത്തിന്റെ ക്ഷീണമൊക്കെ മാറി.... പതുക്കെ ഞാൻ പഴയ ജീവിതത്തിലേക്ക് കടന്നു... അങ്ങനെയിരിക്കെ ഒരു ദിവസം അക്കീന്റെ വീട്ടുകാർ എന്റെ വീട്ടിലേക്ക് വന്നു..... അവരുടെ വരവിൽ ഞാൻ വളരെയധികം സന്തോഷിച്ചു..... ഇനി അധികം താമസമില്ലാതെ എനിക്ക് അക്കീന്റെ വീട്ടിൽ അക്കീന്റെ പെണ്ണായി കഴിയാമല്ലോ.... പക്ഷെ ആ സന്തോഷത്തിന് ആയുസ്സ്‌കുറവായിരുന്നു..... അവരുടെ വരവ്‌ ഞാൻ കരുതിയപോലെ കല്യാണത്തിന് നാള്കുറിക്കാൻ അല്ലായിരുന്നു മറിച്ച് ആ കല്യാണത്തിൽ അവർക്കിനി താത്പര്യമില്ലാന്ന് അറിയിക്കാനായിരുന്നു..... അവർ വന്നുപോയ ഉടനെ ...ഞാൻ ഫോണെടുത്ത് അക്കീടെ നമ്പർ ഡയൽചെയ്തു.... റിങ് ചെയ്യുന്നതല്ലാതെ call എടുക്കുന്നില്ല.... എന്താ എടുക്കത്തെയാവോ... ഇതൂടെ കൂട്ടി എത്ര തവണ വിളിച്ചു ഞാൻ... എന്നിട്ടും അവൻ.... ഇനി അക്കിയും അറിഞ്ഞിട്ടാവുമോ അവർ ഇവിടെ വന്നത്...... ഓരോന്നോർത്തിരിക്കവേ എന്റെ ശരീരത്തെ ഒരു തണുപ്പ്‌ വന്ന് പൊതിഞ്ഞു.... പതിയെപ്പതിയെ ബോധം മറഞ്ഞു ഞാൻ കട്ടിലിലേക്ക് മറിഞ്ഞുവീണു..... (തുടരും)

❤തേപ്പുകാരൻ (അവസാനഭാഗം) Part VI

ഇപ്പോൾ ഞാനൊരു യാത്രയിലാ..... തൃശൂർ വടക്കുംനാഥന്റെ നടയിലേക്ക്......
Da.... ഇനി എത്ര ദൂരമുണ്ട്....
ബ്ലോക്ക് ഒന്നുമില്ലേൽ ഒരു മണിക്കൂറിൽ നമ്മൾ എത്തും.... ആഹ് പിന്നെ നിന്നെ അവിടെ ഇറക്കീട്ട് ഞാൻ പോവുട്ടോ... എനിക്ക് പ്രോഗ്രാമുണ്ട്......
ഓക്കെ da..... (കാറിന്റെ സീറ്റ് ബാക്കോട്ട് അല്പ്പം താഴ്ത്തി ഞാൻ അതിലേക്ക് ചാരി കണ്ണുകൾ അടച്ചു) ഓർമ്മകൾ തിരമാലകണക്കെ മനസ്സിൽ അലയടിച്ചു..... മറക്കാൻശ്രമിച്ചിട്ടും കരയെ തഴുകുന്ന തിരപോലെ ആ ഓർമകൾ  വന്നും പോയും ഇരുന്നു.... അന്ന് അക്കിയെ വിളിച്ചിട്ട് കിട്ടാതായപ്പോൾ BP കുറഞ് ബോധമില്ലാതെ കിടന്ന എന്നെ അച്ഛനും ജെറിയും കൂടി ഹോസ്പിറ്റലിൽ കൊണ്ടുപോയി.... ഒരു ഇൻജക്ഷൻ എടുത്തപ്പോൾ എല്ലാം നോർമൽ ആയെങ്കിലും ആക്‌സിഡന്റിൽനിന്നും റികവർ ആയി വരുന്നതല്ലേ ഉള്ളുന്നും പറഞ്ഞ് രണ്ടുമണിക്കൂർ ഒബ്സർവഷനിൽ കിടത്തിയിട്ടാ വീട്ടിലേക്ക് വിട്ടത്... എന്നെ റൂമിലാക്കി എന്തേലും വിശേഷമുണ്ടേൽ വിളിക്ക് എന്നുപറഞ്ഞ് ജെറി