മുഹബ്ബത്ത് ഫസ്റ്റ് പാർട്ട്‌

💞മോഹബ്ബത്💞
❤ഫുൾ പാർട്ട്‌ ❤
_________________________________________

കിടന്നിട്ട് ഉറക്കം വരുന്നേ ഇല്ല....വല്ലാത്ത ഒരു ടെന്ഷന്....ഹോ...ഇതെന്താ ഇങ്ങനെ...

നാളെ തൊട്ട് പുതിയ കോളേജ്...പുതിയ friends.... പുതിയ ടീച്ചേഴ്‌സ്.... എല്ലാം കൊണ്ടും പുതിയ ഒരു അന്തരീക്ഷം....

അവിടുത്തെ സീനിയർസ് ഒക്കെ എങ്ങനെ ആണോ ആവോ...പടച്ചോനെ...റാഗിങ് ഒന്നും ഇല്ലാതിരുന്ന മതിയായിരുന്നു....

ഹേ...ഇതൊക്കെ പറയുന്നു എന്നല്ലാതെ ഞാൻ ആരാണെന്ന് നിങ്ങളോട് പറഞ്ഞോ..ഇല്ലാല്ലേ...

നിങ്ങളെന്ത് മൻഷ്യന്മാരാണ്...ഞാൻ പറഞ്ഞില്ലേൽ ഇങ്ങള് ചോയിക്കണ്ടേ....

ഹാ...ഇങ്ങള് ചോയിക്കാത്തൊണ്ടു ഞാൻ തന്നെ പറയാം....

ഞാൻ ഷാദിയ.... ഷാദി എന്ന് വിളിക്കും എല്ലാരും....ഹമീദ്ക്കാടെയും ബീവി റംലാത്തയുടെയും പുന്നാര മോൾ....

പിന്നെ എനിക്ക് ഒരു ഇക്കാക്ക ഉണ്ട് ട്ടാ...ഷഫാസ്...എന്റെ പൊന്ന് ഷഫാസ്ക്കാ...

പുള്ളിക്കാരൻ MCom final year നു പഠിക്കുവാണ്.... ഓൻ പഠിക്കുന്ന കോളേജിൽ എനിക്ക് അഡ്മിഷൻ കിട്ടാൻ ഓൻ കൊറേ ശ്രമിച്ചിരുന്നു...

പക്ഷെ എന്റെ പ്രാർത്ഥനയുടെ ഫലമായി ആ കോളേജിൽ എനിക്ക് അഡ്മിഷൻ കിട്ടിയില്ല...പകരം മറ്റൊരു കോളേജിൽ കിട്ടി....ഹോ...ഓന്റെ കോളേജിൽ എങ്ങാനും ആയിരുന്നേൽ പണി പാലും വെള്ളത്തിൽ കിട്ടിയേനെ....

പിന്നെ കോളേജ് ലൈഫ് എന്നൊക്കെ പറഞ്ഞു നടന്നത് വെറുതെ ആയി പോയേനെ....

നാളത്തെ ദിവസം ആലോചിച്ചു ശരിക്കും ത്രില്ലിൽ ആണ് ഞാൻ...അത് പിന്നെ അങ്ങനെ ആണല്ലോ അല്ലെ...പുതിയ കോളേജിലേക്ക് പോവുമ്പോൾ ആർക്കായാലും ഒരു ആകാംക്ഷ ഒക്കെ ഉണ്ടാവും....

"ടി...ഷാദി...."

എന്റെ ഇക്കാക്കയാണ്....

"ഹാ...എന്താ കാക്കു..."

"ഇയ്യ്‌ എന്താടി ഉറങ്ങിയില്ലേ..."

"ഇല്ലാപ്പാ...എനിക്ക് കിടന്നിട്ട് ഉറക്കു വരുന്നില്ല...."

"അതെന്താടി...വല്ല ചെക്കന്മാരും മനസ്സിൽ കേറി കൂടിയോ..."

"ദേ...ഇക്കാക്ക ന്നെ വെറുതെ ദേഷ്യം പിടിപ്പിക്കരുത്..."

"അച്ചോടാ...നി എന്തൊരു ചൂടത്തി ആണേടി..."

"ഞാൻ ചൂടാതിയൊന്നുമല്ല..."

"ഹാ...പിന്നെ പറ...എന്താ നിനക്ക് ഉറക്ക് കിട്ടാത്തെ...."

"വേറെന്താ...നാളെ പുതിയ കോളേജിൽ പോകുവല്ലേ.... അതൊക്കെ ആലോചിച്ചതാ ....അപ്പോഴേക്കും ഉറക്കും പോയി...."

"ഹഹ...അതാണോ കാര്യം...."

"ഉം...അതന്നെ കാര്യം..."

"ടി....എന്റെ കോളേജിൽ  അഡ്മിഷൻ കിട്ടാതിരിക്കാൻ നി കുറെ പ്രാര്ഥിച്ചതല്ലേ.."

"ഹേ...ഞാനോ...എന്റെ ഇക്കാക്കാടെ കോളേജിൽ തന്നെ സീറ്റ് കിട്ടണെ എന്നാ ഞാൻ പ്രാർഥിച്ചത്...."

"അയ്യട....നിന്റെ മനസ്സിലിരിപ്പ് എനിക്കറിയാ....ഞാൻ ഉള്ളിടത്തായാൽ നിനക്ക് നിന്റെ കളിയൊന്നും കളിക്കാൻ കഴിയില്ല....എന്നെ പേടിച്ചു നിൽക്കണ്ടേ..."

"ഹിഹി...കൊച്ചു ഗള്ളൻ... കണ്ടുപിടിച്ചു...."

"ഹാ....എന്നാലേ....എന്റെ പൊന്ന് മുത്തിനെ ഞാൻ അങ്ങനെയങ്ങ് വെറുതെ വിടാൻ ഞാൻ ഉദ്ദേശിച്ചിട്ടില്ല...."

"ഹേ...എന്താ...."

"നിനക്ക് നാളെ നല്ല അസ്സലൊരു സമ്മാനം അവിടെ ഒരുക്കി വെച്ചിട്ടുണ്ട്...."

"എന്തു സമ്മാനം....ഇക്കൂസ് ഒന്ന് ശെരിക്കും പറ...."

"അയ്യേ....ഞാൻ പറഞ്ഞാൽ അതിന്റെ ത്രിൽ പോയില്ലേ...."

"ഹേ...എനിക്കൊന്നും മനസ്സിലായില്ല..."

"നാളെ മോൾ നേരിട്ട് കണ്ടോ...അപ്പൊ എല്ലാം മനസ്സിലാവും...."

"ഇക്കൂസ്....എനിക്ക് എന്തോ കാര്യമായിട്ട് പണി തന്നിട്ടുണ്ടല്ലേ...."

"ഉണ്ടെന്ന് കൂട്ടിക്കോ...."

"ഓഹ്...ശരി...ശരി...."

"അപ്പൊ പിന്നെ good night...."

എന്റെ കവിളിൽ പിടിച്ചു നുള്ളി കൊണ്ട് പറഞ്ഞു....

"ഉം...good night...."

ഓൻ ചിരിച്ചോണ്ട് പുറത്തേക്ക് പോയി....

ശേ...വട്ടൻ....ന്റെ ഉള്ള ഉറക്കും കളഞ്ഞു...എന്നാലും എന്തായിരിക്കും ആ സമ്മാനം....

ഹാ....നാളെ നേരിട്ട് കാണാം ....

ഓരോന്ന് ആലോചിച്ചു ഞാൻ എപ്പഴോ ഉറങ്ങി പോയി....

******************

രാവിലെ കോളേജിൽ പോകാൻ ഒരുങ്ങാൻ തുടങ്ങി....

എത്ര ഒരുങ്ങീട്ടും ഒരു തൃപ്തി വരണില്ല....

"എന്റെ പൊന്ന് പെങ്ങളെ മതി....ഇപ്പൊ തന്നെ നി over മൊഞ്ച് ആണ്....ഇനിയും മൊഞ്ച് ആക്കീട്ട് നിന്നെ ആരും തട്ടി കൊണ്ട് പോയേക്കല്ല..."

ഇക്കാക്ക ഞമ്മക്കിട്ട് താങ്ങി....

"ഇക്കൂസെ... ന്തയാലും ഇങ്ങളത്ര മൊഞ്ച് ഒന്നും ഞമ്മളില്ലാപ്പ....ഞമ്മള് പാവങ്ങൾ..."

"അധികം ആക്കല്ലെടി കാന്താരി..."

"രാവിലെ തന്നെ തുടങ്ങിയോ രണ്ടാളും..."

ഉമ്മയാണ്....

"ഹേയ്...ഒന്നുല്ലുമ്മ....."

ഞാൻ പറഞ്ഞു....

"ഉപ്പ ഇപ്പൊ വിളിച്ചപ്പോ കൂടി പറഞ്ഞതെ ഉള്ളു....കോളേജിൽ പോയിട്ട് മര്യാദക്ക് പഠിക്കാൻ പറയണം ഒളോട് എന്ന്..."

ഉമ്മ പറഞ്ഞു....

"ഷോ ..ഈ ഉപ്പാക് എന്നെ അത്രക്ക് വിശ്വാസം ഇല്ലേ ..."

"അതില്ലാത്തൊണ്ടല്ലേ നിന്നെ നോക്കാൻ അവിടെ ആളെ ആക്കിയെ......"

"എഹ്...ആളെയോ....ആരെ...."

"കാണാൻ പോവുന്ന പൂരം പറഞ്ഞറിയിക്കണോ മുത്തെ...."

"വേണ്ട....ഞാൻ തന്നെ കണ്ടോളം....".

ഇക്കാക്കാനോട് അങ്ങാനൊക്കെ പറഞ്ഞെങ്കിലും എനിക്ക് സത്യത്തിൽ ടെന്ഷന് ആയി...പക്ഷെ ഞമ്മളത് പുറത്തു കാണിച്ചില്ല....

ഓന്റെ കൂടെ തന്നെ കോളേജിലേക്കും പോയി....

എന്നെ അവിടെ ആക്കി ....പിന്നെ ഇക്കാന്റെ വക ഉപദേശം....

seniors എന്തേലും ചോദിച്ചാൽ മര്യാദക്ക് സംസാരിക്കണം...വായടിക്കാൻ നിൽക്കരുത്....പിന്നെ അവര് നിന്റെ വായടക്കും....

എന്നൊക്കെ എന്താല്ലോ പറഞ്ഞു തന്നു...

അതൊക്കെ കേട്ട് ഞാൻ നല്ല അനുസരണ ഉള്ള കുട്ടിയായി മാറി....

ഇക്കു പോയപ്പോ പിന്നെ ധൈര്യം എല്ലാം പോയി....വല്ലാതെ നെഞ്ചിടിക്കാൻ തുടങ്ങി...

ശോ.... റാഗിങ് ഒന്നും ഉണ്ടാവല്ലേ റബ്ബേ....

പ്രാർത്ഥിച്ചോണ്ട് gate കടന്നതും ഒരു വിളി...

"ഹോയ്‌...ഒന്നിങ്ങോട്ട് വന്നേ...."

ശബ്ദം കേട്ട ഭാഗത്തേക്ക് ഞാൻ നോക്കി...

പടച്ചോനെ എന്നെയായിരിക്കല്ലേ വിളിച്ചത്..മനസ്സിൽ പറഞ്ഞു ഞാൻ അവരെ നോക്കി....

അവര് എന്നെ വിളിച്ചു...എന്നെ തന്നെ ആണോ എന്ന് ഉറപ്പിക്കാൻ ഞാൻ തിരിഞ്ഞു നോക്കി....

"പിന്നിലേക്കൊന്നും നോക്കണ്ട...നിന്നെ തന്നെയാ...."

വീണ്ടും അവര് പറഞ്ഞു.........

ഹോ...സമാധാനം....സന്തോഷം...

പേടിച്ചു പേടിച്ചു ഞാൻ അവരുടെ അടുത്തേക്ക് പോയി....

ഒരു അഞ്ചേട്ടാൾ അടങ്ങുന്ന ഒരു gang....

"എന്താ പേര്...."

അതിലെ ഒരു സുന്ദരൻ എന്നോട് ചോദിച്ചു....

"ഷാദിയ...."

ഞാൻ വളരെ ബഹുമാനത്തോടെ തന്നെ പറഞ്ഞു...

"ഐവ.....അടിപൊളി പേര്.... ഷാദിയ ഏതാ subject..."

"BBA....".

"ഓഹ്...അപ്പൊ നമ്മുട കൂട്ട് തന്നെ ആണല്ലേ...തന്റെ super seniors ആണെടോ ഞങ്ങൾ..."

അവര് MBA ആണെന്ന് അവരുടെ സംസാരത്തിൽ നിന്ന് എനിക്ക് മനസ്സിലായി...

"ഷാദിയ ആളൊരു മൊഞ്ചത്തി ആണ് ട്ടാ..."

സംഭവം അതങ്ങു സുഖിച്ചു എങ്കിലും  നല്ല പേടി ആയി...കാരണം....എന്തോ മുട്ടൻ പണി തരാനുള്ള പറച്ചിൽ ആണ് അതെന്ന് എനിക്ക് മനസ്സിലായി....

"ഷാദിയ ഞങ്ങൾ പറയുന്ന ഒരു കാര്യം ചെയ്യണം...."

"എന്തു കാര്യം..."

"അതൊക്കെ പറയാം...പക്ഷെ...അതിന് മുന്നേ ഒരു കാര്യം പറയട്ടെ...ഞങ്ങള് പറയുന്നത് ചെയ്താൽ തനിക്ക് ഇവിടെ നല്ല രീതിയിൽ പഠിക്കാം...അതല്ല എതിർക്കാനാണ് ഭാവം എങ്കിൽ നി പിന്നെ ഇവിടെ വരണോ വേണ്ടയോ എന്ന് ഞങ്ങൾ തീരുമാനിക്കും....."

