മഴത്തുള്ളി(161)

#മഴത്തുള്ളി

പടക്കം പൊട്ടുന്ന പോലെ ഒരടിയായിരുന്നു അത്

എല്ലാ കണ്ണുകളും അവരിലേക്ക്
അവൾ ചുറ്റിലേക്കും നോക്കുമ്പോഴേക്കും
അവൻ നടന്നകന്നിരുന്നു
പിന്നീട് അവനെ കാണുന്നത് പ്രിൻസിപ്പലിന്റെ മുറിയിൽ വച്ചായിരുന്നു
പുച്ഛഭാവത്തിൽ സോറി പറഞ്ഞു പോയി

"ടോ തനിക്ക് വല്ല കാര്യേം ഉണ്ടാരുന്നോ ആ ചെക്കന്റേന്ന് തല്ലു മേടിക്കാൻ "
ചോദ്യം ക്ലാസിലെ ലീഡറിന്റെ വകയായിരുന്നു

പതിവു പുഞ്ചിരിയിൽ മറുപടിയിലൊതുക്കി അവൾ നടന്നു പുറത്തെ മരച്ചുവട്ടിൽ തുറന്ന പുസ്തകവും അശ്രദ്ധമായ മനസുമായി ഇരുന്നപ്പോൾ തൊട്ടു മുന്നിലൂടെ അവൻ നടക്കുന്നുണ്ടായിരുന്നു തീഷ്ണമായ നോട്ടമെറിഞ്ഞ് 

അവൾ അവനെ ആദ്യം കണ്ടതോർത്തു

ആംഗ്യ ഭാഷയിൽ സഹപാഠിയോട് സംസാരിക്കുന്നത്

് "ദേ ടീ രണ്ടു പൊട്ടൻമാര് "
കൂടെ നടന്നവൾ പറഞ്ഞു

" എന്തായിത് അവരു മനുഷ്യരല്ലേ നീ തുറിച്ചു നോക്കി നിൽക്കാണ്ട് വരുന്നുണ്ടോ "
അവൾ പറഞ്ഞു

"അല്ലാ ഈ പൊട്ടന്മാർ സംസാരിക്കുന്നത് ആദ്യായാ കാണുന്നെ "

"നന്നായി നല്ല ഭാഷ നിനക്ക് ഊമ എന്നു പറഞ്ഞൂടെ നിന്റെ ഏട്ടനോ അനിയനോ ആണ് ഇങ്ങനെ എങ്കിലും നീ പൊട്ടൻ എന്നു പറയോ " കുറച്ച് കടുപ്പിച്ചാണ് അതു പറഞ്ഞത്
പിന്നിടാരും ഒന്നും മിണ്ടിയില്ല

പിന്നീട് മഴയുള്ള ഒരു പ്രഭാതത്തിലാണ് അനുവാദം ചോദിക്കാതെ ഓടിക്കേറി കുടക്കീഴിലേക്ക് അവൻ വന്നത്

"ഏതാ ബാച്ച് "
അവൻ ചോദിച്ചു

"ഫസ്റ്റ് ഇയർ പൊളിറ്റിക്കൽ സയൻസ് "

മറുപടി പറഞ്ഞപ്പോൾ അവൾ ഓർത്തു അപ്പോ "ഇവന് സംസാരിക്കാൻ പറ്റും അല്ലേ "

അവളുടെ ക്ലാസിനു മുന്നിലെത്തിയപ്പോഴേക്കും അവൻ കുടയുമായി തിരിഞ്ഞു

"ഞാൻ കൊണ്ടുത്തരാം"
അവൻ കുടയുയർത്തി പറഞ്ഞു

അവൾ തലയാട്ടി

" നിന്റെ പേരെന്താ"

" വിനിഷ"
അവൾ മറുപടി പറഞ്ഞു

"എന്തു പേരാടേ എല്ലാ മതക്കാർക്കും ഉള്ള പേരാല്ലോ താനപ്പോ ഹിന്ദുവോ മുസ്ലീമോ ക്രിസ്റ്റ്യനോ "
അവൻ ചോദിച്ചു

"എനിക്ക് ജാതിയും മതവും ഒന്നുമില്ല''
ഒട്ടും ആലോചിക്കാതെ അവൾ പറഞ്ഞു

"താൻ കമ്യൂണിസ്റ്റാണോ "
കുടയുമായി മഴയിലേക്കിറങ്ങി പോകുമ്പോൾ അവൻ ചോദിക്കുന്നുണ്ടായിരുന്നു

അന്നു തോന്നിയ ഒരു കൗതുകത്തിനാണ് അവനെ പറ്റി അന്വേഷിച്ചത്

പേര് അജു
സെക്കന്റ് ഇയർ ഇംഗ്ലീഷ് ലിറ്ററേച്ചർ. എപ്പോഴും കൂടെയൊരു വാലുണ്ടാകും
പേര് ആദി നാരായണൻ
അവൻ ഊമയാണ്. അവനോട് സംസാരിക്കുന്നതായിരുന്നു ദിനവും കാണാറ്

അവരറിയാതെ അവൾ അവരെ ശ്രദ്ധിക്കാൻ തുടങ്ങുകയായിരുന്നു

കോളേജിലേക്ക് വരാൻ ഏറെ വൈകിയ ദിനം കൂട്ടുകാരികൾക്കൊപ്പം  ടു വീലറിൽ മൂന്നു പേരൊന്നിച്ചു വന്ന ദിവസമാണ് അവൻ മുന്നിലേക്ക് വന്നത്

"വിനിഷ അവിടെ നിൽക്കൂ "

അവൻ വിളിച്ചത് കേട്ട് അവൾ തിരിഞ്ഞു

" തനിക്കെന്താ സാധാരണ പോലെ വന്നൂടെ ട്രിപ്പിൾസ് അടിച്ചേ വരൂ "
അവൻ ചോദിച്ചു

"സമയം വൈകിയതു കൊണ്ട്..... "
അവൾ പകുതിയിൽ നിർത്തി

"സമയം വൈകിയാൽ ഇങ്ങനെയേ വരൂ " 

''അത് എന്റെ ഇഷ്ടമല്ലേ "
അവൾ ചോദിച്ചു

അവൻ ആഞ്ഞൊരടിയായിരുന്നു കവിളിൽ....

"എന്താടോ ആലോചന "
കൂട്ടുകാരി അടുത്ത് വന്നിരുന്ന് ചോദിച്ചപ്പോഴാണ് അവൾ ചിന്തയിൽ നിന്നുണർന്നത്

"പോട്ടെടോ അവൻ അങ്ങനാ വെട്ടൊന്ന് തുണ്ടം രണ്ട് ജാതി പോരാത്തേന് സീനിയറാന്നുള്ള അഹങ്കാരോം "
അവൾ പറഞ്ഞതു കേട്ട് വിനിഷ പുഞ്ചിരിച്ചു

"അല്ലാടോ തല്ലീട്ടൊക്കെ പോയി തന്റെ കുട അവൻ തിരിച്ചു തന്നോ "

"എവിടെ തരാൻ അല്ലേലും എനിക്ക് വേണ്ട"

ആ സംസാരം  അവിടെ തീർന്നു പിന്നീട് അവനെ കാണുമ്പോഴെല്ലാം അവൾ ഒഴിഞ്ഞു മാറി നടന്നു

എല്ലാവരുടെയും മുന്നിൽ കൊച്ചാകുന്ന പോലെ

കോളേജ് ലൈബ്രറിയിൽ നിന്നു ബുക്ക് എടുത്ത് തിരിഞ്ഞപ്പോഴാണ് പിന്നെ അവനെയും ആദിയെയും കണ്ടത്

മഴ പെയ്തിരുന്നതിനാൽ പുറത്തിറങ്ങാനാകാതെ അവർ നിന്നു

മഴത്തുള്ളികളെ കൈ കൊണ്ട് തട്ടിത്തെറിപ്പിച്ചു കൊണ്ട് നിന്ന അവൾ എന്തു കൊണ്ടോ  അവരെ ശ്രദ്ധിച്ചു

ആംഗ്യ ഭാഷയിൽ കാര്യമായ സംസാരത്തിലാണ്

"എന്താ അജൂ ഭയങ്കര ചർച്ച "

