ഓലപ്പുര
ഓലപ്പുര
ഭാഗം 1 .
നല്ല തണുത്ത കാറ്റുവീശുന്നു എവിടെയോ നല്ല മഴ പെയ്യുന്നുണ്ട് .സ്കൂൾ വിട്ടു വന്നതു മുതൽ വീടിന്റെ കോലായിൽ ഇരിക്കാണ് .ഇന്ന് വേഗം ഇരുട്ടായത് പോലെ ഉമ്മ ഇതേ വരെ വന്നട്ടില്ല .എന്നും മഗ്രിബ് ബാങ്കിനെ മുൻപാണ് വരുന്നെ .മഴ ... തുള്ളി... തുള്ളി ആയി വീഴുന്നുണ്ട് .
ഞാൻ ഉമ്മ രണ്ടു പെങ്ങന്മാർ ഇതാണ് കുടുംബം .ഞാൻ ഏറ്റവും ഇളയതാ ണ് .നാലാം ക്ളാസ്സി ൽ പടിക്കുന്നു .ഒരുപെങ്ങൾ വാപ്പാടെ അകന്ന ബന്ധു വീട്ടിലാണ് നിൽകുന്നെ .വീട്ടിൽ ഞാനും പെങ്ങളും ഉമ്മയും മാത്രം .വാപ്പ ചെറുപ്പത്തിലേ ബോംബായിൽ പോയതാണ് .പിന്നെ വന്നട്ടില്ല ഉമ്മ ബന്ധുക്കളുടെ വീട്ടിൽ പണിക് പോകുന്നത് കൊണ്ടാണ് കഴിഞ്ഞു പോകുന്നെ.ഉമ്മ വരുന്നതും നോക്കി ഞാൻ ഇങ്ങനെ ഇരുന്നു .ഉമ്മ വന്നാൽ കഴിക്കാൻ എന്തേലും കാണും അതാ .
അപ്പുറത്തെ വീട്ടിലെ ശാന്തേച്ചിയുടെ മകൻ അനു അവന്റെ വീടിൻ്റെ ഉമ്മറത്ത് ഇരിക്കുന്നുണ്ട് അവൻ ചായയിൽ എന്തോ മുക്കി കഴിക്കുന്നു ഞാൻ അവനെ നോക്കി ...അവൻ എന്നെയും ഇടക്ക് നോക്കുന്നുണ്ട് എത്ര നോകിട്ടും കാര്യമില്ല അവൻ അതു തരില്ല .അവനും ഞാനും ഉണ്ണിക്കുട്ടനും ഒരേ ക്ലാസ്സിൽ ആണ് .നാലാം ക്ലാസ്സിൽ .എന്റെ വീടിന്റെ നേരെയാണ് അനുന്റേം ഉണ്ണികുട്ടന്റേം വീട് .ഉണ്ണിക്കുട്ടൻ ഇതേ ഇത് വരെ പുറത്തു വന്നട്ടില്ല അകത്തായിരിക്കും .
മഴ നല്ലോണം പെയ്ത് തുടങ്ങി .അകലെ ഉമ്മ വരുന്നതു കണ്ടു തലയിൽ ഓലക്കെട്ട് ഉണ്ട് .ഉമ്മ പണി കഴിഞ്ഞു വരുമ്പോൾ എപ്പോളും ഒരു ഓലക്കെട്ടു തലയിൽ ഉണ്ടാകും....വരുന്ന വഴിക്കെ പാടത്തു
കിടക്കുന്ന ഓലകൾ വെട്ടി നുറുക്കി കെട്ടാക്കി തലയിൽ വെയ്ക്കും .ഉമ്മ വരുമ്പോൾ എപ്പോളും എന്തേലും ഉണ്ടാകും തിന്നാൻ അതാണ്ഇങ്ങനെ നോക്കി ഇരിക്കുന്നെ .മുണ്ടും ബ്ലൗസും ആണ് ഉമ്മാന്റെ വേഷം ഉമ്മ സാരിയുടുത്ത ഇതേ വരെ കണ്ടട്ടില്ല .അല്ലങ്കിൽ ഞങളുടെ കോളനിയിൽ ഉള്ളവർ സാരിയുടുത്തു അതികം കാണാറില്ല.ഉമ്മാന്റെ കയ്യിൽ ഒരു പൊതിയുണ്ട് .വേഗം ചെന്നു അതു വേടിച്ചു .അതിൽ നിറയെ പഴുത്ത ചാമ്പക്കയും കറുകല ഇലയും ആയിരുന്നു .ഉമ്മ ഓലക്കെട്ട് താഴെ ഇട്ടു കോലായിൽ ഇരുന്നു. കൂടെ ഞാനും .അപ്പോളേക്കും മഴയുടെ ശക്തി കൂടി വന്നു .നല്ല കാറ്റും .വീടിനുളിൽ നല്ല ചോർച്ചയുണ്ട് ചോരുന്ന സ്ഥലത്തൊക്കെ പെങ്ങൾ പാത്രങ്ങൾ വെക്കുന്നുണ്ട് ചോര്ന്നൊടൊത്തൊക്കെ പാത്രം വെച്ചാൽ രാത്രി കഞ്ഞി കുടിക്കാൻ പാത്രം കാണില്ല .അല്ലങ്കിലും ചോരാത്ത ഓലപ്പുര ഈ ലോകത് ഉണ്ടാകില്ല .
നല്ല ഇടിവാള് മിന്നി ഞാനും ഉമ്മയും അകത്തു കയറി ഇരുന്നു .പത്രം വെച്ചു കഴിഞ്ഞു പെങ്ങളും വന്നു അടുത്ത ഇരുന്നു അവൾക്കും കൊടുത്തു ചാമ്പക്ക .ആ നല്ല മഴ നോക്കി ഞാനും ഉമ്മയും പെങ്ങളും പുറത്തു നോക്കി ഇരുന്നു .
മഴ കുറഞ്ഞു നല്ല തണുപ്പ് തോന്നി .മരങ്ങളിലുള്ള വെള്ളങ്ങൾ കാറ്റിൽ താഴെ വീഴുന്നുണ്ട് .ഞാൻ പതിയെ പുറത്തിറങ്ങി ഉണ്ണിക്കുട്ടന്റെ വീട്ടിലേക്ക് ചെന്നു .കയ്യിലുള്ള ചാമ്പക്കയിൽ ഒരെണ്ണം അവനു കൊടുത്തു അവൻ ഹാപ്പി ആയി... ഞാനും അവനും ചാമ്പക്കയും തിന്നു അനുവിന്റെ വീട്ടിലെക്കെ നോക്കി അവൻ മുറ്റത് പ്ലാങ്ങി നിൽക്കുന്നുണ്ട് .അവനും ഞങ്ങളുടെ അടുത്തേക് വരണം എന്നുണ്ട് പക്ഷെ അവൻ്റെ 'അമ്മ സമ്മതിക്കില്ല അവന്റെ അമ്മയെ കോളനിലുള്ള എല്ലാവർക്കും പേടിയാണ് .കാരണം ശാന്തേച്ചി എല്ലാവരെയും ചീത്ത പറയും .സ്കൂളിലെ ടീച്ചർ മാരെ പോലെയാണ് അവന്റെ 'അമ്മ തൊട്ടതിനും പിടിച്ചതിനും ചീത്ത പറയും .
