പുനർജന്മം

❤പുനർജ്ജന്മം❤

ഫുൾ പാർട്ട്‌
*******************

അമ്മേ ഞാൻ ഇറങ്ങുന്നു....

അപ്പൂ ....
എല്ലാ ദിവസത്തെയും പോലെ ആണെങ്കിൽ ഇങ്ങോട്ട് വരേണ്ട
വാതിൽ തുറന്ന് തരാൻ വേറെ ആളെ നോക്കാം....
കള്ളും കുടിച്ച് ഇങ്ങോട്ട് വന്നേക്കരുത്....

രാവിലെ തന്നെ എന്നെ  ഉപദേശിക്കാൻ വന്നതാണോ നിങ്ങൾ....
നിങ്ങള്ക്കൊന്നും ഒരു കുറവും വരുത്തുന്നില്ലല്ലോ
എന്നെ നന്നാക്കാൻ ആരും വരേണ്ട...

എന്താടാ നീ പറഞ്ഞേ....
നിനക്ക് തോന്നിയത് പോലെ നടക്കാൻ നിന്റെ അച്ഛനും അമ്മയും ഒന്നും ചത്തിട്ടില്ല
ഞങ്ങൾടെ കാലശേഷം മതി
തോന്നിയത് പോലെ നടക്കുന്നത്.....

അമ്മയുടെ മറുപടി കേട്ടതും അപ്പു അമ്മയെ ഒന്ന് രൂക്ഷമായി നോക്കി.....

എന്താടാ നീ നോക്കുന്നത്....
നിന്റെ അച്ഛൻ ഇന്നുവരെ നാട്ടുകാരെക്കൊണ്ട് ഒരു പേരും കേൾപ്പിച്ചിട്ടില്ല...
അതിനും കൂടെ മോൻ പറയിപ്പിക്കുന്നുണ്ടല്ലോ....

ദേ തള്ളേ ഒന്ന് മിണ്ടാതിരിക്കുന്നുണ്ടോ രാവിലെ തന്നെ ഞാൻ വല്ലതും പറയും....

എന്താടാ നീ വിളിച്ചേ തള്ളേന്നോ.....

മിണ്ടാതെ അവിടെങ്ങാനും നിന്നോണം എന്നെ നന്നാക്കാൻ ഒരുത്തരും വരേണ്ട കേട്ടല്ലോ.....

അപ്പുന്റെ സംസാരം കേട്ടതും അമ്മ ഒന്ന് പകച്ചു...
ദേഷ്യത്തോടെ ഇറങ്ങിപ്പോകുന്ന അപ്പുവിനെ നോക്കി നിന്നതും അമ്മയുടെ കണ്ണുകൾ നിറഞ്ഞു....
ഒരു തർക്കുത്തരം പോലും പറയാത്ത അപ്പു ഇന്ന് ആരുടേയും വാക്കിന് വില കൽപ്പിക്കുന്നില്ല...
അറിയാതെ പറ്റിയ ഒരു കൈയബദ്ധം അവനെ ആകെ മാറ്റിയിരിക്കുന്നു....
കുടിച്ചും കളിച്ചും അവൻ സ്വയം നശിക്കാൻ ശ്രമിക്കുന്നു....

തന്റെ മകന്റെ മാറ്റം ആ അമ്മയുടെ ഹൃദയം കീറി മുറിച്ചു.....

***-******

കവലയിൽ കുറെ സമയത്തെ കാത്തിരിപ്പിന് ശേഷം അപ്പു ഫോണെടുത്തു ഡയൽ ചെയ്തു.....

രാജീവേട്ടാ നിങ്ങളിതെവിടെയാ...
ഞാനിവിടെ അരമണിക്കൂറായി നിൽക്കാൻ തുടങ്ങിയിട്ട്...

അപ്പൂ...
പണിക്കാര് രണ്ടുപേര് വന്നില്ല ഇന്ന് മിക്കവാറും ലീവ് ആകും....

എന്റെ രാജീവേട്ടാ നിങ്ങൾക്ക് വേറെ നല്ല പണിക്കാരെ വിളിക്കരുതോ....

ആളെ കിട്ടണ്ടേ അപ്പൂ...
നമ്മള് രണ്ടു പേര് പോയിട്ട് ഒരു കാര്യവുമില്ല...
നീയിന്ന് ലീവെടുത്തോ...

ങ്ങാ ശരിയെന്നാൽ...

ഫോൺ കട്ട്‌ ചെയ്തതും അപ്പു ഫോണെടുത്തു കൂട്ടുകാരനായ വിഷ്ണുവിനെ  വിളിച്ചു...

ഡാ നീയെവിടെയാ...

മറുപുറത്തു നിന്നും കൂടുകാരൻറെ പതുക്കെ ഉള്ള ശബ്ദം കേട്ടതും അപ്പു തുടർന്നു...

നീ പെട്ടന്ന് കവലയിൽ വാ ഞാനിന്നു ലീവാ...

അളിയാ ഞാനിപ്പോ എണീറ്റെ ഉള്ളൂ എന്താ പരിപാടി....

ലീവാണെടാ കോപ്പേ നീ വാ നമുക്ക് എങ്ങോട്ടേലും പോകാം....

ശരി ഞാനൊന്ന് ഫ്രഷ്‌ ആയിട്ട് വരുന്നു നീ അവിടെ നിൽക്ക്.....

ആ പെട്ടന്ന് വാ നീ....

ഓക്കേ ഞാൻ എത്താം...
ആട്ടെ എങ്ങോട്ടാ പോകുന്നെ...

നീ ആദ്യം വാടാ കോപ്പേ...

അളിയാ വണ്ടിയിൽ ഒരു തുള്ളി എണ്ണയില്ല അമ്മയോട് ചോദിച്ചാൽ ഒരഞ്ചിന്റെ പൈസ തരില്ല....

ദരിദ്രവാസി നീ ഒന്ന് വാ എണ്ണയൊക്കെ ഞാൻ അടിച്ചു തരാം....

എങ്കിൽ ഓക്കേ അളിയാ ഞാനിതാ എത്തി....

30മിനുട്ടിനുള്ളിൽ എത്തിയ കവലയിലെത്തിയ വിഷ്ണു അപ്പുവിന്റെ അടുത്ത് വണ്ടി നിർത്തി...

ഡാ കേറെടാ....

ബൈക്കിൽ കേറിയതും അപ്പു പറഞ്ഞു ഡാ വണ്ടി നേരെ ടൗണിലേക്ക് വിട്ടോ...

ഡാ നമുക്ക് ഒന്ന് സ്കൂളിന് അടുത്തൊക്കെ പോയിട്ട് പോയാൽ പോരേ....

നീ ടൗണിലേക്ക് വിടെടാ കോപ്പേ....

ടൗണിൽ എത്തിയതും ബീവറേജിന് അടുത്ത് എത്തിയപ്പോൾ അപ്പു വണ്ടി നിർത്താൻ പറഞ്ഞു
നിർത്തിയ വണ്ടിയിൽ നിന്നും ഇറങ്ങിയ അപ്പു  ബീവറേജിലേക്ക് ഓടി കേറി...

ബിവറേജിൽ നിന്നും ഇറങ്ങി വന്ന അപ്പുവിനോട്   വിഷ്ണു ചോദിച്ചു...

ഇതിനാണോടാ മൈ#@@*&
എന്നെ രാവിലെ തന്നെ വിളിച്ചു ഇറക്കി കൊണ്ട് വന്നത്....

ബിവറേജിൽ ആണെന്ന് പറഞ്ഞാൽ നീ വരില്ലെന്ന് അറിയാം അത് കൊണ്ടല്ലെടാ ഞാൻ പറയാതിരുന്നേ....

എന്നെകൊണ്ട് ഒന്നും പറയിപ്പിക്കേണ്ട....
രാത്രിയും പകലും കുടി
നീ നശിക്കാൻ തീരുമാനിച്ചതാണോ....