ഒരുവൻ വിളിച്ചു ചോദിച്ചു

"ടാ ഇന്നലെ കണ്ട ഫിലിമില്ലേ അതിന്റെ ക്ലൈമാക്സ് ഇവനു മനസിലായില്ലെന്ന് ഞാൻ പറഞ്ഞിട്ടും രക്ഷയില്ല"
അവൻ സിനിമയുടെ പേരു കൂടി പറഞ്ഞു

"ഇവന്റെ ഭാഷ നമുക്കറിയാരുന്നേൽ പറഞ്ഞു കൊടുക്കാമായിരുന്നു "
അവർ വിളിച്ചു പറഞ്ഞു

വിനിഷ അവരുടെ അടുത്തേക്ക് ചെന്നു
" എന്താ "
അജു ചോദിച്ചു "

"ടാ ഞങ്ങൾ പോകുവാ "
താഴെ നിന്നൊരുവൻ വിളിച്ചതു കേട്ട് അജു തിരിഞ്ഞു അവരെ പോകാൻ കൈ കാണിച്ചു തിരിഞ്ഞപ്പോൾ അവൾ ആദിയോട് ആംഗ്യ ഭാഷയിൽ സംസാരിക്കുന്നതാണ് കണ്ടത്
ആദി മറുപടി പറയുന്നുമുണ്ട്

അവൻ അവരെത്തന്നെ നോക്കി നിന്നു

"ഇപ്പോ മനസിലായി "
ആദി അജുവിനോട് ആംഗ്യത്തിൽ പറഞ്ഞ് തിരിയുമ്പോഴേക്കും അവൾ കനം കുറഞ്ഞ മഴനൂലുകൾക്കിടയിലേക്കിറങ്ങി നടന്നിരുന്നു

ആദിയും അജുവും മഴക്കൊപ്പം നടക്കുന്ന അവളെ നോക്കി നിന്നു
                             (തുടരും)

അപ്പോ എങ്ങനാ തുടരട്ടെ?...

#മഴത്തുള്ളി-2

പിറ്റേന്ന് കോളേജിലെത്തുമ്പോൾ ആദി അവളുടെ അടുത്തേക്ക് ചെന്നു
സംസാരിക്കാൻ ഒരാളെ കൂടി കിട്ടിയ സന്തോഷത്തിൽ

അജു വരുമ്പോൾ അവർ സംസാരിച്ചു നിൽക്കുന്നുണ്ടായിരുന്നു

"ഈ കുട്ടിയോട് അല്ലേ നീ വഴക്ക് ഉണ്ടാക്കിയത് സോറി പറ"
ആദി ആംഗ്യ ഭാഷയിൽ പറഞ്ഞു

"ഞാനെന്തിനു സോറി പറയണം ഇവളുടെ ഭാഗത്താ മിസ്റ്റേക്ക് എന്നിട്ട് വല്യ വായിലെ വർത്താനവും"
അവനോട്‌ ആംഗ്യം കാണിച്ചിട്ട് അജു അവന്റെ കൈ പിടിച്ച് നടന്നു
അവൾ ക്ലാസിലേക്കും

ചാറ്റൽ മഴയുള്ള  വൈകുന്നേരമായിരുന്നു അന്നു
" വിനിയേച്ചി" ആരോ വിളിക്കുന്നത് കേട്ടാണ് അവൾ തിരിഞ്ഞത്

അബിൻ!

അവൾ പുഞ്ചിരിച്ചു കൊണ്ട് അങ്ങോട്ട് ചെന്നു

" അബീ ന്താ ഇബടെ "
അവൾ ചോദിച്ചു

" ചേച്ചിയേ ഇങ്ങളെ കാണൂന്ന് കരുതീലാ ട്ടാ"

"ഞാനും അന്റെ കോഴ്സ് കഴിഞ്ഞാ"

" കഴിഞ്ഞേക്കണ് പോവേണ് നാളെ. ഇങ്ങളിവിടാ പഠിക്കണേന്ന് അറിഞ്ഞില്ലാട്ടാ ഞാൻ ഇവരെ കാണാൻ വന്നതാ "
അബി അതു പറഞ്ഞപ്പോഴാണ് അജുവിനെയും ആദിയേയും ശ്രദ്ധിച്ചത്

"നമ്മൾ മുന്നേ താമസിച്ചിരുന്നിടത്തെ നെയ്ബേർസ് ആണ് ഇവര് "
അവൾ ഒന്നും മിണ്ടിയില്ല

" ചേച്ചിയേ ഇങ്ങളേതാ സബ്ജക്ട് "

" പൊളിറ്റിക്സാടോ ''

''ഇങ്ങളെന്താ കാട്ടിയേ സയൻസ് എടുക്കാണ്ട് "

" ജസ്റ്റ് ഫോർ എ ഹൊറർ "
അവൾ കണ്ണിറുക്കിക്കൊണ്ട് പറഞ്ഞു

" എന്തു കോലാണ് മൊഞ്ചൊക്കെ പോയീനല്ലോ"

"എന്തു മൊഞ്ച് ഇബടൊക്കെ ആരെ വായിനോക്കാനാടൊ എല്ലാം കുഞ്ഞി പിള്ളേരാട്ടോ ''

"ഓ ഇങ്ങള് കിളവിയല്ലേ "

"ഒന്നു പോടാ "

" ഇങ്ങള് ചായ കുടിച്ചീനാ "

"ഓ എന്നാ ഞാമ്പോട്ടെടോ '

' " ഇങ്ങള് നിക്കീന്ന് എന്താ ഇത്ര അത്യാവശ്യം''

"അന്റെ ജൂനിയേർസ് വന്നിരിപ്പുണ്ടാകും ക്ലാസിനേ"

" വിനിഷേടെ നാട് ട്രിവാൻട്രം അല്ലേ "
അജു ചോദിച്ചു

"അതെ "
അവൾ പറഞ്ഞു

" സംസാരം കേട്ടിട്ടാണെങ്കിലേ നമ്മുടെ കോളേജിൽ വന്ന ശേഷം എല്ലാരും അവിയലു പോലാ സംസാരം"
അബി പറഞ്ഞു

" ശരി അബീ പോട്ടെ"
അവൾ ചോദിച്ചു

"O k ഇനി സപ്ലി എഴുതാൻ വരുമ്പോ കാണാം "
അവൻ പറഞ്ഞു

അവൾ നടന്നകന്നു

"നിനക്കെങ്ങനെ അവളെ അറിയാം"
അജു ചോദിച്ചു

"അവളോ ചേച്ചിയാടേ അത് ഞാൻ ഫസ്റ്റ് ഇയർ വരുമ്പോ ചേച്ചി ഫൈനൽ ഇയറാ ന്റെ സീനിയർ നമ്മളെയൊക്കെ വിറപ്പിച്ച ടീമാ കോളേജ് ടോപ്പാരുന്നു ആളു പാവാന്ന് അവിടെ തന്നെ സ്റ്റാഫായിട്ട് കേറിയതാ. പോസ്റ്റിംഗ് ഒന്നും കറക്ട് അല്ലേൽ നന്നായിട്ട് കേൾക്കുമാരുന്നു പിന്നെന്താ ജോലി കളഞ്ഞ് ഒരു ബന്ധവും ഇല്ലാത്ത ഫീൽഡിൽ വന്നേന്ന് അറിയൂല ഇപ്പോ ജൂനിയേർസ് ട്യൂഷന് പോകുന്നു ആള് കിടുവാ "
അബി പറഞ്ഞു

"ആദിയോടൊക്കെ കൂൾ ആയി സംസാരിക്കുമെടോ "

"ഒരു ക്വാളിഫൈഡ് സ്പീച്ച് തെറാപ്പിസ്റ്റാടോ ഇവനെ പോലുള്ള ഒരുപാടാളോട് മിംഗിൾ ചെയ്തോണ്ടിരുന്ന ആൾ "

അബിൻ പറഞ്ഞതു കേട്ട് അവർ നിന്നു

പിറ്റേന്ന് കോളേജിൽ വന്നപ്പോഴാണ് അവർ അവളെ കണ്ടത്

"ഒന്നു നിക്കോ "
അജു വിളിച്ചു

"എന്താ "

"എത്ര വയസുണ്ട് "

" 25 "

" ചേച്ചി ??"

