ക്യാപ്റ്റൻ

❤ക്യാപ്റ്റൻ❤

ഫുൾ പാർട്ട്‌

കളിക്കളത്തിൽ എല്ലാവരും തളർന്നു വീഴാറായ മട്ടാണ്...മടുപ്പിന്റെയും ക്ഷീണത്തിന്റെയും വിഷമതകൾ എല്ലാവരുടെയും കിതപ്പിൽ കാണാം....എങ്കിലും ഒരു കരക്കെത്തിക്കാനുള്ള ഓട്ടത്തിലാണ് എല്ലാവരും....

ക്ളോക്കിൽ സമയം 90 മിനുട്ട് കഴിഞ്ഞിരിക്കുന്നു.....അധികമായി ലഭിച്ച മൂന്നു മിനിട്ടിന്റെ അവസാന ഭാഗത്താണ് കളി നിൽക്കുന്നത്....

2-2 എന്ന സമനിലയിൽ ഇരു ടീമുകളും നില ഉറപ്പിച്ചിരുന്നു.....പന്തുമായി മുന്നേറിയ പത്താം നമ്പർ ജേഴ്‌സി ധരിച്ച കളിക്കാരന് പുറകിൽ നിന്നൊരു അടി വന്നത് അപ്രതീക്ഷിതമായായിരുന്നു....

എതിർടീമിന്റെ ശക്തനായ പ്രതിരോധനായകന്റെ പ്രത്യാക്രമണത്തിൽ നില തെറ്റി ആ പത്താം നമ്പർകാരൻ നിലം പതിച്ചു....

റഫറിയുടെ വിസിൽ ഉറക്കെ ചിന്നംവിളിച്ചു....പ്രതിരോധനായകന്റെ നേരെ നീട്ടിയ മഞ്ഞകാർഡിൽ ആ ആക്രമണത്തിന്റെ ശക്തി മനസ്സിലാകുമായിരുന്നു.....

നിലത്തു വീണ ആ കളിക്കാരൻ അൽപ നേരത്തെ പിടച്ചിലിന് ശേഷം കിതച്ചെണിറ്റു.....കാലിനു ചെറിയ മുടന്തു ഉണ്ട്....അതു വക വെക്കാതെ കിട്ടിയ ഫ്രീകിക് എടുക്കാൻ അവൻ തയ്യാറായി....

ഇടംകയ്യിലെ ക്യാപ്റ്റൻ ബാൻഡ് വലിച്ചു അല്പം കൂടി മുകളിലേക്കിട്ടു....പന്തിൽ നിന്നു അഞ്ചടി പുറകിലേക്ക് മാറി അവൻ നിലയുറപ്പിച്ചു....ഇരു വശങ്ങളിലേക്കും തുടർന്ന് മുകളിലേക്കും അവൻ നോക്കി....

പ്രതിരോധനിരയുടെ പടുകൂറ്റൻ മതിൽ അവനും ഗോൾവലക്കും മുന്നിൽ ഒരു വിലങ്ങുതടിയായി നിൽക്കുകയായിരുന്നു.....

"ബ്ളാസ്റ്റേഴ്സ്.....ബ്ലാസ്റ്റേഴ്‌സ്....ബ്ളാസ്റ്റേഴ്സ്....ബ്ലാസ്റ്റേഴ്‌സ്"

മഞ്ഞയിൽ കുളിച്ചിരുന്ന ആ അരലക്ഷത്തോളം വരുന്ന ആരാധകപ്പട ഉറക്കെ വിളിച്ചു കരഞ്ഞു....അവർക്ക് ഈ നിമിഷം എത്രത്തോളം വിലപ്പെട്ടതാണ് എന്നു ആ ഒരു നിമിഷത്തിൽ നിന്നു മനസ്സിലാക്കാനാവുമായിരുന്നു....

ഒരു വലിയ സമൂഹത്തിന്റെ മുഴുവൻ സ്വപ്നങ്ങളും നെഞ്ചിലേറ്റി ആ പത്താം നമ്പർകാരൻ മുന്നിലേക് കുതിച്ചു.....അവന്റെ കാലിൽ നിന്നു വെടിയുണ്ട പോലെ പാഞ്ഞ ആ പന്തു എതിർടീമിന്റെ ഗോൾവല തുളച്ചു....

"അതേ....മലയാളത്തിന്റെ യശസ്സുയർത്തിക്കൊണ്ടു ഒരു മലയാളി...... കേരളം കാത്തിരുന്ന നിമിഷം....സെക്കന്റുകൾ മാത്രം ബാക്കി നിൽക്കെ നമ്മുടെ കൊമ്പന്മാരിലെ കൊലകൊമ്പൻ ക്യാപ്റ്റൻ രാഹുലിന്റെ....ആ പത്താം നമ്പർകാരന്റെ വെടിയുണ്ട തോൽക്കുന്ന കിക്ക്‌....നമ്മുക്ക് നേടിത്തന്നത് മറ്റൊരു കുസുർക്കാനാരങ്ങാ കുസുർക്കമുന്തിരിങ്ങ ഗോൾ....ഈ സുദിനം നമ്മുക് മറക്കാനാവില്ല.....ആദ്യമായി മഞ്ഞപ്പട കപ്പിനെ മുത്തമിടാൻ പോകുന്നു.....നമ്മുടെ ക്യാപ്റ്റന്റെ ഉരുക്കുകാലുകളിൽ നിന്നും മറ്റൊരു ഗോൾ കൂടി...."

സൈഡ് ലൈനിലേക്കു തന്റെ ആരാധകർക്ക് നേരെ ഓടിയെത്തുന്ന കേരളാ ബ്ലാസ്‌റ്റേഴ്‌സ് ക്യാപ്റ്റൻ രാഹുലിനെ നോക്കിയുള്ള ഷൈജുവേട്ടന്റെ മാസ്മരിക കമന്ററി കേട്ടു കളി കണ്ടുകൊണ്ടിരുന്ന ഏവരും പെരുവിരലിൽ നിന്നു തുള്ളി.....

തന്റെ ജേഴ്‌സി ഊരി കാണികളെ കാണിച്ചു ഒരു യോദ്ധാവിനെപ്പോലെ തിരികെ വന്ന രാഹുലിനെ കാത്തിരുന്നത് വിജയപാതക ആയിരുന്നു.....

എതിർ ടീമിൻറെ കിക്കോടെ ഫൈനൽ വിസിൽ ഊതിയ റഫറി ആദ്യമായി കേരളത്തിന്റെ പൊന്നോമനകൾ കപ്പിൽ മുത്തമിടുന്നതിനു സാക്ഷ്യം വഹിച്ചു....

സ്റേഡിയും ഒട്ടാകെ ഇളകി മറിഞ്ഞിരുന്നു.....

"രാഹുൽ...രാഹുൽ....രാഹുൽ...." ആരാധകവൃന്ദം അവനെ വാനോളം പുകഴ്ത്തി .....

വിജയികൾക്കുള്ള ട്രോഫി ഏറ്റു വാങ്ങുമ്പോൾ ലോകം കീഴടക്കിയ സന്തോഷം ആയിരുന്നു കളിക്കാർക്കും ആരാധകർക്കും.....

ക്യാപ്റ്റൻ എന്ന സ്ഥാനം അന്വര്ഥമാക്കും വിധം പ്രകടനം കാഴ്‌ച വച്ച രാഹുൽ തന്നെ ആയിരുന്നു ആ വർഷത്തെ മികച്ച പ്ലേയർ ആയി തിരഞ്ഞെടുക്കപ്പെട്ടിരുന്നതും....

ഉപഹാരങ്ങൾ ഏറ്റു വാങ്ങി പതിവുപോലെ റിപ്പോർട്ടരുടെ അടുത്തേക്ക് രാഹുൽ നടന്നു....

"രാഹുൽ....ഫോർ ദി ഫസ്റ്റ് ടൈം....കേരള ബ്ലാസ്റ്റേഴ്‌സ് ഹാസ് കിസ്സഡ് ISL കപ്....സോ...വാട് ഡു യു ഹാവ് ടു സേ അബോട്ട് ദിസ് മൊമെന്റ്....???"

റിപ്പോർട്ടർ തന്റെ ചോദ്യശരം അവനു നേരെ എയ്തു...

"ഐ ജസ്റ് ഹാവ് ടു സേ താങ്ക്സ് ടു ദി അൽമൈറ്റി....താങ്ക്യു ഫാൻസ് ഫോർ യൂർ പ്രയേഴ്‌സ് ആൻഡ് സപ്പോർട്ട്...."

രാഹുൽ തെല്ലും ഭയപ്പെടാതെ മറുപടി പറഞ്ഞു...

"ദാറ്‌സ് സോ കൈൻഡ് ഓഫ് യു രാഹുൽ....വി ഓൾ വുഡ് ലൈക്ക് റ്റു നോ അബൗട് ദി വേ യു ഗോട് ഇന്റു ഫുട്‌ബോൾ....ഇഫ് യു നേവർ മൈൻഡ്...."

അവന്റെ ഉദയത്തെക്കുറിച്ചുള്ള റിപ്പോർട്ടറുടെ ചോദ്യം അവനെ അവന്റെ ഓർമകളുടെ കളിക്കളത്തിലേക്കു വലിച്ചുകൊണ്ടുപോയി....

                ************************

"നീ എന്തിനാ പേടിക്കുന്നത്....അവൾ നിന്നെ ഇടക്ക് നോക്കറൊക്കെ ഉള്ളതാ....അവൾക്കു നിന്നെ ഇഷ്ടമാകും ടാ....നീ മിണ്ടതിരുന്നാൽ അവളെ ആണ്പിള്ളേരു കൊണ്ടുവും....നീ അങ്ങോട്ടു ചെള്ളു രാഹു..." ഉറ്റചങ്ങാതിയായ ഗോപുവിന്റെ ഉപദേശം ആണു....

"ഡാ...അവൾ നോക്കറൊക്കെ ഉണ്ട്....എന്നു വച്ചു അവൾക്കു എന്നോട് ഇഷ്ടം ഉണ്ടാവണം എന്നുണ്ടോ....അല്ലെങ്കിൽ തന്നെ .....നീ.... എന്നെയും അവളെയും ഒന്നു നോക്കു...."
രാഹുൽ അല്പം സങ്കടത്തോടെയാണ് അതു പറഞ്ഞു തീർത്തതു....

"അവൻ പറഞ്ഞതു ശെരിയാണ്...പഠിക്കുന്നത് പത്തിലാണേലും അവനു നല്ല വണ്ണമാണ്....ഒരു ഒന്നൊന്നര തടിയൻ....അവളാണെങ്കിലോ....മെലിഞ്ഞു വെളുത്തു സുന്ദരികുട്ടി....അവർ രണ്ടുംകൂടി ഒന്നിച്ചു നിന്നാൽ 10 എന്നു എഴുതിയ പോലിരിക്കും....." ഗോപു മനസ്സിൽ ഓർത്തു....

"നീ എന്താ ഗോപു ആലോചിക്കുന്നത്....??"

രാഹുലിന്റെ ചോദ്യങ്ങൾ അവനെ ഉണർത്തി....

"അതു....ഒന്നുമില്ലട.....ഡാ ഇതിലും നല്ല അവസരം ഇനി കിട്ടില്ല....നീ ചെന്നു പറ.....പ്ളീസ്..." ഗോപു അവനോടു കെഞ്ചി....

"ടാ...എന്നാലും...." രാഹുൽ എന്തൊക്കെയോ പുലമ്പാനുള്ള തയ്യാറെടുപ്പിലായിരുന്നു....

"ഒരെന്നാലുമില്ല.....നീ അങ്ങോട്ടു ചെല്ലു രാഹു...." ഗോപു അവനെ മുന്നോട്ടു തള്ളി വിട്ടു....

രാഹുൽ കൊച്ചുകുട്ടികളെ പോലെ അവളുടെ അടുത്തേക്ക് പിച്ചവച്ചു....അവൻ മെല്ലെ ക്ലാസ്സിനുള്ളിലേക്കു കയറി...