പടച്ചോനെ...ഭീഷണി... ഈ ഭീഷണി പണ്ടേ ഞമ്മക്ക് കണ്ണിൽ പിടിക്കൂല....സംഭവം ഞമ്മള് നല്ലോണം പേടിച്ചു....പക്ഷെ അത് പുറത്തു കാണിക്കാൻ പാടില്ലല്ലോ...പിന്നെ ഞമ്മളെ വില പോയില്ലേ....

"എന്താ കാര്യം...."

ഞാൻ ചോദിച്ചു.....

" നിനക്ക് പറ്റിയ ഒരു മൊഞ്ചൻ ഉണ്ട് ഈ കോളേജിൽ...നിനക്ക് നല്ലോണം ചേരും...നല്ല കട്ട താടിയും അടിപൊളി മുടിയും ഒക്കെ ആയി ഒരു കുറവും പറയാൻ ഇല്ലാത്ത ഒരു അസ്സൽ മൊഞ്ചൻ... അവന് നി love letter എഴുതണം....എന്നിട്ട് ഇന്ന് വൈകുന്നേരത്തിനുള്ളിൽ കൊടുക്കണം.."

പടച്ചോനെ പഹായന്മാരു ബെല്ലാത്ത പണി ആണല്ലോ തന്നത്....

അവര് വീണ്ടും പറയാൻ തുടങ്ങി...

"അവന്റെ പേര് നിഷാദ്....MBA final year ആണ് ഒനും...ഈ campus ൽ ഏത് പൂച്ചയോട് ചോദിച്ചാലും അവനെ പറഞ്ഞു തരും...ഇന്ന് വൈകുന്നേരത്തിനുള്ളിൽ തന്നെ കൊടുക്കണം....മനസ്സിലായോ..."

പണ്ടാരക്കാലന്മാര്... പാവം ഞാൻ....

"ഉം...മനസ്സിലായി...."

"എന്നാ താൻ ക്ലാസ്സിൽ പൊക്കോ..."

"ഉം..."

ശോ.... ഞാൻ ഇനി എന്താ ചെയ്യാ...

ഒട്ടും പ്രതീക്ഷിക്കാത്ത ഒരു പണി ആണല്ലോ കിട്ടിയത്....അവന് ആരാണെന്ന് പോലും അറിയാതെ ഞാൻ എങ്ങനെയാ....

ഈ love letter ഒന്നും എഴുതി ഞമ്മക്ക് ശീലം ഇല്ല...ഹാ....വല്ലവനും ഉണ്ടെങ്കിൽ അല്ലെ ഇതിന്റെയൊക്കെ ആവശ്യം ഉള്ളു....

ഞാൻ അങ്ങനെ ഓരോന്ന് ആലോചിച്ചു നടന്ന്  ക്ലാസ്സ് എത്തിയത് അറിഞ്ഞില്ല....

പെട്ടെന്ന്.....

💞മോഹബ്ബത്💞

part--2…💕
_________________________________________

പെട്ടെന്ന്........

"excuse me....."

പറഞ്ഞ സായിപ്പിന്റെ മുഖത്തെക്ക് ഞാൻ നോക്കി....എവിടെയോ കണ്ടു നല്ല പരിചയം.....

"എന്താ...."

ഞാൻ ചോദിച്ചു....

"ഷാദിയ അല്ലെ...."

"അതേലോ...താൻ...?…"

"ഹായ്....i am ആഷിർ....തന്റെ class mate ആണ്...."

"ഓഹ്...പക്ഷെ എന്നെ എങ്ങനെ...?"

"ഞാൻ കണ്ടിട്ടുണ്ട്....നേരിട്ടല്ല...."

"പിന്നെ....???"

"ഫോട്ടോയിൽ..."

"ഫോട്ടോയിലോ...."

ഞാൻ സംശയത്തോടെ ചോദിച്ചു....

"അതേ...ഫോട്ടോയിൽ...തന്റെ ഇക്കാക്ക ശഫാസ്സിന്റെ ഫോണിൽ നിന്ന്...തന്നെ നോക്കാൻ എന്നെയാ ഏല്പിച്ചെ..."

ഓഹ്...ഇപ്പഴല്ലേ ഞമ്മക്ക് കാര്യം പിടി കിട്ടിയേ....ഇന്നലത്തെ എന്റെ ഉറക്കു കളഞ്ഞത് ഇവനെ പേടിച്ചിട്ടാണോ...ഹിഹി...നല്ല തമാശ...

വട്ടൻ ഇക്കൂസ്...എന്നെ നോക്കാൻ വേണ്ടി ഏൽപ്പിച്ചത് ഈ പീക്കിരിയെ...

അതെന്തായാലും പൊളിച്ചു

..ഇവനെ ഞമ്മളെ വഴിക്ക് കൊണ്ട് വരാൻ എനിക്കറിയാ....വെറുതെ പേടിച്ചു....

"താനെന്താ ആലോചിക്കുന്നെ..."

"ഹേയ്...ഒന്നുല്ല... അല്ല...തനിക്ക് ഇക്കുനേ എങ്ങനെ അറിയാ???"

"എന്റെ ഇക്കാക്കാൻറെ ചങ്ങായി ആണ് ശഫാസ്ക്ക...."

"ഹേ....ഇന്റെ ഇക്കാക്ക ഏതാ...."

"അൻഷീർ...."

"എഹ്...അൻഷിക്കാടെ അനിയൻ ആണോ നി....പൊളിച്ചു...."

"ഉം...അതേ....അല്ല...തന്നെ നോക്കാൻ ഏൽപ്പിക്കാൻ മാത്രം തലതെറിച്ചത് ആണോ നി...."

"ഹേ...അല്ല....എന്റെ ഇക്കാക്കന്റെ ഒരു സമാധാനത്തിന് ആയിരിക്കും.....ഞാൻ പാവാന്ന്...."

"ഹാ...അത് തന്റെ ഇക്കാക്ക പറഞ്ഞപ്പോ എനിക്ക് മനസ്സിലായി..."

ഇവൻ ഞമ്മക്കിട്ട് താങ്ങിയതാണോ എന്ന സംശയം ഇല്ലാതില്ല....

"ഹിഹി...."

കുറച്ചു നേരം സംസാരിച്ചപ്പോൾ തന്നെ ആഷിയുമായി നല്ല കൂട്ടായി...

"ആഷി...ഞാൻ ഇവിടെ എന്ത് കുരുത്തക്കേട് കാണിച്ചാലൂം നി പോയി പറയാൻ പാടില്ലേ..."

"ഞാൻ പറയില്ല....ന്റെ കാര്യം ഒന്നും നിയും പറയരുത്...."

"ഏറ്റു ചങ്കെ..."

നല്ല ആളെയ ഇക്കാക്ക ഏൽപ്പിച്ചത്...

നമ്മക്ക് പറ്റിയ കൂട്ട്.......

ക്ലാസ്സിൽ കുറെ ആൾക്കാരുമായി company ആയി....

ആരെയും അങ്ങോട്ട് പോയി പരിചയപ്പെടുന്ന സ്വഭാവം ഞമ്മക്ക് ഉള്ളോണ്ട് ചങ്ങായിമാരെ കിട്ടാൻ അധികം കഷ്ട്ടപ്പെടേണ്ടി വന്നില്ല....

*********************

ഇന്റർവെൽ ആയപ്പോഴേക്ക് എനിക്ക് വീണ്ടും ടെന്ഷന് തുടങ്ങി....

പടച്ചോനെ...അവന്മാര് പറഞ്ഞപോലെ love letter എഴുതണ്ടെ...ഞാൻ ഇപ്പൊ ന്താ ചെയ്യാ...

ആഹ്...എന്തേലും ആക്കാം....

ചുമ്മാ ഒന്ന് കോളേജ് ഒക്കെ ചുറ്റി കാണണം എന്നുണ്ട്...പക്ഷെ ഒറ്റയ്ക്കായത് കൊണ്ട് ഒരു മടി....

എന്തു വേണം എന്ന് ആലോചിച്ചു നിൽക്കുമ്പോൾ ആണ്...

"എന്താ ഒറ്റയ്ക്ക് നിൽക്കുന്നെ..."

ഞാൻ തിരിഞ്ഞു നോക്കി....ക്ലാസ്സിലെ ഒരു പെണ്കുട്ടി ആണ്...മിസ്ബ

"ഹേയ്...ഒന്നൂല്ലേടോ...ചുമ്മാ...കോളേജ് ഒക്കെ ഒന്ന് കണ്ട് വന്നാലോ എന്ന വിചാരിച്ചു......പക്ഷെ ഒറ്റയ്ക്ക് ആയത് കൊണ്ട് വേണ്ട എന്നും വെച്ചു...."

"ഹേ...എന്നാ താൻ വാ...നമുക്ക് ഒന്നിച്ച് പോവാം..."

എനിക്കോളെ പെരുത്തങ്ങട് പിടിച്ചൂട്ടാ...

"എന്നാ വാ...."

ഞങ്ങള് രണ്ടാളും നടക്കാൻ തുടങ്ങി...

ആദ്യം തന്നെ കാന്റീൻ നോക്കി വെച്ചു....

ആ നടത്തത്തിൽ ഞാനും മിസ്ബയും നല്ലോണം അടുത്തു....എന്തോ നല്ല ഒരു charecter...

നടന്നോണ്ടിരിക്കുമ്പോ പെട്ടെന്ന് ഒരാൾ വന്ന് ഞങ്ങളുടെ മുന്നിൽ കേറി നിന്നു....

അത്രേം നേരം എവിടെയോ പോയി ഒളിച്ച എന്റെ പേടി അയാളെ കണ്ടപ്പോൾ  താനേ പുറത്തു വന്നു....

മറ്റാരുമല്ല...എന്നോട് നേരത്തെ പേര് ചോദിച്ച അതേ ആൾ...ബാക്കി എല്ലാവരും അവന്റെ കൂടെ തന്നെ ഉണ്ട്...

ശോ... ഇവന്മാര് എന്നെ വെറുതെ വിടുമെന്ന് തോന്നുന്നില്ല....മിസ്ബ എന്റെയും ഓന്റെയും മുഖത്തേക്ക് മാറി മാറി നോക്കുന്നുണ്ട്...

"എന്തായി ഷാദി...ഞങ്ങള് പറഞ്ഞ കാര്യം"

ഹും... എന്നെ ഷാദി എന്ന് വിളിക്കാൻ നി ആരാ എന്ന് എനിക്ക് ചോദിക്കണം എന്നുണ്ട്....പക്ഷെ മൂത്തവരെ പണ്ടേ ഭയങ്കര ബഹുമാനം ആയത് കൊണ്ട് ഞാൻ മിണ്ടാതിരുന്നു....

"അത് പിന്നെ...."

"എന്തു പിന്നെ...."

"എനിക്ക് ഈ love letter ഒന്നും എഴുതി ശീലം ഇല്ല....."

ഞാൻ വളരെ കൂളായി പറഞ്ഞു...

"അയ്യേ...അതിന് നി സാഹിത്യ രൂപത്തിൽ ഒന്നും എഴുതണ്ട...."

അവൻ പറഞ്ഞു....

എന്നാലും എന്നെ വിടൂലെന്ന് തന്നെ ദുഷ്ട്ടന്മാർ....ഹും....

"ഉം...ഇന്ന് വൈകുന്നേരത്തിനുള്ളിൽ കൊടുക്കാം...."

"ഒക്കെ..."

അവന്മാര് പോയി.... എന്റെ സമാധാനവും പോയി....

"എന്താ ഷാദി...എന്താ പ്രശനം..."

മിച്ചു (മിസ്ബ) എന്നോട് ചോദിച്ചു....

ഞാൻ അവളോട് സംഭവം പറഞ്ഞു....

"ഹാ...ഇന്ന് രാവിലെ ഞാൻ വരുമ്പോൾ എന്നെ കൊണ്ട് പാട്ട് പാടിച്ചിരുന്നു"

അവള് വളരെ വിഷമത്തോടെ പറഞ്ഞു....

പക്ഷെ എനിക്ക് ചിരിയാണ് വന്നത്....

പിന്നെയും ഓരോന്ന് സംസാരിച്ചു ഞങ്ങള് തിരിച്ചു ക്ലാസ്സിലേക്ക് പോകുമ്പോൾ ഞാനും വേറൊരാളും ശക്തിയായി കൂട്ടിയിടിച്ചു....

ഞാൻ വിനയത്തോടെ sorry പറഞ്ഞു....ആളുടെ മുഖം നോക്കി....ഐവ...നല്ല മൊഞ്ചൻ ആണല്ലോ....പക്ഷെ പുള്ളിക്കാരൻ എന്തൊക്കെയോ പറഞ്ഞു...

"നിന്റെയൊക്കെ കണ്ണ് എവിടെയാടി....നോക്കി നടന്നൂടെ...അതെങ്ങനെയ... വല്ലവരുടെയും വായും നോക്കി നടന്നാൽ പിന്നെ ഇങ്ങനയല്ലേ ഉണ്ടാവൂ...."

അവന്റെ സംസാരം എനിക്ക് തീരെ പിടിച്ചില്ല....

"ദേ...അറിയാതെ ഒന്ന് മുട്ടിപ്പോയി...അതിന് sorry ഉം പറഞ്ഞു...വെറുതെ ചൂടാവാൻ നിൽക്കേണ്ട...അതുമിതും പറയും വേണ്ട..."

"പറയണോ വേണ്ടയോ എന്ന് എന്റെ ഇഷ്ട്ടം... അതു ചോദിക്കാൻ നി ആരാടി"

"ഞാനാരായാലും തനിക്കെന്താടോ...താൻ എന്തു വേണേലും പറഞ്ഞോ...പക്ഷെ അത് എന്നോട് വേണ്ട..."

"നിന്നോടായൽ നി എന്താ എന്നെ പിടിച്ചു തിന്നോ...."

