ഓർമ്മകൾ (169)

❤ഓർമ്മകൾ❤
ഫുൾ പാർട്ട്‌

"എനിക്കവളെ മറക്കണം സുധി... "

നീണ്ട നിശ്ശബ്ദതക്കു ശേഷമുള്ള എന്റെ വാക്കുകൾ കേട്ടു അത്ഭുദവും സന്തോഷവും കലർന്ന ഭാവമാണ് സുധികുണ്ടായത്. അത് അവന്റെ മുഖത്തു നിന്നും എനിക്ക് മനസിലാകാൻ കഴിഞ്ഞു..

"എടാ സച്ചു നീ സത്യമാണോ ഈ പറയുന്നേ..."
"അതേടാ ഞാൻ ആരോടു കള്ള പറഞ്ഞാലും നിന്നോട് പറയില്ലല്ലോടാ.. "

"അറിയട എനിക്ക്..."

"അവളുടെ ഓർമകളിൽ നിന്നും എനിക്ക് മുക്തി നേടണം.. ഇനിയും ഞാൻ ഇങ്ങന ആയാൽ എനിക്ക് എന്റെ അമ്മയെ നഷ്ടപ്പെടും... പഴയ ആ സുഭദ്രാമ്മയെ എനിക്ക് വേണം.. അതിനു പഴയ അമ്മയുടെ സച്ചുവായി ഞാൻ മാറിയേ പറ്റു.. "

"ഞങ്ങൾക്കും വേണമെടാ ആ സച്ചുനെ.. "

"പക്ഷെ എങ്ങനെ ആണെടാ ഞാൻ മാറണ്ടേ.. അവളുടെ ഓർമ്മകൾ ഇപ്പോഴും എന്നെ വേട്ടയാടുന്നു... "

"നീ ഒരു വിവാഹം കഴിക്കണം... "
സുധിയുടെ പെട്ടെന്നുള്ള മറുപടി എന്നെ ഒരല്പം ഞെട്ടിച്ചു..

"വിവാഹമോ ?? എയ്  അതൊന്നും പെട്ടെന്നു പറ്റില്ല.. ഈ മാനസികാവസ്ഥയിൽ... എനിക്ക് അത് ഉൾകൊള്ളാൻ കഴിയില്ലടാ... "

"ഇങ്ങനെ നീ പേടിച്ചോടിയത് കൊണ്ടല്ലേ നിന്റെ കുറച്ചു വർഷങ്ങൾ നിനക്ക് നഷ്ടപെട്ടത്.. നിന്റെ അമ്മയുടെ സന്തോഷം നഷ്ടപെട്ടത്.. അത് നിനക്ക് തിരിച്ചു വേണ്ടെടാ... "

വേണം...

"എന്നാ അമ്മ പറഞ്ഞ ആ ആലോചനക്ക് നീ സമ്മതിക്കു..ഒരു പെണ്ണിന്റെ കരുതലും സ്നേഹവും കിട്ടുമ്പോൾ നീ ആ ഓർമകളെ മറക്കും... നമ്മളെ പൊന്നുപോലെ സ്നേഹിക്കാൻ ഒരാൾ ഉള്ളപ്പോൾ എന്തിനാടാ നീറുന്ന ഓർമ്മകൾ... "

രാത്രി കിടക്കുമ്പോഴും സുധി പറഞ്ഞ വാക്കുകൾ ആണ് മനസ്സ് മുഴുവൻ.. അമ്മക്ക് കൂട്ടിനും ആരെങ്കിലും വേണ്ടേ.. പാവത്തിന്റെ ഈ ആഗ്രഹമെങ്കിലും സാധിച്ചു കൊടുക്കണം....

രാവിലെ ഉറക്കമുണർന്നു നേരെ പോയത് അമ്മയുടെ അരികിലേക്കാണ്....

"ആ എഴുന്നേറ്റോ ന്റെ കുട്ടൻ.... അമ്മ ദേ ഇപ്പൊ ചായ തരാം... "
തണുത്ത ചായ ചൂടാക്കി അമ്മ എനിക്ക് തന്നു....

"പാപ്പം ഒന്നുല്ലേ അമ്മേ.. എനിക്ക് ഒന്നുല്ലാതെ ചായ ഇറങ്ങുലാണ്  അമ്മക്ക് അറിഞ്ഞുടെ..."

ഞാൻ ഒരല്പം കൊഞ്ചലോടെ അമ്മയോട് അത് ചോദിച്ചപ്പോൾ.. നിറഞ്ഞ കണ്ണുകൾ ആണ് അമ്മയിൽ നിന്നും എനിക്ക് കിട്ടിയത്.... ആ  നിറഞ്ഞ കണ്ണുകൾക്കു കാരണം വര്ഷങ്ങള്ക്കു മുൻപ് നഷ്ടപെട്ട  മകനെ തിരികെ കിട്ടിയ സന്തോഷമാണെന്നു എനിക്ക് അറിയാം...

ഞാൻ തുടർന്നു... ന്നെ വേണ്ടാന്നു വച്ചിട്ട് പോയവളോട് എനിക്കിപ്പോ വെറുപ്പാ അമ്മേ. അവളെ എനിക്ക് മറക്കണം.. അമ്മ പറഞ്ഞ ആ ആലോചനക്ക് എനിക്ക് സമ്മതമാണ്...

ഇതു കേട്ട അമ്മ എന്നെ കെട്ടിപിടിച്ചു കരഞ്ഞു... നാളുകൾക്കു ശേഷം അമ്മ എന്നെ ഉമ്മകൾ കൊണ്ട് പൊതിഞ്ഞു....

പിന്നീട് എല്ലാം പെട്ടെന്നാരുന്നു... പെണ്ണ് കാണലും നിശ്ചയവും എല്ലാം..... ഒരു മാസത്തിനുള്ളിൽ കല്യാണവും തീരുമാനിച്ചു... പൂർണ മനസ്സോടെ അല്ലെങ്കിലും അമ്മക്ക് വേണ്ടി എനിക്ക് എല്ലാത്തിനും നിന്ന് കൊടുക്കേണ്ടി വന്നു....

ആതിര,   അതവണവളുടെ പേര്...
കണ്ടിട്ട് ആളൊരു പാവമായിട്ട തോന്നിയെ മിണ്ടിയപ്പോഴും വല്യ പ്രശ്നക്കാരിയായി തോന്നില്ല.. ഒരീസം കൊണ്ടൊക്കെ പെണ്ണിന്റെ മനസ്സ് അറിയാൻ ദൈവംതമ്പുരാന് പോലും പറ്റില്ലല്ലോ... അനുഭവിച്ചു അറിയാം....
ആതിര സച്ചിൻ..... വല്യ കുഴപ്പമില്ല അല്ലേ.... ആാാ അതൊക്കെ  മതി....
പൂർണമായും അവളെ ഉൾകൊള്ളാൻ പറ്റിയില്ലെങ്കിലും മാറിയേ പറ്റു... ഇനിയും ഓർമകളിൽ ജീവിക്കാൻ വയ്യ...

അങ്ങനെ ആ ദിവസം വന്നെത്തി.... എന്റെ കല്യാണം...
ഈ ഒരു മാസത്തിനിടക്ക് രണ്ടോ മൂന്നോ തവണയേ ആതിരയുമായി ഫോണിൽ ബന്ധപ്പെട്ടിട്ടുള്ളു... അതും സുധിയുടെ നിരബന്ധത്തിന് വഴങ്ങി കുറച്ചു സമയം... സംസാരിക്കാനും അറിയാനും ഒരു ജന്മം മുഴുവൻ ഉണ്ടല്ലോന് അവനോടു പറയും ഞാൻ....
സത്യത്തിൽ പേടിച്ചിട്ടാണ്... എന്തോ ഒരു വൈക്ലഭ്യം...

പക്ഷെ ഇന്ന് എണീറ്റത് മുതൽ മനസ്സിന് വല്ലാത്ത ഭാരം പോലെ... അരുതാത്തത് എന്തോ നടക്കാൻ പോകുന്നത് പോലെ ഒരു തോന്നൽ....
ചിന്തകളാലും പേടിയാലും കലങ്ങുന്ന മനസ്സുമായി ഞാൻ മണ്ഡപത്തിൽ കയറി.... സകല ദൈവങ്ങളെയും മനമുരുകി പ്രാർത്ഥിച്ചു....

പെട്ടെന്നാണ് ആതിരയുടെ  അച്ഛന്റെ ആ വാക്കുകൾ എന്റെ കാതിൽ മുഴങ്ങി കേട്ടത്...

തുടരും.....

ഓർമ്മകൾ  - 2

അതെ അതൊരു നിലവിളി തന്നേ...
എന്റെ മോളെ..... ചതിച്ചല്ലോ നീ ഞങ്ങളെ...

ചതി........... ചതി............ചതി................

ആ വാക്കുകൾ ഒരു എക്കോ പോലെ ന്റെ തലയ്ക്കു മുകളിൽ തരംഗം തീർത്തു...
കാര്യങ്ങളുടെ ഏകദേശ രൂപം എനിക്ക് മനസിലായി... അതെ ഇവിടെയും നഷ്ടം മാത്രം സച്ചുനു... ആളുകളുടെ സഹതാപം നിറഞ്ഞ നോട്ടം നേരിടാൻ ആവാതെ തല താഴ്ത്തി ഞാൻ ഇരുന്നു... ഒരു നഷ്ടം നികത്താൻ ഇറങ്ങി പുറപ്പെട്ട എനിക്ക് നഷ്ടങ്ങളുടെ ചാകര....
പക്ഷെ ഈ നഷ്ടം എല്ലാരും കുടി ചേർന്ന്  നല്കിയത് ആണ്...
എവിടെ എന്റെ ആത്മ സുഹൃത്തുക്കൾ...
അവിടെയെല്ലാം ഞാൻ സുധിയെ തിരഞ്ഞു..
എന്റെ മുഖത്തു നോക്കാൻ കഴിയാതെ ഓടി രക്ഷപെടാൻ നിൽക്കുന്ന സുധിയെ കണ്ടപ്പോൾ സത്യത്തിൽ ഞാൻ ചിരിച്ചു പോയി...

"ആ  ചക്കര ഇവിടെ ഉണ്ടാരുന്നോ...
ബാ മോനെ ബാ.. എങ്ങനെ ആരുന്നു.. കരുതലും സ്നേഹവും കുടി കുഴച്ചു അരച്ച് പുഴുങ്ങി അവള് തരുമ്പോൾ ഞാൻ അങ്ങ് പടർന്നു പന്തലിക്കും ..അല്ലേടാ പുല്ലേ....
അപ്പൊ എങ്ങനാ നീ നിന്ന് വാങ്ങുമോ അതോ ഞാൻ ഓടിച്ചിട്ട്‌ അടികണോ... ഏതായാലും ഞാൻ ഓക്കേ ആണ്.. എനിക്ക് ഇനി മേല് കീഴ് നോക്കാൻ ഇല്ല... "

"അളിയാ... അത്.. എല്ലാം വിധിയാണ്... വിധിയെ തടുക്കാൻ ആർക്കും.....

പറഞ്ഞു മുഴുവൻ ആകാൻ സമ്മതിക്കാതെ
എന്റെ കരങ്ങൾ അവനു മേലെ പതിച്ചു.. ഒന്നിൽ നിർത്താൻ ഞാൻ തീരുമാനിച്ചില്ല... അടിയോടടി....

"മോനെ..... സച്ചു.... മോനെ... താലി വാങ്ങു.."

എന്താ.....

"എടാ താലി വാങ്ങാൻ "...

അമ്മയുടെ ദേഹത്തു തോണ്ടി ഉള്ള വിളിയിൽ ആണ് എനിക്ക് ബോധം വീണത്...
ദേ ആതിര എന്റെ അടുത്ത് ഇരിക്കുന്നു...
അപ്പൊ ഒളിച്ചോടി പോയത് ആരാ....
അപ്പൊ സുധി... ലോ ലവന് അവിടെ ചിരിച്ചു നിക്കുന്നു....
അയ്യേ ചമ്മി പോയി.... എന്തൊക്കെയാ ഞാൻ ചിന്തിച്ചു കൂട്ടിയത് .... ഒരു സ്വപ്നത്തിൽ നിന്നും ഉണർന്ന പോലെ...

"കുട്ടാ താലി വാങ്ങു..."

ഇനിയും താലി വാങ്ങിയില്ല എങ്കിൽ അമ്മായി അച്ഛൻ എന്നെ തല്ലും എന്ന  പേടികൊണ്ട് ഞാൻ താലി വാങ്ങി...

ഒരു കെട്ടു... രണ്ടു കെട്ടു......മൂന്നാമത്തെ കെട്ടു മുഴുവൻ ആകാൻ അനുവദിക്കില്ല എന്ന വാശിയും ആയി എന്റെ  പെങ്ങൾ ആതിരയുടെ കഴുത്തിൽ അറ്റാക്ക് തുടങ്ങി... ശവം... എന്നാ പിന്നെ ഇവള് ഇവിടെ ഇരുന്നു കെട്ടിയ പോരാരുന്നോ... ആക്രാന്തം.....
അടുത്തത് അതിനേക്കാൾ വല്യ കുരിശു കന്യാ ദാനം... മനുഷ്യൻ ഇവിടെ അടി മുടി നിന്ന് വിറക്കുന്നു അപ്പോഴാ....
അവളുടെ അച്ഛൻ എന്റെ കൈയിൽ അവളുടെ കൈ ചേർത്ത് വച്ച് അവളിൽ  എനിക്ക് പൂർണ അവകാശം തന്നപ്പോൾ... എന്തിനോ എന്റെ കണ്ണിൽ അശ്രു പൊഴിഞ്ഞു... പക്ഷെ അത് എന്തിനാണ് എന്ന് എന്റെ അമ്മക്ക് മാത്രമേ മനസിലാക്കാൻ കഴിയു.... എല്ലാം മറന്ന് ഞാൻ ആതിരയുടെ മുഖത്തെ പുഞ്ചിരി നോക്കി നിന്നു... നിഷ്കളങ്കമായ ആ ചിരി ന്റെ മനസ്സിൽ കുറ്റബോധം നിറച്ചു.... ഇവളെ ഞാൻ സ്വപ്നത്തിൽ എങ്കിലും സംശയ കണ്ണ് കൊണ്ട് കണ്ടല്ലോ...... മനസ്സിൽ ഞാൻ അവളോട്‌ മാപ്പ് പറഞ്ഞു...
പാവം സുധി.... ഞാൻ സ്വപ്നത്തിൽ ഒരുപാട് തല്ലി... അത്രക് അടി കൊടുക്കണ്ടരുന്നു...മോശമായി പോയി.....