ഇന്ന് ലീവായത് കൊണ്ടല്ലെടാ....
വീട്ടിൽ കേറാൻ പറ്റില്ല 
രാവിലെ തന്നെ അമ്മയുമായി ഉടക്കി.....

ങ്ങാ ഇനി ഇതിനുള്ളതും നിന്റെ അമ്മേടെ വായിൽ നിന്നും  ഞാൻ കേൾക്കണം..... ല്ലേ

നീ ഒന്നും കേൾക്കേണ്ട നീ വണ്ടിയെടുക്ക്....

നാട്ടിലെത്തിയതും സ്ഥിരം ഏരിയായിൽ പോയി രണ്ടെണ്ണം അടിച്ചതിന് ശേഷം അപ്പു തുടർന്നു...

ഡാ ഞാനിപ്പോ എല്ലാർക്കും ഒരു ഭാരം ആയി ല്ലേ....

മൈ@##%*....
ഞാൻ വല്ലോം പറയും  ആർക്കാടാ നീ ഭാരം...
നീ ഇങ്ങനെ സ്വയം നശിക്കുന്നത് കണ്ട് പ്രതികരിച്ചതിനാണോ നീ ഭാരം എന്ന് പറഞ്ഞത്....

അല്ലെടാ അങ്ങനെ അല്ല എനിക്ക് അങ്ങനെ തോന്നുന്നു എല്ലാർക്കും എന്നോട് വെറുപ്പാണിപ്പോ....

അളിയാ....
ദേ ഇമ്മാതിരി കോപ്പിലെ സെന്റി അടിക്കാനാണ്‌ നിന്റെ പ്ലാൻ എങ്കിൽ ഞാൻ പോകും.....

വേണ്ടെടാ ഞാൻ നിർത്തി ഇനിയൊന്നും പറയുന്നില്ല....

ങ്ങാ പറയേണ്ട
മിണ്ടരുത് ഇനി പഴയ കാര്യങ്ങൾ ഒന്നും....
എത്ര പേര് എന്തൊക്കെ പറഞ്ഞു തന്നു നിന്നോട്
എന്നിട്ടും സ്വയം നശിക്കാൻ ഇറങ്ങി തിരിച്ചിരിക്കുകയല്ലേ.....

വിഷ്ണു നിനക്കൊന്നും പറഞ്ഞാൽ മനസ്സിലാവില്ല അത്...
ഞാൻ കാരണം അല്ലെടാ അന്ന്....

അതേടാ മനസ്സിലാവില്ല പത്തിരുപത്തിമൂന്നു കൊല്ലായില്ലേ കൂടെ കൂടിയിട്ട്  മറ്റെല്ലാരെക്കാളും നിന്നെ അറിയാവുന്ന എന്നോട് തന്നെ നീയിത് പറയണം.....

ഡാ വിഷ്ണു ഞാൻ അങ്ങനെ പറഞ്ഞതല്ല.... നിനക്ക് അറിയാവുന്നതല്ലേ കാര്യങ്ങൾ നീയും.....

പിന്നെ ഞാൻ പറയണ്ടേ....

നിന്റെ പഠിത്തം നീ നിർത്തി.....
എത്ര കഷ്ടപ്പെട്ടിട്ടാണ് നിന്നെ നിന്റച്ഛൻ പഠിപ്പിച്ചേ അത് നീ ഓർത്തോ ഇല്ലല്ലോ...
ഇപ്പൊ കൂലിപ്പണിക്ക് പോയി സ്ഥിരം കുടിയും തുടങ്ങി നീയിങ്ങനെ നശിക്കുന്നത് കണ്ടിട്ടല്ലേ അവര് പറയുന്നത്....

അളിയാ പ്ലീസ് ഉപദേശം വേണ്ട കേട്ട് കേട്ട് മതിയായി നീ നിർത്തൂ  നീ വേണേൽ രണ്ടെണ്ണം അടി....

എന്നോട് വല്ലോം പറഞ്ഞു പോകും....
അമ്മ വീട്ടിലുണ്ട് അറിഞ്ഞാൽ എന്റെ കാര്യം പോക്കാ
തന്നത്താൻ അടിച്ചോ
നീ എന്റെ കൂടെ വരുന്നത് നിന്റെ അച്ഛൻ കണ്ടതാ
ഇനി എന്നോട് വന്ന് ചോദിക്കും
ഇതിന് ഞാൻ സമാധാനം പറയേണ്ടി വരും....

സംസാരിച്ചിരിക്കെ ഒരെണ്ണം കൂടി അടിച്ചു അപ്പു തുടർന്നു

ങ്ങാ എങ്കിൽ നീ പൊയ്ക്കോ നിനക്ക് ചീത്തപ്പേര് വരേണ്ട....
എല്ലാരും പൊയ്ക്കോ....
ഞാനോ ഇങ്ങനെ ആയി വൈകാതെ ഞാനും പോകും ന്റെ വൈഗേടെ അടുത്തേക്ക്....

പ്ഭാ മൈ @$%#@#...
എങ്ങോട്ട് പോകുമെന്നാ നീ  പറഞ്ഞത്

ഡാ അത് ഞാൻ വെറുതെ....

ആ മതി അടിച്ചത് എണീറ്റോ നമുക്ക് വീട്ടിൽ പോകാം....

ഡാ വേണ്ട....
വീട്ടിൽ പോകേണ്ട രാവിലെ വഴക്കിട്ടിറങ്ങിയതാ സ്വൈര്യം തരില്ല

ശരി എങ്കിൽ എന്റെ വീട്ടിൽ പോകാം വാ....

ഹേയ് വേണ്ട നിന്റമ്മ വഴക്ക് പറയും.....

പിന്നെങ്ങോട്ട് പോകാനാ നിന്റെ പ്ലാൻ....

നീ വണ്ടി ജംഗഷനിലേക്ക് എനിക്ക് വിശക്കുന്നുണ്ട്  നമുക്ക് വല്ലോം കഴിക്കാം....

എനിക്കെങ്ങും വയ്യ അങ്ങോട്ടൊന്നും പോകാൻ ഇതെന്താ ടാക്സിയോ.....

നിനക്ക് പെട്രോൾ അടിച്ചു തരുന്നില്ലെടാ....

അപ്പൂ നിനക്ക് പ്രാന്താടാ നിന്റെ സ്വന്തം വണ്ടി വീട്ടിൽ വയ്ക്കുക എന്നിട്ട് എന്റെ വണ്ടിയിൽ പെട്രോൾ അടിച്ച് കറങ്ങുക.....

അതേടാ എനിക്ക് പ്രാന്താ....
ആ വണ്ടി ഇനി ഞാൻ എന്റെ കൈ കൊണ്ട് തൊടില്ല ന്റെ വൈഗേടെ ജീവൻ എടുത്ത വണ്ടിയാണത്....
അപ്പുവിന്റെ കണ്ണുകൾ നിറഞ്ഞു

അളിയാ വേണ്ട ഇനി പറയേണ്ട
നീ വീണ്ടും സെന്റി ആകും നീ വന്ന് വണ്ടിയിൽ കേറെടാ
ഹോട്ടലിലോ ജംക്ഷനിലോ എവിടെ വേണേലും പോകാം....

വിഷ്ണുവിന്റെ കൂടെ വണ്ടിയിൽ കയറി ജങ്ക്ഷനിൽ എത്തി ബൈക്കിൽ നിന്നും ഇറങ്ങിയ അപ്പു ഒന്നു വേച്ചു.....
റോഡിലേക്ക് നോക്കിയ അപ്പു ദൂരെ നിന്നും വരുന്ന സ്കൂട്ടിയിലേക്ക് സൂക്ഷിച്ചു നോക്കി അടുത്തേക്ക് എത്തിയതും മുഖം കണ്ടതും അപ്പു റോഡിലേക്ക് ചാടി ഇറങ്ങി.....

ഏയ്  ഏയ്....
ഉച്ചത്തിൽ എന്ന് വിളിച്ചു കൊണ്ട് ഓടിയതും
പിന്നിൽ നിന്നും വന്ന ജീപ്പ്
ശക്തിയിൽ ഇടിച്ചതും ഒരുമിച്ചായിരുന്നു.....
ഇടിച്ചു തെറിച്ച അപ്പു പോയി സ്കൂട്ടിയിലേക്ക് വീണു......