"അങ്ങനെ വിളിക്കണം എന്നില്ല തന്റെ അഹങ്കാരം കുറച്ചിട്ട് സംസാരിച്ചാൽ മതി"

അത്രയും പറഞ്ഞ് അവൾ നടന്ന് പോയി

ദിവസങ്ങൾ കഴിഞ്ഞു

സെമസ്റ്റർ റിസൾട്ട് വന്നതിന്റെ പിറ്റേന്നാണ് പിന്നെ അവൻ അവളോട് സംസാരിച്ചത് ആദിയുമുണ്ടായിരുന്നു കൂടെ

" വിനിയേച്ചി ഒരു കാര്യം "

"എന്താ "

" ചേച്ചി സോറി അന്ന് തല്ലിയതിന് എന്റെ മിസ്റ്റേക്ക് ആണ് "

" ഇപ്പോ എന്തേ ഇങ്ങനെ തോന്നാൻ "
അവളുടെ ചോദ്യത്തിന് മറുപടി പറയാതെ അവൻ നിന്നു

" ഞാനതൊന്നും മനസിൽ വച്ചിട്ടില്ല"
അവൾ പറഞ്ഞു

" ഒരു ഹെൽപ് വേണം"
ആദി ആംഗ്യം കാട്ടി

" എന്താ "
അവൾ ചോദിച്ചു "

"ചേച്ചി ഇന്നലെ ഞങ്ങളുടെ റിസൾട്ട് വന്നു ഇവന് മാർക്ക് കുറവാണ് "
അജു പറഞ്ഞു

"അതിന് "

" അബി പറഞ്ഞിട്ടുണ്ട് ചേച്ചി നന്നായി പറഞ്ഞു തരും എന്ന് ഞാൻ പഠിപ്പിച്ചിട്ട് ഇവന് മനസിലായിട്ടില്ല അതാ ക്ലാസിൽ പറയുന്നത് ഇവന് കേൾക്കാൻ പറ്റില്ല അറിയാല്ലോ ഞാൻ കമ്യൂണിക്കേറ്റ് ചെയ്യുന്നതേ ഉള്ളൂ ചേച്ചിക്കൊന്ന് ഹെൽപ് ചെയ്തൂടെ വേറെ സബ്ജക്ടാന്നറിയാം എന്നാലും ''

"ഞാൻ നോക്കാം ബട്ട് അജുവെന്തിനാ അന്ന് തല്ലിയത് "

" ചേച്ചി ജൂനിയേർസ് ആര് ടു വീലറിൽ അഭ്യാസം കാണിച്ചാലും ഞാൻ വഴക്ക് പറയും മുൻപ് ഇതു പോലെ ഞാനും എന്റെ ബൈക്കിൽ വന്നതാ ട്രിപ്പിൾസടിച്ച് നല്ല സ്പീടാരുന്നു ഹംപിൽ കയറിയപ്പോ പുറകിൽ ഇരുന്ന ആള് തെറിച്ച് പോയി റോഡിൽ തലയിടിച്ച് സ്പോട്ടിൽ ആളു പോയി അവൻ എന്റെ ബെസ്റ്റ് ഫ്രണ്ടാരുന്നു അതിനു ശേഷം പേടിയാണ് അതാ.... "

ഒരു നിമിഷം അവിടെ നിശബ്ദത പടർന്നു

"സോറി ഞാനും അന്ന് കുറച്ച് ദേഷ്യത്തിലാ സംസാരിച്ചെ. ആദിക്ക് ഞാൻ സഹായിക്കാം''
അവൾ അത്രയും പറഞ്ഞ് മഴയിലൂടെ നടന്നു

പിന്നീടുള്ള സായാഹ്നങ്ങളിൽ ആദിയും വിനിഷയും പുസ്തകവുമായി ആംഗ്യത്തിൽ സംസാരിക്കുന്നന് പതിവ് കാഴ്ചയായി

കൂടെ അജുവും അവിടെ ഒരു സൗഹൃദം ഉടലെടുക്കുകയായിരുന്നു

                        (തുടരും)
പുസ്തകത്തെ പ്രണയിച്ചവർ

#മഴത്തുള്ളി- 3

മൗനത്തിലെ മൊഴിയും കോപത്തിലെ വാചാലതയും, അവർ മൂന്നു പേരും തമ്മിലുള്ള സൗഹൃദം മുന്നോട്ട് പൊയ്ക്കൊണ്ടിരുന്നു

"ആദിയുടെ വീട്ടിൽ ആരൊക്കെയുണ്ട് "
അവൾ ചോദിച്ചു

" അച്ഛൻ ഏട്ടൻ പിന്നെ ഇവനും "
അവൻ അജുവിനെ ചൂണ്ടി ആംഗ്യഭാഷയിൽ പറഞ്ഞു

" നിങ്ങള് സഹോദരങ്ങളാണോ എനിക്കറിയില്ലായിരുന്നു "

" ചേച്ചി സഹോദരങ്ങളാണോന്ന്  ചോദിച്ചാൽ ആണ് അല്ലേന്ന് ചോദിച്ചാൽ അല്ല "
അജു പറഞ്ഞു

"എന്താ?"

"ഞങ്ങള് കസിൻസാണ് ചേച്ചി എന്റെ അമ്മേം അച്ഛനും ഒരു ആക്സിഡന്റിൽ മരിച്ചതാ പിന്നെ ഇവന്റെ അമ്മയും അച്ഛനുമാണ് എന്നെ നോക്കിയത് "

അജു പറഞ്ഞതു കേട്ട് അവൾ തലയാട്ടി

'' ആദീടെ അമ്മ ?"

"ഒരു വർഷായി മരിച്ചിട്ട് അറ്റാക്കായിരുന്നു "
അജു പറഞ്ഞു

" ചേച്ചിക്കിപ്പോഴും ദേഷ്യമുണ്ടോ എന്നോട് " അവൻ തുടർന്നു

" എന്തിന് ഞാനൊന്നും മനസിൽ വക്കില്ല പക്ഷേ നിനക്ക് ദേഷ്യം കുറച്ച് കൂടുതലാ"

"ശരിയാ ചേച്ചി കുറക്കാൻ നോക്കുന്നുണ്ട് പക്ഷേ പറ്റുന്നില്ല"

"ഞാനും ഇങ്ങനൊക്കെയായിരുന്നു പക്ഷേ ......" അവൾ പറഞ്ഞു നിർത്തി

കുറച്ച് നേരം അവിടെ മൗനമായിരുന്നു

" ചേച്ചി ലേറ്റായി "
ആദി വാച്ച് നോക്കി ആംഗ്യം കാണിച്ചു

" ഞാൻ പോകുന്നു "
എന്നു പറഞ്ഞ് വിനിഷ എഴുനേറ്റു അവളുടെ കണ്ണുകൾ നിറഞ്ഞിരുന്നു
അവൾ അവരുടെ മുഖത്ത് നോക്കാതെ തിരിഞ്ഞു നടന്നു

പിറ്റേന്ന് രാവിലെ കോളേജിൽ വന്നപ്പോൾ അജുവും ആദിയും അവളുടെ മുന്നിലേക്ക് വന്നു

" ചേച്ചി ഒരു സർപ്രൈസ് ഉണ്ട്"

"എന്താ "

"വൈകുന്നേരം പറയാം"
അവർ പറഞ്ഞതു കേട്ട് അവൾ വെറുതെ പുഞ്ചിരിച്ചു

" പോട്ടെ ചേച്ചി "

"ശരി"
അവർ പോകുന്നതു നോക്കി ഒരു നിമിഷം അവൾ നിന്നു എന്നിട്ട് തിരിഞ്ഞു നടന്നു

"നിനക്കെന്താടീ വേറെ ഡിപ്പാർട്ട്മെൻറിലുള്ള ആൾക്കാരെയേ പിടിക്കൂ" പെട്ടന്ന് മുന്നിലേക്ക് വന്ന ആൾക്കാരെക്കണ്ട് അവൾ ഞെട്ടി അവളുടെ സീനിയേർസ് സജിത്തും കൂട്ടുകാരും

"എന്താ "

"അല്ലാ നിനക്ക് ഇംഗ്ലീഷ് ഡിപ്പാർട്ട്മെന്റ്  കാരെ മതിയോന്ന് "
അവൾ തിരിഞ്ഞു നടക്കാനൊരുങ്ങി