ഞാൻ എന്തേലും ഒക്കെ പറയുന്നതിന് മുന്നേ മിച്ചു എന്നെ തടഞ്ഞു...

"ഷാദി...വാ...പോട്ടെ...സാരമില്ല...മതി..."

അവള് എന്നെ പിടിച്ചു വലിച്ചു കൊണ്ട് പോയി....

എനിക്ക്  വല്ലാതെ ദേഷ്യം വന്നു...ഇവിടെ വന്ന് ഒരു ശത്രുവിനെ കിട്ടി....ഹോ...ഇങ്ങനെ ആയാൽ എന്താ ചെയ്യാ...

എനിക്കുള്ളത് പോലെ തന്നെ അവനും എന്നോട് ദേഷ്യം ഉണ്ടെന്ന് എനിക്ക് മനസ്സിലായി....

ഹോ... എന്തൊരു ചൂടാനാണ് അത്...മൊരടൻ....

ഞാൻ നേരത്തെ പറഞ്ഞത് പിൻവലിച്ചു ട്ടാ...ഓൻ മൊഞ്ചൻ ഒന്നുമല്ല...അഹങ്കാരി...

മിച്ചു എന്നെ കുറെ വഴക്ക് പറഞ്ഞു...

അവള് പറയുന്നതിലും കാര്യം ഉണ്ട്...വന്ന ദിവസം തന്നെ senior ഉം ആയി കുഴപ്പമായി....ഉം...എന്തേലും ആവട്ടെ....

*****************************************

ശേ...അവളെതാ....

sorry പറഞ്ഞിരുന്നല്ലോ...പിന്നെ ഞാനെന്തിനാ ചൂടായെ...

വല്ലാത്ത ഒരു സ്വഭാവം തന്നെ എന്റേത്...

എന്നാലും senior ആണെന്നുള്ള ബഹുമാനം അവളും തന്നില്ലലോ...

അഹങ്കാരി....മൊഞ്ചിൻറെ ഹുങ്ക് ആണ് ഓൾക്ക്....

ശേ...എല്ലാരും കണ്ടു...ഇനിയിപ്പോ എന്താ ചെയ്യാ....ഓളെ ഒന്ന് കയ്യിൽ കിട്ടണം....

മൂന്നാല് തെറി വിളിക്കണം...എന്നാലേ എനിക്ക് സമാധാനം ആവൂ...ആദ്യമായിട്ടാ എന്നോട് ഒരു പെണ്ണ് കയർത്തു സംസാരിക്കുന്നെ....

*****************************************

സമയം പെട്ടെന്ന് പോയത് പോലെ തോന്നി....

ഒറ്റ ദിവസം കൊണ്ട് തന്നെ മിച്ചു എന്റെ ബെസ്റ്റി ആയി മാറി....

ഞാനും ഓളും കൂടെ കഷ്ട്ടപ്പെട്ടു ഒരു  letter എഴുതി....പക്ഷെ love letter അല്ല...
ഇനിയത്  ആ മഹാന് കൊണ്ട് പോയി കൊടുക്കണം...ഏതവനാണോ എന്തോ...

ക്ലാസ് ഒക്കെ കഴിഞ്ഞു...

"ഷാദി...പെട്ടെന്ന് വീട്ടിലേക്ക് പോണം കേട്ടോ..."

ആഷി പറഞ്ഞു....ഹിഹി...ഇപ്പൊ ഓൻ ആണല്ലോ ഞമ്മളെ ബോഡി ഗാർഡ്....

"ഓകെ ആഷി....ഞമ്മള് പെട്ടെന്ന് തന്നെ പൊക്കോളം.... നിയും പൊക്കോ..."

"ഓഹ്...ശെരി മാഡം..."

ഓൻ പോയി....

"ഷാദി...വാ...ലെറ്റർ കൊടുക്കണ്ടേ..."

മിച്ചു ചോദിച്ചു...

"ടി...ആ പഹായന്മാർ നേരത്തെ വന്ന് പറഞ്ഞത് ഓർമ ഇല്ലേ...ഞാൻ ഒറ്റയ്ക്ക് പോയാ മതി എന്ന്..."

"ഓഹ്...അതും ശരി ആണല്ലോ...ഇനിയിപ്പോ എന്താ ചെയ്യാ..."

"എന്തു ചെയ്യാൻ...ഞാൻ ഒറ്റയ്ക്ക് പൊക്കോളാം... നി വിട്ടോ..."

"നി ഒറ്റയ്ക്കോ..."

"പിന്നല്ലാതെ...ഞമ്മളെ ആരും ഒന്നും ചെയ്യുല... നി പേടിക്കാതെ പോ മുത്തേ"

മനസ്സില്ലാ മനസ്സോടെ ഓൾ പോയി...

MBA final year ക്ലാസ്സിൽ പോയ മതി...അവിടെ നിഷാദ് ഉണ്ടാവും എന്നാണ് അവന്മാര് പറഞ്ഞത്...ഞാൻ ആ ക്ലാസ് ലക്ഷ്യമാക്കി നടന്നു...

എനിക്ക് വല്ലാതെ നെഞ്ചിടിക്കുന്നു....ഞാൻ ലക്‌ഷ്യം വെച്ച ക്ലാസ് എത്തിയപ്പോൾ എന്തോ പേടി...ഞാൻ വാതിൽക്കൽ നിന്ന് അകത്തേക്ക് നോക്കി....ഒരാൾ തിരിഞ്ഞു നിൽക്കുന്നു.....

ഉള്ളിലെ ഭയം പുറത്ത് കാണിക്കാതെ ഞാൻ

"excuse me...."

"yes...".....എന്നു പറഞ്ഞു അവൻ തിരിഞ്ഞതും എനിക്ക് എന്റെ തല കറങ്ങുന്നത് പോലെ തോന്നി....
_________________________________________

💞മോഹബ്ബത്💞

part--3💕
_________________________________________

അവന്റെ മുഖം കണ്ടതും എനിക്ക് തല കറങ്ങുന്നത് പോലെ തോന്നി....

പടച്ചോനെ...ഇവനെന്താ ഇവിടെ.....

"നിയോ....നിയെന്താടി ഇവിടെ..."

അവൻ ദേഷ്യത്തോടെ എന്നോട് ചോദിച്ചു...

ഞാൻ ഒന്നും മിണ്ടിയില്ല...

"എന്താടി നിന്റെ നാവിറങ്ങി പോയോ..."

അവന് എന്നോട് നല്ല ദേഷ്യമുണ്ടെന്ന എനിക്ക് മനസ്സിലായി....

എങ്ങനെ ദേഷ്യപ്പെടാതിരിക്കും....

അത്രേം ആൾക്കാരുടെ മുന്നിൽ നിന്ന് അല്ലെ ഞാൻ അവനോട് കയർത്തു സംസാരിച്ചത്....

"എനിക്കെന്താ ഇവിടെ വന്നൂടെ..."

ഞാൻ ചോദിച്ചു......

"പാടില്ല...എന്തായാലും നി എന്റെ junior ആണെന്ന് എനിക്ക് മനസ്സിലായി... ഏത് year ആണെന്ന് ഞാൻ ചോദിക്കുന്നില്ല...നിന്നെ ഒന്ന് എന്റെ കയ്യിൽ കിട്ടാൻ വേണ്ടി തന്നെയാ ഞാനും കാത്തിരുന്നെ...."

അവൻ പല്ല് കടിച്ചു പിടിച്ച് പറഞ്ഞു....

"ഓഹോ....ഇപ്പൊ കിട്ടിയല്ലോ.....തെറി വിളിക്കാൻ ആണെങ്കിൽ അങ്ങനെ...അതെല്ല അടിക്കാൻ ആണെങ്കിൽ അങ്ങനെ....രണ്ടായാലും ഞാൻ രണ്ട് കയ്യും നീട്ടി സ്വീകരിച്ചോളാം.."

"നിനക്കെന്താടി മൊഞ്ചിൻറെ ജാഡ ആണോ....അധികം കളിച്ചാൽ നി പിന്നെ ഈ കോളേജിൽ കാല് കുത്തില്ല..."

"ചുമ്മാ പേടിപ്പിക്കാതെ പോ മാഷെ...പിന്നെ എനിക്ക് മൊഞ്ചിൻറെ ജാഡ ഒന്നുല്ല.ഇപ്പൊ നിങ്ങൾ ചോദിച്ച അതേ ചോദ്യം തന്നെയാ ഞാനും ചോദിക്കുന്നേ...മൊഞ്ചിൻറെ അഹങ്കാരം ആവശ്യത്തിലധികം ഉണ്ടല്ലേ"

"നിർത്തടി.... നിന്റെ വായ അടപ്പിക്കാൻ എനിക്ക് അറിയാം...ഇപ്പൊ ഞാൻ ചോദിച്ചതിന് മറുപടി പറയു..."

"എന്ത്...."

"നി എന്തിന് ഇവിടെ വന്നു...."

"ഒരാളെ കാണാൻ...."

"ആരെ...എന്തിന്...."

"അതൊക്കെ എന്തിനാ താൻ അറിയുന്നെ"

"അറിയണം...നി പറഞ്ഞില്ലേൽ പറയിപ്പിക്കാൻ എനിക്ക് അറിയാം..."

"ഓഹോ...ആണോ..."

"പറയാൻ..."

"MBA Final year ൽ പഠിക്കുന്ന നിഷാദിനെ കാണണം..."

"ഹേ...എന്തിന്..."

നിഷാദ് എന്ന് പറഞ്ഞപ്പോ അവൻ ഞെട്ടിയോ എന്നൊരു സംശയം....

"ഹേ...എന്തിന്...."

"ഒരു letter കൊടുക്കാൻ...."

"എന്ത്....ലെറ്ററോ...."

"അതേ....ലെറ്റർ തന്നെ...ഇങ്ങനെ കലിപ്പ് മോന്ത വെച്ച് നിൽക്കാൻഡ് ആ നിഷാദ് എവിടെ ഉണ്ടാവും എന്ന് പറഞ്ഞു താ..."

ഞാൻ പറഞ്ഞു....

"ആഹ്...അത് ഇങ് തന്നേക്കു..."

"എഹ്...തനിക്കല്ല...വേറെ ആൾക്കാണ് എന്ന പറഞ്ഞില്ലേ...."

"ടി...അതിങ്ങോട്ട് തരാൻ...നി പറഞ്ഞ ആ നിഷാദ് ഞാൻ ആണ്....MBA final year student നിഷാദ്...."

അത് കേട്ടപ്പോൾ ഞാൻ ഞെട്ടി...

പടച്ചോനെ...ഞെട്ടാൻ വേണ്ടി മാത്രം ആയി പോയല്ലോ എന്റെ ജീവിതം....😭😭

"എഹ്....താ....നോ...."

"അതേ...ഞാൻ തന്നെ...എന്ത് ലെറ്റർ ആണ്....love letter എങ്ങാനും ആണോ..."

"ഓഹ്...love letter എഴുതി തരേണ്ട മൊതലിനെ കണ്ടാ മതി..."

"ഓഹോ....അങ്ങനെ...ഈ ഞാൻ ആണ് നിഷാദ് എന്ന് അറിയാതെ നി എന്തിനാ letter എഴുതിയെ..."

"ചൂടാവാതെ അത് വായിക്ക് മാഷെ...അതിലുണ്ട് നിങ്ങളുടെ ചോദ്യത്തിന്റെ ഉത്തരം..."

ഞാൻ അത് പറഞ്ഞപ്പോ അവൻ അത് തുറന്ന് വായിക്കാൻ തുടങ്ങിയതും

"എന്താടാ നിച്ചു.... ഇജ്ജ് ഒറ്റയ്ക്ക് വായിക്കാൻ പോവാണോ..."

ശബ്ദം കേട്ട ഭാഗത്തേക്ക് ഞാൻ നോക്കി.

ഈ പണി എനിക്ക് തന്ന മഹാന്മാർ....

"ഹാ...നിങ്ങളിത് എവിടെ പോയതാ...എന്തിനാടാ എന്നോട് ഇവിടെ നിൽക്കാൻ പറഞ്ഞത്...."

നിഷാദ് അവന്മാരോട് ചോദിച്ചു....

"അതൊക്കെ പറയാം....ആദ്യം നി ഇവൾ തന്ന ആ എഴുത്ത് വായിക്ക്..."

അവര് പറഞ്ഞു....

പടച്ചോനെ...നല്ല പണി ആണല്ലോ...അപ്പൊ ഇവര് കൂട്ടുകാർ ആണല്ലേ....

ആ എഴുത്ത് ഉച്ചത്തിൽ വായിച്ച നല്ല പണി കിട്ടും...

റബ്ബേ....ഞാൻ ഇനി എന്താ ചെയ്യാ....

"ടാ....വായിക്ക്...."

"ആഹ്....ഇപ്പൊ വായിക്കാം...."

അവൻ വായിക്കാൻ തുടങ്ങി....

*"എങ്ങനെ തുടങ്ങും എന്ന് എനിക്കറിയില്ല... കാരണം ഇതുവരെ ആർക്കും ഒരു കത്തെഴുതിയിട്ടില്ല......

എനിക്ക് ഇക്കാനെ അറിയില്ല...ആരാണെന്നോ...എന്താണെന്നോ ഒന്നും അറിയില്ല....പിന്നെ ഇങ്ങനെ ഒരു എഴുതെഴുതൻ കാരണം നിങ്ങളുടെ സഹപാഠികൾ തന്നെ ആണ്....MBA final year നു പഠിക്കുന്ന നിഷാദിന് love letter എഴുതണം എന്നാണ് എന്നോട് പറഞ്ഞത്..

പക്ഷെ...എനിക്ക് love letter എഴുതാൻ ഒന്നും അറിയില്ല....ഇതു വരെ ആർക്കും എഴുതീട്ടുമില്ല....തൽക്കാലം ഇക്കാ ഇത് വെച്ചു adjust ചെയ്യണം....