ഒരു മൂലയിൽ സ്വാതി എന്തോ കുത്തിക്കുറിച്ചുകൊണ്ടു ഇരിക്കുകയായിരുന്നു.....

"സ്വാതി....."

"ഹാ...രാഹുൽ ആരുന്നോ....എന്താടാ...?" അവൾ തെല്ലും ഭാവവ്യത്യാസമില്ലാതെ അവന്റെ മുഖത്തേക്ക് നോക്കി ചോദിച്ചു....

"അതു....പിന്നെ.....എനിക്ക്......സ്വാതിയെ..... ഇഷ്ടാ....എന്നെ ഇയാൾക്ക് ഇഷ്ടമാണോ???"

അവൻ ഒരു വിധത്തിൽ പറഞ്ഞൊപ്പിച്ചു.....അവന്റെ കയ്യും കാലും വിറക്കുന്നുണ്ടായിരുന്നു.....മത്തങ്ങ പോലുള്ള അവൻ്റെ മുഖം ചുവന്നു തുടുത്തു തക്കാളിപ്പഴം പോലെ ആയി....അവൻ സ്വാതിയുടെ കണ്ണുകളിലേക്കു നോക്കി നിന്നു....അവളുടെ മുഖം മാറി വരുന്നത് അവൻ ശ്രെദ്ധിച്ചു.....

തുടരും....

❤ക്യാപ്റ്റൻ ❤
പാർട് 2

അവളുടെ മുഖം മെല്ലെ മാറി....അവൾ മെല്ലെ അവളുടെ കൈകൾ കൊണ്ട് മുഖം മറച്ചു കുനിഞ്ഞിരുന്നു....

"ഈശ്വരാ...പണി പാളിയോ...ഇവൾ കരയാനുള്ള പുറപ്പാടാണെന്ന് തോന്നുന്നു....ആരേലും അറിഞ്ഞാൽ എന്റെ കാര്യം കട്ടപ്പൊഹ....." അവൻ മനസ്സിൽ ഓർത്തു...

അവളുടെ എങ്ങലടിക്കുന്ന ശബ്ദം വരാൻ തുടങ്ങി....രാഹുലിന്റെ മുഖം വെളുത്തു വിളറി....അവന്റെ കയ്യും കാലും വിറക്കാൻ തുടങ്ങി....

"സ...സ...സ്വാതി....ഞാൻ പറഞ്ഞത് തെറ്റായെങ്കിൽ....ക്ഷെമിക്കേടോ....ഞാൻ അറിയാതെ....താൻ കരയാതെ...." അവൻ അവളുടെ അൽപം അടുത്തായി ഇരുന്നു....

അവൾ മെല്ലെ മുഖത്തേക്ക് വീണ മുടി കൈകൾ കൊണ്ട് മാടിയൊതുക്കി....അവൻ നോക്കി ഇരുന്നതെ ഉള്ളു....അവളുടെ കണ്ണിൽ നിന്നും വെള്ളം വരുന്നത് കണ്ട രാഹുലിന്റെ മനസ്സിൽ കൊള്ളിയാൻ മിന്നി....

"സ്വാതി...ആം സോറി...താൻ കരയല്ലേ..."

അവന്റെ മുഖത്തു കുറ്റബോധം അലതല്ലിയിരുന്നു....ഇങ്ങനൊരു അവസ്ഥ അവൻ മനസ്സിൽ പോലും ഓർത്തതല്ല....അവൻ കണ്ടിട്ടുള്ള സ്വാതി അടിച്ചുപൊളിച്ചു നടക്കുന്ന പെണ്ണാണ്....കരച്ചിൽ അവൾക്കു പറ്റിയ പണി അല്ലാലോ....

"കരയാനോ.....ആരു കരഞ്ഞുന്ന നീ പറയുന്നത്...." അവൾ മെല്ലെ തല ഉയർത്തി ചോദിച്ചു...

"അപ്പൊ നീ....കരയുവല്ലരുന്നോ....?"

രാഹുലിന്റെ മുഖത്തെ അന്ധാളിപ്പ് ഇപ്പോളും മാറിയിട്ടില്ല....

"ഇതുപോലത്തെ തമാശ കേട്ടാൽ എങ്ങനാടാ കരയുന്നേ...കുറച്ചുകൂടി കഴിഞ്ഞിരുന്നേൽ ഞാൻ ചിലപ്പോ ചിരിച്ചു മരിച്ചേനെ....."

അവൻ കണ്ണു തള്ളി ഇരിക്കുകയാണ്....

"അതിനു ഞാൻ തമാശ ഒന്നും പറഞ്ഞില്ലല്ലോ....ആം സീരിയസ് അബൗട് യു ടീ...." അവൻ നെഞ്ചത്തു കൈ വച്ചു പറഞ്ഞു

"അതു തന്നെ അല്ലെടാ ഏറ്റവും വലിയ തമാശ...." അവൾ അവനെ നോക്കി പുച്ഛത്തോടെ പറഞ്ഞു...

"അതിലിപ്പോ എന്താ തമാശ....നമ്മുടെ ഫാമിലി നല്ല അടുപ്പത്തിലാ....അച്ഛനും അമ്മയും സമ്മതിക്കും....ജാതി മതം സാമ്പത്തികം എല്ലാം ചേരുമല്ലോ...പിന്നെന്താ....നിന്നെ പൊന്നുപോലെ നോക്കാനുള്ള മനസ്സും എനിക്കുണ്ട്...."

അവൻ അവന്റെ ന്യായങ്ങൾ നിരത്തി....

"ലുക്ക് രാഹുൽ....ഇതെല്ലാം ഒക്കെ ആണെന്ന് വച്ചു....എനിക്ക് നിന്നെ ഇഷ്ടമാവണ്ടെ....നിന്നെപ്പോലൊരുത്തനെ കൂടെ കൊണ്ടുനടക്കാൻ തന്നെ പാടാണ്....നീ നമ്മളെ രണ്ടുപേരെയും ഒന്നു കണ്ണു തുറന്നു നോക്കു....എന്നിട്ടു പറ നമ്മൾ മാച്ച് ആണോ ന്നു...." അവൾ മുഖത്തടിച്ചു പറഞ്ഞു....

"അവൾ പറഞ്ഞതു ശെരിയാണ്....അവൾ മെലിഞ്ഞു വെളുത്തു നല്ല സുന്ദരിക്കുട്ടി ആണ്....ഞാനോ...തടിച്ചു ഒരു പണിയെപ്പോലെ...." അവൻ മനസ്സിൽ ഓർത്തു....അവന്റെ മനസ്സിലെ വികാരങ്ങൾ അവന്റെ കണ്ണിലൂടെ ഊർന്നിറങ്ങി....അവൻ നിലത്തേക്ക് നോക്കി ഇരുന്നു....ഒരു കുറ്റവാളിയെപ്പോലെ....

ഇതെല്ലാം പുറത്തു നിന്നു കേട്ടിട്ടാവണം പുറത്തുനിന്നു ഗോപു ക്ളാസിനുള്ളിലേക്കു കയറി വന്നു....രാഹുൽ മെല്ലെ തല ഉയർത്തി അവന്റെ മുഖത്തേക്ക് നോക്കി...ഗോപുവിന് അവന്റെ മുഖം കണ്ടപ്പോൾ തന്നെ മനസ്സിലായി അവൻ എത്രത്തോളം സങ്കടത്തിലാണെന്നു....

"പാവം രാഹു....ഓര്മവച്ച കാലം മുതൽ അവൻ എന്റെ കൂടെ ഉണ്ട്....അന്നുമുതൽ അവന്റെ കൂടെ തടിയൻ എന്ന വിളിപ്പേരും ഉണ്ട്....ഇപ്പോൾ അത് പറഞ്ഞു അവളും അവനെ ക്രൂശിച്ചു...." ഗോപു മനസ്സിൽ ഓർത്തു .

"ടാ...എഴുന്നേറ്റു പോയേ നീ....ഇതു നടക്കാൻ പോണില്ല....ഹം....എണിക്കു..." ഗോപു മെല്ലെ രാഹുലിനെ എഴുന്നേൽപ്പിച്ചു....തട്ടി പുറത്തേക്കു വിട്ടു....

"മോളെ സ്വാതി....നീ പറഞ്ഞത് ശെരിയ....അവൻ തടിയനാ....പക്ഷെ അവനു നിന്നെക്കാളും ഒക്കെ വലിയ മനസ്സുണ്ട്.....അല്ലെങ്കിൽ നാലഞ്ചു കൊല്ലം നീ അവന്റെ കൊഞ്ചിക്കുഴഞ്ഞു നടന്നിട്ടും വേണ്ടാത്ത രീതിയിൽ നിന്നെ ഒന്നു തൊടുക പോലും ചെയ്യാതെ മാന്യമായി നിന്നെ വന്നു ഇഷ്ടമാണെന്ന് പറയില്ല..."

അവളുടെ മുഖത്തെ പുഞ്ചിരി മാഞ്ഞു....

"ഞാൻ പറഞ്ഞോ അവനോടു കൂടെ വരാൻ....?"

അവൾ അഹങ്കാരത്തോടെ ചോദിച്ചു....

"മിണ്ടരുത് നീ...നിനക്കു കൊഞ്ചിക്കുഴഞ്ഞു നടക്കാൻ ആയിരം ചെറുക്കന്മാരെ വേറെ കിട്ടും....ഇനി മേലാൽ അവന്റെ അടുത്തു പോലും വന്നേക്കല്ലു....ഇന്ന് നീ കളിയാക്കിയ അവനെ നീ പുകഴ്ത്തുന്ന ഒരു ദിവസം വരുമെഡി....അന്ന് നീ ഈ ദിവസം ഓർക്കും...." അവൻ ഉറച്ച ശബ്ദത്തിൽ പറഞ്ഞു

"ചിലക്കാണ്ട് പോടാ.....എന്റെ കാര്യം ഞാൻ നോക്കികൊളം...." അവൾ പറഞ്ഞു...

"പോവാൻ തന്നെയാടി....നിന്റെ ഒക്കെ അടുത്തു നിന്നാൽ.....ങ്ങാ..."

അവൻ ദേഷ്യത്തോടെ ക്ലാസ്സിൽ നിന്നു പുറത്തിറങ്ങി....

പുറത്തു നടയിൽ രാഹു അവനെ കാത്തു ഇരിക്കുന്നുണ്ടാരുന്നു....

"നീ എന്തിനാ അവളോട്‌ ദേഷ്യപ്പെട്ടത്....അവൾ പറഞ്ഞതു സത്യമല്ലേ...." രാഹു പതിഞ്ഞ ശബ്ദത്തിൽ ചോദിച്ചു...

"എനിക്ക് അങ്ങനെ തോന്നിയില്ല.....അവളോട്‌ പോയി പണി നോക്കാൻ പറയേട....നിനക്കു വേറെ നല്ല പെണ്ണിനെ കിട്ടും...."

"ഹം.....നമ്മുക്ക് പോകാം..." കണ്ണുനീർ തുടച്ചു കൊണ്ടു രാഹു പറഞ്ഞു....

"പോകാട...നീ വീട്ടിൽ ചെന്നിട്ടു ഗ്രൗണ്ടിലേക്കു വാ...." ഗോപു പറഞ്ഞു..

"എന്തിനാ...നീ ഒക്കെ ഫുട്ബോള് കളിക്കുന്ന കാണാൻ അല്ലെ...എനിക്കൊന്നും വയ്യ...രാഹു പറഞ്ഞു

"എന്തായാലും നീ ഇന്ന് വീട്ടിൽ ഇരിക്കേണ്ട....അങ്ങു പോരെ..." അതു ഗോപുവിന്റെ ആജ്ഞ ആയിരുന്നു....

"ശെരി രാജാവേ...." അവനെ കളിയാക്കിക്കൊണ്ടു രാഹു പറഞ്ഞു....

"ഉവ്വ....വേഗം വന്നേക്കണം...." ഗോപു പറഞ്ഞു...