അങ്ങനെ കല്യാണം ഒരു വിധം ഭംഗിയായി കഴിഞ്ഞു.... ഈ വീഡിയോ ചെക്കൻമാരേ കൊണ്ട് തോറ്റു... ഈ പഹയൻമാരു ഒന്ന് മുള്ളൻ പോകാൻ പോലും സമ്മതിച്ചില്ല...... ഇനി ഒരു ദിവസം ലവ് സീൻ എടുക്കാൻ പോണമെന്നു ഇന്നലെ സുധി പറയുന്നത് കേട്ടു... എടുക്കും.. എടുക്കും... ന്റെ പട്ടി പോകും....

ഒരു 3 മണിയോടെ ഞങ്ങൾ വീട്ടിൽ എത്തി... പത്തനംതിട്ടയിൽ നിന്നു ഇങ്ങു വരണ്ടേ... ഇവൾക്ക് കൊല്ലത്തു എങ്ങാനും വീട് വച്ചാൽ പോരാരുന്നോ.... ഇടക്കിടെ വീട് കാണാൻ എന്നും പറഞ്ഞു എന്റെ പോക്കറ്റ് കാലി ആകാതെ ഇരുന്നാൽ മതി.... എല്ലാം അമ്മക്ക് വേണ്ടിയാ... എന്ന് വച്ച് അവളെ അവഗണിച്ചു നരകിപ്പിച്ചു കൊല്ലാൻ ഒന്നും ഈ സച്ചുനു പ്ലാൻ ഒന്നുല്ല കേട്ടോ.... എന്റെ ജീവിതം ഇങ്ങനെ ഒക്കെ ആയതിനു അവൾ എന്ത് പിഴച്ചു... സ്നേഹിക്കും ഒരു നാൾ  ഒരു ഭാര്യയുടെ എല്ലാ അവകാശവും കൊടുത്തു കൊണ്ട്,  പക്ഷെ അതിനു എനിക്ക് ഇത്തിരി സമയം അവൾ തരണം... ചോദിച്ചു നോക്കാം അല്ലേ.... നോക്കാം..... രാത്രി ആവട്ടെ....

*******************************************

ഒരു വിധം എല്ലാത്തിനെയും വീട്ടീന്ന് ഓടിച്ചു വിട്ടു... രാത്രി ആയാലും പോകൂല്ല... കണക്കൊക്കെ നോക്കി വന്നപ്പോൾ പോക്കറ്റ് കീറുന്ന ലക്ഷണം ആണ് കാണുന്നേ... ഉള്ളത് എല്ലാം കുടിച്ചും, നോക്കി നടത്താതെയും നടന്നു... അപ്പോൾ  ഒന്നും ഭാവിയെ കുറിച്ച്  ആലോച്ചില്ല... എല്ലാം ഇനി ഒന്നേന് തുടങ്ങണം.... ഒരുപാടു ആശിച്ചതു ആണ് ഈ ഒരു മണിയറയിൽ ഇങ്ങനെ... പക്ഷെ അവിടെ ആതിര ആയിരുന്നില്ല... എന്റെ..........  ഇടക്ക് മനസ്സിന്റെ കടിഞ്ഞാൺ നഷ്ടപ്പെട്ട് പോകും... അനുവാദം ഇല്ലാതെ കണ്ണു നീരും വരും....... ഇല്ല ഈ  ഓർമ്മകൾ മറക്കണം,  അമ്മക്ക് വേണ്ടി.. ആതിരക് വേണ്ടി....
മുഖത്തു കൃത്രിമ പുഞ്ചിരിയുമായി അവൾക്കു വേണ്ടി ഞാൻ കാത്തിരുന്നു....

ദൂരെ നിന്നെ ഒരു കൊലുസിന്റെ കൊഞ്ചൽ ഞാൻ കേട്ടു... അറിയാതെ എങ്കിലും ഒരു പുഞ്ചിരി മുഖത്തു മിന്നി... ആ കൊഞ്ചൽ ഡോറിനു അടുത്തെത്തി... ആകാംഷ നിറഞ്ഞ മനസ്സോടെ  മിടിക്കുന്ന ഹൃദയവും ആയി ഞാൻ അവിടേക്കു നോക്കി.. എന്റെ കണ്ണുകളെ എനിക്കു വിസ്വാസിക്കാൻ ആയില്ല...

"മാമാ ഞാൻ ഇന്ന് ഇവിടെ കിടക്കുവ" നശിപ്പിച്ചു.....
അത് പെങ്ങളുടെ മൂത്ത മോള് കിങ്ങിണി ആരുന്നു... ഈ കുട്ടി പിശാശിനു ഉറക്കവും ഇല്ലേ.. ആ അളിയൻ തെണ്ടി മനപ്പൂർവം പണിഞ്ഞതാ...

"മോളേ... മാമന്റെ പൊന്നു മോളല്ലേ... ഇന്ന് ഒരു ദിവസം മാമന് ലീവ് താ... നാളെ മുതൽ മോളെ  മാമന്റെ നെഞ്ചത്ത് കിടത്തി ഉറക്കല്ലോ... "

തികട്ടി വന്ന ദേഷ്യം പല്ല് കൊണ്ട് ഞെരിച്ചു ഞാൻ എങ്ങനെ ഈ ഡയലോഗ് പറഞ്ഞെന് എനിക്കു തന്നെ അറിയില്ല...
അപ്പോഴാണ് അടുത്ത് നിന്നു കുറച്ചു ചിരികൾ എന്റെ കാതിൽ എത്തിയത്...
ഓഹോ അപ്പൊ പ്ലാനിങ് ആരുനോ.. പെങ്ങളും അവളും കിങ്ങിണിയുടെ പുറകിൽ ഒളിച്ചു നില്പുണ്ടാരുന്നു.... പെട്ടന്ന് തന്നെ ആതിരയെ  റൂമിൽ ആക്കി പെങ്ങൾ അവളുടെ കുട്ടി പിശാശിനെ എടുത്തോണ്ട് പോയി... ന്തോ ആതിരയുടെ മുഖത്തു നോക്കാൻ ഒരു മടി... ആ നാണമെന്നുo പറയാം.... ഉള്ള ധൈര്യം എല്ലാം സംഭരിച് ഞാൻ മുഖം ഉയർത്തി നോക്കി...

അയ്യേ... ഇവളെന്താ ഇങ്ങനെ നോക്കി ചിരിക്കണേ... നാണം വേണ്ടേ മുഖത്തു ഇപ്പൊ... ഇതിപ്പോ ഞാൻ കെട്ടിയോളെ പോലെ നാണിച്ചും അവള് കെട്ടിയോനെ പോലെ ചിരിച്ചും... പാലും ഇല്ല കൈയിൽ.. മൊത്തത്തിൽ ഒരു വശപിശകു.... അരുതാത്തത് എന്തോ..........................ഒന്നുല്ലാ രാവിലെ ഇങ്ങനെ ചിന്തിച്ചു തുടങ്ങിയിട്ട് പണി കിട്ടിയതാ..............
പോ ചിന്തേ പോ........

"ചേട്ടായി......... എന്താ ഇത്ര ചിന്തിക്കാൻ.. "
അവളുടെ കുയിൽ നാദം ആണ് എന്നെ ചിന്തകളുടെ വേലിയേറ്റത്തിൽ നിന്നു ഉണർത്തിയത്...

"എയ്... ഈ പന്തൽ "

"പന്തൽ "

"അല്ല ഈ വാർപ്പ് "

"വാർപ്പോ "

ഈശ്വരാ മൊത്തത്തിൽ കയ്യിനു പോയി....

"അല്ല  ഞാനെ ഈ സാധനങ്ങളുടെ കണക്കൊക്കെ ആലോചിച്ചു ഇരുനത... "

"ആ ബെസ്റ്റ്...  ന്റെ പൊന്നു ചേട്ടായി.. നിങ്ങള് എന്ത് മനുഷ്യന... ഫസ്റ്റ് നെറ്റിൽ ആലോചിക്കാൻ പറ്റിയ കാര്യമാണോ ഇതൊക്കെ....ലോക തോൽവി ആണല്ലോ..  "
പൊട്ടിച്ചിരിയോട് കൂടിയ അവളുടെ ആ വാക്കുകൾ അവളെ കുറിച്ചുണ്ടാരുന്ന ന്റെ പ്രതീക്ഷകളെ അപ്പാടെ മാറ്റി...
ഒരു വാക്ക് പോലും പറയാൻ കഴിയാതെ ഞെട്ടി നിൽക്കാനേ എനിക്കു അപ്പോൾ കഴിഞ്ഞുള്ളു... ആള് അത്ര നിഷ്കളങ്ക ഒന്നും അല്ലാട്ടോ...

"ചേട്ടായി ഞാൻ ഇങ്ങനെ ഒകെ ആണ് കേട്ടോ... പെട്ടെന്ന് ആളുകളും ആയി കമ്പനി ആകും..... പിന്നെ തലയിൽ നിന്നു മാറില്ല...
ചേട്ടായിയെ ആദ്യം കണ്ടപ്പളേ എനിക്കു തോന്നി ഒരു തൊട്ടാവാടി ആണെന്നു... "

എടാ സുധി.... ഇവള് ആള് പുലിയാടാ.... ഇതിന്റെ കൂടെ പിടിച്ചു നിക്കണം എങ്കിൽ ഞാൻ പാടുപെടും... മനസ്സിൽ സുധിയെ തെറിയും വിളിച്ചു കൊണ്ട് ഞാൻ ആ കട്ടിലിലേക്ക് ഇരുന്നു....

തോൽവികൾ ഏറ്റു  വാങ്ങാൻ സച്ചൂന്റെ ജീവിതം പിന്നെയും ബാക്കി...

അവളുടെ വായിൽ നിന്നും വീഴുന്ന അടുത്ത മണി മുത്തുകൾക്കായി ഞാൻ കാത് കൂർപ്പിച്ചു......

തുടരും....

ഓർമ്മകൾ   -  3

എല്ലാം ഈ രാത്രിയിൽ ആതിരയോട്  തുറന്നു പറയാൻ ഇരുന്നത് ആണ്... പക്ഷെ അവൾ എങ്ങനെ പ്രതികരിക്കും എന്നു അറിയില്ല..... എയ് വയ്യ ഒരു നഷ്ടം കൂടി താങ്ങാൻ വയ്യ.... സമയം ആയിട്ടില്ല മനസ്സ് തുറക്കാൻ... മൗനം ആണ് ഇപ്പോൾ നല്ലത്....

"ചേട്ടായി... എന്താ ഇത്ര ആലോചിക്കാൻ ??"

"എയ്... ഒന്നുല്ല... ആതിര എന്താ അവിടെ നിക്കണേ... ഇവിടെ വന്നിരിക്കുന്നിലെ.... "

ഞാൻ അത് പറയാൻ കാത്തിരുന്ന പോലെ അവൾ കട്ടിലിൽ വന്നിരുന്നു....

"ചേട്ടായി... നമുക്ക് സുഹൃത്തുക്കൾ ആയാലോ... "

പെട്ടെന്നുളള അവളുടെ ആ ചോദ്യത്തിൽ ഞാൻ പകച്ചു.... കവി എന്താ ഉദ്ദേശിക്കുന്നത്...

അവൾ തുടർന്നു....
" നമുക്ക് രണ്ടുപേർക്കും പരസപരം മനസ്സിലാക്കാൻ കുറച്ചു സമയം എടുതുടെ ചേട്ടായി... " "കാര്യം ഞാൻ എത്ര ബോൾഡ് ആണെന്ന് പറഞ്ഞാലും ഒരു ഭാര്യ ആയി ജീവിക്കുക എന്നു പറഞ്ഞാൽ അത് ഇതിനെല്ലാം അപ്പുറം ഉള്ള ഒരു പ്രതിഭാസം ആണ്... അതിനു ഞാൻ ഇപ്പോഴും പ്രാപ്തി നേടിയിട്ടില്ല... "

അവളുടെ ആ വാക്കുകൾ എന്നിൽ എന്തെന്നില്ലാത്ത ആശ്വാസം നിറച്ചു.... എനിക്കും അതാരുന്നു വേണ്ടത്.... സമയം,.. അവളെ അറിയാനും ഓർമ്മകൾ മറക്കാനും...

"എനിക്ക് അറിയാം.., ചേട്ടായിയും പൂർണ മനസ്സോടെ അല്ല എന്നെ കല്യാണം കഴിച്ചത്... മനസ്സുകൾ തമ്മിലുള്ള ഈ അകലം കുറക്കണം ... നമുക്ക് ആദ്യം നല്ല സുഹൃത്തുക്കൾ ആവാം, പിന്നീട് പ്രണയിക്കാം, ഒടുവിൽ മനസ്സുകൾ ഒന്ന് ആകുന്ന വേളയിൽ ഒരു ശരീരം ആയി എല്ലാ അർത്ഥത്തിലും നമുക്ക് നമ്മുടെ ദാമ്പത്യ ജീവിതം തുടങ്ങാം.... "

10മിനിറ്റ് മുൻപ് പോയ അവളെ കുറിച്ചുള്ള പ്രതീക്ഷകൾ ഒരു ksrtc സൂപ്പർ ഫാസ്റ്റ് ബസ് പോലെ തിരിച്ചു ഓടി വന്നു... സുധിയെ വിളിച്ച തെറികൾ തിരിച്ചു വന്നെങ്കിലും ഞാൻ സ്വീകരിക്കാൻ തയാറായില്ല....

"എന്താ ചേട്ടായി ഒന്നും പറയാതെ... "

"കുടുംബ ജീവിതത്തിൽ മാനസിക ഐക്യം എന്നത് നിർബന്ധം ആണ്... അതുകൊണ്ട് ആരതിയുടെ ഈ തീരുമാനം ഞനും അംഗീകരിക്കുന്നു "...

പുഞ്ചിരിയോടെ ഞാൻ അത് പറഞ്ഞപ്പോൾ.., ഹൃദ്യമായ ഒരു നിറഞ്ഞ പുഞ്ചിരി അവൾ എനിക്കു തിരിച്ചു നൽകി...

"അപ്പോൾ നാളെ മുതൽ നമ്മൾ ചങ്ക്‌സ് ആണ്... എന്നാ കിടന്നാലോ മച്ചാനെ... "

മച്ചാനോ.... ഞെട്ടിയുള്ള എന്റെ നോട്ടത്തിനു സൈറ്റ് അടിച്ചു ആണ് അവൾ മറുപടി തന്നത്.... ഇനി അടുത്ത പ്രാന്ത് അവൾക്കു മൂക്കുന്നതിനു മുൻപ് കിടക്കാം....

അപ്പോഴും ഒരു പ്രശ്നം.... എങ്ങനെ കിടക്കും... ഒടുവിൽ അവൾ തന്നെ തീരുമാനിച്ചു.... അതെ ഞാൻ താഴെ നിലത്തുo അവൾ കട്ടിലിലും...

