കനൽ കാറ്റു
കനൽ കാറ്റ്
**************
ഫുൾ പാർട്ട്
"ഈശ്വരാ എത്ര ആലോചിച്ചിട്ടും
എനിക്ക് മനസിലാവുന്നില്ല
എന്താണെന്റെ ഏട്ടന് പറ്റിയത് എപ്പോളും തൊട്ടതിനും പിടിച്ചതിനുമൊക്കെ എന്റെ മെക്കിട്ട് കേറുന്നല്ലോ '
"എടീ ശ്രുതീ ഇങ്ങോട്ട് വാ"
"ദാ ഞാൻ വന്നു"
"എന്താണിത്"
"ഇത് നിങ്ങളുടെ ഷർട്ട് "
"അതല്ല ഞാൻ ചോദിക്കുന്നത് ഈഷർട്ടിന്റെ കോളർന്റെ മേലെ എന്താണ്"
"നോക്കട്ടെ ഇതോ ഇത് കാറ്റത്ത് മണ്ണ് പാറിയതായിരിക്കും... സാരമില്ല
ഞാൻ അത് കഴുകി വരാം '
അയ്യോ എന്റമ്മേ എന്തിനാണ് ചേട്ടാ
എന്നെ തല്ലുന്നത്
"തല്ലിയാൽ പോരാ നിന്നെ കൊന്നു കളയുകയാണ് വേണ്ടത്.."
"എന്നാൽ അതാണ് നല്ലത് കൊല്ലുമ്പോൾ ഒരിക്കൽ മാത്രം വേദന സഹിച്ചാൽ മതിയല്ലോ ഇതിപ്പോ എപ്പോൾ നോക്കിയാലും നിങ്ങളുടെ തല്ല് വാങ്ങിക്കേണ്ടി വരുന്നു...
എന്റെ ഭഗവാനെ ഗുരുവായൂരപ്പാ
എന്റെ ഈ തലയിലെഴുത്ത് എപ്പോളാ മാറുക.."
"കയ്യിലിരിപ്പ് ശരിയില്ല... എന്നിട്ട് ഭഗവാനെ വിളിക്കുന്നു... കണ്ണ് കണ്ടൂടെ നിനക്ക്... എന്ത് അലക്കിയാലും അതിൽ എന്തെങ്കിലും കുഴപ്പം ഉണ്ടാവും "
"നിങ്ങളെ പോലെ ഭൂത കണ്ണാടി വെച്ചു നോക്കുന്ന ഒരു മനുഷ്യനും ഈ ലോകത്ത് ഉണ്ടാവില്ല."
"അയ്യോ എന്റെ അമ്മേ..തല്ലല്ല
എനിക്ക് വല്ലാതെ വേദനിക്കുന്നു"
"വേദനിക്കട്ടെ അതിന് വേണ്ടിയാണല്ലോ ഞാൻ തല്ലുന്നത്.."
"ഏട്ടാ പോവല്ലാ ഭക്ഷണം കഴിച്ചിട്ട് പോയിക്കോ"
"പോടീ... നിന്റെ ഒരു ഭക്ഷണം
മനുഷ്യന് സമാധാനം തരൂല നീ '
ആയിക്കോട്ടെ.. നിങ്ങൾ തന്നെയല്ലേ ആറു മാസം മുമ്പുവരെ പറഞ്ഞത്
"ശ്രുതി നീ കൈപ്പുണ്യമുള്ളവളാണ്
എന്നെ കിട്ടിയത് ഭാഗ്യമാണ്... എന്റെ പല കൂട്ട്കാരും ദാമ്പത്യജീവിതത്തിൽ പരാജയപെട്ടവരാണ് പക്ഷെ ഞാൻ
ദാമ്പത്യജീവിതത്തിൽ പൂർണ തൃപ്ത്തനാണ് എന്റെ ഭാവനയിലുള്ള ഭാര്യയെ തന്നെ എനിക്ക് കിട്ടി എന്നൊക്കെ '
"എടീ അതൊക്കെ നിന്നെ സോപ്പിടാൻ പറഞ്ഞതല്ലേ "
"അത് ശരി എനിക്ക് അതൊന്നും അറിയില്ല നിങ്ങളുടെ ഒരു
സോപ്പും ചീർപ്പും'
"ചേട്ടാ പോവല്ലാ കഴിഞ്ഞത് കഴിഞ്ഞു
ഇനി ഞാൻ ശ്രദ്ധിക്കാം "
"പോടീ ചിലക്കാതെ... കഴിഞ്ഞത് കഴിഞ്ഞു.... എത്ര പ്രാവശ്യം കേട്ടു ഇത് നിന്റെ വായിൽ നിന്നും"
"ഏട്ടാ, ഏട്ടാ"
ശ്രുതിയുടെ വിളി കേൾക്കാതെ
സജീവൻ നടന്നകന്നു....
ഈശ്വരാ എന്റെ ഈ കഷ്ടപ്പാട്
മാറുമോ ഭൂമിയോളം താണ് കൊടുക്കുന്നു ഞാൻ... എന്റെ അമ്മയെ ഓർത്ത് മാത്രം
ഞാൻ ഈ അനുഭവിക്കുന്ന കഷ്ടപാടുകൾകെല്ലാം കാരണം ആ ബ്രോക്കർ കൃഷ്ണനാണ്
എന്തൊക്കെയാണ് അയാള് അച്ഛനോട് പറഞ്ഞത്...
നിങ്ങൾക് ഈ ബന്ധം കിട്ടിയാൽ നിങ്ങളുടെ മകൾ രക്ഷപെട്ടു എന്ന് കരുതി കോളൂ......
ഭൂമിയിലെ സ്വർഗ്ഗമാണ് ആ വീട്
പാല് പോലത്തെ ചെക്കനാണ്... ബന്ധങ്ങൾ ഒത്തിരി വന്നു അവന്
പക്ഷെ അവന് ആരെയും ഇഷ്ട പെട്ടില്ല
നിങ്ങളുടെ മകളെ സജീവൻ ഇഷ്ടപ്പെട്ടു എന്നത് നിങ്ങളുടെ ഭാഗ്യം തെളിയുന്നു
എന്നതിന്റെ ലക്ഷണമാണ് എന്നൊക്കെ
പാവം എന്റെ അച്ഛൻ ആ ബ്രോക്കറുടെ വാക്കുകൾ വിശ്വസിച്ചു....
ആ ബ്രോക്കറെ ഒന്ന് കണ്ടടങ്കിൽ ഒലക്ക കൊണ്ട് അടിച്ചു കൊല്ലണം ഇനി ഒരു പെൺ കുട്ടിക്കും എന്റെ ഗതി വരാൻ പാടില്ല....
കൂലി പണിക്ക് പോയ സജീവന്റെ അമ്മ വീട്ടിൽ തിരിച്ചെത്തി....
"എടീ ശ്രുതി.... ചോറ് മുഴുവൻ ബാക്കിയല്ലോ രണ്ടു പേരും കഴിച്ചില്ലേ"
"ഇല്ലമ്മേ'
"ഇന്നും അവൻ കുഴപ്പം ഉണ്ടാക്കി പോയി കാണും അല്ലെ മോളെ... ഞാൻ പറഞ്ഞില്ലേ അവൻ കഴിക്കാതെ പോയാലും മോള് കഴിക്കണം എന്ന്
അവൻ വെളിയിൽ ഹോട്ടലിൽ പോയിട്ട് കഴിക്കും...
മോള് കഴിക്കാതെ നിന്നാൽ ആരോഗ്യം ക്ഷീണിക്കും രോഗവും വരും
വേഗം എടുത്ത് കഴിക്കൂ കുറച്ചു
ചോറ് ഈ അമ്മയ്ക്കും ഇട്ടോളൂ "
ശ്രുതി ഭക്ഷണം പാത്രത്തിൽ ഇട്ടു ടേബിളിൽ കൊണ്ട് പോയി വെച്ചു
രണ്ടു പേരും ഭക്ഷണം കഴികാനിരുന്നു
"മോളെ ശ്രുതി... ഈ അമ്മയ്ക്ക്
ഇഷ്ടമുണ്ടായിട്ടല്ല ജോലിക്ക് പോവുന്നത് ആഴ്ചക്ക് രണ്ടോ മൂന്നോ ദിവസം മാത്രം ജോലിക്ക് പോകുന്ന സജീവനെ കണക്കിൽ എടുത്താൽ കുടുംബം എങ്ങിനെ മുന്നോട്ടു കൊണ്ട് പോകാൻ കഴിയും...
പണ്ടത്തെ പോലെ അല്ലാലോ മോളെ
ജീവിക്കാൻ ഒത്തിരി ചെലവ് അല്ലെ... അറുനൂറു ഉറുപ്പിക ഇന്ന് കൂലി കിട്ടി അതിൽ നിന്നും ഒരു ലിറ്റർ വെളിച്ചെണ്ണ വാങ്ങി ഇരുന്നൂറു ഉറുപ്പിക ഒരു കിലോ പഴം നാല്പത് ഉറുപ്പിക
ബാക്കി മുന്നൂറ്റി അറുപതു രൂപ
മാവേലി സ്റ്റോറിൽ വെളിച്ചെണ്ണ ഉണ്ടെങ്കിൽ... 90 ഉറുപ്പികക്ക് കിട്ടുമായിരുന്നു പക്ഷെ അവിടെ മൂന്ന് വട്ടം പോയപ്പോൾ വെളിച്ചെണ്ണ ഇല്ലാ എത്തിയിട്ടില്ല എന്ന് പറഞ്ഞു ഇന്ന് പോയപ്പോൾ തീർന്നു പോയി എന്നാണ് പറഞ്ഞത്...മാവേലി സ്റ്റോറിന് മുന്നിൽ പായ പിരിച്ചു കിടക്കേണ്ടി വരും വെളിച്ചെണ്ണ വാങ്ങിക്കാൻ...
എന്റെ മോന് എന്താണ് പറ്റിയത് എന്ന് മനസ്സിലാവുന്നില്ലാലോ ഭഗവാനെ
ജോലി സ്ഥലത്തു നിന്നൊക്കെ നിങ്ങളുടെ കാര്യങ്ങൾ ആലോചിക്കും
അപ്പോൾ എന്റെ കണ്ണ് നിറയും
ഇന്നലെ എന്റെ കണ്ണ് നിറഞ്ഞപ്പോൾ
കൂടെ ജോലി ചെയ്യുന്ന നാരായണി ചോദിക്കുകയാണ്
ശാരദാ നീ കരയുന്നുണ്ടോ എന്ന്... അപ്പോൾ ഞാൻ അവളോട് പറഞ്ഞു
ഹേയ് ഇല്ലാ പൂഴി അരികുമ്പോൾ പൊടി കണ്ണിൽ പോയത് കൊണ്ട് കണ്ണിൽ നിന്നും വെള്ളം വരുന്നതാണെന്ന്
മോളെ അമ്മ ഒരു വഴിപാട് നേർച്ചയാക്കിയിട്ടുണ്ട് ഗണപതി ഹോമം
കൊട്ടാരക്കര ഗണപതി ക്ഷേത്രത്തിൽ
സജീവന്റെ സ്വഭാവം മാറാൻ വേണ്ടി
(തുടരും)
കനൽ കാറ്റ്,
ഭാഗം 2
"നിങ്ങൾ കുടിച്ചിട്ടുണ്ട് അല്ലെ"
"ഹും കുടിച്ചിട്ടുണ്ട് അതിന്
നിന്നെ പേടിക്കണോ "
"കെട്ട വാസന"
"മദ്യത്തിന് പിന്നെ അത്തറിന്റെ വാസന ഉണ്ടാവുമോ"
"കഷ്ടം തന്നെ നിങ്ങളുടെ കാര്യം ഓർക്കുമ്പോൾ മുമ്പൊക്കെ വിശേഷ ദിവസങ്ങളിലായിരുന്നു കുടി ഇപ്പോൾ തോന്നുമ്പോൾ എന്ന സ്ഥിതിയായി."
"അതേ എനിക്ക് ഇഷ്ടമുള്ളപ്പോൾ കുടിക്കും അതിന് കോമത്ത് കുമാരന്റെ മകൾ ശ്രുതിയുടെ പെർമിഷൻ ആവശ്യമില്ല."
"കോമത്ത് കുമാരന്റെ മകൾ ശ്രുതി
വഴിയേ പോകുമ്പോൾ കയറി വന്നതല്ല ഇവിടെ
നിങ്ങൾ താലി കെട്ടി കൊണ്ട് വന്നതാണ് നിങ്ങളുടെ ഭാര്യ എന്ന നിലയിൽ നിങ്ങളെ ഉപദേശിക്കാൻ എനിക്ക് അർഹത ഇല്ലേ "
"ഉണ്ട് അർഹത ഉണ്ട്... മിണ്ടാണ്ട് അവിടെ ഒതുങ്ങി ജീവിച്ചോ എന്നാൽ നിനക്ക് കൊള്ളാം... സജീവനെ നേരെ ആകാൻ നിക്കണ്ടാ.... മിണ്ടരുത് പ്പോ എന്റെ മുന്നിൽ നിന്നും..."
***********
"മോളെ മോള് വിഷമിക്കല്ല അവൻ മദ്യ ലഹരിയിൽ പറയുന്നതാണ്...
അച്ഛൻ നേരത്തെ അങ്ങ് പോയതാണ് ഇവന്റെ വളം... അച്ഛൻ ഉണ്ടെങ്കിൽ ഇവനെ വെച്ചേക്കില്ല...
ഈ നാട്ടുകാർക്ക് ഇവന്റെ അച്ഛൻ എന്നാൽ ജീവനാണ്.... മദ്യം എന്ന സാധനം കൈ കൊണ്ട് തൊടില്ല... എന്ന് മാത്രമല്ല അത് കുടിക്കുന്നവരെ അച്ഛന് കണ്ടു കൂടാ....നേരത്തെ കാലത്ത് ഈശ്വരൻ അച്ഛനെ അങ്ങോട്ട് വിളിച്ചു
നല്ല മനുഷ്യരെ വേഗം വിളിക്കും എന്ന്
കേട്ടിട്ടുണ്ട്.'