"ശെരി ടാ...അവിടെ കാണാം..."

ഇത്രയും പറഞ്ഞു അവർ വീടുകളിലേക്ക് പോയി...

                ×××××××××××××××××××××××××

സമയം നാലര ആവാറായി....ബൂട്ടുകൾ വലിച്ചു കയറ്റുന്ന തിരക്കിലാണ് ഗോപു....സ്ഥിരമായി ഇരിക്കുന്ന മരച്ചുവട്ടിൽ രാഹുലും സ്ഥാനം പിടിച്ചിട്ടുണ്ട്....

"ടാ ഗോപു...ഒരു പ്രശ്നം ഉണ്ട്...." ബോബിച്ചേട്ടനാണ്....ടീം ക്യാപ്റ്റൻ...

"എന്താ ബോബിച്ചേട്ടാ...."

"നമ്മുടെ സുധാകരൻ ചേട്ടന്റെ മോനില്ലേ....അഖിൽ..."

"ആ നമ്മടെ ഗോളി....അവനെന്താ..."

"അവൻ ബൈക്കിൽ നിന്നു വീണു....കൈക്ക് ചെറിയ പൊട്ടലുണ്ട്....കളിക്കാൻ പറ്റില്ല...."

ഗോപു പകച്ചു നിന്നു....

"ഈശ്വരാ ...പണി പാളിയോ...അപ്പൊ ഇന്ന് ആര് ഗോളി നിക്കും....കളി തുടങ്ങാറായി....അവന്മാരൊന്നും വന്നിട്ടുമില്ല...." ഗോപു പരുങ്ങലിലായി...

"അതൊന്നും പറഞ്ഞിട്ടു കാര്യമില്ല....എത്രയും വേഗം ഒരാളെ വേണം....ഇല്ലെങ്കിൽ അയ്യായിരം രൂപ വെള്ളത്തിലാവും....ബെറ്റ് വച്ചേക്കുന്ന കാര്യം അറിയല്ലോ.....അഭിമാനപ്രേശ്നമാണ്..." ബോബിച്ചേട്ടൻ ധര്മസങ്കടത്തിലായി....

"അതിപ്പോ....ഈ സമയത്തു ആരാ ബോബിച്ചേട്ടാ....കളിക്കാൻ അറിയാവുന്ന ആൾ വേണ്ടേ..." ഗോപു ചോദിച്ചു....

"കളിക്കാൻ അറിയാവുന്നവർ വേണം എന്നൊന്നുമില്ല....പോസ്റ്റിൽ നിക്കാൻ ഒരുത്തൻ....ഇതുവരെ ഫുട്ബോൾ കാണാത്തവൻ ആയാലും കുഴപ്പമില്ല....ഡിഫെൻസിൽ ആളുണ്ടല്ലോ...."

"എന്നാലും ഇപ്പൊ ആരാ...." ഗോപു ചോദിച്ചു....

പെട്ടെന്നാണ് ബോബിച്ചേട്ടന്റെയും ഗോപുവിന്റെയും കണ്ണുകൾ രാഹുവിന് നേരെ തിരിഞ്ഞത്....

ഇതെല്ലാം കേട്ടോണ്ടിരുന്ന രാഹുലിന്റെ കണ്ണുകൾ ഫുട്ബോൾ പോലെ തള്ളി പുറത്തേക്കു വന്നു....
ഇതുവരെ ഫുട്ബോൾ കാലുകൊണ്ട് തൊട്ടിട്ടു പോലുമില്ലാത്ത അവനു അവരുടെ നോട്ടത്തിന്റെ അർത്ഥം മനസ്സിലാക്കാൻ വലിയ പാടൊന്നുമില്ലായിരുന്നു.....

തുടരും.....

❤ക്യാപ്റ്റൻ❤
part 3

ഗോപു മെല്ലെ രാഹുലിനെ നോക്കി ഒരു വളിച്ച ചിരി പാസ്സാക്കി.....

"എങ്ങനാ ഗോപു....ഇവനെ അങ്ങു..." ബോബിച്ചേട്ടനാണ്....

"ഇവൻ തന്നെ ഇന്ന് നമ്മുടെ വല കാക്കാൻ പോകുന്ന സ്പൈഡർമാൻ...." ഗോപു ഉറപ്പിച്ച പോലെ പറഞ്ഞു...

"ങേ...ഞാനോ....പോടാ...ഞാൻ ഇതുവരെ പന്തിൽ തൊട്ടിട്ടു പോലുമില്ല...."

ഇതു പറയുമ്പോൾ ഗോപുവിന്റെ വായിലിരുന്ന ചിപ്സ് താഴേക്കു വീണു കൊണ്ടിരിക്കുകയായിരുന്നു..... അവന്റെ അന്ധാളിപ് കണ്ടാൽ യുദ്ധത്തിന് പോകുന്നതിനെക്കാളും കഷ്ടമായിരുന്നു...

"എന്റെ പൊന്നളിയാ.....ചതിക്കരുത്...കുറച്ചു കഴിയുമ്പോൾ ക്ലബ്ബ്‌ലെ ബാക്കി ഉള്ളവരും വരും....നീ അത്രേം നേരം ഒന്നു....എന്റെ മുത്തല്ലേ..." ഗോപു കെഞ്ചി...

"എന്നാലും.....ഞാൻ എങ്ങാനാടാ..." രാഹുൽ അങ്കലാപ്പിലായിരുന്നു...

"വെറുതെ നിന്നാൽ മതിടാ...ബാക്കി കാര്യം ഞങ്ങൾ നോക്കികൊലാം...."

"ഉറപ്പാണൊടെ....എന്നെ നീ കൊലക്ക് കൊടുക്കുവോ..."
രാഹുലിന്റെ സംശയം തീർന്നിട്ടില്ല....

"നീ പേടിക്കാതെ...." ഗോപു നന്നായി തള്ളിക്കൊണ്ടിരുന്നു...

"ടാ...എനിക്ക് ബൂട്ട് ഒന്നുമില്ലല്ലോ...ഇല്ലാതെ ഞാൻ കളിക്കത്തില്ല...." രാഹുൽ തടി തപ്പാൻ അവസാന ശ്രമവും നടത്തി...

"എന്തായെടാ....നടക്കുവോ....??" ബോബിച്ചേട്ടൻ ഗ്രൗണ്ടിൽ പ്രാക്ടീസ് ചെയ്യുന്നതിനിടയിൽ വിളിച്ചു ചോദിച്ചു...

"അത്...ബോബിച്ചേട്ടാ....അവനു ബൂട്ട് ഇല്ലാതെ ഇറങ്ങാൻ പറ്റുല്ലന്നു...." ഗോപു ഉറക്കെ തിരിച്ചു പറഞ്ഞു...

"അത്രേ ഉള്ളോ...മറ്റവന്റെ ബൂട്ടും ഗ്ലൗസും എല്ലാം കാറിന്റെ ഡിക്കിയിൽ കിടപ്പുണ്ട്....എടുത്തു കൊടുക്ക്..."

അത് കേട്ടതും രാഹുലിന്റെ ചങ്കിൽ ഒരു വെള്ളിടി വെട്ടി...

"പെട്ടു....ഇനി രക്ഷയില്ല....." അവൻ മനസ്സിൽ ഓർത്തു

അവൻ ഗോപുവിനെ നോക്കി....അവൻ കാറിന്റെ അടുത്തെത്തിയിരുന്നു....പോയതിനെക്കാളും വേഗത്തിൽ അവൻ ഓടി തിരിച്ചു വന്നു....

"ഇന്നാ മാനെ.....നീ ബൂട്ടും കെട്ടി ഇറങ്ങു..." അവൻ രാഹുലിനോട് കിതച്ചുകൊണ്ട് പറഞ്ഞു....ഗോപുവിന്റെ മുഖത്തു ഒരു ചിരി ഉണ്ടായിരുന്നു....

"എന്നാലും അളിയാ...ഞാൻ..." രാഹുൽ രക്ഷയൊന്നുമില്ലാതെ പറഞ്ഞു....

"ടാ...ഇന്ന് ആ സ്വാതി പറഞ്ഞതു നീ മറന്നോ....അവളമാർടെ ഒക്കെ ഒരു വിചാരം ഉണ്ട്...നിനക്കു വണ്ണം കാരണം അനങ്ങാൻ പറ്റില്ലെന്ന്....ഇപ്പൊ നിനക്കു തീരുമാനിക്കാം....എന്തു വേണമെന്ന്...." ഗോപു അവന്റെ തോളിൽ തട്ടിക്കൊണ്ട് പറഞ്ഞു....

രാഹുൽ മെല്ലെ പുറകിലേക്കിരുന്നു....

"ഗോപു പറഞ്ഞതു ശെരിയാണ്....ഞാൻ ഒന്നിനും കൊള്ളാത്തവനാണെന്നു അവർക്കൊക്കെ ഉള്ള തോന്നൽ മാറ്റാൻ ഇതാണ് ഏകമാർഗം..."

പോരാടാൻ മനസ്സിൽ ഉറപ്പിച്ചു അവൻ ബൂട്ട് കാലിലേക്ക് വലിച്ചു കയറ്റി....

മെല്ലെ എണീറ്റു....

ആദ്യമായാണ് ഇങ്ങനെ....നിലത്തു തൊട്ടു തലയിൽ വച്ചു അവൻ ഗ്രൗണ്ടിലേക്ക് ഇറങ്ങി....

ഗോപു അവനു ചെറിയ ടിപ്സ് ഒക്കെ പറഞ്ഞു കൊടുത്തു കൊണ്ടിരുന്നു....അവനു ചെറിയ വാർമപ് എല്ലാം കൊടുത്തു ഗോപു കൂടെ നിന്നു....

പെട്ടെന്ന് ഒരു മഹീന്ദ്ര താർ ഗ്രൗണ്ടിന്റെ അടുത്തു വന്നു നിന്നു....അതിൽ നിന്നും ഒരുപോലത്തെ ജേഴ്‌സി ധരിച്ച ഒരു പതിനൊന്നു പേര് ഇറങ്ങി നിന്നു....

രാഹുലിന് തല കറങ്ങുന്നത് പോലെ തോന്നി....അവനേക്കാളും പൊക്കവും വണ്ണവും ഉള്ള പതിനൊന്നു പേര്....പുറകെ ബൈക്കിൽ കൊറേ ജിമ്മൻമാർ വേറെയും....

"ടാ...ഇവിടെ ഫുട്‌ബോൾ ആണോ...അതോ വല്ല ഗുസ്തി മത്സരവും ആണോ...." രാഹുൽ ബോധം തിരിച്ചെടുത്തു ഗോപുവിനോട് ചോദിച്ചു..

"ഇവന്മാരാണ് ഈ ജില്ലയിലെ ഏറ്റവും വലിയ ഫുട്‌ബോൾ ടീം....ഇവന്മാരെ തോല്പിച്ചാൽ നമ്മൾക്കു അതൊരു വല്യ ക്രെഡിറ്റാ...." ഗോപുവിന്റെ മുഖത്തു അഭിമാനം ആയിരുന്നു...
രാഹുലിന്റെ മുഖത്തു ഭയവും....

"അപ്പൊ കളി തുടങ്ങാം അല്ലെ...." ബോബിച്ചേട്ടൻ ചോദിച്ചു...

സമ്മതം മൂളി എതിർടീമിന്റെ ക്യാപ്റ്റൻ രംഗത്തേക്ക് കിടന്നു വന്നു....

എല്ലാവരും ഗ്രൗണ്ടിൽ നിരന്നു....കിക്ക് ചെയ്തു എല്ലാവരും മുന്നിലേക്ക് നീങ്ങി....

വളരെ വേഗം എതിർടീമിന്റെ കളിക്കാർ പന്തുമായി ഗോൾപോസ്റ്റിന് അടുത്തെത്തി....

ഷോട്ട് എടുത്തത് അവരുടെ ക്യാപ്റ്റൻ ആയിരുന്നു....വെടിയുണ്ട പോലെ പന്ത് വല ലക്ഷ്യമാക്കി മുന്നിലേക്ക് നീങ്ങി....