പിന്നെ ഇവിടുത്തെ ആണ് പിള്ളേരൊക്കെ എന്ത് മൊരടന്മാര് ആണ്....എനിക്കീ പണി തന്ന പഹയന്മാർ എന്തു സാധനങ്ങളാണ്..

ഹോ...ഇന്ന് വേറൊരുത്തനുമായി clash ആയി....ചൂടൻ....ഏതാവനാണോ എന്തോ...

ആരും തീരെ ശരിയല്ല....ഇക്കാ അങ്ങനെ അല്ലെന്ന് വിചാരിക്കുന്നു....പിന്നെ ഞാൻ പറഞ്ഞത് ആരോടും പറയണ്ടാട്ടോ...

                                        എന്ന് ഷാദിയ...*"

ഇത്രേം അവൻ ഉച്ചത്തിൽ വായിച്ചപ്പോ എന്റെ അവസ്ഥ എനിക്ക് പറഞ്ഞറിയിക്കാൻ പറ്റുന്നില്ല....

ആ നിമിഷം എവിടേക്കെങ്കിലും ഓടി പോയാലോ എന്ന് ആലോചിച്ചു ഞാൻ....

എല്ലാവരും എന്റെ മുഖത്തേക്ക് നോക്കി....

ഞാൻ താഴോട്ട് തന്നെ നോക്കി നിന്നു...

നിഷാദ് എന്റെ അടുത്തേക്ക് നടന്നു നീങ്ങി...അതിനനുസരിച്ച് ഞാൻ പിന്നോട്ടും...ഞാൻ ചുമരിൽ തട്ടി നിന്നു....

"അതേടി ഞാൻ ചൂടൻ തന്നെയാ...എന്തായാലും ഇവര് നിനക്ക് തന്ന പണി ഞാൻ അറിഞ്ഞിരുന്നില്ല... പക്ഷെ ഇത് പൊളിച്ചു....നി ഒട്ടും പ്രതീക്ഷിച്ചില്ല അല്ലെ ഞാനാണ് നിഷാദ് എന്ന...ഞാനും ഇങ്ങനൊരു കാര്യം പ്രതീക്ഷിച്ചില്ല...."

അതും പറഞ്ഞു അവൻ അവന്റെ കൂട്ടുകാരോട് പറഞ്ഞു....

"നിങ്ങളോട് ഞാൻ നേരത്തെ പറഞ്ഞില്ലേ ഒരുത്തി എന്നോട് dialogue അടിച്ചത്...അത് ഇവളാണ്.... "

അതും പറഞ്ഞു വീണ്ടും എന്റെ നേരെ തിരിഞ്ഞു....

"നിന്നെ ഞാൻ അങ്ങനെ വെറുതെ വിടാൻ ഉദ്ദേശിച്ചിട്ടില്ല....ഇപ്പൊ നി പോ...നിഷാദിനെ നി അറിയാൻ ഇരിക്കുന്നതെ ഉള്ളു...."

എന്ന പറഞ്ഞു അവൻ എന്റെ മുന്നിൽ നിന്ന് മാറി....

ജീവനും കൊണ്ട് ഓടുക എന്ന് ഞാൻ കെട്ടിട്ടേ ഉള്ളു....സത്യത്തിൽ അതാണ് അവിടെ നടന്നത്...ഞാൻ ജീവനും കൊണ്ട് ഓടി രക്ഷപ്പെടുകയായിരുന്നു.....

വീട്ടിൽ എത്തിയപ്പോഴാണ് എനിക്ക് കുറച്ചു സമാധാനം ആയത്....

എന്റെ വരവും കാത്തു ഇക്കു പുറത്തു തന്നെ ഉണ്ടായിരുന്നു....

"ഹാ....മുത്തു വന്നോ...എങ്ങനുണ്ട് കോളേജ്....നിന്റെ ബോഡി ഗാർഡിനെ കണ്ടോ...."

ഇക്കാക്ക ഞമ്മളോട് ചോയിച്ചു....

"ഹിഹി...കൊള്ളാം കൊള്ളാം... ആഷി സൂപ്പർ ആണ്...."

"ഹേ...അപ്പോഴേക്ക് നിങ്ങൾ കൂട്ടായോ..."

"പിന്നല്ലാതെ.... ഞമ്മളാര് മോൾ..."

"ഹോ...കാന്താരി...."

എന്നും പറഞ്ഞ എന്റെ തലക്ക് മേട്ടാൻ വന്നപ്പോ ഞാൻ ഓടി....

****************************************

കിടന്നിട്ട് ഉറക്കു വരുന്നേ ഇല്ല....

ഷാദിയ....1st year BBA സ്റ്റുഡന്റ്....

ആദ്യമായിട്ടാണ് ഒരു പെണ്ണ് എന്നോട്....

ശേ....ആലോചിക്കാൻ കൂടി വയ്യ....അവളെ വെറുതെ വിടില്ല ഞാൻ...നാളെ കോളേജിൽ പോയാൽ എന്തേലും മുട്ടൻ പണി കൊടുക്കണം....

പക്ഷെ എന്നാലും എനിക്കെന്താ പറ്റിയെ...

സാധാരണ എന്റെ സ്വഭാവം വെച്ചു ഇങ്ങനെ ഏതെങ്കിലും ഒരുത്തി വന്നു വായടിച്ചാൽ അവളുടെ മുഖം മുറിയെ അടി കൊടുക്കുമായിരുന്നു....

പക്ഷെ എന്തോ അവളോട് അങ്ങാനൊന്നും പെരുമാറിയില്ലല്ലോ....ഹാ...ശരിയാക്കും ഞാൻ ഓളെ....

"ഇക്കാ...."

ഷാദിയായെ കുറിച്ചുള്ള  ചിന്തകളിൽ നിന്ന് എന്നെ  ഉണർത്തിയത് ആ വിളിയാണ്...

വിളിച്ച ആളെ കണ്ടതും എന്റെ ദേഷ്യം ഇരട്ടിയായി....
_________________________________________

part--4💕
_________________________________________

വിളിച്ച ആളെ കണ്ടതും എന്റെ ദേഷ്യം ഇരട്ടിയായി....

ഷംന.....

എന്റെ മുറപ്പെണ്ണ്....അവളെ കാണുമ്പോൾ തന്നെ എനിക്ക് ദേഷ്യം ആണ്....അവളുടെ ആ ഒലിപ്പീര് കളി എനിക്ക് തീരെ ഇഷ്ട്ടല്ല....

"നിയെന്താ ഇവിടെ...."

ദേഷ്യം മറച്ചു വെക്കാതെ തന്നെ ഞാൻ ചോദിച്ചു...

അവൾ നടന്ന് എന്റെ അടുത്തേക്ക് വന്നു...

"അതെന്താ ഇക്കാ...എനിക്ക് ഇവിടെ വന്നൂടെ...".....

"ഇവിടെ .....ഈ വീട്ടിലേക്ക് വരുന്നതും വരാതിരിക്കുന്നതും നിന്റെ ഇഷ്ട്ടം...പക്ഷെ എന്റെ റൂമിൽ നി വരുന്നത് എനിക്ക് ഇഷ്ട്ടമല്ല...."

ഞാൻ അത് പറഞ്ഞപ്പോൾ വീണ്ടും അവള് എന്റെ അടുത്തേക്ക് വന്നു....

"അതെന്താ ഞാൻ ഈ റൂമിൽ കയറിയാൽ... എന്റെ മുറചെറുക്കന്റെ മുറിയിൽ അല്ലെ ഞാൻ കയറുന്നെ... അതും എന്നെ കെട്ടാൻ പോവുന്ന ചെക്കന്റെ...."

അവൾ അത് പറഞ്ഞപ്പോ അവളോട് മറുപടി പറഞ്ഞത് എന്റെ നാവല്ല...കൈ ആണ്.....

അതേ...ഞാൻ അവളെ തല്ലി... ആദ്യമായിട്ടല്ല ഞാൻ അവളെ തല്ലുന്നേ....

ഇതേ കാര്യത്തിന് ഇതടക്കം അഞ്ചാമത്തെ തവണ ആണ് ഞാൻ മുഖം മുറിയെ കൊടുക്കുന്നത്....പക്ഷെ കുരിപ്പിന് ഒരു കുലുക്കവും ഇല്ല....അതൊണ്ടല്ലേ വീണ്ടും വീണ്ടും തല്ല് വാങ്ങിക്കൊണ്ടിരിക്കുന്നെ...

"ഇക്കാ...എന്നെ എത്ര തല്ലിയാലും എനിക്ക് ഒരു കുഴപ്പവുമില്ല...ഇനിയും ഞാൻ ഇത് തന്നെ പറയും...."

"ഇറങ്ങി പോടി "

സത്യത്തിൽ ഞാൻ അലറുകയായിരുന്നു...

ഓൾ മെല്ലെ പോയി...പിന്നെല്ല...ഇനിയും ഓൾ ഇവിടെ നിന്നാൽ ഞാൻ മിക്കവാറും ഓളെ കൊല്ലും....

*******************

"ഇക്കാക്ക..."

നാഫിയുടെ വിളി കേട്ടാണ് ഞാൻ നോക്കിയത്....

പെണ്ണ് കലി തുള്ളി നിൽക്കാണ്....നാഫി എന്റെ പെങ്ങളൂട്ടി ആണ് ട്ടാ...എന്റെ മുത്ത് അനിയത്തി....+2 ആണ് പഠിക്കുന്നത് ഓൾ
....ഷംനയ്ക്കും ഓളെ അതേ പ്രായം ആണ്....

"എന്താടി നി ഇങ്ങനെ നോക്കുന്നെ..."

ഞാൻ അത് ചോദിച്ചപ്പോൾ ഓൾടെ മുഖം ഒന്നൂടെ ചുവന്നു....

"ഇങ്ങളെന്തിനാ ഷംനയെ തല്ലിയെ..."

ഓഹ് ..അപ്പൊ അതാണ് കാര്യം....ഷംനയും ഓളും പെരുത്ത് ബല്യ ചങ്ങായിമാരാണ്....

"ഞാൻ ഇനിയും തല്ലും.... അത് വേണ്ടെങ്കിൽ നി ഒളോട് വായടക്കി വെക്കാൻ പറഞ്ഞോ..."

"ഇങ്ങളെ അത്രേം ഇഷ്ട്ടായോണ്ടല്ലേ ഓൾ ഇങ്ങനെയൊക്കെ...."

"ആഹ്...ആ ഇഷ്ട്ടം വേണ്ട...."

ഞാൻ പറഞ്ഞത് നാഫിക്ക് തീരെ പിടിച്ചില്ല...അതോണ്ട് എന്നെ നോക്കി കണ്ണുരുട്ടി ഓൾ പോയി....

എന്റെ ചിന്ത വീണ്ടും ഷാദിയായിലേക്കും....

അവളെ എങ്ങനെ ഒരു പാഠം പഠിപ്പിക്കും എന്ന് ആലോചിക്കാൻ തുടങ്ങി....

*****************************************

നാളെ കോളേജിൽ പോയാൽ നല്ല പണി കിട്ടും....അവന്മാര് എന്നെ വെറുതെ വിടുന്ന ലക്ഷണം ഇല്ല....

അവരെ പേടിച്ചു നിൽക്കാൻ ഒന്നും വയ്യ...

വരുന്നിടത്ത് വെച്ച് കാണാം....
--------------------------------

രാവിലെ കോളേജിൽ പോകാൻ ഇറങ്ങുമ്പോൾ ഇക്കാക്ക...

"ഷാദി...ഞാൻ കൊണ്ട് വിടണോ...."

"വേണ്ട ഇക്കാക്ക....ഞാൻ പൊയ്ക്കോളാം"

"ആഹ്....എന്ന നോക്കി പോണം...എന്തെങ്കിലും ആലോചിച്ചു നടക്കരുത്...."

"ഓകെ sir.... ഹിഹി...."

"കിളിക്കാതെ വേഗം പോകാൻ നോക്കേടി"

ഇക്കാക്ക പറഞ്ഞു....

ഞാൻ കോളേജിലേക്ക് പോയി....എന്നെ കാത്ത് നിഷാദും ചങ്ങാതിമാരും അവിടെ തന്നെ ഉണ്ടായിരുന്നു..... അവരെ കണ്ടപ്പോൾ എന്തോ എന്റെ ധൈര്യം ഒക്കെ ഇല്ലാതാവുന്നത് പോലെ....ഞാൻ എന്തിനാ അവരെ ഇങ്ങനെ പേടിക്കുന്നെ.....

ഞാൻ അവരെ നോക്കാതെ നടന്നു നീങ്ങി....

വരാന്ത എത്തിയപ്പോ ഞമ്മളെ ആഷി അവിടെ തന്നെ  ഉണ്ടായിരുന്നു....

"അല്ല ആഷി....നി എന്താ നേരത്തെ എത്തിയോ...."

"ആഹ് . ഇപ്രാവശ്യം മുതൽ നന്നാവാം എന്ന് വെച്ചു...."

"അതെന്താടാ നി ഇത്രേം നാളും മോശം ആയിരുന്നോ...."

"അല്ലെടി....പ്ലസ് 2 വരെ എപ്പഴും ക്ലാസ്സിൽ late ആയിട്ടെ എത്തൂ...എപ്പഴും first period കിട്ടില്ല...teachers നു ഒക്കെ എന്നെ അതോണ്ട് ഭയങ്കര ഇഷ്ട്ടവും ആണ്.......അതോണ്ട് ഇപ്രാവശ്യം അങ്ങനെ ആവണ്ട എന്ന് വിചാരിച്ചു...."

അവന്റെ സംസാരം കേട്ടപ്പോൾ ഞാൻ ചിരിച്ചു....

"ഹിഹി....നി ഞമ്മക്ക് പറ്റിയ ആൾ തന്നെയാട്ടാ...".