ബൈക്ക് ഒതുക്കി നിർത്തി തിരിച്ചുവന്ന വിഷ്ണു
അവർക്കരികിലേക്ക് ഓടി
തലയിലൂടെ രക്തം വാർന്നൊഴുകുന്ന അപ്പുവിനെ അവൻ കോരിയെടുത്തു അടുത്ത് കിടന്ന ടാക്സിയിലേക്ക് കേറി.....

കണ്ണുകൾ അടഞ്ഞു പോകുന്നതിനു മുൻപ് അപ്പു വിഷ്ണുവിന്റെ കയ്യിൽ
മുറുകെ പിടിച്ചു കൊണ്ട് പറഞ്ഞു....

വിഷ്ണൂ അവളാണത്...

വിടരുത് അവളെ.....

വിടരുത് അവളെ....

തുടരും

#പുനർജ്ജന്മം-ഭാഗം 2

***************
ICU വിന് മുന്നിൽ ഓടിക്കിതച്ചെത്തിയ അപ്പുവിന്റെ അച്ഛൻ വിഷ്ണുവിന്റെ അടുത്തേക്ക് ഓടി

വിഷ്ണു...
മോനെ എന്താ പറ്റിയെ അപ്പൂന് ....
എന്താ ണ്ടായേ.....

തല താഴ്ത്തി ഇരിക്കുന്ന വിഷ്ണു എണീറ്റു തുടർന്നു...

ഒന്നും അറിയില്ല ബാലേട്ടാ...
ഇവർ ഒന്നും പറയുന്നില്ല....

ഈശ്വരാ ന്റെ കുട്ടി...

ഒന്നും ഉണ്ടാവില്ല ബാലേട്ടാ നിങ്ങള് പേടിക്കാതിരിക്ക്

മ്മ്മ്
എന്താ വിഷ്ണു ഉണ്ടായത്  എന്താ സംഭവിച്ചേ...

ഞങ്ങൾ ഭക്ഷണം കഴിക്കാൻ വന്നതായിരുന്നു
ബൈക്ക് ഒതുക്കി നിർത്തി തിരിഞ്ഞു നോക്കുമ്പോൾ കണ്ടത് ഇതാണ് ഒരു പെൺകുട്ടി ഉണ്ടായിരുന്നു അവിടെ അവളുടെ അടുത്തേക്കാണ് ഓടിയത്

ഗവണ്മെന്റ് ഹോസ്പിറ്റലിൽ പോയപ്പോൾ മെഡിക്കൽ കോളേജിലേക്ക് പൊയ്ക്കോളാൻ പറഞ്ഞു....

ഗുരുവാരപ്പാ ന്റെ കുട്ടിക്ക് ഒന്നും വരുത്തല്ലേ....

*****
ഡോർ തുറന്ന ശബ്ദം കേട്ട് എല്ലാരും അങ്ങോട്ടേക്ക് നോക്കി

ആക്‌സിഡന്റ് പേഷ്യന്റിന്റെ കൂടെ ഉള്ളവർ ആരാ ഉള്ളത്...

പെട്ടന്ന് അങ്ങോട്ട്‌ നടന്ന് ബാലൻ ചോദിച്ചു

ഞങ്ങളാണ് എങ്ങനെ ഉണ്ട് സിസ്റ്ററെ ന്റെ കുട്ടിക്ക്....

ഒന്നും പറയാറായിട്ടില്ല...

ഒരു സ്ലിപ് അവർക്ക് നേരെ നീട്ടി പറഞ്ഞു
ദേ ഈ മെഡിസിൻസ് എത്രയും പെട്ടന്ന് എത്തിക്കണം....
പിന്നെ റിലേറ്റീവ്സ് ആരെങ്കിലും ഉണ്ടെങ്കിൽ ഡോക്ടറുടെ റൂമിലോട്ട് ചെല്ലാൻ പറഞ്ഞു....

മെഡിസിൻ സ്ലിപ് കൂടെയുള്ളവരുടെ കൂടെ കൊടുത്തു ബാലനും വിഷ്ണുവും ഡോക്ടറുടെ റൂമിലേക്ക്‌ നടന്നു...

ഡോക്ടർ.....
അപ്പുവിന്റെ അച്ഛനാണ്...
എങ്ങനെ ഉണ്ട് ഡോക്ടർ അവന്...

നിങ്ങൾ ഇരിക്ക്....

ഡോക്ടർ തുടർന്നു...
പറയുന്നത് ശ്രധിച്ചു കേൾക്കണം...

എന്താണ് ഡോക്ടർ പറയൂ...

പേഷ്യന്റിനു തലയ്ക്ക് നല്ല രീതിയിൽ ക്ഷതം ഏറ്റിട്ടുണ്ട്....
ഒരു മേജർ ഓപ്പറേഷൻ വേണ്ടി വരും...
പേഷ്യന്റിന്റെ നില
കുറച്ചു ക്രിട്ടിക്കൽ സ്റ്റേജിൽ ആണ്

എന്റെ ഗുരുവായൂരപ്പാ....
എന്ത് ചെയ്താലും വേണ്ടില്ല ഡോക്ടർ എന്റെ മോനെ എനിക്ക് തിരിച്ചു കിട്ടിയാൽ മതി....

ഞാൻ പറയുന്നത് കേട്ട് നിങ്ങൾ വിഷമിക്കരുത് ഈശ്വരനോട് പ്രാർത്ഥിക്കുക ഒന്നും വരുത്താതിരുത്താൻ...

തലയുടെ പിൻഭാഗത്തു നല്ല രീതിയിൽ ക്ഷതം ഏറ്റത് കൊണ്ട് പഴയ കാര്യങ്ങൾ ഒന്നും അയാൾക്കിനി ഓർമ്മ ഉണ്ടാകണം എന്നില്ല ഞാൻ പറഞ്ഞു വരുന്നത് എന്താണെന്നു വച്ചാൽ  കോമ സ്റ്റേജിലേക്ക് പോകാൻ സാധ്യതയുണ്ട്

എന്റെ ഈശ്വരാ....
ഡോക്ടർ എങ്ങനെ എങ്കിലും എന്റെ മോനെ രക്ഷിക്കണം....

ഞങ്ങളുടെ കഴിവിന്റെ പരമാവധി ഞങ്ങൾ ശ്രമിക്കുന്നുണ്ട് ബാക്കിയൊക്കെ ഈശ്വരന്റെ കയ്യിലാണ്...

24 മണിക്കൂർ കഴിയാതെ നമുക്ക് ഒന്നും പറയാൻ കഴിയില്ല...
നേഴ്സ് ചില പേപ്പേഴ്സ് തരും അതിൽ ഒന്ന് സൈൻ ചെയ്തേക്ക്‌....

******

ബാലേട്ടാ ഇന്നലെ മുതലുള്ള ഇരിപ്പല്ലേ...
വന്ന് എന്തേലും കഴിച്ചേ...

എനിക്ക് ഒന്നും വേണ്ട....

നഴ്സിന്റെ വിളി കേട്ട് എല്ലാരും തിരിഞ്ഞു നോക്കി

അപ്പുവിന്റെ കൂടെയുള്ളവർ ആരാണ്....
പേഷ്യന്റിനു ബോധം തെളിഞ്ഞിട്ടുണ്ട് ഒരാൾക്ക് കേറി കാണാം...

ഉള്ളിലേക്ക് കയറി അപ്പുവിന്റെ അച്ഛൻ ഗ്ലാസ്സിനുള്ളിലൂടെ അവനെ ഒന്ന് നോക്കി...
തലയിൽ മുഴുവൻ ബാൻഡേജ് ചുറ്റി കിടക്കുന്ന മകനെ കണ്ടതും കണ്ണിൽ നിന്നും കണ്ണുനീർ ഒലിച്ചിറങ്ങി

******

ഡോക്ടർ......
എന്തിനാണ് വിളിപ്പിച്ചത്

വിഷ്ണു താങ്കൾ അപ്പുവിന്റെ ചങ്ങാതിയല്ലേ...