'മോളെ അതാ അവൻ കുളിച്ചു വന്നിരിക്കുന്നു ഭക്ഷണം എടുത്ത് കൊടുക്കൂ.. എന്റെ മോൾ ഒന്നും പറയാൻ നിക്കണ്ടാ "
"ഭക്ഷണം എടുക്കട്ടെ ഏട്ടാ"
"എനിക്ക് വേണ്ടാ നിന്റെ ഭക്ഷണം"
"മോനെ സജീവാ ഭക്ഷണം കഴിക്കാതെ നീ പട്ടിണി കിടക്കുകയാണോ'
"എനിക്ക് വേണ്ടാ അമ്മേ ഞാൻ അങ്ങാടിയിൽ നിന്നും കഴിച്ചു"
"മോനെ വീടും കുടിയുമൊക്കെ ഉള്ളവർ എന്തിനാണ് ഹോട്ടലിൽ നിന്നും ഭക്ഷണം കഴിക്കുന്നത് .. അതൊക്കെ ഒരു രണ്ടാം തരം പരിപാടിയല്ലേ....
ആരെങ്കിലും കണ്ടാൽ എന്താണ് കരുതുക ഇവിടെ തിന്നാനും കുടിക്കാനും ഒന്നും ഉണ്ടാക്കുന്നില്ല എന്നല്ലേ .. എന്തിനാണ് നാട്ടുകാരെ കൊണ്ട് പറയിപ്പിക്കുന്നത്.'
"അമ്മേ ഒരു സമാധാനം തരുമോ
നിങ്ങൾ അല്ലെങ്കിൽ തന്നെ മനുഷ്യൻ ഭ്രാന്ത് പിടിച്ചു നിൽകുകയാണ്
അപ്പോളാണ് അമ്മേന്റെ ഒരു നാട്ടുകാർ
നാട്ടുകാരോട് പോവാൻ പറയൂ
നാട്ടുകാർ എന്താണ് എന്റെ താടി വടിക്കുമോ ?"
"മോനെ ഞാൻ ഒന്നും പറയുന്നില്ല നിന്റെ കൈ പിടിച്ചു ഈ വീട്ടിൽ കൊണ്ടുവന്ന പെണ്ണിന്റെ കണ്ണിൽ നിന്നും ഒരു തുള്ളി കണ്ണുനീർ ഈ വീട്ടിൽ വീഴാൻ പാടില്ല
അവളെ ഭാഗ്യ ലക്ഷ്മിയെ പോലെ കൊണ്ടു നടക്കണം എങ്കിൽ നീ ഒരു ആണാണ് എന്ന് പറയും ബന്ധുക്കളും നാട്ടുകാരും....
ഇല്ലാ എങ്കിൽ അവരുടെയൊക്കെ മുന്നിൽ നിനക്ക് ചാവാലി നായയുടെ വില പോലും ഉണ്ടാവില്ല....
അമ്മയ്ക്ക് ഇനി അത്രകാലമൊന്നുമില്ലാ
ലോകത്തുള്ള രോഗം എല്ലാം അമ്മയ്ക്ക് ഉണ്ട്... അമ്മ ഈ ഭൂമിയിൽ ഇല്ലാത്ത അവസ്ഥ എന്റെ മോൻ ചിന്തിച്ചു നോക്കൂ.... മോന് നല്ലത് പറഞ്ഞു തരാൻ ആരാണിവിടെ ഉള്ളത്.."
********
എന്താണ് ഏട്ടാ തറയിൽ കിടക്കുന്നത്
എഴുനേറ്റു ബെഡിൽ കിടക്കൂ....
പോയേ നീ ഞാൻ ഇനി തറയിലാണ് കിടക്കുന്നത്...
എന്നാൽ ഞാനും തറയിലാണ് കിടക്കുന്നത്
എങ്കിൽ ഞാൻ ബെഡിൽ കിടക്കും എനിക്ക് നിന്റെ കൂടെ കിടക്കണ്ടാ
സജീവേട്ടാ ജീവിതം എന്നത് ഒരാൾക്ക് ഒരു പ്രാവശ്യമേ ഉണ്ടാവൂള്ളൂ.. അത് ആസ്വദിക്കുകയാണ് വേണ്ടത് അല്ലാതെ
ഇങ്ങിനെ വാശിയും ദേഷ്യവും കാണിച്ചാൽ എങ്ങിനെയാണ് കാര്യങ്ങൾ ശരിയാവുക.... ശാന്തമായിട്ട് നിങ്ങൾ ആലോചിച്ചു നോക്കൂ നിങ്ങൾ ചെയ്യുന്നത് ശരിയാണോ എന്ന്...
"ഹോ നാശം... മനുഷ്യനെ ഉറങ്ങാനും സമ്മതിക്കില്ലേ നീ"
"നിങ്ങൾ ഉറങ്ങികോളൂ അതാണല്ലോ നിങ്ങളുടെ പ്രശ്നം."
"എന്റെ കൂടെ ബെഡിൽ കിടക്കണം
എന്ന് നിങ്ങൾക്ക് തോന്നിയാൽ വന്നു കിടന്നോളൂ..."
ശ്രുതി ബെഡിൽ പോയി ഒറ്റയ്ക്ക് കിടന്നു
അവൾക്കിത് ആദ്യാനുഭവമല്ല...
ഈശ്വരാ ഉറക്കം വരുന്നില്ല... ഇങ്ങിനെയായാൽ എങ്ങിനെ ജീവിതം മുന്നോട്ടു പോകും എന്റെ വിധി ഇങ്ങിനെ ആയിപോയല്ലോ..
എന്റെ അമ്മയുടെ കാര്യം ആലോചിക്കുന്നത് കൊണ്ടാണ് എനിക്ക് ക്ഷമ ഉണ്ടാവുന്നത്...
രോഗിയായ അമ്മ ഇപ്പോൾ പിടിച്ചു നിൽക്കുന്നത് എനിക്ക് ഇവിടെ സന്തോഷ ജീവിതമാണെന്ന് വിശ്വസിച്ചാണ്
ഇവിടെയുള്ള ബുദ്ധിമുട്ടുകൾ അമ്മയോട് പറഞ്ഞാൽ അമ്മ അപ്പോൾ തന്നെ ചങ്ക് പൊട്ടി മരിക്കും
എനിക്കൊരു ആങ്ങള ഇല്ലാതെ യായിപോയല്ലോ ഈശ്വരാ ഉണ്ടായിരുന്നെങ്കിൽ
എന്തിനാണ് എന്റെ പെങ്ങളെ തല്ലിയത് എന്ന് ചോദിക്കുമായിരുന്നു...
മുഖത്ത് കിട്ടിയ അടിയിൽ എന്റെ പല്ലിന് എന്തോ പറ്റിയിട്ടുണ്ട്... നല്ല വേദനയുണ്ട്
ഡോക്ടറെടുത്തു പോവണം എന്ന് പറഞ്ഞാൽ.. അടി ഉണ്ടാക്കാൻ വേറെ കാരണം കണ്ടെത്തും...
തൽകാലം വേദന സഹിക്കുക അല്ലാതെ ഇപ്പോൾ എന്താണ് ചെയ്യുക..... സമയം മൂന്ന് മണിയായി... ഇനി ഇതാ എന്ന് പറയുമ്പോളേക്കും നേരം വെളുക്കും...
പലതും ആലോചിച്ചു ശ്രുതി ഉറങ്ങിപ്പോയി......
നേരം പുലർന്നു...
"സജീവേട്ടാ... നേരം വെളുത്തു.. ഞാൻ ഇറങ്ങുന്നു... നിങ്ങൾ ബെഡിൽ കയറി കിടന്നോളൂ...
തറയിൽ കിടക്കുന്നത് കണ്ടിട്ട് അമ്മയ്ക്ക് വിഷമം ആവണ്ടാ."
"മോളെ സജീവൻ ജോലിക്ക് പോവാത്തത് ഇപ്പോൾ മൂന്നാല് ദിവസമായില്ലേ എന്താണ് ജോലിക്ക് പോവാത്തത് നീ ചോദിച്ചോ എന്നിട്ട്
നിന്നോട് വല്ലതും പറഞ്ഞോ അവൻ"
"ഇല്ലമ്മേ ഞാനൊന്നും ചോദിച്ചില്ല
ചോദിച്ചാൽ. വായകൊണ്ടല്ല മറുപടി തരുന്നത് കൈകൊണ്ടാണല്ലോ
അടിവാങ്ങിക്കാൻ പറ്റുന്നില്ലമ്മേ
ദാ ഇത് കണ്ടോ ഇന്നലെ കിട്ടിയ തല്ലിന്റെ ഫലം.. വായ തുറക്കാൻ പറ്റുന്നില്ല
ഇന്നലെ ഉറക്കവും വന്നില്ല.അമ്മേ
"എന്റെ ഗുരുവായൂർ അപ്പാ.!!!
എന്തായിത് മോളെ.....
മോളെ.... അമ്മ ജോലി കഴിഞ്ഞു കുറച്ചു നേരത്തെ വരാം... നമുക്ക് അങ്ങാടിയിൽ
ഡോക്ടറെടുത്ത് പോവാം.."
"ശരി അമ്മേ..."
"മോളെ അവനോട് തർക്കിക്കാനൊന്നും പോവണ്ടാ.. അവൻ എന്തെങ്കിലും പറഞ്ഞോട്ടെ.. ജോലിക്ക് പോയാൽ ഈ അമ്മക്ക് ഒരു സമാധാനവും ഉണ്ടാവില്ല
നിങ്ങളെ ഓർത്ത്.."
"ഇല്ലമ്മേ ഞാൻ ഒന്നും പറയില്ല"
"ആ ഭാസ്കരൻ മാഷേ ഒന്ന് കാണണം അവരോട് സജീവന് ബഹുമാനവും പേടിയുമൊക്കെയുണ്ട്... കാര്യങ്ങൾ മാഷോട് പറയാം... മാഷാവുമ്പോൾ അതിന്റെ മട്ടത്തിൽ കാര്യങ്ങൾ ചോദിച്ചു മനസിലാക്കും."
"അതൊക്കെ വേണോ അമ്മേ നാട്ടുകാർ ഒക്കെ അറിയൂലെ"
"മോളെ നാട്ടുകാർ അറിയുന്നു എന്നതിൽ സങ്കടപെട്ട് അനങ്ങാതെ ഇവിടെ ഇരിക്കാനാണോ... മോളെ ശരീരമാണ് വേദനിക്കുന്നത്.. ഈ അമ്മയുടെ മനസ്സ് എത്ര മാത്രം വേദന തിന്നുന്നു എന്ന് ഈശ്വരന് മാത്രമേ അറിയൂ.
നമ്മുടെ ആ സരോജനിയുടെ മകനില്ലെ ദുബായികാരൻ... അവനും എന്തൊക്കെയോ പ്രശ്നങ്ങൾ ഉണ്ടായിരുന്നു... അഞ്ചാറ് മാസം അവന്റെ പെണ്ണ് അവളുടെ വീട്ടിൽ ആയിരുന്നു
എന്നിട്ട് ഭാസ്കരൻ മാഷാണ് ഇടപെട്ടത്
ഇപ്പോൾ അവര് സന്തോഷമായി ജീവിക്കുന്നു...... മോളെ സമയം ആയി
ഞാൻ പോവുകയാണ്...
അമ്മ മൂന്ന് മണിക്ക് എത്താം മോള് മാറ്റി നിന്നോ... ഇന്ന് ശനിയാഴ്ചയല്ലേ ഡോക്ടർ നാല് മണിവരെയെ ഉണ്ടാവുകയുള്ളൂ '
"ശരി അമ്മേ ഞാൻ മാറ്റി നിക്കാം"
*******
"ഏട്ടാ എഴുനേൽകൂ"
"നീ പോയിട്ട് നിന്റെ പണി നോക്കൂ"
എന്റെ പണിയല്ലേ ഇത്.. ഭർത്താവിനെ സ്നേഹത്തോടെ വിളിച്ചുണർത്തുക
ചായ ഉണ്ടാക്കി കൊടുക്കുക എന്താണ് ശരിയല്ലേ എന്റെ സജീവേട്ടാ "
"സ്നേഹം.. മണ്ണാങ്കട്ട "
"എനിക്ക് സ്നേഹമില്ല അല്ലെ ?
സത്യം ഈശ്വരനും എനിക്കും അറിയാം
സ്നേഹം ഇല്ലാഞ്ഞിട്ടാണോ നിങ്ങളുടെ തല്ലും, ആട്ടും കേട്ട് സഹിച്ചിവിടെ നിൽക്കുന്നത്....
"ഇതൊക്കെ നിന്റെ അഭിനയമാണ്
എന്നെ നീ പൊട്ടനാക്കണ്ടാ"
അയ്യോ പൊട്ടാനാക്കിയിട്ട് ഇവിടെയുള്ള സൗഭാഗ്യങ്ങൾ തട്ടി കൊണ്ടുപോകാൻ അല്ലെ ... അത് ബെസ്റ്റ്
ഇന്നലെ ഞാൻ എത്ര പ്രാവശ്യം നിങ്ങളെ വിളിച്ചു... ബെൽ അടിയുന്നുണ്ട് പക്ഷെ എടുക്കുന്നില്ല... രാത്രിയാണ് അറിഞ്ഞത് നിങ്ങൾ ഫോൺ സൈലന്റ് ആക്കിയിട്ടു ഇവിടെ തന്നെ വെച്ചിട്ടാണ് പോയതാണെന്ന് "
"ഫോൺ ഞാൻ എടുക്കില്ല എന്നെ ആരും വിളിക്കണ്ടാ എനിക്കത് ഇഷ്ടവും അല്ല "
ഞാനൊന്ന് ചോദിക്കട്ടെ
കുറച്ചു ദിവസങ്ങൾക്കു മുമ്പ് വരെ ഫോൺ എന്നത് ഒരു ലഹരി ആയിരുന്നല്ലോ നിങ്ങൾക്... പാതിരാ നേരത്ത് ഉറക്കം ഞെട്ടാറുണ്ട് പലപ്പോളും.. അപ്പോളൊക്കെ നിങ്ങൾ മൊബൈലിൽ തന്നെയായിരിക്കും
അങ്ങിനെയുള്ള നിങ്ങൾ ഇപ്പോൾ മൊബൈൽ ഉപയോഗിക്കുന്നില്ല എന്ന് അറിയുമ്പോൾ അത്ഭുതം തോനുന്നു "
"എടീ നീ പോകുന്നുണ്ടോ.... ഇല്ലെങ്കിൽ മൊബൈൽ എറിഞ്ഞു പൊട്ടിക്കും ഞാൻ '
"മൊബൈൽ നശിപ്പിക്കണ്ടാ
എഴുനേറ്റു പല്ല് തേച്ചു വേഗം വാ.. ചേട്ടന് ഇഷ്ടമുള്ള ഭക്ഷണം ഉണ്ടാക്കിയിട്ടുണ്ട് ഞാൻ "
ശ്രുതി അടുക്കളയിലേക്ക് പോയി
(തുടരും)
കനൽ കാറ്റ്
ഭാഗം, 3
"എങ്ങിനെയുണ്ട് ഏട്ടാ ഭക്ഷണം
നല്ല രുചിയുണ്ടോ"
"വയറു വിശക്കുമ്പോൾ ഏത് ഭക്ഷണമായാലും രുചി ഉണ്ടാവും"
"എന്നെ അഗീകരിക്കാൻ നിങ്ങൾക് ബുദ്ധിമുട്ടുണ്ട് അല്ലെ അത് സാരമില്ല
നിങ്ങൾ കൈക്കുന്നുണ്ടല്ലോ .. അത് തന്നെ വലിയ കാര്യം.."