"ഓഹോ...."

ഓനോട് കുറച്ചു നേരം സംസാരിച്ചു ...പിന്നെ ക്ലാസ്സിലേക്ക് കയറിയപ്പോൾ മിച്ചു എത്തിയിരുന്നു....

എന്നെ കണ്ടപ്പാടെ ഓൾ ഇന്നലത്തെ സംഭവം ഒക്കെ ചോദിച്ചു....

ഞാൻ എല്ലാം പറഞ്ഞപ്പോൾ ഓൾ അന്തം വിട്ട് ഇരിക്കെന്ന്.... ഹിഹി....എന്നെക്കാൾ ടെൻഷൻ ഓൾക്ക്....

"അല്ലെടി മിച്ചു... നിയെന്തിനാ ഇങ്ങനെ ടെന്ഷന് ആവുന്നെ....ഞാനല്ലേ പേടിക്കണ്ടേ"

"ടി....എന്തോ നിയും ഞാനും മുന്നേ ഒരു ബന്ധം ഉള്ളത് പോലെ തോന്നുന്നു....നി എന്തോ ഒരു ദിവസം കൊണ്ട് തന്നെ എന്റെ ഏറ്റവും നല്ല കൂട്ടുകാരിയായി മാറി...ആ നിനക്ക് ഒരു പ്രശനം വന്നാൽ എനിക്ക് ടെന്ഷന് ആവില്ലേ...."

അവള് പറഞ്ഞത് കേട്ടപ്പോൾ എനിക്ക് ഒരുപാട് സന്തോഷം തോന്നി....ഇവളെ പോലെ ഒരു കൂട്ടുകാരിയെ കിട്ടിയതിന് പടച്ചോനോട് നന്ദി പറഞ്ഞു.....

"ഉം...എനിക്കും അങ്ങനെ തന്നെ...."

ഞാൻ ഒളോട് പറഞ്ഞു.....
---------------------------------

കുറച്ചു സമയം കഴിഞ്ഞപ്പോൾ ക്ലാസിലേക്ക് കുറച്ചാൾക്കാർ കയറി വന്നു....

മറ്റാരുമല്ല.....നിഷാദും വേറെ മൂന്നാളും....

അവര്  മിസ്സിനോട്  എന്തോ പറഞ്ഞു...miss ക്ലാസ്സിൽ നിന്നും പോയി....

മിസ്സ് പോയപ്പോൾ അവർ  കയറി വന്നു....ഞാൻ ആണെങ്കിൽ മുന്നിലെ ബെഞ്ചിൽ അറ്റത്ത്....ഞാൻ പേടിച്ചു ഇല്ലാതാവും പോലെ തോന്നി എനിക്ക്....

നിഷാദ് വന്നു ഞങ്ങളുടെ ഡെസ്ക്കിൽ വന്നിരുന്നു.... എന്റെ നെഞ്ചിടിപ്പ് വർധിക്കുന്നത് ഞാൻ അറിയുന്നുണ്ടായിരുന്നു.....

വന്നവരിൽ ഒരുവൻ.....

"ഇന്നലെ നിങ്ങള് ഇവിടേക്ക് ആദ്യമായി വരുമ്പോൾ ഞങ്ങളടക്കം പല seniors ഉം നിങ്ങൾക്ക് ഓരോ പണി തന്നിട്ടുണ്ടാവും...പാട്ടു പാടലും... കഥ പറയലും love letter കൊടുക്കലും അങ്ങനെ അങ്ങനെ......നിങ്ങളൊക്കെ അത് ചെയ്തിട്ടുമുണ്ട്....ചുമ്മാ തമാശക്ക് ആണ് ഞങ്ങൾ അതൊക്കെ ചെയ്തത്... നിങ്ങളും തമാശയായി എടുത്തു കാണും എന്ന് വിചാരിക്കുന്നു... നിങ്ങൾക്കൊക്കെ തന്ന പോലെ ഒരു ചെറിയ പണി ഈ ക്ലാസ്സിലെ ഒരു പെണ്കുട്ടിക്കും ഞങ്ങൾ കൊടുത്തിരുന്നു...love letter കൊടുക്കാൻ ആണ് അവളോട് പറഞ്ഞത്....അവൾ letter കൊടുത്തു....പക്ഷെ അതിൽ പ്രേമമൊന്നും ഇല്ല....അത് പോട്ടേ....പക്ഷെ seniors ആയ ഞങ്ങളെ പാടെ അപമാനിക്കുന്ന തരത്തിൽ ആണ് ഓൾ ആ എഴുത്ത് എഴുതിയത്....അത് ഞങ്ങൾ ക്ഷമിക്കാൻ ഉദ്ദേശിച്ചിട്ടില്ല....അത് ആരാണെന്ന് ഞങ്ങൾ പറയുന്നില്ല... അവൾ ആരാണെന്ന് അവൾക്ക് അറിയാം...ആ ആൾ ഇന്ന് ഇന്റർവെല്ലിന് ഞങ്ങളുടെ അടുത്ത് വരണം....വന്നില്ലെങ്കിൽ ഞങ്ങള് ഇങ്ങോട്ട് വരും...."

ഇത്രേം അവൻ പറഞ്ഞപ്പോൾ നിഷാദ് എന്റെ മുഖത്തേക്ക് നോക്കി....തിരിച്ചു ഞാനും.....

അവര് ഇറങ്ങി പോയപ്പോ മിച്ചു എന്നൊട് ചോദിച്ചു......

"ഷാദി...ഇനി എന്ത് ചെയ്യും...."

"എന്ത് ചെയ്യാൻ...ഇന്റർവെല്ലിന് പോവണം...അവര് എന്താ പറയുന്നേ എന്ന് എനിക്കൊന്നു കാണണം...."

"ഷാദി...വേണ്ടെടി...."

"ന്റെ പൊന്ന് മിച്ചു....ഞാൻ പോയില്ലെങ്കിൽ അവര് വീണ്ടും ഇവിടേക്ക് വരും....വെറുതെ എന്തിനാ ഒരു പ്രശനം ഉണ്ടാക്കുന്നെ....എന്തോ എനിക്ക് കാര്യമായിട്ട് പണി തരാൻ ഉള്ള ഒരുക്കത്തിൽ ആണ് എല്ലാരും....തരട്ടെ... ഞമ്മളത് വാങ്ങിക്കാൻ അർഹ ആണല്ലോ"

"ഉം...ഞാനും വരാം...."

"ഉം....ശരി....."

*****************************************

ഇന്റർവെൽ ആയപ്പോൾ എന്റെ കണ്ണുകൾ ഷാദിയായെ തിരയാൻ തുടങ്ങി....വളരെ അധികം സന്തോഷവാൻ ആണ് ഞാൻ...കാരണം....ഇന്ന് എല്ലാവരുടെയും മുന്നിൽ വെച്ചു ഞാൻ ഓൾക്ക് പണി കൊടുക്കും....

ഞങ്ങളെല്ലാം ഞങ്ങളുടെ മുത്തശ്ശി മരത്തിന്റെ അടുത്ത് പോയി ഇരുന്നു....

അവിടെ ആവുമ്പോൾ കൊറേ പിള്ളേര് ഉണ്ടാവും....ഓൾക്ക് പണി കൊടുക്കുന്നത് എല്ലാരും കാണണം...അതാണ് ലക്ഷ്യം....

"ടാ...നിച്ചു...അവള് വരുന്നുണ്ട്...."

ഷെബി പറഞ്ഞ ഭാഗത്തേക്ക് ഞാൻ നോക്കി....

അതേ....അവൾ വരുന്നുണ്ട്....എന്നാലും അപാര ധൈര്യം തന്നെ....

അവൾ നടന്ന് വന്ന് എന്റെ മുന്നിൽ നിന്നു...കൂടെ ഇന്നലെ എന്നോട് വഴക്കിടുമ്പോ ഉണ്ടായ പെണ്ണും ഉണ്ടായിരുന്നു.....

"എന്തിനാ കാണണം എന്ന് പറഞ്ഞത്..."

അവൾ ചോദിച്ചു.....ഞാൻ എഴുന്നേറ്റു....

മുഖമുഖം നോക്കി നിന്നു....അവൾക്ക് പണി കൊടുക്കാൻ തയ്യാറായി ഞാനും എന്തും നേരിടാൻ തയ്യാറായി അവളും...
_________________________________________

💞മോഹബ്ബത്💞

part--5💕
_________________________________________

അവൻ എന്റെ മുഖത്തേക്ക് തന്നെ നോക്കി നിൽക്കാണ്......

"അതേയ്...എന്തിനാ വരാൻ പറഞ്ഞതെന്ന് പറഞ്ഞാൽ എനിക്ക് പോകാമായിരുന്നു"

ഞാൻ പറഞ്ഞു....

"ഓഹ്...ഇത്രയൊക്കെ ആയിട്ടും നിന്റെ അഹങ്കാരത്തിന് ഒരു കുറവും ഇല്ലല്ലോടി"

അവൻ എന്റെ അരികിലേക്ക് വന്നു കൊണ്ട് പറഞ്ഞു....

"നിങ്ങൾക്ക് ഇത് അഹങ്കാരം ആയി തോന്നിയേക്കാം...പക്ഷെ എനിക്കങ്ങനെ അല്ല...."

"മതി നിർത്ത് നിന്റെ അധിക പ്രസംഗം..."

"ആയിക്കോട്ടെ നിർത്തി...."

അവന് എന്നെ കൊല്ലാനുള്ള ദേഷ്യം ഉണ്ട്....തിരിച്ചു എനിക്കും....പടച്ചോനെ... ഇനി ഇവന്മാര് എന്ത് പണി ആണോ ആവോ തരാൻ പോവുന്നെ...

ഞാൻ ചുറ്റും കണ്ണോടിച്ചു...കുറെ പിള്ളേര് ഉണ്ട്....ആണും പെണ്ണും ഒക്കെ...എല്ലാവരും ഞങ്ങളെ തന്നെ വീക്ഷിക്കുകയാണ്....

എങ്ങനെ വീക്ഷിക്കാതിരിക്കും....ചൂടൻ അലറുകയല്ലേ...

അവന്റെ കൂട്ടുകാരിൽ ഒരുവൻ...

"നി ഇന്നലെ senior ആണെന്ന് അറിഞ്ഞിട്ടും ഇവനോട് കയർത്തു സംസാരിച്ചു....ഒട്ടും ബഹുമാന കൊടുക്കാതെ...അതും കഴിഞ്ഞ് ആ എഴുത്തിൽ ഞങ്ങളെ എല്ലാവരെയും നി മറ്റേതാക്കി....ആ നിന്നെ അങ്ങനെ വെറുതെ വിടാൻ കഴിയോ...."

അവൻ അത് പറഞ്ഞു നിർത്തിയപ്പോൾ വേറൊരുത്തൻ...

"അത്കൊണ്ട്... ഞങ്ങളോടല്ല...ഇവനോട്...നിഷാദിനോട് നി ഇത്രേം ആൾക്കാരുടെ മുന്നിൽ വെച്ച് മാപ്പ് പറയണം...."

അവൻ അത് പറഞ്ഞപ്പോൾ ഞാൻ ഒന്ന് ഞെട്ടി....ഇത്രേം ആൾക്കാരുടെ മുന്നിൽ വെച്ചു ഞാൻ മാപ്പ് പറയാനോ....ഛേ....

നിഷാദ് ഒരു പരിഹാസ ചിരിയോടെ എന്നെ നോക്കി.....

"മാപ്പ് പറയാൻ ഞാൻ തയ്യാറാണ്...."

ഞാൻ പറഞ്ഞു....ഞാൻ അത് പറഞ്ഞപ്പോൾ അവര് എന്നെ അവിശ്വസനീയമായി നോക്കി.......ഞാൻ പറയില്ലെന്നായിരിക്കും വിചാരിച്ചത്....

പക്ഷെ അതിന് ശേഷം അവര് പറഞ്ഞ കാര്യം എനിക്കൊരിക്കലും ചെയ്യാൻ കഴിയാത്തതായിരുന്നു....

"ആഹ്...മാപ്പ് മാത്രം പറഞ്ഞാൽ പോര... നിന്നോട് ഇന്നലെ love letter എഴുതാൻ പറഞ്ഞപ്പോൾ നി അതൊന്നുമല്ല എഴുതിയെ....അത്കൊണ്ട് നി public ആയി നിച്ചുനേ പ്രൊപോസ് ചെയ്യണം...."

ആ പറഞ്ഞവനെ മട്ടൽ എടുത്ത് തല്ലാൻ ആണ് തോന്നിയത്....

ഞാൻ നിഷാദിനെ നോക്കിയപ്പോൾ വീണ്ടും അവൻ അതേ ചിരിയിൽ എന്നെ നോക്കി...

പക്ഷെ ഞമ്മളാര് മോൾ...

"സാധിക്കില്ല....മാപ്പ് പറയാം ഞാൻ...പക്ഷെ നിങ്ങള് രണ്ടാമത് പറഞ്ഞ കാര്യം ഒരിക്കലും ഞാൻ ചെയ്യില്ല...."

നിഷാദിന്റെ മുഖത്ത് നോക്കിയാണ് ഞാൻ അത് പറഞ്ഞത്.... അത്രേം നേരം ഉണ്ടായ ചിരി പെട്ടെന്ന് അവന്റെ മുഖത്ത് നിന്ന് മാഞ്ഞു....പകരം എന്നോടുള്ള ദേഷ്യം തെന്നെ വീണ്ടും വന്നു....

ഇതൊക്കെ കണ്ട മിച്ചു എന്റെ കയ്യിൽ മുറുകെ പിടിച്ചിരിക്കുകയാണ്....

"പറഞ്ഞത് ചെയ്യാതെ നി ഇവിടുന്ന് പോവില്ല...."

നിഷാദ് പറഞ്ഞു....