ഭാവിയിൽ എന്തൊക്കെ നടക്കാൻ പോകുന്നു എന്നാലോചിച്ചു ഞാനും പതിയെ ഉറങ്ങി....

*********************************

തലേന്നത്തെ ക്ഷീണം കാരണം വൈകി ആണ് ഉണർന്നത്...........
സമയം നോക്കിയപ്പോൾ 8 മണി.... എഴുന്നേറ്റില്ല... ചിലപ്പോൾ ഇപ്പോൾ അവള് ചായയും ആയി വന്നേക്കാം... അതുവരെ ഉറങ്ങിയ പോലെ കിടക്കാം... 10മിനിറ്റ് അങ്ങനെ കിടന്നിട്ടുo അവൾ  വന്നില്ല... പതിയെ തല പൊക്കി കട്ടിലിൽ നോക്കി...

അടിപൊളി............;;

അതാ.... ഞമ്മന്റെ ബീവി പോത്തുപോലെ കിടന്നു ഉറങ്ങുന്നു.... എന്റെ പൊങ്ങി വന്ന ദേഷ്യം ഒരു കോട്ടുവായിൽ ഒതുക്കി ഞാൻ വെളിയിൽ ഇറങ്ങി നേരെ അമ്മച്ചിയുടെ അടുത്തേക് പോയി....

"അമ്മേ ചായ.... "

"മോള് എവിടെടാ "

"അത്....ആ......അവള് കുളികുന്നു.... "

"നീ പോയി ഈ ചായ മോൾക്ക് കൊടുക്കു "

ഇതിപ്പോ ഞാൻ ഭാര്യയും അവളെന്റെ ഭർത്താവും ആണെന്നു തോന്നുന്നു.... ഓഹ് ഇവൾക്ക് വേണ്ടി അടുക്കള പണി എടുത്തു ഞാൻ ചാവ്ന്ന ലക്ഷണം ആണ് കാണുന്നേ...

"ഡാ എന്താടാ ചിന്തിക്കുനെ... നിനക്ക് ഈ ഇടയായി കുറച്ചു ആലോചന കൂടുതൽ ആണ്.... ",ദേ ആ പാവത്തിനെ വിഷമിപ്പിക്കാൻ ആണ് ഭാവം എങ്കിൽ അവളുടെ അച്ഛനെ അറിയാല്ലോ..,പഴയ പോലീസ് ആണ്.... ഓർമ വേണം... "

അയ്യോ... അമ്മ പറഞ്ഞതിലും കാര്യമുണ്ട്... ഞാൻ സൂക്ഷിച്ചു ഇടപെടണം... കൂൾ സച്ചു കൂൾ...

"ഡാ പിന്നെ.. വൈകിട്ട് നീ അവളെ കൊല്ലത്തെ ആ ബീച്ചിൽ ഒകെ ഒന്ന് കൊണ്ട് പോ... പത്തനംതിട്ടയിൽ വളർന്ന കൊച്ചല്ലേഡാ... അവിടെ എവിടാ കടൽ... "

"അമ്മാ.. അപ്പൊ പത്തനംതിട്ടയിൽ കടൽ ഇല്ലേ... "
നിഷ്കളങ്കമായ എന്റെ ചോദ്യത്തിന് ശോകം നിറഞ്ഞ മുഖം ആണ് അമ്മയിൽ നിന്നു എനിക്കു കിട്ടിയത്...

"ചുമ്മാതാണോഡാ നിനക്ക് psc എഴുതിയിട്ട് കിട്ടാത്തത്... പോടാ ലോക തോൽവി.. "

തോൽവിന്നാ അമ്മയും വിളിച്ചു... ഓഓഓഓ... അപ്പോ ഇവരെല്ലാം ചേർന്നുള്ള പ്ലാൻ ആണ് ഇതു.... എല്ലാരും ഒരു ടീം ആണ് അപ്പൊ... നമ്മളില്ലേ......

ചായയും ആയി ഞാൻ മുറിയിൽ വന്നിട്ടു അവളെ ദേഷ്യത്തോടെ വിളിച്ചു...

"ഡീീീ..... എഴുനേൽക്കാൻ... "
അയ്യോ... പോലീസ് മാമൻ.... പെട്ടെന്നു തന്നെ മുഖത്തു കൃത്രിമ പുഞ്ചിരിയും ഫിറ്റ്‌ ചെയ്തു ഞാൻ വിളിച്ചു...

"മോളു...... ആതു.... എഴുനേൽക്കാൻ... "
ഞെട്ടി പിടഞ്ഞുകൊണ്ട് അവൾ എഴുനേറ്റു...

"സോറി ചേട്ടായി.... ബുദ്ധിമുട്ടായി അല്ലേ.... "
ചായ വാങ്ങിക്കൊണ്ടു അവൾ ചോദിച്ചു...

"എയ്... അതൊക്കെ എന്ത്... നമ്മൾ തമ്മിൽ എന്തിനാണ് ഫോര്മാലിറ്റി... " ദേഷ്യം കടിച്ചു പിടിച്ചു ഞാൻ പറഞ്ഞു.... 

പെട്ടെന്നു തന്നെ അവൾ കുളിച്ചു അടുക്കളയിൽ പോയി..,അമ്മയുടെയും  പെങ്ങളുടെയും കൂടെ കൂടി.... ഒരു പൊടിക്ക് കുക്കിംഗ്‌ അറിയാം എന്നാ തോന്നണേ...... രക്ഷപെട്ടു........ അടുക്കള ഒരു പൂരത്തിന്റെ രീതി ആയി... ചിരിയും കളിയും..... കുറച്ചു വര്ഷങ്ങള്ക്കു മുൻപ് നഷ്ടപെട്ട സന്തോഷം വീട്ടിൽ വന്നു എന്ന് തോന്നി.....

അങ്ങനെ വൈകിട്ട് അവളെയും കൊണ്ട് ഞാൻ ചുറ്റാൻ ഇറങ്ങി... ആള് നോൺ സ്റ്റോപ്പ്‌ ആണ്... പീ പീ... ന്നു പറഞ്ഞു മിണ്ടികൊണ്ടു ഇരിക്കും.... അവളുടെ ആ സ്വഭാവം കൊണ്ടു എനിക്കു അവളോട്‌ ഉള്ള ചമ്മൽ പെട്ടെന്നു മാറ്റാൻ കഴിഞ്ഞു....

അങ്ങനെ ഞങ്ങൾ കൊല്ലം ബീച്ചിൽ എത്തി.... ന്റെ പൊന്നോ....... പെണ്ണിന്റെ മോന്ത ഒന്ന് കാണണം ബുർജ് ഖലീഫ യുടെ മുന്നിൽ എങ്ങാണ്ട് ചെന്ന് നിൽക്കുന്ന പോലെ..... അങ്ങോട്ട്‌ ഓടുന്നു ഇങ്ങോട്ട് ചാടുന്നു... ശരിക്കും പറഞ്ഞാൽ ഒരു കുട്ടിയോട് തോന്നുന്ന വാത്സല്യം അപ്പോൾ അവളോട്‌ തോന്നിപ്പോയി......

അങ്ങനെ ഞങ്ങൾ പരസപരം ഇഷ്ടങ്ങളും... പ്രതീക്ഷകളും... എല്ലാം പരസപരം പറഞ്ഞു സൗഹൃദം കൂട്ടി.... അവൾ അവളുടെ പഴയ തേപ്പ് ലവ് സ്റ്റോറി എന്നോട് പറഞ്ഞു ചിരിച്ചു.... എന്നോട് പ്രണയം ഉണ്ടായിരുന്നോ എന്ന് ചോദിച്ചപ്പോൾ ആദ്യം ഒന്ന് പകച്ചുപോയി എങ്കിലും പെട്ടെന്നു പുഞ്ചിരിച്ചുകൊണ്ടു ഞാൻ രംഗം ശുഭം ആക്കി...

"ആാാ... അപ്പൊ ചേട്ടായിയെയും തേച്ചു അല്ലേ.... "
അതിനുള്ള  മറുപടിയും  ഞാൻ പുഞ്ചിരിയിൽ ഒതുക്കി.....

പിന്നീടുള്ള ദിവസങ്ങളിൽ ഞങ്ങൾ അറിയുക ആരുന്നു പരസ്പരം.... അവിടെ തുടങ്ങുക ആരുന്നു ഞങ്ങളുടെ ഫ്രണ്ട്ഷിപ്........

******************-*****************

4 മാസം പോയത് അറിഞ്ഞില്ല... അവളുടെ വായാടിതരവും കുറുമ്പും കൊണ്ടു എന്റെ വിഷമങ്ങൾ പലതും ഞാൻ മറക്കാൻ തുടങ്ങി.... എന്നിരുന്നാലും അവളോട്‌ എനിക്കു ഭാര്യയോട് തോന്നുന്ന ഇഷ്ടം അന്യമായി നിന്നു... അവളിപ്പോഴും എന്റെ നല്ല സുഹൃത്താണ്.... എന്നെ ഒരു ഭർത്താവിനെ പോലെ അവളും കാണുന്നത് ആയി എനിക്കു ഇതുവരെയും തോന്നിയിട്ടില്ല... അമ്മക്ക് അവൾ നല്ല വായാടി മോളാണ്... ഇതിനിടയിൽ സുധി അവളുടെ സ്വീറ്റ് ബ്രോ ആയി.... രണ്ടും നല്ല കമ്പനി ആണ്.... ഓഫീസിൽ അവൾക്കു ഒരുപാട് ആണ്‌ സുഹൃത്തുക്കൾ ഉണ്ട്... എല്ലാ വിശേഷങ്ങളും വന്നു പറയും... ഫ്രണ്ട്സ് ഇടക്ക് വീട്ടിൽ വരാറുണ്ട്....

അങ്ങനെ ദിവസങ്ങൾ കൊഴിഞ്ഞു കൊണ്ടിരുന്നു...
ഒരു ദിവസം  വീട്ടിൽ എല്ലാരും ഇരുന്നു ഫുഡ്‌ കഴിച്ചു കൊണ്ടു ഇരിക്കുന്നതിനു ഇടയിൽ പെട്ടെന്നു അവൾ ബോധം കെട്ടു വീണു....

പെട്ടെന്നു ഉണ്ടായ ഞെട്ടൽ വിട്ടു ഞാൻ അവളെ തട്ടി വിളിച്ചു..,,എഴുന്നേറ്റില്ല... കരഞ്ഞുകൊണ്ട് അമ്മ വണ്ടി എടുക്കാൻ പറഞ്ഞു.... 
വണ്ടിയുമായി എങ്ങനെ ഹോസ്പിറ്റലിൽ ചെന്നു എന്നറിയില്ല.... ഡോക്ടർ അവളെ ചെക്ക് ചെയ്യാൻ റൂമിൽ കയറ്റി.... ഞാൻ ടെൻഷനിൽ പുറത്തു അങ്ങോട്ടും ഇങ്ങോട്ടും നടന്നു.... ഇടക്ക് അവൾ സ്ഥിരം ആയി തലവേദന വരാറുണ്ട് എന്നു പറഞ്ഞത് ഓർമയുണ്ട്...
ഈശ്വരാ.... അവൾക്കു ഒരു ആപത്തുo വരുത്തല്ലേ.... ഞാൻ നിറഞ്ഞ കണ്ണുകളോടെ ദൈവത്തോട് പ്രാർത്ഥിച്ചു.............

അവളെ ഞാൻ സ്നേഹിക്കുന്നു എന്നു ആദ്യമായി  തിരിച്ചറിഞ്ഞ നിമിഷങ്ങൾ....,, ഈ അര മണിക്കൂർ ഒരു യുഗം പോലെ തോന്നി...
അമ്മ ആകെ തളർന്നു കസേരയിൽ ഇരിക്കുന്നു.....
പെട്ടെന്ന് ഡോക്ടർ ഉള്ളിലേക്ക് വിളിപ്പിച്ചു...  ഇനി ഈ നഷ്ടവും ഞാൻ....  എയ് ഇല്ലാ.... ഒന്നും സംഭവിക്കില്ല...

തകർന്ന ഹൃദയവും ആയി ഞാൻ ഡോക്ടറുടെ മുന്നിൽ ഇരുന്നു....

നിറഞ്ഞ പുഞ്ചിരിയോടെ ഡോക്ടർ എന്നോട് പറഞ്ഞു

"Congrats mr.സച്ചിൻ....,, നിങ്ങളുടെ വൈഫ്‌ പ്രെഗ്നന്റ് ആണ്‌.... "

ഭൂമി പിളർന്നു ഞാൻ താഴെ പോയെങ്കിൽ എന്നു തോന്നിയ നിമിഷം...................... എന്റെ ശരീരം തളര്ന്നു പോകുന്ന പോലെ.....

ഇതെങ്ങനെ..............

തുടരും......

ഓർമ്മകൾ   -  4

എന്റെ ജീവിതത്തിൽ മാത്രം എന്താണ് ഇങ്ങനെയൊക്കെ........ ജീവിതം പഴയതു പോലെ ആയി എന്നു തോന്നിയ നിമിഷം വീണ്ടും ദൈവം പരീക്ഷിക്കുകയാണല്ലോ....

റൂമിൽ നിന്നും ഭാവമാറ്റം ഒന്നും ഇല്ലാതെ പുറത്തേക്കു ഇറങ്ങിയ ആതിരയെ കണ്ടപ്പോൾ എനിക്കു കൊല്ലാനുള്ള ദേഷ്യം തോന്നി... ഡോക്ടറുടെ മുന്നിൽ എന്നോടൊപ്പം ഇരിക്കുമ്പോൾ അവൾ എന്നെ നോക്കിയില്ല.... അപ്പോഴും ഞാൻ ഒരു സ്വർഗത്തിൽ ആരുന്നു...
വിഡ്ഢിയുടെ സ്വർഗത്തിൽ .......

റൂമിൽ നിന്നും വെളിയിൽ ഇറങ്ങിയ എന്നെ കണ്ടതും അമ്മ ഓടി വന്നു...

"ന്താടാ മോനെ അവൾക്കു പറ്റിയെ ?? ഡോക്ടർ ന്താ പറഞ്ഞെ ?? മോളെ ന്താ മുഖം വല്ലാണ്ട് ഇരിക്കുന്നത് ?? ആരേലും ഒന്ന് പറ ??.. "

ഞാൻ ഒന്നിനും മറുപടി കൊടുത്തില്ല... എനിക്കു അതിനു കഴിഞ്ഞില്ല എന്നതാണ് സത്യം... അതെ എനിക്കു എന്റെ മനസ്സിന്റെ കടിഞ്ഞാൺ കൈമോശം വന്നു.... വര്ഷങ്ങള്ക്കു മുൻപ് എന്റെ ജീവിതം തകർത്ത ആ ഭ്രാന്തൻ ലോകത്തിൽ ഞാൻ വീണ്ടും തിരിച്ചു വന്നോ. ??
ഞാൻ മുന്നോട്ടു നീങ്ങി.....