"നിന്നെ കരുതിയല്ല ഞാൻ കൈക്കുന്നത്
ആ തള്ളയെ പേടിച്ചിട്ടാണ്...
തിന്നില്ലെങ്കിൽ അത് ഇവിടെ നിന്നും കുരയ്ക്കും"
"അയ്യോ അമ്മയെപ്പറ്റി ഇങ്ങിനെയാണോ പറയുന്നത് ദൈവ കോപം ഉണ്ടാവും സജീവേട്ടാ."
"ഹോ ദൈവത്തിന് പോലും ഈ സജീവനെ വേണ്ടാ പിന്നെയല്ലേ അമ്മയും നീയുമൊക്കെ."
"ആര് പറഞ്ഞു അങ്ങിനെ
നിങ്ങൾ ദൈവത്തെ മറക്കുന്നു
അത് കൊണ്ടാണ്
ദേഷ്യം അഗ്നിയാണ് ദേഷ്യം ഉള്ളവരെ അഗ്നി ആവാഹിക്കും.... അവർക്ക് ദൈവ കോപം ഉണ്ടാവും എന്ന് മാത്രമല്ല
അവർക്ക് ആയുസ്സും കുറയുന്നു
നേരെ മറിച്ച് സൗമ്യൻ ആയ ഒരാൾക്ക്
മുഖത്ത് പ്രകാശം ഉണ്ടാവുന്നു....
അവന് ആയുസ്സും വർധിക്കുന്നു."
"നിന്നെപ്പോലെ അമ്പലവാസിയല്ല
ഞാൻ.."
"ഒരു കാര്യം ചോദിച്ചാൽ ദേഷ്യം പിടിക്കുമോ ഏട്ടന് "
"എന്താണ് എന്ന് വെച്ചാൽ പറഞ്ഞു തുലയ്ക്.."
"ജോലിക്ക് പോവുന്നില്ലേ ഏട്ടൻ"
"എടീ നിന്റെ അപ്പന്റെ ചിലവിലാണോ ഇവിടെ എല്ലാരും കഴിയുന്നത്..."
"എന്തിനാണ് ഏട്ടാ കുഴിയിൽ കിടക്കുന്ന എന്റെ അപ്പനെ പറയുന്നത്....
എന്നെ പറയുന്നത് പോരെ...."
"നിങ്ങളുടെ അമ്മ വയ്യാതെയാണ് ജോലിക്ക് പോവുന്നത്.... അത് കൊണ്ടല്ലേ നമ്മൾ പട്ടിണി ഇല്ലാതെ ഇവിടെ ജീവിക്കുന്നത്....
എന്താണ് ഏട്ടാ ഭക്ഷണം മുഴുവൻ കഴിക്കാതെ എഴുന്നേറ്റത്....
ഏട്ടാ നിങ്ങളോട്.... എന്താണ് മിണ്ടാട്ടം പോയോ....
ഭക്ഷണമൊക്കെ കൈക്കുന്നത് കണ്ടിട്ട് ഞാൻ കരുതി സജീവേട്ടന് മാറ്റങ്ങൾ വരുന്നുണ്ടെന്ന്.... പക്ഷെ... എന്റെ സംസാരം കാരണമാണ് മുഴുവൻ കൈകാതെ അവർ എഴുനേറ്റ് പോയത്
ഒന്നും പറയാതെ ഇരുന്നാൽ മതിയായിരുന്നു ഇനി ഇന്നും കുടിച്ചിട്ട് വരും
എന്റെ ഭഗവാനെ ജീവിതത്തിൽ എനിക്കിനി സന്തോഷങ്ങൾ ഉണ്ടാവുമോ
പ്രതീക്ഷയോടെ ഞാൻ കാത്തിരിക്കുന്നത് വെറുതെയാവുമോ
ഹേയ് അങ്ങിനെ ആവാൻ വഴിയില്ല
അറിഞ്ഞുകൊണ്ട് ഒരു പാപവും ഞാൻ ചെയ്തില്ലാലോ അത് കൊണ്ട് ദൈവം എന്നെ അങ്ങിനെ കഷ്ടപെടുത്തില്ല
ശ്രുതി പലതും ആലോചിച്ചിരിക്കുന്നതിനിടയിൽ സജീവൻ... പുറത്തേക്ക് പോയി...
*******
"മോളെ ചോറ് ബെയിച്ചോ "
"ഇല്ലമ്മേ വായ് തുറക്കാൻ വയ്യ
കുറച്ചു കഞ്ഞിവെള്ളം കുടിച്ചു "
"അയ്യോ മോളെ പെട്ടെന്ന് മാറ്റി റെഡി ആവൂ നമുക്ക് ഡോക്ടറെടുത്ത് പോയിട്ട് വേഗം വരാം."
"ശരി അമ്മേ ഇതാ ഞാൻ റെഡി ആവുന്നു."
"പിന്നെ വരുന്ന വഴിക്ക് ഞാൻ ഭാസ്കരൻ മാഷെ കണ്ടു കാര്യങ്ങൾ എല്ലാം പറഞ്ഞു.."
"എന്നിട്ട് മാഷ് എന്ത് പറഞ്ഞു.."
"മാഷ് പറയുകയാണ് മോളെ നിങ്ങളുടെ മകൻ സജീവൻ വീട്ടിൽ ഇങ്ങിനെ പെരുമാറുന്നു എന്നത് വിശ്വസിക്കാൻ കഴിയുന്നില്ല.... അവനെ പോലെ
പക്വത ഉള്ള ചെറുപ്പക്കാരെ കാണാൻ പ്രയാസ്സമാണെന്ന്......എന്തോ ഒരു ഷോക്ക് സജീവന് സംഭവിച്ചിട്ടുണ്ട് എന്ന് "
"എന്ത് ഷോക്ക് അമ്മേ."
"മോളെ അത് അറിയണമെങ്കിൽ ആദ്യം സജീവനെ അല്ല കാണേണ്ടത്
സജീവന്റെ ഏറ്റവും അടുത്ത രണ്ട് കൂട്ടുകാരോട് കാര്യങ്ങൾ അന്വേഷിക്കുകയാണ് ആദ്യം വേണ്ടതെന്ന്."
"മാഷ് ഇന്ന് തന്നെ അവരെയൊക്കെ കാണും എന്നും പറഞ്ഞു."
"പിന്നെ ഗണപതി ഹോമം നമ്മൾ നേർച്ചയാക്കിയതല്ലെ അതും ചെയ്യണം പെട്ടെന്ന്..
കലഹം തീരാന് ഗണപതി ഹോമം
ഫലം ചെയ്യും
നിന്റെയും സജീവന്റെയും നക്ഷത്ര ദിവസം സംവാദ സൂക്തം നടത്തി ഹോമം നടത്തണം. തുടര്ച്ചയായി ഏഴ് തവണ ഇത് ചെയ്യണം. ഉണങ്ങിയ 16 നാളീകേരം, 16 പലം ശര്ക്കര, 32 കദളിപ്പഴം, ഒരു നാഴി നെല്ല്, ഉരി തേന് എന്നിവ സംവാദ സൂക്തം ചൊല്ലി ഹോമിക്കണം"
സമയം വൈകുന്നു... ഡോക്ടർ 4 മണി വരെയേ ഉണ്ടാവൂള്ളൂ
*********
അമ്മയും ശ്രുതിയും ഡോക്ടറെടുത്ത് പോയി...
"മോളെ വായിൽ നീര് നല്ലോണം ഉണ്ട്
ഡോക്ടർ പറഞ്ഞത് പോലെ ചെയ്യണം
ഗുളികകൊണ്ട് മാത്രം കാര്യമില്ല
മൂന്നാല് പ്രാവശ്യം ഉപ്പ് വെള്ളം കബളണം"
രാത്രി വൈകി സജീവൻ വീട്ടിൽ എത്തി
ഭക്ഷണം എടുക്കട്ടെ എന്ന് ശ്രുതി ചോദിച്ചപ്പോൾ.. എനിക്ക് വേണ്ടാ എന്ന് മാത്രം മറുപടി കൊടുത്തു..സജീവൻ ബെഡ് റൂമിലേക്ക് പോയി....
വായ്ക്ക് സുഖമില്ലാത്തത് കൊണ്ട് ശ്രുതിക് കട്ടിയുള്ള ഭക്ഷണങ്ങൾ ഒന്നും കഴിച്ചൂടാ . രാത്രി രണ്ട് കഷ്ണം ബ്രെഡ് തിന്നു അവൾ വിശപ്പടക്കി.....
"സജീവേട്ടാ വാ കട്ടിലിൽ കിടക്കൂ "
"വേണ്ടാ എനിക്ക് ഇവിടെ തന്നെ
കിടന്നാൽ മതി "
"ശരി എന്നാൽ ഞാൻ കിടക്കുന്നു"
വെറുതെ തർക്കിക്കാൻ പോയിട്ട് ഒരു കാര്യവും ഇല്ലാ... എന്ത് പറഞ്ഞാലും അത് തലയിൽ കയറൂല... ഭഗവാനെ എന്നെ എത്രകാലം ഇങ്ങിനെ നീ പരീക്ഷിക്കും.....
നേരം പുലർന്നു..
പ്രഭാത ശ്ലോകം ചൊല്ലാൻ എപ്പോളും മറക്കും.... ഇന്ന് മുതൽ ദൈവത്തോട് കൂടുതൽ അടുക്കണം.... അല്ലെങ്കിലും പ്രയാസങ്ങൾ ഉണ്ടാവുമ്പോളാണല്ലോ മനുഷ്യൻ ദൈവങ്ങളെ കൂട്ട് പിടിക്കുന്നത്
ഇരുകൈകളും ചേര്ത്തുവച്ചു
കൈകളെ നോക്കി.....ശ്രുതി ശ്ലോകം ചൊല്ലുകയാണ്
കരാഗ്രേ വസതേ ലക്ഷ്മീ....
കരമദ്ധ്യേ സരസ്വതീ........
കരമൂലേ തു ഗോവിന്ദാ......
"മോളെ സജീവൻ അറിയണ്ടാ
മാഷ് വിളിച്ചിരുന്നു.... നിന്നെയും കൂട്ടി
അങ്ങോട്ട് ചെല്ലാൻ....
സജീവന്റെ കൂട്ടുകാരെയൊക്കെ മാഷ് ഇന്നലെ തന്നെ കണ്ടിരുന്നു പോലും
സജീവന് ഉണ്ടായ മാറ്റങ്ങൾക് കാരണം ഉണ്ട് എന്നും പറഞ്ഞു "
"ദൈവമേ..... എന്താണ് കാരണം എന്ന് വല്ലതും സൂചിപ്പിച്ചോ അമ്മേ "
"ഞാൻ ചോദിച്ചു അപ്പോൾ മാഷ് പറഞ്ഞത്... അതൊക്കെ വിശദമായിട്ട് തന്നെ പറയാം നിങ്ങൾ ഇങ്ങോട്ട് വരൂ എന്ന്.."
എന്തായിരിക്കും എന്റെ സജീവേട്ടന് പറ്റിയ ആ ഷോക്ക്.....
ആ അരുണിന് എന്നോട് ദേഷ്യമുണ്ട്
അവൻ ചിലപ്പോൾ എന്നെ പറ്റി ഇല്ലാ കഥകൾ... സജീവേട്ടനോട് പറഞ്ഞു കാണുമോ... ഹേയ് അങ്ങിനെ വരാൻ സാധ്യതയില്ല.. അരുൺ അന്ന് കതകിന് മുട്ടിയതും... ഞാൻ അവന് കൊടുത്ത
മറുപടിയും സജീവേട്ടനോട് ഞാൻ പറഞ്ഞതാണല്ലോ.... ചിലപ്പോൾ അവൻ വേറെ ആളെകൊണ്ട്.. എന്നോട് ദേഷ്യം തീർക്കുന്നതാവുമോ... ശ്രുതിയുടെ മനസ്സ് കലങ്ങി മറയുകയാണ്.....
അറിഞ്ഞു കൊണ്ട് ഒരു തെറ്റും ഞാൻ ചെയ്തിട്ടില്ല... ഏതായാലും മാഷെടുത്ത് പോയാൽ കാര്യങ്ങൾ മനസ്സിലാവും
തുടരും....
കനൽ കാറ്റ്
***********
ഭാഗം, നാല്
ശ്രുതിയും അമ്മയും ഭാസ്കരൻ മാസ്റ്ററുടെ വീട്ടിലെത്തി
"വാ ഇരിക്കൂ നിങ്ങൾ"
"എന്താണ് മാഷേ കാണണം
എന്ന് പറഞ്ഞത്..."