രണ്ടും കല്പിച്ചു രാഹുൽ പന്തിന്റെ വഴിയിൽ കയറി നിന്നു....പന്തു അവന്റെ മുഖത്തടിച്ചു മുകളിലേക്ക് പൊങ്ങി....ഓടി വന്നു ഗോപു പന്തു ആഞ്ഞു തൊഴിച്ചു വിട്ടു രക്ഷപ്പെടുത്തി.....

അവൻ ഗോൾവലക്കുള്ളിൽ നിന്നും രാഹുലിനെ പൊക്കി എടുത്തു....

"എന്തേലും പറ്റിയോടെ??" അല്പം ഭയത്തോടെ ഗോപു ചോദിച്ചു

"ഒന്നുമില്ലടാ" മൂക്കിൽ നിന്നു വന്ന രക്തം തൂത്തുകൊണ്ട് രാഹുൽ പറഞ്ഞു....

"നീ ചെല്ലു....ഇതു ഞാൻ നോക്കിക്കോളാം" രാഹുലിന്റെ ആത്മവിശ്വാസം കണ്ടു ഗോപു ഒന്നു പകച്ചു...ഗോപു കളിക്കളത്തിലേക്കു ഇറങ്ങി...

ആക്രമണവും പ്രത്യാക്രമണവും നടന്നുകൊണ്ടിരുന്നു....

ആദ്യം ഒരു ഗോൾഡിച്ചുകൊണ്ടു ഗോപു ടീമിനെ മുന്നിലെത്തിച്ചു....

പക്ഷെ അതിനു ശേഷം തിരികെ വന്നു എതിർടീമിന്റെ കളിക്കാർ തന്ത്രപരമായി രാഹുലിനെ കീഴ്പ്പെടുത്തി വല കുലുക്കി....

ബാക്കി എല്ലാവരും രാഹുലിനെ ആശ്വസിപ്പിച്ചു ആത്മവിശ്വാസം പകർന്നു....

വീണ്ടും പന്തുമായി വന്ന എതിർടീമിന്റെ ക്യാപ്റ്റന്റെ കയ്യിൽ നിന്നു അല്പം മുന്നിലേക്ക് കയറി വന്നു രാഹുൽ പന്തെടുത്ത് മുന്നിലേക്ക് ആഞ്ഞു തൊഴിച്ചു...

പന്തു കിട്ടിയതു ഗോപുവിന്റെ കയ്യിൽ....ഗോപുവിന്റെയും ബോബിച്ചേട്ടന്റെയും ഒരു ഓട്ടത്തിനൊടുവിൽ അവസാനനിമിഷത്തിൽ ബോബിച്ചേട്ടൻ വല കുലുക്കി....

അവസാന വിസിലും അടിക്കുമ്പോൾ രാഹുലിന്റെ മുഖത്തു പുഞ്ചിരി ഉണ്ടായിരുന്നു....ഗോപു ഓടിവന്നു അവനെ കെട്ടിപ്പിടിച്ചു....

സമ്മാനത്തുകയായി കിട്ടിയ അയ്യായിരം രൂപയിൽ നിന്നു ആദ്യം ബോബിച്ചേട്ടൻ രാഹുലിന് ഒരു ബൂട്ട് വാങ്ങി കൊടുത്തു....

"നീ ഇനി എന്നും കളിക്കാൻ ഉണ്ടാവണം...." അവന്റെ തോളിൽ തട്ടിക്കൊണ്ട് ബോബിച്ചേട്ടൻ പറഞ്ഞു...

രാഹുലിനും ഗോപുവിനും വളരെ സന്തോഷം ആയിരുന്നു അന്ന് മുഴുവൻ....

ടീമിന്റെ പേജിൽ അവരുടെ ഗ്രൂപ് ഫോട്ടോ പോസ്റ്റ് ചെയ്യുമ്പോൾ സ്വാതിയെ ടാഗ് ചെയ്യാനും ഗോപു മറന്നില്ല....

             ××××××××××××××××××××××××××

ദിവസങ്ങൾ കഴിഞ്ഞു.....രാഹുലിന് ആകെ മാറ്റം വന്നിരിക്കുന്നു....അവനു ഇപ്പോൾ ഫുട്‌ബോൾ ആണ് എല്ലാം....അതല്ലെങ്കിലും അങ്ങനെയാണ്....മയക്കുമരുന്നിനെക്കാളും ലഹരിയാണ് ഫുട്ബാളിന്....

"ടാ...എനിക്ക് ഇറങ്ങി കളിക്കണം...." പെട്ടെന്നാണ് രാഹുൽ ഗോപുവിനോട് പറഞ്ഞത്...

"അതെന്താ ഇപ്പൊ അങ്ങനെ...."

"അറിയില്ലട....പ്രാന്ത് പിടിക്കുന്ന പോലെയാകുന്നു....നി എന്നെ സഹായിക്കുവോ...." രാഹുൽ ചോദിച്ചു...

"അതിനിപ്പോ എന്താ....നിനക്കു ഞാൻ കുറച്ചു സ്‌കിൽ വീഡിയോസ് ഒക്കെ തരാം...നീ അതൊക്കെ കണ്ടു പടിക്കു...." ഗോപു പറഞ്ഞു....

"താങ്ക്സ് അളിയാ"

"അതൊക്കെ ശെരി...നീ എനിക്ക് വെല്ലുവിളിയാകുമോ..."

"പോടാ..." രാഹുൽ ചിരിച്ചു....

                    ×××××××××××××××××××××××

"ടാ....ഈ ഫ്രീകിക് ഗോൾ ആക്കിയാൽ നിനക്ക് ഹാട്രിക്കാവും..." ബോബിച്ചേട്ടൻ പറഞ്ഞു...

അവൻ മെല്ലെ മുന്നോട്ടു നോക്കി....എല്ലാവരും എന്നെയാണ് നോക്കുന്നത്....കളികാണാൻ വന്ന പിള്ളേരെല്ലാം തന്റെ പേര് വിളിച്ചു കയ്യടിക്കുന്നു....

അവൻ മുന്നിലേക്ക് നോക്കി....ഗോപു മുന്നിൽ നിൽക്കുന്നു....അവൻ ഇന്ന് ഗോൾ ഒന്നും അടിച്ചില്ല....സാധാരണ ദിവസം ഞങ്ങൾ രണ്ടുപേരും ഗോൾ അടിക്കുന്നതാണ്....

അവൻ പുറകോട്ടു നീങ്ങി....ആരും നേടാത്ത ഹാട്രിക്ക് എന്ന നേട്ടം അവനു മുന്നിൽ നിന്നു....

ഓടിവന്നു ഉന്നം വച്ചൊരു കിക്....കൃത്യം ഗോപുവിന്റെ ഇടം കാലിൽ.....അതു അവനു ഗോൾ വലയിൽ എത്തിക്കാൻ വലിയ നോട്ടം വേണ്ടിവന്നില്ല.....

സന്തോഷത്തിൽ രാഹുലിന്റെ അടുത്തേക്കു ഓടിയെത്തിയ ഗോപു അവനെ കെട്ടിപ്പിടിച്ചു തള്ളി താഴേ ഇട്ടു....

"എന്തിനാടാ...നിനക്കു ഹാട്രിക്ക് നോക്കാൻ മേലാരുന്നോ..." ഗോപു ചോദിച്ചു

"നീ പാസ്സ് തന്നാൽ മതി....സമയം ഉണ്ടല്ലോ..."ചിരിച്ചു കൊണ്ട് രാഹുൽ പറഞ്ഞു....

രണ്ടുപേരും എണീറ്റു....തോൽവി ഉറപ്പിച്ച എതിർടീം പന്തു കിക്ക്‌ ചെയ്തു കളി തുടർന്നു....

ബോബി ചേട്ടൻ പന്തു റാഞ്ചി എടുത്തു ഗോപുവിന് കൊടുത്തു....ഗോപുവിന്റെ അത്യുഗ്രൻ ക്രോസ് ഒരു വോളിയിലൂടെ പോസ്റ്റിനുള്ളിൽ രാഹുൽ എത്തിച്ചു....

പക്ഷെ കുതിച്ചു പാഞ്ഞ പന്തു റോഡിലൂടെ സൈക്കിളിൽ പൊയ്ക്കോണ്ടിരുന്ന പെണ്കുട്ടിയുടെ മേലെ നല്ല ശക്തിയിൽ ഇടിച്ചു....

അവൾ ഒരു അലർച്ചയോടെ തെറിച്ചു വീണു....

ഗോപുവും രാഹുലും പകച്ചു നിന്നു....

"രാഹുലേ...വാടാ...."ബോബി ചേട്ടൻ അവളുടെ അടുത്തേക്ക് ഓടുന്നതിനിടയിൽ വിളിച്ചു പറഞ്ഞു....

നാട്ടുകാർ എല്ലാം ഓടിക്കൂടുന്നുണ്ട്....

എന്തു ചെയ്യണം എന്ന് പോലും അറിയാതെ അവരിരുവരും അവിടെ നിന്നു.....

തുടരും...

❤ക്യാപ്റ്റൻ 4

"ടാ....ഓടിവാടാ പൊട്ടാ...നീ എന്തൊർത്തു നിക്കുവാ...." ഒടുന്നതിനിടയിൽ ഗോപു രാഹുലിനോട് ചോദിച്ചു...

അപ്പോഴാണ് രാഹുൽ അന്ധാളിപ്പിൽ നിന്നു പുറത്തേക്കു വന്നത്....വന്ന ബോധം വച്ചു അവനും ഗോപുവിന്റെ പുറകെ വച്ചു പിടിച്ചു...

കവലയിൽ വായിനോക്കി കത്തിവച്ചു നിന്ന അമ്മാവന്മാരും ഓട്ടോക്കാരും എല്ലാം വട്ടംകൂടിയിട്ടുണ്ട്..

"ആരാടാ ഈ പന്തു തൊഴിച്ചത്...." ഒരു കാർന്നോർ ചോദിച്ചു...

"അതു പിന്നെ...." അടിച്ചത് രാഹുൽ ആണെങ്കിലും ഗോപു ആണ് മറുപടി പറഞ്ഞത്...രാഹുൽ അപ്പോഴേക്കും പുറകിൽ ഒളിച്ചിരുന്നു....

"ആഹാ...നീ ആണോ...നിനക്കൊക്കെ ഇത്രേം വലിയ ഗ്രൗണ്ട് ഉണ്ടായിട്ടു വഴിയിൽ പോകുന്ന പിള്ളേർക്കിട്ടു പന്തടിക്കണം അല്ലെടാ...." കാർന്നോർ നല്ല കലിപ്പിലാണ്....

"എന്റെ പൊന്നു ചേട്ടാ ഞാനല്ല അടിച്ചത്....അടിച്ചത് ആരായാലും പന്തല്ലേ.....അടിച്ചു കഴിഞ്ഞാൽ റോഡാണ് അങ്ങോട്ടു പോകല്ലേ പന്തെ എന്നു പറയാൻ പറ്റ്വോ...ചേട്ടൻ കിടന്നു മൂപ്പിക്കാതെ...." അവൻ അല്ലേലും അങ്ങനാണ്...ഗോപുവും സടകുടഞ്ഞു...

"അവന്റെ ഒക്കെ പന്തുകളി....ആദ്യം ഈ കിടക്കുന്ന കൊച്ചിന് എന്താണ് വെച്ചാൽ ചെയ്തു കൊടുത്തോ..." കർന്നോരും വിട്ടുകൊടുക്കാൻ പ്ലാൻ ഇല്ല....

"ഓ...കിളവന്റെ ഉത്തരവാദിത്തം.....അതുകൊണ്ടാരിക്കും ഇത്രേം നേരം ഈ പെണ്ണും സൈക്കിളും നിലത്തു കിടന്നിട്ടു അതോന്ന് നേരെ വെക്കാൻ നോക്കാതെ ഇയാള് ഞങ്ങടെ നെഞ്ചത്തോട്ടു ഉണ്ടാക്കാൻ വരുന്നത്....."