പോയ്‌.... കഴിഞ്ഞതൊക്കെ ഉറക്കത്തിൽ കണ്ട സ്വപ്നമായി കരുതി മറക്കണം എന്നു പറഞ്ഞ് അച്ഛയും റൂമിലേക്ക് പോയി..... "സ്വപ്നം" മറക്കണം.... എത്ര എളുപ്പത്തിൽ പറഞ്ഞുതീർത്തു..... ഞാനൊരു മനുഷ്യനല്ലേ.... മൃഗമോ.... കല്ലൊ മണ്ണോ ഒന്നുമല്ലല്ലോ..... എങ്ങിനെ പറയാൻകഴിയുന്നു ഇങ്ങനെ.... ഫോൺ നിർത്താതെ ബെല്ലടിക്കുന്നത് കേട്ടപ്പോഴാ ഫോണിന്റെ കാര്യംതന്നെ ഓർത്തത്.... ആശുപത്രിയിലേക്ക് പോകുന്നേരം കയ്യിൽനിന്നും അതെവിടെയോ താഴെ വീണിരുന്നു.. നോക്കുമ്പോൾ കട്ടിലിന്റെ അടിയിൽ കിടപ്പുണ്ട്..... ഹ് മ്മമ്... ആരാണാവോ ഈ നേരത്ത് ഇങ്ങനെ വിളിക്കാൻ.... നോക്കുമ്പോൾ അക്കിയാ.... ആ പേര് ഡിസ്‌പ്ലേൽ കണ്ടതോടെ എന്റെ ക്ഷീണവും താളർച്ചയുമൊക്കെ പമ്പകടന്നു.... ഫോൺ ചെവിയോട്ചേർത്തു ഞാൻ വിങ്ങി വിങ്ങി കരഞ്ഞു.....
അയ്യേ..... ന്റെ കുട്ടി കാരയാണോ... ഇയ്യെത്തിനാ അമ്മൂ കാരയണെ.... ഞാൻ ജോലിയിൽ ആയിരുന്നു.... നമ്മളു പാവം തേപ്പുകാരനല്ലേ....? ഫോണും പിടിച്ച് പണിയെടുക്കാൻ പറ്റുമോ?പോരത്തെന് ഹൈറ്റിന്റെ മേളിൽ ആയിരുന്നു... നമുക്കുള്ള അന്നം ദൈവം വിതറിയിട്ടേക്കുവാ... നമ്മൾതന്നെ അത് പെറുക്കികൂട്ടണം.....
മ്മമ്.......
ഇയ്യ്‌... എത്തിനെ മൂളുന്നെ.... പിണക്കാ ഇന്നോട്‌... ഞാൻ പാവല്ലേടി കാന്താരി.... അതൊക്കെപോട്ടെ എന്തിനെ ഇത്ര തവണ വിളിച്ചു... ഇറങ്ങിയപ്പോൾ കോൾ കണ്ടിട്ട് ഞാൻ വിളിച്ചിരുന്നു.... നിന്നെ കിട്ടാഞ്ഞപ്പോൾ അച്ഛനേം വിളിച്ചു... കിട്ടിയില്ല..... ഒന്നോരണ്ടോ വട്ടം വിളിച്ചിട്ട് കിട്ടിയില്ലേൽ പിന്നെ ഞാൻ അങ്ങോട്ട്‌വിളിക്കലല്ലേ പതിവ്..... ഇന്നെന്തേ?
അത് അക്കീ...... ഇന്ന്
എന്താടി...... (സംസാരിച്ചു നിക്കാലെ അക്കിയെ അമ്മ വിളിച്ചു.. ഫോണ് വയ്‌ക്കേണ്ട ഞാൻ പോക്കറ്റിൽ ഇട്ടോളാമെന്ന് പറഞ്ഞ് അക്കി അപ്പുറത്തേക്ക് പോയി)
എത്താമ്മേ...?
ഞങ്ങളിന്ന് കൊച്ചിക്ക് പോയിരുന്നു...
ഓഹ് അപ്പൊ അത്താണ് കാര്യം... ഓൾ എന്നെ കുറേ വിളിച്ചിരുന്നു.... പണീലായോണ്ട് എടുക്കാൻ പറ്റിലാ.... ഇത് പറയാനാവും.... ആഹ് എത്താ ഇപ്പൊ പെട്ടന്നങ്ങോട്ട് പോവാൻ???? കല്യാണത്തന്റെ നാള് കുറിക്കാനാ??