''ശ്ശൊ പോവല്ലേ നിൽക്ക്. നീ രണ്ടണ്ണത്തിനെ എങ്ങനെ അഡ്ജസ്റ്റ് ചെയ്യുന്നു പറഞ്ഞിട്ടു പോ"

"കുറച്ചൂടെ മാന്യായിട്ട് സംസാരിച്ചാൽ ഇയാൾക്ക് കൊള്ളാം"

"ഓഹോ ടീ എന്നും വൈകുന്നേരം ഇവിടെ കറക്കമല്ലേ നീ ഒരു വൈകുന്നേരം എന്റെ കൂടെ വാ ഇനി രണ്ടു പേര് വേണമെന്നാണെങ്കിൽ ദേ ഇവനും വരും അവര് പഠിപ്പിക്കാത്തതു പലതും ഞാൻ പഠിപ്പിച്ചു തരാം നിനക്ക് ഇങ്ങോട്ടും പുതിയ അറിവുകൾ പറഞ്ഞു തരാം എന്തേ വൈകുന്നേരം തന്നെ വേണോന്നില്ല രാത്രിയായാലും മതി മഴയൊക്കെയല്ലേ ഞാനൊരു വികാരജീവിയാണ്"

പറഞ്ഞു തീർന്നതും അവൾ അവന്റെ മുഖത്തടിച്ചതും  ഒരുമിച്ചായിരുന്നു

" ടാ ചെറ്റേ നിന്റെ അമ്മയോടോ പെങ്ങളോടോ ചെന്ന് പറ വികാരം തീർക്കാൻ "
അവൾ ദേഷ്യത്തിലായിരുന്നു

" ടീ"
അവൻ അവളെ തല്ലാൻ കയ്യോങ്ങി

"തൊട്ടു പോകരുതെന്നെ തൊട്ടാലേ നീ വിവരം അറിയും കേട്ടോ ടാ"

അവൻ കൈ താഴ്ത്തി

'' ഞാൻ കുറേ ദിവസായി ശ്രദ്ധിക്കുന്നു നിന്റെ കമന്റ് സീനിയറല്ലെന്ന് വിചാരിച്ചാ മിണ്ടാണ്ടിരുന്നെ. ഒരു പെണ്ണ് അടുത്തിടപഴകുന്ന കണ്ടാൽ നിനക്ക് വികാരം വരുമായിരിക്കും അത് നല്ല തല്ല് കിട്ടാത്തതിന്റെ  കുറവാ അങ്ങനെയല്ലാത്ത ആൺ പിള്ളേരും ഉണ്ട്. നിനക്ക് എന്തേലും പറഞ്ഞാൽ കരഞ്ഞോണ്ട് പോകുന്ന പെൺ പിള്ളേരെ അറിയൂ ഇതാള് വേറെയാ മേലാൽ എന്നോടിമ്മാതിരി ഡയലോഗും കൊണ്ട് വന്നാൽ മോനേ നിന്റെ വികാരമങ്ങ് മുറിച്ചെടുത്ത് കളയും"

അവളുടെ ഉച്ചത്തിലുള്ള സംസാരം കേട്ട് എല്ലാവരും ചുറ്റും കൂടിയിരുന്നു
കൂട്ടത്തിൽ കാര്യമറിയാതെ അജുവും ആദിയും പെട്ടന്നാണ്

പ്രിൻസിപ്പൽ അങ്ങോട്ട് വന്നത്

"എന്താ പ്രശ്നം " അയാൾ ചോദിച്ചു ആരും ഒന്നും മിണ്ടിയില്ല

"നിങ്ങൾ ഓഫീസിലേക്ക് വരൂ "

വിനിഷയെയും നേരേ നിന്നവനെയും നോക്കി അയാൾ പറഞ്ഞു പ്രിൻസിപ്പൽ റൂമിൽ അവൾ കാര്യങ്ങൾ വിശദീകരിച്ചു

" കുട്ടി പൊക്കോ ഇവനിത് സ്ഥിരം ഉള്ളതാ പിന്നെ നീ കേൾക്കാൻ കോളേജ് കഴിഞ്ഞുള്ള ഒരു മണിക്കൂർ ഗേറ്റ് പൂട്ടുന്നത് വരെയുള്ള സമയം ഈ കുട്ടി സൈൻ ലാംഗ്യേജ് വച്ച് പഠിപ്പിക്കുന്നതിനാൽ ഇവിടെ വെയ്റ്റ് ചെയ്യാനുള്ള പെർമിഷൻ ഇവർ വാങ്ങിയിട്ടുണ്ട് "

പ്രിൻസിപ്പൽ പറഞ്ഞതു കേട്ട് അവൾ പുറത്തേക്കിറങ്ങി

" എന്താ വിനിയേച്ചി പ്രശ്നം "
അജുവും ആദിയും അങ്ങോട്ട് വന്നു

" ഒന്നൂല്ലാടോ അവന് സംശയം നമ്മള് മൂന്നു പേരും തമ്മിൽ അവിഹിതാണോന്ന്. പിന്നെ പ്രായത്തിന്റേതായ ഹോർമോൺ പ്രശ്നമായിരിക്കും എന്നോട് മോശമായി സംസാരിച്ചു അവന്റെ കുഴപ്പം ഞാനങ്ങ് തീർത്തു കൊടുത്തു "

അവൾ പറയുന്നത് കേട്ട് അജുവിന് ദേഷ്യം വരുന്നുണ്ടായിരുന്നു

" അജൂ നീ തൽക്കാലം ദേഷ്യം പിടിക്കണ്ട ഇത് ഞാൻ തീർത്തോളാം"
അവൾ പറഞ്ഞു

" ടീ നീ കോളേജിന് വെളിയിലേക്ക്  വാ കാണിച്ചു തരാം"
സജിത്ത് വിളിച്ചു പറഞ്ഞു

"ഓ നീ എന്താന്ന് വച്ചാ ചെയ്യ് ഒരു സപ്പോർട്ടോ ഒന്നൂല്ലാതെ ഞാൻ നിന്നോടിത്രേം പറഞ്ഞു എന്ന് നീ കരുതിയത് നിന്റെ തെറ്റ് നിന്റെ പ്ലാൻ എന്തായാലും നീ എന്തു കാട്ടിയാലും നീ കയ്യും കാലു മൊടിഞ്ഞ് വീട്ടിൽ കിടക്കും അതിനുള്ള ആൾക്കാരെ എനിക്കറിയാന്ന് കൂട്ടിക്കോ പിന്നെ ഒരു പെണ്ണ് തല്ലീന്ന് പുറത്തറിഞ്ഞാൽ നിങ്ങൾക്കാണ് നാണക്കേട്"
അത്രയും പറഞ്ഞ് അവൾ തിരിഞ്ഞു

"അപ്പോ ഈവനിംഗ് കാണാം "
ആദിയോടും അജുവിനോടും അത്രയും പറഞ്ഞ് അവൾ നടന്നു.

അവർ ഒന്നും മനസിലാകാതെ നിൽക്കുകയായിരുന്നു

വൈകുന്നേരം അവളെ കണ്ടപ്പോഴും അവർ അമ്പരപ്പിലായിരുന്നു

" എന്താടോ ഞെട്ടൽ മാറീലേ "

" അധികം സംസാരിക്കാത്ത ചേച്ചി ഇന്ന് "

" നിങ്ങൾ അത് വിട്  എന്താ സർപ്രൈസ് ഉണ്ടെന്ന് പറഞ്ഞത് "
അവൾ ചോദിച്ചു.