ഇതു കേട്ടതും ദേഷ്യം താങ്ങാൻ വയ്യാതെ കാർന്നോർ അവനെ തല്ലാൻ കൈ ഉയർത്തി....ഗോപുവും രണ്ടും കല്പിച്ചായിരുന്നു....അവിടെ കൂടിയ ഓട്ടോക്കാർ കാർന്നൊരെ പിടിച്ചു മാറ്റി....രാഹുലും ബോബിയും ചേർന്നു ഗോപുവിനേയും പിടിച്ചു മാറ്റി....

നിലത്തു വീണ പെണ്കുട്ടി ഇപ്പോളും അവിടെ തന്നെ ഇരിക്കുകയാണ്....പേടി അവളുടെ കണ്ണുകളിൽ നിഴലിച്ചിട്ടുണ്ട്....എഴുന്നേൽക്കാൻ ശ്രെമിക്കുന്ന അവളെ കണ്ടു രാഹുലും ബോബിച്ചേട്ടനും അവളുടെ കാലിൽ നിന്നു സൈക്കിൾ എടുത്തു നേരെ വെച്ച് അവളെ എഴുന്നേൽപ്പിച്ചു....

"വാ മോളെ...അവിടെ ഇരിക്കാം.....നടക്കാൻ ബുദ്ധിമുട്ടുണ്ടോ....?" ബോബി ചോദിച്ചു..

"ഇല്ല ചേട്ടാ....നടക്കാം..." കാലു പൊത്തി മുടന്തി നടക്കുന്നതിനിടയിൽ അവൾ പറഞ്ഞു....ഗ്രൗണ്ടിന് പുറത്തു ഇരിക്കാനായി ഇട്ടിരുന്ന പോസ്ടിൽ അവളും രാഹുലും ഇരുന്നു.... ഗോപു സൈക്കിൾ മാറ്റി വച്ചു വന്നു...ബോബിയും ഗോപുവും അവിടെ നിന്നതെ ഉള്ളു....

"വല്ലതും പറ്റിയോ മോളെ..." രാഹുൽ അവളോട്‌ ചോദിച്ചു...
അവൾ അവന്റെ മുഖത്തേക്ക് ഒന്നു നോക്കി....ദേഷ്യപ്പെടണം എന്നവൾക്കു തോന്നി....പക്ഷെ അവന്റെ മുഖത്തെ കുറ്റബോധവും നിഷ്കളങ്കതയും കണ്ടപ്പോ അവൾക്കു ഒന്നും പറയാൻ തോന്നിയില്ല....

"ഇല്ല ചേട്ടാ....ഇത്തിരി പെയിന്റ് പോയി...നല്ല നീറ്റൽ..." അവളുടെ കണ്ണു നിറഞ്ഞിരുന്നു....

"ഗോപു...നീ പോയി ആ കടയിൽ നിന്നു തണുത്ത ഒരു കുപ്പി വെള്ളോം പത്തിരുപത് രൂപക്കു ബാന്ഡേജും വാങ്ങിക്കേ....ക്യാഷ് പേഴ്സിൽ ഉണ്ട്...."

"ടാ...വരുമ്പോ എന്റെ കാറിൽ നിന്നും ആ ഡെറ്റോൾ കൂടി എടുത്തോ...." ബോബിച്ചേട്ടൻ പറഞ്ഞു...

രാഹുൽ എന്തു പറയണം എന്നറിയാതെ അവിടെ ഇരുന്നു....പോയതിലും വേഗത്തിൽ ഗോപു വന്നു....

അവൾ മെല്ലെ ആ വെള്ളം ഒഴിച്ചു കയ്യിലെ മുറിവ് കഴുകി രാഹുൽ കൊടുത്ത ടവ്വൽ വച്ചു അല്പം ഡെറ്റോൾ ഒപ്പിയെടുത്ത് മുറിവിൽ വച്ചു....അപ്പോളേക്കും രാഹുൽ ബാൻഡ്‌ജ്‌ അവൾക്കു പൊളിച്ചു കൊടുത്തു....ഒട്ടിക്കാൻ പെടുന്ന പാട് കണ്ടു രാഹുലിനോട് ഒട്ടിച്ചു കൊടുത്തിട്ട് കളിക്കാൻ വരാൻ ബോബിച്ചേട്ടൻ പറഞ്ഞു....

രാഹുൽ മെല്ലെ അതൊട്ടിച്ചു....അവൾ അവന്റെ മുഖത്തേക്ക് നോക്കി നിന്നു....വിയർപ്പിന്റെ നല്ല ദുർഗന്ധം അവന്റെ ശരീരത്തിൽ നിന്നും വരുന്നുണ്ടായിരുന്നു....അവൾ അതൊന്നും വകവെക്കാതെ അവന്റെ മുഖത്തേക്ക് നോക്കി നിന്നു...

"എങ്കിൽ ഞാൻ പൊക്കോട്ടെ ചേട്ടാ...." അവൾ ചോദിച്ചു...

"കുഴപ്പമൊന്നുമില്ലല്ലോ ല്ലേ....ഞാൻ ആവേശത്തിനു കളിച്ചപ്പോ അറിയാതെ പറ്റിയതാ....സോറി..."

"ഏയ്‌...അതു സാരമില്ല ചേട്ടാ...അറിയാതെ അല്ലെ....ഞാൻ ഇത്തിരി നേരം കളി കണ്ടിട്ട് നിർത്തിയതാ....പോകാൻ തുടങ്ങിയപ്പോളാ...." അവൾ മെല്ലെ സൈക്കിൾ നേരെ ആക്കിക്കൊണ്ട് പറഞ്ഞു....

അവൾ സൈക്കിളിൽ കയറി ഇരിക്കാൻ മുതിർന്നില്ല ...മെല്ലെ തള്ളിക്കൊണ്ട് നടന്നു...

അവൻ അവൾ പോകുന്നതും നോക്കി നിന്നു....എവിടെയോ കണ്ടിട്ടുള്ള പോലെ തോന്നി....പക്ഷെ ചോദിക്കാൻ മറന്നു....

"എന്താരുന്നു രണ്ടുടെ കൊഞ്ചൽ....അവളെ വീഴ്ത്തിയ നീ..." ഗോപു ആണ്....കളി കഴിഞ്ഞു പോകാനുള്ള വരവാണ്....

"നീ കണ്ടില്ലേ അവൾ വീണത്....ഇനിയും വീഴ്ത്തിയത് അവൾ ചിലപ്പോ വടിയാവും...." രാഹുൽ ചിരിച്ചോണ്ട് പറഞ്ഞു....

"ഹോ....ഇത്രേം ദാരിദ്ര്യം പിടിച്ച ചളി ഒക്കെ എവിടുന്നാടെ....അയ്യേ...."ഗോപുവിന്റെ അത്യുഗ്രൻ കൗണ്ടറിൽ രാഹുൽ ഒന്നു ചൂളിപ്പോയി....

"ഒഞ്ഞു പോയേട....നീ അല്ലെ ചെഞ്ചളിയുടെ മഹാരാജാവ്....നി മിണ്ടണ്ട..." രാഹുൽ ചമ്മൽ മാറ്റാനായി പറഞ്ഞു...

"ഉവ്വ....ബബബബ്ബ.....അതു പോട്ടെ....അവളുടെ പേരെന്താ....??" ഗോപു ജിജ്ഞാസയോടെ ചോദിച്ചു...

"അയ്യോടാ...ഞാൻ ചോദിച്ചില്ലടാ...." രാഹുൽ വായും പൊത്തി ഇരുന്നു....

"ഹൈ.....മരമണ്ടാ....തിരുമണ്ടാ.....കഷ്ടം ആണല്ലോടെ...." ഗോപു വീണ്ടും അവനെ കളിയാക്കാൻ തന്നെ തീരുമാനിച്ചു....

"എന്റെ പൊന്നാളിയാ...ഒരുത്തി കാരണം ഞാൻ പെട്ട പാട് നിനക്കറിയാല്ലോ...അന്ന് നീയും കെട്ടതല്ലേ എല്ലാം....ഇനിയും വയ്യട....പേടിയാ എനിക്ക്" രാഹുൽ മെല്ലെ തലതാഴ്ത്തി ഇരുന്നു....

"എന്റളിയ...നീ അതു വിട്....ബാ നമ്മുക്ക് പോകാം...ഹാട്രിക്ക് അടിച്ചതല്ലേ....വാസുചേട്ടന്റെ കടയിൽ ഇപ്പൊ നല്ല ചൂട് പൊറോട്ടേം ബീഫും കിട്ടും....വാ" ഗോപു വിഷയം മാറ്റാൻ പറഞ്ഞു...

"ഗതികേട്....ഇതറിഞ്ഞാൽ അടിക്കുല്ലാരുന്നു...." രാഹുൽ തലക്ക് കൈകൊടുത്തു...

"അതൊന്നും പറഞ്ഞിട്ട് കാര്യമില്ല മോനെ....നീ വണ്ടി എടുക്ക്....."

അവർ ബൈക്കു സ്റ്റാർട്ട് ആക്കി മുന്നോട്ടു നീങ്ങി...

"നീ എന്താടാ ചുറ്റും നോക്കുന്നത്...." രാഹുലിന്റെ നോട്ടം കണ്ടു ഗോപു ചോദിച്ചു...

"ഒന്നുമില്ലടാ...."

"ഉവ്വ....അവൾ ഇതിലെ ആണോ പോയത് ....." ഗോപു ചോദിച്ചു....

രാഹുലിന്റെ വളിച്ച ചിരി അവൻ മിററിലൂടെ കണ്ടു...

"കഷ്ടം....നിനക്കു എന്തിനു പേടിയെന്നാ പറഞ്ഞത്....എന്തുവാടെ..." ഗോപു വീണ്ടും അവനെ കളിയാക്കി....

"എന്റെ പൊന്നളിയാ....കട എത്തി നീ വാ...വന്നു ചള്ളവയർ നിറയെ അടിച്ചു കേറ്റ്....."

ഗോപു ചിരിച്ചുകൊണ്ട് കടയിലേക്ക് കയറി....

"വാസുവേട്ട.....നമ്മടെ പതിവ്...." ഗോപു ചിരിച്ചുകൊണ്ട് പറഞ്ഞു....

"ആ...കേറിയിരിക്കേടാ പിള്ളാരെ...." വാസുചേട്ടൻ പറഞ്ഞു

                     ×××××××××××××××××××××

വീണ്ടും ദിവസങ്ങൾ കൊഴിഞ്ഞുപോയി....

ഇന്ന് പണി കിട്ടിയതു ഗോപുവിനാണ്....പാസ്സ് ഇട്ടു തന്ന രാഹുലിനെ അവൻ ദേഷ്യത്തോടെ ഒന്നു നോക്കി....

"ചേട്ടാ....നമ്മടെ പതിവ്..." രാഹുൽ വാസുചേട്ടനോട് പറഞ്ഞു....

കഴിച്ചു ഇറങ്ങിയപ്പോളാണ് രാഹുൽ അപ്പുറത്തെ കടയിൽ പരിചയമുള്ള ഒരു മുഖം കണ്ടത്....

"ടാ....ഗോപു...ഇതവളല്ലേ...."

"ആര്...."

"ടാ....അന്ന് ഞാൻ വീഴ്ത്തിയവൾ...."രാഹുൽ ഒരു കള്ളച്ചിരിയോടെ പറഞ്ഞു....

"ആ...അവൾ തന്നെ....നീ വന്നേ.....പരിചയപ്പെടാം..." ഗോപു അവനേം വിളിച്ചുകൊണ്ട് റോഡ് ക്രോസ്സ് ചെയ്തു...

"ഹലോ...ഞങ്ങളെ മനസ്സിലായോ..." ഗോപു ചാടിക്കയറി ചോദിച്ചു....

ചോദ്യം കേട്ട് അവൾ തിരിഞ്ഞു നോക്കി....
"ഹാ...മനസിലായി ഏട്ടാ....എന്താ നിങ്ങൾ ഇവിടെ..."