''പോയ് ''' പൂഓയ്''' പെടക്കണ മീൻ പെടക്കണ മീൻ ''' മീൻ കാരൻ മമ്മദ് ക യാണ് ''.സൈക്കിളിൽ മീനുമായി ആളു മാത്രം പെടക്കുന്നുണ്ടാകുള്ളൂ ചെന്ന് നോക്കിയാൽ കാണാം പെഡകുന്നത് പോയിട്ട് ശാസം പോലും വലിക്കുന്നുണ്ടാകില്ല മീനുകൾ . .ഞങൾ കിണറിന്റെ അടുത്തേക്ക് ചെന്നു പെണ്ണുങ്ങൾ എല്ലാം മീൻ വെടിക്കാൻ വന്നു .നോകുമ്പോൾ അനു മീൻ വേടിക്കാൻ വന്നേക്കുന്നു കയ്യിലുള്ള ഒരു ചാമ്പക്ക അവനും കൊടുത്തു .എവിടെ യൊക്കെയോ മരം വീണിട്ടുണ്ടന്ന് മമ്മദ് ക്ക അയൽക്കാരൻ അയ്യപ്പൻ ചേട്ടനോട് പറയുന്നത് കേട്ടു .
നേരം ഇരുട്ടി തുടങ്ങി ഞാൻ വീട്ടിലേക്ക് പോന്നു ഉണ്ണികുട്ടനും അവന്റെ വീട്ടിലെക്കെ പോയി
പണി കഴിഞ്ഞു വന്ന ഉമ്മ വീട്ടിലെ പണി തുടങ്ങി പെങ്ങൾ പാത്രത്തിൽ നിറഞ്ഞ വെള്ളങ്ങൾ പുറത്തു കളഞ്ഞു പാത്രം അവിടെ തന്നെ വെച്ചു കാരണം രാത്രി മഴ വീണ്ടും വരാൻ ചാൻസ് ഉണ്ട് .ഉമ്മ അടുക്കളയിൽ എന്തൊക്കെയോ ചെയ്യുന്നുണ്ട് അടുക്കള എന്നാൽ അത്ര വലിയതൊന്നുമല്ല നേരെ നിന്നാൽ തല മുകളിൽ മുട്ടും അതെ കൊണ്ട് പണികളൊക്കെ ഇരുന്നിട്ടാ ണ് .(ഓലപ്പുരയിൽ കിടന്നവർക്ക് അറിയാം )
പെങ്ങൾ പുസ്തകം എടുത്ത് പഠിക്കാൻ ഇരുന്നു.... ഞാൻ പിന്നെ ക്ലാസ്സിൽ ഫസ്റ്റ് ആയത് കൊണ്ട് പഠിക്കാൻ നിൽക്കാറില്ല .....വെറുതെ വെളുക്കിൽ കളിച്ചു കൊണ്ടിരുന്നു .അവൾക്ക് വെട്ടം മറയുമ്പോൾ അവൾ എന്നെ തല്ലും .ഇനിക് ഒരെണ്ണം കിട്ടിയാൽ ഞാൻ രണ്ടെണ്ണം കൊടുക്കും പിന്നെ അവൾ തല്ലില്ല .അപ്പോൾ ഞാൻ ഗുസ്തിയിൽ ജയിച്ച ആളെ പോലെ യാണ് .അപ്പോൾ തോന്നും എനിക്കാണ് കൂടുതൽ ശക്തിയെന്ന് .
പണികളൊക്കെ കഴിഞ് ഉമ്മ ദിക്ർ ചൊല്ലാൻ ഇരുന്നു .ദിക്കിറിനെക്കാൾ കൂടുതലും അല്ലാഹുവിനോടുള്ള പരാതികൾ ആയിരിക്കും .''അടുത്ത വലിയ മഴക്ക് മുൻപ് ഓല കിട്ടണം .കാരണം കഴിഞ്ഞ വര്ഷം വീട് മേഞ്ഞട്ടില്ല ഈ വർഷമെങ്കിലും മേഞ്ഞില്ലെങ്കിൽ മുഴുവൻ വെള്ളവും അകത്തു തന്നെ ഉണ്ടാകും .എന്നും പണിയുണ്ടാകണം ...കൊയ്ത്തിനെ നെല്ല് ഒരുപാട് കിട്ടണം ഇതൊക്കെയാണ് ഉമ്മാ ന്റ് പരാതികൾ .
ഉമ്മ കൊയ്യാൻ പോകുമ്പോൾ സ്കൂൾ ഇല്ലാത്ത ദിവസം കൂടെ ഞാനും പോകും കാരണം കൊയ്ത് കഴിഞ്ഞ കറ്റകൾ പാടത്തു നിന്ന് ചോന്ന് ഹാജിയാരുടെ വീട്ടിൽ കൊണ്ട് വെക്കണം .പാടങ്ങൾ മുഴുവനും ഹാജ്യാരുടെതാണ് .പകൽ കൊയ്ത് കഴിഞ് രാത്രിയാണ് മെതിക്കുക .ഒരു കൂട്ടം പെണ്ണുങ്ങൾ കൊയ്യാൻ ഉണ്ടാകും .രാത്രി മെതിക്കലോക്കെ കഴിഞ് ചൂട്ടു കത്തിച്ചു വീട്ടിലെക് പോകും .ഉമ്മ ചൂട്ട് കത്തിച്ചു മുന്നിലും ഞാൻ പിന്നിലും നടക്കും .ഹാജിയാരുടെ വീട്ടിൽ നിന്നെ പാടം കഴിഞ് വേണം ഞങളുടെ വീട്ടിലേക്ക് പോകാൻ .അന്നു കുളിച്ചു കഴിഞ്ഞാലും മേൽ നല്ല ചൊറിച്ചിൽ ആയിരിക്കും .
ശാന്തേച്ചിയുടെ വീട്ടിലെ റേഡിയോ പാട്ടു നിറുത്തി എല്ലാവരും കിടന്നുന്ന തോന്നുന്നെ ഞങ്ങളും കഞ്ഞി കുടിച്ചു കിടന്നു .വീട്ടിൽ എന്നും രാത്രീ കഞ്ഞി ആയിരിക്കും കൂടെ പപ്പടവും എന്നാലും നല്ല രുചിയാണ് കഴിക്കാൻ .പുറത്തു കാറ്റു ആഞ്ഞു വീശുന്നുണ്ട് അടുത്ത മഴക്കുള്ള മുന്നറിയിപ്പാണ് അത് .ഞാനും ഉമ്മയും പെങ്ങളും ഒരു പായയിൽ ആണ് കിടക്ക .വീശുന്ന കാറ്റിൽ വീട് പറന്ന് പോകുമോ എന്ന് തോന്നും .അല്ലങ്കിലും നാലൊരു കാറ്റ് വീശിയാൽ പറന്ന് പോകാവുന്നതേ ഉള്ളു .കാറ്റിന്റെ ശക്തി കൂടുമ്പോൾ ഉമ്മാന്റെ ദിക്കിറിന്റെ ഒച്ചയും കൂടും .പാവം ഉമ്മ .എന്റെ കണ്ണുകളും പതിയെ അടഞ്ഞു .ഒരുനാൾ ഞാനും വലിയ വീട് പണിയും ...
തുടരും ........................
....ഓലപ്പുര ഭാഗം ; രണ്ട്...............................................
--------------------------------------
''കുഞ്ഞിപ്പേങ്ങൻ ചേട്ടൻ വന്നേയ് '' ''കുഞ്ഞിപ്പേങ്ങൻ ചേട്ടൻ വന്നേയ്'' കിണറ്റിൻ കരയിൽ വെള്ളം പിടിക്കാൻ പോയ അമ്പുവിന്റെ ഒച്ച കേട്ടാണ് ഉണ്ണികുട്ടന്റെ വീട്ടിൽ തീപ്പെട്ടി പടം കളിച്ചു കൊണ്ടിരുന്ന ഞാനും ,അനും ,ഉണ്ണികുട്ടനും,സന്ദീപും , കൂടി കിണറ്റിൻ കരയിലേക് ഓടിയത് കാരണം കുഞ്ഞിപ്പേങ്ങൻ ചേട്ടൻ ചേട്ടൻ വന്നാൽ അവിടെ ഒരുപാട് കലാപരിപാടികൾ ഉണ്ടാകും
കുഞ്ഞിപ്പേങ്ങൻ ചേട്ടൻ അടിച്ചു പൂസായാണ് വരുന്നെ..... കിണറിന്റെ അടുത്ത തന്നെയാണ് ചേട്ടന്റെ വീട് .മെയിൻ റോഡിൽ നിന്നും അവിടെ വരെ വണ്ടികൾ വരികയുള്ളു .അത് കഴിഞ്ഞാൽ വീടുകളിലേക്ക് നടന്ന് പോകാനുള്ള ഇടവഴി മാത്രം ഉള്ളു .എന്നും വെളുപ്പിന് നടന്ന് പണിക് പോകുന്ന ചേട്ടൻ വരുന്നത് ഓട്ടോറിക്ഷയിൽ ആണ് .സത്യം പറഞ്ഞാൽ കാലത്തു പണിക് പോകുന്ന ചെട്ടനെ ഇതേവരെ ഞങൾ കണ്ടിട്ടില്ല .