ആദി നീളത്തിൽ ചുരുട്ടിയ ഒരു കടലാസ് അവൾക്ക് കൊടുത്തു അവൾ അത് തുറന്ന് നോക്കി അവളുടെ ഒരു ചിത്രമായിരുന്നു

"ആദി വരച്ചതാ"
അജു പറഞ്ഞു

"സൂപ്പർ "
അവൾ പറഞ്ഞു

"ഇനി ചേച്ചി 5 മിനിട്ട് കണ്ണടക്കൂ ''

''എന്തിന് "

"കുറച്ച് മിനുക്കു പണിയുണ്ട് "

" ഇത് പെർഫെക്ടാണല്ലോ"

  "ചേച്ചി കണ്ണടക്ക് "
അവൾ കണ്ണു തുറന്നു

" ഇനി കണ്ണു തുറക്ക് "

ആദി പറഞ്ഞതു കേട്ട് അവൾ കണ്ണു തുറന്നു മുന്നിൽ നിവർത്തിപ്പിടിച്ച ചിത്രത്തിൻ എഴുതിയിരുന്നു

" സ്വന്തം കുഞ്ഞേച്ചിക്ക് "

ആ ചിത്രത്തിൽ അവളുടെ കണ്ണുകളിൽ കൺമഷിയുണ്ടായിരുന്നു നെറ്റിയിൽ പൊട്ടുണ്ടായിരുന്നു, സുന്ദരിയായിരുന്നു

" ചേച്ചി ഇങ്ങനെ ഒരുങ്ങി വന്നാൽ സുന്ദരിയായേനെ"
ആദി ആംഗ്യത്തിൽ പറഞ്ഞു

അവൾ ആ ചിത്രം വാങ്ങി കണ്ണിൽ നിന്നും കണ്ണീർ ചിത്രത്തിലേക്ക് പതിച്ചു

"എന്തു പറ്റി ചേച്ചി "

അജു ചോദിച്ചു

"മുൻപ് ഞാനിങ്ങനൊക്കെയായിരുന്നു "
അവൾ പറഞ്ഞു

                           (തുടരും)

എല്ലാവരുടെയും സപ്പോർട്ടിനു നന്ദി
പുസ്തകത്തെ പ്രണയിച്ചവർ

#മഴത്തുള്ളി-4

" കരയുകയാണോ "
അജു ചോദിച്ചു
അവൾ പെട്ടന്ന് കണ്ണു തുടച്ചു

" ചേച്ചി ഇങ്ങനെയൊക്കെയായിരുന്നു എന്നു നമുക്കറിയാം"
അജു പറഞ്ഞതു കേട്ട് അവൾ അവന്റെ മുഖത്തേക്ക് നോക്കി
അവൻ മൊബൈൽ അവളുടെ നേരെ നീട്ടി അതിൽ അവളുടെ ഫോട്ടോയുണ്ടായിരുന്നു

" അബിൻ സെന്റ്  ചെയ്തതാ "

" ഇത് അവിടെ ആർട്ട്സിന് എടുത്തതാ"

" ചേച്ചി ഡാൻസറായിരുന്നല്ലേ "

"അതെ "

"എന്താ ചേച്ചിക്ക് പറ്റിയതതെന്ന് ചോദിക്കുന്നില്ല ചോദിച്ചാലും ചേച്ചി പറയും എന്റെ പേഴ്സണൽ കാര്യങ്ങളിൽ ഇട പെടരുതെന്ന് "
അവൾ ചെറുതായി ചിരിച്ചു

"മോനെ അജു എന്നെക്കൊണ്ട് എന്റെ പാസ്റ്റ് പറയിക്കാനുള്ള സൈക്കോളജിക്കൽ മൂവ് ആണെന്നെനിക്കറിയാം എന്തായാലും നിങ്ങൾ എല്ലാ കാര്യവും എന്നോട് ഷെയർ ചെയ്യുന്നതല്ല ഞാനും പറയാം"

" പറ ചേച്ചി "

"എനിക്കൊരു പ്രണയമുണ്ടായിരുന്നു. ഞാൻ ക്ലാസിക്കൽ ഡാൻസ് മാത്രല്ല വെസ്റ്റേൺ ഡാൻസ് ഫോം എല്ലാം ചെയ്യുമായിരുന്നു ഡാൻസ് ക്ലാസിൽ വച്ചാ ഞാൻ അവനെ കാണുന്നെ അഖിൽ എന്നാ പേര് ഞാൻ പത്താം ക്ലാസിൽ പഠിക്കുമ്പോഴാ അവനെ പരിജയപ്പെടുന്നത് .
പിന്നെ പ്രോഗ്രാമിൽ അവൻ എന്റെ കോ ആർട്ടിസ്റ്റായിരുന്നു
നമ്മള് നല്ല ഫ്രണ്ട്സായി പ്രോഗ്രാം ഒക്കെ ഒരുമിച്ച് ചെയ്യുമായിരുന്നു
പ്ലസ് വൺ ആയപ്പോ അവൻ എന്റെ സ്കൂളിൽ വന്നു അങ്ങനെ എപ്പോഴോ അവൻ എന്റെ പ്രപ്പോസ് ചെയ്തു കുറേക്കാലം ഞാൻ കാര്യമാക്കിയില്ല പിന്നീടെപ്പോടോ ഞാനും യെസ്സ് പറഞ്ഞു അങ്ങനെ അവൻ എനിക്ക് അക്കുവും ഞാനവന് പൊന്നുവും ആയി
പിന്നീടങ്ങോട്ട് പ്രണയത്തിന്റെ വസന്തമായിരുന്നു പ്ലസ് ടു കഴിഞ്ഞ് അവന്റെ നിർബന്ധം കാരണാന്ന് ആ കോഴ്‌സ് എടുത്തത് എനിക്ക് തുടർന്ന് ഭരതനാട്യം പഠിക്കണം റിസർച്ച് ചെയ്യണം എന്നൊക്കെയായിരുന്നു.
സത്യം പറഞ്ഞാൽ എനിക്ക് തോന്നിയിട്ടുണ്ട് ഞാൻ ഒരു ഡാൻസറായി കാണുന്നതോ അല്ലെങ്കിൽ വിനി നന്നായി ചെയ്തു എന്നൊക്കെ മറ്റൊരാൾ പറയുന്നതും അവനിഷ്ടില്ലാന്ന് പക്ഷേ അതൊക്കെ സ്നേഹം കൊണ്ടുള്ള പൊസ്സസീവ്നസ് ആയി ഞാൻ കരുതി അവൻ പറഞ്ഞ കോഴ്സിന് ഞാൻ പഠിച്ചു സത്യം പറഞ്ഞാൽ എന്നെ തന്നെ എനിക്ക് നഷ്ടപ്പെട്ടു  എല്ലാം അവന്റെ തീരുമാനങ്ങൾ പക്ഷേ അതെനിക്കിഷ്ടമായിരുന്നു."

"എന്നിട്ടോ "
അജു ചോദിച്ചു "

"എന്നിട്ടെന്താവാൻ എന്റെ വീട്ടിലറിഞ്ഞു പ്രശ്നായി. ജാതിയും മതവും ഒന്നുമല്ല വയസായിരുന്നു പ്രശ്നം ഞാൻ ഒറ്റ മോളല്ലേ എന്റെ വാശി തന്നെ ജയിച്ചു. കോഴ്സ് കഴിഞ്ഞു ഞാൻ ജോലിക്ക് കയറിയ സമയത്ത് അവനും വീട്ടുകാരും വന്ന് കല്യാണാലോചിച്ചു. ഉറപ്പിക്കുകയും ചെയ്തും . ആ സമയത്താ അവന് ജോലിയായത് റെയിൽവേയിൽ. അന്നവന്റെ അമ്മ വിളിച്ചതൊക്കെ  എനിക്ക് ഇപ്പോഴും ഓർമയുണ്ട്  നിന്റെ ഐശ്വര്യമാണ് മോളെ അവന് ജോലി കിട്ടിയതെന്നൊക്കെ. പിന്നെ പിന്നെ ഞാൻ വിളിക്കുമ്പോൾ അവൻ ബിസിയാന്ന് പറയും ജോലിത്തിരക്കല്ലേന്ന് ഞാനും കരുതി. ഒരു ദിവസം പെട്ടന്ന് അവന്റെ വീട്ടീൽ നിന്നു വിളിച്ചു അവർക്ക് ഈ ബന്ധത്തിൽ താൽപര്യം ഇല്ലാന്ന് പറയാൻ വകയിലെ ഏതോ ഒരമ്മാവന് താൽപര്യം ഇല്ലാ ഈ ബന്ധം നടന്നാൽ സഹകരിക്കില്ലെന്ന് പറഞ്ഞൂന്ന്.
അവനെ ഞാനൊരുപാട് തവണ വിളിച്ചു ഒരു കറക്ട് ആൻസർ പോലും അവനെനിക്ക് തന്നില്ല. ഏഴു വർഷം അവൻ എന്നോട് കാണിച്ചത് അഭിനയമായിരുന്നോന്ന് എനിക്കറിയില്ല"