"ഞങ്ങൾ ഫുഡ് അടിക്കാൻ അപ്പുറത്തു വന്നതാ...അപ്പോള ഇയാളെ കണ്ടത്..."രാഹുൽ പറഞ്ഞു

"ഓഹ്...കളി കഴിഞ്ഞ മട്ടാണല്ലോ....." അവൾ ചിരിച്ചുകൊണ്ട് ചോദിചു....

"ആം...." രാഹുൽ പറഞ്ഞു...

"എടി...നമ്മുക്ക് പോകാം...ഇനിയും താമസിച്ചാൽ ബസ് കിട്ടില്ല...." കടക്കുള്ളിൽ നിന്നു ഇറങ്ങി വന്ന ഒരു പെണ്കുട്ടി പറഞ്ഞു....അവളുടെ കൂട്ടുകാരിയാണെന്നു തോന്നുന്നു....

"എങ്കിൽ പൊക്കോട്ടെ ഏട്ടാ...." അവൾ രാഹുലിന്റെ മുഖത്തേക്ക് നോക്കി...

"എങ്കിൽ പൊക്കോ....ഇനി എപ്പോളേലും കാണാം..." അവൻ സമ്മതം നൽകി....

അവൾ നടന്നകലുന്നതും നോക്കി അവർ നിന്നു...

"ടാ....പേരു ചോദിച്ചില്ല" ഗോപു അവന്റെ തോളത്തു തട്ടി...

"ഏയ്...." രാഹുൽ അവളെ വിളിച്ചു....അവൾ മെല്ലെ തിരിഞ്ഞു നോക്കി....

"താൻ പേരു പറഞ്ഞില്ല...."അവൻ അവളോടായി പറഞ്ഞു...

" ആതിര " അവൾ അവനെ നോക്കി പുഞ്ചിരിച്ചിട്ടു നടന്നകന്നു....

അവനും ഗോപുവും അവർ പോകുന്നതും നോക്കി നിന്നു....

തുടരും...

❤ക്യാപ്റ്റൻ part 5

"കൊച്ചു കൊള്ളാം അല്ലെടാ.....എനിക്കിഷ്ടായി..." ഗോപു അവന്റെ തോളിലേക്കു ചാഞ്ഞു കൊണ്ടു പറഞ്ഞു....

"അയ്യട....നീ മാറിയെ....കൊച്ചു കൊള്ളാന്നെ....കണ്ടം വഴി വിട്ടോ...." രാഹുൽ അവനെ തട്ടിമാറ്റി...

"അതെന്താ...കൊള്ളതില്ലേ..." ഗോപു അവനെ നോക്കി ഒരു കള്ളച്ചിരി പാസ്സാക്കി

"അങ്ങനല്ല...."

"പിന്നെങ്ങനാ....മോനെ രാഹുവെ....വെള്ളം അടുപ്പതു വെക്കാനുള്ള പ്ലാൻ ഉണ്ടെന്നു തോന്നുന്നല്ലോടാ..."
ഗോപു അവന്റെ തലക്കിട്ടു തട്ടി...

"പൂച്ച ഒന്നൂടെ നീന്താൻ പറ്റുവോന്നു നോക്കട്ടെടാ..." രാഹുൽ ചെറിയ നാണത്തോടെ പറഞ്ഞു...

"ഉവ്വ....സ്വാതി പറഞ്ഞപ്പോ മോങ്ങിയപോലെ മോങ്ങിയാൽ മണ്ടക്കിട്ടു തരും ഞാൻ...."

"ഉവ്വ...എല്ലാരും അവളെപ്പോലെ അല്ലല്ലോ....പോരാത്തതിന് ഞാൻ ഇപ്പൊ ഇവിടുത്തെ മെസ്സി അല്ലെ...." രാഹുൽ അല്പം ആത്മവിശ്വാസത്തോടെ പറഞ്ഞു....

"അപ്പൊ ഞാനോ....നിന്നെ കളി പഠിപ്പിച്ചത് ഞാനാ...മറക്കേണ്ട...." ഗോപു അഹങ്കാരത്തോടെ പറഞ്ഞു....

"അതു പറഞ്ഞപ്പോളാ ഓർത്തത്.....എനിക്ക് എംജി യൂണിവേഴ്‌സിറ്റിക്ക് വേണ്ടി കളിക്കാൻ ചാൻസ് കിട്ടി...ഇന്ന് ഉച്ചക്ക് അവർ വിളിച്ചിരുന്നു....അന്ന് കോളേജിന് വേണ്ടി കളിക്കാൻ പോയിട്ട് കളി ജയിപ്പിച്ചരുന്നല്ലോ....." രാഹുൽ പറഞ്ഞു

"ഹം...." ഗോപുവിന്റെ മുഖം ഒന്നു വാടി...

"എന്താടാ....എന്ത് പറ്റി..."

"ഒന്നുല്ലട....കഴിച്ചു കഴിഞ്ഞാണോടാ പട്ടി ഇതു പറയുന്നത്....തത്കാലം നി നാളെ ചിലവ് ചെയ്താൽ മതി..." ഗോപു രാഹുലിനെ കെട്ടിപ്പിടിച്ചു...

"പോയി തകർത്തിട്ടു വാടാ...." ഗോപു രാഹുലിനോട് പറഞ്ഞു....

"ഉറപ്പായും ടാ....എന്റെ ഗുരുവിനെ മോശമാക്കാൻ പറ്റില്ലല്ലോ...." രാഹുൽ ചിരിച്ചുകൊണ്ട് പറഞ്ഞു....

"ഉവ്വ...മതി സോപ്പിട്ടത്...നീ വണ്ടി എടുക്ക്....നീ നാളെ എപ്പോളോ പോകുന്നത്...."

"വൈകിട്ട്..." രാഹുൽ പറഞ്ഞു...

"അപ്പൊ നാളെ രാവിലെ ഞാൻ അങ്ങു വരാം...."

"ആ...നമ്മുക്ക് അമ്പലത്തിലും ഒന്നു പോകാം...."

അവർ ട്രാഫിക്കിനിടയിലൂടെ ആ ശകടവുമായി കുതിച്ചു....

                     ××××××××××××××××××

വീട്ടിൽ ചെന്ന് ഒരു കുളിയും പാസ്സ് ആക്കി രാഹുൽ ഹാളിലേക്ക് വന്നു....അമ്മ കണ്ണീർ സീരിയലുകൾ കാണുന്ന തിരക്കിലാണ്....അതു കണ്ടതും ഒന്നും മിണ്ടാതെ അവൻ വന്ന വഴി തിരിച്ചു മുറിയിലേക്ക് പോയി....ഫാൻ ഓണാക്കി അവൻ കട്ടിലിലേക്ക് ചാടി വീണു....ഫോൺ എടുത്തു നോക്കി...എഴുപത് ശതമാനം ചാർജ് ആയി...ധാരാളം...

അവൻ മെല്ലെ ഫോണെടുത്തു ഫേസ്ബുക്ക് ഓപ്പൺ ചെയ്തു....ട്രോളുകൾ വായിച്ചു താഴേക്കു ഊർന്നിറങ്ങുമ്പോളാണ് അവന്റെ കണ്ണുകൾ സജഷൻസിൽ ഉടക്കിയത്....

"Athira Manohar"

"ഇതവളാണല്ലോ....ഭഗവാനെ....കാലിൽ ചുറ്റിയല്ലോ..."

ഇടം വലം നോക്കാതെ അവൻ ഒരു റിക്വസ്റ് വചങ് കാച്ചി....

നേരെ പോയി വാട്സപ് എടുത്തു ഗോപുവിന് മെസ്സേജ് അയച്ചു....

"ടാ...അവളുടെ ഫ്ബി അക്കൗണ്ട്‌ കിട്ടി..." മെസ്സേജ് സെന്റ് ആയി....പക്ഷെ ഡെലിവേറെഡ് ആകുന്നില്ല....

"ഈ തെണ്ടി എവിടെ പോയി കിടക്കുവാ..." അവൻ മനസിൽ ഓർത്തു....

"Athira Manohar Accepted Your Friend Request."

ഒരു ഫേസ്ബുക് നോട്ടിഫിക്കേഷൻ അവന്റെ ഫോണിനെ തലോടി....അവന്റെ മനസ്സിൽ വല്ലാത്തൊരു നേടുവീർപ്പ് അനുഭവപ്പെട്ടു...

അവൻ നേരെ പോയത് മെസ്സേഞ്ചറിലേക്കാണ്...

"Hi Athira"

അപ്പുറത്തു മെസ്സേജ് സീൻ...ടൈപ്പിംഗ്... അവന്റെ ഹൃദയമിടിപ്പ് കൂടി വന്നു....

"Hi Rahuletta"

"Iyalkku enne manassilayo?"

"Pinne...enne urutti ittu kollan nokkiya aale marakkan pattuvo?"

"Athu...pinne...annu...thanikkariyallo..."

"Njan chumma paranjatha chetta...chettan ippol enthu cheyyuva...I mean Studies..."

"Njan SB collegil Maths 3rd year...Iyalo??"

"Njan Ippo plus two kazhinjirikkuva...Entrance Try cheyyanam ennund...Pinne iyaaal nnu vilikkanda...chettan Athi ennu vilicho..."

ആ ചാറ്റ് നീണ്ടു പൊയ്കൊണ്ടിരുന്നു....അവന്റെ നാളത്തെ സെലക്ഷൻ അറിഞ്ഞ അവൾ അവന് ഗുഡ് ലക്ക് പറയാനും മറന്നില്ല.....

രാഹുലിന്റെ മുഖത്തു വല്ലാത്തൊരു സന്തോഷം അലയടിക്കുന്നുണ്ടായിരുന്നു....അവൻ ഫോൺ ചർജിങ്ങിൽ ഇട്ടിട്ടു മെല്ലെ കണ്ണടച്ചു....

                      ×××××××××××××××××

പിറ്റേന്ന് രാവിലെ തന്നെ അമ്പലത്തിൽ പോകാൻ ഗോപു വന്നു....പോവുന്ന വഴിക്ക് അവനെ ഇന്നലെ ഓണ്ലൈന് വരാത്തതിനു തെറി പറയാനും അവൻ മറന്നില്ല...

വൈകിട്ടു അവനെ യാത്രയാക്കുമ്പോൾ ഗോപുവിന്റെ കണ്ണു നിറഞ്ഞിരുന്നു....ഇതുവരെ ഉറ്റസുഹൃത്തിനെ പിരിഞ്ഞിരുന്നിട്ടില്ല....

                       ×××××××××××××××××

ഒരു മാസം വളരെ വേഗം കിടന്നു പോയി...

"മോനെ...ഓടി വാടാ..." രാവിലെ അമ്മയുടെ ബഹളം കേട്ട് ഗോപു കിടക്കപ്പായയിൽ നിന്നു എണിറ്റ് ഓടി....

"എന്താ അമ്മേ....."

"ദേ നമ്മുടെ രാഹുലിന് കപ്പ്...."

"അത്രേ ഉള്ളോ...ഞാൻ ഇന്നലെ അറിഞ്ഞരുന്നു....അവൻ ഇന്ന് വൈകിട്ട് വരും...ഞാൻ അവനെ കൊണ്ടുവരാൻ പോകുവാ..." പത്രത്തിലേക്കു ഒളിഞ്ഞുനോക്കികൊണ്ട് അവൻ പറഞ്ഞു....

                     ×××××××××××××××××××

"അപ്പൊ ഇനി എന്താടാ പ്ലാൻ...." റയില്വേസ്റ്റേഷനിൽ അവന്റെ ബാഗ് എടുക്കുമ്പോൾ ഗോപു ചോദിച്ചു...

"മോഹൻബഗാനിലേക്ക് വിളി വന്നിട്ടുണ്ട്...എക്സാം കഴിഞ്ഞു പോയ് ചേരണം...." രാഹുൽ പറഞ്ഞു...