എന്നും വരുന്നത് ഞങൾ കാണാറുണ്ട് അല്ല ഞങ്ങൾ പിള്ളേർ നോക്കി ഇരിക്കാറുണ്ട് .കാരണം വഴിയേ മനസിലാകും .ചിലപ്പോൾ വണ്ടിയിൽ നിന്ന് ചേട്ടൻ ഇറങ്ങാറില്ല ഡ്രൈവർ വലിച്ചു ഇറക്കാറാണ് പതിവ് .
ഒരു വിധം ഇറക്കി താഴെ കിടത്തി വണ്ടിക്കൂലി മാത്രം ഇടുത് ഡ്രൈവർ പോകും .വണ്ടി പോയി കഴിഞ്ഞാൽ ചേട്ടൻ നിലത്തു നിന്ന് എഴുന്നേൽക്കും പക്ഷെ മുണ്ട് കൂടെ എഴുന്നേൽക്കില്ല .ചേട്ടൻ ട്രൗസർ ഇട്ടിട്ടുണ്ടാകും
എഴുന്നേറ്റാലും രണ്ടടി കൂടുതൽ നടക്കില്ല അവിടെ തന്നെ കിടക്കും അപ്പോളും ആളു പിച്ചും പേയും പറഞ്ഞു കൊണ്ടിരിക്കും....... ചിലപ്പോൾ നല്ല പാട്ടും പാടും .
ചേട്ടൻ വന്നാൽ ഞങ്ങൾ പിള്ളേർ ചേട്ടന്റെ കലാപരിപാടികൾ നോക്കി ഇരുന്ന് ചിരിക്കും .അതിലും വലിയ കോമഡി ഞങൾ അന്നു ടിവിയിൽ പോലും കണ്ടിട്ടില്ല .അതു മാത്രമല്ല ആളു വീഴുമ്പോൾ കുറച്ചു നാണയ തുട്ടുകളും അവിടെ കിടക്കും അതാണ് ഞങളുടെ ഉന്നവും ഞങ്ങളെ കണ്ടാൽ ''വാടാ മക്കളെ ;; എന്നു പറഞ്ഞു വിളിക്കും ;;ചേട്ടനെ വീട്ടിലാക്കടാ '' എന്നു പറയും .ഞങ്ങൾ പോയി ചേട്ടന്റ് സഹധർമണിയെ വിളിക്കും ....ചേട്ടൻ വന്നത് ചേച്ചി അറിഞ്ഞിട്ടുണ്ടാകുമെങ്കിലും ഞങൾ ചെന്ന് വിളിചാലേ ചേച്ചി വരൂ അത് നാണം കൊണ്ടുന്നുമല്ല ഓരോ ദിവസവും ഓരോ ലെവലിലാണ് പുള്ളിക്കാരൻ വരുന്നെ ചില ദിവസങ്ങളിൽ വീടു വരെയെങ്കിലും എത്തും പിന്നെ ചേച്ചി പിടിച്ചു അകത്തു കിടത്തിക്കോളും........ പക്ഷെ ഇന്ന് ചേട്ടൻ അവിടെ എത്തില്ല .
ചേട്ടൻ വന്നതറിഞ്ഞാൽ ഞങൾ പിള്ളേർ മാത്രമല്ല എവിടെ നിന്നൊക്കെയോ കുറെ പൂച്ചകളും അവിടെ എത്തും കാരണം ചേട്ടൻ വരുമ്പോൾ മീൻ കാണും........ വേടിക്കുമ്പോൾ കുറെ ഉണ്ടാകുമെങ്കിലും വീടെത്തിയാൽ രണ്ടോ മൂന്നോ കാണൂ അതും അവിടെ തന്നെ കിടക്കും .അത് പൂച്ചകൾക് ഉള്ളതാണ് .
ചേട്ടനെ വലിച്ചു ചേച്ചി ഒരു വിധം വീട്ടിൽ കൊണ്ടാകും .ഞങ്ങൾ പിള്ളേർ ചേട്ടന്റ് ചെരിപ്പും ബീഡിയും വീട്ടിൽ കൊണ്ട് കൊടുക്കും .പിന്നെ അവിടെ കിടക്കണ ചില്ലറകളും അതിൽ ചേച്ചി 25 പൈസ വെച്ചു ഞങ്ങൾക്ക് തരും
ചെറുപ്പത്തിൽ ഞങ്ങൾക്ക് മിട്ടായി വാങ്ങാൻ പൈസ തന്ന ഏക ആളു അമ്മിണി ചേച്ചി ആണ് .എന്നാലും ഞങ്ങൾക് കൂടുതൽ സ്നേഹം കുഞ്ഞിപ്പേങ്ങൻ ചേട്ടനോടാണ് .ചേട്ടൻഅടി ച്ചു പൂസാകുന്നത് കൊണ്ടല്ലേ ചേച്ചി ഞങ്ങൾക്ക് പൈസ തരുന്നേ ...അത് കൊണ്ട് കുഞ്ഞിപ്പേങ്ങൻ ചേട്ടൻ പൂസാകാൻ ഞങൾ എന്നും പ്രാർത്ഥിക്കാറുണ്ട് .
പണിക്ക് പോകാത്ത ദിവസങ്ങളിൽ ചേട്ടൻ കുടിക്കാറില്ല അപ്പോൾ ഞങൾ ചേട്ടനെ ചുമ്മാ നോക്കി ഇരിക്കും...... പല്ലില്ലാത്ത മോണകാട്ടി ആളു ഞങ്ങളെ നോക്കി ചിരിക്കും അപ്പോൾ അത്രയും നിഷ്കളങ്കമായ ചിരി വേറെ ഉണ്ടാകില്ല
ഞങൾ ഞങളുടെ കളി വീണ്ടും തുടങ്ങി ഓരോ സമയത്തും ഓരോ കളിയാണ് മഴയുള്ളപ്പോൾ തീപ്പെട്ടി
പടം കൊണ്ടാണ് കളിക്കുന്നെ ...അല്ലെങ്കിൽ പമ്പരം കൊത് ...അരീസുകായ കളിക്കും അങ്ങനെ ഒരുപാടു കളികൾ ....
ഞങ്ങളുടെ കോളനിയിൽ ഞങ്ങൾ മാത്രമല്ല ഒരു പാട് പിള്ളേരുണ്ട് ...അമ്പു ,ശിഹാബ്,നിഷാബ് ....ഇവരൊക്കെ ആറാം ക്ലാസിലാണ് പടികുന്നെ ... നിഷാബും ഷിഹാബും ചേട്ടൻ അനിയൻ മാരാണ് ......എന്നാലും ഞങ്ങൾ ഒരുമിച്ചാണ് കളിക്കുന്നെ ....