അതെ ഡോക്ടർ

അപ്പുവിന്റെ കാര്യങ്ങൾ എല്ലാം  അറിയാമല്ലോ പഴയ കാര്യങ്ങൾ ഒന്നും തന്നെ അയാൾക്ക് ഓർമ്മയില്ല

ഡോക്ടർ ഒരു വഴിയും ഇല്ലേ അവനെ പഴയത് പോലെ ആക്കിയെടുക്കാൻ

നമുക്ക് ശ്രമിക്കാം
അപ്പുവിന് ഇപ്പൊ വല്ല പ്രണയമോ മറ്റോ ഉണ്ടോ....
അപ്പുവിന്റെ അച്ഛനോട് ചോദിച്ചപ്പോൾ
അത്തരം കാര്യങ്ങൾ വിഷ്ണുവിനാണ് അറിയുക
എന്ന് പറഞ്ഞു അതാണ് വിഷ്ണുവിനെ വിളിപ്പിച്ചത്....

ഉണ്ടായിരുന്നു ഡോക്ടർ പക്ഷേ അവളിപ്പോൾ ജീവിച്ചിരിപ്പില്ല.....
ഒരു ആക്‌സിഡന്റിൽ അവൾ മരണപ്പെട്ടു

മ്മ്മ്....
അത് അവന്റെ അച്ഛൻ  പറഞ്ഞു
പക്ഷേ അവന്റെ മനസ്സിൽ
ആഴത്തിൽ പതിഞ്ഞൊരു പെണ്കുട്ടിയുടെ മുഖം ഉണ്ട്
അത് മാത്രമേ അവനിപ്പോൾ ഓർമ്മയുള്ളു.....

അവളെ വിടരുത് എന്ന് ഇടയ്ക്കിടയ്ക്ക് പറയുന്നുണ്ട്....
അത് ആരാണ്.....

ഡോക്ടർ അത് അവളാണ്
ഈ ആക്‌സിഡന്റ് ഉണ്ടാവാനും കാരണക്കാരി അവളാണ്
ആക്‌സിഡന്റ് നടന്നപ്പോൾ അപ്പു അവസാനമായി എന്നോടും പറഞ്ഞത് ഇതായിരുന്നു....

യെസ് എങ്കിൽ അവൾ തന്നെ ആണ് അവന്റെ മനസ്സിൽ ഉള്ളത്.....
അവർ തമ്മിൽ എന്താണ് ബന്ധം എന്ന് വിഷ്ണുവിന് അറിയാമോ....

ഇല്ല ഡോക്ടർ....
ഞാൻ ആദ്യമായിട്ടാണ് അവളെ കാണുന്നത്.....

ആ പെൺകുട്ടിയെ കണ്ടെത്തിയാൽ ഒരു പക്ഷേ നമുക്ക് അപ്പുവിനെ പഴയ ലൈഫിലേക്ക് കൊണ്ട് വരാൻ കഴിയും....

തീർച്ചയായും ഞാൻ കണ്ടെത്തി കൊണ്ട് വരാം ഡോക്ടർ അവളെ അപ്പുവിനെ പഴയത് പോലെ വേണം ഞങ്ങൾക്ക്...

ഹോസ്പിറ്റലിൽ നിന്നും ഇറങ്ങിയ വിഷ്ണു നാട്ടിൽ എത്തിയതും ആക്‌സിഡന്റ് നടന്ന സ്ഥലത്ത് എത്തി അവളെപ്പറ്റി അനേഷിച്ചു ചെറിയ പരിക്ക് പറ്റിയ അവളെ കാണിച്ച ക്ലിനിക്കിൽ എത്തി സ്റ്റാഫിനോട് കാര്യങ്ങൾ പറഞ്ഞു അവളുടെ ഡീറ്റെയിൽസ് വാങ്ങി അവളുടെ വീട്ടിലേക്ക് തിരിച്ചു....

അവളുടെ വീടിന് മുന്നിൽ ബൈക്ക് ഒതുക്കി നിർത്തി വീട്ടിലേക്ക് കേറി ബെല്ലടിച്ചു.....

വാതിൽ തുറന്ന സ്ത്രീയോട് അവൻ ചോദിച്ചു

അഞ്ജലിയുടെ വീടല്ലേ.....

അതെ ...

അഞ്ജലിയുടെ അമ്മയാണോ....

അതെ...

ഞാൻ വിഷ്ണു.....

ഉണ്ടായ കാര്യങ്ങൾ മുഴുവൻ അവരോട് പറഞ്ഞപ്പോൾ അവർ അവനോട്  പറഞ്ഞു

മോൻ ഉള്ളിലേക്ക് കേറിയിരിക്ക്....
അവൾ കുളിക്കുകയാണ്

വിഷ്ണു ഇരിക്ക് ഞാൻ ചായ എടുക്കാം....

ഒന്നും വേണ്ട ചേച്ചി......

ഉള്ളിലേക്ക് കേറി ഇരുന്ന വിഷ്ണു ചുവരിൽ ഇരിക്കുന്ന ഫോട്ടോയിൽ സൂക്ഷിച്ചു നോക്കി

അഞ്ജലിയുടെ കൂടെ ഫോട്ടോയിൽ നിൽക്കുന്ന അവളെ കണ്ട് വിഷ്ണു ഞെട്ടി

വൈഗ.....

#പുനർജ്ജന്മം_ഭാഗം_3

**********************

ഇരുന്നിടത്തും നിന്നും എഴുന്നേറ്റ്
വിഷ്ണു ഫോട്ടോയ്ക്ക് അരികിലേക്ക് നീങ്ങി...
വൈഗയും അഞ്ജലിയും ഒന്നിച്ചുള്ള പഴയകാല ഫോട്ടോകൾ...

വിഷ്ണു....
വാ ചായകുടിക്ക്....

തിരിഞ്ഞു നോക്കിയ വിഷ്ണു
ചായയുമായി നിൽക്കുന്ന അഞ്ജലിയുടെ
അമ്മയോട് ചോദിച്ചു...

ചേച്ചി ഈ ഫോട്ടോസ് ഒക്കെ....

അഞ്ജലിയുടെ അടുത്ത ഫ്രണ്ടാ....

ഒന്നിച്ചു പഠിച്ചതാ അവർ....

ആ കുട്ടിക്ക് ദൈവം അധികം ആയുസ്സ് കൊടുത്തില്ല
അഞ്ചാറ് മാസം മുൻപ് അവൾ ഒരു ആക്‌സിഡന്റിൽ മരണപ്പെട്ടു.....

മ്മ്മ്....

*****

കുളി കഴിഞ്ഞു പുറത്തേക്ക് വന്ന
അഞ്ജലി വിഷ്ണുവിന്റെ അടുത്തേക്ക് എത്തി
വിഷ്ണു  സ്വയം പരിചയപ്പെടുത്തി
കാര്യങ്ങൾ മുഴുവൻ പറഞ്ഞു
എല്ലാം കേട്ട അഞ്ജലി പറഞ്ഞു....

നിങ്ങളുടെ ഫ്രണ്ട് കാരണം
എനിക്ക് എന്തൊക്കെ നഷ്ടങ്ങൾ ആണ് ഉണ്ടായത് എന്നറിയുമോ....

ഒരാഴ്ചയായി ഓഫിസിൽ പോകാൻ പറ്റിയിട്ടില്ല...

എന്റെ സ്വപ്നം ആയിരുന്നു സ്വന്തമായുള്ള ഒരു വലിയ ബിൽഡിംഗ്‌ പ്രൊജക്റ്റ്‌
അത് സബ്മിറ്റ് ചെയ്യാനുള്ള സമയം കഴിഞ്ഞു
കാണേണ്ട എനിക്ക് അയാളെ....

അഞ്ജലി പ്ലീസ് അങ്ങനെ പറയരുത്....