"ന്താ മോളെ കാര്യം പറ നീ പേടിപ്പിക്കല്ലേ.. ?"

"അത്... അമ്മേ... ഞാൻ പ്രെഗ്നന്റ് ആണ്‌.. "
മുഖത്തു ഒരു പുഞ്ചിരി വരുത്തി അവൾ പറഞ്ഞു...

"ഇതു സന്തോഷിക്കാൻ ഉള്ള സമയം അല്ലേ.. പിന്നെ അവന്റെ മുഖം എന്തിനാണ് ഇങ്ങനെ ??"
മനസിലെ പേടി ഒഴിഞ്ഞു ചിരിച്ച മുഖവും ആയി അമ്മ  ചോദിച്ചു....

"അത് ചേട്ടൻ ഇപ്പോൾ ഒരു കുട്ടി വേണ്ടാന്നു ആണ്‌ വിചാരിച്ചു ഇരുന്നത്... അതിന്റെ ഒരു നീരസം... "
അവൾ പെട്ടെന്നു പറഞ്ഞു...

"ദൈവം തരുന്നത് കൈ നീട്ടി വാങ്ങുക എന്നല്ലാതെ നിഷേധിക്കാൻ പാടില്ല.... നീ വാ മോളെ വീട്ടിൽ ചെന്നിട്ടു അമ്മ അവനെ പറഞ്ഞു മനസിലാക്കാം..... "

അവർ വണ്ടിക്കു സമീപതെക്കു നടന്നു...

വണ്ടിയിൽ ഇരിക്കുമ്പോൾ പോലും  അസ്വസ്ഥത നിറഞ്ഞ മനസ്സാരുന്നു എനിക്കു ..... ഒടുവിൽ ഞാൻ  തീരുമാനിച്ചു... ഇതിന്റെ സത്യം അറിയണം... എന്തിനാണ് അവൾ എന്നെ ചതിച്ചത്... ഇതു ആരുടെ കുഞ്ഞാണ്... അങ്ങനെ കുറേ ചോദ്യങ്ങൾ... ഇതെല്ലാം വീട്ടിൽ ചെന്നിട്ടു അവളോട്‌ ചോദിക്കണം.... പക്ഷെ ഇതൊന്നും അമ്മ അറിയാൻ പാടില്ല... ആ പാവം ഇതൊന്നും സഹിക്കില്ല.....

താൻ അവളെ ഒരുപാട് സ്നേഹിച്ചിരുന്നു ഉള്ളിന്റെ ഉള്ളിൽ... ഇപ്പോഴും എന്തോ അവളെ വെറുക്കാൻ പറ്റുന്നില്ല... പക്ഷെ തന്നോട് തന്നെ സ്വയം പുച്ഛം തോനുന്നു... ആദ്യമൊക്കെ ഒരുപാടു അടുത്തിരിന്ന അവൾ കഴിഞ്ഞ കുറച്ചു നാളുകളായി ന്തോ ചില അകൽച്ച കാണിച്ചതായി തോന്നിയിരുന്നു... ചോദിച്ചാൽ മാത്രം പലപ്പോഴും മിണ്ടിയിരുന്നുള്ളൂ...

പക്ഷെ വീട്ടിലേക്കുള്ള യാത്രയിൽ ന്റെ സകല പ്രതീക്ഷകളും തല്ലി കെടുത്തികൊണ്ട് ആ ഫോൺ കാൾ വന്നു......
ആതിരയുടെ അമ്മക്ക് ആക്‌സിഡന്റ്......
വണ്ടി നേരെ ആശുപത്രിയിലേക് തിരിച്ചു വിട്ടു.....ദൈവങ്ങൾ പോലും തുണയായി ഇല്ല എന്നു എനിക്കു തോന്നിയ നിമിഷങ്ങൾ....

കാലിൽ ചെറിയ പരിക്ക് പറ്റിയ അമ്മയെ കണ്ടു ആതിര പൊട്ടി കരഞ്ഞു..... ആ ദുഃഖതിന്നു ഇടയിലും തങ്ങളുടെ മകൾ ഒരു അമ്മ ആകാൻ പോകുന്ന വാർത്ത അവർക്ക്  അല്പം സതോഷം നൽകി.... അപ്പോഴും ന്റെ മനസ്സിൽ പല പ്ലാനിംഗ് നടത്തുക ആരുന്നു....

"അമ്മേ ഞാൻ ന്റെ വീട്ടിൽ കുറച്ചു നാൾ നിന്നോട്ടെ.... ഇവർക്കു വേറെ ആരൂല്ല.... "
കരഞ്ഞു കൊണ്ടു ആതിര അത് ചോദിച്ചപ്പോൾ.... പറ്റില്ല എന്നു പറയാൻ ആണ്‌ എനിക്കു  തോന്നിയത്.... പക്ഷെ അമ്മയുടെ സമ്മതം എന്നെ  ആകെ തളർത്തി......

അവൾ എന്നെ  മനപ്പൂർവം ഒഴിവാക്കാൻ ഉള്ള പരിപാടി ആരുന്നു..... ഞാൻ  ഇനി എന്ത് എന്ന ചിന്തയിൽ മുഴുകി.....

വീട്ടിൽ തിരിച്ചു വന്നിട്ടും ഞാൻ കലങ്ങി മറിഞ്ഞ മനസ്സുമായി കിടന്നു....
അവളെ ഞാൻ ഒരുപാടു സ്നേഹിക്കുന്നു,, അതുകൊണ്ടല്ലേ അവളെ മറ്റുള്ളവരുടെ മുന്നിൽ ഇട്ടു ഒരു വൃത്തികെട്ട സ്ത്രീ ആകാതെ ആരും അറിയാതെ എല്ലാം ചോദിച്ചു അറിയാൻ തീരുമാനിച്ചത്... എന്നിട്ട് അവൾ തന്നെ കളിപ്പിക്കാൻ ശ്രമിക്കുന്നു....

"ടാ സച്ചു... "
അമ്മയുടെ വിളിയാണ് എന്നെ ചിന്തകളിൽ നിന്ന് ഉണർത്തിയത്...

" എന്താ അമ്മേ "

"നീ എന്താ ഇപ്പൊ കുട്ടി വേണ്ടാന്നു പറയണേ... ദൈവനിന്ദ കാണിക്കരുത് മോനെ "

"അതല്ല അമ്മ.... അതിനൊക്കെ ഇനിയും സമയമുണ്ടല്ലോ.... ഇപ്പോൾ ഈ ബുദ്ധിമുട്ട് നിറഞ്ഞ ജീവിതത്തിലേക്ക് ഒരു കുട്ടി കൂടി.... അത് വേണ്ടാ... "

"അത് വരേയ്ക്കും ഈ അമ്മക്ക് ആയുസ്സ് കാണുമോ മോനെ "
നിറഞ്ഞ മിഴികളെ തുടച് അമ്മ അത് ചോദിച്ചപ്പോൾ എനിക്കു ഉത്തരം നൽകാൻ ആയില്ല....
അമ്മ തുടർന്നു.....

"ഈ അമ്മയുടെ അവസാന ആഗ്രഹം ന്റെ കുട്ടൻ സാധിച്ചു തരണം... ഇല്ലെങ്കിൽ പിന്നെ അമ്മ  ഈ വീട്ടിൽ കാണില്ല "
തീരുമാനിച്ചു ഉറപ്പിച്ച പോലെ അമ്മ അത് പറഞ്ഞു പോയപ്പോൾ എനിക്കു ഒരു വർഷം മുൻപുള്ള കാര്യമാണ് ഓർമ വന്നത്...
അന്നും അവളുടെ ഓർമകളെ മറക്കണം എന്നുo,,വിവാഹം കഴിക്കണം എന്നും,, പഴയ സച്ചു ആയി മാറണം എന്നുo പറഞ്ഞു... ഒടുവിൽ ഇതേ വാക്കുകൾ പറഞ്ഞു....

പക്ഷെ എന്റെ മനസിലെ വിഷമങ്ങൾ ഞാൻ ആരോടാ പറയുക...  28 വയസ്സിനു ഇടക്ക് ഞാൻ അനുഭവിക്കാൻ ഉള്ളതൊക്കെ അനുഭവിച്ചു കഴിഞ്ഞു..... നീറി പുകഞ്ഞ മനസ്സുമായി ഞാൻ മേലേക്ക് നോക്കി കിടന്നു......

**********************************

ഒരു മാസം കഴിഞ്ഞാണ് അവൾ വീട്ടിലേക്കു വന്നത്... അതും അമ്മയെ ഞാൻ നിർബന്ധിച്ചു അവളെ വിളിപ്പിച്ചു.... ഇതിനിടയിൽ പല തവണ അവളെ ഫോൺ ചെയ്യാൻ ശ്രമിച്ചിട്ടും അവൾ എടുത്തില്ല... വീട്ടിൽ പോയാലും സാഹചര്യം അനുകൂലം അല്ലാരുന്നു.....

ഞാൻ മദ്യത്തിൽ അഭയം തേടി ഇതിനിടയിൽ.... അമ്മക്ക് വേണ്ടി നിർത്തിയതാരുന്നു... പക്ഷെ ഇപ്പോൾ എന്റെ മനസ്സിന്റെ നിയന്ത്രണം എന്റെ കൈയിൽ നിന്ന് നഷ്ടപ്പെട്ടു..... ഒരു തരം പുച്ഛം ജീവിക്കാൻ... പഴയ ഓർമ്മകൾ എന്നെ തേടി വീണ്ടും എത്തി.... ആ മുഖം വീണ്ടും എന്റെ ഉറക്കം കെടുത്താൻ തുടങ്ങി.....

ആതിര വന്ന ദിവസം അമ്മ ഒരു ബന്ധുവിന്റെ കല്യാണത്തിന് പോയി... അല്ല ഞാൻ മനഃപൂർവം പറഞ്ഞു വിട്ടു... അവളെ തനിച്ചു കിട്ടാൻ.....
വന്നതിനു ശേഷം അവൾ എന്റെ മുഖത്തേക്ക് നോക്കിയിട്ടു പോലുമില്ല റൂമിൽ ഒരേ ഇരുപ്പ് ആണ്‌...

ഞാൻ ആവോളം മദ്യം കുടിച്ചു അവളുടെ അടുത്ത് ചെന്നു.... പക്ഷെ അവൾ എന്നെ കണ്ടിട്ടും കാണാത്ത പോലെ  ഇരിക്കുന്നത് കണ്ടപ്പോൾ എനിക്കു ദേഷ്യവും വിഷമവും ഒരുമിച്ചു വന്നു... അപ്പോഴും അവളോട്‌ എന്തോ വല്ലാത്ത സ്നേഹം തോന്നി... ഇല്ല മനസ്സു നിയന്ത്രിക്കാൻ കഴിഞ്ഞേ പറ്റു... ഇവിടെയും തോൽക്കാൻ പാടില്ല....

"ആതിര "...
ഞാൻ വിളിച്ചു.... പക്ഷെ അവൾ നോക്കിയില്ല.....

"ആതിര.... നിന്നോട് ആണ്‌ ഞാൻ സംസാരിക്കുന്നത്..... ന്റെ മുഖത്ത് നോക്കടീ പുല്ലേ...... "ഉള്ളിലെ മദ്യം പണി തുടങ്ങി... ഞാൻ അലറി.......എന്റെ കണ്ണിലെ ഭാവം അവളെ വല്ലാതെ പേടിപ്പിച്ചു....

"ആരാടീ... നിന്റെ വയറ്റിലുള്ള കൊച്ചിന്റെ തന്ത "

"അറിഞ്ഞിട്ടു ഇപ്പൊ എന്താ ??"
ഉള്ളിലെ പേടി മറച്ചുകൊണ്ടു ആതിര പറഞ്ഞ് ഒപ്പിച്ചു.....

മുഖതു ഒരു അടിയായിട്ടാ ന്റെ കൈ അവൾക്കു മറുപടി കൊടുത്തത്...

"നിർത്താൻ..... നിന്റെ അധിക പ്രസംഗം..... ഞാൻ ചോദിക്കുന്നതിനു മാത്രം ഉത്തരം പറയുക.... "
ഇതുവരെ എന്നിൽ കാണാത്ത ഭാവമാറ്റം കണ്ടു ആതിര പകച്ചു.... 

"ഇനി പറ.... ആരാ ഇതിന്റെ ഉത്തരവാദി.. ??"

"എന്നെ താലി കെട്ടിയ ആൾ തന്നെ ആണ്‌ ന്റെ കുഞ്ഞിന്റെ അച്ഛൻ... "
ഉറച്ച സ്വരത്തിൽ അവൾ പറഞ്ഞു....

"നീ വീണ്ടും കള്ളം പറയുന്നു..... ന്റെ ക്ഷമ നീ പരീക്ഷിക്കുകയാണോ.... ഇനി ന്റെ പ്രവർത്തികൾ എങ്ങനെ ആണെന്നു എനിക്കു തന്നെ അറിയില്ല... മര്യാദക്ക് നീ സത്യം പറയു... "
ഇതും പറഞ്ഞു ഞാൻ അവളെ തല്ലാൻ കൈ വീശി....

ആ കൈ തട്ടി മാറ്റി അവൾ പറഞ്ഞു

"എന്നെ തല്ലാം കൊല്ലം നിങ്ങൾക്കു..,, പക്ഷെ എന്നിൽ  ഈ ഒരു ഉത്തരം മാത്രെ ഉള്ളു.... കാരണം അതാണ് സത്യം.... "
അവളുടെ ആ വാക്കുകളിൽ ഞാൻ ഞെട്ടി  തരിച്ചു
അവൾ തുടർന്നു...

"3 മാസം മുൻപ്  സുധിയുടെ വീട്ടിൽ നടന്ന പാർട്ടിയുടെ ഫലമായി മദ്യപിച്ചു അവശനായി വന്ന നിങ്ങളെ കിടത്താൻ ശ്രമിച്ച സമയം നിങ്ങൾ എനിക്കു തന്ന സമ്മാനം.... "

"എയ് ഇല്ലാ നീ കള്ളം പറയുന്നു.... ഒരിക്കലും ഇല്ല.... ഞാൻ ഇതു വിശ്വസിക്കില്ല.... "
ഞാൻ വിക്കി വിക്കി പറഞ്ഞു.....

"നിങ്ങൾ എന്തിനാണ് പേടിക്കുന്നെ.... നിങ്ങൾ എന്നെ ബലാത്സംഗം ഒന്നും ചെയ്തത് അല്ല.... ഞാൻ നിങ്ങളുടെ ആ അർദ്ധ ശ്രമതിനു മനസ്സാ വഴങ്ങിയതാണ്.... കാരണം ഞാൻ നിങ്ങളെ അത്ര സ്നേഹിച്ചിരുന്നു.... നിങ്ങളുടെ ഭാര്യ ആവാൻ ഞാൻ അതിനു മുന്നേ മനസ്സാ ഒരുങ്ങിയിരുന്നു..... "

കേട്ടത് വിശ്വസിക്കാൻ കഴിയാതെ പകച്ചു നിൽക്കുന്ന എന്നോട് അവൾ വീണ്ടും തുടർന്നു...