''ഡാ അനു ''' ശാന്തേച്ചിയുടെ വിളി വന്നു ആ വിളി മുഴുവനാകുന്നതിനെ മുൻപേ അവൻ വീട്ടിൽ എത്തിയിട്ടുണ്ടാകും അല്ലെകിൽ എന്തു സംഭവിക്കുമെന്ന് ഞങ്ങൾക്ക്........ അല്ല കോളനിയിലുള്ള എല്ലാവര്ക്കും അറിയാം ....ബാങ്ക് കൊടുത്തപ്പോൾ ഉമ്മ വന്നു ഞാനും കളി നിറുത്തി വീട്ടിലേക്ക് പോയി ..
അന്നു ഉമ്മാടെ മുണ്ടിന്റെ മടിയിൽ നിന്ന് ഒരു മിട്ടായി എടുത്തു തന്നു .അന്നു ഉമ്മ പണിക്കു പോയ വീട്ടിലെ കൊച്ചിന്റെ ബർത്ത് ഡേ ആയിരുന്നെന്ന് അപ്പോൾ ഞാൻ ചോദിച്ചു ''എന്റെ ബർത്ത് ഡേ എന്നാ'' അന്ന് ഉമ്മ മറുപടി പറഞ്ഞില്ല .സത്യം പറഞ്ഞാൽ ബർത്ത് ഡേ എന്താണെന്ന് അന്ന് ഇനിക്ക് അറിയില്ലായിരുന്നു . അന്നു ഉമ്മ കൊണ്ട് വന്ന പൊതിയിൽ നല്ല ബിരിയാണി ഉണ്ടായിരുന്നു .ഞാൻ കയ്യിട്ട് കുറച്ചു വാരി തിന്നു ...നല്ല മണം ഉണ്ടായിരുന്നു .ബാക്കി ഉമ്മ പാത്രത്തിൽ ഇട്ടു തന്നു . അന്നു കുറേനാളുകൾക്ക് ശേഷം ആദ്യമായി വയറു നിറച്ചു ഭക്ഷണം കഴിച്ചു .
തുടരും
ഓലപ്പുര ഭാഗം ----3
ഇതുവരെ തന്ന പ്രോത്സാഹങ്ങൾക്കു നന്ദി....
നേരത്തെ ചായ കുടിച്ചു ഞാനും അനും ,ഉണ്ണിക്കുട്ടനും കൂടി തത്തിനി പറമ്പിലേക്കോടി അവിടെ വേലായുധൻ ചേട്ടന്റെ വീട്ടിലാണ് ടി.വി കാണാറ് ഞായറാഴ്ച്ച ശ്രീകൃഷ്ണൻ സീരിയൽ ഉണ്ടാകും .വേലായുധൻ ചേട്ടന്റെ വീട്ടിലേക്ക് പാടവും പറമ്പും കടന്നും വേണം പോകാൻ .അവിടെ കുറച്ചു വീടുകൾ ഉണ്ട് എല്ലാം ഓടിട്ട വീടുകളാണ് .അവിടെയാണ് ഞായറാഴ്ച ദിവസങ്ങളിൽ സിനിമ കാണാൻ പോകാറ്
കാലത്തു 8 മണിക്ക് ശ്രീകൃഷ്ണൻ സീരിയൽ ഉണ്ടാകും ഞായറാഴ്ച അത് കണ്ടില്ലെങ്കിൽ എന്തോ നഷ്ടം സംഭവിച്ചത് പോലെയാണ് .അതിലെ കംസനോട് അടങ്ങാത്ത കലിയാണ് കാരണം കംസൻ എല്ലാ കുട്ടികളെയും കൊല്ലും .അത് കാണുമ്പോൾ ഇനിക്ക് സങ്കടം വരും .
അപ്പോൾ അനുവും ഉണ്ണികൂട്ടനും ആശ്വസിപ്പിക്കും കൃഷ്ണൻ ജനിച്ചാൽ എല്ലാം ശരിയാകുമെന്ന് പറയും അത് കൊണ്ട് കൃഷ്ണൻ ജനിക്കാൻ വേണ്ടി കാത്തിരിക്കാണ് .കൃഷ്ണൻ വന്നിട്ട് വേണം കംസനെ കൊല്ലാൻ . അത് കഴിഞ് ഉച്ചക്ക് ശക്തിമാനും നാലുമണിക്ക് സിനിമയും ഉണ്ടാകും .സിനിമ കഴിഞ്ഞാൽ ഞങ്ങളുടെ ഹീറൊ മൗഗ്ലി വരും .അതൊക്കെ കഴിയുമ്പോളേക്കും ഇരുട്ടാകും .
മദ്രസയുള്ള ദിവസങ്ങളിൽ ശ്രീകൃഷ്ണൻ പരമ്പര കാണാൻ കഴിയില്ല .കാലത്തു മദ്രസ തുടങ്ങിയാൽ ഉച്ചവരെ ഉണ്ടാകും .കാണാൻ പറ്റാത്ത ദിവസങ്ങളിൽ ഉണ്ണിക്കുട്ടൻ കഥ പറഞ്ഞു തരും .പരമ്പര ഒരു മണിക്കൂർ
ഉള്ളുവെങ്കിലും അവന്റെ കഥ രണ്ടുമണിക്കൂർ ഉണ്ടാകും കുറെയൊക്കെ അവൻ അഭിനയിച്ചു കാണിക്കും
അവന് ഒരുപാട് ഭാവനായുള്ളത് കൊണ്ട് കുറെയൊക്കെ അവൻ ചേർക്കും എന്നാലും അത് കേട്ടിരിക്കാൻ രസമാണ്
ഇന്ന് മദ്രസയില്ല അതാണ് അവരേം കൂട്ടി നേരത്തെ വേലായുധൻ ചേട്ടന്റെ വീട്ടിലേക്ക് പോന്നത് .ശ്രീകൃഷ്ണൻ കഴിഞ്ഞാൽ അവർ ടിവി ഓഫ് ചെയ്യും .അപ്പോൾ ഞങ്ങൾ വീട്ടിലേക്ക് പോരും പിന്നെ ഉച്ചക്ക് ശക്തിമാൻ കാണാനാ പോക .അത് കഴിഞ്ഞാൽ അവിടെ തന്നെ കളിച്ചിരിക്കും .പിന്നെ നാലു മണി സിനിമേം മോഗ്ലിയും കഴിഞ്ഞാ വീട്ടിലേക്ക് പോര .സിനിമ കഴിഞ്ഞാൽ അനു അവന്റെ വീട്ടിലേക്ക് പോകും നേരം വൈകിയാൽ അവന്റെ 'അമ്മ തല്ലും ..മൗഗ്ലിയുടെ കഥ ഞാനും ഉണ്ണികുട്ടനുമാണ് പറഞ് കൊടുക്ക .
അന്നു രാത്രി സിനിമയിലെ ഇടി രംഗങ്ങൾ അഭിനയിക്കലാണ് എന്റെ പണി വീട്ടിൽ കൂട്ടി ഇട്ടിരിക്കുന്ന ഓലക്കെട്ടിന്റെ മുകളിൽ കൂടി ചാടിയും മറിഞ്ഞും ഞാൻ ഒറ്റക്ക് ഇടി കൂടും .അത് അനും ഉണ്ണികുട്ടനും നോക്കി ഇരിക്കും കളി കൂടുമ്പോൾ പിന്നിൽ നിന്ന് ഉമ്മയുടെ ഈർക്കലി കൊണ്ടുള്ള അടി കാലിൽ വീഴും അപ്പോൾ ഞാൻ ഓടി ഉണ്ണിക്കുട്ടന്റെ വീട്ടിൽ കേറും . അടികൊണ്ട് ചന്തി തിരുബുംബോൾ അവർ രണ്ടാളും കൂടി തല തല്ലി ചിരിക്കുന്നുണ്ടാകും അല്ലെങ്കിലും അത് അങ്ങനെയാണ് അനൂ നെ അവന്റെ അച്ഛൻ തല്ലുമ്പോൾ ഞങൾ വേലിക്കൽ വന്ന് നോക്കി ഇരിക്കും അവൻ അവിടെ കിടന്ന് കരയുമ്പോൾ ഞങ്ങൾ വേലിക്കൽ നിന്ന് ചിരിക്കും ....