"അങ്ങനെ എങ്കിൽ അങ്ങനെ....പക്ഷെ ഞാൻ തന്നെ ഇഷ്ട്ടാണ് എന്ന് പറയും എന്ന് ഒരിക്കലും കരുതേണ്ട...."

കുറച്ചു നിർത്തി ഞാൻ. വീണ്ടും പറഞ്ഞു..

"ഇന്നലെ നിങ്ങളോട് മോശമായി പെരുമാറിയതിനും ആ എഴുത്തിൽ അങ്ങനെ ഒക്കെ എഴുതിയതിനും നിങ്ങളോട് എല്ലാവരോടും ഞാൻ മാപ്പ് പറയുവാണ്.... സോറി...."

ഞാൻ അത് പറഞ്ഞപ്പോൾ അവന്റെ മുഖത്തു വിജയ ഭാവത്തിൽ ഉള്ള ചിരി....

ചൂടൻ....ഇവനൊക്കെ കെട്ടുന്ന പെണ്ണിന്റെ കാര്യം കഷ്ട്ടം....വീട്ടുകാരൊക്കെ എങ്ങനെ സഹിക്കുന്നോ എന്തോ....

"അപ്പൊ പിന്നെ ഞങ്ങള് പോട്ടേ...."

അത് പറഞ്ഞപ്പോഴേക്കും ബെൽ അടിച്ചു....

കൂടി നിന്നവരൊക്കെ പോയി....

"ഇപ്പൊ നി പോ....നിന്നെ കൊണ്ട് പറയിപ്പിക്കാൻ എനിക്കറിയാം...."

നിഷാദ് പറഞ്ഞു....

"ഓഹ്...ആയിക്കോട്ടെ..."

എന്നും പറഞ്ഞു ഞാനും മിച്ചുവും ക്ലാസ്സിലേക്ക് പോയി....
*****************************************

അവൾ കളിക്കാൻ തീരുമാനിച്ചു തന്നെയാണ് ഉള്ളത്...

കളിക്കട്ടെ... എത്ര വരെ പോകും എന്ന് അറിയണമല്ലോ.....
====================

വൈകുന്നേരം ഞങ്ങള് പോകാൻ നിൽക്കുമ്പോൾ അവൾ നടന്ന് വരുന്നത് കണ്ടു.....

"ടാ...നിച്ചു...നിന്റെ ശത്രു അതാ വരുന്നു."

ഷബീ പറഞ്ഞു....

ഷബീർ...റമീസ്...ജംഷാദ്...ഇർഫാൻ...പിന്നെ ഞാൻ...ഞങ്ങൾ അഞ്ചാളാണ് team...

"ഉം...വരട്ടെ...അവൾക്ക് ഞാൻ വെച്ചിട്ടുണ്ട്"

ഞാൻ പറഞ്ഞു....

അവൾ നടന്ന് നേരെ പോകും എന്നാണ് ഞങ്ങള് കരുതിയത്...പക്ഷെ അവള് നടന്ന് ഞങ്ങളുടെ അടുത്തേക്ക് വന്നു....

"ഇക്കാക്കമാരെ.... എന്തുവാണ്... പോവുന്നവരുടെ കണക്ക് എടുക്കാൻ നിന്നതാണോ ഇവിടെ..."

അവള് കണ്ണടിച്ചു കൊണ്ട് ചോദിച്ചു....

തിരിച്ചൊരു നോട്ടം നോക്കി ഞാൻ....പിന്നെ ഒരു dialogue ഉം...

"അല്ല...തമ്പുരാട്ടി വരുന്നതും കാത്ത് നിന്നതായിരുന്നു....."

"എന്തിനാണോ ആവോ..."

ഞാൻ പറഞ്ഞതിന് അതേ രീതിയിൽ തന്നെ അവള് മറുചോദ്യം ചോദിച്ചു....

"നിന്നെ ഒന്ന് കാണാൻ...."

ഞാൻ അത് പറഞ്ഞപ്പോൾ അവള് തിരിച്ചു ചോദിച്ച ചോദ്യം ഞാൻ ഒട്ടും പ്രതീക്ഷിച്ചില്ല..

ഇത്തിരി നാണം ഒക്കെ വരുത്തി ഓൾ ചോദിച്ചു....

"അതെന്താ...ഈ ചൂടന് എന്നെ അത്രയ്‌ക്ക് ഇഷ്ട്ടാണോ....😉"

സാധാരണ ഏതെങ്കിലും ഒരു പെണ്ണ് ഇങ്ങനെ എന്നോട് ചോദിച്ചാൽ നല്ല നാല് തെറി പറയേണ്ടതാണ്...പക്ഷെ ഇവിടെ അത് സംഭവിച്ചില്ല....

"ആണെങ്കിൽ....."

എന്റെ ചങ്ങാതിമാരു എന്നെ അന്തം വിട്ട് നോക്കാണ്....

"ആണെങ്കിൽ....ഞമ്മക്കൊരു കൊഴപ്പവും ഇല്ലെന്ന് പറയുവായിരുന്നു...."

അവള് എന്നെ ആക്കിയിട്ടാണ് അത് പറഞ്ഞതെന്ന് എനിക്ക് മനസ്സിലായി...

"എന്നാ എനിക്ക് കുഴപ്പമുണ്ട്..."

ഒരു പുച്ഛ ഭാവത്തോടെ ഞാനത് പറഞ്ഞപ്പോൾ അവളും തിരിച്ചു അത് പോലെ പറഞ്ഞു....

"അല്ലേലും ഈ കലിപ്പനെ പ്രേമിക്കാൻ മാത്രം മണ്ടിയൊന്നുമല്ല ഞാൻ...കേട്ടോ ചൂടാ ...."

"അതേയ്...എനിക്ക് എന്റെ വീട്ടുകാര് നല്ലൊരു പേര് ഇട്ടിട്ടുണ്ട്.... കേട്ടോ..."

"ആ നല്ല പേരൊന്ന് പറഞ്ഞാട്ടെ... കേൾക്കട്ടെ..."

"മുഹമ്മദ് നിഷാദ് നൗഫൽ...."

"ഓഹോ...അപ്പൊ നിഷാദ്ക്കാനെ പ്രേമിക്കാൻ മാത്രം മണ്ടിയൊന്നുമല്ല ഞാൻ...കെട്ടോ നിഷാദ്ക്കാ...."

അവള് അത് പറഞ്ഞപ്പോ എനിക്ക് ചിരി വന്നു എന്നത് സത്യം....പക്ഷെ ചിരിച്ചില്ല...പിന്നെ മോയന്ത് തലേൽ കേറി മേയും....

"നിന്ന് dialogue അടിക്കാൻഡ് വീട്ടിപൊടി"

"എന്നാ ശരി...വീണ്ടും കാണാം...ഏറ്റു മുട്ടാം"

എന്നും പറഞ്ഞു സിനിമാ സ്റ്റൈലിൽ ഓൾ നടന്ന് പോയി.......ഓൾ പോയപ്പാട് ന്റെ frds

"ടാ... നിച്ചു...നിനക്കെന്താ പറ്റിയെ...."

റെമി (റമീസ്) ചോദിച്ചു....

"എന്തു പറ്റാൻ...."

"നിനക്ക് ഒളോട് ഉള്ള ദേഷ്യം ഒക്കെ മാറിയോ...."

ഇർഫു(ഇർഫാൻ)ചോദിച്ചു....

"നമ്മൾ പരസ്യമായി മാപ്പ് പറയിപ്പിച്ചിട്ടും ഓൾക്ക് ഞമ്മളോട് ദേഷ്യം ഒന്നുമില്ല...പിന്നെ ഞമ്മള് എന്തിനാടാ ഒളോട് ദേഷ്യം വെക്കുന്നെ...."

"ഓഹ്...അങ്ങനെ...അപ്പൊ നി പറഞ്ഞു വരുന്നത് ഒളോട് ഇനി പക വെക്കേണ്ട കാര്യം ഒന്നുമില്ല എന്ന് അല്ലെ "

ജംഷി (ജംഷാദ്) ചോദിച്ചു....

"ഉം...അതേ..."

"നിനക്കെന്താടാ ഒളോട് പ്രേമം ആണോ..."

ഷെബി (ഷബീർ) ചോദിച്ചു....

"ഹേയ്...എന്ത്.... ഒന്ന് പോടെ...ചുമ്മാ ഇല്ലാത്തത് പറയരുത്..."

ഞാൻ അതും പറഞ്ഞു വേഗം ബൈക്കിൽ കേറി.....അവരോട് പോട്ടേ പറഞ്ഞു വീട്ടിലേക്ക് വിട്ടു....
*****************************************

"ഷാദി...."

ശഫാസ്ക്കാൻറെ വിളി കേട്ടാണ് ഞാൻ ഞെട്ടിയത്....

"എഹ്...എന്താ ഇക്കാക്ക..."

"എന്തുവാടി...full time ഫോണിൽ തന്നെ ...അതിൽ ലയിച്ചു ഇരുന്നോണ്ടല്ലേ ഞാൻ വിളിച്ചപ്പോൾ പെട്ടെന്ന് ഞെട്ടിയെ..."

"ഹേയ്...അല്ല ഇക്കാക്ക....."

"ഉം...തന്നെ തന്നെ..."

ഞാൻ പെട്ടെന്ന് തന്നെ വിഷയം മാറ്റി...അല്ലെങ്കിൽ പിന്നെ എന്റെ പുന്നാര കാക്കു എന്നോടുള്ള സ്നേഹം മൂത്ത് ഞമ്മളെ ഫോൺ എടുത്തു കൊണ്ട് പോവും....ഹിഹി....

"അല്ലെടി ഷാദി...നി നിന്റെ കോളേജ് വിശേഷങ്ങൾ ഒന്നും പറഞ്ഞില്ലല്ലോ...അല്ലെങ്കിൽ നി ഇങ്ങനെ അല്ലല്ലോ...സ്കൂളിൽ നിന്ന് വന്നപാടെ എല്ലാം വള്ളി പുള്ളി തെറ്റാതെ പറഞ്ഞു തരുമായിരുന്നല്ലോ..."

ശരിയാണ്...ഞാൻ ഇപ്പൊ ഒന്നും പറയാറില്ല.... ഹാ...ഇന്ന് ഞമ്മളെ മുത്തിന്റെ പരാതി തീർത്തു കൊടുക്കണം...

"ആഹ്....ശരിയാ... എന്തൊക്കെ പറയാൻ ഉണ്ടെന്ന് അറിയോ...."

"എന്നാ പറ... കേൾക്കട്ടെ..."

ഞാൻ ഓനോട് പോയ ദിവസം മുതൽ നടന്നത് ഒന്നൊഴിയാതെ പറഞ്ഞു....

എല്ലാം കേട്ടപ്പോൾ ഓന്റെ വക തലക്ക് ഒരു മേട്ട് കിട്ടി....ഹോ...ഇപ്പൊ തൊടങ്ങും പ്രാന്തൻ ഉപദേശം...

"ന്റെ പൊന്ന് കാക്കു...ഉപദേശിക്കരുത് പ്ലീസ്..."

"ടി....seniors നോട് വായടിക്കാൻ നിൽക്കരുത് എന്ന് ഞാൻ പറഞ്ഞിട്ടില്ലേ.."

"അതിന് ഞാൻ അങ്ങോട്ട് പോയതോന്നുമല്ലല്ലോ...."

"എങ്ങനെ ആയാലും...."

"ഉം...എന്നിട്ട് ഞാൻ സോറി പറഞ്ഞില്ലേ"

"ഉം...അത് പറഞ്ഞില്ലേൽ നല്ല തന്നെനെ നിനക്ക്...."

"ആഹ്...എന്ന ഇങ്ങള് പോയി ഉറങ്ങിക്കോ..."

എന്നും പറഞ്ഞു ഞാൻ ഓനെ പറഞ്ഞയച്ചു....

അല്ലെങ്കിൽ വീണ്ടും ഓരോന്ന് പറഞ്ഞു എന്റെ തലയടിച്ചു പൊട്ടിച്ചേനെ...

ഹും.... പെങ്ങള് ആയ എന്നോട് ഇത്രേം ചെയ്ത അവന്മാരെ ഒന്നും പറയാണ്ട് എന്നെ പറഞ്ഞിട്ട് പോയത് കണ്ടില്ലേ....

ഹോ.....പാവം ഞാൻ....
_________________________________________
part--6💕
_________________________________________

ഉറങ്ങാൻ കിടന്നിട്ടും ഉറക്കം എന്നെ തേടി വരുന്നില്ല.... കാതുകളിൽ ഷെബിയുടെ ചോദ്യം വീണ്ടും വീണ്ടും വന്ന് പതിക്കുന്നു..

*എന്താടാ...നിനക്ക് അവളോട് പ്രേമം ആണോ*

ശേ...എനിക്കെന്താണ് പറ്റിയത്.... ഷെബി ചോദിച്ചത് പോലെ എനിക്ക് അവളോട് പ്രേമം ആണോ...

ഒരിക്കലുമല്ല....പിന്നെന്താ....

അവളുടെ കാര്യത്തിൽ ഞാൻ എന്താ ഇങ്ങനെ....

അവളെ വെറുതെ വിടില്ല എന്നു പറഞ്ഞു നടന്ന ഞാൻ ആണ് ഇപ്പൊ ഇങ്ങനെയൊക്കെ പറയുന്നേ....

ഒന്നും മനസ്സിലാവുന്നില്ലല്ലോ...എന്റെ മനസ്സിലുള്ളത് എനിക്ക് മനസ്സിലാക്കാൻ പറ്റിയില്ലെങ്കിൽ പിന്നെ ആർക്കാണ് മമസ്സിലാവുക....

ഹാ...എന്തേലും ആവട്ടെ....