" ചേച്ചി പിന്നെ കണ്ടോ അയാളെ "

"ഇല്ല. എനിക്കിപ്പോഴും മനസിലാകാത്ത കാര്യം അവന് ഇങ്ങനെയൊക്കെ അവസാനിപ്പിക്കാനായിരുന്നെങ്കിൽ ഇതുവരെ എത്തിച്ചത് എന്തിനാണെന്നാണ്. എന്റെ വീട്ടുകാരെക്കൂടി ഇതിലേക്ക് വലിച്ചിട്ടത് എന്തിനാണെന്നാണ്. അന്ന് ഇവനുമായി കല്യാണം ഉറപ്പിച്ച സമയത്ത് എനിക്ക് ഒരു പാട് വിവാഹാലോചനകൾ വന്നു കൊണ്ടിരിക്കുകയായിരുന്നു എല്ലാവരോടും മോളുടെ വിവാഹമായി എന്നാണ് പറഞ്ഞത്. പിന്നെ പുറത്തിറങ്ങുമ്പോഴേക്കും മോൾടെ കല്യാണം മുടങ്ങിയതെങ്ങനാന്നുള്ള ചോദ്യമായി "

" കണ്ണു നിറയുന്നുണ്ടോ ചേച്ചി "

"ഇല്ല "
അവൾ കണ്ണു തുടച്ചു കൊണ്ട് പറഞ്ഞു

"നിനക്കറിയോ അജൂ ഇവന് വേണ്ടി ഞാൻ എന്റെ അപ്പയോട് എത്ര കാലം സംസാരിക്കാണ്ടിരുന്നു എന്ന് അമ്മയെ എന്ത് വിഷമിപ്പിച്ചു എന്ന്. എന്നിട്ടവനോ അവൻ ഏതോ അമ്മാവൻ പറഞ്ഞു ന്ന് പറഞ്ഞ് ....... ചിലപ്പോ അവനും തോന്നിക്കാണും നല്ല ജോലിയൊക്കെയായില്ലേ  നല്ല സ്ത്രീധനം വാങ്ങി നല്ല ഒരു കുട്ടിയെ കെട്ടാമെന്ന് "
അവളുടെ കണ്ണുകൾ നിറഞ്ഞൊഴുകിയിരുന്നു

" അതു കൊണ്ടാണോ ചേച്ചി ഇങ്ങനെ നടക്കുന്നെ "

" എനിക്കൊരു മാറ്റം വേണമെന്ന് തോന്നി. അവനിഷ്ടമുള്ള നീണ്ട മുടി ഞാൻ മുറിച്ചു കളഞ്ഞു. ഒരുങ്ങാറില്ല അവനിഷ്ടപെട്ടതൊന്നും ചെയ്യില്ല. എന്റെ ജോലി ഞാൻ കളഞ്ഞതു പോലും അവന്റെ ഇഷ്ടത്തിന് പഠിച്ചതുകൊണ്ടാണ് "
അവൾ പറഞ്ഞു

"അപ്പോ ഡാൻസോ ''

" ഡാൻസ് കാരണമാ അവനെ കണ്ടു മുട്ടേണ്ടി വന്നത് അതുകൊണ്ട് ഞാൻ ഡാൻസിനെയും വെറുത്തു പക്ഷേ അത് തെറ്റായി പോയീന്ന് തോന്നുന്നു "

"അതെന്താ "

"ഞാനൊരു ഡാൻസറായി അറിയപ്പെടുന്നത് ഇഷ്ടമല്ലായിരുന്നു അതു കൊണ്ട് ഞാനത് തുടരണമായിരുന്നു "

"നമ്മൾ കാരണം ചേച്ചി പാസ്റ്റ് ആലോചിച്ച് വിഷമിച്ചു "

"ഓ ഇതൊക്കെ ഞാനെന്നും ഓർക്കാറുണ്ട് അവനോടുള്ള വാശിക്കാ ഞാൻ പഠിക്കുന്നത്. നിങ്ങള് തന്നെ ചോദിച്ചു എന്താ ഈ സബ്ജക്ട് എടുത്തതെന്ന്. ഡിഗ്രീ കഴിഞ്ഞ്സിവിൽ സർവീസ് എടുക്കാൻ പൊളിറ്റിക്കൽ സയൻസ് എടുത്താൽ സ്കോർ ചെയ്യാൻ എളുപ്പാന്ന്  ഒരു ഫ്രണ്ട് പറഞ്ഞു എന്താ കാര്യം എന്ന് പോലും ചോദിച്ചില്ല അതു തന്നെ എടുത്തു. അവന് തോന്നണം ഞാനായിരുന്നു അവന്റെ ബെസ്റ്റ് ചോയ്സ് എന്ന് "

" ചേച്ചിക്ക് അവനെക്കാൾ നല്ല ഒരാളെ കിട്ടും "

" എല്ലാവരും പറയും പക്ഷേ അങ്ങനെ ഒരാൾ എന്റെ ലൈഫിൽ ഉണ്ടാകില്ല"

"അതെന്താ "

"എല്ലാം തുറന്നു പറഞ്ഞ് എല്ലാം അറിയുന്ന ഒരാൾ ലൈഫിൽ വേണം എന്നാണ് അത് നടക്കില്ല"

"ഒന്നു പോ ചേച്ചി ഇപ്പോ  ആരേയും സ്നേഹിക്കാത്ത പെണ്ണിനേ കല്യാണം കഴിക്കൂ എന്ന് ആരും കരുതില്ല "

"സ്നേഹിച്ചു എന്നല്ല ഐ ആം നോട്ട് വെർജിൻ ''

അവൻ പെട്ടന്ന് അവളുടെ മുഖത്ത് നോക്കി അവൾ ദൂരേക്ക് നോക്കിയിരിക്കുകയായിരുന്നു

" സംഭവിച്ചു പോയി അതെന്റെ തെറ്റ് അത്രക്ക് വിശ്വാസമായിരുന്നു എനിക്കവനെ. ഞാൻ മുൻപ് ആലോചിച്ചിട്ടുണ്ട് ലവ് ഫെയിലിയർ വരുന്നവർ എന്തിനാണ് ആത്മഹത്യ ചെയ്യുന്നതെന്ന് അത് പ്രണയം നഷ്ടപ്പെടുന്നതു കൊണ്ടല്ല ഒരാളിലെ വിശ്വാസം നഷ്ടപ്പെടുന്നതിനാലാണ് എന്റെ അപ്പയും അമ്മയും ജീവിച്ചിരിക്കുന്നു എന്ന കാരണം കൊണ്ടാണ് ഞാൻ അന്ന് ആത്മഹത്യ ചെയ്യാണ്ടിരുന്നത് "

" ചേച്ചീ "
അജു വിളിച്ചു

"ചില പ്രണയങ്ങൾ മഴ പോലെയാണ് നനയാൻ രസമാകും തോർന്നു കഴിഞ്ഞാൽ ഉള്ളു പൊള്ളും''

"ഏ ചേച്ചി സാഹിത്യം പറയുന്നോ "
അജു കളിയാക്കിക്കൊണ്ട് ചോദിച്ചു

"പോടാ കളിയാക്കാതെ പിന്നേ ഞാനവന്റെ കല്യാണത്തിനു പോകും കേട്ടോ ഏതേലും ഫ്രണ്ട്സിൽ കിടു പയ്യൻസിന്റെ കൂടെ എന്നിട്ടു പറയും എന്റെ ലവറാന്ന് അവന് അസൂയ തോന്നട്ടെ അവനെക്കാൾ നല്ല ഒരാളെ എനിക്കു കിട്ടിയെന്ന് കരുതി "
അവർ പൊട്ടിച്ചിരിച്ചു

" ആ സംഭവത്തിനു ശേഷം ഞാൻ അധികം ആരോടും അടുക്കില്ലായിരുന്നു നിങ്ങൾ ഇടിച്ചു കേറി വന്നതല്ലേ.പിന്നെ ഇതൊന്നും വേറാരോടും പറയരുത്"

"ഇല്ല ചേച്ചി "