പിറ്റേ ദിവസം ഞങ്ങൾ അവനെ കളിയാകുമ്പോൾ ഒരാഴ്ച മുൻപ് ഉമ്മ എന്നെ തല്ലിയ കണക്കു പറഞ്ഞു അവൻ
എന്നെ കളിയാക്കും ''അന്നു നിനക് ഒരു പാടു കിട്ടിയില്ലേ അതിൽ കൂടുതൽ ഇനിക്ക് ഇന്നലെ കിട്ടിയിട്ടില്ല എന്ന് പറയും '' ശരിയാണ് ഏറ്റവും കൂടുതൽ തല്ല് കിട്ടിയിട്ടുള്ളത് എനിക്കാണ്. പക്ഷെ ഉണ്ണിക്കുട്ടനെ അവന്റെ 'അമ്മ തല്ലുന്നത് ഞാൻ ഇതേ വരെ കണ്ടട്ടില്ല .
അന്നുവൈകുന്നേരവും ഞങ്ങൾ കുഞ്ഞിപ്പേങ്ങൻ ചേട്ടൻ വരവറിഞ്ഞു പക്ഷെ അത് ആരും വിളിച്ചു പറഞ്ഞല്ല
ഒരു നിലവിളിയിലൂടെയാണ് അമ്മിണി ചേച്ചിയുടെ കരച്ചിലിലൂടെ ഞങ്ങൾ നേരെ അവിടേക്കോടി .
കുറച്ചാളുകൾ അവരുടെ വീടിന്റെ മുൻപിൽ കൂടി നിൽക്കുന്നുണ്ട് .അകലെ ഒരു ടെമ്പോ വരുന്നത് കണ്ടു കുഞ്ഞിപ്പേങ്ങൻ ചേട്ടൻ അതിലാണ് വരുന്നതെന്നറിഞ്ഞു .അപ്പോൾ ഓട്ടോ മാറി ചേട്ടൻ ടെമ്പോയിലാക്കിയോ വരവെന്ന് ഞാൻ മനസിലോർത്തു .അപ്പോഴേക്കും കോളനിയിലുള്ള ആളുകൾ കിണറിന്റെ അടുത് കൂടി
വന്നു ഇന്നെന്താ ചേട്ടന്റെ വരവു കാണാൻ ഒരുപാടാളുണ്ടല്ലോ ഞാൻ മനസ്സിലോർത്തു ചിലപ്പോൾ ചേട്ടൻ ഇന്ന് കൂടുതൽ പൂസായിരിക്കും അതാ ആളു കൂടുന്നെ ഞാൻ വിചാരിച്ചു .കൂട്ടത്തിൽ ഉമ്മയും ശാന്തേച്ചിയും ഉണ്ടായിരുന്നു എല്ലാവരും കുഞ്ഞിപ്പേങ്ങൻ ചേട്ടനെ കാണാനാ നിൽകുന്നെ .ടെമ്പോ വന്നു കിണറിന്റെ അടുത്ത് നിന്നു .അമ്മിണി ചേച്ചി ഓടി ടെമ്പോയുടെ അടുത്തേക്ക് വന്നു '''അയ്യോ എന്റെ ചേട്ടൻ പോയേ ഇനിക്കിനി ആരുണ്ട് ''എന്നു നിലവിളിക്കുന്നുണ്ടായിരുന്നു .
ഞങ്ങൾ ചേട്ടൻ ഇറങ്ങുന്നതും നോക്കി നിന്നു ഇന്ന് എത്ര ചില്ലറ താഴെ വീഴും അതായിരുന്നു ഞങളുടെ ചിന്ത .
പക്ഷെ ചേട്ടൻ അന്നു ഇറങ്ങിയില്ല .
"കാണാൻ ഉള്ളവർക് ഇവിടെ വന്നു കാണാമെന്നു" ആരോ പറഞ്ഞു എല്ലാവരും ടെമ്പോയുടെ അടുത്തേക്ക് പോയി നോക്കുന്നുണ്ടായിരുന്നു . ഞാൻ നേരെ ഉമ്മയുടെ അടുത്തേക്ക് പോയി ''ഇനിക്കും കാണണം എന്നു പറഞ്ഞു '' ഉമ്മ എന്നെ ഇടുത്തു പൊക്കി കാണിച്ചു തന്നു .ചേട്ടൻ വെള്ള മുണ്ട് പുതച്ചു കിടക്കുന്നു .
എല്ലാവരുടെയും കണ്ണുകൾ നിറയുന്നുണ്ട് .ചേട്ടൻ മരിച്ചതാണെന്ന് അവിടെ കൂടി നിൽക്കുന്നവരുടെ സംസാരത്തിൽ നിന്ന് മനസിലായി .മരണം എന്താണെന്ന് ഇനിക്ക് അറിയില്ലായിരുന്നു .പക്ഷെ ഒരു കാര്യം ഉറപ്പായിരുന്നു ചേട്ടനെ ഇനി കാണാൻ പറ്റില്ലെന്ന് കാരണം എന്റെ വലിയുമ്മ മരിച്ചിട്ട് ആളുകൾ എല്ലാം കൂടി കട്ടിലിൽ എടുത്തോണ്ട് പോയി പിന്നെ ഇതേ വരെ ഞാൻ വലിയുമ്മാനെ കണ്ടട്ടില്ല .
'' ചേട്ടനെ ചേച്ചിയുടെ വീട്ടിലേക്ക് കൊണ്ട് പോകും'' ശാന്തേച്ചി ഉമ്മാനോട് പറയുന്നത് കേട്ടു .
അന്നു ആദ്യമായി വന്ന വണ്ടിയിൽ നിന്നും ഇറങ്ങാതെ ആ വണ്ടിയിൽ തന്നെ കുഞ്ഞിപ്പേങ്ങൻ ചേട്ടൻ തിരിച്ചു പോയി .കോളനിയിലുള്ള മുഴുവൻ ആളുകളും കൂട്ടത്തിൽ ഞങ്ങളും അത് നോക്കി നിന്നു .
തുടരും....
ഓലപ്പുര ഭാഗം 4
''ഞാനിവിടെ വെച്ച രണ്ടു രൂപ ആരാ ഇടുത്തെ ഇനിക്കതിപ്പൂകിട്ടണം'' നിഷാബിന്റെ ഒച്ചത്തിലുള്ള ശബ്ദം കേട്ടാണ് ഞാൻ ഉറക്കത്തിൽ നിന്ന് എഴുന്നേറ്റത് .ഇന്നു ശനിയാഴ്ച ആയത് കൊണ്ട് സ്കൂളില്ല .പക്ഷെ മദ്രസ ഉണ്ടായിരുന്നു .പോയില്ല അതിനുള്ള അടി വൈകീട്ടുഉമ്മന്റെന്ന് കിട്ടും .
എന്റെ വീടിന്റെ തൊട്ടു പിന്നിലുള്ള വീടാണ് നിഷാബിന്റെയും ഷിഹാബിന്റെയും .അവർ രണ്ടാളും എപ്പോളും അടിയാണ് .
നിഷാബിന്റെ പൈസ കാണുന്നില്ല അത് ആരോ എടുത്തിട്ടുണ്ട് അതാണ് ഈ ഒച്ച . ഷിഹാബിനോടാണ് അവൻ ചോദിക്കുന്നെ .
''അള്ളാനേ ഞാൻ എടുത്തിട്ടില്ല '' ശിഹാബ് അതെ ഒച്ചയിൽ പറഞ്ഞു .