അവനിപ്പോൾ ഓർമ്മ ഉള്ളത്
തന്നെ മാത്രം ആണ് അവനെ ജീവിതത്തിലേക്ക് കൊണ്ട് വരാനുള്ള ഒരേയൊരു മാർഗമാണിത്....

സോറി വിഷ്ണു ഞാൻ വരില്ല
എനിക്കയാളെ അറിയുകപോലുമില്ല ഒരു പരിചയവും ഇല്ലാത്ത അയാൾക്ക്
എന്നെഎങ്ങനെ  ഓർമ്മയിൽ ഉണ്ടാകും....

മോളെ അഞ്ജലി നീ ഒന്ന് പോയിട്ട് വന്നോളൂ
ഒരാളുടെ ജീവിതം തിരിച്ചു കിട്ടാൻ വേണ്ടിയല്ലേ...

അമ്മ ഒന്നും പറയേണ്ട
എന്റെ എത്ര നാളത്തെ കഷ്ടപ്പാട് ആണെന്നോ
അയാൾ കാരണം ഇല്ലാതായത്....

വിഷ്ണുന് പോകാം ഞാൻ വരില്ല....

അഞ്ജലി എനിക്ക് ഒരു കാര്യം കൂടെ പറയാൻ ഉണ്ട്....

എന്താണ്....

അഞ്ചാറ് മാസം മുൻപ്
ആക്‌സിഡന്റിൽ  മരിച്ചുപോയ
നിന്റെ  കൂട്ടുകാരിയില്ലേ വൈഗ
അവളുടെ ലവർ ആയിരുന്നു  അപ്പു...

വിഷ്ണു പറഞ്ഞത് കേട്ട് അഞ്ജലി ആകാംഷയോടെ അവനെ നോക്കി

അപ്പൊ അപ്പുവിന്റെ കൂടെ പോയപ്പോൾ ആണോ അവൾ ആക്‌സിഡന്റ് ആയത്....

അതെ...
പക്ഷേ അതൊരിക്കലും
അവന്റെ തെറ്റ് ആയിരുന്നില്ല 
ഇപ്പൊ സ്വയം അതിന്റെ പേരിൽ നശിക്കുകയാണ് അവൻ...

കുറച്ചു സമയം ആലോചിച്ചതിനു ശേഷം അഞ്ജലി തുടർന്നു...

ഓക്കേ വിഷ്ണു ഞാൻ വരാം  എപ്പോഴാണ് പോകേണ്ടത്...

നാളെ രാവിലെ ഞാൻ വണ്ടിയുമായി വരാം....

ശരി രാവിലെ വന്നോളൂ ഞാൻ ഇവിടെ റെഡി ആയി നിൽക്കാം....

വേണമെങ്കിൽ അമ്മയെക്കൂടെ കൂട്ടിക്കോളൂ....

വേണ്ട ഞാൻ മതി...

വളരെ നന്ദി അഞ്ജലി

എല്ലാം പറഞ്ഞുറപ്പിച്ചതിനു ശേഷം വിഷ്ണു യാത്രയും പറഞ്ഞിറങ്ങി.....

******

രാവിലെ കാറുമായി അഞ്ജലിയുടെ വീട്ടിലെത്തി
അവളെയും കൂട്ടി ഹോസ്പിറ്റലിലേക്ക്‌ തിരിച്ചു
പോകുന്ന വഴിയിൽ വിഷ്ണു ചോദിച്ചു...

വൈഗ പറഞ്ഞിട്ടില്ലേ
അപ്പുവിന്റെ കാര്യങ്ങൾ ഒന്നും....

വിഷ്ണു വീട്ടിൽ കണ്ടത് ഞങ്ങൾ പ്ലസ്‌ ടു പഠിക്കുമ്പോൾ എടുത്ത ഫോട്ടോ ആണ്

4വർഷം ഞങ്ങൾ ഒന്നിച്ചു പഠിച്ചതാണ്
പ്ലസ് ടു കഴിഞ്ഞിറങ്ങിയതിനു ശേഷം
പിന്നെ ഞങ്ങൾ തമ്മിൽ
വലിയ കോണ്ടക്ട്സ് ഇല്ലായിരുന്നു
ഒന്ന് രണ്ടു പ്രാവശ്യം അവൾ വീട്ടിൽ വന്നിട്ടുണ്ട്
പിന്നെ ഒരിക്കൽ എപ്പോഴോ ഒരു പ്രണയം ഉള്ള കാര്യം പറഞ്ഞിരുന്നു...

മ്മ്മ്...
വെറുമൊരു പ്രണയം മാത്രമായിരുന്നില്ല അവർക്കത്....

വൈഗയ്ക്ക് ശരിക്കും എങ്ങിനെയാ ആക്‌സിഡന്റ് പറ്റിയത്....

അവന്റെ കൂടെ ബൈക്കിൽ പോകുമ്പോൾ ഓപ്പോസിറ്റ് വന്ന ബസ് ഇടിച്ചതാണ് ബൈക്കിൽ നിന്നും തെറിച്ചു വീണ വൈഗ ബസ്സിനടിയിൽ പെടുകയായിരുന്നു...

ഒരു ദീർഘ നിശ്വാസത്തോടെ അഞ്ജലി ചോദിച്ചു

അപ്പൊ അതിന് ശേഷം ഉള്ള അപ്പുന്റെ അവസ്ഥ....

അവൻ ആകെ മാറി അവനെപ്പറ്റി പറയുകയാണെങ്കിൽ ഏറെയുണ്ട് പറയാൻ

അപ്പുവിനെ ഒരു ഡോക്ടർ ആക്കണം എന്നായിരുന്നു അവന്റെ അച്ഛൻ ആഗ്രഹം പഠിക്കാൻ ഒക്കെ മിടുക്കൻ ആയിരുന്നു ഒരാളോടും അനാവശ്യമായി ഒന്നും പറയില്ല നിഷ്കളങ്കൻ ആയിരുന്നു അവൻ  അത് കണ്ടിട്ടാവണം വൈഗ അവനെ ഇഷ്ടപ്പെട്ടത്...

കോളേജിൽ വച്ചാണോ അവർ തമ്മിൽ ഇഷ്ടത്തിൽ ആയത്....

അതെ...
മെഡിസിന് പഠിക്കാൻ കോളേജിൽ
ചേർന്നപ്പോൾ ആണ് അവളെ കണ്ടത്
ഒരേ ക്ലാസ്സിൽ ആയിരുന്നു അവർ
ആദ്യവർഷം പകുതിയിൽ ആണ് വൈഗ അവനോട് ഇഷ്ടമാണെന്ന് പറയുന്നത്
പക്ഷേ അവൻ നിരസിച്ചു
ലോണെടുത്തും മറ്റും പഠിക്കുന്നത് കൊണ്ടും പഠിപ്പിനെ ബാധിക്കുമോ എന്ന ഭയം കൊണ്ടും പ്രണയത്തിന് ഒന്നും അവന് താല്പര്യമില്ലായിരുന്നു...

എന്നിട്ട്....
അഞ്ജലി കൗതുകത്തോടെ ചോദിച്ചു...

പക്ഷേ അവൾ വിട്ടില്ല പുറകെ കൂടി
പതിയെ അവനും അവളെ ഇഷ്ടപ്പെട്ടുതുടങ്ങി....
പിന്നെ രണ്ടുപേരുടെയും വീട്ടിൽ ഒക്കെ അറിഞ്ഞു
പരസ്പരം സംസാരിച്ചു അവരുടെ കാര്യങ്ങൾ വീട്ടുകാർ ഒക്കെ സമ്മതിച്ചു
കോഴ്സ്‌ കഴിഞ്ഞാൽ കല്യാണം ആയിരുന്നു പ്ലാൻ
ഈ വർഷം തീരേണ്ടത് ആയിരുന്നു കോഴ്സ്‌
പക്ഷേ വിധി അവളെ തട്ടിയെടുത്തു
അവൻ കോഴ്സ്‌ പാതിവഴിയിൽ ഉപേക്ഷിച്ചു
ഇപ്പൊ നാട്ടിൽ കൂലിപ്പണിക്ക് പോവുകയാണ്
ദിവസവും മദ്യപിക്കും അവൻ കാരണമാണ്
വൈഗ മരിച്ചത് എന്നും പറഞ്ഞു
സ്വയം നശിക്കുകയാണ്....