"മഴ വരുന്നു ഞാൻ പോട്ടെ "
അവൾ എഴുനേറ്റു

"നീ എന്റെ കുട ഇതുവരെ തന്നിട്ടില്ല"
അവൾ കളിയായി പറഞ്ഞു

" ചേച്ചി ഈ മാസം കഴിഞ്ഞാൽ ഞങ്ങള് പോകും ചേച്ചി ഫെനൽ ഇയർ ആകും അടുത്ത വർഷം യൂണിവേഴ്സിറ്റി കലോൽസവത്തിനു വരും അന്ന് സർപ്രൈസ് പ്രതീക്ഷിക്കാമോ"
അവൾ ഒന്നും മിണ്ടാതെ പുഞ്ചിരിച്ചു

*****************************************

കലാതിലകത്തിനുള്ള സമ്മാനം വാങ്ങി പുറത്തിറങ്ങുമ്പോൾ അ വളുടെ കണ്ണുകൾ ആദിയെയും അജുവിനെയും ആയിരുന്നു

അവൾ അവരെ വിളിക്കാൻ ഫോണെടുത്തു

" വിൽ യു മാരി മീ തനിക്ക് എന്നെ വിവാഹം കഴിക്കാമോ"
പെട്ടന്ന് മുന്നിലേക്ക് വന്ന ആളിനെയും ചോദ്യവും കേട്ട് അവൾ സംശയത്തോടെ നിന്നു

അയാളുടെ കയ്യിൽ പൂക്കളുണ്ടായിരുന്നു
                                                           (തുടരും)

പ്രോൽസാഹിപ്പിക്കുന്ന എല്ലാവർക്കും നന്ദി
പുസ്തകത്തെ പ്രണയിച്ചവർ

#മഴത്തുള്ളി 5

"ഏയ് ഞാൻ ചോദിച്ചതു കേട്ടില്ലെ "
അയാൾ പിന്നെയും ചോദിച്ചു

"ആരാന്ന് എനിക്ക് മനസിലായില്ല "

"ഓ സോറി ഞാൻ പരിചയപ്പെടുത്തിയില്ല ഞാൻ ഹരി... ഹരിനാരായണൻ ആദിയുടെ ബ്രദർ ആണ് "

"ആദിയും അജുവും എവിടെ "

"താൻ എനിക്ക് മറുപടി തരോ എനിക്കിഷ്ടമാണ് ഇയാളെ "

"പക്ഷേ''
എന്തോ പറയാൻ തുടങ്ങിയ അവളെ തടഞ്ഞു കൊണ്ട് ഹരി തുടർന്നു

" തന്നെക്കുറിച്ച് ഒന്നും പറയണമെന്നില്ല എനിക്കറിയാം അവർ പറഞ്ഞിട്ടുണ്ട്. ഞാൻ നേരിട്ടു കണ്ടത് ഇന്നാണെന്ന് മാത്രം എന്നു വച്ച് ഇത് ലവ് അറ്റ് ഫസ്റ്റ് സൈറ്റ് ഒന്നുമല്ലാ അജുവും ആദിയും തന്നെക്കുറിച്ച്  പറയാറുണ്ട് എപ്പോഴും. അവരുടെ കൂടി ആഗ്രഹമാണ് ഇത്. എന്നെ സംബന്ധിച്ചടത്തോളം എന്റെ അനിയന്റെ കുറവുകളെ മനസിലാക്കുന്ന അവരെ രണ്ടു പേരെയും സ്നേഹിക്കാൻ കഴിയുന്ന ആദിയുമായി കമ്യൂണിക്കേറ്റ് ചെയ്യാൻ പറ്റുന്ന ഒരു പെണ്ണ് വേണം എന്നാ "

"അനിയൻമാരുടെ വാശി അല്ലെങ്കിൽ സിംപതി ഇതൊക്കെയാണ് താങ്കളെക്കൊണ്ട്  ഇങ്ങനെ ഒരു തീരുമാനം എടുപ്പിച്ചത് എങ്കിൽ സോറി എനിക്ക് താൽപര്യമില്ല. പിന്നീടീ തീരുമാനം തെറ്റായിരുന്നു എന്ന് തോന്നിയാൽ ഞാനാകും വിഷമിക്കേണ്ടി വരുക. മാത്രമല്ല എല്ലാ കാര്യങ്ങളും എന്നെക്കുറിച്ചറിഞ്ഞിട്ടാണോ ഈ തീരുമാനം ,ആകില്ല"

"അജുവിനും ആദിക്കും അറിയുന്നതെല്ലാം എനിക്കും അറിയാം തന്റെ പഴയ പ്രണയ മടക്കം . സിംപതിയുടെ പേരിൽ അല്ലെങ്കിൽ വാശിയുടെ പേരിൽ വിവാഹം കഴിക്കേണ്ട കാര്യം എനിക്കില്ല കാരണം എന്റെ ജീവിതമാണിതെന്ന നല്ല ബോധ്യം ഉണ്ട് എനിക്ക്. അവർ തന്നെ കണ്ട അന്നു മുതലുള്ള കാര്യങ്ങൾ എനിക്കറിയാം ശരിക്കും പറഞ്ഞാൽ അജു തന്നെ തല്ലിയ അന്നു മുതൽ ഉള്ള കാര്യങ്ങൾ ഞങ്ങൾ നല്ല സുഹൃത്തുക്കൾ കൂടിയാണ് വീഡിയോ ചാറ്റ് ചെയ്യുമ്പോ എല്ലാം പറയുമായിരുന്നു ആദ്യമാദ്യം വല്ലപ്പോഴും മാത്രം സൂചിപ്പിച്ചിരുന്ന തന്റെ പേര് പിന്നീട് ഞാൻ സ്ഥിരം കേൾക്കാൻ തുടങ്ങി അവസാനം വിളിക്കുമ്പോഴൊക്കെയും തന്നെക്കുറിച്ച്  മാത്രമായി സംസാരം ഞാൻ പറയുന്നത് കേൾക്കാതെയായി
എനിക്ക് ചെറിയ അസൂയ തോന്നി കേട്ടോ അവർക്കിടയിലെ എന്റെ സ്ഥാനം പോകുന്ന പോലെ തോന്നിയപ്പോൾ അങ്ങനെ എനിക്കും തന്നെ കാണണം പരിചയപ്പെടണം എന്ന് തോന്നി തുടങ്ങി
എപ്പോഴോ ഒരു ഇഷ്ടം പക്ഷേ ഞാനവരോട് പറഞ്ഞില്ല കേട്ടോ ഞാൻ പിന്നെ തന്നെക്കുറിച്ച് ചോദിക്കാൻ തുടങ്ങി ചുരുക്കിപ്പറഞ്ഞാൽ നിങ്ങൾ മൂന്നു പേർക്കുമിടയിൽ നിങ്ങളറിയാതെ നാലാമതൊരാളായി മാറുകയായിരുന്നു ആദി വരച്ച ചിത്രത്തിലാണ് ഞാൻ തന്നെ ആദ്യമായി കണ്ടത് പിന്നീട് താൻ പറഞ്ഞതെല്ലാം അവർ പറഞ്ഞു തന്റെപഴയ പ്രണയം അതൊന്നും എനിക്ക് പ്രശ്നമല്ല നിന്റെ പാസ്റ്റിൽ നീ എങ്ങനായിരുന്നു എന്നതും എനിക്ക് വേണ്ടത് കളങ്കമില്ലാത്ത ഒരു മനസുള്ള ഒരു പെണ്ണിനെയാണ് അത് നിനക്കുണ്ട് "
അയാൾ പറഞ്ഞു നിർത്തി

കാറ്റടിച്ച് അവളുടെ മുടിയിഴകൾ പാറുന്നുണ്ടായിരുന്നു ആകാശത്ത് മഴക്കാറുണ്ടായിരുന്നു അവളുടെ മനസും മഴമേഘങ്ങൾ പോലെ ഇരുണ്ടു നിന്നു