''ഇല്ല നീ മാത്രം ഇടുക്കുള്ളു അല്ലാതെ ആരും ഇടുക്കില്ലാ '' നിഷാബ് കൂടുതൽ ഒച്ചയിൽ വീണ്ടും പറഞ്ഞു
ഇത് കേട്ടാണ് വീവിത വന്നത് ...''മോനെ നീ എടുത്തിട്ടുണ്ടങ്കിൽ കൊടുക്ക് ..ഉമ്മാടെ മോനല്ലേ ''ഷിഹാബിനോടായി വിവിത പറഞ്ഞു ....
''ഇല്ലുമ്മ ഞാൻ എടുത്തിട്ടില്ല. അള്ളാനേ ഞാൻ കണ്ടട്ടില്ല ''ശിഹാബ് ആണയിട്ടു പറഞ്ഞു ..
''ഇല്ല ഇവൻ തന്നെയാ ഇടുത്തേക്കുന്നെ അല്ലാതെ ആരും എടുക്കില്ല. പൈസ തന്നില്ലെങ്കിൽ ഇവന്റെ മുയലിനെ ഞാൻ കൊല്ലും'' അതും പറഞ്ഞു നിഷാബ് ശിഹാബ് വളർത്തുന്ന മുയലിന്റെ കൂടിന്റെ അടുത്തേക്കെ ഓടി ....എന്നിട്ട് അതിൽ നിന്ന് ഒരു മുയലിനെ ഇടുത്തു .
''അള്ളാ എൻ്റെ പാറു '' അതും പറഞ്ഞു ശിഹാബ് നിഷാബിന്റെ അടുത്തേക്ക് ചെന്നു ....
ശിഹാബ് പൊന്നു പോലെ വളർത്തുന്ന രണ്ടു മുയലുകളാണ് പാറും ചിന്നും ശിഹാബ് മാത്രെ അവരെ അങ്ങനെ വിളിക്കുള്ളു .
ഇപ്പോൾ എന്തും സംഭവിക്കും ചേട്ടൻ ഷിഹാബാണെകിലും കൈയൂക്ക് നിഷാബിനാണ് .
ഞാനും ഉണ്ണികുട്ടനും അതു കാണാൻ നിന്നു ...അപ്പോൾ ഞങൾ മാത്രമേ അവിടെ ഉണ്ടായുള്ളൂ ....
''എന്റെ പൈസ തന്നില്ലേൽ ഞാൻ ഇതിനെ തീയിലിലേക്കിടും'' പുറത്ത് കത്തിച്ചു വെച്ച അടുപ്പ് ചൂണ്ടി കാണിച്ചു നിഷാബ് പറഞ്ഞു .
'' ഇന്നാടാ നിന്റെ പൈസ'' എന്നും പറഞ്ഞു ശിഹാബ് പോക്കറ്റിൽ നിന്നും രണ്ടു രൂപ എടുത്ത് നിഷാബിന്റെ മുന്നിലേക്കിട്ടു ...
അപ്പോഴാണ് സത്യം മനസിലായെ .....പൈസ എവിടെ ആയിരുന്നെന്ന്.....
നിലത്തുനിലത്തു കിടന്ന പൈസയെടുത് മുയലിനെ അവിടെയിട്ടു നിശാബ് കുറെ ചീത്ത വിളിച്ചു പുറത്തേക്കു പോയി .....
ശിഹാബ് ഓടിച്ചെന്നു മുയലിനെ ഇടുത്ത ''പാറു പേടിച്ച ..പേടിക്കണ്ടാട്ടാ '' എന്നും പറഞ്ഞു മുയലിനെ കൂട്ടിലേക്കിയിട്ടു
ഇതൊക്കെ കണ്ടു ഞാനും ഉണ്ണികുട്ടനും വേലിക്കൽ നിന്നു ചിരിച്ചു ..........
ഞാനും ഉണ്ണികുട്ടനും അവന്റെ വീട്ടിലിരുന്നു കളിക്കാൻ തുടങ്ങി ...കുറച്ചു കഴിഞ്ഞു അനുവും സന്ദീപും വന്നു .അവരുടെ കയ്യിൽ മുള്ളൻ പഴം ഉണ്ടായിരുന്നു അവർ അതു പറിക്കാൻ വേണ്ടി പോയതായിരുന്നു .ഞങ്ങളെ വിളിക്കാതെയാണ് അവർ പോയത് ...ഞങ്ങളും കൂടി പോയാൽ അവർക്ക് കൂടുതൽ കിട്ടില്ലലോ ....
അവർ വന്നപ്പോൾ ഉണ്ണിക്കുട്ടൻ അവർക്ക് ഉണ്ടായ സംഭവങ്ങൾ അഭിനയിച്ചു കാണിച്ചു കൊടുത്തു ...ഞങ്ങൾ ഇതും പറഞ്ഞു ചിരികുമ്പോഴാണ് ശിഹാബ് അവിടേക്കു വന്നതു ....അവൻ ഒന്നും അറിയാത്ത പോലെ അവിടെ തിണ്ണയിൽ ഇരുന്നു .....
കുറച്ചു കഴിഞ്ഞു പുറത്തു പോയ നിശാബ് തിരിച്ചു വന്നു ....അവൻ്റെ കയ്യിൽ അപ്പോൾ നാരങ്ങാ മിട്ടായി ഉണ്ടായിരുന്നു ....അവൻ അതു ഓരോന്നും ഞങ്ങൾക്ക് തന്നു ...ശിഹാബിനു മാത്രം കൊടുത്തില്ല ...
'' ഇനിക്ക് താടാ ' ശിഹാബ് ചോദിച്ചു .
'' ഇല്ല നീ എൻ്റെ പൈസ എടുത്തോനല്ലേ '' നിഷാബ് പറഞ്ഞു ...
''ഇനിക്ക് അറിയാം ഈ പൈസ എവിടെന്നു കിട്ടിയതെന്ന് '' ശിഹാബ് പറഞ്ഞു .
''ഇതേ ഇവനില്ലേ കുഞ്ഞിപ്പെങ്ങൻ ചേട്ടൻ വീണപ്പോൾ ഇടുത്തത'' ഒരു രഹസ്യം വെളിപ്പെടുത്തും പോലെ ശിഹാബ് പറഞ്ഞു ..
ഞങ്ങൾ നിശാബിനെ നോക്കി ....
''അതെ അതിനു നിനക്കെന്താ നീയും ഇടുതട്ടില്ലേ'' അവനും പറഞ്ഞു ....
'' നോക്കിക്കോടാ ഇന്നു രാത്രീ കുഞ്ഞിപ്പെങ്ങൻ ചേട്ടൻ വന്നു നിന്റെ കോരക്കിനു പിടിക്കും '' ശിഹാബ് പറഞ്ഞു ...
'' അതു ഞാൻ സഹിചോളാം ''നിശാബ് ശിഹാബിനെ ഗോഷ്ട്ടി കാണിച്ചു കളിയാക്കി പറഞ്ഞു ...
അതു കണ്ടു ഞങ്ങൾ ചിരിച്ചു....
ശിഹാബിനു മിട്ടായി കിട്ടാത്ത ദേഷ്യവും ഞങ്ങൾ ചിരിച്ച ദേശ്യവും ഒരുമിച്ചു വന്നു ..
''നിങ്ങ ചിരിക്കേണ്ട മിട്ടായി തിന്ന എല്ലാവരേം കോരക്കിനു പിടിക്കും നോക്കികോ '' അവൻ എല്ലാവരോടുമായി പറഞ്ഞു
അതു കേട്ട് എൻ്റെ വായിലിരുന്ന മിട്ടായി അറിയാതെ ഇറങ്ങിപ്പോയി ...
എല്ലാവരും ചെറിയ പേടിയോടെ അങ്ങോട്ടും ഇങ്ങോട്ടും നോക്കി ....