"അപ്പൊ ഇനി കഷ്ടിച്ചു നാലു മാസമേ നീ ഇവിടെ കാണു അല്ലെ..."

"ആം..." അവരിരുവരുടെയും മുഖത്തു ചെറിയ സങ്കടം ഉണ്ടായിരുന്നു...

"ആതിരയോ..."

ആ ചോദ്യം രാഹുൽ പ്രതീക്ഷിച്ചതാണ്....

"നീ പറഞ്ഞോ അവളോട്‌.." ഗോപു ചോദിച്ചു...

"ഇല്ലട..."

"എന്താവും അവളുടെ മറുപടി..."

"അറിയില്ല....അവൾക്കു അടുത്ത മാസം എൻട്രൻസ് എക്സാം ഉണ്ട്...അതു കഴിഞ്ഞു നാട്ടിൽ വരുമ്പോൾ കാണാം എന്ന പറഞ്ഞതു...."

"ഹം....വാ..വണ്ടിക്കാത്തോട്ട് കേറിക്കോ....ബാക്കി കഥ വീട്ടിൽ ചെന്നിട്ടു...."

ഗോപു വണ്ടി എടുത്തു...വളരെ വേഗം അവർ നാട്ടിൽ ചെന്നു....

വീട്ടിൽ എല്ലാവർക്കും സന്തോഷം ആയിരുന്നു....പക്ഷെ മോഹൻബഗാനിലേക്ക് ചേക്കേറുന്ന കാര്യം പറഞ്ഞപ്പോൾ ഏവർക്കും സങ്കടമായി....

                           ××××××××××××

വൈകുന്നേരത്തെ ഫുട്ബാൾ കളിയും എല്ലാമായി ഒരു മാസം വളരെ വേഗം കടന്നുപോയി...

ഇന്നാണ് ആതിര കാണാം എന്നു പറഞ്ഞിരുന്നത്....രാവിലെ തന്നെ അവർ അവളെ കാണാൻ പോയി...അമ്പലത്തിൽ വച്ചു കാണാം എന്നായിരുന്നു അവൾ പറഞ്ഞതു...

ആ നടയിൽ അവൾക്കു വേണ്ടി കാത്തിരിക്കുമ്പോൾ അവന്റെ മനസ്സിൽ അവളോട്‌ ഇഷ്ടം തുറന്നു പറയാനുള്ള ധൈര്യം കിട്ടാനുള്ള പ്രാര്ഥനയായിരുന്നു....

അവൾ ദൂരെ നിന്ന് വരുന്നത് കണ്ടപ്പോൾ അവൻ എംഡല്ലേ എണീറ്റു....അവൾ അവനെ കണ്ടപ്പോൾ ചെറിയ ഒരു പുഞ്ചിരി നൽകി....

അവരിരുവരും ഒന്നിചു അമ്പലത്തിനുള്ളിലേക്കു കയറി...ഗോപു അല്പം പുറകിലായി നടന്നു...

"ആതി...ഇന്ന് നിന്നെ കാണണം എന്ന് പറഞ്ഞത് എനിക്ക് ഒരു കാര്യം പറയുവാൻ വേണ്ടി ആണ്..."

വലംവെക്കുന്നതിനിടയിൽ അവൻ പറഞ്ഞു തുടങ്ങി...

"എന്താ ഏട്ടാ..." അവളുടെ കണ്ണുകളിൽ അല്പം കുസൃതി ഒളിച്ചിരുന്നു....ആ കുസൃതിയാണ് അവനെ ഇന്ന് ഇങ്ങനെ ആക്കിയത് ...

"നമ്മൾ പരിചയപ്പെട്ടിട്ടു കുറച്ചായതെ ഉള്ളു...പക്ഷെ വളരെ വേഗം നമ്മൾ അടുത്തു...ഇന്ന് എനിക്ക് നീ ഇല്ലാതെ വയ്യ എന്നൊരു അവസ്ഥയിൽ എത്തി നില്കുവാണ്....നിനക്കു പ്രായം പതിനെട്ട് ആയതെ ഉള്ളു എന്നറിയാം....നാളെ വന്നു കല്യാണം കഴിക്കാൻ ഒന്നുമല്ല....എനിക്കായി ഒരുവൾ ഉണ്ടെന്നു ഒരു തോന്നൽ ഉണ്ടായത് നീ കൂടെ ഉള്ളപ്പോളാണ്....നീ എന്നും കൂടെ വേണം....നിനക്കു സമ്മതമാണോ....എന്റെ പെണ്ണായി ജീവിക്കാൻ...."അവൻ ഒരു വിധത്തിൽ പറഞ്ഞു മുഴുവനാക്കി....

"ഏട്ടാ....അതു..."
അവൾ ഒന്നു പരുങ്ങി...

ഗോപു പുറകിൽ നിന്നു അവരെ വീക്ഷിച്ചുകൊണ്ടിരുന്നു...

തുടരും.....

❤ക്യാപ്റ്റൻ part 6
അവസാനഭാഗം

ഒരല്പനേരത്തെ നിശ്ശബ്ദതക്കൊടുവിൽ അവൾ തുടർന്ന്....

"ഏട്ടാ....എനിക്ക് രാത്രിയിൽ ഇരുന്നു ഫുട്‌ബോൾ കാണാനും കട്ടൻകാപ്പി ഇട്ടു തരാനും ഒന്നും വയ്യ..."

അവൻ ഒന്നും മനസ്സിലാവാതെ കണ്ണും തള്ളി നിന്നു...

"എന്നെ മനസ്സമാധാനമായി ഉറങ്ങാൻ സമ്മതിക്കുവോ....??"

അവൻ ഒന്നും മനസ്സിലാവാത്ത രീതിയിൽ നിന്നു...

"ഹോ.....പൊട്ടാ....എനിക്ക് ഇഷ്ടാ മാഷേ...പക്ഷെ രാത്രി എണിറ്റിരിക്കാൻ പറയല്ല്...." അവൾ തലയിൽ കൈവച്ചുകൊണ്ടു പറഞ്ഞു....

"അപ്പോൾ..." അവൻ നിന്നടുത്തു നിന്നു തുള്ളിച്ചാടി....

"അപ്പൊ ഇനിമുതൽ നീ എന്റെ പെണ്ണ്..." അവൻ അവളുടെ കയ്യിൽ മുറുകെ പിടിച്ചു കൊണ്ട് പറഞ്ഞു...

അവൾ ഒന്നും മിണ്ടാതെ തല താഴ്ത്തി നിന്നു...ഒരു ചെറിയ പുഞ്ചിരി അവളുടെ മുഖത്തു പ്രതിഫലിച്ചു..

അവൾ അവന്റെ മുഖത്തേക് നോക്കി....അവളുടെ കണ്ണുകളിൽ എന്തൊക്കെയോ മിന്നിമറയുന്നുണ്ടായിരുന്നു.....

കണ്ണുകൾ കോർത്തു നിന്നപ്പോളാണ് ആരോ അടുത്തേക് വരുന്ന ശബ്ദം കേട്ടതു....അവൻ ഗോപുവിനെ നോക്കി....അവൻ പുറകിലെങ്ങും ഇല്ല...

അവർ വേഗം നടന്നു....ഉള്ളിലേക് കയറാൻ ഷർട്ടു ഊരിയപ്പോൾ അവന്റെ മുഖത്തെ ചമ്മൽ കണ്ടു അവൾ ചിരിക്കുന്നുണ്ടായിരുന്നു.....

ശ്രീകോവിലിനു മുന്നിൽ നിന്നു പ്രാർത്ഥിക്കുമ്പോൾ അവളുടെ മുഖത്തു വല്ലാത്തൊരു നിഷ്കളങ്കത ഉണ്ടായിരുന്നു....

"എന്തൊരു ഐശ്വര്യമാണ് അവൾക്കു....
എന്റെ ആതി...."

ഞാനും ഭാഗവാന്റെ മുഖത്തേക് നോക്കി.....

"ഭഗവാനെ എന്റെ പെണ്ണിനെ എനിക് തന്നെ തരണേ മറ്റൊരാൾക്കും വിട്ടുക്കടുക്കല്ലേ..."

ഭഗവാൻ അവന്റെ മുഖത്തു നോക്കി കണ്ണുകൾ അടച്ചു സമ്മതം മൂളിയ പോലെ തോന്നി....

പ്രസാദം വാങ്ങി പുറത്തിറങ്ങി ഷർട്ടും ഇട്ടു തിരിയുമ്പോൾ ആ ചന്ദനം അവന്റെ നെറ്റിയിൽ അവൾ തൊട്ടു കൊടുത്തു....ഒരു നിമിഷത്തേക് അവൻ ആ കൽവിളക്കു പോലെ നിശ്ചലമായി നിന്നു ....

അവനു എന്തു ചെയ്യണം എന്ന് അറിയില്ലായിരുന്നു.....അവൻ അവളുടെ കണ്ണുകളിലേക് നോക്കി നിന്നു....അവളെ വാരിപ്പുനർന്നു ആ നെറ്റിയിൽ ഒന്നു ചുംബിക്കണം എന്നവന്  തോന്നി...പക്ഷെ അമ്പലം അല്ലെ.....

അവൻ ഒന്നും മിണ്ടാതെ അവളുടെ കൂടെ നടന്നു....അവനറിയാതെ പൂജിച്ച ഒരു ചരട് കൈയിൽ കെട്ടി കൊടുത്തിട്ട് അവൾ പറഞ്ഞു

"ഇനി ഏട്ടനെ ഭഗവാൻ എന്നും നോക്കിക്കോളും...."

അതു പറയുമ്പോൾ അവളുടെ കണ്ണുകൾക്ക്‌ വല്ലാത്തൊരു തിളക്കം അനുഭവപ്പെട്ടു....ഒരു ഉത്തരവാദിത്തം വന്ന പോലെ....

അപ്പോളും അവന്റെ കണ്ണുകൾ ഗോപുവിനെ തിരയുന്നുണ്ടായിരുന്നു....ക്ഷേത്രത്തിനു പുറത്തിറങ്ങിയപ്പോളാണ് വലിച്ചുകൊണ്ടിരുന്ന സിഗരറ്റും എറിഞ്ഞു കളഞ്ഞു നടന്നു വരുന്ന ഗോപുവിനെ കണ്ടത്...

"നീ എവിടരുന്നെടാ....ഞാൻ എവിടൊക്കെ നോക്കി..." രാഹുൽ അല്പം കടുപ്പിച്ചു ചോദിച്ചു...

"കട്ടുറുമ്പാവാൻ നിക്കണ്ട എന്നോർത്തു ഒന്നു പൊകക്കാൻ ഇറങ്ങിയതാ...."

"ഓഹ്...ഒരു കട്ടുറുമ്പ്...നീ അറിയാത്ത എന്തേലും കാര്യം എന്റെ ലൈഫിൽ ഉണ്ടോ...."

"എന്റളിയാ....നീ അതു വീട്...." അവന്റെ തോളത്തു തട്ടിക്കൊണ്ട് ഗോപു പറഞ്ഞു...

"അപ്പൊ എങ്ങനാ ആതിരേ...എല്ലാം ഉഷാറായില്ലേ..."ഗോപു ആതിരയോട് ചോദിച്ചു...അവൾ നാണിച്ചു തലതാഴ്ത്തി...

"അയ്യയ്യോ...നാണം കണ്ടെച്ചാലും മതി...എങ്കിൽ നിന്റെ കേട്ട്യോനേം കൊണ്ടു ഞാൻ പൊക്കോട്ടെ...ഇന്നൊരു മാച്ച് ഉള്ളതാണെ....." ഗോപു പറഞ്ഞു...

ആതിര രാഹുലിനെ നോക്കി സമ്മതം മൂളി...

"അപ്പൊ...ഞാൻ വിളിക്കാം കേട്ടോ ആതി..." രാഹുൽ അവളുടെ കൈ വിടുവിച്ചുകൊണ്ടു പറഞ്ഞു...

"എന്റളിയാ....നീ കയറു...."

രാഹുൽ പോകുന്നതും നോക്കി അൽപ നേരം അവൾ അവിടെ നിന്നു....