പതിയെ ഞാൻ ഉറക്കിലേക്ക് വഴുതി വീണു.
≈≈≈≈≈≈≈≈≈≈≈≈≈≈

തണുത്ത എന്തോ വന്ന് മുഖത്തു പതിച്ചപ്പോൾ ആണ് ഞാൻ ഉണർന്നത്....

നോക്കുമ്പോൾ ഒരു ഗ്ലാസ് വെള്ളവും കയ്യിൽ പിടിച്ചു നാഫി നിൽക്കുന്നു....

"എന്താ നാഫി...."

ഞാൻ ചോദിച്ചു....

"പോത്ത് പോലെ കിടന്നുറങ്ങാൻഡ് എഴുന്നേറ്റ് പോ കാക്കു....ഞായറാഴ്ച ആണെന്ന് വെച്ചു ഇങ്ങനൊക്കെ ഉറങ്ങാവോ...."

അവൾ ചോദിച്ചു....

"ഹേ....ഇന്ന് ഞായറാഴ്ച ആണോ..."

"ആഹ്...എന്തേ...."

"ഒന്നുല്ല...നി പൊക്കോ..."

"ഉം..."

ഓൾ മൂളിക്കൊണ്ടു പോയി...

ശേ...ഇന്ന് ഞായറാഴ്ച ആണോ...അപ്പൊ ഇന്ന് ഷാദിയെ......

ഹേ...ഞാൻ എന്തൊക്കെയാ ഈ പറയുന്നേ....അവളെ കാണാൻ പറ്റിയില്ലെങ്കിൽ എനിക്ക് എന്താ....

വേണ്ടാത്ത ഓരോ വാക്ക്....

ഞാൻ വേഗം എഴുന്നേറ്റ് പല്ല് തേപ്പ് ഒക്കെ കഴിഞ്ഞു താഴേക്ക് പോയി...

"ഓഹ്...രാജാവ് എഴുന്നേറ്റോ..."

ഉമ്മയാണ്...

"ഹിഹി...ചായ താ ഉമ്മി...."

"ചായ....സുബിഹിക്ക് എഴുന്നേൽക്കാൻഡ് ഓൻ ചായ ചോദിക്കുന്നു..."

"അത്...പിന്നെ...ഉറങ്ങി പോയോൻഡ് അല്ലെ....."

"ഉം....."

ഉമ്മ ഒന്ന് അമർത്തി മൂളി....

ഞാൻ പുറത്തേക്ക്‌ ഇറങ്ങിയപ്പോ ഷംനയും നാഫിയും കോലായിൽ തന്നെ ഉണ്ടായിരുന്നു....

ഈ ഷംന എന്താ വീട്ടിൽ പോകാതെ....വന്നിട്ട്2 ദിവസം ആയല്ലോ...

"ഹാ...കാക്കു എഴുന്നേറ്റോ...."

നാഫി ചോദിച്ചു....

"ഉം...എഴുന്നേറ്റു...."

ഒളോട് സംസാരിച്ചോണ്ടിരിക്കുമ്പോൾ ആണ് പെട്ടെന്ന് എന്റെ ഫോൺ റിങ് ചെയ്തത്.....

ഷാഹി calling.....

ഷാഹി ഷംനയുടെ ഇക്കാക്ക ആണ്....ഷാഹിദ്....ഓൻ ഞമ്മളെ ഖൽബാണ്....

ഇക്കാക്കാൻറെ ഒരു നല്ല സ്വഭാവവും അനിയത്തിക്ക് കിട്ടീട്ടില്ല.....

ഞാൻ പെട്ടെന്ന് തന്നെ call അറ്റൻഡ് ചെയ്തു....

"ഹെലോ. ഷാഹി..."

"ആഹ് നിച്ചു...എന്തൊക്കെയുണ്ട്...ഒരു വിവരവുമില്ലല്ലോ"

"ആഹാ...അതാ ഇപ്പൊ നന്നായെ...എന്റെ വിവരമാണോ....നിന്നെയെല്ലേ ഇപ്പൊ കാണാൻ പോലും കിട്ടാത്തെ...."

"ഹഹ... കുറച്ചു തിരക്കിൽ ആയി പോയേട"

"ഓഹ്....തിരക്കിൽ ആവുമ്പോഴേക്ക് ഞമ്മളെ ഒക്കെ മറന്നു"

"മറന്നെങ്കിൽ പിന്നെ ഇപ്പൊ വിളിക്കോ കുരിപ്പെ...".

"ഹോ....നിന്റെ വായിന്ന് കുരിപ്പെ കേൾക്കാത്തോണ്ട് ഒരു രസുല്ലെനു...ഇപ്പൊ സമാധാനമായി...."

"ഹിഹി...പോടാ...."

"പിന്നെ നി വെറുതെ വിളിച്ചതാണോ..."

"ആഹ്...ഞമ്മളെ ഒരു പെങ്ങള് ഇല്ലേ അവിടെ....എന്തേ ഓൾ ഇങ്ങോട്ടേക്ക് വരുന്നില്ലേ പോലും...."

വേഗം വന്ന് കൂട്ടിക്കൊണ്ട് പോടാ...എനിക്കത്രേം സമാധാനം ആവും...

"എന്താ നിച്ചു...ഒന്നും മിണ്ടാതെ..."

"അല്ല....നി ഒളോട് തന്നെ ചോയ്ച്ചോ..."

"എന്നാ പിന്നെ ശെരി ടാ...ഞാൻ ഓളെ ഫോണിലേക്ക് ഒന്ന് വിളിക്കട്ടെ.... നിന്നെ ഞാൻ പിന്നെ വിളിക്കാം...."

"ഓകെ ടാ...ബൈ...."

ഓനോട് സംസാരിക്കുമ്പോൾ പെട്ടെന്ന് സമയം പോവും....
----------------------------------

ഒന്ന് fresh ആയി നേരെ ഞമ്മളെ സ്വന്തം ക്ലബ്ബിലേക്ക് വിട്ടു....

ഞാൻ അവിടെ എത്തിയപ്പോ ബാക്കി നാലെണ്ണവും ആദ്യമേ അവിടെ എത്തിയിരുന്നു.....

"ആഹ് ഇജ്ജ് വന്നോ...നിന്റെ ഷംന പോയോ...."

ഇർഫു ഞമ്മക്കിട്ട് താങ്ങിയതാണ്...അവന്മാർക്ക് അറിയാം എനിക്ക് അവളെ കാണുന്നതെ കലി ആണെന്ന്...അതോണ്ട് ഇങ്ങനെ ഓരോന്ന് പറഞ്ഞു എന്റെ ദേഷ്യം കൂട്ടും....

"ഇല്ലെടാ പോയില്ല...എന്താ നിനക്ക് വേണോ ഓളെ..."

"അയ്യോ....വേണ്ടായെ... ഞമ്മള് ജീവിച്ചു പൊയ്ക്കോട്ടെ..."

ഓൻ പറഞ്ഞു....

"അതിനെന്താടാ...നല്ല മൊഞ്ചത്തി കുട്ടി അല്ലെ ഓൾ...നിച്ചു നിനക്ക് ഷംന നല്ലോണം ചേരും...."

റെമി പറഞ്ഞു....

"ഒന്ന് പോടാ....ഒളൊക്കെ ഒരു മൊഞ്ച് ആണോ....അതെല്ലാം എന്റെ ഷാദി..."

"എന്ത്....ആര് ....നിച്ചു നി ഇപ്പൊ ആരെയാ പറഞ്ഞേ...."

അവന്മാരെ നാലാളും എന്നെ വളഞ്ഞപ്പോൾ ആണ് ഞാൻ എന്താ പറഞ്ഞതെന്ന് എനിക്ക് ഓർമ വന്നത്....

പടച്ചോനെ.... ഞാൻ എന്താ ഇങ്ങനെ...ഇടയ്ക്കിടെ എന്തിനാ ഓൾടെ പേര് എന്റെ വായിലേക്ക് വന്നോണ്ടിരിക്കുന്നെ.....

റബ്ബേ...ഇവന്മാര് എല്ലാം കൂടി ഇപ്പൊ എന്നെ പഞ്ഞിക്കിടും.....ഞാൻ അവരെ നോക്കി nice ആയിട്ട് ഒന്ന് ചിരിച്ചു....

"നിന്റെ പുളിച്ച ചിരി ഞങ്ങൾക്ക് കാണണ്ട..ഞങ്ങള് ചോദിച്ചതിന് ഉള്ള മറുപടി താ...."

ഷെബി വളരെ ഗൗരവത്തോടെ പറഞ്ഞു....

"എന്ത് ചോദ്യം....എന്ത് മറുപടി...."

ഞാൻ ചോദിച്ചു....

"നിനക്ക് എന്താ ഷാദിയോട് പ്രേമം ആണോ"

ജംഷിടെ വകയാണ് ചോദ്യം....

"ടാ...അങ്ങാനൊ....."

എന്നെ പറഞ്ഞു മുഴുവനാക്കാൻ സമ്മതിച്ചില്ല പഹയന്മാർ.... അതിനിടയിൽ കേറി...

"ആണോ അല്ലയോ..."

എന്നെ വിടുന്ന ലക്ഷണമില്ല....സത്യത്തിൽ എനിക്ക് ഒളോട് പ്രേമം ആണോ....എനിക്ക് തന്നെ അറിയില്ല....പിന്നെ എങ്ങനാ ഇവരോട് പറയുക....

"ടാ...നിന്നോട ചോദിച്ചേ...."

"ആണ്....."

ഏതോ ലോകത്ത് എന്ന പോലെ ആയിരുന്നു ഞാൻ അത് പറഞ്ഞത്....

"കണ്ടോ ഞാൻ ഇന്നലെ ചോദിച്ചപ്പോ ഇവൻ എന്താ പറഞ്ഞേ....അങ്ങാനൊന്നുല്ല ചുമ്മാ ഇല്ലാത്തത് പറയണ്ടാന്ന്... ഇപ്പൊ എന്തായി...."

ഷെബി എന്റെ തലക്ക് അടിച്ചോണ്ടു പറഞ്ഞു....

"ടാ....എനിക്ക് വരെ അറിയില്ല എനിക്ക് ഓളെ ഇഷ്ടമാണോ അല്ലയോ എന്ന്...അതാ ഞാൻ...."

"ആഹ് മതി മതി....ജീവിതത്തിൽ ഒരുത്തിയെയും പ്രേമിക്കില്ല എന്ന് പറഞ്ഞ നി ഓളെ പ്രേമിച്ചല്ലോ.... നി പറഞ്ഞ നിന്റെ വാക്ക് തെറ്റിച്ചല്ലോ......"

റെമി എന്നെ ആക്കി....

"ടാ...അത് പിന്നെ..."

"ഒരു പിന്നെയും ഇല്ല....അന്ന് നി പറഞ്ഞതാ ആ വാക്ക് എപ്പോഴെങ്കിലും തെറ്റിചാൽ ഞങ്ങള് ചോദിക്കുന്നത് വാങ്ങി തരും എന്ന്"

ഇർഫു ഞമ്മളെ മുടിപ്പിക്കാൻ ഉള്ള തയാറെടുപ്പിൽ ആണ്....

"അതേ...വാ...നമ്മക്ക് പോയി എന്തേലും കഴിച്ചിട്ട് വരാം...."

ജംഷി അതും പറഞ്ഞു ഇറങ്ങി....പിറകെ ബാക്കിയുള്ളവന്മാരും....

എന്റെ ഷാദി.... നി ഇത് വല്ലതും അറിയുന്നുണ്ടോ....

"നിന്ന് സ്വപ്നം കാണാണ്ട് വാടാ..."

റെമി എന്നെ കൂട്ടിക്കൊണ്ട് പോയി...എന്റെ പോക്കറ്റ് ഇന്ന് കാലിയാക്കും.... ഹും...
*****************************************

ചൂടന് എന്നോടുള്ള ദേഷ്യം ഒക്കെ കുറഞ്ഞെന്നു തോന്നുന്നല്ലോ....

ഇന്നലെ ഞാൻ ഓരോന്ന് പറയുമ്പോ അവന് ചിരി വരുന്നത് ഞാൻ ശ്രദ്ധിച്ചിരുന്നു...പക്ഷെ കലിപ്പൻ മര്യാദക്ക് ചിരിക്കുന്നില്ല....ആ ചിരി ഒന്ന് കാണാൻ നല്ല ആശ ഉണ്ട്....

പോയിട്ട് ഇതുവരെ അങ്ങേരുടെ ചൂടൻ face അല്ലാതെ ചിരിക്കുന്ന face കണ്ടിട്ടില്ലല്ലോ....

ഹാ...നാളെ കോളേജിൽ പോയാൽ എങ്ങനെലും ചിരിപ്പിക്കണം...എന്നിട്ട് മുഖത്തു നോക്കി ചോദിക്കണം....

ചിരിക്കാനൊക്കെ അറിയാം അല്ലെ എന്ന്...

ഹിഹി....
_________________________________________

💞മോഹബ്ബത്💞

part--7💕
_________________________________________

ജീവിതത്തിൽ ഇതുവരെ ഒരു ഞായറാഴ്ച കഴിയാൻ വേണ്ടി ഞാൻ ഇങ്ങനെ കാത്തിരുന്നിട്ടില്ല....

വല്ലാത്തൊരു അവസ്ഥ തന്നെ....എനിക്ക് എന്തൊക്കെയാണ് സംഭവിക്കുന്നത് എന്ന് മനസ്സിലാവുന്നില്ല...

അവളെ ഒരു നോക്ക് കാണാൻ മനസ്സ് വല്ലാതെ കൊതിക്കുന്നു...കണ്ട മാത്രയിലെ എനിക്കവളെ ഇഷ്ട്ടമായിരുന്നില്ലേ....

അവളുമായിട്ട് നല്ല കൂട്ടാവണം... ഒളോരു പാവമാണ്....അതൊണ്ടല്ലേ ഞങ്ങളോട് ഇങ്ങോട്ട് വന്ന്‌ മിണ്ടിയത്....