അല്ല.... വളച്ചുകെട്ടില്ലാതെ പറയാ.... മ്മക്ക് ഈ ബന്ധം വേണ്ട.... ഓളെ ഇനി കെട്ടിയാത്തന്നെ കുട്ടിയോളുണ്ടാവോന്നറിയോ അനക്ക്.... തലക്കാ പരിക്ക്.... വല്ല ഓർമപ്പിശകും കൂടി പിരാന്തായാലോ? ഇനി വല്ല ജാതകദോഷം ഉണ്ടേലോ? അന്റെ കുട്ടിനെക്കൂടി കൊഞ്ചിച്ചിട്ടുവേണം നിക്കൊന്ന് കണ്ണചിമ്മാൻ..... (ആ വാക്കുകൾ കേട്ടപ്പോൾ ചെവിയിലേക്ക് ആയിരം സൂചി ഒരുമിച്ച് കേറുന്നപോലെ... ) എത്താ മ്മേ... ഇങ്ങക്കാ ഇപ്പ പിരാന്ത്..... നിങ്ങളീ പറേണത് ശരിയാണ.... ഇങ്ങളും ഒരു പെണ്ണല്ലേ.... ആ കുട്ടിക്ക് ഇത്രപ്പോനം ആഗ്രഹം കൊടുത്തിട്ട്... ഇപ്പൊ ഇങ്ങനെ പറഞ്ഞാൽ.....
മാണ്ടാ... ഓളെ ഇവിടെ കെട്ടിലാമ്മയാക്കാന്ന് ഇയ്യ്‌ മോഹിക്കണ്ട.... നിക്ക് ഉയിരുള്ളപ്പോ അന്റെ പൂതി നടക്കൂല...
ഇങ്ങള് പറേണകേട്ടാത്തൊന്നൂലോ ഞാൻ ഓളെ പ്രേമിച്ച് ഇങ്ങട് കൂട്ടാൻ പോയെന്ന്.... ഇങ്ങള് കണ്ടപുടിച്ചെല്ലേ ഓളെ.....
അതൊന്നും ഇപ്പൊ പറേണ്ട... ഓളെ ഈ കെട്ടിയാ പിന്നെ ഇന്നെ ഇജ്ജ് ജീവനോടെ കാണൂല്ല....
അമ്മാ..... അച്ഛേ... ഇങ്ങളുംകൂടി അറിഞ്ഞോണ്ടാ... ഇങ്ങനെ...!
ഇബടെ എല്ലാരിന്റെം തീരുമാനാ ഇത്
ഹമ്മമ്മ..... ഇങ്ങള് കാട്ടണ നെറികേട് യ്ക്ക് കാണിക്കാൻ പറ്റൂല.... ഓളെ കിട്ടിയില്ലേ ഇനി ഓൾടെ സ്ഥാനത്തേക്ക് ആരും വരില്ല.... അങ്ങനൊരു പൂതീം വച്ചോണ്ടാ ഇങ്ങനെ തീരുമാനിച്ചെങ്കിൽ ആ പൂതി മനസ്സിന്ന് കളഞ്ഞേക്ക്‌...... അഖിലിന്റെ ജീവിതത്തിൽ അമ്മു അല്ലാതെ വേറെ പെണ്ണില്ല....
ഈ കെട്ടണ്ട.... ന്നാലും ഓളെ ഇവിടെ കേറ്റില്ല.... ഓൾടെ ജാതകദോഷം കൊണ്ടാ ഓൾടെ അമ്മ മരിച്ചേന്ന് അവടെ വീട്ടുകാർത്തന്നെ പറഞ്ഞേക്കണ്... അന്നെ കൊലക്ക് കൊടുക്കാൻ യ്ക്ക് കജ്ജൂല്ല.....
(കേട്ടതൊക്കെ സത്യമോ... അല്ലേൽ സ്വപ്നം ആണോ.... ദൈവമേ... എത്ര സ്നേഹത്തോടെ എന്നോട്‌സംസാരിച്ചിരുന്നതാ ഇപ്പൊ.... ഹമ്മമ്മ ഇങ്ങനേം മനുഷ്യന്മാരോ)
മോളേ... അമ്മൂ.... നീ അതൊന്നും കാര്യക്കേണ്ടട്ടോ.... അമ്മൂ..... എത്താ നീ മിണ്ടാക്കണേ... മോളേ..... നീ ടെന്ഷനാവല്ലട്ടോ.... അവരെത്തുവേണേച്ച പറഞ്ഞോട്ടെ.... ഉയിരുള്ള കാലത്തോളം അനക്ക് തുണയായി ഞാനുണ്ടാവും.....