കാരണം ഞങ്ങൾ എല്ലാവരും ചേട്ടൻ അറിയാതെ നിലത്തു കിടന്ന പൈസ ഇടുത്തിട്ടുണ്ട് .....അതിനു മിട്ടായി വാങ്ങി തിന്നിട്ടുമുണ്ട്
ഇനിയെങ്ങാനും രാത്രീ കുഞ്ഞിപ്പെങ്ങൻ ചേട്ടൻ വന്നു എൻ്റെ പൈസ താടാ എന്നും പറഞ്ഞു കോരക്കിനു പിടികോ .....ഞാൻ പേടിയോടെ ഓർത്തു ... അഥവാ ചേട്ടൻ വന്ന് പൈസ ചോദിച്ചാൽ ഉമ്മന്റെന്നു വാങ്ങി കൊടുക്കാം ഞാൻ മനസ്സിൽ പറഞ്ഞു ..
ഓരോരുത്തരും അതാവും ഓർത്തിട്ടുണ്ടാവുക ....പിന്നെ നിശാബ് തന്ന മിട്ടായി ഞങ്ങൾ വെടിച്ചില്ല ....
അപ്പോഴാണ് അമ്പു അവിടേക്കു വന്നതു നിശാബ് ഒരു മിട്ടായി അവനും കൊടുത്തു ....അവനും അത് കഴിച്ചു ....
''ഡാ നമ്മളാരെങ്കിലും ഒരാളുടെ പൈസ ഇടുത്താൽ അവർ മരിച്ചു കഴിഞ്ഞാൽ നമ്മളെ വന്നു രാത്രി പിടിക്കില്ലേ'' ....ശിഹാബ് അമ്പുനോടായി ചോദിച്ചു ....
''ആ എന്തായാലും വരും'' അമ്പു അതു ശരി വെച്ചു ....കാരണം ശിഹാബിന്റെ കഥ ബുക്ക് അമ്പുന്റെ
കയ്യിലുണ്ട് ...അവൻ ഇല്ലാന്ന് പറഞ്ഞാൽ ശിഹാബ് അതു തിരിച്ചു വെടിച്ചാലോ ആ പേടിയാണ് അമ്പുനെ കൊണ്ട് ശരി വെപ്പിച്ചത് ...പക്ഷെ ഇതൊന്നും ഞങ്ങൾക് മനസിലായില്ല ....
'' നീയും ഇപ്പോൾ മിട്ടായി തിന്നില്ലേ അപ്പോൾ നിന്റെ അടുത്തും വരും '' ഉണ്ണിക്കുട്ടൻ അമ്പുനോടായി പറഞ്ഞു
''എന്റെ അടുത്ത് വരില്ല കുഞ്ഞിപ്പെങ്ങൻ ചേട്ടൻ എന്റെ മാമന '' അമ്പു പറഞ്ഞു ...
ഇതെപ്പോ അതു ഞങ്ങൾക്ക് പുതിയ അറിവായിരുന്നു ....
''കുഞ്ഞിപ്പെങ്ങൻ ചേട്ടൻ എന്റെ അച്ഛന്റെ ബന്ധുവാ '' ...അതു കൊണ്ട് എന്നോട് ചോദിക്കില്ല ....അമ്പു വിശദമായി പറഞ്ഞു
കുഞ്ഞിപ്പെങ്ങൻ ചേട്ടൻ എന്റെ ബന്ധുവല്ല അത് കൊണ്ട് ഞാൻ പേടിക്കണം ....ഞാൻ മനസ്സിലോർത്തു ....
പറയുന്നത് ശരിയാണെങ്കിൽ ഇന്നു രാത്രി കുഞ്ഞിപെങ്ങൻ ചേട്ടൻ വരും ....
തുടരും......
ഓലപ്പുര ഭാഗം........ 5
വൈകുന്നേരം ഉണ്ണിക്കുട്ടന്റെ വീട്ടിൽ തീപ്പെട്ടിപടം കളിച്ചു കൊണ്ടിരിക്കുമ്പോഴാണ് കാലിൽ നല്ല പെടകൊണ്ടത് നോകുമ്പോൾ പിന്നിൽ വടിയുമായി ഉമ്മ
''ഇന്നു നീ മദ്രസയിൽ പോയില്ലാലെ'' ..
ഞാൻ തീപ്പട്ടി പടം അവിടെയിട്ടു ഓടി ഉമ്മ പിന്നാലെ യുണ്ട് ഞാൻ ഓടി കുഞ്ഞിപ്പെങ്ങൻ ചേട്ടന്റെ വീട്ടിലെ കാശിൻമാവിന്മേൽ കയറി ...
ഞങ്ങൾ പിള്ളേർക്ക് തല്ലു കിട്ടുമ്പോൾ ഓടി രക്ഷപ്പെടുന്നത് കുഞ്ഞിപ്പെങ്ങൻ ചേട്ടന്റെ വീടിനു മുന്നിലുള്ള കശുമാവിന്മേൽ കേറുമ്പോഴാണ് ഞങ്ങൾക്ക് പെട്ടന്ന് കേറാൻ പറ്റുന്ന തരത്തിലാണ് മാവ് ....അതിൽ കേറിയാൽ അവർക്ക് പിടിക്കാൻ കഴിയില്ല ..
ഞാൻ ഓടി മാവിന്റെ മുകളിലെ കൊമ്പിൽ ഇരുന്നു ...എന്നിട്ടാണ് അടി കിട്ടിയ ഭാഗം നോക്കുന്നത് ...
ഹാവു ...നല്ല വേദനയുണ്ട്....
ഉമ്മ താഴെ ഹാലിളകി നിൽക്കുകയാണ് ...
''ഡാ ഇറങ്ങട താഴെ''
''ഇല്ല എന്നെ തല്ലാനല്ലേ''.........
''നാളെമുതൽ മുടങ്ങാതെ പൊയ്ക്കൊള്ളാം'' ഞാൻ കരച്ചിലോടെ പറഞ്ഞു
''ഡാ ഇറങ്ങി വരാൻ'' ...ഉമ്മ വീണ്ടും പറഞ്ഞു
ഉണ്ണികുട്ടനും അനും സന്ദീപും നിഷാബും ഷിഹാബും എല്ലാവരും നോക്കി നിൽകുന്ന്ണ്ട് ....എന്നെ തല്ലുന്നത് കാണാനുള്ള നിൽപ്പാണ് ...അല്ലങ്കിലും അങ്ങനെ ആണല്ലോ കൂട്ടത്തിലുള്ളവനെ വീട്ടുകാർ തല്ലുന്നത് കാണാൻ നല്ല രസമാണ് ...
കിണറ്റിൻ കരയിൽ വെള്ളം പിടിക്കാൻ വന്ന പെണ്ണുങ്ങളും നോക്കി നിൽക്കാണ് ...അതിൽ സ്കൂളിൽ കൂടെ പഠിക്കുന്ന പെണ്ണുങ്ങളും ഉണ്ട് ....
ഇനിക്ക് അകെ ചമ്മലായി നാളെ സ്കൂളിൽ പാട്ടാകും ...
പണ്ടാരം ഇന്നു മദ്രസ്സയിൽ പോയാൽ മതിയായിരുന്നു ..ഞാൻ അപ്പോൾ മനസ്സിലോർത്തു ...
''നീ എത്രനേരം ഇതിൽ ഇരിക്കുമെന്ന് ഇനിക്ക് കാണണം വൈകുന്നേരം അങ്ങട് വാ'' എന്നും പറഞ്ഞു ഉമ്മ പോയി
രാത്രി ഇനി എങ്ങനെ വീട്ടിൽ കേറും അത് ആലോചിച്ചപ്പോൾ തന്നെ പേടിയായി ...
കുഞ്ഞിപെങ്ങൻ ചേട്ടൻ മരിച്ചതിൽ പിന്നെ രാത്രി പുറത്തിറങ്ങാനും പേടിയാണ് ....
ഞാൻ പതുക്കെ മാവിൽ നിന്ന് ഇറങ്ങി ...അപ്പോഴേക്കും നേരം നല്ല ഇരുട്ടായിരുന്നു ..എല്ലാവരും അവരുടെ വീട്ടിലേക്ക് പോയിരുന്നു ...