"സജീവന്റെ സുഹൃത്തുക്കൾ രണ്ട് പേരെയും ഞാൻ ഇന്ന് കണ്ടിരുന്നു
രണ്ടു പേരെയും ഞാൻ
പഠിപ്പിച്ചതാണ്... അതിൽ ഒരാളോട് അവൻ എല്ലാ രഹസ്യങ്ങളും പറഞ്ഞിട്ടുണ്ട് പക്ഷെ സജീവൻ ശ്രുതിയോട് അകലം പാലിക്കുന്നു അവളുമായി എപ്പോളും തർക്കം ആവുന്നു എന്നൊക്കെ അറിഞ്ഞപ്പോൾ
അവർക്കും വിശ്വസിക്കാൻ പറ്റുന്നില്ല
കാരണം സജീവൻ അവർക്കിടയിൽ
സ്മാർട്ട് ആണ് മാത്രമല്ല അവരെക്കാൾ പഠിപ്പും സജീവന് ഉണ്ടല്ലോ
കാര്യങ്ങൾ നമുക്ക് സംസാരിക്കാം അതിന് മുമ്പ് ശ്രുതിയോട് ചില കാര്യങ്ങൾ എനിക്ക് ചോദിക്കാനുണ്ട്
"ചോദിച്ചോളൂ മാഷേ"
"കഴിഞ്ഞ ആറു മാസം മുമ്പ് വരെ നിങ്ങൾ തമ്മിൽ വല്ല അഭിപ്രായ വിത്യാസങ്ങൾ ഉണ്ടായിരുന്നോ... വല്ല ഇഷ്ട കുറവോ മറ്റോ. അല്ലെങ്കിൽ വിശ്വാസ കുറവ് "
"ഇല്ല മാഷേ... ഞങ്ങൾ വളരെ ഹാപ്പിയായിരുന്നു.... പരസ്പരം സ്നേഹിക്കാൻ മത്സരിക്കുകയായിരുന്നു ഞങ്ങൾ.രണ്ടു പേരും.പരസ്പരം അംഗീകരിച്ചു തന്നെയായിരുന്നു മുന്നോട്ടു പോയികൊണ്ടിരുന്നത്
ചുരുക്കം മാസങ്ങൾക്ക് മുമ്പ് വരെ"
"സാധാരണ ഗതിയിൽ നമ്മൾ ഒരാളിൽ നിന്നും പ്രതീക്ഷിക്കുന്ന കാര്യം സ്നേഹമോ അല്ലെങ്കിൽ മറ്റു എന്തെങ്കിലും ആവട്ടെ... അത് കിട്ടാതെ വരുമ്പോൾ.... അത് കിട്ടാൻ വേണ്ടി വളഞ്ഞ വഴിയിൽ കൂടി സഞ്ചരിക്കാനാണ് ചിലർക്ക് താല്പര്യം "
"മാഷ് പറഞ്ഞു വരുന്നത് എന്താണ് എനിക്കൊന്നും മനസ്സിലാവുന്നില്ല "
"പറയാം... കേൾക്കുമ്പോൾ തളരാൻ പാടില്ല... പ്രശ്നങ്ങൾക്ക് പരിഹാരമാണ് നമ്മൾ കാണേണ്ടത് അതിന് വേണ്ടിയായിരിക്കണം നമ്മൾ ശ്രമികേണ്ടത് "
"എന്ത് വേണമെങ്കിലും ചെയ്യാം എനിക്കെന്റെ ആ പഴയ സജീവേട്ടനെ തിരിച്ചു കിട്ടിയാൽ മാത്രം മതി മാഷേ "
"എങ്കിൽ ഞാൻ വിഷയത്തിലേക് കടക്കുന്നു.....
സോഷ്യൽമീഡിയകൾ വഴിയുള്ള ചിലരുടെ വഴി വിട്ട ബന്ധങ്ങൾ അവരുടെ പങ്കാളികൾക്ക് വേദനയാണ് സമ്മാനിക്കുന്നത് എന്നതിന്റെ ഏറ്റവും വലിയ ഉദാഹരണമാണ് .... നമ്മൾ ഇപ്പോൾ കണ്ടു കൊണ്ടിരിക്കുന്നത്
സജീവൻ വീട്ടിൽ നിങ്ങളുടെയൊക്കെ മുന്നിൽ നിന്നല്ലേ മൊബൈൽ ഉപയോഗിക്കുന്നത് വല്ലപോളും എന്തെങ്കിലും സംശയം ഉണ്ടായിരുന്നോ ശ്രുതിക്ക് "
"അങ്ങിനെ പറയത്തക്ക സംശയം ഒന്നും ഇല്ലായിരുന്നു പക്ഷെ മാഷ് ഇപ്പോൾ
വിഷയം പറയുമ്പോൾ എനിക്ക് ചില സംശയങ്ങൾ വരുന്നു "
"എന്ത് സംശയമാണ് ശ്രുതി "
"ഒരു സുഹൃത്തിന്റെ പേര് സേവ് ചെയ്ത കോൺടാക്ടിൽ നിന്നും കോൾ വന്നാൽ മാത്രം എന്റെ അടുത്ത് നിന്നും സജീവേട്ടൻ സംസാരിക്കില്ല
ദൂരെ മാറി നിന്ന് മാത്രമേ സംസാരിക്കൂ "
"അപ്പോൾ ശ്രുതി ചോദിച്ചില്ലേ എന്താണ് മാറി നിന്ന് സംസാരിക്കുന്നത് എന്ന് "
"ഒരിക്കൽ ഞാൻ ചോദിച്ചു അപ്പോൾ എന്നോട് പറഞ്ഞത് ബിസിനസ്സ് കാര്യങ്ങൾ ഡിസ്കസ് ചെയ്യാനാണെന്നു പിന്നെ അങ്ങിനെ ഉള്ളു കളികൾ അന്വേഷിക്കേണ്ട ആവശ്യം ഇല്ല മാഷേ
ഞങ്ങൾ പരസ്പരം അങ്ങിനെ യായിരുന്നു.."
"ശ്രുതി ... നിനക്ക് സംശയം വരാതിരിക്കാൻ സുഹൃത്തിന്റെ പേര് സേവ് ചെയ്ത രഹസ്യ കാമുകിയുടെ നമ്പർ ആയിരുന്നു..അത് എന്ന് സംശയിക്കേണ്ടിയിരിക്കുന്നു നമ്മൾ"
"എന്റെ ഗുരുവായൂരപ്പാ എന്താണ് ഞാൻ ഈ കേൾക്കുന്നത്.."
"മൊബൈൽ സീക്രെട്ട് ലോക് ചെയ്യാറുണ്ടോ സജീവൻ "
"ഈ അടുത്ത കാലത്തായി ലോക്ക് ചെയ്യാറുണ്ട്... ഒരിക്കൽ അതിനെ പറ്റി ചോദിച്ചപ്പോൾ എന്നോട് പറഞ്ഞത്
ജോലി സംബദ്ധമായ ചില രേഖകൾ അതിൽ ഉണ്ടെന്ന്.... "
"പഠിച്ച കള്ളനാണ് അവൻ... പല സമർഥ്യവും അവൻ കാണിക്കും
ഫേസ് ബുക്കിലൂടെ സുന്ദരിയായ ഒരു പെണ്ണിനെ സജീവൻ പരിചയപെട്ടു
ആ സൗഹൃദം പെട്ടെന്ന് ഒരു പ്രണയമായി മാറി.... പരസ്പരം രണ്ടുപേരും ഓൺലൈനിൽ കണ്ടു കൊണ്ടേ ഇരുന്നു
അവർക്ക് ഓൺലൈനിൽ നിന്നും പിരിഞ്ഞിരിക്കാൻ പറ്റാത്ത അവസ്ഥയായി..... അവൾ മെസഞ്ചർ വഴി അവളുടെ ഫോട്ടോസുകളും വോയ്സ്കകും അയക്കും..
തിരിച്ചു സജീവൻ അങ്ങോട്ടും അയച്ചു കൊടുക്കും.... സജീവൻ ജോലിക്ക് പോകുന്നതാണ് എന്ന് പറഞ്ഞു വീട്ടിൽ നിന്നും ഇറങ്ങും... പാർക്കിൽ ഇരുന്നു അവളോട് ചാറ്റ് ചെയ്യും... സജീവന് അതൊരു ലഹരിയായി മാറി....
"ശരിയാണ് മാഷേ... ഈ അടുത്ത കാലത്ത് സജീവേട്ടന് ഉറക്കം കുറവായിരുന്നു... പാതിരായ്ക്ക് ഞാൻ ഉറക്കം ഞെട്ടിയാൽ.. കാണുന്നത്
മൊബൈലിൽ കണ്ണും നട്ടിരിക്കുന്ന സജീവേട്ടനെയാണ്
സജീവേട്ടൻ ഉറങ്ങുന്നില്ലേ എന്ന് ചോദിച്ചാൽ
സജീവേട്ടൻ പറയും... ഞാൻ സിനിമ കാണുകയാണ് എന്ന്..ഇപ്പോളാണ് എനിക്ക് മനസ്സിലായത് ഉറക്കം കളഞ്ഞു കൊണ്ട് ആ പെണ്ണിനോട് ചാറ്റുകയായിരുന്നു..... അല്ലെ എന്റെ സജീവേട്ടൻ ഇങ്ങിനെയൊക്കെ ആയി എന്ന് എനിക്ക് വിശ്വസിക്കാൻ പ്രയാസമാണ്...."
"വിശ്വസിച്ചേ മതിയാവൂ..... പക്ഷെ ആ ബന്ധം ഇപ്പോൾ നിലവിൽ ഇല്ല എന്നത് ശ്രുതിക് പ്രതീക്ഷ നൽകുന്നതാണ് "
"എവിടെയാണ് അവളുടെ സ്ഥലം..
മാഷേ.. എനിക്ക് അവളെയൊന്നു കാണണം "
"കഥ തീർന്നില്ല പറയുന്നത് മുഴുവൻ കേൾക്കൂ ശ്രുതി "
"മാഷ് പറയൂ "
"അവൾ പറയുന്നത് എന്തും വിശ്വസിക്കും സജീവൻ എന്നായപ്പോൾ... അവൾ സജീവനെ ചൂഷണം ചെയ്തു
അനുജത്തിക്ക് ഒരു മേജർ ഓപ്പറേഷൻ പെട്ടെന്ന് ചെയ്യണം അതിന് ഒരു ലക്ഷം സഹായിക്കാൻ അവൾ സജീവനോട് ആവശ്യപ്പെട്ടു.... സജീവൻ അവൾ പറഞ്ഞ പൈസ ശരിയാക്കി കൊടുത്തു '
"മാഷേ ഒരു മൂന്ന് മാസം മുമ്പ് എന്റെ മൂന്ന് വളകൾ സജീവേട്ടൻ എടുത്ത് കൊണ്ട് പോയിരുന്നു.. എന്തിനാണ് എന്ന് ചോദിച്ചപ്പോൾ... കൂട്ടുകാരന്റെ പെങ്ങളുടെ കല്യാണത്തിന് അവനെ സഹായിക്കാൻ കൊടുക്കുന്നതാണ് മൂന്ന് മാസം കൊണ്ട് തിരികെ തരും എന്നും പറഞ്ഞിരുന്നു.."
"അതൊക്കെ സജീവൻ സുഹൃത്തിനോട് പറഞ്ഞു... ശ്രുതിയുടെ ഗോൾഡ് പണയം വെച്ചു പോരാത്ത സംഖ്യ നഷ്ടത്തിന് കുറി വിളിച്ചെടുത്തു ഒപ്പിച്ചു
പൈസ കിട്ടിയതിന് ശേഷം അവൾ ഓൺലൈനിൽ വന്നിട്ടില്ല.....
അവളെയും കാണുന്നില്ല ബന്ധപ്പെടാൻ വേറെ വഴികളും ഇല്ല പൈസയും പോയി
ഇതൊക്കെ കാരണം അവൻ തളർന്നു
ഈ ഒരു സംഭവം കാരണമാണ് അവനിൽ മാറ്റങ്ങൾ വന്നത് എന്ന് നമുക്ക് മനസിലാക്കാം.. .
"ഇനി എന്ത് ചെയ്യും മാഷേ നമ്മൾ
സജീവേട്ടൻ പൈസ അയച്ചു കൊടുത്ത എകൗണ്ട് നമ്പറോ ഐഡിയോ ഉണ്ടാവൂലെ അവളുടെ."
"നമുക്ക് ശ്രമിക്കാം സജീവന്റെ ചങ്ങാതിമാർ സഹകരിക്കും
അവളുടെ ഫേസ് ബുക്ക് ഐഡി കിട്ടിയിട്ടുണ്ട്...പിന്നെ സൈബർ സെല്ലിൽ
ചീഫ് ഇൻസ്പെക്ടറായി വർക്ക് ചെയ്യുന്ന ഒരു സുനിൽ കുമാർ ഉണ്ട് എന്റെ സ്റ്റുഡന്റ് ആണ് അവൻ... അവനെ കൊണ്ട്... അവളെ നമുക്ക് കണ്ടെത്താൻ കഴിയും... ഇന്ന് വൈകിട്ട് ഞാൻ അവനെ കാണുന്നുണ്ട്.."
(തുടരും)
കനൽകാറ്റ്
ഭാഗം, അഞ്ച്
"അഞ്ചു ദിവസമായല്ലോ ഭാസ്കരൻ മാസ്റ്ററുടെ ഒരു വിവരവും ഇല്ലാലോ എന്ന് ആലോചിച്ചിട്ട് ഇരിക്കുമ്പോളാണ് മാഷിന്റെ ഫോൺ വന്നത്.."
"എന്നിട്ട് മാഷ് എന്ത് പറഞ്ഞമ്മേ
സൈബർ സെല്ലിന്റെ ആളെ കണ്ടോ"
"ഞാൻ ഒന്നും ചോദിച്ചില്ല..
നമ്മളോട് വൈകിട്ട് അഞ്ചു മണിക്ക് അങ്ങോട്ട് ചെല്ലാൻ പറഞ്ഞു....
സജീവന്റെ ചങ്ങാതിമാരോടും
പറഞ്ഞിട്ടുണ്ട് ആ സമയത്ത് അവിടെ എത്താൻ എന്നും പറഞ്ഞു.."
"നീ അടുക്കള ജോലിയൊക്കെ പെട്ടെന്ന് ഒരുക്കൂ... ഒരു അഞ്ചു മണിക്ക് മുന്നേ നമുക്ക് ഇവിടുന്നു പോവണം"
"ശരി അമ്മേ ഞാൻ ജോലിയൊക്കെ ഒരുക്കട്ടെ പെട്ടെന്ന്."