പറഞ്ഞു തീരുമ്പോൾ
വിഷ്ണുവിന്റെ കണ്ണുകൾ നിറഞ്ഞു
ഒന്നും പറയാൻ വാക്കുകൾ കിട്ടാതെ രണ്ടു പേരും മൗനത്തോടെ ഇരുന്നു....

ഹോസ്പിറ്റലിൽ എത്തിയതും വണ്ടി പാർക്ക് ചെയ്തു അവളെയും കൂട്ടി വിഷ്ണു  ഡോക്ടറുടെ  റൂമിലേക്ക്‌ നടന്നു....

ഡോക്ടർ.....

ആ വിഷ്ണുവോ വരൂ ഇരിക്ക്
ഡോക്ടർ പറഞ്ഞു

ഡോക്ടറുടെ മുന്നിൽ ഇരുന്നുകൊണ്ട് വിഷ്ണു പറഞ്ഞു

ഡോക്ടർ ഇതാണ് ആ പറഞ്ഞ പെൺകുട്ടി പേര്  അഞ്ജലി....

മ്മ്മ്
അഞ്ജലിക്ക് അപ്പുവിനെ എങ്ങനെയാ പരിചയം....

എനിക്ക് അയാളെ പരിചയമില്ല ഡോക്ടർ
വിഷ്ണു വന്ന് കാര്യങ്ങൾ പറഞ്ഞപ്പോഴാണ് ഇങ്ങനെ ഒരാളെപ്പറ്റി അറിയുന്നത് തന്നെ....

ഓഹ്
അപ്പു തന്റെ കാര്യം കുറച്ചു ദേഷ്യത്തോടെ ആണ് പറയുന്നത് വേറെ ആരെയും അവൻ ഓർക്കുന്നില്ല ഇപ്പോൾ
എവിടവച്ചെങ്കിലും നിങ്ങൾ കണ്ടുമുട്ടിയതായി ഓർക്കുന്നുണ്ടോ....

ഇല്ല ഡോക്ടർ....

മ്മ്...
വിഷ്ണു നീയൊരു കാര്യം ചെയ്യ് അഞ്ജലിയെയും കൂട്ടി അപ്പുന്റെ റൂമിലേക്ക്‌ പൊയ്ക്കൊള്ളൂ
ഉള്ളിലേക്ക് കേറേണ്ട ഒരു പക്ഷേ അവന്റെ മനസ്സിൽ ഉള്ള ആ കുട്ടി ഇവളാണെങ്കിൽ

അവൻ എങ്ങനെ റിയാക്ട് ചെയ്യും എന്ന് പറയാൻ കഴിയില്ല
ഞാൻ അങ്ങോട്ട്‌ വരാം എന്നിട്ട് കേറിയാൽ മതി....

ശരി ഡോക്ടർ

*******

റൂമിന് പുറത്ത് നിൽക്കുന്ന അഞ്ജലിയെയും കൂട്ടി ഡോക്ടർ ഉള്ളിലേക്ക് കയറി ഉറങ്ങിക്കിടക്കുന്ന അപ്പുവിനെ പതിയെ തട്ടി വിളിച്ചു.....

അപ്പൂ....
അപ്പൂ ......

മെല്ലെ കണ്ണുകൾ തുറന്ന അപ്പു ഡോക്ടറെ നോക്കി....

അപ്പൂ എങ്ങനെയുണ്ട്
വേദന ഒക്കെ കുറവുണ്ടോ....

ഉണ്ട് ഡോക്ടർ ഒന്നുറങ്ങിപ്പോയതാണ് എന്നോട്....

മരുന്നിന്റെ ക്ഷീണം കൊണ്ടായിരിക്കും....

മ്മ്മ്

പിന്നെ അപ്പൂനെ കാണാൻ ആരാ വന്നിരിക്കുന്നത് എന്ന് നോക്കിയേ....
സൈഡിൽ മാറി നിൽക്കുന്ന അഞ്ജലിയെ ഡോക്ടർ അപ്പുവിന്റെ മുന്നിലേക്ക്‌ വിളിച്ചു.....

അപ്പു അഞ്ജലിയെ കണ്ടതും അവളെ ഒന്ന് സൂക്ഷിച്ചു നോക്കി...
അപ്പുവിന്റെ കണ്ണുകൾ ദേഷ്യം കൊണ്ട് ചുവന്നു....
കിടന്നിടത്തുനിന്നും ചാടി എണീറ്റ് അപ്പു ആക്രോശിച്ചു...

ഇവളാണ് 

ഇവൾ കാരണമാണ് എന്റെ വൈഗ മരിച്ചത് വിടില്ല ഇവളെ ഞാൻ....

അപ്പൂ റിലാക്സ്... .
റിലാക്സ്....

ഡോക്ടർ അപ്പുവിനെ പിടിച്ചു കിടത്തി....

ഇതൊക്കെ കണ്ട് സ്തംഭിച്ചു നിൽക്കുകയായിരുന്നു
അഞ്ജലി...

തുടരും

#പുനർജ്ജന്മം_ഭാഗം4
***********************

അപ്പൂ റിലാക്സ്.....

റിലാക്സ്.....

എന്താണ് അപ്പൂ സംഭവിച്ചത്.....
അപ്പൂന് എല്ലാം ഓർമ്മയുണ്ടോ.....

ഒരിക്കലും മറക്കില്ല
ഡോക്ടർ ഞാനിവളെ.....

എന്താണ് കാര്യം എന്ന് പറ അപ്പൂ
ഒന്നോർത്തു നോക്കൂ ....

ഓർമയുണ്ട് ഡോക്ടർ....
അന്ന് ഞാനും വൈഗയും
ബൈക്കിൽ പോകുമ്പോൾ
എനിക്കെതിരെ റോങ് ആയി വന്നത് ഇവളാണ്
ഇവളെ രക്ഷിക്കാൻ വേണ്ടിയായിരുന്നു
ഞാൻ ബൈക്ക് വെട്ടിച്ചു മാറ്റിയത്
പക്ഷേ മുന്നിൽ നിന്നും വളവ് തിരിഞ്ഞു
വന്ന ബസ് അതിൽ നിന്നും
ഒഴിഞ്ഞു മാറാൻ എനിക്ക് പറ്റിയില്ല
ഇവള് കാരണമാണ്
എന്റെ വൈഗ അന്ന് ബസ്സിനടിയിൽ.....

വാക്കുകൾ  മുഴുമിപ്പിക്കാൻ
അവന് സാധിച്ചില്ല കണ്ണിൽ നിന്നും
കണ്ണുനീർ ഒലിച്ചിറങ്ങി....

റിലാക്സ് അപ്പൂ റിലാക്സ്...

അവന്റെ തോളിൽ തട്ടി കൊണ്ട് ഡോക്ടർ പറഞ്ഞു...

അപ്പൂ അപ്പൂന് ഉറപ്പാണോ ഇവൾ തന്നെയായിരുന്നു അത് എന്ന്....

അതെ ഡോക്ടർ...
ഇവള് തന്നെയാണ് അത്
ഹെൽമെറ്റ്‌ വയ്ക്കാതെ
എന്റെ മുന്നിലേക്ക്‌ കടന്ന് വന്നപ്പോൾ
ആ നിമിഷം എന്റെ മനസ്സിൽ പതിച്ചതാണ്
ഇവളുടെ മുഖം.....

ഒക്കെയും കേട്ട് സ്തംഭിച്ചു
നിൽക്കുകയായിരുന്നു അഞ്ജലി....

അഞ്ജലി അപ്പു പറഞ്ഞത്  ശരിയാണോ.....