ഞാൻ അവളെ ആലോചിച്ചു ഇരിക്കുകയാണ്.....

"ആരെയാ ഇക്കാ സ്വപ്നം കാണുന്നെ..."

ഷംന ആണ്....

"ആരെയായാലും നിനക്കെന്താ..."

"വല്ല പെണ്പിള്ളേരും ആണോ...."

"അതേ...എന്തേലും കുഴപ്പം ഉണ്ടോ..."

"ഉണ്ടെങ്കിൽ"

"നിനക്ക് കുഴപ്പമുണ്ടെങ്കിൽ എനിക്കെന്താ."

"ഒന്നൂല്ലേ..."

"ഇല്ല...അതിന് നി എന്റെ ആരാ...എന്റെ ഷാഹിയെ വിചാരിച്ചു മാത്രം ആണ് ഞാൻ നിന്നോട് ഇങ്ങനെ എങ്കിലും മിണ്ടുന്നെ...അല്ലെങ്കിൽ പിടിച്ചു പുറത്താക്കിയേനെ...."

"അതിന് മാത്രം ഞാൻ എന്ത് ചെയ്തു ഇക്കാ..."..

"നിന്ന് കണ്ണീരൊലിപ്പിക്കാൻഡ് പോടി...."

ഞാൻ അതും പറഞ്ഞു തിരിഞ്ഞു നിന്നു....

കുറച്ചു സമയം കഴിഞ്ഞു നോക്കുമ്പോൾ മോയന്ത് അവിടെ ഇല്ല...അല്ല പിന്നെ... ഇവളോടൊക്കെ ഇത്തിരി നല്ലോണം പെരുമാറിയ പിന്നെ അത് മുതലെടുക്കും...

=================

മുത്തശ്ശി മരത്തിന്റെ അടുത്ത് ഞാനും എന്റെ ചങ്കുകളും ഇരിക്കുവാണ്....

അവിടെ ഇരുന്നാൽ ഷാദി വരുന്നത് കാണാം....

"ടാ...നിച്ചു...ദേ...വരുന്നു നിന്റെ പെണ്ണ്"

ഷെബി പറഞ്ഞ ഭാഗത്തേക്ക് ഞാൻ നോക്കി....

അതേ...എന്റെ ഷാദി....വെള്ള കളർ ചുരിദാറിൽ എന്റെ പെണ്ണ് കൂടുതൽ മൊഞ്ചത്തി ആയ പോലെ....

അവളുടെ കൂടെ ഏതോ ഒരു പയ്യനുമുണ്ട്..

ഞങ്ങളുടെ അടുത്ത് എത്തിയപ്പോൾ അവൾ ഞങ്ങളെ നോക്കി ഒന്ന് ചിരിച്ചു....

ഞങ്ങള് തിരിച്ചും....പെട്ടെന്ന് ഓൾ...

"ദേ...ആഷി...നി നോക്കിയേ...."

അവള് എന്റെ നേരെ കൈചൂണ്ടി ആ ചെക്കനോട് പറഞ്ഞു...ഞാൻ പെട്ടെന്ന് ഒന്ന് പരുങ്ങി... ഇവളെന്തിനാ എന്നെ കാണിച്ചു കൊടുത്തെ...

"എന്താ ഷാദി..."

അവൻ ചോദിച്ചു....

"ഈ കലിപ്പൻ കാക്കു ചിരിക്കുന്നു...."

ഓൾ അത് പറഞ്ഞപ്പോ ഞമ്മള് പ്ലിങ്ങായി...ന്റെ ചങ്ങായിമാരും പിന്നെ ആ പയ്യനും കൂടി ചിരിക്കാൻ തുടങ്ങി...

ഹും ...ഇതിൽ ചിരിക്കാൻ മാത്രം എന്താ...

ഓഹ്....തെണ്ടികൾ...പൊട്ടി പൊട്ടി ചിരിക്കാണ്....

"ടാ...മതി മതി...ഇതിൽ ഇത്ര ചിരിക്കാൻ ഒന്നുല്ല...."

ഞാൻ കുറച്ചു ഗൗരവത്തോടെ പറഞ്ഞപ്പോൾ എല്ലാത്തിന്റേം ചിരി പെട്ടന്ന് നിന്നു....

ഞാൻ ഒളോട് ചോയിച്ചു....

"എനിക്കെന്താ ചിരിച്ചൂടെ...."

"ഹിഹി...നല്ല ചോദ്യം...ഞാൻ ഇവിടെ വന്ന അന്ന് തന്നെ ഇങ്ങളെ പരിചയപ്പെട്ടില്ലേ......എന്നിട്ട് ഇതുവരെ ഞാൻ ഇങ്ങളെ കലിപ്പ് മോന്ത അല്ലാണ്ട് ചിരി കണ്ടിട്ടില്ല... അതോണ്ട് പറഞ്ഞതാ"

"ഹോ...ഭയങ്കരം..."

"ആഹ്...ഭയങ്കരം തന്നെ...."

"നിയെതാ..."

ഞാൻ ആ പയ്യനോട് ചോദിച്ചു....

"ഞാൻ ആഷിർ....ഇവളുടെ classmate ആണ്...."

ഓൻ പറഞ്ഞു....

"അതൊന്നുമല്ല...ഇവൻ  എന്റെ ബോഡി ഗാർഡ് ആണ്...."

ഓൾ പറഞ്ഞു....

"എന്ത്...."

ഞാൻ ചോദിച്ചു...

ആഷിർ പ്ലിങ്ങിയ ഒരു ചിരി ചിരിച്ചിട്ടു പറഞ്ഞു....

"ഇവളുടെ ഇക്കാക്ക എന്റെ ഇക്കാക്കാൻറെ ചങ്ങായി ആണ്...അവരെ കോളേജിൽ ഇവക്ക് സീറ്റ് കിട്ടാൻ അവര് കുറെ ശ്രമിച്ചിരുന്നു....പക്ഷെ കിട്ടീല്ല...അത്കൊണ്ട് ഈ മോയന്തിനെ നോക്കാൻ ഏൽപ്പിച്ചത് എന്നെ..."

ഹഹ... അത് കേട്ടപോൾ എനിക്ക് ചിരി വന്നു....

"അപ്പൊ നി അത്രയ്ക്ക് തല തെറിച്ചത് ആണെന്ന് അർത്ഥം...അതൊണ്ടല്ലേ ഇന്റെ ഇക്കാക്ക ഇന്നേ നോക്കാൻ ആളെ ആക്കിയെ...."

"അയ്യേ...അതിനൊന്നുമല്ല ആക്കിയെ...എന്റെ പിന്നാലെ ആരെങ്കിലും നടക്കുന്നുണ്ടോ...എന്നെ ആരെങ്കിലും വെറുതെ ശല്യം ചെയ്യുന്നുണ്ടോ എന്നൊക്കെ നോക്കാനാ..."

"ഓഹോ...അങ്ങനെ ആണല്ലേ..."

"ഉം...."

"എന്നാ പിന്നെ ക്ലാസ്സിൽ പൊയ്ക്കോ..."

"ശരി...."

അവര് പോയി....

എന്നാലും വല്ലാത്തൊരു വായാടി തന്നെ...

"നിച്ചു...ഇജ്ജ് ഷാദിനെ കെട്ടിയാൽ നല്ല അരങ്ങുണ്ടാവും"

ജംഷി പറഞ്ഞു...

"ഹേ അതെന്താടാ നി അങ്ങനെ പറഞ്ഞേ"

"നി ഇങ്ങു വാ എന്ന് പറയുമ്പോൾ ഓൾ അങ്ങു പോവും...."

ഓൻ പറഞ്ഞത് ശരിയാണ്...അങ്ങനെയേ ഉണ്ടാവൂ...

പടച്ചോനെ.... ഓളെ എനിക്ക് തന്നെ കിട്ടണെ.... ഇനിയിപ്പോ ആ മൊതതലിനോട്‌ എങ്ങനെ ഇഷ്ട്ടാണ് എന്ന് പറയുക...ആഹ്...എന്തേലും വഴി ഉണ്ടാവും..
*****************************************

ലഞ്ച് ബ്രേക്കിന് ഞാനും മിച്ചുവും കൂടി ചുമ്മാ കോളേജ് ചുറ്റി കാണുകയാണ്... വന്ന അന്ന് നിഷാദ്ക്കയുമായി ആ പ്രശനം ആയോണ്ട് കോളേജ് മുഴുവനായും കണ്ടില്ല.....

ഇപ്പൊ അവർക്ക് ദേഷ്യം ഒക്കെ മാറിയോൻഡ് സമാധാനത്തിൽ നടക്കാം
..

"എവിടേക്കാണ് രണ്ടാളും...."

നിഷാദ്ക്കയും ചങ്ങായിമാരും....

"ചുമ്മാ ഒന്ന് കോളേജ് ഒക്കെ ചുറ്റി കാണാൻ...."

ഞാൻ പറഞ്ഞു....

"ആഹ്...നി വന്നിട്ട് ഇതുവരെ ഇതൊന്നും കണ്ടില്ലേ...."

നിഷാദ് വീണ്ടും ചോദിച്ചു....

"അന്ന് കാണാൻ വേണ്ടി ഇറങ്ങിയപ്പോ അല്ലെ നിങ്ങളുമായി പ്രശനം ആയെ...അതിന് ശേഷം പിന്നെ എന്തോ മൂഡ് ഇല്ലായിരുന്നു..."

ഞാൻ പറഞ്ഞു....

"ഉം.....നീയൊന്ന് വന്നേ...നിന്നോട് ഒറ്റയ്ക്ക് സംസാരിക്കാൻ ഉണ്ട്...."

"എഹ്...ഒറ്റയ്ക്കോ....അപ്പൊ ഇവൾ..."

ഞാൻ മിച്ചുനേ കാണിച്ചു പറഞ്ഞു....

"ഓളെ ഞങ്ങള് പിടിച്ചു തിന്നൊന്നും ചെയ്യില്ല....ഇജ്ജ് പൊയ്ക്കോ...ഓൾ ഇവിടെ safe ആയിരിക്കും...."

ബാക്കി ഇക്കാക്കമാര് പറഞ്ഞു...

"ഉം...."

"നിന്ന് കറങ്ങാൻഡ് വാ പെണ്ണെ..."

നിഷാദ് വിളിച്ചു....

ഞാനും അവനും കൂടി നടക്കാൻ തുടങ്ങി...

മുത്തശ്ശി മരത്തിന്റെ ചുവട്ടിൽ പോയി ഇരുന്നു....

"നിങ്ങള് ഭക്ഷണം കഴിച്ചായിരുന്നോ..."

അവൻ ചോദിച്ചു...

"ഉം....കഴിച്ചു...ഇങ്ങളോ..."

"ആഹ്...കഴിച്ചു..."

കുറച്ചു നിർത്തി അവൻ വീണ്ടും ചോദിച്ചു...

"നിന്റെ വീട്ടിൽ ആരൊക്കെ ഉണ്ട്..."

"ഞാനും എന്റെ ഇക്കാക്കയും പിന്നെ ഉപ്പാ ഉമ്മ..."

"ഇക്കാക്ക എന്താ പഠിക്കുന്നെ"

"ഓൻ m com final year..."

"ഓഹ്...അപ്പൊ ഞമ്മളെ അതേ age ആണല്ലേ..."

"ഉം...അതേ..."

"എന്താ ഇക്കാക്കന്റെ പേര്"

"ഷഫാസ്...ഇങ്ങക്ക് siblings ആരൂല്ലേ..."

"ഉണ്ടല്ലോ...ഒരു പെങ്ങള്... ഓൾ പ്ലസ് 2 പടിക്കുവാണ്...."

"എന്താ പേര്..."

"നാഫിയ..."

"എങ്ങനാ എന്നെ പോലെ വായാടി ആണോ"

"ആഹ്...ഇന്നേ പോലെ തന്നെയാ"

"ഹിഹി..."

"അല്ലാ... നിനക്ക് പ്രേമം ഒന്നുമില്ലെന്ന് പറയുന്ന കേട്ടു....എന്തേ കാരണം..."

"ഹേ...അത് ആരാ പറഞ്ഞേ..."

"നിയല്ലേ അന്നത്തെ ആ ലെറ്ററിൽ എഴുതിയെ ഇതുവരെ ആർക്കും ഒരു love letter എഴുതിയിട്ടില്ലെന്നു...പ്രേമം ഉള്ള ആളാണെങ്കിൽ ഉറപ്പായും ഒരു പ്രാവശ്യം എങ്കിലും എഴുതുമല്ലോ...."

"ഹിഹി..."

"കിളിക്കല്ലേ...കാര്യം പറ"

"എനിക്കതിലൊന്നും വല്യ വിശ്വാസം ഇല്ല ഇക്കാ...."

"അതെന്ത..."

"എന്തോ... അങ്ങനെ ആണ്...അല്ല ഇങ്ങക്കോ...."

"ഉം....23 വയസ്സായി...പക്ഷെ ഇതുവരെ ഒരു പെണ്ണിനോടും അങ്ങനൊന്നും തോന്നിട്ടില്ല....പക്ഷെ ഇപ്പൊ ഒരാളെ വല്ലാതെ ഇഷ്ട്ടായിട്ടുണ്ട്...."

"ആഹാ...ആരാ ആ ഭാഗ്യവതി...."

"പറയാം....ഇനിയും സമയം ഉണ്ടല്ലോ...."

"ഓഹ്....ആയിക്കോട്ടെ...."

പിന്നെയും ഞങ്ങള് ഒരുപാട് സംസാരിച്ചു...

"നിഷൂ...."

പെട്ടെന്ന് ഒരാൾ വന്ന് വിളിച്ചു.... ഞാനും നിഷാദ്ക്കയും വിളിച്ചയാളുടെ മുഖത്തേക്ക് നോക്കി......
_________________________________________
തുടരും 💛
SahalaSachu