ഹമ്.... വേണ്ടട്ടോ... ആ അമ്മേൻറെ വാക്കുകളിലുണ്ട് എന്നോടുള്ള വെറുപ്പ്.... അവരെയൊക്കെ വെറുപ്പിച്ചു അക്കി എനിക്കൊരു ജീവിതം തരേണ്ടട്ടോ....
അമ്മൂ.... ഞാൻ അവിടെപ്പറഞ്ഞത് ഇയ്യ്‌ കേട്ടിട്ടുണ്ടാവല്ലൊ... അതന്നെ യ്ക്ക് അന്നോടും പറയാനുള്ളു.....
അക്കീ എല്ലാരേം വെറുപ്പിച്ചിട്ട് നമുക്കൊന്നിച്ചുജീവിക്കാൻ കഴിയോ... (സംസാരം കേട്ട് മുറിയിലേക്കുവന്ന അച്ഛ ഫോൺ പിടിച്ചുവാങ്ങി..) അഖിൽ.... ന്റെ കുട്ടി ഒരു അപകടത്തിൽനിന്നും കരകയറി വരുന്നെയുള്ളൂ... ഇന്ന് നിന്റെ വീട്ടുകാർവന്നുപോയെപ്പിന്നെ കുറച്ച് മണിക്കൂർ മുന്നേവരെ അവൾ ആശുപത്രിയിൽ ആയിരുന്നു.... നിന്റെ വീട്ടുകാർക്ക് ഇഷ്ടമില്ല... അതവർ ഇവിടെവന്നു പറഞ്ഞു... നഷ്ടപരിഹാരം തരാത്രെ.... എന്തിന്... ഇനി എന്റെ കുട്ടീനെ ഞാൻ എങ്ങോട്ട് പറഞ്ഞുവിടില്ല... എന്റെ ഇഷ്ടത്തിനെതിരായി അവളൊന്നും ചെയ്യേമില്ല.... ഇനി നീ വിളിച്ച് ന്റെ കുട്ടീനെ കൂടുതൽ സംങ്കടപ്പെടുത്തരുത്..... ഇത് ഒരു അപേക്ഷയാണ്.... (ഇത്രേം പറഞ്ഞിട്ട് മറുപടിക്കായി കാത്തുനിൽക്കാതെ അച്ഛ ഫോൺ കട്ടാക്കി) വേണ്ടമ്മൂ.... നമുക്കിത് വേണ്ട....
അച്ഛ പറയുംപോലെ... അച്ചക്ക് ഇഷ്ടല്ലേൽ അമ്മു ഇനി വിളിക്കില്ല.... നിങ്ങളായി കൂട്ടി ഇണക്കിയ ബന്ധമാ.... അത് നിങ്ങളായി വേണ്ടവയ്ക്കുന്നു.... നടുക്കുള്ളത് ഞങ്ങൾ രണ്ട് പാവകളാണല്ലോ... അതുകൊണ്ട് കുഴപ്പമില്ല.... ഇനി ഞാൻ വിളിക്കില്ല.... വിളിച്ചാൽ എടുക്കേമില്ല..... പോരെ... പിന്നെ ഇനി വേറെ കല്യാണാലോജനയും കൊണ്ട് വരരുത്..... അച്ഛ പോയ്‌ ഉറങ്ങിക്കോ....
   അങ്ങനെ വീട്ടുകാരായി കൂട്ടിയിണക്കിയത് അവർതന്നെ അറുത്തെറിഞ്ഞു..... ജീവിതം... അതുവരെ കണ്ട സ്വപ്നങ്ങൾ... പ്രതീക്ഷകൾ... ഒക്കെ എന്നെനോക്കി കൊഞ്ഞനം കുത്തുംപോലെ തോന്നി.... ഒരു വേള മരണത്തെക്കുറിച്ചുപോലും ചിന്തിച്ചു.... ഒന്നും വേണ്ടീരുന്നില്ല.... അന്നത്തേന് ശേഷം ഞാൻ അവനെ വിളിച്ചില്ല കാരണം അവരുടെ 'അമ്മ പറഞ്ഞ സംശയം ഒരു ആശങ്കയായി എന്റെ മനസിൽ ഉടലെടുത്തിരുന്നു.... ഒരു അമ്മയാവാനുള്ള കഴിവില്ലേൽ..... വേണ്ട... ഒരാളുടെ ജീവിതം ഞാനായി ദുരിതത്തിലാഴ്ത്തില്ല..... പിന്നീട് അവന്റെ ഒരു കോൾ പോലും വരാതിരുന്നത് എന്നെ കുറച്ചൊന്നുമല്ല അതിശയിപ്പിച്ചേ....ഒരു ദിവസം അക്കീടെ ഒരു മെസ്സേജ് ഫോണിൽ വന്നു.... ഈ മാസം 19ന് തൃശൂർ വടക്കുംനാഥന്റെ നടയിൽ വരണം..... ഞാൻ അവിടെ ഉണ്ടാകും നിന്നെ പ്രതീക്ഷിച്ചു... വരാതിരിക്കരുത്... ചിലപ്പോൾ അതാവും നമ്മുടെ അവസാന കൂടിക്കാഴ്ച.....