"ചേട്ടായിയെ ഞാൻ ഒരുപാടു സ്നേഹിച്ചിരുന്നു.... പക്ഷെ ചേട്ടായി ഇതുവരെ എന്നെ ഒരു ഭാര്യ ആയി കണ്ടില്ല എന്നു അറിയാവുന്നത് കൊണ്ടാണ് ഞാൻ ഇഷ്ടം ആണെന്ന് പറയാഞ്ഞേ.... ചേട്ടായി മനസ്സുകൊണ്ട് എന്നെ സ്വീകരിക്കട്ടെ എന്നു വിചാരിച്ചു കാത്തിരുന്നത്.....പക്ഷെ നിങ്ങൾ എന്നെ കീഴടക്കിയ ആ ദിവസം മുതൽ ഞാൻ നിങ്ങളെ വെറുത്തു.... കാരണം മറ്റൊരു പെണ്ണിന്റെ പേര് പറഞ്ഞു കൊണ്ടു സ്വന്തം ഭാര്യയെ........ "
വാക്കുകൾ പറഞ്ഞു മുഴുവൻ ആകാൻ കഴിയാതെ അവൾ ഉറക്കെ കരഞ്ഞു....

വാ തുറന്നു ഒന്നും പറയാൻ കഴിയാതെ ഞാൻ നിന്നു...

"നിങ്ങൾക്കു ഇനിയും വിശ്വാസം വന്നില്ലേ... എങ്കിൽ വിശ്വസിക്കുന്ന ഒന്ന് കൂടി പറയാം..... അന്ന് നിങ്ങൾ പറഞ്ഞ ആ പേര്.. അത്......

അച്ചു എന്നാരുന്നു....... "

ഭൂമി മുഴുവൻ കറങ്ങുന്ന പോലെ എനിക്കു തോന്നി..... ന്റെ അച്ചു....... ആതിര  പറഞ്ഞത് സത്യം ആണെന്നു എനിക്കു ബോധ്യമായി.... ആർക്കും അറിയാത്ത ആ പേര് അവൾ അറിഞ്ഞത്,  അത് എന്റെ വായിൽ നിന്നു തന്നെ ആകണം.......

"വെറുമൊരു പൈങ്കിളി പ്രണയം ആയിരുന്നെങ്കിൽ നിങ്ങൾ അവളെ ഇപ്പോഴും മനസ്സിൽ കൊണ്ടു നടക്കില്ലല്ലോ.... പിന്നെ എന്തിനു ന്റെ ജീവിതം തകർത്തു...
അവൾ ചുവന്ന കണ്ണുകൊണ്ടു എന്നോട് തട്ടി കയറി...

അപ്പോഴും ന്റെ മനസ്സിൽ അച്ചുവിന്റെ മുഖം മാത്രം..... ആ പുഞ്ചിരി മാത്രം മനസ്സിൽ.... അവളുടെ ചിരിക്കുന്ന മുഖം എന്റെ കണ്ണുകളിൽ നിന്നും അശ്രു പൊഴിച്ചു...

"ആ വൃത്തികെട്ടവളെ പറഞ്ഞപ്പോൾ നിങ്ങൾക്കു കരച്ചില് വന്നു അല്ലേ... പിന്നെ എന്തിനാണ് എന്നെ കെട്ടിയത്.... "
ആതിര ഒരു ഭ്രാന്തിയെ പോലെ പൊട്ടി തെറിച്ചു....

"വാക്കുകൾ സൂക്ഷിച്ചു പറയടീ പുല്ലേ..... അവളെ പറ്റി ഇനി മോശമായി ഒരു അക്ഷരം നീ മിണ്ടിപോകരുത്.....  "
ഞാനും ദേഷ്യത്തോടെ പറഞ്ഞു....

"നിങ്ങളെ തേച്ചു പോയ ആ പിഴച്ച നിങ്ങളുടെ കാമുകി ആണ്  നിങ്ങൾക്കു വലുതല്ലേ...സ്വന്തം ഭാര്യയെ വിലയില്ല.....  അപ്പൊ ഞാൻ ആരാ നിങ്ങടെ രണ്ടാം ഭാര്യയോ... ??"

മനസിന്റെ നിയത്രണം നഷ്ടപെട്ട ഞാൻ അവളെ പൊതിരെ തല്ലി....

"അതേടി പുല്ലേ നീ എന്റെ രണ്ടാം ഭാര്യ തന്നാ..ഞാൻ താലി കെട്ടിയ രണ്ടാമത്തെ പെണ്ണാ നീ... മനസ്സുകൊണ്ടും ശരീരം കൊണ്ടും ന്റെ അച്ചുവിനു ശേഷം  ഞാൻ അറിഞ്ഞ പെണ്ണ് ......"
ഞാൻ ഒരു മൃഗത്തെ പോലെ അലറി പറഞ്ഞു.......

തുടരും.......

ഓർമ്മകൾ   5

പെട്ടന്ന് ന്തോ അച്ചുനെ പറഞ്ഞപ്പോൾ ഉണ്ടായ ഭ്രാന്തിൽ ആതിരയെ തല്ലേണ്ടിയിരുനില എന്ന് എനിക്ക് തോന്നി പോയി.... മനസ്സിലെ വിഷമങ്ങൾ കാരണം എനിക്ക് ന്റെ വിവേകം എന്നോ നഷ്ടപ്പെട്ടു കഴിഞ്ഞതാണ്......

അപ്പോഴും കേട്ടത് വിശ്വസം ആകാതെ എന്നെ തന്നെ തുറിച്ചു നോക്കി നിൽക്കുകയാണ് ആതു.... ആ കണ്ണീർ വാർന്ന മിഴികൾ കണ്ടപ്പോൾ അവളെ ഒന്നു ചേർത്ത് നിർത്താൻ തോന്നി.... പക്ഷെ ചെയ്തില്ല.., അല്ല കഴിഞ്ഞില്ല അതിനു എന്നതാവും ശരി.....
എയ് ഇല്ല ഇനി ഒന്നും ഒളിച്ചു വച്ചിട്ട് കാര്യമില്ല... ഞാൻ ആണ് തെറ്റുകാരൻ എല്ലാം അന്നേ അവളോട്‌ പറയേണ്ടതരുന്നു... ചെയ്തില്ല.... ഒരു പെണ്ണും ക്ഷമിക്കുന്ന തെറ്റല്ല ഞാൻ അവളോട്‌ ചെയ്തത്.... ഇനിയെങ്കിലും എല്ലാം അവൾ അറിയണം... ഇതും മനസ്സിൽ കൊണ്ട് നടന്നു നീറി ജീവിക്കാൻ എനിക്ക് വയ്യ....
ഞാൻ ആതുവിന്റെ മുഖത് നോക്കി ആമുഖം ഒന്നുമില്ലാതെ പറഞ്ഞു തുടങ്ങി.....

"അവൾ അശ്വതി..... നാട്ടിൽ നിന്നും ദൂരെ എറണാകുളത്തുള്ള കോളേജ് സമയത്തു അനുവാദം കൂടാതെ മനസ്സിലേക്ക് ഇടിച്ചു കയറിയ പെണ്ണ്.... വിപ്ലവം തലയ്ക്കു പിടിച്ചു കോളേജിൽ പാർട്ടിയിൽ പ്രവർത്തിച്ചു കൊണ്ടിരിക്കുന്ന  സമയം.... പി ജി അവസാന വർഷം ആയതിനാൽ ഞാൻ കോളേജ് ജീവിതം ആസ്വദിക്കുന്ന തിരക്കിൽ ആയിരുന്നു... അവിടേക്കു ഡിഗ്രി ആദ്യ വർഷ ഇംഗ്ലീഷ് വിദ്യാർത്ഥി ആയിട്ടാരുന്നു അവളുടെ വരവ്... 

ന്റെ ഓർമ്മകൾ  4 വർഷങ്ങൾക്ക്  പിറകെ പോയി....
സുഹൃത്തിന്റെ കസിൻ എന്ന നിലക്ക് അവൻ പരിചയപെടുത്തി തന്നതാണ് അവളെ എനിക്കു.... ആദ്യം കണ്ടപ്പോഴേ ആ പുഞ്ചിരി നിറഞ്ഞ മുഖം എന്നെ വല്ലാതെ ആകർഷിച്ചു.... എപ്പോഴും ചിരിച്ച മുഖത്തോടെ അവളെ ഞാൻ കണ്ടിട്ടുള്ളൂ... ഇടക്ക് ആ പരിചയം വച്ചു മിണ്ടും... കോളേജിലെ ഒരു പാർട്ടി പ്രവർത്തകൻ എന്ന നിലയിൽ അവൾക്കു വേണ്ട അത്യാവശ്യം സഹായങ്ങൾ ഞാൻ ചെയ്തു കൊടുത്തിരുന്നു ആദ്യമൊക്കെ അതിലുടെ ഞങ്ങൾ പരസപരം അറിഞ്ഞു നല്ല സുഹൃത്തുക്കൾ ആയി..... എനിക്ക് അവളോട്‌ സുഹൃത്ത് എന്നതിലുപരി ഒരു ഇഷ്ടം ഉണ്ടായിരുന്നു പക്ഷെ പേടി കൊണ്ട് പറയാൻ കഴിഞ്ഞില്ല,,, അവളുടെ പെരുമാറ്റത്തിൽ നിന്നും ഒരു പ്രണയം അവൾക്കു എന്നോട് ഉള്ളതായി തോന്നിയതെ ഇല്ല....
ഒരു ദിവസം അതിനുള്ള ഉത്തരം എനിക്ക് കിട്ടി...

"ഏട്ടാ.... സച്ചുവേട്ടാ... ഇപ്പോൾ മുഴുവൻ സമയവും ആ ഫിസിക്സ് ലെ ഇന്ദുവും ആയിട്ടാണല്ലോ സംസാരം... ദേ ചീത്തപേര്  വാങ്ങിക്കോ... "

"അയ്യോ ഞാനോ... ഡീ പൊട്ടി അവള്  ന്റെ വല്യമ്മയുടെ മോളാ... ന്റെ പെങ്ങൾ... "

"ആ ആരായാലും കൊള്ളാം ന്റെ പിള്ളാർക്ക് ചീത്തപേര് വരുത്തി വച്ചേക്കരുത്... "

"ചീത്ത പേരോ... ഞാനോ... "

"ആ... തന്ത പഴയ വല്യ കോഴിയന്നു അറിഞ്ഞ അവർക്കു നാണക്കേട് അല്ലെ... "

ഒരു പുഞ്ചിരിയോടെ അവൾ അത് പറഞ്ഞപ്പോൾ ഒരു സ്വർഗം നേടിയ വിജയി ഭാവം ആരുന്നു എനിക്ക്..... ഒരിക്കലും കിട്ടില്ല  എന്ന് വിചാരിക്കുന്ന കാര്യം കിട്ടുമ്പോൾ ഉള്ള സന്തോഷം അനുഭവിച്ചു തന്നെ അറിയണം...

പിന്നീട്  പ്രണയത്തിന്റെ നാളുകൾ ആരുന്നു.... ആളൊരു വായാടി ആണ്.... പെണ്ണുങ്ങൾ ആരുമായും എന്നെ അധികം മിണ്ടാൻ സമ്മതിക്കില്ല... എന്തുകൊണ്ടോ അവളുടെ ആ സ്വഭാവം എനിക്കും ഇഷ്ടം ആരുന്നു... എന്നോടുള്ള അവളുടെ അടങ്ങാത്ത പ്രണയത്തിന്റെ തെളിവായി അതിനെ ഞാൻ കണ്ടു.... അപ്പോഴും ഞാൻ വീട്ടിൽ അവളെ കുറിച്ച് അമ്മയോട് പറഞ്ഞില്ല,, സുധിക്കും അറിയില്ലാരുന്നു..... അങ്ങനെ എന്റെ കോളേജ് ലൈഫ് അവസാനിക്കാൻ സമയം ആയി...,, ഞങ്ങളുടെ പ്രണയം അത് പാറ പോലെ ഉറച്ചതായി തുടരുന്നു... അപ്പോഴും വല്യ ബിസിനെസ്സ് മുതലാളി ആയ അവളുടെ അച്ഛന്റെ സമ്മതം ഒരു പ്രശനം ആയി തുടർന്നു.....

അവളെ പിരിയുന്ന കാര്യം എനിക്ക് ആലോചിക്കാൻ പോലും കഴിയില്ല... കാരണം അവൾ എന്നത് എനിക്കൊരു ഭ്രാന്ത്‌ ആയിരുന്നു.... അവളെ നഷ്ടപെടുന്നതു എനിക്ക് എന്നെ നഷ്ടം ആകുന്നതിനു തുല്യം ആയിരുന്നു.....

കോളേജ് കഴിഞ്ഞിട്ടും ഇടക്കിടെ ഞാൻ അവളെ പോയി കണ്ടിരുന്നു.... ഫോൺ വിളിയിലൂടെ ഞങ്ങൾ എന്നും പ്രണയിച്ചു.... അവളെ നേടാൻ വേണ്ടി ഞാൻ ഒരു ജോലിക്കു ശ്രമിച്ചു കൊണ്ടിരുന്നു... അതിന്റെ ഫലമായി ഒരു പ്രൈവറ്റ് സ്ഥാപനത്തിൽ എനിക്ക് ക്ലാർക്ക് ആയി ജോലി കിട്ടി.... അപ്പോഴേക്കും അവൾക്കു വീട്ടിൽ കല്യാണം ആലോചിച്ചു തുടങ്ങിയിരുന്നു..... ഈ ജോലിയും അവളുടെ അച്ഛനെ തൃപ്തി നൽകില്ല എന്ന് എനിക്ക് അറിയാം,, പക്ഷെ ന്റെ അച്ചുവിനെ കൈ വിടാൻ മനസ്സ് അനുവദിക്കുന്നില്ല... അച്ചുവിന്റെ കാര്യം അമ്മയെ അറിയിച്ചു... ന്റെ ഇഷ്ടങ്ങൾ എന്നും സാധിച്ചു തന്ന അമ്മ ഇതും സമ്മതിച്ചു..... ആ സമ്മതം എനിക്ക് എന്നെ കിട്ടിയതാണ്....

പക്ഷെ അവളുടെ ആലോചനയും ആയി പോയ ഞങ്ങളെ ജാതിയുടെയും പണത്തിന്റെയും അളവുകോൽ കൊണ്ട് തൂക്കി അയാൾ അപമാനിച്ചു.... അച്ഛൻ മരിച്ചതിനു ശേഷം ന്റെ അമ്മ കരയുന്നതു ഞാൻ കണ്ടു..... ഒരു മാസത്തിനുള്ളിൽ അവളുടെ വിവാഹം നടത്തും എന്ന് അയാൾ എന്നോട്  വെല്ലുവിളിച്ചു.....