ഞാൻ കുഞ്ഞിപെങ്ങൻ ചേട്ടന്റെ വീട്ടിലേക് നോക്കി അവിടെ ആരും ഇല്ല വാതിൽ അടഞ്ഞു കിടക്കാണ്
ഇനിക്ക് പേടി തോന്നി ഞാൻ വേഗം ഓടി ഉണ്ണിക്കുട്ടന്റെ വീട്ടിലേക്ക് പോയി ....
ഇന്ന് വീട്ടിലേക്കു കേറിയാൽ അടി ഉറപ്പാണ് .......
നേരം ഒരുപാട് ഇരുട്ടി എല്ലാവരും കിടന്നു...ഉണ്ണിക്കുട്ടന്റെ വീട്ടിലും കിടന്നു പക്ഷെ ഉണ്ണിക്കുട്ടൻ ഞാൻ ഉള്ളതുകൊണ്ട് കിടന്നട്ടില്ല അവനും ഞാനും എന്റെ വീട്ടിലേക്ക് നോക്കിയിരിക്കണ് ...
''ഡാ നീ വരുന്നുണ്ടാ'' ഉമ്മ വിളിച്ചു ചോദിച്ചു ..
''ഇല്ല വന്നാൽ എന്നെ തല്ലൊ ഞാൻ നാളെ പൊക്കോളാം'' കരച്ചിലോടെ പറഞ്ഞു
ഉമ്മ ഒന്നും മിണ്ടാതെ വീട്ടിലേക്കു കയറി വാതിൽ അടച്ചു ..വാതിൽ എന്ന് പറഞ്ഞാൽ ഓലകൊണ്ട് മറച്ചതാണ് ...അത് ഇടുത്തു വെച്ചു ..
കുറെ നേരം കഴിഞ്ഞു ഞാൻ പതുക്കെ വാതിൽ മാറ്റി അകത്തു കടന്നു ബെഞ്ചിൽ കിടന്നു ....
പിറ്റേന്നു നേരം വെളുത്തു നോകുമ്പോൾ ഞാൻ പായിലാണ് കിടക്കുന്നെ ...രാത്രി ഉമ്മ എടുത്ത് കിടത്തിയതാകും ...വേഗം എഴുന്നേറ്റ് ചായ കുടിച്ചു മദ്രസയിലേക്ക് പോയി ..
മദ്രസ കുറച്ചു അകലെയാണ് രണ്ടു പാടം കഴിഞ്ഞു വേണം പോകാൻ ..രണ്ടാമത്തെ പാടം എത്തുമ്പോളേക്കും കുട്ടികൾ പോകുന്നത് കാണാം ..
കൂട്ടത്തിൽ കൂടെ പഠിക്കുന്ന ഷെരീഫും ,മുഹിയയും ഉണ്ടാകും ...ഞങ്ങൾ ഒരേ ക്ലാസ്സിലാണ് ....
തുടരും ....................
ഓലപ്പുര ഭാഗം____ 6
നാളെ പുരകെട്ടലാണ് ഞായറാഴ്ച ആയത് കൊണ്ട് മദ്രസയുണ്ടാകും എന്നാലും പോകില്ല ...പോയില്ലങ്കിലും ഒന്നും പറയില്ല കാരണം കടയിൽ പോകാനും മറ്റും ഞാൻ ഇവിടെ വേണം ...
കുറച്ചു ദിവസമായി ഉമ്മാക്ക് ഓല വെള്ളത്തിലിടലും മെടയലുമായിരുന്നു ...പാടത്തു ഒരു ചെറിയ ഒരു കുളമുണ്ട് അവിടെയാണ് ഓല വെള്ളത്തിലിടുക .രണ്ടു ദിവസം വെള്ളത്തിലിട്ടു ശേഷം വലിച്ചു കരക്ക് കയറ്റി പാടത്തിനടുത് തന്നെ പറമ്പിലാണ് മെടയുക ...അതിനു ശേഷം ഉണക്കി കെട്ടുകളാക്കി വീട്ടിൽ കൊണ്ടുവരും
സ്കൂളിലാത്ത ദിവസങ്ങളിൽ കൂടെ ഞാനും പോകും ...
ഇന്നു വൈകുന്നേരം സാധനങ്ങളൊക്കെ ഇടുത് പുറത്തു വെയ്കും ,,ചില സമയത്തു തലേ ദിവസം വീടിന്റെ മേൽഭാഗം പൊളിക്കും എന്നിട്ട് പിറ്റേ ദിവസമാണ് കെട്ടുക ..അന്ന് വൈകുന്നേരം കിടക്കുമ്പോൾ ആകാശം കാണാം ...ആകാശം കണ്ടു കിടക്കാൻ നല്ല രസമാണ് ....കൂടെ നക്ഷത്രങ്ങളും ...
നക്ഷത്രങ്ങളെ എത്ര എണ്ണിയാലും കണക്ക് കിട്ടില്ല എണ്ണും തോറും കൂടി വരുന്നത് പോലെ തോന്നും
ആരോ പറഞ്ഞു കേട്ടിട്ടുണ്ട് മരിച്ചവരാണ് നക്ഷത്രങ്ങൾ ആയി വരുന്നതെന്ന് . ഇന്ന് നക്ഷത്രം എണ്ണിയപ്പോൾ ഒരു നക്ഷത്രം ആടി പോകുന്നത് പോലെ തോന്നി ....ഞാൻ വിചാരിച്ചു ചിലപ്പോൾ അതു കുഞ്ഞിപ്പെങ്ങൻ ചേട്ടൻ ആയിരിക്കും കാരണം കുഞ്ഞിപെങ്ങൻ ചേട്ടൻ എപ്പോളും ആടിയാണല്ലോ നടക്കുന്നെ
പിറ്റേന്ന് കാലത്തു പത്തൻ ചേട്ടനും വേലായുധൻ ചേട്ടനും വന്നു .വേലായുധൻ ചേട്ടൻ ഉണ്ണിക്കുട്ടന്റെ അച്ഛനാണ് ..എല്ലാ പ്രാവശ്യവും പെര കെട്ടാൻ വേലായുധൻ ചേട്ടൻ ഉണ്ടാകും ..അവർ ചാടി ഓലപ്പുറത്തു കയറി പഴയ വാരികളൊക്കെ മാറ്റി പുതിയത് വെക്കും ..അവസാനമാണ് ഓല വെക്കുക ..രണ്ടു ഓല വെച്ചാണ് എറിഞ്ഞ കൊടുക്കുക ..ഉമ്മയാണ് ഓല എറിഞ്ഞ കൊടുക്ക ഞാൻ എത്ര എറിഞ്ഞാലും മുകളിൽ എത്തില്ല .
അവർ ഓല വെച്ച് അരയിലുള്ള വഴുക എടുത്ത് കെട്ടി വെയ്ക്കും .
അന്ന് മുറ്റത്തു വലിയ ചെമ്പിൽ കഞ്ഞി വെയ്ക്കും .കാലത്തു കഞ്ഞിയും ഉച്ചക്ക് ചോറുമുണ്ടാകും . വൈകുന്നേരത്തോടെ പണി കഴിയും .....
അന്നുവൈകുന്നേരം ഉറങ്ങുമ്പോൾ പുതിയ വീട്ടിൽ കിടക്കുന്ന സുഖമുണ്ടാകും ഇനി മഴ വന്നാലും അതികം ചോരില്ല എന്നാലും ചെറിയ ചോർച്ചയുണ്ടാകും ...
അങ്ങനെ കുറെ നാളുകൾക്ക് ശേഷം പുതിയ ഓലപ്പുരയിൽ ഞാനും ഉമ്മയും പെങ്ങളും കൂടി ഉറങ്ങി..........
അവസാനിച്ചു .........
.................റഹീം................
Comments
Post a Comment