"താനിങ്ങനെയൊക്കെ ആകും പറയുക എന്ന് ആദിയും അജുവും പറഞ്ഞിരുന്നു ഒരു കാരണവുമില്ലാതെ കഴിഞ്ഞ ദിവസം അവനെന്നോട്  ചോദിച്ചു ചേട്ടന് വിനിയേച്ചിയെ ഇഷ്ടമാണല്ലേന്ന്
അവർ ചോദിച്ചിരുന്നു എങ്കിലെന്ന് ഞാൻ ഒരു പാട് തവണ കരുതിയതാണ് എന്നിട്ട് അവൻ പറഞ്ഞു താനിങ്ങനൊക്കെയാകും പറയുക എന്ന് "

അവൾ തല കുനിച്ച് നിൽക്കുകയായിരുന്നു

''താനൊന്നെന്റെ മുഖത്ത് നോക്ക് "

അവൾ മുഖമുയർത്തി അവന്റെ കണ്ണുകൾക്ക് കാന്തിക ശക്തിയുള്ള പോലെ തോന്നി അവൾ പെട്ടന്ന് നോട്ടം മാറ്റി "

ഈ ചൂടുവെള്ളത്തിൽ വീണ പൂച്ചക്ക് പച്ച വെള്ളവും പേടിയാകും അതാ തന്റെ അവസ്ഥ ഞാൻ തന്നെ പറ്റിക്കുകയൊന്നുമില്ല അതിനുള്ള ഉറപ്പ് ആദിയും അജുവും ആണ് "

അവൾ അവന്റെ മുഖത്തേക്ക് നോക്കി

"ഞാൻ ഒറ്റക്ക് കുറേ നേരമായി സംസാരിക്കുന്നു തനിക്ക് ഒന്നും പറയാനില്ലേ ഒന്നുമല്ലെങ്കിൽ അന്ന് സജിത്തിനോട് പറഞ്ഞ പോലെ രണ്ടു മാസ്സ് ഡയലോഗ് പറ എന്റെ സങ്കൽപത്തിൽ അതുപോലെ തന്റേടിയായ വിനിയാണ് ഉള്ളത് "
അയാൾ പറഞ്ഞതു കേട്ട് അവൾ പെട്ടന്ന് ചിരിച്ചു

"ഇവൻമാർ എന്തൊക്കെയാ പറഞ്ഞു വച്ചേക്കുന്നെ "
അവൾ പറഞ്ഞു

"ഓ ചിരിച്ചല്ലോ ഭാഗ്യം"

അവൾ അവന്റെ മുഖത്തേക്ക് നോക്കി

"ok ഞാൻ എന്നെക്കുറിച്ച് പറയാം ബൈ പ്രൊഫഷൻ ഞാൻ ഒരു ഡോക്ടർ ആണ് ഇപ്പോ ജനറൽ മെഡിസിനിൽ പി.ജി ചെയ്യുന്നു കോഴിക്കോട് ഞാൻ തന്റെ പഴയ ലവറെ കണ്ടിട്ടില്ല അവനെക്കാൾ ബെറ്റർ ആണോന്നും അറിയില്ല തനിക്കങ്ങനെ തോന്നുന്നെങ്കിൽ ആദിയുടെയും അജുവിന്റെയും മാത്രം ചേച്ചിയാകാനും എന്റെ സ്വന്തം ഭാര്യയാകാനും താൻ തയ്യാറാണോ "

അവൾ ഒന്നും മിണ്ടാതെ തിരിഞ്ഞു

കുറച്ച് മാറ്റി അജുവും ആദിയും നിൽപുണ്ടായിരുന്നു അവർ അവളുടെ അടുത്തു വന്ന് അവളുടെ കൈകൾ കൂട്ടിപ്പിടിച്ച് മുഖത്തേക്ക് നോക്കി
- ________

വിവാഹപ്പിറ്റേന്ന്

"ഹരിയേട്ടാ എഴുനേറ്റേ "
വിനി വിളിച്ചതു കേട്ട് ഹരി കണ്ണു തുറന്നത്

" എന്താടോ രാവിലെ കുളിച്ചു സുന്ദരിയായല്ലോ"

"പിന്നെ താങ്കളെ പോലെ കിടന്നുറങ്ങണമായിരുന്നോ "

പെട്ടന്നാണ് ഹരിയുടെ ഫോൺ റിംഗ് ചെയ്തത് അവൻ ഫോൺ അറ്റൻഡ് ചെയ്തു സംസാരിച്ചു

" അജുവാണ് "
ഹരി പറഞ്ഞു

"അവൻ ചോദിച്ചിരുന്നു ഡോക്ടർ ഉണർന്നില്ലേന്ന് "

" എന്നെകല്യാണം കഴിച്ചിട്ട് തനിക്ക് നല്ല ഐശ്വര്യം ആണല്ലോ തന്റെ റിസൾട്ട് വന്നു 97% "

"ഹോ ആശ്വാസം ഇനി റെസ്റ്റ് എടുക്കാം "

" റെസ്റ്റോ അടുത്ത മാസം തൊട്ട് സിവിൽ സർവീസ് കോച്ചിംഗിന് പോണം കേട്ടോ ''

" ഓ ആയിക്കോട്ടെ പിന്നെ റിസൾട്ട് ഞാൻ പഠിച്ചതു കൊണ്ടാ അല്ലാതെ നിങ്ങടെ ഐശ്യര്യം ഒന്നും അല്ലാ"

"കല്യാണം കഴിഞ്ഞിട്ടല്ലേ റിസൾട്ട് വന്നത് "

"ഞാൻ പറഞ്ഞല്ലോ റിസൾട്ട് വന്നിട്ടു മതി മാരേജെന്ന് ആദിക്കും അജുവിനും അല്ലേ ഈ ഡേറ്റിൽ തന്നെ കല്യാണം നടത്തണം എന്ന് പറഞ്ഞത് "

"താൻ റെഡിയാവ് നമുക്കൊരിടം വരെ പോകാം"

"എവിടെ "

കണ്ണാടിക്ക് മുന്നിൽ നിന്ന അവളെ അവൻ തന്റെ നേർക്ക് തിരിച്ചു നിർത്തി അവിടെയിരുന്ന സിന്ദൂരച്ചെപ്പിൽ നിന്നും സിന്ദൂരം എടുത്ത് അവളുടെ നെറ്റിയിൽ അണിയിച്ചു

" ഇന്ന് അഖിലിന്റെ വിവാഹമാണ് പഴയ അക്കുവിന്റെ . അജുവിനും ആദിക്കും വാശിയായിരുന്നു  അവന്റെ വിവാഹത്തിനു മുൻപ്  നിന്റെ വിവാഹം നടക്കണമെന്ന് താൻ വാ തന്റെ ഈ ഹാൻസം ഹസ്ബന്റിന്റെ  കൂടെ അവിടെ പോണം അവനെക്കാൾ ബെറ്റർ ഒരാളെ തനിക്ക് കിട്ടി എന്നറിയിക്കണ്ടേ
അതിപ്പോ എന്റെ കൂടെ വാശിയാണ്"

അവൻ പറഞ്ഞതു കേട്ട് അവൾ അവന്റെ നെഞ്ചിലേക്ക് ചാഞ്ഞു അവളുടെ സന്തോഷത്തിന്റെ കണ്ണുനീർ അവന്റെ നെഞ്ചിൽ പടരുന്നുണ്ടായിരുന്നു

ഹരിയും വിനിഷയും താഴേക്ക് വരുമ്പോൾ ആദിയും അജുവും അവിടെയുണ്ടായിരുന്നു

"ക്യൂട്ട് കപ്പിൾസ്  പെട്ടന്ന് പോണം മുഹൂർത്തം കഴിയും"
അജു പറഞ്ഞു

" മഴയാണല്ലോ"
വിനിഷ പറഞ്ഞു

" ചേച്ചി ഈ കുട വാങ്ങിക്കോ ലൈഫ് മൊത്തം ഇതും ചൂടി നടന്നോ രണ്ടും "

അജു പറഞ്ഞു അവൾ കുടയിലേക്ക് നോക്കി അന്ന് കോളേജിൽ വച്ച് അവൻ വാങ്ങിയ അതേ കുട
ഹരി അതു വാങ്ങി നിവർത്തി

അവളെ ചേർത്തു പിടിച്ച് മഴയിലേക്കിറങ്ങി
                               (അവസാനിച്ചു)

എല്ലാരുടെയും സപ്പോർട്ടിന് നന്ദി
പുസ്തകത്തെ പ്രണയിച്ചവർ