"പിന്നെ മോളെ ഈ ഇത് നല്ലോണം സൂക്ഷിച്ചു വെക്കണേ അമ്പലത്തിൽ വഴിപാട് നടത്തിയതിന്റെ റസീറ്റാണ് "
സമയം അഞ്ചു മണി... സജീവന്റെ സുഹൃത്തുക്കളും പിന്നാലെ അമ്മയും ശ്രുതിയും ഭാസ്കരൻ മാസ്റ്ററുടെ വീട്ടിൽ എത്തി......
എല്ലാവരെയും ഒരു ഭാഗത്തിരുത്തി
മാഷ് സംസാരിക്കാൻ തുടങ്ങി....
"സൈബർ സെല്ലിലെ സുനിൽ കുമാറിനോട് അന്ന് തന്നെ വിഷയങ്ങൾ ഞാൻ സംസാരിച്ചു.. ഗൗരവത്തോടെ തന്നെ വിഷയത്തിൽ അവൻ ഇടപെട്ടു
പ്രതി ചില്ലറക്കാരിയല്ല... രഹസ്യമായ അന്വേഷണം നടത്തിയപ്പോൾ...
നിരവധി ഫേസ് ബുക്ക് അകൗണ്ടുകൾ അവൾക് ഉണ്ട്... മൂന്നോ നാലോ മൊബൈലുകൾ അവൾ ഉപയോഗിച്ചിരുന്നു.... പലരിൽ നിന്നും അവൾ പൈസ തട്ടിപ്പ് ആക്കിയിരുന്നു
എന്നതിന്റെ തെളിവുകൾ കിട്ടിയിട്ടുണ്ട്
മാനഹാനി ഓർത്ത് ആരും പരാതി പെടുന്നില്ല എന്നത് തന്നെയാണ് ഇത്തരം ആളുകൾക്ക് വളം.."
"അപ്പോൾ നമുക്ക് ഇനി എന്ത് ചെയ്യാൻ പറ്റും.." എന്ന് സജീവന്റെ സുഹൃത്ത്
ദിലീപ് ചോദിച്ചപ്പോൾ.... മാഷ് പറയുകയാണ്....
നമുക്കൊന്ന് ശ്രമിച്ചു നോക്കാം
പ്രതിയെ പിടികൂടാൻ...
കേസ് എടുക്കാൻ
സൈബർ സെല്ലിന് ഔദോധികമായിട്ട് പരാതി കിട്ടണം... എങ്കിലേ അവർക്ക് മുന്നോട്ടു പോവാൻ പറ്റുകയുള്ളൂ.."
"ഇല്ലെങ്കിൽ വേറൊരു വഴിയുണ്ട്
അവളുടെ ഡീറ്റെയിൽസ് അവർ തരും
നമുക്ക് പോയിട്ട് നേരിട്ട് ബന്ധപെടാം
പക്ഷെ.... അതൊക്കെ വേറെ രീതിയിലേക്ക് വിഷയം പോവും
നമുക്ക് എതിരെ അവൾ നീങ്ങും അവസാനം വാദി പ്രതിയാവുന്ന അവസ്ഥ വരും..."
"വേണ്ട സാറെ അങ്ങിനെയുള്ള പൊല്ലാപ്പിനൊന്നും പോവണ്ടാ നമുക്ക് സൈബർ സെൽ വഴി തന്നെ മുന്നോട്ടു പോകാം... സജീവൻ തന്നെ പരാതി കൊടുക്കേണ്ടി വരുമോ... പിന്നെ വിഷയം
പരസ്യമാവുമോ...."
"സജീവൻ തന്നെ നേരിട്ട് പരാതി കൊടുക്കുകയാണ് എങ്കിൽ
ഒരു ഡീറ്റൈലും പുറത്തു പോവാതെ
ശ്രദ്ധിച്ചോളാം എന്നെനിക്ക് ഉറപ്പ് തന്നിട്ടുണ്ട്.. സുനിൽ കുമാർ
നമ്മൾ കേസുമായി മുന്നോട്ടു പോകണം
എന്നാണ് അവന്റെ താല്പര്യം
മാഷേ.... പൈസ നഷ്ടപ്പെട്ടു എന്നറിഞ്ഞപ്പോൾ സജീവനോട് ഞാൻ പറഞ്ഞിരുന്നു... നമുക്ക് പോലീസിൽ പരാതി പറയാം എന്ന്... അപ്പോൾ അവൻ പറഞ്ഞത്.... വേണ്ടാ... അതൊക്കെ
വീട്ടിലും മറ്റും അറിഞ്ഞാൽ മോശമാണ്
എനിക്ക് എന്റെ ഭാര്യയുടെയും അമ്മയുടെയും മറ്റും മുന്നിൽ ഒരു വിലയുണ്ട്... അതൊക്കെ നഷ്ടമാവും എന്നാണ്......
രഹസ്യ സ്വഭാവം ഉണ്ടെങ്കിൽ തീർച്ചയായും സജീവനെ കൊണ്ട് പരാതി കൊടുപ്പിക്കുന്ന കാര്യം ഞാൻ ഏറ്റു മാഷേ....
പക്ഷെ... ശ്രുതിയും അമ്മയും വിഷയം അറിഞ്ഞു എന്ന് സജീവൻ തൽകാലം
അറിയരുത്....
ഇല്ല.. ഒരിക്കലും അറിയില്ല...
അതൊക്കെ ഭംഗിയായി ഞാൻ കൈകാര്യം ചെയ്യും മാഷേ
സജീവൻ ഇപ്പോളും വിശ്വസിക്കുന്നത്
അവൾക് എന്തോ അപകടം സംഭവിച്ചു എന്നാണ്...
പൈസ പോയതിനേക്കാൾ അവന്റെ പ്രയാസം അവളെ പിന്നെ ഓൺലൈനിൽ കണ്ടില്ല. എന്നത് പക്ഷെ ഒരിക്കൽ പോലും അവൾ ഒരു കള്ളിയാണ് എന്ന സംശയം സജീവന് ഉണ്ടായിട്ടില്ല..പലപ്പോളും അവൾ സജീവനോട് ചോദിച്ചു... എന്തെങ്കിലും ആവശ്യം ഉണ്ടെങ്കിൽ പറയണമെന്ന്
അവൾ അയച്ച പല മെസേജുകളും എനിക്ക് കാണിക്കാറുണ്ട്... ഈ ബന്ധം കാരണം സജീവന് ഭാര്യയുമായി അകൽച്ച ഉണ്ടായി എന്നത്...
വിശ്വസിക്കാൻ കഴിയുന്നില്ല
ഓൺലൈൻ പ്രണയമൊക്കെ ഇത്ര സീരിയസ് ആണെന്ന് കരുതിയില്ല
വെറുമൊരു ടൈം പാസ്സ് ആയിട്ടേ ഞാൻ കണ്ടുള്ളൂ.... ഇത്രയും ആഴത്തിൽ ബന്ധം ഉണ്ടെന്ന് എനിക്ക് ഒരിക്കലും തോന്നിയില്ല........
എന്നാൽ ശരി നിങ്ങൾ സജീവനെ കണ്ടു
വിവരങ്ങൾ പറയുക... സജീവന്റെ നിലപാട് എന്താണ് എന്ന് നമുക്ക് മനസിലാക്കാം..... ഇപ്പോൾ
നമുക്ക് തൽക്കാലം പിരിയാം അല്ലെ.... എനിക്കൊരു മീറ്റിങ്ങിൽ പങ്കെടുക്കാൻ പോവാനും ഉണ്ട്......
ഒരാഴ്ചയ്ക്ക് ശേഷം....
ഒരു അന്വേഷണവും വേണ്ടാ എന്ന വാശിയിലായിരുന്ന സജീവൻ സുഹൃത്തിന്റെ നിർബന്ധ പ്രകാരം
സൈബർ സെല്ലിൽ പരാതി കൊടുത്തു
പൈസ അയച്ചു കൊടുത്തത് ഏത് അകൗണ്ട് വഴിയാണ് എന്ന് സൈബർ സെല്ലിൽ നിന്നും ചോദിച്ചപ്പോൾ
അകൗണ്ട് വഴിയല്ല പൈസ അയച്ചത്
അവൾ അവളുടെ ബ്രദർനെ പറഞ്ഞയക്കുകയായിരുന്നു സജീവന്റെ അടുത്ത്... ആളെ തിരിച്ചറിയാൻ
ബ്രദർന്റെ ഫോട്ടോ അവൾ ആദ്യം അയച്ചിരുന്നു.... എന്നും സജീവൻ പറഞ്ഞു.....
എങ്കിൽ നിങ്ങൾ പോയികോളൂ ആവശ്യം വരുമ്പോൾ വിളിക്കാം നിങ്ങളെ എന്ന് ഓഫീസർമാർ പറഞ്ഞു....
സജീവനും സുഹൃത്തും നാട്ടിലേക്ക് തിരിച്ചു.....
സൈബർ സെൽ അന്വേഷണം തുടരുകയാണ്.....
സീനിയർ ഓഫീസർ സുനിൽ കുമാറിന് തന്നെയാണ് അന്വേഷണങ്ങളുടെ ചുമതല....
വളരെ വേഗത്തിൽ തന്നെ
അന്വേഷണം പുരോഗമിക്കുകയാണ്
സാർ..
അവരുടെ ഡീറ്റെയിൽസ് കിട്ടി
നഗരത്തിലെ ഒരു ഓട്ടോ മൊബൈൽ കമ്പനിയിൽ വർക്ക് ചെയ്യുന്ന പെണ്ണിന്റേതാണ് ആ നമ്പർ.....
കിഴക്കേ മല ടവർ പരിധിയിലാണ് വീട്
പേര് പ്രസീത.. അച്ഛന്റെ പേര് വേലായുധൻ... വീട്ടു പേര്.. കോമരം പറമ്പത്ത്... വീട്ടു നമ്പർ 287
അവളുടെ ആധാർ നമ്പർ പ്രകാരം രണ്ടു ബാങ്ക് അകൗണ്ട് നമ്പർ നിലവിലുണ്ട്....
ശരി.... വിവരങ്ങൾ ഒന്നും പുറത്ത് പോകരുത്.... വളരെ രഹസ്യമായിട്ടായിരിക്കണം നമ്മുടെ ഓരോ നീക്കങ്ങളും
ഇന്ന് അർദ്ധരാത്രി തന്നെ അവളെ പൊക്കണം...
വനിതാ ഓഫീസർമാരും നമ്മുടെ കൂടെ ഉണ്ടാവണം..... രാത്രി സമയത്താണ് അവളുടെ വിളയാട്ടം... ഇന്നത്തോടെ അത് അവസാനിക്കണം....
രണ്ട് വാഹനങ്ങളിളായി
അന്വേഷണ സംഘം പ്രസീതയുടെ വീട്ടിലേക്ക് പുറപ്പെട്ടു....
രണ്ടു മണിക്കൂർ കൊണ്ട് അന്വേഷണ സംഘത്തെയും വഹിച്ചു കൊണ്ടുള്ള
വാഹനങ്ങൾ പ്രസീതയുടെ വീട്ടു മുറ്റത്തെത്തി.....
വീട്ടിലെ ഡോർ ബെൽ അടിച്ചു വീട് തുറക്കുന്നതും കത്തിരിക്കുകയാണ്
ഓഫീസർമാർ....
എല്ലാവരും ഉറക്കത്തിൽ ആണെന്ന് തോനുന്നു ഡോർ തുറക്കാൻ അൽപം സമയമെടുത്തു.....
വാതിൽ തുറന്നു പുറത്തു വന്നത്
പ്രായമായ ഒരു പുരുഷൻ ആയിരുന്നു
അവർ
ആരാണ്... നിങ്ങൾ എന്ന്
ചോദിച്ചപ്പോൾ
"ഞങ്ങൾ സൈബർ സെല്ലിൽ
നിന്നാണ് പ്രസീത ആരാണ് "
"എന്താണ് സാറെ എന്റെ മകളാണ്
പ്രസീത..."
"ഒരു കേസ് അന്വേഷണത്തിന്റെ ഭാഗമായി നിങ്ങളുടെ മകളെ ചോദ്യം ചെയ്യാനാണ് ഞങ്ങൾ വന്നത്."
അച്ഛൻ വീട്ടിന്റെ അകത്തു പോയി
പ്രസീതയെ വിളിച്ചു കൊണ്ടുവന്നു
പ്രസീതയോട് വനിതാ പോലീസ് ഓഫീസർ ചോദ്യങ്ങൾ ചോദിക്കാൻ തുടങ്ങി.....
"9744448954....ഈ നമ്പർ നിങ്ങളുടെത് അല്ലെ.."
"എനിക്ക് അറിയില്ല സാർ"
"നിങ്ങളുടെ ഫേസ് ബുക്ക് ഐഡി എന്താണ് "
"സർ എനിക്ക് ഫേസ്ബുക്കിൽ
അകൗണ്ട് ഇല്ല "
'കള്ളം പറയുകയാണ് നിങ്ങൾ
ഈ നമ്പർ നിങ്ങളുടെ ആധാർ നമ്പർ പ്രകാരം ഉള്ളതാണ്... നിങ്ങളുടെ നമ്പർ അല്ല എന്ന് എങ്ങിനെ പറയാനാവും നിങ്ങൾക്.."
"സാർ ഞാൻ എന്റെ ആധാർ കാർഡ്
കാണിച്ചു ഒരു സിം കാർഡ് എടുത്തു കൊടുത്തിരുന്നു എന്റെ കൂടെ ജോലി ചെയ്യുന്ന ഒരു മഹേഷിന് വേണ്ടി."
"മഹേഷ് ഉപയോഗിക്കുന്ന നമ്പർ ഇത് തന്നെയാണോ എന്ന് നിങ്ങളുടെ മൊബൈലിൽ നോക്കൂ... നമ്പർ ഡയൽ ആവാതെ ചെക്ക് ചെയ്യൂ"
"ഞാൻ നോക്കട്ടെ സാർ മഹേഷ് രണ്ടോ മൂന്നോ നമ്പർ യൂസ് ചെയ്യുന്നുണ്ട്..