അങ്ങനെ കോളേജിലെ സുഹൃത്തുക്കൾ കൂടി ചേർന്ന് വിവാഹം രജിസ്റ്റർ ചെയ്യാനുള്ള തീരുമാനം എടുത്തു.,, എനിക്കും സമ്മതം ആരുന്നു കാരണം അവളെ നഷ്ടപ്പെടാൻ ഒരിക്കലും ഞാൻ ആഗ്രഹിച്ചിട്ടില്ല.... അവളെ ഞാൻ കാര്യങ്ങൾ ഫോണിലൂടെ പറഞ്ഞു മനസ്സിലാക്കി.... എന്നെ കെട്ടിയില്ലേ മരണം മാത്രമെന്നു കരുതിയ അവൾക്കു ഇത് പുതു ജീവിതത്തിലേക്കുള്ള വഴി ആയിരുന്നു....

അങ്ങനെ അവളുടെ അച്ഛൻ ബിസിനെസ്സ് ആവശ്യത്തിനു പുറത്തുപോയ ഒരു നാൾ ഞാൻ അവളെ വീട്ടിൽ നിന്നും ഇറക്കി എന്റെ ഒരു ബന്ധുവിന്റെ ആളില്ലാത്ത വീട്ടിൽ കൊണ്ടു വന്നു.... പിറ്റേന്ന് രജിസ്റ്റർനു വേണ്ട കാര്യങ്ങൾ എല്ലാം ഫ്രണ്ട്സ് ശരിയാക്കാം എന്ന് ഉറപ്പു തന്നിരുന്നു.....ദൈവം ഞങ്ങളെ ഒന്നിപ്പിച്ച സന്തോഷത്തിൽ താലി കെട്ടിന് മുൻപ് തന്നെ അവളെ എല്ലാ അർത്ഥത്തിലും അന്ന് സ്വന്തമാക്കി.... അതും അവളുടെ ശരീരത്തോട് തോന്നിയ ഭ്രമം കൊണ്ടല്ല അവളുടെ പ്രണയത്തിന്റെ ശക്തികൊണ്ട് സംഭവിച്ചതാണ്.....

ദൈവം എത്ര ക്രൂരൻ ആണ്..,, എല്ലാം കൈ കുമ്പിളിൽ നൽകിയിട്ട് തട്ടി തെറിപ്പിച്ചു ഒരു ആക്‌സിഡന്റിന്റെ രൂപത്തിൽ.... രജിസ്റ്റർ ഓഫീസിലേക്ക് പോയ ഞങ്ങൾ എത്തിപ്പെട്ടത് ഹോസ്പിറ്റലിൽ ആണ് നിസ്സാര പരുക്കുകളോടെ ഞാൻ രക്ഷപെട്ടപ്പോൾ ന്റെ അച്ചുവിനെ തലയ്ക്കു സാരമായി പരിക്ക്‌ പറ്റി ഹോസ്പിറ്റലിൽ പ്രവേശിപ്പിച്ചു..... ജയിച്ചെന്നു കരുതിയ ജീവിതം ഒറ്റ നിമിഷം കൊണ്ട് തോറ്റു പോയ അവസ്ഥ.... ചെറുപ്പത്തിലേ അച്ഛനെ കൊണ്ട് പോയ ദൈവത്തോട് വെറുപ്പ് ആരുന്നു.... പക്ഷെ അന്ന് ഞാൻ കണ്ണൂനീർകൊണ്ട് ദൈവത്തിനു അർച്ചന നടത്തി ന്റെ അച്ചുവിന്റെ ജീവനായി....

ഡോക്ടറുടെ നിർദേശ പ്രകാരം അവളുടെ അവസാന നിമിഷം ഒരു നോക്ക് കാണാൻ എനിക്കു അനുവാദം കിട്ടി.... കണ്ടു... ഞാൻ ന്റെ അച്ചുവിനെ സംസാരിക്കാൻ കഴിയാതെ വേദന കടിച്ചു കിടക്കണ അവളെ..... അവിടെ വച്ച് തന്നെ അവളുടെ ആഗ്രഹ പ്രകാരം അമ്പലത്തിൽ നിന്നു പൂജിച്ചു കൊണ്ട് വന്ന താലി ഞാൻ അവളുടെ കഴുത്തിൽ അണിയിച്ചു,,  ഒരു നിമിഷതേക്ക് എങ്കിലും അവളെ ഞാൻ ഭാര്യ ആക്കി.....അവസാന ശ്വാസം വെടിയുന്നതിനു മുന്നെ അവൾ ഒന്നേ ആവശ്യപീട്ടുള്ളു ഞാൻ ഒരു വിവാഹം കഴിക്കണം എന്നു,,, അവളല്ലാതെ മറ്റൊരു പെണ്ണിനെ കുറിച്ച് ചിന്തിക്കാത്ത എനിക്ക് അതൊരു പരീക്ഷണം നിറഞ്ഞ നിമിഷം ആരുന്നു....,, ഒടുവിൽ ന്റെ അച്ചുന്റെ അവസാന ആഗ്രഹം ഒരു പൊട്ടിക്കരച്ചിലോടെ എനിക്ക് സമ്മതിക്കേണ്ടി വന്നു.....

പിന്നീട് ഒരു ഭ്രാന്തൻ ജീവിതം ആരുന്നു എന്റേത്..... മദ്യത്തിന് അടിമയായി,, ആ ലഹരിയിൽ ആശ്വാസം കണ്ടെത്തി..,, എവിടെയും അച്ചുവിന്റെ മുഖം മാത്രം,,, ഒരു മുറിയിൽ കഴിച്ചു കൂട്ടി... അമ്മയും പെങ്ങളെയും ഒരുപാടു വിഷമിപ്പിച്ചു... എല്ലാവരോടും വെറുപ്പ് മാത്രം.... ജോലിക്ക് പോകാതെ ഉണ്ണാതെ ഉറങ്ങാതെ എന്റേതായ ഒരു ലോകം അവിടെ അച്ചു മാത്രം.... ഇതിനിടയിൽ പല തവണ മരിക്കാൻ തുനിഞ്ഞു ദൈവം അവിടെയും എന്നെ തുണച്ചില്ല.... നാളുകൾ മാസങ്ങൾക്കും,, മാസങ്ങൾ വര്ഷങ്ങള്ക്കും വഴി മാറി പോയി...

അമ്മയുടെ പെട്ടെന്നുള്ള ഒരു നെഞ്ചു വേദനയാണ് എന്റെ മനസ്സിനെ തിരികെ വരാൻ പ്രേരിപ്പിച്ചത്.... അമ്മക്ക് വേണ്ടി സച്ചു ആ പഴയ സച്ചു ആകാൻ തീരുമാനിച്ചു... നീ പറഞ്ഞിലേ അവൾ എന്നെ തേച്ചു പോയിന്നു അതേടീ അവൾ എന്നെ തേച്ചു ദൈവത്തിന്റെ കൂടെ പോയി... എന്നെ തനിച്ചു ആക്കി പോയവളോട് എനിക്ക് വെറുപ്പാടീ... ആ അവളോടുള്ള  വെറുപ്പിൽ നിന്നു  ആണ് നമ്മുടെ വിവാഹം പോലും നടന്നത്.....

"അങ്ങനെ ആണ് ഞാൻ നിന്നെ കെട്ടിയത് "

ഓർമകളിൽ നിന്നും ഞാൻ ഉണർന്നു ആതിരയോട് പറഞ്ഞു....

എല്ലാം കേട്ടുകൊണ്ട് എന്നെ തന്നെ നോക്കി നിൽക്കുകയാണ് ആതിര അപ്പോഴും...

ഞാൻ തുടർന്നു....

"അമ്മക്ക് വേണ്ടി ആണെങ്കിലും... കല്യാണത്തിന് ശേഷം മനസ്സുകൊണ്ട് ഞാൻ നിന്നെ സ്വീകരിക്കാൻ തയ്യാറായിരുന്നു... എപ്പോഴൊക്കെയോ നിന്നിൽ ഞാൻ ന്റെ അച്ചുന്റെ വായാടിത്തരവും കുറുമ്പും കണ്ടു... അത് എനിക്ക് നിന്നോടുള്ള ഇഷ്ടം കൂട്ടി... നിന്റെ ഇഷ്ടം നേടാൻ ആരുന്നു പിന്നെ ന്റെ ശ്രമം മുഴുവൻ... എന്റെ ഓർമകളെ പതിയെ മറക്കാൻ തുടങ്ങി.... നിന്നോടൊപ്പം ഒരു ജീവിതം ഞാനും സ്വപ്നം കാണാൻ തുടങ്ങി...,,,  അന്ന് സുധിയുടെ വീട്ടിൽ പാർട്ടിയുടെ അന്ന് എന്റെ അച്ചു മരിച്ച ദിവസം ആരുന്നു... പക്ഷെ അന്ന് ഞാൻ വീട്ടിലേക്കു വരുന്ന വഴിയിൽ ഒരു അപരിചിതനെ കണ്ടു താടിയും മുടിയും വളർത്തി..,,അഴുക്കു പുരണ്ട വേഷത്തിൽ മലിന ജലം കുടിക്കുന്ന ഒരു മനുഷ്യനെ.. കോടീശ്വരൻ ആയ ഗോവിന്ദ മേനോൻ... ന്റെ അച്ചുന്റെ അച്ഛനെ....

കേട്ടത് വിശ്വസിക്കാൻ ആവാതെ ആതിര ഞെട്ടി....

"മകൾ പോയ വിഷമത്തിൽ ഭ്രാന്തൻ ആയി മാറിയ പാവം അച്ഛൻ.....ഒരു കണക്കിന് ഞാനല്ലേ അദ്ദേഹത്തിന്റെ ഈ അവസ്ഥക്ക് കാരണക്കാരൻ.... അന്ന് വീണ്ടും മറന്ന ഓർമ്മകൾ എന്നെ അലട്ടാൻ തുടങ്ങി.... അത് മറക്കാൻ ആടീ അന്നു ഞാൻ കുടിച്ചത്... അന്നത്തെ ആ ഓർമകളിൽ ആണ് ഞാൻ ഒരു ഭർത്താവും ചെയ്യാത്ത കൊടും പാപം നിന്നോട് ചെയ്തത്.... പാപി ആണ് ഞാൻ... എല്ലാം നിന്നോട് പറയാഞ്ഞത് എന്റെ തെറ്റാണു.... ഇപ്പോൾ എന്റെ മനസ്സു എനിക്ക് കൈമോശം വന്നു...  വീണ്ടും ഞാൻ ഒരു ഭ്രാന്തൻ ആയി മാറാൻ പോകുന്നു... ഇപ്പോൾ നിനക്ക് എന്നോട് ഉള്ള വെറുപ്പിൽ തന്നെ ഈ തീരുമാനം ഞാൻ എടുക്കുകയാണ്... നിന്റെ ജീവിതത്തിൽ ഇനി ഞാൻ എന്ന പാപി വേണ്ട....

നമുക്ക് പിരിയാം ആതിര......."

ഒരു ഉറച്ച തീരുമാനത്തോടെ ഞാൻ അത് അവളോട്‌ പറഞ്ഞു.....

തുടരും.....

ഓർമ്മകൾ   6

ഒരു പുതിയ പ്രഭാതം കൂടി....... ഉറക്കം ഉണർന്ന ഞാൻ ആ  മുറിയുടെ വരാന്തയിൽ ഇരുന്നുകൊണ്ട് പുലരി ആസ്വദിച്ചു........
ഒരു വർഷം എത്ര പെട്ടെന്നാണ് കടന്നു പോയത്.... ഞാൻ മെല്ലെ എന്റെ ആതിരയെ  അവസാനമായി കണ്ട ദിവസത്തെ ഓർമകളിലേക്ക് യാത്രയായി.....

നമുക്ക് പിരിയാം എന്നു പറഞ്ഞു വീട്ടിൽ നിന്നും ഇറങ്ങിപോയ ഞാൻ അവൾക്കു പറയാനുള്ളതു കേട്ടില്ല.... രാത്രി തിരികെ വൈകി വന്ന തന്നെ കാത്തിരുന്ന തന്റെ പാതിയെ ഞാൻ നോക്കിയില്ല.... പക്ഷെ അപ്പോഴൊക്കെയും തന്റെ മനസ്സിൽ അവളുടെ ജീവിതം ഞാൻ കാരണം നശിപ്പിച്ചു എന്ന കുറ്റബോധം ആയിരുന്നു.... ഒരു പക്ഷെ അമ്മ ഈ സത്യം അറിഞ്ഞാൽ..,, അത് അമ്മക്ക് താങ്ങാൻ ആവില്ല,, ഈ പാപിയെ അമ്മയും വെറുക്കും,,... ഇല്ല ഇനിയും ഇവിടെ നിന്നാൽ ശരിയാവില്ല... ആ രാത്രി തന്നെ ഒരു കത്തിലുടെ ആരതിക്ക്  എല്ലാത്തിനും മാപ്പ് എഴുതി വച്ചിട്ട് ഞാൻ ന്റെ വീടിന്റെ പടിയിറങ്ങി....

പിന്നീട് ഒരു തരം ഒളിച്ചോട്ടം ആരുന്നു.... എല്ലാവരിൽ നിന്നും ഒരുപാടു ദൂരെ ഒരിടത്ത് പോകാനായി.... ഞാൻ എന്ന വലിയൊരു തെറ്റ്  ആ നല്ല ആളുകൾക്ക്‌ ഇടയിൽ വേണ്ടാന്നു തോന്നി... ഒരു തരം അലച്ചിൽ... ചെയ്ത പാപങ്ങൾക്ക് ഉള്ള ശിക്ഷ സ്വയം അനുഭവിക്കണം.... അങ്ങനെ ആണ് ഈ അനാഥ മന്ദിരത്തിൽ എത്തിയത്.... ഇവിടുത്തെ മുരളിയേട്ടൻ എനിക്ക് ഇവിടെ ജോലി തന്നു,, എന്നെ ഒരു അനിയനെ പോലെ കരുതി സ്നേഹിച്ചു.... അപ്പോഴും എന്റെ മനസ്സിൽ ആതു ഒരു വിങ്ങൽ ആയി തുടർന്നു.... അവളോട്‌ തെറ്റ് ചെയ്തതായി തോന്നും ഇടക്ക്... പക്ഷെ ഇനി അവളെ നേരിടാൻ ഉള്ള മടി കാരണം പോകാനുള്ള ന്റെ ശ്രമം ഞാൻ പല തവണ ഉപേക്ഷിച്ചു....എന്റെ മനസ്സിന്റെ വിങ്ങൽ മനസ്സിലായ മുരളി ഏട്ടനോട് എനിക്ക് കുറച്ചു ദിവസങ്ങൾക്ക് മുൻപ് എല്ലാം പറയേണ്ടി വന്നു... അപ്പോഴാണ് മനസ്സിന് കുറച്ചു ആശ്വാസം കിട്ടിയത്.......