ഡോക്ടർ ചോദിച്ചത് കേൾക്കാതെ
സ്തംഭിച്ചു നിൽക്കുന്ന അഞ്ജലിയെ
വിഷ്ണു തട്ടി വിളിച്ചു...
ഞെട്ടിയ അഞ്ജലി അപ്പുവിനെ ദയനീയ ഭാവത്തിൽ നോക്കി....

അഞ്ജലി ചോദിച്ചതിന് മറുപടി പറഞ്ഞില്ല..
ഡോക്ടർ വീണ്ടും ചോദിച്ചു

അഞ്ജലി അപ്പു പറഞ്ഞത് ശരിയാണോ

കുറച്ചു സമയം എന്തോ ആലോചിച്ചു അഞ്ജലി തുടർന്നു

അതെ ഡോക്ടർ...
പക്ഷേ അതൊരിക്കലും
ഞാൻ അറിഞ്ഞോണ്ട് ആയിരുന്നില്ല
എനിക്കറിയില്ലായിരുന്നു
ഞാൻ കാരണമാണ് വൈഗ.....

പൊട്ടിക്കരഞ്ഞുകൊണ്ട്‌ അവൾ അപ്പുവിന്റെ കാലിലേക്ക് വീണു....

അടുത്ത് നിന്ന അപ്പുവിന്റെ അമ്മ അഞ്ജലിയെ പിടിച്ചെഴുന്നേല്പിച്ചു....

അഞ്ജലി മോളെ കരച്ചിൽ നിർത്തൂ....

അഞ്ജലി തനിക്കിത് അറിയാമായിരുന്നിട്ട്
എന്തിനാണ് കുറച്ചു സമയം മുൻപ് വരെ
ഞങ്ങളിൽ നിന്നും മറച്ചു വച്ചത്....

ഇല്ല ഡോക്ടർ
എനിക്ക് അറിയില്ലായിരുന്നു
ഇപ്പൊ കുറച്ചു മുൻപാണ്‌
എനിക്ക് മനസ്സിലായത്
ഞാൻ കാരണമാണ്
എന്റെ വൈഗ.....

ഡോക്ടർ തുടർന്നു....
അഞ്ജലി കരയാതിരിക്കൂ...
എന്താണ് സംഭവിച്ചത്
എനിക്ക് ഒന്നും മനസ്സിലാവുന്നില്ല....

ഞാൻ ഇപ്പൊ ഓർക്കുന്നുണ്ട് ഡോക്ടർ അന്ന് സംഭവിച്ചത്....

എന്താണ് പറയൂ....

ഞാൻ അന്ന് അങ്ങനെ
സ്പീഡിൽ പോകാൻ ഉണ്ടായ സാഹചര്യം കൂടെ ഞാൻ പറയാം  ഡോക്ടർ
അപ്പോഴേ നിങ്ങൾക്ക് എല്ലാവർക്കും എന്റെ നിരപരാധിത്വം മനസ്സിലാവുള്ളു.....

അഞ്ജലി വലിച്ചു നീട്ടാതെ കാര്യം പറയൂ...

മ്മ്മ്...
ഡോക്ടർ എനിക്ക് അച്ഛനില്ല അമ്മ മാത്രമേയുള്ളൂ
ചെറുപ്പത്തിൽ ഞങ്ങളെ വിട്ടു പോയതാണ് അച്ഛൻ
വീട്ടുകാരെ വെറുപ്പിച്ചു അച്ഛന്റെ കൂടെ ഇറങ്ങി വന്നതായിരുന്നു എന്റെ അമ്മ
അത് കൊണ്ട് തന്നെ  വേറെ ബന്ധുക്കൾ ആരുമില്ല
ഒരുപാട് കഷ്ടപ്പെട്ടിട്ടാണ് അമ്മ എന്നെ വളർത്തി പഠിപ്പിച്ചു ഈ ഒരു നിലയിൽ എത്തിച്ചത്
ഇതിനിടയിൽ അമ്മയ്ക്ക് ഒരു മേജർ അറ്റാക്ക് വന്നു
ഈശ്വരന്റെ കൃപയാൽ ഒന്നും സംഭവിച്ചില്ല
അന്ന് ഓഫിസിൽ ഉള്ള സമയത്താണ് അമ്മ എന്നെ വിളിച്ചു പറയുന്നത്
അമ്മയ്ക്ക് പഴയത് പോലെ നെഞ്ച് വേദനിക്കുന്നു എന്ന്
എനിക്ക് അമ്മയും അമ്മയ്ക്ക് ഞാനും മാത്രമേ ഉള്ളൂ
അമ്മയുടെ അടുത്ത് എത്താനുള്ള വെപ്രാളത്തിൽ ആണ്
ഞാൻ അന്ന് അങ്ങനെ പോയത്‌
ആക്‌സിഡന്റ് ആയത് അറിഞ്ഞെങ്കിലും
ഒന്ന് തിരിഞ്ഞു നോക്കാൻ പോലും ഉള്ള
മാനസിക അവസ്ഥയിൽ ആയിരുന്നില്ല ഞാൻ

അല്ലെങ്കിൽ ഒരിക്കൽ പോലും ഓവർ സ്പീഡിലോ ഹെൽമെറ്റ്‌ വയ്ക്കാതെയോ ഒന്നും ഞാൻ പോകാറില്ല
പിറ്റേ ദിവസം കൂട്ടുകാരി വിളിച്ചപ്പോൾ ആണ് വൈഗ ആക്‌സിഡന്റ് ആയി മരണപ്പെട്ടത് അറിയുന്നത്
അവസാനമായി അവളെ ഒന്ന്
നേരിട്ട് കാണാൻപോലും എനിക്ക് പറ്റിയിട്ടില്ല 

പക്ഷേ അതിന് ഉത്തരവാദി ഞാനാണെന്ന്
ഇപ്പോഴാണ് അറിയുന്നത്....

എനിക്ക് മാപ്പ് തരണം...

അപ്പുവിന്റെ കാലുകൾ പിടിച്ചു അഞ്ജലി പൊട്ടിക്കരഞ്ഞു....

മോള് കരയാതിരിക്ക്...
അപ്പു മോളോട് ക്ഷമിക്കും...
അറിഞ്ഞോണ്ട് അല്ലല്ലോ...
അപ്പുവിന്റെ അമ്മ അവളെപ്പിടിച്ചുയർത്തി...

എല്ലാം കേട്ട് കിടന്ന അപ്പുവിന്റെ കണ്ണിൽ നിന്നും കണ്ണീർ ധാരയായി ഒഴുകിക്കൊണ്ടിരുന്നു

അപ്പുവിന്റെ അടുത്ത് എത്തി തോളിൽ തട്ടിക്കൊണ്ടു ഡോക്ടർ തുടർന്നു....

അപ്പൂ റിലാക്സ് ചെയ്യ്...
ഒന്ന് ഉറങ്ങിക്കോളൂ മൈൻഡ് ഡ്രെപ്രെഷര് ആവരുത്
ഇൻജെക്ഷൻ തരാൻ ഞാൻ സിസ്റ്ററോട് പറയാം....

വിഷ്ണു അഞ്ജലിയെയും കൂട്ടി റൂമിലേക്ക്‌ പൊയ്ക്കോളൂ എനിക്ക് കുറച്ചു കാര്യങ്ങൾ സംസാരിക്കാൻ ഉണ്ട്.. ..

******

അഞ്ജലി.....
നീ കാരണം ഇല്ലാതായത് ഒരു ജീവനാണ് ഇതിനുള്ള ശിക്ഷ
അഞ്ജലി അനുഭവിക്കേണ്ടി വരും....

അഞ്ജലി ഡോക്ടറുടെ മുഖത്തേക്ക് നോക്കി...

എന്ത് ശിക്ഷ വേണെമെങ്കിലും ഞാൻ
അനുഭവിച്ചോളാം ഡോക്ടർ....