അമ്മൂ...... ദാ സ്ഥലമെത്തി... നീ ഉറങ്ങുവാണോ????
ഇല്ലട ഞാൻ വെറുതെ... ഓരോന്നാലോജിച്ച്‌.........
ആഹ്..... ദാ അവനവിടെ ഇരിപ്പുണ്ട്.... പോയി കാണു... പറഞ്ഞതൊക്കെ ഓർമയുണ്ടല്ലോ.... കരയരുത്.... ചിരിച്ചുകൊണ്ട് യാത്രയാക്ക്....
ആഹ് ജെറി... നീ പൊയ്ക്കോ... പ്രോഗ്രാമിന് സമായമായല്ലോ
Take care ഡി...... ഇറങ്ങുമ്പോൾ എന്നെ വിളിക്കൂ.... പറ്റിയാൽ വരാം.... അല്ലേൽ നേരെ എറണാകുളത്തേക്ക് ബസ് കേറിക്കോ.... സ്റ്റാൻഡിൽ അരുൺ ഉണ്ടാകും... കേറിട്ടൊന്നവനെ വിളിച്ചാൽമതി.....
ഒക്കെ da.... നീ പൊക്കോ....
ഞാൻ നോക്കുവായിരുന്നു അക്കീനെ.... മാറ്റമൊന്നുമില്ല..... ചെറുതായൊന്ന് തടിച്ചിട്ടുണ്ട്.... മുടിയൊക്കെ വെട്ടിയൊതുക്കി.... ആകെക്കൂടെ കാണാൻ ഒരു മണവാളൻ സ്റ്റൈൽ..... ഞാൻ എന്നെ ഒന്ന് നോക്കി..... ക്ഷീണിച്ച ശരീരം....  കരുപ്പുരാശി പടന്ന കണ്ണുകൾ.... പാറിപ്പറന്ന തലമുടി.... ആകെക്കൂടി ഒരു അവശകലാകാരി...... ശരിയാ ഒരാൾ ജീവിതത്തിൽനിന്നും പോയെന്നുകരുതി ദുഃഖിച്ചു നടക്കേണ്ട ആവശ്യമെന്താ.....?
ഹായ്......
ഹായ്.... എത്താ നീ ആകെ ശീനിച്ചല്ലോ.....
ഒന്നുലല്ലോ.... നമുക്ക് അമ്പലത്തിൽ കേറിയാലോ.....
ആഹ്... കേറാല്ലോ.. ന്റെ വലിയ ആഗ്രഹങ്ങളിൽ ഒന്നായിരുന്നു അക്കീനെ തൊട്ടുരുമ്മി ഒരു അമ്പലനടയിൽ നിൽക്കണമെന്ന്... അങ്ങനെ ആ ആഗ്രഹവും സാധിച്ചു.... തൊഴുത് പുറത്തിറങ്ങുമ്പോൾ.... നല്ല മഴ..... ഇപ്പൊ എവിടുന്ന് പൊട്ടിമുളച്ചു ഈ മഴ.... നല്ല വെയിലായിരുന്നല്ലോ.... അക്കി പറയുന്നത്‌കെട്ടു ഞാൻ ഒന്ന് ചിരിച്ചു. മഴയിലൂടെ അവന്റെ കൈപിടിച്ചനക്കവേ ഞാൻ ഓർത്തു.... ദൈവങ്ങൾ അനുഗ്രഹം ചൊരിയുന്നതും... ആത്മാക്കൾ സന്തോഷിക്കുന്നതുമൊക്കെ ഒരു മഴയായ് ആണ് നമുക്കാരികിൽ എത്തുന്നതെന്ന് എവിടെയോ വായിച്ചിട്ടുണ്ട്....
അക്കീ എനിക്കൊരു ഐസ്ക്രീം വേണം....