അതേ സാർ... അവൻ ഉപയോഗിക്കുന്ന നമ്പർ തന്നെയാണ് ഇത് "
"മഹേഷിന്റെ വീട് അറിയാമോ
നിങ്ങൾക് "
"അറിയാം സാർ മൂന്ന് മാസം മുമ്പ് അവന്റെ പെങ്ങളുടെ കല്യാണത്തിന് പോയിരുന്നു അവിടെ ഞാൻ"
"എങ്കിൽ വരൂ ഞങ്ങളുടെ കൂടെ
അച്ഛനും കൂടെ വന്നോട്ടെ"
സൈബർ സംഘം... പ്രസീതയെയും അച്ഛനെയും കൂട്ടി മഹേഷിന്റെ വീട്ടിലേക്ക് പുറപ്പെട്ടു......
(തുടരും)
കനൽകാറ്റ്
ഭാഗം,6
ഫൈസൽ, സറീനാസ്
**********************
പെണ്ണിന്റെ പേരിൽ ഫേസ് ബുക്ക് അകൗണ്ട് ഉണ്ടാക്കി പുരുഷൻ മാരിൽ നിന്നും ലക്ഷങ്ങൾ തട്ടിപ്പ് നടത്തുന്നു എന്ന് സംശയിക്കുന്ന മഹേഷിന്റെ വീട്ടിൽ... സൈബർ സെല്ലിന്റെ പ്രത്യേക
അന്വേഷണ സംഘമെത്തി....
വീടിന്റെ പിൻ വാതിൽ തുറന്നു പ്രതി രക്ഷപെടാൻ സാധ്യതയുണ്ട് എന്ന സംശയമുള്ളത് കൊണ്ട് രണ്ട് ഓഫീസർ മാർ പിൻ വാതിലിന്റെ അടുത്ത് നിലയുറപ്പിച്ചു....
രണ്ടു പ്രാവശ്യം വീടിന്റെ ബെൽ അടിച്ചിട്ടും വീട് തുറക്കാതെ ആയപ്പോൾ
വാതിലിൽ മുട്ടി....
അല്പം കഴിഞ്ഞപ്പോൾ രണ്ട് പുരുഷൻമാർ വെളിയിലേക്ക് ഇറങ്ങി വന്നു...
ഞങ്ങൾ സൈബർ സെല്ലിൽ നിന്നാണ് വരുന്നത് എന്നും.. ഇവിടുത്തെ മഹേഷിനെ ചോദ്യം ചെയ്യാൻ കസ്റ്റഡിയിൽ എടുക്കണം എന്നും പറഞ്ഞപ്പോൾ.... ആ കാരണവർ പറയുകയാണ്.....
സാറെ നിങ്ങൾക് ആള് മാറി...
മാന്യന്മാർ ആയിട്ട് ജീവിക്കുന്നവരാണ് ഞങ്ങൾ... മഹേഷ് എന്റെ ജേഷ്ടന്റെ മകനാണ്... അവൻ മിടുക്കനാണ്
ഇന്നുവരെ അവനെ പറ്റി ഒരു മനുഷ്യൻപോലും മോശമായിട്ട് ഒന്നും പറഞ്ഞിട്ടില്ല
ഞങ്ങളുടെ തറവാടിന് അഭിമാനമാണ്
മഹേഷ്....
അവൻ മിടുക്കനാണ് എന്നറിയാം ഞങ്ങൾക്ക്
അവൻ അഭിമാനമാണോ അപമാനമാണോ എന്ന് നമുക്ക് പരിശോധിക്കാം നിങ്ങൾ അവനെ ഒന്ന് വിളിക്കൂ.....
പുറത്തേക്ക് വന്ന മഹേഷിനോട്
കാര്യങ്ങൾ പറഞ്ഞപ്പോൾ അവൻ ഒന്നും നിഷേധിച്ചില്ല....
അവന്റെ ബെഡ് റൂം
പരിശോധന നടത്തിയപ്പോൾ
നാല് മൊബൈലുകൾ അഞ്ചു സിം കാർഡ്...ഒരു ലക്ഷത്തി നാല്പതിനായിരം രൂപ.... ഇതെല്ലാം കസ്റ്റഡിയിൽ എടുത്തു
അവനെ അറെസ്റ്റ് ചെയ്തു വണ്ടിയിൽ കയറ്റുമ്പോൾ
മോനെ..... മോനെ..... എന്ന് പറഞ്ഞു
നിലവിളിക്കുകയാണ് വീട്ടിലുള്ളവർ
അവിടെ നിന്നും തിരിച്ച അനേഷണ സംഘം പ്രസീതയെയും അച്ഛനെയും വീട്ടിൽ കൊണ്ട് പോയി വിട്ടു....
ആവശ്യം വന്നാൽ ഞങ്ങൾക്ക് നിങ്ങളെ വിളിക്കേണ്ടിവരും എന്ന് ഓഫീസർ പറഞ്ഞപ്പോൾ....
തീർച്ചയായും സാർ... എപ്പോൾ വിളിച്ചാലും ഞങ്ങൾ എത്താം
എന്ന് പ്രസീതയുടെ അച്ഛൻ പറഞ്ഞു
ഓഫീസർമാർ തിരിച്ചു ജില്ലാ സൈബർ
കാര്യാലയത്തിൽ എത്തി...
പിറ്റേ ദിവസം രാവിലെ
മഹേഷിനെ ചോദ്യം ചെയ്യാൻ ആരംഭിച്ചു
'നിങ്ങൾക്ക് എതിരെയുള്ള ആരോപണം വളരെ വ്യക്തമായി തെളിഞ്ഞിരിക്കുന്നു
ഞങ്ങൾ നിങ്ങളൊട് ചോദിക്കുന്ന ചോദ്യങ്ങൾക് ശരിയായ മറുപടി തരിക
സാർ... ഞാൻ എല്ലാം പറയാം...
എനിക്കെതിരെ നിയമ നടപടി എടുക്കരുത്..... എന്റെ ഭാവി നശിപ്പിക്കരുത്.....
നിയമ നടപടിയും കാര്യങ്ങളും നമുക്ക് പിന്നീട് നോക്കാം ... ഭാവിയെ പറ്റി ഇപ്പോൾ അല്ല ആലോചികേണ്ടത്.. നിങ്ങൾ ചെറിയ കുട്ടിയൊന്നും അല്ലാലോ
ആൾമാറാട്ടം നടത്തുന്നത് സൈബർ നിയമ പ്രകാരം വലിയ തെറ്റാണ് എന്ന ബോദ്യം നിങ്ങൾക് ഉണ്ടാവുമല്ലോ....
പറയണം.... ആൾമാറാട്ടം നടത്തി എത്ര പേരെ വഞ്ചിച്ചു
ഇത്വരെ എത്ര സമ്പാദിച്ചു...
ഇല്ല സാർ ഞാൻ ആരെയും സാമ്പത്തികമായി ചൂഷണം ചെയ്തില്ല
വെറുതെ ഒരു നേരം പോക്കായിട്ട് മാത്രമേ ഫേക്ക് അകൗണ്ട് കൊണ്ട് ഉദ്ദേശിച്ചത്
മാന്യമായി ചോദിച്ചാൽ നീ സത്യം പറയില്ല... ഇവിടെ ഒരു ഓഫീസർ ഉണ്ട് ഡിപ്പാർട്മെന്റിൽ അദ്ദേഹം അറിയാപെടുന്നത് ഇരുമ്പൻ തോമസ് എന്നാണ്.... അവരെ വിളിക്കാം അല്ലെ
നിന്റെ എല്ല് അവർ വെള്ളമാക്കും അപ്പോൾ നീ സത്യം മണി മണി പോലെ എല്ലാം പറയും...
വേണ്ട സാർ തല്ല് കൊല്ലാനുള്ള ആരോഗ്യം എനിക്കില്ല....
ഞാൻ പറയാം സാർ....
പറയണം ആരെയൊക്കെ സാമ്പത്തികമായി ചൂഷണം ചെയ്തു
ദുബായിക്കാരൻ ഷുക്കൂറിനെ...
പിന്നെ ആരൊക്കെ ശുകൂറിൽ നിന്നും എത്ര എത്ര പൈസയാണ് കിട്ടിയത്
സാർ വേറെ ആരും ഇല്ല... ശുകൂറിൽ നിന്നും പലപ്പോളായി... ഏതാണ്ട് നാല്പതിനായിരം രൂപയോളം വാങ്ങിച്ചു
ഈ പൈസ എങ്ങിനെയാണ് നീ സ്വീകരിച്ചത്.... നിന്റെ അകൗണ്ട്കളിലൂടെയാണോ അതോ
മറ്റു വല്ലവരുടെയും അകൗണ്ട് വഴിയാണോ സ്വീകരിച്ചത്.....
സാർ എന്റെ കൂടെ പഠിച്ചിരുന്ന ഒരു ഷഫ്നയുണ്ട്.... അവളുടെ അകൗണ്ട്
വഴിയായിരുന്നു...ഷുക്കൂറിന്റെ പൈസ സ്വീകരിച്ചത്....
അപ്പോൾ ഷഫ്നയ്ക്ക് എന്തെങ്കിലും കമ്മീഷൻ കൊടുത്തോ...
ശുക്കൂറുമായി....ചാറ്റ് ചെയ്ത ഫേസ് ബുക്ക് ഐഡി ഇതാണ്....
"സാർ.... അത്.... അത് "
പറയണം.... ഇരുമ്പൻ തോമസിനെ വിളിക്കാം അല്ലെ.... അതാണ് നല്ലത്
അയ്യോ വേണ്ട സാർ....ഞാൻ പറയാം
സമൂഹത്തിൽ എന്റെ കുടുംബത്തിന് നിലയും വിലയും ഉണ്ട്.... എന്റെ പേര് പത്രത്തിലോ ടിവിയിലൊ വന്നാൽ പിന്നെ എന്റെ കുടുംബം ആത്മഹത്യ ചെയ്യും
അയ്യോ കഷ്ടം തന്നെ...എന്നാൽ
ഒരു കാര്യം ചെയ്യാം.... നിങ്ങളുടെ പേര് ഞങ്ങൾ പരസ്യപെടുത്തില്ല....
പക്ഷെ എല്ലാ കാര്യങ്ങളും തുറന്നു പറയുക.....
ഷുക്കൂറിനോട് ചാറ്റ് ചെയ്ത ഐഡി
ഷഫ്ന ഫൈസൽ എന്ന അകൗണ്ട് ആയിരുന്നു....
പിന്നെ ആരോടൊക്കെ ഇങ്ങിനെ
പൈസ വാങ്ങിച്ചു....
എല്ലാം വിശദമായി പറയണം
നിന്റെ മൊബൈലുകൾ ചെക്ക് ചെയ്താൽ നിനക്ക് എത്ര ഫേക്ക് ഐഡികൾ ഉണ്ട്
നീ ആരോടൊക്കെ എങ്ങിനെയൊക്ക ചാറ്റ് ചെയ്തു എന്ന് മനസ്സിലാക്കാനുള്ള
സാങ്കേതിക വിദ്യ സയ്ബാർ സെല്ലിന്റെ കൈവശമുണ്ട്... മര്യാദയ്ക്ക് എല്ലാം തുറന്നു പറയുന്നതാണ് നിനക്ക് നല്ലത്
പറയാം സാർ..മൂന്ന് വർഷമായി ഞാൻ
ഫേക്ക് അകൗണ്ടുകൾ തുടങ്ങിയിട്ട്
എല്ലാവരെയും എനിക്ക് ഓർമ്മയില്ല
സൗദിയിൽ ഉള്ള രമേശ്, കുവൈറ്റിൽ ഉള്ള ഗഫൂർ, പിന്നെ നാട്ടിൽ തന്നെ ബിസിനസ് നടത്തുന്ന... മോഹനൻ, പവിത്രൻ.... സജീവൻ... റഫീഖ്....
ഇവരെയൊക്കെ ഓർമ്മയുണ്ട് സാർ
എത്ര അകൗണ്ടുകൾ ഉണ്ട് ഫേസ് ബുക്കിൽ എന്തൊക്കെയാണ് പേരുകൾ
ഒമ്പത് അകൊണ്ട്കൾ....
ഷഫ്ന ഫൈസൽ, ഫാത്തിമ മോൾ
ഫിദ ഫാത്തിമ, നുസൈബ ഹാരിസ്
ശ്രീജ. രവികുമാർ .. രമ്യ .. ശ്രീകല വിനോദ്, നവ്യ സുജീഷ്...
അപ്പോൾ നിങ്ങളുടെ ഫേസ് ബുക്ക് ഐഡി ഏതാണ്...
സാർ എനിക്ക് സ്വന്തമായിട്ട് ഒരു അകൗണ്ട് ഇല്ല....
വെരി ഗുഡ്.സ്വന്തമായി അകൗണ്ട് പോലും ഇല്ലാത്ത പാവം
ബാങ്ക് അകൗണ്ടുകൾ എത്രയുണ്ട്..
മൂന്ന് അകൗണ്ടുകൾ ഉണ്ട് സാർ...
സ്വന്തം അകൗണ്ടിൽ പൈസ സ്വീകരിക്കുമോ ?
ഇല്ല സാർ... എന്റെ പെൺ സുഹൃത്തുക്കളുടെ അകൗണ്ടുകളിൽ
അതിൽ നിന്നും ക്യാഷ് എടുത്ത് എന്റെ സ്വന്തം അകൗണ്ടിൽ നിക്ഷേപിക്കും
സ്ത്രീകളുടെ ശബ്ദം
ഏതെങ്കിലും ആപ്പ് ഉപയോഗിച്ചാണോ
റെക്കോർഡ് ചെയ്യുന്നത്
സ്ത്രീകളുടെ ഫോട്ടോസുകൾ എവിടെ നിന്നാണ്
സാർ കോമൺ ആയിട്ടുള്ള സ്ത്രീ വോയ്സുകൾ എന്റെ കയ്യിൽ സ്റ്റോക്ക് ഉണ്ട്... എന്റെ പെൺ സുഹൃത്തുക്കൾ വഴിയാണ് ഇതൊക്കെ ഞാൻ സങ്കടിപ്പിക്കുന്നത്... അതാണ് പുരുഷൻമാർക്ക് ഫോർവെർഡ് ചെയ്യുന്നത്..... ഫോട്ടോസുകൾ ഫേസ് ബുക്കിൽ ധാരാളം ഉണ്ടല്ലോ ... അതൊക്കെ ഗാലറിയിൽ സേവ് ചെയ്തു വെക്കും... ആവശ്യം ഉള്ളപ്പോൾ അയച്ചു കൊടുക്കും....