ഡോക്ടർ ഇതിപ്പോ നമ്മൾക്കല്ലേ അറിയുള്ളു
മാത്രവുമല്ല ഇനി രണ്ടു ജീവിതങ്ങൾ കൂടെ....
വിഷ്ണുവിന്റെതായിരുന്നു ചോദ്യം

വിഷ്ണു ഞങ്ങൾ ഡോക്റ്റേഴ്സിനു ഒരു ധർമം ഉണ്ട്
ഏതൊരു ജീവനും രക്ഷിക്കുക എന്നത്
ഇവിടെ ഒരു ജീവൻ ഇവൾ കാരണം നഷ്ടപ്പെട്ടിരിക്കുന്നു
അതിനുള്ള പണിഷ്മെന്റ് അവൾ അനുഭവിക്കണം....

എന്ത് വേണെമെങ്കിലും അനുഭവിക്കാൻ ഞാൻ തയ്യാറാണ്
ഡോക്ടർ എനിക്ക് ഒരു മടിയുമില്ല....

എങ്കിൽ അഞ്ജലിക്കുള്ള പണിഷ്മെന്റ് ഞാൻ തരികയാണ്....

അവൾ ഡോക്ടറുടെ മുഖത്തേക്ക് നോക്കി...

അപ്പുവിന്റെ ഓർമ്മ ശക്തി
പൂർണ്ണമായും തിരിച്ചു കിട്ടിയിട്ടില്ല
മനസ്സിൽ പതിഞ്ഞ ഒരു കാര്യം മാത്രമേ അവന്റെ മനസ്സിൽ ഉള്ളൂ
അതിൽ മെയിൻ ആയിട്ടുള്ളത് അഞ്ജലിയാണ്
അത് കൊണ്ട് തന്നെ അപ്പുവിനെ പഴയ ലൈഫിലേക്ക് തിരിച്ചു കൊണ്ട് വരാൻ
അഞ്ജലിയുടെ സാനിധ്യം വേണം.....

ഡോക്ടർ എന്താണ് പറഞ്ഞു വരുന്നത് എനിക്ക് മനസ്സിലായില്ല....

രണ്ടു ദിവസത്തിനുള്ളിൽ
അപ്പു വീട്ടിലേക്ക് ഡിസ്ചാർജ് ചെയ്തു പോകും
അഞ്ജലി ഇടയ്ക്കിടയ്ക്ക് അവനെ പോയി കാണണം
അഞ്ജലിയെ കാണുമ്പോൾ പഴയ കാര്യങ്ങൾ
ഓർത്തെടുക്കാൻ അപ്പുവിന് കഴിഞ്ഞേക്കും....

തീർച്ചയായും ഞാൻ പോകാം ഡോക്ടർ....

ഇതവന്റെ പുനർജ്ജന്മം ആണ് അത് അഞ്ജലിയുടെ കയ്യിലാണ് ഇനി.......

എന്നെക്കൊണ്ട് പറ്റുന്നത് പോലെ ഞാൻ ചെയ്യും ഡോക്ടർ
അങ്ങനെയേ എനിക്ക് വൈഗയോട് മാപ്പ് ചോദിക്കാൻ പറ്റുള്ളൂ

******

ആറു  മാസം എത്ര പെട്ടന്നാ കടന്ന് പോയത്‌
ഇല്ലേ അഞ്ജലിച്ചേച്ചി....
ചേച്ചിയിപ്പോ ദേ ഇവിടുത്തെ ഒരാളെപ്പോലെയായി...

അപ്പുവിന്റെ അനിയത്തിയുടെ ആയിരുന്നു സംസാരം

ആറുമാസം പോയാലെന്താ അമ്മൂ...
അമ്മൂന്റെ അപ്പുവേട്ടൻ പഴയത് പോലെ ആയില്ലേ
പഴയ അപ്പുവേട്ടനാക്കി തിരിച്ചു തന്നില്ലേ ഈ ചേച്ചി ...

മ്മ്മ്
അഞ്ജലിച്ചേച്ചിക്ക് ഇന്ന് കുറച്ചു ലേറ്റ് ആയിട്ട് പോയാൽ പോരേ
കയ്യിൽ വണ്ടിയില്ലേ
അമ്പലത്തിൽ കാർത്തിക
അല്ലേ
ദീപം തെളിയിച്ചിട്ട് പൊയ്ക്കൂടെ

ഞാൻ പോവുകയാണ് എനിക്ക് ലേറ്റ് ആയി അമ്മ വീട്ടിൽ ഒറ്റയ്ക്കാണ്....

അഞ്ജലി മോളെ....

അപ്പൂന്റെ അമ്മ അവളെ വിളിച്ചു...

ഹൊ ആന്റിയോ....

ഇന്ന് വൈഗയുടെ പിറന്നാളാണ്
കാർത്തിക  നാളും ആണ് രണ്ടും ഒന്നിച്ചു വന്നിരിക്കുന്നു
അമ്പലത്തിൽ വന്ന് ഒരു തിരി തെളിയിച്ചിട്ട് പൊയ്ക്കോ
അവളുടെ ആത്മാവിന് ശാന്തി കിട്ടട്ടെ

ആണോ എങ്കിൽ ഞാനും വരാം....

അമ്മയോട് വിളിച്ചു പറഞ്ഞേക്ക് കുറച്ചു വൈകും എന്ന്

അഞ്ജലി ഫോണെടുത്തു അമ്മയെ വിളിച്ചു കാര്യങ്ങൾ പറഞ്ഞു
അമ്പലത്തിലേക്ക് തിരിച്ചു

അമ്പലത്തിൽ പോയി ദീപം തെളിയിച്ചു തിരിച്ചു വന്നതും പോകാൻ നേരം അഞ്ജലി എല്ലാവരുമോടായി ചോദിച്ചു.....

ചോദിക്കുന്നത് തെറ്റാണോ ശരിയാണോ എന്നറിയില്ല
തെറ്റാണെങ്കിൽ എന്റെ പൊട്ടത്തരം ആയി കരുതണം...

എന്തിനാ മോളെ ഒരു മുഖവുര മോൾക്ക്‌ എന്ത് വേണേലും ചോദിച്ചോ..
അപ്പുവിന്റെ അമ്മ പറഞ്ഞു

ഒരിക്കൽ ഞാൻ കാരണം
നഷ്ടപ്പെട്ടതായിരുന്നു
അപ്പുവേട്ടന്റെ ജീവിതം
ഇനി ആ ജീവിതത്തിലേക്ക്
എന്നേം കൂടെ കൂട്ടുമോ....

എല്ലാരുടെയും മുഖം അപ്പുവിലേക്ക് തിരിഞ്ഞു
ഒരു പുഞ്ചിരി മാത്രമായിരുന്നു അപ്പുവിന്റെ മുഖത്ത്‌

മുന്നിലേക്ക്‌ കേറിവന്ന അമ്മ പറഞ്ഞു...

അപ്പുവിന്റെ ജീവിതത്തിൽ
ഇനി ഒരു പെൺകുട്ടി ഉണ്ടെങ്കിൽ
അതിന് ഏറ്റവും അർഹത മോൾക്കാണ്
ഞാൻ മോളോട് അങ്ങോട്ട്‌ ചോദിക്കാൻ ഇരിക്കുകയായിരുന്നു...

ഒക്കെയും കേട്ട് നിന്നതിനു അപ്പുവിന്റെ അച്ഛൻ ഒന്നും പറയാതെ വീടിന് ഉള്ളിലേക്ക് കേറിപ്പോയി
ഉള്ളിലേക്ക് കേറിപ്പോയി തിരികെ വന്ന അച്ഛൻ ബൈക്കിന്റെ ചാവി അപ്പുവിന് നേരെ നീട്ടി പറഞ്ഞു

ഡാ അപ്പു അവളെ അവളുടെ വീട്ടിൽ കൊണ്ട് പോയി വിട്ടിട്ട് വാ....

മുറ്റത്ത്‌ നിന്നും ബൈക്കെടുത്ത്  അഞ്ജലിയെ പുറകിലിരുത്തി അപ്പു ഒന്ന് മുകളിലേക്ക് നോക്കി....

ആകാശത്ത്‌ കാർത്തിക നക്ഷത്രം അവരെനോക്കി പുഞ്ചിരിച്ചു....

നിരഞ്ജൻ എസ് കെ