                 ××××××××××××××××××××××

വീട്ടിൽ എത്തിയ അവനെ കാത്തിരുന്നത് മറ്റൊരു പ്രശ്നം ആയിരുന്നു....ഏറ്റവും അടുത്ത ദിവസം തന്നെ മോഹൻബഗാനിൽ ജോയിൻ ചെയ്യണം എന്ന ഇമെയിൽ അവനെ കാത്തിരിക്കുകയായിരുന്നു....

പരീക്ഷ പോലും എഴുതാതെ പോകുന്നതിനോട് വീട്ടുകാർ എതിർത്തെങ്കിലും അവനു പോകണം എന്ന വാശിക്കു മുന്നിൽ അവർ തോറ്റു കൊടുത്തു....

അവന്റെ സങ്കടം ആതിരയെയും ഗോപുവിനേയും വിട്ടു പോകുന്നതിലാർന്നു...അവളെ വിളിച്ചു കാര്യം പറഞ്ഞു മനസ്സിലാക്കാൻ അവൻ വളരെ പാട് പെട്ടു....അറിഞ്ഞ ഉടനെ ഗോപു വീട്ടിൽ എത്തി എല്ലാത്തിനും കൂടെ ഉണ്ടായിരുന്നു....

ടിക്കറ്റ് എടുത്തു തന്നതും കൊണ്ടു വിട്ടതും എല്ലാം അവനായിരുന്നു....

പിന്നീട് വല്ലപ്പോഴും ഉള്ള വരവുകളിലേക്കും ഫോൺ വിളികളിലേക്കും ഒതുങ്ങിയെങ്കിലും അവന്റെ മനസ്സിൽ അവന്റെ ചങ്കും പ്രിയതമയും ഓരോ നിമിഷവും ഉണ്ടായിരുന്നു....

അവനെ തേടി ഉയരങ്ങൾ വന്നു കൊണ്ടിരുന്നു...ഇന്ത്യൻ ടീമിൽ മികച്ച ഒരിടം അവനു കിട്ടി....സ്റാർട്ടിങ് ഇലവനിൽ തന്നെ ഇടതു വിങ്ങിൽ അവനു സ്ഥിരം സ്ഥാനം ഉണ്ടായിരുന്നു....അവന്റെ കളിവിരുതിൽ രാജ്യവും മുന്നേറി....

                     ××××××××××××××××××××
വർഷങ്ങളോളം അവൻ മോഹൻബഗാനു വേണ്ടി കളിച്ചു...ഇന്ത്യൻ സൂപ്പർ ലീഗ് തുടങ്ങിയിട്ട് ഇപ്പോൾ നാലു വർഷം കഴിഞ്ഞു....ഇത്തവണ സൂപ്പർ കപ്പിന് ബഗാനെ നയിച്ചത് പത്താം നമ്പർ ജേർസെയ് കാരൻ രാഹുൽ ആണ്...

അവന്റെ കളിമികവ് കണ്ടിട്ടു അഞ്ചാം സീസണിലേക്കു അവനു വന്നത് ഒരു സ്വപ്നനേട്ടം ആയിരുന്നു....കേരള ബ്ലാസ്റ്റേഴ്‌സിന് വേണ്ടി നായകനായി ബൂട്ട് അണിയുക....

ആ കടമ അവനു ലഭിച്ചപ്പോൾ അവനു സ്വർഗം ലഭിച്ച അവസ്ഥ ആയിരുന്നു....ഇരുപത്തിനാലാം വയസ്സിൽ കേരളത്തെ അവൻ നയിക്കുന്നു....

ഈ സന്തോഷവാർത്ത പറയാൻ അവൻ ആദ്യം ഗോപുവിന്റെ ഫോണിലേക്കു വിളിച്ചു...

"ടാ...അടുത്ത കൊല്ലം കേരളത്തിന് ക്യാപ്റ്റൻ ആയിട്ടു ഞാൻ ഉണ്ടെടാ...."

"ഹാ...കലക്കി മോനെ..." ഗോപുവിന്റെ മറുപടിയിൽ അല്പം സങ്കടം നിഴലിച്ചിരുന്നു...

"എന്താടാ ഗോപു...എന്താ പ്രശ്നം.."

"ടാ...അതു ആതിരയും ഞാനുമായുള്ള കല്യാണം ഉറപ്പിക്കുവാ..."

ഒരു നിമിഷം രാഹുലിന് എല്ലാം നഷ്ടമാവുന്നത് പോലെ തോന്നി...
"എന്താടാ പറയുന്നത്...."

"ടാ...വീട്ടുകാർ പോയി ആലോചിച്ചു...ഞാൻ എന്ത് ചെയ്യാനാ....."

"ടാ...നിനക്കു എല്ലാം അറിയാവുന്നതല്ലേ...എന്നിട്ടും..."

"ടാ...അവർ പറയുന്ന കേട്ടപ്പോൾ ഞാനും....."

"sir...hello...." റിപ്പോർട്ടർ അവനെ ഓർമകളിൽ നിന്നു വിളിച്ചുണർത്തി...

"Oh..sorry...i just skid into my life..what was your question?" രാഹുൽ തല തിരുമ്മിക്കൊണ്ട് ചോദിച്ചു...

"Sir...Who is the reason behing your heights?"

രാഹുലിന് ആലോചിക്കാൻ ഒന്നും ഇല്ലാർന്നു...

"My coach...my family...and most of all...My Best friend...who is more than a friend for me....my brother GOPU..." അവൻ നെഞ്ചുവിരിച്ചു നിന്നു പറഞ്ഞു...

"Oh...thats so great of you sir...thankyou for this time..." റിപ്പോർട്ടർ അവസാനിപ്പിച്ച മട്ടാണ്...

അവനും ഒരു നന്ദി പറഞ്ഞു ആ വേദിയിൽ നിന്നു ഇറങ്ങി....

ഡ്രസിങ് റൂമിലേക്ക് നടക്കുമ്പോളാണ് പുറകിൽ നിന്നു ആരോ വന്നു മുറുകെ കെട്ടിപ്പിടിക്കുന്നത്....ആളെ മനസ്സിലായെന്നോണം അവൻ ആ കൈകൾ ചേർത്തു പിടിച്ചു....

"എന്താ ഏട്ടാ...ഒരിത്തിരി നേരം ആള് അനങ്ങാതെ നിന്നതു....എന്താ പറ്റിയെ..." അവൾ ചോദിച്ചു...

"ഒന്നുല്ല പെണ്ണേ....പഴയ കാര്യങ്ങൾ ഒന്നു ഓർത്തതാ....നീ മേത്തുന്നു വിട്ടെ....വിയർത്തു നാറിയിരിക്കുവാ...." അവൻ പറഞ്ഞു...

"അതൊന്നും സാരമില്ല...." അവൾ പറഞ്ഞു...

"നീ ചെല്ലു...ഞാൻ ഫ്രഷ് ആയിട്ടു വരാം...."

"ഒകെ...ഏട്ടാ...വേഗം വരണേ....ഗോപു ഏട്ടന്റെ കൂടെ നമ്മുക്ക് പോകേണം....താമസിക്കല്ലേ...."

"ഇല്ല ആതി....നീ ചെല്ലു..."

അവൻ അവൾ നടന്നു പോകുന്നതും നോക്കി നിന്നു...

ഡ്രസിങ് റൂമിൽ ജേഴ്‌സി ഊരി ഷവറിനുള്ളിലേക്കു കയറുമ്പോൾ അവൻ വീണ്ടും പഴയ കാലം ഓർത്തു...

"ടാ...അവർ പറയുന്നത് കേട്ടപ്പോൾ ഞാനും ആദ്യം വിശ്വസിച്ചില്ല....നിന്റെ കാര്യം ആർക്കും അറിയില്ലല്ലോ...എനിക്ക് മാത്രമല്ലേ അറിയൂ....ആതിര എന്നെ വിളിച്ചു കരച്ചിലോട് കരച്ചിൽ....ഞാൻ രണ്ടും കല്പിച്ചു എല്ലാവരോടും ഉള്ള കാര്യം അങ്ങു പറഞ്ഞു...." ഗോപു അപ്പുറത്തു നിന്നും പറഞ്ഞു നിർത്തി..

"എല്ലാരും എന്തു പറഞ്ഞു...." രാഹുലിന്റെ ശബ്ദത്തിൽ ഒരു ആകാംക്ഷയും സന്തോഷവും അലയടിച്ചു....

"നീ പേടിക്കേണ്ടട...എല്ലാർക്കും സമ്മതം...പിന്നെ....ഇതിനു പകരം അടുത്ത കപ് എനിക്ക് വേണം...." ഗോപു പറഞ്ഞു കാൾ കട് ചെയ്തു....

രാഹുലിന്റെ മനസ്സിൽ എന്തെന്നില്ലാത്ത സന്തോഷം....

കുളികഴിഞ്ഞു നേരെ അവന്റെ ഗോപുവിന്റെയും ആതിയുടെയും അടുത്തേക്ക് പോയി...

അവൻ അവനു കിട്ടിയ മെഡൽ ഗോപുവിന് നേരെ നീട്ടി...

"ഇതു നിനക്കല്ല....നിന്റെ മോന്....ജൂനിയർ ഗോപുവിന്....അവൻ ക്യാപ്റ്റൻ ആയി ജീവിക്കട്ടെ...."

ഗോപു അവനെ മുറുകെ കെട്ടിപ്പിടിച്ചു...

"നമ്മുക്ക് പോകാം....ചെക്കനെ കണ്ടില്ലല്ലോ ഞാൻ..."

"ആ പോവാട...അവിടെ എന്റെ കേട്ട്യോളും ചെക്കനും നിന്നെ കാതിരിക്കുവാ....കപ് അടിച്ച ക്യാപ്റ്റൻ അല്ലെ..." ഗോപു അവനോടു പറഞ്ഞു...

"ഒന്നു പോയേട....അല്ല...ആതി ഇവിടെ...??"

"ഞാൻ ഇവിടുണ്ട്..." അകലെ വേലിയിൽ ചാരി നിന്നുകൊണ്ട് അവൾ വിളിച്ചു പറഞ്ഞു...

"നീ എന്താ അവിടെ നിക്കുന്നെ..." രാഹുൽ വിളിചു ചോദിചു...

"ഒന്നുല്ല....കട്ടുറുമ്പാവണ്ട എന്നോർത്തു...." അവൾ ചിരിച്ചുകൊണ്ട് പറഞ്ഞു...

"ഉവ്വ....മാസം അഞ്ചായി പെണ്ണേ ഒരാളും കൂടി നിന്റെ വയറ്റിൽ കിടക്കുന്നു.....നീ ഇങ്ങോട്ടു വാ...ക്ഷീണിക്കണ്ട....പോവാം വേഗം..." രാഹുൽ അവളെ വിളിച്ചു....

അവർ മൂവരും അവരുടെ വണ്ടി ലക്ഷ്യമാക്കി നടന്നു....

ഒരു നിമിഷം അവൻ എല്ലാം ഓർത്തു...ഇന്ന് ഞാൻ ഈ നേട്ടം നേടാൻ കാരണം ശെരിക്കും അവളും കൂടി അല്ലെ...തന്റെ ആദ്യ പ്രണയം...സ്വാതി...അവളല്ലേ ഒരു തടിയനെ ക്യാപ്റ്റൻ ആക്കിയത്....അവൻ പുഞ്ചിരിച്ചു...

ഇനിയും നേടാൻ ഒരുപാട് നേട്ടങ്ങളുമായി ക്യാപ്റ്റൻ രാഹുലും അവനെ ഫുട്ബോൾ പഠിപ്പിച്ച അവന്റെ പ്രിയസോധരൻ ഗോപുവും...രാഹുവിന്റെ നല്ലപാതിയായ ആതിരയുടെയും ഒപ്പം അവൻ പുതിയ സ്വപ്നങ്ങളിലേക്കു ചേക്കേറി....
അവസാനിച്ചു...

ഗോകുൽ കുമാർ