നഗ്ന ഫോട്ടോകൾ അയച്ചു തരുമോ പുരുഷൻമാർ... നിങ്ങൾ അത് പോലെ തിരിച്ചയക്കുമോ
ചിലർ അയച്ചു തരും... അവർ നിരന്തരം ആവശ്യപെട്ടാൽ ഞാൻ തിരിച്ചും അയക്കും... സ്ത്രീകളുടെ നഗ്ന ഫോട്ടോകൾ...
ആരുടെ ഫോട്ടോസ് ആണ് നിങ്ങൾ
അയക്കുക...
യൂട്യൂബിൽ നിന്നും വീഡിയോ ഡൌൺലോഡ് ചെയ്ത് സ്നാപ് ഷോട്ട് ചെയ്യും എന്നിട്ട് അത് ക്രോപ് ചെയ്ത് ശരീരത്തിലെ ഓരോ ഭാഗങ്ങൾ ആയിട്ട്
അയച്ചു കൊടുക്കും...
ചാറ്റിൽ വരുന്ന പുരുഷൻമാരെല്ലാം സ്ത്രീ ലബടൻമാരാണോ... അതോ നല്ലവരും ഉണ്ടോ....
എല്ലാവരും മാന്യന്മാർ ആയിട്ട് തന്നെയാണ് തുടക്കം.... പതിയെ പതിയെ അവർ... സ്നേഹിച്ചു തുടങ്ങും
പിന്നെ അവർക്ക് ഞാൻ ലഹരിയായി എന്ന് തോന്നിയാൽ... ഞാൻ എന്റെ ട്രിക് തുടങ്ങും
ചിലർ ഉറക്കം പോലും കളഞ്ഞിട്ട് എന്റെ മറുപടിക്ക് കാത്തു നിൽക്കും....
ചിലർ പൈസ ചിലവാക്കില്ല... കഞ്ഞികൾ ആണ് അവർക്ക് എന്റെ നഗ്ന ഫോട്ടോകൾ മാത്രം മതി.... അത്തരം ആളുകളെ ഞാൻ ബ്ലോക്ക് ചെയ്യും
*******
മിസ്റ്റർ വിജയൻ പ്രതിയെ ഒന്ന് കാണാൻ
രണ്ടു പേര് വരുന്നുണ്ട് ജസ്റ്റ് ഒന്ന് പ്രതിയെ കാണിച്ചു കൊടുക്കണം....
ഒന്ന് എന്റെ അദ്ധ്യാപകനാണ്
മറ്റേയാൾ... ഇവൻ ചീറ്റ് ചെയ്ത സജീവൻ
ഞാൻ വിവരം കൊടുത്തതിന്റെ അടിസ്ഥാനത്തിലാണ് അവർ വരുന്നത്
"ശരി സാർ....കാണിച്ചു കൊടുക്കാം"
അൽപം കഴിഞ്ഞപ്പോൾ ഭാസ്കരൻ മാഷും സജീവനും സൈബർ കാര്യാലയത്തിലെത്തി.. മഹേഷിനെ കാണാൻ....
"തുടരും"
പൊതു സമൂഹം മനസ്സിലാക്കാൻ
നമ്മുടെ നാട്ടിൽ സൈബർ കുറ്റകൃത്യം
നാള്ക്കുനാള് വര്ധിക്കുകയാണ്. കുറ്റകൃത്യങ്ങളില് അകപ്പെടാതിരിക്കാനുള്ള മാനസികമായ മുന്നൊരുക്കമാണ് നമുക്ക് വേണ്ടത് വഞ്ചനയില് പെട്ടാല് ആര്ജവത്തോടെ കേസ് നടത്താനും കുറ്റവാളിയെ നിയമത്തിന് മുന്നില് കൊണ്ടുവരാനും നമ്മൾ ധീരത കാണിക്കണം.
നിങ്ങൾ വഞ്ചനയിൽ പെട്ടോ എങ്കിൽ
9497900000 എന്ന മൊബൈല് നമ്പറില് എസ്.എം.എസ് അയക്കുക
അല്ലെങ്കിൽ
cyberps@keralapolice.gov.in എന്ന വിലാസത്തില് പരാതി അയക്കാം
പരാതിക്കാരെക്കുറിച്ചുള്ള വിവരങ്ങള് പൊലീസ് രഹസ്യമായി സൂക്ഷിക്കും. പരാതിപ്പെടുന്ന ആള് എത്രത്തോളം ഈ കുറ്റകൃത്യത്തില് എതിര്കക്ഷിക്ക് സഹായി ആയി എന്നതല്ല, എതിര്കക്ഷി എത്രത്തോളം പരാതിക്കാരെ ചീറ്റ് ചെയ്തു എന്നതാണ് സൈബര് കുറ്റാന്വേഷണത്തിന്റെ മുഖ്യ അന്വേഷണലക്ഷ്യം. അതിനാല് തന്നെ പരാതിപ്പെടുന്നവര്ക്ക് ഒരു കാരണവശാലും പേടിക്കാനില്ല....
******************************
കനൽകാറ്റ്
ഭാഗം7
ഫൈസൽ, സറീനാസ്
*********************
ടാ എന്താടാ നിന്റെ തല താണുപോയോ നേരെ നോക്കെടാ കഴുതേ
നീ പോലീസ് കസ്റ്റഡിയിലായിപ്പോയി അല്ലാ എങ്കിൽ നിന്നെ ഞാൻ....
സജീവൻ... നമ്മുടെ ഭാഗത്ത് നിന്നും പ്രകോപനം പാടില്ല... നിയമം അനുശാസിക്കുന്ന ഏറ്റവും വലിയ ശിക്ഷ അവന് വാങ്ങിച്ചു കൊടുക്കണം...
അതിന് വേണ്ടി പരിശ്രമിക്കുക...
ഇനി ഇവൻ മുഖം മൂടിയിട്ട് ആരുടെയും ഇൻബോക്സിൽ പോവരുത്....
മഹേഷിനെ... പോലീസുകാർ തിരിച്ചു
സെല്ലിലേക്ക് തന്നെ കൊണ്ട് പോയി
നിയമ നടപടിയുമായി മുന്നോട്ടു പോവാനുള്ള കാര്യങ്ങൾ ..സീനിയർ സൈബർ ഓഫീസറായ സുനിൽ കുമാറുമായി ചർച്ച ചെയ്തതിനു ശേഷം
ഭാസ്ക്കരൻ മാഷും സജീവനും നാട്ടിലേക്ക് തിരിച്ചു....
മാഷേ എനിക്കൊരു കാര്യം
പറയാനുണ്ട്... പക്ഷെ മാഷോട് അത് എങ്ങിനെ പറയും എന്നാണ് ഞാൻ ആലോചിക്കുന്നത്.... അത് തുറന്നു പറയാൻ എനിക്കൊരു മടി...
സജീവൻ... നിനക്ക് എന്തും എന്നോട് പറയാം... അദ്ധ്യാപകൻ എന്ന് പറഞ്ഞാൽ.. പുസ്തക താളുകൾ നോക്കി അത് പറഞ്ഞു കൊടുക്കുന്നവൻ മാത്രമല്ല.... രക്ഷകൻ കൂടിയാണ്.......
രക്ഷകൻ എന്ന് പറയുമ്പോൾ ജീവിതത്തിൽ എന്തെങ്കിലും പ്രയാസങ്ങൾ ആർകെങ്കിലും വരുമ്പോൾ അവരുടെ രക്ഷയ്ക് എത്തുക എന്ന അർത്ഥം കൂടിയുണ്ട്....
സമൂഹത്തോട് അങ്ങിനെയുള്ള കടപ്പാട് കൂടി... അദ്ധ്യാപകൻ എന്ന വാക്കിൽ ഒളിഞ്ഞിരിപുണ്ട്.... ധൈര്യമായി പറഞ്ഞോളൂ....
മാഷേ എനിക്ക് എന്റെ ശ്രുതി എന്ന് പറഞ്ഞാൽ ജീവനായിരുന്നു.... പക്ഷെ കുറച്ചു ദിവസങ്ങളായി എനിക്ക് അവളെ
സംശയമായിരിക്കുന്നു....
പഴയത് പോലെ എനിക്ക് അവളെ സ്നേഹിക്കാൻ പറ്റുന്നില്ല.....
സജീവാ.... എന്താണ് നിനക്ക് ശ്രുതിയിൽ സംശയം വരാനുള്ള കാരണം...
അവളുടെ ഭാഗത്ത് നിന്നും വല്ല മോശം പ്രവർത്തിയും ഉണ്ടായോ... ഉണ്ടെങ്കിൽ പറയൂ... അതൊക്കെ കേൾക്കട്ടെ... ഞാൻ.....
സാറെ.. അങ്ങിനെ അവളുടെ ഭാഗത്ത് നിന്നും ഒന്നും കണ്ടില്ല.... പക്ഷെ എന്റെ ചാറ്റിംഗ് എനിക്ക് തലക്ക് പിടിച്ചപ്പോൾ
ഫൈകിന്റെ സ്നേഹമാണ് സത്യം എന്ന് ഞാൻ വിശ്വസിച്ചു.....
സ്നേഹത്തോടെയുള്ള അവളുടെ ഓരോ മെസേജുകളും... കാണുമ്പോൾ
ഞാൻ എന്റെ ശ്രുതിയെ വെറുത്ത് കൊണ്ടിരുന്നു...ഏത് സമയം ചാറ്റ് ചെയ്താലും.. ഫൈക് എനിക്ക് റിപ്ലൈ തരും.... സ്നേഹമുള്ള ഓരോ വാക്കുകൾ കാണുമ്പോളും ഞാൻ കോരി തരിക്കും
പക്ഷെ
ശ്രുതി എപ്പോളും ഗൗരവമായിരിക്കും.... അവളുടെ മുഖത്ത് എന്നും പുഞ്ചിരി ഉണ്ടാവില്ല....... അവൾക് ഞാൻ വെറും ഒരു ഭർത്താവ് സ്ഥാനം മാത്രം...
ഫേസ് ബുക്കിൽ പരിചയപെട്ട ഒരു പെണ്ണ്.... എന്നോട് ഇത്രയും സ്നേഹം കാണിക്കുന്നു... ഇത്രയും അടുപ്പം കാണിക്കുന്നു.... അപ്പോൾ പെൺ വർഗ്ഗം മുഴുവൻ ഇങ്ങിനെ പലരുമായി അവിഹിത ബന്ധം ഉണ്ടാവും എന്ന് ഞാൻ സംശയിച്ചു.... എന്റെ ഭാര്യയും ഇങ്ങിനെ ആരോടെങ്കിലും ചാറ്റ് ചെയ്യുന്നുണ്ടാവും എന്ന് എനിക്ക് ഉറപ്പായിരുന്നു....
സജീവാ... പ്രണയം, അഭിനയം, ജീവിതം
ഇത് മൂന്നും ഒന്നല്ല.... പ്രണയിക്കാനും അഭിനയിക്കാനും... ഈ കാലത്ത് എളുപ്പമാണ്.... ജീവിക്കുക എന്നത് കഠിനമാണ്....
വ്യത്യസ്ത ജീവിത പാശ്ചാത്തലത്തിൽ
വിത്യസ്ത കുടുംബങ്ങളിൽ വളർന്നവരാണ് സ്ത്രീകൾ..അവരുടെ സ്നേഹ പ്രകടനങ്ങൾ ഒരുപോലെ ആവണം എന്നില്ല....
ആത്മാർത്ഥ സ്നേഹമുള്ളവർക്ക് മാത്രമേ പുഞ്ചിരി വരൂ എന്നുള്ള ചിന്ത ഒരിക്കലും ശരിയല്ല...
പിന്നെ... വളരെ ചെറിയൊരു ശതമാനം സ്ത്രീകൾക്ക് അവിഹിത ബന്ധങ്ങൾ ഉണ്ടാവാം... പക്ഷെ... മലയാളികളിൽ
ഭൂരിഭാഗം സ്ത്രീകളും... കുടുംബ ജീവിതത്തിൽ പവിത്രത കാത്തു സൂക്ഷിക്കുന്നവർ തന്നെയാണ്...
മറിച്ചുള്ള ധാരണ തെറ്റാണ്.....
ശരിയാണ് മാഷേ.... എനിക്കെന്റെ ശ്രുതിയെ പഴയത് പോലെ സ്നേഹിക്കാൻ പറ്റുമോ
എന്ത് കൊണ്ട് പറ്റില്ല... ശ്രുതിയെ പോലെ ഒരാളെ ഭാര്യയായി കിട്ടിയതിൽ നീ ഭാഗ്യവാൻ ആണ്... നിനക്ക് സ്നേഹിക്കാനാവും....പഴയതിനേക്കാൾ കൂടുതൽ നിനക്കവളെ സ്നേഹിക്കാൻ പറ്റും....
മാഷേ ... അവളോട് സംഭവിച്ച കാര്യങ്ങൾ എല്ലാം തുറന്നു പറയട്ടെ
ഞാൻ.....
നീ അതൊന്നും പറയണ്ടാ... ഞാനും വരുന്നുണ്ട് നിന്റെ വീട്ടിൽ....
രാത്രി ഭക്ഷണം നിന്റെയും ശ്രുതിയുടെയും കൂടെ കഴിക്കണം എനിക്ക്....
അതിന് സന്തോഷം മാത്രമേ
ഉള്ളൂ..മാഷേ... .
പക്ഷെ ഒരു കാര്യം
എന്താണ് മാഷേ....
എന്റെ ഭാര്യ കമലയുടെ പെർമിഷൻ വേണം.... വീട്ടിൽ നിന്നും പുറത്ത് പോയി ഭക്ഷണം കഴിക്കുന്നതിൽ അവൾക് വിരോധം ഒന്നും ഇല്ല.. പക്ഷെ... ആ കാര്യം അവളോട് പറയണം...
അതാണ് ഞങ്ങളുടെ സ്നേഹം....