എയ് ഇല്ല അവൾ സന്തോഷമായി ഇരിക്കട്ടെ... ന്റെ ഓർമ്മകൾ പോലും അവളെ വേദനിപ്പിക്കാൻ പാടില്ല.....
ഇനി ഇതാണ് ന്റെ ലോകം... ഈ കുരുന്നുകൾക്ക് ഒരു സംരക്ഷണ വലയം തീർത്തു ഞാൻ ഇവിടെ ജീവിച്ചു മരിച്ചോളാം... ഓർമ്മകളിൽ നിന്നും ഉണർന്ന ഞാൻ എന്റെ ജോലികൾ തുടങ്ങി....

അന്ന് അവിടെ ഏതോ ഒരു നല്ല മനുഷ്യന്റെ വക കുട്ടികൾക്ക്  ആഹാരം ഉണ്ടാരുന്നു.... അതിന്റെ തിരക്കിൽ ആരുന്നു ഞാനും മറ്റുള്ളവരും.....
പെട്ടെന്നാണ് മുരളിയേട്ടൻ എന്നെ അദ്ദേഹത്തിന്റെ ഓഫീസ് റൂമിലേക്ക്‌ വിളിക്കുന്നത്..... കാര്യം അറിയാതെ ചെന്ന ഞാൻ അദ്ദേഹത്തെ കണ്ടു കാര്യം തിരക്കി...

അപ്പോഴാണ് എതിരെ ഇരുന്ന വ്യക്തിയെ ഞാൻ കാണുന്നത്...... ന്റെ സർവ ശക്തിയും പോകുന്നതു പോലെ ശരീരം തളർന്നു....

"അമ്മാ....,, "
ഞാൻ മന്ത്രിച്ചു
അപ്പോൾ എന്റെ തോളിൽ ഒരു കൈ അമർന്നു... ഞാൻ ഞെട്ടി തിരിഞ്ഞു നോക്കി...

"സുധി.... "
എനിക്ക് വിശ്വസിക്കാൻ കഴിഞ്ഞില്ല....

"തീരെ പ്രതീക്ഷിച്ചില്ല ഞങ്ങളെ അല്ലെ "
അമ്മയാണ് അത് ചോദിച്ചത്....

ഒരു വാക്ക് പോലും ഞാൻ മിണ്ടിയില്ല... കഴിഞ്ഞില്ല....

"അതെങ്ങനാ അമ്മേ അവൻ മരിച്ചു കഴിഞ്ഞില്ലേ.... മരിച്ച ആള് സംസാരിക്കുമോ "

അമ്മ എന്റെ അടുത്തേക്ക് നടന്നടുത്തു... ആ കണ്ണുകൾ ചുവന്നു..... ആ രോഷം മുഴവൻ പിന്നീട് അമ്മയുടെ കൈകൾ കൊണ്ട് എന്റെ ശരീരത്തിൽ തീർത്തു....
ഞാൻ എല്ലാം ഏറ്റുവാങ്ങി.... ഒടുവിൽ അത് ഒരു കരച്ചിൽ ആയി ന്റെ നെഞ്ചിലെക്ക് വീണു....

"ഇതു ന്റെ മോൾക്ക് വേണ്ടിയാ മോനെ..... അവളോട്‌ നീ ചെയ്ത തെറ്റുകൾക്ക് ഇങ്ങനെയെങ്കിലും ഒരു പരിഹാരം ആകട്ടെന്നു കരുതിയ അമ്മ... "
അമ്മ പൊട്ടി കരഞ്ഞു.....
എനിക്കും അമ്മയുടെ കണ്ണീരു കണ്ടു നില്കാൻ ആയില്ല... ഞാനാ കാലിലെക്ക് വീണു മാപ്പു ചോദിച്ചു...

"എന്തിനാരുന്നു സച്ചു നിന്റെ ഈ ഒളിച്ചോട്ടം... ആർക്കു വേണ്ടി "
സുധി ചോദിച്ചു....

"ഞാൻ ഒരു പാപി ആണ് സുധി... എല്ലാവർക്കും ഞാൻ ദ്രോഹം മാത്രെ ചെയ്തിട്ടുള്ളു... ആ ഞാൻ പോയാൽ എല്ലാവർക്കും സന്തോഷം കിട്ടുമെങ്കിൽ "
വാക്കുകൾ മുഴുവൻ ആകാൻ എനിക്ക് കഴിഞ്ഞില്ല.... കണ്ണീർ ഒഴുകി കൊണ്ടേയിരുന്നു....

"എത്ര എളുപ്പമാണ് നീ ആ തീരുമാനം നടപ്പിൽ ആക്കിയത്.... പക്ഷെ അതുകൊണ്ട് മറ്റുള്ളവരുടെ ജീവിതം എങ്ങനെ ആയി തീരുമെന്ന് നീ ഒരിക്കൽ എങ്കിലും ആലോചിച്ചോ സച്ചു..... നിന്റെ അമ്മയെ കുറിച്ച് ആലോചിച്ചോ..,,?? അവർ എങ്ങനെ ജീവിക്കുന്നു എന്നു നീ ചിന്തിച്ചോ... ??"

എനിക്ക് ഒന്നിനും ഉത്തരം പറയാൻ കഴിഞ്ഞില്ല.... അല്ല എനിക്ക് ഒന്നിനും ഉത്തരം ഇല്ലാരുന്നു....

സുധി തുടർന്നു....

"നീ ആതിരയുടെ  ഭാവി എന്താകും എന്നു ചിന്തിച്ചില്ലലോടാ.... "

"ഒരു പെണ്ണിനോടും ചെയ്യാൻ പാടില്ലാത്ത തെറ്റ് ആണ് ഞാൻ അവളോട്‌ ചെയ്തത്.... അവൾ അതിൽ എന്നെ ഒരുപാടു വെറുത്തു... ഞാൻ ആണ് അവളുടെ ജീവിതം തകർത്തതു.... ഈ ഒളിച്ചോട്ടം തന്നെ അവളുടെ സന്തോഷം കരുതി ആയിരുന്നു.... "ഞാൻ വിക്കി വിക്കി പറഞ്ഞു....

"നീ ചെയ്ത തെറ്റിനെ മറ്റൊരു തെറ്റ് കൊണ്ടാണോ നീ തിരുത്തുക.... സ്വന്തം ഭർത്താവ് മറ്റൊരു പെണ്ണിനെ മനസ്സിൽ കൊണ്ട് നടക്കുന്നത് ഏതു പെണ്ണാ സഹിക്കുക.... നീ അവളോട്‌ അശ്വതിയുടെ കാര്യം ഒരിക്കലെങ്കിലും തുറന്നു പറഞ്ഞിട്ടുണ്ടോ.... ഇല്ലല്ലോ.... ആ ദേഷ്യത്തിൽ അവൾ ഒന്ന് പൊട്ടിത്തെറിച്ചു എന്നത്കൊണ്ട് അവൾ നിന്നെ വെറുത്തു എന്നു അതിനർത്ഥം ഉണ്ടോടാ..... നീ തന്നെ അല്ലെ ആ സാഹചര്യം ഉണ്ടാക്കിയത്.... അവൾ നിന്റെ കുഞ്ഞിന്റെ അമ്മയുംകൂടി ആയിരുന്നു... അത് നീ മറന്നില്ലേ.... "

"സുധി..... "
ന്തോ... ചെയ്തത് എല്ല്ലാം തെറ്റായിപോയി എന്നു ആദ്യമായി തോന്നിയ നിമിഷം.....

"അശ്വതിയുടെ മനസ്സ് പോലും ആതിരയുടെ  മനസ്സ് വിഷമിപ്പിച്ചു നീ ചെയ്ത ഈ പ്രവർത്തികൾക്ക് മാപ്പു തന്നു എന്നു വരില്ല...നീ അവളുടെ സന്തോഷത്തിനു വേണ്ടി അവളെ  ഒഴിവാക്കിയതാണ് , നീ അവളോട്‌ ചെയ്ത ഏറ്റവും വലിയ പാപം... അവളെ നീറി നീറി ജീവിക്കാൻ വിട്ടില്ലേ നീ..... "

സുധിയുടെ വാക്കുകൾ ന്റെ മനസ്സിൽ അമ്പുകളായി തറച്ചു കൊണ്ടു... ന്റെ ആതുവിന്റെ ചിരിക്കുന്ന മുഖം മാത്രം ഓർമ്മകളിൽ തെളിഞ്ഞു നിന്നു.... മനസ്സിലാക്കാതെ പോയ അവളുടെ സ്നേഹം തിരിച്ചറിയാൻ വൈകി പോയി...... എന്റെ കുഞ്ഞിനെ പോലും ഞാൻ അവഗണിച്ചു..... എത്രയും പെട്ടെന്നു അവളുടെ അരികിൽ എത്താൻ ന്റെ മനസ്സ് കൊതിച്ചു......

"സുധി...  ""
ഞാൻ പൊട്ടി കരഞ്ഞുകൊണ്ട് അവനെ കെട്ടി പിടിച്ചു.....
"എനിക്ക് അവളെ കാണണം.... ചെയ്ത തെറ്റിന് അവളോട്‌ മാപ്പ് പറയണം.... ന്റെ കുഞ്ഞിനെ എനിക്ക് കാണണം... അവള് തരുന്ന എന്ത് ശിക്ഷയും ഞാൻ വാങ്ങാം.... "
ഞാൻ കരഞ്ഞു പറഞ്ഞു.....

ഇതു കണ്ട അമ്മയും പൊട്ടി കരഞ്ഞു...

കണ്ണിൽ നിന്നും പൊടിഞ്ഞു വീണ തന്റെ കണ്ണീർ തുടച്ചുകൊണ്ട് സുധി പറഞ്ഞു....

"വൈകി പോയടാ..... അവൾ ഇന്നു
ഈ ലോകത്തിൽ ഇല്ല.......... "

ശ്വാസം നിലച്ചു പോയേക്കാം എന്ന രീതിയിലേക്ക് ഞാൻ എത്തി.......
ഞാൻ അലറി കരഞ്ഞു...................

തുടരും.....

ഓർമ്മകൾ   7  (അവസാന ഭാഗം )

"അതെ ടാ അവൾ ഇന്ന് ഈ ലോകത്തില്ല ....
ഞങ്ങളെല്ലാം ജീവിക്കുന്ന ഈ ലോകത്തു നിന്നു അവൾ എന്നെ പോയി .....അവൾ ഇപ്പോൾ ജീവിക്കുന്നത് മുഴുവൻ നിന്റെ ഓർമ്മകളുടെ ലോകത്താണ് ......"

ഒന്നും മനസ്സിലാകാതെ ഞാൻ സുധിയെ നോക്കി ......

അവൻ തുടർന്നു .....

"അന്നു നീ വീട്ടിൽ നിന്ന് ഇറങ്ങിയത് അവളുടെ ശരീരത്തെ വിട്ടു ആണു,, ആ മനസ്സ് നിന്റെ പുറകെ ആയിരുന്നു .....നിന്റെ ആ കത്ത് വായിച്ചതിനു ശേഷം അവൾ ചിരിച്ചിട്ടില്ല ..,,ഒന്ന് കരഞ്ഞിട്ടില്ല ..,,ഒരു തരം നിർവികാരത ആയിരുന്നു ...അശ്വതിയുടെ മരണശേഷം നീ എങ്ങനെ ആയോ അതു പോലെ ...അല്ല അതിലും ഉപരിയായി അവൾ തളർന്നു ....നിന്റെ ഒളിച്ചോട്ടത്തിനു കാരണകാരി താൻ ആണല്ലോ എന്ന കുറ്റബോധം പേറി അതിനുള്ള ശിക്ഷ സ്വയം അവൾ അനുഭവിക്കുക ആയിരുന്നു ....അവളുടെ വീട്ടുകാർ എത്ര ശ്രമിച്ചിട്ടും  അവളുടെ വീട്ടിലേക്കു പോയില്ല ..,, നിന്റെ ആ മുറിവിട്ടു പുറത്തേക്കു വരാൻ അവൾ ആഗ്രഹിച്ചിട്ടുമില്ല അതിനു ആരെയും  സമ്മതിച്ചിട്ടുമില്ല  ...,,നിന്റെ ഒരു ഫോട്ടോയും നെഞ്ചോട് ചേർത്ത്  ദൂരേക്ക് നോക്കി നിന്റെ ഓർമ്മകൾ മാത്രമുള്ള ലോകത്തു ജീവിച്ചു ...."

കേട്ടത് താങ്ങാൻ ആവാതെ ഞാൻ പരിസരം മറന്നു നിലവിട്ടു കരഞ്ഞു .....
തെറ്റുകളിൽ നിന്ന് തെറ്റുകളിലേക്ക് ആയിരുന്നു ന്റെ യാത്ര എന്നു തിരിച്ചറിഞ്ഞ നിമിഷം ....

"കൊടുക്കാവുന്ന ചികിത്സ അവൾക്കു ഞങ്ങൾ കൊടുത്തു ..,,അപ്പോഴും ഡോക്ടർ പറഞ്ഞത് നിന്റെ കരുതലും സ്നേഹവും കിട്ടാതെ ചികിത്സ കൊണ്ട് ഒരു ഗുണവും ഇല്ലെന്നാണ് ....പിന്നീടുള്ള നാളുകൾ നിന്നെ തേടി അലയുക ആയിരുന്നു നമ്മുടെ കൂട്ടുകാർ ....പോകാത്ത സ്ഥലങ്ങൾ ഇല്ലാ ....പക്ഷെ നിന്റെ ഒരു വിവരവും കിട്ടിയില്ല ....ഇതിനിടക്ക് അവൾ നിന്റെ മോളെയും പ്രസവിച്ചു ....ആ കുഞ്ഞിനെ പോലും ഒന്ന് താലോലിക്കാൻ അവൾക്കു കഴിഞ്ഞില്ല ....കാരണം അവൾക്കു നിന്റെ ഓർമകളിൽ ജീവിക്കാൻ ആരുന്നു ഇഷ്ടം ....നീ കാരണം നിന്റെ കുഞ്ഞിനു അമ്മയുടെ സ്നേഹം നഷ്ടപ്പെട്ടു ....ഇനിയും ഇതു തുടർന്നാൽ ആതിരയുടെ ജീവൻ വരെ അപകടത്തിൽ ആയേക്കാം എന്നാണ് ഡോക്ടർ പറഞ്ഞത് ....അപ്പോഴാണ് ദൈവദൂതനെ പോലെ മുരളിയേട്ടൻ അമ്മയെ വിളിക്കുന്നത് ....അങ്ങനെ ആണ് ഞങ്ങൾ ഇവിടെ എത്തിയത് ..."