ഈ മഴയത്തോ.... അനക്ക് വട്ടാ.....
വാങ്ങിത്തരുവോ?
ആം..... അങ്ങനെ രണ്ട് ഗ്രീനാപ്പിൾ ബാർ വാങ്ങിനുണഞ്ഞു മഴയും ആസ്വദിച്ച് നടക്കുമ്പോൾ അക്കി എന്റെ ഐസ് പിടിച്ചുവാങ്ങി.... അവന്റേത് എനിക്കുനീട്ടി.... പണ്ടെങ്ങോ നിറത്തിലെ ആ രംഗം അക്കീനോട് പറഞ്ഞത് ഞാൻ ഓർത്തു... മറന്നില്ലല്ലോ.... സമാധാനം..... ഞങ്ങൾ നടന്ന് കാറിനടുത്തെത്തിയപ്പോഴേക്കും ഐസ് തീർന്നിരുന്നു.... അതിന്റെ സ്റ്റിക് കളയാൻപോയ അക്കീനെ വിലക്കി അത് ഞാൻ വാങ്ങി ബാഗിൽ തിരുകികൊണ്ട് കാറിനുള്ളിലേക്ക്‌ കടന്നിരുന്നു....  എന്നിട്ട് ഇലച്ചീന്തിലെ പ്രസാദം അണിവിരലാൽ തൊട്ടടുത്ത് ആക്കിയുടെ നെറ്റിയിൽ തൊട്ടു..... കയ്യിൽ കരുതിയ വാച്ചെടുത്ത് അവന് സമ്മാനിച്ചു..... എന്റെ കൈകൊണ്ട് ഞാനുണ്ടാക്കിയ ഭക്ഷണം അവന് വാരിക്കൊടുത്തു..... ന്റെ ആഗ്രഹങ്ങൾ ഒന്നൊന്നായി ഞാൻ തീർക്കുകയായിരുന്നു..... അനുസരണയുള്ള നല്ലകുട്ടിയായി അക്കി എനിക്കുമുന്നിൽ ഇരുന്നു.....
അക്കീ... നേരം ഒരുപാടായി.... എനിക്ക് പോണം... എന്നെ ഒന്ന് ബസ്സ്റ്റാൻഡിൽ ആക്കാവോ?
മ്മമ്...... ഒന്നു മൂളിയിട്ട് അക്കി കാറെടുത്തപ്പോൾ മനസ്സിനെന്തോ വല്ലാത്ത വിഷമംതോന്നി..... അല്ലേലും പെണ്ണാണല്ലോ എല്ലായിടത്തും തേപ്പുകാരി..... വിഷമവും വേദനകളും എന്നും അവൾക്കുമാത്രമുള്ളവയണല്ലോ.. ചിന്തയിൽനിന്നുണർത്തിക്കോണ്ട് അക്കി സംസാരിക്കാൻ തുടങ്ങി..... "എനിക്ക് എന്റെ അമ്മയെ വിഷമിപ്പിക്കാൻ കഴിയില്ല.... അവരെ വിഷമിപ്പിച്ചുകൊണ്ടു നിന്നെ എന്റെകൂടെ കൂട്ടാനും കഴിയില്ല....പത്തിരുപത്തെട്ടു വർഷം എന്നെ നോക്കി വളർത്തിയവരെ ഉപേക്ഷിച്ച് ഞാൻ നിന്നെ സ്വീകരിച്ചാൽ അത് എന്റെ അമ്മയുടെ മരണത്തിൽ കലാശിച്ചാൽ നമുക്കൊരു നല്ല ജീവിതം ഉണ്ടാകുമോ???? നീ എന്നെ ഓർത്ത്‌വിഷമിച്ചാണ് ഇതുവരെ കാലംകഴിച്ചതെന്ന് എനിക്ക് മനസിലായി.... എനിയത് വേണ്ട.... വേറെ കല്യാണം കഴിക്കണം.... സുഖമായി ജീവിക്കണം... എന്നെ ഓർക്കരുതെന്ന് ഞാൻ പറയില്ല... പക്ഷെ മറക്കാൻ ശ്രമിക്കണം.... കഴിഞ്ഞതൊക്കെ മറക്കണം.... Be practical......നാളെ കഴിഞ്ഞാൽ ഞാൻ കുവൈറ്റിന് പോകുവാ... പോകുന്നതിന് മുന്നേ നിന്നെക്കണ്ട് ഇത്രയും പറയണമെന്നുതോന്നി എന്നെ ഓർത്ത്‌ നിന്റെ ജീവിതം നശിപ്പിക്കരുത് അങ്ങനെയൊരു നിവൃത്തികേടിൽ ആയിപ്പോയി ഞാൻ "