കമലയെ
കല്യാണം കഴിച്ചിട്ട്... ഇപ്പോൾ 34 വര്ഷം കഴിഞ്ഞു.... പക്ഷെ... ഇപ്പോളും അവളെ സ്നേഹിച്ചു കൊതി തീർന്നില്ല....
ഈശ്വരനോട് ഒരേ ഒരു പ്രാർത്ഥന മാത്രം ഞങ്ങളെ തമ്മിൽ ഒരിക്കലും ഒറ്റപെടുത്തല്ലേ... അത് ജീവിതത്തിൽ ആയാലും മരണത്തിലായാലും....
എങ്കിൽ സജീവാ നീ പൊയ്ക്കോളൂ ഞാൻ രാത്രി അവിടെ എത്താം
(തുടരും )
കനൽകാറ്റ്, ഭാഗം 8
(അവസാനഭാഗം)
"ശ്രുതീ... രാത്രി ഭക്ഷണത്തിന് നമ്മളോടൊപ്പം ഒരു ഗസ്റ്റ് കൂടി ഉണ്ടാവും
അത് കൊണ്ട് ചോറിന്റെ കൂടെ എന്തെങ്കിലും സ്പെഷ്യൽ ഉണ്ടാകണം"
കുറച്ചു ദിവസ്സങ്ങളായിട്ട് ഇമ്മാതിരി ഒരു കാര്യവും സജീവേട്ടൻ എന്നോട് പറയാറില്ല.... ഏതായാലും ശ്രുതിക്ക് ഇത് കേട്ടപ്പോൾ സന്തോഷമായി
ആരാണ് സജീവേട്ടാ ഇന്നത്തെ
ഗസ്റ്റ്... ഞാനൊന്ന് അറിയട്ടെ
നിനക്ക് അവരെ അറിയാൻ വഴിയില്ല
എന്നെ പഠിപ്പിച്ച ഒരു അദ്ധ്യാപകനാണ്... പേര് ഭാസ്കരൻ എന്നാണ്..
ഓഹോ..എനിക്ക് അറിയില്ല സജീവേട്ടാ
എന്ന് ശ്രുതി ഒരു കള്ളം പറഞ്ഞു...
രാത്രി എട്ട് മണിയായി കാണും
ഭാസ്കരൻ മാസ്റ്റർ സജീവന്റെ വീട്ടിൽ എത്തി... അമ്മയോട് അൽപം ലോഗ്യം പറഞ്ഞു... സജീവനെയും കൂട്ടി മുറ്റത്തേക്ക് പോയി... അൽപ സമയം
രണ്ട് പേരും എന്തോ സ്വകാര്യമൊക്കെ പറഞ്ഞു...
രണ്ട് പേരും ചേർന്ന് ഭക്ഷണമൊക്കെ കഴിച്ചതിനു ശേഷം... ശ്രുതിയെ മാഷ് വെളിയിലേക്ക് വിളിപ്പിച്ചു... ആ സമയം സജീവൻ അകത്തേക്ക് പോയി...
മോളെ ശ്രുതി... സജീവന്റെ വിശ്വാസം
നീ ഇതൊന്നും അറിഞ്ഞിട്ടില്ല എന്നാണ്
ഞാൻ പറയുന്നത് കേൾക്കുക
നീ ഒന്നും അറിഞ്ഞിട്ടില്ല... അറിഞ്ഞ ഭാവം നടിക്കുകയും വേണ്ടാ ഈ വിഷയത്തിൽ ഇനി ഒരു സംസാരവും വേണ്ടാ...ഓൺലൈൻ പ്രണയത്തിൽ
കുടുങ്ങിയാണ് നീയുമായി അകലാൻ കാരണം... എന്ന് നമുക്ക് അറിയാം
പക്ഷെ..
സാമ്പത്തിക നഷ്ടം ഉണ്ടായത്
സജീവനെ മാനസികമായി തളർത്തി
അത് കാരണമാണ്... നിന്നോട് അകലം കാണിച്ചത് എന്ന് മാത്രമേ നീ വിശ്വസിക്കാൻ പാടുള്ളൂ എന്നാണ് സജീവന്റെ ആഗ്രഹം....
മാഷ് എന്താണ് പറയുന്നത് അത് പോലെ ഞാൻ ചെയ്യാം... ജീവിതത്തിൽ ഒരിക്കലും നിങ്ങളെ മറക്കില്ല
വളരെ തന്ത്ര പരമായ മാഷുടെ ഇടപെടൽ കൊണ്ടാണ് .ഇവിടം വരെ എത്തിയത്....
പിന്നെ സജീവൻ പറഞ്ഞ കാര്യങ്ങൾ പറയാം നിന്നോട് അവന് പറഞ്ഞറിയിക്കാൻ പറ്റാത്ത സ്നേഹമുണ്ട്.... സ്നേഹിച്ചു കൊതി തീർന്നില്ല.... ഇങ്ങിനെ ഒരു സാഹചര്യം ഒരിക്കലും പ്രതീക്ഷിച്ച കാര്യമല്ലാലോ
ഒരു ദുർബല നിമിഷം സജീവന്റെ മനസ്സിനൊരു ചാഞ്ചാട്ടം ഉണ്ടായി...
അതികം വഷളാവാതേ ഇപ്പോൾ
എല്ലാം പഴയപടി ആയല്ലോ....
പിന്നെ വേറൊരു കാര്യം...
നിനക്ക് സജീവനോടുള്ള സ്നേഹം ആത്മാർത്ഥമാണ്... പക്ഷെ... അത് പലപ്പോളും പുറത്തു കാണിക്കാൻ ശ്രമിക്കുന്നില്ല എന്നെനിക്ക് തോന്നുന്നു
സ്ത്രീകൾ ചിലർ അങ്ങിനെയാണ്... അവർക്ക് ജീവിത പങ്കാളിയോട്... നല്ല സ്നേഹം എപ്പോളും ഉണ്ടാവും പക്ഷെ
അവർക്ക് സ്നേഹം പുറത്ത് കാണിക്കാൻ പറ്റുന്നില്ല... മനപ്പൂർവം പുറത്ത് കാണിക്കണ്ടാ എന്ന ദുർവാശി കാരണം അല്ല അതൊന്നും... ശീലം അങ്ങിനെ ആയിപോയി.... അതൊന്നും മാറ്റാൻ അവർ ശ്രമിക്കുന്നതും ഇല്ല
പക്ഷെ.... ഇത് കാരണം പങ്കാളിയിൽ നീരസം ഉണ്ടാവുന്നുണ്ട്.... അത് കൊണ്ട് ഉള്ളിലെ സ്നേഹം പുറത്ത് കാണിക്കാൻ
ഭാര്യയും ഭർത്താവും ശ്രമിക്കണം
അങ്ങിനെ ആവുമ്പോൾ ജീവിതം ആസ്വാദിക്കാൻ പറ്റും....
അച്ഛനും അമ്മയും വളരെ സന്തോഷത്തിൽ പെരുമാറുന്നതും
ജീവിക്കുന്നതുമൊക്കെ കണ്ട് വളരുന്ന മക്കൾ കൂടുതൽ ഊർജസ്വലർ ആയിരിക്കും... അവരുടെ പെരുമാറ്റത്തിൽ നമുക്ക് അത് മനസിലാക്കാൻ പറ്റും.......
എങ്കിൽ മോള് പൊയ്ക്കോളൂ... എല്ലാവർക്കും ചായ ഇടൂ മോള് പോയിട്ട്
ശ്രുതി അകത്തേക്ക് കയറിയപ്പോൾ
സജീവൻ പുറത്തേക്ക് ഇറങ്ങി....
സജീവാ കാര്യങ്ങൾ എല്ലാം ശ്രുതിയോട് പറഞ്ഞിട്ടുണ്ട്... ചെറിയൊരു ലോകത്ത് ജീവിക്കുന്നവളാണ് അവൾ അവളുടെ ലോകത്തെ രാജകുമാരനാണ് നീ
നീ കാരണം അവളുടെ കണ്ണിൽ നിന്നും ഒരു തുള്ളി കണ്ണ് നീർ വീഴാൻ ഇടവരാൻ പാടില്ല....
പിന്നെ സുനിൽ കുമാർ എന്നെ വിളിച്ചിരുന്നു .... മഹേഷിന്റെ അകൗണ്ട് അവർ പരിശോധന നടത്തിയിരുന്നു
രണ്ട് ലക്ഷം രൂപ അവന്റെ അകൗണ്ടിൽ ഉണ്ട്.... കോടതി മുകാന്തിരം മാത്രമേ ആ കാശ് പിൻവലിക്കാൻ പറ്റുകയുള്ളൂ
അതിന് രണ്ട് മാസമെങ്കിലും കാത്തിരിക്കണം....
അത് സാരമില്ല മാഷേ...എനിക്കെന്റെ ശ്രുതിയെ കിട്ടിയില്ലേ... അതിനിടയിൽ ഈ ഒരു ലക്ഷത്തിന്റെ വിഷയം നിസാരം
രണ്ട് മാസം കാത്തിരുന്നാൽ എന്താ
ഒരിക്കലും കിട്ടില്ല എന്ന് കരുതിയ പൈസയാണല്ലോ അത്.....
സജീവേട്ടാ ചായ കൊണ്ട്
വെച്ചിരിക്കുന്നു.. എന്ന് ശ്രുതി വന്നു പറഞ്ഞപ്പോൾ.... സജീവനും മാഷും
ചായ കുടിക്കാൻ സ്റ്റൂളിൽ ഇരുന്നു
വാ ശ്രുതി നീയും വരൂ അമ്മയും വരൂ
ഇവരുടെ അരികിൽ അമ്മയും ശ്രുതിയും വന്നിരിന്നപ്പപ്പോൾ.. മാഷ് പറയുകയാണ്
നിങ്ങൾക് ഞാനൊരു സമ്മാനം കൊണ്ട് വന്നിട്ടുണ്ട് എന്ന്.....
എന്നിട്ട് മാഷ് അവരുടെ ചെറിയ ബാഗിൽ നിന്നും ചെറിയൊരു പൊതി പുറത്തേക്ക് എടുത്തു....
എന്ത് സമ്മാനമാണ് മാഷേ നിങ്ങൾ കൊണ്ട് വന്നത് എന്ന് സജീവൻ ചോദിച്ചപ്പോൾ.....
മാഷ് ആ പൊതിയിൽ നിന്നും ഒരു ലഡു എടുത്ത് സജീവന്റെ കയ്യിൽ കൊടുത്തിട്ട് പറഞ്ഞു.... നീ ഇത് ശ്രുതിയുടെ വായിൽ വെച്ചു കൊടുക്കൂ... എന്ന്
സജീവൻ ലഡു വാങ്ങിച്ചു..ശ്രുതിയുടെ വായിൽ ഇട്ടു കൊടുക്കുമ്പോൾ.. ശ്രുതിക്ക് ചിരിയും വരുന്നു കണ്ണിൽ നിന്നും വെള്ളവും വന്നു....
മാഷ് ഒരു ലഡു എടുത്ത് ശ്രുതിയുടെ കയ്യിൽ കൊടുത്തിട്ട് പറഞ്ഞു
സജീവന്റെ വായിൽ ഇട്ടു കൊടുക്കാൻ
ഇതൊക്കെ കാണുമ്പോൾ സജീവന്റെ അമ്മയുടെ മുഖം കണ്ടാൽ അറിയാം
അവർക്ക് എത്ര മാത്രം സന്തോഷം ഉണ്ടെന്ന്.... സാരി തുമ്പ് കൊണ്ട് കണ്ണ് തുടയ്ക്കുകയാണ്... സജീവന്റെ അമ്മ
പിന്നെ രണ്ട് പേരോടും ഒരു കാര്യം
കഴിഞ്ഞ ആറുമാസത്തെ ജീവിത അനുഭവങ്ങൾ വിഷമങ്ങൾ... എല്ലാം മനസ്സിൽ നിന്നും ഡിലിറ്റ് ചെയ്യുക
ആറു മാസം മുമ്പ്.. എങ്ങിനെ നിങ്ങൾ ജീവിച്ചു.... അതിലും സന്തോഷത്തിൽ നിങ്ങൾ ജീവിക്കണം.... ഇടക്ക് ഞാൻ ഇവിടെ വരും നിങ്ങളുടെ വിശേഷങ്ങൾ അറിയാൻ....
സജീവാ കണക്ക് പരീക്ഷയിൽ മാർക്ക് കുറഞ്ഞതിന്
ഞാൻ നിന്നെ തല്ലിയത് ഓർമ്മയില്ലേ
അതിലും വലുങ്ങനെ തല്ലാൻ... എനിക്ക് ഇപ്പോളും ആരോഗ്യം ഉണ്ട് എന്നത് നീ മറക്കണ്ടാ....
ഇത് കേട്ടപ്പോൾ...അവിടെ കൂട്ട ചിരിയായിരുന്നു......
സജീവനും ശ്രുതിയും പഴയതിനേക്കാൾ
സന്തോഷത്തോടെ ഇപ്പോൾ ജീവിക്കുന്നു...
ഒരു വർഷത്തിന് ശേഷം...
ഇവർക്ക് ഒരു പെൺകുട്ടി പിറന്നു...
നമ്മുടെ പുന്നാര മോൾക്ക് നല്ലൊരു പേരിടാൻ നമുക്ക് ഭാസ്കരൻ മാഷോട് പറയാം എന്ന് സജീവൻ പറഞ്ഞപ്പോൾ ശ്രുതിക്കും സന്തോഷമായി.....
ഭാസ്കരൻ മാഷ് വന്നു അവളെ
കയ്യിൽ എടുത്ത് പേര് വിളിച്ചു
"സ്നേഹ" എന്ന്
എല്ലാവർക്കും ആ പേര് ഇഷ്ടപ്പെട്ടു
അച്ഛന്റെയും അമ്മയുടെയും അച്ഛമ്മയുടെയും സ്നേഹവും വാത്സല്യവും അനുഭവിച്ചു....
സ്നേഹ മോളുടെ ചിരിയും കളിയുമൊക്കെ ആസ്വദിച്ചും .അവർ ഇപ്പോളും... സന്തോഷത്തോടെ ജീവിക്കുന്നു......
(ശുഭം)
ഫൈസൽ, കണ്ണൂക്കര
Comments
Post a Comment