"സുധി .......എനിക്ക് .....എനിക്ക് ...ന്റെ ആതിരയെ കാണണം ടാ .....ഞാൻ ചെയ്ത തെറ്റുകൾക്ക് എല്ലാം അവളോട് മാപ്പു പറയണം ....ഇല്ലെങ്കിൽ ന്റെ അച്ചു പോലും എന്നെ വെറുക്കും .....എനിക്കു എന്റെ കുഞ്ഞിനേയും അവളുടെ അമ്മയെയും വേണമെടാ ....."
ഞാൻ സുധിയെ കെട്ടിപിടിച്ചുകൊണ്ട്  കരഞ്ഞു പറഞ്ഞു .....

ഇതെല്ലാം കണ്ട് 'അമ്മ സന്തോഷാശ്രു പൊഴിച്ചു .....

"മുരളിയേട്ടാ നക്‌ പോണം ഏട്ടാ ന്റെ ആതുവിന്റെ അടുത്തേക്ക് .....ഞാൻ പോകുവാ ഏട്ടാ "

"നീ പോണം മോനെ ,,നീ അവിടെ വേണം ഇനി ...എന്നിട്ടു നിന്റെ ആതിരയെ തിരിച്ചു ജീവിതത്തിലേക്ക് കൊണ്ട് വാ ....നിന്റെ സാമിഭ്യം ഒന്നു നഷ്ടമായപ്പോഴേക്കും മനസ്സിന്റെ താളം തെറ്റി എന്നു വച്ചാൽ അവൾ നിന്നെ എത്രത്തോളം സ്നേഹിക്കുന്നു എന്നു അറിയാൻ കഴിയും ...അത്രയൊക്കെ പോരെടാ നിനക്കു  ദൈവം തന്ന നിധി ആണ് അവൾ എന്ന് മനസ്സിലാക്കാൻ .....ഇത്രയും നാൾ നീ കലങ്ങി മറിഞ്ഞ മനസ്സുമായിട്ടാണ് ജീവിച്ചത് ഇപ്പോൾ എല്ലാം തെളിഞു ശുദ്ധി വന്നിരിക്കുന്നു ....ഇനി നീറുന്ന ഓർമ്മകൾ ഒരിക്കലും നിന്നെ വേട്ടയാടില്ല ......പോ ...എന്നിട്ടു ഒരിക്കൽ വരണം നിന്റെ ആതിരയും കുഞ്ഞുമായി ഇവിടേക്ക് ..."
നിറഞ്ഞ പുഞ്ചിരിയോടെ മുരളിയേട്ടൻ പറഞ്ഞു നിർത്തി ....

ഞാൻ ഏട്ടനെ ചേർത്ത് പിടിച്ചു കരഞ്ഞു .....
ഒടുവിൽ എല്ലാരോടും യാത്ര പറഞ്ഞു അമ്മയെയും സുധിയേയും കൂട്ടി എന്റെ വീട്ടിലേക്കു ...ന്റെ ആതിരയുടെ അടുത്തേക്ക് .....ദൂരം കൂടുതൽ പോലെ തോന്നി ...അതോ എത്താനുള്ള എന്റെ അമിതമായ ആഗ്രഹം കൊണ്ട് തോന്നുന്നതാണോ ....നീണ്ട യാത്രക്ക് ശേഷം ഞങ്ങൾ വീട്ടിൽ എത്തി ....

"ആതിര ഒരിക്കലും മുറി വിട്ടു പുറത്തു വരാത്തതിനാൽ ഡോക്ടർ അവളെ ഇവിടെ വന്നാണ് കണ്ടിരുന്നത് "
വണ്ടിയിൽ ഇരുന്നുകൊണ്ട് സുധി പറഞ്ഞു ...

ഞാൻ വണ്ടിയിൽ നിന്നും ഇറങ്ങി ....ഒരു വർഷത്തിന് ശേഷം ഞാൻ ന്റെ വീട്ടിൽ എത്തിയിരിക്കുന്നു .....അവിടെ നിന്നെ കണ്ടു മുറ്റത് എന്നെയും നോക്കി നിൽക്കുന്ന അവളുടെ അച്ഛനെ ...,,ഞാൻ അരികിലേക്ക് ചെന്നതും നിറകണ്ണുകളും ആയി ആ മനുഷ്യൻ എനിക്ക് നേരെ യാചനയുടെ സ്വരത്തിൽ കൈ കൂപ്പി ....ഞാനാ കരങ്ങളെ കൂട്ടിപ്പിടിച്ചു അച്ഛനെ കെട്ടിപിടിച്ചു കരഞ്ഞു ....ഇനി മകളെ കൈ വിടില്ലന്നു മനസുകൊണ്ട് വാക്ക് കൊടുത്തു .....

ഞാൻ നേരെ പോയത് ന്റെ മുറിയിലേക്കാണ് ന്റെ ആതിര മരിച്ചു ജീവിക്കണ മുറിയിലേക്ക് ...

കണ്ടു ഞാൻ അവളെ,, ന്റെ ഫോട്ടോയും ചേർത്ത് പിടിച്ചു ദൂരേക്ക് നോക്കിയിരിക്കുന്ന ആ രൂപത്തെ ...ചേട്ടായിനു വിളിച്ചു വായാടിത്തരവും പൊട്ടത്തരവും മാത്രം പറയുന്ന ..,,എപ്പോഴും മിണ്ടി ആളുകളെ ചിരിപ്പിക്കുന്ന അവളെ ആ രൂപത്തിൽ കണ്ടപ്പോൾ ന്റെ ചങ്കു പിടഞ്ഞു ....ഞാൻ അവളുടെ അരികിലേക്ക് ചെന്നിരുന്നു ....വിറക്കുന്ന കൈകളാൽ അവളെ ഒന്ന് തൊട്ടു ...വിളിച്ചു ...

"ആതിരാ ......"
അവൾ കേട്ടില്ല ....അല്ല നടിക്കുവാ ,,പിണക്കം ആരിക്കും .....

"ആതിര ഒന്ന് നോക്ക് മോളെ നിന്റെ ചേട്ടായി വന്നടി .....നിന്റെ സന്തോഷത്തിനു വേണ്ടിയാ ചേട്ടായി പോയെ ...പക്ഷെ അതിനു നീ ഇങ്ങനെ നീറി ജീവിച്ചു എന്നോട് പ്രതികാരം ചെയുന്നു ഞാൻ അറിഞ്ഞില്ല ....എല്ലാം എന്റെ തെറ്റാ ....ഞാൻ നിന്നോട് മാപ്പു ചോദിക്കുന്നു ...ഇനി ഒരിക്കലും നിന്നെ തനിച്ചാക്കി ഞാൻ പോവില്ലെടീ ..."
ഞാൻ ആ മുഖം കൈകുമ്പിളിൽ എടുത്തു വച്ച് കരഞ്ഞുകൊണ്ട് പറഞ്ഞു ...

അപ്പോഴും മുഖത്തു നിർവികാരത ആയിരുന്നു ....

"നമ്മള് ഇപ്പോഴും സുഹൃത്തുക്കൾ ആണ് ....ഇനി നമുക് പ്രണയിക്കണ്ടേ മോളെ ....നമ്മുടെ കുഞ്ഞിന് നിന്നെ വേണം അവളുടെ അമ്മയായി എനിക്ക് നിന്നെ വേണം എന്റെ ആതുവായ് ,,ന്റെ പെണ്ണായി ..."
അവളെ നെഞ്ചോട് ചേർത്ത് കൊണ്ട് ഞാൻ പൊട്ടി കരഞ്ഞു ....
അപ്പോൾ ഒരു കൈ എന്നെ തലോടുന്നതായി തോന്നി ....ആ കണ്ണുകളിൽ നിന്നും അശ്രു പൊഴിഞ്ഞത് ഞാൻ കണ്ടു ...അവൾ ഒന്നും മിണ്ടിയില്ലെങ്കിലും ആ കണ്ണുനീർ അത് എന്നെ തിരിച്ചറിഞ്ഞതിന്റെ അടയാളം ആണ് ...
മതി ഇതു മതി..... ന്റെ ആതിരയെ ഞാൻ തിരിച്ചു കൊണ്ട് വരും എന്റെ ജീവിതത്തിലേക്ക് ....

അപ്പോഴേക്കും അവിടേക്കു അമ്മ ന്റെ മോളെ കൊണ്ട് വന്നു ...ഞാൻ അവഗണിച്ച ന്റെ പൊന്നിനെ മാറോട് ചേർത്ത് ഞാൻ ഉമ്മകൾ കൊണ്ട് മൂടി  ...അവളെയും മോളെയും ചേർത്ത് പിടിച്ചു ഞാൻ നല്ല ഓർമകളുടെ വസന്ത കാലം വരുന്നതും നോക്കി ഇരുന്ന്നു ......

******************************************

4 വര്ഷങ്ങള്ക്കു ശേഷം ഉള്ള ഒരു രാത്രി കാലം ....

"ചേട്ടായി....ഉറങ്ങിയോ ...."

"നീ വരാതെ ഞാൻ ഉറങ്ങാനോ ....അച്ചുമോൾ എന്തിയെ ...."

"അവളെ അമ്മയുടെ കൂടെ കിടത്തി ...."

"ആഹാ ....വെരി ഗുഡ് ...അപ്പുനേം അവിടെ കിടത്താൻ പാടില്ലാരുന്നോ  ......"

"വോ.... വേണ്ട .."

"ഗോവിന്ദ മാമ്മയെ ഇങ്ങോട് വിളിച്ചോണ്ട് വരാത്ത എന്നാ ചേട്ടായി ..... ആ വീട്ടിൽ എന്തിനാ ഒറ്റക് കഴിയണേ ..."

"ഞാൻ ഒരുപാടു പറഞ്ഞു നോക്കി,,കേൾകണ്ടെയ്‌ .....അശ്വതിയുടെ ഓർമ്മകൾ ഉള്ള ആ വീട്ടിൽ നിന്നും വരില്ലെന്ന പറയണേ ...ഇടക്ക് നമ്മുടെ അച്ചുനെ കൂട്ടി അങ്ങൊട് ഇറങ്ങണം എന്നു പറഞ്ഞു ....അവളെ കാണുമ്പോ അശ്വതിയെ ഓര്മ വരുമെന്ന് ...."
ഞാൻ ഒരിറ്റു കണ്ണുനീർ പൊഴിച്ചു പറഞ്ഞു ...

അത് മനസ്സിലാക്കി എന്നോണം അവൾ അടുത്ത അടവ് ഇറക്കി ...

"ചേട്ടായി ..."

"പറയടി ...."

"ചേട്ടായി ഞാൻ ഒരു കാര്യം പറയട്ടോ ....സാധിച്ചു തരുവോ ...."

"നീ പറയാടീ ....ഞാൻ കേൾക്കട്ടെ ....ബാക്കി പിന്നല്ലേ ..."

"ചേട്ടായി ഗ്രൂപ്പിലെ കഥകളൊക്കെ വായിക്കാറില്ലേ ...."

"ആ ഉണ്ട്‌ ....അതിനു ..."

"ആ കഥകളിൽ എല്ലാം മൂക്കുത്തി ഇട്ട പെണ്ണുങ്ങളുടെ കഥകൾ ഒരുപാടു വരുന്നു ....അത് കണ്ടപ്പോ ഒരു മോഹം എനിക്കും ...."

"അയ്യാ ....ആളുകൾ അങ്ങനെ പലതും എഴുതും ....എനിക്കു ആ മൂക്കുത്തി പ്രാന്ത് ഇല്ല ....അതോണ്ട് മോൾ ആ കലം അടുപ്പത്തുന്നു അങ്ങ് ഇറക്കിയേക്കു കേട്ടോ ...."

"ഓഹ് ...ഈ മുരടനോട് പറഞ്ഞ എന്നെ അടിക്കണം ....നിങ്ങള് നന്നാവില്ല "

"ഹാ ഹാ ഹാ ....ഇപ്പൊ അങ്ങനയോ ..."

"നിങ്ങള് മിണ്ടണ്ട ...പോ ..."

"പിണങ്ങേണ്ട പൊന്നേ ....വേണോങ്കിൽ വേറൊരു കാര്യം വേടിച്ചു തരാം കേട്ടോ ..."

"എന്ത് കാര്യം ..."

"അതെ ....അതെ..,,വേണോങ്കിലേ ഒരു അരഞ്ഞാണം വേടിച്ചു തരാം ....അതാവുമ്പോ എനിക്ക് മാത്രം കാണാലോ ...."

"അയ്യടാ ...ആ പൂതി മോൻ അങ്ങ് മനസ്സിൽ വച്ചേക്കു ...."

"ആ ....വേണ്ടെങ്കിൽ വേണ്ട ...."

കുറച്ചു നേരത്തെ നിശബ്ദതക്കു ശേഷം

"അതെ ....ചേട്ടായി ....."

"എന്താടി ...."

"എപ്പഴാ പോണേ ...."

"എവിടെ പോകാൻ ..."

"അല്ല ......അത് ..."

"പറ മോളെ ..."

"അതെ ആ അരിഞ്ഞാണം വാങ്ങിക്കാൻ എപ്പഴാ പോണേ ..."

"കിടന്നു ഉറങ്ങടീ മാക്കാച്ചി  ...അവളുടെ ഒരു അരഞ്ഞാണം ...."

"പോടാ പട്ടി ...ദുഷ്ടൻ ...."

"ആ ...."

"ആ  ..."
...............................
.....................................

അപ്പോഴും അവരുടെ ഈ സന്തോഷങ്ങൾ എല്ലാം കണ്ടു കൊണ്ട് ആ മുറ്റത്തെ ആകാശത്തു ഒരു നക്ഷത്രം മിന്നുന്നുണ്ടായിരുന്നു  ......

അത് അശ്വതി ആയിരിക്കും അല്ലെ ............

ഇനി അവർ ജീവിക്കട്ടെ നല്ല ഓർമകളും ആസ്വദിച്ചുകൊണ്ട് ................

(എന്റെ ആദ്യ കഥക്കു നിങ്ങൾ തന്ന എല്ലാ അഭിപ്രായങ്ങൾക്കും,, പ്രോത്സാഹനങ്ങൾക്കും ഞാൻ എന്റെ സ്നേഹം അറിയിക്കുന്നു .....എല്ലാവര്ക്കും നല്ല ഓർമ്മകൾ നിറഞ്ഞ ജീവിതം ആസ്വംശിച്ചുകൊണ്ട് ..,,ഇനിയും കാണാം എന്ന പ്രതീക്ഷയോടെ വിട വാങ്ങുന്നു ..........)

manuprasad