ഞാൻ എങ്ങനെ എങ്ങനെ ജീവിക്കണമെന്ന് നിക്കാരും പറഞ്ഞുതരേണ്ട..... ഞാൻ എങ്ങനെയും ജീവിച്ചോളാം.... അക്കി സുഖമായും സ്വസ്ഥമായും ജീവിക്കു.... നല്ലതുമാത്രംവരാൻ പ്രാർത്ഥിക്കാം.... പോയിവരൂ... അതുംപറഞ്ഞു ഞാൻ സ്റ്റാന്റിൽ പോകാരായിനിന്നിരുന്ന എറണാകുളം ബസ്സിൽ ഓടിക്കയറി..... അതായിരുന്നു ഞങ്ങളുടെ അവസാനകൂടിക്കാഴ്ച്ച.... വീട്ടിലെത്തിയത്തിനുശേഷം ഞാൻ അവനുപേക്ഷിച്ച ഐസ്സ്റ്റിക്കിനായി ബാഗിൽ പരതി.... പക്ഷേ അത് ബാഗിൽ ഉണ്ടായിരുന്നില്ല.... അയ്യോ.... അതെവിടെപ്പോയി..... വീട്ടുകാരും അവനും എന്നെ വേണ്ടാവച്ചെങ്കിലും അവനെനിക്ക് തന്ന സമ്മാനങ്ങളും ഓർമകളും എന്നും എനിക്ക് വിലപ്പെട്ടതായിരുന്നു..... ഞാൻ ഫോണെടുത്ത് അക്കിയെ വിളിച്ചു.... ഒറ്ററിങ്ങിൽത്തന്നെ അവൻ കോളെടുത്തു....
എത്താ അമ്മൂ പതിവില്ലാതെ ഒരു വിളി... ആ സ്റ്റിക്ക് കാണുന്നില്ലല്ലേ..... യ്ക്ക് അറിയാരുന്നു ഇപ്പൊ നീ വിളിക്കുമെന്ന്.... ഞാൻ അതും പ്രതീക്ഷിച് ഇരിക്കുവായിരുന്നു
ആഹ്... അത്....
അത് ഞാൻ കൊറിയർ അയച്ചുതരാം...ഇയ്യ്‌ പോയ്‌ ഉറങ്ങാൻ നോക്കു....
ഓക്കെ.... 
ഗുഡ് നൈറ്റ്..
ആഹ്.... കുറച്ചുനേരം കൂടി ഫോൺ ചെവിയിൽ വച്ചിരുന്നു.... ഒന്നും മിണ്ടുന്നില്ലെങ്കിലും അവന്റെ ശ്വാസഗതിയുടെ താളം ചെവിയിൽ തട്ടുന്നുണ്ട്.... കുറച്ചുനേരം അങ്ങനിരുന്നിട്ട് ഞാൻ ഫോൺ വച്ചു..... എന്റെ ഇഷ്ടങ്ങൾ അറിഞ്ഞുവച്ച് ഇത്രയൊക്കെ ചെയ്യുന്നവൻ എന്തിനപ്പോൾ അങ്ങനെ പറഞ്ഞു.... എന്തിനവൻ എന്റെ മനസ്സിൽ അത്രവല്യ മുറിവുണ്ടാക്കി.... അവനെ മറന്ന് വേറൊരിണയെ തേടാൻ പറഞ്ഞു.... നൂറായിരം ചോദ്യങ്ങളുമായി രണ്ടുരാത്രിയും ഒരു പകലും കടന്നുപോയി.... ഇന്ന് 2017 സെപ്റ്റംബർ21 അവൻ ഇന്ന് പോവുകയാണ്.... കടലുകൾ കടന്ന് അവന്റെ സ്വപ്നങ്ങൾക്ക് പിറകെ.... സ്വന്തമായി ഒരു വീട്..... അതവന്റെ എക്കാലത്തെയും സ്വപ്നമാണ്.... അപ്പോൾ ഫോണിൽ ഒരു മെസ്സേജ് വന്നു... "എയർപോർട്ട് പോകുവാ... കൊറിയർ ഞാൻ ഇപ്പോൾ അയച്ചിട്ടുണ്ട്.... നാളെ രാവിലെ കിട്ടും ..... ബൈ.... take കെയർ..." ഇന്ന് പോവുന്നേന്റെ തിരക്കിലും കഴിച്ചുകഴിഞ്ഞു വലിച്ചെറിയുന്ന ഒരു വിലയില്ലാത്ത സാധനം പത്തുനൂറ്‌രൂപ ചിലവാക്കി കൊറിയർ അയക്കാൻ ഇവനെന്താ ഭ്രാന്താണോ.... എത്രനേരം അങ്ങനിരുന്നു അറിയില്ല... അക്കീന്റെ ഫോൺ വന്നപ്പോളാ ആ ഓര്മയിൽനിന്നും ഉണർന്നത്.....
അമ്മൂ.... ഫ്ലൈറ്റിൽ കേറിട്ടൊ..... ഇപ്പോൾ ഫോൺ ഓഫ് ആക്കേണ്ടിവരും. നിന്റെ വാട്സാപ്പ്ൽ ഞാൻ ഫോട്ടോ അയച്ചിട്ടുണ്ട്.... പിന്നെ പറഞ്ഞതൊന്നും മറക്കണ്ട.... സന്തോഷമായിരിക്കൂ.... ബൈ...
ഓക്കേ... ടേക്ക് കെയർ...
അതായിരുന്നു ഞങ്ങൾതമ്മിൽ അവസാമായി സംസാരിച്ചത്.... അവിടെ ചെന്നതിന്ശേഷം "എത്തി" എന്നൊരു മെസ്സേജ് വന്നു.... അതിന് ശേഷം ഇടക്കിടെ വാട്സാപ്പ്ലും ഫേസ്ബുക്കിലും വരുന്ന മെസ്സേജ് എനിക്കൊരു ആശ്വാസമായിരുന്നെങ്കിലും എപ്പോഴും അവനുപറയാൻ ഒന്നുമാത്രം.... അവനെ ഓർത്ത് കാലം കഴിക്കരുത്.....അതൊരു മടുപ്പായ് തുടങ്ങിയപ്പോൾ ഞാൻ വാട്സാപ്പ് ഒഴിവാക്കി..... FB ൽ അവന്റെ മെസ്സേജ് Ignore ചെയ്തു...... അതിന് ശേഷം ഇന്നുവരെ ഒരു വിശേഷവും അറിഞ്ഞിട്ടില്ല.... ഇന്നും വരുന്ന കല്യാണാലോജനകളൊക്കെ മുടക്കി..... ഒരിക്കലും എന്നിലേക്ക് തിരിച്ചുവരില്ലാന്നറിഞ്ഞിട്ടും അവന്റെ ഓർമകളും താലോലിച്ചു .... അവനായ് വഴിക്കണ്ണുമായ് ഞാനിന്നും കാത്തിരിക്കുന്നു..... വരുമോ എന്നെങ്കിലും????
                         
            (ഇതൊരു ജീവിതകഥയാണ്... ഇന്നും അവനുവേണ്ടി കാത്തിരിക്കുന്നൊരു പെണ്ണുണ്ട്.... എന്നെങ്കിലും ഒരുനാൾ അവൻ വരുന്നതുംനോക്കി ഇരിക്കുന്നവൾ... എന്നെങ്കിലും അവൻ മടങ്ങിവന്ന് അവരുടെ സ്വപ്നം പൂവിടുമെങ്കിൽ ഈ കഥയുടെ ഒരു ഹാപ്പി എൻഡിങ്ങുമായി ഞാൻ ഒരിക്കൽക്കൂടി നിങ്ങളുടെ മുന്നിൽ വരും അതുവരെ തൽക്കാലത്തേക്ക് വിടവാങ്ങുന്നു..... ഇത്രയും ദിവസം എന്റെ അക്കീനേം അമ്മൂനേം നെഞ്ചേറ്റിയ നിങ്ങൾ ഓരോരുത്തർക്കും ഹൃദയത്തിന്റെ ഭാഷയിൽ നന്ദി പറയുന്നു... ഈ കഥയുടെ നല്ലൊരു അവസാനത്തിന്നായി കാത്തിരുന്ന എല്ലാരോടും ഞാൻ വരും നല്ലൊരു അവസാനവുമായി..... കഥ ഇത്രയും നീണ്ടുപോയത്തിന് ക്ഷമചോദിക്കുന്നു.. ഇനിയും ഇത് നീട്ടിവലിച്ചുകൊണ്ടുപോകാൻ താത്പര്യമില്ലത്തോണ്ടാ..... ഒരിക്കൽകൂടി എല്ലാർക്കും നന്ദി.... 😘😘😘)

ലക്ഷ്മിലച്ചു